مَساء الحُب / صباح الرَوقآن
وَ حشتوني غَبت هالمَرة لأسباب تَقنية بسبب خَلل بخط المُدونة ، فَضلاً لا أمراً إللي تَواجه أي مُشكلة بتصفح المَوقع
تتواصل من خلال هالرَابط ( أضَغطي هُنا )
تذكر نوع المُتصفح ( سفاري ، قوقل كروم .. إلخ ) + نوع الجهاز ( جوال وَ نوعه أو لاب تَوب أو .. إلخ ) + متى ظهرت المُشكلة
عَندي أمرين بَشارككم فَيهآ ~
– الأمر الأول : ليش يا أرتوس تَفصلين كثير أثناء الشَرح ؟!
إللي ما يَبي كثرة الكلام يبدأ من بعد إسم المُنتج لأن المُقدمة وَ النهاية أتركها دائماً مَفتوحه حَتى تَعطي مَجال للحوار بيني وَ بين مُتابعيني وَ أتعرف عليهم بَشكل أكبر وَ أفهم مَطالبهم وَ نظرتهم .
النَقطة الأهم لو كتبت عَن مُنتج ، يَمكن أنتِ تعرفين سَعره وَ مكان التَواجد وَ ما يهمك سَوى رأيي عَنه ..
مُو كل الناس فَهمهم واحد ، حُطوا بالحُسبان عَندي مُتابعين بَعمر صَغير ، عَندي مُتابعين تَمهيدي بعالم التَجميل
لازم أثناء الكَتابة نراعي الفَروقات بين الناس ، بالإضافة إللي يَدخل المُدونة هُو شَخص حاب يقرأ ، حاب يعرف التَفاصيل عَن كل شيء
ما أحس من المُنصف أكتب تَدوينة وَ أكتب فيها أأأأأأأم حبيته ، أأأأأأم ما أدري أحس إنه حَلو
أو المُنتج ١٠ | ١٠ ، على أي أساس تَعطى العَشرات بدون تفصيل للمُتابع ، إذا أنتِ مُتابعة جيدة وَ عقلانية ماراح ترضين بالكَلمة الواحدة
أنا أكتب عشان أنقل صَورة واضحة وَ كاملة وَ تجربة صادقة وَ فريدة من نوعها ، ما أكتب حتى أشجع غريزة الإستهلاك وَ الإقتناء
من المُفترض تَدوينتي تغنيك عن قراءة أي تَدوينة أخرى ، مو تطلعين من التَدوينة وَ يدور براسك أكثر من فَكرة وَ سؤال ..
إذا ما تَستفيدين من تَدوينتي سَوى مَعرفة وجود مُنتجات ( من المُفترض أقفل المُدونة ) .. لأن مواقع الشركات ما تَقصر ذاكرين كل التَفاصيل وَ فيها تقارير المُستخدمين
٩٩ ٪ من مُتابعيني يَطالبوني بالإطالة
لكن لقيت حل للي يَحب الدَردشة وَ إللي يَحب الزُبدة ، قريباً راح أفصح عن الحَل المُختصر ما راح يآخذ أكثر من دَقيقتين بالقراءة
– الأمر الثاني : بما إن مُتابعيني مُحبين للنَقاش وَ كثير يرسلون لي أفَكار رائعة للنَقاش أو يرجعون يحاوروني بَنقاط أشرت لها بَتدوينات سابقة
فَكرت إنه كل أسبوع نَفتح مَوضوع عن سالفة ما ، هالسالفة مَن إختياركم أو من إختياري لَكن راح تَعتمد بالدَرجة الأولى على إقتراحاتكم وَ طلباتكم
وَ على الأحداث إللي تَصير بالمُجتمع ، شيء مو عاجبكم مَتضايقين مَنه ، شيء لفت نَظركم ، حادثة صارت بالمُجتمع ، كَتاب إنشهر ، فَيلم إنشهر
أي سالفة تَكون وليدة الأحداث الراهنة راح نَطرحها ، أنا عَلي المُقدمة وَ أطرح وَجهة نَظري وَ أنتم عليكم تَطرحون وَجهات نَظركم ، فَقط بكون المُستضيفة لهذا الحَوار ، خَلونا نَستفيد مَن بعض ، فيه بنات كَثير عقولهم نَيرة بس وَقتهم ما يَسمح لفتح مَساحة خاصة لَهم ، وَ برضو البَعض ماعنده إستعداد يَكون على تَواصل دائم
فَخلونا نقرأ أرائكم وَ نبعد شَوي عن الرَكض وَراء ثقافة الإستهلاك ، نَبي شيء يَطورنا للأفضل ..
منتجنآ اليوم خفيف ظريف ، أرشح وَجوده أو وجود أشباهه عَطول معكم
المنتج من أستي لودر وَ أنا من مُحبين هالشركه لتجاربي الناجحه معهآ
Estee Lauder
Stress Relief Eye Mask
عبارة عن ماسك للعيون مُبرد يزيل الإجهاد
الباكيت يحتوي على 10 أظرف , كل ظرف يحتوي على زوج يُستخدم مره واحده وَ يُرمى
سعره : 160 ريال سعودي تقريباً
يحتوي على خلاصة الخيار وَ الألوفيرا
وَظيفته ~
• يريح العين وَ يزيل النفخه
• يحسن من معدل رطوبة محيط العين بنسبة 40 بالمَيه
• يقلل من علامات التعب بشكل واضح
• يناسب جميع أنواع البشره
طبعاً مني لُكم المُنتج للراحه ، أزينه بالإسبوع مرة أو كل إسبوعين
متى ماحسيت إن عيني محتاجه راحه وَ عندي مُناسبه زينته
الطَريقه ،’
هذا شَكله بعد الفَتح ..
وَ هنا تَوضيح بَشكل أوضح لمكان الوَضع ..
