صَباح / مَساء الخَير
فيه قاعدة تسويقية تقول: مُنتج مُتوسط الجودة مع إعلان جَيد يُحقق أرباح مذهلة ،
بالمُقابل مُنتج ممتاز مع عدم الإهتمام بالإعلان مصيرة بيكون الفشل ..
وَ هالشي اللي تتبعة الشركات الكبيرة ، كثير من الشركات أغلب ميزانيتها مدفوعة في التسويق أكثر مما هو مدفوع في المنتج نفسه
تخليك لا شُعورياً تتجه له لأنها مسوية لك غسيل دماغ .
على سبيل المثال : ماركة فيكتوريا سيكريت للانجري ، من أكبر الشركات إللي سوت ضجة ،مُجرد ماينذكر إسمها الصُورة الذهنية إللي تخطر ببالنا لما نِسمع فيكتوريا سيكريت هي الأجنحة وَ الإثارة وَ العالم الحالم ، تخليك تحسين واووووو بصير من ملائكة فيكتوريا لو أشتري منهم ، لكن أكثر من نصف مُنتجاتهم بجودة أقل من مُتوسطة .
تذكرون دعاية زيتون إسمه كوبوليفا قبل 3 سنوات كان يتكرر الإعلان برمضان بكثرة ، وَ الإعلان مافيه إبهار مُجرد صورة الزيتون ، وَ فيه واحد يكرر كلمة وحدة بس ..
وَ يقول : ( كوبوليفا… كوبوليفا… كوبوليفا…وَ كان يزيد سرعة وتيرة نطق الكلمة )
أنا كنت أعتقد إني من النوع إللي ما أتأثر بالإعلان كثير ، فمرة وصيت على أغراض من ضمنها زيتون
إلا يدقون علي وَهم بالسوبر ماركت يقولون فيه أنواع من الزيتون , وَ يعددون لي أكثر من ماركة وَ من ضمنها زيتون كوبوليفا
تخيلوا : قلتله جيب كوبوليفا ههههههه ، فجملة التكرار يعلم الحمار جملة صحيحة ..
ليش إخترت كوبوليفا !! مع أني ما عمري جربته !! لأنهم ذكرولي أسماء كلها ماعرفها فخترت الإسم المألوف
وَ على فكرة لما إخترت هالزيتون ما كنت أعرف إنه يجي بالدعاية بعد ماشريته إنتبهت إنه يجي بالإعلان ، يعني دليل إن عقلي الباطن خَزن الكلمة بدون قصد وَ إدراك
وَ هذا الحال مع كل الإعلانات عقلك الباطن يخزنها بدون إدراك ..
مره وحدة كبيرة بالسن تسألني عن وصفة حلى ماضبطتها سألتها وَش السمن إللي إستخدمتيه ؟!
قالت لي : هذاك إللي يجي بالدعايات ( طبعاً تقصد بهالجملة إنه السمن الكويس ) فيه ناس تعتقد إن أي شيء يجي بالاعلان يعني ممتاز
لذلك نوعاً ما أقدر أتفهم تعصب بعض البنات لمنتج معين ..
العَناوين الرَنانة ~
اليَوم نزلت بَوست بالأنستا مُحتوآه صَورة لنفس مُنتجاتنا اليوم
كُتب أسفلها الآتي : منتجات سوت ضجة وَ هي ماتستاهل ريال واحد
أنا مُتعمدة أكتب بهالطَريقة للجَذب وَ لفت الأنظار , وَ نجحت بذلك , لو كَتبت : رأيي عَن مُنتجات جربتها ما راح يَكون جذاب !!
طبعاً ما يَعني إن العَنوان ليس سَليم , العَنوان فقط به نَوع من المُبالغة مُنتج واحد ما يَستحق ريال واحد وَ البقية غير جَيدين فَقط
سؤال ،’
ليش الواحد لو أعَطى رأيه بَتقييم شيء إنتم أعَجبكم وَ هو ما أعجبه تَزعلون ؟ ..
لو أنتم وَكلاء الماركة بَتفهم المَوقف , لو من حَلال أبوكم بتفهم .. أنتم مَثلي مَثلكم الإثنين دافعين
ما خَذيتوه ببلاش !! ليش الزَعل ..
هَل كُل مُنتج بشتريه لازم يكون وآآآآآو , أنا أيفوني لليوم ٥ إس ما غَيرته وَ قادرة على التَغيير , ما حَسيت إن أيفون ٦ راح يضيف لي شيء جَديد
ما أرتحت له , لو شركة أبل أعطتني إياه مَجاناً أهلين وَ سهلين , ليش ما بآخذه !! ..
بس كل ما طَلعوا إصدار نَطيت وَ شريته وَ أنا مَنب من هالنوع إللي مَيتة على التَكنولوجيا صَراحة ما يَهمني ..
وَ صديقاتي يَقولون لي : آآآآآما قَديمة !!
[ ليش قَديمة ؟ .. عادي مُش من إهتمامي .. ]..
وَ كل مرة أشَوف الناس يتهاوشون هذا إشترى مكيف إسبليت إل جي وَ هذاك سامسونج , ذا يقول إل جي مَخيس
وَ ذاك وَ الله سامسونج المَخيس , آآآآآخص إنت وَياه .
وَ ذاك إشترى شاشة تلفزيون سوني وَ ذاك سامسونج وَ نفس الشيء يَتطاقون , كل وَاحد مفكر إنه الأفضل
نَتكلم بَمنطق , نَقول المَزايا وَ العيوب وَ السعر , المُقارنات وَ التقييم ما يَصير إنه حَلو وَ بس , حلو وَبس كذا
أنا مَعي ماك بوك أير وَ ماك بوك برو لاب تَوبين , وَ لما أصَور الماك بوك أير ..
لازم القى رَد ترى الماك بوك برو أحلى , يَعني وَش أرد أقول : عَندي !! ..
وَ إللي يَقول إللي ما جَرب لاب تُوب ماك ما كأنه أشترى جَهاز بحياته ..
لليوم وَ الليلة أستخدم لاب توبي من سوني وَ توشيبا وَ أحتاجهم , لأن أجهزة الماك فيها نَوع من الإحتكار تَقيدك
المُهم إللي بَيتكلم بيوماً ما يَتكلم بَمنطق مُش يهاجم بلا عَقل , وَ مُجرد تعصب لكل شيء إقتناه ..
ليه هالمُنتجات إللي قَيمتها الآن أنا ماشريتها بَفلوسي ؟! لامتها من الشارع
هل أنا لما أقيم مُنتج مَعناته أهاجم كل مُنتجات الشركة ..
فيه شركة مُجوهرات كبيرة أخذت منها إسوارة وَ الإسوارة بها حَجر , الشركة ماعليها كلام بيرفكت عالمية وَ آآآآآآو فنتاستيك
بس حَجرها تَغير لَونه !! قَلت لا ماركة عالمية أكيد فيه غَلط !! .. رجعتها لصيانتهم وَ قالوا لي إن الصيانة ما تَغطي هالمُشكلة وَ إن طبيعة الحجر حَساسة
فالعَمل ؟! ..
قالوا إنتظري لـ ٦ أشهر بنقدم لك طَلب هل بالإمكان تستبدلينه بَحجر ثاني ..
وَ هذاني بقائمة الإنتظار لا أنا تَهنيت بالإسوارة وَ لا فرحت بها , بسبة الأغبياء إللي يَطبلون لكل شيء وآآآآآآآو
وَ لما رَجعت أبحث بالإنترنت لقيت كل الأجانب كاتبين إنه أنتبهوا من لون هالحَجر يتغير بالرغم إنه الأغلى عَندهم , وَ عربنا وآآآآآو
[ خليكم ] ..
كثير سألوني شَوزات لبوتيان تَعور وَ لا ما تَعور ؟!
جاوبت تَعور وَ تعذب بس تَجنن ..
هل تَعصبت للبراند وَ قلت وَ الله إنتِ ماتعرفين تَمشين .. بالرُغم أعشق هالبراند بشكل مو طبيعي ..
وَ الأن لي فترة كل ما دَخلت محل لبوتيان ما أشوف مُوديلات جَديدة تستحق الشراء أو شيء يَجذبني
وَ الله حولت على براند غيره , ما قلت خلاص هُو حلو .. شركة أبوي هَي !!
حتى لما أجرب أساس جَديد غير جيرلان , تَجي وَحدة تقول وَش فيك قلبتي على جيرلان
طيب خلاص سوينا ريفيو عن جيرلان وَ خلصنا منه , ليه مافي هالبلد إلا هالولد ؟! ..
أكيد فيه مُنتجات كثيرة تَستحق التَجربة
وَ أخيراً ،’
دائماً تقييمنا للمنتج يعتمد على عدة شغلات :
• السعر مقابل النتيجة إللي يعطها لنا المنتج
• توافق وُعود المنتج مع المزايا الحقيقية إللي يوفرها لنا
• تقييمنا للمنتج مقارنة بغيرها من مُنتجات مشابهة له ( يعني تاريخ مُجمل تجاربنا )
مُدونتي تَعبر عن رأيي , لو بَكتب فيها أراء الناس وَ بخفي رأيي مَفروض أقفل المُدونة ..
وَ ذوقي يَعبر عَني وَ لا يقلل من أذواقكم أو إعجابكم بالمُنتجات , الأخوات وَ هم الأخوات يَختلفون بالذوق
Benefit Cosmetics
They’re Real! Mascara
الماسكارا توعد برموش مطعوجة ( مثنية وَ كيرلي ) أيضاً بفوليوم ( كثافة ) وَ تعطي رموش طويلة ( عاد كاتبين تفوق الخيال )
أيضاً توعدك بسواد ، وَ يدعون أنها قادرة على إلتقاط حتى الشعيرات الصغيرة بفعل فرشتهم الفريدة
إستطلاع بينفت عن النتائج على المستهلكين ،,
• 94٪ من إللي جربوها قالوا أعطت طول درامي وَ حجم
• 90٪ قالوا: أعطتهم ثنية وَ لفة في طرف الرمش
• 94٪ قالوا: أعطت اتساع للعين وَ ايحاء انها مرفوعه وَ نشيطة
• 100٪ قالوا : أنها ثابتة لفترة طويلة
رأيي عَنهآ ~
الظاهر جربوها على رموش بعارين ما يحتاجلها ماسكارا
نص الوعود إللي ذكروها زائفة ،سوادها باهت ، ماتعطي لا حجم وَ لا كثافة بالعكس تلزق الرموش ببعض
الحسنة إللي فيها ماتلطخ وَ تعطي إنحناء ، أيضاً تنشف بسرعه بعد المد لكن مع الوقت تعطي مظهر ناشف للرمش ( باهته )
وَ مثل ما وعدوا ثابته ماتلطخ طول اليوم ، لكن صعبة الإزالة وَ تساقط الرموش مع الإستخدام المتكرر ..
بالأحرى هُم حاطين مُزيل ماكياج كعينة تجريبية معهم , يعني لازم أشتريهم الإثنين عَشان يمشي الحال ..
صَديقتي قالت ما تَستحق الشراء , قلت لها لا بَجرب عشان أدور مُنتجات جَيدة للجميع
قالت مَدري عَنك بس ما عَجبتني , وَ لما رحت أشتريها كنت مَتوجهة أشتري ماسكارا لانكوم المَعكوفة أول ما طَلعت
فعاد أغرتني البائعة إنه بينفت مَسويين عرض ماسكارا بحجمها الكبير مَع عينة آي لاينر فَخذيته ..
عالأقل بجرب مُنتجين بآن واحد , ليش لأ ؟!
لا تَستحق الإقتناء , البعض اليوم قالي بالأنستا أنه لما تقرب تخلص تبدأ تصير حلوة
ليش أشتري مُنتج وَ أجلس أحاول فَيه ؟! إذا توهقت بحاول إصلاحه بس لا بكرر الشراء وَ لا بَمدحه
وَ إللي قالي يَمكن ماعرفتي تستخدمينها .. لا عرفت أستخدمها جداً
وَ إللي قالي إن الماسكارا من شخص لشخص نتائجها تَختلف , هالشيء صحيح أكيد النتائج بتعتمد على شكل عينك
وَ على كثافة رموشك وَ طول رموشك الحقيقية وَ نعومة حتى رَموشك
لكن مُستحيل تَكذب النتيجة لما يكون لونها باااهت وَ تيبس الرمش بعد الوضع , وَ بنفس الوقت صَعوبة الإزالة
[ أتوقع وَقتها بيكون العيب مُش بطبيعة الرمش وَ لا كثافته وَ لا شكله ]
وَ ما أتوقع إني جاهلة ما أعرف أمد الماسكارا , عَد وَ أغلط من إللي جَربته ..
وَ أقدر أصنع المُعجزات من هالماسكارا و أضبط فيها وَ أرش عليها شَوية باودر بعد الوَضع وَ أحط كذا طبقة وَ مع المقصعة يآآآ سَلام
وَ أحورف فيها عرضياً وَ عَمودياً شيء طَبيعي بخلي إللي ما يَضبط يضبط , لكن ليش أتعب نفسي وَ أدفع على مُنتج بحاجة للإصلاح وَ التعديل
وَ لا أنصح فيه بَعد وَ أقولكم رَوعة !!
لا مُش روعة وَ لا يستاهل .. وَعود الشركة زائفة
Benefit Cosmetics
They’re Real! Push-Up Liner
الماسكارا ماجربتها بالمحل لأني أخاف ألقط بكتيريا بما إن عندنا ماشاء الله تعرفون حريصين يحطون لنا عينات فراشي تجريبية لكل شخص
جربت الأي لاينر بالمحل وَ حبيته وَ كان أساساً شبه مخلص
صراحة فكرته جذابة وَ تحسسك إنها سهلة ، يعني جيل أي لاينر بقلم ، تحسونه أحسن من الحوسة مايحتاج فرشة وَ كنت أتوقع إنه ماراح ينشف بحكم إنه مايتعرض للهوى
الأي لاينر يوعدك بثبات لمدة 24 ساعة ، وَ يوعدك بسلاسة بالمد وَ سهولة الرسم فيه بخط ثابت وَ دقيق ، طبعاً هو وتر برووف
نتائج الإستطلاع ،’
الاستطلاع كان على 32 امرأة بعد تجربة دامت لأسبوعين
• 91٪ قالوا : انه ثابت طول اليوم
• 81٪ قالوا : انه فعلا ضد الماء
• 88٪ قالوا : انه دقيق وَ قدروا يرسمون حتى منابت الرمش
رأيي عَنها ~
للأمانه أنا حبيت شكل فرشة السيلكون إللي جايه معه وَ الفكرة بعد ، ما كرهته كثير خاصه إن سواده جيد كأي لاينر ،
الشغلة إللي حركتها بعدة منتجات اللي تحمل نفس طريقة التعليب
[ بحيث تفرين القلم عشان يطلعلك المنتج ]
هالطريقة ناجحه مع الكونسيلر بس مع الأي لاينر حسيتها يا تعطيك كمية مبالغ فيها أو أقل من المطلوب ، بالإضافة لأنها وتر بروف تنشف بسرعة
يعني الأخطاء غير واردة مع منتج من هالنوع ، وَ ترى جربتها مع كونسيلر من إيف سان لوران وَ هايلاتير من جيرلان حَلوين كانوا بَس مُمكن يَخرب عليك الأداة من الفَر
وَ يصير المُنتج مَوجود وَ ما خلص عَندك بس إنكسر , عسى الله فَهمتوني
مُختصر الفكرة جبارة وَ تطبيق فاشل ..
