صَباح / مَساء الشُوق
[ وَحشتووووووووني ] ..
تَصدقون إكتشفت صَعب التَوفيق بين السناب تشات وَ الآنستا وَ المُدونة ( ياوَيل حالي )
وَ ماكذبوا إللي قالوا لي إنتبهي تلتهين بالسناب عن المُدونة ، أكثر شيء يسرق الوَقت بالسناب الرسايل
مَرات أفكر أقفل الرسايل بكذا يكون الطرح أكثر فَعالية ، بَس مقدر ما أتواصل مَع الناس إللي أحبهم
بالفَترة الماضية طرحي صَار نايم ، حَتى طريقة تصويري مُجرد صُورة وَ السلام فقط حتى لا أنقطع عن التواجد
لكن STOP ، بَرجع برجع لأيامي وَ سابق عَهدي بصور كَل شيء يعجبني وَ كل شيء يُعبر عَني وَ عن أسلوبي بهالحَياة
بخصوص مَسار مَواضيعي ، راح تكون أكثر شَمولية
وَ راح أقدم أحد الخدمات المَدفوعة ( بالطبع الحساب راح يكون خاص ) بالسَنة الهجرية الجديدة بإذن الله ..
وَ أشكر كُل البنات إللي حَفزوني وَ قالوا لي كَفاية آرتوس حان وَقتك ..
اليوم مَوضوعي عَن أحد مُنتجات ماركة فلوريغا
ماركة فلوريقا توصف نفسها أنها مُخصصة للعناية المنزليه بنفس مفعول العيادات وَ عندها لاين كامل بالآساس هو لاين طبي مُدمج مع لاين العناية بالبشرة ، وَ تقريباً ٩٠٪ مِن مُنتجاتهم تستهدف مُحاربة الشيخوخة
FILORGA ‘Sleep and Peel’ Resurfacing Night Cream
نامي وَ قشري كريم الليل من فلوريغا
مكان التوفر ،’
صيدليات النهدي
السعر : ٤٤٠ ريال سعودي
المُنتج وَصلني هدية مِن صيدليات النهدي مَع مجموعة كبيرة مِن المُنتجات ، وَ كان لي تجربه سابقة مَع غسولات هالماركه وَ فعلاً مُمتازة
بعد أربع أسابيع مِن تجربتة على ٦٠ إمرأة يومياً المُنتج لوحظ الأتي :
• ٧٧٪ تألق بالبشرة
• ٧٠ ٪ نعومة بالبشرة
• ٧٥٪ تحسن في نسيج الجلد
مُميزات المُنتج ~
– لجميع أنواع البَشرة ( للوجه وَ الرقبة وَ الصدر )
– مُقشر آمن
– يبيض البشرة وَ يفتحها
– يُعالج الكلف البُقع وَ التصبغات
– يُقلل التَجاعيد وَ الخطوط الرفيعة
– يوحد البشرة وَ يُعالج التباين اللوني وَ فرط التصبغ
– يضوي البشرة وَ ينعمها
– يؤخر مِن ظُهور عَلامات التقدم في السن وَ الشيخوخة المُبكرة
– يُحسن مِن مظهر التجاعيد وَ التصبغات والبقع البنية
– خالي من الباربين وَ الفثالات
تعليمات الإستخدام،’
– يمد على وجه نظيف جاف وَ نبتعد عَن منطقة حول العين أو أي منطقه بها خدوش
– لا يمد على بَشرة مُبللة
– في حال كانت البشرة حساسه يُستخدم بعد كل يومين
– مُمكن يكون فيه إحساس بسيط بالوخز بما إنه حمضي
– في حال كان الحرقان شديد يُغسل بماء بارد وَ يجب التوقف عَن إستخدامه
– لايستخدم مع مُنتجات حمضيه أو مقشرات أخرى
المكونات الرئيسية للمُنتج ~
Glycol Acid : نوع مِن أحماض الالفا هيدروكسي يسمونه صانع المُعجزات لأن ذراته صغيرة وَ يدخل بأعماق الجلد
فعال في علاج التجاعيد الدقيقة وَ حب الشباب وَ التصبغات وَ الرؤوس السوداء وَ الدهون المُفرطة
Azelaic Acid: مُضاد للأكسدة يساعد على قتل البكتيريا وَ يعالج حب الشباب ، يُخفف مِن الوردية يفتح البشرة ، البقع الداكنه وَ الكلف وَ يعتبر البديل الآمن للهيدروكينون
Lecithin: مُرطب مُمتاز
Magic Acid : لموازنة حموضة البشرة ، مُقشر قادر على إختراق عُمق البشرة يزيل التصبغ وَ يفتح لون البشرة
Sodium Hyaluronate : يجدد الجلد وَ يعتبر أفضل من الهايلورنيك أسيد
Glutamine: يٌعطي مَظهر صحي للبشرة وَ يحسن ملمس الجلد
Niacin, Niacinamide : أوحمض النيكوتينيك مليئ بالفيتامينات ( b3 ) وَ مضاد للأكسدة مهدئ للجلد يعيد حيوية البشرة
palmitoyl oligopeptide, palmitoyl tetrapeptide-3 ans coenzyme A: مُضاد للشيخوخة
رأيي عن المنتج (Sleep and Peel ) ،’
حبيته جداً وَ ناسبني مع إن بشرتي تتفق مَع الريتن أ أكثر من الأحماض ..
