صَباح / مَساء النُعومة
أخَباركم ، هآه إشتقتوا لي ؟!
[ ما أمداك تَغيبين عَشان يَشتاقون لك ] ..
من فترة يمكن حول السنتين إشتهر عند الغربيين بكثرة تنظيف الوجه بالزيت أو ما يسمى Oil Cleansing Method أو OCM ، طبعاً هالطريقة سوت ضجه كبيرة ، وَ إنقسم الناس لمؤيدين وَ معارضين ..
علمياً ما في أي دليل يثبت صحة هالطريقة وَ أغلب الدكاترة حذروا منها وَ قالوا إنها مو منطقية
صراحة ما أكذب عليكم لما قريت عنه قلت وَش هالمختلين شكلهم من جماعة مريم نور وَ لا طرأ ببالي واحد بالمية أجرب هالطريقة لتنظيف البشرة ،عموماً هو مو موضوعنا اليوم لكنه مرتبط بموضوعنا بشكل كبير لذلك بذكرلكم نبذة عنه وَ بعدين بنتجه لموضوعنا اللي اشوفه النسخة المُحسنة للتنظيف الوجه بالزيت
يمكن البعض يقول شلون ننظف وَجهنا بالزيت ؟
وَ تذكروا تنظيف بالزيت فقط يعني ماراح تستخدمون منظف للبشرة أو صابون أو غسول أو أي شي كيميائي فقط الزيت ، وَ البعض حتى مايرطب وجهة بعد هالعملية يكتفي بالترطيب وَ الغسل
يُقال إن الزيت ينظف الزيت يعني البشرة بالأساس فيها دهون حتى لو كانت جافة لكن فيها نسبة دهون ، أيضاً أنصار هالطريقة يقولون إن الغسولات إللي بالسوق تنشف الزيت لكن شدة تنشيف الوجه من الزيت تخلية يفرز زيت أكثر عشان يحمي الجلد يعني كنك يابو زيد ماغزيت حنا نحارب الزيوت وَ هي راح تنتج في الجلد من فرط الجفاف
طريقة التنظيف بالزيت يُقال إنها راح تطهر البشرة وَ تنظف البثور وَ تزيل الأوساخ لجيمع أنواع البشرة حتى لو دهنية ، لكن لازم الحرص بإختيار الزيت إللي يناسب كل نوع بشرة على سبيل المثال :
غالباً الزيت الأساسي المستخدم هُو زيت الخروع ، لأن من خصائصة تنظيف البشرة وَ تطهيرها وَ مضاد للبكتيريا ، فيستخدم بنسب معينة حسب نوع البشرة وَ يخلط مع عدة زيوت منها ،’
– زيت اللوز الحلو : يناسب جميع أنواع البشرة خاصة الدهنيه
– زيت بذور العنب : يناسب جميع أنواع البشرة خاصة الدهنية
– زيت الجوجوبا : يناسب جميع أنواع البشرة خاصة إللي تعاني من حب الشباب
– زيت الأفوكادو : للبشرة الجافة وَ المتقدمة في العمر
– زيت بذور تباع الشمس: جميع أنواع البشرة
– زيت الأرقان : جميع أنواع البشرة خاصة المتقدمة في العمر
– زيت المشمش : للبشرة الجافة وَ العادية وَ المتقدمة بالسن
– زيت الخروع : لجميع أنواع البشرة لكن ممكن يجفف البشرة للي يعانون من الجفاف
– زيت الزيتون وَ زيت جوز الهند : يناسب جميع أنواع البشرة بس ممكن يسد المسام يعني يستخدم بالخلط مع زيوت أخرى والأفضل تجنبة لانه مصنف من الزيوت الـ [ comedogenic ] يعني ممكن يسبب حبوب وَ بثور وَ يسد المسام
بإختصار الشغله تعتمد على تقبل كل بشرة يعني ممكن أحد الزيوت يناسبك بس مايناسب غيرك
مُمكن استخدام زيوت عطرية بقطرات بسيطة ، أنا ماجربت هالطريقة بس عشان أوضحلكم أكثر ذكرت التَفصيل أعلآه
طبعاً مش قاعدة وَ تقدرون تستخدمون الزيوت إللي تناسبكم وَ جسمكم مَرتاح لها ، بس القاعدة المتعارف عليها إن زيت الخروع الأساس وَ تخلطونه مع الزيت المناسب لكم من إللي ذكرته فوق
إذا بشرتكم دهنية ~
ثلثين لثلث ، يعني 2 ملعقتين زيت خروع + ملعقة من الزيت المناسب لكم
البشرةالعاديه ~
النصف للنصف ، مثلاً نقول ملعقة زيت خروع + ملعقة من الزيت المناسب لكم
البشرةالجافة ~
ثلث خروع لثلثين زيت عادي ، يعني ملعقة خروع وحدة + مع ملعقتين من الزيت المناسب لكم
الطريقة ،’
تخلطون الزيوت سواء ممكن تخلطونها بعلبة وَ تخلونها لحين الإستخدام ، وَ ممكن تخلطون إللي يناسبكم بكميات صغيرة حق يوم واحد بس
تنظفون أدينكم زين وَ تاخذون كمية من الزيت تقريباً ملعقة صغيرة وَ يمسج فيه الوجه لمدة دقيقتين وَ من ثم يترك على الوجه على الأقل نصف دقيقة
تاخذون منشفة وَ تغمرونها بالماء الحار من الصنبور ( حار بس تقدرون تستحملونه ) وَ تحطون المنشفه بوجيهكم وَ تشيلون كل الزيت بالمنشفه وَ تخلونها شوي على البشرة عشان تنفتح المسامات وَ تمسحون الوجه بنعومة ، إذا حسيتوا الوجه يحتاج ممكن تاخذون مسحة من الزيت وَ تفركون الوجه وَ من ثم تمسحون مرة ثانية بالمنشفة الحارة
وَ بالأخير تشطفون الوجه بالماء البارد عشان تتسكر المسامات وَ تخلونه ينشف على الطبيعه بدون منشفة
البشرة تحتاج حُول الأسبوعين عشان تتكيف ، يعني مممكن في البداية تدهن أو تطلع بثور أو تجف بزيادة ، مع الوقت راح تتوازن البشرة وَ أنتم راح تعرفون تتعاملون معها وَ تختارون الزيوت المناسبة لبشرتكم
كم مرة تستخدم باليوم ؟!
فقط مرة واحدة ليلاً وَ صباحاً يكتفى بغسل الوجه بالماء
المهم إن الطريقة مع إنها ممدوحة وَ كثير حتى من إللي يعانون من حبوب الشباب حبوها ،إلا إنها مادخلت مزاجي وَ لا فكرت أجربها خاصة إن بشرتي دهنية ، وَ أشوفها تجربة ثقيله على النفس يعني كل يوم بحط منشفة وَ أنظفها وَ أغسلها ، يعني شيء مو عملي غير إني أشوف المنشفة الحارة على الوجه كل يوم راح تفتح المسام وَ أنا بطبيعتي أكره الحر وَ أكره أحط شي حار بوجهي ، أشوف الحرارة شيء مو مناسب لبشرتي .
المهم من فترة طرحت أحد المواضيع وَحدة من مُتابعاتي المُخلصات للمُدونة إسمها : ms.moushi
ذكرت لي طريقه 424 لتنظيف البشرة وَ تسألني هل جَربتها ؟ ،كنت أعتقد إنها نفس طريقة التنظيف بالزيت فلما قريت عنها إكتشفت إنها تختلف شوي وَ تحمست أجربها ، وَ بالنسبه لي أشوفها النسخة المحسنة للتنظيف بالزيت وَ أذكر قلت لـ ms.moushi إن الطريقة غير عَملية خاصة إن مَعي جهاز لونا فوريو
[ مبسوطة إنكم تطرحون علي أفكار أحياناً تكون جديدة علي ] ..
تقنية غسل الوجه بطريقة 424 | الطريقة الكورية بغسل الوجه وَ تنظيفه
تقنية غسل الوجه هي أحد الطقوس الكورية الفكرة بسيطة جداً بس يبيلها نفس طويل .
وَ تعتمد على تنظيف الوجه على 3 أجزاء ، الترطيب لـ أربع دقائق ، التنظيف لـ دقيقتين ، وَ الغسل لـ أربع دقائق
يعني المجموع يطلع معنا 10 دقائق جمالية لتنظيف الوجه (شغلانه وَ الله )
غسل الوَجة بطريقة ٤٢٤ أثار ضجة بعد مالنجمة Suzy Bae سوزي باي صراحه مالي خبرة في الكي بوب مدري هي ملكة جمال وَ لا خبيرة تجميل وَ لا نجمة بوب أو ممثلة هههههههه أفيدونا يا بتوع الكي-بوب
المُهم أنها قدمت برنامج على الهواء عن كيفية غسل وجهها وَ ظهرت فيه من غير ماكياج وَ قالت أنها تكتفي بس بشوية ماكياج
ماذا نَحتاج لغسل وجهنها بطريقة ٤٢٤ ~
[ هالزيت أخذته من شارع العروبة من محلات الأغذية الصحية فيه تقريباً ٣ مَحلات موجودة عند هالثلاث مَحلات وَ بسعر رخيص يعني ما يحتاج تَطلبونه من برا ]
كل إللي تحتاجونه غسولكم المناسب + ماء دافيء وَ ماء بارد + أهم شي زيت إختاروا أي زيت تبونه بس الممدوح هو زيت جوز الهند البكر لأنه مشهور بخصائصة المضادة للبكتيريا ( أكيد حسيتوا بتناقض أقولكم فوق إنه ممكن يسد المسام وَ الحين أقولكم أفضل ، المُهم أنا أكتبلكم الطريقة كما ورد ذكرها )
خطوات الطريقة الكورية لغسل الوجه ( ٤٢٤ ) ~
طبعاً قبل لازم تغسلون أدينكم وَ تكون نظيفة قبل لا تلمسون وجيهكم عشان م اتنقلون بكتيريا للوجه
1- الترطيب :
في البداية ناخذ كمية مناسبة من الزيت إللي نحبه ، أستخدم ربع هالملعقة تكفيني
وَ نصلح فيه مساج ناعم على الوجه بعدة إتجاهات عشان ننظف المسام ، وَ نحاول نكون رقيقين على منطقة حول العينين ، وَ نستمر بهالعملية 4 دقائق بالتمام وَ الكمال . هالشيء راح يطري وجهنا وَ ينظف بقايا الماكياج وَ الأوساخ
2- التنظيف :
وَ هو غسل الوجه بالصابون إللي تفضلونه لمدة دقيقتين
3ـ الشطف :
راح تستغرق العملية 4 دقائق مُجزأه لجزئين :
دقيقتين بالماء الدافيء
دقيقتين بالماء البارد
٤- التجفيف :
لا تستخدمين المنشفة خلي وجهك ينشف لحاله مع الهواء
وَ بعده صلحي طقوسك المعتاده في ترطيب الوجه وَ كريم العيون اللي تحبينه
تجربتي مع الطريقة الكورية بغسل الوجه ( طريقة ٤٢٤ لغسل الوجه ) ،,
المنتجات المُستخدمة ~
• زيت جوز الهند العضوي : مع إنه فيه لغط إنه ممكن يسبب إنسداد للمسام بس جربته لأن الطريقة الأصليه قائمه عليه
• الغسول : غسول بايوديرما سيبيوم ( لمعرفة المَزيد عن الغسول إضغطي هُنا ) مع إني ما أحبه بس لأن فترة غسيل الوجه فترة طويلة حسيت هالغسول رقيق ممكن يناسبة أكثر
تجربتي إستمرت لمدة أسبوع كامل بنفس المنتجات ، طبعاً إستمرت بنظام العناية المعتاد لكن وَقفت إستخدام جهازلونا فوريو عشان أختبر فعالية الطريقة على البثور ، جربتها وَ أنا كنت شبه متأكده إن وجهي بيبق حبوب اليوم الثاني
أول يوم : حسيت وجهي متنعنش وَ رطب وَ ناعم وَ حاسة بالنشاط ممكن من الماء البارد ، عاد تعرف هاليومين الأجواء بالرياض جدا ً حارة وَ مغبرة يعني اسوأ مايمكن ، قمت الصبح وجهي يلق وَ الغريب إنه مو مدهن بس يلمع لمعة نظافة وَ مُتورد
بعد ثلاث أيام : صراحه حبيتة أكثر بشرتي كانت بأحسن حالاتها ، مافيه دهون زيادة ، ناعمة جداً ، متوردة جداً ، وَ فعلياً تلق لق ، حتى إللي حولي يقولون وجهك متورد
بعد أسبوع : نفس النتيجة ما طلعلي حبوب أو بثور زيادة ، كنت أحس التجربة لازم تكمل شهر أو شهرين عشان أحكم عليها صح ، لكن مَن كثر ما أبهرتني قلت بَشارك فيها البنات قبل العَيد عَشان يَمديهم ، خاصة فيه كثير بنات أرسلوا لي ماديتهم جداً ضعيفة وَ يبون شيء إقتصادي أو أهاليهم ما يَسمحون لهم يَشترون مُنتجات خاصة بَهم ، لأن يعتقدون إن العناية بَسن مُبكر نَوع من الهباب المَهبب
مُلاحظة : حتى لا يتم إسراف الماء حطي الماء بكاسة أو وعاء وَ شيلي مَنه ، عشان الماء الجاري ما يُهدر
كم مرة تستخدم باليوم ؟!
مرة واحدة ليلاً وَ بالنهار مافي أي تفصيل بخصوص ذلك .. فأغسل وجهي بغسول الوجه كالمُعتاد بس ما أستخدمت جهاز لونا فوريو حتى ما يبطل أي مفعول أثناء التجربة
هل راح أستمر عليها ؟!
10 دقايق أشوفها مرحلة طويلة ، بس صراحة النتائج تحمس تخليك تستمر ، ممكن أرجع أجربها بزيت آخر مثل الأرقان منها مساج وَ منها نظافة
لكن ما أنكر أول ما جَربتها قلت وَش هالفضاوة وَ الله لو تخليني سَنو وايت ما أسويها ، لكن الحقيقة لما تَشوفها قَدام عينك تتشبث بها وَ راح أستمر بها لين العَيد إن شاء الله إذا ما أصابني المَلل
كان ودي أعرف رأي الطب وَ الأبحاث بهالشيء لأني من المؤمنين بالعلم على إني شفت منها نتائج حلوة بس حلو لو نسمع رأي العلم ، لكن لاحظت العلماء مُتعصبين إتجاهها خاصة الطريقة الأولى إللي ذكرتها ، هل خايفين يَموت سوق المُنتجات التَجميلية ؟! أو فعلاً هالتكنيك بغسل الوَجه ماله أي فَعالية أو له أضرار ، لكن التجربة خير بُرهان وَ لا ننسى بالنهاية الجينات الآسيوية لها دَورها بجمال بشرتهم بالإضافة إلى تَغذيتهم
ما عَمري بحياتي طَلبت من مُتابعيني أي طَلب .. ما عَمري طلبت لا فَولو وَ لايك وَ لا كُومنت وَ لا مَدح وَ لا رأيكم عَن أي شيء جربتوه
إلا هالمَرة بطلب منكم تروحون وَ تغسلون وجهكم بهالطريقة وَ ترجعون تَقولون لي وَش رايكم ، سَواء هنا أو بالأنستا أو تويتر أو ببوست خاص فيكم لكم الحُرية
لكن أبيكم تَشوفون إللي شَفته ، وَ الطب ما أعطانا هالمَرة حقيقة موثقة فنبي نَحصر التجارب بناء على أرائنا
[ شخصياً أنا ما أنجر وراء الشغلات الطبيعية لكن الطريقة أقنعتني ١٠٠٪ بعد تجربتها ]
البشرة نعومتها بشرة بيبي ، وَ ملساء وَ أتوقع إللي دايم يقولون لي الأساس يقشر أحس مُستحيل يقشر أقولكم بشرة لو أحط فيها كريم تنزلق
عُمري مابالغت بالوَصف بمُنتج أو تجربة وَ دايم أقولكم ماراح تَموتون لو ما شَريتوا هالمُنتج ، إلا هالمَرة بقولك صَح ما راح تَموتون لو ماجربتوه لكن حرام تَفوتكم
[ إللي تعالج بشرتها من حبوب أو تستخدم مواد كيميائية ليزر مَعفية من التجربة ] ..
بجد من جمالها هل الناس مَخبيينها وَ عارفينها ! ، أو مالها جَدوى عشان كذا محداً ذكرها !
لكن أشكر من جَديد ms.moushi ، لأن فعلاً مُتابعاتي مو أي مُتابعات لما يَردون بمُدونتي يردون من قَلب وَ يتحمسون وَ يذكرون لي تفاصيل حياتهم وَ روتينهم ، جَد أسئلتكم المَنطقية تَعلمني وَ تفتح مداركي لشيء جَديد وَ تخليني أبحث ، الإنسان ما يَستفيد بالتوحد مَع نفسه إنما بتناقل الخبرات وَ المعرفة مع الأخرين
عدد دول العالم ٢٣٠ دولة تقريباً ، الإنسان لما يَنحصر لوحده ماراح يَتعلم وَ العلم مُتجدد وَ لا يَوقف وَ كل بلد عندهم طَقوسهم ، دائماً أفكر بالشغلات إللي ما بَعد إكتشفناها ، أخاف بعد سَنين أكتشف شغلات غريبة وَ أقول وَيني عنها من زَمان ..
إنتظروني غداً بتقنية تنظيف أخرى وَ شكر لمُتابعة أخرى دَلتني عليها بس ثلث ساعة بَدل عشر دقائق
بإنتظار التَجربة
دُمتم بَحب
واخخيرا كل شوي اسرق من وقت مذاكرتي عشان اشيك عالمدونه
راجعة لك بالرد ❤️❤️❤️
مَوفقة بإختباراتك وَ الله تَخوفوني كذا ..
إن شاء الله ما أكون سبب بإعاقتكم وَ نورتيني
لي فترة استخدمها..وعلشان ان الطريقة كوريه استخدم منتجات كوريه واخذتها من ذا فيس شوب..موجود زيت تنظيف البشرة ورغوة التنظيف عندهم متنوعة حسب نوع البشره..ومرات احب استخدم زيت الزيتون واخلطه بزيت لوز علشان استفيد من فوايد الزيت المعروفة خاصة ان فيها مساج ،،لان مهما قالوا عن الزيت زيتون اثق فيه،،لان ذكر في القران ووصى به الرسول صلى الله عليه وسلم،،ومفعوله لما يكون اصلي كثير جميل وله تأثير على البشرة،
النتيجة لهالتقنية حبيتها وحلوة ولها تأثير حتى على المسامات تنظف وتنشد ،٫
وتقنيات الجمال كثيرة خاصه عند كوريا واليابانً،،احب اخذ منهم،،لاني احس انهم صادقين لان بشرتهم اكبر شاهد وتجربة،،
سوزي هذي ممثلة ومغنية،،انا مش متابعة للكي بوب،،لكن السالفة كل ماتكسلت في العناية ببشرتي،طلعت لي بشرة وحده كوريه واقوم اجتهد في العناية بنفسي
ههههه على جمال البشرة بشرة أهل الشام كلون وَ جمال بالنسبة لي أحلى
فرضاً نسرين طافش ، تَضاهي سوزي مليون مَرة الشغلة ترجع كثير للجينات ، بس أكثر من نصف سكان العالم ما يحبون يعترفون بالجينات
لأن الجينات صعب تغييرها ، فالأمل يعطيهم إحساس أفضل
بخصوص مُنتجات ذا فيس شوب تراها مُصنعة ، يعني لا تَعقدين الأمال عليها مَثلها مَثل غيرها وَ ذكاء بالتَسويق فَقط
زي ما كثير أنجرف وَراء الموضوع من كلمة كوري ، نفس الشيء كثير مُنجرفين وراء أي مُنتج كوري بغض النظر عن التَكوين ..
وَ حبيت حُبك وَ إجتهادك بَتنظيف البشرة وَ سعيك للأفضل ، مَوفقة
انا حبيت في بشرتهم اللون الموحد..بلاشوائب ولاتصبغات..هذا اللي جذبني لبشرتهم وش سرها..التجانب قالوا كثرة استخدام مكياج يخفوا العيوب لكن عرفت من القراءة انهم يهتمون كثير بالعناية بالبشرة والجسم والأكل الصحي اكثر من الاهتمام بإستخدام الماكياج والله اعلم..واهتمامهم بالبشرة من الصغر والطفوله.لهم روتين عناية بالبشرة تونر سيروم مرطب كريم للعين.. اول شي استخدمت طريقتهم وتهيجت بشرتي..بعدين رجعت للمواضيع من جديد واليوتيوب ..وعرفت السبب..هو كثره الاحتكاك اليد بالبشرة.وطريقة التدليك الكريمات للوجه..يعني هم يطقطقوا على البشرة اكثر من يمسجوا وان عملو تدليك بطريقة خفة واسلوب معين.. .
وصحيح ان الجينات لها تأثير..بس الواحد يقرأ ويشوف اسرار العالم في كل مجالات تخصنا حنا النساء..
بالنسبة ل ذا فيس شوب..حنا نسمع ونجرب..والتجربة هي اللي تبين لنا كل شيء هو صحيح والا مجرد كلام وتسويق.. الشي الجيد نرجع نشتريه..والشي اللي مجرد كلام ..فلوسنا اولى حنا فيها هههههه
بس حبيت اجرب منهم منتجات التنظيف المزدوج دبل كلين..علشان هالطريقة..بس زيت التنظيف حقهم اخف من الزيوت ..بمجرد غسله بالماء مااشوف اثر له..وبما انها جديدة عليهم كم شهر تو مااقدر احكم على منتجاتهم..مع ان في منتجات عجبتني عندهم..
آه ي آرتوس.. وربي تفتحين نفسي.. كل ماقريت لك ادهر ع المطبخ ولا الحمام ولا الغرفة احط من هالكريمات ووو.. ان شاء الله اببدا فيها من اليوم وباقلك وايش صصار فيني وكيف سرت .. شكرا ع مشاركتك لتجاربك ومدونتك ت ج ن ن ختمتها بيوم.. ويني عنك من زمااااان ❤❤
صباحك ورد ياورده
اول ماقرات شديت حواجبي مادخلت مزاجي وخصوصا مافي غسول بعد التنظيف حوسه مابعدها حوسه
الله يسعدهم متابعينك ويخليك لهم
حمستيني لو اني مو غاسله الحين وحاطه مرطب كان قمت غسلت
راح اجرب بكره باذن الله بما اني ناويه صيانه كامله واعطيك رائي
هههههه حبيت شدة حَواجبك ، نَفس إحساسي وَ الله بالإستغراب وَ التعجب
وَ لوما حُبي للتجربة ماكان جَربت ، بس إستفدت من التَجربة ..
وَ يالله أكيد كلي شَوق لبكرة
دوبني اليوم اطالع وجهي بالمرايه و اقول بنفسي كل شي سويته بس ناقصني بريق،لقة شي زي كيذا …ان شالله اجرب الطريقة و بجاهد عشان احصل هالوقت ان شالله
ههههههههههههه يا حُبي لك
أتمنى تَناسبك وَ لا تنسين تنتبهين لنوعية الزيت عَشان مانبي سايد إيفكت ( أقصد أعراض جانبية ) ..
الله يسعدك حمستيني اجرب الطريقه ، أنا وحده مجنونه نظافه وكريمات بس عندي سؤال :
هل يوضع الغسول مباشره على الزيت بعدالانتهاء من التدليك بدون ماء ؟
وَياك ، سؤالك رديت عليه ..
وَ الجواب هو غسل الوجه بقليل من الماء الدافي ثم ترغين الغسول بين يدينك وَ تبدأين تحطينه بوجهك وَ تحسبين الدقيقتين ..
باذن الله اجربها واكتب تجربتي ❤️
بالإنتظار بالتأكيد ..
نورتيني
شكراً جميلتي 🙂 و اخيرا انتقلتي للعناية بالبشرة ، كمان ارتوس مره قلتي بطرح لكم المزيد من المنتجات اللي تكون فيها إنزيمات و أكسجين اتمنى انك مانسيتي ، و يعطيك العافية يارب
هههههههه عَشان قرب العَيد وَ بطفشكم أكثر وَ أكثر وَ إن شاء الله أختتمها بالديرما رولر بس عالأصول ..
وَ ما يَهمك مانسيت ، يعافي قَلبك
الديرما رولر 3> 3>
يارب تتضمن التجربة الساق تعبت من المسامات 🙁 🙁 كله من آلة النتف 3/>
المسامات اللي بالساق ترى سببه غالباً إلتهاب جريب الشعر فتلتهب فتطلع الساق مَنقطه
حبيبي والله ماتقصرين الله يسعدك
بسالك ياقلبي ، الحين الزيت الي من شارع العروبه وين احصل المحل نفسه ذَا بالشرقية وابي وصف دقيق للي بالرياض اذا مافي بالشرقية بليز ردي الله يسعدك
الصراحه حمستيني اني اجرب الطريقه لاني من قبل سامعه فيها ومتردده اطبقها
مشكككوره من كل قلبي
يالله قو هَيد ..
العفو حبيبتي
مساء الجمال حبيبتي حنا ٣ خوات جربنا الطريقه وحنا بشراتنا مختلفه مابين جافه ومختلطه ودهنيه وكلنا طلع لنا حبوب وش رايك نكمل ولا نوقف
تحياتي لك
صباح السعادة ،
معليش لمن تكلمتي بالبداية ماحبيت الطريقة سس تحمست لها برائك خصوصا و انا اثق فيك . و ذكرتيني من زمان بسألك بتويتر بس انسى ، لاحظت بعض اليوتيبر يستخدموا زيت الجوجوبا لوحده بالليل كمرطب ، طبعا بشرتهم جافه، وانا بشرتي مختلطة، رائك بمدى فعالية استخدامه
لوحده ، و سؤال ثاني ينفع استخدم زيت الارقان لوحده؟؟
شكرا يا جميلة على تدويناتك -مقدرة تعبك بس الله لايضيع لك هالتعب و يرزقك على قد نيتك و تعبك
احبك دائما و ابدا
تقبلي تحياتي
أممممم بالنسبة لفعالية زيت الجوجوبا شخصياً ما جربت تعرفيني زي ما قلت أحب المنتجات الجاهزة وَ إللي الأطباء أشادوا بها
فمرتاحة جداً بكريماتي فما فَكرت به كمرطب قبل المنام وَ الزيت وظيفته فقط راح يرطب ، يعني ماراح يسوي شيء خيالي أو إضافي بس الناس حتى بعنايتهم أذواق
إذا تحسين إنه راح يناسبك فجربيه ، التجربة هي إللي راح توضح لك الحقيقة ، بالنسبة لي ما أشوفه كافي غير كذا توسخ المخدة وَ ماراح تسيطر على دهون الوجه
بالنسبة لزيت الأرغان لاحظي قلت إنه مُمكن أستخدمه بديل عن زيت جوز الهند كغسول بالطريقة الكورية ، لكن ما أفكر به كمرطب للوجه
آمين يارب ، تسلمين لي لدَعواتك نورتيني
واااو مره تحمست اجربها بس ماادري وشلون اقعد اغسل وجهي ٤ دقايق احس بتخلص موية بيتنا ، بجربها اسبوع ان شاء الله اذا قدرت اغصب نفسي واسويها كل يوم واقولك بالنتايج
أضفت تَوضيح بخصوص هدر الماء ، حطي الموية بكاسة 🙂 زي القدماء لما يغسلون وَ يتحممون ، بسيطة بس متستصعباش
مَوفقة بتجربتك
جاري التطبيق .. دايم اجرب الاشياء اللي تكتبينها بالمدونه تقريبا ختمت تدويناتك كلها متابعه لك من ايام شمواهه .. جربت طريقه تنظيف الوجه بالجيلاتين و تقريبا كل شهر اعملها روعه .. كل شي تكتبينه اثق فيه صراحه :$ بس عندي مشكله ابي بس استشيرك لان ماظن بروح لدكتوره جلديه سويت ليزر بكيني امس و اثناء الجلسه عاذت على المنطقه بالشفره مع اني منظفه المنطقه عدل ! عادت عليها وجرحتني وطلع بعدها حبوب تروع المنطقه واستخدمت كريم اليكا وفوسيدرم ب للان ماجاب نتيجه 🙁
ماشاء الله عليك ، مُتابعة وَفية وَ مخلصة
بالنسبة للي صار لك بالليزر يمكن الحبوب تشوفينها حبوب وَ هي مجرد مسامات الشعر أحترقت ؟
هي فيه صديد أو تقيح !! .. نامي بدون ملابس داخلية للتهوية وَ حافظي على نظافة المكان وَ جفاف المنطقة
بكلا الاحوال كريم اكوافور من يوسيرين ممتاز لبعد جلسات الليزر بالرغم ما أستخدمته لأن ما أحتجته لكن قد يساعدك إذا حصل تسلخ
أو تبقع أو جفاف ، لكن بحالة الحبوب وَ الصديد يبيلك تنتظرين عالأقل ٣ أيام وَ لا تنوعين بين إليكا وَ فوسيدين كريم واحد كفاية
طريقه جميييله لكن طويله نوعاً ما ، يعطيك الفففف عافيه ارتوس .. بس حابه شوي تلتفتين للبشره الجافه تعبت وانا ابحث عن غسول مناسب وودي اجرب طريقة التنظيف ٤٢٤ بس ابعرف وش استخدم غسول
يَعافي قلبك ، المُشكلة أنا أنقل تَجربتي 🙁 يعني غالباً صاحبات البشرة الجافة ماراح يَكون لهم نَصيب الأسد بتدويناتي
لكن هالتقنية الكورية أتوقع تتلائم مَعك ١٠٠٪ لأنه ما تَجفف ، ووش مشكلتك مع الغسول ؟! قولي لي وَ بعطيك خيار وَ جربيه وَ إذا ما ضَبط بعطيك خيار غيره
بس مُجرد تخمين يعني مُش نابع من تجربة
السلام عليكممم
دايما اشوف الحسابات الي بنات
يطرحوا تجاربهم با مختلطه يا عاديه ،.
و الجافه منسين ، المهمم اني بديت اكتشف
لوحدي وجربت كريم و غسول للبشرة الجافه و الجلد الحساس ، يعني لو تشوفين بشرتي هي ورديه لكن كانها متجرحه من الجفاف و بعد ما احط ميك اب لمده ٤ ساعات بس اجلس اسبوع بشرتي باهته واحيانا تطلع حبه او حبتين ومعها الجلد يتقشر ..
ما اطول عليكمم الكريم هو nutraderm كريم للجلد الجاف اما الغسول هو hydrophil للجلد الحساس
طبعا ما يمنع اجرب طريقتك ارتوس و افيدك هل تناسب جلدي او لا لان عندي جوز الهند يمكن تفيدني و تخفف علي بدال علاج البشره من التهيج لانها بعض الاحيان تتهيج .. وشكرا جدا على ما تكتبين بجد اتحمس لكلامك احس جالسه قدام اختي الكبيره وتقول لي هيه ذا ما ينفع وذا ينفع وليش ما تسوين واحس مرره شخصيتي مثل شخصيتكك من كلامك وهيك الله يسعدكك
ههههههه يا قلبي إنتِ .. تدرين وَش السبب ؟! لأن قلتيها تجاربهم
بالمناطق الحارة غالباً الناس بشرتهم تميل للدهنية أكثر ، وَ أشكرك لذكرك تجربتك راح تَساعدين كثير من البنات بالتأكيد
وَ أتوقع هالطريقة بتخلي بشرتك مَرطبه وَ الله أعلم من ناحية الحساسية لذلك إذا راح تجربينها خليك مُتيقضة لأي تغيير قد يَطرأ
وَ شرفتيني بتواجدك وَ بكلامك الحلو وَ يسعدني أكون لك بَمثابة الأخت
كلك ذَوق
مشكلتي اني استخدمت غسول للبشره الحساسه من بوتس بالشاي الاخضر يعني خفيف ولطيف ع بشرتي بس من تركته صايره تطلع لي حبه والا حبتين كل فتره فحابه اعرف وش افضل غسول للبشره الجافه والحساسه
تصدقين قريت تعليق البنت اللي دلتك عليه قلت ودي اقرا عن ذي الطريقه اكثر وكل مره اقول اجرب بعدين ( مو من طبعي التسويف كثير ) بس مع البيبي الجديد نأجل كل شي لعيونه ونتفصى له ، بس جديا لما شفتك نزلتي عنها انبسطت جدا يعطيك ربي الف عافيه ماقصرتي عادني جايتكم الرياض باذن واحد احد بعد كم يوم نمر نشتري الزيت المزيون ذا من عندكم ونجرب وبكنب لك تعليق ف الانستا وبكتب بعد في مدونتي عنها وتجربتي عنها وبسوي لك تاق
الله يَخليه لك البيبي الجَديد وَ يتربى بعزكم ..
