صَباح / مَساء الجمال
مَوضوعنا اليَوم عَن كريم الأساس ..
طبعاً أكثر شيء أسَتغرب مَنه لما أشوف بنت ما تَستخدم أي قاعدة على وَجهها , سَواء بيس , بريمر , تينتد , فاونديشن , باودر
لازم واحد مَنهم عالأقل بالطَلعات وَ المُناسبات، غَيرها الوَجه يصير أغَبر مَع الإضاءة ..
مَره كنت راجعة مَن مُناسبة مشتطه, أقَول لأختي : خير وَش صَار بالبنات زَمان أيام التَخلف وَ أيام قلة مُستحضرات التَجميل كانت البنت تفهم بأساسيات الماكياج
الأن صارت تَركب لها رَموش وَ الوجه أشهب ألهب
نَط أبوي : قال كريم الأساس للي وَجهها شَين أو فيها عيوب أو تَبي تبيض
[ ههههههههه زَينه أبَوي ] ..
المُهم جَلست ساعة أقَول لأبوي لا يا أبَوي ذاك زَمانكم مُختلف كانت الوَحدة تحط أساس تَطلي نفسها بَويه الأن فَرق
المُهم إنه ما أقتنع , قال لا كريم الأساس للي وَجهها فيه مَشاكل ..
وَ كل ما شَفنا نانسي عَجرم صار يَقلي هذي فَيها كريم أساس ؟! أقوله إيه فيه طَن كريم أساس ..
يقول : مُستحيل فيه أساس هَذي بشرتها حَلوه خلقه
[ هههههههههه كل الرَجال إذا شافوا وَحده مكياجها بألوان ناعمة يَتوقعون مافيها ماكياج , لازم تَحط روج أحَمر عشان يَقتنعون ] ..
المُهم قلت تُوبه تُوبه أفتح مَوضوع ماكياج عَند رجال ..
أبَوي مُستحيل أفتح عنده مَوضوع إن هيفاء وهبي فَوق الأربعين يَقول صَغيرة 30 سَنه
وَ مستحيل أقوله نَجوى كرم فـ الخمسين , وَ مُستحيل أقوله كريم الأساس تستخدمه إللي بَشرتها زَينه يذكرني ببعض بناتنا
عنده كريم الأساس لـ : الشيون وَ كبار السَن وَ البشرة المَبقعة ..
إخترت أتَكلم عن شركة تارت
هالأساس مسوي ضجة في ربوع الأنستقرام عند الأجانب ، الغريب إنه مو مسوي ضجة عندنا أو أنا ماسبق وَ قريت عنه شي بالعربي ..
وَ حقيقة ماكان ببالي أجربه لو ما جاني تقدمة , لأن تَوجهي بالغالب يَميل لنَوع مُعين من الماركات ..
فأشَكر مَتجر le_mquillage عَلى إهَتمامه بتزويدي بالحَديث [ أضغطي هُنا ]
المُنتج له مَعي 3 أشَهر تقريباً وَ يمكن أكثر جاني سَوا مع إسفنجة الكونجاك
وَ لكن ما حبيت أطَرحه بدون ما أجربه لفترة كافية وَ كنت أتمنى أجربه لفترة أطول بالصيف بَس صراحه لو بَجلس أختبر كل شيء 6 أشهر
أتوقع ماراح ألحق على عَجلة التَطور
نُبذة عَن ماركة تارت ~
تارت مَن الماركات الأمريكية إللي إنشهرت بالفترة الأخيرة وَ إللي يميزها إنها خالية مِن المواد الكيميائية الضارة وَ مصنعة من مواد أكثر طبيعية بالإضافة إنها صديقة للبيئة
سَعره : 38 دَولار
مواصفات أساس تارت ،’
ـ الأساس يميزه غير إنه من مواد طبيعية هو أنه يحتوي على:
• طين الأمازون وَ هو إللي يساعد على بقاء الأساس فترة أطول
• فيتامين A: مضادات الأكسدة يحتفظ بالرطوبة وَ يساعد على الحماية من الجذور الحرة
• فيتامين E: من المواد الحافظة الطبيعية ، يعمل أيضاً كمضاد للإلتهابات وَ مضادات الأكسدة
• ألوان معدنية
ـ يدوم لفترة طويلة مايقارب 12 ساعة من غير ما يتأكسد
ـ يعطي فُل كفرج ( تغطية كاملة )
ـ يعطي تغطية مثالية وَ طبيعية.
ـ خالي من الزيوت وَ يعطي تغطية مخملية ( مظهر ساتيني)
ـ فيه وقاية من الشمس بنسبة UVA / UVB SPF 15
ـ يناسب جميع أنواع ابشرة
ـ يقلل من ظهور المسام
أهم عنصرين في المنتج هو ~
ثاني أكسيد التيتانيوم Titanium Dioxide :
فوائده واقي من الشمس ، يعطي اللون للأساس ( بيجمنت)
أكسيد الزنك Zinc Oxide:
فوائدة له خصائص مطهرة يهدئ الجلد وَ يعالج الطفح يستخدم غالباً لعلاج إلتهاب الحفاظ للأطفال ،أيضاً واقي من الشمس ويعالج حروق الشمس
الأساس خالي من المواد الضارة اللي هي ،’
– المواد الحافظة
– الكبريتات
– العطور الصناعية
– البتروكيماويات
– الفثالات
– الكائنات المعدلة وراثياً
– التريكلوسان
دَرجات الأساس ،’
25 دَرجة يعني تنوع هائل الكل يَقدر يلاقي لَونه تقريباً ..
اللَون المُختار هو اللون المَحدده عَليه light neutral
أنا صَراحة أتوقع إني أخترت أغَمق نَسيت كم إللي إخترته , لَكن التاجرة قالت لي إخترت لك هاللون أتوقع كان مَخلص وَ لو بتسوي لي أوردر بنتأخر أكثر
اللون تقريباً مُطابق للوني مَش أفتح وَ لا أغمق لكن السَحنة شَوي شاحبة وَ أنا أفضل درجة أغَمق لكن على رَملية أو عسليه ما أحبها تَكون درجة باردة
لكن إختيار مُمتاز على إنه إختيار عالعَمياني لكن ناسبني , وَ رغم مَيولي لألوان أغمق إلا إني حَبيته وَ صرت أشَوفه ملائم
لكن لو بختار مَن جديد بَختار لون ثاني
هنا مََظهره على البَشرة
The Photo From Girlgetglamorous
وَ هنا مَظهره مَع البريمر سَواء بدون الأساس أو بطبقة واحدة من الأساس أو بطبقتين من الأساس
وَ الفرشاة المُخصصه له من نفس الماركة هي الأير برش بامبو
Airbrush Finish Bamboo Foundation Brush tarte
طريقة الإستَخدام ،’
مَديته بالفلات كابوكي F80 وَ أتعب أقول رَوعة رَوعة رَوعة أقصد الفلات كابوكي
وش كثر هالفرشة سَحر , إللي ما عَنده هالفرشة بَجد ما جَرب فراشي .. غيرت مَفهومي لفراشي مَد الأساس
طبعاً البيوتي بليندر حَلوة لكن بما إنهم بَموقعهم نصحوا بالفرشاة فأنا أعتَمدت الفرشة بَدله ..
أبخ الفرشاة بفيكس كلارينس [ أضغطي هُنا ] ..