وَ لما جربت الأي لاينر أذكر قلت لصديقتي عَجبني على عَيني , حَسيته حلو
نقدي للتعليب , وَ لكن كان فيه صَعوبة بإزالة الأي لاينر نفسه أكثر من المُعتاد بالمُنتجات المُشابهة له كوتر بروف
eos
Lip Balm Sphere – Summer Fruit
المنتج محد ينكر شكله جذاب وَ كيوت ، وَ يغري للأكل مو بس للدهن ، غير إن ريحته جميلة وَ فواحه
من قبل لا أفتح البلاستك إللي مغلف فيه وريحتها طالعه ودك تاكله ، وَ شبه مستحيل تشوف شكله وَ مايغيرك
المُنتج يقال إن 95 % من مكوناته عضوية ، وَ 100% من مكوناته طبيعية ( ركزوا عضوي يختلف عن طبيعي )
خالي من :
خالي من الغلوتين
خالية من البارابين
خالية من الزيوت البترولية ( الفازلين)
خالية من الفثالات
غني بمضادات الأكسدة وَ فيتامين E ، غني بزبدة الشيا وَ زيت الجوجابا ، يوعدك بترطيب يدوم طويلاً، بالإضافة إنه سلس وَ سهل المد
المنتج قريت مكوناته كلها طبيعية ، حتى النكهات وَ الروائح من مواد طبيعية ، وَ كله زيت زيتون وَ شمع العسل ..
حتى النكهة الحلوة إللي بطعمها مستخلص من الستيفيا ( سكر للدايت )
لذلك ما بظلم هالمنتج بناء على تجربتي ، لأن لكل جِسم رَدة فعل وَ قد يكون جسمي تحسس من بعض مكوناته
تَجربتي ~
أول ما مديته حسيته مرطب حليل مو غني لكن كفيل بمد طبقة رقيقة وَ جيدة ، المرطب نشف شفايفي بعد ليلة من وضعه فقط
وَ شفايفي صارت شهباء وَ مبيضة ، وَ فيها قشور صغيرة ، قطعته ، وَ رجعت إستخدمته من جديد ، وَ نفس المشكله ، مع كل إستخدام يزيد الجفاف ..
على فكرة هالمنتج أنا ماشريته جاني هدية من تاجرة ، سبحان الله أول مانزلت بوست بالانستجرام بالأغراض إللي وصلتني مِن التاجرة كثير بنات شكو من نفس المشكله ، وِ صلحت بحث بالنت وَ كثير أيضاً عانوا من نفس المشكله ، طبعاً بالمقابل فيه كثير ناسبهم ..
وَ حتى أذكر قالوا لي البَنات وَش رايك فيه , قَلت تَوه وصلني ما جَربته ..
بس تعرفون الذم يَطلع أكثر لما أحد يَحس إنك مَسوي إعلان , لكن زَي صورة اليوم بالأنستا عارفين إنه بَوست مُش لجهة مُعينة
الكل حرآآآآم عليك , حرآآآآم عليك .. ههههههههههه النَفس البشرية عَجيبة
خايفين على شركة بينفت تنجرح أحاسيسها , بس عادي ما يَخافون على التاجرات
وَش تسمون مثل هالنَوع من التَصرفات !!
وَ نفس الشيء الشَكر مَوصول للتاجرة , ما قَصرت دَلعتني بجَميع النَكهات وَ الله ..
وَ كنت ناوية لو كان جَيد أكتب عنه مع بَقية المُنتجات الجيدة إللي عَجبتني وَ وصلتني مَنها ..
Soap & Glory
The Righteous Butter
( من اليسار لليمين راح أذكر رأيي عن مُنتجات سوب أند جلوري )
المُنتج فيه كثير من المواد الجيدة مثل زبدة الشيا ، الصبار ، فيتامين ، لكن فيه نسبة من المواد الكيماوية وَ الكحول وَ العطور أيضا ً به ( مادة الديميثكون ) وَ هالمادة معروف إنه يحفظ الرطوبة بالجسم وَ يعطي نعومة لكن تكدسة بالجسم مع الوقت يمنع إمتصاص الجسم للكريمات ، أيضاً يسد المسام وَ مع الوقت يمكن يوسعلك المسام ، وَ الجسم ما يتخلص منها بالماء وَ الصابون
يعني مع الوقت الكريم بيطلعلكم مسام وَ بيجفف بشرتكم، على فكرة نفس المادة موجودة بكريم اليد ( أضغني هنا ) ، بس المُشكله أعظم مع زبدة الجسم لأن الجسم فيه مسامات وشعر يعني الكارثة بتكون أعظم
ليش ماحبيته ؟
كقوام سلس ما حسيته مزعج بالرغم إنه زبدة ، بس الريحة جداً جداًعطره بشكل مُزعج ( يشبة ريحة العطور الرخيصة )
أنا مو شارية عطر شارية كريم ترطيب مغذي وَ العطور تأثر سلباً على البشرة
أيضاً المنتج كجودة فيه أفضل منه وَ متوفر بالصيدليات وَ بأسعار أقل بكثير ، مايستحق سعره ، بالإضافة إلى إن عطره مايخف مع الوقت ، يظل على نفس الوتيرة وَ بالنهاية تسير ريحته مثل الكهرباء ههههه مدري شلون أشرحها بس جربتوا تحطون زيت عطري بالفواحه وَ يحترق
هالكريم نفس الشي يصير ريحته ريحة إحتراق عطر ، مافيه التدرج الطبيعي لإنسحاب العطور
Soap & Glory
Body Moisturising Mist
شكله الحليبي يوحي بالترطيب ،وَ مفترض المنتج يكون بخاخ مرطب معطر
إللي شفته إنه أقرب لعطر فقط وَ نسبة الترطيب مو كافية وَ فوق كذا فيه نسبة تدبيق أو أقرب للزوجة مثل إحساس الليمون المخفف ..
وَ أعتقد إنه مُستحيل تكتفين فيه كمرطب أنا بشرتي دُهنية وَ ترطيبه ماكان كافي ..
ريحته فيها من الخوخ، وَ الفراولة، وَ الياسمين وَ اليوسفي وَ المسك. لكن مثل ماقلت بالمنتج إللي قبل ريحة مزعجة
عموماً المنتج كله زيوت معدنية وَ فازلين يعني لو تشترون بخاخ فازلين أصرف وَ أرخص مايستحق تتكلفون بهالمُنتج ..
للأسف ما حَطيت لُكم أسعار للجَميع ماعندي الأسعار بشكل دَقيق , لأن ماكان ببالي أحَط لها مَوضوع
وَ النقطة الأخرى أثناء التَجربة لما مَليت من بعض المُنتجات رَميت الفَواتير ..
إللي عَجبتها المُنتجات تَكتبت , لان بالنَهاية مُتابعين المُدونة مُهتمين بالردود
يعني يقرون التَدوينة وَ الردود , فأضيفوا رأيكم , أهلاً وَ سهلاً به
دُمتم بَحب
واخيرا نزلت تدوينة اليوم
حبيت فكرة موضوع اليوم خصوصا انها اول مرة تطرحين هالفكرة وهي عرض كم منتتج تجربتك ماكانت ناجحة معهم, حبيت فكرة التنويع في المدونة ومدام السالفه كذا تكلمي عن العكس مفضلاتك مثلا. تدرين كل يوم ليل انتظر مفاجاءاتك ههههههه كان خاطري تسولفين عن ليون وفعلا تكلمتي وكان نفسي تطرحين بعض الطرق لمد الاساس وماقصرتي صراحة احس هالفترة تبذلين جهد جبار ومضاعف مررات ارحمك اقول ماودي اكتب رد طويل واتعب ارتوس بالقراءة خخخ.
وعلى فكرة من عقب تدوينتك حقت الاعلات والتسويق الكاذب وانا صرت اركز وافكر قبل لا اشتري الشيء الف مرررة خصوصا المرطب حق الشفايف مدري ليش كنت متاكدة مية بالمية انه سيء وترطيبه خربوطي عرفته هالشيئ من كثر ما انتشر ونفس الشيء مع باقي المنتجات يقرصني قلبي اذا فكرت اشتريه اقولهم شكلهم فعلا غسلوا مخي عشان كذا ابي اشتريه.
بالنَسبة للمفضلات إقتراحك حَلو , لكن يا كَثر مفضلتي ..
لَكن بحاول أطبقها عالأقل مَوسمياً , مَرات أتمنى إن الله يعطيني ٤٨ ساعة وَ يعطي الناس ٢٤ ساعة باليوم
عشان ألحق عليهم وَ ألحق على التَطوير بس مااااش نصيبي أمشي مع الناس بنفس عدد الساعات ..
وَ لا تَرحميني , التَدوين جَزء من تسليتي وَ لا أبدأ فيه إلا عقب الساعة ٩ المَساء تقريباً , لذلك مَواعيدي ليلية
وَ يتخللها عَشاء وَ جلسة مَع الأهل وَ ساعات أبدأ وَحدة أو إثنين , وَ شوي أطقطق عالأنستا وَ شوي عالواتس
يعني ما أجلس عليه جلسة وحدة تَنهكني , عاد الأن بحاول أنظم وَقتي أكثر ..
مُنتج الشفايف زي إيجبشين ماجيك فيه كل شيء لكن ماله هالتأثير الساحر , وَ نرجع نقول لعل وَعسى تكون طبيعة أجسام
ههههههههههههه ماشاء الله ..
وَ الله مَدري ما تَوقعتها بالهَطول .. فجأة فجأة تَطول ..
تهيء نفسي أخلي عندي تَدوينات قصيرة , عَشان عالأقل أقدر أطرح تَدوينتين باليَوم
لكن شَكل ما منه أمل المَوضوع
ياصباح الجمال ^_^
صَباحو , الله الله عليك ..
هلا هلا
مقدمتك اروع من الموضوع مو تعصب لكريم ولا لماسكار
الاذواق تختلف والاجسام والميزانيه مو شرط شي ماحبيته وانتِ حبيتيه غصب احبه
فعلا الاعلان والتسويق يغسل دماغنا لو اننا نمشي وراهم جلسنا ع الحديده
تعالي صفي جنبي انا ايفوني ٤ قديمه ههههه وللحين ماغيرت تطورهم مااعجبني بالاجهزه بعد ٤ وانتظر ايفون ٧ يمكن ارتاح له
تقييمهم للماسكارا حسيت غش عيني عينك
ومرطب الشفايف شفته كم مره ولا تحمست له ينفع ديكور لتسريحه
منتجات سوب اند جلوري من اشوفهم تحوم كبدي
كتابتهم ع المنتج كانهم يتعاملون مع اطفال هذا احساسي
ع العموم وضحتي لنا سلبيات كل منتج قبل نخسر قروشنا لو فكرنا فيها بيوم ما
وَ أنا مَثلك أنتظر الإصدار القادم من الأيفون وَ لا بشيل قشي وَ بروح لسامسونج ..
لأن صَرت محتاجة جهاز جَديد , فَما بشتري جهاز نفس شكل جهازي عالأقل بَغير ..
وَ فعلاً الأذواق تَختلف وَ الميزانية وَ قابلية الأجسام بَعد تختلف ..
نورتيني أو بالأحرى دُوم منورتني
غريب امر النااس أجل ايفون 4 ولا 5 قديم ههههه طيب واللي جوالها جالكسي اس 2 وش تكون من العصر الحجري ؟؟ تخلف صراحة وركض ورى الدنيا اللي فتنها ماتنتهي ابد
اممممم ماحس نوع الجوال او موديله يهمني دام الجوال مو خربان و يكلم ويصور وفي واتس ونت خلاص مايمني غير هالاشياء 🙂 ,,
اما بالنسبة للآيفون عامة أبد أبدا ماحبيته لا دخل مزاجي ماعجبني مادري ليش الجالكسي اكثر يعجبني بس الناس اذواق سبحان الله … 🙂
شفت مدونتك بالصدفة وأجبتني ان شاء الله اكون من متابعينك 🙂
مع اني مالي في المدونات ابد
تقبلوا مروري … أستودعكم الله
سوس
يسعد ربي صباحج
وانا وياج في كل نقطه ذكرتيها
وخاصه بخصوص اخر منتجين
Soup&glory
منتجاتهم ماقدرت اتحملها والله يعزج
ما كملتهم وعلى طول بالزباله
والمنتجات الثانيه مع تكرار الاستخدام
تصير شي فعلا تندمين إنج شريتيه
يعطيج العافيه
يا هَلا بَك ..
أنا الأن مَتورطة بَذول ما أتوقع أحد يَبيهآ ..
أما الماسكارا وَ الأي لاينر خَلصتهم وَ أختبرتهم فَترة طَويلة ..
يَعافي قَلبك يا فَواغي
بنفت صدماتي فيها مرتين
البرايمر اللي سوا لجه بروفشنال اشتريته ومايسوا ريال بجد
استخدمته مره وركنته بعد فتره اختي قالت لي انها متحمسه له
عطيتها حقتي ومن باب مابي اظلم المنتج يمكن ماناسبني ونفس الشي
والتنت بعد طعمه شنيع وﻻ يثبت مثل ماقالوا ويقشر الشفايف
احيان اشوف اضائة واتساب واللجه الي عليها تدخل راسي وبعدها اقول ﻻ
ضربتين بالراس تعور هههههههه
خاصه انها كسعر مو بسهوله علي اقتنيها
استمتعت بتدوينتك ماننحرمش
قلوووب من مدينتي للرياض ولحد مكانك ^_^
أنا هذي تعتبر أول صَدمة ببينفت , خاصة الماسكارا
بالنسبة لإضاءة واتس اب مو هالإضاءة فيه بماك إضاءة تلخيك تبينين من بُعد ١٠٠٠ كَيلو
لكن مُمكن فيه ناس يحبون الإضاءة الناعمة جداً يحبونه ..
وَ يالله يقلك محداً يتكلم إلا من كيسه ( من جيبه يعني ) ..
وَ عساك تتعوضين عن كل خَسارة , نَورتيني بس السؤال إنتِ من أي مَدينة ؟!
ههههههههههههههه يختي احس روح الفكاهه عندك عاليه
رموش بعارين تضحكين قسم
ويختي مو يقتصر الكلام ع تدوينتك بهالوقت الكل متعصب لرايه ويشوف انه الصح ولو كان خطا انا اتكلم بصفه عامه زي بعض الردود بالبوست بالانستا بعضهم تقول حلو والبعض الاخر يذم بالنهايه مايحتاج يتعصب الشخص لرايه خلاص ناسبني هو لنفسي مو للناس ومو شرط هواش ومضاربات عشان اثبت انوه حاجتي احسن من الثاني وماقصرتي ي حلوه حسيتك معصبه ههههههههه
ههههههههههههه
لا تَرى منب مَعصبة أنا شَخصيتي هايبر , لو عرفتيني من قرب بتفهميني ..
حتى أهلي يقولون لي بشوي شوي ليش مَتحمسة دُوم ههههههههههههه
وَ أتفق مَعك , مَدري الواحد والله يدخل النت يروق وَ يضحك وَ يتعرف على الناس ..وَ يوسع مداركه
وَ بعض الناس لليوم يتهاوشون ..
نورتيني يا قَمرتي اللي منورتني بالأنستا وَ تويتر وَ بكل مَكان
ينطيك العافية كل شوي وانا احدث ف الصفحة استنى التدوينة..
ماسكرا بينفيت مرره ناسبتني بس تقهرني ثابته بزيااده تطيح رموشي
وعاد الايلاينر حسيته سهل علي لاني ما اضبط الجل لاينر بس زي ما قلتي ولاا غلطه وكمان خلص علي من كثر ما الفه ويطلع زياده صرت احطه على يدي وارسم فيه شوي شوي
يَعافي قَلبك ..
