صباح / مَساء الخير
أخباركم يا حلوين !!
[ هههههههه مُتابعيني الحلوين .. هدوآ هَدوآ علي بالسناب تَشات وَ الله حددت وَقت حتى ألزم نَفسي بالغَصب أفتح حَساب ]
وَ فعلاً فتحت الحساب لكن وَ الله مِن خلصت الإجازة وَ أنا جداً مَضغوطة ، وَ عندي كثير أمور مُعلقة وَ تحتاج تركيز ..
أنا مَوجودة بَس عالخَفيف ، وَ وَعد مني راح تَشوفون شغلات مُميزة مِثل ما عَودتكم لكن إصبروآ علي شَوي
أصلاً أحس حرآم أحط فيه شيء وَ بعدني ماوَصلت لـ ١٠٠ ألف مُشاهد للسنابه الوَحده
بالرُغم الرَقم إللي وَصلت له صَدمني وَ الله ، وَ غمرتوني بالحُب وَ الدلع وَ التعليقات ..قلبت طَماطمه مِن الخَجل
وَ لا وَصلني للآن أو فتحت تعليق سلبي ( مَعقولة !! .. شَكلي بحسد نَفسي ) ..
يَمكن فيه شيء ما بَعد فتحته – الله أعلم – ، وَ أعتذر للي ما قَدرت أفتح مَسجاتهم بس قَد ما أقَدر أحاول أغطي جَميع الأماكن
وَ أحبكم وَبس
حبل المُقاومة ( Resistance Tube and Band ) ~
حَبل المقاومة مِن المعدات الرياضية القديمة إللي بدأ إستخدامها في تمارين إعادة التأهيل وَ العلاج الطبيعي وَ تمارين المرونة وَ كسبت شعبية بعدها للإستخدام في البيوت
للي ما يعرف وِش هُو حبل المُقاومة أو الحبل المطاطي ، عبارة عن حبل مرن مطاطي يجي بعدة أشكال
غالباً ماينتهي بِمقبض على الأطراف عَشان يسهل علينا مَسكه وَ إستخدامه بعدة أشكال
إللي يميزه إنه يجي بِعدة قُوى وَ غالباً نميز قوته حَسب لونه
تقدرون من خلاله تمرنون أي عضلة في الجسم حتى لـ تمارين مثل السكوات
مِن المُعتقدات الخاطئة عند البعض وَ خاصة الذكور إن هالأداة خفيفه وَ تناسب كبار السن أو البنات ، لكن فعلياً نَظرة خاطئة
مِن أهم الأسباب إللي تميزه ،’
ـ سعرها جداً رخيص مُقارنة بالأثقال
ـ ما تاخذ حَيز كبير في التخزين تقدرون تحتفظون فيها داخل أي درج
ـ خفيفة الوزن وَ سهلة التنقل وَ هالشيء يخليها مُلائمة للسفر
ـ تجي بعدة قوي ، خفيف وَ متوسط وَ قوي ، وَ حتى القوى الوحدة ( الحبل الواحد ) تقدرون تتحكمون بقوته تستخدمونه بأقل مقاومة وَ نفس الوقت بأقصي مقاومة
ـ تقدرون تمرنون أي عضلة في جسمكم
ـ سهلة وَ فعالة وَ تحرك الجسم بشكل متناغم
ـ بديل جيد للأوزان وَ يمكن دمجها مع الأوزان الحره للوصول لنتائج مُمتازة
ـ تنوع وَ سهولة التمارين بها وكَ ثير من التمارين إللي متعودين عليها تقدرون تطبقونها مع إدخال حبل المُقاومة بها
ـ يمكن إعطاء تنوع بالتمارين وَ تأثير أكبر عن طريق تعليقها بالباب أو مِقبض الباب أو أي عَمود ثابت مَوجودة بالبيت لمُحاكاة أجهزة النَادي الرياضي
– العضلة تتمرن بالإنقباض وَ الإنبساط
ـ خطر الإصابات أقل حدوث مِن الدمبل العادي ( خاصة للمبتدئين )
أنواع حَبل المُقاومة ( Resistance Tube and Band ) ،’
غالباً مايكون اللون رَمز لقوة ، القوة طبعاً الألوان تختلف حسب ماركة المنتج لكن بعيطكم مِثال مرتب من الأضعف للأقوى
اللون الأصفر : مقاومة خفيفه نسبة المطاطية كبيرة ، تستخدم لعضلات مثل عضلات الكتف وَ الساق لأنها ماتحتاج مُقاومة كبيرة
اللون الأخضر: مقاومة متوسطة تستخدم لعضلات مثل البايسبز وَ الترايسيبز
اللون الأحمر : مُقاومة مِن متوسطة إلي شديدة ، تناسب العضلات الكبيرة مِثل عضلات الصدر وَ الظهر أو لتمرين كامل الجسم للي يبنون عَضلات
أيضاً فيه ماركات يكون أقوى شي عندهم اللون الأسود
أيضاً بالغالب تختلف القوة حَسب سمك المطاط لو تركزون كل مازاد السمك زادت المقاومة وَ القوة
حَبل المُقاومة الخاص بَي ،’
النَوع الأول : يجي بدون مَسكات وَ قوتين هذا بالنسبة للي عَندي وَ سهل لتمارين السترتشينق وَ اليوجا وَ مُناسب للمُبتدئين وَ كبار السن وَ يستخدم أيضاً لإعادة التأهيل ، جداً جداً بسيط
شَوفوا هِنا طرق إستخدامه وَ لاحظوا يد البنت لافته على يَدها عشان تَزيد القوة ، وَ برضو تقدرون تربطونه بحيث يكون مِثل الحلقة وَ تستخدمونه وَ البعض يجيك حلقة جاهزة بس مايَحتاج هذا مُتعدد الإستخدام
النوع الثاني : وَهو الشَكل الأساسي وَ بالنسبة لي مُهم وَ سهل الإستخدام وَ فعال جداً مُش لعبة لو جربتوه بتعرفون مَدى الشد إللي يسويه للجسم
وَ يسوي مِثل التناسق لشيب الجَسم ، أماكن ما عُمرك عَديتي عليها راح تَمرنينها بَدون قَصد ..
فعلاً يستحق الشَراء ترآه رخيص الواحد بين ٧٠ إلى ٩٠ ريال حسب الماركة مَب غالي وَ فيه أرخص بكثير بأمازون بَس أنا مِن النَوع إللي أحب أغراضي تَكون مَرتبه وَ مُتناسقة ، وَ ركزوا عالأسهم
– الفوشيا : قَوه ١ وَ هي خفيفة
– الرمادي : على كَحلي : قوه ٢ وَ هي مُتوسطة
– التركواز : قوة ٣ وَ هي قوة عالية
دايم لما أنزل كيلو أو نَص كيلو ، لازم آلقى ردود تتفلسف بالأثقال ليش كذا !!
هذا كَم وزنه !! ، بنات بطلوا هالحركات أرجوكم ترى فيه تمارين لازم تستخدمين فيها نَص كيلو وَ لو ربع كيلو ماعليه
مُش كل التَمارين ثقل واحد وَوزن واحد ، فيه أثقال وَ أوزان وَ قوه تُستخدم لتسخين العَضل
[ فَخلوا عَنكم البربرة الفاضية ، مَب تشوفين وَحده ترفع ١٥ كيلو ترفعين مَثلها ، إنتِ عارفه ليش هي رافعة ذا الوَزن !! وَ مخصصته لوش !! ]
هذا اللوك لوك لوك الزايد مَامنه مَنفعه ، إتفقنا !! ..
عيوب حبل المقاومة ~
أحياناً مِن الصعب وجود نقطة إرتكاز ثابته تقدر تعلق فيها الحبل ( مَثل هالصَورة )
طبعاً بعض الماركات تلافت هالمشكلة فصارت توفر مقابض خاصة لها لكن أكيد سعرها أغلى من العادي ( ماراح أخوض بها الآن لكن راح أفرد لها تَدوينة بعيداً عن السلسلة ، أنا أكتب لُكم الشيء الأساسي وَ التقليدي وَ بسعر بمُتناول الجَميع )
إذا علقتيها غلط مًمكن تعطيك لسعة مُحترمة أو تطيح إنت ونقطة ارتكازك
مِن العيوب أيضاً محدودية الأوزان يعني تقريباً تعطيك حَول ٦ كيلو إلى ٨ كيلو لكن إللي حابين يبنون عضل يحتاجون أوزان أكبر
أي إن الحبل يوقف عند نقطة معينه للي حابين يضخمون
نُقطة مُهمة أثناء الإستخدام ،’
– يراعي تثبيت الحبل في المنتصف وَ جعل الحبل متساوي الطول
أيضاً اللعب في مُستوى قوة الحبل الواحد عن طريق الشد ( شَوفوا الصور )
بهالصورة لاحظوا شلون البنت مَبعدة رجولها عشان الحبل يَنشد وَ يعطي تأثير وَ مقاومة أقوى
( تَدرون بهالحركة مَثلاً لو حبل المُقاومة إللي عندها خَفيف مُمكن يصير مُتوسط القوة بَدون ماتَحتاج تشتري أكثر مِن واحد )
أيضاً مُمكن تشكلون الحَبل على شكل دائرة وَ تدوسون عليه ( مَكان الدوائر الصَفراء ) مثل هالصورة
راح يكون التأثير أقوى لأن المقاومة بتكون أشد ، أيضاً مُمكن تلفين الحَبل بقبضة يدك يعطي نفس التأثير
وَ هُنا إستخدامات بسيطة لَحبل المُقاومة ، بالإمكان البحث باليوتيوب بصيغة ( Resistance Band Exercise أو Resistance Band Workout )
ماقد يخطر على البال ~
– مَن وين نَشتري حَبل المُقاومة ؟
مِن جميع المَحلات الرياضية بتلاقونه ، مافي مَكان مُعين بَحد ذاته
مَوجود ترى بنايك وَ أديداس وَ ريبوك ( كماركات ) وَ موجود برضو كماركات مُتخصصه وَ زي ماقلت لكم لو بتشترونه مِن أمازون أرخص
أنواع غير إللي عَندي بس مُتخصصة وَ السعر رخيص للواحد مايزيد عِن ٩٠ ريال لو بالغنا بَالسعر وَ مُناسب للسفر للي يسألوني وَش نسوي لما نَسافر
– مُمكن يلسعنا أو يصير زي النبيطه ؟
مُمكن جَداً وَ صارت لي كُنت أتمرن وَ مفهيه وَ لا ثبتته برجلي زَين ( ترى الشَوز يثبته حتى لو خايفه لفيه على قاع الشوز ) ، مَآلقاه إلا تَرن بعيني ، لأن كَنت مَنسدحه وَ أسوي به تَمارين المَعدة ، هو مُش مُخيف أبداً بس وَجب ذكر هالنَقطة عَشان تنتبهون وَ تحرصون على تثبيته وَ لفه زَين ، ما نَبي إصابات
كَلمة مِن مُحب ،’
بنات إبدوآ رياضة ، بجد مو شرط تتفلسفين وَ تشترين مُعدات إنتِ ماتعرفين لها
أو ما تَعرفين شلون تستخدمينها وَ تاليتها تسببين لنفسك تمزق أو أي إصابة ، المُهم البَداية لو تمشين عالأقل ٢٠ دقيقة باليوم
تحركوآ بالحركة بركة ، وَ إستصعاب الأمور ما يؤدي لنتيجة سوى الإهمال وَ التأجيل
أهم شيء شوز رياضي + برا رياضي ( الشوز يقلل الصدمات وَ يعطيك راحة أثناء المشي وَ الحركة وَ البرا زي ماسبق وَ قلنا يحافظ على الصَدر ) ..
أدري كثير وَدهم يسجلون بنوادي طيب لو الظروف صَعبة !! بتلزمين نفسك شهر أو شهرين وَ بعدين
وَ إللي أصلاً بمنطقتهم مافي نَوادي !! .. أضعف الإيمان المشي لا ضرر وَ لا ضرار
البنات إللي وَزنهم كبير جداً إتباع التمارين بَعشوائية بعد ينتبهون مِنها ، إنتِ وزنك كبير تقومين تشوفين تَمرين وَ تقلدينه
النتيجة عقب فترة إصابة أو إحتكاك بالركبة أو … أو … فحسوا بأجسامكم وَراعوها
إذا عَندك عزيمة وَ إصرار فكأنك مَلكتي كنوز العالم ( تَقدرين تغيرين الكثير ، لا تَقولين ظروفي وَ ماعندي شَفت بنات ماحيلتهم شيء غيروا بنفسهم الكثير وَ صاروآ شيء )
وَ لا تستحين كَونك تتدربين بأقل الإمكانيات أنتِ مُجتهدة وَ طَموحه
إستثمروا بأجسامكم ، أكثر مَظهر مُحزن إللي تَدفع ٥ آلاف على شَنطة براند
وَ مَعطيه جَسمها الخامس ( تَحزني ) ، جَسمك لو صَح بيلفت نظر أكثر مِن هالشنطة الماركة ، أي شيء بتلبسينه بيطلع عليك حَلو
الرشاقة وَ الجسم الرياضي ، تغيير لوك أكثر مِن صبغة ، أكثر مِن عملية تجميل ، أكثر من حقن بوتكس وَ فيلر ، تَحسن البشرة
كُل سحر بالرياضة ، بس الكسولين يدورون السهل
كَمثال عربي هيلدا خليفة ، جَسمها زي الحديد إسم الله
وَييييين فناناتنا الخليجيات مَظهر مُحزن كيلو فيلر بالوجه كأنها بالون مَنفوخ ، وَ إسفنجة رازتها لنا وَ إبتذال نفسي وَحدة فيهم تستحي وَ تقوم تسوي رياضة
إللي تَهتم بالرياضة على نحفها بلقيس فتحي وَ هند البحرينية جداً تحسن جَسمها ، وَ الباقيين ما هَمهم أصلاً ليش !! لأن الجمهور مايَهتم ..
وَ القرف الثاني إللي جابوه لنا ، نَحت الذقن ..
