صَباح / مَساء المَحبة
مَوضوعنا اليُوم طَويل حَبتين بالرُغم بالأساس هُو صَغنون
لكن حَتى لا نَترك مَجال للإستفسارات أو أغفل عَن أي نُقطة قَد تفيدكم وَجب التَفصيل
الستروبينق = Strobing
أكيد كَثير مِنكُم سَمع عن هالمُصطلح بكثرة خاصة بِداية صَيف ٢٠١٥م
وَ صار الكُل مَهووس فجأه باللمعه وَ اللمعات
وَ بالتأكيد مَصدر هالضجة دائماً وَ أبداً هي مَجلات المُوضة وَ الجَمال وَ العناوين الرَنانة أمثال :
Bye bye contouring – hello strobing!
يُخَيل للقارئ للوَهلة الأولى إن مُوضة الكونتورينق خلاص بح وَ موضة قديمة وَ الموضة اللمعة وبس
أذكر قريت رد لوحدة بالأنستقرام لمشهورة ماخذه سيلفي لها قبل لا تدمج الكُونتُور
تقولها :ماتوا إللي يسوون كُونتور الموضة الحين اللمعة يا العَجُوز
[ حَتى كيم كاردشيان ما سَلمت من هالتَعليق ، بَجد أكثر شيء مُحزن لَما يصحح لك شَخص غير مُدرك ] ..
بغت تجيني سكتة قلبية
الكُونتور مُو شيء مُوضة وَ أساساً مين قال إن الكُونتور يتعارض مَع اللمعة
الكُونتور عِبارة عن تَكنيك لإبراز مَلامح الوَجة وَ مُفترض مايبين إنك حاطة كونتور ، وَ التَكنيك تري مَوجود مُنذ أبد الأبدين ..
بس الفَرق إنه كان مَشُهور عِند خُبراء التجميل أو الضَليعين بخدع المَكياج وَ مع الثورة المَعلُوماتية صار الكل يعرفة حتى الغَشيمين في الماكياج ، يمكن لو تقولين لولد كُونتور راح يعرفه ، طبعاً مع هالثورة صَار لها مُنتجات خاصة وَ باليتات تَسهل على العامة إستخدامه
[ وَ لو بحثتوا بالإنترنت بتلاقون قبل هَبة الكونتور طريقة نحت الخشم على طريقة حليمة بولند ، مِن زماااااااان ، وَ حتى إللي ما عِندها عدة الكونتور تجيب لك بلاشر برونزي وَ لا مايل على بُني وَ تنحت خشمهآ وَ النتيجة خشم مَزكم بس مَع ذلك يطلع أحلى ، لأنه يَحدد الملامح ، وَ الفاونديشن بالأساس يزيل الأبعاد بالوَجه وَ الكونتور يصحح المَواضع ] ..
وَ بالمثل تكنيك الستروبينق مَوجودة مِن زمان وَ تقريباً كل نُجوم هوليود نشوفهم بهالستايل أكثر مِن فَنانات العرب
وَ من العربيات إللي سووه زمان نَانسي عجرم لو تذكرون فيديو كليب ( إنتا إيه ) أبدعت أيام إبداعات خبير التَجميل فادي قَطايا
وَ هالكلام بعام ٢٠٠٥م ، وَ ووقتها الناس يركضون وَ يدورون لمعة كن الوجه مبلول ( dewy ) ، أو لمعة شيميرنق ( Shimmering )
يَعني لا تطيرون بالعجة التكنيكين مَوجُودين من زمان وَ التركيز عليها ماهي إلا ترويج مِن قبل شَركات التَجميل إللي يدفعون ألوف مَألفه للمَجلات عشان تكتب عَناوين مِن هالنوع وَ ترصلك تحت المَقال ١٠ مُنتجات للوك البِيرفكت
طبعاً اللوك رائج بالفترة الحالية وَ غالباً اللمعات وَ الماكياج اللي يوحي بالنداوة يكون رائج بالصيف مع البرونز وَ المظهر البيتشي بينما بالشتاء يكون رائج المظهر المات أكثر
فيه بنات ملامحهم ما تَحتاج كُونتور ، شوية تَوزريعات صحيحة للفاونديشن وَ بلاشر يَكفي طبعاً نتكلم عن الأيام العادية ، وَ ليس جلسات التَصوير إللي تستوجب وَضع كُونتور
وَ فيه بنات بشرتهم ما تستحمل الستروبينق لأن الإضاءة تظهر عَيوب البشرة ، وَ فيه ناس عندهم مَشاكل بالأنف حتى لو سوآ ستروبينق ما يَستغنون عن نحت الأنف
وَ فيه بنات عندهم دبل تشن ( ذقن ثاني أو مُزدوج ) حتى لو سوت ستروبينق وَ لمعة مَحتاجة الكونتور لنحت الذقن ، يَعني المُهم إنك تَظهرين بأبهى حُله ، مَو أتبع المَوضة بغض النظر إذا راح تحليني أو تَشوهني ..
[ إختيار الوقت المُناسب وَ المَكان المُناسب ، وَ طبيعة المُشكلة وَ إدراك العيوب وَ المحاسن بآن واحد هو الطريق الصحيح لمَاكياج مثالي ] ..
مَا راح أزيد بالكلام عَن السَترُوبينق وَ تكنيك وضعه وَ اللمعات ، المَوضوع بيكون اليَوم عن مُقارنة بَين أكثر لمعتين أثاروا ضَجة في الفَترة الأخيرة
BECCA Shimmering Skin Perfector™ Pressed VS Anastasia Beverly Hills illuminator
– هل فعلاً إستحقوا المديح أو مُجرد ضجة مسوق لها من قبل اليوتيوبرز واَ لبلوقرز وَ مَشاهير السوشيل ميديا ؟!
راح نبدأ بالأقدم إللي هَي لَمعة بيكا وَ الريفيو بيكون عن اللمعة الكُومبَاكت باودر ( يعني البودرة المضغوطة )
بس بما إن ماركة بيكا أغلب مُنتجاتهم لميعة وَ المَجموعة فيها ثلاث لمعات حابة أوضحلكم الفرق بينهم ..
نفس المجموعة فيها ثلاث لمعات ( مَجموعة PERFECTOR )
• لمعة سائلة : لمعتها أخف وَ قوامها جدا ًخفيف وَ سلس وَ سهل خلطها مَع كريم الأساس أو حتى الكَريم المرطب وَ تبين أكثر طبيعية وَ نداوة لكن التقزح فيها أقل ، تناسب أكثر البشرة الجافة ( مُمكن تُستخدم قبل الأساس أو بَعده أو فَوقه أو معاه )
• لمعة كريمية : قَوامها لأكثر قُوة من السائل وَ لمعته أيضاً وَ اللون فيها شير أو خفيف لكن التقزح آقوي من السائلة ( تُستخدم فَوق كريم الأساس أو حتى فوق المُرطب بدون أساس )
• لمعة باودر : التقزح فَيها شديد اللمعه وَ اللون قوي ، عيوبها مُمكن تظهر المَسام وَ ممكن أيضاً تبالغين بوضعها بدون قَصد تناسب البَشرة الدُهنية ، طبعاً لجميع أنواع البَشرة لكن أعطيكم الخيارات الأفضل ..
