أمَس طبعاً بما أني كَتبت أنه راح أنزل تَدوينه عن الشعر لقيت بنات مَطالبيني أكتب لهم عن ماسكات للشَعر
أنا ما أعَتمد بَحياتي إلا عالرياضه وَ التغذيه ( هذي أحطهآ أمام عَيني )
وَ أكيد أهتم بَوجود الفيتامينات بَس لو أكلك تَمام ما تَحتاجين فيتامين
التغذيه من الداخل هي الأساس , مُستحيل تتألقين بَدون تغذيه من الداخل وَ أهتمام
عُقبهآ أهتمامي الخارجي فيمآ يختص بالشعر أعتبره ضَعيف جداً جداً
أهتم بأظافري يمكن أكثر
أنا راعية جَز , طفشت من شعري قَصيته ما أتعب نفسي بتطويل شيء تَعبان
وَ لا حتى أحب إللي شعرها وآضح مريض وَ تطوله بالغَصب لنآ عيون وَ نشوف
وَ بما أن شعري مُستوى طَوله سريع ما أخاف من المَقص
تبون ستايلات وَ صبغات بَتكلم عن وَش الدارج أما عن العنآيه ما أحس أني مؤهله
لأني أرى أن الشعر جزء ميت مآيبيله هالتَعب إللي أشَوفه بالأغلبيه
[ بنَجلد ] ..
يعني راعيات خلطات يوم زيت وَ يوم لأ , ترى نتفتوآ شعوركم من قَدام
تطويل شعر على حساب صَلعه من الأمام , كثير من البنات شعورهم أخاديد من قَدام
بالرُغم أنهم لا يستشورون وَ لا يَصبغون وَ لا ستايلات , بس ماغير دَهن وَ غسل
أنكتمت الشعره وَ طآحت , أدهني بأعتدال
مَشوآ مَشوآ ..
أدري ثقافة الزيت مَتسمره بالمُخ تَسمير لم وَ لن تنتهي
فَخذوآ إللي يَعجبكم من كلآمي وَ البآقي أحذفوه
أصلاً قلبي أحسه يَذوب لما أشَوف وحده شعرها حَلو
وَ موفرته ما أدري لوش تَوفره , تقولك بيتقطع !! طيب وش الفايده مَطولته كل هالطَول
للعفاريت وَ لا عشان تشوفينه بالحَمام وَ تفرحين بينك وَ بين نفسك
وَ لا إللي مَطولته وَ مخبيته خايفه من العَين
أعتقي نَفسك وَ قصيه عالأقل يبين جَمال شَعرك بَدل مآهو طُول وَقته مُهمل
وَ آخر نَوعيه إللي تَطوله وَ كل ماجات مُناسبه تتكيسل عن ترتيبه
تشوفينهآ طول عَمرك بتصفيفه وَحده , وَ من زَمن جدي التَصفيفه تَقلك ما تدرين أنا أعاني شَعري طَويل
أجل لا تطولينه كل هالطَول طالما بالنهايه مُوب ضآيف لك أي مَظهر جَمالي
وَ موب مريحك وَ جالسه تَدورين لك الأعذار لأهمالك , وَ لا دخلتي أي مُناسبه أصلاً محداً درى أن عندك شَعر طَويل لأنه مُوب مَبين
أما أطوله وَ خلي شَكله مقصوص بطريقه حضاريه
وَ أصففه بطريقه تتناسب مَع الألفيه مآ بَقول مع 2013
أنما مع الألفيه وَ لا ما بَسرحه تساريح حتى مارلين مَونور مآ تَزينهآ
نرجع لمَحور حَديثنآ , فَشيت خلقي أعلآه
هالمآسك عأساس أنزله لُكم بَعام 2012 وَ أتوقع أني وَعدت وحده كانت تَعاني من نفشه بشعرهآ
وَ شعرها باهت أني أنزله بَس مدري شَلون الأيام تَلحق بعضهآ وَ نسيت
طَبعاً حالياً ما أسَتخدمه لأن شَعري مصبوغ وَ تذكروا مثل ما قلت لكم
الشعر المصبوغ ماله إلا مُنتجات للشعر المصبوغ , عشان نحافظ على اللون وَ مانضطر نصبغ كل شعرنا بكل مره نصبغ , فقط الجذور
