صَباح / مَساء الإنسانية ..
تَصدقون اليَوم أنا سَعيدة جداً , حسيت إني قدرت أحقق ٥ ٪ من أهدافي بالمُدونة
أول شيء تَفاعلكم كَوني بطرح تَدوينة عن الحَيوانات وَ عن حياة قط ما أشوفه جذاب للكثير
[ وَ مع ذلك على العَكس تَماماً , أنا ما صَرت أتنفس أوكسجين , أنا أتنفس حُب ] ..
الشيء الثاني رَدودكم علي بالمُدونة خَلاب , حَسيت إن مُتابعيني من مَدينة أفلاطون الفاضلة
أنا زَمان أدَون بُمدونة داخل المُنتدى الخاص بي لكن كان المَوضوع مُغلق ,كنت أشوف بالأسفل عدد المَتواجدين الأن داخل المَوضوع
[ غالباً بين الـ ٦٠٠ إلى ٢٠٠٠ زائر بنفس اللحظة ]
تَوقعت لو فتحت مُدونة عدد الردود ما راح تتجاوز الـ ٢٠ رَد بالكثير , لأن الناس الأن فَقدوا التَواصل صار الكل يَتلقى فقط
يعني شفت مَعلومة بَصور الشاشة سوا بالآيباد أو الجَوال .. إلخ
عالأقل بنقول الرَد بيكون سَطر مَثل : يعطيك العافية , أو نايس
لا بالله وَجدت العَكس تماماً ردود بكثافة وَ مشاعر جَياشة , وَ الرُدود مُعلقات مَهب ردود عابرة
أنا أدون مَن زمان وَ ما أنتظر كَومنت أو شَكر وَ لا ما كان خَليت مُدونتي داخل مُنتدى بَموضوع مُغلق , كان طرحتها كَمواضيع مُنفصلة
الزُبدة : شُكراً شُكراً شُكراً
إذا أزدهرت هالمُدونة فهو بفضل من الله ثٌم بفضل هالتشجيع مَنكم , ثُم بفضل العَمل
وَ أعتقد واضح هالأمر مَن نشاطي بشكل عام بالمُدونة
نَروح لمَوضوعنا لليَوم ..
كثير أسئلة تتكرر علي ، كم عمر يون ؟ وَش نوعة ؟ مِن وين شريتيه ؟ ……..الخ من أسئلة
اليوم بجاوبكم على كل هالأسئلة ، وَ بطنب ، إللي مصدع راسها من القرقرة وَ اللي ما تحب الحيوانات أنصحها لاعاد تكمل قراية ، لأن موضوعنا مُو فوائد كِثر ما هو عبارة عن قصة لتبني قط
إللي يتابعني بالأنستجرام يمكن يعرف قِصص كثيرة ذَكرتها عن ليون
مِشواري مَع تربية الحيوانات أو بالأصح مع تربية القطط ~
بادئ ذي بدء علاقتي مع الحيوانات ماكانت ذيك الزود يعني مَا كنت عاشقة للحيوانات كانت علاقتي ما تتعدى شوفتي لهم بالبرامج وَ حديقة الحيوان ، وَ كانت تجذبني الحيوانات المفترسة مثل الذئاب الفهود وَ الأسود وَ النمور أحب اتأمل في أشكالهم ..
وَ إذا مرت جنبي قطوة مُمكن يصيبني شلل الرعاش ، على الرغم أغلب العيلة من مُحبين الحيوانات ، وَ أمي الله يرحمها كانت تربي عصافير وَ ببغاوات لكن علاقتي بهم كانت ما تتجاوز شوفتهم أو بالكثير أعبي صحونهم أكل ..
أذكر مره اخوي الكبير صاد جرابيع ( إللي مايعرف الجربوع هُو حيوان يشبه الفار يعيش بالصحراء رجوله طويله وَ يدينه قصيرة ،يعتبر إصطياده وَ أكله من طقوس الرحلات البرية عندنا وَ هذا شكله للي ما يَعرفه )
المهم ذاك اليوم أخوي كان راجع من البر جايب معه ضب ، وَ قنفذ وَ كرتون الظاهر فيه 4 جرابيع ،وَ كان مخزق الكرتون عشان مايموتون ،وَ الظاهر حطهم قرب الصالة وَ حنا مو منتبيهن ، بنفس اليوم أنا وَ أختي قررنا نشوف فيلم وَ طفينا أنوار الصاله وَ شغلنا الفيلم ، وَ ماهي إلا دقايق وَ نشوف الجرابيع تتنطوط قدامنا ..
بذاك اليوم عرفت المعنى الحقيقي لأم الركب ، أنا وَ أختي أُصبنا بحالة من الذهول وَ جمدنا مكانا ، ما أعرف الفترة الزمنيه إللي وَقف الزمن فيها وَ حنا وَاقفين وَ الجرابيع تناقز حولنا ، ماهي دقايق وَ استوعبنا الصدمة وَ طلعنا فوق الطاولة وَ هاتك يا عَوِيل ، لين جت أمي وَ أنقذتنا أو بالأصح إنتشلتنا مِن الهبل إللي حنا فيه إللي يسمعنا يقول طب علينا قودزيلا مو جرابيع .
[ عاد أمي قالت : قلة أدب , فَجعتوني بأصواتكم قلت طَب عليكم حَرامي ,صار شيء كايد .. ههههههه حستنا سخيفات ]
أخواني وَ الحيوانات ~
هالَوضعية وَ ضعية الخَوف
يمكن لما كنت بـ ثالث إبتدائي أو أصغر ما أذكر بالضبط أخوي الكبير (وَقتها كان مراهق) شرى كلبين واحد جيرمن شيبرد ..
( أعشق هالفصيلة من الكلاب )
وَ الثاني كلب ما أذكر نوعه بس من كلاب الزينة إللي شكلها كنها دمية ، حبيتهم كثير ، بس كان عندي شوية خوف من لمسهم ، لكن للأسف أمي مانعت بشدة وَجودهم بالبيت بسبب الحكم الشرعي بتربيتهم
وَ من كِثر حُب أخوي لهم إستأجرلهم إستراحة وَ حارس وَ صار بين فترة وَ فترة يزورهم أو يجيبهم وَ ناخذ فرة معهم بالسيارة ،وَ كان يسافر كل أسبوع الهاف مون (الشرقية) بس عشان يمشيهم ، بعدها حس إنه ظالمهم وَ أضطر يوهبهم لصديق له..
بشكل عام أخوي الكبير ، وَ أخوي الصغير ، جداً جداً مُغرمين بالحيوانات من طفولتهم ، أخوي الصغير هو إللي كان يجيب العصافير وَ الببغاوات وَ أمي إللي تربيهم ، وَ ماخلى أفعى بالسعودية الا وَ أتصور معها ، وَ لا أنكر مره جاب أفعى وَ كنت خايفة مَنها , صرت أدخل يَومياً غرفته أشئر عليها وَ أطلع .. بجد بجد يَوم راحت مَن عندنا إشتقت لها
[ ما تَخيلت بَحياتي بشتاق لأفعى خاصة إني ما كُنت مَتفاعلة مَعها بس أطالعها من بَعيد وَثر طلع لها مَكان بقلبي ههههههههه ]
أذكر بمرة من المَرات كنا نتفرج فيلم بريف هارت ( قلب الشجاع ) عاد مدري كيف أهلي سمحوا نشوف فيلم عنيف بذاك العمر، المهم بأحد مقاطع الفيلم كان البطل ( ميل جبسون ) يقفز بحصانه من بيت عالي أو جسر وَ يطيح بالنهر ، طبعاً كلنا كانت قلوبنا مع البطل ، إلا أخوي الصغير صارخ بصوت عالي
وَ قال : وَ الحصااااااان
شوي وَ يبكي: حرام مات الحصان
وَ الله ضلت بقلبه مانساها لين مرة بعد سنوات من الفيلم شفنا خلف كواليس الفيلم وَ كان من ضمنها لقطة النطة إللي أحزنت أخوي
وَ كان الحصان مجرد مجسم حصان مو خيل حقيقي ، وَ قتها قال الحمد لله حقدت عليهم على بالي أذوا الحصان هههههههه
[ قلنا له آآآآآآآآآوه لسى بَقلبك !! من جد إنت تُحفة ] ..
إللي أبي أقوله رغم إن إللي حولي مُغرمين بالحيوانات هالشي ماخلاني أعشقها ، لين يوم كنت بزيارة لفيفا (وقتها كان فيها حيوانات مدري ألحين وَش أخبارها )
شفت ولد حامل قطوة على كتفه وَ القطوه متشعبطه وَ ماسكته ، مدري هالشي دغدغ شعوري وَ لمس جيناتي العاشقة للحيوانات إللي ما إكتشفتها
على طول قلت لأمي أبي قطوة ، وَ فعلاً أمي ماقصرت وَ فرينا محلات الحيوانات ندور على قطوة تعجبني ، لين لقيت قطوة سَوداء وَ عيونها عَسلية ( نفس ذوقي ) ..
بس مدري حسيت بالخوف وَ المسؤولية خاصة لما شفتها ، أدركت إن العناية فيها صعبة وَ مسؤولية ، فكنسلت الفكرة بالمرة مع إن أمي قالت بساعدك في تربيتها ، بس حسيت إني مو قدها , وَ صاروا أخواني يَقولون وَش صار على قَطوتك : أقول خَفت بطلت وَ الله
وَ عدت الأيام يمكن سَنتين أو 3 سنوات على سالفة تبني قط ، صَراحة شلت من بالي فكرة تربية حيوان
لين بعد فترة قصيرة من وفاة أمي الله يرحمها ، أخوي الكبير خاف أني أدخل بمرحلة إكتئاب أو حزن ، ففاجأني دون سابق إنذار بقطو ، أخوي عنده صديق معه قطط كثيرة وقتها كانت أخته حامل أو وحدة مِن العيلة فَوزع بعض القطاوة لأصحابه
وَ القطط المُفضلة عنده نزلهم للحوش ، فأخوي طلب منه قطو فقط لأسبوعين على أساس بس أجرب أعتني فيه مؤقت , وَ إذا قدرت أتحمل المسؤولية بيختارلي أخوي قطو على مزاجي ( طبعاً أخوي حذرة قاله بس هاه ترى إذا حبته أختي مافي قوة بالعالم بترجعلك قطوك)
أذكر أول ماجا ليون كنت برى البيت بزيارة لقريباتي ، يوم دخلت البيت إلا ألقى قطو بحضن اخوي يقولي تعالي هذا القطو لك ..
موقفي كان : يمااااااااا أخاف ، طبعاً يقولون لي يا هبله مايخوف تعالي جربي إلمسيه …. الخ من الكلام ، مسكت أدين أخوي الصغير بما إنه عاشق للحيوانات قلتله بالله ساعدني أخاف ما أعرف أعتني فيه ، قال: وَ لا يهمك بساعدك ..
قال: تعالي بخليك تأكلينها جاب شرحة مارتديلا كانت بالثلاجه ، وَ أكلها إياها بيدينه وَ يحاول يقنعني أأكلة بيديني ، وَ أنا ماش مافي فايدة ، جلست بالصاله وَ احساسي نفس إحساس الشخص إللي عنده ضيف مايتكلم نفس لغته ، وَ أطالعه من بعيد وَ القطو يتفتل بالبيت لين جا وَ قعد بحضني وَ لحس يدي ، هالوقت حسيت بالحنيه تجاهه ورحمته بس بعد ماحبيته
وَ على طول رحت شريتله فرش وَ صندوق الليتر بوكس وَ أكل وَ تربه ، وَ إن كاني نمت ذيك الليلة ماقدرت أنام خايفه عليه وَ حسيته وحيد
[ بيومها رحت نمت بغرفتي وَ تركته بالصاله ]
يوم قمت الصبح مالقيته ، وَ الصاله كانت محيوسه شوي ، بركن الصاله كان فيه دولاب للزينة ، هالدولاب فيه إستريو وَ فازه فيها زرع ، الدولاب كان بين ركنين عشان تقهمون يعني فيه زاوية فراغ وراه وَ قرب الدولاب كان فيه مكيف سبيلت ، الظاهر كان ليون خايف وَ نط فوق الدولاب على أساس ينط فوق المكيف لأن القطاوه إذا خافت بتطلع لأعلى مكان أو تتخبى تحت ظل شيء
وَ هالضعيف مسكين بغى ينط وَ طاح ورى الدولاب وَ طاح معه الزرع وَ إنكسرت الفازة وَ تناثرت عليه التربه وَ أنحجر بالزاوية وَ لا قدر يطلع بهاللحظه حسيت إني حبيته ، وَبدت عملية الإنقاذ لأن الدولاب ثقيل زحناه وَ إنتشلناه من الأنقاض ، وَ على طول شلته للبيطري صلحتله وَ خليتهم يحممونه وَ يقصون أظافره وَ يقومون باللازم
طلعتله دفتر ، وَ البيطري صنف فصيلتة أمريكي طويل الشعر ( أمريكان لونق هير ) طبعاً مو أصيل هو هجين أتوقع مع آنجورا تركي
وَ قالي البيطري حافظي عليه فيسه حلو وَ مميز وَقتها كان صغير عمره 6 أشهر ما بعد بلغ
وَ باقي له أشهر وَ بيصير عُمره ٩ سَنوات
ليش سميته ليون ؟
أخوي الصغير أطلق عليه الإسم لأن طباعة وَحشية شوي وَ شكله معضل وَ أنيابه طويلة وَ بنيته ضخمة على قطو وَ الأهم إن عنده شعر برقبته مثل لبدة الأسد
عفكرة أول ما تَربون قطط مُمكن تتصرفون تَصرفات غبية بالتَعامل معه
مثلاً أنا شريت له لحاف عأساس يَتغطى به , وَ كنت كل ما يَنام أغطيه باللحاف ..
وَ أكتشف إن قَطوي يطلع من اللحاف وَ ينام فوق اللحاف
[ أهلي يَضحكون يقولون عبالك إنسان !! وَبره يَكفي ] ..
بَرضو مرة ليون كان يَلعب وَ نابه نتفه منه أنَكسر , شَلته فوراً للبيطري وَ معي جَزء من الناب
قلت له إنكسر ناب لَيون , قالي : وَش أسوي لك !! خلاص أرمي هالجزء من الناب بالزَبالة
[ طبعاً قلت بقلبي وَش هلي ما عَنده إنسانية ]
وَ رجعت أناقشه أخاف يسوس أو تلتهب لثته , قالي عادي ما راح يصير له شيء
المُهم طلع كلامه صَح ما صار لقَطوي شيء وَ لا حتى مبين إن جَزء من نابه مَكسور ..
الفَطرة راح تقودكم لكيفية التَعامل مَعه , أنا أشوف حركاتي مَع قطوي نفس حركات أي إنسان سوي مَعه قطو
مثلاً لما أشوف يابانيه ألقاها تتعامل مَعه نفسي , أقول سَبحان الله وَ أنا عبالي هالحركة غبية محداً يسويها غيري
تفاعله هُو إللي يقودك لكيفية التَعامل ..
طرائف لَيون ~
هالقصة سبق وَ كتبتها بحسابي القديم بالأنستقرام
ياطويلات العمر ، مرة كان أبوي مسافر طلع من غرفته وَ ترك بابها مفتوح ، بعد ماودعناه رجعت قفلت باب الغرفه بدون لا أشيك عالغرفة.
