صَباح / مَساء القناعة
هالموضوع إنطلب مني كثير وَ على كثر بساطته لكن محتارة كيف أصوغة مو لصعوبته
إنما لإيماني أن كُل أنثى فينا تختلف عن الثانية وَ كُل أنثى لها خصوصيتها وَ ظروفها ، بالإضافة حنا النساء نُصنف مخلوقات مُوديه (راعيين مُود) يلعب فينا المزاج فمرات المزاج يكون عالي للعناية وَ مرات ماودك غير تفهي وَ تبلم وَ تتحلطم ، بالإضافه ماحب أملي على أحد نهج معين وَ أدعي إنه مفروض تسوي كَذا … وكَذا…. وكَذا .
أعترف إني إنسانة مُوديه فيما يتعلق بالعناية ، أي نعم !! أتبع روتين معين ، مرات أتبعه بطيب خاطر وَ مرات أجر نفسي جر .
وَ أسحب لدرجة إسقاط بعض الروتينات الأسبوعية أو الشهرية ، وَ المسؤول الأول وَ الأخير هو المزاج
ماعندي مشاكل في العناية العامة الإ بالعنايه بشعري مادري ليه ماعندي صبر وَ أستصعب أصلح ماسك يتجاوز العشر دقايق ، وَ من أسباب عدم عنايتي بشعري بالزيوت وَ خلافه هو حبي لشعري يكون كيرلي ما أحب أفقد التموجات بالإضافه ماحبه يهبط وَ العنايه غالباً تترك شعري سابل وَ نايم ، وَ أكيد كثير منكم كره شغلات لأسباب شبيهة ..
قاعدة الجَمال الذهبية ~
ههههههههه تَرى أنا ما أحب سَوالف ذهبية وَ فضية وَ برونزية
بَس أكتبها عَشان تجتذب قَلوبكم
القاعده العامة في العناية جداً بسيطة وَ سهلة وَ ماتحتاج تعقيد ، هالقاعده مو بس بالعناية ، حتى بالنظافة وَ الترتيب
لابد تخصصين عناية روتينية يومية ، وَ إسبوعية ، وَ شهرية .
عيوب يرتكبنها النساء أثناء العناية بجمالهن ،’
• العيب الأول إللي يرتكبه معظم البنات المتحمسات وَ يخليهم يتركون وَ يحبطون
هو جعل كل يوم من أيام حياتها عناية مكثفة أقرب للعنايه الشهرية أو الإسبوعية
فتلقينها توها بادية بكل شغف وَ حماس ، بتسوي كل يوم حناء وَ زيت وَ زبادي بشعرها ، وَ بجسمها بتسوي خلطة صابون غار وَ بودة وَ جلسرين قبل وَ زيت لوز حلو بعد الشاور ، وَ ليمون ع الركب ، وَ خلطة جليسوليد وَ ليمون وقت النوم ، وَ بتلقينها تتلزق وقت نومها ، بيصيبها الإرهاق وَ القلق بالنوم ، وَ أعطيها خمس أيام
وَ تلقينها ساحبة على كل أبو عنايتها ، ليش ؟
مو لأن إللي صلحته خطأ وَ بس لأنه مرهق ، الإنسان يميل للسهولة ، لا ترهقون نفسكم أبداً لا بعناية أو ريجيم أو رياضة الزيادة أخت النقصان ، وَ المبالغة بالشيء تخليك تنفر منه تماماً فالإعتدال مطلوب ..
• العيب الثاني : لاتقارنين نفسك بأحد ، إيه حبيبتي الجميلة إنتِ ، لاتقارنين نفسك بأحد سواء فنانة أو مشهورة ، أو حتى بنت عندك بالجامعة أو الدوام أو حتى إختك
كثير أسمعها بجمعات البنات ، واووووو فلانه شفتي شعرها لتحت ظهرها وش تسوي ؟ ، فلانه بشرتها تلق بياض وش تسوي ؟ ….
مو بالضرورة هالبنات يسوون شي سري ، إنما لكل أُنثى محاسن وَ عيوب ، البعض خلق ببشرة جميله خاليه من الحبوب ، وَ البعض خلق بشعر حريري مسترسل كثيف وَ سريع الطول
البعض أيضاً ربي أعطاه الرواق وَ الوقت إللي يسمحله يدلل نفسه ، وَ البعض إنعطوا المادة اللي تخليهم يجيبون ناس يخدمونهم وَ يدللونهم ، وَ البعض شغله يحتم عليه يهتم بجماله من صبح الله وَ هي رايحة للصالونات وَ تقضي نصف يومها بس تدلل وَ تلطخ وجهها بالماكياج وَ وراها طاقم كامل من الماكييرين
وَ مصففين الشعر وَ خبراء الصورة …….. الخ مثل الفنانين وَ المشاهير
• العيب الثالث : توقع نتائج غير واقعية
يعني البعض يبدأ عناية لنفترض بنت شعرها خشن وَ صعب التصفيف وَ جاف بالفطرة ، تعتقد إنها إذا صلحت خلطات راح يصير ناعم حريري ، وَ مع كثر العناية يصيبها الإحباط لأنها ماوصلت للنتيجه إللي ببالها ، فمن الطبيعي راح تيأس وَ تترك العناية
بهالموضوع ما راح أعرض لكم روتين تمشون عليه لأن مثل ماقلت كل إنسان بظروفه ، وَ وعد أعرض لكم روتيناتي اليومية وَ الأسبوعية وَ الشهريه بعد ، لكن بهالموضع حابه أحببكم وَ أبسطلكم مسألة العنايه وَ أحاول قدر المستطاع أخليكم تكتشفون التكنيكات إللي تناسبكم وَ يخليكم تحتالون على أنفسكم وَ تدخلون الروتين بدون ما تحسون
هَمسة للأمَهات ~
كثير أمهات مُهملات بناتهم لا تأمن لبناتها سُبل عناية وَ لا حتى تعطيها جَزء من وقتها تعلمها على أبَسط الشغلات
مَخليه بنتها تكتشف بنفسها بدون تَوجيهها , كثير بنات إكتشفوا إن فيه شيء إسمه دورة شهرية من صَديقاتهم أو من الإنترنت لا يَغيب دورك بالتَوجيه
كثير أُمهات ما تهتم إذا بنتها تتحمم يَومَياً أو لا , تفرش أسنانها أو لأ , تغسل ملابسها الداخلية وَ تبدلها أو لأ ( لازم بنتك تتعلم الخصوصية وَ تتعلم تهتم بهالتفاصيل بنفسها )
تكبر البنت وَ يحين وقت زواجها وَ هي فاقدة لشيء إسمه : حُسن التدبير
لأن ما تَعودت وَ يقولون : من شب على شيء شاب عليه
أمُي الله يَرحمها كنا دايم نَجلس عالعَصرية نَشرب شاي و نَدردش كل العيله , إستحالة نتغلب عليها
مَرات نبي نَجلس بالبيجاما أو نكون تَونا جينا من المَدرسة وَ بدلنا وَ تغدينا وَ أخذنا القيلوله طَبيعي بنقوم ببجامتنا
تَضيف الكَل إلا المُهمل , تقول مافي تَحمم وَ بدل وَ تعال وَ لا تتكلم مَعنا !! أو عالأقل بدل ملابسك وَ أغسل وَجهك وَ أجلس مَعنا
تقول هالشَكل يجيب لنا الغَلقه , ليش نلبسكم وَ نشتري لُكم ؟! وَ أخرتها بجايم ..
وَ للأسف صَرنا بعام ٢٠١٥ وَ للأن فيه بنات يروحون السوق بقمصان البيت وَ ببجايم هذا مظهر غير مُهذب وَ يوحي بشيء غير مُحترم
أقل شيء ألبسي تنوره سوداء وَ بلوزه , لا سَمح الله صار لك شيء , الواحد ما يَضمن نفسه وَ لا يَضمن إذا طلع وَين يروح فجأة أحد قالك مُري علينا وَضع طاري
لا تَخلين الناس يشوفون عيوبك أو عدم هندمتك ..
الصَدق وَ أنا مراهقه كنت أجلس بالحَمام – تكرمون – ساعة وَ مرات ساعة وَنص خاصة لما أغسل شَعري
طَول الوقت أمي تدق علي باب الحَمام تقول : بس بس عفريت بيدخل فيك
طبعاً مافي شيء من هالكلام بس تَخوفني عَشان أطلع
أقولها ليش ما تَخليني أرتاح بالمَويه , تقول إسراف وَ لا هوب زين لجسمك .. تش تش تش
[ تقصد صَوت المَويه ] ..
حتى من المَواقف إللي أذكرها وَ إللي تَضحكني الآن لما كَنت برابع إبتدائي , أمي طالعت رجولي قالت إنتِ ماتعرفين تتحممين
قلت لها وَ الله أعرف أتحمم وَ أغسل جَسمي بالصابون زَين , قالت تعالي أوريك أدخلي بَحممك !! ..
تعرفون لما الواحد يغسل بالصابون جسمه من تحت يرقد فيه الصابون يحتاج لإزالة باليد أنا خلاص بس أرش المَويه وَ ما أفرك لتحت
ذاك اليوم أمي دَعكت جسمي لين بَكيت مَنها , قالت : وسخ وسخ , وَ تعلمت من وقتها كيف الشاور الصَح
فَعلموا بناتكم , بنتك تستحي علميها حتى وَهي لابسه ملابسها الداخلية مافيها شيء لو تبللت ملابسها راس مالها تنغسل الملابس بالغساله
مافي أحد طَلع من بَطن أمه مَتعلم , الحيوانات وَهي حيوانات أطفالها يَوم يكبرون تعلمهم شَلون يصطادون
وَ حنا أمهاتنا يَعلمونا شلون نتكيف مَع الحياه كذلك بَشتى المَجالات , هذا واجب من واجبات الأمومة
وَ الله يخلي لَكم بناتكم وَ أمهاتكم
نصائح لتسهيل رُوتين العناية بجمالك ~
• تقبلي نفسك وَ حبيها ، كوني النسخة الأفضل من نفسك وَ لاتقارنين نفسك بأحد أبداً أبداً
مافي مَقياس واحد للجَمال وَ إنتِ ما أنخلقتي حتى تكونين فلانه وَ لا على ذَوق علانه , كل إنسان هُو بصمه فريده من نَوعه له كيان وَ أحاسيس وَ جسد وَ فكر
وَ بالمُقابل فيه إنسان يتذوق جَماله , حتى لو كان الاغلبية ما يَشوفون جَماله لكن فيه شَخص عالأقل واحد راح يَسعده وَ يقبله
• إبتعدي عن المبالغة وَ الهوس بالجمال وَ أدخلي الروتين حبه حبه لحياتك عشان تستمرين ، الحياة فيها إلتزامات كثيرة من ضمنها إهتمامنا بأنفسنا
• إختاري منتجات تناسب ميزانيتك عشان تستمرين ، البعض يسعى ورى وُعود شركات التجميل وَ يعتقد إن المنتج ما راح يفيده إلا إذا مكوناته باهضة الثمن ، فتشتري الغالي وَ تدهن منه قليل أو تضطر تتركه فترات لأنها مو قادره تستمر بشراءه ، الأهم الإستمرارية منتج بسيط تستمرين عليه أفضل من منتج ثمين وَ مفيد بس متقطع الإستخدام
• إبدأي دائما باتخاذ الخيارات السهله ، لنفرض أنا إنسانه كسوله بتحضير الخلطات الطبيعية وَ أعرف عشان مثلاً أعتني بنفسي عنايه إسبوعيه بضطر أحضر ماسك للشعر مفعوله يبيله ساعة ، وَ ماسك للبشره مفعوله يبيله 20 دقيقة وَ سنفرة ، هالشي يخليني أتكيسل وَ أبطل ، بس لنفرض شريت ماسك للشعر مدة وضعه 8 دقايق
وَ ماسك للوجه أبو 8 دقايق بعد وَ سهل المد وَ الغسل ، بكون إختصرت الوقت ، وسهلت الروتين علي
• قبل لا تدخلين عادات جيدة لروتينك ، إبتعدي عن العادات الخاطئة ، لذلك كل وحده تشوف وش مشاكلها وَ هل لها إرتباط بعاده سيئة مثال :
كثير بنات يتربعون على الأرض ، فيصير عندهم بالقدم تصبغات بفعل الإحتكاك بالأرض ، فعشان تعالجينها بطلي تقعدين بنفس الطريقه ، وَ قيسي عليها أللي يركون على ذراعهم ، أو اللي يضطرون يغسلون أدينهم كثير بمنظفات قاسيه ، وَ البعض عنده حاله عصبيه ينتف شعره ، إو إذا توتر يعض اظافره ….. إلخ من العادات السيئة
• إعرفي نوع بشرتك جافة، عادية ، دهنية ، مُخلتطه ,حساسة وَ إختاري على أساسها المنتجات إللي تليق بك ، كُل بشرة ممكن يحسسها شي بسيط ، فكل بشرة تختلف عن الثانية
• دائماً اتركي المنتجات قريبه منك وَ سهلة الوصول، على قولتهم البعيد عن العين بعيد عن القلب لووووول ، ماتدرون قد إيش هالشي مهم ، وَ صدقوني بتلاحظون الفرق لو وَ صلتوا للترتيب المناسب وَ هالقاعده تمشي بكل شي حتى بالأكل وَ بترتيب الثلاجة دايم أترك الفواكة مغسولة وَ مرتبة قبال وجهي وَ الأكل المُصنع بأخر الأرفف بعيد عن العين
كل وَ حده فينا لها مكان مناسب تحتفط فيه بمنتجاتها ، ما راح أملي عليكم إللي يناسبكم ، لكن بقولكم الترتيب اللي ناسبني ..
فرضاً لو وحده متزوجة زوجها ينام بدري وَ هي تنام متأخر ، وَ حابه تمارس روتين العناية الليلية ماراح يكون مناسب تكون منتجاتها فوق التسريحة أكيد بيكون لها مكان يناسب وضعها ، وقيسي عليها لو وحده عندها عيال مثل الجني الصغير يتعبثون بكل شي صعب تترك الشغلات على مرأى منهم ( لا تَزعلون )
البعض يحب يرص كل منتجات العناية بصينية فوق التسريحة هالشي يناسبهم ، أما انا لو أسوي هالحركة عز الله مليت وَ تهت من أول يوم ..
بذكرلكم أهم الأماكن إللي أحط فيها المنتجات ممكن يكون أُسلوب وضعي للمنتجات مُلهم وَ مُساعد لكم
التسريحة ،,
عمتي أخت أبوي من النوع إللي تحب تسريحتها زحمة كلها عطور وَ ماكياج وَ تحف …… إلخ .
فلما تشوف تسريحتي تقولي ليه تسريحتك زي المُصلى هههههههه كناية عن الخلو من معالم الزينة ، طيب ياعمتي قولي مسجد على الأقل ، هالشي يمكن ورثته عن أمي الله يرحمها ما نحب كثرة الزينة وَ الزحمة وَ مانحط أي شي في الغرفة إلا إذا يستخدم مو شي للزينة فقط طبعاً ماعدا الورد وَ النباتات الطبيعية، كل المنتجات احبها داخل الأدراج منها تعيش مدة أطول بعيد عن الضوء وَ الغبار ، وَ منها مريحة للنظر وَ سهلة في التنظيف
العطور بالمجمل في الأدراج ماعدا العطور اليوميه إللي أكون معلقة عليها الفترة الحالية ، وَ مافي مانع أغيره بعد أسبوع وَ أحط بدالة بس أترك نوع واحد فقط
الوحيد اللي أتركه دايم بالتسريحه هو بعض فراشي الماكياج الدوريه وَ منظف الفراشي أما الباقي داخل الأدراج
[ عفكرة بَصوري ما أصَور إلا إللي أحبه يَظهر لَكم لووووووول , يَعني فيه مُنتجات أخبيها حَتى ما أحرق طرح المَواضيع يَعني لا تَحاولون تدورون شيء غريب أنا أصَور بكاميرا إحترافية يعني الصَور غير عَشوائية وَ إذا صورة بَعجل إذا فيه شيء ما أبيه يَظهر أقص الصَورة أو أشيله من بين المَجموعه ( لئيمة ) .. عشان تتحمسون للطرح ]
بتلقون فوق التسريحة :
مرطب شفايف عادي وَ ملون ، كريمات النهار ، كريمات الليل ، واقي الشمس ، وَ مزيل العرق …. يب مزيل العرق أنا من النوع إللي ماحب ألبس بالحمام الله يكرمكم فما أحطة بالحمام لأن غالباً أرطب جسمي فقط وَ أنزل بروب الحمام وَ أحب أنشف تماماً يمكن 10 دقايق بعدها أحط مُزيل العرق وَ ثم البس وَ أحياناً ما أستخدمة
زمان كنت أحط ماكياجي اليومي ، بس إكتشفت إن هالشي خلاني أعلق بلوك واحد يومياً لذلك بطلت هالحركة، فكل ماكياجي صار بالأدراج بترتيب يناسبني
بجانب السرير ،’
كريم اليد ، كريم الأرجل ، كريم الأظافر أو الكيوتيكل، قفازات وَ جوارب العناية في الشتاء مو دايم
في الحمام ،’
الله يكرمكم ـ جنب الشاور شامبو وَ بلسم وَ ماسك الشعر الدوري وَ مشط واسع . وَ بعد شاور جل للجسم وَ مرطب الجسم وَ الليف وَ حجر الأرجل
جَنب المغسلة خارج الحمام ،’
فرشة وَ خيط الاسنان ، فرشة الأظافر ، جهاز تنظيف البشرة لونا ، غسول البشرة اليومي ، غسول للأيدي ، مزيل الماكياج ، قطن ، كريم مرطب لليدين ، وَ مرطب للشفايف
عندي كبت صغيرون وطويل بين المغسلة الخارجية وَ الحمام ،’
الكبت طويل ونحيف ومليان أرفف وعليه باب ، سبق وصورته زمان بأحد المواضيع احط فيها كل منتجات الحمام الأسبوعية مثل السنفرات وَ الأملاح ، وتَريتمنت الشعر ، وَ المونه بشكل عام ، وَ بعد مخصصة رف صغيرون لشاور قطوي ( حتى هو يحق له يتدلع )
ليه جنب الحمام مو بالغرفة ؟ عشان لو نسيت شي أوصله بسهولة
كل وحده تشوف الترتيب إللي يناسبها وَ يخليها تعتني لو يناسبك تحطين كريم ترطيب اليدين بالصاله أو بمغسلة المطبخ ، حطيه أهم شي تتذكرين تحطينه وَ يكون سهل الوصول مَن له حيلة فليحتل ، الإنسان بطبعه ملول لابد نحتال على نفسنا شوي وَ نشجعها عالعناية ..
مَني لكم ،’
شفتوا ليش مَرات ما أقدر أساعدكم لما تسألوني عَن شيء ؟!
لأن أنا لو دليتك على كريم , ما بَعرف وين الخطأ إللي تَسوينه بحياتك ..
