مَساء الأُمسيات السَباركليه
سَلمكم الله أنا وَحده تحب شَعرها
بَس من نآحية السَتايلش , لكَن ما أحبه من نآحية أنه بَيخرب أو بَيتقطع
ما عَندي هذي مَخاوف البَنات , لو تَقولي الكَوفيره يَمين أقول يَمين
تَقولي يَسار أقَول يَسار , يَتحدوني أخَواني أحلقه بَحلقه
ماعَندي أي مُشكله , عَندي قانون أسَمه الشعر جَزء ميت من الجَسم
فألعب فَيه لَعب
ليش ألَعب فيه لأن للآن ما صَلعت
لو صَلعت أكَيد بنلسَع وَ بتأدب
ما أحب سالفة أنه أحافظ على شَعري وَ أساساً ما أستمتع بَه
ولا أحَد يَطريني , وَ كله بَسبة أني مَخبيته , وَ لا أقَدر أفهم هالعَقول إللي تَوفر شَعرها
أهم شيء أثناء اللعَب ألعب صَح وَ بُمنتجات صَح , وَ لا أضَر الفروة لأن الفروة لو رآحت وَ أنَعدمت
قَولي لَكل شيء باي باي
تَدوينتنا عَن فير الشَعر من جوسي إيبر مَقاس ٢٥
Jose Eber Curling Iron
الزَبدة , أتَوقع كل السَعوديه عندها فير جوسي ايبير إللي أخَترت أنه يَكون مَوضوع تَدوينتي لليَوم
بَس ليش لأ أقَول تَجربتي , طَبعاً أنا مَستغربه أسمه هنا وَ معرب بالعَبوة جوسي ايبير
وَ الأجانب يَقولون هوسيه , وَ بعض الأجانب يَقولون خوسيه , وَ أنا أرشح أنه خوسيه
الزَبده عندكم الصَورة , شَوفوا وَش تبون تَسمونه لووووووووووووووووووول
المُهم أنا ما بَتكلم عن الستريتنر مَن جوسي أيبير
لأن عندي ستريتنر GHD وَ لا عَندي نَيه أشَتري أو أجرب غَيره
لأنه خَفيف على الشَعره , وَ طبعاً تقدرين تزينين وَ يفي بشعرك بكل سَهوله بالستريتنر
لكن كل شيء له شَكل وَ مظهر وَ تكنيك
فلا تَخبطون لَي الحابل بالنابل , حنا بَس نتكلم عن الفير
يعني الشيء المدور ..الكيرلينق آيرون ( يا فَلاسَف إنتآ ) ..
الفير نال على إسَتحساني مَليونين بالمَيه
أعَطيه مَليون مَن 10 , وَ تراي وَحده عَنيده بشراء المُنتجات أنا أحَب ألف شَعري
بالفير التَقليدي لكن بَطيء وَ مُمل وَ الويفي أحَب أزينه بفرشة الإسَتشوآر صَح جميل
وَ يعطي شَكل بيتشي ( كأنك عالشاطيء ) بَس ياخذ وَقت أطَول
زُبدة الزُبدات أني حرقت يَدي من جوسي أيبر
المُنتج يجي معه قلفز لكن أنا قَلت لآآآآآآآآ وَين
وَ مُجرد أن أخَوي كلمني وَ فهيت أبو ثانيه , إلا أسَمع تَشششششششششش
يَدي رآحت فَيها يآ قَماعه
طَبعاً تحسبون أني تَندمت !! وَ لا سويت شيء
كملت لف شَعري وَ تمكيجت وَ رحت مُناسبتي وَ كل من سألني وَش في يَدينك مَحمره
أقولهم بَعوضه
[ ما آبي سين وَجيم من الناس , يَقولون شَلون !! وَ مَدري وَش ]
قالوآ شكلها بَعوضه مُخضرمه كل هالشَفط
وَ هذا شَكل الحرق بعد أسَبوع من اللسَعه
تَم تصويره اليَوم , وَ حاطه ببالي أني أزيل أي أثر قبل لا يَدخل رَمضان
فَنصيحه أسَمعوآ الكلآم وَ ألبسوا القَلفز , لا تَزينون المرأة الحَديدية
اللسَعة تخلي شَريط حياتك يُمر قَدامك [ أسَلوب مُبالغه ]
شَلون عالجته وَ أزلت الأثر ؟!
وَقتهآ ماكنت رآيقه له وَ أستخدمت المَوجود حطيت له فازلين وَ قبل الفازلين حطيت له فوسيكورت
وَقت الألتهآب وَ اللي بَتسوي مَثلي ما تَستخدم الفوسيكورت أكثر من ثلاث أيام ..
خاصه إنه كآن يحرقني مهماً وش حطيت , فالفازلين كان مُبرد لها
سواء كان صَح أو خطأ إللي زَينته بالنسبه للحَرق
جَوابي إنه كان فعال مَعي , وَ زال الأثر نهائياً
السؤال إللي دايم يُطرح هل الفير يضر الشَعر ؟!