بس هالكريم أبداً ماحسيت فيه إحساس بالوخز وَ لا باللزوجة إللي دائماً تكون مُصاحبة لهالنوع من الكريمات
أيضا بعض الأحماض مُمكن تسبب مثل الفصوص الصغيرة بالوجه لكن بصراحه أول مَرة أكون راضيه عن حمض لهالدرجة
بدون مُبالغة ناعم جداً جداً جداً من أول ماتمدينه تحسين بهالنعومه حتى لما تقومين مِن النوم تحسين بهالنعومة
بعد ثلاث أيام حسيت وجهي مضوي مع اني قبل لا أبدأ فيه مُستمرة على فيتامين سي بالكركم ( للإطلاع إضغطي هُنا ) وَ وقفته طبعاً لأن مفترض ما تستخدمين حمضين سوى
قوامه مبين كثيف وَ مرطب لكن غير دبق أبداً
حسيت بفرق في تكون الرؤوس السوداء
أيضاً تحسين صغر بالمسام ( لأن المنتج يحتوي على مٌشتقات السيلكون ) يعني نتيجة لحظية + بفعل الأحماض
للإطلاع على مَوضوع السيلكون إضغطي هُنا
من الأسبوع الأول تحسين بشرتك صحية ، ترطيبة مُمتاز وَ أشوفه مُو دبق على بشرتي الدهنية
ماسبب لي أي قشور وَ لا إحمرار وَ لا تهيج وَ لا حرقان
إستخدمته تقريباً ٢٠ يوم وَ كمية بسيطة تكفي منه يعني أتوقع العبوه راح تكفيني ٣ أشهر
[ وَ تقدرون تشوفون المُتبقي من الكريم ما كأنه أستخدم ] ..
بالنسبة كونه يقلل التجاعيد أو يزيل التصبغات فما أعاني مِن هالشيء فالتجربه خير برهان
عيوب المُنتج ~
– سعره مُمكن يكون غالي على البعض مثل أغلب الأحماض غالية ، لكن العبوة كبيرة
– فيه نسبة عطور بسيطة
مُلاحظة ،’
أعتقد فيه لاين كامل من نفس هالمجموعة
المُنتج مفترض يناسب إللي بشرتهم حساسة بس يظل لكل بَشرة ردة فعل تختلف عن الأخرى خاصة الأحماض وَ الريتن أ مُمكن تسبب حرقان وَ جفاف
إللي يخافون من السيلكون المُنتج يحتوي على مُشتقات السيلكون وهو السبب بكون المنتج ناعم جداً جداً وَ يخفي المسام وَ يحتفظ بالرطوبة
طبعاً ماننسى أهمية الأحماض اللي يحتوي عليها المُنتج في تحسين ملمس البشرة
ماقد يَخطر على البال ~
– مَن أفضل هالحَمض وَ لا فيتامين سي بالكركم ؟
طبعاً هالمُنتج مِن فلوريغا تَحسين فيه فَرق بالنضارة
– مالغسول المُستخدم مَع المُنتج ؟
إستخدمي غسول ناعم كون المُنتج حمضي ، شخصياً أستخدمت غسول فلوريغا وَ قريباً راح أزين ريفيو عنه
لكن مُتابعيني بالسناب تشات أكيد شآفوه
– هل هو علاج ؟
المُنتج ليس علاجي يعني مُش دواء ، فلي مَشاكلها كبيرة وَ تتوقع مُنتج صَغير بيحل لها المُشكلة
أنصحها تتوجه للعيادة لعَمل تقشير عَميق وَ إستشارة طبيبة جلدية فيما يتعلق بالكلف أو الحبوب
المُنتج مُمتاز جداً ضَمن روتين عناية ، مايعيقك عن إستخدام الماكياج وَ بنفس الوقت يحافظ على رونق البشرة وَ نضارتها
– أعجبك المُنتج وَ بترجعين تشترينه ؟
جداً جداً أعجبني وَ نادراً ما مُنتج ينال على إستحساني
كتعليب رَوعة ، كنتيجة رَوعة ، كأثار جانبية على بَشرتي لم يظهر شيء ..
