صَباح / مَساء يَوم جَديد بعام ٢٠١٥
بهالسنوات بدأت ثورة التجميل تَزدهر بشرق أسيا أو بالأصح ممكن حنا إنفتحنا عليهم أكثر من قبل ..
صارت كوريا وَ اليابان تُصدر منتجات تنافس المنتجات الفرنسيه وَ بأسعار بمتناول الجميع ، صار حتى الشركات الغربيه تحاول ترضي السُوق الأسيوي
أو تِجاريه على الأقل وَ شفنا ضجة البي بي كريم وَ السي سي كريم ..
وَ من الشَغلات إللي أحدثت ثَوره فعلاً هي إسفنجة الكونجاك
ecotools | Pure Complexion Facial Sponge
وَ هي موضوع تدوينتنا اليوم وَ أعتقد راح نسمع عنها كثير خلال هالسنه ، وَ البعض يقول إنها البديل الطبيعي وَ الإقتصادي لفرشة الكلاريسونيك Clarisonic
[ أكيد اللي مَعهم الكلاريسونيك ما راح يَرضون بهالكلام لأنهم مَتكبدين مَبلغ وَ قَدره , لا تَزعلون أنا فَقط أجرب مُنتجات تكون بُمتناول الجَميع بَناء على طَلبكم ]
بدايةً راح نتكلم عن الكونجاك وَ مصدره
ماهو الكونجاك Konjac ؟!
الكونجاك أو كما يطلق باليابانيه Konnyaku عبارة عن نبته لها جذور تشبه البطاطس نوعاً ما
موطنها الأصلي أسيا تُزرع في اليابان وَ كوريا وَ الصين وَ أجزاء من جنوب شرق أسيا ، أستخدم قبل 1500 سنه كعنصر أساسي في الغذاء
وَ العنصر المستخدم هو جذور الكونجاك ( ألياف جلوكومانان ) حيث تحتوي على نسبه كبيره من الألياف بالإضافه إلى مجموعه واسعه من الأحماض الأمينيه وَ الفيتامينات
وَالمعادن مثل الحديد وَ البوتاسيوم وَ الفسفور وَ الكالسيوم وَ يُقال أنه غذاء قلوي يساعد على توازن الحموضه في الجسم
وَ ماازال إلى الآن يُستخدم في الغذاء في شرق أسيا ، يصنعون منه مكرونه وَ نودلز وَ جيلو وأرز ….. الخ
طبعاً الكثير يتبع حمية الكونجاك وَ إشتهرت بفتره كبسولات الكونجاك للتخسيس ، وَ إدعى البعض أنها تُوازي عمليات تكميم المعده في التنحيف
لأنها تحتوي على ألياف تنتفخ بالبطن مع السوائل أضعاف أضعاف حجمها فتعطي إحساس بالشبع ، تقدرون تقولون تشبه عشبة الإسبغول وَ أمثالها
ما علينا مو موضوعنا الأساسي بس الشيء بالشيء يُذكر مثل الإسفنجة ما أثارت ضجه أيضاً الكبسولات أثارت نفس الضجه بسنين ماضيه ..
إللي مُهتم بالدايت ممكن يقرأ عن هالموضوع مع إن البعض حذر من هالحميه خاصه إذا ما تم شُرب ماء كافي معها
نرجع حق مِحور حديثنا ..
متى إستخدمت جذور الكونجاك أو ألياف جلوكومانان في التجميل ~
إستخدمت إسفنجة الكونجاك كمنتج تجميل قبل 100 سنه وَ كانت تستخدم في تحميم الأطفال حديثي الولاده
نظرا لقدرتها على التطهير وَ التنظيف بلطف حتى بدون صابون
فوائد إستخدام إسفنجة الكونجاك ( الطبيعي) ،’
• يُطهر بعمق مسام الجلد وَ يزيل الدهون ، وَ الرؤوس السوداء وَ خلايا الجلد الميتة وَ الأوساخ بلطف ،مما يعطي نعومه للبشرة
• يغذي ويرطب الجلد
• بما إن الإسفنجه تحتوي على مستويات الحموضة القلوية العاليه بشكل طبيعي فبالتالي تعمل على توازن مستوى الرقم الهيدروجيني للبشرة (وَ هو أمر مهم في الحفاظ على بشرتك خالية من العيوب ! )
• فعاله جداً بإزالة الأوساخ دون استخدام أي من المنظفات، وَ يمكن إستخدامها مع المُنظفات ايضاً
• فعال في إزالة الماكياج حتى ماكياج العيون
• يحتوي على مضادات الأكسدة الطبيعية وَ المعادن المفيدة للبشرة
• طبيعيه 100٪ طبيعي.
• مناسبة لجميع أنواع البشرة (بما في ذلك البشرة الحساسة)
• مناسبة لجميع الأعمار (بما في ذلك الرضع والأطفال)
• مناسبة للإستخدام اليومي ( يمكن إستخدامها حتى مرتين في اليوم )
• خالي من العطور وً الملونات الصناعيه وَ المواد الحافظه وَ الكيميائيه
• قابل للتحلل 100٪ ( يعني صديق للبيئه )
• لم يختبر المنتج على الحيوانات
أعتقد الميزتين الأخيرتين ماتهم أغلب العرب لوووول
طريقة الإستخدام ~
في حال الإستخدام للمرة الأولى تنقع لمدة رُبع ساعه بالماء الفاتر [ لاتستخدمون الحار لأنه راح يتلفها ] حتى يتضاعف حجمها وتصبح ناعمه
أما الإستخدام المتكرر يكفي نقعها لمدة تتراوح بين 3 إلى 5 دقائق
يزال الماء الفائض بخفه ثُم يدلك الوجه بحركات دائرية من المنتصف حتى الأطراف ، وَ يراعى عدم التدليك بقوه خاصه في مناطق الحبوب وَ حول العيون
مُمكن إستخدامها بدون منظف ، وَ في حال إستخدام الغسول يُضاف على الإسفنجه نفسها
نغسل الإسفنجه تحت الماء الجاري لين نتأكد إنا تخلصنا من الشوائب وَ بقايا الصابون وَ نضغطها بنعومه بين راحتي اليدين، بدون عصر عشان ماتتلف الألياف
تُعلق الإسفنجه في مكان بعيد عن الرطوبه وَ يفضل لو يكون فيه تيار هواء [ البعض يحب يحتفظ بها في الثلاجه داخل كيس عشان ماتنشط البكتيريا ]
عُمر الإسفنجة ،’
الإسفنجه تعيش مِن شهر إلى 3 أشهر وَ الأفضل إستخدامها لشهر فقط لا أكثر
مُجرد ما تتلف الألياف غيروها دايركت ، وَ الأفضل إستبدال أي فرشه أو إسفنجه بعد 3 أشهر لأن هالشغلات مع الوقت تجمع البكتيريا
في حال أهملتي يوم تنظيف الإسفنجه أو ظلت رطبه فتره طويله ممكن الإستعانه بالمايكرويف لتنظيفها
تدلخلينها لمدة دقيقه المايكرويف بعدها تتركينها تبرد ثم تعصرينها ، لكن هالشي يعجل بتلف الإسفنجه
ببعض الماركات تتنوع ألوان إسفنجة الكونجاك حسب نوعها ~
– الأصليه: تنظف بعمق وَ ترطب تناسب جميع أنواع البشره حتى الحساسه وَ اللي عندهم ورديه
– بالطين الوردي | French Pink Clay: الطين الوردي عباره عن مزيج من الطين الأبيض + الطين الأحمر ، يناسب البشره شديدة الحساسه
يقشر البشره بنعومه وَ ينشط الدوره الدمويه وَ يحد من ظهور علامات التقدم بالعمر
– بالطين الأحمر | French Red Clay: مناسبه للبشره الجافه الحساسه وَ المتقدمه بالعمر وَ الجافه
– بالطين الأخضر | French Green Clay : تناسب البشره العاديه إلى المختلطه تمتص الزيوت وَ تعقم وَ تطهر وَ تحارب البكتيريا وَ تنظف المسام بلطف
– بالفحم| Bamboo Charcoal: تناسب البشره الدهنيه وَ خاصه اللي تعاني من الحبوب ، مضاده للأكسده تحتوي على المعادن وَ الكربون المنشط
تحارب البكتيريا وَ تزيل الدهون الزائده
شخصياً أعتقد أنها مفيده بشكلها الأساسي وَ التنوع ماهو إلا نوع من الإبهار التجاري ..