ماسكنا اليوم من شركة شوارزكوف
ألمانية الصنع , متوفره لدى محلات نزيه
طبعاً من خلال تجربتي لمنتجات شوارزكوف , وصلت لمرحلة الرضا عن مُنتجاتهم
كذا تجربه وَ كلهآ أكثر من رائعة وَ لهآ مفعول جيد عالشعَر
Schwarzkopf
BC Time Restore Q10 Treatment
سعره ،,
100 ريال تَقريباً
خصائصه ~
– علاج منعم للشعر الجاف – معزز بتقنية كيو تن أنزيم ( تدعم الكولاجين ) عآد يقولون أن الكولاجين للشعر
أفضل من الكيراتين طبعاً ماله علاقة بالفرد نتكلم عن الماده نفسهآ
– يساعد المنتج جذور الشعر على أنتاج الكيراتين
– يحتوي على أحماض أمينيه
طريقه الأستخدام ،’
يستخدم مثل طريقة حمام الزيت , على شعر نظيف مَغسول مُجفف بالمنشفه
يوضع على الجذور وَ الشعره لمدة 5 – 10 دقائق من ثُم يشطف , يُستخدم مره واحده بالأسبوع
المُنتج مثله مَثل حمام الزيت كمفعول
لكن هُو معالج مثل ما شفنا خصائصه , من المُنتجات إللي أستمتعت بأقتنائهآ وَ أستخدامهآ
وَ لا تحسفت على ريال وآحد
أتمنى أكَون أفَدتكم
دُمتم بَحب
مُلاحظة / هذه التَدوينه تَم نشرهآ سابقاً بتاريخ 15-05-2013
(((بوسه كبيرة ))) 🙂 شكرا
العَفو يا قَميل ..
سلام
انا اعرف ان حمام الزيت مايوضع الجذور صح؟
ومشكوره
حسب مواصفات حمام الزيت ، لكن غالباً ما يوضع إذا قالوا لك يوضع عالجذور ضعيه عالجذور
البلسم غالباً على أطراف الشعر
الله يوفقك
يسعد مساك ياجميله
بالنسبه للحروف المخفيه انا مو عارفه المشكله من وين بالضبط لان بالايفون تكون واضحه
هالتدوينه شوفي كلمه مشوا مشوا الكلمه الاولى حرف الميم مخفي وظاهره عندي الحركه فقط
كمان تدوينه سؤال وجواب كلمه اخباركم حرف الالف مخفي
وكذا تدوينه لاحظت حرف مخفي لو عرفتي وين المشكله اكيد بتتعدل باقي الحروف
صَورت كلامك عَشان أوريه الدَعم الفني ..
وَ شكراً تعبتك مَعي وَ الله .. يَسعدني إهتمامكم وَ حرصكم
لا شكر ع واجب
انتِ انسانه بنظرنا كامله والكامل الله
ولازم تكون مدونتك كامله مااحد يلاحظ عليها شي
وبالتوفيق حبيبتي
طيب والي شعرها ناشف ومافيه لمعة وثاني يوم يدهن شي غريب مافهمته ومادري وش يناسبه
لازم تلاقين مَجموعة ترتاحين لها ..
ي مية هلا ..
انا م ادري متى تنزل مواضيعك ذي اللي ما انتبه لها او انگ ما تنزلين عنها بوست في الانستقرام على أني دائم مسنتره هنا
سؤالي هل هالماسك هذا معالج بسسسس ولا اقدر استخدمه كعنايه لشعري للعلم انه مو جاف شعري
حبي لك
حَبيبتي هالمَواضيع أول مافَتحت المُنتدى أضفتها وَ لو نزلتي بعد كلمة دُمتم بَحب راح تعرفين التاريخ الحقيقي للتَدوينة
وَ أكيد تقدرين تستخدمينه كَعناية ، إذا كان مَواصفاته مُناسبة لنوع شعرك
هالتدوينة أذكرها زمان أيام شمواه … مدري ليش ما انتبهت انك نزلتيها هنا !!!