حبيت ذكرك لتجربتك , لأن تجربة واحدة محداً يقدر يبني منها رأي مُتكامل ..
وَ فكرة إنك حطيتيه على يَدك , عالأقل قَدرتي تستغلين المَوضوع لصالحك ..
نورتينين
مدري وينو اختفى باقي الرد ..
عاد اقولك البدي مست من سوب اند قلوري
صرت ابخه ع المفارش وللبيت ما ناسبني للجسم
وتسلم يدينككك ..
يختفي مرات الرد , أفضل شيء إنسخي ردك قبل الكتابة ,
وَ الله فكرتك حلوه شكلي بجربها وَ بعلمك عن الطريقة وَ بنكتبها كَحل بديل لتعطير المَنزل
مرحبا توسا ،،انا راي بالنسبه للاعلانات دايم انه تلميع للمنتج لانه متوسذ او اقل من كذا ،،ليه المنتجات الممتازه مانشوفها بلاعلانات هل لانها مو محتاجه تلميع؟ او لأن أسعارها مرتفعه يعني مو الكل يقدر يوفرها.. والنقطه الثانيه لما يتعصبون للشركات الي مقتنين منها منتجات تجميليه أو أجهزة لووول والله مو شركة أبوكم
مااعرف ليه اختفى نص تعليقي
خَسارة 🙁
وَ الله ما أعرف وَش السبب ..
سامسونج إعلانتها سابقتها وَهي شركة مُمتازة , وَ الأيفون بالمَثل ..
وَ حتى طريقة إعلاناتهم فيها تَصغير لمنتجات الغير , كأنهم يتسابون ..
لكن هَي تعتمد عالمُعلن العربي , عادي ترى مثلاً فويتون وَ كارتييه وَ بولغري وَ لبوتيان يسوون إعلانات بس مو للكل
بتلقين أليسا كليبها كامل برعاية إيف سان لوران وَ طبعاً حنا مساكين بنشوف فستانها وَ بنشوف الروج إللي تَحطه بالكليب وَ بنقلد
حتى العقد إللي لبسته من بولغري إعلان مَدفوع , فيه ناس ماكانوا مُهوسين بالمجوهرات وَ حبوه من أليسا
أتوقع مدينة دبي باعت أكثر من ٢٠ حبه بعد الإعلان وَ سعره أتوقع نص مليون ما يَحضرني تحديداً ..
كلهم يسوون إعلانات , لكن التَوجه لمين يفرق ؟! ..
زي إعلانات أولويز بالفوط النسائية أنا شخصياً مُستحيل أستخدمها إلا إذا فيه نوعيات مُعينة ماتجي بالسعودية
تعجبني كوتكس , وَ كوتكس مالها أي إعلان .. فعلاً ماعندي خلفية ليش ..
صباحك سكر
يقولونَ شذّ اذا قلت لا وامعة حين وافقتهم فأيقنتُ أني مهما أرد رضا الناسِ لابد من أنْ أُذم
سوي اللي ترتاحي له وتشوفيه صح
وخليك دوم رايقه
صَباح الحُب ..
هههههههههههههههه يا حُبي إنتِ ..
دُوم دُوم تتحفيني بكلامك , عساك دُوم سالمة
نورتيني
صباح الحب واﻹبداع حبيبتي شدتني رموش البعارين فعلا رموش كتاله سبحان الله حبيبتي إحنا معك قلب وقالبااا ماعليك من السطحيين
صَباح الحُب
وَ الله فعلاً رَموشها قَتالة .. كثافة وَ عندها نظرة حُزن تَقتل
عالفكره مو محلي المنتجات هذي الا تصويرك وتنسيق عرضها دمتي بحب ياجميله
وَ محليها تَواجدك
صباحك عسل مصفى ،
بالنسبه للمنتجات مافكرت اشتريها و من بعد كلام حطيتها بالقائمه السودا خخخخخخخخخخ
امتعتينا ي بطه ،
وبالنسبه للب يتعصبون لشركه معينه ماراح يخلصون بيعلون قلبك انتي بسس طنشي :p
وَ الله هُو أنا أطَنش عادي ..بس أزعل إننا كَذا
لأن حتى أنا أخذ نصايح وَ أتورط ..
كلنا يد وَحدة وَ بحاجة بعض , يعني أنا ماعندي خبرة مثلاً بطرح العرايس وَ أنواع الأقمشة
تخيلي أسأل وَ يورطوني بأحلى ليلة بَعمري , أكيد بينكسر شيء فيني ..
نَورتيني يا تَمرد , أسم على مُسمى
عاد لا شفت إسمك أقرآه تَوم فورد هههههه مُنتهى السَطحية فيني
صبآحك ورد ،، حبيت كوبوليفا هههههههه ذكرتيني فيه ، المسكرة مافكرت أشتريها صرآحه معد فيه مسكرات حُلوه يبيعونها هنا مليت والله في مسكره نزلتها جفنشي قبل سنتين أظن كانت روعه روعه تجنن من كثر ماهي حُلوه خلصتها بشهرين بس للحين مارجعت أسئل و أخذها ، و المرطب ماجذبني والله لإني أشوف مرطب فازلين حُلوو و يفي بالغرض ، و منتجات سلوب ذي أحسها خراط صرآحه ماجذبتني ولا ١٪ أحسها عطر و بس ، كالعاده تسلم الأنامل توسه ترآ لمن تكثرين كتابه أمبسط و أنا أقرا و أكره أقرا دمتم بود ههههههه ودي مآيخلص 3>
صَباح الجَمال يا حَسناء هههههههههههههههههه ..
وَ أنا بدور ماسكارا جَديدة هنا بَدور ..
هههههههههههههههههههههههههههههههههههههههههه حبيت كلمة خرااااااط
وَ الله أنا مازلت أجرب فيها أحلل روحتي ذاك اليوم للصيدلية شَكل ما منها أمل 🙁
فيس حَزين حَزين من الإخفاقات , المَهم نورتيني وَ بعدين إحنا مَتوفرين حتى لو خلصنا من المُدونة
أمس كان يَوم تحفه
انا ماجربت ولا شي من اللي ذكرتيه فماعندي تعليق عليهم بس أباً اعلق عالتعصب فعلا وصل الغباء لمرحله فظيعه وأكثر مايضحكني التعصب اللي يصير بين اللي يستخدموا نظام الايفون والاندرويد لدرجه قريت لواحد كاتب إنّو في مقاله نزلت ان مستخدمي الايفون هم الأكثر ذكاءا وردود عنيفه حتى ألوان الايفون الجديد يتضاربوا عليها اهئ وصلنا لمرحله مزريه يخلوا كل واحد ينام عالجنب اللي يريحوا ..ويعطيك العافيه ..
هههههههههههههه تَطور فضيع بالمَقلوب ..
وَ الله نعيش وَ نشوف , الأن أشوف بنات لما يتخاصمون وحدة تقول للثانية السامسونج أحسن من الايفون
تقلها اصلاً معي , صار الواحد يمشي بإثباتات إن مَعه كل شيء عَشان محداً يتكلم
ههههههههه شكلك بتحسبين كم بوسه
انا من الحفر بالمنطقه الشرقيه
ايش اسمها اضائة ماك ﻻيكون سوفت اند جنتل اذا هي ف للاسف ماضبطت معي
واحس ان لها تكنيك ماعرفتها لان كثير يستخدمونها وتطلع واو
يب هَي وَ حتى لو ماضبطت فيه اللمعات السائلة وَ بعدها اللمعة البودرة فوقها ..
صدقيني ركزي انتِ بوش تحطينها ؟! .. لو جربتي تحطينها بإسفنجة تضبط ممكن لو ماعندك كل الفراشي ..
حاولي لكن الأكثر لمعية تحطين كريم لميع وَ تعززينه بالبودرة اللميعة تصيرين صَدفة
حسيت وصفي بيئة
سوس حياتي طيري بسعاده وخلينا نطير معاك هذا هو اﻹختلاف اﻹيجابي هذا اﻹختلاف عن البقيه ب صدق وإيجابيه وووضوح كلنا نحب فيك هاﻹختلاف اللي ميزك وميز شعبك الارتوسي الله يديم علينا الحب والسعاده والتفاهم والتعاون احووبك
يؤؤؤؤؤه مَين قَدي حسيت إني أشبه الفنانة أحلام ..
لبى قلبك
أحلى شيء المقدّمة التوعوية اللي فعلًا كثيرين بحاجة لها، وأكيد الإعلانات فيها تهويل مش طبيعي وتسويق وضحك ع كثير من الناس، وتذكرت دعاية فير & لوفلي ، قال ايش كريم يبيض! ويخلي السمراء طبيعة تتحول لبيضاء! والغباء ان المُشاهد يصدق، لكن الطامة الكبرى لما يكون التسويق من شركة كبيرة لمنتج ما بيسوى ويكونوا الناس معطيين ثقة كبيرة للشركة، هنا يكمن التضليل!
قبل فترة طلبت من موقع آيهيرب طلبية، وكان من ضمنها مرطب شفايف مشهور بالموقع، و كاتبين عنه عضوي ومصنوع من زيت الزيتون وشمع النحل و و و …، وكثير ناس مادحين المنتج لكن للأسف ما ناسبني أبدا ، صارت شفايفي لها قشرة جافة مزعجة ولا تحملته ابدا ولا رجعت استخدمته،
ومرطب الشفاه اللي كتبتِ عنه دايمًا يغريني لما أشوفه بإنستغرام، لكن لما قرأت عن تجربتك حسيت رح تكون نتيجته زي اللي استخدمته، فـ شكرًا مليوووون ع الإفادة وهالشيء ضروري لحتى يكون الجميع على بيّنة ويشوف آراء الناس بالمنتجات وهذا رح يساعد كثير في اختصار البحث عن الشيء الجيد…
يعطيكِ ألف عافية وسَلِمَت أفكارك وسلمت أناملك❤️
قلتيها .. شيء ضروري نكتب عن المُنتج السيء وَ نستفيد من بعض ..
يعني الأن أكيد أنا أستفدت من رَدك وَ حتى تمنيت لو كتبتي المُنتج عشان نتجنبه أو عالأقل لما نستخدمه ما نقول متفائلين به هالكثر ..
أنا جربت كريم العين من شانيل , واصفينه بكثرة حسيته بيعطي عيني شيء مو طبيعي .. النتيجة مُخيبة للأمال .
[ خيبة الأمل هي المُصيبة أكثر من غيرها ] .. وَ يمكن بينفت كماسكارا بعد المدح حتى البائعات طايرين بها وَ يقدمونها لك قبل كل البراندات
تقولين أكيد إنها واااااو , لكن فعلاً ناشفة وَ إزالتها تطيح رموشك ..
نورتيني بإضافة مَعلومة وَ نورتيني بَتواجدك الله يَنور دَربك
سوس حياتي اسمحيلي كل شوي احدث واقرا كومنتاتك بليز سوس بليز قريت كلامك الفوط الصحيه وكذا بليز سوس تكلمي عن هالمواضيع الله يخليك والله مو رادني افتح معك الموضوع الا العينات الغبيه من البنات وتطاولاتهم في صفحتك بليز خلنا نشوف حل بليز سوس والله محتاجين ذي المواضيع كثير
وَ الله إقتراحاتكم كلها أكَتبها حسب الوَقت وَ الصيغة
راح أطرح الأنسب وَ الأكثر إحتياجاً ..
ذوقي يَعبر عَني وَ لا يقلل من أذواقكم أو إعجابكم بالمُنتجات
هذي المفروض تكون قاعده عند الكل
البعض مايتقبل انج تقولين رايج بمنتج اقتنوه
خصوصا لمه يكون رايج مخالف لرايهم فيه
تحس رايج طعن في شرفها ياسااااتر
او خدش للحياء ما يصير تفولينه لوووووووول
والصيدات عاد اللي عندهم تقديس لبعض البراتدات وتوكل نفسها محاميه دفاع عنهم
عشانها شرت سكارف منهم
هههههههههههه ، أكيددد إنتي بأي وقت تقولين فين العفريته بطلع هههههههه ، والله حللي الروحه ليه لأ بس إحنا فيه غش مب طبيعي ،، تحفه و بس هههههههه
مادري ليش طلع تعليقي مأكووول
ياحلوك وياحلو وصفك انا اشوف حنان النجاده دايم تستخدمها وفضيعه
بس مدري ليش طلعت علي كذا
بجرب بطريقتك واشوف
تسلمين يااارب
ياسعادتنا فيك وبالمدونه قربتك مننا كثير
كنت بعقّب ع كلامك عن لانجري فيكتوريا سيكرت، انا مثلك ما تعجبني كثير احس خاماتهم مو على درجة عالية من الجودة حتى لما أشوفهم بالعروض واشوف عارضات مثل أدريانا واليساندرا لابسينهم احسهم لابسين شيء. صيني! وصيني مش ممتاز كمان! حتى الخياطة نفسها مو مقنعة.. لكن الإغراء التسويقي وما يفعل!!
حنا من قريب فتحوا فيكتوريا سيكرت معرضهم بمركز المملكة , المَعرض كبير
أحلى مافيه تنوع البرا إللي كان الواحد ينحد بكذا ماركة , فيه تَنوع ضَخم ..
لكن الأسعار ستيانة بـ ٣٥٠ ريال آوكيه لكن كخامة لأ إيتام الخامة أجود وَ بـ ٢٢٥ ريال فيه فرق بالسعر ..
النقطة الأخرى ستيانة ستيلا مكارتني تنزل بالتخفيضات بـ ٣٥٠ ريال مرات وَ تضل ستيلا مكارتني
حتى دولتشي اند جابانا ستيانات تنفع للشياكة وَ توصل أسعارهم بـ ٤٠٠ ريال ..
وَ مافي وجه مقارنة بين دولتشي وَ فيكتوريا سيكرت ..
يووووه الحديث يطول بهالمَوضوع .. أسعدت بك
يسعد صباحك ارتوس
الله يعطيك العافيه
ياكثر مااستفدت من تدويناتك والطرح الرائع
جزاك الله خير
وَ صباحك حبيبتي ..
نورتيني , تسلمين لي على هالدَعوات الحلوة
يا حلووووك
زمان عن هناا فترة سبات طويله بس تسجيل حضور مليان حب وورد .. قلوووب
آَهم شيء إنك بَخير ..
