صَباح / مساء الحُب
العَادة !!
أؤمن إن فيه كثير أمور نمارسها بحياتنا بحُكم العَادة فقط ، مو لأنا نحبها وَ لا لأنها الأفضل ، إنما تعودنا عليها فقط
مِثل الفيمتو برمضان ، شكل الشَركة المُصنعة ماتعرف وِش سبب شعبيتها برمضان !! حتى أنا ما أعرف ليه الفيمتو بالذات ؟
بس على الأغلب ماركة فيمتو هي الماركة الوحيدة عندنا إللي تقدم شراب سهل الإستخدام وَ مُناسب بعد فترة عطش طويلة وَ يمكن ساهم شُح الإعلانات بذيك الفترة بطبعها بذاكرة أجيال هذيك الحُقبة إللي نَقلوها بالتالي لنا احنا بحكم العادات
وَ هالشيء أشوفه حتى بالمُنتجات التَجميلية إللي نستخدمها ، علي سبيل المثال : كريم جليسوليد الأحمر أو الفازلين جل
صار يعتبر مُنتج يكاد لا يَخلو أي بيت سعودي منه هههههههه
فيه ناس مِن إنخلقوا وَهم يشوفونه وَ شافوا أهلهم يستخدمونه وَ إستخدموه بعد أهلهم وَ نصحوا عيالهم فيه يمكن وَ لا إستخدموا غِيره طُول حياتهم مُجرد تخلص علبه شروا ثانية بدون تفكير لمُحاولة أي شي آخر .
[ وَ يمكن بعام ٣٠٠٠م نشوفة في المُتحف الوطني “ أحس إني بتصفق “ ]
مَرات أحس إني أعلق بمُنتج صَعب أغيره لأني إرتحت للمُنتج ، وَ أحياناً أخري لأن إديني تَعودت على مَسكته فيمشي معي بسرعة وَ سلاسة
على سَبيل المِثال : الروج التَقليدي الستيك ، تعودنا عليه بشكله الستيك (الإصبع ) مَهماً طلعت أنواع وَ أشكال إلا إني أشوف الستيك الأسهل في التعامل وَ الأقرب للقلب ، رُغم إن الأرواج السائلة أثبتهم جدارتها بالجودة وَ يمكن حتى بسهولة الإستخدام .
فلما أجي أكتب ريفيو لرأيي عن أي مُنتج ، أخاف تَكون العادة هي السبب وَ أظلم المُنتج بحكم غَير مَوضوعي إنما نابع لإرتياح أو عدم إرتياح شخصي
الغَريب إن مَرات نشتري شيء مايعجبنا وَ نركنه وَ تشاء الظُروف نستخدمه على عجل وَ يحلى هالشيء بعينا فجأة….. ليش ؟ مدري….. بس السَبب يَمكن بحكم العادة نتضايق مِن التجربة للمَرة الأولى وَ نتثاقل وَ نفضل نتركنها بدل مانبذل مجهود معها !!!
أكيد كثير منكم مَر بشغلات مُشابهة ….. صَح ؟
نبدأ موضوعنا ،’
beauty blender®micro.mini
أكيد لا تَخفى عليكم الإسفنجة الوَردية الشهيرة ( أم دمعة ) إللي كانت َشكل جديد للإسفنج ، لأنها أول إسفنجة لمد الأساس بالعالم من غير زاوية ..
وَ لها مَزايا كثير مِن ضمنها : تعطي مظهر فلو لس ، وَ متعددة الإستخدام سواء مع المُنتجات السائلة أو الباودر ….. إلخ
ماراح نتطرق لمزاياها لأن سبق وَ ذكرتها بريفو سابق ( للإطلاع عالموضوع إضغطي هُنا ) ، بس الخُلاصة إني من عشاق البيوتي بلندر وَ أحس ماكياجي ناقص مِن دُونها وَ حتى لو إستخدمت الفرشة بمد الأساس لابد أرجع بشوية رتوش مع البيوتي بلندر وَ الميك اب فيكسر ، فعلاً يعطي مظهر فلو لس
وَ أعتقد إللي عشق الدَمعة البينك ماراح يتوانى للحظه إنه يجرب الدَمعة الخضراء خص نص إنها تُدغدغ مَشاعر الكياته داخلنا ، عاد عندنا حنا البنات كل مِيني مَرغوب
البيوتي بلندر لها أكثر مِن نوع وَ لون كل لون له مِيزة
لكن الكل يجتمع بثلاث خصائص ~
• مَصنوعين مِن نَفس المَادة الإسفنجية إللي تخليها تمتص الماء بدون ماتأثر على المُنتج وَ تصنع مثل الطبقه الحاجزه بحيث الإسفنجه ماتشرب كثير من المنتج لذلك ماتخلينا نستخدم كثير مِن المُنتج
• يتضاعف حجمها دبل حجمها الأصلي
• نفس التكنيك التبليل ثُم العَصر ثُم إزالة الفَائض بِمنشفة
وَ اللي يميز البيوتي بلندر المايكرو ميني ،’
• حجمها رُبع حجم البيوتي بلندر الأصليه ( الورديه) تقريباً بحجم اللوزة
• حجمها الصَغير يخلي مِن السَهل السيطرة على المد في المَناطق الصغيرة مثل زاوية العين الداخلية ، على عَظمة الحاجب وَ على زوايا الأنف وَ عظمة الخد وَ لتغطية الحبوب
• مُناسبة لمد الكونسيلر ، برايمر العيون ، الظلال الكريمية وَ البودرية ، الهايلايتر
• حائزة علي جائزة آلور كأفضل منتج تجميلي لعام ٢٠١٤ م
سعرها :
العُلبه تجي عبارة عن قطعتين صغار بـ ٧٥ ريال سَعودي
أخذتها من سيفورا ، وَ يارب ما أكون غلطانه بالسِعر
مَقطع فيديو ،’
رأيي عن البيوتي بليندر ( مايكرو ميني ) ~
طبعاً حَبيت شكلها وَ لونها جذاب أخضر نيوني ، بس لما تتسوخ يطلع لونها غريب هههههههههه
أول مَرة إستخدمتها حَسيتها صغيرة مرة ، طبعاً لما تتبل يتضاعف حجمها ..
مَسكها مُو صَعب يمكن مَع الأضافر الطويلة المسك يكون صعب شوي أو بالأصح تلطخ شوي الأظافر
إستخدمتها بِمد الكونسيلر وَ الهايلايتر تحت العين ، حلوه وَ سلسلة كالمُعتاد بس إستصعبت مَسكتها شوي مو لأنها صعبة ..
بس أنا مِتعودة أمد الكُونسيلر بالفرشة أشوفه أدق وَ أنظف وَ أكثر تحكم بعده أستخدم البيوتي بلندر العادية بالدَمج وَ كنت مِرتاحة عالطريقة
[ ماشفت فيه فرق يذكر ، يعني ما أضافت لي شيء ] ..
