صَباح / مَساء الخير
شَخباركم صَبايا وَ حريمز ؟!
فيه شغلة لاحظتها في بناتنا وَ خاصة ببعض صديقاتي ، ألاحظ إنهم مايحبون البلاشر وَ لا يحطونه آبداً
شخصياً أعشق البلاشر وَ عدد البلاشرز إللي عندي أكثر من الأرواج ، وَ ما أستغنى عنه خاصة مع الماكياج البسيط
مرة سألت وحدة من صديقاتي ليه ماتحبون البلاشر ؟
قالت لي : لأنه يسمر ، صراحه إستغربت من ردها ، وَ إلى الآن ماعرف ليه بناتنا أغلبهم مايحبون البلاشر
فيه وحدة قالت لي بالأنستا : إن اللون القوي ممكن يعطي مظهر قديم لذاك أرجح خوف البنات من هاللون يرجع لخوفهم من إستخدام ألوان تعطيهم مَظهر مُزعج
أما بَخصوص إللي يَشوفونه يَسمر وَ يزيل بياض الأساس ، بيصير وَجهك صَفحة بدون معالم طبيعية بدون بلاشر ، مُمكن يقلل البياض بَس يعطيك رَونق أحسن من البياض الجبسي ..
LORAC
Unzipped Cheek Palette & Alter Ego Set
تدوينة اليوم عن باليتة لوراك ، هالبايته وَقعت في غرامها من ألوان البلاشر ، خاصة البلاشر الفُوشيا ماقدرت أقاومه وَ حبيته من أول نظرة
الباليت مَصنوع من الورق المُقوى وَ هالشيء يخليه خفيف وَ إقتصادي وَ بنفس الوقت سهل الحمل وَ التنقل وَ مناسب للسفر أيضاً ..
يجي معه إصبع روج ، الباليته بألوان تناسب الربيع ليمتد اديشن وَ مُلائمة لجميع أنواع البشرة
شَكل الباليته وَ هي مَقفولة ، ظَريف صَراحة
باليتة البلاشرز ، خَلونا نَشوف وَصف الألوان ~
– Underrated: قوام مطفي ، بنك متوسط دافي
– Unashamed: قوام مطفي ، وردي قوي وَ بارد
– Unapologetic: بني متوسط بلمعة ذهبيه ، فيه ذرات لميعه
– Unimaginable: لون مشمي فاتح ، فيه ذرات لميعة
مَظهره عالَوجه
[ مُلاحظة الألوان أقوى بكثير من هالمَظهر بس شكلها مَدته بخفة شَديدة جداً وَ لا اللون أقوى بَكثير ] ..
رأيي عَن ألوان الباليت ،’
الألوان بين البارد وَ الدافيء ، أحلى مافيها تقدرين تستخدمينها لوحدها أو تدمجينها عشان توصلين للون إللي تبينه أو التون إللي يناسبك ، ثباتها مُمتاز يقعد من 7 لـ 8 ساعات
عيوبه ~
اللونين المات شوي يتناثرون عند أخذ اللون خاصة اللون الفوشي تحسينه بودري شوي ، بس أثناء المد مافيه مشاكل ناعم وَ لونه قوي وَ سهل المد وَ الأحلى إنه ثابت
بينما اللونين الفروست ( اللميعة ) قوامها أكثر سلاسة ما يتناثر ، وَ لمعته عبارة عن حبيبات جلتر صغيره جداً
حبيت الألوان وَ الثبات وَ الباليته شكلها كيوت وَ ألوانها مُميزة وَ الدرجات تتلائم مع أكثر من لوك وَ بنفس الوقت تتناغم مع بعض
المَجموعة عبارة عَن باليت البلاشر + روج من مجموعة Alter Ego
إسم الروج = Girl Next Door
درجة اللون ( بنك كورال فاتح )
صُورة لـ مظهره عالشَفايف
رأيي عَنه ~
اللون كتغطية ، قوي جداً جداً جدا ً، سميك وَ يغطي من قلب على إنه فاتح بس يعطي فُل كفر ، قوامه مات ، سهل المد لكن بنفس الوقت ثقيل على الشفايف في حال إستخدمه مُباشرة تحسينه مثل الشمع القوي البارد لكن مو صَعب المد وَ سهل التحكم فيه ، لكن عيبه يبين كل تفاصيل الشفايف وَ خطوطها
وَ بنفس الوقت فيه فقعان تحسينه طبشوري ، ما أعرف شلون أشرحه فيه شيء حلو وَ شيء مُزعج ، وَ ثباته قوي .
هالرَوج جربته بدون أساس حَلو قبل ما أسَوي التان ، وَ جربته مع برونز كان حَلو وَ أبرز لون التان لكن شَخصياً حسيته فاقع
بَس فَقاعانه كأنك شاربه خَل ( لَون مَصروع نيوني مُش راقي ) يَنفع للوك مَفرفح وَ لازم تكون الشفايف مَرطبة من قلب القَلب
وَ الأفضل مَده بفرشه طبعاً أفضل لسلامة الروج وَ طول عُمره وَ لمظهر مثالي عالشفايف ، وَ مَدة بالفرشة تَضمن لك ثبات مُضاعف وَ تغطية بيرفكشن لا تَشوبها شائبة
ما قَد يَخطر على البآل ~
– كَم سعره ؟
٣٠ دُولار يا بَلاش ، حَول ١١٣ ريال سَعودي باليت بلاشر + روج
– من وَين شريتيه ؟!
ما شَريته كان تَقدمه من مَتجر رونق الجَوري
هذا حسابهم بالأنستا ( إضغطي هُنا )
للَعلم هَي فتحت لي مَتجرها على مَصرعيه يَعني المُنتج من إختياري المَحض ، وَ يمكن حَتى يكون مَخلص من عندها لأنه ليمتد إديشن ، حَتى ما أذكر هُو كان مَقطوع أو لأ ، بَس أبلشتها بَطلبي لأنه كان عَاجبني ..
– هل يَستحق الشراء ؟!
إذا مَوجود وَ الله إشتروه ، ما مَنه نَدامه أبداً
حتى الروج لو ما أستفدتي مَنه أعرف كثير ما يَحبون هالألوان الفَقوعية يَقدرون يستخدمونه كهايلايتر للشَفايف
لكن البلاشر مُمتاز جداً مُقارنة بالسَعر أكيد ، لأن لحد الآن مافي شيء ينافس بلاشرز جيرلان بالنَسبة لي
جيرلان ألوانهم عَميقة جداً وَ تناسبني غير حتى عن توم فورد وَ كريستيان ديور
وَبس هذي تَدوينتنا لَهذا اليُوم
وَ الإسبوع القادم إبتداءً من يوم السبت راح يَكون حافل بـ ٣ مَواضيع جديدة وَ غريبة وَ إقتصادية وَ فعالة
دُمتم بَحب
نحجز مكان لووول
صباح الالوآن الرايقه اليوم احتليت المركز الاول هههههه
Unapologetic Unimaginable حبيت هذولا اللونين عجبوني حسيتهم لايقينلي .. بالنسبه لانو البلاشر يغمق هوا صراح يعتمد على اختيار الشخص بذكاء للون وطريقة استخدامه
امآ الروج انا غاسله يدي منو ههههه شكلو عليكي أكيد بيطلع حلو بس ابد ماقرب من هذي الالوان احسها ماتظهر الشخصيه بشكل جميل
يعطيكي العافيه ع التدوينه وننتظر بحماس تدوينات الاسبوع الجاي
صباح / مساء الورد ياجميله
متابعتك في الانستا ممكن من فتره لكن المدونه هالفتره فقط .. وبصراحه انت كنز
الله يبارك فيك ❤️..
صباح الجمال
نعلق لاحقا
قلوب لش
مساء الفوشي
وقعت بغرامه الوانه تجنن الروج حبيته والمتجر لقيت ضالتي فيه الله يسعدك ويسعدها
البلاشر والشادو يقولون حق الطيبين ليومك اذا صارت مناسبه يقولون باقي تحطين حق الطيبين والله ودي اكفخهم اكون ممن الطيبين
ولا اساس وكحله وروج كاني شهبا
الروج يبي له لوك مضبوط وبيكون باحلى طله
وننتظر السبت ع احر من الجمر
بروق عليه .. يعطيك الف عافيه ❤️
رحت فتحت الموقع مالقيته
تتهنين جدا جميل وان شاء الله يكون لنا نصيب فيه
حبيت الالوان يعطيك العافيه
تحمست من الحين لمواضيعك بإنتظارك ياحلوه
راح أزعج الجوري توفرة لي
الروج ابداً مايناسبني يمكن لو اشتريت الباليت اعطي الروج اختي
ثانيكووو توسه
جميل سبق شفته وحبيته من وصفك
الروج من أول م1ره ماحبيته كلون ممكن يناسب ع التان
بس ماحبيته
تشكولار
السلام عليكم ..
