صَباح / مَساء الفَهآوة ..
[ صَراحة أكتُب وَ أنا مَفهيه مَدري ليه ، جَوي جَو فَرفرة بالحُوش .. الجَو يجنن ] ..
مَوضوعنا اليَوم عَن ،’
كونسيلر نارس الكريمي ( أشهر من نار على علم )
NARS Radiant Creamy Concealer
مَدري شلون مُو حَاسه بحماس وَ أنا أكتب عن شيء مَشُهور وَ ضارب مِن فترة طويلة
لكن لابُد مِن ذِكر كُل تَجربة وَ بالأخص ذِكر المُنتجات إللي لها شعبية مِنها نعرف هل شُهرتها نابعة مِن حملة إعلانية ناجحة أو من كون المُنتج يستحق فعلاً الضجة
سَعر المُنتج : بموقعهم الرسمي ٢٩ دولار حُول ١١٠ ريال سَعودي بَدون الضريبة
تَم توفيره لي مِن متجر : dody_shop0@
صَفحة المَتجر عالآنستغرام ( للإطلاع إضغطي هُنا ) ، وَ توفره بَسعر : ١٥٠ ريال سَعودي
أشوف السِعر جداً مُناسب ، لأن حَتى لو توفر بالسعودية ما بيكون نفس سَعر الموقع زَي كُل المُنتجات إللي تَوصلنا
شُكراً لصاحبة المَتجر ..
وَصف المُنتج حسب المَوقع ~
خافي عيوب كريمي مرطب ، عاكس للضوء يعطي ليونه وَ نعومه للبشرة
مُناسب لجميع أنواع البشرة ، صِيغة قادرة على تغطية العيوب بشكل فوري ، وَ طمس التجاعيد وَ الخُطوط يخفي الهلالات السوداء وَ علامات التعب ، سلس المد ، طَبقة خفيفة مِنه تعطي تغطية مُتوسطة إلى كاملة مع مظهر نهائي مضيئ وَ طبيعي
تركيبته المُميزه تجعله قادر على ،’
• تقليل الإحمرار
• تقوية الجلد حيث يساعد الجلد على الإحتفاظ بالرطوبة وَ الحيوية
• يوفر حماية مُضادة للأكسد يحمي الجلد مِن الذرات الحُرة الضَارة
من مميزاته ،’
– سهل المد
– يُمزج بسهولة
– يبقى لفترة طويلة
– مُريح وَ رطب
– لايسد المسام non comodeogenic
خالي مِن :
– الباربين
– الفثالات
– الكبريتات
– العطور الصناعية
– الكحول
– لم يجرب على الحيوانات
يُمكن إستخدامه كقاعدة للعيون أو الشفاه
مُتوفر بعدة ألوان وَ ظلال تناسب الجميع
يعطي نتيجة مات فينيش ( مظهر نهائي مطفي )
دَرجات كونسيلر نارس ،’
١٠ دَرجات مُرتبة مِن الأفتح إلى الأغمق
Chantilly عاجي للبشرة الفاتحه جداً
Vanilla بضربة متوردة للبشرة الفاتحة
Honey للبشرة الفاتحة إلى المتوسطه ، بتون دافيء بيتشي
Custard للبشرة الفاتحة إلى المتوسطه ، بتون أصفر ( اللون إللي مَعي )
Ginger للبشرة المتوسط ، بتون ذهبي خفيف
Biscuit للبشرة الغامقة المتوسطة ، بتون محايد أصفر وَ بنك
Caramel للبشرة الغامقة المتوسطة ، بتون ذهبي مصفر
Amande للبشرة الغامقة المتوسطة ، بتون ذهبي زيتوني
Café للبشرة الغامقة بتون دافيء محمر
Cacao للبشرة الغامقة بتون ذهبي عميق وَ بني
اللون إللي إخترته مِثل ماقلت لكم هو لون الكاسترد ، لا يَنفع اللون المُختار كهايلايتر للون بشرتي فقط كونسيلر
شَوفوا الدَرجات ، جايبة أكثر من سَواتش عَشان تسهل عليكم عَملية الإختيار
( مُلاحظة : السواتش مَو تصويري اللهم كَتبت عليهم الأسَماء وَ أعدت تَنسيقهم )
وَ
وَ
وَ الآن شَوفوا إختيارات الناس ، جَمعت لَكم كل وَحدة وَ وش إختارت ، البَعض غلط إختياره وَ البعض صَح
وَ البعض حَتى طلع لوَنه أزرق ، هَدفي من التَجميع عَشان لا تركضون وَراء كلمة يا بَنات أنا لَوني كذا إختاروا هاللون
لأن إنتم ما تَدرون هلي إستخدمت الكونسيلر وَش مشاكلها بالضبط ؟ وَ لأي غَاية إستخدمته ..
[ كل ٣ صَور تَحتهم إسم اللون المُختار ] ..
بَعض المُستخدمات إستخدموا كوريكتر ( مُصحح لون ) قبل الكونسيلر هالشيء يَتيح لهم إختيار درجة أفتح بكثير لأن ماراح يَقلب رمادي
وَ البعض أكثر من طَبقة ، وَ البعض إستخدموا من الكونسيلر درجتين مُختلفات وَحدة للوجه وَ وحدة للعين ، فلا تَعتمدين كثيراً على إختيارات النَاس
لأن إنتِ ما تعرفين فَكرتهم عن الماكياج وَ طريقتهم ، إختاري سَتايلك المُحبب ، فيه ناس يحبون تحت العين أفتح بكثير بَكثير من لون كريم الأساس
وَ هنا يبدون يبالغون بَكميات الماكياج وَ كونتور وَ هايلايتر وَ وَ وَ ، وَ فيه ناس يبون كونسيلر للإستخدام اليَومي بدون حتى كريم أساس فقط مَع واقي من أشعة الشمس ، فَحسب طلبك يتقرر اللون
رأيي عَن المُنتج وَ تقييمي ~
حبيته لأن فعلاً وعوده حَقيقية
مَلمس الكُونسيلر جداً سلس وَ ناعم سَهل مده بأي طَريقة سَواء بالإصبع أو البيوتي بلندر أو الفُرشة
قوامه سائل وَ رطب بنفس الوقت مو دهني مزعج وَ لا هو مِن النُوع إللي ينشف بسرعة يعطيك حُرية بالمد وَ الدمج
وَ أفضل مَيزة أشوفها فيه أنه خالي مِن العطر لأن كثير مِن الناس تلتهب عيونهم أثناء الماكياج بسبب العطور إللي بالكونسيلر أو البودرة
إذا حطيتي كمية صغيرة راح يعطيك تغطية مُتوسطة ، وَ إذا حطيتي طبقتين يعطيك تغطية كاملة ، على إن قوامه خفيف إلا أن تغطيته جيدة
شخصياً أفضل ماتحطون كَمية كبيرة مَره وحده تعطي مَظهر كيكي ، الأفضل تضيفون حسب الحاجة، وَ الخطوة إللي تكمل الكونسيلر بالنسبة لي هي إضافة بودرة سائبة فوقه
حسيت الكونسيلر بعد فترة يندمج مع البشرة وَ يبين مظهرة أكثر طبيعية بالإضافة يعطي ترطيب
بدون مايتزحزح أو يخطط سهل الإستخدام ، وَ تصميمه مريح
أسئلة قَد تخطر على البال ،’
– هل يَستحق الشراء ؟!
يستحق ١٠٠ ٪ مُنتج مُمتاز وَ سعره رخيص بالنسبة لي عالأقل وَ علي مَتعوده عليه
يَعني علي أجربهم جيرلان ، بوبي براون ، ( طووووط وَ ماركات ثانية مابعد سَويت عنها رَيفيو ما أبي أحرقها )
أشَوف سَعره جداً حلو
– مُقارنة بين كونسيلر نارس وَ بين كونسيلر FIT ME من ميبيلين ؟
صراحة ما جَربت كونسيلر ميبيلين للحُكم ، لكن حسب الإطلاع تقييم ميبيلين جَيد وَ سعره رخيص
لكن الألوان مَحدودة بميبيلين وَ التركيبة مُختلفة تماماً ، فعاد شَلون صاروا يَتشابهون لرُبما التعليب حسس الناس إنهم مُتشابهين
بس إللي بترتاح له تَجرب ليش لأ ؟! ..لكن كونهم مُتشابهين مُختلفين بالتركيب بس يملكون نفس القوام السائل وَ الشكل
[ ترى ما كَنت بضيفه لولا أسئلتكم عن إضافة المُقارنة بالأنستا ، لأن ما أحب أكتب عَن شيء ما جَربته بس المواد مُختلفة ] ..