يوضع عالعين لُمدة عشر دقائق
من ثم تزال وَ بتحسين باقي شوي كريم بعد إزالة الكمادات
هالكريم بأصابعك أنشريه حول العين
أسويه وَ أنام وَ بنفس اللحظه أحس راحه بعيني
وَ يجيني نُوم , ما أكمل 10 دقايق إلا وَ أنا نعسانه
المُنتج مو مُعجزه بس حبيت وَجود حل مَثله عندي
يعني ركزوا على وظيفته لا قال بيشيل خطوط وَ لا هالات إنمآ لراحة العينين
يَعطيك مظهر مرتاح وَ مصحصح , فرضاً عندك سهرة طويلة آخر الليل
حطيه وَ خذي قيلولتك وَ هكذآ
تَدوينتي أشبه بلفته لبعض أسئلتكم وَ بنفس الوقت أفتح مداركم لحلول متوفره بالسوق
وَ سهله , مو عملي مرات إني جايه أسترخي أروح أقطع لي خيار وَ من ثم أخذه وَ حوسه .. إلخ
رآح الأسترخاء ، فيه مُنتجات كثير ذكيه بالسَوق وَ كثير فَعاله
لكن البلاء بالقائمين عالشركات , دامرين أمهآ دَمار
حلول مشاكل ما حول العين الطبية ( بالعيادة )
• الفيلر لتعبة جزء من محيط العين
• الحقن بالبلازما = البي ار بي
• تقشير ماحول العين , وَ لهآ مُقشر خاص
• الكاربوكسي = الريبو بلاش
كل علاج يناسب حاله مُعينة أكثر من غيرهآ , وَ أغلبهآ مؤقت
إذا الشيء مرافق معك من خلقتك ماراح تنحل المٌشكله وَ بتكونين رهينة عند هالعيادات
إذا الشيء طلع لك بسبب إرهاق مثلاً طالعه من عمليه كنت أو بعد ولاده أو أزمه مريتي بهآ
أو ريجيم قاسي أو أو .. راح تكون النتيجه فعاله إذا ماكانت متأصله فيك وراثياً
الحَلول البسيطه ~
• مصل فيتامين كي ( مُفيد جداً ) تشترونه من الصيدليه تدهنون فيه منطقة حول العين
ممكن يكون وسط الكريم , أو كسيروم قبل الكريم
• شرحات البطاطس وَ الخيآر وَ هالأمور البسيطه
• الكريمات يلي تحتوي على مرطبات وَ أحماض وَ فيتامينات مَوجوده بكل الماركات
من أصغرهم لأكبرهم , أنتِ بس حددي مُشكلتك نفخه أو خطوط أو هالات سوداء أو كلهم
وَ أختاري الكريم يلي يأمن طلبك
بَجد أتمنى أكون وَفقت بَشرح هالشغلات لأن مافي شيء واحد يساعدك
هو سلسله من الأمور التراكميه لو زينتيهآ سوا راح تنجحين , أغلب الدكاتره يلي عندهم ذَمه
بالحالات المُستعصيه يقولهم الحل هُو : الكونسيلر , لا تصرفون أموال عالفاضي
طبعاً أكيد الكونسيلر مايعني الأستغناء عن العنايه الروتينيه
الهالات السوداء مازالت من الأمور يلي عجز الطب بتقديم حل جذري لعلاجهآ
أغلب الحلول للتَخفيف وَ كلامي ليس للإحباط وَ لكن أفضل من بَيع الأمل الكاذب وَ هدر الأموال
شَوفوا هالمَقطع للدكتور أحمد العيسى ،مُمكن تَقتنعون بكلامه أفَضل من كلامي
كلامه جداً رائع وَ منطقي ، أحيي أي دَكتور تَجميل مُش تاجر
دُمتم بَحب
مُلاحظة / هذه التَدوينه تَم نشرهآ سابقاً بتاريخ 17-06-2014
قُمت بإضافة فقط مَقطع الفَيديو وَ تغير المُقدمة
يعطيك العااافيه
يَعافي آلبك ..
مرحبا آرتوس
يسعد قلبك ويعطيك الف عافية مرة استفيد منك
ولايهمك من اللي ينتقدون تفصيلك وشرحك
بالعكس أسلوبك جدا رائع ومنطقي
وعني انا صرت أحب اقرا لك كل منتج
من جد تجاوبين ع كل اسئلتي واطلع من المدونة مو محتاجة ارجع ابحث
بالنسبة للهالات 🙁
أنا من المتأصلة فيهم وراثيا
رحت عيادة وقالولي في علاج ع جلسات ممكن يحلها او لا ونجرب وخلال العلاج راح يتحول محيط العين وردي
وتجلس كذا اسبوع بصراحة ماأقنعوني وخفت وتركتهم
جربت زيوت ومعالجات دوائية بس عيبي مااستمر
مرة بدورة طب بديل سمعت انوا المشكلة عضوية
تراكم سموم وكبد دهني واعطونا انظمة غذائية وهيك ..
بصراحة اقنعوني ..
بس برضوا مااستمريت
يمكن عاداتنا الاجتماعية مخربطة أم الغذاء ..
بس فيه شغلة
من فترة تعرضت لعارض طبي صعب الحمدلله على كل حال
كنت وقتها اشرب مويا كثير ..
لسبب طبي ..
سبحان الله لاحظت ان الهالات خفت وقتها ..
واذا تركت الماء ترجع ..
تذكرت وقتها دورة الطب البديل لما قالوا تراكم السموم علاجه الماء بكثرة شربه ..
يعني تأكدت انوا الهالات عرض لشيء عضوي داخل الجسم
اي علاج خارجي مش ممكن يخفيها دام السبب قائم داخليا
المعذرة طولت .. لكن قلت ممكن حدا يستفيد من تجربتي ..
وبوسة كبيررررة لك آرتوسة ..
حسيت احساسك فالصيدليه اول مره ادخل المدونه واحسها فاااضيه
ههههههههه لأن ما وَعدتهم اليَوم بَتدوينه ، هَذي تَدوينه مُعاد طَرحها ..
ههههههههههه بَس حبيت وصفك ..
دايم خاطري ادردش وياج
شكرا لمجهود الخرااافي اللي تبذلينه
ومعاك صنم متابعك من اكثر من 11 سنه
حياك الله أختي فَطيم بأي وَقت ..
وَ ماشاء الله أنتِ من المُتابعين المُخلصين ..
يسسسعد هالصبآح “̮
انا معك ف الاطاله والشرح الطويل يخليني ايقن ميه بالميه ان هالشخص مُجرب ومنضبط وعنده مصدآقيه عآليه كونه جرب المنتج وحكم عليه ليس من باب اعلان او م شآبه.♡
وتدوينتك من اكثر التدوينآت و الموآضيع اللي دآيم ابحث عنها “̯
لاني متأزمه من الهآلات ومشاكل المنطقه المحيطه بالعين ،،فحسيت من وصفك لهالمنتج انه شبيه بقنآع (مآسك ) ذي بودي شوب من ناحيه التبريد وتقليل الانتفآج ♡
شكراً شكراً من القلب لكل شي تطرحينه بحُب ♡
ياهلا بَك آسماء ..
أسعد الله أوقاتك ، الحَمدلله هناك من يَتفق مَعي ..
بالنَسبة للماسك الخاص بذا بودي شَوب مُختلف ، هذاك تقريباً مثل الكمادات مايضيف أي شيء للجلد ..
سوى التبريد ..
وَ عَفواً لتواجدك الدائم ، ترى مَنتبه لردودك
صباحي رياضي اليوم
احم احم انا عندكم وصلت من ساعتين وشوي بس
مبسوطه قد الدنيا وانا اصبح عليك وانا عندك
جاي ع بالي وبقوه هالفتره ان شاء الله مايصير مقطوع
حتى لو في بالي تصويرك يخلي الواحد يشتري المنتج وهو مغمض
يصير اطلع شوي عن الموضوع وأسأل كم سؤال
مو شرط نفس هالمُنتج حتى بالصيدلية بتلاقين أشباهه ..
بكل ماركة لقيت شَبيه له ، بس ما جربت إلا شانيل وَ ديور وَ استي لاودر ..
وَ ماشاء الله نورتينا بالرياض وَ إن شاء الله يكون هالأيام الجَو لطيف عليك ..
حَياك تَفضلي ، طالما أنا صاحية بَرد
تسلميلي يارب
كنت ابي اعرف شنو الفرق بين جل الشعر والواكس
وهل اقدر استخدم الاثنين بعد الاستشوار
تهورت قبل مدة وقصيت شعري قصير وحابه اشتري مدامي هنا
كلهم غير مُفيدين للشعر
الجل يثبت الشعر وَ التسريحه وَ للتجعيد وَ و َ وَ
الواكس قوامه لزج وَ شمعي وَ ينفع لوتبين تسوين سبايكي أو توقفين الشعره أو تخلين خصلات بارزة
أو لو تبين تنفخينه من جوا لكن لو لمستي شعرك أو مر عليه غبار راح يلزق يعني يوسخ الشعر
صح كلهم مُثبتات للشعر لكن الواكس لو ماتعرفينه إتركيه يحوسك وَ يستخدم منه نقطه
أنا أستخدمته لما كان شعري بوي عشان تصير الشعره مخصله ..
