صَباح / مَساء الجَمال
هآآآآه مَتحمسين ؟!
أولاً : أحب أقَول شُكراً شُكراً لكل البنات إللي يَثروني بالَجديد وَ يشاركوني تَجاربهم
هالمَوضوع بفضل إستفسارات المُتابعين ، لما أي بَنت تسألني عَن شيء حَتى لو ما أسعفني الوَقت أرد بَوقتها
سؤالها ما يُمر مُرور الكرام ( كُونوا على يَقين ) وَ إشتغلت عالمَوضوع بسرعة حتى أعَطي رأيي الصادق بَسؤالها
يعني كُل الشُكر لـ _zoza_ah_313_
تَرى ما أعرفها وَ ما بيني وَ بينها شيء مُجرد هالإستفسار فَتح مَداركي ، هالشيء للبنات إللي يَقولون إنتِ من وين تجيبين مَعلوماتك ، مَعلوماتي مُستوحاة من طَلباتكم وَ تساؤلاتكم
ثانياً : أشكر صَديقاتي إللي سآهموا أيضاً بإثبات مَدى مَصداقية هالتَجربة
لأن كثرة التَجارب تَخليني أكتب وَ أنا مُتطمئنة ، خاصة لما تكون التجربة مالها أي إثبات عِلمي
بَرضو هُم مُش مستفيدين شيء ، اللَهم حبوا يَفرحوني فالله يحقق أمانيهم ما خَذلوني وَ بدون ما أسأل لقيتهم مَجهزين كُل شيء ..
هَوس الشعر الطويل ~
أكيد فيه كثير من البنات مُهتمات بتطويل شعورهم ، خاصة في مجتمعنا العَربي البنات يولون إهتمام كبير بشعورهم وَ البعض يمكن يزور العطار بس عشان يشتري من هالزيوت ، مِنها زيوت طبيعية مُتعارف عليها وَ منها زيوت تجارية تعد بنتائج وَهمية
ما أعرف سَبب هوس البنات بتطويل شعورهم هل يبون يجتذبون المعرس هههههه بما إن البعض يدور عروس شعرها لتحت الظهر ، أو هو تحدي بين البنات من شعرها أطول من الثانية أو أمر يتعلق بإثبات الأنوثة ، تهقون البنات يحبون يطولون شعورهم عشان يرقصون به وَ كذا يضربون عصفورين بحجر رَقصة مُزدوجة مع هزة الشعر وَ تدخل على طول بقلب أم المعرس خخخخخ
[ ألحين بَتقوم القيامة ، مَين قالك حَنا نبي العِرس !! مالت عليك إنتِ إللي تبين العِرس !! ما يَنمزح مَعكم يا بنات حَواء نَفسيات ] ..
هوس البنات العرب بتطويل الشعر هو إللي يخليهم مايقصون شعورهم حتى لو ذيلت وَ ماكان مظهرها صحي ، أهم شيء طويل ، وَ يمكن البعض يُعاني من حرقة الفؤاد لو قصت شعرها الكوافيرة 2سم زيادة عن المطلوب ، حَتى أذكر أيام الَدراسة صَديقاتي كل وَحدة تَخرط ، لو قصت شعرها تَجلس تَشبر لك إن شعرها السابق كان لخصرها بالرُغم ما عَمرنا شفناه كذا ، بس أكيد بَنسلك لها بَنقول إيه إيه ، ٩٩٪ بالمَية من البنات إللي قابلتهم عَندهم قَصص خيالية لَمظهر شعرهم قبل قَصه
[ إللي تَعرفني بَليز لا تزعل ] ..
anyway إللي أعرفه إنه شيء ممكن مُكلف للبعض ، سواء كزيوت أو منتجات للدهن أو فيتامنيات وَ مكملات غذائية
– كم راح تَدفعين ؟!
لو قلتلكم مُمكن تطولون شعوركم ٤سم في ٧ أيام فقط بدون أي تكلفه ماليه وَ لا حتى ريال واحد
بكم راح تشترون الوصفه لو كانت معروضة للبيع ؟ هل مُمكن تدفعون فيها ٣٠٠ ريال ، ٥٠٠ ، ١٠٠٠ صراحة ؟
مِن الثمن إللي راح تدفعينه للوصفة يدل مدى عشقك للشعر الطويل
عن نفسي أنا مُو مهتمة بتطويل شعري لأن كثير منكم يعرف إني دايم أقص شعري مرات بوي وَ مرات كارية وَ أمل بسرعة من الشعر الطويل ، لكن مرة قصيت شعري وَ كانت القصة تجيب المغص خاصة إن طول الشعره ما كان يتجاوز ٢ سم ، وَقتها تمنيت شعري يطول بسرعة عشان أرجع اعدلها
أكيد محبات الشعر الطويل مُتحمسات الحين يبون يعرفون الطريقة !!
يالله ماراح أحمسكم زيادة وَ أعذب غريزتكم
وَصفة تطويل الشعر ( إنفيرجن ميثد ) ~
وصفة التطويل طايحين فيها الأجنبيات وَ بقوة وَ بعد مسوين تشالنج ( تَحدي ) ، أساساً الأجنبيات إنهبلو الفترة الأخيرة حسيتهم صاروا من رَبعنا زيوت وَ خلطات وَ خرابيط ، من كثر هوسهم بتطويل الشعر صاروا المحلات يبيعون تي شيرتز بعلامات قياس
وَصفتنا من أشهر الوصفات حالياً لتسريع نمو الشعر إسمها : INVERSION METHOD يعني الوصفة الإنكشاحية ، ما أعرف لها ترجمة أنيقة بس يعني تقدرون تقولن وصفة الإنقلاب رأساً على عقب عاد البليغات في اللغة يألفون لها ترجمة
قبل لأجرب الوصفة إطلعت على أغلب تجارب البنات تقريبا ٩٨% نفعت معهم الطريقة وَ طال شعرهم ..
وحدة إللي لفتتني بينهم كان شعرها مَحلوق مكينة وَ قالت التجربه مانجحت معها وَ وحدة ثانية شعرها طال بس بنسبة بسيطة يمكن نصف سم
وَ كعادتي دائماً ماكنت مقتنعه بوجود شيء ممكن يسرع نمو الشعر بهالشكل في 7 أيام بس ، توقعت النتيجة ما راح تكون ناجحة ، بس حبيت أنقل تجربتي
علمياً مافي شيء يُثبت صحة هالطريقة أبداً وَ بالمثل مافي شيء يثبت عَدم صحتها ، لكن كثرة التجارب الناجحة تشجع خاصة إني مو خسرانة شيء ، يعني الشغله مالها أثار جانبية وَ لا تكلف وَ لا ريال
لكن التفسير المنطقي حتى لو ماكان مُثبت إن هالطريقة تَحفز الدورة الدوية في منطقة الرأس مما يسبب زيادة تدفق الدم للفرة وَ للبصيلات تحديداً، بالتالي يحفز نمو الشعر
الطريقة ،’
تنقسم لمرحلتين أساسيتين
•مرحلة دهن فروة الرأس وَ المساج
•مرحلة إتخاذ الوضعية الإنشكاحية ( الإنقلاب )
– الزيت : الخيارات مَفتوحه لإستخدام أي زيت طبيعي سواء زيت زيتون ، جوز هند ، ألأرقان المغربي ، بذور العنب وَ لنتائج أفضل يخلط مع زيوت عطرية لزيادة الإسترخاء ، الأغلبية فضل زيت جوز الهند لأنه يُساعد على نَمو الشعر
يفضل تدفئة الزيت بحمام ساخن وَ إنتبهوا لاتحرقون راسكم لازم يكون دافيء بدرجة مريحة وَ تستحملونها مايكون حار
– ليش نَدفي الزيت ؟
عشان يساعد على تدفق الدم لفروة الرأس ، أيضاً الإمتصاص يكون أفضل
نبدأ بمد الزيت على فروة الرأس ، وَ نمد باقي الزيت على الشعرة ، ثم نمسج فروة الرأس بحركات دائرية وَ بنعومة بكل الإتجاهات لمدة ٤ دقائق
– مرحلة الانقلاب : ناخذ وضعية يكون فيها راسنا لتحت مَثل كذا ..
نختار الطريقة إللي تريحنا وَ الأفضل نكون مسترخين أثناء الوَضعية ، فأحرصوا تاحذون وَضعية مريحة وَ نقعد على هالحال ٤ دقايق ، هالخطوة هي أهم خطوة لأن الدم راح يتدفق بهالوقت فحاولوا تكون مرحلة إسترخاء فركزوا ع التنفس وقتها إعتبروا إنها جلسة تأمل ، وَ لما تخلص الـ ٤ دقائق نَرفع راسنا على مَهل مو فجأة !! ، عَشان ماتحسين بالدوخه أو الدُوار
في حالة البنات إللي عندهم ضغط أو مشاكل في الظهر أو إلتهاب في الأذن وَ الحوامل أو أي مُشكلة صحية ممكن تسببلهم دوخة أو عدم إتزان الأفضل الإبتعاد عنها
نغسل الشعر بعد ساعتين أو بعد ليلة كاملة
لاتبالغون وَ تسونها أكثر من 7 أيام لأن كثرةالزيوت تسد فروة الرأس أيضاً هي قائمة على نظام الشوك سيستم ( الصَدمة ) ..
الطريقة تَسوينها لُمدة إسبوع بالشهر فقط ( ٧ أيام مُتتالية ) وَ راح يطول ٤ سَم تقريباً مُمكن أقل وَ ممكن أكثر نهاية الإسبوع وَ بنهاية الشهر بيكتمل الـ ٨ سم
تجاربنا بالإنفيرجن ميثد ~
جميع التَجارب تم قياسها خلال إسبوع فقط ، يعني الطَول إللي تَشوفونه هُو طول إسبوع واحد بس
– تجربة إيمان ،’
الزيت المُستخدم : زيت مخلوط بالأعشاب
مرات الغسل : يومياً لأن عَندها دَوام بالجامعة
مُلاحظة : الشعر قصته كاريه على مَيلان
– تجربة بشاير ،’
– تجربة نونا ،’
– تجربة أختي ،’
الزيت المُستخدم : زيت جوز الهند مرة واحدة وَ الباقي زيت الأرغان المغربي
مرات الغسل : ٣ مَرات يعني يَوم إيه وَ يوم لأ
– تجربتي ،’
الزيت المُستخدم : زيت جوز الهند مرة على كامل الشعر ، وَ الباقي زيت الأرغان المَغربي
مرات الغسل : مرتين فقط وَ لاحظوا أنا أقل وَحدة طول شعري ٣ سم وَ شوي
ما قَد يخطر على البال ،’
– عادي نستمر نسوي هالحركة طوال الشهر ؟
أكيد لأ .. ٧ أيام فقط مُتتالية بالشهر وَ الشهر الجاي تَسوين نفس الحركة
– هل حسيتوا بألم من هالطريقة ؟
نعم فيه شَوية ألم من المساج مو هالألم الألم عادي زي لما تَخلين شعرك على جهه وَ تقلبينه عالجهه الثانية
هذا بالنسبة لي وَ لأختي يمكن لأن حنا مو من راعيين زيوت ، لكن الألم يزول باليوم الثاني ، لكن تحسين فيه حرارة بفروة الرأس من الخلف حرارة غريبة دائماً تحسين كن تَوك ممسجته
– أرتوس فينا فراغات مانبي شيء يطول نبي الفراغات تَروح ؟
هي بالأساس تساعد على نمو الشعر ، فيه رجال جربوها فراغاتهم تَحسنت
طبعاً مو تجيبون لي أصَلع وَ يسويها ، الصلع الوراثي شيء آخر وَ برضو لو جرب ماراح يَموت بس مُمكن ينكسف
وَ لو كان متأمل يَتحطم
– هل تنفع للأطفال الصَغار ؟
مافي أي مَحاذير لتجربتها على الأطفال
– أكيد بتطول شعورنا ٤ سم بإسبوع ؟
لا مو أكيد كل شَخص حسب طبيعته ، لكن كل إللي جربوا تقريباً ٤ سَم أنا الوَحيدة فيهم حول ٣ سَم ما كملت ٤ سم
طبعاً يعتبر شيء مُذهل بإسبوع لأن الشعر الطبيعي ما يطول بالشهر كله أكثر من ١ سم وَ شويات
فَيعني شَيء وآآآو لو حسبنا بس لو كل شعر طَول بالشهر ٥ سم إضربوها بـ ١٢ شهر تتكلمون عَن نص متر ترى
– هل راح تستمرين عليه ؟!
نعم بَستمر عليه لغاية ٢٠١٦م فقط وَ بوقف ، لغاية بنفس يَعقوب ( هآآآه بعَدين لو نزلت صورة شعري بالآنستا لا تَقولون لي وَش تَسوين ) ..
لكن حتى إللي ما تَبي الطول فيه شيء غريب يسويه بالشعره ، الشعره صَحية وَ لمعتها غريبة مو لمعة زيت لا زَي دعاية الشامبوهات
وَ الشعر صَحي وَ مفرفح وَ مو لازق بالفَروة لا شيء مُفتخر ، حتى الشعرة نآآآآآعمة ( هذا بخصوص تَجربتي )
– هل لازم نغسل شعرنا يومياً بهالسبع أيام ؟
لا مو ضروري الغسل يومياً ، وَ بنفس الوقت مو زين تخلين الزيت أيام كثيرة براسك عشان ما يسد المسامات وَ لما تنسد المسامة كلنا نعرف الشعرة تتساقط
يعني ممكن يومياً تغسلون ، أو كل يومين لكن ما يزيد عن ٤ أيام بدون غَسل
– هل ندهن الفروة وَ لا الشعرة ؟
النظام كله للفروة مُش للشعرة ، وَ الدهان ماهو إلا وسيلة مساعدة للمساج
يعني إللي وراها دوام .. إلخ تقدر تدهن الفروة بزيت خفيف جداً وَ بكمية بسيطة اللهم كمية تسمح لها بالمَساج
وَ لكن إللي تحب السخاء وَ تحب تدلع شعرها مُمتاز لو دهنته كله لأن بتضطر تغسله
– تجربتكم كان لإسبوع واحد هل بيطول بقية الشهر ؟
الله أعلم ، لأن كنا مَستعجلين نبي ننزلها قبل نهاية رمضان بحيث ما يَجي العيد إلا وَ كثير إستفاد مَنها
– طيب إللي شعرها مصبوغ و تخاف مع الزيت يتغير لون الصبغة وش تسوي ؟
عادي تدهن بس الفروة ماراح يوصل الشعرة زيت ، مُجرد مسحة عاليد بالزيت
وَ تمسج
– أرتوس عادي خلال هالفترة نستشور شعرنا وَ نسوي له فير ؟
هو مَفروض إنتِ بفترة عناية تعتقينه شَوي ، بَس عادي
إيمان كانت يومياً زَي ما شَفت بالسناب تشات تَصفف شَعرها وَ مافي أحلى مَنه
– طيب يا أرتوس بقية الشهر نسوي زيوتنا وَ خلطاتنا وَ ماسكاتنا ؟
إيه عادي كل حياتكم تستمر مثل حياتكم الطبيعية اللهم حركة ال ٧ أيام هذي ما تكررونها إلا بعد شهر
لأن زي ما قلنا هالمَوضوع يعتمد على الشوك سيستم ، وَ عادي برضو لو بتدهنون شعوركم وَ تمسجونها بس ما تكررون حركات الـ ٧ أيام
أحاول قَد ما أقدر أرد على كل إستفسار حَتى لو بسيط مُمكن يخطر عالبال
وَ أكيد بَغفل كَذا نَقطة ، وَ أتمنى دائماً إن الإنسان ما يَكذب شخص إلا بَعد تجربته
خلال طَرحي للبوست فَيه كَم وحده وَدها تَضارب ( بصراحة أنا أستغرب من هالقَوم !! .. ليش بَكذب لا هَي خلطه بَفلوس !! وَ منب من النَوع راعية الخُزعبلات ) ..
فعلاً بعض البَشر أرواحهم وَ حضورهم كنافخ الكير ، ما يَعرفون يَعبرون ، أحس عندهم مَشاكل نفسية وَ حياتيه صَعبة أي شيء يحاربونه وَ يهاجمونه ، وَش هالبشر !! ..
وَ شَفتوا لما البَنت سألتني !! مَحداً رد عليها أبداً .. وَ دايم بنات يسألوني عن خلطات لَتطويل الشعر مافي أحد تَكلم أبداً
عالأقل بَصفحتي !! ، وَ لما الأن طَرحتها بالأنستا طَلعت كم بنت تتفلسف ، أحييكم على كَتم المَعلومة ، تذكروا زَكاة العلم نَشره
وَ الأهم عَدم سرقته وَ نسب الفضل لأهل الفَضل ، أتمنى دائماً تفيدون بَعض قبل نَشر المَعلومات مُو لما تَطلع تَقولون آآآآآوه من زَمان أنا أسويها
مُلاحظة ،’
أي بنت راح تَجرب هالتَجربة وَ تسوي لي تاق وَ منشن عالآنستغرآم ، راح أعرض تَجربتها بحسابي
حتى توصل المَعلومة لأكبر قَدر مُمكن من الناس ( وَ أقصد تَصور شعرها قبل وَ بعد ) .. دعوة للتَنكس
إنتظروني يَوم الإثنين بَتدوينة راح تفيدكم جداً بطلة العَيد ، وَ رخيصة جداً جداً وَ يمكن تلاقونها ببيتكم بَعد
وَ يمكن تَصدمكم وَ تقولون مَسختيها تَرى ، بَس عن تَجربة رَوووووعه
دُمتم بَحب
.
وياصباح التجارب الصادقه
عدلي عدلي وخذي راحتك ماراح نذبحك بنذبح ذاك ^_^
ياحبي لك وللشعب المتنكس
حبيت تجاربكم مع بعض عشان تثبتون لمتابعينك نجاح التجربه
ياستي مهما وصلنا من علم وتطور وانفتاح فيه زمره من الناس فيهم سلبيات ودك تنفيهم ل……. عشان يبرد قلبك
لا يهمونك
مو مهوسه على التطويل اطول لشي براسي وبعدها اروح احش واصدمهم
حاليا اطول وراح اجربهم باسبوع المدام الحلوه ىنتنكس ىنشقلب وراح اعطيك خبر باذن الله
والله عليك تجارب تحمس من القلب وفي انتظار الاثنين
واالله يسعدك ويسعد اختك وصديقاتك المخلصات ويخليكم لبعض
ودي اجرب
بصراحه انتي تحفزين الواحد ان يجرب
تعطين كل شي بتفصيل عشان نستفيد
يعطيج العافيه و ان شاء الله راح اجرب ❤️
يسعد ايامك سوس ??
رجعت بعد سنتين تقريبا من التدوينه حتى اوثق تجربتي مع الانفرجين
اول تجربه كانت برمضان بعد ما قرات التدوينه طبقتها مع زيت السمسم واول شهر كان الزياده تقريبا ٣سم واستمريت تقريبا ٥ شهور
كان عندي مناسبه مهمه وحبيت اطول شعري والحمد طال بشكل مرضي وبعد المناسبه قصيت شعري وتركت الطريقه تقريبا ٨ شهور
وبعدها رجعت للطريقه بدون استخدام زيت وانتظمت تقريبا ٩ شهور ومازلت مستمره
النتايج الي لاحظتها الحمدلله خف التساقط بشكل ملحوظ وطال شعري وطلع لي بيبي هير
طبعا مع الانفرجين اهتميت باكلي شويتين وكمان عالجت نقص فيتامين
وتقديرا لجهودك حبيت اوثق تجربتي وهذا اقل شي اسويه قدام جهودك وعطاءك وصدقك وامانتك
??
يما ارتوس اول مرة اعلق ، بس قلت جد لازم احكي وشكلي بعلق بصير اعلق خلاص دام السالفه سهلة كلها ايميل وطقت كيبورد الزبدة
انا طلبت من 3 شهور يمكن او 5 زيت من انستا اسمو زيت ام نهار ! والله والله فضيييع فضيع! مدري احس انتي م تحبي الزيوت اصلا من زمان تقولي ماحب الشغلات الي كذا انو زيت الزيتون وبصل وقرابيع ذي انو تحبي شي موثوق وكذا المهم انا بقول الي عندي جد غيري يمكن يستفيد زبده هالزيت تستخمدي لمدة 3 اسابيع يوم ايه ويوم لاء بعدين خلاص مرتين بالاسبوع ! من كثر م انو من الشهر الاول فاد معي الكل انجن عليه طلبت لبنات خالتي وبنت عمتي ! وحتا ماما صارت تدل صحباتها عليه بالمدرسه كل المعلمات طلبو الحساب ! والله انا مصدومه مع اني م احي الشعر الناعم بزياده يصيركذا م تقدري تسوي فيه شي احس بس مو نعومه لا لمعان شعري احسو مغذى منجد وطال بس مو طول طول لا احس يعني من قدام جبهتي الفراغات رجع الشعر لانو شعري صلعع من الاستريت :'( والفير فوقفت كتحدي من بنات خوالي من شهر 3 لحد الان م اسوي بشعري ولا شي لا استريت ولا فير ولا تجفيف ولا شي لين العيد وتحمسستت ذحين اكثر مع هالحركه فبسويها بنفس الزيت واصورلك تجربتي بكرة بلبس وبصورلك شعري ونستنا النتيجه بالعيد *،* ♥
والله كثرت هرج بس جد جد تحمست بنام عشان يجي بكره بسرعه =))
واحبك توسه ‘( ♡♡♡.
طيب ممكن تفيديني ب اسم الحساب الله يجزاك خير
انتي مجربته عن تجربة بنفسك ولا اعلان ههههههه لان دايم اشوفه ومتردده
فعلا الزيت هذا عجيب و انا مجربته
الله يعطيييك العافيه ارتوس ورح اجرب بإذن الله بس فيه شغله انا استخدم امبولات عنق الحصان (اكرينال) اول شهر 4 مراتت بالاسبوع فما ادري اذا عادي اوقف اسبوع واستخدم طريقة تطويل الشعر ممره حمستيني اجرب شكررررررا على كل مجهود تقدميه لنا الله يسعدك
وهذا اول تعليق لي بس من جد تستاهلين الشكر والدعوات الحلوه تمنيت اني اعلق على كل تدويناتك بس للاسف ماشوف التدوينات الا متأخرررر حتى لو ماعلقت تأكدي انا ندعي لك لك كل الحب والود
الله يجزاك خير على مجهودك دائماًتستفيد منك ان شاء الله اجربها متحمسه للنتائج
استمري
استفيد*
بجربها توسه واسويلك تاق مع انوو شعري طويل بس بقصه واجرب كذا جازتلي وناسه علشانمتى مابغيت اقصرر اقص واطول بمزاجي
روعه.. يعطيكم العافية جميعا
رح أجربها لأخوي ان شاء الله..
يسعد قلبك يا سسسسكره ، انا تحمسسسست مره للفكره بس كان عندي نيه اقص شعري و شكلي ب اكنسل ههههههه ، عوافي
راح اجربها ل نفسي ول بنتي
جاااري التجربه باذن الله ربي يسعدك وييسر لك كل خير اي حاجه تقوليها بدون تردد اسويها لاني واثقه مليون بالميه ماتنزلي موصوع الا متاكده منه
أرتوس إنتي إنساااانه رائعه ربي يوفقك
توني بديت فيها هالاسبوع الله يعطيك العافيه ارتوس
بدي اعرف هل اسوي هذه الطريقه 7ايام متتاليه بالشهر ولا 7باول الشهر و7باخره
ولو أني مو مهووسة بتطويل الشعر بس كالعادة اضافتك المميزة تجبرني اقراه وتوثيقك هالمرة راح يكون غييرررر شكل اكيد
بكمل التدوينة بكره ولي عودة ❤️❤️❤️❤️❤️ أحبك سٓوس
جُزيتي خيرا ي أرتوس ❤️❤️❤️❤️❤️❤️❤️❤️❤️❤️❤️
متشققه من الحماس رجعه يائلبي
سبق وشفت وحده اجنبيه سوتها
من اليوم و بكرا انشاءالله راح ابداء بالتجربه ونقولك مررره متحمسه مع اني قاصه شعري قصير وماببالي اطولو بش عشانك
طيب يعني كان حطيتي بالغلط صورة لشعرك ههههههه يالله ماعليه المره الجايه
عجبني حماسك انتي والبنات لو علمتتيني بس من اول كنت البوست الررابع
عندي سؤال صغير
بما انو فروتي دهنيه قلت لمن اجي بتروش باخذ شامبو اطفال تفادي لجفاف الشعر ويكون خفيف او استخدم الشامبو الخاص فيني ؟
دمتي بسعاده ..
