صَباح / مساء العُيون المَزغلله
صَراحه أمَس ما كَنت أدري عَن وَش بكتب ، فكنت أدَور تدوينة قصيرة ما تآخذ كثير من وَقتي
الصَدمة طلعت هالتَدوينة أطول بَكثير مما تَوقعت ، لَو إني مَنزلة مَوضوع ثاني أبرك لي .. عيوني زَغللت
[ زغللت وَ ليس شيء آخر لوووووووول أعرفكم تَحبون المُشاكسه وَ بتحذفون لي حَرف اللام ]
مِن فَترة كُل ماحاولت أرتب أغراضي وَ غرفتي ، أفَشل في إيجاد تَرتيب مُناسب !!!!
[ خاصة التسريحة وَ الماكياج ]
أرتبها وَ ترجع تنحاس بغمضة عين ، مجرد مأطلع وَ أنا مستعجلة التسريحة يصيبها تسُونامي
جَربت الفواصل وَ التقسيمات لكن مافي أمل ، وَ بيني وَ بينكم أحس شَكلها شيب يشوه التسريحة في حال واحد حطها فوقها ، يا دوب أتقبلها داخل الأدراج وَ مع ذلك طريقة توزيعها مُو ملائم لأغلب العبوات ..
لما ماكياجي كان بشَنطة ماكياج مٌستقلة كَنت مرتاحة أكثر ، لكن الشَنطة صارت ما تُستوعب كم الماكياج إللي عندي
وَ إن جيتوا للحق العَيب مُو من الترتيب أشوف العيب الأكبر إن الماكياج صاير أكثر من حاجتنا ..
كَوني أدون بَشكل دَوري صايرة الغُرفة كارثية جزء مُنتجات ما جربتها ..
وَ جزد مُنتجات أستخدمها وَ تحت الإختبار ..
وَ الجزء إللي أشوفه كارثي بالنسبه لي هٌو المُنَتجات إللي خَلصتها وَ محتفظه بعلبها فَاضية بس عشان أتذكر أكتب عنها وَ أصورها، تاخذ حَيز كبير و بحكم إني مُسّوفة وَ كل يوم أقول: بُكره بَصورها وَ بنزل تَدوينة عنها ..
وَ إكتشفت إن هُالمنَتجات عبت كَرتون كامل لدرجة من كثر ما أنساها أنسى إنطباعي عنها وَ غالباً بالأساس تكون منتجات ماعجبتني أو ماتستاهل تدوينة مستقلة .
فبما إن طبعي يغلب عليه التسويف ، حلو كل موسم أو بين الفترة وَ الثانية نقلب غرفتنا رأس على عقب ، الشغلات إللي مانبيها نصرفها لناس مُمكن يحتاجونها ، وَ إللي إنتهت مُدته نرمية وَ الأهم وَ الأصعب إنا ما نشتري شيء إلا وحنا محتاجينه فعلاً
قاعدة الـ ٨ أشهر ~
صار عندي قانون أي شي يَعدي عليه ٨ أشهر وَ ما إستخدمته أصرفه لإني بعد هالفترة ماراح أستخدمه ، عاد تَعرفون الإنسان طبعه تملكي وَ يرتبط عاطفياً بأغراضة
لذلك حتى لو حاطة إحتمال بَقلبي إني مُمكن أستخدمه مَرة وحدة بس أشد على قلبي وَ أصرفه لأنه بالأساس إكتشف إن إحساسي كاذب وَ نابع من مبدأ حُب التملك
قَبل إسبوعين قشيت نُص المَاكياج وَ الشنط وَ الملابس وَ العبايات وَ الجزم وَ حتى الأجهزة وَ الصُحون وَ الشوكولاته وَ صرفتهم
إكتشتفت شَغلات عندي ناسية إنها عندي وَ ناسيه إني شاريتها بالأساس وَ لا إنلبست بالمرة مع إني سَنوياً أصفي أغراضي ، بس هالمرة إتبعت نهج الـ ٨ أشهر
لذلك توصلت لقناعة إن ماعُمر غُرفتي بتترتب إذا عندي مُنتجات فائضة عن الحاجة [ وش رايكم بس بهالقناعة لووووول ]
وَ اللي توصلت لترتيب أفضل رُغم كَثرة أغراضها تعلمني مع إني بستمر بنهج الـ ٨ أشهر
للمَعلومية حَكمل السَنتين تقريباً وَ أنا أدور لي على غُرفة نُوم تَحقق أحلامي ..
وَ غرفة مَلابس تَلبي مَطلبي ، وَ توصلت لفكرة مَبدئية يارب يارب لو طَلعت زي أحلامي بشارككم فَيها
وَ لو تَورطت أنا وَ تصميمي الفاشل بَستر على نَفسي وَ لن يَتم العَرض هههههههه بالرُغم للآن وَ لا شركة قبلت بلي بَراسي
بس إلا ما أحَصل شَخص جريء يَسويها لي ، بالرُغم كل مَن شاف تَصميمي قالي وَش ذا !! ما تَنفع بالسعودية .. بس بَخليها تَنفع
[ يَعني بَسوي لكم روووم تَور قريباً وَ أكيد بعرضه لمُتابعيني إللي دايم مَعي كَنهم خَواتي ]
وَ زي ما قَلت لو فَشل هوووووص لا مَن شاف وَ لا من درى ..
مِن نتائج التصفية إللي سَويتها هو مَوضوع اليوم جمعت لكم مُرطبات الشفايف إللي إستخدمتها خِلال هالسَتة أشهر ، أغلبها مخلصتها وَ ماكتبت عنها وَ حاطتها على جنب
وَ ركزوا مَعي يعني المُنتجات إللي شَريتتها هالمرة مُو الأفضل منها الزين وَ الشين مُجرد توفرت عندي هالفترة بحثاً عن الجديد أو السعر المعقول وَ خلصتها
كُل المُنتجات من الصيدلية ..
المُنتج المِثالي بالنسبه لي ~
• مُنتج تَرطيبه مُمتاز بالدَرجة الأولى
– كيف أحكم على ترطيبه ؟
لما أغسل شفايفي وَ أحس الجِلد المَيت ينزل بسهوله وَ البشرة تتجدد تلقائي أعرف إنه بيرفكت
• ما يكون عطري بشكل مزعج يحسسني إني ماكله عِطر كل ما شربت ماء
• ما يكون فيه لون عشان أستخدمه كل وقت سواء تحت الماكياج أو وَ أنا نايمه بحيث ما يبقع مَخدتي
• يكون سَهل الإستخدام وَ عملي في المد
• نسبة الحماية مِن الشمس ما تعنيني كثير بس لما كنت أطلع الشمس كانت شيء مُهم بالنسبه لي
الريفو بيكون سَريع ما راح أذكر تَفاصيل كثيرة بركز على إللي حَبيت ترطيبه أكثر شيء وَ راح أذكر العيوب بالنسبة لكل مُنتج
بيتم ذكر المُنتجات إبتدأً من اليَمين إلى اليَسار
Dermaglow Collagen Lip Plumper | مكبر الشفاه بالكولاجين من ديرما جلو
هذا الأفَضل وَ شهادتي به مَجروحه ، الشفاف مَنه نادراً أحصله بس المُلون غالباً مُتوفر ..
وَ سبق وَ كتبت مَوضوع عَنه ( للإطلاع إضغطي هُنا )
Eucerin Lip Active | يوسرين ليب أكتيف
أكثر واحد حبيته بينهم لأن ماله لون وَ تقريباً ماله ريحة وَ سَهل الإستخدام
يرطب بشكل سريع وَ يظل ترطيبه حتى بَعد ما تغسلين شَفايفك لأن فيه سيتيل بالميتات وَ هالمادة شَمعية تحفظ الرطوبة وَ ماتذوب في الماء وَ تحبس الرطوبة
قوامه شمعي بس مو دَبق وَ لا يلمع مثل الفازلين يعني إذا حطه رجال مابيتفشل لوووووول
نسبة الحِمايه فيه بسيطة حول ٦ ٪
فيه فيتامين E ، وَ ديكسبانتينول وَ هالشيء يخليه يَناسب البشرة الحساسة وَ المُتشققة وَ الجافة
فيه زيت الخروع
رأيي عَنه : مِن المُرطبات الجيدة إللي مُمكن أرجع أشتريها
سِعره : حول ٩٠ ريال سَعودي
سعره على مزاياه أشوفه غالي شوي لكن شخصياً حبيته وَ فيه بعد مرطبات من يوسرين أفضل منه، ماصار عندي ثقة بأسعار الصيدليات هل هو غالي أو غالي عندنا بس !!