الألوان المُتوفرة : مَنه ركزوا على مَظهر اللمعة السائلة وَ الكريمية وَ الباودر حَددتها لَكم وَ جمعتهآ
Moonstone = ذهبي شاحب ( اللون إللي مَعي )
Opal = ذهبي مُتلأليء
Pearl = لؤلؤي
Rose Gold = ذهبي وردي
Topaz = ذهبي برونزي لؤلؤي
Champagne Pop = ذهبي دافيء تقريباً مُناسب لجميع أنواع البَشرة وَ إبتدعته اليوتيوبرز جاكلين هيل وَ هو الأكثر شعبية [ إصدار مَحدود ]
BECCA Shimmering Skin Perfector™ Pressed
لمعة بيكا الباودر ( مون ستون )
اللون = Moonstone
مَن الداخل
بالمَقلوب
سَعر المُنتج : ١٤٣ ريال سَعودي بدون الضَريبة
أماكن التَوفر : هالمُنتج جَاني مِن متجر الجوري مِن ٦ أشهر تَقريباً ، قَبل لا ينشهر عِندنا كثير ، وَقتها قالت لي هَذي اللمعة ضَاربه عند اليوتيوبرز وَ نصحتني فيها قلت آوك ارسليها لَي ، اللُهم أنا إللي إخترت هَاللون شَفته مُناسب للون بَشرتي
وَ كعادتي تأخرت كَثير بالطرح وَ رجعت من فترة أرسلت لي لَمعة أنستازيا قلت خَلاص فُرصة أحط مُقارنه لأن إثنينهم مَشهورات وَ ضاربات
عُنوان المَتجر عالآنستجرام : aljorys.luxury للإطلاع ( إضغطي هُنا )
رأيي عَن لمعة بيكا الباودر ~
قَوامها جداً ناعم وَ سلس في المد , وَ البيقمنت عالي ( يعني اللون تعطي لون مو لمعة وَ بس )
ذرات اللمعة جداً صغيرة وَ ثباتها قوي يدوم فترة طويلة
إللي يميز بيكا أنها خالية من الباربين وَ العطور
مَقاطع فيديو ،’
لمعة بيكا البودر
https://www.youtube.com/watch?v=R54vLv9r9pI
مقطع جاكلين هيل
https://www.youtube.com/watch?v=8zF56olhj7U
جاكلين هيل مع موديل
https://www.youtube.com/watch?v=pRXz6s3BKSs
Anastasia Beverly Hills illuminator
لمعة أنستازيا الباودر ( سو هوليود )
مَن الداخل
للعَلم ترى مُستخدمة أكثر من ٦ مَرات ، لكن ما تَزحزت بيكا ظهر عليها أثر الإستخدام سَريعاً
بالمَقلوب وَ اللون ( SO HOLLYWOOD )
مَظهره عالبَشرة
وَ هنا مَظهر ألوان أخرى ، تَرى إللي بالصَورة رجُل ، إسم الله عليه ضابط اللمَعة
سَعر المُنتج : ١٠٥ ريال سعودي بدون الضريبة
الألوان المُتوفرة : STARLIGHT– RIVIERA– PEACH NECTAR – SO HOLLYWOOD
رأيي عَن لمعة أنستازيا ~
ذَرات اللمعة مُتباينه مِنها الصَغير جداً وَ الذرات إللي تُعتبر كبيرة نسبياً
سَلسة بالمَد جداً جداً ، فيها بيجمنت بس مُو مِثل بيكا آقل بشوي
ثباتها قوي يَدوم فترة طويلة
المقارنة بين لمعة بيكا البودرية وَ لمعة أنستازيا البودرية ،’
للعلم أنا كُنت مِن عُشاق اللمعة فَترة من الفترات يمكن قبل ٧ سنوات وَقتها نزلت موضوع عن الديوي لوك وَ كان مِن اللمَعات المُفضلة عِندي لمعة بوبي براون إللي تُعتبر أطلق لمعة بوقتها ، أيضاً كان عِندي لمعة سَتيك مِن أوربان ديكاي
طبعاً صَعب أحكم مِن مُجرد لونين خاصة إن اللونين مايتشابهون كدرجة من الماركتين ، بس حكمي بيكون عَن القَوام
صَراحة إثنينهم أشوفهم قَراب من بعض مِن حيث الجَودة ، وَ شراء واحد فيهم يغنيك عَن الثاني وَ من أجود اللمعات إللي جَربتها
وَ أعرف بتسألوني عَن لمعة ذا بالم للأسف مَاجربتها يمكن أنا البلوقر الوَحيدة إللي ماجربتها ، لَكن بَجربهآ قريب إن شاء الله
لكن بقولكم الفَروق وَ أنتم أحكموا مَع العلم أن اللمعة الأقرب لقلبي هي لمعة أنستازيا أميل لها أكثر مِن بيكا وَ بقولكم السبب
١ـ لمعة بيكا اللمعة اللي فيها جداً ذَراتها صَغيرة وَ هذي نقطة تُحسب لصالحها وَ هالشيء يَعطيك مظهر سلس وَ غير خشن وَ بنفس الوقت يَعطي مَظهر ناعم وَ أكثر طبيعية ، آنستازيا ذراتها ناعمه بس مُو كثر بيكا
٢ـ التقزح ( أعرف بتسآلوني وَش التقزح بس أقصد فيه إن الذرة تَعطي أكثر مِن إنعكاس يعني لمعه مَصفرة خل نقول مَع لمعة تبين فضية وَ بنفس الوقت فيها ذَرات ذهبية يعني ماتقدرين تحددين اللون وَ الإشعاع يعطي أكثر من ضوء ) أشوف تقزح انستازيا اكثر وَ لمعتها أكثر وهج من بيكا بالرغم ان ذراتها أكبر
٣ـ السِعر أنستازيا أرخص من بيكا وَ حجمها أكبر
٤ـ سُهولة المد أنستازيا مَدها أسهل وَ تبين من أول ضَربه ، غير كذا ما تترك أطراف تحتاج لدمج أكثر ، بينما بيكا شَوي تحتاج إنتباه من هالناحية ( تري الفُروقات جداً بسيطة )
٥ ـ هالنقطه مُهمه ممكن للي يعانون من الحبوب، نسبة السيلكون في بيكا أكثر من أنستازيا وَ مستخدمين أكثر مِن نوع من السيلكون ، وَ هذا سر نعومة الملمس لكن بنفس الوقت إللي تَخاف مِن الحبوب ممكن تسبب لها إنسداد في المَسام في حال تستخدمها بشكل دوري حتى بدون ماكياج [ وَ السيلكون إللي فيها مُمكن يخلي عُيوب البَشرة أقل ظهور وَ وضوح أثناء الإستخدام ] ..
لكن بَشكل عام اللمعة تبين المشاكل وَ إللي فيها خشونه وَ حبات صغيرة ممكن تبين بشكل مزري وَ تعطي مظهر وسخ ، كَذلك إللي بَشرتهم دهنية ممكن تبين فيهم على شكل زيت لذلك الحرص وَاجب
شخصياً حبيت أنستازيا أعطتني المَظهر إللي أبيه خاصة مِن بعيد تبين ديوي وَ شكلها طبيعي وَ لمعتها قوية
لكن اللي يحب البيجمنت قَوي يمكن تناسبه بيكا أكثر خاصه للي يبي ستروبينق وَ بنفس الوقت يفتح بعض المناطق
أسئلة قَد تخطر عالبال ~
– هل اللمعة تليق للون بَشرة مُعين ؟!
اللمعة لجميع ألوان البشرة وَ سحناتهآ ، مَثل ما تختارين درجتك الحلوة مَن الأساس وَ الباشر وَ الروج نفس الشيء يَسري عاللمعة
فيه ناس يَقولك لأ العرب تَطلع فيهم أوفر لأنهم مُو ببياض الغَرب ، ترى الغرب برضو عَندهم سُمر وَ أجمل الناس إللي ظهرت عليهم اللمعة وَ حنا إنتبهنا لهآ وَ لفتتنا هُم صاحبات البَشرة اللاتينية ، مِن ضمنهم جي لو ، شَوفوآ الصور وَ عسى الله تقتنعون
صارت مَثل التماثيل مَن شدة الصَقل ، وَ هي عظام وَجهها ماشاء الله بارزة
يعني برضو جمال جمجمة الوجه له دَوره
– لا حِنا ما نَحب اللمعة نحب الديوي ؟!
هالشيء لاحظته كثير بالبنات تَقلك لأ أنا أحب الدَيوي ما أحب اللمعة ، ترى كلهم واحد يختلف التكنيك شَويات وَ الكمية
هُنا وَ هالصورة من بوستر أتوقع إعلاني لمُنتجات نفس فكرة بيكا وَ أنستازيا وَ المظهر كأنها نَديه
لَمعة أنستازيا لو طُبقت على بشرة صَح بتعطي نَفس الطلة ، لكن وَين اليد إللي تَضبطه ؟!
وَين الشطارة بإختيار الأساس الصَح إللي يخلي البشرة شَفافة !! كله يَدعم بَعض
وَ برضو هَنا ، مو طالع بالبنت كأنهآ لمَعة أوفر ، بشرة نَقية وَ صافية
وَ هنا طالع الوَجه الإسمنتي ، وَ له عُشاقه كذلك بس كله يَعتمد عالكَميات وَ التَكنيك وَ الألوان
وَ لا كل اللوكات مُستخدمين بهآ لَمعات باودرية وَ ليست لمعات سائلة
وَ هنا أيضاً ، وَ البنت بشرتها مابهآ مَشاكل بس ركزوا شلون المَسامات صرنا نَشوفهآ ، على عَكس الأماكن إللي مافيها لَمعة
مُختصر إللي بَقوله ، إنتِ وَ شطارتك ، وَ على قَدر جَمال بشرتك راح تَخدمك
كُل السِر باليدين ، وَ إختيار الألوان ، مُمكن أحط بلاشر على الوجنات وَ يكون شَوي غامق راح يظهر إن اللمعة آآآآآآوفر لأن اللون غامق
وَ مُمكن أستخدم لَمعة لونها أفتح بأشواط من لون بَشرتي ، بتصيرين كأنك سَمكه تلمعين لَمع ، كله حَسب إختياراتك ..
وَ أخيراً لا تتوقعين إنك تَحطين طبقات وَ أطنان من الماكياج السَميك وَ راح تبين مَعك
وَ أيضاً لا تتوقعين تغسلين وَجهك وَ تحطينهآ وَ تقولين يوووه مافي لمَعة ، اللمعة البودرية عَشان يظهر لونها تَحتاج وسط كريمي
سَواء كريم ملون ، كريم للبشرة ، أو كريم أساس ، وَ لا ماراح يَظهر اللون كلها نفس فكرة خلط الألوان وَ تشكيله
– وش الفُرشة المُناسبة لوضع اللمعة ؟
فرشة المروحه هي الرائجة أكثر وَ لكن مُش حكر عليهآ ، بيكا مَطلعين فُرشة خاصة لو إشتريتوها أكيد بتسهل عَليكم
برضو بالإصبع يندمج كَويس ، لكن أنا أحب أستخدم الفراشي أثناء وضع مَكياجي أكثر راحة وَ نظافة ، لأن مُو معقولة بحط اللمعة
وَ بروح أغسل يَدي عَشان أمسك برودكت ثاني ، خاصة إني مو من هُوات التطبيع عالعُلب ، بس إللي ترتاح للأصبع هَي حُره
– هل تستحق الشِراء ؟!
الإثنين يَستحقون وَ أنا من الشَخصيات التَملكية إللي أحب أقتني أكثر من شَغلة سواء كَنت أدون أو لأ
يَعني بآخذهم الإثنين ، لكن بنظري وَحدة مَنهم تغني عن الأخُرى
وَ إذا بشرتك حُلوه ، أي لَمعة تفي بالغرض ، حتى شفتوا ظل نايلون من ماك لو إستخدمتوه كلمعة راح يَعطيكم نتيجة مُمتازة
أي شيء مَعكم من الظلال كُنتوا تَحطونه كلمعة تحت الحاجب ، جربوا وَ حطوا بأماكن اللمعة بالوجه وَ ماراح يَختلف كثيراً ( طبعاً لو لونه قريب للون الجلد ) مو تَحطين ظل لَميع أزرق وَ تقولين ما أعجبني .
