مَساء / صَباح الحُب
عاد من خلال إحصائيات المُدونة إكتشفت إنكم جَداً مُغرمين بمنتجات العَنايه بالشعر بشكل مو طَبيعي ..
فلذلك قررت أنزل هالتَدوينه تلبية لرغباتكم اللي تَثبتهآ الإحصائيات ..
Macadamia Natural Oil
كَثُر الحديث عن مُنتجات المكاديميا , وَ صار الأغلبية يعرف فوائدها ..
يعني مو جايبه لُكم شيء وآآآآو مَجهول أول مَره تسمعون به , إنما حبيت أوثق المَعلومه بتجربتي الخاصه
خاصه كَثير سألوني عَنه فصرت أقولهم خلاص بَنزل تَدوينه عَنه , الصَدق الصَدق ما أحس بَسعاده وَ أنا أكتب عن مَوضوع تم تَداوله بَكثره
ههههههه أهم شيء المَعلومه آرتوس وَش عليك من السعاده 
المَجموعه لها أكثر من ٤ سَنوات أو ٣ سَنوات ضاربه وَ الكل يَمتدحهآ , وَ أخذت جوائز عالميه
البَعض طلعها السماء وَ البعض خسف بها الأرض 
رُبما كانت تَوقعاتهم أعلى فَخلونا نَشوف المُنتجات وَ رأيي عن كل مُنتج كُلاً على حَدى
مَكان الشراء : مَتوفر لدى محلات نَزيه ..
لكن أنا مَن زمان ما أشتري من نزيه نظراً لسوء تفاهم بيني وَ بينهم ..
[ بالرغم بكلامي هذا هُم ربحانين بكلا الحالات .. ] ..
لذلك تَم الشراء من الإنترنت , لن يَتم ذكر الأسعار لأن الأسعار تعتمد على حَجم المُنتج وَ مكان الشراء
الشامبو + البلسم
[ الشامبو من اليَمين وَ البلسم من اليسار ]
Macadamia Rejuvenating Shampoo
شامبو مجدد يناسب جميع أنواع الشعر خاصه الشعر الجاف وَ المتضرر وَ المعالج كيميائياً مُصمم خصيصاً ليضيف الرطوبه للشعر بدون ترك أثر دهني أو ثقل للشعر ، خالي من الكبريتيات وَ البارابين وَ يحمي من العوامل البيئيه
طريقة الغسل بالشامبو ،’
يمد على الشعر المبلل وَ تدلك فروة الرأس وَ الجذور حتى الأطراف ، وَ يشطف بعدها
https://www.youtube.com/watch?v=zL2X7w2p-UY
رأيي عَنه ،’
الشامبو فعلاً إحساسه ناعم عالشعره يَرغي لكن مايترك هالرغوة المُزعجه بالشعر يعني ما يجفف وَ بنفس الوقت ينظف وَ تحسينه يرطب
ريحته حَلوه , أشوفه جداً مُناسب لطالبات المدارس وَ الأمهات اللي يخافون على شَعور بناتهم أفضل من المُنتجات المُثقله بالعطور وَ المٌخصصه لإستعداد الشعر للمٌجففات أو للتصفيف الغير إعتيادي
Macadamia Moisturizing Rinse
بلسم للإستخدام اليومي يرطب الشعر بلطف وَ يسهل تصفيف الشعر ، يحمي الشعر من الأشعه الفوق بنفسجيه
طريقة الإستخدام ~
بعد غسل الشعر بالشامبو المجدد يمد البلسم من الجذور حتى الأطراف وَ يترك في حال الشعر الناعم من نصف دقيقه إلى دقيقه ، وَ الشعر المتوسط النعومه من دقيقه إلى ثلاث دقائق ، بينما الشعر شديد الجفاف يُترك من 3 إلى 4 دقائق
ثم يشطف
https://www.youtube.com/watch?v=0a5BPrJGJLg
رأيي عَنه ،’
بما إن شَعري دُهني فما يتوافق كثير مَعي البلسم يَخلص الشامبو وَ البلسم ماخلص ..
لكن جَيد وَ مايترك هالأثر المُزعج اللي دايم يزعجني بأغلب البلاسم [ ههههههه حلوه بلاسم .. أقصد كوندشينرز] ..