وَ أكيد نَورتينا بتواجدك بالرياض ، وَ بسعد بتجربتك بالتأكيد وَ إن شاء الله يناسبك مو تتورطين به
بكلا الأحوال حتى زيت جوز الهند البكر مُمتاز للشعر يعني ماراح تَخسرين
أسعدت بتواجدك
ما شاء الله عليكي تدويناتك اكثر من رووووووووعه و جدا مفيدا و أسلوبك مميز ان شاء الله بجربها
مَن ذوقك حبيبتي ..
أخجلتم تَواضعنا
بدال زيت جوز الهند عشان بشرتي مختلطة خفت التي زون عندي يدهن استخدمت بيبي جونسون اويل طلع خفيف وعجيب مره شكرًا فعلا وجهي فرق بدال كل فتوه نروح صالونات وندفع مبالغ على كل جلسة مره شكرًا حبيت
إنتبهي الله يرضى عليك من البيبي أويل غير نافع لهالإستخدام أبداً لأنه زيت معدني من مشتقات البترول
أتمنى تنتبهين لردي وَ لا تهببين بعمرك ، بدل مايفيدك بيضرك راح يسد المسامات مع الوقت ..
ركزي عالزيوت إللي طرحتها وَ إختاري المُناسب لك مَنها ، وَ أكيد أسعدت بتجربتك السريعة وَ إعجابك بها
نورتيني
بدايه اشكر لك عرضك وطرحك للمواضيع المتميزه والله يفتح لك باب رزق ويسهل لك كل دروبك
بالنسبه لطريقه غسل الوجه بالزيت طبعا عملتها مرتين عشان اعطيكي تجربتي يمصداقيه أكثر, التقنيه كنت مجربتها ع جسمي وكنت استخدم زيت اللوز المر وكنت احس بفرق خاصه اذا كنت تعبانه فأعملها بالليل واكمل ترويشي بطريقتي المعتاده وانام في اليوم الثاني احس بنشاط اكثر والاجهاد اللي احس به خف كثير وكنت احب هالطريقه جدا, ومثل ماتفضلتي العلم بحر واحيانا يروح عن بالنا شيء معين فمثلا أنا راح عن بالي أستخدمها على وجهي ولا جا ببالي بعد قرأتي لموضوعك قلت أوكيه نجرب !! وجربتها فعلا الطريقه ممتازه حتى ع الوجه طبعا أنا ارجع هالشيء للتدليك اللي نعمله للوجه ينشط عندنا الدوره الدمويه وينعمها كون اننا نستخدم زيت طبعا انا استخدمت زيت الجوجوبا على وجهي وحبيت النتيجه جدا
بالنسبه لبشرتي بشرتي دهنيه جدا وعنايتي فيها اقدر اقول انها ممتاز اكلي يغلب عليه الاكل الصحي أي شيء غير صحي ابتعد عنه ما اشرب غازيات ولا عصائر جاهزه سواء المعلبه او اللي تباع على انها طازجه اعتمد على تقليل السكر اعمل رياضه واحاول تكون من ثلاث الى اربع مرات بالاسبوع لمده لاتقل عن نص ساعه الى ساعه على حسب جدولي وعمري فوق الثلاثين
بالنسبه لجسمي ما اعاني من اي مشكله بس بالنسبه لوجهي عندي مشكله اتمنى ان اشفى منها نهائيا!!اعاني من اثار حب الشباب تم علاجه بنسبه 70 بالميه بعد عده علاجات خضعت لها على مدى عشر سنوات مابقي شيء ماعملته ومن النوع اللي اسال حتى الدرما رول جربتها الا ان التحسن مو اللي ابيه وكون عائلتي فيها طبيبات يعني عندي باك جراوند جيد والنت ماخلى شيء الا انه بعدني اعاني من هالمشكله نفسي احد ياخذني ويعمل لي معجزه بوجهي واعذريني ع الاطاله
يلا اللحين قايمه اجرب بس ماعندي زيت جوز الهند الا تبع الشعر
وعندي زبت زيتون هل ينفع
أممممم ما أضمن لأن زيت الزيتون comedogenic
يعني قد يسبب لك حبوب أو بثور ، أنا جربت جوز الهند البكر و ضبط لو بتخاطرين جربي زيت جوز الهند عالأقل قريب من التجربة الأساسية وَ الأصلية
صباح الخير ❤️
سوزي مغنيه من فرقة كوريه وممثله
سبحان الله قد سمعت عنها العام وانها طلعت ببرنامج
لكن ما اقتنعت فيها ابداً.. وعلى بالي بس تغسل وتكرف وجهها صابون لمدة عشر دقايق هههههههههههه فاهمه غلط
لكن الحين بعد تجربتة تحمست لها مررره مرره لكن ماعندي زيت مناسب :'(
ان شاء الله تخلص اختباراتي بعد يومين وبشتري واجرب
من الأعماق شكراً ارتوس ❤️
الله يجزاك خير بكل حرف كتبتيه
يا عَيني شكلك مُتتبعة للأعمال الكورية من قَلب
نورتيني بإفادتك وَ ذكر نبذة عنها ، ههههههه حبيت تكرف وَجهها ١٠ دقايق
موفقة بإختباراتك وَ إن شاء الله التجربة تكون مَعك بيرفكت
يسعدلي صبااااااااااحك
جااااااري التجريب
تتوقعي لحركه تنفع للجسم
هههههههههه أتوقع تنفع بس ما بَنطلع من الحمام إلا بَعد ساعتين أتوقع
تخيلي كل بقعة بجسمك تمسجينها ٤ دقايق !! بتضيع حياتك
الله يعطيك العافيه واكيد جاري التجربه من هذا الوقت وراح اوفيك بالنتائج انا حقيقه راح أبدا بالتجربة بزيت الأرقان لأنه هو المتوفر عندي حاليآ
مره حبيت حماسك الله يسعدك مجرد كلامك سبب لي انتعاش
الأرغان أحلى زَيت وَ أكيد تجربتك بالنسبة لي غَير
نورتيني
اهلا تووسه
بصراحة احسها شغلانه بس لايمنع نجررب
حاليا ماعندي الا زيت زيتون
يصير اجرب ؟!
شكرراً لك ياجممميلةة
عن شغلانة شغلانة بس النَتيجة تَحمس ..
ما أرشح إلا إذا بتتحملين عواقب زيت الزيتون
شكررراا ،، الله يسعد قلبك يارب ❤️❤️❤️❤️ بجربهاا ان شاا الله و اقولك رأيي ❤️❤️
العفو يا قَميل
وَ أكيد بإنتظار تجربتك ، نَورتي
رجعت بعد أسبوع بالضبط :)❤️
أول يوم: ما فرق مره بس حسيت انو مترطب ❤️❤️.
ثاني يوم: بشرتي مره اتغيرت صارت من جد تلق ، حتى استغربت والله انو من ثاني يوم صاارت مرره تجنن و اليوم هوا اليوم السابع ، وللآن شايفتها مرره تمام الحمدلله ، ما طلعتلي حبوب و لا اي شي غريب الا انها صارت احلى من اول ❤️❤️.
* حتى أخواتي شافوا كيف اتغيرت بشرتي و قاموا سوو =)).
^ و استخدمت زيت جوز الهند و طبقت الطريقه نفسها بالتمام و الكمال ما زودت ولا نقصت.
شكرررااا ❤️❤️ و الله يوفقك ويسعدك // و احبك ياخي للمالا نهايه❤️❤️❤️❤️
قاعده ساعه بحاول اكتب بس ماش مافي كلمة تجي بحقك
في كل تدوينه انبهر منك انت مخلوقه من عسل ي ارتوسه ♥
بالنسبة للتدوينه يوم شفت الطريقة عيوني طاحت على الكيبورد
زيت وعلى وجهي مستحييييل اتقبله انا احب الزيت للشعر فقط اما
وجهي احس صعب مدري ليش :/ على الرغم من أن بشرتي جافة
بس احس بقعد اضخ زيت بس مافي مانع اجرب اذا انتي تكلمتي عنه
و لان ثقتي بك عمياء راح اجرب باذن الله هذا اذا ما قعدت اتقزز من
وجهي المزيت -_- بس نجرب لعيونك.. و هالكوريين عليهم بشرة
ما شاء الله تبارك الرحمن و الله لو القنبلة حقتهم جايتنا ازين ماعليه
تصغر العين و ينفرش الخشم راضيه بس اهم شيء عندي البشرة 🙁
يلا اجرب بكرا بإذن الله ♥ ♥
يادَي الكسوف وَ الله أخجلتيني وَ لأنك عَسل تشوفيني بهالمنظور
[ كلامك دق بَقلبي ] ..
لا صَدقيني بعد ما تمسجينها أبو ٤ دقايق وَ بعدين تغسلينه بالغسول أبو دقيقتين ماراح يبقي أثار
وَ أخر شيء دقيقتين ماء حار وَ دقيقتين ماء بارد نظافة من قلب ..
ههههههههههههههههههه حَبيت حلطمتك ، يا زَينك ..
ليه يَمديك تطلعين ببشرة أحلى من بشرتهم ، هُم فعلاً فيهم نضارة لكن لونهم شَوي أصفر بس مايمنع إن بشرتهم نَعومة
ببكي كتبت رد مطول وطفى الجهاز علي ، المهم مغزاه اني احبك واحب متابعاتك لمست فيهم حب الخير ومحاوله اثراء الموضوع باي شي يعرفونه وحتى اسالتهم اللي نستفيد منها حبي لك ياجميله ولمتابعاتك الجميلات .
ماعندي الا زيت اللوز الحلو من ناو من اي هيرب وراح اجربه وارجع اقولك رايي باذن الله .
وَ الله إنقهرت عَشانك ..
وَ تسلم لي مَحبتك إللي ألمسها دُوم بين ردودك ، لا خَلا وَ لا عدم ..
زيت اللوز الحلو جداً مُمتاز ، أتوقع تلاقين نَتيجة أفضل مَني ، مَوفقة بتجربتك
قرائة تدويناتك اذا ما كانت مفيدة لي فهي أكيد ممتعة
لسبب ما يجذبني كلامك ما شاء الله
هالتقنية جت بوقتها لأن بشرتي جافه ومع الجو هاليومين صايرة خشنه الله لا يوريك
ان شاء الله بكره اجربها
وبالنسبه لسوزي هي مغنية تبع تيم اسمه مس اي انا ما اتابعهم لكن اسمع اختي تحكي عنهم كثير ∩_ ∩
شكراً ارتوس ❁❁
أسعد إني أشكل جزء من مُتعتك وَ كلامك يُعد إطراء بَحقي
[ أخجلتم تَواضعنا ] ..
وَالأجواء فعلاً غبار وَ الحر زايد ، الغبار لوحده كفيل يعفس البشرة ..
وَ شكراً لإضافتك الأن عرفتها زَين منكم ، لأن أنا بعيدة جداً عن هالعالم ..
نورتيني
تمت التجربه حاسه بانتعاش بعد المويه البارده حاليا استخدمت زيت زيتون عضوي المتوفر لدي وغسول بايوديرما وان شاء الله حاستمر اسبوع وتكون النتيجه حلووه ❤️ الله يسعدك artos ع الشغلات المفيده ان بحببببك من كل البي ❤️❤️❤️
إيه الموية الباردة تحسسك إن وجهك ينبض أو كأنه مَنفوخ من البراد
ماشاء الله عليك حار بَحار وَ سريع سريع ، عسى الله تناسبك أو عالأقل هالوَقت مايضيع سُدى وَ تلمسينه بجمال بشرتك ..
وَ أنا حبيتك على هالنَشاط
وَ صباحك ؛
فيه نوع من الزيوت اللي ذكرتيهم من فترة ابي اجرّبه
تحمست أكثر لمّا قريت تدوينتك وبس كم يوم وَ بروح أشتريه واجرّب هالطّريقة .
متأكّدة راح أستفيد منها ، وَ اول ما أجربها بعد مايمرّ أسبوعين بالتمام راح أوافيك بتجربتي عشان أقدر أحكم 🙂
^ راح تنشب فيك بالدّايركت لحد ماتقرين تجربتها ‘
– مزوحة ^^
وَ عافاك ربّي جميلتي ..
وَ الله من الأن تَحمست لتجربتك ..
إن شاء الله أقدر انتبه لتجربتك ، لأن ماشاء الله البنات مضيعين علي الرسايل ما أقدر أفتح الرسايل بَوقتها مرات أفتح رسالة بعد ٣ أشهر ..
وَ ياهلا بَك يا شَمّاء
سهلة كتيييير والنتائج تستحق التجربة … بخبرك بالنتيجة رح بلش فيها مع حليب جوز الهند … وناطررين كل شي منك ♡♡♡♡♡
عندي إحساس مع بشرتك راح تضبط ١٠٠٪
وَ شوفي عَندي شغلتين غريبة راح أكتب عَنها خلال هالأسبوع وَ كلها رخيصة وَ بُمتناول الجَميع
غريبه الطريقه اول مره اسمع عنها ان شاء الله اجربها
واحكيلك عن النتيجه تحمست عليها
بإنتظار تَجربتك ..
نورتيني
ياحلو حمااااسك ربي يسعدك ودامك لأول مره تطلبينا فإبشري بعزك بإذن الله لأجربها عشانك مع ان الفائده تعود علينا ربي لايحرمنا منك وبقولك رأيي بعد اسبوع
يالله كَلي شَوق بنتائجه عليك ..
وَ يازين إللي ما رَدني ، لباك يا شَيخة وَ تواجدك سواء هنا أو بالأنستا مُحبب للقلب
واشتئنااالك ؟ اكييييييييييييييييييييييييييييييد يعني اد مابطلي علينا باليوم بحكياتك ونصايحك وكل شي منك بنضل طماعين ومشتائين للاكتررررر ♡♡♡
عم احكي بالجمع لانو متأكدة كل متابعينك هيك ؛)
فَيس خَجلان ، دَخيل آلبك يا آلبي ..
مرحبا ، يعطيك العافية ع تجاربك ، مره متحمسة اجرب الطريقة بس وين محل الاغذية الصحية اللي بالعروبة ؟ لان شارع العروبة طويل اذا ممكن تقولين لي وين بالضبط ومشكوررة..
نجرب ليش لا وأقولك وش صار بعد مااشتري زيت جوزالهند 🙂
مَوفقة سلفاً
الطريقه الاولى شفتها بحساب وحده وتقول انها فعاله بس مادخلت مزاجي ولا اعجبتني بالرغم تقول بشرتها مختلطه حتى انها تنظف الميك اب بالزيت وقالت لي شهر عليها مره فعاله بس زي ماقلت ماحبيتها
بس حمستيني للطريقه الثانيه بس تصدقين اكشفت ماعندي زيوت الا زيت الزيتون البكر بس ريحته قويه ومااستخدمه الا للاكل وزيت النارجين من وادي النحل كنت ابي استخدمه لبنتي له سنه عندي وعلبته جديده اتكاسل بشي يخص الزيوت بالذات للشعر مااتقبلها بس بإذن الله اذا جربت الطريقه الثانيه اخبرك عن تجربتي خاصه انها اسهل من الاولى واسرع
اعذريني ياكثر كلامي
ويسلمو على كل شيء
أبداً حياك الله يا أسيل وَ تكلمي زي ما تَحبين هذي مَساحتك وَ توضيحاتك عفكرة مُمكن مرات تفيد غيرك
أنا أحب أعرف وَش يعاني منه الأخر أو تجاربه ..
وحابه أشكرك لمساعدتك البنات بالأنستا وَ الرد بالنيابة عَني ، شكراً من قلبي
وَ الله يخلي لك بَنوتك
جاري التجربه
شكرا ارتوس
موفقة ..
صباح النور والسرور …
لك فقده اليوم والله كأننا باردين والا الصيف عامل عمايله فينا ولو ان اليوم وصلني شيء انتي مختارته وكل ماشفته وجربت قلت ربي يسعدها الذوق …
تصدقين عاد انا من عشاق زيت جوز الهند واشتريه من المعصره استخدمه كترطيب للجسم بعد الشور عندي فاق كل الكريمات واللوشنات تحسين البشرة رطبه وممتلئه وسبحان وانا اقراء كنت ناويه اقولك مره سمعتك تتكلمين بالكومنت مع وحده عن تنظيف البشرة بالزيت وزينك ذكريتها وبالاسم بعد مافي منك ارتوس امينه ومحبه لنشر اي معلومه مفيده ومجربه درجه اولى وهذا اللي يوصلك للتميز … انا احب اجرب واحب المجربين …
لك كل الود …
مابغى يخلص الرد عين عليه وعين ع الموفي ..
وبالنسبه لطلبك تامرين امر يالقمر ماطلبتي شيء جاري التنفيذ … وراح اسوي نفس خطواتك وكمان عندي نفس الغسول وبرد عليك بعد اسبوع انا تجيني حبوب الحر بس مو دايم احيانا وقليل يادوب تذكر .
متأكدة راح تَحبينها مُجرد إحساس ، صراحة نعومة جبارة بالرغم مافيها لا سنفرة وَ لا قسوة وَ لا شيء
وَ مع ذلك تنقي البشرة
ياهلا يآهلا ، يؤ وَ الله تَحمست مدري ليه إحساسي يقول الأساس أو كولور بوب ( جالسة أخَمن )
وَ القالب غالب ..
وَ أنا حبيتك بس مو لأنك تَحبين التجربة !! لأن روحك حلوة وَ بنفس الوقت تحبين الحياة وَ مُش مملة أو كئيبة دائماً تطلعين للأفضل
وَ كل ما حاكيتك عن شيء ألقاك تعرفين يعني مُجربة للزين ، سخية على نفسك وَ تحبينها ، إللي مثلك عندي نمبر وَن ..
وَ راجعة لتويتر بشوف مُشترياتك ترى أحييك من قلب قلبي ..
كَملي الفَيلم ياقلبي إنتِ ..( أتوقع خلص الفيلم وَ أنا أرد )
ياحظي ياحظي على هالكلام شهادة اعتز بها من انسانه مثلك …
خلصت الفيلم ورحت اشوف الزيوت اللي عندي وشو لقيت اللوز المر والحلو والنارجين والخروع قلت بحط الخروع ثلثين وثلث النارجين لان بشرتي دهنيه ومسجت بهم وانا اعد من 1 الى 240 عشان اكون دقيقه وبعدها الغسول وكملت عاد الطريقه وهذاني حطيت كريم مرطب لفيسي وسيروم لعيوني انبسطت كثير راح اعتمدها باذن الله اقلها انظف بشرتي وانا متطمنه ان الخطوات صحيحه مو مهببه بنفسي لان تنظيف البشرة اكثر شيء يخوفني ….
احساسك صحيح ارواج بوب كلور اللي اخترتيهم لي يسعدك ربي اصلا احرجت مره يوم طلبتك ذاك اليوم لاني مااحب اكلف على احد ومالقيت غيرك اكلف عليها الله يصلحني …
لَبى الناس الدَقيقين ، وَ إن شاء الله مَضيعة الوقت هذي تَجيب نتيجة
مَدري شلون طلع ببالي أكملها للعيد شَكله مع كرف رَمضان بَهون ، لكن نَحتاجها خاصة برمضان أتوقع
وَ زي ماقلت لك القالب غالب ، إنتِ إللي تَحلينهم .. وَ مافيها أي كَلافة الناس للناس وَ أتوقع إلتغت بينا الحَدود
وااو عجبتني مع اني كنت زيك ما اقتنع الا بالابحاث وكلام الاطباء لغاية ما قتنعت ان الفارماستكل اندستري عاملة عمايلها وان الجشع التجاري وصل لشركات الادوية ومراكز الابحاث وكليات الطب كمان فصرت اقتنع باشياء الطبيعة واخذ البدائل بعين الاعتبار لان مرات ممكن مراكز الابحاث تذم شي ا، تهمله لمصلحة تجارية معينة مع العلم اني ما اهملت دور العلم او الطب لا ابدا بس صرت اجرب اشياء بديلة.
حجرب الطريقة باذن الله بس مفكرة استخدم زيت خروع او لوز حلو لان بشرتي معرضة للحبوب كثير واحس جوز الهند ثقيل
يعطيك الف عافية
شركات الأدوية هي وَ شركات السلاح صُحاب ..
يعني المؤامرات مَوجودة ، لكن بالتأكيد فيه شرفاء بالمَجال ..
وَ إختاري الأنسب لطبيعة بشرتك وَ لمخاوفك وَ إن شاء الله تنجح مَعك التجربة
نَورتيني
باااااااااااااااااااك بعد التجربة .
اول شيء حلو حسيته،
إن الغسول ماجفف بشرتي بزيادة كالعاده.
أنا غسولي من فيشي نفس اللي تكلمتي عنه بـ تدوينة تجربتي مع غسولات البشره الدهنية والمختلطه.
بستمر عليها الأسبوع دا إن شاء الله
وإذااماطلعت اثار جانبيه >>>>>>>>> حبوب
بأعتمدها.
شاكره لك جهوووووودك وإخلاصك بالتدوين
وإفادتنا بكل جديد.
ماشاء الله عليك .. أحلى باك
إن شاء الله تلاقين النتائج الباقية بنعومة الماكياج على بشرتك وَ حبيت ذكرك للتفاصيل
إن شاء الله أي وَحدة تفكر تَخوض هالتجربة تطلع على رَدك وَ تستفيد
نَورتيني وَ سعيدة من قلبي إنك خصصتي جَزء من وقتك للتجربة وَ ذكر تجربتك
الله يعطيج العافيه سوزي مغنيه بفرقه كوريه وممثله .. إن شاءالله بطبق هالطريقه مدام إني فاضيه
يَعافي قَلبج
وَ ميرسي للإضافة
تهقين بتضبط لي كتبت لي الدكتور جل ديفرين وبشرتي حساسه واعدم بشرتي لدرجه نفس احساس الحرق وقفته ورجعت لها اعطتني مضاد للحكه والحساسيه وكريم للمناطق المتضرره
والاشكال من اول قلت ابي شي لاثار الحبوب وكتبته لي وانعدم بشرتي زياده
فما ادري استخدم هالطريقه لاني ع دواء الان ومرهم
فيسسسسسسسس قد الدنى زعلان
بالعكس جل ديفرين جداً رائع وَ ناعم عالبشرة وَ خفيف بس مشكلته يقشر البشرة ، يعني طول فترة إستخدامه بشرتك ما تكون بأحسن حلاتها
بمجرد ما توقفينه تبدأ تظهر النتائج ، ما أشوف منه ضرر أبداً لو جربتيه مع الديفيرين ..
بس لا تجربين بزيت الزيتون ، حار عالبشرة جربي بزيت ممتاز مُخصص للبشرة
زيا جوز الهند وين احصله!
مَكتوب تحت صورة جَوز الهند
باااك بعد التجربه
الطريقه متعبه بصرااحه ويبي لها فضااوه
وجهي ملمسه غريب احس ان فيه زيت مع اني جالسه المس مافيه شي
مدري عشان شعوور غريب او ﻻن بشرتي ترطبت كويس
جنبين انفي طالع لي نفس القشور من كم يوم مع اني ارطبها على طول بس ماراحت
ماابالغ اذا قلت انها اختفت ومالها اي اثر
رغم ان بقلبي خوف من الحبوب بس ثقتي فيك ماتخيب
برجع اكمل عليها بس لما اشتري لي زيت كويس
^_^
شفتي إحساس الغرابة ؟! الوجه ناعم جداً بالرغم مافيه زيت ..
تخيلي لو أخترتي الزيت المُناسب وَ إستمريتي إسبوع وَش مُمكن يصير ؟!
ممكن الواحد يجربها قبل المُناسبة بفترة ، أو بالأسبوع مَرة عالأقل بياخذ فائدة النَعومة
وَ أكيد مَتحمسة لنتائجه عليك عقب فترة وَ يسلم لي إللي يَتحمس وَ يجرب
ياصباح الورد ..
اكيد نشتاق لـك .. ي حب ( قلوووب )
على اني متابعه لكوريا بس جديده علي هالشغله ، مخ هالكورنه هههههههههههه حتى عندهم طريقه خاصه لغسل البشره ..
المهم : جربتهآ احس بشرتي خفيفه مشدوده وخشمي صار طمطام ههههههههههه ، ي اني انتفض من المويه البارد .. تصدقين سوس جربت منتج كوري عينه زيت لهم نفس الاحساس جاني والملمس !!
ماراح احكم على طول بجربها اسبوع كامل واقولك
بس ترا جربت زيت الارقآن لان ماعندي الا هو $
شرايك فيني بس طبقت لك بسرعه
هههههههههههههههه وَ الله اليوم إشتقت لك إنتِ وَ البنات يومي ناقص .
هههههههههههههه شَفتي مَخيخاتهم ؟! ..
حَمستيني للزيت الكوري إللي جربتيه أسدحيه بجربه مَعك ، نتفاهم بعدين ببيتنا الصغيرون ..
يالله كلي شَوق ، وَ الخشم شكله طمطم من الماء البارد تحسين دقات قلبك صارت بَوجهك
هههههه ترى مافي بمثل هبتك وَ سرعتك حتى بالأنستا ، رمضان إللي فات كان حلو بَوجودك
صباح الخير ارتوسة الله يسعدك ياختي أحبك من قلبي الله يهنيك ويعطيكي حتى يرضيكي كل يوم ازداد إعجاب بشخصيتك وحبك للخير والعطاء من قلب تفيدينا عسى ماننحرم منك أما عن البوست كل مرة تبهرينا بشغلات جديدة وأنا بصراحة أميل لبوستات العناية وللفضفضة أكثر من المكياج وبالمناسبة طريقة تنظيف الوجه بالزيوت الطبيعية لاحظتها في الجيل القديم امهاتنا وجداتنا وبشراتهم ماشاء الله بالرغم من تقدم العمر فيهم لكن سبحان الله بشرتهم زي الاطفال نعومة وصفاء وعلى فكرة لاحظت يستخدمون زيت السمسم بالذات مادري ليه وغير كذا لاحظت انه يخفي آثار الحروق الحديثة دمتي بخير ياجميلة
يا حَظي بهالدَعوات وَ هالمحبة ، وَ الله يجازيك بضعف ما دعيتي لي وَ أكثر .
وَ خلاص بنكثر بوستتات العناية طالما تَحبينها وَ تميلين لها ، ما طَلبتي شيء ..
ماعندي خلفية بخصوص زيت السمسم ، بس شخصياً أحبه ببعض الأكلات وَ مع التمر أعشق زيت سمسم مَع رشة سمسم
حبيت إضافتك ياسَخية الكلمة ، وَ نورتيني
قبل فتره من المشاهير تكلمت عن زيت جوز الهند البكر وعن فؤائده للبشره لاكن ما أخذت بكلامها لاكن بعد كلامك راح اجرب وعندي احساس اني راح ألاقي نتائج حلوه متحمسة ❤️
شكرًا والله يعطيك العافيه
كَلي شَوق لتجربتك وَ موفقة سلفاً ..
نورتيني
تذكرت ان زيت نوكس الجاف موجود عندي شكلي بجربه لين اشتري زيت جوز الهند وزيت النارجين اللي كتبته مخصص للشعر يعني ماينفع استخدمه لبشرتي
لا حبيبتي لا تستخدمين زيت نوكس ما ينفع ..
أستخدمي زيوت طبيعية من الزيوت الممدوحة
ايش رايك بزيت نوكس ينفع او لاء بليز جاوبيني
زيت نوكس زيت غير طبيعي يعني مُصنع ما ينفع ، خليك على شيء طَبيعي ..
عسللللل والله
حلوة الطريقة وبجربها ويااليت تتكلمين عن المسااام الواسعه انا حاليا استخدم كريم من بايو ديرما جننتني المسام الواسعه ووو ايش افضل حبوب لنظارة الشرة عموماً ايش تنصحينا …
المهم احبك
سوري طفييت وابي انا
تصبحون علي ااحلي ماتتمنون
نضارة البشرة لا حبوب وَ لا إبر مالها فايدة ، فوائد بجيوب مُخترعيها
الغذاء وَ الرياضة وَشرب الماء ، بعدها إختيار روتين عناية يومي وَ أسبوعي وَ شهري يتناسب مَعك
راح تحافظين على جَمال بشرتك وَ نضارتها ..
راح أتكلم بإذن الله عن المسامات الواسعة بس حبة حبة ، حابة أكتب عن شغلات تأسيسية قبل لا أبدأ بَها
نورتيني وَ نوم العوافي
نسيت اقولك انا متابعتك لي سنتين اي بوست عليه توقيعك عيوني تبقق عليه وكأني امتلكت كتاب جديد بصراحة ماتشبهي اي بلوقرز عربية بوستاتك فيها عمق وشي كذا احسه يشبه روحك ياشيخة مااعرف ايش اقولك اول مرة ارسلك الله يسلم ايدينك ويحرمهم من النار
أخجلتم تَواضعنا ، صراحة ما أنتظر إطراء أكبر من هالإطراء كتاب جديد حَته وَحده
موفقة حبيبتي بحياتك وَ شاكرة لك طيبة قلبك وَ نقائك ..
فعلاً يخوني التَعبير لما ألقى عَندي مُتابعين بهالجَمال ..
ماشاءالله على مخك .. يسعدك ويسعد اللي دلتك يااارب وكمية السلام اللي فيك مو طبيعيه وادري اني مقصره واستاهل عض .. المهم وعد اجربها واصورلك .. بأمانه ماعمري شفتك مقطعه شي مدح زي هالمره عشان كذا اكسترا اكسترا حماس .. يسعدك ويرزقك اللي تتمنين .. والله اكتب وانا اذاكر
هههههههه أستغربت بس كمية السلام على وَش ؟!
وَ تقولين مَقصرة ، مرفوع عنك القلم حتى تَفضين ما ألوم أحد أبداً ..
وَ ترى تَشوقت لتجربتك ، شَفتي كيف صَدمتني وَ مدحته من قلبي ؟! عشان كذا أنصدمت لأن ما كَنت مقتنعه بس صَدمتني النَتيجة
وَ موفقة يارب ، عئبال الشهادة الكبيرة يا بت
بجربها ان شاء الله ، أنا جربت طريقه تنقيه وتنظيف للجسم قريبه من طريقتك بس البدايه التقشيرالجاف بالفرشاه بعدين زيت جوز الهند او زيت اللوز مساج لمده 5 دقائق”ونقع روب الحمام في ماء دافئ ولبسه حتى يتعمق الزيت داخل البشره” << هالخطوه ماسويتها بس غسلت جسمي بمويه دافيه وبعدها بملعقه خشبيه امررها ع جسمي بضغط خفيف اشيل بقايا الزيت والخلايا الميته من القدم ل اعلى واخر شي الشطف بماء بارد
يؤ ماشاء الله يبيلها صَبر أكيد للجسم ، بس حلوة التَجربة وَ سالفة نقع روب الحمام بماء دافي مُصيبة المصائب
بس لو بطبقها بطبقها بحذافيرها ، أشكرك يالغالية لذكر هالتَفصيل .. جزاك الله كل خير
صباع العسل الناعم 😡
اول ماشفت البوست بالانسترقام اتذكرت وحدة من عضوات شمواه الله يذكرها بالخير اتكلمت عن التنظيف بالزيت
وكيف اها عانت مع بشرتها وما ارتاحت الا لما عملت التنظيف هذا ” للاسف مايحضرني اسم العضوه ” فالموضوع علق ببالي
من يوم ماسمعتها تتكلم عنه لكن الكسل خلاني ابطل و ما اجرب طريقاها مع اني كنت متحمسة لها يمكن عشان السالفة فيها خلط
نجي لطريقتك الكوريه رحت طيران اجربها استخدمت بايو اويل لانه الزيت الوحيد المتوفر عندي حاليا وما اخاف استخدمه على وجهي
و غسولي بوندس فيه حبيبات صغيره لطيفة ، حطيت الزيت واستخدمت كمية راهيه صراحه حوالي خمس قطرات وعدى الموضوع تمام
لما وصلنا لدقيقتين الغسول حسيت في شي يجرح بشرتي !! مع اني مو قاعده اضغط اصلا يادوب احرك يدي بنعومه ” اثار الترطيب هههه ”
طبعا الخدش كان من الحبيبات المقشره بالغسول وهذي اول مره احس فيهم بهالشكل ، احساسي بعد هالطريقه حلو لاكن مو مره بالنسبه لي
كنت مرعوبه من الغسل دقيقتين بغسول و بعدهم ٤ دقايق ماي خفت تجف بشرتي ! مع انها دهنيه لكن عارفه الاحساس اللي يجي بعدها
اعتقد لو بعتمدها بغير الزيت لانه مو حق ترطيب اساسا و ايضا بجرب غسول من نوع ثاني يكون اخف وبدون حبوب مقشره
غير كذا احس بشرتي الحين مشدوده بشكل حلو وفيها لمعه مو لمعه دهن والمسامات صغيييره !! ممكن بكرا ارجع اوصف احساسي لما اقوم من النوم
واشوف بشرتيرولا خلاص ؟ ههههههههههه ادري طولت
كثرت كلام هههه يعطيك الف عافيه ولا يحرمك الاجر يارب دايم تفيدينا اقلها نفيدك بدعوه .. الله يجزيك اضعاف خيرك و يسعدك وين مارحتي
إنتِ تقصدين التنظيف بالزيت وَ لا ماسك الزيت ؟! إللي تكلم عن ماسك الزيت بزيت الأرغان بلاك روزز black roses هذا حمام زَيت
مُختلفة الفكرة ..