وَ عفكرة تراه إبن عَم مُرطب فيشي وَ مُرطب أفين للشفايف إللي بَنفس الشَكل ، اللهم أحسن منهم من ناحية بقاء ترطيبه لَفترة أطول
Maybelline Baby Lips Lip Balm | مرطب ميبيلين للشفاه
هالمُرطب مَسوي ضجه
سَعره رخيص وَ متوفر بكل الصيدليات
أول واحد جَربته الأسود وَ البرتقالي لونه جاي إلكترك شخصياً ما أحب المُرطبات المُلونه
لونه مو حلو برتقالي فاقع حسيت شكلي يطلع كني شاربه ميرندا [ طبعاً شريته لأن أغلب الألوان مَخلصه من الصيدليه مافي إلا لون الميرندا ]
بس حبيت ترطيبه يرطب من قلب وَ ريحته كيوت مثل الحمضيات
بعد ماخلص شريت إللي لونه أزرق ماله لون شفاف الغريب مُختلف عن الملون ترطيبه مختلف ما كان ترطيبه كافي لشفايفي حتي إحساسه خفيف
بحملتهم التَرويجيه قايلين إنه خلال إسبووع راح تلاحظين فرق بنعومة شفايفك وَ مظهرها وَ بتجددها لنسبه تصل حتى ٨٠٪ ، أيضاً يقولون ترطيبهم راح يستمر ٣ ساعات
من مُكوناته السيلكون وَ زبدة الشيا ، أغلبه مواد كيماوية
الضجه إللي مَسويها أكثر مِما يَستحق بس سعره يشفعله
تَعليبه طُفولي
GREENLAND LIP BALM STICK PAPAYA | مرطب الشفاه من جرين لاند بالبابايا
٩٨ ٪ من مواد المنتج طبيعية
خالي من الباربين وَ الزيوت المعدنية وَ البارافين
مِن مُكوناته : زبدة الكاكاو ، زيت الجوجوبا، زبدة الشيا وَ شمع العسل
وَ مع ذلك ما أضاف لشفايفي شي عادي ترطيبه آقل من عادي ماراح أشتريه مِن جَديد بس ماجفف شفايفي
عُموماً هو أخذته مع مجموعة بصندوق عبارة عن مُرطب شفايف وَ زبدة جسم وَ الظاهر كريم يد ، ماقدرت أحكم عليه لأنه مُو لهناك وَ بنفس الوقت مو سيء بس مو شيء أرجع أشتريه
شَكل عبواتهم كُيوت بس ريحته مِثل تانج بالضبط
Beesline Fruity Lips Berry Kisses | مرطب الشفاه من بيزلين
شريته بناءً على نصيحة البنات الظاهر البنات لاشافوا شي بنك وَ مكتوب عليه روزي وَ لا بنكي أعجبهم
لايغركم تشوفونه مخلص ترى إستخدمته كزيت تشحيم
من أسوأ ماجربت من أول إستخدام له شفايفي تقشرت وَ صار لونها ابيض كأني مرطبتها بكلوركس مو مرطب ، نفس إللي صار مَعي مع مرطب eos
ممكن مايكون ناسبني ، ريحته مِثل الحَلاوه ، تعليبه جداً ركيك
مِن مُكوناته : شمع العسل وَ زيت جنين القمح
ماراح أشتريه وَ إذا شفته بفرك وَ صح يمكن سعره ١٥ ريال نَسيت
وَ هنا صَورة جَماعية وَ هُم مَفتوحين وَ مشفوطين شَفط
مَن اليمين إلى اليَسار أيضاً
Figs & Rouge 100% Natural Wild Cherry Balm
مِيزته طَبيعي ١٠٠ ٪
ينفع بلسم للشفايف وَ لليد وَ الجسم
مكتوب بالكرز البري بس أنا أشم ريحته مثل قمر الدين
شكله كيوت مُناسب للسفر لأنه مُتعدد الإستخدام
أتوقع أي أحد مطول أظافره مايحب هالنوع مِن المُرطبات ٫ لأن صعب تاخذ بطرف الإصبع مضطر تاخذه بطرف الأظفر عَلى المَقلوب
غير إن عملية فتحه ساعات تَكون صعبه ، تعليبه كيوت فنيتج
المُفضل لـ Emma Watsons
عني مايهمني يكون المُنتج طبيعي أو عضوي ١٠٠٪ بس أتوقع كثير يهمهم
كترطيب جيد وَ يرطب وَ بس مو أكثر ، غني بالفيتامينات وَ زيت الخروع وَ الشمع
المُنتج ما أدري إذا مُتوفر بصيدليات السَعودية ، لكن مُتوفر بالإمارات
Vaseline Lip Therapy – Rosy Lips
الفازلين مَعشُوق الجَماهير صراحة ترطيب الفَازلين العَادي بالشفايف مُمتاز لكن يعيبه إن إحساسه مُزعج وَ طعمه مزعج تحسين بزيت تشحيم
لكن مع هالعلبه يميزه إن تعليبه كيوت وَ جذاب للإستخدام بالإضافة إنه يعطي لون طفيف جداً يكاد لا يذكر
بس قوامه سميك وَ بنفس الوقت أكثر سلاسه في المَد وَ غير مزعج وَ ريحته حلوه
لكن كمفعول ماشوف فيه فرق عن الفازلين العادي ، مع إنهم كاتبين بالورد وَ زيت اللوز بس يظل بتروليوم جيلي
مُجرد مُرطب ، يعني لاهو مُعالج وَ لا مايحزنون ميزة الفازلين متوفر بكل مكان وَ سعره مُناسب للجميع
مَن اليسار لليمين ..
ROUGJ j Volum-Age HYDRATING TREATMENT
Enhanced Drops for the lips
المُنتج حَجمه صغير مرة ترى أصغر مِن صمغ الرموش ١٠مل
يُستخدم ككريم للعين وَ مرطب للشفايف وَ بريمر للعيون وَ الشفايف تَحت المَاكياج
المُنتج مثل مايدعون إنه علاجي ، فيه حمض الهايلورينك آسيد وَ الكولاجين وَ السيلكون
يرطب الشفايف وَ ينعمها وَ يوخر التجاعيد وَ يعطيها إمتلاء
يستخدم بأخذ قطرة وَ دهن المَنطقة صباحاً وَ ليلاً
رأيي عَنه : عن نفسي أقولكم مُنتج خابور وَ هذا وَ أنا مافيني مشاكل شَلون لو عندي ، ترطيبه مثل البسلم خَفيف وَ قوامه سائل مره كنه لوشن تحسين مايمديك تاخذين منه إلا وَ قطر وَ أنتشر كأنه بَتمدين لبن مدري قوامه يَتزحلق ، مع إنه فيه سيلكون ما أحسه كان مُناسب قبل الماكياج مو أفضل بريمر
صراحه ماكملته وَ لا إستمريت عليه حسيته مزعج ، مدري يمكن كان يبيله بشره ناضجة أكثر يبين عليها الفَرق
بس كَمُرطب ماكان كافي مرات أتذكر وَ أستخدمه تحت الماكياج وَ مرات آنسى لين خلصت مُدته وَ ما قَدرت أعطي إنطباع دقيق عنه
سَعره : ١٣٥ ريال أو ١٥٠ رَيال أو ١٦٠ رَيال شيء زَي كذا ، حَسافة قَروشي فيه كأني شَريت لا شيء
BRUNO VASSARI – DAILY UV BRIGHTENING LOTION SPF40
برونو فساري بالأساس المُنتج هو لوشن لتفتيح البشرة وَ البقع مع عامل حماية من الشمس بنسبة ٤٠٪
يُستخدم لعلاج البقع وَ أيضاً لمنع بقع الشمس وَ واقي من الشمس بنفس الوقت
الكريم يُستخدم مرة واحدة فقط كمرطب أو تحت المَاكياج
حجمه جداً صغير كلوشن ٤٠ غرام
هو مُو مخصص للشفايف بس ينفع يستخدم كمرطب للشفايف خاصه للي يتعرضون للشمس
لونه بالجسم يبين عادي بس بالشفايف بيبن لون شفايفك أبيض لذلك لازم تحطين روج فوقه
يساعد إن الشَفايف تتقشر وَ تفتح وَ تتجدد ، ما عَمري إستخدمته كواقي شَمسي لوجهي أو تحت الماكياج
جَبته عَشان وَقتها كان عَندي شغل صَباحي ثقيل دَم لمُدة شهرين وَ بتعرض للشَمس ، إستخدمته تَحت الرُوج
ما أقدر أقول حَلو أو زَين ، ما شَفت فيه شيء ، ما عَندي تصبغ بالشَفه عشان أحكم، مَقدر أكون عَنه إنطباع
بس إللي يطلعون وَ يداومون بالجامعة خاصة يَهتمون بسالفة إن المرطب يكون بَه نسبة وقاية من أشعة الشَمس
هالمُنتج : أتوقع شريته إما بـ ١٦٠ ريال أو ٢٦٠ ريال أو ٣٢٠ ريال المُهم وَقتها قالي الصَيدلي عَوزاه
قلت : إيه عَوزاه ، قال: بَس غالي ، قَلت بَقلبي ما تَدري بَحطه بَشفايفي كان تَنجلط
مَعلومة عالطاير ،’
مُرطب الشفايف مُمكن يستخدم لحلمات الصدر وَ ترطيب الكيوتيكل حَول الأظافر
وَ ليش أركز لكم إن المُنتجات فيها سيلكون ، الشفايف ما تتضرر من مادة السيلكون هالكثر لأن مافيها مسامات راح تنسد
وَ الشفة مُو معرضة للحبوب أو البثور ، لكن أثناء النوم لو حاطه مُرطب فيه سيلكون وَ بقع بالمَخدة قد تظهر حبوب عالوجه
فيه بنات أعرفهم شَخصياً يعانون من مرطب الشفاه يطلع لهم حبوب ، هُم ما يدركون السبب لكن أثناء البَحث أقولهم غيروا مَرطب الشفاه
وَ فعلاً مُجرد ما يَغيرون يقولون لي سَحر ، شَلون عرفتي ؟!