وَ محبتك وَ اصلة يا بَعدي
انا ظليت على النوكيا اربع سنوات وثلاث شهور هع وما كنت اشوفه عيب الا عزيز ع قلبي حيييل اهم شيء يأدي الغرض ومكفيني الايباد عن كل شيء < مب راعية هذره ولا برامج الشات 0_0 طبعا النوكيا فيه ذكريات ما تنسي وكنت محتفظه فيها حتى رسايل من عام ٢٠١٠ استمتع وانا اقراء اتذكر ايام الس ام اس والمسن والمواقع اللي حفظتها بالجهاز هههههههه واللي حولي يقولون انتي للحين مع هالجوال المنتهي ارد عليهم ان ذا ولدي هههههههه عاد امي جوالها النوكيا اخترب وكنت انا مقرره اشتري ايفون الجديد واحتفظ بالنوكيا وطلبت جوالي مع انه غالي علي بس ما يغلى عليها عاد حذفت كل شيء فيه بعد ما حفظتهم فاللاب توب .. المهم نرجع لموضوع المنتجات تصدقين عاد الاشياء البسيطه وقيمتها مو غاليه تكون نافعه اكثر من غيرها من بعض المنتجات الغاليه صرت واعيه عقلياً من ذا الناحيه حتى النتيجه اللي اجربها تطلع لي من اول استخدام بس انا مُصره ع استخدامه غصب اكيد ان نتيجته تطلع بعدين بس تطلع لي نفس النتيجه فالاخير يكون فوق الطاوله مهمش ما له فايده .. صرت استخدم المرطبات الطبيه والسنفرات الطبيعيه من مكونات البيت "زيت زيتون وسكر " ارتاح له اكثر من غيره حتى ماسكات الشعر ما صرت اثق ف اللي ينباع ف السوق تدمر شعري بقووه صار يطيح مجرد ما امسكه معورني قلبي حييل :'( وانا اللحين ف طور العنايه فيه من جديد يارب يرجع احسن من اول :'( ما علينا كلامش ف محله صراحه حبيت التدوينه قلتي اللي بخاطري ولو اتكلم من اليوم الى بكره ما اتوقع اخلص -.-'
أهم شيء الراحة وَ الواحد يتبع إللي يلائمه وَ يلائم جسمه وَ إمكانياته
للإستَمرارية , يووووه ذكرتيني بـ sms وَ mms وَ الله كان زَمن حلو
من السرعه نسيت اشكرش ^^ *_* والله انتي فايده عظيمه على المجتمع احب التوعوييين في كل المجالات واللي ما يجاملون على حساب نفسهم يسعدش ربي ويخليش شششكرا ولا تكفي :*
هههههههههههه احلام ها سوس دوبى انتي دوبى فديتك ماتتشبهين إلا بشي جميل فديت روحك الفعصوصيه
ههههههه صرآحة تشبيهاتك تُحفة ..
دائماً بما يخص التَبعية بالميك اب والفاشن انا بعد عندي تَشبيهات قد تكون مُؤلمة للبعض لكن هذا جزات التبعية وعدم المصداقيه!
بعض البَشر تساعد بتقوية الصِيت لشيء معين لمجرد كونة معروف او ذو اصدار “fancy”
ماادري هو نقص او كراهية نشر الفائدة للغير ! مفروض ماننسى غيرنا ! غيرنا يبي (الزِبدة) مش فاضي يطير فلوسه وهو يجرب هنا وهنا !
عُموماً جميلة ..
فعلاً هالمنتجات ( دمها ثقيل) وبنظري تضر مش بس ماتفيد!
الا منتجات Soap & Glory ماجربتها ولا حَبيت شكلها مع انها حَولي بإبتذال !!
دامت مصداقيتك ياقُومر ..
أهلاً يا شآي ..
وَ الله أتحفينا بَتشبيهاتك , مَرات الألم يَعلم .. اليَوم فيه بنت بالأنستا أحييها لو تقرأ لي
المُهم أرسلت لي بس كانت فعلاً تبي تتألم , المُهم أنا حَسيت إني آلمتها لكن بَدون الألم ماكان إسَتوعبت
لو الكلمة بتوصل بَدون ألم أكيد الواحد راح يَوصلها ..
الحَقيقة هَي المؤلمة فالصراحة بحد ذاتها تألم , لكن لو فيه مجال للتغيير راح يكون هناك أمل ..
وَ الله صَدقتي بكل كَلمة , نَورتيني
ارتوس احنا متوافقين جدا
تصدقين قبل يومين احكي مع صديقتي واقلها عن ماسكرا بينفت متعبه في الازاله وتتطيح رموشي وتلصقها ببعض كرهتها مرة تقول لا بشتريها الكل يمدح عاد برسل لها كلامك
ومنتجاب سوب والله احسها منظفات للباث مدلعه لااكثر مستحيل استخدمها نظرتي لها كذا حتى لمى شفتك شريتيها ماقدرت ابد
وبالنسبه للمرطب انا هبل فيني مرة فاشل
شقق شفايفي وانتفخت مرة وماصرت اقدر اتكلم تعورني واستخدمت فازلين وطابت ورميتها ماانصح فيه والله مرة تعبني
وشكرا لك عجبتني فكرة التدوينه واليوم رحت فروع سيفور وفيسز مالقيت بودرة ديور
وَ الله حبيت تَوافقنا ..
إذا هي من النوع إللي يشتري بكثرة ماراح تندم , خليها تتعلم وَ تجرب من كيسها
شَفتي يوم شَريتها ؟! كنت أسمع مَدح وَ شريتها وَ أنا عارفة المواد إللي فيها مَكتوبة بموقعهم ..
لكن لازم أجرب حتى تكون تجربتي مُصدقة أكثر , وَ مافيها شيء تقدر الشركة تحسن من المُنتج لإرضاء العَميل
النقد يعني الإرتقاء بالشيء , وَ النقد المَوضوعي ولا اقصد مثل وَ وووووع ما أعجبني او مَخيس هذا نقد فاضي ..
الأجنبيات رجعوه للشركة , لكن ما أحس هالنظام ساري عَندنا ..
بالنسبة لبودرة دَيور طلعوا جديدة
أسمها : DIORSKIN NUDE AIR LOOSE POWDER
شَوفي هذا شكلها
http://www.dior.com/beauty/en_gb/fragrance-and-beauty/makeup/face/powders/pr-powders-Y0720350-healthy-glow-invisible-loose-powder.html
إن شاء الله أكون أفدتك
ليت هالمقدمه تكررينها بكل بوست عن اي منتج
وحطي ثلاث مرات كوبولوفيا
والله كنت اغنيها والحنها بس انادوم عندي قناعه ان كثرت
الدعايات وهي قله الا ماتكون على شي مايستحق
طبعا نبدا بسوب كم له والعالم طايره فيه
ماجذبني مرره لكن والله ادخل بوتس بدبي بالكويت
عشان اجرب والقاني طالعه وساحبه عليه وماخذه شي ثاني
بنيفت الماسكارا سمعت بالضجه ماحبيتها كشكل شفتها قبل
اشتريها
طبعا انا المسكارا عشق اجرب اي شي فهذي ماحسيت تستحق
الماسكارا تصدقين طحت بوحده من الكويت محل يسمى مكياج المنصور
وخذت الوان منها اهو سعرها اهو جمالها
الفلبينيه اتقول هدا كل كويتي ياخد منه وشفت وحده
قبل تطلع حطت منها انبهرت منها
وصار لي كم سنه استخدمها الا الان حنان النجاده ذكرتها
هي ماركه كويتيه ولا هي عالميه بس الدعايات
بالفتره الاخيره انقطع كونسيلر ماك برولوينع ههههههه عاد ابد
مادورته لا جد تاثرت ودورت وخالص بدبي
وحصلته بالبحرين وتقولي اذا ماخذتي ثلاثه اربعه
بيخلص تجربتي معاه مالها شهر باقي ماقدر احكم
واحس احس مايستاهل بس نكمل شورانا
ودمتي لنا بحب ع قد عطائج❤️
يا زَينك .. بالنسبة لحنان النجادة عَندها مصداقية ماشفت مثلها ,وَ لو تخلت عن مصداقيتها كان وصلت عفكرة
خاصة إنها بالكَويت , الكويتيات بشكل عام أحييهم على إبداعهم بَمجال التجميل تَفوقوا خليجياً أكيد عَندنا مُبدعات بَس هُم كثرة ..
حتى سندس القطان عندها مَصداقية بنقد المُنتج , لا تَطلعه السَما تَوصفه مثل ماهو ..
بعد صديقتي مَيمي تعجبني يوم توصف المُنتج .. حَمستيني على هالماسكارا ..
وَ سالفة أشتري ٣ من المُنتج خير ليش ؟! أوكيه لو منتج مَتعودة عليه وَ أنا مسافرة وَ رادة الديرة أيه بآخذ منه ..
لكن شيء تو أجربه أكيد لأ
مَنورتني يا جَمورة
صباح الورد…انا جننتني مسكارا سيفورا السوداء الي فيها زي الوبر استغفر الله بس بعد ما احطها بشوي اقلب باندا واذا بتنظفينها جربي كلوركس يمممممكن ينفع هههههه وشخصيا ماعندي ولاء لاي براند الا البراند الي يناسب جيبي ويكون تمام واذا ماناسب ميزاينيتي الله يخلي الي بعدوووو
هههههههههههه تقصدين الماسكارا الذهبية من سيفورا ؟! ..
وَ لا مرة بحياتي جربت ماسكارا سيفورا ..لكن جاز لي الكلوركس ..
وَ تفكيرك هُو الصَح .. وَ أصح من الصح
الإنسان العاقل مَفروض يفكر مَثلك
حبيت ها لنوع من التدونيات جربت مرطب الشفايف ماعجبني ابد انصدمت لم قلتي انو فكتوريا سكريت جودتهم اقل من متوسط لاني حاطي بيالي انهم التوب مع اني ماجربتهم ممكن تساعدني بماركة ملابس داخليه جودة ممتازة
مُنتجات العناية , وَ الأزياء قلت أكثر من النَصف ما يَعني مو حلوة
فيه ناس أجسامهم مثل أجسام عارضات أزياء فيكتوريا كل شيء يليق عليهم بس فيه بنات يحتاجون مثلاً برا بمقاسات مُعينة حتى يرتب جسمهم
خاصة لو الوحدة أم أو سبق وَ خلفت .. إلخ ..
أنا أحب إيتام بس ما عندهم هالتنوع لكن النسيج جيد لكن , بعده ومن سيكرت وَ مو ذا الجودة وَ المقاسات ما يجيبونها كلها ..بس ألوان وَ تعدد
وَ عقبه أويشو وَ لك عليه كنسيج ,وَ لا سنزا أقل من فيكتوريا سيكرت ..
طَبعاً فيه ماركات مثل ستيلا مكارتني وَ دولتشي أند جابانا لو بتطلعين للعالي وَ فيه غيرهم بس الستيانه الوحدة توصل لسعر ٦٠٠ ريال تقريباً
يسعد لي صباحك..
تسلمين على الرفيو.. بردتي قلبي والله بالكلام اللي في البداية…
من كثر المدح في منتجات بينفت .. جربت باثينا بخاخ زيت للجسم .. وحاله حال سوب آن قلوري .. تحسينه عطر أكثر منه زيت وترطيب.. حبيته عشان ريحته فقط..وأستخدمه قبل المناسبات أو الليالي الخاصة لأن يعطي لمعه صحية للجسم.. لكن ترطيب صفر!
وجربت ون ون ستيك.. هو ستيك فيه ثلاث ألوان مدموجة ( المفروض انها كونتور وبلاشر وهاي لايت) و يصلح للشفايف .. وقد كتبت عنه أنه خربوطه ولا يستاهل سعره 175 ريال.. لأنه دهني كثير على الخدود كأنه فازلين .. وما يقعد ساعة يختفي اللون بس يبقى المكان دبق!
لكن جربت باليت برايت آيز حبيته وألوانه جميله.
اوس مرطب الشفايف ما جربته لكن جربت بيبي ليبز من ميبي لين .. هبوا فيها وبألوانها بعد .. ولا حسيتها تستاهل بصراحة غير أنها متوفرة بكورنرهم بـ15 ريال و التاجرات وصلوها للـ50 ريال.. بالعكس عندي مرطب شفايف فيتامين إي من بودي شوب .. ماشيه عليه من زمان و تمام معي..
فيكتوريا سيكرت.. بخاخاتهم و مرطبات الجسم و الجل شاور عادية جدا.. بس على قولك ماخذه أكبر من حقها .. رغم أني للأمانة أفضل جل شاور باث آند بودي على فكتوريا.. فكتوريا الريحة الفواكهيه تنرفزني…
تسلم يمينك يا جميلة
ماشاء الله رَدك أنا بَنفسي إستفدت مَنه ..
ون ون ستيك شَفته بس ما جَربته حَتى علي , ما يَمنع عندهم أكيد مُنتجات حَلوة لو خلت لخربت
أنا حبيت من بينفت فاونديشن الأوكسجين وَ أستمريت عليه لفترة ..
هُو هذا لما يطلعون لك مُنتج للسما سعره بالأساس ١٥ ريال وَ من كثرة المدح وَ الطلب نصير نجيبه من برا أو من التاجرة يطلع علينا دبل سعره ثلاث مرات
وَ التجربة تطلع صادمة , تقولين بقلبك مين هلي مَدحه ؟ ..
باث أند بودي وركس أنا شفته خفيف ظريف , أحب شَموعهم أكثر شيء
عندهم شموع تعجبني وَ عندهم شَموع ريحتها مو على ذوقي , لكن عندهم تَعدد بالروائح وَ تجدد دائم
وَ أسعارهم على عروضهم تخليك حتى لو جربت شيء منهم وَ ماضبط معك ما تتحسف وَ لا تندم ..
نورتيني بَردك
كنت دايم احس ان ريحه زبده سوب اند قلوري تقلب ريحتها بس قلت يمكن اتوهم 😐
حتى المقشر من نفس المجموعه مو ذاك الزود بس ماجاء في بالي انه يوسع المسام ويجفف يالله كويس عرفت عشان ما اكمل الباقي ..
الله يكتب الاجر اضعاف اضعااف اللي تكتبينه ❤️❤️❤️
وَياك يآرب ..
هو مرات نَحس إن العيب في أجسامنا , لكن لما تتحقق من المُكونات تَكتشف إن المُشكلة مو منك
وَ يالله نتعلم , وَ آمين
ارتوسه الله يسعدك ويوفقك
بصراحه تدويناتك تبرد القلب
بس شريت سوب ان جلوري خااااااااايس
بس متوهقه فيه وين اوديه
مقهوووره منهم اعلانات ع الفاضي
بشرتي جاااااافه واحترت في كريم الترطيب
ياليت تساعديني
عَسى دُوم أبرد قَلبك ..
وَ الله مثلي مَثلك وَ ما أحس نقدر نعطيها أحد , فيه وَحدة تقول إنها تستخدم البخاخ لتعطير المفارش المُشكلة إنه mist
ممكن يسوي بَقع 🙁
خليه مُعطر للجو وَ لو نزل عالأرض بيبيقعها برضو , يامن شراء من حلاله عَله
يالله تَعلمنا ..
بالنسبة للبشرة الجافة دوري بمحرك بحث قوقل أكتبي : حمام زيت الارغان للوجه شمواه
كتبته عضوة إسمها بلاك روزز بتستفيدين من هالحركة جداً
عاد على كثر م الناس شغاله مدح ف اساس ماك بنفت …الخخ م شدتني اني اطق لها مشوار لان الماركات ذي يبي لها مشوار ساعه عبال م اوصل للمول فابحث عن اللي متوفر قريب مني واستخدم اساس من ماكس فاكتر ناسبني (عاد اسمعي قريت مره اذا بتخفين المسامات الواسعه لانو عندي ع الانف يقولك حطي شوي من الاساس وشوي من بودره جونسون مو معطره-ابد محد يسويها خخخخخ) دايم احاول ابحث عن بدائل عندي بالبيت مو يعني م اقدر ادفع فلوس حمدلله الخير كثير بس م احب كثر الخبص وتنركن فالدولاب (امي تقولي خلاص بطلو شدو وتمغيط وأضاءه يصير الوجه كنه عرس حطي كريم اساس روج ماسكره لااشوف الاشياء اللي مالها داعي هههههههههه امي م تحب الشدوهات وانا مثلهاا
ادررري طووولت بالهذره وشحن جوالي واحد زين كمل لين ارد وششووكررن
ياهلا بَخوخآ نَورتيني ..
طيب ليش ما تحلينها نهائياً تقلصين قطرها ؟! .. أفضل لك
لأن الأساس بها مواد توسع المسام عالمدى البعيد ..