تسجيل حظور ❤❤
صباح الخير ياكل الخير …
ياعيني عليك وعلى تجاربك انتي واختك وصديقاتك ربي يسعدكم دنيا وآخره بسويها لبنتي بأذن الله وليتها تطاوعني وتتنكس اربع دقايق (دخلت راسي فكرة التسدح ع الكرةبسويها لها )…
اما سالفة زكاة العلم نشره تشوفين لمن التاجر يزكي كيف تزيد البركه والخير بتجارته هذا انتي نفس الشيء الله بارك لك بعلمك واستزادتك لنشر العلم من سنين عرفناك وهذا انتي على مانتي ماتغيرتي بيض الله وجهك على ماتسوين وان شا الله تلقينه عند رب العالمين …
ياللا اشوفك على خير وتسلمين عالموضوع الانكشاحي ❤
هلا ارتوس
من اول استنى التدوينه
يالله الحمد لله مانمت اقرأ وارجع
انا هُنا ❤️❤️❤️
وااو !! ماشاءالله ظبطت مع الكل ❤❤❤ عاد كان ودنا نشوف شعرك قهر لوول .. اعرف هالطريقه من سنة تقريبا من بلوقر اسمها “حياتي وردي ” هالبنت عرضت اشياء ماعرفوها الناس الا بعد سنه او اكثر وبصراحه مظلومه من ناحية المتابعه .. المهم نرجع للطريقه شطحت شوي لازم نرجع الفضل لأصحابه ههههههه اعرفها من زمان بس مادخلت مزاجي مره ونسيتها لاني مااحتجتها شعري يطول بسرعه ، بس الأكيد بعد هالتدوينة والإثباتات بجربها ان شاءالله لعل هالبيبي هيرز يطولون ولا ربما يتكثف شعري بما انه هالحركه الانشكاحيه تدفع الدم للراس .. وماتنسيني بالتجارب الجايه تراني تحت الخدمه في أي وئت عاوزاه حضرتك :$
وصباحك صيام مافيه لا عسل ولا سكر هههههه
Ana Ana *big heart*
والله طلع السبت بداية بوستات اقتصادية جميلة..
هاو اي لوف يووو؟ بإذن الله. اجربها. الله يوفقك الف شكر
الحمدالله ما اعاني من هاالهوس
غير قُلي ويش ندير❤️ بش نبقى ديما معاك❤️
تشكرات أرتوس اكيد راح أجربها ان شاء الله وأرسلك النتيجة من الآن وانا متحمسة لتجربتها .
روووعه التدوينه وبجربهاا واقولك ورح ارسلهاا للقروب بعد
وبأنتظار يوم الاثنين ع خير يااااارب *قُبله*
ترا انا اللي كان يوزري kyf8kan بس غيرته لهذا
سلمت اناملك يا راااائعه
ماشاء الله تبارك الله ..صراحة شيء جبااار…كل مرة تذهلني آكثر…ان شاء الله اجربها مو عشان الطول بقدر الفوائد الثانية،،
وسيتم حالا نشر البوست لكل اللي حولي،،
شكرا آرتوس..الله يسعدك ❤️❤️❤️
عاااااا هذا سؤالي قبل لا اغير اسمي ههههههههههه ما تدرين شصار من شفته قلبي قام يرقص هههههه اقره الموضوع و ارجع من الحماس ما صبرت هع
التجربه جمييييييله و طريقتج بالتدوين و الكلام و التفصيل زادتها جمال انا شفت تجربة اختي بس هي ما استعملت زين فقط مساج و قالت طال شعرها و انا بس اتفرج من بعيد٠_٠ هههههه بس بعد تدوينتج راح اجربها اكييييد
عجبتني المزحه و ضحكت ما صرت نفسيه هع هع
انا اشوف الشعر الطويل هم يتبع الذوق انا صح ممكن اقص شعري قصير و العب بي بس بالاخير راح اطوله لان احب الشعر الطويل احب العب بي و انا گاعده اتصفح نت او اسوي اي شيء<<انها عادة هههه
دمتي بجمال و شعر صحي ان شاء الله ^___^
بس ارتوس انا اللي سمعته انه ممنوع على الحامل و المرضع و ايضا بوقت الدوره الشهريه شنو رايج؟؟
ليش ما تنفع الطريقه وقت الدوره؟
و لازم الزيت يكون حار ؟
ششششكككراً حمااااس الوضع ❤️❤️❤️
طيب بالشهر هذا ما احط زيوت ولا شي ؟ بس ماسكات وكذا ؟
طيب ينفع زيت دابر ؟ أنا استخدمه واخاف لو قطعته يسبب تساقط هو معروف اذا قطعتيه فجأة يتساقط الشعر ؟ ❤️
والسؤال الثاني ينفع زيت الثوم أو زيت حار شوي عشان أبي يكثف شعري ؟ ❤️❤️
والله يجزاك الجنة يارب
ارتوس الف شكر والله الشكر قليل بحقك ,, بالنسبه للطريقه انا صحيح قريت عنها قبل بس والله ماكنت مقتنعه فيها .. اكيد رخ اجربها واذا قدرت رح اراسلك .. احبك
يا صباح الصبر
كنت ابي اقص اطراف شعري ومتحسفة لان شعري مو من النوع اللي يطول بسرعة وما ابي يجي العيد و هو اقل من الطول المرجو ، لكن الحين بقصصصه بكل راحة قلب
ثانكس ارتوسة وي لوف يووو
يارب يارب يارب جعلك ماتشوفين حزن بحياتك جعلك ماتنظامين ولاتنقهرين جعل كل من بغى قهرك ينقهر قبل يقهرك يارب
< قلبت عجوز بس تستاهلين والله
تسجيل حضور .. يعطيك العافية يمكن اسويها لللمعة لان شعري طويل و شبه كثيف الحمدلله بس باهت اغبر هههههههه .. موااه يا اردوسه
صباح الجمال اول مره اعرف عن هاذي الطريقه ان شاء الله اجربها واخبرك بالنتايج
يعطيك العافييه .. طيب حبيبتي عندي استفسار عادي استخدم الاستشوار او الليس في هذا الاسبوع
ارتوس كمان في نقطه مهمه بالنسبه للمهووسين بتطويل الشعر ..يمكن لانه نص الجمال على قولتهم
كثيررر اشوف بنات اقل من عاديات وشعورهم تجننن وفعلا اقول الشعر نص الجمال خاصه لو طويل وكثيف وصحي
متحمسة للتجربة الله يسعدك راح أقيس طول الشعر وان شاء الله أبشرك
Woooow جااات بوقتها هالطريقة عااد نفسي وامنتيتي اقص شعري لكن مشكلته نموه بطيء واخاف اتحسف اذا اقصيته ،، بجرب الطريقة
وشكرااً شكراً من القلب ارتوووس ،، دائم تتحفينا وتفاجئنا لاحرمت الاجر امواااه
يعطيك العافيه
حبيتها بالرغم مااحب الزيوت والماسكات لشعري تصدقين ماعندي ولا ماسك لشعري ولا بلسم جربت فقط بديل الزيت من بانتبن وماعجبني استخدمته ثلاث او اربع مرات
بس تحمست لهاالطريقه ممكن عشان المساج انا الحمدلله شعري يطول بسرعه ماشاء الله بس راح اجربها ان شاء الله حتى لو مانزلتي الصور قبل وبعد اثق فيك والله بدون مجامله
وماالومك في النفسيات اللي يطلعون في كل حساب لازم تجي وحده تنكد ع الكل بس الله يعينك
يعطيك العافيه ياجميله ،،
حبيتها كثير ، وجاري التجربه وراح اوافيك بها إن شاء الله ،،
شكراً يامعطأه ،،
دمتي سعيده..
وااااو متحمسه وااااايد اني اجررب الطريقه و ان شاء الله بطزشلج النتيجة ..
شكرااااا ارتووووس ع الطرح الي داييما مميز
ونتريا التدوينه القادمة
^ـ^
ارتوس نفس احساسي يوم اشوف اعلان كارا بارا
والحلقة بعد اسبوع هههههههه
يعني دوب شبعت من التدوينة الا انتي تقولين شغلة روعة
تفيدكم في طلة العيد
شو بحبك يا ارتوس
عن جد انتي غيييييييير
بإنتظارك ،، دمتي بحب و حفظ من الله
هل النتيجة مضمونة اما اليم قصيت شعري و كان طويل لكن اضطررت لأن كان يعاني من التقصف الشديد و انا لا احب الشعر القصير و هل زيت الخروع مع الزيت الزيتون له فائدة؟
عجبتني مره ❤️❤️❤️ تسلمي ❤️❤️❤️
رح اجربها و اصورلك ❤️❤️
ما اقدر اقول الا ربي يوفقك ويساعدك مبدعه حيل بالتوفيق عسولتى
يافديتك ياأرتوسه دوم مواضيك حماااس
انا دايم شعري قصير فحابه ذي المره اطول شعري وجاء ذا الموضوع فوقته ربي يسعددك قولي آمين
دايم تشوقينا لبكره وابغى اليوم يخلص عشان اقرأ تدوينه جديده منك انتي سعاآده
بس ليه ماصورتي شعرك ؛(
مررره روعه اول مره اقرا موضوع اول م تنزليه ب العاده اتاخر يومين
المهم يعطيك العافيه وحبيت الطريقه❤️
بقص اطراف شعري لانه متقصف
وبعد العيد بجرب الطريقة ❤
يعطيك العافيه على الجهد العظيم اللي تبذلينه شكرااااا
حبيت تجاربكم ❤️
الله يوفقك آرتوووس احب فيك حبك للخير لغيرك ..كنت اتمني ان ذكرتي هل فيه زيت خاص للشعر الملون(خصل ثلجي) …والف شكر
الله يسعدك با ارتوس ،والله يجزاك كل خير يارب
بإذن الله راح اجربها ،عندي سؤال مافي طريقة تخلي الزيت مايبرد بسرعة ؟
حماااس والله التجربة , ع ان شعري طويل الا اني تحمست اجربها
ياحولك يختي ❤️❤️
كان ودي اني اعرف اعبر ، واصيغً الجمل .. تلقيني اللحين ساطرة لك عشر سطور واكثر ، شكراً الله يجزاك خير ❤️
تُشكري ع المعلومات القيمه
الموضوع سهل .. و الجميل انو غير مضر في حال فشل التجربه
انا كنت من الاشخاص اللي تفلسفوا ب افكار في الانستا
قلت عن امبولات عنق الحصان .. انا ما جربتها للأمانه .. قريت مدونه كاتبه عنها و انها خرافيه
حسيت حالي انكسفت لما قلتي احييكم ع كتم العلم
المشكله اني دايم معتبره حالي مزكيه معلوماتي ب اضعف الايمان اني ادل البنات ع حسابك و حسابات تفيدهم
مرررره ثانيه .. تُشكري يا جميله
يسعد ققلبك
رغم اني اتكاسل من الزيت والقلق حقو
لاكن تحمست وانشاءالله ابدا في من اليوم واوريك النتيجه
تَنكس يمين يسارر > فيسات تُرقص .. بالبداية شكرا للي ذكرت الموضوع وشاركتنا بـ الفائدة وشكرا ارتوس على نَشر المعلومة وشكرا نونا وبشبش وايمان واخت ارتوس وانتي يالحُب اثريتوا الموضوع وزدتو مصداقية قلوب لبلدة كل وحدة ,, اكيد بكرة ان شاءلله راح اسويه .. وترا شعري مايطول كثيير من سنتين قصيته ماطول الا شووووي .. راح ارسله لبشاير وهي ترسلك ان شاءلله .. بوسات لك تحديدا
صح ارتوسه
على طاري كلمة المرور والحساب الخاص
ترا بزعل لو ماتديني
ماابغى اي شئ يفوتني
صباح الخير توسه ، اول ماقريت الموضوع شددني بقوه سبحان الله اسلوبك يجذب ويذبح مشاء الله ، انا من الناس الي مو مهووسه بالطول اهم شي عندي الكثافه واللمعان والنظافه وادا كلها دي بالسيف سايد معناتو شعري بيطول بصحه وسلامه ، اتحمست للتجربه مفكره اقص شعري طول واحد عشانو مدرج واجربها ان شاء الله ههههه ، يسعدك ربي توسسه
يا عمري يا ارتوس و الله اني احبك ❤️❤️
قلبي صار ينبض زي قلب الواتس اب ❤️
و بيني و بينك انا احب الطويل لسببين
اول شي لاني اخس فيه انوثة ❤️
و السبب الثاني لان زوجي يحب الطويل ههههه ..
بس عندي سؤال و اعذريني لانك ما قصرتي ..
بس حابه اتاكد ..
الحين انا بصبغ شعري قبل العيد و دايما اسمع الشعر المصبوغ ما ينفع يتزيت .. ف سؤالي هو صحيح هالمعلومة !؟ و اذا صحيحة كيف اقدر استفيد من الطريقة هذي ؟ و بس❤️
عسى ربي يسعدك و يرزقك و يخليك لنا يارب ..
احبك ❤️
اقراي المدونه مره ثانيه تلاقينها مجاوبه
صباحك جميل ارتوسة ..
صراحة انا جدا اتحمست عشان لمن يصحو اخواتي
اقولهم الطريقة لان شعورهم خفيفة جدا يمكن يكتر ويطول ههههه وان شاءالله لو اتحمسو وجربوها ارسلك الصور
شكرا من قلب على كل معلومة مفيدة
وجدا عجبتني فكرة التدوينات الاقتصادية .. يعطيكي
العافية ويسعد قلبك ويهنيكي
يالله شي جميييل وغريب يمكن لو احد غيرك ماكنت بصدق واجرب عندي ثقه عمياء بكل ماتكتبين وصفك ودقتك وامانتك هي اللي تركت هالانطباع ..صراحه انا اعشق تنوع ستايلات الشعر بس ماأزال ارى جمالي بالشعر الطويل اشتهي القصير بس ما احب نفسي فيه عشان كذا بإذن الله ستتم التجربه علي وعلى أميراتي ونوافيك بالنتائج .. عاد وش بيشكحهم اربع دقايق
الله يسسعدك انبسطك كثير وانا اقرا مع اني ابدا م كنت راح اصدق عنوان كذا من اي احد
بس لأني واثقه فأي شي تنزليه ف استنيت لما دحين م نمت ابا اشوف الموضوع
وبيني وبينك كنت ف رعب يكون الموضوع ف المكان الخاص بالمميزين هههه
ان شاء الله ح ابدأ فيها من اليوم والله الود ودي اقوم كمان اسويها دحينا ما انام ههههه
حبيت التدوينهّ مع علمي لهالطريقه سابقا
بس كان في اختلاف اني ماسخن الزيت ودقيقتين مساج + ٤ دقايق اقلب شعري بالاتجاه المعاكس لنموهّ ..
شفت هالطريقه ف اليوتيوب ب حساب beautyklove
فلبينيه شعرها يهوسس طول ولمعه وكثافهّ ..
لو تدرجين الفيديو تبعها بتفيدين البنات اكثر
خاصه انها تنزل وايد شغلات للشعر مثل استخدامها للبيره + زيت الخروع + كيف تستخلص حليب جوز الهند من الثمره
وتجربتي كانت ناجحه وجدا ممتعه صراحه مع اني خبرت ربعي عن هالطريقه بس ابدا ماعطوني وجهه < مالت عليهم
واشكرج ع هالتدوينه وجاري تطبيقها ع طريقتج
تحمست اجربها.. شعري مر بمرحلة تساقط بعد الولادة ودحين في مرحلة البيبي هير فان شاء الله تطول .. شكراً ارتوس ❤️♥️
الصراحة وااااو
انشالله اليوم بجرب وبخبر اخواتي كمان الف شكر لك ولصحباتك الله يجزاكم خير ويحقق لكم ما استقر بقلوبكم طرحك مؤخراً صاير اجمل واجمل ومدونتك صارت لي مرجع اساسي في العناية والاهتمام بجمالي
انتظر تدوينة العيد بشغف
شكراً دمتي بحب
الله يسعدك ارتوس ويسعدهم معاك:-)
على قد ماتحمست على قد ماشلت هم يكون منتج مو متواجد في السعودية او السعر غالي مع انو في الحالتين كنت حجي على نفسي واجربو النتيجة مذهلة ماشاءالله 🙂
مرة جميلة الطريقة بديت فيها اليوم وح أقولك ح تجربتي لما أخلص ،،
حاسة بنعنشة بدماغي من المساج ،، اما الانشكاحة متعودة عليها من الرياضات المختلفة بس حسيت بشوية دوخة لما رفعت راسي وبعدها كلو تمام❤️❤️
ايش الجمال هذا ❤️❤️❤️
ارتوستنا دائماً بوستاتها ثريّة يسعدك ربي
رغم اني حريصة اشيّك على محتوى اليوتيوب بس والله ماشفتها مدري كيف،
عاد في شعبان اعتمرنا وقصيت من شعري يوم تحللت بطول اصبعي السبابة كامل هههههه وسوست عشان شعري مو طول واحد -.- ،
المهم وان شاء الله راح اجربها ويا زينك :$❤️
شُكرا من القلب شقد احبك يختي أوعدك بإذن الله أني اجربها شهرين وبصورلك شعراتي الحلوين ❤️ميرسي بجد
اوووه ياتوسا أصدق ليه ما أصدق
أنا أعتقد ان كون الشعر يطول بس 1سم بالشهر مجرد برمجة اتبرمجنا عليها
وذكرتني بموضوع قديم ايام المنتدى الوردي اذا تذكرينه سجل فيه مره رجل يستفسر عن مشكله جلديه وحكى عن زيت للشعر اعتقد قصده يعني يفيد لما سأل
الخلاصه انا سألته عن الزيت وين يباع ..علمني وقالي ع هالطريقة ان اعمل مساج لفروه الرأس وبعدها اتشقلب بأي طريقه المهم راسي يكون بلاسفل بس هو قال المده اطول اعتقد عشر دقايق او ربع ساعة طبعا بعدها طيروه هههه..سويتها مرتين وطفشت وتركتها لان كنت حاطه ببالي ان بسويها يوميا طفش ونسيت الموضوع من زمااان ممكن 8سنين او اكثر
شكرا توسا دايما مبدعة ..ان شاءالله أجرب
صباح الخير ارتوس قصيت شعري قريب وحابه يطول فراح اجرب هالطريقه اعتقد منطقيه جداً بس اكيد النتائج راح تختلف من شخص للثاني اتمنى ألاقي نتيجه مرضيه
وبالمناسبة حابه أشكرك استفدت كثير من المدونه لأن فعلاً محتوى التدوين العربي قليل وسطحي جداً بالنسبه للناس اللي تحب تبحث عن معلومه منطقيه ومقنعه
تحمستتتتتتتت مراا بكرا بإذن الله بجربها
شكراً ياجميلة❤️❤️❤️
حبيبة قلبي جزيتي خيرا على الطريقة والله يعطيهم العافية البنات على التجربة ..
وانا الحين الحين رايحة أجربها
يازين الصباح بطلتك وثرثرتك ( قلب )
بعد صور البنات تحمست حيل مش على الطول لا
لاحظت لمعه وكثافه بالشعر والمطلوب الشي اللي يكثف بالنسبه لي
ههههه شوفي الهوس الاغلب لزواجات والعيد شمعنى؟
يعني ماقد قالت ودي يطول لاني احبه لا عشان مناسبه : (
ممكن نسبه قليله ماخذته انه انوثي ,
ابو سروال يحب الشعر طويل وافهمي انتي ههههههههه
<= رمضان مو ماسكني لوووول
على تطويل الشعر ماراح ادفع بس على كثافه بدفع دم قلبي هههههه
عاد ناويه اقص شعري بس متى مابعرفش قبل العيد ولا بعده بجرب طريقتك
اوريـك $
الله لايحرمنا منك ، الف شكر لك يالحب و ( امطاااااخ )
على كثر البلوقرز الموجدين نفس المجهود اللي تبذلينه وشغفك للطرح شيء قريد واتحفز له بجد ماتلاقينه بغيرك ❤️❤️
انا ابدا مو من هواة الشعر الطويل وتقريبا من ٢٠٠٩وانا بوي شعري وكل فتره اجرب قصه جديده بس من سنه فكرت اغير واطوله ومامزح ماطال وقف بشكل فضيع لدرجه كنت اسبوعيا احط كميه من الخروع ونفس الكميه لوز واحط بشعري بس ماستحملت اللزوجه وكيف الهوس اللي فيني من الريحه ولا كملت فتره طويله بعدها صراحه يأست وتركته وسبحان الله طال من نفسه كانه يقول لا تحطين عينك علي واتعدل لوووول
بس ارتوس بسألك ايش الحل مع النفشه المفأجئه اللي تطلع بالطبقه العلويه للشعر طالعه لي من طال شعري وحتى اختي الصغيره بدت تطلع لها واخت صاحبتي وكم وحده اعرفهم فجاءه طلع واللي بجد مزعلني ان امي طلعت لها لما كانت بالثانوي وليومك فيها هذي النفشه لدرجه اليوم اقول لصاحبتي افكر امسك هدي الخصله مع هذي الجهه واقصها يمكن الشعر يتأكل وجلست تضحك علي وكيف بيكون شكل شعري
بس المنظر قبيح جدا خصوصا وان شعري وسط مو ناعم ولا كيرلي وفجاءه هذي النفشه مره معطيته منظر مبهذل حتى لو توني متحممه 🙁
يعطيك العافيه ومنتظرينك بالتدوينه القادمه ❤️❤️❤️
انتِ نفس مشكلتي ونفس النفششة اللي قولتيهااا انا زياده عليكي تسااقط صرت اغلب وقتي رافعه شعري ونفس الشي كنت اقول بقص هالشعره وارتاح 🙁
قبل تقريبا 8 شهور سويت بوتكس للشعر وقف التساقطط بنسبة كبييره وخلى شعري صصحي وفيه لمعه وتهنيت 4 شهور ودحين رجع زي اول ماكان
ماودي ارجع اسويه ثاني خايفه الشعر يتعود عليه 🙁
اذا لقيتي حل علميني 😉
واسفه ع المداخله ❤️
الله يسعدك ويوفقك وبارك في عمرك ووقتك
طريقة جميلة باذن الله اجربها واقول لاهلي واخواتي عليها
ثانكيو توووسة
اكيد راح اجربها
تدوينه جمييييييله كنا ننتظرها من زماااان ❤️
يا حبييييبتي ()”
شككككراً لسعة صدرك .. وإشراكنا المعلمومات والتجارب ..
حتى لو على حساب أشياء أهم لك ..
مو مهووسة بالطول .. بس وصفك للمعة وصحة الشعرة مغغغري .. أكيد راح أجربها قريب ..
وتسسسسلم يمناك ..
وشككككراً للبنوتات اللي شاركووا .. شكراً لوقتكم وخدمتكم .. ما قصرتوا
صبح صبح ياست اروووتسه ،
شكرا ع المعلومة المفيده ، و حابه اضيف شي ، لما تغسلين شعرك وبآخر شطفه له سوي كنك بتركعين واغسلي شعرك بالمويه وفركي فروه رآسك ع الخفيف وبعدها اعصري المويه من شعرك بهدووو و لفي عليه الفوطه … هالطريقه تقلل من تساقط الشعر بنسبة بسيطه …
جزاك الله خير ، يعطيك العافيه انتي والبنات ❤️…
وجاري التجربه باذن الله ..
يا زين الزين ، يا ألطف البنات أنتِ ..
شكرًا لك ولـ مصداقيتك وشكرًا لـ قلب آرتوس اللي يتحمل الكثير لأجل الكثير ..
دُمتي بود ..
ربي يسعدك ارتوس
ي صبااح الرضا❤️
ارتوس القلب الله يسعدك ياارب ويحققلك كل اللي تتمنيه على قد ماتسعدي الناس وتفرحيهم بمواضيعك..
انا حاليا ليا اسبوع استعمل ڤايتمنز مقوية للشعر وامبولات للتساقط وكدا لاني لعبت ف شعري لعب وخلاص يكفي لازم اهتم شوية وح اخلص الكورس ع نهاية رمضان هل ينفع اسوي دي الطريقة ولا!!مو تقولي عني دحين مهووسة شعر طويل ههههههه بس عشان سويت عمرة وقصيت المقصف ف سار لنص رقبتي وانا اكره دا الطول احس ماادري ايش يبى لا قصير ولا طويل..
ونزلي طريقة تنظيف الوجه بالبخار ف البيييت بلييز
وبس ياستي ياحبني لك❤️
يا حلوك ويا زينك ويا حلو اسلوبك وفكرك وذوقك يأختي انا احبك لأنك ذووووق ❤️❤️
ان شاء الله راح اجربها
الله يسعد صباحك ، ويسعد هالصفحة اللي غيرت جوي
وحشتيني ، لي فترة لما امسج شعري بدون حاجة مجرد مساج وكنت ارتاح
يعني لو علمتيني قبل كان عصفورين بحجر هههههه انا الحمدلله ماعندي هوس الشعر وتر والله فترة متطاقين انا وخواتي مع البقية بقروب خوالي ع سالفة جمال المره بطول شعرها ! ما احححححب الشعر الطويل مع اني خاطري اشوف نفسي فيه وتوسة الحين ظروفي ماش بس بعدين ودي أسألك عن شي مهم بشعري ان شاءالله تعطيني وجة < ايه دكتوره كيفي
جمااالك يختي ..الله يسعدك كأنك حاسه بأختي توها قاصه شعرها ومكتئبه منه تقول قصير المهم بخليهاتجرب.أحبك ❤️
بصراحة اول مرة اسمع فيها منك .. بهالطريقة الكاملة والانقلاب يعني ..
