صَباح / مَساء المعنويات العالية
آهلاً آهلاً ، وَقتت التَدوينة تنزل الساعة ١٢ المَساء تلقائياً
لكن للأسف جَلست أتكلم مَع صديقاتي وَ نسيت أمر التَدوينة لين دَخلت المُدونة وَ أشوف رَدودكم ( شَبه جلطة )
هذي مُشكلة إللي يكتب تَدوينة مؤقته وَ ما يَلتزم بالوقت ، تَخطيت عرقوب وَ عياله
( Skipping rope ( Jump rope
نط الحبل
الجمب روب = نط الحبل بالإنجليزية
وَ السكيبنق روب = تخطي الحبل بالبريطانية
وَ كلهما مُفردات لنفس المَعنى
نط الحبل يحرق ٢٤٠ سعرة حرارية في ٣٠ دقيقة وَ مُمكن من ٦٠٠ إلى ٧٠٠ سعرة حرارية
طبعاً بشكل مُتقطع ، حسب مع وش راح تَدمجين نط الحبل مُمكن يدمج مع جمبنق جاكس ، أو مَع سكوات .. إلخ
وَ حسب الدَمج يظهر لنا التَفاوت بالحرق
فوائد نط الحبل ~
نط الحبل من الرياضات إللي ماتكلف وَ كل الأعمار تقدر تمارسها وَبنفس الوقت ممتعه
• من أكثر الرياضات إللي تحرق سعرات حرارية عالية جداً بوقت قصير
• تزيد من اللياقة البدنية
• تقوي العضلات تشد عضلات المعدة وَ الجسم ككل
• تحسين التوازن العضلي وَ العصبي وَ تزيد من توازن الجسم
• تقوية القلب وَ الشرايين
• تحسن الحاله النفسية وَ المزاجية
كيف أختار الحبل ،’
• أفضل الأنواع إللي تكن مربوطة على حلقه أو لها طرف ينربط فيه الحبل ، تعيش فترة أطول وَ لا تنعقد أطرافه وَ تنحاس أو تهتري مثل هالصَورة
• المبتدئين الأفضل يكون الحبل وزنه خفيف مصنوع من حبال أو مطاط سمكه عريض ، أيضاً المسكة تكون خفيفه مصنوعه من بلاستك أو خشب مثل هالصَورة
[ للتوضيح أنا ما أعتبر مُحترفة نَط حبل ، لأن نط الحبل يُعتبر كارديو وَ أنا مُش شغوفة بالكارديو لكن أمارسه ضَمن تماريني .. لكن ما عَندي هدف لزيادة اللياقة بَه ، المُهم هالحبل يَكفي وَ يوفي وَ زيادة مُناسب للأداء الطبيعي ]
سَعره : أقل من ٥٠ ريال سَعودي
• الحبال القوية إللي تكون مُبطنه بسلك من الحديد مناسبه للمتمرسين بنط الحبل ، لأنها سريعه .
كيفية أخذ المقاس المناسب ،’
ندوس الحبل بأحد الأقدام ، وَ نوازن الحبل وَ نحاول نضغط على النص ، نرفع الحبل للنص وَ نقيس بداية الحبل ( طرفه ) لازم يكون على مستوى الصدر لكن مايوصل عند الإبط
بعد كذا تتغير المقاسات لأقل من هالطَول تقريباً حسب الإحترافية وَ حسب سرعة القفز وَ حركة اليدين إذا كانت ملازقة للجذع ( الجسم ) أو مُتباعدة لكن هذي القاعدة العامة
https://www.youtube.com/watch?v=jPaAH-d0UXA
ركزوا عالصورة يعني حَبلي لو أحترفت أقدر أقصه وَ أغير مَقاسه ، هالحبل طَوله ٣٠٠ سم
لكن سبق وَ قصيته عشان كذا هالصَورة للتوضيح لكن ما قَصيته فعلياً لأن سبق وَ تم قصه
١ – تحاولين تنزلين الحبل من المَسكة راح تشوفون بالطرف بلاستيك هذا البلاستيك تسحبونه للداخل بتلقون أيضاً بلاستيك فيه مثل الكماشة
٢- نفس الكماشة مأشر عليها بالأسهم
٣- تبدون تفتحون الكماشه وَ تسحبونها لطول إللي تبونه وَ يناسبكم
٤- بعد تحديد المقاس وَ التأكد منه قصوا الزائد بالمقص وَ أرجعوا أضغطوا الكماشه وَ عليه بالبلاستيك وَ رجعوا المسكه الكحليه لوضعها الطبيعي
العملية جداً سهله لكن حبيت أصورها بحيث ما تتوهون
طبعاً كل ماركة وَ لها شكل وَ بعض الماركات يجيك سيت كامل ( مجموعة ) من الإبتداء للإحتراف ، بس إللي عنَدي صَح مش الأفضل لكن مُريح وَ مُناسب للجميع وَ يأدي المَطلوب وَ مسكته مُريحة وَ صغيرة وَ ماتتعبك ، وَ عفكرة المُحترفين حبلهم أثقل عشان هالحبل يحرق سعرات حرارية أكثر وَ يساعد أيضاً عالسرعة ، لكن لو ضربتي نفسك بَه .. الضربة بتنسيك حليب أمك ( مُؤلم ينفع للتعذيب ) .
قبل ما تفكرين تنطين الحبل ،’
بليز لا تنسون البرا الرياضي وَ تكلمت عنه بهالمَوضوع ( أضغطي هُنا ) وَ الشوز الرياضي بغيرهم لا تَنطون عشان لا تأذون المفاصل وَ لا ترهلون هالصَدر وَ نطوا على أرض مُستوية غير مُتعرجة
خطوات تأخذ بالحسبان أثناء نط الحبل ~
• أول خطوة وَ أهم خطوة هي أخذ نفس منتظم أثناء القفز لأنه من غير تنفس ماراح نقدر نستمر وَ بنتعب
• شد البطن أثناء القفز وَ التركيز على إستقامة الجذع، وَ هالشيء مفروض يكون أساس في أغلب التمارين منها لحرق سعرات أكبر وَ لتخفيف الأضرار
• القفز على أطراف الأصابع وَ طرف مشط القدم ، إنتبهوا تقفزون وَ تحطون قدمكم بالكامل على الأرض
• ثني الركبه ثني خفيف عشان الضغط مايكون عليها ، وَ هالشي أعتمده بكثير من التمارين عشان الثقل مايكون على الركبه
• القفز بخفة وَ الهبوط بخفة ، يعني مو تسوون زلزال وَ إنتم تنطون القفزه تكون ناعمة وَ بدون أصوات
• لا ترتفعون كثير عن سطح الأرض أثناء القفز ، أقصى حد 4 سم في القفز المتواصل .
• أفضل الوضعيات وَ أسهلها تكون العضدين وَ الكوعين قريب من الجذع ،وَ كل مابعدنا اليدين راح يكون القفز أصعب
• القفز من التمارين إللي تحتاج لياقه لا ترهقون نفسكم بالبداية وَ تسببون لنفسكم إصابات وَ مثله مثل أي تمرين ، لابد من تمارين إحماء بسيطه وَ عند الإنتهاء ايضا يلزمنا تمارين إسترتش، البدايه تكون 5 دقايق من ثم عشر دقايق مع أخذ فترات راحة قصيرة
تعلم القفز ،’
القفز مو شغله تعتمد على الحركة بس إنما شغله عصبية يبيلها تناسق وَ تتعودون على رتم القفز مثل النغمه ، أحياناً تعلم النغمه يساعد على تناسق النط فلازم نمرس مخنا على القفز وَ راح تستجيب العضلة دايركت وَ تذكروا القفز تتحرك فيه كل عضلات الجسم وَ حركة الكل يبيلها تناغم ، أفضل طريقة للقفز هي العد تنزل علينا تناغم القفزة وَ دايركت المخ يتبرمج على رتم معين ، زَي لما نَعد وَ حنا أطفال ، واحد ، إثنين ، ثلاثة ، وَ هكذا
أنواع القَفز ~
هالمَوضوع لا يَختص فيما يتعلق بشروحات التمارين لكن من باب العَلم بالشيء أرفقت هالمَقطع مَع ذكر مُسميات النط وَ أنتم شَوفوه وَ ركزوا على طريقة النط لأن تختلف من نَطه لنطه
https://www.youtube.com/watch?v=1aIk-aqhFZg
Criss-cross = كريس كروس ( مُتقاطع )
Side Swing = سوينق سايد ( نط وضرب الحبل عالجانبين )
single leg = سنقل لق ( برجل واحدة )
Alternate jump = قفز بالتناوب
هي أكثر من كذا بكثير لكن حصرت لكم الأسهل وَ الموجود بالمقطع تقريباً
التَنويع بالنَط يجدد الحماس وَ النشاط وَ إرفاقه مع تمارين آخرى أفضل وَ أحلى ..
يعني دخلوه بين تمارينكم كفاصل ، بتكون نتائجه جباره بالحرق وَ الشد وَ لو بحثتوا باليوتيوب بتلاقون الأجانب مَسويين تَحديات وَش كثرها أنتم كذلك تَحدوا أنفسكم
هُم يسوون سيركت ( Circuit ) يعني مثل دائرة التمارين حالياً إللي مو متعود عالرياضة بيحس كلامي طلاسم ، بس لو رحتوا نادي ما بتقول لكم المُدربة يالله شوفوني .. مُجرد ما تَقول إسم التمرين وَ التدريب من نفسكم بدون ما تَطالعون لها راح تَسوونه ، كذا وصفة التمارين .. سيركت سيركت
يعني مُمكن دقيقة سكوات ، بعدها دقيقة جمبنق جاكس ، بعدها دقيقة سكوات ، وَ بعدها جمبنق جاكس وَ هكذا تتكرر التمارين وَ تدخل تمارين وَ تُحذف تمارين
بناتنا الله يهديهم ناشبين تقولك أسوي ١٠٠ مرة سكوات وَ بعدين تروح تنسدح بالصالة
( لو حجت البقرة على قرونها !! ما راح يتغير إلا شيء لا يُذكر بفعل إنها تحركت مُو بفعل السكوات ) ..
عشان كذا إللي تقولي وَش رايك بالسكوات أحس وَدي أنتف شعر رموشي ، سَكوات لوحده ماله فايدة للمؤخرة ، نفس الشيء تمارين المَعدة بدون تمارين مُرافقة له مالها فائدة للمعدة وَ لو فيه فائدة فائدة مُضحكة لا تُذكر ، لازم يتمرن كل الجسم وَ يتفصل تفصيل ، اللهم المكان إللي عندك فيه مُشكلة يكون التركيز عليه أكثر ..
ما قَد يخطر على البال ~
– نط الحبل يحرك الرحم ؟!
الرحم وَ حركته كاثرة عند شعبنا المَصون أكثر حريم يتقلب رحمهم وَ يتحرك عندنا وَ نزول الرحم وَ سقوطه بس عند بناتنا .. قد يوم نطيتي مثلاً وَ لقيتي عينك تحت فمك
مافي شيء من هالكلام أبداً ، بصراحة وَش متخيلين الرحم متعلق بمعلاق جَوا الجسم منتظر نطه عشان ينقلب وَ لا يطيح أو يَنزل ، حتى لو وحده صابها نَزول بالرحم علاجه مُو بهالصَعوبة
– نط الحبل مُضر بالحامل ؟!
نعم مُضر بالحامل ، يعني لا تَنط وَش لها وَ البلاء !!