الصبح ألقى ليون واقف عند باب الغرفه وَ يصيح ، قلت إف والله حلاته هالقطو حتى هو حاس بفراق أبوي لا بعد أتفلسف أنا ووجهي أقول لأهلي حتى ليون طلع أصيل ماهان عليه فراق أبوي
ماهي إلا ساعات ورجع يصيح من جديد وَ هالمرة كان صياحه أكثر ، وَ خرته عن باب الغرفة وَ كل مابعدته رجع وَ صياحه يسبقه
قلت : معقول كل هذا شوق ، وَ قَررت أفتح له باب الغرفه ياخذ فرة بالغرفة عشان يقتنع
وَ عاد فتحت الغرفه ، وَ القى لكم هذاك المخلوق اللي يشبه الحية الصغيرة مَتربعة بوسط السرير ، وَ بسرعة البرق ينط ليون فوق السرير وَ يحفر جنب المخلوق الصغير
أكيد خطر ببالكم إن المخلوق هذا حية وَ ليون يحاول يحميني ،هههههه لا حبيباتي هالشي طلع فضلات ليون ، المجرم الصغير ترك ككا تذكارية فوق السرير لأن وقتها كنت أدربه على إستخدام حمام البشر لقضاء الحاجه فكان كل مالقى أي شي اسفنجي يحاول يستغله
طلع هالمجرم مايبكي شوقاً على فراق أبوي ، إنما يبكي يبي يستر فضيحته ، طبعاً نظفت الغرفه وَ لا من شاف وَ لا من دري وَ ماتت السالفة بأرضها
قطة الشوارع ميشو ،’
تذكرون القطة الحامل ميشو إللي حكيتلكم عنها بالإنستقرام ، إللي مايعرف ميشو هذي قطوة مُشردة مُزعجه تصيح عند باب البيت مرة ساعدتها وَ أعطيتها أكل لزقت فيني لزقة قشرى، وَ صارت تمتهن حرمة البيت ، ممكن دون سابق إنذار نلقاها بالصالة إذا نسينا درايش الغرف مفتوحة
أول يوم شافها ليون صاح عليها إذا عصبت القطاوة تطلع مثل صوت الحية وَ يصير شكلهم مخيف عاد معرف الإسم العلمي لهالحالة ، كان زعلان في البداية وَ مكتئب مع إن القطوة تدخل البيت شوي وَ أطلعها ، لكن نفسيته ساءت شوي من تواجدها ، كنت مجهزة للقطوة كرتون وَ منشفه على أساس توضع عندنا بالحوش
لكن هي شقية تبي تدخل البيت غصب وَ حركية فاضطريت اطردها برى البيت ، أدخلها وقت الأكل الحوش وَ أعطيها المقسوم وَ أخليها تتوكل على الله ..
سألتوني بالأنستجرام : إذا ميشو ولدت ؟
للأسف ولدت بس ماعرف وَين عيالها ، تجي كل يوم تاكل وَ تروح لعيالها ، أول يوم ولدت فيها كانت غايبه عن زيارتها لنا لمُدة يومين
وَ رجعت جُوعانه موت فتحت لها باب الحوش وَ ماألقاها إلا ناطة للصالة وَ صادف كان فيه صحن به أكل ليون أنقضت عليه كنقضاض النار على الهشيم ، عاد لو شفتوا شكل ليون وقتها، مثل الطفل إللي أهله سحبوا عليه وَ قعدوا يدللون أخوه الصغير
القصة مو هنا ،بنفس اليوم كُنت تعبانه ما نمت زين ، إتجهت لفرشي وَ كنت بحالة شوق للنوم ، وَ على طول حطيت راسي بالمخدة وَ نمت ماهي ربع ساعه إلا أحس بحرارة براسي ، نطيت من فراشي وَ إلا ألقى هالمصيبه قاعد فوق مخدتي وَ جنبة رقعة بول صغيرة عالمخدة نفسها الله يكرمكم ( أدري أدري بتقولون ويييع )
طبعاً مايحتاجي كتفي تبلل شوي وَ شعري ، وَ على طول عالشاور ، وَ كانت أسوأ نومة في حياتي
عاد قلت لأخوي قال : الظاهر يحس إنك من أملاكة وَ ذكور القطط دائماً تحوط منطقتها بالبول عشان تحدد نطاق سلطتها وَ تمنع الحيوانات الأخرى من إقتحام منطقتها وَ هي بالأصل مو بول بس مادة تنتج من غدة وَ تمر عبر مجرى البول
بَيومها أحَكي لصديقاتي المَوقف , قالوا لي أفَسدتيه مَفروض تضربينه !!
المُهم قلت لهم إنَسوا وَش أضربه , حَيوان ما يَفهم
قالوا الله يَعين لو جبتي عيال وَ الله بيركبون على راسك ..
وَ كل ما أشَوف وحدة مَنهم كل يوم يقولون لي قَطيه أو أضربيه
[ فيهم عَنف مَهوب طَبيعي ] ..
عُمره الضرب ما كان مُعلم ..
بالنَهاية مُغامرات ليون كثيرة وَ قصصة أكثر ..
حبيت أشاركم بَجزء مَنهآ
دُمتم بَحب
ماتتصورين جدا استمتعت بقصص ليون
ماعندي حب للحيوانات ابداا الا باخر سنه ثانوي
حبيت يكون عندي قطوه
وبذاك اليوم وانا سهرانه طلعت للحوش واشوف ع السور قطو
مثل ليوون مدري انحاش او شسالفته
حاولت يجي تجي باءت محاولاتي بالفشل
وحزنت مره ثاني يوم خليت اخوي يدوره خخخخ
وترجيت امي ابي قطو قالت لا
المهم عقب سنه هههههه قلت عسى ماشر من متى حب الحيوانات
وانا العصفور اخاف منه
وشي اخر انا من محبينك وماصدقت لقيتك
واكيد بتواجد بمدونتك
متنفس لي
وهذا اقل شي اقدمه مقابل حبك وعطائك لنا اتواجد باقل القليل
من الكلمات
لان تاكدي مثلك نادررر انتي ذهب والله الله يحفظج لاحبابج
ولنا❤️
وَ ماتتصورين شَكثر أنا سَعيدة لأنك مَوجودة
خاصة إنك عارفتني مَن زَمان فيه إحساس غَير , وَ أتذكر وش كتبتي لي بأول مرة بالمُدونة
ما أنكر قلبي عَورني لأن حسيت فيه نَوع من الحُزن بكلامك
لكن الأن أحسك رايقة وَ متفائلة ..
وَ إنتِ اللي مَعرفتك تُثمن بالذَهب , لان سُبحان الله فيه ناس أصالتهم ما تتَغير ..
ماادري ليه وانا اقرا لحظه شوفتك لليون حسيت بالغصه
وجود الحيوانات مع ناس فيها انسانيه متعه
اما الي يقولون اضربيه ليه هو عنده عقل عشان يفهم له احساس بس ماله عقل عشان لو انضرب يعرف عن هالشي غلط
وفوق هذا اي قلب يتحمل يضرب حيوان
كلامك عن الحيوانات بصفه عامه وعن ليون زاد ثقافتي مره مره
الله يخليه لك ويحميه
وعقبال مانقرا تدوينتك عن عيالك
هههههههههه سَلامتك من الغَصة ..
ههههه يقولون أضربيه عأساس نوع من الإنتقام لفعلته , أنا أستغرب صديقاتي حنونات وَ طيوبات
بس مرات يَطلع فيهم عُنف غير مُبرر , يَمكن لأنهم ما جَربوآ
آمَين .. أكيد وَقتها بكتب من قَلب , الله أعلم وَش يصير لَوقتهآ
إن شاءالله دوم مبسوطه وكل هاذا لأنك تستاهلي يكفي تدويناتك الحلوه مثلك ، ههههههههههههه فطست ع كلامك خصوصا لمن شريتي مفرش لليون تدرين أحيانا أسويها للآن مدري ليه أرحمه ، و عطاري يوم يستنى عند باب غرفة أبوك هههههههههههه نفس حركة قطوي العزيز بابا إذا سافر نقفل الباب حق المجلس لأن دايم نجتمع معه هناك و إذا سافر خلاص محد يجيه و قفلناه و يصيح طلع أخانا ف الله بال هناك و يبا يكمل الباقي ، أنا من قبل م أدرس يوم كان عمري ٤ سسنين و إحنا نحب البسس و نجيبا ننقطع سنتين و نتركهم بسبب ظروف سفرنا و نرجع لهم 🙁 أكره شي لمن أودعهم خلاص ، تسلم يدك و ضحكتيني جد فديتش ههههه
تَصدقين ما سألتك عَندك جامعة أو لأ ؟!
وَش مسهرك للأن يا عَفريته , يؤ للأن تَغطينهم يالحَنونه ..
إنتم ماشاء الله عليكم بالكم وَسيع عفكرة للحيوانات , بس قلبي عَورني على لحظات الفَراق ..
أنا يَوم ألعب مَع ليون أقول دايم الله لا يَفجعني فيك ..
تهيء تهؤ , بَجد بنصدم لو بيوم جيت أدور له وَ لقيته فَطس !! ..
🙁
وَ فديت قلبش ..
يووووه جالسه اقرا مندمجه ومادريت بنفسي الا والموضوع انتهى جد جد انا تدوينة اليوم فعلا غيييررر وممتعة اكثر شيء عجبني هو سالفة اقتناءك لليون وكيف كان شعورك اول مرة وعلى فكرة اول صور بالموضوع حيييييل حيييييل كيووووت
هههههههه حَبيبتي ..
زَين الحَمدلله إن حياة لَيون ما مللتكم , عاد إنتِ دُوم تنوريني بأفكارك وَ إقتراحاتك ..
أمطآآآآخ لَقلبك
ماتوقعت استمتع كذا
أسَعدت بتواجدك
ياسلام تصلحين كاتبة قصص والله قصة ليون جميله …وهوأجمل صرآحه اجمل قط شفته بحياتي ..يله حظه انه عندك
يا عَيني , يا فَرحتي بَولدي .
تسلمين لي عيونك الجَميلة ..
وَ نورتيني يالحُب
صباح ومساء النفوس الراقية
ياربي وانا جالسه اقرأ احس انك جالسه تتكلمين عن بيبي
بصراحه اسم ليون مناسبه كثير اختيار بيرفكت ماشاء الله
تصدقي من انا صغيره كنت اتصور ان تربية الحيوان جزء منا يمكن لأن حياتنا قبل كانت تحسسني بكذا ماعرف اممم حنا نخلاويين نقضي وقت طويل برا البيت كنا نروح مع الوالد للنخل نشوف انواع واشكال ماكنا نرتاع الا بالبدايه بس ننبسط لما نأكلهم ونحممهم واذا ناموا جنبنا نحس انا سوينا شي كبير
وتصورت اني لما اكبر راح اتبنى حيوان واربيه وكنت كثير مشتاقه لهاللحظه لكن تغيرت الظروف وصارت صعبه بس عندي أمل ان في يوم من الايام راح تصير
عندي اعتقاد ان الشخص اللي يربي حيوان له احساس خاص ورؤية مميزه للحياة
يبارك لك بهالقلب الحنون
ويخليلك ليون المدلل
ويطعمنا جماله
صَباح المَحبة ..
وَ هو فعلاً بنظري بَيبي , ليون دَلوع الأسرة لحد الآن بالرُغم عَندنا أطفال بالبيت
بَس تَدليع الطَفل يَعتمد على الأب وَ الأم , يعني إنت بنفسك تقدر تخلي طَفلك مَحبوب وَ مُقرب أو بَعيد ..
حَسيت حياتكم تَشبه حياة أمي الله يَرحمهآ , لذلك لفتني رَدك أول رَد ..
أمي نفس الشيء كان عَندهم مَزرعة وَ بفترة ما عَلمتني ما يَتعلق بالتَمر لكن أنا ما كَنت أحس إني بَحتاج أفهم عَنه
وَ تعودوا بشكل عام على الحَيوانات , فَيمكن تشربنا هالشيء مَنهآ ..
حبيبتي وَ أسعدت بطلتك وَ الله يحقق لك أمنياتك الصغيرة وَ الكبيرة مَنهآ ..
تربية الحيوانات كَل يوم تعلمك شيء , وَ أنا للآن ما صَرت أُم فأحس حتى تجربة الأمومة تَعلمك الكثير
بس يبيلهآ شخص حامد وَ شاكر لربه وَ مُتأمل حتى يقدر النَعمة إللي بين يَدينه وَ لا يفرط بهآ
ي حياااتي غيور مرااا ليون هههههههه
ما قد فكرت اربي حيوان خصوصا اني شخصية مزاجية حيل
وفيني فوبيا منهم اشوفهم من بعيد اوك بس من قريب تصيبني قشعريرا
حلوه التدرينه واشبعتي فضولي عنه ليون وميشو المشردة لاني كنت ابي اعرف وش صار لها .. عظيمه الانسانيه تنبع الرحمه غصب من الداخل
هههههه شَفتي !! ..
يحافظ على بيئته وَ حياته وَ مُمتلكاته ..
تصدقين يَمكن هالفوبيا مَنك تروح , الموضوع مرات يكون تَمرس ..
حتى أنا كَنت أخاف , أهم شيء لو جاك قَطو نظيف وَ دلوع وَ حنون مُمكن تتقبلينه أكثر من غَيره
نَورتيني
احب اقرا عن القطط واتفرج عليها ( صور ) بس مااشوفها قدامي
عالأقل تَحبينهآ
كمية حب و حنية وصلت لقلبي بهالتدوينه.. مااقدر اشرحها *دمووووع*
ما أنكر دمعت عيوني بكذا جزئيه،،
وموقفك لما لحفتي ليون تحسبينه بيبرد زيه زينا موقف عفوي وبسيط بس جد يرِقّ له القلب ..
الله يرزقك الذرية الصالحة يارب ويعينك على تربية أبنائك ويجمعنا وياك بالفردوس الأعلى
والله يرزقك حبه وحب من يحبه وحب كل عمل يقربك الى حبه❤️
يؤ سلامة عَيونك من الدَموع , أكيد إنتِ حساسه ..
يآآآه دعواتك عآلم ثاني , بَجد من أحلى الدَعوات إللي وَصلتني
آمين يارب , وَ ينولك مُرادك يارب ..
ياحنانك سوس وبالنسبه لمقدمه التدوينه تستاهلي كل تشجيع منا واحنا بعد لو ما حطينا لايك او تعليق يفتح نفسك بنصير من فئه الطماعين اللي ياخذو ولايعطوو وعنجد والله ودي اشوف اسمك عالميا مش عربي ولاخليجي عالمي وباذن واحد احد توصلي واحنا معاك قلبا وقالبا والله يوفقكك حبيبتي
وبالنسبه ل ليون كله من حكيكك باين قديشش حنونه وانا افكر اجيب اي فصيله من العصافير بيبو وليلي ومن زمان الفكره والله وباربيهم كانهم اولادي وانبسطت بالتدوينه احس تعرفنا عليك اكثر واكثر ي قطعه حنان بهالدني
حاشاكم , عاد إنتِ تعرفين إسمي هههههههههههه
تتخيلينه يَصير إسم عالمي ؟! وَ آمين يا رب , كَوني وصلت قلوبكم أعتبر هالشيء كَثير وَ الله
أصلاً قلبي ما يَستحمل أكثر ..
جيبي ببغاء راح تنبسطين , عُمرها طويل وَ ذكية جداً وَ مُتفاعلة , بتستغربين من مدى ذكائها
شوفي مقاطع باليوتيوب راح تُبهرين بهآ ..
دُوم منورتني
ليه ليه ماطولتي استمتعت وانا اقرأ ويازين ليون وصاحبته
حَتى محداً يَمل , وَ بالأيام القادمة بَعتمد على طرح تدوينات سريعة وَ بسيطة
تعتمد على نَقاشكم أفضل , للتَنويع ..
ربي يغفر لوالدتك ويسكنها جناته هي وموتي المسلمين
آمين يارب ..