للمَعلومية كونسيلر نارس نسبة السيليكون فيه أعلى وهذا إللي يخليه ما يَجعد وَ يعيش فترة طَويله وَ مايبرز الخطوط
عُموماً سبق وَ كتبت عن مادة السيلكون ( للإطلاع إضغطي هُنا ) لأن بَرضو ما أبي أقرأ كلام يووووه فيه سيليكون كأنها مُفاجأة
– مُقارنة بين كونسيلر ماك و كونسيلر نارس ؟
بصراحة ماك عندهم مليون كونسيلر ما أدري أي واحد فيهم تقصدون لكن لو كان كونسيلر ماك لونق وير
بقولكم شغلة كونسيلر نارس عَشان شكله الأنبوبة إللي تَدخل نفس فكرة القلوس هذي من عيوبها إنه لو إنحطت على بشرة مُش نظيفة
الإسفنجة راح تَعفن وَ مُمكن يخرب المُنتج ( أنا ما صارت لي نهائياً سوا بجلوسات أو حتى بكونسيلر نفس الشكل من غير ماركة )
لكن حق وَحدة تستخدم الماكياج دَورياً ، مو تتركه أكيد بترجع مُمكن تلاقي تَغيرات عالمُنتج لو هي إستخدامها غير نَظيف
لكن تقدرين تتحكمين بكمية المُنتج المُستخدمة مع نارس ، أما ماك لا مع الضَغط ممكن تنزل مَعك كميات أكبر
أما بخصوص التركيب مُقارب نوعاً ما لنارس كتركيب أكثر من ميبيلين ، وَ نسبة الجليسرين أقل وَ هالشيء مُمكن يخليه يَخطط
وَ نفس الشيء مَده أصعب شَوي ، طبعاً هذي الشَغلات مُميزة بماك لأنهم صَنعوه ليدوم لفترة أطول ، فمضطرين يقللون كمية الجليسرين بالمُنتج
وَ درجات ماك أكثر 16 دَرجة ، إللي تلاقي دَرجاتها المثالية من ماك هنيئاً لهآ
مافي مُقارنات عَشوائية بخصوص الشَكل ، أنا أدري مُغرمين بَمقاطع اليَوتيوب لكن تَرى مُو كل المَقاطع طالعه مِن خُبراء
وَ حتى مو كُل الخُبراء نَزيهين ، فحاولوا تتابعون نُخبة النُخبة ، مثلاً ماركة ماك ضربت بفترة يمكن قبل أكثر من 8 سَنوات مع نشأة اليوتيوب
بس زمان محداً كان يربح من اليوتيوب ، فكانوا مَوظفين ماك الأجانب أذكياء عشان يطلع لهم بونص وَ عُمولة فكانوا يَشهرون المُنتجات عبر قَنواتهم
إللي بالأساس ماك مَقدمها لَهم مَجاناً ، طبعاً ماركة ماك ماعليها كَلام ماركة مُحترفة وَ مُنتجات مُخصصة للتصوير وَ سعرها حَلو
فماك بهذاك الوَقت سوآ عَندتا بووووم وَ قُنبلة ، لما بدأت تَرتفع أرباح اليوتيوب تَغير التنافس وَ فكرة التسويق
فَعشان كذا إطلعوا ، كثير بنات صَراحة صاروا يقولون بروح أتعلم من اليوتيوب ، اليوتيوب مليان كثير أخطاء ما نَقول ما يَفيد
راح يَفيد الإنسان الذكي ، أو الإنسان المَوهوب وَ يمتلك حَرفة بيده مُو مَكتشفهآ ، الآن كثير خُبراء هابين عاليوتيوبرز ، يقولون نَحن نفهم حاجتهم للربح
بس صار فيه تَلاعب وَ تعدي عالمَهنة ، لأن الغرب يربحون بالمَلايين من الإعلانات إللي تَعرض عالقَناة ، يعني سَواء المُنتج يستحق أو لا يَستحق هي ربحانه من المُشاهدة ، فَراح تَنزل مَقطع وَش ماكان حتى لو راح تتكلم عَن البوي فريند الخاص بَها
مِن فَترة فيه خبيرة تَجميل سعودية ، وَ هي شاطرة ، كتبت دورتي بهذا السِعر الفلاني
هبوا عليها البنات الله يَخلي اليوتيوب مالت عليك ، بصراحة ضَحكت ترى ما يَنزل من المَعلومات باليوتيوب إلا المُستهلك وَ القديم
أو خبيرة تَجميل ذكية تبي تَسوق لنفسها تَنزل مَقطع واحد يسوي بَوم عشان تَجون بعدين عَندها أو تشترون مُنتجاتها لو عَندها براند
وَ بعدين سكوت تآآآآم ما يَنزل ولا مَقطع ، فيه بنات معهم دَبلومات بالـ سنتين بالماكياج وَ كذا دَورة عند كذا خبير ،وَ يفهمون بس ما يَقدرون يطبقون
اليَد مُش فنانة وَ الذوق بإختيار الألوان تَعبان ، المَشهورين باليوتيوب إما بنات جَميلات أو بنات ذكيات يعرفون لنفسهم
أو خلقة فنانات بالرَسم ، بس ما يَمنع إنهم يرتكبون أخطاء لكن هُم مُجتهدات وَ لا تبين عليهم هالأخطاء ..
لا تَخافون ما أبي أسَوي دورة وَ لا أفكر أسَوي دورة ، يَعني هالَكلام مَهوب عَشان لو بيوم فكرت أسوي دَورة
أساساً أنا يَوم تعلمت هالفَن تعلمته لنفسي ، وَ لا حتى حاطه ببالي ١ ٪ إني أسَوي لأحد ماكياج ، هذا الكَلام لكم
عَشان ما تَمشون مِثل العَميان ، إنتم بنفسكم إطلعوا وَ شغلوا مُخكم ..
– مُقارنة بين كونسيلر بوبي براون الكريمي مَع كونسيلر نارس ؟
برضو لأن سألتوا ما يشبه حتى بالنَتيجة النهائية ، حق بوبي براون سميك
وَ صعب بالإستخدام وَ يبيله يد أكثر إحترافية ، النَوعيات الغليظة وَ السميكة يبيلها يد شاطرة وَ دمج وَ تخفيف
أو يَد مَتعودة عليه
– بخصوص الخطوط تحت العَين ؟
يابنات هذا أكثر شيء واضح للعيان ، البنات مرات يمنشنوني على صَور سامر خُزامي
وَ يقولون لي مافي خَطوط تحت العين ، ترى مرات يكون فيه خطوط تحت العين وَ الموديل فيها تَجاعيد بسبب طبيعة العين
أو طبيعة البشرة الغربية ، لكن تَخيلوا مَعي نص سم كحل أسود تحت عينها ؟! شلون راح تبين الخطوط ، طبيعي راح تتموه
فإرجعوا ركزوا ، خاصة البنات إللي عيونهم مليانة تجاعيد من الأسفل ، كثير يمنشنوني على هالأمور كله بالشطارة بالماكياج
مثلاً مثل سيروم لانكوم بالإمكان وَضعه مَكان الخطوط للتخفيف للإطلاع ( إضغطي هُنا )
وَ طبعاً فيه مُنتجات بالهبل ، لكن هذا المُتوفر بمُدونتي
– إختيار الدرجة المُناسبة ؟
سواء بالأساس أو بغيره ، الماركات ترى ما تَنزل إلا ألوان مَحدودة ، ماك وَ ميك آب فورايفر بتلاقون تَعدد لوني كثير بس ماراح يَزيد عن 40 لون
إستحالة يَكون أكثر ، رُبما بكريولاين يَوصلون لـ 80 لون ، مَعقولة الآن مَخلوقات الله كُلها مَحصورة بألوان كريمات الأساس المَوجودة بالماركات
أكيد لأ ، ففكرة أبي نفس لوني بالضبط غير واردة ، ألوان كريمات الأساس غالباً تكون ألوان بشرة مُحسنة وَ صحية عن لون البشرة الحقيقي
أو ألوان مُحايدة ، فإنتِ بشطارتك وَ بدمجك وَ بإختيار اللون الأكثر مُلائمة لك تَوصلين لغايتك ، فلا تَعقدون المَوضوع ..
بالمُناسبة مَبسوطة من ردودكم على مَوضوع ثرثرة بالإسبوع إللي فات ، وَ للأن ماقريت كُل الردود وَ لا رديت عليها ، مُجرد ما أخلص من قارئة الردود وَ الرد أتوقع راح تنتبهون ، خاصة المُتفاعلات مَع المَوضوع ، شُكراً من الأعماق
دُمتم بَحب
تم
مَنوش حُبي دُوم مَنورتني ..
صباح الخير ارتوسه??
صَباح المَحبة يا عَيني إنتِ ..
تم لا الحظ محالفني اليوم
ياصباح الفل …
اتفتلي ياختي بهالجو الحلو وانبسطي والله عاد الجو هالايام مريح لدرجة الخمول …
بالنسبه للكونسيلر نارس توقعت تصدقين انه ثقيل ليش ماادري ؟!!.. امكن برايمر بينيفت عطاني انطباع عن اللي نجي على شكل قلوسات تجي ثقيله ذاك عندي ثقيل بشكل واساسا استخدمته قليل وخلص مدري اتوقع انه مستخدم قبلي بس انا مادققت عن الفتح ، فحلو انه طلع سائل وغير مذا وفى بوعوده تحمست له والله وهذا انا عندي كونسيلر تارت وكونسيلر لانكوم بس نجرب ذا ومالو …
صادقه باختيار الدرجه واللي تحط كوريكتر تحتاج افتح اتوقع انا احتاج اخذ من نارس افتح من درجتي لان حق تارت لوني وافتح من هالاتي بدرجه وحق لانكوم نفس اللون يبيلي واحد حق هايلايت بس مش اوفر درجتين كفيله <<<<ترى قاعده افكر واكتب ههههههه …
شفتي المقارنه اللي بينه وبين مايبيلين بالفعل نفس السؤال جا ببالي عشانهم جوو بنفس شكل العبوة خلاص يتشابهون ?.. انا اووقع من الشركات الدرق ستور تحاول تقلد الهاي اند مع ان اتوقع نارس مش هاي اند بمعنى هاي اند صح والا لا … المهم النيه عندهم الغلط على المستهلكين واللي يسوون عنهم مقارنه بانهم مايفرقون من دون تطرق للخواص مثل ماتكرمتي اتوقع يساعدون بذا الغلط ?..