– نط الحبل مُضر أثناء الدورة الشهرية ؟!
وَ الله لحد الآن مافي أي دراسة تقول إن التمارين بشكل عام مضرة أثناء الدورة
لكن شخصياً أول يوم بالدورة وَ ثاني يوم بالدورة أخذ إجازة من الرياضة بشكل عام ، أو إذا قمت وَ فيني طاقة وَ حيل أمارس تَمارين رايقة
يوجا ، جيم بول ، ما أسوي كارديو أو أي شيء عَنيف ، لذلك لا تَنطون وَش لكم وَ التعب ..
– فيه بنات بالأنستا قالوا لي لو نَطوا خواصرهم تَعورهم ؟!
السبب هو بعدم إنتظام التنفس غالباً ، يعني الوحدة ترهق نفسها بالنط وَ تنسى تتنفس
حتى لو تذكرون وَ حنا صغار نفسنا صغير لما نلعب حبشه وَ نتحمس ، تلقونا على طول نشرب مَوية وَ نمسك جنبنا مع شَوية ألم
طبعاً زي ماقلت هو عدم إنتظام بالتنفس أو عدم شرب ماء كافي وَ هالشيء سبب تقلص الحجاب الحاجز
ذكرت هالشيء لأن كثير ينخرع وَ يوقف يقول فيني قلب !! أو فيني مرض بالكلى أبداً
إلا طبعاً لو الإنسان يدرك أنه مريض وَ تعبان
– عندي زيادة بالوزن وَ ما أقدر أنط أخاف على مفاصلي ؟
أنا مع عدم النط بالأوزان الثقيلة جداً ، لأن مُمكن تضرون المفاصل ..
بعض الدكاترة يقولون عادي ، لكن دكاترة العظام يقولون إللي وزنها تحت ٨٠ كيلو تقدر تنط كإناث ، أما الذكور تحت ١٠٠ كيلو
وَ عاد أنتم الحكم يعني لو أنتِ نحيفة مرة وَ نطيتي وَ حسيتي ألم بالركبة لا تَنطين ، مو كل الناس عظامهم وَحدة وَ لا كل الناس ليونتهم وَحدة فيه بنات كثير نحيفات لكن عندهم خشونة بالركبة ، أو إصابات سابقة .. إلخ
– لازم أشتري حبل لنط الحبل وَ لا أقدر أنط بدون حبل نط وَهمي ؟
مُفيد النط حتى لو كان نط وَهمي ، لكن ما يشبه النط بالحبل
النط بدون حبل يُعتبر إحماء بالنسبة للنط بالحبل ، ليش ؟!
نطك بدون بيكون نط حر بدون تركيز ، يعني مُش مُضطرة تحافظين عالتوزان مُجرد ما تفكرين تتوازنين تحرقين
وَ تضطر تشد على كل عضلات جَسمك ، ناهيك عن إن الحبل له وَزن حتى لو وَزن خفيف وَ بنفس الوقت يخليك تَشدين على ذراعك بالغَصب
– أرتوس أنا نحيفة لازم أنط الحبل ؟
لا مُو لازم بس حلو يشد كل الجسم وَ يصقله وَ مرح وَ يعطيك سعادة
لا تكثرين ، عفكرة النحف شيء وَ الرشاقة شيء آخر مو كل نحيف رشيق اللهم لا تكونون مُدمنين كارديو
سلسلة النادي الرياضي المنزلي ~
النادي الرياضي المنزلي الجزء الأول | كيفية إختيار الكرة الرياضية ( GYM BALL ) إضغطي هُنا
النادي الرياضي المنزلي الجزء الثاني | السجادة الرياضية وَ أنواعها ( المات الرياضي ) إضغطي هُنا
النادي الرياضي المنزلي الجزء الثالث | كل ما يتعلق بنط الحبل ( JUMP ROPE ) إضغطي هُنا
النادي الرياضي المنزلي الجزء الرابع |حبل المقاومة (Resistance Tube and Band) إضغطي هُنا
دُمتم بَحب
متحمممسة أقرا التدوينة ..بستنى اقراها وارجع ارد
يعطيك العافيه توسه رياضه جميله ومسليه فعلا…
السلام عليكم ..
يعطيك الف عافيه ارتوس من زمان مستنيه موضوع الرياضه
بصراحه انا ما افهم الا منك ما شاء الله عليك
بس اتمنى لو تتكلمين عن كل نوع من الرياضه بالتفصيل في المواضيع الجايه خاصةً اليوغا ابغى اعرف نتايجها هل تزيد المرونه و التوازن وكذا ولا تشد العضلات وتقويها ؟!
مشكووره
صباح التشويق والعرقوب
كل مره اكون عاقله ماارد الا بعد التدوين هالمره باخربها
وارد قبل التدوين
الله يقويش ونومي ولدك واكتبي عشان تنزل بدري ماتتاخري
صبااح الجمال ❤️
waiting ..waiting..waiting
حممممممممماس متى تكتمل بي نوم شكلي ابي اسهر علشاته
صباحك سُكر ، حماس أول مرة ادخل قبل تنزل
و فرصة اقولك احححبك جداً ..
قبلة لقلبك
صباح النّشاط و الجمآل والمعنوياتْ العالية . .
نترقب التدوينة إلليْ أكيد من تحت أيدج بيطلعوا أكيد غير شِكل
❤
صباح النور
منتظرينك اكيد وكلنا حماس اتوقع بتكون عن نط الحبل او الزومبا ياخبر بفلوس بعد شوي ان شاءالله بلاش
أهلا أرتوس
الله أحب التدوينات عن الرياضة ❤
أعرف انك مابعد خلصتي بس قلت خل أكتب لك مدري أرد عليك
تدرين لي سنوات أخزن بالهاردسك ملفات ويب وورد وفيديو والخ عن الرياضة، بس بأخزنها لما يصير معي فلوس عشان أروح أشتري، والمشكلة فيه أشياء كثير أقدر أسويها بدون فلوس، يعني مثل ماقلتي [ أتمنى نَكون مُجتمع يَعمل ، مَب مُجتمع يَصور الشاشات وَ يخزن المَعلومات بدون لا يَقراها وَ يقول السَنة الجاية برجع لها ، لما أخلص دراسة بَشوف ، لما أولد ، لما أفضى ، لما تَجيني فَلوس ،لما أنَخطب، لما أعرس ، بزواج فلانة وَ علانة ، ببدأ يَوم السبت ] و[ ليست مُجرد مَقالة يتم إهمالها ، وَ توفيرها للخطط المُستقبلية التَسويفية]، للأسف هالكلام ينطبق علي 🙁 بالرغم اني ماشاء الله جدا أعتني بنفسي من الناحية الجمالية، العناية بالبشرة، والعناية بالشعر، الا اني جدا مهملة لرشاقتي ولياقتي البدنية 🙁
بأقولك يا أرتوس مشكلتي وان شاء الله يارب تردين علي برد مو بنهاية تدوينة 🙁
أنا عمري ٢٤ سنة، يوم ميلادي الـ٢٤ كان من أسبوعين، وبغيت أنهار نفسيا يوم صار عمري ٢٤ من جد بكيت صدق، من دخلت الـ١٨ وأنا كل يوم ميلاد فظيع ودموع مرررة، خصوصا آخر واحد، انهرت صار عمري ٢٤ لاااااا وأبكي أحس اني عجزززززززت أقول لنفسي باقي سنة ويصير عمري ٢٥ يعني رببببع قرن!!! معقووولة انتصفت العشرينات!!! مصدومة من نفسي يا أرتوس أحس توني من فترة قريبة صار عمري ٢٠، ما أحس أبددددا اني استمتعت بعشريناتي، عشريناتي الأولى أقصد، والله أحس عجزت ومن جد حزينة، أحس رقم ٢٤ جدددا كبير وغريب علي، ترى كل هالبربرة عشان السالفة مالها شي مر بس أسبوعين فالى الآن الموضوع فريش بالنسبة لي والجرح جديد، المهم أقول لك، ترى هذا الكلام كله مو المشكلة الللي بأقولها لك ههههههه بس كذا فضفضة، شي خارج الموضوع.
أقول لك مشكلتي، عمري ٢٤ سنة، طولي ١٥٦ سم، أو أكثر أو أقل بشووي، كل مرة أحسب طولي يطلع لي شي مختلف، مرة ١٥٤ مرة ١٥٦ مرة ١٥٨، لكن بما ان ١٥٦ هو الوسط اعتمدته، المهم طولي ١٥٦ سم ووزني ٦٩ كجم :”(
كنت انسانة نحيفة طول عمري، يعني وزني غالبا ٤٦ ٤٨ ٤٧ أو ٤٩، أذكر أعلى وزن وصلته كان ٤٩ على ذيك السنوات. لكن بالنسة التحضيرية بالجامعة زدت بالوزن بشكل مرعب، أذكر على نص الترم الثاني وزنت نفسي ولقيت وزني ٦٤ 🙂 زدت ١٥ كيلو في أقل من سنة 🙂
قعدت على هذا الوزن لمدة ٦ سنوات، ثبت وزني، بس كان يتذبذب يعني، بس غااااالبا كان ٦٥. لمدة ٦ سنوات وأنا وزني يتأرجح في مجال الـ ٦٥ فماحولها، يعني ألقى نفسي مرات وزني ٦٢ أو ٦٣ ومرات ألقى نفسي وزني ٦٦ أو ٦٧، كذا يعني من نفسه ما أسوي شي، أنا وزني متذبذب بطبيعتي للأسف، خلال الست سنوات الماضية أعلى شي وصلت له هو ٦٧، لكن فجأة خلال الشهور الأخيرة وصل وزني ٦٩ كجم 🙂 🙂 🙂 🙂 🙂
مشكلتي يا أرتوس اني بالرغم من ان ارادتي قوية في أشياء كثييييرة من ضمنها العناية بالبشرة والشعر ماشاء الله الا انها جدا ضعيفة من ناحية الرياضة، يعني جدددا تسويفية وكل يوم أؤجل الموضوع لبكرة أو الأسبوع الجاي، عاد موضوعك يا أرتوس جا على وقته، توني محلمة اليوم كوابيس عن جسمي :”( وعن الرياضة، زيادة على كذا أبوي الله يخليه لنا توه مناديني من شوي، عقب ماقريت تدوينتك على طول، ناداني وعطاني محاضرة طويلة عن الصحة والرشاقة 🙁
يقولي ماتشوفين نفسك كل مالك تنتفخين زيادة :””””””””( الى متى هذا التسويف والاهمال وهزأني :”( هالعطلة ماتخلص الا وأنتي راجعة إلى وزنك الأصلي ولا والله أزعل عليك :”(
وعطاني محاضرة عن التمارين الرياضية وكل شييييي ههههههههه واللله كانت لحظات قبيحة جد حزنت وعصبت بنفس الوقت، يعني زعلت شوووي من أبوي قلت له أصلا قاعدة أخطط الحين قبل لا تناديني اني أسوي رياضة مو لازم تقولي أنا معتنة بنفسي وكل شي، راح قالي اييييه قاعدة تخططين مثل ماقعدتي تخططين كل هالسنين الستة هاه؟ والله في الجبهة! هههههههههههههههههه
أبوي انسان جدددا صحي ومهتم بصحته ورشاقته وكل شي بسم الله عليه ماشاء الله تبارك الله فمرة متضايق مني اني مهملة كذا 🙁
المهم أبوي عطاني ديد لاين لو سمحتي هههههههه
يقول بكرة الليل تعطيني برنامج رياضي أشوفه، قصده أكتب له البرنامج الرياضي اللي مخططة عليه، وشكله ناوي يسألني عن رياضتي كل يوم ><"
هو أنا يا أرتوس بعد هالتهزىء والمحاضرة الطويلة لازم أبدأ ولا أبوي بيزعل علي 🙁
ولو اني مخططة أبدأ من قبل لا يكلمني -ـــ-"
المهم أقولك مشكلتي، بكل بساطة ان ارادتي ضعيفة، وأعتقد هذي المشكلة ماحد يقدر يحلها غيري للأسف
مشكلتي الثانية، اني مدري وش السالفة، على اني يا أرتوس قريت كتب عن الرياضة ومقالات وبمواقع كثييييرة بالنت، وشفت فيديوات وش كثرها الا اني إلى الآن أحس نفسي ضايعة، يعني أدري انه لازم يصير ستريتشينق وكارديو وسترينقث تراينينق، وانه يصير ورام اب قبل التمرين وكوول داون بعد التمرين، وانه يفضل تصير التمارين كل يوم مختلفة مثلا في يوم سويت كارديو، أسوي وارم اب بعدين كارديو بعدين كوول داون، ثم باليوم الثاني أسوي سترينقث تراينينق، وأنوع بالتمارين يعني يوم أسوي تمارين للبطن واليدين مثلا، ويوم أسوي تمارين للسيقان والفخوذ والمؤخرة، يعني "مثلا" ما أقول شرط أو لازم، وانه باختصار أنوع و ترك يومين راحة أو يوم واحد "على حسب الرغبة يعني"
يعني أرتوس أنا أعرف كثيييييير عن الرياضة بس مدري ليه إلى الآن أحس اني ضايعة واني مدري وش السالفة!!!!
