صَباح / مَساء الجَمال
من ٣ أشهر كُنت أتصفح اليوتيوب وَ طلع لي هالإعلان
https://www.youtube.com/watch?t=13&v=V3JSnNTzT3A
مدري عاد !!! أول ماشفت الإعلان إشتهيت شاي بحليب مع باباروتي [ مضيعة الأخت ]
جد وَ الله ما أمزح لما شفت الدعاية حسيت إني شميت ريحة الشاي
أنا من النوع إللي أتخطى الإعلانات بسرعة وَ مو كثير أتأثر فيها ، بس مظهر القطرات إللي تشبه قطرات الشاي مع الحليب لفتني وَ خلاني أكمل الإعلان
دخل مزاجي الأساس وَ على طول صلحت بحث عنه ، مالقيت وقتها ريفيوز كثير عنه ، إلا تقرير المستخدمين في سيفورا ، قريت عنه وَ حبيت مواصفاته وَ كنت واثقة إنه بيناسبني وَ حسيت إنه بيكون شيء إستثنائي بإختصار حَبيته من أول نظرة
قلت : مابدهاش أبيه أبيه ألحين
وَ بما إن سيفورا السعودية عار على سيفورا ، دائماً متأخرين في توفير أبسط الشغلات يكفي البيوتي بلندر إللي ذلونا فيها ما عُمري شفتها بمركزهم دايم مخلصة ، صايرة الصيدليات خدماتها أحسن منهم [ شَطحت ]
فقررت أجيبها من برا ، وَ عاد أذكر فيه كذا تاجرة قالوا لي شبيك لبيك إللي تبينه بين أديك
فقلت ليش لأ نتدلل هالمرة وَ نطلب شيء نستغل حِتة الشهرة الصُغننه إللي عندنا [ بوادر جنون العظمة ] ..
صَراحة ما لَقيت إحسن من إني أطلبه مَن : le_mquillage
وَ هذا حَسابها عالأنستا ( للإطلاع إضَغطي هُنا )
مالكم بالطويلة خلونا نُشوف المواصفات إللي هبلت فيني كما وَرد في موقعهم
Cover Fx Custom Cover Drops
أساس بقطارة ، عبارة عن لون مركز ( بيجمنت ) يَسمح لك بإستخدام التركيز إللي تحتاجينة وَ التحكم بقوة التغطية عن طريق عدد القطرات ، خفيفة ، متوسطة أو ثقيلة
تقدرين تمزجينه مع أي سائل تبينه سواء كان :
• مرطب
• سيروم
• كريم مرطب ملون ( tinted moisturizers )
• برايمر
• أو حتى الزيت إللي تبينة
• أيضاً يخلط مَع الأساس المفضل
• ممكن إستخدامه مع السي سي وَ البي بي كريم
• كريم واقي من الشمس
هالأساس يُعد أساس ثَوري يعتمد على تكنولوجيا الفلاش فيوجن ، إللي تمكنك إنك تصنع كريم الأساس الخاص فيك بالمُستحضرات إللي تناسبك
يعني فَكرة إن هالأساس غير مناسب لنوع بشرة مُعين مَلغية ، لأن إنتِ راح تصنعينها لذلك أنا حبيت أسميه: كريم الأساس الذكي
تبينه مات ( مَطفي ) ، تَبينه لميع ، شيء راجع لك حَسب مع وَش بتخلطينه ، تبين تضيفين له سيروم مُعين ، أساس تَحبينه إنتِ وَ شطارتك بالخلط
مُنتجنا خالي من :
– الباربين
– الفثالات
– السولفات
– الكبريتات
– العطور الصناعية
– الأصباغ الصناعية
– البتروكيماويات
– التريكلوسان
– GMOs إختصار للكائنات المُعدلة وراثياً
لَكن يحتوي على Dimethicone ( وَ هو أخف نوع من أنواع السليكون وَ مجاز من هيئة الغذاء وَ الدواء ) لكن مُمكن يسد المَسام
وَ أكثر من ٩٩٪ من الأساسات تَحتوي على هالمادة ، بالإضافة إلى السيلكا الصرفة ، هالمَعلومة أضفتها لأن فيه بَنت سألتني هل مَوجود به سيلكا أو سيلكون أو لأ ؟!
بالإضافة يَحتوي على نسبة بسيطة من الكُحول ، طبعاً هالكلام بحال إهتميتوا بالمُركبات لكن أضيفها لأن فيه بنات الدكاترة مانعينهم من مُركبات مُعينة أوَ أجسامهم تتحسس من هالمَواد
[ فبطلب مَنهم صَرت أضيف حتى أسهل عليهم عَملية الإختيار .. ]
الدرجات المُتوفرة ،’
الأساس منه ٣ مَجموعات : ذهبي ، نيتورال = مُحايد ، بنك
وَ شكراً لـ Seera للتصحيح
شَوفوا درجة لوني رقم N 35
الـ N ترمز لنيتورال ، وَ الـ G ترمز لقولد ذهبي , وَ الـ P ترمز لبنك
صَوره على بَعض المُستخدمين ،’
الصور أخذت من الأنستا وَ تم حفظ حقوق أصحابها تَحت كل صورة بحال وَجدت أساميهم
وَ ذكر رقم الدرجة لتسهيل عملية البحث عن الدرجة المُلائمة لكم
وَصف التَغطية ،’
ركزوا بالصَورة وَ مو شرط تتقيدون بها
Drops = قطرات ..
قطرة واحدة = تغطية شير ( شفافه )
قطرتين = تغطية متوسطة
٣ قطرات = فل كفر
٤ قطرات = تغطية متكاملة زيادة عن الفل كفر
إختلاف مفهوم التغطية بين الشعوب ~
قبل لأكتب تجربتي عن هالأساس أحب أوضح شغلة
فيه إختلاف بمفهوم التغطية المناسبة للأساس بين الشعوب ، يعني على سبيل المثال: شرق أسيا يحبون أساسهم يكون فاتح جداً جداً أهم شي يكون لونهم أبيض لدرجة أكثر شركات التجميل الفرنسية تصنع ألوان خصيصاً لليابان وَ بقية بلدان شرق آسيا ، حتى لو دخلتوا بعض المواقع وَ إطلعتوا على ألوانهم
بتلقون بعض الدرجات البروسلانية فقط تتوفر باليابان وَ أحياناً الشرق الأوسط
نفس الشي عندنا بالخليج أشوف بعض البنات ياكلون الأساس أكل مُغرمين بالأساسات الفاتحة + الكمية المبالغ فيها
مع إن الوضع تحسن شوي فيه بنات صاروا يستخدمون ألوان قريبة للبشرة وَ مايلة للبرونز لكن نسبتهم بسيطة قياساً بالي يختارون أفتح من لونهم ، الغريب بالموضوع إني أشوف كثير من مشاهير شبكات التواصل يستخدمون درجات أفتح من لونهم ، لدرجة وحدة كاتبة ريفيو عن أساس وَ قالت للأسف اللون أغمق مني بـ 3 درجات ، وَ المشكلة مادة اللون بيدها ، وَ اللون بالأصل أفتح منها بـ 5 درجات وَ أكثر غير إن التون مو لايق عليها بالمرة
دايم أتذكر المَثل المصري: إللي يقول أسمع كلامك أصدقك وَ أشوف أفعالك أتعجب
( يعني البنات يقولون شيء وَ يؤمنون بشيء لكن تطبيقهم يختلف تماماً عن كلامهم )
لذلك أحس ذوقي يختلف تماماً عن المُتعارف عليه ، الماكياج المتعارف عندنا بالخليج أشوفه مزعج للغاية وَ أوفر ، وَ للآن ما شَفت ماكياج عربي يشبه ماكياج ريانا
[ يعني سالفة حِنا غامقين وَ الأجانب بيض ما يبين عليهم الأساس وَ إختلاف اللون ريانا مَوجودة وَ لون ريانا مَهوب بعيد عن لون الكثير ]
حتى جنيفر لوبيز بعيونا حنا نَشوف مكياجها خَفيف وَ ناعم ، بينما شركة سوني للإنتاج هددوا بفض العقد بينهم وَ بينها بسبب صرفياتها بالماكياج ،لأنهم يتكبدون أسعار مُبالغتها بالماكياج أكثر من أسعار ألبومها ، وَ حنا نقول وآآآآو مَكياجها بسيط بس زي الوجه الإسمنتي وَ المكتوم إللي عِندنا ما شَفت
إي نَعم أنا أحب الماكياج وَ أحب السموكي وَ أحب الألوان بس مو بأي وقت وَ مو بالكمية إللي تحسين الوجه طفحان وَ شبعان من المستحضرات ، السموكي بالصباح وَ الكحل الأسود وَ الأي لاينر الواصل للجبهة وَ الرموش محدً يسويه بالصبح إلا عربوه وَ القوثيك
وَ طبعاً لا تَكلمت كذا ، تَقوم قيامة ٥٠ ٪ من البنات وَش يا أرتوس مَسوية نفسك راعية البَساطة وَ هالماكياج إللي عَندك
ترى عادي كثرة الماكياج ما تَعني كثرة الألوان وَ لا تَعني لازم كُل المُستحضرات تنحط بَنفس الوَقت ، إللي تَسوي الصباح ماكياج ثقيل كأنها تَروح الصباح بفستان مَلمع
وَ إنتم بأنفسكم لو شفتوا وحدة حاضرة عرس ببيجاما بتضحكون عليها ، وَ نفس الشيء لو رحنا سهرة أو عَرس وَ لقينا وحدة حاطة واقي شمسي وَ قلوس أكيد بَنقول بأنفسنا وَش هالشاحبة ؟! ..
تذكرون موضوع التان وَ البرونز إللي كتبته !!
بما إني نَزلت الصورة بالآنستقرام جتني تعليقات كثيرة هذا مو تان كنك مو مسوية شيء ، يعني التان لازم أكون محروقة ، للأسف حب المبالغة مَزروع بقلوب الأغلبية
وَ نفس الشيء لا تَقيسين تاني على تانك !! مو شرط لما أسوي تان يصير لُوني زَيك ، وَحدة قالت هذا تان !! طالع زَي لوني الحقيقي
[ طيب وَ أنا وَش دخلني بلونك ؟! .. لونك مو مَقياس لَبشرتي ؟! ] ..