ثُماً أحط الأساس على نقاط بَوجهي وَ أمد , أنا أفضل أنقط وَجهي بهالأساس لأن قَوامه بَودري
بينما الأساسات الباقية أسخنها بيدي وَ أشيل , هذا زي ماقلت لأ نقطته على وَجهي وَ نشرته بالفرشه بحركات دائرية
النَتيجة إندماج تام مَع البشرة
رأيي عَن المُنتج ،’
المُنتج مَكتوب فُل كفرج , أنا ما أحسه فُل كفرج وَ بنفس الوقت مو أساس خفيف خفيف
تقريباً أحساس مثل الفاونديشن الموس , ناعم وَ مخملي وَ خفيف يَمشي مَع البشرة بسرعه
غالباً الشغلات إللي تتحول لباودر أو مات تنشف على طَول ما تسمح إنك تَمدينها لفترة طَويله هالأساس مافيه هالمُشكلة مريح أثناء المَد
بشرتي مافيها أي بُقع حمراء وَ لا أثار حبوب مافيها مَشاكل تستدعي فل كفرج فما أقدر أحكم إذا كان بيغطي المشاكل أو لأ
لَكن ما سبق وَ شفت أساس سائل يعطي تغطية ١٠٠٪ , فيه أساس غير سائل ستيك مَن ماركتين لفتوني ليش ؟!
مو عَشان التغطية يعطون لمعة مو طَبيعية وَ كأن الوَجه بورسلان يوماً ما بتكلم عَنه
[ ما أتوب من هالحَركات ] ..
أول ماجاني جربته على يَدي حسيت على طَول إنه مميز خاصه إن فيه ذرات لميعة خفيفة تكاد لا تُذكر .. تعطي نَور مو تخليك لَميعة أو مَعرقه
لكن ما حَكمت عليه ١٠٠٪ لأن عندي عُقد من الماركات زَي ماك , أو بينفت بالرغم تَجربتي مَع أساس بينفت دامت لسنين وَ كان روَعة
لكن مازالت العُقدة مُستمرة يَمكن التاجرات خَلوني أوسع مَداركي أكثر وَ أحاول أخرج من الإطار إللي أنا تَعودت عليه ..
المُهم رجَعت جربته عالسريع بكذا مَشوار بس كان مَشوار أبو ساعتين ما أقدر أحكم عليه , فجربته بُمناسبة لُمدة ٨ ساعات وَ كان مُمتاز ماتغير لونه
أنا بشرتي دَهنية وَ لما أستخدمته تعمدت ما أستخدم أي بريمر أو بيس أو مَلون , اللهم إستخدمت بخاخ أوربان ديكاي قبل الماكياج لأنه يخفف الإحمرار وَ ناعم وَ مُجرد رذاذ
فَحبيته وَ إستانست عَليه ..
وَ اليوم قسمت وَجهي نص , نص فاونديشن ميك أب فورايفر إتش دَي [ للإطلاع هنا ] وَ نص فاونديشن تارت أمازون كلاي
[ عَشان أحكم صَح ] ..
تَغطيتهم قراب مَن بعض , لكن فورايفر تغطيته أقوى مُش بكثير بس أقوى
حسيت تارت أنعم عالبشرة وَ كأنه يضيق المسام وَ مُش متأكدة لكن نفس تضييق مَسام سي سي شَانيل [ للإطلاع بَرضو هُنا ]
يمكن مايضيق لَكن يوحي ببشرة مَسطحه ..
بشكل عام أنا كل الأساسات تَناسبني ما أعاني من مُشكلة من الأساس , عُمري ماجَبت أساس وَ خذلني
بَجد مو قادرة أحكم ١٠٠٪ , لأن حتى عنايتي ببشرتي هالفترة إكسترا وَ بدون ماكياج أنا أشَوف بشرتي جالسة تتألق
فَهل إنطباعي نابع من إنه أول أساس جَربته مع روتيني الجَديد !! .. أو لأن هو فعلاً واو
المُنتج بنسبة حماية ١٥ spf
يَستاهل سَعره أو لأ ؟!
٣٨ دَولار يعني بنقول سعره بالمَوقع الأصلي ١٤٣ ريال سعودي تقريباً
وَ التاجرة أكيد بتضيف له قيمة الفائدة وَ النقل فعاد كَم بيصير ما أدري .. لكن أشَوف سعره عادل على مَزايا المُنتج
غير إنه مُنتج طبيعي وَ معروف المُنتجات الطبيعية أغلى .. يعني بالنسبة لجرائم جيرلان سَعره يا بَلاش , بأقل من نصف قيمة جيرلان
كيف رَيحته ؟!
ريحته مثل المُنتجات الطبية مافي ريحة عَطر وَ لا مايحزنون .. أنا حطيت بَوجهي بلاشر ديور وَ بودرة ديور الوَردية فريحتها طغت على ريحة المُنتج
ريحة طبية مثل الأدوية الطبية مو مثل ماكياج الصَيدلية , رائحة غير مؤثرة بس مو جَميلة وَ لا قوية بنفس الوَقت
هل مُناسب للسهرات ؟!
ماعَندي مفهوم سهرة وَ غير سَهرة , عندي فكرة اللون وَ الكمية هي إللي أساساً تشتغلين عليها لو إنتِ ميك أب أرتست
لأن ما أعاني من مُشكلة تحتاج تغطية , وَ أنا من عُشاق الأساس اللي يَظهر البشرة طبيعة قدر المُستطاع وَ تكون بنصف تَغطية بالسَهرة
بالمُناسبات العادية مُمكن ألجأ للتغطيات الأخف , أو أستخدمه بطريقه أثناء المَد تخليه خَفيفه
كُنت مُتخوفه من إسمه إنه فُل كفرج , لأن ما أحب التغطية السَميكة لكن فعلاً عالبشرة تشوفين جَمال البشرة الطَبيعي
وَ فوق كذا تقدرين تسوين مَنه أكثر من طبقة وَ تعطيك التغطية المَطلوبة
هل يَدوم ١٢ ساعة ؟!
بنظري مافي شيء مادام مَعي بس الصدق الصدق ماجربت ١٢ ساعة إلا مَرة وحده بحياتي , مَنب مُمثلة وَ لا مُغنية تجلس بَموقع التصوير يوم كامل
إللي جربته أبو ١٢ ساعة فاونديشن إتش دي من ميك أب فَورايفر , لكن إللي أتوقع يَخلي أي مكياج مَليون ساعة مو ١٢ ساعة طريقة وَضع الماكياج
وَ أنا مَن أنصار الباودر , فأحس أي ماكياج مَن غير باودر عيوني تَشوف فيه تأكسد وَ تزحزح الاساس
تقريباً الأن كثير يعتمدون هاللوك , ما أحس يعطي لوك نَظيف بالنَسبة لي
يعجبني وَجه نانسي عَجرم بالرُغم تكثر كثير باودر بس مكياجها نَظيف , أحياناً إذا بسام فتوح هو اللي زَين أساس هيفاء وَهبي أحب أساسها
وَ إليسا بالرغم إليسا بشرتها تعبانة جداً وَ تعاني من نَدب بالبشرة , لكن بسام فتوح مايقصر بالباودر ..
إلا إذا طبعاً نبي ماكياج ديوي ..
هل مناسب لجميع أنواع البشرة مثل تصنيفهم ؟
هم كاتبين إنه لجميع أنواع البشرة بالرغم إنه يحتوي على الطين وَ الطين غالباً يمتص الدهون من البشرة وَ المنتج أويل فَري
فأشوفه أفضل للبشرة الدهنية وَ المُختلطة ,وَ ممكن البشرة العادية تستخدمه لكن بدون باودر وَ تستخدم قبل بريمر أو بيس مُلائم لبشرتها ..
ماعندي خلفية إذا راح يناسب وَحدة تعاني من تجاعيد تعبيرية أو حفر بالبشرة لأن لما تَجف البشرة غالباً تبرز هالعَيوب
شَفتوا صَور الغربية إللي فَوق , يعطي نفس هاللوك النظيف وَ الصحي
هل يَستحق الإقتناء ؟!
