صَباح / مَساء الشتوية الحنونه
أخباركم صَبايا ؟!
بالتَدوينة السابقة قَلت التَدوينة القادمة أممممممممم ( سِر ) كثير تَوقعها بتكون برقم سَري
لا أبداً أقصد بِسر إني ماراح أقولكم مُحتواها لغاية يوم الطَرح ، عاد بَعد ما قِلت كذا و صرتوا تَقولون تَحمسنا
قِلت بقلبي يؤ ، البنات مَستعدين لتدوينة حماسية وَ أنا تَدوينتي عادية مَهب بهالحَماس مُجرد ثَرثرة
[ خَوفتوني وَ بطلت أنزلها بَيومها ، بالرُغم تَدوينة ثرثرة عادية ]
أحبكم
بالفَترة الأخيرة صَار فيه توجة عِند الغَرب للمُنتجات الطَبيعة
بالمُجمل فيه توجه عَالمي للأمور إللي توحي إنها هُوم ميد ( صناعة منزلية )
حتى بالأكل يحبون الشغلات إللي تبين كأنها شَغل بيت ، شكلها يكون غَير مُنظم
صَار كُل شيء يوحي إنه صِناعي غَير مرغُوب حَتى لو كان المُنتج ماله علاقة بالصحة ، يعني جاتو يحبون شَكله يكون مَحيوس ، كوكيز ، سينامون ، بونز يحبون حباته عشوائية وَ كُل حَبه ماتشبه الثانية
– تدرون ليش ؟!
لأنهم مَلوا مِن الأكل الصِناعي وَ ملوا مِن الأكل المُعلب وَ الجاهز وَ الوَجبات السريعة
وَ بحكم إن الأجيال الأخيرة مِن رَحِم أُمهات عامِلات فالأكل المَنزلي أصبح شيء نادر وَ حتى لو حُضر بالمَنزل يكون نِصف تحضيره تم مُسبق وَ أُخذ من أرفف السُوبر ماركت
فالشَغلات مِثل الخُبز وَ المُعجنات يمكن مَحد يذوقها إلا ببيت الجدة ، فتلقون مَحلات تحضير الطعام العائلية ناجحة بشدة ، وَ حتى الأكشاك ، لأنها تذكر مُرتاديها بالحنية وَ أجواء المنزل
حتى مُنتجات التَجميل صار فيه توجه للمُنتجات إللي توحي إنها مَصنوعة يدوياً
[ طَبعاً نتكلم عَن العالم إللي مُش عالم ثالث ، لأن حِنا مازالت الحَميمة مَوجودة بسفر طَعامنا وَ مابعد مَلينا مِن التَطور وَ الشكل الحَديث ] ..
مُنتجنا اليوم أوحى لي بهالمُقدمة إللي مَا أدري وِش تبي ههههههه الظاهر كتبتها وَ أنا مِشتهية ريحة الخبز وَ الكوكيز [ لاتلوموني شتويه ]
مَاركة فارم هاوس فريش ، إنتشرت بالفترة الأخيرة وَ سبب شُهرتها هَي جمال تصاميم المُنتجات إللي توحي بهدايا أعياد الميلاد المُحضرة بالمنزل
لكن سبب شهرتها الأكبر إن ٩٩،٦٪ مِن عناصر مُنتجاتهم مُشتقة مِن مواد طبيعية
– خاليه مِن الكبريتات وَ الباربين
– ٩٩٪ مِن مٌنتجاتهم خَالية من الجالوتين وَ المُشتقات الحيوانية
– صديقة للحيوان وَ لا يتم تجربة مُنتجاتهم على الحَيوانات
– خاليه مِن العُطور الصِناعية
الماركة أمريكية مَقرها تكساس ( بلد رُعاة البَقر )
.Farmhouse Fresh | .FHF
Pudding Apeel – Tapioca + Rice Active Fruit Glycol Mask
قناع بودينغ التفاح + التابيوكا + حمض الجليكوليك
• الماسك خالي من الجالوتين
• يحتوي على مُنتجات حَيوانية ( العسل وَ شمع العَسل )
• نسبة العناصر الطبيعية ٩٧٪
سعر المُنتج : 22 دولار بمَوقعهم الرسمي = 83 ريال سعودي
تَم توفير المُنتج مِن متجر : dody_shop0
رابط المَتجر : ( للإطلاع إضغطي هُنا )
صَراحة دَوختها فَديتها ، لأن يَوم قرت البنات يقولون لي جَربي مُنتجات فارم هاوس فرش ، قالت أنا بَوفرها لَك
قلت لها أقرأ زَين عن المُنتج وَ أرد لك خَبر ، بجد تأخرت وَ انا أختار لأن أبي شيء يَناسبني ١٠٠٪
المواد الفاعلة في المنتج ~
– حمض الجليكوليك ( يقشر البشرة وَ يزيل طبقة الجلد السطحية )
– آحماض الآلفا هيدروكسي المُستخلصة مِن الفاكهة ( مقشر لطبقة الجلد السطحية )
– العسل وَ حليب جوز الهند يرطبون البشرة
– دقيق التابيوكا يُعطي مَلمس حَريري للجلد
– الشاي الأخضر وَ زهرة العَسل لتهدئة البشرة
وُعود المنتج ،’
– يعمل الماسك على تقشير البشرة بشكل لطيف وَ ناعم
– يحد من علامات التقدم بالسن بفعل التَقشير
– يعمل على السَيطرة على حُبوب الشَباب
– يحد مِن علامات وَ أثار الشَمس
– يكفي مِن ١٤ إلى ١٦ إستخدام
ناعم على البشرة وَ لطيف بحيث يمكن إستخدامه يومياً بشرط أن لا يتم إستخدام أي مُنتج يعمل على تقشير البشرة أو تَهيجها
طريقة الإستخدام ~
تمد طبقة من المنتج على بشرة نظيفة ( تجنبي مَنطقة العين وَ الشفايف ) ، وَ يترك مِن ١٥ إلى ٣٠ دقيقة ، ثُم يغسل بماء دافئ
رأيي عَن المُنتج ~
المُنتج ريحته لطيفة جداً أشبه بالبودينق أو فراستنق الكوب كيك
قوامة جداً خفيف وَ ناعم وَ فيه حبيبات صغيرة جداً تكاد لاتذكر ( أعتقد حبيبات رز )
مده سَلس غير مُتعب
إحساسه مُريح على الوجه لاهو بالسميك وَ لا الخفيف وَ لا هو مِن النوع إللي ينشف مِثل الجبس
غسله سهل ما ياخذ وَقت
تحسين بلذعة بسيطة أول ماتمدينة بفعل الأحماض إللي فيه
المُنتج مافيه مواد تحسس البشرة الطبيعية ( لكن إللي يتحسسون مِن الأحماض مُمكن مايتحلمونه )
الماسك مايحتاج تفركينه بالبشرة لأن الأحماض إللي فيه كَفيلة تخلصك مِن الطَبقه السطحية بدون فرك
حبيت الماسك بعد ماغسلته حسيت فيه لمعة نظافة بوجهي ، وَ لاهو بالجاف وَ لا الرطب
مافي أي إحساس بالوخز بعد الغسل ، وَ بنفس الوقت فيه إحساس بالراحة
عُيوب المُنتج ،’
ما أشوف المُنتج فيه عيوب لكن خل نقول مُلاحظات
تصميم العُلبه صح جميل لكن يعرضة للهواء إللي مُمكن يقلل مِن فعالية المنتجات ، تتعبني المُنتجات إللي مِن هالنوع لأنها لازم تنوخذ بالسباتولا بس عندي ضعف تجاه شكلها الكيوت
[ لذلك احرصوا لاتاخذون المنتج بأصابعكم وَ أقفلوها لاتخلونها مَكشوفه ]
بالنسبة لوعود المُنتج كونه يقلل علامات التقدم بالسن طبيعي المُقشرات راح تساعد على تَجديد الجلد خاصة اللي فيها أحماض بس مُو كافيه إنها تكون علاج فعال
أما بخصوص حبوب الشباب المُنتج يناسب لأنه يقشر مِن غير فرك مثل المقشرات الأنزيمية ( سَبق وَ تكلمت عنها ، للإطلاع إضغطي هُنا ) ، الفرك يهيج البشرة وَ يخليها مُعرضة للحبوب ، أيضاً لما يكون فيك حَبه صعب تفركين بشرتك ، تقشير البشرة يمنع من تراكم الجِلد الميت على المسام وَ هالشيء يخلصك مِن تراكم الدهون
– لكن هل هو علاج فعال للحبوب ؟
لا فيه علاجات أكثر فائدة ، يَعني خذيه للعناية الروتينية وَ ليس كَعلاج
وَ فيه نقطة مُهمه أحماض الفواكه وَ خص نص الأحماض إللي تعتمد بشكل كَبير على الليمون أو الجريب فروت أو البرتقال ، كثير مِن البشرات إللي مُعرضة لحب الشباب تسبب تهيج لبشرتهم وَ تزيد الحبوب بدل ماتحسنها
فأعرفوا نوع بشرتكم قبل هل تَتحسس مِن هالمُكونات !! [ وَ أقصد حَتى الليمون المُحضر بالمنزل ]
أيضاً فيه شَغلة أتعبتني لما جَيت أنقي المُنتجات مافيه تفاصيل دقيقة وَ مو كاتبين المُحتويات على صَفحتهم بالإنترنت ، فما عَرفت المُكونات إلا لما قَريتها على الكرتونة
[ شخصياً أهتم إن المَعلومات تكون مَوجودة بالموقع الرسمي]
لكن فيه نقطة أعجبتني مسوين مِثل الجدول البَسيط كاتبين فيه إسم المُنتج وَ نسبة المواد الطبيعية وَ هل فيه جالوتين ، وَ وش مصدره مِن الشوفان مثلاً !!
وَ إذا كان المُنتج يحتوي على مُشتقات حيوانية يكتبون هل هو ( زبادي ، عسل ، شمع العسل )
هذي تجربتي لأحد مُنتجاتهم إللي كانت ناجحة ، وَ باقي عِندي مُنتجين متحمسه أجربهم
الخُلاصة ،’
فترة بقاء المُنتج بالوجه طويلة يعني 15 دَقيقة وَ 30 دَقيقة هالشيء عفكرة مُريح
كثير من الماسكات البروفيشنال إللي أستخدمها المُدة 5 دَقائق أو 10 دقائق بالكثير
بينما هذا مُدته طَويله يحسسني بنفس إحساس أي شيء طَبيعي تستخدمينه يحتاج شَوية وَقت للفعالية
أحس نَتائجه بتكون روعة على كَثير ناس غَيري لو إهتموا للعيوب إللي ذكرتهآ ، وَ كانوا مَنطقيين أثناء الشِراء
وَ فيه بنت سالتني : شَلون طبيعية وَ ماتخرب !!
ركزوا على طبيعة الكتابة وَ الكلام هي مَواد مُستخلصة من مواد طبيعية وَ ليست نفس المادة بشكلها الطبيعي مُضافة
لو قلت لك فرضاً المادة بها كحول مُستخلص من جوز الهند راح يكون بتصنيفهم مادة طبيعية ، لأن فيه كحول بتركيب كيميائي
[ إن شاء الله وضَحت الفكرة ]
سؤال ،’
– هل تعتنون بأنفسكم بفصل الشتاء أكثر مِن فصل الصيف ؟!
على حَسب جَوابكم راح أطرح المَواضيع ، إذا لا نَكثف مَاكياج
وَ إذا إيه نَكثف ماسكات وَ سنفرة وَ عناية بالشَعر ، وَ ممنوع الكَذب بُغية التلاعب بالطَرح
قولوا الصِدق ..
إللي سالوا بخصوص سنفرة الوَجه وَ إزالة الرؤوس السَوداء ، راح أطرح مَوضوع بالرُغم إنه بَسيط
إلا إنكم راح تدعون لي مِن بعده ، محداً ذكره على حَد علمي وَ لا مَوجود لا بالمَواقع العربية وَ لا الأجنبية وَ يعرفونه الدَكاترة بس ما يَقولونه
وَ يمكن يكون موجود ببيتك وَ لا عارفة عَنه ( وِش رايكم بالألغاز !! )
دُمتم بَحب
تم
ههههههههه مُتصدرة
هههههههههه متصدر لا تكلمني
والله اشتقت لاجواء المدونه الله لا يحرمني منها ولا منك
المنتج حسسني بالاسترخاء حبيته من صمصوم قلبي واكثر شي ريحني وجود المتجر الي يوفره الله يوفقها ويبارك برزقها
احلى شي مواد طبيعيه يستخدم بدون تخوف وتجربتك تطمن اكثر
ننتظر تكملة التجربه لباقي المنتجات
لي تجربه باذن الله معه وراح اوافيك بالنتيجه
وع طاري التجربه حبوب البيوتين جابت نتيجه مع التساقط ماتتخيلي سعادتي يوم امشط شعري والاحظ ان التساقط خف بنسبه ٦٠٪
والحمد لله مافي اثر للحبوب والله دعيت لك من قلبي
نحل اللغز ؟ وايش الجائزه ؟ ههههههههه
وبالنسبه للشتاء والعنايه تنفتح نفسي اكثر من الايام الثانيه وتكون عنايه افضل بكثير من الفصول الباقي وخصوصا الصيف
وسوا كان طرحك عنايه او مكياج معك باذن الله باستفيد بكل الحالات
وَ أنا إشتقت لك ، حتى البَنوتات نَفس المَشاعر وَ الله ..
