أهلين يآ حَبايب ..
كثير مَنكم تَحمس على تَدوينة السي سي كَريم وَ رأيي عَنه
خآصه سَبق وَ قلت الكلآم الآتي ~
عفكرة البي بي كريم عبارة عن شوية أساس مَع شوية تينتد مُوسترايزنق مَع شوية واقي شَمسي وَ الآن طالع الـ CC كريم نفس الـ BB كريم بس زياده مَع خافي عَيوب , مَوجود بشانيل وَ سماش بوكس ما بعد جربته لأن ما نَزل للسَعوديه , وَ لا أتوقع راح أجربه لأن بَنظري هي أسماء تَرويجيه وَ تسويق تَجاري , ما يَحتاج أحد يَشتريه , ما شَفت وجيه البنات غير
جَوآبي ،’
ما زَلت عند رأيي إنه هُو مُنتج تَجميلي تَرويجي
[يعَني كل مره يَخترعون شيء حتى يحركون السَوق وَ لا كل هالتَقنيات بالإمكان يَضعونهآ دُفعه وآحد بأي مُنتج]
دَكتور أوز يقول : دعونا نأمل فقط أن العلامات التجارية لا تَحاول إستنفاذ الأبجدية كلهآ , وَ البعض تَندر بأنه رآح نَوصل لـ الزي زي كريم ZZ Cream وَ أنا ما أسَتبعد شيء ..
حالياً موجود بالأسواق
البي بي كريم , وَ السي سي كريم وَ الدي دي كَريم ( الدي دي ما بَعد وَصل لأسواقنآ ) ..
تَصنيفياً , قالوآ إن فيه فروق بَسيطة بَكل نُوع وَ راح أذكرهآ بإختصار شَديد
وَ لكن فعلياً حسب تجَارب المُختصين بالتَجميل وَ جدوآ إنهم وآحد لكن كل شَركة تَميزت بشيء , يعني مُمكن تشترين بي بي كريم من ديور فيه صَفة مو موجوده بي بي كريم سماش بَوكس وَ هكذآ
بإختصار وَ بالمُجمل ماراح أتَوهكم لأن هو بالفَعل يَتوه
لما جَيت أقرأ بالمَزايا المَزايا تتَشابه .. وَ خلونآ نَشوف
البي بي كريم | BB Cream
يَعني Beauty Blam
مُرطب وَ بريمر
السي سي كريم | CC Cream
يعني تغطية وَ تصحيح = Correct & Cover
بالإضافة لـ أنتي إيج و كريم خفيف الوزن غير سَميك
الدي دي كريم | DD Cream
Disguise & Diminish
Dail Defense , Dynamic Do-all
[ يَعني كُلو بَـ كُولو , وَ بالإضافة يُقال أنه يستخدم للجسم وَ الأقدام وَ أكيد الوَجه , وَ أنتي آيج أكثر دبلات من السي سي كريم .. وَ كله يُقال أنا ما جربته ما بَعد وَصلنآ أساساً ]
مَن خلال تجربتي لـ البي بي كريم إللي ما تَجاوزت محلات التَجميل ( يعني ما شَريته )
لأن ما أقَنعني نهائياً ..
جربت تبع دَيور الإصدارين وَ كلهم لونهم برتقالي أو درجة غريبه , يعني بالمَره ما يَشبه لوني
وَ لو أحطه بوجهي بيكون شكله غَلط غير السُمك إللي شيء طبيعي ماراح يَليق لبشرتي الدُهنيه
أيضاً جربت تبع جيرلان وَ بصراحه لونه حلو وَ حتى قوامه حَلو أحلى واحد بَينهم
بس برضو سَميك , حسيت بالحر وَ هو بوَجهي .. لكن الأفَضل
جربت تبع بوبي براون للأسف ماكان فيه ألوان ما أقدر أحكم على شيء مَهوب على لَوني
بس سَميك أيضاً
هذا إللي لاحظته أغلبهم فيه تَدبيقة وَ سُمك .. بالحر أتوقع بلَزق أنا وَ هم
[ ما حبيتهم .. يمكن جربت برضو ماركتين زيادة وَ نسيتهآ مَدري صايره أنسى المُهم ما أقتنعت بَه ] ..