اللهم إنها أنظف مِن ناحية لما تكون البيوتي بلندر مَلطخة بالأساس أقدر أستخدم المِيني بمد نوع ثاني من المستحضر أو لون ثاني
وَ لاحظت شَغلة مَدري إذا غيري لاحظها أو هو مُجرد وَهم مع إنهم ذاكرين إنها نفس النسيج ، حَسيت إن مَساميتها أعلى يعني أقل كثافة من البيوتي بلندر العادية
عندي إحساس إني يوم بجربها مَع مُنتج جَديد وَ أطيح فيها طيحة قشرا ، لكن إلى الأن جَربتها كثير وَ ما أضافت لي شيء جَديد
أحياناً الأمور إللي تسوي ضجة سُمعتها تخرب عليها فتتوقع منها أكثر مِن المَطلوب
ما قَد يخطر على البَال ،’
– يعني نَشتريها أو ما نَشتريها ؟!
إللي يَحب يجرب عادي وَ هي مو خَسارة بس أشوف العادية تكفي وَ توفي
يَعني بدل ما أشتري من الميني ، بَشتري من العاديات حَبات كثيرات أفضل ، خاصة العادية تقدرين تتحكمين بهآ
– طيب مُمكن أفضل للزوايا الصغيرة ؟!
العادية بالإمكان تَوصل للزوايا الصغيرة وَ كله برضو يعتمد على شَطارة اليد
وَ الإرتياح الشخصي ، ما أدري إذا بكتشف مُنتج يستخدم معها وَ يطلع وآآآآو
وَ قتها راح أضيف هالشيء بَتدوينة جَديدة مَع المُنتج نَفسه
لَكن مُمكن إللي يعانون من الحبوب وَ يبون يسون كونسيلر دقيق يَقدرون يستفيدون من دَقتها
بالرغم أشوف الفُرشة أفضل ، تجي فرشة مُخصصة لإخفاء الحبوب وَ المناطق الضيقة وَ تجي مُدببة تقريباً نفس حجم فرشاة الآي لاينر ، هذي مُمتاز أفضل من الإسفنجة ، بس إللي مَعها الإسفنجة تقدر تستفيد من هالمَوضوع .
وَبس المَوضوع جداً صَغير ..
إنتظروني غَداً بتدوينة مَيك آبيه أيضاً ، وَ إن شاء الله تَنزل بتوقيت جَيد نسبياً
دُمتم بَحب
تم
ههههههههه صَرتي إنتِ المُنتصره هالأيام ..
راحت صَديقتك 🙁 وَحشتنا وَ الله
هههههه وآخيرا الاولى
شوفيني ي توت مآسكه مقعدك عنك مآشيه على وصآيتك هههههههههههه
آي والله لها وحشه يلا نصبر ثلاث آسابيع وترجع تطل علينا بالسلآمه
يا حُلوهآ ، إن شاء الله تَكون بَخير
اول مره أصادف وقت نزول التدوينة!
يا هلا والله
انا أتابعك كثير و قليل ارد..
يمكن ما تعرفيني
لكن اعرفي انك مميزه يا بنت
شكرًا على كل شي
و أتمنى تستمرين بالتدوين للأبد !!
تعجبني طريقتك و أحب افكارك
أهَم شيء وَش بقلبك ، الردود وَ التواجد حُلو
لكن برضو الأشخاص إللي ما يَحملون بقلبهم إلا كل خَير ، لُهم بالقَلب مَكانه
أخَجلتم تَواضعنا مَدري وَش أقولك وَ الله ..
أتمنى أضل لأطول فَترة مُمكنه أكَتب بهالطريقة
صباح الفل..ممكاااني?..لي عوده
تَنوريني دَربم
تم
أرسلتي بَتويتر عَشان أشَيك عليك
لا ما ارسلت ان شاء الله بكره عاد الحين طافية نوم قلت ابي احجز لي مكان وانام وارد الصبح ??.
as u like ..
مسائك باجوانا الجميله ??..
مثل م قلتي انا من عشاق البيوتي بلندر ام الدمعه حبيتها من اول تجربه اول تحربه لي كانت بعيد الفطر والله ياذاك اليوم صجيت اهلي فيها انا واختي الصغيره كل شوي نمدح وفوق ذا رسينا على راس اختي المتزوجه نبي نسوي لها اغراءات الا تشتريها بحكم انو مش داخله مخها ذا البيوتي ??..
بالنسبه لسعرها شفتها بسيفورا ل ٧٠ شكل اللي عندكم زادوها خمسة ريال ?..مش اشوف فيها فرق بس شكلها دغدغت مشاعري مثل م قلتي ??..من انو معشوقة التجربه بحكم احب اجرب راح اشتريها باذن الله حبيتها لاهايلايتر اكثر شي ?..
بانتظارك للتدوينة الليله ??.
ياالهي شو اشتئت لك ❤️
يخرب بيت آلبي شو بحب صباحات الحب منك يخلينا إياك
المقدمة اللي فوق نتميلح عليك شوي حتى لاتزعلي علينا لان مرت فترة طويله ماشفتيني فيها بس انا كنت هنا
اقرألك وأتفاعل معك واشارك هيئة الدفاع عنك بالانستا ? وأدعيلك
هي بس الحياة تأخذ الواحد بعيد شوي او تجبره يمشي بمفترقات طرق حتى نرجع أقوى ونداحرك <<<< في حد يقد على ارتوس؟؟
ان شاء الله تكوني ذاكرتني
خليك ع طول مبسوطة
وَ الله ياقلبي شَفتك برد بأحد المَواضيع وَ لا قَدرت أرد عليك لأن فيه قبلك كذآ وَحده
فَخفت أسَتثني ، وَ لوووو ما بالقَلب عليك شيء دُوم دُوم لا قَريت كلامك أبتسم لا إرداياً
الله لا يَحرمني يالغالية
دايما راقية شسموه عندي سوال بعيد عن التدوينه هل تومنين بقانون الجذب وعلم الطاقه ولا واذا تومنين ليت توسين تدوينه عنوه
مُش مُؤمنة بأي علم غير مُعترف بَه ..
أنا أحب أشوف إثباتات ، بس إللي فرضاً توغل به وَ إطلع وَ أعجبه وَ إرتاح عليه ليش لأ ما يستمر عليه
أهم شيء الإنسان ينبسط ..
حبيت دريم..على فكره انا خلود المميزه اللي قررتي تحبيني عشان رموشي غير عن اي بنت اسمها خلود ههههههههه<<<بتصفق?
وانا بعد خلود اللي فتحت تويتر عشان عيونك ي جميله<<<بالله مااستاهل تضيفيني في حسابك الثاني على هالولاء والحب لك??
بالنسبه للتدوينه حبيت اكثر شي انه شكلها كيوت حاليا مكتفيه بالورديه بس مايمنع ناخذ الكتكوته هاذي احسها كذا حاجه دلوعه??
لا وَ الله تستآهلين .. أصلاً أي أحد بَمدونتي رآح يَنضاف بس ما قلت هالكلام بالأنستا لأنه خَطر
بَعدين إنتِ خلود أم رموش ، مُستحيل نَضيعك هههههههه وَ يلوموني بكل خُلود هههههه ..
