صَباح / مساء الحُب
للتدوين وَ مشاركة الناس تجاربك مُتعة لكن المتعة الأكبر لما أفتح إيميل الموقع وَ ألقى رسالة فيها إقتراح لمنتج أو موضوع ..
خاصة إن أغلب إللي يرسلون لي رسائل مِن هالنَوع مايبوني حتى أشير لهم أو أشكرهم على الملأ
منتج اليوم إقترحته علي المُتابعة المُخلصه فطوم ، على ما أذكر بشهر رمضان وَ شريته على طول
شُكراً حبيبتي فَطوم
المنتج من خط العناية بـ لانكوم
Lancôme Visionnaire 1-Minute Blur
مِن إسمه يوعد أنه يخفي العيوب في دقيقة واحدة
للعلم المنتج مُصنف من مجموعة العناية وَ يمكن إستخدامه كبرايمر قَبل الماكياج
سعره : ٥٥ دَولار بموقع سيفورا أمريكا بدون الضريبة
لكن عَندنا سعره حول ٢٥٠ ريال ( حُولها نسيت بالضبط كَم ) ..
مُميزاته حسب ماذكر بموقع لانكوم ~
• خالي من الدهون
• خفيف الوزن
• يطمس العيوب بفعل تقنية الـ PhotoSmooth™ optical technology
• يقلل من ظهور المسام وَ الخطوط الدقيقة وَ التجاعيد وَ يساعد على إظهار تحسن البشرة خلال شهر
• يعطي نتائج سريعة في دقيقة واحدة
• يعطي إحساس حريري مخملي
• سهل المد وَ غير لزج وَ يعطي إحساس بالراحة طول اليوم
• يناسب جميع أنواع البشرة حتى البشرة الحساسة
• يُمكن إستخدامه حول العينين
خالي من ،’
– الباربين
– الفثالات
– الكبريتات ( السولفات)
المنتج ،’
– لا يُسبب إنسداد المسام non-comedogenic
– لا يُسبب حبوب non-acnegenic
المواد الفاعلة ~
SILICONE ELASTOMERS : يطمس العيوب وَ يعطي مظهر مات
SILICA SILYLATE: يعطي مظهر مخملي .
LHA: يقشر الجلد وَ يحسن لون الجلد وَ الملمس .
بالميتات ريتنيل : يحد من ظهور التجاعيد وَ المسام
VITAMIN CG: يحمي البشرة من ضرر الجذور الحرة.
PHYTOKINE: يحافظ على الكولاجين
طريقة الإستخدام ،’
يستخدم بكميات صغيرة كلمسة أخيرة بروتين العناية اليومية بعد وضع كريم الترطيب على المسام وَ التجاعيد
إنطباعي عن المنتج ~
أول مرة إستخدمته بدون ماكياج وَ حطيته كلمسة أخيرة من روتين العناية اليومية
ملمسة جداً جداً جداً ناعم ٫ وَ خفيف جداً وَ سلس وَ إنسيابي
يعطي نعومه فورية لملمس الجلد بدون إحساس دبق
يخفي المسام بشكل واضح وتشوفين مراحل صغر المسام بعيونك لو ركزتي
( طبعاً أقصد بالمسام المَسام الطبيعي النظيف مو تجي وحده مسامها مليان رؤوس سَوداء تقول مانفع معي )
إحساسه مريح وَخفيف يدوم فترة طويلة
ثاني مرة إستخدمته كبرايمر قبل الماكياج
أيضاً كان مٌمتاز من ناحية سهولة مد الأساس وَ أيضاً من ناحية إخفاء المَسام
وَ الماكياج ظل فترة طويلة مادهن وَ لا تزحزح من مكانة
مَقطع فيديو قبل و بعد الإستخدام ~
– كبيرة بالعُمر
https://www.youtube.com/watch?v=-IWq3ieOmqM
– شابه
https://www.youtube.com/watch?v=3vS1R5cQOnE
رأيي عَنه ،’
أحب أوضح شَغلة قبل فيما يتعلق بعنايتي ، شخصياً ما أحب مُنتجات الوجه وَ العناية بشكل عام إللي تحتوي على سيلكون أو مُشتقات السيلكون حتى لو كان الشركة كاتبه إنها ماتسد المسام ، مُنتجات مِن هالنوع أستخدمها فَقط بالماكياج
من وجهة نَظري هالمُنتجات في البداية تعطي نتايج جبارة وَ مُذهلة خاصة للي يعانون مِن الجفاف أو التجاعيد أو المسام ..