وينك تأخرتي شويتين لووول
صراحة وقعت في غرام الباكيجنق ..والمنتج برضو (اخذت برضو منك ما كنت اقولها لوول)
ولون الروج حسيته جميل احب الالوان الي كذا (قلووب) بس تكون على افتح شوي ..
وَ الإسبوع القادم إبتداءً من يوم السبت راح يَكون حافل بـ ٣ مَواضيع جديدة وَ غريبة وَ إقتصادية وَ فعالة
ابد ما تخلين هذه العادة ههههههًهَ عاد وش يصبرني للسبت الجاي ان شاء الله ان كنا حيين
DONE.
في امان الله
اللونين الي بالصف الاول احبهم حيل
يعطيك العافية ❤❤❤
صٓباحك ورد ..
وٓه اكتب لك وعيوني تتصافق لوووول بس جالسة اعوض بدل الايام الي أمي نومتني فيها غصب عشان المدرسة والسهر وما اشوف التدوينة بوقتها 🙁
راح أكمل التدوينة اليوم وبشوف راح اضمهم باللستة ولالا > هاللستة صارت كتاب 🙁 لأني ابي اغير كل ماكياجي كأني عروس لوووول ، لا امزح بس الي عندي دلوعين شوي فصار وقت التغيير
بس كل كلامك اجربه وانا عمياء من الاشياء الي جربتها وحبيتها ( جل انستازيا ، وبيوتي بلندر ، وفرشاة سيقما ، وارواج توفيسد ، ولوس باودر لورا مارسيه ، وباليتت نيكد 3 ، وماسكرة لانكوم ، وفاونديشن فور ايفر > جربته مره ) ان شاء الله مانسيت شي 🙂 ❤️❤️❤️❤️❤️❤️❤️
شكرًا ارتوس لانك تزيدين من جمالنا جمال > شرايك بالثقه
عجبني كثير ~ انا كنت زمان مااشتري الا بلاشر مشمشي او برونز مادري شكنت احس فيه )؛ ومن باب التغيير جربت الفوشي الدافئ والبينك وانصدمت من جمااال اللون عالخد يجنن خصوصاً مع الكنتورينق ويبرز الخد الفوشي بشكل انيق وحلو ..
الصور دوختني كميه نظافه ودقه ماشاء الله..احب دقه وصفك والذمه عندك في ايصال المعلومه اسلوبك جديد علي وشخصيتك بعد وهذا اللي اسرني وصرت انتظر تدويناتك بفارغ الصبر يعطيك الف عافيه وتبقين دايما شمعتنا اللي تنور لنا…بصراحه انا كنت من البنات اللي مااطيق البلاشر ولا احب استخدمه وماكان عندي اصلا احس اني اصير مهرج بس الحمد لله تغيرت المفاهيم وصرت مااستغني عنه ابد يعطي توريد للخدود وشباب ونضاره
ياصباح الورد ..
بخصوصا البنات فعلا بعضهم لاحطوه يعطيها مظهر قديم ، وغير كذا دايم يقولون مثل الفوشي مايناسب السمر والحنطيه ….
انا احبه على غيري هاللون مستحيل احس بطلع هنديه لوووول
شكل الباليت يجنن حتى تغليفه ، وحبيت لون روج ،
ومتحمسه لتدوينات الحافله ، جاني فضول اعرفها عاد الله يعينك هههههههههههه .. ويعطيك العافيه ي عيني ( قلوب موفيه بوسه )
صبآح فل ويآسسسمين أرتوسه
أنا من البنآت اللي أعشق البلآشر
أحسه جد يحلي الوجه مدري كيف
حبيت البآليت من وصفك بس مالي تجربه
كبيره بالميك اب مبتدئه توي
معاي بلش من ديور ودايم استخدمه مفكره اجرب
حاجه جديده بس محتاره
وصح ترآني متآبعه قديمه لك وحلمي يوماً اكتب
وتردين علي
بحبك يآ أحلى أرتوس
الالوان تجيييب العافيه
تسلم يدك توسه .. متى يجي الاسبوع الجاي بسرعه كلي شوق وحماس
صباحو $
الروج لونه جميل بس فاقع و مش كثير احب هاللون مو عملي يمكن زي هالالوان اختارها اذا حبيت اغير عن المعتاد و اخش مود قديد هههههههه
اما البلاشر حبييييت ، و خوف البنات من هاللون يمكن لانو صعب ، يحتاج دمج صح و اختيارات صح تعزز هاللون كثير اشوف بنات يحطون هاللون بطريقة غلط يصير ما عاد اشوف الا البلاشر ما اعرف كيف اشرح لك .
و يعطيك الف عافية سوستنا الجميلة
صباح انبساط السمروات مثلي بالهتدوينه
معاهم بالخوف من البلاشر بالنسبه لي اخاف من طريقة مده وع كذا احب اشتري تروق لي الوانهم
عندي لون من شانيل يشبه unashamed احب استخدمه كثير ذكرني فيه
بس بالمجمل حسيته يستحق الاقتناء كفايه كياتة التعليب
وعدي يا أيام وتعال ياسبت
افتقدتك امس عساك طيبه
جميل وحتى الدرجات حلوه يعطيك العافيه
صباح الجمال والانتكة
اولا حبيت مقدمة الموضوع وبالفعل انا من الناس الي ماحب البلاشر وكنت احس انا بس كذا لكن من كلامك اكتشفت غيري كثير والسبب اني ماحب مظهري يكون اوفر ولحد الان ماعرف شلون أحطه بطريقة تناسب وجهي لكن انا تعلمت وحبيته وأكثر شيء حبيته في الوان الباليت هو ثالث الواحد المشمشي رهيب لونه وحبيت اختيارك للعارضه هذي لان لون بشرتها دافئ مثلنا فنوعا ما أخذ فكرة اذا يليق ولالا.
وعلى فكرة جدا جدا متحمسه لمواضيعك القادمة.
صباح النور ارتوس ^^
حبييت الوان البلشر جداا جميله ، انا ما استخدم البلشر دايما لانه طريقه مدي للبلشر خطأ في كل مره اجرب طريقه معينه ومرات اتكون حلوه ومرات لا ، ودايما استخدم الوان فاتحه وطبيعيه واتخوف من استخدام الالوان الفاقعه لانه اذا ما مديتها بطريقه صح بتكون مثل بقعه وبيكون البلشر واضح ومصطنع وانا دايما اميل انه البلشر يكون لونه طبيعي .
وننتظر التدوينات القادمه بفارغ الصبر 3>
وشكرااا واااايد على كل شي اتقدمينه ^ـ^
حبيت وصفك البسيطه والوافي وعجبني صراحه احسه يعطي رونق رايق ممنونه والله
يااي الالوان تجنن ، فعلاً انا زيك اعشق البلشر يججمل البشَره ويبين صفاءها ، لوراك رهيبه جودتها ممتازه واسعارها مابين الرخيص والمناسب .. منتظرين جديدك بِكل حُب وشوق ❤️❤️
Your comment is awaiting moderation.
صباح الجمال والانتكة
اولا حبيت مقدمة الموضوع وبالفعل انا من الناس الي ماحب البلاشر وكنت احس انا بس كذا لكن من كلامك اكتشفت غيري كثير والسبب اني ماحب مظهري يكون اوفر ولحد الان ماعرف شلون أحطه بطريقة تناسب وجهي لكن انا تعلمت وحبيته وأكثر شيء حبيته في الوان الباليت هو ثالث الواحد المشمشي رهيب لونه وحبيت اختيارك للعارضه هذي لان لون بشرتها دافئ مثلنا فنوعا ما أخذ فكرة اذا يليق ولالا.
وعلى فكرة جدا جدا متحمسه لمواضيعك القادمة.
رد
صباح الخير ياقمرنا …
صراحه اجزتي القول بكلمة( لون مصروع نوني مش راقي ) حسيته وانا ماجربته انو كذا بس من الصورا، وكمان كملتيها بطبشوري ووصف ثقله ع الشفايف ، بالنسبه لي لو باعو لي باليت البلاشرز ب 30 دولار راح اطلع مبسوطه^^ <<<<< اجل اربعه الوان وكل واحد يحمس اكثر من الثاني والله انا الكسبانه ….