لكن كنت اعرف ان تدليك فروة الرأس صحي ويساعد ع طول الشعر ..
ومثل ماذكرت لك بالانستا .. بنتي عمرها سنة وخمس شهور
ومن ثلاث شهور ادهن لها بكريم عادي وامسج لها راسها حسب ماتخليني .. تعرفي عتاد الاطفال ههههههه لانها من ابدا غالبا تقوم وان عطتني دقيقتين نعمة ..
فصرت اسويلها اكثر من مرة باليوم دقيقتين دقيقه وهكذا
وماشالله الكل ملاحظ انه طال وصار ينربط ببكل زي ذيل الارنب هههههههه
لكن صدقا مااعرف بالسانتي كم طال
بحاول باذن الله اقيس طولها وبعد شهر اقلك النتيجة
بس طبعا بدون انقلاب لانها ماتعرف .. بس ممكن اثناء النوم .. بجرب اللي ربي يقدرني عليه ..
اما انا شخصيا مااحب الشعر الطويل ودايم اقص ولما اقص قصه حلوة اصير ودي مايطول ههههه
بس مشكلتي شعري خفيف من الامام .. فبحاول اطبقها ع هالمنطقه واشوف
وسبق قريت ان الديرما رولر تخدم بموضوع الفراغات او خفه الشعر لكن محتارة ..
ربي يهنيكم بالنتيحة وربي يجزاك خير ع التجربة ❤
بس عساها تخليني اطبق تمام ..
صباح الخيرات
اي كلمه راح اكتبها في حقك راح تكون فليله دايما تبهرينا بمواضيعك
بالنسبه لتطويل الشعر جاء بوقته لانه حابه ازيد طول شعري هالفتره واكيد راح ابداء من الليله في التجربه وجدا متحمسه للنتايج
ههههههههههههههههه يسسعدك يا رب آرتوس❤️❤️
أنا أحب أطول شعري وءألف خلطات وأقولها لصديقاتي عادي ويستشيروني، ودايم أدلهم عليك ❤️
دخلت الموضوع على حذر لأن أعرفك تستخفي بالخلطات سريعة المفعول طول الموضوع عيوني كذا مرة تحمست وبجربها وأصورلك بإذن الله
تدرين في وحدة تقولي بقولك خلطة تستخدمينها لما تتروشين قلت قولي قالت بس لا تعلميين أحد؟؟ تقول أي خلطة تسوينها وما تعلمين أحد تضبط سبحان الله عطيتها محاضرة ونسينا الخلطة
الله يزيدك علم وجمال
رحت ع طووول جربتها وراح التزم ب ٧ الايام ❤️
الله يسعدك العمر كله (قلب)
صباح الآمال المحققه
حضن كبير يلمك ويعصرك عصرا شديدا ياشيخه لبى روحك اللي تحس
قصيت شعري بنهاية شهر رجب بوي حبيتها بالبدايه بس بعدين لا مادري كيف شفت نفسي بها واهلي رايهم اني بالشعر الطويل ملفته اكثر بصراحه عندهم حق اسسسس لاتقولي لحد اسراري لك انتي بس
عن نفسي راح ابدأ فيها باسرع وقت
زيت جوز الهند اللي حطيتيه بطريقة 424 يناسب استخدامه لها احس يناسبني هالزيت اكثر شي
مايصير ارسلك الصوره لك انتي بس فيس مغطي عيونه
عطيني من طولة البال وسعة الصدر اللي عندك
في بشر بهالمستوى من الذوق والاخلاق ومهما تكلمتي وقلتي ماكأنك تكلمتي ابد
لقد أسمعت لو ناديت حيا ولكن لاحياة لمن تنادي
رضا الوالدين يغنيك ياجنة اهلك
مرحبا ياجميلة… اشتقت لك
المهم يعطيك العافيه. الموضوع يحمس شوي .مع اني مو مهووسه بطول شعري لانه هو اساسا طويل. إن شاءالله اذا جربته راح اقولك و بخلي كم شخص يجرب معي. للافادة
متحمسه كثير للتدويناتك الجايه.
و صح وحشني ليون ما صرتي تنزلين له صور كثيرة…
و احبك
عيشتينا بجو من الحماس حتى في شغله بيدي تركتها ومسنتره على حسابك ، أول مره يكون عندي هاجس التطويل ، والغريب إني قريتها وسحبت عليها ايش السبب الله أعلم عجز أو لأن البنت تكلمت من غير تجربه فما دخلت برآسي ، فعلا أنت غييييييير ، طبعا صار عندي ذا الهاجس لسببين إن العالم كلها دحين طويل وحركات ولعب حمسوني على الطويل وأنا كنت اقصى طول اخلي شعري عليه لتحت صدري بشوي واقصه ، ثانيا لما قالتلي بنت خالتي انها ماعمرها شافتني بالطويل اكتشفت انو دايم يطول وانا بجده وينقص قريب السفر فحبيت ذي السنه يكون مختلف حتى يكون اطول من اي طول طولته اما للخصر او نهاية الظهر لفترة ما ، هل بدفع زمان لا وحاليا اممممم اذا بحدود ال 50 هههههههههههههه يعني مو لهالدرجه مستميته ، ويعطيك الف الف عافيه تدوينة اليوم فيها آكشن وحماس تسلم يمينك جعلني ما افقدك .. ايه صح أبا اسوي صوره مره شفتك حاطه رابط افاتار بس ماضبط معي في طريقه أخرى ؟!
وااو وااو صراحة انصدمت والحين جالسة اسخن الزيت هههه
مامسختيها ولا شيء اصلا المواضيع اللي تصدمينا فيها هي اكثر تدوينات احبها
كانك حاسة فيني شعري توه متساقط كثير وطالع لي بيبي هير بدالها وودي يطول بسرعه ويكثر شعري ومن امس متحسره عليه التدوينة ذي جت بوقتتتهاا ❤️❤️
ببدا فيها وامي بتبدا معي بكرا ان شاء الله
الله يرزقك على قد ماتفيدينا لو اشكرك من هنا لبكره مراح نوفيك حقك
شككرا ❤️
بصراحة صدمتني التجربة!
أول شي يعطيك ألف عافية..
قبل سبع سنوات تقريبا في ذروة مراهقتي، اشترت أمي شامبو بيرت بلاس وكان معه هديه مشط يهتز يسوي مساج للشعر بكذا سرعة ويشتغل بالبطارية أعطتني اياه لأنه قوي على راسها.. وأذكر انهبلت ما أدري هو من الشامبو طال شعري وصار أقوى ولا من المشط.. واقتنعت انه من المشط لأن أنا استخدمته فقط وأمي لأ وأنا اللي لاحظت النتيجة..ما بحثت ولا فكرت شوي و ظليت مقتنعه انه بسبب المشط لين اخترب ولا عاد حصلته لأنه عرض وانتهى و نسيت الموضوع … ولما شفت الصور في انستقرامك تذكرت السالفة وضحكت على نفسي..
يسعد قلبك دايم تتحفينا بهيك مواضيع
صباح النور
بصراحه اول مره اعرف عنها وفي كم وحدة يوم نزلتي البوست ذكروا الطريقه بحثت فاليوتيوب وشفت تجارب رهيبه
ممكن اسويها للتكثيف واللمعان لانو بفكر اقصو شعري نص ظهري او اطول شويا وبنفسي اقصو لحد كتفي
ومررا يهمني صحة الشعر قبل الطول (مع اني احب اطول شعري بالمعقول( بس لازم بعد فتره اشطح واقصو ههههههه
فيه مشكله دحين مررا مزعجتني انو صار فيه نكشه عجيبه :((( وتساقط فضيييع بس بروح احلل فيتامينات واشوف ان شاء الله
ـارتوس حابه اشكرك من بدا رمضان وانا عامله جدول (رياضه ٬ مستمره ع طريقه 424 ٬٬اشرب مويا كثير٬عنايه وتقريبا كتبت كل الاشياء اللي احتاجهاا
ولكِ فضل بهالشي ❤️❤️
ششككرا بحجم السمااء ❤️❤️❤️
صباحك ورد اول مره اعرف عنها ان شاء الله راح اجربها
الله يسعدك
صباحك سعادة
انا حابة يطول شعري عشان اقص ع راحتي و اغير القصات كل فترة لذلك ادور طريقة تساعدني ارجع الطول بعد كل قصة عشان التغيير ..
الطريقة سامعة عنها من زمان و افتكر جربتها مرة و حسيت ب صداع عنيف و خفت و تركتها عاد ما ادري إذا الصداع منها او صدفة لانو بالعادة يجيني صداع بين فترة و فترة و لانها تحتاج وقت و تزييت ٧ ايام استصعبتها و ما عاد رجعت كررت التجربة
البنوتة اللي سألت ما شفت سؤالها للامانة و كان نفسي اسألك انا بس افتكر ما تحبي الزيوت و لانو التجربة مالها اساس او دليل صحة ترددت ، يلا تعلمت ما اتردد و اسأل و ابحث ..
اول ما شفت كلام نونا عن الحواجب قلت و الرموش
طيب انتظرها تقول تخلي رموشك مهفات ههههههههههههههههه
بالنسبة للناس اللي تشكك لو تاجرة قالت لهم عندي لكن زيت يطول شبر ب شهر بالمبلغ الفلاني ركض راحوا لها و هذا المتوقع الخزعبلات لها سوقها عندهم استغربت ليش انتي يشككوا و عاملين المحقق كونان ؟ رفعوا ضغطي و الله إلا وضعية الرأس تختلف و الكتف ما ادري اشبو كأنهم يقولوا تكذبين علينا
مشكورة و يعطيك الف عافية ضغطنا عليك تحملينا
ايمان ، نونا و بشاير شكراً من القلب يا جميلات .
انا مو مهنمه بتطويل شعري
بس الطريقة عاجبتني كتحريك للدوره الدمويه ولصحة الشعر ولمعته
Thank U
من كل قلبي احييك والله وخجلانه من نفسي اني ماقلت تجربتي
من 4 سنين تقريبا انا واختي ماخلينا زيت ولاخلطة الا ودفعنا عليها وللاسف ما استفدنا منها
مرره شفنا وحده م قرايبنا شعرها ناااعم مره وفيه لمعة ودك تخمين شعرها من جماله ماشاء الله
قلت لهنا وبس لازم اسالها
فاجئتني انها تستخدم زيت العافية لشعرها تقول ازيت شعري بزيت الاكل
ادخل المطبخ اسوي الغدا واطلع اتروش و بس !!
صحيح مو نفس طريقتك بالضبط بس شدني زيت العافية ليش هو بالذات
بالبداية مدري ماحبيت الفكرة
جربتها اختي واااو شيء مو معقوول كانت تغسل شعرها تجففه ثم تلمه
ااااخ بس لو تشوفيها يوم تفكه نفس الي بالدعايات بالززبط والله
انا كمان جربته جلست سنتين وعليها يعني ما استشور شعري ابدا
اختي الصغيرة من يوم استخدمته الى الان وربي ما استشورت ولاسرمكت شعرها
حبيت اقولك عن تجربتنا
و دمتي .
يسعدك ربي يالغاليه ويوفقك
بجربها ان شاءالله
من جد اعجبتني النتائج وتوني اعرف هالطريقه
فديتك يالغاليه
أرتوس بطيييير من الحماااااس ، خليت اختي تشوف معي نتايج البنات و تحمست معي و قلنا بنبداها جميع بإذن الله ، الطريقه مافيه اسهل منها و نتايجها فعلا تحمسسس ، يخليك لنا
وه وه وه زينك الحين ابي ايميلي يتثبت عندك بالدونه يصير ع طول اعلق ،،،،، المهم اني اشتقت لك وشي شي شي يحمسسس وبإذن الله أرسل صورة شعري لازم أشويها وأشوف جددد أرتوس شكرررا ،،،،،، وأنا والله من زمان ماصرت أقرأ التعليقات وحتى لو شفت تساؤل ماأحب أجاوب بحكم إن السؤال يكون موجه لك أحس إني أتطفل >> إحساسي الشخصي …. ع العموم ربي يجعلك من اللي يقول لهم إدخلو من باب الريان ويسعد روووحك وقلبك ويحقق أمانيك وأحلامك ،،،،،،،، =)
كانك حاسه فيني
من شهر ٦ وانا ادور طرق تطويل الشعر اغلب اللي لقيته زيوت بكميات وو وانا مو صحبة مع الزيوت
بس باجرب هذي الطريقة باذن الله ،اخبرك بالنتايج
اعتقد اني راح استخدم زيت الخروع
يعطيك الف الف عافية يا كريمة ومعطاءة
ولك مني آصدق الدعوات القلبية بالتوفيق والسعادة
(إذا قال الرجل لأخيه جزاك الله خيرا فقد أبلغ في الثناء)
وأنا فعلا يعجز لساني عن شكرك بكل اللي افدتينا فيه ولا زلتي
لذلك جزاك الله خير والله يجعلها ف ميزان حسناتك ويسعدك أبد الدهر ❤️❤️
ياصباح الورد
ياشيخة والله مافيه احد مثلك الله يوفقك وين ماكنتي
جت في وقتها مرره شعري طوله ينرفز ونفسي اطوله شوي
ومااقدر اخذ فيتامينات عشان جلسات الليزر وهذي الطريقه لازم اجربها ان شاء الله ولازم اصور واوريك مية بوسه لك ياسوكره
مرحبا
تصدقين هذي الطريقة قريت عنها قبل كذا ويستعملونها الهنديات يستخدمون زيت جوز الهند بعد ويقلبون روسهم كل ليلة قبل النوم يسونها ويسون مساج لفروة الراس بالزيت وياخذون مشط خشب ويمشطون الشعر اعتقد ستين مرة بكل اتجاه تقريبا حوالي الساعة يمشطون والله شغلة بيطير النوم لو فيني هههه
ويقولون هذا سرهم بطول الشعر وقوتة شفتة ببرنامج وثائقي عن صناعة الشعر والباروكات
اكيد المساج بيدفع الزم ويقوي البوصيلة
شكرا لكل مواضيعك المميزة وطرحك الرائع
حلوه الطريقه ورخيصه وسهله عاد شعرك عارفلك ارتوس مايبي يطول يدري المقص بيجيه
جربت هالطريقة قبل سنتين ، نصحتني فيها طبيبة مصرية . بوقتها كان شعري طوله ثابت للكتف لمدة طويلة . فجربتها بدون زيوت مجرد تمشيط للشعر بالمقلوب لمدة 5 دقائق ونفعتني كثير ، حالياً وصل طرل شعري لنهاية الظهر . للأمانة ماعملتها كثير فترة وقطعتها لكن بعد صار شعري يطول بسرعة بدونها ..
شكراً لك أرتوس استفدت من تجاربك كثير متابعتي لك غيرت فيني اشياء للأفضل . من ايام شمواه 🙂
يعطيييييك العافية
كلك ع بعضك تجننين ومواضيعك بطلة ..
الله يكتب اجرك ويرزقك مثل نيتك واكثر
سبحان الله،اشياء وطرق ماتخطر ع البال تسوي العجايب،
الواحد لازم يبحث ويدور
في عالم الجمال أكثر،،^^.
انا شفت الطريقة باليوتيوب ، تشرحها وحده فلبينيه شعرها طويل ،
ليومك هذا كل شوي واجلها ماسويها..
بس بصراحة ارتوس من الحماس من تحطين شيء تخلين الواحد ع طول يبي يطبق مايصبر ههههههههه
ان شاء الله بالتأكيد راح اطبقها بحذافيرها،،لاني اطبق يوم واترك وارجع ‘ايام متباعدة ><
انا اكثر شيء يزعجني بشعري احس من امسكه واشده ، الشعر من الفروة يوجعني، والمشكله حسيتها تروح الحمد لله لاسويت ماسك بالجرجير.
كل مارجعت لي سويت لي ماسك الجرجير،،جرجير اخلطه مع ماء وزيت ومرات جرجير مع حليب جوز الهند وماء،،المهم في الوصفة جرجير.
بس حبيت اذكر تجربتي كمعلومة وفايدة.
والله يعطيك العافية.
الشعر الطويل و الصحي و-النظيف- يحسن شكل البنت بشكل ملحوظ
وبالنسبة لحركة الاستقلاب هي اللي خلتني ابطل تنفيذ الفكرة
و الشعر الطويل يبيله تغذية سنعه مو وجبة باليوم و تقول ياربية ورا شعري مايطول !!!
عموماً ارتوسة ربي يسعدك
صبآح آلتميز ، صبآح الغير و الخير سوس ❤️
مُبدعه كآلعادة و موآضيعك جديدة و مُفيدة ..
و الآجمل اثباتك ل آي تدوينة بتجربة
شكراً شكراً لك على كل شي ..
بتبقين الافضل دائماً
ارتوس تدرين اليوم الفجر وانا اتسبح مسجت فروة شعري بزيادة وانا احط الشامبو لان هاليومين معي تحسس بالفروة المهم وانا امسج قلت المفروض ان الشخص يقلب شعره عشان يوصله الدم اذا صار واقف الدم ينزل للآسفل وتنحرم الفروة من التدفق ويضعف الشعر ،، لما شفت التدوينة الآن ارتعت نفس اللي كنت افكر فيه .. وانا معروفه عند القريبين مني ان عندي تخاطر دائما افكر في الشي بعدين اشوفه قدامي وهالمرة صارت مع تدوينتك ،، وان شاء الله ودي اجربها لان شعري اطرافه يبي لها قص ولا ودي يقصر شعري
رووووووعه ماشاء الله عليك تسلمين أنتِ وأختك وصديقاتك الله يسعدكم دنيا وآخره انا إنسانه أخاف من الخلط وبعض أشياء العطاره الغريبه اللي تطول الشعر لكن هذي الطريقه ماشاء الله سهله ومفيدة وآمنه الله يحقق أمانيكم
يا صباح الخَير
ما شاء الله عليك دائمًا أنت السّباقه في المعلومات الجمالية
يا بَختنا فيك والله ♥︎
هوس تطويل الشعر منتشر بقوة الا ما تلقين كذا وحده بالعيله همها تطول الشعر حتى لو كان مذيل على قولتك.. وغالبًا الأمهات عدوهم القَص والتان لوووول أمي بالبداية كانت تمتعض بس الحين خلاص تقول سوو الي تَبون براحتكم لو تَحلقون
وبخصوص السؤال الي يكشف لكم حُبكم للشعر الطويل صراحة ما بَدفع شي ههههه آخر همي خلطات التطويل يمكن لأني ما قد احتجت لها .. مثلا كثير ناس يقولون شعرنا مستحيل يطول عن الحدّ الفلاني من يوم عَرفناه.. شعري ما عنده مشكله بالطول يطول بفترة وَجيزه .. ومره وصل لطول ما قد تخيلت أقدر أوصله طبعًا تم الجَزّ بلا رَحمة ما أحبّ المبالغه بالتطويل..
أيضا يمكن ماني مهووسه بالتطويل لاني ما قد قصيت قَص حَقيقي أقصر شي قَصيته لعَند الأكتاف بالضبط
ولا قد قصيت أكثر.. ممم بس مُمكن مستقبلا أقص حتى لو نَدمت على الأقل جَربت لووول
أعشَق الشعر القصير على كثير ناس ومنهم أختي دائمًا أحرضها تقص قصَات مَصروعه أحس تناسبها.. بس لي الوَضع يبيله تفكير ما أحس يناسبني..
يَهمني في شعري كَثافته وصحته ولَمعته فبجرب الطريقة ان شاء الله لأنه أثر على هذي الأشياء..
يَعطيك العافية ♥︎
لازم اجربها وبخبرك النتيجه ☕️
يسعدك ياااارب ويسعد البنات كلهم اللي طرحو تجاربهم الله يحقق لكم كل أمانيكم يارب
شيء جممييل ❤️❤️ ويستحق التجربة..
إن شاءالله ابدأ اطبقها.
ويعطيكي العافية ❤️❤️!
صباح القنابل الجميله ♥️ قلتي انتظروا تدوين يوم السبت لكن ماتخيلت هالطرح المجنون بقوته والتجارب الخطيره، شعري صايبته لعنه من سنوات وراح اجرب الطريقه ان نجحت بيكون لك الفضل بعد الله بكسر هاللعنه هههههه
صباح الخير انشغلت ماخبرتك نتيجه التجربه اللي انتهت صباح الاثنين الماضي، ماطال شعري الا سم واحد فقططط كنت متوقعه ماراح يطول قلتلك شعري صايبته لعنه يطول لحد معين اقصه ويرجع يطول لحد معين ويتوقف ! ! يمكن اني أخطأت بتجربه لان بعد المساج مو على طول اطبق الانكشاح ^^ اربع د او خمس وأقلبه لمدة ٤د. استخدمت زيت جوز الهند العضوي مع الزيت الافريقي اللي هو زيت الخروع الاسود خلطهم مع بعض. شعري صار فيه لمعه وملمسه انعم وعلى الاقل هالنتيجه ترضيني بعد هالالتزام وراح اكررها بعد العيد ان شاء الله اذا جتني فرصه لاني مسافره.
جزاك الله خير ومافصرتي
لا انتي ولا صاحبة السؤال وكل اللي جربو
حمستونا صراحه
دايم شعري لنصف ظهري تقريبا
انا وجهي مرره بيبي فيس
” لدرجة فيه ناس يحسبوني بالمتوسط ”
وانا بالجامعه والمفروض متخرجه
ومن جد خاطري اقص شعري
واهلي يقولون بيصغرك زياده
مايهمني هالكلام قد ان شعري قليل وينفش
خفت لما اقصه يطلع مش ولا بد
الزبده بخربها بعد هالتجربه بس اكيد بعد العيد ماودي اجازف هههه
وشكرا للمره الثانيه
يسعد صباح التدوينات الحماسيه مع اني اعرف الطريقة دي من يوتيوبر هندية سويتها كم مره وطفشت قلت هما شعورهم ماشاء الله من ربنا حلوة واكيد تقول كدا عشان البنات طفشوها بسر جمال شعرها بجربها تاني واكتب تجربتي.
الله يسعدك ويسعد صديقاتك حبيييييت مرا تجربتكم والحماس اللي صار في الأنستا أول أحضر أكشن زيي كدا
نرجع للشعر أنا الحمدلله شعري أكثر شي نموه ملحوظ بس مايمنع نجرب تقنية جديدة وزيادة الخير خيرين كثير شفت الأجانب يعملوها بس ماصدقت ماأقدر أثق في تجارب النت أبدآ بس صدقآ إنتي غييير مصداقية وتفاني ماشفتها عن أحد من المدونات والشكر قليل بحقك
صباحك ورد يَ جميله .. حبيت النتيجه حيل وامانه تحمست اسويها مو عشان الطول بس لا .. تشجعت من وصفك للشعر كيف صار اللمعه والنعومه .. لان اعاني حيل من فقدان لمعة شعري وخفته .. وبإذن الله راح اجرب هالطريقه .. ربي يعافيك ويسعدك ..
الله يسعدك ويسعد صاحباتك واختك ويسهل دربكم…
عااااد قبل يومين قريت الطريقه وقلت يلا خليني اجرب نشوف ايش يصير وبديت امس كان اول يوم وفتحت الانستقرام على حسابك وماااصدقت لما قريت الطريقه وشفت النتايج تحممممست اكمل ..سبحان الله لما تسوين شئ وانتي مو متأكده مو زي لما تسوينه وانتي شايفه نتايجه ..جدا حماااس .. وان شاء الله ان قدرت اصور لك النتيجه ..
ايوه وعلى طاري الهوس بالشعر الطويل انا دايم شعري قصير وناويه هالفتره ابدأ اطوله لنص ظهري عشان بعدين اقصصصه بوووي هههههههههههههههههه ناويه اجلطهم ..صراحه انا انسانه ملوله واحب التغييير عشان كذا ووبس سلامتكم كثرت حكي والله ..
ونستنى التدوينه الجايه على احر من الجممر ..
جاري التجربه
جايتك بالنتيجة بعد ٧ايام
صباح الخير
احب الشعر الطويل بس شعري ما يطول كثير بعدين شعري خفيف لو طال يطلع قليل مرة بس توني مسويه كولاجين وخايفه الزيت يخرب مفعوله مدري ينفع اسويها ولا لا؟؟ بس بحاول اقنع اختي و بنت اختي واصور شعرهم واخليهم يجربون الطريقه الله يسعدك.