وَ ريحته مُمتازه نفس طقة ريحة هيربل , مش مفعول هيربل
Macadamia Deep Repair Masque
ماسك ترميم الشعر العميق ، يعيد بناء الشعر التالف وَ يحسن من صحته وَ يعطيه تألق وَ رونق ، مثالي للشعر الجاف واَ لتالف وَ المصبوغ يعطي ملمس حريري بدون ما يترك سمك وَ أثر دهني
طريقة الإستخدام ~
تأخذ كميه قليله منه وَ يمد على شعر نظيف وَ مبلل من جذور الشعر الى أطرافه ( يركز على الأطراف )
أحد الخيارات : للشعر التالف تضاف قطرتين للماسك من زيت الماكاديما وَ يترك لمدة ربع ساعه تحت المجفف ثم يشطف
https://www.youtube.com/watch?v=TkVdG0WGGz0
رأيي عَنه ،’
مُمتاز مُمتاز أنا أشوف إنه هُو وَ الشامبو أهَم أثنين بالمَجموعه وَ الباقي شيء تَكميلي
Macadamia Nourishing Leave-In Cream
عاد مدري وش ترجمته بالعربي بس ممكن نسميه بلسم يترك عالشعر بدون شطف ، وَظيفته يهجد الشوشه المنفوشه على قولتهم يروض الشعر الجامح ، يعطي ليونه وَ رونق وَ ملمس حريري للشعر وَ يحميه من الأضرار وَ الأشعه الفوق بنفسجيه
وَ يعطي روح للشعر المصبوغ وَ يحافظ على لون الصبغه
طريقة الإستخدام ~
تؤخذ كميه صغيره منه وتمد على كامل الشعر ( النظيف وَ المبلل ) من الجذور حتى الأطراف وَ يدلك وَ تبدين تصففين شعرك كالمعتاد
https://www.youtube.com/watch?v=GqrAuhnCJ2c
رأيي عَنه ،’
مو كثير ناسب شَعري , رُبما يبيله شَعر جاف كثير أو كيرلي كثير ..حسيته أعطى شعري طَبقه بلسميه غريبه
ما راح أرجع أشتريه بس اللي تَعاني من جَفاف راح يجَوز لها جداً , خاصه اللي يحبون شغلات مثل بديل الزيت وَ أخواتها بتعجبهم
الزيت المعالج + مجعد للشعر
[ الزيت يمين , المٌجعد عاليَسار ]
Macadamia Healing Oil Treatment
زيت معالج للشعر يعطي نعومه للشعر وَ لمعان غير ‘نه يحمي الشعر من حرارة الإستشوار ، أيضاً يحميه من الأشعه الفوق بنفسجيه يحافظ على لون الشعر المصبوغ يفك تشابك الشعر وَ يسهل تصفيفه ، يساعد في إختصار وقت التجفيف بنسبة 40 % إلى 50%
مع انه زيت لكن قوامه خفيف وَ لا يدبق يناسب جميع أنواع الشعر
طريقة الإستخدام ~
يمد على الشعر خاصه على الأطراف وَ يمسد ، ممكن تستخدمونه على شعر مبلول أو جاف ، أيضاً ممكن تضيفونه لأي من منتجاتهم مثل ماذكرت مسبقاً مع الماسك .
https://www.youtube.com/watch?v=0xrWw4uNLtQ
رأيي عَنه ،’
اللي اعجبني به ريحته حَلوه كَزيت , وَ قوامه مثل السيروم مو مثل الزيوت
وَ غير دَبق , بالإضافه تقدرين تضيفينه مَع الماسك فهالشيء يعطي الماسك خصائص إضافية .. ما أقدر أقول إنه خَيالي
يمكن لأن جربت زيت الأركان [ الارغان الأصلي ] فأحسه أكثر فعاليه مَنه , لكن نرجع نَقول هذا زيت نظيف مايوسخ الشعر , مايوسخ مخدتك
مايعطي شعرك ريحة زيت , وَ الأحلى مُلائم للإستشوار
Macadamia Reviving Curl Cream
منتج لتجعيد الشعر عباره عن كريم مغذي مثالي للشعر الكيرلي وَ الويفي يساعد الشعر على الإحتفاظ بالرطوبه وَ يمنع تخشب الشعر ، يحدد تموجات الشعر الطبيعيه ، يمنع التطاير ، يعطي نعومه ، وَ يحافظ على اللون وَ يحمي الشعر من الأشعه فوق البنفسجيه
طريقة الإستخدام ~
يمد على شعر رطب وَ يفضل تحنين راسك رأساً على عقب عشان تمدين المنتج عن طريق ضغط الشعر باتجاه الجذور مثل الفيديو ماعرف وش المسمى العلمي للحركه ، ثم يجفف بالدفيوزر
https://www.youtube.com/watch?v=X-hXtPDy2EE
رأيي عَنه ،’
هُو مصنف من قائمة الستايل مو من قائمة العَنايه , أنا أشتريته على أساس إنه جَل ما أنتبهت للوَصف ..
فطلع مثل السيروم يظهر التَجعيده الحقيقيه للشعره , المُهم فاشل مَعي جداً أزال التَجعيده الحقيقيه للشعره ..
تَجعيدي بالمويه أحسن مَنه , خلى شَعري مَسطر وَ بنفس الوقت كأني وَحده إما فرحانه نعمت شعرها وَ لا ضَبط , أو وَحده تحاول تَجعد شعرها وَ لا ضبط
بكلا الحالتين فاشل مَعي , مُمكن يبيله مُنتج مُساعد مَعه بس ماضبط مَعي .. ولا تعبت نفسي فيه صَراحه
The Macadamia No Tangle Brush
فرشه لفك تشابك الشعر بلطف دون تكسره مناسبه للشعر المصبوغ وَ المجعد ، تقلل من تكسر الشعر ممتازه لتدليك فرروة الرأس وَ تنشيط الدوره الدمويه ، آمنه للإستخدام مع الإكستنشن
طريقة الإستخدام ~
http://youtu.be/SdHzOcZWQd4
رأيي عَنه ،’
شعري كثافته مَتوسطه وَ مع ذلك مايوصل لفروة راسي , أقصد أسنان المَشط ..
طبعاً مو شرط من مكاديميا أشتهرت مَاركات ثانيه لكن هُو نفس التَكنيك , يمكن الأجانب شعورهم مره خفيفه وَ توصل للفروة
أنا شعرتي نفس الشعره غير سَميكه , جداً رقيقه فحسيته مُمتاز معها مايكسرها وَ لا يسبب تَساقط بالشعر ..
عرفتوا الشعر اللي ينلف بالأصبع ؟! شعري كذا وَ لو ركزتوا بالصوره بتلاقون بقايا من شعري تَعمدت أخليه عَشان تَشوفونه [ أنفزيبل هَير ] … المُهم مُمتاز ممكن تاخذونه مَنهم أو من غير برآند ..
