مَساء / صباح الأخوة ..
شَلونكم مَن بعد دَموع أمَس ؟!
فَديت هالدَموع ، لو أدري إني بَحزنكم ما كان كَتبت شيء أبداً ، لكن كُنت أبي أشارك أصحاب الأحزان حُزنهم
وَ بنفس الوَقت أبي كَل شخص يَمتلك ثروة الوالدين يَحافظ عليها ..
شُكراً شُكراً لعزائكم ، شُكراً لكل وَحدة سردت أحاسيسها ، شُكراً لتفاعلكم ، شُكراً لأرواحكم النَقية
نَفسي أرد على كل وَحدة بس تأكدوا قريت كل رَد بعناية ، وَ إللي كَتبوا لي وَ قالوا لا تَطلعين رَدي أحترمت رَغبتهم وَ مقدرة لهم عناء الكَتابة
أعتذر لإحزانكم ..
لكن الأن مع التَطور وَ إنشغال الناس بالتَكنولوجيا مُمكن كثير مَنا يجلس مَع أهله بصيغة الغائب الحاضر
٢٤ ساعة يدينه بالمُوبايل سوا سناب شات ، أنستجرام ، وآتس آب … إلخ
[ تضيع كثير من اللحظات السَعيدة وَ الحميمية ] ..
وَ بالنهاية يَكونون أهلكم مَثل الأطرش بالزَفة ، وَ نفس الشيء يَندرج مع الزَوج وَ الأسرة بشكل عام
حلو الواحد يَخصص جَزء من وقته للي حَوله ، لأن لو فَقدهم ما بيقدر يَعوض هالساعات وَ لا فيه أي شَخص بهالعالم يَعوضكم عنهم
وَ الحياة الإفتراضية مُش حياة وَ لا تُعبر عنا وَ لا تعبر عن واقعنا الحقيقي ، مُجرد جُزء من مُتعة إن صح التعبير ..
نروح لمَوضوعنا اليَوم بَتكلم عن مُنتجين من :
Tarte
لو تلاحظون نادراً ما أكتب ريفيوز عن الأرواج ، صراحة أعتبر نفشي فاشلة نسبياً في تقيم الأرواج ..
مو لشيء بس أنا من الأشخاص إللي ما أعتمد إعتماد كلي على تغطية الروج نفسه ، يعني المرات إللي إستخدمت فيه فقط الليب ستيك لحالة يمكن تنعد على الأصابع ، وَ لأني من الأشخاص إللي ما أحب أعيد الروج كل شوي أحب لما أمده أمده صح ، لذلك دائماً ما أغطي شفايفي كلها بقلم التحديد كبيس وَ بعده أمد الروج ، وَ أحياناً أعتمد على المُحدد فقط ، إستخدامي للمحدد يصعب علي تقييمي لمدى ثبات الروج وَ مدى ترطيبه
بس عشان أحكم على مُنتجنا اليوم ، إستخدمتهم لوحدهم فَقط بدون أي إضافة من إضافاتي ..
مَن أحد طلباتكم دايم تطلبون أنزل لَكم مَوضوع عن : Whats in my bag ؟
ماذا بحقيبتي ؟ ترى ما أخذ مَاكياج بحقيبتي إلا ما نَدر
مُمكن يَعني باودر حَسب طلعتي إذا بَتطول وَ مُمكن قلوس ، وَ مُمكن مرات أخذ نفس عَفش التَسريحة إذا ما أمداني أخلص مَيك أب
مُتغير مُش ثابت المَوضوع بالنسبة لي لَكن بحاول أطبقها لَعيونكم ..
المُنتج الأول ~
Tarte Amazonian Butter Lipstick
اللون هو : Poppy
سعره : ١٦ دولار
تقييم المنتج عالي بموقع تارت
من البست سيلر
الألوان مُستوحاة من الطبيعة الأمازونية وَ هو مُعالج للشفاة ملون بألوان طبيعية يعطي لمعة كريمية للشفاة وَ يعطي تغطية طبيعية بزيت النعناع وَ بتغليف صديق للبيئة
مكوناتها ~
• زبدة cupuacu ،تحتوي على الأحماض الدهنية الأساسية إللي تساعد على ترطيب الشفاة
• زبدة murumuru غنية أيضاً بالأحماض الدهنية الأساسية وَ بفيتامين ألف ، يهدئ الشفاة وَ يساعدها على إستعادة المرونة عاد أنواع زُبد أول مرة أسمع فيها
• زبدة الشيا مرطب وَ يحافظ على مرونة الجلد
• بذور العنب
• أصباغ معدنية مهدئة للبشرة وَ ملينة
خالي من :
– المواد الحافظة
– الفثالات
فَيديو ،’
https://www.youtube.com/watch?v=x3WylrgQUCw
الألوان بمَقطع الفيديو فاتحة كثير عن الحَقيقة
شكل العبوة جذاب وَ كرتوني وَ كيوت
سَواتش ،,
تَقييمي ~
إحترت فِي تقييم المنتج ، هل أقيمه كروج أو كَمنتج مُرطب ، إذا قيمته كروج راح يصنف ضِمن الأرواج الكريمية المُرطبة
كروج ما أشوفه الأفضل ، سهل المد ، قوامه ناعم جداً وَ كريمي وَ باين في الصوره قد أيش هو رطب ..