لكن مع الوقت أحسها تثقل البشرة وَ يبق الوجه فجأة وَ تبدأ تظهر الحبوب وَ حتى أحس المَسام يتوسع كرد فعل عشان يتخلص من هالمكونات ، بالإضافة ان هالمواد ممكن تمنع البشرة تستفيد من منتجات العناية الفاعلة
لذلك إستخدامها يبيله حرص وَ تنظيف عميق وَ دوري لأن بعض مُشتقات السِيلكون ما تذوب بالماء
إستخدامي للمُنتج كان مُلازم لإستخدام الماكياج سواء كان فُل ميك أو ماكياج خفيف لكن كعناية كان مُجرد تَجربة
فبرأيي أن وعود لانكوم مُبالغ فيها كونه راح يحد من مظهر المسام وَ التجاعيد بعد رابع إسبوع مِن إستخدام المنتج
صحيح إن المُنتج فيه مضادات أكسدة لكن مو كفيلة إنها تقلل من التجاعيد أو مِن مَظهر المسام
أحياناً الشَركات لما تعطي وُعود غير واقعية تخليك تخسف المُنتج كتقييم
لكن هو كمبرايمر أعتبره مُمتاز وَ فاعل وَ فيه له أشباه كثيرة من عدة ماركات لكن يميزة النَعومه وَ السلاسة وَ خفة القوام
عيوبه المُنتج ~
شخصياً ما أشوف فيه عيوب
تعليبه سهل الإستخدام ٫ يظل فترة طويلة وَ سعره قد لا يكون إقتصادي بالنِسبة للبعض
لكن قد يكون عيبه إنه خُطوة إضافيه يعني هو مو مستحضر قائم بذاته مجرد مستحضر يستخدم للفينشينق ( أخر لمسه)، يعني بتحتاجون قبله مرطب وَ هالشيء يخليه يعد تكلفه إضافية
العيب الآخر إنه لحاله بدون مَجموعة لانكوم المقترحة ما راح يعطي نتايج مشابهة للكل يعني أذا إستخدمتي مُرطب من ماركة غير إللي إستخدمتها أنا ( ممكن ما يعطيك نفس النتيجة )
الخُلاصة تقنية اخفاء المسام وَ التجاعيد قائمة على إستخدام السيلكون أو مشتقاته في المنتجات لذلك شركة لوريال وَ هي الشركة الأم للانكوم أصدرت تركيبة مشابهه للمنتج مع اختلافات بسيطة ألا وهو
L’Oreal Revitalift Miracle Blur
نفس الفكرة وَ نفس النتيجة لكن الفرق إن مُنتج لانكوم يحتوي على فيتامينات وَ مضادات للأكسدة وَ قوامه أخف
شخصياً ماجربت لوريال وَ ما أدري اذا البديل ينباع عندنا ، اللهم طَرحته حتى أتيح لَكم عدة خيارات
المُنتج كُنت سعيدة بإختياره وَ بإستخدامه كخيار مَع الماكياج تحديداً ، لكن حبيت أنوه أنه لا يَفي بوعود لانكوم
وَ بنظري المسامات أفضل شيء لها الرتن أ وَ الديفرين جل وَ بالتأكيد العناية اليومية بالبشرة وَ الإسبوعية وَ الشهرية
وَ عندكم تقشير البشرة + الديرما رولر + العلاج بالضَوء كلها تُساعد وَ تدعم
وَ أخيراً : وصلني بالدايركت مَسجات من بنات مَهولين مَوضوع المسامات بشكل مُو طبيعي ..
وَ وحده منهم وافقت إني أعرض مُشكلتها .. البنت بشرتها حلوه ، اللهم بشرتها غير نظيفة
كانت مَتوقعة إن بشرتها كلها مسامات وَ حالتها حاله ، قلت لها كلنا عندنا مسامات اللهم إنت المسامة عندك ملوثه فطالع بكل مسامه نقطه سوداء ( رؤوس سوداء )
بمجرد ما تَنظفت رجعت بشرتها صافية وَ ما كأن عَندها مسامات ، وَ فيه بنت بالأنستا برضو شكت إنها من يوم ما أستخدمت ماكياج زادت مساماتها
بالتأكيد إنتِ كل يوم تطلين وَجهك بماده ، وَ المادة تدخل بالمسامه تتوسع المسامة وَ تتعبى أوساخ
وَ النَسبة العُظمى تزيل الماكياج عالماشي أو مو بالمُستحضرات الصَح ، النَتيجة بعد فترة إنفجار
[ فيه كثير طبعاً يهولون بأعمارهم وَ مُمكن حتى ينامون بالماكياج وَ بشرتهم صامده ، لكن كله بَعد عُمر راح تَحصدينه ]
وَ لا ننسى الفَروقات بين أنواع البشرة ، فيه بنات لو ناموا بكحل وَ ماسكارا ما صار لهم شيء وَ فيه بنات لو ناموا بالكحل وَ الماسكارا نفخت عيونهم
الأهم نتبع دائماً إجراءات السلامة ، سوا حالفنا الحَظ وَ سلمنا وَ سوا لما يُحالفنا الحَظ الواحد يمشي بالسَيف سايد ( الجانب الآمن ، حتى ما يَندم على كَبر )
بخصوص التدوينة السابقة ، راح أرد عليكم كلكم وَ بنفس الوَقت راح أعدل عالمَوضوع لأن حسيت فيه شَوية نواقص بخصوص كيفية المَد وَ الفروق بين المُنتجين ، وَ راح أجاوب على إستفساراتكم بالمَوضوع نَفسه ، وَ أشكر كل البنات إللي أقترحوا لي مُنتجات كورية حابين أجَربها بالمُستقبل
دُمتم بَحب
تسجيل حضور
اولى ?
هههههههه لبآك .. المَقعد الأول
ريفيو رائع و وافي
ملاحظاتك الدقيقة تؤكد مدى حرصك و مصداقيتك
شكراً بحجم الكون آرتوس
تسجيل حضورر رقم ٢
ههههههه مَوتوني ضَحك .. زينكم
حبيبتي يعطيك الف ألف عافية♡
يَعافيك حَبيبتي ..
نَورتيني
تسجيل حضور ?
هلا بالشَيخه
دمتي ودامت ايامك بالحب ?..
المنتج من لما قلتي لي عليه هو والمنتج الثاني وهم في بالي ان شا الله قريب اجربهم وارد لك ..
اعجبتني انك فتحتي عيونا لمنتج مثيل وذكرك بان لانكوم الشركة الام لان في ناس يهتمون لهالاشياء وانا منهم …
ماننحرم والله من فوائدك وعلمك وكتب الله لك الاجر ياصديقتي الصدوقه ??
رَش رش جربي الثاني أفَضل منه عشان المَخاسير ، بس صدق ذا يخلي البشرة متسطحه
هذاك فرق يعطيها ضَوء
وَ لوريال لو إللي يوصلنا نفس جَودة أمريكا ، كان شرينآه ..
وَ من جد الله لا يَحرمنا من بَعض ..