يعني منطقياً لو الاسفنجه فيها طين وَ فحم أو …. الخ من الإضافات ، مع الغسيل المُتكرر راح ينتهي وَ مستحيل الاسفنجه تحتفظ فيه
وَ حتى إن وُجد بيكون بكميات صغيره غير مؤثره، وَ تظل هذي نظرتي الشخصيه مو بالضروره تكون صحيحه .
رأيي عن إسفنجه الكونجاك ~
التجربه تمت خلال شهر كامل وَ الاسفنجه مازالت صامده وَ محافظه على ملمسها وَشكلها وَ فعاليتها [ اعتقد هالشي يختلف حسب ماركة الأسفنجه وتصنيعها ]
ما إستخدمت غيرها خلال هالفَترة ، يعني تجنبت إستخدم فراشي تنظيف الوجه ، وَ عمداً حتى السنفرة الإسبوعيه قطعتها ( السكروب )
إستخدمتها مَره وحده باليوم في تنظيف الوجه قبل النوم وَ أحياناً أمررها حول عيني ، أما بالنهار أستخدم غسول فقط
حبيتها صراحه ناعمه جداً وَ لينه أشبه بالمارشملو بالليونه أو بالأصح بالمُرونه ،أبداً إحساسها مو ليفي وَ لا خشن
أدري شكلها قاسي بالصوره مبين كأنه حجر الخفاف بينما هي مع البلل جداً ناعمه ..
لاحظوا حجمها وَ شكلها وَ هي مبلوله وَ هي جافه
حسيت فرق بسرعة تكون البثور حول الأنف وَ الخدود وَ الذقن
[أنا من الناس إللي الرؤوس السوداء سريعة الظهور مع إني حريصه على التنظيف ]
بس بدل ماتحتاجين إنك تسنفرين مرتين بالاسبوع ممكن تتقلص لمره وحده فقط ، بتحسين خشمك دايم يلمع لمعة نظافه مو زيت وَ دايم نظيف
هَل تستحق الإقتناء ؟!
تستحق الإقتناء تنظف بنعومه وَ لا تحسس البشره ..
على فكرة أنا بشرتي حساسه إتجاه الفرك يعني مثلاً إذا سنفرت بشرتي وَ السنفرة كانت قاسيه حبتين تزيد إفراز الدهون عندي
ممكن تطلعلي مثل الفصوص البيضاء الصغيره في البشره ، لذلك أحرص دايم إن السنفره تكون ناعمه أو سَنفرة أنزيميه
حبيت تصميم الاسفنجه مثل الدمعه وَ هالشي يخليك توصلين للمنطق حول العين وَ الأنف بسهوله
سعرها رخيص وَ بمتناول الجميع
عيوبها ~
• يعيبها إن مافيها خيط للتعليق ، وَ هالشي مايخليك تعلقين الإسفنجه عشان تنشف ، تَضطرين تحطينها على شبك أو قاعده ، وَ هالشي أشوفه مُو عملي غير إنه يعرض الاسفنجه لنمو البكتييريا ، وَ هذا مثال لنوع ثاني بخيط بس بتصميم دائري
• أيضاً أشوفها غير عمليه ، يعني لازم تنقعينها شوي قبل الإستخدام, وَ السوق صار فيه منتجات تستخدم دايركت
هل حسيت فرق شاسع ببشرتي؟
ماراح أحس بفرق لاني حريصه دايم على تنظيف بشرتي ، بس فعلياً تحسين بإنتعاش بعدها ، وَ أعتقد اذا وحده مهمله أو ماتهتم ببشرتها دورياً راح تحس بفرق وَ لمعه ببشرتها ، وَ ماكذب عليكم قلتلكم إني تركت العنايه الاسبوعيه وَ مو مبين هالشي وَ إن دَل على شي فيدل على فعاليته خاصه فيما يتعلق بالبثور
، من ناحية إنها ممكن تستخدم من غير صابون ماجربت صراحه ، وَ إنها تخفف الدهون ماحسيت هالشي لإني إستخدمتها في فترة شتويه وَ هالفتره بشرتي ماتفرز دهون كثير ، من ناحية الترطيب ماحسيت هالشي لأن بشرتي دهنيه خلقتها رطبه ، طبعاً انا ماجربت الإ نوع واحد اللي هو فحم البامبو ممكن يكون فيه إختلاف مَع النوعيات الأخرى
بالنسبه للماكياج نفسياً ماقدرت أشيل الماكياج فيها مدري أحسها بتتلوث وَ ماراح ينفع إعادة إستخدامها مازلت أشيل الماكياج بالقطن وَ بجهاز آخر لتنظيف البَشرة
هل راح أقتنيها من جديد ؟
ما أعتقد راح أقتنيها مو لأنها مو جيده بالعكس حبيتها ، بس لأن عندي البديل إللي أشوفه أكثر عمليه منه رغم غَلاء سعره
بس أعتقد راح أشتري إسفنجة الكونجاك الخاصه بالجسم تجي كبيره وَ متموجه ، أحسها بتكون أفضل من إسفنجة الجسم العاديه
وَ هذي صَورتها حَتى تستفيدون أكثر
إسفنجة الكونجاك أو كلاريسونيك ؟!