كلون ما راح أقول إنه شفاف بالعكس يغطي بس مدري شلون أشرحه لونه سطحي مو عميق وَ هالشيء راجع لأنه كريمي جداً
( يمكن ما يكون تغطيته قويه للي بشرتهم سمراء ) ، ثباته غير ثابت يادوب يقعد ساعتين وَ يبدأ بالتلاشي
ريحته منتي يعني منعنعه بالنسبة لي أشوفها فكسيه ( البعض يحب هالنكهة وَ البعض يشوفها مزعجه )
إحساسه فكسي يحرق شوي
بالنسبه لترطيبه ترطيب جيد جداً ، بس ما يختلف كثير عن الأرواج الكريميه ،إللي يميزه إن المُنتج أغلب مُكوناته طبيعية وَ خالي من المواد الضارة ، وَ النعناع يعطي شعور حلو وَ مهدئ بس ممكن عند البعض يعطي مفعول عكسي ويسبب لهم جفاف
أشوف إن الروج أعطى شفايفي إمتلاء خفيف هل هو بفعل الترطيب أو بفعل شعور الفكس ، ما أعرف !!
وَ على فكره بعد ربع ساعه تحسين الشقوق الطبيعيه إللي بالشفايف تنعم وَ تخف .
أشوفه يناسب اللي يحبون الماكياج الطبيعي خاصة إللي يحبون يستخدمون الماكياج بطريقة الرتوش وَ اللمسات الخفيفة
بس إللي يحب الماكياج القوي ماراح يناسبه أبداً
تقييمي له : 7 وَ نصف من عشرة في حال صُنف كروج
هل برجع أقتنيه من جديد ؟!
لأ ، لأن مو ستايلي الطبيعي وَ لا إهتمامي المُنتجات الطبيعيه حالياً
المُنتج الثاني ~
Tarte Power Pigment Lipsurgence
أسم اللون : exposed
سعره : 24 دولار
سواتش للألوان ،’
المُنتج فيه منه للخدود يحمل نفس النقشات وَ الألوان
أيضاً المنتج مشابه وصفه للي قبل ، لكن إللي يَميز هالمنتج إن رأسه دقيقه يساعد على دقة في المد أكثر ، أيضاً البيجمنت إللي فيه أقوى يعني تغطيته وَ ثباته أقوى
مكوناته الرئيسة ~
• فيتامين E: مطري ومضاد للإلتهاب وَ مضاد للأكسدة أيضاً يعتبر من مواد الحفظ الطبيعية
• زبدة الشيا: مرطب
• شمع الكرنوبا : مطري ويعطي سلاسة للمنتج
• أصباغ معدنية مهدئة للبشرة وملينة
أيضاً المنتج ترطيبه جيد ، منعنع ، سهل المد وَ دقيق ، كريمي ، شمعي ( يعني يعطي قوام وَ ملمس شمعي ) ، ثباته جيد جداً ، اللون اللي معي نيود ، حبيت اللون جداً جداً لأنه نيود على بنك ناسب بشرتي للغايه ، أعطاني مَظهر كأن أحد دَق شفتي ، إمتلاء حلو بفعل درجة اللون نَفسها
تقييمي له : 8 وَ ثلاث أرباع من عشرة
هل يستحق الإقتناء ؟!
نعم يستحق إذا راح تعتمدين لوك يَومي مُش صارخ يعني هالروج ما ينفع للمُناسبات
ينفع لكل يوم ، مَع الأخذ بعين الإعتبار إنه مُنتج خالي من المَواد الضارة ..
للمَعلومية كثير من أسباب سواد الشفايف هي الأرواج ، كثير بنات بطفولتهم يعني خلقتهم ربانية ما كانوا يَعانون من سواد الشفايف
وَ فجأة بعد البلوغ وَ العُمر كل شيء تَغير ، طبعاً غير لعق الشفاه وَ قضمها ههههههه تَخوف كلمة قضم بس كل هالشيء له دَوره
مَن وين شريتها ؟
الرَوجين تقدمة من مَتجر newfashion_12
وَ هذا رابط المَتجر بالأنستا ( أضَغطي هُنا )هَي أهدتهم لَي كَمفاجأة مَع باليت تارتليت ، يَعني الألوان من إختيارها
وَ مع ذلك ما شاء الله عرفت تأمن أفضل الألوان من قَلب حبيت أخر لَون كأنه خُصص لي ..
فَشكراً لك مُجدداً .
أرَجع أقول إن هالرَوجين مُمكن تَحصلون لهم بَديل بالسَوق وَ بأسعار أرخص من ناحية اللون
لكن من ناحية المواد لحد الأن شركة تارت تَميزت بهالحَصرية ، ما أنكر إني مُغرمة بأساس تارت وَ باليتة تارتليت أكثر من الأرواج بكثير
وَ بمُقارنة كُمنتج خالي من المواد الضارة الأساس وَ الباليت يتنافس مَع بقية الماركات القَوية ..
دُمتم بَحب
طولتي ارتووسه علينا اليوم امزح معك بس جد ما ارتاح الا اذا ختمت يومي الا باحد بتدويناتك وافتتح يومي بقراءة الردود لاني استمد واستلهم الايجابية منك
فَعلاً طَولت شَوي ، لأن تَعبت أدور سوآتش مالقيت شيء .. لأن المُنتج جَديد
ياحَظي وَ الله وَ عفكرة تو قريت أسئلتك ، ضَحكتيني ترى مَجنونة ..
ياحبي لك والله توني استحيت على دمي اقول ياربي مايمدي ارتوس تقرا هالمجلد الي كتبته وش بتقول عني ههههههه اخر الليل عاد صراحة انا خذيت مقلب بتفسي خخخخ خصوصا لما قلني انك تاخذين بعض اقتراحاتي بعين الاعتبار ومن يومها وانا احسها مسوؤلية عشان تعرفين توجهات وراي متابعاتك.