وَبس ، إنتظروني خلال هاليَومين بَتدوينة جَديدة وَ قد تكون عن الماكياج ، وَ موضوع الستروبينق بشكل مُستقل مَوضوع طويل ، بحال سَنحت لي الفُرصة بيوم راح أنَزله لَكم ، وَ يمكن مع الأيام الجَاية أنزلكم لوكات ، طَبعاً مافي أي تَطبيق على مُوديل وَ لا راح يَكون المَوضوع جداً مُفيد وَ أكثر تأثير ، لكن خلونا نَقول راح تستفيدون من المُلاحظات وَ الخطوات ..
عاد لما أنَزل تَدوينات ميك آب أحس إني أتكلم مَعي نفسي ، أغلب بَنات السَعودية أحس هَوسهم بالعناية بالبشرة
وَ شاغلتهم سالفة هالمُنتج فيه سَليكون وَ لا سُولفات لوووووووول ، لا جَد يَصيبني الإحباط عند التَدوينات المَيك آبيه
حَتى دايم أقرأ عند الآرتست الكويتيات ، تذمر المُتابعات السعوديات على وَجه التَحديد من الماكياج وَ دائماً الماكياج يخرب البَشرة
بالرُغم فعلياً إللي أشوفه إللي يحطون المَاكياج أكثر حرص على بَشرتهم من إللي ما يَحطونه ، لأن إللي تحب الماكياج
لو ما إهتمت بتظهر القشور وَ عيوب البشرة مع الفاونديشن ، فهي مُهتمة بَوضعه وَ مُهتمة بإزالته وَ تنظيف بشرتهآ صَح وَ تغذيتهآ
للأن ما أدري ليه فيه ناس يَوفرون جَمالهم ؟! .. ترى العُمر لحظة .. وَ أكثر شيء يَحزني لما وَحده تعزمني عالعَشاء وَ مهب حاطة نتفة ماكياج وَ لا تقولون تَطبخ وَ لا تعبانه ، لا أمها إللي طابخه وَ عندهآ خَدم وَ حَشم وَ مادة يَعني مافي أي مُسبب وَ تشتري مَاكياج بَعد بس مَخزنته الظاهر أو مَوفرة جَمالهآ
[للأمانة أحس إنهآ مو مَهتمة فيني وَلا أحسها ضَيفتني كما يَجب،يجيني إحساس إللي يطب فَجأة على ضَيوفه وَ كأني جيت بَوقت غَير مُناسب]
سُبحان الله حتى الطفل لما يَشوف شخص شيك وَ مرتب تنفتح نفسه وَ يدخل يسلم عليه وَ يسوي نَفسه حبوب ( هذا الطَفل ، مابالكم الكَبار ) .
وَ أعرف فيه كثير أمُهات يمنعون بَناتهم بس حرام بَعد ١٨ سنة تَمنعينهآ !! ( إللي أمها تَمنعها تَناقشني الأم هُنا ) ..كل بنت بنظر أمها طَفلة بس إلى مَتى
تكبر البنت غَشيمة وَ يجي يوم الزواج وَ تبي تتعلمه كَله وَ تعرفه ، وَ آخرتها تتزوج وَ يطلع لها سي السَيد يقولها ( ترى ما أحب الماكياج )
آآآآآه يا قَلبي لا تَحزن وَفرت وَفرت بالجَمال هي وَ أمها وَ آخرتها زَوجهآ ما يَعجبه .. مَدري وَش أقول بَس ، مين إللي نَشر إن الماكياج بُعبع مَدري
وَ بالنهاية لَكل مَقام مَقال ، وَ قت الدراسة شيء ، وَ وقت العَزاء شيء ، وَ وقت العَمل شيء آخر ، وَ المُناسبات أيضاً ، وَ وقت الرياضة شيء ( فيه بنات أرسلوا لي مُتذمرات من إللي يَحطون ماكياج بالجَيم ، هُم أحرار طَبعاً بس البشرة جالسة تتنفس وَ إنتِ حاطه طن ماكياج وَ رموش ، لازم برضو يكون فيه وَقت لراحة البَشرة )
إنتِ أعطي كل مُناسبة جَوهآ المُلائم ، وَ راح تَحسنين الإختيار ، أنا أستغرب بكثير أيام أدخل حمام بالسوق – الله يَكرمكم – ألقى بنات صغيرات يتمكيجون بالسَوق
وَ الوَضع الآخر إللي تَزيل مَكياجهآ ، خلو بَناتكم يعيشون وَ يسون الشيء قَدام عيونكم مو مَن وراكم ، أو شَددوا الرَقابة وَ خلوكم مَعهم ..
دُمتم بَحب
تم
قوليلي مَتى تنامين ، وَ بنزل تَدوينة وَقت نومك ..
مُستحيله إنتِ
صباح الورد…
كالعاده نصبح ونرجع للتدوينه
صبَاح الياسمين ..
دامك تُركش كوفي مايليق لك إلا الياسمين
ثاني
الله الله
هلآ بالزَين ، بس ثالث لوووووول
تَنورين
هههههههههههههههههههههههههههههههههههه
صباحك ومساك انا
باعطيك يومين لو تنزلين صورتك وابوك مادريت عنكم بس مو الحين اخبرك
ههههههههههههههههههههههههههههههههههه
لا وَ الله طلعتك تَسعد ليه الكَذب ..
طلعتي والا طلتي كاني قريت الدنيا مقلوبه
ههههههههه صَح مَقلوبه .. وَ الله زغللت عَيوني من طول المَوضوع
ههههه تأكدت من كلمة زغللت
سوي تمارين لعيونك بعد الزغلله زين تاكدتي من الكلمة ههههههههه
المهم
قبل اعلق صاحبة الوجه الاسمنتي ايش اسمها بابحث عنها اكثر لو تدرين ليه باشوف نحفها وعظامها ههههههه
حبيت اللمعتين والاهم التكنيك لو كانت اليد شاطره ماراح تفرق الماركه
تدرين ليش بناتنا مايحبون المكياج لان اصلا فكرتهم عنه غلط
الاساس لزوجات بس الروج الوردي الفاتح لكل المناسبات العاديه تجيك الوحده زياره او عيد ووجها حالته حاله
والله اعرف لك بنات اقولهم جمال البنت مايضيع مع المكياج ردهم انتِ فاضيه تخيلي اوقف عند المرايا كم ساعه اتلطخ عاد لا تعليق
والامهات الله يسامحهم يكسرون بناتهم بنظرتهم بعض الامهات لا مافي مكياج بعد طلعت روح تسمح لها بروج مافي صبغه مافي قص اذا تزوجتي سوي الي تبين طيب ماتزوجت لحد متى تجلس محرومه وتكبر وهي جاهله
والله ودي بوحده تتواصل معك لكن يومتها اظن بنتشر غسيلي بسبب سوا الفهم
لي عوده لكذا موضوع
وللمعلوميه تدويناتك عن الاساسيات والخطوات جدا تفيد بشكل كبير لا تترددين بيوم انك تكتبين لنا
والله يوفقك ويفتح عليك ويجعل كل تدويناتك منوره باول رد لي ههههههههه
صباح الجمال..
كيفك سوسو ..؟
كالعادة كوب قهوة ونروق ع التدوينة ..
?❤
سُهى إنتِ إللي معي بتويتر ؟!
وَ بالعافية عليك ما شَربتي
الله يعافيك ❤
ايوة حبيبتي سهى عزيز أنا معرفي بتويتر والانستا نفسه
?
يالله خُوش عَرفتك .. آهلاً وَ سهلآ
مكاني ?
كالعاده توتا سابقه ماشاءالله هههههههه
شَفتي !! إسم الله عليهآ ..
تَنوريني إنتِ يالحب
حياتي انتِ .. تدوينه فزيعه احس صرت المع ههههه
شكل أنستازيا احلى ويجذب عكس بيكا علبه شكل عادي واكيد سعر فرق لووول ..
توقعت والله راح تفضلينها ع بيكا مدري الشكل عطاني يمكن هالاحساس ههههه .. ماحد والله شرح عن الاضاءت مثلك
دايم واو وتهبل حلوه بس نبي توضيح اكثر مثل ماقلتي تقزح نقطه هذا اللي يعجبني تحيرك لا ذهبي ولافضي.. ماقصرتي ياقلبي
اما الكنتور اتوقع كرهونا فيه بدال مايجمل صار يبشع حتى الاضاء بشكل مبالغ صارو
يستخدمونها .. جد محتاجين مواضيع بالصور تعلمنا وناخذ ملاحظاتك ماحد بوصل المعلومه
ويصحح المفاهيم غيرك يارب اكسب من تعليمك شوي اضبط بالميك اب ماحتاج احد يزينه لي 🙁 و متحمسه اوي اوي لموضوع الستروبينق ..
صباح الجمال
هلآ بالناس الحَلوه
صباح الخير..
اخبارك لك وحشة من زمان ما علقت في المدونة…
تصدقي انه ما جربت ولا لمعه لحد الحين… متخوفة… خاصة بشرتي صارلها فترة كلها حبوب شكلي بعالج بشتري وبعدين بشتري و بجرب..
بس حبيت لمعات انستازيا من اول نظرة حتى بغيت اتهور واطلبها واخليها عندي لحد ما تصفى بشرتي…
تَنوريني بأي وَقت ..