الغربيات إللي جَربوه بموقع تارت أغلبهم عَطوه ٥ نَجوم وَ فيه إللي حبه وَ طيره السَماء وَ فيه إللي قال إنه أظهر مساماتهم وَ جفف بشرتهم وَ الفئة إللي ذمته لاحظت أعمارهم كبيرة وَ بشرتهم جافة , بالنسبة لي شَخصياً أي شيء يَجيني مَجاناً الصَدق الصَدق أستخصر أشتريه من جَديد إلا إذا بيعطوني إياه مَن جَديد
[ راعية أبو بلاش لووووووول ] ..
يَعني مَخي يقول أخذتيه ببلاش حرام تَدفعين عَليه , المُهم الجد الجد مُمكن أشتريه من جَديد
وَ فعلياً طلع من هالماركة باليتة شدو إسمها جذبني إسمها تارتليت وَ مات أحسها بتضرب , طبعاً ضاربة عَند الأجانب بس حبيت ألوانها
وَ أعتقد إني راح أجربها قَريباً
وَراء الكواليس ~
الكل صار يَعرف إني أكَتب إرتجالاً ما أحب أحضر المَوضوع قبل بالرُغم المُدونات تساهم على التَخزين وَ التوقيت
ما أنكر إنه وَقتت لـ ٣ تَدوينات وَ كرهت نفسي لما نَزلتها , ما حسيت بالمُتعه وَ حتى كانت رَوحي باردة لأن مافي شيء يَطرد وَراي
[ هذي طبيعتي السَلبية ما أعرف أشتغل إلا إذا إنضغطت بوقت زَمني ضَيق , الزَنقه تخليني أبَدع وَ أتحمس ] ..
فَليون الحُب يَطاردني أروح يَمين يروح يمين
تَراه مَعلق بالهوآ ناوي يَنط
نَط
وَصل , بَجد هالكياتة متسلطه علي , لكن قلبي ما يَطاوعني أطرده ..
إستغلني شَر إستغلال هالقَطو خاصه لا صار جُوعان
كَل اليوم مَطنشني وَ لا شافني أنَشغلت بشيء , إسَتحاله ما يتلقف يبي يَشوف وَش ذا ..
وَ هذي هي حياتي وَ كواليسي , لما أتأخر ساعات عَن التَدوين فَمعروف فيه شيء يأخرني يا لَيون ينطنط مَعي
يا أنتظر الكاميرا تَشحن , وَ مرات يروح الإلهام وَ أبطل وَ لكن تضل التَدوينه المُرتجلة أطعم وَ ألذ من غَيرها
دُمتم بَحب
ارتووووس 🙁 ابي حل انحرقت في منطقه البكيني وسويت جلستين وجهازي جنتل ليزر يرو بس ماكنت اعرف وش الدرجه و الحين صارت بقع سوداء 🙁
تروح .. الجنتل برو يحرق تقريباً ..
ويمكن المنطقه شوي غامقة فأحترقت غير إنها رقيقة , فيمكن نست ما تغير القوة
فأنتقلت من بشرتك العادية لهالمَنطقة فاحترقتي أو كررت كذا مره ..
يروح
يعطيك العافية آرتوس،
هالماركة كثير آمر عليها بسيفورا، و آنوي اشتري منها عشانها طبيعية بس آلوانها تطلع علي فاتحة فاغير رايي.
باجرب هالاساس ، ممكن يعجبني،،
شغلة الرفيوز بموقع سيفورا ما اصدقها دايم، و عموما بكل المواقع الاجنبية ، عشان يتحكمون فيها الادمن..
الا اذا الواحد ذكي يميز…
بالتوفيق
ارتوسه حبيت هالاساس من كلامك وفيديوات الاجانب لكن برايك يناسب الجامعه انا بشرتي تتعب من الاساس وكذا مره استخدمت كذا ماركه وتعبت بشرتي وصرت بس اروح باهته للجامعه وحابه اجدد بنفسي احس اني شنب بدون اساس تنصحين بأستخدامه يومي
طيب هل استخدم كريمات مبيضه او كريم ميبو ؟ وصحيح غامقه ؛( مره ضاق صدري وهل اوقف ليزر ؟ ولا استمر !
ليش ما سألتيها أفضل لك مَني .. مالي خبرة بالجنتل برو
ميبو مافي أي مشكلة من أستخدامه , المُبيض ممنوع منعاً باتاً بترققين البشرة
صباح/ مساء الروعة الارتجالية
يسلملي ليون صورة النطه تجنن ياخي تنشرى بفلووس
من وصفك اياه حسيته يشبه اساس لانجري من جيرلان لما احطه ع وجهي بغض النظر عن الرائحه طبعا
تعدد الدرجات يخليك مرتاحه مو زعلانه لاني مااستخدمت السي سي كريم من شانيل ابد
من الكلام المغري المذكور اعلاه يستحق التجربه وانا مغمضه كمان
عندي سؤال شاطح شوي كيف اعرف تاريخ انتهاء اي منتج تجميلي بصراحه عندي اساس وبيس من فتره طويله ومو مكتوب عليهم وعلبهم راميتهم
واخاف استخدمهم وتتضرر بشرتي
ياهلا بالزَين ترى رَديت عليك بَخصوص شنطة مارك جاكوبز ..
لا لانجري مَره أخف .. وَ جيرلان يَضل جيرلان لو يطلعون مَنه صلصة طماطم بَقول عَنها حلوه ..
من تاريخ الفتح كل منتج يوم تشترينه بتلاقين إما بعبوة المنتج أو بالكرتونه مثل الرسمه : كأنها علبة مفتوحه مكتوب ١٢ أو ٦
١٢ يعني ١٢ شهر وَ ٦ يعني نص ٦ أشهر وَهكذا ..
ياصباح الفل …
اعجبني كلامك عن الفاونديشن وكلام ابوك الله يطول بعمره نفس كلام اللي عندي لين شاف بنفسه ع الطبيعه …
مررة التدوينه جايه بوقتها وانا عندي سؤال يخص أمي أمي قبل أمس مكلمتني راجعه من مناسبه وتصيح من كريم اساسها وهي تستخدم بالعاده ايف سان لوران من زمان عليه بس ذحين تقولي انو مرره يبين التجاعيد اللي حوول العين ويتقشر ويلون تحت الكحل رمادي وامي من النوع اللي يدعج العين كحل وقلتلها بنروح السوق وندور وكان في بالي ياقيرلان او ايستي لودر قلت نجربها ونشوف انتي ايش رايك … هل في اساسات تنفع للمتقدمين شوي بالعمر وتخفي قدر الامكان التجاعيد … وماتتقشر .. مع العلم امي بيضاء جدا فأيش تنصحيني …
يعطيك العافيه ياقلبي ماقصرتي …
لا أبَوي أستحالة يَقتنع الظاهر , بالرغم أمي تستخدم فاونديشن وَ أنا وَ أختي نستخدم
لكن يقَدر البلاشر هههههههههههه ..
استي لاودر بالنسبة لي خاصه الدبل وير سوا ضَجه أكثر من اللازم هذاك أسمه الجبس كل لون منه جبس
ما عَندي أطلاع للأسف عن فاونديشن للبشرة الناضجة لكن لامير يفي بالغرض لكن أنا ماجربته بس سخيفين جداً قيمته بحطها بجلسة تقشير للبشرة
فانا أشوف أمك لو تقشر بشرتها أحسن ؟! و تخلي روتين العناية الخاص بها كريمات تحتوي فيتامين سي أو أحماض الفواكة عشان تتقشر البشرة وَ ماعاد تبين الخَطوط
المُعالجة بالنسبة لي أفضل , وَ البشرة المُتقدمة بالعَمر تحتاج غالباً أساسات مُرتبطه وَ تغطيه مو قوية لأن التغطية القوية مرات تبين العَيوب وَ البودر مايكثرونه تخفف باودر
وَ الأساسات يبيلها شيء قابض للمسام , لأن البشرة مع العمر المسام يتوسع ..