وصدقتي صراحه مافي مثل جيرلان انا مستغربه من نفسي ليش كذا سحبت عليها ): …. انا احس بلاشرز جيرلان والاي شدو تتشربهم البشرة يصير كأنك خلقت بميك اب يندمجون بسهوله وحتى المو شاطرة تصير كأنها متعلمه عليه من زمان ….
كلي حماس للاسبوع القادم وع القوة يابنت الاراتيس ؛)
احبك جدا ❤
صباح الخير
انا اموتت على البلاشرز وخصوصا البيبي بنك او المشمشي:((❤️❤️❤️ بطلبه باذن الله وبلاشرز نيكد حلوه مره عجبتني اللي يكون معا هايلاتير وبرونزر بنفس الباليت و شانيل حلو بعد بس اخذت مشمشي حسيته ينفع ل هايلايتر اكثر من بلاشرز ولامع فحسيت ماينفع احلى هايلايتر وبرجوا حليوو مش حالك يعني بس فرشاتهم جدا سيئه مع اللي تجي مع البلاشر بالنسبه للباليت جميل جدا ويجمع كذا لون وسعره خيال ! والروج لونه فاقع بس حلو مدري كيف :$ وو يعطيك الف عافيه على التدوينه الجميله :$$
الالوان جميلة فعلا وتحمس للاقتناء
انا بشرتي ماتتحمل البلاشر مع اني احبه جدا
واحاول اضيفه لكن بشكل لايكاد يرى مخفي من كثر مااخفف فيه
لان الخدود عندي مع اي مجهود بسيط بتصير ورديه فالبلاشر بيغمق ويصير اوفر جدا
مررررره اعجبتني الالوان رهيييبه تتهني فيها ياااارب بصراحة انا مدمنة بلاشر احسه ينور وجهي ويخفف من ظهور الهالات كذا تعطيني شكل راااايق ومتحمسة للتدوينات الجايه على طول لما قلتي السبت صرت اشوف كم باقي يوم وياااارب يقويك ويرزقك على كثر تعبك ويضاعف اجرك
ما يحلى صباحي إلا بوجودك ، بالرغم إنك الحين أكيد نايمة “نوم الهنا” ، البلشر مو صحبة معه ، بس برضو استخدمه ، أكثر لونين اعجبوني الإثنين التحتانين ، بس ما يمنع نجربهم كلهم اذا توفر ، الروج ممكن استغني عنه لسببين ، الأول ماحب هالنوع من الألوان أحسها تظهر عيوب البشرة والشفايف ، والثاني شفايفي خلقة مو متوحد لونها ، تسلم يدك والله يعافيك مشكورة ما تقصرين والله .
صباح السعاده …
الصوره هنا اوضح للالوان حبيت Underrated و الالوان اللي اغمق منه بكذا درجه تجذبني,
الباليت حسيته اقتصادي جمع الوان جميله في باليت واحد,
بالنسبه للون الفوشي شنو اختار لون روج احس هاللون ارتبط مع الاورنج < فواقع صيفيه هههه بس مااحسه يناسب كل وقت مابعرف هذا تصوري, لو اخترت لون نود او بيج احس اللوك ميت ابغى اتخيل لوك من ترشيحك اذا سمحتي ^^
… وشكرا لك
يسعد صباحك ومسائك … شكل الباليته مقفولة يطير العقل كذا اشكال تحمسك ..بس جد استغربت مثلك ان البنات مايحبون البلاشر بالنسبة لي اشوفه شي اساسي ومستحيل استغني عنه حتى ملاححظة بنات الجامعة هيك الكل لازم الشنطة يكون فيها بلاشر بس احيانا بالمناسبات الاحظ بنات مايحطون فما يكمل رونق المكياج اللي متكلفين عليه ..زي ماقلتي شكل الوجه وعليه اساس او بيبي او غيره بدون بلاشر مش مهضوم … لون الارواج مااعجبني حتى شكلها على الشفايف ماارتحت له اما البلاشر شي خرااافي له وقع على القلب والعين
يعطيك العافية ومتحمسة للجاي ويارب يكون زي اللي متوقعة ..وحدة من التدوينات احسها تجربتك انتي وصديقاتك ♥
الالوان تجنن 3> 3>
البلاشر بالنسبه الي مهم جدا احس الوجه يصير صخره اذا بدون بلاشر و ما بي حياة و هذا المنظر بالنسبه الي مو حلو لان جمال المكياج بالبشره الصافيه النديه و النضِره و بدون بلاشر ما راح يكون للوجه اي نضاره .
انتظر السبت بفارغ الصبر _
اكيد راح تكون تدوينات راااااائعه باناملج بس يا رب يا رب تكون تدوينات طويله و مفصله^_^ احب التفصيل و هذا احد اسباب حبي لمواضيعج تفصفصين الموضوع تفصفص و هذا الشي يبرد القلب ههههه و صدگ استفيد مو مجرد كلام مصفط
دمتي بجمال يا جميله 3>
بالعكس انا من الناس اذا ما حطيت بلاشر احس وجهي فيه شي ناقص راح اجربه اكيد لاني مررره اعشق ذا اللون الله يعطيك العافيه ترا حركتي الصنم اللي فيني وننتظر مواضيعك وتدويناتك ياعسل ❤️
كتبت لك بالانستا بس فعلييييييا
ما اعرف ايش كان جوي لما فكرته شادو ! ههههههههه
اكييد الصيام ماثر على خلايا المخ الصاحية حقتي اما الباقي في سبات عميق حاليا، على سالفة البلشر انا بعد لاحظت كثير بنات مايحطون بلاشر
واستغرب منهم صدق ! اول منتج للوجة اخذته هو البلاشر اساسا ” طبعا بعد الكحل و المسكرا للعين ” اتذكر اني انغرمت بالبلاشر الكريمي و طيرااان للسوق اخذت اول علبه بلاشر بحياتي كان لونها شبيه بالبني بس بدون لمعه و شوي ضاربه على وردي و مع اللمعه الخفيفه اللي يعطيها البلاش الكريمي طلعت على جمااال بس حاليا بطلت استخدم الكريمي
البشره انعدمت بعد ما استخدمت الديرما الظاهر طريقتي لىغلط بغلط
بخصوص الباليت التعليب ماعجبني كشكل لكن يبقى ذرب نوعما
الالوان انا عكسك ماحبيت الفوشي القوي اعتقد البني او المشمشي
بيكونون الافضل بالنسبة لي الروج و ما ادراك ما الروج كارثثة
طلعت يوم ادور روج بيبي بنك يبين خفيف على ر لطيف ونهايتي لون شبيه بهذا طبعا بعد مدح الموظفة وتقطيع ونشبه ههههههه والحين مركون بالدرج
يعطك العافيه توسه الله يوفقك وين مارحتي يارب
الألوان جميله حبيتهم مرة
بس الروج ماحبيت لونه
شكراً ارتوسه ❤
صباح السماح سوس كيفك الباليته تشوق للاقتنتاء لكن الروج احس منظره مؤذي للعين كلي شوق وتفاؤل لقلبك الابيض سوس بليز قوليلي وش مزعجك مني احبك ومستحيل اخدش الصله النظيفه الطاهره اللي بيني وبينك والله احبك
صباح الأنوار ..
أستغربت جدااا إنو في بنات ما يحبو البلشر !!
أحسو أساس الأساس بالنسبة ليا ، مع اني ما احب المكياج كتير ، لكني أحب البلشر 😀
لون ال unerrated اكتر شي حبيتو ، بس لون الروج مو قد كدا ، وع قولتك ممكن يستخدم كهايلات للشفايف 🙂
وفي إنتظار مواضيعك الجاية ، متحمسة أعرف عن إيش :-*
جميله جميله ألوانه يحمس ، بس الروج لأ، أنا مش جريئه بالأرواج ، والبلاشر بالنسبه لي من المهمات هو يكمل الطله وما أنسى أول مره بحياتي سويت بلاشر اطالع بوجهي بإعجاب وأشوفه غيييبر مع الايام والتعود معد حسيته ذا الإحساس ، يعطيك العافيه ..
فعلا صح دوبي ركزت انو مو كتير يحبوا البلشر مع انو يعطي حياة و رونق. حبيت الروج <3
جميله جميله ألوانه يحمس ، بس الروج لأ، أنا مش جريئه بالأرواج ، والبلاشر بالنسبه لي من المهمات هو يكمل الطله وما أنسى أول مره بحياتي سويت بلاشر كان تقريبا لونه برتقالي اطالع بوجهي بإعجاب وأشوفه غيييبر مع الايام والتعود معد حسيته ذا الإحساس ، يعطيك العافيه ..