طيب زي ماقلت لكم إذا عندك زي لمعة النايلون جربيها قبل الشراء صَح مو طبق الأصل بس بتشوفين هل أظهرت عيوبك أو لأ
وَ يالله دافع لك للعناية ببشرتك أكثر
تدوينة فضيعة كالعاده تسلم يدينك ويعطيك الف عافيه ? وقررت اني اشتري انستازيا حسيتها بتعجبني اكثر وبعد السعر له دور لوول ?
يَعافي آلبك ..
هههههه فَعلاً السِعر له دُور كَبير وَ نَتيجتهآ بالنَهاية مُميزة
?نمت وانا انتظرها تنزل
هههههههههههههههههه أنا مالي آمان ، ما يَنفع تنتظروني وَ فيكم الخَير
إحم وأخيرا نورت مدوننتك بوجودي > أمزح أمزح ? قلت لك ف الانستغرام يمكن راح يتغير وضعي مع الإضاءة بعدين بس شكله بدأ يتغير من الحين .. حبيت التدوينة جدا وتراني أحب المظهر الديوي من زمان بس للأسف بشرتي دهنية وهذا سبب من الأسباب اللي يخليني مو صحبة مع الاضاءة . يبي لي أتدرب ع الموضوع .. ويسعد صباحك ي جميلة ?
كيف البنات يلحّقون عليك بذي السرعة ?☹ ماشاء الله تف حولهم وحواليهم. المهم عندي اختبار بذاكر واذا رجعت مبسوطة بقراها اليوم ولا عاد حسب الحالة النفسية ☹ الله يوفقك ??
كنت مابقرأ. وقلت بس بقرا النهاية. وبعدين طلعت طلعت طلعت لين اكتشفت اني وصلت للبداية. قريت التدوينة كاملة. كان نفسي اشتري ماري لو (اظن اسمها كذا) لكن ليومك ذا مترددة اخاف من المتاجر ما اعرف متحر موثوق. ومرات القى متجر اثق فيه لكن اقول مارح اطلب حاجة وحدة وما القى عندهم اشياء تشدني وابطل. من زمان لو اني اشتريتها من هذاك الوقت كان خلصت اليوم لكن عندي صعوبة في اتخاذ القرار ☹ وهذا اعتبره عيب فيني. بس ماشكرة اوي ماكانت تغريني اللمعة اللي جبتيها لكن تحمست لما تكلمتي عنها. بحطها في قائمة الامنيات ??. سلام
صباح الخير ياأحلى سوس
أنا أستخدم ذا بالم مره حلوه وأحسها تشبه لأنستازيا من ناحية الوصف
الله يسعدك كثير أستفيد منك?
ماشالله على اللي اسمها توتا ..لا بجد ودي اعرف السر لا اله الا الله عليها ..صباحك سكر..لي عوده بعد قراءة التدوينه?
ههههههههه كم تدفعين واعلمك ؟؟؟؟
يسعد صباحك ياحب ?
تصدقين باقي مااتقنت الكوريكتنج بس عرفت كل النقاط المهمة من موضوعك قبل لكن يبيلي تدريب وتوفير لبعض الأشياء
وانجذبت كثير للمعة أنستازيا وحبيتها شفتها من قبل واغرمت بشكلها
ربي ينولك خير ماتبغين وتشتهين ???
ههههههه وشو الكوريكتنج اقصد الكونتورنج أتوقع مو اكيد نسيييت
عاد تصدقين كنت متحمسه لأنستازيا أنا أحط شي خفيف ومو اي مكان ، تصدقين اكثر اضاءه عجبتني اللي ف وجه الرجال روووعه هههههه صدق ضابطها
تدرين وش يخليني م اشتريها التاجرات يبالغون و بالنسبه لنا نوفر وقت بدل م نطلبه أون لاين مع إني أشوف بديله هنا وأحس التوب بالأسواق جيرلان
ياصباح الخير .. جلست انتظر ونمت وقعدت اتحلم بالتدوينة
هههههههههههه المهم حبييييت اللوك فيها انا جربت سوفت اند جنتل من ماك واذكر طحت فيها طيحتن قشرا بس جت اوقات
بشرتي معدومة من قل العناية وكرهت ام امها يالله انشالله بجرب اثنينهم بما اني من عشاق هالمظهر وبالذات الصور اللي حطيتيها تشوق لهالشكل .. بس ياليت توسه تتكلمين عن الاساس يكون شفاف او اقصد مايكون بالمظهر الاسمنتي هالمظهر كرهني بام الميك اب مع احترامي للي يحبونه بس احس يخفي الملامح ومايجملها طبعا بالحياة الواقعية مب بالتصوير .. الشي الثاني توسه بسألك بشي شاطح عن الموضوع سألتك فيه بالانستا وانشغلتي بكتابة التدوينة هو انو اقدر ارجع منطقة حول العين لطبيعتها السابقة يعني تكون فيها هالات لانها مب وراثه اللهم قل تغذية وقل عناية بدون فيلر وكيف ولا مستحيل ؟ .. واخر شي بجد بجد مشكورة على عطاك لنا بالمعلومات ولا تبخلين علينا بأي شي رغم محاولة الحاسدين والحاقدين للتقليل من شخصك ،، الله يجعل كل حرف بذلتي فيه مجهود لنا بموازين اعمالك ويجزاك انتي ووالدتك الفردوس الاعلى ??
تسلم يدينك ع التدوييين
اللمعه مإجربتهاا الصراحه
بس مآيمنع اني اتعلم كيف اضبطهاا
صح اغلط مره مرتين مب مشكله بنهآيه
بتضبط ان شاءالله لأن موو مره بالميك اب
اناا بس احب اعتمد ع نفسي عشان كذا
دايم افتح مقآطع باليوتيوب واشوف?
طلعنآ عن الموضوع??
انستآزيا عجبتني مايمنع انوو اجربهاا???
تدوينة جميلة انتظرتها من فترة ..
مدري أحس المنتجات الكورية سواءً بيبي كريم أو الفاونديشن ، يحبوا موضوع الإضاءة والـ (شِمر) بالمنتجات ؛ يعجبني أكثر من الكونتور ..
طيب اش رايك أرتوس تصوري لنا تطبيقك ع وجهك عشان نفهم أكثر :d
مقارنتقك جات في وقتها
حاليا استخدم من ماك سوفت اند جنتل حلوه وكمان من سيفورا بس زي ماقلتي اختيار اللون المناسب يفرق بالبشره وكمان اليد اللي تسويه صراحه الى الآن مااحترفت بالمكياج اقصد ميك اب نو ميك اب بالرغم من زمان وانا استخدم المكياج من عمري ١٢سنه وذكرتيني بموقف وقتها قهرني اذكر وقتها فتحت شنطتي وطلعت علبه الشدو وشافتني بنت عمرها وقتها ٢١ قالت والله البنات ماعاد يستحون يستخدمون مكياج اكثر منا المتزوجات انا بعمرها تقصد نفسها مااعرف وشو المكياج وقتها كان عمري ١٣
مدري ليه العقليات هذي ترى فيه امهات الى الان يمنعون بناتهم يحطون مكياج حتى في الجامعه
صباح الخير .. اشتقت لتدويناتك مره ؛(❤️ وباذن الله نااويه عاى انستازيا تصيح من جمالها?❤️بوبي برتون جميله ايضاا و اضاءه بنفت الكريميه و نفس ماقلتي يعتمد ع التكنينك وعكسك انا اخذ الاضاءه بيدي ههههه .. ارتوس تكلمي عن التقشير الكيمائي للركب والظهر اللي به حبوب و عن الليزر الكربوني 🙁 رحت عند عياده وسويت التقشير بس خايفه اللون يصير اغمق من اول بكثير ؛( مع انو الكل يذمه بس هي نصحتني و قالت لي عن المسامات والروس تحتاج ليزر كربوني وخايفه اسوي بدون فايده
ععد تصدقين من كثر ماشفت اضائة انستازيا باالانستا
كنت متردده اشتريها خفت انها صيت ع غير سنع ..
ربي يخليك لنا ياتوسه والله توفرين علينا بعض الجهد ..
قبل فتره جربت اساس تارت واول مااوصل كنت مواصله ووجهي مرهق بس من فرحتي فيه رحت استخدمته ولاعجبني ومديته بفرشه بس ناسيه والله اية وحده .. الزبده طلع غريب ومره مو حلو وكانه مبهتني .. وبعدها ريحت فتره وكنت طالعه وقلت والله لاجربه مو خسرانه بس بالبيوتي بلندر وطلع فضيييع مرره حبيته ووقتها تذكرت كلامك انو اليد والفرشه والتكنيك لها عوامل مؤثره ..
وبس ربي يعافيك ياحبيبتي والله احس اني مشتاقتلك احس زمان عنك ?< مدري وشفيها مشاعري طلعت بشكل غريب ههههه
على فكرةَ أرتوس ، في ماسك اسمه Secret Indian Healing Clay
منتشر وفي عدة بلوقرز ويوتيوبرز بيتكلموا عنه
مفيد سواء ًللحبوب أو بشكل عام للبشرة
يجي عبارة عن بودرة وانتِ تخلطيها مع شيء سائل، ممكن موية ، حليب جوز الهند، وكثيرين بيستعملوا معاه Apple cider vineger
ياليت تجربيه وتقولي تجربتك للبنات، لأن سعره جداً جميل ( أقل من ١٠$ بأمازون ) ونتائجه جداً جداً جميلة
وكمان خل الـ Apple cider مشتهر بفائدته للبشرة والصحة بشكل عام
أحس حلو لو تجربيه ..
تعديل vinegar*
صبح صبح ,?
