صَباح / مَساء الأنَوثة
وَ أخيراً خلصنآ من الـ 4 الجَلسات المُهمه بالليَزر تقريباً
يعني عَقبهآ تبدأين تَشوفين النتائج وَ التغير المَلحوظ بَكثافة الشَعر ..
بَس قبل تَذكير بَسيط بالفهَرس .. حتى ما تتكرر الأسئلة تَجدونه بأسفل كَل تدوينة ليزر
وَ أرجع أقول مافي أفَضل من إستشارة الطبيبه المَوجوده بالمَركز بخصوص حالتكم وَ ملائمة الليزر لأجسامكم
طبعاً مافي شيء يَستحق الذكر برابع جَلسة رتوش
الشعر يادوب فَيه , تناتيف تناتيف بكل مَكان بالجَسم ..
بالتالي قالت لي مفروض نباعد أكثر بين الجلسات لأن مافي فايده لو نَزين لك جلسه
وَ مافي شَعر طالع يَنضرب عَشان نضربه ..
هالشيء خَوفني , يعني لو ماطلع لك شَعر مافي فايدة من جلسة الليزر
لازم تنتظرين يَطلع حتى لو نَتف لأجل يآخذ كفايته من الجلسات , هالشيء خلاني أقول هل جلساتي السابقه خطأ كأخذ مَواعيد !! ..
قالت لَي : عادي لأنهآ أول الجَلسات بَس آخر الجلسات يَفرق
زُبدة الكلام هُم يخربطون علي وَ لا يَسوقون لشَغلهم هُم وَ ضميرهم
لكن لحد الآن ما عَندي أمَتعاض وَ صحيح ما عَندي مُشكله من إزالة شَعر الوَجه وَ لا البطن وَ لا الظَهر , حتى بجلسات الرتوش مايكون طالع تقريباً ..
[ لكن عَندي إحساس من تجارب الكَثير المُخيبه للأمال إنه راح يَخيب أملي , سَببوآ لي شك من كلآمهم إنه يَرجع أكثر .. بَس إن شاء الله لأ وَ تكون مُشكله تتعلق فقط بلون البشره وَ ماعاد أشوف هالشَعر أبداً وَ أكون أحد الناجحين بإتخاذ هالخَطوة , أنا دائماً عندي إيمان إني أتخذ الخَطوات السَليمه بَحياتي .. خاصه إني مُدركه تَماماً إن مو كل الناس دَقيقين فلذلك مو ماخذه هالكلام بَعين الإعتبآر ] ..
كل شيء مَر بسلاسه بالجلسه كالعآده
لكن هالمَرة مدري وَش جاني كل ماقربت من منطقة الأبط فَطست ضَحك ..
لَدرجه ما قَدرت أسَكت , وَ جلست أضَحك وَ أضحك
حَسيتهآ شَوي وَ تكفخني
أنا ما أحب هالسَلوكيات بَس وَ الله غَصب عَني حسيت بالدَغدغه , وَ خلصت الأبطين لي بَعد طلوع الرُوح من كَثر ما ضَحكت ..
وَ لحد الآن أموري على خَير مآ يُرآم مَوعدي القآدم حيكون بعد شهرين لـ شهر وَنص
حسب إذا طلع شَعر أو ما طَلع , إذا طلع حروح , ماطلع حأخره بالَحد المطلوب
وَبس هذآ مالدي بَخصوص جلسة الرتوشينق لليَزر وَ حنبدأ بالجلسه الخامسه وَ السادسه وبأذن الله حَكون خلصت
يعني تقدرون تقولون ما حَيجي رمضان إلا وَ أنا مَخلصه بأذن الله ..
وَ بمآ إنه الفترة هالمَره طَويله , بدأت من نفسي بأخذ أوميغا 3 عَشان تكون رَوحي عاليه عَطول
وَ برضو حَزين حمام مَغربي بُكره وَقتهآ بيكون زال التَحسس من بشرتي لمَوعد الجلسة القآدم ..
تقدرون تقولون بدأت أتعآمل مع الليزر كأنه جَزء من حيآتي ..
آهم شيء أتجنب المَحضورات ..
فهرس جَلسات الليزر ،’
يومياتي مع الليزر أول جلسه لإزالة شعر الجسم ( أضغطي هُنا )
يومياتي مع الليزر (جلسة الرتوش) بعد أول جلسه لإزالة شعر الجسم ( أضغطي هُنا )
يومياتي مع الليزر ثاني جلسه لإزالة شعر الجسم ( أضغطي هُنا )
يومياتي مع الليزر (جلسة الرتوش) بعد ثاني جلسه لإزالة شعر الجسم ( أضغطي هُنا )
يومياتي مع الليزر ثالث جلسه لإزالة شعر الجسم ( أضغطي هُنا )
يومياتي مع الليزر (جلسة الرتوش) بعد ثالث جلسه لإزالة شعر الجسم ( أضغطي هُنا )
يومياتي مع الليزر رابع جلسه لإزالة شعر الجسم ( أضغطي هُنا )
يومياتي مع الليزر (جلسة الرتوش) بعد رابع جلسه لإزالة شعر الجسم ( أضغطي هُنا )
يومياتي مع الليزر خامس جلسه لإزالة شعر الجسم ( أضغطي هُنا )
يومياتي مع الليزر (جلسة الرتوش) بعد خامس جلسه لإزالة شعر الجسم ( أضغطي هُنا )
يومياتي مع الليزر سادس جلسه لإزالة شعر الجسم .. الجلسة الأخيرة مع إستفسارات مُهمة ( أضغطي هُنا )
دُمتم بَحب وَ أمانه
مُلاحظة / هذه التَدوينه تَم نشرهآ سابقاً بتاريخ 16-02-2014
قوناايدن ياقمر …
ونعيما وعقبال ماتخلصينها على خير تدوينات الليزر …
موفقه ياعسل …
انا رديت في الجلسه اللي قبل والرد جا هنا مدري شلون … بس انا كنت ازين حمام مغربي لمن كنت اسوي ليزر والحمدلله ماصابني شيء وكنت اكل فايتامينات بس مو حقت شعر وتراني ماكملت كمن جلسه ووقفت وحصلت لي ظروف وصعب علي مشوار جده بس راجعه ان شا الله له من جديد
كلامي مدري وشلون قايل امبين علي نعسانه واشيك على مدونتك قبل النوم
حلووو جداا وتجربتك تعطي انطباع عن الليزر وجدواه أو عدم جدواه خاصة انه الك مصداقية عالية يشهد فيها الجميع..
