صَباح / مَساء الخير
تَدوينة اليَوم عن مَجموعة أرواج أثارت ضَجة واسعة على كُل الأصعدة ..
للأمانه ماخطر ببالي أجرب هالماركة وَ لا ١٪ خاصة إني مُو مِن المَهووسات بألوان الأرواج الغريبه .
بالرغم كَثير مِِن المَتاجر يعرضون علي تجربتها ، ما أدري ليه مادخلت مزاجي !!
قد يكون شكلها الكيوت بزيادة أوحى لي إنها مو مِن ستايلي أو ألوانها إللي نوعاً ما بعيد عَن ذوقي ، أو لكثرة الأرواج إللي عندي
لكن مِن فترة أُثيرت ضجة حَول مُكونات وَ سياسة الماركة وَ طلبوا كثير مِن المُتابعات نقَدي لها وَ رأيي عنها ، رغم الجدل الحاصل قلت ليش لأ !! أجرب مو خسرانه شيء
بموضوع اليوم راح نتطرق لعدة نواحي ،’
– رأيي عَن أرواج Lime Crime Velvetines
– كيف نفرق بين الأصلي وَ التقليد
– الجدل الحاصل حَول الماركة وَ تحديداً مُكونات مَجموعة فيلفيتنس
Lime Crime Velvetines
تَصميم الماركة وَ أقصد كألوان غَير عن المألوف صَح إنها توحي إنها كيوت كَون فيها ورد
لكن هالورد ذكرني بعشاق التاتو وَ رسوماتهم كيوت على جموح ، صح إن تصميمة يَختلف عن الستايل الراقي وَ إللي تعودت عليه !!
لكن هالشيء أعطاهم بصمة وَ هوية خاصة فيهم وَ أعتقد يُعبر عَن توجه الماركة
أيضاً ديزاين العُلبه سهل في التطبيق وَ عملي
الألوان إللي إخترتها ~
Cashmere : كاشمير لون مميز وَ غريب شوي مَصروع بتون بارد ، وَ هو بالأصل لون القريج إللي يجمع بين الرمادي وَ البيج
Bleached : بليتشد لون بيتشي ( خوخي ) على نيود ( لحمي ) يبين لون طبيعي بس فيه ضَربة فقعان ، أحس جماله يَظهر مع الماكياج
Riot : ريوت بني مَحمر عادي لا يصفر الاسنان وَ لا يبيضها يميل إنه يفتحها ، تقدرين تحطينه كل يوم لونه طبيعي ، مألوف مَوجود في كثير ماركات
Wicked: ويكيد لون أحمر برغندي عميق للغاية وَ قاني وَ مُميز مِن كثر ما هو لون عميق ماتشوفين إلا فمك
يبيلة حِرص بالمد لأن لو ماعرفتي تمدينة زين راح يبين نسيج الروج غَير متوافق وَ يبين فيه أماكن أغمق مِن أماكن يعني ماراح تكون الخامة مصقولة بطبقة وحدة
Shroom : شروم بني التسعينات ، يعطي بياض للأسنان لونه غريب بني على سحنة برتقالية أو نحاسيه لوَن مُميز
مدري على إنه بُني بس حبيته يضوي البشرة ( ماعمري توقعت إن هاللون راح يَدخل مزاجي ) صَح شكله بالعبوة ما يَشجع لكن بالنسبة لي رَووووعه
Faded: فيديد لون موف فاتح مايل على البارد لونه يميل للكاندي شوي بس مو كثير يعطي بياض للأسنان
رأيي عن أرواج لايم كرايم ،’
– سَهل المد ، قوامه خفيف جداً تحسينه وَ كأنه ألوان مائية وَ إحساسة على الشفايف مريح ، يَجف بسرعة لكن يعطيك حُرية بمدة بدون أي مشاكل
– ضربة وحدة وَ كمية صغيرة كفيلة بتغطية الشفايف
– صعب الإزالة يبيلك شي قوامه زيتي للإزالة بايوديرما مايجيب نَتيجة معه ، لذلك أزلته بَفازلين للشفايف
– ريحته تشبه شكله مثل الايسكريم أو التشيز كيك على كاندي ، شَوي قوية خاصة للي مايحب هَالنكهة بس مُجرد ما نتشف تروح
أول ماتمدينة بتحسينه مِثل المويه مع شوي لزوجة ( لزوجه غير مُزعجة مثل لزوجة الروج العادي )
بَعد المَد راح يبدأ ينشف المُستحضر مِن الأطراف وَ بتستمر فيها مِثل النداوة البَسيطة حتى رُبع ساعة مِن المد ، بعده راح تحسين وَ لا كأن فيك شيء
– هل الروج ثابت ؟
شربت ماء ما بقع وَ لا بقعة وَ لا ساح وَ لا تزحزح ، آيضاً الأكل ما أثر فيه بس مُمكن لو أكلتي شيء دُهني راح يتزحزح
يدوم فترة طويلة
بحكم إنه روج مات أكيد راح يبين عُيوب الشفايف وَ كل ماطولتي فيه راح يجف أكثر ، كل الأرواج إللي مِن هَالنوعية فيها هالعيب
لذلك إذا شفايفك فيها عيوب أو تجاعيد أنصحك تبعدين عَن هالنوع تماماً ، يبيله شفايف رَطبه مُعتناه
أيضا لو رطبتي شَفايفك قبل أو بَعد المُستحضر بمُرطب عَشوائي راح يختلف قوام الروج ، حتى القلم المُحدد ممكن يحوس خامة الروج
شخصياً جربته بدون أي شيء ( لا كريم أساس أو محدد شفايف ) مثل ماهو عشان أحكم عليه ، ثابت وَ لا تزحزح وَ سهل تحديد الشفايف فيه وَ لونه مِثل العُلبه، وَ يعطي تغطية قوية ما يحتاج تعيدين عليه
– هل يستحق الضجة ؟
– كلون : نَعم يستحق كون ألوانهم مُميزة خاصة فيها ماراح تلقين بعض الألوان عِند غيرهم
وَ أعتقد لون مِثل كشمير أصبح بصمة لهم ، لكن إذا إنتِ كلاسيكية وَ نعومة أغلب ألوانهم ماراح تناسبك
هو يمثل بالغالب الجموح وَ الخارج عن المألوف رغم إن عِندهم بعض الألوان إللي تُعتبر طبيعية
– كتصميم : مُمتاز فرشته عَمليه وَ تركيبة اللون تغطي وَ سهلة المد تغنيك عن المحدد
– كخامة : أعتقد فيه تركيبات مُشابهه بكثير ماركات يعني مو حكر عليهم ممكن تلقون بديل
– كمكونات : هنا مَوضوع جدل راح أناقشة آخر الموضوع
أما كونه مُمكن مايجفف الشفايف لا مافيه شيء فريد مثله مثل باقي تركيبة الأرواج المات ( مات… ماااااات مِن قلب لا يحتمل الشك ) أشبه بظلال على الشفايف بدون المَظهر البودري
– السعر : أعتقد إنه ماراح يناسب الكثير وَ خاصة إن شكل عبواتهم ماتوحي بالفخامة وَ الرفاهية
– أكثر لون عجبك مِنهم ؟
صَراحة بعد ماجربت الخامة وَ شكله عالشفايف تَمنيت لو أخذت ألوان أكثر
لذلك بَرجع أضيف لقائمتي كذا لون لكن الألوان إللي أخترتها كُلها حَلوة وَ مُميزة وَ عجبتني لكن مَثلاً : Fade ما أحب درجات المُوف فما برجع أشتريه مِن جديد