فلازم الواحد يفهم قبل ويكون ذكي ويشغل مخه ويستوعب الشيء اللي يدور حوله وانا والله من الناس اللي ينلمخ ويفهي احيانا بس لازم نشتغل شوي على نفسنا <<<ردي احسه صاير ثرثرة ههههه
ياللا ياقميل فوتك بعافيه <<<واحشااني ??
وَ الحظ مَحالفني بَوجودك ..
الحمد لله ، مكاني لين اقرا .
فَطوم حبيبتي إنتِ ..
انا..
هلآ بَرهف ..
نَورتي
الحمد لله?.
مكاني يالله??.
صباح الخير?.
حظكم ?وانا طول الليل منتظره التدوينه عشان الليل مابه ضرب ومن بعد الفجر يبدا الضرب فهميت كيف بركز بالتدوينه والدنيا تهتز ?مع العلم جات كم قديفه بغت تطيح الشباك ??.
والله محتاجين اجواء زينه تعدل نفسياتنا?.
المنتج شكله عاجبني مدري ليه.
اهم ميزتين اعجبتني ( سهل المد ومايسد المسام ).
مدري وش لون بشرتي بس اتوقع فاتح لمتوسط ، ماعرف اصنف لوني???.
بس والله من السواتش كان شكلها واضح وصدق حسيت بيناسبني castard او ginger ممكن لو اجربها على الطبيعه اقدر اختار الافضل.
حبيت رائيش عنه وتحمست والله اخذه ??.
وحبيت مقارناتش واسئلتش التوقعية الي تحطيها???.
وش بعد حبيت اقولش شي ماله دخل بالموضوع طبعاً??( من يوم عرفتش وانا تغيرت والله وصرت احب اهتم بنفسي بشكل عجيب زياده عن قبل بكثير طبعاً موب بس انا وامي واختي بعد ?? المهم امي تتكيسل تقرا الموضوع فلما نزلتِ موضوع اروح بيتنا عشان احكي لها المختصر?واشرح لها الي تقوليه واذا اعجبها عطتني فلوس وقالت جيبي ثلاثه ( لي ولها واختي ?) اختي ماتحب المكياج بس امي تبيها تتعلم غصبا يعني بس تتعلم واذا طلعنا تخليها بس تحط مسكرا وروج وبيبي كريم وحواجبها وبلاشر > ذا كله وبس?، انا ماتعبت معي لاني احب المكياج ، المهم مدري وش دخل ذي السالفه بس بكمل ، كنت دايماً اسعى للوصول للافضل وللشي الي اتمناه والحمد لله تغيرت بشكل ماتتخيليه ( بشرتي صارت مثل مابغا?وصدري ( معاناتي الدايمه لانه صغير ) كبر اخيرا??وجسمي مع التمارين قربت اوصل للي اتمناه ، واشياء كثير والله وكلها والله لش يد فيها انتِ الهمتيني باشياء كثير ممكن انش نسيتيها اصلا ?.
المهم شكراً من اعماق اعماق قلبي?????.
ونحبش والله.
وامي تسلم عليش???.
الله يفرجها عليكم … وشكرا ارتوس عالتدوينه..
ههههههههههه تَرى الرد إللي قَبله طَلع
تم
إنتِ إللي إعتذرتي صَح !! ..يا زَينك
يسعد صباحك سوس .. نحدث ٢٠ مرة بالساعة عشان نقول لك اننا نحبك ..
بعد ما استمتعت بالمطر رجعت اكمل استمتاعي بالتدوينة ..
بصراحة اتفق كثير مع أمجاد ..
حتى لو انشهر المنتج نضل ننتظر تجربتك لان تعودنا على ان تجربتك دائما محايدة وهي اللي توصلنا ( ثقة ) ..
انقهر اذا اشتريت منتج واكتشفت اني كنت ضحية حملة تسويقة ولا انا ما احتاجه او مايناسبني او حتى ماني بروفيشينال لدرجة اني اتقن استخدامه
عشان كذا تضل تدوينتك هي مرجع لنا .. وقتها نقدر نحدد اذا كنا نحتاج المنتج فعلا او لا .. اقول لك هذا الكلام لانك ما تحمستي للتدوينة كون المنتج مشهور بالاساس لكن تأكدي في متابعات لك يهمهم رأيك كثييرا وينتظروه ( اصلا انتي عارفة ذا الشي ) هههههههههه
نرجع للكونسيلر .. عاد الحين باخذه وانا متطمنة وحابته .. حبيت انه يقلل الاحمرار .. وحبيت مقارنتك له مع ماك .. وحبيت الوانهم المحددة ( ماتحير كثير) خصوصا مع طريقة عرضك لها .. ساعدتينا كثير .. كمان شكرًا لان نبهتينا عالاسفنجة ..
ونحبك مرة ثانية ..
أنا مَحظوظة وَ والله ما عَندي شَك ..
حجز موقع .. مع سبق الإصرار ✨ والترصد ..
صباحك فُل وهنا ?
ملآك أحلى إصرار وَ ترصد
جاري القراءه
تَنوريني ..
Nana تُشاطريني الأحسآس ذاته ?
????
إنتِ وَ نآنا عالعَين وَ الرآس
♥️♥️♥️ قلووب لعندك
ماشاء الله تفاصيل التفاصيل ماخليتي لاحد مجال ربي يخليك
بالايام الجايه على خير راح تصير عندي مناسبه مهمه وراح اعتمد على نفسي اكيد راح احط هذا بقائمة الويش ليست حبييته حبييته انا من النوع اللي ادخل عيوني بنص المرايه أتاكد من التفاصيل ههههه وبحاول اخفف من الشي هذا واشوف الشكل العام
بحاول اطلب هاليومين حتى تجيني اسرع لاني مالي بطلعة السوق اليومين هذي غير الفستان اللي بعدني مااخترته انا افكر لكل شي حتى قبل مايتم?ربي يتمم على خير ?
بوساتي لك ارتوس
أهَم شيء قَلوبك وَصلتني يالزَينه ..
هُو أهم شيء إني ما أترك مَجال لَكم للبحث ، فلذلك لازم تَكون التَدوينة مُستوفية للشروط حَتى ما تتعَبون بالخيار ..
شفتي بخصوص الكونسيلر !! .. سويه قُرب المراية ، بس الطلة النهائية بعدي عن المراية وَ شوفي ، بعدني نص مَتر عالأقل
بعدها مَتر وَشوفي شلون الشكل ، لأن مرات عن قرب كل شيء حلو بس من بُعد مافي إتزان ..
وَ هآآآه لازم تَبشريني عَقب عن إنطباع النَاس عَنك ..وَ إن شاء الله تُضبط مَعك
سويت طلبيه عليه لكن صار المجموع الكلي للطلب فوق ميزانيتي ? فخليته اهم شي اخذت فاونديشن توفيسد بورن ذيس واي ومتحمممسه جدا اخذت لون ساند حسيته اقرب للوني ويارب يكون حلو انا من قبل حابه اتش دي من فور ايفر رقم ٢٥ حسيته لوني تمااما وجربت ٢٨ حبيته برضو مع انه اسمر مني بس احب نفسي لما احطه واطلبت عاقصه الرموش من تارت عجبني سعرها وشكلهاواخذتها استغليت عروض البلاك فرايداي حسب امكانياتي
الكونسيلر راح اجرب الموجود بالسوق اذا ربي كتب لي اروح
ياكثر سوالفي وطول ردودي ?
أيام سعيده ياقلبي
وصح نصيحتك بخصوص الكونسيلير والمكياج بشكل عام راح احطها ببالي ?? زيينك والله اكيد راح ابشرك يارب اقدر اضبط نفسي ولا اتفشل معك
تجربتك تشجع انو نجربه
وزي ماذكرتي احلا شئ انو بدون عطر لان عندي كونسيلر فيه عطر واكيد ذا الشئ بيضر العين والحمد لله خلص
وان شاء الله تجربتي لنارس
وكمان بجرب مبيلين لان كثير مدح عليه بنجربه ونشوف
يلا برجع مذاكره??
يالله جَربي ميبيلين وَ خبريني يَعجبك أو لأ ..
مَوفقة بدراستك يا رُوبي ..
توسا جتى لو منتج ضارب من زمان تظل تجربتك مختلفه ومفيده لذلك كوني ممتلئه بالحماس دائما ..
تشوك تشكولار يالزين
سيني سيفيورم ..( وَش رايك فيني وَ أنا أقلدك !! ) ..
لعيونكم ..
موضوع شيق ويفتح النفس ويستحق الانتظار
دوبي متغديه وجاييني النوم بس قلت ماراح انام لين تنزل التدوينة ?
قريب دخلت عالم المكياج وبدأت اتعلم الاساسيات ونص اغراضي اذا ماكانت كلها الي اشتريها أخذها من وصفك للمنتج اتحمس اشتريه وما عمره خاب ظني ??
حبيت الكونسيلر وشفته علی يوتويبرز اجانب كثير بس ماقد تحمست اجرب
بس بعد وصفك اكيد راح انط اقرب سيفورا واخذه
والسواتش استفدت من شرحك وحسيت اني راح اعرف اخذ اللون حتی بدون ما أجرب في المحل
قبل فتره اخذت كونسيلر من فيسز ماركة wow ماكنت مفكره اخذه بس الموظفة نشبتلي وقلت اجربو
جدا سيئ لما استخدمته طلعلي خطوط تحت عيني واتا الحمدلله مافيني خطوط او تجاعيد
الله يسلم يدك ويديك العافيه عالمجهود والنشاط ???