طبيعي ذقن يعاني مِن دبل تشن ، يعني مَعدة فيها كَرش
نحت الذقن للحالات الصَعبة مَب لوحدة طفشانه بالبيت وَش بغير !! إيه عندي شوية وَزن تعالوا نشفط مِن هنا
سَوي رياضة زي العالم وَ الناس وَ بتروح ( إلا إذا حالة مُستعصية )
[ إللي ما تَبي ترحم نفسها ترحم أطفالها عالأقل الأطفال مَسؤولية الأهل ، إنتِ وش تأكلين أطفالك ، شَلون تربينه وَ تنظمين حياته راح تَحصدينه وَ لا كبروا راح يلومونك إنتِ ماراح يلومون أحد غيرك ، وَ معهم حق بإلقاء اللوم ]
هذي كَلمتي لَكم ، وَ كتبتها بِناء على طلباتكم لي إني أحفزكم
مابينفعك تشوفين رشاقة فلانه وَ لا عِلانه ، وَ لا بينفعك تجلسين ٣ ساعات على شَبكات التواصل تشوفين وِش يصير بالناس
إنتِ !! إنتِ !! وش يصير عندك فكري بحياتك ، وَ لا تتعذرين بالوَقت ( لأنه خرطي ) وَ لا تتعذرين بالمَساحة بالبيت ( لأنه خرطي بَعد )
مابيكون بيتك أصغر مِن بيوت لندن وَ مع ذلك يسوون ، العذر بَمخك فقط لإسكات ضَميرك
وَ لا يحتاج كُل ماجاء عَيد وَ شفتي أحد صار أحسن مِنك تحلطمتي وَ مديتي البوز
وَ لا نحتاج هالنفسيات إللي حارمه نَفسها وَ كسلانه وَ لاشافت الأفضل تَحاول تَحجمه ، إشتغلي عَلى نفسك كُلاً يشتغل على نفسه
مو ينشغل بالنَاس !! ، بعد ما تجتهدين وَ تتعبين وَ تأدين إللي عليك تبدأ الفروقات الربانية تَظهر ، يعني إللي ربي خلقها بصدر صغير أو كبير أو مؤخرة صغيرة أو كبيرة
أو خَصر مِثل خصر النَملة ، وَ إللي بنيتها ناعمة وَ إللي بنيتها جلفه ، هذي كُلها عَطايا الرَحمن وَ كلاً حلو بطريقته وَ طريقة تعامله مَع المَوضوع
فلا تَحطين ببالك أبي أكون مِثل فلانه وَ لا مِثل علانه ، كُوني أنتِ ، لا عندك عظم فلانه وَ لا عضلات علانه وَ لا إنخلقتوا لا بنفس الزمن وَ لا الجينات
وَ حتى لو كَنتوا توأم كِل شَخص له كيانه الخاص ، إللي يوجب عليك إحترام هالكيان وَ ماتكونين نُسخة مُستنسخه
بإذن الله الجَزء الخامس بيكون خلال شهر فَبراير ( أدري مَواعيدي شَوي مُتباعدة ) لكن أفضل إن المَعلومة ترسخ بالذهن
وَ أخاف أوعدكم بَموعد قريب وَ أخلف بِه ، خاصة هالفَترة جداً مَضغوطه وَ نظام حياتي تَغير
سلسلة النادي الرياضي المنزلي ~
النادي الرياضي المنزلي الجزء الأول | كيفية إختيار الكرة الرياضية ( GYM BALL ) إضغطي هُنا
النادي الرياضي المنزلي الجزء الثاني | السجادة الرياضية وَ أنواعها ( المات الرياضي ) إضغطي هُنا
النادي الرياضي المنزلي الجزء الثالث | كل ما يتعلق بنط الحبل ( JUMP ROPE ) إضغطي هُنا
النادي الرياضي المنزلي الجزء الرابع |حبل المقاومة (Resistance Tube and Band) إضغطي هُنا
دُمتم بَحب
تم
????ما فيه احد ينافس هالبت؛ رحبا حلوه طلتك
صباح ومساء الشوق
متعطشه لسوالفك وحكيك وردودك
عاد من سمعت صوتك تذكرت كلمتك مع ليون اح يعور صوتك الاول كله حنيه ام ع ولدها وصوتك بالسناب كله حياء هذا تفسيري ههههه
وخذي راحتك ياعسل خلصي امورك المهمه ورتبي وضعك وتفضي لسناب كل شي ملحوق عليه وبنشبع بسوالفك ووجودك لا تضغطي نفسك
عاذرينك الي مارديتي او قراتي كلامهم مالي نصيب لا دايركت الانستا ولا سناب ? زحمه زحمه تعرفي حسيت بزحمه المسجات بالسناب مثل زحمة المحاسبين قبل ليلة رمضان هههههههه
حبل المقاومه عندي من فتره مااذكر شريته او جاني هديه ناسيه لكن ماسويت فيه تمارين كنت ابحث لتمارين بالعربي ومالقيت
عرفت الحين تفاصيل كثيره عنه يعطيك العافيه ماقصرتي والله وضحتي كل شي
وحبيت اخر التدوينه التسويف وتكبير الموضوع والاعذار الواهيه موجوده بكثره وانا مايذبحني الا كلمتين نحيفه ليش اسوي رياضه والا ترا بالنهايه بياكله الدود ليش اتعب عليه
واذا جت مناسبه تدور ع خلطه تنحف
جاري نسخ كلامك ونشره بعد اذنك طبعا
وشكرا لك من اعماق قلبي انتِ السبب بعد الله في حبي لرياضه ومعلوماتي وتطوري باسلوبك وكلامك ونصايحك وردودك حببتيني فيها
ومن بدات فيها ادمنتها احسها سر من اسرار سعادتي وروقاني
انا كذا تو قايلتلي وحده انت نحيفه اذا نحفتي اكثر من كذا بتهلكين ” لأنها عرفت اني سويت رياضه قبل لا يجون ” والله حلو لما الواحد يتحفز وما يخلي حاجه تعيقه ولا ييأس ?
هلا بك ياعسل معقدي معي عليه صك عشان كذا مااحد ينافسني بحضوري ??
كلام الناس كثيييييييير ويحبون التحطيم دام عندك عزيمه وهدف كلامهم ماراح ياثر فيك
لو مجربين الاحساس والشعور الي نعيشه بعد الرياضه ماتكلموا
تصدقين شافني قريب لي قالي باسالك ابوك مايصرف عليك حارمك من الاكل ؟؟ شفتي تفكيرهم شلون وصل
قلت ايه ناوي يتزوج الثانيه ويجمع المهر الحين عشان كذا انا نحفانه ??? ماياكلني
كما عودتينا دائما تدوينات مفيده وشامله ،، ماتتخيلين وش كثر نستفيد منها ،، الله يعطيك العافيه ?
تم
الحلوين رآيقين اليوم بالسهر معاكي وعلى تدويناتك و أحلى شي انها رياضيه وكمآن نسمع لي اليسا الروآق 10 على 10
.
.
انا و الرياضه شي صرآحه اول مره بديت فيها تقريبا أستمريت شهر بعدين وقفت مده طويله والحين ماشيه على نظام 3 شهور مع نظام عذائي اشياء عدلتها في أكلي واشياء زدتها صرآحه سوت فرق وكل شي ماشي تمام الحمدلله وَ اللي لاحظتوا نفسيتي تغيرت سرت نشيطه كمان أكثر بشرتي تحسنت فعلا مع الرياضه .. أستخدمت قبل المقاومه النوع الاول في كذا تمرين النوع الثاني لا هو ولا حبل النط قىدره الاقيه كلما اروح يا مافي او مخلص .. الاثقال بادئه بكيلو واحد الى 2 و 3 تقريبا على حسب التمرين لأيش ..
تبي لصرآحه انقذتيني كمان لاني ساعات سافر حق ابو اسبوعين او اكثر وابتلش
.
بنت خالتي اللي حكيتك عندها رآحت نادي تقول المدربه نفسها اللي تدربنا جسمها مو ذاك الشي يعني قالت بطنها وَ خرابيط ثانيه فكيف كذا يعني شي مايشجع صرآحه وانا ماقد جا فبالي نادي لاني عارفه وش اللي ينحف جسمي يعني فاهمه عليه بس جاة فتره الهرمونات تلخبطة فكان سبب سمتني شي بسط يعني والحين كل شي بيرفكت .. اذكر مره ماما قالت بالنت لمن يكون جسها حلو ان شاءالله لو لبست خيشه بتطلع تجنن و فعلا كلامها صحيح ومن الاجسام اللي تعجبني جويل أحب جسها وكمان ماهي نحيفه مره اتوقع لانو عظمتها عريضه فجسمها أنثوي يجنن ( رأي الشخصي ) وَ بلقيس كمان
دمتي بسعآده
توسه قلبي ايش المفروض مثلا ناكل قبل الرياضه او بعد ، بعد الرياضه لازم ناخذ بروتين عشان العضل تكون ساخنه ف تحتاج شي تمتصوا عشان تستفيد ومانرهق الجسم وانا ماعندي خلفيه كبيره فذا الموضوع ولا اعرف ايش اخذ بعد التمرين وذا شي مهم
تم
تم تم تم
مكاني ?
ربي يسعدك وتسلم هاليدين ما ننحرم منها ? اكتشفت ان جالسه أعطي نفس اعذار سخيفه أولها ما عندي الأشياء الأساسيه كملت أغراضي طلعت لنفسي عذر أنا الحين مشغوله مناسبات وطلعات وبستغل الاجازه خلصت الاجازه اوه دراسه ما فيه وقت و بلا بلا بلا اعذار مالها نهاية بس خلاص ستوب يا أنا وأبدي رياضه عاد تصدقين جسمي دايما يمدحونه وانه حلو صحيح أنا لما اشوف نفسي بملابس يعجبني بس خليني انزلها اكره نفسي أقول حرام هالشحوم الزايده وانا توني بعمر الزهور ، الي يهدي امهاتنا عودونا على قلة الحركه والدلع ان شاء الله بوقف هالمهزله قريب ? تعليقي بقدرة قادر صار فضفضه ? I love you ?
لا تعلقو غش ??
?
ما اصدق يا ارتوسه أني كتبت تعليق في مدونتك دايم اتابع بصمت وأستفيد منك كثير
حبل المقاومة انا من مدمنينه جدا ممتاز ونتايجه مبهره
يعطيكي العافيه صراحة حمستيني انا كل ماأقرر أسوي رياضه يومين واطفش واتكاسل حضيف الموضوع مع خططي الجديدة وان شاءالله استمر المره دي بالاشياء البسيطه حجربه قريب .. شكرا ياجميله دايما تلهمينا بكل شيء جديد ومفيد وتشجعينا ، نحبك ❤️
تم ????
صبَاحك خير آرتوس ✨?.
لي عودة لِ قراءة التدوينة بالكامل .. بس حبّيت أترك لي تعليق بسيط .
* حاولت اسوّي كومنت قبل شوي بس ما ينرسل مدري ليه !! *
– لوڤ يو ?? .
هلا وغلا بتوسه….
٦ تعليق شي ممتاز وتراني اول مره اكتب تعليق هنا انجزت بصراحه ههههههههه
ارتوسه صيري صديقتي
ماشاء الله كفيتي ووفيتي ..انا استمر عالرياضه وبشوز رياضي ولمن بالاجازه سافرت ماخذت معي العده وعملت رياضه بدون شوز وياجتني الالام بالركبه وريحت 4 ايام واليوم برجع باذن الله ..وحبل المقاومه حاطته ببالي بس كنت محتاره بالقوه بس الحين عرفت وش ينفع لي .
والرياضه متنفس ومتعه محروم اللي ماجربها ..بطلوا كسل زي ماقالت ارتوس وتحركوا واتركوا الاكلات الممرضه والمشبعه بالدهون والوجبات السريعه مافي احلا من طبخ البيت النظيف والصحي الحمد للله لي سنتين على الاكل الصحي توحمت على كل شي مضر من الله وبعد الولاده وعدت نفسي مارجع لها وصرت اتقبل الاكل الصحي والحمد لله بس عزيمه واراده قويه وتحدي للنفس بنوصل لمبتغانا ..وتصبحوا عل خير
تمم
بقرأ التدوينة والي رجعة بتعليق طويل ان شا الله ?
يامية اهلا وسهلا نوور السناب والله .. انا عندي اقتراح لو تسكري التعليقات بالسناب وتخليها عالانستا احسن مشان تقدري تشوفي ردود الكل .. او انك تسكريها و تفتحي التعليقات بالسناب لساعة او ساعتين تقرأي وبعدها تسكري ..هيك اريحلك طبعا مجرد اقتراح..
والتدوينة بتفتح النفس دائما هيك التدوينات الرياضيه ممتعة .. حبل المقاومة م جربتو كنت حس استخدام الاوزان اسهل > ابو الاحساس المعوق
عالعموم انا وقفت من فترةتمارين الي فيها مقاومة او اوزان من كم شهر .. كنت اتمرن اسبوع اسبوعين بعدين وقف شهر بعدين ارجع بعدين وقف وعلى هالحال…
كنت حس بتعببب مو طبيعي بعد ماخلص التمارين واساسا جر حالي جر لاتمرن .. فحسيت انو في شي غلط و وقفت
عنجد كنت حس حالي ضايعة انو انا بدي العب رياضه بس بدي حدا يوجهني يعملي جدول )وبتعرفي النوادي هون بالرياض كيف ماعندن هالخبرة الكافية والغالبية مو دارسين بهالمجال اساسا(
كنت افتح علليوتيوب وشوف مقاطع وعالانستا كنت تابع حسابات رياضه حتى كنت تابع وحدة بتنزل تمارين وتمارينها حلوة بس جسمها م بيعجبني كيرفي بشكل اوفر اتوقع بتعرفيها اسمها افراح… مابعرف كنت حاسه اني بالطريق الغلط وحتى ماعندي لياقة بالمرة م بعرف (بتوقع كمان النقص الي بفيتامين د الو دخل )
المهم حاليا بس بمشي المشي الرياضه الوحيدة اليب عشقهاااا كل يوم بمشي من نص ساعه لساعه ع حسب.. بس عنجد اكتر شي بروقني وبطلع كل الطاقه السلبيه مني المشي خصوصا لما اسمع ميوزك وانا عم امشي الله عالرواق الي بحسو بعدهاا < انبني ضميري لما قلتي اضعف الايمان امشي 20 ساعة حسيت اني فعلا مقصرة
.. وانا عارفه اني مقصرة كتير من هالناحية بس لهلأ مالقيت الشخص الي بوثق بمعلوماتو بالرياضة غيرك ف ياريت تكتريلنا التدوينات بهالموضوع لانو اناوكتييييير بنات بحاجتها اكتر من تدوينات الميك اب والعناية
ويسلمو هالادين ع تعبك وجهدك
الله يسعدك يارببب??
معلش قصدي 20 دقيقة مو 20 سااعة ههههههههههه
هيك بنوصل ع سوريا مشي ازا كل يوم مشي 20 ساعة ??
مكاني ???