فرحه فرحه وربي عند توسا وآولى
فديتك
حسيت براحه ومقتنعه من كلامك عنه مرررة انا مشكلتي عندي اثار حبوب خفيفه مرة ولكن الجلد اللي مابين الاثر افتح لونه من لون بشرتي الاساسي
الله يكثر من هالمنتجات للعنايه
آحب اعتني ببشرتي واشتري منتجات عنايه اكثر من الماكياج
لاني مقتنعه اذا البشره جميله المكياج عليها بيكون آجمل
شكرا على عطائك المتواصل ياليت في شيء نقدر نسويه لك
?????
إذا ماعاد يطلع لك حبوب .. جربي تروحين عيادة خليهم يسون لك تقشير
وَ إذا مره خايفة كريم مبيض مَع مقشر ( مثلاً زي كريم بيجمانورم ) مليان هيدروكينون بس إنتِ محتاجته بحيث تزيلين التصبغ
وَ بالتأكيد ضروري بوصفة طبية أنا ما أوصف لك كثر ما أشير للمُنتج عشان تسألين مُختص به .. وَ شوفي شلون بشرتك تصير قزازه
بس عاد لا بُد تهتمين دايم بالترطيب بعد أي تقشير وَ تهتمين بالواقي من أشعة الشمس ..
البيجمانورم ميزته فيه المادة المقشرة وَ المبيضه وَ صح قوي لكن لو إللي أستخدمته إنسانه عاقلة وَ بشكل مؤقت فعال جداً
حطيه بالبداية عالحبوب وَ لما يزول الأثر من الحبوب على كل الوجه .. وَ مايزيد عن ٣ أشهر
إللي بالغوا بإستخدامه تصير بشرتهم عُقب ركبه وَ الله .. لأنه يحتوي على هيدروكينون وَ هالهيدروكينون يرقق الجلد وَ بلاوي
يارب تكونين فهمتيني لأن أخاف أي وَحدة تقرأ وَ تستهبل بنَفسها ..
وَ أكثر شيء تَسوونه لي تَكونون مَبسوطين ..
وجهي كان خراايط حمر وسود ومع الأسف الكل يعلق على منظره (حتى بالمكياج يبين) 🙁 .. وقريت ردك على وحده بالانستا تتكلمين عن البيجمانورم وقريت المحاذير واستخدمته لمدة شهر واحد والله وجهي صار يجننننن صفاء ويشعشع ونظييييف وكل هذا برخص التراب 60 ريال الحمدلله :”( الله يجزاك خير ويرحم الوالدة ويغفر لها
صباحك خير
مش من محبين منتجات السيلكون احسها تخرب البشره مثلك
الرؤؤس السودا وااه منها ماكانت فيني قبل واللحين اعاني منها كثير
بخصوص الدفرين بعد كم تبين نتايجه هل 3 اشهر كافيه بعلاج الرؤؤس السودا وتوحيد لون البشره
الرؤوس السوداء يبيلها تنظيف بعدين أستخدمي المُنتجات إللي تبين
المسام عمره ما يروح ، قطر المسام وَ كثافتها شيء جَيني وَ مع العمر تتوسع وَ تزيد
أما توحيد لون البشرة فيه ناس خلقة ما تتوحد بشرتهم مثلاً زي بعض الناس تلقين راحة يدينها فاتحه بس على جنب فيه فاصل زي الخط
هذا شيء خلقه ما يروح ، حسب المُشكلة الوقت
بس زي ما قلت لك الرؤوس السوداء نفسها تتنظف وَ تزول لأن هي جريبات شعر
يعطيك اللف عافيه وتسلم اناملك على الشرح البصيط والشامل امممم انا الحمد الله مسامي طبيعيه بس يمكن حسيت طلعتلي تجاعيد خفيفه من براسم ينفنت حق العيون لانس استخدمه يومي بس حبيت اسئلك كم مره اسوي تنظيف بشره بالمراكز قالولي كل ٦ شهور او كل سنه مره لانه خطر ع البشره وانا اسويه كل سنه مره لان الحمد الله مافي اي مشكله عندي بس احس بشرتي تعبانه مجهده من الاهمال لي ٣ سنوات مطنشتها لا كريمات ولا شي بس انظفها من الميك اب وانا تقريبا يومي احط فونديشن ولا بيبي كريم ومشكووووره عيوني على ردك
وبخصوص البرايمرز واشياءات المسام
شرايك ف برايمر ميك اب فور ايفر ستيب 1
مره متحمسه له ويهمني اعرف رايك بخصوصه طبعا بحال جربتيه ♡
بريمر فورايفر يحتوي على السيلكون وَ مشتقاته لو بشرتك ما تَحتاجه لا تشترينه
صباح الخير ارتوس..
لما حكيتي عن المنتج في انستقرام توقعته مثل المنتج تبع بينيفت بس اذكر سبق وحكيتي عنه في مدونة شمواه ولاحظت انتي قلتي هنا قوامه خفيفه بس هذاك مره ثقيل غير انه هذا منتج عناية وبينيفت منتج ميك اب .. انا احس هالمنتج سعره مبالغ فيه على غرضه ممكن يفيد البنات اللي مسامهم مره كبير .. انا ما اشوف المسامات مشكله البنات غير انه يبي له عناية بالتنظيف ..البنات يتصورون بشراتهم تكون مثل الصورة المفلترة يعني لو كان المسامات نظيفه وبشرتك نظيفه ما راح يبين لا بالمكياج ولا من دون .. وهذه كيم و أليسا بينت مساماتهم مرره مره كبيره لو لاقين حل سووا هم .. اهم شيء النظافة وتنقية المسام اول بأول .
يعطيك العافيه
بالضبط قلتيها لو فيه حل ما كان قصروا بأعمارهم الفنانات
غير كذا البعض مايفرق بين توسع المسام وَ المسام الملوث وَ إللي بحاجة للتنظيف وَ الإزالة ..
