صَباح / مَساء الخير
رآح تَملون لمآ تقرون دائماً جلسة الليزر الأولى , الثانية , الثالثه .. إلخ
بَس صَدقوني مآ بكتبهآ إلا لأن مَره عن مره أكَتشف شيء جَديد , لا تَنسون أنا جالسه أجرب هالتَقنيه على نَفسي , وَ لا أنزهها أو أني أقولكم كلكم روحوآ سَوا ليزر
إنمآ أييدكم تتطلعون أكثر بالأنترنت وَ تقرون دائماً بحرص وَ تاخذون إستشارة طبيبتكم
من ثُم تبدأون بجلسات الليزر طآلما هَي مُنآسبه لَكم ..
الرتَوش ،’
ما أكذب عليكم لو أقولكم أني مَليت
[ الصَدق مَليت وَ بقوه بَعد ]
لأن أنا وَحده أسمع الكلآم وَ أتجنب أي مَحظور حتى لو رآح يضرني بنَسبة 1 % أكنسله
وَ أني أرتبط بمواعيد وَ أجلس ساعتين أو ساعه مُمله بالنَسبه لي , لكن مآ يَمنع إن الموضوع مُريح ..
جلسة الرتَوش مَفروض تَكون نص ساعه فَقط
هالمَره ساعه كآمله إلا 5 دقايق تقريباً ,, الصَراحه كآنوا يسولفون
مُشكله أنا وَ سواليفي ..
دآيم أقولهم : هل فيه نآس أحترقوآ من الليزر بعيادتكم ؟!
آبي أشَوف هل تتَغير أقوآلهم حَسب المَزاج أو لأ , صَرت زي الشياب البثرين إللي يَكررون الكلآم
كان الجواب نَعم
طَيب ليش أحترقوآ ؟!
يقولون هالمَريض كذآب مُمكن واصف الحاله غَلط أو عنده مُشكله
أو لمآ يقولون له يحرقك يقول لأ ظناً منه كل مازادت الحرآره هُو راح يَستفيد .. إلخ
عاد للأمانه البنات ذبحوني سواء بالآنستجرآم أو تويتر
ليش تقولين فيتآمين د ممنوع , أحنا دكاترتنا ما قالوآ لنا مَمنوع !! ..
طيب وَش أسوي لكم آطقطق على رآس كل دكتور لكم أو أخصائيه أقولهآ قَولي لُهم مَمنوع
الزَبده رَجعت وَ سألتهم : ليه مَمنوع ؟!
قالوآ مو زين مُمكن يَسمر وَ مُمكن أثناء الضرب بالليزر يسبب ألم مُضاعف
خلاص !! إذا عُرف السبب بُطل العَجب ..
أنا مُمتنعه عن أي شيء لا فيتآمين وَ لا كريمات مُعطره وَ لا مايَحزنون
حَدي عطري الخآص وَ أنتهينا .. وَ المُرطب مُرطباتي العآديه الخاليه من الكَحول وَ الهباب المَهبب
الآن بعد هالـ 3 جلسات وَ رتوشهآ رآح تكون الجلسآت مُتباعده أكثر
غالباً بعد جلسة الرتوش بَشهر أروح , هالمَره قالت لي : شهر وَنص وَ أكدوها
سواء الأخصائيه وَ قسم المَواعيد أكدوآ أنه شَهر وَنص
قلت ليه : قالت لأن الشَعر صار ضَعيف ماصار يَطلع
فَيفضل ننتظر فتره أطول من قبل لين يَطلع شَوي وَ ينضرب
عآد أنا سَويت مثل ماقالوا لَي
لأن مَثل ماتعرفون أو إللي يقرأ جَلساتي بيعرف أنه فَي أماكن ماكان طالع لهآ أبداً
وَ كنت أروح أزَين الجَلسه بَشكل رَوتيني .. فعآد سألتهم قلت : يعني كأني ما أستَفدت ؟!
قالوآ لا مُستفيده لأن هُم كانوآ عارفين إن هالمَكان ماطلع له فيضربونه بتكنيك مُعين ..