هلا هلا ، والله كلامك يجنن أحسه ع الجرح
عاد تدرين كذا مره أروح ولا ألاقيه ?? بس دايم أقول بروح لإني أروح المحلات اللي بالمول عاد الصراحه محد يحمسني غيرك لمن تصورين سناب أتحمس وربي ، وكلامك آخر شي عتاب حلو والله
عاد عندنا ناس هنا يبطون الكبد اذا نحفتي قالو يازينك دبا
امتني شوي ولا اذا جاك عريس قالو كلي خلي اللحم يطلع
اه ياقلبي بينفقع منهم ?
من جدد يوم نحفت يقولون لي خلاااص وقفي !! انا اذا ما وصلت للشي اللي اطمح له ما رح اوقف هو اكثر شي فيني الترهل مو السمنه كان وزني مفرط وصصل للوزن الطبيعي تقريبا
هذا اللوك لوك لوك الزايد مَامنه مَنفعه ، إتفقنا !! .. ما ودانا ورا الا هاللوك لوك لوك 🙁 الرياضه عامل جدا مهم في بناء صحة اجسامنا للاسف الشديد اغلبنا يهملها .. و انا اولهم رغم اني من زمان احب الرياضة و امشي عليها فترة و اسيبها بعذر ان اغلب وقتي كان دوام .. لين ما بدأت اعاني من كتفي وظهري و اكتشفت ان عندي مشكلتين مالها حل طبي نهائي و الحل الوحيد اللي ممكن يخفف من الالام هو العلاج الطبيعي و اول ماجربت العلاج و الرياضة ومتى فعاليتها على جسمي قررت اني ما اهمل فيها ابدا و احاول قد ما اقدر اذا ما رحت النادي اتمرن حبل المقاومه اللي عندي ومن جد مره سهل استخدامة في البيت و تقدري تسوي بيها تمارين مختلفة … و اكيد مستحيل مافيه تدوينة ممكن تكتبينها و ما تضيف معلومة جديدة .. علمتيني اني اقدر اغير مقاومة الحبل و بعض التمارين الجديدة اللي اول مره اشوفهاا في التدوينة .. الله يبارك لك بوقتك يااااااااااااارب و بكل شي تملكينة
دمتي بسعادة
انا بلشت رياضه من ثلاث شهور الخمدلله كنت اعمل زمان واقطع فتره بس هسه ملتزمه بمشي مع مدربين عالنت برنامج معين وبخلصه وببداء بالثاني بتحسي فرق بالجسم بكفي يكون مشدود وما يزيد وزنك وشوي شوي بلشت اشتري معدات رياضيه وحمستيني بصراحه ع حبال المقاومه انا كنت اخاف اشتريها عشان خفت تلسعني وتخبط بوجهي ههههههههه بس راح اشتري ان شاء الله واحد واجرب تسلمي ارتوس ربي يسعدك
اااااه كم احبكي??
ياصبااح النور والسرور …
والله روعه ويحمس ??…
احب التمارين اكثر من الكارديو … الكارديو لومعصبه يصير لي متنفس ونفسي امشي مااوقف ??..
لافض فوك كثري من هالكلام والله ماتتخيلين قد ايش انت مؤثرة ونفسي كثير يسمعونه ..
ياللا نكمل هناك ياقمر السناب??
تم??.
ياجمالك ياتوسه بجد بجد انتي اكثر وحده شجعتني ف مجال الرياضه خاصه انك تعطين المعلومات من قلب و الحين لي 4 شهور من بدات امارس الرياصه فرق ف النفسيه و النشاط و الصحه حتى ولدي الصغير عمره 4 سنين صار ينط معاي و يعرف اسماء التمارين ? ويزعل اذا صحيت الصباح قبله و خلصت تماريني و هو نايم …على اني الحمدلله ما اعناني من سمنه و الحين بدات اكون نادي الصغير و كل فتره اشتري حاجه الحين اغلب الى عندي الاساسي الشوز البرا و المات و دامبلز صرت لمن اشتري جاحه للرياضه افرح فيها اكثر من كريمات العنايه الى مههوووسه فيها ?❤ …حاسه اني طولت بس بجد احبك ارتوس و ربي يجعله ف ميزان حسناتك ❤❤❤
ياااازييينه حبيييت هالشي انو طفلك تعلم عن طريقك وصارت له متعه ???احلى شي احس اني تحفززت مررره
ي مساء التحفيز ?
توسه أقرأ كلامك بصوتك وأتخيلك توجهينه لي ???
أول حاجه أرسلت لك ع السناب ومعذوره ماشفتيه
ثانيآ توسه ? انا وزني ٤٤ وعندي بنوتتين صعنونات
يعني يفكرونهم اخواتي ولا انا خالتهم ?
أنا والله أحيان عاجبني انو مبين عليه اني صغيره وكثثثثثير مايعطوني ع عمري
بس اللي حولي ويمونون علي مو عاجبهم اتخني كلي زيدي وزنك اللي يشوفك يقول … وارجع البيت وانا مودي اكسس بسبب كلامهم
زوجي يقول خليك كذا صغيره ماودي تكبرين
بس مره كنت ماشيه معاه وداخلين للسوق قالي تصدقين كأني ماشي مع بنتي ?? والله الكلمه قهرررررتني وقررت اني ازيد وزني لان كلام اللي حولي مأثر بس احاول اداري وجاء هو زاد الطين بله ..
المهم إنو بحكم اني نحيفه كنت مستبعده الرياااضه
بس بعدين عرفت انها تحفز الشهيه وتجدد الجسم فقررت ????
والله يثبتني واتعمق اكثررر
سامحيني طولت بس انتي صايرة حبيبة القلب واحب افضفض لك
وكمان كل اللي يردو والله اني احبكم واستفيد من كلامكم
الله يجعل الفردوس مثوانآ ???
بعد اذن ارتوس حابه ارد عليك ?
انا بديت رياضه من سنه وشي عشان أزيد وزني مو اخسر وزن مثل مو الناس فاهمه عن الرياضه مع انه تغيرت هالنظره بالفتره الاخيره الحمدلله
بديت بوزن ٤٣ والحين ٥٥ ولله الحمد
فعلا حسّيت بتاثيرها على شهيتي يمكن لاني صرت احرق اكثر وبالتالي اجوع اكثر ما اعرف صراحه
وتوني جايه من اقاربي كلن يسألني وش مستخدمه ولما اقول رياضه وغيرت نظام آكلي محد يصدق
كلامك وصل لقلبي فحبيت اقولك تجربتي يمكن تشجعك ??
واسفه عالاطاله وكل الشكر لارتوس حبيبة القلب ?
انا كمان العب رياضة عشان ازيد وزني و اقوي عضلاتي عشان تساعدني لاني زي ما ذكرت بتعليقي عندي مشكله بكتفي وظهري … عاد لو تعرفون وزني كم كان يوم بديت ما تصدقوووون 🙂 وزن يفشل بس الحمدلله .. الحين بديت ازيد و باذن الله ما تخلص السنة الا و انا واصله لهدفي … شوشو مرررررره لا تزعلي و لا تهتمي لتعليق احد يكفي انك انتي تكوني راضية عن نفسك … انا اول اعتبر بالنسبة لاقاربي نحيفة بس نحف كان عاجبني و سمراء و كمان سماري عاجبني و الناس طايحيين بالبياض المهم طفشوني و هم ينصحوني باشياء تفتح و اشياء تتخن اول شي كنت اسلك و اجاري بعدين صرت اقوووووول انا عاااااااااااجبني انا حابة نفسي كذا و في الاخير سكتو عني شوفي حتى الحين يوم نحفففففففففت مره وزني صار اقل من الطبيعي يعني نحف الله لا يوريك صار قليل منهم اللي يتجرأ يعلق .. و السمار ماعاد احد جاب سيرتة .. اذا بتشوفي الناس ترى لا زياده بتعجبهم و لا نحف بيعجبهم فأنتي شوفي اللي انتي تحبية على نفسك و اوصلي له … والله يجمعنا كلنا بالفرودس يا عسولات انتو
DeLACake
فعلا رضا الناس غايه لاتدرك ..
برافو عليك بديتي فالرياضه انا والله اخر شئ فكرت فيها
وفعلا بس من مشي شهيتي انفتحت وغيرت في نظام أكلي .. وان شاءالله ربي يحقق لنا مرادنا
الله يسعدك كلامك زي البلسم .. الله يعينك ع الفلسفه والنصايح والوحده تسويلك البحر طحينه من معلومه وحده قرتها ..
ماشاءالله عليك تعطينهم فالوجه ?
لا انا اخذ واعطي معاهم لانهم يمونون ?
الله يحققلك مرادك وتتخني وتوصلي للوزن المطلوب ويزيدك جمال ع جمالك وجمال روحك ?
حبيبي انتي الله يسسسسسعدك ???
فرحني كلامك والله وعزيمتك واصرارك ????
وحبك للخير مو زي بعض الناس تخبي ?
الله يهنيك باللوك الجديد حبيبي الاء ، وفعلا النظره تغيرت للرياضه ومنهم انا وان شاءالله اكمل واطمنك ع النتايج ??
امين ؛ معليش تعليق … حبي نفسك زي ما هي لما تسوين رياضه راح يكون جسمك بيرفكت بعضلات قويه وجميله لكن كونك انسان صغيرون شي جميل ابدا لا تحطمين نفسك ؛ يمكن زوجك موب قصده ويبي يفرحك ويدلعك ولا عرف يعبر ” خصوصا انه يقول ابيك صغيره ما تكبرين هذا اكبر تأكيد انه عاجبه شكلك ويحبك باللي انتي فيه فباقي انتي تثقين بنفسك وتحبينها ?
anstazia2014 حبيبي انتي الله يسسعدك ?
فعلا الثقه بالنفس قبل كل شئ ..
والحمدلله أنا واثقه بس لما يجيك الكلام من ناس يحبوك اكيد شايفين شئ انا مو شايفته .. طبعا الناس هم ماما صاحباتي خالاتي هنا كلامهم يكون غير ?
الا الباقين ماحسبت لهم حساب ..
فديتك ي قلبي والله ان الرقي في شخصيتك طالع من كلامك
الله يزيدك أكثر واكثر
ربي يعطيج العآفية ،، ياليت لو تدرين انه لج دور كبير بالالهام وتحفيز والله ،، شكرا شكرا شكرا ??
متل العادة مواضيعك مميزة ومفيييدة داااايما ??
اتمنيت كتيير لو اني كنت بعمل رياضة من لما كنت زغيرة .. تأخرت اشوي لبديت اعرف واعمل رياضة لمرحلة المراهقة تقريبا وبتمر علي فترات انشغال بقطع فيها وبندم ومرت فترة قطعت فيها تقريبا 6 شهور بسبب كسر برجلي طاب الكسر بس ضليت ما اقدر ارجع اتحرك عليها بشكل طبيعي لفترة وكنت السنة يلي قبلها كمان عانيت من كسر لكتفي فكانت كتير تمر علي ظروف تجبرني اقطع او اعتمد عالمشي بس …
بال2015 حاولت انو لو نص ساعة باليوم وفعلا ايام اضغط على حالي وفضي حالي اشوي اعمل فيهن التمارين .. بالفترات يلي كنت اقطع فيها كتير حس بالفرق يعني الرياضة ماكنت حسها تفرق علي بشكل جسمي وبس .. حركتي ونفسي خصوصا بطلعة الدرج حتى لما يكون دوامي طويل واضطر اوقف واتحرك كتير حس جسمي عم يتحمل اكتر وما اتعب بسرعة وهالشي كتيييير فادني وانشاء الله ال 2016 ضلني هيك واتعلم اكتر واكيد معك ومع المعلومات والنصايح يلي عم تعطينا ياها رح اتعلم شغلات جديدة ….. يخليلي ياكي احلى سوسووو ??? مشتائتلك كتير
يسعدك ربي قد مافرحتي متابعينك بسناب بس
لاترهقي نفسك ياعسل بنسبه لي استحيت اكتبلك واخذ
من وقتك تردي علياا بسناب بس حبيت ارحب فيك ?
يكفيناا وجودك وطلتك ? وصوره كل يوم الرياضية تحممممس ??
يسلام علي التدوينه اللطيفه احب صراحتك الصادقه المحبه
ويارب يارب تنتشر عدوى الرياضه والجسم الصحي الممشوق
زي منتشرت سخافه جسم كيم والنفخ ?
حبيت حبل المقاومه عشان التنويع في التمارين يحمسس ??
ودمتي ياقلبي بسعاده تغمر قلبك الطيب ?
الله عليييييكك كلامك جمميل
من جد الوحده لوو تهتم بجسمها
والله بيلبق عليها كل شي حتى بتحس براحه
نفسيه وبثقه اكثر وبتلبس اللي تبيه بدون ماتقول هذا اللبس
مايصلح ببين كرشتي وماادري ايش ??
من ناحيتي مصلحه لي جدول ومرتاحه عليه
الحمدلله
بس حبل المقاومه مآكنت حاطته ببالي والله
بس مع تدوينتك ناويه عليه بإذن الله?
بس ودي سوس تخبرينا شنوو التمارين
القاسيه اللي مايصلح نسويها وممكن تضرنا بعدين?
الله يسعدك ي شيخه امس اشتريت حبل المقاومه نفس تبعك ريبوك لڤل ١ وكنت اليوم ادور كيف يستخدم و اش الفرق بين التاني و التالت.. حمد لله شفت بوستك الجميل ♥️♥️ كفيتي و ووفيتي ???
ياااصبااحات النشاط والحيويه والحب ♥♥
الله يزيد التعليقات والكلام الحلو اكثر واكثر وربي تستاهليننن كل خير انتي ♥♥
فعلا الرياضه شي حلو حتي نفسيتك سبحان الله تتغير وتزيين احس اصير وحده ثانيه وحده نشيطه مره ومتفائله
تمنيت اني اسوي الرياضه عمري كله مو بس اياام .. جدد حتي باليوم الي اسويه فيه رياضه تقل عصبيتي وتوتري
اصير اهدئ بكثيرررر .
فيه جمله دايم اردددها ببالي حبي نفسسسك راح تصيرين اجمل انثى.
بالنسبه للحبل المقاومه كان عندي واحد شريته مع طقم كامل للرياضه بس ماحبيته
احسه طوويل وغير كذا يتعبني او اني ماعرفت له اهم شي اني مماصار بيني وبينه توافق خخخ
وبطلت استخدمه يمكن النوع الي شريته مو شي .