نعم الفير يضر الشعر أي جهاز حراري يفك أربطة الشعر
وَ جهاز عن جَهاز أقل ضرر من غيره لكن كل الأجهزه بَشكل عآم تضر
وَ أربطة الشعر لما تَنفك ما ترجع , هنا يبدأ الجفاف بنهايات الشعر وَ بالأطراف
لكن هذا ما يَعني أنه خلاص نبطل نزين ويفي أو كيرلي أو ستريت
أكَيد لأ , لكن نحرص نستخدم سيروم قبل الأسَتشوار وَ مُنتجات قبل ما نستخدم
الفير وَ بالصَورة حَطيت لُكم مُنتج أبخ فيه شَعري من لوريال بروفيشنال , جداً جداً يحمي الشعره
وَ بنفس الوَقت يخلي لفة شعرك سلسله وَ بقمة النَعومه , كأنك كَنتِ تمثلين مَع مارلين مونورو
[ آبوك يالفَقش الزآيد ] ..
المَقصد يَكون حلو وَ خطنطر , يَوماً ما بَنزل لُكم مَوضوع مُخصص عن مُنتجات قبل الأسَتشوآر
وَ قبل الفَير وَ بعد الفَير
إللي أبي أقوله أنه يَضر الشعر بَس مُوب هالضَرر الشَنيع حيضرك أكيد لو بتستخدمينه
كل يَومين أو كل 3 أيآم , أما لو بفترات مُتباعدة ما أتَوقع خاصه لو تعوضين جفاف هالشعر بالماسكات المُغذية وَ إللي تعالج أطَراف الشعر
يَعني بيني وَ بينكم مع هالفير وَدي ألزق بالمرآيا
, وَ وودي كل شَوي أسَوي شَعري لأن النَتيجه فَوق الخَطيره وَ أكثر
مقاسات فير جوسي ايبير ~
عَندهم 4 مقاسات
مقاس 13
مقاس 19
مقاس 25 ( هُو إللي مَعي )
مقاس 32
وَ ناويه أشَتري مقاس 13
بالنسبة للألوان نَفس الشيء مافي فرق
فيه زيبرا وَ فيه بنك وَ فيك زرآفه , إلخ نَفس المَفعول وَ النتيجه ما في شيء يَختلف عن شيء مُجرد شَكل
حسب طَول شعرك وَ حسب شكل اللفه إللي تبينهآ تختارين المَقاس
السَعر ،’
سَعره 300 ريال سعودي الحجم إللي مَعي وَ هو 25
مَدري عن البَقيه وَ عندهم نَوع خامس , يَجمع بين جَميع الأحجام
بس تغيرين الوَصله , صَراحه ما حبذته لكن الخَيار لَكم
مَكان الشَراء ،’
أشتريته من حياه مَول ( كشك صغير )
بجنب باث آند بودي وركس وَ موجود أيضاً ببانوارما
طَريقة الإسَتخدام ~
فيه أكَثر مَن طريقه للَف , يعني حتى لو مَعك نفس المَقاس
تقدرين تزينينه بأكثر من طَريقه وَ النتيجه تطلع لك بأكثر من شَكل , يعني مو طَريقه وَحده
مُمكن ماتفككينه وَ يطلع بَشكل وَ ممكن تفككينه وَ يطلع بَشكل
زَينته بطريقتين وَ أعطآني هالمَظهر
بدون أي عَناء أو حَتى تَعب تكه , كذآ لو عَبيطه وَ مغَمضه بَيطلع زَي هالصَور
وَ أكيد حَسب لون شَعرك وَ خامته تَقدرين تَبدعين أكثر وَ يبرز التَشكيل
مَقاسي يَسوي هالسَتايلات إللي راح أدرجها بالأسفل
شَعري مَهوب ناعم , شَعري نفس خامة شعر نَوال الزغبي وَ أليسا
مُوب غليظ وَ لا خفيف يآخذ اللفه على طَول , فيه بنات قآلوا ثَباته مُذهل
أنا أشوف الثبات يَعتمد عالمُثبتات إلا أذا نآويه تحرقينه بالفَير لأجل يثبت لكن ما أفَضل
اللفه تجلس طول فترة المُناسبة حتى لو رجعتي تظل لليوم الثاني بَس تخف اللفه , لكن يجلس أكثر من يَومين لآ بالله مآ يجَلس , وَ هذا وَ شعري موب ناعم وَ يمسك اللفه
كله المُهم يَعتمد عالتَكنيك
وَ
وَ
مَثل نَوآل الزغبي يَتطلب تثبيت شديد وَ تنكيش
هذآ مُوب فير وَ بس , شَطاره بأستخدام المُثبتات
نَقاط مُهمه ،’
الفير يستخدم على شَعر جاف آوكيه
ضمان هالفير مَكتوب لمدى الحياه , صَدق أو كذب الله أعلم
ما بَعد خرب علي وَ جربت مَدى مَصداقيتهم
سهل الأسَتخدام بـ 10 دقايق خلصت شَعري