أول ما أستخدمت المَشط ماحسيت إني أمشط ما أحس بعلامات المَشط بشعري , تذكرون لما أمهاتنا يمشوط شعورنا
كذا أحس إني تَمشطت , هالُمشط عقد ماهو حلو بس ما يَشفي الغليل يدغدغ الفروه , عَموماً هو الصَح ..
طبعاً مو تمشطون بيوم واحد وَ تقولون والله عادي , مع الوقت بتحسون بفوائده .. بس هآآآآه مَشط للتمشيط مو مشط للستايلنق !!
إنطباعي عَن المجموعه بشكل عام ~
ما أقدر أقول حبيتها وَ لا أقدر أقول كرهتها , لكن أشوف كثير بالغ بمدحها وَ أعطاوها سُمعة المُنتج الطَبيعي
فيه مُنتجات أفَضل مَنها لكن تضل هذي جَيده وَ ريحتها حلوه , وَ غير كذا فعلاً فعلاً تغذي الشعره يعني اللي تبيها للعنايه وَ المُعالجه هي فعلاً تعالج
وَ الأحلى تتلائم مع الشعر المَصبوغ وَ تحافظ على لونه , طبعاً تقدرون تستخدمونه لو شعركم مو مصبوغ تناسب الكل صغار وَ كبار ..
أنا ماحبيتها لسبب واحد , إنها ماتعطي شعرك ستايل حق وحده تحب الشعر السابل وَ النايم
وَ أنا أحب شعري دايم فوليوم وَ ملفلف لأن هو الأنسب لملامحي وَ طبيعة شعري وَ لايق لستايلي ..
المُهم دايم شعري مَعه نايم وَ هالمُنتجات مفروض تظهر الكيرلي يعني بحال أستخدمت بدون أستشوار وَ تمليس من المفترض تَبرز لفة شعرك بشكل حَلو
انا ألغاها لي , يعني صرت من كيرلي إلى وَيفي , وَ ليته ويفي مَرتب .. المُهم اللي تبيه للتنعيم بتفرح فيه جداً جداً
وَ عفكره أول مَره أستخدمتهآ ماحَبيتها كَثر ماكررت إستخدمها , كل مَره أستخدمها أحس بكل مَره الشعره تصير أفضل من قَبل , هذا شيء مُمتاز
مَيزه ،’
تباع بأحجام مُتفاوته فلي ما تَبي تتوهق مُمكن تشتري أصغر أصغر حجم , حجم عَينات وَ تجربهآ
هل يَستحق الشراء ؟!
نعم يستحق الشراء وَ مثل ماحددت فقط الشامبو وَ الماسك وَ آخر أحتمال الزيت المُعالج
هذول الأفضل حسب تَجربتي مَعهم ..
مَره وَحده قالت لي إنه سبب لها تَساقط , أنا ماشفت هالشيء وَ لا واجهني وَ لا واجهه لا صَديقاتي وَ لا أختي
كلهم أستخدموا نَفس المَجموعه , لذلك دائماً أسمعوا لنداء أجسامكم , مو بالضروره المُلائم لي مُلائم لَكم ..
بالنَسبة للسعر ،’
أنا أشوف التسوق عبر الإنترنت بالفتره الأخيره إذا أخذتيها من مَوقع ثقه يَطلع لك أرخص بَكثير من المَحلات التجاريه اللي عَندنا
وَ هذا مع سعر النقل وَ الضريبه أحياناً , فياليت التُجار شَوي يلتفتون وَ يخافون الله , لا يَقولون لي أسعار وَ إيجارات المَحلات وَ رواتب المَوظفين
لأن حنا نَشتري بسعر قَطاعي وَ هم بَسعر التَكلفه , غير البَونص اللي يَطلع لهم من الشُركه الأم ..
فلازم يغيرون سياستهم بَما يتلائم مع العالم وَ تطوره , العالم صار مَفتوح وَ لا أحد يحب الإستغلال
حتى البريد السَعودي وَ الجمارك السعوديه صارت تتغاضى أكثر من قبل بخصوص البضائع المُستورده
دُمتم بَحب
يازينج تروقين الواحد
سوري ارسلت اكثر من مره بس صج ماني عارفه ليش مايطلع تعليقي كامل
عادي تَم التَعديل ..
حبيبتي .. ما أدري وَ الله تصدقين تكررت أكثر من مَره رآح أشوف سَبب المٌشكله بالتأكيد ..
نورتيني
انا شعري كيرلي بس مو مرة و كثيف و جاااااااااااااف لاني ما اعتني فيه و هذا الماسك هو اللي حسيته فاد بشعري و حلال فيه كل ريال، بالاضافة الى اني حسيت اني فواحة متحركة لما استخدمه البيت كله ريحته حلوه تصير ، للأمانه أحلى شي فيه انه ما يظل كثير عالشعر ، 7 دقايق الا انتي مخلصة!