لذلك يمكن ذوقي مايعجبكم وَ مفهومي للأساس المُناسب يختلف عن مفهومكم ، فدائماً لما أكتب أي ريفيو عن الأساس أقول إن شاء الله قدرت أوصل المَعلومة صح وَ أوصفه بطريقة واضحة
تَجربتي مع أساس القطرة = Cover Fx Custom Cover Drops ~
قبل لأختاره إحترت شَوي باللون بما إني طلبته عن بُعد ، وَ إختيار أساس بناء على الموقع أشوفه شيء صعب مايشبة التجربة الحَقيقة للمُنتج على الوجه
فأخذت فترة أشوف ألوانهم خاصة إن مجموعتهم كبيرة ماشاء الله ، وَ ألوانهم كثيرة ، فدخلت على كل لون وَ شفت وصف اللون ، رَشحت كذا لون ، وَ كنت محتاره بين كذا درجة وَ أيضاً إحترت بين كذا تون ، فيه إللي يجي نيتورال وَ فيه إللي يجي ذهبي حبيتهم وَ إحترت بينهم ، وَ فيه التون البنك ( ما أختاره أبداً ) ..
أول ما وَصلني الأساس حسيت حجمه أصغر من المُتوقع ، على طول رجيته وَ حطيت نقطه على كفي عشان أشوف التُون ، على إني اخذت تون نايتورال بس حبيت الدرجة فيه ضربة محمرة بسيطة مثل اللون الطبيعي ، فتطمنت إن التون مناسب لي ، بس تخوفت من القوام شوي ، على إنه كان سلس بس حسيته ناشف ، طبعاً شي طبيعي بما إنه مُجرد لون ينقصه سوائل أكثر
الإنطباع الأول ~
كنت متحمسه للغاية لتجربته حسيته مثل التجربة العلمية ماكان عندي خلفيه وَش بيطلع معي
حضرت بشرتي كالمعتاد وَ قلت بجربه مع شيء مُناسب للبشرة الدهنية ، فخترت الجل المرطب من كيلز ( للإطلاع إضغطي هُنا ) ، وَ بما إن قوام المرطب جل توقعت يكون الدمج صعب ، حطيت قطرتين بس من الأساس على كمية بحجم البازلاء من الجل ، وَ تفاجأت إندمج بسرعه بدون أي مشاكل أو تكتل ، إنمدت أسرع من الأساسات العادية ..
نقطت على وجهي من الأساس إللي خلطته وَ بعدها مديته بالفلات كابوكي من سيقما ( للإطلاع إضغطي هُنا ) ، وَ ما أبالغ إذا قلت لكم أسهل وَ أسرع أساس مديته على بشرتي ، جداً سلس فاق توقعاتي صراحة
وَ من قبل لا أخلص مد الأساس وَ أنا أقول وَش هالسلاسة وَش هالسحر ليه ماخترعوك من زمان !
[ ماخاب ظني فيه أبد ]
نقطتين بالنسبه لي كانت كفاية ، غَطى كامل البشرة وَ من أجمل الأساسات إللي إستخدمتها
حبيت لونه ، وَ إحساسه عالبشرة جداً جداً خفيف كأنك مو حاطة أساس
الإنطباع الثاني ~
جربته مع سيروم من إستي لودر ، حبيته بس حبيته مع المرطب أكثر من السيروم ، بالسيروم ماحسيت ترطيبه كان كافي
الإنطباع الثالث ~
جربته مع زيت الأرغان من باب التجربه لا غير لأن الزيت مايناسب وجهي دمجه ماكان سلس وَ تغطيته ماكانت ذيك القوه مع إني إستخدمت قطرتين وَ حسيته صعب الدمج على الوجه يمكن الزيت إللي إستخدمته مو مناسب كريم الأساس وَ لا مُخصص للوجه ( فيه زيوت مُخصصة لما قبل الماكياج )
الإنطباع الرابع ~
جربته بعد مع أساس لونه كان مو بالشكل إللي أحبه إللي هو أساس تارت ( للإطلاع إضغطي هُنا ) ، عدل لونه وَ أعطاه تغطية وَ نعومة أكثر
لكن أكثر شي حبيته هو خلطه مع المرطب + إستخدمت بلسم بعد الحلاقه للرجال من نيفيا كبريمر ( للإطلاع إضغطي هُنا )
ههههههه جَد كان أحلى طله وَ حبيته مع الفلات كابوكي وَ مع البيوتي بلندر ، وَ معهم الإثنين سوى
لكن ما أفضل إستخدامه كأساس لحاله بدون خلط لأنه جداً قوي وَ ممكن يكون ناشف على البشرة وَ يعطي مظهر كيكي
للإستزادة فَيديو ،’
https://www.youtube.com/watch?v=N_ngKIV0w-Y
ما قَد يخطر على البال ~
– أرتوس يستحق الشراء ؟!
مليونين بالمَية ، أشوفه سَحر يستحق وَ يستحق وَ يستحق
يعتمد على خلطك وَ ذكائك بالخلط وَ المُكونات إللي إنتِ تحبينها راح تضيفينها
– هل هو إقتصادي وَ يكفي بما إن حجمه صغير ؟!
إقتصادي لو فَكرتوا بها بقطرة وَ قطرتين وَ يييييييين بيستمر مَعك بس تذكروا إن تاريخ الصلاحية ١٢ شهر من تاريخ الفتح
– هل هو ثابت أو يخطط أو يقشر البشرة ؟!
صراحة يعطيك مَظهر مُتناسق لا تشوبه أي شائبة لا خطوط وَ لا نقط صغيرة
وَ لا قشور وَ ثابت جداً جداً ، جربته مع مُثبت الماكياج وَ بدون المُثبت بيرفكت وَجهي مظهره طبيعي وَ إحساسه حتى عالوَجه طبيعي وَ جلست فيه بُمناسبة وَ المُناسبة إللي رَحتها كان الجو حار فيها ( عالهواء الطلق ) وَ ما إنحاس ماكياجي
– ليش تجيبين لنا شغلات مو بالسعودية !!
وَ الله لو كنا بدبي ماكان طَلعت لخارج السوق ..
لكن أسواقنا ما تأمن المُنتجات الحديثة من خلقنا وَ حنا نشوف ديور ، شانيل ، لانكوم وَ كله يتكرر يتكرر مَليت صراحة
أبي أواكب الحَداثة وَ الجديد ، زَي إللي يَوصل للغرب وَ يتكلمون عنه نبي نَجربه ليش أكون مَحكورة بكم ماركة مُعينة
لليوم ما فَتحوا بالرياض آلاماسكا !! .. ما تفتح الماركات إللي بعد طيحة القلب
وَ فيه كم محل ما أثق أشتري مَنه الشركة الأصلية لما تسألهم يقولون مو معطيينهم وَ كالة !! ..
وَ لا حتى بالموقع كاتبين فتحنا فَرع بالرياض ( مَعليه ما أثق أشَتري ) ..
– هل هالأساس ينفع للجامعة ؟
هُو أساس بيور يعني أساس خام ، يعتمد على خَلطك ..
إذا بتحطين نقطة صغيرة منه ، مَع المرطب وَ الواقي الشمسي مُمتاز
وَ مع ذلك شخصياً ما أفضل بمكان مثل الجامعة وَ إنتِ تكونين طالبة عَلم وَ مرهقة وَ منشغلة بدراستك وَ جونا حار
وَ تتعرضين للشمس وَ مع الحرارة تتفتح المسامات كأننا بَحمام ساونا وَ إنتِ حاطة أساس !!
الأفضل بالنسبة لي الحرص على الإهتمام بالبشرة وَ نظافتها وَ تستخدمين كريم ملون وَ بحال وَجد عيوب تخبينها بكونسيلر
لكن يكون الوجه كله كُفر مُش من أنصار هالشيء
– مشاكل قَد تواجهكم مع الأساس ؟
لَو علي بعطيه ١٠٠ من عشرة ، لكن أنا إنسانة أملك بشرة واحدة وَ بشرتي مُعتناه ، فتجربتي تَمت ببشرة وحدة ( نوع بشرتي دهني )
وَ النُقطة الثانية أنا عندي خبرة كافية بالماكياج ، وَ وَش المُركب إللي يناسبني وَ وَش المُركب الغير مُلائم لي
لكن بحط إحتمال إني بَنت صغنونة وَ مالي خبرة بالماكياج ، مُمكن يكون الأساس يكون غير عَملي خاصة كثير لا يملك لا بريمر
وَ لا سيروم وَ لا زيت مخصص لقبل الماكياج وَ حتى المُرطب ما عَنده إلا فازلين ، فسالفته خلطه ما راح تُكون مُمتعة لأن المواد الأساسية غير مُتوفرة
وَ أيضاً كثير من البنات للأن ما وَصلوا لكريمات للوجه مُناسبة لهم ، فَيعني من الصعب يصنعون تركيبة خاصة بهم
لأن القاعدة بالأساس خطأ ، لكن أرجع أقول إنه حرام أي ميك أب آرتست مايكون مَعه لأنه يقدر يصنع توليفة خاصة فيه وَ بنفس الوَقت يفنن زباينه بدون محداً يعرف سره ، وَ بيكون إقتصادي بالنسبة له
– يُمه أرتوس يعني ما ينفع المُبتدئين ؟
ينفع للإنسان إللي يحب التجربة ، وَ عنده إستعداد يتعلم وَ يحاول أكثر
فيه ناس السعر إللي بيدفعونه بكريم أساس يُعتبر مَصيري بالنسبة لهم ، وَ فيه ناس خلاص وَجدوا تركيبة مُلائمة وَ هم أساساً لهم روتين مُعين ثابت بالماكياج
دايم نَشوفهم بنفس الشكل صباح ، لليل ، عصر ، مُناسبة أو يوم عادي ، نفس الطَلة ليش يَخاطرون
هذا حَلو للإنسان إللي يبي مرة تغطية خفيفة ، مرة وَسط وَ مرة ثقيلة ، يعني شَخص يحب يتفنن وَ يبدع وَ يبتكر
– طيب نَحسك مرة مَقتنعة به ؟!