اللهم أخذته مِن باب التَجربة ، كاشمير أحس لازم يكون عَندي لأنه مُميز
وَ شرووم فَزيع وَ الله حبيته ، وَ ريوت وَ بليتشد حلوين لكن عادي نلاقي بَمظهره بأي براند
وَ يكيد أشوفه غريب وَ يعطي شكل المرأة الشرسة وَ المتوحشة جميييييييييل ( تحسين بوجهك فراغ أسود من كثر ما اللون عَميق )
صَح وصفي يخوف بس أحب هالطلة ، مَظهر قوثيك بدون ما يكون مَظهر قوثيك
الفرق بين الأصلي والتقليد ( Lime Crime velvetines ) ~
أكثر التقليد منتشر بأرواجهم الليب ستيك أكثر من الفيليفيتنس
اللي يحير شَوي بهالمجموعة إن المَاركة ببعض الألوان مَسوية حركة بالأرواج البعض رأس العبوة فيها وردة وَ بعضها فيها الحصان إللي بالأساطير
وَ بعضها بدون شيء ،حتى الكتابه البعض مَكتوبه بما يشبة خط اليد وَ البعض بخط أقرب للقوثيك
ما أعرف بالضبط ليه مُميزين بعض العلب برمز بس أعتقد هالسبب لإختلاف تَركيبة عن أخرى ، بالإضافة إن فيه عُبوات ليمتد إديشن
فأشوف كثير من إللي تكَلموا عَن التقليد خبصوا ، البعض يقول لازم يكون فيه وردة على راس كل روج …. إلخ وَهم نفسهم مو فاهمين الفَرق
الصح إن كُل لون له مُميزات يعني عَشان تحكمين على الأصل وَ لا تقليد لازم تَشوفين كُل لون على حده ، مِثل كَشمير الأصل قارنيه بالتقليد
لكن إللي لاحظته مُشترك بين كل الأرواج ، طبعاً ماعندي التقليد عشان اعرضلكم الفرق بس صلحت بحوث بقوقل وشفت بعض انواع التقليد :
ـ كتابه لايم كرايم إللي بالكرتونه ( فقط بالكرتون ) فوقه فيه شعار صغير TM ، بينما التقليد مافيه هالشعار ( رقم ١ )
– ببعض الإصدارات المُقلدة ( رقم ٢ وَ ٣ ) موجودة ، فَوجودها ليس إثبات أنها أصلية
ـ خلف الكرتونه أسفل الباركود فيه مساحة فارغة وَ فيه نقشة ورود ، بالتقليد لا الكود جاي على الطرف يادوب ( رقم ٤ )
ـ الورود بالتقليد مَطبعه بشكل أكثر وَ حتى توزيعها يختلف
ـ حجم المُنتج أعتقد انه يتوه، لازم يكون عندك التقليد بيد وَ باليد الثانية الأصلي ، لكن التقليد حجم الراس أو الفرشة أطول من الأصلي
وَ فيه إختلاف بالرائحة وَ القوام إلى آخره ، لكن هذي فقط الإختلافات اللي تحققت منها وَ متأكدة منها
لكن بدل كُل هالتعب ، وَ خاصة إن عًبوات المَاركة مُتغيرة فيه تطبيقات كُل اللي عليك تَمسحين الباركود ( تصورينه)
وَ هو راح يسوي لك بحث تلقائي وَ يبينلك أي منتج بالسوق هل هو تقليد أو أصلي ، جربي بأكثر مِن تطبيق
التَطبيقات إللي جَربتها للتَحقق ~
( لمُستخدمي IOS )،’
– Red Laser وَ دلتني عليه المُتابعة monsh@ جيد
– QR Scanner جيد
– QRReader جداً مُمتاز يطلع لك كُل بيانات المُنتج من سعر ، لأماكن بيع بالإنترنت ، حَتى مقاطع اليوتيوب يَطلعها لك
( لمُستخدمي Android )،’
– QR Droid وَ نصحت به أحد المُتابعات كُل الشكر لـ 15smontage@
وَ هالبرامج إستخدموها بَكل شيء تَشكون فيه ، تَعبوا أنفسكم شوي أفضل ما تَظلمون البَشر بهالشكوك
وَ تقطعون أرزاق العالم ( كَونك تتحقق مِن المُنتج حق مَشروع لك ، لكن بدون ظَلم )
حَملي البرنامج بَجوالك وَ تسوقي وَ إنتِ مرتاحه
تَنويه : بَعض المُتابعات ذكروا لي أنه بعض الشركات المُقلدة قَد تقوم بإنشاء كود وَ تسجيله
فَبحال صَحة الكلام ، أرجوا التأكد بالإضافة للبرامج مِن مَواصفات المُنتج كشكل وَ رائحة وَ قوام ( يَعني نتأكد مِن جميع النواحي )
مآخذ على الماركة وَ صاحبتها وَ ردود الماركة عليهم ~
بصراحة ما كنت أعرف عن المآخذ على المَاركة بحكم إني مافكرت أقتنيها وَ لا مُطلعة على الضجة إللي حولها
وَ لو البنات ما كانوا ذكروها يمكن ماكُنت عَرفت عنها ..
البلوجرز الأجانب وَ حتى بعض العرب مَسوين ضجة على الماركة وَ حرب سواء باليوتيوب أو بالمُدونات الخاصة وَ أنا نايمه في العسل
تصدقون عاد الضجة وَ الإشاعات هي إللي خلتني أكتب عنها ، وَ شكراً لكُل وَحده وَثقت فيني وَ طلبت إني أكتب رأيي
وَ راح أذكر رأيي الشَخصي اللي مُمكن يحتمل الخطأ وَ أيضاً بكتب رد الماركة
راح أذكر أهم النِقاط وَ هي إللي تَعنينا بموضوعنا اليوم بطريقة مُبسطة وَ اللي حابه تستزيد بَموقع لايم كرايم حاطين الإدعاءات وَ رادين عليها
بما فيهم تَحذير هيئة الغذاء وَ الدواء ، أيضاً مُجرد ما تكتبون إسم المَاركة بقوقل راح تطلع كل المقاطع الهجومية وَ الناقدة للماركة
الماركة من بداية نشأتها وَ حولها الكثير من الإشاعات وَ الشُبهات وَ التجاوزات من ٢٠٠٨م وَ هي بمشاكل مَع العالم
• بـ ٢٠١٣م أتهمت الماركة أنها تاخذ بعض المُستحضرات بخسة السعر مِن المصانع وَ تعيد تعبئتها بعبوات فاخرة وَ تبيعها بأسعار عالية جداً
وَ البعض قال أنها تأخذ مِن ماركات مَغمورة وَ تعيد تعبئتها
رد لايم كرايم ،’
أنها تَصنع كُل شيء مِن الصفر وَ أكبر تحدي كان يواجهها العثور على مَعامل وَ مُختبرات قَادرة على صُنع تركيبة وَ ألوان مُتفردة مُنذ نشأتها
رأيي : في حال كَانت تاخذ مِن مَعامل تصنع لعديد مِن الماركات ما أشوفها جريمة كَون أغلب الماركات يتبعون هالسياسة
أغلب الماركات مُنتجاتهم تصدر مِن معمل واحد البعض يصدر بعبوات بأسعار رخيصة وَ البعض الآخر بعبوات بأسعار غالية مثل لوريال وَ لانكوم
سماش بوكس وَ ماكس فاكتور وَجهين لعُملة واحدة ، أحياناً تختلف المُنتجات بإضافة رائحة مُختلفه أو أمر بسيط وَ أحياناً نفس النسخة
• أتهمت الماركة بدفع مَبالغ مادية للبلوجرز لمدح مُنتجاتها !!
