مَساء / صَباح الحُب
إزيكوآ يا آمامير !! ..
مازال لَدي الكثير مِن المواضيع المؤجل طَرحها كلها تَختص بُمنتجات إستخدامها نتائجة تحتاج إلى الوَقت
يعني يا سيروم ( يحتاج ٥ أشهر عَشان أقول النَتيجة ) ، يا ماسك يحتاج أجربه أكثر مِن مرة عَشان أعرف
وَ يا مُكملات غذائية ، فِعلاً التجارب الطَويلة وَ الدقيقة تحتاج فترة طَويلة
وَ مرات مِن طول التجربة تنسى مُلاحظاتك وَ تنسى المُنتج كِل أبوه
المُنتجات المَيك آبيه ، آحلى مافيها النَتيجة تعرفها بـ ٤ إستخدامات بأوقات مُتفرقة وَ ظروف مُختلفة
لكن العناية بالبشرة وَ الصحة وَ الشعر ( رَدد رَدد يا ليييييل ماطولك ) ..
تَوصلني شَبه يومياً ، أو حتى نلاقي إستفسارات بجَميع شبكات التواصل الإجتماعي ( بخصوص مَشاكل الشعر )
بالرُغم وَ الله بأغلب المَواضيع أكتب ، إذا فيه خلل داخلي لازم يَتم مُعالجة الخلل الداخلي ( غدد ، تكيس مَبايض، مشاكل بالهرمونات )
هالأمور ماتنحل أبداً بالمُكملات الغذائية ، الغدد وَ تكيس المبايض وَ مشاكل الهرمونات هل سَبق شفتوا أحد يعالجها وَ يعطيكم مُكمل غذائي
[ فإطلعوا مِن باب إعطاء علاج أو نَصيحة خاطئة لمُشكلة ما ]
عَندك نقص بالمَعادن وَ الفيتامينات ( هُنا علاجها المُكملات الغذائية )
تسوين ريجيم ، عندك نقص بالتغذية ، جسمك يحتاج فيتامينات ماتقدرين تحصلين عليها مِن الغذاء … إلخ
HairBrust ( فيتامينات للشعر )
vitamins for healthy hair growth
[ وَصف الفيتامنيات كَما ورد في مَوقعهم ]
فيتامينات طبيعية تُغذي الشعر مِن الداخل ، تساعد على نمو الشعر بمعدل بوصة في الشَهر أي مايعادل ضِعف طول الشعر الطبيعي
وتختلف النتيجة من شخص لأخر قَد تزيد أو تقل
( تناسب الذكور وَ الإناث على حد سواء من بعد سن ١٢ سنة )
طريقة الإستخدام ~
ينصح بأخذ كَبسولتين يومياً في الصباح إن أمكن أو يمكن أخذها مَع أي وجبه مُتكامله مُناسبه لروتينك، الأهم أن يتم تناولها بشكل يومي
– متى تبدأ النتائج بالظهور ؟
أفضل النتائج َستبدأ بالظهور بعد ٣ أشهر ، لكن لابُد مِن إستخدامه عَلى الأقل شهر حتى تبدأ النتائج بالظهور
طبعاً هالشيء يختلف مِن شخص لأخر، أيضاً يؤخذ بالحسبان روتين الشعر اليومي ( مِن مجففات الشعر وِ المُستحضرات التي قد تؤذي الشعر )
لكن سيظهر التحسن في طول الشعر وَ بصحة الشعر وَ سماكته وَ قوته، أيضاً راح يقل تقصف الشعر وَ يسهل السيطره عليه
– هل يفيد في حالات الصلع ؟
أي مشكله تساقط غَير طبيعيه أو وراثية أو قد تحتمل مُشكله صحية تَستعدي تدخل طبيب ، المُكمل مُفيد في تعزيز صحة الشعر الطبيعي
– هل تزيد شعر الجسم ؟
لا
– هل لها أضرار جانبيه ؟
لا ، لكن يستحسن إستشارة الطَبيب في حالة كان لديك مشكله صحية
مُكونات المُنتج ،’
المكمل خالي مِن الملونات وَ النكهات الصناعية يناسب جَميع أنواع الشعر
يحتوي على ٢٦ عنصر وَ فيتامين ، غني بالمُغذيات اللتي يحتاجها الشعر لينمو بشكل صحي وَ مثالي