طبعاً أنا مُعجبة فيه مرة وَ فرحانة برضو .. أشوفه مَثل السحر كأني لقيت أساس أحلامي
لكن عشانكم قريت زيادة وَ حبيت أشوف وَش المشاكل إللي الناس واجهوها ، الأغلب إما أعطوه تقييم عالي جداً نفس غرامي
وَ البعض طيحوه بالأرض وَ عطوه تقييم جداً سيء
إنتقادهم كان :
– أعاطهم مَظهر كيكي ( بودري صناعي )
– أظهر جفاف بشرة البعض وَ أظهرت القشور بأماكن الثنيات
– بعضهم قالوا قَطع معهم وَ البعض قال خطط
– بعضهم قال أظهر التجاعيد خاصة إللي عمرهم فوق ٣٥ سنة
– وَ بعضهم قالوا أظهر المسامات وَ البثور
– بعضهم قالوا ما قدروا يختارون الدرجة المُناسبة لهم ، وَ إن الألوان صعبة لازم تخلط كذا لون
– البعض قال إنه يتأثر بلون الكريم ، عاد ما أدري وَش الكريمات المجنونة إللي إستخدموها شكلهم إستخدموا سودوا كريم
– البعض قال إنهم تضايقوا من العبوة ( ماشاء الله شعوب مُرفهة يتحسسون من كل شيء ) .. حنا نشتري المُنتج البائعة نلقاها مَجربته قبلنا
كل ما كتبوه أعلاه ما واجهته ، بالعَكس من أكثر الشغلات طَبيعية لكن حَطيتها لكم حتى تكونون بالصورة
التجربة الناجحة مَعي مو بالضرورة تكون ناجحة مع الكل وَ الكلام إللي فوق هو تقارير المُستخدمين بسيفورا وَ قريتها قبل الشراء وَ ما أثناني عن رغبتي بتجربته لو بـ ١ ٪
– من وين نشتريه وَ كم سعره ؟
يباع بسيفورا أمريكا وَ بـ ٤٤ دولار بدون التاكس وَ قيمة النقل
التاجرة إللي وَفرته لي إنحجز الأساس بالجمارك قبل رمضان أتوقع وَ أفرج عنه بـ أول إسبوع من رَمضان ( كنَت شَوي متحمسة ..)
فَشكراً شُكراً لك على هالعَناء إللي تَكبدتيه وَ فعلاً يستحق هالمُنتج تَوفرينه للبقية بَمتجرك
– أرتوس ما نستخدم باودر ؟!
عادي إنتِ حرة حسب مع وش تخلطينه ، أنا عن نفسي إستخدمت بودرة لورا ميرسييه ( للإطلاع إضغطي هُنا )
وَ كان مَعها فضيع جداً وَ ناجح وَ إستخدمت برضو باودرة شانيل الهيلثي جلو وَ كانت فضيعة أيضاً ( للإطلاع إضغطي هُنا )
– أرتوس يشبه أساس ديور وَ لا نكوم وَ هالماركات أساسات السيروم وَ تجي بنفس شكل القطارة ؟
آبداً ، بتاتاً البته
هذيك أساسات سائلة جداً وَ تغطيتها خفيفة ، الفكرة مُختلفة
تشابه فقط بالقطارة ، هذا مفروض يسمونه أبو الأساسات أو جدهم الأكبر ( لون صَرف )
وَبس هذه تَجربتي للأساس الذكي وَ الإقتصادي وَ الشامل
أتمنى أَكون أفدتكم وَ إللي تحب الأساس الآوفر لا تَبرطم علينا ، عادي اليَوم بتزعلين وَ بكره بَترضين وَ رأيي غَير مُهم يعبر عن ذَوقي وَ مُمكن بنفس الوَقت تقولين أنا أساسي بسيط ما تَحسين إنك مَقصودة
يالله هالإسبوع كان حافل ، نَلتقي بإذن الله يَوم السبت بَتدوينة جديدة
[ بالرُغم ما بَعد فكرت وَش بينزل ، لكن ما أنكر مَتشوقة لإجازتي وَ ما أصدق متى يجي تاريخ ٢٥ أو ٢٨ بفارغ الصَبر وَدي أجدد عَشان أرجع لكم بَروح جديدة وَ إللي يقولون بتتزوجين بهالإجازة !! لا ما راح أتزوج ] ..
دُمتم بَحب
.
مساء الجمال
تخيلتك وانتِ تخلطي مع مرطب وزيت ووو جميله بكل حالاتك
والله يسعدهم الي يلبون طلباتك تستاهلي والله كل خير
حبيت الاساس لو يمدي كان طلبت للعيد يلا نعوضها مره ثانيه
ويلا كلها اسبوع وبتجي اجازتك وترجعي لنا بهمه وروح متحمسه للتدوين
معك لا تتزوجي الحين بس سيحي دم ….. والا باسكن بغرفتك هههههه
الله يييسر لك امورك ويسعدك بحياتك
خُرااافي !
تمّت إضافته للقائمة
شُكرًا يا جميلة ، و إجازة سعيدة يا رب
تسجيل حضور … لوڤ يو
صراحه حبيته بس مشكلتي الدرجه نفسها لازم اجربه قبل بس ليش لا ان شاء الله اجربه قريب
فيه شغلات كثير جربتها بعد تدويناتك وماندمت ابدا
يعطيك العافيه ياسكر
واجازه سعيده الله يهنيك فيها راح نشتاق لك
وتظل تدويناتك ياتوسآ تموج بنا كإعصار !
واصلي والقلب ديما معآك
ارتوس كتبت الرد في الموقع الالكتروني مدري شفيني مفهيه مدري وين الله حاطني هاليومين ههههههه حتى امس امي تقول قولي للخادمة تصلح لي مرمية رحت بناديها قلت ياا مرميه طبعا القصة الظريفة هذي ما كان لها داعي .. والله مره عجبني الأساس وان شاء الله اطلبه قبل العيد يعطيك العافية وراح توحشينا سوس
الله يوفقك ويسعدك والله ادعي لك من ئلبي 
صبآح الخير حبوبة
جد انا اول ماجفته ظنيت فكرته مثل أساس ديور السيروم
بس طلع كلش غير!
ترى حبيت فكرة إنج تخلطينه مع اللي تبين، يعني يقدر يكون أكثر من منتج في نفس الوقت
سواء مرطب ملون، واقي شمس ملون، أساس! دامه ماشي مع كل هالشغلات من صج بطل!
أنا كنت متحمسة للتدوينة وفعلا اهي كانت قد الحماس وأكثر
عملي من قلب دامه ب يناسب جميع أنواع البشرة
ويالله اكيد بتكون تدوينة السبت شي جميل مثلج كالعادة
انا مستانسة إني كنت من أوائل اللي ردوا لاني دايم ما الحق
الله لايحرمج من اللي تحبين ويجزاج كل خير على تعبج معانا
يسعد صباحك ..
يممه دخل قليبي ابيه ؛(
الاساس و ما ادراك ما الاساس ، نقطة ضعفي بالميك اب
دايماً احس مو راضية عن اللي عندي و صرت اغلب الاوقات استغني عنه .. عجبني المنتج و كيف انو خام و خالي من خرابيط كثيرة حبيته جداً ممكن الاقي صعوبة ب تحديد اللون المناسب للون بشرتي لذلك راح استنى شويه لحدد ما اقرر اجيبه و لا لا
ع طاري ميك اب جينيفر لوبيز كنت اتكلم مع صديقتي و هيا عاشقة للفن التركي و قلت لها توبا تحط طبقات طبقات ميك اب
انفجرت ف وجهي لا بالعكس ما يحطون و ع طبيعتهم
جبت لها صورة توبا بعيد عن التصوير و الكواليس من حياتها اليومية ، كيف انو عندها هالات و مشاكل واضحة و مصرة البنت لا و الله تجنن و الصورة ظالمتها ، انا هنا رفعت القبعة للميك ارتست تبعهم هههههههههههههههههههههه
يعطيك الف عافية يا قمري
تسجيل دخول
ههههههههههههه جد الاعلان من اول شفته احسبه حليب عدني ):
يمة حبيته ليتني اقدر تطلبه قبل العيد )؛
اللي عجبني فيه خالي من المواد اللي قلتيها
وكمان شكل العلبه تهبل القطاره تقصتد باستخدامه وعمليه كمان زينه بس ):
جنيفر يعجبني التان تبعها ومكياجها اذا قربتي الصوره تحسينه طبقات ومن بعيد زي الحلاوه :’)
ارحع واقرل راح نشتاق لك بالاجازه طلي علينا بصور بالانتسقرام ):
آعجبني جداا الأساس وحسبت بالمره انه رآح يناسبني
خآصه سالفة الخلط ذي آستانس يأما آخلط آساسي وبدعت بس الحمد لله كانت النتيجة اللي طلعت فيها جمييله
حبيت الألوان الناتشورال كثير ومن نظره القولدن حسيت فيها لونين كذا حلوين عآد احساس مدري وش يطلع بؤه
وآكثر نقطه عجبتني هي ان آحساسه على البشره جداً خفيف وما كآنك حاطه أساس <هذا يهمني
والنقطه الثانيه ان ما يعطي مظهر شوائب ولا قشور ..
الله يسلمه من وصفه والله انه ذكي ونص بعد هههههه
من هذا المنبر آطالب تأجراتنا بتوفيره خليهم يكسبون من ورانا
تحمست اجرب وأشوف
الله يسعدك ارتوس ججججججدا جممميل الاساس بأذن الله غير اشتريه من جد اساس مثله حررررام م يكون عندي تحمست. له.
يا هلا بهالطلة و يا صباح الحب و الود
أولاً يعطيج العافية حبيبتي ما تقصرين على الرفيوهات الخطيرة.
ههههههه بالنسبة للفيديو صدقج يذكر الواحد بالكرك و يخليه يشتهيه
الأساس شكله روعة و من بعد مدحج له أحس لازم نقتنيه
يبالي ادق ع سيفورا دبي مول اجيك اذا عندهم ولا بعدهم ما نزلوه
حبيت فكرة خلطه مع اي مستحضر عشان يناسب اللوك اللي تبينه
و المناسبة اللي تبينها و الوقت اللي تبينه
و عندهم تنوع في الألوان و التونز عشان الوحدة ما تحتار يوم تختار
ما أعرف ليش حبيت ألوان الجولدن ،، احس بيطلع شي شي ويا التان
و صور التجارب تشجع اكثر و اكثر عشان نشتريه ،، اصلاً من بعد كلامج عنه احس ما له داعي نشوف تجاربهم ههههه كيفي متحيزة لج
تسلمين يا قلبي و دوم نتريا اليديد من صوبج
تقبلي حبي و مودتي و هابي ويكند
ايوه انا جربت أساس لانكوم القطارة وشانيل والله ي ارتوس دفعت فيهم فوق ٦٠٠ ريال لكنها ما تستاهل ريال واحد تغطيتها جداّ خفيفه وسعرها مُبالَغ فيه يعني ادفع ٣٠٠ ريال على أساس لا تغطيه ولا ينفع ل طلعات ولا شي عُموما متخوفة اجرب القطارة بس دامك مدحتيها يعني ما عليها كلام اثق بذوقك ثقه عمياء وَلَكِ كُل الود والإحترام
هههههههههه احبك لما تنتقدين محد فاهم بناتنا كثرك حبيييته مررره الله يعين التاجره علينا شرايك لو تختمين التدوين قبل اجازتك بثرثره واجااازه سعيده حتوحشينا واللله
الله يسعدك فعلا في وقته انا وأختي كنّا قبل فترة نتناقش من اي ماركة رح نجرب، والله فعلا في الفيديو كأنو حليب وشاهي هههههههههه خطير الوصف
دمتي بعافيه فعلا اسبوع حاافل بالغرائب الله يعطيك العافيه
يممممما قلبي,مارح تصدقين لو قلت ان انا وامي قبل كم يوم شفنا هالاعلان ودخل مزاجي وعجب امي كمان,وكويس انو شفت ريفيو عنه,حسيته ينفع لو بأسوي ديوي لوك لو اخلطه مع السيروم وامده بالفرشة,كمان حبيت فكرة صلاحيته اللي تطول يعني شي عجيب صراحه,بس اتوقع رح اطلبه لامي بس وتتم السرقة منها
لان اغلب خرجاتي للجامعة فمااحس انه شي اساسي يكون عندي بس رح اطلبه للست الوالدة ويتم سرقته منها:),نحبك..
