مساء / صباح التَألُق ..

تَدوينتنآ اليَوم عن بلاشر توم فورد , عاد هالبراند كنت بَقطع نفسي لأجل يفتح بالرياض
وَ يوم فتح كأني تَعافيت مَنه قَليلاً .. مدري ليه هالحَماس لا صآر الشيء بَعيد عنك
نَفس علاقة الحُب هههههههههههههههههه أمزح آمزح

مُنتجنآ ،’
Tom Ford Beauty
Frantic Pink 02 Cheek Color

مكان التَوفر : سنتريا ببوتيك توم فورد , هارفي نيكلز 
سعره : وقت الشراء 310 ريال سعودي مدري إذا رَفعوا سعره يَسووونهآ

هاللون أعشقه مِن قلب لأنه يليق مع أغلب اللوكات سواء ماكياج غامق أو فاتح نهار أو ليل ، احلى مافيه ناعم ولونه خفيف وَ مع ذلك يعطي رونق ، ساعات أذا كثرت ماكياج عيوني أحس وجهي خلاص ما عاد يستحمل ألوان ، فهاللون خيار جيد .

كثير ممكن ينصدم من هاللون ، بس أشوف إنه يناسب البشره الفاتحه أو المايله للفاتح ، ما أعتقد إنه بيكون بيرفكت عالبشره السمراء لأنه ماراح يبين ، يعجبني لونه لانه مثل السحر يعطي لمعه مادري هل هي ذهبيه أو فضيه
ناعم نوعاً ما ، هو بودره لكن قوامه رطب نسبياً ، لمعته مُميزه غير مزعجه .

نصيحه ،’
اللي بشرتها مليانه مسامات ، أو حبوب وَ أثار أو مشاكل أنصحها تبعد عنه لأنه راح يبين أكثر

شَوفوآ شَكله عالبَشره شَلون !!

The Photo From temptalia & beautyreflectionsblog

وَ هنآ صَورته عاليَد من الإنترنت آيضاً

بلاشرات توم فورد بأنوآعهآ ~
حطيته لأجل تقدرون تَميزون درجة اللون فَعلياً , لأنه فاتح مو تشترونه وَ تتوهقون

مقارنه بينه وَ بين الويكد ،’

طريقة الإستخدآم ،’
أستخدمه مرات مثل ماهو على كامل تُفاحة الخد
إذا آبيه يبرز لونه زياده أستخدم بلاشر كريمي قبله يعطي مظهر ديوي
إذا آبي آأتفنن حبتين أستخدم نوعين بلاشر برونز أو أقرب للون البشره على عظمة الخد وَ أموه اللون بهالبلاشر

تَقييمي له ~
شفتوا المدح هذا كله لايغركم ، أنا حبيت اللون ، ومو كثير أدقق عالأسعار دام الشي أعجبني ، بس فعلياً سعره مبالغ فيه مو قد جودته , صَح حلو وَ لونه مُميز بالرغم له أشباه من مآركات ثانيه مثل نارس لكن مافي بنعومية هاللمعه وَ طريقة اللون , لكن فيه شَبيه يَقوم مَقامه

بالنَهايه هُو بلاشر يَعني وَ سعره بهالشَكل وَ العلبه حتى مافيهآ فرشه للبلآشر
بالرُغم كشخص إحترافي راح يَرمي الفرشه وَ لا راح يَستخدمها , لكن مرات تَحسين إنها تشكل عَزاء لك بسبب إرتفاع هالسعر , شكل العلبه جداً كلاسي وَ فيهآ مرآيه وَ فريد من نَوعهآ كَتصميم , وبالنهايه إسم توم فورد يخلي كل شيء ساحر وَ مثير

كل شَخص حُر يقتني المُنتجات إللي يَحبهآ لكن ما أحب أمجد شيء وَ أبالغ بَوصفه وَ فيه بدائل آرخص .. بغض النظر عن الأسم وَ العبوه ، المُنتج تقدرين تلاقين مثله بغير ماركات , وَ لو كنتِ شاطره بالمَيك آب ماراح تفرق معك هالفروق إللي أنا أحبها وَ البسيطه ..

لكن لحد الآن مافي شيء بنظري تفوق على بلاشرات جيرلان وَ يليه دَيور كتوفر بالسَوق الخليجي وَ لا فيه ماركات فنتاستيك بس مابعد دخلت السَوق أو كانت مَوجوده وَ أنقطعت وَ ماتختلف أسعارها عن جرائم توم فورد

عُموماً توم فورد بالمُجمل براند كَميك آب ماوصل لا لجودة جيرلان وَ لاديور
لكن كخط جديد بعالم المَيك آب يعتبر بَصم هو وَ دولتشي آند جابانا
وَ لا تنغرمون بإضاءة توم فورد ببوتيكهم بسنتريا , الإضاءه خافته وَ ساحره وَ خياليه
جَربت البرونز بالمَحل كان خيالي , لما جيت البيت أكتشفت إن اللون جداً غامق صار شَكلي يَضحك وَ هذا كان تجربه فقط بالمَحل ماقَدرت أوازن الكَميه وَ لا الدرجه المُلائمه فركزوا لو رحتوا تَشترون

بالنسبة للبلاشر كَثبات ثابت لكن فيه مُنتجات تثبت آكثر مَنه خاصه جيرلان

وَهنا بَوضوح الأسم وَ الرقم وَ اللون ..

وَ

آتمنى آكون أفدتكم

دُمتم بَحب

مُلاحظة / هذه التَدوينه تَم نشرهآ سابقاً بتاريخ 19-08-2014