وَ الله يخلي لك الوالدة , نَورتيني
حبيت مصداقيتك بالطرح .. ع العموم انا من الناس اللي ناسبني مرطب eos جدااا وما حسيت بأي جفاف بالعكس بس انا استخدمه مع مرطب ثاني بالتناوب يعني ما اعلق عليه بنفس الفترة ان شاء الله فهمتي علي … هذي طريقتي بأغلب المنتجات يعني اشتري بلسمين شعر و3 كريمات يد و3 مرطبات شفايف وهكذا .. مدري ليه بس ما احب اعلق على منتج واحد .. منتجات سوب اند قلوري حبيت ريحتها مو كلها بس مقشر فليك اواي والزبدة اللي ذكرتيها كنت حابة ريحتهم بس قلتي انها تسد المسام وخفت الصراحة.. الماسكرا الصراحة ما شدتني كثير ولا جربتها على ان صديقتي تمدحها مرة و ع الطاري . صديقتي هذي كان عندها مسكرا ديور شو وتمدح فيها مدح مو طبيعي وتقول لي انها احسن مسكرا بدون كلام . والحين معها ذي آر ريل ونفس الشي تمدحها أحسها كل ما اقتنت شي تطيره السما وكنت اشوف المسكرا على عيونها مب ذاك الزود يعني .. من ناحية المسكرا وعلى حسب تجربتي طريقة استخدامي لها تفرق كثيييير يعني لو مسكرا واحدة ممكن أطلع فيها بأكثر من شكل وأحب اشتري المسكرات الرخيصة او اللي من الدراق ستور لأني م استخدمها كثير ومناسباتي مو كثير ف أتحسف اشتري مسكرا غالية وتنشف علي وانا ما حللتها.. وأحب انا الشكل السبايدري للرموش من فوق وتحت مثل نينا عبدالملك يجوز لي هالمظهر بس مو بكل مناسبة طبعا.. ثانكس ع الطرح المميز
هُو مافيه شيء حتى المواد إللي فيه مُمتازة , لكن ما ناسب طبيعة جَسمي ..
وَ يمدحون إنك ما تعلق على مُنتج واحد , لكن للأسف أنا قبل حتى لا أعلق عليه ما تَناسب مَعي ..
المُقشر عَندي بعدني ما أسَتخدمته لكن بَجربه وَ أكيد بكتب تَجربتي عَنه , الزبدة فيها هالمادة للأسف
أما المقشر شكل ريحته لَطيفة وَ غير مُزعجة , بس كيف لو أنحطت بالجسم ؟
وَ الله ملاحظتك على صَديقتك أعجبتني , بالنسبة للماسكارا أنا تقريباً كل شهر لازم أشتري ماسكارا جديدة , حتى حق بنفت إللي ماعجبتني
خلصتها ما أتحسف عالماسكارا لأن أستخدمها يَومياً تقريباً , لذلك أفضل تكون من مواد جيدة حتى ما تَطير لي رَموشي ..
وَ نينا عبدالملك فيها كاريزما وَ ستايلش كل شيء يطلع عليها حلو , فَهمت ذوقك ..
أجل بتعجبك ماسكارا هيلينا روبن شتاين الأخيرة تعطيك كل المظهر إللي تبينه وَ زيادة ..
بالنسبة لماسكارا الدرق ستور تصدقين فيه ماسكارات من بورجوا وَ ماكس فاكتور وَ لوريال أطلق بمليون مَرة من بينفت
وَ فرق السعر واضح
نَورتيني ..
يسعدلي صباحج ،،
المنتجات والاعلانات
الفكره اللي تدور بمخ الأغلب ان المنتج بدون اعلان منتج فاشل ،
منتج غير معروف كيف اخاطر أكيد فيه شي غلط ..
مقدمه الموضوع ذكرتني بقصه الملك اللي يحيكون له ملابس مهب ملابس
والكل يقوله اوو وااو وهم ما يشوفون شي والخياطين يأخذون الذهب والحرير
وبالاخير طلع الملك للعامه بدون ملابس والخياطين ظفرو بِالحَرير والذهب
هذا حالنا تمام الخياطين هم راعين المنتجات واللي ماعندهم مصداقيه بالاحرى يشوفونه مو تمام بس الكل قال اوك نحن بنطلع شواذ عن القاعدة ف ينزين له مثل البقيه
اللي بيشتري المنتج هو الملك
ومحد ربحان بالنهايه غير الشركات لانت ولا هي يالعكس فقدتو مصداقيتكم ..
هذا هو حالنا للأسف يرفعون من قيمه الشي لان فلأنه قالت اوك كيف انا أقول لا
بالنسبة للمنتجات ماجريت منهم الا سوب اند قلوي جربت اللوشن ماحبيته ريحته مب حلوه ع الجسم وجربت السكراب ، امانه حبيته ريحته ليمون منعش بس ك استخدام حسّيت فيه شي غلط خليته لليدين بس أفضل تبع بودّي شوب البني اللي اي يغرشه نسيت اسمه هذا بطل ريحته جميله جدا وقوامه أفضل
الأي لينر كنت ناويه عليه حابه فكره السيليكون , بس يبالي أراجع قائمه المشتريات
طرح جميل مفيد
راقت لي قَصتك وَ ووسعتي مداركي وَ ملاحظتي ..
طبعاً مافي أحد يبي يقول هذا المُنتج غير جيد , لأن راح تنهال عليه الهَجمات وَ الضربات
لكن إللي واثق من نظرته وَ بالنهاية هو رأيه مفروض يعبر عنه وَ بالنهاية مفروض يتَحمل الهجوم ..
أستفدت من ذكرك للمُنتجات , أنا للأن ما جربت المُقشر بجربه خلال هالأسبوعين وَ نشوف أتأمل يَكون روعة ..
الأي لاينر أخذ جائزة ألور لكن ألور أنا أتابعهم وَ مقيمين مُنتجات كثيرة مُش قَد المُستوى
ما أدري على أي أساس لرُبما مقيمينها على براءة الأختراع أو الأفكار المُتفردة
نَورتيني
وي صبٱح الروقان..هههههههههههههههههههههه
حبيت مقدمة التدوينه قلتي اللي بقلبي علئ االي
يتعصبون لمنتجات شركه معينه شركتهم ابوهم واحنا
م ندري وشفايف بعارين هذا شي ثاني ضحكتيني والله
كنت قبل كم يوم في بؤتس وكانوا مسؤين عرض
علئ منتجات سوب اند قلوري واقفه اشاور نفسي
اشتري واجرب ولا.
احب اميل لمنتجات تعطي ريحه نظافه مو عطر خاصه اذا
لوشن وهالاشياء
حبيت طول التدوينه
حبيبتي والله الله يسعدك ٱد الدونيا
من كثر مدح الماسكرا تحمست كثير لها وع طول حطيتها باول اللسته وللاسف مو قد المدح ولاحتى نصه رموشي كثيفه ولونها اسود وتقريبا تعتبر طويله لكن ماعجبتني ابدن ابدن زي ماقلتي باهته وصعب تنظيفها ومرطب الشفايف ماشقق شفايفي لكن ماحسيته واو شي عادي جدا مايستحق نشتريه اتوقع بعض الي يمدحون ويطيرون السما هم من تهدا لهم المنتجات مجانا ليكتبون عنها طبعا البعض موب الكل او ممكن تكون ماجربت ماسكرا افضل منها غير انهم اذا مدحو شي وجت وحده عندها متابعين ولها ثقلها وذمت الي مادحينه اتوقع يحسون بهتك لذوقهم ورايهم هذا احنا ماعندنا احترام للبعض للاسف ولاحتى مصداقيه امدح الشي واهب فيه عشان مع الخيل ياشقرا
يعطيج العافيه ارتوس موضوع جدا جميل ❤️
بالنسبة لاي لاينر بينفت.. ماجربته بس صديقتي قالت من مشاكله ان ماتقدر ترسم خط ضعيف.. ناويه اجربه بنفسي ان شاءالله
و مرطبات ايوس واجهتني نفس المشكله :/
عاد من الضجه اللي سووها ماكفاني اشتري واحد.. قلت لا لا اجرب كذا نكهة.. و اكلتها و تورطت فيهم
تسلم دياتك عالتدوينة ..
بالنسبة لمرطبًeos سيء فعلا بس دعايته قوية جدا جدا جربته وحصل معي نفس اللي قلتي شفايفي جفت وصار فيها زي طبقة القشور حتى خواتي وقريباتي صارت معهم نفس المشكلة اخر شي رميناه
صباحك يا جميله
المرطب حق الجسم حسيته عطر فعﻻ و مرطب الشفايف انا ما شريته اﻻ عشان ريحته و للاسف طلع مضروب و صرعتني ريحته اتوقع تخزينه كان سئ اخذته من وايتس و ما مداني اجربه بناتي وولدي استولوا عليه بس دام هذا رايك فيه برميه
و دمتي لنا يا قمر
الحمدلله في احد مثلي ماحب المتسكارا، افتكر كنت ففيسز و نشبت لي وحده الله يهديها انها من افضل الماسكارات و ماعرف ايش .. و لما جربتها حسيت انها تكتل و ماحبيتها ابدا ، جلست تقولي انتي ماتعرفي تحطي ماسكارا .. مادري ايش فيها عصبت
ياصباح الخير
كثير ما اروح ضحية الاعلانات
جربت مرطبات eos بس ترطيبها ما كان كفايه
وكانت تقشر لي شفايفي
بينفت شاطرة في التسويق عملت إيفنتات كثيرة ومن ضمنها
لمنتج كان عبارة عن كريستالات تنحط
فوق الحواجب الصراحه مدري مين اللي بتطلع
وتحط كريستالات فوق حواجبها مدري يمكن بعدين
تعجبني بس ماتقبلت الفكرة جربت الاي لينر تعبهم بعد مدح كثير فكرته جديده
وحلو بالرسم بس كرهته من تعليبهم لازم افر من تحت ويطلع لي المنتج
واحيانا يكون كثير وغير كذا ينشف بسرعه والتعديل يكون صعب.
احب لما تكون تدويناتك طويله كلامك ماينمل منه بصراحه الله يسعدك ويوفقك.
أنا ليش دايما أقول أنتي رقم واحد سوس ؟ لأنج تتكلمين بالعقل والمنطق ومحايده وحقانيّه وكل رأيج هو من خلاصة تجاربج الشخصية ، ما عمرج يبتي كلام من الهوا .. تصدقين أحيانًا إذا ذمية منتج مُعين قدام أحد مُحبيه يحسسوني أني غلطت على أهلهُم ؟
من فترة تقريبًا طويلة كنت ناوية أني اشتري مرطب eos لكن أختي ما مدحته لي وذمته ألين ما طلع من خاطري ، قالت ينشف وبعد فترة كم شهر من الإستخدام يغير لون الشفايف ( يغمقهُم ) .
بصراحه سوس أنا استخدم مرطب الكاكاو بالمرز ، هذي صورته
http://1.bp.blogspot.com/-F_RoC4KNCwg/UbRverhw39I/AAAAAAAAB0g/YcRFL9GGUeM/s1600/PicsArt_1370775384352.jpg
يمكن العله أشوي بالريحه ، ما أحب ريحة الكاكاو ، خاصة ريحة البندق ، قبل كنت أستخدم لوشن بالمرز مع أن نتيجته كانت حلوه عليّ لكن ما قدرت استمر بسبب الريحه .
واستخدم مرطب الشفايف QV وصفته لي الطبيبه ، أبدًا أبدًا ماحبيته ، ما حبيت شكله ع الشفايف ، بالنسبالي مُزعج ، وما أحسه يرطب ..
دُمتي بسعاده
♥
ههههههههههههه كوبوليفا تأثري فيه للحين ههههههه يطري علي
بينفيت صراحه فكرت اجرب مجموعه ميني بدال خساير خخخخخ
وماعجبتني الماسكرا فعلا عااااديه بالنسبه للمدح صراحه الماسكرات مااعرف انقدها مثل المنتجات الثانيه بس كذا احساس يجيني ماعجبتني مع اني رموشي حلوه تمشي مع اي ماسكرا بس منج عرفت طريقه تقييم الماسكرا
الاي لاينر ماحبيته من نزل يعني حسيت بنات اليوتيوب وهم يسوون اعلان له كأنه صعب تطبيق المنتج
المرطب عند اختي ماعجبها تقول
حلوووه هالمواضيع عن الخساير هههههه
حبي لك احلى تووووسه
مساء التنوير والفهلوه والله …
اي عليك بهم علمينا وعلميهم تبين الصدق انا افهي بالاعلانات … بالذات اعلانات العيادات عاد احس فيها من النصب والكذب بس افهي مدري ليش عاد انا حدي السبا بالعيادات والليزر ودي اتطور واجرب اشياء خاصه انهم حاطين عروض مب هينه منها ابر البلازما بس ماقدرت اتخوفت تخيلي الاسبوع اللي فات كنت حاجزة موعد ومارحت لهم الغيته واللحين ندمانه راح علي العرض …
اما الملابس الميك اب والشوزات وماالى ذالك اشتري واجرب وكثير اشياء تطيح بكبدي هههههههه تذكرت مررة دخلت السوق وكنت ابي غرض واحد وبطلع تفاجئت بماركة شوزات تعزل وكاتبين اي شوز ب 75 عاد انا انبسطت ودخلت المحل الماركة اول مرة اسمع بها توغا اسمها ….لقيت الشوزات كانت بحدود الخمس ميه وفوق وصارت 75 قلت ماني خسرانه شي باخذ اربع بنص قيمة وحده واخترت اربع اشكالها تحف بس غير مريحه بتاتا البته قلت بخليها حقت تصوير يوما ما بنزلها بحسابي بالانستا …
مشكورة ياتوسه تدويناتك دائماً رائعة وبالرغم من انها طويله لكن ما أمل منها ابداً ❤️❤️ …حبيت اطلب منك طلب صوغنن
يعطيك العافييهه استمتعت كثير بالموضوع
انا جربت مرطب الشفايف ونفس الشي صار معاي جفاف مو طبيعي اساسا مرتين ووقفته.
بالنسبه للماسكرا عندي مشكله معاهم جربت انواع كثير اغلبهم يسببون لي تحسس ،
لانكوم الوحيده اللي حبيتها بشكل ككثافه او تطويل وكنت ناويه اجرب بينفت كتغيير لما شفت المدح عليها بس بعد كلامك شكلي بهوون:)
من القلب شكرا ارتوس
مابدي قول علی شو وشو ..
بدي قول عكتير شغلات
بنحبك كتيرررر
اهلين
فعلا الناس غريبة كونه عندهم المنتج لازم يصير وااااو بالعكس انا استفيد من التجربة اذا مااعجبني ماراح اشتريه مره ثانيه والا كيف بتحسن
احب فيك مصداقيتك جدا وهي من اهم الاسباب اللي تخليني ماأفوت ولاشي لك،وع طاري بنفت جربت منهم كذا شي ماأعجبوني رغم المدح اللي يجيهم فيه ناس يهمها الشكل والالوان او الاسم
عموما الف شكر لك ع جهودك ياقمر
يا مساء الخير للجميلة آرتوس..
صراحة اللي يعجبني أكثر من مواضيعج هو رآيج و مفاهيمج و مبادئج و صراحتج و فكرج..هههه كلج ع بعضج..بس فعلا استمتع لما أشوف السطور مليانة بكلام ينم عن عقل مستقل و متفتح و فاهم..ربي ينور عليج دنيا و آخرة..
المنتجات كثيرة، و الشركات المنتجة كثيرة..و عملية الشراء بتكون صعبة/محيرة إذا ما كان فيه تخصيص(مواصفات معينة فالمنتج/حاجة المشتري)..