صباح النور يختي ❤️❤️
وحشتيني ئد الدني ، تدرين اليوم عندي مشوار الصبح للأحوال و مكانه بمول قلت بنفسي ابي أخذ كريم حق عيوني بس مدري وش أخذ إنتي منزله عن شانيل وديور و إستي لودر و إن شاءالله أتذكر هالماسك و أخذه هاذا إذا مانسيت بوكي لووول ، عفكره ترا مختفيه عشان ما أرد ع أحد ويوم شفت انك بتنزلين مدونه فرحت مابي أعلق بالإنستا لأن البيبي عندي مليان ولا أرد
صَباح الحُب ..
مُش آآآآدي ، عاد تَو اليوم دَخلت الوآتس ..
مَوفقة بَمشوآرك ، كريم العَين لا تتعنين ذيك العَنوة فيه وَ تصرفين مبالغ .. آهم شيء يرطب
هههههه مَعذورة حُبي ما تَنلامين بس تَوقعي إنهم يشوفونك هنا ( ببكي ) ..
أنا وانا صغيره ماعندي هالات الين مادخلت المدرسه بدأت تظهر وياليت بس تحت العين حتى الجفن العلوي بعض صحاباتي يقولولي حاطه شدو اقول والله إنكم في عالم ثاني ، المشكله لا ابوي ولا امي ولا اخوالي يعانوامن الهالات الا قليل من اهل ابوي عندهم هالات خفيفه جدا وكنت اقول زي الكثير بسبب السهر والنت والتلفزيون بس يوم اسافر عند اخوالي اقعد بالشهرين والثلاثه لا نت لا تلفزيون الا نادرا والنوم اذا فليناها احنا الشباب لحدعش اثنعش بالرغم من كذا ما تتأثر الهالات ولو ١% لذلك يوم سمعت كلام الدكتور قلت كلامه صح ١٠٠٪ الشي الوحيد اللي اثر فيهم بشكل خفيف اني فتره من الفترات كنت اشرب مويه بكثره حتى وجهي فتح معاناه خصوصا أبوي يعارض اي شي فيه ابر وبلاوي زرقاء فشي مو ضروري عاد اتذكر كنت اقول لأمي ليه ماتسوي تقشير للكلف فيها خفييييف الا ابوي يقول بالعكس احب منظر النمش والكلف بالوجه يعطي جمال عاد محد انتفخ راسه ههههه وانا يوم اقول لأمي عن الهالات تقول بالعكس محليه عينك عاد بديت اشك المدح صدقي ولا مايبغوني اتجه لخطوة الابر ،، غييير( … في عين أمه غزال) ههههههههه .. يعطيك العافيه ارتوستنا وصباح الخير ..
أنا أحب مَظهر الهالات ، خاصة بالعيون الخضراء ..
مثلاً توبا عندها هالات وَ بشرتها شاحبة بس مَع عيونها الخضراء وَ تقبلها لنفسها أنا أشوفها حَلوة
مُو شرط كلنا نكون بدون هالات وَ بيرفكت بنظر الطب التَجميلي
فيه وَحدة أعرفها تعاني من الهالات بسبب إن عينها غائرة وَ بنفس الوقت فيها بشرتها فيها مَشاكل
الكل ينخرع من شكلها سواء أطفال أو كبار ، لدرجة وحدة قالت : شكلها مُجرم وَ شبهه كيف تَمشون معها
( مفكرة إنها تتحشش أو تتخدر ) .. البنت طبيعية لكن هي كذا من طفولتها .. هذي بنظري لازم تعالج ضروري ..
فيه ناس عادي ما تَجاوز الحالة الصَعبة وَ المَرضية
وَ الله يخلي لك الوالد وَ الوالدة يآرب ، وَ ترى تذكرتك ١٠٠٪
انا مثلها اهيء اهيء مع اني جميلة وبشرتي حلوة لكن الهالات مسببات لي تعب نفسي ما اقدر اقعد يدون ميك اب
ايش العلاج غير الحقن ؟؟؟؟
ايوه تمام كذا انا ابيها تصير الشعره مخصله
عارفه انهم مضرين للشعر بس مافيه بديل لهم
طيب اقدر استخدمه بس بعد الشاور ولا لا حتى بعد الاستشوار عادي
يعني حتى لو الشعره كيرلي يخليها مستقيمه مو ؟
اممم لو فيها غلبه الشعر البوي اقدر استشوره بس شنو نوع المشط اللي استخدمه له اقصد الحجم بحيث مااخليه نافش
ان شاء الله فهمتيني
لا لازم أستشوار لو الشعره كيرلي .. ماراح يَخليها تستقيم بدون إستشوار
إنتِ اول مرة خلي الكوافيرة تعلمك شَلون ، بعَدين بتفهمين التَكنيك لأن للأسف نادر من يستخدمه صَح ..
بالنسبة للفرشة أنا أستخدم معه أصغر حجم فرشة وَ الأفضل باليد لأنه الفرشة ما تضبطه
باليد بس يحرق الأصابع بس مظهره أكثر طبيعية هذا لو بوي صغير جداً إنتِ وَ الولد واحد اللهم القذلة أطول من العيال
بعدها إذا شعرك أطول شَوي روحي للمقاس الأكبر وَ الفرشة الفرشة إللي تشوفين مَعدنها وَ تجيك زي الدبابيس ..
يعني راح يعطيني بالنهاية تصفيفة تشارليز ثيرون
يحتاجلها مثبت شعر بالنهاية ولا لا ؟؟
يَعطيك ١٠٠٪
أنا أسوي بَشعري مثبت حتى بعد الوآكس ..
ممكن بدي افضل سيروم فايتمين c ومشكوره ياعمري على الطرح الجميل والرااااايق والذوق
♡ ♡ ♡ ♡ ♡
تسلملي رحابة صدرك
مشكوره ويعطيك الف عافيه
صباحك سعيد
❤️❤️❤️❤️
يـ اهلآ ..
زينك وزين وُضوح افكآرك ، بجد اخلآص بالعَطاء..
دائماً هالفِكرة ببالي بما يخص الريفيوز، اللي تبي تِحكي عن شي تكون واضحة ومفصلة ادق التفاصيل ( اَحب التحليل) .. والعَجولين يبيلهم قرصة .. اي امر بالحياة يبيله تفكير وتَمحيص .. مهما كان اكو نآس مايبون فلوسهم تنرمي رمي لمُنتجات ماتناسبهم! غير عن الناس اللي هوايتهم ومُتعتهم يجربون ومِش فارئه معهم !.. فــ برافو عليك واِستمري .. اولاً واخيراً هالمكان مَساحتك وفيه بصمتك وانتِ( حُره) ..
بما يخص العُيون الغايرة ،الغاطسة او الداخلة مرآت تِفتني هـ العيون ..
نوع عيني تقريباً كذا وفعلاً مع العين الفاتحه او خَل نقول ( غير العيون السَوداء) الامر يكون ايجابي حَبتين ويعطي رونق مِش مفهوم..!
توبآ عَجزوا ممثلات تركيا يحملون نفس جمآل وتعابير نظراتها مع ان اكو الاجمل وللأن مااشوفها استغلت عيونها كما يجب خَاصة بالـ Dirty Eyes Makeup ! بس ربما كـ حَبكة للدور مِش حـ ينفع ولو اني اشوفها تَفتقر لتجسيد المشاعر الواقعية بالادوار..!
من الاَجنبيات اللي عيونهم غَاطسة شوي وفيها جمآل ايضاً سَارا ميشيل قلر ايام صِباها، كرستين ستيورت، كَامرون ديآز.. عيونهم تجذبني خاصة كرستين تعرف لعيونها مرآت بشكل يفتن !
بما يخص هالمنتج، حالياً اَستخدم شي اخر للعيون لكن ومالو نجرب هالمُنتج..