وَ لا تستخدمين بايو أويل لأنه زيت مَعدني من مشتقات البترول مع الوقت راح يَسد لك المسام
سعيدة بسرعة تجربتك وَ لكن جربي بغسول بدون حبيبات غسول لطيف ، وَ بزيت ملائم لطبيعتك بشرتك وَ أكيد شيء حلو اللمعة إللي بَوجهك ..
نَورتيني حبيبتي وَ مشكورة لدعواتك
شكرا ارتوس نسيت اشكرك يعطيك العافيه ويوفقك
بَعد قلبي وَ الله ..
ارتوسه حبيبتي وش الغسولات اللي تنصحين فيها للبشره المعتدله مابين دهني وجاف لاني تحمست استعمل الطريقه بس ماعندي غسول للوجه
أستخدمي الصابون إللي مَرتاحة له
وَ الغسولات إللي مَناسبتني طلي على قسم البشرة بالمُدونة كَتبت عَنها
يمكن أفضل شيء يناسب الجميع قد يكون ناتورا بيسيه ، بس البشرات تختلف اللي يَناسبني قَد ما يتلائم مَع غيري
اهلا وسهلا بالجميلة
الطريقة مره حمستني اجربها مرره .. بس انا مسويه تشقير بالليزر تتوقعين يأثر علي واتجنبه ولا عادي :/ ؟ وشكرا لك علی افادتك لنا
بعد ما تَخلصين الليزر جَربيه
بس تشقير وَ لا تقشير ؟! .. أفضل الإنتظار بكلا الأحوال
صباحو آرتوسه ألف شكر ع الجهود اللي تقدمينها وصراحةً أثق فيتس ثقه عمياء ع قولتهم من جد يعني اي منتج تمدحينه او تذكرينه او مجرد تنزلينه ب الصور حتى لو م اتكلمتي عنه أتأكد انو حلو ل انو الحلو م يطيح الا ع الحلو مثله حساباتس من اهم الحسابات عندي ل أنو انتي م تتكلمين لمجرد الدعايه وحسابتس خالي من الدعايه والإعلان الكلام كثير اختصره ب انتي جمال والحمدالله انو عرفت مدونتك علشان أفيد وأستفيد
الله لا يغير علي ، أتَمنى من قلبي أستمر على نفس هالنَهج للأبد
وَ اخجلتيني وَ الله ، وَ كانت الساعة المُباركة لما عرفتي مُدونتي وَ تواجدتي بها شَرفتيني
الله يسعدك و يخليك أن شاءالله راح اجربها و أبلغك
الله يخليك يارب
حبيبتي ، غَمرتوني بَدعواتكم وَ لطفكم
من الحماس نسيت اسال اذا هالطريقه تناسب للبشره الجافه الحساسه اعذريني معليش
للأسف ما بقدر أعرف إذا تليق بالحساسة وَ الجافة ، لأن مافي بحوث علمية
مالك إلا تجربين وَ الله يستر ، مرات التجارب لازم تَطلع من عينك وَ بعيد الشر عنك
ياأاأصباااح الحماااااس بروح ادور جده كلها عشان أجيب هذا الزيت أقسم بالله سويتي شيء مو طبيعي فيني خليتيني أفكر اصحي ابوي اروح انا وياه أجيب الزيت بس المشكله ما اعرف وين يبيعونه
ارتوسه دايما انتي رائعه وتجيبين الأشياء الاروع خلاص أن شاءالله اكتب لك تجربتي عنه قريب خاصه اني ادور شيء زي كذا ماعليه نتحمل 10 دقايق
دمتي بسعاااده
ههههههههههه بنبهذل الوالد مَعنا ، بخصوص الزيت بجدة شَوفي أماكن المواد الغذائية الطبيعية بجدة إلا ما تَحصلينه فيها
ههههههههه يازينك يَختي ، يالله كلي شَوق لتجربتك ، وَ يسلم لي حماسك
تامرين امر … من بكرة ان شا الله نبدأ
ما يامر عليك عَدو
فديت قلبك
تصدقين ارتوس
قبل فترره شفت في اليوتيوب عن طريقة تنظيف البشره بالزيت
وانا دام الشئ متوفر احب اجررب وفعلا جربتها
وحبيتها كتنظيف وترطيب في نفس الوقت بس تكاسلت بعدها
ونسيتها ودوب تذكرتها منك
اما الطريقه الثانيه بجربها ان شاء الله واستمر عليها دام مافيها منشفه هههههههه غسيل وتنشيف
بإذن الله
هُم من فترة سوا الأجنبيات تَحدي التنظيف بالزيت ماشاء الله يتحمسون وَ يتفاعلون
أما حنا تَحسين كل واحد لحاله ، يتحمسون عندنا على الحلويات لووووول ..
وَ إن شاء الله تتوفقين بَتجربتك
تحمست أجرب مره بس للأسف الزيوت ماتناسب وجهي 🙁 حتى الدكتوره قالت لي تحطين شي على وجهك دهني وهو يطلع لك حبوب ، خصوصاً توي ماكله روكتان فخايفه اجرب واحوس بوجهي ماصدقت يصفى
لا حبيبتي أسَمعي كلام الدَكتور ..
وَ إن شاء الله تحصلين على نتائج إيجابية بكورساتك ، مَوفقة ..
سويتها اول م خلصت حسيت بإنتعاش جميييل بس بعد م جفت المويه خشمي وخدودي محمرين .
للاسف من حماسي استخدمت زيت زيتون ..
مو مشكلة تبدلين الزيت بالأيام القادمة ،
وَ يسلم لي سَريع التطبيق
الله لايحرمنا منك ويخليكي لنا انا السنه اللي راحت قريت وحده كاتبه هالطريقة الظاهر بعالم حواء وبالبداية تحمست لها بس احترت بنوع الزيت صرت انظف وجهي بزيت اللوز وقت مااحط مكياج فقط مجرد اشيل المكياج فيه وبعد كذا اغسل بشرتي بالغسول بس مو بنفس المده والطريقة المذكوره اللي لاحظته ان المكياج يروح اسرع من مزيلات المكياج بدون ماتجف او تتحسس بشرتي وابشري من عيوني اجرب الطريقة هذي بعد مااخلص كورس التقشير واكتب لك النتائج وياحلوك وحلو طلبك عند استفسار عادي اغسل بشرتي وقت مرحلة الغسول بجهاز لونا
بخصوص سؤالك أنا أستبعدت لونا نَهائياً ، لأن الكوريين لهم نظرة خاصة بخصوص مُعاملة الوجه ..
فاستبعدته عادي الجهاز ما يَموت ، مافيها شيء لو بين الفينة وَ الفينه جَربته
وَ حبيت إضافتك وَ ذكرك تَجربتك .. نورتيني وَ دوم تخليني بَكلماتك لي سواء هنا أو بالأنستا
لا خلا وَ لا عدم
هَلا بالزِين ..
اَعشق هالطريقة بتنظيف الوجه ونتايجها بتثبت وقت تَوزيع الفونديشن ! فعلاً الامر بيكون خرآفي عن تَجربة
الأَجانب او خلينا نَقول الامريكان مهوسيين بتنظيف البشره بالزيت ع الاقل اللي حُولي ..
صَديقاتي امريكيات من اَصل افريقي والثانيه ايطالي فعلاً يقدرون زيت الجوجوبآ والارغان ( حرفياً بَشرتهم تِلمع ) !
استغرب لما اشوف بِنت تبعد عن التَرطيب والعذر بشرتها دهنيه !
البشرة يبيلها ترطيب بشكل روتيني حتى تكون (بِيئة نَظيفة لمكياج يُرسم رسم )
ابدعتي يائَمر والله يجعل هالاخلاص مُقدر وملحوظ الى ابد الآبدين ( قُلووب)
الأجانب برغم التَطور إللي وَصلوا له إلا أنهم مُحبين للتجربة ..
أما حنا طريقة عنايتنا بالبشرة غلط في غلط للأسف سواء بغسل الشعر وَ العناية به أو بالعناية بالبشرة
كله بكلا الأحوال تَجني ثماره عقب سنين وَ يظهر عالبشرة
مازلت أشجعك تَفتحين مدونة خاصة بك .. لأن بالنهاية الأنستا مَجهود ضائع وَ الله
انو نحنا بدنا نتخلص من الزيوت بوجهنا وانظف بزيت وجه متفاجئ اول الموضوع بس بعدين لما حكيتي عن تجربتك اتذكرت مقوله داوني بالتي كانت هي الداء زيت بزيت .عنجد برافو انك جربتي ع شان نحنا كلمان نجرب. ان شالله راح جرب وقلك النتائج بس بدي اسئلك عندي غسول سيتافيل بنشف الوجه وعتدي غسول ايفون بالصبار ما بنشف الوجه اي واحد استخدم !
بَخصوص غسول ايفون ماجربته ، بس غسول سيتافيل خفيف جداً عالبشرة وَ ما أشوفه ينظف زين
إستخدمي الغسول إللي مَرتاحه له ، صَعب أقرر بَدالك
وااو جد كلامك يحمس! سوزي عاد معروفه مخرفنة الشعب الكوري كله هههههه ماخرفنتهم من قليل ! بشرتها جد جميلة .. عاد اليوم اهوجس بوجهي لان هالفترة اختبارات ومع الضغط وكذا اهملت نفسي لا اكل صاحي ولا نوم وأحيانا ما اغسل وجهي بعد>_< بس تحمست مره اجرب هالطريقه بالذات ان عندي زيت جوز هند و ودي اسوي فيه اي شي .. باْذن الله بجربها وادعيلك ^_^
يالله تَخلص الإختبارات وَ تعوضين ..
تصدقين على إنها مَخرفنتهم ، بحثت على صَورتها وَ حطيتها وَ لو تسأليني الأن كيف شكلها ما تذكرته بس شَكلها كيوت وَ ناعمة
صراحة أشكالهم مثل الـ دول dolls
ياهلا ياهلا كل شي تدونين عنه مفيد وفريد من نوعه وهلا بالنظافه والإشراق حبه حبه
مَنورتني سارونه
انا رجعت بتجربتي الاوليه من قبل الاذان سويتها بس انشغلت مع طفلي
انا بشرتي من عاديه الى جافه استخدمت زيت اللوز الحلو بنفس الخطوات بس خطوه الغسيل بالخير خربطت فيها شوي لاني وقتها توضيت وجهت كملت غسل وجهي بالماي البارد . ماادري بس حسيت بجفاف ببشرتي بعده لما ابتسمت حسيت ببشرتي وهي تتمدد ماادري كيف اشرح ، اتوقع لان غسولي كلين اند كلير فيه حبيبات بصراحه مااحبه بس قلت هو اللي بينظف بشرتي من الزيت ودقيقتين فتره طويله للغسول هذا وبعدها رشيت وجهي بماي ورد من الثلاجه وبعدها رطبت وحبييت وجهي حسيته ناااعم ..مبدئياً راح استمر عليها اسيوع واشوف نفسي ودي اصور قبل وبعد عشان اشوف الفرق بنفسي بس ماتوقع . شكرااا ارتوس وباذن الله اذا مانسيت بعد اسبوع او اكثر وافيتك بالنتيجه وشعووري اتجاه الطريقه طبعا مع تغيير الغسول . وشكراً كثيييييير مره ثانيه ويعطيك العافيه ياقلبي
ليتك ما أستخدمتي كلين أند كلير ، الزيت بينظف حتى لو غسولك خفيف جداً ..
وَ صوري قبل وَ بعد بينك وَ بين نفسك محداً شايفهآ ..
خذي راحتك وَ لا تثقلين على نَفسك بالرد تَكفيني تَجربتك الآن وَ إجتهادك ..
مَنورتني دائماً وَ أبداً
تدوينه مميزه كالعاده أرتوسه
أول ما خلصت قراءة التدوينة رحت طبقت الطريقة حرفيا
أنا بشرتي مختلطه واستعملت غسول سيتافيل
اللي لاحظته وانا أمسّج وجهي بالزيت (زيت جوز هند أورقانيك) إنه حمّر وكأن فيه حبيبات تنزل من وجهي
بعدين لما خلصت الخطوتين الاولى لاحظت انه وجهي مصقول مدري كيف اشرح بس ان شاء الله فهمتيني هههههههه
وعيونك حمّرت مررره، بعدين خلصت الخطوات كلها لاحظت انه وجهي طلعت فيه حبه أسفل الذقن و الجبهه، وحتى نعومة ما لاحظت مجرد توريد
ههههههههه مشاكل، بس ان شاء الله راح اكمل عليها اسبوع واشوف
هههههههه ليش عيونك حَمرت !! شكلك دهنتي عَيونك أو الغسول دخل بَعينك
حَبه حبه أنتبهي على نَفسك وَ إذا حسستك إنتبهي على نفسك ..وَ الحبة ما يَمديها تَطلع بسرعة لكن يمكن وَضحها أكثر أو هيجها
ماشاء الله عليك عَندك هَمة مع هلي صَار تَكملين أسبوع ؟
وصح لما قلتي عن طريقه تنظيف الزيت بالزيت تذكرت وحده كنت اتابعها نظفت مروحه الشفط للمطبخ بالزيت المستخدم للقلي مع اسفنجه وصدق صارت المروحه صارت نظييفه وفيه من اللي ردوا عليها جزيوعا ونفعت معهم وصارت تلق بالنسبه لكلامهم .. وقتها انا ما اقتنعت بطريقتها ولكن بعد ماجربوها ونفعت استغربت لكن بصراحه ماجربت واستصعبت الموضوع . ‘اسفه عالاطاله لكن حبيت اذكر اللي طرا ببالي ‘وثااانكس اقين
بالعَكس إضافتك حَلوة ، عالأقل نَستفيد لو يوم خلصت المَساحيق نَجربها وَ نشوف
شكراً من أعَماق قَلبي .
كعادتك فضييييعه بطرح التجارب تحمسين الواحد يقوم الحين من فراشه يجربها ترا صدق ما امزح قمت ادور زيت الافوكادو و الحين ببدا اجربها ان شاءالله و بعد اسبوع انتظري طرح تجربتي
وَ مالوا ننتظر ، يَكفيني هالحَماس
لا خَلا وَ لا عدم
السلام عليكم
أهلا أرتوس
ياربببيه
أنا ليه دخلت الحين وعندي فاينل بعد شوي!!
بس ماقدر أقاوم أحبك يا أرتوس ودخول مدونتك من روتيني اليومي
بأحاول أختصر كلامي لأني بربارة بس عندي اختبار مادة Haematology “علم أمراض الدم” بعد شوي ومابعد خلصت مذاكرة 3/> TT_TT
سوزي هذي اللي تسألين عنها ممثلة كورية ومغنية بالـ k-pop هي مشهورة بجمال بشرتها، هو صراحة الكوريين بشكل عام مشهورين بجمال بشراتهم ماشاء الله، وخصوصا النجوم، لكن هذي النجمة بالذات مشهورة جدا بجمال بشرتها، ومعروف عنها انها ماتحط الا ميك اب خفييف عشان كذا انتشرت هذي الطريقة
الطريقة مو جديدة علي، لكن ماقد جربتها، اللي قد جربتها ومررررة أحبها هي طريقة الاويل كلينزينغ ميثود، لكن تركتها لأن قارورة زيت الخروع حقي انكسرت والى الآن ماشريت بداله، لأني ما اشتري الا زيوت طبيعية نقية organic and cold pressed
الزيوت اللي أستخدمها لبشرتي وشعري لازم تتوفر فيها هالشروط، أنا من أنصار الطبيعة نعم، بس مو كل شي أستخدمه طبيعي، متوسطة، أحب التوازن والتنويع، ،أحب أدلع نفسي بالمنتجات الجاهزة.
وأرتوس حبيبتي فيه شي يضايقني لما تقولين “أنصار الطبيعة” “جماعة مريم نور” أحس كلامك فيه استهزاء 🙁 أنا أحبك مرة بس هالشي جد يضايقني، يعني أنا ماقد استهزأت باللي مايستخدمون ولا شي طبيعي فليه الناس يستزأون فيني عشاني أستخدم أشياء طبيعية؟
طريقة الاويل كلينزينق ميثود مررررة حبيتها وعطتني نتايج روعة، أروع نتايج من أي غسول جربته في حياتي، بشرتي صارت تلق لق، وتوردت من جد، أول مرة بحياتي أصير متوردة كذا، كانت بالفترة اللي أستخدم هالطريقة، وبشرتي صارت صافية وناااااعمة، لكن للأسف انكسرت القارورة ومابعد شريت ثانية.
هالطريقة اللي تقولين عنها في بالي لي فترة أجربها، لكن مابعد سنحت لي الفرصة، ان شاء الله اليوم أجربها وأرد لك خبر، الحين ماقدر لأن عندي اختبار بعد شوي.
أرتوس بأقول لك شي احتمال كبير قد سمعتي عنه، اقري عن الـ Korean Skin Care Routine
أو المنتجات الكورية للعناية بالبشرة، أنا مرررررة تعجبني، حتى ان فيه مقالة قد قريتها، تقول ان منتجات العناية بالبشرة الكورية متفوقة على المنتجات الغربية بـ ١٢ سنة أعتقد، نسيت قريتها من فترة
وحدة من الأسباب ان الكوريين مشهورين بجمال بشرتهم، انهم يعتنون فيها بشكل مكثف، يعني معروف عنهم انهم ينفقون مبالغ على العناية بالبشرة فقط، مايبخلون على أنفسهم أبدا من هذي الناحية، هذا غير عن التغذية حقتهم، وطبعا الجينات، بشكل عام الآسيوين عندهم جينات بشرة حلوة ماشاء الله.
اقري عن هذا الموضوع، هو روتينهم طويل مررررررة، أعتقد ١٤ أو ١٠ خطوات كل يوم، هذا بالليل بس.
الشي الوحيد اللي مايعجبني في Korean Skin Care Routine هو خطوة الماسك، يوميا، تخيلي يوميا يحطون ماسك على وجهههم، مرتين برضو، مرة أثناء اليوم أو المساء، ومرة قبل النوم وينومون بالماسك!!! سليبينق باك korean sleeping pack
مدري الصراحة مادخل في رأسي اني أحط ماسك وأنوم فيه، مترددة أحيانا أقول ايه فكرة حلوة، وأحيانا أقول لا فكرة سيئة كذا too much
مع اني مكتشفة فكرة السليبينق باك من سنتين أو سنة “نسيت خخخ” الا اني الى الآن ماقدر أحدد موقفي منها، أنتي اقري عنها وقولي لي وش رأيك فيها؟
خلاص اوووش لازم أكمل مذاكر عطيت نفسي وجه بزيادة هذا الحين وأنا مختصرة كلامي -ـ-”
يلا بأروح أدرس أرتوس ادعي لي TT_TT
يآهلا بَك وَ موفقة بإختباراتك وَ الله زَعلتيني إنك كرستي كل هالوَقت لإضافة رَدك وَ عليك إختبار نَهائي
حلو إنك إستخدمتي الطريقة الأصلية وَ ناسبتك ، وَ حلو إنك أضفتي تَجربتك وَ طريقة التنظيف بالزيت ماهي إلا الأساس الأولي لهالطريقة
نَجي للمُهم أنصار الطبيعة هذا تَصنيفهم وَ مافيه أي مذمة لهم لما نَقول أنصار العلم أو أنصار الطبيعة بس هذا تصنيفهم الطبيعي
أما مَريم نور فَمشكوك بأمرها نعتت بالجنون ، فيه كثير فضايح طَلعت عليها وَ عادي أنا كَنت من أنصار مَريم نَور
لين أكتشفت عَدم مَصداقيتها وَ إنها ساعية للشهرة مَثلها مَثل غيرها وَ من وَجهة نَظري ، لكن كثير تَخبص وَ تستهبل ، مو لأنك تحبين الطَبيعة تَكونين مُنجرفة
مَثل ما أنتقدت الاطباء بَمواضع مَحداً زعل أبداً أنا مو مَتعصبة لأي جَهة إللي فَيهم يثبت جَدواه راح أتبعه وَ لي مَواضيع بها مُنتجات طَبيعية لكن مَيولي الطبيعي مو للطبيعة
و هذا شعوري الطبيعي عن خوضي بهالتجربة إنها مَهزلة وَ نهاية التَجربة توضح تغير رأيي .. هل أقول أنا كُنت مؤمنة بها وَ أشوفها ليست خُرافة ؟ وَ مازلت مُش مُتأكدة من صحة الطريقة علمياً
هل راح تأثر علي مَع الوقت أو لأ ؟! هَنا السؤال ..
بالنسبة للسليبينق ماسك فيه ماركات فرنسية طرحوا مثل هالأفكار ، ماسكات للنوم وَ تجديد البشرة هي عبارة عن كريمات ثقيلة مُش ماسك ماسك
ما أدري عن المُنتجات الكورية صراحة مالي هالتَجربة معها ، بما أنك شَغوفة بهالمَجال بنتظر تَجربتك مَعهم وَ بأي براندات وَ عقب بأخذ خُلاصة تَجربتك ؟
وَش رايك ؟! ..
نَورتيني يالجَميلة وَ دعواتي لك
أهلا رجعت لك ❤
أول شي بأقول لك عن الاختبار، تخيلي قالت لنا الدكتورة ان فيه ٣ محاضرات محذوفة
وكنا مبسوطين ومتشقققققققيييين لأن “أول مرة” في حياتنا الجامعية يصير فيه شي محذوف!
ولا مرة بالسنين الماضية أحد من الدكاترة حذف لنا شي من المحاضرات، دايما كل شي معنا
فيوم قالت لنا ان فيه ٣ محاضرات محذوفة تشققنا من الوناسة مع انها بس ٣ محاضرات يعني نسبة صغيرة جدا مقارنة بعدد المحاضرات الكلي.
المهم وش سوت حضرتها؟! تخيلي جابت أسئلة من المحاضرات اللي حذفتها 🙂
مو بس جابت أسئلة منها، لا! “ركزت” عليها!!!!!!
ومو بس ركزت عليها، لا، جابت أسئلة كثيرة، وكل الدرجات الكبيرة بالاختبار كانت على هذي الأسئلة، يعني سؤال عليه أربع درجات، ومليون سؤال عليه ٣ درجات، ومليونين سؤال عليه درجتين أو درجتين ونص
المحاضرات اللي درسناها جابت منها أسئلة عليها درجات صغيرة، يعني أسئلة عليها درجة وحدة، وأسئلة عليها نص درجة، وأسئلة عليها ربع درجة….احنا انصدمنا
يعني مستوعبة ان الأسئلة اللي من المحاضرات المحذوفة ركزت عليها، وحطت عليها أكبر جأء من الدرجات، وكلها علبها درجات كبيرة، ٤ درجات، ٣ درجات، درجتين ونص، درجتين، والأسئلة اللي من المحاضرات المو محذوفة ماركزت عليها، وجابت عليها درجات صغيرة، درجة، نص درجة، ربع درجة!!!!!!!!
اخخخخخخخخخخ ياقلبي TT_TT
انصدمنا لدرجة تخيلي طلعنا من الاختبار ونسبة كبيرة مننا تضحك، من الصدمة والحزن قاعدين نضحك، والبعض ساكتين مبلمين، وكم وحدة بكت 🙁
ثم يوم خلصنا من الضحك وقعدنا نحش فيها، وشبعت من الحش والتحسب عليها، قلت الحين بأروح أتهاوش معها، والبنات يوقفوني يابنت اعقلي بلا هبال بلا بلا، أصريت أروح لها، ويوم رحت لمكتبها لقيتها طالعة 🙂 🙂
ماعلي منها بأروح أطلع عيونها يوم الخميس 🙂
ياكثر بربرتي بس المهم نرجع للموضوع الأساسي
رجعت للبيت وكنت بأجرب الطريقة هذي لكن كنت مرررة مرهقة، صليت العصر ونمت، مو نوم غيبوبة هذي، ماقمت الا الساعة ١:٣٠ الليل، أستغفر الله فوت صلاة المغرب والعشاء، صليت وقعدت أفكر وش أسوي، كذا تناحة اللي توها قايمة من النوم، رحت أكلت وقعدت عاللابتوب، يوم فتحته لقيت المتصفح مفتوح على هالموضوع، لأني ما أغلقته عشان أذكر نفسي، ثم قمت وسويت الطريقة
أول شي بأقول لك طريقتي بالاويل كلينزينق ميثود بما انها الأصلية، وبما اني جربتها لفترة طويلة وجدددا جبيتها، لأن مثل ماقلت لك، نتيجتها كانت أفضل من أي غسول جربته في حياتي، جربت الغسولات الغالية حدا، والغالية، والمتوسطة، والرخيصة، كل الأنواع والفئات وماركات كثيرة، لكن الاويل كلينزينق ميثود تفوقت عليهم كلهم وبجدارة، فرق شاسع بينهم.
كنت أستخدم زيت الخروع مع زيت اللوز الحلو، وأستخدمت الخليط للبشرة العادية، النصف للنصف
جربت بالبداية الخليط الأصلي لمدة كم أسبوع زيت الخروع مع زيت الزيتون، وكانت النتيجة مرة حلوة بالبداية، ثم بعد أسبوعين طلعت لي حبوب كثيرة 🙁
وأنا انصدمت لأني الحمدلله ماتطلع لي الا كم حبة بالسنة، وفجأة طلعت لي حبوب كثيرة وبكل وجهي!
قلت يمكن هذي الـ Purging phase اللي يقولون بعض الناس انهم عانوا منها، لكن كنت مستغربة وما اقتنعت لأن الناس اللي يقولون كذا كانوا يعانون من الـ acne أو بشرتهم دهنية، أو الثنين مع بعض
قلت لنفسي بأستمر زيادة عليها، واستمريت وماتغير شي، وبعد تقريبا شهر ونص من الاستخدام وقفت، وغيرت الزيوت، ايتخدمت بدال زيت الزيتون زيت اللوز الحلو، ومرررة حبيته ناسبني جدا، وخلال أسبوع واحد فقط، كل الحبوب اللي طلعت لي من زيت الزيتون اختفت! ❤
لكن فيه عيب بالطريقة، أنتي ذكرتيه، انها غير عملية، ومع اني حبيتها جددددا ومرة ناسبتني والنتيجة خيال، الا انها بكل صراحة غير عملية أبدا
يعني تخيلي كلي يوم بالليل أروح أعبي بريق الموية ثم أحطه هالفرن وأولع عليه، ثم أطلع وعاء بايركس كبير ثم أنتظر لما تغلي الموية، ثم أصب نص الوعاء موية مغلية ونصها موية باردة من البرادة، والنتيجة تصير موية حارة أقدر أستحملها….الزبدة انها شغلللللللة
هذا غير عن جزئية المنشفة!
لكن كنت متحملتهاومتشبثة فيها لأن معجبتني النتيجة.
ثم انكسرت قارورة زيت الخروع ووقفت 🙁
كنت مفكرة أستبدل المنشفة بالشطف بموية دافية لمدة طويلة، لأني فكرت فيها وأحسها بديل منطقي!
بعد مافكرت بهالطريقة اكتشفت ان برضو فيه ناس كثير من اللي يجربون طريقة الاويل كلينزينق ميثود يقولون انهم جربوا الشطف المطول بدال المنشفة، ونفعتهم الطريقة.
فكنت مرة متحمسة أجرب طريقة الشطف، وباليوم اللي كنت مخططة أجربها انكسرت القارورة XD 😀
علي حظ رهيب 🙂
المهم نرجع لطريقة ٤٢٤
زيت جوز الهند حقي مخلص من أسبوع ونص، فيه زيت جوز الهند وادي النحل كم قارورة جديدة بالبيت أبوي الله يجزاه خير جايبهم لي، لكن ما أثق فيها هالشركة، لأنهم مايكتبون أي شي عن الزيت، مدري هل هو عضوي، cold pressed، ولا ايش، مايكتبون أي معلومات عن الزيت!!! وهذا الشي ما أطيقه، ما أحب هالحركات، وأعتبرها من تضليل المستهلك 🙂
و للأسف كل الزيوت حقتي مخلصة، مافيه الا زيت الأفوكادو، فاستخدمته هو.
استخدمت زيت الافوكادو وسخنته بيدي شوي “نفس اللي أسويه بالاويل كلينزينق ميثود” ثم مسجت وجهي بحركات دائرية مثل ماقلتي، مدة أربعة دقايق، ثم شطفت وجهي بالموية كم مرة “هالجزئية مو واضحة بالنسبة لي، أشطف وجهي بالموية ثم أحط الغسول أو أحط الغسول مباشرة على الزيت” ثم حطيت الغسول ولمدة دقيقتين قعدت أمسج بلطف، ثم شطفت وجهي بموية درجة حرارتها عادية ثم موية باردة لمدة دقيقتين دقيقتين، ثم تركت وجهي ينشف بنفسه، وقعدت كم ساعة بدون ما أحط شي على وجهي بس علشان أشوف النتيجة المبدئية، ثم بعد كم ساعة رطبت وجهي بموية ثم طبطبت بيدي لما نشف بس مازال ندي ثم حطيت التونر ثم السيروم ثم المريم وكريم العيون، يعني كملت روتيني المعتاد.
وش لاحظت بالكم ساعة بعد الغسل، بشرتي ناعمة وطرية من جد وفيها اشراقة.
لكن، بشرتي بالاويل كلينزينق ميثود الأصلية، أنعم بكثير وأطرى، وبرضو طلعت لي ٣ بقع حمراء في وجهي 🙁
متأكدة ١٠٠٪ ان الاحمرار بسببب اني ما أستخدمت غسول لطيف مثل ما أستخدمتي أنتي، استخدمت Foaming Cleanser
غسولي غسول كوري بالشاي الأخضر، Green Tea Foaming Cleanser
ومرة أحبه ❤
لكن لأنه فومينق فأكيد كان قاسي عالبشرة، هو أنا عادة أستخدمه لمدة دقيقة وحدة وماقد سبب لي أي احمرار أو جفاف، لكن اليوم كان السبب بالاحمرار.
وبرضو شي ثاني، متأكدة ان بشرتي ماكانت بالنعومة اللي متوقعتها لسبب معين، اللي هو الغسول الفومينق، لو استخدمت غسول لطيف مثلك متأكدة راح تكون بشرتي أنعم بكثييير.
راح أكرر التجربة بكرة بغسول لطيف وأرد لك خبر ان شاء الله.
اوكي الحين نجي لتحليل التجربة:
الحسنات:
– بشرتي جد صارت أنعم من العادة، ولو انها مو بالنعومة المتوقعة.
– طراوة.
– أحس بشرتي أصفى وصارت تلق، مشابهة لنتيجة الاويل كلينزينق ميثود من هذي الناحية.
– أحس بالنظافة الشديدة.
– بشرتي مشدودة، نفس نتيجة الطريقة الأصلية.
– الطريقة أقصر وأسهل من الطريقة الأصلية.
العيوب:
– ان النتايج ماوصلت لتوقعاتي، لكن احتمال لكبير اذا غيرت الغسول إلى غسول آخر ألطف بالتركيبة، راح تتغير النتيجة.