وَ حمستيني مِن الآن على تَجربتك ، وَ ألف ألف مَبروك فرحتيني بنتائج البيوتين
وَ إن شاء الله تتخلصين مَنه ، شكل جسمك مَثل جسمي ما يحسسك البيوتين ..
ههههههههههههه ماراح تَعرفين جَواب اللغز ، لأنه يحتاج دَقة مُعينة يعني مُش حَتعرفيه
لبى إللي يَعزز لي وَ يدعمني بكل النَواحي ، أمطاااخ يا شَيخه
واحير نزلتي التدوينة
يَوم قلتي بالأنستا أبطيتي عَلينا نَزلتها وَ انا تَوني ألونها وَ الله
يابعد قلبي اليوم اصريت انتظرك وارد اول الناس ههههههه
تم
نَورتيني يا سُولي ..
وصباحك خير ياجميلة ..
واحنا نحبك اد الدنيا ????
خلاص دايم بنسوي إنا مب متحمسين عشان ماتطير علينا تدوينة هههههههههه
حبيت المنتج من وصفك وحسيته عملي سهل مع اني اذا قالوا المنتج طبيعي مااتحمس له احس دايم نتايجه بسيطة وبعد وقت طويل او بس يكون للمحافظة عالبشرة .. حلو انك ذكرتي على ان بعض الاحماض تهيج البشرة معلومة ماكنت اعرفها عبالي كل الاحماض تهيج البشرة وقت استخدامها او بداية استخدامه بعدين تتعود عليها البشرة ..
بالنسبة للسؤال بصراحة بالصيف اكثر بالشتاء يصيبني سبات شتوي فضيييع مع هذا نبي مواضيع عناية اكثر من الميك اب احبها اكثر ..
شسمه توسه بسألك انا عجزت افهم بشرتي انا مريت بحالة اهمال فضيعة مدة سنة من الاكتئاب بس بعد ماتعدلت نفسيتي بشرتي دمار حب شباب وتصبغات حب الشباب مو كثير واقدر انهي مشكلته بس مشكلتي التصبغات اللي صارت فيها اثار حب وبداية كلف وحول الفم اللحين لو استخدم الدوكين او البيجانورم بهالحالة تشوفين ينفع ولا بس بتكون نتيجته مؤقته وترجع وعلى فكرة مش تصبغات وراثة لا من اهمال او استخدم مفتح مثل بايودرما يحتوي على فيتامين سي وبس ياحلوتنا طولت السؤال ..
ويعطيك الف عافية على اي فايدة تقدمينها لنا .. مابيدي اني ارد هالفضل لك لانك بجد افدتينا وغيرتي فينا الا بالدعاء بظهر الغيب لك .. ????
هههههه تَخيلي تَسوونها !!
بقولكم كُنت مَتحمسة وَ يوم شفت مافي حَماس هَونت ههههههههههه ..
بخصوص سؤالك ، إلا مُمكن ينفع معك الدوكين أو اليجمانورم ، مُش ينفع وَبس إلا بيحقق نَتائج مَثالية وَ قد يُنهي كُل مشاكلك
لو تبين إبدأي مِن الآن الجو مُناسب للبيجمانورم ، بس هآآآآه ترآه دواء قوي وَ به كورتيزون يعني الله الله بالحذر أثناء إستخدامه
بس إنتِ بحاجته فَعلياً ..
البيجمانورم فكرته أنه كريم تبييض مَع كريم تقشير ، أما الدوكين فقط كريم مُبيض
مكاني مكاني???.
كنا نشوي ونسيت منها قمت اجري يوم تذكرت ?????.
صباح البرد والله❄️?.
تصدقين اكثر شي انبسط عليه الثرثره حتى لو انها سطرين اكيف عليها.
المقدمه عجيب ربطش للامور????????.
تحمست له حسيته صدق جمييل وشكله كيوت??.
هل تعتنون بأنفسكم بفصل الشتاء أكثر من الصيف ؟!
عاد الشتاء ذا فصل الكسل للامانه الصيف اكثر.
هاشوفي حمستينا لحق الرؤوس السوداء وعرفتي كيف تصيغي اللغز????.
يعطيش العافيه ??.
حلوه الصَراحة وَ الله ..
أنا أشَوف الشتاء فُرصة لإعادة الحسابات ، خاصة لو راح ننتقل على سَنه جَديدة ..
وَ المَطلوب إني أحَمسكم ، بس ماراح أطول كثير بتعذيبكم
قَلوب لك
ماشاء الله بالعَافية عليكم ..
شكل بُكره إجازة ..
اييه نسينا ايام المدارس والله?.
انا من نجران والمدارس موقفه عشان الحرب???.
ماغير جالسين وناكل اقسم بالله زادت اوزانا?.
تخيلي لا مدارس ولا جامعات الا يوم في الاسبوع والحين مهددين المدارس بالضرب فخلاص سحبنا ولانخرج البر عشان لاتطيح علينا قذيفه ولا نروح مطاعم عشان لايجي ضرب فيها ولا حولها ومامعنا الا السواليف والاكل بس???? تخيلي من بدت الحرب اني زايده ١٠ كيلو??مانخرج من البيت وبلا ناكل ولما بديت اقول بخفف قال اخوي تخيلي تخففي ويجيش صاروخ وتموتي ولاتشبعي نفسش???واقول صادق والله وعلى ذا الحال والله ناكل ونتمرن?????.
آهاه !! .. أسفَرت وَ أنورت وَ الله
الله يَهونها عليكم وَ لا يصيبكم بأذى أو شَر ..
وَ ماعليه ١٠ كيلو وَ إنتم فرَحانين وَ بصحة وَ سلامة ، وَقت الأزمات محداً له حَق يحكم عليكم
الحَمدلله إنكم مَدبرين أموركم .. نَورتيني وَ إن شاء الله نسمع عَنك الأخبار الطَيبة
????.
امين يارب جميعاً.
تم ^ يارب لحقت
لَحقتي ..
كنت بنام بس جاني احساس انك نزلتيها ?
بخصوص التدوينه الي كنت بتنزلينها عادي وان كانت ثرثره عاديه على قلبنا زي العسل .
بما ان ماعندي اي تحسس فبجربه ، مع طبيعة الجو عندنا نحتاج عناية بكل الفصلين بالصيف شمس وبالشتاء جفاف ??
صَدقتي نَحتاج العناية بالفصلين بسبب المُسببات إللي قَلتيها
بس بعضهم بالشتاء تقلل مرات غسل شعرها ، أو مرات الشاور وَ هكذا
وَ البعض يحلى له النُوم أكثر ، وَ شيطان الكسل يحوم يحوم بين الفَتيات
تَنوريني يا رَحاب .. خلاص أنتِ صديقة هالمُدونة
من حبنا للمدونه وصاحبتها صادقناها ??
?
تَنوريني أمُول ..
ماشاء الله ماتوقعت منتجاتهم فيها هالمواد الفعالة مثل الاحماض عادي انا مدري ليه توقعت انك بتتكلمين عن اكثر من نوع بذات ماسك الترطيب حق البستاشيو لاننا في شتاء وبشرتنا تجف وهالشيء يحثني اهتم فيها مش اهملها عشان ماتتعبني اكثر, وبحصوص المنتجات الطبيعية حقت العناية بصراحة ماميل لها ماحس فعالة وزينة لكن هالماسك بذات حبيته من مدح مريوم الكويتية,
لا لا فَقط نُوع واحد أخذت الأكثر فَعالية وَ نجاح ..
وَ حرام يَنجمعون صراحة ببوست وآحد ، إذا جربتيه راح تَعرفين شَكثر فَعال وَ مُغذي للبشرة
نَورتيني
ارتوس بسألك بخصوص المنتج بما انه مقشر ماينفع استخدم ميك اب بعده بكم يوم؟ يعني اقصد يطلع قشور بالوجه بحكم انه احماض ومقشره؟
وشكرا شكرا لك عمري ماجربت شي مدحتيه وندمت، انتي عرابتي بالميك اب وبعنايتي بنفسي من الالف للياء كنت اتابعك من ايام شمواه وكان عمري وقتها ١٧ والحين عمري ٢٤ واشوف انوثتي بقمتها بفضل الله ثم بفضلك، الله يزيدك ياجميلة ?
صباح بدايات الشتاء
كيفك يا جميلة؟ قريت عن الشركه و شفت لها كم منتج و كنت راح اسألك عنها بس كويس جات من نفسها.. شكله راح ابدأ باستخدامه .. العناية بالشتاء ما احس انها تختلف عن الصيف كثير هي نفسها بس ممكن ازيد عدد مرات استخدامي للماسكات .. مشكلتي في الصيف تزيد مشاكلي بسبب الشمس و الحر .. اما في الشتاء فبصراحة اخاف من الجفاف ..
شكراً جميلتي يعطيك العافية ..
love you
وَ الله حبيت رَدك وَ حبيت وَعيك ..
فعلاً بالبرد البشرة تتعرض للجفاف أكثر ، بس فُرصة كبيرة للعناية خاصة إنك راح ترتاحين من لهاليب الصَيف ( أعاننا الله ) ..
نَورتيني يا عَيني
يسعد صباحك توسه…
تم…
وَ صباحك نُورآ خانم
وأخيراً حجزت لي مكانٓ من الأوائل ???
آآآوه بَشورة ، عَرفتك خلاص
صبااااح الورد توسه?
شكله حلووو
الماسكات صراحه من النادر اشتريها الا اذا شدني شي جديد
جربنا the face shop و نزيه و ماركات عاديه ما شي عجبني
الا يمكن منتجات البحر الميت بس من زماااان
وسمعت مره عن ماسك الفحم اللي فدايسو ما اتجرأت اشتريه بس شفت ماسك الفحم للانف روووعه للرؤوس السودا واوفر بميه مره من اللزقات الخاصه وكميته تكفي قرب السنه
وهو عباره عن كريم اتحطينه لين ينشف واتزيلينه نفس فكره الجيلاتين
وبالنسبه لسؤالك فتره الشتا مهمه للعنايه بس انا مهمله فالشتا فالصيف اكثر بس هالسنه بحاول اهتم اكثر
ونوع المواضيع احس احسن هالفتره للعنايه
عَرفت الماسك إللي تَكلمتي عَنه ، أنا غالباً أستخدم نفس ماسكات الشركات الطَبية
أحبها ، نفس سنفرتي يكون عَندي ماسك تابع مِن نفس الشَركة وَ مرات آخذ مِن كُل بَحر قطرة ..
حس المَزاج يَعني ..
وَ آوكيه أخذت فكرة عَن مُتطلباتكم بهالفَترة ، نَورتيني يالحُب
صباح البودينغ ههه
سلمت .. يلا نقرأ
خدي❤?
اول شيء للأمانه مع الشتاء يادوب تقشير جسم ولوشن والسلام ختام
بالنسبة لي نادرا أعمل ماسكات في الشتاء ..
البشرة خصوصا اليد تكون جافه اكثر من باقي الجسم
عشان كذا بقلك أكره الشتاء ??
الحمد لله على كل حال..
هو صراحة إللي أشيل هَمها ماسكات الجسم بالشتاء
شَوي تكرمين صَعبة بالحمام .. لكن فُرصة للإستعداد للصيفية ..
وَ أبشري فيه كريم لليدين أشوفه حُلو قَد يساعدك ، أكتب عَنه قريباً
هلآ بَسهى ..
وَ الله صَباح الأكل الدآفىء ، لو تدرون ماذا أكلت مُنذو قليل راح تجيكم جَلطة
ههههههه صحه وعافية
أتوقع آيس كريم
اذا صح ..بليز لاتعيديها خلي برد الكرز والياسمين(المربعانية) يمر بسلام
ومحمسة اعرف كريم اليد ..ممنونتك?