مرات علاجنا ما يكون بكريم أو بعناية , يكون علاجنا إنه نترك عادة سيئة نتبعها وَ نحن غير مُدركين لها
٦ جرائم لا ترتكبيها ،’
ـ تتركين جسمك بدون ترطيب خاصه إللي بشرتهم جافة أو إللي يعيشون بمناطق صحراوية أو باردة أو صعبة المناخ ، هالشي سبب البلاوي راح تتعرضين منه لتصبغات وَ تشققات بالإضافة ممكن تعرضين نفسك لعلامات التمدد
ـ إنتبهي من ترك بقايا الصابون على جَسمك يَعني ما تشطفين زين بعد صابون أو غسول الجسم أو شامبو الشعر ، أذكر وَ أنا صغيرة كنت أخاف من الظلام يعني أخاف أغمض عيوني وَ أنا بالحمام فتلقيني وَ أنا اغسل وجهي أغسله بسرعه من الصابون بدون ما أدقق وَ لا أركز عالجَبهه ، فالنتيجه كانت جبهتي بلون وَ وَجهي بلون فأكيد أخذت كم علقة من أمي , وَ يا زين بنات فصلي تقريباً أغلبهم مَثلي .. حتى أمي لما تَزورني بالمَدرسة تقول يالله مو إنتِ وبس
ـ لا تتأخرين بالشاور ، وَ بَالأخص لا تستخدومون الماء الحار بالشاور لأنه يجفف بالإضافة ممكن يعرضك لفقر الدم يُقال إنه يفقد الدم الحديد إللي فيه , غير إنه مو زين للجسم يجففه , السؤال إللي بيتبادر لذهنكم : مالمُدة الصحيحه للشاور اليَومي ؟!
سبع دقائق وَ الأقصى رُبع ساعة
ـ لاتطلعين الشمس بدون واقي شمسي
ـ وَ الأهم لاتنامين بالماكياج
ـ وَ أخيراً لربات المنازل أو إللي يقومون بأعمل يدويه ممكن تأثر على إدينهم مثل العناية بالنباتات ، دائماً إلبسوا قفاز ..
إللي يعانون من الحساسية أو الأكزيما إستخدموا قفازات خاليه من البودرة مثل إللي علبتها زرقاء بالصوره ، أحب أستخدمها لما أعتني بقطوي لأنها مو سميكة ، وَ بعد إللي يحب القفازات السميكه شوفوا القفاز إللي بالكيس باللون الأصفر هذا من أفضل الأنواع البنك للي يدينهم صغيرة ، الأصفر للي إدينهم وسط ، هالقفازات سبق وَ صورتها زمان بأحد المواضيع يمكن قبل 4 أو 3 سنوات وقتها كان النوع الأصلي مكتوب بالياباني للأسف ماعاد توفر بالسوق أعتقد هذا نوع تقليد له بس من قطار العائلة مو بجودة الياباني بس جيد ، عاد اللي تعرف وَين ينباع الياباني تقولي لأنه يعيش فترة أطول وَ أكثر ليونه
مُلاحظة ،’
المُنتجات المَوجودة بالصُور ليس بالضرورة تَكون الأفضل فلذلك تفاصيل المُنتجات راح تَحصلونها بالرَيفيو
فلذلك بنوع بين طرح مواضيع طويله وَ بين طرح مواضيع تحت فقط بطريقة إستخدام المُنتجات وَ أسعارها وَ أماكن تَوفرها
لان حسيت الكل يطلب مواضيع طَويلة وَ لأن برضو علقت بسالفة الريفيوز إللي بَنظري ما يَعلم سوى على الشَراء وَ الإستهلاك
كانت بدايتي هذي المَواضيع الطويلة وَ موضوعنا اليَوم ماهو إلا موضوع تَمهيدي , فتاملوا الأفضل بالمُستقبل ..
حسب تفاعلكم مَع مواضيع السلسله راح يتشكل الطَرح , إذا حبيتوها مُمكن أخليها ٢٠ جَزء
وَ إذا ماحبيتوها بختصرها ..
هل سلسة الروتين الجمالي هَي سلسة تفتيح البشرة ؟!
الجواب لأ كل وحده راح أبدأ بها بشكل مُستقل عن الأخرى وَ إثنينهم راح يَمشون سَوا
ما جَبتي طاري الرياضة وَ لا الأكل الصحي وَ الفيتامينات ؟!
بسلسة الروتين الجَمالي حتكلم فقط عن العناية الخارجية إللي مُمكن تحصلين عليها بالمَنزل دون اللجوء للعيادات أو الصالونات
ليش إستقصيتي العناية الداخلية التغذية وَ الصحه ؟!
لأن فيه ناس مالهم رَغبة بالتغيير وَ يعرفون الصَح بس مايبون يسوونه يَشوفونه شيء مُرهق
وَ غالباً إللي يحبون المُنتجات ما يَحبون الصَحه وَ التغذية , عطيها شيء تلط لط بها وَجهها بتفرح أكثر مما تقولين لها تَغيير جَذري
شَطحة ~
أخيراً أفضل كل الإستفسارات وَ الإقتراحات وَ الملاحظات تُكتب لي بالمُدونة للإرتقاء بالمُحتوى العَربي
المُحتوى العربي أصبح مَيت فعلياً مافي أي مَواضيع موجودة بمحرك بحث قوقل سوى مُنتجات للبيع أو منتجات تسويقيه من خلال المجلات الإلكترونية
أو إجتهاد بلوقرز الله يَجزاهم خير , أصبح كل المُحتوى مَوجود عالأنستقرام , مُحتوى كثير مَنه غير سليم ولا يتعرض لا لتدقيق أو المُحاسبه وَ مجهودات ضائعة صعبة الوَصول
ما أدري وَش راح يصير لما نَوصل لعام ٢٠٢٠ راح تنقرض المَعلومة وَ بتضطرون تدفعون للإستشارة وَ هذي نتيجة إهمال المُحتوى العَربي ..
زَمان كنا نقدر نتعلم تصوير من المُنتديات الخاصة بالتصوير , نتعلم طبخ , نَتعلم فوتوشوب , نتعلم وَ نتعلم النفس تَحب التطوير
الأن صَرنا نَدور شروحات ما نَحصل بالرُغم إنه نحنا حالياً بثورة مَعلوماتية , الأغلب يَقول لك بَعلمك بَس إدفع لي , مُو ضَد التربح لكن مَع الإرتقاء بالمُستوى العربي بضخ المُعلومات
وَ أنا واثقة إن فينا الخَير , لكن العَرب متجهين للضحك وَ الترفيه لا هَو غلط وَ لا عيب بس القراءة مُهمه ..
وَ مع الوقت راح ينخر الجَهل بالأجيال القادمة وَ حالياً نشوف تفشى الغباء بالتعليقات بالأنستا وَ التفاهه وَ مو بس كذا حتى قلة الذوق وَ الفجعنه
إنعدمت اللباقة وَ الحياء إنعدم صار الواحد يَطلب أي شيء بالإنترنت ما يَستحي , يشحذ لايك أو فولو .. وَ شايفينه مَره الناس عادي
الواحد صار يبي الشهرة حتى لو سلباً , ما يبي يتعب وَ لا يبي شُهرة حَميده ..
كل وَحده فينا لها دُور بهالمُجتمع , الغَرب لليوم ماشيين على نفس نهجهم بَنشر المعلومة
نشر المَعلومات عندهم مُش لا هَبه وَ لا مَوضه , إذا ٢٠ ٪ بالمَيه منا يتكلم الإنجليزية الباقي يَطقطق إنجليزية وَ الباقي لا يَتحدثها
وَ بالنهاية مُش مَطلوب منا نتكلم غير لُغتنا , مفروض يكون عندنا شَوية حُب لحضارتنا
فهرس سلسلة الروتين الجمالي ،’
سلسلة الروتين الجمالي الجزء الأول | كيف أبدأ عنايتي بنفسي ؟ ( إضغطي هُنا )
سلسلة الروتين الجمالي الجزء الثاني |العناية اليومية بالفم و الأسنان ( إضغطي هُنا )
سلسلة الروتين الجمالي الجزء الثالث | أهم سر من أسرار نضارة الوجه بمفعول جبار وَ سعر إقتصادي ( إضغطي هُنا )
دُمتم بَحب
واخير يا ارتوس نزلتيها طول الليل سهرانة عشانك بس جدا اختيارك بوقته للموضوع
صرررراحه انساااااانه مبدعه وخلووووووقه ❤️
حبيت الموضوع وبانتظار الاجزاء القادمه ⏳
واحييك ع اسلوووبك الاكثر من راااااائع
لك مودتي
الله عليك يا آرتوسه وعلى كلآمك وعلى حكيك اللي يدخل القلب .. والله يرحم ويغفر لأم ربتك ويجمعك فيها بالفردوس الأعلى .. آحب كلامك مررره وآحاول جاهده اني اطبقه دايم .. الله يسعدك قد كل حرف كتبتيه ..
أهلاً أهلاً بالجممممال
يختي جد جد انا كنت وين عنك وعن مدونتك ؟!
انتي من القلة القليلة جداً اللي صدق اقدر اتحمس
اذا شفتهم منزللين بوست
واعتبر مدونتك كنز والله و صدقيني ما اجامل
بس انتي لك اسلوب مميز و يصل القلب على طول
بربرت كثير
الموضوع جممميل انا متحمسه له
صح انا اعتني ببشرتي و عارفه انو نظامي صح
لان اشوف نتايج ايجابيه الحمد لله
بس لايمنع نتعلم شيء جديد
اما سالفة المزاجية اتركيها على جنب
موضوع جميل جاء في وقته …عاد انا عروس ومحتاجه هالموضوع وقد كلمتك في الانستغرااام…الله يعطيك ربي العافيه احبك ارتوس
مااقدر اعبر …في الاخير افضل حاجه اقولها اللهم متع وجه ارتوس بنعمتين (نعمة الدين ونعمة الصحه) وجملها بحلتين(قلب رحيم وعقل سليم ) ولا تحرمها لذتين (لذة مناجاتك ولذة النظر إلى وجهك الكريم )
دمتي في حفظ المولى….
ارتوس انتي نادرره جدد .. انسانه واقعيه , ذكيه , ماتبخل بااي معلومه ربي يسعدك ويسخر لك
يا اهلن
الله يسعدك في الدنيا والاخره انتي انسانه مُلهمة وتأثيرك قوي ، شكرا لك من الأعماق.. بالنسبة للقلفز موجود في التميمي اخذته من فترة .
مدري ايش أكتب
بس بقول الله يسعدك وين مارحتي
شكراً لك..
السلام عليكم
جزاك الله خير واكثر من امثالك
معجبه بثقافتك واسلوبك في الطرح المدونه الوحيده الي اتابعها بشغف ..
الله يكثر من أمثالك كلامك صح 100%
درر الله يسعدك يارب جد تكلمتي عن أشياء اغلبنا نسويها واخطاء نقع فيها خصوصا المزاجيه ايام اعتني حتى باصبعي الصغير وايام مالي مزاج اغسل وجهي
للاسف م وصل تعليقي كامل;(3/>
آه …يارب تعدّي شهور الوحم على خير وأرجع أهتم بنفسي شي مو حلو تكون البنت مهمله نفسها وماعندها ذرة عناية والسبب اني ماأتقبل أي رائحة حتى لو خفيفه شي صعب جداً حسيت بالغصة لما قريت التدوينة
ارتوس يعلم الله وش كثر استفدت منككك كثير بشمواه ومدوناتك خلتني جد اهتم واحب نفسي ودايم اخذ الشي اللي تمدحينه وانا مغمضه اخذهه وماندمت الحمدلله ويعطيك العافيه:$
اول شي ماشاء الله لاقوة الا بالله مجهوووود يستحق الشكر والامنتان لك ثاني شي بخصوص المحتوي العربي للاسف بنزول مستوانا ولو تشوفي كيف طلاب وطالبات المراحل التعليميه كيف يكرهون الدراسه وتذمر ودعاء وببغون الايام كلها اجازات طبعا الا من رحم ربي فماباللك بالاجيال هذي لماتوصل 2020 والكلام يطول ولكن كلنا مسولون ولو احد منا اسقط بحقه نحاول نتجهد مع بعض ونرفع بمستوي محتوانا العربي .. وكمان لحظت نقطه بالانستا انوة بعض البنات العربيات تلجي للكتابه بالانقلش واشوف انه غلط ليش انا احب اللغه وبالعكس اراها رقي وتعامل مع الاخرين بس ليششش ماتكتب عربي ولو حببت تضيف بالانقنقلش بعد سردها بلغتنا تكتب بالانقلشش مافيها شي يعني جمعت بين لغتها الام وثقافه اخر ..يعني ماشفنا اجانب جاءت تكتب بالعربي وتركت لغتها الام ….وهذي نقطه من بحر …اما موضوعك الرئيسي بصراحه فن لاقوة الا بالله انا انسانه اعشق التريب وكل شي مرتب حتي ثلاجتنا وسبق قلت لك لان لو جيت وشفت كل حاجه مرتبه .. بتنفتح نغسي اسوي كل شي وغير كذا حاجه حلوة ..واهتمامك تعودت ما اشوف منك الا كل شي حلو وجميل … وتكلمت كثير بس انتِ انسانه تجبرين الاخر باخذ ويعطي معك والله شكرك ان كان بتويتر او انستا او هنا مايوفيك حقك بصراحه يعني نمت وصحيت وانت تكتبين بالتدوينه ..واصدق شي اقدمه لك ارتوس لاخر نفس مني دعوة بظهر الغيب ..ولو ماشفتك بهالدني اساله يجمعني فيك بجناته … ومع احبابنا بمستقر رحمته .وهنينآ مقدما لاجيال كنتي امآ لهم او جده او خاله او عمه … وما انسي الفضل لمن تعبت بتربيتك ربي يرحم امك ويغفر لها ويجعل قبرها وقبور موتانا روضه من رياض الجنان ..واسفه ع الاطاله ولكن تستحقين اكثر من ذلك حبي لكِ .
كمية جمااااال ومعلومااات تستحق الشكر ..
دُمتِ لنا ..
ارتوس ودي اجرب الليزر لجسمي استخدمته للبكيني وسبب لي حرق طلعت الحبوب حمرا بعدين صارت سوداء ليومك مارحت علماا استخدمته مرتين بهالمنطقه ووقفته وجهاز اسمه جنتل ليزر برو 🙁
عندي اقتراح يفيد الكل بما اننا في البدايه وش رايك يا ارتوسه ال
واأااو جدا كلامك رائع ..انا معك بالاهتمام اليومي السهل والبسيط ضد الحماس اللي مرا وبعدها تكرهه العنايه بسبب صعوبه الطريقه ..
انا معاك ان الامهات صاروا يغفلون عن اشياء بسيطه يعلمونها بناتهم وهي بالاساس شي مهم انا وراء بنتي 6 سنوات صح اتعب لمن تقتنع وجيل الزمن ذا غير زماننا سمعا وطاعه بنتي لا وليه واقنعيني ..
وبالنسبه للفئات الموجوده بالانستا تنرفز احيانا خلاص اثقلوا شوي بس يتوقعون انهم مختفين وراء الشاشات محد بيكشف اقنعتهم وممكن احد الاسباب نقص في تركيبه الشخصيه وتكمل نقصها بالهمجيه عبالها واااو وشاطره انها تنقد او ترد باسلوب غير لائق
لكن الله الهادي
بالاخير اسعدتيني بجد بهالمدونه واسلوبك يدخل القلب بعفويه ….
وصارت ونيستي بغربتي وبوقت فراغي …
احبك ياتوسه
طار قبل اقول الاقتراح المهم انا اقترح ان الجميله تتبناني وتمارس على كل الطقوس ونوريكم قبل وبعد وناسه صح
الله على موضوعك الحلو
مع اني اعتني لكن اتحمس لمواضيعك جداً
وتحمسني اهتم واعتني اكثر واكثر
موضوع جداً رائع ..جهد تشكرين عليه وفعلاً صار قليل التطرق لمثل هالمواضيع المفيدة،جداً مؤيدة لهالتدوينة الرائعة موفقة وبانتظار باقي الاجزاء ..
أول مرة اتجرا و اكتب حبيت اقلك ماتعرفي قد إيش اتعلمت منك الله يعطيك العافية
الله عليك يا جميله..مدونتك راااائعه ومعلوماتك تحمس الوحده الله يسعدك وين ما رحتي ويجزى من رباك جنات النعيم ..
لاخلا ولا عدم توسه
شكراً مرة ثانية (; لأن موضوع مثل هذا في شامواه قبل سنوات غير حياتي للأفضل كلياً ورجعلي ثقتي بنفسي وانتشلني من الاحباط .. الله يرحم والدتك لأنك بفضل كونها سيدة بيت راقية تعتني بأدق تفاصيل النظافة والاهتمام والتربية نشرتي علم نافع في المجتمع وما راح ننسى احنا نعلمه لبناتنا في المستقبل… راح ينتقل اجيال ان شاء الله
ماشاء الله تبارك الله على حسن كلامك وفصاحتك والمامك كلامك واقعي جدا ومؤلم لانه واقعنا …
بعلق حبه حبه
اول شيء انا من راعين المود وبقوه لكن تلقيني اليوم عندي روتين بعد اسبوعين اغيره وكنت احسبه شيء غلط وقعدت لنفسي الا اطبق كورس ثلاث شهور والحمدلله ماشيه عليه وتوني في بداية الشهر الثاني… نقطة اتحديت نفسي فيها وقاعده اجر نفسي فيها جر اساسا غير متعبه بس الملل شتقولين فيه ملوله درجه اولى …
العيوب الحمدلله كلها من فضل ربي متحاشيتها لا اسلوب التحمس ولا المقارنه ولا توقع نتائج غير واقعيه بس احيانا اطلع بلا نتيجه ارجع اغير الروتين …
همسه للامهات ..
هذي النقطه هي اللي آلمتني … بالفعل بناتنا يحتاجون توجيه وكل الكلام اللي قلتيه ميه بالميه اكاد اجزم انو 70 بالميه من البنات هذا حالهم شفت بالمدرسه وللاسف بالجامعه متزوجات ويبيلهم توجيه … ولاتنسين حتى اولادنا لازم نوجههم للنظافه وطريقة الغسل انا اتكلم مع اخواني اذا توهم ابلغو اعلمهم طريقة الغسل من الجنابه ومالى ذالك من التطهر تراهم بعد يبيلهم من يوجههم وياحليلهم تلقين الواحد من يصحى يتحمم واجمل الروائح تطلع منه ويصلي ركعتين تفرحين بالهانظافه والايمان اللي يغمرهم … هذا وهم اولاد فما بالك بالبنات …
وبالنسبه لي امي كانت مقسمه الشغل على خواتي الكبار اختي الكبيره عليها نظافة اخواني وترويشهم واختي اللي اصغر منها علي انا واختي اللي اصغر مني عاد الله يخليها لي فوووز كانت نظيييفه جدا وتنظف شعورنا بأمانه كنا نكره الترويش منها فكانت تجيب لنا الصابون اللي معه ليفته من بودي شوب على شكل برتقاله وفراوله عشان نتحمس وتجيب لنا رغوة البانيو والدنيا كلها ومع ذالك كنا نطلع واحنا نبكي الله يخليها لي ماكبر مؤخرتي الا ضربها ههههههههه …
نصائح التسهيل … هذي تقريبا انا مثلك بس تسريحتي مزدحمه ماادري من ويش بس ع الغالب استخداماتي اليوميه ونفس حكايتك في اغراض الميك اب حطيت اللي استخدمهم بشكل يومي في شنطه صغيرونه باول كبت نبهتيني الوان الروج لي فتره بين اثنين ماغيرت عنهم شفتي كيف بطريقه او اخرى ننتبه …
والترتيب يخزي العين ع ترتيبك ونظافتك واناقتك ….
للاسف الجرائم ارتكبت بعضها بس متيقظه لها واقاومها ..