ودي انك تساعديني أسوي برنامج رياضي خاص فيني، ويكون للمبتدئين لأني إلى الآن ماقد سويت تمارين رياضية في حياتي 😐
أبوي شاري لي اوربيت تراك وسير وما أستخدمتهم، يعني مصيرهم تحولوا إلى علاقة ملابس هههههههههه
بكرة بإذن الله بأروح أشتري سجادة رياضية، وكرة رياضية، وجزمة رياضية
بس أحتاج منك تساعديني تكتبين لي برنامج رياضي بلييييز الله يعافيك، طبعا ما أتوقع انك تصيرين بروفيشينال وتتعبين نفسك، أشياء بسيطة
الله يجزاك خير على السلسلة راح تفيد ناس كثير بإذن الله❤
ردك لحاله عبارة عن تدوينة ، لا جد من ناحيه الخوف من العمر من هالناحيه لامستي شئ فيني ، الى فترة مو بعيدة كنت استنكر واستهجن واشجب واندب الحاريم اللي يستحون من اعمارهم لكن الحين بطق العشرين ومرتاااااعه بشكل !! ليش كبرت!! توني ذيك البريئة !شلون صرت اتوحش من عمري؟ انا فعلاً تغيرت .. خصوصا انو هالترم حملت مواد واضطريت اقعد بالبيت عشان الصيفي واهلي مسارين وبالنسبة لي هذا أوول فشل في حياتي العملية الصدق بس قاعدة اتأمل بحالي وابجي لين شبعت صياح ، والله الدنيا كبرت وصرت عضو غير مؤكد حضورة بالسفر مع اهلي، صرتافكر بمستقبلي واضحي بسفرات ووناسة ، وصرت ابجيب مدرسه خصوصية لاني صرت غلبانه مع هالمواد اللي مالي طاقه بها .. ، ترا ما كملت قراءه ردك بس رديت عالجزء اللي قريته هههه:)))
ذكرتوني بموقف مره مضحك يقولون لي خالاتي (فلانة تقول عمري ١٩) وضحكت وقلت اذا كان انا عمري ٢٠ هي كم ؟ ……… قالوا ايييييييش ؟ عمرك ٢٢ :). بس خلاص رسيت على بر ان عمري ٢١
العنود سلطان عطيني حسابك انستا بمنشنك على حسابات ممكن تفيدك لوحابه
اعتذر من ارتوس مقدما على التدخل !
معليش لو دخلت نفسي عرضاً ولكن لو ماعجبكم ردي تجاهلوني! معليش يعني بقولك انتي وياها بنفسكم جاوبتوا على انفسكم! مشكلتكم هي انتم! انتم اللي تعطون انفسكم واللي حواليكم هالطاقه السلبيه! سواء فالاعمار او فالسنوات اللي ضاعت! اكبر غلط ممكن اعامل فيه نفسي او اضايقها فيه هو الماضي والوقت اللي راح علي يعني حتى تفكيرك فيه ووقتك اللي راح يروح وانتي تتحلطمين ومتضايقه ليه ياربي راحت سنيني كذا! خلاص هي راحت مع اللي راح! بح! ماتقدرين ترجعينها وكل وقتك وحتى كلامك وانتي تكتبين عن سنينك اللي فاتك ماحيزيدك الا غثا على غثاك! ياعمري انتي الشي راح فات! وممكن مات بعد! لا انا ولا انتي ولا اي احد بهالدنيا راح يقدر يرجعه ، الرد الفعلي والايجابي اللي المفروض تردين عليه بنفسك وعلى اوقاتك وسنينك اللي ضاعت مو انو تجلسين تتحسفين عليها!! لا!!! عوضيها
بسنينك الجايه ، بكل يوم تعيشينه بكره وبعده وبعد خمس سنين لان اكيد و١٠٠٪ ماودك بعد خمس سنين ترجعين وتشوفين نفسك بنفس هالحاله! اللي والله انا متضايقه لان ٥ سنين راحت علي بدون ولا فايده ، بعدين بقولك شغله اكبر غلط يسويه الانسان فحق نفسه انه يظلمها! انتي قاعده تغطين على نفسك والله! الواحد لازم يوزن ويعدل فحياته بين الوناسه والمستقبل العملي! من كلامك احس اشوف وحده ٢٤ ساعه تكد ٢٤ ساعه تشتغل ٢٤ ساعه تفكر! وتخطط! و٢٤ ساعه متضايقه على اللي راح! وهالشي مره غلط! ادري انه ممكن الموضوع مب سهل وصعب عليك شوي! بس ترا كلها حبتين عزيمه وقسم بالله تصيرين زي الفل! ما اقولك هالكلام من مخي او ماخذه لي كلمتين من قوقل عشان اواسيك فيهم! قاعده اقولك هالكلام من باب تجربه، وصدقيني والله ايامك اللي راحت ماراح ترجع ، لو بكيتي عليها دموع من دم الشغله الوحيده اللي لازم تشتغلين عليها هي مستقبلك وكيف هي فلانه “اللي هي انتي” بعد ٥ سنين! ونظرة الناس لك نتيجة نظرتك انجاه نفسك فالغالب! فلما انتي تكونين واثقه من نفسك وعارفه ان انتي احسن منك مافيه محد فهالدنيا يقدر يكسر هالثقه! وابدا لاتخلين ثقتك مكتسبه من اللي حولك لان لو اللي حولك اختفوا ثقتك بتنطحن طحن!
اما من ناحيه العمر احب اقولك العمر مو عيب وتصرفاتك هذي وردود فعلك اتجاه هالشي هو عشان قناعه موجوده عندالحريم-بصوت سخريه- (انو الوحده اذا كبرت عيب تقول عمرها) وانها والله اذا وصلت ٢٥ سنه هي عجوز وخلاص خلصت شبابها! هذا مبدأ وقناعه موجوده عندنا وهي غلط! طالعي الاجانب (البيرفكت منهم طبعا) توها تطق ال٣٠ وفرحانه وتلقين لسى بعد توها تتزوج ولا ماتفكر لحد الان! وحتى لو كان هذا هو مجرد مشهد فالافلام او فالمسلسلات ولو كان الواقع يعاكس هالشي وانا عارفه انو فيه اجانب سلبيين زينا! بس الواحد يطالع الشي الايجابي دايم حتى وان كان مجرد خدعه!
انا اشوفك انك لسى فمرحلة الشباب المتقدمه الوقت اللي واحد يثبت وجوده ونفسه مهنيا وعاطفيا وجسديا اكثر من اي وقت مضى فحياته! بعدين لسى ترا توك ٢٤ سنه وشي؟؟ ولا شي ترا وانا قاعده اقرأ كلامك حسيت انك بتدخلين ال ٤٥! تراك لسى صغيره واذا كانوا اللي حولك لسى مايشوفون هالشي فأنتي ازرعيه فنفسك اولا وباللي حولك ثانياً! انتي لحالك اللي تحددين اذا انتي صرتي عجوز او لا والله مايونسني غير الحريم اللي بيطقون ال٤٠ وتشوفين فيها ثقه ودلع تقولين فنفسك يالله ياليتني اوصل عمرها وانا زيها! من كثر ماهي مهتمه بنفسها ومظهرها وغير انها اثبتت نفسها مهنيا! عموما كلامي جدا طويل! ويمكن ممل ، بس مابي اشوفك كذا مره ثانيه ، هاتي ابتسامه! ابيك تعرفين انك لسى حتى ماوصلتي لمنتصف العمر الطبيعي وانو لسى وراك اشياء وسالفة الوزن دام عندك ابوك احس تقدرين تمتصين منه طاقه وقوليله يكثر الكلام الايجابي ويبتعد عن التهزيء والسخريه ان شاء الله تحققين مرادك واشوفك بعد ٥ سنين راضيه عن نفسك شكليا ونفسيا وبرضو جسدياً وعن عمرك لان هذي الحياه!
والحمدلله انو ربي وصلك لهالعمر وانتي سليمه ومانقص منك كان ضره اكثر من منافعه! والله يكتب لكم السعاده وين ماكنتوا يارب
صباح الورد..بانتظارك ياعرقوبيه:)).. متحمسه جدااا لانه متأكده التدوينه بتسلب فؤادي مثل كل تدوينه سابقه..لي عوده بعد ماقراها ان شالله ..وبالمناسبه احبك 🙂
عاد توني كتب برسلك اقتراحات بخصوص السلسلة الرياضية بس ماراح ارسل شيء الا لما اتاكد انك ماتكلمتي عنه حفاظا للوقت
وخذي لك عاد بريك قبل رمضان
السلام عليكم ..
صباح السرور …
متحمسسسة من قلب ..
احاول احزر ما قدرت..
يلا نستنى ونشوف ..
امكن عن حبل النط .؟
ولا تنسين القبلة حقت السنو مان ..ققلووووووووووب
AMWAHH
بالانتظاااار ()
يارب الموضوع عن الشي ذاك الي كنه درج
متحمممممسة للتدوينة
ي صباح النشاط والجمال
بالانتظارر.