الماركة أنكرت دفعها للبلوجرز مَبالغ مادية لمدح الماركة لكن قدمت مُنتجات كرعاية
رأيي : ههههههه على أساس باقي المَاركات ماتدفع إذا الوكلاء يدفعون ، العالم صار أدفع وَ بمدح
نص سُوق الأنستقرام قائم على المَدح المدفوع ، صارت ذِمم الناس تنباع وَ تنشرى
• أتهمت المَاركة بمُقاضاة اليوتوبرز وَ البلوقرز مَن كتب عنهم ريفيو بالسلب وَ حتى بتبليك كل مَن يَذم مُنتجاتهم !!
رد لايم كرايم ،’
لاأحد يحب الردود المسيئة ، لكن يتقبلون النقد سلباً أو إيجاباً ، وَ قالوا ماسبق وَ طلبوا من أحد المُدونين إزالة أي تعليق سلبي إتجاههم
بل بالعكس التعليقات السلبية تُحسن مِن مُنتجاتهم وَ تطورهم
• أتهمت بالعنصرية وَ التحريض ، حتى بأسماء بعض منتجاتها !!
طبعاً ردت بالنفي ، وَ ذكرت أنها قبل ٩ سنوات لبست بعيد الهالوين زي لـ هتلر ( إللي يعبر عَن النازية )
كَنوع من الدعابه وَ هي نادمة على شيء سوته بعمر الشباب
رأيي : مَسختوها عَاد حياة الشخص مَاله علاقة بالماركة ، لكن ما أعرف عن المُنتجات إللي توحي بالعُنصرية قَريت إمتعاض الناس عن منتج إسمه تشاينيز دول
وَ كانت البنت إللي بالصورة لابسة لبس ياباني بس مافهمت وَين التعبير العنصري بالموضوع ، إللي فهمت تفهمني
• أيضاً من أكبر الاتهامات إللي وُجهت للماركة ، كونهم كاتبين على عبوات كيورلتي فري ( صديقة للحيوان ) وَ نباتي ، وَ هم عكس ذلك تماماً !!
رد الماركة أنهم مِن البداية وَ هم ما يختبرون المًنتجات على الحيوانات ، وَ بعام ٢٠١٢ م غيروا تركيب بعض من منتجاتهم لتكون نباتية بالكامل
فإستبدلوا بعض المُنتجات إللي كان يدخل تركيبها شَمع العسل بالشمع الصناعي ، أيضاً إستبدلوا بَعض الألوان إِللي مِن مصادر حيوانية مثل اللون القرمزي
( اللون القرمزي يؤخذ مِن الحَشرات حتى في بعض الصناعات الغذائية )
البَعض قال أنهم ببداياتهم كانوا يستخدمون الزيوت البترولية وَ الفازلين ، بس ماورد هالشي بموقع الشركة
• أتهام آخر أن المنتجات تحتوي في تركيبتها على مواد سامة !! وَ تلقت الشركة رسالة تحذير من هيئة الغذاء وَ الدواء الأمريكية بسبب هالشيء بعام ٢٠١٥م !!
المادة المقصودة هي :
ferric ferrocyanide الفيروسيانيد الحديدي (خضاب أزرق غامق)
ultramarines الالترامارينز (مادة تلوين زرقاء)
وَ هالتحذير فقط على تركيبة الآرواج الفيلفيتنس
رد لايم كرايم ،’
تحقيق هيئة الغذاء وَ الدواء كان مجرد طلب توضيح عما إذا كانت تلك العناصر ( التي أستخدمت بشكل شائع فَي مُستحضرات التجميل،وَ مستحضرات العناية الشخصبة وَ التي لم يكن مِن المُستحسن إستخدامها في أحمر الشفاة في الولايات المتحدة ) هل تلك العناصر كانت في المنتج أو فيما إذا كان مُجرد خطأ في التسمية على العلب !!
وَ تم التحقق وَ أزيل من مكونات عبواتهم ، وَ كان التبرير أنه خطأ في التسمية عَلى العُلب
وَ بعد التحذير تم التَحقق مِن قبل هيئة الغذاء و الدواء الأمريكية وَ هذا النص اللي تَم طرحه بموقع لايم كرايم :
فحص هيئة الغذاء وَ الدواء وَ عمل المختبر كطرف ثالث وَ الذي قام بتحليل طيفي حسي وَ فيزيائي لذبذبات FTIR وَ ذلك ليبرهن بأن العناصر التي تم الشك فيها لم تكن في المُنتج بل أُثبت بأن عُلب Velvetine كانت في الحقيقة قَد أخطأت في التسمية ( كانت المسألة تتعلق بالتسمية ، لم تكن مسألة مُتعلقة بخطأ الصيغة ) مُختبرات بحث فلورا
رأيي الشخصي :
المادتين مَوجودة في أغلب مُستحضرات التجميل حَتى ظلال العيون، بس أعتقد السمعة العاطلة للماركة أعطت الناس سبب للهجوم عليها
المادة مَوجوده بالماكياج وَ بالكريمات لكن لا يُنصح بإستخدامها حَول الأغشية المُخاطية يعني مُفترض ماتكون بمنتج للشفايف
وَ المادة ممكن تسبب تهيج للبشرة ، لكن كونها سامة وَ قاتلة وَ مسرطنة أعتقد مبالغ بهالشيء ، لكن اللي بشرته حساسه مُمكن تتهيج وتَ سبب دمامل
على العموم تم إزالته مِن المُنتج لكن حَتى بعد ما أزيل مازالت الماركة في موضوع شبهه .
• أتهمت بإختراق البطاقات الإئتمانية لعملائها وَ سحب مبالغ ماليه !!
رد الشركة أنه تم تهكير وإختراق موقعهم ..
• أتهمت الشركة بالإهمال طالما تَم تهكير الموقع لماذا لم يتم تحذير العُملاء !!
رد الشركة : لم تقم شركة Lime Crime بإتخاذ الإجراءات المناسبة لتحذير زبائنها من الإختراق الأمني للموقع ، حيث أن شهادة الشركة SSL كانت مُنتهية الصلاحية في ذلك الوقت وَ هذا ماأدى إلى حصول الاختراق.
شهادة الشركة SSL تَم تحديثها حين وقوع الاختراق ، هذا ما أكده مُحقق الأمن الألكتروني القضائي لشركة مجموعة Sylint.
شهادة الشركة SSl لم تكن السبب حصول الاختراق ، تم أستهداف موقعنا مِن قبل مجموعة من الهاكرز الذين قاموا بتنصيب برمجية خبيثة على خادمنا . وَ بناء على تأكيد وجود هذه البرمجية الخبيثة، قمنا بإتخاذ الخطوات اللازمة لإزالته وَ نقل موقعنا الى برنامج جديد آمن .