ريتو يسلم الفَهمان اللي يرآعي الفُروقآت
فنآنة ..
حسبي الله على ابليسك ههههه ، كيف تذكرتيني إن شاء الله مايكون اللي ببالي بنجلط ههههه وبنصدم من قوة ذاكرتك لا إله الا الله الله ماشاء الله يحفظك ..
ياصباح الروح الحلوه
اعترف اني احب قرقرتك وحلو اقتراحك كذا بيكون التواصل ممتع
حلو المنتج ينفع ايام الضغط وقلة النوم والي في الكوب ايش فائدته عيني شطحت عليه
اعاني من الهالات واكبر مسبب السهر بس عجزت اعدل نومي عقلت كم شهر وتحسنت ورجعت حليمه لعادتها
جميلة جدا هالتدوينة .. و شكلك من اللي يثون بالدكتور احمد .. و فعلا هو محل ثقة انا عندي مشكلة تصبغات و رحت لعيادة و قالت لي على علاج ممكن يكلف بكل جلساته ثلاثين الف و قلت اروح استشيره و فعلا يوم رحت و سالته قال ماتنفع و يوم اصريت عليه قال اذا عندك فلوس زايدة هاتيها بفتح عيادة بجدة لوووول حسيت انه فعلا اقنعني المهم طلعت منه بكريم بثلاثين ريال فقط ..
نرجع للهالات بسألك اذا ماسكات العين تبع ذا فيس شوب تعطي نفس المفعول اللي ذكرتيه او لا .. و يعطيك العافية ❤
يسعد صباحك ياأجمل طاقه ايجابيه بهالكون كله سبحان الله من ادخل صفحتك احس بكمية حماس ماتحصل الا معك
جميلتي يعطيك الف عافيه يارب ودي اشطح واسالك عنك مجموعه لوكسيتان الخضرا نسيت اسمها للوجه ومحيط العين تنصحيني فيها ولا لها بدائل ارخص ونفس الجوده !!!!
دمتي لنا ♥
صباح الخير !! من زمان مالحقت عليك ياتوسه ❤❤
اتوقع هالمنتج قد طرحتيه في مدونتك الي بشمواه صح؟
احس الهالات حلوة في بالذات اذا خفيفه وبالجفن العلوي تصير زي الشادو
الدكتور أحمد العيسى وعبدالله العيسى يعطونك الكلام من الاخير بصدق وذمة وعندي معلومات كثيرة منهم راح اكتبها واجمعها كلها معلومات سمعناها وصارت غلط مثل كريمات التجاعيد كلها تجارية وماتفيد مايفيد الا الحقن وغيره واللي عنده شي شاك فيه يستشيرهم ويعطيك العافية يارب
صباح الفل ارتوس
اشكرك على هالمدونة الجميله مثلك وانا صحيح مع قاعدة خير الكلامً ماقل ودل
بس معك احب الشرح والتفصيل يمكن لان اسلوبك جذاب واحس كأنك تسولفين معنا
ربي يسعدك ويوفقك
بالنسبه لتدوينة اليوم
انا عندي بنتي عمرها ١١فيها هالات هل تناسبها هالمنتجات؟
مرة لقيت تحت عيونها قالب رمادي قلت وش مسويه بنفسك قالت حطيت من حقك اللي تحطينه تقصد كونسلير هههههه
عاد انا مثل اي ام انسب كل المشاكل بالعالم للايبادخخخخ قلت لها لو تشتغلين عليه بس ساعتين مايطلع لك هالات
طولت عليك قلبي
بس ياليت تخصصين مدونه عن عناية البنوتات الصغار ببشرتهم والمنتجات اللي تناسبهم
انا مع ان التدوينة تكون طويلة اسلوبك ماشاءالله سلس وومتع ويقدم فائدة او فكر للكل .
زمان كان كريم العيون من الاساسيات وماستغني عنه ابدا ابدا
الفترة الاخيرة خلص كريمي بوقت ماقدر اروح اشتري واطريت ارطب المنطقة بكريمي العادي بس اخففه ولاحظت مافي فرق عن نتيجة كريم العين . ماعرف احس تبرمجنا عليه وما اخفي عليك باقرب فرصة برجع اشتري كريم للعين بس هذا اللي توصلت له .
ارتوس بعد اذنك بسالك اذا حسيت بالم اخر الظهر وممتد للساق يفترض اني اوقف رياضة ؟
الله يسعدك ارتوس طووولي وطوووولي وطولي كمان نحب سردك واستطرادك في طرح المواضيع لاتغيرين بلييييز (فيس يبكي)
ربي يكتب لك الخير والتيسيير قد كل حرف تكتبيه
احب اخلاصك في مواضيعك
ماتنحازي
وما تتزلفي لاحد
انا معجبة جدددددا في اسلوبك وفي شخصيتك وافكارك جبارة وعجيبة ماشاءالله عليك
موضوع الهالات اكثر الناس بتعاني منه ونحاول قد مانقدر نعالج الموضوع
استمررري الله يوفقك ويحفظك
يااختي ودي تثرثري بتدوينه عن الضيوف استقبالهم تعاملنا معهم لو معهم اطفال وكمان لو رحت لشخص ما اخذ معي شي بيدي مدري كيف اوصل لك الي ببالي بصفه عامه حقوق الضيوف
يعطيك العافية ارتوس ..والله امس جالسة احوس باليوتوب وقالت بقولك اعطينا فكرة موسعة ع الحقن لتوحيد لون البشرة سمعت الميزوثرابي وبلازما وللامانه ابي حل سريع بس نفس الوقت متخوفة لاني تحسني لسا صغيرة ع هالاشياء وللمعلومية عنري ٢٥
ابدعتي ارتوست كالعاده بس انا مشكلتي عيني عاىره فيها زي الحفره من تحت وغامقهوش تنصحيني فيه واذا فيه عيادات كويسه بالدمام والخبر لحقوني عليها
يعطيك العافيه خيتي وجد ابي مواضيع حوار لان في شي بقلبي قاهرني واتمني صوتي يوصل ولو بحرف واحد ومن خلال هاللي النقاشات ربما معانا احد من اهل الرأى
ارتوس شكرا على كلامك الرائع
وبالعكس شرحج كافي ووافي
مادري اذا طلع تعليقي كامل اولا ؟
بس كنت اسال انا بشرتي مختلطه
الى دهنيه ابي افضل مرطب للصباح
مع نسبة حمايه شنو ترشحين لي ؟
صباح الورد –
ألف شكر لك ي جميلة على الجهود المبذولة في المدونة أنا عن نفسي زي ماقلت صفر في عالم التجميل لظروف خاصة فيني وقريبا جدا بدأت ابحث عن مواضيع التجميل لقيت في طريقي مدونتك وماأكذب عليك اذا قلتلك جلست عليها ساعات من موضوع الى موضوع عجبني التفصيل اللي تتكلمي فيه عن كل حاجة وانبسطت كثير انو في ناس يحبو الخير لغيرهم الى هذه الدرجة من الجهد ودعيتلك من كل قلبي اقلك الى الامام وربي لايحرمك الاجر
ياصباح الحب والخيرات …
اول شيء اشتقنا لك من يوم جا تحديث الانستا صرت ماعاد ادخل الانستا بس اشوف التنبيهات واكتفي<<<<<اهم شيء بالنسبه لي تنبيهات حسابك ومنشنات خواتي ههه …
ثاني شيء اكيد انا النبر ون في ال 99 % اللي يحبون الثرثرة حقتك وفتحك لمواضيع النقاش …
ثالث شيء قلتي كلمه تأكد مبادئك وحرصك على نشر ثقافة التدوين وليست ثقافة استهلاك واقتناء وتعجبني فيك هالنقطه وهذا سبب من كثير من اسباب خلتني اعشق تدوينك وكل كلمه تطرحينها يعجبني انك دائما تنبهين على نقطة الاستهلاك والاقتناء مو لازم كل مايطرح لازم يوجد عندي والا بموت لو ماشريته على قولتك اخذ اللي محتاجته واللي يناسبني ووفق الحدود دون تكلفه ولا تعب نفسي بهذا تعلمين متابعتك القناعه …
اقتراحك جدا جميل انا عندي موضوع جدا ودي تسولفين فيه اللي هو النصيحه وحدودها وطريقتها الآن النصيحه فضيحه ومصيبه على روس الناس والمشكله يطلع الناصح بالصورة الملمعه …
الهالات كأنك جالسه معي توني شاريه مجموعة الجلايكولكس كريم للعيون وكريم للوجه واللوشن … ولسى مابديت فيهم مشكلتي هي وراثيه وبعد خضعت لعمليات زادت الطين بله ،انا قلت بأستخدم ذا الكريم فترة بعدها بسوي ابر البلازما او الفيلر يعني نختصر بعض المشوار ايش رائيك ؟!انو الافضل؟ انا مشكلتي عيوني غايره وهالاتي وصلت للزاويه الداخليه للعين وممتده للجفن افيديني جزاك الله خير …
واخر شيء لازم اذكرك دائمااننا متابعاتك الجميلات نحبك ونموت فيك ونحب ثرثرتك ونقاشاتك وكل شيء منك …
وحتى بنتي طالع لها خطين خضر تحت العين من النظارة ومن االاي باد بس مدري شسوي لها كم مرة سويت كمادات وحطيتها على عيونها تنبسط وتسوي حركات ريلاكس وتلبس روبي مدري ايش علاقة الروب بالكمادات بس اجلس اضحك منها في نفسي هههههه..