الماسك كلهم هبوا فيه وخصوصا اللي بالشوكلاته رغم شكله يحمس ويعذب بس ابدا ماطرا لي اجربه لانو توقعت هبة وتعدي بس دامه مقشر اكيد راح يكون جميل بس انا الماسكات الطبيعية مش صحبة معها مرة .. اما بخصوص العناية انا عني اهتم فيها ع طول سواء صيف وشتاء بس مشكلي اترطيب وبشرتي دهنية وماحصلت مرطب كويس لها جربت كيو في لكنه ابدا ابدا ماعجبني يخلي وجهي مدهن زيادة وحاليا طلبت مرطب افين اللي اتكلمتي عنه قبل وبجربه ان شاء الله وبخصوص السنفرة كنت اصنفر ب صنفرة ستيفز لكن خفت وتركتتها لمن قرات لك وانك ماتحبذينها وتحذرين منها ع طول تركتها وناوية ع المقشر الانزيمي اللي اتكلمتي عنه,, يبقى الجسم ماعرف باايش نقشره ؟ انصحينا كيف ؟ واعذريني ع الاطالة ي احلى ارتوس .. فيس مغطي عيونو
لأن التَجربة يكون حسب المُدونين غالبية الناس كِذآ ، وَش إللي إنمدح يآخذون مِنه
بغض النَظر على مُلائمة المُنتج لهم ..
للأمانة أنا شركة كيو في كُلها ما دَخلت مَزاجي ، بس السبب برواجها هُو ترويج الأطباء برضو لهآ ..
كل مَحداً راح عند دكتور قاله كيو في .. بالرُغم مو كل شيء عندهم وآآآآآو ، لكن خالية من العطور ..
بالنسبة للجسم فيه مُقشرات للجسم ، حتى لو تقشرينه بسكر وَ زيت زيتون مُش بَطال
وَ الحمام المَغربي إللي شَخصياً ما أقدر أستغنى عَنه ، ما يَستقيم شيء عَندي إلا بالحمام المَغربي
تدوينة جميلة راح أخذ فكره عن منتجاتهم ممكن تناسبني
بالنسبة لعناية ماتفرق عندي صيف او شتاء على حسب مزاجي?والنفسية
شريت قبل فتره سنفرة بوبي بروان بناء على تجربتك جميله جدا ولكن كنت استخدمها بطريقه الفرك الخفي فتوى انتبه من ردك لوحده انه نحطها دون تحريك فرك
كنت مفتريه بوجهي وجمسي ببالي الفرك راح يجمله??
لا لا يا قَلبي أكيد إنتِ لخبطتي ..
الأنزيمات بدون فرك ، بس حق بوبي براون بَفرك
عُموماً شوفي هالمَوضوع إقريه يَمكن فيه شيء غافلة عَنه ، كتبت عَنه مُجدداً هُنا
http://artoschic.com/1519/مقشر-بوبي-براون-أفضل-سنفره-للوجه-buffing-grains-for-face-fro.html
صباح الورد توسه
طبعامدونتك جميله كاالعاده وحمستيني اشتري القناع
صَباحووو ..
أتوقع مازال عَندك مَساء !! وَ لا ..
نورتيني يالجَميلة ، وَ عفكرة حبيت ردك بتدوينة ثرثرة الأناقة
صباح الورد?
المنتج شكله مغري بس انا والله احب السيف سايد حاليا مع الاشياء الطبيعيه ونتيجتها عاجبتني مدري يمكن قناعاتي بالعنايه بدائيه شوي بحكم عمري بس انا من صغري مدمنه عالعنايه رغم فقر الموارد بس ماكان يعوقني الشي ذا والله انتي فتنه ماشاء الله عليش وكل شي تكتبينه بضمير عسى الله يجزاش الف خير?
عندي ملاحظه صغيره اذا سمحتي لي الاحظ اول ما تحطين منتج نسبه كبيره يقولون ايه نعرفه وجربناه ومدري ايش طيب ماحد جاب له طاري قبل ولا مدحه ولا اقترحه ليه كذا طيب!!
نَوال أهم شيء تعتنين بنفسك بالطَريقة إللي تَرتاحين لهآ
بَخصوص مُلاحظتك ، قَد يكونون مُجربينه بس ما أنتبهوآ أو ما أُتيحت لهم الفُرصة للحديث
وَ البعض ما يكون مَجربه يكون قاري عَنه أو شافه بأحد الحسابات الجَمالية وَ يبدأ يَوصف ، لأن هذا طَبع بشري إسمه أنا أعرف كل شيء
طالما المَوضوع ما يَضر مافي أي مُشكلة
من زمان مالحقت على تدوينة بوقتها شفت الرابط بتويتر وجيت ركض ??
وَ الله أهتم بَجميع الرَدود حَتى لو تأخرتوآ
حياكم الله
ياصباحوو …
مقدمه ولا اروع ياختي عليك ماشاء الله ??..
بالفعل في روائح تذكرك باشياء وتخليك تنظرين للشيء بأكثر من منظور هذا بالنسبه للي مشغل احاسيسه كلها مش مطفي البعض والبعض ينشحن ? …
المنتج رووعه ومادام انت اخترتي هالثلاثه خلاص انا بختارهم مثلك كيفني وانا اقلدك ??…
بالنسبه للسؤال تبين الصراحه مرره روتيني واحد مايتغير اللي يتغير الاشياء المستخدمه بس … اما بالنسبه للي بتنزلينه بالايام القادمه كل شيء منك حلو نبيك سالمه يابنت الاراتيس ?…
اما الشيء المتوفر ولاقد صرح فيه احد اشك بشيء في بالي يعتبر مصنفر معتمد ونتائجه مرضيه ممكن يكون هو ؟؟ .. من يعلم اول ههههههههه ??
ياللا اشوفك على خير ياجميلة الجميلات ??
ههههههههههههههههههه وَصفك عَجيب ، حبيت الإحساس المَشحون ..
وَ أنا حلالك ، مابين الصَديقات تَقليد .. بينا حُب مُشاركة
وَ يالله تَخمينك قَوليه لي واتس آب ، ههههههههههه مَدري ليه قَلبي يقول إنك عَرفتيه مُجرد تَوقع
miss u 3tol ?
حبيت المنتج وتحمست اشوف الباقي واشوف الي يناسبني.
بالشتاء اهتم اكثر بالعنايه لان بشتري اصلها دهني وبشتاء تجف شوي مع قشور فغصب علي اهتم اكثر واقلل الميك اب بهذي الفتره للين تتوازن بشتري وتصير عاديه، بالصيف ميك اب اكثر ?
لاحظت شي ببشرتي ان بشتاء تتكاثر عندي الرؤس السودا مع اني اهتك اني انظفها بس تكاثرها يكون اكثر بالشتاء من الصيف، وصراحه انتظر بوست حق ابيدو بوقت الشتاء ?❤️
ما نَسيتي الإيبيدو ؟
بخصوص الرؤوس السوداء لأن المسام يتقلص فتظهر الرؤوس السوداء كشعيرات
بالبرد تَشوفينها أكثر وَ لا هي هي ، عُموماً إللي بنزله راح يحل هالمُشكلة بدون عناء وَ بدون عُنف
طيب حَلو عارفة وَين المُشكلة ..
إنتِ لو سنفرتي بشرتك مرتين بالإسبوع وَ حطيتي ماسك ، وَ تهتمين بالترطيب
راح تتخلصين مِن هالمُشكلة لا مَحالة
السلام عليكم
مره حبيت لمنتج لازم ادخل موقعهم الرسمي و اشوف باقي المنتجات
التقشير بالاحماض عموما ناسبني كثير ، كان عندي تصبغات و اثار حب شباب عالجتها بكريمات موضعية و تقشير كرستالي و ما فاد
بس استخدمت حمض الجلايكوليك و حمض اللاكتيك و جد فادوني و فرقوا معاي كثييير راحت اثار حب الشباب كلها و اختفت التصبغات بنسبة اممم اقدر اقول 80؟ بس جد نتيجة رائعة و مرضية ?❤❤
و صارو اصدقائي الصدوقين خاصة في فصل الشتاء ?
إذا تقدري تكتبين لنا تدوينة عن التقشير الكيميائي بيكون شي جميل ?❤
حبيت أسأل عن رايك ارتوس في تقشير tca ؟ و التقشير الكيميائي عموما لانواع البشرة في المنزل ?
و سكرا عالتدوينة الجميلة و ننتظر تدوينتك السرية تحمست ?❤
سكرا ؟ قصدي شكرا ???
ايه روتيني في الشتاء هو نفسه بس اكثف استخدام الزبدات و استخدم تقشير كيميائي عشان مشاكل بشرتي اللي باقي ما انحلت ان شاءالله تنحل بسرعه بس ?
وَ الله كَفو
الحَمدلله إن الأحماض تَليق لك ، لأن أغلب المُنتجات إللي تَزين البشرة تحتوي على الأحماض أو الرتن أ
بخصوص التقشير بـ t.c.a إذا بشرة سليمة مافيها شيء أشوفه تُو مَتش .. لأن النَتيجة مُرعبة بالأيام الأولى
ما أييد وَ تكون النصيحة بالتأكيد تَحت إشراف طَبي ..
التقشير إللي اييده بالرتن أ بالنسب خفيفة بالمَنزل ، إما للحفاظ على النضارة أو لمُعالجة مَشاكل بسيطة بشكل دَوري
اما الباقي يَعتمد عالإحتياج ، يعني المَوضوع مو بهالتساهل إللي الناس ماشيين فيه .. يبيله إستشارة طبية
كفوك الطيب يا جميلة ❤
تسلميين عالراي السديد
فعلا ان الtca مخوفني بس النتايج كانت واو و تحمست مع شوية رعب لكن الحين احس الرتن ايه و الجلايكوليك راح يفيدوني ان شاءالله حتى لو كانت نتيجة بطيئة نوعا ما لكن اخاف اخرب اللي سويته و ابلش بشي ثاني ? ?
شكرا ❤
صبآح الجممال للناس الزييينه
حسيت بأنتعاش يوم اقرأ التدوين
اعجبني جد خصوصاً احب الماسكات الجاهزه
تعطي مفعول احسن بكثييير برغم من بشرتي
مختلطه لاكن رح اجربه بإذن الله
جربت منك كثير اشياء وكلهاا تمام معاي
ايش اقول بس احبببك اكثر والله
بالنسبه لعنايتي بالشتاء نفس بالصيف اللهم
ازيد العنايه اكثر شوي خصوصاً بالترطيب
ولوو ان عناية الشتاء تتخلف عن الصيف بكثير
اشياء ?
متحمسه لتدوينه عن الرؤوس السوداء جد بحاجتها
دُمتي لي?
المُختلطة داخلة مَعنا بالحِسبة ترى ، أنا بشرتي بالشتاء تَكون مُختلطة مائلة للعادية
وَ بالصيف دهنية مائلة للعادية .. ..
وَ أنا بَعد أحبك وَ أكيد أستانس إني ما وَرطت أحد أو كلفت عليه بَتجربة فاشلة ..
برآفو برآفو ، حَمستوني وَ الله ..
صباح الخير ،،
بسم الله نبدأ ?
بخصوص هاَلشركة كأني قرأت أن أوبرا صرحت باإستخدامها يمكن عشان كيذا انتشرت بالفترة الأخيرهه المهم أن شكل منتجاتهم جميلة راح أجربها بالذات ماسك الشوكلاته لأن اغلب ماسكاتي منعنه ،، أما عن العناية نفس ماهي بالصيف اللهم أزيد ترطيب وإذا أبغى تقشير في الشتاء أفضل وقت لأن شمسنا حارهه راح ينسلخ جلدي بدل ماأحسنه ،، شكراً توسه ع التدوينة ❤️❤️❤️
منعنعه*
صَح كلامك ، أوبرا أعجبها أحد المُنتجات ..
وَ يالله كُلي شَوق لتجربتك ..
نَورتيني
تسلم يدينك ع هالتدوينه بصراحه حمستيني لهابالرغم من قبل شايفتها بس مافيه أحد حمسني لها مثلك …
بخصوص سؤالك أي والله العنايه بالشتاء أكثر من الصيف لأن بشرتي تقلب حساسه مره وناشفه ومقشره صوب الخدود والذقن وتعبني مع اني اسوي لها سنفره وترطيب كل شوي ولا يفيد معها مره فأكون ممنونه لك
سنفري كُل ٣ أيام وَ بعدها ماسك وَ بعدها مُرطب
وَ بتلاحظين الفرق ، بالشتاء تزيد القشور وَ يزيد تصلب الجلد وَ جفافه وَ تكون طبقات
يسعدلي صباحك .. كيفك بس مع اول يوم بـارد بدا شتاك ولا هههههههه ..