عُموماً نحن لا كيم وَ لا إليسا هذولاك بشرتهم تتعب من الماكياج الدائم وَ الإضاءة وَ وَ
حنا مَفروض نكون أفضل لأن الضغط على عاتقنا أقل ، صراحة للأن ما أدري وَش سر هوس الناس بالمُقارنة
يعني لاحظت كثير بنات يحسون بالراحة النفسية لو وَجدوا بفنانة عيب .. هي مُش إنتِ وَ إنتِ مُش هي ..
وَ مفروض تَطمحين للأفضل لنفسك ما تَطمحين بالمُستوى الأقل ..
يَعافيك يالغالية ..
حبيت شرحك للمنتج وفعلا الناس صارت مهووسه
بالمسامات وتحاول تتخلص منها وللاسف الشركات
استغلوا هالشي
حتى لو ماافكر اشتري المنتج بس دايما اتعلم منك
كيف اقتني الشي المناسب الله يجزيك خير حبيبتي
حَبيبتي أم زياد .. دُوم مَنورتني وَ سباقة للكلمة الحَلوة
فعلاً الشركات تستغل هالمَوضوع وَ بزيادة بالرغم الشغلات إللي تساعد على القضاء عالمَسامات مَعروفة وَ بسيطة
بس شركات التجميل بالذات كل يوم يخترعون مُنتج باهظ الثمن فيما يتعلق بالمسام وَ التجاعيد وَ توحيد لون البشرة
بينما فيه منتجات أرخص بكثير وَ علاجية وَ طبية تفي بالغرض .
ياصباح النشاط تدوينه واضح فيها مجهودك ما شاء الله عليك سباقه دااايم
صباح المَحبة ..
وَ لو تستاهلون .. نَورتيني
مشكورة على الطرح الجميل
العَفو يا جَميله
طيب كيف انظف المسام لاني اعاني من الرؤوس السودا برغم اني انظف واستدم تونك ومرطب بس احس اني اسوي شي غلط لان صارت الخدود ناشفه جدا وباقي في رؤوس سودا?
ممكن تتكلمين عن الكريمات اللي فيها نسبة يوريا مشكورة
آوكيه ليش لأ ، ننَوع وَ نطرحها
صباااح الورد??
ومشكوره على جهودك في طرح المواضييع
صَباح الحُب ..
العَفو ياعَيوني
معليش اذا اكلف عليك ورديت اكثر من مره
بس كيف تتنظف الرؤوس السودا الطريقه السليمه اقصد
اذا فيه مجال انها تنذكر برد قصير يعني
شَوفي إللي ما يعرف ينظفها زَين ويقفل المسام زين الأفضل يتوجه للعيادة
تنشال بالإبرة .. بس لازم تهيئين البشرة قبل وَ بعد ..
بعد ماشفت اشارتك للدكتور احمد العيسى لكذا البنت انها تتابعه فعلا فعلا وعاني كثير يعطي كفوف صحيه وربي ارتحت كثير صرت اعرف لتمويه الشركات بتعريفهم للمنتج نجي للمسامات فعلا تنظيف المسام اهو امر الزامي لازم الكل يتقيد بهالنقطه والا بشرتنا بتروح للتهلكه
هو الدكتور أحمد العيسى قطع الأمل بكثير ..
بس يمكن من وجهة نظره يقطع الأمل أحسن ما يخسرون نفسهم خاصة إنه طبيب وَتوصله حالات مرضية مو تجميلية فماله إلا يعطيهم صَدمات
لفتره قريبه وانا اكره مساماتي وكثير رحت لدكاتره ووصفولي الديفرين ماكنت اقتنع مادري ليه ، لكن مع استخدامي غير بشرتي ويكفي انا اقتنع من كلامك اكثر لأن التفاصيل تهمني يعني توعيه مع تفاصيل شي جدير بالإقناع ?
صباح المحبه
صراحه ماجربت منتجات العنايه من لانكوم بس مره استفسرت منك عن سيروم للعين من عندهم وناويه اشتريه بإذن الله اذا خلصت اللي عندي
يعطيك العافيه
شوفي لو تشترين من ماركة طبية أنا أشَوف أفضل ..
أنا أخذت سيروم للعين من أوباجي سعره حَول ٤٠٠ ريال وَ يمكن أكثر ..
مُقارنه معه كريم بوبي براون أفضل ، هذا مامنه فايده ..
إقري المُكونات .. ولو يمديك تآخذين عينه أفضل ، العينه تكفيك ٤ أيام
انا عندي خط تحت العين يعني ممتد من العين الى الخد فمخرب وجهي كثير ياليت اذا في حل تقولينه لي حبيبتي
ارتوس بقول كلام من زمان بقلبي بس يمكن الخجل يمنعني إني اقوله
أرتوس أتوقع إنك ما تتخيلين كميه الحب في قلبي لك و اكيد قلوب البنات
إنتِ بمثابه أختي ، طول عمري أتمنى يكون لي أخت أكبر مني تعلمني و تفهمني و تكون قدوتي
و أحمد ربي اللي دلني عليك جد ما تتخيلين قد ايش تعلمت منك جمالياً و صحياً و ثقافياً اثرتي حتى على شخصيتي و تفكيري و نظرتي لنفسي ( تغيير إيجابي بالتأكيد ) من كنت بالمتوسط و أنا اعرفك و الحين انا بأول سنه لي بالجامعه و مازلتِ قدوتي و معلمتي الأول، بالرغم إني نهائي ماني من النوع اللي يعجب بالاشخاص لهالدرجه و لا يتخذهم قدوه عاداك أنتِ .. و تعرفين قد ايش صعب ان شخص مو بحياتك الواقعيه و مجرد معرفتك فيه بالعالم الافتراضي و تحبه و يأثر فيك بهالدرجه معناته أنه شخص فعلاً شخص مُميز .. ردودك بالانستقرام ، بتويتر ، شمواه ، مواضيعك و تدويناتك حافظه كثير منها ، فضلك و جميلتك عليّ كبير ما راح اقدر اوفيك إياه الا بدعواتي لك ، أنتِ انسانه مميزه بحياتي و راح أظلك اذكرك طول عمري
دعواتي دايم إني أكون مثلك أو حتى نصف ما أنتِ عليه
بقلبي كلام أكبر من كذا بكثييير بس التعبير خذلني
الله يوفقك و يسعدك و تسلم الإيد اللي ربتك و يسكنها و إياك الفردوس الاعلى يارب ..