نَورتيني
مكاني
هلآ هلآ
جات بوقتها من اول متردده اشتريها ولا لا
عندي احساس انو جودتها مو بجوده الاصليه
الشركه بدات تكثر منتجات وتخبص فيها
مع انو عنزي امل يرجعو يطلعو بشي ثوري اخر
ع العموم الي عذبتك باضافرك بتعذبني زيك بلاش منها
دمتي بحب
هههههههههه يا حَلوك ..
يَجوز ، بس مرات بعض الشركات ما تَنجح إلا بُمنتج وآحد
لأن كل الأفكار تكون مُتسقآه من فكرة المُنتج الأول ، يالله تذكري كلامك لأن لو طَلعوا بتَقولين شَفتوا سَبق وَ قلت لكم
نَورتيني
يمكن انا الوحيدة اللي للآن مااشتريت البيوتي بليندر ??? ، عموماً جيت اسلم عليك بس .. لي زمان مالحقت على تدوينة بوقتها ?
احس اني مقصره بحقك من كثر عطائك شكراً شكراً على كل شي ?
يآهلا بَغادة ما عَليك قَصور
صَراحة إشتريها وَ الله ما تتفوت ، بالنسبة لي الأوريجنال من أروع ما يَكون
جاري قرائتها ?
هلآ بَك
صباح الخيرات ?
صراحه إسفنجه البيوتي بليندر أدمنتها بالرغم كنت اشوف هالضجه عليها أكثر مما تستحق
لكن بعد تجربتي لها أكثر من مره اشوفها تستاهل جداً .. مع إني ما استخدمها للتوزيع استخدمها بعد التوزيع بالفرشه
حبيت الصغيرونه حسيتها كيوت حابه اجربها
مشكوره توسه تسلم إيدينك
و بإنتظار تدوينه بكرا .. متحمسه لها ?
صَراحة تستاهل مَثل ما ذكرتي ..
تستاهل الأوريجنال كل قَرش ، إختراع مُريح وَ سريع وَ عملي
نَورتيني
ربي يسعدك و يحقق أحلامك و يفتح لك أبواب الرزق وين مارحتي
فعلا ممتنة لك بكثير شغلات
قبل فترة كنت باجتماع بنات و تكلموا عن الملابس الرياضية و المكياج و كثير من أمور البنات
المهم
اني و لأول مره لفت انتباههم كلهم بكمية المعلومات اللي قلتها بكل سالفة
انا من يومي عندي رأي مستقل و واضح بكل شغلة
لكن اعترف و أشكرك انك وسعتي مداركي بكثير شغلات
بمدونتك أثرتي المعلومة العربية و انا اقدر لك ذَا الشي
لذلك شكرًا للمره المليون!
وَياك يآرب ، وَ يا فَرحتي بكلامك
كلامك بَعتبره شهادة فَخرية ، الفَرحة مُش سَيعاني ..
وَ يالله الحَمدلله ربي جَمعنا بَمكان وآحد ، نتبادل الخَبرات وَ نتناقش وَ نستفيد
نَورتيني ترليووون
حبيبتنا ❤️
انا اصنفك بحياتي بفئة الـ : معلم
مالي غنى عنك .. الله يديم وجودك معانا + اتمنى الله يكتب لك السعادة والخير حيث ما كنتي
و حجزت مكاني
🙁 تَبون تبكوني اليَوم
وَياكم يآرب ، وَ أصنفكم جُرعات سَعادة
مثال الفميتو عجيب والله صآدقه العآده آنا لو مآ أشوفه على السفرهـ اول يوم مآ احس برمضان ..
وكريم جليسوليد آنا اتوقع ما بقى احد يستخدمه الا اختي تروح وترجع عليه وتخلص العلبهـ وتشتري الثآنيه لو ينقرض مآدري وش بتسوي هههههه
الإسفنجه تخطف القلب بحجمها الصغنطوطي آنا استخدمت آسفنجة ريل تكنيك جمممميله صرت مآ اعرف أمد الأساس بدونها
ابي آعرف شكل الفرشه اللي تتكلمين عنها إذا ممكن ؟!
بكره خلي عرقوب على جنب ههههه عشان تنزل التدوينه بكير
شكرآ يا حبوبه?
الفيمتو أسويه لأهلي بَس أنا ما أشربه ، مُو لأنه مُضر صَراحة
بس أشوفه حالي كَثير ، لا جليسوليد الكُل يَستخدمه من كثرة إستخدامه مُستحيل يقولون لك مَخلص
يجيبون منه كَميات ، وَ خليها تستخدمه أهم شيء هَي مرتاحه عليه هههههه يا حَليلك
بتلاقينها بوبي براون بس ما أدري إذا للأن موجودة ، نفس فرشة الكونسيلر بس أصغر بكثير
كأنها فرشة أي لاينر ، تجي زي الريشة ما تلاقينها بكل الماركات
هي فعلاً مفعولها مثل أم دميعه هههههه
لكن حجمها وشكلها كيييوت وأدق بالنسبه للإستخدام
وأحبها للكونسيلر والهايلايتر فقط
شفت ناس يستخدومنها للكوريكتر.. مادري ماجرّبت بالرغم عندي ٣منها
شكلي بخلي وحده للكوديكتر عشان تدمجه لي صح
واازييين التدوينه سعيلاه مثل الإسفنجه ههههههه
كنت قاعده أقرأ بثرثرتك
مليون مرّه اقرأ هالقسم وما أمل قلب أصفر
نحبك
كوني أنتِ
ههههههههه فعلاً ألاحظ إهتمام كَبير وَ مُلاحظ بقسم كثرة ، هُو ضروري أكثر من الثرثرة
لأن التَدوينات الكُل ماشاء الله يَدون وَ هالشيء مُتوفر .. وَ الثرثرة كأننا بَنات بَمكان وآحد وَ مجتمعين
وَ جربيها للكوريكتور ليش لأ ..
صباح السعاده
كثير منتجات صرنا نستخدمها بالوراثه و اتوقع هذا سبب ان كثير لما تتصحح لهم معلومه يجي عليها هجوم بحُكم ماضر الاولين مايضرنا
ريفيو جميل كعادتك و اتوقع اذا فيه سبب بيخليني اشتريها فهو شكله الكيوت .. يعطيك العافيه جميلتي
بأنتظار بوست بكرا
فَعلاً بخصوص الهَجوم ..
كلنا نَملك نفس الصَفات عفكرة وَ ردات الفَعل ، اللهم منا من يَستوعب سريعاً وَ البعض يتأخر بالإستيعاب
دُوووووم تنوريي
انا اظافيري دايما قصيره وبرضو حست بمسكتها ،يمكن علي قولك مسألة تعود لانو تعودت علي بينك الكبيره بس حبيت فيها لما غسلها ماينزل منها مويه ملونه بلونها زي بينك، موضوع مويه ملونه ذا مو فاهمته ليش?
غريبة قصد البنك لما تغسلينها ينزل موية لونها بنك ؟؟
لأن ما صادفني هالشيء مع البنك .. ترى أخاف أخذتي التقليد لأنه من جد تارس الأسواق
ايوه كل ما اغسلها يننزل منها مويه لونها بينك ومستغربه لانو من اول مااشتريتها كذا وبكل غسله برضو ماتخف ،انا اخذتها من سيفورا معقول تكون تقليد؟ عموماماصار شي مضمون ،ربي يسعدك ❤️
انا اخذتها من سيفورا البحرين وينزل منها لون اذا غسلتها .. غريبه شككتوني
البيوتي بليندر ماستغني عنها خصوصا ان بشرتي جافه
ريحتني من كثير مشاكل بالميك اب
يسعد روحك الحلوه
مُمتاز ، فعلاً بتريحك كثير
نَورتيني
يافرحة ألبي ع هالخبريه..دحين انام وانا مرووقه??