مِن المُحتمل أنه تم تحذير العُملاء المُتضررين مِن خلال البريد وَ البريد الالكتروني خِلال أسبوع واحد وَ تم تقديم سنة مِن الخدمات المجانيه لمراقبة الائتمان.
وَ قد رأينا بأنه كان مِن المهم إبقاء قنوات التواصل مفتوحه لذلك عَملنا بدون كلل على أن يقوم كل شخص بالتحديث بالوقت المناسب.
أمان الزبائن له أهمية قصوى في شركتنا ، وَ قد تم حل القضية ،وَ الموقع آمن الآن للتسوق فيه .
وَ توجد إدعاءات كثير مِنها إنهم يجمعون تبرعات للجمعيات الخيرية وَ بالنهاية مايتبرعون فيها ، وَ أيضاً أن صاحبة الماركة ترد على الزباين بالشتم وَ ردود وقحة ، طبعاً الماركة نفت هالشيء
رأيي بالنهاية: الماركة أعطت للناس مَليون سبب للشك فيها وَ كرهها بعدم إحترام شكاوي الزباين ، وعدم شفافيتها من البداية
لكن أعتقد أن الماركة تواجه هُجوم من منفاسيها ، خاصة أنها أحدثت ضجه فيما يتعلق بالأرواج ..
ومرات أشك إن بعض المُدونين اللي حشوهم كان مَدفوع لهم من قبل شركات منافسه ، وَ أشوف أن الهجوم عليها مبالغ فيه وَ واضح أنه في يد مُفسدة خلف تشويه سمعتهم وَطبعا عاد هم مو بريئين
على العموم الجدل الحاصل في صالح المُستهلك ، ماراح تموتون لو ماشريتوا من الماركه فيه بدايل كثير
كل واحد يحكم عقلة وَ يختار اللي يناسبه وَ جميع الشُبهات مَوجودة بالنت ، لَكن الأهم هُو الإطلاع وَ القراءة
ما ننقل أخبار تظهرنا بَالمظهر الغبي وَ نكرر الكلام ، نَطلع عالمَصادر ، وَ المصادر مليئة بعمنا قوقل وَ إللي يَبحث يده راح تَنال الحَقيقة
مو كل مَن مدح نزيه وَ لا كُل مَن ذم نَزيه أيضاً ، أي شَركة مُنافسة قَد تدفع المَلايين وَ تصطاد بالماء العَكر
دُمتم بَحب
done
نَورتيني وَ الله إسم الله عليك ..
تستاهلين يا أجمل سوس 🙂
لا لا لا ما اصدق اخذت المركز الاول 🙂 🙂 🙂 نقرأ برواق و نعود بعد قليل
❤️
❤️
تم ?
?
صباح الخير ?
تسلم لنا اليد الي كتبت الموضوع وتعبت عليه ، يعطيك العافيه ارتوس ورأيك لاغنى عنه.
الناس تبي جنازه تشبع فيها لَطم ، كمية الذم والكلام على الماركة مو طبيعي وهذا سبب من اسباب شهرتها الأغلب سمع عنها سواء عن طريق سب أو مدح ، من البداية ما فكرت أشتريها لأنها ما تناسبني أحس بتتعب شفايفي ، بس للأمانه صايره ألوانها بصمة معروفه للشركة.
done
يعطيك العافيه سوس . متحمسه للباقي .. و شكله تعبك بالبحث .. اختي جربت لونين اللي هما كاشمير و ريوت .. بالأول قالت لي تجنن و بعد فترة ما اعجبها .. ما ادري ايش اللي اختلف ؟؟
مره ثانيه يعطيك العافيه و جاري تحميل البرنامج .. و لي عوده لو كملتي الباقي باذن الله ❤️
وش هذا ارتوس جهدك جبار ?? متحمسه كثير للتكمله ?
تسلم يدك يا اجمل سوس على الريفيو .. بصراحة كلامك يحمس ان الواحد يجربها خصوصا اني اعشق الارواج المات تقريبا ارواجي كلها مات و اكره الارواج اللزجة تزعجني بس احيانا اضطر استخدمها .. قوامها في الصور ملفت من اول ماشفتها في الانستجرام بس بما اني مبتعدة عن عالم المكياج هالفتره ما خطر في بالي اني استخدمها .. بس عجبني وصفك بان الوانها جريئة كذا خلت رسمت مكياج تجي في بالي خلتني اتحمس اتمكيج .. بس راح استهدي بالله و انام
و ننتظر اكثر جزء يحمس و اللي حيخليني اقرر اضيفها و اجدد بها مجموعتي او لا 🙂
يااااااا هلااا والله الحين اقراهم وانت فطوم اللي دوم وياك بس غبت بسسب ضياع فوني والحين غيرت الاسم ماذكر شو كان الاسم الاولي وشكرا شكراويسعدلي صباحك يارب
يسعدلي صباحك سوسووو??
قلتلك رح فيق واتصبح فيها للمدونة ?
عجبني الويكيد كتيير وباقي الألوان كلها جمييلة وناطرة تكملي الي رجعة ??
???
احم احم?
ياصبااحو ??..
يختي عليك انت مثلي ماتحمست عليها والاكيد سميتها الارواج ام وردة حمراء التسميه ذي الحالها خلتني اصد عنها هههههههه ?…
بس من بعدك راح اجربها وباخذ ع الاكيد كاشمير وشروم اما ويكيد احسه يمثلني احيانا لابد من اقتنائه ??..
الهجوم على الشركه والرد وافساد السمعه بلاء متفشي من فوق لي تحت بكل المجتمعات والطبقات والمجالات والحياة صارت غابه كل واحد ينهش الثاني ومايبي لها الا التصدي وتلاقين فيها اللي عايش كأسد ملك واللي عايش كثعلب ماكر والا حتى يستعصي وضعه من قوة الحسد …?
ياللا ياجميل فوتك بعافيه ???
مكاني ✋???
يسعد صبآح الزييين
حبيت الوانهم بس انا معي مشكله
من الارواج بهالشكل احسه سايله
يعني بس اضحك بتلزق بالاسنان
عشآن كذا امتنعت اني اشتريها
بس بعد كلامك والصور اللي تفتح
نفس بجرب لونين منهم ?
تسلم يدينك ع المدونه الجمميله كَ جمالك
والطويله يعني مآقصرتي بسردها ووضحتي
كثير شغلات جد مشكوره
دُمتِ لي??
اقراها بعد ما ارجع 🙁 بحبك سوس
هلا بالاسطوره ارتوس ماشاءالله عليكي
كلامي مافيه زود على كلامك الارواج ظهرة بقوه الفتره الاخيره ولاكان عندي مانع اني مااجربها اختارت ماما لون ويكيد تبا شي مميز تحب الارواج بس مراعاة سنها ماتشطح طبعا اول مافكيت الروج جبيت ريحتو مثل ماوصفيتها حسيته الريحه كيوت ههههه مدري كيف سهل المد بس لازم ينمد بحذر عشان ماتنخبص اوم الدنيا وشكله اشبه بمصاصت دما توها مخلصه شغلها هههه تجاهلي التشبيه وفعلا مات ماااااااات من قلب لازم ارطب من قلب عشان ما اتعب شفتي بس حسيتو ينشف الشفه بغظ النظر عن المظهر بس ماحسيت بشعور سيء و صعب الازاله وثاااااااااابت جربتوا مع كل شي من الاكل هههه وصامد لاخر لحظه
الارواج اللي عجبتني صرآحه هي : كشمير وَ شروم وَ بليتشد وَ ريودت باقي الاخير هههههه احسو ماينااسبني
واحس الروج يختلف لونه شوي على حسب لون الشفه اذكر مره انا و 3 بنات حطينا روج نجرب اختلف اللون شوي من وحده لوحده ..
