صَباح / مَساء الدَلال
من النادر أكتبلكم ماسكات منزلية للعناية بالشعر ، مدري وَش مشكلتي مع الشعر !!
يجيني إحساس بالهم وَ الكسل إذا قررت أحط شي بشعري خاصة قبل الشاور ، ماعندي مشكلة أستخدم ماسك بعد الحمام بس قبل No WAY ..
خاصة الزيت عندي عداء معه ما أعتقد بيجي يوم وَ نتصالح ، مُجرد ما يطرأ ببالي زيت للشعر ، أتخيل البانيو مَبقع زيت وَ فيه شعر وَ المشط مدهن وَ فيه شعرتين طايحه من جذورها وَ الريحه تعطعط ، وَ احس بالصداع و كأن عيوني منفخة [ حشى وباء صار ]

ساعات أحاول أجرب شغله تكون ببالي وَ أكتشف إني أقعد أسوف فيها شهر شهرين ثلاث ، وَ فجأة يطلع عرق النشاط وَ أجرب ، ثم أغيب 6 أشهر ، سبع .. وَ أرجع أجرب ، مع إني أحب شعري وَ أخاف عليه لكن أستثقل أعتني فيه العناية التقليدية

لا تسألوني عَن ،’
بما إني تكلمت كثير عن خامة شعري ، كثير بنات يسألوني عن الفرد أو تنعيم الشعر … إلخ من هالأمور .
للعلم بس عشان ماترجعون تسألوني عن علاجات من هالنوع ؟ أبد مو مُهتمه بتنعيم شعري وَ لا سبق إستخدمت هالأمور بالعكس أنا فرحانه إنه كيرلي وَ أزعل إذا فقدت الطعجه وَ أكثر شي يعجبني بشعري إنه مايتعبني أقدر أجعده بماء فقط وَ ما ياخذ مني وقت أبد ، وَ إذا قررت أنعمه بعد ما يتعبني ، مو تاعبني في حياتي غير إنه دهني بس .

تصدقون عاد أغلب عيلتنا يمتازون بالشعر الطويل وَ الكثيف ، وَ خص نص جداتي كلهم شعورهم طويلة وَ ناعمه حتى وَهم كبار بالسن ، عاد أنا خامة شعري طالعة غريبة بينهم كني طفل يهودي ههههه، الغريب في الموضوع إن قريباتي شعورهم نفس الجدات ، وَ يسألوني وَش تسوين لشعرك
كيف تجعدنيه ؟ أقولهم الطريقة مايصدقون دايم يعتقدون انه فيه سِر مخبيته عليهم ..
[ وَ هذا وَ شعورهم تَهبل ، بس بَني آدم طَماع يبي كَل اللوكات ] ..
وَ الله الناس إمتحنوني بحياتي بشغلتين ، شلون تطولين أظافرك وَ ماتتكسر ، وَ شلون تجعدين شعرك وَ تلفينه ، وَ شغلة ثالثة مابقولها أخاف تزعلون

نرجع لموضوعنا
Coconut Milk Pre-Poo
[ سبق وَ شرحت لكم مَعنى البري بو بهالمَوضوع ، للإطلاع أضَغطي هُنا ] 

موضوعنا اليوم بسيط وَ مافيه ذيك الطلبات، مجرد شغله وحده بس تجيبونها من السوبر ماركت وتفقسونها بروسكم وَ صلى الله وبارك
أبيكم تدورون بالسوبر ماركت حليب جوز الهند تلقونه بأرفف المأكولات الهندية أو الأسيوية ، يعني شي مو صعب متوفر بالسوق

…