تدوينه جميله نط الحبل صحيح جميل انا مجربته بدون حبل يحرق منطقه البطن اكثر شي يكون شعورك جميل و تحسين حرق بالبطن ههههههههههههههههههههههههههههههههههههههههههههههههههههههههههههههههههههههههههه
انا زيك مش من محبين الكارديو عشان كذا مش استمريت عليه اسويه من فتره لفتره و احيانا ع حسب المود اسويه يوم ايه و يوم لا
اكثر شي احبه تمارين المقاومه تحرق وتبني لك عضل وتبين لك معالم الجسم اكثر من الكارديو ي جماله (فيس بنبض عيونه قلوب
معلينا من رائي الشخصي النط سواء بحبل او بدون كلهاتودي نفس النتيجه 3>
ارتوس حماسي زايد يارب استفيد من التدوينه
مساء الحماس
مررره متحمسه للتدوينه بما اني مااحب النطنطنه وادور شي يحمسني عليها
الله يسعدك قد ماتاخذين من وقتك وتعطينا يا جميله ❤️
يارب هالجزء له علاقه بالسكوات والمؤخره
متحمسه لتدوينك عنها
حماااس تدوينه تخص اشياء مسلية ❤️❤️
متحمسة لقرائتها عاد عشقي نط الحبل وسمعت عنه انه يحرق سعرات كثيره لكن يبيله برا رياض من النوع القوي حتى يمسك —– ماتنطنط معنا هههههههه
المهم الله يسعدك ارتوسه كمان إذا لك في الهيلا هوب تكلمي عنها انا عشقي الرياضه اللي فيها نوع تسليه قلوووب لگ
صراحة شكيت لما رجعت اشوف الانستا الصورة اللي فيه حبل المقاومة ولا النطنطة ههههههه الله يعينگ علينا عجلين في كل شي
يعطيك العافية. والله من زمان ودي بمواضيع عن الرياضة نستفيد منها
يعني بالنادي ما يفهموا من ناحية اللبس المناسب و الاشياء اللي نستعملها زي الكره ايش فايدتها اللهم سوي كذا سوي كذا و مع السلامه شكلي بعتمد على نفسي و اسوي في البيت
احمَ احمَ ،،
أتيتُ متلهفهَ لما هُنا ❤️
في الانتظاااااار ي جميلة ..
In love wth Every word you write
ارتوسه اشتقت لك وماصرت الحق عليك ولا صرتي تردين علينا لكثرة الكومنتات 🙁 بس متأكدة تقرينها ❤
احبك جداً لاتضغطين نفسك ❤❤
في انتظار التدوينه كلي شوق لقرائتها 🙂
الا بسألك وش حيلة اللي ماعنده انستقرام مايصير vip ؟ لول طماعه :٩
وَ يسعد صباحك جميلتنا على هالنّشاط
دايمًا بإنتظظظارك وَ الحماس يزيد اكثر لَآ صارت التدوينة عن الرّياضة ❤❤
* والله ما تعرفين كم مرة اشيّك على حسابك اشوف اذا نزلتي حاجة او لاا !
وَ دايمًا الحظ ما يحالفني عشان اكون من الأوائل اللي يردّون عليك ):
بس بجدّ متابعتك دايمًا ❤ وَ منتظرة جديدك بالتدوين .
وَ شكرًا لربّي أعطانا وحدة مثلك تحب الخير ،❤❤
صباح الجمال و المعنويات العاليه❤️❤️
بانتظارك يا أحلى ارتوس بالدنيا ❤️❤️❤️❤️
دخلت منطلقه
الا و الموضوع ما انكتب خخخخخخخخخ
كنت امارس هالرياضه بس اللي خلاني ابطلها
اني ماشريت برا خاص عشانها و انا خايفه ع صدري مع انها فعلا
تحرررق و تخليني الهث
لازم اشتري لاااااازم ان شاء الله بكررة
قيمة تدويناتك تستحق الانتظار..،
بانتظار التدوينة وجدًا متحمسسسة للتدوينات الرياضيه
ههههههههه ،محد اكل مقلب سويتلي كوب يانسون وقلت امخمخ ع التدوينة ماقبل النوم 🙁
يااااي حماااس حمااس حتى الكومنتات حماس قريتهم كلهم …
يالانتظار ياحلوه … ربي يحفظك (:
الله على المعلومات الجميله …
ارتوس يعني حبل النط غير حبل المقاومه والا يأدون نفس الغرض تو انتبه انو فيه كذا نوع <<<<<معاليش احس سؤالي بايخ لانه المفروض اكون عارفه هالشيء …..
على طاري الارحام كنك معانا اليوم ركبنا مطب صحت براسي قلت رحمي طاح ههههههههههه ثقافة الارحام شيء متأصل مهما ارتقينا وتعلمنا الا وماتجي كلمه مثل هالكلمه( رحمي طااااح )
بخصوص المرح بالنط بالفعل يونس ويطير طفش ويغير مود كل الرياضه لو عملتيها تحسين مزاجك يتحسن وتقولين هاه ويش باقي ماسويت <<<على فكرة احب لعبه على قلبي شبرا امرا وعلبة التلاوين ههههه
ياللا فوتك بعافيه ياجميله يامعطاءه ياباذخه ….
منتظرين على احر من الجمر ي آلبي
حماس التدوينات الرياضية ورا بعض ، ليا كم يوم مارحت النادي ، ركبي توجعني 🙁 بس لمن اقرا تدوينااتك الرياضية ارجع اتحمس ، يلا ف الانتظار :*
متحمسه لهالتدوينه جدًا
كل تدويناتك اتحمس لها بس هذي جت بالوقت اللي انا محتاجتها فعلًا .
ودي يجي العيد وانا ناقصه رقم ببالي
وكثير قريت عن الشبرآ يمدحونها مره بس للحين ماشريت حبل خاص فيها
ومتحمسه لتدوينتك احس نهايتها بقوم انط وانط لين يطلع الصبح
عاد ان شاء الله ماتتأخر تدوينتك لبعد الفجر
وبس والله
الله يرزقك على قد تعبك على مدونتك وتوعية الناس واكثر يارب
السلا عليكم
اول رد لي بالمدونة قلت اجرب
شريت حبل من قبل بس مدري حسيته قصير منتظرة التدوينة وكلي حماس
شكر ارتوس
كنت انط حبل قبل ما اتزوج من باب لعب ماكنت افكر في الرياضة. يلا متحمسيين لتدوينتك :>
ياعمري انا احب النط بالحبل بس لما اتخيل الوضع مع الأشياء الجميله وهي تدودل اهون هههههه لااابد من البرا بانتظار التدوينه ♥
اصلا العرقوبة ذي هي طعم التدوينة ❤️❤️
جدا احب نط الحبل وجتني فترة ايام المراهقة العب فية كذا هواية وفقدت وزني بالهبل بدون ماحس ولا اعرف ايش السبب لان كان لعب بالنسبة لي والحين يوم اعرف فايدتة اغصب نفسي عليه
تدوينتك راح تحمسني كثير اني ارجع واستمر شككرا .
تووسة كيف بتغيبين عنا شهر .. جد تعودت عليك صار روتين صباحي اقرا تدويناتك ….
شككرا ويعطيك العافية على قد ماتفيدينا ❤️❤️
اه .. هذه التدوينه الرياضيه المرتقبه بالنسبه لي من بعد تدوينة برا الرياضه ..لان هذه الاداة الرياضيه الوحيده اللي استعملها واحبهااااااا
شكراً لمجهودك ..شكراً لوقتك ..شكراً لتميزك ..
استناك ، مره متحمسه اني اقرا
على الوعد جيتكم يا مخلفين الوعود pPppp: لا امزح معك ، يالله ننتظرك بفارغ الصبر
ويعطيك العافية جميلتي 🙂
يعطيك العافيه حبيبتى ماقصرتي
توسة يا توسة صباح الناس المصحصحة معاكِ
يوووه من زمان عن نط الحبل <<< كانت خبيرة بالموضوع
أمس اشتريت من sun & sand السجادة والجيم بول وحبل الشد <<< توقعت يكون عنو ،،
سبحان الله أحس القفز بالحبل أو بدون واحد لكن بالحبل ما أحس بالتعب بالإضافة إلى أنه ممتع
بإذن الله حـ أشتري واحد جديد
على طاري الشراء جربت برا اتش اند ام وحسيته ناسبني <<< أخاف تذبحيني
جد والله حسيته مريح ويثبت الثديين لأن الثديين عندي حجمهم صغير والبرا xs ولاحظت أنه ماسك من الأسفل ومن الجوانب
اممممم أتوقع الموضوع القادم حـ يكون عن الأثقال <<<< على كيفها الأخت
توسة بليز لا تنسينا من روتين قبل وأثناء وبعد التمرين <<< أدري كل شخص وروتينه لكن عشان نستفيد منو
أخاف شوي وتطلعيلي من الشاشة من كتر ما طولت ،،،
تسلمي ما تقصري
صباح الوعود اللي مهما تأخرت راح ننتظرها
جملة نط الحبل بحد ذاتها تحسسك بنشاط وسعاده
على قصر التدوينه الا انا نحتاج نقرأها وبتمعن متأكدين حنا ماراح نلقى مثل هالمعلومات وبهالطريقه الا عندك
تسلم الايادي
ويتهنون صديقاتك اللي نسوك ايانا
صراحة تدوينة جمييييييلة ، جاوبتي فيها ع كل إستفساراتي ، لأني كنت أبغى أسأل عن تأثيرها ع الركب ، وكمان كنت أبغى أسأل عن النط الوهمي :d ، فعلا فعلا تدويناتك كنز :* وكنت حابة أسألك أنا مدمنة كارديو ، ولأن وزني زائد عن المثالي بكتير فاضطر اني اعمل كارديو كل يوم وواحد يوم راحة فقط ، دحين نقصت عشرة كيلو ، ولسه باقيلي ستة للمثالي ، بس احس اني كسلت، وكمان لأن ركبي بدأت توجعني ، فبدأت أخاف ، لأن الكارديو الي اسويه عبارة عن مشي وهرولة فوق السير او الاوبتراك ، وقريت انها تأثر ع الركب فمني عارفة ايش اعمل 🙁
دي الرياضة بالذات استمتع فيها وأوصل لعدد كبير وتحديات
والشعور بعدها لايوصف
بس عندي احساس غريب ( أحس اذا مارستها أيام ورا بعض لفترة وجهي ينحف بوضوح ) أكون طول التمرين وأنا أنفخ خدودي مع كل زفير
قللك أتفادى النزول
جسمي نحيف فما يبين
قلتلك احساس غريب : )
ربي يسعدك ع تدوينك والدفعة المعنوية للكل
صباح السعادة
فعلا نط الحبل ممتع اذكر اول ما بديت فيه انصدمت حسيت وانا انط عضلات تحركت بعمري ما كنت احس فيها و الاحلى ان يقوي القلب و يزيد اللياقه هذا اكثر شي عيبني و اذكر لما رحت اشتريه ماكانت عندي خلفيه بالانواع ولا بكيفية قياس الطول المناسب
فكرة التنويع بين التمارين حلوه بالعاده امل مع التكرار و يا رب بيوم من الايام اطور و اوصل لمرحلة نط الجنبين شكلها ممتعه ع الاخر
تدوينة ممتعه و حسستنا بالنشاط ع الصبح يعطيج العافيه و يا ريت تتكلمين عن طريقة اختيار بانتي الرياضه المناسب
و دمتي بحب
يوم كنت بالمتوسط كنت انط بس بدون براوربك سلم الحمد لله ما في شي تدودل بحسب النظر ما اشوف شي مدودل لكن ودي بإثبات غير النظر المهم انا من ضمن اهدافي تمارين تشد الصدر،، والتنويع ايضاً انا انوع الحمد لله و صرت ازيد المده من نصف ساعه الى ساعه لان بعد ثالث يوم من التمرين ما صرت اتعب و لا ارشح فعشان كذا زدت المده ، في تمارين جديده اول مره اسمع فيها اسمها (bodytoning ) هي الي اضفتها للكورس
يا صباح النشاط
تدوينة رااائعة ومتكاملة يعطيك ألف عااافية
عاد أنا والنط بالحبل مُش صحاب ما اعرف ليه
لما زمان نلعب فيه على طريقة السِّباق .. يعني ننط مع المشي
دايم أكون الأخيرة أو أتكرفس ههههههه مع إني نِحيفة..