ماتدرين قد ايش مستفيده من مواضيعك
قبلاتي لك من LA إلی حوشك(يمكن القاك في الحوش لووول)?
??????
يا حياتي مَطرح ما يَسري يَمري ، مَحظوظة أنا بتخصيص جَزء من وَقتكم لي ..
وَ الحمدلله غالباً المُنتج تلائم مَعك ..
بَخصوص الخطوط إذا مازال الكونسيلر مَعك ، جربي رطبي عينك يومياً بمرطب للعينين وَ أرجعي جربيه
قَد تزول المُشكلة بإذن الله ، أو عالأقل تَخف ، وَ خذي وقتك أثناء المد ، مدي طبقة خفيفة وَ زيدي بالتدريج عشان تمتصه بشرتك بدون ما يجعد
وَ آحلى قبلات ، قبلاتك عبرت المُحيط الأطلسي يا حُبي لك
عشششششقي تدويناتك المكياج ومرررة مبسوطة بكلامك الإيجابي عنه ولي رجعه اكيد ع الموضوع
وَ أنا عَشقي هالحَماس فيك وَ إقتراحاتك إللي مالنا غِنى عَنهآ
قُبلاتي
يابعد رووحي عاد كنت اكتب وانا مستعجلة بالجوال وابي الحق عليك بعد.
صراحة منتج اليوم مررررة متحمسه له وفرحت عشات بتتكلمين عنها صحيح احب تفردك وتميزك بالطرح لكن مرات فيني فضول اعرف رايك مثل اذا المنتج يستحق ولالا وسبب الشهرة ونتعلم منك كيف نحمي نفسنا من خدع التسويق والترويج يعجبني تحليلك للامور هذي واتمنى بكل تدوينة اشوف هالشيء مثل سالفه شهرة الكوكا كولا واختيارها لصاحبة الدعاية على قولتك تتفتح مداركي اكثر استفيد. من كلامك عن مميزات المنتج انا حبيييته وخسيته مناسب لي انا يهمني انه يكون سهل المد ويطول معاي. اكثر شيء سهل علي الاختيارك هو وضع للسواتش الدرجات على مختلف البشرات وايضا صور المكياج حيييل فادتني وسهلت علي مهمة اختيار الدرجة المناسبة. ونقطة ايضا مفيدة عن مثلا اختيار الدرجة المناسبة وعلاقتها بالستايل المكياج وذوقي.
وبخصوص كلامك عن اليوتيوب وكيف الناس تراه وسيلة تعلم انا اتضايق من هالناس الي تعتقد كذا احس المكياج شيء عملي صعبة اعتمد ع اليوتيوب لو ماكنت اعرف شيء بالمكياج هذا غير فكرة الترويج وكثرة الاخطاء وعلى قولتك فيه ناس اساسا محترفه مثل بيكسي و وايني قوس يبي لك اكون ذكية وحريصة انا جربت كذا دورة ولا فادتني لانها من ناس عادية من انستجرام ولاني ماحرص ع المماررسة الكافية اتذكر مرة تقولين لي الي يبي يتعلم المكياج صح لازم يحبه ويستمتع فيه ويكون صبور عاد انا اعذاري وش كثرها بشرتي تعبانة او الاضاءة سيئة.
صباح الأجواء الحلوة ?
يعني صوت المطر وريحته ونقرأتدوينة لك ، أتوقع ختّمت الجمال خلاص ?
تصدقين مدري ليه أي شي يهبون فيه العالم ما أحبه ولا يعجبني أبدًا وأستبعد فكرة شراؤه يعني مثلاً قبل فترة سنفرة فرانك لين كتبتي عنها إقتنيتها و الحين هالكونسيلر وكريم الأساس دولتشي قبانا وحتى بالأكل .. يارب إني طبيعية ??
لكن فعلاً مجهودك جبّار و تشكرين عليه ومارح نوفيك حقك بالشكر مية سنة ضوئية لقدام .. فعلاً وسعتي مداركي وفتحتي عيوني على شغلات كثيرة مغمضة عنها وغافلة .. أنتي إنسانة مميزة بمعنى مميزة ?
كل الخير والتوفيق أتمناه لك .. دمتي بهذا التميز ?
تَصدقين إحساسك أتوقع كثير يحس به ، رُبما نَشعر بَعقدة المؤامرة
أو يَمكن لأن نحس خلاص الناس جربوه ما راح أقتني شيء مُميز وَ خاص فيني ( رُبما ) ..
وَش دَعوة ، تَواجدكم وَ إحساسي كَوني أفيد مَنعكس علي بشكل إيجابي وَ الحمدلله ..
أخَجلتم تَواضعنا أمجاد ، وَ السر بعيونك وَ الله تَشوفيني بعين الرضآ فَعلاً ..
نَورتيني بقلوبك الوَردية ، وَ بلُطفك
يسلم بؤك ياعسسسل …بوسااات مليانه حب من بيتنا لبيتكم
ع اني ماجربت كونسيلر وناسبني كلها تتكتل ف الغيته من خطوات مكياجي صرت اجيب اساس كفره حلو واستخدمه كامل ع الوجه واساس افتح ينور منتصف الوجه وتحت العيون وخلااااص صح النتيجه مش بيرفكت لكن مرضيه…يعطيك الف عاااافيه
بس بمووووت ع مدونه الديرمارولر…ننتظرها بفااااارغ الصبر
يَكفي إن البُوسات مِنك ..
ما أشوف بطريقتك شيء غلط بالعكس إبتكرتي طريقة مُناسبة وَ صحيحة بنفس الوقت ، كثير من المُنتجات بالإمكان إستخدامها ككونسيلر وَ كأساس
بخصوص التكتل مَدي بشوي شوي وَ أتبعي الخطوات بهدوء مع طبقات خفيفة وَ إن شاء الله تفرق مَعك
نورتيني
بالنسبه لي استخدم ميبلين درجه ميديم ويندمج مع بشرتي حاليا ومناسبني ولما شفت هذا في متجر أحترت بالدرجه الي اخذها حسيت بسكويت تناسبني مجرد احساس وممكن لااا ماتوفر الا كاسترد وجنجر
يآهلا بك ..
شوفي تون بسكويت وَ قرري زيادة وَ الصور بعد مُمكن تساعدك ، ترى طريقة ماكياجك مُمكن تخليك تآخذين درجة غير لون بشرتك
أنا أشوف إللي عندها هالات وَ ماتبي تستخدم كوريكتر ، أفضل شيء تستخدم ألوان قريبه جداً من لون بشرتها ..
ليت البراند متوفر عندنا كان ما تَعبوا البنات 🙁
حبيت التدوينة زي كل تدويناتك .. اناعندي جنجر احبه حيل لونه حلو جدا بس مايمشي مع الفاونديشن حقي احس تونه اصفر بزيادة مطلع الكونسيلر لونه غريب( الفاونديشن اتش دي 27 ) عموما الفاونديشن نفس لوني بالظبط بس ماحبيته مره غريب لما جربت اتش دي رقم 25 حبيت السحنة حيييل لان الصفار معتدل على بيج مطلع وجعي فريش حتى ظبط مع جنجر اكثر .. نفسي في كاسترد ابي شي يضوي تحت عيني احس البودرة ماتفرق مره .. وسلامتك
خلود جربي خذي نقطة بسيطة من الفاونديشن و بعد الكونسيلر حطي شوي من الفاونديشن و أدمجيه زين
وَ شوفي شلون بيطلع اللون مُتناسق ١٠٠٪ ..
وَ البودرة تفرق جداً جداً جداً ، بدون باودر الماكياج يتأكسد .. أغلب إللي ما يستخدمون باودر يصورون بنفس اللحظة
بس مع الوقت يصير الماكياج متأكسد أو يسيح ، الباودر حتى مُهم بثبات الكَحل
حبيت كثيررر ما شاء الله موضوعك
تحفه .. مو عن فقط كونسيلر
تنوع الدرجات ومسمياتها بالترجمة ..
وعينات لناس مستخدمينه مع ذكر نوعه ،
شغل متعوب عليه من جد ..
والكونسيلر فعلا اشوف عليه مدح كثير
خاصه للي يعاني من اللي تحت عينه رقيق ويتكتل فيه الخافي .. وتغطيته حلوه ..
كلك بركه ارتوووس ..
وفقرة الاسئلة ما تعطي اي مجال للحيره
وحبيت ملاحظتك بخصوص مقاطع اليوتيوب ، فعلا
مو اي اجنبيه يعني حكيها صح الصح
والحمد لله وجودك وتدوينك موضح لنا كثير
يسعدك يارب ، ?
صباحا الخييير ❤️
والله يعطيج العافيه
صباح الخير ارتوس .. بالنسبه لي مدونتج و ردودج مرجع لي داااائما .. الله يحميج و يحفظج ويرحم من على الطيب رباج ?❤?
صبآح الجو القميل
وآنا آشوف التدوينه تأخرت طلعتي تفرفرين بالحوش ??
التدوينه كآنت بوقتها لان كنت بسألك عنه وعن كريم الأساس من نفس الماركة شفت مدح عليه كثير وقلت قبل آجربه
بسألك ..صرآحه يستحق الضجه من كلآمك سآعدتني الصور بآختيار الدرجه
لان منآسبتي قريب مره نآويه اسوي لنفسي المكيآج ..