نُوم العَوافي
الله الله ع وقت التدوينة اليوم عرقوب نايم ??، مابعد كلامك كلام كويس اني ماخذتها عاد كنت رايحة مع اختي اشتريت الوردية لان حقتي الاولى حطيتها بعلبتها وهي شبه رطبة وكانت المفاجأة انها اتعفنت لما طلعتها والعفن طالع لونه ?، غلطةةةة وماحتتكرر ان شاء الله ، المهم وشفت اللون الاسود منها وكنت حشتريها بس مكتوب عليها للمحترفين! طبعاً مايهمني هالكلام لكن عشان كنت مستعجلة اخذت الوردية ومشيت وبالنهاية اعطيتها اختي ?،، بس الايام ذي ان شاء الله حشتري السوداء من باب التجربة غير الوردية بحكم عليها اذا فيه فرق بينها وبينن الوردية ??،،
عَسى الله يَنام طوال هالإسبوع ، وَ نحاول نبكر بآكر ..
هههههه حبيت ذكرك لتجربة العَفن ، لأن فيه وَحده مصورة البكتيريا ياااالطيف الإسفنجة بقدرة قادر صار لونها أخضر ..
وَ السوداء للسلف تان عشان ما يرقع الإسفنجة وَ المُنتجات اللونق وَير وَ البرونز .. إذا مَتحمسة لسى تشترينهآ
لا دام للسلف تان حغير رأيي واشتري البينك توقعت مافي فرق بينها وبين البينك الا شي بسيط . شكراً ع توضيحك للفرق ???
تسجييييييييل حضووور ?? ،،،،، ترى أنا شبح خوخه موصيتني اسجل الحضور ،، لأن خوخه تقول إنها عامله إنعزال عن السوشال ميديا >> ترها تضحك ~ م تضحك ! إنتي نفسيه م تضحكين ??
?بله فين زي هالامانه في العالم زيك > تكلمتي عن العاده بشكل ذكي ورهيييب حبيته وصراحه ضحكت لما قريت مثال الفازلين وانه بيصير من التحف ?هههههههههههه والله احسك مصرقعه كثير على عكس اللي تظهرينه للعامه ? ،،،، وتصدقين من جد قلوبنا تنفتن فتنه مش معئوله عند ميني صغنون كتكوت زمان كنت اول م جبت بنتي قلت لامي ابيها كذا صغيره م تكبر كيوت شكلها ??خخخخخخخ ،،،، ويسعدك ي قميله ع هالبوست الخفيف الرشيق ?
هههههههه من شَوي جاني شَبحك وَ الله إنتِ جيتي
قَلبي عليك .. يا زينك وَ الله ..
وَ بالعَكس أنا مَصرقعه وَ جداً جداً ، بس لأن إللي أكتبه ما يَحتمل الصَرقعة
إن شاء الله تعرفون من أنا بالسناب تَشات
ههههههههههههههه
بالله ، ههههههه قَوليلهآ تَريح يا حَلوهآ
شكلها كيووت??لكن عندي الوريه تدي الغرض
اكتشفت المكياج يتعمد على طريقه تكنيك اليد
الحمدلله يوم عن يوم جالسه اتحسن واتطور من ناحيه البشره والمكياج
عذا بفضل الله ثم فضلك وملاحظاتك الدقيقه احاول استفيد منها
مشكوره على كل جهودك
اثرتني فيني بشكل ايجابي??
إنبسطت لك وَ الأهم صرتي تعرفين الشيء إللي يَناسبك
وَ صدقيني القادم أجَمل بإذن الله ..
أخجلتم تَواضعنا أمول ، نَورتيني
صرت من المتواجدون صح ?!! جاري قراءة الدرس ?
هههههههههه مُجرمة ..
ضحكت على اللي كتبت تم فوق هههههه ، تذكرت توت ، تعجبيني لما تكون التدوينه صغيره تعرفي تكتبي مقدمه تعوض صِغر التدوينه بس بشكل شيق ، البيوتي بلندر على حجمها ذا وعلى إهمالي حبتين أكيد بتضيع إذا الكبيره أحوس لين الاقيها عيوني تنعمي عنها كيف ذي ههههههه ، الهايلايت أنا اسويه بفرشه ماقط جربت استخدم البيوتي بلندر أحس صعب على يدي كأني هبقع المكان وماهعرف ادمج بسهوله لكن يبالي يوم أجرب وأشوف وش وضعي ، ويسلم ايدينك يآرب ..
تَصدقين كثير قالوا نفس مُلاحظتك ، أنا عَن نفسي بعد ما أغسلها أخليها يَوم كامل تجف فوق التسريحة
بعدها ألفها بمنديل وَ أحطها بتقسيمات الأدراج ، وَ فيه خيار ثاني تحطينها بنفس عُلبة القَطن ..
وَ ليه لأ جَربي بينك وَ بينك نفسك وَ شوفي وَش يطلع لك ..
يعطيك ألعافيه ، ي قلبي أرتوس
والله يسعدك قد ماتعطيني من خبرتك
أنا دايم أدردش مع أختي ونتكلم عنك
بجد مافي زيك بعقليتك ألمتفهمه
وألواعيه وتعاملك مع متابعاتك ،،
ألله ينولك ألي ببالك ي رب ??
يا بَختي وَ الله ..