وَ نفس الشيء مُرطب الشعر يسري عليه نَفس الكلام
وَ أخيراً مُنتجات جربتها ثانية وَ حتى إللي يَتابعوني من زَمان أكيد شافوها بكتاباتي السابقة وَ مابرجع أشتريها
مُرطب نيتروجينا وَ مرطب كيو في وَ مرطب فازلين العصار عاديات بَس يرطبون ما فَيهم زُود عالأقل بالنَسبة لي
هذول المُنتجات إللي بالصَيدلية ، يَمكن فيه شيء جَديد ، صَح شفت ماركة سعر مرطبهم يَمكن ٢٠٠ ريال وَ حولها بصيدليات الحَبيب
قريته قَلت خلاص كَفاية ، كلكم زَي بَعض وَ لا شريته وَ ما أظن بَرجع أشتريه ، شَطبنا عالصَيدليات وَ الباقي بتكون ريفيوهات عَن شغلات حُلوة من مَحلات التَجميل ، لأن طَفشت حَتى ما عليهم مَعلومات هالمُنتجات ..
إنتظروني غَداً بتدوينة تتعلق بالشَعر ..
دُمتم بَحب
تم
صباحك حماس
الله يكتب اجرك ع هالتدوينات ويجزاك كل خير
الله يخلي عيونك الي نزغللت عشانا
شوفي لو ماصارت غرفتك حويسه وقت الطالعه وكارثه ع التسريحه ماعندك انوثه هالحوسه تعتبر قمة الانووووثه لا تشيلي هم
مكياجي بعد الحوسه جبت شنط ورتبت كل شي بشنطه الارواج بشنطه الفرش والاسفنج بشنطه وووو ارتحت شوي من البعثره بس الحوسه لابد منها
اما منتجاتك المنتهيه سوي تدوينه وخلي عنوانها تصفيات كرتون ٢٠١٥ وااكتبي تدوينه مختصره عن الي يستحق والي مايتسحق خليه بكرتونه واقرب زباله الله يكرمك
اما غرفتك وتخطيطك مايحتاج اتكلم هنا كافي الانستا
نرجع للمرطبات
مقهوره من الصباح احاول افتح اشوف الصور ماش مو راضيه النت بطي
شكلي باشتري الممتاز الي اعجبك اهم شي يرطب من قلب ويشيل القشور مدري ايش صايبها جفاف مو طبيعي وحراره مع اني حريصه ع الماي وصرت ارطب بفازلين اهم شي تترطب وتريحني من جفافها
بارجع للتدوينه بعد ماتتحمل عندي الصور
تم
يالله وشلون نسيت ذا التعليق كتبت تم ونسيت ارد بعده الظاهر حينها النوم كان طاغي ههههههههههه ..
نرجع للتدوينه اممم حبيت المرطبات العلاجية ?..
م عمري جربت مرطبات من الصيدليه لايبلو و كرهته لاترطيب والا علاج ?.
وبعدها حولت على الفازلين ولا مازلت استخدامه الى الان خصوصا الوردي ترطيبة عاجبني بس من بعد التدوينه ذي راح اجرب المرطبات العلاجيه اللي قلتي عنه ??..
واخيرا ختمت الواجبات التدوينات كلها ?.. من عصر وانا احل بالواجبات ?.. روقت وقتي عليها وزينها كن رواقه بالذات مع الشاهي ?.. م احب القهوة والا كانت تقهويت على تدوينك ?.
من *
نحجز مكان ونرجع نقراوصباح الفل يا جميله
تسجيل حضور لين ما ارجع من الجامعة ❤️❤️?
رجعت ?، يازينك ، اول مره لفتني ان عنوان التدوينة بالعربي فقط. المهم تدوينتك هذي واللي قبلها جات بوقتها. امس الصبح كنت في الصيدلية وبشتري كريم يد وقلت لا خليني ادور حاجة ثانية لاني ما احب اشتري نفس الشي مع ان اللي كان عندي كان لا بأس به. كنت استخدم جونسون لليدين شديدة الجفاف وحبيته لكن تمنيت اغيره. وكمان المرطب من زمان نفسي بمرطب واقي من الشمس ومدري مين قالت لي ميبلين فيه نسبة وقاية مدري هي منحدها ولا بس تتوقع ، بس شفت بزارين من البيت مشترينه وقلت لا ? مابجلس اتلخبط في اغراضي مع الاطفال. وكان عندي مرطبات من بودي شوب ما اعجبني ترطيبها وبس مجرد طعم واحس شعورها زي الفازلين وكذا ماحبيتها تدبق وييع. اشتريت العلبة كاملة ليتني عالاقل اشتريت واحد وجربته وشفت. خسارة فلوسي بس. وكمان صدمتيني ان المنتجات التحميلية افضل. دايماً احس الصيدلية افضل واقول لنفسي اكيد ماتعرفين تدورين. يعني احس الصيدلية تخصصها هذا لكن التجميلية ترويجية وكذا فهمتيني !! قبل شوي رجعت من الدوام بس كان الجو مطر وبارد يعني لولا الجو كان نفسيتي تعبت. هههههههه
صباح الفل والياسمين ? يالزينه عندي سؤال،،،،وش لون نجمع بين ترطيب الجسم بالزيوت زي الاركان وجوز الهند وبين انها ممكن تسبب حبوب وتسد المسامات؟!يعني اخلط شوي من الاركان مع المرطب والا كيف؟!الله يغفر لك ووالديك على كل شي تقدمينه ونستفيد منك
مَع إني طافية بَس لأن سؤالك مُهم ..
بَقولك رأيي الشَخصي ، الزيوت تعدم المَلابس بشكل عام يعني هل يَعقل بلبس لبس ساتان وَ بدهن بَزيت ؟!
زي زَيت الآركان وَ زيت جوز الهند هذول يستخدمون بعد مُداهمة للجسم أو عمليات فرك أو سنفرة ، تختارين يوم كذا بشرتك تتغذى وَ تلبسين بيجاما قَطنية وَ تنامين
لَكن كل يوم كل يَوم ما أشوفه لا عَملي لا لملابسك وَ لا لجسمك وَ لا لفرشك وَ لا حتى لشريكك الحياة تَوازن
شغلة كل يوم بَدهن أنا ما تَقنعني ، لأن الشياكة برضو لها مَكان ..
اللوشن العادي يَكفي وَ بالإسبوع مَرة وحده رطبي بزيوت .. بكذا بتوازنين حتى بجسمك وَ تغذيته
جربي مرطب نيفيا مره حبيته ?