قبل فتره قريت تجربة وحده مع الخطوط تحت العين اذا استخدمت الكونسيلر كآنت ما تعرف سببها وآستخدمت كريم simply sensitive من بوتس
يرطب المنطقة وآختفت معها الكريم لترطيب والهالات بعد ” ذكرتها ممكن آحد يستفيد من تجربتها ”
دمتي جمييله ?
عُدنا .. ?
حبيت مميزاته ? حبيت خلوه من العطور
لفتي نظري لهاالنقطه باالصراحه ?
شرح وافي ومبسط مدعم باالصور ? بهيك
راح تسهلي عملية الأختيار .. خصوصي انو مافينا
نجرب فحلو يكون عندنا تصور .. تدرين شرحك وطريقة
عرضك تعجب الموجهات ? ? ?
الله يسعدك ياشيخه ???
سلام عليكم استمتع وانا اقرأ كلامك اجمل مدونة وقعت عليهاعيني وأكثر موقع عربي استفدت منه الله يجازيك كل خير
ياصباح الفل
كان ببالي والحمدلله تدوينتك بوقتها ?
يعطيك العافيه مره استمتعت فيها
صباح الاجواء الجميله اللي تفتح النفس ?
ان شاءالله ناويه اشتريه واتوقع اقرب لونين لبشراتنا هو الكاسترد وجنجر …
بالعكس ارتوس تحمسي للمنتجات المشهوره لأنك متميزه بطرحك داااائماً و رأيك غيررررر تذكرين كل شيء بالتفصيل الممل وتجمعين بين الفائدة والمتعة ….
ربي يسعدك وين ماتكوني ولا يحرمنا منك??
Bonjour artos
تم وتم تم
مووضووع جميل وفعلاً هذا الكونسيلر صار اشهر من نار على علم بس كل شيء تحت ايدك ومنك غييييير وهذا مو مجاملة معلومات مفيدة وبخوص اللي يختارو نفس درجة الكونسيلر اللي تقوله الارتست لنفسها او على عارضة اللي يهديهم مرررة غللط معنى انك تستخدمين نفس الدرجة واللون ماراح تطلعين نفس اللون او اللوك
قلوووووب من هنننا لييين عندك
وعلى فكرة انا من الناس الي عرفتك من مدونتك من كثر ماافر بالقوقل بصير خبيرة ابحاث فيه
اول يوم عرفتها فيه جاااني حمااار بعيوني من كثر ماقريت
جد جد je t’amore ???
صباح الخير ارتوسه عرقوب هالمره مصحصح ? الكونسيلر وتغطية الهالات عقدتي بهالحياة مو معقول قد ايش لما احط يطلع بشع والسبب يرجع لكون ان عندي خط واضح تحت عيوني وهالشي وراثي لان الاحظه ببنت اخوي الي عمرها سته شهور افكر اسوي فيلر تحت عيني يعبي المنطقة بس خايفة عموما بظل اجرب طمعا اني يوم من الايام بلاقي الشي الي يناسبني ???
شكراً على الموضوع الجميل
ومقارنته بـ فيت مي ابداً مو زي بعض انا مو خبيرة ميك اب بس الفرق مررره واضح جربت نفس الالوان فيت مي مايثبت زين نارس ولايعطي تغطيه وتحسينه دهني اكثر ، نارس جداً جميل وبخصوص السعر اخذته من سيفورا دبي ١٥٩ درهم اتوقع لو نزل عندنا بيكون نفس السعر
❤
صباح المطر..صباحك فيروز?
بالنسبه لحماسك انه يقل اذا كانت التدوينه عن منتج مشهور.. ..ترى انا بالعكس ماأتحمس للمشهور الا بعد ماأشوف رأيك فيه لان مستحيل القى احد مثلك يكتب عن المنتج بأدق التفاصيل بكل مصداقيه..
وصفك للكونسيلر خلاني اقع في غرامه وبأذن الله راح اقتنيه قريبا?
صباح الخير ♡
انتظرتك لين اثنين ونص وبعدها نمت وانا
انتظر هههههههههههههه ، عموماً هالكونسيلر
من الاشياء اللي ضروري اجربها حاسه اني
باحبه وبيناسبني عاد سيفورا يقولون نارس بتنزل
عندنا على بدايه السنة الجديدة ننتظر ونشوف
لان افضل اجرب الدرجات قبل اشتري ، يعطيك
العافيه ياقمرنا ماننحرم منك يارب ♡ ♡
صباح النور ..
والله زين اللي كتبتي الجو مايساعد أبد بالذات لما أتذكر الصيف والحر أستغل كل دقيقة أطلع فيها الحين .. شريت كونسيلر مايبلين فيت مي يس طلع يخطط تحت العين وماحطيت كوريكتر فطلع شكله رصاصي مخطط:) ماعرف مكوناته بس ملمسه دهني، نارس ماجربته بس تغطيته أعلى من مايبلين وللأمانة يشبهون بعض بالشكل يمكن عشان كذا يبون مقارنة بينهم ..
صبآح الأجواء الجمميله عندكم
ي بختكم ماشاءالله خلآص بجي العب
معآك بالحوش ياليته جد بتجي الفله?
بالنسبه للمُنتج سمعت عنه كثير كنت بأطلبه
ومتردده بهالشي بس الحمدلله اليوم نزلتي
موضوع عنه حبيته جد خصوصاً يومياً مع
البي بي كريم بينفع بماا انوو خفيف
وسعرهه جداً بطل ?
بإذن الله لي تجربه معاهه
دُمتي لي??
التدوينه خفيفه وظريفه ،،،
انا ماعندي مشكله مع الكونسيلر
واستخدم حاليا كونسيلر فت مي ميبلين خفيف وطبيعي
??
صبااح الخير ارتوس و الجميع ،انا مبتدئيه ف تعلم المكياج , ودايم اتوهق مع الكونسيلر الا اخر شي فكرت م احطه ? مدري ممكن الدرجه غلط اللي اختارها بس احس عيوني تدخل ع داخل ?
صباحات الندى المترفة ،،
عجبني وصفك للكونسيلر جداً ، ان شاء الله أجربه
أهم شي إنه يحتفظ بالرطوبة بهالمنطقة
راقت لي هالميزة ??
سعد أيامك كلها ?
صباح الخييرات والاجواء الحلوة والمطر و الاجازاات..مع حكياتك ? الله عالروقان
والله اشتقنااا .. صايرة عم تطولي الغيبات علينا
والله هالكونسيلر على إنو مشهوور كتير بس ماجربتو عجبني كونسيلر من ميبلين بس مو فت مي على شكل رول ناسيه اسمو
بس هاااد حبيتو أكيييد رح جربو بعد تدوينتك الي بتفتح النفس )حبيت درجة الفانيليا)
وبالنسبة لانو مافي لون ممكن يجي نفس لونك بالزببطط
ففعلا هي مشكله ع قد مابجرب لهلأ مالقيت الاساس او البيبي كريم الي بيزبط ع لوني 100%
أنا غالبا بستخدم اساس اغمق مني بشويتين بس ع طول بحسو بصفرني يعني ماببين عالطبيعه بس مثلا لما صور بالسناب بيطلع وشي مايل لصفار شوي .. لحد هلأ مالقيت الشي المناسب الي مقتنعه فيه تماما
..وحبيت ذكرك لنقطة التعلم من اليوتيوب .. بصراحة أنا مو شاطرة بحط الميك اب يعني هه يادوب الاساسيات وميك اب يومي ونفسي اتعلم بس كرمال حط لحالي وقت الي بحتاج فل مييك اب بالمناسبات وهيك وما الجأ لحدا او لكوافيرة..
وكل ما سألت حدا انو من وين تعلمتي تحطي ميك اب بتقلكك من اليوتيوب .. فحبيت تنبيهك انو مو كلشي باليوتيوب صحح >>تدوينناتك غراامم لازم اطلع منها بمعلومة جديدة.
طبعا اليوتيوب مستحيل يخليكي خبيرة ميك أب الا لو عندك موهبة ومتل ماقلتي زكية.. بس مافينا ننكر انو علم الناس حتى لو اشيا بسيطة
يعني الي مابتعرف شي بالمرة ممكن تتعلم منو الاساسيات ..
كل الحب لألك…
هالمنتج حبّيته وأنا ماشريته ههههههههه
مدري من أول ماشفته وأنا حابته
أحسه لطيييف عالبشره ههههه
وتوني قبل كم يوم كنت بوايتس وأشوف عندهم مايبلين وكان بشتريه عشان أجربه لكن ماكان متوفر إلا درجتين أظن وماتناسبني. فعلاً إختيار الدرجه يلعب دور وطريقة الدمج هالشيين تخلّي إى منتج يقدر يصير وااو
درجتي من نارس أغمق من درجتك بدرجه ههههههههه فهمتي!! ههههه
حبيت سعره جداً جداً مناسب ويستحق
ماك أحب منتجاتها لكن بشرتي ماتحبهم 🙁
فقط أرواجهم ومحدداتهم
هالمتجر راح أطلب من طلبيه عوده هههههه والله أحتاج كم حاجه وحصلتها عندها بسعر مناسب
تصدقين بوبي براون ماقد جرّبت من عندهم شيء
لكن من بعد كلامك من زمان عنهم حاطتهم ببالي لكن ماجاء الوقت المناسب
أبي أخلص كل منتجاتي الميك ابيه الي عندي عشان أشتري حاجات جديده
من نارس وبوبي براون وكدا ماركه ببالي
شكراً يافنّانه.