ومرة الشوز حقي ما رَبطته زين فيوم نطيت سببت لنفسي إلتواء في الكاحل مؤوولم منعني من الكَعب وحضور مُناسبة مهمه *للحين تذكر لووول* .. عاد من بعدها تَركته أكتفيت بالنط الوهمي ككارديو ..
بس الصراحة تصويرك مُغري اشتهيت ألعب وأعطيه فرصة مرة ثانية يمكن هذيك الأيام كان ياخذني الحمااس فسبب لي هالإصابات
بس مُمكن لو أركز على التوازن وأهدي نفسي وأخفف الحماس بيتطور مستواي فيه
نط الحبل يرجعنا لأيام الطفوله الجميلة
قريت عنه العام كنت اتابع واحد ع الانستا ينط حبل وينزل له مقاطع بهدف يشجع الناس ويعلمهم شئ يحبه وكان يتعلم عليه ويتدرب وكل ماله يتطور ماشاءالله عليه ..ليه فتره ماتابعته
بس ان ع رايك انا مو شغوفه بالكارديو ممكن ان العب نط الحبل ع خفيف يعني كتسخين مثلا
تشكرات توسا
يسعد صبآح الزييين ،، الموضوع جمميل زمان كنت
انط كذا بس بالشيله ههههههه بس كان نط عنيف
ياكافي بس شرحك فهمت وعرفت
وبالنسبه للنحف من جد موو كل نحيف رشيق
لازم كل وحده الوزن المثالي لها ابي ارجع جسمي مثل
قبل ان شاءالله
يسعد صبآح الزييين ،، الموضوع جمميل زمان كنت
انط كذا بس بالشيله ههههههه بس كان نط عنيف
ياكافي بس من شرحك فهمت وعرفت
وبالنسبه للنحف من جد موو كل نحيف رشيق
لازم كل وحده الوزن المثالي لها ابي ارجع جسمي مثل
قبل ان شاءالله
ارتوس حبيبتي الله يعطيك العافيه ويسخر لكك كل شيء جميل ويبعد عنك الشر ي قلبي …
حابه اسألك .. أنا مرتين طحت على ظهري وجاني. نزول ب الرحم وكمان. مفاصلي تألمني مع التمارين. ابغى شيء يقويها إذا عندك خلفيه عنها .. الله يسعدك ويوفقك بحياتك. انسانه جميله تحبين الخير للكل … و تكفين ردي على سؤالي
توسه ي الحب متى مافضيتي او روقتي نزلي موضوع
لزيادة الوزن ومشكوره مقدماً فديتك
تصدقي ارتوسة حظك حلو ع الدعوات مع اذان الفجر ماشاء الله ربي يكتب لك كل دعوة طيبه تجيك مني او من غيري نط الحبل ممتع بس اخاف من ناحية التجاعيد اذكر مره تكلمتي بالانستا ان نط الحبل من تمارين الكارديو وهذي النوع من التمارين تسبب تجاعيد البشرة مشكلتي ابغى اكتسب لياقه ويكون جسمي رياضي خصوصاً بعد ماتكلمتي عن ركبة هيفاء وهبي بشامواه صارت عيوني على ركبي كمان ودي اسألك الرياضة ممكن توحد بشرة الوجة او من الغذاء لان بشرتي مختلطة فمنطقة التي زون عندي لما تبدأ تفرز زهم يتغير لونها وتصير اغمق من باقي بشرتي كذا يطلع لونها اصفر ومكتمه البشرة ومجرد مااغسلها بالغسول يتوحد لونها احترت بصراااحة معاها خصوصاً منطقة الجبين اغمق من باقي الوجة حتى بعد ماعدلت غذائي وشربي للموية
ويااااارب يااااارب تردي علي بدون مااكون اضغط عليك او اخذ من وقتك
أسلوبك جذاب ،، ومشوّق ،،
حبيت ،، حكاية الرحم وَ حركته ،، بصراحه كنت متخوفه
من هاالنقطه ،،
انا نحيفه ،، وهدفي شد بطة الساق ،، وكمان الست هانم
واصلي إبداعك ❤️❤️❤️ الله يسعدك ❤️❤️❤️
انا ونط الحبل مو اصحاب سويته ٣ مرات بس اتعب اتعب اتعب مع انه ما اتعدى الدقيقه بس جد اتعب فيه وتاركته يمكن لان ماعندي لياقه لان مااسوي رياضه كثير بس راح اجرب ان شاء الله بالطريقه الي كتبتيها اكيد اسوي شي غلط.
وَ رجعنا بعد اكتمال الموضوع ..
يعافيك ربّي آرتوس حبيبتي ، اسم الله عليك المعلومات ياللي اقراها منك يبي لها تدوين من قبلي
علّ وَ عسى ما انساها ❤
وَ بإذن الله مع التّطبيق راح اوصّل للي أبي ❤
* وَ يسعد صباحك ❤❤❤’
السلام عليكم
يسلمو توسه .. حبيت السلسله الرياضيه
بس ممكن تتكلمين عن رياضه خفيفه تنفع للحامل !
احس تسعه شهور بلا رياضه وبس تسدح واكل صعععبه
انا قبل حملي كنت امارس الرياضه يومين او ثلاث ايام بالاسبوع ..الاغلب كنت امشي واهرول وممكن اركب سيكل الرياضه او نط الحبل فقط
لكن من حملت وقفت وانا الان بالشهر السادس واحس بدا جسمي يترهل (((والله مقهورة ومتحسفه قد شعر راسي)))
كلما سالت عن رياضه للحوامل .محد اعطاني وجهه وقالولي وشلك بالرياضه لما تولدين وخير !!
طيب وهالاجانب يمارسون رياضه وهم حوامل وش حليلهم ماصار فيهم شي ؟!
ارجوووك من قلبي افيديني ؟”
وجزاك الله خيراً
شكرا ياجميلة على كل شي تقدمية فعلا انتي مميزة
وه وه وه عالموضوع الأكثر من رائع والاروع نقطة نط الحبل للحامل واللي عندها دوره. موضوع خفيف وثقيل بمعلوماته.
فعلا لمن كنا صغار ننط ولا نجري وتألمنا خواصرنا ونرجع نقوول عندنا الكلى هههههههههه . موفقه.
حَبيييت ، فعلا هالرياضه ممتعه بالممارسه والذكريات ، اعشق نط الحبل مررره وكثير اتنافس مع اخوي
صباح النشاط والهمة … انا اميل لحب النحافة اكثر ويكون الجسم مصقول مرن لائق بدنيا واااوو هذا اللي اطمح له بحيث لو اسوي اي حركة جديدة تكون عظامي مرنة وياما ياما تمنيت ان فيه اندية لرقص الباليه ……. بالنسبة لنط الحبل مب من المدمنين لها يعني الشغلة مزاجية بالنسبة لي تقدرين تقولين كل اسبوعين مرة او مرة بالاسبوع
شكككرا على كل حرف كتبتيه
ياريت إذا مانثقل عليك تنزلين لنا تمارين رياضية احماء كارديو يعني كيف نبتدي بشكل مبسط وإذا الموضوع بياخذ مدى طويل أو مو مناسب على راحتك. أهم شي تكوني متواجدة معنا على طول. موفقه.
ياصباح الخير يا وجه الخير يعطيك العافيه توسه
صباح الفل
حلوه التدوينه وانا اعشق النط بالحبل من صغري.. انا انتظر تدونية الجزمه الرياضيه وأنواعها
روعه كل شيء منك جميل
دمتي بسعاده
صباح الورد
كنت انتظر التدوينه من اول الليل بس للاسف حصل ظرف طاري اخرني عنها كثير ممكن يشوفه تمرين سهل بس فعلا مرهق جدا في البدايه مو زي مانتوقع الشئ اللي كنت اتمنى اني اتقنه من وانا صغيره هو نط الحبل انقطعت بعدها ورجعت قبل فتره بس فعلا ماينفع بدون البرا عشان ماتصير الدنيا مهرجان”هههههههه” بإذن الله ماينتهي رمضان الا وانا انط زي الغزال زي ما احلم
اتوقع مشكله الاغلبيه اللي مو من اصحاب الرياضه انه كيف نبداء مثلا تمارين الاحماء كم مدتها تمارين الاطاله وانتظام التنفس والاشياء اللي زي كذا التفاصيل البسيطه هي اللي مخليه الكثير مايعرف يبدا لانه على طول يتعبون ويحسون انهم غلط وبالتالي يبطلون من الرياضه مدري اذا كلامي له داعي او لا بس احيانا احس ذا الشئ في نفسي لما اتعب احس انه فيه حلقه مفقوده اني قاعده اسوي شئ غلط
سوس فعلا انت طاقه ايجابيه في حياتي وحياه الكثير مو مجامله وربي بس فعلا قاعده المس تغيير في حياتي
لك ودي وشكري…..