ياربي كم أنت مبدعة ..كم أنت عظيمة منتج واحد حكيت عنه تفاصيل التفاصيل الصغيرة وجاوبت ع أسئلة كثيرة …يارب تمتلي البلد بأراتيس كثيرة
بس أكيد إنت الأصل …
حبيت الأساس كونه ينخلط مع سيروم أو مرطب كذا أعطاني إحساس انه خفيف
وكذلك كونه مايبان معاه تخطيط او غيره
بس الصعوبة تكمن بأختيار درجة اللون أنا إلا الأن الأساس العادي اختاره خطا وأنا أجربه ذكرتني بتديونه اساس فور ايفر HD انت كاتبه درجة الاساس اعتقد 23 هي الي ناسبتك وأنا أخذت 17 ههههههههههههه ذكرتني حتى نانسي ماينفع لها طبعا بعد التجربه انا لاحظت انه فاتح ويقلب ع رمادي وصرت أخلطه مع كريم أساس ثاني
وبالنسبه للجولد على اي اساس يتم الإختيار من فئة الجولد ؟؟؟
لاحظت شئ تعليقاتك ع تعليقات البنات بلانستا كويس تقرين الردود لووول
لما اكتب لك شئ وبس
تشوك تشكولار يالزين
عندي فضول الي يردون اول اشخاص يقرون التدوينه ولا يردون قبل القراءه
ههههههههههه عجزت اكون أول رد لازم اقرأ وأتأنى هههههه
صباح الخيراات يعطيك الف عافيه عيوني قريتها علئ السريع وبنااااام لاني كنت انتظرها تنزل المدونه وبرجع امخمخ فيها تصبحين على خيرر اقصد تمسين علئ خيرااات
جداً جداً جداً شكلو جمميل
..
.
بس مع الاسف محا يتوفر عندنا الا بعد طلوع الروح !!
يعطيكي العافية، واجازة سعيدة من دحين
اهلا بجميلة الجميلات …
شيء حمااااااااااااااسي اللحين شيصبرني اخاف تمسكه الجمارك قبل العيد ياحظي اهيء اهيء …
انا عندي برايمر من تارت شبه شمعي يخلي الوجه قالب شمعي ناعم ومطفي<<< ريحته كأنه فيه فيتامين سي منعش ومصحصح للوجه حبيته اتوقع مع هالاساس بيبدعون والى الان ماطحت على ذاك الكريم اللي يبرد القلب للوجه ممكن حتى اخلطه معه اذا توفر …
واتوقع اللي تحصل ذا بتكتفي فيه لانو تقدر تتحكم فيه بحمايه او بدون <<<<احس طلعت بكمية معلومات جميله ومفيده ربي لايخليني ^^…
اما بالنسبه للدرجه من زمان وانا اتمخطر في الموقع من لما قلتي لي وكنت صراحه حاطه ببالي اللايت ميديم الاندرتون الذهبي او الميديم الذهبي بي G30 و G40 , ايش رائيك ؟!
اتمنى لك من كل قلبي اجازة سعيده والله افرح لك كثر مافرح لنفسي وزيادة الله يتممها لك على خير وانتي متجدده سواء بأجازه وبغير لكن ريحي مننا شوي وارجعي لنا بتلقينا كالعاده حولك وحوالينك بوسااااات لك ياروخي انتي
حبييييت فكرته المبدعه ..فكره مبتكره اني اخلط انا بنفسي اساسي .. وجميله جدا خصوصا للميك اب ارتست .. بالنسبه لي حبيييته واعجبت فيه لكن مااقدر اشتريه حاليا لسببين اني مو محترفه كثيير بالميك اب والشئ الثاني احتار كثيييير باختيار اللون من دون مااجرب على بشرتي لكن عموما لابد يجي وقت واجربببه اكييييد
ارتوووس ربي يهنيك ويبسطك باجازتك وراح نشتاااااق لك كثير
هلا هلا بالزين
جوعععتيني والله .. الاعلان بطل يجذب
بصراحه كأساس من الوصف بطل بطل بطل .. حبيت انه ينخلط مع كل شي ، بس عاد مع كريم جل مرطب حسيت بأنتعاش هههههه ، عاد اليوم لقيته بموقع ان شاءالله بعد العيد اطلبه لان الحين ما اضمن الشحنات تتأخر .. عاد اليوم اقول لـ اختي لاتشترين لين ينزل موضوع الاساس الذكي نبي اساس الاراتيس ههههههههه ، كل وحده من خواتي اطبق عليها شي منك موزع مواضيعك عليهم شرايك بس $
ان شاالله بقولب الاساس بمخيخي اشوف الدرجه المناسب ،
وزينـك انتِ ونقدك عارفه لهم والله ، ويبي لنا موضوع ثرثره شوي خل نتجمع على سوالف قبل أجأزتك < تبي تشبع منك : (
واجازه سعيده ي قلبي ، ومثل ماقالت رشا بتلقينا حولك وحوالينك ، وخمسه آمووووواح ( قلوب )
هذا هو الي ابيه ، من قريت انه نقاط حسيت انه الشي الي بمخي، جربت اساسات بالهبل وبيبي كريم وسيسي كريم واساس مضغوط في اساسات احس وجهي صناعي مو انا ، بس فكرة النقاط وانا اتحكم بقوة اللون ونوع البيس هل سيروم او كريم شيء فضيع حبييييت لازم اجرب
وعلى طاري الاساس الفاتح ، يستفزني البنت الي لون بشرتها حنطاوي وتحط اساس وردي وتقول ذا المناسب ، واذا شافت لون اساسي تقول ليه تاخذين اغمق من لون بشرتك ، ابتعدي عني ارجوك
ارتوس انتي البلوقر نمبر ون ، والسباقه بالافكار الحصريه ولا بلوقر عربي وصلوا هالمرحله ،
مررررررره حبيته احس اخيرا بلقى الاساس اللي بيناسبني واحبه من قلبي واعلق عليه هه
فاونديشن الاحلام تحمست له وبجربه ان شاء الله
يعطيك العافية
كثير بتوحشينا توسة هالاساس شفت له اعلان قبل ولا كملته مااهتميت
لكن ان شاء الله اجربه .. جدا ماقصرتي الله يحفظك
حبيت الفكره .. وحبيت وصفك للمنتج . انا لي ثلاث سنوات مااستخدمت فاندويشن هذي السنه استخدم بي بي كريم من شانيل بعد ماقريت تقريرك عنه وحبيته بس افكر اجرب هذا للتجربه .. يسلمو حبيبتي واجازه سعيده
يعطيك العافيه جد متحمسه له وماعرف اذا موجود في ابوظبي يبي لي اسال …اما بخصوص المبالغه حدث ولاحرج يلا التغيير يجيي شوي شوي ..شكرا توسه ع كل ماتقدميه
ثقتي فيك عمياء .. ان شاء الله حطلبه في اقرب فرصه
من جد انا اتابع اجانب كثير ف اليوتيوب واتابع خليجيين ياخي مرا فرق المكياج مع ان الاجانب يستخدمون كمية كبيرة من كريم الاساس بس يضل عندهم ضوابط ف الميك اب ما يغيرونها وخصوصا الرمووش احتى الرموش خلاص سارت اساسيه بحيات كثير من البنات تصحى من النوم تركب رموشها وتمشي وهشي باين بممثلاتنا وبرامجنا حتى الفاشنيستا هم يعتمدون ع البساطة بشكل اكبر والفيس الي من غير ميك اب ما يستحون منه ولما هم عندنا سلفي وذ اوت ميك اب صاروا يصورون ف الشمس او من زاوية معينه اهم شى ما تبين عيوبها اتعجب منهم ومن تفكيرنا
قبل يومين تقريبا وحده بالسناب تكلمت عنه بس ما عجبها.
و انتي من قلتي التدوينة القادمة عن اساس ذكي قلت يا رب يكون نفس الاساس اكيد يستاهل التجربه و طلع ظني صح الحمد لله^_^مع انه مو ممكن اجربه حاليا بس لا مانع من تجميع معلومات و تجارب :]
عجبتني فكرته انه اقدر ادمج اللي اريده مع الاساس و اتحكم بالتغطية بس انا مبتدئه و بعدي ما متمرسه بالمكياج يحتاج اتعلم و اجرب حتى اقدر اسيطر و اختار الدمج المناسب إلي
مشكورة على التدوينة اشبعت فضولي هههههههه
تحمست له بس المشكلة بتكون في الدرجة او اذا حد يوفرلي اياه عندنا في عمان لازم اروح ادور وحدة من التاجرات او انزل دبي قريب.. حمستيني له كثييير..
عاد ان شاء الله احصله واقولك عن رايي وننتظرك بفارغ الصبر.. تقريبا اجازتي مع اجازتك يعني ما بيفوتني شي ان شاء الله اجازة سعيدة
صح بالنسبة انه العرب وخاصة الخليجيات ياخذوا اساس افتح منهم تعبت من هالنقطة انا من اول ما بديت احط مكياج وانا اخذ نفس درجتي او اغمق لاني ما احب افتح لوني احب انه اوحد اللون واغطي العيوب الاساس بالنسبة لي كذا.. بس كل ما رحت مكان اسمع التعليقات ياخي كل واحد عنده ذوق مختلف عن الثاني انا اخواتي يحبوا الاساسات اللي افتح منهم هم يدوروا عن شي و انا ادور في الاساس عن شي ثاني ودايما هذه نقطة الخلاف بينا..
و الشي الثاني معظم البنات اللي يبيعوا في محلات التجميل لما تقوليلهم اريد اساس يجيبولك على طول افتح درجة اللي تقلبك رمادية ماادري لحد متى بيظل هالمفهوم عندنا..