– كمية الماء المستخدمة أكثر من اللي توقعته.
استخدمت كأس موية عادية وكأس موية بارد، لكن يوم خلصت من الكأس الأول ناظرت المؤقت ألا بقى ٤٠ ثانية، عبيت الكأس موية مرة ثانية وكملت شطف، يوم خلصت من الكأس دق المؤقت، ويوم بديت شطف بالموية الباردة، خلصت الكأس وناظرت المؤقت ألا بقى دقيقة وعشر ثواني، كنت قد عبيت الكأس الأول بموية باردة يوم خلصت من الدقيقتين الأولى، كملت شطف بالكأس الثاني من الموية الباردة، ثم يوم خلصت دق المؤقت.
يعني أحتاج كأسين موية عادية وكأسين موية باردة، أكثر مما توقعت.
– الطريقة طويلة وسببت لي ألم بالظهر.
صحيح أقصر من الطريقة الأصلية، لكن هنا عورني ظهري وأنا واقفة، وأنا بربع عملية الشطف بديت أحس بألم شديد بالظهر، وانتهيت وأنا ظهري مرة يوجعني، أنا أعاني من مشكلة بعمودي الفقري للأسف، بما اني طولت وأنا منحنية عالمغسلة عورني ظهري، بينما بالطريقة الأصلية ما أوقف الا شوي، أحط المنشفة على وجهي وأنا راقدة بالسرير، فيعتبر بالنسبة لي استرخاء مافي أي تعب بالموضوع، غير تعب تحضير الماء بالبداية.
اممم بس هذي هي العيوب اللي لاحظتها، كلها أقدر أحتملها والأولى احتمال كبير تتغير، لكن العيب الأخير مدري كيف أحله، كيف ما أتعب ظهري؟ اذا عندك حل قولي لي أرتوس ❤
طريقة غسل الوجه بطريقة ٤٢٤ أشوفها مثل ماقلتي طريقة محسنة من الطريقة الأصلية الأويل كلينزينق ميثود، خصوصا انها عملية أكثر منها، من تحضير الموية والوعاء البايركس والمنشفةو الشطف لمدة أربع دقايق بكل بساطة، جدا أعجبتني الطريقة خصوصا انها تم استبدال الأجزاء الصعبة بحلول مناسبة
وبرضو شي ثاني تغير، اللي هو العامل المنظف، بالطريقة الأصلية العامل المنظف هو زيت الخروع، لكن هنا تم استبدال زيت الخروع بالغسول!
أعجبني هذا التبديل مرةو أعتقد لو ألتزم بهذي الطريقة، بأنوع، يوم بأستخدم زيت الخروع وزيت اللوز الحلو، ويوم بأستخدم زيت اللوز الحلو والغسول، يعني بأطبق الطريقة ٤٢٤ نفسها، لكن يوم بأستخدم زيت الخروع كالعامل المنظف ويوم بأستخدم الغسول، خصوصا اني أحب التنويع، أحب للنفس، وأحسن للبشرة، وحلو يوم أصير أستخدم شي طبيعي تماما، ويوم لا.
عندي ملاحظة على البنات اللي مصرين ان زيت الزيتون ممتاز ومايسبب أي مشاكل للبشرة، معليش لكن لا تعممون!
أنا شخصيا جربته وبالبداية عطاني نتايج ممتازة ثم قلب وجهي كله حبوب!
هو زيت comedogenic يعني يسبب حبوب، وناس كثييييير قالوا ان زيت الزيتون طلع لهم حبوب، فلا تعممون مو غصب زيت الزيتون ممتاز، مو عشانه مبارك الا غصب يصير ممتاز لكل شي بالحياة، العسل وهو فيه عنه آيات بالقرآن الكريم، الا أن أبوي وجداتي مستحيل يأكلون منه لأنه بيرفع سكرهم وبيصير لهم شي بسم الله عليهم، اللي تسوونه اسمه غلو بالدين، وتحيز، طيب مو شرط اذا الشي جيد ومفيد يصير كذا ٢٤/٧
الصلاة والصيام والحج أشياء ممتازة صح؟ لكن المرأة الحائض ماتسويها، لسبب الله أعلم به، لكن أتوقع انها راح تضرها.
اذا “العبادات” هذي مو كويسة طول الوقت تجون تتناقشون على زيت؟!!!
وبالنسبة لموضوع أنصار الطبيعة، أنا من أنصار الطبيعة وبرضو من أنصار العلم، يعني معقولة أصير طالبة بالمجال الطبي وما أصير من أنصار العلم؟
ومو بس من أنصار العلم، بالمستقبل بإذن الله راح أكون عالمة لي انجازات عظيمة بإذن الله ❤❤❤ أنتي ترقبيني خخخ
ممكن الواحد يكون من أنصار العلم والطبيعة مع بعض، مثلا فيه ماركات مرررة حلوة ومشهورة طبيعية مية بالمية وعضوية، لكن مستخدمين بعض تقنيات العلم عشان يصنعون تركيبات منتجاتهم وعشان يجيبون أفضل النتايج.
أحب المنتجات الجاهزة، ما أستخدم بس المنتجات الطبيعية الجاهزة، أستخدم المنتجات الطبية برضو ،المنتجات من الماركات الغالية والمشهورة، أو منتجات من ماركات عادية، زيادة على المتجات الطبيعية تماما اللي أسويها بنفسي بالبيت.
بخصوص مرية نور ما أعرفها الصراحة، بس أذكر شفتها بالتلفزيون كم مرة بطفولتي، عذرا يوم قلتي جماعة مريم نور حسبتك تعممين على كل أنصار الطبيعة وتتهزين فيهم، معليش ><"
من ناحية المنتجات الكورية، أنتي اقري عنهم، قد قريت كذا مرة انهم متفوقين على المنتجات الغربية بـ ٨ أو ١٠ أو ١٢ سنة، نسيت الصراحة، لكن ابحثي عنهم وشوفي، هو بشكل عام الآسيويين متفوقين على الغرب بمجال العناية، لكن بشكل خاص الكوريين واليابانيين، والكويين متفوقين على اليابانيين بشوووي
لكن كلهم رائعين ❤❤❤
أنا أعشق كوريا واليابان، الدولة نفسها، والشعب، وحضارتهم وكل شي فيهم تقريبا "ماعدا بعض العيوب" ❤
طبعا أنا مو عمياء، مو من الناس اللي يقولون الكوريين واليابانيين ملائكة وانهم مثاليين وماعندهم عيوب، أعرف عيوبهم ومع ذلك أحبهم جدا، ومن حب صدق هو اللي يعرف العيوب ومع ذلك يحب
عادة هالشي يقال عالأشخاص، لكن أنا طبقتها على شعبين هنا ههههههه
" من يحب حقا، حب حقيقي وصادق هو من يعرف عيوب الشخص ولكن مع ذلك يحبه" وش رايك فيني هههههههههه
بإذن الله بأسوي ليستة بأفضل البراندات الكورية واليابانية اللي أحبها، والمنتجات اللي أحبها برضو وأعطيك اياها ❤
لكن للأسف أنا الحين جدا مشغولة بالفاينلز، أول ما أفضى بأسويها لك.
ونسيت أقولك شكرا أرتوس عالموضوع الجميل جدا، خصوصا انه "كوري" ❤ ههههههههه
الصراحة أعتقد هذي أول مرة أشوفك متحمسة بهالشكل، عشان كذا كل البنات تحمسوا معك.
شكرا، أحبك خصوصا انك دايما تعطين متابعاتك من وقتك وتتواصلين معاهم و هذا الشي فيك خلى متابعاتك جددددد يحبونك ويصيرون جدا مخلصات لك ❤
وبس خخخخ معليش على كثر الكلام لكن أنا بطبيعتي بربارة وماقدر أختصر كلامي
حتى لو حاولت مايزال كلامي كثير، والدليل ردي الأول عليك بهالبوست هههههههههه
فضيعة النتيجة، يجنن الشعور اتمنى اسويها كل يوم هههههه
اول شي عطتني احساس حلو، وجهي ناعم كثير، واحسه مُشرق ، جدًا حبيت هالطريقة من الحماس رسلتها لكل اللي اعرفهم لول.
خصوصاً انا مع الإختبارات وجهي يحبب كثير، ان شاء الله استمر عليها واشوف هل فعلًا بتختفي ولا لا .
بس سؤال الغسول احطه فوق الزيت واغسلهم مع بعض ؟
هههههههههههههههههه حَبيت
بالنسبة لسؤالك هو صراحة مافي تَفصيل أنا دفيت وَجهي بشوية موية وَ رغيت الغسول بيديني وَ مسجته أبو دقيقتين
إن شاء الله تفصيلي يَكون واضح لك ..
في البدايه استصعبت الطريقه شوي النتيجه تحمس 🙂
ونجرب واحنا نقدر نقرا شيء كتبتيه ولا نسويه ❤️!!
مَثلك تقريباً ..
أخجلتيني وَ الله
السلام عليكم يا أرتوسة
أولاً قولي آمين ان الله يسعدك سعادة الدارين ويحققلك اللي تتمنيه
ثانياًدوبي خلصت تنظيف وجهي بالطريقة الكورية المستحدثة ومبدئياً حاسة بانتعاش بس يارب يدوم ويصير وجهي يخفف من افراز الدهون لأني صرت متوترة جداً تخيلي اقوم من النوم ألاقي جبهتي وانفي ودقني مدهنة وتلمعوخدودي عادي مافيها دهون ولحد الآن نفسي في برنامج يومي أسيطر فيه عالدهون وأوحد لونه شوري علياواكسبي فيا ثواب
ثالثاً شكراً إلى ما لا نهاية❤️
ياهلا بَك يا هلا ..
آمين وَياك ياقلبي ، آتمنى فعلاً تجدين نتيجة ملموسة من خلال هالتَجربة
بالنسبة للبرنامج اليَومي حساب حياتك وَ طلعاتك ، لكن بحاول أخليه من أولوياتي بالفترة القادمة وَ أطرح لكم مَوضوع قيد يلهمكم
نورتيني
ابشري والله انتي تامرين امر،، بجربها تحمست مرره خصوصا اني اهملت خشتي هاليومين
صياحك سعيد
انا من فترة عاجبتني فكرة المنشفه وطبقتها كذا مره جددا بطله خصوصا اني بشرتي دهنيه والتي زون بزياده ، لكن في الليل اكيد رح اجرب طريقتك واستخدمت زيت اللوز الحلو ،
ارتوس ممكن سؤال ؛ بنتي عمرها ٩ سنين والله عمري ماخليتها بدون ترطيب لكل الجسم لكن جسمها مو موحد ( الركب والاكواع ومكان الاندروير) كذا محدد بأسمر ، مهتمه فيها جدا وابغاها تتعود تهتم بحالها .. ايش استخدم لها زيوت ترطيب للجسم وتناسق لونه
هي لونها حنطي عشان كذا التصبغ كثير اعتقد
ياهلا بَك بخصوص بنتك صراحة مالي خبرة بالأطفال
لكن الأن إجازة وَ فرصه تهتمين بها ، يمكن الدراسة مأثرة بطبيعة جسمها وَ مازالت طفلة تلعب وَ ما تَحاسب
لكن شيكي زيادة على خامة الملابس ( خاصة لما قلتي الأندروير ) .. يمكن الاحتكاك بالملابس مأثر وَ لا تتحملين بزود بعدها صغيرة ، تكبر وَ تبلغ وَ كل جسمها يتغير وَ تحلوآ
إهتمامك حلو أكيد ، شوفي منتجات بايوديرما للأطفال بس أنا مو مجربتها لكن قد تفيد وَ إذا سويتي كل شيء ممكن تكون طبيعة وراثية أو لما تبلغ تخف هالمُشكلة
وَدي أفيدك لكن زي ماقلت جربي لوشن بايوديرما للأطفال وَ شوفي وش يصير !!
رحت أجربه كل شي عندي
(زيت الأرقان + غسول جونسن تقسير ناعم) واستخدمت كاس مويه حار وكاس دافي
وطقوسي مختصره كريم QV بس العين احط لها نفس الكريم عادي ؟ ماعندي شي لها 🙁
احس بشرتي تتنفس نظافه حبيته وبستمر عليه إن شاءالله
وش الحكمه انو مانشف البشرة ؟
ربي يسعدك ويجزاك خير انتِ واللي علمتك عليه ق1
< وحليب جوز الهندي في شعري هههههه أول تجربة عندي اوف عن الاختبارت قلت خليني اتسلى بمفيد
العين يقال يمديك تستخدمين كريم الوَجه بس أنا أستخدم كريم مَخصص للعين ..
وَ حبيت إن الطريقة عَجبتك ، بخصوص عدم تنشيف الوجه ممكن خوف من بكتيريا المناشف وَ ممكن عشان البشرة تتشبع بالرطوبة على حَد قولهم
لكن فعلياً تنشيف الوجه ممكن تنشف الزيوت الطبيعية بالوجه وَ البعض يقول إن البشرة الدهنية من المفترض ما تتنشف بالمنشفة لأن بقاء الماء بالوجه يقلل من الدهنية
[ فيه تناقض شديد بالروايات .. وَ الله أعلم ] لكن أنا بعادتي ما أنشف وَجهي أكثر إنتعاشاً
هههههههههههه وَ نعيماً مُقدماً ..
فعلاً الاجانب يحبون التجربه ويبحثون دائماً على روتين عناية يومي غير ُمكلف! العرب العكس لازم شي غالي مع ان اللي مايكلف مِش شرط يكون منتج مُصنع بمواد رخيصه او خطيرة ! ممكن منتج اقتصادي طبيعي بعيداً عن المخاطر والحيرة بـ اِتخاذه عنصر لروتين العناية !
دائماً بعد فتره من تعليقي ارجع اشوف تردين علي او لا لاَن ادري تعطين وتعطين من وقتك للبنآت! اسم الله .. لابد لك مُميزات تُكتب بالبايو او بملف تعريفك هنا للتميز بينك وبين غِيرك وحتى تَعي المتابعة هي تتعامل مع مين يصير تُقدر جهودك ويُعرف اخلاصك اَكثر واكثر .. ( ما اَروعك)
فتحت مُدونة بعدها بيور ، اجازة واغراءات الإجازة تخليني اَنشغل عن تنسيقها حَبتين ..
وَ الله دُوم تَخجليني .. صراحة لا أسعى للإنتشار أكثر فأنتوا إللي عرفتوني تَكفوني
يعني خلاص حافظيني ، صَح أتمنى المَعلومة تنتشر بس من خلالكم مو من خلالي .. الشهرة حلوة لكن تغير نَفوس من حولك وَ أنا ما أضمن النفاس
نَفسي ماراح تتغير لأن أنا عايشة حالة سعادة خاصة فيني محداً يعرفها وَ مستمتعه بَها ..
وَ يالله إذا فتحتيها بلغيني خليني أشَوف أفكارك ..مَفروض راعيين الفَكر هم إللي يبرزون
وَ إنبسطي بالإجازة ..
شي يحمس خصوصاً اني محتاجه شي جبار هالفتره من الاختبارات اذا شفت وجهي بالمرايه اتخرع من نفسي 🙁 يادوب احصل وقت انظف وارطب لا ماسكات ولا غيره مع انه الماسكات الجاهزه توفر وقت بس سبحان الله العجز .. انبسطت يوم شفت ردك على وحده فوق وقلتي بتختمينها بالديرما رولر ، من فتره كان نفسي اقولك انه ( بالرغم من تجارب الكل الناجحه مع الديرما رولر ما نستغني عن تجربتك )
وَ أنا أنبسطت أكثر إنكم مُهتمين بردودي داخل التَدوينة
أكيد الديرما رولر من أولوياتي بإذن الله ، نَورتيني وَ موفقة بإختباراتك
يارب تسلّم لنا هاليدين يارب
إستمتعت كالعادة بهالتدوينة الرائعة وهالطريقة مشابهه جداً لطريقة layiring اليابانية
بس اللايرينج الياباني خطواته أكثر تعرفين اليابانيات يحبون يدلعون بشراتهم وتحسينهم فاضيات بقوه
مبسوطه واجد هاليومين مدلعتنا بزياده يا حوبي لك ❤️
وإن شاء الله دوم
ياهلا بَك .. وَ حبيت إضافتك أكيد تَثري المَوضوع
وَ ماشاء الله اليابنيين من خلال مَعرفتي بكم وَحدة فيهم أكتشفت إنهم شَعب نظيف بزيادة وَ دقيقين بَزيادة
فأكيد طَريقتهم بَتكون غير شَكل ، بكلا الأحوال الثقافة الأسيوية مُتشابهة لكن فعلياً اليابانيين أكثر حَلا وَ تميز بشرق أسيا ..
نَورتيني
بصراحه ماتفق معاكي عن زيت الزيتون
لانه وصانا الرسول عليه الصلاة والسلام فيه
كلوا منه وادهنوا به فأنه من شجرة مباكر الحديث
طيب القرآن برضو أوصانا بالتَمر هل إللي فيه مرض السكر كويس ياكل تَمر !! ..
وَ هذا ليس رأيي بَخصوص زيت الزيتون هذا رأي الطب ، تبين تآخذينه خَذيه ما تبين شيء راجع لك
أتبعي إللي تَرتاحين له ، ما يَحتاج يعني تَزعلين نفسك وَ تكدرين خاطرك وَ تدخلين علي بهالأسلوب كأني قلت شيء حَرام !!
قَولي لا أتفق مَع الطب .. أنا مُجرد ناقلة لكلام عَلمي وَ ليس بحث سريري تَم من خلالي شَخصياً
يعني مالفت نَظرك بالمَوضوع إلا زَيت الزيتون !!
اسفه اذا فهمتي اسلوبي بطريقة ماكنت انا قاصدتها
كلامي على انع الرسول وصانا فيه
لانه ماينطق عن الهوا فلما يقولنا ادهنوا به اكييييد مابيضرنا
ومسأله مرضى السكر مسأله خااااصه
وَ ليش مسألة مرضى السكر مسألة خاصة وَ مسألة إللي يعانون من حب الشباب مسألة تافهة !! حب الشباب مشكلة ليست سخيفة أو هينة
فيه مراهقين أصابتهم العُزلة بسبب حالة وَجههم ..
نقطة أخرى مُهمه الدين كله أوصانا بماء زمزم مرضى الكلى وَ الأملاح ممنوعين من شربها !! ..
لو مرضى الكلى أتبعوا نفس كلامك وَ تعصبك للشيء بدون الأخذ بشواذ القواعد كان ماتوا
نقطة أخرى الأذان مُهم للمسلمين وَ ذكر الله يريح القلب ، لكن بعض مرضى التوحد ما يقدرون يتحملون الأذان وَ ممكن تجيهم أزمة لأن الصوت العالي يأثر بهم
لكل قاعدة شَواذ وَ تؤخذ بالحسبان ..
وَ الأهم مَوقعي مُش إسلام ويب ، لا تَدخلين بَمجال مو مجالي ، أنا مش رجل دَين لكن هالشغلات إللي طرحتها أمامك شغلات يعانون منها الأطباء
وَ يمنع بالمستشفيات دخول مثل ماء زمزم للمرقدين بحالات الفشل الكلوي وَ .. إلخ وَ الدكاترة يومياً يبترون بأشخاص بنفس تفكيرك بخصوص التمر وَ العسل
لأن صابتهم غرغرينا بأعتقداهم إن العسل وَ التمر داء لكل دَواء ..
لا تَقولين مسألة السكر مسألة خاصة ، ترى طبياً كثير شغلات لا تتناسب مع الجميع وَ حطي بالإعتبار الناس إللي عندهم حساسية
فيه ناس عندهم حساسية من الموية ؟! تصيبهم بحروق مابالك بزيت زيتون وَ عسل وَ تمر ؟!
لازم تَكونين مرنة ، يعني بتقتلين الناس وَ بتورطينهم بتتحملينهم مَسؤليتهم ؟! وَين المَنطق وَ ين التحليل وَين المرونة
*مباركة
ياسلام عليك ارتوسه❤️شكرا جزيلا على كل هالجمال اللي تقدمينه لنا والتجارب اللي تشاركيننا فيها..ممتنة لك من قلبي..تحمست وجربت الطريقة توابزيت الارقان العضوي لان ماعندي غيره الآن..أقدر أقول أنا منذهلة من النتيجة❤️الزيت مايناسب وجهي أبدا بحكم المسام لكن هالمرة أحسه نظيف ومشدود ومافيه أي أثر زيتي مثل ماتوقعت..أكتب لك ووجهي لسا مانشف من المويه ههههههه مرة ثانية شكرا جزيلا
يا زَينك وَ يا زين حَماسك ..
ماشاء الله سريع سَريع كتبتي لي وَ وجهك مَبلول ، وَ الحمدلله إنه ناسبك ..
ميرسي يا قلبي على ذكر تجربتك بهالسَرعة ، لا خَلا وَ لا عدم
باك بعد التجربه
وانا احضر العده للتجربه قلت ام عشرين دقيقه وش تطلع هههههههه
بس بعد التجربه لاء ابداً مستعده اجرب ام عشرين دقيقه ، حسيت الموضوع ريلاكسيشن اكثر من تنظيف
استخدمت زيت جوز هند واخذت فره عالبيت وانا امسج ما وقفت عند المرايا عشان ما احس بالوقت ( عاد البيت فاضي الكل طالع دوامه قمت اطلق مواهبي الاوبرائيه لوووول ) وللتغسيل انا من فتره استخدم صابونه افريقيه واستخدمتها اليوم كمان
حبيت النعومه واحس وجهي مَجلي جَلي مو حي الله تغسيل
برجع اكتب رد بعد اسبوع بإذن الله :*
شكرا من القلب
ههههههههههه حَتعرفين بعد أقل من ١٨ ساعة تقريباً ..
ههههههه حبيت مجلي جَلي ، مُمتاز أستمري وَ إن شاء الله ما تَطلع لك أثار جانبية وَ تتوفقين بهالتَجربة
لما قلت مسأله مرضى السكر مسأله خاصة
يعنـــــــــــــي
التمر بصفة عامة ماتجي اتقولي مضر اتقولي مفيد الا لفئة خاصة وهي مرضى السكر
زيه زيت الزيتون انقول بصفه عامه مفييييد ولكن
فئة قليلة ماينفع لهم
طيب أنا وَش كتبت ؟!
– زيت الزيتون وَ زيت جوز الهند : يناسب جميع أنواع البشرة بس ممكن يسد المسام يعني يستخدم بالخلط مع زيوت أخرى والأفضل تجنبة لانه مصنف من الزيوت الـ [ comedogenic ]
يعني ممكن يسبب حبوب وَ بثور وَ يسد المسام
خلاص هَذي حقيقة عن زيت الزيتون ، هل كتبت يمنع منعاً باتاً أستخدامه
ما تَحسين الشيء إللي جالسة تَسوينه غلو ؟!
لا حبيبتي ما اشوف انه غلو
لانك الى الأن مافهمتي علي
وكلامك بصفه عامة عن اليزت وليس فئة معينة
ماشالله مادام اعجبتك النتايج لهالدرجه اكيد انها طريقه روعه مافي شك
ان شالله باذن الله مو اجربها الا باتبعها
شكرا من قلب
إنها الثَقة يا عآآلم
أتمنى فعلاً تتناسب مَعك وَ مايكون لها أي أثر جانبي ، نَورتيني
ونفس الشي لماء الزمزم مفيد ولككن لفئة معينة ماينفع لهم وهم مرضى الكلى وهكذا دواليك
اتمنـــــــــى فهمتي علي
ولا تأخذي موقف ماحايد اذا احد خالف رأيك
فأن اختلاف الرأي لافسد الود
طيب نفس الشيء ياقلبي ،، أنا قلت مش مفيد للأكل !! قلت مُش مفيد بإستخدامات أخرى ..
يرطب لكن يسوي بَثور وَش الشيء الصَعب ؟! حرام وَ الله لو برجع بكل شيء للأمر الدَيني هذا إسمه إثقال وَ تكريه وَ تكفير للإنسان بدينه
صَدقيني لو كل إنسان سوا زي إللي سَويتيه لي الآن بالمَوضوع عَمره محداً كتب ، كلامي مُش قرآن أو أيات يُستدل بها ..
هذا إسمه مُغالاة بالدَين وَ أنا أبيك هالمَوقف تنقلينه لشيخ تثقين به ، وَ خليه يَعطيك رأيه أفضل ..
مين قال انه خليته امر ديني
والله ياناس مادخلت الدين بالموضوع
كانت عندي فكرة مغايرة وحبيت اشارك فيها
قال الرسول صلى الله عليه وَ سلم ( لا تمار أخاك )
وَ إللي تَسوينه بالضبط مثل ما نَهى عنه الرَسول ، فقبل لا يطبق بزيت الزيتون يُطبق بتطبيقك لهذا الحديث
وَ الله يهديك وَ يصلحك
ياحبيبتي
والله وانتي ماحلفتيني كان الموضوع ودي وحبيت اقلك عن الزيت
بس انتي هاجمتيني ماكن يحتاج هذا كله
واعتذر اذا اخطأت
هذا الللي اقدر اقوله
واتمنى عفوك
جزاك الله خير ، شكراً
تبقي ارتوس الللي بشكرها وادعيلها من كل قلبي
رجاء اذا تقدري تحذفي كل تعليقاتي اللي فوق احذفيها رجااااااااااااااااااااااااء
لا مافيها مُشكلة حلو تضل وَجهات نظر الجميع ، وَ هذي وجهة نظرك وَ لك أحقية الطرح
ومو مزعلتني أبداً
عن جد تركت لب الموضوع وانشغلت بشي ماكن يحتاج انشغل فيه
مع انها جات متأخر بس بضروا حقولها
تشكري على الموضوع وبجد استفدت منه
قمت اجررري اجربها ❤️
مبدئيا بس حسيت وجهي بمناطق محمر شوي مع اني فركت بخفه و شويه حرقان بعد ماحطيت الغسول الي هو بايوديرما
و بنجرب اسبوع كمان و ان شاء الله خير
ارتوس ❤️
الله يجزاك خير و ينفع بك ويسعدك قد مانفعتينا ❤️
لا تفركين بقوة مجرد تمليس بحركات دائرية وَ بنعومة
وَ إن شاء الله تكون النتائج إيجابية ..
آمين وَ لك بمثل ما دَعيتي لي
والله الطريقه فعلا غريبه
عاد ذاك اليوم كنت بسوبرماركت عند قسم الاكل الصحي
وشفت زيت جوز الهند قلت بنفسي غريبه ارتوس ماقالت لنا نسوي فيه ماسك للشعر
استغربت انج اختري حليب جوز الهند مو الزيت
راح ارجع اشتري الزيت واجرب طريقتج بإذن الله
بالنسبه للاسيويات انا اشوف ان خلقه بشرتهم مساعدتهم حيل
يعني ماشاء الله جد شي واااااضح فيهم
ارتوس ياليت تكلمينا عن العدسات لان صار سوقها هالايام قاااايم بشكل اوفر
من شفت علبتج وخاطري اعرف تفاصيله
انا اخاف من لبس العدسات ذاك اليوم لبستها وطارت بعيني
فكني الله ماصار لعيوني شي
خاطري اجرب طريقة الملقط بس مااعرف له
هالزيت أنا أستخدمه ببعض الأكلات وَ أستخدمه ماسك للشعر بس نادراً جداً جداً
لكن جبته للأمانة عشان الأكل وَ يوم سمعت عن غسل الوجه ٤٢٤ جربته وَ أعجبني ..
تبين نوعية عدسات مُمتازة !! وَ لا تبين تعرفين معلومات عن شيء آخر
بالنسبة للعبوة ما تَخوف بحاول أضيف مقاطع حتى لو عالأنستا ، لكن لا تتخوفين مَنها العدسات كلها ما تَخوف
اهلن ارتوس بالنسبه للحبوب اللي قلتلك هي حبوب حمراء جدا ومافيه قيح ولاصديد ابدا بس بقع حمرا وتسلخ والممرضه رفعت الدرجه حتى ماقدرت قلتلها تحررق الدرجه اتوقع ١٠ والجهاز جنتل ليزر برو.. وبس للان المنطقه فيها الحبوب تقريبا اليوم دخلت اليوم الثاني بس انا ابي كل شي بسرعه ومن قبل طلع عندي حبوب واثار من طريقتي استخدام الشفره الغلط وسببت اثار للان ماراحت وقلت بحط كريم وايت اوبجكيتيڤ بايدورما وقعت بمنتجات بايدورما ومزيل الميك اب بسببك دايم تقولين لنا على اشياء مفيدهه مره والله نحبك هههههه :$
تذكري إللي يجي بسرعة يروح بسرعة
مافي بإستشفاء الجلد عملية تسريع لازم تَعطينه فرصة خاصة إنها مَنطقة داخلية فخليك على مَهل أفضل
مُمكن تسألين الصيدلي عن كريم أكوافور من يوسيرين وَ زي ما قلت أسألي ، مُلائم لحالات الكشط وَ التسلخ
صباحك ورد و انتعاش اتوس
اممم تعرفي .. انا من فترة استخدم طريقة التنظيف بالزيت لمرة وحدة فالاسبوع .. بس ما اسويها 424 .. انما عشوائي .. بس بالضبط نفس الخطوااااااااااااااااااات
و مرات اسويها زيت جوز الهند الاورجانيك و مرات الارجان و الاثنين عجااااايب
شكلي ارجع اتبع خطواتك .. و اشوف النتيجة .. بس هالمرة بسوي شي .. بوقف اللونا مثلك .. و بستخدمها بالليل .. و بستخدم الكونجاك اول الصبح و بستمر عليه لمدة متواصلة يومية ان شاء الله
بس عندي سؤال .. انا استخدم بيتا هيدروكسي ( سايساليك) عشان المسامات و التنظيف الدكتورة من اوباجي وصفته .. هل من الممكن انه يضيع شغل الاحماض و لا عادي ؟ اممم احس عادي صح ؟
وَ الله مُمتاز وَ طالما قلتي عَجايب أسعدتيني ..
وَ شكلك عازمة بَقوة ، يالله عاد جربي وَ بنشوف شلون النَتيجة وَياك ..
ما أحسه بيضيع شغل الأحماض ، لأن مافيه أي مادة كيميائية مُتناقضة بالعَكس شخصياً أشوفه راح يساعدك عالتخلص من الجلد المَيت
وَ إنتِ سلفاً مجربته ، فجربي أسبوع وَشوفي وَش الوضع بالضبط ؟!
يعني ممكن نستخدمه كماسك للشعر بين فتره وفتره
شعري يبيله تغذيه … حتى امي ذاك اليوم تهاوشني عليه
العدسات .. والله كيفج الامر متروك لج يعني ماشاء الله عليج
كل مواضيعج شامله
بس اهم نقطه طريقه اختيار اللون الصحيح
انا جدا عليميه بالعدسات حتى ماعرف شنو الفرق بين نتيجه العدسه المحدده واللي من غير تحديد
وبالنسبه للعلبه انا دخل مزاجي الملقط ودي اجربه احسه اسهل من الاصابع
العدسه لمه طارت بعيوني وطلعت بعد جهد لقيتها مجفوسه تخيلي ( منطوي طرفها )
أنا وَ الله أذكر شعرك حَلو ، زيت جوز الهند البكر مُمتاز للشعر بس لا تبالغين بإستخدامه
لأن فيه تفسير علمي مَطول بخصوص الإستخدام المُستمر وَ الدائم له ، فإنتِ إستخدميه بتقطع
وَ شفتي الحركة إللي صارت لك بعيونك صارت لصديقة لي وَ كان عبالها نَزلت العدسة
طبعاً هذا يعتبر غلط مَنها ، شلون عبالك نَزلتي العدسة ؟! طيب ما شفتي العبوة فاضية
وَ ضلت فيها العدسة أسبوع وَ نفخت عينها وَ هي مجفوسه عقولتك وَ المشكلة عدسة ملونة مش عدسة نظر شفافه ..
بالنسبة للون يعتمد عالذوق بس فيه عدسات لونها بيج مُمكن تعجبك .. راسليني عالأنستا وَ بنختار سوا وَ متوفرة عندكم بالكَويت
الله الله ارتوسه موضوع عن ال skin care الكوري 3> حركتي هذا الصنم اخيرا >3>
ههههههههههههههههههههه ..