أنا من الأشخاص إللي ما حَبيت الكلاريسونيك وَ أحسها شَوي قاسيه على بشرتي وَ غير عَمليه
شَفتوا كبسولات القهوه حَق نسبريسو ؟! أحدثت ثَوره لكن فكرتها هُو الإستمرار وَ إستنزاف المَال بشراء الكَبسولات
بأسعار مُبالغ بها أقرب لسعر قَهوه بَمحل طبعاً المَوضوع ما يَشبه بس حابه أفهمكم لعب الشركات شَلون تخليك دائماً مُدمن عليها
أنا مَعي فرشاة أسنان من براون كهربائية دائماً بشراء مُستمر لكن الفَرق اللهم إن الفرشة إجبارية التَغيير يعني سواء كَهربائية أو غير كهربائية راح تَغيرينها
لكن المٌشكله بالكلاريسونيك هو الإستمرار بالدَفع لتغيير الفُرشه وَ للأسف هي وَ إسفنجة الكونجاك يَجمعون نفس البكتريا لو ما تَغيرت الفُرشه
اللهم إن الكونجاك أرَخص , من ناحية الفعاليه مَين أفضل ما أقدر أحكم لأن ما جربت الكلاريسونيك ما تناسبني , لكن الدَكاترة مدحوا الكونجاك وَ أنا الإثنين ما يَلزموني حَتى تكونون بالصَورة فما بَطلع شيء القَمر
مَن وَين إشتريتها ؟!
مَتوفره بالصَيدليات وَ سيفورا وَ أماكن التَجميل الكَوريه وَ اليابانيه وَ … إلخ
وَ أسعارها تتراوح بين ٦ دَولار إلى ٢٥ دَولار وَ تختلف الجَوده لكن الأهم بالمَوضوع يكون مَكتوب عليها Pure بَغض النظر عن البراند
بالنهايه هَي إسفنجه مافيها هالتَكنيك المُعقد
بالنَسبة لَي ما شريتها كانت تَقدمه لَي من مَتجر le_mquillage [ أضَغطي هُنا ]
وَ صراحه هَي أهدتها لَي كذا من باب الصَداقه وَ مشاركتي بالجَديد مَع مُنتجات أخرى , لكن تَستحق الإشادة
لو ما كانت تَشاركني بالجَديد ما كان إنتبهت لها , وَ يحزني إني طَرحت هالرَيفيو بأيام وَفاة والدها – الله يَرحمه –
دَعواتي لكم بالصَبر وَ عظم الله أجركم , كنت راح أأخر الطَرح أكثر لكن قَلت لعل وَعسى رَجوعك بأقرب فَرصه لعملك يَخفف مَن حُزنك .
دُمتم بَحب
يسلمووووو على الطرح الجميل
العَفو ملوك ..تواجدك الأجمل
دائما منورتنا بمصداقيتك وحرصك … مماجعلني احرص على قراءة جرعاتك القاتله اتوقع بالغالب انها راح تكون صحيحه او فيها بعد نظر اكثر من المشاهد حاليا …مع العلم اني كنت مخالفتك بأشياء فكريا تبين لي بالاخير انك انتي الصح فيها ومازلت اتوق لثرثرتك …قبلاتي
يآهلاً بك , هههههههه رَشا لا تتأثرين بأفكاري ..
المقالات العَلميه وَ الصحيه ثابته تقريباً وَ بالرغم العُلماء فيه تناقضات أحياناً , لكن الفكر يشمل مباديء وَ قيم
مافيه مُسلمات حتى أنا فَكري يَتغير , بَعتبرها جُرعة مَحبه ..
المُهم لا تَستعجلين وَ تشترين شيء إنتظروا يَمكن أقدم لكم حَل آخر أنا ناسبني وَ يمكن ينَاسبكم
دائما ادق التفاصيل
ربي يسعدك ?
من زمان اشوف البلوقرز بلانستقرام يتكلمون عنها بس ولا وحده تتكلم عن المنتج مثلج ارتوس مومجامله والله فعلا انتي انسانه كتاباتج تبسط المعلومه وبنفس الوقت تخلينا نفهمها عدل. يعني محد علمني على عيوب الاسفنجه ومزاياها كثرج .. قلتلج كتاباتج لاتمل انتي بالنسبه لي مرجع جمال ماشالله ❤️❤️ صج شوقتيني اشتريها
بالنسبه للكلراسونك انا شخصيا ودعت الزيوان ودهون الانف اول حتى مع السنفره يطلعلي بس من استخدمت الكلراسونك اختفو. مو خفو لا اختفو ودهون الخشم خفت وجهي ماصار يدهن بالميكياج نفس قبل عشان جذي هالجهاز عزيز علي
يؤ يا حَظي على هالإطراء مَنك توتا دُوم غامرتني بَلطفك وَ دَعمك ..
فَديت قَلبك ❤️ , وَ إن شاء الله دُوم أكون عَند حُسن الظن ..
وَ تصدقين فَرحت بذكر تجربتك بخصوص الكلاريسونيك , خاصه إنك إنسانه مَنطقيه دوم بذكر تجاربك وَ دايم أستفيد من إنتقاداتك لأي مُنتج
سَخيه بذكر تَجاربك , نَورتيني وَ أي مَقال لَي بدون طلتك ناقص
جمالك ,, اي شي يخص البشره يشدني ما ادري ليش بالرغم اهتمامي من جنبها
تدرين زادت ثقتي فيك اضعاف خصوصا ان اكثر من شي جربته هالفتره من مدحك له وناسبوني الحمدلله
منهم (مرطب ليراك .. العشق ديكلار .. المقشر الانزيمي )
احب الكلام عن البشره مرات لما اكون طفشانه ادخل يوتيوب واتفرج (skin care routine ) انبسط مدري ليه ؟
بالنسبه للكلاراسونيك نفسك ما جرتبها لكن جربت جهاز ميني لونا اممم ماشفت فرق ف راميته بالدرج ..
بأمانه انبسطت مره ان بشرتك حساسه لان نفسسس بشرتي بالضبط .. عبالي اختك دهنيه/حساسه
اممم طيب نبي تدوينه عن افضل سيروم مثلا , فيه كم سيروم نفسي اجربهم مع الدرمارولر بس مررره محتاره وش اجرب
وطبعا استحيت اسألك ……
شكراااا مره ثانيه , قرقرت واجد
يؤ وَ الله فَرحتيني الحَمدلله , عُموماً صَعب تجربتي تتوافق مَع نُص سكان الكُره الأرضيه
لكن عالأقل اللي بنفس طبيعة بشرتي لرُبما تتلائم مَعهم ..