تراي بَصيح من كلامك ، يعني إنتِ معي عَشرة عُمر وَ ساكته !!
تعالي بَعضك ، وَ ماشاء الله وَ صرتي بالجامعة وَ أولى جامعة وَ الله يفرحني وَ يسعدني إني أكون أخت لك
يا حَظي بك ، وَ الله طالما قلتي إنك تحسين تغيرك إيجابي صَدقيني وَ أقولها لك وَ أحلف لك إنك عطيتيني أكثر شيء أتَمنآه
وَ حسستيني بالراحة النَفسية إني لا خَذلتكم وَ لا ظلمتكم بأي شيء كَتبته ..
آمين يارب الله يتقبل مَنك وَ يجزاك بالمَثل
وَ عسى الله أشوفك الأفضل بدراستك وَ تحققين أحلامك وَ طموحك
نآي خليني دُوم أشوفك ، أحبك يا لطيفة الكلمة
يا حبييييبتي انتِ ارتوس دموعي تخرخر – الله من زين الوصف –
حاشاك لا ظلمتينا ولا شي احنا اللي مديونين لك بالكثير
جد فرحانه اني فرحتك و الله مادري شقول
و اكيد بتشوفيني كل يوم إن شاءالله طالما كسرت حاجز الخجل :$
حبيت تَخرخر يا زَينك وَ الله
تعالي بَيق هَق ..big hug
نفس الشي عرفت ارتوستي من لما كنت في أولى ثانوي في شهر جون و انا الحين سنة ثالثة جامعه وأول موضوع شفته لها هو حق حمام مثالي عشان كذا له معزه في قلبي الي خلاني اكتشف إنسانه عظيمة مثلها 🙂 كم انا محظوظة
كمان نسيت اقول شغله ، اطالبك بفقره الثرثره على حبي لمنجات العنايه و الماكياج لكنه دائماً و ابداً من افضل الفقرات بالنسبه لي – تتشرط بعد –
مَن عيوني ما طَلبتي شيء
تآمرين أمر ..
جمال طرحك وافي وعقلاني بشكل يخلي الواحد تفكيره مرتاح من ناحية هالمنتجات .. ?
ومن وصفك للمنتج ما ذكرتي هل بترجعين تقتنينه او له بدائل افضل برايك ، او فقط كان لمجرد التجربه وعرضها للإفاده ..
لاني كثير اهتم بهالنقطة في تدوينك اعتقد تترجم خلاصة التدوينة
وحبيت ايضا ذكرك للشركة الام للانكوم ، ياليت والله نعرف الشركات الباقية بعد
يعطيك بشكل عام بدائل ارخص لها ..
المُنتج يستحق الإقتناء لكن ليش ما ذكرت أسئلة ..
لأن أنا أهَتم بالناحية العلاجية ، لحد الآن أنا مُو بحاجة تخيلي بعد ذا كله أكون بحاجة !! ..
أولاً أقشر بشرتي ، ثانياً أعرف أنظفها زين ، ثالثاً أستخدم العلاج بالضَوء .. ماعندي مسامات كبيرة وَ التجاعيد ما بعد ظهرت
لا المُنتج مُمتاز .. لكن ما بستخدمه كخطوة عناية لأن أخاف على بشرتي ، بستخدمه بالماكياج لأنه يسطح البشرة يخليها كأنه جالسة تدهنين أساس على بلاط ( إن شاء الله وصلت الفكرة )
بدل ما أستخدم برايمر ماكياج مافيه أي فائدة لبشرتي ، أستخدم هالمُنتج أفضل ..
لوريال شركة عريقة وَ فاخرة لكن حسب أراء كثيرين إن إللي توصل بالشرق الأوسط مَضروبة .. وَ الله أعلم
حبيبتي
الله يخليك لي سنتين بشرتي ولله الحمد خاليه من الحبوب وسبق نصحوني بتقشير بس ظروفي ماسمحت اسوي لكن الان اقدر
وبإذن الله بروح لمختص واسئل وراح اوفيك تجربتي
تحمست ??
والله حلمي ببشرة تلق لق وصحيه ومهتمه جداً
مو شيء بَعيد طالما ما تطلع لك حَبوب ، الحَمدلله قَطعتي شَوط كبير
لا تخلين المُختصين بعد يبالغون مَعك خذي حاجتك فقط وَ إن شاء الله توصلين لمُرادك
مَوفقة يا قَمر
صباح التاخير
سجلي حضور رقم ١٧
لا سجلي حضور متاخر لمدة شهرين بس بعذر ههههه المارد مسافر مهمه عمل ومو فاضي لي يسجل حضور بكير فصلت ههه
ماقرات بامخمخ عليها بعدين
صبآحو ههههههه جالسة تعدين الردود مَجنونة
وَحشني المارد وَ الله 🙁
صباح السعاده والرضا …انا تصنمت دقيقه عند الديرما رولر والعلاج الضوئي توسه صدق انك تحمسينا لشي يارباه احس ببكي ..عندي اثار حبوب بخدودي ندوب سويت ليزر وخفت بنسبه كبيره وماقدرت اسوي جلسات ثانيه من التكلفه العاليه ياليت ماتتاخري علينا بشرحك للديرما رولر وهم بعد العلاج الضوئي <~~فيس يصيح
هههههههه يا حُبي لكم العلاج بالضَوء تكلمت عنه بعام ٢٠١٠مَ بشموآه بس الجَهاز نفسه آوفر وَ سعره آآوفر
لكن فعلياً جَهاز حُلو .. وَ أنا بنفسي إنقطعت عنه وَ مارجعت له إلا ببداية ٢٠١٥ م
بالنسبة للديرما رولر أنا أشوفها تعذيب جَسدي بس تستاهل ، بالرغم كثير أطباء يقولون مو لهدرجة بس أنا أشوفها لهدرجة
تشويك تشويك أنا ما أستحمل الديرما رولر إلا بالعافية ، لأجل الجمال نَتحمل بس مو هالشيء الظريف ..