صباح الحب
جربت لاينو مرطب بزبدة الشيا ماركة فرنسية الصراحه عجبني اشتريته من آدمه قبل سنتين مدري هو افضل شي جربته الى الآن واعتقد موجود بالنهدي كير
عاد لابيللو حب الطفولة الحين حتى لو ماستعمله احب اشم ريحة الكرز لمن اشوفه , جربت حاليا هو عندي من زمان لابيللو البرتقالي بالحليب والعسل هوا اصلن للحماية من الشمس spf 30 قلت اجربه شكلي برميه لان مشتريته من سنتين اعتقد و مابقى شي اصلن لان مكتوب 12 m غير مرطب aloe vera 24 months فيه حماية UVA/UVB بشجرة الشاي و لايسين و الفيتامينات
جربت بيزلين الوردي انا وصغيرة حتى ماكانت شركة بيزلين بذي الشهرة الي حاليا , اشتريته بس عشان ريحته ذكرتني بغزل البنات وماعتقد حتى جربته مدري ليش تحسست , بيزلين الأصفر أفضل بشمع النحل طبيعي 100% وبدون مواد حافظة ومن العطور المكونات : شمع النحل الخام , خلاصة الجزر , زيت جنين القمح , شمع الكرنوبا , زيت حبة البركة . احس بتتحسسي منو يمكن عشان ريحته خخخخخخ امي كل شوي تجيب منو وجابت لكل اخواتي رحت في الأخير ماستخدمته لخبطت معاهم غير كذا عندي 2 مليان منو
اما بيبي لب من ميبيلين عندي مثلك الي أسود بس حسيته يطلع لون الشفايف وردي على أحمر رحت اتأكد بالأنوار الصفراء و البيضاء عشان اتأكد إذا يطلع أصفر خخخخخخ , وجربت منهم الي علبته برتقالي اسمه cherry me عجبني اكثر من الأول
حتى جربت زبدة الشكولاته حقت بودي شوب للشفايف وكمان المرطب الأحمر الي كلهم بعلب كنت استخدم الشكولاته قبل ما نام احس استخدمهم عشان ريحتهم كيوت بذات النوع الكرز لمن كنت صغيرة احبه
حتى سيباميد عندهم مرطب للشفايف , فيه مرطب ينباع في اي هيرب اسم الشركة Cococare عبارة عن زبدة الكاكاو 100% فقط مافي اي مواد حتى كاتبين كويس لعلامات التمدد مدري يمكن تدهنيه على المنطقة نفسها فالبنات الي عندهم يجربون اعتقد حتى تنفع للحلمات , طبعا بس يشحنو بالشتاء ويوقفون في الصيف لان ممكن تذوب او المنتج يخرب خلال النقل
ولوريال بالكولاجين بجربه واشوف
وكنت قبل كم أسبوع ابغى مرطب شفايف ورحت وايتس وشفت قرين لاند و EOS لان مالقيت يوسرين بس كويس ماشتريتهم يمكن اجربهم بالمستقبل وخاصة قرين لاند لان عندهم انواع و اشكال
كان نفسي اجرب مرطب Burt’s Bees بس مايبيعوها هنا غير كذا لمن دخلت الموقع حاظرين بيعها خارج الولايات المتحدة نفس مقشر cosmedix الي صار مايشحن خارج الولايات
توسه ياليت تجربي تاتو الشفايف هو مو تاتو تاتو الي بالصالونات لا تعرفي التاتو الكوري الي تحطيه على الشفايف من 10 الى 15 دقيقة وتشيلي القشرة أو طبقة الروج ويورد الشفايف يصير كأنه لونك جربيه ترى موجود بالنهدي كير الواحد ب 40 ريال فيه منه 6 الوان
ارتوس مرطب يوسرين في النهدي مكتوب ب 40 ريال
وحطي قدام التسريحة جمب المرطبات الي تحتاج تحطيها بصباعك قطن الإذن إذا عرفتيه العود ذاك ترى يفك ازمه لان مقدر انا استخدم اي منتج ادخل ايديني
ايه صح واحس بتسوي غرفتك الجاكوزي برى الحمام و الحمام لوحده لان انا كذا اقول لصحبتي صحبتي مو مستوعبه الفكرة لان احس المفروض حتى عادي لو تبغي تتفرجي أو تسمعي موسيقى هادئه
خخخخخخخ كان نفسي تقولي للصيدلي انا عوزاه للشفايفي بس وشوفي ردت فعله خخخخخ
نوم العوافي للعيون المزغلله
يااا صبااااح الخيييرررر ❤️❤️❤️
ماشااا الله تدوينه جميله زيك ، و غطيتي كل الجوانب بسم الله عليك ما تخلي في بالي اسئله ❤️❤️❤️
ثباح الفل و القشطة …
موضوعك في الصميييييييم تعبنا من الترتيب و ماهي الا ايام قليلة و يرجع تسونامي … انا عن نفسي احب ارتب و متبَعه قاعدة ال 6 اشهر … مع أني احب اغراضي و أشيائي كانهم عيالي بس ضروووووري نتنظم و ندوس على قلوبنا شوي … و الحمدلله قدرت أتغلب على مشكلة الشراء لغرض التنفيس صرت اشتري الأشياء الضرورية و الشي اللي يعجبني و ما أشتريه و لا ارجع اذكر وش كان هالشي معناته أني مو بحاجته ?? .. ترطيب الشفايف قصتها قصة ، بالنسبة لي قصة و قصيدة لاني عجزت ألاقي شي يرطبها 100% ليييييش ؟؟ بكل بساطة لاني وقت ما يكون بالي مشغول او اكون معصبة فجاة تلقيني أمسك شفايفي ى أقطعها ? … بجرب مرطباتك اللي ذكرتيها و واثقه انها بتجيب نتيجة معي ?
و بالنسبة للروم تور … انا بعد متابعتك من ايام شمواه ( نعوووميـ ) و يوميا و اكثر من مرة في اليوم افتح حسابك هنا و اطلطل .. بس تعليقاتي تكاد لا تذكر ، انا بعد مثل اختك ?? …
دمتي حبيبتي و نهار و يوم سعيد ?
صباح الفل و القشطة …
موضوعك في الصميييييييم تعبنا من الترتيب و ماهي الا ايام قليلة و يرجع تسونامي … انا عن نفسي احب ارتب و متبَعه قاعدة ال 6 اشهر … مع أني احب اغراضي و أشيائي كانهم عيالي بس ضروووووري نتنظم و ندوس على قلوبنا شوي … و الحمدلله قدرت أتغلب على مشكلة الشراء لغرض التنفيس صرت اشتري الأشياء الضرورية و الشي اللي يعجبني و ما أشتريه و لا ارجع اذكر وش كان هالشي معناته أني مو بحاجته ?? .. ترطيب الشفايف قصتها قصة ، بالنسبة لي قصة و قصيدة لاني عجزت ألاقي شي يرطبها 100% ليييييش ؟؟ بكل بساطة لاني وقت ما يكون بالي مشغول او اكون معصبة فجاة تلقيني أمسك شفايفي ى أقطعها ? … بجرب مرطباتك اللي ذكرتيها و واثقه انها بتجيب نتيجة معي ?
و بالنسبة للروم تور … انا بعد متابعتك من ايام شمواه ( نعوووميـ ) و يوميا و اكثر من مرة في اليوم افتح حسابك هنا و اطلطل .. بس تعليقاتي تكاد لا تذكر ، انا بعد مثل اختك ?? …
دمتي حبيبتي و نهار و يوم سعيد ?
اااااه الترتيب مأساة البنات ، أنا مثلك أرتبها ولما تكون عندي طلعه وما أرتب لها مسبقا وكل شي اسويه بنفس اليوم الغرفه تنعفس من أولها لاخرها في الأخير أمي جابت لي شنط سفر وكراتين قالت حطي كل اللي ماتبغيه وخف الدولاب وخفت التسريحه يا إلهي ، والحمدلله عالنعمه ، حبيت الريفيو بس في أسعار مرره اوفر على مرطب شفايف ، وحمستينا لفكرة الغرفه حسيته اكتشاف وشيء جديد حتى لو فشلت الفكره اعرضيها بنشوف إبداعك لوين رآح اشتقت للرد عالتدوينات بس صايبني خمووول وتخمه من النت ، وفي الأخير يعطيك العافيه ..
ياصباح الأشواق والحنيه
ياربيييييي ? بتعب وانا أقولك اشتقت لك
ماعرف ذاكرتني ولا لا بس انتي هنا ? والله يشهد
الفترة الماضيه صارت عندي كثير مستجدات بحياتي ومتفائلة فيها خير اختفيت من هنا بس كنت معك عالانستا ادعيلي تكتمل ع خير
الف عافيه لهاليد كفيتي وزود
ونوم العوافي للعيون الحلوه المزغلله
سويت كابتشر لآخر مرطب لعل وعسى والاقيه بصيدليات الخبر ??
خبركم عاد عندنا شُح بالصيدليات مو مثلكم بالرياض ماشاء الله ??بالنسبة لتصبغ الشفايف لقيت ان أفضل حل لها هو الليزر “حل جذري”بس للاسف مو متوفر هنا وهو الليزر المائي شفت له فيديو عياده بدبي وتحمست له النتائج فوريه من اول جلسه وطبعا يبي له كم جلسه زياده عشان تكون نتائجه واضحه وفترته اكثر … بإذن الله أكون اول المجربين له اذا وصلت هالتقنيه عندنا اذا وصلت ???
ويسعد صباحك أرتوسه??
صباح الفل
حبيت المقدمه .. اكثر شي اعاني منه ترتيب غرفتي في الفتره الاخيره صار يجيني اكتئاب لو دخلتها مو عارفه ارتبها صح .. بس و الله شوقتينا لرووم تور .. إن شاءالله تحصلين احد يسوي فكرتك ..
المرطبات قد ما جربت ما اقتنع بترطيبها بس اللي ارتحت عليهم هم فازلين و لابيللو و انتي تقولي كيف تعرفيه اذا كويس اذا غسلتي شفايفك و الجلد الميت نزل و هذا اللي يصير معه يعني حسيته كويس ..
الله يسعدك و يعطيك العافيه
صباح جمالك
ههههههههههه ضحكت ع زغللت سلامتها والله يكتبلك الأجر بكل كلمة جد والله تتعبين بس ع قلوبنا زي العسل ?
انا مالفت نظري إلا مرطب فازلين ههههههههه اخيرا في أحد علبته خرايط مثلي بطرف الأظفر
والله أنا فيني شي ماحبه أكره مقشر الشفايف مدري ليه
أرطبها بفازلين و أحبه مايزعجني الباقي ماجربت كان نفسي أجرب ميبلين ع الضجه بس ،، حلو لو كان فيه نسبة حماية
من الشمس أشوفه عجيب
ترا أكتب بسرعه عشان ماينزل تحت كومنتي هههههه
و ع كلامك أمس ايه صيدلياتنا أفضل منكم يعني الاقي كل شي انا أتعذب بالرياض
احبك ??
صباحك ورد توسة ..
بالنسبة لي أفضل مرطب شفايف بلا منازع هو بيزليين “بالحناء و شمع العسل و النعناع” و قبله كنت احب ألوڤيرا،، و احب فازلين أكوافور ،، الاول والاخير هم اللي احطهم وانام واصحى تنشال طبقة شفايفي من اول استخدام ..