شكرا.
اذكر اني كنت انتظر التدوينه مدري وشلون نمت .. عاد ما توقعت تستخدمين زيت للشعر واساسا
كنت احسب الطريقه بس تقلبين راسك كم دقيقه وخلاص لاني كنت اشوف اختي تقلب راسها مدري
وش تسوي قالت انها طريقه تطول الشعر وماينفع اسويها كل يوم حتى مايعود الشعر عليها ولاعد يطول
مرت فتره وقالت ان شعرها ما طول الجهه الي قدام عند منطقة الراس وباقي شعرها ماتغير فعلطول
صنفتها من التجارب الفاشله وانا ما بعد جربتها حتى .. بس هينا ماشاءالله تبارك الله خمسه بنات مجربينها
وكلكم طلعت معكم بشكل رائع وجميل ❤
الله يعطيك الف عافية ويكتب اجرك ع كل هالمعلومات
انتي والصبايا مررررره هال شي حلو صراحه ❤️
احب يكون عندي غره بس غالبا يصير خطا
واقص اكثر من الازم هالطريقة بتفيدني بدل
ماامطها اسبوع بالبنس عشان تطول
عاد بقولك ولكل البنات كان عندنا شغاله اندونيسيه
وكانت تسوي هالطريقة بس ما كنت منتبهه انه
قلب الراس هو السبب بتطويل شعرها . لما جتنا كان
شعرها بوي وبس مر سنه صار لنص ظهرها
طبعا كنت اشوف اش تحط وكانت تستخدم زيت
زيتون نفسي بس طريقتها مختلفه وانا استبعدت
انه من المساج وقلبه الراس ولا كان من زمان جربتها
انا بقص شعري ان شاءالله لانه تالف من تحت بعدين بجرب الطريقه وبرسله لك ان شاءالله
ماعندي حساب بالانستقرام بس بحمله واسوي حساب عشان اوريك وعادي لو نشرتي الصوره
بس مو الاسبوع هذا اتوقع الاثنين مو الجاي اللي بعده ان شاءالله متحمسه لها مره واذا ماقدرت اروح للمشغل عشان اقص بجربها قبل القص
مع اني مو مهوسه باالشعر الطويل لكن انا شخصياً لدامي دبدوبه افضل علي الطويل اما لو انحف عادي اقصه قصير
ع فكره جربت تنظيف البشره باالزيت بس مره وحده ولا كررتها عشان كذا مااقدر احكم مع رمضان والطبخ وكذا مااقدر استخدمها لاني مستغربه من دخل رمضان وطالع لي ثلاث حبوب حمر بحياتي ماطلع لي حبوب حمر مره ضايق صدري خايفه ان هذي البدايه للحبوب
الله يسعدك
كانك بديتي تقتنعين ببعض الاشياء الغير مُصنعة، شيء يفرح والله
انا شفتها عند مدونة حياتي وردي مدري اذا يضايقك كتابة اسم المدونة ولالا لكن كتبتها عشان البنات يزورونها ويشوفون تجربتها ويقتنعون اكثر
المهم اني جربتها يوم او يومين بس لاني كنت مشغولة بالاختبارات و التحصيلي وسحبت عليها مع ذلك لاحظت ان شعري طال اسرع من قبل وباذن الله بسويها هالاسبوع لاني محتاجة شعري يطول شوي ال٤ سم بتفيدني كثييير شكرا ارتوس
“بالنسبة لي الشعر اللي يتعدى نص الظهر يعتبر طول مبالغ غير انه يتعب صاحبته وماراح تستفيد منه كثير لو فكته بالجامعة مثلا او بالمدرسة بتكون اوفر هذا غير خوف الشعب من العين غير درجه الحرارة لكن محد ينكر له جاذبيته-تناقض ههههههه- جذاب بس مبالغ به هذي فكرتي عنه”
صار لاخواتي شهرين يجربونها بس ماصارلهم نتايج واضحه بس لما شفت مدونتك اكتشفت ان طريقتهم غلط وتحمست اسويها ❤️
قريت معلومة المساج وتحفيز الدورة الدموية من كم يوم..
وصرت أقلب راسي كل ما تذكرت وأمسج
بس ما حددت ولا قست كيف كان شعري 🙁
وأول ما قريت عنوان التدوينة تحمست وعلى طول مسجت ههههه
ان شاء الله من اليوم ببدأ 7 أيام وبحدد طول شعري وأشاركك تجربتي اذا نجحت ♡
حممسستيني على تدوينة بككرا ><
ننتظرها بفارغ الصبر .. الله يسعدك أضعاف ما تفيدينا ♡
يا سلااام الطريقة رااائعة و لا أسهل جزاكم الله خير إنتي و البنت اللي سألت وصديقاتك أنا جدداً حبيتها و بسويهامو هوس بالشعر الطويل بس شعري صار فيه فراغات واضحة جداً و إن شاء هالطريقة تكون الحل .. مشكورييين جداً
صباح الخير صباح الفل والياسمين لك وللكل يعطيك العافيه على مجهوده انا بالنسبه لي ماااااحب احط زيوت اببد اشيل هم الريحه وانها ما اح تنظف ابد من الشعر ومرره ودي شعري يكثرر مايهمتي يطول شعري ناااعم وخفيف ودهني يعني مستحيل يمر يوم مااتحمم عشانه يلزق وانا احبه منفوش معليه طلعت من الموضوع وجلست افضفض
مرررره شكراً الله يجزاك خير يااارب ❤️انا شعري نوعاً ما تالف وما يطول بسرعه ومو حلو علي قصير كذا يطول ويطلع شعر صحي ويمديني اقصه عاد يارب يتعدل ويترطب شوي من هالزيت
ههههههههه
احلا شي انك تفاجأينا بتدوينات غير متوقعه
صراحة المفروض مع العيد الكل يكون يلق لق مافي عذر
من ناحية تطويل الشعر انا برضو مش صحبة مع الشعر الطويل
ولا احب ازيت ولا اهتم هههههه
الطريقة ذي سمعت فيها من قبل وحسب ذاكرتي الضعيفة
اني كنت بجربها بس ماعرف ليش ماجربت وسحبت !!
اكيد ان عرق الكسل ضرب و قالي ايش لك بالشعر الطويل
بس اعتقد اني بجربها كل شهرين عشان صحة اطراف الشعر
وبحافظ على طول شعري وممكن اتهور واقصصصة
ماننحرم من هالطلة يارب
فتكّ بعافية
وش الانكشاحات هذي على قبل الفطور < توها تقرا التدوينة
يسعد وقتك وش ما كان ..
مرررره مررره عجبتني الطريقة وجاري التطبيق ان شاء الله
انا استغرب من اللي تعرف معلومة وتحفظها لنفسها
ما بقيت احد من اللي اعرفهم وانا احكيهم عن تدويناتك يمكن وحده تستفيد ولا شي
هذا انتي تنشرين علمك اللي عندك وربي مبارك لك اكثر واكثر
والله يكتب لنا حسن النوايا ..♡♡♡
الموضوع يحفّز للتعليق و التشجيع و كتابه قصيده فيك
حبيييت الطريقة بما أني زوله و كذا
بطبقها بإذن المولى بس و لأني حامل قاعده افكر وش وضعيه الانقلاب
اللي تناسبني و ما تضغط ع كرشتي
مع انو شعري من النوع اللي يطول عادي ولله الحمد بس انسي يكثف ياربي لك الحمد برضو
يلله نجرب يمكن يطول البيبي هير و بكذا يعطيني ڤوليوم و كأنو كثف شعري
شكرا ارتوس ، بسمي بنتي ارتوس من كثر حبي لك
بس قوليلي بالأول وش يعني ارتوس
جدًا تحمس
اذكر كنت اسويها بدون قصد بس مو سبع ايام ، وتوي اعرف انها تسوي كل هذا !
بس فيه مشكله اللي هي الشامبو ، دلينا على شامبوهات خفيفه تصلح للسباحه اليوميه او كل يومين ، علشان ماتجفف الشعر وتضره وتقل الاستفاده من الطريقة هذي ()
ويارب يسعدك ويوفقك قد مانستانس بكلامك واكثر ❤️
بما ان الموضوع شعر في شعر
بطلب شي واااااخطري حد يتكلم عنه جددا
طبعا مو في القريب حتى لو بعد سنه
بس ابي لو فضيتي تتكلمين عن
” curly method girl”
هل هو فعال فعلا وصحي او لا
خصوصا للفروة الدهنيه
برضو تكون فرصة لصاحبات الشعر الكيرلي
يحبون شعرهم اكثر ويفتخرون فيه
يعطيك الف عافيه يارب
الصراحه انا اول مرهه اسمع فيها
راح اجربها لكن مب عشان اطول لان مااحب الشعر الطويل انا
بجربها عشان لمعه الشعر اللي قلتي عليها
وان شاء الله برد واقول لك ايش يصير معي
تجربة جميلة وتوثيقها بالصور زاد من مصداقيتها
اعشق كتاباتك لدرجة قريت مواضيعك من ارشيف المنتديات
وزي مالاحضتي على نفسك انا كمان لاحضت ان مفرداتك فالكتابه
كانت اقوى وتنسيقها افضل
لكن الحين صرتي اقرب للقلب
ويمكن اكون اكثر وحده قرأت النبذة الشخصيه عن نفسك
على امل انك تكتبين اسمك
عندي فضول لمعرفة اسمك عشان اركبه على شكلك اللي متخيلته في راسي
عموما انا العذراء اللي تشوف نفسها فيك
لازم ادور لي اسم قوي عشان يعلق في ذاكرتك “الأردوسية”
واااو كنت اتابع بلوقر اجنبية حلقت شعرها وطول سريع الناس سالتها وقالت اسوي دي الطريقة
ومن يومها ببالي بس الكسل وما ادراك مالكسل
المهم بابدا من اليوم ان شاء الله *.*
رغم ان ودي اقص شعري بس نجرب ليه لا..
شكرااااا ارتوس ..
سبحان الله الموضوع صدمه فعلا حبيت كيف انو تبغو تخلصو بسرعه عشان يستفيدو البنات اللي يعطيكم العافيه
مااااشاء الله يا ارتوسه، مبدعه مبدعه طول عمرك معطاءه
وربي يشهد انو ادعيلك عن ظهر قلب من كثر المعلومات اللي كنت اجلها واستفدتها منك، ربي يفتح عليك دنيا واخره..
وبالنسبه للاشكال اللي كل ماطرحتي حاجه انتقدت او تحرشت فيك بأي اسلوب، هذي ناس ماعندها الا نظره وحده في حياتها ومستحيل تجرب الشئ الجديد ولو جربت فأعرفي انها ما تشكر ابدا ابدا ابدا، للأسف واجهت اشكال كثيييير منهم في حياتي ، فاحسن شئ لا تعبرينهم واعتبري وجودهم وعدمه واحد
.
.
انا بإذن الله راح اجرب هذي الطريقه لان بجد حابه يطول شعري بعد ماعدمته الكوافير ( كنت مهتمه فيه ثلاث سنوات وتجي بدم بارد تخربه علي) يلا الحمدلله في الشعر ولا شئ ثاني
اكرر مرا ثانيه الف الف شكر ماتوفي حقك❤️
صباح الخير
احيي فيك تجربه كل جديد وإثباتها حتى بالصور
وحبك للخير
ودايم تتحيفنا بأشياء كنا نجهلها او ماتحمسنا لها
ثانكيو
الله يعطيك الصحه و العافيه و يرحم والدينك
تحممممست اجربها إن شاء الله
بس ممكن صورة الزيت اللي استخدمتيه
عندي زيت الارغان جبته من الامازون بس احس انه سيروم مو زيت
هلا و غلا توسه ،، يعطيج العافية على هالمجهود الجبار من تجارب و تدوينات و الشكر اكيد موصول لربيعاتج و اختج على هالتجربة الحلوة ،، بس جد شي يديد علي و نتائجه خيالية
بصراحة الصور تشجع الوحدة اتسوي هالشي البسيط اللي متوفر في
كل بيت ،، يعطيج و يعطيهم العافية ..
تقبلي ودي و محبتي لج و لشخصيتج المبدعة
ياصباح الانشكاحه ..
احلى شي واللي لاحظته كيف الشعر تحسن وصحته ولمعته صارت جميله اتوقع هذا اكثر شي بيحمسني للتجربه ومنها يطول شعري وتنزل الصبغه .. وان شاء الله لو ماكسلت بصور واشاركك التجربه …
والشي العجيب انو حتا لو قاريين عنها او نعرفها المعلومه منك غير .. والله هذا ماهو الا من المحبه اللي نكنها لك ياسوس .
صباح/مساء الخير
ههههههههه فعلا هوس بالشعر الطويل
انا صراحه احب الشعر الطويل احس في رابط بيننا بس حب التغيير فوق كل شي
مثلا أكون مطوله شعري لين نهايه ظهري فجاه أزهق واروح اقصه لين كتوفي
والأكشن اللي قلتي فعلا اذكر اختي مره تهاوشت مع صاحبه مشغل وتصيح لانها قصت شعرها اكثر من المطلوب
ياحبي لك صايره نشيطه بالتدوين ومواضيعك تفتح النفس
عقبال تدوينه العنايه بالجسم >>لووول صرت طماعه عودتينا على كرمك❤️❤️❤️
باْذن الله اجربها ونعطيك النتائج
ياماشاء الله تبارك الله
الله يسعدك ويحقق لك كل ماتتمنين ..
المشكله امس صبغت انا و خايفه ان الزيت يغير لون شعري خاصه انه توووو صابغه !؟
حتى حكايه انه بس الجذور خفت يتغير لون الشعر من فوق وتحححححمست اسويها مرررره ف وش الحل تكفين !؟
صباح الخير :$
ويارب يحقق امانيك يا قلبي ..
زيك والله بالضبط كنت مو مصدقة مرة بس عادي نجرب ومالوووه
بالنسبة للصداع ما جاني صداع ولا الم بس الحرارة اللي بالفروة حسيت فيها و بالضبط زيك الشعر مصحصح
ومنفوخ يفتح النفس صراحة لين الحين ماراح مفعوله ..
حبيت التجربة و الأحلى لأنها معكم 3> و حعيد اجربها مرة ثانية الشهر الجاي و أخواتي معاي .. 3>
سلام :*
❤️❤️ الله يسعدك يآرب دايم اتحمس معك واحب اجرب بعمري وبذي تحمست جددآ اسوي التجربة بما اني ودي من جد شعري يطول وبسالك عن شامبوو الحصان صح هو يطول وفيه من البنات جربه وطول ؟!
ارتووووووس عن جد عن جد مل يوم تبهرينا بطرق جديدة واذا كانت البنت علمتك الطريقة ربي يجزاها خير ف انتي نشرتيها وشوقتينا وحمستينا نجربها ..
بجد حبيتها وحبيت قبلها طريقة غسل الوجه 424
ومنتظرة البوست القادم
الله يوفقك يارب ..
جمالك وجمال طرحك الله يرفع قدرك ، ويجزاك خير يارب ، مميزه جداً بعطائك ماشاء الله، اتذكر رنيم سبق وذكرتها وقلت بعتمدها واجربها لكن سبحان الله مدري شلون راحت من بالي وودي اجربها لصغيرتي تحب بالشعر الطويل لاني كنت اقصره لها دائم مابدأت بفكرة تطويله الا بداية هالسنه ويارب اجربها هالايام لي ولها واذكر تجربتي لك ، دمتي بعافيه وروح سالمه من كل شر يارب
ماشاءالله ❤️❤️❤️
تحمست لها كثير واليوم ان شاءالله ببدأ فيها
ودي لو اشاركك تجربتي بس حسابي برايفت ما حيوصلك المنشن 🙁
الله لا يحرمك الاجر ارتوس
مشكوووووره ارتوس اليوم حبدا اجربها انا واختي مع العلم انو شعرنا صعب يطول طوله ضعيف
ما شاء الله عليكم ربي يحفظكم طريقة سهله وفي متناول الجميع انشاء الله الكل يستفيد منها بارك الله لك في علمك وعملك
والله والله يا ارتوس لو تدرين شكثر أحبك وومتتنه لوجدك بحياتي فعلا انتي نعمه الله يكثر من أمثالك دايم معلوماتك ثقه وتقطر مصداقية أشياء كثيرة ما عرفتها وتوعيت لها إلا من عندك أتذكر الصنفره الجافه ماعرفتها إلا منك ومعلومات لاتعد ولا تحصى وحتى الفكر لقيت عندك رقي خلاني واعيه
*قلووووووب*
يسعدلنا مساءك
دائماً اسمع انو المساج ينشط الدورة الدموية ويساعد على نمو الشعر بعد ما شفت ريتشل رأي تمدح شعر امها لانها تستخدم زيت الزيتون صرت استخدمه و امسج الفروة الجديد هو الحركة اللي لازم نسويها بعد المساج
بجربها إن شاء الله و واثقه من النتيجة
شكرًا لكل حرف تكتبينة شكرًا لأنك صادقه معنا دعواتي دائماً لك و لمن رباك ممتنة لك ❤️
صار فيه لخبطة اول مره اعلق هنا كيف جاء الرد البنت اللي قبلي مدري بالغلط والله اعتذر منك ارتوس
يا صباح الخير وصباح الموضوع الحلو
تحممست للطريقه وراح اجربها بس ااجز بس ان شاءالله استمر لان خلقه شعري دهني ومو صحبه مع الزيوت
انا مو من المهووسيين بالطول ماعندي مشكلة بهالشي لكن مررة اشيل هم مظهره وانو يكون فريش وصحي دايما..
اما البنات اللي ماردو بعدين فجاة طلعوا يعرفونه ياكثرهم حولنا اسالني عن شي محد يرد عليكك بس جيبي طاريه كلهم يعرفونه
وربببي يسعددك واللي سالتك ياارب ..
ماشاء الله دائماً سباقه ومتميزه❤️يعطيكم العافيه
بالنسبه للتجربه اول ماطرحتيها في الانستا طرت لأمي قلتلها خليني اقص شعري وبعدين يرجع يطول ان شاء الله بس ماقتنعت ابد ههههههههههههههههه
انتظر تدوينة الاثنين من الآن ❤️❤️
ارتوس انت انسانة تحب الخير ومعطاءة وانا عن نفسي مصدقتك حتى لو بدون صور لاني اعرفك جيدا
الله يوفقك ويعطيك ماتتمنين
لي تجربة باذن الله
مشكوره توسه حمستيني ارجع اجربها
قريت عنها قبل فتره وانا مهتمه اطول شعري لانه يمر بفترات يتساقط بغزاره ويبدأ يطلع البيبي هير ويزعجني طوله ويجلس فتره طويله مغرز جربتها اول ماعرفت عنها وما حسيت بفرق يذكر لاني ما استخدمت زيت
الزيوت ابدا ما تناسب شعري وتخلي شعري يتساقط زياده ومستحيل انام فيها
حاليا استخدم لوشن للتساقط وبستبدل خطوه الزيت باللوشن وأوافيك بالنتيجه ان شاء الله،
نفسي يطول البيبي هير لحد رقبتي عشان اقصه كاريه لانه من تحت خفيف ماله نظره
ياحلوج يا ارتوس مدلعتها بالمواضيع قبل العيد ❤️
وياحلووو البنات اللي تعاونوا معاج بالتجربه
اول ماقعدت من النوم جيكت ع انستقرامج
اول ماشفت الصور دخلت المدونه علطول ونسخت الرابط ودزيته لامي قبل ما اقراه
امي تمووووت على سوالف الشعر ودايما تهاوشني ع قل اهتمامي فيه
اول ماشافتني قالت هااا نجرب
اول ماقريت التدوينه رحت حطيت ع شعري زيت جوز الهند بكر عضوي ومسجته
بس ولدي الله يهدا ما خلاني انشكح لووووووول
اخر مره حاطه زيت بشعري قبل ٣ سنوات تخيلي
دايما عندي قناعه ان الشعر جينات وماينفع معاه الاهتمام
لكن موضوعج غيرلي نظرتي الصراحه وقررت اهتم خلاص
عاد انا عندي كلاس رياضه سي فورس يعني الدم ينبض نبض بالجسم
قاعده افكر احط زيت قبل الكلاس واغسله عقب الكلاس
بس احس فشله
يبيلي اختار زيت غير جوز الهند عشان ريحته واحط كاب ع شعري تمويه
عشان البرستيج لوووووووووووول
كل مره تفاجإينا بمواضيع عجيييييبه ارتوس
عساج ع القوه حبيبتي
واكيييييد ناطرين المدونه الاثنين
ماشاء الله عليكي الله يجزاكي كل خير ان شاء بجربها انا وبنتي وبعطيكي النتيجه ❤️❤️❤️
حمستني تجاربكككم ماشاء الله ان شاء الله راح ابدأ يوم الجمعه و من اخلص بقولج عن تجربتي ان شاء الله .
اكثر وحده حمستني تجربة نونا
الموضوع حللو جد نفسي شعري يطول لانه يقعد فتره عل بال مايطول بس المشكله انا مسويه بروتين لشعري ومانعيني من الزيوت ينفع اسوي بدون زيت بس مساج واسوي الانقلاب
بأجربها ان شاء الله وماقصرتي جاوبتي على اغلب الاستفسارات
تسلميلنا ياذوق على طرحك الكريم لكل مفيد لو غيرك
بيبخل ومستحيل يشارك معلوماته وتجاربه التجميليه
جزاكى الله خير ،، فى حياتى ماستفدت من أنسان زى
ما أستفدت منك يا أرتوس وفى كل نواحى حياتى والله
تجميل عنايه أهتمام أسلوب وطريقه التعامل طبخ كل
نواحى حياتى أثرتى فيها بشكل كبيييير الله يسعدك ياغاليه
وكل عزيز غالى عليكى
بأذن الله اليوم رح ابتدى ورح أصوره وارسله لكى
بعد ماينتهى الأسبوع
صباحك ئشطة
انتِ عارفة ليش احيانا ما بحكي لو عندي معلومة احياناً بستحي او ما بتكون المعلومة كاملة فبخاف اللي قدامي يكزبني
يعني طريقة المساج اسمعت عنها بس ما بقدر امشي واقول للناس لانو انا جد ما كنت مقتنعة فيها، بس طبعاً زي العادة بس تحكي ارتوس عن إشي بيصير كلامها خرس باللهجة الفلسطينية ههههه(قصدي مافي نقاش من بعد كلامك)
وبخصوص كم بدفع ماعندي هوس بالطول بس انو يوقف تساقط رح يجنني وهو بيطيح ورحت عند دكتور بيقولي مافي فراغات براسك؟قلتلو بدي استنى لسى انا شايفة انو بطيح كتير بس ما كان مصدقني وكتبلي فيتامين سنترم وبس حكيت كتييير لووول *فيس خجلان*
ويعطيكِ الف الف الف عافية ماشفت زيك ولا رح اشوف ويعطيهم ربي العافية للبنات خلو لموضوعك اثر زيادة ع كلامك
ويلا مستنين تدوينة العيد ع نااااااار
اممممواح
يازينك ويازين تجاربك تحمست اسويها لاني من محبات الشعر الطويل لكني اقصه بشكل دوري وهالشي يقصره حبتين يسلموو على تجربتك الصادقه والمحفزه ماقصرتي ي قليبتي ♡
يا مساء الأنوار والرضا ❤️
ارتوس ي جماااااااك يختي وجمال مواضيعك الله يسعدك ويجزاك خير
موضوعك جااااء ف وقته .. انا الحمد لله شعري طويل لكن من دخل الصيف
ونفسي تسول لي اعرمه ومأنبني ضميري
الحين خلاص اعرمه وانا متطمنه بما انو فيه تجربه سبير
وسلام عليكم جميع يعطيك الف عافيه ياعسل وياقمر وياحلا ويا ورد وكل شي حلو بالحياه .انا اختي قالت لي انه صديقته وهي تغسل شعرها دايم بالمقلوب كنهى راكعه قابلتها بعد سنه متغير الشعر كان قليل وخفيفه الشعر ولمن شافتها كثران ماشاء الله وزاد سمك الشعره فاللي ماتتحمل الزيت وتقرف منه تعتمد هالطريقه وهي تغسل بالشامبو تمسج الفروه ..وربي يسعدك دنيا واخر يارتوس الغاليه على قلبي
يازينك والله ،يعطيك العاافية
الطريقة مره تحمس وان شاء الله راح اجربها ،شكراً لك وللبنات الي جربوها .
صدق تحمس راح ارسلها لبنات قرايبي ان شاء الله
ثانكيو مره ثانية
يا شيخه لاعدمناك … اليوم اليوم تبدأ التجربة
قسم شعري معدوم من فير المشغل واجعني قلبي عليه مظطره أقص التالف منه وكنت شايله هم كيف اعوض اللي بينقص لان شكلي يناسبه الطويل كثير
الله يخليك.ارتوس ويجزيك الفردوس .