وَ مُتابعاتي كيف بعضهم مَعي أكثر من ٣ سَنوات
لو كنا أطفال وَ بمدرسة بيكونون صديقات الدراسة .. حتى الناس عالسوشيال مَيديا
وَ العالم الإفتراضي برضو بشر لهم أحساسيس وَ كيان ، زي ما يآخذون من وقتهم لازم تآخذ من وَقتك وَ تقدرهم
وَ آمين وَ الله يحقق لك مُرادك وَ احلامك إنتِ وَ أختك
سلمي لي عليها بالمَرة
الله يعطيك العافيه
ناخذ من وقتك واجد
عندي سؤال
انا مو مره مع المكياج
بس ابي أصير مرتبه ، لازم نرتب عمرنا على قولتهم يا وجه استح بالاخير انا بنت
ابي أسالك وش افضل الفرش ولا البيوتي او الضروري اكثر
لو شريت بيوتي هل راح اكتفي فيها
والله يعطيك العافيه حبيبتي
محد سنعني الا إنتي
يا جَواهر خلاص لعيونك بنزل مَوضوع يهمك إنتِ بالذات وَ إنتِ بتعرفين إنه مَوجه لك
مافي شيء أفضل فُرشة أو بيوتي بليندر فيه إنتِ وش تحبين ، يعني بالنسبة لي أشوف البيوتي بليندر تفي بالغرض
وَ لكن لو يكون معها فرشة سيجما ٨٠ خلاااص وَصلنا لعدة أساس مُتكاملة
وَ إيه البيوتي بليندر تسوي كثير شَغلات أساس ، كونسيلر ، خدود ، كونتور ، هايلايتر ، حتى لو تبين الكريم المُرطب تمدينه فيه يمديك
مو خَسارة فيهآ وَ أقري موضوع البيوتي بليندر ( الإسفنجة الوردية مو هذي الخضراء ) وَ شوفي وش مُمكن تسوين فيها
يووووو ياعمري والله مابي اتعبك كفايه الي قاعده تكتبينه وتسوينه لنا
بقولك شي يضحك انا لما أحب شغله او اخق معاها تدمع عيوني من غير شعور
من شفت كلامك وذرابته دمعت عيوني من جمال اسلوبك و والله ما امزح ولا ابالغ
هههههه طبع يضحك ،
بس صج ترا اسلوبك في الكتابه دايم يبهرني ومحد سنعني الا اسلوبك لما تهاوشين او تنتقدين شغله هههه
فا لك دعوه من كل قلبي : الله يوفقك ويسهل دربك ويرزقك الجنه إنتي ومن تُحبين
❤️❤️❤️❤️❤️
ياصباحو ياحلو …
والله ان كان باخذها باخذها لان لونها نيوني تخيلتها تنور بالظلام ههههه …
حلو منك نستفيد انا احب االاسفنجه الورديه البيوتي بلندر للدمج واوزعه بالفرشه وعندي ريل تكنيك لمد الهالايتر باقي علي البف للباودر اللي عندي قدمت ويبي لي جديده شفتها بسيفورا وش رايك بحقت سيفورا زينه ؟! …
والله شرحك وتوضيح ولا احلى يفهم اللي مايفهم وانا ماعندي اثار وحبوب فهمت وش تقصدين بالمد بالفرشه ??…
لاعدمناك ياشيخة البنات ❤?
وصدق من ناحية التعود وكره التجربه او ظلم غيرها من المنتجات والسبب تعودنا بصراحه مافي منك اجدتي الوضوح بكل معاييره والله مافي منك يام السوس …
يعني كلامك جدا مريح وصفك دقيق واضحه جدا غير منحازة ابدن مصداقيه عاليه ماتستميتين ع الشيء وواقعيه وووزنينها صح على وضعك وتقيسنها برضو بوضع غيرك الله لايحرمنا اياك ??
وَ الله المَوضوعية صَعبة جداً .
لأن مَرات لما يَعجبك مُنتج ، تَضيع الطاسة ..بس لازم تتفقد نفسك حبتين
آآآآآخجلتيني ، فيسي صار مُلون
ههههههههههه بروح أشوفها تَنور أو لأ ..
عاد تَصدقين أنا صدق صدق شريتها لأن لونها أخضر أحب ذا اللون الفاقع ( ههههههه الظاهر فيني عرق تَونسي ) ..
بالنسبة للبف ماجربت حق سيفورا ، بس دامك شاريه شاريه جيبي حق ميك أب فورايفر تعجبني بس كبيرة شوي عالوَجه لكن تثنينها
وَ يا شَيخة مافي زَي طلتك ، تَحلي الجَو وَ تركده
قُبلاتي ( ما عَندي باللاب تُوب بَوسه )
هلا هلا.
اول مره الحلق على تدوينه بدري?.
هي شكلا جميله واحتفظت بها فتره بدون استخدام.
بس مثل ماقلتي الورديه تغني عنها.
حسيت الورديه تكفي ??.
لوب يوو??.
يعطيك العافية على المواضيع الخفيفة
البيوتي بلاندر عجيبة بالفعل ومستحيل احب طلت الاساس بدونها
نَتفق بنفس الرأي
نَورتيني يا صَف صَف الحربي ، حبيت كيف كتبتي صفصف
أهلاً .. أهلاً .. باالجميله قلباً وعقلاً
???
تمنيت اليوم اكون من المبكرين
قلت بنوم نفسي ومانمت كنت بغيبوبه
تنطبق علي اغنية ابو بكر سالم .. لاني بنايم .. ولاني بصاحي ?
هههههههه ملاك أبو بكر سالم مَره وَحده
وَ الله ذوقك الفَني رَفيع جداً ( الناس وَين وَ أنا وَين )
وَ خلاص أبشري بَحاول أنزل تَدوينة بآكر بكيييييير آآآآوي
اتفق معاك ..
انا فعلاً اعاني من ادمان العادات ..
وانتِ كعادتك دائماً تغمرينا بكرمك ?
تسلم يدك ع هالطرح القمييييل …السيلكون يمكن اكون انا اول وحده ماعندي فكره عنه والتدوينه جابت اجلي ههههه حسيت ان كل المنتجات اللي عندي مليانه وانا ماعندي خبر وشلت هم انو تنظيف بشرتي من المكياج يحتاج جهد اكثر بس حلو توسعين مداركنا وتفتحين عيوننا ع اشياء ماكنا منتبهين لها…البيوتي بلندر شي جمييل ياخي احس حياتنا من قبلها مالها داعي ..فعلا كثييير يسألوني وشو اساسك وش بودرتك ع الرغم اني ماغيرت شي بس الطريقه تغيرت
صح مثل ما قالوا البنات فتحتي عيونا على اشيا كثيره،، وعرفنا شو اللي يناسبنا وكيف نختاره??
معظم الأشياء اللي ادونين عنها حتى لو ما تناسبننا تزيد من خبراتنا ،،، ما نعرف كيف نشكرك على جهودك يا معلم?
صباح ريحه المطرر وصوته ودعوه صادقه من قلب
مممتن لك كثيررررر ???
البيوتي بلندرر صارت عششق معاد اقدر استغني عنهاا
وحبيت الكيوته الجديده يسعدلي شرحك الوافي ببساطه
وحسيتها بتفيدني انه سعرها بسعر الكبيره وفيها حبتين
وقت وضع المكياج تتطلخ الكبيره بيكون حل حلوو عندي
كذا حبه تفكير اقتصادي ?
ما شاء الله الواحد ما يقدر يلحق على الردود الاولى أبدا ?
كيوت شكلها أفكر أقتنيها عشان أكون عائله بيوتي بلندر ?
صباح الخير ..
يسلموووو يا توووسةع الشرح الدقيق
ما شاء الله شووو حلووو شكلها بينقط كياتةةة ولونها جذاب
يالهووووي متى نزلت هالمواضيع وانا مدري (فيس متفاجئ) ياربي اذا ما لحقت عليك من البداية ولا خلاص هههههههه ازعل من نفسي ولا عاد ارد او ان الحماس يقل.
بخصوص منتج اليوم اكذب عليك لو قلتي اني كنت متحمسه له بس انا فعلا اشتقت لتدوينات المكياج واتوقع قل حماسي سبب هو امتلاكي اصلا للبيوتي بلندر العادية وحسيت ان شراء الثانية دلع او حق شخص محترف. بصراحة لي شهور ماعاد طبقت ومارست المكياج اولا بسبب بشرتي وثانيا الاضاءة عندي سيئة واعاني اذا جيت احط مكياج.