– السيلينيوم لمنع جَفاف فَروة الرأس وَ يساعد في علاج القشرة
– الزنك لتعزيز قوة بُصيلات الشعر
– حمض الهيالورونيك يغذي وَ يرطب الشعر
– الكالسيوم قد يساعد في منع تساقط الشعر
– حمض الفوليك
– مجموعة فيتامين ب (B1، B2، B3، B5، B6 ، B12 ) : قد تُساعد على تنظيم الهرمونات وَ الجهاز المناعي، مما يُؤثر على صحة الشعر
– فيتامين A، C، D
– البيوتين يساعد على زيادة إنتاج الكيراتين في جسمك، لبناء شعر صحي
– MSM يساعد في إطالة دورة نمو الشعر
– الكولاجين يمنع جفاف الشعر وتقصفه
– BCAAs
– السيليكا مُمكن يساعد في تقليل تَساقط الشعر
تَجارب المُستخدمين ،’
كل الكلام السَابق المذكور أعلاه نقلاً عن موقعم وَ الأسئلة وَ الأجوبه أيضاً مُقتبسة مِن الموقع
عيوب المُنتج ،’
شخصياً ماشفت لها عيوب، الحمد لله أعتقد جسمي يتفاعل مَع أغلب الفيتامينات بشكل جيد وَ لا يتحسس وَ لا يطلعله حبوب
لكن أكبر عَيب هو عدم توفره بكل مَكان إما إنك تطلبينه مِن موقعهم الرسمي أو عبر مندوبين
أيضاً مِن تجارب العُملاء البَعض قال أن خدمة العُملاء سيئة وَ بما إنهم واعدين العُملاء باسترداد كامل المبلغ في حال ماشافوا نتيجة مِن المنتج
إلا إن عملية إسترداد المبالغ بطيئة وَ يضيع كثير من أموالك المُستردة بقيمة الشحن
البعض تذمر من حجم الحبه ، شخصياً أشوفها مُناسبه بس كثير مِن الناس عندهم رُهاب مِن الحبوب
البعض تذمر مِن ريحتها ، شخصياً ما أشوف لها ريحة لا بالبدن وَ لا أثناء تناول الحبه
أماكن التَوفر ~
تَم توفيرها لي مِن مَتجر @le_mquillage
بما أنها مُوزع مُعتمد للهيربرست ( للإطلاع عالحساب : إضغطي هُنا )
تجربتي مَع فيتامينات الشعر هيربرست ( Hairburst ) ~
قبل أحب أوضح شغله يمكن كَثير مِن الناس بالمناطق الحارة يلاحظونها ، شعري من النوع إللي نموه سريع بالصيف سواء شعر جسمي أو راسي
لكن بالشتاء ينمو بشكل أقل ، طبعاً هالشيء كنت ألاحظة بشعر جسمي أكثر لكن مو ذاك الفرق اللي يذكر
وَ أعتقد هالشيء راجع للحر وَ التعرق تخلي الشعر يطول بشكل أكبر وَ كأن الحر فيتامين الشعر
أيضاً بديت بأخذ المُكمل بفترة التخبيص بالأكل أثناء الأعياد ، لأن الحمدلله غذائي أعتقد إنه مُمتاز خَاصة هالفَترة أعتقد إنه شبه مثالي
نُقطة تؤخذ بالحسبان ،’
أول علبتين إستخدمتهم بشكل متواصل ، ماعدا مَرة وقفت أسبوع واحد لأني كنت آخذ مضاد حيوي فخفت يتعارض معه وَقفته تقريباً بهالأسبوع وَ رجعت إستكملته ، أيضا لما بديت العلبة الثالثة وَ قفته وقتها لأني كُنت حاسة إن غذائي مُتكامل وَ ماأحتاج مكمل فوقفت أسبوعين وَ رجعت أخذهم لكن هالمرة قللت الجُرعه لمرتين بالأسبوع فقط ، لين أنهيت كامل الكورس
مُلاحظاتي ،’
فيه لمعة بشعري وَ سمك لاحظتها مِن أول أسبوعين
شعر جسمي مازاد نموه ( المَوضوع يَهمني لأن ما أبي أخرب جلسات الليزر ) ، لاحظت زيادة نمو الحاجب لكن جسمي بما إني مسوية ليزر مالاحظت ذاك الفرق