وَ مع التفنن 20 دَقيقه , يَعني بنظري أَزين من لطعة الصالونآت وَ طولة لَسانهم
وَ اهَمالهم لَتواجدك وَ الأسَتغلال وَ لا الوَيفي عندهم يَوصل لـ 350 ريال
أشَوف سعر الَجهاز أرخص بَكثير من مره وَحده عند الكَوفيره
الشيء الآخر المُهم , إن كل شيء يَعتمد على أدَينك
زَي مآ نَشوف ناس مشترين أفضل أنَواع الماكياج وَ مكياجهم يَخرع
برضو بنشوف ناس مَشتريين هالفير وَ لا يَعرفون يَستخدمونه صَح
لو أنتِ جبانه بس تلفينه وَ لا تفككينه أو تبخبخين مُثبتات
بيطلع شَكلك زي حقين أول لولو الصَغيره بأحد الحالات طَبعاً , يعني كله يَعتمد عالَيد
أنا ما آحب الشعر يَصير مَفطس , أحبه يَكون مَنكوش
وَ ووآضح شُغلي وَ تعبي عليه أتَوقع الصَور تَوضح شَلون آحب يَكون اللَوك
جداً سريع وَ اللفه الوَحده مُجرد مآتعَدين بشكل سَريع لين 8 يَنلف
يعني تقولين 1 , 2 , 3 , 4 , 5 , 6 , 7 , 8 فَهمتوآ !! أنا أعلمكم بالطريقه البَسيطه
وَ أكيد فيه شَعر يبيله أقل وَ شعر يبيله أكَثر حسب نَعومته وَ غلظه وَ حسب درجة اللف إللي يَبونها
لكن سَريع سَريع وَ عملي
مَقاطع الفَيديو ~
http://www.youtube.com/watch?v=P9vr7_9he7Q
http://www.youtube.com/watch?v=UCKrNiWzKQ4
http://www.youtube.com/watch?v=dvG2RCu-U7I
http://www.youtube.com/watch?v=O-6PNLZw5as
http://www.youtube.com/watch?v=HdSrJb2ziZw
آتمنى أكَون أفدتكم
دُمتم بَحب
مُلاحظة / هذه التَدوينه تَم نشرهآ سابقاً بتاريخ 16-06-2013
مرحبا ارتوس حبيبتي❤️
حابا أسألك أنا انحرقت مرتين من نفس الفير باليدين الثنتين
عشان يَزول الأثر دايم يٌفضل المُعالجه السريعه
هو أفضل شيء لأجل ما يبقى الأثر , لكن لو صار فيه أثر يبيلك تعالجينه بتقشير أو كريم مُبيض بوصفة طبيب
مساتء الخيرات …. الموضوع جا بوقته امس كنت في مناسبه وسويت شعري سشوار ولفيته ببنس وماوصلت الحفله وفكيت الخصل الا هبط دائما يفشلني ونوعيه شعري ناعم جدا كأني شرق اسيويه وماينفع اي شيء معه عندي فير من شركة ايطاليه ونفس المقاس 25 بس مايظبط ابدا معي مدري البلا من شعري والا منه … بربرت كثير بس حمستني طريقتك بسويها واجرب في شعري …. زائد انا ناويه اقص شعري كاريه هو الان وصل تحت حبل الستيان بخمس اصابع تقريبا نفس لون وطول نانسي عجرم ووبث
حَرام خَليه ليش تقصينه , جَربي مَع الفير لو لف خَليه
عرفت خامة شعرك شَعر عتبان الشعره غليظه ما تنلف بَسهوله ..
أتوقع هالفير راح يَلفه لك , لانه شَوى جَلدنا لوووول
وَ صباح النُور
شكرًا ارتوس على تدوينتك الجميلة. جربته كذا مرة بس مو طالع حلو علي شعري ناعم بس مو ناعم ناعم زي الفلبن لا شعر هندية المهم انه مرة مزاجي هههه دايم يطيح ولا كأني سويت شي. والمليح ماقصر معي حرق يدي وطلع فقاعات والاثر له سنه ماراح لكن مع الكريمات نوعا ما خف.
الستريتر برضو عندي لكن اشوف نتيجته حلوة على الشعر اللي مو ناعم ودي يختي لما اسويه يصير شعري زي وفاء الكيلاني اخ بس 🙁
عموما طفشت وصرت اخلي شعري من غير تمشيط أبد فيطلع لي ويفي طبيعي جميل ومنفوش احسن من لما امشطه على طول وافكه وتصير الشعره كنها مخترعه لكن لا اضطريت امشطه بعد فترة ام الصياااح والتقطيع ثنتين فوق راسي يمشطونه.
بالعَكس السترتنير حلو عالكل ساندرا بولوك شعرها سميك وَ ناعم وَ حلو عليها ..