اول رد بمدونتك =) مدري وش مانعني من زمان
ممكن تكتبين أكثر عن تربيه القطط ، صراحه عندي فضول كيف تعتنين بليون ? ، لأني أفكر اشتري قطه ? و ابغى تكون عندي خبره أكثر عشان ما اظلمها ; و شكرا ارتوس على مواضيعك الحلوه ❤
السلام عليكم
صباح الخير ارتوستنا الجميلة
حبيبتي التدوينة جات بوقتها
والله صار عندي حب التجربة والاستكشاف من متابعتي لك
الله يسعدك مثل مااسعدتينا واكثر
ياصباح الورد….
ترى متواجده من بدري بس توي اعلق??ماتتخيلين وش كثر متحمسه لشكل الغرفه ياهو مر على بالي تصاميم لليل يمكن هذا اللي اخرني في التعليق ان شاءالله تتيسر معك بالتصميم اللي يسر قلبك يارب
الظاهر كل البنات يصيب تسريحاتهم نفس التسونامي وهم مستعجلين وفعلا اكثر شئ مزعج هو الحوسه اللي ماتترتب على سيره
نرجع للتدوينه”ههههههههه”ياإني كنت متحمسه للجزء الاخير خاصه وصفك كان مغري جدا عقدت عليه امل بس انصدمت لما عرفت رايك عنها بس جد الله يعطيك العافيه مانستغنا عن رايك ياجميله….
وانا اقرأ تفكيري بس ف غرفتك احس بيطلع شيء واااااو هههههههههههه
بالنسبة لشفايفي مرة استثقل اهتم فيهم نادر مدري ليه ونادرا ارطبهم
صباح الفرح و السعاده و التفاؤل⛅ ، جعلگ تسلمين يا بعدهم ، گفيتي ووفيتي ، تصدقين لاحظت شي في جزئية لو بقعت المخده بمرطب الشفايف ، يوم قريت تطلع حبوب ع المخده بققت عيوني و مت ضحك ، ياربي قلت وشلووون عاد انا موااااصله و اخاف انا قريت الجملة غلط و اعيد و اركز زين بس ماش قلت حتى المخده الضعيفه مهب سالمة بيطلع لها حبوب?????? بس عادي عااااادي اهم شي فهمت في الاخير و خرجت بفوائد ، وش عقبه ???? شگراً من القلب ❤
ايه بالنسبة لتدوينة الشعر ي ليت لو تضيفين اشياء شامبوهات او زيوتات او ايا كان باسعار اقتصادية لو وجد .. مررا متعذبة بشعري ):
يعطيك العافيه ياعسل
مرطبات الشفايف جربت كثير اللي اذكرها فيشي وديكوراي ولوكستيان هذي كلها ترطيبها عادي انا الحمدلله شفايفي ماتجف مشكلتي السواد وكل مره اقول بجرب الكريمات اللي كتبتيها لسواد الشفايف انسى بس بإذن الله اجربها واقول لك تجربتي معها
المرطب اللي ترطيبه حلو وينفع للشفايف المتشققه نوكس بالعسل بس انا افضل استخدامه عند النوم زي ماقلت انا مافرقت معي المرطبات بس هذا ناسب زوجي كمان لان شفايفه تجف وتتشقق فكان ترطيبه مناسب له وحسن من شكل الشفايف
الله يعطيك العافيه توسه قد ماتعطينا من وقتك ووجهدك وشكراً لك من كل قلبي أستفدت كثير من تدويناتك الله لايحرمنامنك??
هلا والله بارتوسة القلب ?
تصدقين عاد تو أفكر اروح للصيدليه اشتري مرطب شفايف
و مو عارفه ايش أخذ حيرتيني زيارة ?
و أن شاءالله تضبط غرفتك يا الحب ❤
دمتي لنا ?❤❤
صباحك عسل يالزين
وربي انك جبتي التشبيه المناسب للتسريحه صحيح اعصار تسونامي هههههههههههه كل ماترتبين تنحاس ..طبعا انا كذا بصعوبه اصرف الأغراض الي ما أحتاجها لكن تحسنت أكثر عن أول،،بالنسبة لمرطب الشفايف زبده الشيا حلوه لترطيب الشفايف فقط وقت النوم ..استخدم حاليا لابيللو بالتوت البري يمشي الحال ترطيب لابيللو بالحليب والعسل افضل من التوت وكان فيه قبل نسبة واقي من الشمس والان تكنسل ماعاد فيه ..
وبالنسبة لأظافرك إستخدمي أعواد الأذن الطبيه لوضع مرطب الفازلين
تشوك تشكولار ياجميل
صباح الخير
تدويناتك جميله ودقيقه?
ذي الفتره استخدم كريم العين كمرطب للشفاه وصلت لقناعه انه مافيه شي بيرفكت للشفاه
صحيح سبق وجربت مرطب سيباميد في نكهه عطريه غريبه وكأنه بنفس الوقت زيت متزنخ
نسيت اعلق قاعده ٨اشهر اتبعها دائم الشي اللي يكمل سنه ماستخدمه اتخلص منه لانه اعرف نفسي ماراح ارجع له
ياصبااحو ??…
انا نفس وضعك لمن اطلع من غرفتي ضاربها اعصار بس من جهة التسريحه وتصدقين من زمان اشوف مقسمات الادراج ولا اتحمس لها انا عندي زي البوكسات بس من غير الاغطيه احط بكل بوكس الاغراض اللي احتاجها سوا مثل بوكس فيه الميك اب اليومي اطلع هو بس، بوكسين للميك اب الكامل يصير اطلع الثلاثه وقت الشغل ، وهكذا …
وترى جدا متحمسه لتصميم الروووم تاور تخيلتك باعلى التاور وينادون وانت تقولين خلصت خلصت وطربق من اعلى التاور ههههههههههههه ….
بالنسبه لقاعده ال8 اشهر انا عندي صيف وشتا اوزع الشيء سواء ماستخدم او استخدم بس استخدام نظيف وافضي قد الامكان نص التسريحه والدواليب وع قولتك الاواني وكل شيء لاحاجة لي فيه وبالفعل فيه فرق شاسع وفيه مسااحه تبقى بطبعي احب المساحات الواسعه مااحب الاثاث والتحف كثير لانها تحتاج شغل اكثر واحيانا خلاص مالها داعي مدري ليش البيوت اللي مزحومة تذكرني بالمسلسلات الهنديه لوحات مالها نهايه وشيء نازل من السقف شيء مذهب وشيء مفصفص ^^ …
اما مرطبات الشفايف وانا مسافرة نسيت اخذ معي مرطب وكنت ادور لي على مرطب بواقي وحصلت واحد زين بس من غير واقي نفس المواصفات اللي ذكرتيها انا احتاج احطه خلال اليوم كامل مرتين وثلاث بالكثير ماله لون ولا ريحه مزعجه وبزبدة الشيا والكاكو وهو من باث اند بودي ووركس اخذت لونين واحد فوشيا برائحه م الباشن فروت والثاني اورانج برائحة الخوخ وكلهم مالهم لون يذكر ع الشفايف ترى مو نفس اللي مدحتهم لك من زمان هذولاك قلوسات وترطب من قلب وتورد بعد استخدام طووووويل بس احساسهم احساس قلوس والرائحه رائحة نعنع قوية جدا اتحسين انك لاحسه فكس منعنع انا احبه بس لمآرب اخرى لوووول
…
وماننحرم ياكل الغلا ?
جممالك وجممال كلامك ماشاءالله
من زمان ونفسي تتكلمين عن مرطبات
للشفايف خصوصاً تدوينه لك بشمواه
ولاشي مرطب اعجبك ف قلت اكيييد نزل
شي جديد وبتتكلمين عنه خصوصاً اغلب
صورك اشوف مرطب اليوسرين موجود فيه
قلت اكييد حبته وفعلاً مثل ماتوقعت
جربت لابليوو الصراحه حلوو بس مايرطب
بشكل كافي خصوصا شفايفي جافه وبقوه?
قلت ماعندي إلا الفازلين العادي وجربته
جمميل احط كميه ع شفايفي بس اصحى
نعومتها وتورد بس هالمره باخذ يوسرين
بإذن الله
تسسلمين ع التدوينه ي احلى اخت بهالدنيا
?
صباح الفل ارتوسة
احس هادي التدوينة ريحتها فواكه خصوصاً الي قلتي بريحة قمر الدين عجبني احب المرطبات الي ريحتها كذا بس معك حق مزعج مع الاظافر الطويلة
معلومة جديدة بصراحة ان مرطب الشفايف ينفع لحلمات الصدر تصدقي ان ماعمري فكرت ارطب هادي المنطقة مدري ليه يعني ارطب كل جسمي بس واعدي هادي المنطقة ولا احط عليها اي مرطب مدري بصراحة اذا انا صح ولا غلط افيدونا!