مثال: لما أريد أشتري مرطب شفايف..
فيه مشتريين يطلبون مرطب شفايف ممتاز للترطيب فقط بدون مواصفات خاصة..فهالناس ما تفرق معهم أي منتج ب أي مواد مصنعة ب أي سلبية أخرى و من أي براند.. و بمجرد ما يصادف و يحصلون مرطب يرطب فقط يقولونةهذا الأحسن..
في المقابل..فيه مشتري يريد مرطب شفايف ترطيبه حلو بس ما يتنازل عن خصائص معينة فالمرطب..مثل أنها تكون مصنوعة من مواد كلها عضوية أو طبيعية، أنه ريحتها طيبة أو فيها نسبة نكهة حلوة، أنه المرطب يكون ملون،يعطي شوي لون ، أن المرطب يكون سهل الاستخدام ، الحجم و غيره..
ما فينا نجزم أن هذا المنتج هو الأحسن..بس فينا نقول أنه هذا المنتج مناسب لحاجتك أو لا، أو هذا المنتج يلبي متطلبك..
بس فيه نقطة..أحيانا يأتي مدحنا للشيء بسبب تركيزنا ع جودة المنتج أكثر من جودة فعاليته..
بينيفت..جربت من عندهم 2 برايمرز.. حلوين
جربت التاينت..صح يجفف الشفايف، ريحته مش حلوة..بس أحسه خفيف و مناسب ك بلاشر للي يحب أنه مظهره يكون طبيعي جدا..
المسكرا..أذكر أختي جربتها فالمحل..ابدد هب حلوة، يعني تلصق الرموش مع بعضها..يعني فعلا ك منظر ع الرموش مش حلوة و سيئة ..
فيه نقطة..فعلا أنا ضد أستخدام الأدوات (الفرشاة/الاسفنجة/الروج/…) اللي تستخدم فالمحل لتجربة المنتج..أكبر غلط..أذكر مرة ف سيفورا جربت المسكرا، والله تندمت ، تميت أوسوس أنه عيني بتلتهب أو يمكن شي يجيني ..لانه غلط 50 وحدة أستخدمت الفرشاة قبلي.. و هذا عيب فالشركة و المحل ..أنهم ما يوفرون فراشي أو عينات صغيرة تغنينا عن استخدام منتج استخدمه غيرنا فالمحل..يمكن العيب فينا احنا ك كاستمرز.. تعرفون ليش..لأنه المفروض نطلب هالشي و نحطي ملاحظة و نرسل ايميل ع الشركة..و هني بقول موقف، آرتوس حبيبتي، لما كنت ف ألمانيا و كنا ف مول و جينا عند قسم شانيل، المهم لما جربت البودرة قامت البائعة و طلعت لكل وحدة فينا (أنا و خواتي فرشاة جديدة و صغيرة) و حطتلنا البودرة كل وحدة بفرشاتها و بعد ما خلصنا عطتنا الفرشاة(للحين محتفظة فيها لاني حبيت البائعة بتعاملها) و قالت لنا كل شخص ياخذ فرشاته لانه ما نرجع نستخدمها ع كاستمر 2..هذا غير أنهم يعطون عينات لمكياج و منتجات عناية بكثرة..يعني أعطتنا عينات مسكرا + قلوس+عطور لكل وحدة فيناو شافت أمي جالسة تسولف مع حرمة 2 و أعطت أمي و الحرمة ع عينات بودرة، و في زيارة ثانية اعطونا عينات منتجات عناية..ع العموم هذا الصح ..بدل لا أجرب مسكرا مستخدمة فالمحل أو قلوس غيري حطه ع شفته، يعطوني عينة و أجربه..عيل بالله ليش الشركة تصنع عينات..مش عشان تكون لي خصوصية تجربة المنتج..حتى منتجات العناية،حتى لو عليها مدح قوي و اقرا عنها و عن مكوناتها،الأصح أنه أخذ عينة و أجربه، على الأقل عشان أتأكد أنه بشتري ما تتحسس منه أو مناسب لها أو لاء..بكذا الغرض من أنتاج عينة مجانية يحقق هدفه، و بكذا أنا أعرف شو المناسب لي بدون لا آذي نفسي أو أصرف فلوس ع منتج ما ناسبني أو ما حبيته.. بس تعالي شووووفي الأرف اللي عندنا..والله شي غريب و مقرف..تدخلي و تشترين ب مبلغ و تاليتها يقولون لج هدية و يعطونج عينة عطر ..نعم !!! جالسة أشحت..لا و لما أطلب عينة منتج، ما أعرف شو يصيبهم كأني جالسة أطلب إكرامية ع قولت أهل الشام..لا جد وش مشكلتهم مع العينات، مرات يقولون ما عندنا، و مرات خلصت، هذا غير النظرات اللي يوجهونا لج لما تقولين أريد عينة المنتج الفلاني !!! أصلا يا دوبهم بس يعطوني عينة عطر..أما عينة مكياج أو منتج عناية مفيش خالص ، يعني صدق فيه شي محير..برجع و بقول برع غيررر بالأخص ألمانيا،لاني ما رحت باقي أوروبا ف ما أقدر أحكم، مرة أختي تقولي شفتي فاونديشن ديور،قلتلها هي،قالت لي:هذي عينة مجانية مش مشترايه..قلتلها لا مستحيل،عن الاستهبال شفتي حجمها،هذي مش عينة،هذي أمي شاريتها(و بكل ثقة أجادلها) لين ما سألنا أمي و قالت لا عينةهذي!ما تتخيلون حجمها …هذا غير عينات الكريمات و العطور..أمي تقولنا يفتحون السدة و يشلون بايدينهم الثنتين العينات و يحطون ف أكياس أهلي، و أنا هناك طلبت عينات مكياج/منتجات عناية و والله أغدقوا علي بالعطاء كذا مرة تكرر مثل هالموقف، أما هنا ف باريس غاليري/سيفورا بالتحديد طلبت منهم عينات و قالولي ماعندنا + خلصت على الرغم من أني متأكدة بتواجد هالعينات عندهم ..طووولت بالكلام فهالنقطة لأنه هالموضوع أحس محد متنبه/متكلم فيه..أنا شخصيا ناوية على شي باتجاه سياستهم و حركاتهم..المرة القادمة بسأل + بقدم شكوى+هذا غير أني خلال هاليومين بخاطب الشركة الأم بما أني تذكرت الموضوع..
مرطبات eos من زمان و المدح فيهم شغال..و أغروني بمكوناتهم و شكلهم و نكهاتهم..على الرغم من السلبيات اللي ذكرتيها..بس ودي أجربهم..
سوب آند قالوري..جربت سكراب بريك فاست + سكراب 2 و شاور جل ما يحظرني اسماءهم..جربت glow lotion مرات قليلة..ما أقدر أحكم ع إضاءته بأنه مالي تجارب مع منتجات لهذا الغرض..بس انطباع عام..ريحته حلوة و إضاءته ع لونه خفيفين و حلوين..
أنا كنت ناويه أسوي سيرج عن مكوناتهم بزيادة..و الحمد لله انتي تكلمتي عنهم، أنا حاسة أنه فيه شي ما يطمن فيهم..أما بخصوص رائحة عطورهم ف هي فعلا قويه..حبيتها فالشاور جل و السكراب ..بس ف اللوشنات ما جربتها فما اقدر أحكم ما عدى لوشن جلو ..ريحته مش قويه مقارنة بكلامكم..
امممم تذكرت شي..آرتوس انتي تكلمتي عن تجربتج مع كريم العناية بالعين من شانيل..من هالمنظور بقول أنه فيه كريم الخلود الرائع من لوكسيتان Immortelle Divine Eyes محصل على جائزة عالمية بأنه الأفضل ف عام 2012 أظن و لا زال..و ع كلام البائعة أنه مقارنينه بشانيل و غيره و فاز ..و عليه مدح كثير..عاد الاجنبيات يقولن عاطنهن عمر أصغر من عمرهن ب 20 سنة ههههه..بس هذا الكريم مخصص للي 35 و طالع ..بس أغراني ههههه
تذكرت شي بعد بخصوص الماسكرا..مرة صدفة كنت ف محل ذا فيس شوب، و البائعة مدحت لي الماسكرا (ذا كولاجين ماسكرا) بما أنها الانسب ل رموشي ع قولتها..ما توقعت ف حياتي أني أظهر من هالمحل ب ماسكرا..و فعلا الماسطرا حلوة..تعطي طول و كثافة و شكل حلو..شخصيا حبيتها.. بس ما تعطي ثنية للرمش..اممم و سهلة لما تنشال..بالماي و عقب تحسين فيه طبقة تنشال و تطيح ع شكل قطع صغيرة مش سائل يسيح..
و هيكا طولت كتير كتير بالحكي..
يسلمو آرتوس
يعطيك الف عافية ارتوسآ
فعلا اللي كتبتيه معاك حق ضجة ع الفاضي خصوصا المرطب
حبيبتي قلتي بامكانك تحطي بودرة وتزيدي طبقات حتى تزبط المسكرا ممكن الطريقة
عندي مرطب eos جاني هديه وماكنت ناوية اشتريه حسيته خربوطه ، بس حليو ترطيبه جيد ومانشف لي شفايفي بالعكس
صرت لو مااحطه الا مره باليوم تقعد شفايفي ماتتشقق كالعادة
+ شفت مره صورة للمرطب كيف تفرقين بين الاصلي والغير اصلي :
الاصلي : الغطاء حقه مايتسكر ١٠٠٪ يعني فيه فراغ صغير بين الغطاء والقاعده
والغير اصلي : يتسكر الغطاء ١٠٠٪ يعني مافيه فراغ بينهم
ومنتجات سوب اند قلوري واضح انها تجاريه بحته ولا افكر اجربها لكن تسويق ممتاز
سبحان الله نفس رأيي بالماسكارا ابدا ماحبيتها عورت عيني فرشتها البلاستيكية ويبست رموشي وفرقتها بزياده صار شكلي غبي جدا
والحمدلله الحين مرتاحة على لانكوم وافكر اذا خلصت اجرب جيفنشي اللي كتبتي عنها
لأن رموشي نفس طبيعة رموشك تقريبا وخصوصا انا البس نظارة ورموشي طويلة وبعض الماسكرات تطول رموشي بزيادة لدرجة تصير
تصقع بالنظارة وتضايق .. والحمدلله مع لانكوم مالقيت هالمشكلة ..
الآي لاينر جربته بس ازعجني وحسيته صعب وما سهل علي الرسم ابدا بالعكس احس قيدني وما اقدر اخذ راحتي فيه ..
منتجات سوب اند قلوري حبيت شكلها اول ما نزلت ويوم رحت اشوفها ابدا ما تقبلت رائحة المنتجات جدا قوية ومتعبة ، بالنسبة لي افضل كريمات فيكتوريا سيكرت اكثر ريحتها عطرية خفيفه مو قوية نفس سوب اند قلوري
واختي عجبها كم منتج من سوب اند قلوري وشرته بس ما شافت فيه ذاك الترطيب .. يعني جد مايستحق هالضجة عليه
عموما انا اي شي يطيحون فيه الناس ويصير عليه ضجة ما اتحمس له ولا احب اجربه ودايم اكون مو مقتنعة فيه ..
يعطيك العافيه ارتوس مره استمتعت بالتدوينه .. حبيت ان فيها تنويع واكثر من منتج .. وصدق نبي تدوينه عن مفضلات من الميك اب او العناية
او منتجات تستخدمينها هالفترة بالميك اب اليومي .. كل شي منك حلو
كالعاده كبلوقر ماعمرك ولا ان شاء الله بتخيبين ظن متابعاتك هالكلام من محبه اكيد … ماراح اكتب لك عن التسويق المزيف والمقزز من البعض لمنتجات وشركات معينه انتي اخبر واعرف اكيد بحكم الي يوصلك .. كل المنتجات الي ذكرتيها كثير مااعجبتهم على كثرتهم وصدمتهم الا انها لسه متصدره المبيعات ليش؟؟! بسبب الاعلان والترويج الي مازال يتصيد قليلات الخبره والي تحب تشتري فقط لمجرد الاسم والسعر واكبر دليل مو فقط بالميك اب زي سالفه ايفون ٦ هههه للاسف الشديد صار تقيم البعض للشخص الي امامه باخر اصدار جديد بيده ؟!!! حتى لو مو محتاجه بيشتريه فقط لاهميه نظره الناس له !! … الحمد لله دايم العاقله والانسانه الي تمنع خواتها والعزيزين عليها بانهم يدفعون على شي مايستاهل مو من وجهه نظري فقط لكن ماينلعب علي تسويقياً والمنتج مايستاهل .. بعضهم ينخدع عشان حاط فيه السعر الفلاني بانه فعلا كويس بس عشان مايحس بانه خسر … شكرا ارتوس ماتقصرين الله يوفقك ويسعدك من جد من زمان اتمنى شخص صادق ويتكلم من محبه وشموليه زيك *قلب*
سللخير
كل ردي اختفااا
كنت ناويه اشتري ماسكرا ذي ار ريل بس انقذتي محفضتي
يسعدلي صباحك ..
مقدممممة رائعة بكل معنی الكلمة ..وياليت الناس يعرفو الشئ وانو لكل واحد رأيه واختلافاته .. مو لازم نكون نفس الشئ .. وخصوصا ان التجارب تختلف من شخص لأخر ..
بصراحة قلتي الكلام اللي بنفسي كله ..
بالنسبة لي كنت ناويه اشتري مجموعة سوب اند غلوري لما شفت الاقبال عليها قلت اكيد حلوة بس سبحان الله كلما ابغی اشتريها انساها ..وكويس اني شفت تجربتك لها ..وتكنسلت خلاص ..
ربي يعطيك العافية ارتوس عاللي تقدميه وعالتعب اللي تتعبينه معانا ..الف شكر لك ..
اي ارتوس كثري لنا من هالنوعيه من الموضوعات،لان دائما نطيح في فخ الدعايه من باب التجربه ونتوهق خاصة الناس اللي ميزانيتهم ماتسمح بكثرة التجارب والمجازفه
جزاك الله خييييير
ي قلبي انبسطت انك قريتي تعليقي …ودي اعالج ذا المسامات سويت لي ملف عند اخصائيه جلديه لن كانت بشرتي فيها حبوب بس حمدلله راحت واثارهاه بعد بس المسام اللي ع الانف م راحت ودايم تقولي استمري ع الكريمات اللي هي اكرتين ثلاث شهور بعدها عطتني سينكورين ومعاه تركيبه يسووها فالمستشفى استخدمتها شهر ونص واوقف شهرين حولها وبعدها ارجع مو معقوله استخدمها طول السنه احس البشره تترقق مع كثر التقشير وهي تقولي لا م يصير شي للبشره
ياهلا والله
ياهلا باللي كانت دافع للسنع بالنسبه لي
من كثر مالعالم تغار منك يقولون والله لو تكفر ارتوس غير تكفرين معها هههههههههه
ماسمعت عن المسكارا وقلم الكحل
بس اللي سمعت به هو المرطب
مادخل مزاجي ومانويت اجربه ابد
بس ممكن طلب صغيرون
تجربين صنفرة فرانك من نفس التاجره اللي شريتي منها المرطب
انا احسها حلوه ويبان نتايجها بسرعه
ممكن في شي مستخبي به تكتشفينه
هي عباره عن قهوه وكاكاو واتوقع زيت اللوز لانهم يقولون يشد الجسم
وفي نكهات ثانيه بالعنب وبالنكهه الاصليه
انا اللي خذيتها بالكاكاو
لك يوم جربيها وشوفيها وش تكون ووش فوايدها والاهم اضرارها
مساء الخير ..