إنتِ تعتقدين إنهم مَسويينه كذا وَ شعرهم ما به مُستحضر , هذي مُستحضرات مثلاُ لو قبل لا تبدين حطيتي بشعرك مثبت أو موس
بعدها أستشورتيه وَ كمان سويتي مثبت وَ حطيتي سترتنير , وَقتها بيطلع اللوك .. الناس يحسبونه بهالبساطه
حرام شعرك واضح خامته حلوه , ركزي شَوي معاه زَي ماقلت لك .. حطي له مُثبتات خاصه بالمناسبات وَ العزايم لازم يكون شعرك غير ..
مرحبا ارتوسه .. الاثر راح بس معالجتك له بالفازلين والفيوسيكورت ؟
ذكرتي من قبل تجربتك لكريم يزيل اثر الحروق اذا مو ملخبطه انا
وشكرا لعطائك
هذا فقط ..
أفضل شيء ناسبني وَ لا توقعت راح يَزول ترى هذا بعد أسبوع وَ لا باول الأيام كان شكله أبشع ..
سلامة يدينك والله
الله يَسلم قَلبك , عادي خلاص راح كان بـ ٢٠١٣
الحمدلله كل شيء زَال
.
فعلا من أجمل وأسهل الفيرات
سَهل جداً جداً ..
ثانكيوو ارتوسه عالتدوينه ❤️
.
.
حبيييييييت الوصف اللي كتبتيه عن نفسك
في : (من انا)
فعلا أنتِ ❤️
.
.
And u r the BEST ..
✨
ههههههه العَفو يآ قَميل .. شكلي ماعطيتكم حُرية التعبير في مَن أنا 🙁 للأسف كذا كانت خصائص الصَفحه
وَ نورتيني وَ حبيت إهتمامك إنك تَقرين عَني ..
تسلمين لي
الله يسعدك على التدوينه الجميله مثلك ..
ارتوس ايش القصات الدارجة الحين ؟
الكاريه راجع بقوه بس كاريه عشوائي , والبانق بَعد بس للأمانه لأن ناويه أطول شعري أكثر ما أطلعت هالقصات القصيره آبداً ..
ههههه لاتلوميني سايره ماعاد اجمع … لالاتقولين لاتقصينه لاني اطبق كلامك بحذافيره شعري اكثر حد قصيته لحد الستيان قبل ثلاث شهور وطال ماشا الله ولا مرره قصرته واختي تقريبا شعرها مثل شعري وعليها الكاريه روعه رقابنا طويله ومميزه<< محاولة اقناع لا اكثر … وياعيني عليك عتبان استغربتها منك عبالي تقصدين شعري تعبان بالقوه فهمتها لا لا انا ماني من العتيبيات اللي انتي خابرتهم ليتني مثلهم انا دائما يسألوني امك هنديه معلماتي وكل من شافني ودائما اقولهم لا كنت احسبها سبه المضحك يوم انخطبت زوجي شبهني بممثله هنديه …
هههههه أجَل دُوسي وَ قصيه , طالما يطول بَسرعه وَ خامته حلوه آكيد القص بيكون مُميز عليك ..
وَ العتبان شعرتهم قَويه بغض النظر ناعمه أو مَجعده , عاد شَخصياً لأن شعرتي مَهب قَويه تَجوز لي الشعره الثقيله
مَيزة شعري بالصَبغ أي صَبغه تَضبط عليه , يعني اللون يَطلع بسرعه
وَ الله يَخلي لك عيالك , هههههه عَطاري أتخيل أقولك شَعرك تَعبان !! مابحياتي سَويتها .. ولبى العتبان
انا ماقرات التدوينه لسا … ونزلتي البوست وشفته متاخر ..بس شفت كلمه رد ع واحده انوة رااااااااح تغيبي ..وهذي اخر تدوينه ..لبدايه السنه…..جد راح تغيبي
إيه راح أغيب عَن التَدوين لبداية السَنه الجَديده بس بتواجد بالآنستا بإذن الله .. لكن بغيب كَم يوم عَندي شَوية إرتباطات بَحياتي بَخلصها وَ أرجع
أو بالأحرى عَندي مُناسبه ..
آإه يا أرتوس
انحرقت فيه وقت كنت مسافرة عند خوالي وانا متعودة اذ انحرقت من شيء استخدم فلامازين والحمدلله على كثر مانحرق مافيه اثار المهم ماكان عندهم كريم حرق فاستخدمت فازلين وعسل على أني اكره هالأشياء بس الحمدلله خففت الالم ثاني يوم كنت ألعب بنت خالتي وشايله الشاش وباسوراتها جرحت الحرق ورجع الالم أشد كرهت نفسي وكرهتهم وكرهت النتفة اللي جرحتني ثالث يوم برضوا الم ورجعت بيتنا واستخدمت الحب فلامازين والحمدلله خُف الوجع بس الأثر باقي للان
آآآآح .. تَخيلت مَدى الألم , تقشر الحرق ألعن من الحرق نفسه ..