بالنَسبة للكلاريسونيك وَ اللونا ماراح أقولك هُم مو فعالين هم مو منتج للعنايه لإضفاء رونق مٌعين , لكن يسهلون النظافه العميقه
وَ بنفس الوقت يخلون البشره تمتص كريمات العنايه بشكل أكبر , مرات تدهنين وجهك مثلاً بكريم يتحسس أو يطلع له حبوب بسبب بقاء بكتيريا داخل البشره
هذول يضمنون لك النظافة ..
بشرتي مو حساسه لكن تتحسس , مثلاً الماكياج ما يأثر فيني , لكن الحر يخلي كأن نحله قرصتني ..
وَ الفرك الزايد عن اللزوم , تخيلي بينما التقشير عادي ؟! هههههه وَ الليزر عادي ..
الديرما رولر يبيله سيروم مجدد للبشرة وَ صعب الحَصر ..
لكن خذي سيروم طَبي , وَ أحرصي عالتعقيم هو الأهم بهالعمليه
اهااا اجل برجع للونا نعطيها فرصه ثانيه
يسعدك سوس افدتيني كثييير …
إرجعي لَها .. مسألة وقت
وبعدين لو تهتمين صَح مع مُنتجات صَح راح تلاحظين فَرق ..
أي عنايه بالبشره عشان تظهر صَح يبيلها شهر تقريباً
ههههههه لاتخافين علي … اشك انك قرأتي كتاب العادات السبع لستيفن كوفي ياشيخه قاعده تنسخين كلامه بافعال اقرئي ع الاقل باب من الداخل للخارج هذا لو ماقرأتيه ..قاعد يتكلم عن الفكر والمبداء والقيم وكيف الانسان يتغير بمعني يتطور … وبالنسبه للشراء مانويت لاني حسيت ان عندك بديل افضل
حَمستيني عن هالكَتاب للأسف أنا إطلاعي عَلمي فقط
نادراً ما أقرأ بهالكُتب تَصدقين !! .. لكن لعيونك بطلع على الباب عَشان أشوف شلون شَفتيني بهالشكل ..
ههههههه مُمتاز
يعطيكككك العافيه راح اجربها .. ي مال الجنه ونستنا الجديده
يَعافي قَلبك ..
شرح وافي يا سوسو الله يعطيك العافيه
حابه اعرف رأيك في جهاز لونا ميني من فوريو
اتوقع السيلكون سهل التنظيف وما يجمع بكتيريا
بشرتي دهنيه حساسه ومحتاره بالجهاز الي يناسبها في التنظيف
يهمني رأيك ، اتمنى تفيديني اكون شاكرة
إنَتظري تَدوينه عَنه بتاريخ ١٢ يناير راح أطَرحها ..
لا تَستعجلين , يعني كلها ١٠ أيام وَ أقوم بالطَرح
نَورتيني
قواج ربي حبيبتي ♡
وَياك ..
طيب ارتوسه ما ذكرتي البديل اللي انتي مرتاحه له 🙂
بالتَدوينات القادمه حَتى أكون مُنصفه وَ غير مُتحيزه ..
هالشي بالذات اول مره اشوفها واسمع عنها ..مع اني صحبه مع شرق آسيا جمال وثقافه وكلش
لازم اجربها 🙂
يعطيك العافيه ارتوس
شكرا شكرا شكراا
هههههه واضح غرامك بَشرق آسيا ..
يعافيك ,نورتيني
ان شاء الله لازم نجربها
ارتوس بسألك سؤال برع البوست شوي الحين لما الخشم يكون فيه رؤوس سوداء وبيضاء يبين أكبر وأسمن ؟
وهل السمينين خشمهم يكبر أو لا مثلا لو قلنا زايد ب10 كيلو عن المثالي ؟
*متعقدة من خشمها*
نعم الروؤس البيضاء تعطي تعبئة دهون بداخل الأنف فلما ينظف يقل حجم الأنف عاد مو بالشكل اللي متصورينه
بالنسبه للأنف شوفي حسين الجسمي لما نحف وضح خشمه أكثر وَ أكثر
كان خشمه مختفي مع خدوده وَ غيره , لكن لما نحف وضحت تفاصيل وَجهه إن شاء الله أكون فهمت سؤالك زَين
أحلى بداية سنة مع تدوينة لارتوسه❤️
شكراً لكِ ..
العَفو يآ حبيبتي .. مَيرسي
اولا الله يرحم والدها و يجبر قلبها و الله يجيرهافي مصيبتها و يخلف لها خير منها ،،
عاد اول ما شفتك منزلة الصورة و تقولين نين تحرز آيش هوه ه الشي ،، بغيت أقول لك كأنه انفي لما تطلع عليه الروس السوداء
كتبت كلام واجد ما طلع في التعليق مدري ليش وما فيني شدة ارجع اكتب من جديد
بس استفسار ،، هل فعاليتها نفس الشي بالنسبة للرجال ،، يعني تفيد بشرتهم مثل الحريم و الا اقل
آمين , شاكره لك ذَوقك وَ لطفك ..
آما , هههههه ضَحكتيني بالتشبيه بالغتي أتوقع بَس حلوه مَنك
صَراحه هالرؤوس السوداء أكثر شيء مُمكن يضيع مَجهود الشخص بالعنايه بَوجهه
دُوم منورتني
ربي يعطيك ماتتمنين اتمنى اكون يوم من الايام مثلك في كل شي في جمالك واخلاقك وعطائك وكل شي انافخورة فيك صراحة ربي يسعدك ❤️
أخَجلتم تَواضعنا , ما تَدرين يَمكن تَكونين أفَضل مَني
لكن تَشوفيني بعين النظر ..
تسلمين لي يآرب , كلك ذوق❤️
حسيت بتناسبني
صايره اغسل وجهي بالغسول مره وحده قبل لا انام
ولما اصحى بالمويا بس اتخيل بتضبط معاي خصوصا ان بشرتي صايره حساسه
وَ الله بشرتك حَلوه وَ زينه بس إنتِ تهورتي بها يَوماً ما ..