طيب اقدر أسويها أسبوع بالشهر و أوقف ؟
حبييييتج أرتوووس أكثر وأكثر ،،، وطيران الحيين بجربها بزيت جوز الهند اللي أمووت في ريحته ،، نتريا تدوينتج الثانية على أحر من الجمر ،،،،
الله!
حبييييتها جدًا وفعلاً واضح إنها تجربه فعّاله
راح أسويها بإذن الله وأعمل لك تاق ❤️
بالرغم إنها بسيطة لكن جدًا فعّاله ومفيدة
جبيت تدوينة اليوم جدًا
والصراحه تمنّيت أشوف شعرك الصدقي 🙁 ههههههه والله تمنيت عاد شسوي
تسلمين لنا ياحلوة الكلام
دمتي لنا.
مواضيعك مميزه زي كالعادة الله يسعدك مرررا استفدت منك على كثر البلوقرز اللي اتابعهم لكن انتِ غييير الله يحفظك وانشاءالله حجربها قبل العيد واشوف❤️❤️
من عشاق الشعر القصير لكن شعري متوسط الطول تقريباً تحت كتفي وكل مالقيت فرصة قصيت منه شوي على أمل تقتنع ماما بالشعر القصير ..
بس مارح تصدقين لو قلت لك حمستيني أجرب الطريقة وأطول شعري ، استغربت من نفسي هذا الحماس . بجرب الطريقة وأفرح ماما وبإذن الله أصور لك
كعادتك مبدعه ربي يحميك
جميع تدويناتك من ايام شمواه قيمه ومليئه بالفوائد
حمستيني اجربها وارسل لك النتيجه
❤❤
ياجمالك يا ارتوس ، جعلك بالجنة ووالديك وكل من يعز عليك ..
شعري ان مانب واهمة انه له سنتين ماطال ولا تغير 🙁
وتعبت من الزيوت والخلطات ومافيه فايدة ، تحمست لهالتجربة وخصوصاً انك انتي مجربته.. يعطيك العافية يارررب
راح اجربها بأذن الله اليوم
شكرًا على جهودكم
من فتره تقريبا أسبوعين رجعت لمساج الشعر
بزيت الأرقان لانه شعري زاد التساقط +شامبو للتساقط
الحمدالله راضيه بالنتيجة وخف التساقط وأيد
تجربتكم ان شاء الله نجربها قريب فالوقت المناسب
حلوة تدويناتك الاخيرة عن الزيوت للبشرة والاسنان والحين الشعر لوول
متحمسين لتدوينة الاثنين .
شكراً جزيلااااً سوسو :*
شي جميل وتجربه موثقه
انا فرحانة بقصتي الجديده لان الشعر الطويل
يتعب اذا كنتي تحبي دائما تطلعي بيفركت ووقتك جدا ضيق
بس لعيونك بشارك وان شاء الله الصور بتوصلك
ارتوس يا ارتوسسس 🙁 نحبببك ،، عاد انا ادور كل يوم تقريبا على مايكات وزيوت للشعر بما ان شعري خفيف جدا ويتساقط بشكل مخيف 🙁 يمكن من سوء التغذيه لان ماكال فواكهه واشياء طبيعيه دايم من برا ومقالي وغيره المهم الطريقه خياليييه وسهله جداااا وبسويها باذن الله بعد ما اقص شعري ❤️❤️❤️❤️ ويعطيك الف عافيه على تدويناتك الجميله والنافعه ❤️
تدوينه جميلههه ❤️❤️للامانه ماني ماهتمه بطول شعري لاني نويه اقصوه ويوم قريت التدوينه قريته بس لانك كاتبته لان احب اقرا تدوينتك وان كانت ماني هتمه للمنتج والصراحه ماكنت ناويه اطبقه للا لم قريت انوه تعطعي لمعان للشعر وبما انك تجربن وشرايك بتجربة حرق الشعر المتقصف بالشمعه احسوه جميل بس يبي أيد شاطرههه الزبده انك انسانه يعجز الكلام عن وصفك
يسسسسسس ❤❤❤❤❤ تخميني طلع صح .. انا شفت نتائجها بعيني بغيت أنهبل .. برافو آرتوس
ماشاء الله شي جميل وسهل جدا…
وكل اللي شاركوا معاك بالتجربة الله يعطيهم العافية..
جاري التجربة…
جزاك الله خير….قليل أمثالك من اللي يحبون الخير وينشرون العلم للناس ..
أنا أحب الشعر الطويل بس بشرط ما يتجاوز نص الظهر …ﻷن القصير أبداً ما يناسبني
وشعري إذا صار قصير يتعبني تصفيفه عشان كذا أحبه يكون طويل شويه عشان
يريحني….
بس أنا ناوية أجرب هذي الطريقة مو عشان الطول …ﻻ عشان لعل وعسى يخف التساقط والنفشة اللي بهذلتني….
وأنا في انتظار تدوينة الإثنين…
سباقه متميزه و مبتكره فعلا
احبك والله في الله ❤️
وان شاء الله اجربها قبل العيد لازم
يسعدلي صباحك سوسوو … بصراحة دايما بتفاجئيني بشغلات ما كنت اتوقع انها ممكن تصير .. بس بكفي تكوني انتي عم تحكي عنها وتجربيها حتى جربها دغري … مع اني متلك ماعندي هوس التطويل انا بمل من الشعر الطويل كتيير وهالسنة بس تاركتو يطول اشوي كمان لغاية بنفس يعقوب ههههههه … بس حبيت النتائج كتيير خصوصا على ايمان واضح انو لمعة الشعر وسوادو تغييرت وتجارب الصبايا وتجربتك حمستني جرب انا كمان واكيد بخبرك بالنتيجة ♡♡♡♡♡♡
يعطيك العافية مليووووووون مره
الله يعطيك العافيه جاااري التجربه من بكره…
وكلي حماس للتدوينه الجديدده
ي إختي انتي حماس صدز ..
شفت هالشي ب اكثر من مدونه بس ماصدقت ماش مادخل
المخ ، بس يوم شفت الصور الحين جاتني شهقه
يمه تسذا يصير .. وين انا عنه وراه ماعلمونا ههه راحت قروشنا
من اليوم باذن الله
ببدأ وبصور وي الله ي كريم
مع ان شعري يطيح هاليومين ناسيه فكره التطويل .. بس بجرب
لعل وعسى نضرب عصفورين بحجر
شكراااا .. ي الله ي كريم افتح لها الخير وابوابه
بعد قلبي ارتوس دايم تقدمين المعلومه بطريقه سهله وواضحه وبدقه الله يجزاك خير ويكتب لك بكل حرف ١٠٠ حسنه
يسلم قلبك عالتدوينه ❤️
فعلا طريقة غريبة والشعر طال ما شاء الله والله يعطيهم العافية البنات اللي ساعدوك وانت كالعادة ما قصرتي ❤️
يا حبي لك يا شيخة ❤️
تأكدي ان فيه ناس ماترد عليك دائماً ولكن تدعيلك من قلب في كل شي تنزلينه ومجهودك وتجاربك اللي تسوينها مو بسيطه ابداً ربي يسهلك امور حياتك مثل ماسهلتي علينها نتايج تجاربك
ربيي يسعدك على هالتدوينه.. من زمان اقرا عن هالتجربه بس ماعمري فكرت اسويها يختي زووووله.
هوس الشعر الطويل اني معرسه وابي افتن زوجي بزيادة على ماهو مفتتن
وبالنسبة لي احب اشوف شعري طوويل والفح به طول الوقت.
تصدقي ما اربطه الا وقت الطبخ .. وباقي الوقت مفتوح مادري هل هالشي صحي او لا..
بس اللي يقهرني اللي شعرها طويل وناعن وطول الوقت تسويه كعكه..
ماعلييينااا.
ان شاء الله بسوي التجربة وبارسل لك على الانستا ان شاء الله ..
الله شي جميل والتجربه خير برهان احبك ياسوس واحب عطاءك ان شالله من اليوم بجربها بزيت جوز الهند .
كتب الله اجرك ونفع بك دائما سخية بمعلوماتك ماشاء الله تبارك الله
ياليت تذكرين لي معلوماتك عن شد البطن وتمارين مفيدة
انا مسوية عملية اول الشهر ازالة قناة فالوب طبعا فتح بطن مثل القيصري الحمد لله على كل حال
وبطني صار منفوخ
ممكن تمارين عناية لياقة
وماتقصرين يالغالية
مساء الخير .
والله طريقه جميلة وسهله بعد ، ونتايجكم واضحه ماشاء الله .
عاد أنا موب من محبي الشعر الطويل ، شعري لنص ظهري بس امي مانعتني أقص ولا كان قصيته من زمان .
ان شاء الله بجرب الطريقه ذي وببدا من اليوم او بكره ان شاء الله وبصور لش الفرق ، بس وين اعطيش في الانستقرام ؟.
يعطيش العافية .
كمان ارتوس في شي ثاني ، مافيه طريقه لقشرة الشعر ، تعبت معها ومافي فايده نفس ماهي ماتروح ؟.
و يلوموني. فيك.. دايم طرحك صادق وواقعي ومنطقي و ماكان عندك تحفظ تقولين أن مافي إثبات علمي على هالشي.. لكن تجربتك هي أصدق إثبات.. بإذن الله اجربها..،
صح يجذبني الشعر الطويل و الكثيف بس مبدئي في الشعر قصير وصحي ولا طويل وتالف
و إن شاء الله اجربها قربيا
الله يسعدك و يوفقك وين ما تكونين يا احلى ارتوس
اااااه ليش كذا دايم ماالحق ع التدوينه جااني النوم واناا انتظرر .. يالله مو مشكله اهم شي قريتهااا اولا مسسسسائك جميل واجمل حاجه بالدنياا .. من اعماق قلبي ودي اضمك ع هالمعلومه لان لي فتره اسوي خلطات للشعر ابيه يطوول رافض يطول لاني قصيته لكتفي ووبعدين صار فيه مناسبه بالعيد هينا انا بغيت ابكي اقول بنفسي ليش ماجات للمناسبه الا بعد ماقصيييييت … ولمن شفت صورك بالانستقرام بغيت ابكي من الفرحه اخيرا بيطول شعرررري من جد يا سوس انتي حااجه ماتكررر مرتين ❤❤❤❤
بس ع فكرره انتي مره ذكرتي هالشي بموضوع بمنتدى شمواه بقسم الشعر وكذا كنتي ذاكره ماسك البيض والعسل للشعر واذكر قلتي قبل وضع الماسك ندهن شعرنا بخليط زيوت انتي حابته وتسوين مسساج لشعرك عشان يستقبل المااسك وكنت اسوي هالحركه من كللامه ..
انا راح ابدا بالتجربه من اليوم وراح استخدم حليب جوز الهند الي ذكرتيه قبل فتره انه يطول الشعر وكذا وراح اقيس شعري قبل ما ابدا وراح اشاركك التجربه ان شاءالله .. حدي متحمسسسسه للتجربه مره شكرا يائلبي والله يجعله بموازين حسناتك ..
خخخ عجبني تعلقيك ع البنات بالصميم وربي خخ من جد يعني اذ انتي تعررفين هالشي ليش مخبيته ولا اذ احد جاب طاريه تبين نفسك الفاهمه والعالمه بكل شي لايهمونك ياسوس وربي هالفئه من البنات نفسيات قصدهمم بسس يبون نفسهم فاهمين ..
من فرحتي ماودي اوقف كتاابه ودي اكتب معلقاات
يالله اتمنى لك يوم سعيد وفطور شهي وصيام مقبوول ❤❤❤
ارتوس يالحب معليه داخله عرض ،، شفت ف غيرلان بلاشر وشادو دخل قلبي وش رايك فيه ؟ اخذه او اهون
PETROUCHKA PALETTE
EYE & BLUSH PALETTE
Gala wardrobe قلت استشيرك قبل ❤️❤️❤️
ويمساءء الجميله ارتوس .. عذبتيناا استنيت الصباح لحد مغفيت بدون محس يستاهل الانتظار روووووعه رووووعه الطريقه وجداا سهله ومو مكلفه تسلمي تووووسه من قلب ويسعدد ياارب صحباتك الحلووووين وربي يجزاكم خيررر قد ماتحبوو تفيدوو الناس ارواحكم جممممميله ربي يحميكم ، وبااذن الله لي تجربه واصورلك ان شاءالله ❤️
شييي روووعه انا احط بشعري زيت كل أسبوع بس هاذي الطريقه مو بس راح تنفعني وراح توفر علي وقت وان شاء الله راح الستمر عليها انا شعري طويل بس زيادة الخير خيرين احب الطول
يعطيج العافية جد جد كفيتي ووفيتي الله يحفظج
بس جد ينرفزني شي لما توصلين لاحد المعلومه قصدج تنفعينه يقهر ويخليج تتحسفين توصلين له معلومه
مثلا مجموعة من الناس يقولون أي من عذر شعرها صار كذا من هالزيوت اللي تحط بشعرها وانتي توج لج أسبوع تستخدمينها
وناس يحسسونج كانج كنتي صلعاء ومع هالزيوت صار شعرج كذا
روووعه التجربه وحبيتها من قلب..وبإذن الله ناويه اطبقها على شعر زوجي وبصور التجربه لو زبطت راح ارسل لك الصور ويصير كذا شملنا التجربه للجنسين..ودمتي بحب ؛)
بجربه ومتحمسه كثير له …واتوقع لوحطيت بعده ماسك حليب جرز الهند الي ذكرتيه قبل راح اكثف العنايه
ياحلاة الشي السهل
ومتحمسه لتدوينة اليووم كثير الله يعطيك العافيه
وفعلا الشعر الطويل جميل وملفت اذا كان صحي ومومتقصف
لكن لو تالف لاوالله تطويله ولتعب فيه خسارة وقت لااكثر
الله يعطيكي العافيه سوس لو انه غيرك كتب الطريقه كان قولت غباء الصراحه اتحمست اسويها لبنوتتي مادري كيف اخليها تتنكس 4 دقايق وبالنسبه لي ماعندي هالهوس ممكن تجريها علشان تعطي حيوية
التجربة هذي مرة شفتها فاليوتيوب كانت الي جربتها من أصول أفريقيا استخدمت زيت جوز الهند وشعرها طول ماشاء بس خفت منها مادري ليش امكن من معلومات انه ماينفع نيل الرأس والدم يتجمع فبطلت ونسيتها واليوم ذكرتيني فيها بس دامك جربتها يغأمر ويعطيك العافية
يا اهلًا وسهلًا
كنت اسمع بالتجربه ولما اقولها لصديقاتي يضحكون انه خزعبلات وخرابيط ولا مافي شي يطول الشعر هالقد الا خلطات معقده وحبوب شعر ، وسكتت عقبها قلت اجرب بنفسي واشوف
وفعلًا طال ٤ سم ورحت قصيته هههههههه لان مو مهتمه بتطويل شعري بس حبيت التجريه حلوه لصحة الشعر ولمعته واكيد راح ارجع اجربها
شكرًا لك
ماشاءالله ماشاءالله اش الحركات الجميلة دي. . مواضيعك صايره قنبله وجديدة وغير عن اللي قبلها يعني مواضيع قويه وخارجه عن اطارك المعتاد والاكثررررر محمسسسسسسه. وهذا إن دل. دل على مجهودك الكبير والقائم بكل حب وبعيد كل البعد عن الانانيه. جزيتي خيرا موفقه.
مرررة متحمسة اجرب
خاصة انو كمان تحسي الشعر صار صحي اكتر وفيه حياة
الله يسعدك ارتوسه يارب
شكراً جزيلاً لجهودك و حماسك عشان نكون بأجمل طله بالعيد فديت عالحماس والله زينوووه ❤️
والله انا بالتسبه لي ما يشدني الشعر الطويل لاكنه في حال كانت قصتك مو حلوه تطولينه بأسبوع يعتبر حل بطل تحمست اجربها يوم قلتي انها تعطي مطهر صحي للشعر أن شاء الله واح اجربه و اصور شعري واسوي لك تاق
وكلي حمااااس على بطلة العيد
اتوقع انه عن بشرة الجسم وكيف يكون حلو لونه يعني حاجه تفتح او شي زي كذا
يلا ننتظر وش ورانا
دمتي بود ❤️❤️❤️❤️
ما أحد سرق الكلمه
ربي يسعدكم انتي وصديقاتج ويحقق لكم ماتتمنون واكثر .. ❤️❤️❤️
انا فيني هوس تطويل الشعر بس موب عشان الفح خخخ ولا اعرس بس احبه وزاد حبي من قصيت شغري بوي بثالث ثانوي كنت احلم ان شعري طويل واصحى القاه قصير ..بس الان صار خفيف وتازمت نفسي والللي مازمها ودي اقصه ..واخاف مايطول بسرعه .. بس خلاص جاري التهور وقص الشعر
سبحان الله نفس بالكاري الطويل مع ان شعري خفيف
بانتظار المفاجاءه ياحب❤️
السلام عليكم
التجربه جداً رووعه ودي اجربها بس اخاف تأثر علي بما اني حامل بجربها يوم اذا ناسبتني اكمل او انتظر لين بعد الولاده بإذن الله
الله يعطيك العافيه اكثر انسانه اتابعها واستفيد منها
يسسلمو ارتوسة
ربي يجزاك كل الخير ي رب
ما تتخيلين كيف تحمسست اجرب الطريقة
مع اني كنت سامعة فيها قبل
بس ما فكرت اجربها.
إلا بعد ما قرأت موضوعك ^^
طيب عندي استفسارين
– تتوقعين تنفع الطريقة للي شعرها طبيعته قصير
(ما كان طويل و قصته)
– تاني شيء و أنا متشقلبة اغطي شعري و لا ما يحتاج؟
عاد انا شعري من قدام منتهي و ثقيل دم ما يطول بسرعه
ي رب تنفع معي الطريقة..
ربي يجزاك خير أرتوسة
لكك كل الود و الإحترام :*
ماقصرتي والله .. اثق بتجاربك وبكلامك لأني عارفه انك ماتمدحي شي الا وهو عاجبك واللي مايفيد بتقولين مايفيد .. صادقه بتجاربك والله يوفقكك
هلا بالزين كله ، تحمست لها مع إن شعري يطول بسرعه الحمدلله و أحيانا أزعل لأنه يخرب الصبغه و القصه زي الآن
بس بجربها لآزم تحمست لها ،، تسلم أناملك عاد نستنى منك واحشاني
ماشاء الله الله يسعدك ياارتوس تهاجمين وينتقدونك ومع ذلك ماتبخلين بالعطاء ،،رحم الله من انجبوك وربوك ،، التجربه مرره تحمس خاصه ان شعري قصير ودايم اقصه بوي ولي كم شهر ماقصيته فصاير طوله غبي مدري كيف جاي وبأجربها غديه يطول اكثر ويطلع شكله احلى واصح..
الله يسعدكويحقق لك ماتتمنين ويفرح قلبك يارب شكرا من قلب لكل ماتقدمينه ومتحمسه للموضوع الجاي
ياليت عرفتها من زمان مع ان شعري من النوع الي يطول بسرعه بس زيادة الخير خيرين … ولان احنا نحب كل شي سريع سريع هالطريقه اسهل وأسرع منها مافيش .. وموضوعك ناااااجح لانه موثق بالصور وانا اشوف التوثيق هو الي يثبت صحة التجريه ويغنيك عن الف سطر …… بس انا زعلانه منك ليه ماقلتيلي واسوي الأختبار معاكم 😉 انا من زمان نفسي أسير المودل لمواضيعك …
حبيت الموضوع واايد واحلى شي تجارب البنات
ان شا الله بجربه بس بعد ما اخلص فترة علاجي
يعطيج الف عافيه ارتوسه
مساك خير ❤❤
اتحمس كثير لما تنزلين اي موضوع هنا
واحاول اقراه وانا رايحه للدوام علشان اركز على كل كلمه قلتيها
اول مره اسمع عن هالشي الجميل وبصراحه جااري التجربه
الله يسعدك
السلام عليكم
كييفك يالغلا. .. ومساء الجمممممااال والرواق
الصراحه لازم نقوم ونحيييك روووعه والرائع طرحك بهالطريقه. .
انا مراح اتفلسف واقولك اني اعرفها بس تقدري تقولي كنت اسويها بطريقه لا شعوريه وراح اقولك أيش اللي لاحظته
مره كان شعري يتساقط بشكل فضيع وكنت ابكي عليه حرفيا هههههه هنا تذكرت لمن قلتي انو نسوي قصص على شعورنا كيف كانت زمان لكن انا بالأساس كنت صغيره ومدري.. تقريبا بدأ التساقط معي لمن كان عمري 13 الناس هي اللي توصف شعري كيف كان.. وافتكر لمن كنت صغيره لاااازم الناس تعلق على شعري والبنات كانوا يغاروا مني بسبب شعري افتكر وحده مره تضاربت معها لقيتها حاقده على شعري أكثر مني شخصيا ههههههه
المهم رحت عند كل الدكاترة العاديين والاستشاريين مافيه فايده كل شيء تمام ما عدا الحديد المهم عدلناه ومازل الخبر نفس الخبر الين ماجاني تبلد الين ما كتشفت بخاخ طبي ينباع في الصيدليات
وما أخذته الين ما تأكدت انه مفيد ومدحوه برنامج ذا دكتورز
المهم كان لابد اني امسج فروتي مرتين كل يوم وكانت النتائج مذهله بس الفضل كان 70% للماده الطبيه في وقف التساقط بعد الله
وبعد ما قطعته استمرت على التدليك بجوز الهند لاحظت الفروق وإنو شعري تحسن وطول بس للاسف الكسل وقفتي لأن شعري اصلا يطول بدون هذا الجهد
هذا من ناحية المساج
اما ناحية الوضعية كنت أسمع الأطباء ينصحون بإطاله السجود لأجل تدفق الدم وهو مفيد لأكثر من شغله ومن ظمنها الذاكره القويه وسلامة الغده النخاميه(سيدة الغدد ) ومراح يكون غريب اذا مفيد للشعر
نقدر نسجد كل يوم لأن وضعيه السجود آمنه أكثر من وضعيه الانقلاب ايش رايك ؟؟
ودمتي بود
الله يسعدك قد ماتسعدينا يارب
تحمست اجربها مررررره مرررررره و ان شاء الله اطبق و اعلمك بالنتيجة
يعطيج العافيه حبيبتي ،، بجرب وبطرش لج التجربة اكيد
مع اني عقدة ما احب الشعر الطويل لاني عانيت منه طول طفولتي ومراهقتي وما قصيته الا بعد ما عرست
لكن لفت انتباهي المعونه واللمعه وشعري حاليا جدا منهك وتعبان من القصات والصبغ المتكرر والقشرة ومن تجربه فاااااشلة سويتها في شعري
التجربه خير برهانتحمست أجرربها ان شاء الله اخلص دوام واجربهاويعطيك ربي العافيه ع المجهود وع كل الي تقدمينه ان شاء الله بموازين حسناتك.
حجربها لأنه ماني حابه طول غرتي حابه ترجع زي اول :/ جزاكِ الله خير ي حلوه
ماشاء الله حلو ان شاء الله اجربها بس على بنوتتي انا مااحب الشعرالطويل لان كانت ماما ماترضىنقص شعرنا تعقدت ههه
تسلمي حبيبتي
هذا اللي قلتي عنه قبل انه قيد التجربه ، بصراحه انا ما كنت اصدق ان فيه شي زي كذا احس نمو الشعر والاظافر يرجع لطبيعه الجسم وتغذيته .. لكن انتي صدقتك طبعاً .. بجربه لان قصيت غرتي قبل سنتين وطالت لين دقني ووقفت و رحت قصيت شعري معاها بحيث اني قصرتها هي وشعري وطال شعري وهي مره ثانيه وصلت لدقني ووقفت .. 🙁
حي الله ارتوس❤❤ امس ما قدرت انام الا لما اقرا التدوينه مع ان عندي موعد مهم الساعه ١١ الظهر! بس قلت بعد ما اصحى و اكتب تعليق و الزيت في راسي احسن (تطبيق سريع هههه) و ابشري بالصوره، عاد صورتي محد يشكك فيها مو ممشط مايل مدري ايش لسبب، اذا وصلتك بتعرفينه❤
فظيع حماس الانستقرام امس عشنا معاك احلى سهره. و الحمدلله ما طلعوا لنا حرام و حلال، مع ان في كم تعليق مش ولا بد لكن تنعد عالاصابع.
توقعتك تنزلين شعرك❤ـ❤ بس لو نزلتيه كان نتفوك تختلف موازينهم اذا جا الموضوع لك، مضحك مبكي.