سوس الجميلة، اشتقت لك ، تصدقي عاد أنا معك في اللي تقوليه، و ربي دوم أقول احتاج بيت ثاني بس يكون مخزن لووووول ، و أختي تشتكي أنه أنا موسخة الغرف من كثر اغراضي، و زميلة لي تقول غلط اشتري ماسك واحد و لما يخلص اشتري الثاني ، لكني ما أقدر!! ايدي فيها حكة ههههههههه لازم تشتري اكثر من واحد وكل شي أكثر من واحد، لدرجة لحين عندي قناعة لما أتزوج أشتري ذهب فقط و باقي المهر استثمار لوووووول ، لأن عندي ستور مكياج و ستور شنط، حتى من فترة أدور على شنطة لعباية جديدة، و الحمد لله ما أخذت و بعد فترة أفتح دولاب إلا ألاقي وحدة جديدة!!! تمر بنا حالات هَوس بالشراء بجد! و هذا كوم و الهدايا كوم ، الحمد لله أكيد ممتنة للناس اللي تهديني هدايان بس ما عااااد لها مكان، أنا عندي أخت أكبر مني و مقربات من بعض احنا بشكل جميل، تعتمد علي بتصميم العبايات لأني أحب التصميم، من اسبوع تعيد على مسامعي عبارة حفوص مليت من العبايات صممينا شي جديد، عاد أنا خبرتها ان اينشتاين ما كان عنده إلا 5 بدل رسمية كلها نفس الشكل عشان ما يضيع وقت وهو يختار الصبح، فالأمر كذا نحن من كثر أغراضنا جابت لنا تشتت، و حراااام، في حاجات تنتهي و ما استخدمناها، و حاجات و لاندري عن هواها أساسا ههههههه
حبيت شي فيك ، قوتك في عرض نقطة التسويف، كفك يا صديقتي أحب المعترفين بصفاتهم وان كان البعض يسعى للكمال لدرجة الزيف، و أنا بقول الحقيقة، من كثرر أغراضي اللي صارت أكثر من هدومي، والله ما عادت مشجعتني أرتب الدواليب و أحس الحل بيكون هو القش للقمامة هع ..
بالنسبة لغرفة النوم .. اااااه أنا في صدد البحث عن وحدة، ما عرفت لراسي، وساعات تبغي الديزاين الفرنسي اللي يغلب عليه الطابع اللي شوي بلبس كورسيه و أنام من كثر الاناقة و الترف هههههههه و في المقابل أنا أحب الشي العملي و الحبوب اللي يجيها طابع نوتات و أقلام و تصاميم و رسومات .. و بالنهاية مني مسوية شي هههههه
بحبك يا بت
زودي لنا القرقر ، و أيوا نريد نعرف حركات في الترتيب و في البيت ـ وحياتك و كل شي ..
صباحك فل وياسمين ?
بقولك تجربتي بحكم اني كنت فتره اعاني لاني كنت اخذ كورس حبوب كوراكني نفس مفعول الروكتان فكانت تجفف كل دهون البشرة لدرجه اظطر استخدم قطرات عشان عيني تجف وشفايفي بعد فاستخدمت ميبلين الازرق احس مافرق معي بشي ترطيبة خفيف بعني ماتمر ربع ساعه الا وشفايفي جافه تماما .. جربت بعده مرطب بيزلين بس الاصفر بشمع النحل كان جدااا مفيد لحالتي تقريبا ماكنت اظطر ارطب الا بعد ساعتين تقريبا عيبة ان ريحته مزعجه شوي بس مقبول .
وشكرا على وقتك وشكرا على امانتك وشكرا على صدقك وحرصك..انتي لو منك ثنتين كانت الدنيا بخير ?<السطر الاخير غزلي بحت ??
كنت دوم أعاني من الشفايف الجافة و تشققها و سنين أجرب كل أنواع مرطبات الشفايف من الغالي للرخيص لين ما حصلت أفضل مرطب شفايف بدون منازع، بنظري أنا.
مرطب الشفايف من Nuxe موجود في أغلب الصيدليات و منها Boots، اسمه Rêve de Miel
ما أذكر سعره بالضبط بس في موقعهم تقريباً ب70 درهم.
ما أبالغ في مدحه بس فعلاً أفضل مرطب شفايف جربته في حياتي، لي ثلاث سنين أستخدمه ولا احتجت اني أجرب غيره.
بما انج جربتي عدد كبير من مرطبات الشفايف ترومين انج تسوين مقارنة عادله بينه و بينهم. جربيه و عطينا رايج.
صبٱح القمآل
والله حتئ انا آعاني من الترتيب درجي خلاص ما عآد يتحمل يستغيث ونفس الشي لو بغيت غرض آنقلبت الدنيآ كلها عآد انا عندي سيب صغنون وراء الغرفه فكرت آستفيد منه واحط ادارج فيه
والله مآينفع الا تسوين تخطيط لدرجك يناسب اغراضك
فيه تتطبيق دايم يسآعدني بافكار التصمآيم والترتيب اسمه house
اما بالنسبه للمرطبآت مرطب مآيبلين شدني شكله وحسيته كيوت وكنت بإخذه لآختي الصغنونه بعد الكارثه اللي مسؤيتها من فتره حطت علئ شفايفها منآكير (ي لهوووووي)وصآرت مره ناشفه وتتقطع
فيه مرطب بيزلين اللي بالعسل يجي شفاف لونه آصفر ترطيبه ممتاز
غلطت في اسم التطبيق آسمه الصحيح houzz
لك كُل المحبه ي جميله
فطست ضحك على خابور ??? تسلملى الرايقه ? المرطبات الحين بستعمل فشى وأيفين واحاول استمر
عجبتنى قاعدة ال ٨ اشهر بطبقها تسلمى حبيبتى ويعطيكى الف عافيه على التدوينه الجميله كلامك ماينمل وأتمنى لو تطول التدوينه ? ماشاءالله عليكى يا ارتوس مستحيل أقرء أى شى لكى وما استفيد وأتعلم شى جديد الله يجعلها فى ميزان حسناتك ووالديكى أن شاءالله ،،
احلى صباح ..نفسي اعرف تصميم غرفتك الابداعي وش في راسك تخصصي سكن واداره منزل واموووت بالديكور ةالافكار الغريبه ضاع يومي وانا ابحث وادور لصالتي ابي شي لاصار ولا استوى بس للحين ماجاز لي شي ..واما الغرفه حدث ولاحرج اول ماكنت اصرف شي وتتراكم ولا يمكن احتاجه والحين لا والف لا صرف اول باول وملابس عيالي كذلك حتى تشوفين كل شي قدامك ومرتب وواضح واغراض المكياج جيبي لك شنطتين ووزعي اغراضك وترجع بسرعه بمكانها جربتها بالاكسسووارات ارتب وتبعد الحوسه من التسريحه .اما المرطبات اعاني مع بنتي عمرها 8 سنوات شفايفها مرا جافه واحيانا تكون منتفخه اللي فوق بعد النوم مدري ليه النفخه واارطب واسوي تقشير للشفه ياليت تفيديني ..ولكي مني جزيل الشكر والامتنان احبك
شكراً يا عسل دايم ما تقصرين معنا ❤️❤️❤️ ان شاء في ميزان حسناتك و نوم العوافي ??
صباح الجمال .. على طريقتك ?
انا أتابعك من زمان بس ع الصامت وكل يوم اقول برد والكسل والمواعيد العرقوبية تخليني أأجل هههههه
ياحلوك يا أرتوس وحلو مواضيعك وسوالفك
نفسي أشوفك شخصيًا وأسولف معك
ان شالله من اليوم بصير فعّالَة في الردود
عن الترتيب يااااحلو الترتيب
وانا مثلك قبل اسبوع صرفت نص عفش غرفتي
في اشياء كثير ماكنت محتاجتهم وخذوهم ناس محتاجينهم وفرحوا فيهم
حسيت براحة وفرحت ،ا لأن غرفتي ترتبت ولأن هالأشياء استفاد منهم احد غيري واستخدمهم
وعن المرطبات تعبت وانا اجرب وما في شي عجبني
بس طرحتي لي خيارات جديدة بجربها شكرًا والله
جربت بيزلين الأصفر بدون لون و كارمكس وما عجبوني ما يرطبون من قلب للأسف
كنت بجرب مرطب لوكسيتان توقعتك راح تذكرينه هنا لما شفت الموضوع ١٠ مرطبات بس ذكرتي منتجات تباع في الصيدلية بس
يسعد صباحك.. كفيتي ووفيتي ولا بقيتي شي ماشاء الله…
يوسرين عجبني ومايبيلين استخدمت أصفر وبينك .. ترطيبه حلو لكن اللون خايس.. درجة البينك تبع باربي… أما شركة بيزيلين للحين ما تقبلت منتجاتها.. مدري كيف بس احس ماراح احبها.. في المقابل منتجات همالايا أعشاب منتجاتهم تعجبني معع انها نفس مستوى الاسعار..لكن مفعولها الأنسب لبشرتي (أقترح تجربين كريم الأقدام همالايا أعشاب بالحلبة والكركم)
إذا ممكن توسه تتكلمين عن الزيوت الجافة dry oil في حال جربتي منها شي ♡
والله انك صادقه بالتسونامي للتسريحه ارجع من سهرتي مبسوطه وتنسد نفسي لما اشوف الكارثه?
وبالنسبه لاحتفاظنا بالاغراض واحنا مانستخدمها ماذبحنا الا كلمة يمكن نحتاجه??