بالنسبه لطول الشعر مُو مِثل وعدهم إنه مُمكن ينمو شعر بإسبوع ، لكن نموه زاد عن الطبيعي مثل لما أستخدم البيوتين
مَع العِلم بفترة إستخدامي له كنت أستخدم الأنفيرجن ميثود وَ وقفت الأنفيرجن بس شهر عشان أعرف إذا الطول مِن المُكمل أم مِنه
برضوا زاد نمو شعري بس بعد مو مثل الوعود
الخُلاصة ~
إللي لاحظته أكثر شيء اللمعه وَ نتائجه جداً مُشابهه للبيوتين فيما يتعلق بالطُول
البنات إللي تغذيتهم سَليمه ما أعتقد يحتاجونه ، مِن إسمه مُكمل غذائي يعني لايغني عن الأكل الطبيعي
ماراح أخذه مِن جديد وَ بالأساس ماراح أخذ الفيتامينات العَشوائية
فيه ملاحظه آخرى ، آخر مره قست شعري بعد توقفي عن الفيتامنيات حَول شهر حسيت زيادة بنمو شعري أكثر مِن المُعتاد ( مَدري وِش السَبب مع إنا بعز البرد )
مرات نمو الشعر وَ لمعته صعب نحصر سببه ، لأن الشعر يمر بأمور كثيره قد تكون خارجية أو داخلية
وَ قد يكون السبب إني بالبرد زِدت رياضتي أكثر بحكم إني أحب الرياضة بالبرد
للأسف إختتمت شهر يناير بـ ٤ تَدوينات فَقط
لَكن إن شاء الله لنا لَقاء آخر بشهر فبراير
دُمتم بَحب
تم
هلا هلا من الهبال الي كتبته بصفحتك مدري ايش اكتب هنا
الله يديم عليك نعمه فعلا التغذيه مالها مثيل
واثق بتجاربك ماراح اجربها استخدمت البيوتين والحمد لله ارتحت معه وشفت النتايج وراح استخدمه وقت الحاجه
بعد ماطال شعري من الانفرجين قصيته الاسبوع الي فات وشلت المصبوغ وشهر وبعدها ابدا بالانفرجين
ولا تقولي للاسف ٤ تدوينات فيها الخير والبركه اهم شي امورك واشغالك تتيسر ويتنظم وقتك
والقادم احلى باذن الله
حيي زين يسمن؟؟؟
تم
تم
تممممممم
?
من فترة انتظر هالتدوينة ? اقرا وراجعتلك
شككرا سوسس .. شكلي راح استخدمه بما انك تقولين شفتي نتائج انا محتاجه هالفترة يطول شعري بسرعه معقدني .. ما قد مرة اخذت مكمل غذائي ولاني من عشاق المكملات بس من كثر المدح على هذا خلاص باخذه باذن الله .. ونشوفك بتدوينات شهر فبراير ?
تم
حبيت التدوينه و صاحبة التدوينه وكل شي يجي منك ??..
عموما الفتيامينات ذي احترت بينها و بين وحده من نوع اخر بما ان ابي ابيها للنايل وللبشره والشعر فاخذت الثانيه ???..
النتايج حمستني انو اجربها ?..
.
ترى اربع تدوينات شي حلو احسن من لا شي لا تحسسفين على قلة التدوينات بشهر يناير ان شاء الله ينتطم وقتك وامورك
والايام الجايه احلى واحلى ??..
تم
شكرا على التدوينة..
المكملات اللي فيها مكونات كثيرة فعلا لابد نكون حذرين في استخدامها حتى ما تتعارض مع أشياء او أدوية أخرى..
عشقي المكملات ☺
هنا
يا لبى والله?
تسلمين ع التجربه
بصراحه احترت بينه وبين البيوتين ودي
اجرب واحد منهم
بس احلل اول
ومن بعد الانفرجن ميثد صرت مااهتم
لمنتجات تطويل الشعر
ابغى لمعه وسماكة الشعر
شكراً للابد ❤️
صباح الأنوار
عاد من الصور توقعته شي مثل السحر
بس من نقلك لتجربتك اشوفه حلو لكن مو نفس ماحسيت من صورهم ?