نلتقي بإذن الله غَداً بموضوع آخر بالمُدونة ( توثيق لمَوضوع فراشي الماكياج من مورفي بناء على طلبكم )
دُمتم بَحب
تم
ومساك وله يالحب
صدقيني بتقدرين تجمعين بينهم الي عافسنا عفس الاجازه ومن ترجع الدوامات وتترتب اوقاتنا بتنجزي اكثر وترجعي لنشاطك باذن الله
واهنيك والله من كل قلبي ع خطوتك بالخدمه المدفوعه وكل خطوه تخطيها تحفظ لك حقوقك اول من يصفق لك انا وبالتوفيق يارب
حبيت الكريم حسيته دخل قلبي التعليب كلامك عنه صح خفت من سالفة التحسس لكن باجربه باذن الله
بس تهدا الاجواء وراح ابدا بالرتن وبعدها استخدمه
دائما كلامك اخر المدونه يريحني اكثر من ناحيه اعجبك وبترجعي تشتريه
نورتي بيتك الكبير ❤️❤️
تم
تم
تم ?
دايما الأمور اللي تكتبين عنها مختلفة و جديدة شكرا لك على كل جهد تبذليه .. بس ما فهت اش سالفة الخدمات المدفوعة حاولت افهم ما وصلت لشي ..
المسا هاللي ملاه الشوق مااسمه مساء ! يمكن اسمه عمري الي ضاع فيك ؟ والا اسمه الف ضحكة تحتريك ..
هذي ترحيب فيك ويلا باشتري المنتج قبل اقراء بناءا ع ردك لي بالانستا
ونورتي من يديد
يا رب أكون أول تعليق هههههه مبزرة متأخرة
حبيت المنتج من وصفك و بما إني أبحث عن منتجات جديدة و بأحماض فأتوقع أني بأشتريه أول ما يخلص الكريم حقي و أكون شبعت من تان السفر اللي خاقه عليه و ما أبيه يروح بسرعة
يعطيك ألف عافية يا جميلة يا متألقه …. و ألفدمبروك مقدما على الخطوة الجديدة و يا رب يا رب ما تتأخرين فيها و تكون فعلا على السنة العجرية الجديدة. التوفيق حليفك بإذن الله و دعائنا و تمنياتنا لك بمزيد من النجاح
Ps: النجاح يليق بكِ.
مميزة ❤️❤️ طول عمرك ماتجيبين الا اشياء مانعرفها .. اللي مايخليني اتابع اي بلوقر غيرك ان مواضيعك خاصة فيك لدرجة لو احد كتب بعدك اعرف انه ماخذ الموضوع منك ! وغير كذا تجيبين اشياء مانعرفها مو مثل الباقين معلومات عامة وفيها اغلاط ، مثل وحدة تقول (بناات جربوا الفازلين ع الوجه وماعليكم من الدكاترة اللي يقولون لاتحطونه وتطلعون بالشمس ! انا طلعت بالشمس وماصار شي بالعكس وجهي ناعم والخ..) فيه بنت قالت انا بشرتي دهنية ينفع لي ؟ قالت هي ايه ينفع ، عاد حليها لي دهنية وفازلين ? .. اولاً مين انتي تغلطين الدكاترة ! يعني دراسات وابحاث وتجارب وتعب وتجين انتي تغلطينهم ! صراحة ماشلت مستقبلااً الا هم هالعينات اتعب وادرس وتجي تكذبني .. !
المهم اني حاججتها وقلت لها غلط وحالات نادرة اللي يستعملون الفازلين ولازم الوجه يكون رطب شوي بموية ومايطلعون للشمس حاجات كثير لازم ينتبهون لها ! طبعاً كعادتهم مايبون يسمعون كلام احد او يوسعون مداركهم ع طول بلوك ? .. عموماً طول عمرك مميزة وبتبقين مميزة ولو جت مليون وحدة غيرك تقلدك نعرف اسلوبك واعرف ان الموضوع مأخوذ منك ، وحتى الصور ريحي نفسك ولاتحطين توقيع اسلوب التصوير والترتيب نعرف انها من عندك ?❤️❤️
كثرت حكي ?