لو في السنه مره وحده نصفي بيوتنا من الزايد نرتاح
والمرطبات انا مرتاحه ع الفازلين يازينه❤️
افتكرت مره رحت لدكتورة جلديه وسألتها عن افضل مرطب للشفايف واعطتني مرهم طبي للتشققات مره ممتاز اسمهbepanthen
صبح صصببح ???
لمن تكلمتي عن الغرف ججا ببالي غرفه ملابس الفنانه وعد مدري ليه ?
كبشرت اخر واحد نجرب شي للجامعه ?
وكفيتي ووفيتي ربي يرفع قدركك ويسعدكك ??
سلام عليكم??.
صدق اكثر شي اتعقد منه المرطبات.
بس تدرين اكثر حركة احبها واحسها جد جد فادتني
الفازلين احطه على شفايفي واحط عليه سكر واقشر بخفيف
والله الحركة ذي مره تعجبني??.
الفازلين كويس بس زي ماقلتي مزعج جداً.
حاليا انا ارطب شفايفي بمرطبات ذا بودي شوب الصغار
اذا تذكرين مره صورتي علبتها ، والنوع الثاني الي تجي معا
زبده الجسم ترطيبهم ناسبتي بس الثاني يجي لونه ابيض على
الشفايف.
حبيت التدوينه شكراً ??.
هلا وملييون مرحب
الطرح خفيف وايد وسريع وحلوو ع هالصبح
بس ارتوس ينفع ارطب شفايفي من مرطب الوجه العادي مثل كلينك و بيبانتين لأني بحكم اني ما ثابته مكان واحد معظم الاوقات اكون ناسيه اغراضي او طلعت بسرعه وما شلت كل شي واعوض شفايفي بترطيب الخاص بالوجه
ااكثر مرطب استخدمته من انا وصغيره لابيلو اذا عرفتيه واستغربت ان مب من ضمن الي حاطتهم بما ان قديم ومعروف ويمكن بعد لان ردى ??
بانتظار تدوينه السعر??
لفتى انتباهى للحلمات المنسيه ?? أول مره أنتبه أنى ناااااسيتها فكرتينى فيها وبأذن الله رح أشملها فى العنايه ??
مساء الخيرات ..
شفايفي اكثر شي تتعبني بالترطيب وبالذات اني اعاني من حساسية بالانف يعني ٢٤ ساعة مزكمة ومعروف ان الزكمة تنشف الشفايف مرة ومرات شفايفي تتجرح من الجفاف وغير كذا كان عندي عادة سيئة جدداا وهي اني اكل شفايفي ولا يردني الا الدم بس الحمدلله تخلصت منها ..جربت مرطبات كثير بس صراحة تعطي شعور ان شفايفي عليها قشور بالذات مرطب eos زي ما ذكرتي اخذ ضجة وهو مكانه الزبالة للاسف .. انا جدا احب الارواج وما احب اروح اي مكان بدون ما احط يعني يوميا احط روج اقلها الدوام ٨ ساعات عشان كذا صرت اعتمد اني قبل ما انام اقشر بسكر وزيت زيتون شي خفيف عالشفة وارطبه بالفازلين العادي هذا اكثر شي ناسبني .. من المرطبات اللي ذكرتيها ما جربت الا يوسرين ولا فادني لان شفايفي على قولتك يبيلها زيت تشحيم ..
مساء النور
حبيت أضيف معلومة عن مرطب استخدمته في فصل الصيف و هو مرطب لابلو إلي بالنعناع..بعد مدة أسبوع أصيبت بالاكزيما في شفايفي حتى طبيبي إستغرب من حالتي (كانتت شفايفي منتفخة كأني عاملة بوتكس و حمراء و فيها حكة فظيعة..جذابة ههههه) و الترطيب يسببلي حكة أفضع …صارت الإكزيما تظهر مجرد ما رطب شفايفي بأي مرطب أو أضع روج ..و لما إستشرت الطبيب
قالي عندك حساسية من مادة معينة موجودة في المنتج ..و نتائج التحليل كانت طبيعية …للحين أعاني من مكياج الشفايف ..تصوري
أني أدهن شفايفي بالكورتيزون بعد كل مرة أضع روج..المهم مرطب لابلو سيئ جدا و هناك الي سببلهم سمار
دمتي بحب
يسعدك ربي على طاري العيون المزغلله قلت امس حمدلله امس النصر مافاز عشان توسه ماتكرف بالتنظيف هههههههههه ” مدري وش دخل ” أقولك شي أستمتع بتدويناتك روآآآآق والله العظيم
وترا صرت منك احب اقرا الشياء الموجوده واحفظها يعني اعرف وش ميزة دا ودا للآن الحمدلله ما أكتشفت انو عندي حساسيه من شي بس يمكن يعدين أعرف أما بالنسبه قاعدة 8 أشهر يبالي امشيها مع ماما هههه ادخل غرفتها احسها زحمه مرة جيت ارتيب ادراجها أقولها شوف توسه مرتبه ههههههه كل شي مرتب حتا ادراجها رتبت كل شي وصار سريع الاستخدام مكان الارواج والباودر والخرابط دي بس الحوسه صايره صايره مافي أمل ونشوف غرفت أحلامك وربنا الفكرة نعطيكي رآينا عليها كمان 🙁
نقدك صحيح بالنسبه للمرطبات الأول حبيتو منك حسيت ا اللي حتاجو لانو الصباح احب شي خفيف على شفتي مع الجو الحار احب شي يكون مستمر الترطيب مو شوي ويحتفي وترجع شفتي تنشف
مايقتنلي الا لمن توصفي شي مايعجبك ههههههههه وهو كلامك منطقي وصحيح منجد للتشحيم
وأخيرا يسلملي ه الانامل والعيون
أيه صح ترا انا لمن اخد مرطب وعلبته تكون كدا مدوره او شي اعفط اصباعي بحث اخد من ركبت الاصباع ” مأعرف اوصف ” احسن من انو يدخل فالاظفار او شي
احس غرف البنات دووم كذا حوسة وتكديس
وكل درج او رف متروس ?
بجد اكرره اذا طلعت مناسبة ارجع الاقي كل غرض بديرة
لو م اني حريصة بقفلها ولا حد ينظفها او يدخلها غيري
كنت تبليهم ولا صدقت انها مني كل هالحوسة ???
سرح ومرح خيالي بتصميم غرفتك ?
الله يسرها لك ويتممها بمثل م تحبي وافضل ?
ايه دا كلو ايه دا كلووو ياجميله صرراحه احرجتينيا كل هالمرطبات جربتيها عشان التدوين ❤❤ ياعمري انتي احسك بجدد تعبتي لمن قلتي عيوني زغلللت .. ومن ناحيه نفهمك غلط خخ تطمني كلش الا سوس ? بسس جد مو معقوله لين الحين ماصمممتي غرفتك ماعندي خلفيه عن التصاميم بس متاكده انها راح تطلع جميله وبيرفكت ?
اما ترتيب بيني وبينه عداوه كل مارتب شي ينحااس? وخصص اغراض المكياج .. ماااسوي تصفيه لاغراضي الا نادرا يعني حسسب المزاج
ماعندي قاعده معينه امشي عليها صراحهه مع ان عندي علبتين جديده من الكريمات مادري متي بصرفهااا
من الناحيه الترطيب انا الحمدلله ماعاني من سواد ولا تشققق بس الجفاف بسيطط والبرد ع الابواب اكيد بيزيد الجفاف .. انا مرات احط زيت زيتون ! طبعا احطه اذ سويت تقشير
للشفايفي والمرطبات الي جربتهمم لابليو زمان استخدمته بس سبببلي جفاف وتشقق تحسينها يابسه من كثر الجفاف ماحبيته رميته ع طول وجربت من
بدي شوب بنكة الكاكاو كانك ماكله كاكو قديم ريحته موب حلوه ماجازتلي وجربت مايبيلين مرطب حليو وريحته عاديه ومرطب كيو في حلو بس ثقيل شوي
وجربت حبيب الكل متعددد الاسعمالات الفازلين ? تصدقين لو اقولك انه ينشف شفايفي ماحبيته اكثر شي استمريت عليه ميبيلين وافكر اشتري واحد
وايه صح وجربت مرطب بالفراوله من نكتار زمااااان ماشريته جاني هديه كنت احطه ع الحلمات مع الاستنرار تصدقين انه ورد االحلمات خلي لونها جاي ع
وردي ماحبيته الا عشان كذا صراحه? اما ترطيبه ع شفايف كنت احطه عشان طعمه وريحته لاني احطه عشان المارب الاخري ع قولة رشا خخخخخخ
كوني سعيده ❤❤
متأكدة بتطلع الغرفة بيرفكت ومزبوطة 3> الصَدق ودي بدولاب مفتوح ويكون في نفس الجدار مومنفصل يعني .. بس مع الغبار والجو ماظَنتي .. او اصلح ابواب شفافه! > توها تجيني الفكرة لووووول .. انا اصفي دولابي سنوياً ومرات كل ٦ شهور .. لكن يظل برضو زحمة .. بيزلين وميبلين ما اعجبوني خصوصا بيزلين .. هالماركة بكبرها ماحبها ابدا .. ومرطب eso بعد > اتوقع اسمه كذا .. من كثر ماكرهته ماعرف اسمه لووول.. جربته مرتين فقط وحرق لي شفايفي حرررق .. وحكة .. وفوق شفايفي صار احمر .. كني ماكلة شطة قادو قادو ههههههههههه .. ادمنتها ترى تجنننن ٣> .. كل الشُكر لَك ياروحي .. قلوب للرياض
تدرين ياحلوه تصميم غرفه نوم شي موسهل لي سنه احاول اصمم لي غرفه ماطفش منه بعدين ولازلت ادور
وريناافكارك ترابعض الاحيان الافكار الغريبه هي ابداع بحدذاته افتكرقبل اربع سنين جبنا واحد يصلح لنا غرفة التقليط وقال له زوجي جميع الافكارالي ابوي اسويها استنكرهاوقال مابتطلع المكان حلو قلت له مادخل يسويها وبعد ماخلص تفاجا هومن شكل المكان وقال لزوجي ماتوقعته يطلع حلو
تدوينه جميله الله يسعدك وكالعاده احاول ارد بدري القى قدامي طابور
يسعدلي صباحك ومساكي وكل اوقاتك سوسوو … اغلب المرطبات يلي ذكرتيها جربتها اسوأ واحد كان من كيو في مع انو كان نصيحة الصيدلي … وتسونامي درج المكياج والتسريحة فهاد مو بس عندك ههههههههه???
