يآمَية هلآ وَ مية ولَكم وَ مية عَربون مَحبه
صَراحه أقدر أقولكم جربت أغلب غسولات البَشره , حتى فيه غَسول جربته للبشره سَعره بخَس أتوقع بـ 19 ريال , للأسف حصلته هذاك مره وحَده وَماجابوه من جَديد بَس خطير خطير إذا لقيته تَوفر من جديد بَصوره لكم وَ أزين عنه رَيفيو ..
المُهم بشرتي ماتتحسس من الغَسولات جربت فيشي , افين , وَ وَ وَ وَ جيدين لكن مُهمتهم الأولى هي تجفيف الدَهن من البشره الدَهنيه , وَ هالشيء غالباً نتيجته عَكسيه عالبشره , ممكن يغير حال البشره الدَهنيه لبشره جافه وَ أكيد كثير منكم لَمس هالشيء وَ عانى مَنه .. أو مع الوقت تسبب كَشط للبشره وَ يخلي الأفرازات الدَهنيه تَزيد …. إلخ
[ أتكلم بالمُجمل , يعني مو تحديداً لبراند مُعين ] ..
فيه منتجات للبشره الدَهنيه وَ مخصصه للبشره المليئه بالزوان وَ المسام , كانت نتيجتهآ سَلبيه جداً
لدرجه ممكن يكون مكان كل مسامه دَهون + شعر .. وهالشيء رُبما تلاحظونه على كثير ناس من حَولكم مسامه وَ شعره
المُهم أنا أحب أجرب وَ أجرب لَين بيوم من الأيام طاح بيدي هالغَسول , تقريباً لي أتوقع أما سنتين أو سنه ونص وَ أنا أستخدمه
وَ حلاته يَعيش لفتره طَويله وَ متوفر بجميع الصيدليات
DECLARE – Pure Balance
Purifying Cleansing Gel
سعره ~
أكثر من مَيه وَ أقل من مَيتين
يَمكن 120 أو 160 أو 180 ريال أعذروني ما أحفظ الأسعار مرآت
مُواصفات المُنتج ،’
ينظف وَ ينقي البشره وَ الأحلى أنه خفيف عالبشره الحساسه يعني مو قوي .. فيه كثير بشرتهم دُهنيه بس حساسه يعني مساكين لا يَقدرون يجففونهآ زياده وَ بنفس الوقت مايقدرون يرطبونهآ هُم وصفوا المُنتج بأنه لطيف , يزيل الدهن وَ الزهم بدون مايأثر على البشره الخارجيه وَ رطوبتهآ
يَحتوي على حَمض اللاكتيك , نفس الحَمض الموجود باللبن
طَريقة الإستَخدام ~
هُم كاتبين يُستخدم صباحاً وَ مساءً ..
لكن أنا أستخدمته بطريقه مٌختلفه فَقط مساءً , وَ لمُدة شهرين وَ من ثُم راحه لمدة شهر وهكذا دَواليك
لأن فيه حَمض من باب الراحه للبشره إني أتَقطع , بكذا لا أأذي بشرتي وَ أصير أطهرهآ وَ أنقيهآ بَشكل مُستمر , وَ لا أكون أجففهآ بشكل مُبالغ بَه ..
وَ بالصباح أستخدم أي غَسول أخر خفيف وَ مايكون قَوي وَ قاسي ..
عموماً هذي سياسه أتبعهآ بالشامبو وَ معجون الأسنان …إلخ , وهالأمور الروتينيه اليَوميه الدَوريه ..