صباح الخير آرتوس ..
صرآحه أنتي موسوعه ماشالله لااله الالله عليك وماأخفي عليك أن الي وعاني وخلاني أهتم بنفسي أنتي ..أول مااعرفت منتداك بديت أتابعه وأدخل عالم جديد وتدرج اﻵمر للأنستجرام والتويتر الين ادمنتك صح أني شبهه صنم لكن ماأنلام أوقف عاجزه عن الرد والتعليق والوصف من أبداعك المستمر…
بالنسبه للموضوعك اليوم والله جاء بوقته ﻷني حزينه على عمري وبريق عيني الي راح ..أن شالله راح أجرب الي أقدر عليه من الحلول الي ذكرتيها ..
ويعطيك العافيه ياجمييييييييله
حتى المُعاد معك طعمه غير :*
نتيجة هالماسك تشابه النتيجة من ماسك العيون تبع بيزلين “اعرف انك تكرهيها و انا كمان بس ماسكاتهم ظريفة”
جميل يؤدي الغرض و ما جربت غيره صراحة عشان احكم.
الكريمات آخر شي جربته تبع لاروشي بوزيه بالهايلارونيك أسيد الهالات و الانتفاخات، غير الترطيب ماشفت برغم مشكلتي مش كبيرة بس توقعت نتيجة أخرى و للأسف ماشفتها استعملته اكتر من تلات شهور و حاليا ناوية على لويس ويدمر مدحت هـ علياء او ثاليجو.
بالمناسبة شرأيك في ثاليجو ومنتجاتهم لو مجربتها؟
صباح الرياحين..،
بالرغم من روعة التدوينات الجمالية لكن اسلوبك في التدوينات الثانية اللي تخص أفكارك أو نظرتك للحياة والناس تجذبني أكثر و بصراحة علمتني كثير.. و اكيد من أنصار الشرح والتفصيل والإسهاب.. ترا كل كلمة تكتبينها تفيد وانتي المدونة الوحيدة اللي تعطين كل شي حقه و تراعين الفروق الفردية بشكل كبير يعني فعلا أيا يكن الموضوع اللي كاتبته سواء طبخة أو عن منتج مانحتاج نسأل أو ندور بعدها.. كثري لنا من تأملاتك الحياتية.. لأنها فعلا تنعش الروح
يسعد لي صبآحك
ويعطيك الف عافية ي قلبي
الهالات السودا اكبببر موضوع شاغلني ومحاولاتي كثيره معه وفرررحت انك تكلمتي عنو ):
مشكلتي معها اتوقع من النظاره ومن ضعف النظر زي مايقول البعض لكن انا اقول من السهر اللي اعترف فيه ، والنوم الغير صحي والاكل ممكن بعد
استخدمت منتجات واجد وللاسف مافاد ، وجربت البطاطا والخيار لكن شغلته تبغا لها طوووول بال ويمكن مرتين ووقفت احط):
بعرض نفسي قريب على دكتوره واشوف يمكن تدلني لحل بعد هالعناء
واخيرا احب اشكرك واقولك يارب يسعدك على كثر ما احب تدويناتك ولو اني مقصره معك فالتعليقات لكن ربي الشاهد اني احبك ولو قصرت بالكومنت ماقصرت بالدعاء❤️❤️❤️
ودايييم اقول لاخواتي ودي اصير صديقة ارتوس يابنات ):
يابخت صديقاتك فيك والله ❤️
وقبل لا اختم .. احلى ما في مواضيعك بعد الفايده انها طويييله وتفصيليه احسن من آآآآ هالمنتج يجنن :p
اسعدك ربي
صباح الخيرات.. عجبتني.. نبني نفسنا ونرتقي عن الثقافه الاستهلاكيه.. وشرحج منطقي و واضح.. انا جربت بعد آخر ولاده لي وخسارة وزن كبيره الفللر لتحت العين رتوش بس كانت فعاله وحاليا جلسات كاربوكسي ونتيجته مكمله للعنايه اللي انا مستمره عليها الفللر سويته قبل اربع سنوات بس بعدها كملت.. بمنتجات الكولاجين وسيرومات لهالمنطقه.. والحمدلله.. الوضع مريح.. واحتاج منتج التدوينه لراحة العين حل عملي
صباح الخير ياكريمة 🙂
كل مره اكتب لك راح اعيد نفس الكلام واقولك انتي اكرم انسانه معلوماتياً ..
الله يسعدك ويوفقك ويكرمك باللي يكرمك ..
بالنسبه للمنتج انا ماحصلته بالسوق لمن قرإت عنه في مدونتك القديمه ،، وقالت لي الموظفه المنتج منقطع من زمان واستبدل بالكريم …. فمدري ماعاد سألت عنه ،، هل راجع للسوق واذا ايه من اي فرع اخذتيه عزيزتي ،،، وشكراً
حاجه ثانيه مالها علاقه بس من فتره ودي اكتب لك واحترت مدري كيف اكتب لك وبنفس الوقت انشغلت كثير..
انا خبرتك عن استخدامي لجهاز لونا اذا تتذكرين ،، وقلت لك انه سبب لي حبوب رغم ان بشرتي خاليه تماما من الحبوب ،، طبعا اللي سويته زي ماقلتي لي صرت احط المرطب بعد ربع ساعه من تنظيف الوجه ،، وكمان وقفت تماما المساج اللي من الجهه الثانيه للجهاز بعد وضع المرطب ،، والحمدلله ماطلع بعدها اي حبوب بعد استخدام الجهاز لحول شهرين ،، الان افكر ارجع للمساج اشوف اذا هو سبب المشكله او انا بشرتي تحسست من الجهاز كونه جديد عليها …
ملاحظه اخيره .. الصراحه مالاحظت ارتوس اي فرق عن بشرتي قبل وبعد لازلت احتاج استخدم لصقات الانف تقريبا اسبوعيا ومااشوف فيه فرق عظيم للحين ،، ولكني اقول ممكن هو من الاجهزه اللي نتايجها تبان بعد سنوات من المحافظه على تنظيف البشره بالاهتزازت اللي تعملها اللونا ،، الفرق اللي لاحظته ان دهنيه بشرتي قلت بل واحيانا احسها جافه علما ان بشرتي مختلطه ولااعرف اذا الجهاز السبب او غسول لورا مارسيه الاكسجين لان صرت استخدمه مع الجهاز يوميا قبل النوم ..