أن شاء الله أكون افدتك ..
ههههههه يازينه ابوك صدقيني مايكون ملم ومنتبه لهيك شغلات الا اللي عايش بين جميلات فتلقينه اتفحت عيونه وصاير يفهم ويعطيك العافيه ..
بالنسبه لامي بخليها تجرب مجموعة فيتامين سي وبحاول فيها تقشر بشرتها بس سؤال ينفع التقشير لمرضى السكر … واساس لامير نجيبه لامي مايغلى عليها اهم شيء تنبسط….
وكل شيء منك فائده ياارتوسا …
هههههههه فيه تَكبير لراسي خلاص بَوافق على كَلامك ..
لا تَخلين أمك تجرب مجموعة فيتامين سي من ذا بودي شوب لأن مالها فايده فيتامين سي فيتامين جداً حساس لو ماجاء بعبوات غليظه وَ بنيه ماله أي فائدة
لو شفتي منتج فيتامين سي لونه برتقالي اقصد الكريم نفسه أعرفي أنهم نصابين ١٠٠٪ , فحسافة ضياع الفلوس فيه ..
لا أساس لامير مايسوى غلاهم عشان المُنتجات مكوناتها كافيار وَ طقته لكن عملياً ماله أي فائدة مُجرد إسم ..
صَدقيني بس تعالج بشرتها بترتاح كثير كثير من كثير مَشاكل عشان حتى بحياتها اليَومية تحس بالراحة , ماعمري قريت إن التقشير مُضر لمرضى السكر
بس تاخذ كريمات تحتوي على جليكوليك اسيد , قبل النَوم تدهنه ولا قامت تغسل وجهها وَ تدهن بكريم عادي طبعاً لو بشرتها غير جافه
الجليكوليك أسيد يخلي البشره ملساء يملسها , لو تسأل طبيب أفضل بس حتى الصيدلي مُمكن يعطيها مبدئياً تاخذ بنسبه خفيفه للتجربة فقط
هههههههه …
لاوشو بودي شوب قلتلك مااخذ منه غير زبد العسل غيره لا ومو دايم بعد …
انا قصدت اللي بالصيدليه لاني قد جربتها مشكلتي انسى العلبه بيضا وغطاها اورانج جربتهم حلووين وخفيفين احسهم بيناسبون امي بس شكلي بغير رائيي وبستخدم لها الجليكوليك اسيد والله يعطيك العافيه كل مرره حبيبتي بقول لامي اذا زانت بشرتها ترا مو من شطارتي هذي ارتوسا اللي دلتني عاد انا صاجه العايله كلها فيك احب اسولف عنك وعن سوالفك …
لا خَفت يوم قلتي مجموعة فيتامين سي قلت خلاص هَي حق ذا بودي شَوب ..
وَ الله أللي يَبي ياخذ مَني جَواب يقول لأمي بَعطيه عَيوني , عَندي نقطة ضَعف أمام البنات اللي يَهتمون بأمهاتهم ..
عفكرة حتى لو أمك تسوي جلسة بلازما بتستانس كثير كثير خاصه إن فيها سكر وَ السكر يشحب البشرة شوي بس طبعاً بعد سؤال الطبيب
لأن المَوضوع فيه أبر وَ مرضى السكر موضوع تخثر الدم عندهم مَشكله مَعه .. جليكوليك أسيد مبدئياً ممكن يطلع مثل حبوب الحر
لكن ٣ أيام لـ أسبوع تتعود البشرة وَ تبدأ قبل لا يزيد الحر , وَ تهتم بالواقي الشمسي
لك احلى طبيعه واصل الايجابيه انتي
دخيلو الابيض يلي ناطط بكل صورة ومزينها
الحملله او هالكري ماهبو في العرب >>ولو انو بعد تدوينتك 100% الكل رح يشتري وينشهر
بس بحس كل شي يهبو فيه بكرهو ويصير بدون معنى ههههههه
شعور غريب
وصف دقيق وانيق
متلك بخافمن كلمة فل كفرج فورا بتخيل وجه حليمة
مخص اساسي ومحتار باساس جديد وكل تدوينه تحيريني اكتر واكتر لوووووول
……….
هههههه يخليلك الوالد الهي يارب
والله عجزنا نغير تفكريهم
متل اخي بالزبط مقتنع انوالتركيات مايحطو ميك اب
وانوماعندهم فوتوشوب وتجميل
غريبين وعندهم تناقض الرجال
يعني نفس يلي يقلك لاتحطي ميك اب بيتخرفن وقت يشوف بنت حاطة ميك اب انيق >>كيف يتخرفن بس
مابتوقع رح يقتنعو !!
تسلملي دياتك وكلماتك الارتجاليه وروحك الحلوة ياااااارب
هههههه نَفس شَعورك , ما أدري لَيه 🙁
زي البيبي فَوت كرهته بالرغم مُمتاز جداً بس أدور شيء ثاني ..
ههههههه صَح صح جبتيها وَجه حليمه فل كفرج ..
ههههههههه التركيات دبل أساس بس بذكاء , عندهم فن بالتصوير وَ فن بكل شيء
بعدين أنتوا من أهل الشام يَعني البشرة الحلوة ماشاء الله ما تنقصكم , فليش مَستغرب 🙁
شَوفي هههههههههه مَوضوع التخرفن علي حاطه مَيك اب أنا أتوقع مثلاً لو خطيبك أو زوجك يقولها لك لان يفكر بشيء ثاني يفكر بوراء الكواليس لووووول أكيد فهمتيني
بس أنا أخواني لما أسوي مكياج مقربع يعني مكياج خفيف يقولون واااااو يجنن , وَ لما أسوي مكياج متعوب عليه وَ إحترافي يَقولون يَع شكلك مثل هيفاء وَهبي متصنعه
ههههههه أخواني مايحبون هيفاء وَهبي ولا مايا دياب , يعجبهم مَثل سكارلت جوهانسن بكل ما فيها بشحمها وَ لحمها يقولون طبيعية
نورتيني حبيبة قَلبي ..
ويسعد ربي ايامك
حبيت الاساس من تدوينتك الضميريه
ودام من تاجره بيسهل علي الطلب
يازينه ليون الحين لقينا عذر لمواعيدك العرقوبيه
الله يفتح ع قلبك وعقلك
آمَين يارب .. يازين دعواتك ..
وَ الله لاحظت البنات يحبون التاجرات أكثر من الشركات , وَ تصدقين حسب تجربتي بعض التاجرات فيهم ذوق وَ نزاهة أكثر من المعارض وَ المتاجر
يعني هالتاجرة مَن مجرد أختياري للمنتجات ما طَولت مَعي بدون لا تسألني ألقي شركة التوصيل مَوصلته لي ..
اما محلاتنا مَدري وش صابهم 🙁 أسعار غالية وَ أخلاق زَفت .. فقدنا متعة التَسوق
انا هاد الاحساس الي بحب حسو لما حط الفاونديشين انو يغطي الاحمرار الي ببشرتي والمسام ويتحكم بالدهون ما حس بلمعه ع الجبين والانف وما حس بجفاف ع الخدود بس اكيد ما راح جيب هالمنتج لان غالي وما بطلع كتير يعني ما راح استخدمو علي طول يعني بدي بديل ارخص .. وفيه شغله ما كتير فهمتا كيف انو كترة الباودر بتحلي المكياج .. لازمنا دروس بالمكيااج انتي كريمه ونحنا بنستاهل ..حلووه قصة الكواليس بتخلينا بالجو و شكرا كتير لكل شي بتقدميه
لا مو كثرة الباودر يَلي بتحلي , كثرة الباودر بتعطي مظهر كيكي لكن نانسي عجرم تحتاج باودر ما أدري لَيه أو يمكن ستايل فادي قطايا هَيك ..