كوني أنتِ
جميل كونسيلر نارس مرة حبيته بس للان ما عرفت وش الدرجه الملائمة لي .. عندي ماك برو لونق وير بصراحه يهههبل مرة احبه ودرجته ميه في المية مناسبتني .. ومن ناحية اليوتيوبر والله صادقه عليهم لعب بس في النهاية يطلع الشكل بيرفكت اتوقع ان الكاميرا تخفي اغلب العيوب او جلست اغلبهم امام الشمس ، ما اعرف اش السبب .. بس على قولتك هم يعرفون لنفسهم واغلبهم جميلات .. حب كبير لك
يا صباح الورد والياسمين فديتج ارتوسه مجهودج عالتدوينات نحسد عليه نحن بصراحة ،، يعني اتنزلين لنا الموضوع كامل ومكمل ولا في اي مجال بعد نسأل عقبه يعطيج العافية حياتي ??
بالنسبة لكونسيلر نارس يوم رحت سيفورا شفته وكان خاطري اخذه من كثر ما شهروه وطلعوه للسما وقلت اكيد دعاية عالفاضي مثل بعض الشغلات اللي نشتريها من عقب المديح ويطلع خرطي ☹️
بس من عقب تدوينتج هذه باخذها ان شاء الله احسها تستاهل وخاصة ان درجاتها متنوعه فما راح احتار لاني من الصور والسواتش احس ان جنجر هي اللي راح تناسبني ? على فكرة احب براندات الميك اب تسمي هالاسامي اللذيذة كراميل كسترد جنجر وخاصه ان نحن ف جو الشتا ?
تسلمين حبوبه ولج مني كل المحبة والود ❤️❤️
صباحك حب سوس ❤️
تصدقين تاجرات جدة يبيعوه ب٢٠٠ مع التوصيل ٤٠
غش صح وع كلامك بالتعليب حقه صح لو ضغط أفضل
بس ماشتريته ع ان فيني هالات واتوقع لاحظتي بالتصوير
و عيوني مليااانه تجاعيد طالعه لأبوي هههههههه كويس ماخذت السُمنه ياكثر م أستخدمت كونسيلر ولا أرضاني إلا ماك برولونق وير و لانكوم جيرلان ماجربت مدري ليش ع ان اساسهم و البودره دمار شامل واحب ريحتهم تدوخ بس ان شاءالله أجربه لاخلصت اللي معي ، ع طاري الخطوط مستحيل تختفي وانتي فيك دايم أقول للناس انا وصحبتي نفس الشي ولمن تحط هي يطلع معدوم و مدها خربوطي ويوم غيرت الطريقه زبط تقريباً
واحس اللوس باودر لها دور خصوصا تحت العين
ع اني م أحب أحط كوركتر اورنج اخاف يقلب اورنج جربت بالبيت وزبط بس اخاف اذا طلعت يقلب ههههههه
صباح الورد
اشكرك ارتوس على موضوعاتك الجميييلة
انا عندي نارس درجة كاسترد طلبته من امازون جدا جميل وناعم ويندمج بسهوله مررره حبيته
هذا المنتج صنع لأجلي .. كل المزايا اللي أبيها موجودة فيه .. وأهم شي إنه خالي من العطر .. شكرا أرتوس لأنك تكلمتي عنه .. م تدرين شكثر مبسوطة لأني لقيت منتج يناسبني جدا .. ويارب أحصل درجة لوني أو راح أضطر إني أدمج كذا لون .. المهم إني أبيه اليوم قبل بكرة .. ويسعد أوقاتك ي جميلة ?
ياا صبااح الخيير ❤️ ❤️
داايمااا ما تجي في بالي اسئله بعد تدويناتك ،، الله يحميك ياخي :(❤️
ترى انا ما اتحمس للمشهور الا بعد ما تكتبي رأيك ،، زي بودرة البنانا :(! حلو انو مواضيعك دايما غير و مميزه ❤️ ❤️ بس كمان الاشياء المشهوره نتحمسلها بعد رأيك.
صباح الخير من البحرين مع هالجو الجميل
كونسيلر نارس رغم أنه صج انشهر بطريقة مو طبيعيه بس ماعرف ليش للحين ما شريته
يمكن لأن وقتها موب كل التاجرات توفره وكان في إستغلال من ناحية السعر
ودام انتي جربتيه يعني خلاص نعطيه ختم الامتياز ونقدر نجربه واحنا متطمنين
عندي سؤال آرتوسه بخصوص لو حبيت استخدمه ك هايلايت لتحت العين، لازم آخذ درجة افتح مني؟ أو تحسين أنه ينفع ك إضاءة طبيعيه وخفيفه لو استخدمته بروحه؟
ربي يخليج غلآي والله لا يحرمنا منج أن شاء الله ❤
وي
نسيت اكتب لج ترى انا ماعندي هالات الحمدالله
ف هل احتاج أخذ افتح مني اذا أبيه ك إضاءة طبيعيه أو نفس درجتي بيكون كافي أنه يعطيني النتيجة المطلوبة ؟
غربلتج أدري بس نصيحتج مهمه بالنسبة لي ❤
حبيت
صباااح الورد
هذي اول مره اعلق على تدوينه ماكنت عارفه اني اقدر اعلق بدون تسجيل وحوسه?
الصراحه انا متابعتك من شمواه وبعدها بالانستقرام بس ماكنت مسجله بالمنتدى ولاعندي حساب بالانستقرام اتابع من بعيد يعني بما انوا حسابك مو برايفت يعني مو حابه اسوي لنفسي حساب اذا ماعندي شيء اضيفه كفايه زحمة العالم??
المهم حبيبتي حبيت اقولك انوا والله لك محبه بالقلب غيييير ماقد فوّت تدوينه ولا بوست لك ما شفته يوميا اشيك على حسابك واستفدت منك كثير فحبيت اشكرك من كل قلبي، وان شاء الله الفتره الجايه راح تلاقين ردود لي هنا بالمدونه بما اني عرفت الطريق بس طبعا مافيه امل اكون من الاوائل لان مواعيدي مو مثل مواعيدك?
صباح الخير احس الكونسيلر مسبب ازمه للبنات وكثير اشوف عليهم متكتل او قالب لونه
انا عرفت للطريقه اللي تناسبني والكميه كمان استخدم حاليا ماك ومرتاحه عليه بس
مافي مانع نغيير ، ماننحرم ارتوستنا??
يعطيك العافيه أرتوسه ،،،، موضوع متعوب عليه الله يسلم ايدياتك من النار يارب …. حبيت الدرجات وراح اجربه جربت كونسيلر كثير والله أمشي وادفع لماك لسيفورا طفرت ولساتني ماوصلت لنتيجه مرضيه يقلب رمادي مع انها تقولي اللي تبيع مناسب لهالاتك وتعالي شوفي وش كثر شاريه من درجات ?? يالله ربك يعين مره ثانيه بنتشكرك على التدوينه الجميله الله يسعدك ويوفقك ❤️??
تسلم يدينك ?
الشركات تتسابق بالمنتجات لدرجة ما ندري وش نلحق عليه وصار عندنا فائض بالماكياج لدرجة اقول لامي اشتري لي لاب توب ماك بوك تقولي ارواجك لو وفرتي فلوسها شريتي عشرة (طبعا لازم مبالغة الامهات ?) وبالنسبة لليوتيوبرز صدق ما ادري مين اصدق براسي فكرة اننا صيدة للخبراء يعني لو مدحه اقول اعلان ولو سبه اقول طريقة تسويق ذكية الحين ابغى اشتري كلاراسونيك تبع كلينيك سندس القطان تمدحها كثير وبشرتها ماشاء الله عليها بس قلت بشوف ريفيو باليوتيوب عنها ناس تسب سب مو طبيعي وناس تمدح بشكل مو طبيعي وحنا اللي اكلناها و صرنا ضايعين ما ندري من نصدق وصعبة نحكم لان بشرتنا غير بشرتهم اكيد ..
وبالنسبة لكريم الاساس مرة علقت بتدوينة فاتت ان كريم الاساس يبين عيوب بشرتي ويطلع المسامات ويبين حبوب ما كانت واضحة ابدا .. طحت بطريقة غريبة جدا عدلت كريم الاساس ١٨٠ درجة عندي كريم قوامه غريب جدا حليبي شوي مدري كيف اوصفه هو من شركة يابانية ولمعت براسي فكرة كريم اساس القطرة اللي كتبتي. عنها قلت خلني اجرب بكريم الاساس حقي جربت وطلعت ممتااااز جدا والمظهر روعه ما دخل المسام ولا بين العيوب لان البشرة صارت ما تمتصه وعشان ما يتلطخ واذا سلمت على احد ما الصق فيه احط لوس باودر بشكل خفيف وصارت بشرة مثالية وعشقت كريم الاساس بعدها هو المظهر غريب اول ما احطه بس لازم اعطيه وقته عشان يركد عالبشرة وبس ?