نورتيني وَ أحلى صَنم
ايه صح نسيت اقولك يمكن عشان قربت الدوره الشهريه صار المكان حساس بزياده ؟ يعني المفروض تجيني اليوم او بكره مدري 🙁
إستهدي بالله ، على هَونك بالبشرة
كلامك صَحيح ، وحَسيت فيك لما تقولين انك سَعيدة سعادة خاصة فيك ( محلاك) وانا مااتكلم عن الشُهره على فكرة .. الشهره ممكن تجي بليله لأسباب مضحكة او ما مِنها رجآ!
انا اتكلم عن نفس المُتابعات الحاليات تستاهلين تكونين مُعَرفة تماماً على اِخلاصك وحُسن ردك بتفصيل شَديد اسم الله .. ويمكن هالشي اصلاً مو ناقصك منهم ( لكن من كُثر ماانا اقدر بشِدة اخلاصك ابيلك الاكثر) تخيلي هالجُملة بفيس مُبتسم بعيون دامعه من رَسم اِنمي لووول
نادرة انتِ والله
المدونة فَتحتها يبيلك بعدين وقت تروقين تشوفينها ومية اهلاَ وسهلاَ
حبيت لما قَلتِ الشهرة قد تأتي بليلة لأسباب مَضحكة أو مامنها رجا ( أصبتي ) ..
هههههههههههههههه أخلجتيني وَ أطريتيني ، وَ بدون كَتابة إللي يَتابع متأكدة يعرف وَ يثق
وَ فعلاً ترى كون عندي إنسانة مَثلك يَغني وَ يعني لي الكثير وَ يحفزني ، وَ تدرين أنا أكثر شيء ألمسه لما البنات يجربون شيء وَ يقولون لي وَش رايك ؟!
مرات يكون الشيء بقمة الروعة وَ عاجبهم بس يسألوني أنبسط ، لأن فعلياً رأيي غير مُهم بس تَعودوا علي ، هذا دليل ثقة ..
وَ أكيد أروق على كَلامك وَ كلي شَوق لها
الله يسعدك يا رب…
جدا حمستيني .. أحسك قليل تتحمسين بس إذا تحمستي تتحمسين على حاجة تستاهل ..
وعد أجربها وأوثق تجربتي لأنها أبهرتك أكيد راح تبهرني ..
وَ أنا أثق بتجربتك لأنك حيادية بالنَقد ..
وإن شاء الله تتلائم مَعك ..
تجربة تحمس..صراحة..
خصوصا اني مهملة تنظيف بشرتي هالفترة
أجل لو ناسبتك راح تَشوفين فرق كَبير ..
موفقة
جات هالتدوينة بوقتها ، قبل فترة رجعت من مناسبة ومالقيت حل أشيل فيه المكياج إلا زيت الزيتون وأمسح فيه ما أدري كم دقيقة بالضبط ، المهم إني بعد ماخلصت حسيت بشعور الهم على وجهي و قلت يمكن باقي شي ورحت غسلته بغسول ونمت . وأول ماقمت الصبح جد كانت بشرة وجهي لطيفه جداً . وش السبب ! الزيت زيتون هو السبب؟ ماكنت عارفة وش السالفة بالضبط . بس أول ماقريت عنها هنا إن شاء الله أجربها على بينة وطريقة صحيحة ، شكراً لك من الأعماق
لا مو زيت الزيتون نفسه إنما الترطيب إللي فَيه
يعني لو إستخدمتي زيت مناسب لطبيعة بشرتك راح تلمسين فَرق أكثر وَضوح
زيت الزيتون فيه نسبة حموضة مع الوقت يَسمر وَ يسد المسام
نَورتيني وَ إن شاء الله يتناسب مَعك
جاري التجريه بأذن الله
ربي يسعدك
ياهلا بك يا هُدى نَورتيني
اولا أحب أشكرك ع كل تدويناتك السابقة
ثانيا الطريقة روعه و ع طول جربتها بس بزيت السمسم
ايش رأيك فيه استمر عليه ولا استخدم زيت ثاني
لاحظت شد الوجه بعد ما نشفت المويه بس برضو البشره طريه
** بشرتي مختلطه
العَفو حبيبتي ..
إذا زيت السمسم مَتناسب معك خلاص إستمري عليه ، لأن فيه كثير بنات قالوا لي إنهم جربوا بزيت السمسم لأن هو المَتوفر عندهم
وَ ناسبهم ، لكن أنا ما جَربته
هو هذا مافي البشرة جفاف أبداً وَ بنفس الوقت نظيفة وَ مثل بشرة الطفل بطراوتها
يسعد صباحك
خجلتيني والله بكلامك بصراحه احاول اتجنب الرد بس اوقات اذا سؤال عام وليس شخصي ارد عليها لان احس ماتلحقين تردين ع الكل واقدر لك اهتمامك بالمتابعات جد والله مو مبالغه بس انتي اكثر وحده شفتها تهتم بالرد ع الاستفسارات
وبالنسبه للزيت زين نبهتيني كنت بهبب في عمري بس قلت اشوف رايك اول يعطيك العافيه ع التنبيه
وَ الله مَقدرة حُبك لمُساعدتي وَ هالشيء حاطته بعين الإعتبار وَ مهتمه له
فتستحقين كل كلمة شكر تنقال بَحقك ..
نَورتيني
ارتوس!
اول مرا اشوفك تمدحي شي بهالقوة! حمستيني بشكل!
والله جري جري بجربها ياريت لو عندي الزيت الان
اليوم اشتريه وابدأ ولي رجعه اكتب النتائج ان شالله 3>
يازييينك 33>
هو فَعلاً أول مَرة ، لأن ما كَنت أتوقع وَ شفت بعيني
فرأيي نابع عَن صَدمة وَ متأملة إنه يَعجبك
نَورتيني
تسلم يدينك ع الموضوع الجميل ❤️
حمستيني اجرب
لكن ماتتوقعين ان النتايج الحلوه من الزيت الي استخدمتيه ؟
ودي اجرب بنفس الزيت الي استخدمتيه ، ان شاء الله اجيبه واجرب
وَ الله يَجوز يكون السر بجوز الهند لكن زي مايقولون الخبراء إن زيت جوز الهند غير ملائم
لكن الطريقة الكورية كانت بجوز الهند أو زيت اللوز فأنا جربت بزيت جوز الهند لأن هو المَتوفر عَندي
السر بالطريقة برأيي ، وَ موفقة بتجربتك
مو ضروري تنشرين ردي..
…بس حبيت اعقب على ردك.كمعلومه…بما اني قرايت عن هالطريقه كثير..يسمونها التنظيف المزدوج..او مثل ماكتبتي4.2.4.مو شرط زيت جوز الهند ..اي زيت متوفر حتى زيت زيتون اوجوز الهند اوفي مثل ماقلت لك في رد سابق ..انه في ذا فيس شوب منتجات خاصه بهالتنظيف المزدوج او انت تختارين من عندهم زيت التنظيف المناسب للبشرة..والغسول استخدموا رغوة تنظيف ومتوفر في ذا فيس اشكال وانواع بحسب نوع البشرة ..بما ان الطريقة كوريه اخذت منهم ..واذا مو متوفر زيت تنظيف ممكن استعمال اي زيت متوفر ..ومعلومه عن ا الزيت زيتون تراه مفيد للبشرة خاصة الاصلي غير سبحان الله عن اللي بالسوق بس اللي بالسوق يعبر حاله ممكن نستخدمه..او نخلطه مع زيت ثاني..ودام اصلا حنا بنغسله برغوة او غسول.. يعني بس اربع دقايق ع الوجه بكذا حنا ناخذ فوايد الزيت الزيتون وماراح نتركه على البشرة..لان الزيت الزيتون مفيد في علاج الخطوط والتجاعيد واشوف له تجارب باليوتيوب.. وكل بشره حسب مايناسبها من زيت..يعني انا مثلا الزيت زيتون يناسب بشرتي بس مايناسب شعري..وسبق قرأت ان احيانا الزيت يناسب بشره معينه على حسب الاجواء الحارة والباردة ضيعت المعلومة ونسيتها بس هيع مااتذكر كذا…بماا اني ضيعت المعلومه لاني قراتها من زمان برجع ابحث عنها للتاكد اكثر.
ونرجع للموضوع..وحسب ماقرايت عن هالطريقة ان تساعد ان تزيل بقايا المكياج اللي مااستطاع مزيل المكياج يزيله..لان مثل مانعرف ان بقايا المكياج تؤذي البشرة..
وفي تقنيات جمال قريت عنها ..مع ان بعضها وجهت صعوبه بالترجمه..بس الصور والفيديوهات توضح اكثر.جربت اشياء منه..ان شاء الله اذكر لك اللي عرفته منه اذا حابه.. انا اقرا اكثر من اجرب..بس اكيد ان شاء الله بجربهم وحفظتهم عندي..
ليش ما أنشر رَدك ؟! ردك كله مَعلومات وَ تجربة خاصة بك
بالنسبة لزيت الزيتون الإنسان على الأرتياح إذا هُو مَقتنع راح يصر عليه وَ بيرتاح عليه
وَ بالنسبة للأصلي جربت أغلب الأنواع وَ أغلبها أصلي وَ مع ذلك غير جيد للبشرة تسد المسام وَ تسبب بثور
ترى فيه كثير ردوا نفس ردك وَ أنهم مرتاحين على زيت الزيتون وَ مع ذلك بنفس الرد قالوا نعاني من بثور وَ حبوب ( طيب شلون مرتاحين وَ مازالت هالمَشكلة مَوجودة ؟! ) ..
بخصوص الغسل أنتِ تتوقعين دائماً إن الغسل راح يَزيل أي شيء نهائياً كمعلومة مثلاً الليمون يضل بطبقات الجلد ٤٨ ساعة
فما بالك بزيت ؟! .. الترطيب إللي تَحظين به دليل ترسب للزيت ،لأن البشرة مسامية لذلك تستخدم زيوت نظيفة وَ مضمونة وَ ملائمة لطبيعة البشرة
الإنسان ما يَكون مُتعصب كونه ناسبه ، لازم يذكر إنه ناسبه بالرغم إن رأي الطب مُخالف
لأن عَندك أكثر من ٢٠ ألف روح راح تقرأ المَوضوع فكلامك لابُد يَكون مُثبت بقواعد علمية وَ إذا كانت مُجرد رأي خاص تنبهين عنه
وَ لا بتكونين مُدونة مُتحيزة ، إذا ماقلتي أنا مُتحيزة أو شهادتي مَجروحة بشيء ما فأنتِ ما عندك ذمة هُنا وَ تميلين لَعواطفك
كثير بالغصب إلا يبون زيت الزيتون نافع ، هذا رأي الطب .. لكم حُرية الإستغناء عن رأي الطب
لكن لا تصرون على ذكر فوائد غير سليمة ..
وَ لاحظي جَوز الهند من الزيوت المُسببة أيضاً للبثور وَ المسامات ، لكن جربته حتى أختبر هالشيء بما إن طريقة ٤٢٤ جزء منهم جربها بزيت جوز الهند
لكن ما يَعني تجربتي سلامة الأمر ، لأن أقل شيء يبيلي ٤ أسابيع حتى تظهر ترسبات البشرة وَ إثقالها بالزيوت
أنا ما أدري ليش هالطَنة وَ الرنه بالمَوضوع ، يَعني المَوضوع مُش تأليفي ..
هي تَجربة فقط أنا نَقلتها وَ نقلت رأي الطب بها ، يعني أنا لي قَناعاتي إللي ما راح أغيرها وَ لو أعجبتني الطريقة
مُو معنى راح أغير مسار حياتي لحياة طبيعية ، لأن مكياجي وَ أكلي وَ حياتي بالمُجملة تتعرض لكثير من الكيماويات فهالطريقة وَحدها ماراح تَكفي
اللهم هَي تجربة
وَ نورتيني
صباح الفل
أنا جربت اللي ينقال عنها layering
عرفتها من بنت مغربية اسمها احلام بنفسجيه
فكرته تنظيف بالزيت + الغسول + التونر + مرطب .
والسيروم وكريم العين للي يستخدمونه
بشرتي عاديه وكنت استخدم زيت الجوجوبا
اول ثلاث اسابيع كان بشرتي زبدة وصحية صح صح
نفس نتيجه يوم اشرب مويه واكلي صحي واسوي رياضة
أحس وجهي مبسووط يتنفس نفس يوم اصحى من النوم
لكن فالاسبوع الرابع أنهبلت بثور كثير بجبهتي
وأول مره تكون كثير كذا تعودت حبتين ٣ فالسنة .
وابداً ما شكيت فيه كان الشك من نصيب المرطب QV
كنت اول مره اجربه ، من الخوف قطعت روتيني اسبوع كامل
كنت بس اغسل بمويه دافيه وبعدين بارده والحمدلله
لكن للامانه انا غلطانه كان في تحذير انه ما يستخدم
مع منتجات السوق انما مع منتجات طبيعيه وعضوية
بأجرب أستخدم طريقتك بما ان فيها اختلافات
بس أخذ زيت جوز الهند لاني جد كنت مبسوطة ع النتيجة
بعد تشبدي يعطيك العاافيه .
ماشاء الله عليك وَ الله ، أضفتي إضافة وَ تجربة تَنويرية راح تَفيد الكثير
وَ فوق هذا كله حللتي المَوقف وَ الأحلى نسبتي الفَضل لأهله وَ من مين تَعلمتيها
أحيي فيك هالأمانة ..
هو مفروض يكون بُمنتجات طبيعية و زي طريقة التنظيف بالزيت بدون أي غسول
لكن أنا شفت الطريقة الكورية الأقرب لقلبي ، فيه عفكرة طريقة ثانية عبارة عن ١٧ خطوة من ضمنها أمبولات للوجه وَ أتوقع هي الطريقة الأصلية للآيرينق ..
عبارة عن ١٧ طبقة من المُنتجات ، لكن طَويلة جداً .. ما أطلعت على تكنيكها هذي وَ يالله صبرنا عليها
وَصرت مَتشوقة تجربينها عالأقل إنتِ إنسانة مُجربة لتجربة سابقة
ربي يسعدك ي توسه …. عاد انا من المعجبات بالدراما الكوريه والجمال الكوري ….. ماشاء الله عليك دائم تضربين علي الوتر الحساس عند متابعاتك ….
بس عندي سؤالين ي عسل هذه الطريقه ( طبعا المحسنه والا اللي قبلها علي قولتك ماهي عمليه )استخدمها صباحا ومساءا مرتين باليوم ….
واذا استخدمت فرضا ليلا استخدم بعدها التونر والسيروم والكرم الليلي والا اكتفي فقط بعدها بالكريم
ههههههههههه أجل وَتر كوريا حَمسكم ، صراحة ما كَنت متوقعة فيه هالإعجاب بهالثقافة بس ماشاء الله إكتشفت كثير فعلاً مُغرمين بهم
وَ منكم نَستفيد وَ نكتشف ميول جديدة بالحياة ..
بالنسبة للإستخدام بالمَوضوع مكتوب مرة واحدة فقط وَ ليلاً ، مافي تفصيل بخصوص الصباح لكن أنا صباحاً أغسل وَجهي بشكل عادي
وَ إذا إستخدمتيها ليلاً تسوين روتينك الليلي المُعتاد ، لأن أساساً كريم بدون سيروم ماله هالفائدة
يعطيك العافية ارتوس تجربة جميلة وغربية ،،وراح اجربها بإذن الله ،، تدرين من فترة اتابع المهندسة فرح الحميضي (مهندسة ديكور داخلي ) في السناب شات ومن فترة راحت لعيادة جلدية تشيك على بشرتها تقول ان الطبيبة سألتها عن عنايتها ببشرتها تقول اني قلت لها استخدم زيت جوز الهند و على كلامها انها تشتريه من الجمعية عندهم وبسعر زهيد وتقول هو عنايتي بوجهي وجسمي حتى بنتها الصغيره تستعمله لها ،، لكن ما اذكر تفاصيل استخدامها له ،، لما ذكرتي الزيت على طول جت في بالي،، وشكرا لك ولاخلاصك ومحبتك لإفادة غيرك
يَعافي قَلبك ..
فيه كثير ناس يستخدمون زيت جوز الهند العضوي بدل زبدة الجسم
وَ للبشرة وَ لإزالة الماكياج وَ للشعر ، وَ بالأكل ، وَ فعلياً طعمه لذيذ بالرغم إنه زَيت بس أنا يَعجبني طَعمه لربما عائد لحُبي لجوز الهند ..
حبيت إضافتك ، إسم الله عليك لمياء دُوم لك بَصمة
اعجبتني الطريقه بس بشتري الزيت ان شاء الله وعلطول اسويها بس بسالك عادي يعني اذا سويتها اقشر واحط ماسك ولصقات الانف وكذا ولا بس اعتمد عليها لان بشرتي لازم لصقات انف علطول تطلع بثور
شَوفي أنا مَشيت كل أموري الحياتية بشكل طبيعي
إنتِ حرفيها بما يتناسب مَعك ، هي مفترض تكون بأمور طبيعية ١٠٠٪
لكن كل إنسان يحاكي الشيء حسب ملائمته مَعه
صباح الورد والانتعاش …
الوصف لتجربتج لحاله حكااااااايه مره مره تحمست
لان بشرتي دهنيه وحساسه واخاف من الاشياء الطبيعيه
بس اروق وافضى اجربها يبيلها روقاااان واستمتع بالنعومه
الان عندي عفسه …
الله يقدر لك الخير وناس مخلصه تقدر هالحب وهالتعب❤️
آمَين يارب ..
ما تَنلامين صَراحة مقدرة وَضعك الحالي ، وَ موفقة
أخاف أكتب كلام زَيادة أجيب العَيد
نَورتيني يالزَينة
كيفك ارتوسه ؟
كنت جالسه اذاكر في امان الله اخذت بريك و دخلت البلوق تدرين نبي اي شي عشان نضيع فيه وقتنا اهم شي ما نذاكر المهم شفت الطريقه و كلامك مره حمسني خصوصاً ان مع الاختبارات صاير وجهي ما يطب فيه شي غير الغسول و كريم الترطيب تحمست و جربته بدون مبالغه و اي مجامله يا ارتوس وجهي من زمان ما شفته كذا مره صار نظيف حسيت فيه روح مره حبيت النتيجه و ان شاءالله راح استمر عليها ❤️❤️
يعطيك ربي الف عافيه و يسعدك يارب ❤️
بس بسألك عن التنظيف انا اغسل بالبابايا تنصحيني اكمل عليها ؟
ههههههههههههه أجل تتهربين مَن الدراسة ، يازَينك وَ موفقة إن شاء الله
وَ الله إنبسطت بالرغم من إنشغالك ما قَصرتي وَ جربتي وَ إن شاء الله تلمسين الفَرق ..
بخصوص البابايا أنا سَبق وَ جربت البابايا حسيت بتقريص بَوجهي وَ لا أرتحت عليها
بس إذا هي صابونتك المفضلة وَ إنتِ مرتاحة عليها كَملي .. مافي أي مُشكلة
الآن ما عندي زيت إلا زيت زيتون بإذن الله بجيب زيت جوز الهند و اجربها و رح اقولك النتيجة بعد التجربة،، بس رهيبة التدوينة خصوصا أنك ما تحبين الاشيا الطبيعية فعشان كذا متحمسة للتجربة أكثر يعطيك العافية
أتمنى تَكون فعلاً فعالة مَعك
وَ الزيت إذا مافادك بهالطريقة بَذكر فَوائده الأخرى بَتدوينة أخرى ، يعني مو خسارة فيه
مساء الحماااس
ماعتقد في وحده بتقرأ البوست و مابتتحمس تجرب الطريقه
البوست جبار و يناسب الجميع سالتج من كم يوم عن زيت جوز الهند و الارقان في بوست حليب جوز الهند و الحين الاقي الجواب الكافي الشافي في بوست كامل مع طريقة استخدام جدا فرحت الفايده تعم و عن جد شي حلو ويبسطنا ان نصايح و ردود المتابعات تهمج ،،
ع الاكيد الطريقه بجربها بس اول سؤال راودني الغسول اللي مدته دقيقتين ماراح يلعب او يجفف البشره لان بشرتي حساسه جافه حتى مع استخدام غسول البشره الحساسه هل في تكنيك معين اخلص الدقيقتين بسلام
كل الشكر ارتوس و حمستينا للبوستات القادمه من ايام المنتدى ذكرتي استخدامج للديرما رولر و كنت اتمنى اتعلم الطريقه و مالقيت الوصف الشافي جدا متحمسه للبوست
مَساء المَحبة
وَ أكيد ردود المُتابعات وَ إهتمامتهم وَ طلباتهم تَهمني ، لأن سواء بالأنستا أو تويتر هذي مَواقع للتواصل من طرفين وَ ليس من طرف واحد
يعني ما أشوف المَوضوع مُمتع لما أكون بَوضع المُعلم أو المُلقن وَ أنتم بَوضع المُتلقي ، حلو يكون فيه جذب وَ عطاء وَ تبادل خبرات
بالنسبة للغسول لمدة دقيقتين ، حتى بلونا الغسول يضل بوجهك فترة ، وَ أغلب الغسول لابد تنغسل مالا يقل عن دقيقة
كثير تغسل وَجهها حتى مو ١٠ ثواني وَ هالشيء هو إللي مو صحيح ، وَ برضو عدم شفط الغسول أو الصابون بشكل جيد يأثر عالبشرة
فلا تخافين اللهم أستخدمي غسول لطيف على بشرتك وَ ناعم وَ خليك قوية مُلاحظة تراقبين بشرتك ، وَ عدلي بالطريقة لين تَوصلين لنقطة الرضا
في حال ناسبتك طبعاً ..
بخصوص الديرما رولر ببداية طَلعتها شَفت إنها رُعب وَ مفروض تُستخدم عند الطبيب ، فعلياً هي بسيطة لكن يبيلها حَرص
وَ للأسف يتعامل معها بإستهتار شَديد ، مفروض ينكتب ملاحظة تنبيهية بإرشادات الإستخدام
نَورتيني
يعطيك العافيه ، مره حبيت الطريقة و جربتها ع طول و حسيت بالفرق من اول مره.. ان شاء الله اني بستمر عليها
مع اني كسولة و ما احب استمر ع شي مدة طويله، بس هذي سهله اكيد بستمر
كتبتي فوق انك راح تنزلين تدوينة عن الديرما رولر❤❤
بلييييز ارتوووسه ابي الطريقة الصحيحه لأستخدامها في المنزل للوجه و لفروة الشعر خصوصا للي يعانون من الثعلبه
يَعافي قَلبك .. ماشاء الله عليك تَجربة سريعة أحييك
وَ أتمنى تتلائم مَعك
بحاول أكتب مَوضوع الديرما رولر بأقرب فَرصة مُمكن لأن المَوضوع طويل مُمكن يَكون مُجزأ ٣ أو ٤ أجَزاء بس يبيله وَقت وَ دقة بالطرح
لأن مَوضوعه يحتاج حرص
تو قريت الكومنتات و من جد أوافق البنت إلى تسأل عن العدسات انا زيها عليمية ودي اعرف عنها ابي اعرف ماركة زينة و مريحة للعين و ألوانها حلوة بنفس الوقت خخصوصا كاني قد قريت لك تقولين أن كان عندك محل عدسات أو شي زي كذا ما ادري اذا مخربطة أو المعلومة صحيحة طبعا اذا فيه وقت عندك
إن شاء الله أطرح رَيفيو عَند عدساتي هذي أفضل طَريقة
جميل جداً .. جربت هالطريق من قبل كم يوم بس بفتره بشرتي تعاني من حبوب فماحيتها فادتني ووقفتها
بس الحين تحسنت بشرتي الحمدلله ومع تجربته تحمست ارجع اها
هي هذي السوزي بتاع كولو مغنية راقصة ممثلة حقت دعايات ضيفة برامج اللي تبين هههههههه ، وحبيبت الشعب عندهم هي رمز الجمال عندهم الحين
وفيه نقطة بعد قالتها بهذا الروتين مهمه ، هو انها تدفي المرطب زين بين يدينها قبل لا توزعه ع وجهها
و تستخدم مرطب متوسط الترطيب بحيث مايسد المسام ويرطب بشرتها الجافة ، وقبلها لازم تتسخدم تونر يسد المسام
وبس
يعطيك الف عافيه ارتوس 🙂
يا عَيني لا شَكل سوزي مُحبينها كَثار ، وَ يالله إذا رجعتي لها عَطينا رأيك
بخصوص تدفئة الكريم المُرطب هذي من أساسيات إستخدام الكريم المُرطب تدفئته ، وَ لكن حبيت إضافة إستخدام مُرطب مُتوسط الترطيب
فعلاً لأن الزيت قام بمقام الترطيب وَ زيادة ، نورتيني
اول شي بشرتي مختلطو وقبل لسبوع استخدمت صنفرة كاب له وياليتني ماستخدمتها طلعت لي خبوب ومهما ارطب يبقى جفاف
قريت الطريقة وتحمست مرررررة لو ايس تكتببن اثق فيك .. وعلى طول رسلتها لخواتي وبنات خالتي
وحربتها بزيت الزيتون ماعندي غيره بيور وفلسطيني قلت الا اجربها ماعندي صبر لين اشتري ههههههه
ومخلص غسول الوجه على حظي واستخدم صابونه طبية ماتجفف
والشعور غريب على واو .. بصراحة شي فظيع اول شي لاحظته الجفاف اللي اعاني منه عند الخدين راح والحبوب الصغيرة خف لونها بأذن الله بستمر عالطريقة
لكنمحتارة بغسول وجه ممتاز انا كنت مرتاحة على جونسون تقشير خفيف
وقلت بشتري زيت بس غير الجوز هند .. من معصرة
ينفع الخروع مع زيت الزيتون ؟
او زيت اللوز الحلو او المر مدري محتارة خبيرات الزيوت باليت يفيدونا
ويعطيكك الف عافية كل شي منك حلو
صنفرة كاب كلها سنفرة غير جيدة صَراحة الماتيريال سيء وَ بسيط ، ما أدري وَ الله ليش الناس مَتمكسين بها هالتَمسك
وَ حبيت تَجربتك وَ ملائمتها مَعك ..
زيت الزيتون إستبعديه غير مُلائم لطبيعة بشرتك وَ ترى يسمر وَ يطلع حبوب وَ يسد المسام
شَوفي قائمة الزيوت بأول المَوضوع وَ أختاري ما يُناسبك مَنها ، ما يَحتاج تحتارين كل شيء مَكتوب ..
وَ الغسول أي غسول بشرتك مَرتاحة معه خلاص إستمري عليه ، لما تجربين جربي شيء واحد مو عدة شغلات سوا
عشان تعرفين من وين تجيك الفايدة ، نَورتيني يا بَعدي وَ كنت سعيدة إن تجربتك كُللت بالنجاح
الله يعطيك العافية ارتوس عاد أنا تحمست لطريقة الأولى أكثر احسها بتطلع نتائج على بشرتي اكثر، أنا عندي رؤس دهنية بس جوأ البششرة الأغلب ومليان وجهي بس مب واضحه أحس حركة الفوطة بتطلع كل الدهون وماعندي مشكلة اخاطر أهي خربانه خربانه ههههه
هههههه وَ لو إني ما أييد لكن الخيار راجع لَك بالتجربة ..
بالنهاية الرؤوس يبيلها إزالة حتى تتخلصين مَنها وَ طريقة عناية مُعينة
شخصين غيروا نظام حياتي للافضل انتي اولا وثانيا نايفكو الله يسعدكم وين ماكنتوا
تحمست مررره اجربها بس ماعندي هالزيت مدري ينفع زيت جوز الهند الي بالعلبه الخضراء ان شاء الله تعرفينه
انا بدور على هذا في الدمام واذا مالقيته جربت الارقان وارجع اكتب تجربتي هنا
I ❤️You
وَ لعيونك تبعت نايفكو بتويتر ، وَ حلو إنك إنك حطيتيني بهالمَكانة وَ إني غيرت حياتك للأفضل
إن شاء الله أكون عند حسن الظن وَ أكون قد هالمَسؤولية ..
بالنسبة لجوز الهند أبو عبوة خضرا لا غير جيد وَ مايشبه جوز الهند البكر ريحته حلوه وَ غير حادة وَ كأنك تاكلين باونتي لذيذ حتى بالأكل
وَ الأرقان أفضل وَ أفضل وَ بالنسبة للدمام أكيد متوفر بأماكن الأغذية الصحية ..
اشتقنالج هذا شي اكيد ما يبيله سؤال 3>
مرت علي هالمعلومه التنظيف بالزيت و أبداً ماكانت بهالدقه والتفاصيل
بس انتي غير اثق بكلامج فعلياً و اسوي الشي وانا متطمنه.
فبجربها ان شاء الله اليوم
يعطيج ألف عافيه يا جميله 3>
حبيبتي أبرار ..
وَ يعافي قَلبك وَ أكيد مَنتظرة تجربتك لها ..
مع الأسف ماعرفتك الامن فتره قصيره واتمنيت لو اني عارفتك من زمان صراحه تدويناتك وطرحك واسلوبك كلك ع بعضك تهبلين احسن شي فيك امينه مررره بطرح التجتارب وهذا شي يخلي اللي يقرا لك يوثق برايك ويقتنع وهو مغمض واسلوبك لطيف ومفهوم للجميع وماتهايطين ياخي حبيتك والف ماشاءالله عليك وان شاء الله اكمل اسبوع ع هالطريقه وارد لك❤❤
وَ أسعدني إنك مُتابعة جديدة إنظمت لي ..
أخجلتيني وَ إن شاء الله ما تتغير هالنَظرة عني ، لأن أنا إنسانة لي شَطحاتي ..
لك مني كل الحُب وَ شرفتيني
يسلمو يسلمو يا آرتوس بس بسألك ألحين كيف أنظف وشّي ” و الكلام اللي فوق وش فايدته ” ^ هههه بس صدق يعنسي الزيت اللي معي خروع و زيت جوز هند مب جلي ينفع ؟! و بعد ما اغسله ما فهمت حار و باد .. و أخر شي عادي أرطبه بالفازلين الوردي و لا فازلين عادي و حول العيون أدهنه ب QV زين ؟ فهمي صح و لآآ ؟
العَفو ..
وضحي لي وش مافهمتيه بالضبط ؟! .. الطريقة الأولى أنا ما أتبعتها طريقة التنظيف بالزيت أنا أتبعت الطريقة الكورية وَ هي ٤٢٤
يعني ٤ دقايق بالزيت وَ دقيقتين بالصابون وَ ٤ دقائق بالماء ، منهم دقيقتين ماء دافي وَ دقيقتين ماء حار
بالنسبة للغسول وَ المرطب وَ كريم العين أستخدمي إللي تستخدمينه وَ مرتاحة عليه
نَورتيني
لعبونك ارتوسا وعد مني لاجرب هالطريقه …حاليا انا ع كريم طبي باقي اسبوعين …وباذن الله بس اخلصه ..راح تجرب طريقتك وبارجع وباكتب لك رايي ….دمتي كما انتي …شكرا
مُمتاز يا لُبنى وَ موفقة سلفاً
السلام عليكم ياقمر،،
أنا أتابعك من ايام شمواه، وكنت عضوة من أعضاءه،،
أحب اتابع مواضيعك لان شرحك يكون باخلاص وضمير وعن تجربه،،
حتى ماسك الجيلاتين اللي زمان مدحتي لنا عليه ليومك هذا استخدمه،،
ابغا أسالك من ناحية الزيوت، أنا ماعندي اي زيت من انواع الزيوت اللي ذكرتيها، أنا عندي حليب جوز الهند الاورغانيك، ظنتك عادي استخدمه؟ ولا أكون أجرمت بحق بشرتي؟
ياهلا بَك وَ شرفتيني ، أنتِ مُتابعة مُخلصة يَعني
بالنسبة لسؤالك .. حليب جوز الهند الأورجانيك مُختلف بخصائصة وَ ممكن الحليب يفتح المسام أكثر
لذلك طالما ما عَندك أي زيت ممكن تاخذين زيت اللوز الحلو لو يناسبك من لصيدلية سعره ما يتجاوز ١٢ ريال أتوقع
أو تاخذين نفس الزيت إللي حَطيته بالصورة ، لأن بَرضو مُمتاز للشعر
نَورتي
مسائك سعادة
مادري هل لي حق أخرج عن الموضوع الجميل ؟
لكن عندي موعد حقن بلازما لندبات الوجه قريب بودي اعرف رئيك فيها ؟
وما رأيك بحبوب الكولاجين ؟؟
الحقيقة انا متخوفه من هالتجربة ودي اسمع رئي أحد أثق فيها .