بخصوص الارواج انا فعلا من الناس الي للحين ماعرفت اختار الالوان المناسبة للبشرتي والي تظهرها بشكل افضل احط الروج وعلى طول اشيله مايعجبني بس هالفترة ذوقي تغير كليا وهالشيء اعتبره مؤشر حلو يدل ع التطور بالنسبة للارواج حبيتها كثييررر بس في عيب انا ما استحمله وهو ريحة النعناع ماتعجبني لا باقي مواصفات الروج زين سعره نوعا ما مقبول على جودته وانه طبيعي
لا قَريت أسئلتكم مُستحيل أرد بنفس المَوضوع لأن ماشاء الله عليكم ..
لذلك راح أطرحها بأسئلة شَهر أبريل بإذن الله ، أي سؤال تَطرحونه بَجمعه ..
مُش مَقلب إنتِ مُتابعة جَيدة وَ بعدين لك مَكانتك عندي قلبياً ، وَ أكيد يهمني رأيك ..
أختي مَثلك ما تَحب ريحة النعناع فَهمت عليك ..
أنا عادي الأرواج ما تَهمني هالكثر ، هههههههه يعني مَرتاحة مع شكل شفايفي الحَقيقي فما أشيل هالبال لها ..
إلا طبعاً لو بسوي لوك أكيد ضروري يكون شيء مُتميز ، بس يومياً عادي
صباحك فرح
كلامك البارح عن امك بيصحي كثير اشياء فينا
الله يرحمها ويخلي لك كل غالي
كانك عرقوبك نام اليوم
المهم الاروج الالوان جميله وخصوصا الاخير
وويطمن للاستخدام اليوم دام انه خالي من المواد الضاره حمستيني لتارت كثير
مااحب اخذ مكياجي بالشنطه مدري اخاف عليه هههه جد
اضبط عمري واطلع لو تاخرت مايهم اهم شي مااشيل ولا شي
صَباح الحُب ..
آمين يارب ..ههههههههههههههههه بحاول عَرقوبي يتَعدل الحمدلله بدأت إجازتي ..
يعني بقدر أنظم وَقتي أكثر بإذن الله بالتَدوينات القادمة ..
ههههه أجل تخافين على مَكياجك ، أنا صراحة ما أكرره لذلك ما آخذه ..
وَ الله تعجبيني ، أحس فينا صَفات مُشتركة
روعه هالالوان حبيتهم كلهم وكمان شكلهم يفتح النفس كيوتين يعطيك العافيه عيني
حَبيبتي إنتِ ..
لا خلا وَ لاعدم ، دوم تنوريني
اهلا ارتوووس
بصراحه ابدا ابدا ماتحمستلها
لاني اكره الشعور القلوسي ع شفايفي
دايم احب الارواج المات والمحددات
يعطيك العافيه يااا جمميلتنا
أجل خلاص أبشري بَجيب لك شيء مات على ذَوقك ..
يعافي قلبك نَورتيني
وبالنسبه للمكياج معي نادرآ اطلع لذلك بافكر اشيل شنطه ميك اب لو جبت ميك اب كامل وبخصوص قله استخدامي للميك اب او عدم استخدامي الا ماندر فيه مفاجاه قريبه ان شاء الله لك
هههههه شَكلك بتشترين لك مَيك آب ..
ترى حَمستيني ، بس قريبة يعني بعد كَم !!
ترآي بهالسَوالف طفلة
صباح الفرح امس يمكن حزنت بس فرحت اكثر ان في احد نفسي
ونفس احساسي وافكاري وواقعيتي مع الموت
حبيت الارواج بالذات لمعشر المتزوجات
دمتي لنا حلوتنا ^_^
أسعد بتشابهنا وَ يشرفني ..
ههههههههههههه صَح مُناسب لمَعشر المُتزوجات بس أول بَوسه بيروح
يعني يبيلكم شيء ثابت لوووووووووول ، أو وَحدة متزوجة وَ عندها عيال كثير كثير مو فاضيين للبوس ..
نَورتيني
صباح المودة …
مقدمتك في محلها وبالفعل لازم نعطي هالنعم اللي حوالينا حقها من الشكر وأقلها اهتمام وعنايه ونحبهم بمعنى نبين لهم حبنا مانكتمه … اما سالفة الحياة الافتراضيه عمري مااخذتها بعين الاعتبار الا لمن عرفتك انتي شيء في حياتي حقيقي ملموس بالنسبه لي انتي اخت تحب لي الخير وتجيب السعاده وبعمري بعد ويش ابي اكثر <<<< هذا للي يبون يعرفون عمرك هههههههه
بالنسبه للارواج والله من البدايه اتحمست للي مثل القلم وبعد البلشر كثير اتحمست خصوصا اني من محبات البلشر ذكرني بواحد اخذته من سماش بوكس …
ويعطيك العافيه ياقمرنا
صَباح الحُب ..
فعلاً قلتيها فيه ناس إرتباطنا بَهم تجاوز الكثير من الحَواجز ..
ههههههههههههه وَ ترى أنا حبيتك ليش اليوم مَغيرة إسمك ؟! ..
الأن كثير بيتعرفون عليك ..عشان يعرفون الجَواب ، عُموماً هو مو سر وَ أنا دائماً كنت أصرح به وَ كثير يعرفونه ..