مُمتاز وَ الله حبيت ذكرك لتجربتك لأن كثرة التَجارب هي إللي تَثري أي مَقاله
نَورتيني يآ الفوآحه العَطريه
لو شمحتي ممكن اعرف من فين اشتريتيه؟
طيب بس بغيت اسالك واسالكم كلكم من وين تاخذون هالماسك لهم محل هنا وبكم اشتريتوه من الموقع او التاجره او اياً كان اللي اشتريتوه منه ؟؟
يازينج تروقين الواحد
ههههههه حاسه فيج لما تقولين ما تحسين بالسعاده ممكن لنا شهرتها لها فتره طويله بس يظل الريفيو منج غيييير ويفرق حتى بزياده شراء المنتج و حتى رجوع شهرته ❤️ تهئ تهئ الله يزيد متابعين الميك آب
فعلا صادقه حتى باليوتيوب الشعر مشاهدته عاليه
واختلفت الاراء حول هالمنتجات بس حبيت فيديو لزهرة الليلك تتكلم عن انواع مسامية الشعر والمسامية العاليه يناسبها الماسك
انا مثلج احب الفوليوم ومااحب المنتجات اللي تنوم الشعر جاني فتره كثر شرائي لمنتجات التصفيف اكثر من العنايه احبها فانتظر منج مثل هالمنتجات
التبييض الاعلى .. حتى عَند الغرب
بس كل واحد مُشكلته مُختلفه الغرب النمش مُصيبتهم وَ إحناء التصبغ ..
فَعلاً طبيعة كل شعره تَختلف عن الثانية , وَ خلاص وَ لا يهمك جايتك بمُنتجات التَصفيف ..
نَورتيني بَتواجدك مَرتين .. يآهلا بَك
تصدقي من زمان نفسي اشتريها بس متررده ، عندي الفرشه و الزيت جاء مع الفرشه عينه صغيره حبيتهم كلهم تحسي من جد بتمشطي شعرك من جد ❤️
طَلع تَعليق الآن .. ما تظهر بعض التعليقات إلا بَعد الموافقه عليهآ ..
أكثر أمان
الحين ارتحت
ع كثر ماشفت تجارب يامدح يوصل لسماء
ياذم للارض
حبيت كلامك وقراري الاخير ماراح اشتريه
مدري تخيلت شعري معها كانه مفرود مسطره
المهم انتِ انسانه نادره الامانه تجري بدمك ماشاء الله
دعواتي بتكون لام ربتك واب تعب عليك ثم لك
أحرجتيني وَ الله , وَ تسلمين يا قلبي على هالدَعوات ..
مُمكن طبيعة شعرك تتلائم مَعه وَ مُمكن لأ , فالتَجربه بعينات أفضل من المُغامره
مو هي مسألة مُغامره كثر إنه لو ما عجبك حرام يَجلس مَعك ..
وَ نورتيني ..
شكرًا ارتوس على مجهودك الأكثر من رائع ،،،
وأهم شي الشعرة >>>فتحت اكبر الصورة
هههههههه أهم شيء شَفتيها !!
يعطيك العافيه انا حاطه عيني عليها اليومين هاذي وفرحت كثير لما شفتك منزله عنها مهما قريت من رفيوهات تبقي إنتي مميزه وغير و من أكثر المصادر ثقه ومصداقيه عندي حبيبتي ربي مايحرمنا منك عسئ عمرك طويل ♥
الله يَعافيك حَبيبتي , نَورتيني ..
أخجلتم تَواضعنا , وَ إن شاء الله تَتوفقين بتجربتك مَعهآ
اي شفتها
مدري ليش تعليقي مايوصل كامل
حاولي تنسخين الرد قبل الكتابه عَشان ماتتعبين ..
يالله ياآرتوس كأنك تقرين افكاري صابغه شعري صبغه فاتحه نوعاً ما خصوصا الاطراف والشعر انتهى ومحتاجه عنايه غير مجموعة لوريال كولور طبعاً اشتريتها عملاً بنصيحتك المهم انك افدتيني كثيييييير بهالتدوينه الله يسعدك قلبك ويخليك ويخليلك احبابك بإذن الله ستتم التجربه بأقرب وقت
فَيه مُنتجات حَلوه للي صابغين شعرهم سواء الحقن بالبوتكس لفروة الشعر أو مُنتجات البوتكس ..
أتمنى هالرد يَضيف شيء جَديد لك ..
اشتريته قبل أربع سنين من نزيه، أول استخدام كان واو، عقب جي شعري بدأ يتخشب ويطيح فتركته ع طول
أي شيء يهبون فيه الناس صرت أوسوس مَنه , غالباً يكون وراه شركه ذكيه تَضخ أموال طائله للإعلانات
مَن ثم الناس يتأثرون واحد ورى الثاني يَشتري ..
الصراحه مهما انكتب ندوينات ف منتج.. منك انتي غير ،، ارتوس تتبنيني
هههههههههه كلامك أكبر إطراء لَي ..
حَبيبتي وَ الله ..
الله يسعدك ‘ رغم اني مالي علاقه كثير بمنتجات الشعر وخاصة البلسم اللي اشتريه ويجلس شهور وانا ماني بحاجته إلا إني تحمست من كلامك أجرب الشامبو ومعالج الشعر ..
خاصة ان طبيعة شعري كيرلي لكن تفتقد الرطوبه اغلب الاحيان ..
موفقه ارتوس ..
آتمنى تَكون تجربتك مَعه مَوفقه بحال تَمت التَجربه ..
نَورتيني ياعَيوني .. سعيده بتواجدك
سلام ياعسل ..
جيتك هنا .. امممممم نفسسسسسسسس انطباعي عنها تهبد في الشعر .. وهوليش الستايلينق عدو الاهتمام والتغذيه ..
انا ماجربتها .. بس صديقتي جربتها وتقول ما عجبتها لانها لبدت شعرها .. يمكن يغذي صح الله واعلم ..
ما فكرت اشتريها .. بس دامك قلتي انها امانه من المواد الضاره بالشعر يبفالي اعيد النظر ..
مره استمتعت بالتدوينه .. تسلم دياتك .. ( حشا طبخه ) مو تدوينه
يا زَينك , حَور دُوم تنوريني يالحُب ..