آرتوس اللي يخافون من البلاشر فيه طريقه راح تعجبهم تعلمتها من مرمر الكويتيه انه يحطونه قبل الأساس راح يطلع خفيف ومو قوي وتسلمين على كل عطاء تقدمينه ربي يسعدك ..♥
اوبس توقعت جايه بدري م توقعت كل هالردود ماشاءالله ❤
الموهيم انا من عشاق البلاشر و م استغني عنه
و الألوان خطيرة تسلم هالديات
الله يسعدك… اكتب واكتب وامسح هههههه اخر شي كلمتين بجد عاجزة.. بانتظار السبت حياتي
صباح الخير ياسوس❤️
البالته تجنن و الالوان رائعه>>>محد تحمس لووول
شفت مدح كثير من اليوتيوبر على بالته الايشادو..ماعندي علم اذا لميتد او لا. انا اعشق البلاشرز احسه اهم نقطه بكل خطوات الميك اب. و صراحه الالوان و الريفيو مقابل السعر مكسب. و ملي خماس للاسبوع الحاي و بانتظار ما بجعبتك.. يامبهره
كل الحب لك دايما و ابدا..!
فعلا أستغرب من الي مايحبون البلاشر ؟ صديقاتي يقولون كأننا مهرجين 🙂 ! غلط أحسه الحياة بالنسبة لي :)) من دون ببلشر أحس اني باهته !
عموما حبيت الباليت عملية وحلوة بس الفوشيا الوحيد الي ماعجبني ، يمكن لأَنِّي ماأحب الألوان الي كذا .
يعطيك العافية ❤️
ميرسي على هيك تدوين وان شاء الله نوافيك ب التجربة
بجد الالوان خياااااال
فديتك يالغاليه على هالتدوينه
ربي يسعدك ويحرم يدينك عن النار ❤️
حبيت اللون البُني قامد آوووي .. الباليت كل الوانه تناسبني لكن الروج للااا واللف لااا .. بصير كاني متنقعه بخل هههههههههههه .. متحممسسسسسسسه ليوم السبت بشده بشده .. دمُتي
سعرة ببلاش صراحة والوانه جميله جدا
انا اهتمامي بالبلاشر ضعيف لان اكره لما يكون واضح جدا ومو طبيعي اذا حطيت احاول اعطي لمسة خفيفة بدون مايكون اللون واضح وصارخ فاعندي الالوان الاساسية بس ، احس ماينفع الميك اب بدونة يعطيني شحووب الا اذا حطيت روج غامق
يعطيك العافية ع الرفيو الجميل ❤️
حبييييته صراحه
سعر مناسب+جوده+الوان عمليه +روج=شي خيال
وشوقتينا لتدويناتج القادمة
لج كل الحب♡
أهلاً توسه ❤️
صادقه فيه بنات مايحبّون البلاشرز يمكن لأنهم يمدونه بطريقه خاطئه أو إختيارهم له لم يكن صائب عادةً
فـ تلاقينها تتوب أو مارتاحت له
لكن عن نفسي أعشقه!
بذات إن مكياجي دائماً بألوان هادئه ومتلائمه مع بشرتي فـ لمّا أحد بلاشر يعطي كسر للألوان وحلو جدًا يعطي للوجه رونق وحياة!
البلاشر حبّيته مرّه
شايفه اللون اللمعي Unapologetic
حسّيته ينفع كـ آي شادو لكسرة العين، لكن بشكل خفيف جدًا مع آي لاينر.. مدري مجرد تخيّل هههه
عمومًا.. شكرًا ياحلوتنا
دُمتي لنا.. دُمتي فنّ ❤️
صبآح الجمآال
باليت حبيته حبيته حبيته من شفت صورته بالانستقرام وانا حآبه ألوانه خاصه اللي يحتلون الزوايا من فوق يسار وتحت يمين
الفوشي كنت احبه بس اللحين مآش ما يقنعني اللون علي مدري وش تغير
والتعليب جدآ كيوت يدنننن ..يستحق الاقتناء والتجربه
يلهـ ان شاء الله من مشترياتي للعيد هذا ..
يعطيك الف عآفيه ي ارتوستي
أول ما قريت لوراك توقعت انه الآيشادوز پالت انزپد.
غريب مره لون الروج يعني ما أشوفه تريندي بالفترة الحالية.
وصف جميل تُشكري عليه ❤️ يآقمر
اناكمان .. مُدمنته .. ومُدمنتك . .
مرحبا بقمر الصبايا
ميرسي عالتدوينة انجذبت اكتر شي بسراحه للالوان اللميعه وحسيت فعلا رح تناسبني مليون بالميه بس الليب ستيك ماحبيتو ابدا حسيتو روج المومياء هههههههه
يعطيكي العافيه عالتدوينة
ياصباح الالوان والنعنشه ..
انا احب البلااااشرات مررررا خصوصا المشمشي والبينك ..وحبيت اول لون يناسبني كثييير ..
ومتحمممسه ليوم السبت بانتظارك على احر من الجمر ❤️
يخليك لنا يارب ❤️❤️
انا من عشاق البلاشر احس فعلا يعطي لمحة جماليه حبيت الباليت مررررره وانتظر تدويناتك بشغف يعطيك العافيه ارتوسه
يسعد صباحك سوسو …. وانا استغربت من هالمعلومة انو بسمر ما بتزكر سمعتها… بعرف البنات ازا مامعن بلاشر بيستخدمو الحمرة بديل ههههههههه….. وانا متلك مافيني بدون بلاشر بحس بطلع باهتة… وحبيت الالوان الاربعة والسعر توقعت اكتر بس قرأت كم لون وانو معو حمرة …. وناطرة كل شي منك متأكدة رح اتعلم شي جديد كمان ♡♡♡
الباليت مستحيل افكر اشتريه بس صراحة شجعيني اجربه
يعطيج العافية ع النشاط
عجبتنى الالوان أحط بلاشر بس ما قد حطيت غير جيرلان بعد مامدحتيه واللى ناسبنى جداً تسلم الأيادى اللى كتبت ❤️
نسيت أقول أحط البلاشر دايماً لو ضربه خفيفه
بجد يعطى شكل فرش ونظاره ،،
صباح الخير توسة ..
الوان الباليت حلوة واكثر شي المشمشي و البني المتوسط
اللون الفوشي حلو بس احس ما حعرف احطه وحيصير شكلي كأن احد اعطاني بوووكس
و انتظر مواضيع الاسبوع الجاي بحمااااس اكيد ( غمزة )
يعطيك العافية حبيبتي
الوانه حلوه بصراحه وقعت في عشقه ( قلوب )
بس الروج مب متخيلته علي ابد ع قولتج مصروع
تتهنين به ي جميله
قواج ربي
صباح النور
مو كثير احط بلاشر واحيان اعتمد على التنت تبع بنيفت
حبيت اللونين اللي تحت خاصة المشمشي
شكل العلبه لطيف لكن افضل يكون كل لون بعلبه للبلاشر
وحمستينا ع المواضيع الجايه ❤️❤️
الله يعطيك العافيه
اللي يعجبني في مدونتك انك تغطي الجوانب الايجابيه والسلبيه للمنتج
جدا متحمسه لمواضيع الاسبوع الجاي
الله يسعدك
مدري ليه اخاف من الفوشيا مع اني شفت كثير حلو عليهم اللون بس هم كانو بنات جداا جميلاات فصرت اربط ذا اللون بجمال الوجه الفائق ..اتمنى يكون موجود واخذ منه حمستيني للتجربه تعلمت منك اجرب واجرب
روعه حبيت الألوان واستغربت لما قلتي في بعض البنات مايحطون بلاشر مع الميك اب احس اذا ماحطيت ولا كأني حاطه ميك اب
عجيني البلاشو جدا الوانه رايقه
بس الروج ابدامااحب الارواج هذي
بس اابلاشر يستاهل من يشتريه
يعطيكك العافيه
يعطيك العافيه ارتوس اختيار رائع
حبيته جدا جدا من كلامك ولو ماكتبتي عنه
ماكنت بفكر اقتنيه
بس الروج ماحب هالالوان علي بس ينفع ديكور ههههه
تحمست للسبت. في انتظارك
يعطيك الف عافية ارتوس
الباليته جداً جميلة وألوانها فعلا جذابة
وبصراحة جبتيها من ناحية ما نحب البلاشر انا ماقدر أحط بلاشر تقريبا لنفس الأسباب وزيادة ان خدودي جافة شوي لان بشرتي مختلطة
بالرغم صار عقدتي ودائم أفكر فيه ونفسي ألقى بلاشر حلو اعتمده واحطه فتلقيني عند الاستاندات اجرب اكثر شيء في البلاشرات لعلي ألقى مرادي
دمتي دائماً بود
صباح الخيرات والسرور
صراحه في سالفة البلاشر انا شخصياً انسى منه لاني اخلية اخر شي فاطلع مستعجله وبعض الاحيان لا اكون متذكرته
حبيت التدرين وبانتظار المزيد حبي واحترامي ❤️
أول مرة ادري ان فيه بنات مايحبون البلاشر يمكن لأني أحبه وأحس وجهي كله يتغير بعد ما احطه
حلوة الباليتة واكثر شي حبيته المشمشي دايما هاللون يافتني لدرجة اني-الله يهديني- أكرّر شراء الألوان ههههههههههههه
عندي مشمشي من إستي لودر لونه حلو وثباته كمان حلو
تسلمين أرتوسة على التدوينة الخفيفة الظريفة
يعطيك العافيه ارتوس عجيني الباليت مرره خصوصا ألوانه هذي الألوان اللي دايم استخدمها
وكالعادة ،، ماتخيبي الظن ، تسلم يمينك اللي تكتب ، من عشاق البلاشر ومن كارهين الكنتور .. البلاشر هو الشيئ الوحيد في المكياج اللي يرتبلي كريم الاساس واحس وجهي يميل للشكل الطبيعي ..