فعلا من اروع المدونات اللي مرت علي
استفيد منك كثير
الشي اللي يتعبني وهو اني من عمان وانتي من السعوديه
فالمنتجات صعب احصل عليها بسهولة
لما رحت مكة دورت ف الصيدليه ع شفرات الفلامينجو
وكانت تجربه حلاقة الوجه شي ممتع بصراحة والنتيجة حلو
الشي الثاني اشتريت سي سي كريم شانيل الدرجة الثانية بس ما ناسبني حسيت وجهي باهت ومايل للفضي يمكن كان المفروض اشتري الدرجة الاغمق لانه الاندرتون معي على اصفر…. او لاني حامل فطبيعة وجهي متغيره شوي…
وكانت تجربتي مع مجموعه nashi للشعر حلوه حبيت الماسك جدا
على العموم انا معاك ع الخط اشوف واقرا واجرب وجزاك الله عنا كل خير ?
تم
و أنتِ وحشتينا ❤️ حنا معك بكل خطوة و الله يوفقك وييسر طريقك ???? .
نجي للمنتج شكل العلبة انيق مثل مكعبات الثلج ، نحتاج مثل هالكريم هالفترة الرتن أ استخدمه من قبل ثلاث شهور بس انام بالأغلب بعد الفجر فأوقف استخدامه ، راح اشتريه ان شاء الله بس يخلص الي استخدمه حاليًا.
والله انتِ اللي وحشتينا .. ??
برافـو عليك والله ؛ ومبروك على هالخطوه , الله يوفقك ياعيني ?????
كفايه اغراء بالمنتج بتخليني اتهور واروح لنهدي هالحزه ??
تصدقين بالي تقشير احماض جربته من قبل اعجبتني النتيجه بس مرت ٦ شهور واحس محتاجه من الحر تعبت بشرتي ? لكن المشكله الجو كلش مايساعد , بكنسل فكرتها واجرب هالكريم لان محتاجه تفتيح البقع و تألق البشره ✨
نورتي يالحب ???
دوب قرات التدوينه ….برافووو ع الخطوه الجديده والله يوفقك
ويفتح الابواب عليك داخليا وخارجيا
قلوووووووووووب
صباح النور لاحلى ارتوس ??❤
.
.
مايحتاج اقول من لما قلتي لي عليه وانا متحمسه له …
وشرح وافي وكافي يحمس جدا لاستخدام الاحماض ماننحرم منك ولامن لفتاتك الجميلة مميزة كالعاده وطرح ولا اروع ❤❤❤
لاحظت ان ماعندي ولاسؤال ولااستفسار تهقين وش السبب ??
مساء النور ??
حبيت وصفك للمنتج واعجبني ومن بكره طيران للنهدي
ودوووم مميزه بمواضيعك
والله يوفقك بالدنيا والاخره ??
صباح الورد و الفل و الورد و الياسمين يا اجمل سوس .. من اول ما استخدمت كريم العيون حقهم تحمست استخدم باقي منتجاتهم بس قلت اخلص اول من اللي الكريمات اللي اعطتني هيه دكتورتي و بعدين نغير عليها و الحين تحمست لها اكثر و اكثر
و اي خطوة جديدة تاخذينها احنا بنكون اول الداعمين لك في كل شي .. ♥️♥️
يسعد صباحك وكل أوقاتك
مشتاقين لهالتدوينات الحلوة
بصراحة شرح كافي و وافي كالعادة ماشاء الله .. ربي يسلم هالايدين
حمستينيييي أجربه يارب يناسبني ..بس لازم أسأل الدكتورة لأنها وصفت سكرب كوزمو سي بفيتامين سي .. اذا يناسبني بوقف السكرب وأكمل بالكريم
خدي ?❤
اهلاً توسه نوّرتي ❤️❤️
اشتقت اشتقت لتدوينك و المدونه . و الخطوه الجديده حلوة الله يفتحها بوجهك و يوفقك ❤️
المنتج اعجبني من نزلتيه بالأنستا . فعلاً راح احطه باللسته مع كثير اشياء نصحتي فيها .. بس سؤالي سوس اقدر استخدمه بالليل و استخدم فايتمن سي في النهار و لا اقطعه مره وحده . علماً ان عمري 24 و ماعندي مشاكل كثيره الا الشحوب و سببه السهر؟
يعطيك العافيه حبيبتي سوس . و بأنتظار جديدك ..
love you ❤️❤️
اهلن اهلن سوس
اشتقت لتدويناتك وجديدك بالمواضيع دائًما متألقه ومميزه ?