وَ يطول بعمر والدتك وَ يخليها لك
هههههه فعلا مغامرات ومواقف حلوة، واللي جرّب وعنده قطاوة بالبيت يتصور تماما كل اللي كتبتيه ، بصراحة انا احبهم واحب صوتهم لما يكونوا مستانسين ، لكن اذا خربوا شيء فلهم الوَيْل والثبور، اتنرفز منهم بشكل كبير واطردهم من المكان ، واللي يضحك انهم مشتركين بمواقف التوسيخ اللي تسبب لي اكبر نرفزة وتعمل لي مشكلة مع اخواتي اللي جابوهم للبيت هههههه،
ويبقى القط هو الحيوان الاجمل والاقرب للقلب لكن فراقه مُحزن جدااااا وصعب تتخلصي منه وترميه بأي مكان اذا صار مزعج جدا بالبيت ويصير الواحد بين دوامة الشفقة ودوامة الحاح النفس بالتخلص منهم!!
الله يخلي لك هالليون الجميل اللي مستحيل اي شخص يحب البسس ما يحبه،، ❤️❤️
حبيت وَ الثبور ..
إيه تقولين لي اليَوم إن أخواتك السبب بتكاثرهم , ما يَنلامون حَبوهم
أنا ميشو فكرت أخليها تعيش ببيتنا , لكن شقية شقاوة مهب طبيعية .. مرات أحس كأننا مَستلفين منها فلوس وَ لا رجعناها
فضحتنا بالحي تصارخ صراخ الوَيل , لدرجة تطير النَوم من عيون أهلي , وَ طبعاً لو سوت إزعاج وَ هذا وهي برا السور
يتصلون علي يقولون لي هذي نهاية قَطوتك !! طيب وش دخلني هي برا البيت بس تصارخ .
حبيبتي وَ الله كلامك صائب بخصوص هالدوامة , أعيشها حالياً مع ميشو ..
يسلم لي حَضورك وَ تواجدك
ياه لحظات جميله وسعيده فعلا بصراحه عن نفسي تعلقت به وحبيته جداا فيك رقه وتعاطف مالها حد ما شاء الله عليك سوس بقولك شي جارتي تربي قط مدري وش فصيلته بس اللي حيرني اكثر وهي تسولف عن إهتمامها فيه من كم يوم قالت لي إنها تقص شناباته حسيت بشيء غريب رغم إني ماافهم ب امور العنايه بهم ابداا وقلت لها حرام عليك احس شناباته تحميه من شي قالت لي لا الاظافر المفروض ماتنقص لانها إذا انقصت تخليه يمرض المهم حسيتها جايبه العيد مدري ليه وقلبي مو مريحني من يومها اقولها اقري اكثر اسألي لا عاد تقصين شنباته احس فيه شي غلط مو مصدقتني ومطلعتني مصخره فضطريت اسحب نفسي لاني صراحه حساسه جداا انا ماعندي خبره ابد فيهم بس مو مرتاحه لتصرفها
أنا مرة وحدة نصحتني أقص شنبات ليون , فقصيتها !!
قصيت شيء بسيط طبعاً , تهزأت من أهلي قلت لهم وحدة قالت لي 🙁
الزبدة لاحظته لما صار يمشي صار يتعثر وَ ما يتوازن , هذي حساسات لهم قوليلها ما تقصهم غلط
لكن فيه ناس بالإنترنت نشروا إنه لا قصيتوا شنباتهم يصيرون حنونين وَ سوالف غبية , أنا مدري وين كان مُخي بوقتها وَ طاوعتهم
وَ يازينك وَ زين إهتمامك
اردوسه ترى بقلبي يعني هذاك الصوت الداخلي يوم اقرأ اسمك اقول اردوسه مأثر علي نيشان ، استمتعت وانا اقرأ قصتك واللي يشوف بداية مشوارك مع الحيوانات مايقول انه ليون بياخذ هالمكانه ، انا عكسك بهالشي والله يستر علي من كنت صغيره احيانا بسه تولد بأحد العمائر فيجي شخص يحط اطفالها بكرتون ويرميهم جنب الزباله عاد انا واخواني وأبوي قلبنا مايخلينا أمي كانت تحزن بس بنفس الوقت تقول بسة شارع مليانه وسخ او أمراض وتخاف علينا منهم ووقتها ماكان عندنا معلومات عّن الفطريات عند الحيوان كنا بعد مانلمسهم أقصى شي نسويه نغسل ادينا وصلى الله وبارك ،، وطبعا هالبسس تكون صغيره مررره يبغالها اهتمام خاص تكون لسا بثاني أسبوع يمكن ونحاول قد مانقدر احنا بشتى الطرق نجيب رضاعات وتناوب عالرضاعه اغلبها يموت ومع كل بسه تموت ابكي واخوي يبكي قدامنا اذا ماقدر يكتم وحاله وللحين في بسه اخوي اللي لقاها قصتها طويله ولين دحين لاذكرتها اتاثر ، بالرغم لها خمسطعش سنه ، وترى ذوقك نفس ذوقي بالكلاب أحب هالفصيله من وانا صغيره يمكن لأنو كانت هي دائما بالافلام مع البوليس وتعلقت فيها ، اما البسس كنت أحب البني الفاتح وبعدين الأسود بديت اتقبله رغم انه يخوف صراحه بالظلمه والابيض أبدا ماكان يغريني بس والله حبيته من ليون وصرت اشوفه لون جميل ، يعطيك العافيه استمتعت وانا اقرأ وضحكني بارت الأفعى بصراحه ما أتوقع بيوم من الأيام أفعى يكون لها مكانه بقلبي ههههههه بس يمكن ليش لا هذا اذا لقيت أصلا احد اعرفه يربي افعى ..
ههههههههههههه وَ الله أنا حتى صار يعجبني هالإسم .. آردوسه !!
يالله , وَ الله شيء مُحزن ..
دايم الشغلات إللي بالطفولة تعلق بالذاكرة ١٥ سنة وَ مانسيتوهآ , أحس قلبي عَورني 🙁
شفتي مين يتوقع إني بصير أحب الحَيوانات , بالنسبة للقطط الصغيرة أنا مَتحمسة ميشو تزورنا بيوم هي وَ عيالها
ما نَشوفها إلا هي وَ حلماتها بتتفجر بالرغم صغيرونه مره بس تضحك , هي كله صغيرة نتفه وَ وولدت حالتها صَعبة ..
ما تَدرين يمكن تحبين الثعابين , ترى أنا أخاف مَنها وَ لكن جذبتني عيونها فيها شيء غريب , كأن أحط مشط لها شعرها بقوه
المُهم حَبيتهآ ..
انا فيني شي إذا كلمه علقت بمخي او موقف او شخص اتاكد انو هالشي فيه وراء امر سواء غلط صح مبكي مفرح مدري بس على حسب إحساسي وهل يقودني للراحه او لشي ثاني وبس انا ساره احوبك
وَ أنا بَعد آآآحوبك
ونسيت أقول ترى فعلا ليون وجهه مميز اشوف بسس كثير بالانستقرام بس اقول ياربي مو نفس ليون ، ليون تحسّيه غير او يمكن لأننا نحبه تشوفه غير .. مدري
يَمكن لأنكم تَحبونه , أنا أدري وَجهه فيه حلاوة
بس مع الدلع زاد حلاه تَخيلي !! .. دايم ودي أقول للبنات إن الإهتمام يغير بالشَخص
بس أخاف أشبه لهم بليون يَعضوني ..
احب افكارك ، تفردك ، عطائك ، صدقك . كسبتِ ثقة الجميع ، كل مااقرا لك اتشجع اتغير ، اتحسن ، واقوم اسوي شيء عملي فعلاً مو مجرد انفعال وشعور جميل ،
دائماً اذا طاقتي انخفضت مجرد مااقرا لك ترتفع
احب حبك للكمال ، احب قسوتك ع نفسك ، جميلة فعلاً
اتمنى اعرف نوع الافكار الداخلية جواك ، واللي صنعتك
اكيد امك فخورة فيك واهلك فخورين فيك ، وحقيقي انت عملة نادرة
اتمنى اني أستنسخك
شكراً للوقت اللي تخصصيه علشاننا ❤️ .
سبحان الله تذكريني ببداياتي مع الفرد الجديد الي في عيلتي قطوتنا الجميله
جت هالكائنه من غير تخطيط او حتى قبول مو لشي عنديا فوبيا امراض وسوسه نظافه وكل ما تتحرك احس تطلق جيش من الامراض ههههه فعلا كنت مهووسه وخيالي واسع
المهم فرضت علي ع اساس انها اسبوعين يجربوا عيالي معنى قطو بالبيت يحسبونه مثل سلحفاه او سمكه او ارنب مادرو مسؤليييه كبيره جدا ومثلك كنت شبهه جاهله بامورهم الي ان مرضت تخيلي يومين ما تاكل ونايمه طول الوقت واحنا ما ندري انها تعبانه بعدها سالت واحده مختصه قالت ذي تعبانه لحقي عليها واطير والفلف وكلهم يقولون حرارتها جداااا مرتفعه يمكن ما تعيش بس نصيحه روحي عياده مختصه يمكن تنفع معها واطير اوديها وتقولي البيطيره لا تتاملي كثير بس بنسوي كل مايلزم
المهم عشره ايام تخيلو ظلت عندهم دفعت فوق ما كنت اتخيل بيوم بس والله فرحه رجعتها عندي لا يوازيها فرحه عندها بدات الحلقه الاولى لعلاقتي معها هي نوعها خوووواف ترحميها تخيلي بتكمل سنه معنا برضو ممكن ترتعب منك رغم ان نوعها ردغول نوعيه جميله ولطيفه وهي كذالك وتكره الوحده واللحين وصلت لمرحله احطها جنبي النقله كانت كبيره فيني حتى وسوستي خفت من كثر محبتي اوكيه افكر بالمخاطر بس اقول طز الزم مع علي بنتي اييه ابشركم اناديها بنتي خخخخخ حكاياتي طويله معها رغم كملت سنه بس
اشكرك ارتوسه لاتاحه الفرصه اعبر عن محبتي لها هههههه اتمنى تتوسعي وتتكلمي عن تفاصيل صغيره بالعنايه فيه واسفه على الاطاله
أبداً حياك ما حَسيت حتى بالإطالة بَردك ..
أحييك على هالإنسانية , لو غيرك خاصة كان عنده وَسواس كان رماها وَ لا فكر يعالجها لأن علاج القطط مُكلف ..
وَ ماشاء الله راغ دُول هالنوع أكثر نُوع أحبه حنونين بشكل وَ وجيهم جَميلة لا تُقاوم ..
بالنسبة للمَخاطر مُش مثل ما يَصورونها عَفكرة , أنا قبل أسَبوع كنت أتكلم مع أستشاري أمراض صَدرية بخصوص الحيوانات وَ القطط
قالي : إذا الحيوان صار له معك فترة وَ ما جتك أي أثار جانبية فلا خَوف عليك , يعني إنتِ ما عندك حساسيه وَ لا شيء
فليش الخَوف ؟! ..
الناس يبالغون جداً جداً , وَ الله يخلي لك بَنتك صار عندي حَماس أشوف وَجهها..
ما طلبتي شي عاد اشوفها اجمل القطط هههههه وتدرين ان كان عندي حساسيه شديده من القطاو وعانيت معها ست شهور عذاب بين انخغاض وارتفاع بحالتي لدرجه فعلاااا بغيت انكتم يوماوما الي ان اخذت دوا وتحسنت والله وربي يشهد علي كنت ارفض اتخلى عنها الا بشرط ابي انسان تحطونه بذمتكم انه يحطها بعيونه ماتتخيل الحرب من ابو العيال الي امي الي خواتي بتموتي ياخبله وانا اقولهم ما اقطها بمكان مابعرف كيف تعامل وتحملت على اساس انه هذي رده فعل ويبي لي اتعود عليها بس وفعلاااا نجحت بنتي الحلوه تنام جنبي الان حالتي الصحيه ممتازه بالعكس قويت مناعتي وابشرك ابو العيال الي ماكان موافق عليها يشوفها اجمل القطط هههه فعلا لها وجه ملائكي يمكن نبالغ لانها بنتنا هههههه في البدايه كنت انا اتكفل ماديا فيها بس الان هو يتكفل بكل سعاده هههه وفعلا اي انسان يقول وع ولا كيف تحبين هالمخلوقات بس اطلب منها يحضروها اسبوعين وبجربون يثمن برجعون يعلقون فعلا مخلوقات آسره للقلوب
ارتوسسسه فعلا شكرا لاعطاءي عالمساحه وشكرا لمشاركتنا واعطاءنا هالجزء من حياتك
ي ججممالل كلآمكك ماشاء الله اببد م كنت متوقعة اني ادخخل جووا كذا وأحد يتكلم عن القطاوة بس اسلوبكك غغير
يسعدكك ربي .. ع اني م احب الحيوانات بس انتي تحببيني فيهم
يا حَظي , وَ الحمدلله إن الله أعطاني هالقبول ..
وَ أسعدت إنك نَورتيني يا سَعيدة , عساك دُوم سَعيدة
ههههههههههههههه عجبتني عفريته جد كني عفريته طالعتلك بكل مكان ههههههه عندي جامعه بس م أداوم داومي بيتوتي لوووول ، بالنا وسيع بس أمي لأ بس من حب أبوي لهم يحبهم كثير كثير بس أمي تعطف ع الصغار اللي معنا الآن و تشيلهم و تبوسهم ، عطاري لمن يختفي مره رحت أختبر و رجعت أمي جتني قالت كوكي وينه طالعت فيها بخوف قلت كيف وينه أنا ٤ ساعات برآ و إنتو بالبيت ماتعرفين فينه قالت والله من يوم ماطلعتي ماشفته بغيت أبكي و أول ماقلت كوكككيي بصوت عالي إلا وهو جايني خنقته بوس قالت أمي يووه نسيت إنك أمه و إحنا ولاشي عنده ، الله لايفجعك بليون ولايحرمك أحبابك و حبيت فديت قلبش ههههههههه تعالي اليوم تقصدين قصيت أظافري ؟
حاشاك , آآآهاه أجَل زين قبل لا أطلع دَوامي برسلك إللي وَعدتك فيه , بس أنتظر الناس ينامون ههههههه مَب أنتِ ..
ههههههه زينه كُوكي , عفكرة إنتِ مُقلة بتنزيل صور لقطاويك بالرُغم البيق مذر شَكلها حلو
وَيب أقصد قصيتيها وَ لا غيرتي ستايلها بَس !!
سوس حبيبتي صارت تدويناتك قصيره واحنا نحب كلامك وسواليفك احس إننتي البنت اللي الكل يحب جمعتها يعني اتخيل انو حسابك مجلس وإذا نزلتي بوست كأنك عازمتنا بمجلسك وسوالف وووناسه وكذا والله احبك واحب كلامك ومتاثره فيك مرررره
خَلاص أبشري بيوم بكتب تَدوينة طَويلة بَس تكون مَصدر إهتمام لكثير من الناس
أو مَصدر نَقاش ..