مرره اعجبتيني بسالفة الارتقاء بالمحتوى العربي لو العرب فيهم منك عشرة كان احنا بخير هذا الشيء الثاني اللي آلمني …
وشكرا بحجم السماء مدونه تستاهل سهر ليالي عشان نحصل هيك توجيهات مو عاد سويعات ….
ونسيت اترحم على صاحبت الفضل الكبير اللي انجبتك الله يرحمها ويرحم ابوي ويوسع لهم في قبورهم مد ابصارهم ويأنسهم بأعمالهم الصالحه ويفتح عليهم روضة من رياض الجنه قادر ياكريم …
ويقدرنا ربي على رضا منهو عايش فيهم …
ما أقول إلا الله يرحم أمّك و بجمعك بها في جنّته.
إنتِ جميلة جدًا
صباح الخير
من اجمل تدويناتك رجعتني بقوه لاسلوبك في شمواه
صدقا انتي ملهمه وكشخص بمعرف افتراضي اثرت علي اكثر من الاشخاص اللي حولي
تغيرت عادات كثير في حياتي على مستوى الجمال والعنايه وحتى النظافه الشخصيه
لدرجة كنت استحضر كلامك في مواقف انه هذا يصير وهذا مايصير ^^
كرمك ودقتك في المعلومه خلتك شخصيه متفرده على الاقل مثل مااشوفك انا ❤
الله يرحم الوالده ويجزيها الجنّه
الله عليك يا جميله ..انت رائعه ومدونتك جدآ جميله ومليئله بالمعلومات اللي اشوف انها كنز
ول شي الله يرحم امك يارب ويسكنها فسيح جناته
انا لما نزلتي الصورة وقلتي احزرو قلت عنايه شفايف ههههه ختصرتلك الموضوع كلو لووول
شايفه حتى لو معلومة صغيؤة منك بفكر فيها واعشقها
لما تجكي عن شعرك بالزبط بتخيل شعري صرت متاكده انو نفس شعري لووول بس اكيد انتي احلى تؤبشيني
انا طول حياتي غير الشامبو مابستخدم والحمدلله شعري ممتاز
الا قبل شهر اكيد قريتي شوصار بششعري:(( من تساقط وتعب لاول مرة بحياتي فمطرة هالفترى ركز عشعري للاسف
درر درر بمعنى الكلمة كل شي قلتي صح وواقعي
وكل كلامك عن امك بتذكر نفس حركات وتربيه ماما والله
لثالث ابتدائي وهي يلي كانت تحممني
ودحيل جوك والورود وريحه الانتعاش يلي وصلتنا من غرفتك
والله ولااحلى
تسلميلي يارب
جميييله التدوينه صراحه استفدت منها كثير خصوصا اني مزاجيه وهالمزاج متعب بقوووه
القفازات اللي كيستها صفراء خذتها انا من دايسو المحل الياباني المعروف مدري اذا يبيعونها اللحين او لا < ماينزل ردي كامل -.-
الله يجزاك خير ويسعدك ويرحم امك ويغفرلها ويجمعكم بالفردوس
اتمنى استمر ع العنايه بنفسي بس العجز والكسل مو مخليني
رغم انو ماعندي التزام يومي
فادتني كثير هالتدوينه وباذن الله نكون افضل من ممانتمنى ❤️❤️
قوليلي وش اسوي فيك ، من انتظاري لموضوعك نعست وطاح الجوال ع وجهي هههه بس والله ألمها مو هين ، ومتحمسة للاشياء المستخبية ، ومن جد ارتوسة كل يوم عن يوم يزيد حبي لك الله يسعدك يارب
الله يسعدك ارتوسه موووضوع جميل والله يرحم والدتك للاسف انا اللي لاحظته بعد فتره تفكير ووعي عندنا بمجتمعي عييييب ثقافة العيب لحد مالوحده اهملت جسمها وشكلها عيب البنت تتانق اللبس قميص واسع بالتجمعات العايله تنوره وبلوزه واسعه ..لكن ان شالله انا بدات اكسر هالقواعد وسبق وقلت لك ان اهدي بنات العايله المراهقات كجموعات عنايه واحثهم برغم تذمر بعض الامهات لكن وش نسوي كله بالخش هههه
هذا الابداع وراه نفسيه حلوه وسعاده ….الله يديمها عليش ياااارب
يازينك ياتوسه المفروض انا يخلوني عندك سنه ويدوب اتعلم لان فيني طفقه ابي اسوي كل شي فاتني بوقت واحد ف لي كم سنه ضايعه لووول
احبك يابنت الله يسعد قلبك،
حبيت الموضووع مرررره
بعد ما قريته ان شاء الله راح اطبقه راح استمر على روتين سهل بحيث اني ماأمل واكنسله
بجد انتي تسعديني بمواضيعك وتشجعيني اكثرر
على انو اهتم بنفسي
الله يسعدك دنيا وآخره
ويرحم أمك ويغفر لها وان شاء الله ماراح انساهامن دعائي الي انا متأكده انها بعد الله من عرفتنا عليك بإخلاقك وحبك لنشر الخير واعتبرتينا مثل اخواتك وما خبيتي علينا شئ يفيدنا ان كان شئ يخص الجمال او العنايه اوو حتى الطبخ
في قلبي لك الكثير بس راح يطول الكلام
مااقول غير ربي يسعدك
نشكرك ارتوووس على السلسلة الجميلة هادي
انا مبتعثة ف امريكا وبشرتي بدأت في انهيار تام
سارت جبهتي لون وخدودي لون وفوق شفتي لون!!!! < مأزمني الموضوع مرة
صح مرت عليا ٣ اسابيع التغذية فيها معدومة! بسبب النقل والسفر وكدا
بس منجد حاولت دحين مقشر ومرطب وغسول!
برضو بشرتي مارجعت زي قبل !!
متحمممسة اشوف عنايتك اليومية بالبشرة لانه بس من مقدمتك للسلسلة استفدت واتحمست الله يجزاكي خير
والله يرحم مامتك ويجزاها الجنة لانها جابت انسانة بيستفيد منها كثييير
اتمنالك السعادة
جزاك الله خير مرة حبيت الموضوع ومرة استفدت منك أسلوبك مختلف ومميز ورحم الله أما ربتك وأحسنت تربيتك ،،بالنسبة للعناية الحمدلله نفس اللي قلتيه اطبقه وزملن كنت اقارن نفسي باخواتي و زميلاتي واتعب واتحطم بس الحين لا مستحيل اقارن لان كل بشرة تختلف و كل جسم يختلف عن الثاني واقتنعت ،،،حبيت الطرح و بالمناسبة اول مرة اكتب رد هنا تحياتي
ماشاء الله موضوعك جمييل ومهم والبعض يستهين فيه
بصراحه كلامك اعطاني دفعه ايجابيه
استمري باعسل
الله يوفقك
دايما بإنتظار ابداعك
من وين ابدأ؟ أعلق ما أعلق؟ شسوي؟
بسم الله عليك ما شاء الله، تدرين إن اي موضوع وأي استفسار او وصفة أكتبها لقوقل لازم جنبها شمواه.. أثق فيك وبرأيك
الأم هي المساعد الأول لإهتمام البنت بنفسها. الله يغفر لأمك ويرحمها.
والمساعد الثاني هو ديننا الحمد لله حث على النظافة والتطهر وأهتم بأدق التفاصيل وهالشيء كلنا درسناه وحفظناه عن ظهر غيب.
أشكرك جزيل الشكر على ذكرك للمحتوى العربي لان في كثير بلوقرز سعوديات وعربيات ومافادونا بل نكدوا علينا بالفشخره والهياط وكثرة الكلام الغير مفيد وإستغباء القارئ.. أتمنى الكل يتعلم منك ومن طرحك ومصداقيتك والله نادرة أنتي! متحمسه جدًا جدًا جدًا لباقي السلسلة منتظرين أبداعك على أحر من الجمر.
وانا انتظرك صارت الغفوه تعمل كل شوي وغفيانه
من يوم ورايح بنركب لنا عوينات زياده كلما غفت عين فتحنا عين بس لعيون ارتوس صامدون
اما الملل حدث ولاحرج واذا اجتمع مع الكسل نعوذ بالله
هو في النهايه اللي عندها فكرة الاهتمام شي اساسي راح تحارب هذا كله وتشتغل على نفسها
بس اللي يتعب بجد لو كان كثير اشياء ماتساعد منها عدم توفر المنتجات الممتازه يظل الواحد يهتم فتره بمنتجات مبدئيه وبعدها يبي يزيذ الجرعه مايقدر
مثل كريم اليد من ديرمالوجيكا تمنيت اقتنيه على قد ماحبيت كلامك عليه بس مامتوفر عندنا
ع العموم الله يعطينا عمر لنكمل السلسلة معك ونفتح ونزهر على يدينك
يرحم والدتك بواسع رحمته ويرزقك بنات يكونوا بجمالك
السلام عليكم ..
جميل جداً .. أسلوب طرحك أمين وشامل ..
ربي ييسر لك أمورك ويجزيك خير على كل اللي بتعمليه .. الأشخاص اللي مثلك فعلاً يرتقون بالمجتمع ..
معاكي ١٠٠٪ بخصوص نقطة المحتوى العربي .. دائما أتعب لمن أدور بالعربي .. في أمور تخصنا كعرب في ثقافتنا او نمط حياتنا أو حتى
أجواءنا ما نلاقي لها حلول بسهولة بسبب ضعف التدوين والتجارب البناءة ..
مدونتك وأسلوبك في الطرح قدوة للأشخاص اللي عندهم شيء يضيفوه في مختلف المجالات ..
أتمنى لك كل التوفيق .. وبانتظار سلسة العناية بحرارة 🙂
الله يرحم والدتك و يغفر لها و يازين ما ربت و مثل ما قلتي مسؤلية كل ام انها تعلم بنتها العناية لكن والله يبط كبدك لما تلاقي بنات عرايس و عنايتهم صفر و يتحججوا انه امهاتهم ما علموهم يعني ترى جيل امهاتنا كانوا قليل اللي يعرفوا أصول العناية و تعلم بنتها على قد معرفتها و تجي بعدين البنت تتحلطم طيب إنتي كبنت إِيش دورك في الحياة ليش ما علمتي نفسك خاصة انه المعلومات صارت متوفرة مو مثل اول بالقطارة و فيه فئة اللي تتابعك و تبغى تأخذ نفس نمط عنايتك وان كان ما يناسبها يعني للامانة أنا مش كل المنتجات اللي تطرحينها تناسبني من الناحية المادية الله يبارك لك و يزيدك بس بعض الشغلات قيمتها تقص ميزانيتي قَص و مو معناته انه يا أخذ نفس المنتج يا اجلس أندب حظي و اكره زوجي او اضغطه ماديا فيه بدائل بأسعار معقولة اخذها و أكيد مش نفس النتيجة لكن أفضل من انه أتخلى عن العناية مية بالمئة اللي شفته انه فيه تقصير شدييييد من البنات و الوحدة ما تراعي ميزانيتها و لا اللي يناسبها و تكون النتيجة استمرار للإهمال هذا اذا ما أتطور الموضوع لحسد و حقد و ترى عينات الانستقرام من هالنوع اللي الوحدة ما عندها القدرة انها تكون زيك فتلجأ للطريقة الاسهل اللي هيه الانتقاص منك او ادعاء الدين وانه اللي تسوينه حرام ما علينا منهم قرقرت واجد لكن الملخص أنا وحدة تعشششششق طريقتك في التعامل مع الجمادات أحسك من القلة اللي يقدروا يضيفوا روحهم و حس الأنوثة حتى لو على تنكة تمر
صباح الحُب .. مدللتنـا والله بهالسلسله من اولهـا تشويق للباقي , انا معك بالاهتمام اليومي البسيط لاني ملوله حيل احاول ما ابدي في كل شي مره وحده الحين همي اعالج الحبوب بعدين التفتيح .. الله يسعدك دنيا وآخره على هالعطاء كل يوم تبهريني فيك بمعلوماتك صرتي مرجع لي لما اتفلسف على احد بكل ثقه عاد ارتوس قالت خلاص الكل يقتنع يصدق كلامي مافيه جدال هههههههههه .. وبانتظار الباقي ياعيني ..
الله الله عيوني صارت قلوب يوم شفت التدوينه نزلت , والله بقلبي كلام كثير ودي أقوله لك غيرتي اشياء كثيره فيني وفتحتي عيوني بعد على أشياء كثيره أجلها أنتِ من الناس اللي خلوني أبدأ بالرياضه واهتم لها والمويه بعد واشياء كثيره والله .
أستمتع بقراءة كل تدوينه تكتبينها واوزع الرابط على الجميع عشان يستفيدون مدري أحس تفوتهم متعه اذا مايعرفونك والا مايتابعونك .
والتدوينه جابت ببالي كم فكره للترتيب وتسهل علي العنايه بعد وتخليني اكمل بدون اهمال او انقطاع . كل شي بالمدونه يجذب طريقة التصوير والكتابه والاسلوب وإن شاءالله المحتوى العربي بيرتقي بأمثالك أصحاب الفكر والأسلوب .
يعطيك العافيه صراحه وبتابعك دائما لان عندك نصايح حلوه .. بس حبيت اقول ان حتى الاهتمام الخارجي يحتاج التزام وصبر بالضبط مثل الاهتمام بالصحه وممارسه الرياضه واستخدام المكملات الغذائيه وراح تستفيد اكثر لانها وصلت لنتيجه داخليه وخارجيه .. طبعا احسن نتيجه راح تكون بالاهتمام بالجانبين مع بعض
الله يعطيك العافيه
بالنسبه لل كلامك أنا من النوع اللي الحمد لله اهتم بنفسي
وانبسطت انو صار لك موقع لل وحدك لانو بطلت اتحمس زي قبل لل مدونتك بشمواهه المواقع مو مره صرت معاها
ف ع طول من الانستقرام لل الموقع هنا مرره مريح ❤️
وياليت تكملين بالاجزاء الثانيه
جمالك
ياسلام عليك جد رائعه منطقيه واقعيه بإختصار انتي شي جميل.. الله يحفظك ويسعدك ويحقق لك ماتتمني.. احب اسلوبك مميز جدا..
صباح النور
تدوينة خفيفة حبيتها وكل مواضيك احبها
وبالنسبه للجرائم اعترف انا ماحب ارطب جسمي ولا احب الكريمات
اتغغغصب عليها استهلك الصاوبين والمقشرات اكثر من الكريمات وبشرتي جدا عاديه
والمحتوى العربي فعلا بداء يختفي وهالشي جد يخوف ودي المنتديات ترجع على كثر ماكنت ابيها تختفي مدري وين كان عقلي فيه”انا اعتذر 🙁 ” كان فيه تنظيم للمعلومات اسهل من برامج التواصل
و انتظر باقي هالسلسلة الجمالية بحماس
أنتِ طاقة ايجابيه
ماشاءالله لاقوة الا بالله ،، صحيح البوست قصير ومختصر لكن دسم جدا ومفيد جدا جدا
الله يسعدك يا توسة دائماً افكارك ملهمة ساعدتيني ف اعادة ترتيب المنتجات اللي استخدمها
وبالنسبة لفكرة اننا نطرح افكارنا وأسئلتنا هنا فكرة ممتازة احييك عليها
الله يرحم امك ويسكن روحها الجنه
امك ام مثاليه ربت وتعبت واثمرت
وانتِ ثمرتها احيانا مجرد مااتذكر شي كتبتيه وافادني ادعي لامك الله يجمعك بها في جناته انتِ وكل غالي ع قلبك
السلسله راح تختصر عليك كثير من الاسئله الي يبي شي بيلاقيه موجود شدي حيلك واحنا معك
المود واحيانا الظروف المفاجاه هي الي تعفس الروتين
اذا حسيت بملل اذكر نفسي بالاحساس الحلو بعد الاستحمام
اتشجع
وفيه مثل يقول ع قد لحافك مد رجولك مو شرط مجموعه عنايه بمبلغ كبير تقدر الوحده بميه ريال تهتم بنفسها
ولازم يفرقون بين عنايه وتبييض لو قلتي لوحده رطبي زين قالت يبيضني هوس مو طبيعي
كريماتي واغراضي دايم بالادراج مااحب الحوسه الخارجيه ابد
الترطيب وخصوصا اليدين صارت مساله تعود من اتوضى او اخلص كم شغله ع طول ارطب
اما الامهات واه من بعض الامهات
ياليت انهم يهتمون ببناتهم اذا شفت اطفال بالمولات الشعر حالته حاله والملابس ويمشون بدون جزمه والام تمشي صاكتها الكشخه من راسها لقدمها يعورني قلبي عليهم
اذا قدام الناس وباماكن عامه حالتهم كذا اجل بالبيت كيف
وشلون بتعلمهم النظافه واساسيات الحياه رغم اننا في زمن كل شي متوفر
بعض الامهات خساره تكون ام وعندها اطفال
انتظر تكمله السلسله بكل شوق
دمتي
الله يرحم الوالدة و يغفر لها يارب،، و الله يحمعنا فيها بجنات النعيم…
يسلم ايديك سوس على اللي تقدميه
و يارب نشوف محتوى عربي نفخر فيه بشتى المجالات
صباح الفل والياسمين
آرتوس أنتي مصدر إلهام بالنسبه لي
وحفزتيني أهتم أكثر بنفسي
الحمدلله أنا خلقت مع الكثير من الصفات الجمالية المميزة
لكن الإهمال حولني لكارثه نوعاً ما
ولو كنت من النوع الي الإهمال يوضح عليهم مره كان ما احد طل بوجهي هههههه
المهم أول ماعرفتك قلت ايوا اكيد هذي انسانه فاضيه لاشغل ولا مشغله
بس جالسه تلطخ بنفسها هههههههه >عذر كل مهمله
لكن بعد ماعرفت عن نظام بيتكم وانك تشتغلين وتطبخين وطبخك يهوس ماشاء الله
جلست مع نفسي جلسه لوم وعتاب وش ناقصني وايش مشغلني عن نفسي
اكتشفت ان كثر الفراغ هو الي مشغلني بما اني آنسه وعاطله ههههههههه
وبالبيت شغالتين وماعندي مسؤوليات تذكر
ف من يومها وانا عامله لنفسي روتين يومي قبل النوم
اتحمم وهالفتره استخدم معجون الصابون الافريقي لجسمي
وانقع رجليني بملح بحري وبيكربونات الصوديوم ثم اشطفها واضيف ديتول
ثم اغسلها بديتول مع تقشير خفيف
ثم العنايه بالمنطقه الحميميه من غسيل وتقشير خفيف وترطيب
بمنتجات بيزيلين و مقشر ملح الحليب
وترطيب كامل الجسم بفازلين الموحد وجلسرين وزيت لوز
وثم العنايه بالفم خيط وفرشه اورل بي وغسول
ثم تقشير الشفايف اذا لزم بزيت زيتون وسكر
ثم اغسل وجهي بغسول سيتافيل وفرشه ميا 2
ثم ارطب شفايفي بزبده الشيا الخام
ثم احط كريم للعيون حاليا اجرب كريم بيزالين ومافي نتائج تذكر
ثم ادهن باقي وجهي بكريم الديفيرين > صرفه لي طبيب البشره
ثم ارطب عقب القدم بزبده الشيا والبس شراب
وبرضو يديني
اذا صحيت من النوم
انظف فمي
واغسل وجهي
وارش تونر الشاي الابيض ثم ارطب طول اليوم بكريم سيتافيل
^طبعا تلاحظين اني اميل للمنتجات الطبيعيه والطبيه
اكثر من منتجات الغاليه
لاني اشتريت من المنتجات هذي بالهبل بس مافي استمرار
وماشفت نتيجه فصرت ما اعرف ايش الجديد عندهم ولا ابحث عنه
لأني إقتنعت ان الاستمرارية وكون الشيء يناسب الغرض
يعني خلاص يكفي
والعنايه الإسبوعيه
استخدم ماسكاتك الطبيعيه ماسك الشاي والاسبرين
وقناع الجلاتين
وتقشير
اما شعري لحد الحين ما في اهتمام يذكر
حاليا استخدم كورس للتساقط
شامبو وامبولات ومكمل
من عوامل التعريه الي مو عارفه لها علاج
نص ركبي أسمر ههههههههه بس بمنطقه العظم البارز
وعندي تشققات الجفاف بالجسم 🙁
المشكله فيه مشروع قواز قريبا 🙁
ياجمالك وياجمال كتاباتك ومعلوماتك .. السطر الواحد فيه كمية معلومات فما بالك بالتدوينه كامله
الله يرفع قدرك ويسعدك انت انسانه كريمه ومعطائه حبك لنفسك انعكس عليك وعلى اللي حولك صرتي انسانه محبوبه تعلمت منك اشياء كثيره ماكنت عارفتها انت مدرسه لازم يمرون فيها كل البنات ..ماقول غير الله يسعد ام جابتك هذا مو مدح ولاثناء هذا حق علي لازم اقوله لاني استفدت منك كثييير .. اؤيدك بكل حرف كتبتيه أنا كنت مهووسه بالجمال ابغى اصير جميله باقصى مااستطيع ماكنت اثق بنفسي دايم اشوف اني مو حلوه بديت عنايتي من عمر ١٣ طبعا بحماسه ارطب جسمي استخدم كريمات ليل ونهار وماكنت مقتنعه باللي اسوي ابغى ازيد من كذا اللي حولي يقولون ليش كذا انت جميله مايحتاج لكن ماكنت اسمع غير نفسي ماكان عندي تصالح مع ذاتي اهلكت نفسي بالعنايه الى ان جتني ظروف قاسيه مره تركت كل شي سمنت تغيرت بشرتي مالي نفس حق العنايه الى عمر ٢٦مرت فتره طويله من الانقطاع صارت بشرتي اثار وحبوب جسمي كله استرش مارك ماعدت اطالع بالمرايه كرهت نفسي ..رجعت بديت من جديد لكن هالمره اصلح اللي اهملت لكن بشويش تقريبا نفس نظام هالخطوات ..هذي تجربتي اتمنى البنات يستفيدون اتبعوا كلام توسه قليل دائم خير من كثير منقطع
يعطيك العافية يا أرتوس و ربي يسعدك يا جميلة روتين جميل و بسيط و خفيف بس فعلاً المشكلة بالعادات .. أنا متابعة لك من شمواه يمكن من أربع سنوات شكراًعلى كل الحب والجمال النابع منك و من تربيتك الله يغفر لوالدتك ويسكنها فسيح جناته .