انا شريته من موقع سوق دوت كوم وبالعرض عجبني مولصفاته وكذا بس لمن استخدمته بين معي
وشكرا ياجميله هالكم من العطااء غمرتينا بعطائك ♥♥
الله لايرحمناا .. والله يسسعدك سعادة الدارين ♥♥
اتمنى لك يوم سسعيد ♥♥
ياررربي وحشتني طلتك مرررة وعاد اسمحي لي بطلبك قريبا ابي تدوينة عن المكياج لانه الصدق خاطري بموضوع كذا.
هلا والله بالزين ،
الحمدلله انك بدأتي ترجعي لهالسلسله ، ترا انتِ محفزه لي عشان ابدأ..
ببدأ قريباً و جداً بس انزل اشتري الناقص و ابدأ.. تابعت مقاطع كثير للمبتدئين .. مرا شكراً لك و يعطيك العافيه على المجهود اللي تبذليه ..❤️
سوس بسألك لو ابغى استشيرك بموضوع خاص فين ممكن ارسلك بما انو دايركت الانستقرام معلق عندك ؟؟
يا اهلًا ??
عيوني تلمع حب للمواضيع الرياضيه ??
من بعد موضوع الكره الرياضيه وانا صايره احب اجرب اشياء جديده علي ومنها أغير بالروتين عشان مايصيبني الملل
احب اتمرن بحبل المقاومه مع الكره الرياضيه، استمتع فيهم
حبيته بكثير تمارين الا السكوات للحين افضل الدمبلز ? ما قدرت ارتاح بالتمرين احس فيه شي غلط يصير
وأخيرا حبيت كلامك عن الرياضه يثلج الصدر ، ليت الناس فعلا تتلحلح وتترك التحلطم عنها، لان الرياضه مو بس تغير من الشكل، تغير من النفسيه وتعزز الثقه بالنفس ولو ايش ما تلبسين يطّلع حلو عليك لان الأساس حلو ” اللبس من لبّاسه” ?
كلامكً حفزني زود ما انا متحمسه عندي حبل مقاومه لكن نادر استخدمه ومركزه على الاثقال ? وننتظر المزيد
صباح الورد ???
قبل ما اقرأ المدونه عندي سؤال محيرني ،، المقاومة أفضل قبل الكارديو او بعد؟ كل مدرب يقول غير عن الثاني
وانا احس انه ما يفرق كثير
اخاف تعبي يروح عالفاضي،، أنا أبدا كارديو وبعدين الاثقال
صباح الخير آرتوس
أول مرة اسمع بحبل المقاومة بس عجبتني فكرتو مرة
شفت جهاز في انادي يتعمل فيه تمارين كثيرة وأتوقع ممكن منهم حبل المقاومة
تصدقي كنت على فترات متقطعة اسوي التمارين اللي تكون 15 دقيقة بس طبعاً ماألاحظ النتيجة لأنو كان عندي أخطاء
وبصراحة انتي مرة الهمتيني اني اصحح اخطائي
المهم سجلت في النادي من شهرين تقريباً مع مدربة وعلمتني التمارين اللي تناسبني و صححتلي الأخطاء اللي اسويها ودحين صرت اقدر اتمرن لحالي بثقة اكتر
ولاحظت مرة تحسن وشد في جسمي مع انو ماكانت عندي عيوب بارزة
وصار عندي دافع كبير اني اتمرن
وبس يعطيكي العافية انك بتنشري ثقافة شبه غائبة عن مجتمعاتنا وتحفزي بنات كثير يتغيروا للأفضل ?
وحشوني الحلوين :$
انا غالبًا من الناس اللي يقرون وراء الكواليس الا لو حسيت عندي شي احتاج اشاركه..!
انا تابعتك من شمواه ٢٠١٢للان اتذكر لك تدوينه حركت شي من جواي خلتني اصحى على نفسي واشوف وين وصلت
لكن بدايتي الفعليه للتغير كانت من ٢٠١٤ سنة تخرجي بالضبط من الثانوي
كانت عندي عزيمه مستحيله للتغير لكن قلة الخبره بالرياضه شتتني ولاعرفت كيف ابدا اتذكر بليله من ليالي رمضان قعدت ساجده وادعي ادعي
ان ربي ييسرلي ويرشدني للطريق الصح اللي يساعدني اتغير بدون ما انضر بعدها باسبوعين بالضبط لقيت ضالتي وفهمت كل شي احتاجه من الرياضه الى
التغذيه الكامله والاكل الصحي والعادات الصحيحه حرفيا تغيرت ١٨٠ درجه ! وبديت اشتغل بنفسي بكل ذمه وضمير وسعاده
بداية ٢٠١٥ تعرضت لتمزق باربطة الكاحل جدا شديد بسبب عدم تركيزي وانا اسوي سبليت جمبز 🙁 وحرمني من الرياضه
هالشي طول معي لدرجة سببلي احتكاك بالركبه اللي برضو سببلي احتكاك بالركبه الثانيه ! ودخلت بهالدوامه سنه كامله حسيت فيها انه انوخذ مني شي احبه
الله يسامح الدكتور اللي قالي تحتاجين فقط راحه.. وصلت لمرحله مره سيئه نفسيا وجسديا لين رحت للدكتور طلال الكندي وفهمني كل شي وعلى طول بديت علاج طبيعي..
عشان الدوامه اللي دخلت فيها طول معي العلاج يمكن ٣ شهور وللان باقي ما اقدر اصلي على الارض لكن رجعت لرياضتي رجعت للشي اللي احبه
انا الحين بالضبط اشوفني وصلت لنص هدفي + هالفتره علمتني كثير كثيييير اولها اهتم باكلي واركز وانا اسوي رياضه
الشي الثاني اذا حطيت النيه ودعيت بقلب صادق مستحيل يردني ربي
حابه اقول انا جربت افقد صحتي ورجعت لي، فقدتها لجهلي ولجهل الدكتور ! لكن ابدا لاتنتظرون تفقدونها عشان تعرفون قيمتها..
قدروا نفسكم من جوا لاتدورون قدركم بماديات حبو نفسكم وتقدرون تتغيرون للافضل..
بالاخير الحمدلله على اللي مريته واكتبه وانا فخوره لاني رجعت اقوى لان هالفتره صادفت مرور ظروف جدا سيئه لناس احبهم
اخيرا انا جدا جدا اقدرك واعزك ارتوس.. كلامك هو اللي خلاني من بعد ربي اعيش هالشعور الحلو الحين ( قلووووب بوسات لين غرفتك )
كلامك جميل و مؤثر جدا 🙂 بوسات على كلامك الحلو من غرفتك لغرفة ارتووووس 🙂
صباحك رشاقة .. ?
تدرين كنت مستهونة فيه واللّه ..?
أكثر شي متحمسة له بالتدوينة الكلام الأخير أحسه جلد ع البارد وتعذيب نفسي عشان ألتزم إلتزام تام بالرياضة وتوني عمري صغير آحاول ألتزم فيها يقولك من شب على شيء شاب عليه وأتمنى أشيب على شي كويّس ينفعني .. ?
تدرين صرت أخاف أمسك الجوال كثير عشان لا أدنق عليه ويطلع لي مع الوقت دبل تشن وأحاول أسوي تمارين لهالمنطقة عندي عشان لاتترهل .. ?
أنا مبتدئة بالرياضة وأخذت برا رياضي وشوز وحبل فقط ولو احتجت آوزان أشيل كتب حسب حاجة التمرين أو قوة العضل اللي تتحملها سويت تمارين معدة وإلتزمت فيها شهر ومن بعد الشهر صرت كسلانة ويوم ايه ويومين لا بس للحين محافظة ع النتيجة ولله الحمد صدق الرياضة تعطي قوة وطاقة إيجابية لليوم كله وأتمنى من قلبي ألتزم فيها يومياً التسويف والتآجيل خصوصا لما يصير فيه مناسبة هو اللي موقفني مكاني * عكس العالم *.. ??
أرتوس مرررررة شكراً بشكل أو بآخر قاعدة تفيدينا واللّه ماندري كيف نجازيك .. لكن تأكدي دائماً أدعي لك ووقت أقرأ أذكاري أقرأها عني وعن عائلتي وعنّك ?
دمتي بحب ?
مكاني ?
ولي عوده بعد القراءه كلي حماااس ايموشن وحده مندفعه وتبي تنط حتى بالسوتيان العادي لووووول??
والله تحفيزك عالرياضة دايم يشعني اكثر واكثر .. انا اشتريت كل عدة الرياضة المهمه ومنها حبل المقاومة بس والله ولا واحد منهم استخدمة هههههههه ،، افضل اني امشي وارقص زومبا وكارديو وشوي تمارين شد لانها اسهل طبعا ?? ولا شفت نتيجه مبهره مدري متى بحس على عمري وابدا رياضة في السناب ضايفة اجانب وعرب يسون رياضة ابيهم يحمسوني وفعلا اتحمس واذا جيت اكل شي غلط اتذكرهم واتركه واقول محد احسن من اححد .. مشكلتي ان كل اللي حولي يسبون في الرياضة جربوها فتره من حياتهم وتركوها بعد ما انشد جسمهم وترتب ورجعو اضعاف اضعاف ترهل وسمنه ووووالخ وانا جسمي بالنسبه لهم جدا مثالي مع ان في قناعة نفسي يبغاله تحسييين مررة .. عاد هالسنة متحدية انا واختي بشغلات منها اجسامنا ما تخلص سنة ٢٠١٦ الا واحنا وضعنا بالسمبتيك .. شكرا حبيبتي ارتوس عالتدوينة لاني فعلا ابتلشت بحبال المقاومة عندي واليوم باذن الله راح اضمها لتماريني اليوميه
اخ يا توسه كلامك الاخير لامس قلبي
كثير من الامهات هالوقت يخوفون بجد ارحم عيالهم قاعدين يدمرونهم وهم مو حاسين او مو مهتمين اصلا البزر صاير زي الزومبي هالات من السهر وفرط نشاط من الاكل الغير صحي ويركض مهو بوعيه
الاكل الصحي يفرق اتعب وانا اقول يغير حتى نفسيةالشخص لمن الاكل يكون صحي وعضوي تتغير اشياء الواحد دافع بها دم قلبه ولا تغيرت الا من الاكل الصحي وشرب الماء
وبس قرقت واجد
يعطيك العافيه على عطائك
ربي يسعدك في الدارين وجعل من ربوك بالجنه
أحبك
ي صباح الهمة ??
م شاء الله ???? الله يسهلك ابله توساا ? انا حبيت ارسلك سناب بس استحيت و قولت شكلو ف غيري كثير ارسلو م ح تلحق ??
و أنا احُبكك لأنو تستاهلي المحبة و كل خير ?
حبل المقاومة ?? اكتر شيء قهرانة اني أخدتو ههههه فوق انو لسعني سبعمية مرا اللي أخدتو طوويل بشكل أطول من حبل النط لونو اخضر بس مدري عن شدتو اول مرة ادري انو بالالوان عندي خلفية عن قوتو بس مو انها تنعرف بالالوان ??.. المهم مشيت حالي بو و كونت الفو اكثر من مرة او اعلقو ف مكان بعيد و مشى الموضوع استخدمو اكثر شيء لعضلات الصدر و الظهر للجزء العلوي اكثر شيء لأَنِّي مني عارفة كيف استخدمو لرجولي مع طولو ?
اووووتتتتتش لسعتي عينيك بيلو ?? سلامتكك انا اهون كونت متحمسة و اسحب بقوة الا م احس عيني دمعت من قوة اللسعة ف ظهري بس اهون عاد من الفجعة م عرفت ايش أسوي غير اني اكمل تمريني و اتلسع تانيي ????? استغفر الله بس قلك فالحة ??
اشتقت للرياضتي ليا شهرين -مرة متفشلة??-موقفتها هبل هبل مدري ليه هو انا تعبت صح وقتها و لما رجعت سويتها يوم جسمي بدأ يرجف بشكل و تعبت مع انو وقتها كنت تاركتها عشر ايام بس لكن بعدين !!! احس ابا انرني بكففف من القهر ???
والله الرياضة متعة بجد المشكلة الاكل ? و لا الرياضة مقدور عليها ?? النوادي دحينا مسوية عروض ع بداية السنة ? صراحة الاحباط انا جاني من ناحية الرياضة لما سجلت ف النادي ? من اول يوم الدكتورة منعتني – برأيها تحذير – لأنو وزني اقل من المثالي و ادا نزلت ح تجيني أنيميا (خلقة ربي ايش اسويلهم ?) كانت تباني أزيد تمانية كيلو ? والله لو ايييه .. و الكوتش م كانت تحب اسألها عن التمارين و ايش وظيفتو و كذا و هي أساسًا وزنها زايد بس م شاء الله جسمها مرن الزبدة لما خلصت الكلاسات و اتغيرت قياساتي اتحمست أسجل آلات لأنو وقتها سجلت مع صاحباتي نتسلى و نشجع بعض ?-اشتقتلهم?- المهم قالتلي لا م تسجلي آلات و لا تبني عضل لساتك صغيرة و العضل يخرب الجسم ? تقولي هي كانت تشارك مسابقات و ترفع اثقال مرة عالية بس لما خلفت و كذا جسمها فرط ?? طيب انا اشلي ?
كأني طولت هرج ??? سوري ابله اتحمست ? خلاص ان شاء الله من اليوم ح ارجع شوية شوية عشان لا اتعب ????
كلامي مقربع اي نو ??
لافف يو ابله ارتوس – كوتش ??
تصدقين يارتوس يوم قلتي بتكلمين موضوع الرياضه ماتحمست لان عادة المعلومات ماشاء الله دسمة ويبي له مخ مفتح ومزاج صح بس الصدق ان الموضوع طلع سلس وحلو والاهم انك تكلمتي عن الرياضة اثناء السفر وهذا اهم شيء . وعلى فكرة حبل المقاومة هو اخر شيء كنت افكر اجربه احس صعب يبي لياقة عليها بس تغيرت فكرتي يوم تكلمتي عن انواعه ومميزات كل نوع. احس انشرح صدري لانه نعا ما صار مفهومه فكرته والاهم انه يفيد مناطق كثير بالجسم. وصراحة ذكرك حق الاسباب والانواع هو اهم نقطة بالموضوع.
وعلى طاري الاتكالية والرياضة تصدقين يارتوس انا دايما اتجنب احط اعذار لنفسي واكون بالعكس صريحة اقول لنفسي السبب هو اني ماعندي الرغبة مش الوم الظروف طبعا لي سنين اخطط عشان الرياضه اسويها وبالاخير ماسوي وشيء محزن عشان كذا انا اول ماخلصت امتحاناتي قبل اسبوع صرت احرص ع المشي وفعلا ابحث عن نوداي معينة ومازلت طبعا حاليا مكتفيه بالمشي لكن انتظر اشوف جدول الجامعة وعقبها باذن الله باقي الامور تتيسر وهدفي ان شاء الله هو اني ازيد وزن واحسن تغذيتي وتكون طلتي هالعيد مختلفه.