سمعت عنها وشفت بالمتاجر حيل مدح عليها بس قلت اكيد مثل فرانك ، فعلا شكل العلبه يجنن انا يهمني شكل العلب ههههههه حبيت وصفك لريحه اخاف اكل وجهي ?? .. باذن الله بجرب منه
و بعد فيه منتجات SKIN FOOD اشوف عليها مدح حيل ماسكاتهم ومقشرات..
هل تعتنون بأنفسكم بفصل الشتاء أكثر من الصيف ؟! لا الصيف الشتاء كسل بسبات مع ان المفروض العنايه فيه اكثر .. وبالنسبه للغز وش جائزه ؟ ?
هههههههههه مَهوي البرد جانا هُو وَ عيلته وَ قبيلته كلها
شَوفي بالبيت دافيء جداً جداً ما تَحسين ، لكن تَحسين إنك جُوعانة ٢٤ ساعة
أما لا فَتحت بوابة الصالة ، تجيني الصَدمة مِن شدة البرودة ، بس ترى شَتيت رسمياً ..
بخصوص سكين فود للآن ما جَربتها لو جربتها أعطيكم خَبر
بس هذي مِن جد تستحق خاصة هالشيء إللي جربته مَقدر أحكم على كُل المُنتجات بَس فعلاً فَضيعة
ههههههه الجائزة بُكس .. ما قلت لك تابعت المَسلسل إللي مَدحتيه لي وَ حسبي الله وَ نعم الوكيل
تونا بالحلقة ٨ !! وَ عديت عليهم بـ ٤ أيام وَ أنا مَخلصته وَ الآن مقهورة إني خلصته بهالسُرعة الفائقة
من زمان نفسي اجربه بس محتاره ايش اخذ يسعدك توسه
بالنسبه للبشره مااكثف عنايه نفس عنايتي بالصيف
هلآ بَك خدوج ..
وَياك يآرب ، وَ ميرسي عالجَواب
صباح الخيرات
بجاوب عليك بصدق الشتاء احس انو نتكاسل
غير فصل الصيف اصلا حتى الماسك ينشف بسرعه?
بس احب مواضيع العنايه
ووو اي نبغى تدوينه عن الرؤس السوداء تكفيين?
هلآ هلآ ..
أكيد أحلى شيء الصَدق ، طَيب مُمتاز عالأقل نَدور على شَغلات سَهله وَ بسيطة
وَ طلبك مِن عِنيآ
ههههههههه السر السر البيوتيتي بالاخير حمسني لأخر درجة …. مرررة عجبتني فكرة الجدول تميزوا عن غيرهم وهذا يحسب لنا ولهم اشتهيت المس المحتوى للمقشر يوحي بالنعومة على البشرة كأنه شي لطييف يدغدغ تحمست بالوصف بالنسبة للعناية عنايتي بالشتاء هي نفسه عنايتي بالصيف اللهم استبدل لوشن الجسم بزبدة افضل للترطيب
هههههههه ، هُو مُش بيتوتي بيتوتي بس قَد يكون مُتوفر لديكم بس ما تستخدمونه
وَ حلوه عَنايتك ، فعلاً الواحد يحتاج مُرطبات قَوية أكثر
يسعد صباحك ي جميله”تدوينه جداً رائعه ومشجعه لتجربه
فاأنا ابحث في فصل الشتاء لاشياء طبيعيه تكون جاهزه في نفس الوقت تقدم لي مفعول ونتيجه حلوه محافظه ع بشرتي بفصل تتغير بشرتنا فيه وتعطي تجديد للبشره
وفصل الشتاء صعب العنايه فيه للكسل والخمول ،والبرد الشديد بمنطقتنا لاكن احاول استخدم عنايه لجسمي وبشرتي من منتجات مكثفه من حيث الترطيب والتجديد وسهله الاستخدام(توفر علي الجهد والوقت)
ننتظر جديدك ي حلوه
شَكلك بأبها ، صَراحة برد الرياض مَعقول عادي طالما إنتِ جوآ البيت تَقدرين تعتنين
لكن ببعض المَناطق خاصة إللي توصل لدرجة ٠ وَ ٤ تَحت الصَفر شيء طبيعي ماراح يَشتهون سوى النَوم وَ الأكل
نَورتيني
صباح الجمدة ? ..
صدق البرد مايمزح هالمرّة ?
المنتج تحمست أجربه كثييير كثييير سمعت مدح عنّّه وشفت أختي جربته لكن كنت في حيرة من النوع اللي أقتنيه عشان نوع بشرتي و أحاول للحين أكتشف النوع اللي رح يلائم بشرتي يارب أتوفق فيه ?
بصراحة عنايتي بالشتا ترطيب في ترطيب بشرتي تتحول لجلد ضب مع البرودة? .. يعني فقط أزيد نسبة الترطيب زيادة على روتيني الصيفي وأفكّر أقشر وجهي بعد بما إنه شتا ومارح يتهيج وجهي كثير زي الصيف ?
وش سالفة التشويق عندك هاليومين .. ماشاء الله عليك مانخلص قراءة تدوينة إلا وحنّا متلهفين الي بعدها ?
يلا بإنتظارك ياقميل ، كل المحبة لقلبك يا راقية ??
حبيت الماسك من وصفك وبإذن الله راح اجربه
بالنسبه لسؤالك في العنايه صراحه انا مزاجيه هالفتره فيني خمول مافيني اهتم واحس اهملت بشرتي شوي
ومتحمسه لتدوينه الرؤوس السوداء لاني اعاني منها وابي شي سريع استخدم ماسك الجيلاتين وانظفها دايم وخفت كثير مع اسفنجه الكونجاك وكمان الدفرين خففها لي بس احب الاشياء السريعه
ياصباح الحب مررره حبيت المنتج وحسيت بالأسترخاء خصوصآ انه جالسة اقرها وانا توي مخلصة من جلسة حمام مغربي على الطريقة الأرتوسية ومره متحمسة اشوف تدوينك عن باقي المنتجات عشان اطلبها مع بعض وبالنسبة لسؤالك عن وقت العناية حقيقة انا اشوف انه ماتفرق كثير عندي اي فضل الجوو عندنا معتدل البرودة مو زي بردكم بس حاسة دي الفترة فيني حماس اكثر لانه كنت ماجله موضوع Retin-A الين مايتحسن الجو واعتقد جاء وقته وراح ابدا دي اليومين هههههههههه اتوقع الشي الوحيد الي راح يمنعني هو حل لغزك لا طولي عليناا
من اول فاتحة تدوينة البلاشر وأحدث احدث احدث ما طلعت لي تدوينة اليوم ??.
تدوينتك عجبتني وحسيتك جاوبتي على تعليقي في الانستقرام بدون ما تشوفينه.
تحمست أشتريه بس مالقيته في المتجر ?
بخصوص سؤالك عن الاهتمام اي يزيد اهتمامي مو تخطيطاً مني لكن لان اهتمامي العادي مايكفي وأحس أني احتاج اكثر. لدرجة أني اذا اهملت أسبوع واحد بس تصير بشرتي جافة وبشرة جسمي تتقشر مره واضطر اهتم اكثر. والتجمعات احسها اقل في الشتا وقليل احتاج أحط مية أب.
ماعندي كلام كثير اليوم …
سبحان الله احس تهون علي فلوسي لو تصرفها في منتجات عناية لكن ابخل في المكياج ? مو بخيلة والله بس عادي عندي افلس نهاية الشهر وادري عندي كريمات وغسولات لأَنِّي استخدمها دورياً واحتاجها. بينما المكياج قليل احتاجه وأكثر شي أقابل اهلي واحط مكياج هادي وبسيط بدون تكلف. او مكياج للبيت وستالين واحد ما اعرف أسوي شي جديد. ولان مره اشتريت مكياج وتكلفت فيه وكثير منه رميته وهو جديد بس عشانه انفتح واستخدمته كم استخدام ومر عليه ١٢ شهر ورميته جالي عقده. صح اشتري بس أفكر كثير ?
ممم بطلب منك تتكلمين عن موضوع أحسك طفشتي منه من كثر ما طلبوكِ تتكلمي عنّه ، توحيد اللون ? لون يدي مو زي وجهي ولا باقي جسمي زي بعضه ?
صبآح الليل ?
ماشاءالله .. الحبايب كلهم سبقوني
عاد والله كنت اشيك بس غفيت ..
شتاء .. صيف .. مضطرين نهتم
صحيح اني اتكاسل باالشتاء خصوصاً
للجسم .. لكن أشد ع حالي .. شر لابد منه ☺️
انا اهون .. المشكله ولدي يغلبني جسمه يجف
معارك حتى ارطبه يبي يدوش وخلاص ?
اشتقت اتواجد بحضرتكم ??? ❤️
صباحك سكر ، متأخره انا اليوم وترا داخله وانا تعبانه
بس عشانك والله مابعلق عليه لإني ماستخدمت من منتجاتهم ? ، اكثر شي يحبطني ماعندنا محلات تبيعه مليت من التاجرات و الاون لاين ?
على طاري السؤال الشتاء بجده لطيف بس أكثر شي يتعبني
اذا سافرت بشرتي تنقلب ماعرف ليه تصير مقشره و مايله للجفاف اكثر جو ناسب بشرتي جده للشعر الرياض ?
انتي لو تكتبين كلمتين وتقولين موضوع ترا عندنا شي واو
نحبك بزافف ❤️❤️❤️سامحيني كلامي مرقع
سبق وشفت هالمنتجات لكن ماجربتها هذا النوع بالذات ماينفع صح مع الليزر ..
توسا من زمااااااان كنت منزله موضوع جيلاتين عن الرؤوس السوداء تخيلي ان كل مابحثت عنه ماالقاه من قريت موضوعك لما طفشت مع انه ضروري وجوده لعمل الحلويات انا مستغربه كل مادورته ما أحصله
شكرًا على التنبيه صار عندي تضارب بالمعلومات
قصدك ذا COSMEDIX PURE ENZYMES EXFOLIATING MASK|ماسك مقشر بالإنزيم من كوزميدكس
ماجربته بس حقت بوبي بروان كنت موقفه باختيارها
شهالصدفه الحلوووه توني امس حفظت موقعهم بالمفضله عندي شفته بالانستغرام يعني موضوع جا بوووووقته
تسلم هاليددددين ويسعدها ❤️❤️❤️❤️
وبالنسبه لسؤالك عن اي وقت نعتني اكثر بالشتاء يكون بالنسبه لي التقشير القوي للبشره وهالمره ودي اجرب الاكرتين وجالسه انتظر موضوعك عنه لان قلتي بتنزلين عنه اذا اشتد البرد
☺️☺️
صباح الخيرات،بالنسبه لمنتجات دي شركه استخدمت كذا نوع وكلهم حبيتهم ويمكن اكثر نقطه حبيتها زي ماذكرتي تطول علي بشره مدري ليش حبيت ذا شي ،تحطيه وتتمددي وتقراي مجله ههههههههه (جوي نكته لكن حبيت الشعور)بالنسبه لسؤالك تعتني ببشرتك في صيف اكثر او شتا ،ألاحظ نفسي اذا جا شتا اتحمس للعنايه ?
سلام حبيبتي ربي يسعدك توي قبل اسبوع طحت على حسابك
وجلست على مدونتك قريت كل شي فيهاا??❤️جدد حبيتك
وحبيت اسلوبك وطريقه طرحك واخلاقك ربي يوفقك?❤️❤️
استفدت من اشياء واشياء عدلتها منك يختي تعرفين انك كميه جمال
❤️❤️❤️?? حمستيني للمنتج اجربه ???? وعن سؤالك انا اعتني اكثرر بفصل الشتاء لانه بشرتي جافه اذا ماهتميت فيها تتششقق ويطلع منها دماء وحبوب صغار واتعذب فلازم كل يومين ارطب جسمي ويدي ?❤️ ماخليت شي الا استخدمته كيوفي وسيتافيل والشايا ????بس الشايا طلعت فيني حساسيه ??? المهم ربي يوفقك على كميه جمالك وكميه السعاده الي اعطتيني وجد صرت احب اطل على مدونتك وحطيتك من قائمه الناس الي استفدت منها وحبيتها من جمال روحها??❤️❤️
وياصباح الحلاوة
بسالفه ان الغرب عندهم حنيه لاكل البيت وخاصة بيت الجدة ومن كثر ما اشوف أفلام دايم أقول لأخواتي ليش ماعندنا جدة مثلهم تصنع لنا كعك والا خبز ههههههههه مع ان طبخ جدتي مشابهه لطبخ أمي لكن التأثير من الأفلام
عاد مجهزه لي لسته بالطلبات الي ناوية اشتريها وأفضى لها بعد الاختبارات وباذن الله بيكون هالماسك على رأس القائمة
صح ان الشتاء وقت النوم والكسل بس ليلة طول الواحد ينام ويوصل لمرحلة يطفش من الكسل واللخبطه في اول ايام لحد مايعتدل النوم ونبدأ فرك ووترطيب أحب الماسكات في هذا الوقت كدا شي بارد منعش على وجهك مع الجو شعور بالتناغم ??