لكن بالنسبة لي أرى وجود الباودر ضروري حتى لو بكميات بسيطه جداً .. خاصه ببلدانا الحارة ممكن لو عايشين بروسيا الوَضع مُختلف
كالعادة استمتع بتدوينات الميك اب منك وخصوصا الفترة هذي طايحة في الميك اب واللسته كل يوم تزيد ههههههه وتبيت الصراحة عجبني هالمنتج ومرررة حابه اني اجربه واحس فيه شبه غير مباشر بينه وبين سي سي كريم شانيل من حيث القوام الخفيف والتغطية كانت تجربة ناجحة جدا معه بس مشكلتي هالمنتج هذا الي طرحتيه مالقيته في منطقتي وانا صعبة اطلبه اون لاين لان ماعرف درجة لون بشرتي صح ع الطبيعة فما بالك اون لاين .
بس ارتوس عندي طلب وادري طلباتي ماتخلص ودي يوم تنزلين لنا موضوع مخصوص عن الطريقة الصح لوضع الاساس لاني فعلا اعاني مايضطبط معي قبل فترة سالتك وقلت انه المكياج والاساس يبرز عيوب بشرتي اكثر بالرغم اهتم واطبق الخطوات الصح برايمر وغيره وانتي قلت لي ركزي وشوفي الشغلات الغلط الي تسوينها من يومها وانا اركز بكل خظوة ميك اب عشان ادور الغلط وين واجرب طرق مختلفى مثل طريقة المد ونوع الفرشة ونوعية الاساس طبعا ما زلت اعاني بس باذن الله قريب اعرف السبب لكن دعيت والله لان لفتي عيوني على شغلة ماخطرت في بالي .
أجل جايتك قريباً بماسكارا وَ لو ذكية مفروض تعرفين من أي بَراند ..
تصدقين سي سي كريم أثقل منه أو تحسين بشوية سَمك ؟! هذا أكثر راحه لأنه مَثل الموس بس فعلاً فيه شبه بينه وَ بين السي سي يمكن المواد الفاعله
بالنسبة للون درجتك أحسن شيء أدخلي سيفورا يكتبون الوَصف زَين , أشري على كل لون بيحطون لك وَصف صح مايشبه ١٠٠٪ لكن انا شريت كثير شَغلات من الأنترنت وَ طلع مضبوط
يَمكن لأن خلاص عارفة درجاتي من كَم ماركة فأقيس الألوان ببعض , يعني لو بجيرلان أخذ الدرجه الثانيه وَ عند جيرلان ٦ درجات , وَ ديور ٦ درجات فبتلقيني أخذ من ديور الدرجة الثانيه طبعاً لو حسيت اللون منطقي
وَ السحنه ملائمة ..
إلا اذكر سؤالك وَ كثير مثلك وَ صدق ما أدري وَش السبب .. يمكن تكون البشرة فيها مُشكلة ..
خلينا نَقول جربتي الفلات كابوكي ؟! .. جربتي كعناية فرضاً أسفنجة الكونجاك لو ماعندك مقدرة عاللونا !!
أنا اللونا بجد وَدي أبكي إني ماكنت مشتريتها لو كانت مَعي من عمري ١٤ سنه أتوقع ماكان ضيعت عمري وَ أنا أفعص بهالبثور ..
لان جد كثرة حكحكة الوجه تضيع كثير من عُمره الإفتراضي وَ كثير منا كان عنده أخطاء من الصغر , أنا صَح من طفولتي عنايتي كانت صَح وَ لما بديت أشيل البثور أزلتها بالأبرة
بس يضل فيه تخديش بالبشرة يعني لو البشرة تتخدش بالشهر مره أزين من كل أسبوع !! فيه شغلات كثير نسويها غلط بس مضطرين
مرات المنتجات ماتكون مَتوفرة , مفروض بالمدرسة بدل ما ضيعوا وقتنا بالمٌحاضرات السخيفه كانوا ضيعوا شوي من وقتهم وَ أستضافوا اخصائية بشرة تنصحنا بنظافتنا
وَ بالعناية ببشرتنا وَ الاهتمام بأمور المراهقين , كان ارتاحوا المُعلمات من روايح الفصل لكن تفكيرهم سَطحي مافيه أي بناء للمُجتمع
إنما من يوم ماخلقنا يكررون علينا الكلام زي الحمير [ واضح إنها عصبت ] ..
المُهم فيه شغله قريب بنزلها لكن لازم أستأذن من صاحبة المَوضوع لأن المَوضوع ما يَخصني .. صَح بذكر إسمها لكن أتوقع هي تفضل تنزلها قبلي بَمدونتها
من ثٌم أنا انزله بعد الإشارة لها ..
ياحبي لك يارتوس كفيتي ووفيتي بصراحة وثقي ان ردودك افادتني بشكل ماتتصورينه واختصرتي علي وقت وجهد
بخصوص سالفة الاندر تون عجبتني طريقتك في معرفة الاندر تون حقك بالنسبة لي نهائيا ماعندي فكرة درجتي بالضبط بس الي متاكدة منه الاندرتون حفي هو اصفر وبالفترة الاخيرة بديت اركز بلون الاساس صح واكتشفت مثل مافلتي احيانا تكون درجة الاساس نفس لوني بس يطلع مو حلو ومرات يكون اغمق بدرجة بس يطلع جميل باختصار السر في اندرتون البشرة بصراحة انبسط كثير كل ما اكتشفت مثل هالاشياء وعرفت عن بشرتي اكثر وعلى قكرة درجة سي سي كريم البيج كنت جدا محظوظة لانها ناسبتني وفعلا فعلا يطلع لون بشرتي معه بيرفكت .
بخصوص العناية انا جدا مهتمه في بشرتي وفيه تحسن كبير خلال السنتين الاخير لان نسبة الوعي ارتفعت عندي طبعا البثور ماعاد تطلع لي بس نوعا ما اعاني من الجفاف في الخدود جبهتي متقشرة دايما بس لاحظت انه كلما ماخففت من استخدام المقشرات تخف المشكلة وبخصوص الفرشة انا عندي كلاراسونيك بس ماحبيته وللاسف ماسمعت بلونا ميني الا عقب ماشريت كلارسونيك بيوم واحد تخيلي بس مازلت افكر اشتريها لانها حييل عاجبتني واستخدامها اريخ
وانا اعترف بفترة مرراهقتي دمرت وجهي بكثرة العناية وعدم الترطيب بشرتي بالرغم اانها شبه صافيه بس فيها خدوش مدري كيف اوصف لك كانها تحت الجلد
وصدقتي التعليم عندنا ينقصه الكثير مفرةض بدل هالمحاضرات العقيمة الي يعيدون ويزيدون فيها كان الاولى نتثقف في امور كذا اتذكر مرة اعطونا استبيان في المتوسط نحط فيه اقتراحات عن الدورات وانا كتبت عن دورات العناية والمكياج واتذكر الفصل ضحكوا علي وقاموا يتريقون علي اقتراحي وخذوا الموضوع باستهزاء نسوا اصلا انهم بنات وانه جزء من انوثتهم الاهتمام والتثقف بالاشياء بدل جهلهم بابسط ابجديات العناية والنظافة الشخصية بس هذي نتيجة سياسة التعليم الي فيه كبت وقمع لحرية الطالبات
المهم انا كلي حماس وشوق لموضوعك الجديد وبخصوص الماسكرا انا اتوقع راح تتكلمين عن ماسكرا مغذية مثل ماسكرا الارقان او راح تتكلمين عن مسكرا هيلينا روبنشتاين بس اصدار جديد
وبخصوص الموضوع الجديد انا عندي احساس انها علياء او عجايب مدري ليه ههههه بس تعودنا عليهم متفردات بالطرح لكل جديد
صباح التألق والاشراق ..