إذا ماوصل لطبقة الجلد البيضاء الأثر مَع الوقت بيروح لاحظي شلون حرقي ما تَوقعت يروح وَ لو ركزتي ترى بجنب الحرق مَخش من قَطوي
هالمَخ مَتساوي تقريباً مع لوني بس موصل لطبقة الجلد البيضاء عَميق الحرق راح وَ هو ماراح
بس لو مره لهدرجه مشوه عندك كريمات التقشير و كريمات التبييض أو التقشير بالليزر
وَ حمدالله على سلامتك
عندي هالفير وروعة وسهل جدا .. بس انا استشوره أول بعدين استخدم الفير وطبيعة شعري خفيف وكيرلي ومنفوش .. انتي ع طول تستخدمين الفير?
طَريقتك صَح , وَ انا مَثلك ..
هالفير يستخدم على الشعر الجاف , وَ غلط يستخدم على شَعر مبلول
جزاك الله كل خير ع ردك تو أتذكر وارجع افتح الموضوع
وأنا اتابعك من أيام منتدى عالم حواء وماشاالله عليك مبدعه الله يوفقك دنيا وآخره
تدوينه مفيده
نَورتي
ربي يوفقك ويسهل امورك ونشوفككك علي خير ..دمتي بود وسعاده
ويآك يارب .. تسلمين لي
ارتوس ابي اسئلك بما لك خبره بالليزر
عن جد جميل انا عندي مثله ونفس المقاس حسبته اقرب شي لي وممكن استغله بكذا طريقه صدقتي وهادا اللي حمسني أخذه انا طريقتي تختلف صح شعري ناعم بس أحب أحط رغوه قبل اللفه ادري ابعدم شعري بس ماتضر اذا بالمناسبات ومتى لمتى تجي ثمن ارش عليه شوي سبري من بعيد على قولتك تكنيك وهالشي ماعرفته الا من بعد تجارب وعن جد شعري يكون طبيعي وجميل وبعده شوي عنايه ويرجع شعري زي الحلاوة وكل فتره أقص أطرافه وانا كثير زيك أحب اقصقص ماعندي فوبيه الشعر وَيَا لبى العتبان بس قرقرت واجد
مانننحرم من طلتك وتدويناتك اللي من جد نستفيد كثير منها
يسعد لي يومك بكل خير يارب ..
توقعت اقرأ اسم ميبو بتدوينتك بعلاج الحرق 🙂
اما باالنسبه لجوسي اير شكلي ب الأخير باخذ لي واحد او اقله جهاز تكون لفته عريضه
عندي اصغر حجم وتعقيد شوي باالشغل …
مرحبا ارتوس ممكن تقولين ايش افضل سيروم قبل السشوار ،، وما ذكرتي ايش ترشي ع شعرك قبل تلفينه بالفير وشكرررررررا
زينك ياخي وزيين اسلوبك وطريقة سردك هذي من الاشياء اللي حببتني فيك اول ماقريت لك جدا اعجبني اسلوبك وطرحك المتكااامل من جميع الجوانب لاي موضوع .. وياحبيبتي قريت انك بتقطعين فترة الله يعينك ويسهلك يارب .. وتدوينة جميلة ألف شكر لك ❤❤❤❤
اي ونسيت اسئلك عن الليزر بما ان لك فترة انتهيتي منه كيف نتائجه معك .. حبيتيه او لا .. نما الشعر بشكل خفيف او رجع يعني .. او للحين مافي شي .. ❤
مرحبا ~
آآه يالحروق أنا انحرقت في ظهري بالليزر واستخدمت له ( ميبو ) جدا خف بس سحبت
يعني الاثر باقي مدري اذا ينفع اعالجه حاليا ؟؟
الفير والاستشوار والسيراميك اعدااء امي هههههههههههههههههههههههههههههههههههه =))
ماتبغاني اصلحهم ابدا تقول اهتمي بشعرك
عاد انا اكره انو اجلس اهتم بشعري طول عمري متى استانس به اجل
امي تحب الحنا والزيوت ( الماسكات وذي لا كذابين ههههههههههههههههههههههههه =))
يعني مره تكره شعري =)) يعني تخيلي اجلس اسولف معها ومنتظرتها ترد علي ولا تضحك
تقول الشعر ذا متى بيتمشط هههههههههههههههههههههههههههههههههههههههههههه =)) </3
طيب انه حلو كذا لا مافيه لمعة الحنا =))
اقولها عادي اصبغ تقول لا تدمرينه فوق ماهو منتهي
يعني لو يجي لها تخفيها من غرفتنا =))
يستر عليها <3 <3 <3 <3 <3
المهم الفير ذا مابعد جربته بس ناوية اخذه <3
ووش كمان انتي نزلتيها حق الي قبل الفير وبعده ؟؟
وينفع اعالج الحرق الي بظهري حاليا ؟ مر عليه يمكن شهرين ؟؟
وونحبكك يختي <3
مساء الخير ياجميلة..