هاي توسه مبسوطه بالجو إن شاءالله دوم . تصدقين وانا أقرأ مكونات المنتج قاعده أقول لنفسي فيه سلكون ولا لا خصوصا وصفك لقوامه ومميزاته هههههههه (مزاكره الاخت). بس فعلا كونسيلر نارس من الأشياء اللي ماندمت اني شريتها خصوصا اني سبق واستخدمت كونسيلر لونكوم وأيضا فورايفر بس ماتوفقت فيه وقلب رمادي وثقيل وبين انتفاخ تحت عيني بس دحين مبسوطه مع نارس .وحابه اقلك اني استفدت منك كثير خصوصا لمن توضحي عن حقيقة المنتجات والضجه عليها ومبالغة البلوقرز واليوتيوبرز وكيف نميز اذا كان الضجه هذي وراها إعلان مدفوع تغيرت نظرتي لكثير من الأمور حتى اذا كانت التدوينه ثرثره لأني أحب اشوف وجهات النظر وآرائهم وفلسفتهم بالحياه . موفقه
الله يعطيك العافيه التدوينه جميله وشامله لكل النقاط استغربت كيف ببعض الصور البنت السمراء والبنت الفاتحه شوي مستخدمين نفس الدرجه يمكن نفس درجة الهالات
يعطيك العاااافيه على مجهودك اللي تسوينه
حبيييته هالكونسيلر لو فيوم ابغى اشتري اكيد هو خياري الاول
ترى انا نادر مااحط مكيياج اللهم بلاشر وروج فبيتي اقصد
وطلعاتي مو كثيره عاد لاشريته وجربته وعجبني بخبرك
خمسه مووواح
يااصباحات مساءات الفل والكادي وكل حاقه حلوه وجميله ..?
انا صرراحه من امسس مبسوططه مبسووطه الله لايغيير علي يارب تخيلي سوس واخيرن راح اسوي العمليه ،انا فيني ورمه بثديي الايمن
ومخوفتني مرره مع ان دكتورتي تقول هذا ليفي مايخوف ولايتغير مع الزمن ورحت لكذا دكتوره وكذا مستشفي وكانت ردودهم متفاته
بين الي يخووفك وبين الي يطمن قلبك وامس رحت لاستشاري جراحه قالي نفس كلام دكتورتي انو هذا ليفي مايخوف وسوا استئصلته او
خليته عادي ..بس قلله انا عايشه بقلق ابي الفكه منه وقالي موافق اسويلك عمليه مره انبسطت مع ان قبل رحت لمستشفي حكومي قالي
مو انتي الي تقرررين متي ينشال! قهروني بس حمدلله الي حط عندنا مستشفيات خاصصه .. وبس حبيت تشاركيني فرحتي?
بالنسبه للكونسيلر وجوده مهم صراحه لجمال مكياجك بس هالكونسيلرر للاسسف ماجربته من وصصفك حسيته جميل ويستاهل الاقتناااء
باذن الله راح اجرربه قريب احب هالشغلات الي تعليبه كيوت وسسهل الاستخدام ..
وفعلا اليد اذ صارت فنانه وتفهم بالمكياج وكيف يستخدم هذا ومتي يستخدم راح يطلع بيرفكت
وجد اليوتيوب خدم ماركات كثييييير ومسوق ممتاز للمنتجات وماك من الشركان الي خدمها التسوويق
خخخ حبيت تعليقك عن الدورات وكأنك داريه انو فيه بنات راحويسالون ارتوس تسوين دورات مكيااج ??
واتمني لك يوم جميل ❤❤
انا تعاملي مع المكياج بسيط وكلاسيكي الي يناسبني اخذه واستمر عليه وجربت سالفة الكونسيلر وما عجبتني ماحسيتها ضافت شي لمكياجي والهايلايت بين عيوب بشرتي ومستحيل استخدمه واحس اني مرتاحه كذا ممكن اجرب اشياء جديده بس تكون على نفس الخط الي ماشيه عليه والكلام ذا يمشي عالعطورات لدرجة كل العايله يقولون اكيد نوال هنا اذا شموا ريحة عطري الزبده انا من جيل الطيبين ههههههه?
شكرا على التدوينه الجميله ?? فعلا الناس هاببوبه بشكل عجيب وحتى تغطيتوه جميله ❤️
thanks
هالكونسيلر عليه مدح مو طبيعي ?
ومرره متحمسه اجربه ?
بس يصلح يغطي الاثار والحبوب وكذا ؟ ولا بس للهالات؟
لاني ذاك اليوم شفت خبيره تقول اذا كان الكونسيلر فيه نسبة اضاءه ماينفع الا لاماكن الاضاءه بس ؟
عاد من زمان حاطه عيني على هالكونسيلر وجالسه اماطل للحين ماطلبته
بس بعد رايك فيه صراحه بطلت اتردد ..
شكراً ياكتكوته?
السلام
والله جا بوقته
احس ان ماركة نارس تنافس ماك
على العموم كنت متردده اشتريلي الكونسيلر
بس كلامك اقنعني
الله يعطيك العافيه من جد نتعبك
ودي في يوم اشوفك وأقولك شكرًا لان والله محد غيرني وخلاني اهتم الا إنتي
فا صج صج شكرًا شكرًا شكرًا على كل حرف تكتبينه ولا كل ساعه تتعبين فيها عشانا
الله يوفقك
ويسعد مساك ?
جت بوقتها هالتدوينة من الاشياء القليلة اللي تحمست اجربها بعد ماانشهرت عجبني وصفه ولانهم قالوا انه شبيه لكونسيلر ماك برولنقوير هاالكونسيلر عشقي ماقد جربت كونسيلر مثله اول شي اني احصل درجتي فيه وغير ثباته لوقت طويل من غير مايقلب ولا يخطط وعلى ان تطغيته احس ثقيله يبين معاي طبيعي بس مشكلته انه يعدم البشرة لاني استخدمه يومي ومااستغني عن الكونسيلر حسيت نارس نفس مظهره عالبشرة من وصفك واقل ضرر منه لان لاحظت برولنقوير مع الوقت طلع فيني خطوط مدري الخطا من عنايتي ولا منه لان قالوا مايستخدم بشكل يومي .. ونارس برضو حبيت درجاته ناويه اخذ كاسترد وجينجر ..
يعطيك الف عافية جمليتنا ???
تدوينة بطلة وحبيت المقارنة عاد شفت كثيرررر هابين بماك ومايشوفون غيره بس صراحة ماحربت من ماك غير الارواج ، وتدرين عقدتي الكونسيلر احس ماحصلت اللي يناسبني اخذت تبع فور ايفر ذاك اللي يجي مع اخضر وواورانج > واضح اني غشيمة بالكونسيلر ?. المهم انه ثقيل ويخطط ماناسبني ابدا ، ان شاء الله حجرب هذا واشوف هل يناسبني او لا ، اما بخصوص اليوتيوب انا عني احس استفدت منه واتعلمت من مايا احمد مكياجها يخرفن ?، رغم قبل مرة ماكنت اعرف احط شادو والايلاينر دوبني اتعلم عليه ، يبغى لي وقت يعني اشوف اليوتيوب مفيد احياناً ?.. واخيراً الله يعطيك العافية تظل تجربتك تغني عن الف مجربة ??
وياصباح الخير ،،بتوقيتنا
كنت محتارة بين اللون الكاسترد والجينجر احس كلهم يناسبوا وطلبتهم الاثنين وباذن الله اذا جربتهم رح أقولك لان كنت خايفه كيف رح يطلعوا وبدأت الوسوسة لكن من كلامك عنه ارتحت الله يسعدك يارب ❤️
يسعدك ارتوس على التدوينه الاكثر من رائعه
هلا وغلا..
احس انك تكتبين باسترخاااء تام وشوبة مالك نفس..
مجرد احساس وصلني ممكن صح وممكن خطا..
تصدقين تو انتبه علاقتي مع الكونسيلرات مش كويسه ومايلفتون انتباهي رغم احتياجي لهم..
مدري عندي نمط بالمكياج احبه .
مايهمني تختفي اثار الحبوب والمسامات والهالات قدر مايهمني تكوني بشراي مضويه وفيها لمعه.. وهالشي القاه بكريما الاساس وبعض حركات الدمج الكريم مع المرطب مع توزيع الاضاءه واصل لمرادي..
بس طبعا يهمني المكياج المثالي والبشره الصافيه لما اروح لسهرة ..ولان موسم الاعراس عندنا فقط بالصيف اتوهق لما اكتشف عندي فقر بالكونسيلر..
غالبا ما اعتمد على الكونسيلر الكريمي الثفيل زي حق كوستال
بالنسبة لليوتيوب والمقاطع التعليميه اتفق مع ملييون بالميه .. دايم اشوف مقاطع سريعه مثلا وحده تحط ظل مع كحل يطلع جنااالان
بس لونجي للواقع جفنها وتحت عيونها لون واااحد مافي عيوب وحواجبها نظييفه .. حتى لوتحط كحل بيطلع جنان ..
وانا عندي هالات وجفني غامق وحتى لو اعمل على توحيده ماراح ينفع معي نفس ماحط بيبن الطبقات
يعطيكي الف عافية ياقمرة ❤
انا جربت الاتنين نارس و ميبيلين فت مي
درجتي في نارس vanilla افتح من بشرتي بدرجة بستخدمو كهايلات وكونسيلر للمناسبات
قوام فت مي كريمي اكتر ويندمج بسرعة اكبر ويعطي لوك ديوي ناعم وتغطيتو اقل من نارس حلو للاستخدام اليومي
درجتي فيه light 10 نفس لوني وفي درجة افتح fair 15 نفس درجة vanilla في نارس
فالي تسئل هوا بديل لنارس لأ نارس اقوى و احلى للمناسبات ويمكن فت مي ما يناسب البشرات الدهنية
بالنسبة لي التنين بحبهم وما بستغني عنهم
سوري لمداخلتي حبيت افيد ولو بشي بسيط
ما ننحرم منك حبيبتي توسة ❤❤
اشكرك ع التدوينه….