البلاشر أتوقع إنه حَلو خاصة لكل يَوم أو للمظهر الطبيعي ، حالياً انا أدور على بيبي كريم بَمواصفات مثالية لبنات الجامعة وَ إللي يداومون
وَ أتمنى أجد هالمُنتج ، I hope so
تعالي تعالي شفتك تردين على وحده من البنات وتقولين يبيلينا ارواج ثابته وانا ازيد ماتطبع ياختي والله تنقذينا لو دليتينا على شيء ينفع لهالمواقف جد جد محرجه … مره عيد عالعالم ومابقى احد ماعلق عليه طبعت على غترته والله العظيم سلام شيبان بس الروج وعمايله … اذا تقدرين ماتطلعين ردي ذا لاتطلعينه لايفضحوني البنات …
ردي طلع
يب طَلع تلقائي ..
ههههههههههههههههههههه أبشري بَعزك ..
إذا للمُناسبات بَطلع لك إياه مَن تحت الأرض ..
هههههههههه وَ وش فيها ، هو طلع تلقائي لأنك تردين كثير بالمَوقع فحاطك بخانة الأمان .. ما أنتظر مَوافقتي ..
زَوجك يا عالم ، ما تَكاثرنا من بوسة الراس
نَورتيني
هههههههههههه الله يبشرك بالجنه..
اعرف لي ناس تكاثرو من بوسة الراس هههه ..
وبعدين انا ماطبع على جبينه لا مو لهالدرجه عاااده هههههههههههههههههههه
كلك إحساس وَ عذوبة ..
عُموماً الصورة لايقة عليك ..
الله يوفقك يارب
حبيبتي مَنار .. أسعد بتواجدك الدائم ..
جعلني فدوووووه ل هاطفله لا ما حزرتي موب مكياج <<فيس مطلع لسانه هههههههههههههه وباذن واحد احد اسبوع او اقل قولي يارب
يآرب ..
بفكر إنها قَصة شعر ، بس خلاص ما أبي أحرق المُفاجأة بَنتظرك ..
صباحك ريحة الامطار
انتظرك وانا ادعيلك تحت المطر
عيوني من يومين منفخات كثير ويدمعوا وماقدر اركز بالشاشه والانوار تزعجني ووحده فيهم صاير شكلها غريب صاير حرب بيني وبينهم الا اشوف مدونتك قبل بعدين انام
ريت ماتبلى دياتك
ومتحمسه كثير لتجربة شي من هالماركه
يا حَظي بك ، وَ الله لك مَكانة شكبرها بقلبي وَ كل يوم تَكبر ..
وَ سلامة عيونك ، عسى ما شَر يالغالية ؟! ..
بالعكس امس كلامك صحى البنات بشغلات مو منتبهين لهـا .. انا فرحت بالموضوع تشاركنا نفس الاحساس والمواجهه , تقبلت فكرة الموت مع ان عمري صغير وبظروف كانت صعبه حيل بس الحمدالله تجاوزنا كل شي ورجعت حياتنا طبيعيه ..
بالنسبه للاروآج اعجبني شكلها ههههههههه .. بس حبيت القلم اذا بشتري فآكيد منها خصوصا خالي من المواد الضاره لكل يوم ..
والله يسعد هالقلب ويفرحه يارب ، احبك ❤️
الحَمدلله على كل حال ، وَ أحييك على شَجاعتك وَ عفكرة فيك شغلات تعجبني
وَ تذكرني بأيام مَرت علي ، وَ الله يعوضك ..
وَ أنا بَعد أحبك ، نَورتيني يا سُكرة
يسعد لي صباحك
أنا من أمس تو اعرف أرد لأَنِّي اعتبر نفسي صنم أو بالاصح ماعرف اعبر عن اللي بقلبي
بس غصب عني أمس طلعتي ابو مشاعري
وبصراحة أنا أتابعك مو لااهتمامي بالمكياج والموضه وغيرها
بس أتابعك لاني أحب اشوف كل كلمه تكتبينه وكمان استأنست لان فيه أشياء كثير من حياتك واهتماماتك صرت اعرفها
بس
وَ صباحك يلي نَورتني بأحلى رَد ..
حاشاك مافي أي وَحدة فيكم صَنم ، كل إنسان يَعبر بطريقته .. وَ متى ما حب يشارك أكيد راح يزيد مُتصفحي نَور ..
وَ صراحة يسعدني إهَتمامك ، أعتبر هالشيء نَوع من الإطراء
لأن الإنسان ليش يتبع شَخص !! حتى يستفيد من شغلة مُعينة ..
وَ لكن أحس تواجدك عندي له مَعنى خاص .. نورتيني وَ الله لا يغير علينا
حبيت اصبح عليك ياجميل مقدمه المدونه جمييله وصح عليك التكنلوجيا اخذت من وقتنا كثيييييير وخاصه من صارت بالجوال متوفره صرنا مانزل هالجهاز ابد من انستقرام لتويتر ومن تويتر لسناب ومن سناب لمدونه نقراء وهلما جرا … طولت بالقرقره فيس مستحي ،،وارجع اقولك صباح الخيرات ياجميل
ﻻ الليالي الملاح لها ارواجها هههههههه
بس انا مخلوقه مااحب اشوف شفايفي ماهي فريش وملونه حتى لو مو حاطه ميك اب
مااشكي من عيوب بس الشفه الفريش احسها تغيرالوجه وتعطيه حيويه
تلقيني اصحى واغسل وركض ارطب شفتي وارتبها هههههههه
ف بينفعني الصباح وقت الفطور *_^
مساعده للي تطبع على زوجها فيه نوعية ارواج مستحيل تطبع
تكون العلبه نفس القلوس وبعد ماتحطها تصير مات في ماركات كثير
برجوا منزلين منه مجموعه الوانها حلوووه
وفي ﻻيم كرايم ان شاء الله صح الاسم عند مندوبات الاناستا مرره حلوين
ياارب ردي يفيد احد ^_^
وترا الزوج ارحم انا دايم تصير لي مع ابو زوجي اذا سلمت عليه قمة الاحراج
ههههههههههه
يعطيك العافيه ..