وصدق اللي يقدر يآخذ كل شي من أكله احس اصح وأفيد
أربع تدوينات بشهر شي حلو ترى لا تتحسفين و ننتظر مواضيعك المؤجله ?❤️❤️
يسعد صباحك يياقلبي
والله كثير اللي أخذوه و يمدحو فيه لكن ماعمري فكرت أخذت مكمل للشعر لأن لو كان فيه مشكلة أعرف نفسي مشاكل دآخليه
وأنا مهمله في التحاليل صرآحه ولا أنا عندي نقص في فيتامين دال و صارلي فترة طويلة ماحللت وأنا كل فتره أحلل لأن أول شي يبان عليه شعري
و المويا صرآحه لها دخل فيه والاحظ مع كثرة المويا يتغير للأفضل بس حاليا معدله نظام أكلي ،، يعطيك العافية يائلبي الشعر مهم والله <<<<أبد ماودها تمسك ماكينة حلاقه وتحلق راسها ههههههههههه
لاااااااا و انا من اول انتظر البوست في الانستقرام ???
الله يسعدك انا مااحب اجازف بالحبوب يس الدكتوره صرفت لي حبوب برايورين ومرتاحه عليهم وقف لي تساقط شعري بنسبه ٥٠بالميه وقد قريت مدونتك عنها ❤️بس عندي مشكله بجفاف الشعر تعبت معه نافش? بديت اهتم بأكلي شوي بس احس يبلي منتجات ترطيب ومليت وانا اجرب ولا استفيد عاد لما شفت تدوينتك عن ناشي تحمست اجربها لعلها تفيد
واللي يقهر كنت اهتم فيه بالماسكات بس صارت ماتفيد شعري لأن مساميته منخفضه وكنت استخدم البروتين والبيض وصارت تسبب لي تراكمات على الشعر
اماااانه اختي استفدتي على حبوب برايورين يعني وقف تساقط شعرك بشكل ملحوظ وينبت الشعر والا لا؟؟؟؟؟؟؟ لاني تعبت من تساقط شعري
جايه مفحطه سريع سريع بعد ماقريت التدوينه شحن الجوال ٢٪ بيقفل علي بس بقولك أول الف شكر لك
للأمانه من اول ماشفتها عن الغرب وتجاربهم لها قلت ياليت ارتوس تجربها وتكتب لنا تجربتها واشوى انك جربتيها ، ماننحرم منك يارب ???
اهلييين ارتوسه
من زماان انتظر هالتدوينه خصوصا انها عن الشعر
تحمست اجربهم ، لكن ارتوس انا عندي الحديد شبه معدوم مع العلم اني اخذ حبوب حديد من زمان لكن مافي تحسن ابداا شعري يطيح اكثر من اول ? هل بتنفعني بحل مشكله التساقط
يسعد صبآحكك ياارب
مواضيع الشعر تهوسني انا?
بخصوص الحبوب سمعت عنهم مدح من قبل
ولافكرت اخذهم بس بعد تجربتك بإذن الله
اخذها لاكن موو اللحين لأن عندي شوية تحاليل
بسويهم?
يعطيك العافيه ياعسل كنت متحمسه له بس شدني بالموضوع ان أكلك شبه مثالي وانا ودي اعرف هالنظام الغذائي ودي احسن غذائي واخليه صحي ياليت تكتبيلنا بهالشي، وبوسه ع هالخد الحلو
يسعد صباحك ياقلبي ?
يعطيك العافية يارب قد ماتتعبي علي دقة الملاحظة والصدق في طرح كل تجربة الله يكتبلك اجرر كل حرف أضعاف يارب ?
كنت انتظرر تجربتك لهاا لي فتره مترددة اجربها او لا وصراحة بعد التدوينه مراح اجربهاا كلامك عن الغذاء خلاني اوقف انه ليه اجربها وانا مهتمة لتغذيتي وتحاليلي كويسة كنت متحمسة لها عشان الطول بس الانفرجن راح تحقق الي ابغاه ?