وَ إن شاء الله تلائمك بَكون سعيده إذا إستفدتي بأي شيء أطَرحه
يعطيكي العافية سوس، الموضوع متكامل وحبيت المقدمة اللي كتبتيها عن النبتة-احب المعلومات اللي بتضيفيها لموضوعاتك عادةً…
كنت مفكرة اشتري كلاريسونيك أو لونا، حابه انو يكون عندي جهاز لتنظيف الوجه والجسم .. تحمست جداً لمن قرأت تعليقك انو راح تنزلي تدوينة جديدة بهد 10 ايام ان شاء الله ، بس عندي سؤال هل في جهاز جيد لتنظيف الجسم غير الكلاريسونيك-في حال اني اخترت لونا؟
شكراً:)
يَعافي قَلبك , أفضل شيء للجَسم وَ تنشيظ الدورة الدمويه السنفرة السويدية الجافه وَ تكلمت عنها مَن زمان
بس برجع أعَيد الطَرح قريباً جداً جداً .. الجسم أشوف الحمام المَغربي يَكفي وَ يوفي
بس الوجه أنتظري مابقى شيء ١٢ الشهر تاريخ مُحدد وَ أساساً التدوينة مَكتوبه وَ تم جدولتها بتاريخ ١٢ يناير
وَقتها حَددي مَوقفك من عَملية الشَراء هل يستحق ؟! أو ما يَستحق .. هل يلائمك فعلياً
هل هُو باهظ الثَمن علي شيء ما يَسوى ..إلخ
قد ما أقدر أحاول أكون مَوضوعيه بكتاباتي ,وَ إن شاء الله ما أكون مُتحيزه بَأي وقت
والي بشرته حساسه ودلوعه
كتبت تعليق وراح
احب طرحك حتى لو ماناسبني
مصداقيتك تفوق الوصف
هالوقت بين الاذان والاقامه ودعوه من قلبي
ربي يسعدك ويفتح لك ابوابه ويسخر لك عباده
ويجعل امك بالفردوس ويحفظ لك احبابك
رديت على تَعليقك الأول ..
وَ يسلم لي قَلبك اللي دَعى لي مَن قلب قَلبه
آمين وَ الله يجزاك بالمَثل وَ يحقق أمانيك , لَربما دَعوة منكم كان سَبب سعادة لَي
الله أعلم بما في القَلوب
تَدور على إسفنجة الكونجاك للبشرة الحَساسه
أو تختار أحد أجهزة البشرة الحَساسه رآح تفيدها بالحَيل ..
ارتوس كأني حسيت انه فيه تدوينه عن لونا قريبا p;
انا اشتريتها وطلعت لي حبوب وتركتها لما راحت ورجعت استخدمها وطلعت لي حبوب برضو
حسيت اني ندمت لان جدا جدا غاليه ، بس رح استنى تدوينتك ❤
يسعدك ربي تدوينة جدا مفيدة ..
احب طريقتك واسلوبك بالطرح وحلو بعد انك تتكلمين عن جميع الجوانب للمنتج اللي تطرحينه بأي تدوينة
بس حابه اسألك بما ان التدوينة هذي عن العناية بالوجه ،، انا تعبت وانا ادور الغسول المناسب مافيه شي عجبني
كلين اند كلير وغارنييه وطقتها يحرقون وجهي وتعبت منهم .. شفت بلوقرز اجانب يتكلمون عن ماركة simple وجالسه افكر اجربها
بس قلت اسألك بإيش تنصحيني انتي هل جربتي هذي الماركة ولا لأ !! لأني ما بي شي مره غالي وما اقدر اشتريه كل شهر تقريبا وابغى استمر ولا ابي الرخيص اللي مفعوله جدا سيء ويحمر وجهي ويحرقني بسببه
ويعطيك العافيه يارب ويرزقك أجمل مما تتمنين
تسلم يدينك على كل حرف كتبتيه في سبيل نشر العلم ومساعدة الأخرين …
يالله بالرغم ان اللي حولي دايمً يسيئون لك واقصد بالإساءة حكي الحريم اللي ماله داعي “مغرورة ، شايفة نفسها احسن الناس ، تستعرض ، تهايط الخ…” الا اني اقف بوجوههم بكل شراسة للدفاع عنك واحسهم احياناً يتقصدون يسيئون لك قدامي عشان يستفزوني “ايه نعم لهالدرجة ادافع عنك =) لا والمشكلة انهم اكثر ناس مستفيدين من منشوراتك لكن سبحان الله ناكرين للمعروف 🙁 مرة وحدة من قريباتي اللي تتابعك كنا نسولف عن انستقرام وجبنا سيرتك قالت : “احس ارتوس شينة بس شاطرة تستعرض بكفوفها ورجولها قلت ماشاءالله اذا هذي رجولها كيف وجهها < فخورة بردي عليها لأنه مايحتاج اقولك شلون بغت تنفقع من القهر =)
بتقولين ليش كل هذا ؟ لأنك وببساطة صاحبة فضل علي من بعد الله ..
أفدتيني بجوانب عديدة وساعدتيني بتطوير ذاتي بدون ماتحسين من ناحية الرياضة والمكياج والطبخ والفاشن وكل شيء يخص الأنثى الجميلة المتكاملة ❤️
لاتحسبيني stalker ترى والله اني حليلة واحبك حب أبدي ههههههه 🙁
وشكراً لهالبلوق اللي عطاني فرصة اكتب لك هالمعلقة عاد وش يفكك مني كل مانزلتي پوست بجي اكتب لك مشاعري الجياشة وسوالف قريباتي ناكرات الجميل 🙂 بس عاد اخاف تسوين لي بلوك ههههههه 🙁
الف شكر على وقتك وجهدك. عندي سؤال بحكم خبرتك بس بعيد عن التدوينة بعد اذنك. وقتي حاليا ضيق جدا جدا وحابه اعرف ايش الاشياء الاساسيه الي لازم يوميا اعملها للبشره حتى لو وقتي ضيق.
ارتوس يَ ارتوس اتحمس لمواضيعك بشكل ما تتصورينه وكل كلمه تكتبينها تثبت براسي وما انساها عرفت اشياء كثيره واستفدت منك كثير ما اقول الا اللله يكتب لك اجر كل حرف كتبتيه
احبش واحب مقالاتش من اعمق نقطه في قلبي
ما فيه بلوقر اثق فيها من البلوقرز السعوديات عمومًا قدك و ولاء .. فعلًا مصداقية بالطرح و وضوح و ما فيه نفخ بمنتجات و تلميع
المامك بالموضوع احيانًا يخليني اقتنع و خلاص ع وشك اشتريه ، بس لما تعطين رايك بعدين اتردد اشتريها او لا 🙁 !