التدوينة الي مانلحق عليها قبل ماننام اول مانصحى نصبح على المدونة
قبل كم يوم في بلوقر برضو اتكلمت عنه وحمستيني اكتر
بس المشكلة خايفة من الخلط والحركات دي بما اني مو خبيرة ومبتدئة
وشكرا من قلب على التدوينات الجبارة الاخيرة
يسعدك جميلتنا
عن جد الاسم يلي حطيتيه له لابق عليه
أحسه بيناسب الكل بس يختاروا الخلط الصح
هالأساس سبق وسمعت بلوقر تتكلم عنه
مدري كلامها ما حَمسني أبدا يمكن لأنها أغفلت تفاصيل
كثير ..
بس بعد تجربتك حسيت بيناسبني مليونين بالمية
وبجربه مع كيلز أكيد بيطلع حلو بما أننا نشترك بنفس
نوع البشرة فنسبة نجاحه معي عاليه
ما تقصرين والله دوم تنفعينا بتجاربك..
تحبين التفاصيل يلي هي بتحدث الفَرق..
وهالشي الي مخليك غَير عن الكِل..
وعساك تنبسطين بإجازتك أضاعف ما تتمنين.. ♥︎
بصراحه اللي ينتظرون هالوقت عشان تدوينتج. .ويردون عليها اول بأول فعلا يحتاجون معامله خاصه.. طاحت عيوني اليوم وانا انطر اول مره اسويها صارت الساعه ثمان ونص ومانزلت والتعب غلبني.. برافو عليهم والله..
بالنسبه للاساس الذكي من ألحين أقولج أحنا مش بتاع الكلام دا.. هالاساس يعتمد ع بشره تنقل لونه بصوره جميله بعد خلطه بما يناسب واحنا للاسف نهتم بالتغطيه مانهتم بالبشره اساسا مانعالجها ونخليها تعكس اللون طبعا الاغلبيه مش الكل.. العيوب اللي ماواجهتيها راح تواجه الاغلبيه عندنا..مع ذلك تحمست اجربه.. جربت من قبل الاساس المنيرال عندنا بالكويت لاين كامل من بنت كويتيه موهوبه نجحت في تصنيع كل البرودكتس من مواد مينرال انا من بين خمس خوات عجبني وكانت تغطيته لي جدا رائعه وكل ماشافوني قالوا غش يمكن خالطتلج غير عنا.. فيس يضحك.. شكرا من القلب دايما وابدا.
حبيت الاساس جدا ولو كان متوفر هنا كنت شريته بس سالفة الطلب ما احبها وتدوخني .. والحلو بالأساس الدرجات مره كثيرة وحسيتها قريبة من درجات ميك اب فورايفر HD !
وبنشتاقلك ارتوس لا تطولين الغيبة تعودنا اغلب الاسبوع نقرا تدويناتك ..
يعطيك العافية عالطرح الجمييل وننتظر تدوينة السبت
واااو
ـــ
الصراحة الأساس جدا يحمس
كأني قد قريت عنه قبل أو شي
بس ما اهتميت فيه
لكن بعد طرحك جدددا أعجبني ودخل مزاجي
راح أشتريه بإذن الله وأجربه لكن شكلي بأواجه صعوبة باختيار اللون، الله يعيني
مشكورة أرتوس على الموضوع الجميل والمنتج الثوري هذا:* و ريفيو ممتاز!
فكرة الأساس رائعة فعلا
ياما اشترينا كريمات أساس وماناسبت بشرتنا او مع تغير الفصول تغيرت البشرة فما عادت مناسبة
بالنسبة لي أتعب في اختيار الدرجة المناسبة لي من الأساس ما أدري ليش .. ولازم أخلط لونين حتى أوصل لدرجتي
فبالنسبة لي اختيار أللون بالنظر مستحيل
أنا ما قهرني في سيفورا المملكة إلا أنهم ماوفروا الجهاز اللي يحدد درجة لون البشرة لاختيار كريم الأساس المناسب
لأن المنتجات ممكن نوصي عليها من برا لكن تحديد لون البشرة هو الأساس
دمت بخير وتقبل الله طاعتك في هذا الشهر الفضيل♡♡♡
ما شاء الله عليج قبل شهر تقريبا شفت رفيو عن المنتج في قناة في اليوتيوب وجدا حبيت الفكرة خصوصا اني للحين ما طحت ف غرام ولا أساس ( ناطره أساس الأحلام هههههههه) بس كان عندي فضول اعرف اكثر عنه وموضوع جاوب كل سؤال في راسي. تعرفين اني وووايد اتأثر فيج وفي اي شي تكتبينه قبل يومين كنت اتسوق اونلاين وحطيت كذا فاونديشن في السلة وبعدين فكرت خل انتظر موضوع ارتوس اللي قالت بتنزله.
أتمنى موضوع السبت يكون الموضوع اللي وعدتني فيه عن علاج التصبغات وتوحيد البشره.
مشكورة حبيبتي على كل شي تقدمينه.
فعلا سحر
ولنا تجربه باذن الله بعد العيد
الله لايحرمنا منك ويسعدك
يعطيك ألف عافيه ،،
دخل مزاجي وبقووه ، وجاري الإقتناء إن شاء الله ،،
شكراً من القلب ،،
دمتي سعيده..
مساء الخير ارتوس
حمستيني حمستيني اجربه
خصوصاً انه يعتمد علي وانا كيف اخلط واسوي الي ابي
يعني حنا نخبص ونبتكر وهذا شي مرا حلو، بس ينفع للي مثلك ماشاء الله مكتفين وعارفين ايش ينفعلهم ماشاء الله
دايم تبهرينا بتدويناتك
يارب ينزلونه عندنا بسرعه
وعطينا موضوع صاروخي يفجرنا قبل الاجازه
عجبني اﻷساااس وحبيت انه درجااته كثييرة أنا من الناااس اللي عانيت من الاساس في البداية لحد ما عرفت أختار الللي يناسبني
عجبتني تغطيته في الصورة الثالثة والرابعة حسيتها طبيعية وفيها لمعة محببة ….
اخييراً اساس بيرفكت مره اعجبتني فكرته خاصة ان التغطيه تتحكمين فيها جد رائع ان شاء الله بجربه
)
و جزيتي خيراً على جهودك
(ارتوس لاحظت شئ في دليل الالوان مو مكتوب ناتشورال مكتوب نيوترال يعني محايد
شُكراً يا قَمر ..
وَ الله أحب الناس المَفتحين جاري التَصحيح وَ الله عيني خلاص قرته natural
جاري التَصحيح وَ كتابة إسمك .. شُكراً من القَلب ..
اهليين سوس ..مسائك جميل ياجميلهه مرره حبيت الااسساسس طحت بشباكه خلاااصص راح اقتنيه ان شاءالله من وصفك حبيته انا دائماا الاساسات معي تتقطع او تبين جفاف بشرتي خصوصاا اذ طولت بالمناسسبه يعني يصير تمام التمام بسس اذ عدت ثلاث الساعات خلااص يتبهت او يتقطع ينرفزني .. اذكر جربت اسساس لانكوم جدا جميل بسس ماوفقت باختيار الدررجه مدري اذ بشتري هالاساس كيف بختاررر الدرجه
..
ودي اجرب كل الدرجاات عشان احددد درجتي بسس صعبه ع قولتك الشراء عن بعد . اذكر ايام المتووسط كنت اشتري من كتالوج افون وكنت اخذ البرونز دائماا لاني مااتوفق باختيار درجتي
يعني شكلي بعااني عشان اقتني هالاساس ..
اما وصفك للبنات خخخخ جبتيها صح والله تدرين للحين فيه بنات يحطوون اساس ففل كفرر وبالصباح بعد صراحه المنظرر مُزري للبعض البنات نادرا اشوف بنات يحطون شي جميل يظهرر انوثتها.. زي ماذكرتي قبل .
بالنسبه لي انا احب البششره تكون صحيه اوولا وبدون شوائب ولا عيوب بعدين نجي لاساس والميك اب ويهمني بعد يكون الميك اب يغطي كل عيوب البشره عشان اطلع بشكل جميل ولا احب الاوفر كلشششش
شكرا سوس حبيت التدوينه وحبيت وصفك ويارب اعرف درجتي صح
اتمنئ لك افطار شهيا وصياما مقبوولا
تحمست للاساس بالرغم اني اكرهه الاساسات لان ماهم اشتريت يطلع افتح مني تدرين فيه بنات عندنا بالجامعه من كثر المكياج واللمعه تقل مهرج يمه يالمكياجج الي عندنا والكنتور واللمعه الي بالصباح والروج الغامق
وااو صراحه شفت صوره كذا مره ع الانستا بس ماهتميت ابد على اني اعششق الميكب بس ريفيوهاتك تخلي الواحد كانه جرب الشي من تفاصيلك الدقيقه جددا الي ماقد شفتها بأي بلوقر ثانيه وان شاءالله اجربه قريب اما بالنسبه لسالفه الاساس الفاتح اووه عشنا وشفنا واحيانا انا اغلط بسبب اضائه المحلات بس الحين صرت اشوف السواتشز والاقرب لي واجرب يعطيك العافيه ارتوس
مساء الفل
ماشاءالله جدا جدا حبيته بس اخاف اشتري اساس من غير ما اشوف الدرجه على الطبيعه احس انه ممكن اختار غلط بس جد منتج اليوم يحمس الواحد غصب عنه ويمكن عجبني اكثر ان الشغله فيها خلط احب الشغلات اللي كذا استخدمها مع الاساس والارواج فعلا اطلع فيها بالدرجات اللي تناسبني وماتكون متوفره عندي
مستعجله على الاجازه واحنا شايلين هم بنفقدك ان شاءالله تقضينها وانت في اتم الصحه وافضل حال من الحين لوقت ترجعين راح توحشينا ياعسل……
لا لا لا معد ادري وش اقول ! مدح مدح خلآني افرح فيه وانا م جربته وخلاني اعطيه تأشيره خآصه وانحفر بمخي الا وأبيه ..
صراحة يحمس اللي عندها كريم اساس فاتح ع لون بشرتهآ يخليها توآزن الكريمين مع بعض بحيث انها تستهلك الاساس الاول بدل م ترميه وبتطلع بنتيجه مُرضيه ..
طبعاً بعد م شفت سواتش لهالاسآس مع نوع اسآس ثاني بدرجات مختلفه (فاتح ،وغآمق ) تكلمت عنه بلوقرز ولآء وشفته بأكثر من تجربه ف حسيت انه فخم يضبّط اللون والتركيز مثل م تبيه ..