دمتي ياقلبي بصحه وسعادة ?
صبآح الجمااال
يعطيك العافيه على التدوينه من كثر مآ شفته وسمعت عنه قلت شكله وآآو بس فعلآ أثق بتجربتك
آنا آخر تحليل كان عندي نقص بفيتامين د مرره جآلسه أعالج النقص اللي عندي
اخر مره صرفت لي الدكتوره مجموعة فيتامينات “ميكسافيت” لآحظت شعري طلع وآنا مسويه ليزر على طول وقفته مآبي اخرب نتائج الليزر
آحيآنا ألاحظ شعره حاجبي تكثر وآحيانا لا مدري شالسبب! آكون وقتها مآ استخدم شي
بالنسبه للتدوينآت آشوف حلو آنك آنجزتي٤تدوينآت وآنتي ببالك ٦
وإن شاء الله تعوضين بالشهر الجآي بكل رآحه
دمتي محبه ??
صبااح السعادة والحيوية ..
صباح ارتووس .. ?
ما شاء الله عليك ميزة تدويناتك ودايم اقوله يطلع الواحد عارف بالضبط قراره ..
كنت متوقعة مو ذاك الفيتامين العظيم يمكن البعض تغذيته مو جيده وفرقت معه ..
ووجودك جميل ارتوس بالانستا والسناب ، والتدوين ملحقه عليه بما انك ببداية سنة جديدة ومزحومة .. وتدوينة وحده تكفي اسبوع قدام واكثر .. شكرا ??
يعطيج العافيه يارب ، شكراً ??
صباحكك ???
اللمعة و ????? هذا الشيء اللي محمسني ع المنتج دوبي طليت ع الويب سايت تبعهم و عاملين ديسكاونتت ابو 20% مدري اخدهم و لا انا مقررة أحط القرنقش ف سابلمنتز رياضي ?? دوننت نو
المفروض م تطلع شعر للجسم ع م قرأت انو فايتمينات الشعر مالها تأثير ع شعر الجسم … ‘
عمومًا شككرًا مرتاحة ع الانفيرجن ماثود و ابا اركز ع تغذيتي افضل لياا ??? لافف يو
انا جربتها لمدة 5 شهور ?????
ترطب الشعر والشعره تصير سميكه و لون الشعر يصير زاهي مو باهت
انا شفت فيها كثافه وسمك ، اما التطويل مو ذاك الزود وبس ???
شكرا على التدوينه ?? مادري ليه ماتحمست للمنتج ??
ياحبي لك يارتوس تعرفين انا وش كثر اعششق الشعر بس من ناحية العناية مش التغذية عاد انا للاسف مش صحبة مع الحبوب فما بالك بالمكملات الغذائية عموما انا هالفترة صدق احاول احسن تغذيتي بس الظروف حولي للاسف ماتسمح اولها روحه النادي والتغذية لان بصراحة افكر اصبغ الصيف هذا واجدد اللوك بس احتاج وقت لين اجمع هالمعلومات . عاد يارتوس اقتراحي عليك هالفترة انك تركزين على العناية وتجنب الجفاف او الرياضة والمكياج .
صبااحك جميل ومبتهج صباااحك اخبار تحقيق امنيات ♥
هالتدوينه تهمني اكثر من اي تدوينه قريته صصح كل شي منك يهمني بس هالفيتامين كنت مقدمه ع شرائه ورأيك بالنسبه لي
جمرك الشراءءء لاززم امر عليك .. صراحه اناا كنت مااجله موضوع التحليل لاني كنت اعتقد ان شععري راح يستجيب للفيتامينات
بس طلعت غلطانه بعد كلامك .
انا شعري بعد ولادتي الثانيه جدا غريب صاير وكانه يبي الفكه مني يتساقط بشكل جنوني لمن اتروش ينزل كميه فضيعه ونفس الشي
لمن امششطه .. حبيت كل شي قلتيه وراح احطه بالحسبان كلامك عن التحليل وراح تكون خطوه اولى قبل كل شي .