تسلمي والله يا قمر الزمان علئ هالتدوينة
اكتر شي تعبني بالعالم هوا النط في لعبه كنا نلعبها ونحنا زغار بالمدرسه اتنين يمسكو ايد بعض ووحده تنط ضليت سنتين حاول اتعلمها انا وصحبيتي بالآخر هيا اتقنتها وانا لا
وفكرت ماعمري رح اتقنها ماتوقعت اقدر اتقنها علئ كبر سبحان الله طبعا الفضل لله ثم لمدرب ثم لعزيمتي واصراري
وهوا اهداني حبل علئ مقاسي بعد مااعلمني عالنط ونا بتماريني مابنط غير بتمارين الcross training وهيا تمارين متقطعه وسريعة
بالنسبه للسكوات عنجاد بستغرب مابعرف مين هالحقير اللي روجلو بهالطريقة المستفزة ومن ايمتئ يعني المؤخرة الكبيره سارت حلوه مثلا وعشان المؤخرة تدور وتستقيم مفروض نمرن كل العضلات ياللي فيها والسكوات مابمرن غير عضله وحده بالمؤخره بعدين هاي عمليه متكاملة من رياضه وغذاء
أما هيك بسير تفتيت ركب عالاصول يعني كل مافت علئ صورة مبين فيها مؤخره كل النسوان بسالو كيف اعمل مؤخرتي هيك بجي قطيع آخر برد عليها السكوات مافي غيرو لا وبحلفو انو عمل معهم وساوا وساوا وكل مااقعدت مع رفئاتي ماالهم سيره غير المؤخرة والسكوات وكل ماناقشتهم بعملوني مابفهم أو مابدي ياهم يتزبطو اخرتها سرت طنش يسطفلو العمئ والله بس فعلا سار شي بنرفز وكلو كوم بس الاقي مدرب ولا مدربه عالانستقرام عاملين بوست عن تحدي سنوات مية ولا ميتين مره باليوم بالله انتو مدربين انتو اااخ بس
سوري ارتوس يمكن طلعت برا الموضوع بس فعلا اشي بعل والله ايمتئ العالم راح تتوعئ ابصر
موضة المؤخرة الكبيرة طلعت من بركات الساقطة كيم و قبلها جي لو و شاكيرا و صارت كل وحدة تعتقد انها من علامات الجمال و الجاذبية هي فعلا شي يكمل جمال الجسم لكن التركيز عليها و تكبيرها بشكل مبالغ فيه امر مستفز و قبيح و له ايحاءات جنسية مقرفة و الدليل كل وحدة بدها تجذب المتابعين تكبر بهالمسكينة مثل ما عملت ميريام فارس و حشوة حليمة المشهورة و الان مريم حسين و في غيرهم
انا خجلانه منك بحكيلك الي بقلبي انا نحيفه
مشكلتي لوحبيت اسمن نفسي لو شوي تكبر
عندي بطة الساق ها الموضوع مأزمني
جداااً مااحبها تكبر وتترهل الكل يقول انو فيني
اوصل الوزن الطبيعي بدون لاتكبر لأنو علمياً هي اخر
شي يبان فيه،، لكن انـا مؤمنه انو كل جسم يختلف
وانا عكسهم ،، الحل الي وصلت له لحتى احافظ على
رشاقتها ونحفها نحفت وزني الدكتور يشد علي لأني
تحت الطبيعي بشوي ،، ماابي أثقل عليك ياريت في اي وقت يناسبك تطرقين لهاالموضوع من خلال هاالسلسه
لك ِ خالص الدعاء ❤️
مره اليوم فيني حماس للرياضه بشكل بس المخروسه شرفت خربت الدونيا بكره ان شاء الله راح اعوض خصوصني اني تحمست اكثر بعد هذي التدوينه
يسعدلي هالصباح توسه كنموت عليك بزاف ، تصدقين الحبل يجذبني أحبه من يومني صغيره يمكن اللي حببني كنا نلعب بالمدرسه بالصرفه شبره ي أمره ههههههههههههه كنت أنا وأختي نموت على نط الحبل خصوصا جتنا خدامه فلبينيه كاننت رشيقه وكل صبح نطلع بالسطح و نلعب وعلمتنا حركات و ماتركناها أنا و أختي للآن مسليهه مسليههه ، شكل الحرمه وهي تنط جذاب هههههههه يخليك ودك تجربين تصدقين صارلي كم يوم أمر من محلات الرياضه وألاقي تخفيضات ٥٠ بالميه و متكاسلة لإني أحتاج أجدد أغراضي و أشتري الكوره و كم لبسة مع برا جديدة ، تصدقين دخلت ع بلوقر عندك وقريت مدونتها للرياضه ماهضمتها مدري عشاني أحبك و من زمان أشوفك شي واو أو أنسحرت بطرحك ههههه المهم تسلم أناملك السحريه جد + وحشتيييييني 3>
السلام عليكم..
آه حبيييت التدوينة ذكرتني بايام الطفولة
كنت احبها مره..كنا انا وخالاتي نلعبها اثنين يمسكون الطرحة وكنا نربط طرحتين ببعض
لجل تكون بالطول المناسب ونبدأ تحدي..
وباذن الله بحرص على اقتناءها بس دايم يجيني الم في الركب رغم اني ما قد رحت طبيب ابدا فمدري وش المشكله بالضبط
يعني لي فتره طويله وركبي تعورني بس الاغلب يشتد الالم وقت الدوره او لمن اوقف لوقت طويل
فاخاف يأثر …
ومتحمسسة من قلب للتدوينة القادمه..
دمت نقية ..
MY KISSES FOR YOU
اكثر رياضه مااتقنها اكتشفت البلا اني ناسيه اطراف الاصابع ومشط القدم كانت وقفة رجلي عشوائية ونفسياً اخاف الحبل يطرحني .. متأكدة النغمة بتسوي معي مفعول شكرا ياجميلة
صباح الخير
من الاشياء اللي تأزمني فعلاً نط الحبل بدون مبالغه من كنت صغيره فاشله فيه بس اعتقد ان السبب بطول الحبل يمكن كان قصير يمكن كان طويل مره مدري
استبدلته بمثل ماقلتي النط الوهمي صح انه يعتبر جدا بسيط بس لما اتمرن كارديو واسويه بين التمارين احسه يخفف علي يعني يخرق وبنفس الوقت سهل مو مثل صعوبه التمارين الثانيه
يا صباح الجمال والنشاط ذكرتيني بالمعلمات الفنلنديات كل ما ايي آخذ بناتي الا الصف اللي عنده معلمه فنلندية الحصة الاخيرة في الساحة ينطون بالحبل وهم يدرسون ماث والبنات مستانسين تحمست لنط الحبل لكن ما يناسبني هالفترة بدور لي تمارين تنفع لوضعي الان وإنشاء الله لنا عودة لنط الحبل الله يسعدج وجزاك الله خيرا
كيفية أخذ المقاس المناسب معلومه يديده بالنسبة لي مشكورة يا قمر
فعلا النط بدون احماء قبله مؤذي .. توني امس بالضبط شفت الحبل قدامي وهاتك يانط بدون احماء مماقدرت امشي اليوم من ركبتي
شكرا ارتوس .. اضفتي لي الكثير انا الييوم مو انا اللي قبل شهر بالضبط ابدا بفضل الله ثم بفضلك حبيت نفسي اكثر وعطيت نفسي اكثر مستحيل افتح مدونتك او انستقرامك واطلع الا واسوي ماسك او سنفرة ما اعرف ليه تعطيني دفعة حمماس للاهتمام بنفسي
اتمنى لك التوفيق وتنالين مرادك يارب
يووونس هالتمررين * شبرة امرة شمس نجوم * الحمدلله يومنا متعلمين نط الحبل منذو الصغر احسه يكوون الحين اسسهل عليننا ك تمرين بعكس الباقي يبيلها تتدربّ ربي يجزاك يا قلبي كل خير
صببااااحك شهد
يا الله يعني احنا رياضيين بالفطرة لانو واحنا صغار كان نط الحبل اساسي بلعبتنا، تخيلي لسى قبل يومين وحدة شافت بنت اخوي معاها حبل لعبة وبتنط فيه صارت تقول الرحم بيتاثر وخرابيط وانا ما اعطيت كلامها اي اهميةوامي تقلي لا تصدقي <عصبة علي هههههههه
وحدة كانت قاعدة قالت اه عشان كدا فلانة كانت عندها مشاكل بالرحم انا قلتلها كلو كلام فاضي بيكون عندها اشي تاني بس مو من نط الحبل،والله مشكلة اللي يمشي ويفتي زي هيك
وبنستنى باقي تدوينات لرياضة
صباح الخير..
نط الحبل هالشي امارسه من لما كنت في الابتدائي طبعا كهواية ابدا ما فكرت فيها رياضة… شكلي برجع لنط الحبل الحين.. لانه بالفعل تبذلي فيها طاقة تحسي كل السعرات راحت و في نفس الوقت ممتعة…
تسلم ايدك حبيبتي على التدوينة… و نننتظر بقية السلسلة
السلام عليكم ..
تصدقي ليا فترة امارس الرياضة ومرره ماجا على بالي نط الحبل ..
عاد السكوات انتشر بسرعة فضيعة وبعضهم كأنهم فاهمين الرياضة بس سكوات حتى يسووها بدون إحماء ومايبدأو بالتدريج يبدأو بأعداد كبيرة وبعدين يشتكو انه رجولهم تشّد ومدري أيش >> أغلب الي اعرفهم كذا
وشكرا على التدوينة الجميلة ..
يا الله نط الحبل شي جميل وممتع ومفيد جدا بنفس الوقت ..
ماكنت ادري ان فيه كل هالأمور لازم انتبه عليها بالنط عالحبل ، والحبل اللي عندي مو ذاك الزود
بشتري واحد بإذن الله نفس اللي وصفتيه واستمر عليه ،،
شكرا ارتوس والله كل شي منك حلو ومختلف يعني حتى لو كان الشي قد قريت قريت عنه قبل بس كلامك انتي غييير مقنع جدا ومرتب ومفهوم
شكرا ..
العنود سلطان حبيييت قرقرتك ههههههههه والله انا نفسك من دخلت ٢٩ وانا فيني حاله اكتآب فعليا احس عمري ضاع وانا مااستمتعت فيه لكن من جهه ثانيه انجزت شغلات عظيمه ف حياتي فلا تخلي التفكير السلبي يسيطر عليك وحبيت ان ابوك رياضي ومهتم بصحته وحبيت لما ناداك عشان يكلمك جد جد اب تنحسدين عليه الله يخليه لك ويحفظه من كل سوء
بالنسبه للتدوينه ياارتوس والله تخجلينا بكرمك الله يعطيك ألف ألف ألف عافيه وكأنك قاعده تجهزينا للعيد وماتبين هالسنه تخلص الا ونحنا متفوقات على انفسنا ماشاءالله من كل الجهات قاعده تعلمينا شغلات جديده ومفيده الله لا يحرمنا منك +++
بالنسبه لنط الحبل جدا ممتع وانا من ٤ سنوات انط حبل وحتى وانا حامل ولا اثر هالشي على حملي سبحان الله واخلفهم وهم بصحه وعافيه
نط الحبل ممتع جدا للي ماجربه.. تدوينه ممتعه كالعاده
العنود سلطان شدني ردك…
انا مااعرف اذا ارتوس توافق او لا بس عندك تمارين جيليان للمبتدئين ممكن تمشي عليها هي ثلاث مراحل كل مرحلة مدتها شهر… ممكن تستفيدي منها و بعدين تتطبقي نظامك الخاص…
وانا نفس مشكلتك كان وزني 39 و اعلى ون وصلتي 43 بس خلال سنتين زدت اكثر من 15 كيلو و ناوية اخفضهم ان شاء الله.. حتى لو ما نزل وزني اريد جسمي يكون متناسق على الاقل…
الله يوفقك حبيبتي و ترجعي مثل قبل ان شاء الله
هههههههههههههههههههه هذي نط الحبل يطيح الرحم والسيكل يفتح البنت جننونا والله ..
احبببببببها ماتذكرني الا بشبرا امره ، جربتها وناسيتها احس تعبت بسرعه حتى كل شوي بقلب على وجهي جت سليمه 🙁
ودام ترفع لياقه هذا مطلوب عشان تحدي رقصة الكلوباتسي $$$
تشكرات قوزاليم ..
صباح الخيرات
والله موضوع حلو
ومعلومات مفيده
بإذن الله من اليوم نبدأ نط
هلو بالرشيقه ، مع إني شفت البوست إلا إني انشغلت ونسيت وأنا اغسل وجهي تذكرت إن فيه تدوينه اليوم ، يمكن تذكرت الكوريه وأنا اغسل وجهي بالتالي تذكرت هههه ، نط الحبل أنا أخوي مررره جلس يقولي في رياضه تحرق سعرات وهي لعبه كنتو تلعبوها عرفتها وقلتله شبرا امرا ههههههههه ، طريقة النط criss-cross تخربط يبغالها تركيز وتعود وتدريب لين تضبط ، و من جد موضوع النحافه والرشاقه الناس ملخبطين زي زميله لي وزنها بالمثالي الأقل على كلامها بس ملطا مافي صدر نهائي ولا مؤخره أحيانا تحسيها جلد على عظم وفرحانه بهالنحف إنو رشاقه وكذا .. ويعطيك العافيه ..