وبخصوص السلسلة الخامسة باذن الله حنا بالانتظار لها بكل حماس وبالعكس توقيتك جدا مناسب
احلى مواضيع تكتبين عنها هي مواضيع الرياضه اكثر شي اتحمس له هي مع اني ما امارسها بس جالسه ارتب نفسي عشان ابدا فيها
استفدت كثير من المواضيع السابقه صار عندي خلفيه شوي عن الادوات
بالنسبه للسناب انا ارسلت لك ولا انفتحت رسالتي بس عادي والله عارفه انه جتك رسساايل كثثيرره وكنت متوقعه مايمديك تفتحينها كلها بس ماقدرت اقاوم طلتك وما اكتب لك تستاهلين احلى استقبال
وشششكررا شكررا ارتوس ع تعبك
ياجمممالك ويا جمال مواضيعك ?
ماتتخيلين قد ايش حمستيني من بعد مانزلتي تدوينه البرا الرياضيه ومن وقتها سجلت بنادي وحمست صحباتي وصرت اشجعهم واعطيهم حسابك
واعطيهم من نصايحك وتغير نظام حياتهم وصارو يدعون لي ولك ?..
منجد سبحان الله الرياضه مو بس تجمّل الشكل تجمّل حتى النفسيه ?..
مره كنت بالنادي وكنت انصح البنات من نصايحك الرياضيه ووقتها تعرفت على امل ?
وطلعنا كلنا من محبات ارتوس وننشر نصايحها ? ..
وفعلاً كلامك صحيح فيه اخطاء لاحظتها بالنادي انهم مايراعون فروقات الوزن وهذا شي مره مهم !
يعني مثلاً وحده زايده عن الوزن الطبيعي ب ٣٠ كيلو مو معقوله تجبرها تنط وتكرر الحركه فوق ٢٠ مره ! ياحرام بعضهم ينحرجون ومعد يدخلون كلاسات يصيرون يشتغلون على الاجهزه وممكن معد يجون النادي يتعبون .. المفروض مراعاه للأوزان الي كذا والتدريج معاهم
انا كنت زايده عن الوزن المثالي ب ٧ كيلو تقريباً .. وكانت بعض التمارين صعبه بالنسبه لي وارفض اعملها اقول لها معليش بالتدريج ابدأي معايا
مو مستعجله انا اهم شي مايصير فيني شي .. وغير كذا مو كل المدربات فاهمات للأسف ,, كلهم قالو لي لاتاكلين بروتين بعد الرياضه جسمك بيزيد دهون !! ? بإستثناء وحده قالت لا كلي وبالعكس يرمم لك العضل الي فقدتيه وقت التمرين عرفت انها انسانه فاهمه وصرت احضر كلاساتها ..
وبالأخير محد بيكون احرص على الانسان أكثر من نفسه ،، ونصيحه لكل البنات لاتعملون اي تمرين مجهد او مرهق لكم بالذات بالبدايه ..
لو ماتيسر لكم التسجيل بنادي حاولو تعملون رياضه كل يوم بمكان مختلف بالبيت ونوعو بالرياضه عشان مايصيبكم الملل ..
اعتذر ارتوسه على الإطاله بس اول مره اعلق وحبيت اشكرك من كل قلبي واقلك تجربتي ??
يعطيك العافيه ياقلبي على هالموضوع الجميل وروحك الطاغية هي الي تخلينا نقرأ كل حرف . حبيت نصايحك كثير . دام قلمك حبيبتي . ومن تقدم إلى تقدم إن شاء الله .
عيوني قلوب ..
انا من الناس اللي اتعذر بالوقت والاغراض ماحد حمسني على الرياضه الا انتي قبل حاولت ابحث صح جمعت تمارين
حاولت اعرف اكثر بس ماطبقت شي الا بالاكل وقدرت انزل وزن ومازلت!!!!!!!
الكسل ولا هو عذر بس كلامك بالاخير قرصني جد مالنا عذر ..
من اول سنابه نزلتي فيها وزن تحسمت وصرت امشي ويارب اكمل ههههههه :$
الحبل عندي اعرف بديل للوزن بس ماكنت اعرف له اشكال واستخدام للكل يعني شلون بمرن كل عضله ؟! احس توهقت معه بتثبيت
بس الحين فهمت زين .. اتوقع خفيف اللي معي ,, حبيتوووووه ههههه ..
كثري طله بالسناب واهذري علينا صوت ههااا تعبنا نقرا ههههههه
والله صح لسانك مهما الواحد عطى لنفسه مجال واعذار م رح يسوي ولا حاجه …الساعرت اللي بالجوال نقصيها ساعه لنفسك ولرياضتك …?
العزيمة موجودة إن شاءالله وصدق اللي أتابعها وتهتم هي بلقيس تعجبني تحمسني ? أوك أنا وضعي تمام في الرياضة بس مشكلتي الأكل متى أكل بروتين فيه اللي يقول قبل وفيه اللي يقول بعد إذا تبي تكبر وإذا تبي تصغر حيرني صراحة! كف أتبع نظام غذائي أنا أسويه بدون مساعدة ؟ أنا أتبع حساب fitness Blender على اليوتيوب وبمقطع كان يقول ان البروتين البودرة زي الكذبة وإنه أخذ أكبر من حجمه يعني الأفضل إنك تآخذه من مصدر طبيعي بمئة مرة وكل شخص يقول كلام وأنواع الرياضات يعني بصراحة تهت شوي مو شوي إلا واجد ? اشتركت عندهم ببرنامج لمدة شهرين كان خليط بين الكارديو والدمبلز، والتمارين الهوائية في الإسبوع 3 مرات وأثقال بعد .. وكان في يوم أوف استراحة ومشيت عليه لمدة شهر بعدها جاتني ظروف ووقفت مع إني شفت نتيجة بسيطة بس شفت وشعور جميل مع إنه كان متعب وقرأت لك تقولين لا تتبعين نظام صارم وتوقفين وهذا اللي صار لي بس أتمنى تتكلمين عن النظام الغذائي يعني الأساس فيه والأثقال متى نستخدم الكيلو او 5 كيلو يعنيالرياضة اللي تخصه! وبس ?
احسن شئ عملتيه انك فتحتي لك سناب ?
تحمست لما نزلتي صورة للرياضة
الله يوفقك ويسعدك ، إنتي إنسانة مافي منها ??
وبالنسبة لحبل المقاومة عندي منه ولونه أزرق صراحة م قد فكرت استخدمه مادري ليش
بأضيفه ان شاء الله لتماريني ??
استغربت من الشكل الاول لحبل المقاومة ما عرفته ?
حمستيني أشتريه يعني ما حيضرني -عشان حامل يعني- بحسب طريقة استخدامه يعني وحسب المستوى والجهد المبذول.
اكيد تصدقيني لو قلت لك حسّيت نفسيتي تغيرت من وقت ما التزمت بالرياضة وندمانة على الأيام اللي مرت بدونها. وَيَا رب استمر عليها بس
كان الله في عونك وشكراً بحجم تعبك وأكثر ❤️❤️❤️❤️❤️??
كثثري من هيك مواضيع ?
حبييتّ تدوينة اليوم ججداً بطله فادتني كثير،
عموماً أي شي يتعلق بالرياضه اميل له واحبهّ،
ياليت تتكلمي عن البروتين بالمواضيع الجايه ??
تم ??
لي عوده?
ماشاء الله كفيتي ووفيتي دايم اي شي تكتبن عنه ولو بسيط الا مااطلع منه بفايدة ومعلومة جديدة علي
في البدايه مارست الرياضه كتحدي ماتوقعت انها بتغير جسمي تغير جذري خاصه تغير توزيع الدهون بالجسم صار بشكل متناسق وجسمي نوعه كمثرى كنت اعاني ان وسطي صغير واردافي عريييضه ومشكله باللبس كنت اعتقد هذا جسمي ماراح يتغير شكله بس لما عرفتك قبل من المنتدى وكلامك عن العضل والدهون زدت في الاوزان وصارت شي اساسي عندي
عرفت حبل المقاومة قبل سنتين لما جربت dvd لجيال ميكلز اسمه jillian michaels body revolution
كان في البدايه صعب بس مع الايام حبيته سهل الحمل والتخزين ومثل ماقلتي اقدر ازيد القوة فيه لما الفه على القدم واشد به احس العضلات كلها تقاوم الشد
الحمدلله من تجربه خلال خمس سنين امارس فيها الرياضه حملت وولدت مرتين ورجع جسمي لطبيعته اسرع من قبل اول مرة حملت فيها
الله يزيدك نور وسعادة يارب❤
يسعد صباحك ،،
أفضل جزء حبيته مره خصوصاً تونس كاتبه لك بموضوع
بقوم اسوي شي طلعت عدة الرياضه وأفكر بحبل المقاومة
ليه عندي انواع وتمريني بالعادة اثقال بس خلاص بعد ٧ شهور
خمول عوده ان شاءالله ،، فوديتك?
شكرا آرتوس ??
ممتع قسم الرياضة في المدونة وأحبه..
بالنسبة لي شفت مرة أجنبية تتمرن وأولادها معاها كل واحد بشريط مقاومة.. الأم تتمرن والأولاد ما خذينها لعب ووناسة
فطبقت الفكرة وخاصة انها رخيصة وغير مؤذية خاصة اللي بددون مقبض واستمتعوا فيها جدا وأنا تمرنت بدون مشاكل ??
كأنك عارفه اني توي شاريته ??? الله يسعدك ارتوس سعادة الابد ❤️ كلامك محفز فعلاً وواقعي
يعطيك العافيه ???للامانه انا ابي ابدا من الاسبوع الي يجي رياضه مع الدوامات عشان انتظام لكن مااعرف من وين ابد ???????
ياصباااحو يا ست الكٌل ?
اولاً مبسسسوطة جداً وطايرة من الفرحة بوجودك بالسناب ??
ومقهورة اني ماقدرت اعبر عن فرحتي وقت نزلتي حسابك بالانستا لانه معلق عندي وماقدر اكتب تعليق ? .
ولحظظة لحظظة ، ويوم سمعت صوتك ???
احس اني وقتها ما امشي عالارض طاييرة طايرة من فرحتي ?
بجد جاني شعور غريب نفس شعوري لا سمعت صوت شخص احبه من زمان مو سامعته ? .
ياحبببي لك .
^ كلامم حسيت اني لازم اكتبه واعبر عن فرحتي حتى لو متأخر ??
..
ونجي للموضوع
مثلك اعششق حبل المقاومة ومفعوله فعلاً عجييب ولا يستهان به ، من شريته وانا صايره مو مره مع الدامبلز .
وكلامك صحيح ١٠٠٪ ارتوس الرياضة حياه للجسم والنفسية بعد .
مجردد الواحد يبدأ رياضة ويلمس الفرق ماراح يستغني عنها والله
برغم انه مررات يجيني ملل وفتور لاني اسوي بغرفتي والمساحة صغيرة
ماحس اني ماخذه راحتي واحيان اكرر التمارين او ما اجدد بملابس الرياضة والادوات ،
ف اضطر اني اخذ بريك اسبوع عالاقل عشان ارجع بحماسس اكثر او ابدا اجدد ، ومرات اغير المكاان واسوي مثلاً بغرفة اختي ولا الصالة ولا اغير الميوزك .
لكن ماحس اني ممكن اتركها نهائي .
وحالياً افكر بالكيك بوكسنق احس انها ممتعة وتفرغ كل الطاقات السلبية ،
واذكر مره قريت لك رد انك تمارسينها ،عاد تحمست اكثر ، ياليت تخصصين لها تدوينة ??? .
صباح اللياقة .. الشكل الاول اول مره بشوفه ..يعطيك العافية ع السلسله المفيده وان شاء الله أحد تلحلح وحرك جسمة. والحبال تلسع من جد واذا بيثبت في باب لازم يقفل ولا بتروحي غلطه هههه.. اللي يبي تمارين يكتب في اليوتيوب TRX exercises
وشفت تمارين لعارضات فكتوريا سيكرت يستخدمون الحبال، ومعاك حق يشكل الجسم فرق معي بالجزء السفلي من الجسم وخاصه عضلات المعدة السفلية. مثل ماقلتلك بعد ماسكنت بيت جديد كان الحل البديل للابواب الطويله الدربزين لكن وقت مااسوي تمارين المعده مايساعد الا بكذا حركه لانه منخفض ووقفته بمنشنك ع صورة اخر تمرين استخدمت الحبال فيه،
ان شاء الله بشتريه من امازون أفضل من الحبال اللي عندي وأمن أخاف من الكلبسات من قوة الشد تنفك وأكلي ضربه ع وجهي ><
وهو أمتع من الدامبل بالنسبه لي. وانوع حتى مااتملل، في الشهر عندي تمارين لمده اسبوعين مقاومه (دامبل) ٢٥*٤ بعدها كارديو نصف ساعه صعود الدرج ونزوله أو ساعة مشي بصراحه هلااااك لكن هالاسبوعين تنزل من مقاسات الجسم ومع الاستمرار يتشكل والاسبوعين الباقيه امارس تمارين اخف يااقلل التكرار يااقضيها ساعه . وتصبحين ع سعادة
نورتي السناب ياعسوله
ومعذوره اذا انشغلتي عن المدونه بالاخير انتي بشر حالك حالنا اهم شي حياتك الخاصه واعمالك بعدين فكري في المدونه والسناب مقدرين جهودك
بالنسبه للرياضه لي اكثر من شهر شريت عده للرياضه منها الدانبلز وحبل المقاومه اخذت المستوى الثاني والثالث والاهم البرا والمات والجيم بول بس للاسف هاالفتره انضغطت وبإذن الله راح ابدأ من الاسبوع الجاي
اكثر من شجعني اسوي رياضه انتي واستفدت من حسابات كثير بس انتي اللي اثرتي علي ممتنه لك
Bonjour à tous ??