أعجبني الموضوع تذكرت بداية آهتمامي بالميك أب قبل 3 سنوات لما تخرجت من الثانوي ابحث عن كيف الوجه يبرق بحكم أن أمي كانت تمنعنا من المكياج بالثانوي بس كحل وماسكارا وروج أجل وحده تقول حطي فازلين وبيبرق وجهك برق طبقتها وليتني مابحثت ?أترك لك التخيل بوجهي كيف صار ? عندي اللحين تبع ذا بالم وأفكر ببيكا لؤلؤي أحس ملمسها حلو وماراح تضرني لأني ماأحط ميك أب إلا بالزواجات وطلعاتي نادرا بيتوتيه ??كثرت حكي يآرب يطلع تعليقي دايما آكتب ولايطلع ??
صباح الفل ارتوسة
والله اني حبيت موضوع اليوم من قلب انا مقبلة دي الفترة على كل شي يخص المكياج الصراحة زمان كنت يدوب روج وكحل واجي ماشية بس جد هالفترة انقرصت من كثر مناسباتنا هادي السنة وتهويل المشاغل فيا ? قررت انو محد يمسك وجهي غيري واكيد تدويناتك حتكون لي خير معين اشكرك من قلب حبيبتي انتظر التدوينة الجاية بشوق
والله ان احبك يا ارتوسه وياحلو سواالفك ماودي تخلص
مره انبسطت بالموضوع وتفتحين النفس
والهمتيني لاشياء بسيطه بس اتخيل انها بتغير الكثير
يا صباح الفل والياسمين ،، يعطيج الف الف عافية حبيبتي طرح مميز كالعادة وموضوع مفصل ما شاء الله يعني لو وحدة كانت محتارة ،، من بعد هالشرح ابد مالها عذر تختار الاضاءة اللي تبيها.
اضاءة ذا بالم جربتها ع مديح البنات وحسيتها عادية ما اعرف يمكن لاني مب وايد ويا الاضاءات والانستازيا كنت حاطة عيني عليها وخاصة انه شكلها حلو بس من بعد موضوعج خلاص باخذه باخذه ان شاء الله ??
قلوب لج من الامارات ❤❤❤
تدوينه جميله .. انا من الناس اللي كرهت اللمعه ع الوجه من بعض الناس اللي شفتهم يحطونها بلون واااضح ما تبين مدموجه مع الوجه ابدا مذا مو كنه طبيعي ويمكن هذا الشي اللي مخوفني اجرب اللمعات .. بس ان شاء الله يجي اليوم اللي اتقنها …?
ياصباح الحب والغلا والله ❤❤..
الكلااام شيق جدا ماكان ودي يخلص والله كلامك ووصفك جدا لايعلى عليه خاصة بنقطة التقزح انا كنت فاهمه وش تقصدين بس ماراح اوصف وصفك امكن اكتفي بكلمة انعكاس كقوس قزح ??…
تصدقين عاد احلى شيء لمن قلتي اللمعه ع الذهبي وممكن تعكس لك فضي وغيره من الالوان احس احسن شيء كذا ولو ان الاقرب لقلبي لمعة اللون المقارب لجلدي يعني ذهبي مطفي شيء مايبين لون يبين بشرة مضاءه …
كلامك عن الكونتييرنق والستروبينغ … ذكرني بوحده من خواتي تقول حنا ماخلصنا من الكونتورينق طحنا بالستروبينق هههههههه جد لان نلقى كميات مهوله من لون الكونتور لان انمحى معنى كونتور صار شادو بني للفك هذا المصطلح الانسب له ?
في فيديو حلو برسله لك بعدين عن وضع الكونتور حط الكونتور وكأنه ماحط ،اللي سواه شيء نظيف جدا وبنفس الوقت عمل عمله كما يجب …
كل شيء هبه وتحسينهم يهبون بالشيء اللي يوحي للناس انهم احلى يعني كأنهم طلعو اسرار والاسرار ماتضبط الا بهالمنتجات مثل البي بي والسي سي وكريمات ماقبل الفاونديشن وغيره وغيره والان للكونتور والستروبي ومنتجاتهم …
ههههههه لمعة نايلون من ميك اب فور ايفر عندي ومايطلع بها عيوب وحقت ذا بالم حليوة برضو عندي مايظهر لي منها عيوب بس لو وحده غيري اتوقع بتطلع عيوب … شفتي العارضه اللي عرضت انستازيا سو هوليود هل تعتبر اللي بوجهها مسامات ؟! …
وانا بعد اعجبني الرجل يختي فيهم دقه وحنكه احسهم ينظفوون بالهم تماما وهم يشتغلون يركزوون بالشغل اللي هم فيه … بحاول انظف مخي كود اركز ?
وصح صح كنا ننحت الانف بشادو الحواجب وكان من عشر سنوات مو شيء جديد وندور افتح لون بالباليت ونحطه تحت الحاجب والدقن وع طول الانف كل مافي السالفه ان هالتكنيك صار له منتجات خاصه واكثر سلاسه وسهوله بالمد مو شيء جديد بس الواحد عقولتك ان كان محب للميك اب بيظبطه باي منتج متوفر …
اما البنات اللي امهاتهم يمنعونهم حدث بلا حرج قولي زين تجي على ميك اب وحده من سني وماتزوجت وتلبس قصير وماتشيل شعر ساقها قلت لها بعد ماشفت الموضوع تكرر اكثر من مرة كيف تلبسين كذا وانت مو شايله ؟؟! .. قالت عيب انا مابعد تزوجت ?… قلت العيب تطلعين بهالمنظر وامها كانت تسمع ومن بعدها شالت ? ..
ياللا فوتك بعافيه يام السوس
وترى متحمسه لموضوع الستروبينق جدا جدا وفكره حلوه بعد اللي قلتي عليها تعرضين صور وتصححين المفاهيم صراحه مااثق الا بك من هالناحيه كلامك يوافق كلامي عادة ويجوز لي ❤❤
صبح صبح ي جميلة ❤
والله من زمان ابي موضوع هذا
بس ما اعرف للمكياج فما اعرف ابحث عنه
ادري كلامي ملخبط بس المهم أنك افدتيني
يالبى والله ❤
جت على بالي امنيه اتمنى تتحقق تسوين دوره واكون من حظورها
مع اني مو مهتمه كثير في اللمعه بس استفدت من التفاصيل في الموضه في التسويق في المنتجات كالعاده في فهم البشره ?
صباح الجمال .. صارت اللمعه من أساسيات الميك اب وهالشيء غير صحيح من متى اذا ماحطيتها نقص مكياجي او غلط, والكنتور قبل عشرين سنه امهاتنا ماكانوا يعرفونه واسرع بلشر كان من الروج.. المكياج الصح بنظري ماهو تكنيك كنتور او ستروبنق الصح لما تكون بشرتي صحيه وأعرف ملامح وجهي شنو يناسبها . كنت بجمعت بنات وحده تعدل مكياج صديقتها وتسوي لها كنتور وقاعده تشرح للبقيه تجيب البرش وتقيس المسافات وتدمج وتقول ان هذي طريقه فوز الفهد. هي طبقت خطوات تعلمتها لكن نست ان لكل وجهه مايناسبه البنت وجهها نحيف وطريقه الكنتور اللي حطتها زادتها نحف وطولت وجهها والكل انبهر ان الكنتور واضح ومحدد وانا اشوفه كاانها جايبه مسطره ومحدده الخطوط واذا احد جاء يصحح لها نافخت عليه وترد وش عرفك. ماقدرت أمسك حالي قلت لو سويتي لمنال كنتور بطبقيه نفسه ترد بثقه اكيد قلت تفاصيل وجههم يختلف تعطيك نظره خير وش تبين.
عمليه اللطس باللمعه تحسينها بتضوي بالظلام تشوفين مسام بشرتها بشكل بشع مظهرها. كل ما قل شي وكان أنعم كان اجمل .
بالنسبة للميك اب والعمر أقول ليت ماما منعتني تعرفين من الصف الرابع وأنا عندي بلايت شدو وكانت اختي بثالث كنت أبدع بوجهها ^^ وبالمتوسط كنت احط روج كحلي طقم المريول هههههه
حتى صبغات شعر ما تردني واول ماطلع تجعيد الشهر يستمر ثلاث شهور سويته وهالشيئ مع الوقت أثر على طبيعه شعري, ولما كبرت صرت أمنع خواتي من بعدي لون شعرهم خلقت رب العالمين مدرج باللون البني وفيه لمعه حتى بالميك اب وصلوا الثانوي يحطون ناعم وبعد ماتخرجوا ودخلوا الجامعه خليتهم يسون اللي يبونه الحين اخر العنقود في ثالث ثانوي تصدمني بنحت وجهها بطريقه مو مبين ماكأنها حافره باليت الكنتور حفر بسم الله عليها .
وفي الاخير أقول ضبط الميك الممارسه تتعود اليد وتبدعين. وشكر حبيبتي لطرحك..
بالعكس التدوينات الميك ابيه اجمل شيء حتى لو ما استخدم المنتج شرحك يفتح لي افاق ثانية في استخدام او انتقاء منتجات اخرى يسعدك ربي ❤️
صحيح مافي شرح مصور وتطبيق خطوات ولكن مع ذالك أشوف شرحك غني ومميز وأكثر فائدة من كثير يسوون التطبيق لنا انتي تعطينا الاساس واحنا نكمل ??
شكراً اوي جعله في ميزان حسناتك وحسنات والدتك يارب??
هههههههههههه التدوينة شهتني أروح أحط مكياج ..