الزَبدة زي ما قَلت لُكم ماكان على بالي أجرب السي سي كريم الخاص بَشانيل آبداً ولا حتى 1% بالمَيه , لكن ذاك اليَوم كنت عند ستاند شانيل وَ أشتري مناكير وَ باودر وَ هالسَوالف
إلا تَصر البايعة إني أجرب السي سي كريم
وَ بصراحه كُنت مَتعبتهآ هاتي وَ حطي وَ شيلي وَ بنفس الوَقت كُنت مروقه , قلت يالله هاتيه وَ جربيه خلينآ نَشوف .. فعلاً يوم حَطيته حَسيت الدُنيا حُلوه وَ قَميله
[ إنبسطت آآآوي أأأأوي فقلت لهآ عَطيني وآآحد مَنه ] ..
إذاً خلونآ نَتكلم عن السي سي كريم من شانيل وَ رأيي عَنه
CHANEL
CC CREAM COMPLETE CORRECTION SUNSCREEN BROAD SPECTRUM SPF 30
السي سي كريم من شانيل بنسبة حماية 30 SPF
السَعر ~
340 ريال سَعودي
درجات الألوان ،’
للأسف ما مَنه إلا درجتين .. درجه بيج وَ درجه بيج روز
أنا أخذت الدرجه البيج عاد للأمانه ماحاولت أجرب حتى شلون البيج روز على وَجهي
لأن أنا بفترة بَرد وَ حالياً وجهي مَحمر فأبي شيء يَخفف الإحمرار فأكيد رآح أبعد عن الرُوز
وَ بما أن اللون طلع حلو 100% مافكرت أجرب
عَيوبه ،’
إن مافيه إلا دَرجتين ..
درجة البيج أغمَق مني بَشوي وَ مصفره بَس برضو حُلوه
يَمكن البيج روز بيكون حُلو وَ مُمكن يكون لونه صَناعي ما جربت
مَزايآه ،’
• وجود حَمض الهيالورنيك أسيد وَ هو المسؤول عَن الترطيب
• يضيق المسام بَفعل مادة dimethicone وَ إللي بَدورهآ تخفي العيوب وَ التجاعيد
• نفس المنتج مستخلص من وردة الذره فبتالي يَخفف الحَساسية
• خفيف الوزن وَ غير دُهني يعني ما تَحسين إن فيك طَبقة سَميكة نهائياً
• به عامل وَقاية من الشمس 30 بالمَيه هالشيء يُعتبر جيد جداً
• يعطيك طله نضره وَ مُشرقه
• يخفي الإحمرار وَ البقع الداكنة
• يُعتبر مُنتج عنايه + مكياج إثنين في وآآآحد
إنَطباعي عَنه ~
بَصراحه أنا هالفَتره مَوقفه كل أساليبي بالعناية بَسبب الليزر
وَ مع ذلك مُجرد ما حَطيته صَديقاتي منبهرين فَيني , وَ حتى أنا حَبيته كل شَوي مَلزقه خَشتي بالمَرايآ وَ أطآلع .. لأنه يَبين طبيعي جداً جداً ..
خَليته خياري بالطلعات الصَباحيه , حلاته ما يَبين أساس لآ يَبين كأنك حَلوه ربآني ..