الله يسعدك
البلازما مُمتازة لكن تعتمد على المادة المحقونة البعض يخلطها بفيلر وَ البعض بفيتامينات ..
تعتمد على أمانة العيادة ، أما حبوب الكولاجين مالها أي فائدة وَ إذا فادتك بتكون فائدة للترطيب ..
أتمنى أكون أفدتك
يسلم قلبك ❤️
قبل فترة علقت على بوست منزلته وحدة كانت عن طلات المشاهير فمهرجان كان البنت اللي في البوست كانت فان بينغ بينغ كوريه صينية ما ادري وشي قلت ان الاسيويات كانهم باربي من صفاء بشرتهم .. قالت لي وحدة انهم يستخدمون فضلات الحمام لتنقية البشرة طبعا عيوني طلعوا من مكانهم وقلت لها كيف يستخدمون بكتيريا ضارة طالعة من الجسم لتنقية البشرة وسالتها من جابت المعلومات هذي وسالفة طويلة من النقاش اخر شي ردت علي اخيرا انها جابت المعلومة من برنامج اوبرا وان مكونات الكريمات يستخلصونها من الفضلات ..
شخصيا ما اقتنع بالبرامج هذي اشوف انها تجارية مرة ولا اثق بمعلوماتهم والطريقة اللي ذكرتيها ان شاء الله اجربها ❤️
وَ الله صراحة ما عَندي خلفية عن فضلات الحمام – تكرمين
بس أنتِ تعرفين إن بعض الناس مُحبين للمُبالغة وَ يحاولون ينسبون الفضل لأشياء مُستحيلة بتكوين البشر
بينما هُو يرجع لطبيعة مَناخية وَ جينات ، الإهتمام له دَوره بس ماراح يَنخلق تَكوين من العدم بالنهاية كلنا شَعوب تهتم وَ الردود على هالمَوضوع
تدل إن برضو الشعوب العربية مُهتمة بس ماوصلوا مَواصيل شرق أسيا ، بكلا الأحوال هُم مهتمين بشغلات مثل الحلزونات وَ أخوانها
مُمكن الكلام فيما يخص الفضلات صائب زي ماقلت ماعَندي خلفية ، لكن ما أتوقع راح ننحدر إلى هالمُستوى
بجربها وان شاء الله اقولك النتائج ..
مَوفقة بتجربتك
مشكوووووره وماقصرتي تهبلللل ماشاء الله صارت بشرتي فيها مثل اللمعه وناعمه ❤️❤️
القالب غالب أكيد
وَ مبسوطة بنجاح تجربتك ..
ارتوس ينفع بدل مانستخدم غسول نستخدم صابون فقط ؟
أكيد ينفع ، طالما أنتِ مُستخدمة للصابون وَ مرتاحة عليه
نورتيني
اول ما قريت موضوعم طياري رحت عملت الطريقة خصوصا انو بشرتي لها يومين مو عاجبتني استخدمت زيت السمسم لانو الزيت الوحيد اللي عندي من المعصرة و متأكده منه و صابون بيزيلين للبشرة الدهنية
وياااي عانعومة و الانتعاش اللي حسيت بيهم تسلمي الله يجزاكي خير عن كل وحدة قرأت لك واستفادت تعتمد الطريقة بإذن الله
شكراً لذكرك تَجربتك وَ الحمدلله أعجبتك
نَورتيني
تككككفين ياقلبي ساعديني انا مشكلتي مع انفي كله رؤوس سوداء
واسوي تنظيف واستخدم غسولات بس ماينفع
حتى العيادات مافادتني بعد التنظيف تبقى الحفر واضحه ب انفي وترجع تتعبى مع اني احافظ ع نظافة بشرتي بس مافي فايده
إنها تَرجع تتعبى شيء طَبيعي ، البشرة الدهنية يبيلها تَنظيف دائم
اللهم راح تأخرين ظهور الرؤوس السوداء وَ تنظفينها أسبوعياً وَ شهرياً بكذا تضمنين إن بشرتك يومياً نقية
بخصوص الحفر هذا معناة تنظفينها بعنف أنتبهي بكذا تلهبينها عليك وَ توسعين قطر المسامات وَ كل ماتوسعت
كل ماتعبت أوساخ أكثر وَ كل ماكان مَظهرها أكثر وضوح
حبيت الطريقه جميله ، واكيد مع مساج الزيت البشره بتقوى وتتورد ، بجربها ان شاء الله
على فكره ارتوس انتي نقلتي تجربتي بالضبط مع غسولات البشره وكانك انا من غسول بيودرما وافين ، وفي غسول مرره رائع مايجفف ولا يدهن وريحته عسليه اتمنى تجربيه من افضل الغسولات الي جربتها وماتهيج ولا حبب ولا جفف NUXE
Reve de miel
كَتبت إسم الغسول وَ إن شاء الله تَكون لي تَجربة قريبة له
نَورتيني
انا اموت عاد بخرابيط الاسيوين وهالمره ارتوس موصيه فيها بعد ❤️❤️بروح اجربها الان ويارب تنفع معي ❤️
هههههههههه من ردك واضح إعجابك
مَوفقة بتجربتك
السلام عليكم ارتوسة
متحمسة اجرب طريقتك
بصراحة استغربت بأول الموضوع خاصة انك مو من محبين استعمال الزيوت
انا سبق وجربت طريقة layering أكيد بتكوني سمعتيها
وماعجبتني ، حتى خطواتها أطول، ما ناسبتني مع ان الكثير مدحها يمكن بسبب الزيت اللي استعملته زيت الورد،لان في هالطريقة ينصحو بزيت الجوجوبا اذا ذاكرتي صح، لانه اكثر زيت تشبه السيبوم اللي تفرزه البشرة.
أكيد راح جرب طريقتك وارد عليك النتيجة
الله يعطيك الف عافية يا قمرة
الليرينق أطول وَ تقريباً ١٧ طَبقة يبيلها مَزاج صاحي لو فنانة يَمكن أخليهم يَسوونها لي ..
حسب ماقريت أمبول وَ سيروم وَ كريم وَ ماسك .. إلخ
وَ ماشاء الله عليك طالما مُجربة ، كلي شَوق لمعرفة تَجربتك ..
لأن الإنسان المُجرب لكذا طريقة وَ خطوة بيكون رأيه غير عن إللي ما جرب سَوى طريقة واحدة
نورتيني
يييي ياحلو ردك علي والله جاب لي السعاده ، اممم يوماً ما تعرفين ليه اشوف فيك سلام وبراءه .. لڤيو
ههههههه لأن نَظرتك نَظرة مُحب ..
اول مره اشارك ف مدونتك الجميله مره حبيتك وحبيت اهتمامك بنفسك
انا وجهي عانيت منه كثير لي ثلاث سنين ماخليت شي الا وجربته عشان الحبوب تخف اخر شي استسلمت لروكتان وقفته بشهر ١٢ ميلادي وااتحسن وجهي كثير الحمدلله لكن الحين بديت افقد نظارة وجهي وتطلع حبه من فتره لفتره واخاف اعاني ثاني من الحبوب ومتخوفه اجرب زيت بوجهي بس بنفس الوقت متشوقه اجرب هالطريقه اقدر اجرب زيت اللوز الحلو من العطار ؟ وايش افضل جوز الهند او اللوز الحلو والغسول مو شرط يكون اويل فري ؟ ومره شكرا ارتوسه ع اللي تقدميه
ياهلا بَك ، أسعدني تَواجدك لاول مَرة وَ إن شاء الله ما تَكون المرة الأخيرة
وَ الله شوفي ما وَدي أقولك جَربي وَ أورطك ، وَ أنا بشكل عام ما أثق بشغل العطارين مُمكن فيه عَطارين ثقة بس أنا ثقتي مُتزعزة وَ مالي خبرة مَعهم
يعني النسب بالزيت تختلف من عَطار لعطار ، إذا غامرتي على مسؤوليتك ..
أخاف تشبعين بشرتك بالزيوت وَ فجأة بعد فترة تبلشين نفسك بالحَبوب
التجربة مالها أي بحث علمي يؤيد جَودتها فأنا مَتخوفة منها من هالناحية ، إنتِ و مُغامرتك ..
وَ بالنسبة للغسول إعتماداً على غسولك الحالي هذا إللي أنا سَويته وَ إتبعته
العفو
بما إني امس عطلت بجربه ذي الاسبوعين حقت اختبارات الطلاب ، بس زيت جوز الهند العضوي فين القاه ؟؟ ممكن يكون موجود في عطار او عادي اشتري زيت جوز هند عادي اذا ما لقيت ؟؟
وشكراً ارتوس على كل شئ تنزليه الله يجزاك خير على نيتك الطيبة
مَكتوب وين تحت الصورة قلت بشارع العروبة بمحلات الأغذية الطبيعية ماعندي خلفية عن العطارين ..
وَ لا أثق إلا بالمُنتج المُعلب أكثر ضَماناً بالنسبة لي
نَورتيني حبيبتي ..
صراححححه مرره تحمستت اجريهاا
للامانه قد قرييت خبر ان سوزي ذيي معتمده عالزيوت خاصه اللوز بتنظيف بشرتهاا بس طنشت كنت احسب بس تفحسس
وجهها وانتهينا وقلت وشش هالهبل
بس مع وصفك للنتايج تحممست وان شاء الله بجرهاا قرييب
تعجبني دايما مواضيعك واسلوبك بالسرد
بالتوفيق
ههههههههههه ضَحكتيني لما قَلتي تفحسس وَجهها
يالله إن شاء الله تتلائم مَعك التجربة
الزيت ما يتوفر بمكان ثاني ، وهل ممكن استخدم بدل عنه زيت الخروع ، والغسول انا جربت تقريبا انواع كثيره بس ما حسيتها نافعه معي وصرت استخدم صابون سايل من ديتول يمكن هذا افضل شي لبشرتي ، وهل الطريقه نافعه لنمش ؟ ، معليش طولة الكلام
أنا قلت المَكان إللي أنا وَجدته به بَسهولة ما عَندي خلفية عن مكان غيره إلا إذا بتاخذينه من موقع أي هيرب ،مو شرط تستخدمينه نفسه
عندك أكثر من ٥ خيارات بأول المَوضوع أختاري الأنسب بهم .. يعني المَوضوع غير تَعجيزي
النمش ماله علاقة لا بالمسام أو حب الشباب ، النمش تصبغ بالجلد يعني غير نافع له
نَورتي
ارتوس انصحيني بمرطب خفيف للبشرة العاديه؟
قبل كانت بشرتي دهنيه وكنت استخدم جل مرطب من كاستاليا لكن بعد الروكوتان صارت بشرتي عاديه… وجربت QV ماعجبني ثقيل
بشرتي دَهنية يعني لو نصحتك بتكون نصيحة على عَماها
ما أيد تاخذين تجربتي إلا إذا طرحت مُنتج قيسي مَدى مُلائمته عليك ..
وَدي أفيدك بس أخاف أضرك بذكر ماركة فقط أو مُنتج
جميله ياارتوسه
طبقتها بس باختلاف الزيت بما انو ماعندي جوز الهند استخدمت زيت اللوز وبالاساس مرتاحه عليه
النتيجه حلوه وراح استمر واشوف كمان
وبعدها حطيت سيرم الكولاجين من اس اي اس
:):)
ربي يسعدك ويوفقك
إللي سَويتيه عين العقل أصلاً زيت اللوز مُمتاز وَ مُناسب ..
وَ الحمدلله إن النَتيجة كانت حَلوة عليك
احيانا يا ارتوس
الواحد ينغث من كثر المدح
والمبالغه فيه
وماودي كل رد ارجع اكتب قد ايش احبك وانا ماعمري بحياتي شفتك
او عرفت حتى اسمك الحقيقي * بس هذي هي فعلا المحبه الحقيقيه *
لكن ما اقدر
أقرا لك شي
و ما ادعيلك او ادعي لأمن جابتك لنا
قد ما افدتينا بشي
قد ما فتحتي مداركنا
قد ماتحاولين توعين الناس وتنقلين كل شي يفيدك لنا
شكرا بحجم الوقت اللي تاخذينه عشان تكتبين
وبحجم الراحه اللي ممكن نسلبها منك احيانا
لأني اشوف انك تحسين بمسؤوليه تجاهنا
احبك وكف
حبيبتي هَند عُمر ماكان كلامك غثيث ، راعي الطَيب ما تَجي مَنه مغثه
وَ أشكرك على هالمَشاعر الطيبة وَ المحبة ، الله لا يَحرمني قلوب لا تنظر للجزء الفارغ من الكوب ..
وعندي سؤال
بما اني وحده دقيقه
المويه اقعد لمدة دقيقتين كامله
انثر على وجهي
ولا مره وحده واخليها لين تنشف
او برأيك احطها برشاش وارش كل 30 ثانيه
عاد الله يعينك على هالنوع من الأسئله الدقيق هههه
ههههههههههه عادي ، شَوفي حطيها بكاسة عشان ما تسرفين ماء وَ طوال الدقيقتين ..
رشي على وَجهك رشي بتتابع وَ تتابع بتعدي الدقيقتين بدون ما تَحسين
أكرر إعجابي بإخلاصك و دقتك في طرحك لأي شيء تتكلمين عنه
جدا جدا جدا استفدت و بإذن الله راح أجربها بس محتارة لأنه بشرتي دهنية و فيها شوية حبوب و اعتمادا عالزيوت الي ذكرتيها فوق مفترض استعمل الجوجوبا بس مو متوفر عندي ففضلت اللوز الحلو و بنفس الوقت متحمسة للأرقان ..
و شكرا الله يرفع قدرك و تأكدي بان كثيييير ناس يحبوكي و يدعولك في ظهر الغيب بالرغم من اختلاف الأفكار و بعد المسافات
أحس كلامي داخل في بعضه اتحمليني ، خلاص كفاية كدا دوشتك
حبيبتي وَ الله ..إذا دوشة مثل كلامك ما تُعتبر دَوشة
وَ حبيت شلون فصلتي بالمَوضوع وَ عرفتي وش الزيت المُناسب لك ، أحب الناس التحليليين ..
أسعدت بَتواجدك وَ نورتيني
كانك حاسه اليوم واصلني من اي هيرب زيت جوز هند بكر ❤
ببدا اجربها الليله باذن الله ومفكره اخليها بالتناوب بين الارقان وجوز الهند
تتوقعين مناسب اغسل وجهي بديكلاغيه ولا ممكن يكون قوي ؟
جزاك الله خير انتي ومتابعتك الجميله الله يقويكم ❤❤❤
بخصوص ديكلاغيه ما أشوف منه مُشكلة صَح هو مُخصص للإستخدام المؤقت
لكن كان جداً ناعم ،ما أشوف منه أي خَوف وَ إنتِ خلال التجربة راح تحسين بمتطلبات بشرتك
آمين .. نورتيني
آرتووووس
وش أقول وش أخلي ، ماشاء الله تبارك الله ، أحب اقولك أولا أنا من متابعينك على أيام شمواه و للحين أحب أرجع و اقرأ مواضيعك خاصه حقت العنايه ، فتحتيني على أشياء ما كنت أعرفها على بدايتي بمشوار عنايتي ، لما أشوف منتج يطلع براسي ألف سؤال وَ سؤال عنه ، حبيت الفصفصه منك و لا بعمري حبيتها من أحد غيرك ، البنت الوحيده للآن اللي أثق بآرائها و تعجبني فلسفتها هي أنتي ، و على فكره للحين أسوي مقشر يمي يمي سكرب اللي حاكيتيه بمقشر ذا بودي شوب فعلا أنتي رمز للمصداقيه و ينضرب فيك المثل ، لو بعض الناس يتعلمون منك شوي كان الدنيا بخير ، بخصوص تدوينتك حقت غسل الوجه بطريقه ٤٢٤ حماسي لها على قد مدحك ، أول مره أشوفك تمدحين شي هالكثر و حماسي إرتفع فوووووق ، صراحه اول ما قريت الموضوع قلت وجهي بيكون وجه مغطوس بمرَق بما إن بشرتي دهنيه بس لما قريتها كامله و جربت تغيرت نظرتي بالمره ، أنا استخدمت زيت الجليسرين و على نفس الخطوات اللي قلتيها ، و الله لاحظت الفرق من أول مره ، وجهي سطع و حسيته نظيييييييف يلق لق ، حسيت المسام تنفست مدري ليه على إني أقشر بس طلع إحساس النظافه بطريقه ٤٢٤ أفضل من المقشر ، حسيت فيه نظاره بوجهي و راقبته من بعد ما سويتها لمده ٥ ساعات أو أربع وجهي ما دهن مثل قبل الطريقه حبيتها حبيتها حبيتها ، و راح أعتمدها بإذن الله من جد النتيجه رهيبه ، هذا كوم و النعومه كوم ثاني و المساج للوجه لما نوزع الزيت حسيت براحه و إسترخاء لا تلوميني مَكروفه إختبارات الله يسعدك و يناولك مرادك و يكثر من أمثالك تحبين الخير للكل و تعبك فطرح المواضيع يشهد ،
I love yooooou ❤️
مها يا مَها ، أخجلتيني وَ الله وَ مقدرة الوقت إللي أخذتيه لكتابة أحلى الكلام لي
وَ أسعدت إنك صرتي تفصفصين الشغلات فَصفصة ، هذا مَعناته صَرتي تعرفين تختارين طالما بدأتي بنفسك تفصفصين
أحب إللي يَعتمد على نَفسه ، وَ أنبسطت إنك مازلتي مَستخدمة سكروب يمي يمي أسعدتيني
وَ موفقة يارب بإختباراتك وَ بالنتيجة ، وَ أحلى شيء ذكرك تفاصيل تَجربتك بخصوص مرور ٥ ساعات بدون ما يَدهن
شكراً شكراً من الأعماق لتجربتكم وَ تجاوبكم ، Love u too ❤️
السلام عليكم
دايم والله استفيد من مواضيعك وكل مااجرب شي ادعيلك
جد والله مافيكي انانية تفيدينا بكل حب وبجرب الطريقة هذي بس متخوفة شوية
بشرتي معقدة جدا خشمي والجبهة وذقنني دهننننني جدا ولما اغسل بغسوب دهني خدودي تنشف وتتقشر واذا رطبت بعدها برضو يدهن خشمي والجبهة وفروة راسي دهنية كمان اتروش اليوم اصحى بكرا دهوووون ولا بنفس اليوم اسشوره يدهن مع انهنظيف قلت يمكن عشان جو جدة رطب ولا ايش المشكلة تعبت منه
شفتي مَوضوعي بخصوص شامبوهات للشعر الدهني ؟! و تنظيف فروة الراس
جربيها ، كثرة غسل الشعر الدهني بشكل يومي غير مُمتازة ، أطلعي عالمَوضوعين إللي كتبتهم و بتشوفين شلون يصير شعرك مع العناية
من دهني إلى متوسط الدهنية أو شبه عادي ..
وَ إثناء تجربة هالطريقة خلي مُلاحظتك قَوية حتى لا تتضررين ..
نورتيني
في الطريقة الاصليه..مكتوب استخدام رغوة تنظيف..انا قرات الطريقة بالمواقع الكورية والانجليزية.. لان مثل ماقرات مكتوب ان الرغوة مايصير فيها احتكاك مباشر اليد بالوجة..بكذا هي انعم والطف على بشرة الوجه….حتى انهم يستخدموا طرق خاصة حتى تظهررغوة الصابون بشكل اكبر..مثل وجود اسفنجة خاصة لهالشيء تطلع رغوة اكبر..وطرق اخرى.
وهالشيء اعتقد انهم صادقين لان من جد شفت ان كثر احتكاك اليد بالوجه مساج وتدليك وكريمات يهيجها ويسبب لي احمرار وحساسيه ع الاقل بالنسبة لي..
تجربتي لهالطريقة حبيتها ولها تاثير على المسام لاني اعاني منها..وهي من روتيني الليلي خاصة اذا كنت مثقله او حاطه ماكياج..
بالنسبة للماء..مثل ماكتبتي يوضع في وعاء ونغسل منه لين نخلص الوقت المحدد..استخدم ساعة الطبخ من ايكيا الصغيره لتحديد الوقت ><.
وعندي ساعة رمليه وقتها خمس دقايق استفيد منها بتحديد الوقت^^
الشي السلبي في الطريقة..اني بعد ماانتهي منها احس ظهري تكسر ..بس اشوف باليوتيوب وحده توقف وضعية معينه لهالطريقة..
وهالطريقة من اسرار الجمال عند كوريا…في برنامج تلفزيوني قاموا بإستضافه كثير من النساء لهم اسرار وتقنيات خاصه بالجمال والمحافظة عليه ..وذكرت هالطريقة..غير ان سوزي بعد اذكرت انها من اسراها..
وقالوا من اسرار الجمال..هو عدم تنشيف الوجه من الماء بل على طول ندهنه وهو فيه ماء بمرطب او كريم المناسب لبشرة الوجه..هالشي يساعد على حبس الرطوبه في الوجه..
ومشكورة على المعلومات اللي تزودينا فيها..الله يعطيك العافية..من زمان اتابعك واحب مواضيعك واحب السرد التفصيلي اللي فيها..لان من جد حنا مانبي بس نستخدم شي ولانعرف ليش يستخدم كذا …حنا نبي نعرف السبب ومكوناته والفوائد وكل التفاصيل…
البعض يقول بقطنة وَ البعض يقول إن الوجه لازم يلمس بطريقة خاصة سواء غسل بالصابون أو الماء
طبعاً هالشيء جداً حساس وَ شبه خيالي ..
وَ المسام إللي تَعانين منها يمكن بسبب زيت الزيتون لووووووووول ( بتقتليني الآن ) ..
فعلياً قطر المسام مايتغير يعني علمياً هذا شيء جيني ، إللي عليك تحافظين على المسامات المُغلقة وَ نظيفة بحيث ماتظهر عالسطح بشكل رؤوس سوداء أو بيضاء
وَ بطرح مَوضوع فيما يتعلق بذلك ، يمكن تَجدين غايتك
حبيت حرصك وَ تدقيقك وَ تفصيلك خاصة لما قلتي الساعة المؤقته وَ أيضاً ذكرك إنك حسيتي ظهرك راح يَنكسر
أنا أنصح البنات إللي مثلك يكون لهم مُدونة خاصة ، لأن كل إنسان له فكر وَ توجه وَ معلومة قد تفيد الآخر
وَ خلونا نَوسع دائرة المَعرفة العربية ، حرام كلامك وَ جهدك بالكتابة الأن يضيع داخل مُدونتي ..
نَورتيني وَ أسعدت بتواجدك
تسلمين النور نورك…وانا اسعد..
انا اتوقع المسامات ظهرت عندي بسبب الماء الساخن لان احب الاسترخاء به >< ..سابقا ماكانت فيني ولااعاني منها ابدا..ومشكورة مقدما…
اهلين..
انا مش متفرغة لعمل مدونة خاصة فيني.
.ماابي اجادل معك عن الزيت الزيتون ههههههه بس هو صح من اللي يسبب ظهور الحبوب خاصة للبشرة الدهنيه..بس مانمنع انفسنا من فوايده اللي ذكرها العلم وتجارب الناس..مثل التخفيف من صفطات >>تجاعيد الجبهة..وكذلك انه ذكر انه يمنع اويقلل بإذن الله من سرطان الثدي ومشاكل بعد التعرض لاشعة الشمس وفوايد ثانيه…بطول لو اذكرها..
ولاني مو متفرغة لعمل مدونه بتواصل معك خاص بالانستقرام وبعطيك بعض الروتين واسرار الجمال اللي لقيتها من خلال بحثي وقراءتي واللي جربت منهم..خاصة من اليابان …لان البعض منها ماشفت احد تكلم عنها باللغة العربية
وانت تقدرين تجربينهم وتكتبين عنهم لو حابه ..خاصة انا الحين قرب العيد ^^
لانك متأكدة فوق مابذكر لك التفاصيل ..بتنورين على تفاصيل اخرى..كل الود والشكر..تم؟
حبيبيتي ارتوس
جربت الطريقه من اول ما خلصلت لاحظت وجهي فرش ويلمع لمعة نظافة وفيه حيويه ….بصراحه الطريقه جميييله مررررره وناويه استمر عليها اسبوع واشوف النتيجه …اتوقع لو استعمل جهاز الفوريو بنفس الطريقه بيعطيني نتايج حلوه والا وش رايك …طبعا بشرتي عادية تميل للجافه
استخدمت زيت جوز الهند مع اللوز الحلو وصابونه طبيعيه عندي طبعا انا ما احب استخدم الغسولات والصابون لانها تطلع حبوب وبثور وانا بالاصل ما فيني اكتفي بالتونر ومزيل المكياج واغسله بالماء واحط مرطب …
طبعا الكلمات والحروف تعجز انها تسطر لك الشكر …دايما ادعي لك اذا تذكرتك
مُمتاز حَبيت ذكرك لَتجربتك ..
بالنسبة لتوقعك مع نتائجها مَع فوريو ماجربت ، بس مالنا إلا نَجرب وَ نعرف هل النَتيجة تستحق أم لأ ؟! ..
وَ الأهم إنك عارفة لطبيعتك وَ طبيعة جَسمك .. نورتيني
حبيت أنوه على شغله ولو ان المكان غلط
كلنا نعرف ان التغيير والعناية تكون من الداخل والخارج
من الخارج نهتم وننظف البشره و الشعر نتروش ونتعطر
وتأكدو متى ما اهتميتو بجسمكم من الداخل بذاتكم وشخصيتكم
كل شي تلقائي راح يتغير راح تدورين الزين ومارح ترضين بالقليل لنفسك
تخلصو من جميع الطاقات السلبية كل وحده تجيب ورقه وقلم وتكتب صفاتها السلبيه والايجابيه محد بيقراها غيرك خليك صريحه مع ذاتك
الايجابيات عززوها والسلبيات غيروا منها
العصبيه العناد الحساسيه الشديده والقلق والتوتر !
واللي عندها مشاكل مع الوقت
اسعو انتم لتغيير ذاتكم
لا تنتظرون احد يساعدكم او يحفزكم للتغيير
قوقل واليوتيوب ماخلو ولا بقو
وفيه دورات خارجيه ودورات اون لاين
بنعيش بهالحياة مره وحده
مره وحده بس
عيشوها باستقرار نفسي وراحه
ادري الكثير عنده معوقات وممكن بعضهم يضع هالمعوقات
لانه يرفض التغيير الداخلي ويرى نفسه من افضل مايكون
او يتعالى على نفسه وهالشي يبعده مسافات ومسافات عن الاستقرار النفسي
اللي بغيت اوصله
افهمو انفسكم زين وهذي بداية الطريق للتغيير
اتمنى لكم جميعا حياة هانئه مستقره
قَلتي أحلى الكَلام ..
التصالح مَع الذات نعمة وَ الأهم يكون لك مباديء وَ قناعات خاصة ..
دُوم مَنورتني هَنوده
ابله ارتوس .. كيفك ؟
-ايوا والله وحشتينا*فيس مستحي اخر حاجه ههه-
م توقعت تنزلي تدوينة اليوم و عن ايش حاجة طبيعية .. انبسطت والله لأنو شيء سهل و متوفر
الماثود مو غريب علي بس م جربتو ع بالي للآويل سكن
عاد احنا صاحبات البشرة الجافة نعاني .. كل الخلق بشرتهم اويلي -أصلاً عادي
فرحت والله لما عجبتك الطريقة و ناسبتك و الأحلى انها لكل انواع البشرة
انصدمت suzy بشرتها جافة اغلب الاسيوين اويلي سكن .. منجد بشرتهم جميلة م شاء الله عاد انا ف بالي كم منتج من شركة يابانية بس اسعارها -تبكي اذا بأخد اكثر من شغلة *بروك تينيجر قيرل لول
قمت سويتها بعد م قريت اغلب الردود طبعاً م شاء الله محظوظين اللي رديتِ عليهم .. استخدمت زيت السمسم بكرا ح اجرب اللوز و استمر عليه ان شاء الله ف البداية اتحمست و م حسّيت ع نفسي اني أفرك بقوة شويتين لما حسّيت خدودي و خشمي حمرو زيادة ع اللزوم قمت هديت الوضع و بعدو استخدمت غسول كريمي بالصبر أخدتو من ذَا فيس شوب *نعيش الجو الكوري ههه* الغسول لأنو كريم ملموس غريب و دايم أحسن لسى باقي ع بشرتي مدري ليه محتارة اكمل عليه و لا استخدم غيرو !
و غسلت بالمويتين لول … و تراااااااااااا مرا حبيت الشعور كدا بارد ع منعش مدري كيف اوصفو و بشرتي صارت انعم و القشور اللي حول خشمي خفو حبتين و هادا بس من اول مرا اجل لو استمريت .. مبسوطة بالطريقة ح استمر عليه ان شاء الله و م تجيء حفلة تخرجي الا و انا اللقققق هههههههه
عاد اليوم سبحان الله كنت أكلم صاحبتي اقولها جربي الطريقة كثير يمدحو للاكني هي بشرتها دهنية و عندها حب شباب عالجت فترة مع دكتور و قطعت من نفسها الكورس -يبالها فرش- عادي تمشي ع دي الطريقة دحين و لا ؟
و كالعادة طولت معليش .. بس منجد انبسط ع كل تدوينة تنزليها صح استحي أرد بيننا فرق سن كبير يخليني استحي مرا *اووف يا بدأت منجد استحي-بصوت شتين بطل كارا إكمك هههه محد قاعد يشوف الحلقة “””
طولت طولت .. يسعدككككك إللهي ي شيخة فوق سعادتك اللي عايشتها منجد أنتِ حاجه غير
أحبك ف الله
ارتوووس الجميلة
جرربت اليوم الطريقة مع اني متخوفه من فكرة الزيت شويا ؛)
حطيت timer وبدات حبيت النتيجه حسيت ادتني نضاره بس لسا مح اقدر احكم من اول مره صح استخدمت زيت اللوز الحلو وغسلت بنفس الغسول تبع بايوديرما تقريبا ليا سنه عليه ومناسبني صح بشرتي ترجع تزيت بعد ساعه او ساعتين بس احسو لطيف مش زي اللي جربتهم قبل >< واتبعت نصيحتك فالماء كاستين كفتني وحده دافية والثانية باردة
حسستمر ان شاء الله وابلغكي بالنتايج خاصة انو بشرتي بتعالج من حب الشباب من فترة طويلة وللان ماختفت 🙁
ارتوس ششكرا انا جدًا ممتنة لكِ وللمدونة واحب سردك التفصيلي وشرح التفاصيل
وماعندك هوس المبالغة لانو بعتبرو داء متفشي فكثير من الناس مو بس البلوقرز
اول مرا اكتب كومنت دايمًا ع الصامت
الله الله عليكِ وانت تدونين كل يوم ❤
توسه اعتقد بشرتي زي اختك لأنها دهنية بس معرضة للبثور اكثر من الرؤوس السوداء , اقدر اضيف قطرات من زيت شجرة الشاي ,
ولا ما يناسب كل يوم ؟
السلام عليكم ورحمة الله
يعطيك العافية ما قصرتي تدوينة رائعة
انا صارلي طايحه على مدونتك يومين لكن دخلتي في وسسسسط القلب والله
سجليني من اليوم من متابعاتك
أحب النزيهات وحسيتك تكتبين آرائك بذمة وأمانة
إلى الأمام و بإذن الله ما أضيّع لك تدوينة
وكثريلنا من التدوينات الرياضية أنا وحده من المبتدئات واحب اقرأ بالرياضة
الله يسعدك وينفع بك ♡♡♡
آرتوس انا عندي وجهة نظر ممكن ما تكون صحيحة وهذا ممكن يكون راجع لصغر سني , اتذكر قبل فتره درسنا عن المركبات القطبية والغير قطبية والزيوت كانت تصنف كمركبات قطبية على عكس الموية يعني انها تكون منفصلة وما تمتزج إلا بوجود محلول مُذيب , الزبدة (الخلاصة) اتخيل اني لو غسلت وجهي بزيت وابتعدت عن الغسولات تماماً الزيت بيبقى على بشرتي مهما غسلته بالموية !
ايش رايك ؟
وَ الله نَحتاج بنات دارسين بالمُركبات مَثلك ..