بنفس الوقت لفتني كمية المنشن عالبوست، ان شاء الله ان كلامك عن حب الخير و زكاة العلم نشره بدأ يأثر❤
الله يديم عليكم هالصحبه و المحبه❤ و الله يحميهم، شعورهم ما شاء الله خاصه نونا من زمان يلفتني شعرها عالانستقرام (قلوب لنونا لو تقرا❤❤)
أول مره تمر علي هالطريقه صراحة.. لكن اي شي منك اصدقه لو تقولين غسلوا وجهكم بأسيد لول. بديت اليوم و محمسه اوريك النتايج❤
على فكره ارتوس اي تجارب تحتاجين متطوعين شعر. رجل، يد انتي تأمري بس❤ ايميلي طالع لك هنا أو دايركت انتسقرام اختي (s4__leena) ❤
الاثنين يعني اليوم الفجريه فيه شي! واو عالأكيد سهرانين معاك❤
وش يوزر ارتوس بالاستقرام ؟ ):
أهلًا يا جميلة ..
بالنسبة للشعر ما ادري ليش الناس فاهمين ان البنت حلاتها بشعرها ، مثل إلّي فاهم ان البنت البيضاء ازين شيء.
مع ان قناعتي الملامح إلّي تحلي قبل كل شيء. واللون اهم شيء يصير موحد .
وبالنسبة للشعر يفتني القصير أحسه دليل على الجرأة بالذات إلّي بحدود الرقبة وبغره ممكن الوصف شنيع لكن عندي صور جذابة، واتمنى اقص شعري لكن المحيط ما شجعني ابدًا كلهم قالوا ما يناسبك 🙁 ..
كان نص ظهري وتعبت نفسيا كل ما طال تساقط، قصيته لين كتفي، في البداية حسيت انه تحسن لكن رجع على وضعه بالتساقط، طبعًا سويت تحاليل والحمد لله كل شيء سليم، والدكتور لعب علي قال كثافة شعرك طبيعية، مع ان هالفترة يتساقط بالهبل وحتى بدأت فراغات بمقدمة شعري.
لكن أقرّيت بعدين ان السبب هو ( النفسية ) أنا من النوع إلّي يحرق نفسه بالتفكير الله يصلحني .
المهم بما انهم حطموني بعد ما قصيت شعري ومحد اعجبه قالوا حسافه، جت طريقتك بوقتها والله، و إلّي اعجبني انها ممكن تزيد نمو الشعر يارب الله يجعلها سبب .
الله يسعدك أنت والبنات إلّي جربوا يعطيكم الصحة والعافية يارب. باذن الله بأنقل لكم تجربتي مع زيت الزيتون . وراح ابدأ من اليوم ١١ رمضان ❤️❤️
ياجمالك وياجمال تدويناتك يختي
احبك مره ❤️
.
.
.
تحمست حيل اجربها
وباخلي اختي وامي يجربوها ..
وباسويها لـ بنتي ، باوسع صدرها بالعيد ان شاءالله ..
يسعدك إلهي .
.
.
والأكيد بأقولك عن نتيجة التجربـة .
.
.
شكراً لك ياحلوه
.
.
.
( وردة لك )
حبيت التجربة سهله جدا .. ان شاء الله اجربها
و الله يعطيك العافيه انتي و البنات ❤️
ياجعلك بالجنه بعد عمر طوييل
انا اموت في الشغلات الطبيعيه والغيرمكلفه :/
بجرب ان شاءالله على بنتي وراح اصور شعرها قبل وبعد باذن الله وبرسلها لك لان بنتي شعري نمووه بطئ
الا ماشاءالله يالله وصلت لخانة التعليقات من كثر التعليقات الموجوده عاد مدري كل هذا عشان هالتجربه الرائعه والا عشان تنضمون لحساب المقربون لارتوس 🙂
وشكرا
طريقة روعه وحبيتها مع انو انا مو من محبين الشعر الطويل بس حبيت لما قولتي يخلي شعرك صحي ومنفوخ طبعاً انا شعري من النوع الدهني ودوم يلزق حبيت جد الطريقه وطبعاً كل شي منك بكون حلو وجديد وحبيت التجربه انو مو بس كدا بنت حتي انتي واختك ربي يسعدكم
ياويحي
كل ما اشوف موضوع لك به فايده كبيره
وكيف تحاولي توصلينه لنا حتى العالم تتسنع
وتحطين اثباتات حتى تركز المعلومه احس بغصه
احس ابي ابكي من طيبة قلبك
الله يسعددك ويسسعدك ويسسعدك ويزيدك سعااده
بإذن الله بجربها وبقول التجربه وكيف نفعت بي
احبك وربي احبك
حبيت ❤️❤️❤️❤️
تحمست مرره للتجربة .. ان شاء الله اطبقها هالشهر و اصور لك تجربتي
وآآآو سبحآن الله .. جداً عجيب مفعولها ومتحمسة أجربها ..
بجد أشكرك أرتوس جزييل الشكر .. يسعدك ربي انتي من الناس القلائل اللي أثق بكلامهم وتجاربهم وأحاول أطبق بقدر استطاعتي ..
تحياتي لك ❤️
يااازينك أرتوس مواضيعك دائمًا مميزة ،.
شكرًا لك ،شكرًا لعطائك.
الله .. شيء يفتح النفس ..
طريقة بسيطة جدا ورخيصة بدل الزيوت اللي تنباع ويطلع ضررها أكثر من نفعها..
أنا أحب الشعر القصير بس ممكن نجرب .. وننشر هالطريقة للي حوالينا ..
شكرًا من الأعماق أرتوس ()
رووووعة واحلى مافي الموضع البنات الله يسعدهم ماقصروا في عرض تجاربهم جد جد ممتنة لهم
ربي يخليك ارتوسه الجميله
بجربها ان شاء الله ابي شعري يطول شوي
وكمان لبنتي ههههههههههه نبي الزين ❤️
يسعد مسآك تدرين كل يوم الصبح قبل انام لازم اشوف مدونتك اذا منزلة شي جديد او لا بإستثناء الأيام الثلاث اللي فاتواكنت مشغولة لراسي وادعي اقول يارب توسةماتنزل شيمااحب يفوتني شي
المهم انا على عداوة مع شعريولااحب الشعر الطويل لكن من اهلهممااعتني فيه كثير بالنسبة لي اقول التغذية الزينة تكفيه بلا خلطات وزيوت وخرابيط بس انا من مدمنين المساجتحمست اسوي التجربة لأجل التصوير اقصد عشان حيوية الشعربإذن الله ابدا فيها الليلة لكن كيف ارسل لك الصورةحاذفة الإنستا من اول تدوينة لك ولاعندي تويتربس ماعليه تندبر يعطيك العافية
–
الله يعطيك الف عافيه ارتوس ،
نشرت رابط مدونتك بالقروبات عندي كلهم اقولهم سوو التجربه ههههههه
وبسالك لاهنتي ..
عادي اي نوع شامبو نستخدم بعد الزيت بعد غسيل الزيت يعني .. ولا مانحط شامبو اساسا ..
الله يجزاك الججنه ()
متحمسه مره للتجربه والحين بطير للعطار بشتري زيت جوز الهند وبشتري زيت ثاني يكون بدون ريحه عشان مااغسل شعري كل يوم ورى يوم
وبتنكس وان شاء الله تكون فيه نتيجه انا بقوولك ليه ابي اطوله لانه تقريبا الربع الاخير بشعري تعبان مره وامي تقول قصيه يفشل صاير محترق وش لك فيه وصاير خفيف وامي تسميه ذنب فار بس لحبي للشعر الطويل ماقصيته رغم انه مش حلووو شكله من الاطراف واضح انه تعبان مره والشهر الي فات رايح لدكتور وكاتب لي فيتامين وماخذت منه الا حبه كسل فضيع وخايفه انه يسمن
وانااذكر وحده بحواء تقول كل ماغسلت شعرها تسوي له مساج وهو فيه الشامبو تمدح هالطريقه بس بصراحه ماجربتها
واااااااو
مرا مرررا متحمسه لدا الشي ومش عشان عريس ولا اهل معرس
لاني محتاجه شي طبيعي يرجع الحياه لشعري
جااري التجربه بإذن الله
مساء الخير حبوبة
والله الصور شي خيال لو صج موب إنتي اللي حاطة التجربة والتدوينة جان ما أصدق
فعلا شي عجيب
أنا عاد ماخذه فكرة عن شعري انه ضد الطول ههههههههه ما يطول ، من صغري وأمي دايم تقصه لي لما أنآ كبرت وتعودت أقصه ، والحين مايبي يطول
ضروري اجربها انا وأختي ، والله ماعرف شلون أوفيج حقج وربي يسلم يدينج ويسلم لج اختج وصديقاتج ❤
واو !
شي غريب و يديد اساساً انتي دايم كل شي يديد عندج 3> 3>
انا راعية زيوت فمامن مانع اني اجربها , عاد تصدقين ؟
احس كثافة الشعر اهم من طوله . مدري اشوف جذي
وتجارب البنات ماشالله واضح الفرق حييييل
نجربها ان شاءالله .
مشكوره ياجميله 3>
الله يقويك ويجعلك بأعلى المراتب دنيا وآخره ولايضيع لك تعب وماعليك في البنات اللي يشككوا بمصداقيتك وربي انتي فخر لبنات بلدك اللي زيك مايتحاربوا المفروض نساندك لو بدعوه او كلمة طيبه تشجعك تستمري بطريقك لان نادر نلقى وحده بمصداقيتك وطريقة توضيحك للاشياء اللي تكتبي عنها عني باذن الله اجرب طريقتك من بكره ان شاء الله
ماشاءالله ❤❤
حبيت التوثيق وذكر أدق التفاصيل ❤❤
شعري يطول بسرعة لكن لامانع من تجربة هالطريقة..
أنا مثلك ماأفهم هوس العربيات بالشعر الطويل، والغبنة انهم مايهتمون فيه كله ملبد ومزيت مافيه حيوية *هذا اللي اشوفه من العينات اللي عندنا* وأولهم زينب العسكري..
أتمنى ان البنات يعرفون ان الشعر اهم شي يكون صحي سواء طويل وقصير، متفائلة جد بعد تدوينتك راح يكون فيه وعي كبير ❤❤
نحبك آآآآوي ❤
مساء النور … مسخيها زي ماتحبين ههههههههههههههه انتي دايما ممييزة استمري ياجميلة وان شاء الله شعراتي تحت التجربة
بقولك شي واحد بس أنت فخر للتدوين أو البلوغنغ .
كميةة جممآل كالعادةة تبهرينآ بالجديد المفيد
عندي تجربةة لهالشيء بس من باب الصدفه بما اني مااحب اتحمم كلي نظام تجزئه وكنت ملاحظةة لما انزل راسي بالغسيل بس مالي تجربه بالزيت والمساج الانقلابي ✋ .. وذكرت هالشيء من
باب التعجب من جديه الموضوع يعني مو صدفه لي طلع شيء مثبت بالتجارب اتمنى مَ تفهميهه انه تكتم او مايشابه ذلكك .. ومنك نستفيد
الله الله على هالفكرة الخطيرة شكرا لك لأانك تنشرين الخير وتحبينه لغيرك الله يوفقك ويسعدك دنيا و آخرة .. بروح أن وأختي نجربها الحين
مراا شكرا ارتوسة وقت طرحك للتدوينة مراا بيرفكت افكر اصبغ شعري خليه يطول شوية واصبغه
التدوينية وريتها كل بنات العيلة عشان يستفيدو
الله يسعدكم فعلا فكرة اول مرة اسمع عنها
بخلي اختي تحربها لانه زوجها من عشاق الشعر الطويل بس انا بطبق الحركة النقلابيه مع حليب جوز الهند ♥♥♥♥♥♥♥♥♥
الله يسعدك .. مجموعة تجارب رائعة لقبل العيد .. ربي يزيدك جمال ويحميكي يارب ..
حلوة القفزة في طول الشعر .. اعشق التجارب البسيطة واللي تعطي نتائج سريعة ..
فعلا طرح محمس .. حعمل التجربة بإذن الله وأرسلك النتايج =)
احب روح العطاء اللي جواتك ارتوس متحمسه عالتجربه مو للتطويل بس عندي فراغات حابه تروح ، استخدمت لها حبوب وبخاخ ومانفع معها ان شالله تكونين فاتحه خير ويعقل شعري
و اخيرا قريته الله يجزاك خير انتي واختك وصحباتك
هالحين ببدا اجربها من سنوات قصت شعري ولا طال و ببدا الحين
و مسسسخيها زي ماتبغي بأنتاتتتظارك❤️❤️❤️❤️
الله يحقّق لك كل أحلامك على خير يارب
ويرزقك الأجر على كل اللّي تسوّينه معنا
على حكاية الشعر الطّويل أنا أحب الشّعر طويل لنفسي أحس أقدر ألعب فيه أكثر …
بس جتني فترة ومليت وحسي إني بأغير شوي وقصيته مررة لين حد الكتف وحسّيت بالتّغيير
بس حاليًا خلاص أبيه يرجع لطوله خخخخخخخخ
لذلك التجربة جات في وقتها الله يسعدك يارب
الحمدلله انا ربانزل شعري طويل وجميل تحت البم بم بس ترى انا طريقتي مساج على طول المساج جداً ضروري بزيت او دون زين
حتى تقليب الشعر عن التمشيط مهم على الأقل لازم يكون مرتين ثلاث بالأسبوع
وكل ماجئت احط زيت امسج واقبل راسي والظغط ظغط خفيف على الفروه من فوق لتحت ومن تحت لفوق يعني من المنابت للنهايه الرأس وارجع من نهايه الرأس المنابت حتى شعري جاف سبحان الله مع التدليك الاحظ فروة الرأس تفرز زيت
والحمد لله مبسوطة وسعيدة
الله يسعدك سعاده أبديه قد ما تفيدينا دايما
ماشالله الموضوع يجنن ويحمس ان الواحد يجربه الله يعطيك الف عافيه يارب بجد بجد بجد استفدت من مواضيعك حتا لو ماطبقتها بس ثقفتني
كثير بنات اقولهم عنك نورتي عيوني ع اشيا ماكنت اعرفها
الله يوفقك ويرزقك يارب ويهنيك بحياتك ويسخر ملائكه السماء وصلاح الارض ويرحم ام جابتك والله يجمعك فيها بجنات النعيم ويحفظك لشبابك يارب ويخليلك الوالد واخوانك واختك ان شالله
مشكوره والله يوفقك ياجميله
يعطيح العافيه حبيبتي،
جداً حبيت الفكرة و بإذن الله بجربها بس أنا خايفه من موضوع التساقط !
أخاف يأثر ع شعري سلباً و مع ذلك بجربها ان شاء الله
اعجبتني الفكره واول مره اسمع عنها وشكلي كذا راح اجربها.
يعطيك العافيه
أول مره اثق بخلطه لتطويل الشعر وممكن اني اجربها ماشاء الله طرحك للموضوع جميل و زيادة على كذا تجيبي امثلة مررره مشكوره متحمسه للموضوع القادم
ياقلبي يا ارتوس دائما ادعيلك ربي يسعدك زي ماتسعدينا بمواضيعك
سبحان الله جاء ببالي السجود وكم مرة نسجد باليوم ولو كان بطمأنينه وعدم استعجال راح نستفيد اكثر
بسوي طريقتك لاني واثقه بكلامك ومتاكدة انه بيطووول احبك ارتوسة
ياسلام على الوصفات اللي كذا نتائج فتاكه وبدون تكاليف
أنامقرره اقص شعري لنهاية الرقبة وكنت مترددة خايفة قصرة مايناسب طبيعة شعري الكيرلي لكن بعد تدوينتك لا تردد بعد اليوم >.<
شكرا ارتوس
مشكورة مرة على تجربتك وبكرة ان شالله ببدا فيها لآني من جد محتاجة لحل، رحت لكوفيرة عشان اقص غرة وعينك ماتشوف الا النور، وصلتها نص الجبهة وتورطت، صايرة طول الوقت البس ربطات شعر عشان أغطي الكارثة.
متفائلة اني بالعيد ما راح احتاج ربطة شعر
فعلا قبل فتره طويله كنت امسج راسي ولاحظت طول في شعري بسيط وباذن الله راح نجرب الطريقه. حاليا مستمره على طريقة تنظيف البشره٤٢٤ واحس بالنظاره وبشره نظيفه
انا مثلك من النوع اللي ما احب الطويل .. وعمال افكر اقص شعري دا الشهر .. بس مدري تحمست اجرب الطريقة واشوف شعري طال شوي
والله مواضيعك دايما غير شكل
وانتِ كلك ع بعضك تجننين
منجد والله تبهريني بسعة اطلاعك ماشاءالله تبارك الله وغزارة معلوماتك
يعني بعد كل تدوينة هنا او بوست جمالي في الإنستا أجدني أصفق بحرارة لإبداعك(عاد مو منجد أصفق كناية ههههههههههه ولا تخيليني أصفق لوحدي وانا ماسكة الجوال واقرا ههههههههههه)
حاليا يمكن ما اجرب بالرغم من حماسي لكني مسوية كولاجين من شهرين تقريبًا وخايفة ان الزيت يتعارض مع علاج الكولاجين
وانا زيك ماني حريصة على التطويل لكن نفسي أجرب قبل لايجي الدوام والكرف اليومي
عموما اتعب اتعب وانا اقول شكرا من القلب
وفي انتظار تدوينتك الجميل ياجميلة يوم الاثنين
ي عيني على حمآسك لتدوينآت والمفآجاءت هآلايام
ان شاء الله بإبداء فيها وبصور لك شعري بس بعد ما ارتاح شويتين من بعد العمره
آهم شي ان الله قدرني وآعتمرت ولا نسيتك من الدعوات آنسانه جميله وصآدقه دائم لما تطرحين اي شي ما أشك ولا واحد بالميه
عندك مصداقيه في الطرح قواگ الله
بس سؤالي لازم زيت طبيعي ولا عآدي زيت اللي استخدمه لشعري؟؟؟
دمتي جميله
السلام عليكم، نمت وانا أحدث كل شوي متحمسه للطريقه مع اني مو من محبات الشعر الطويل ولا أحب أطول شعري إلا أن الموضوع شدني يهمني أكثر يكون الشعر مظهرة صحي و كثيف أكثر لأن يعطي جمال للمرأة بغض النظر عن طوله مظهرة هو الي يزيد الجاذبية ، برضك راح أجربها كما قد و جربت أمور طرحتيها مسبقا وكانت نتائجها روعه مثلك كل الشكر والتقدير لك واتمنى لك المزيد من التقدم و العطاء وان شاءالله يارب عقبال ما نشوفك شي كبير في القريب العاجل شكرا ارتوس
وااااااااااو كفيتي ووفيتي كل موضوع احلى من الثاني
ودي اجربها قبل العيد بس احس بتجيني دوخه من حركة تنزيل الراس بما اني حامل في شهري الأخير .
شكلي بخلي بنتي الصغير ه حقل تجارب . ههههههه
حبيبتي انتي ياآرتوس دائما مواضيعك غريبة ومفيدة ❤️
ماأهتم بطول الشعر قد ماأهتم بالكثافة والحيوية وأختي عكسي
عشان كذا أول ماوريتها تجارب البنات تحمست مرة ومو مصدقة بعد
في يوتيوبر تسوي نفس الطريقة هذي مرة وحده كل أسبوع مدري عن صحتها بس للي حاب يجرب .
شكرًا مرة ❤️
ارتوس ي عيني بجربها وارسلها لك ..جد كنت محتاجه زي هالشي لان شعري مره تعبان ويبي له عنايه الدوام مو مخلي احد مرتاح
بس فيه حاجه ابي استفسر لك منها
انا ناويه انحف بطني وظهري حابه اسالك عن جهاز الاوبيتراك
لشد الجسم ككل تنصحيني فيه بحكم خبرتك
الله يسعدك ردي علي اول ماتشوفين تعليقي
الله يسلم بطن حمل فيك عسل الله يحفظك
دمتي بأناقه الله يعطيك العافيه على هالمجهود تشكرين عليه لانه اخذ من وقتك وقت اللي سوو التجربه حلو جدا لانه فى فائده الكل محتاجها
❤❤❤❤
انتِ كنز مدفون، الله يحفظك
ارتوس بقلووووبنا
جاااا بوقته شكرا شكرا❤️❤️❤️
صاير شعري الطول الكريه لاهو تحت الكتف ولا هو قصير (متعلق)
وبدينا من اليوم بالتنكيس
بخصوص سوالك ماراح اشتري ههههههه ما انكر مرا تحمست في الانستا بس بعدين تذكرت مشكلتي شعري يطول بسرعه لكن عندي شيب مبكر وراثه بعايلة امي كلهم صغارهم وكبارهم لدرجه الوحده توصل ٣٥ مايبقى فيها الا كم شعره سوده اممم غير ان عندي مشكله ثانيه ان شعري من الامام لنصف الراس ماعدا الاطراف نوعها غير عن البقيه اكثر كيرلي واكثف وعندي احساس ان هذي الطريقه بتفيدني لكن مشكلة الشيب مشكله كبيره جداااا بصير كل اسبوع اصبغ اذا مو اقل …توسه انتي مميزه جدا قبلاتي لك
يازييييينك ويااااحلوك لما اختي خبرتنا وورتنا حسابك صار عندنا استنفاار وعرس من الفرحه ههههه اللي بتجرب ببنتها واللي بنفسها تحمسنا مرره الله يسسعدك ، والله لو احد غيرك كان باع التجربه وتفلسف وحصريات واحتكار ، ياقلبي الله يجزاك خير ويعطيك لين يرضيك يارب ، احبك واحب روحك الحلوه ارتوسه ، موفقه
دائما طرحك مميز ارتوس❤️❤️
انا شعري مايطول تقريبا ٤ سنوات على نفس الطول متحمسه لتجربه الميثود
معلومة جديدة الصراحة وراااائعة كروعتك
الله يديمك
تشكرات خيّة ،،
اسمحي لي هاالمره اعلق للمره الثانيه.. وانا أتأمل التدوينه
حسيت بمجهود .. وشفافيه .. ومصداقيه .. تُشكرين عليها انتِ وكل الأخوات في ميزان حسناتكم يآرب
لفت انتباهي تجربة نونا يوم قالت انها حست بطول في شعر الحواجب انا حواجبي خفيفة فأن شاء الله تنفع معي
لأني مو مهتمة مرة بالطول اهم شي التساقط يخف
و معك حق لما ذكرتي تجربتك كثير قالو نعرفها من قبل طيب ليه ما تكلمتو !! محتفظين بالمعلومة لنفسكم ليه !!
بس للأمانة انا ما عرفتها الا منك
يخلي لي اياكي يا قمر
الله يرزقك بركة العلم النافع ويرفع قدرك في العالمين
والله كلمة شكرا ماتوفيك حقك
❤️❤️❤️❤️❤️
السلام عليكم ..
انا للامانه جربتها يوم كنت ناحته شعري بحكم انه كيرلي بداية انه يطول يقلب بُف طبيعي هههههه فيصل علوي 😀
و برجع اسويها الحين عشان ودي اقص مثل دانه الطويرش احس بتليق علي اكثر خصوصاً لو طول شعري كم سم :*
شاكره لك ..
احبك ارتوس .
ياكتلة عطاء وذكاء ف العطاء ونوعه
حسابك كنز تجارب ومعلومات صحيحه
ممتنه لك وربي يسعدك ويزيدك من فضله .