عندي صديقة أكبر مني بخمس سنوات .. وفي زواجها قبل سع سنوات تقريبا … جابت خبيرة تجميل من الكويت بس عشان سالفة نحت الوجه .. طبعا بذاك الوقت كان شي واو .. الحين لما أتذكر مكياجها .. شكلها كان جدا فيك (لازم اطالبها توريني صورها مره ثانيه)
..
بصراحة الشعوب الخليجية تحب تبالغ .. وإن كان فيه تحسن أفضل من قبل لكن لا يزال فئة من الناس تحب الطبقات و تحب المكياج والنحت اللي يغير ملامحها تماما ..والحين حتى الستوربينق كرهت أشوفه على بعض ناس والسبةانه يبشع أكثر منه يجمل.. لدرجة شفت ذاك اليوم في ورشة عمل وحدة حاطة لمعة بشدو أصفر .. مش ذهبي .. أصفر .. صدمني شكلها فوق صدمتي بمكياجها اللي ما يناسب العمل والاصفر صاير كأن وجهها وسخ وطول الجلسة أتصدد عنها ماني قادرة أدقق !!
عموما ما أحس الكونتورينق والستوربينق منفصلين عن بعض .. بالعكس في كثير مقاطع يدمجون التكنيكين مع بعض .. اللهم واحد ممكن يطغى على الثاني… تاعالي عاد فهمي البنات أنه موب موضة وإنما ( خيار متاح ) لا أكثر .
بخصوص الأمهات اللي ما يخلون بناتهم يحطون مكياج .. ترا فيه ناس كذا عندهم فكرة أنه لو بيجونا ضيوف لازم ما أحط مكياج عشان يبين كأني تعبت علشانهم وكذا… وبعض البنات الله يعينهم .. لا تقصي شعرك لين تتزوجين .. لا تحطي مكياج .. توك صغيرة .. لا تلبسي كعب .. عيب .. وقائمة المحرمات والممنوعات تطول للأسف … بعذر لو جاهم كبت.
يسعد قلبك .. موضوعك تحفة فنية كالعادة
روووووعه توووسه كالعاده يعطيك الف الف عافيه ع المجهود ..اللمعه شي يجنننن في المكياج احس مكياجي نااااقص اذا مازينتها بس المشكله اني اول مااوزعها تكون تماام وبعد ساعه او ساعتين تترسب في المسامات وتبين عيوب الوجه حتى لو كانت صغيره ومهيب واضحه انا اشوف علشان تتفادين هالشي تحطين الاضاءه بجوانب العين اعلى الخد فقط بدون ماتنزلين لتحت يعطيك لمعه و المنطقه ذي مايكون فيها مسام باينه
أولاً صباحكِ صِبىً متوهج لآخرِ لحظاتِ العمر ?
تشكرات من القلب ع الحكيات الموزونة المدروسة النابعة من علم ومعرفة وتجربة ?
الحكي الأخير ???? ،، أشوف بنات عين الله عليهم بس ما تتمكيج وما تغير تصفيفة شعرها ،،وحتى ستايل هدومها هيٓ هيٓ ماتغيرت على مر السنين دايم ربي كما خلقتني !!!
عمرها وأحلى أيام شبابها تروح وهي ولا على بالها !! المصيبة يلي تقول لك ( نفسي أكون هيك بس ما فيني ? ) !!!!
ويلي تقول خايفة ع بشرتي !!!!! طيب متى راح تبيني انوثتك وصِباك وجمال بشرتك !!!!
ثرثرت كتييير ☺️
يسعد كل ايامك سوس ?
يااازين تدوينتك الستروبينق عششقي كثير انواع عندي اضائات سائله وكريمي وباودر بس صدق لمعات بيكا شي ثاااني عندي شامبين بوب تبع جاكلن جددا خرااافيه وانستازيا انشاءالله قريب اجربها حمستيني عليها يعطيك العافيه شرحك جدا مفصل ووافي ??
حبيت التدوينة وبالعكس احب تدوينات الميك جداا بس احب العناية اكثر عشان تطلع الميك اب حلو << هههه سعودية .. بس فعلا احب اتفرج على مقاطع لوكات في يوتيوب كثييير واحب اقتني الماكياج بشكل هوسي لدرجة اختي الصغيرة اللي ما تدرس تعرف اذا شافت محل مكياج ولا اعلان تناديني شوفي وتسال ليش عندك ( مكياجات ) كثير ؟ قلت لها اذا كبرتي تعرفين ما تدري ان المتعة تنتظرها.. طبعا تعلمت اشيااء كثير لكن لازلت في مرحلة البحث عن كريم اساس مناسب .. في اي طلعة عادية مع اهلي او للجامعة مستحيل ما احط مكياج اقل شي ايلاينر وماسكرا وبلشر وروج واصلح حواجبي حتى الايلاينر اغير لونه مرة اسود اخضر او بنفسجي ياختي اقلها النفسية تتغير اذا حطيت ماكياج وتنفتح نفس اللي قدامي
الحمدلله م خاب ظني بانستازيا ?.. تهبل حبيتها اكثر من بيكا م عجبني على العارضه ..انستازيا تمام التمام وكمان سعرها يتستاهل ?.. اناكالعاده احطها على عظمة الخد ام على خدي صوب الخشم لانو فيها مسامات و مش احب اظهر العيوب ?.. لا مش منجدها اللي تقول ماتو اللي يحطون الكورنتورينق ذي جاهله اتوقع منها يجي يوم تقول ماتو اللي يحطون ميك اب ??.. انا طول عمري من عرفت الميك اب اعرف انو الكونتور تكنيك يوضح معالم الوجه بالفتره الاخيره صاروه يهولون فيه ?.. كلي حماس للستروبينق ????
ياامسساءالسسعاده والحاجات الحلوه .. ربي يسعدك ع كميه هالمعلوماات جدااستفدت منك بالرغم اني زمان ايام الثانويه او المتوسسط
اخذت دووره بالمكياج وفنونه مع خبيره تجميل لبنانيه نااسيه اسمها والله صح اني استفدت بوقتهاا وعرفت اساسيات كثير عن الميك اب
حتى عن البشره وصرت مطلعه اكثرر ع مجلات الموضه والالوان واللوكات الجديده .. بس حاليا لمن اقرا تدوينات عن الميك اب والاساسات
وربي احس اني جاهله ماعررف شي خخخ
بالنسسبه للمعه زمان كنت احب هاللوك احب اللمعه تكون تحت الحاجب بشي بسسيط وع عظمه الخدد يطلع شكلي جميل
حببت تفصيلك للمعتين اانستازيا وبيكا حبيت شكل بيا مع اني ماسبق لي وشفتها او استخدمتهاا
يغرريني الشكل اا اكثر خخخ
بالنسسبه للبنات والامهات الي متصورين المكياج وحش وبيخىب البشره يبي لهمم قعده لين الصبح وتدوينه طويله عريضه خاصه لهمم
جد يبي لهم توعيه خاصه حررام هالبنات يكبر معهم هاتخووف الحياه حلووه بس نفهمها ماكذب عبدالحليم
لازم الوحده تججرب وتشوف مثلها مثل غيرهاا ودي اسال الامهات الي يمنعون بناتهم يعني متى تحط مكياج لين البشره تعجز وتترهل
تحطها مثلاا
سوس الله يسعدك اضعاف اضعاف
احبك ياعرقووبه ♥♥
طاب يومك ♥♥♥
مساء الاحبة ..
كالعادة ربي يبارك لك
مع تدويناتك مستحيل اللي ما تفهم بالمكياج تحتار فيه ..
كلك بركه ارتوس ?
جميل جميل جدا وصفك وتوضيحك ..
حبيت كثير بصراحه..
وتدويناتك بجميع انواعها مفضله وتحمس
وتزيد الوعي ..
عن جد اتمنى تحصلين لك مودل تورينا فيها ابداعك
لكن يالله ..
يسعدك ياررب ??
يا لبيييييييييه مواضيعك تفتح النفس ? يسعد مسائك يا جميله ❤️
يسعد مساك ارتوس
تدوينه جدا رائعه اضائات انستازيا من الاضائات الي لفت انتباهي و عجبتني كثير وكنت متردده اخذ منها بس بعد كلامك عنها مافي كلام من ضمن القائمه
وانتي بجد من افضل البلوقرز من ناحية الوصف و كل شي لدرجه اخذت هالشي الحلو منك وصرت لما ابي اتكلم عن منتج اخذه من جميع النواحي مشكووره ارتوس انك تعلمينا اشياء كويسه
وعلى طاري الامهات الي يمنعون بناتهم انا اشوفه شي متوارث الجده منعت الام فالام منعت بنتها و كان بنتها ملكها الخاص لا مكياج ولا قص شعر ولا غيره
عطي بنتك المفاهيم الصحيحه و مبادئك السليمه وخلي بنتك تعيش سنها و حياتها بالطريقه الصح اما تمنعينها من كل شي بس تلاقي فرصه راح تلعب بالدنيا كلها او تسوي الشي من وراها بدون ما تعرف الام وهذا اكبر خطاء ترتكبه الام في حق بنتها
هايات ارتوس
بالنسبة للمعات اااه وما ادراك ماللمعات البنات هناك للأسف ياا يكرهونها يايحبونها مافي شيء اسمه استخدم الشيء بحسب ملامحي ، وللأخت اللي تقول موضة الكنتور راحت هذا اكبر دليل على انها جاهله بعالم التجميل والميك اب من لمن كنت طفلة واقرأ انه خبيرين التجميل الفرنسيين و الاجانب عموماً يشتغلون على البشرة اولاً و كنتور الفيس
اما البنات اللي يوفرون جمالهم وبشراتهم ترا هم نفس اللي يوفرون كل شيء في الحياة وماياكلون هذا بحجة انه مضر ولا يروحون هناك لانهم سمعو انه صار كذا فهذي النوعية البغيضة للأسف متكاثرة عندنا لااا وبكل وساعة وجهة تقلك انااا مااحب المكياج ولا احطه يعني انا ملكة جمال الطبيعة وكأن المكياج وجد للقبيحين فقط !؟
كلامك دائماً جميييييل وتميزك ظاااهر في كل ماتطرحينة دمتي ودام قلمك او لابتوبك اللي تبغينه ههههه
مواضيعك جدا رائعة ربي يسعد قلبك دائما نستفيد منك احبك
مشاء الله عاد انا اشوف البنات بالجامعه مبدعات بالمكياج بالرغم فيه فئه قليله تحط غير مناسب لهن بس فيه تطور???