وارتوس كعآدتهآ مُقنعة من الدرجة الأولى ،لأنك مصدر ثقه لي ولكثير ♡
حبيته بس شكلي بحوس ع بال ما الاقي الدرجه الصح
اشياء غريبه وجديده وشرح من قلب وكل شيء مدري ايش اقول
الله يكتب اجرك
المنتج سوا ضجة كبيرة عند الاجانب متحمسة اجربه.. اول ماشفته دخل مزاجي بقزة لأنه خالي من اغلب المواد الضارة، حطيته بالwish list
شكرًا على وضعك للمواد والمكونات لأن اللي بشراتهم حساسة -مثلي- يعانون، مو كل شي يصلح لهم.
جت على سيفورا بس
خليها على الله :'(
ياهلا ياهلا
جدا حلو لو وحدة عندها كريم اساس طايح بكبدها وخلطته فيه راح يطلع بيرفكت أتوقع
أتمنى لك إجازة كلها سعادة وخير
بتوحشيني
صدق صدق انه الاساس الحلم ,شكله فضيع مررره تحمست له
معك في سالفة كيلوات الطحين اللي تنحط , مرره يزعلني اذا شفت هالمناظر
شخصيا احب اخذ اساسي بنفس لون بشرتي , لكن لسى مالقيت الاساس اللي اتمناه
ان شالله القاه بهالمنتج ..
الله يسعدك ويعطيك العافيه
الموقع كان معلق معي الصبح ومافتح (((:
جميـل وصفك وما افكر اشتريه لان زي ماقلتي البنات الصغار يمكن ماينفع معهم
وماتمس يدينك النار يارب
ماشا الله كريم اساس خُرافي
يبالو تجربه 
شكرا على وضعك للتفاصيل ، موضوع اكثر من ممتاز ماشا الله 
حبيته واشوف انه منتج ذكي زي ماذكرتي ويناسب اللي وصلت للمنتجات المناسبه لبشرتها ومرتاحه عليها راح تكون متوفقه بالخلط والدمج انا لسى ماتصالحت مع بشرتي زعلانه مني ومتخاصمين لنا فتره اتخبط بين المنتجات يلا الله يهديها وترضى عني ..استمتعت بالتدوينه وكالعاده مبدعه
اكثر شي حبيته في المنتج انه لكل البشرات .. وانه تقدري تتحكمي بالتغطية
دايما مواضيعك جميلة وغريبة وتطرحي اشياء جميلة …الله يعطيك العافية
دايم أتذكر المَثل المصري: إللي يقول أسمع كلامك أصدقك وَ أشوف أفعالك أتعجب
( يعني البنات يقولون شيء وَ يؤمنون بشيء لكن تطبيقهم يختلف تماماً عن كلامهم )
قلتي اللي بخاطري بالظبط كل ماادخل حساب ميكب ارتست واقرا كلامها اقول بس هذي الفاهمه ! ولما ادخل حسابها انصدم بالاوووووفر شي فضيع
ولا تحط لك صورة جينفر لوبيز وتقول نفس ستايلي بالميك اب هههههههههه لاتعليق على هالموضوع للحين مالقيت ميك اب ارتست تبرد كبدي بمكياج يفتح النفس بدون حواجب تاخذ نص الجبهه والنص الثاني رموش والخشم مختفي من الكونتور واسفل الانف كله روج *تكبر شفايفها*
بس محد يسمع لي لما اقول لهم اوفر يقولون وخري بس ماتعرفين الزين .. ولا مسويه فاهمه … لازم يبين انها حاطه مكياج وتعبانه عليه ولاماترتاح
نرجع للأساس الجميل .. فكرته عمليه بس مشكلته (ومشكله الاساسات كلها) اللون لازم الوحد يجرب او يصير عنده خبره بالممناسب له وهذي مشكلتي
ودي اشتري اساس تارت وكثير اشياء بس اتخوف من اللون ! اذا كنت اجرب اللون في المحل وارجع البيت ومايعجبني كيف بخاطر واطلب؟ صعبه *قلب مكسور*
بس حبيت درجات الgold حسيتها رح تلبق لي .. واتمنى يوفرون عندنا هالاشياء الحلوة الي تستحق الواحد يدفع عليها
تشكرات ارتوسه
عجبني رايك ع طريقة اختيار الاساس للاغلب ..
انا بشرتي بيضاء ) بياض خليجي طبعا مو سوري ( .. اخر مرة ما شريت اساسي غلطت فيه شوي وصار اغمق مني بشي لايذكر يعني مرة بسيط .. صارت بشرتي حنطية لما احطه .. انا صراحة عجبني جدا وحسيته عادي لانه شكلي طبيعي هو هذا المهم .. لكن امي طاحت فيني يابنتي وش ذا ليه مسمرة نفسك هههههههههه اجل لو شافت التان وش بتقول .. طبعا السالفه انها تبيني افتح نفسي ..
وذكرتيني كمان بزواجي رحت لكوافيرة مكياج تجنن درست بايف سان لوران بفرنسا .. ويوم رحتلها قالتلي تبين ناعم ونفس بشرتك والا تبين تبيضين .. قلتلها لا وش ابيض نفس ماانا ابي
وسوت لي مكياج راقي فخم بس متناغم جدا .. يعني حمدلله كنت جدا سعيدة
وكل صديقاتي بالزواج يقولولي يووه مكياجك حلو بس ماطلعك وحدة ثانية .. فعلا انتي بس اجمل ..
طولت القرقرة سوري هههههه
المهم حابة اقول انه جدا جدا عجبني هالاساس خصوصا لي يعتبر مثالي
لان طلعاتي غاااالبا مكياج خفيف وقليل احتاج فل كفر
فبدل مايكون عندي عدة منتجات بالشئ الفلاني كلها اساس
حلو انا بحسب طلعتي اشكل اساسي الخاص
حبيته جدا
لتمنى لو عندك مجال تحطي خيارات عديدة لناس استخدمته قبل وبعد
يمكن تساعدي كثير باختيار درجة اقرب للصح لهم
تسلم الايادي ماننحرم
اقصد بالخيارات انه صورة الوحدة قبل وبعد المكياج ..
من مدحك وتجربتك تحمست له ، لكن العيب الوحيد ع قولتك أختيار الدرجة مغامره أو ب الاحرى يبي له عرف وشخص عنده درايه ب اللوان ومميزاته
يعطيك الف عافيةة
وأجازهه سعيده عليك
كلام جميل جدًا ..
وأساس رائع ..
يعجبني تفكيرك أرتوس الله يبارك فيك ..
بما إني مبتدئة في المكياج وأبي أتثقف وأشوف وش يناسبني فما راح أتهور أشتريه لين أفهم بهالأمور زين .. رغم ما يتفوت
دمتِ بود ()
مميزاته فعلا تأسر القلب
مرررا حبيته ووصفك جدا واضح له
يعطيك العآفيه
السلام عليكم ..
حبيت حبيت عنجد اساس ذكي (باين عليك وقعته في غرامه)
احسن شيء ان الشخص يقدر يتحكم بالتغطية (اشوفه شيء جميل جدا واقتصادي) ..
شكل العلية اعجبني صراحة =)
بس الدرجات تحير صراحة (لووول ) ..
شكرا لك يا ارتوسة عنجد افضل افضل بلوقر عربية ..!
………………..
راح نشتاق لك يا ارتوسه .بس تحاتجين للبريك وراحتك من راحتنا (احلفي ههههههههَ ) =)
دمتِ نَقِية ..
في امان الله ..
(احس بالندم معد صرت الحق على تدويناتك بدري ) =(
روووووعه من جد حمااس
شكرا شكرا شكرا
زينك يا ارتوسس ، لما وصفتي الايلاينر للجبهة بدوام الصباح
و المشكلة يقولون ما تتمكيجين و تكشخين للدوام
يعني دوام صباح واقي شمس ماسكرا و ضربة بلاشر و قلوس ، يبون فل ميك اب و ارواج بالوان صارخة
ما اكذب عليك لو قلت لك وحدة كانت تداوم معنا بروج عودي
ما علينا ، عقب ما نتفت بتكلم بالاساس
بصراحة خطييييير و مميزاته اجمل ، تحمسست له مع اني مب من كثر استحدامي للاساس لكن هذا اقتنعت فيه جداً
ما قصرتي بمعلوماتك جد مو محتاجين نبحث اكثر ، لكن خايفة من الدرجة و لوني ، بنغامر و بشوف اول ما تعرضه التاجرة
الله يعطيك العافية و لنا لقاء السبت باذن الله
حمستيني له يا توتو بالقووو بعد ،، شكلي بمر سيفورا بدور عليه ويارب أحصله موجود عندنا ،،
حبيته جددداً بس للأسف مني بعارفة درجة لوني وأنا ما جربته :””
يعطيك العافية يا أختي ♥♥
يعطيك الف عافيه ارتوس اتوقع ماحد يقدر يسأل بعد سؤال غطيتيي الموضوع من كل الجوانب ، بالنسبه لسالفة الاساس الفاتح ارتوس كلامك فعلا صح بس انا صراحه جالسه اشوف تطور عند البنات كثير كثير صارو عارفين عشان اوصل لطلة ممتازه بالاساس لازم اخذ لون يناسب لون درجتي ، الاساس فعلا يستحق التجربه يعطيك الف عافيه
يامحاسن الصدف! كنت مستغربة إن محد تكلم عن هالمنتج وأخيراً أحد غطاه <3
إستخدمته صارلي شهر أو أكثر بدون مبالغة أفضل منتج إشتريته على الإطلاق! بشرتي جافة وفعلاً يجففها نوعاً ما لكني أخلطه مع كريم مرطب مكثف يطلع جنااان ويدوم فترة طويلة بدون مايتحرك، وتغطيته جبارة احطه بدون كونسيلر حتى!