وَ الله إنتِ أخبر مَني بهالمَوضوع ، لكن طبياً ماكان فيه أي رأي مُثبت
لكن إنتِ لو جربتيها راح يكون عَندك تَصور مُطبق وَ مثبت وَ يمكن تَطلعين لنا بَنتيجة عَلمية واقعية
نَورتيني وَ عفكرة العلم ما يَحده عُمر ، يَعني وَجهة نظرك تُحترم حتى لو عُمرك ١٠ سَنوات
إنتِ ماقدمتي تُراهات
أعترف السؤال ماهو موجه لي
لكن بقلك فكرة الطريقة وكيف ينظف الزيت
بالاساس انتي ماراح اتنظيفي الزيت بالماء لانة ماراح ينظفة زي مادرستي انما تنظفيه بالفوطة زي ماكتيت ارتوس بطريقة التنظيف بالموضوع
حتى اسهل الفكرة
لو كان عندك صحن وعبطتيه بالزيت اش ماغسلتيه بالمويه ماراح ينظف
لكن جيبي فوطة ونديه بمويه دافيه ومسحي فيها الصحن وكرري العمليه بالأخير الصحن راح ينظف
الله يسعد قلب جابك قولي امين
بجربها واخبرك ع النتايج
بشرتي فيها ٣ حبوب من الشوكولاته ههههه منعت نفسي عنها سنة وكم شهر وبشرتي صارت صافية ، ورجعت للشوكولاته ورجعت الحبوب (صياح)
يصير استخدم طريقتك وبشرتي محببة ؟
علما بانها حبوب بصديد يعني كبيرة وبيضا
ارتووووس ياارتوووس ي حبببي لك ،،يمكن قد قلت لك تدويناتك تسوي لي انفصال عن الواقع جد جد ماابالغ اسلوووبك ماشاءالله في الطرح رااااااائع ومصداقيتك توصل لنا من بين حروفك ماننحرمي شيخة من طلتك وراح اجربها سمعاًوطاعة لانك انت العراب تبعنا في هذي المواضيع فيس يرسل قلوووب من جدة للرياض
طيب ارتوس اقدر استخدم زيت الزيتون وانا عندي مسامات خفيفه علي الانف اخاف تتفتح زيادة ولا مالها علاقة
طبعا مايخفي علينا بشرة الاسيويات والكوريات خصوصا يمكن هالشي يستخدمونه
راح اجرب الطريقه وبما انه ماعندي حاليا الا زيت الارقان راح ابتدي فيه لين اشتري الزيوت الثانيه مع ان بشرتي مختلطه لجافه وحساسه بعد
ربي يسلمك علي هالمعلومات
ونبهي البنات علي شرب الماي بكثرة لان والله بشهر شعبان رمضان اللي فات دخلت بنظام صحي وكنت نوعا ما قاطعه المشروبات الغازيه ومكرة مويه بالعيد قريباتي يحسبوني مسةيه تجميل لبشرتي صفاها وخفف المسام وخفف حتي السواد اللي بالهالات
يعطيك الف الف عافية حبيبتي شرحك مفهوم وماتهملين اصغر التفاصيل كلامك يحمس
بسألك قلبي انا اخذ حبوب روكتان يصلح اسويها ولا انتظر علاجي يخلص؟
اهلن ارتوس
صباح الخير …
تجربه على بشره جافه و جلد حساس
اول ما سويته للامانه رطوبه و بشرتي حسيتها
ناعمه وكذا ، لكن بعد ما نمت وقمت لقيت
نفره طالعه لي بصديد وكبيره على حجم انها تطلع في نص
يوم ، لذلك ممكن اعدل في الطريقه اني ارطب الزيت ثم اغسل
ثم الماء دافي بعده ثلج بدال المويه . الزيت الي استخدمته
جوز هند ، الغسول هيدرو فيل للجلد الحساس للامانه غسولي لي شهر استخدمه ما حسس فيني . شكرا ارتوس و اتمنى افدت البنات الي جلدهم حساس و جاف .
فعلا هالطريقه جربتها فتره
بإذن الله ارجع لها لأن فعلا تنظف وتورد
وحابه اشكرك ارتوس متابعتك من زمان
لكن اول مره اكتب لك رد
الله يجزاك خير تعلمت منك كثير اشياء حلوه
الله يكتب اجرك ويكتب لي بيوم اقابلك
قبله ع مجهودك وحب العطاء والخير للكل.
سلآم آرتوسهه
أنا متابعتك م زمان بس هذه اول مشاركه لي هنا (=
لو تكلمت لبكره و بعده ما راح اقدر أشكرك ع الي تسوينه ..
المهم ..
موضوعك هذا اعجبني و هو الي حفزني أرد عليكي خاصة ان عندي مثل أسالك الي تستعملينه وصفاتلي إياه دكتورة جلدية
لأَنِّي أعاني من حب الشباب و الحين تخلصت من الحبوب الحمد لله يمكن بس باقي حبة او حبتين ..
و الحين بس باقي اثار الحبوب )=
طيب آرتوسهه اقدر استخدم طريقتك مع أني أعاني من اثار الحبوب ؟
و شششكرا
غسولك ***
مساء الورد يا أيقونة الجمال
أحلى شيء اسويه بعد الاختبارات اتابع اللي فاتني بمدونتك و اطبق اللي ينفع لي و لأول مرة اعلق على شيء تكتبنه بس
شدتني مره و اتحمست لها الطريقة الكورية بس انتي كتبتي في الأخير اللي اللي تعالج بشرتها معفية منها انا لي تقريبا شهر موقفة أدوية دكتوري ( أتعالج من حب الشباب ) اتوقع مدة كافيه اني اجرب شيء ثاني و طبيعي لبشرتي ؟؟ اممم لاني بصراحة كنت أفكر بالتقشير و متخوفة بنفس الوقت خاصة اني الاثار اللي بقيت بعد العلاج خفيفة فاممكن تفيد طريقة الزيوت .
و عندي سؤال ثاني عادي لو استخدمت بدال زيت جوز الهند الطريقة الاولى اللي هي زيت الخروع + الزيت المناسب ؟؟؟
و اكيد برجع اقول لك تجربتي يا جميلة .
دمتي بحب و جمال
ارتوسة من جد انتي شخص عظيم ترى وربي مرة حبيتك الله يسعدك زي مابتسعدينا بالاشياء الحلوة الي زي روحك
جربته امس مررة حبيت النتيجة بشرتي مررة ناعمة صارت ولمن صحيت برضوا ان شاءالله استمر اسبوع واقولك النتيجة
استخدمت زيت اللوز بس تتوقعي زيت جنين القمح ينفع ؟
وعلى المده في البداية استصعبتها بس عايرت منبة الجوال لكل المراحل عشان لا احوس بس مرة حسيتها قليله
وماحسيت انو ياخذ وقت ..
تتوقعي تنفع دي الطريقة لجزء من الظهر لانو طفشتني الحبوب في جزء منه يمكن تروح بدي الطريقة
وكمان ايش حل نقط الساق ياريت تتكلمي عن دي المشكلة بحلول سهله كذا : )
وشكرا ياجميلة : )
انا بشرتي دهنيه ، ومو دهنيه طبيعيه ، دهنيه فوق المعتاد ، زيت زيت اقعد من النوم امسح بيدي يطلع زيت ، الزبده اني استخدمت خليط صابوني سويته ، ومررره تحسنت بشرتي ، فتحت ، و خفت الحبوب ، وصارت مشعه ، و طريقة التنظيف بالزيت ذي دايم اسويها بس مو بالوقت هذا 10 دقايق، اسويها بدون لا احسب ، و تفاجئت ان هالطريقه متعارف عليها و عند الكوريين بعد ^^ لأني احبهم و ^___^ ، المهم انا دايم اجربها بزيت الزيتون بس هالمره بأجرب زيت اللوز الحلو ،
لما قريت الموضوع شجعتيني اطرح تجربه شخصيه من ناحية الزيوت نفس النتيجة لكن اختلفت الطريقة ..
زيت خروع + وزيت زيتون .. نسوي مساج للوجه بالزيت لمدة دقيقتين بعدها نعرض الوجه للبخار لمدة مماثلة بعدها نمسح برقه ونغسل بالماء البارد ..
طبعا من المرة الاولى تفاجأت بالنتيجة اكثر من رائعة بشرتي وردت وصارت صافيه اكثر غير النعومة وماانسى نظفت المسام بشكل ملحوظ ..
مع العلم بشرتي تميل للجفاف وحساسة ..
يعطيك العافيه يارب <3 كعادتك مواضيعك جميلة وطرحك لها اجمل ..
طيب اختي انتي استخدمتي زيت الزيتون سمعت انه يكثر شعر الوجهه ولا مجرد اشاعات
إذا ما اشتقنالج لمنو نشتاق ( قلووووب ) ..
تعرفي أرتوس أول ما قرأت عنوان التدوينة عيوني جي صاروا O_O هههه
والله ما توقعتج تجربين هالطريقة خاصةً فيها زيت ، لكني والله استانستلج على النتيجه وحمستيني أكثر وأكثر ..
وتعرفي شو من الذكاء نختار الزيت إللي يناسب بشرتنا ، وأنا مثلج استخدم زيت جوز الهند ، سويت مره وحده زيت
زيتون لكني أحس أنّي أجرمت فحق بشرتي ، ما أدري كيف ما ارتحتله .. المُهم أني للحين ما غيرت رأي عن هالطريقة ،
حبيتها ولو أني متقطعه لأني أحيانًا أتكاسل و أشوف أن 10 دقايق وايد ، قاتل الله الكسل ههههه
أكثر شي لاحظته أنه يحبس الرطوبة فالبشرة ، ما أعرف كيف ! أحس أني غازه أبرة ترطيب لووول
حبيت تنظيف البشرة بنظام 242 بسبب طرحج ، المعلومات منج غير والله ..
و يا جمال اسم مُوشي طالع منج ، لكني أكيد أعفيج عن ذكر اسمي ، مُب مُهم موليييه ..
بس كنت حابه أشاركج تجاربي :*
وأنا بقيد تجربت مُنتجات جديدة ، إذا حسيت منهم فايد وأنهم وااااو أكيد أنتي أول وحده بتعرفين ، طبعًا من ألحين بقولج
ما يخصه بالزيوت والطبيعه وإلى آخره ههههه فاطمني : )
أما بخصوص هالنظام فإن شاء الله إذا صار عندي موعد مع الطبيب إن شاء الله استفسر بهالخصوص إن ما نسيت ..
نسيت أعلق بخصوص هالسؤال :
[ بجد من جمالها هل الناس مَخبيينها وَ عارفينها ! ، أو مالها جَدوى عشان كذا محداً ذكرها ! ]
ما اتوقع هالطريقة وايد منتشرة عندنا ، وإذا الكل يعرف عنها فأنا اتوقع خوفهُم من الزيت ، الناس تخاف تحط زيت فبشرتها
بإعتقادهُم أنها بدمر لهُم بشرتهُم ، خاصةً ما في تشجيع من هالناحية أو قلة معرفة ، هذا إحتمال ، والإحتمال الثاني بعض
الناس يمكن ما خذوا هالطريقه فـ محمل الجد يمكن لأنها رخيصة و متوفرة فكل بيت وبإعتقادهُم أن الغالي هو إللي فيه
الخير ، أما الرخيص كلام فاضي .
أنا عن نفسي استخدم الغالي والرخيص ، عيل أنا ليش مسميه عمري فار تجارب ههههههههه
[ بجد من جمالها هل الناس مَخبيينها وَ عارفينها ! ، أو مالها جَدوى عشان كذا محداً ذكرها ! ]
هي موجودة في كثير من المواقع هالطريقة…مجرد مانكتب اسرار البشرة الكورية راح تطلع لنا…
لكن الناس يبي لهم وحده مثلك ارتوس يثقون فيه ويتابعونها علشان تكتب عنها وتجتهد تجرب واتوقع راح تشتهر حتى..
واااو حمّستيني صراحه
بس خطر ببالي استخدم زيت بايو أويل
شرايك ??
السلام عليكم .
حبيت الموضوع مره وقبل فتره قريت عنه بس جد ماتحمست 🙂
( كتابة الشخص للموضوع لها تأثير ). لما قريت تجربتك جد تحمست كثير
طيب ممكن استخدم زيت جوز هند مصنوع ف البيت واستخدم غسول جونسون ؟
وجد شكرًا لك انتي من الأشخاص المفضلين عندي 🙂
صباح الخير < جايتك متحمسه جربت تو الطريقه استخدمت زيت جوز الهند غسول بايوديرا والحين حطيت كريمي المرطب مع نقط فيتامين سي
المهم احس وجهي نضيف من جوه احساس نضافه ونعومه برغم اني اعاني من ندوب مشوهه ملمس بشرتي 🙁
مره شكرا حبيتها وعادي استمر عليها مايضر؟
ونبغى منك لاهنتي بوستات عنايه مكثفه للجسم (من زمان عن تدوينات تخص بشره الجسم )، والوجه ، هالايام عشان العيد وكذا منها نتحمس ومنها نستفيد ، نحبك .
زيت جوز الهند للشعر من باراشوت او زيت السمسم ينفع كبديل للزيت اللي أستخدمتيه
يصير استخدم زيت الشعر ؟
قبل يومين قريت هالموضوع وعلى طول رحت اشتري كم زيت المشكله اني نسيت ايش الزيوت الي ذكرتيها الحماس شين شريت زيت جوز الهند والسمسم وطبعاً زيت الزيتون عندي لما دخلت الحين برجع اشوف الطريقه الا اشوف مكتوب زيت الخروع جتني جلطه مصغره هههههه بس بسوي طريقتك لي طبقتيها عشان بشرتي دهنيه بس المشكله ان فيني عقده ان لازم تكون عندي نفس الاشياء ونفس نوع الغسول عشان اطبق وانا مرتاحه انا الغسول حقي من النوع الي ينشف الوجه وخايفه لما اسويه مع هالطريقه يعطي نتيجه سلبيه عاد هنا صدق يمكن تجيني جلطه مصغره
الله يجزاك خييير آرتوسه
ينفع زيت جنين القمح؟ من االمعصره
وتشمل الطريقة حول العين؟ والرقبه؟
حبييت حبيت حبييت ،، جد شي جمميل و يشوق
يعطيك العافيه وكثر من امثالك
بس عندي سوال ،، انتي تقولين مره واحده نسوي الطريقه
هل مره وحده ف الليل و مره في النهار
ولا مره واحد في اليوم
اشكرك من اعماق قلبي
بلغك ربي رمضان ،، و بارك لك فيه
اهلاً ، كيفك ي قمر , مرره شكراً على مواضيعك وتحمست لهذي الطريقه بس مشكلتي اني ماني اعرفه من وين اشتري زيت جوز الهند البكر يعني فيه اصلي وتقليد او كلووه ماشي ؟ وشكراً مره ثانيه *قلب*
جمالك ارتوسس وجمال تدويناتك
طبعا بس خلصت تدوينتك نقزت على طول اسويها
ماعندي زيت جوز الهند وهو من الاولويات اللي راح اشتريها ان شاء الله مجرد مااخلص اختبارات
بس استبدلته بزيت اللوز
سويت زي ماقلتي غسولي كان غسول اولاي بالتوت
ورطبت بشرتي بكريم فيتامين ه من بودي شوب
طبعا ماراح يبان شي حاليا بس صراحه حسيت وجهي نظف
شكلو ترسبات ميك اب الجامعه اليومي باقي
العيب اللي فيه انو شي مو عملي ابدا
يعني ماتوقع سوزي المشغوله تسويها دايما
بس فيه شي شاغل بالي ارتوس
اخاف زيت اللوز يطول شعر وجهي
والله شي منطقي فكري فيه
واخيرا ششكرا ارتوس
بعد قلبي ابشررررررررري نجربها انا عند اهلي حالياًمو موجد الا زيت زيتون بس اذا رجعت بيتي ان شاءالله بجربها عندي زيت خروع عضوي
بجربها لي ولزوجي ان شاءالله
الله يسعدك
مرة مرة متحمسه اجرب الطريقه
بس ابغى اعرف أسماء المحلات اللي تبيع زيت جوز الهند اللي قلتي فطريق العروبة
لاني برسل مندوب يشتريه لي
ومشكورة مقدماً
ارتوسه انتي اجمل مخلوق ياماشاء الله
بسألك عن زيت السمسم ماذكرتيه وش يناسب اي بشره
> شاريه امي الاصلي منه وشكلي بخلصه لها
الطريقه استخدمتها حوالي اربعه ايام وحسيت النتيجه
اكثر من ممتازه بالنسبه لبشرتي الجافه واستخدمت زيت
جوز الهند العضوي لكنني لاحضت شي ان خدودي انتفخت
بشكل واضح ودا الشي ما حبيتو لاني احب الوجه النحيف فمدري
هل الطريقه هذي سبب ؟
استخدمت الطريقه مرتين البارح واللي قبله
مالاحظت شي الصراحه هههه يمكن يبيله وقت على ماتبين النتيجه او الاشياء اللي استخدمتهم غلط
المهم بستمر فيها بإذن الله
استخدمت زيت جوزالهند عضوي طالبته من آيهرب
وصابون الطاؤوس
وكريم كيو في
يسعدك ارتوسه اذا فيه شي غلط قوليلي استبدلهم بايش؟
وايش رايك بكريم سيتريكس فيتامين سي؟؟
ينفع استخدمه بهالطريقه؟؟
ضروووري اعرف رايك فيه لأني اثق برايك جددا جدا
وربي يسعدك ويوفقك ويحفظك كثر ماتنفعينا يالحبيبه❤
يا هلآ يا هلآ بتوووسه يا هلآ
طبعاً آنآ متابعتك من زمان بس قليلة التعليق
الموهم يا عسل بخصوص الموضوع .،
طبعاً آنا عروسه ليا اربع شهور
وعآرفه فترة بداية الزواج سار عندي روتين يومي للعنايه
و كلها سريع سريع
و بين فتره و فتره اروح عيادة تجميل اعمل تنظيف
بس برضو بما اني انسانه بشتغل
و من تالت شهر رجعت لشغلي
و بين تغيير حياتي من سنقل لمتزوجه اتلخبطت كل اوقاتي
٣٠ سنه بنوته و فجأه اسير متزوجه يوووه حسيت ان حياتي تغيرت
اوك سرت عطول بهتم لنفسي و كشختي و اهملت شويه بشرتي
و من الاساس و جهي من بعد ملكتي بق حبوب بشكل مو طبيعي مع انو عمري ما طلعت لي حبوب بوجهي يقولو عين
بس بقول انو اكيد تغيير هرموني او شي ‘،
المهم رجعت دحين لروتين عنايه اطول و خصصت وقت للعنايه بجسمي و بشرتي ؛
فلما عملت الشي دا اول مره بزيت الارقان حسيت بوجهي سار ناعم بس حيت بجفاف مو طبيعي و بيتقشر وجهي
فقلت ممكن ما ناسبني مع الارقان
رحت امس عطول و اخدت زيت جوز الهند
و برضو نفس الإحساس
بس لاحضت شي ‘؛
انو بيطلع من مسام وجهي شوية دهون زي الي بتنسحب من الرؤوس السوداء ‘؛
المهم حكمل كمان كم يوم و اشوف النتيجه ما حوقف
لازم اخد فتره اطول عشان اعرف فعلاً هل هوا مناسب او لا مو من اول إستخدام ‘؛
و بس حجيك برد تاني بعد كم يوم كمان
و سوري لو طولت عليكي يا عسل
آخر البوستات جداً جيدة حسيت فيها بالنشاط
عجبتني الطريقة و عندك متابعات كنز ماشاء لله لو أني ما أعالج من حب الشباب كان طبقتها عندي أغلب هالزيوت وأشوف هالطريقة ماتكلف أبداً
بس على هالحماس شكلي بجرب المضمضة بالزيت وخصيصاً أني شاريه معجون أسنان من شركة ناو فودز
ربي يعطيك العافية
مرحبا ارتوسه كيفك
ياختي مادري شقولك بس انا من متابعينك من وانا ف الثانوي
احب مواضيعك وروحك ياخي كلشي احبه فيك
اي موضوع اشوفه بسمك ضروري اقراه ياختي انا تعلمت كيف اعتتني بنفسي منك
وقتها كنت ضايعه بزحمه المنتديات ومو عارفه وين ابتدي ووين انتهي وشنو اسوي بروتيني
وصراحه افدتيني كثير وجا الوقت اللي اقولك فيه يعطيك العافيه وربي يسعدك دنيا واخره
ويحقق لك اللي تبينه ، مدونتك تجنن كلشي فيها حلو وان شاء الله لمن اخلض حوسه اختباراتي راح اجرب ونزف لك النتيجه
حقيقي جربت هالطريقة بعد ماشفتك كتبتي عنها بالانستا بدون لا ادخل المدونة واشوف نوعية الزيوت وكذا ^^
أستخدمت زيت الجليسرين قلت بجربه هو المتوفر عندي حاليا ولي تقريبا 5 ايام اجرب هالطريقة مرره مررره فرق وجهي
بشرتي صار لها كم شهر تعبانه وقلبت دهنيه وخدودي صار يطلع فهيا حبوب والله تضيق الصدر بشكل
تخيلي كنت أغسل وجهي ثلاثث مرات باليوم قبل انام واذا صحيت وجهي قالب دهن عليه لازم اغسله بعد وبنص اليوم استخدم عسول خفيف
اول مره سويت هالطريقة قبل انام من كم يوم ويوم صحيت وجهي يجيب السعادة مافي نقطة دهن بس اختياط غسلته بغسول خفيف
وثاني مره نفس الشي وصرت اغسله بمويا بس لان بشرتي صارت عادية لا ذاك الجفاف ولا دهنية الحمدلله الله يتمم عليها ^^
طبعا مااغسل وجهي بهالطريقة وينشف ابخ موية ورد عليه ثم استنى تنشف واحط عاد عليه مرهم مضاد للحبوب وكريم ترطيب
انا قد شفت سوزي من قبل تحكي عن هالطريقة بس مافكرت اجربها لان بشرتي ماكانت تحتاج وخفت تخرب بس الحمدلله وان شاءااله ترجع زي قبل
الله يعطيك العافية ..
–
السلام عليكم ورحمة الله وبركاته ،
جديا اشكرك على الموضوع المفيد هذا ، وصدق اغلب البنات بشره الوجه خصوصا معدومه : (
ان شاء الله الكل يستفيد ، الله يجزاك الججنه ()
بسالك ، المحل اللي بالعروبه وينه بالضبط .؟ اذا ممكن اسمه لاهنتي .؟
صعبه ادور على العروبه كامل ادور محل منتجات صحيه : (
الله يجزاك خير ()
جزاك الله خير يا أرتوس ..
جربتها بزيت الزيتون قبل يومين تقريباً ، أعجبتني جدا ، وارتحت لها خصوصا أني أحب الأشياء الطبيعية وأخاف واكتئب من المنتجات الغير طبيعية ، بس وقفت لأني أحس زيت الزيتون يكثر الشعر ويسمكه ، ووأنا مب ناقصة 🙁 إن شاء بارجع أسويها إذا شريت زيت جوز الهند أو أي زيت ثاني طبيعي .
طبعا اللي لاحظته أني حسيت وجهي نظيف ومنور مع اني سويتها مره وحدة بس ، والدهون اللي يفرزها خشمي اختفت ، واللي استغربته واستانست عليه انه حتى لما غسلت بالصابون كان الزيت باقي في وجهي وواضح بس لما غسلته بالماء الدافي والبارد اختفى وصار وجهي رطب بدون زيت ، شي رائع والله هههههه ، أحلى شي انه تنظيف وترطيب بنفس الوقت وبطريقة طبيعية وآمنة إن شاءالله ..
باعتمدها إن شاءالله للأبد ،
شكراً ، الله ينولك مرادك .
+ نسيت أضيف نقطة أن بشرتي تحسست شي بسيييييط جدا وبوقت قصير ، يعني جتني حكة بسيطة ومدري هو منها أو شي ثاني ، لكن أنا أصلاً بشرتي حساسة .
اتذكر زمان جربت طريقه الزيت ع الوجه موضوع بشمواه وقتها أعطت وجهي نظاره عجيبه تجنن بس فتره وتركتها ومتحمسه اجرب هالطريقه ان شاء الله شكرًا ارتوس
أول ما قريت الموضوع بصراحة استغربت انك جازفتي وبشرتك دهنيه تحطين عليها زيت.. وبعدين قلت أرتوس ما تحب الشغلات اللي يبغالها طولة بال كيف قدرت تجرب (فيس مصدوم)
طريقة ٤٢٤ المريح فيها استخدام الغسول.. والله من كثر الحماس ارسلت لأخوي الفجر بالواتس اب وقلت له روح دور لي على زيت جوز الهند اورغانيك هههههههههههههه
المهم ان البنات قضوا عليه وما لقيته
استخدمت زيت جوز الهند النقي لقيته بالتميمي.. على بال ما يتوفر الأورغانيك
والغسول اللي استخدمته من ديرمالوجيكا لجميع أنواع البشرة.. بشرتي مختلطة وحساسة جدا جدا.. حطيت الزيت وفركت بخفة وبعدين حطيت الغسول وحطيت على اصابعي مويه وبديت أحركه وازيد مويه شوي كل ما احتجت
لما غسلت بالمويه الدافيه حسيت ان خدودي حمرت وكان باقي احساس الزيت على البشرة.. لما غسلت بالباردة كان شعور غريب وحسيت وجهي فقد الاحساس من البروده بس انتعاش وكمان ملمس الزيت خف كثير.. بعد ما خلصت حسيت بقرصات خفيفة بوجهي من المويه البارده ولما بدا أثر التخدير يخف.. ولما نشف وجهي تماما حسيت انه مشدود ونظيف ورطب حتى التي زون نظيفة.. حسيت ان جبهتي وحول عيوني مشدوده وكأني كنت حاطة ماسك.. استمر مده شعور البشرة المشدودة وحبيت النظافة بعدين استخدمت مرطب من ديرما لوجيكا للبشرة الدهنية وهو خالي من الزيت.. عندي عقدة من التي زون هههههههههه
احساس رهيب بصراحة وبستمر عليها ان شاء الله لان احساس الترطيب والانتعاش شي يشجع
مشكوره أرتوس على كل شي تسويه لنا ومشكورة على التجارب اللي تسوينها والله انك انسانه نادرة وتحبين الخير.. الله يوفقك يا رب
صباح الخير
جربت الطريقة ومره جميلة..
عندي استفسارين..
هل ينفع استخدم الديرمارولر لاصرت استخدم هالتكنيك بغسل وجهي؟
وناوية لاخلصت دوام استخدم كريم comfort peel من ليراك
(احماض فاكهة بتركيز 5% ) بس مو ضابط معي اسويهم سوا..احسه انه ماينفع..
وجدا شكرا عالطريقة مره حبيتها
جربتها للمره الثالثه الى الان واضح النضاره واللمعه
ماتقصرين ارتوسه
روووعه الطريقه مع انه شي مخيف الزيوت بس انا اثق فيج بجربها ان شالله قريبا اكيد ❤️❤️
مساء الأناقة .. جربتها بزيت الأرقان رائعة جداً وجهي نظارة ومورد وخفت المسامات من أول مرة شگراً يَ جميلة ♥️
الطريقة اول مرة اعرفها ورحت جربت بزيت سمسم اعتبرها كويسة بس بستمر واشوف خصوصا انو لونا طلعت لي حبوب صغيرة مررره مقهورة منها
وبالنسبة لزيت الزيتون كذلك زمااان استخدمته امتلأ وجهي حبوب فماأنصح فيه ابدا
وارتوس ايتها الفتاة الجميلة شكرا شكرا من القلب بحجم عطائك
ان شاء الله قريب راح جرب هالطريقة .. لما اشتري الزيت
❤️❤️❤️❤️
يا ريت فينا ارتوس نكافئك على كل كلمة ومجهود ومن وقتك عم تعطينا
اخيرا شفت الموضوع :بليز: اووول مرة اسمع عن التنظيف بالزيت في موضوع وفا خان بشمواه
يومها استغررربت مرة ،، الله يسعدها وفا والله كانت مواضيعها حلوة ..
حبيت اني اجرب هالطريقة وتحمست اكثر من موضوع الاسنان ادري حتجيني لوعة 🙁 مرة شربت خروع اول ماحطيته بفمي
ماقدرت ابلعه جلس بفمي و انا ادممممع وبطني لاعت 🙁 بالعافية بلعته
يالله اووول ما اقوم حسويها و بقلك هنا او عالواتس 3>
صباح الورد
كيفك توسي؟؟ بالعادة أفضل العلم على هالامور، لكن أول مرة أشوفك تمدحي لنا شي كذا، للأسف أنا من( إللي تعالج بشرتها من حبوب أو تستخدم مواد كيميائية ليزر مَعفية من التجربة) 🙁 🙁 ,, حتى ما عندي شجاعة أسأل طبيبي لأن أحس بيقول هذي تضيع وقتي كثر ما هريته أسئلة، لو قلت له أغسل بزيت يمكن يعتزل الطب لووول
بس بخلي أختي تجرب لو راق لها الامر، إلى حدٍ ما أحس 10 دقايق واجد..
تسلمي لنا و شكرا على التنبيش في الطرق و على المتابعات الحماسيات ..
بجيب لك افتراح أنا بعد وجربيه ههههههههه
تسلم أناملج عالبوست الاكثر من رائع
تعمدت أؤجل تعليقي لين أجرب هالطريقة أكثر من مرة وأشوف النتيجة صح
بالبداية تحمست لفكرة الزيت لأن بشرتي مختلطة مايلة للجفاف وحساسة جدًا
بعض الاحيان تقشر مع الفونديشن
استخدمت الطريقة مرة مع زيت جوز الهند ومرة زيت جوز الهند وزيت اللوز مع بعض ومرة زيت اللوز بروحه واستخدمت غسول إيڤين
من أول استخدام لاحظت شلون صج الوجه يلق لق على قولتج ومشدود حجم المسام صغر شوي ” انا مشكلة بشرتي المسام ”
حبيت زيت اللوز أكثر من زيت جوز الهند بسبب الرائحة،أكره ريحة جوز الهند بس نتيجته بالشد أفضل من زيت اللوز ، لكن زيت اللوز حبيت ترطيبه أكثر
الطريقة حيل عجبتني بس ما استخدمتها يومياً لأني كسولة ودوامي متعب
لكن بحاول استخدمها يومياً لو مرة وحدة باليوم
قواج الله والله يكثر من أمثالج
ناطرين إبداعاتج
أرتوسه ❤️❤️❤️
جربتهااااا تجننننن تجننننن
خرااااافية النتيجة ماشاءالله
صحيت الصباح بشرتي موردة
و صافييية والمسام تلق
والله اني ادعي لك
و فعلا اثق في طرحك حرفياً ❤️❤️
وباذن الله بجرب بعد طريقتك
بتقشير البشرة
بحبك أوي وخمسة اموااح ههههههه
جربت الطريقة اليوم وحبيتها جدا إستخدمت زيت جوز الهند .
الحبوب الصغيرة تجي بجبهتي غالبا. وهالفترة زايدة مرة حتى حسيت جبهتي خشنه ! مع ان بشرتي دهنية لكن لما عملت هالطريقة
بدون مبالغة أحس الحبوب هجدت شوي وقلت الحكه وحسيت المنطقة تطهرت .
عملت نفس الخطوات ووثقت بصور بعد هههههه , الي صار :
وجهي نضر
نظيف
الحبوب خف هيجانها ومظهرها صار ناعم .
وان شاء الله استمر عليها
شكرا لك ارتوس يعطيك العافية :*
يسعد مساك ارتوسه
استخدمت الطريقه بزيت جوز الهند المصفى و النقي مرتين وجد لاحظت من اول استخدام
بشرتي صارة انعم و الطف ولما قمت من النوم ما حسيت بشعور شي على بشرتي صحيح بشرتي عاديه بس لما اقوم من النوم احس بطبقه جدا رقيقه من الدهون تروح بالغسول
بس مع هالطريقه ماحسيت بهالطبقه ابد ولاحظت ان الرؤوس السوداء الي بانفي خفت كثيير مع اني اهتم بازالتها بس ما شفت زي هالطريقه بازالتها وخففتها كثيير
ربي يسعدك وين ما تكونين
الله يسعدك ويعطيك العافية على كل التدوينات الجميلة
الانسانة الوحيدة اللي أثق فيك وفي أرآئك وأستمتع بقراءة كلامك
حمستيني أجرب الطريقة
المتوفر عندي زيت الافوكادو وزيت الاركان وبجرب بواحد منهم إن شاء الله
اول مره اسمع بهالطريقة .. على اني احب المنتجات الجاهزة والسهله اللي ما تاخذ وقت الا انك حمستيني اجربها جدا ..