يعطيك الف عافية صار عندنا تصور عن المنتجين و وضحت الرؤية و صار قرار الاختيار بينهم أسهل
من جد يا بنات حطو مكياج و تعلموه و ما بتتقنين المكياج و تتعلمينه الا اذا حطيتيهو ما رستيه توفرين بشرتك لايش ترى اخرتها تجاعيد مهما تأخرت انبسطو بايامكم و شبابكم و جمالكم
لي اسبوع عيوني ملتهبة مو قادرة احط مكياج لعيوني و الله كل يوم اخترع لوك و تكنيك للفاونديشن و البلاشر و الهايلايتنق و الكنتور و حتى للحواجب عشان احسن شكل وجهيفي ظل شحوب العينين ، فيه احساس اجمل من انك تخلصين مكياج و تنبهرين بنفسك؟ حبو الزين حبوه تراه يحبب الناس فيكم
يسلمو انا حبيت انستازيا كثير وناوية عليها ان شاء الله
لي ثلاث ايام احوس بمواضيعك القديمة بالمنتدي واسوي رفرش للمدونة واقول It’s mahh time
ويوم نزلت التدوينة سبقوني 65 يا وليلتي ويلتاه سانتقم وبتشوفون *تعصر دميعات*
يالله كم اعشق تدوناتك لو تكتبين ان شاء الله عن روحتك لبقاله حبيتها ??
اسلوب وسلاسه وفهم اسم الله عليك
الله يجزاك خير ويوفقك دنيا واخره
تعجبني دقتك ووضوحك توفرين وقت وجهد صراحه
ياريت تعطينا حنا طالبات المدرسه الجميلات كذا حبة موضوع يتكلم عن اللوك المدرسي
لاعندي خبره ولا ادري هل الاهتمام يالميك آب في المدرسه صحيح او مبالغه وكيف طريقته ومن هالكلام الي ينفعنا ويملحنا
وشكرا لك وشكرا لربي الي دلني عليك ?
اهلا اهلا ?
والله الكنتور من كثر مآ البعض سوى فيه التهآويل يجيني كره له
إلا ان فيه بعض الايادي ماهره فيه وتبدع وتغير النظره له والبلاء لا جاء احط يحط لك مكياج مع كنتور زيد في السعر استغلال هههههههههه
اما الامهات اللي يمنعون بناتهم عن وضع المكياج احسه حراام بكره تكبر حتى الكحله ما بتعرف تحطها بالعكس تبداء شوي شوي مع بنتها وتعلمها انا اشوف كثيييييير يمنعون عشان بشرتها ما تخرب بس هذا مو عذر ابدااااااا
واللي يحزن تلقينهآ متزوجة ولا تعرف تحط لنفسها شي
حلو الوحدة تشجع بنتها علئ الاهتمام بنفسها ومظهرها عشان هالشي بيكبر معها
اما اللمعه حبيت انستازيا آكثر ولانها سهله بالمد ومن قبل ناويه اشتريها وبعد التدوينه لزمت بعد
انا عندي لمعه من ماركة جدا عاديه ولا هي معروفه فيها لونين بس جميله بس نفس بيكا تبين مع الاستخدام جربتها علئ بشرتي قبل اشتري عشان آشوف تطلع المسآم او لا
دمتي جميله وراقية?
ｅتعليقي انمسح ?
يسعد مسآك .. الحمدلله رجع النت ??اكثر شي يستفزني قولة مات اللي يسوي كذا ?طيب من عطاكم مجال تتدخلون او اخذ رايك كل واحد حر باللي يسويه ماادري متى يفهمون هالناس الجملة ويفقهونه عاد بخصوص التدخل متكلمة بهالموضوع اليوم مع اخوي?المهم صراحة حبيت كثي لمعة انستازيا بالصور ومن زمان انتظر تكتبين عن الستروبينق وكمان تدوينة عن اضاءة ذا بالم?وزي ماقلتي السر باليد اللي تحط المكياج اتوقع انا الوحيدة اللي ماجربت اسوي كونتور للحين ماشفت نفسي شاطرة فيه ماابي يصير زي البعض تجي وهي مادمجته زين او اي بلوى ثانية على قولتهم لازلت تحت التدريب?…..كلامك الأخير أصبتِ بمقتل ?الحمدلله امي ماكانت من هالنوع ابداً رغم ان ابوي بعض الأحيان يقول لي وش تبين بهالخرابيط تعدم بشرتك ??سبحان الله ماعمري سمعت رجل يمدح مكياج ابد ?عاد عندي قناعة ان يد الرجل بالمكياج احسن من يد المرأة من وين جت ماادري رغم انه بعلم النفس يقولون ان الرجل اجمل من المرأة???ومثل مااقول دايم خليك مثل ماأنتِ معروفة بالعطاء والقوة ??
دامت أيامك سعادة وفرح ??
اه من اخر السطور الي كتبتيها انا انسانه ماحب احد يجيني فجاه وفوق كذا متحمله ناس يطبون علي ولا يكسرون الباب لو مافتحت بسرعه جد وش يحسون فيه ابي يكون شكلي ولبسي مرتب لان احيان اكون انا وولدي بس بالبيت فاخذ راحي بنكش شعري الكيرلي ولبسي الخفيف بس جد وضع لايحتمل وبخصوص اني اروح عند ناس مش مرتبين احس بتوتر وقتها وضيقه ونفس احساسك والله.. بخصوص اللمعات ماعتقد تناسبني عندي مشاكل كثير بالبشره واتوقع راح تبرزها يمكن لو اشوفها عند صديقه اجربها قبل وتسلم يدك ع الشرح الوافي
صباح الخير .. يعطيك العافية..
حبيت توضيحك ان تكنيك الستروبينق والكونتور من زمان .. السوشيال ميديا من افضل مزاياها اللي اشوفها المعلومات ماصارت حكرا على احد والكل صار يعرف اللي عاوز يعرفه ..
وبحكم عملنا بتسويق المنتجات تلاقي ان البنات غالبا ابتعدوا عن الكونتور بحجه دقه قديمه زي ما وضحتي مع انه من احلى المعلومات اللي انتشرت والاغلب صار عنده درايه كامله عنه
شخصياً جذبتني انستازيا من اول ما نزلت الديزاين الداخلي لها حبيته ..
بانتظار تقييمك للوكات و ملاحظتك لها انا كنت من عشاق هالفقرة الرمضانيه ( سميتها كذا لانك كنت متواجده بلوكات البرامج بشمواه بشهر رمضان )
وبرافو للمتجر بحكم تواجدها بامريكا فسهل الوصول لاغلب المنتجات والحصريات
اعذريني جدا لقله تواجدي بمتصفحك سواء هنا او بالانستقرام والله مشغوله لدرجه حتى المتجر قصرت فيه هالفترة
دمت لنا :*)
شادو نايلون فتنة خصوصا لا دمجت بفرشاة كابوكي صغيرة مع شوية فكس بلس يعطيك لمعة صدفية .
تدوينتك جت بوقتها ،ارتحت لانستازيا و إن شالله بجيبها .
يبتيها صح ياارتوس يوم تكلمتي عن المكياج وشلون تحسين انها مش مستعدة لاستقبالج بما انها مش متجهزة لضيفتها ،، نفس شعوري والله ،، أصلا استحي اذا عزمت حد وطلعت يدامهم بدون اي ترتيب ،، ولامرة سويتها ،، لو أدري انه خواتي بيوني علطول اتلبس عالسريع اي شي وارفع شعري واغسل ويهي وارطبه واحط مسكرة خفيفه او جحال وغلوس ،، الموضوع بسيط مايباله شي ،، بس انا اسميه هيازة وكسل ،، ماحب جي مووليه ،، والله استانس اكثر شي لمن ازور وحدة واشوفها كاشخه أحس بأنوثتي انا تخيلي ،، يعني انا طبعا بكون كاشخه ومتعدله وهيه نفس الشي فبنعطي بعض رسايل ايجابية وثقة اكبر كونها أنقى وكوني انثى مثلها وحمااس انج تبتسمين وتفرحين بشوفتها وتمدحينها وتمدحج ونعطي بعض الدافع والثقة عقب يدام رياييلنا ،، ودايما انقد عربيعاتي اذا ماكشخوا وطلعولي بجلابية وشيلة اففففف انقهر منهم واعطيهم كاش ،، ياخي ابي احس واشوف بعيني انه لي صديقات جميلات ومرتبات ،، احب هالشي
أرتوس بس حبيت أقول لك الله يوفقك (قلب كبير)
يَ مسآء الخير ، مرره متأخره بالرد يآخي الاختبارات
آخذتني عن الأشياء اللي أحبها (: أنا كنت بالحيل
متحمسه لبيكا بس بعد تدوينتك قررت بأخذ انستازيا
إن شاء الله ، مع شمس الجامعه طلعت لي فجأة حبوب
صغيرة تحت الجلد مآدري وش الطآري ورحت لدكتورتي
عطتني كورس حبوب لمدة ثلاث شهور فعشان كذا شآيله
من بالي إني اشتريها هالفتره ياشينها الحبوب اللي تحت
الجلد ماتبآن إلا اذا حطتي مكياج (: وفعلا ضادقه من ناحية
إن البنات اللي يحطون مكياج في الغالب يهتمون ببشرتهم
أكثر ، تسلم يدك على التدوينة وأكييد متحمسين للتدوينه
الجايه ، حُبي لك
?