اي والله إنه يذكرنا بأيام زمان ومثل ما قالو بعض البنات انه يذكرنا ب لعبة شبرا أمره شمس نجوم هههههههه
انا حبل الطفولة للحين عندي لأنه كان نوعية ممتازة الوالد اشتراه لي بس للحين والله محافظ على شكله يمكن لاني موب من النوع اللي يخرب اداوته
وأكيد طبعاً يختلف عن الحبل الرياضي
الشغله اللي ذكرتيها من ناحية ألم الخواصر وايد تتكرر لي ، و ما كنت اعرف انه السبب بعدم إنتظام التنفس
عيل ببحث عن طريقه تنظيم التنفس أثناء التمارين الرياضية
التدوينة حمآس وممتعة ربي يسلم يدينج حبيبتي
جميله جدآ التدوينه
شفتك منزله الموضوع بس مانزلت التدوينه طلعتي نسيتي ههههههه وكنت مدروخه مرره ونمت
آنا شفت البنات كآتبين تعليقات قبل تنزل بس آحترمت نفسي وقلت مآبكتب لحد ماتنزل
جمييلهـ الرياضه ذي خصوصآ انك كأنك جالسه تلعبين تحسين بالمتعه
كان في سؤال يدور بآلي بس لقيت جوابي اخر التدوينه
شكرًا من القلب ي جميلتي
صبااح الخير والنشاط
ارتوسه انا ساره اللي بالاستقرام
حاولت اقاوم النوم وللاسف نمت وكنت ابي اصير اول كومنت
لانك الجاايه اكثر ياارب المهم ان التدوينه ذي استنيتها من زمان
احب الرياضه اللي تكون فيه قفز وكذا احس بالمتعه يعني تسوينها وانتي مرتاحه مو مجبوره وحلو نتيجتها بس يبي له لياقه ولازم لازم برا ريااضي مره تحمس تدوينتكك باا نتظار تكملت السلسله لان السلسله ذي ننتظارها انا واخواتي بفارغ الصبر
كتبت هنا قلت يمكن تشوفي ردي..مع انه الموضوع غير متعلق بهذي التدوينة ..
البارح اهدتني صديقة عمري ساعة اول ماشفتها استغربت شفت انها رجالية الساعة قيمة وجميلة لو انها للجنس اﻵخر..حقيقي استغربت وانصدمت هي غايبة عن البلد سنة والساعة حتى الضمان مو من نفس البلد اللي كانت فيه وﻻني ملمة بتفاصيل حياتها توقعت انها ممكن تكون اهديت لزوجها.. تأثرت جدا بحثت عن الساعة في النت تأكد لي انها رجالية ..صديقتي انسانة ذوق و..و لها بصمتها المميزة في كل شي ..صداقتنا عمرها أكثر من خمس وعشرين سنة ..طبعا اهديتها في كل مناسباتها زواج اطفال…تخرج . بس انا ماصار لي مناسبات .. قلت يمكن لخبطت ﻻنها جايبة معها هدايا كثير لﻷهل.. فكرت اخلي الهدية كم شهر ..يمكن تنتبه اذا هي مخطئة..
اللي ابغى اسألك مثل هذي المواقف هل هو عادي وانا حساسة؟ ماعندي اخ ولست مرتبطة عشان اعطي الساعة ﻻي رجل.. ايش اعمل ؟ابيعها احتفظ فيها..من جد مش عارفة افكر متأثرة جدا..
ان شاء الله تقرئي وتردي علي..
تسلمييي على التدوينة..♡♡♡
ياليت تدرجي من ضمن تدوينات الرياضة تدوينة عن طريقة الإحماء قبل الرياضة لأنها مهمة
والى الآن ماوجدت شرح وافي لها بالعربية
غالبهم يقولون الركض لفترة او المشي على السير
لكن ما أحس تفيدني وأحس لما أبدأ التمارين ان العضلات متصلبة وتؤلمني خاصة الكعب والسيقان
الأمر الآخر هو طريقة التدرج في الرياضة للمبتدئين
أنا من الإحماء أنهار من التعب حتى لو الاحماء أخذ 10 دقائق بس
فأتمنى اقتراحات تفيدنا
مره استمتعت بتدوينه اليوم ماحسيت في الوقت لما خلصت…ارتوس ذكرتي قبل عن علاقه الكارديو والشيخوخه المبكره
طيب ممكن نمارس تمارين الكارديو نص ساعه مره في الاسبوع او يعتمد على مسألة نسبه الدهون وبناء العضل؟
يعطيك العافيه ياقمر
واحبك يامخلوقه..
ماتدرين وش يصير فينا وانتي تكتبين مدوناتك
ماتدرين وش كثر ناس تغيرت وصارت تتفلسف باللي قلتيه
ماتدرين وش كثر سنعتي عوالم
وماتدرين وش كثر الناس اللي تدعي لك
وكل هذا وماتدرين ..
والله ويشهد الله علي ان في كل تجربه عملتها لك فيها دعوه
غيرتي فينا كثير كثير
تنصح كثر ماتنصح الام بناتها واكثر
احيان اقول ياحليلها تحذر من اشياء تخاف ناس تسويها
في كل نقطه فيها نصح الا يكون فيها تحذير
يسعدك ثم يسعدك
والله يرضى عنك ويعطيك حتى يرضيك
الله يسعدك ولايضيعلك تعب ،، فعلا اكثر موضوع محتاجين توعيه فيه الرياضه ، ع قد ماتابع يوتيوبر ومدربين ما استفيد قد ما استفيد من تفاصيلك الدقيقه …
عندي سؤال بخصوص الشوز الرياضي اي شوز يمشي الحال ؟ تمنيت لو كتبتي عنه والف شكر لك
ياختي انت موسوعة منوعة تعطين المعلومة بشكل غيييير
مقنع وجذاب شكرا بحجم السماء لعطائك
انا اسويها دائماً بس نط وهمي
تكون من ضمن تمارين جيلين
فعلا النط بالحبل فيه مرح ويغير النفسية
يسعدك ربي ارتوس
مساء الحب لأجمل روح جمالية
عندي تقريبا فترة سبع سنوات و أنا أمارس نط الحبل في روتيني اليومي مع تمارين أخرى
التغيير اللي شفتو بعد ممارسة نط الحبل :
-نط الحبل يعطيني سعادة لا مثيل لها بانسة لي
-يصفي ذهني و يزيلي التوتر
-حرق السعرات الحرارية و يشدلي جسمي
-خلال فترة على مداومة نط الحبل لاحظت صارت مرونتي و لياقتي كبيرة
افضل لعبة العبها مع اطفالي بالدوووام هي نط الحبل
الله يعطيك العافيه
انا آحس لو نطيت الحبل يهبط دماغي مو رحمي>,< ,,, بس هو كتمرين احماء بديل رائع للآلات الثقيلة داخل الشقق الصغيرة .
متأخرة في ردي لأني محرومة من صفحتك في الانستقرام بعد قرار الفلتر اللي نفذتيه
بس يعطيك العافية وانا متابعة ومش حسييبك هههه
مساء الخير ارتوسه):
مرا شكرا على هالمدونه الرائعه صحيح اني ماعرفتها الا من فتره قصيره بس قريت كل المواضيع وطبقت البعض منها ، جميل اسلوبك في الطرح قريب من القلب اتمنى لك دوام هالنجاح يَ جميله..
كلامك مره مفيد استفدت كثير مع أني أنط الحبل بشكل مستمر
عندي ثلاث انواع واحد قماش ممتاز مايعور وواحد مطاط يحسب لك عدد النطات والثالث مطاط ثقيل كنه عقال
فهمت وش فايدته الحين من وزنه له دور بالتمرين
شكرا ارتوس الجميلة
يعطيك العافية على التدوينة
يمكن أكثر حاجة أسويها هي نط الحبل صحيح أني مو ١٠٠ رياضية أو حتى مستمرة على الرياضة
لكن أحبها مع الركض تعدل نفسيتي بشكل جداً كبير
قبل يمكن سنة شفت حساب واحد في الانستقرام كله نطنطة بس أتذكره أتحمس أبدل وأجيب حبلي – لو حصلت حسابها حأكتبه إن شاء الله –
نط الحبل جمييييل وممتع واعتبره من احلى انواع الرياضة
لانها سهلة وغير مكلفة بتاتا
وسمعت انها تحرق اكثر من المشي والجري
وكنت مقررة اعملها بس بعد ما بحثت عنها تلاشت الفكرة تماما
قريت اضرار تشيب الراس منها
بصرراحة كنت شاكةة بس قلت في نفسي بلاش مجازافة
وبعد ما قريت موضوعك قررت اني اشتري حبل وانط
بس الله يعيني ع نفسي واترك التسويف
اشكرك يا ارتوستنا وما ننحرم منك ♡
وبصراحة سلسلة الرياضة من احلى المواضيع اللي تطرقتي لها
واتمني تتكلمي كمان عن الاجهزة زي السير والعجلة الثابتة
وجزززاك الله كل خير
النط بالحبل >
الله الله على هالجمااااال ❤️❤️
بالنسبة لي انا من محبي نط الحبل من كنت صغيرة و لكن للأسف تركته مو خوفا على رحمي الجميل لكن كسل حمانا الله و اياك منه لووول
عاد لما قريت المدونة كأنه تهيضت مشاعري و شكلي برجع لها مرة ثانية
كل عام و انت بخير يا توسة ❤️
ماشاءالله عليك وعلى معلوماتك بحر بحر …
وينك عن مواضيع الرياضه من زمان !!
مره مبسوطه ويمكن عبالك كذابه بس اكثر من مره قلت اني جلست اتخبط واحوس بعمري الين ما تركت الرياضه .. اللي مساعدني ان وزني من الله زين الحمدلله واكلنا بالبيت اقرب للصحي من زماان
بس برضو لازم رياضه واشتقت لها صراحه .. مافيه احسن منك يتكلم عنها مره مره شكراً
على فكره عندي سؤال بخصوص هالموضوع .. كيف الواحد يستمر عالرياضه والاكل الجيد اذا تغيرت بيئته ؟؟
مدري ليه المغتربين يدخلون بحالة مجاعه ! تركت ام الطبخ والرياضه !!
احس عندك نصايح وقصص .. اتحفينا يا جزاكم الله خيرا
الحبل اول مقتنياتي الرياضيه من اربع او خمس سنين
العنود سلطان
أبدي بالفيديوهات الي فاليوتيوب مدتها نص ساعه جوليان وغيرها الشغله تحتاج بدايه و الأكل طبعا تدرجي لين يصبح صحي
يعطيك العافيه جدا حبيت سلسله النادي ومتحمسه على باقي الاجزاء
آرتوس احبك ي ختي
كل مواضيعك اقراها بحب و شغف الله يسعدك ويوفقك بكل حياتك يارب.
ودي استشيرك بشغله وزني ٤٩ و طولي ١٦٠ جسمي من فوق نحيف لكن الردوف عندي عريضه ومافيه مؤخره فمافيه تناسق نهائيا بالجسم كرسمه.
سويت تمارين لمده سنه كامله وركزت ع السكوات تحسنت لكن لسى المشكله موجودة اذا بدون ملابس افرق بنفسي لكن باللبس محد فرق فيني.
المهم سمعت عن شفط الدهون اللي يكون بمنطقه معينه وجداا متردده هل اقدم ع جراحه خصوصا اني لسى ماجربت حمل وولاده لكن جد والله ودي بجسم متناسق ويبين عليه اهتمامي بالرياضه.
عطيني رايك بهالموضوع تكفين……
احب نط الحبل بس محتاره اذا كان يأثر على اللي مركبه لولب او لا ..