ارتوس حز بخاطري لما قلتي عن كتم العلم للني كتبت كومنت عندك اني قد جربت ازيت شعري بفتره ولاحظت انه طال وكنت احسبه من نوع الزيت ولما ذكرتي التجربه قلت يمكن لاني يوم كنت ازيته كنت امسج المهم انا بالفتره الاخيره لي كم شهر مااقرا التعليقات ابد بس اجي اشيك ع حسابك كل مامداني خجلت منك انتي تفيدينا بالمقابل زعلانه اننا مانفيد غيرنا بس الصدق اي شي اعرفه واشوف احد يسال عنه اجاوبه حتى لو شخص ماحبه
مادري ليش قلتلك كذا بس لانه فشله حنا نستفيد منك وبالمقابل تشوفيينا نكتم ومانفيد غيرنا شيء يفشل صراحه
واكيد بجرب الطريقه ان شاءالله يعطيك العافييه يارب ( قلووووب )
ماشاء الله النتيجة تحمس جدددااا وحبيت تعاون صحباتك معاكي يسعدهم الهي يارب ان شاء الله ناوية اسيب الكسل دا واجرب انا كمان ❤️❤️❤️ ومتحمسة للبوست الجاي
الله يجزاك خير ويسعدك ويوفقك على قد ماتتعبين وتجيبين لنا اشياء حلوه ، حبيت الفكره وان شاء الله بجربها لاني مفكره اقص شعري واخاف اتوهق ويطلع مو حلو علي القصير وبعد هذي شكلي بقصه وانا مرتاحه هههه
واااااو ارتوس وش هالطريقة العجيبة
مرة تحمسست لها .. من اول رمضان
مادخلت المدونة اشتقت مرة لمواضيعك
ماشاء عليك نزلتي كثير مواضيع
متحمسة لها ابي وقت رايق عشان
ارجع امخمخ عليها .. شكراً ياحلوتنا
النتايج جداً تحمس مرره شكراً ارتوس 🙂 ❤️
تحمست بجربها اليوم و ان شاءالله تضبط
الله يسعدك يآرب ❤️
جا ببالي سؤال بالنسبة للشعر .. هل فعلا لو قصيت شعري وقت الدورة الشهرية .. أو الي تقص لي تكون جايتها ممكن يأثر على طول الشعر ؟
كثير سمعت أنو ممكن مايطول السعر لو قصيتيه في هذي الفترة .. أو هذي خرافة ؟ 🙂
انا اليوم بديت اجرب طريقتك ومثل ماقلتي انا مو من محبين الشعر الطويل بس قلت نجرب وتقص مو خسرانه شي بس عندي سؤال اذا تكرمتي عادي لو احده يوم ويوم لا والا لازم ٧ايام متواصله ؟؟ اتمنى تجاوبيني قريب ومشكوووووره مقدماً على كل معلومه تفيدينا فيها
ااول مره اعرف ه الطريقه وان شاءاالله بجربها دي الفتره عندي هوس بالشعر الطويل لاني دايما اقص شعري فقلت ه المره ابغى لوك جديد ف العيد ..وع فكره جربت تنظيف البشره ب السحب ب الزيت بشرتي مختلطه الصراحه النتيجه جبااره امثر شي حسيت فيه الانتعاش و كمان فعدت تقريبا فوق ال 12 ساعه بدون ما تزييت التي زوون …
شكلي راح اسوي تحدي انا واخواتي و نجرب طريقه التطويل ..
شكرا ارتوس ❤
ياجمالج وياجمال معلوماتج مابالغ لما اقول انتي موسوعة جمال وثقافه ويابخت صديقاتج فيج ماشالله ان شالله بجربها يمكن اتخلص من مشكلة الاكزيما اللي طلعتلي فجاءه بفروة راسي
ياجماااااااااااااااااالك انا اتابعك من يوم كنت مراهقه على قولهم تعلمت منك اشياء كثيره
من بينهم الشي الي نبهتي عليه اليوم انو مانحسد احد بأي تجربة نافعه
والله صرت لو شفت وحده من صحباتي مثلا يدها سمرا اعلمها عن طريقة تبعد هالشي لو بطريقة غير مباشر لو ماكنت امون عليها
وفعلا في ناس فوق انه الشي مو من راسهم يحسدون عليه لا وتجي تقولك لاتعلمين احد نبي هالشي خاص فينا !!! يابووووووووي عالم تجلط
عاد ليته باين فيهم اثر شي الحسد شين
استمري ارتوس القلب ربي يسعدك
انتي بجد شي جميييل ونادر اخلاقك وحبك لغيرك شي نادر بالوقت هذا
ما ادري كيف نلحق جزاك بس لك منا دعوات في ظهر الغيب
ماشاء الله، حبيت النتايج، الله يباركلهم في شعرهم يارب. انا من فتره طويله تركت تزييت الشعر لاني ما شوفت اي نتيجه تذكر مع اني كنت اسويه بنفس الشكل ده بس من غير ما اقلب رأسي. ف شكلي حرجع أزيت مع التقليب.
ميرسسي على هيك مواضيع 3>
امي كانت تسويلنا جذيه بس تخلينا منزلين راسنا قدامها وهي تدهن بهالشعر وتدلكه.. ومانقوم من حجرها الا ورقبة الوحده منكسره..
وكانت تقص اطرافه بالايام البيض طبعا احنا ماكنا نعرف شنو هالايام
بس هذا روتينها شهري وع راس الاصبع ماتاخذ منه شي..
يقال ان هالايام تكون فورة الدم في أعلى مستوى لها وهالشي يساعد ع تطويل الشعر.. انا بضرب عصفورين بحجر بقص اطرافه وانشكح سبع ايام. انشالله خيرشكرااا من القلب دائما وابدا
شكرا جزيلا على هذه التدوينة راح اجرب اكيد خصوصا ان شعري متضرر ومتقصف ولايطول بسرعة …..
يسلمو ارتوس جميله التجربة والاحلى المشاركة
حمستيني اقص شعري….
ياعمرررررري ارتووووووس يسعدك يارب وين ماتلقي وجهك ❤️❤️
قرأت تدوينتك من هنا وطيرااااااان سويت الطريقه
وبستمر بإذن الله اسبووووع ❤️❤️
من اكبر عشاق الشعر الطويل احسه يزيد انوثه
لوڤ يو
والله حبيتها *.* حالياً عاحبني طول شعري بس بقول لقريبتي عنها لان شعرها بطيء نموه ف نجرب ونشوف
واكككيد بانتظار التدوينة الجاية شوقتينا ❤️
يا قلبي يا ارتوس
بس قرأت التدوينة حسيت بأحساس غريب
حبك للغير … حبك لنشر المعلومة والمساعدة
الله يرزقك يا رب ويعطيكي ع قد نيتك
بوعدك ان شاء الله راح اجربها واصور وامنشنك
يسعد مساءك سوس وشهر مبارك <– قرب يخلص وتو تبارك
اول مره ارد ع مدوناتك مع اني متابعه منتظمه لكل مكان تكتبين فيه
بس اليوم بدأت اجازتي واستقريت حمدلله
حبيت الفكرة وحبيت اكثر دعمها بالتجربه
بجربها بعد العيد حابه احافظ ع طول شعري توي جزجزته
ان شاء الله اكون متواجده اكثر واقدر ارد بقدر ماانا قاعدة استفيد
بالتوفيق لك
حبيت حبيت ..
الأشياء السهلة دايماً لها من الحُب نصيب ههههههههه
قيدَ التجربة :*
يعطيج ألف عافية <3
http://youtu.be/lKI-5EZz6f0 ذا رابط لنفس الطريقة ليوتيوبر شعرها جميل ما شاء الله
يوم عن يوم يزيد اعجابي فيكي وتبهريني بإخلاصك و حبك لنشر الخير
بالنسبة للشعر الطويل و سر الحب بالنسبة ليا عشان التساريح في المناسبات ههههههههه لاني مو النوع الي يركب توصيلة
بس فعلا وقت المناسبات الواحد يحتاج يكون شعره طويل عشان لما اروح الصالون مايقولو التسريحة الي تبغيها ماتناسب شعرك وووو
مع انو الشعر القصير مريح جدا بس ماحسيتو ناسبني و دحين موضوعك جا في وقته و امس سويتها و انا حاليا حاطة الزيت بعد الانشكاحة مدري كتبتها صح ولالا ههههه
بس من الذكاء و الحماس ما قست طول شعري شفتي كيف هههه ان شاءالله اليوم اقيسو
الله يسعدك وين ماكنتي و يوفقك و يكتبلك الخير طولت عليكي
مشكورة ارتوس فعلاً انسانه معطائه .
بجربها ان شاء الله تعالى بما اني هذي الأيام اطبخ وع طول استحمى
بس سؤال ع جنب
انا لي شهرين ما حنييت ودي بطله ف العيد ف ودي بصبغه تناسب الكل يقول ما ينفع بس حبيت استشيرك
هل بالامكان الصبغ مع أقل ضرر . وشكراً
واااااااااو
موضوع بطل
شكراً لك ارتوسه
جالسه اقنع بنوتتي اسويه لها عاد ماتحب الزيت ابداً
بس سمعت انه يطول الشعر رضت وقالت سويه لي الى العيد
ربي يجزيك جناته ووالديك
ويارب اخوك يجيب اللي طلبتيه منه
اي والله يعينك عالبنات مسكت راسي لما شفت ردودهم بالانستقرام
يعني اكثر من توضيحك مافي
واللي قالوا انهم عارفين الطريقه ياليت كملو سكوتهم
صراحه تفاجأت يوم اشوف التجارب بحسابك
وجلست اقام النوم لكن نمت والجوال بيدي ههههههههههههه
وقريت التدوينه متأخره
وبصراحه انا اللي يهمني يكون كثير الطول عادي بس اكيد راح اجرب الطريقه جدا سهله وتشجع للتجربه مايحتاج مقادير وخلط وحوسه
وتوني قايمه من التشقلب هههه
وراح ارسلك تجربتي بإذن الله
الله يوفقك ويسعدك يارب
يعطيك العافيه وانتي والبنات على تجربتكم وافادتكم لنا
الله يعافيك ارتوس على التدوينة ، شي جديد بالنسبة لي
لو بلوقر غيرك منزله هالموضوع شكيت فيه
راح ابث الامل لكل الاشخاص اللي اشوفهم متورطين بقصاتهم، قصو وماعجبتهم القصة هههههههههه
ماشاءالله تبارك الرحمن حمااااااااااااااس من الصور اللي بالانستا وفرق الطول بجد نتيجه مبهره وممتازه
ماشاءالله وبجد شكر كبيير لكل اللي سووو الطريقه وورونا نتايجها ربي يسعدكم كلكم ويجزاكم كل خير ياقماري
لما شفتها بالانستاقرام والفرق قلت معقول يكون منتج وكنت مقتنعه اكتر اما مساج يحفز النمو او ديرما رولر
وشكرا لكي حبيبتي اول مرا اعرف طريقة ال INVERSION METHOD منك
دائما مبهرتنا بجديدك المفيد حبيبتنا ارتووسه يسعدك يارب ويحقق لك مرادك
والف رحمه ونور تنزل على والدتك الله يرحمها برحمته الواسعه ويغفرلها ويجعل مثواها جنة النعييم يارب
مرحبا ارتوس
اتابعك من ايام شمواه لكن اول مرة اعلق
شكرا لكل الجهد الذي تبدلينه لتوعية البنات
احب كل مواضيعك بدون استثناء, خصوصا عندما تتكلمين عن اشياء تستحي منها معظم الفتيات, دعيك ممن يظنون كل شيء عيبا و يفضلون البقاء في الظلام و الجهل
احببت موضوع تطويل الشعر 4 سم في اسبوع. بالنسبة لي ضروري اقص شعري لانه متقصف و غير صحي و جاء وقت قصه لأكن ان شاء الله اجرب الطريقة و ابعتلك الصور
متابعتك دائما من المغرب
دمت بود
مرره اتحمست اجرب الطريقة مع انه طول شعري متوسط وعاجبني طوله بس اتحمست اجربها
الله يعطيك العافية ..
الله يخليككككككككككككك لنااااااا وبس
يعطيك العاااافية انتِ والبنات ماقصرتوا وماشاءالله النتائج مذذذهلة اذا بستخدمها عشان لمعة وصحة الشعر لان وااااضح بالتجارب كيف هو صحي الف الف شكر لك الله يمتعك بالصحة ويديم عليك السعادة
تسلم الايادي على هالتدوينه): عاد انا من عشااق الشعر الطويل مدري وش الحكمه بس احبه لنفسي يعني يطلع شكلي حلو اول ماشفت التدوينه قمت جربت لان صدق اثق في تجاربك❤️❤️
صباح الخير ❤️
ش أقول وشلون أوصف ؟ الله يجزاكم خير على التجربة أكيد بتفيدون بنات واجد ، وحمستيني أجربها لاني ما أبي طول بس أكيد محتاجة شعر صحي ويلمع ، ودمتي لنا بحب ❤️
انا من النوع اللي احب امشط شعري بالمقلوب وامسجه كل يوم قبل انام لان دايم احس اذا ساعدت الدم انه يمشي بفروتي اكيد انه بيصير صحي اكثر. الحمدلله ما احتاج طول بشعري عاجبني طوله وما احبه اصلا يطول اكثر من نص ظهري بس شكلي بجربها لانها تساعد بالدوره الدمويه في فروة الراس فاكيد شعر صحي اكثر هههههههههههه من مخي بس التجربه خير برهان يعطيك العافيه
لا يُستغرب عليك هذا الطرح الرائع
جُزيتي خيراً على عطائك الدائم
شفت فيديو لهالطريقة باليوتيوب ليوتيوبر لكن كان كاعلان عن الزيت وكذا بس يوم شفت موضوعك عنها قلت مابدهاش لازم اجرب , لاني قصيت شعري بوي على شهر خمسه وكان فيه اجزاء محلوقه وكنت ناوية اكمل عل هالستايل بس يوم شفت نينا عبدالملك وصبغتها الجديدة قلت شدي الهمة وطولي هالشعر,لكن وصل للطول الغبي ذاك ان شاء الله عرفتيه 🙁 , بس فيه نقطة احب اقولها اني من شهر سته يمكن بديت اسوي يوغا وكان غايتي منها السترتش مو اكثر وكان فيه نفس حركات اللي بالصورة وفعلا لاحظت شعري صاير بصحة غريبة مو بعادته وماابالغ بانه قل تقصفه وطولت القنازع الصغار المنرفزة :(,بس يوم قريت موضوعك تذكرت يوم كنت اقول شعري تغير وصاير له لمعة مو بعادته وكمان تذكرت انه طولت الاجزاء المحلوقة,ع العموم انا اول المنضمين لهالشيء ونحبك ارتوس,على فكرة انا من المتابعات بصمت من العام من ايامك بشمواه واول من عرفني عليك حقلة ميريام بان والعسل الجزء الاول-يوم كانت ستايل السندريلا-,ومن وقتها وانا متابعة مخلصة وانتي احد اسباب بدايتي بحياة صحية من اوقات السموذيز اللي كنتي تسوينها,وفخورين فيك والله..
الله وناسة بس اصحا بجربها كل شهر لين يوصل شعري ل ركبتي اخوي متحديني لان انا دايم شعري عارية انه اذا وصل لركبتي بيعطيني هامة ذهب ع طولة
بروح ابيعها و ارجع اص شوشوتي 🙁
شكرا لك والله
فكره حلوه للتجربة ،تخيلي كل البنات رأسا على عقب هذا الشهر ،والله احنا مجانين فعلا
بما انها مشاركتى الاولى وبمناسبة موضوع الجنون
مفيش اختراع يساعد على التخسيس فى وقت قصير ايضا
مرحبا ارتوس …
شكككككرا لك من القلب ..
كل فقره بلمدوونه شي جمييييييييييييييييييييييييييل ومبهر من موضه الى طبخ الى اهتمام
اشكر ربي عليك والله
ي صباح الفل ، ياربيه ليه من ينقطع النت عندي يصير اكشن بغيابي )؛ . المهم حبيت تجاربكم حمستوني اسويها باذن الله راح اجربها واجرب ع شعر اختي الصغيره ارسلها لك دايركت وكمان اضيفها بقايمة تحاربي بعض مواضيعك من المدونه( فيس عيونه قلوب )
انا مشكلتي شعري يتساقط بشكل غزير وفظيع ): راح اجربها واقولك النتايج وان شاء الله يوقف التساقط اللي جنني ): .
ام بالنسبه للبنات لاتعليق م اقول اللي يعينك ع هالعينات :/ .
ارتووس 1000 اكيددد تستاهل بعد اكثثر ، والله هالتجربببة بتفيددد امة محمد كلهاا والفضل بعد الله يعود لك ، انا مبسوطة لان بكرة 1 July ، بحكم اني احب ابدا التجارب مع بداية الشهر ههههههه . وانتظررررووني *_*
فديتج والله ربي يوفقج دايما تتحفينا بمعلومات بعمري ما سمعت عنها الصراحه انتي موسوعه جماليه منطقيه عقلانيه احبج موووت ، اكيد ان شاء الله اليوم راح اجرب هالطريقه وراح اعطيج النتايج عقب اسبوع حتى لو انشغلتي وماشفتي الرد ولكن انتي تستحقين ومجهودج يستحق ان يذكر ، وفعلا اغلب البنات العرب فيهم نحاااااسه لو اتعرف شي ماتقول واذا احد ذكر معلومه يا إما تنتقد بجهل او اتقولج ايه انا اعرف هالشي ومن زمان اسويه تبين تضحكين ساعات لما اتنرفز من البنات اقعد اقول لزوجي ما لامو فيهم لما كانوا يو ئدوهم ف عصر الجاهليه بعض البنات يبيلهن وأْد لوووووولز
وه وه ي زين غرائبك لا صارت مدعومه بتجارب
لو تجربتك لحالها كافيه لاقناعي
.
.
أحب إحساسي بالثقة التامة لكل طرحك
حقيقي ماجربت شي من مدونتك الا وانبهرت بالنتيجة
ماشاء الله الله يبارك لك
.
وحبيت طرحك للاشياء المتداولة والبسيطة وذات مفعول جبار
كانت اكثر فائدة بالنسبة ليّٓ لان اقدر أطبقها
دمتِ بحب ودام عطائك❤️
مساء الخير ارتوسة
حبيت تجاربكم ومصداقيتكم
ما سمعت عن هالطريقة من قبل ، النتائج مذهلة ماشالله
بالنسبة لي ما عندي اي مشكلة من هاالناحية شعري طويل مع أني اقص الأطراف
دوريا يطول بسرعة، بس من عشقي للشعر الطويل حمستيني اجرب هالطريقة
الله يجزاك الف خير انت وأختك وصديقاتك لطرح التجربة
مرحبا
جاري التجربه وح اقولك ان شاءالله ..
وبالنسبه لي مااحب شعري يطول ابدا احب طوله تحت الكتف بكم سانتي ..اما طول شعر علاء فارس لا والف لاااااا لانه يبغا له اهتمام مكثف وعنايه كبيره
اشتتتقت اشتتقت ، كنت باول الردوود الحين وييني ؟! احس الوقت يررركض بس لابد ادخل اطل عليك المهم وحشتني تدويناتك وجو الانتظااار
تعرفي الهوس بتطويل الشعر واضح من عدد الردود بهالبوست ، أنا شخصيا ماعندي هوس بطول شعري انا شعري،طويل ولاعمري قصيته قصير الغالب يغطي ظهري لكن ابدا ماتوقعت انه ممكن يطول هالطول بالفتره القصيره هذي ماشاء الله واكثر ماشدني التغيير بشكل الشعر لاحظته بشعر نونا ( اشتقت لهانونا فقدتها من زمااان ) ماشاء الله حسيته فررق وترتب الشعر من تحت الله يزيدها
انا عني ماعندي شك بحبك للخير ومنفعه الناس وتغييرنا للأفضل واكيد ماتصاحبي الا اللي مثلك وشرواك من الجميلات اللي يشاركونك حب منفعه الناس لك ارتوس على كل اللي تقدميه ربي يجعله في موازين حسناتك ولا وانا عن نفسي لو عتدي معلومه جديده ومفيده بالجوانب الجماليه ماراح اعرف انشره الا للي حولي لاني ماعندي منبر انسر فيه لكن اكيد راح اقولك انتي لانك لك قدراتك الجباره عالوصف وبلاغه اللسان الله يزيدك من نعيمه لكن غريب جدا كيف الناس مايحبون الخير لغيرهم ويحتفظون بالمعلومه المفيده لنفسهم لانه ماراح ينقص منهم شي ولكل وحده جمالها واستجابتها للتجارب ، وصح فرحت كثييير لما نزلتي ان شركة فرانك ارسلتلك من منتجاتها للتجربه والدعايه وحسيت اني رديت جزء بسيييييييييط من جمايلك علينا لاني باستفتاء لهن حطيت انك من البلوقر المفضلين واللي اثق برايك بالانستا والويب وحطيت عنوانك انتي وبس ماضفت احد، واكيييد غيري كثييير من محبيك ومتابعينك سووا نفس الشي( مااعطيت نفسي الفضل بس صدقت عمري قلت اكيد قروا استبياني ووافقوني الراي لووول ) شكرا لك مره ثانيه ارتوس حبي لك❤
مساء الجمال مساء الخير ياوجه الخير ارتوسه
بديت اجرب الطريقة لي يومين شعري يتساقط من زمان من نقص فيتامين دال وعالجته الحمدلله الان تساقط خفيف ومقدر اعيش بدون فيتامين الشعر بيورين لان وقف تساقطي المهم ان بعد المساج لفروة راسي تساقط كم شعره عدد بسيط مدري من الحماس علما اني بهدوء وبشويش اسوي المساج بكمل ان شا الله وبابلغك بالنتايج
الله يسعدك يارب،،
جت بوقتها الطريقة، دايم اسمع مساج الفروة يزين الشعر بس لما صارت الشغلة تحدي و بس أسبوع صارت لزام،، هههههاي
جالسه اجربهااليوم ثاني يوم ليا
وراح اخبرك بالنتيجه بأذن الله .. الله يسعدك ويرفع قدرك يارب
السلام عليكم ارتوسه
مرا فرحت بالتدوينه ، للامانه انا من فتره ادور طريقه اطول بها شعري
انا نفسيا احب الشعر الطويل ، مو مصدقه من الفرحه ❤️❤️❤️
باذن الله انا بجربها و بسوي لك تاق
متحمسسسسه لنتيجه ❤️
جاري التجربة بإذن الله قبل العيد
انا شعري طويل بس مافي مانع نخلي يطول زيادة والاهم انو يصلح مظهرة
ربي يعطيكي كل ماتتمنيه
شعري ما يطول بسهولة ابدًا و وجهي ملامحي ما ينفع شعر قصير فصاير لا قصير ولا طويل
مرة تحمست للتجربة هذي ببدأ فيها السبت الجاي وحتى لو ما طال شعري اهم شيء يعطي شكل صحي ولامع عاد هذا حلمي
المشكلة ماحب اغسل شعري كل شوي بس مش مشكلة يهونّ
احبك ارتوس <33
wooooow .. thank u artos ,, you deserve to be one of Top 10 Beauty Blogger Worldwide !!
عاد تصدقي ارتوس اني كنت مدمنة للشعر القصير قبل سنتين بس اعتقت شعري وخليته يطول اطول من كتفي… وانا اقرا تذكرت بنت اختي الله يهديها مسكت المقص و قصت شعرها من قادم و خلت الوراء و اضطرت اختي تقص شعها كامل و صارت بوي بخبرها يمكن تستفيد منه.. وبنفس الوقت بجربها انا…
جميل بنجرب قريبا ان شاءالله ..ياربت تتكلمين عن العنايه وقت السفر
ماعندي شي اقوله بس جزااااااك الله خير من جد انسانه تتعب عشان توصل المعلومه بكل تفصيل ودقة . استمتع وانا اقرا مدونتك بالعاده احب الموجز والزبده واطنش باقي الكلام . شكرا من القلب ❤️
تبارك الرحمن ،
رائعة ارتوس كالعادة،
بارك الله في جهدك و علمك و مفعك و نفع بك ،
دمتِ بود
نفعك ☺️
وحده من قريباتي شعرها ما يطول يعني في السنه ممكن 1 سم ومن فتره فرقت شعرها ومره اسولف معها قلت ما شاء الله شعرك صار يطول قالت صرت بين فتره وفتره امسج فروه الراس بعطيها الرابط خليها تعرف الطريقه الصحيحه وتنبسط بسعرها ..
انا مو من اهل الشعور الطويله ابد ما احبه ولا اعرف اصففه في اطول حالاتي نص الظهر تقريبا هذا حالي من 6 سنوات وقبلها كان اجبار من امي ما نقص شعرنا الا مره في السنه ولا يقل شعرنا عن اسفل الظهر فهالشهي كرهني في الشعر وطوله لكن ممكن اجربها لبنتي ولزوجي بادي يصلع ولو بسويها انا بيكون عشان اللمعه ولو طال قصيته :$
شي جميل ..ومعلومة اجمل
جاري التجربة
ومعلومة
بعض الناس مايروح الزيت من اول غسله ويبقى في الشعر
ف أفضل طريقه لإزالته نحط الشامبو قبل نبلل الشعر
مرحبا يا قميله .. الله يتقبل منا و منكم صالح الاعمال فيما تبقى من رمضان
حابه أقول استفسار بسيط انا هذا ثالث يوم لي و نسيت أسخن الزيت شوي عادي و اكمل في الأيام الباقيه بتسخين الزيت
ولا ماراح تفيدني بشي الطريقة ؟
مشكووووووووووورة على هالتدوينه ماتدرين وشلون فرحتيني .. بعد النفاس وكتجربة اولى للولادة ماتخيلت ان شعري بيتساقط بهالشكل صلعت خاصه ان شعري كثثثثيف وناعم واصل لاخر ظهري ف بسرعه وضحت الفراغات وشعري بكل مكان كاني قطو .. قمت والله وقصيته لعند رقبتي ماتتخيلين كيف الصدمه النفسية اللي جتني ولا مره شعري قصر بهالشكل مااعرف اسرحه ولا اتصرف فيه وهو قصير بس كان يألمني منظر شعري بطولها الشعره تطيح بالشاور بعد الشاور .. المهم الله يجزاك خير على هالمعلومة من بكرى ببدا فيها
شكرا ارتوس وجاري التجربة ……
الله يرزقك الجنة 🙂
السلام عليكم ورحمة الله وبركاته
ااااخ يالشعر الطويل انا من كنت طفله وانا اتمناه بس للاسف مستحيل ولا مره بحياتي وصل لنص ظهري وحتى لما اجيبه قدام مايغطي صدري دايم يكون فوقه ولما سمعت عن الانفرجن ميثود قررت اجربها .. جربتها يومين بس ومادري ليش صراحه وقفتها .. ولما شفتك تكلمتي عنهاا انبسطتتت وبنفس الوقت خفت لاني اثق فيك كثير وخفت تذمينها وتقتلين اخر امل لي هههههههههه .. بس لما قريتها زشفت تجاربكم! قلت ضروري اجربها وقررت ابدا فيها بالعشر الاواخر ان شاء الله لأن حاليا مايناسبني .. وبقيس طول شعري بكرا -بكرا 16 – ثم بقيسه بأذن الله بتاريخ 28 وبقولم عن النتيجه واكسب اجر بالبنات اللي مثلي -واضح اني متفائله صح؟- بأذن الله بتجيب نتيجه معاي وانبسط ويرجع لي الامل انه يطول .. لان صراحه بالفتره الاخيره تقدرين تقولين طاب خاطري واستسلمت! لأن من عمري 13 تقريبا وانا احني وازيت واعتني فيه وهو مكانك سر .. لدرجة لما كنت بذاك العمر اربط شيله ع راسي واجدلها واتخيلها شعري زارقص فيها ههههههههه وبمراهقتي كنت احفظ صور ومقاطع يوتيوب لتسريحات للشعر الطويل عساس اسويها لاطال … المهم راح اجربها وراح استخدم زيت دابر املا-اعشقه مفعوله مش طبيعي عالشعر +يسود بقوه ويقوي الشعره- وبخلط معاه زيت سمسم ..