وَ المكان إللي طَلع هُو إللي يَضربونه
[ عآد ما يَندرى صَدقهم من كذبهم .. نَخلص وَ نشوف نهايتهآ ]
حتى قالت لي مَو شرط الرتوش كل أسبوعين ,, مُمكن كُل 3 أسابيع إذا شَفتي إن نَموه بَطيء
الصَدق لمآ شفت إن جلسات الليزر تبدأ تتباعد الجَلسات
شَلت هَم متى رآح أخلصها ,, حالياً خلصت 3 جلسات برتوشها
وَ على كلآمهم أنه يبيلي فَقط 3 جلسات غير اللي خَلصتهم وَ الله أعلم
لكن أكيد بستمر أزين جلسات الظهر وَ البطن لأن مابديت بهآ إلا بثالث جلسه تعتبر كأنهآ الجَلسه الأولى للظهر وَ البطن
وَ الحمدلله إن الجلسة القآدمه باقي لهآ مايُقارب الشَهر , فَأقدر أخذ رآحتي سَواء أسنفر جَسمي عالخفيف بهالفتره البسيطه , أو أسافر مَنب مرتبطه بَهم , أو أسوي تنظيف لبشرتي أقوى من المُعتاد , الزَبده مَبسوطه على هالفتره الأطول
وَش صآر بجلسة الرتوش ~
البَطن / مرور سَريع كان فيه شَوية شعيرآت
الظهر / زينت فقط بمنتصف الظهر قآلت فيه شَعر وَ البآقي مآفي
الإبط / كان فيه بوسط الأبط كَم شعره صَغيرونه
الصَدق أحبطتني هالشعيرات اللي طَلعت , لكن قآلوآ لي عآدي طبيعي ماخلصتي ليزر أصلاً
منطقة البكيني / يآفرحتي بهآ يَوم عن يَوم أحس كأني نَونو
اليدين وَ منطقة الزنود / مرت سريع وَ يآدوب طَلع
الساق وَ الفخذ / نفس الشيء سريع سريع مآفيه هالشَعر
الشنب وَ الذقن / مرور رَوتيني مآبه شيء
قبل كَم يوم كَنت بزوآج , وَ الله من يَوم يومي نَظيفه وَ أهتم بإزالة شَعري
لكن بَكذب لو أقولكم إن الليزر مآكان حَلو مَعي ,, ههههههههههههههههه كُنت ألق لقاً يا جَماعة الخَير , بالرَغم لا حَمام مَغربي وَ لا كريمات تَندهن وَ الليزر يجفف وَ يسمر البشرة شيء طَفيف , وَ مع ذلك وَ لله الحَمد نتائجه علي مُشرفه , حبيت الليزر
بَس بحبه أكثر لو هالشَعر شَبه أنقرض , أما لو رجع وَ بنفس مُستواه الآن
بَكتشف إنه مُجرد خَسارة فَلوس , وَ تضييع للوَقت وَ لو خلصت جلسآتي وَ كانت هذي النَتيجه
ترى رآح أذكر هالتَجربه حتى لو كآنت سيئه , ماحداً دافع لي شيء عشان آرقع له
فهرس جَلسات الليزر ،’
يومياتي مع الليزر أول جلسه لإزالة شعر الجسم ( أضغطي هُنا )
يومياتي مع الليزر (جلسة الرتوش) بعد أول جلسه لإزالة شعر الجسم ( أضغطي هُنا )
يومياتي مع الليزر ثاني جلسه لإزالة شعر الجسم ( أضغطي هُنا )
يومياتي مع الليزر (جلسة الرتوش) بعد ثاني جلسه لإزالة شعر الجسم ( أضغطي هُنا )
يومياتي مع الليزر ثالث جلسه لإزالة شعر الجسم ( أضغطي هُنا )
يومياتي مع الليزر (جلسة الرتوش) بعد ثالث جلسه لإزالة شعر الجسم ( أضغطي هُنا )
يومياتي مع الليزر رابع جلسه لإزالة شعر الجسم ( أضغطي هُنا )
يومياتي مع الليزر (جلسة الرتوش) بعد رابع جلسه لإزالة شعر الجسم ( أضغطي هُنا )
يومياتي مع الليزر خامس جلسه لإزالة شعر الجسم ( أضغطي هُنا )
يومياتي مع الليزر (جلسة الرتوش) بعد خامس جلسه لإزالة شعر الجسم ( أضغطي هُنا )
يومياتي مع الليزر سادس جلسه لإزالة شعر الجسم .. الجلسة الأخيرة مع إستفسارات مُهمة ( أضغطي هُنا )
دُمتم بَحب وَ أمانه
مُلاحظة / هذه التَدوينه تَم نشرهآ سابقاً بتاريخ 18-12-2013
ههههه لا يا أختتتتي وش مليناا أكثر شي انتظره بوستات الليزر كأني انا الي مسوية
ان شاء الله نتايجه تصيب واسويه مستقبلا يارررررررررررب
بالبركه مُقدماً بإذن الله أخر جلسة ليزر راح أطرحها بشهر يناير , يعني ماحبقي شيء لشهر فبراير ..