بجربها واقولك النتيجه ان شاء الله .. ولو طلباتك اوامر ارتوس ماطلبتي شي
ياختي صايرة تطلعين لنا بتدوينات غريبه اول مره نسمع فيها او مو منتشره عندنا ابدا ..
حلو كذا نجرب اشياء جديدة ونزيد معرفتنا بالبلدان الثانيه وطقوسهم
شكرا عالتدوينه الجميله ارتوس
اشكرك من قلبي
الان تو خلصت ونشف وجهي
صراحه لما قريت الطريقه حسيت انه حياخذ وقت وطويل الموضوع بس طلع مرره بسيط
اول حاجه دلكت وجهي بالزيت جوز الهند وانا جالسه اسولف مع امي طبعا ظبطت الجوال عالتايمر وخلصت وبعدها رحت غسلت وجهي وبعدها غسلت بالمويه الحاره وبعدها البارده
حسيت بشرتي هاديه متماسكه مش عارفه ايش ذا الشعور
لكن الي حسيته غريب لما قعدت ادلك وجهي بالغسول حسيت ان وجهي قماش المس مناطق عمري ماحسيت ف اني المس س قماشه
وكمان حسيت ان وجهي يعورني بالفرك مع اني يادوبك اافرك
وكمان فهمت ايش معنا انهم يبون بس المويه هي الي تلمس البشره مش اليد في البدايه كانت يدي تلمس وجهي واحس بشعور مش مريح وبعدها صرت اغوجهي والمويه هي الي تدلك وجهي
شعور جميل
ثانكيو عالطريقه الغريبه الجميله وان شالله اكمل عليها
الله يجزاك خير ارتووسه ان كنت من متابعينك من ايام عالم حواء ومن بعدها شاموواه كنت انبسط اذا سولفتي عن امك الله يرحمها ويغفر لها مغفره واسعه من عنده واتمنى اني اسلك نفس سلوك امك بتربية عيالي
نرجع للموضوع انا بدأت بالطريقه لكن بزيت زيتون كبدايه كانت حلوه نضاره بالوجه بتابع ع الطريقه لين ماامل
بصرآحه اول ما قريت صار عيوني مبقهه’ههههههه’قاعده أقول كيف بالزيت
بعد ما قريت آستوعبت ودخلت مزاجي
بس هالفترهـ ما بستخدمها لان آعالج الحبوب اللي طلعت
وبعد بجرب ان شاء الله وبقول لك النتيجة “تحمست مرره”
يعطيك الف عآفيه
ارتوس لي اسبوع في التجربة ،، كنت في الطايف واستغليت الاجواء الحلوة خصوصا ان بشرتي تجف شوي في الطايف ،، اكثر يوم انبهرت فيه اليوم الاول ،، نففففس احساسك جيت امسح بالتونر واحط الكريم يزلق ،، نمت لما صحيت شفت المرايه تذكرت بشرتي ايام ١٩ او ١٨ كذا يوم اصحى الاقيها قمممة في النظارة وخدودي موردة .، جد انبهرت من اول يوم ،، كملت ثاني يوم نفس الشي .. ثالث يوم انقطعت المويه في الليل ماغسلت وجهي .. الرابع والخامس والسادس نففس الشي نعومة فظيييعة ووجهي مايدهن ابدا بالعكس في شويه جفاف حول الفم بس ارطبه دايم يكفي خدودي ملساااااء ونظره رغم ان كان عندي مسامات خفيفة حيل حول الانف مزعجتني حسيتها تموهت .. اليوم انا في جدة جيت متأخرة وبستأنف هالتجربة كم يوم في هالجو الحار والرطب اشوف اخبارها معه ،، استخدمت زيت الاركان ..
اهلن اهلن بالجميل ..
على طول من نزلتي التدوينة جاني حماس وسويتها على طول ..
بس مافضيت اعلمك الطريقة ..
كانت عندنا مُناسبه فـ اتشغلت فيها ..
صراحةً تهورت لمن سويتها ب يوم المناسبه ههههه !!
بس النتيجة جداً جداً جميلة ، ولاصار لي اي شي سلبي مع اني كنت متوقعه راح تتهيج بشرتي او تطلع لي حبوب ! ..
استخدمت زيت الزيتون لانه صديق بشرتي
ولانه المتوفر عندي ..
تخوفت من سالفة الغسول فِـ البداية لكن جزمت وكملت ..
الموية الباردة ، نعنشت لي بشرتي و حسيت اني صحصحت ياشيخه ، احساس لايوصصصف ..
و صراحةً النتيجة جميلة .
بعد مانشف وجهي حسيته مشدود ، يلمع ، حسيته مره نظيف ونقي ، خديداتي صاروا ورديات هههههه !! حبيت بشرتي كثير كثير ..
بإذن الله ناويـه اكمل عليها واشوف وش النتيجه ..
تشكرين ياجميلة (F)
عجبتني طريقة التنظيف الاخيرة
زمان كان يستخدمون زيت الزيتون لازالة المكياج بلا مبالغة اعرف من قريباتي واخواتي الي تعدت الاربعين وبشرتها نظرة بالنسبة للي بعمرها والغالب منهم اهتمام عادي للبشرة اغلبها ترطيب ومافي حكمة
وبما ان عندي زيت جوز الهند البكر بجرب الطريقة حبيتها الصراحة واعتقد بتناسب جونا الجاف
شكراً لما تقدمين بجد انبسط وانسى نفسي اذا دخلت مدونتك
فكري تسوين لك برنامج ع الجوال باسم المدونة❤️
مرحبا سوس،
ربي يسعدك عن جد آنت الوحيدة بالعالم اللي تقنعني و آثق فيها بشدة، الله يجزاك خير و يسعدك وين ماكنت،، آحبك جدا..
جربت الطريقة و بالبداية اتوقع شديت بالمساج>> هبلا قلت اوفر وفت ، اسوي سحب بالزيت ، ٤٢٤ بنفس الوقت،
،المهم، حسيت شوي حرارة بالخد و الدقن ممكن عشان المنطقة عندي جافة شوي و انا كمان شديت عليها بالمساج
استخدمت زيت جوز الهند العضوي، جربت بعدها غسول bioderma, بعدين غسلت بالمويا،،
الصراحة نسيت اخذ معي المؤقت فقدرت الوقت، ممكن كان وقت اقل من المفروض..
الزبدة، وقفت الحرارة بعد المويا، وحسيت بوحهي نعوومة و حمرة خدود و حسيت بعد المسام نظيييفة..
جربت اليوم الثاني بدون مضمضة بالزيت و ما شفت حرارة وبرضو النتاىج جمييلة…
اشكرك جدا علي كل شي، ، المعذرة لان الكيبورد عندي انجليزي و اخذ وقت طويييل لااكتب لك<>
كل الود<<
أومميقاااادد أرتوووس ♥
مممممررهه شكككككررررن م تتصوري قد أيش حبيت الطريقة أصلن علقت عليها صرت أسويها وأنا مبسوطة ☺.. خل أحكيك قصة حياتي ف اﻷسبوع اللي راح ، ف اول يوم لمن قريت الموضوع مممره تحمست للتجربة خصوصا انو أنفي شوي جاف وخدودي من فوق فيها جفاف كمان المهم قلت بببس هذي الطريقة المنتازه واروحلك أجيب زيت لوز مر وسويت نفس م قلتي بس م أستخدمت غسول أستخدمت صابونه نسيت أش أسمها بس كانت طبيعية من العسل والزيت وحاجة زي كذا وللمعلومية أتذكر أنها كانت للجسم نسيت هل تصلح للوجه ولالا لاني رميت ورقتها بس جازفت وجربت طريقتي ف الصابون أخليه يصير رغوة ف يدي بعدين أحطه على وجهي لحتى وجهي م ينشف وكمان سمعت مو كويس الصابون يرغي ف وجهي أفضل ف يدك المهم وكمان المويتين زي م قلتي احكها ف كاسة وغالبا تكفيني كاستين لكل مويا دافية وباردة أرطب من بعدها على خدودي وخشمي ب الجولسليد < هوا كذا أسمه صح ؟ المهم واكمل احط باقي كريماتي ، المرة الاولى لاحظت رونق ف البشرة جميل وكذا وجهي كان مره حماس وكل شويا أسئل أمي كيف مو بالله وجهي نظيف وأحمسها المهم قعدت طول الاسبوع أسويها واهلي يتحلطمون معذبة نفسك ومدري وشو والله متعة ماهو عذاب كل م اسويها اتحمس لوجهي من بعدها بس هم م جربوها ولا كان كل واحد يسويها سكاتي وربي مممره الطريقة عجيبه بشرتي صارت مثل م احب الحمدلله يارب الله يزيد ويبارك لولا الله ثم أنتي م كان عرفت بس ناقص الهالات وتروح أن شاء الله ♥♥ وايوا أسوي الحركة قبل النوم وايوا صح ترى مو من اول مره حسيت ترطيب ف مكان الجفاف هوا صح زاد شوية جفاف بس قلت اكيد بشرتي م تعودت ع الطريقة فلمن تتعوج بتتحسن واستمريت والحمدلله كل شيء تمام أي لوف يو أرتوس
ارتوس عن جد دائما يكون عندي رغبة في التعليق عليك ، واكره نفسي انا اقرا واطلع بدون كلمة شكر ، لكن دائما لما أقرأ التدوينه تكون التعليقات كثيرة مشاء الله ف اقعد اقراها لين تضيع قريحتي ههه يعني احس نفسي راح .
لكن مع هذا اعرف انو مو عذر ،، لذلك حبيت اشكرك جدا جدا على كل شئ
يعجبني فيك اشياء كثيرة ويعجبني جدا جدا اهتمامك بترقية المحتوى العربي وتنبيه الناس على هالشئ ،يعجبني فيك انك تبغين من البنات يوصلون لمرحلة العناية الاحترافية وتكتبين طرق ومشاكل دقيقة جدا وكأن حنا فنانات او ممثلات وهالشئ جدا اشكرك عليه ، لإن وأنا أقرأ كنت أحسب بس أنتي اللي مهتمة بهالشئ وتعرفينه لكن انصدمت لما لقيت بنات كثير يعرفون ويناقشون ، فهالشئ بين لي أنك تبغين الخير للناس وتبغين تفيدين البنات ، ومشاء الله مع افتتاحك للمدونه هذي تغيير كثير أسلوبك ومع أنك دائما تتنتهجين نهج علمي بقد ماتقدرين إلا اني لاحظت انو بمدونتك هذي تحاولين تشملين جميع الإطراف وعندي احساس إن شاء الله ان هالمدونة بتكون المدونة الجمالية الاولى اللي كل بنت تتوجه لها إي كانت حالتها الاقتصادية أو إي كانت نوع بشرتها.
وأسأل الله انه يعينك ويكتب لك اﻹجر ، ﻹن الشئ اللي تقومين فيه مو سهل وأعرف قد إيش لما تقولين( عندي أشياء كثيرة بعد ماقلتها ) اعرف فعلا أنك صادقة وعندك الملاحظات والتعليمات الدقيقة اللي بتفيدين فيها البنات ، بس تخلين إيش وتبقين إيش غير حبك وحرصك على أن المعلومة تكون دقيقة فهالشئ يأخذ منك وقت وغير انشغالك بحياتك …
ف اقول الله يكون لك عون ويسهل لك حياتك ويرزقك من واسع فضله .
وان شاء الله تكون حياتك من نجاح لنجاح ..
مرحبا ارتوس❤️
انا متابعتك من ايام شمواه وماعرفت مدونتك الا قبل فترة بسيطة لكن بصمت السبب هو اني ما اقتنع ابدا بالمنتجات الكيماوية وانتِ تحبينها فيه اختلاف كبير لكن بكون ناكرة جميل لو قلت اني ما استفدت منك بالعكس استفدت منك كثييير واجرب اغلب الاشياء اللي تقولينها طبيعية او تكون اسلوب عناية بس اقدر استبدلها بمنتجات طبيعية او كيماوية خفيفية، ليه؟ لاني مؤمنة ان هالشركات همها فلوسنا بس ولو تشوفين المكونات وايش تسبب عالمدى البعيد يصدع راسك اذا تعرفين الاطفال النيليون لو كانوا حقيقيين احس اني منهم مررة اكره الكيماويات طبعا مو كل شيء نقدر نستغني عنه لكني ابحث كثير عن البدائل واغلب البدائل كان مرضية جدا ونتائجها احسن من الكيمائية شرط الاستمرار والاهم مافيها تأنيب ضمير وخوف.. منها التنضيف بالزيت انا جربت الطريقة الالولى لكن بشوية كسل لاني ما اقتنعت فيها بالبداية كنت ادهن فيها قبل النوم وامسج بعدين بمنديل امسح بالطبطبة عشن ازيل الزايد حتى يبقى زيت خفيف وانام زي ماقت لك بشرتي دهنية خاصة الانف والخدود بالشتاء تصير عادية بعد الطريقة بشتري صارت عادية وغير متعبة ابدا يوودعت حب الشباب مع انه كان صغنون ومو كثير لكن النتيجه مبهرة جدا والاشراقة بوجهي ملاحظينها اللي حولي يمكن الشيء الوحيد اللي ماحله هو الرؤوس السوداء، واتمنى توسعين افاقك للطرق الطبيعية ما اقصد حقات حريمنا لانها خرابيط بس الاجانب استفدت منهم كثير وفيه مدونة حياتي وردي راح تبهرك ان شاءالله، تمنياتي لك بايام سعيدة مليانه صحة
السلام عليكم
أنا من أشد المعجبين فيك وبمدونتك
الله يحفظك يارب
دائما أقول لأخواتي مافي مثل مدونة أرتوس ماشاء الله
يعني جد أحس إني استفدت منها مررة وغير مواضيعك المتنوعة
مشكلتي إني أتابع بصمت بس بأحاول أجرب كل شي قلتي عنه بعد ما أشوف إذا يناسبني بشرتي ولا لا
المهم حاليًا جربت طرقة الغسل الكورية وكنت جدًا مرتاحة معاها والكل ملاحظة النظارة اللي في وجهي
بس في البداية خليني أقلك على طبيعة بشرتي
مختلطة
بس الأنف اللي دهني وباقي مناطق الوجه عادي لا هي دهني ولا جاف الحمدلله
بس أحيانًا في جبهتي في منطقة صغيرة طلعت لي فها حبوب صغيرة جدًا وبعد فترة راحت لوحدها
بعد ما استخدمت الطريقة الكورية واستمريت عليها لفترة تفاجأت الحبوب رجعت وطلعت لي بعر في خدي تصيغات صغيرة حمرا مع شوية حبوب ومن جهة خدي الثاني طلع لي أسفل الخط حبوب مع تقشرات جافة حسيت بشرتي بدأت تنعدم وخفت صراحة لأن الحمدلله بشرتي تُعتبر مافيه إلا بعض الشوائب الخفيفة بالطبع غير الهالات السوداء 🙁 الحمدلله على كل حال
أنا حسيت أن المشاكل اللي ببشرتي هي من الغسول نفسه لأني صرت أفركه لمدة دقيقتين ويمكن يكون قوي على بشرتي
لو عندك فكرة أفيديني الله يسعدك
عندي أغلاط إملائية من العجلة 🙁
شكرا ارتوس بصراحة مدونتك رايقه
ومتعوب عليها ..
بديت استخدم هالطريقع لكني اسوي ليزر للشعر
تنفع لي ولا !
وين ألقى هذا المنتج بالشرقيه :”””””))))) ؟؟؟؟؟؟؟؟؟؟؟
ردو علي الله يسعدكم
آسفة على المداخله بس اذا تقصدين الزيوت ؟ تلقين أغلبها في اي عطارة ؛ او وادي النحل ..
موفقة 3>
حبيتهاااااا
جربتها مرتين مرره حلو الاحساس بعدها مورده وناعمه وتدي لمعه زي البيبي
افكر اسويها بعد تنظيف البخار ايش رايك
شكرا ارتوس عالطريقه لانها نفعت معايا ليا سنه وبشرتي تعبانه مو راضيه ترجع زي اول مافي شي نفع معاها حتى التقشير يعطيني مفعول اسبوعين تلاته وترجع تاني
شكرا مره تانيه❤️❤️❤️❤️
وين ينباع بالشرقيه ؟
الله يسعدك ويحقق لك امنياتك♥️،
استفدت منك كثير واثق بكلامك
حبيت اقولك على تجربتي
انا بشرتي تعبتني كانت حبوب شباب خفيفه وعالجتها عند دكاتره ولما تتحسن وتنتهي مرحلة العلاج ترجع بعد فتره اسوأ وصرت استخدم غسولات تجاريه من الصيدله واغلبها ماناسبتني تطلعلي حبوب صغيره وتزداد للاسوأ وصرت اخاف استخدم شي حتى الخلطات الطبيعيه ماتناسبني
استخدمت زيت الخروع مع زيت الجوجوباوغسول طبي بطريقة ٤٢٤وطلعت ليا حبوب وتوجعني وتحك اسوأ مرحله وصلت لها بشرتي لدرجة احس وجهي كانه محروق مافي حل الا ارجع للدكاتره
واذا عندك حل غيره افيديني
صباح الخير ورمضان كريم اليوم تقريبا صارلي عشرين يوم استخدمها
استخدمت جوز الهند ,الارغان زيت اللوز الحلو كلهم ناسبوني
وجهي فيه اثار حبوب لونها خف كثثثثثثثثثثثثثير ومررررا انبسطت من التجربه قلت لكل العيله عنها واعطوني انطباعاتهم الحمدلله الكل شاف نتيجه حلوه ولله مرا مبسوطه الله يسعدك وينولك اللي فبالك
وجررربتها
عساك ومن رباك في جنات النعيم ❤
تميت أسبوع وحبييييت النتيجة
أولا بشرتي عادية وأحيانا تميل للجفاف ..
في البداية استثقلت الشغلة
بس مجرد ما بديت.. اسسسسستمتعت
حبيت الدلال اللي عشته
وربي جلست أمسج بخفة وسعادة ❤
ما أدري كيف أوصف شعوري !
بس ذكرني بالمواليد واحتضانهم ولمسهم ❤
يعني أجلس 10 دقائق ويدي ما تنزل من وجهي !
حبييت .. حبيييت ❤
وصراحة وقت المساج كانت أفكاري إيجابية وحلللوة
شككككرا على مشاركتنا توسة ❤
فاتني جم موضوع في مدونتج بسبب امتحانات عيالي وشغلي ولأني سويت عملية شفط دهون الدبل جين (الذقن المزدوج) فانشغلت والحين قاعده اقرا اللي فاتني كله ، كثير متحمسه اجرب هالطريقه واكيد راح اجربها وع فكره امي دايما قبل النوم ادلك بشرتها بزيت الارغان الأصلي والصبح تغسل بشرتها بالغسول بس للأمانه تبارك الله مافيها تجاعيد وبشرتها ناعمه ونضره اذكر وحده من صديقاتي اتقولي عن اختها راحت عند مركز تبي اتسوي بوتوكس واستغرب الدكتور ان ماعندها كثير تجاعيد وهي بعمر الاربعين بشرتها ولاغلطة تبارك الله قالت انها دايما تستخدم زيت الزيتون وطبعا في ناس ممكن ينفع معاهم وفي ناس اكيد لا وانا بشرتي مختلطه مايله للدهنيه وقبل شهر انتهيت من فصل الريؤكتان وراح اجرب هالطريقه باستخدام زيت اللوز الحلو او الارغان بس بغيت اسألج بعد الغسيل عادي احط الديفرين جل واللا اوقف استخدامه وجزيتي كل الخير غاليتي ،صح تذكرت اذكر مره سويت نفس طريقة امي وادلكت بشرتي بزيت ارغان ونمت فيه للأمانه ثان يوم بشرتي نااااعمه ونضره
مراحب ياجميله الجميلات…اكيد نشوفك بقلوبنا قبل عيوننا…فيس مستحي
المهم انه هذي اول مره ارد على موضوع بهالسرعه لاني بالعادة لازم أعطي التجربه وقتها قبل ما أحكم عليه. ..وأنا ترا جربت أشياء كثيييره من نصايحك جعلك ووالديك بالجنة بس برد عليها لما اتأكد ميه بالميه
وصف بشرتي…انا بالثلاثينات بشرتي كااانت دهنيه وفيها حب شباب كثير وملتهب جدا وعالجتها بالركوتان وتحولت لجافه وحساسه والآثار عالجتها بليزر الفراكشنل وخفت كثير بس مازال فيه آثار عميقة قاعده ادور لها حل…ليتك تنصحيني لو فيه حل ثاني
بديت بطريقه التنظيف بالزيت من شهر تقريباً ست ايام بالأسبوع وحسيت بالفرق من أول أسبوع … القشوووور اختفت على الرغم من اني استخدم مرطب يومي….وبعد البشره تنعمت وحسيت انها صارت افتح يمكن عشان قبل كان فيها قشور
استخدمت زيت جوز الهند وقطرات من زيت الأركان وغسول سيتافيل ومرطب كيوفي
الله يغفر لتس ووالدينتس على كل حرف تكتبينه
ياشيخة احوووبوووووكي
جربتها مع جهاز لونا بزيت بذور العنب وفيانين اي
صراخة شي مرررررة يجنن النتايج خرافية
بشرتي سايرة مشدودة وناااااعمة
اتعب اقول ناعمة
واحس وشي فيهىنضارة ومنور
من جد ما بابالغ
اثق فيك ولا اثق بدكتوره جلديه ارتوس شخصيه تعطي بتجربه وصدق وأمانه اذا ذكرتي اي طريقة سواءً مكياج عنايه طبخ أسويها وانا واثقه من النتيجه بشرتي لي فتره مهملتها جربت الطريقه شي شي كل شوي احط إصبعي على وجهي نااعم واذا صحيت من النوم وجهي فيه بريق وناعم ،، مشكلت الطريقه ممله وطويلة
والله مره شكراً الله يسعدك أسلوبك حلو و استمري أتمنى لك كل التوفيق و بجربها قبل العيد ان شاء الله تناسبني لأَنِّي خبصت بوجهي كثير فنشاءالله يكون شي كويس وبس ✋
السلام عليكم ..
جربت طريقة 424 بس غلطت بحاجة بدال ما استخدم غسول استخدمت صابون جونسون وعملت بعد الخطوات الباقية وقبل ما انام كان وجهي صاف ومحمر على خفيف نقول مورد صحيت هنا الكارثة طلعت بوجهي حبوب في خدودي وخشمي و للامانة انا ماقد تطلع حبوب بخدودي لانو بشرتي مختلطة ومني عارفة هل اكمل او ايش
وبسالك ايش استخدم عشان تروح هل هالحبوب
وشكراً مقدما
مشكورة على الطريقة لانو نتائجها مرة حلوة. ما كنت بعرف هاي الطريقة الا لما شفت بشرة بنت عمي كيف صارت ما شاء الله وسألتها وخرتني على هذه الطريقة.
السلام آرتوس السوو بيوتيفل ..
ماقد رديت على مدونة او يوتيوبر بحياتي ؛ فللأسف انا من الفئة الي تاخذ الفائدة وتمشي بس ترا ادعي لكم يعني . الزبدة توني سويت هالطريقة العجيبة الجميلة الروعة ؛ سويتها ب3 زيوت خلطتها بالطريقة الي قلتيها 2 الى 1 لأن بشرتي دهنية ؛فحطيت 2 ملعقة زيت خروع و نصف ملعقة زيت اللوز الحلو ونصف ملعقة زيت الجوجوبا لأن بشرتي فيها حبوب المجموع 3 ملاعق خلطتهم كويس وبعدين أخذت مقدار ملعقة منهم وحطيته على وجهي مع التمسيج قصدي مع القيام بالمساج ،المهم الباقي تميته مثل كلامك .
النتيجة : بصراحة وانا أنتظر وجهي ينشف من الماء حسيت البثور السوداء البثرة في خشمي خففففن كثير كأني حاطه على خشمي برايمر او مخفي عيوب او مدري ايش يعني روعععة .
شكرا جزييلا آرتوس الله يسعدك ويوفقك وييسر لك أمورك .
بستمر على الطريقة بإذن الله إلى الأبد .. 3>
امم شوقتيني اسويها ع اني اول مادخلت للموضوع ع طول جاء براسي ما بسويها
حسيت صعب اني احط زيت ع وجهي بما انو بشرتي دهنيه وبعد لما قلتي 10د
لكن ما يمنع اني اجربها بما انو نتيجتها مثل ما قلتي
مساء الخير ? الله يعطيك حتى يرضيك ? عندي تعقيب على ردي السابق… وهو اني عرفت ان بشرتي ماهي جافه ولكن مختلطه (فيس مستحي)كنت احسب ان القشور جفاف ولكن عرفت انها تبي عناااايه وان شاء الله مستمرين بتجريب المنتجات اللي تكتبين عنه…. قلوووووب من القصيم لبيتكم والله يغفر لتس ووالديتس ? ? ?
الله يعطيك العافية ??
جربت الريقة بزيت جوز الهند.. بشرتي مختلطة حساسة.. أول مرة جربتها استمريت أربع أيام لكن ما ناسبتني أبدا وسببت لي تهيج.. قلت يمكن لأني مرهقة والجو ما كان كويس.. بعد ما تحسنت بشرتي بشهر رجعت أجربها ? وما ناسبتني أتوقع زيت جوز الهند ما يناسبني فبعد فترة باستخدم نوع ثاني من الزيوت وأكتب تجربتي ان شاء الله..
خليت أختي تجربها وهي بشرتها دهنية.. وفعلا ناسبتها ولا سببت لها أي مشاكل وكان فيه نضارة بعد ما استمرت كم يوم
مرحبا ارتوس ?
اول شيء شكرًا لعطائك واهتمامك بالغير بلا مقابل
انا بالصدفه شفت موضوع لك عن طريقة تنظيف الوجه بالطريقة الكوريه وانا بشرتي دهنيه اول شيء خفت اجربها بس قلت رح اجربها مره وحده واذا حسّيت في أضرار ع بشرتي بتركها، بس اول أسبوع عدا ع خير وكانت بشرتي من اروع ما يكون! بشره بتجنن حتى صرت اطلع مشاوير بلا ميك اب، بس بعدين حسّيت طلع من بشرتي مثل الحبوب بس جوا الجلد 🙁 والآن تركت ألطريقه بس الحبوب لسا موجودة وجدًا متخوفة! انا عندي مناسبه بعد أسبوع وخايفه تكون بشرتي بشعه والحبوب تأثر ع منظري
بتمنى يارب تشوفي المسج وتردين علي بأسرع وقت، وأسفه ع الاطاله
الله يوفقك وييسرلك يارب ???
من يوم شفت موضوعك ناوية أجربه و أرد لك بس تو تحصل لي فرصة.. معليش على التوقيت العرقوبي
بشرتي دهنية جربتها مع زيت الأرغان
النتيجة لاحظت ترطيب عميق بدون ما يعطي مظهر دهني الوجه؛ نتيجة أشوفها حلوة
هل بستمر عليها؟ يمكن أخليها شيء أسبوعي أو مرتين بالأسبوع
لأن على النتيجة صح أحس بشرتي مرتاحة بس مو عملية لشخص كسول كل يوم أغسل وجهي فيها
متحمسة أجربها مع زيوت ثانية عشان أتحمس أسويها أكثر
و معليش كنت ناوية أكتبها أبكر كويس صار فيه أشخاص عرقوبيين أكثر منك ?
أتمنى لك يوم جيد
تحمست أجربها ، يعطيك الف عافية ، طرحك حلو و ممتع ، و تحمست أكثر لما شفت بشرتك دهنية مثلي.
طليت على اكثر من موضوع لك و كل واحد يقول الزوود عندي تبارك الرحمن.
استمري و حنا وراك هههه
صباح مساء الجمال لأجمل مدونة
أرتوس في البداية اعتذر جدا جدا على التأخير في ذكر التجربة مر أكثر من سنة 🙁
أول مانزلتي التدوينة اذكر قرأتها في الظهر وفي الليل نفذت التجربة مو بزيت جوز الهند الطبيعي لأن ما كان متوفر وقتها بزيت الزيتون و زيت اللوز و زيت جوز الهند للشعر ومو طبيعي لمدة4 أيام سبب عدم تكملة التجربة وذكرها بوقتها لأن ما أنبهرت بالنتيجة صحيح ماكانت عديمة الفائدة لكن فضلت أطبق التجربة بحذافيرها خصوصا بعد ماعرفت ان الزيوت كانت منهية الصلاحية , الشي الي اذكره هو النعومة في كل ال4 أيام والترطيب و بعد عيد الفطر سنة 2016 توفر لي زيت جوز الهند ومن ذاك الوقت إلى قبل شهرين تقريبا وأنا أكرر التجربة لأن ما كنت اطبقها يوميا لمدة اسبوع وبدون إنقطاع ولمى أوقف يوم أبدأ اعيدها من الأول مصره تكون يوميا و بدون انقطاع وهالشي صعب.
وتم التفيذ بالطريقة الي ابغاها يوميا لمدة أسبوع ثم أكتشفت اني ماشاء الله علي مطبقتها غلط كنت حاسه وقتها بس قلت لا انا متأكده 422 وقت مابكتبها قلت برجع ارجع أقرأ التدوينة وطلع احساسي في محله ,ورجعت أعيدها لمدة اسبوع وتم أخيرا التنفيذ بالتمام والكمال وبعد كل هالتفاصيل نجي للمهم ذكرتها لتعذرين تأخري..
طريقة حلوه وأنقذتني وقت إنتهاء مرطبي ماكنت ارطب اكتفي بيها طبعا بتقولين بعد كل التكرار ذا عشان تنفذينها بحذافيرها وفي النهاية تسحبين على المرطب هههههههههه بس جد جد احس مايحتاج وجهي يكون مترطب بعمق ,أفضل وقت لها هو فصل الشتاء في الصيف سببت لي كتمه في وجهي, استخدمت كذا غسول نيتروجينا وصابونة العسل من لاش وصابونه ما اعرف ايش حقت اختي رمت الكرتون ما شفته والكيس شفاف مو مكتوب عليه شي وهي تجي شفافه شوي مايله للصفار افضل شي بينها صابونة العسل غسول نيتروجينا مانظف لي بشرتي كويس من الزيت اضطر بعد التنظيف بالصابون بحركات دائريه اغسل وجهي واخذ غسول شوي وارجع انظف وجهي بالغسول والمويه.
نبدأ بالعيوب
-مو عملية ابدا مملة, وقت لمى يكون عندي دوام الصباح مافي وقت اجلس 10دقايق فيها أو حتى في الليل بعد المناسبة مرره مايكون في حيل اوقف قدام المرايه 10 دقايق اغسل واشطف ووو بالقوه ازيل المكياج وانظف البشرة قررت اطبقها فقط وقت مايكون عندي جل الديفرين.
-لازم تكون اسلوب حياة لتضل نتيجتها الحلوة وهو روتين ممل ومو عملي.
المميزات
_انتعاش المويه الباردة في الأخير جميل ومنعش ومنشط في الصباح اصابع يدي تتجمد من كثر ما ادخلها في المويه طبعا أكون مجهزه المويه في صحن توفير للماء.
-المساج الطويل للبشرة ينشط الوجه ويخليك مصحصحة وقتها بشرتي تورد.
_يعطي للبشرة طراوة كذا لمى امسك خدودي احسها متغذيه من جوه زي ملمس العجينة (طبعا ما اقصد عجينة الكريب لا زي عجينة الفطائر طريه ) احساس بالترطيب عميق اعمق شي جربته كأني حاقنة بشرتي بزيت لدرجة ما احتاج ارطب بعدها مايمنع بعد مسحه خفيفة جدا اذا حسيت اني احتاج.
طبعا لمى كنت انظف بالزيت لمدة دقيقتين مو 4 مو قلت لك سويتها لمدة اسبوع خطأ 422 ماحسيت بدرجة الترطيب ذي.
-واكيد نعومة بشرتي عادية الى جافة فنتيجة الترطيب تعطيني احساس بالنعومة جميل.
_بالنسبة للحبوب أو أثارها ما اثر فيها لا بالسلب ولا بالإيجاب عندي اثار حبوب خفيفة وحبوب صغيرة وقليله تطلع لي من فترة لفترة كالعادة ما اختلف شي.
-بعد اليوم الرابع نظارة وحيوية للبشرة خفيفة يعني لو بقارنها بالنظارة الي يعطينها جل الديفرين الجل افضل.
وشكرا يا أجمل شي في عالم الإنترنت.