نجي للكلام اللي انقال اول ماكنت اقرا قلت يالهويييييييييييييييييه ايه دا صرآحه شي متعب والناس اصبحت الان بلاذمه ولا ضمير لا من رحم ربي
اخيرا احب اشكرك من صمصوم قلبي ههههه الله لايحرمنا منك يارب
صبآحي يبداء بك??
نقراء ونرجع
وش هالصباح الحلو .. نصبح فيك ( قلوب )
انا من محبين كريمي ماحب المات علي لو اني من فتره جربت مات كيف اوصفه لك كنه بودره خفيفه عالشفايف ولا ينشفها هنا حبيت شكله ..
للامانه ماشفت كل الالون عندهم اكثر شي كشمير كنت اشوفه عند تاجرات ماكنت متحمسه اشتريه بس اختي طلبته ناسبها لون قلت اجرب لونه شدني بالصور بس علي فجعني اعوذ بالله ههههههه كني مريضه / جاز لي Riot ..
زين ذكرتي هالنقطه لان توقعت من روج نفسه يعني يبي ترطيب من قلب ..
بس فعلا كمد ماتحسين حاطه شي ابد .. جلست اطبطب بشفايفي ماحس فيه ههههههه
بس مايمنع اني اجرب منهم الالوان ثانيه لان تصويرك اغراني $
صباحك حب ياقلبي ? ويحلاه الصباح الي يبداا بتدوينتك ?
يعطيك العافية ياارب كفيتي ووفيتي ? مستحيل حد يطلع من تدوينة لك محتار ربي يبارك لك في علمك ووقتك ?? صراحه عندهم الوان جمممميلة ? ووصفك يشوووق ?
اهلين يا جميله ?
شخصياً الماركة ابد ماتحمست اشتري منها
وزياده الاشياء السلبيه عن الارواج
خلتني ابعد النظر عنها ?
لكن صح في الوان جديده حلوه
شخصياً ودي مره باللون الاسود منهم ?
صباح الحُب والتدوينات الجميلة ?
صباح الجمال ..
التدوينه جميله ..و احيي فيك تعبك لتقديم معلومه صحيحه ..بهالشكل المنصف ..بدون تحيّز..حتى وصفك للالوان لذيذ و جميل ..
و تعلمت منك عبارة (ماراح تموتون لو ماشريتوه )..لان فعلا بعض البلوقرز يبالغون في مدح منتجات لدرجة تحسين انه اكسجين ..و ماراح يعيشون بدونه .. تسلم يمينك ي جميله
صباح الخير
يعطيك العافيه ع التدوينه
بخصوص الارواج بعد تدوينتك اتوقع اني بجربه في الفتره القادمه معانها ماالفت انتباهي او فكرت اجربها قبل ماادري ليش
يعطيك العافيه ع البرامج بكذا نقدر نتاكد من المنتجات بدون احراج الى كلى الطرفين
في انتظارك في التدوينات الجديده ::)
التدوينة هذي كانت بمثابة فطوري اللذيذ .. كالعادة كفيتي ووفيتي تسلم هالإيد ويعطيك ألف الف عافية ❤ ..
صباح الخير…
يا حلو لما نكيف على تدوينتك و كوب القهوة.. بس ماادري ليش حسيتك وانتي تكتبي التدوينة كنتي مستعجلة هههه
المهم انا ما اقتنين لحد الحين هالرواج مع اني حاطتنها في اللست بس ماادري ليش كل ما بغيت اطلبها اتكاسل… بس انا جربت من قبل ريوت حبيت اللون بقوة و حبيت التركيبة… و الاحلى انه دام لاكثر من 6 ساعات…
بالنسبة للاشكال اللي على العلبة ترى يختلف بسبب الكولكشين عندهم يونيكورن كولكشن و عندهم فلفتس عشان كذا تختلف الاشكال….
صباح الورد
بصراحه اول ماهبوا فيها العالم تحمست على كشمير يمكن من كثر الضجه اللي سواها بس يوم شفته على بعض الناس صرفت نظر عن الماركة عن بكرة ابيها اشكالهم طالعه كأنهم مرضى يمكن بعضهم مو مناسبه والبعض مو عارف يضبط المكياج مع ذا اللون المهم انهم كرهوني فيه بس شكلي برجع اعيد النظر حبيت فيدي مع اني مو متعوده على ذا الالوان بس مره وحده جربت لون مقارب له وحبيته ناسبني كثير ف إن شاءالله بجربه هو وشروم برضه من الالوان اللي كنت مااتخيل اني ممكن استخدمه بس جد التجربه خير برهان جربته فعلا مميز مع المكياج بس طبعا كان من ماركه ثانيه …
الله يعطيك العافية ياعسل موضوع شامل متكامل اتحدى انه انطرح مثله??????
صبآح الخير آرتوسه ❤
أنا طبيعتي ما أميل وايد للألوان الخارجة عن المألوف وحتى لو أحاول أخذ ماعرف تلاقين يديني تروح للألوان اللي متعودة احطها دايم
لكن اختي تحب هاي الماركة من أول ما هبوا في لون كاشمير
دايركت شرته ومنها انا جربته
الحلو أن ريحته موب مزعجة واتفق معاج في القوام وسهولة المد
من ناحية السعر في البداية أغلب التاجرات كانوا يستغلون عدم توافر الماركة هني والطلب الزايد عليها
كانت الأسعار مبالغ فيها بحيث توصل لدبل السعر الأصلي
وسالفة الهجوم على الماركة نفسها اتفق مع رشا في انه صار وباء مفتشي ، كل شي يديد يطلع ويلاقي إيجابية يطلعون فيه مية عله ويربطونها بالأمراض عشان يستغلون خوف الناس من هالناحية
تسلمين غلآي على هالرفيو الجميل وششكرا عشانج وضحتي لنا بعد شلون نفرق بين الأصلي والتقليد
كل الحب ❤
دايم مختلفه ومميزه بطرحك ..شكرا لوجودك
انا حبيت منهم كشمير وفيدي ماجربته بس بالصور اول مره
انتبه للون ويكيد جدا جميل
شكرا لك
صباح الورررد
على كثر ماشفت ريفيوز عن هالارواج الا اني
ماشفت تفصيل وشفافيه ودقه مثلك ??
هذا الكلام والا بلاش بردتي قلبي والله
لان شفت كلام عن تركيبتها بس كلها تحت بند
(يقولون)
مافي شي اكيد وانا الصدق حبيتها
اكثر شي ريوت و ويكيد
ويكيد استخدمته في مناسبه حسيت بفخامه
او مدري كيف اوصفه ? بس يجنن
على عمووم تسلم يمينك وربي مايحرمنا منك ولامن ابداعك ?