تسلم ايدك ع الصور الحلوة ويعطيك العافية ع التدوينه الجميله
الله يباركلك بعمر الوالد حلوو ان له راي بالموضوع حتى لو كان مختلف عن ارائنا..
يب صعب هالايام الواحد يطلع بدون برايمر ع الاقل ع وجهه ،، مفهوم النو ميك اب اتوسع وصار الواحد ممكن يظهر بمظهر طبيعي وجميل
الحلو بالفونديشن انه يعطي لوك طبيعي مو كيكي .. الماركه تستحق واستغربت عدم وصولها لنا واخترتك انت لان انا قبل ما افتح متجر متابعه لك من شمواه وافضل انسانه بعيني تقيم منتج .. ربي يخليك لنا
بالنسبه على الارتجالي واللي محضرته من قبل اثنينهم حلوين منك لا خلا ولا عدم ..
و الدرجه الثانيه ابشري وما طلبتي غالي ولو غالي يرخصلك قوليلي عليها وبحول الله مع الطلبيه الجديده وهي عندك ..
وبالنسبه للباليت *-• لنا تواصل بخصوصه هو والدرجه الثانيه
دمت ياقلبي ودام نقائك ..
ههههههههههه يا زَينك ..
لا الدَرجة الثانية ما أبيها بالرُغم إنها روَعة الروعة وَ لا أحد يَرفض هَدية الله يَجبر بخاطرك , لكن بجد عندي أساسات كثيرة وَ كلها مَفتوحه
فلو جبتيه ما بَخلصها وَ صدقيني لو أبي شيء بَتكونين أول وَحده أطلبه مَنها .. تقريباً عندي فَوق ٩ أساسات ..
وَ أحلى شيء لما عَرفتك عرفتك بباليتة نَكد وَ ماكان فيه أي ترويح لمتَجرك إنما جاني مَنك كهدية مُباركة , ففرحت بها وَ لليوم مَحتفظه بالكرت مَنك لأن يَعني لي الكَثير ..
وَ صراحة كثير من البنات تعاملوا مَعك وَ أثنوا على جَهودك , وَ أسعدت بتواجدك بينا خاصه بعد الأحداث الأخيرة إللي صابتك ..
وَ سعيدة جداً برجعتك القَويه وَ كل ما حققتي إنتشار كل مافَرحت لك ..
ي حليله ابوك ، نفس الشي المكياج + الشعر الكيرلي
لو يقتنعون فيهم ب ارقص سامري ف نص الجامعه .
المهم حبيت كريم أساس من زمان احتاج مواصفاته .
أنا أستخدم تنتد موسترايزر و بيبي و طقتهم .
لكن ل الاسف مَ توفقت ب كريمات الأساس
مدري المشكله فيهم ولا فيني وممكن لان الاندرتون حقوني بارد
و انا اخذ كريم اساس دافي .
ك العاده ارتوس بطلة ومميزة .
شكرا كبيره ي ملهمة .
ههههههههههههههه أنا بَس الماكياج ..
طيب جربي تاخذين أندر تَون مناسب لك ؟! يمكن تضبط مَعك ..
وَ نورتيني , أكيد لتواجدك الدائم مكانه بَقلبي
اللي اذكره انك كتبتي عن الاساس ومدحتيه حلو
بس اللي علق في بالي هو ليوون يانااااس ارتوس ناويه تجنني وزود عليها عندها قطو اكل قلبي
والله يا ارتوسه انك انتي وليون سرقتوا قلبي وعقلي و لاااازم ترجعون الحلال لاصحابه XD
هالمخلوق كييييووووت كيوت كييييوت يجنن عليه شقاوه بريئه مثل الاطفال ومخ سياسي محنك ماشاءالله ههههههههه
مع ان لي ذكرى سيئه مع القطط وانا صغيره الا اني اموووت عليهم
كنت اروح مع ابوي بيت خاله وكان عندهم قطو مثل اللي بالشارع يعني مو زي ليون ابيض وراعي فرو جميل << مصره تغازل ليون
المهم اني رحت له ابي العب معاه مااادري الا بسم الله نط بوحشيه علي و مخشني O:
وربي ماااسويت فيه شي ! ولا اذيته فجئه من الباب للطاقه الأخ حب يتوحش علي XD XD
للحين اذكر هالسالفه وابوي وامي بعد يذكرونها يقولون من الروعه اللي جتك اخذتي انفلونزا كبر قريح وصرتي ماتنامين نص ساعه على بعضها الا وانتي قايمه كأنك مقروصه , ومابقى مستشفى ولا شيخ الا وديتك يقرأ عليك خخخخخ
ههههههههههه عاد مدري المرض تزامن مع الحادثه ولا فعلاً بسبب الخرشه اللي اخذتها مرضت
بس مع هذا اموووووت في القطاوه حتى اللي بالشارع ماتبت واحب الحيوانات الاليفه بشكل عام خصوصاً العصافير والكتاكيت ومشتقاتهم .
و تسلم يمينك ع التدوينه ربي يحرم يدينك النار
حبيت الفاونديشين وحسيته دخل قلبي يوم عرفت انه طبيعي وبعد مكوناته حلوه والاحلى انه خالي من البتروكيماويات والعطور بس ليته يتوفر باسواقنا عشان يكون اختيارنا للدرجه مضبوط .. احس بالذات الاساسات يبي لها تركيييز جبار باختيار الدرجة 🙁
بس دام هذي الدرجه توافقت معاك فاكيد 95% بتتوافق معاي
كل حبي لك يا الغالية من جد شكراً قد السماء
ههههههههههه , شَوفي قلبك وَ عقلك بالحفظ وَ الصون بس ماراح نَرجعه لك ..
ليون من القطط المَزاجية , وَ لكن زي ماقلتي سياسي ياخذ اللي يبيه بالتَمسكن , وَ على إنه قَطو بس ماعمري شفته ينذل
يعني إذا ماعطيته وَ مسختها , يعطيني الخامس وَ يطنش .. عشان كذا لو شفت قطوة مٌشردة من حنانها وَ توددها أحس بفرقهم عن غرور ليون 🙁
القطو ليش تَوحش عليك ؟! لأن يمكن أستغرب .. حتى ليون عيال خالي الصَغار أطفال
لو قربوا عَنده يمد يده عليهم مايحب الأطفال , حتى مره أخوي أزعجه ليون يبي يَطرده حس إن الموضوع فيه مؤامرة .. وَ إن هذا يبي يطرده
وَ أنا أشوفه من بعيد , لأن شَوي بقول لأخوي خير تحط عقلك بعقل قَطو , المُهم أخذ حقه بنفسه عَطاه ذيك الضربه هههههه إللي خَلت أخوي يتراجع
عاد مَشيت وَضحكت , قلت برافو عليك وَلدي ولدي ..
وَ سلامة قَلبك ..
وَ فعلاً مفروض يوفرونه بسيفورا لأن بكل مكان ينباع بسيفورا بس حنا طرح المُنتجات متأخر عندنا شَوي 🙁
وَ تسلمين لي يا نَجيبه , دووووم تواجدك غير شكل بالمُدونه أصلاً مفروض أسميها مُدونة نجيبه
ههههههههههههههه يووه ياليون كل ذَا يطلع منك !