أنا خلصتها من زَمان لكن أنتظر المُلاحظات النهائيه حتى يَكون حُكمي مَنطقي ١٠٠٪
٣ جلسات بس ومليتي!
الحمدلله على كل حال
لي مايقارب الاربع سنوات كل شهرين جلسة
الشعرة صح صارت خفيفة بس كثيرة في أغلب مناطق اليد
حللت وقالوا كل شي سليم!
ما أدري وش الحل صراحة
صعب أوقف جلسات وأنا أشوف نتائج بطيئة بعد فترة طويلة انتظار ومشاوير وخساير فلوس
وصعب أستمر إلى فترة الله أعلم بها
الحمدلله
طالما ٤ سنوات وَ مستمره عليه مَعناه فيه خلل إما بخطة العلاج أو فيه إن بالمَوضوع
أو كل هالسنوات كل مره تغيرين من جهاز لجهاز , أساساً شلون يسمحون لك تستمرين ٤ سَنوات
مو زين لنفس بشرتك راح تجف وَ تسود ..
راجعيهم وَ لا قدمي عليهم دَعوه ..
وش نوع الأجهزة اللي تشيلين فيها لان كل بشرة وشعر لها جهاز يناسبها ولها درجة حرارة معينة تموتها .. الخلل أتوقع هنا ..
طيب كيف طريقتك بشيل الشعر اذا طلع خفيف وجتك مناسبة تشيلينه بالموس او الحلاوة
خلاص الحلاوه إنسيها , أشيل أي شعر يطلع بأداة الحلاقة سيلك أبيل من براون
عُموماً ما طلع لي شَعر بعد ما أنتهيت من الجلسات
عزيزتي انا زاد عندي الشعر وخاصه بالوجه
انتي كيف عملتي الوجه ليزر او تشقير
وياليت تخبريني باسم عيادتك واضح انهم فاهمين
اول شي حابه اقولك أن هذي أول مدونه اتشجع واشترك فيها فقط لأنها لك انت ♡
ثاني شي انت انسانه مؤثره جدا جدا غيرتي نظرتي لأشياء كثير ماكنت مهتمه وماكنت ماخذه بالي منها أساسا ،
وثالث شي انت سويتي خير ببنات العالم الضايعات ينمةً ويسره الله يعطيك كل الخير والعافيه يارب ♡
ترا من زمان ادعي وأمتن لك يا كومة الجمال المتنقله انتِ ♡
الله يسعدك ننتظر منك.النتيجه الاخيره لانو انا محتاره اسوي او لا خايفه وياترا لما يخف الشعر ويروح خلاص يروح للابد والا يطلع بعد سنين ياليت توضحين لي وكم الميزانيه اللي اعملها بحسابي ؟
مرحبا ترتوي أتشرف أني أشارك معاكي بخبرتي بليزر الي بديت فيها من عشر سنين
مرحبا ترتوي أتشرف أني أشارك معاكي بخبرتي بليزر الي بديت فيها من عشر سنين
اخس عليك وش هالكريمات اللي تندهن و تخليني الق لق و ماتعلمينا عليها pP: لا استهبل .. بس بنتظرك تقولين في المستقبل المجهول =))
جمممممالككككك وربي مستفيده من تدوينتك ب شككل واتابعها با استمرار واقول لصديقاتي بعد يتابعونك لان كل شي ينقال هنا ب امانه الزبده بغيت اطلب ثلاث شغلات
حَلاتك أنتِ وَ صديقاتك .. وَ طلبك ما وَصلني ..