اكيد افدتينا ولوو انا عندي ارواج كثير ثابته بس اتجفف الشفايف ونفس طريقة القلوس على قولتك حتى انه عندي واحد من جيفنشي وقطع شفايفي يقطع ابليسه …انا اتوفع ان لها تكنيك مثلا ممكن ارطب شفايفي وبعدها احط هالارواج ممكن بذي الطريقه تفيد معي ويهمني بعد انها تنمسح معي بسهولة…. وانا نادرا مااستخدم المرطبات لاني احس شفايفي ماتحتاج فشكلي بشتري مرطبات خاصه لهالاارواج …
وشكرا حبيبتي …
تسلم الأيادي تووسة
انا عندي مشكلة مع الأرواج
بحب كل شيء يتعلق بالميك أب الا الروج
احس يجفف شفايفي مع أني حريصه على تقشيرها وبستخدم ارواج كريمية
اخر شي اشتريته ايف سان لوغان
كريمي ومع ذلك ما ارتحت ماعرف ايش المشكلة 🙁
تسلمين لي ..
أفضل إقتراح لك تجمعين كل الارواج إللي جربتيها وَ تشوفين المُحتويات
إلا ما يكون فيه مادة من هالأرواج تحسس شفايفك وَ تسبب لك جفاف .. ممكن المادة غير مُضرة بس إنتِ من بين كل الناس ما ناسبتك ..
حاولي تقوين مُلاحظتك ، وَ عفكرة كثير مَثلك ..
صراحة تارت كترطيب قوي قوي ، حتى لمعته واضحة بالصورة .. لكن ما أقدر أأكد لك إنك ماراح تعانين من جفاف
أنا بشكل عام ماعندي هالمُشكلة .. مالك إلا تَجربين ..
حبيبتي ان شاء الله بجربها
يمكن تنقصني الجرأه
بحب المرطبات والقلوسات وبخلط لون روج معين معهم لكن ستيك بحاله ماعندي جرأة ههه
تذكرت شغلة هل تجوعين لفترات طويلة ؟!
وَ هل مقصرة بشرب الماء ؟!
إذا إيه فبيكونون السبب ..
ايوة للأسف لما رحت سويت تنظيف بشرة قالت لي اول شيء إنتي مابتشربي موية كفاية
لاحظت ان بشرتي عطشااانه ههه
بحاول وحطيت منبهات و وضعي صعب بس راح انتصر وأصير اشرب بدون منبهات وأجراس ههه
توسة….. انا بحبك
ماضبط معي موضوع المدونه عشان الصوره <<طالعه قروني
اذا ايميلك جيمايل ماراح يطلع انا بعد زيك وحطيت الهوتميل ظبط على طول
ياهلاَ ومسهلاَ..
تآرت صَاير له مُغرمين كثير حولي والله ، ماادري ليه لسه ماوقعت بهالغرآم مع انهم يفتحون النفس بشكل !
اليوم رَحت ULTA وارسلت لهم طاقة سَلبية تخبرهم انه ( اِتركوني لوحدي ابي اَجرب بمزآجي ) كَعادتي .. او ربما حُولي هالة( مَمنوع الإقتراب والتِفلسف علي) لأني لي عُيون واقرأ و يَد مُمكن استغلها واجرب .. هالمرة بَغيت اجرب ٨ الوآن بعين العدو لووووول
و فعلاً عجبتني ارواج الـ “Power Pigment” .. رهيبة لكن لإستخدام بالبيت لأني وَحدة مااحب الأرواج الكريمية بـ هالـ texture خارج البَيت ( مِصيبة هالكريمية التلزق ع الاَسنان، يبيلها اساس صحَ او خل نقول يبيلها يكون الوجه مُشرق وله رَونق مو بس الرُوج يكون glowing)! مع ان لكل براند”many different finishes and textures” والعُهده على الاِيد اللي تِخفف من قوة هالكريمية وتخلق “فينش” اَفضل بـ بآودر سوآء ببلاشر او بآودر مات .. لكن مِش دائماً احب اسوي هالطريقة،ايضاً لاحظت حلات الوانها ع اَسنان بَيضاء بحَئ وحَئيئي .. الوان هـ اللاين اَغلبها جريئة بلُطف يبيلها اسنان ذات لون لطيف ايضاً لووول
اخذت tipsy,blushing bride,true love
وفعلاً فيه من براندز الـ Drugstore لها نفس هالـtexture وتقريباً نفس الالوان لكن الاكيد فرق بالمكونات ..
وَ ريتو يِسلملي شَرح هالصَبية “المهيُوبه” ، فعلاً وصلتي الفكرة تماماً ..