وخطوة حلوه برافو عليك موفقه بكل خطوة تخطينها يارب
حبيت المنتج وراح اخصصه لعناية بشرتي وقت الشتاء باذن الله
ارتوس وحشتييييينا جدًا والله ❤️❤️ وأنا اوافق البنات اللي يقولوا لك يا آرتوس كفاية جا وقتك فعلًا ❤️✋? وتسلم يدك على المدونة فعلًا مزاياه حلوة لكن يعيبه سعره مو الكل يقدر يغتنيه، وننتظرك بكرا يا جميلة?
يختي عليك يازينك اي شي تمدحينه اثق فيه ولما احد يمدح شي اروح اطل على مدونتك اشوف اذا انتي مجربته ورايك عنه وان شاءالله راح اجرب هالمنتج شكله مره يشوق بس اخلص الاكرتين أول ???
كفيتي و وفيتي ، شكلي بقطع الديفرين جل وبستخدم هالمنتج فالفترة الحالية والديفرين للشتا . جار سرقته من غرفة امي ??.
واخيراً أشتقنآ لطلتك هنا
الخطوهه اللي اقدمتي عليها روعه
موفقه ي عيني
بالنسبه للمنتج اعجبني من وصفك له
وشرحتي بذمه وضمير بخصوص اللي بشرتهم
تعبانه وتعتمد عليييه ☹️
وحبيته اغراني الصراحه ودي اجربه مرح اخسر شي
تسسلم يدينك ع الطرح
دُمتِ لي?
صباحك / مسائك حب وسعادة .. وانتي وحشتييييينا سوس .. بانتظار السنة الجديدة على آحر من الجمر ♥
المنتج فعلا مغري وطالما انه يفي باغلب الوعود فاشوف ان ثمنه فيه
يستحق التجربة ♥
بداية مبروك مقدما عالخطوه المتجهه الماديه ورزقك الله من واسع فضله
الكريم جربتو ولان سعره مو في متناول يدي دائما بس جربتو مره فعلا فضيع فضيع فضيع عرفتو عن طريق دكتوره اوصت احدى صديقاتي فيه وقالتلنا عليه وهبينا فيه بس زي ماقلتي اللي فيها مشاكل كثير بالبشره ماينفع يعني انا عن نفسي كنت مفتقره لنضاااااره فقط وضوا وجهي ماشاالله كفاني المنتج 5 شهور
صباح الخير يا قمر ? وحشتيني اوي اوي
و مبروك مقدما على الخطوة اللي رح تكون في السنة الجديدة و الله يرزقك و يوفقك
قرأت الريفيو كله و عجبني كلامك عنه و اذا الله اراد لنا تجربة معه والحلو انه في صيدليات النهدي يعني ما نحتاج نطلبه من النت ?
و ترا شرحك في السناب اكثر من ممتاز و استفدت من كلامك عن الفراشي ??
ربي يحفظك و يزيدك من فضله ??
صباح الخيرات مره لك وحشه وزمان عنك السناب ياخذ وقت مرا انا حذفته ماقدرت اتحكم بنفسي حملته علشانك والحمدلله بنت حلال تنزل سناباتك عالانستا الله يجزاها الف خير
وخطوه حلوه للخدمه وان شاء ربي يرزقك وبسعدك ويحقق مرادك ياحلى توسه …
يووووووووه يارتوس وش كثر فاقدينك هالفترة كثيررر جد جد وحشتينا مررة ومن زمان عن هالمواضيع عاد انتي تعرفين ذوقي زين احب المنتجات الغربية الي فكرتها مميزة ومكوناتها فعالة تصدقين عقب تدويناتك بديت افهم نفسي اكثر وانتي سبق ولمحتي طبعا هالشيء يختصر علي جهد ووقت لاني اكره الخلطات والزيوت ولا احسها شيء عملي وفعال على قولتك التقنيات تطورت وكل شيء صار له والاهمال ماله داعي ومبرر تصدقين هالصيف حضرت كم عرس بالرغم لي سنين عن اعراس توقعت الناس تطورت وقامت تهتم اكثر بس انصدمت من المناظر الي شفتها تلاقين ميكب نسخة بعضهم وفستان كشخة بس ماشوف رونق وبهاء وانتكة او اهتمام تفاصيل صغيرة لكن تفرق اقلها الاهتمام بالاسنان واختيار المقاس المناسب حسيت مازالت ثقافة الاهتمام والعناية ماتغيرت بالنسبة للمجتمع. نرجع لموضوعنا بما انه صار لي فترة ماعاد اقترحت شيء ههههههههه حسيت فيني شيء ناقص او غلط بس الحين ابشرك رجعت وبقوة اتمنى التركيز على مواضيع العناية بالرقبة ومنطقة الديلكوتيه لانه هالمنطقة تبكي من الاهمال وقلة الاهتمام واتمنى بعد تركزين على مواضيع الجسم والاحماض الي مخصصة للجسم وعلى فكرة سوس انتي وعدتنا بموضوع بحثي لك عن سبب توقف النمو الشعر للدرجة سويت كابتشر عشان مانسى. اقتراحاتي ماتخلص ياسوس بس اصبري علي اروق خلال هالكم اسبوع واتفرغ حق الاقتراحات.