هاااياات توسه ،،،
يا الله ما اجمل تدوينة اليوم ،،، اعرف حبل المقاومة وتمارينه
بس اول مرره اعرف ان له درجات قوه متعدده ،،
كمان المطاطي اللي بدون يدين اول مره اعرف عنه وعجججججببني ان شاء الله قريب اقتنيه
كلامك المحفز ????? والله يجنن صح شديتي كالعادة بس ماينفع الا كذا ? تصدقين لمن اقطع الرياضة اما لانشغالي او عندنا ناس بالبيت يبان في وجهي وامي تقولي شفيه وجهك شاحب كذا ?? سبحان الله وقتها اقول فعلاً الرياضة سحر احسن مكافأة ممكن تسوينها بحق نفسك الرياضة ،، انا جالسة اوعي اللي حولي بأهميتها و ازن وازن لازم كلنا و مجتمعنا تتغير مفاهيمنا بخصوص الرياضة الناس شايفينها دلع و مظاهر او بس كلام خرطي وتنفع للناس السمينين !!!؟؟؟ مادرو برا حتى الهوملس بيبل يسوون رياضة ? ،،،
توسه حبيبتي يعطيييييك الف الف عااافيه على كل اللي تقدمينه ،،،
على طاري السناب كل شوي وشوي انط نزل جديد ?? ماعليك عندك ناس اوفياء ❤️ حتى لو نص سنابه على قلبي كانها ١٠
Je t’aime ?????
صباح الخير…
ضفتك في السناب و بغيت ارسلك في الخاص بس قلت اكيييد مضغوطة… اهم شي نورتينا و ان شاء الله ما ننحرم منك في السناب…
بالنسبة للرياضة سبحان الله امس كنت اكلم زوجي اني بسجل في نادي و هو ما موافق بس شكلي بنقل النادي في بيتي.. خاصة اني كنت مشتركة في نادي و خلصت عضويتي وما جددتها بسبب الظروف و الحين ناوية ارجع اسوي رياضة هذه من اهدافي في هالسنة ان شاء الله… و تدويناتك دايما تحسمنا
صباحج سكر وورد وفل ولوز?…كلامج روعه ويجيب الطاقه والسعاده..والتفائل والله .. مافي احلى من الرياضه ..ولا في احلى من كلامج❤️?
مشكوره على الشرح الوافي جت بوقتها??
مرحبا ارتوس، انا متابعتك من ايام شمواه قبل اتزوج تقريبا من 2009 و مره يعجبني تفكيرك و اسلوب حياتك احسك مثاليه و اذا حبيتي الشي اتقنتيه من قلب ، و اجمل مافيك انك تحبين تنشرين العلم اللي تتعلمينه يعني عندك طاقة الوفره ماشاء الله.
المهم حاليا انا متزوجه و بعد مولودي الثاني سمنت ، و قررت اني ارجع وزني السابق ، و الحمدلله خلال 6 شهور بعد الولاده رجعتها و مره مبسوطه ع الانجاز لان دائما يخوفوني ان الوحده بعد الزواج اذا سمنت ما ترجع زي اول. بس تغلبت ع الخوف الحمدلله. و ان شاء الله اتخذ الرياضه lifestyle ♡
صبآحك سعيد .. والله كلآمك لمس قلبي من جد تتكلمين من كل محبه وقلب صآدق
يعطيك الف عآفيه على التدوينه مآ حببني بالريآضه الا إنت والله
دمتي رآقيه ي سوس
صبااح الخيير ، معذورة حبيبتي معذورة والله أن كل
مرّه أجي ابكتب لك في السناب أبطل لا اضغطك لان
عارفه اكييد بيكون عندك زحمة محادثات الله يديم المحبة
♡.♡ حبيييت حبييت التدوينة من أكثر الاشياء اللي
كنت متحمسة تدونين عنها وان شاء الله خلال هاليومين
اطلع اجيب لي واحد تحمست له من قلب
أُسعدتِ صباحاً ي حلوتنا??تدرين عاد ماكنت أحسب هالفايدة كلها لحبل المقاومة ولا كنت متوقعة انه يقوم بمحل الدامبلز وبصراحة يحمممس وأعتقد انه لازم ينضاف لجدول التمارين على فوائده ??من جد كل شي يجي منك غييير وصدقتي بخصوص اللي ودها تتغير ماراح تتعذر عزيمتها تكفي الله وكيلك انا ماعندي زاوية مخصصة لتماريني لأن بيتنا مايساعد أول مابديت كنت أمشي بالسطح مساحة حوشنا ماتكفي ولا تعطي حرية للمشي وعلى تمارين اليوتيوب اللي بدون أجهزة ولا أثقال معتمدة على ثقل جسمي وبعدها شريت اغراضي حبة حبة اول كنت أستحي اتمرن قدام خواتي يعني اخاف ازعجهن خصوصاً واننا بغرفة وحدة بس اللحين لا هم يصيرون مشغولين بجوالاتهم وانا بتماريني ⛹?ولازلت أتعلم ولازلت جاهلة بالشي الكثير بس خيراً لي من اني انتظر متى أشترك بنادي حتى النوادي اللي عندنا مب ذاك الزود ولا تأهل الشخص للي يتمناه مقارنة بغيرنا …دائماً تدوينات الرياضة تمتعني بشكل كبير ??الا على الطاري اشوف الناس هابين بحركة إنه لكل جسم تمارينه يعني مثل اللي جسمه كمثرى تختلف عن اللي جسمه على شكل ساعة رملية وش رايك بهالخصوص ?
كوني بخير دائماً وسعيدة صرنا ناخذ من روحك الحلوة الشي الكثير?نحبك??
يااااااصباح النشاط
تكلمتي عن نقطه مهمه جدا وهي الاعذار الواهيه وايلي نحطها لانقسنا علشان مانسوي ايلي علينا واذا مالقينا لنا عذر اسقطناه على الوقت او على المساحة
اليوتيوب مليان مقاطع وفيه برنامج محمله كامله زي انسانتي وجيليان
بتدوينتك السابقة حقت تطلعات ٢٠١٦ ذكرت لك انه هالسنه مركزه على قيمة الصحة عندي واشتركت بجيم المبلغ جدا غالي بس قلت بما انه بيرسونال ترينر احسن لي واحفظ الحركات واطبقها بالبيت
مادري بعدها فكرت ليه ماخذ شهاده وادخل هالعالم على الاقل اكون فاهمه الشي ايلي قاعده اسويه واكتشفت قد ايش الرياضه مفعولها سحر علي انا شخصيه انفعاليه وفيني طاقة هالطاقة لازم الحركة تطلعها علشان اقدر اكون مسترخيه وريلاكس طول اليوم انا صار لي سنه اتمرن بالبيت بس مو مره شاده على نفسي واتكيسل بس قررت هالسنه اغير اطبع واخليه شي لايتجزا من يومي مو لجسم قد ماهو لصحة وراحة نفسيه لي .
البيىة ايلي حولك لها تاثير والمجتمع صار فيه صحوة فجاه النوادي امتلت ب الرياض والشباب صار يهمهم شكل اجسامهم مو بس البنات
انا افكر الحين جديا ادرس هالمجال بس اللغة ابدا مو مساعدتني لازم اقوي لغتي بالاول .
حتى بالتدوينه السابقة كتبت لك ناويه اتعلم رقص شرقي بهالسنه واضفت بعد ودي اتعلم pole dance بس يحتاج ليونه عاااااااااليه وعضلات قوية
موضوعك مره مهم وضرب وتر حساس عندي .
السوال ليه نتكاسل مع انه عارفين بفوايد الرياضة ؟ ايش هو الدافع ايلي يخلي بعض البنات مستمرين والبعض مايكملون اسبوع ؟
(وش رايك وانا متفاعله معاك طلعت من سباتي العميق )
موفقه يارب ❤️❤️❤️
يسلمووووووو يا أخلى ارتوسه مدري كنت فاقدة الأمل ترجعين تتكلمين لنا عن الرياضة طرت من الفرح بهذي التدوينة … أنا المشي من سنيييين أمشي ساعة كاملة ومره تغير جسمي خاصة شحوم الظهر لكن وزني اللحين ثابت ومن شهر ونصف أمارس برنامج تدريبي للرياضة مدته ٣ شهور وبإذن الله راح استمر ، دايم اتذكر كلمك إن كل شيء نقدر نحصله بالمال والعمليات وبالعيادات إلا الجسم الرياضي فعلاً لاحظت هالشيء خاصة إذا جت مناسبة ولبست لبس وصار علي حلو وشفت التغير كنت البي لبس قد لبسته قبل بس يصير أجمل بسبب تغير جسمي والحمدلله صحيح ماوصلت للمثالي بس بإذن الله قريب … النقطة اللي أخاف منها أخاف أسوي شيء غلط لأن مافي معلومات صحيحة نضمن صحتها ،، هذا الاسبوع كان عندي تمارين فيها حبل المقاومة استبدلتها بتمارين ثانية لأني ما اشتريته بإذن الله بشتريه وماكنت أعرف إن الألوان لها علاقة بس بعد تدوينتك عرفت معلومات أكثر ….. ما أدري كيف أشكرك صراحة بس ربي يجزاك خير ويسعددددددك طول طول العمر
صباااح الخيررر
تدوينه تجنننن ماشاءالله ماعمري قرأت موضوع
عربي عن ادوات الرياضه بنفس تفصيلك وترتيبك
اتوقع مافي من الاساس
اهنيييك ربي يزيدك من فضله
بخصوص الحبال انا عندي النوع الاول
واحس مرتاحه عليها ولو اني ما اقدر انوع مثل
النوع الثاني
اوقات اربط طرفها بطاولة او كرسي والطرف
الثاني برجلي وتمام جدا واحاول ابحث عن تمارين
بنفس النوع عشان ما اجيب العيد
مشكلتي امل بسرعه وابغى اغير التمارين
اشتريت جداول اليكسا براون اتابعها انستغرام
غير ان سعرها رمزي حلوه التمارين وناسبتني
مررره للشد وليس انقاص وزن
وحاليا اسعى للاكس سمول باذن الله ?
وعلى طاري التحفيز
اذكر قبل سنه كنت في نادي ومبسوطه مره
اطلع في الصباح بدري في مكان مريح ومهيأ
لكن اللي يخرب جوي التعليقات اللي مالها معنى
انتي ليش تجين النادي ؟ جسمك مايحتاج !!
مع اني احتاج وبقوه
انتي ليه تاخذين اوزان تطلع لك عضلات ياقويه !!
?? كيف افهمهم ..؟
مشكلة المجتمع يظنون ان ما يتمرن الا المتين !!
طولت كلام شكراً لك ❤️
ي صباح الجمال والنشاط .. أحلى شي إن هالحبل مناسب للسفر وللمبتدئين .. بما إني للحين أعتبر نفسي مبتدئة ف الرياضة .. أعتقد أسهل من كذا م فيه .. مجرد حبل وبهالمميزات شي جميل جدا بصراحة .. خلاص م فيه كسل بعد اليوم بإذن الله? ..بالنسبة للسناپ أبد خذي راحتك حبيبتي وجعلك م تشوفين ولا تلمحين أي تعليق سلبي يارب .. تسلم هاليدين ويعطيك ألف عافية .. ??? ..
لي عودة بإذن الله??
ياحبني لك ولتوعيتك الصاحيه ولاسلوبك المفصل والسهل ❤️
صباح الخير ..
مبسوطين بوجودك بسناب مانلام ، مع أني ما أرسلت لك الا مره لان أدري عندك زحمة ، وخذي راحتك بسناب او بالتدوين لان نبي تكتبين بمزاج ?
أنا بالنسبه لي المشي مو رياضه شي زي الادمان من لما كنا صغار انا وأخواني أمي كانت تذاكر لنا وحنا نلعب ونط بالغرفه وانتقلت لي الحاله بعد ما كبرت ، أحب المشي خصوصا اذا لبست السماعات اروح لعالم ثاني وانسى نفسي وانا امشي ?
أنواع الرياضه الثانية كنت أسويها بس بدون انتظام بس بالفترة الأخيره بديت بشكل جدي فيها بدون ما أتبع لمدرب أشوف التمارين والي يعجبني واحس انه يناسب وحده عضلاتها توها بالبداية أسويه.
الي عندي من أدوات الرياضه بس الاثقال وحبيت حبل المقاومة وبقتنيه ان شاء الله
أرتوس يالحبيبة تسلمي لي على الطرح الرائع، أنا أبغي موجه للأمر ، ما ظنيت اني بحتاج بس حالياً أحتاج.. و للأسف مادري لو تصدقيني بس حتى مدربتي الرياضية أحسها تخرف أحياناً..
عندي أسئلة كثيرة، مادري وين أبداها .. بس لو قلت فرضاً كيف أبدا؟؟ ما حيناسبني، الفتنس تبعي جيد و المشي أمشي.. يجيني في النص ماني عارفة الطبيب يقول لا للرياضات اللي تبني عضل حاليا و المدربة تقول تبغي تتمشي على التريدمل و اتني متعودة تركضي؟؟ تايهه في النص .. 🙁
دمتي بود حبيبة قلبي
اولا شكرًا شكرًا على التدوينه وعلى مجهودك وكلامك التحفيزي الجميل ،ثانيا السناب وما ادراك مالسناب جد بس أكرر ف سناباتك وإلا يوم سمعت صوتك طرت من الفرحة ،سبحان اللي زرع حبك في قلوبنا ❤️❤️
الحمدالله الفتره الاخيره سويت لي جدول بالتمارين اللي احتاجها تدريجيا كل فتره ازيد التمارين اكثر حسيت هذا افضل شي لاني كنت قبل اسوي بس بشكل شبه عشوائي ان شاء الله التزم فيه وما اتكاسل ???
الله يجزاك خير يا ارتوس انتي من اكثر الناس اللي يشجعون ع الرياضه استفدت منك كثير وفتحتي مخي ع اشياء كثير .. اتمنى انك تنزلين مواضيع كثير بهالسلسله لانها جدا مهمه ?
يا صباح السعادة
موضوع جدا مهم بالذات للي يحب يقنع نفسه بضرورة المعدات مع اني اشوف البدية تكون دايما بالشراء ثم الرمي على جنب هههههههه فضحت نفسها بس الحين الحمد لله ماشيين على خطاك كابتن
دايما تبهرني معرفتك وهذا دليل أن القراءة والبحث هي فعلا مصدر القوة والجمال ودايما تخليك سباق لكل شيء
مدري انتي زرعتي فينا شيء غريب انو كلامك يدخل العقل حتى لو سمعناه من غيرك قبل ما نسمعه منك .. شيء لاحظته فيني وقريته في كم رد ..
ارتوسه حلوه التدوينه بس مشتاقين للجد كيف اسوي نظام رياضي وكيف اعرف اللي يناسبني من التمارين بما انك تقولي لا تقلدوا
طيب سؤال بشكل ثاني كيف اقدر ابحث عن التمرين واطبقه بشكل صحيح ؟؟
وشكرا لك مليون مره يا جميلة
يعطيك العافية ارتوس
لي فترة ملتزمة بتمارين ولا دخلت عليها أثقال لأني متخوفة وما عندي المعلومات الكافية لكن بعد موضوعك هذا عن حبل المقاومة تحمست كثير وإن شاء الله راح يكون حبل المقاومة من ضمن مشترياتي قبل الأوزان
كلامك جميل وفي الصميم استمري في تحفيزك لنا ، وتراني متفاءلة بالسناب إنك تصيري تحفيزينا من خلالها، جدًا متحمسة.