طيب بحكم انك اﻻيدول تبع نص بنات السعودية ماشاء الله..واولهم انا
عندي بروبلم صغنون..انا شريت جهاز البارفين من نزيه لما اذوب البارافين فيه يصير حار جدا ع يدي.. ولو استنيت لحد مايبرد يرجع يتكتل ويحتاج تذويب من جديد..فايش الحل؟
الله يسلم يمينك يا ارتوس
ارتوووووس..خبرينا عن سيروم للشعر يحميه .. الصورة مب واضحة عدل مدل
استمتع بقرائة تدويناتك حتى لوكنت قاريتها من قبل من الاشياء االلي لاتمل كتاباتج ❤️
السلام عليكم ارتوس،
عندي سؤال ، هل تعرفين كريم او اي شيء غير الليزر
والحبوب ، يعالج حب الشباب ولو علاج مؤقت ؟
عنادك يذكرني ب عنادي..
كنت و انا طفله اكتر كلمه أكرهها هي ( لا) وكمان ( لا من دون سبب أو نقاش لا عشان لا)
كنت اسوي دراما والجيران تسمع..
أذكر من مواقفي وانا ثاني ابتدائي كان في فرح ل بنت جدي وكل بنات العيله ح يسو تساريح وانا بابا رفض اسوي عشان انا صغيره و انو ماما ح تعمل لي،
جلست ابكي واترجاه و رفض ولا رضي يديني فلوس قلت له ليش : قال أنا قلت لا ف خلاص لا اسمعي الكلام وخلك شاطره..
وخرج من البيت، كلمت الماما واترجيتها وقالت خلاص اسمعي الكلام التساريح مو للي ف عمرك، قلت كلهم ح يسوو وانا ابغى اسوي ف بالي تسريحه، قالت ماما لا خلاص لا ..
المهم على مييييييين!
كانت بيت بنت جدي قريب مننا العماره اللي جنبنا، رحت عندهم وسألت الكوفيره كم التسريحه قالت 200 شعرك طويل، قلت اوك احجزيلي دحين بجي، رحت السوبر ماركت اللي بحارتنا بابا كان مسوي فيه حساب عشان لما يسافر أو يكون بعيد نقدر نأخذ اللي نحتاجه، طبعا هما عارفيني مره وعارفين بابا، قلت بابا يقولك اديني 200 وسجلها ع الحساب، قال الرجال ليش؟ قلت يقولك ضروري بعدين هوا يشرح لك.. واداني ال 200 وتراااااااااا ي فرحتي وطيران ع الكوفيره ودفعت الفلوس على طول وجلست واتسوت لي التسريحه اللي ف راسي هههههههههههههه طبعا طول اليوم اتخبى عن ماما لين وقت السهره ولما شافتني انصدمت قالت فين سويتي، قلت عند الكوفيره، قالت من اداك فلوس، قلت عندي فلوس، قالت حسابي معاك ف البيت وأمي معاها ضحكه.. طبعا لما رجعنا وبعد تحقيق من ماما وبابا عرفوا الحقيقه حاولوا يعصبوا م قدروا، جلسوا يضحكون ويقول بابا والله انتي مو هينه، قلت لا أحد يقولي لا عشان لا، لازم تحترمون رأيي وذا شي ليا وانا حره، والله من وقتها بابا لما يبغى يعاندني يقول والله ينخاف منك هههههههههه
بسم الله وش جاب ردي هنا على دي التدوينه، كنت مع تدوينة الفستان الليموني ههههههههههههههههههه م عرفت احذف الرد،
تسلمي ارتوستت على التدوينه
ياريت تنزلي فديو او صور كيف اسوي زي شعر نوالل فرييت باليوتيوب كثير ولا لقيت الي ابيه
جاني شعور الي تتوحم من كثر ماهو عاجبني
ي آلله ي آرتوس شو بحبك وبحب تكنيك ببآلتدوينه وآلبوستات اللي بآلانستا فعلآ شغل متعوب عليه ومضبوط من جميع آلنوآحي وآلتصوير بروفيشنآل وآآلوكآت جدآ آعجبتني ومعطيه شكل طبيعي وسمبل بعكس آلصآلونات اللي تعطيك لوك عفش ومو مضبوط . شكرآ آرتوس
ههههههه يا عَيني أخجلتم تَواضعنا , سبيش ليس بَعد كلامك ..
وَ حبيت إن المَوضوع أعَجبك , ما بالنَهايه غَرضي أثارة إعجابكم
تَسلمين لي حَبيبتي .
شكرًا كثيييير
حبيت صراحة طريقة مقدمة الموضوع
حَياك يا قَلبي ..