[ترى بناء على طبيعة بشرتي وَ لونهآ فجربوه مَب تقولون خلاص أرتوس مَدحته يَعني زَين جربوه ]
برَضو طلعت العصريه وَ رجعت البيت عالساعه 11 المَساء وَ هو كل ماله يَحلو أكثر
لا بَقع أو دَهن , أنا بشرتي دُهنيه وَ مع ذلك صآآآمدون
تَقييمي له ~
9 وَ نص من عشرة
مانقصته بخصوص اللون لأنه لونه أعجبني على نَفسي , بَس نقصته عَشان السَعر ما يُعتبر رخيص
رائحه مَثل أغلب مُنتجات شَانيل رَووووووعه
زُبدة الكلآآآآم عَشقته
تَجآربي مَعه ,،
جربته لوحده مَع ماسكارا وَ طلع وَجهي فرش جداً جداً جداً
وَمَع بلاشر كريمي ماتلاحظون أخذ بيج , لأن ما أحب أستغنى عن البلاشر
لأن البلاشر يَعطيك مظهر طفولي وَ فريش
وَ جربته مَع كونسيلر وَ كمباكت فاونديشن بآودر وَ كان بيرفكت بيرفكت بيرفكت
فُوق الخيآل وَ برضو مع بلاشر من توم فورد باودر أعطاني طلة حَلوه بسهوله بَلمح البَصر
وَ جربت قبله مُهيء للبشرة قبل الماكياج بريمر مَع نفس الخطوات إللي فَوق وَ طلع يَجنننننن
يَعني بأختصار كيفمآ كان كل مَره يَعطي طَله رَوعه , وَ يَضوي
تَشع البشرة نضاره مَع أنه ما يَغطي زَين مَع ذلك تحسين وَجهك كثيرررر مبيض مَصحصح
كأنك تعبتي وَ أعتنيتي بَوجهك زَين وَ أكلتي زَين ولا سَهرتي وَ نايمه وَ مآخذه فايتمين , وَ مسويه سنفره لأن حتى الوَجه ما فيه مَسامه وَحده .. فنتاستيك .. أرشحه للبنات إللي من 25 سنه وَ طالع
هذآ رأيي عَنه , أشَوف وَجوده بحياتي مُهم
هذا إللي ما كَانت بَشتريه عأساس
الزَبده أشَوفه مَثالي لستايل نو ميك آب ميك آب
بَحال لونه كآن مُناسب للَون بشرتك
صَحيح مو شرط تآخذين من شانيل , لأن صعبه الأستمرارية لإنسانه دَخلهآ مَحدود لمُنتج بهالسَعر , فيه كثير ماركات تأمن نفس الطَلب بأسعار مُمتازه , أهم شيء تَدورون دائماً المواد إللي تخدم طَلبكم وَ أنا كتبت لكم وَش المواد إللي تأمن تَضيق المسام وَ تأمن أيضاً تقليل الحساسية … إلخ
وَ بس خلصنآ
دُمتم بَحب
مُلاحظة / هذه التَدوينه تَم نشرهآ سابقاً بتاريخ 13-02-2014
حبيته من كلامك ولما جربته حبيته اكثر برضو عندك البي بي كريم من استي لودر
شكراً لكِ ي توسه
شَكراً لإضافتك يالغاليه
وَ مايمنع أطل على أستي لودر وَ أشوف
يسلموووو كثيررر
موضوع رائع كالعاده ياارتوس يعطيك العافيه الله يجزاااك الجنه
ياليت بعد تتكلمي عن افضل كونسيلر >> بدأت الطلبات
دمتي بحب
بالعَكس طلباتكم هي مَصدر إلهامي ..
أبشري بَعزك ماطلبتي شيء ..
واااااايد تحمست اجربه شكراً بحجم السماء يالغاليه ع هالكم الكبير من المعلومات أحبج
العفو عَيني , يستاهلون مُتابعيني ..
لكن جربيه .. لأن كثير جربوه وَ حبوا القوام لكن ما عجبهم اللون ..
انا استخدمت اللون الي على روز ماجربت البيج لحالة اااه بس عشششقتة كل ماحطيتة يسالوني عنه مرا ناسبني حاولت القى بديل ارخص صراحة احترت مالقيت شي بيرفكت بالنسبة لي كثر شانيل وان شاء الله برجع اشترية
استمتع وانا اتصفح المدونة ارتوس تسلم ديييياتك ي رب
حمستيني أجربه بصراحه ..