بس انتظر تدوينتك عن جهاز لونا لاني شفت gossmakeupartist يمدحه و دخل مزاجي
يعطيك العافيه تووووسه
انا ودي بشي يعطي نضارة للبشره تنصحين بابر النضارة ؟؟؟؟ وايش البديل
مدام توستنا قالت تستحق الاقتناء ، يعني نجيبها 🙂 <3
شكرًا الله يعطيك العافية ويخليك لنا يا احلى ارتوس تدويناتك ماينمل منها مليئة بالمعلومات وكافية ووافية
كتبت تعليق ياطولة اذكر تجربتي الكلاريسونيك بس ما اعرف ليش ماوصل تعليقي كامل ..
بالمختصر أني مرررره حبيتها ❤️
يعطيك الف عافيه على هالتفرير المفصل ماشاء الله
الاسفنجه ببالي من زمان لكن موضوعك اثراني بمعلومات ماكنت اعرفها وساعدني كثير … اذا كذا فبزيد الطلب ل٣ قطع تكفيني
أشكرك عزيزتي أرتوس عالتقرير الأكثر من رائع والله يرحم جميع موتانا وموتى المسلمين ياااارب
بشرتي مره حساسه وناسبتني الاسفنجة بس جبت نوع ثاني بس برضو كونجاك وليا 3 شهور وأكثر من رائعه ونتايجها رهيبه أستخدمها مع سيتافيل واحيانا مع Purity من philosophy ممتاز الحمدلله
كنت تكه وحأشتري الكليراسونيك بس الحمدلله وحده أميريكيه من البلوقرز حمستني اشتريها غير الريفيوز اللي قريتها عنها في أمازون
وهذا رابطها في أمازون
http://www.amazon.com/gp/product/B00JL2TURM/ref=oh_aui_detailpage_o05_s00?ie=UTF8&psc=1
ليت بعد اذنك تعطينا أب دَيت لروتين عنايتك بالبشره ولك جزيل الشكر دائما
كوني بخير
آرتوس انتي قد كتبت لك انتي قدوتي بالجمال وهذا فعلاً شي احسه واعيشه ويتأكد لي كل ما قريت حروفك
ربي يسلم يمينك ويرحم الجوهرة اللي جابتك لنا يا الماسه
دمتي مُتألقه
حبيبتي ارتووس من فترة وانا اقرا ف المدونة لكن ما اعرف شو هالهيازة اللي مخلتني ما اعلق ..لان احس مهما كتبت ما اوفي حقج
تدوييينة جمييلة مثل باقي التدوينات حتى اللي قارتنه قبل اكثر عن مره ف شمواه رديت اقراه مره ثانية …اسلوووبج يخليني احس الموضوع بعده يديد
كنت بشتري الكلاريسونيك بس ع رأي الناس ما خذتها لان بشرتي ابدا ما بتتحملها فشكلي اذا لقيت الكونجاك بجربه لاني اعاني هالفترة لازم اغير
روتيني للاهتمام بويهي بالذات من بعد ما خلص عني منتج ما اقدر اوفره الا اذا سافرت وبما ان السوق مليان بسير بدور لي شي حاطه ف بالي من ديرمالوجيكا شو رايج ولا اجرب من رابند ثاني … حبيبي غمضتني الله يرحمه ويصبرهم ويزاج الله خير عسى ربي يسعدج مثل ما حاولتي تسعدينها
يسلم قلبك على كل شي تطرحينه
لو اني احفظ دروسي مثل ما احفظ كلامش كأن مدري وش صرت الحين 🙂
مرحبا ارتوس ابي منك خدمه الصراحه ودي اعتني ببشتري بس مااعرف كيف ولا ايش استخدم فانصحيني بشرتي دهنيه واحتار كثير تكفين ساعديني وانا مره احبك ومره اتسفدت منك في اشياء كثير
حسب بشره دهنيه فيها حبوب أو بدون حبوب , فيه مشاكل أو بدون مشاكل ..
أهم شيء برنامج للنهار وَ الليل كلها كم كريم وَواقي من أشعة الشمس , تنظيف بالأسبوع مرتين بسنفرة وَ ماسك ..
سهله جداً يبيلك تطلين على قسم البشرة وَ تشوفين وش يناسبك
يعطيك العافيه ، تحمست اجرب هالمنتج ❤️❤️
ليش طيب بعد ماشتريت الكلارسونك صعبة الاسم ذي اااااـ ههههههه ربي يسعدك توسه ،
هههههههههههههه بالبرَكه عليك ..
أوقات أخاف من اجهزة تنظيف البشرة أنها تسبب تجاعيد
ع المدى البعيد خصوصا كلاريسونيك ما حبيتها احسها قاسية
بس هذي الاسفنجه ريحتني شوي شكراً لك و رح انتظر
تجربتك الثانية
ما أتوقع تسبب تَجاعيد ممكن تسبب خدوش مُمكن لكن التجاعيد ما أظن
لأنها تحرك الدَورة الدمويه , نورتيني
صباحك ورد
يعطيج العافية يا عسسل
عاد تعرفين انا شريت اللونا بنائ ع ريفيو من قلب جميرا .. تذكرين سالتج عالخاص عنها شو الاحسن هي اللونا ولا الكلاراسونيك و قلتي تثقين بقلب جميرا ؟
عموما .. هاللونا ع سعرها .. اممم مرات تصيب و مرات تخيب .. مادري احسها ع حسب مزاج البشرة .. مرات تتفاعل صح و تعطي نتيجة تبهرني و مرات يا زيد ما كانك غزيت
يلا ننتظر تدوينتج
فوتك بالف عافية يا ستي
إلا تَذكرتك , وَ أختيار موفق بشرائك للونا من وجهة نظري ..
اللونا نفسها جهاز تنظيف ماراح تضيف الكثير , اللي راح يغير المنتجات اللي معه
لو أخترتي الغسول الصح , التونر الصح , كريم العنايه بالبشرة الصَح هنا وقتها بتوصلين لمُبتغاك ..
طيب تمنيت تذكرين لي سبب النتائج الغير مُرضيه , لأن حابه أحصر تجارب كثيره خاصه أني بكتب عن اللونا ..