مره شكراا ع هالمعلومات والتدوينه اللزيزه ♥
حبيبتي انتي ربي يسسعدك ويخليك لغاليك ♥♥
ويجعل اثنين جابوك بالجنان البارده يارب ♥♥♥
تصبحي ع اخبار تسسر خاطرك ♥♥♥
صباحك فيروز ❤
تحمست أجربه عشان اللمعة و السماكة ولا الطول ما أحتاجه شعري يطول بسرعه قبل فترة سويت تحليل وطلع عندي فقر فيتامين د ماابغى أقولك كم عشان ما تهزئيني ☺ وهو اللي مأثر على شعري وسمعت الدكتور أحمد العيسى يقول بالسناب إن التعرض للشمس وحده ما يكفي لتعويض النقص لازم قطرات معاها أنا أفكر آخذ إبر مع التعرض للشمس.
وترا عادي لو تأخرتي بالتدوين مقدرين الضغط اللي عليك هنا وبالانستا وبالسناب
دمتي بحب وصحة وسعادة ?
السلام عليكم يعطيج العافيه على هالموضوع لكن فيه معلومه حبيت اضيفها لج يقال انه الحبوب تطلع تنايحها بعد ما تتركينها بشهر لكن ما بحثت بصحتها العلمية ?
الله يعطيك العافية تسلم يمينك ❤
لي عوده .. الصباح .. شفت البوست
وماقدرت ماادخل .. ? ??
يا اهلاً ?
ما قصرتي والله
معلومات كاملة و شاملة ..
فعلاً الحاجات اللي مثل كذا تحتاج فترة طويلة عشان تقدري تحكمي صح
حاولي تسجلي بنوت كل مالاحظتي شي ؛ عشان ما تنسي..
الله يسعدك و عن الشر يبعدك ?
يسعد صباااااااااحك توسه….
الله يعطيك العافيه طرح مميز ومفيد…
بصراحه من كلامك تحمست استخدمها لكن بعد مااسوي الفحوصات اللي قلتيها عشان اتأكد وان شاء الله ألقى منها نتيجه ترضيني….
تدرين والله تحمسين بكل مكان تكونين فيه سوا بالسناب أو الانستا أو المدونه وتنشرين السعاده والبسمه من غير مبالغه….
الله يسعدك ويكتب اجرك ويرحم والدينك ويحفظلك أحبابك ….
مع خالص حبي ….
يعطيج الله العافيه ع الموضوع الحلو فدتيني حيل ??
حبي ابيج تنزلين موضوع عن كريمات حمايه الشمس و شنو احسن نوعيه و جم نسبة الحمايه الي مفروض تكون فيه
الله لايحرمنا منك سوس ربي يبارك لك بوقتك ويحقق لك ماتتمنين صادقة بخصوص الغذاء الاحظ على شعري وقت مايتساقط اكون عارفه عندي بداية نقص بالحديد على الاغلب مشكلتي حالياً غير التساقط من لما صبغت شعري راح فيها صارت الشعره خفييييفه غير كذا لما امشط شعري يتكسر الله يسامح اللي صبغت شعري بالرغم الصالون مررره مشهور وغالي
يعطيك العافيه
بإذن الله لي تجربه بس اخلص الي عندي لاني امر بمرحلة حب الشعر الطبيعي و الطويل
صباح الخيرات ياه ياشوقي لتدويناتك الله يعطيك الخير والسعاده ياجميله
يامساء الخيرات ?
الشعر الحيوي نتاج لكثير اشياء : الاكل الصحي – شرب الماء – اهتمام خارجي مستمر – مستحضرات مناسبة .. عشان كذا مو الكل يلاحظ نفس النتيجة هذا غير طبيعة الشعر الوراثية والمؤثرات الخارجية زي الجو والمويا .. وهذا يصعب الاجابة عن سؤال “شعرك حلو ايش تسويله”
وبالنسبة لي صعب اجرب اي شي يناسب غيري لكن كل اللي علينا نجرب ونبحث عن كل ما قد يقدم لنا أفضل نتيجة.. وشكرا سوس لأنك تساعدينا على ذا الشي استفيد كثير من طريقة نقدك الدقيقة خصوصا عرض المكونات وتعليقك عليها ..
.
.
.
.
واخيرا صرت اقرا بصوتك ?❤️
مسآاء الفل
كنت كاتبه لك وانا نايمه ? صاير الموضوع
ادمان عقلي و قلبي ? ..