ارتوس كتبت الرد الي فوق وشكله طار كله
ماوصلني إلا نَتفه 🙁
ماشاء الله عليك متميزة دائماً ارتوس ياليت الكل مثلك بالإخلاص و الوفاء ، لكن عندي شي و حابه أخذ رأيك فيه او نصيحتك بالأحرى ، انا إنسانة معدمة الثقة بمعنى معدمة الثقة أتفه كلمه تأثر فيني و تخليني أفكر فيها شهور و ربما سنين أكره نفسي و شكلي بشكل ماتتخيلينه يعني اذا شفت وحده في الدوام حلوه او بزواج او تلفزيون دائماً يضيق صدري على نفسي و اتمنى أكون مثلها يعني حتى الي يمدحني احسه مجاملة و بالأخير انا أحب كلامك حتى لو كان قاسي ، قساوته ما تقتل إنما تقوي 🙂
الله يوفقك
حبيت مدونتك مره
طحت عليها صدفه
احب الاشياء اللي تهتم بالجمال وتعطينا خلاصة التجربة
الفير جميل جداً وانا بستخدم نفس المقاس
حبيت اسالك اذا جبتي المقاس ١٣ولا لا
ابغى شيء يعطيني لوك البيرم في شعري
ايش تنصحني بمنتجات تعطيني هذا اللوك
فير
رغوة
شامبو
لو قلتي لي طَبيعية شَعرك كان قَدرت أفيدك أكثر ..
وَ نورتيني وَ يا مَحلاها من صَدفة
انا استخدم ستريت ghd من فترة وناوية اغيرة لان صارله ٦ سنين عندي خاس واحترق
انا من متابعاتك من ايام شمواه كانت مواضيعك مميزة و تجذبني جداً واستفدت منك مرره
واي شي تمدحيه اشتريه ع طول الله يسعدك
عندي سؤال \ انا شعري ناآآآعم ما يزبط معايا الفير ابداً ايش اسوي
تَنوريني يا سُكرة ..
بالنسبة لشعرك الناعم العيب من تصفيفك بَعد اللف .. أفضل شيء بعد ماتسحبين الفير تثبتينها بَمشابك ..
كل لفة تثبتيها وَ تبخينها بُمثبت وَ تسوين مَكياجك عُقب تفتحينها وَ تبخينها برضو بعد الفتح
مُستحيل ما يَثبت ..
فعلا امي شعرها ناعم حرير كذلك خالاتي وسويت لهم بدون سيشوار وظببط وبرضه اللي تستشور تثبته بمشابك عشان ماينفك ،، اصلا اللي شعرها ناعم تشتري الاعواد حقات تكسير الشعر وتلفه وهو رطب واذا فكته يصير شكله جميل خالتي تسويها ويطلع شعرها جميل جدا .
بس مشكلة كشتي لازم مصدر حرارة .
>> كالعاده انا اخر من يعلم بَـُِّ✋ـًٍُښْ معليش 🙁
مشكوره ارتوس انا مجربته وصراحه انه شي جميل
من كثر مااستخدمته اكتشفت فيه كثير بالنسبه للبنات اللي قالو لنه ماناسبهم بسبب ان خامات شعورهم ناعمه صحيح لاني لاحظت انه ينعم وبنفس الوقت يسوي لفه طبيعيه للشعر من غير مايجففه.. ووو tip صغيره انا بالعاده احب استشور بـٌّـَِـِْعـٌّـَِـِْډﭝڼ الف شعري بَـُِّ✋ـًٍُښْ للبنات اللي عندهم شعور مجعده مع هالمنتج انا جربته من غير مااملس شعري واللفه ثبتت وطلع احلااا.. بالنسبه للمقدمه وكذا حبيت إِنِّي املسها قبل لاالف الطرف …
وتشكررررات
يعطيك العافية على الرفيو
اممممم شريت قبل امس من عزيز مول
و مره فرحانه فيه و استنى اجربه بس في شي لفت انتباهي أن مكتوب
عليه made in chain لمن قريت رحت أكلم اختي اسالها و هي ما عندها خبره بالموضوع ف قولي لي حتى الي معك مكتوب عليه كذا لأن بحثت ما حصلت معلومات تفيدني انا شريته من الموزع نفسه حق جوسي ابير !! ؛”/
يَعافي قَلبك ..