سؤال ، أذا كتبت تعليق يطلع ، لان بعد ما أكتب وأحدث الصفحه ما أشوف تعليقي ?
تصدقين ارتوس انا يوم جفته قلت بيني و بين نفسي الاكبر افضل لاني بستفيد منه باستخدامات اكثر بدال هالصغيرون و رايج اكد لي وجهة نظري .. بس بيني و بينج وايد كيوت ? .. و صباحج يا جميلتي سعاده و توفيق ❤?
اسعد الله صباحك توسه، انا عروس واحضر للزواج فحبيت شكل الميني ان شالله تكون من مقتنياتي واللون كمان حكايه.من محبين ذوقك
الظاهر ما عندي احساس الانوثه ههههههه مافكرت اشتريها بصراحه
وكويس ماشريتها بعد رايك صدقت ظنوني لحد الان
بس على قولتك ممكن يتغير راينا ??
صباحك زهر ولوز بما ان الميني بحجم اللوز ههههه
خدي ❤?
وحشتني تدويناتك مرررره كالعاده انا اغرد خارج السرب ماحب اشرب فيمتو ولا اعترف فيه ولا الجلسلوليد والفازلين استخدمه بس وقت التقشير ولا احب الكبسات ولا الشطه شاكه بعمري حتى الحب يقولي اكيد انتي سعوديه اصليه هههه بالنسبه للبيوتي بليندر كان عندي الاسبوع اللي فات مناسبتين الاول مرره متحمسه وتعبت وتفننت وماكنت راضيه ع النتيجه حقت الفنش للفاونديشن وشكل الميكب كله بغيت اصير حلوه وشكلي خبصت للاسف بعدها بكم يوم فجاه رحت افتتاح وتجهزت ع السريع وحطيت الفونديشن بيدي واكتفيت بشدو اعلى واسفل العيون واشياء بسيطه لمسات وكنت راضيه اشد الرضى كنت محط الانظار فما ادري لسى ماتمكنت من اسنخدام البيوتي بليندر والا ايه الحكايه بالزبط والصغنونه الخضراء الكيوته شكلها يحمس جدا وشكرا على تدوين تجاربك ياجميله
بالنسبه لتنظيف شفت باليوتيوب بعضهم بعد مايغسلونها يحطونها بالميكرويف علي اساس تعقيم وتنشيف(ماجربتها بس حبيت اذكرها)
تبشري باالجنه ???
لا ياغلاهم نزلي في الوقت اللي يناسبك
انا صار لي مدة .. مع الناس .. ولا كني مع الناس ?
لكن بحاول بكل ما أوتيت اركز معاك وبأوقاتك ?❤️
وين راح تعليقي??.
خلاص لقيته????.
صبآح الجمال والنعومه
اليوم نمت مالحقت ع اول التدوين?
انا عندي البيوتي بلندر العآديه ومرتاحه
معاها وطبقت نفس طريقتكوالتمام التمام معي?
بالنسبه للكيوت الصغيرهه هاذي ماادري يمكن
يجي يوم واجربهاا او اكتفي بالفرشاه
بس احنا مانرتاح إلا لمى نجرب بعدها نقتنع?
عاد تدوينة بكرى ان شاءالله الحق عليها
دُمتي لي??
ماشالله عليك يارتوس مقدمتك للمواضيع حيل تعجبني وكلامك مرتب وسلس ودي اوصل لهالمرحله بالكلام طبعا وليس الكتابه..
وشي ثاني اتمنى تتكلمين عن تربيه الاطفال ، هو انتي قلتي اكثر من مره انه ماجربتي هالشي وماراح تفيدينا بس احس ذكرك لتعامل اهلك معك راح يفيدنا كثيير.. او تذكرين لنا مرشدين تربويين او مقاطع اجنبيه اي شي يفيدك بتربيه عيالك بالمستقبل راح يفيدنا
صراحه اتمنى بناتي نفس تربيتك ( للحين ماعندي بنات افكر بالمستقبل هههههه
وقبلاتي لك
يا هلا يا هلا
تصدقين أنا توني طحت بالبيوتي بلندر وتجنن
عجبتني كثير ، والميني صراحة لونها مغري
لكن بالنسبة لي أحس التحكم فيها بيكون صعب بالبداية
يعطيك العافية ع الريفيو شرح وافي وكافي
اخجلتمونا ???
انتِ ست الكل ?
عاد هاالأيام مدمنه.. لحن قلبي .. مروان ❤️
يسعد صباحك ياعسل
جربيت البيوتي البلندر الورديه وصراحه مااستغني عنها تسهل علي الدمج
وبخصوص كلامك عن الجيلوسليد اتوقع انا البنت الوحيده اللي مااحبه من صغري كان يسبب لي تحسس اما الفازلين زي ماقلتي اتوقع مافيه بيت مايخلو منه
هالايام ماالحق على تدويناتك
يعطيك العافيه ياقمر
ارتوس كل مره بسألك واتردد
الحين فراشي الميكب وين الافضل احطهم ع التسريحه والا داخل الادراج؟؟
والاسفنجه بعد انا عندي سفنجه ريل تكنيك
لان اذا حطيتهم فوق التسريحه احس يتوسخون يجيهم غبار( ماقصد وقت العج والغبار) يعني غبره عاديه ( واضح اني توهقت بالشرح بس ان شالله تفهمين علي هههههههه)
واذا حطيتهم بالادراج احطهم بشنطه الفراشي وبرضو مااحسهم نظيفين
افيدينا الله يجزاك الجنه
صباح الفل والياسمين ? تسلم ايدينك على هالموضوع الجميل وهالكياته وه بس يازين هالنقطه ??ًشكلها جذاب مررره بس زي ماقالوا البنات وش بيلقاها بين الادوات من صغرها….وان شاءالله نجربها ونتمكن من استخدامه بالطريقة الصحيحة ??وزي ماقالت فطيم لو ما استخدمنا الشي يكفي انه اطلعتينا عليه ووسعتي مداركنا….وربي يعطيك حتى يرضيك ? وقلوووووب من القصيم لبيتكم ? ? ?
صبآح الخير آرتوسه ❤
والله غمضت عيني وانا أنتظر التدوينة
أن شاء الله المرة الياية يكون لي نصيب في التوقيت
وبالنسبة للكيوته اللي فوق دامها ما راح تضيف ذاك التأثير يعني موب ضروري وجودها
بس ما يمنع نجربها لو أتاحت لنا الفرصه أن نشتريها
عطاءج بدون حدود ربي يخليج
وان شاء الله نكون على الوعد ❤
I love your soul
بجد .. ادخل حساباتج كلها و يخونني التعبير .. و ما اعرف اعلق مثل الكل
ف أكتفي بالدعاء , دليل أن الي يجي منج كله خير
3>
<< اول مرة أرد في المدونة ككل ^^
(أمولة بنت عمان)
ياحبي لك والله ..البيوتي استخدمتها من سنه بس تصدقي ماحبيتها كثر السفنجه العاديه حسيت لها مسام واسعه خخخخخ …استخدمتها بكذا طريقه بس شكلي ماعرفت وا بشرتي السبب ..