شطحتك ! *قلوووب*
الكلام اللي بخاطري فعلا، أتابع مواضيعك في شامواه وانستقرام من فترة وتمنيت تسوين لك مدونة من زماان. الحلم أصبح حقيقة، بكل التوفيق ()
متحمسة للقادم.
يالبييييييه ياارتوس ❤️❤️❤️❤️ حبييت كل حرف وكل ابو شي تطرقتي له متحمسسسسسسه عالآخر لباقي السلسله.. الله يعطيك العافيه ارتوس صدق تبسطينا
صباح الورد أرتوس
اول مره ادخل مدونتك كل مره ابغى ادخلها لكن مايكون عندي وقت وانا معجبه بشخصيتك من المنتدى سابقا
شكرا على الموضوع الرائع ونننتظر المواضيع بفارغ الصبر الله يعطيك العافيه
بصراحة …
ما بعرف شو علق ..
التدوينة اكثر من رائعة ..
الكلام كان عن الذوق الخارجي والداخلي ..
شكرا لكونك هنا … في عالم مليئ بالرخص والتغاهة ..
والله يرحم البطن اللي حملك ..
دمتي ودام عطاءك ..
بانتظار المزيد ..
وقبلاتي ..
الله يسعدك موضوع جدا جميل استمتعت فيه وانا اقرا وفعلا انا معاكي بحكاية انو الجمال شغله نسبيه من شخص لشخص ، وثاني شي من جد المحتوى العربي صار فارغ جداً واذا لقيتي نادرا ماتلقي شي صحيح او موثوق ، صار بحثنا الحين كله بالمواقع الاجنبية..
يعطيك العافية انا مع انك تستمري بالسلسلة اتمنى تتكلمي عن كيف نخلي بشرتنا فيها نضارة وسؤال اتمنى تجاوبيني عليه ايش رائيك باسنفزة زيت الزيتون والسكر وشكرا لك ولاحرمنا منك؟؟
الله الله يا ارتوس دوم تبدعين بالاشياء الجميله ❤ ربي يسعدك ويجعلك ووالدتك من اهل الجنه ❤ ‘ كلامك منطقي وراقي ماشاء الله صدقتي اانا احيانا اتحمس بزياده وبعدين اهمل مع الاسف لكن الحين صرت ابدا بالتدريج ‘ وخذت بنصيحتك ارتديت القفاز اثناء الغسيل حسيت بفرق يدي ناعمه مع استخدام اللوشن
اللهم لك الحمد كما ينبغي لجلال وجهك وعظيم سلطانك
الله يسعدك ياجميله لهالخطوه المفيده فعلا بادرتي بشي وكنتي سباقه له بتكلم عن نفسي لاني فعلا كنت محتاجه اعرف وين البدايه ووين اﻷساسيات استفدت كثير من هالطرح كثيييير كثيييير فعلا احنا محتاجين بالاول نعرف وش اللي علينا نسوي وش البدايات الصحيحه مايمنع اﻹضافه لانو زي ماقلتياللهم لك الحمد كما ينبغي لجلال وجهك وعظيم سلطانك
الله يسعدك ياجميله لهالخطوه المفيده فعلا بادرتي بشي وكنتي سباقه له بتكلم عن نفسي لاني فعلا كنت محتاجه اعرف وين البدايه ووين اﻷساسيات استفدت كثير من هالطرح كثيييير كثيييير فعلا احنا محتاجين بالاول نعرف وش اللي علينا نسوي وش البدايات الصحيحه مايمنع اﻹضافه لانو زي ماقلتي حتى اذا كنا نفس الجنس بس اﻹختلاف بينا شي اكيد انا عن نفسي دااايم استفيد من المنتجات اللي تقدميها من كل النواحي حتى احيانا تكون في معلومات تذكريها سواء بالمدونه او في الكومنتات بصراحه اقدر اقول معلومات تبهرني وتنورني لمواضيع كثيره نحتاج عنايه بسيطه ومع اﻹستمرار نقدر نكثفها حتى نعود عقولنا وايدينا انو ماننسى ومانتكاسل استمري استمري بهالسلسه الله يعطيك العافيه والسعاده حتى اذا كنا نفس الجنس بس اﻹختلاف بينا شي اكيد انا عن نفسي دااايم استفيد من المنتجات اللي تقدميها من كل النواحي حتى احيانا تكون في معلومات تذكريها سواء بالمدونه او في الكومنتات بصراحه اقدر اقول معلومات تبهرني وتنورني لمواضيع كثيره نحتاج عنايه بسيطه ومع اﻹستمرار نقدر نكثفها حتى نعود عقولنا وايدينا انو ماننسى ومانتكاسل استمري استمري بهالسلسه الله يعطيك العافيه والسعاده
السلام عليكم..
الله يعطيك العافية ويسعدك قد ما كلامك يدخل القلب بسرعه ويأثر فيني واستفيد منه كثيير
ربي يجزاك خير ارتوسه ❤️
ويرحم امك ويغفر لها ويجمعك وياها في الجنة ان شاء الله
القلفز تبع قطار العائلة موجود بالسيف غاليري لقيته كذا مرة واشترته قبل سنة منهم..❤️ شكرا مرة ثانية على هذا الجمال..
رائع ماشا الله ، حبيت طريقة الترتيب ساعدتني كثير
احييك على ذكائك فالطرح لان النقاط اللي طرحتيها فعلاً مهمة كبداية..
شكراً كثير ومتابعين❤️
تدوينه رائعه كالعاده وحبيت بارت العنايه بالاطفال والبنات.
في مدرسات يشتكون من عدم نظافة بنات بلابتدائي تخيلي
يوصل فيهم الوضع انه البنات صغيرات يداومون برائحة تبين انهم كانو مسوينها على نفسهم وقت النوم وماتغسلو لهذي الدرجه اهمال يالله
الله يغفر لامج ويرحمها بحكم امي كانت تشتغل برع البيت ماكان عندها وقت تعلمنا شي اما الحين انه قاعده في البيت اعلم عيالي الصغار كل شي اعرفه ودايما احس البنت منظرة امها النسخه المعدله ولو ان الاصل لا يعلى عليه الله يغفر لامهاتنا كلهم ويرحمهم تحت او فوق الارض طبعي في العنايه احذ ااشي واستخدمه واذا جفت نتيجته عجبتني اوقف ما اواصل ومن ترجع بشرتي تنكتم ارجع اعتني ملوله بشكل مب طبيعي بس قلت لي متى اخلي مزاجي ومللي يقودني يا انه يا اهو وليحين اغلبه ويغلبني احيانا
جني قلت قصة حياتي هههههه
الله يعطيج العافيه والصحه وبالنسبه للبلوقرز قام الكل يكتب ويستعرض محتويات الحقيبه فالمعلومه مثل ما قلتي يبيلها بحث الحين وبحث عدل بانتظارج وانتظار تدويناتج الممتعه
تحياتي =)
الله ايوه كذا اشتقنا والله لمواضعيك الحلوة المفيدة
انا ومن واقع تجربة شخصية استمريت على خطة عناية يومية واسبوعية وشهرية ونصف سنوية كمان من مواضيع توليب ايام عالم حواء وتخلصت من مشاكل كثييير بدون اللجوء للعيادات لكن ماعاد ناسبتني وتركته وباذن الله خطتي لعام٢٠١٥ فيها برنامج عناية واتمنى منك تستمرين بطرح السلسلة وسلسلة التفتيح
ومن ناحية المحتوى العربي فعلاً ماعاد نلاقي المعلومة كله في مواقع التواصل الاجتماعي والبحث والارشفة فيها مو سهلة
اخيرا ما ننسى والدتك من دعائنا الله يرحمها ويسكنها الفردوس الاعلى مع النبيين والصديقين والشهداء
مو قادره ارد برد يوفيك حقك مااقول الا الله يوفقك ويسعدك ياااااارب
وتراي احبك في الله
مسا الورد يا وردة؛؛
من المُسلّمات الحالية انه مستحيل حدا يقرأ مدونة لأرتوس وما يستفيد ، صح في ناس عندهم اطلاع ومعرفة لكن احيانا بيغفلوا عن جوانب اخرى، من ناحيتي استفدت منك كتير بما يتعلق بمواد الاهتمام بالبشرة ومنتجاتها،
قبل فترة كنت رح اكتب لك تعملي تدوينات او بوستات تكون موجهة للامهات للعناية بأطفالهم والحمد لله لقيتك كاتبة عن هالموضوع بالمدونة وجد جد هالنقطة مهمة أنا بحزن ع حال بعض الأطفال بنات وأولاد وخصوصا البنات من البهدلة والمنظر اللي بيظهروا فيه وقلة الاهتمام بنظافتهم الجسدية والسبب راجع للامهات اللي اطفالهم امانة في اعناقهم، بتمنى كمان انك تضيفي نصائح تربوية بين سطورك توجهيها للامهات عشان يتبعوها في تربية اطفالهم بما انك شخص مؤثر وبتمنى على كل زوار مدونتك يقرؤوا كلامك بعناية مش يقرؤوا سطر ويتركوا عشرة عشان التدوينة ممكن تكون طويلة شوي..
اخر شي بتمنى لك الانتشار عربيا مو بس ع مستوى المملكة والخليج، محتوى مدونتك فيه كنوز جمالية وكنوز معرفية ..
وبتمنى يكون نجاحك مُلهم لغيرك من البنات العربيات اللي طاقاتهم مخزونة وغير مستخدمة بما ينفع ، مو شرط بمجال التجميل كمان بمجالات أخرى كتيرة ممكن يكون عندنا نوابغ فيها،،،
ربي يسعدك ويزيدك تقدم وعطاء
❤️❤️❤️
أرتوووووووس
يسعد مساك ارتوس
طرحك للموضوع عجبني جداً ورغم اني لي عنايتي اليوميه والاسبوعيه الا اني استفدت منك وكلامك سليم ميه ميه بخصوص ان كل انسان له جمال خاص فيه وذا الشي شفته فيني انا واختي هي بشرتها فاتحه جدا على صفار وشعرها فاتح وناعم وجميله بدون ماتهتم ولا تسوي عنايه،،انا صح بنفس مستوى جمالها لكن شعري كيرلي بني مو فاتح وبشرتي فاتحه بس على بياض مو صفار واحس اني اذا مااهتميت ببشرتي تصير باهته علشان كذا على طول اسوي عنايه واجدد،،ومعلوماتك وثقافتك زادتني اكثر،،ربي يسعدك ياذوق..
الله يجزاك خير ، أتوقع أني أقتنعت بالترطيب اليومي منك وأهم شي النظافه ق1
وننتظر سلسلة التفيتح لأني خايفه من الخلطات إللي في النت تسبب أشياء ثانية
ماشاء الله لا قوة الا بالله ..دائما مبدعه وأنيقه ..
أنا من متابعينك من زمان جدا من ايام شمواه..صح اتابع بصمت ..لكن بشغف ..
اثق بكلماتك وبتجاربك وبأي منتج تعلقين عليه ورأيك فيه ..حتى طبخاتك لما اطبق اي طبخه اطبقها وكلي ثقه بطعمها ونتيجتها ..
لي تعليق او طلب بمعنى اصح .. أنا من المؤمنين ان اذا الداخل غلط ماراح يكون الخارج تمام مهما عالجنا او اعتنينا او حاولنا نظهر الجمال .. سواء على الصعيد الروحي او النفسي ..او على الصعيد الصحي والجمالي ..
فرجاء خاص الله يعافيك لا تنسين تدوينات ولو بسيطه عن التغذيه السليمه والمشروبات الي لها دور في نقاء البشرة ونضارتها وصحة الجسم عموما ..
واخيرا.. الله لا يخلينا منك ..
الله يرحم امك ويسكنها فسيح جناته ويجمعكم فيها بعلييين ..بخصوص الامهات فعلا صحيح المفروض الام تنتبه لبناتها وعيالها بعد بصراحه اشوف الام هي الاساس بكل شي والله يقوينا حمل ثقيل ..وبخصوص المحتوى العربي اه بس حتى الوصفات الصحيه صارت تنباع عندنا كل من عمل كيك او تشيز كيك صحي قام يبيعه او يبيع الوصفه لشركه بس شوفي حسابات الاجانب يكتبون الوصفات بذمه وضمير الله يعين بس احس المجتمع كل ماله بدحديره وكلا نفسي نفسي وغيره وحسد بالذات بين الحريم ..منتظرين باقي السلسله بفارغ الصبر ولا للاختصار نحب سوالف وكل حرف تكتبيه ..دمتي بحب
يارباه , فرحت كثير كثير بموضوعك,الله يسعدك يارب ويعطيك ماتتمنين !
انا من الناس اللي ابي اتغير شكليا بشكل جذري بس مستصعبه هالشي مادري ليه
ربما يأس من اني اوصل للمطلوب اللي براسي او ربما لأني اقلل من شكلي او ربما لأني انطوائيه فأشوف مافيه فايده , بالرغم اصلا انطوائيتي بسبب حرجي من شكلي!
لذلك فرحت بموضوعك لأني قريت النقاط الاولى كانت ملهمه بالنسبه واتوقع هي السبب في اني اهمل نفسي او ما احس بالرضا..
اوافقك في سالفة المحتوى العربي فعلا ايام بدايات النت كانت المعلومات متوفره اكثر من اليوم , اليوم للأسف كثير استغلوا هالشي للربح المادي,ماعاد فيه احد يعطي بدون مقابل الا قليل
انا من الناس اللي ودي افيد غيري بس ما ادري بأيش واحس ماعندي الثقه خصوصا انو مافيه شي متخصصه فيه يعني اذا بحط دروس عن شيء مثلا بكون مجرد هاويه واخاف احط معلومات خطأ,هذا الشي اللي يمنعني ولا ودي كثير اني افيد غيري ..
مافي اجمل من العطاء..وانتي من الناس السباقه إليه,يعني فعلا مو مجامله بس والله مافي مدونه او شخص يعطي بنفس طريقتك لحد الآن على حسب ماشفت شخصيا..
دعواتي لك بالسعاده والاستمراريه والنجاح في حياتك 3>
تقبليني صديقه لمدونتك..
يازين كلامك وتفكيرك ماشاءالله الموضوع مره حلو ومهم للكل تقريباً
الله يرحم أم أنجبتك ..تدويينة جمييلة منك كالعادة أحس هذه التدوينة تمثلك زي ما عرفتك او زي ما أحبكك
متشوقة لبقية السلسلة وبالنسبة للمحتوى العربي من جد شي مررة يقهر أنا لاحظت لما كنت ابحث عن الثيمات تلقى اشياء محدودة ااذا بحثت بالعربي عكس لما تبحثي بالانجليزي
ماشاء الله مُبدعة كعادتك ★
أتمنـى تستمرين بكل السلسلتين ()
تدوينة جمييييلة جدا .. يعطيك العافية ارتوس
التدوينة أو السلسلة هذي جات بوقتها لأني جالسة ارتب لي روتين بسيط واحاول كل ما تعودت اكثفه وازيد عليه كم شي بين فترة وفترة
كلامك جدا جمييل وفادني مررة وكل تدويناتك تضيف لي شي جديد .. ومن جد اكثر انسانه اثق برأيها وامشي على كلامها وارتاح لها انتي
وكلامك فيه كمية جمال وايجابية ومنطقيه بشكل كبيير
هذي السلسلة بتكون من اكثر التدوينات المفيدة واللي الكل يحتاجها ..
أهنيك بصراحة عالنجاح المستمر في تدويناتك ودايم تدويناتك لها طابع مختلف عن باقي البلوقرز اللي كلهم تقريبا نفس الأفكار والتدوينات “و السموحة منهم كلهم”
بس مافيه مثل مجهودك واخلاصك .. والله الكلام مايكفي ولايوفي حقك ابدا .. فتحتي عيوننا على اشياء ماكنا ننتبه لها ولا نعطيها ادنى اهتمام ..
لك مني دعوات صادقة ان الله يفتح عليك أوسع ابواب الرحمة والتيسير والتوفيق ويسعدك بحياتك ويهنيك دنيا وآخره ولايضيع لك تعب ومجهود ويبارك
لك بوقتك ورزقك يارب ..