يسعدك مساءك ممممره حبيت هالالوان عجبني الباليت كثير الوان وسعر بس الروج ماجاز لي ماحب الفاقع احس يسمرني
سبحان الله يوم يأست ونمت نزلت التدوينه على طول 🙁 صار لي زمان ماالحق على تدويناتك
عن نفسي للآن ماجربت غير البلاشر البرونز والبيتشي و ماتجرأت اشتري البينك .. لنفس السبب فوق اخاف يصير مظهري قديم او مايليق على لون بشرتي
والروج لونه يبيله شفه حلوه ومعتناه وبرضو مش اي ستايل للميك اب يتناغم مع هاللون لازم الاختيار الصحيح ولا بتطلع وحش ، مدري بس كذا تخيلت فناناتنا يهبون بهاللون بيصير مرعب من يمسكون الشي يخربونه
لونه عالشفايف لحاله حلو بس بالوجه يعني باللوك كامل ماحبيته عاد اكيد عليك غيييير❤ يلا لزم تحطين لنا سواتش على شفّتك عشان يعجبني :p ❤ (ذئبه بشريه )
واكييد متحمسين لتدوينات الاسبوع الجاي الله يقويك
البلاشر جميل أعجبني والتعليب رايق جداً. ..
أما الروج ما أعجبني مره ﻷن هذي الدرجات ما تناسبني …
استغربت لما قلتي في ناس ماتحب تحطه !! غريبين
من نظري من اساسيات المكياج البلاشر وخصتا الالوان اللي تكلمتي عنها مره ناعمه و جميله
متحمسه للسبت وش مواضيعه
مساء الروقان و السعاده عليك ارتوسه
مشكوووره ما قصرتي
انا عن نفسي احب البلشرلان اشوفه يعطي تاثير حلو للوجه بس احطه اذا كنت مئسسه مو كذا مباشره على البشره بدون اي مقدمات
مساء الخير
اتوقع لانو اتربط عنا اللون الفاقع بايام زمان لوول
انا بحس لبلشر بيعطي حياة لوجهي يعني ما بستغني عنو ابدا
والالوان اللي عندي كلها فاتحة ما عندي الجرأة اجيب لون غامق *فيس مستحي* ياسسسسلام باستنى الاسبوع الجاي ع نار يسسس
بوسة إلك ي عسل
ربي يحفظك
هلا وغلا بالحلوين
تسسلم الأيادي على الريفيو حبوبة والله إنه عملي وسعره وايد زين
ألوانه تناسب كذا لوك، انا حبيت ألوانه صراحة خاصة اللون اللي تحت على جهة اليسار
وفعلا يبتي الوصف تماما لما قلتي لون الروج لون ( مصروع ) هههههههه
درجته صعبه وانا كلش ما تناسبني رغم إني أجوف في بنات تحب الروج اللي ياي على طبشوري / بس انا ماحب
عندي باليت شادو لوراك 1 / حلو وألوانه ترابيه، إن شاء الله يكون لج تجربه معاه
ألوانه المات يمكن بتلاقينهم تتناثر شوي مثل ما صار معاج في هالباليت
بس حلو وعملي
وأكيد بنتظر تدوينة يوم السبت حبوبة، الله يعطيج مآ تتمنين يآرب ❤
الوانو تجنن ومين الي يخاف من البلشر أحسو يعطي الوجه حياة انا استخدمو بدون أساس حتى هههههه
يعطيك العافيه ياعسل ،،
من ألوان البلاشر اللي أحبها عدا الفوشي ، جداً أحب طريقه المودل في وضع البلاشر أحبه يكون هادي على الخدين ، وبنفس الوقت بارز ،
لون الروج ماحبيته نفس رأيك لون طباشيري ،،
دمتي سعيده..
ومين ما يحب البلشر 😐
جميله الالوان بس الروج ما احسه بيناسبني ابداً ..
يعطيكك الف الف عافيه على الشرح مافيه احد يكتب من قلب مثلك :(❤️❤️❤️
انا دايما تجاربي سيئه مع البلشرات
يا تطلع مشوهبه يا تبهت وجهي
مادري شنو المشكله بالضبط
مكياجي يكون من احسن مايكون بس احط البلاشر يقلب
حاليا صرت اعتمد ع البلاشر الكريمي حسيته الافضل علي
بإنتظارج السبت
ياسلام على التدوينه الي تفتح النفس سمعت انوه فيه اشتراك بالمدونه كيف اشتراك ؟وكيف اسوي تنبيه على المدونه؟
تخيلي سويت تنبيه على انستقرامك عشان يوصلن جديدك وارد عليك لكن ماضبط مادري ليه
اذا ابي ارسلك مشكله وين ارسل خصوصا ان الديراكت عطلان
حبيت تجربتك مع الباليت وسعره لؤطه ، دايم البنات يقولون ليه اخذ بلاشر من براند غالي لاني انا من عشاق استي لاودر وجيرلان وبسام فتوح
فيه وحده جابت لي بلاشر رخيص يمكن ب ٢٥ ريال وادهشتي قديش مخملي وبديت افكر جديا فيها
انا بحكم عملي لازم احط مكياج مرتب احب الفوشيا مره بس احيان يكون صارخ بالدوام
بالنسبه للروج فيه نفس فكرته بميك اب فوريفر انا عني ماعجبني كانه شمع على شفايفي وتطلع عيوب الشفايف واضافه انه يجفف الشفايف ماجازلي ابد
ارتوس ياليت تكلمين عن منتجات بسام فتوح بما انه براند عربي وجميل كل شي جربته منهم ناجح بجداره
اشكرك من الاعماق على كل تدوينه تقدمينها عسل زيك .
مساء الفل
اختيار موفق بصراحه الباليت شكلها انيق ومحتواتها اجمل واجمل حبيت الوانها كثير لاني من النوع اللي استخدم البلشر احيانا اذا انزنقت في لون كاشدو عشان كذا عاجبني اللون اعلى واحد من اليسار احسه بطل مع سموكي بني الروج كالون مره حلوه بس مو اي احد يناسبه تقريبا انسانه وحده قابلتها في حياتي وتستخدم روج من نفس ذا الدرجات سبحان الله شكثر كان محليها لما جربته انا كاني مريضه لي شهر»هههههههههههههه»
مساءك ورد يا جميله ، استانس على تدوينات الميك اب ومنك غير شكل ، تسلم اناملك ويعطيك الف عافيه طبعا قفلة التدوينه حماااس ننتظر يوم السبت بفارغ الصبر
الباليت ظريف ❤
الروج للأسف مخيب للآمال، من الألوان اللي ماتناسبني وفعلا زي ماوصفتيه بالضبط.. اشوفه مناسب للبشرات السمراء ❤❤
نحبك آوي ❤❤
ومنتظرينك على أحر من الجمر يوم السبت ❤
جيد والله ❤️ بس للأسف مالقيتو في موقعهم 🙁
صراحه انا البلشر ما استغني عنه ابداً بالعكس يعطي رونق وتوريد للوجه احس من غيره الوجه يبان باهت ومريض ، شكراً لكِ ي عسل
لو يخيروني إيش المنتج اللي مستحيل اطلع بدونه رح أختار البلاشر بدون تفكير ( ولا بأس لو خبيث الماسكرا بجيبي لوووول)
ممكن يتحول الميك أب من عادي إلى راقي أو العكس بس بسبب البلاشر ، و الوجه التعبان لحيوي و فرش كمان من االبلاشر .