يا ناس شكلها كيوون مره مدري ليه لمن شفتها تذكرت بنت عمي نقطه مررره صار عمرها ثلاث سنين وهي لسى نفس الحجم ? ، حبيت الاسفنجه وفعلاً هي حلوه للأماكن الصغيره اتذكر شفتها في سيفورا وكنت ناويه اشتريها ونسيتها ، عاد الحين لزم اشتريها ? ، ونمت وانا انتظر تدوينتك يوه قهر ويجي ردي آخر شي ?? ، نعوضها بالجايات ويا حبي لك ??.
صار عندي ادممان شديد اقرى تدويناتك وانا بطريقي للجامعه ههههههه وبالنسبه للاشياء الميني اتوقع انا الوحيدة اللي ما احب اقتنيها ههههههه مدري احس احي حاجاتي كبيرة وواضحه لان لو شريت شي بحطة بين اغراضي وماعاد بيطلع بيختفي ?? .. الله لا يحرمنا من تدويناتك وطلتك المميزة
شكلها كيوت ووصفك لها يفتح النفس بس اتوقع اكتفي بالورديه خطيره وتنفع لكل الزوايا والاماكن واشوف للتركيز على الحبوب والبقع الفرشه افضل
مع مرايا مكبره ورجعت اشتريت بيوتي ورديه جديده للفندويشن والقديمه خليتها للكنتور
استنيت التدوينه وانا نعسانه وقريت نصها ونومت ?بس دحين اصبح عليك انت والصبايا مع جو الامطار والبرد ????اسعدك ربي دايما ياسوس
صباح الكياته ..
صراحة انا لين دحين ماجربتهاحاطتها ف بالي من زمان
بس من كثر ماشفت صور لها صآر عندي إشباع ?
.. أحووبك توسه وعندي امل أشوفك ونتقهوى ونحلي ?
زورينا في جدة أجواءنا رووعه.. وتصير أروع بشوفتك ..
صباح الجمااال
هالاسفنجه كيوت بشتريها بس عشان شكلها .. توقت انها ماراح تضيف شي اكثر من العاديه بس حابه اجربها للكونسيلر
يعطيك العافيه ياقمر
يسعد صباحك ارتوسه بهالجو العليل
البيوتي بلندر فعلاً شي مابنستغنى عنه
انا حبيت المايكرو لانها تدمج اماكن صغيرة جداً
في انتظار تدويناتك القادمة
Love you
لي شهر شاريتها من سيفورا وللحين ما استخدمتها 🙁
يعطيك العافية تدويناتك جدا مفيدة واحس بسعادة اثناء تصفحها 3>
انا كنت داخله وفبالي انه البيوتي الكبيره تكفي
بس كل تدوينه لازم ادخلها واشوف رأيك ،
رأيك للامانه جدا يهمني بكل شي ?
صباحك ومساءك ورد وحب ?
أتوقع أنا من النادرات الي ماجربو البيوتي بليندر ،، لكن انت تحمسين حتى اتقن الماكياج بصراحه انا مو من محبي المكياج بشكل يومي أكتفي بالروح والبلشر أتمنى أتعلم المكياج حتى أكتفي بذاتي ولا أحتاج أحد وصدقيني بسبب نصايحك وتوجيهاتك وحتى ردودك عالبنات ونقدك خلال الاربع اللي مضت أنا صرت إنسانه مختلفه في أشياء من أسلوب حياتي تغير ومعرفتي زادت ???وقت ماكان عندي فون كنت أدخل على حساباتك بتويتر والانستغرام من اللاب توب شفتي كيف حبي لك ?
شكراً لك وقبلاتي ?
يمكن كلامي طويل وقد سمعتيه من قبل او من يقراه يقول تجامل أو تتملق لكن حلو الواحد لو كان بداخله كلام جميل وايجابي أن ينشره ويظهره ، أما لو كان كلام سلبي يخليه بداخله ولنفسه وبكذا الواحد يربي نفسه عمخافه الله قبل كل شي و أن مايظهر منه الا كل جميل ولو كان خلف شاشه وباسم غير معروف ?
مساء الخير ارتوسة ويعطيك العافية انا اول مابديت باستخدام هالنوع من الاسفنج استخدمت ريل تكنيك قبل البيوتي بلندر حبيتها اكثر وحبيت اجرب البيوتي كمان حبيتها بس مو زي رييل تكنيك مدري ليش يمكن ماعرفت استخدمها او اسهل مدري بس عندي الاثنين
ارتوسةة ممكن تتكلمي عن سيريوم فيتامين سي
من الاشياء الي جربتها على مدحك وعشقتهااا وصارت من اساسيات ميك اب الوجه عندي ???? ومافكرت اشتري الصغيرة لاني ماشفت احد يحكي كثير عنها ، بس لما شفتها بالطبيعة انهرت على الكياته بالحجم وحقرتها فترة بعدين جربتها لبرايمر العين ، وعلى عظمة الحاجب ،واضاءة مدمع العين ، والكونسيلر يجي منها بس على قولتك ماحدى راح يموت لو ماشراها بس عني راح اشتريها لو اختربت لانها كيوت ولأني حب اشوف عندي اشياء كثير واتأملهم 🙂
ههههههه أرتوس كنت دايسة عالبترول بطير أسير آخذها لاني أموت بالميني ( ذكرتيني بأول موتر لي كان ميني كوبر وللأسف بعتها لاني توحمت عليها ? ) بس من عقب تدوينتج ظربت بريييك شوي شوي وهونت لانه عندي الوردية ووايد استخدمها ممتازة ،، ??
نمت وانا استنى التدوينة ?
تسلم يداتك ،، الله لا يحرمنا ??
بكتفي بالبيوتي بليندر الوردية ،، دام تدي
نفس النتيجة ??
صباحات ماطرة من مدينتي لـ روحكِ اليانعة ☁️⚡️
هلا يا عسل تدوينه رائعه توني تفرغت اقراها من ناحية الزوايا صادقه بتسهل على البنات لكن انا افضل الكبيره لتعدد استخداماتها انا من النوع الي يحب يختصر قدر الامكان بدون ضرر او نقص لكن حلو للبنت الي تحب يكون عندها اكثر من وسيله
ةرغم انشغالي وهمي الا اني ماحبيت اني مااعلف ع مدونتك هذا اقل شي اقدمه بحقك روحك العطاء الي غمرتنا بعطائها طول هالفتره
قبل كل شي اسمحيلي يا روحي انا امرر بازمه وان شاءلله تعدب ع خييير صاير نادرا مادخل الانستا او المدونه ..
بالنسيه للبيوتي بلندر الميني شكل كيووت جد ويدننن بس عندي البيوتي بلندر الورديه تغني وبامكاني اوزع ع حدود العين واي مكان
تبينه انتي وخفة يدك المكياج كله خفه .. وقلتيها انتي .. انتي وشطارتك ?
بسسرحبيت شكلهاا مرره كيوته لو بشتريها بخليهاا ع التسسريحه
اتفرج فيهاا خخخ
شكرا ع كل شي ئلبي
والله يسعدك يارب ❤❤
جميل شرحك انا عندي الورديه بس هذي لسى
ومهما اختلفت الادوات احس اني بالنهاية ارجع للاصبع هههههه
يعطيك العافيه
مرحبا سوس..