يعطيك العافيه عالتدوينة الجميلة
جدا تهمني وتعجبني تدويناتك خصوصا بالميك اب ..
برأيك ايش افضل بي بي كريم او سي سي كريم جربتيه من الهاي اند !!
يهمني رايك :$
ماجربت شانيل بس جربت تارت وحبيت مررره انا مو راعيه مكياج فااعتبره فل كفر بالنسبه لي ودرجاته واجد ويخلي البشره تتنفس. بس الحين بجرب شانيل حسيته اخف يمكن اعتمده للدوام اذا صار خفيف قوامه لانه مااحب شي يحسسني طبقه احس قلبي ينكتم .
سوري تارت مو سي سي لا بي بي اتوقع البي بي اثقل .
مرة متحمسة له من أول ما كتبت عنه.. لازم اجربه بنفقع لو مت جربته هههه شكرا شكرا شكرا
شريت هالمنتج اول مرة طرحتيه في شمواه تقريبا قبل سنة او اقل جدا جدا رائع ورهيب واعتبره من اهم المنتجات عندي حييييل عجبني لاسباب كثيرة منها سهولة استخدامه وتغطيته للعيوب البسيطة والشحوب بيرفكت مثل ماقلتي يخلي البشرة مصححة وكانها معتناه وصحية يناسب الصبح اول مرة طرحتيه كنت مرررة متحمسه اشتريه حسيته راح يناسبني انا خصوصا اني اميل حق نو ميك اب لوك بحكم مثل مانتي عارفه بعض المجتمعات عندنا تنتقد البنت تحط المكياج قبل الزواج وللاسف مجتمعي منها المهم م هذا موضوعنا اتذكر يوم رحت اشتريه خذت امي معي لانها تعرف الاندرتون حق بشرتي افضل مني عاد هي ماكانت راضية اشتريه لبعض الاسباب الزبدة شريته وماندمت وكانت تجربة جدا ناجحة
طريقتي في وضع ومد السي سي كريم الا احطه باصابعي وكمية صغيرة تكفي مثل ماقلتي وخفيف جدا ع البشرة مرات احطه بدون بودرة وابدا مايبان اني حاطه شيئ خصوصا اذا طب علينا ضيوف ع السريع وبشرتي مختلطة حساسة وابدا ماتحسست منه واحلى شيئ انه لونه جدا مناسب بشرتي وصراحة من عقب استخدامي له فعلا كرهت الاساس وحبيت سي سي كريم
المنتج رائع بس كل ماكنت مهتمه في بشرتي اكثر يطلع احلى اكثر مثلا اليوم حطيته وبشرتي ماكانت جافة كالعادة وطلع بيرفكت وصديقتي تسالني عن مكياجي عاجبها كان
وعلى فكرة هالمنتج خيار جدا ممتاز للي تخجل او عيب عندهم انها تحط الميك اب لانه مرررة يحلي البشرة ولايبان انك مكثرة مكياج واشوفه اقتصادي وكمية قليلة تكفي للتغطية الوجه وناويه اكرر شراءه واستخدمه مع بودرة شانيل او ديور الي طرحتها ارتوس
جاري التجربة بناء على رأيك وشكرا
انا اشتريته بناء على مدحك واعجبني مرررره
تدرين اني اتابع كثير بس ماأثق الا فيك عودتيني على المصداقية
الف شكر لك الله يسعدك
يَمكن بَشرتنا زَي بعض عَشان كذا دايم النتائج تَكون ناجحة
وَ فرحت إني قَدرت أساعدك بإختيار مُنتج ..