ما أستخدمهم أكثر من شهرين , دايم أغير وَ أجدد ..وَ أرجعلهم عقب فتره .. لأن الإستمرار بالشيء مايعطيك مفعول جَديد , طبعاً إلا الشغلات المطلوب بها الإستمرار لأشهر مَعينه مثل بعض أنواع الفيتامينات أو الآمبولات .. إلخ
تَقييمي للمُنتج 10 من 10
مافيه عيب وآحد
دُمتم بَحب
مُلاحظة / هذه التَدوينه تَم نشرهآ سابقاً بتاريخ 11-07-2014
هالغسول احبه كثير لأنه جا بعد سلسلة من الغسولات المجففه اللي تسببلي حساسية و قرص
فرحت فيه جداً لما ناسبني
عرفته منك يعطيك الف عافيه :*
سعيده بَتجربتك المَوفقه مع الغَسول
نَورتيني
يعني ممكن احصله بصيدليات النهدي ؟ ( ماكو بمنطقتي غيرها )
ماعندي خلفيه عن تواجدها بصيدلية النهدي , لكن ممكن تدورين منتج غيره وَش رايك ؟
شكرآ لك ارتوسه
وصفك للمنتجات دائما واضح ومفصل
اكون مرتاحه لما اقرر اجربه
يعني مو بس تمدحينه وخلاص بس ،، توضيحك دائما مفيد
شكرا لك وشكرا لعطائك
مسااء الخير عززيززتي
صراحه اشكررج ع المدونه اللي نستفييد منها واييد
فعلاا احس استفدت من تدويناتج
بس لو سمحتي ممكن تتكلميين عن فررش سيقما و بعد لو تتكلميين عن المكيياج الصباحي للجامعه يعني شو افضل فاونديشن و واقي شمس
يززاج الله خييرر و مشكووره أووي
بإذن الله لو تَكلمت بتكلم عن أفضل فراشي سيقما
وَ أسعد بأقتراحاتكم , نَورتيني
ارتوسه كيف اعرف الغسول اذا يصلح للحامل او لا ?
ششكرا لك
أكيد بيكون مَكتوب عليه , هل الدكتورة محذرتك من شيء مُعين ؟
لا مافي اي تحذيرات…
لكن كمعلومة عامة قرأت ان بعض الاحماض مثل حمض السالسليك و حمض الهايدروكسي أسيد ممنوعين للحامل ..
جربت هالغسول قبل كم شهر شريته من وايتس الرياض جاليري اعتبره صراحة من الغسولات النادرة الي تناسب البشرة الدهنية الحساسة ينظف بدون مايجفف البشرة بشكل قوي زي باقي الغسولات حبيته بس ماراح ارجع اشتريه لاني احس مازال فيه اشيااء كثيرة تستحق التجربة
مُمتاز إنه ناسبك .. وَ الفرق تحسينه مَع الوقت ..
وَ ياعيني عالناس إللي تَحب تجرب , أسعدني تواجدك يالغاليه
السلام عليكم،
طبعًا أنا من هذيلا المساكين
طيب انا استخدمت هذا الغسول بس جفف بشرتي ولازم استخدم كريم بعده هل عادي اني استخدم كريم ووش افضل كريم استخدمه بعده ياليت يكون متوفر في جميع الصيدليات وشكرا لك
الله يوفقك
الف شكر على هالتدوينه الجميله اول مره ادخل جد استفدت كثير .. حاب تتكلمين عن اقضل نوع لمزيل العرق من ناحيه الاضرار ومن ناحيه الاسمرار
انا وصفت لي دكتورتي بعياده ادمه غسول رائع الي قرابت 3 سنوات استخدمه سعره من صيدليه ادمه 110. ريال
اعجبني الغسول لازم اجربه ،، لان تقريباً مافيه شي ما جربته ،، و فيه ماركه ودي تجربين منهم غسول وتعطينا رايك الي هي لاروش بوسيه مجموعه البشره الدهنيه فيها غسول وكريم ماخذ برائه اختراع على قولهم هي مجموعه كبيره فيها خرابيط كثير بس هاذي مع التونر الي ماخذه اعلا تقييم
السلام عليكم
انا بشرتي مختلطه وحساسه في نفس الوقت واعاني في اختيار الغسولات والمرطبات لانها تطلع لي جبوب ببشرتي الا مارحم ربي
ان شاء الله لي تجربه مع هذا الغسول لين يخلص غسولي وبخبرك بالنتايج
السلام عليكم ورحمة الله وبركاته
ماشاء الله تبارك الله ،
أحببت مدونتك كثير ، خصوصًا تدوينات غسولات البشرة . .
التدوينات الأولى لمعرفتي بالمدونة .
كانت لي تجربة سابقة مع غسول neodrema .
جيد لحب الشباب ، لكن جفف لي البشرة كثير . .
بإذن الله لي تجربة لهذا الغسول .
إن سمحتِ إن كان لك تجربة مع كريمات الوجه للبشرة الدهنية والمختلطة،
أن تتحدثي عنها . .
وشكرًا عزيزتي . متابعة لكِ دومًا =”)
شكله حلو هل ينفع أخذ نفس الشركة بس للبشرة المختلطة او الجافة ؟
وشكراً من الأعماق آرتوسه
هل يمكن استعمال هذه المنتجات بالنسبة للمراء الحامل
مشكوره ارتوس ?