وَ أنتِ إنسانه مالك مصلحه من الترويج الكاذب فرأيك يَهمني
يعطيك الف عافيه على هالريفو الجميل
اكثر شي يتعبني هو الرؤوس البيضا بخشمي مع اني مهتمه بالفيشال
جبت فرشاه البدي شوب ولا ناسبتني خلتني مثل المهرج
وحاليا استخدم الاسفنج العادي حق الفيشال ومرتاحه عليه
البيضاء تُزال من خلال الإبرة إن شاء الله عرفتيها إبرة التنظيف
لان فكرتها مُختلفه قليلاً
يعطيك العافيه ارتوس شكلي بجربها لكن ماقلتي وش المنتج البديل اللي تستخدمينه؟! <<< ولا يفوت صغيره هههههه اذا مافي احراج وكل سنه وانتي طيبه
صبااآحاتك ورد
اكيد بخبرك تجربتي ما يغلى عليك
الله يسلمك في كذا سبب .. الاساسي منها هو نوعية الغسول .. انا من محبي ماركة كلارنس و عندي غسول ثاني من افين .. الي شفته انه غسول كلارنس نفعني اكثر لان الرغوة فيه اكبر.. غير عن غسول افين .. غير كذا كلارنس يتفاعل اكثر مع اللونا بعكس افين .. اتصور التركيبة تلعب دور .. افين شوي تحسيه ناااايم مافيه حركة بالغسول .. و اصلا بشرتي تتفاعل مع كلارنس وقت التعب اكثر مع كلارنس اكثر عن افين و تعطيني نتيجة
السبب الثاني .. انا مثلا بشرتي كانت فيها حبوب والحمدلله الحين مافي الا وقت الدورة .. فـ وقت الدورة اتعب وايد غير كذا عن الحبوب .. فاحس الطين يزيد بله .. بدال لا تنظف تكبر الحبة معي .. مادري ليش ع اني غيرت الغسول .. و غيرت نظام السكراب و الكريم المرطب .. بس كله ما نفع معي ..
السبب الثالث .. الجو يلعب دور كبير جدا عندي .. اصلا بشرتي دهنية .. بس مرات بسبب الجو فجاة تصير جافة لفترة من الوقت ف لمن اغسلها ما ينفع .. و اتصور بسبب تقلبها الغسول ما ينفع معها بالتالي اللونا ما تشتغل عدل
و طبعا انا احس .. بوجهة نظري .. كله يعتمد ع روتين عنايتك .. يعني ما بجي بليلة و بقول اووه لونا ما نفعت و انا اصلا مو مهتمة بوجهي .. لا سكراب لا ماسك و انتظر نتيجة سحرية من لونا .. جربتها قبل .. و تميت اسبوعين تقريبا بدون ماسك بدون سكراب و بس الغسوول .. ما حصلت النتيجة المرضية ..
بالنهاية كله كله مع بعض .. مثل ما يقولوا يد وحدة ما تصفق .. ف الجهاز بروحه ما رح يفيدج .. لازم ويااه عناية مستمرة
اتمنى اكون افدتج و اذا بغيتي شي ثاني ما يردج غير لسانج
ارتةس كثير استفدت منك وتغيرت كثير من كلامك وتدوينك وانا اتابعك من زمان
عندي سؤال
عندي حبوب تطلع وين وين وع طول تبقي اثر وبعدين تصير مكان الحبه حفره والله مره مدري ايش الحل انصحيني
يعطيج ألف عافيه
Love you and thank you for the superb review
جزاك الله خير اللهم امين الله لا يوريك مكروه بعزيز وغالي
فجأني وقت اختيارك للطرح والسبب منه
شعور نبيل منك وخفف عني مشاركتكم لي
اتفاجأت وقت رجوعي للعمل بانقضاء ساعات الدوام بالطلبات الحمدلله بجد شي اجبرني للعوده بسرعه وبقوة
الله يسعدك مثل ما اسعدتيني
آمين يا عَيني وَ الله يَصبركم ..
وَ أكيد يسعدني إنك قدرتي تتخطين المَحنه وَ هذا يدل على قَوة إيمانك ..
وَ اللهم أرزقني وَ أرزق مَني , وَ بالنهايه أنا أشكرك على مُشاركتي بجَديدك دائماً
الله يبارك لك برزقك
وبالنسبه لألوان الاسفنجه الايكوتولز مافي متوفر غير لونين الاسود لجميع انواع البشره
والابيض للبشره الحساسة حبيت اضيف هالمعلومه للتدوينه
حَياك الله ..
شاكره لك هالإضافه
حبيبي ارتوس بعلق على شغلة باعلانات المدونه احيان كثير ادخل وتكون في اعلانات جنسية وناس نيكيد واشياء تجيب الهم اذا في حل توقفين هالنوع او شيء واكون جدا شاكره لك
بالتوفيق ياجميلتنا
انا تقريبا زي بشترتك من ناحية الدهنيه من جهت الانف والخدين والدقن
لازلت باقي ادرو علي غشول مناسب لي باقي مستمره علي سنفره الخوخ
احسها هي انسب لي واحس اني مؤقته
فاحابه اعرف غسولك اليومي بما انك تقريبا نفس البشره ؟
ماشالله وايد رفيو حلوووو توي شاريتها وتشجعت استتخدمها مع صابونه زبده الشيا النتيجه تنظيف حلو بدون جفاف او قشوور او احمرار بس جربت البيضا طبعا
موفقه واستمري
حياك الله يا زَوز
وَ أتمنى لك نتائج مَوفقه مَعها ..
نورتيني
الله عليك يا ارتوس :))
ياحبي لقلبك ياختي ماخليتي معلومة ماعلمتينا ماشاء الله عليك 3>
ربي يحفظك ويسعد قلبك يَ جميلة 3> 3>
مرحبآ ارتوس يارب تكوني بخير وصحه ❤❤
بعد ما شفت هالتدوينه تحمست كثير للأسفنجه
وحطيتها بقائمة مشترياتي من زمان
وقبل اسبوع تقريبا قدرت اشتريها
استخدمتها 3 ايام و جدا جميله وتعطي لمعة نظافه ف منطقة التي زون
سؤالي هو كيف انشفها ؟ حطيتها ع شبك ف غرفتي وما نشفت
تجلس لين اليوم الثاني مبلوله خفت استخدمها فقلت اسألك و أشوف رايك ..
وشكككرا لك ❤❤
الله يعطيك العافيه ماقصرتي بكمية المعلومات اللي تقدمينها
هو الشي اللي مو مريح فيها انها بدون خيط وعلشان اريح نفسي من سالفة احطها تحت شبك لانه مو متوفر عندي حطيت بالاسفنجه خيط وصرت اعلقها اريح
حبيت افيد البنات اللي مايحبون يطلبون من التاجرات الاسفنجه لقيتها متوفره بصيدلية وايتس …
السلام عليكم ~
على قد ما فيه ناس تعمل ريڤيوز و تتكلم إلا إنو ما في أحد بمثل إهتمامك حقيقي تبهريني ، من زمان أتابعك من أيام شمواه و كثثثثثثير إستفدت منك من ماسكات و برودكتس و حتى فاشن برضو وعيتيني على أشياء كنت ماأعرفها و حبيتك في الله ().