فَديت قَلبك
يعطيك الف الف عافية
حبيت أسألك هل السي سي يغني عن ماء الذهب والبيس من ماركة جيرلان
صح غالي بس يستاهل وقعد معايا فتره طويله مع اني استخدمو كل يوم للجامعه بس عيبه درجاته كان يطلعني كاني تعبانه ماحب اخذ الا اغمق من بشرتي بدرجة عشان يطلعني طبيعيه زياده
بس الحلو حاليا نزلو سته درجات مرا انبسطت وحسيته حلو للبشره الدهنيه يدها نوع من الجفاف ❤️
منزمان شفتك تمدحينه وطيران شريت منه اثنين وتوهقت فعلا درجه اللون مشكله ماينفع الا للبيض
وحسيته ينشف وسعره مبالغ فيه بعد لكن بشكل عام هو حلو وفريش بس ما ناسبني
*ماني سمرا ولا بيضا عشان كذا اتوقع هو مناسب للبيض البيض فقط
قرأت لكِ مواضيع كتيره
وعجبتني جدا ..
قليل اوي اني اتابع مدونات ، نادراً
بس انتِ شخصية بحترم رأيها جداً
واكيد هجربه
ان شاء الله =)
تسلمي ..
انا مجربه اللي على روز يجنن ، والحين نزل منه درجات جديده ٣٠و ٤٠، وزادت درجه الحمايه لد50 بالمية
اشكرك ع كل شي تقدمينه لنا ?
انا راح اكتب تجربتي بكل صدق و ممكن اكون متحمسه شوي / لا تلوموني ?
انا بشرتي دهنية
اشتريت cc شانيل بناء ع تجربتك و كلامك
سار لي سنه استخدمه
ايش اقول ,حب شباااااب فضيع و انا ماكان فيني ابدا
استخدمت تقشير و قلت راح تتعالج الحبوب عادي
المصيبه الأكبر طلع بوجهي مساااااااااااام
و انا بشرتي من قبل مافيها مسام غير الانف
و كل مرا اتأكد انو الcc هو السبب
بالنهايه كل وحده بشرتها تختلف عن الثانيه / لكن مااتمنى يسير معاكم مثلي
ارتوسه ينفع استخدام يومي ؟
انا ماناسبني ابداا طلعت رماديه مع ان بشرتي وسط ينفع لوحده بيضاء وكل من شافني قالوا تعبانه ?
السلام عليكم
?أستاذة أرتوس ?شكرًا كثيييييير على معلوماتك الحلوة ☺️
ياليت تخبرينا عن كريم بنفس النتايج لأن سي سي كريم من شانيل غالي شوية ?
و عندي جَمْعة لصحباتي من ٤ سنوات ما شفتهم وأحاول اطلع بمظهر حلو? بذات انهم كلهم تغيرو اخر مره شفتهم فيها? وانا ما تغيرت وأحيانا ما أحب اشوف و لا اقعد على مرايا كثير . يعني ما تحسنت بشرتي مع اهتمامي الدايم لها ? وما عندي خبرة كلياً عن الميك أب ( أصلا ما احبه بالمره ??)
و جزاكِ ربي خيراً
السيسي كريم ع كلامك وكلام جميع المك اب ارتست وتجربتي يصحح عيوب البشره انا من استخدمته ارتحت له وحتى بشتري صارت احسن بكثير وفيني مسام خفت كثير سعره غالي بس يستاهل لانه مكياج بس الوقت مفيد للبشره كثير انا اشتريه من اكثر من سنه وزياده اكثر من رائع استغنيت عن كل شي لما جربته ويكفي هو لحاله واللي تبي تثبت اللوز باودر حق شانيل مره روعه وريحته تجنن لاسلمتي ع احد حتى وجهك معطر ولايمكن ابد السيسي كريم يسبب حساسيه نادر جدا لان فيه نسبه مضاد للحساسيه فالي جتها حب شباب يمكن باسباب اخرى لان الجميع الجميع استخدمه ماسبب مشاكل بالبشره يمكن مايناسب بشرتك كالون لكن يضر البشره هذا نادر مره
تقبلو مروري