ياسلاااام رجعت ارتوووس..
أشرقت الأنوار يا شيخة…
ليش حظي أكون في السوق دائما لما تنزلي موضوع جديد.. مع فرق التوقيت الكبير صرت ما أنتبه وقت نزول التدوينة وماعدت انافس توت..
فحصت بشرتي من قريب وشفت تأثير تهاوني في كريم الحماية من الشمس بشكل مقرب على جهاز الفحص للأسف…
الفترة الماضية راجعت المدونة بتمعن واشتريت عدة منتجات اقترحتيها ماكانت متوفرة في المملكة بما إني في كندا
الله يسعدك ارتوس .. فعلا تدويناتك المفصلة ساعدتني جدا في فهم الأنسب لي..
شكرا من الفلب ?
صبآح الشوق سوس الله لايحرمنا وَ يعطيك العافية ♥️
ان شاء الله اجربه قريب بس عندي سؤال ينفع تستخدمه الحامل?
هلا هلا نورتي حبيبتي.
مبروك ع الخطوهه ?
جبار المنتج وأحسن شيء مايطلع قشور لي تجربه معه ان شاء الله..
??
وحشتييييني كتييييييييير وعن جد اشتئت لتدويناتك ❤️❤️❤️❤️❤️
وانا مافيني ما اتواصل معك عالسناب ?
هالمنتج اجا بوقتوو بشرتي بعد هالاجازة تعبت كتيير ما الحق حط لا ماسكات ولاكريمات يادوب الغسول اليومي وترطيب وشمس وشوب وسهررر فحالتها حالة
والحمد الله صيدلية النهدي حد البيت طيران اليوم لعندن ?????
بصيييح جآيه متأخر ??
أخيرا رجعتي للمدونه والله أشتقتلك هنا مره ?
أحس دا المكان بيتي الثاني لازم اشيك عليه كل فتره ❤❤?
المنتح حلوه وعجبني ويستحق كل ريال يندفع فيه على مواصفاتو
بس عندي سؤال محيرني هوا يقلل التجاعيد وانا مني فسن تجاعيد وهيك فهل هالشي ممكن يأثر سلبا أو عادي !!
سلام??????
اشتقت لتس ?????
حبيت المنتج بس هل ينفع استخدامه بالجامعه ???
على أني مو متواجدة كثير بالتعليقات على المدونة عشان ارد بالجوال ودائما لما اكتب رد ينحذف و ما ينرسل .. لكني أأيدك بالخدمة المدفوعه أنا اتابعك من زمان و اشوفك تطرحين مواضيع نادره و فريدة من نوعها .. و اشوف المدونات الثانيه تسرق انا صرت احس انك وحده اعرفها واتضايق لما اشوف افكارك مسروقه فما بالك انتي ..
الموضوع جميل .. سألت سؤال بالكومنت ايش الفرق بين كريمات الأحماض و الرتن أ ومتى اختار استعمل هذا أو هذا ..؟!
شجعتيني عليه لكن اشوف سعره الغالي يعيبه كثير يعني انا حتى طالبه لسه و مو موظفه لو افكر اشتريه فكرت بغسوله بعد وراح يصير جدا غالي .. يمكن لو يصير لي دخل خاص فيني غيرت رأيي:)..
اشكرك ارتوس على جهدك و عطائك اللامنتهي .. حتى لو احنا بعيدين بالتعليقات احنا بالقرب بقلوبنا وندعي لك والله من ظهر غيب
يعطيك العافية
تحمست للكريم ودي أجربه بس أخاف ما يناسبني لأن بشرتي حساسة شوي بالرغم أن كريم الرتن أ ناسبني خصوصا لما أستخدمه بأيام متباعدة مثلا يوم وترك، سعره غالي فلو كان فيه عينة حتى أقدر أجربه وما أتورط فيه لوا اشتريته وما ناسبني.