فعلا ع قد ما لاقت هالارواج المدح الكبير والضجه بس سبحان الله ما افكر اشتريها يمكن بس Riot هو اكثر واحد حسيته ممكن يناسبني الباقي احس لازم مكياج كويس مرره عليهم ..و انا ذوقي احب الارواج اللي الوانها طبيعيه ? عشان كذا ما فكرت فيها كثير
يعطيج العافية ارتوس حبيت الالوان بس كتجربة ماراح اجربها لاني ما احب المات احب كذا اللي يبين شفايفي رطبة وصحية وكذا حلوة
صباح الورد
تدوينة ولا أحلى الله يسلم هالايدين
كنت حابه كثير اعرف ايش الفرق بين التقليد والأصل
وبصراحة ماكنت عارفه أبدااا ان الشركة عليها كل هالاتهامات
أنا عندي لون ويكيد نصحتني فيه وحدة من صاحباتي
بس جاي عبالي أشتري كمان كاشمير وريوت ^^
تسلمي سوس
يعطيج العافيه يا ارتسو الجميله وكل اللي تسوينه جميل ومتقن وتستحقين عليه وسام الاتقان والاحسان
ارتسو حبي ممكن تسوين لنا ريفيو على شي من زمان في بالي اسويه بس ماعندي روح المغامرة ودايما متخوفه منه بحكم اني قربت على الاربعين والتصبغات بدت تزيد بوجهي سمعت وايد عن الديرما رولر وشفت وايد فيديوات باليوتيوب عنه ،بس بعد متخوفه ان يحل مشاكل كثير بالبشرة
مساء الخيرات سوس….. دائما مميزة بالطرح ماشاءالله…. ويعجبني حياديتك تجاه كل هالجدل اللي صاير….. والحين بحمل البرنامج اللي يبين الاصلي من التقليد وبمشي فيه على الأرواج اللي عندي ونجرب… سوس مره وعدتي وحده من البنات انك بتطرحين موضوع عن كيفية حفظ المكياج والكريمات وبعد موضوع عن استخدام مختلف للمنشفه الورديه حقت ازالة المكياج…….. حنا بالانتظار…… وربي يعطيك حتى يرضيك….. وقلووووووب من القصيم لبيتكم ? ? ?
انا من محبيين الارواج المات المات وكنت بشتريها بس قلت اشوف رايك بالاول عنها واشتريها لاني اثق فيك..حبيت لون الكاشمير وشروم وييكيد..????
مساء الخييير
يعطيك العافيه امممم ماجاء ببالي ابدا اجربها
لكن بعد هالتدوينه لو مانسيت راح اجرب لو لون واحد
الالوان تجنن وتجيب العافيه
يعطيك العافيه ماقصرتي
دمتِ بحب ❤️
يا زينك و زين تفاصيل معلوماتك ؛ برأيي الهجوم كان مبالغ فيه و ممكن مثل ما قلتي من المنافسين لأن ما فيه مبرر كافي
كثيير اروح بشتري و احتاااااارر و ابطل ؛ فعطيتيني فكرة عنهم من الحين بليتشد و ريوت ما لفتوني
عكسك حبيت فيد جاز لي لونه ؛ و شروم و ويكد فكرت اجربهم لكن كشمير متردددة
أكثر شيء يهمني بالميك اب الروج و الماسكرا ععشان كذا ما اميل للالوان الكلاسيكية بالارواج أحب التركيز يكون عليها
الله يعطيك العافية ما بعد كلامك كلام ..,,
تقرير شامل ومتكامل يعطيج الف عافيه ،، هالماركة كثير حلوة لتميز ألوانها واللي كثير براندات قامت تقلد الألوان خصوصا كشمير ، من الالوان اللي استخدمها وحبيتها كشمير وريوت ونيكد وسيلم اللون الاخير فضييييع متأكده راح يعجبج
كنت أنتظر رأيك عنها من أول عشان أجزم اخذها او لا ♡ عموماً الجدل والضجه اللي صارت ابد مو طبيعيه واشوف هالشيء لصالح الشركه لان في النهايه كثير من الناس حبوّا يجربون المنتجات عشان يحكمون وعلى الرغم من ان عليهم انتقا ات كثير من حيث جودة وامان الموقع وخدمة العملاء السيئة الا انهم في وجهة نظري مايستحقون كل هالاتهامات الموجهه لهم وكأن الناس جالسين يستقعدون لهم 🙂
تدوينه رائعه حبيتها باذن الله قريبا راح اجربها رغم اللغط الي عليها بس الوانها تحمس للتجربه
مسسساءء الورد وكل حاجه حلوه
حبيت التدوينه يائلبي .. الارواج اشوفها ممدوحه من الناس وتبين الجد من اول اشششوف الي حوولي يشترونهابس ماعند حمااس لهااا
مااجذبتني لهاا بسس حبيت وصصفك وحمسني اجربهاا ان شاءءالله اذ جربتهاا اعطيك راييي وبختاار الكشميرر حسيت لونهاا يهوس
او ان الصور الي محليته خخخخ مدري ببسس بجربهاا قريب .
حبيت تطببق الي يبن التقليد والاصلي
من جددد شي يريح العالم من الشكوك
والسؤال اصلي ولا ؟
يعيط العافيه والله يحرم هاليديييين عن النار يارب ..
الله يسسسعدك اضعااف ماتقدمين لناا هالمواضيع الجميله ♥♥♥
تسلم هالانامل ي ارتوس ❤
يعطيك العافيه أرتوس ?❤️
حبيت أعلق على موضوع التعامل مع شركة لايم كرايم تعاملهم جداً رائع ومحترم وبعد الموقف اللي صار لي معهم وثقت فيهم لاني سبق وطلبت من عندهم وضاعت الشحنة ماوصلتني فلما تواصلت معاهم أعادوا لي قيمة طلبيتي كامل على بطاقتي الائتمانية مع العلم ان الشحنه انشحنت للسعوديه بس هم اللي تحملوا نتيجة عدم وصولها لي لمدة تجاوزت ٦ أسابيع بسبب انو مالها تراكنق نمبر
صراحة انا اول ماطلعت عجبتني واخذت لي روج اجربه وبعدها بكم يوم قريت عنه انه خطير صراحة خفت وعلى طول رميته ههههه ماعندي وقت ?
ودي ياعسل تكتبي موضوع عن الستيان وانواعها وطريقة اخذ القياسات الصح
وتسلمي على كل شيء تسويه ??
مساء الخير للحلوين
انا عني ماحبيتها تبين عيوب الشفايف شفايفي جافه وكل يوم لازم ارطبها ترطيب عميق بالليل بس ماينتهي دوامي الا شفايفي جافه والروج طالع غلط ، بس على زميلتي طالعه الوان جميله ماشاء الله انا جربت روجها عشان اقرر اشتري ولا لا وهونت.
حتى ارواج قيرلان الي بفرشاه ماضبطت معاي وسعرها مو هين ندمت على التجربه ابي اقول رجعوا فلوسي ?
احيان كثير البلوقرز يمدحون منتج وهو اسوأ من السيء
في ارواج من برجوا مات بفرشاه طبعا كان عليها عرض واشتريتها
يالله احس اني بمصنع بلاستيك ريحتها شنيعه ماتخليني افكر كيف يطلع اللون ، فشلت ههههه
اول تجربه لي من هالنوع كانت مع ماكس فاكتر ، بس انا طبيعة شفايفي مو ناعمه فيها خطوط لذلك هالنوعيه ماتنسابني لازم ليب ستيك ??