على طاري الككا ، والله يا ارتوس كان عندي وبر كلما يبول اسوي حفله من فرحتي. امي تقول وش هالقرف بس احساس غريب غصب عني استانس احسه بيبي وهذي من الصحه والعافيه انه يبول الله يكرمك ويسافر معي واذا طلعت للبر او استراحه يكون معي وزي ماقلتي اغطيه اخاف عليه يبرد بس كان يطلع منه و ينام فوقه ، واذا نام كل شوي ارفع الغطاء عن القفص اشيك عليه ، اللمس جسمه اتاكد ان حرارته طبيعيه ، والله بالعيد اذا حطت الوالده حنا بيديها كانت تاخذ باصبعها وتصقع الحناء على راسه ومبسوط يركض بالصاله والحناء يتدودل على جمب ، واذا حممته يصير جسمه صغير وراسه كبير يصير كنه اللبس التنكري حق ميكي ماوس الاسبانيات الراس كبير والجسم. جسم آدمي ، وكانت اختي تحط له شباصات صغار كان مثل الطفل الاصم بالبيت بس يلفت انتباهنا بحركاته ،
عاد احكي لزوجي عن تربيتكم ومفاهيمكم اقوله صدق صدق الله يرحم ام ربتهم فعلا سوس مواقف كثيره حكيتيها لنا ومصداقيه كبيره بكل تدوينه وشفافيه وروح مرحه بكل كومنت تحت البوست هذي الاشياء خلتني اشوف بنت اتمنى اكون قريبه منها ل استزيد من ثقافتها انا احبك وبس
هههههههههه أنزين بوريك أمهم بعدين ،، لاأ مو أظافري شعري ههههههههه منظره ماعجبني وهو طويل أخذت المقص وقصيت لو قصيت أظافري تلاقيني محزنه أسبوع ،، لابد من التهور لاإني دايم ألعب بشعري المهم قصيت الأغلب صار لكتفي
هههههههههههه وَ الله نَعيماً , وَ القص عالكتف عالمَوضه كان قصيتيه كاريه عَشوائي الكل هآب فيه
بس بيطلع عليك غَير وَ يليق على تفصيلة وَجهك ..
حَلو التغيير بس وَ الله مُتهورة , يالله عَقبال شغلتين تسوينها وَتكونين بالطَريق السليم للتهور
لووووول
يعني فعل قص شناباتهم خطأ اه ياقلبي والبنت طلعت تتفلسف علي وماتدري إنها قاعده تسوي مصيبه يالله الله يجزاك خير أجل بقولها وماعلي تستهزأ فيني والا تتمصخر عالعموم سوس هل المدونه لها حد معين لإستقبال الرسايل لانو كلامي كثير واخاف المدونه تسوي لي حظر او شي انا احبك وانا ساره وانا بس هههههههههه
توسه انتي علمتينا اننا نعطي الحب للكل ،
احنا من حبنا لكي سرنا نرد من قلب محب لارق انسانه ،
ما نجامل ولا نمر بدون مانرد و نبادلك الحب الي تعطينا هوا ،
بالنسبه للحيوانات انا مازلت بمرحلة الخوف منها لدرجة ابكي هههههههههه
بسس من بعد ليون جد بديت اعشق البسس و اتمنى اني اقتني بسه بالمستقبل ،
الا ينفع ونص بعد حلاتك بكل شي ي عسل
ارتوس الله يرحم امك ويسكنها الجنه حبيت كلامك عنها احس فيها عقل وحكمه
ورحمه الله ينور لها بقبرها
ارتوس تذكرين تدوينتك
ظهوري الأعلامي الأول على قناة الأن
قلتي ( بالحَقيقة وَ الوآقع مآفي تَلفزيون وَ لا ما يَحزنون
كَل إللي صآر عرض بُمقابلة بالأذاعة فَقط صَوت وَ لكن ما تم المَوافقة على العَرض
لأن أحس بَخرب شَغلات كَثيرة بَنيتهآ بَشموآه , وَ بيختلط الحابل وَ النابل
وَ لكن رُبما يَوم أوافق الله أعلم .. لكن إذا رَضوآ أظهر بأسم أرتوس فَقط
وش هي الاذاعه اللي تواصلت معك ؟؟ وبعدها ماجاتك عروض غير
اعذريني الفضول بيذبحني
ارتوس قولي لأختك بندوره تسلم عليك
وتتمنى انك تفكرين تفتح مدونه ولا حساب بالأنستقرام
تعلمنا الطبخ
بشهادتك انها احسن منك بالطبخ
بسحب عليك بمجال الطبخ وبعتمد وصفاتها
شراااايك نذله صح
يااااه ذكرتيني بقطتي 🙁
كانت امي مانعته ينام بالبيت فربيناه بالحوش بس باخر الليل يجي عند شباك غرفتي و يماوي وافتحله وينام معايا والصبح ينطط بالسرير عشان افتحله الشباك ويطلع 🙁
فعلا كنت مرتبطه فيه وكأنه حته مني
شكرا استمتعت معا قصة ليون ❤️
أسعتديني بالتدوينه هذي على أني مو من عشاق اقتنائهم بس احب آشوفهم من بعيد لبعيد انتي اول نفس حركاتي
يعني ممكن يكون فيه آمل وأقرب منهم
ذكرتيني بقطوه مره دخلت بيتنا واستولت على مُلحقنا الخارجي ي زين قطوتكم مودبه تجئ تأكل وتمشي المهم انها ولدت عندنا
بس بعد يومين ي قلبي عليها ماتوا اثنين منهم والله حزنت عليها
الله يحفظ لك ليون
يآآآه ! عيشتيني جو بحياتك وماضيك .. خاصةً مع اهلك واخوانك .. بيني وبينك حَسيت اهلك متقاربين بدرجة كبيرة مع اهلي .. الاهتمامات ..الأَحقيه الكُبرى لكل فَرد بالعيلة و لَطافة مُيول كل واحد فيكم .. بجد ذكرتيني بأيام .. الله يرحم امك ..
بخصوص حُبك لـ ليون .. فعلاً ماجا على طول .. زَاد او بدأ بقلبك لما اَدركتي نواحي فيه .. ناحية الخوف ، الحاجة ، الضعف ، والاَهم كونه مخَلوق يحتاج عناية ..
مثلاً .. لما تقابلين وَحدة لأول مرة بمناسبة وصادفت انها قَعدت معاك على نفس الطاولة .. تكون هالوحدة وآآآو ومأنتكه وشَكلها سَمبتيك او ربما العكس .. تحسين اكو مسافة بينكم .. يكون فيه ( غُموض) ربما ماترتاحين او ماتاخذين راحتك بوجودها .. لكن مجرد تقولك ( باللهِ معاك عِلك ؟) تحسين وقتها جزء من الحَاجز زال .. تبدأين تسولفين معاها شُوي شُوي ..
لو لاَحظتي بالاَفلام .. لقاء الحَبيب بالحبيبة بالبداية يبدا بحِيرة الرجل كيف يبدا يتعرف على البِنت ! … مُجرد يحسها مِحتاجه شي ينط لها ويمد يَد العُون وينجذب لها اكثر ..( هنا السِر! وجود الحَاجه لكسر الحَواجز)
ايضاً لاحظي بعض انماط الرجال بداية الزواج تكثر المَشاكل لان علاقته بزوجته لسه ( Raw)… العلاقة نَيئة .. يبيلها وقت ..
لكن بعد الخلافات .. التَعايش .. تبدأ مَعرفته لزوجته تزداد لانه يشوف طَبعها ويشوف حَاجتها ووقت ضعفها ..
اللي ابي اَوصله لك .. ان القلب يفتح بابه للبشر وللمَخلوقات خَاصة وقت حاجتهم ! هذي طَبيعة بشرية بالكل الا اللي عِنده خَلل .. !
وهالشي (حَسيته) لما قطوك اِحتاجك وراء الدولاب
تابع ..
لكن هالشي ( اِكتشفته) بحياتي .. فعلاً لما احد يحتاجني اكون خير عون ، حاجة البشر تِصحي حِس المسؤولية عندي ، لذلك نلاحظ مرات ان اكثر البشر عَذاباً هم اَكثرهم مُكابرة !
فِهم المكابرة بطريقة خَاطئة لدرجة الوحدة ينفهم عنها انها حَجر، جماد ، بَاردة ، بدون شعور !
يطول الكلام عن كَيفية حُب البشر للبشر او للمخلوقات عموماً .. يوه دَنتي فَتحتي باب كبير آآوي مَعاي لووول
ع فكرة .. مُحبات الحيوانات دائما يذكروني بمسلسل كَارتوني ( هَالة زهرة البراري ) اتوقع اسمه .. كنت اشوفه وانا صِغيرة مرات .. احب صُوت المغني بالشَارة ..
و لَيدي(لين) وتعلقها بـ أندروز كان تَعلق حَساس جداً جداً ويبكيني ..
من التعلقات المُضحكة بالكارتون كان تَعلق كباماروا بـ كلبه (لاسلوت) بإحدى الحَلقات..
اوك انا ليه اَطري كارتون هِنا ! .. ربما لان سَردك بَريء وعفوي ومَليء بذكريات المَاضي !
كم انتِ جميلة.. حقاً اكتشفت بنات جَميلات كُثر هالفترة .. تسعدون البال .. محلاكم وانتم سبب برواقي وانا اشرب شَاهي منَعنع ..
صباح الخير ، بالعكس ليون صار جزء من العائلة لاني اشوفك واشوف اغلب البنات و المتابعين لك مثل العائلة الكبيرة صايرة حتى بالتعليقات سواءاً هنا او بالانستا اعرف جزء كبير من البنات رغم اني ما اتواصلت معهم وهذا بحد ذاته شيء جمييييل ، ومن جد الانسان دايم يكتشف انه عنده جوانب ما يعرفها والتجربة هي اللي تبين لك ، تعاملك مع ليون كأنه ولدك يَ زينك اجل عيالك وش بتزينين معهم مشاء الله،وان شاء الله ثمرة هالتربية والإحسان تظل تغطيك وتحميك انتي و احبابك لاني اشوفك جد محسنة لهالقطو ونادر احد يتعامل مع الحيونات كذا ويهتم حتى بصحتهم وانه يبحث عن الافضل لهم ، ماانسى لما تعب عليك ليون وقعدتي تفرين بالعيادات وما اقتنعتي برائيهم لحد ما عرفتي علته شوفي كيف علقت ببالي .
والله من يومين اشوف الانستا تبعك واقول ليون له فتره ماله صور جديده وسبحان الله كدا احساس وجا هالموضوع ياحلاته ليون يجنن وجمالوو يشووق لحضنه واللعب معاه نفسي احضنه لزييييز مع انو انا عندي ربو حساسيه ودايما اهلي يقولو لاتمسكي القطط بيجيكي ربو منهم بتنكتمي مادري لو هالمعلومه صح او لا بس فهالخوف مسويلي حاجز بيني وبينهم لكن اشوفهم ظريفين ومااخاف منهم
شكرن لكي ياجميلتي دكرتيني ببعض الشيء وانا بالابتدائي ربينا ارانب وببغاء يالله ادكر لما كان ناديني باسمي الببغاء انبسط وافررح كثيير مستحيل انساه والارانب جميلين لكن للاسف حزنت عليهم بعد ظظروف معينه صارت ماخلتنا نقدر نعتني فيهم واضطرينا ووهبناهم الارانب لصاحب اخوي عندهم مزرعه كانت دكريات حلووه جميله ياعسل بهالموضوع
اما الضرب حرام ليش هالعنف هالحيوانات تحس مثلنا ربي لايجعل لهالعنيفين سلطه على هالضعاف يارب دكرتيني بمقطع انتشر عن حصان ياقلبي عليه صاحبه مغطي عيونه ورابطه وضربو بقوه على راسه وطاح الحصان ياحراااام اخ قهرني حتى تحسبت عليه وقتها هههههه استغفر الله
وشكرااعلى مشاركتك لقصة هالجميل ووسامحيني عالكلام اللي داخل ببعضه
ما عندي حيوان و ما سبق ربيت حيوان بس مدونتك ممتعة لو تكتبين أي شي أي شي تضل ممتعة ماشا الله عليك كلامك حلو و طريقتك جميلة و مشاعرك توصلني ع طول حتى لو كان الموضوع مو من اهتماماتي تخليني فجأة أكون مهتمة انت انسانة عجيبة و حنونة و مشاعرك صادقة عشان كذا بسرعة توصلنا مشاعرك ع فكرة شخصيتك بالمدونة غير عن الآسك كنت متوحشة شوي هههههه عاد امزح ما سبق كتبت لك سؤال بس اشوف ردودك ع البنات بس في كل حالاتك عسل و انا حبيتك بشمواه و بالآسك برضو حبيتك و الحين زاد حبي لك بالرغم شخصيتي و شخصيتك مختلفة بس تنحبين ( قلب)
كيوت كيوت كيوت مره .. ما اصدق تنزلين شي وانط اقراه لايفوتني .. خاصه لما تحكين عن ليون
ياحلو سوالفج ارتوسته
انا بعد دشيت جو مع القصه
فعلا اللي يقرا قصتج مايصدق انج راح تهتمين بليون وترتبطين فيه كل هالسنين
وامبله امبله اهتمامج فيه مخلينا نشوفه مميز وجميل
سبحان الله اللي يحس بالحب والاحتواء ينعكس على شكله
والعجيب ان هالشي يبين حتى بالحيوانات
وفعلا اسمه حييييل لايق عليه
الله يخليلج لويييين <<<<< ادلعه
ياصباح الحب والرحمة …
اجل تتوقعين عشرين رد شكلك ماتعرفين مكانتك عندنا لهاللحين وبمأانك تحبين الردود المعلقات استلمي ياختي معلقتي…
نحبك ونحب كل شيء منك دائما كنت اتمنى ارد عليك بكل معلومه استفيدها منك وكل موضوع وكل تدوينه حتى اني سجلت بمنتدى شمواه بس ماتفعل حسابي وراسلت الادارة وماجاني رد ويئست من الوصول لك<<<<<<ياعيني ع التعبير
اللحين وبكل سهوله اوصل لك وكل يوم بعد في احلى من كذا بجد بجد نعمه من ربي هالمدونه … احنا فرحانين فيها اكثر منك والله واحس بنات كثير مثلي …
بالنسبه لحب الحيوانات انا عندي فوبيا من جميع الحيوانات وانا صغيره بالابتدائي كل سنه نروح رحلةمدرسيه لحديقة الحيوانات ورحله لعلوم التكنولوجيا انبسط اكثر بعلوم التكنولوجيا اكثر من حديقة الحيوانات اذكر مايعجبني بحديقة الحيوانات الا الكافتيريا تبيع بطاطس مقلي هش ومقرمش مانسيته قبل فترة زرتها ووريتها اولادي وقعدت اقولهم كيف لمن ندخل طوابير والكافتيريا اللي احب البطاطا منها وعلى فكرة البطاطا لازالت بهذيك اللذه والحديقه ماتغيرت على ماهي عليه بس اللحين قفلوها ….
كانت بنت جيرانا تربي بسس ورا البيت وازورها كل عصريه واغبطها على جرأتها حاطه لهم كرتون ومفرش وحليب واكل حتى تولد عندها البسس انا اقعد بعيد واستمتع بمتابعتهم بس ماأتجراء المسهم … قد قلت لك عيالي صاجيني بالحيوانات ولدي الكبير يبي كلب وبنتي تبي قطوة ومرة شافت بنتي مقطع لليون واتشهونت على قطوة وقعدت تصييييح الا تبي قطوة الله دخيلك لانوم ولا اكل وبس صياح ابوها ماقدر عليها جاني قال خلاص ويش رايك اروح اشتري لها قلت له لا خل البنت تكبر لاني بصراحه ابي احملها مسؤوليتها وابيها تتعلم على التربيه من هاللحين وبنتي صغيره توها ست سنوات فقلت ابعقد معها صفقه وبشوفهم قد التحدي والا لا قلت لها حاليا بجيب لكم ارنب وبشوف انتم تهتمون فيه اولا وتتحملونه ولا لا اذا ايه جبت لكم قطوة اذا لا انسوو … بالفعل جبت لهم ارنوب حلو وسموه ليلو انا ماقربت يمه ومره كان بغرفتهم تحت السرير وانا انظف طلع لي وقعدت اصيح صياح وطمرت فوق السرير بصراحه مابغيت هالمشهد قدام عيالي بذات بنتي عطتني هذيك النظرة وقالت لي بالله تخافين منه شوفي انتي قد ايش وهو قد ايش قلت لا لا مااخاف بس هو طلع من تحت السرير حسبتو فاار ههههه شسوي ارقع لنفسي …
ياحلو ليون وقصصه وسوالفه …. بس اخر قصه صراحه خلتني اراجع قراري بدخول القطوة بيتنا صار لاكان يعتبرك ملكيته عملها حوالينك ياليلي ….