انا استخدم الشوكلاته منه ..بس بعد الشور حبيت النتيجه اكثر نظافه وانتعاش . ومع كثر الاستخدام حسيته خفف لي الدهون ..شكرا لك
صباح النور ارتوس
اول مره اعلق في المدونه ولا راح تكون اخر مره بإذن الله
اول شئ حبيت وصفك للمنتج بشكل فضيع …بما ان بشرتي دهنيه ولكن بدون حبوب والحمدلله ..اعتقد راح ادور منهم اللي يناسبني ..الماركه سمعت عنها مدح ولكن ماتجرات اجرب منهم شئ خصوصا انهم مروجين انها طبيعيه ..ودائما عندي هالاعتقاد ان اي شئ طبيعي فعاليته بطيئه ..بالنسبه للعنايه بالشتاء هي نفس الصيف بس نزيد الترطيب كثييييير وودي ابدأ كورس التقشير اكريتين وكل ايوم نأجل للي بعده الظاهر بتخلص هالشتويه وانا مابديت …لك دعوه بحجم السمااااااااء على كل ماتقدمينه لنا ..ورحم الله ام جابتك …
يسعد صبآحك ي جميله ?
أجل حماسنا للتدوينه خربها هههههههههههه ثآني مره ما نتحمس (“بس مآ بنقدر ?”)
المنتج حمسني عليه لمآ قريت المواد الفاعلة فيه وآنا أقراء كذا حسيت بالآنتعآش للبشره خآصه اني معرضه للحبوب
آنا مآقد جربت ولا منتج من الشركة ذي بس إن شاء الله لي تجربه معه وآذكر تجربتي
– هل تعتنون بأنفسكم بفصل الشتاء أكثر مِن فصل الصيف ؟!
آنا بصراحهـ لا عنآيتي متوازنه في الفصلين بس آحيانا تكون آكثر في الشتاء عشآن آستغلال الجوء مآ فيه حرارة
خآصه اني اللحين في علآج تقشير ..إلآ ان الكسل يزورني آحيانا ?قآتل الله الكسل
تدوينه سنفرة الوجه وإزالة الرؤوس السوداء ترى متحمسه لها لان آنتظرهآ من زمان
يعطيك العآفيه توسه ?
صباح الحب 3>
دائما امر على منتجاتهم وكل مره ابا اجربها وابطل
نضره االغرب للمنتجات بعيده كثير عن نضرتنا لها احنا كعرب والصراحه ما اقدر اخذ عليهم طبيعتنا تماما مختلفه
والمشكله عندنا بعالم البلوق ما تلاقي احد يتكلم بتفاصيل .. انتي الوحيده الي الصراحه اطلع منها بفايده حتي لو المنتج ما ناسبك
منتجات فارم هاوس انتشرت عند الغرب بسبب انها طبيعيه مو سبب فاعليتها .. وانتشرت عندنا لانها انتشرت عندهم للاسف
اممم ممكن اجربها يوما ما .. حاليا مع الشتا مركزه على بشرتي جالسه احاول احسنها قد ما اقدر .. احس بالصيف صعب مع الحر وكدا
حمستيني لموضوع الروؤس السودا معقدتني بحياتي الصراحه
نراكي قريبا على خير ان شاء الله
انا حظي مع تدوياناتك مدري شيبي متخيله كنت احدث بصفحتك لين ٣ الفجر وبعدها نمت .. لييه يا ربي لييه ..
عموما المنتج شكله رهييب احب تقشير الاحماض احس وجهي يشرق بعدها .. وتحمسسنا للموضوع الجدديد .. ما تبطلين عامل التشويق تخلينا نهلوس طول اليوم ههههههههه .. دمتي لنا
نسيت السؤال .. بحكم اني عايشة في مدينه جافه وغالبا باردة حتى في الصيف فعنايتي نفس ماهي صيف او شتاء ما تختلف كثير
صباحك خير
اول مره اكتب كومنت لك واحس مستحيه ??
المنتج تحمست اجربه بس انا حاليا باديه بالرتن اي بناء على وصفة الدكتورة
واحس هالمنتج مايناسب ابدا فيه حالياً
بالنسبة للسؤالك
ايوا عنايتي بالشتاء اكثر من الصيف لان بالشتاء الطلعات اقل والنقطة الاهم اني اطلع للدوامي قبل الشروق وارجع بعد ماتغرب ?
وبس والله ?
ايوا صح
شكرا على وقتك الي تخليه لنا ?
صباح الخير ❤️..
برجع اكمل واقرأ الباقي ،
اللغز يحممس لا تطولين علينا بيجلس يحوس براسي لين ما تنزلين الموضوع ههههههههههههههههه ❤️❤️❤️.
صباح النور سوس تدوينه جميله تحمست للمنتج وراح اطلبه قريب ان شاءالله وبالنسبه للعنايه انا أكثر فالصيف الشتاء اتحمس ومع البرد اهون واتكاسل ??
Bonjour artos
جميلة التدوينة كالعادة ، ماحد ابببداً اشتهى بودينغ التفاح ههههه
صراحة هذي الشركة عمري ماجربت منتجانتها لكن نجرب ليش لاء خصوصاً اني احب فكرة الماسكات الجاهزة لان الطبيعية مش دايم عندنا وقت لها ،
بالنسبة للحماس للتدوينة هه اكيد والله البنات ماينلامون كلامك لاااايمل ابداً بس احياناً البنات يشطحون ههه .
بخصوص سؤالك صراحة انا نعم اهتم بالعناية وقت الشتاء وتكون اكثر من ناحية الترطيب لان بشرة الجسم تصير تجف بسرعة ، والناحية الثانية تقشير الوجة السنوي لانه بالنسبة لي افضل وقت لان بشرتي دهنيه ماعرف اذا انا صح او خطاء لو معلومتي فيها غلط ياريت تقولين لي ? .
مااااعندي صبر اعرف السر الجمالي اللي محد راضي يبوح به واكثر من يكتم الاسرار شكلهم الدكاترة ومختصين التجميل عشان لايطيح سووقهم ، بس الله يخلي لنا آرتوس???
Je t’amore ???
صباحك سكر ،،
تسلم يدينك ع هالطرح ?? كانت لي تجربة مع ماسكاتهم
فعلا الوش بعدها مصحصح وفرش ??
متحمسين لتدويناتك شو ما كانت ،، وبالنسبة لي بالشتا
مكثفة عناية مع شوية مكياج اكيد ( ماسكارا ?? لعيون فاتنة ???) وبلاشر وحمرة
دمتِ ورداً يانعاً أَلِقا ،،
رحيلْ
يسعد صباحك سوسووو❤❤.. حبيتو وعجبني متل ماقلتي عناية اكتر من علاج
بتعرفي لفترة كنت بس حكولي هالمنتج من مواد طبيعية حس انو فعاليتو مو كتير منيحة مابعرف ليش ??
بعدين صرت حب جرب المنتجات الطبيعية اكتر
اما العناية بالشتي فانا نفسها تقريبا ماكتير بغيير علي شي غير انو بشرتي وكل جسمي بزيد علي ترطيبو بهالفترة
ونااااطرة بحماس التدوينة
الجاية حاسه رح تحكيلنا شي غريب كتير ماكنا بنعرفو ?
ي صباح الجمال والبررررد والسعادة …. حبيييييت المنتج .. أحتاجه بالشتا حيل .. حيكون من مشترياتي القادمة بإذن الله .. بالنسبة للغز يوم قلتي إنه متوفر ببيتك ولا عارفة عنه تلقائيا جلست أتلفت حولي ?? متحمسة أبي أعرف وش هو .. وأما بالنسبة للعناية طول السنة نفس درجة الاهتمام بس يزداد شويتين بالشتا عشان أحمي بشرتي الجميلة من التصحر ? وبس .. م ننحرم منك ويومك سعيد ي جميلة ???
لي فترة أحب الماسكات الجاهزة توفر و قت وجهد
من أول كنت كل أسبوع أسوي ماسك الزبادي لشعري و وجهي الحين ما عدت اسويه دايم صرت استخدم
أكثر شي ماسكات جاهزة من ذا فيس شوب و بوتس
و بالنسبة للأحماض ما تناسبني للأسف لأن بشرتي جافة
مرة شريت قناع بالجريب فروت ما كمل دقيقة و شلته من وجهي من حرارته وغسلت وجهي بماي بارد و نفس الشي بالخيار 🙁
و بالنسبة لعنايتي بالشتاء ما تختلف كثير عن الصيف :$ اللهم ازيد ترطيب بعد الشاور لجسمي خصوصا للمناطق الجافة
و زي ما قلت من قبل الحين جالسة انزل وزني و ابي اسوي نيو ميك اوفر فحابة جدا اني أغير من بعض عنايتي و روتيني
و أكيد استفيد منك كثير 🙂
شكراً 🙂
سبحان الله افرفر بأمازون ودايم تجي عيني عليه بس اتردد .يالله كويس اعطتينا فكره لطيفه عن المنتج ..? بالنسبه للأهتمام بالبشره اعشقه في كل وقت ولازم اركز عليه كثير ومع الشتاء بسرتي كثيير تجف فأهتم بالترطييب واقنعه النظاره متل الزبادي والفروله بيجنن وبس لاتحرمينا جددك ..تشاووو ?
صبااح الصباح
كوب شاي و مناقيش و موضوعك للقراءة الممتعة ..
أما الالغاز على كيف كيفك، شخصياً اريد شي للعناية، مع انه الشتاء يحمسك للعطور و يحمسك للمكياج، بس كذا تحسي فجأه ودك ببطانيه و كوب قهوة ساخن، و ترييييحي ..
أرتوس شكراً على الماسك، ما بقول بشتريه، حالياً اشتريت ماسك هو أيضا له مفعول بعد التجربة الاولى أعجبني شفت مفعوله عجيييب، هل لأني كنت طالعة من مرض فلما حطيته حسيت بأن طبقة من وجهي راحت، أو بالفعل لأنه هو ممتاز ، من ماركة أ اسمها JEAN D’ARCEL ، جان دارسيل … مدري لو تعرفيها أو جربتي شي منهم ..
::
::
أرتوس ودي تتكلمي عن شيئين
الاول الخلط بين المنتجات، يعني لو أنا أستخدم أكرتين كعلاج، هل ممكن استخدم أشياء ثانية بالليل غيره؟؟ مثلا سيروم ، او كريم لليل ؟؟
لأن الصباح بيكون استعمالي للسن بلوك ومرطب في حال الجفاف ..
::
و حاجة ثانية، روتين العناية لو عندك حبوب و بقع، و ما تبغي تروحي لطبيب، فكيف يكون التعامل منزليا، أكيد ما أقصد أحضر وصفة بالمطبخ، لا عادي أقصد بالمنتجات كيف بتكون ..
::
حاجة أخيرة، الكعب الكعب ,, كم أحب الكعب، بس كيف نحمي رجلنا من امراض العظام، و من المشاكل الللي ممكن يسببها الكعب حتى في تغير شكل القدم؟؟ بما انك ايضاً من أنصار الكعب ، سبحان الله مدري أحس الانوثة يرتفع مؤشرها تكتين لما تلبسي كعب و بالذات كعب مسمار مش نفس الكعوب الصيفيفة اللي ترفع كل الرجع على مستوى واحد ههههههههه
::
دمتي بود حبيبة قلبي
صباح البرد ☃ ما ادري هو بس انا الي ما احس اقتنعت بالمنتجات الكورية بس من بعد تدونتك جاني فضول اجرب ، الصدق انا بالشتاء اعتني اكثر من الصيف لاني اكون مروقه بسبب الجو الحلو وما فيه حرارة وغبار زي الصيف
صباح الجوري
حبيت وصفك للمنتج حسيت باسترخاء صراحة…
وكمان حبيت أسألك هل جربتي ماسك الطين الهندي اللي انتشر الفترة الماضية حابه أعرف رأيك فيه..