نحبك أرتوس .. شكرا من القلب
مساك فل يا جميلة
حاليا انا عنايتي متوقفه لاني اراجع و اتابع مع دكتور جلدية بعد مالتشكن بوكس لعب بحسبتي لعب و الحمدالله على كل حال ، العلاج الحالي يعتبر عناية بسيطه هههه مرتين باليوم لوشن مبيض و صابونة تقشر تقشير خفيف و صابونة الافريقية وجهي و لله الحمد سليم بس برضه استخدم له حاليا الدوكوين لان فيه شوية تصبغات بسيطه لا ترى بالعين المجردة بس لازم تروح
شعري صديق وفي قد مالعب فيه و اهمله متحملني يطول كويس و بسرعه و كثافته و ملمسه حلو بس حاليا استخدم فيتامينات هير انفنتي و استخدم كل اسبوع خلطة تجيب معاي نتايج مرضية و تذكرتها لما شفت اليوتيوبر و خبيرة التجميل ميثاء عبدالجليل موية مغلي بصل و ثوم مع كمية متساويه بعد ما تبرد الموية من زيت الخروع و الزيت زيتون و ملعقة سدر و اخلطه و ينحط على الشعر ساعه على الاقل و ماسك مغذي اسبوعي و خلاص
طيب نجي للامهات يا ارتوس فيه امهات لا مسؤولات اقرى فصص بحساب انستغرامي البنت تبلغ و هي بهم و وسوسة لانها مفجوعة من الصدر ليش كبر و اللي ما تعرف ايش يعني دورة شهرية و الللي ما علمتها امها و لا حضرتها بملابس مناسبه داخلية شي يكسف … و هنا الوم بعد الاخوات الاكبر اذا الام كبيرة سنه و تشوفه عيب
انا اراضي مقسمتها الاشياء اللي تحتاج مراية و انا احطها على التسريحة و تشمل المقشر و كريم التفتيح و زبدة الشفايف و السن بلوك و جنب راسي اللوشن المبيض و البلندر بوتل قارورة موية بقطعة تحطين فيها الفاكهة اللي تعجبك او الخضار و ترمينها بالقارورة و تشربين مويه و جنبها الفيتامينات.
نحب تدويناتك الطويلة لانها تشفي العطش و الجوع لموضوع جمالي كامل في زمن شبة توقفت الافادة و المعلومة الكاملة الواضحة الوافيه زي ما قلتي الان كله بحقه مازفي شي بلاش ، الا من رحم ربي .
الله يسعد قلبك و يحفظك من كل شر انت معطاءه بشكل يدعو للانبهار الله يزيدك علم و جمال
مشكوره آرتوس
شكرا ارتوس ع كل شي تقدميه مرة ممتازة التدوينة والله يرحم ايدين ربتك وعلمتك ويجمعك بها في جنات النعيم .. انا لمن يكون مزاجي مو رايق او النفسية لك عليها. اقرأ من غير تعليق بس هنا غصب عني كتبت لانك انسانة تستحقين الشكر والتقدير
كلمة شكراً غير كافية على مجهودك الجبار في طرح الموضوع .. يعجبني جدا طريقتك في الطرح و كيف انك تحطين اعتبار لمختلف الشرائح في المجتمع و الاهم انك تعملين حساب للمزاج اللي يتحكم في اغلبنا
جممممميييل
ياي،ثم ياي،ثم يايات.
وش خليتي ياستّ الكُل
ادق التفاصيل تطرقتي لها،فعلا موضوع عادي لكن له هيبته
مدري ممكن لانه منك
جلست اراجع بترتيبات الغرفه وحاولت اشوف الاماكن اللي فيها العنايه تدوم
لقيت ان فيه اشياء غيرت اماكنها من الغرفه إلى الحمام تكرمون
من سريري ..لغرفة التلفزيون بحكم ان جلوسي بها كثير
اضافة كريمات لادراج السرير
ترتيب من وإلى
عزلت بعض كريماتي وماسكاتي الاسبوعيه ببوكس لحال
وهكذا
بعد ماسويته حبيت نفسي بجد
حسيت اني اسعى لنفسي
حسيت ان جسمي زعلان مني لاني كنت ما ادلله لي كم اسبوع لأسباب
يوم رتبت اغراضي رجعت لي الحياه
ولو مليت ببدل واعدل سواء الكريمات او البوكسات او ممكن الاماكن
بجد بجد انتي روعه،
حبيت كلامك عن امك الله يرحمها يارب ، لو ٥٠٪ منها كان الامه بخير
انسانه كانت ناجحه وتسعى لنجاح عيالها
نجحت في تربيتها لين شفنا الثمره فيك وبحبك للخير وانتشاره
يدل على انها كانت تزرع الحب بقلوبكم
ما قالت خليني اصير انا وعيالي مميزين ونخبي عن العالم وش نسوي مثل البعض الله يهديهم
يبدلها الله بدار خير من دارها ويرحمها كما ربتكم صغار
راقيه و تعاملك راقي ، الله يغفر لوالدتك اللي ربتك و يسكنها الفردوس ، الله يوفقك ❤
السلام عليكم …… أرتوس
ما شاء الله ما ينمل من مدونتك …. يعجبني أن بالإضافة إلى انها مفيدة مسلية …
أرتوس أنا عندي سؤال : من مواضيعك تبع العناية بالبشرة ( سلسلة تفتيح البشرة ) قرأت فيها كيف تعرفي لونك الحقيقي من لون أطراف الأصابع والأذن …. الخ ،،،،، ولقيت أني وحسب كلامك بيضاء في الأصل لكنني غمقت كثييير 🙁 وأعرف السبب إني كنت أتعرض لأشعة الشمس كثييير زمان ،،،، ما يمديني أرجع لوني ؟ ….. وممكن إذا ما عليك أمر ترسليلي دايركت على استغرام ( R.A.M.A.N ) الرد
شكرا لك
حبيت سالفة الصابون ههههههههه،
انا لازلت أخاف أغمض عيوني وقت الشاور و هالشي كان يخليني احك عيوني يوما لما يطلع صوت p:
و هالشي اثر ع شكلها حاليا، كلامك سليم و استمري استمري و احكي عن العناية من داخل صدقيني طالما هدفك توعية وتصحيح مفاهيم نسبة كبيرة رح تتقبل و تستوعب لو مو الآن رح يجي يوم، نفس مفهوم الفرك و الخلط و النقع و اللط ما احد غيره تماماً و أزاله من مفاهيمنا إلا إنتِ .
تُس تُس ، مرة زمان حكيتي انه خطأ تصميم مكان الباث مع مكان قضاء الحاجة “عذراً” و دحين حكيتي عن انه المغسلة برا مكان الحمام، ممكن تفصلي أكثر من ها لناحية هصوصا للعالم اللي بتبني بيت العمر حاليا ممكن تتلافى هذه الأخطاء و تصير العناية أسهل و افضل و أصح .
بوسام الدنيا لفلي :*
بوسات
بكل معاني الجمال رائعه اشكر لك حبك للعطاء بارك الله في جهودك
اخخ جبتيها عالجرح اخر شي 🙁
للأسف المحتوى العربي بالذات الجمالي منها خزعبلات لا تمت للعقل ب صلة
صرت اذا ببحث عن شي الجأ للاجانب والقى اللي ابغا وبالصور يعني فيه اثباتات واشياء منطقيه ومو كل شي طبعاً صحيح لكن افضل من خزعبلاتنا
شي محزن كيف كنا واين صرنا من ناحية العلم والاخلاق والقيم والادب كنا الافضل في كل شيء كانوا علماء يكتبون كتب وينشرونها عطاء بلا حدود ، سبحان مغير الاحوال .
وبالنسبه للسلسله ليتها تصير ٢٠ مليون تدوينه مو بس ٢٠ لأن الواحد مايطفش من حكيك ❤️❤️❤️
احب فيك الأمانة بالطرح والوصف الدقيق مافي مجال للسؤال وفوق هذا تردين عالكل ، مستحيل القى بلوقر زيك يا اجمل ارتوس حتى لو كنتي عرقوبيه تضلين الافضل :٩
آحب أسلوبج في الطرح ، جدا أستمتع في قراءة مواضيعج ، تكتبين عن موضوع معين بس في هاي الموضوع ألف معلومة ثانية نستفيد منها .. أذكر إنه في
المنتدى في سلسلة التفتيح ذكرتي أهمية الإستمرارية وحتى أذكر إنج كتبتي
عن أكثر من منتج يكون سعره مناسب ومتوفر بحيث أن الكل يقدر يستخدمه ويستمر عليه
بس أبد ، للحين البنات يسألون عن أفضل وأسرع منتج تفتيح وغيره وتاركين الإستمرارية !
أنا جدا متشجعه ومتحمسة حق هاي السلسلة ، تسسلم يدينج غلآتي
آحبج ❤
معك حق ارتوسه حتي صرت اذ ببحث عن افضل دكتور او افضل عياده بهالمنطقه احصل المواضيع كلها قديمه من ٢٠١٠ و٢٠١١
مساء الجمال
ماشاء الله يعطيك العافية مررره الموضوع مهم ومتميز اتبسطت كثير وانا اقرأ
ولازم كل بنت تقرا هذا الكلام عشان تعرف كيف تبدأ وتبعد عن الأخطاء والخرافات اللي بتسمعها
وحابه اخلي اخواتي الأصغر وبنت خالتي يقرؤوا موضوعك ويستفيدوا
شكرراً ❤️
نسيت اكتب انو مره حابه السلسلة وكل شي تطريحة اكيد ننتظر الجاي ❤️
ربي يجعلك ب الجنه البادره قولي امين
دايما مواضيعك جميله وخصوصا اللي تكون زي كذا مب محصوره على منتج وكل للي يجي منك حلو
ودي اسالك ومنحرجه منك اول مره اكتب لك واسال
المهم انا وجهي ورقبتي غير عن باقي جسمي لما اشوف ب المرايه وما علي ملابس فرق شاسع جدا اللي حولي ما يلاحضون بي انا ملاحضه و مدققه فيه حتى يدي ما احطها على وجهي لحتى ما يبان الفرق مع ان مب ملاحظ بس انا ملاحضته مدري وش اسوي ل يروح هالفرق ! ما اخفي عنك اني كنت مهمله من الدرجه الاولى بس من عرفتك حاولت ابدا روتين مرات امسك ومرات افلت بس ان شاء الله ماشيه ، بس ودي بحل للمشكله ؟
جزاك الله الف الف خير
اتمنيت التدوينه ماتخلص
كلامك مره جميل
كملي مواضيعك الى امام
وياليت تتكلمي عن التصبغات المستعصيه
مثل التصبغات اللي خلف الساق بسبب الجلوس الخاطئ
وشكرا.
يعطيك الف عافيه
إيه ده
أبدأ منين ولا أعلق على إيه
كنت مهملة نفسي بدون لا أدري وللأسف ما كان فيه أحد يوجهني
لكن مواضيعك المبروكة خلتني أعتني بنفسي وما فيه سوبر ماركت فيك يا الرياض ما رحت له أطارد ورى هالكريمات واللوشنات شي لي وشي لخواتي الصغيرات، لأني كنت مهنقة على الكريمات التقليدية
أول شي بديته هو أني أعالج بشرتي وشعري لأنه يتساقط ومعد بقى منه شي، يا لهوي يا آرتوس لو شايفة الطبيب وهو ماسك راسه يوم شاف تحاليل الدم، كلش نازل، أنيميا ونقص في فيتامين دال وبي 12 وقعدت يمكن فوق الستة أشهر مغير أبلع من هالحبوب وتحاليل مكلفة ما تخلص، ألحين عرفت فايدة الفحص الدوري اللي يسوونه الأغنياء في المسلسلات المصرية ههههههههههههه، وفهمت حكمة الوقاية خير من العلاج أو درهم وقاية خير من قنطار علاج.
صح النتيجة ما كانت مرضية كثير مع البشرة مع أن الطبيب جيد، لكن بشرتي ما يناسبها كلش، لكن الشعر وقف تساقط وما صدقت أن شعري رجع كثيف، بالعادة يطول ويصير خفيف من تحت فدايم كان قصير، لكن بعد العلاج الحمد لله وقف التساقط وصارت كثافته وحده، وكل اللي أسويه أني أسوي له ماسك لأني كرهت الزيوت وطاريها وأقص أطرافه بين فترة وفترة، ودايما أحنيه، لأن الحنا يفيد شعري
وطبعا ما قصرت مع خواتي وعيتهن وفهمتهن حتى من الحماس رحت بهن لطبيب الجلدية عشان البشرة والشعر
بعد العلاج عرفت أعتني ببشرتي وعرفت أن المطلوب مني هو العناية والعناية والعناية لين آخر يوم في حياتي وعرفت اللي يناسبها، وأتجنب أي شي يسبب لي البثور والحبوب، خاصة الأكل المقلي، حرمت نفسي منه لأني بس لو طليت فيه طلعت لي حبوب في وجهي وأعلى الصدر والكتف<< ههههه بالغت لكن صدق الشي المقلي يهدم كل العناية، حتى اللقيمات عشقي حرمت نفسي منها 🙁 ما فيه طريقة لقيمات في الفرن ههههههههههه
وصرت اشتري وأجرب من نفسي، الله يسامح صيدلية بوتس طفرتني
يمكن الشي الوحيد اللي متعبني مع بشرتي هو أنها حساسة فمب كلش يناسبها فصرت أرطبها بكريمات طبية مثل سيتافيل وكيو في، صح مكلفة بس بشرتي تمشيني على كيفها :(،لكن بين فترة وفترة أرجع أستخدم كريمات نيفيا لأنها الماركة الوحيدة اللي ناسبت بشرتي هي وسانت إيفز
ويا رب أسوي ليزر لوجهي وباقي جسمي وأفتك من مكينة الحلاقة، خاصة وجهي لأن الفتلة أو الشمع تطلع لي نفر وبلاوي زرقاء أنا في غنى عنها وخاصة أن شعر وجهي كثيف وإذا حفيت شكلي يتغير بشكل واضح
ألا يا أرتوس حذرتي من سنفرة البشرة وأنها تضر ويجب تركها، طيب حتى السنفرة السويدية الجافة نتجنبها!
الله وكيلك ما فيه مكان ما دورت فيه فرشة الجسم عشان هالسنفرة وكلها تكون قاسية، وجابتها لي مرة أخوي من اسطنبول وكانت ناعمة ولطيفة على بشرتي ولي شهر أسويها قبل لا أتسبح.
وعلى طاري المحتوي العربي لا بارك الله في مواقع التواصل اللي خلت المدونين يتركون مدوناتهم، أو يدونون بدون ما يكون حولهم أحد، عاد أنا عشقي المدونات.
تعليقي هذا مختصر، ولو ما اختصرته كان صار أطول من التدوينة
لحظة تذكرت شيئًا، أحمد ربي وأشكره أني ما نيب راعية خلطات ولا برابيس وأصلا أنا عجازة في هالأمور، وعندي يقين تام أن مشاكل الجلد والشعر علاجها عند طبيب الجلدية، أبشق هدومي يا أرتوس من كثر ما أحذر اللي حولي من هالخلطات والبرابيس خاصة اللي تباع عن طريق تاجرات بمبالغ خيالية، وهي راس مالها مرهم ديروموفيت اللي يحتوي على نسبة عالية من الكورتيزون ويستخدم لحالات خاصة مثل الحساسية الشديدة والصدفية والأكزيما وبوصفة طبيبة ولمدة ما تتجاوز أسبوعين وأن طولت لمدة شهر، لأنه يسبب هشاشة عظام وأمراض مزمنة، هالمرهم ماشي سوقه لأنه يبيض وسعره بتسعة أريل وخمسة وأربعين هللة، فيحطونه مع هالخلطات ويبعونها على أنها تبيض، وطبعا بعد ما تنعدم بشرتها أو تسبب لها بمشكلة مستديمة راحت تركض لطبيب الجلدية اللي المفروض تروح له من أول، واللي عسى بس ما يشق اللاب كوت من غباء بعض النساء وجهلهن
الطبيب يروح عمره دراسة وتخصص وبورد ومدري وش، وحضرتها على الخلطات الفتاكة
تصدقي وتؤمني بالله يا أرتوس أن الفئة اللي ما تبدأ تهتم ببشرتها ألا إذا أنخطبت للحين على قيد الحياة 🙁 والفئة اللي تجيب لها وافدة تسبك في بشرتها وتحرقها لها بهالخلطات اللي تفقع الراس بعد للحين على قيد الحياة ما انقرضت 🙁
خليني أرسل التعليق بس يا كثر كلامي اللي ما يخلص
والسلام عليكم ورحمة الله وبركاته
عجيبه التدوينه وبالنسبه لي جت بوقتها اشكرك من اعماق قلبي وممتنه لك ولكل شي تطرحينه لنا
امك انسانه عظيمه الله يجعلها بجنات النعيم
اشكرك ياملهمه
وبالنسبه لي ودي تطرحين بالتفصيل الممل لاتختصرين حتى لو توصل ١٠٠ جزء والله يعطيك العافيه ويسعدك مثل ماتسعدينا
الله يسعدك ويعطيك كل خير
على قد ماتعطينا
من تجاربك ومعلوماتك
انا بجد استفدت منك
وطورت من حالي
وتغيرت مفاهيم العنايه
عندي.. من نصايحك
ارتوس يعلم الله وش كثر استفدت منككك كثير بشمواه ومدوناتك خلتني جد اهتم واحب نفسي
شكراً كثييييير
مدري شقول وش اخلي اعلق على ايش والا ايش
هالتدوينه فعلاً مختلفه عن الريفيوز
بداية لمواضيع دسمه ياحظنا فيك
جميل الروتين وحبيت اسلوبك مو غريب عليك
هالابداع والالمام ماشاء الله تبارك الرحمن
يعجبني تفهمك لمشاكلنا الجماليه حتى لو ماتعانين منها
بس فاهمه اسبابها وتفتحين اذهاننا عليها
بشكل سهل عشان نحل المشكله من جذورها
والجزء الاخير من التدوينه عور قلبي مدري ليش
تسلم اناملك المبدعه حبيبتي
جميلة وراقيه كعادتك :*
حبيت هالتدوينه كثير لاني محتاجتها خصوصاً هالفتره احاول اطور من روتيني اليومي قد ماأقدر…
ومعك حق بكلامك الأخير 🙁
اول تعليق لي هِنا في المدونة وان شاء الله مايكون الأخير 🙂
دُمتي بِحُب
آروتس الله يعطيك العافيه من جد مبدعه انتي
ودائم انتظر مواضيعك يابختنا فيك بس ❤️
عاد تدرين ؟ انا من الناس اللي اهب بالشي بعدها اقطعه و اتذكره بعد فتره / لذلك صرت تقريبا اوزع اغراي بكل مكان بالذات الكريمات / بالشنطه كريم وواقي شمس , و بالغرفه حقت الجلوس كريم , و عند سريري كريم , و بالمغسله حقت الحمام كريم , حتى لوكر الجامعه حقي حطيت فيه كريم في حال نسيت احطه او طلعت مستعجله ههههه …. نفس الشي للمرطب حق الشفايف , و المويا , و بعض الاشياء اللي تنفع تتوزع , انا من الناس اللي لازم اشوف الشي قدامي عشان ما انساه هههه
حتى امي تقولي قلبتي بيتنا صيدليه ! بس جد اغفل كثير لازم اذكر نفسي بتوزيعها .. آخيرا شكرا مره مررره ع عطائك وحبك لغيرك .. و الله يرحم أمك الرائعه فعلا و نعم الأم .. ونعم التربيه .. و نستنى طرحك الطويل المحبب : ع فكره انا مو الناس اللي يحب يقرا مواضيع طويله بس انتي فعلا تشديني لقرآءة الموضوع كامل بدون ما أحس بالملل … ( قلوب لعندك )
تدوينة رائعة بكل تفاصيلها .. فعلاً الوحدة لازم تهتم وتوجه بناتها .. عاد انا مستلمه بنات اخواتي واشجعهم ع الاهتمام والعناية بأنفسهم ههههه .. شكراً من الاعماق جد استفدت كثير واستمتعت طرح مشوق وغير ممل
ارتووس ذبحتني القشور بوجهي سويت تقشير من قبل باحماض الفواكه النتيجه كويسه بس ماطولت اسبوع بالكثير ورجع وجهي زي ماكااان الحين مفكره استخدم منتجات ريكسوول من مقشر وسيروم الكولاجين وفيتامين سي تنصحيني فيهم او اسوي التقشير الكريستالي ابي حل الله يعافيك خلااص وجهي يضيق الصدر ابد مافيه حيويه ولانضاره!!