بسأل كل كم تصير مثل هالسوالف يعني يعملها كل اسبوع او كل شهر او نادرا عليها ممكن اتخيل الوضع …
انا حاسه بأحساسك وشعورك اتجاه ليون خليني اقول انتي حسيتي بالامومه مبكر اكثر بس لمن تجيبين بيبي راح تفرحين اكثر واكثر نفس الاحساس الا ان هذاك قطعه منك خاصة لو رضعتيه طبيعي فيه قرب عجيب حب غريب يداعبك انتي بتكونين اكثر استيعاب واستمتاع من غيرك في فهم هالحب والحنان لان لك تجربه مع ليون وهذا السبب الرئيسي اللي خلاني افكر اجيب قطوة لبنتي …
وبس خلصت معلقتي قهوة الصباح اسولف معك واتقهوا ههههه
القط مايعمل هالحركة الا لو صار في قط ثاني بالبيت وانقهر منه. من فترة اخوي كان عنده قطو ذكر وكان متعلم عالليتر بوكس. وصار ان صديقه سافر وترك قطه عندنا مؤقتا لين يرجع، وقتها قطونا بدأ يعمل هالحركة لأول مرة..
انا اعشق الحيوانات
آه يا ارتوس الله يخليلك ليون يارب انا كتير بحب ربي حيوانات بس مابحب الطيور والأسماك يمكن لأنهم بيموتو بسرعه مابحس بناسبو شخصيتي وبخصوص الحيه بتوقع لو شفتا بيوم عالطبيعه رح يغمئ علي انا كتير بحب القطط بس مابعرف ليش بميل اكتر لقطط الشوارع والقطط المشرده بحن عليها اكتر وبس شوف قطه بالشارع خاصه ازا زغيره ووسخانه أو رجلها مكسوره أو عورا بحن كتيرررر الها بطفولتي كان عندي قطه جابلي ياها اخي وهوا مروح من مدرستو كانت حديثة الولاده يعني عمرا شهر وشوي كان لونها ابيض مع اورانج سميتها بسوسي وربيتها وحبيتها جدا واعتنيت فيها وكنت دائما بشري من الدكانه لعبه كانو الاولاد بلعبوها عباره عن بلورات كرستاليه ملونه جوات كيس متل تبع الليمون كانت زغيره وفي وحده حجمها كبير كنت باخد اللي حجمها كبير عشان اضمن انو ماتبلعها ونلعب فيها انا وياها بس للاسف اهلي كانو يمنعوني ادخلها البيت وقت النوم كنت عاملتلا بيت صغير بالجنينه ومره من المرات اختفت شهرين ورجعت مريضه وبهالفتره كنت ببكي طول الوقت وبابا جابلي قطة صاحبو عشان يعوضني عنا بس ماحبيتها كانت كبيره ومتوحشه وبتدخل البيت تسرق الأغراض والاكل من المطبخ وبس رجعت قطتي فرحت كتير وسرت اربيهم الاتنين وبعد فتره رجعت لصاحب بابا قطتو وبعد سنوات نقلنا من بيتنا وأهلي وعدوني اخدها وودوني عالبيت الجديد ع اساس زياره ومارضيو يخلوني اروح وجابو باقي الأغراض ونتقلنا وكل هادا حيله مشان مانخدها لأنو بيتنا الآن عباره عن شقق مافي جنينه ومرضت بعدا وللان مستحيل انسئ حبيبتي بسوسي بس انا بميل للقطط الانثئ ومابحب الذكور مجرد ماشوف العضو الذكري لقط بسير معصبه يمكن لأنو قطتي كانت تتعرض لاغتصابات بالجنينه سار معي عقده هسه انا بحاول اقنع باهلي سارلي سنوات بجيب قطه بحكولي مستحيل بس تتجوزي بنهديلك ياها وانتي عالكوشه وعد قلتلهم موافقه بشرط بدي قطة من الشارع ماتشترولي وحده نظيفة وحلوه مابدي ياها هههههههههههههههه
بعرف طولت عليكي بس نوع من الفضفضة لا اكتر حبيبتي
الله يخليه لك هالأبضاي ليون ،، حبيت حركة يوم بال ف المخده وانتي نايمه حلو الشعور مدري كيف احس حبيت ليون اكثر ,, انا ودي من كللل قلبي اربي قطو من يومني صغيره بس للأسف عندي حساسيه منهم شديده .. اااه بس ف الجنه ان شالله
يسعد صباحك
من أكثر الأخبار اللي فرحتني لما عرفت أنكف تحتي مدونة ..
حتى مدونتك في المنتدى ممتازة وأتابعها لكن تقيد متابعينك وتقيدك في التعليقات والردود على الاستفسارات
هههههههههههههه يااالبى ليون..
من وعيت على الدنيا وفي بيتنا قطاوة .. ولما صار عمري 5 سنوات كان عندنا 6
الآن عندي طفلين و صغار أكبرهم ثلاث سنوات.. ميتة خاطري بوحده بس عاد إذا شفت عيالي شلون يعاملونهم إذا رحت بيت أهلي .. أغير رأيي أقول خلهم يكبرون شوي حتى يفهمون المسؤولية و يتعاملون معهم.
يازينك انتي وليوون احسه معطي جوو للبيت .جعل السعاده في طريقكم
امس قلت بنتظر تنزلينها بعدين انام بس نمت وتحلمت لو تشوفين المواضيع اللي نزلتيها بالحلم ههههههههههههههههه على ان عندي شبه فوبيا من القطط حتى صورها ما اقدر اتأملها الا اني مستحيل م س ت ح ي ل افوت شيء انتي كاتبته حتى لو كان مو من اهتماماتي ❤️
ياحليله احس كأنك ام تكتب عن ولدها 🙁
اجل زوجيه ههههههههههههههههههههههههههههههههه امزح امزح
أحبّ الحيوانات أحبّها أحبها بس أخاف منها.
وحبّك لليون واهتمامك فيه يحمس الواحد بتربية القطط.
وأحبّ تدويناتك ولازم اقرأها كلها ماينقص ولا حرف
حبيييت
انا عندي فوبيا من القطاوه ، اشوف ثعبان واسد ولا اشوفهم احسهم مرعبين ، بينما اعشق الكلاب احس نفسي اتبنى كلب
المفارقه ان في قطو اسود غامق شعره لماع وعيونه خضرا تيفاني سرررق قلبي مع انه قطو شارع ، وشكله نادر جدا
فحبيته ورجعت طبيعيه مع اني ما المسه بس كسر الفوبيا الي فيني من القطاوه ،
انتي ملهمه ياتوسه وجميله ورقيقه والله يوفقك
احس في العالم العربي تنقصنا ثقافة العناية و تربية الحيوانات و للأسف اغلب اللي يقتنونها مو من باب محبة قد ما هو من باب فشخرة وانه احنا اللي طاقنا عرق الأمريكان عشان كذا تلفتني كثير عنايتك ب ليون و أحب إنسانيتك في هالناحية أفتكر مرة كنت أتناقش أنا و زوجي في تربية الحيوانات هوه من محبين الببغاوات و أنا من محبين الكلاب فقلت له أنسى اجيب حيوان بالبيت و أنا مو قد مسؤليته حسيته أنصدم و حس أني ابالغ لما جلست احسب له قيمة المستلزمات الشهرية و زيارة البيطري و رحلات الطيران من و الى السعودية انفجع يقول لي اجيب درزن عيال أبرك و فعلا ناس كثير يجيبون هالحيوانات للتسلية فقط حتى الاكل و الله كارثة بعضهم بس بقايا الاكل و اذا ما بقي شي من الغداء او العشاء تَرَكُوا هالحيوانات بجوعها
اول مرة بحس التدوينة قصيرة عم اقرأ فجأة خلصت هههههههه متحمسة مع قصصك مع الحيوانات وليون واستمتعت بالقراءة كتيييير ♡♡♡
بس بتعرفي مايصير فيني يلي صار معك ومع اختك بالجربوع مو بس ام الركب وابو الركب يمكن كنت انشليت بارضي وصار معي ازمة نفسية مدى الحياة
عندي فوبيااااااا من هالحيوانات خصوصا الحية والضب والابوبريص لك كل الزواحف والقوارض بخاف منن خوف مش طبيعيييي
بس من لما شفت ليون صورو ومقاطعو وكلامك عنو وانا نفسي بقط زغير انا ربيه
حاولت وتدربت كتير جرب امسك ولاعب قطط قرايبينا وهيك بس ماقدرت مجرد ما انها تنط او تحرك فجأة قلبي بصير بين رجلي وبصرخ وبخوفن مني مع اني بحبن
نفسي اتعود وبطل خاف منن مشان ولادي بالمستقبل بدي عودن مايخافو من الحوانات وعلمن كيف يربوها ويتعاملو معها بس لازم انا اتعود بالاول ههههههههه
من قلب الجامعه وبريك الفطور .. استمتعت مووووووت
ياحبي لك ويازين سوالفك وسردك عاد تصدقين استوقفتني شغله .. لما قلتي صار عمره ٩ سنوات ،اتذكر لما كنتي تقولين ان امك الله يغفرلها ماتت من خمس سنين فجالسه افكر انه يالله يعني انا اعرف سوس من ٤ سنوات دموووووع واحساس جميل ادري شطحت .. المهم يازينك والله يخليك لأهلك ويخليهم لك .. بحبكو
حبيت التدوينة أرتوس
وأحب تدويناتك وأستمتع فيها وأتابعك من زمان في شامواه
وكنت حبيت أسلوبك وبعدين انقطعت عن المنتدى كم شهر ونسيت اسمك فيه لكن أسلوبك باقي في ذاكرتي
فصرت أقرأ المواضيع إلى أن قرأت موضوع لك وعرفتك فورا.. ههه
الحنين لأسلوبك هو اللي خلاني أعرف انه لك
كتبت لك كم مرة تعليق بسيط لكن عموما ما أدري في حاجز بيني وبين الكتابة
أحب أن أدعمك لكن إن ماكان بالرد فهو بنشر تدويناتك للمقربين
وإن كان في أحد يحمسني للكتابة فهو أنت وبإذن الله أفتح حساب لي أفيد وأثري المحتوى العربي وحتكوني أول واحدة أبشرها
نحبك أرتوس
يالبيه ههههههههههه وناسه بليز لاتسكتين
اخيرا اكتشفت طريقة التعليق بمدونتك .. وزغردي يااانشراااح اللي جاي. احلى من اللي راح
السلام عليكم
انا كنت ابحث عن مواضيع بخصوص الليزر و تذكرت تدويناتك كنت اشوف عنها في الانستقرام اتابعك من حسابك القديم
و من يومها و انا كل يومين اتصفح مدونتك
امس خلصت مواضيع ال beauty 24 صفحه 🙂
و مستفيدة جدا و كل يوم ابي اعبر لج عن مشاعري بس مب عارفه هههههه
بخصوص موضوع القطط
احبهم بشكل مب طبيعي و اهتم في القطط الموجودة في حديقة بيتنا اعطيهم الاكل
و احيانا لو وحدة من صحباتنا انا و خواتي بتسافر يومين عادي جدا نستقبل قططهم
بس ما نقدر نتبنى قط في البيت بسبب رفض ماما الشديد لهم لانها تخاف
بابا معانا كل ما رحنا مكان لبيع القطط يجلس يتفرج ويختار ههههه بس للأسف ما نقدر 😀
و صعبة اجيب قطط شيرازي او بيكي و اتركه في الحديقة
وبس.
وردة حلوة لج *
استمعت بالتدوينة جدااا
مع ان ما عندي حيوان بس لازم اقرا اي شي تكتبينه يستهويني ❤️
مالنا نصيب نحن بالردود الصداره السهرانين ,
انا الله رزقني ببنت اول ما بدت تفهم قالت ميااو قلت من اتكمل السنه اييب لها قطو يكبر معاها بس سبحان الله مره اخوي رجع من المدرسه يقولي اماني بسرعه تبين قطو او لا أقوله هي أبا قال تم أذن العصر الا جرس البيت يرن الا بكرترن جدام البيت
قطه صغييره شريره عمرها اتوقع من 3-4 شهور تقريبا
الحلو اللي فيها ان كل عين بلون وبيضا
كانت تنرحم مليانه طين وشكلها خايفه مررره شكلها معذبه
كم يوم وتعودت علينا زين ان ريلي له خبره بالحيوانات كان يربي أشكال انواع
وديناها البيطري بس للأسف ماعرف نوعها قال مهجنه بس شكلها تشبه ليون بطرش لج صورتها بالانستا عاد ان شاء الله توصل
اهم شي بالموضوع ان بنتي مستانسه عليها كملت سنه الحين وتفهم شويات
أحب طرحج للمواضيع تدخل القلب على طول ما يصير نفوت ولا سطر
دمت بحب ..،
ياربي ياربي :بليز: تجنن هالتدوينة حركت شي فيني ..
ههههههههههههههههههههههه خوفكم من الجرابيع ضحكتتتني
هالحكاية .. تذكرت في زواج ولدي عمي قبل شهر ونص
تقريبا .. فجآة بنص الكوشة تنط قطة وهاتك يا صراخ في
القاعة وهي منصرعة مسكينة وتجري جري خوف و نطت على
وحده من الطاولات على بنت بالتحديد وكبت الشاي وسوت مشاكل ..
عاد محد كان معصب قد زوجة عمي لانها تموت عالقطط تربي اكثر من
اربعة في بيتها ..
معصصصبة تقول هي اللي خايفة منكم خوفتوها :'(
حبيبي ليون حزنني انه غيران 🙁 استمتعت والله بالتدوينة ..
كنت أقرأ ومبسوطة بس زعلت لما خلصت التدوينه مع انو مالي تجارب مع القطط عندي تجربه يتيمه مع حمامه روشتها أو بمعنى أصح كبيت عليها المويه في طشت على أساس بانيو هههههه . أحب الناس إلي تهتم بالقطط خاصة أحس عندهم انسانيه ما ادري كيف بس قلبهم مميز. واطالب بتدوينه أطول أو رواية لأنو كلامك ماينمل منو ربي يعطيكي العافيه.
يازين ليون وياحظك فية والتوينة احس فيها كميت مشاعر
انا انسانة اعشق الحيوان مرة كنت بالرياض وكنت بالابتدائي ورحنا حديقة الحيوان كنت دايما اروح عند الفهد والنمر مرة احب الحيوانات المفترس مادري بأيش كنت احس على انها تخوف بس احسها حلو
في مرة لمن كنت بالمتوسط فتحلي بابا موضوع البسس وقال اجبلك وحده ومن دا الكلام طبعا انا كنت ابغا زي ليون من جمالو
جابلي وحده مو نفس اللي ابغاها ماحبيتها ماحبيت شكلها بس عشان كنت ابغا بسة المهم يوم بعد يوم صلت اتعلق فيها صرت احبها يعني منجد حبيتها من قلب كانت كل يوم تجي تصحيني تلعب معايا تسوي هبالة مسوية جو بالبيت الين يوم خرجت ورجعت مالقيتها كان عندنا بلكونة وطاحت منها صحت اليوم التاني دقيت على باابا وانا اصيح اقولو البسةة مي فية قام يدور عليها وانا ابكي سبحان الله دق عليا الباب لقيتو جابها بس كانت موسخة من الخوف سوتها وكان خشمها فية دم الحمدالله ماكان فيها شي وديتها البيطري وكشف عليها وكل شي بس شعور غريب لمن تربي حيوان تحسية يفهمك حتا لمن كنت ابكي بس تجي احس براحة اشياء كثير ومشاعر حلوة
بس انا مصرة اني ادور واحد مثل ليون هههه
يااااحبي لهاليون انا وقعت في غرام قطوك ههههههه
اكثر شي يجذبني فيه لونه يجنننن اتمنى يكون لي قطو نفسه بس اعرف نفسي مارح اقدر عليه مسؤلية مرة ماني قدها ابداا خاصة ماعمري تعاملت مع قطاوة كان عندي بفترة عصافير كناري وارانب احن صراحة لها لكن مع المشاغل صار ماعندي وقت اربي حيوانات .. قصتك مع ليون مرة مؤثره تصدقين صرت افكر كيف رح تقدرين ع فراقه بعد عمر طويل شلت همك هههههههه .. ارتوس استمتعت مرة بالكلام وكأني اتفرج مسلسلكرتوني كان فيه زي كذا وانا صغيرة ولد مدري بنت متعلق بالراكون اللي رباه وبعد فتره اكتشف انه لازم يرجعه لبيئته كانت د ماانساها لانها اثرت فيني … الله يخلي لك وليدك ليون الاسد وع فكرة حسابي في الانستا تهكر ما امداني ارجعه حتى انه الغبي قعد يعلق في بروفايلك حسبي الله عليه ..