حبيت الألوان بس الروج نو كممكن يليق ع البشرات الأوروبية أكثر .
تسلم الأيادي و متحمسة للتدوينات الجاية قرب وقت الغياب
مساء الخير
لوراك ماركة جميلة جدا انصحك كمان بشدواتها البقمنت قوي وثباتها عالي حمستيني اجرب البلاشرات انا ما أنوع كثير في الألوان بس ما استغنى عنه يعطي لون وحيوية الميك اب بس دايم بين اللحمي والزهري الفاتح بس ان شاء الله بجرب ألون الفوشيا اذا مالقيت هالباليت باخذ من أُربن دي كأي لاني شفت تقريبا فوشيا نفسه وان شاء الله يكون نفس الثبات
انا من البنات اللي تحب البلاشر و خصوصا اللون الزهر الخفيف يعطي منظر نظر للوجه و المشمشي يعطي حيوية و المكياج بدون بلاشر يكون جامد و بدون حياة
بس عندي مشكلة انا شخصيا صاحبة بشرة بيضاء و خدودي زهر من ربي تعرفين الوردية انا عندي بخدودي و خفيف على منطقة الدقن و اذا ضحكت او بكيت او في الحر يطلع اللون قوي يمكن هالشي محبب عند البعض بس انا احرج منه ودي بكريم او مصحح احطه يخفف هذا اللون
استغربت معقوله فيه بنات مايحبوا البلاشر هوا الي يعطي رووح للمكياج الباليت تجنن ألوانه لازم اجربه وحمستيني علي بلاشر غيرلان ماجربتها وكلي حماس للتدوينه السبت في انتظارك ياجميله
ولو إني متأخره بس رمضان مآفيه وقت و كرف
حبيتتته بس يختي التاجرات يأخذون حق مشوار حول ٦٠ ريال
فوق الزياده لوووول صايره بخيله العيد جاي تخيلته عليك بيطلع واااو ، أنا بدون البلاشر ولا شي يحلي يحلي و عندي نفس اللون الفوشي بالزبط أخذته من برا يجنن الفاقع بعضهم يفكرونه بيطلع زي بعض المصاريه يمكن يكون بلاشرهم فاقع لووووول بس والله أحلا لون الفوشيا تسلم إيدك
ياهلا ياهلا
انا من محبي البلاشر واحسه مهم ولكل لوك ميكاب له لون بلاشر غير لكان اشوف اغلب اللي حولي من قرايب وصديقات ضدي ويكتفون بواحد.
عموما حبيت المنتج وراح اضيفه للسته الميكاب اللي راح اشتريها قريب
يعطيك العافيه وربي يسعد قلبك
مساء الورد يا ارتوسه
انا من عشاق الميك اب المتناغم
ما تخيل نفسي بدون بلاشر !! يعطي جمال انثوي
بشرط نتقن استخدامه مثل ما قلتي
شكرا على الموضوع الحلووو
ننتظر جديدك
دمتي بود
ياااروعه الموووضوع الالوان تشرح الصدر تخليك تحبين البلاشرر حتئئ لو تكرهينه .. انا اموووت واعشق البلاشرز احسسهاا تعطيك لوك جميل وانوثه اكثر خصوصاا الالوان الي عرضتيها كثيرر من درجاتها عندي .. البلااشر الي حبيته حق لانكووم لونه كان وردي غامق شوي .. وجرربت كثيرر بس هدا الي حبيته. وثانكسس سوس حبيت مدونتك
ألوان جميلة خاصة هاللون Underrated ..
أما الروج لونه حلو بس على الشفايف فاقع شوي هههه
بشوق لتدويناتك القادمة … موفقة ()
تسلمي أرتوس
أنا انسانة أعشق البلاشر ، بشكل عام أحب يكون اللوك طبيعي جداً لكن بنفس الوقت مو باهت
البلاشر وروج أو قلوس مع طبطبة ع الحواجب بشكل خفيف يغير بالشكل وبنفس الوقت يناسب وجهي لشي شبه يومي ..
أحس اكتر شي غلط الناس تسويه بالبلاشر فيسمرهم هو انهم ما يختارو درجة مناسبة للون بشرتهم
و طريقة حطهم للبلاشر بالوجه لازم تكون ع حسب رسمة الوجه
يعني لو الوحدة عندها خدود يصير تحط من برا لجوا
ولو الوحدة وجهها طويل غير اللي وجهها صغير ..
المهم ، طرح جميل كالعادة ..
يامسساء الورد الوردي
بالعكس اشوف جمال الخدووود يبررز بالبلاشر مرات لو مالي خلق اسوي مكياج وابي اطلع بمظهر طبيعي وصحي احط بس بلاشر وردي او مشمشي على خفيف ومرطب شفايف فقط
اعجبتني اللونين اللميعة مع اني ما احب الحاجات اللي بلمعة وغالبا احب واميل للورديات هالمرة كسرت قاعدتي
موفقة
الباليت شكله حلو والوانه تحمس والله ان شاء الله بنجربه ،
وانبسطت و زعلت بنفس الوقت لان الاسبوع الجاي بيكون حافل و انا احتمال اكون ممنوعه من الجوال بسبب عمليتي ❤️❤️
مسا الخير ارتوس.
حبيييت التان عليكي كتيير وعنجد بعتقد الفوشيا بيطلع احلا مع السمر, تتهني حياتي ..
للاسف انا مابيزبط معي البرونزاج. بحترق وبيزيد عندي les taches de rousseurs
يعني بس بيصير لوني احمر اسبوع ومابتحمل حتى اللبس على جسمي لوول.
حمستيني للايام الجاية. ان شا الله بقدر اتواجد
جمييييييلة الألوان المطفيّة عليك بألف عافية يارب
بس فعلًا أحس إني أميل لألوان النيود ودرجات الوردي الباردة أحسها تنعش الشّخص
بأحاول أدوّر عنّه في المواقع 🙁
الالوان تحمممممممس .. واحس لون الروج يبغاله وحدة جريئة مدري صح ولالا
استغربت انو فيه ناس ماتحب البلاشر انا بالنسبة ليا من اساسيات مكياجي يعطي رونق وطلة جميييلة
بس فعلا بعض الاحيان البلاشر يبين عالوجه قديم .. انا من الناس الي مااحب البلاشر الوردي ابدا مااحسو يليق عليا احب المشمشي و البرونزي ولو مضطرة عالوردي احط معاه مشمشي يطفيه شويا
شكررررا عالطرح الجمييييل يعطيكي الف عافية
حبييييييييت الفوشي بس احس ما بيناسبني ابدا .. ومع ذلك مره ودي اجربه وممكن اخذ لي قريبا درجة قريبه اتقبلها ..
وبلاشرات جيرلان ابدا ماقد جربتها فبشوف لو لقيت من عندهم هاللون اخذته ولو مالقيت باخذه من ماركه ثانيه وبجرب من جيرلان لون ثاني ..
ماركة لوراك سمعت عنها مدح كبيير نفس ماركة تارت حسيته بس مع الأسف انا ابدا ما اطلب من مواقع او تاجرات اكتفي بالموجود ..
ما احب سالفة الطلب دايم اتبهذل فيها ..
ارتوس جا ببالي طلب تدوينة لو تقدرين ،، ابي احسن جهاز تكسير للشعر عاجبني هالستايل الحين ..
وشكرا ارتوس عالتدوينة اعشق تدوينات الميك اب
جمممميله الوانه
فعلا البلشر ما استغني عنه ابيببدا
تسلميين يا عسسل على الشيء الجميل اللي تقدميينه
اتمنى إنى القى هالباليته عندنا في الامارات. انا وحده من عشاق البلاشرز اكثر من الآي شدو.. يمكن بس لاني ما اعرف وايد عن رسم العين . لكن نتعلم وانتي المعلمة الاولى.
تحياتي لج من كل قلبي ❤
سبحان الله أنا ماأحط البلاشر عشانه يبيضني..لووول
صدق الناس أنجاس..
من جد ياارتوس انا احب البلاشر وهو يبرز الملامح
بس لمن أحط حتی لون برونز أصير بيضاء بزيادة..
مع إن بياضي معقول يعني عااادي مو بزيادة
بس من احط البلاشر أصير بيضاء وإنزعج من شكلي..
صباح الخير…حتى أنا أعشق البلاشر ولااستغني عنه..ومرات اكتفي به عن كريم الاساس والبودره .
ومجموعة الألوان هذي..صدق الوانها جميلة حبيتها.خاصة المشمشي لفت نظري لونه ولمعته ،جميل..