هَي آمنه بس فيه غيرها أكثر آمان ..
صَدقتي دايم الستايلنش يتعارض مَع التغذيه .. لكن شعورنا ماراحت وطي إلا بسبة هالستايل ..
نورتيني .. وهههههه مايحتاج تعدلين تَمت الترجمه بَسلام
الله اعلم *
آمنه*
يبغالي *
يدينك *
…>>>>>تكتب بالجوال
اخيرا كنت انتظر هالتدوينه منك رغم اني مجربتها من زمان
اكثر شي عجبني بالمجموعه الزيت
الشامبو والبلسم ماحسيتهم يستحقون اني ارجع اشتريهم مره ثانيه الا لجل رائحتهم
وقبل فتره رجعت اشتري الماسك بلحاله جربته كم مره ولاحظت انه سبب تساقط مهول لشعري
تركته لين ماخف التساقط رجعت استخدمه ورجع التساقط وعرفت ان التساقط منه
وركنته ع جنب صرت استخدمه مره كل شهر او شهرين لاحسيت شعري يبيله ماسك عميق وبكذا اضمن انه مايطيح لي شعري
علما ان شعري جاف يحتاج ترطيب دايما
لو برجع اشتري شي منهم بشتري الزيت ريحته جدا لطيفه وحلو سيروم للشعر قبل الحراره وبعد يعطي ترطيب
المجموعه ككل مش سيئه لكن السيء فيها المدح المبالغ اللي جاها بصراحه كنت احسها المنتج السحري لكشتي هههه
اما الشامبو المناسب فمازلت اكمل رحلة البحث عنه
شكرا لك ع هالتدوينه وغيرها ()
فعلاً كلامك سَليم هالمدح المُبالغ به هو اللي يَخلي أي نتيجه مُخيبه للأمال ..
بالنسبه للماسك يمكن حطيتيه بفروة راسك بعديه وَشوفي وَش يصير مَعك !! ..
فيه مُنتجات تصدقين مُمتازه للشعر وَ تكون خاليه من المواد الضاره بس تنشف الشعر بشكل مو طبيعي
أو تسبب تشابك بالشعر , أو ماترغي .. وَ ولايهمك إن شاء الله أجد ضالتك باحد تدويناتي القادمه
مبسوطه اني اكتب لك تعليق
مشكورة ياقلبي على المجهود الكبير اللي تبذلينه لتساعدين الناس
الرسول قال بمامعنى الحديث انه احسن الناس هو انفعهم للناس وان شاء الله انك من احسن الناس ….
جربت منتج مكاديميا الماسك الين خلصت العلبه …ماشفت منه فايده لاتنعيم ولاترطيب …غير ان ريحته كانها عطر قوي …يعورني قلبي من المنتج ابو ريحه فواحه احسه مضر !
فعلا اللي يناسبك مو شرط يناسب غيرك
دمتي ياعسل
وَ أكثر إنبساط بَوجودك وَ الله وَ كلامك الحلو لي وَ الداعم ..
شُكراً شُكراً لك من الاعماق ..
وَ فعلاً كل ماكان المُنتج ريحته فواحه بهالشكل الهائل مَعناته به مواد مُعطره 🙁
نورتيني يا لبنى
الصور جميلة :*
جربت منهم الشامبو ريحته حلوة و ناسب شعري الحين برجع اجيبه هو والزيت المناسب للاستشوار ..
وفرشاة الشعر اسخدم وحده مشابهة لها سرقتها من ماما طبعا ههههههههههههه حلوة هالنوعية مرة حبيتها ..
على فكرة لو ينفع احضن هالتدوينة بحضنها بقوة *فيس يحضن* فيها ريحة شمواه موضوع ميمي و الأيقونات لما انتبهت لها لقيتها منه ..
:*
هههههههههههههه يا زَينك ..
فعلاً أول من كتب عنها بلاك روزز [ ميمي الحُب ] ..
مُمتاز يعني أنتِ احد النتائج الإيجابيه مَع هالمُنتج ..
دُوم دُوم منورتني يا بَشوره
الريفيو جاااء بوقته .. تسلم يدك ارتوس❤❤❤
الله يَسلم قَلبك عَيني
يسلمك ربي ويخليك ل احبابك يارب بسالك الله يسعدك عادي استخدمه وانا عامله لشعري كراتين او معالج او فرد
والله لايحرمنا منك ومنا كتاباتك الجميله❤️❤️
وَياك يآ رب ..
صراحه هو مَكتوب إنه للشعر المُعالج يعني مفروض يتلائم .. لكن اللي أعرفه المُعالجه بالكيراتين تتطلب مُنتجات خاصه بالكيراتين ؟
ولا وش رايك !! .. شوفي لوريال بروفيشنال مُمكن تتلائم مَعك أكثر عندهم مُنتجات خاصه لنفس وضعك ..
ما ودي أقولك إيه ثٌماً أورطك وَ يزول مفعول اللي بَشعرك ..
دُمتي بَود
كل عام وانتي من سعاده لسعاده يارب .. صحيح حكيك لازم منتج خاص له لكن بعد ماعملت المعالج ودعت شعري ، بداء بتساقط فضيع
مع أن هالموضوع صار مستهلك بشكل ممل الا انه منك غيييير ماقدرت مااشوف التدوينة ): ♡ استخدمت كم شيء من المجموعة وماحسيتها هذيك الواوو اللي بارجع اشتريها ): بما انك ذكرتي زيت الاركان الاصلي ممكن تقولين لي من وين اشتريتيه لأني حابه أخذ شيء أصلي ١٠٠٪ حاليا استخدم اللي من اي هيرب . شكرا
ياهلا بَك ..