يأخذ حقه بنفسه هذا بكبره حكومه ماينخاف عليه
حبيت حتى اسمي منك وانتي كاتبته
ربي يبعد عنك كل سوء ويخليك لنا يا أطيب قلب
ياحبيلك ارتوس
لس هذا الشي اللي احس فيه كل ما اقرأ لك شي
الله يسعدك
السَر مو بكتاباتي .. السر فيك إنتِ ..
شكراً لكِ ي توستي عَ فكره برضو عندك البودر فاونديشن
جداً جميله
http://www.musingsofamuse.com/2013/03/tarte-amazonian-clay-full-coverage-powder-foundation-review-swatches.html
ااااه ياجمال طرحك
الله يوفقك
ياحلوك وياحلو سوالفك .. اجل ليون واحد من اسباب تاخر التدوينه ياربي نفس ولدي نفس الحركات تصدقين من تحكين عن تصرفاته وحركاته طبق الاصل ماعادا ان ولدي يحب الاطفال من يشوفهم بس بعد كذا يمل منهم ومايحب يقربون منه العب معاي بس من بعيد لبعيد ونفس الفضول الله يخليهم لنا عيالنا …اممم بخصوص المنتج صراحه حبيته من وصفك واعتقد بيناسب بشرتي لابد من التجربه صراحه بالذات الي تضطر للميك اب اليومي وبعد ارتوسه ترا منتجات بشرة وجهي قربت تخلص ههههههههه يعني يااارب تطرحي عنايتك بفيسك الجميل قريبا …احبك ياختي مرا
لك تأثير كبير بحياتي لي سنه من عرفتك وانا إنسانه ثانيه
غيرتي اشياء كثيره وأي شي تنزلينه اثق فيه وعاد لما اشتريه
ويضبط معدل الثقه يزيد ويزيد
انا مدري وش اقولك عن الاشياء اللي صارت لي من بعد ما عرفتك
ليتني من زمان من متابعينك بس تراني فريت على كل مواضيعك
عدا الطبخ هههه مالي فيه
والمكياج طحت فيه من بعدك طبعا صايره اتثقف فيه بشكل كبير
علشان اذا اشتريت ما اندم خصوصا إن الدخل محدود ولا فيه مجال
لتجربة كل شي ..
هذي ثاني مره اكتب لك تعليق >> شكلي بقعد اعد كل ماكتبت لك شي 😉
اسعدني ردك علي في موضوع ارواج ماك انا عمري ٢٧ وعندي ولد والي الحين مالقيت لي خط خاص وماشاءالله انا استفدت منك وكلامك يقنعني على طول من صغري وانا شعري طويل عمري مااتجرت على قصه اقصه الي نص الضهر هذا اكثر حد اصبغ كثير بس مو لاقيه نفسي للحين وجهي دايم باهت سويت جلسات بلازما اثرت فيني بس قليل روتني بعنايتي اغسل بسائل نيتروجينا بالقريب فروت ومرطب من qv اقشر بشرتي من فتره الي فتره بس مو مداومه عليها طلبت لي من الامازون ديرما رول وفيتامين سي من oz وبجرب يمكن القى النضاره 🙁 يمكن لاني سمرا على صفار يكون سبب في عدم نضارة وجهي
🙁 اذكر زمان في مس لبنان اللي فازت فيه نادين نجيم باللقب كانو يجبون لم اخصائية تجميل تجيب لهم الوان كثيره زي حقة البوية وتقولهم اي درجة تناسب اي وحده فيهم حتى اذكر كانت تقول لنادين نجيم انتب مو اي درجة سماوي تلبقلك وكانت تعطيها كتالوج بالالوان اللي تناسبها عاد نفسي اروح لها واخذ لي كتالوج بالالوان خخخخ ارتوس ودي اعرف على اي اساس هم يختارون المناسب لهم دخلت ع اليتويوب حاولت اتعلم عن الاندر توون استفتد صراحة ودي انتي تشرحينها بااسلوبك وتعلمينا وشلون الوحده يكون لها خط خاص فيها معلقه ع الموضووع ماكل معاي ههههههه نادين نجيم من عرفتها والي الحين هي نفس الاستايل بس لايق عليها وكل مالها تزيد حلا،، والله يسعدك ياارتوس وتراني جربت كيكة التمر وطلعت لذيذه زيك بالزبط ارسلت لك صورتها ع الدايركت من زمان بس ماشفتيها;( وبس الله يسعدك ويوفقك و يعطيك احسن مماتتمني يارب
الله يخلّي أبوك لكم يارب ، وَ يرزقه بركم
عاد على العكس منّي ، هذاك اليوم جالسة أتكلم مع أخوي عن وحدة بالإنستا تنزّل صورها وماشاء الله واضح تدّهر بالمكياج
مع ذلك مدحها يقول موب شينة !
وَ الصدق هي ماشاء مملوحة ..
المهم ردّي اللي إنوسل ما إكتمل !
بس حطيت فيسين ^^
شسمهه إيوهه كنت بقول إنو جرّبت الأساس وما ضبط معاي غير واحد
لكن قوامه آحس قوامه ثقيل !
مدري هو منّي والا إيش المشكلة !
شسسمه ، عجبني ليون لمّا جلس ينط نط عليك ^^
وَ برجع أقرا التدوينة مرّة ثانية ، بعد مآ تنتهي المحاضرة
وتسلمي حبيبة قلبي ،،
يازينك تدوينك جميله احب التفاصيل الدقيقه الي تكتبينها
صدق انا ماافكر اشتري اساسات الا من ديور وسان لوران وطقته
بس تدوينتك غيرت رايي وبالنسبه للشادوهات قله ماتكتبين عنها ممكن تدوننين عن افضل شادوهات جربتيها وحابتها …
مرحبا ارتوس ،، ❤️
هالماركه حبيتها من لمن جربت من عندهم بلاشر وبرونز يكون بعلبه وحده نصه بلاشر ونصه برونز علبته دائره تركواز عليها نقش
لونه ف الموقع امكن اللي تشوفه بتقول مخيف خاصه الوردي وردي بارد لكنه عالخدود يبن كأن خدودي هذي لونها لون الخجل لون حلو جدا مدري كيف يكون روعه للميك اب نو ميك اب
وبرضو يكون جمييل مع فل ميك اب
حبيته جدا واستخدمه لي سنه تقريبا ولااستخدمت غيره اللهم اغير لونه بتكنيك وضعه ..
جبيت الماركه اكثر يوم تكلمتي انتي عنها
الاساس مبين حلو درجاته كثيره نوعا ما
متحمسه اجربه ف يوم من الايام
حمستيني عليه تصدقي انا مثلك م أعاني من مشاكل ببشرتي ولله الحمد و السبب نومي معتدل والمويا هاذا السبب وحبيته بس عندي مشكله الأساس عندي م يخلص الا اذا طلعت روحي يطول معي وعاد توني شاريه اساس جيرلان و عندي ٤ غيره ماخلصو ،، و ع طاري ليون هههههههههههه ذكرني بقطوي فيه لقافه .. تسلم الأنامل توسه ❤️
salam,
I appologize to you that I’m typing in English because at office my computer has no Arabic keyboard.
This Tarte foundation is my favourite. You are 100% right in everything you said about it.I love the satin finigh in the foundation and i have wore it more than once for 12-14 hours and it stayed as it is. other foundations because i have combination skin might need some powder blotting in the T-zone after few hours but this one doesn’t need it.