الصراحه رووعه بس اعجبني اكثر استخدامه
كَ برايمر ،، تعجبيني تتكلمين بصراحه وتحآولين
تعطين حلول للبنات سهله ي زييينك ارتوس
*قُبله*
كَ برايمر بالنسبة لي ١٠ على ١٠ يستاهل
نَورتيني يا سوسو لوووووول قريت الإيميل
غالب الشركات تهول بمميزات منتجها وهذا كله عشان تجذب المستهلك الذكي اللي يحسن استغلال فهمه لمكونات المنتج لأن ممكن تلقين منتج غااالي يقابله منتج رخيص يحتوي تقريبا على نفس المكونات…. شركة لوريال ممتازة واسعارها حلوة بس كثير قالوا ان اللي متواجد عندنا يختلف ….كوني بخير ومعطاءة
من تَجربة صديقات لي جربوا إللي بأمريكا وَ إللي هنا سدو نفسي إني أشتري من إللي هَنا
وَ الله أعلم ..
نَورتيني يا لَيدي
المشكله ان المنطقه اللي انا فيها مافيها الا عياده او 2 ولك عليهم
طيب بستشيرك بشغله
انا ابي بريمر اكثر شي عشان ابي مكياجي مثل ماوصفتي ب احد ردودك
اني كانوا ادهنه على بلاط متساوي ومايخطط معي وﻻ يبين المسام
كنت ناويه على تبع فورايفر بس دامك قلتي سيلكون تتوقعين ﻻنكوم انفع لي وﻻﻻ
جد جد كثرتها اليوم بس بحاجه لبريمر
ومو بسهوله اقدر اشتري كم منتج ^_^
برايمر فورايفر مُتنوع .. شخصياً أشوف لو بتاخذين إللي بنفس ميزة فورايفر لانكوم أفضل
لكن لو بتاخذين أنواع فورايفر الثانية قد يكون فورايفر أفضل ، لا تنسين فورايفر شركة متخصصة بالماكياج أكثر من جانب العناية
وَ إسمعيها مني تبين مكياجك حلو حطي حرتك بالعناية بوجهك قبل المُنتجات ..
وَش رايك تنتظرين كَم أسبوع وَ أوضح لكم كم شغله تختص بالبرايمر ؟! لأن أحاول أجرب كذا برايمر وَ كذا مُنتج وَ أحكم عليهم ١٠٠٪
انتظر ونص ﻻن كل شي منك اثثق فيه
مره ذكرتي جل الحلاقه وتحمست بس للاسف دورته ب اكثر من صيدليه وسوبر ماركت ومالقيته
شكرا لك طووولتها معك اليوم
ب انتظار تدوينة البرايمرز واكتبي عليها اهداء لي لوووووووول
أهداء لك وَ بجنبها عَضه ..
الآن حتى جل حلاقة نيفيا ما لقيتيه 🙁
قَهر وَ الله
يعطيك العافيه يارب ماتقصرين دوم
توسة ياحبي لك ياجميلة بجد انتي شي جميل في السوشيال ميديا الله يرزقك كل خير ع مجهودك الرائع وعطائك المستمر وحسابكك من اكثر الحسابات فائدة والجميل انو لم ادخل حسابك احس بصدقك وشفافيتك ومثل ماقالت ناي انتي تستاهلي تكوني قدوة واتمنى يوماً ما اكون بمثل شخصيتك وجمالك ?
توسة حابة اسألك عن الريتن أ عادي استخدمة بدون استشارة طبيب انا قد استخدمته قبل بوصفه وحابة ارجع استخدمه ..
وشكراً كثير لعطائك وكرمك دمتي بخير جميلتنا♡
صباح الجمال…
كيفك ارتوستنا الجميلة…
كالعادة مبدعة في طرحك ووصفك للمنتجات
لما أقرأ ريفيو عن أي منتج تطرحينه ما اطلع من
المدونة إلا وأنا عارفة إذا بآخذه وإلا لا ما تخليني أحتار وأفكر..
وحبيت أطلب منك تعلمينا في تدوينة الطريقة الصحيحة لتنظيف
البشرة من المكياج ،وكمان طريقة التنظيف العميق للبشرة..
عارفة إنه موضوع صعب وطويل لكن كرمك خلاني أطمع بالمزيد منك…
لأن مثل ما تعرفين أكثر مشاكل البشرة من عدم معرفة الطريقة الصحيحة لتنظيفها ..عشان كذا نبغى نحل المشكلة من الأساس….