يعطيكم العافيه وربي يسعدكم ع نقل تجاربكم
ينفع اخط بشعري زيت وانا مسويه بروتين لشعري ؟؟؟؟
ياليت احد لو يعرف يقولي
احط***
صباحج ورد يشبه روحج العطره
موضوع رائع كالعاده
انا اثق بكل ما تكتبينه
لصدق قلمك وحبك للخير
بجربها ان شاء الله بعد العيد
دمتي لمن تحبين
يعطيكِ العافيهه على هالمجهود ^^
وان شاء راح اجربها من اليوم اذا ربنا اراد *
ان شاءالله ببداء فيه بعد بكره با انو اليوم مزيته شعري بكره بكون راحه وبعدها ببداء ومررا متحمسه وشكرا مرره ارتوس
شكرا ارتوس ان شاءالله اجربها بعد بكره بما ان اليوم مزيته شعري فبكره بكون راحه وببداء بكره ويعطيك العافيه
السلام عليكم
الصراحه التجربه خطيييره بجربها ان شاءالله اليوم
وماتوقعت ان الانكشاح يساعد الشعر زمان كنت امشط على ورا وانا منكشحه ماكنت اعاني من شي بشعري ،بعدها بطلت والحين زادت فراغاتي
التجارب تحمس ماشاءالله
ارتوسه ..شكراً من كل قلبي وربي اشوفك اقرب من اخت لي
وهذي اول مره اشارك مع اني من مبطي وانا معك <<ادري ابثروك بذا الكلام ،،بس كنت داايم اتردد واخاف اواستحي مدري كيف اوصفك
لكن عسى ربي يجزيك الجنه ومن جابك ..
جواب على سؤالك يوم تقولين ” كم تدفعون ….. ” انا عن نفسي ابدفع ٣٠٠ بس الحين لا ابدفع اكثر شي بس عشان يطول شعري لأني قصيت شعري زيادة على قصتي وماعجبني وتحسفت وابيه يطووول وانتي جبتي الحل اشكرك مررررة ع الموضوع صراحة ابستفيد مرررة خصوصاً اني ابيه يطول قبل العيد ، وابجربها الحين قبل لاأنام وابغسله لما اقوم وابصور قبل وبعد ومرة ثانية شكراً ارتوس ي احلى بلوقر .
ارتوستي الحلووه مواضيعك صاير فيا اكشن وحركات حبيت الموضوع انا بحب شعري طويل بس مو طويل كتير يعني ماعندي هوس الشعر الطويل وكل فتره بقص الاطراف بس بيزعجني تقصف الاطراف مع اني بالنادر ما استخدم سشوار وما بحط ماسكات لشعري يعني مافي روتين عنايه بتتوقعي هاد السبب او استعال المشط البلاستيك السبب لان في بنت بحسابك قالتلي استخدام المشط البلاستيك بقصف اطراف الشعر
السلام عليكم .. الصراحه اول مره اسمع بالطريقه و متحمسه اجربها على بنتي الجميله عمرها 3سنوات و نصف و شعرها جميل و ناعم وطويل ماشاء الله وقبل فتره لقت حلاقة ابوها على الطاوله و حلقت جزء من شعرها ع الصفر جاني انهيار عصبي بس الحمد لله طال شوي و انخش مو واضح و برضو قبل امس قصت جزء من الغره .. بنتي الجميله طالعه على عمتها تحبب تتعبث .. بأبدأ اليوم الليل ان شاء الله و الوعد بعد سبع أيام .. جزاك الله خير على نشر الطريقه
ي حبي لقلبك
مرررررة تحمست وبديت اليوم وخليت أختي تبدأ معي
وإن شاء الله بستمر عليها شهريا لين أوصل للي أبيه
الشيء اللي حمسني إن شعري بوي وبادي يطول وبما إنك مجربة م يحتاج أقولك إني متقرفة منه
وتراودني نفسي أقصه من جديد بس أمي حالفة هههههه
نشرت موضوعك بقروب أهلي وصديقاتي أقولهم من يتحدى بس ماعندي أحد
المهم إني نشرت العلم اللي وصل لي
ويمكن أحد منهم يحتاجه يوما ما
مدري كيف ممكن نجازيك ع أمانتك
ع اهتمامك بغيرك رغم إنك م تكسبين شيء من هالاهتمام
ع مصداقيتك ومجاولتك توصيل المعلومة الصح
بدل الخزعبلات والهبل اللي مالي عالمنا العربي
ممنونة لك ولكل موضوع تنزلينه يغير فيني شيء
ربي يجازيك بالجنة ووالديك
روعه حمستيني اجرب انا وامي هههههه بتقلي لزم اجرب
انا مشكلتي شعري خفيف من قدام 🙁 ان شاء الله تفيد التجرب وع كل حال مافي اي خوف
الطرريقه امنه بصراحه عشان هيك هجرب
تسلمي ارتووس يسعدك ربي
مرحبا أرتوس
أتمنى تقرين تعليقي و تاخذينيه بعين الإعتبار
أنا جزائرية بس أتابع صفحتك على الإنستغرام و مقالاتك في المدونة و حتى في منتدى شمواه
و بدي ألفت نظرك إلى أنو 90 بالمية من المنتجات لي تستعمليها غير موجودة عندنا و إذا كانت موجودة تكون جد غاااااااالية
فنحنا أكثر شيء نستفاد منو هي الوصفات أو المنتجات لي مثل هادي غير مكلفة
المهم أنا متمنية أنو شعري يطول و رح أجرب الوصفة إن شاء الله
المهم بدي منك كمان تساعديني بمشكلة شعري يلي ما لقيتلها حل
شعري شعر إفريقي afro hair
كثييير كثييييييييف و خشن كثيييييير و جاف يعني الشعرة جد قاسية
و أنا بعملو فرد من مدة 6 سنين و كمان جربت كثير منتجات من شمبوانات و سيرومات و ماسكات صناعية و طبيعية
و قلت أعرض عليكي المشكلة يمكن تقدري تساعديني
و أتمنى ما تتجاهليني لأنو أنا كثييييييير بحاجة لمساعدة
و رمضان مبارك و عيد مبارك
على فكرة أنا كتبت بلهجة سورية لحتى تفهمني لأنو باللهجة الجزائرية ما رح تفهمي كثير هههه
سلام
تحمست اجربها
عاد شعري لو من جد تغير ماراح انسى ادعي لك من كل قلبي
عاد شعري حالته مستعصيه خفيف و تساقط والشعره مرره رقيقه بسرعه تتلف T_T
بعذ ما تفرغت وخلصت كليه قلت اليوم اجربها وبديت فيها واحس بشعري مثل الوغزات البسيطه تجي وتروح وانا اكتب وبعدني احس فيها وحبيبتي ارتوس مشكوره ع جهودك للبنات وحبيت كلامك لما قلتي ان زكاه العلم نشره .. الله يعطيك كل خير يارب وانتضر منك تباركين لي ع تخرجي بتفرحيني منك غييير
اخ ياغلبي هههههه ياحبي للناس اللي مثلك :(❤️❤️ الله لايحرمنا .. استخدمت زيت باراشوت حسيت بحكه فضيعه ولازلت استخدمه بس احس شعري مترطب اليوم السادس لي بس بقى بكرا وخلاص وحطيت علامه مثلك بالتيشرت وبصوره لك ويارب يطول شعري لان قصيته قبل مابدأ بالزيت$
Thank u artos ❤️❤️❤️
ماعليك امر اخوي يبي يسوي هالطريقه تتوقعي ينفع للرجال والا لا ؟ يارب ماينسحب علي
توسسه ياجميله شكرا ع الموضوع الجمممميل..
والحين اكتب لك وانا جهزت الزيت وببدأ..
دعواتي الصادقه لك.
ربي يجمعنا فيك بجنات النعيم ❤️❤️
@iaros
الله يسعدك …تقنعني تدويناتك كثير …خضوصا انها بعد تجربه
التمس المصداقيه بكلامك دايم
منشنت خواتي والشله احمسهم
انا بقص شعري هالفتره وابدا فيها باذن الله …
وراح اقول لك عالنتايج اكيد …
مع اني متخوفه من سالفة الظغط اذا جلست بس وقمت فجاه ادوخ
فكيف عاد اذا قلبت راسي
بجرب مره واشوف ..
جد جد شكرا مرا , الطريقة جممممممميلة و دوبني اعرفها منك , طعمك و طعم تجاربك , جربتها قبل اسبوع و امس كملت 7 ايام , طال 1 سم فقط 🙁 , كنت استخدم زيت جدايل لتطويل الشعر , بس يمكن يومين بس اللي حميت الزيت الباقي لا , المهم الحمدلله الشهر الجاي حشد حيلي اكثر ههههه , و شكرا مممرا …
تحمسسست تحمسست تحمست اجربها ، مع انه ماودي شعري يطول توني قاصته ههههههه بس تجاربكم ماشاء الله ووصفك حمسني جداً اني اجربها وأطوله
واوريك تجربتي
الله يسلم ايدينك ياررب ويخليك ويبارك لك في علمك ووقتك
توسه مره شكراً عالمعلومات والتجارب اللي تشاركينها ياها
جد اعتبر مدونتك مصدر اساسي لي بتلقيّ المعلومات لأني كسولة شوي بالبحث :$
جارري التجربة باذن الله
متابعتك : مجد
توسه مدري اذا تشوفين تعليقي بين هالتعليقات أو لا :$
لكن اذا ممكن تكتبين بوست عن تكنيكات البرونز ، بحث كثير باليوتيوب بس لغتي ما اسعفتني حقيقة اني الاقي المعلومات اللي احتاجها
او يمكن طريقة بحثي غلط ..
اذا ممكن حابين منك بوست عن تكنيكات البرونز المؤقت والمكياج والمنتجات وكيف طريقة استخدام بودرة البرونز
وغيره
شاكره لك وأتمنى ما اكون بطلبي ثقيلة عليك
متابعتك : مجد
اليوم لي ثاني يوم من بديت استخدم هالطريقه كان شعري شبه ميت وللامانه من اليوم وانا معسكره عند المرايه فرحانه بشعري
شكررررا من القلب
واكيد بخبرك النتيجه
ارتوس انا جربتها بدون زيت عندي تنتف باطراف المقدمه
وكنت كل ليلة امسج المكان بدون زيت
وفعلا خلال شهر لاحظت البيبي هير يطول وباستمر ان شاء الله
متحمسه اجربه وبعد ٧ ايام بقولك النتيجه اثق فيك كككثير
ارتوس ما تتخيلين قد ايش دعيت لك بعد ما جربتها. انا الحمدلله طبيعه شعري صحيه بس السنه اللي فاتت استخدمت روكتان فاذا تعرفين الروكتان وعمايله سوا فيني هوايل شعري صار جاف وفرزي والتساقط بالهبل فلما شفتك كتبي هالطريقه قلت بسويها من باب التجربه مع ان الحمدلله حتى مع الروكتان شعري ما فقد سرعته بالطول النتيجه كانت واضحه والكل علق شعري رجعت له لمعته الصحيه والتساقط خف من ثالث يوم وخف الفرزي بشكل ملحوظ ما صار شعري شمس مشرقه. ما تتخيلين قد ايش تغيرت نفسيتي بعد ما تعدل شعري كان ماثر علي تغيره بشكل كبير بس الحمدلله الحمدلله بدا يرجع زي قبل. الله يوفقك ويكتبه بميزان حسناتك
تجربتي
،
طبعاً من كتبتي التدوينه انطلقت اسويها
حماس فضيع
بديت ادفي الزيت وحطيته ع شعري ودكلته وقلبت واستنيت ساعتين ثم غسلته
وانا امشطه جت امي وقلت لها تحط لي مقاس شعري ووين حده
قامت تضحك قالت شعرك مو متساوي شي طويل وشي قصير احط على اي حد
قلت لها تدرين،قصي اطرافه وحطي الحد الممتاز له
طبيعة شعري بــــطـــيء نمووه، من ثالث جامعه طنت ببالي اطول شعري ومسكت المقص عنه مع اني كنت مهووسه بالقص
الى يومنا هذا (حوالي سبع سنوات) طول اربع اصابع بس
بعد ماكان بأطرافه حياه بدت تنشف اطرافه شوي.
المهم
اليومين الاولات كانن تمام التمام
بعده طبني الاوف والملل والـ وع ههههه
اليومين اللي بعده اكتفيت بالمساج والشقلبه ويعطيني العافيه
بعده رجع الحماس واربع ايام استمريت بالزيت والمساج وغيره
امس وقفت
ويوم تحممت قلت خليني اشوف
لبست اللبس اللي خذيت مقاس شعري
ولفيت على المرايه
واقول
ياربي وين امي حطت الخط
اذكره كان واضح
على بالي بيطول شعري نتفتين
لكن مدري وش خلاني اهز بشعري وبان الخط
شههقت
فرحت
وصرخت
ودعيت لك هههه
طال مايقارب اربع اصابع
حق السنين اللي راحت وانا امغط بشعري
ياربي ياافرحتي يوم شفت طوله
ياربي ياهلّت دعاوي لك
الله يسسعدك ياارب ويجزاك خير الجزااء
بجد بجد ما احد يعطي مثل ماتعطين
طيب انا بموت ازا حطيت زيت ع شعري ، ما فييّ ، راح جرب اعملا بدون زيت وشوف ازا بيمشي الحال ولا لا 🙁
كملت التجربة ل ٧ ايام ، اول يوم حطيت جوز الهند بيور من الفلبين و غسلت شعري، بعدين صرت استعمل زيت جوز الهند برائحة الياسمين(فلورا) العجيب فيه انه ريحته حلوووة و مكتوب عليه لايلصق، وفعلا ما بدهن و لا ببقع، فكان افضل خيار انه حطه ونام فيه بدون تدهين او ريحة مزعجه.
خلصت ال ٧ ايام وماحسيت بنتيجة لانه شعري ويڤي، فلو زاد الويڤي ببان اقصر ، لكن على السشوار بان انه طول انبسطت كتير ، مع العلم شعري لاخر ضهري بس طمع .
وعلى فكرة كنت سخن الزيت على تبعيت العطور الزيتيه مع شمعه ، بس يدفا اطفي الشمعه و ادهن
وهي تجربتي ❤️
الله يعطيك العافيه مرا حمستني تجاربكم
*?بس في معلومه صغيره حبيت انبه عليها قريتها عند وحدا بس مدري عن صحتها – لا تسوونها وقت الدوره الشهريه -لأن مو كويس?*??
باجي يوم وبيخطف شهر وبعيد التجربه للمره الثانيه (:
الحمد لله التجربه الاولى نجحت وطال شعري 3 سم
وبعد ثنتين من خواتي جربوها وطالت شعوورهم
والحين متحمساات عسب نبدء فيها
الله يرزقج يارب شرات م تسعدينا وتساعدينا
ويهنيج فاجازتج يارب .. وتردين لنا بمواضيعج الحلوه والغريبه
حمستيني كتيير واللهي هلأ بدي اعملها انا وبنتي ?
انا مشكلتي اني قصيت شعري قبل شهرين وكتيير ندمانه اني قصيتو مشان كان حلو وهو طويل انا وبنتي قصيناه وهلأ ان شاء الله بدي اجربها وان شاء الله بتزبط معايا
برلنت من الاردن ?
اعجبتني مواضيعك وهاذي الطريقه جربتها قبل بس ماستمر فيها يوم يومين واسحب بس بسويها الاسبوع الجاي
هاي .ممكن احط زيت الخروع +زيت الزيتون + زيت جوز الهند + زيت الميرمية كلو مع بعض و بعدين اقلب راسي ؟؟ رد بلييييييييز
توني اجربها لي يومين وبخبركم بالنتايج ان شاء الله
اي نسيت اقولكم طبيعة شعري خشن وفيه فراغات قدام طوله الين كتفي اذا قصيته يطول ويوقف عند حد معين الي هو الين كتفي وخلاص ماعاد يكمل ?? وانا احلم ان شعري يطووووول جازت لي الفكره اللي طرحتيها وقلت بجربها ويارب تنفع وراح ادعي لك وربي يوفقك الزيت الي استخدمه زيت لوز حلو وخروع وزيت زيتون خلطها مع بعض واخليه بشعري ليله او يوم واغسله ثاني يوم وصراحه من يوم بديت احسس بالم في راسي كني مصدعه?بس بكمل واشوف النتايج واخبركم يارب يارب يطول شعري وشعوركم
ابي حسابك بالاستقرام ارتوس
جربتها ٥ ايام ماكلمت الين ٧ وفعلا طال ٤ سم وانا ماسويتها الا ٥ ايام موفقين يارب ومشكوره ارتوس
سلام??
مشكوره ع مشاركتك لنا هالتجربه، حلو انه شعري يطول بسرعه مو عشان يطول و بس عشان يتولد شعر جديد و استمتع و اقصه من جديد
كتبت رد بشهر رمضان و توني اكتشفت ما نزل
بصراحة ما احب الشعر الطويل و لا يلفتني ابداً و احب القصات و احلى علي و الطريقة ذي اول ما عرفتها منك لما نزلتيها برمضان
ذكرت و انا اقرا كلامك الخدامات الهنديات بالاخص حريصين على مساج شعورهم و يمكن هذا السبب و قريبتي تغير شعرها فجاة و صار احلئ تبارك الرحمن تقول خدامتنا يوميا تمسسج لي شعري
ما انتبهت الا بعد تدوينتك ، مفكرة ابدا فيها بصراحة هدفي و حلمي الكثافة و الصحة و اللمعة اما الطول عادي جداً لاني بكل الاحوال بقصه خصوصا ان شعري جتني قشرة دهنية و صارت الفروة كلها جروح و شعري باهت جدا
فمحتاجة شيء يرجع لمعته و يصير حيوي هذا المهم بالنسبة لي بالشعر برجع اكتب تجربتي باذن الله و ملاحظاتي
حبي لك و لعطائك ، الله يجزيك عننا خير الجزاء و يوفقك و يسعدك بالدارين و يسخر لك خلقه يا رب العالمين
جزاك الله خيرا وان شاء الله يكون في ميزان حسناتك بس في سؤال،هل يفترض اعملها كل شهر؟؟؟؟؟؟ اللي انا اعرفهم وجربوا هذي الطريقه قالوا انو لما استخدموها اول مره نفعت معهم وشعرهم طال إنش يعني سنتمترين بس لما جربوها الشهر التالي ما حصل اي تغيير و ما نجحت زي الاول….ايش الحل؟
النتيجة روعة
يازينك ارتوس الله يسعدك
الطريقه اعرفها من فتره وسويتها مرتين او ثلاث شهور
بس للاسف مدري ليه شعري مانفع معاه عالعموم ماراح ايأس وبستمر ان شاء الله
كثري لنا من هالاشياء الزينه ..
الله يسعدك النتيجة خراافهه ، ولا أسهل ?????
و نبى زي كذا طرق للتفتيح ~
ربي يوفقك للخير مره حبيت مواضيعك ..
جد مشكوره ع طرحك الموضوع و ان احس بعد انو عادي تسويها الوحده بدون زيت
انو تخلي راسه ع تحت وتسوي مساج لراسه للي ماتبي تحط زيت
موضوع مثير للانتباه لدرجه !! بس تهقين لو انا أسويها شعري يمكن يفوت طولي ههههههههههههه على فكره انا من البنات اللي شعرها طوييييييل جدا بس لا انصح احد يطول شعره لان رح يندم أشر الندم ?? هذا انا اذا بس فكرت أني اقصه انتفض من مكاني واتعود من ابليس وفوق هاذ اشوفلي كوابيس وانا نايمه أقوم من نومي مفزوعه وطبعا لو حففته شوي يعني اقل من شبر لو فات الشبر تصير مناحه بالبيت ويمكن اقعد أسبوع نفسيتي صفر (انا امثل البنات اللي حكيتي عليهم في بداية المدونه جد جد انا هبله وين عقلي يوم اللي طولت شعري وفوق هاذ نااادر ما افتحه وخليه منكوش علي دائماً تسريحة البن لانه مززززعج اذا فتحته ما ابين منه هههههههه) وفي نهاية المدونه شدت انتباهي الجمله (زكاة العلم نشره) قلت أفيد بالمعلومة اللي عندي وهيا،،، الثوم وأسراره في تطويل الاظافر انتظروني المدونه الجايه رح أتكلم عليه وهل هذا صحيح او هلوسه
انا بجرب فيها اهوةى بس اعملها كل يوم لمدة اسبوع ولة اية؟
مرره شكرا الحمدلله نفعت معي 3>
مشكورة وايد جزاج الله خير ??
مابعد أجربها .. بس قريب ان شاء الله ..
بس بحكي عن تجربة صديقة ..
شعرها ماكان يطول – على كلامها – و جربت الطريقة و نفعت معها و طال شعرها وتجاوز كتوفها..
و كانت تعملها بدون زيت لأنها ماتحب تغسله كل يوم ..
بديت اليوم ولا اخفيك ماحسبت كم بالضبط مسجت وحركة الانقلاب جلست 3 بالضبط وحسيت اني مطولة لكن صار باقي لي دقيقه 🙁 ورجعت اكملها نشوف مايهمني الطول كثر مايهمني اللمعة والتساقط 🙁
فعلاً هذي الطريقه او طريقه مشابهة لها سويت من خمس سنوات بدون قصد لاكن اكتشفت فاعليتها بعد ماقريت عن هندي كان عنده طقوس ينزل راسه من علي السرير (يدودل راسه) ? وهوكان اصلع طلع له شعيرات لسبب تدفق الدم..
انا كنت اعاني من تعب بالرقبه كرهني في المخده صرت انام بدون مخده فتره طويله… اكتشفت شعري صار يطول رغم اني عديمه الاهتمام فيه…!
قارنت بين خواني مين نام علي مخده مرتفعه ومين ينام علي مخده هابطه؟ فعلاً صاروا اصحاب المخدات الهابطه شعورهم اطول وكثر لمعه…
ادري طولت بالهرج?
لاكن راح اعتبره علم ينتفع به ?
من فضلكم عطوني حسابها بالانستقرام !!!!!
انا راح اجربها لكن انا من فترة استعمل خلطة الثوم وزيت الزيتون هل يمكن اني اسوي الطريقة هذي بالخلطة التي استعملها الان ؟
وبشكر في طريقتكةفي الشرح لاني شعرت من خلالها انو الطريقة ناجحة مئة في المئة 🙂
شكرا ليك حبيبتي وايد وايد ?
لو سمحتي ابغى حساب الانستغرام حقك اي احد يحطه لي فس الرد ضروري
حسابي عالآنستغرام : iartos@
السلام عليكم
الحين انا في اليوم الثاني منها
ان شاء الله يطول مع اني ماني مهوسه بالشعر الطويل
يجذبني الشعر القصير اكثر وانا اعني قصير قصير في حدود الرقبه
احس يطلع البنت مرا كيوت
بس شعري من النوع الجعد فا اذا قصيته راح تصير كارثه افضل علي الشعر الطويل اكرم لي هه وبرده اتحكم فيه
من امنياتي اني اقص بوي بس امي و شعري واقفين سد منيع قدام ذا الحلم البسيط
ههههه
الله يوفقك في الدنيا والأخره