وش هالزين التدوينه جميلله وليت يكون 20 جزء ولا تختصريننن مافي احلى من كلامك واسلوبك
اصلا اتحمس اذا شفت كلام كثيرررر ماننحرمش منك فعلا لك تأثير واضح انا من اللي تغيروا بفضل الله ثم بفضلك
متابعتك من 4 سنوات و شتان بين بشرتي قبل والحين مع اني اشتري منتجات رخيصه لكن مع الاستمرار بان الفرق
يعطيك العافيه وربي يرحم امك اللي ربت انسانه مثلك نعم الام والتربيه
انا للاسف من الناس الي تتروش وتغسل بالمويه الحاره الين جسمي يصير احمر 🙁 ، وبرضو اقل ترويشه ساعه واذا كنت بشيل ساعه ونص ولو بقشر ساعتين والحمام المغربي اخلصه في 3 ساعت ، حاولت كثيير ابطل عادة ان اطول وانا اتروش بس عجزت 🙁 لاني خلقه بطيييييئه في كل شيء 🙁
حابه اسألك ويارب تردين علي : انا وجهي اغمق من جسمي بكثيييييييييير ومو عارفه كيف اختار كريم اساس يناسبني 🙁 ، مدري اخذ كريم اساس فاتح مثل جسمي او غامق مثل وجهي ؟ نسيت اقول اني تعالجت كثييير بس بدون لا اوصل لفايده 🙁
يعطيك العافيه ارتوس الصراحه الموضوع جدا قيم و رائع استفدت كثير الله يجزاك خير و يجعله بموازين حسناتك يارب
من وقت كنت بشمواه كنت حبك ما بعرف ليش من عند الله المحبه ،كتير بحب اقرأ مواضيعك بدنا سلسلة طويله لا تختصري ابدا ،،وحكيلنا علي العنايه بالبشره المختلطه والعيون ..الخ
يسعدك ربي افدتينا كثير وتعجبني مواضيعك مرة
ابغى منك كيفية العناية با البشرة اختي واذا امكن
با الخطوات وصور المنتجات جد محتاجتها منك
يسعدك ربي ويجمعك بوالدتك بجنتة ان شاءالله
مساءك قشطه ، بالفعل كفيتي ووفيتي ارتوسه ، الله ينفع فيك يارب ويكتب اجرك ، كلام شامل من كل النواحي ومفيد ، ذكرتيني في امي واحنا صغار كيف كانت شديده علينا في العنايه خصوصا الشعر والاخص الماسكات والحنا اللي تحطها لنا كلنا نعترض ومانبي نحط بس نسمع الكلام ف الاخير، الا وحده من اخواتي كل خميس لازم البيت يتحول حرب طاحنه بينها وبين امي
من جمال موضوعك و اسلوبك ما تمنيت انه يخلص ❤ حتى اسلوبك في الخط و تصويرك كله يأسرني ❤ انا متابعتك من شمواه من لما كنت ثالث ثانوي و اللحين تخرجت من الجامعه و للحين احب مواضيعك و حكيك و ما يقنعني إلا تفكيرك ❤ و بالنسبه للروتين فأنا متبعه روتين بسيط و سهل و مبتعده كل البعد عن الخلطات اللي تطفش الواحد صراحه ! و الفضل لك طبعا بعد قرائتي لكل مواضيعك استنتجت و أتبعت العنايه الصح و اللي فعلا تخليني استمر و لها نتائج واضحه . من كل قلبي شكرا لك و اتمنى لك حياه سعيده مثل ما تسعدينا بطرحك.
ماشاء الله تبارك الله
الله يجزاك خير ياشيخه جد جد نحتاج هالشي
وعلى طاري الامهات انا لي اسبوعين بادية بالعناية بالوجه طبعا من وانا بالمتوسط وبداية اهتمامي بنفسي كانت امي تنبهني تنبيه مدري ليش بس دايم تقولي وجهك لاتلمسينه لااتلمسينه حدك غسول وبس اما ماسكات ومقشرات مافيه..والنتيجه اني بالجامعه الحين وللحين اخاف استخدم المقشرات والماسكات وكل شي حدي غسول وكريم مرطب مدري كيف احارب هالخوف ودي اجرب اشياء كثيرة بس مدري كيف
راقيه وجميله ومثقفه ومبدعه بكل كلامك يا ارتوس ..
احب مدونتك كثيرر واحب كلامكك ونصايحك من جد انسانه اتعب وانا اقول مبدعه ..الصراحه انا مو من النوع الي كتب او يعلق احب اقرى اكثر ببس لايمكككن كلاام مثل هذاا امر عليه مرور الكراام..
اول شي تعليقك ع الامهاات واهتمامهم بااطفالهم وخاصه البنات انا اعاني من الشي هذا والى الان ادفع الاخطاء امي الله يرحمها ماكانت تعلمني كانت بس تقولي استحمي وبس لما كبرت واشوف اهتمام البنات بنفسهم ودي اسوي مثلهم بس ماعرف شي جلست فترات طويله لحد ماتعلمت وعرفت صح وبديت اطبقه ع نفسي وتو اشوف نتايجه ودايم اقول بقلبي اذا جبت بنات بعوضضهم عن عدم معرفتي باأسرار الجمال والاهتمام ..
اما تعليقك ع المحتوى العربي اااااه بس شي يحزن نفسي نرجع لقوقل وايام المنتديات والفايده الي كانت فيه مو الانستقرام كله فشخره واستعراض وكشف كميات من الناس الجاهله ..طبعا باأستثناء بعض الحسابات
سوري طولت عليك❤️❤️
ربي يجازيكي بكل خير ويرزقك االسعاده في الدارين على الخبر الحلو اللي خلاني سعيده
انتي بجد انسانه جميله بلمسه بسيطه منك الشيء يصير افضل
علمتينا كثير ونورتينا على اشياء بجد يسعدك ربي ياارتوسه غيرتي فيني وبفضل الله اولا ثم انتي انا الان صرت احسن من قبل وباسعى للافضل
شكرا جزيلاا واكيد من المتحمسين لهالسلسله سواء كات 20 جزء او اكثر او اقل حنستفيد كثير من هالعطاء الجميل
وصدق الانسان الطيب يبقى اثره الطيب مهما صار ربي يغفرلها لوالدتك ويرحمها ويجعل مثواها جنات الفردوس الاعلى
ارتووووس الله يرحمها الي جابتلنا انسانه جميله زيك
يسكنها الفردوس الاعلى يااااارب ويجمعنا فيها بصحبة رسوله
كثير تابعتك وكثير لمست فيك اعتزازك ب أمك رحمة الله عليها
وع فكره احلى وصفات طبقتها لك كان عنوانها بسبوسة أمي
عجينة أمي ❤️❤️❤️❤️
ماعندي شي اقوله بس حبيت احيي فيك هاذي النقطه
واشجعك عليها ياريت كثير تتكلمين لنا عن اسلوبها
تربيتها لكم واهتمامها فيكم ، بجد احس اني كثير
أعجبت فيها من الي ألمسه فيك ،
“اعتقد الكثيرات مننا تتمنى انه كل بناتها ارتوس ”
الله يحفظك ويحميكي وينور طريقك يارب
صباح الورد ارتوس
مشكورة على كل لحظة قضيتها ع التدوين ويجعلها ربي في موازين حسناتك
بالنسبة لي صعب التزم بجدول محدد او يوم
بس لم اعتاد ادخل عادات صغيرة وماتاخذ وقت تسهلي العنايه
اما التدوينات بالعكس أفضلها تكون طويلة
صدقيني قريت التدوينة اكثر من ثلاث مرات ومستمتعة مع اني مع احب اقراء الاشياء الطويلة
وحتى ردودك للبنات مستحيل افوتها
احب سواليفك وشطحاتك واثق بكل كلمة تقولينها
بالنسبة للمحتوى العربي
فعلا فيه شح مره في المعلومات وأحي فيك حب الارتقاء بالمحتوى العربي
شكرا ياقمر
كل اللي اعرفه الحين اني بحتاج اقرا تدوينتك مره ثانيه لان اولا قريتها بحماس مستحيل
فاتخيل كل مره بقراها بكتشف شي ما انتبهت له وركزت فيه ثانيا كلامك وتدويناتك ماينمل منها
دائما ارجع اقراها وكانها اول مره.. بالضبط ارتوس انتي من الناس اللي ربي يحط القبول لهم بقلوب الناس
دعواتي لك وانا ساجده..
يعطيك العافية حبيبتي… بصراحة المدونة الوحيدة اللي لو ادخلها كل يوم ما امل منها…
ما شاء الله ثقافة و جمال و ذكاء… و مستعدة تعطي كل اللي عندك بدون مقابل…
تسلم ايدك على هالتدوينة و تسلم ايد اللي ربتك.. و يجزيها الجنة ان شاء الله
الله يعطيك العافيه ويسعدك بسالك ايش علاج التصبغات اللي بالجسم واليد ❤️❤️❤️
احب اشوف مدونتك جميله جداً وتعطين نصائح مهمه بالنسبه لنا
ممكن تسوين ريڤيو عن منتجات اورنج دايلي ورايك فيها
يسعدكي ربي توسه … في كل تدوينه في كل صوره في كل تغريده لك تبض بالاجابيه بالحب بالحماس …. تشع بالجمال ولانه نبع من داخلك وبصدق وأمانه يصل إلينا بلا تكلف ويدخل قلوبنا قبل عقولنا …. فأنت من دون مبالغه صوره للفتاة المثقفه الجميله الراقيه بأخلاقها الفريده في شخصيتها ……. في كل لقاء يجمعنا بك نستفيد من بحر معلوماتك وخبراتك وآراءك الصائبة ( ماشاء الله تبارك الله ) …. قد يقول البعض إنك لم تأتي بجديد وإنما ماقلته ماهي الا معلومات عامه قد يطبقها البعض ويكسل عنها البعض الاخر ….. وكل هي ارتوس وحدها من تقدم لنا المعلومه بغلاف عصري حماسي ….من جد من جد من كل قلبي اتمني لك العالمية … وياليت تكون لك قناه يوتيوبيه وكتاب بكذا لغه ….
تدوينة لطيفة وجميلة ومفيدة كعادتك ارتوس الله يسعدك ويحرم والديك عن النار
كلام جميل وبسيط وسهل ومليان معلومات مفيده وسبحان الله نفس تفكيري من ناحية العنايه والروتين كل وحده واستطاعتها وامكانيتها لاافراط ولاتفريط الله يعطيك العافيه ارتوس الجمال
صراحه جداً مبسوطة انك بتسوين سلسلة جديدة و بتكملين سلسلة تفتيح البشرة ، لكن بصراحه عندي خوف ان هالوناسة و الحماس تروح هباءاً منثورا و ماتكملينها 🙁
تدويينة جمييييلة ومتحمسين جداً لباقي السلسلة
مساء / صباح الرضا
هالسلسه بتكون جدا مُهمه وخاصة للبنات المحتارات وما يعرفون كيف يبدون عنايتهم والطريقه الصح ، في بنات أعرفهم دايماً يسألوني
كيف يعتنون ببشرتهم وخلافه بالضبط ، صعب الواحد يقولهُم سوّوا هذا وذاك لأنه مش كلنا متشابهين في ظروفنا و حماسنا و … .
و السلسله هذي بتساعد هالشعب العربي بشكل كبير سوس الحُب ♥
أنتي المُنقذه هههههههه
تذكرت موقف صار لي يوم كنت صغيرة ، من يوم ما كنت صغيرة وأنا عندي هوس أجرب المنتجات والخلطات ، اذكر في مره من المرات
أني حاولت آكل صابونة ههههههههه ياهو عذاب كان ذاك اليوم لساني راح فيها لكم يوم هههههه
متشوقه وايد لهالسلسه سوس ، الله لا يحرمنا منج الغالية :*
إحترامي لج أرتوس
♥
♥
♥
الله عليك يا أرتوس ♥
تدوينتك جدددااا جميلة استمتعت فيها كثير وحسيتها خلصت بسرعة 🙁
متحمسن أكيد لباقي السلسة ومافي مشكلة لو كانت أطول من كذا بكثير ^^
حبيت كلامك بالأخير سالفة المحتوى العربي وكذا
حابة أعقب بس على كلامك بالنسبة للغة
أنا أشوف نفسي في الانجليزي من الصنف إلي يطقطق
صح قاعدة أحاول أور نفسي في الانجليزي لأنها تفيدنا كثير في حياتنا ولأنها تعتبر اللغة الأم في العالم
ولا ما كنت طقيت لها خبر لوووول
برأي لغلتنا العربية هي الأجمل والانجليزي ما يهني أعرف منها إلا الشي إلي يخليني أمشي نفسي في الحياة
الحمدلله عندي اعنزاز وفخر بلغتنا وانها من أفصح اللغات في العالم ♥
بس يا ليت قومي يفقهون ..
السلام عليكم ارتوس…أنا مرة متابعة مواضيعك وحقيقي ب تأثر عليا نقدر نقول بشكل ايجابي لمن ابا ادي نفسي جرعة حماس اني اعتني ادخل اقرا مواضيعك فيها كمية شغف والهام واسلوب ماشاء الله تبارك الله…تسلم يدك حقيقي , بس بالنسبة ل هذا الموضوع حبيت, بس اتمنيت يكون تكملة الجزء الثاني لسلسلة تفتيح البشرة دايما اعيد قرائتها واشيك بين فترة وفترة اذا كنتي نزلتي التكملة ,بالنسبة لي التغيير الجذري هو اللي ابحث عنه واستمتع وانا اقرأه ,جربت كثير منتجات اشدتي بيها وفي منها اللي جدا ناسبني + ايوة صح مرة اعشق مواضيع الثرثرة الانثوية خصوصا اللي تتكلم عن فلسفة الجمال والفرق بين الرونق والمكياج مرة مرة مرة حبيت كمان حبيت انو لمن نزلتي بعض مواضيعك نفسها من المنتددى للبلوق انو غيرتي بعض الصور لنفس الاشخاص يمكن بسبب مشكلة ضياع الصور او شي بس الصور مرة احلى وحسيتها معبرة اكثر …شكرا لانك تصنعي فرق فالمجتمع ب اسلوبك وطريقتك شكرا لانك بتنشري طاقة ايجابية وبتخلي البنات يحسو نفسهم احلى واجمل وتكبري مساحة تفكيرهم ونظرتهم الموضوع اكبر من موضوع جمال فقط …باختصار شكرا لوجودك في الحياة وشكرا لانك انتي..انت مصدر إلهام.
جعلنا ماننحرم من هالتدوينات الجميله وجعل يدين اللي ربتك بجنات النعيم
هوااا ده اخيراً مواضيع تفتح النفس مثل هذي
اخيراً نتكي عند الموضوع ونمخمخ عليه مع كاسة شاهي
شيء يبرد عـ القلب وربي
اطلق من حلقة مسلسل احتريها هههههههههه
شكراً يختي شكراً شكراً
الف ماشاء الله عليك .. يشيخة تطلعين كل اللي في قلبي ،، عاد فقرة الامهات بغيت ابكي عندها لان هالشي فقدته في فترة نضجي و مراهقتي وشفته اثاره اللي مو حلوة دحين وقاعدة اعاني الحمد لله رب العالمين … يعطيك العااافيه والسعادة يارب
انتي انسانة ملهمة ومحفزة
الله يجزاكي خير
أحبك في الله
يااائلبي يا توسسسه والله كنك تتكلمين عني تجيني فترره اهتم واهتمم لين اقول ستوب زهقت
عشقي هالبنت المخلصه يخليك لنا يارب
بردتي قلبي في هالتدوينة خصوصا من ناحية التدوين و اللغة العربية في اخر مقطع
و باقي النقاط مافي اي خلاف عليهم وانا مثلك بعد احب البس بغرفتي و استغرب
من الناس اللي تلبس بالحمام احس مااستحمل حر ورطوبة و كل عائلتنا ماتعودت تلبس بالحمام
امك الله يرحمها كانت ام صالحة و اشوف الام لها دور كبير في العناية .. بنظري تٌكتسب العناية منها
فلو امها مٌهملة وماترشد للطريق الصح النتيجة بنت مراهقة مٌهملة و وقت ماتكبر تجتمع تبغى حلول
قبل الزواج في العيادات عن شفط و تبيض و تنعيم
مو حتى بالعناية حتى بالاكل و التربية و الاهتمام .. للاسف اغلب المجتمع انشغل في بالظاهر
اكثر من الداخل مو كلهم لكن نسبة كبيرة خصوصا من ناحية التربية مافي اي احترام و هالشيء
اشوفه في التعليقات .. يعني معقول الام او الاب مايشوف حسابات عيالهم و يحرصون عليها ؟!
متأكدة هالتدوينة بتكون قنابل في عالم المدونات و كلنا حماس للتدوينات القادمة
تكفين استمري❤️
لاتوقفيييييين
انتي ماتعرفيني
بس انا احس انك صديقتي الروحيه واللي اسولف معها كل يوم وفي اي موقف واتخيل ردة فعلها وتعليقها و اتذكر كل كلمه كتبتيها وقريتها
بليز لاتنسين المواضيع اللي تتكلم عن الشخصية والافكار والنفسيات او عالاقل اشطحي بها في تدويناتك الجماليه
ادري احنا طماعين لانك فعلا مللللللهمه
و لو بعد مئات السنين صارو الاجيال القادمه يقرون عن تاريخنا بيسمون هذي الفترة العصر الأرتوسي هههههه لاتستغربين انا كذا ترا في خيالي لانك مو بس تاثرين في البنات حتى في الامهات وطريقة تربيتهم لاطفالهم وبالتالي يتغير المجتمع كله..
اتمنى من كل قلبي ان وقتك يسعفك وتقرين تعليقي
احبك يا آرتوس
ربّي يسعدك ياشيخه
السلام عليكم
جزاك الله خيراً علي طرح هالفائدة
من مواضيع منتدي شمواه أستفدت وتغيرت عناية بنفسي وفهمي للمنتجات وإختيار الجيد لي
والان أنتظر بلهفة كل تدوينة لك وطول السلسة يسعدني لأني أكيد سأستفيذ وأضيف وأغير من نفسي مع كل موضوع سابق لك وتدوينة
رحم الله والدتك وغفر لها وجمعك بها في جنته
لكِ مني كُـل الشكر والامتنان
أمك الله يرحمها شخصيتها جدا تعجبني أحب الشخصيات الي كذا
تهتم بنفسها والي حولها وأحس لها دور كبير بشخصيتك و نظام حياتك الحالي
لان أغلب التدوينات تذكرينها … الله يرحمها
فعلا كلامك سليم كنت سابقا أحط كريمات العناية الليلة على التسريحه
وما أتذكرها الا بعد ما أنسدح على السرير وما يكون لي خلق اقوم وأحطها
خصوصا اني أكون مرهقه ، بعدين صرت أخليها جنب السرير وتغير الحال طبعا
وبخصوص الفقره الاخيره فعلا ردود الناس بانستقرام صايره تافهه ،
مدري كيف يرضون يكتبون كذا وخصوصا ان الرد والتعليق يمثلهم
عندي كلام كثير في بالي بس وقتي ما يسمح والتعليقات هنا كثيره ، أخيرا ..