وجزاك الله عنا كل خير…
ياحلى صباح ..توسه ربي يزيدك علم ونور انا تحربتي مع المسام الحمد لله نفعت معاي اسفنجه كونجاك لاحظتها تصغر المسام ومع الاستمرار يالله يبان وبشرتي مختلطه وحساسه .حبيت افيد اللي يعانون من المسام.اما المنتج سعره احسه مبالغ بوظيفته اذا يبغى لي كريم ترطيب وهو يغطي كلمسه اخيره مايمديني عليه فيس معتفس
صباح الورد ، قبل كذا جربت منتج مشابه لذا من بيوديرما قابض للمسام وكان رائع من ناحية اخفاء المسام بلحظات امام عينك بس كنت اخاف استعمله بروتين العنايه اليوميه وماادري من ايش خوفي يمكن لاني اجهل عواقب ذا الشيء فخفت صرت استعمله بعد التنظيف العميق لبشرتي اللي غالبا يكون من مرّه لمرتين إسبوعياً ،،،
دايماً اكتب تعليق لك ياارتوس القلب ويطير التعليق ?
ارتوس تشوقيني لما تقولين
بشرتي معتناه
ارتوس ممكن تقولين لي طريقة استخدام البخار للوجه
لازالة الرؤوس السوداء
ربي يسعد قلبك زي مابتسعدينا بكلامك ونصايحك
دمتي لنا بالفرح ❤️..
الامانه المنتج حبيته كبرايمر وروتين بالعنايه ?.
انا صح كنت من المهوسسين بصغر بالمسام من كنت مراهقه كنت ادور اي شي لها عشان اخفيها بس الحمدلله احين لا تفتح عقلي واقتنعت انو المسام مش يروح انما يصغر
..
لوريال مادري وشو اقول وشو اخلي بصراحة ذي الشركة مضروبه عندنا لا جابت منتج م تكون المجموعة كامله من نفس المنتج شي يحبط صراحه
صبٱح الارتوسي
بالنسبه للمنتج حليت احساس حرير وخملي من كلامهم
والمسام انا موجوده فيني بس لاتاكد تنشاف لان انظفها وشفت نتائج الديفرين علي ولله الحمد
فيه منتج ابي ارسله عليك وش رايك فيه،؟
دمتي لنا ججميله وصاحبة القلب النظيف
وعود المنتج جذابة وتحمس المستهلك للشراء لكن مااتوقع فيه منتج يعطي نتايج مطابقة حرفياً لوعود المنتج لوول مع مراعاة فروق البشرة والعناية المعتمدة الله يقدرني والقى هالمنتج في القريب العاجل =)
وكالعادة لما اقرأ وعود المنتج والمكونات الفعالة أقول بس شاريته شاريته واذا قريت رأيك اشيله من بالي نهائياً هههههه الله يعطيك ألف عافيه يارب ولا يحرمنا منك (:
حبيت نتيجتة كبرايمر لكن حاليا مكتفية قاعدة اشتري واكدس ?
ومع كذا تحمست له وبجربة ف اقرب فرصة من باب التغيير والتجربة
كالعادة كافي ووافي تسلم اناملك ??
يعطيك العافيه على التدوينه انا سمعت انوه اذا استخدامت البرايمر فبل المكياج اليومي يوسع المسام والله اعلم ??وسمعن انوه ماسك بيض البيض يروح المسام
الله ،، ي جمال ردودك ،، روح معطاءة حقيقةً
دمتي أميرة بقلوب الغواني ?
كل يوم تنورينا وتزيدينا ثقفتنا بكل شي جميل
ربي يعطيك من خير الدنيا والاخره ويسعدك ????
يسعد مساءك ويسعد قلبك يااااشيخة من كثر ما أحبك
الموضوع ينطق جمال .. تدرين؟ أكثر شي أحبه في مواضيعك و بوستاتك هي المقدمة اللي تحطينها .. نبذه من كل شي المنتج ، الشركة ، المكونات… إلخ … والصور عالم ثاني.. بمجرد ظهور اسمك في متصفحي يملئني إيجابية و أبتسم تلقائيا.. ما ننحرم منك يا رب..
بالنسب للمنتج حبيت واقعيتك في البداية .. دائما الشركات من باب التسويق تعطي عبارات مزخرفة و وعود مالها آخر .. لكن ضروري الواقعية والمنطقية في استخدامنا و تقييمنا للمنتج، البعض بمجرد ما يقرأ المكتوب يتصور أنه المنتج الأسطوري ولا أكسير النضارة وأنه بيحل كل مشاكل الشباب…
أعجبني كفكرةبرايمر لكن ما راح أتطلع لاقتناءه يمكن لانعكاساته على المدى الطويل ولو جربته بيكون في نطاق محدود جدا… خصوصا أني شايفه نتائج الديرما رولر بعيني فيما يتعلق بالمسامات ..
فتك بعافية يا عسل …
مجموع الزيارات: 24,058,964 so proud of you artooos
ما تعرفين شكثر استانست يوم شفت الرقم تستاهلين اكثر
اما عن المنتج اول ما قريت انه يخفف من المسام كنت بسالج بعد فترة ما بيكون له اثر
لان المنتجات اللي تصغر المسام لها اثار سلبية واصلا مافي شي يصغرهم ونفس ما تقولين
ما احس انه علاجي بل هو تجميلي ينفع مع الميك اب …حبيت انج عارصة بديل للمنتج ..لوف يو توسة
مساء الخير اروتوس الحلوه
ماتصدقي قد ايش يهمني اقرا مواضيعك اول باول ويهمني كل حرف فيها
لانك مشاءالله تتكلمي عن خلفيه كبيره للي تعرضينه و قبل كذا عن تجربتك الشخصيه
حبيبتي انتي ذكرتي العلاج بالضوء
اتي تقصدين الجهاز الي تكلمتي عنه من قبل (Bioptron Light Therapy)؟
لان بعد مامدحتيه طلبته من امازون على طول
لكن وعدتينا تكتبي ريفيو عنه ولا شفت لك ريفيو عنه مع اني بحثت بمدونتك عن هالموضوع لكن مافيه الا موضوعك الاول اللي توصفين الجهاز
ممكن تكتبين لنا ريفيو مفصل عن تجربتك له
شاكره لك
دمتي بخير
يسعدلي مسسساك ياعسسل مقهوره اني مارديت بدري بس النت عندي بدا يخرف له يومين مدري وش سالفته،?