حبيت الريفيو الي سويتيه واحس اول مره مانتوافق في شيء.
بس كلامك انصف الشركه من الاتهامات حتى انا كنت اتهمهم ان ارواجهم بايخه.
ثانكيو بريتي ?
مساء الخير ??فعلن سببة ضجه هالماركه ولكن الاوانه تشفع له ?? جدا جميلات ??
تو تو جربتها لأول مره ريحتها شهيييه والاحساس ماكأنك حاطه شي حبييييت ???
خصوصاً ان اللون غني وثابت كنت دايم احسه ثقيل ويضايق لما اشوفه على احد بس عجبني حبيته والحمدلله اللي عندي اصلي ( اول مره يمكن يطلع من حظي الاصلي ، دايم ينقص علي 🙁 )
ريفيو مميز كالعاده حتى ولو كان المنتج مستهلك ، مافي زيك ??????
انا نفسج بداية ما استهوتني , تعليبها كيوت ما بلعته ههههههههه
و يمكن صار عندي تشبع قد ما شفتها و تكلموا عنها حسيت كأني اقتنيتها معاهم
اللون اللي استهواني من المعروض Shroom جداً جميل لفتني
جربي ارواج ذا بالم Meet Mat السائله .. جميله 3>
قبل مستحيل أفكر فيها نهائياً شكلها أبداً ماشجعنى كأنها للبنات الصغار أو المراهقات بس بعد تجربتك تغيرت النظره ورح اجربه أن شاءالله تسلمى حبيبتى على تقريرك اللى كالعاده وافى الشرح ومايترك مجال لأي سؤال ?❤️?
كلام جميل و مفصل
انا مثلك ما فكرت اجرب ارواج هالماركة بس الوانها جميلة و مميزة
و خصوصا ويكد و كاشمير ?
شكرا على التطبيقات اللي تكشف التقليد تم تحميلها لأن ملينا من الغش التجاري مع اني حريصة ما اشتري الا من ناس ثقة بس احتاجه لو رحت لمحل ما اعرفه من قبل
و معك حق هالماركة على انها جديدة بس احدثت ثورة سببت قلق من الشركات المنافسة و هالشي مو غريب في عالم البزنس
و بالنسبة للبلوقرز و اليوتيوبيز يا كثر اللي ذممهم واسعة خصوصاً في امريكا و حتى عند ربعنا خصوصا لو ما ذكرت عيوب المنتج و وصلته للسما و هو ما يسوى هنا اقول في الموضوع انا بالنون المشددة لووول
صباح الخير حبيبتي يعطيك العافيه ع ريفيو الجميل .. رغم شهرته وماقريت أحد اشتكى منه من ناحية ثابته الا انا 🙁 للاسف ماضبط معاي، كشمير هبوا فيه رغم انه اشوف مايلبق للكل يعطي احساس باان اللي قدامك مريضه ?
و اسم Fade كتبتيه خطأ Faded لكن بصورة مكتوب صح . اشتريت ثلاث الالوان
red velvet – riot – faded طلبتهم من موقعهم في شهر شعبان .. الحمد لله مااشتكي من عيوب بشفايف لكن بعد مااحطه بوقت قصير يختفي اللون من النص ويمحي وتبقى الاطراف كأني راسمه شفايف بمحدد. كنت أرطب الشفايف قبل لا احطه ونفس الشي يمحي وجربت أحط محدد قبل غيّر من اللون شوي لكن كان طول عن محاولاتي السابقه .. قريت الضجة وماتحمست اشتري مره ثانيه لان ماضبط معاي رغم الالوان اللي نزلت تزامن مع الفلانتاين جميلة .
الابلكيشن ح يفك ازمه
ب النسبه لل cashmere جربته وحبيته
الالوان اللي ع براون واورنح م احبهم بس اللي faded
دخل قلبي حجربوا
مستغربه ليه م تتكلمي عن ارواج جفنشي مظلومه هالماركه من ناحيه الارواج عكس العطور
لاحظت اغلب البلوقر كمان م يتكلموا الشي السيء فيها اسعارها ترا كل بعد سنه يزيد السعر والحلو
فيه اللي شفايفهم تعبانه جد جد فضيع …لازم تجربيهم وتقولي رايك فيهم خصوصا واحد لونو ع لحمي للأسف الروج بعيد عني ولا كان كتبت الرقم 🙂
صباح الخيرات ســــوس
تسلم هالأيد ع التدوينـة :*
والله نفسـج هالأرواج ما فكرت أشتريهُم ، بصراحـة ما أدري ليش بصراحه ! يمكن بسب شكله الكيوت مثل رسمة الورود وخط الكتابة ! تفكير غريب هههه ، قبل شهر أكثر أو أقل كنت أنا وأختي نتسوق شافت هالأرواج وسألتني إذا كنت باخذ لكني ما اهتميت لأنه ما كان عندي نية أنّي أخذ من هالأرواج بالأساس ، أما هي خذت لها كم لون بس ما أعرف شو هي الألوان ..
إذا اشتريت من هالأرواج باخذ لون بليتشد و شروم ، لأن هاللونين تقريبًا يتناسبون مع ذوقي ♡
آاااه على موضوع التقليد ، من كثرت التقليد آخاف باجر أشوف وحده نسخه مني تمشي هههههههه امزح سوس ، بس صدق سوس كل منتج يديد ينزل بفترة قصيرة ينزل التقليد .. شُكرا ع التطبيق ، حملته عندي :*
قلوب يا قلبوووو ، ولـج وحشة دايمًا وأنتي دايمًا بالبال
♡
واخيرا تكلمتي عنها صراحة حبيت تدوينة اليوم ولايم كرايم فعلا احدثت ضجة واسعة بس بالفعل تستحق عندهم اللون والبيجمنت رهييييب من زمان عاجبتني وكنت ابي اطلب منها بس كانت اغلب الاشياء خالصة والتوصيل مكلف وكعادتي دايما افضل الهاي براند على هالماركات اذا شفت ان السعر بيكون غالي ومقارب للهاي اند بس الصدق ان بخاطري اجرب منهم لكن انا احب اجرب واشوف بنفسي طبعا اكثر لون راق لي هو فيدد والاحمر القاني خرررافي بعد بس يبي له اسنان بيضاء وحلوة باقي الالوان فوق ماحسيتها ذوقي صرت اعشق درجات النيود على موف. وحلو منك يارتوس انك تكلمتي عن سياسة الشركة والادعاءات ضدهم وتحليل للوضع بالنهاية منطقي.
من فترة وأنا معجبة جدا بالألوان حقتهم خصوصا كشمير جداااا مميز وكنت أفكر أشتري بس دايما أأجل….أنصدمت من كمية المشاكل أول مره أدري عنها بعد ما قرأت التدوينة رحت أبحث بموضوع العنصرية بمنتج (China doll ) وطلع الموضوع إنه ليش المنتج إسمه دمية الصين وحاطين على المنتج بنت أمريكية مو صينية ويقولو إن هذا إستيلاء على الثقافة الصينية وخاربين لهم الدنيا وكيف الشركة ما يكون عندها ثقافة ومادري ايش و هروج الأجانب حقت الهوية والعنصرية بس عجبني كلامهم إنسانيين مرررررره❤
ي صبآح الجمآال
موضوع شآمل ومتكامل الله يسعد قلبك
??