دمتي دائما بود
ارتوس تكلمي عن البروتين وسكوات التكبير اذا عندك فكره عنهم
ابي راايك فيهم بلليز
كلامك الاخير..??
جد حنا..نهمل اجسامنا بشكل فضيييع..ونركز عاشياء اقل اهمية..للاسف..
تسلميين عالتدوينة ?
عندي حبل مقاومة بس شكله غير يعني حبلين مع بعض بنفس المسكة اكيد عرفتيه ما استعملته الا لتمارين الذراعين والثاني اللي عرضتيه بدون مسكات دايم اشوفه وابغى اشتريه اشوفه جدا ممتاز لتمرين الخفسه .. صراحة التمارين اللي ملتزمة فيها المشي السريع والجري مع بعض ونط الحبل وجهاز الغزالة هذي الرياضات اللي ما تمللني اما الباقي لا صدق اشوف مقاطع واشياء بس ما احسها بتنظمني اغلبهم يقولون التزمي فيها كل يوم وبتشوفين النتيجة واللي اعرفه خطا نفس العضلة تتمرن كل يوم .. جت فتره التزمت بتمارين لكل منطقة عن طريق مقاطع باليوتيوب انتفخت بالذات الزنود والبطات صار شكلهم اكبر تروعت يعني انا ابيهم ينشدون ينتفخون كذا وسالت مدرب قال لان العضلات تكبر جد احتست مرة انا ما ابغى تكبر ابغى تشد مع اني متاكد انها تمارين شد اللي اسويها.. عندي همة وعزيمة حتى الادوات متوفرة بس للاسف ما عندي توجيه صحيح وخبره كل احد يقول كلام .. الفترة الجاية ان شاء الله بركز على انزال الوزن بس بتمارين هوائية وان شاء الله اطلع بنتيجة ..
ربي يعطيك العافيه
حبيت حماسك للرياضه لان بجد مشكلتنا الابديه الكسل والعجز وعدم الاستمرار وانا وحده من الناس اللي ما استمر يمكن عشان روتيني كل يوم مختلف فالوقت مايساعدني احيانا
حبيت فكره الحبل له فتره في بالي بس كنت محتاره بينه وبين الاوزان بس حاليا ببداء بالحبل واشوف بعده وش احتاج اوزان
عندي غرفه مستودع شكلي بقلبها نادي مصغر??عشان مايكون لي عذر بعد اليوم
بس ياليت لو تعطينا كل اسبوع تدوينه رياضيه صدقيني بيكون لها دافع قوي مو شرط تدوينه من قلب لو بس ثرثره
لان ماشاءالله عليك عندك اسلوب تشويق وحماس منقطع النظير……???
يسعد مساك ياقمري
تدوينة جميلة وأضافت لي الكثير معلومات جديدة الصراحة
الله يعطيك الصحة والعافية يارب
للأمانة حمستيني فعلا بعد تدويناتك بدأت اشد حزامي
عشان أرجع لوزني قبل الحمل
الحمد لله من بعد تدوينة البرا الرياضية اشتريت ثنتين واشتريت شوز
و وزنت عند اخصائية بجهاز ان بودي عشان اشيك على عضلاتي ايش اخبارها وكمان سويت تحليل عشان معدل الفيتامينات وخصوصا دال
كان وزني بالبداية ثابت بس العضلات كانت تنشد الحمد لله ومبسوطة للنتيجة وبدأ نزول الوزن الحمد لله بالتدريج والعضلات تنشد
وعقبال اوصل لوزني القديم 65 ?
كلامك بالأخير بيظل دايما في بالي لأني بتعاطى جرعات كسل للأسف بين فينة واخرى ?
سوس جد انتي انسانة رائعة …الله يسعدك ❤?
love it
طرح مميز كعادتك واللي يجذبني فيك، استغلالك بشخصيتك، ومو راعيه هبات وخرابيط تستخدمين الشئ عن قناعه تامه… اتمنى لك التوفيق والنجاح.
تو كنت نا يه اشتري اثقال
عندي 2 كيلو و قلت بشتري 4 او 5 كيلو
بس تحمست لحبال المقاومه و بشتريها ان شاء الله
الله يسعدك مره تحمست لها من قريت امس انك بتكتبين تدوينه عنها
???
قلوب كلها مشاط و حب للحياة
يختي التدوينة جننتني .. طول وقت الدوام وانا أعد الوقت عد
عشان اطلع و الحق ع محل المعدات الرياضية
و أول ما خلص ، طيرااان ع المول .. حتى مادري كيف سقت ووصلت .. اتوقع الرادار اخذلي لقط محترمة > لا تحمست وخروا عني هههههه .. جنون لحظي لازم اتعالج منه ?
لأن بجد ، وقفت مع نفسي وقفة جدية، انه إهمال السنة الماضية لا يمكن يتكرر .. أبي أودع الكسل ، و أطلّق حالة الخمول و الإحباط بسبب قل الرياضة و الحركة ?
فهالتدوينة أحيت فيني جانب الحياة الصحية
و لأني هاليومين بديت اركز على تماري البوش آب + البلانك
ففي نسبة شد و تماسك خفيف بعضلاتي و بإذن الله را استمر متى ما سنحت لي الفرصة .. حتى استغليت فترة البريك في الدوام و اتمرن ع الخفيف في المصلى?
حبيبتي سُوس ، ما بداخل القلب كلام حُب و إمتنان أكبر من إني أصيغه لج هنا ?
نحاول نكون معاج خطوة خطوة
و بجد ، أحاول اقلل استفساراتي و تعليقاتي
لان الضغط عليج كبير .. و ما تهوني علينا تتعبي في سبيل إرضاء أحبابج
ربي يوفقج+ يسعدج + يحفطج
و أحبج?
بالمناسبة …بعد كل الحماس اعلاه
ما لقيت حبل المقاومة ?
أُحبطت
بس إن شاء الله لي رجعة للمحل و أنا مروقة
لأن في بالي شغلات رياضية يبيلها تنقاية بعناية ?
نص الحروف مأكولة ، اخاف يطير مني الكلام ?
اهلين والله..كلامك حمسني اكثر واكثر على اني اكمل اللي بديته..احبببك..من جد مااافي زيك..الله يخليك ولايحرمنا طلتك..
تسلم يدك على هالمعلومات القيمة .. تصدقين ان في ناس أقولهم الرياضه تحسن الجسم والنفسية يضحكون علي ? يقولون انها تخرب الجسم اذا تركناها .!!!. أصلاً الي يسوي رياضه يدمن عليها مارح يتركها الا لعارض صحي مثلاً… من ثلاث أسابيع خلصت اختبارات وأول ماطلعت من مقر الاختبار توجهت فوراً لمحل رياضه كان ناقصني كم شغله حابه اجربهم ماتتخيلين احساس السعاده والنشاط والايجابية الي احس بها وانا في محلات نايك و يومارك ? صار عندي محل يسعدني بعد الصيدلية .. الي نفسي اقولة لك اني بذاك اليوم اشتريت وركبت السيارة وبقينا خارج المحل لظرف طراء بذاك الوقت … المهم قعدت أراقب زوار المحل اغلبهم رجال وواضح انهم من جنسيات غير سعودية اما البنات الي دخلوا المحل يضهر عليهم أوزان زايده أكثرهم خرجوا ما اشتروا شي ود خلوا محل فساتين ملاصق لمحل الرياضه واشتروا .. طيب بنفس القيمة وأقل اشتري شي يساعدني احسن جسمي من الداخل صح ولا .. !!
مرحباً
حبل المقاومه من اكثر الادوات الرياضيه المفضله عندي شي خفيف وسهل ولا يكلف
لكن عمايله عجيبه مثل ماذكرتي
وكالعاده تدوينه جميله حبيتها ويعطيك العافيه على التشجيع معك حق بكل كلمه
محد نافع احد
ثانكيوو 33>
يعطيك العافية والله ماتقصرين ?
قبل سنة احتجت حبل المقاومة لاني كل ماادور برنامج رياضي الا يكون موجود ، وصيت ابوي يجيبه وجاب لي الاصفر ، جابه من الفالح وسعره اذكر تقريباً ب٥٠ او ٥٥ ريال .
عاد الحين مااستعمله الا لعضلة الأكتاف بس
وعن نفسي الاوزان انوع به على حسب قدرتي مره اربعة كيلو مره خمسه مره اكثر على حسب التمرين وعلى حسب العضلة بعد
يعطيك العافية يارب انا بعلق عالجزئية الاخيرة الرياضة مو بس تغيير من شكل جسمك تغيير للنفسية كمان قبل 6 سنين كان وزني فوق ال80 وبدات رياضة وريجيم صح غلط ورياضتي كانت مشي وفي السطح بس كنت اسعد بالراحو والرضا النفسي اكثر من نتايج جسمي والى الان مستمرة وثقفت نفسي اكثر واكثر ويجيني تأنيب ضمير اذا عدا اكثر من 4 ايام ماسويت رياضة . بس لاحظت مشكلة البنات الا بسوي رياضة في نادي والا بلاش مدري ايش يعني من النادي ماني فاهمة وعندها في البيت بابسط الاشياء تقدر اهتموا بالمظاهر اكثر من الاساس .
يا زييين اللي نوروا السناب و الله
ع قد حماسي احاكيك لكن مسكت نفسي عارفة احبابك كثيير و بتنضغطين
موضوع الرياضة محتاجين هالتوعية تنتشر و الله كمية البلع و اللي نشوفه بسناب خصوصاً مو طبيعية
من بدا الشتاء ما سويت رياضة ابدا و بدون اي عذر غير البرد ؛ رحت للمخيم و طبيعي بنمشي انصدمن باني فقدت اللياقة صابني الم برجولي و شد مو طبيعي
باذن الله برجع تدريجي و ما نستغني عن نصايحك اكيييد
الله يوفقك يا رب و يعطيك حتى يرضيك و يعينك ع الناس اللي بالانستا تنسد نفسي اذا شفت تعليقاتهم 🙁
صح كلامج ارتوس انا لما كنت ضعيفة قبل الزواج أي شي البسه يطلع وش حلاته علي حتى اذا عادي احس جسمي يحليه وبعد ماسمنت احس كل شي مبهدل ومو حلو ان شاء الله اقدر اضعف مره ثانية بعد الولادة بصحه
اوجعتني سالفه باق ام 5 الاف
طرررراق ??
احلى شي كلمه من محب
بالنسبه لي
النقد يحمسني اكثر من التشجيع
يحسسني اني غايصه بوحل يا اكمل غوص وانتهي?
والا اطلع منه
خيارين مافي ثالث
شكرا ملايييين ….
مواضيعك دائما مميزه والسناب حكايه ثانيه اعيد السناب من حبي لك
احس روحك طالعه بالصوره غير عن الانستجرام والرياضه تدرين ان منك تحمست اسوي رياضه والبنت اللي نزلتي صورتها على الانستجرام هاذي هي اللي بديت منها اسوي رياضه شفت المقاطع وبديت بحقات المبتدئين الى ان وصلت الى كارديو ساعه وزياده ولمدة 8 شهور كنت مستمره وجسمي ماتغير وزني مره لكن حسيت مره بتغير كبير و اللياقه العاليه والصحه تحسنت مره وكله الرياضه تخيلي اعاني من قولوني وماتصدقين بعد شهر واحد ممكن اغلب التعب اللي بقولوني خف وكل مالي اتحسن بكل شي حتى صرت نشيطه وكذا اشكرك بصراحه كنتي شخص اثرتي فيني وانتي ماتعرفيني شوفي تاثير الكلام على الانسان كيف ممكن انه يغيرك من شخص الى احد افضل
الشكر مايكفي اني ازصل لك محبتي على قلت مشاركاتي الا اني حبيت اوصل لك انك انسانه بجد رائعه ومميزه وتشكر من رباك وان شاء الله توصل لهم ولك دعواتي …
مع محبتي الخالصه .
يسعد صباااااااااحك توسه….والله منحرجه اني ارد ع التدوينه ولها يومين بس مالقيت فرصه ….
أولا الله يعطيك العافيه ع هالطرح والله استفدت منك بقوووه وتوني اعرف ان فيه أكثر من نوع لحبال المقاومه وان فيه أكثر من قوه وبصراحة حمستيني بقوووووه لاني من زمان ودي أبدا رياضه خصوصا بعد ولادتي ببنتي مع اني تحيف ووزني ثابت ولو زدت بس شي بسيط هذا إذا مانزل وزني بس بعد ولادتي طلعت لي كرشه صغيره وترهل صدري شوي فحابه ارجع مثل اول وكمان فيه مناطق ف جسمي حابه اعدلها مثل الخفسه وأرفع الارداف شوي وأشد جسمي أكثر بس مثل ماانت عارفه مافيه ذيك النوادي الزينه خصوصا عندنا ف ابها وإخفاء اسوي انا بنفسي رياضه وأضر نفسي بدل ماانفعها ولا اخبص بعمري….
ودي اعرف الرياضه اللي تفيدني وابدأ فيها….
وكلامك اللي قلتيه آخر شي كله ف محله وانا اول وحده اسوف وااجل…بس أن شاءالله من بعد هالتدوينه لابدا وماعاد أاجل بالمره ….
وآسفه ع الإطالة…..
مع خالص ودي واحترامي….
اررررحببي
من جت الاجازه وانا ي دوب القى وقت فاضي يازين الدراسه تخليك مرتبه وقتك ومشتغله ع نفسك
اخخ من شفت حبل المقاومه الاول وانا اتذكر اللسعه اللي اكلتها هو حق امي وماكان مربوط تمام ودخلت رجلي فيه واحركها والرجل الثانيه مثبتتها واشدد بقووه برجلي من الحماس وانسدح من اللسعه قوويه ???
انا للحين م شريت اثقال لا م عندي مكان لها واحسها م تنفع الا اللي ممارسين الرياضه من سنوات والجسم متعود عليها واعوض نفسي بحبل المقاومه انا استخدمه كرياضه بكل الانواع
وامي تستخدمه كعلاج لفقرات الظهر حبل مقاومه والكره رياضيه كانت تسوي جلسات بالمستشفى والحين تسويها بالبيت وحمدلله متحسنه وانا اشوف جدولها فيه رياضه لشد الجسم بعد
ورايحه اشوف التدوينات الجديده وشكرا?