حبيت وصفك للمنتج جميله دايما صراحه لانكوم شركه تعجبني بالميكاج قد جربت مسكرا تكثيف وتطويل الرموش مرره يجننن وخلصت ورجعت اشتري الصغيره حقت التكثيف
تعطي شكل واااو للعين وجربت بلاشراتهم وارواجهم واساس بعدد واهم شي العطور ❤❤❤
بس المنتجات اتجميله منهم ابدن ماجربت مادري اخاف اشتري من ماركه طبيه افضل لي حتي سبق وذكرتي هالشي بمدونتك بشمواه انو افضل لك تشترين منتجات عنايه
من شركات طبيه افضل من التجاريه .. طبعا كلامك عندي مثل حد السسيف انفذه بدون ترددد لان ثقتي فيك مالها حد ..
مع العلم اني حمدلله ماعاني من مسام ولارووووس بحكم ان بشرتي جافه
شكرااا من الاعماق❤❤❤❤
يعطيك العافية أرتوس ♥
تحمست ف بداية كلامك أشتريه بس بعدين لمن قلتي يمكن يأثر ع المدى البعيد هجدت ف مكاني
طيب أننا لساتي يعني عمري 16 المهم بشرتي مختلطة ل دهنية وفيها مسام بصغير ف خدي بس نظيف ، و يعني متخوفة يصير له شييء بحكم أني ف عمر تتقلب الهرمونات فيه وغير كذا أنو تطلع حبه حبتين ف مكانها أحيانا يجيني رعب وقتها ، وأحاول قد م أقدر أني أههتم ف تنظيف بشرتي ب غسول كل ليل وقبل أحط كريم ولمن أصحى وسويت قوالب الليمون والحليب أمررها ع وجهي وب اﻷخص مكان مسامي يقولون يقبضها ..( مختصر الخثردة هذي كلها أبغا شيء يحافظ عليها ويقلل منها )
وبس♥♥♥♥
مرحبا ارتوس …
انا مش مهووسه بالبرايمرات لاني اخاف توسع المسام على فترات بعيده بس حبيت هالمنتج لانه علاجي
ف لو اقتنيته بستخدمه كبرايمر ?
وبخصوص اننا نقترح عليك منتجات
في مجموعه عنايه (مقشر وجه ومقشر جسم و كريم الوجه ) اول ماشريتها قلت ياليتها عند توسه تكتب لنا تقرير عنها.. اسم البراند forever flawless الي يميزهم ان الالماس مكون اساسي بمنتجاتهم طبعا مهي بالسعوديه واتوقع مقرها لوس آنجلوس وانا ماخذتها من برشلونه ..وبس والله ?
مرحبا ارتوس …
انا مش مهووسه بالبرايمرات لاني اخاف توسع المسام على فترات بعيده بس حبيت هالمنتج لانه علاجي
ف لو اقتنيته بستخدمه كبرايمر ?
وبخصوص اننا نقترح عليك منتجات
في مجموعه عنايه (مقشر وجه ومقشر جسم و كريم الوجه ) اول ماشريتها قلت ياليتها عند توسه تكتب لنا تقرير عنها.. اسم البراند forever flawless الي يميزهم ان الالماس مكون اساسي بمنتجاتهم طبعا مهي بالسعوديه واتوقع مقرها لوس آنجلوس وانا ماخذتها من برشلونه ..وبس والله ?
انا مره مهملة بنفسي ودايماً كلامك يخوفني. لأن بشرتي رغم كل الاهمال وكل المشاكل اللي اعرضها لها الا انها صامدة. كثير ناس مايصدقون اني مهملة وحتى لما اهتم اقرح واحس فرق مره واروح اقول لبنت خالتي مثلاً تقول طيب هي نفسها بشرتك. يعني احس بتفاصيل كثيرة مثلاً لو سهرت واهملت احس خشمي يصير احمر مو احمر الدلوع لا احمر محتقن كذا فهمتيني ! وكمان لما ألمسه احسه خشن مع انه مايبان شكلاً. كمان احس بشرتي لونها ميت مع انها مو مبين انها جافة مافيها قشور ولا شي. افتكر مره وحدة سويت طريقة ٤٢٤ شفتها في مدونتك وكنت ماشفت اهلي وماقلت لاحد ورحت لاهلي بعد اسبوعين وماكنت منتظمة يعني يومين ويوم انسى وكذا. لكن امي قالت (حلو الاساس اللي استخدمتيه بس لو انك حطيتي مكياج كامل مو بس اساس) فررحت مره وقلت لها اني ماني حاطة مكياج ولا شي بشرتي هي نفسها. لكن رغم كل شي المفروض انه يشجعني اني اهتم الا اني مدري ليش كذا مهملة.
صباح الحب♥
أكثر شيء يعجبني وصفك للمنتجات بالتدوينات..نقد بناء ..عجزت أجد مدونة تستخدم أسلوبك..ماشاء اللّه
المنتج جميل كمنتج ميك أب كمالي..أتمنى ألقى هالمنتجات تنباع عندنا ..محلاتنا التجميلة فقيرة لأبعد ما تتخيلين
و لو وفرت منتجات الدرق ستور تعتبر عملت إنجاز عظيم
يعطيك العافية أرتوس ♥
فعلاً صادقه المسامات مع الوقت راح تبين اكثر من قبل
بذات انها مالها حل أخير طبّي
وإذا كان فيه بيكون سعره غالي جداً
وش الله حادني أجل أحط هالمنتاج
طالما بشرتي صافيه ونظيفه والمسام نفسه نظيف الحمدلله
تسلم يدك على هالتدوينة
كوني أنتِ.