صايرة لي فترة اتابعك…
يعجبني شرحك في التدوين احس انو يكفي ويوفي…
استمري يابطلة..
وشكراً لك
يا هلا بارتوستنا التدوينة خفييف على غير العاده ✷ البيوتي بلندر احسها ضروريه عند كل بنت تختصر عليك الادوات والوقت والنتيجة خيال > تسلم يدينك جميلتي
كتبتلك فالانستغرام اني بروح انام واتمنى لمن اقوم الاقيك ضايفتني وطبعا قمت ولا لقيت شي تصدقين يختي انجرحت خصوصا في موقف سابق في شامواه من كم سنه سجلت الدخول وابغى اشوف فيديوهات احمد قبيسي طبعا فهمت ان ردودي لازم توصل عدد معين وانا عذراويه فبطبيعة الحال ماراح اكتب رد الا في موضوع مثالي فاخذ مني الموضوع وقت عشان اوصل للعدد المطلوب وطبعاً تجي الدراما انسى الرقم السري وابغى استرجعه ايميلي متهكر ولاقدرت ادخل واشوف الفيديوهات والحين مدري وش اللي جابها على بالي قلت ادخل واشوفها اكيد فتحوها للعموم واتفاجئ برسالة تسجيل الدخول الى المنتدى ااااه عن جد انجرحت ” قلب مشقوق”
فعلاً كل شيء صغير يجذب غصب ههههههه
أول مانزلوها وإلا براسي أشتريها بعد ماشفتها
بالطبيعه حسيت أنه ماراح تسوي لي شيء جديد
فأكتفيت بالبيوتي بلندر العادية مع إن شكلها يججنن
هالفتره أحاول أقلل من الاستهلاك عندي لأن نص الميك اب
موجود في الدرج ونااادر استخدمه فأحاول أركز على اللي
ابغى اقتنيه فعلاً وأنا عارفه إني راح استخدمه لأن تكدس
المنتجات مسببلي أزمة حالياً ، تخيلي أشتري وأشتري
وفي النهايه مااستخدمه إلا كم مره وتنتهي صلاحيته
وأرميه 🙁 حسافه والله لووول
ويسعد مساك
انا معاك بهالشي عالطاري التعود عالشي تصدقين انا الكونسيلر مااعرف احطه الا بااصابعي مع اني شريت
فرش بوبي براون تبع الكونسيلر مره ذكرتيهم بس اعجز اضبطه الا بااصابعي .. وحبييت عالكيوتة بجربها انشالله احس تناسب للكونسيلر وسهل التحكم فيها اكثر من الفرشة .. تصدقين توسة ثرثرتك اللي بداية المدونة هي ملح التدوينة ياليت تكثرينها انبسط على كلامك فديت روحك ??
يعطيك الف عافية على صدقك و أمانتك و دقتك في التدوين ، كلنا نعرف ان هالتدوينه اللي تشوفينها فصيرة اخذت جهد كبير عشان ترتبين افكارك و تحكمين المنطق بمنتج عاجبك و مع كذا كنت حقانيه ، بسعد قلبك ارتوس الحميلة
سلام منسدح
يختي صرت انام من وقت واقعد ثاني يوم اجهز العيال للروضه ايي والا انتي منزلة تدوينه حزة نومي .. ازعل تدرين اول مره تطوفني تدوينه طافتني تدوينة السيلكون توني اقراها و ع قولتج طحتي ف صديقتج طيحه قشرا انه دايم جذي يعني انه قشرا ههههه البيوتي بلندر يختي ما دشت مزاجي ابد ابد مكياجي بالفراشي بس و الهايلاتر ااه و ما ادراك بالهايلاتر يختي ما احط احس ويههي ينتفخ اذا احطه جربت مره مرتين ما حبيت المظهر استغنيت عنه ولو ان فيه ناس يظنون مكياجي ناقص عادي اهم شي راحتي النفسيه هههههه
وادري بنام الحين وبتنزلين التدوينه لكن معلي شنسوي ?
ارتوس طلب شاطح ياليت تتكلمين عن خطوات الميك اب من البداية للنهاية كيف خطواتج في وضع الميك اب
شكراًارتوسة عالموضوع الكيوت
خلاص بعد تدوينتك ذي قررب اشتريها لان مران تطلع لي حبوب صغاااار جداً خصوصاً قبل البريود تتوقعين تنفع ؟!
مشكوررة جداً على كل اللي تعملينه ❤️??
أويلي ع الكياتة
غالبا أحس إن الاشياء الصغيره االمرتبه وتكون اسعارها معقولة
تدغدغنا أكتر من فايدتها تخليك تشتريها ع اساس انو ممكن تحتاجيها
او انها ماراح تخرب ميزانيتك جربيها ليش لأ
زي مثلا فرش الريل تيكنيك والبيوتي بلندر وميك اب اريزر
وهالشركات تجمع قريشاتها من ورانا
المهم إنك جميلة *قُبلة*
صح كلامج ,
انا عذبني شكلها الصغيييير لو بشتريها بسبب كياتتها والله
ومثل ماقلتي البيوتي بلندر تغني عنها .
مشكوره حبي
مشتاقة أستنى التدوينات و اكون ابي اسبق توت هههههههههه
أنا م اخذتها عشان اظافري دايم اقول اول م اقصها اشتريها و انسى ، بس شكلها حبوب هههههه مدري شلون
المهم تسلم يدك ع تعبك ي سوس الحب .
شكلها جمييل بس اذا البيوتي بلندر تفي بالغرض ماله داعي اخذها ههه
الله يعطيك العافيه على المجهود الي تقدمينه لنا يا احلى ارتوس
يسعد ايامك يارب ارتووس ?
انا معك جدا جدا بسالفة العادة ،
وحبيتها بصراحه كيووت ما توقعتها بهالحجم انصدمت يوم شفتها
بالفيديو ههههه !
وكلك بركه تدوينه جميله يا عسوله ..
يسلموو يسلمووو
والله اشتقنالك
وهذي الدرةه من الواني الفضله بعد
ومستنياك على السناب خاطري اتعرف عليك اكثر واكثر…
تطوري افكاري وكثيييير تثبتي لي ان الي افكر فيه صح انا مو لحالي بتفكيري….
xoxo
الله على لطافة الموضوع كتكوت مثل الإسفنجة .. شكرا توسة
أتوقع أفوز بلقب آخر وحدة تعلق ???
اول ماشريت الاسفنجة الورديه شريتها كذا عشان تصير مثل كل الناس ? وربك جلست بعلبتها جديدة فترررة طويلة مكتفيه بفرشاة سيقما وبيوم طفشانه قلت اجرب وحبيتها حبيتهاا ولا عاد استغني عنها ..
اما هذه مااظن اشتريها احس عندي البديل لها بس ممكن يوم فلوسي زايده واحطها فيها ?
جدًا جميلة ، وناسبتني بالخصوص من ناحية تغطية الحبوب ، احط البرايمر على وجهي بعده احط الكونسيلر على اماكن الحبوب وادمجه بالمايكرو ميني ويعطي مظهر فلولس، ولكن لاحظت انه غسيلها مو سهل مثل البيوتي بلندر الوردية !