شكرا لاطالتك بالشرح واسهابك بالتفاصيل جهد يستحق الشكر والتقدير ..
واعتذر عن الاطاله ..
مرحبا حبيبتي ، صباح الخير ..
الله يعطيك العافيه جد ماتقصرين وكثير استفدت منك
حبيت اسئلك عن سيروم كويس للدارك سبوت والمسام والنظاره يعني شيء اقدر احصل فيه اغلب هالاشياء وتنصحيني فيه..
الصراحه ختمت اغلب مدوناتك وبكل فخر هههههه
بس ماحصلت 🙁
اهلين ارتوسه جميل الريفيو .. انا اعاني من الهالات لاني من قريب ولدت فيني من قبل بي زاد والسهر لاعب بحسبتي … شكرا على عطاءك وعلى قلبك الجميل ونحب سوالفك وثرثرتك كثييييييير واستانس اكثر لما تطرين امك ووس كانت تقول ووش كانت تسوي افرررح كثير واحطه ببالي ويعلمني كثير حتى في معاملتي مع عيالي يجي ببالي اللي قلتيه عنها … تكلمت كثير ويمكن مو مترابط هههههه . love u artos
وصح كلامك عن امك يعلمني انا باموري مو بس امور عيالي … قلوووب لعندك وانا معك باقتراحك عن موضوع للنقاش معك عطوووول الطريق ياقلبي kisses
حبيبتي ارتوس ..
احييج ع صراحتج وتدونيتج الي تعطي لكل منتج حقه .. صراحة اذا احب منتج واريد اجربه اجي ابحث بتدوينتج حتى اعرف اشتريه او لا
الى الان مشفت مدونة مثل مدونتج ولا شرح وافي مثل شرحج ..
بالنسبة للعين اني عني هالات سوداء وعيني غائرة سمعت انه اكو علاج بالليزر للتخلص من الهالات ومازلت ابحث عنه ,,
تنصحيني باي منتج يخفف من الهالات ؟؟
يسعد صباحك ارتوس
للاسف ما القى لمنتج الجمييل كل ما اروح يقولون مافيه مخلص شي يقههر … في تدوينه لك قبل هذي تكلمتي عن اسواقنا وكيف سائة هالفتره طلعتي الي بخاطري من حكي
وعلى طاري الشرح في التدوينه انا اشوفه يضفي على المدونه وللقارئ الشي الكثيير يكون عنده فكره عاامه عن المنتج و ايجابيات المنتج وسلبياته .. فانا احب اشوف رأي المدون عن المنتج بشكل مفصل ايش تفيدني كلمة حلو او غيرها من الكلمات الي ما تفي بالغرض
في الاخير الله يجزاك خير الجزاء على المجهود الي تقدمينه
هالموضوع الي منجد مسبب لي ازمه صدق مو مرة غامق بس برضو حبيت الموضوع الله يجزاك خير ارتوسه ❤️
للأمانة أنا انسانة مَ عندي قدرة شرائية لـ 50 % من المنتجات اللي تطرحينها و لا حتي الرغبة في الاقتناء لمعضمها .. لكن هذا مَ يمنع ان يكون عندي ثقافة بهالخصوص و حب استطلاع ع طرحج الكافي و الوافي و الخالي من الزيف و الترويج .. الله يعطيج ألف عافية آرتوس
السلام عليكم
شخبارتس ؟
اروتس انا قبل سنه تقريبا صار لي حادث وتجمع دم تحت عيوني صار لون بنفسجي المهم مع الوقت راح الدم بس صار مكانه سوادد مع انو قبل ماكان عندي هالات وصار عندي انتفاخ ويوم بحثت عن صور للانتفاخ لقيت اسم المشكله بالانقلش Malar bags
ياليت اذا فيه حل للمشكله تساعديني
والله يجزاك خير ،
تشكرييين يا فن
بس معاي استفسار او اذا جربتي البرايمر من جيرلان في نفس الحبيبات البيضا وهو اساسا ضغط يعني نفس علبه العطر لمن نبخ بغيت اعرف اذا معاش اي معلومه عنه وحلو او لا ترددت ماخذيته قلت اسالش بالاول بما انش معاش معلومات عن جميع منتجاتهم تقريبا
اي والله يا ارتوس اني ما عاد ادخد على اي اي مدونة غير مدونتك … كان مضحوك على اكثر الناس كل وحدة كتبت كم حرف وقالت مدونة …. الله يوفقك ويسعدك وشكرا شكرا شكرا من القلب على تعبك ومجهودك
بالعكس فصلي واشرحي ياعيني اصلا من مميزات تدوينتك الشرح المفيد يلي كلنا محتاجينو سواء نفهم او مانفهم وهي يليفرقك عن غيرك
كتير بشوف تدوينات عنوان مشوق تقري المحتوى وانتي لسا متردده لوصف المنتج وماعندك معلومة كافيه عنو
تصدقي قبل كم سنه كنت مدمنة قراءه وتجارب للهالات بمعنى الكلمه كانت عقدي بالحياه
لانو اعاني منها وراثيه
وهي راكونن آيز كمان يعني حول العين كلها
لوووول
بس كترة التجارب فهمتني بالزبط متل كلام الدكتور
اي وحده حاليا تسئلني عن كريم للهالات السوداء بحكيلها مافي
لانو قتنعت بهالكلام من تجربتي
وكلام هالدتور اكدلي هالشي فعلا
وفعلا متل ماقال مالها علاقه بالنوم ممكن يطلع تعب يبين حول العين بس موسواد
بس بعرف ناس يسهرو ونومهم خفيف وماشاء الله مافي هالات !!!
اذن الشغله الاساسيه جينات ووراثه
وبصراحه ببالي الحقن لانو عيوني كل مالها بتغور لجوا
لما المس عيني على طول عضم وعين هههههه مافي دهون
بصراحه كتر جزء يدايقني بالميك اب جزء العين غلط بسيط او درجه لون بسيطة تفرق وتخليلي عيني غايرة اكتر
مممم اتوقع لوتكلمينا قبلها بكم ساعه عشان نتجمع ع البوست النقاشي لووول .. فعلا فعلا احب النقاش معك حتى لو بِاتفه امر
ايش الهرجه ينزل نص الكومنت 3/>!!