انا معاك بالماسكرا توقعت اداء افضل لان انا رموشي قصيره وستريت يعني لازن اعكفهم قبل بس مازالت مع الماسكرا تخليها يابسه وتتكتل على الرمش للاسف..
بس الايلينر ناسبني مره حلو قوامه وسلس وكثير قالوا العكس واللي يميزه سواده حلو ، وصدق مرطب الشفايف توقعت بس انا يعطيني ترطيب بس اول ما احطه وبعدين تنشف شفايفي مررره يختفي كل الترطيب اللي موجود .
ويعطيك العافية آروتس ،،
منتجاب فيكتوريا سيكريت تعقدت منها وحسيت ان مامنها فائدة تذكر و مجرد رائحه عطريه
يسعد قلبك على هالتدوينه ويسلم راسك لاهان التعب وملا دربك فرح
السلام عليكم
أهلا أرتوس ❤
أنا من المتابعين القدامى لك
لكن أول مرة أرد على وحدة من تدويناتك
ياهَلا بك يالعَنود للأسف ردودك ماوَصلت لي كاملة وَ لا أتشرف بك وَ بتواجدك 🙁
انا معك في ابداء الراي سواء كان سلبي او ايجابي
تعبنا من كثر المدح و التطبيل على المنتجات
واكيد كل بشره فيه الي يناسبها و العكس
انا صراحتا كنت متحمسه للمسكارا بس بما انها باهته وماتروح بسهوله كنسلتها من القائمه
الله يجزاك خير و يسعدك وين ما تكونين
يعطيكي العافية على هالتدوينة الحلوى .. انا اول مرة اعلق في مدونتك ورايك عجبني بالنسبة الى المنتجات .. زي مسكارا بينفت انا جربتها وما عجيظبتني وكذا مرة لما اروح سيفورا يقنعوني انها مرة كويسة .. بس ان حسيت انها قوية على الرموش وتعطي مظهريابس .. وبالنسبة الى مرطب eos اول ما استخدمته حسيت ان يرطب بعدين جقف شفايفي وظليت اقنع نفسي ان هو كويس بس المشكلة فيني
هههههههههه
خطيرة والله
كلماتك هيك بالصميم
احلى شي كوبوليفا هههههههه
فعلا كلنا تصير معنا هالشغلات وعقولنا نغسلت
يالله عنا تأثير الاعلام فظييييييع اكتر من تاثير كل شي بلحياه
فيكتوريا سكرت
ماعندنا الا عطور وهيك مافي لانجري
فجاتني فترى كل يوم افتح الويب سايت تبعهم
واتخيل لو جبت هالبجاما او هالاندر وير حصير انجل من فكتوريا سكرت لوووووووول
وبعد فترة صحبتي قالتلي والله بجاماتهم عادية وتخرب مافيها شي زايد
ولحالي قتنعت الحمدلله بس
طبعا لو حدا اهداني مارح قول لا ورح انبسط
بنسبه لبنفت هالماركة بحسها يلي حابة تخلي البيرو تبعها كيوت تشتريها
الحمدلله ماجاني مرض التعلق فيها هههههه ابدا
احيانا عندي قناعه تنزل فجأه سبحان الله ومع هيك ماما ماتشوف هالعناقه توصفني بلطمع الدائم هههههههه
المرطب جربتو ومن اسوء المرطبات يلي جربتها خيب املي وبعدو قتنعت انو كل شي ينشهر
فاشوش !!!!!
حطيتو كم يوم وكنت ادوق طعمو ريحتو موطبيعيه
بس كترطيب عدم وعملي شفايفي بيضا والله نفس الشي وجفاف يقرف بصراحه
احيانا بحطو فوق ليب لاينر اذا كان مات كتير
فيطلعت اوكي بما انو هو موغلوسي زياده
عفكرة لثالث مرة بقرا التدوينه
كنت قبل فترة متحمسة اشتري اشياء Soap & Glory لانو شكلها مغري بابنسبة ليها
ونفس الشي للمرطبات
وحمدالله قريت تدوينتك عنها
توسة انا مرة احب اقرا تدوينات فيها خلينا تقول جرعات كبييره من المعلومات بالنسبة لسني فتحتي ذاكرتي على اشياء لازم انتبهلها وخصوصا اما لمن انزل اي شي يعجبني على طول اشترية ويمكن دا شي غلط والمشكلة الاكبر انزل عشان اشتري شي اروح لاشياء تانية وانسا الشي الاساس
ومرة يعجبني فيكي طريقت نقدك للشي وطريقت تفكيرك رااااقية
دمتي بحب <- نقلدك
مشكوره على التدوينه ارتوس ، فعلا انا الاحظ ان الشركات اللي اعلانها مايسوي ضجه هي اللي تكون منتجاتها افضل . مرطب eos صدمني بعد ماتوقعته شي واو ومنتجات سوب اند غلوري احسها عاديه بس ريحتها هي المميزه .
يعطيك العافيه توسه لاحظت فعلاً ان البنات يزعلون اذا سبيتي
منتج عاجبهم لكن حسّيت باحساسهم الليله
عادي مُمكن تعبرين عن وَجهة نظرك ..
هذي وَ جهة نظري خاصة إن نقدي للمُنتجات مافيه أي إهانة لمُقتنين المُنتج ..
نورتيني يا قَمره
السلام عليكم
أهلا أرتوس ❤
أنا من المتابعين القدامى لك
لكن أول مرة أرد على وحدة من تدويناتك
ردي ينرسل مقطوع، مافيه الا أربع سطور، ليه؟!!
احباط والله :”(
صدقتي توي بديت اجرب ماسكرة بينفت قبل اسبوعين مااعجبتني تلزق الرموش وصعبة الازالة، الميزة الوحيدة اللي فيها انها تتطول الرموش وصرت استخدم معاها ماسكرا ثانية عشان افرق الرموش واكثفهم
يعطيك العافية ارتوس
اهلين ارتوس
انا الماسكرا كنت بجن عليها وع المدح اللي جاها خاصه البرازيليه كاميلا كانت مقطعتها مدح وخاصه فرشتها والشعيرات الي تكون بالمقدمه بس ماصار ان اشتريها لان عندي وحده من لانكوم .. والحمد لله اني ماشريتها ..
الموضوع جميل ، منطقي ومنصف … بس اختلف معاك في نقطه 🙂
احس الشي الممتاز ما يحتاج دعاية وتجميل لأنه هو أساساً ممتاز يمكن بس يحتاج تعريف بالمنتج للإنتشار …
مو كأني اتكلم عن الدعايه من منظور ثاني!! ههههه يعني وصلت خير واختلافي معك وصلني لاتفاق وموافقه وتطابق في وجهات النظر
^
^
^
اعذريني على الخرابيط اللي فوق ، ما مر علي من المنتجات الي عرضتها الا مرطب الشفايف بس للأسف مو انا مجربته :/
بنتي عمرها ٥ سنوات وشافته عند قريباتهاوبما اني معودتها ع ترطيب شفايفها ودايما اشتريلها مرطبات طبيه ومسموحه للأطفال رفضت أشتريه لها وجاها هديه من كثر ما تهذري به :))
وفعلا اذا حطته احسها ماكله شحم ونشف !! ما ادري كيف اشرحلك بس منظره سيّء وجدا جدا جدا سببلها جفاف وطبعاً سياستي اني اخبيه واقولها ضاع لين تنسى :”((
يختي انا عندي نفس الافكار بخصوص الاعلانات بس ماحب اناقشها علنا العالم ماتتقبل فكر مغاير وكانك تهاجمي شخصهم لان هم مقتنعين ببعض الافكار واذا انتقدتيها تتحطم حركات الهياط ماس تغير عفش بيتها كل سنه بس ماتصرف ريال واحد على جسمها وبشرتها واذا فكرتي تقوليلها انه ماله داعي تطلعي انتي فقريه وكذا معا العلم انك ممكن تصرفي على نفسك بالسنه اغلى من قيمة عفش بيتها كلله..الواحد ينبسط لما يلاقي ناس تصرف بوعي وترتب اولوياتها حسب المنفعه والوناسه مو بس للمباهاه والهياط …ارتوسه احبك في الله
الحمد لله مااقتنيت شي من هذي المنتجات
ودايم استفيد من الردود الحين انتظر الدوره تجي عشان اجرب كوتكس هههههه
الله يوفقك
ههههههههههه إن شاء الله تعجبك ، بس خذي الرقيقة ..
أنا أخذ كذا نُوع خاصة أفضل الليلية الكبيرة للنوم تريحني وَ لا تبقعني ..
يعني مو كلها بنفس الراحة
السلام عليكم
أهلا أرتوس ❤
أنا من المتابعين القدامى لك
لكن أول مرة أرد على وحدة من تدويناتك
يا بَعدي إنتِ عانيتي من جَد ..
مُشكلة الردود حاولي ما تَستخدمين سمايلات ..
مقدرة لك هالمَجهود وَ الله
راح أقسم ردي على أجزاء كل جزء أربع سطور، مصرة ان يوصلك ردي هههههه، المهم ارتوس الله يعافيك حاولي تحلين مشكلة الردود، مشكلة تسبب الاحباط 🙁
تدوينة مفيدة ومفصلة كالعادة
صحيح الناس يتعصبون للشركات اللي يحبونها بشكل مو طبيعي كأن عندهم أسهم من الشركة أو شي
حَبيت أسَهم .. وَ الله جبتيها صَح ..
بالنسبة لمرطب الشفايف، أنا ماصار لي مثلك، بس مرة ما أعجبني، الحمدلله اني ماشريته جايني هدية “اللي يسمعك يقول غالي وهو رخيص” ، هو مانشف شفايفي مثلك لكن مارطبها! ترطيبه جددددددا خفيف مايستحق هالضجة أبدا، لكن صحيح شكله جدا جميل ومغري.
المرطب مافيه شيء من مواده مُضر ، إنما عدم تلائم لطبيعة الجلد فَقط ..
عندي تعليق على ماسكارا They’re Real
أنا شريتها من فترة وخلصتها من شهرين تقريبا
رأيي عنها انها مرة حلوة وناسبتني جدا ❤
لكن طبعا مافيه ماسكارا مناسبة للجميع!
أكيد مافي ماسكارا مُناسبة للجميع ، لكن هالماسكارا لها عيوب من ناحية الإزالة
من ناحية الشكل راح يتفاوت المَوضوع ، لكن من ناحية الإزالة ما أعتقد
أخواتي وهم أخواتي يقولون العنود شوفي هذا الماسكارا مرة حلوة جربيها، ولما أجربها ماتعجبني أبدا وماتناسبني
أخواتي رموشهم كثيفة وطويلة سميكة وسوداء جدا ومعكوفة بسم الله عليهم ماشاء الله تبارك الله، لكن أنا ولحظي التعيس، الوحيدة بالعايلة اللي رموشها مختلفة
حتى أخوي رومشه أحلى مني وهو ولد
كل ماله يقلل السطور، كانت ٤، ثم صارت ٣ ثم صارت ٢ ثم صارت ١. يستهبل 🙂
أنا رموشي خفيفة وناعمة جدا ومستقيمة وقصيرة نوعا ما
ناااااادر جدا أجرب ماسكارا وتناسبني، أغلب الماسكارات اللي عليها ضجة ماتنسابني، وكل الماسكارات اللي تعجب أخواتي ماتناسبني، تكتل رموشي وتلزقها ببعض.
لكن هذي الماسكارا جدا ناسبتني وأعجبتني، شكل الماسكارا تناسب اللي رموشهم خفيفة وناعمة أكثر شي عشان كذا ماناسبتك
رموشي ناعمة عشان كذا أستخدم المَقصعة تعطيها مَظهر أكثر خَشونة ..
لكن أنا ضَد المادة نفسها مُش الفرشة ، ركزي لتوضيحي ..
بالنسبة للمشاكل اللي ذكرتيها، مالاحظت انها تجفف الرموش، ولا انها تلزقها، ولا ان سوادها باهت، بالعكس مرة أعجبتني.
حتى أول مرة جربتها كنت رايحة لعزيمة، وقالت لي أختي يوم شافتني “مركبة فالسيز؟” مستغربة رموشي يعني، انبسططت من ردة فعلها لأن معناتها ان ماسكارتي نفعت لي.
يعني اذا أنتي رموشك خفيفة وناعمة وقصيرة، جربيها، ليه لا؟ ممكن تناسبك.
لكن الصراحة ماراح أشتريها مرة ثانية، لأن أنا ما أشتري مكياج ومنتجات عناية بالبشرة والشعر الا من الماركات Cruelty Free
“الكروليتي فري” يعني اللي ماتعمل تجارب عالحيوانات، لأن أنا ضد هالشي، اوكي أوافق عالتجارب عالحيوانات في مجال الأدوية، لكن ما أوافق عليه في مجال التجميل والعناية
.حتى لو اني غير محبة للحيوانات ماراح أوافق على هالشي.
يا عَيني على مُهتمة بالحَيوانات .. الله الله
وماركة بينيفت ماركة غير كروليتي فري، وماشريت منهم ذيك المرة الا لأني كنت مزنوقة، كانت ماسكارتي مخلصة، وفيه عزيمة بأروح لها بعد يومين لازم أشتري ماسكارا على طول، فشريت هذي الماسكارا، والحمدلله ناسبتني، صحيح حلوة ومرة ناسبتني وكل شي لكنها غير كروليتي فري، عشان كذا ماراح أشتريها مرة ثانية.
أقولك شي أرتوس فيه عندي فكرة حلوة، ناوية أصير أشتري ماسكارات من ماركات كورية ويابانية، لأني لاحظت ان رموشهم مثل رموشي، وأنا أتابع دراماتهم “أنا محبة درامات كورية ويابانية، وانيمي ومانجا برضو..وش رايك بالشطحة؟” يعني رموشهم مثل رموشي خفيفة وناعمة ومستقيمة، يعني احتمال كبير ان جدا تناسبني ماسكارا كورية أو يابانية، صح ولا لا؟
وش رايك فيني والله اني ذكية
إذا مَرتاحة للبراند ليش لأ
واستمري اكتبي عن ليون، أنا محبة للحيوانات جدا، وخصوصا القطط والكلاب والخيول، فمرررررة انبسط لما تكتبين عن أي شي متعلق بالحيوانات.
كثري من تدويناتك عن الحيوانات، ترى فيه كثير من متابعيك يحبون الحيوانات + التنويع في تصنيف التدوينات شي حلو ويبعد الملل 😉
بيزعلون مَني بيقولون يالله نبي عن الرياضة ..
وَ الله ماشاء الله إللي لاحظته تدوينات ليون نسبة الردود بها عالية وَ حتى نسبة زيارة المَوضوع
وترى القطوة المشردة اللي تجي بيتكم شكلها مو قطوة شوارع، من كثافة شعرها ومن تصرفاتها شكلها قطة بيت، يامطرودة ومرمية بالشارع يا هي انحاشت بنفسها يوم جا موسم التزاوج، يعني حاول تمسكينها وتحبسينها وأرسل لك أحد ياخذها، يوديها لمكان زي الشيلتر للقطط فيه بيطرية نيوزلندية تعتني بقطط الشوارع وتنظفهم وتعالجهم من كل شي ثم تعرضهم للتبني، قولي لي عشان أعطيك رقمها..رديت عليك بانستقرام في صورة القطوة وهي تناظر نفسها بالمراية و كلميني بالخاص هناك اذا تبين..لأن حرام شكلها حقت بيوت.