متحمسة لمواضيعك الجاية .. لا تحرمينا من طلتك أرتوس
دممتي دائما بود
عندي اقتراح ليش م تنزلين مواضيعج الي بالسناب بقناتج باليوتيوب يكون احسن للكل لان يختفي كل شي ثاني يوم تنزلين سوالفج و يومياتج و نصايحج
بَرجع برجع لأيامي وَ سابق عَهدي بصور كَل شيء يعجبني وَ كل شيء يُعبر عَني وَ عن أسلوبي بهالحَياة*
اهلًا اهلًا اهلًا ?❤️
والله لك وحشه عظيمة
وَ راح أقدم أحد الخدمات المَدفوعة ( بالطبع الحساب راح يكون خاص ) بالسَنة الهجرية الجديدة بإذن الله ..
وَ أشكر كُل البنات إللي حَفزوني وَ قالوا لي كَفاية آرتوس حان وَقتك ..**
اخيراً ! والله مش متأكدة أني فهمتك صح
بس اللي متأكدة منه انك انسانه بروفيشنال و لازم تأخذين حقك!
الله يوفقك و يسعدك و يكتب لك خير و يفتحها بوجهك وين ما رحتِ..
بالنسبة للمنتج ؛
حبيته جدا من كلامك
و تحمست للتجربة .. خصوصا انه ما يعيق المكياج ولا يحتاج له جو خاص..
ببحث عنه و ان شاء الله ألاقيه هنا..
(متفشلة جداً و احس أني مزعجة اطلع لك بكل مكان ? بس محتاجتك تشيكين ع الايميل)
راسلتك من إيميل مختلف
اتمنى تردين علي ❤️
يآ ولي حالي انا?متى نزلت التدوينه ذي دخلت آبي آشيك على موضوع إلا آشوف التدوينه
لآ جد اكتشفت أني صدق مو مع العآلم يبي لي إعادة ضبط ?
والله تبين الصدق وحشتنآ المدونة وأصدقاء المدونة والكتآبه هنا والآهم ردودك انتي?
مشكورة ويعطيك العافية
شدني منتجات هالشركة واكثر شي شدني سعرها
بس لو يكون فيه عينات منها نجرب لانه صعب اشتري بمبلغ زي كذا والنهاية اتحسس منه
وفي نقطة ليت تتكلمين عنها واكون شاكرة لك
وهيا اللي تهتم بشرتها وبغذاىها بس مايبان احس البشرة باهته
بتقولين نروح عيادات نروح عيادات وتنصح بالكربوني والنضارة واحس هالاشياء خربوطية ومكملة مو علاجيه
ممتاز الكريم انه مايعيق عن استخدام الميكب يعني تقشيره ناعم يعيبه سعره بالنسبه لي لكن اذا بيكفي فتره مثل ماقلتي نوبروبلم
لكن انا ممنووووع بسبب جلسات الليزر
(ياويل حالي ) ذبحتني الكلمة ❤️❤️❤️❤️❤️❤️❤️❤️❤️
ارتوس يا ارتوس انتي عشق لا ينتهي وحشتني تدويناتك الجميلة
بالنسبة للون جججججممماللل مره عجيب ماشاء الله
مع ان التان مو من اهتماماتي بس حمستيني اجرررب
بعدين عن التدوينة في سؤال يقرقع بقلبي من امس وقلتي محد بيجاوبني عليه الا حبيبة قلبي ارتوس
بالنسبة للرابيد لاش لما تركتيه رجعت رموشك زي قبل ولا؟
ولعد تقطعينا كذا صدق لك وحشة والله مدونتك غغغيييير غييير وكل شوي ادخل اشوف منزلة موضوع ولا وخلاصة الكلام احبك???
عٌدتي والعود أحمد ?تاكدي ان محبينك دايم بانتظارك مهما انشغلتي وغبتي تبقئ محبتك بدآخلنا
صدق إنا فقدنا التدوينات والسباقات علئ المركز وتوت المتصدره? إلا ان مازلتي المتفوقه بعيونا
كنك سآمعتني قبل فتره وانا اقول ارتؤس ماعاد هي زي اول تنزل التدوينات والطرح قل ?
أكثر شي فرحني هالخطوه اللي بتخطينها صدقاً حان وقتك
وَ راح أقدم أحد الخدمات المَدفوعة ( بالطبع الحساب راح يكون خاص ) بالسَنة الهجرية الجديدة بإذن الله ..
وَ أشكر كُل البنات إللي حَفزوني وَ قالوا لي كَفاية آرتوس حان وَقتك .
نرجع للمشقر عجبني انه خفيف ولطيف وينفع قبل المناسبات عشان مآيسؤي قشور وهوايل
عاد توني شآريه الغسول من نفس الشركة بس لسآتي ما جربته
تشكرات سوس ??