الله يعطيج العافيه
ما في احسن من مظهر العين المصحصحه الفرش
صح كلامج عن المقدمه لو تكون طويله وتبدين رايج وسبب اقتنائج للشي وفكرتج عنه بالعكس لما نيلس احنا البنات مع بعض لازم جذي شريت هالشي لان عندي هالشي وقريت عنه وجفته عند فلانه او ان صديقتي نصحتني به قلت ابي اجربه او او الخ
عساج ع القوه
سلام يا جميلة ,,
من فتره ودي أسألك عن هالموضوع و الحمدلله فتحتي السيرة D:
أنا الهالات مأزمتني بدأت تظهر لي في السنوات الأخيرة أول كنت اذا سهرت وكذا بس الحين أنا اجباري انام و اصحى بدري عشان الدوام
عمري 26 جسمي و ملامحي تخليني أبين أصغر من عمري لكن الهالات مزعجتني جداً 🙁 متخيلة :”(((
جربت كذا كريم للعين ومافي فايده .. و من فتره دكتور مختص في الجفون و القنوات الدمعية قالي الهالات ماترووووح لاحد يضحك عليكي بالكريمات
نصحني أشرب مويا و أخفف من استخدام الجوال و الكمبيوتر و في الليل احاول اتجنب الأكل المالح ( هالأشياء عشان النفخة الي تحت العين أحياناً)
لكن مو عشان الهالات .. فشبه فقدت الأمل انها تروح
من جهه ثانيه ماوصلت لكونسيلر احسه ناسبني من جميع النواحي ( وكمان استخدم كوركتر ) بس ما احس النتيجة ترضيني
وغير كذا ما أحب أحط كل يوم أحس ان بشرتي (تتبهدل)
أشكي لك ولا أبكي لك .. الحمدلله 🙁
الموضوع الأهم من الكلام الي فوق اني ابغا استشيرك بشي مره يهمني
أمي عندها هالات ( الظاهر انا وارثه هالشي منها ! ) و كمان انتفاخ تحت العين و أكيد تجاعيد
ابغا اعالج لها هالمشاكل يمكن نفسيتها تتحسن شوي .. هي كمان ماشاء الله تبي اصغر من عمرها وبشرتها الحمدلله حلوة بس الهالات وهالمشاكل تبين العكس … الي مستغربه منه ان اخواتها الي أكبر منها والي اصغر ماعندهم هذي المشكله فما ادري ايش السبب
( هي بفتره من الفترات صار معاها حادث و دخلت مرحلة علاج و عمليات ما ادري اذا هالمواضيع تأثر أو لا )
الخلاصة .. انا ابددد ماعندي خلفيه عن العمليات او الطرق الي ممكن الواحد يعالج فيها هالأمور و لأي دكتور يلجأ
كيف اعرف اختار الدكتور او العياده الأفضل ؟
هالامور تنعمل مره او ترجع تتكرر بعد فتره ؟
الايجابيات و السلبيات ؟ او الآثار الجانبيه ؟
ايش الي ممكن الواحد يتجه له و ايش الي يتجنبه ؟
حكون شاكرة و ممنونه لك إذا عطيتيني من وقتك و ساعدتيني بهالمعلومات ..
و عذراً على الإطالة .. لكن كانت فضفضة و استشارة .. و ادري قلبك يوسع
لك كل الود (قلب) :*
مساء العطايا الجميله من ربي لاشخاص اخلصوا واحسنوا في عملهم بنية إفادة اكبر قدر ممكن من الناس ..قلووب..
انا احب اسلوبك في الشرح الطويل يخليني اتأكد ميه بالميه انك جربتي المنتج بحرص وبشكل كافي حتى تنقلين لنا معلومه موثوقه.. احب التفاصيل والدقه اللي المسها فيك ..
اعاني من الهاﻻت من صغري ﻻنها وراثه .. حقنت فلر لكن الامر زاد سوء بسبب الكدمات اللي صارت فيني واستمرت ﻻشهر على ماراحت نهائيا .. بعدها سويت ابر دهون ذاتيه وهي اللي نفعتني كثير لكن ماازالت المشكله نهائيا .. بالاضافه الى الهاﻻت اللي على زوايا العين بالقرب من الانف هذي المنطقه مالقيت لها حل..
شكرا لك..♡♡
مساء الحُب والرّضا
تصويرررررك اخ يجنن 3>
بالنسبة لفكرتك يا ارتوس اعجبتني حلو نطبقها، بكذا بيزيد تفاعل متابعينك اكثر ..
بالمناسبة وين غطستي *فيس خجوول*
يعطيك العافيه ماقصرررتي والله
سؤال ع السريع الجفن كيف نرطبه ؟ وضروري ترطيبه اولا
وصح انا البس نظاره من عمر صغير
مافيني هالات بس النظاره معطيه شي يشبه التجويف حول عيني مخلي شكل عيوني كأن فيها هالات وهي بالاصل مافيها
تعرفين شي ممكن يبعد هالتجويف ولا مايروح لين مااترك النظارات
ماشاء الله ربي يفتح عليك يا ارتوسه
انا شخصياً استمتع بقراءة التفاصيل وبالذات مع اسلوبك
الجميل يصير شئ ممتع❤️
.
.
حقيقةً انا من متابعينك القدامى لكن العذر منك مشاركتي قليلة
جداً ، لكن ربي يشهد دائماً ادعي لك بظهر الغيب ماتتخيلين قد ايش كثير اشياء استفدتها منك خصوصاً ان بشرتي مشابهة نوعاً ما لبشرتك، الله يسعدك دنيا واخره..
.
الصراحة انا الان اعاني من عيون غائرة( بمعنى انو اللي حوالين عيوني غائر) ع الرغم انه مو وراثي في عائلتي و انا ايضاً مازلت في منتصف العشرين من العمروالصراحة مسبب لي ازعاج ومشوه شكل وجهي، ودائما يخرب علي مظهري .. جربت كثير كريمات والاستفادة منها ٢٪
.
.
الفيلر داخل مزاجي وبقوة لكن حابة اجرب كريم بوبي بروان extra eye repair كخطوة اخيره.. هل تتوقعين راح استفيد منه او هو مجرد عناية فقط؟!
وع فكرة اعشششششق ليون
يصير احط هالنوع من الماسكات على عظمه الانف قريب زاويه العين الداخليه
لان هالمنطقه اللي اعاني منها جاي لونها على اخضر وماتوضح الا بالتصوير
ومن الزاويه الداخليه وتحت بشوي هالات ورديه ومن فوق الزاويه بنيه
كل الالوان متجمعه بزاويه وحده ههههههههههه
واتوقع من حساسية الجيوب الانفيه لانها تزيد معاها
وبس جربت كريم العيون من كيو في ماحسيت بفرق
وكريمات العيون هل هي مهمه؟؟
مسائك فُل وياسمين ، بصراحه موضوع الهالات هذا يبدا ولا ينتهي ، احنا فينا وراثي وانا من تعلمت القراءه وانا مُصاحبه للكُتب ليلاً ونهاراً سراً وجهاراً ، وهالشّي زاد الطين بلّه وطلع فيني خطوط من قبل ربيعي الخامس عشر 🙁 🙁 ، طبعاً الآن صاحبت الكُتُب الالكترونيه وتويتر وانستجرام ومساوئها ليست بأقل من الكتب الورقيه ..
وانا مُش راعيه سهر بتاتاً البتّه ، اكثر فتره اسهرها في السنه كلها شهر رمضان لووول 🙂 ، وجربت حلول كثير من زيوت ومرطبات وكنك يازيد ماغزيت 😀 ، الشي الوحيد اللي حسيته عالجها عِلاج جُزئي بس ملحوظ وكثير من اللي حولي سألني عنه هو كريم بي كوين ..