نسيت أقولك متحمسة لتدوينة المشكلة الأزلية (الرؤوس السوداء)
السلام
موضوع كل العاده
عاد قبل كم يوم كان يدور في راسي منتج لهم وآهو سنفرة الشيا ، جذبني انها طبيعيه خاصتا أني أفكر ان أحسن علاج للبشره او الشعر أهو المنتجات الطبيعيه ، عاد على حسب الشعر او البشره
بنسبه لفصل الشتاء
انا ادرس في أمريكا والجو هنا حيييييل بار وينشف الجسم من قلب اذا يوم نسيت لا ارطبها تخشب يدي
خاصه الشتا الي فات كنت في أمريكا بعد فا ماكنت مأخذه الحيطه والحذر فا لما اطلع يد استعملها إفك الباب وكذا ويد اخبيها في جيبي
النتيجه طلعت مرررررااااا فظيعه حتا أني انهبلت وصرت اتسبح بالفازلين
بس الحين مع ذَا البرد ما اعرف كريم كل الي عندي زبدات لكل جسمي وزيت جونسون الحب الجديد
كل شي يتعب في الشتا
????
المشكله ماطحت في حب الخلطات الا وانا في أمريكا ما يمي عطار او المكونات وانا اول من اشوف اللسته أمل ، والعطار في كل مكان يطلعلي
او نسيت دعوة الختام
الله يرزقك الحياة الهنيه والجنه الواسعه لك ولمن تُحبين
إللي سالوا بخصوص سنفرة الوَجه وَ إزالة الرؤوس السَوداء ، راح أطرح مَوضوع بالرُغم إنه بَسيط
إلا إنكم راح تدعون لي مِن بعده ، محداً ذكره على حَد علمي وَ لا مَوجود لا بالمَواقع العربية وَ لا الأجنبية وَ يعرفونه الدَكاترة بس ما يَقولونه
وَ يمكن يكون موجود ببيتك وَ لا عارفة عَنه ( وِش رايكم بالألغاز !! )
أحلى جزء بالتدوينه ههههههههههههههههه
لغز يجنن صراحه
شكل تعليب الماسك كيوتتت 🙁
أحب الماساكات وقت الشتاء والسنفرات وقت الصيف مدري ليه
مو معناته ناحط ماسك وقت الصيف إلا أحط لكن بوقت الشتاظ أشتهييي أكثر وأشتط إبحث وأقرأ عن منتجات تخدم نوع بشرتي
يختي طفشنا من المشتريات من الإنستقرام والمواقع متى أسواقنا تصير تلبي حاجاتني وتواكب الهبّات والتطور!!
صح جاد ببالي شغله بقولك: بيومٍ ما لمن يصير ماهندك شيء مهم وضروري تسوينه روحي لصيدلية العوده وشوفي منتجاتهم راح تحصلين حاجات حلوة وجديده
وإي نعتني بالشتاء أكثر من الصيف
وإذا كنتي ناويه تنزلين تدوينة ماكياج تكلمي عن ألوان الشتاء من ناحية الأرواج والمناكير وكذا
أحس راح تكون متعه
وبخاطري تسوين تدوينه مشتريات
مع إنك قد حكيتي قبل ماتحبين تصورين مشترياك تلبسينها بدون حماس بعد ماتعرضينها أو شيء زي كذا (مفهوم كلامك يعني) لكن حاولي بليز 🙁
مدري أحس مره متعه وكذا نتعرف على ذوقك أكثر باللبس والأكسسوريز
كوني أنتِ.
شوقتيني اجربه ?
يسلمو يا قمر
وبالنسبه لازالة الرؤوس السودا سمعت عن الزنجبيل بس خفت اجربه ويهيج بشرتي
هاه .. استحق جائزه؟ ههههه
جاري القراءة ?
صباحو سوس
أمممممم الريفيو حلو وظريف رغم انو عندي هاجس الفرك بس انتي قلتي الشيء الواقعي والتجربة أظهرت لي أنو الأحماض تقشيرها واضح بس ماش لازم افرك. .
أما بالنسبه لسؤالك هذا اللي استغربه في نفسي انو في الشتاء اهتم بنفسي أكثر مع انو معروف عن الشتاء انو شهر كسل بس نبغا منك كلو عناية ومكياج الصراحه استمتع بالتيبز والتريكز اللي تطرحينها في كل مواضيعك. ..
بسألك هل التقسيم بالليمون الطبيعي مضر ويعطي نتايج عكيسه؟
وبالنسبه للروؤس السوداء انا احلها بقناع بياض البيض والمناديل بما انو مو لاقيه الجلاتين الشفاف. ..
وشكرا لك من قلب يالغاليه
والله يا عزيزتي عن نفسي اكثف عناية لان البشرة تججججف 🙁
صباح الخير
والله متعطشه للمدونه مررره انتظر التدوينه الجديده
ما انتهي منها الا متشوقه مرره مرره للي بعدها ? وش تسوين انتي ?
الله يسعدك ويحفظك ،،
– هل تعتنون بأنفسكم بفصل الشتاء أكثر مِن فصل الصيف ؟!
بصراحه في الشتاء يجيني حماس قوي للعنايه والماسكات
بس لما يهب البرد اتراجع واتكاسل يعني النشاط يضعف بشكل عام
ننتظر الجديد بفارغ الصبر والله
صباح الورد ❤❤
المقدمه حميمه فيهاا كميه حنييّه مناسبه جدا للمننتج المستحوى من الطبيعه انتي دايم تجذبين بكتاباتك تحمسين الواحد يكمل
وانا احبك قد كل شي حلو بهالدنياا❤❤❤
بخصوص السر كنت احسيها كذا انوو كل شي راح يصير بسريه تامه لانك حسب مافهمت مليتي من الي يسرقون تعبك وكتاباتك وينسبونها لهم وكنت شايله هممم يارب اطلع من الي يدخلونهاا
الماركه صراحه اسمع فيهاا بس للاسف ماحالفني الحظظ واجربهاا والسبب التسوويف ?
شغلتين اعجبوني بالمنتج ذكرهم كم بالميه احتواءه ع المواد الطبيعيه .. والجدول حاجه جميله وتكتب لصالحهمم
ان شاءالله اشتريه قريب يمكن يخدمني بفصل الشتاءء
بخصوص العنايه صراحه انا بشتا ارطب يديني وجسمي يعني مرات بعد كل وضووء من الركبه وتحت ويدي كلها يجيني جفاف مو طبيعي
اكررره هالجفاف يحسسسني كني ماقدر اتحررك عاد انا بهالفصل. اشرب مويه بالنادر يعني كملت
وتبين الجد اناا احب تدوينات العنايه منك احب اقراءه احس اقراهاا بشغفف ❤❤
وقهر ردي جا مناخرر مع اني نمت والجوال معي من قو البرد الي حسيته البارح نمت غصبب
الجوو بدا يبرد ولا انا غلطااانه
وتمنياتي لك بدوام الصحه والسعااده ❤❤
قود افتر نون
اممممم احب المنتجات اللي ريحتها كيفك وحلى وفواكه … ??
صرت احب اي شي في تقشير بدون فرك.. المنتجات اللي تحتوي احماض
من بعد تدويناتك عن الاحماض احسها خشت مزاااجي جدا وخاصه بعد تجربتي الناجحه للديفرين…
بالنسبة للعناايه بكل صراحه انا اسوي الاشياء الخفيفه بس ترطيب الجسم اهمله مع ان ادري المفروض اركز عليه بس بالبرد ما اقدر اجلس مفسخه خمس دقايق واجسمي عليه مرطب احس ببرد اكثر.. الا اللهم بعد الترويش لازم اترطب …
تم
مساء الخيرات سوس… يسلمو على هالتدوينه الجميله وزين انك تكلمتي عن ماسك لان طلبتك قبل تتكلمين عن القلام قلو….ان شاء الله جاري التجربة ونخبرك بالنتائج في وقتها باذن الله.. اما بالنسبة للعنايه انا اكثف عنايتي بالشتا يمكن عشان عندي وقت طويل اكون فاضيه فيه وطلعاتي اقل عشان اطفالي….واكيد السبب الاهم انه بدينا نعرف نهتم بطريقة صحيحة ونختار منتجات ممتازه والفضل بهالشي بعد الله يعود لك…والله يعطيك حتى يرضيك ? وقلوووووب من القصيم لبيتكم
واكيد متحمسين كالعاده للتدوينة السررر??
مساءك حب وحنيه
حبيت الماسك من وصفك بس حاليا اعتمدت منتجات ديرمالوجيكا باختيار الاخصائيه المناسب لبشرتي والحمدلله اشوف تحسن مرره حلو معها
وبالنسبه لازاله الروؤس السودا، اخره مره سويت تنظيف بشره بالعياده قالت لي متى ماطلعت لك روؤس سودا، ذوبي ملح بمويه وبخفه حطيه ع المكان ومسجي وضغط خفيف راح تروح بس للامانه ماجربتها لان بشرتي حساسه واخاف اجيب العيد هههههههههه
وردا على سؤالك : عندنا صيف الان واهتمامي يزيد بالصيف لان بالشتاء المويه بارده خخخخخخ والواحد يجيه خمول يتحرك من مكانه يموت برررد
صباحك توسة ?
شكل المنتج ووصفك يشوق صراحة .
عآد انا من عشاااق الماسكات الجهازة وخص نص بالشتاء ، وجربت كثير وللاسف اغلب التجارب شبة فاشلة ومامنها ذيك الفائدة ، مجرد تدليل
.. واقدر اقول ان الموضوع جاء بوقته والله ، لان مادري وش صاير ببشرتي تتحسس وتحمر مرره اذا قشرتها بأي مقشر وتطلعلي خبوب ?? على اني اقشر بكل نعومة ولا افرك ، بالبداية قلت يمكن لاني استخدم السكينورين ماينفع اقشر برغم مااستخدمة كل يوم ووقت احطه اغسله اذا قمت بغسول سيتافيل .. بس برضو ماتغير شي ، وتركت عاد التقشير لي اسبوعين يمكن ..
يلا بجررب هذا بما انه مايحتاج فرك وبترك السكينورين فترة وان شاءالله يناسبني
تشكلاااار جنم ?❤️❤️
وبالنسبة لسؤالك نسيت اجاوب ?
جدددداً عنايتي مكثفة اكثر من الصيف ، لان بشرتي شديدة الجفاف،
وبالشتاء لو ما ارطب مثلاً من قو الجفاف يصير شكلها زي الاراضي اليابسة المتشققة < كيف الوصف ؟ ??
وعلى فكررة اموت بتشويقك ✌?️
هلا هلا بالزين .. الصدق غبت عن المدونة فترة طويلة لانه مره انشغلت بدراستي و بحياتي ..
اكيد المنتج مشوق بعد وصفك ?.. لكن بغيت اجاوب ع سؤالك بصراحه انا اهمل نفسي بفترة الشتاء مره لانه بفصل الشتاء يكون بوقت دراسه واختبارات و ضغط و زحمه و النفسيه تكون لك عليها فاهمل نفسي ..يادوب ارطب جسمي .. والله متشوقه لتدوينتك الجديدة بقوة تدرين عن تدوينتك بشمواه للرؤوس السوداء ادمنتها لكن المصيبه ماعاد احصل هالجيلاتين دورت ببنده كارفور التميمي كانه انقرض ما ادري الظاهر بعد ماطاحوا العالم بتشيز كيك اللوتس ?..المهم انقذينا بطريقه جديدة ..وترى يا ارتوس ندعي لك على طووول في الغيب مو على هالتدوينه على انا عشناك حبيناك صار لي اظن 5 سنين وانا اتابعك وظائما تفيدينا ولا تقصرين .. الله يارب يجزيك ع طيبة قلبك و كرمك
وبالنسبة لسؤالك نسيت اجاوب ?
جدددداً عنايتي مكثفة اكثر من الصيف ، لان بشرتي شديدة الجفاف،
وبالشتاء لو ما ارطب مثلاً من قو الجفاف يصير شكلها زي الاراضي اليابسة المتشققة < كيف الوصف ؟ ??
وعلى فكررة اموت بتشويقك ✌?️
عجبنى وصفك ??? انا نفسك تماماً
يسعد مساءك أرتوس ..