الله يعطيك العافية و انجوي
الله يعطيك العافيه
ههههههههه مدري وش فيني احس اني مبسوطه معك
بإذن الله رح اجربه أنا لو بس نفسيتي تتعدل و تبطل الحبوب تنط فجاءه رح تكون بشرتي بيرفكت لكن الحبوب من النفسيه
من اول زعله طلعت حبه وهاتك ياكريم و مسحه طبيه لكن مع الاسف شي يضايق
ع العموم ان شاءالله اجربو
اول ماقريت الموضوع بسرعه شفت قطره واساس قلت معقوله القطره لها استعمال ثاني وتصير اساس فتحت عيوني وقريت زين من بعد كريم البواسير والحلاقه صرت ما استغرب اي شيء
هههههههههههههههههه
عجيبه انتي والله ماشاءالله اساسا نشاطك دايما مستمر فما يحتاج اجازه وبتكون من الفترات المملله بالنسبه لي لاني بكون في اجازه وكنت حابه اتابع وياك كل جديد واشاركك بس يالله ماعليه برجع اقرا المدونات السابقه اقصد اعيد قرائتها والاساس ما الحق اخذ واحد الا اشوفك منزله واحد ثاني ههههه شكلي بقزرهاا تشري اساسات
ارتوس كيف احط صوره ببروفايليي فالمدونه ؟
من تعليقات البنات شكلهم بيخلصونه عني لوووول
طَلبت من تارت باليت تارتليت وايلاينر تارتست طبعاً على مدحك وانا من عشاق الشادو المات والايلاينر والتدوينتين هذوليك لامسوا شَغفي ، وجيت بطلب الاساس والكونسيلر اجربهم بس خفت من اني اختار درجه غلط ، لكن هذا لا يقاوم صراحه بَجزم على عمري واختار لي درجه بتأني وعنايه فائقه .. الله يهنيك باجازتك ويكون عيد سعيد عليك وعلى اهلك ومن يعز عليك ..
بصراحه مافهمت طريقه الاساس حسيت اني بحصه رسم وهذا الاساس مثل عصار الالوان اضغط نقطه واخلطها مع الماء واشوف الدرجه كيف ههههه بس احب منك اكتشافك للمنتجات الجديده ولو اني من انصار الشي القديم اللي يناسبني خلاص تعودت ع حاجه واعجبتني نتايجها اخاف اغيرها …تسلمين ارتوس ويعطيك الف عافيه ويارب ماننحرم من جديدك
فضيع جد حاسيتو اقتصادي انا لو باخدو بحتاس بدرجه الون والله < احساسها مدري ايش دخلو
بس جد عشان تطلبي درجه عن بعد اخاف تجي فاتحه او غامقه ف صعب تختاري مع انو انتي تعرفي وجربتي كتير انواع كونتي متخوفه من الدرجه اجل انا كيف
لكن حسيتو يسستحق انو يكون موجود عندك كل شخص دامو يختلط مع كدا حاجه بس حبيت اكتر لما قولتلي مع المرطب ودي اجربو هيك < قلبي الصغير لا يتحمل
يسلمووو يا قمر وبنتظار جديدك دوم
ماشاء الله عليك مخلصة و ماشفت لك مثيل ذكية و فااهمة ادق التفاصيل و في نواحي مختلفة احنا محظوظين فيك و اتمنى من كل قلبي لاتتكدرين بسبب بعض العينات الغريبة ارجوك تجاهليهم و واصلي التألق
نحبك ارتوس
تسلملي إم السوس والله اشتقتلك جدا جدا و
حبيت جدا جدا بس مااتوقع رح اقتنيه بهالفتره
انا بقدر اميز درجتي من تجارب والوان غيري بس
بفضل انو بس سافر جيبو مشان اخدو باقتناع ويكون
اللون مثالي الي اتوقع رح جيب من فئة البرونز
والله يا ارتوس رشيتي ملح علئ الجرح ملينا من الوش المتكتل لا واللي بغير اكتر اشي انو سار مفهوم الميك اب الخفيف يعني ايلاينر وكحل بيج جوا العين وازا شافو حدا عامل سموكي ولا شادو ألوان بقولو مات اللي بعمل هيك أو عقول الكويتين شخباري بشوف انا بحط شادو ملون وبعمل سموكي وبعدني ماتت هههههههه وبيكونو مليطين بوزهم فاونديشن وباودر وبشوفو ناعم مشان بس الايلاينر والكحل النيود طيب وطبقات الطين اللي عاملينها قلبتو حالكم معمل فخار هاد كلو ناعم ولا الممثلات العرب عامه والخليجين خاصه ايش بدي احكي لاحكي
عموما يعطيكي العافيه ياست البنات
حبيت وصفك له وتحمست أجيبه
وإجازة ممتعة
روووووعه بس انا للحين مو قادؤة احدد درجة بشرتييعني اذا طلبت عن بعد بجيب العيد من الحين هههههههههههههه
رهييييب ان شالله اطلبه بس متخوفه من الدرجه
يعطيك العافيه يارب
حبيت يا ارتوسه انا من زمان متابعه لك من ايام ثرثره بس استحي اكتب مادري ايش احس فيه واكتفي بدعوه لك ولام جابتك ان شاء الله نجرب ونشوف
ماشاء الله تبارك الله مابعد كلااامك كلام الله يحفضك تكلمتي عن كل صغييييره وكبييره صراحة كلامك يحمس عنه وتتهني فيه ياارب
وتستاهلي الخدمات اللي تنعرض لك من التاجرات انتي طيبه ومحسنه جداً معانا ومااشوف في كلامك اي شيء يخلينا نتحسس منك
شي بيعئئئئئئئئد عن جااااااااد !!!!!!! .. حبييييت المنتج مرررراا ودخل قلبي مرا عملي يعني ما يحتاج تشترين فاونديشن للصبح وواحد لليل وواحد للمناسبات الكبيرة كلووو في واحد هذا أحلى شي فيه يعني يمدي الوحدة تخلصه بالراحة قبل ما ينتهي تاريخه .. بالنسبة للأساسات الأوفر انا وحدة اصلا ما احط اساس اساس! أحس بدري علي عمري 17 .. وأستخدم تنتد مويسترايزر و بي بي كريمز وزي كذا حتى الكنسيلرز خفيييفة .. احب التغطيه الخفيفة مجرد تصحيح لون حتى يصحصح وجهي ويكون فيه شوووي ثري دي مع برونزر خفيف برضو .. وأحس حتى لو كبرت مااحب احط اساسات فل كوفر ما احب منظر الوجه الممسوح مثل مكياج سامر خزامي حتى لو كان الوجه فلوليس ومافيه خطوط وقشور م يعجبني شكله .. احب الديوي الهيلثي القلوي والشيير كوفرج مثل مكياج اماندا و ميرندا كير .. بس هالميك اب يعتمد ع البشرة البيرفكت بالمقام الاول وأني في طور تحقيق هالشي بإذن الله .. وبالنسبة للاساسات الفاتحة انا العكس كله يطلع اغمق مني فأضطر اخليه لأطراف الوجه ك برونز
.. حلو الوجه يكون مضوي ومشرق بس م يعني انه فاتح بشكل يفقدك بريقك وابييض ! .. جزيتي خير ع الطرح الجميل و بانتظار جديدك 3>
شكرا شكرا توسه من القلب وتتهني بالاجازه وبنشتاقلك برشا
حبيت فكرته .. فعلا ذكي وحتى بيفيد الاخوات الي نفس الدرجه لكن نوعيه بشراتهم مختلفه كل وحده تخلط بما يناسبها .. الله يجزاك خير ارتوس
حبيت المنتج انبسط على هيك اشياء فيها دمج ، والاعلان صدق يعرفون يخلون الواحد يندمج وغصب يشوفه ،
حركات لكن ماقد جربتيه على cc كريم من شانيل طلع حلو معه ولا لا ، ومقارنه ب اساس تارت ايهم افضل
اكثر شيء يغريني يحياتي اخلط اساسات مع بعض
صح انه مره تصيب مره تخيب بس احب كيف مرات تعطيني تغطيه خفيفه ومرات ثقيله وتغير الشكل
حبيبت وصفك للمنتج بكل دقه و حمستيني اشتريه ان شاءالله بالسفر
يعطيك العافيه
حبيت الأساس
أنا من النوع اللي بشرتي صعبه ودي أغير من اساسي (بوبي براون) بس عجزت القى بديل افضل او على الاقل بمستواه
من كثر ما اغلط بالاساسات كان اخرها جيفنشي (فاشل جدا) بس احاول اخلط كريمات برايمر عشان اعدل واخلص العلبه
فحسيت هالحركة مو غريبه علي وحبيت فكرته لان بشرتي تتغير حسب الفصول فراح اخلط حسب مايناسبني
السلاسة اللي ذكرتيها ذكرتني بديفينورا من جيرلان مدري اذا وصلني شرحك صح
بس ودي اسألك
الحين البشرة اللي تحتاج احماض عشان تضبط ايش مشكلتها؟
لاحظت بشرة ايديني مثلا (هي جافه جدا واتعرض كثير للصابون والمنظفات) لما استخدم الليمون أو شيء حمضي يتحسن الجلد فورا يكون رائع وتترطب وتضبط لكن المشكلة اللون يغمق
ف عجزت افهم نوع بشرتي وليش تحتاج ليمون عشان تترطب وتنصقل؟وايش البديل اللي مابيخرب لون يدي؟
ثانيا بالبيت شكلها معقول، بس لما اطلع تفشل تفشل ماودي احد يشوفها ولا احب البس خواتم .. لون فضيع وغريب يعطي على وساخه (معليش عالكلمة) ، يعني فيه ناس يدينهم سمراء بس طبيعيه ، انا يديني حنطي طبيعي بس تحسين تفشل كأني ماغسلتها ولا رطبتها ولا معتنية فيها فمدري ايش مشكلتها
ودي تكتبين موضوع في العناية بالايدين .. مش عناية بل اصلاح .. للايدين اللي خربت وتحتاج اصلاح ومن ثم عناية
امس رحت ل وايتس ولقيت كريم يدين repair & anti aging + SPF والله حسيت اني محتاجته جدا بس خفت انه غير فعال كان سعره 200 وزياده
ومره وانا اعمل ليزر قالتلي الممرضة استخدم هايدرو كريم حسب مافهمت أنو كريم فيه نسبة من الماء لان حسب رأيها هذا اللي احتاجه ، بحثت في الصيدليات ماحصلت
ودي اعرف رايك بهالمشكلة
ياليت تفيدينا بهالموضوع
يالحب ماقصرتي على هيك تدوينك بجده استمتعت بالاقراءة حسيتك مرررة فرحانه بالاساس انبسط وانا اقرا بالنسبه لعمري واتسفيد منك انتي شي عظيم
أسالتي راح تصير كثيرة عليكي دي الفتره ماعليه تحمليني
دكرتي فالتدوينه انو ( وَش المُركب إللي يناسبني ) طيب انا كيف اعرف ادا المركب مناسب وجهي او لا وانا كيف اعرف المركبات اللي موجوده بالشئ نفسو ؟
سؤالي الثاني
كم المده اللي تاخديها عشان تحكمي على كريم او جهاز او اي شي ثاني
دمتي بسعده ننتظرك بعد الاجازة
يسعد مساك يارب …. حسافة فاتتني تدوينتين مالحقت عليهن .. والله وصفك واعجابك يخلينا نشتريه وحنا مغمضين وبالعكس اتجاهاتك للمكياج تعجبني مرررة محتاجين امثالك بكثرة عشان تصير التوعية المطلوبة ولانشوف الاشكال المشهبة ولا المحروقة من البرونز .. يعطيك العافية ي عيني ماننحرم يارب
مساء الجمال حمستييييييني اجربه وانا الشي اذا دخل راسي اجيبه فان شاء الله ان شاء الله حجربه مع انه حتعب في درجتي بس يهون عشان نجربه وشكرررررا واجازة سعيدة وحنشتاقلك
ثااانكس وماتقصرين
انا اتابعج من زمان بس اول مره اكتب تعليييق واول مره اقتنع بذوق وكلام وحده ب كل النواحي ..