يسلم يدينك توستنا الحلوه صرت لازم أرد تحت تدويناتك
اتوقع العالم الافتراضي قرب للواقع كثير خصوصا بعد سناب شات
احس خلاص اندمج بالواقع
مدري ليش انحذف نص الرد حقي المهم اني كنت بقول حبيت
الماركه لانها طبيعية وشكلها كيوت
رشاً انا الايميل وسجلت وكملت الخانات وجيت بادخل يقولي خطا الايميل وهو صح جيت اسجل من جديد يقولي هالايميل مسجل مسبقا
طيب تجيك رساله على ايميلك … اذا ماجاتك سجلي بايميل جديد الله يعينك لاني حاولت الغي الاشتراك الاول ينلغي ولمن اسجل من جديد يقول موجود مسبقا
يسعدلي صباحك
استنيت تدوينتك تأخرتي عن موعد ٣ نمت
تدرين ان تدويناتك تجيب السعآاده
حلوه الأرواج مره كيوت شكلها بس حبيت الباليت اكثثرر
وان شاء الله اجربه .
الألوان حلوة كتير .. بس ياريت لو في منها مات
مشكلتي الي أسبوعين شفافي مقشرة من فوق حد الشفاف مش عارفة لو فهمانة
كيف
عم برطب فيهم وبحاول أعمللهم تقشير ولا عم بزبط
لهيك شكل الأرواج عليهم بضحك
يعطيكي العافيه
صباآح السعاده .,
حبيت الارواج بس ما تناسبني أبدا عندي بنت بعمر السنه وياحبها لأي شي يديد بويهي الا تمسك وتخرب ف اذا جي ما بيتم دقايق ..،
انا عيوني مو على تارت الا على الشي المربع اللي ورآه ،.
هل هي تدوينك الجايه ❤️❤️
المربع ..!
قصدي العطر الجميل ، اذكر كان موضوع او تدوينه عن ها البراند بشكل عام للعطور صح وإلا انا غلطانه
ايه انا احس شفايفش سودت اطرافها مع الجامعه :/
ماكانت كذا 🙁
بس مستحيل اداوم بدون زوج ما احب اطلع باهته
ايش تشورين علي ابغى لونها يرجع مثل اول “(
رحت جربت حق ديور اللي حمسني انه فيه نسبه وقايه من الشمس بس طالما لون شفايفي مو متوحد ماراح يناسبني لانه خفيف مره !
وكالعاده ريفيو ينطق جمال ❤️❤️❤️
شفايفي *
روج* ايش زوج ههههههههههههههههههههه تخيلت الشكل ما اقدر اداوم بدونه ><
صبآح السعاده ~
آه ي الأرواج عندي ذوق خاص فيها م يعجبني اي شي او أي لون
بالنسبة لأول روج حبيته لان مكوناته طبيعية ويصلح كخيار يومي
آما الثاني ألوانه اجمل بكثير من الاول آحسه ينفع جامعه او دوام صباحي
ذكرني بروج نفسه نسيت ماركته كأنه قلم خطاط ثباته قوي بس ألوانه محدودة جداً
انا بالأرواج احب المات جدا واكره القلوس بحجم حبي للمات هههههههههههه
ما ادري لي انا الوحيدة اللي ما قدرت احب القلوسات نفس الناس واقتنيها
احسها تعطيني مظهر غبي ، بعكس المات يطلع شفايفي بشكل جدا جميل ويناسبني
بس مشكلتي بالمات ان مو كل الماركات توفر مات وبألوان متنوعة ،، ومع ذلك هو الوحيد اللي ابحث عنه ولا
احب الكريمي ولا القلوسات وكل مرة اجرب مات من ماركة مختلفة ..
عندي من سان لوران ارواج مات وميك اب فور ايفر ومرات استخدام محدد فقط عالشفايف كاملة تعطيني فينش مات حلو
وافكر اجرب شانيل مات وارماني ودولتشي اند قبانا نزلو مات هالسنة
يعني تقدرين تقولين مهووسة بالأرواج المات ..
تعجبني درجات ارواج ديور بس ديور ما عندهم مات وافكر اشتري منهم وصير اسوي الطريقة اللي تخلي الروج مات
بس للحين ما ضبطتها 🙁
برأيك وش الماركة اللي حبيتي ارواجها المات ؟؟
الله يعطيج العافيه
بصراحه اشكالهم تشوق احب التعليب ذي
الله يهنيج فيهم
يسعد صباحج❤️بكل خير وحب
انا مع الفلو حالتي صعبه
ع بالي انا الوحيده اطلع بدون ماشيل مكياج هههههه ومع هذا مستمره
مدري شالسبب بس ماحب اخذ معاي شي
الارواج الكريميه فيه من يفضلها اانا صار لي سنتين الان احب الارواج المات مو مودي الكريمي
واحب الاساس. المات حسيت لوكي مغبر ههههه بس لي فتره اي شي مات يعجبني يروووق لي
حتى بمشاويري السريعه صرت هامله ارواجي الكريميه واحط مسحة روج مات انا لاعلقت ع شي عجبني عادي اظل سنين
مايمنع ان تاررت مكوناتها وانها بدون مواد حلو احس تنفعلي احطها بالبيت
بعض الاحيان لكن الحب للمات هههه برضو
الا بالشادو عادي احب كل الانواع
دمتي بحب وسعاده❤️
حبيتها جميلة كلوك طبيعي لانه اغلب ستايلي
ولو تطلع نفس الوان الفيديو وااااااااو
يسعد قلبج يا أم ليون << خلاص هالاسم اخترته لج أحلى عن أرتوس
والله ظحكتيني عند التقييم
عيل ٨ وثلاث أرباع من العشرة هاه
تقييم عجييب هذا هههههه
أول مرة أشوفه
والله جد من قريته ضحكت تلقائي
حبيت تدوينتج اليوم
وربي يعوضج بالأيام الحلوة السعيدة الجميلة
كم أعشق الناس المتفائله اللي تنظر للحياه بكل ايجابيه .. بكل حب .. بكل أمل .. تشوفها بكل ألوانها ..