لا قطوة شوارع ١٠٠٪ مدري شلون شايفين بالصور شعرها كثير شعرها ترى مَنتوف ..
وَ أنا بنفس الوقت ما أحاول أصورها صَورة أيتها حاقة تظهر عدم جَمالها لوووووووول ..
وَ ترى ما تَحب البيت يعني تحب الشارع وَ تلعب مع قطو بالشارع لو شفتي شكله بتنخرعين
قطوة شوارع ما تَخافين منب غشيمة لذي الدرجة .. أصلاً حتى صغيرة وَ ترى عنيفة وَ عندها قدرة مهب طبيعية على تسلق سور البيت
أول كنت خايفة عليها من الشارع طلعت ما تَحب البيت ، تحب تاكل بس تطفش وَ تطلع ..
وَ شاكرة لك إهتمامك ، مَقدرة عنائك
شكرا أرتوس وجزاك الله خير على تعبك معانا❤
١٧ رد 😮 يوه ياكثر كلامي، وعنيدة الا لازم يوصلك ردي، آسفة اذا أزعجتك ><" وأرجو انك تحلين هالمشكلة، لأن مايصير كل ماجيت أرد على تدويناتك أقسم ردي على أجزاء.
بَطلي سمايلات راح تَنحل ..
وَ أبداً نورتيني
جد بالنسبه للزعل شي غريب وفي نفس الوقت اتفهمه
واتفهم اكثرر ليش الناس تمدح ماتقتنيه غالبا لانو ماجرب غيره واللي هو بالاصل افضل منه فيضل اللي عنده هو احسن شي طبعا الا اذا كان الشي خايس مرررره اتفهم وجهة نظرهم
فالعقل الواعي يقول جربت كذا وكذا وحلوه ومناسبتني ولا يتعصب لها لان اكيد فيه اللي افضل منها بالتجربه حيكتشف قد ايش كان عايش في كهف هههههههههههههه وظالم نفسه بالمنتج
اتفهم وجهات نظر البعض حتى لو خاطئه وهذا شي غلط لأن الانتقاد الجيد والذكي يحسن الشخص وهالشي لاحظته فيك كثيرررررر اشياء تنتقدينها كنت اتقبلها وعادي عندي بس برافوا عليك هالشي حسن فيني اشياء كثير
والدليل موقفك مع الاسواره اثبتلي انو اللي يمدح شي بس عشان اسم الماركه غلط مع انو كنت اتفهم ردة فعلهم وما الومهم
ماجربت من المنتجات كلها الا الماسكرا وحبيتها ههههههههههههههههههههه ماتكتل وهذا من اهم الاشياء عندي في المسكرات و ماتطبع في الجفن صح ماتكثف الرموش احس تطولها يمكن لأن رموشي طويله خلقه وجربت ميبلين حبيتها اكثر من بينفت
(ما فينا نجزم أن هذا المنتج هو الأحسن..بس فينا نقول أنه هذا المنتج مناسب لحاجتك أو لا، أو هذا المنتج يلبي متطلبك) اقتباس من رد
royal_simplicity90
قالت اللي في نفسي و ما عرفت كيف اقوله
تصدقين لمى قريت عباره لامتها من الشارع تخيلت شوارع لندن الجميله ممن جمالك مع انك عايشه في الرياض ههههههههههههههههههه شي غريب طريقة تفكير البشر شي يستحف التأمل
نَورتيني وَ أحييك على هالرَد ..
الواحد ينقل تَجربته وَ على الكل يتقبل تجربته خاصة لو تجربته مافيها إهانة إنما نقل إحساسه وَ إنطباعه ..
وَ مرة وحدة لندن ، عيونك جَميلة تحاول تترجم أي شيء بَشكل جَمالي ..
أرد عليك بشكل مُستعجل حتى أقدر ألحق على بَقية الرَدود ..
وَ جاز لي تحليلك .. وَ وصل لي المَغزى
ماسكارا بينفت أعجبتني كشكل على الرمش طول و كثافة و سواد لكن أنا استخدم عكافة الرموش أول و أحط طبقتين ماسكارا لكن عيبها الي لاحظته هو إن إزالتها صدق صعبه و تحسين رموشك مدبقة .. المشكلة اليوم شريتها مره ثانيه:( ليتني جربت شيء ثاني وليتني قريت موضوعك قبل اشتريتها .. واشتريت كريم برايمر بنفت حق تصغير المسامات الواسعة لأن اذكر قريت عنه مدح في النت .. يااارب يطّلع حلو و ما اتحسف على الخساير …. شكرًا ارتوس على كلامك المفيد و تجاربك الحلوة
عادي مُو مشكلة ، تَجربة حلوة وَ نتعلم مَنها وَ نستفيد ..
وَ العمر قدامك إن شاء الله تجربين غيرها من المُنتجات ..
وَ إن شاء الله يضبط معك البرايمر ..
نورتيني ياجَميلة
خارج النص : لما اشوف مواضيعك يا ارتوس واشوف كمية الجمال اللي فيك واشوف رغم انو فيك شوية غرور ( حتى انتي تقولين هالشي عن نفسك ) يعني لا تزعلين مني .. الا انك تعطين بصدق تبين الكل يتغير للافضل والأجمل .. فبعد هالتعب هذا كله والجهد الوم نفسي ليش للحين ما تغيرت للنتيجه اللي اطمح لها وليش للحين اتحمس بالكثير شهرين واوقف .. ارتوس .. مادري اذا تكفيك منا الدعوات ! ربي يجزاك الجنه
يا هَلا بك .. أنا فَيني ثقة بنفسي وَ إعتزاز بالنَفس
وَ ما أتوقع هالشيء يُسمى غُرور ، لو فيني غَرور ما كان أعطيت كل شَخص حقه بالرد
أتوقع إنتِ بنفسك بتشوفين كثير بنات بهالحياة عندهم رُبع إللي عَندي وَ لو حاكيتيها ما راح تَرد عليك ..
كوني عارفة مَين أنا وَ وش ميزتي مايعني إني مَغرورة ..
الناس هُم يبنون فكرة تَصورية من راسهم أنا مُش مسؤولة عَنها .. أشوف من الإجحاف تَحكم على شَخص إنت ما شفت مَنه أذية إنه مَغرور
كَوني أملك شيء حلو أشوفها عيبة بَحقي هالكَلمة ، وَ ترى ما عَمري قلت إني مَغرورة إلا إذا قلت كلمة ثانية وَ إنتِ فسرتيها بهالشَكل ..
أنا إنسانة عارفة قَيمة نَفسي وَ مُتمكنة من عَلمي فَقط
وَ كوني أصرح بهالشيء هذا إسمه ثقة بالذات بعيداً عن الغرور ..
وَ مازعلت منك بس حسيت الكلمة مُجحفة بَحقي وَ تعيبني ، وَ الدعوات أكيد تَكفي وَ توفي ..
نورتيني
جد مرطب الشفايف جداً سئ وعندي مرطب كارمكس من التميمي بسبعه احسن منه بألف مره وماركه سوب اند قلوري جدا تعيسه
لو تدرين يا أرتوس قد ايش استفدت منك من أيام منتدى حواء وأتوقع كان لي ردود على مواضيعك ف حواء وشمواه
بجد بجد أحسك قريبة مني بالرغم اني انا بس اللي اعرفك واعرفك معرفة نتيّة فقط
دعواتي الصادقة لك ولمن تحبين بسعادة لاشقاء بعدها
تَشرفيني بَكل أحوالك يا قَلبي إنتِ ..
سعيدة بتعليقك وَ تسلمين لي لدَعواتك الصآدقة
ارتوس أول مرة صراحة أخالفك بنقطة وهي مسكرة بنفت! اللي عندي ثالث علبة اشتريها وعاجبتني بشكللل
انا رموشي قصيرة مرة ومب مرة كثيفه عشان تكونين بالصورة فتقريبا المسكرة اهم شي استخدمه بوجهي ومجربة انواع كثيرة منها اخر مسكرة من بنفت الرولر ناسية اسمها بس انها سيئة ماعجبتني ابد
بس هذي عشششقق تجنن أحبها مع مكياج صباحي او اذا اشتهيت رموش طبيعيه بدون سواد مسكرة قوي يعني على وجه بدون ولا نقطة مكياج
فعلا طلعتلي شعر مدري من وين و ت ط وّ ل بشكل خرافي لاحظي اني قلتلك رموشي قصييرة مرة نتف
لما احطها مثل ما قلتي السواد الباهت يعطيك لمحة ان الرموش طبيعيه خصوصا لما تنشف وتشوفين وجهك من الجنب تحسين فعلا كأنها رموش ماكأني حاطة عليها شي وغير كذا تفرّق الرموش بشكل جمييل ومرتب
بعد مااحطها اعفطها بالكرلر وتوسع عيوني مررة وتوضح أكثر
هي ماينفع لها اكثر من مرتين تكرار لأن بعدها تعطيك شكل “سبايدري” على قولة الاجانب وتطلع تفشل
بس صدقيني حطيها مرة على رموشك ومشطي فيها زين ووصليها للأطراف بعدين اعفطيهم وشوفي كيف بتطلع بتغيرين رايك لو شفتيها بذا المنظور
على فكرة أول مرة أعلق وصايرة أتابعك من قريب بس أدمنت البلوق حقك، احترم فيك حبك لمشاركة تجاربك وانك ماتبخلين تعطين أي معلومة وحبك للاستطلاع والبحث لين ترضين نفسك وتتأكدين انك قاعدة تسوين الشي الصح
تعلمت منك كثيييير أشياء لو ابحث عنها ماراح القاها بالشكل المطلوب اللي انا ابيه بس أنتي لقيت عندك المطلوب واكثر
“خير الناس أنفعهم للناس” شكرا كبيرة لك الله يسعدك يارب
أبداً الإختلاف بالرأي لا يَفسد للود قَضية ..
لكن على تَجاربي للماسكارا ماشفتها تَستاهل هالضَجة ، يمكن لو جربتي إللي جَربته يَختلف رأيك ..
وَ البهتان أنا شَفت إنه ما يَعطي نظرة نظيفة للعين ، لكن الناس أذواق وَ يمكن سَحرك طَغى ..
بس ماراح أرجع أشتري ماسكارا من هالبراند لأن المَدفوع بإعلاناته أكثر من المَدفوع بجودة المُنتج فعلياً
يعني ليش أشتري مُنتج لمُحاولة جعله مُنتج مَثالي بالغَصب أو أساير به أراء الناس ، إذا ما أعجبني فَهو ما أعجبني ..
لما تَشتري مُنتج من المُفترض يكون رائع من الضربة الأولى بَدون مُحاولة العناء لجعله أفَضل ( هُنا يُحكم إن المُنتج مَثالي )
وَ نورتيني بأول تَعليق وَ خليني أشَوفك دائم إنتِ وكلماتك الحَلوة
عزيزتي اروووتس يشهد الله اني احبك
انتي ايقونتي في العنايه والجمال
شكرا
لي تعليق ع انه الناس تزعل لما تسبي حاجه مدحوها
مره انا واخي جايين بالطريق وقلت له جيب عصير راح يعجبك جوافه بالحليب او شمام بالحليب ماني فاكره المهم كنت متحمسه يذوقه واستناه ها ذقته ها ذقته وبعدها شرب منه وقال
حابه اقولك ع
ع فكره بادا مااستشفيت ولو واحد بالميه انك مغروره بالعكس دايما اقول يسلم فمك يا توسه الله يسعدك انا متبنيه لكل اراىك
مساء الخير
بالنسبة لمنتجات بنفيت تعليب جميل واعلانات جميلة صحيح هذا الكلام طبعا فية منتجات جميلة عندهم ماانكر بس المسكرة جربتها سيئة جداً بالنسبة لي بهتان فضيع وتجفيف احس رموشي بتتكسر
الاينير حقهم جربتة بعد حبيت لونة بس كمنتج وطريقة تعليب سيئه بالنسبة لي
المرطبات انتشر للاسف تقليد منها بشكل مرعب
انا استعملتة من نفس الشركة طلبتة اول تجربة صار لي كذا شوي قشور وحرورة شوي بالشفايف بس بعد كم يوم بالاستخدام حبيتة جداً جداً مع ان ترطيبة متوسط
بالنسبة لمنتجات سوب اند جلوري تصدقين جبت المجموعة كاملة من صيدلية في لندن حبيت ريحة العطر وكريم يعطي لمعة بس احسة ينشف الجلد وبما اني مااحب الكريمات الي فيها عطور وبشرتي ماتتحملها صرت اخلطها بكريمي اذا فية مناسبة تعطي لمعة جميلة
صراحة كان عجبني المرطبات..شكلها كيوووت..
شكلي بشتري عشان شكلها بس..لووووول..
موفقة توسا..♡♡
منتجات سوب اند قلوري ما جازت لي بسبب كمية العطور اللي فيها
و مرطبات الشفايف كنت متحمسة لها و لازلت و بشوف رح تناسبني او لا
شكرا يا جميلة
للمبتدئين وش احسن كونتور كريمي او البودرة
ماسكرا بينفيت والمرطب دا من اكبر الكذبات
ماسكرا ايسنس بعشرين ريال اعطتني نتيجه اجمل بكتير من بينفيت
ومرطب الشفايف فعلا قشر شفايفي ورميته كامل
شكرا لعدم تطبيلك ومصداقيتك وامانتك ومو غريب عليك ابدا
ولا تستغربي من اراء البنات وزعلهم ..
في بنات تقنع نفسها تلقائيا بجمال المنتج او المطعم او اللبس بمجرد مايمدحوه ناس معروفين
ياشيخه انا الين دحين اتضارب مع ناس كباااااار
مصرين ان الايفون افضل من الجالكسي طيب انا حرة مماحبيت الايفون
ويمسكوا جوالي ويصوروا وتطلع الصورة انقى وافضل وبرضو يعايبوا ع السامسونج هههههههههه
طيب من جد انتوا لكم نسبه ولا ايش ؟؟
في ناس مقتنعه ان الايفون للناس الفخمه الكويسه والسامسونج للمواطنين الاقل من عاديين هههههههههههه والله شي يضحك
وقيسي عليها
فعلا بيزلين سيىء مع اني كنت شارية مرطب شكل ثاني ماحبيته كني توني قايمه من ذبيحه وشفايفي عليها طبقة دهن او شحم ههههههههه
ومشكورة تكلمتي عن هالمقشر لاني كنت بشتريه من كثر المدح
السلام عليكم ورحمة الله وبركاته
كيفك ياعسل
اممم تعليقي ليس له صله بالموضوع قد ماأنه رأيي للبتاع كله ههههه
بصراحه فجأه طحت على مدونتك واخذت فرة بسيطه على كم موضوع حبيت أسلوبك في طرح المواضيع أسلوب جميل احب هذا النوع من التدوين
اللي تتكلم عن المنتج كمعلومات وبعدها تقول التجربه لانها تغنيني عن البحث عن المنتج وبعدها اقرأ رأيها
الزبده ياعسل كل شي حلو في المدونه وموفقه وراح اكون من متابعينك الدائمين بإذن الله
وعندي طلبين صغيرين :
1- بليييز خط المدونه اذ ماعليك امر غيريه وكبري حجمه لان مرا يتعب في القراءه
2- وباين من تصويرك عندك كاميرا احترافيه ماشاء الله فياليت تتكلمين عن الكاميرات وايش عندك من معلومات ممكن تفيد المبتدئين واكون لك من الشاكرين يعني زوايا التصوير الفلاش الاضاءه الخلفيات الاعدادت وهكذا احتاج معلومات كذا
وشكرا واعتذر للإطاله