سوس يا جميلة كيف من البرنامج اعرف اذا اصلي ولا لا ما غير جلست اجرب كريماتي و طلبياتي ولا استفدت ما عرفت له ??
تسلمي ع هالمدونه ويعطيك العافيه….
بس بصراحه الألوان روعه وتشوق خصوصا اللي نالت اعجابك فعلا ألوان فريده وتحلي البشره والمكياج ….
عاد من اول ماشفتها وخاطري فيها بس ماتيسرت أن شاءالله تتيسر وآخذ منها خصوصا من بعد وصفك ولا شي يعلى عليه ….
مع خالص حبي??
صباحك ورد ارتوسي .. بعض الناس غريبين عجيبين هجوم بدون هدف وظلم للتاجرات لمجرد الاتهام !!
..لكن التطبيقات كثير حبيتها وماكنت اعرف عنها من قبل
راح تفيدنا كثير
بالنسبه للأرواج حبيت نقطه انها سهله المد وتدوم وقت طويل
اول مانزلتي الأرواج ع الانتقرام فيه الوان شدتني والوان لا
لكن شفتها الحين بالصور واخذت تصور افضل ووضحت لي الألوان
حبيبتي سوس merci ع الريفيو ومثل ماتوقعت مااطلع من أي تدوينه الا بكميه معلومات
الله يسعدك دنيا وآخره
❤❤❤❤
دائما منصفة ولك الكلمة الفاصلة ماشاء الله عليك …
أفدتيني كثير عنها وخصوصا الألوان ورأيك فيها.. أما الضجة فأتوقع مثل ماقلتي .. كل شركة تبي تعذرب .. ولو نبي ندول على أخطاء بنلاقي أغلبهم لهم نفس السياسة والتوجه ونادرا مايكون غير ذلك..
اعجبتني هالالوان خصوصا ع نهى نبيل بس كانت الحيره وين نحصل الاصلي.. حلو انك حطيتي برنامج يبدد شككونا كنت اسمع عنه بس بما انك مدحتيه جاري تنزيله ..
يعطيك العافيه ?
مرحبا
انا والله من عشاااق ارواج هالماركة بغض النظر عن اني تاجره ولي خبره في التعامل معاها
الماركة فعلا موقعها تهكر فتره طويله شويه واتوقع في هالفتره اتهموهم بالسرقه
لكن سارلي فترة اتعامل معاهم عمرهم ماسرقوا مني اي مبلغ بلعكس مرا قلتلهم شحنه ماوصلتني اصدروت بديل مباشره وبعدين وصلتني المتاخره والجديده
بالنسبه للتنوع في شكل عبواتهم عجيييب كل شويه لهم شكل ساعد ان التقليد ماينعرف بسهوله
طرح موفق حبيبتي ومن حسن الى احسن دووووم
يعطيك العافيه ياعسسسسل
أسعد الله مسائكArtos ما أقول إلا الله يجزاك خير على جهدك الجبار وعسى الله أن ينفع فيه. ومن تقدم لتقدم.. أنا من البنات اللي استفادوا منك بأشياء كثيرة التنظيف بالطريقة الكورية،الغذاء المتوازن،شرب الماء،طريقتك في تنظيف اﻷسنان،كريمات اليد ……الخ ولا حظت أثر من تغير? وأكيد يبغالي مشوار في اﻹهتمام بنفسي أكثر ﻷني فعلا ماكنت أهتم بنفسي أول.. عندي كسل على عجز والجوال أخذ من وقتي لكن أحمد الله إني قدرت أغير من طريقة حياتي وإن شاء الله طول حياتي كذا ﻷن فعلا اﻹهتمام يولد الثقة بشكل كبير.. والمدونة حقتس واﻹنستا من أحد عوامل الحماس عندي ?وبانتظار المفيد والماتع منك ياجميلة?
الحمد لله
وأخيرا عدلت النك نيم ترى من اليوم أحاول وضبط?شطحت
رووووعه يازين الريفيو منج تشبعين كل فضولنا ماتخلين بخاطرنا شي
الآن مع الروكتان وتشقق الشفايف ابي لي قلوزات رطبه مو مات لما شفت الموضوع قلت هوَ ده لكن صار يرجع للمات لكن مره استمتعت بكلماتك وتفاصيلك المميزه وبقيلي شهر واخلص العلاج وارجع لشغفي للارواج ان شا الله ?
عزيزتي انا حملت برنامج QRreader بس ما طلع معي اذا المنتج أصلي او لا اذا ما فيه مانع تقولين الطريقة ❤️❤️
و مشكورة على هالتدوينة الجميلة ???
اهليين .
حبيت الوانهم مميزة عن جد
وتفاصيلك له جميل ..
وحبيت برامج الكود ، يسعد البنوتات
مشكوره ارتوس ?
يا اهلاً ?
الله يعطيك العافية يا عيني
صراحة جهد واضح بالبحث و التنسيقوالله ما قصرتي
فعلا فيه جدل كبير مؤخراً عن مصداقية هالشركة و كنت حابه اعرف الحقيقة
و الجميل اني ابدا ما اشك في كلامك ولا ابحث وراك
لاني شفت من صدقك ما يخلينا نثق بك?
اسمك جبار و تعتبي في بناءه ؛ الله لا يضيع لك تعب يحبيلك
اسعدك الله و عن الشر ابعدك ?
سالفه اختراق موقعهم وسرقه البيانات الاتمانيه مخيفه ناس انسرقوا من حسابتهم مبالغ وصلت لعشرة اللالاف دولار ولا استردوها اسفه بس شركه لها سنين بالمجال وبخلت بتأمين موقعها مااثق فيها للي حابه تاخذها ترا موقع Nasty Gal يبيعها على الاقل تضمنون الحمايه لفلوسكم
تعرفي مااحب اقرا التدوينه بغير وقتها كم تدوينه فاتتني وماحبيت اطلع بدون ماارد
الله يعطيك العافيه ماكنت مقتنعه فيها ابد اابد بس مابعد كلامك كلام ??
ارتوس انت تبذلين مجهود جباااار الف مليون شكر و بوسة عليه
جربت الكشمير و وجدته جميل و تلعبين فيه بانك تستخدمين محدد للشفايف و بعدين تحطين الروج و النتيجة شيدز مختلف بين الموف و اللحمي و العودي و ناوية اطلب شرووم حبيته من الصور اللي حطيتيها
الماركه هذي شهادتي فيها مجروحه و لي سنه و نص و انا طايحه فيها و انا فعلا من الناس اللي كانت علي وقت تهكير موقعهم و سرقة البطاقات الائتمانيه و الشركه ماقصرت ارسلت ايميلات علي طول شرحت المشكله اللي صارت بالاضافه الي انهم ارسلوا رسائل علي صندوق البريد لكل المسجلين لديهم يعني احسه افتراء باطل و قايميين عليها حرب مالها داعي بس للامانه ارواجهم و درجاتهم بطله تحطين الروج و تنسينه يجلس علي الشفايف يطول بس لازم الشفايف تكون صحيه