لو لم تكوني انسانه محبه للحياه ماكان قدرتي تقدمين لأمك الله يغفر لها ويرحمها ويجعلها من أهل الجنان .. شيء ينفعها في أخرتها ..
احيي فيك هالشيء .. موت الشخص بموت محبينه ..
بالنسبه لأرواج تارت جت في وقتها كنت راح اطلبها بس متردده بحكم ماشفت لحد الان أحد جربها ..
متابعتي لك تغذي الشغف فيني .. سبق قريت لك أنك تتغذين روحيا على هالأشياء ومحدثتك مثلك وزود هههههههه ..
دمتي سعيده .. ايجايبه .. محبه للحياه ..
ارتوس مرره احب اقرأ مدونتك غير عن كل المدونات الثانيه♡♡
يعطييك ألف عاافيه حبيت الروج كمستحضر يومي جداً ينفع لدوامات
وافكر اطلبه 🙁 بس ابي اعرف كم رح يكون سعره بالسعودي؟
وعندي سؤال ثاني هل جربتي زيت جلسرين Bebecom! وهل هو حلو للبشره او ينفع
كزيت مهدي بعد إزالة الشعر؟
هالماركة اخذت منها من سيفورا ماليزيا انغرمت بالفاونديشن اللي طرحتيه في مدونه سابقه بس للاسف مالقيت درجتي كمان حبيت قلم الحواجب كريمي وما يحت الشعر الارواج اخذت روج نفس القلم مثل ما قلتي منعنع ويملس الشفاه الشي اللي ما حبيته مسكراة هالماركه (بالنسبه لي)سيئة جدا تلزق الرموش ماحبيتها البيبي كريم عندهم وايد حلو يعطي غلو خيال والفرش عندهم حلوة ،طبعا لفت انتباهي في الصورة بروداكت من كودالي ياليت تسويلنا رفيو عن منتجاتهم شفتهن في بوتس ولفتني البخاخ
مَساء الخير يَ قميل ..
انا كمان اذا طلعة سريع سريع ما اشيل معي شيء بس لو عزيمة الليب لاينر و البلاشر و احياناً باودر .
توقعت بتكتبين عن الباكت اللي شريتيه ع وصف صديقتك اللي من توفيسد اشوف البلوقرز مطيرنها .
المحدد بالنسبه لي يفرق مره يفرق مع الارواج عاد البنات بالجامعة طايحين بالمحدد البني ويكون واضح من تحت الروج عاد يا ترى هي هبة بس ما حبيتها تذكرت ايام المحدد البنفسجي و الارواج الفاتحه
الشي الوحيد اللي انتظره من قلب قلبي تكتبين تدوينة عنه هو منتج الجسم 🙁
ارتوس الحمام المغربي يوحد اللون ؟ و شرايك أيهم احسن في تصفية الجلد الحمام او الأحماض ؟
فعلا كلامك عين العقل الحين كلن مشغول بجهازه ومايحس باللي حوله
حبيت الارواج من وصفك لبنتي بالمتوسط احس يناسب العمر هذا لاني من النوع اللي مااحب الصغيرة تلطخ الوان صارخة
توسه اتمنى ألتقيك بيوم من الايام
الله يسعدك ويوفقك
يعطيك العافية وحمسيتيني اجرب الاقلام .. انا احب ماركة تارت .. وانا من متابعات تدويناتك وقريت معظمها بأثر رجعي 😀
وعلى فكرة ومن غير ما تزعلي انا اول مرة قريت لك حاجة كان تعليق على احدى البلوقرز وحسيت إنك هجومية .. وعشان كذا تابعتك ( فضول) بس هنا اقدر اقول ان الإنطباع الأول مو دايما يكون صحيح .. وبالعكس الحين اشوف انك انسانة جدا راقية وتحترم متابعتها ومتمسكة بارائها بحق ..
وكثير انبسط وافرح لما اشوفك منزلة صورة في الانستغرام او بوست او تدوينة
الله يسعدك و يوفقك
دمتي بخير
الله مره حبييييت
احب هالنوع من الارواج للجامعة وزيارات العصرية , فكرت جدياً اقتني واحد منهم
شفايفي مع الريكوتان تعبتني مره , اتوقع ترطيبه بينفعني كثير .
شكراً بحجم الدونيا توسه .
يا حي زولن مرناا يا حيه ♡~
الارواج حلوه كمرطب بس ما حسيتها بتكون ثابته
ولا بتلاقيني لاحستها ومطمنه وهي طبيعية ،
الثاني اللي زي التحديد مرره عجبني بس انا
مشكلتي ما احب اطلب من موقع ولا تاجره
احسه حوسه احب اروح السوق وخلاص اقتنع
بالموجود ..