مبروك عليك ما أشتريتي ، حالياً كثير من المُنتجات صينية ، وَ أكيد صيني وَ لا كان سعره بيكون أكثر بكثير من هالمَبلغ
لكنه جَيد وَ إنتبهي على يَدينك أثناء الإستخدام ، حتى الأيفون ترى صَناعة صينية بس الديزاين من برآ
عجبتني المقدمه ان لو تحدوك ع الصفر بتسوينها ههههههههه
ايوا سويتها وخلاص راح شعري هههههههههههه قصيته تقريبامن شهور ولد كونه يتساقط بشكل مروع
وطال حاليا عن قبل لكن الفرق مايذكر كان طويل وشكله متعب ويجيب الهم
اختلف شكلي وحبيت راسي حتى والاكيد راح اهتم عشان يكون باافضل حالاته
يعجبني شعر نوال اللي بالصوره ع اليمين من صبغه ولوك
مامره ضبطت معي من قبل وهنا المشاغل فوق الغلا اصلا مخيس
بالضبط مثل ماقلتي شعر لولو * ازمه نفسيه *
رغم ان ماجربته لكن امدحه نسبه لتجارب الاخرين وانه ممتاز
وراح اجيب منهم لما شعري يطول ويصير في مجال للفلفه
اذكر كان في علاج ومنتج سبق ونزلتيه وذكرتي انه طلبتي من برا استخدمتيه لعلاج الحروق واختفى بدون اثر وامتدحتيه ان ممتاز
لاتنسي تدوني عنه للاسف باقي فيني اثار حروق بسبب الطبخ
رغم اني استخدمت المنتج المشهور ميبو بس ماتغير اي شي مجرد يخفف الحراره للحرق
“عَندي قانون أسَمه الشعر جَزء ميت من الجَسم ”
هههههه يسعدك ربي خطيررره وقلبك جامد ماشاءالله
شعرتي ناعمه وخفيفه .. دائماً اعمل باالصالون
صحيح اسعارهم تجلد لكني نفسيه احب الدقه
اغريتيني .. باالصراحه متحمسه اشتريه شعري
نفس طول الي باالصور عاد بحتار باالأختيار بين المقاسين
الأكيد لي عوده لذكر تجربتي.. مع اني ميقنه انو مع اختيارات سَوس مافي مجال لأندم ❤️
صدقيني لو تعلمتي وتعودتي عليه يصير حتى شغلل المشاغل مايعجبك خخخخخ
محدثتك ادمان اربع سنوات فير خبرة
أخ بس ما ودا شعري ورا الشمس الا هالفير ادمااااااااااااااااااااااان
بكل ماتحمله الكلمة من معنى إدمان
شريت كل المقاسات ! ومقاس ١٣ يمديك تسوين شعرك زي ميريام فارس وتسوينه مجعد بشكل حلو تسوين شعرك كسرات زي فلم حصان طروادة اشكال الحريم شفتيهم ؟ وبمليون شكل يوم شريت مقاس ١٣ اهلي قالو وين خبلة وش بيطلع شعرك ؟ سويت فيه شعر امي (شعرها خفيف وناعم وقصير مدرج طلع الشكل خيااااالي ) عندي لك شيء خطير ارتوسه لو تبين شعرك يصير زي نوال الزغبي وبدون سبريه<ماشاء الله صرت محترفة
تحممي عاادي ! اذا شعرك من النوع اللي ينشد يتنعم فهذا عز الطللب اربطيه ذيل حصان مشدود عشان تنشد الاطراف وتتنعم ! بعدها لفي شعرك كعكع ونامي او خمس او اربع ساعات بالكثير بيظل فيه رطابة وعادي من بعيد بالسشوار عطيه هوا خفيف هواء مش حرارة بحيث ينشف وحتى لو انتفش عادي جدا بعدها قسمي شعرك ولفي الفير من الجذور انت و تكنيك لو تبين بيرمات (لويات ) او تكسير الفير اصلا حار وينعم الشعر شعرك مايصير زي نوال لانه تعرض لحرارة السيشوار ! الشعرة انمدت بالحرارة فانت تفيرين وتمدينها اكثر فيصير ويڤي عادي .
ماني قادرة اوضح الفكرة بس جربي ع شعر ناشف مش مستشور يصير شعرك مجعد بطريقة جمييييلة جدااااا .
ارتوس الفير اللي عندك وين مكان صنعه؟ اللي ف امازون كلهن تشاينا ويقولون اصلي واللي ف دبي USA
مساء الخير ارتوس .. من امس وانا احوس بتدوينتك ادور موضوع الحرق حق الفير بشوف كيف ازلتيه لاني حرقت نفسي امس والحرق شكله ضايقني .. بس مع الاسف مافهمت كيف طريقتك بازالته! حطيتي الفوسيكورت ولما نشف الفوسكيورت حطيتي فوقه الفازلين ثلاث ايام كل يوم مره كذا؟ او استخدمتي الفوسكورت ثلاث ايام ثم بعده استخدمتي الفازلين كل شي لحاله؟ وكم اخذ مده عشان راح تماما من يدك؟
ارتوس طلبتك هالموضوع من احلى مواضيعك بالنسبة لي وبما اننا قربنا ع العيد وانا كل رمضان انتظرك تنزلين تدوينة عن المنتجات ماقبل وبعد الاستشوار او الفير مثل حامي الحرارة والمثبت وكذا
مرحبا طحت ع هالموضوع وانا ادور حل لمشكلتي 🙁
الله يسعدك شعري كثيف ومنفوش وكيرلي خفيف
ومايضبط معاي الويفي يهبط وحتى السراميك لا وصلت المناسبه ينفش