صباح الخير
لي يومين اقرا بالتدوينه والبوستات الاخيره وكومنتات البنات واحاول اجمع اي معلومات منك ومن الصبايا ?اعشق تدويناتك عن الرياضه واعشق مل تدويناتك وكل ابداعاتك ياارتوسه ياعسى حياتك سعاده تخيلي انا الشيء اقراه ويمر علي مااتوقف ولا اهتم فيه الا اذا انت تكلمتي عنه كانو اول مره اسمع فيه ويعلم الله اكون اعرف عنه بس بس انت الكلام منك غير يابنت بكل سيء مو بس بالرياضه مثال انا اطبخ واحب اجرب وكنت احب الكشري واللازنيا بس ولامره فكرت اسويهم لحد ماحطيتي وصفتك وللحين وانا اسويهم بطريقتك بالغالب ❤️?
والبرا دايم اشوفها وامر امامها مرور الكرام لحد مادونتي عنها وعن اهميتها ☺️مباشره شريت نايكي مثلك ولاندمت ودعيت لك والحمد لله انك نبهتيني واحس الاسواق فجاءه كلها امتلا برا رياضي ولبس رياضي وكل الماركات نزلت لاين رياضي واكاد اجزم بتاثيرك على هالموضوع ويطول الكلام ولا نوفيك شكرك ولاننصفك ياغاليه
الحمد لله انا من النوع اللي يهتم وحريصه بكل شيء يطورني بشكلي ومضموني صح الكسل والفتور يجيني لكن احمد الله انو عرفتك بمرحله من حياتي وكنت خير اخت وصديقه مفيده وملهمه واقول صديقه حتى لو مااعرفك والله اني استفدت منك اكثر من صديقاتي ?وياليت عرفتك وانا اصغر يمكن تغيرت اشياء مصيريه بحياتي اكثر?
ولا انسى اشكر البنات هنا او بالانستا استفدت منكم انت ايضا فديتكم
ولي تطلعات كبيره بهالسنه ومصره على تحقيقها باذن الله وفرحانه انو مسكت خيط الرياضه وحتى لو اهملتها ايام تلاقيني اشتاق لها واستمتع فيها وهذا المهم اني استشعرها من كل قلبي واشتاق لها لان احس مامنها فايده لو ماطلعت من قلبي واستمتعت بوقتي فيها
واكتفي ماودي اطول اكثر
لي تعليق عالسناب صوووووتك ياجماله ياسوس والاجمل فيها حياء وخجل لايقين عليك
الله يحفظك لنا ولمحبينك ??
ياصباح الرشاقه واللياقه والناس الحلوه
يافرحتي بس يوم حطيتي بسناب جاني حماس مع فرحه مدري شلون
والله كنت احسب حبل المقاومه واحد مافيه اكثر من قوه بس بجد نورتيني بهالناحيه
بالنسبه لآخر التدوينه كلام يدخل للقلب على ظول ويلحلح المتبطحين
اللي تبي تبدأ الرياضه لا تحاول تطلع لنفسها أعذار لأن وقتها بتوقفين ولا راح تكملين أبدي بالمتوفر عندك , انا بديت قبل ثلاث سنين بعلب مويه وشوز رياضي عادي مع الوقت بديت أجيب الأدوات والحمدلله تطور مستواي وصرت فرحانه بنفسي وبالتغيير اللي وصلته
اللي يتمرنون بالبيت مثلي عندكم موقع tone it up مفيد وحلو وجداول اسبوعيه
او انكم تبحثون عن تمارين شون تي وتحملونها جدًا مفيده وقويه ومعاها جدول بعد يعني ماتضيعون
بعد عيني ياأرتوس ماتقصرين وفضلك كبييييير علي احس فتحتي عيوني على أشياء كثير وكنتي من ضمن اللي حمسوني عالرياضه الله يجزاك خير على كل فايده وكل كلمه تقدمينها لنا *قلوووب*
تو ما نور السناب ارتوس ??
صباح الخير ..
آخر جزئية احلى شي صحتني والله ,, مع اني من 2012 بدأت تمارين ورياضة وشفت بعيني الفرق
لكن لي فترة مرة مطنشة الموضوع لدرجة يوم العب رياضة و خمسة ايام اسحب .. ولسى قبل 10 ايام يمكن ماما اعطتني
تي شيرت جديد للرياضة استحيت لما شفته ههههههههههههههه ..
لكن وعدت نفسي ارجع من الدوام وطوالي عالممشى .. وبعدها تمارين خفيفة ..
شكراً لكل شي توسة .. ( ورظة بيضا )
وردة *
تصدقين ياارتوس ان الشي الوحيد اللي حركني وخلاني ابدا بالرياضه واهتم بأكلي واعرف وش اللي يناسبني وش اللي لأ .. اني صورت نفسي قبل 5 سنين بستيان وكلوت ?? اتذكر اني انصدمت من نفسي وانه كييف اهملت وضعي كذا والله ومن يومها ماتركت الرياضه واكلي صح تجيني فترات اهمل فيها الوضع لكن مارجعت ابدا للمرحله ذيك ابدا وشكل جسمي كل ماله يترتب اكثر واكثر اصلا صرت اشتاق للرياضه والاكل الصحي واحس بالراحه النفسيه لمن انتظم.. واطمح اني انحت جسمي واصقل عضلاتي .. دمتي بكل حب ارتوس ???
يعطيك العافية ارتوسة
أنا مرات استعمل حبل المقاومة بالنادي ،،هذاك النوع اللي يجي حلقات على طول الحبل وفي ارقام مكتوبة عليه على حسب القوة ،، حتى لو كنّا نعمل نفس التمارين كل واحد يستعمل القوة اللي تناسبه .. صراحة جدا حلو احس حالي اشتغل من قلب على عكس اللي يستهينو به،، كنت أفكر اشتري واحد للبيت والحين حمستيني اكتر
مشكورة مشكورة ارتوس على كل مجهوداتك وشرحك المتكامل
بوسات
نفسي من زمان في حبل المقاومة وكثير اشوفه 🙁
بس للأسف انا من الناس اللي عندهم وزن زائد ماخليت شي ما أشتريته كل شي أوزان ، حذاء رياضي ، سجاد ….. الخ
ولكن للأسف الضمير لسى ماصحى ،، والأعذار كل مالها في زياده
مدري متى بحترم جسمي ونفسي ?!
بإذن الله بوقف هالمهزله ?
طيب والحامل اللي تحمست تقوم تسوي رياضة والدكتورة مانعتها ???
يختي كمية طاقة ايجابية ومشجعه بكلامك سبحان من اعطاك حسن الاسلوب وجماله !
كل التدوينات الرياضيه مجمعتها علشان لا ولدت بالسلامه يارب ابدأ على طول ??❤️
آحم آحم لي شهر م رديت بالمدونه ?.. حتى المدونه اللي فاتتني م قدرت ارد عليها بحكم انشغالي وضيق الوقت ?..
عموما أهم شي سمعت صوتك بالسناب ☺️??.. أخذي وقتك حبيبتي انشغلي بحياتك الواقعيه وهيئيي نفسك ?.. السناب مش طاير ولا حنا طايرين مادري وشفيه بنى آدم ماخذ كل شي على عجاله ??”””
نرجع لموضوعنا حبال المقاومه لها سنه عندي تقريباً لكن م تعمقت بتمارينها انشغلت بتمارين شون الله لا يعيدها من تجربه م كملت معاه وتركتها بلا رجعة ???..
حبيت النوع الاول من حبل المقاومة حسيته اسهل من اللي عندي شكلي ابي اشتريه << تبي تنجلد?..
فعلا الوحده لا نظمت وقتها وعطت لنفسها وقت تحقق اللي تبيه???. ام العكس تجي تحلطم بالكومنتات وتقول ذي وشو سر اهتمامها ?..
انا الحمذلله وعدتك لنفسي ب ٢٠١٦ اخصص وانظم وقتي واحقق اللي ابيه والاهم عطيت لنفسي وقت افضل من اول ?.. وهذاني نفذت وعدي وباذن لله ربي يخليني اكمل احقق اللي ابي اوصل له ?..
(( البايسبز وَ الترايسيبز ))
مدري كل العالم فاهمة وانا الغريبة او موفاهمين ويسلكوا ?
ياريت تترجميها ياقمر وياريت شويااات تخففي المصطلحات الانجلش او تحاولي توضحيها حتى الكل يكون فاهم مية مية ?❤
حبيت التدوينة وقررت اشتري حبل مقاومة قبل اي اداة ثانية
تسلم ايدك
تدوينة جميلة جدا وبسيطة ..
أنا امارس المشي لخمسة ميل يوميا حمدلله ..
واعمل تمرينات بطن وسكوات خفيف
لكن بدون حبل مقاومة ولا أثقال وحسيت انها ماراح تنفع بدونها
وكنت ناوية اشتري قريب
بس تدوينتك رتبت افكاري وحسيت ان الحبل ممكن يكون بداية
وبعده اشوف اذا احتاج اطور ادواتي او لا
مشكورة ع وقتك والله يارب يوفقك ❤
وبالنسبة للسناب رأيي البسييط
اقترح ماتضيعي وقتك فيه بالتعليقات دام ياخذ وقتك
الانستقرام تواجدك فيه كتعليق جميل وابقى ❤
وانا من حبي لك اخجل اراسلك سناب واشغلك .. يكفيني متابعتك والانستا ❤..
أهلين ارتوس..
أنا صراحة قبل كنت استصعب الرياضة بالرغم من أنو ودي امارسها، لأن عندي مشاكل بالرقبة واسفل الظهر، ولكن عوضت هالشيء بالمشي، يعني امشي حوالي 8 كيلو يوميا (3 مرات على مدينة الملك فهد الطبية أو جامعة سلطان) سواء برد حر غبار وحتى لو تعبانه، حاليا لي خمس شهور مشتركة بجيم، وأقدر اقول سعــــــــــادة، جد جد شعور غريب تماما، يعني فعلا الرياضة تعطي طاقة مخيفه لدرجة اني صرت ما انام ولا احس بالنوم من قو النشاط اللي فيني 🙂 ما شاء الله، وبنفس الوقت فخذي بدا ينرسم شوي شوي، وجسمي بدا يتغير عن قبل بالرغم من ان وزني ممتاز بالنسبة لطولي، لكن مع هذا صار أجمل ومبين فيه تغيرات وسعيدة جدا بالنتائج
صبآاحك سعادة ، وبركات ?
كلاآاام كبير ??? تُشكرين عليه ياقمر
بس ارتب وضعي وازبط أموري ، بتكل وابداء
بمشيئة الله ، الله يسعدك يآرب ويحفظك لنا ولحبايبك
ويحفظلك حبايبك يآرب ???
الله عليييييك موضوع تحفيزززي من الدرجة الأولى وأنا اقرأ بغيت انط واسوي سكوات…اولا انا مثل كثير بنات وطبيعية الكل لما يدخل عالم الرياضة بدون مدرب محترف ممكن يقع في اخطاء كثيرره… المهم ترتيب الوجبات صحح الأكل السليم يعين الجسم على التمرين…حلو اول اسبوعين تجهيز الجسم لرياضة المقاومة.. القراءة والأطلاع يسعاد ويعين ويرتب الأفكار… لكل عضلة احفظي وركزي على تمارين معينه المهممم التكنيك الصحيح والتكرار الي يتحمله جسمك… انا الي ضيعني سابقا اني اقرأ من الجميع وهذا نوعاً ما في البداية غلط… حددي هدفك وشوفي شخص حقق مثل هدفك وتابعيه.. جدول غذائي متكامل وسليم ثانياً جدول رياضي…حبه حبه الواحد راح يوصل لهدفه
صبآح الخير وردتنا
الله يعطيج العافيه على هالشرح الوافي
والله صج لو كل وحدة يكون عندها إرادة في التغيير جان ما صار هالاستغلال في الطب التجميلي
وايد حبيت كلامج في الفقرة الأخيرة / كلام سليم ومحفز
أنا أدرس واشتغل وماعندي وقت أروح للنادي
ف اتمرن بالبيت وأحاول ألزم نفسي على الأقل 3 مرات بالأسبوع أن يكون في تمرين
وإنتي ما قصرتي معاي بالنصايح ربي يخليج
الله لا يحرمنا غلآي ❤❤
كأنك عارفه إني أدور على حبال مقاومه ، وصلت كيلوين بالاثقال وماصارت تفيد في تماريني، وان شاء الله جاري تجربة الحبال .
بالنسبه لكلامك عن التمرين والاجسام قلتي اللي بخاطري، بعض البنات يتعذرون باتفه الاشياء المشكله انها ودها وهو همها الشاغل الوزن لكنها ماتتحرك ماعندها وقت، يعني الشغله كلها كسل ماجربت اساسا، تسلمين على طرحك وبانتظار الجزء الجاي.
يسعد مساك يا اجمل ارتوس
تدوينه رائعه وحماااسيه
ما شاء الله البنات اللي يعلقون بسرعه كيييف ????
معلوماتك عن الرياضه ما شاء الله دائماً تفيد واثق فيك مرره
تحمست مره اشتريه
كل التمارين اللي اسويها بدون ادوات لكن ان شاء الله اغير
ماتوقعت اهمية حبل المقاومه مره يحمس ?
ثاني مره اعلق ومن الاخيرات طبعاً ?❤️❤️
لكن مره احب مدونتك والمعلومات اللي فيها ?❤️❤️
Keep going ????
ماشاء الله من أفضل المدونات الي اتابعها شرح كامل و وافي ودقه في الوصف اتمني لك كل التوفيق والله يحفظك ???
جمييييله التدوينه 3>
بصراحه انا كنت استهين بحبل المقاومه قبل تدوينتج ^___^ بس هسه فهمت انه اثره كبير اذا عرفنا نستعمله صح ، و الجزء الاخير من التدوينه اثر بيه هواااي و ان شاء الله التزم بالرياضه و ابشرج :*
.
اذا تختفين او تطولين بالغيبه اعرف انك مشغوله ، احنا احبج و احب تدويناتج و استفيد منها و استمتع بقراءة كل حرف لكن اخذي وقتج بحياتج لان حياتج الواقعيه اهم ، و بسبب فتح السناب صرت اقره تدويناتج و بوستاتج بصوتج ههههههه
.
شكرا شكرا على التدوينه وان شاء الله الله يجزيج بالخير عن كل حرف يا جميلة :* :*
الله يسعدك يا ارتوس ويجزاك ربي عننا كل خير
موضوع يخليك تتنفسين بعممق..
من اول مره أقراه بس احب ارجع اقرأ تدويناتك الرياضية ♥️