بس يسعد قلبك قلتي كل اللي في خاطري وبردتي قلبي ههههههههههههههه
أجل يوفرون شعورهم ..
قبل فترة كنت ميييتة على الشعر الطويل .. مع اني آخر مره طولت شعري لما كنت في المتوسط..
طولته ووصل لنص الظهر لكن لاحظت أني ما أستمتع فيه زي لما كان قصير.. وصار ياخذ مني وقت في التجهيز للمناسبات وأتوهق بتصفيفه وترتيبه .. فاتخذت قراري و قصيته أقصر قصة في الحياة هههههههه أنقهر من اللي يقولون الموضة الشعر الطويل .. والسنة اللي بعدها الموضة الشعر القصير .. يمكن الألوان لكن الشعر والحواجب و أحسها أشياء ما تتبع الموضة أبدا !
الله ينور قلبك وعقلك مثل ما انتي قاعدة تنورين على البنات 3>
وَ الله كلامك مَنطقي ١٠٠٪
الإنسان يآخذ الستايل الأكثر عملية له ، بحيث عَطول يصير على سَنقة عشرة
بينما لو أخذت أسلوب أناقة غير مُناسب لي ، وَ مُتعب .. إلخ
معناته بضطر مرات أظهر بشكل غير مُهندم ، خاصة النساء العاملات وَضعهم أكثر حساسية من غيرهم ..
وَ نعيماً عليك ، مَنورتني يالراقية
ارتوس وش رايك هالفترة او قبل العيد تتكلمين ستايلات وَ صبغات الشعر و عن وَش الدارج وخاطري اعرف كيف احافظ طول شعري و وَا خلي شَكله مقصوص بطريقه حضاريه انا من الناس الي مثلك شعري ماعندي مشكلة في نموه وفروتي دهتية نوعا والاطراف شوي جافه بس بصراحة يتعبني في التصفيف لان طوله متوسط المهم ودي قبل العيد اسوي شيء جديد بشعري انا طبعا ماعرف وش يناسبني فافكرت اروح عند شخص خبير الصالون واستشيره بس ودي اعرف وش رايك بالفكرة؟
شكراً جزيلاً كنت افكر بماسك كولاجين للشعرومنزلي وجا بوقته
حطيته بسلتي
رأيك في الشامبو و البلسم من نفس النوع ؟
شكرررراً ارتوس الجميله
ولا عليك أمر حبيبتي تذكرين لنا مكوناته وتوضحين اذا فيه مكونات ضاره او لا
الله يعطيك الصحة والعافية وشكراً مره ثانيه
معليش بس كلامك يضيم.. شعري يتساقط ومليان فراغات وناشف مايرويه الا زيت وحنا ماسكات وخرابيط تخليه لابد ويطيح نصه .. ماخليت عيادة شعر الا رحت لها في سبيل اني اوقف التساقط بس مافي امل بما انه طلع وراثي فاضطريت اني اطوله على اللي فيه اقلها اقدر اسوي ستايل يخفي الفراغات.. تتوقعين اني مابي اصبغه ولا اقصه والعب فيه استشوار وفير ؟؟ ودي والله اسوي كل هالاشياء وانا باقي في اول العشرينات نفسي اسوي واسوي لكن كل ماشفت صوري بالفراغات بلعت العافية وكلما شفت صوري قبل سنه كيف كان والحين كيف ..وفرته على قولتك للسنين الجاية وربي يعين??
شكرا ارتوسه
جربته بناء على كلامك ?
الله يسعدك يا عيني حبييييته بجد
merci artos !!!!!!!!!!!!
??? يارب تكون تعليقاتي توصل