شكرا لانك تدونين ❤️
كلامك جميل واسلوبك اجمل
عزيزتي انا بصراحه مليت من الخلطات والكريمات الغالية والرخيصة بس مادري ليش ماشوف نتائج تذكر ماذكر اني استفدت من شي
ياترى وش السبب
طبعا بتقولي انتي ماتستمري بالعكس استمر واطول واصبر بس على الفاضي
صادقه ارتوس بالعيوب و خصوصا اذا جاتك مجموعات جسم مش على ذوقك ابدا مااعرف اصرفهم ابد و من شب على شيء شاب عليه )معرف اذا صح اولا ( اشوف وحده من صاحباتي يوم جت تتزوج حاولت اخليها تعتني بنفسه عجزت تستخدم الشى اسبوع اسبوعين و تسحب عليه صدق حرقت لي اعصابي مره والحين بعد ماتزوجت اذا سألته عن العنايه تسلك لي بضحكه بالنهايه هي الخسرانه
ماشاء الله الردود بهالبوست بالذات تحمس
طبعا قريت هالتدوينه مرتين قد مااعجبتني وتوني افضى للتعليق
التدوينه ثريه بهالمعلومات والفوائد الواقعيه بصراحه تمنيتها تطول اكثر من كذا حبيت كثير تربية امك الله يغفر لها ومبين عليك وعلى شخصيتك واهتمامك ان امك تعبت وربت ومااهملت اي جانب نشوفه احيان غير مهم للاطفال
وشيء جميل والله انك جالسه تنشرين لنا بعض اساليب والدتك رحمها الله في التربيه حقيقه احب كلامك اللي زي كذا واللي تحكين فيه عن اسلوب حياتك والبيئه اللي تربيتي فيها
وأأيد كلامك في فتره من حياتي كنت لاجيت اهتم ارهق نفسي بالاهتمام من ماسكات وزيوت وخلطات والخ بعدين تجيني فتره فتور وارجع من جديد بحماس وحسيت هالشي مرهق ومستحيل استمر عليه
صرت اهتم بترطيب جسمي يوميا وروتين العنايه اليوميه اشياء بسيطه وقريبه مني والعنايه بالفم والاسنان واللبس وتحسن نمط حياتي كثير وحتى صرت مرتبه وتركت الفوضويه .. وبعد ماضبطت وضع وروتين العنايه والاهتمام الخارجي فضيت لنمط حياتي الصحي وصرت اعيد وارتب في اكلي ورياضتي والحمدلله صرت مرتاحه وصرت احسني على قيد الحياه اغلب هالاشياء فضلها يعود لك بعد الله
شكرا لك كثير وشكرا على هالتدوينه جميله مره مره مره
مرحبا ارتوس
صراحه مدرناتك لا غبار عليها كلها تجي الجرح انا من اكثر الاسهاص اللي استري كريمات يدين حتى وقت اسافر اقش من الكريمات استخدمت منتجات غاليه ومنتجات صيدليه ومنتجات عادبه وللاسف يدي نفسها ناشفه والمشكله من جفافها لونها صاير مشهب مآحس يدي فيها حياه مادري وش اسوي شكلها ينرفزني احب شكل اليد المعتناه بس يدي احس مافي امل منها بس اتوقع المسأله لها علاقه بالوراثه ولحد الان اتمنى شي يعطي يدي احساس اليد الفريش وتنشف بسرعه ختى لو اني من نص ساعه مرطبتها حاليا ايتخدم لوكسيتان وبشنطه الخروج بودي سوباللي بالاموند مع اني احس ان عالماركه اصبحت تجاربه منتجاتها اي شيء.. ومرا ثانيه ثانكس عزيزتي عالمعلومات وهالمنتج تبع بليس شفته بسيفورا وكنت ابطلبه وشريت منتج غيره اللي اسمه ايفت بتر ع ملتوقع من كلينك نجربه وشوف.
بعد عيني أرتوس صيحني كلامك بنهاية التدوينة .. الله يجزاك خير ويرفع قدرك .
وياليت تستمري بالسلسة جدا جدا ممتعه وفادتني الله يرزقك الجنة انتي ووالدينك.
الله يسعدك
من جد طريقتك في كتابة الموضوع وشرحك جميلة مرة وتدل على ثقتك بنفسك أكيد وانا أحب البنت الواثقة بنفسها
وأتمنى لك المزيد من التقدم والنجاح
جمال الموضوع بمقدار البساطه وعدم التعقيد في الافكار اللي فيه ماتتخيلين قد ايش مبسوطه لما شفته ليش لاني كثير اوقف قدام المرايا واتذكر شكل فلانه وبشرة علانه احس اني مو اقل منهم في الجمال لكن في شكلي شي غلط وين الغلط بالضبط موعارفه اقعد اقول محتاجه جلسات عند دكتورة جلديه وكورسات للشعر وتحاليل هرمونات واشترك بنادي وووووو وبعدها القى قائمه طويلة اتكاسل عنها مع زحمة الاشغال الثانيه وتستمر الحياة ماارجع ادقق بنفسي الا لما تقرب مناسبه او شي فعلا يمكن انا محتاجة لنقاط صغيره تدخل بروتيني اليومي تفرق كثير معاي على المدى البعيد
ماشاء الله ترتيب وتنظيم وعناية امنيتي اشوفك .. الله يزيدك من فضله
واصلي ودخلي في تفاصيل اكثر واكثر قد ماتقدرين لانه فعلا بحاجة للمعلومات هذي
الله عليك يا أرتوسهـ 333>
انتي ياجميلة ايقظتي فينا الانوثه المستخبية :$
حببتينا بالأهتمام والعناية
من كم سنة من لمن كنتي بشامواه وانا اميزك بأسمك وبطريقة طرحك وفنك وأبداك 3>
اول موضوع شفته لك دايركت ع المفضلة :$
قعدت وقت طويل مادخلت منتديات ولا شفت شي يخصك يمكن سنتين بعدين دخلت عالم الانستقرام
وانا اتنقل بين الحسابات شفت حسابك عرفتك على طول وانبسسسسطت 33>
قلت الحين اكيد بيشتعل فيني حب العناية لأن ماكان فيه شي يحفز انا البنت الوحيده واللي حولي مو حول عنايه او اهتمام
شفتك وشفت مدى عنايتك بنفسك وتدويناتك صرت اتحمس معها حتى البنات صجيتهم فيك كل ماقلت بشتري هالمنتج ارتوس تمدحه قالو ترا لجيتينا XD
ولاتهون ارتوووسه 333>
الله يوفقك يارب ويرزقك جنة الفردوس ويجمعك فيها مع امك الله يرحمها ومع احبابك 3>
حبيتك ياارتوس
مرحباً توسه والله إني إشتقت لج واااااايد وإشتقت لمنتديات شمواه جداً جداً
ماعرف شو اقولج صحيح فرحت بالمدونه الخارجية بس مالقيتها مريحه للتصفح خصوصاً إني جربت افتحها من سفاري وكروم وفايرفوكس ولاتزال الصفحه تصير بيضا فجأة
المهم ياحبي وكالعاده إنتي معطاءه إسم الله عليج مستحيل الواحد مايستفيد من ابسط شي تنزلينه فما بالج بالحماس اللي اكنه لسلسه التفتيح والروتين الجمالي …..
يمكن اللي ينقص حالياً هو كيف نجمع البنات عشان يبدون صح ولايزال بنظري فكره المافيا اللي ارقب جداً حدوثها عاجلاً غير آجلاً هي اللي بتخلي الكل يتحمس بما إنها تتحتم المشاركه من الجميع ،،
إذا تبين الصدق انا دقه قديمه شوي جوي منتديات ومشاركات جماعيه احس انها تعيد الفايدة اكثر ولكن الحين التكنلوجيا تفرعت لسناب شات ، انستقرام و غيره غيره الكثير فالمعلومه ربما يصعب إيجادها عن البعض لان مب الكل ملم بجميع ماسبق ذكره ولكن إنتي إسم الله عليج تواجدتي في كل مكان والبصمه ماتخفى ابداً على اي شخص كنتي ولازلتي الشخص اللي ابهرني في بدايتي في النت وخصوصاً عالم الجمال والعنايه ولقيت نفسي تدريجياً اتبع كلامج وربما تقليد مثل مايطلق عليه البعض ولكنه نابع من محبه
اجد إني احبج في الله وبدون اي مقابل لاني لمست في تدويناتج الحب والصدق صح مرات كلامج يضربني على الوتر الحساس لاني احس اني غلط في هالشيء وبيني وبين نفسي احاول اقنع نفسي اني مب غلطانه ولكن اتقبل الحقيقه لانج قلتيها ربما لو غيرج قالها ماراح اتقبلها بنفس هالامتنان والشكر
اللي مايشكر الناس لايشكر الله وانا احب اقولج شكراً شكراً شكراً
هذا و كلي حماس وترقب إن ٢٠١٥ بتكون سنه ذو إنجازات جميلة كجمال قلبج توستي
و اتمنى لج التوفيق في كل خطوه تخطينها يالغاليه عسى ربي ينولج كل ما يتمناه قلبج
عويش
قلوب …..
هلا بالقمر معليش غبت عنك بس وربي ماغبتي عني ..
ابشرك الشئ اللي بديت فيه سنتي وكان جدا قاسي علي تخطيته بفضل من الله ، ثم بارادتي اني اصير شئ يشبهك ،
حبيبتي انتي الله ييسر لك الخير في كل مكان ..
اعجبتنييييييييييييييي التدوينه ، وكل شوي ارجع اقراها ، رووووعه وحسيت انها مهداه لي من كثر مارجيتك عليها ،
الله يرحم امك فعلالالالالالالا ام جباره ، تسوي وتفكر بمنطق استقراطي ملكي ، فعلا هنئيا لكي انك تحملين جيناتها الوراثيه ، لووووووووول بغيت ادخل بالاحياء
لفتني صرامتها وحبها للاتكيت ، ايوه نبغى نعرف اشياء زي كذا في الحياه ، اشياء تخلينا نرتقي للافضل ..
شكرا حبيبتي بانتظار الاجزاء الجايه لو تخلينها 100 جء ماملينا منك ولا من كلامك .. فرحتيني سلسله التفتيح بترجع واخيرا طولت علينا ههههههههه
روعه ارتوسه للامام حياتي ..
الله عليك يعطيك الف الف عافيه
كلامك سليم 100% .. وغالبا الواحد على ماتربي وتعلم ..الام لها دور كبير بالحياة وبتعليم اطفالها .. فرضا لو امك الله يرحمها ماكان عندها هالنوع من الثقافة او التعليم بتتوقعين بتصيرين مثل ماانتي علية اليوم؟؟ او وصلتي للي انتي علية اليوم؟؟………… انا من جد اعاني من امي انا الكبيرة والبكر وعمري 28 سنة ماكنت اعرف شي ابدبالحياة ومثل ماقلتي ماعرفت الدورة الا لما جتني ابد مافكرت تعلمني بحجة امي ماعلمتني عرفت من نفسي وانتي نفس الشيء !!!!!!!!!!!!!!امي مو كبيرة لسي صغيرة بس الاهماااااااااااااااااااال شيء فظيع .. اخواتي الصغار احاول استدرك خطئها واعلمهم يهتمون بنفسهم ياأكلون يتغذون تغذية ع الاقل شبة صحية لهم يمشون وشلون يلبسون ياكلون يجلسون ينظفون ملابسهم … ماقدرت لانهم يشوفون قدوتهم بالحياة اللي هي امي مع احترامي هذي امي الا انها جد مهملة وغير مهتمة لا بننظافة ولا بشكل ولا بليس ولا بصحة دمااااااااااااااااااااااااااار شامل حياتي ياخواتي انتبهوا لنفسكم لنظافتكم لملابسكم الداخلية مايردون على الا بكلمة امي ماقلت لنا !!! ^^ ابكي ولا ابكي ولا اقطع نفسي حتة حتة علشان تفهمون ..تخيلي اختي عمرها تسع سنوات المفروض تكون كلها صحة ونشاط وحيوية وخدودها وردية من العافية لا وجها اصفر شاااحب وكلة قشور وشعرها خفيف باااهت منفوش وجسمها كلة حراشف وجروح ودم تروشي ورطبي جسمك كلي فواكهة تعالي نروح المستوصف اسو ي تحاليل لدمك عينها على امي اروح ؟ لاا ماعليك منها كلام فاضي بنتي وش زينك القمر يغار منك .. استسلمت منهم مااقدر عاى اربع اولاد واربع بنات ببعلمهم بثقفهم بهتم فيهم وللبيت كومة وساخ وقذرة .. خلاص سكرت على نفسي غرفتي ااهم شيء انا عافيتي وصحتي ونظافتي ونظافة المكان اللى انا موجودة فية وروتيني للعناية ….. صحيح ماصحيت ولا انتبهت ان فية شيء اسمة اهتمام وونظافة وكريمات وترطيب الا لما كبرت وجا عمري فوق 22 سنة وماتوفر النت الا بالعمر هذا ومقدر اقول انة المعلومة اللى فية صحيحة ولاا خاطئة 100 % اخذ اللي يناسبني واترك اللي مايناسب .. من جد الام اساس كل شيء وعلى كل ام تخاف وتنتبة لللامانة اللى قي رقبتها مسؤلة عنها ……. 22 سنة وانا عايشة بظلام وجهل وباب مسكر على نفسي بحكم كل شيء لاا مايصير انتي للحين صغيرة اذا كبرتي وزوجتي سوي اللي تبين ^^ عندهم مفهوم ماتكبرين الا اذا تزوجتي حتي لو كان عمرك 10 سنين وتزوجتي فانتي كبيرة لو كان عمرك 20 وماتزوجتي فانتي صغيرة مابعد كبيرتي !!! حتي لو بشتري كريم ارطب يدي وشولة ماحتاجينة بشتري شامبو طبي وشولة عندك صابون السايل ولاا فيري ولا تايد غسلي شعرك فية !! جهلهم دمرنييييييييي ..الحمدلله ربي منعم على نعم كثيرة منهاا لجمال والشعر واشياء كثيرة بس ماتعلمت اهتم فيها وصقلها وابرازها ابد ابد ……. هذا عمري الحين مااعرف كيف ارسم كحل في عيني لانة شيء عيب تحطين كحل ماعرف كريمات الاسساس ولا البودرة لما تتكلمين عنها احس في كوكب ثاني عايشة .. احس بالقهر على نفسي انا بنت مثل اي بنت احب الاهتمام بنفسي بشكلي بمظهري بريحتي لنفسي مو للاحد ثاني .. لما اهتم بنفسوي واسوي روتيني اليومي العادي والبسييط جدا من غسول وكريم مرطب عين ووجة وجسم واشرب موية وامشي او رياضة خفيفة وجسمي نظيف وريحتة حلوة ولبسي مرتب وحلو ونظيف انام وانا راضية عن نفسي وسعييييدة ومبتسمة لها .. شكرا شكراا ارتووس للاشياء اللي تسوينها لنا للمعلومات اللى تقدمينها من غير ماتطلبين منا شيء غيرتي اشياء كثيرة في حياتي ومازلتي كل يوم اتعلم منك واستفيد ربي يجازيك كل خير
تهئ تهئ تهئ وربي شوي وابكي يااارب تشوفي التعليق ﻻني طفشت
على قد ما اهتم على قد اني احبط .. شوفي ما اهتم ميه بالميه زيك بس وربي ما اشوف نتايج مدري ليه ..
المهم ارتوسه مشكلتي الازليه شعر الابط والمنطقه اياهم .. مااا عندي اي امكانيه لليزر حاليا لكن مستقبل افكر .. الهرجه اني ابغا اشيل اللحين واتعود اني اخلي كل شء اوكي لين الزواج ولين ما اسوي ليزر ويفتح الله علي ..
سؤالي لك كيف تهتمي بالهمناطق قبل الليزر ممكن التفاصيل ..
ﻻني ابغا اعرف كيف انعمها بطريقه تشيل كل شعره ..
جربت الحﻻوه والموس والاله وااااي ع الاله تألم ..
الموس سريع لكن خشن ويطلع على طول غير سواد المنطقة
الاله تألم وغير عمليه ﻻنها متعبه وتقطع الشعر ..
الحﻻوه حبيتها بس ما شالت لي الشعر كله بقي البيبي هير ونتف هنا وهنا
سمعت انها ترهل المنطقه وتقتل النيرف بس ما مقتنعه اﻻ بكﻻمك مو ﻻني ماعندي قرار بس اكيد انتي تعرفي تبحثي صح عن المعلومه ..
وياليت تعلمينا كمان كيف تبحث زيك زي ما تعلمينا كيف نشتري من النت
بليز ارتووووس بليز خلي تدويتك الجايه عن دا الشئ إزالة الشعر وتفتيح المناطق اياهم
دمتي بود وبحب وبسﻻمه
الله يعافيك ع هيك نصايح
موضوع يقيم بخمس نجوم
مفيد وممتع ومشبع بالمعلومات والفوائد
انتي انسانه رائعة وقليله بحقك هالكلمة
استفدت كثير وحبيت طرحك بموضوع تدني مستوى نشر الفائدة بدون مقابل عندنا يالعرب ولجوء الكل للانستقرام اللي فعليا ما جاب فايدة غير الاستثمار ومن جد الحين اذا بغيت ابحث عن شي ماعاد احصل اللي ابغاه بمحرك البحث بقوقل يازين ايام اول كل شي كنا نتثقف فيه من خلال المنتديات والبلوقز وغيرها من المواقع حلوة
أخيرا ..
أشكرك جزيل الشكر والله يسعدك ويوفقك دنيا واخره
متشوقين لتدويناتك
نحبك …
والله حتى انا كان وجهي بلون وجبهتي لون =)) .. صراحة اذا غيرت العطر اغير كل منتجاتي اللي استخدمها حتى معجون الاسنان واكره هذا الشي فيني اوقات يكون فيه شي احسن من شي واغيره عشان العطر بس
كل مقالاتك ومواضيك راااائعه صراحه ارتوس
ماشاء الله عليك مفيش موضوع الا وتكلمتي عنه
وانا صراحه محتاجه جدااااااااا لموضوعك ده
لاني بحتاااار جدا اني اعرف نوع بشرتي وشعري
وايه هي المستحضرات الي تناسبني
انا بشتري من مواقع ف النت او جوزي غالبا بيجبهالي من امريكا
فا مش بعرف انهو ماركه كويسه بالنسبه للبشره ه او الشعر او مكياج
شوفي انا بشرتي جافه في الشتاء وحتي شفايفي
وفي الصيف دهنيه بس بسيط
استعملت منتجات شركه اورجانكس بس حساها زي قلتها معملتش حاجه الص
وشعري كرلي بس جاااااف ومقصف محتاجه حجات تقويه تطريه انا بحبه كرلي جدا
ارتوس ياحبيلك
السلام عليكم… الصدق موضوعك شيق ومفيد … ومعك في الروتين اليومي السهل …اختصار للوقت ونداوم عليه … اشكر جهدك وتعبك واخلاصك ..