ما شاء الله عليج إلى الآن ما شفت حد يقيم بصدق وشفافية مثلج. ربنا يوفقج ❤❤❤
فعلا اكثر مايناسبني الكونسيلر السائل واسهل لي كوني مش محترفه من الصور اتوقع الجنجر ينفع لي يبي له تجربه بعد مدحك له …تشكرات يالحب
صباح الخيرات ?
لي فترة ادور كونسيلر وكنت متردده بكونسيلر ماك
حبيت تدوينتك عن كونسيلر نارس وحسيت درجة الجنجر تناسبني بس لازم اجرب
كالعادة تدوينة جميلة يعطيك العافية❤️
تأخرت بالرد، بس مش بالقراءة، ههههههه
معي جنجر نفس الكونسيلر، و مع اني كنت في اجازة الصيف الماضي فقشيت مكياج كأني ما عمري اشتريت و كان من ضمن المشتريات مع أساس من نارس اسمه All Day Luminous .. و ايش صاار؟؟ و انا بآخر يوم احزم الامتعة ما لقيت الكونسيلر، قلبت الفندق لين تعبت ما لقيت شي، و أنا وحدة اذا غاب ذهب ما أسوي راس للموضوع بس لو غاب مكياج هذي يبيلها حرب البسوس ههههههههه ماعرف صراحة نحن البنات ليش كذا من صغرنا؟؟ هذا الشي الوحيدة اللي يخلي عيوننا قلوب ، و ما نكتفي ماااا نكتفي، ساعات أقول نفتح 10 كريمات أساس بنفس الوقت، نقنع أنفسنا بأن لكل واحد وقت معين، و في النهاية اقتصادياص يصير لنا اكسباير قبل المنتج هههههههه
أذكر صديقة لي شافت مكياجي قالت لا اله الا الله لا اله الا الله 0_0 بتفتحي مخزن؟؟؟
الاجانب عندهم فكرة حلوة وهي تربحك فلوس، تبيعين مكياجك هههههه بس ماعرف من اللي يشتري، أو اني أنا أتحسس لفكرة استخدم شي مُستخدم .. مع اننا في المقابل مش راعين الفكرة بالمجمل أقصد الصالونات ما يشترون لنا أغراض خاصة وشخصية، والحمد لله بالرغم من مكياجي وادائي المتواضع بس أحاول جداً أطور نفسي واعمل لوكات
على فكرة ارتوس، ترا أنا بين فترة والثانية أرجع أقرأ و انبش المواضيع، والله العظيم لو أعمل لك قائمة كااااامله بالوعود العرقوبية بتمسكي راسك هههههههههههههههههههه
ما عليه نحن بينا وبينك عند ربنا رفع عتب .. ما احنا محاسبينك على شي لوووول ، بالعكس تحفزينا ندون و نرفع المستوى في التدوين … أنا عندي الموهبة والحمد لله (بدينا بمدح الذات لوول) بس بصدق!! أحس انها وظيفة، لأن مخي بيصير بلوق وصفحات، و أنا شوي فيني تشتت أعرف هالنقطة
أظن واضح حتى من طول الكلام والقرقر والردود هههههههه
نحبك .. ونحبك
ياصباح السعاده والجمال
تفاصيل ومعلومات مستحيل بعد هالتفاصيل ممكن احتاج معلومه عنه وباذن الله بااشتريه لاني اثق برايك تماما واحسك تشبهيني وكمان لان ماعندي كونسيلر حاليا ضاع حقي وهو لورا مرسيه بس حسبت الدرجه فاتحه مو لوني فحاليا استخدم من باليته الكونتور انستنانسا وماشي حالي ??مع انو ثقيله واحطها بشويش بالبيوتي بلندر
ورب يدخلك الجنه بدون حساب ياقلبي?❤️???
مساء الخيرات سوس…. ان شاء الله هالمنتج مع الويش لست لانه دايم نتحمس مع وصفك الدقيق للمنتج وبصراحة مانتوه وقليل نخطي…خاصتن مع وصفك تبارك الله ما تركتي مجال للخطا بس باقي نجرب ونقولك النتيجة باذن الله… وقلوووووب من القصيم لبيتكم والله يعطيك حتى يرضيك
وطبعا عجبني طريقتك بردك على وحده من الجميلات انه احط عليهشوي فاونديشن عشان يناسب تون البشره اكثر في حال صار مصفر كثييير
جيت متأخر 🙁 الأسبوع الجاي تبدأ الفانينلز ?? الله يعيين ..
من فترة أدور ع كونسيلر خفيف وللاستعمال اليومي ، شكلي بأطلب هذا ..
تسلمي أرتوس على الجهد اللي بتبذليه .. من جد شي يُفتخر فيه ❤️❤️❤️
دائماً أرسل مدونتك وتدويناتك لصحباتي ، أثرتِ كثير بحياتنا كلنا ❤️
ع كثر المدح ما جربته واحين افكر اشتريه بس محتاره بين وبين كونسيلر urban decay
لكن فيت مي جربته وحبييته لل daily use بس ما احس ينفع للمناسبات لان مش فول كفر
اوووه صح ارتوس ال lashes is it heart breaker
هههه اول شي يشدني لان ابا اطلبهم ف ما اعرف اي ستايل اخذ
مرحبا ارتوس
حبيت كونسيلر نارس بصراحة من فوز الفهد بسناب شات تحطه قدام عيونا ومبين قوامه خفيف بس هي مشاء الله بشرتها مثالية ومافيها هالات فتستخدمه كهايلات غالبا بس حسيت قوامه ممتاز بس ترددت لأن عندي هالات ومعناته لازم احط كوريكتور قبل
بالنسبة لتعليقك عن يوتيوب هو فعلا اغلبها شغلة اعلانات لكن أنا اعترف اني من الناس اللي تغير مكياجي تماما بعد يوتيوب وصار مرتب ونظيف وشغل ولا غلطة وطبعا اتكلم عن وجهي وصراحة فيه ناس مجتهدة وتشرح من قلب مثلا عندك فيه كويتية اسمها مشاعل ارتيست اسبوعيا تنزل دروس ع السناب لشدوهات العين وشغلها مشاء الله جميل وتشرحها بطريقة بسيطة مرة، وبعد الارتست حنان النجادة دائما تتكلم باسهاب عن الألوان وكيف نقدر نختار وكيف نقدر نوحد البشرة وحتى تسوي تتوريالز اسبوعيا او كل اسبوعين، ففي ناس تتعلم منها ويتغير شغلها بعكس الميكب ارتست هنا تعطيك دورة مدة يوم أو يومين! يعني بالأمانه شلون بتعلم بيوم أو يومين مكياج؟ وبقيمة 2000 – 4000 ريال بينما في الانترنت فيه دروس مجانية وبالنسبة للبراندز عادي الواحد هو يبحث بنفسه بس انا اقصد الميك اب نفسه والهايلات والكونتور وووو
يمكن فعلا اللي تكون ميح هي اللي بينفعها لو اخذت كورس بس بالنسبة للي مستواهم وسط وفوق وما عندها نية احتراف احس حرام
طبعا هي مجرد اختلافات رأي لا أكثر
وسوري ع طول التعليق
ياحلوك ياارتوس .. بكل مرره اضيع اجد ضالتي بمدونتك بلا شك
مرجعي الموثوق لمعظم تساؤلاتي ❤
هالفترة انا حابه اغير طريقتي في الماكياج واخليها اقرب ولو بشيء بسيط لل professional
او للبيرفكت من ناحيه الخطوات والنظافة والشطارة بالشغل
لاني اعتقد ان كل خطوه من الترطيب للفينيشنغ تتش ..تأثر ع اللوك النهائي
ومن ضمن اختياراتي كان كونسيلر نارس
وجالسه ابحث عنه
وكل تساؤلاتي عن المنتج لقيتها بوضوح بهالمدونه الجميله
دمتي بسعاده ونجاح وتوفيق من الله سوس ❤❤ يعجز لساني عن شكرك
يا جمال هالكونسيلر و انا بعدني ما جربته ، مم كثر ما قريت عنه اعجبني و تحمسست له و الحين حبيته زود عقب رايك فعلاً يناسب ذوقي ما احب الكونسيلر الثقيل ابد فهذا تمام
كونسيلر ميبلين ما جربته لان لو بشتري باخذ نارس ع طول ، بس احترت بالدرجة غالباً و من بحثي قبل و السواتش اللي نزلتيها الحين حسيت كاسترد بيناسبني
اليوتيوب لابد اللي يدخله يكون مدرك هو وش يبي و يعرف اللي يناسبه و لا ينجر وراء الدعايات و بصراحة لي فترة حتى لو اسمع بمنتج انتظر رايك و اقرا اذا يناسبني و مكتفية بصراحة
ما فيه مثل مصداقيتك و شفافيتك بالطرح ،، موفقة حبيبة الالب ?
صباح الخير،
شكرا لطرحك الرائع مهما قريت تدوينات غير تدويناتك ما يكونون بكمية التفصيل الي موجوده في مدونتك ، اذا قريت لك عن منتج اقراه وانا مرتاحه ، بس حبيت اسالك انا افكر اشتري لهالاتي واحترت اشتري افتح او اغمق اخاف اشتري افتح(بدرجه او درجتين) ويقلب رمادي وقد قريت ان الكونسيلر يكون افتح من الفاونديشن ، وشكرا مسبقا الله يخليك لنا