يعطيك العافية ارتوستي ❤️❤️
الله يسعدك كل موضوع اهم من الثاني
الله يسعدك ارتوسه دنيا واخرة جميلة جدا جدا المدونة وأعطتنا سعادة وانتعاش وحنا متسدحين
ع طاري النط أتذكر يوم كنت بالتحضيري كانت تدرسنا بريطانية صغيرة ورشيقة جدا ومرة قالت يلا نلعب شجرة نملة بس من غير ما تجسلون ع الكرسي والله كل الكلاس انهار وعجزنا نقوم ونجلس سويناها مرتين يمكن وربضنا بالارض انصدمت وضاق صدرها قالت شلون كذا وش هاللياقة وقامت تعطينا محاضرات قالت انا يوميا قبل لا اجي الجامعة افتح التفلزيون وانط بالحبل 100 مرة طبعا ما يحتاج أذكر وجيهنا شلون صارت ومحد تفشل واستحى ع وجهه ابد
القهر الاغلب يقلد الغرب بالقشور والتفاهات ويترك الشي المفيد والصحي
يعطيك العافيه واالله يرحم امك ويسسكنها فسيح جناته .. تدوينتك جميله ومناسبه جدا للي يبحثون عن حرق اكثرر بوقت قصير ، بكون صريحه معك انا مااحب التمارين الي ترهقني ! لاجد لاتستغربين بتقولين اجل وش فايده الرياضه اذ ماحسيتي بجهد وتعب بقولك انا انسسانه الي يتعبني ابعد عننه!!! سبعين الف علامه تعجب بتجي براسك طبيعي كل التمارين تتعب بس انا حالياا اعتبر نفسي مبتدئه ع رغم مع ان ممارستي مع التمارين كانت قديمه جدا بسس جتني فتره تركت كل شي وبعد مارجعت ماودي اكرهه عشان كذا اسوي تمرين جورج كروز الي ثمان دقايق بس مو نفس الحركات يوميا احااول ادخل اكثر من تمارين واخذ بريك وارجع ثاني واسوي تمارين ع جهازي الاب روكيت ( الجهاز هذا ممدوح لي بنت وتحمست وشريته) ممتع صراحه وبامكانك تسوي اكثر من تمرين عليه مو محصور تمرين واحد .. مدري احسس كلامي مشتت بس الفكره الي حابه اقولها ان احاول قد ماقدر ماكرهه التمارين وتشوفيني كل يوم اهوع وادخل تمرين جديد اقصى حد وصلتله 12 ددقيقه بالنسبه لي هالشي اعتبره وااو واطمح تصير 30 دقيقه راح اوصل الي ابيه ان شاء الله اذ راعية نفسيتي واتبعت خطه معينه .. سوس مرره شكرا
وش هو الوقت المناسب للرياضه في رمضان
يعطيك العافية ياجميلة الموضوع ممتع جدا على كثر سهوله نط الحبل إلا ان الملاحظات اللي قلتيها مهمه وأصعب شي التنفس وقت التمرين
حمااااس… أحب هاللعبه تذكرت ايام الابتدائي شبرا أمرا كانت متعه وراحت فيها الطرحات ..روقت عالتدوينه حاليا ما عندي حبل رياضي أفكر اجرب بسلك المسجل هههههههه… في حركة اللي كأنو يمشي ..مدري ليه حسيتها صعبه بس بجرب لين اعرف طريقتها..
أرتوسه ربي يسعدك ..
مساء الفل .. التدوينه اليوم قريبه لقلبي لأني من عشاق نط الحبل .. ماني محترفه ابداً لكن من الناس الي تستمتع فيه وايد .. و أحس بعده اني متخلصه من الطاقه السلبيه الي فيني .. شكراً جزيلا استفدت و استمتعت معلومات يديده بالنسبه لي .. و أهم شي الحبل الي ممكن يتقصر .. حبيته ، مت ضحك ع كلمه ينسيك حليب أمك حسيت ،دي أجربه على حد لووول ..
body {
background-color: #d0e4fe;
}
h1 {
color: orange;
text-align: center;
}
p {
font-family: “Times New Roman”;
font-size: 20px;
}
شكراً أرتوسة
This is a heading
This is a paragraph.
الله يعطيك العافيه على هالتدوينه رجعت لايام الطفوله والمناقز مدري ليش مرتبط عندنا نط الحبل بالاطفال المهم انه من بعد كلامك تحمست اشتري حبل صايره من بعد تدويناتك الرياضيه اتشجع للرياضه شكرااااا من كل قلبي على الي تكتبينه لنا
يعطيكي ألف ألف عافية عالمجهود الكبييييير اللي تبذليه عشان تفيدينا
الله يسعدك و يفرحك يارب استفدت مرة من المعلومات اللي كتبتيها ..
أنا الفترة هذي عندي شويا آلام في الركبة و مني حابة أنط حبل أخاف تتأثر ..
أخواتي يقولولي ركبتك تعورك من التمارين و أنا أقولهم لا من زيادة الوزن هههه – باقيلي 10 كيلو عالحد الأعلى للوزن المثالي بس أنا قصيرة و يبين فيا على طول –
كثرت كلام حكيت قصة حياتي
حابة أعرف ايش رايك ,, أنا ناوية أتمرن تمارين أقوي فيها ركبتي بس مو عارفة أبدأها قبل تمريني اليومي ولا بعد و لا وقت مختلف عن وقت تمريني بحكم خبرتك فيديني و سامحيني ثقلت عليكي أدري مشغولة و ماتلحقي على الكومنات كلها بس لو ليا نصيب بتردي عليا
طيب يا توسه انا متزوجه
يعني ماينفع لي بالله نط الحبل يضر بالرحم..?
تدووووينه جممميله وفيهاا ريحه الطفوووله وحوش المدرسه ههههههههه ، يسعدك ربي مكنت عارفه كل ذا في رياضه نط الحبل الي تعتبرر ممتعه رغم صعوبتهاا ،
دمتي بسعااده يآارب .
جميل جميل جميل
أنا من عشاق النط بالحبل وكنت دايم أتحدى فيه خواتي بس جد استفدت من التدوينة وكالعاده متألقة في الطرح
ارتوووس مشكولرة ع المجهود وننظرك تنزاي تدوينة عن الجزم الرياضية
ياهلا بالعراقيب كلهم هههههه
احب النط ع الحبل ، من ايام الابتدائي واحنا لمن تكون الاختبارات النهائية كان شرط اساسي كل وحده تجيب حبل نط ونطنط وشبرا امرا بين الفترتين ( من كيسنا هالنظام هههه )
وكانت تحديات بيننا وبين امي الله يحفظها ..
من ينط اكثر ..
باسلام حنيت يا ارتوس :”( ..
.
.
واحب النط ع الحبل كثير ، ادمجها مع الكارديو ..
مُرهقه بالبداية ، لكن نتائجه جبّاره ..
.
.
سلمت يداكِ ، لا عدمناك .
هذي احلى ريااااااااضه عندي
احبها جدااااااااااا
شكرًا من القلب
هلاا هلاا
مشكووره ع الطرح الرائع و الفائده
بس اتمنى من قلبي تردين علي ،، انا فيني العضله النايمه ب اعلى الفخذين ،، وش الحل معاها ،،اتمنى تفيديني ..
والله الله لو سويتي موضوع عنها
و بما اني علقت مره وحده ودي تساعدين و تتكلمي عن الساق اللي لها لونين و واضح جدا الفرق بينها ،، يعني من جوا الساق لون و الجهه الثانيه لون اخر ،، ادري ماله داعي بالموضوع بس مره وحده ف التعليق
احبك في الله ،، ورزقك الله رزقا حلالا مبارك فيه ❤️❤️
ممكن حساابك انستا؟؟
وشكرا
السلام عليكم
اول مره اعرف مدونتك و قريت كل المواضيع اللي فيها ❤️❤️
مرره استمتعت و استفدت يعطيك العافيه يارب
عاد كأنك حاسه فيني
من ثلاث ايام تقريبا بديت انط عالحبل
امشي بالبدايه مشي سريع للإحماء
بعدين انط على الحبل ربع ساعه تقريبا
لانه قريت انه ما يصلح اطول اكثر
بس عندي مشكله انه احس بألم في عظم الساق
يعني المفروض يكون الالم في العضله مو العظم بس انه يألمني شوي ، تعرفين السبب ؟
مع اني البس شوز رياضي !
ايوه وكمان هل اقدر اعتمد على المشي و نط الحبل حتى ينزل وزني و يشد جسمي ؟
انا حاليا امشي مع نط الحبل و بوش اب على الجدار و سكوات
يكفي و لا ازيد ؟
شخصياً متعتي النط بالحبل أيام الطفولة ، بس حاليا مع الصدر شي شبه مستحيل 🙁
صباح الخير ..
مو من عادتي ارد على مواضيع ابداً .. حتى لو عجبني واستفدت اكتفي بدعوة بظهر الغيب لصاحبها .. لكن موضوعك جداً جميل ومفيد ومرتب وماقدرت ما ابدي رأيي فيه لانه عجبني جداً واستفدت منه جداً جداً الله يعطيك العافيه و يسعدك ❤️ “
على فكرة انا رديت على مدونتين لك قبل اللي هي لكريم مابعد الحلاقة لنيفيا والميثد باسم naya 🙁 بس لقيت وحده نفس الاسم فغيرتوا, المهم انا من المهووسيين بالفنتس ووحبيت نط الحبل خصوصا لما شفت الانجل ادريانا ليما تقول ان نط الحبل من اساسيات الرياضة عندها بعد البوكسنغ وتشوقت زيادة,ودخلت بنظام تماريني ككل ثلاث ايام خمس او عشر دقايق واخفف كارديو يومها,بس ارتوس لو عندك خلفية عن بناء عضل للجسم ياليت تخصينا بها,لان انا بتماريني ماشيه على اللفتنغ ويت مع كارديو وادخل يوغا وبيلاتس مرتين بالاسبوع تقريباٌ واحس جسمي استجاب بس بشكل بطي جدا,خصوصا بعضلات البطن للسكس باك وعضلات اليدين ورحت عند مدربة رياضة بس للاسف هم ماعندهم الرياضة الا للوزان الثقيلة فقالت لي معلومات جدا عادية يعني اي شخص يعرفها,فشي يقهر والله قعشان كذا رح تلاقيني من اول الناس اللي يتحمسون لمدوناتك الرياضية والصحية,وبستناك بفارغ الصبر لين بعد اجازتك..نحبك
سمعت انها رياضة هيفا وهبي المفضله
يا جمال روحك ارتوس دايما التمس هذا الشيء في مواضيعك ..
ليا فترة معزمة ع الرياضة بس ابغا مين ياخد بيدي للطريقة الصحيحة بس طبعا بحكم مجتمعنا الجميل
صعب اني اروح نادي او استشيير اخصائية دا الشي مو ممنوع بس شبه صعب وغير التعليقات اللي تجي او عدم الاكتراث للمطلوب
فحبيت مبادرتك وشكرا جزيلا عساكي على القوة .. الله يعطيك العافية بجد استفدت
..
انا هدفي منها صقل الجسممممم يهمني لياقته وكمان انه تكون نفسيتي جميلة
لكن بالنسبة للوزن الحمد لله ما اعاني اي مشكلة جسمي ماشاء الله حلوو بس يحتاج شد وتنسيق احسه حلو ومو حلو
ان شاء الله تكوني فهمتي قصدي
اي صح نسسسيت اتمنى تفيدينا بتمارين الاحماء بكون شاكرة لك