سبحان الله قبل فترة كنت أدور في قوقل حرفيا بالنص عن قناع فيه حمض الجلايكوليك ويكون موجود عندنا بالسعودية
فالله يجراك خيير دايما وأبدا
وبالنسبة لسؤالك .. إييه موسم الشتاء عندي هو موسم العناية حتى إني حاطة خطة مختلفة ومكثفة في عنايتي من ضمنها استخدام الديفيرين بشكل مكثف،
ومتحمسة جدا لتدوينة سنفرة الوجه، فعليا إلى الان ما لقيت حل جذري لسنفرة وجهي وكل المقشرات الجاهزة اللي جربتها ما ناسبتني فآخر شيء جربته ومستمرة عليه إلى الآن هو : أخلط سدر مع زبادي واستخدمه كمقشر قبل القناع، نتيجته مو سيئة لكن ما أرضتني مرررة تقريبا حلوة بنسبة 70%
بانتظارك يا عسل
ودمتي دائما بود
قبل تقريباً شهرين عرفت هالماسك و عجبني تعليبهم مرررره ?? من ناحية العناية بالشتاء احرص ع الترطيب أكثررر شي و تخف مشاكل الدهون اللي بالوجه فما اغسله باليوم الا مره وحده
أغلب اللى ذكرتيه فى الفتره الاخيره طلبته من يومين وأن شاءالله أقدر أضيف الماسك هذا مره اتحمست له بشرتى يناسبها الاحماض طبعاً عرفت هذا الشى منك ? بشرتى دهنيه وفيها رؤوس سوداء على الانف فى حاله حرب معاها قناع الجلاتين الفتاك اللى نزلتيه مره مرتاحه معاه بس لى فتره ماعاد القاه فى السوبر ماركت فاستعمل اللصقه لها متحمسه جداً لتدوينه الجديده ،، عنايتى نفسها جده بردها حلو بس لو طلعت الرياض ازيد الترطيب لان الجفاف يزيد عندى بذات جسمى يصير فضييييع ،، شكراً ياغاليه ???
حبيت المنتج من قلب ♡ بإذن الله
بأجربه وارجع اكتب تجربتي هنا
بحكم ان بشرتي هالفتره مو دهنيه
انقلبت لجافه فيمكن يساعد وحده من
البنات ، وعن نفسي تزيد عنايتي في
الشتا لان الوقت طويل لوووول يمديني
اخلص كل شيء ويبقى عندي وقت فتزيد
عنايتي ، اما الصيف عن نفسي الجو ما
يخليني اسوي شيء حرفياً ، مزاجي ينعفس
في الحر لوول وعلى طاري اللغز اتوقع اتوقع
انه ماسك الجيلاتين ♡ دايم كل مااسويه ادعيلك
نتيجة تجننننن
تسلمين عالطرح الجميل ?
ما ادري ليش اول ما يقولون منتج طبيعي ما اتحمس له مرة عكس الاجانب تماما الكيميائي احسن واتوقع فعاليته افضل (هذا مبرمجة عليه مخي ما اعرف عن صحته ) مع اني قريب طالبة منتجات ناو فود من اي هيرب طبيعية ومعرف ايش قلت نجرب الاشياء اللي مسويه ضجة ومن ضمنها الزيوت وزبدة الكاكو والشيا لان الجفاف دبل بالشتاء والعناية تصير مكثفة < اتوقع جاوبت على سؤالك هههه ومتحميس لجواب اللغز شوقتينا ?
بالنسبه لي الصيف يكون مجال العنايه فيه اكثر بالبرد مابي اتحرك كثير انا بشرتي فيها حب شباب وسبق واخذ روكتان ونفع معي خفف لي الحبوب بس للاسف انها رجعت وانا عارفه السبب الاكل السيء والعنايه لها دور وبعد اذا قربت الدوره تطلع الحبوب
بجرب اقشر هالشتاء
ششكررا شكرا ارتوس ..
ربي يعطيج العافيه ?? شكل المنتج جميل ان شاء الله اجربه ، وبنسبه للسؤال عنايتي نفسها بالصيف والشتاء يا تزيد او تقل شوي بس ماشيه عليها ?
نفسي دايم ارد لكن اقول خلاص البنات ماشاء الله مايقصرون تسلمين ياقمر دايم مواضيعك مفيده لاول مره اشتري منتج مدحتيه وهو كريم اليدين n7 صراحه حلوبس صراحه يجسمي يجتاجك عنايه اكثر لك جزيل الشكر على ما تقدمين
ياسلام عليك ياقلبي ربي يبارك فيك وفي علمك عمري ماجربت شيء تكتبي عنه الا ناسبني دائما ادعيلك عندي سوال ياليت تجاوبيني عليه انا لون جسمي ابيض بس وجهي ورقبتي غير طبعا عمري ما استخدمت واقي شمسي لاني دائما بالبيت وبالنادر اخرج وبشرتي جافه عشان عندي الغدة بس حوالين الانف زي الفراشه حبوب بيضه صغيرة واشويه بثور طبعا مع استخدامي لمقسر الي قلتيلي عليه دفرين جل كان رائع وراحت بس رجعت لاني بطلت عشان المكياج بسالك هل لو استخدمت الرتين A يرجع لوني الابيض زي ماكان وكم مدة اسنخدامه
التدوينة لذييييييذة ريحتها خبز وكوكيزززز ههههههههه
حبيت الماركة من وصفك للمنتج وللامانة ماكنت اعرفها قبل بس جاني فضول اتعرف على منتجاتها خصوصا اني من عشاق الاشياء الطبيعية ارتاح نفسيا اذا جهزت الماسك بنفسي بس مشكلته يبغاله روقان واتوقع الفارم هاوس اختصروا علينا الوقت والجهد .. باغووووص في موقعهم الين القى منتجات تناسبني
شكرا ارتوس حبيبتي لان المدونة ماطلعت سر هههههههه قريت انها ممكن تكون برقم سري وزعلت لان ما حاقدر اشوفها بس الحمدلله طلعت سر معلن ههههههههه
بالنسبة لعنايتي في الصيف والشتا هي نفسها .. خصوصا ماعندنا فرق كبير بين الصيف والشتا 🙁 بس بافرح اكثر اذا كانت التدوينات عن الماسكات والصنفرة :*
موضوعك جميل جدا كالعادة؛ بصراحة أنا استثقل التقشير بشكل كبير؛ أكثر من أي شيء ثاني؛ وبالنسبة لي هالمنتج فارس أحلامي هههههههه. والله فكرته مش بطالة . و بخصوص الروؤس السوداء والله تسوين فينا خير .
و حبيت أسألك سوال بطلتي تدوينات الرياضة؟ من زمان ما شفت لك تدوينة عن هالموضوع ؟
اقدر كل العطاء و الله لا يغير عليك ولا على احبابك ؛ قليل من الأشخاص مخلص بعمله اللي يأخذ عليه راتب و يأكل عياله منه فما بالك بشخص يعطي بإخلاص دون مقابل.
مساء الخير ??حبيت مساكتهم وانه طبيعه عادي نستخدامه للجسم ولابس للبشره الوجه??بالسنبه للعنايه اتكيسل يالشتاء برد يالله اتحرك??
حلاتج ارتوس و حلاة تدويناتج الله يحفظج و يحميج يارب
و بخصوص العنايه بالنسبه لي عنايتي في الصيف و الشتا مايتغير الا بنقطتين اني اركز بترطيب الجسم و التقشير ?
حبييييييييت ، والحلو سعرها أشوفه معقول مقارنه بمكوناتها وَ كميتها وَ نتيجتها ، بالنسبة لي الريحة الجميلة تحفزني أنتظم على أي شيء لوووول عكس لو كان ريحته شينه أصير أتهرب سبحان الله الريحة تأثر على مزاجك . أشوف الاقنعه خصوصاًاللي الوجه ضروري ريحتها تكون مريحة لانها جلسة ريلاكس . تصويرك و كلامك مريح جداً .. يلا ننتظر تدويناتك القادمة .بالنسبة للعناية للأمانه بالشتاء اقل
اتبع الاساسيات فقط و الروتين الضروري ، كل ما برد الجو اكثر تكيسلت اكثر .. ان شاء الله شتانا دافي نفس العام الماضي . >> ايقونة قلووووووب
مساء الخير ارتوسه ويعطيك العافية يارب وفعلا تحمس هالماركة انه تجربينها وثانيا انا بشرتي جافة ففي الشتاء تتحول لشي فضيع فلازم ترطيب مكثف اكثر من اللازم واخيرا انتي دايم السباقة ومتفردة في طرحك ونستناك على احر من الجمر وشكرا
يسعدك ارتوسه على التدوينه الرائعه
انا بشرتي عاديه و في الشتاء تميل للجفاف فاحاول دائما ارطبها واعتني فيها
البرد يخلي الواحد يتقوقع على نفسه وهذا اكبر غلط نسويه بحق انفسنا وحق بشرتنا وشعرنا عشان كذا احاول اهتم فيهم
يعطييك العاافية ?
كثير اشوفها لما اطلب شئ
بس مدري ليه ما فكرت اجربها
من ناحية العناية مكتفية ب الديفرين والترطيب الكثيف
مع الترطيب احس بدفا منه ف ما استغني ولا اتكاسل ?
مرة المنتج يحمس احب هالمنتجات اللي تكون لطيفة ع البشرة من وصفك كمفعول حسيته يشبه اللبن الزبادي فما ادري اذا صح او لا بس اكيد الريحة غير انا تجذبني هالروائح زي البودينق واي شي سويت احس الريحة أهم عندي من المفعول يعني لازم اعيش جو بخيالي مع هالروائح الجذابة .. وبصرااحة فصل الشتاء مو كثير اعتني ببشرتي لانها تتعدل لوحدها بس اهم شي ترطيب عكس الصيف اكثف العناية بس السنة هذي عندي حماس للعناية بالشتاء خاطري اجرب الديفرين … بالشتاء احب احط ميك اب كثير والصيف يصير عدوي ويكون بسيط جداً … تسلم يداتك ارتوس ووحشتني مدونتك من زمان عنها سامحيني ع القصور وترين قرأت كل شي فاتني ربي يسعدك كثر ماتسعدينا ويجعلك من السعداء دنيا وآخره
حبيت انطباعك للمنتج..بالنسبه للعنايه الشتويه مازيد شي انا الا الترطيب يكون اكثر لان بشره وجهي جافه بالشتاء ومختلطه بالصيف وجسمي جاف.
جد تشويق…
ان شاء الله اجربها قريب..
بالنسبة لسؤالك انا العناية بالشتاء اكثر.. لان بشرتي تنشف شوي..
الاشياء الطبيعية تجذبني ومن كثر ما حبيتها سرت اشتغل لنفسي على الشامبو والصابون والمقشرات الطبيعية ,, لا بد من الكريمات والغسولات زي غسول الوجة من ناتورا بيسية وقعت بغرامه .. بس مع كذا حبيت الهوم ميد وتعلمت على اشياء كثيره وخصوصا الزيوت الاساسية واستخداماتها …. من بعد الانفرجن مثد وانا انقلب مخي بس النتايج تحمس بيبي هير وطول بالشعر ومستمرين .. والشتا يكسل الواحد صعب احط ماسك بشعري وابرد يبغاله عزيمه قويه بس الروتين البسيط السهل يحمس الواحد .
شكرا توسه على كل شي .. احبك ..
بالنسبه لي أهتم بترطيب بشرتي أكثر بالشتاء لانها تصير جافه
والشعر للحين مازلت على عنايتي الصيفيه ماكثفت
أهليين وسهليين
منتجات فارم هاوس يمدحونها كثي
أنا معجبة بالتعليب البسيط والكيوت حقهم
ألق شكر لدكر تجربتك الحلوة
حسيت ريحة نظافة من الموضوع
بالنسبة لي العنايةبفضل الشتا مكثفة بسبب جفاف البشرة
شكراً لك
السلام عليكم ورحمة الله وبركاته
هل تعتنون بأنفسكم بفصل الشتاء أكثر مِن فصل الصيف ؟!