انا من سنتين استخدم كفر فكس جربت الفاونديشن liquid وااايد حلو بس ماحبيت الكريمي و ان شاءالله اجرب الدروب كنت محتاره بس حمستيني
مااااتقصصصرين يا ارتوس
ههههههه جدهم الاكبر .. حمستيني مررره بالرغم كلها 3 مناسبات قبل العوده للدراسه بس حمااااس
بإذن الله اجربه ويارب يزبط معايه اختيار اللون تهئ
يابختنا جايبه لنا حتى المتجر ياشيخه ماعندي مانع لو اغراضك من موزنبيق مو بس “برا السعوديه” خذي راحتك بس .. هق
من زمان وانا متحمسه لهذا الاساس واللحين حمستيني اكثر. انا من اول خايفه منه لان لازم طلب وانا شريت مكياج كثير اون لاين بس ما جرات اطلب اساس او كونسيلر الا اذا كنت مجربتهم مااحب اجازف بالدرجه مدري ايش اسوي ومافي عندي سفره قريبه عشان اقول هانت اروح اشوفه بنفسي مدري ايش الحل.
وبالنسبه لموضوع اللي ياخذون اساس افتح منهم انا وصلت لمرحله ان اجلس مع وحده ما اعرفها نسولف عن المكياج عشان بس اجيب طاري الاساسات وبالجامعه سويت نفس الحركه بس ما في احساس وفي الجامعه مو بس جت على كذا تجيك وحده بيضه وتاخذ اساس انا وانا سمرا ما اجرا اشتريه ويلا خذي لك التفارق العظيم اللي يصير بين وجها ورقبتها حتى حد الاساس مع الشعر يصير يفشل بس بما ان في ناس بدوا يتعلمون انا اقول ما زال الامل موجود
هلا يالغاليه
تدوينه جميله جدا مثل جمالك
ربي يسعدك جات بوقتها محتاره وش اشتري
بنفقدك مررره بس ربي يوفقك ويسعدك
على طاري الأساس
انا بامريكا وامس رحت سيفورا مرررره حبيت شغلهم عندهم جهاز تحطه بوجهك يطلع وش درجتك بالأساس بكل الماركات
وبعدين اخترت كم واحد وعطتني عينه منهم
يارب عقبال ماتتغير محلاتنا وتصير كذا وأحسن
ياحبي لك ارتوسه
كم انتي جميله من كل الجوانب
يعجبني نقدك يوصف مجتمعنا وصف دقيق جدا
عجبني الريفيو من كلامك على الرغم اول مره اشوف
هالاساس
للاسف اني موصحبه مع الاساس مايضبط علي
ويحسسني اني اوفر ويكبر بشرتي بالعمر
اكتفي بمرطب وروج ومسكرا وكحل بسيط والسبب
ان الاساس مايعجبني علي ابدااا
وبالمناسبات ابد ماارضى على مظهر بشرتي بالميك اب
رغم اني مهتمه ببشرتي وبشرتي دهنيه
لكن وصفك لهذا الاساس حبيته عشان ادمجه مع مرطب
احب عطاءك
حبييته بالحيل ♡ ان شاء الله اطلبه قريب ولو اني خايفه شوي من ناحية اللون بس زي ماقلتي باحاول ارشح كم درجة واختار من بينهم
مساء الخير .. فكرة جميللة جدا وابداعية وا شاء الله يوفرونها في اقرب وقتك .. دمتي بود ..
خياااال الاساس شكله وتجربتك مته رائعه اخاف اخذه واتهوق فيه لان رؤسي السودا ماتخلص مت اني استخدم لصقات وماسك الجيلاتين يمكن يبي لي فيشال عندي اساس قيرلان ومرتاحه مره معه وبيبي كريم ريميل حلو للجامعه بس ودي اجرب شي جديد زي الاساس هذا عجبني مره غريب قطرات واشياء تحمس باذن الله لي تجربه معه وبحاكيك عنه بس اصعب شي اني ماعرف من اي اندرتون احيان يطلع اخضر واحيان يطلع ازرق واخضر وابطل كل شي بس ياليت تتكلمين عن الاندر تون و مقشر فرانك وفيه بعد طايحين الغرب بالستروبينق اظن اللي هو يعتمدون ع الاضاءه فقط بدون الكونتور اللي عجزت اضبطه واحبه :/ ويعطيك الف عافيه ارتوستنا
صباح الورد ارتوسه
موضوع جميــــــــــــــــــــــــل جدا
انا احب اجرب كل جديد واحب التغطيه الخفيــــــــــــــفه في الحياه اليوميه
فرش وناجورااااال ومنضر نضر
يسلمو ياقلبي
معاج حق والله ان اسواقنا ما تكفي نص احتياجاتنا
اساسا احنا ملينا من الموجود انا عن نفسي صرت احب اقرا كل شي جديد
وغريب عشان جذي مدونتج التوب عندي كل شي جديد تكتبين عنه بذمه وضمير
يكفي الثقه اللي انا شخصياً اثق فيج بكل حرف تكتبينه
شدني كلامج عنه ان شاء الله اشتريه بحال خلصت الأساس اللي عندي
احتاج اني اجدد و اجرب ..
شكراً لج ياجميله
ربي يسعدك اتحمست اجربه
ماشاءالله ارتوس من حماسك تحمست له والله .. وودي اجربه احسه شي جديد وبيعطي طله جميله
والله خفت اكون من راعيين الاوفر وانا مو حاسه :/ هههههههههه
الله يعطيك العافيه على كل هالتعب اللي تتعبينه ماندري شلون نجازيك صراحه , وابد اذا جت اجازتك استمتعي قد ماتقدرين ولا تفكرين بالمواضيع لاحقين خير إن شاءالله 3>
حمسستينا!!
من حمااسج بشترريه و انا مغمضه عيوني
ان شاااء الله راح اجررربه
شكراا.
ههههههه صدقتي دعاية حليب شاي .اما بخصوص اسواقنا هي فعلا تعيسة وبالموت يتوفر فيها شيء والطلب من النت اختصر علينا واجد لكن مشكلتنا بجشع شركات النقل والبريد. منتج اليوم روووعة وماتوقعت ابدا اني الاقيه حتى سعره مناسب ومكونات المنتج تستحق وعجبني كثرة وتنوع الدرجات.
من أفضل كريمات الأساس اللي استخدمتها أساس cover fx. بس القطرة اول مره اشوفه. محتاج تجربة.
تحمسسسسسسست له .. تُشكري على
الوافي و المشوق
يعطيج ربي الصحه والعافيه ارتوس على مجهودج الواضح ..
من ايام شمواه وانا ماافوت اي موضوع لج ..
لأن عندي ثقه كبيره بتجاربج .. الله لايحرمنا منج ..
حاليا استخدم اساس دولتجي ومرتاحه عليه ، واول مايخلص راح اجرب هالاساس الذكي
وان شاء الله احصله عندنا في سيفورا ..
فكرته جديده غير عن الباقي يستحق التجربه
وعساج دوم ع القوة ..
أمـل من قطر
يييعطيح ربي الصحه والعافيه ارتوس ..
بالفعل مجهودج واضح
مبين انو رهيب وشي فوق الوصف لكن اللي يحير لو باخذه شلون اختار الدرجة المناسبه ..
ارتوس ماقصرتي الله يسعدك قد م تفيدينا واكثرررر..
تدوينه جميله ومفيده كثير لان التجديد والتغيير مفيد دائما
شكرا ارتوس
حمستيني مرة والله
والحمد لله اني مااتهورت واشتريت اساس ديور لاني حسيت انه خفيف جدا ومايناسب بشرتي الدهنية
يعطيكي العافية يارب
ودائماً ننتظر your posts ♥️♥️♥️
اسم الله عليك يا بطلة
قبل فترة مريت سيفورا امريكا و شريت لاختي البيبي من هذا البراند كان كمستوى تغطية مذهل حسيت فعلا البراند جدا بروفيشنال بس مع الاسف اختي ما حبته نهائياً تقول احس ريحته حلبة
لدرجة تقول المظهر رائع بس اضطريت الخ عطر على وجهي و استحيت اسلم على احد
فبعدها ما طالعت بالبراند مرة ثانية
هذا المنتج فعلاً عجيب شفت برضه عند بوبي براون فكرة الدروب بس اتوقع ما كان يغطي كثير كان على اياس زيتي و علاجي
حبيته و عجب أمي بس مدري ليش ما شريته
شكرا ياجميلة
مجرد سطور عابرة ~
اخذته لأمي وأحبته جدا جدا
بقيت تحدثني عنه طويلا لاعجابها به
فشكرا لك بحجم السماء ? مدينة لك بسعادة أمي
لم أجربه الا في محلهم قبل شرائه
ساحتفظ برأي حتى بعد التجربة لعدة مرات ?
غريبه توى انتبه لهذى التدوينه مادرى كيف ماشفتها ،، روعه ماشاءالله عليكى تفانى واخلاص فى الطرح يبهرنى كل مره ربي يحميكى ،، اللى صرت الاحظه غير الوجه الأسمنتى الكونتور الغلط للأسف اللى مو مدموج يعنى الوجه عباره عن اساس ثقيل مع بقع بنيه فى الجبين وجوانب الخشم والدقن وعند الاذن وهذا مظهر اشوفه فى كل مكان سوق عياده النادى ? بأذن الله رح أخذه وأن شاءالله اتوفق بختيار اللون شكراً لكى ياغاليه على كل شى ?
thanks for the review dear. i want to know your mac shade becuase i want to order cover fx but i am really confused with the shades
thanks gorgouse
تحمست مرررررره لتجربته ?، ارتوس احب انك موفره علينا وحاطه لنا في كل موضوع روابط الموضوع اللي لها صلة فيه
دخلت هالموضوع من موضوع اخر وطلعت منه بكذا موضوع ثاني. شكراً ويعطيك العافية 