اهم نقطه حريصه عليها انو مايزيد شعر الجسم
لأنو عامله ليزر و مو حابه اغامر .. فريحتيني الله
يريحك ??? .. ارتوس .. اقسم باالله العظيم
صوتك يسعدني .. وكل ماسمعته ابتسم لا إرادي ?
يسلملي اللي محافظ ومهتم على جسمو وصحتو يااارب أصير مثلك مهتمه بكل ما يخص العناية بجمالي بس في الاول خلي اتمكن من روتين الرياضه قبل اي شي واتعود عليه ويصير شي روتيني يومي ما اقدر استغنى عليه بعدين هاااات من ذيك وذاك ههههههههه
بالنسبه للمنتج اول ما شفتك حاطيه بالسناب قلت واخير بتتكلم على شي موجود في اكبر الصيدليات عندنا ولما قلتي مو متوفر الا بالطلبيه نحنا عندنا صيدليه معروفه مثل ما انتو عندكم صيدلية وايتس (فيس فرحان وموش مصدق نفسو ) فلذلك موفره هالمنتج لان مسوين عليه ضجه عندنا واشوف بنات كتير يجربوه لكن الله اعلم بنتايجه انا من النوع اللي ما اغامر بمنتجات اللي كلها وعود ( عندي شي في راسي يقول مو كل الكلام صحيح يعني مجرد دعايه وترويج للمنتج ) .. المهم اللي اتمناه كل اللي تتكلمي عليه يتوفر عندنا مثل هاذ المنتج (فيس يصيح من القهر)
احبببببك موت يا سوس دمتي بعاااافيه?
مساء الخير ♡الصور فضيييعه مرّه تحمس باذن الله راح أطلبه بس قبلها بأسوي تحاليل شاملة واشوف فيتامين دال ارتفع بعد كورس العلاج او لا ، لان اشوف اهدار للوقت لو استخدمتها وانا عندي مشكله داخليه ?
مساء الخير ?
من فتره واشوف تجارب كثير للمنتج وكل اللي جربوه تقريبا كانت نتائجه ايجابيه معهم عجبني جدا صراحه لو ما اعاني بمشاكل خاصه بشعري كنت بستخدمه بس خلاص احس ما ابي اخبص بنفسي زياده ? ..
شكرا على الريفيو ?
بس عندي سؤال يوم قلتي “شعر الجاجب ينمو” تقصدين لما تشيلينه يطلع اسرع او ان زاد بدون ما تشيلين؟ يعني تشقير مثلا
الحمد لله من بديت بالانفريجن وانا عاجبتني النتيجة اللي وصلت لها بس مدري وين الاغلب هل من الحمل لاني بحملي الأول كثف من دون ما استخدم شي بس تغذية او من الانفريجن بس الاغلب الانفريجن لان ببداية حملي صار يتساقط بكثره
يعطيك العافية يارب
مرحبا آرتوس القلب ♡?
شكراً ع التدوينة الجميلة،
يشدني كلامك لما تقولين نظامي الغذائي صحي ، يا ليت من ضمن تدوينات فبراير يكون عن نظامك الغذائي، انا اعرف ان النت مليان، بس عشان فيك كاريزما مؤثر فراح تفيدينا بعلمك ♡♡.
ثاني شي حابة اسئل عن منتجات Phytorelax Laboratories قد سمعتي عنها او جربتيها!؟ هي مجموعة عنايه بالبودي و الشعر.
انا حاليا في امريكا و دائما اشوفهم في بعض المحلات و ياخذون منها كثير وفيه بزبدة الشيا و الارقان و الجوز الهند و كذا نوع.
و قريت ريفيوز و يمدحونها مدح، فقلت اسئلك اول يمكن قد جربتيهم او تعرفين عنهم.
و شكرا ♡?
ما ادري اذا استفساري في المكان الصحيح او لا♡?