وبطلبك شي ماله دخل ابد :$
حطيلنا طريقة زي الصوص مبين انه حاااار بسباس
كنتي تاكلينه برمضان مع سحورك ..( اكتب لك
وصفه وغددي اللعابية تفرز بشكل مو طبيعي)
وبسس سلامتكك ♡_♡
توصه 🙂
One more lil thing :$
على طآري سنآب شآت عندك فيه حسآب ؟
اشتتتتتقت لك ارتوسه يا سراجي بينهم
جد فاقده شي خلال هاليومين اللي راحوا بسبب الظروف حسيت اني ضايعه و مضيعه دبدوبي
حابه هالماركه ياااارب تنزل عندنا خلااااص ماعاد فيني صبر بالذات الاساس ما اقدر اشتريه ع العمياني كذا
تعليب الارواج اسرني احب الاشياء الكرتونيه كذا تشبعنا من الشكل التقليدي حديد وبلاستيك
بسسسس عيبه النعنعه هذي الريحه ماااحبها بمستحضرات التجميل خير شر
بس مانقول غير الله يهديهم وينزر بصيرتهم وينزلون لنا كولكشن جديد خالي من هالريحه الفكسيه خخخخ
ربي يسلم يمينك
صباح الحب ارتوس. حبيت الأقلام حسيتها أفضل من الأرواج. وأنا لايمكن اشيل مكياج معي في شنطتي مره طاحت علي بودره ونكدت عليا ومن يومها قلت مايحتاج أخذ معايا شيئ. انا أحبك واحب كتاباتك ومتابعتك بقلب وعيون كلها حب وانتظار لطلتك الجميلة يسعدك يارب ارتوستي
يسعدلي صباحك ياجميلة ..
طلعو كثير مثلي مايحبون يشيلون الميك اب معاهم ..مااحب اني كل شويه فاتحه الشنطه وارجع احط مرررة ثانية..ماعدا الماسكرا هي اللي ترافقني مع اني ماارجع احط بس احس بالاماان هههههههههههههههه
وبالنسبة للارواج ..
انا حبيتها ودخلت قلبي من يوم ماشفتها بالانستا ..تقدرين تقولين حب من اول نظرة لووول
خصوصا انها كريميه احبها اكثر من المات ..مع ان طبعي ملول واحيانا اقلب للمات بس يظل الكريمي هو المفضل لي ..
واحسها مررررة جميلة للدواماات والصبااح ..
عاد تصدقين انا اقل شئ احبه بالميك اب الارواج ومع ذلك هي اكثر شئ عندي ..تعجبني الالوان..
واسعدتينا بهالتدوينة ..وبانتظار تدوينتك القادمة ..
مسائك فل ي سوكره ،
جميله مقدمتك و بالفعل لازم كل شي في حياتنا نعطيه جزء من وقتنا ،
بالنسبه للارواج انا ذوقي هالايام على الالوان الورديه و الباهته مدري ليه
مسائك فل ي سوكره ،
جميله مقدمتك و بالفعل لازم كل شي في حياتنا نعطيه جزء من وقتنا ،
بالنسبه للارواج انا ذوقي هالايام على الالوان الورديه و الباهته مدري ليه
ماجا ردي كامل
حبيت الالوان بس احس يبيلها بشره متعوب عليها يعطيك الف عافيه ارتوستنا
تست
ياحبي لك متاخرة عشان السواتش
وة بس كل مالة يزيد غلاك توسة
حلوات مرة بس يبغون بشرة نقية ومتعوب عليها
ولا مانع من التجربة
يسعدك ربي بغيت منك تتكلمين عن البشرة
وكيفية تنظيفها وافضل منتجات لها
يعطيك ألف عافيه ارتوس دايما احب اقرأ تدويناتك
وعجبني في هالتدوينه اكيد كلامك عن الارواج
بس اللي شدني اكثررر هو الجزء اللي تكلمتي فيه وسائل التواصل اللي جعلت منا الحاضر الغائب
ومافي شك ان المفروض تسميتها وسائل للتقاطع
لانه مع كثرة هذي الوسائل وتعددها أصبح الناس في عزله وقطعت العلاقات اكثررر
احد الاسباب الخوف من الحسد والعين ….والخ
ادري كثرت عليك بالكلام
بس اقول للناس اللي يعانون من هالامور
هاهي ارتوس ربي منعم عليها ومابخلت على بنات العالم بعلمها وبثقافتها وحبها للخير
وماخافت من عين فلان وحسد علان
ربي يوفقك ارتوسه ويزيدك من الخير والنعيم
أحبك
ماحبيتها مرة ،حسيتها تنفع هدية للبنات + تعطي شكل مع باقي ارواجك بالتسريحة ..
شكلنا عطيناك عين ..
حبيبة قلب. ارتوس متابعتك من فتره واعتبرك من الأشخاص الجميلين اللي عرفتهم ❤
شكرا لكل ريفيو وشكرا لكل طبخه ولكل حرف تكتبينه ❤
ابي أخذ رايك بشي ..
أنا طلعت لي حبوب من فتره 3 شهور والسبب كان الميك آب واسفنجته لأني اداوم ف كل يوم احط اساس.. اجرمت ف بشرتي
يسعدلي مساكي وكل اوئاتك ♡♡♡♡
الالوان حبيتها كتييييير واغلب الوان الحمرة يلي عندي من هالدرجات بعشقها وبتلبقلي ومتل ماقلتلي مناسبة للاستخدام اليومي بمكياج بسيط وناعم
مسا الخير
عندنا بالاعياد الرجاال يمنعون احد يسلم عرجباههم تلافيا لحوادث الروج هم الي يسلمو علينا يقولو لا تسلمون احنا نسلم لووولز حتى كبار السن من كثر ماصار معهم حوادث
اما عن موضوع امك الله يرحمها تصدقي فيني خوف مو طبيعي اني اقرا موضوعك
خايفه
خصوصا انه ابي توفا قبل ١٠ اشهر الله يرحمه
وصايره حساسه من هالمواضيع والايام دي مودي مش ولابد
الله يرحم امك ووممكن يجي يوم اقرا لكن الان انا خايفه من المواجهه
ارتوووسه تجنننين انا من متابعينك بصمت
اعشق جميع مواضيعك مو مواضيعك المفيده
انتي اللي مفيده بنفسك
يارب يسعدك ويجمعك بامك في جنات الفردوس