حبيت ذكرك لتجربتك , ذكركم لهالتجارب هُو اللي يَثري هالمَوضوع لأن كثير يبون يقرون أراء وَ تجارب الغير مو رأيي وَ بس ..
نورتيني حبيبتي , بالنسبة لزيت الأركان وَ الله ناخذه من صديق للعائله هو يجيبه لنا على شَكل هَديه هو دكتور مَغربي ..
لكن بما إني أعرف ريحة وَ شكل الأصلي بحاول أجرب بالسوق لين ألقى أجود مكان يَوفره وَ بدلكم عليه لكن للآن مالقيت للأسف
وَ ترى سعره غالي مو رخيص , يمكن حَول ٨٠٠ ريال وَ من هالقبيل بس كَميه تكفيك أشهر
حبييبتي يمكن توني من فترة قصيرة عرفت مدونتج بس استفدت
انا شعري كيرلي بس جاف وللحين مالقيت شي يرضيني للشعر سواه منتجات الشامبو او الزيت والعناية
وبما ان شعرج كيرلي ياليت تفيدينا اكثر عن الاهتمام بالشعر :(((
يعني كيف ابدأ اهتم بالشعر الكيرلي من الصفر بما اني ماابي افقد ستايل شعري بس ابي يكون رطب وفيه حياة عرفتي كيف 🙁
وبالنسبة لزيت الاركان
اي والله ياليت بأقرب وقت تلاقين لنا زيت الاركان لأني ادور عليه بعد. وتحمست لمن جبتي طاريه
وتعلمينا فوايده وطريقة استخدامه
قواج الله يارب ❤️
جربتها بالبداية مره انبسطت ع النتيجة بعد فترة شعري انعدم سببلي تساقط و قشرة لانو فيلو مادة السليكون سبتها فترة و صرت أستخدم الماسك أحيانا لما ابغى أهجد شعري و ما فيا استشوره أو اعمل فيلو حاجه و الزيت استخدمه أحيانا اذا حسيت شعري جاف لا أحد يغلط غلطتي و يشتري الحجم الكبير :*
أشكرك لذكرك تجربتك ..
وَ فعلاً التجربه مُمتازه أفضل من التَوهق بالأحجام الكَبيره ..
ياحبيبه ئلبي ستمتعت بقوووووة مع هالتدوينه وروقت
بعد ماكنت بتابع موفي شدلي اعصابي يوووووه تبعني نفسيا:(
حاسة ريحه المكديميا وصلت لعندي
انا جربت الزيت او السيروم الصغير من هالمجموعه وجاز لي فعلا
بس ماتجرئت جرب كل المجموعه
انا متلك لما ينام شعري بحس اني صرت هنديه لووول
لازم شويه فوليوم ..
ياستي الله يعطيكي الف الف عافيه ويسلم دياتك عهالتدوين الراقي بحق وحقيق !!
اكيد عرفتيني ؟؟ ههههه خايفه عحالي مابين بين هالردود اسم الله
فعلا انا نفسك المجموعه حبيتها وماحبيتها ، جربت منها الزيت والماسك والكريم ، ماحبيت الكريم مفعوله مايطول ولا مفعوله قوي بالرغم ان شعري جاف وكيرلي واحتاج شي ينعم لي الكيرلي ومفعوله يطول مالقيت اللي احتاجه فيه ، الماسك والزيت حبيهم والاجمل ريحتهم حلوه
تحمست للشامبو بس حاليا انا مبسوطة بشامبو زيت الارغان جدا رائع ف ما اعتقد اشوف شي غيره ههههه
الله يجزاك ووالديك الفردوس الأعلى يا ارتوس
ازيك ارتوس ؟
ريفيو جمميل انا حسيت لو بجرب بجرب الماسك من كلامك اما الباقي ما اتوقع ,.
وحابه اسألك كيف تنشفي شعرك وايش هي الطريقة الافضل لتنشيف الشعر بعد الشاور لاني شاكه ان شعري يتساقط بسبب طريقتي انا اعرف انو نضغط بالمنشفة خفيف و الباقي نخليه ينشف طبيعي بس اوقات اكون مستعجله ؟
وكمان حابه اطلب تكتبين لنا كيف تحافظين على الهيلز تبع لوبوتان من تحت اقصد كيف اقلل من المخشات باللقاع الاحمر اذا فهمتي علي ههههههه
يعطيك العافية أرتوس على جهودك وعطاءك الدائم .. رغم أنتشار هالمجموعة من فترة طويلة ماتحمست أجربها أبداً
الا من فترة قريبة عجبني وصف المنتج بأحد المواقع فقررت أجرب بس الشامبو
وعشان تكونوا بالصورة طبيعة شعري جاف جداً ومتوسط الكثافة والفترة اللي استخدمته فيها ماكنت أعاني من اي تساقط
حتى الصبغة ماصبغت وقتها من ٦ شهور يعني الحمد لله شعري كان بصحة جيدة 🙂
ومن اول استخدام ماحبيته لان ماكان يرغي بشعري ومع ذالك ضليت استخدمته الى مانتهت العبوة
وسبب لي تساقط قلت يمكن مو منه وبعد فترة رجع شعري يتحسن واستخدمت الشامبو
مرة ثانية لكن هالمرة انغريت باكلام أحد خبيرات التجميل بانستقرام مادري كيف أقنعتني انو
هالشيء واو مع اني استخدمته من قبل وماناسبني ! مادري شو تسمون هذا
واحد من الاثنين غباء او غباء هههه!!!!