I bought it onlinf from sephora and as u said the discription on their page is accurate. i bought it along with it’s brush and the result amazing. i use also their base which is lovely and gives some glow to the skin and helps distibuting the foundation more evenly and then blotting it with wet beauty blender.
I have alos tried their cream Amazonian Clay blusher. I recommend them highly. I’m sure you will love them.
There is also their mineral powder with it’s airbuky brush if have a clear skin and like sheer coverage.
Sorry for the long post but i wanted to share what i know and got so happy with your post.
Thanks for sharing all your experiences.
Regards
Sophie
الله يخليلكم الوالد ويحفظه والله يجزاك خير يا أرتوس على الموضوع الجميل كنت ابحث عن فاونديشن مثل هذا، انا استفدت كثير من تدويناتك و يعجبني جدا اسلوبك فيها احس انك تتكلمين قدامي . الله يوفقك ويجعله بموازيين حسناتك يارب.
توسه معليش بسألك انتي كنتي بموضوع التجميل انو لقيت ان الكل يعرف انو الأكل و العنايه الداخليه مهمه بس يبون كريم يلطونه ع اجسامهم و يفيدهم
يعني ما راح تتكلمين عن العنايه من الداخل ولا شلون ؟؟؟
الله يسعدك ياقلبي
بغيت أسألك ياعسوله كيف اختار الاساس اليومي
وهل يأثر علئ البشرة استخدامه كل يوم
بشرتي مختلطة
يعطيك العافيه و تسلم يدين الي كتب اكيد رح اجربه
اللله تحمست اجربه 🙂
بس احس بخبص في الدرجه للحين ما قد جربت اشتري كريم اساس دايم احط بي بي كريم 🙁
شكررراً بحججم السمااء ❤️❤️
ربي يسعدك دوما وابدا
وااااااو ارتوسه مالك شبيه في التدوين
وصفتي المنتج من قلب وبدقه متناهيه
وبجد ما تشجعت له من وصفك
لان بشرتي مختلطه بس مايله للجفاف اكثر
تسلم يمينك على هالتدوينة البطله
ومليانه معلومات يبغالها فصفصه
بوسي لنا هالمشاغب الي عندك
يسعد مساك ، وربي يعافيك ع هالتدوينه
انا مستحيل ما احط ميك اب بس بصراحه لبكرى مالقيت شي احسه ناسبني للان انا اتخبص الفتره اللي راحت فلست ع كم كريم غاليه
بعدين حسيتني غببيه والله بفترة ٦ شهور تقريباً جربت ٤ اساس من الهوس المهم اني لليوم اتعلم منك جعل ربي يسعدك قد ما احبك
اهلن اهلن صدقتي الرجال مايصدقون انهم مكياج ومن جد طريقه الوضع هي اللي تحدد مدى ثابت المنتج .ابدعتي
ياحلوك
صح تدويناتك مميزه يمكن لان اغلبها ارتجالي بعد اسلوبك بالطرح مايختلف عليه اثنين
حبيت هالفاونديشن من وصفك واحترت بينه وبين نيود من ديور بس اللي مررددني فيه ان بشرتي عاديه اقرب للجافه
تسلم ايديك يا بروف..
هالشركة خذيت منها قلم كحل طبعا مو سيفورا حقتنا من دبي وتجربة بس هو يستخدم اي لاينر مايسيح تحت العين ويستخدم بعد كظل تموهينه بفرشة او حتى باصباعك
صراحة تحسفت اني ما اخذت الالوان كلها
سعر القلم ١٥٠درهم
شوي مرتفع مع حجمه بس احسه يستاهل
كان ملفت جدا في اول مناسبة وكثير سألوني عنه
اخذت اسود بقليتر ذهبي ولما استخدمه ظل اتعب واقول عليه فضيع
عشقته بصراحة ولو بارجع باخذ وما باخلي في نفسي شي
الاساس ..فيس يبكي وقلب مكسور
بشرتي غريبة عجيبة كانت دهنية وفجأة صارت مختلطة والحين رجعت دهنية عندي لخبطة الله المستعان
اكثر اساس ناسبني ايلاماسكا حبيته حبيته وفورايفر اتش دي ناسبني بس حسيت بملل ورحت باغير شريت فور ايفر بس فل كفر على سبيل التغير
البيبي والسيسي كريم
اتوقع اني الانثى اللتي لم تجربها
طبيعة وجهي الحمد لله صافي خلقه بروتين عناية او بدون
الخلاصة
لو بامر من جنب ستاند هالبراتد باجرب الكريم اساس خصوصا انه يحوي الطين
جميل الحلو انه كل منتجات هالماركه خاليه من البرابين
للاسف ماجربت من عندهم الا بيور ميركل اويل مجموعة زيوت شريتها عشان اخلطها مع فونديشن فل كفر من ميك اب فور ايفر يخففه ويخلي سهل المد وفعلا جميل بس عيبه ريحته فخليته لوجهي احطه مع مرطبي ان حسيت انه بشرتي محتاجه ترطيب
بعد اللي لفتني بالماركه علبهم وتصاميمها جميله
جمال جمال جمال كمية جمال التدوينه الله يعطيك العافيه الماركه هذي قاريه كثير عنها اصلا اسمها جميل ويحمس للإقتناء قمه في الكياته الاساس عالمكونات اللي فيه وعلى وصفك يعتمد للشراء جميل صراحه تخيلي جالسه اقرا التدوينه واشوف الصور على بالي العلبه الورديه اللي على شكل قمع هههههههه بعدها عرفت إنك تقصدين العلبه السودا
اهلين موضوع جمييل كعادتك
وممكن سؤال كيف اتخلص من المسامات اللي تحت العين وبجانب الانف وفي الجبهه علما ان بشرتي مختلطه بصراحه مره مضايقتني واول شي اشوفه بوجهي هي :=(
يعجبني اسلوبك وطريقتك الغير متكلفه والمثقفه المبنيه على علم في الطرح بس تقهرني مثاليتك و كمال بشرتك لول ما شاءالله و الله يحفظك بس جد تستفزني ويصير عندي فضول أشوفك ؛ ياليت تكتبين لنا و بأقرب فرصه وأسرع وقت عن روتين عنايتك عشان نقلد عليك وكذا شكرا جزيلا كثيرا وفيرا
صباح الحب..
الظاهر كل الرجال نفس الشي : حتى زوجي نفس تفكير ابوك الله يخليه لكم..
من حبك لجيريلان خليتيني اشتاق لمنتجاتهم.. اول فاونديشن جربته كان من عندهم استخدمته لفترة طويلة هو والباودر تبعهم كان يرفكت لبشرتي.. بس اخر مرة خذيت من عندهم طلبت درجتي المعتادة و الموظفة عطتني درجة افتح خلت وجهي رمادي كرهت حياتي و كرهتهم و غيرت لديور وارتحت معاه.. بس شكلي برجع لجيريلان الحب الاولي.. و ما عليه بنجرب تارت اذا حد يوفره عندنا..
نفسي فيه وودي اوصي يجيبونه لي بس مدري كيف اختار درجتي ):
يعطيك العافية كفيتي كعادتك آرتوس (:
حبيت الاساس حيل و وصفك له ، يعجبني الاساس اللي عطي منظر نظيف وَ لطيف ع البشرة ، ما احب الاساس اللي يعطي لوك مخنـوووق !!! ..
حبيت برضو تفصيلك لِ مكونات الاساس ..
يعطيك العافية ارتوس ، مُمكن مُستقبلاً اشتريه ،
حالياً احس انو مكتفيه باللي عندي ..
لكن لا مانع من التجربة “مُستقبلاً” ههههههههههههههه ..
.
.
*وردة لك و لَ ليون الطعووووم*