أوما الليزر انا أتكلم عن تجربه لي مررررررا نفع معي خصوصاً منطقة البكيني كانت معقدتني الحين يالله من فضلك اتوضا وتجي الدورة والمنطقة نظيفة ويارب لك الحمد بس انا مو مثل ارتوست طولت اسوي في البداية جلسات تقريباً كل مرا جلسة ورتوشها ٦ شهور متتالية بعدين كملت ع فترات متباعده لا الشعر أصلاً صار خفييييييف وناااااعم اذا طلع ولا يطلع في كل المنطقة مناطق بسيطة وحمدلله استمريت لين وقف ولي سنتين كني بيبي بس نصيحة اللي بتسويه لازم تكون مقتدرة مادياً تكون موظفة او لها دخل شهري لانه ياخذ مقتطع في البداية كل شهر لازم تكونين محدده ومضبطة ميزانيتك عشان تستمرين لين ما يوقف .. وشكرا
شاكرة لك إضافتك وَ أكيد كثير راح يَستفيدون من تجربتك
وَ الله يَديم عليك هالنتائج الحلوه وَ يحفظك من كل شَر , ماشاء الله
يازين الليزر يهبل ودي اخذ الجهاز بكبره واخليه بغرفتي
نتايجه روعه للجسم كامل تلقين سويت قبل زواجي لكن واسفاه على تعبي وقريشاتي حملت من هنا ورجع الشعر مثل اول جد تحطمت
بس كلي امل بعد الولاده تروح هالغابات والاشواك
لأن ما خَلصتي جلساتك وَ الله يتمم عليك حَملك وَ تقومين بالسلامه
وَ تحصلين على أفضل نتيجه تتمنينهآ , نورتيني
مرحبا ارتوس.
تابعت جلساتك بس الي استغربت منه هو المدة بين جلستك الاولى و هذي .. فترة طويلة؟
الشي الي مخوفني هو انو دايم اسمع الناس يقولو ان الليزر مضر !!. مع ان اشوفه حل جدا مناسب / ف ايش رايك ؟
وبالنسبه لكلامك عن الشعر والزواج وكيف انو كل واحد إلو رغباته الخاصه .. يعني لو وحده رغبت تضل بالشعر وهي متزوجه هالشي عادي ؟ بصراحه اشوف الشعر بيدفي غير عن لما يكون بدون ^ـــــــــ^
شكرا لك افدتينا ……………………………
طبعاً كل جلسة يتم تحديدها حسب ظهور الشعر , يعني لو حددتي على كيفك لكل جلسه شعر وَ رحتي تضربين وَ مافيك شعر كأنك تدفعين فلوس عالفاضي
وَ إن شاء الله لما أكتب لكم الجلسه السادسة وَ الأخيره أوضح لكم أي تفصيل وَ النتيجه النهائيه
بالنسبة للضرر وَضحي لي من أي ناحية ؟! لحد الآن مافي ضرر
لكن فيه ناس إحترقوا من الليزر لكن مو بسبب الجهاز بسبب أخطاء طبيه ..
بخصوص الشعر هالشيء تَحددينه مَع شريكك وَ إذا مايهمك شريكك وَ إنتِ مرتاحه مَعه شيء راجع لك .. يعني قرار شَخصي
محداً له علاقه به , أهم شيء ما يتجاوز حدود النظافة من رأيي , وَ بالنهايه كل شَخص حر إن شاء الله يَسويه جديله , هالأمور الخاصه جداً جداً
كثير منا غير مُطلع على عجائب البشر بهآ , لكن فيه شيء أسلم للصحه وَ البدن
ياجميلة عندي كذا سؤال اذا ممكن ..
1/ الحمام المغربي ينفع اسويه بعد الليزر ب10 ايام ؟ او أكثر ؟ او ماسويها طول الفترة؟
2/ كمان السنفرة الاسبوعية ( خفيفة شوي ) ينفع اسويها بعده بكم ؟
3/ والفرشاة حق بودي شوب ينفع استتخدمتها ؟
واخر شي الفرشاة كتبتي عنها موضوع مره انتي قلتي تستخدم يوميا ؟؟؟؟
وشكرا مقدما <3
اللله يوفقك ويسعدك
يوماً ما اذا سمحت لي الفرصه اسوي ليزر راح ارجع اقرا كل الجلسات بدقه اكثر
الله يوفقك ويسعدك
مرحبا ممكن سءال؟. بلنسبه لاول جلسات الليزر للوجه لما يطلع الشعر ممنوع اشيله وكيف وح يكون كتير ولا شوي ؟
انا اسوي ليزر بس بدون رتوش لاني من منطبقه بعيده والجلسات متباعده راح يكون فيه نتيجه او لا
الأجهزة الحديثة أغلبها لا تحتاج إلى رتوش ..