وبرضوا شعري رجع يتساقط
شوفي ما رح أعيد كلام البنات من ناحية المدونة روعة و معلوماتها جميلة
انا واثقة انه ما رح تنزلي تدوينة الا ونأتي ضامنة الف بالمية انها تستحق الثناء و الاشادة ،،
اللي تمنيت لو اقدر اعلق عليه كان النبذة الشخصية ،، لما تتكلمي عن اهلك احس حتى أسلوبك يختلف و تبان البنوتة الحلوة
اللي دائماً تقولين عنها شريرة ،، اعششششق انتقائك لكلماتك ،، و عليك ذبات مو صاحية
تصدقي من زمان نفسي اشتريها بس متررده ، عندي الفرشه و الزيت جاء مع الفرشه عينه صغيره حبيتهم كلهم تحسي من جد بتمشطي شعرك من جد ❤️
وناااااااااااااااسه انا ناويه عليها ان شاء الله وبشتريها. ومن زمان انتظرك تتكلمي عنها والحمد لله اتكلمتي، وماشاء الله عليك كفيتي ووفيتي.
سويت عنها بحث بقوقل لقيت تحذير إنّو فيها مادة السيلكون ودي الماده تضر الشعر وتغلف الشعره وان المجموعة دي فيها نسبه من السيلكون. عاد انا اترددت. ، انتي •• •• أيـش رأيك ، اثق في أرائك. وشكرا بزاف بزاف
يعطيك العافية حبيبتي ارتوس ..
كنت مفكرة اجرب من الماركة هذي بس هونت مدري ليه من كلامك حسيت انها ماراح تناسبني
وانا شعري كيرلي مو أي شي يناسبه ويخليه يحافظ على شكله 🙁
ياليت تتكلمين عن منتجات ماركة ايف روشيه لو مجربة منها اشياء !!
حابه اعرف رايك عنها
ولو فيه اشياء تعرفين انها تناسب الشعر الكيرلي من صيدلية بوتس ياليت تدليني عليها اثق برايك 🙂
اول شي يعطيك العافية حبيبتي ..بالنسبه للمنتجات انا جربت الماسك وشعري طبيعته ناعم ماشاءالله ودهني الي صار انو زى ماقلتي يلصق شعري بالفروة وانا احبه فوليوم ف صرت استخدمه بعيد من الجذور يعنى ماسك لأطراف الشعر ..اتوقع يناسب اكتر الى شعرهم جاف ..وابغا اسالك ايش احسن بخاخ لحمايه الشعر من الاستشوار للشعر الدهني؟ ومشكوورة وربي يجعله في ميزان حسناتك ♡
مشاء لله ..ريفيو رائع كالعاده
انا من متابعاتك بصمت ..بس متواجده دعواتي لك دائما
وحبيت اشكرك ..
..من هذه المنتج حالياً اجرب الزيت المعالج .. بس مشكلتي عدم الاستمراريه
كثيره منتجات عناية الشعر عندي ومش منتظمه في استعمالها مع اني في اشد الحاجه لها .. شعري مشاء لله كثيف وشعرتي قويه بس من كثر استعمالي للاستشوار فقد حيويته والتقصف زاد وتساقط والنفشه زادت ..بختصار شعري يحتضر
. .. ^^”.asalam alikum … recently i am using the shampoo and the mask.. i prefer the mask much..
love then smell of the product..
thank you artOs
العَفو حبيبتي ..
بالنسبالي الشامبو مانظف شعري ابدا .. فروتي دهنيه واطرافه جافه فممكن هاذا السبب م اعرف ما ارتحت للشامبو ..
السيروم كويس بس ريحته تزعجني شخصيا ف مراح اكرره
احس لما احطه تصير ريحة الغرفة كان دخلها شخص غريب
الريفيو وافي باقي اجرب الماسك خصوصا بعد الصبغة شعري مره زعلان علي وانا وزعلانة عليه
تكملة…
هي فعلا المجموعة فيها مادة السيلكون واحسها تثقل الشعر وتكتم الفروة ..
الحل استخدمت شامبو منقي (شامبو الاملاح Big من لاش)
سَبق وَ تكلمت عن شامبو الأملاح من لاش , مُمتاز بس بخصوص دهنيتك قريب بتكلم عن شيء إن شاء الله يَحل المُشكله بإذن الله ❤️
خلاص طالما كذا بَنزل شيء لتغذية الشعر لعيونك الحَلوه ..
ههههههه وَ حبيت وصفك بخصوص الشخص الغريب فعلاً مرات فيه روائح الواحد ما يستسيغهآ
نورتيني❤️
برضو أنا حبيتها وماحبيتها ,,, بس بالنسبة ليا اشوف انو مافي شامبو وبلسم احسن منه هذي المحموعة , وذلك لإن صعب تلاقي شامبو متوفر خالي من مواد الباربان ومن مواد السلفات وهي السبب الرئيسي لنكش ونفش الشعر …
استفدت منه من ناحية :
هجد النفش والنكش وخلاه ملفلف بدون نكش
خف جفاف شعري وخلاه يلمع وطبيعي
عيوبه :
ريحته بصراحه ابدا ابدا ماعجبتني خصوصا لما احط الكريم الي بدون غسيل , بس مضطر عشان ماينكش شعري
أنا فروة راسي دهنية وشعري جاف , ماأحسه ينظف فروة راسي ويبقى فيه ريحه الدهنية , لذلك اضطر استخدم معاه ليمون أو بيكربونات الصوديوم لفروة لراسي ..