كالعادة مميزة في مواضيعك ومتفردة فيها وحمستيني اشتريه
دائم أشوفه وآتجنبه لأني من محبين الديفرين والاكرتين، برغم فلوريغا عندهم الميزو ماسك خيالي يجنن
فيه طريقة تعلمتها من خبراء الشركة نفسهم لعمل فيسيل بروفيسنال في البيت باستخدام منتجاتهم ، لسه ما جربت لكن لو مهتمة وحابة تجريبها توس أعطيني خبر أعطيك الطريقة :*
حاليا في بالي أجرب تايم فيلر من عندهم عليه مدح مرة..
يخليك لأحبابك جميلتي
عاد انا عكسك الاحماض ناسبتني وحبتها بشرتي اكثر من الرتنA اللي يعطي نتيجه عكسيه لبشرتي ماحبيته ابد
.. ان شاءالله اجرب هالمنتج ويارب يناسبني ،. مشكوره يالحب ?
بسم الله عليك ، خلاص من يعجبك شي انا أمشي وراك من لا أين ولا كيف وليش ، اتبعك بكل ثقه الله يوفقك ويسعدك ??
اشتريته قبل كم شهر وقالي الصيدلي استخدمه يوم ويوم لمده اسبوع فقط وراح تبان النتيجه لكن بعد اسبوع ماشفت شي وانقهرت وتركته والله كم شهر وكنت مقهوره لانه غالي اليوم جا على بالي وبحثت عنه بجوجل واشوف مدونتك كاتبه عنه فرررحت من كل قلبي لاني اثق بارتوس وكلامها واكتشفت انه استخدامي له ماجاب نتيجه لاني بس استخدمته اسبوع على كلام الصيدلي لكن بعد ماشفت تجربتك راح استخدمه من الليله يوميا لين اشوف نتيجة انا بشرتي مافيها مشكله عدا تصبغات تحت الفم فقط
100% سوس من هالبراند الفرنسية اهدتني صيدليه النهدي بدايه رمضان كريم hydra-filler قلت بلتزم بااستخدامه وكتبت التاريخ على العلبه 9 جون كنت قبل لا انام بعد تنظيف الوجه احطه منه نتفه تكفي الوجه وبعد شهر لاحظت خفت الخطوط التعبيريه حول الفم , واستمريت عليه لبدايه شهر 9 يعني ثلاث شهور والنتيجة جميله ماكو خطوط مثل السابق وحتى الندبه اللي عندي اختفت وفرق مع الميك اب تحسين البشره ممتلئه ماادري كيف اوصفلك حتى الخطوط تحت العين اختفت, قوامه جميل لكن رائحته مااستسغتها .
النتيجة خلتني ابحث عن حمض الهيالورونيك اكتشفت انه نفس مادة الفيلر اللي يحقنون فيها الوجه لنفخ هو مركب طبيعي موجود في الجلد ومن فوائده :
الحد من التجاعيد المبكرة, زيادة الماء, زيادة مرونة الجلد, حفظ البشرة ناعمة ورطبة, تعزيز مرونة الجلد, بشرة صحية مغذية, تعزيز نمو الخلايو إصلاح الأنسجة ، وعقد الكولاجين مع المكونات الهيكلية للجلد والإيلاستين ، والمساعدة على خلق حاجز وقائي ضد الكائنات الحية الدقيقة.
المنتج حسب وصفك له اغرااااني لدرجه حسّيت بالنضاره اللي حكيتي عنها .. باْذن الله حشتريه
مرحبا سوس …
تصدقين ان كل شيء تكتبين عنه وينال على استحسانك ،،ماأتردد تجربه ؟!
بالرغم اعجبني كلامك عن هالمنتج لكن فضلت أأچل شراؤه حتى اجرب منتج اخر
مع العلم ان بشرتي دهنية قابله لتكوين الحبوب والرؤوس السوداء والتصبغات فأتوقع هالمنتج رح يكون جيد جدا لنوع بشرتي
:
عموما بدأت بتجربته قبل ٣ ايام مع الغسول تبعه مع روتيني الليلي
في حال فادني المنتج خلال شهر راح أبلغك برأيي عنه
بحيث يستفيد اكبر عدد من البنات اللي يعانون من نفس مشاكل بشرتي
،،،
دمتي بسعادة ??
الله يعطيج العافيه ع الموضوع ..هالماركه ناويه اجربها ان شاء الله بعد استشاره دكتورتي الجلديه و الماركه توها نازله عندنا بالكويت بس طبعا الاسعار نار ف راح اتجه للطلب الاونلاين اوفر بواجد