لا فض فوك ، الصراحه مجهود تشكرين عليه الله يوفقك و إلى الأمام أشد على يديك
السلام عليكم اختاة ارتوس
اولا : اية ارجوكي كملي روتين العناية بجد بعد الله ثم انتي غيرتي فيني اشياء كثير واشكركك كثير ولله بجد امهاتنا الله يجزاهم بالجنة احياء او اموات يحسون بالاحراج من تعليم بناتهم فالعناية بس اعداك ان شاءالله هالشي ماخليه ف بنات عليتنا زي مااكلتها انا *فيس حزين *
المهم اني لكل ماسويت انجاز اتذكرك الله يسعدك وين ماتروحين
ماتبعتك ف كل مكان *فيس مبتسم من قلب *
اشكرك كثيرااا
في كلمتين : جداًرائع..
اشكرك جزيل الشكر على المجهود الجبار اسلوبك، طريقة عرضك للمحتوى، صورك…، كل شي متكامل ماشاء الله
كلام سليم
بجد بجد بطللللله .. الموضوع روعه ومنطقي جدا
وانتظر افكارك وتسلسل هالسلسله ..
مع اني كنت اتمنى تدخلين التغذيه .. لان نبي نضاره شوي
وكله كوووم والمحتوى للعربي كووووم …
من جد قبل 5 سنين اسوي بحث القى اشياء كثيره
دروس في كل التخصصات .. كان في حماس
فيه دورات ومعلومات مع انتقال العالم لسوشل ميديا 🙁
اصلا ابي معلومه قريتها بااكاونت صار صعب جدا ابحث عنه ..
حسافه والله .. صدق ليت كل الحسابات التثقيفيه والتوعويه
تفرغ حساباتها في مدونات ..
تسلمين لنا ياجميله
راااائعه ومبدعه استمري الله يوفقك
موضوع جميلة ومدونه رائعه استمري .. مثل ماقلتي القوقل ماصار فيه محتوى عربي مثل أول انقرضت المعلومات
ما شاء الله عليكي يا ارتوس
اول مره اتابع بلوجر بالشغف ده
بقي عندي شغف غريب في متابعه مدونتك
اسلوبك حقيقي جميل وسلس وبثق جدا في رأيك
لما قريب التدوينه دي عرفت قد ايه انك مش غريب عليكي حاجه
لانك ما شاء الله ربتك أم عظيمه
ربنا يرحمها ويغفرلها و ويعوضك عنها خير
فعلا يا زين ما ربت حقيقي ونعم البنات اخلاق وذوق وجمال
انا دلوقاي بقيت بحتفظ بالتدوينات او موضوعات شمواه في البوكت
علشان لما احتاجلها الاقيها بسهوله عندي
جزاك الله كل خير وحفظك وجعلك خير خلف لخير سلف
يا حَببتشي ..
وَ الله نَورتيني وَ شرفتيني وَ لفتتني لَهجتك المَصرية ..
حبيتك آآآوي .. لا تَحرمينا هالتَواجد
وآمين الله ..
السلام عليكم ورحمة الله وبركاته ارتوس
انتي انسانه ملهمه ورائعه ماتدرين وش كثر استفدت وتعلمت منك
وكيف مواضيعك تدفعني وتحمسني للتطوير من ذاتي ومن كل الجوانب
الله يسعدك وياجعل يدين ربتك ماتمسها النار وقبرها بارب روضه من رياض الجنه
بما انه صايرة نشطه منتظمه بالتدوين واحنا معك متحمسين اتمنى اشوف تكملة هالسلسة وشكرا جزيلا كثيرا
هذه المدونة اللي ادور عليها من زمان ..
يعطيك الف عافية
تعرفين شعور لما ودك تكتبين للشخص عشان تحفزينه وتعلمينه انه شي نادر؟ هذا شعوري فكل لحظه اكتب لك مع اني نادر القى حكي ينكتب وشينه اني اكتب يسلمو واو مره نايس! وحكي فاضي مجامل لان حران فيك المجامل:(!! حبيبي ارتوس دايم دايم انا ضايعه واحب ااناس اللي زيك اللي توجهنا دائماً خصوصا اني مراهقه ومحتاجه ارشادات! اشوف فيك اختي الكبيره ونص ناسي لان اللي حولنا شحيحين فالمعلومات:( ق١ < قلبت جو منتديات
انا امثل العنايه الاوفرليه اللي مره فالسنه واطفش بسرعه بس كأنها عجبتني فكره ان الاشياء لو كانت قريب منك بتفكرين فيها!
انا للاسف عندي شح فالمنتجات! خصوصا اني كل الاشياء اللي جربتها قبل فاشله وتسبب لي اعراض جانبيه فلذلك تركت كل شي اهم شي عندي حاليا الترطيب والنظافه واشوف انه شي كويس ، اذا تبين الصراحه انا ارشح وبقوه بعد انك تضيفين الاكل الصحي الواحد لازم يعدل اكله بعد والله طفشنا من الاكل الدسم والمشكله اننا نتلذذ فيه:(.
موضوع خفيف وحبيته ومره متحمسه لباقي السلسله وعقباا روتينا الثابت يارب
شكراً ارتوس احبك والله ، الله يسعدك وين ماكنني قلوب من هنا لبيتكم.
الله يحفظك ويسعدك ويجمعك مع من تحبين فالجنه
الله يجزاك الجنة و والديك فعلا استفدت كثير ❤️
مرحبا حبيبتي
نزل الجزي الثاني من العنايه اليوميه او لا ؟
وممكن طلب انا مهتمه بالديكور واحبه كثير فممكن تتكلمين عنه وتصوير دكور غرفتك وطريقه ترتبيك اذا ماتمانعين
مشكوره علي جهودك
متحمسة لمواضيعك الجاية شكرا لك ربي يوفقكك استفدت كثير
ماشاء الله
اعجبتني تدوينتك انا كمان من البنات اللي استثقل الخلطات والخرابيط وروتيني في العناية جدا بسيط ومرتاحة عليه الحمد لله وزي ما قلتي اهم شي الانسان يكون على قناعة تامه بشكله
كلامك الاخير جدا جميل حكى كل اللي في خاطري كنت قبل اسبوعين ابحث عن موضوع معين وللاسف ما لقيت فيه اي اثراء كلها مواضيع قديمة، وقلت لاختي ماعاد فيه ناس تكتب عن اي شي ينفع الكل اتجه للانستقرام
اول مره اعلق على تدويناتك مع ان اني احاول ما افوت مواضيعك
الله يكثر من امثالك ويطرح فيك البركة
كيفك ارتووس .. اول شي انا متابعتك من 2010 .. وانا صنم في شمواه والانستججرام والمدونه ..
بس حبيت اشككرك علی شي .. وانك الفضل فيه بعد الله سبححانه وتعالی ..
لمن كتبتي موضوعك من 4 سنين .. وانتي تقولي لازم تغسلو المواعين ب قلفزات .. وقلتي لا تقولو م نعرف وتطيح الصحون .. حاولو وتدربو .. من نفس اليوم وانا اشتريت قلفزات .. وسرت ادرب عليهاا .. حالياا سرت اقرف امسك الاسفنجه بيدي ..
الحكايه مش هناا .. المهم انو انبسط وافرح لمن اشووف يد غيري مكرووفه ومعججزه من غسيل المواعين .. وانا يدي ما شششاء الله زي قبل زواااجي .. م بقول يدي مثاليه .. لكن مش جافه ومدمره من الفيري .. والله دايما اشكرك عند ماما .. اقولها ارتووس هي السبب في ججمال يدي ..
وسار شي يهمني كل م قابلت وحده احب اقارن يدي بيدهاا ..
شككرا لك ي ارتووس .. هو ممكن يكون شي بسيط وتغير لا يذككر عند البعض .. لكن هو شي عظظيم بالنسبه لياا ..
وعندي فككره ياريت تقوليها في سلسله العنايه بالاقدام .. ممكن تستفيدي منها او ا متابعاتك .. انا م عندي شغاله .. وطبعا اغسل الحمام الله يكرمك بنفسي .. ف عشاان رجولي وكعبها خصيصا لا يسير جاف ومتشقق من المويه والصابون .. طبعا نفس م اليد تتضرر من الفيري .. الرجل كمان تتضرر .. ف اشتريت البوت اللي يلبسو عمال الاطفاء او بوت المططر .. عشان يحمي رجلي .. انا اشتريتو من محل ادوات الاطفااء .. النوع الايطالي افضل شي لكن يعتبر ثقيل نسبيا بس مع التعود يسير عادي .. ممكن تجيب جوده اقل وبيكون وزنو اخخف ..
اعذريني علی الاططاله .. بس حبيت اشككرك .. الله يججزاك الفردووس الاعلی انتي وحبايبك ..
والله والله انو من قلبي ادعيلك جد احب اقراء مدوناتك وكلامك ونصايحك وكل شي تعرفي ليه لان اسلوبك ماشاء الله جميل اولا تانيا مابتجاملي ومعلوماتك بتوصل بسرعه ماشاء الله مانحتاج نقول هاه عيدي كيف مافهمت دي النقطه ياشيخه تستاهلي بوسه على عالراس يخليك يارب ويحميك لما اتبع نصايحك احس اني فخمه
ي جمالك ي ارتوووس
بكل حالاتك مبدعهه
موضوعك جميل وصريح
تعطين اشياء اساسيه
وافكار ملهمه ..
ومممتع جدآ
ابي اطلب طلب اللي هو تكلمي عن فيتامينات الشعر
المغذيه والمكثفه شفت ريفيريو ع اليوتيوب
بس حابه اعرف رايك فيهم❤️
وشكرا ي جميله مقدما
فخوره بك جداً ..
ما شاء الله عليك ارتوس جد ان كتاباتك تحمس للقرأة والتفكير الواحد يقراء كلامك يقعود يحوس مع نفسه وش لازم اسوي وش اغير وش اخلي الله يوفقك يارب فحياتك
اكثر حاجة لفتت نظري انك متربية على الاهتمام اصلا اني ماكانت تعلمني عالمكياج والغسولات تعتبرها مراهقة وكانت تعتقد اني لازم استمتع بطفولتي اكبر قدر ممكن. مع انها كانت تهتم بنفسها وتشتري وكمان لاني بنتها الرحيدة والكبيرة ماكان عندها خبرة يمكن . بس ان شاء الله اربي بنتي على كذا (ذكاء ، جمال ، عقل ، علم ، اتكيت …. الخ) وحسيت زادت مسؤليتي كثير كل ماشفت ميزة في احد احاول ازرعها في نفسي وفي بنتي. دايماً تقدمي واستمري.
الله يسعدك دنيا و أخره
أحب أتابعك دائماً وبشغف لكن عمري ما رديت على مواضيعك
وتضايقت حيل لما قلتِ بتخصصين مواضيع للي يتفاعلون معاك أدري يستاهلون لكن أكثر شيء أقدر أسويه إني أدعي لك بظهر الغيب على المعلومات القيمه اللي تفيدينا فيها
والله يرحم الوالده ويجمعكم فيها بجنات الفردوس الأعلى
شكراااااا ♡♡
شكراااااا كلمه صغيره بحقج اقنعتيني .بكل كلمه قلتيها .
رب يرحم يد ربتك ..
لي كم يوم احوس في مدونتك الي استفدت منها كثير سواء في العنايه او الطبخ او المعلومات بشكل عام ..
حبيت سلسلتك كثير كثير
اول مره اعلق سواء هنا او انستقرام مع اني متابعه لك من زمان بس حبيت اشكرك على عطائك ..
الله يعافيك يا تةةسه كلامك صحيح
وحبيت طريقتك بالرتيب جدا سليمة
و فعلا انا من الناس اللي فقدت المنتديات
لان كل عضو يعطي من قلب عشان يتطور هالحين الانستا و السناب مجرد سواليف بسيطة
الله يعافيك يا حبيبة قلبي
ربي يسدك ويوفقك وين ما كنتي
بسم الله ماشاء الله عليك يا ارتوس
تصدقي وبمحض الصدفه اكتشفت اني اسوي طرق و أشياء ,
عشان أشجع نفسي للعنايه وما اهمل , وكتبتي عنهاهنا 🙂
حسيت اني واو وانبسطت مررة فيها ههههههههههههههههههههه
مثل القفازات او الجونتيات استخدمها للمواعين
(بما اني متزوجه وام ولا عندي خدامه.. ) فالبسها واغسل فيها وتكون يدي مرطبه ومهتمه فيها ولا يروح الكريم مع المويه 🙂
ومثل ترتيب الشامبو والماسك والبلسم وشاور جل, كنت ومازلت احطه جنب الشاور عشان اطوله بسرعه واذا سويت مقشر او خلطه للجسم (نادراً) اخليها بصف الشاور جل عشان اتذكرها واسويها
ونفس الشي مع غسول الفم جنب الفرشة والمعجون عشان ما انسى
واشياء كثيرة زي كذا
ونبهتيني بشأن بنتي (عمرها 3 سنوات الله يحفطها ) هيا تحب تقلدني بكل شي وتعشق المكياج
(لانها تشوفني اهتم فيه واتمكيج ودائما عندي بالتسريحه او بالشنطه .. فصار عندها اهتمام مماثل لنفسها وتبي مثلي)
فجبت لها مرطب للشفايف وكريم جسم ومرايه وحطيتها لها بشنطتها ,
حبتهااا مرررة وسارت تهتم بنفسها وبأغراضها ,,
وانتبهت (من كلامك اللي فوق .. اني لازم اعلمها مبادء النظافه والعنايه اهم من المكياج)
وبالفعل بدأت اعلمها لما تدخل الشاور كيف تتحمم بالصابون وكذا لحالها 🙂
الله يسعدك ويوفقك ويارب يجزاك كل خير عننا
لك بوسات من بيتي من المدينة الى عندك بالرياض ههههههههه
دائماً طرحك للمواضيع مرتب و ممتع ❤️ أحب اقراء مواضيعك سواء هنا او بمنتدى شمواه ❤️ربي يسعدك و يوفقك وين ما كنتي
جزاك الله خير ,, والله يرحم والدتك ووالدتي وموتى المسلمين
من جد كل موضوع استفيد منه أكثر من الثاني.. كلامك في المقدمة كأنك تتكلمين عني صحيح عندي روتين بسيط يومي وعجبني فترات تكثف اهتمامي لدرجة الطفش وما كنت ادري ليه أطلس واترك الاهتمام
ربي يسعدك على الكلمات الحلوة ارتوسة ❤
شكراًعلى طرحك، وفعلاً صادقة العناية منذ الصغر وتعويد الطفل سواء كان بنت أو ولد مهم، ويخفف من مشاكل البشرة اللي ممكن يتعرضون لها دون عناية مثل موضوع الجفاف والتصبغات بسبب الشمس،
ليت تتكلمين عن موضوع توحيد لون البشرة، أنا أعاني من هذه المشكلة، كنت مهملة نفسي فترة .. وتقريباً من الشتاء اللي راح وأنا مهتمة بموضوع ترطيب الجسم والتقشير الأسبوعي ..
تحسنت الحمدلله بس باقي، خاصةً ان لون وجهي غير عن جسمي.. واختي الصغيرة نفس وضعي مع انها ما كملت سنة! يمكن الموضوع وراثة ما ادري هههههههه.. يعني انا جسمي ابيض من وجهي، وهي عكسي ..
بس حسيت وضعي طبيعي بعد ما شفت أشياءك.. أختي تتهاوش معي تقول يا كثر اغراضك! مع ان ما عندي شيء مكرر.. لوشن واحد مقشر واحد كريم ترطيب واحد حتى بالميك آب نفس الشيء ماعدا الأرواج والأكحال طبعاً .. نفسك تقريباً موزعة الأشياء على حسب حاجتي لها
ننتظر جديدك ()
جمال الموضوع كووم واخر فقرة وكلاامك عن المحتوى العربي كوووم ثااني فعلا هو اللي استفزتني أرد بالمدونه ويمكن اول تعليق ،
فعلا كلامك أوول كثير أشياء تعلمتها من النت وكنت جداً استمتع ، بعد ثوره السوشيال ميديا او يمكن لأني ماحبيت التوجه العام لهالتقنيه آكتفيت بيوزرات ميته ، ولما ابحث عن حاجة ولااحصلّها احس باليأس انو ماصرت مهتمه ولاباحثة جيده زي قبل .. لكن فعلا صدقتي المحتوى العربي ضعيف ..
اكييد بيكون لي تواجد هنا كثيررر وبأدي زكاه العلم الي عندي .. الي من قريتها وهي ماراحت عن بالي هالكلمة
الله يسعدك ارتوسه اضعاف ماتتعبين وتكتبين وتحاولين انك تساعدين او تضيفين لغيرك..
والأنثى لايمكن تختزل بجمال وجه او جسم او روح او عقل ..
احب ارتوس 3>
عمري 17 سنة صدق انتي مثال رائع بالنسبة لي واتمنى اصير زيك بكل شيء
تعبجني صراحتك حول كل شيء, واثق في كلامك ثقة عمياء
واو لو كنتي اخت كبيرة لي, تعرف كل شيء وتوجهني وتعلمني..
مشاكلي كثييرة حول البشرة والجسم وحتى التغذية والاسنان والشعر وغيره الحمدلله على كل شيء.
يارب تضلين دايم تدونين لنا وتفيدينا يارب, نحتاج ناس زيك وزي صدقك ياخي.. الله يكثر من امثالك
اذا تقدرين تتواصلين معي من الايميل اكون ممتنة لك 3>
الله يسعدك ويشرح صدرك ويخلي لك احبابك.
ربي يوفقك يالغالية من جد انتي روووعه وملكة جمال حبيت كلامك وحبيتك يا حبيبتي ربي يوفقك بس اريد اعرف كيف اقدر احصل مواظيعك ومدونتك بليز لان بالصدفة شفت الموظوع بليز ساعدوني بنات اريد اعرف كيف اشارك بهذة المدونة
ارتوس انا ما ابي اقول كثير اشياء عنك لأن عندي عدة اراء ويغلبها الايجابية
بس أبي أقول شكرا لأمك الله يرحمها اللي جابتك واعتنت فيك وخلتكك قوية للحد اللي تذكرينها بكل الشجاعة
هذه القوة تنتقل لي حتى لو بطريقة غير مباشرة
إحدى صديقات القلب ما عرفتها الا قليلا انتقلت والدتها لرحمة الله تعالى منذ عام وهي الأخت الكبرى وتدرس دراسة معقدة وتعتني بعائلتها الآن
كنت أخشى عليها جدا بس انتي تع
يني الامان ناحيتها انها بتكبر واخوانها وهي بيكونون بأحسن حال
أنا والله آسف لخسارتكم ايش ما كان نوعها وحدتها ولكن لا بد كان لها أثر ايجابي عليكم وان بالغت في تشويهكم الا انها جعلتكم أجمل
يارب يارب يعطيكم حياة حلوة ويسعد قلبك ويرزقك السعد بطاعته
ما ادري وش اقول بس جد كلامك جميل
ربي يوفقك
و استفدت كثير فعلا
ماشاءالله لاقوة الا بالله ، اغبطك ع وعيك وثقافتك ، واشكرك ع المجهود اللي تبذليه ..
ارتس ماعرفتك الا متاخر لكن استفدت كثير منك وجزاك الله خير الجزاء