وبس خليني اقنع أُمي بالفيلر ومحا اقصر على عيوني لووول 😀
أحبك واحب تدويناتك الطويله الغنيه بالفائده والقرقره الممتعه 😀 وطبعاً راح احب فكره النقاشات والدردشات معك … قلووووووب لحد باب غرفتك
بالعكس هذا الشي الي يميز مدونتك المعلومات التفصيلية والطرح بضمة صراحة قبل كنت اقرأ مدونات والتعليق على المنتج حبيت ومت حبيت مافي معلومات توريني كيفية الاستخدم السلبيات الايجابيات لازم اسوي الف سيرش عشان اشوف بس مدونتك عير ادخل واقرا يا اشتري يا لا ما يحتاج ابحث مرة ثانية جد ماعليك من كلام البعض بالعكس مدونتك متميزة وفريدة وعاد اكثر شي احبه المقدمات الي تسولفين فيها تلفتين النظر على اشياء مايكون بالنا عندها مواضيع جديدة نصائحك موافق لك ❤️
الحمدلله هلاتي خفيفة .. صدق سمعت بهبة استخدام كريم البواسير لمنطقة حول العينين وجربته بالبداية حرقني بس مااهتميت لان اعرف بشرتي تتحمل هالنوع من الحرقة ،، بعدها بشوي حسيت كان المنطقة بلاستيكية مخدرة ونمت يوم صحيت الصباح شي جمييييل جميييل(فيس يصيح) نعومة تحت عيني فضيعة بس ابي المسها ،، بس ماكررت التجربة لان لسا انا مااستخدم كريم لهالمنطقة ماابي اعودها على هالكريم .. اتوقع بعض كريمات العين كذا بس لاني ماجربت من قبل .. على طاري الحرقة ارتوس تدرين اني يوم اسوي ماسك الفحم وجل الصبار عيوني تدمع من قوة الالم والحرقة الي يسببها لي … هههه بس نتيجته الحلوة تخليني اتحمل ،، طولي في كلامك كلنا نحبه
فعلا من بعد مدونتك ماللف وادور تكفي وتوفي جعل الخيرفي طريقك وين ماتروحي
هلا توسه كيفك
حبيت الماسك انه يريح اسفل العين ع الرغم أنو كثير منا مهمل هالمنطقه
على طاري الدكتور احمد أنا واختي رحنا له وعلى طول يعطيك المختصر مثلا شعري قالي مافي علاج فقط عليك بحمام الزيت واختي أعطاها علاج لشعرها تعاني منه من سنين
سألته عن الكريمات اللي تفتح مناطق معينه بالجسم كان جوابه واحد انهم مالهم علاج إلا بالترطيب وكل اللي نسمعه كذب.
وقالي سهل عليا اكتبلك أي علاج وبدون فايدة وخسارة فلوس فاحفظي فلوسك احسن.
وسوري طولت.
الهالات مشكلة اعاني منها انا من كنت صغيره جربت شرايح البطاطس و الخيار و مواد طبيعيه بعدين اتجهت ل الكريمات جربت كريمات كثير مره الغالي و الرخيص و اخر شي سويت حقن الفيلر و للأسف محاولاتي كلها فاشلة .. بالمكياج احاول اخفيها بالمصحح و الكونسيلر بس الا ما يبين ان عندي هالات .. المشكله مو هنا المشكلة ان كل محد شاف وجهي قالو اوه عندك هالات 🙁 طيب ادري ان عندي ماله داعي لفت النظر 🙁 عاد الحين على وشك زواج انا مدري كيف بقابل المحروس بشكلي الطبيعي وانا عندي هالهالات الوضع متأزم :((
تذكرت تعليق زوجي انتوا يالحريم ماتعرفون اشتبون فعلا سويتي جذي قالو لا غيرتي جذي قالو لا مدوّنتج الوحيده اللي اعشقها اولا لأسلوبج الرائع في الطرح وثانيا شموليتج في عرض المنتج وثالثا المواضيع اللي تطرحينها في المناقشات اتخلي المثقفه اللي داخلنا غصب تطلع شخصيا كثير منتجات عرضتيها لي تجارب فيها ومع ذلك احب اقرا من اول سطر لآخر تعليق لأني اكيده اني راح استفيد لو بشغله بسيطه نرجع لمنتج اليوم اذكر وحده من البلوغر ذكرت ماسك نسكافيه وعسل لتحت العين ع اساس يشيل السواد بس ماجربته للأمانه بخصوص الفلر والله نصيحه لا تسويه اللى اللي صدق فيها ام التجاعيد والترهل اذا عودتي عينج ع الفلر لمجرد خط واللى خطين بعد ما يخلص وقته الجفن راح يترهل وهالشي شفته ع اربيعتي وصارت رهينة للفلر اهم شغله ترطيب العين بشكل داااايم وشرب الماي وماسكات اللي اتريح وترطب
تكلمي عن مقشر العين بشكل اوضح وشكرا السرد في الحكي حلو تكلمي بكل اريحية ان شاءالله ياخذ منك صفحتين ايزي كلامك حلوووو
ارتوس جربت كريم اليدين من لوكستيانرائع جدا وناسبني بس ودي في الافضل من تجاربك في كريم تنصحيني فيه؟
ارتوسه تعبت وانا ادور عليه في الشرقيه عندنا وما لقيته ووحده تقول لسه مانزل عندنا بالخليج والسعوديه
عاد انا استغربت مو كانك قلتي انك اخذتيه من هارفي نكلز الي بالرياض
لان هالفتره دابنهامز مسكر عندنا وفافافووم مو موفر الماركه و سنزي وقزاز و وجوه مو عندهم المنتج الي بوجوه قالت لي كذا
ارتوس الله يسعدك ووش اسم مصل فيتامين كي من أي شركة قصدي 888
اشكرلك الموضوع
مفيد وطرحك موضوعي
انا يعجبني بمواضيعك المصداقية والعقلانية بالطرح ووجود رايك الشخصي وهذا اللي يخليني اتابعك
انا من الناس اللي عندهم هالات وراثية وماعرفت انها وراثية الا بمراجعة الطبيب اللي الحمدلله كان عنده امانه وقالي نفس كلام الدكتور العيسى
من الحلول اللي لاحظت انها تخفف من حدة الهالات التالي:
شرب الاحتياج اليومي من الماء
عدم الجلوس لفترات طويلة متواصلة امام شاشة الكمبيوتر
وزي ماذكرتي الترطيب مهم جداا جداا
انا جربت ماسك glam glow لمحيط العين ومفعولة موقت لكن جيد خصوصا في اعطاء مظهر نظر استخدمة اذا عندي مناسبة ويفضل يكون بالثلاجة قبل الاستخدام بفترة بسيطة
مشكورة على الطرح الجميل
يعطيك العافية على هالتدوينة الجميلة
فِعلاً احتاج هالماسك جداً ..
دائِماً احس بِ ارهاق و تعب في عيوني ..
استخدم ( جل ماسك على شكل نظاره ) ماخذته من the body shop.. تحطينه ب الثلاجه لحتى يبرد وتحطينه على عيونك اثناء الاسترخاء ، صحيح هو مو كريم او جل فقط برودة لكن تنعنش و تصحصح العين ..
و طمعت اكثر بهالماسك لانه يحتوي على جِل ..
تحمست كثير اشتريه ، راح اضمه لَ سلة تسوقي قبل العيد ان شاءالله ..
ماقصرتي ، كفيتي وَ وفيتي ..
.
.
.
*وردة لك*
عَندي حق ذا بودي شَوب ، هُو مريح من ناحية الريلاكسينق آكثر
نَورتيني يآلغالية
الا نبي سوالفك وثرثرتك وكل شي كل شي بالعكس استمتع جدا بالقراءه وسردك للمواضيع جدا شيق ومثير .. تااانكيو على كل لحظه تعطينا فيها وقتك .. الا كلامك صحيح ١٠٠٪ وبالمناسبه لحل هادي المشكله مثل ما نوهتي شرائح الخيار تفي بالغرض وتشيل التعب وتعطي منظر مصحصح على قولتك وعن تجربه اما بالنسبه للماسك هذا الحقيقة ماجربته وان شاء الله لو جاء قدامي رح أشتريه نحتاااج مثل هالشغلات بعد يوم شاق وكله ارق