.اختياراتك ذوق ورهيبة.
الله يعطيك العافية..
يسعد مساك
صراحة ما أتخيل ماكياج بدون بلاشر , مايحمسني للماكياج الا البلاشر
حبيت البلاشر وأضفته لقائمة مشترياتي يارب مايكون خلص
الألوان خطيره حبيتها وحبيت شكل الباليت كيوت ..
يعطيك العافية أرتوس .
يمه يمه يمه ي الجمال كله
حبيت البلاشرز والوانه الا الفوشي مش لوني المفضل بالبلاشر لو وحده مالها بالميك اب خبره راح تمده بالوجه يصير وجهها مهرج )؛ احس يبي له يد متمرسه وخفيفه اثناء مده
مين اللي م يحب البلاشرز مش من جدهم وحده تجي مناسبه ووجها ميت ماكو معالم البلاشر من ضروريات الميك اب جد مش متخليه تجي وحده بكامل اناقتها والوجه مختفي معالمه ))؛
الروج م حبيته من الصور واضح انو طبشوري كما وصفتيه صحيح يبين عيوب الشفايف والاسنان خصوصا احس يصفرها ويطلع عيوبها م حبيته م حبيته بمليون مره م حبيته )؛
كثييييييييييييير فرحت انه هيكون في تدوينات عن مواضيع اقتصادية و اشياء بتكون بمتناول الجميع
هيك راح اطبق من مدونتك عن جد بدال ما دايما بتفرجها مثل شي خجميييييييييييييييل و خيالي
تحياتي الك
اول شي يعطيكي العافية ارتوس ماتتصوري قد ايش استفدت منك ومن تجاربك
بالنسبة للباليت عجبتني الالوان اللي فيها شيمر بس افضل المات عليا لأنو عندي مسامات واسعة
انا من الناس اللي مااحب البلشر عليا لانو بشرتي فيها احمرار
افضل انو اغطي العيوب واحط فوندبشن خفيف يبين الاحمرار بشكل افضل وبحاول دي الفترة اتعلم كيف احطو بالطريقة الصح
مرررة شكراً
منتجات لوراك كلها على انها مرا احبها ومرا يعجبني ثابتها بس مرا اكره فيها انها تتناثر حتى باليت الشدو حقهم يتناثر فمرا مخرب عليه هذا الشي
وتحيه لي لاني مسافره وزين لقيت نت فيجلس اقرا اخر البوستات مع بعض
اولا كل عام وأنتي بخير حبيبتي
والسموحة منج وايد مقصره معاج
ما اعلق في المدونه بصراحه انشغلت
في رمضان مع الأهل والزيارات
لأنك ما تقصرين معانا المفروض
نكون معاج اول بأول
بخصوص البلشرات انا من مدمنيها
اغلب الميك الي عندي بلشر احبه احس
انه يحدد الملامح ويعطي طله حلوة للوجه
أتمنى لج حياة سعيدة والله يحقق لج
جميع أمنياتك
الحمد لله اننا نشترك في حاجات بزاف ومن بينها حب البلاشر .. انا بيضا وماتطلعلي الخدود الحمرا ابدا مهما اخجل ومها اقرص فيها لحد ماشكيت ان عندي فقر دم – الحمد لله سليمه – ومثل ماقلتي احس بدون البلاشر اكون صفيحه وحده مافي ملامح عشان كذا هو البرودكت اللي مااستغنى عنه وشكرا بزااف ع التدوينه
مرررررره حبيت الباليت وبالنسبه لي احب هالالوان مع عدسات عسلي ورموش كثيفه اما الروج لو عندي دمجته مع روج ثاني لانه فاقع طحت بهالحركه ومن بعدها ماعاد عندي ارواج ماستفيد منها وكل الالوان عسل على ألبي …
تدوينة خفيفه وانيقه يالبرونزية ….
عن نفسي احب البلشرات كثيير احسها تبرز الارواج ❤ انا احب الفوشي بس يكون خفيف حيييل ، متحمسه لباقي التدوينات
تغليف الباليت جميل عجبني اللون البينك و المشمشي الفوشي خايفه منه احسه بيطلع غامق مرة و البني ماسبق حطيت بلاشر بني على كثر ما احب البلاشر الا ان اختيار اللون وطريقه التوزيع ماتكون موفقه الروج عندي لون مقارب له بس ما احبه في انتظار جديدك.
شكرا.
متى يجي السبت…
متقطعة حماس..
اكثر شي مااستغني عنه بالمكياج البلاشر والماسكارا والروج
اميل للالوان الدافيه اعشقها واذا بشتريه راح يكون عشان الاون البينك الدافي
حبيتته ويهمني كثير البلاش بعد الماسكرا والباكج يجنن وكيـوت..
وصبباح الخييير عالحلوين
الله يعطيك العافيه على هالتدوينه
الالوان ودي اكلها شكلها يحمس مره < تأثير الصيام هههه
منتظره الاسبوع الجاي بحمااااس اعشق تدويناتك
وصفك عمييق و دقيق ارتوس لدرجة اني لو ما شفت الروج بقدر اتخيله زي ماهو خصوصا لما قلتي طبشوري نفس احساسي بالضبط ..
و يا الله تحمسسسست لتدوينات الاسبوع الجاي ..
الف شكر لقلبك الحلو .. و الله يبارك لك في عمرك و وقتك يارب ..
i love u
ماركة لوراك احسها حلوة خصوصا باليتات الايشدو الوانها حلوه ورايقه وعمليه ماعرف كل ما ابي اخذ منه اتردد لأني ما احب تجميع الميك اب لازم احلله صح بس كثير عليها مدح الوان البلاشرات الورديه مادري ما احسها تناسبني وايد، اللون الوردي الصريح احسه حفله علي ويبيله وحده شاطره اكثر اللي اشوفهم حاطينه اما ان مايناسب اندرتون بشرتها فاحسها قلبت مهرج او طريقة وضعها للون في منهم يكثرون البلاشر فيصير كأن احد عاطنها كف محترم ، انا احب الالوان اللي التون يكون برونز او بني مثل جينجرلي وموكا من ماك وروز ٢٠ من دولتشي اند غابا هاللون ولاااااااغلطه انصح الكل فيه
السلام عليكم
ارتوس تصدقي او لا تصدقي اني اخاف من البلشرز
لدرجة اني ما احاول واتعنى عشان اتعلم طريقة توزيعه اتوقع العقدة دي اخدتها من كتر ما اشوف بلشرات ممدودة خطا وبطريقة تحسي انها ضربة مو بلشر
عادة لو حاولت في الشي بكذا طريقة ومازبط معايا احاول اسويه بس بطريقة جدا خفيفة كل اللي حوليني يقولولي مكياجك خفيف جدا حتى مايغطي النمش اللي ع خدودي وانفي (انا احب جدا نمشي بس كناية ع انو جدا خفيف)
بس حمد لله دحين سرت احسن واجرا واحاول اجرب بطرق تانية واطبق تكنيكات من اليوتيوب بس برضوا احس في غلط في التكنيك لين دحين
الله يعطيكي العافية ارتوس ودايما ازا اتكلمتي عن شي تغطيه بكل جوانبه اكتر مدونة دخلت قلبي
صباح الجمال
البلاشر اشوفه ع الناس حلو واذا استخدمته احس تبان المسامات أكثر
ان شاالله تكون لك تدوينات قادمه عن كيفيه دمج البلاشر مع بعض لانك دايم تقولين دمج البلاشر فنتاستك يطلع أحلى
يعطيج العافية عالموضوع الحلو ❤️
مستغربة من اللي قالولج ما يجبون البلاشر :'(
الوجه بدون بلاشر احسه جامد مافيه حيويه والميك اب بدونه ناقص
ألوان الباليت حيل جازتلي ❤️❤️❤️❤️
بس اللون الفوشي ابد ماعمري حطيته ولا فكرت هههههه يمكن بعدين اتشجع واحطه
أما الحمرة ماحبيتها ما أفضل ألوان البنك هذي ابد
بس لوراك من الماركات اللي متحمسة اشتري منهم هذا حطيته بالويش ليست وان شاء الله ناوية على باليتات الشدو مالتهم ❤️❤️
محد يعطي ريڤيو مفصص مفصل مثلج يا آرتوس تبردين الجبد ههههههه ❤️❤️
لا عدمناك ❤️❤️
جمااال صورك ماشاءالله
بالنسبه لي البلاشر شي اسااااسي
بودره او تنت مااستغني عنه
يعطي الوجه ليونه بالملامح
وفي الصور في علبه مدوره
قلبت جهازي عشان اقرا شمكتوب عليها ههههههههههه
اذا مرطب شفايف ممكن تكتبي عنه بالانستقرام
انا مدمنة مرطبات شفايف ولا هو باين دايم جااافه 🙁
تهديدك قوي اول مره ارد فالمدونه
ايش اسوي انا من الناس الا بس اقرا يعني ماحب ارد رغم اني متابعتك يمكن من اربعه الى خمسه سنوات بس نادرا جدا ارد وعارفه نفسي مراح اقدر استمر ارد دايما
اولا.. انا كمانا من الناس اللي م احب منظر البلاشرز كثير مع انو اشتري وانوع ف الوانه بس غالبا مزاجي يبغى مكياج نظيف اعتمد غالبا على طبقة خفيفه او م احط
اشوفو على حسب كل وحده وطبيعه مناسباتها المعتاده وكمانا م احب البمبي لون حليب الفراوله ذا { اضنك بتحطيني ف المدونه الجديده لو سكتت مو لو علقت }
حبيت اللونين الا تحت ممراا
ثانيا .. دخلت المدونه كلو عشان اقترحلك اقتراح انو تسوي متجر بالحاجات الا تمدحيينها تمدحينها بعدين تقولي بس مافي فالسعوديه
زي الزبده وكريم البواسير وهادي الشغلات اللي حمستينا عليها
شوفي ادرسي الفكره يارب يوفقك ويجزاكي خير دايمًا بنستفيد منك والله ❤️
يعطيك العافية يارب … انا من الناس الي كانوا مااحط بلاشر الين مانصحتني صديقتي فعلا تغيرت ملامح وجهي وبرزت خدودي وصرت مااستغني عنه ابدا ..