أفا يا أرتوس ، كنت يالسه أقرأ كلامج عن ليون وعيلتج المُحبه للحيوانات وأنا مستمتعه واتخيل كل المواقف إللي ذكرتيها ، قطعتي علي بـ كلمة ( دُمتم بحب ) ><
ما توقعت كلامج بيخلص وأحس بعده في أشياء وأشياء لكنج اختصرتي .. مع هذا استمتعت وايـد :")
أنا يوم كنت صغيرة كنت أحب أشتري الكتاكيت الصغيرة الملونة ، كانت تنباع عندنا في المدرسة ، لكن بسرعه يموتوا ما يتموا مع أني اعتني فيهم :"( لكن بعدها قلت أكيد بسبب هالصبغ الكيماوي إللي فيهم ، بعدها قلت هذي جريمة ولا إنسانية إني اخلط هالكتاكيت الصغار بهاللون ، شفت مقطع ع اليوتيوب يقطع القلب وهو عن طريقة صبغهم .. بعدها حرمت اشتريهم ، مع أني يوم أشلهم بكف أيدي أحس قلبي يدغدغ ، شعور غريب وجميل .
عموما أهلي والحمدالله فيهم رحمة بالحيوانات ككُل لكن ما نقتني ، كان أول زمان هيه نعم عندنا لكن بما أن المسؤولية تغيرت فـ فضلوا أنهم ما يقتنوا أي حيوان سواء قطو أو عصفور أو ببغاء أو …… . بما أنهم رح يهملوا وما بيرومون يتحملوا مسؤوليته على أكمل وجه .
تعرفي شو سوس ؟ الناس إللي يحبوا الحيوانات ويكونوا رحيمين وياهُم أحسهُم ناس بسرعه ينحبوا وقريبين من القلب ، لأن إنسانيتهُم ما انعدمت .. وإللي يرحم بالحيوانات ما بيرحم بالبشر ؟
أحب الحيوانات لكن الزواحف لا وألف لا ههههه ، ما شاء الله عليج عندج قلب قوي ..
دايمًا شاركينا بمواقفج لأن نحن مُش بس نستمتع ، نحن نتعلم فنفس الوقت ..
حبي لج
♥
مساءك جنه يارقيقه ..
احب جمال عفويتك .. وانتي تحكي .. انا من اكتر البشر متابعه لك
وحقيقه استمتع بروعه ماتقدمي ..
وافتقدك لاغبتي سابقا شمواه من الاشياء الاساسيه بيومي والان مدونتك
وانستغرام من الاشياء الاساسيه بيومي ..
بخصوص تربية البساس ودي فعلا اربي لانووو فعلا اشعر بوحده
قاتله بعد وفاة ولدتي رحم الله موتانا ووالداتك وموتى المسلمين
لكن فعلا مااتخيل نفسي اقدر اهتم بها تمام لانى موديه جدا هالفتره
..
شكرا لروعة روحك ياجميله ..
انا صار عندي خجل منك لووول
نيالي والله
والله ستمتعت متعه موطبيعيه
ماخطرلي انو استمتع لهدرجه وتخيلت المواقف بالزبط كأنها قدامي
بدايتك نفس وضعي كان عندنا عصافير كتير
كنت احط لهم الاكل والمي بس ماامسك شي بايدي
يمكن الحيوان الوحيد بحياتي يلي لمستو هو الحصان
ولما مات واحد منهم بكيت بكا وكتئبت اكتئاب يومها والله صابني حزن يمكن ولا مرة شعرت فيه
وبعدين رجع مات كناري
ووقتها خلص قلتلتو لبابا الله يخليك ما عاد تجيب ولاعصفور
لانو فعلا التعلق متعب
قصه الجزابيع فظيعه ههههههههههه
والله تخيلت هههههه
انا الحيوانات الصغيرة الشبيه بلفارة عندي منها فوبيا
متل الجرادين مثلا
فوبياقوييييه والله تتعبني
لكن بعشق اني شوف حيوانات مفترسه
شكل النمور والفهود مغريه لوووول
والاسود والذئاب
بطفولتي كان كرتوني المفضل ماوكلي لووول
ولله ابو اللول بينعشق عشق
الله يحميه يارب
فعلا من اندر وجوه القطط الجميلة يلي شفتها
برائه مع قوه كامنة اسم الله
بنسبه لمدونتك ماشاء الله كل مابشوف تدوينه وعدد الكومنت بحكي ماشاء الله
مافي ولامدونه شفت فيها عدد ردود متلك مدونتك
يارب ديما ناجحه ومميزة ياعيني انتي
اول شي بخصوص التعليقات والدعم ف انتي تستاهلين اكثر من كذا بكثير وهذا وﻻ شي جنب اللي تقدمينه لنا
حبيت ليون اكثر واكثر بهالتدوينه مع ان فكرة التربيه ماهي وارده ﻻن ولدي ماخذ كل حيز العاطفه فيني
سابقا كنت اربي ارانب وكم نوع عصافير ^_^ بس بطريقه بسيطه مجرد خالي يجيبهم لي هديه
واربيهم بس كنب احبهم بشكل اتذكر مره ربت ارنب ومات ي الله ياجلست فتره منهاره واصيح
وقتها خواتي كلهم سووا مناحه عليه مو بس انا
واخر تجربه كانت مع بغباء تذكرت لما قلتي اغطيه بلحاف انا كنت اغطي قفصه واخلي جهه عشان يتنفس اخاف عليه يبرد لما خدامتنا فتحت له القفص وطار اتوقع كانت تتضايق اني موكلتها مهمة تنضيف علبة الفضلات وبعدها وقفت مااعاد اتحمل اتعلق وافقد ههههههههه
هالجزئيه اللي بقولها يمكن تقرف احد بس لما قلتي سالفة انه تبول عليك مااحس انها تقرف ﻻن اللي ماجرب مايحكم مثلا انا كنت اتقرف من فكرة ان الام تغير لطفلها تكرمون بس لما صار عندي ولد وجربت من كثر مااحبه ومتعلقه فيه مااقول صار عادي بالعكس صار ممتع
هههههههههههه وقستها عليك مع ليون طالما انه شي من مسوولياتك ف العلاقه مقاربه
ماتخيلت اني بتحمس كذا حتى اني امس مانتظرت زي كل يوم التدوينه لما قلتي انها عن القطط
دائما طرحك وحروفك لها تميزها ولذتها
الله يخليه لك يارب
طووووولت مرااا^_^
استمتعت بقصص ليون و ضحكت من قلب ههههههههو على طاري القطط امس صار سالفه عن قطه مسكينه جاني زوجي يشكي ان سيارته اضطر يصلحها بمبلغ جامد بسبة ان لقوا داخلها قطوه خربت بعض اﻻشياء الاساسيه بالسياره و هو يشرحلي خربت المروحتين و انشق مدري ايش و انكسر كذا و انا اقول لاء لاااااء القطوه مرت على كل هالاشياء لاااااء تقطعت القطوه يعني كان باقي شوي و ابكي قال ماتت القطوه خﻻص انتهى اﻻلم و هو حزين على سيارته و انا حزينه على الي جرى لهالبسه بعدين قلت حمدلله الحين ميته ما تحس بشي فعﻻ حسيتني طفل
على اني ما احب الحيوانات نهائيا
بس اعشق سوالفك عن ليون
يختي يجنن واحس بحنان ناحيته مدري ليش
ماشاء الله عليك
سبحان الله انا ابدا ما اتقبل الحيوانات والقطط تحديدا اخاف منها بشكل مو طبيعي
واتوقع اللي فيني عقده من وانا صغيره بسبب قطوه نطت علي من خوفها ومن بعدها وهم يشكلون
لي رعب مو طبيعي ..
اتمنى لو كنت اقدر اكون نفسك ونفس الناس اللي ما تخاف من الحيوانات بس مو بيدي
وعلى كرهي للقطط وخوفي منهم الا اني احب اشوف ليون واستمتع بسوالفك عنه
سبحان الله عيونه جدا جميله ونظيييف ما شاء الله يفتح نفسه
ويعجبني اهتمامك الشديد فيه ..
فيه كثير اعرفهم مهملين حيواناتهم وماخذينهم تسليه فقط وكل شوي يغيرونهم ويبيعونهم
وانا مايعجبني هالاسلوب ابدا ..
عاد تدرين سمعت ان القطط تتعلق بالمكان والكلاب تتعلق بالشخص
ومادري بصراحه مدى صحة الكلام لأني ما جربت ..
مرره استمتعت بالتدوينة وبقصص ليون كل فتره نزلي لنا تدوينه عنه منها تغيير ومنها نعرف حركات القطط .
على اني مو مرة مع العحيوانات الا انه مرررة استمتعت بالمدونة وابد ما حسيتها مملة بالعكس .. شخصياً أخاف من الحيوانات خوف بزيادة عن اللزوم حتى لو عصفور سلحفاة انتفض واخواني كلهم تقريبا يعشقون الحيوانات بشكللل ودايم ودهم يربون حيوانات بالبيت بس الحمدلله ابوي فيه حساسية شديدة منهم ف رافض الفكرة تماما هههه وانا المستفيدة ..
وانا اشوف الحيوانات مالها مكان الا بيئتها وما تعجبني سالفة التبني يعني لو عيالي حبو يتبنون برفض ..
الحيوان الوحيد اللي اكتشفت اني ما اخاف منه هو الكلب وكنت وقتها مستغربة انو من بين كل هالحيوانات اللي اخاف منها ما اخاف من الكلب ! شي غريب مرة بالبر جانا كلب نوعه هاسكي واغرمت فيه وكان مرة قريب العايلة كلها قمطت وانحاشت الا انا ههههههه يختي هالحيوانات شي غريب !! بس حبيت اضيف انه انتي تستاهلين كل خير وردودنا ماهي الا كلام نعبر عنه للشكر وماهو شي مقابل التعب اللي تتعبينه عشاننا .. ميرسيييي
ارتوسه
افكاري اللي افكر فيها تطبقينها كأني قايله لك والله
كل ماقلت الله لو ارتوس تكتب كذا،او ليش ماتكتب كذا
وبقول لك
انام اصحى القاك منزله موضوع عن نفس اللي بقوله لك
يممه يطبني ضحك بخررعه ههههههه
امس جالسه بالحوش وافكر اجيب قطوه
من كلامك عنه حبيت تربيتهم
قلت يااه بعد عمر طويل لو تفقده وش تسوي ارتوس
ودموعي اربع اربع ههههههه
لاا وبعد فكرت لو تعرسين وين بتحطينه ههههههههه
ورسمت لك زفه معه ويروح معك بعد
المدونه حبيتها
الحب مرسوم بحرف حرف
مستمتعه وانا اقرأ بعد ماجاني خمول من القراءه
كلامك عن امك في كل مدونه ارجع اقراه اكثر من مره
عظيمه هالام الله يرحمها ياارب
ايه كذا بالضبط نبي باقي المدونات
يسعدك ياارب
انتي مستوعبه ان طريقه سردك للمواقف الي صارت لك تخلي الشخص يعيشها معاك بكل لحظاتها!ان كانت تضحك او تحزن اواستغراب او خوف او او.. ومو اول مره من عرفت ارتوس بالمنتدى بتويتر بالانستقرام بالمدونه اسلوب يشوق ويحمس وعندك طريقه اقناع عجيبه مثلا تمدحين منتج مستحيل مايعجبني وما اقتنع فيه تذمين في غيره خلاص يشين بعيني حتى لو مدحه غيرك اسلوبك يسيطر على عقل الي يقراء لك مادري هو طبيعتك كذا من الله ولادارسه علم النفس ولاعندك خبره في فن التأثير والاقناع! او انا من الاشخاص الي اسرتيهم بأسلوبك وصار عقلي لااراديآ يتأثر ويقتنع بكلامك !الخلاصه انتي لازم تكونيين من الاشخاص الي عندهم منصب قيادي ربي يحفظ لك عقلك من كل شر بالنسبه لتدوينة كتلة الفرو الابيض صرت كل ماقريت لك تدوينه عنه احس اسمع مواءه بأذني كنه يتكلم عن نفسه اعلن نفسي عاشقه لهذا الكائن الناعم♥
السلام عليكم ()
أهلين أرتووسسسه
قبل مده طحت على حسابك بالأنستا -ما اتذكر كيف- ابقق عيوني !ارتوس! ماغيرها ! حقت شاموااه ! اتصفح الصور وتراودني بعض الشكوك ،ياربي الصورة الشخصية نففس جوها .. الاسلوب فيه من الاسلوب الجميل اللي حبيته ،التصوير نفس الجاذبية ! مع ذلك ما صدقت ..
لما فتحت المدونة حقتك الا أشووف الخط المميييز وطريقتك بتلوين بعض الكلمات وعلامات التعجب والفيسات
الحب من اول مصيبه ههههههههه مللحه يجنن هالليون ❤️
استمتعت كثير بقراءة القصه وما كان ودي تخلص
حبيت مواقف ليون وما ألوم ليون ع محبته وغيرته عليك لأنك انسانه رائعة ومعطائه الله لا يحرمنا منك❤️
ياروحي عالبومبوناية الله يحميه..
اختي الصغيرة مثلك تعشق الحيوانات. اتذكر اول ما جابت هامستر جلست اخانقها يع ايش دا الحيوان المقرف احد يربي قوارض ومن دا الكلام الين في يوم ولدت وابويا عصب ان صار بغرفتها حيواتات كثير وبدات توزع عالاطفالوعلى صديقاتها الا وحدة غلبانة بقيت فاخذتها اختي بتعطيها لمحل حيوانات، انا يوم شفت هالصغيرة بالقفص رايحة رحمتها مرة وقلت لأختي باخذها. ليلتها حاولت العب معاها بس طبيعي كانت خايفة مني وعضتني. بديت كل يوم اغني لها و ااكلها بيدي لين عشقنا بعض. تخيلي ساعات كنت اتركها تركض بالغرفة عشان لا تكتئب من القفص واطلع فوق السرير اتكلم بالجوال وشوي القاها جنبي ساكتة وتناظرني ومبتسمة. اقسم بالله لو اقدر انزل صور كنت اوريكم صورتها وهي تبتسم وقت اللي اغني لها. بالنهاية سافرت للبعثة وطبعا ما قدرت اهذها معي وكم شهر وماتت من الاكتئاب. من بعدها حلفت ماعاد اربي اي حيوان و اتعلق فيه..