دائماً أستحي أكتب لك بس هالمرة قلت لازم أخبرك بالنتائج اشتريت الإسفنجة بناءاً الريڤيو تبعك و مره مره عملت معاي فرق خففت حب الشباب و لاحظت حتى إنو السيروم تتشربه البشرة بشكل أحسن و بالنسبة للآثار اللي كانت عندي خفت بنسبة ٧٠٪ طبعاً مو بس بسبب الإسفنجة بسبب الروتين الكامل بس أحس الإسفنجة ساعدت كثير ().
و الحين ما عاد أستغني عنها ❤️.
صدق ماني عارفة كيف أعبر لك عن امتناني و تقديري لك على كل اللي تعلمته منك خصوصاً ماسك الشاي الأخضر اللي حرفياً أعمله كل أسبوع و العايلة كلها حبته حتى أخوي ،
أرتوس أنتِ البلوقر الوحيدة اللي أثق في الريڤيوز تبعك و في الأشياء اللي تتكلمي عنها لأنو تجيبي الموضوع شامل و كامل لكل التفاصيل حتى بمعلومات طبية و أشياء غيرك أصلاً مستحيل يبحث عنها ()
عموماً الله يعطيكِ العافية و يجزاك خير على اللي تسوينه ()
و الله يوفقكِ و يسعدكِ ()
و أعتذر على التعبير المخبط :/
أحبك ()
انا استخدمتها لي شهر ونص تقريبا
واستخدمت الكلاراسونيك قبلها تحسين هو ينظف اكثر منها يعني بعد ما اغسل فيه احس بشرتي جد تلمع نظافه
لكن استخدمت الفرشه وتركت الكلاراسونيك لان عرفت انه بيجمل لي البشره فتره معينه وبعدها بتبدا تطلع لي تجاعيد من قوة الفرك على البشره وانا بشرتي حساسه ودهنيه وماتتحمل حتى دهونها زيد مع قوة التنظيف
عشان كذا استخدمت الاسفنجه تنظيفها معتدل وهذا هو الي ابيه ما تفرك لي البشره بعنف ولطيفه
ما ابي التنظيف الي يدمر لي بشرتي
احتاج تنظيف في روتيني اقدر استخدمه بدون ما اخاف
واكثر شي حبيته فيها انها تخلي غسول الوجه يرغي
لان غسولي بشاي الاخضر وما يرغي كثير < وهذي اعتبرها من النقاط المهمه الي تثبت لطافة الغسول للبشره
المهم الاسفنجه تخلي اي غسول يرغي والرغوه تجلس ع الوجه فترة اثناء ما نفرك من مكان لمكان وبتالي نستفيد من فوائد الغسول
دمتي بحب توسه
اهلين سوس مع اني مطلعه دائماا ع قرائتك بسس لمن قريت هالبوست حسيت كني اقراه اول مرره او اني ماقريته بالاسسساس مدري بس حبيت مصداقيتك وهذا مو جديد عليك بسس شكلي راح اقتني حقت الجسسم اما بشرتي وجهي ماحب اغير روتيني لان بشرتي جافه حساسه واحس اي تغير راح يتعبهااا فما اتحمل ع وجهي شي دائما تكون تجاربي ع جسسمي اكثر من وجهي .. الله يسسعدك قد ماتسعديني بكتاباتك ❤
هلا يالحب
ربي يسعدك ترضين كل الاذواق ومعلوماتك من قلب وحريصه مدونتك كنز
مواضيع البديل الاقتصادي جميله واهم شي تكون فعاله والاسفنجه اقتصاديه وممتازه بس مو اقتصاديه على المدى البعيد لازم تتغير كل ماحسيت انها خلاص انتهى عمرها لو نقارنها مع جهاز لونا فالجهاز افضل ما تضطرين تغيرينها كل 3 اشهر لكن كحل مؤقت جميله جدا
بالنسبه لتجربتي جربتها وهلكتها تقول ارحميني
ملمسها حجر بس لمى تبللينها تصير ناعمه بشكل مبهر وما تخدش البشره تنظف بلطف تحسين بعدها بشرتك جدا ناعمه
ما انقعها في مويه ابللها واحطها على جنب عبال ما افرش اسناني او مرات بس عبال ما احط الغسول على وجهي تكون جاهزه للأستخدام ازيل الفائض من الماء وأبدأ امسج وجهي بحركات دائريه
حبيتها جدا فعاله في التنظيف مثل سكرب سانت ايفز اللهم ان السكرب مضر يوميا وكمان من بعد كلامك يخدش البشر ماصرت استخدمه مره واكتفيت بالاسفنجه
اما الاسفنجه تستخدم يومي فشعور التنظيف العميق بالسكرب احسه يوميا شي جميل وفعاله في التنظيف اكثر من الاصابع
وتنظف البشره من المكياج بعمق بس اول شي ازيل المكياج بغسول للوجه بعدين استخدم الاسفنجه
لاحظت فيها ميزه بالنسبه لي بسرعه يروح الغسول من وجهي عند الغسل بالماء
بعد اول استخدام كانت مبلولة دخلت فيها خيط وعلقتها
اما بالنسبه للترطيب ماحسيت عادي
شكرا ارتوس
صباح الفل والياسمين…. الحمد لله اننا عرفنا مدونه صادقه وتشرح المنتجات من قلب زيك…. بيوم هالجمعه اسال الله العظيم ان يعطيك حتى يرضيك. بالنسبة للاسفنجه اشتريتها ثلاث مرات ومرتااااحه معها مره.. وعيني على الفوريو…ان شاء الله الاسم صح…..وقلوووووب من القصيم لبيتكم ???
شكراً علئ كل شي قدمتيه لناوجزاك الله الف خير
الله يرحم ابوها ويغفرله واموات المسلمين
صدقيني على كثرة مشاغلي وانقطاعي الا انك اول هاجس ، لي في لحظة الهدوء والراحه احب اقرأ حروفك واستفيد منك ، مبدعه دائماً ماشاء الله
مابعد حكيك حكي ???
احب وصفك الدقيق للمنتجات يعني من جد مستحيل ألقى أحد مثلك ❤️
ربي يعطيك العافية??
جوبت الاسفنجة وحبيت نعومتها على البشرة وحسيتها فعلا تنظف.. بشرتي حساسة فلاحظت اني ما اقدر أستخدمها كل يوم لان استخدامها اليومي يخلي وجهي أحمر وكمان مثل ما قلتي اللي تكون بحبل للتعليق أفضل وأسهل من ناحية التنشيف لان ما لقيت الا العادية وكنت اواجه صعوبه بانها تنشف بسرعه يمكن كمان هذا احد الاسباب اللي سبب لي احمرار بالوجه..
بس الحين استخدم جهاز لونا وحبيته اكثر وعملي اكثر للامانة