اساسا اكثثر شي يعجبني بالمكياج البلاشر بعدها الآيشدو بدون البلاشر تحسين المكياج ميت.. البلاشر يعطي حياه للوجه حتى يصغر بالعمر تعجبني الالوان المشمشيه المايله عالوردي يبااااااااي تخبلننني والبلاشر الاحمر بعد بس بتكنيك معين والله روعه ،، تصدقين تحمست من شرحك لبلاشر قيرلان اكثر من هالباليت.. الصراحه هالقيرلان رغم سعره النار الا انه يعطي جمال عميق للوجه يعني انا عمري ماحد سألني عن اساسي بس لمن سويت اساس قيرلان كذا وحده سألتني يعطي اشراقه طبيعيه حتى لو كانت التغطيه فلل ،، حبي لگ
انتي رهيبه جدا
أعشق أعشق أعشق وصفك للتفاصيل في تدويناتك احس كأنه الشي اللي تتكلمي عنه في التدوينه قدامي ألمسه وأستخدمه وأستشعره والله شي معرف اوصفه يعني احس من كثر ماتحاةلي تغطي كل جوانب المنتج وتشرحي اني خلاص حسيت قوامه وشميته ريحته مدري عاد وصلت لك المعلومه لاني احس كلامي كأنه انا يجي من بنقال 🙁 الزبده احبك 🙂
انا من عشاق البلشر .. وماركة لوراك تعجبني وايد
يعطيج العافيه ارتوسه
اخر وحدة اشوف التدوينه 🙁
يسعد الي ننشغل ونرجع نلاقي مواضيع حلوة
انا شخصيا احب البلاشر ومااستغني عنه
ماقد جربت فوشي واحب دايما البرونزي
يعطيكي العافيه يااجمل البنات وزي ماقالو نعشق تفاصيلك
في الكتابه .. ودحين نستنى حقت الشعر *عيوني قلوب*
يسعدك ربي
منجد حسيت الوان البلشر دي مرعبة بالنسبة ليا
احس البلشر مرررة حساس لو اللون مازبط او كتر شوية يتخرب كل المكياج ويبان رخيص
انا مرررة احب البلشر المشمشي
اللون البنك مرررة ما تزبط معاية
حلو الباليت للناس اللي تبغا تجرب كم لون او تدمج
تسلمي على تجاربك
هلا بالجميلة ..
الله يتقبل منا ومنك صالح الأعمال .
.
.
البلاشر احبه مره ، احسه اهم شي بعد الماسكارا !
واستغرب فعلاً من اللي ماتحبه !
مع ان اللي حواليَيّ كلهم مُحبين لـ الـبلاشر !
فـ مستغربه من اللي حوالينك ههههههه
.
.
أُغرمت ب الباليته و الوانها ..
و درجة Underrated دخلت قلبي من اوسع ابوابه ..
وحسيت درجات البلاشرز صيفية و ربيعيه
.
.
التعليب جميل وفعلاً واضح انه خفيف بالحمل .
.
.
يعطيك العافية ارتوس
.
.
(وردة لك)
ايوا صح !!
بـ إنتظار التدوينات الجـايه 3>
حمستيني لها
انا كنت مااطيق البلاشرز واحس كأني مهرج مع ان اشوفه عالثانيين حلو بس انا ماطيقه
وبعد ماتزوجت شريت ثلاث الوان مشمشي ووردي ع موف و احمر ع ذهبي من يرجوا وكلهمرائعين .. لكن اغلب اغلب استخدامي للوردي .. وبشكل عام احس لسة مو قادرة افرقبفرق الاطلاله لو غيرت بالدرجات .. يعني ع قد ماانوع بمكياجي الظلال او غيره احس هالبلاشرات تناسبني ومو شايفه حاجه لاكثر منها .. ومدري اذا بتتغير نظرتي مع الايام او لا
تستاهلي التقدمة الجميلة ومشكورة ع الطرح ❤
مرحبا ارتوس ..
انا من البنات اللي مااحط بلاشر
والسبب ان خدودي ورديه بزياده..هذا شي في جينات العائله يعني محرومه من البلاشر البيتشي هاللون يعجبني مره لما اشوفه..
يعني متخيله شكلي خدود وردي مائل للأحمرار ع بلاشر بيتشي او فوشي ،! جد بيكون حفله
عشان كذا مااحط بلاشر الا ف حال حطيت فاونديشن ولا بعد اخذ بينك فاتح ، لاني انسانه اكره شي اسمه فاونديشن وجد يأزمني مره ..
وصراحه اغلب البنات اللي اشوفهم ثقافتهم للبلاشر غلط ف غلط
يعني البلاشر تحطه ع كل مكان خدها خشمها جبهتها !
او يكون مستطيل مائل ممتد من بداية الخد الى الاذن ..
هذا اول كومنت اكتبه ف مدونتك ع ان متابعتك من شمواه انبسطت لما لقيت مدونتك ♡.. دايم افكر اكتب كومنت بس القاهم كثير واقول مستحيل تقراه * بروكن هارت *
بس حبيت ادافع عن ذوي الخدود الحمرا لان سببنا مقنع جدا P:
يامساء الالوان الجميله
حبيت للمشمشي والبني بس خوفي ان اللمعه الي فيها
تبين مساماتي
لان شوي واضحه مسماتي
لكن هذي الالوان الي احبها
ارتوس اذا تسمحي تكلمي عن النظره الشرعية والليس و كيف تتعرف البنت في مجتمع محافظ ع خطيبها وهي ماتعرفه و مو ع علاقه فيه من قبل يتقدم لها انا اثق في رايك ونظرتك للامور وشكرا
صراحه تحمسسست أجرب لون الفوشي..كنت أتجنبه وماخذه فكره انو ماراح يناسبني…وأشوف ان البلاشر يعطي حيويه للفيس بدونه أحس اني باهته .
ويعطيك ربي الصحه والعافيه
عشقي البلاشر
تسلميياجميله
بالعكس انا اهم شي عندي البلشر
بشرتي باهته فما تكمل طلتي الا فيه
عجبوني الألوان الباقيه اكثر
هاللون مو ذاك الزود علي
ياليت لو تتوفر عندنا >_> !
مشكووره
مرحباا ازيك ياقميل بصرااحه االلوااان البلشراات راائعه وجميله وخفيفه بعد ان شاء الله راح اقتنيها خاصه الفوشي كان عندي مثل الدرجه هذي من فور ايفر قوي ويلطخ يبيله دقه بالدمج يعطيك العافيه ارتوس الجميله
انا من الناس اللي كنت اتضايق من البلاشر يمكن لاني ما عرفت اللون المناسب لي.. الحين لما جربت كذا نوع وكذا لون صرت اتفنن فيه و احبه ومااستغنى عنه…
بالنسبة لي افضل بلاشر من جيرلان و ديور و كلينك وذا بالم هالبلشرات اللي ضبطت معاي و عطتني نتايج حلوة