حبيت هالتدوينه مررره خاصه انه عندنا قطوه كانت مجرد ضيفه لاسبوع وبعدها سحبت عليها صاحبتها والحمدلله اللي جت منها مررره استانسنا والحين لها 9اشهر عندنا ما تتخيلين كيف نشتاق لها ونحبها ونخاف عليها والوحيده اللي جابت راسي اقوم من عز نومي واحط لها الاكل ☺ واتمنى اربي كلب وانا مثلك احب الجيرمن شيبرد مفتونه فيهم ❤❤
بالنسبه لاول جزء للتدوينه اقل شي في حقك تستاهلي كل خير وحب مع اني احب شمواه ولابغاه ينتهي بس الله يوفقك في مدونتكي ؛حبيت قصه حياه ليون لما قريت انه بلل عليكي جاء في بالي ايش بسوي لو اتزوجتي اتوقع بيستقعد لزوجك الله يعينه علي فكره انا وحده اخاف من الحيوانات بشكل مو طبيعي وكنت مرا حطيح بنتي وهي نونو علشان بسه طلعت من تحت السياره نسيت نفسي وبنتي واصيح في الشارع
مع اني مومن محبين الحيوانات باستثناء الكلاب احبهم بس اي تدوينه لك اقراها وانا متاكده راح استفيد
انا عن نفسي احب الكلاب واتمنى اربي واحد وعندي مشروع بعد مايكبرون اولادي اربيلي واحد واحط غرفه خاصه داخل البيت له اذا بندخله طبعا بجانب البيت برا
اكيد بلقى معارضين ومنتقدين لي بس شي مفكره فيه جدا
لاااا ليشش *بصوت باكي حزين *قلتها وانا اشوف كلامك انو التدوينه قضت وانا ماخلص استمتاعي وتشويقي لقصص ليون ،اسلوبك وطرحك اتعب وانا اقول جميل ):
وفيني حب كبير لتربية قط بالبيت بس امي تخاف مره ورافضه رفض تام اني اربي قط أو أي حيوان بالبيت
تدوينه رائعه والله خطفت قلبي القصص والاحداث واسلوبك اتعب وانا اقول اسلوب ماشاءالله عليك
اتمنى لك كل ماتتمنين لنفسك واجمل واكبر يارب
تأثرت بالتدوينة كثير :”) خصوصاً اني اربي قطاوة
دوم دوم دوم يارب السعاده ماتفارقك دوم يارب ماتتنفسين الا الحب تلقائيا شعوري يقلدك وانبسط و يدخل صمصوم قلبي
ارتوس ارتوووووووووووس قولي نعم
ا ح ب ك
من متابعك الاصنام بس من الحين قد ما اقدر راح اعلق واعلق وازعجك بعد
ليش ما اعلق لسبب او لأثر من سبب اول شي الصمت في حرم الجمال جمال مو مجامله والله بس جد ما ادري اش اقول لك تستاهلين كثييييييييييير مو مجرد تعليق
وثاني سبب انو سالفة اكتب كلام يجلس لمدى الحياه تقريبا شي يخوف لانو اخاف اقول كلمه غلط او تنفهم غلط ياكثر ماتصير لي كثييييييييييييييييير تصير ولمى اجي بصحح المفهوم يا اجيب العيد اكثر والقليل يزعل او احس ان حزت في خاطره او ما اعرف افهمهم ويجلسون يقولون ايه فهمتك تقصدين كذا وانا اسلك لهم وهم اصلا مافهموا قصدي
هالسبب يخليني ابحث عن المثاليه المستحيله ف اريح راسي وما اعلق
واخر سبب احس هالشي فيه ازعاج لك كلامي مارح يضيف لك شي قد اللي تضيفينه لي ولا ربعه ولا شوي منه بعد
وتاخذين وقت في قرائته والرد علي مااستاهله بس ف ارجوك لا تضغطين على نفسك وتردين علي مو مشكله عندي اذا ما ردتي
والله انا اتمنى ماتجي عندنا قطاوه ابد ابد لسبب انو اخواني في البدايه يأكلونها وبس من غلط بسيط منها يعذبونها تعذيب يبكي اذكر مره جاتني قطوه في الحوش واكلناها اول يوم وثاني يوم جاها اسهال وشكلها تعبانه فأخذها اخوي الضغير ورماها برى (رماها مو طلعها )طبعا مارضت تطلع ودخلت بين الحدايد حقت الشباك وكان صعب يطلعها فكان يسحبها من ذيلها ويرمي عليها حجر استغربت منه لأنه احسه جدا جدا حنون الله يصلحه
اول موقف لليون ضحكت عليه ياحلوه يداري الفضيحه
احبك واحب ليون واحب الانترنت الي عرفني عليك الله يديم هالنعمه يارب الحمد لله
أرتوس الله يسعد اخوانك ويخليهم لك تصرفهم معك جدا جميل الله لايحرمك منهم ويجعلكم دايم سند وظهر لبعض
مع اني ما اهتم للحيوانات ولا تربيتهاا .. بس احب سوالفك
واحب اقرا اي شي تكتبينه .. كلامكك يبسط الواحد..
ومن اول ما قريت اسم بستك واحس ابد ما يجي فمخي اناديه ب
ليون نفس نطق اسم اسد .. يجي فبالي دلع بنت اسمها ليان..
وسلامتككك
هههههههههههه سالفة الجرابيع
عندي اخوي تبنا جميع الحيوانات ماعدا القطط
وكان يشتري وانا اربيهم واشيل همهم هو بس يلعب معاهم
بس مافيه زي لعب القطط وذكائها احس اتفاهم معاها اكثر هههههههه
اتذكر جدي ربى قطه من الشارع من وهي صغيره يقسملها من اكله
وصارت دايم عند باب البيت داخل واحيانا تدخل تدور على جدي
ولما الاقيها بالصالة احاول اطردها بس تقعد تلف حولي تضيعني ولاتطلع الا مع جدي
كانت تقهرني احيانا واضحححك عليها احيانا
ومرا الفجر جا ببالي البس ثوب جدي واطلع فيه وربي بس قربت من الباب الا هي بوجهي
ومشيت خطوتين اقلد مشيت جدي الا هي وقفت شكت فيني ولما عرفت السالفه رجعت
للباب تستنا جدي هههههههههههههههه شكلها كان جميييييييييل
يختتتي عليهم القطاوة تجنن .. ما شاء الله العمر كله .. عندي قطو ذكر وعمره الحين ٥ سنوات ربيته من عمره ٣ شهور والى يومك هذا ما عرفت وش نوع مزاجه :/ تعاملت مع قطاوة ثانية عرفت ع طول وش يفرحهم اما ريو لا الولد مزاجي بقووة يمكن يتمسح فيني الحين فجاة يعضني ويشمخني ويطلع صوت المحارش الخايس :/ .. بس ما اعيش بدونه وينام معي ع سريري ودايم اسمع تعليقات ( انتبهي ترى يسبب عقم اذا تزوجتي ما راح يجونك عيال واذا كنتي حامل تشوه جنين وخرابيط ) طبعا عندنا هالتلخف منتشر وما يعرفون يبحثون عن المرض ولا وش مسبباته -ـ- .. المهم مرة وانا نايمة تعودت ينام ع رجولي واخلي باب الغرفة مفتوح عشان يطلع ويدخل زي ما يبي ( لانه مزعج اذا سكرته يطب ع بطني ولا يدخل يده بفراشي ويشمخ كتفي ) ولما طب ع سريري رجولي تلقائيا راحت تحطت بطنه الا فجآة احس بشي حار ورطب يصب ع رجولي فزيت من مكاني ورجولي تقوطر الحقير سواها ع رجولي :-: ،، وحدة قالت يمكنك مهملته عشان هيك سواها عليك قلت لا هو خكري اصلا ع المزاج لازم احد يوديني الليتر بوكس ولا بسويها بمكاني ب-ب .. سوري طولت عليك بس تحممست *^*
جداً استمتعت بالمدونه خاصه أنه هذي أول سنه لي كمربية قطط، فعلاً اللي ما ربى قطط أو اي نوع من الحيوانات ما يفهم طبيعه العلاقه بيننا و بينهم. مدونتك و لفتره قصيره صارت من أفضل المدونات اللي احرص على متابعتها . شكراً لجهودك
هههههههههههههههههه مجرم غار عليك ي حبي له
تصدقي صار لي فترة مادخلت مدونتك
ابغا التدوينات تتكوم واروق عليهاا
بس لما شفت انو في شي عن ليون ماقدرت اقاوم وحقيقي استمتعت ♥️
مرة احب الحيوانات يختي وهذا من اهم الاسباب الي خلاني اصير نباتية ♥️♥️ وحدة من صديقاتي سافرت كم يوم وحطت قطتها الجميلة عندي وكان شعور جمييل وفي نفس الوقت مسؤولية كانت مصرة تنام معاي ع السرير والصراحة ماقدرت انام كويس احسها بتطيح والا تنقلب والا انقلب انا عليها ، حسيت الي جنبي طفل بشريّ مو بسة ♥️♥️
عجبتني تدوينتك عن ليون الله يحفظه لك انا عن نفسي اعشق القطط من وانا صغيرة كنت اتمنى اتبنى لكن للاسف ماجتني فرصة اضطريت اشتري سلفر لان الي باعته كانت مهملة لدرجة ان الفطريات اكلت في جلده ومنتشرة في خمس اماكن واحتاج لخياطة الجلد حتى يلتئم الحين له عند تقريبا اربع شهور لما اشوف كيف يلعب الان ما اصدق انه نفس القطو سميته سلفر على بطل كرتون جزيرة الكنز الله يكتب لنا الاجر في تربيتهم والله يسعدك على هاذي التدوينة الجميلة
استمتعت بقرايه الموضوع وكثير اشياء صارت معي نفسك
اختي هيه اللي جابت القطوه للبيت وجالسين فتره نخطط كيف نجيبها وبدون ماترفض امي عو تحلف وقتها كل شي بيضيع مع اني ماكنت متقبله الفكره بس شي نفسها فيه ومره كانت متحمسه ماحبيت اكسر بخاطرها وذيك الفتره كنت بالجنوب وهي بالرياض اول ماجتنا للجنوب تحكي لي انها لقت كيتن شيرازي واعجبتها الزبده بدت المهمه ان نجيبها للبيت وعمرها وقتها كان 2 شهر والله نجيبها للبيت بالدس لا من شاف ولامن درا قلنا مالنا نحط امي الا بالامر الواقع ياتصيب ياتخيب وندخلها ع امي تشوفي كيف انفجعت جايبين قطوه للبيت و ترفض تجلس معنا تعرفي فكره ان القطوه فيها جن ومن هالخرابيط فقلنا خلاص بنبيعها وصرنا نماطل في امي مره نقول مالقينا ومره نقول لسى وووو….. وصرنا نحاول فيها تخليها معنا اللي قلبه حن ووافقت اخيرا تخليها والفتره هذي كلها ماكنت اقرب منها كان من بعيد لبعيد بس فتره تعودت عليها وصرت اشتاق لها كل شوي وانا عندها ونبوس فيها لدرجه ماتملي منها غير التصرفات الكيوت اللي تعملها وحاليا صايره ما افراقها احس لو ما اشوفها او لما تكون نايمه نفقده لازم نروح نبوس فيها وابشرك البيت كله صاير يحبها ويخاف عليها حتى امي بالرغم انها ماتقرب منها بس تشيل همها وترحمها وتدور عليها وكمان ابويه صاير يحبها وتقبلها عكس قبل كان موقفه محايد الزبده ان هالكتكوته جننتنا كلنا بنموت عليها ع فكره قطوتنا اسمها كاتيا ونوعها شيرازي انثى
وحابه اشكرك انك فتحتي لنا مجال نستفيد منك ونستمتع بهالقسم الجميل
يااهلييين بارتوس..
عاد انا من زماان نفسي ببسه بس امي حالفة علي مااجيب تقول مسؤؤلية وذنبهم برقبتنا .. عاد لما تزوجت فكررت اجيب بس لما حملت وجبت اطفال انشغلت وقلت خليها لين مااكبر اولادي هههههههههههههههههههههههه يالله العافية .. عاد احلی مافي الموضوع ان بنتي تحبهم كمان …
انا اخوي مررررره يحب الحيوانات بانواعها لدرجة مرره يقول ليتني كنت حصان ههههههههههههههههههه ودايما يجيب عصافير كناري سلاحف حمام اي حيوان صغير الحجم لان ممنوع بالبيت الحيوانات الكبيرة لوول
المرة الوحيدة اللي اهتميت بحيوان لما جبنا ارانب عشان نسوي تجارب عليها وربي قلبي قطعني عليها اقولهم حرام كذا ماراح اسوي فيهم شئ حتی لو نقصت بالدرجات ..تخيلي تقول اذبحوهم وطلعو عظامهم وحنطوها وماادري ايش المهم انا رفضت ونقصت نص درجة المعمل بس مااهمني صراحه والله حرااام ولا كل بنت لوحدها يعني شوفي كم واحد ذبحوه وربي انقهرررت ..
حبيت قصصك عن ليون وكثريلنا منها ..احب اتعرف عليك من جميع جوانب حياتك ..
ربي يرزقك السعادة وين مارحتي انتي صرتي جزء من حياتي اللي اتابعه بكل شغف …
السلام عليكم ورحمة الله وبركاته
كيفك ارتوسة ! ان شاء الله بخير
تتخيلي انا اكره القطط كره العمى
لانها الكائن الوحيد اللي يفقدني برستيجي
اكون ماشية ومتألقة في الشارع وتمر جمبي قطة
كل احوالي تنقلب :”(
صراحة كره هالكائن وراثة من جدتي الله يرحمها
فقدت حملها بسبب قطة بالرغم انو كانت في شهرها التاسع 🙁
بس والله دخلت الموضوع دا وقرأته عشان ليون ^_^
وعشان اسلوبك يسليني صراحةة ويدخلني جو ♡
والله كل ما تخلص التدوينة احزن واقفل الصفحة بألم
انا احب القطاوه بس الي يمنعني كانت جددتي الله يرحمها ما تحبهم وعندها ربو حتى لو تشوفهم بالحوش تعصب
و ابوي كمان عنده ربو فصار شي مستحيل اجيب قطه في البيت
يا زين ليون وَيَا زين قصصه و حكايته ومجند الحيوان بالبيت مسؤلية لليوم أفتكر قصة صوص اشتروها اهلي لي بمناسبة نجاح اضن وحطيته بصندوق وفي البلكونة وفرحانة فيه وحتي لو فئة ضيوف تلاقيني بلبلكونة المهم يجي اخوي كان عمره وقتها ٤ سنوات ويعصر الصوص بيدة لين مات والله الي الان أفتكره ومحزنة
رووووعة سواليفك وقصصك عن ليون، أنا من يوم وأنا صغيرة عندي قطتين، لكن انفصلت عنهم، الاسبوع الماضي رحت الرياض عشان معرض الكتاب وزرت احدى قريباتي، زوجها توه جايب بسة بيضا وعيونها رمادية، تجنن تجنن تجنن، لكن قريبتي هادي معطيتها طاااااااااف، لا تلعبها، ولا تدللها، فالبسة بس منسدحة ونايمة، جيت انا واختي تسلينا عليها، احط لها اكل في يدي واناديها في البداية كانت مترددة، شويا جات واكلت من يدي، وصرت امسح لها جسمها، واحك لها راسها، وباقي السهرة وهي لازقة فيني، واختي لعبتها بشاحن الجوال. يوم رحنا مرة حزنتني لو كان بيدي اخذتها من راعيتها لأنو ساحبة عليها تماما.
مشكوووورة كثير يا قمر على دي التدوينة.