روعه مع اني ماني من عشاق اللمعات بس الموضوع كالعاده رائع
حبيت التدوينة جدا من زمان وأنا نفسي بلمعة ذهبية وأنت سهلتي علي الإختيار❤ أنا أعشق المظهر الديوي والمات ما أكره أي شيئ بالمكياج أحس راح أوصل لدرجة إني آكل المكياج من كثر ما أعشقه ? إيوه وأحس ستايلك بالمكياج زي ستايل مايا أحمد
مرحبى توسي، شكرا على الطرح، اشتقنا مواضيع القرقر مش بس مكياج.. طيب نبغى كمان مواضيع عن السنع، من برايك البنت السنعه، و لما نقول مثلا مكياج مناسبة على مكياج زواره على مكياج عمل، أبغي كذا تعطينا الفروقات البسيطة، و ايش الطله اللي لو ضفتها على هاللوك رح تحوله لشي أحلى، أكيد ما اقصد اني أحط رموش بالدوام و أسالك ايش الفرق، بس والله أشوف ناس تركب! يعني فتحي عيوننا على هالجانب وانصحينا، ما نبغي نشوف وحدة مضيعة قاعة العرس وجاية الدوام تورينا ^__^ غير كذا تسلم لنا ايديك
أحبك
الله يعطيك العافيه ارتوس
موضوعك كامل متكامل
بالنسبه انو يجيك احباط لما تكتبين عن المكياج بالعكس والله انا وصحباتي عندنا عشق لمدونتك وخصوصاً كلامك عن المكياج
العنايه صار كلن يعتني ويتكلم
اما المكياج نادر احد يتكلم بدقه مثل دقتك سبحان الله حتى مافي يوتيوبر ولا بلوقر عربيه تتكلم مثلك
فـ لايجيك احباط ولا شي بالعكس انتي بنظري نمبر ون في المكياج
ارتوس جربي اشتري باليت ذَا بالم مانزر سستر اللي فيه الإضاءات ال٣ وسوي ريفيو عنه
مرررة حبيت اللمعات بشكلل .. انا من عشاق الهايلايت بالميك اب حتى اول م هبو بالكونتورينغ ما حبيته ابدددد م دخل مزاجي واكتفي بالهايلايت او اللمعة .. الين ما هبو بالستروبنغ قلت م بدهاش اكيد يراضوني لووول .. احس الحين الناس صايره تحب المكياج اكثر من قبل وتفهم فيه اكثر صح انو فيه هالعينات اللي ما تحط لو ايش بس ولو في تطور .. انا من صار عمري تقريبا 15 وانا مهتمة بالمكياج واحطه حتى بعزايم اهلنا ومحد كان يحط الا امي تقريبا و خفيف والباقي لا حياة لمن تنادي .. بس مكياج يناسب عمري طبعا والمناسبة وكنت مدمنة تتوريالز باليوتيوب ف ما واجهت ذيك المشاكل معه وحبيته والى يومك وانا ما اطلع بدونه انا الحين قربت 18 .. واللي بعمري محد يحط .. احس شكلي غلط بينهم او مثل ما تقولين ما ضيفوني كويس .. كل هذولي كوم واللي تجي تقول ليش تحطين مكياج؟ كل يوم؟ عرس؟ كوم ثاني .. هذا وهو خفيف مكياج كذا يقولون .. الزبدة ما علينا منهم بليييز لا تتأخرين علينا بتدوينة اللوكات مرة تحمست لها احسك مثل ذوقي تحبين السموكي والهيلايت والبلشر < صح ولا انا غلطانة 🙂
بيكا وانستازيا ابدا ما جربت الهايلايتر وكان بخاطري اجرب بيكا اصدار جاكلين هيل اموووت عليها مكياجها ولاااااغلطه ونظيف ، الستروبينغ مثل ماذكرتي شفت لج موضوع قديم ف المنتدى ع الديوي لوك من يومها اذكر اشتريت نفس العده وطبقته وحبيبييييته اذكر كان الفاونديشن المضغوط من ماك على لمعة بوبي براون المهم كنت دايما معتمده الديوي لوك لان بشرتي كانت ماشاء الله صحيه وماغندي مشاكل أما الآن لما اجرب الستروبينغ يبين مكياجي كش نظيف غير ان بشرتي بحر دهوون والمسام توضح اكثر ف اعتمد المات لوك واذا مكياجي كله ماات احط قلييييل من اللمعه على بدايه عضمة الخد طالع لناحية الحواجب وابتعد كليا ع الخدود اماكن البلشر عسب لا ابين المسام ،، مثل ماذكرتي اللمعه الباودريه ماراح اتبين مع الكومباكت باودر او اللوس باودر لازم ع سطح كريمي ولكن ممكن نستخدم ع الفرشه فكس بلس وناخذ من اللمعه بطريقه الطبطبة وراح اتبين وبالنهايه التكنيك الصح والشطارة بحركة اليد والبحث المستمر يخلي الوحدة بروفيشنال اما البنات اللي يشتكون كل مكياج كل مكياج هم اكثر ناس يسئلون شو يعني كذا هذا شنو وكساااالى ف البحث ويبون الاجابه السريعه الامهات اللي يمنعون بناتهن من المكياج او الطلعه مع الصديقات او حتى طرح اراء عفوا الزمن تغير واللي تمنعينها منه تأكدي راح اتسويه من وراج لا تزعزعون الثقه مابينكم ولا تفرضون ع بناتكم حياتكم الماضيه وتخلينها نسخه منج ،، كمان نقطه ولا أطوّل عليج اكثر بنات يهتمن ف بشرتهن اللي دايما يحطون ميك اب شكرا ارتوس ع الطرح متألقه كعادتج
صبآح الوفاء
اناكمان تملكيه بصراحه .. ومن وصفك حبيتهم الثنتين
سبحان الله رجعتيني لأيام نانسي انا من العالم
اللّي هبيت معاهم في ذاك الزمن .. ❤️
انستآ malak _949
قرأت تدوينتك قبل امس ، واليوم العصر طلبت لمعة انستازيا?❤️❤️.
متحمسة لها ..
نفسي اشوف مكياجك وستايلك علي احد
شكرآ لك
ارتوس ي عمري م تقصرين بالمواضيع الي طرحتيها حيل حيل استفدت نزلي موضوع عن ترتيب المكياج و نزلي صور انتي ما شاء الله واضح ان المكياج واجد عندج افيدينا شلون نرتبهم و نظمهم.
….♡♡♡
اضاءة انستازيا طالعه روعه عندي اضاءة من ذا بالم ماري لو بس للاسف للان ماعرفت اتقنها احاول اتعلم عليها اكثر بعد كذا اجازف استخدمها بالمناسبات الكبيره اللي لاحظته لمعتها قوية ومسحة منها تعطي لون قوي ونااااعمه جداً حسيت لازم الوحده تستخدمها بخفه لانها مرررره تبان على الوجة واشوفها تناسب البشره الفاتحة بتكون اجمل عليها
حبيت التدوينة ارتوسه…واحب اكتر اسلوبك في الكتابة
اللمعه فزيعه وراح اضيفها لقائمة المشتروات
ابغى اجرب شي غير ذا بالم
اااه قلتي نقطة محيرتني و هي بخصوص اللي ما يستعدون لما بيجيهم ضيوف يعني جد استغرب من هالناس ، مرة كنا معزومين عند صديقتنا و رحت انا و اختي و بطبيعة الحال لابد من الاناقة، تفاجات لما دخلت عليهم الام و الاخوات و الكل ببجايم البيت !! و الله حسيت باحراج و اسال اختي هم عارفين اننا جايين و تقول اي اكيييد بس عادي عندهم نظام كذا ميانة ، معليش فاهمين الميانة غلط و الله ضاق صدري و حسيت كاني جايةو طابة عليهم فجاة و طبعاً اختي تضايقت مني تقول عادي نمون و انتي متعالية !! و الله مب تعالي لكن الله جميل يحب الجمال
بعد ما يصير اطلع للناس و ببجامتي و شعري زيت و ابسط الايمان الحواجب ما رسمتها حتى امي لما خبرتها انصدمت
هههههههه اعتبريها فضفضة ?
بخصوص اللمعة انا من زمان مايلة لانستازيا و عاجبتني و رايك خلاني اصمل عليها و بكرة طالعة اشتريها باذن الله ،، اما موضة الستروبنق هي فعلاً قديمة ببداية ما عرفتها كان كليب نانسي اللي ذكرتيه انهرت ع وجهها و اللوك الديوي و من يومها هو ماي ڤيڤوريت مع اني لسى ما وصلت للتكنيكات الصح عشان يضبط علي
اللي يفتي بغير علم هذا مصيبة ، اكثر الانتقاد ع الميك اب و الله بشرتهم مب عدلة و فعلا غالبية اللي يحطون ميك اب حريصين ع بشرتهم و اولهم سندس القطان و اهتمامها ببشرتها تبارك الرحمن ?
ممتنة لك يا سوس و مب عارفة كيف ارد لك بعض من عطائك لنا لكن اسال ربي يرزقك سعادة الدارين و يخلي لك اهلك و يعطيهم الصحة و العافية ??