ارتوس ي ارتوس
مااعرف كيف ابدأ اول مرا ب حياتي ارد ع موضع احد :(( للأمانه لي شهر اتابع
تدويناتك مرا ماشاءالله حلوه بدأت استخدم من اشياء ذكرتيها
ب النسبه ل شعري ماشاء الله قبل كان جدا كثيف لكن اجرمت بحق شعري وصار قليل للأسف
السبب اني م احب الشعر الناعم احب الكيرلي ف اتعمد اتحمم بدون م امشط شعري م اعرف هل هو جهل او غباء
المهم بدأت اترك ه العاده لان الكل صار ينصدم كيف كان وكيف صار نصيحه نصصصيحه لحد يسوي ه الحركه
اخر شي … م حيكون اخر مرور لي هنا شكرا لك
السلام
من زمان ماعلقت على مواضيعك
بس في كلام يقرقع في قلبي
انا شعري جعد اي خشن
وطبعا ناشف
اي لا يمد لجمال الشعر بصله
يعني لو قالو لك شعر ابليس طلي بشعري
ههههههه ماعليه على كل ذَا الذم الا أني احبه
ابي اسأل هل من الغلط أني اهتم فيه من ناحية زيوت وماسكات وماإلى ذالك بدون التمليس وشلته
ادري ان بيطلع حلو وكذا يسرسح بس مو لازم البنت تعرف تتعامل مع شعرها وتعرف وش يحب وش مايحب
اذا انا غلطانه قولو لي
كل ما اشوف احد قالي شعرك
اهو مو حلو بس مو خايس > على الاقل بنظري
هل البوتوكس و شلته اهم من الاهتمام او العكس
معليش ارتوس ادري ان الكلام ماله دخل بالموضوع
بس فعلا كلام يقرقع
الله يهديك الصراط المستقيم وللمتابعين ?
ومساك حب ?
يالله من زمان ماعللقت فالمدونة بالرغم اقرا مواضيعك بنفس اليوم اللي تنزلينه فيه بس كنت مضغوطة شوي .. بس بجد مشتاقه للمدونتك حييل ..احب اعيداقرأ تدويناتك بين فترة وفترة تعطيني طاقة وحياة احس تجددني ???
بالنسبة للتدوينة تصدقين بعمري مااخذت فيتامينات الا مره وناطولت عليهم كذا استخدام لانهم كانوا يسببون لي غثيان هذا اول شي والشي الثاني لاني مقتنعة ان اذا كانت تغذيتي مب لهناك ماراح استفيد بالرغم عندي مشاكل بتساقط شعري واظافري فيهم ضعف ،، اللحين ناوية اسوي تحليل واشوف وش الخلل منه وابدأ اشوف وش الفيتامينات اللي ناقصتني ..
الله يعطيك الف عافية على كل شي تقدمينه واعذرينا بيوم قصرنا بالتفاعل ????
ما ننحرم منك توسة ..
إلى الآن ما كذ أخذت أي مكمل غذائي .. ودي لو أجرب فيتامينات خاصة بالشعر لأن أحس محتاجتها، بس ما أعرف أبلع الحبوب الكبيرة .. (فيس يصيح) …
شكرا لك دايما على مواضيعك
ودمتي بود
> اراجع اي موضوع طافني ولا علقت ..
ناويه اشتريها لكن أجلت لحد مااخلص اللي عندي .. ماني صحبه مع الفيتامينات الا اذا كنت امر بوقات سيئه وتغذيتي تصسر اسوء.
يعطيك العافية يارب على هالمدونة الجميلة و المعلومات الاجمل بعد بصراحة مدونتك من مفضلاتي لان معلوماتك جميلة و اثرائية تشكرين عليها .. الله يسعدك 3>3>3> .
كنت متحمسة له .. لكن شكل نتايجه ما بتبين على كل الناس ..
فأحس حماسي خف بعد ما قرأت تدوينتك ورأيك ..
واااحشتني … لكن هالوقت من السنة مدري ليش محد رايق لشي ..
يسعدك ربي يا عسل
الله يعطيك العافية وشكرا لتجاربك ونقلها بالتفصيل الجميل ??
نا شعري تدمر من صبغات أصبح متقصف كثير ويتساقط كثير وحسيتهيابس هل لما نجرب منتج هذا يصلح شعري.. أرجو الرد
السلام عليكم ياصبايا بارك الله فيكي ممكن اعرف آيه لون كبسولة الي تستخدموها من منتج خير بست ومشكور سيدتي الفاضله