حبييييييت هالتدوينة
عندي قطوة عمرها 6 شهور واول ما جابها اخوي كانت شهرين
في البدايه خفت منها لأن عندي عقدة من القطاوة من و انا صغيرة بعد ما هاجمني قطو احمر كبيييير T_____T
وصدقش في البدايه كنت الحفها ههههههههه و انا اتحرى اني الوحيده هههههه
ولااا قبل لا احلقها كانت شعرانية ويوم تروح حمامها وانتي والقارين بالكرامه
كان يلصق فيها ووقتها ما كنت اعرف انه يلصق لأنه يلصق
ولكني كنت اتحرى انها ما تنظف وكنت اعصب منها وكنت اعطيها على راسها
الله يسامحني بس والله كان جهل ومن اذكر احزن واقول كيف كنت كذيه غبية
هاي نفس الياهل لا سواها على نفسه وقعد في مكانه لأنه ما يقدر ينظف نفسه
صدق تعلمت اشيا كثيرة و حركت فيني اشياء كثيرة محد يعرفها الا الي ربى قطاوة
يعني لو اسولف مع اختي ما بتفهم وش اقصد ولا بتحس بالي احسه
بس فعلا مسؤولية و هي بدت تموء ويطلع لها صوت وتبغي تتزاوج
طبعا يوم بحثت في النت لقيتها عدها صغيرة وموب زين تتزاوج الحين
فقمت احبسها واحاسب على البيبان او الدرايش لا تبطلت
ومرات احزن عليها قسم بالله وادمع واقوول خلاص بوديها مافيني على ذنبها
وبعدين اهون لأن ما تهووون علي
تحسينها بنتش في نص الليل تجيني تبغي تدخل تحت اللحاف ومن تدخل تعق روحها على يدي و تنام للصباح
بس والله ما اعرف شو اسوي وخاصة ان الحبسة موب زينه للقطاوة و اذكر انش كتبتي من قبل انها تسبب الاكتئاب
بس والله ياختش ما اعرف شو اسوي و اليوم اقول لأمي افكر اجيب قطوة ثانية تتسلى معاها
وان شاء الله يوافقون
وتسلمين على هالمدونه ويا ليت تكثرين منها وخاصه عن القطاوة لأن والله افتريت قوقل كله ادور اجوبة لاسئلتي ولكني الاقي تناقضات كثيرة
فكثري منها ولو كانت بسبطة عسى الله يزيدش من فضله
مدري هو تعليقي الي كتبته في الليل انحذف ولا طار مع الاخطاء الالكترونية!!
الظاهر انا الي احوليت ههههههه يا الله صباح خير مااقدر احذف الي اكتبه ههههه
البارحه كتبت باسم كسرة عود واليوم ادور عنه باسم سنفورة
الحمد لله والشكر
السموحة ام ليون
ااااه يا ليون كل ماشوفه اتذكر المرحوم قطوي مع ان له سنتين متوفي
هلا..
مع اني ما احب الحيوانات كثيير,,, ما عدا الارانب وقبل سنتين في عيدميلادي حصلت هدية ارنب.. و ما كنت اعرف كيف اهتم فيه و للاسف اهملته لحد ما توفى…
من هالتجربة عرفت انه ما اقدر اربي اي حيوان و كل ما شفت ارنب انجرح كثيير يذكرني بارنبي…
حبيت قصتك مع ليون… و تحمست اقتني ارنب مرة ثانية لانه القطط عندي خوف منهم بسبب موقف… و احس انه ليون علمك الكثيير من الاشياء الحلوة… ربي يرزقك السعادة
رد
تمنيت كلامك مايخلص
فكرتيني ب بستي ماما نزلت باعتها 🙁
تقول مزعج
مرا زعلانه عليه ودحين افكر اتبنى ليا بسه بس بعد ما ننقل من شقتنا ؛(
للامانه انا مغرمهم في ليون لو جاني بس ذكر حسميه على اسمو ربي يطول بعمرو هالجميل
خلاص ابي قطوة
انا مااحب الحيونات لكن الفترة الاخيرة حن قلبي
من كلامك حسيت لازم اربي قطوة
يسعدك ربي اتوس
زمان تعرفت على قطة حامل ..
لقيتها تحت سيارة بابا بالحوش .. شكلها يعور القلب منسدحة وفيها آثار ضرب
قدمت لها حليب وتونة فتعلقت فيني كثير ، وفعلا بعد فترة اختفت تقريبا أسبوع ، ثم رجعت ، وبعدها بمدة جابت عيالها – خمسة قطاوة – بس كانوا كبار شوي ..
لكن للأسف بعد ما كبروا راحت الأم والعيال وبقى لنا قطو واحد بس :””( مت من البكا يومها :””(
بعد فترة الولد تهاوش مع قطو ثاني وموته :”(
بس ما فكرت أبداً أربي قطط ، يعني العائلة هذي جالسة بالحوش – عندنا مستودع بوابته على شكل سياج دخلوا واحتلوه 🙂 – وأنا بس أصبح عليهم وأفطرهم وأغديهم وأعشيهم .. بس فكرة تبنيهم تبيلها شخص عنده استعداد لتحمل مسؤوليتهم ، وماشوف فيني هالاستعداد ..
شكرا لك أمتعني الموضوع
التدوينة تحمممس لاقتناء قط سعنوون
بس ارجع واقول لنفسي( آي كانت) مسؤولية شوي صعبة
ههههههههههههههههههههههههههههه الله يسعدك ويخلي لك ليون القميل ده♥✨
بسألك : اخصيتي ليون ؟ وكيف كانت تجربتك مع العمليه ؟
معليش تخلين اخوك يعذيني اخو ليون ولا اخته ؟
دايم اعيد وازيد ان اهلي ممكن يخلوني اربي بعير بس قطو لا والف بس ياخي كل ماشوف هالنتفه ابي قطو شسوي ( فيس يعيط
توني شاريه لي قططو وطحت ع حسابك بالانستقرام حسسيته كنز طبعاً جلست احوس عشان ادور موضوع عن القطط
شششكراً استفدت منك وفيه معلومات توني اعرفها
بس كيف دربتيه ع استخدام الحمام البشري ؟
وهل فعلاً الذكور لها ريحه ؟
واخر شي انا افكر اذا بلغ اسوي له عمليه الاخصاء وسألت عن الحكم قالوا يجوز لان صعبه التزواج ماراح القى له احد خصوصاً ماعندنا بمنطقتنا محلات خاصه
إستمتعت و أنا اقرا و ماحسيت بحالي الا التدوينه خلصت ماشاءالله عليكي إنسانه حنونه ربي يسعدك ، من صغري احب الحيوانات بالذات القطط ، وحابه اتبنى قطه احسها حيوانات تجيب السعاده سبحان الله حتى ولدي حبيبي لما نجي عند اهلي تجي قطه كل يوم تاكل وتروح ماشاءالله عليه مايخاف منها و يجلس يمسح عليها و مبسسوط شوفي ي ماما شوفي ، انا حاليا عندي ببغاء ف البيت تعودت عليه و على صوته و يناديني ماما زي ولدي ههههه بس يغار من ولدي او انه يلعب معاه مااعرف لانو يجري وراه في البيت و يحاول يوقف فوق راسه هههههه ..
لو تدري يا آرتوس قد ايش اعشق الحيوانات <3
قبل مااتزوج كانت عندي سلحفاة واحنا كنا كلنا كبار في البيت وهيا المدلعه بيننا وكآنها مولود جديد دخل على البيت ، الكل يراقب حركاتها وينتبه لها ويدلعها ويساعد في تربيتها ،، عاشت معانا قريب السنتين وكنا ناخذها كل مكان بس للآسف يوم خرجنا نسمر كل العيله برا في الحوش ودخلنا ونسيناها وتاني يوم اكتشفت امي انها اتحجرت ومات مع الشمس .. بالرغم انها صحراوية بس سبحان الله مااتحملت الشمس
وقبل فترة وبعد زن على راس زوجي جابلي قطة صغيره كانت شهرين بالزبط وطبعا كل العايله عارضت من ناحية اهلي واهله وعذرهم كان اذا مره مشتهية تربي جيبي نونو جديد
ومع الضغط علينا زوجي تعب وقرر انو نبيعها بس انا رفضت واعطيتها عمتي لان كان عندها اصلا قطة ثانية ومنها اشوفها كل فترة
بس للاسف كمان عمتي جاتها اعتراضات كتيرة من امها واضطرت تبيع البستين
ودحين استنى اولد واقوم بالسلامة وان شاء الله اجيب بسه وسلحوف تاني والمره دي رح احافظ عليهم زي نونتي الجديد و ماعليا من احد
اندمجت كثير الله يخليه لج ولا يحرمج منه انا كنت احب البسس لما كنت طفله وبيوم عصبت علي وحده وصرت أخاف منهم يمكن لو مثل ليون وطفل بحبه وبعتبره مثل طفلي هههههههه بس لما تزوجت زوجي قال لازم نجيب حيوان بالبيت يصير فيه حس بالبيت وجاب كناري ذكر بالبدايه ممن بعيد لبعيد شوي شوي بديت اتعلق فيه بس ما اطلعه بس احط له اكل واكلمه واحسه يفهمني هههههه بعدها بسنه تقريبا فطس تميت فتره نفسيتي تعبانه عليه ومن اذكره ابكي انا وزوجي هههههههه والله العظيم يمكن أسبوعين من نذكره نبكي بعدها قال زوجي لازم اجيب ثاني قلت له مابي خلاص وجاب لي واحد ثاني يشبهه بس هذاك اللي قبل انظف بعدها تعودت عليه وللحين عندي صار له يمكن اكثر من سنتين عندي واسولف معاه وبعدها شرا زوجي جوز طيور الحب اول جوز ماجابوا عيال وبعدها بدلناهم وقاموا كل ماتفقس تبيض وعيالها شحلاتهم نتفه اخر شي فطس زوجها وهي صارت كل ماتبيض يفسد بيضها وتكسره بعدها خلاص وزعها زوجي حزنت عليها وكنت مسميتها ملاك لاني احب هذا الاسم من سنين وزوجي رفض اني اسمي بنتي بهذا الاسم وللحين الاسم بقلبي فسميتها طيرتي بهذا الاسم
قعدت اقرأ واعيد القراءة لعدة مرات من البسطة اللي انا فيها =)
مرررة استمتعت وانا اقرأ خصوصا طرائف ليون
بالنسبة ليا عندي ٥ بسس في الحوش
وكان عندي وحده في البيت لونها بني وبرتقالي واسود * ملونة وجميلة *
ومرة حبيتها واتعلقت فيها ، بس للاسف صرت ما اقدر انام ولا اكل ولا اقعد زي الناس والعالم عشان حساسية عيني
صارت تدمع تحمر وتحك ، واضطريت اني اعطي البسة احد تاني =(
الزبدة الله يخلي لك ليون ويطول في عمره ، حبيته ودخل قلبي من الصور
شوفي عادي تضربينه على انفه بشويش وتصيحين عليه اذا سوى شيء خطأ ترا منجد يتعلمون بستي صارت تطالع فيني قبل ما تسوي شيءغلط اذا صحت تشرد XD: , هم كذا يفهمون ويتعلمون ولا تخافين هم كذا يتعاملون مع بعض فما تأذينه بها الطريقه !
الحين عندي بسه وحده انجورا عينه مختلففه ججججججميله ولططططططططيفه لكن شعرها كثير ويطيح اتعبني جدا الرت رول صعب القاه احس ازمه ممكن تعلميني من وين القاه اشتريته اخر من ستي ماكس كان معروض عند سيب المحاسبه ولا عاد لقيته )= !
امممم والله ودي اتغلب عالخوف كل البنات يحبو الحيوانات ويخافو من الصراصير لكن انا العكس هههههههه
ماتخيل بحياتي امسك بسه او كلب او غيره معني اعشق الببغاوات واحب الحيوانات اللي ماتحتاج امسكها زي اسماك الزينه في بيت اهلي بسه واحب اشوف حركاتها وتترك الكل وتبغا تجي عندي وانا ابدا ماقد لمحت لها باي عاطفه نحوها وانواع الصراخ بس تقرب مني
اخخخخ تهبلووون تهبلووون استمتعت وانا اقرا جدا جدا اذكر قريتها قبل ورجعت الان اقراها اخذ جرعه منك قبل أتبنى ، الله عشششرة عمر من ٦ شهور والى ١٠ سنين ماشاء الله ،، ربي يزيد ويحفظكم واللي بان لي ان الحيوانات بسكل عام تنعش البيت ، يسلموووو سوسو ?♥️♥️
وووووواي استمتعت بالقصص وليون والقطه المتشرده?حسّيت بشعور الدغدغه لان أمنية حياتي اربي قطو واهتم فيه لكن بابا مانع دخول الحيوانات داخل البيت
ذكرتيني لما كنت اروح لبنت عمي علشان العب مع قطوتها المدلله وكانت فصيلتها سيامي وعاشت معاها فوق من سبع سنين وكانت هادي القطوه عندها بالدنيا بحكم بنت عمي وحيدة الام والأب والقطوه نفس الشعور كانت بنت البنت الصغيرة المدلله بالبيت
يارب اذا تزوجت يطّلع اللي بتزوجه يحب الحيوانات ومايمانع بتربيتهم بالبيت ?
ارتوس تكفين نبي قصص حق ليون توني ارجع اقرا القصة واستمتعت
استمتع جدًا بسوالفك وقصصك لاتحرمينا ياقمر..
تصدقين مرتين منفصلة اقتنيت سلاحف ولاتوفقت،المرة الأولى اشتريت وحدة نونو وبسبب جهلي ماتت،أعرف أعرف ما انعطى وجه
ومن بعدها حرمت اقتني أي كائن لأني أحس بالمسؤولية جدًا تجاهها خصوصًا وأنا مجربة يعني.
المرة الثانية جتني خمس هدية،وبسبب خوفي صرفتها مع اني بحثت في الانترنت عن العناية بها وكذا بس حسيت مسؤولية ومع انشغالي أنا مو قدها..
طول عمري عاشقة للحيوانات وخصوصا للقطط
بس ماما عندها فوبيا منهم وكان الموضوع مستحيييل تسمحلنا نجيب قطة عالبيت
لحد ما اجى يوم وأقنعناها بنجيب قط بس لمدة أسبوع وعمره ٨ شهور
وافقت على شرط ما يدخل البيت ويضل بالحوش ،، كان الجو حلو يعني عادي بالنسبة لقط شيرازي
الصدمة أنه القط حجمه كان كبير وشعره طويل كتير، بنيته أكبر من القطط الطبيعية
سميته عسل لأن لونه عيونه عسلي
ضل فترة شهر عنا و وديته العيادة عشان تطعيماته و شاور وأظافر وما إلى ذلك
المصيبة اللي صارت أنه حلقوله عالصفر وكان مبنج وفيه آثار جروح من الحلاقة
يومها أمي أشفقت عليه وسمحتله ينام بالبيت بغرفتي
من يومها وهو جوا البيت ، والكل بموت عليه
وأمي لازم الصبح تشيله وتبوسه وتنيمه بحضنها
صارله سنة عندي
ارتوووووس
أما بعد ..أحبك ?
أخواني جابوا بسه للبيت انا مالي في الحيوانات بس سبحاااان الله احساس غريب لما تهتمين في روح ثانيه غير البشر
احاسيس جديده اول مره اعرفها واعيشها ..كنت أخاف من البسس بس اكتشفت قد ايش كنت ظالمه نفسي وظالمتهم اتاريهم يجننووون
من زمان اقدر احساس الناس المتعلقين في حيواناتهم بس اول مره اعيش هالاحساس ماادري اييييش اقول
انا متابعتك من زمان بس لما جاتنا البسه اتذكرت ليون و رجعت قريت كلامك عنه كأنك توصفين شعوري
صحيح ماطولت عندنا عشان ماما رافضه نربيها تقول بيتنا ما يسمح لاننا عايشين في شقه وتقول حرام نحبسها في بيت صغير بس الكلللل اتعلق فيها حتى ماما نفسها
عموما شكرا لمدوناتك اللي تلامس الروح