بالنسبة لشعر الابط أحس أنه الليزر يريح منه، وأتذكر شفت حلقة في التلفزيون لطبيب جلدية قال انه الشعر الخشن اللي تحت الابط وفي المناطق الحساسة ممكن بعدة جلسات يزول نهائيا ولا عاد يظهر؛ أما الأماكن الأخرى في الجسم ف كلها ما يزول منها الشعر 100% .
وبانتظار نتايج جلساتك بعد ما تخلصيها كلها…
مشكورة أرتوس ع المجهود وع المواضيع الرائعة والمفيدة كعادتك
الله يوفقك
بالرغم اني مسويه ليزر من قبل بس فعلا استفدت من نصايحك خصوصا بفقرة المحظورات انا سبق وعملت ليزر في السعودية وبريطانيا بس فيه شغلات كثير مانبهوني عليها مثل السنفرة والحمام المغربي وبعض الفيتامينات اشوفه تقصير منهم اللهم بس خلوني اوقع على ورقة اخلي فيها مسووليتهم لو زاد الشعر وكذا والواحد على قولة ارتوس مفروض تبحث وتتاكد بنفسها عن كل شيئ بالنهاية محد بيخاف عليك ويهتم كثر نفسك انتي اقري المحظورات الي تكلمت عنها ارتوس وطبقيها عشان تحصلين على افضل نتيجة ولا تروح فلوسك ووقتك على الفاضي ولا تاخذون بكلام اي احد وتصدقون كل شيئ
وبعطيكم مثال انا وقريبتي نروح نفس عيادة الليزر وانا الحمدلله ملتزمة بمواعيدي واالرتوش بس هي لا مهملة شوي الزبدة انها كل شوي تذم العيادة وانهم سيئين في هالحالة كيف اصدق كلام وحدة كذا ؟؟؟ تهمل مواعيدها وتخسر فلوسها وتحط اللوم على العيادة هالنوعيات واجد ترا فالوحدة ماتاخذ بكلام اي احد
مرحبا آرتوس ..
وشكراً على مشاركتنا تجاربك ..
أستفساري عن الأوميغا 3 .. أيش موقعه في هذي التجربه؟
ارتوس انتي ايقونة فالاهتمام والجمال ماشاءالله الله يحفظك يارب واستفدت منك قد ايش اقولك في كللللللللل شييي طلعتيني ست بيت ع اصول والحين انا عندي مشاكل جلديه وشعر بليز ابي اسم العياده تبعك بما اني اثق فيك كثير ولا ابي اغامر خصوصا اني من كلامك حسيت اني عيادتك فاهمين وماهمهم استغلال او غيره بليييييز سوس عطيني عنوانه
كنت انتظر نتايج جلساتك واتابعها بدقة واقراها اكثر من مرة
فكرة الليزر كانت ببالي قبل ٧ سنوات بس بحكم ان مدينتنا ماكان فيها مركز مشهور خفت
قبل ثلاث اسابيع افتتحت الجلسة بوجهي فقط كنت مستعجلة وراي سفرة
وجسمي باقي
والسبب الرئيسي لليزر مو كثرة شعر ولا كسل بازالته
عندي مشكلة بريحة العرق ماخليت شي ما استخدمته وسويت تحاليل وكلش سليم وتوكلت على الله ودفعت قيمة البكج
وان شاء الله ارتاح من هالمشكلة
بديتي بوجهك <<>ع انه وجهي شعر كثيف
السلام عليكم ، عندي استفسار ..
انا افكر اسوي ليزر لوجهي بس متخوفه من فكرة الشفره (الموس) ؟
ثانيا .. خايفه يكون منطقة الدقن والشارب اغمق درجه م لون البشره (يعني اكون فيس رجال بجسد امراءه ) ؟!
اخر سؤال .. هل يرجع اكثر من قبل واكون لحيتي تنافس لحية الشيخ العريفي؟
الليززززر جنااااان راحه ونظافه ون
ملمس نااااعم انا مخلصه الست جلسات بعدها لازم تسوين كل ٦ شهور جلسه بحيث مايطلع الشعر اقل شي خلال ست شهور او اكثر والوحده بدت تلاحظ ان الشعر ابتدا يطلع تعيد تسوي جلسه وحده بس وهكذا والحمدلله راحه جداا خصوصا للي مثلي شعر السيقان ثقيله والي ينبت شعر تحت الجلد بيرتاحوون
راااحة راااحة كل ماناظرت جسمي دعيت للي اخترعه