للان اشوفه احسن مجموعة ومستحيل اغيره بشامبوهات الصيدليه التجارية …رح أظل استخدم هذي المجموعة الين القى مجموعه جديده نفس المواصفات خالي من السلفات والباربان الي تنكش الشعر وتنفشه .
باحتصار الي تعاني من النكش والنفس تستخدمه وهي مغمضه …
المكاديميا للتصحيح مُنتج تجاري ليس طَبي وَ مهوب بروفيشنال بَنفس الوقت , آهم شيء إنك مَبسوطه عليه
لكن سالفة كلمة مُستحيل كلمة غير مَرنه تظلمين نفسك بإعتمادك عليه , لأن فيه مُنتجات أفضل مَنه بَمليون مَرة
اللهم إن المكاديميا طاح بَيدينك فَقط وَ حسيتيه وآآآو ..
يعطيك العافيه
بسألك عن نقطة البلسم والكريم : اللي أعرفه انو ماينحطون ع الجذور بذات البلسم يسبب تسلقط للشعر بس انتي كاتبه انو كلهم ع الجذور !
الله يوفقك
تدوينه جدا مفيده الله يجزاك الخير وخصوصا اني ناويه بإذن الله اشتري المجموعه ..
حبيت اسألك اذا ممكن , من وين شريتي زيت الارغان الاصلي ؟
والف شكر ..
بالنسبة للأرغان جآني من المَغرب ما شريته , وَصلني هَدية
حبيبتي ماقصرتي كثير مدحوها لي بس عندي سؤال محيرني هل كثر استخدامها يلقب لون الشعر الاشقر الى برتقالي مثل اغلب المجموعات
ما جَربتها وَ شعري أشقر
أفضل شيء تستخدمين مُنتجات خاصة للشعر الأشقر ، حتى ما تضيعين تعبك بالصَبغ
ارتوس انا عامله كيراتين معالج لشعري ولازم استخدم منتجات خاليه من سلفات الصوديوم ، الشامبو والبلسم تبع المجموعه مكتوب عليها سلفات فري بس الماسك مو مكتوب ، يعني عادي استخدمه او لا ؟
كفيتي ووفيتي الف شكر ?
يعطيك العافية بس عندي استفسار هل زيت الاركان يغير لون الشعر المصبوغ ؟!؟!
تركت المواضيع اليديدة وييت أعلق على موضوع قديم ، مع أن بنيتي أول ما فتحت المدونة أني اترك تعليق على تدوينة فيتامين هير بيرست .!
ما علينا ..
جربت الماسك و Macadamia Nourishing Leave-In Cream ..
بالبداية كنت حابه الماسك لكن بعدها بكم تجربة حسيت فروتي ما تكون نظيفة واتصيبني حكه فـ وقفت لفترة طويلة ورجعتله ، يمكن استخدامي غلط لكن رديت استخدمه لكن بعيد عن الفروة بس اخصل شعراتي ، يعطي نعومة جميلة لكن المشكلة ريحته بزيادة قويّة .!!
إذا خلص ما برد اشتريه ..
أما هالمنتج الثاني الشبيه بالبلسم فـ للحين ما ضبط عندي ، يعطي ملمس غريب بالشعر ويخشنه و مولييه ما عطاني أي رونق ..
حٌبي سوس أعتقد أنتي خربطي بين الفيديوهين .. يعني فيديو المنتج الشبيه بالبلسم حطيتيه بفقرة الزيت المعالج والعكس .. هذي ملاحظتي وحبيت أقولـج : )
أخاف بس العله من عيوني لأني مسطله وأبى أرقد فأشوف بالغلط ههههههه
لاحظت أنج من المغرمين بزيت الأرغان ، بصراحه جربت ثلاث أنواع للحين ، أثنين منهُم فاشلين أما التجربة الثالثة ضبطت عندي ، شريته من القرية العالمية ، بالقرية المغربية ، أصلي ..
♥
اقسم بالله انك انسانه رائعه الله يسعدك ثم يسعدك ثم يسعدك حتى تبلغ السعاده منتهاها قولي امين
وربي حبيتك وانا مااعرفك اسال الله ان يسخر لك الارض ومن عليها ويفتح عليك ويزيدك من فضله
استفدت كثثثثير منك ماكنت اعرف حاجه عن ترسيبات الجسم انها ضروريه وكنت اعاني من سواد الركب والاكواع والمنطقه الحساسه وكنت افكر انو كل البنات مثلي بس جد انصدمت لما شفت مواضيعك على شمواه حسيت اني مو بنت ابدا وبديت عنايتي بنفسي
فرقت معايا خصوصا نفسيتي وبان لون جسمي افتح من قبل مابيضر عاد لان احب لوني برونزي وصار الان ماشاء الله حلو حتى الي حولي لاحظو التغير وانبسسط الله يفرح قلبك بما تتمني ارتوسه شكرا شكرا من القلب احبك اختك اسما
يختي احبك ههههههههههه
يسعد قلبك يا ارتوس ????
حبيت الشامبو ينظف الشعر من الدهون بما ان فروة راسي دهنية وبنفس الوقت شعري جاف وحسيت انه سوا توازن وما سبب جفاف للشعر.. وجربت زيت الشعر كمان واحطه وشعري شوي رطب عشان يخفف لي النفشة ????
شريته من صيدلية وايتس.. بس بالنسبة للاسعار أحسها صارت أغلى من قبل ? لان الشامبوا لما رجعت اشتريه (العبوة الكبيرة) لقيته ب ٢٥٠ ريال مع اني اذكر اني شاريته بسعر أقل من كذا بس مو متأكدة