بالنسبة لي على حسب مزاجي
فترة الصيف كثير اطلع كثير مناسبات وجمعات فلازم العناية الاسبوعية
مع ذالك احب عناية الشتا
الاهتمام بالترطيب
و حتى جسمي و الرياضه احس انتظم في الشتا اكثر
وخصوصا ات اتفرغ لنفسي اخر النهار و الليل طويل 🙂 وبس
ششششكرا لك ، استفدت مره مره من تجربتك .. انا جربت ماسك الشوكولاتة ومره حللووووو .. لان بشرتي جافه ومع الشتاء جفت اكثر .. بس الحمدلله الحين زانت والامور تمام .. وبصراحه اعتني بالشتاء والصيف .. واحبك مره مره مره ?.. ❤️❤️❤️❤️❤️❤️❤️❤️❤️❤️
صباح الجمال
نفسي ارد على تدويناتك بدري ، مااجي الا متأخر مرررررره
الماسك طعم وصراحه حمستيني عليه واجد ، لكن حاليا قاعده استخدم الاكريتين ممكن بعد مااخلص من موضوع الاكريتين استخدمه خاصه ان المقشرات اللي تعتمد على الفرك تحسسني بقوه
بخصوص السؤال صراحه تقريبا نفس الشي ، واذا بكون صادقه مررره عنايتي بالصيف تكون زايده تكه شوي ،مع ان بالشتاء تبهت بشرتي كثير وتحتاج عنايه اكثر بس الكسل الكسل ، وفيه مشكله عويصه الى الان مالقيت لها حل ، ماادري احتاج شي زياده بالشتاء للبهتان مع اني استخدم سيرم فيتامين سي ومرطب واقشر واستخدم ماسكات بس يبدو لي ان فيه عنصر ناقص ، وشي ثاني مشكلتي بالمرطب الى الان مالقيت المرطب المنااااسب ولسه في رحله للبحث عنه ، ماادري ليش مشاكل بشرتي بالشتاء تبرز اكثر من مسامات ورؤوس وفوقها حساسيه بعد???
ماادري شفيني عربي على عامي ??
فديتك ارتوس حقيقي تلحفي بهالبرد وياجعلك ماتذوقين الا كل سعاده
صباح الفل ?
شكرا ولا تكفي ..
الله يسعد قلبك ع التدوينة اللي تسر النفس ..
واضحة ومفهومة .. وغير كذا اختصرتي علينا الوقت والجهد ومابقى غير نحدد خيارنا ?
ارتحت للمقشر من وصفك وحاليا ماعندي مقشر للوجه أستخدم السكر الناعم مع زيت جوز الهند البكر وأفكر بجديه إني أطلب المقشر تبعك.
أنا على الأغلب أستخدم منتجات طبيعية اقصد خلطات وكذا عندي في البيت أسويها ومرتاحه عليها وبشرتي كانت في البدايات فيها دهون وآثار حب الشباب بس مع الانتظام والروتين تحسنت كثير لكن للأسف في حملي الثاني صار عندي تصبغات حوالين الفم وهالشي مأزمني وناوية أستشير فيه طبيبة قريبا .
عنايتي بالشتاء أكثر ..
بحكم الجو والجفاف وغير كذا أحب الشور الطويل بالشتاء والموية الفاترة ?
صباح الخير ياجميلة .. ارتوس يعني مهما كتبت او تكلمت مااقدر أشكرك ع المجهود الجبار اللي تقدميه لنا❤️
شكرًا جدا على المعلومات والوقت اللي تبذلينه في مشاركتك لهالمعلومات☺️
كل اللي اقدر أقوله أتمنى لك حياة سعيدة ومستقبل زاهر باذن الله ..
Love all the way from Canada??
يمال الجنه جزاك الله خير على المجهود ويعطيك العافيه ويرزقك دنيه واخره?
صراحه الماسكات والمرطبات الطبيعيه هي اللي تجذبني سبت انو مافيه عطور لذالك استخدمها واحبها ولاني بشرتي جافه ولما جربت طريقة الكوريه اللي ذكرتيها جربتها بزيت جوز الهند قب وجهي حبوب سبوع كامل وانا صامده هههه بعدها ووقفت شهر وعليها قلت يمكن الزيت خربوطي المهم يوم رحت لرحلة علاج لرياض قلت بمر المحلات اللي قالتها ارتوس المهم واشتري زيت جوز الهند العضوي وبديت الطريقه ورجعت لي الحبوب نفس اول بس صارت سوداء كانها كذا حروق ولازال موجود اثر السواد اللي كانه حروق وبقاى الحبوب بس تروح ان شاء الله ووقفت حاليا وعاد الحين قلت بغير الزيت يمكن المشكله من الزيت وبعض الاحيان اقول هذي الحبوب مالها دخل بالزيت يمكن ببسبب الهم والظروف اللي عندي خلت وجههي كذا مع العلم ان وجهي قبل صافي ? عاد بغير الزيت ان شاء الله وبجرب الزيوت اللي من اي هيرب كتبت لسته الله يطرح فيها البركه هههههه صامده الا تنجح الطريقه الكوريه ????
والعنايه شتاء اكثر من الصيف خصوصا اليدين والترطيب بالزبده ولعصبت ب الفازلين ههههههههههههههههههههه..
اعشق شي اسمه ماسك يعطيك العافية يارب
وبالنسبة لسؤال العناية بالشتاء صراحة اكثف الترطيب فيه خصوصا الاطراف
ونتيجة العناية فيه اسرع من الصيف ليه مدري
مرحبا يآ عسسل ،
والله انا جدا محظوظة لأن نوعية بشرتي مثلج ، الحمدالله ولا منتج مدحتيه وجربته وسبب لي مشكلة
الماسك جدا يحمس وانا الأحماض كلش ما اتحسس منها وتجيب معاي نتيجة الحمدالله
بدور لي تاجرة توفره وبضيفه لعنايتي ، وبالنسبة للعناية في الشتا الصراحة يقل تقشير الجسم وماسكاته ، بس تقشير الويه أحبه لأن الشمس تكون باردة والجو مناسب ، لذلك كنت احن عليج واغربلج بتدوينة الرتن اي أو الاكرتين
عطاءج ماله حدود واحنا معاج بكل اللي تكتبينه سسوا مكياج أو عناية كل شي حلو منج عزيزتي ??
مرحبا للمره الثالثه?..
وصفك للمنتج يشهي وحمستيني اجربه..
بالنسبه للعنايه انا احس بهالجو يزيد الجفاف عندي رغم ان بجده البرد معتدل مررره يادوب نسمه خفيفه بس مع ذلك احتاج اكثف الترطيب خاصة يدي احس حتى كذا تكون مشدوده بألم لو مارطبتها?..
السر السر ننتظره بفارغ الصبر عاد انا صايره هالفتره فضوليه اقرى ردودك كلها ولو شفت قلتي لوحده ترى ردك بالتدوينه الفلانيه كان حلو او اعجبني ترى اروح للتدوينه ادور ردها??..حب فظيع للعلم ههههههه<< ادور عذر لفضولي
عشان كذا الله يصبرني الى مااعرف السر?
حبيته خصوصاً اني اعشق الاشياء اللي تقشر
بس خفت بشرتي تتحس منه
مع ان مافيني حبوب الحمدلله بس بشرتي حساسه مره
وبخصوص اي فصل نهتم اكثر؟
الشتاء طبعاً لان بشرتي جافه وبالشتاء تتدهور عاد اول ماحس بجفاف خلاص اطنقر اكره هالشعور ???
شوفيني من شهر شريت كذا زبدة جسم وقاعده اجرب وش اكثر شي حسيته رطب جسمي صح ووقت اطول
ويعطيك العافيه ?
حمستيني ع هالالغاز? واحلا باك بعد طول غياب
أنا احب أعتني بالشتاء أكثر لإن ما في طلعات تشغل مثل الصيف
و الليل طويييييل يمدي الواحد يسوي الي يبي بالراحة
مع ان البرد يجيب الكسل بس اغلب الشتاء معقول كم يوم بس هي
البرد الي يمنع الحركة
تحمست له كثير بعد رايك للمنتج وفي بعد ثاني ببالي من هذي المجموعه من ماسكات السعاده اللي جربتها من ماسكاتك
ماسك النشا للكسلانين هذا بالصيف مثل الانتعاش
وجربت ماسك الخميره فضييييع قلت ويني عنه من زمان
حسيت بطبقه جديد لبشرتي من بعده
بالنسبه لي ماسكاتك شي خياااال
متحمسه للجديد ?
تحمست اجربه
بالصيف اعتني اكثر من الشتا ي ليت تحطين عنايه بفصل الشتا للشعر و الجسم و نزلي موضوع عن إزالة الرؤوس السوداء الموجودة ع الانف
– هل تعتنون بأنفسكم بفصل الشتاء أكثر مِن فصل الصيف ؟!
ف كلا الفصلين اعتني بس أكثر بالشتاء أزيد من الترطيب فقط
جربتي oxygen capsule ؟
ياليت تتكلمين عن العنايه بالجسم حتى نتحمس اكثر حتى لو الاغلب كان جوابه لا
??
مره شكرا ع موضوعك الحلو مره استفدت منه يعطيك العافيه حبيبتي
انا بالشتاء اكثف الترطيب واستخدم زيوت ع جسمي عكس الصيف اللي اكتفي بالكريمات
..
رووووووعه بس المدونه كيف اطلع على جميع مواضيعك القديمه والجديده؟؟؟؟ وهل نزل موضوع الرووس السوداء وازالتها؟ وبالنسبه للعنايه والله عني بالصيف اهتم اكثر بالشتاء برداانه
مرحبا
يعطيك الف عافية ع الموضوع وتحمست اشتري الماسك، أنا جربت من عندهم زي القوالب تكسرينها وتذوبينها بموية وتفركين الوجه فيها تعطي احساس نظاافة وتورد واشراقة للوجه اسمها buffing biscuits جربت اللي بالفراولة واللافتدر وجربت من عندهم بعد ماسك التشوكليت ممتاز جدا للبشرة الدهنية والمختلطة بس لازم ترطيب عقبه، تحسينه ينظف البشرة من قلب وطلع قد المديح
بعد فيه براند ثاني جربت من عندهم ماسك البيض هي ماركة كورية اسمها skin food ياليت تسوين عليها ريفيو وعلى منتجاتهم بليز
اعشق هالماركة عن جد جربت عندهم ثلاث ماسكات وبكل صراحه استخدمهم بالاسبوع اربع مرات كل يوم نوع وكثييييير فادني خصوصا اني يوميا احط ميك اب ف بعد ما اغسل ويهي بالليل احط من ماسك الكاكاو او اليقطين او الطين الاحمر وكلهم رووووعه اصحى الصبح بشرتي فرش ومورده لما امد الفاونديشن يطلع الميك اب نظيف ف ماسكات فارم هاوس اشوفها ماست هاااف عند كل بنت وان شاء الله راح اجرب النوع اللي ذكرتيه احسه حلوووو وثااااانكس ياقلبي مواضيعج دايما مميزه
يازينك ويازين تدويناتك المفيدة واللذيذه احب اهتم ببشرتي بالشتاء اكثر من الصيف بكثير لان جسمي يقلب جااااف جدا احب الشتويه لكن تتعبني بالعنايه
اشعر بالسعاده لما القى شيء يناسبني كنت ابحث عنه من سنوات وخصوصا لما تكون اغلب تجاربي سيئه
شكرا من القلب
لكن لما جيت اشتريه لقيت اشياء ثانيه بالافوكادو وغيره
وش تفرق عن التفاح ؟
لو كانت تدوينتك ثرثرة عادية صدقيني بنتحمس لها و كلامك ثمين و كله فائدة
بخصوص الماسك حبيته من وصفك له و باذن الله بجربه و بجرب نكهات ثانية و و اعترف اني خاقة عند التعليب
بخصوص المنتجات الطبيعية فعلاً صار توجه عند الأجانب بكل منتجاتهم و الزيوت اللي يستخدمونها
شكراً ارتوس الجميلة ؛ الله يوفقك يا رب و بانتظار تدوينة الرؤوس السوداء 🙁
ارتوس شوووو تقصدين اي موضوع طرحتيه خلاص اكيد
هلا والله ارتوس?
كالعاده تتحفينا بطرحك ومنتجاتك الي تجيبينها، شكل المنتج مرره حلو وحتى كونه من مواد طبيعيه شكلي راح اجرب منتجات من هالشركه بس ما اتوقع راح اجربها قريب، حمستيني لهالموضوع الي تقولينه الي سنفره الوجه والرؤوس السوداء طريحتيه ولا تو ؟ اذا تو بانتظارك ي قلبي?
ياااه رجعت قريت مدونتك وحنيت حنيت حنيت لكلامك ومعلوماتك وصدقك
يمكن اللي بيخليك ترجعين لنا هو متابعينك الأوفياء واللي أنا مو منهم لأني خجولة ومتابعة بصمت
إلا أني أتابعك من سنوات ومخلصة لك ، وأقدر أقولك الآن منك أنا أقدر أبحث بطريقة سليمة وصحيحة
عن كل شيء مو بس المنتجات التجميلية.. الله يوفقك ويسعدك وين ماكنتي وحطي ببالي أن لك متابعة تذكرك بالخير وتدعي لك وين
ماكنتي 🙁
مدري ليه حسيت بشعور قوي رجعني بس حتى أقولك إني أحرص على مقدماتك واقراها بعناية شديدة حتى ماتفوتني ولافقرة واحدة ثم أقرأ الموضوع براحة ..