انا بعمل متلك بس مو كل 8 شهور لا كل بداية موسم تقريبا. اول الصيف واخر الصيفية وبس بلش البرد غالبا بعملها لشوف شو عندي وشو ناقصني لجيبو والشغلات يلي لازم وزعها… بس داااااائما بكتشف انو في شي لبس جديد شغلة بكون جايبتها وديقة اشوي من شي مكان بس عاجبتني كتير وبدي ياها والمقاس الاكبر مو مناسب كبير كتير فبقول خلص كلن كيليين تلاتة وبتضبط وبحطها بالخزانة وبنسى اصلا وجودها وصايره معي كتييير وماكنت اتعلم ?
تدوينه جات بوقتها وخاصة الشتاء الابواب وفعلا مافي مثل الفازلين للشفايف وكيوتعرفي يااارتوس انه حاطه علبه فازلين عند بالفصل للاطفال وعلبه متظف الاذان كل واحد ومسحه على شفايفهم خاصه مع البرد يحزنون
الله يسعدك وبنجرب بعضها ??????
مساء الخيرات و المسرات
الظاهر مشكلتك مع الغرف نفس مشكلتي ، صار لي سنتين أدور غرفه تناسب متطلباتي و مالقيت و
بالأخص إن غرفتي صغيره و أغلب الغرف اللي تعجبني تآخذ مساحه .. قلت مالي الا غرف إيكيا بحكم أنها توفر مساحات لكن ما أدري عن جودتها ..
عاد متحمسه لغرفتك أحسها بتطلع مُميزه و غريبه .. و ما عليك حنا ستر و غطى ?
أنا اعاني من شفايفي تتقشر من الأرواج و إذا استخدمت قبلها مرطب الروج إما يطلع كأنه محدد أو يبدأ يخف و يتلاشى
اعجبني مرطب يوسرين أحسه راح يناسبني
تسلم يدينك يارب ❤️
مساء الخير ..
هالفترة مع جفاف الجو استخدم الفازلين بالليل وزبدة الشيا حبيتها بعد الشور الطخها مره وحده بالشفايف والحلمات والكيوتكل ههههههه ولحد الحين ماطحت على مرطب وقلت عنه واااو كلها تمشية حال ….
وياااارب يااااارب يتحقق حلمك بغرفة النوم ويصير اللي تبينه ياجميلة الجميلات .
آمس كتبت رد طويل عريض ع التدوينة السآبقة
وللأسف لمآ حطيت ارسآل الموقع قفل في وجهي مدري
شعنده هههههه يوم إني ولآول مره مدحت موظفين بعض
الفروع لوول ، انآ أول كنت هآلكه نفسي بمرطبات الشفآيف
من الرخيص للغآلي ولا أشوف ذيك النتيجة ، بس لمآ بديت
اشرب مويه لتر ونص ع الأقل الجفاف لوحده رآح بدون مرطبات
ولا شيء 😀 ولآحظت اذا تركت المويه ترجع المشكله واذا انتظمت
ع الشرب أنحلت فمن ذآك الوقت ريحت رآسي وجيبي من المرطبات
لووول وأنصح أي وحده تعآني تجرب تشرب مويه وإن شآء الله تنسى
شيء اسمه تشقق شفآيف ، عوآفي ارتوس والله يعطيك العآفيه يارب
وإن شآء الله تضبط معآك الفكرة وتطلع ع مزآجك
انا التوب عندي بيزلين بس الأصفر مو هذا يرطبهم لي عدل
و بيبي لبس جربت نفس اللي جربتيه الأزرق كان ش جميل
الحين قاعده اجرب مرطب جديد للتغيير طلبته من آي هيرب اسمه Sierra Bees
ما اقدر احكم عليه للحين بجربه اكثر …
لفتتني المعلومه ” السيلكون بالمرطب و ارتباطه بالحبوب “!!!
بروح افحص كل اللي استخدمتهم =/
مشكوره يا جميله
ههههههههههه فعلاً التدوينه طلعت طويله
لكن ممتعه جداً
ومرطب ديرما قلو كتبته بلستة مشترياتي
أما كيو في وبيزلين ومايبلين ماناسبوني ابداً
يعني ترطيبهم مو لذاك
تحمّست جداً لمرطب ديرماقلو
حبيبة قلبنا آرتوس
كوني أنتِ.
مساء الخير ??انا جربت لابيلو ولاحظت انوه يسود الشفايف وترطيبوه عادي والحين استخدام فازلين يورد ويرطب زي الناس ??
له له له هذي الأخبار اللي تسر أجل روم تووور هاه شيء شيء وربي بنتظرها الين الحين الحمد لله انو عرقوب مات بداخلك ولا كان انتظرت سنين هههههههههه امزح
حلوه الريفيوهات للي خالص من عندك استفت من كذا شغله ومعلوماتك كالعاده خطيره ..
بس زي ما قلتي الفازلين لا يعلى عليه للشفايف. .
ومنتظرين سلسله العنايه ما نزلت شيء بعد حق الأسنان. ..
وشكرا من القلب لكل تعبك معانا والله انك رهيبه بشكل
ي هلا بالهلا والله
مرطباا الشفايف ما ادري ليش مب صديقه معاهم الفتره الاخيره مع اني احبهم لكن شنو سر الابتعاد الله اعلم
يختي اطالع تسريحتج تبارك الله والي عندي المشاكسين زين آسلم لي ع عطر او كريم يمه يمه يعصرونهم لي ?
ما حبيت اطلع الا وانه مسلمه عليج
عساج ع القوه ?❤
يسلم يدك وقلبك على هالتدوينه
انا مليت من كثر المنتجات ولا نفع معي الا اثنين الفازين وكيو في
طريقتي :-
اقشر شفايفي بالليل واحط فازلين واذا صحيت اجيب الشاشه والفها على يدي وابدا اقشر والفازلين موجود
مررره جميييل وبعدها ادهن خفيييف بكيو في
وبس 🙂
حتى أنا توقعت التدوينة بتكون قصيرة. . انا جربت لابيلو وكنت أستخدم اللي فيه حماية من الشمس يخلي لون الشفايف أبيض لازم بعده روج ولما استخدمت الروأكوتان كتبتلي الدكتورة على مرطب شفايف من Ducray إسمه Kelyane HD ب 45 ريال مرره ترطيبه حلو يرطب من قلب بس ما يستخدم قبل المكياج لأنه ثقيل شوي ما يسوي شيء غير إنه يرطب و الجلد الميت ينزل بسهولة و لغاية الحين أنا أستخدمه وما عندي نية أغيره.
–
مساء الخير
.
حبيت قاعدة الثمان أشهر بس يبغالها قلب مدري ليش حتى الأشياء اللي ماأستخدمها أخليها أخاف توحشني *^* غرف البنات أكثرها يبغالها روبوت يمشي ويرجع الأشياء مكانها !
نفس الشي ماآحب شي ع التسريحه أحسه يتلف بسرعه من الشمس ومنظرها مايعجبني بس لو ورد أو كتب عادي أخليها !
كل شي في غرفتي داخل الأدراج وكل مارتبت أغير الترتيب وللحين ما يضبط شي طول الأرفف عندي قصير مايمدي أوقف شي كل شي منسدح :”
.
من زمان لما كتبتي إن لما تعدلي الغرفه بتجربي تخزين محد سواه تحمست أشوفه من ذاك اليوم واليوم حمستيني أكثر أحسه شي يشبه شخصيتك إن شاء الله يطلع نفس مافي بالك وأجمل ، بيطلع شي مميز غير عن الغرف المعتاده اللي نشوفها تجيب الراحة الغرفه لما تكون بشخصية صاحبها بدل ماتكون شي مكرر من الغرف اللي تطلع كل فترة ويهبوا فيها العالم .
.
عاد أنا ماغيرت عن لابيلو الأحمر أحسه الوحيد المتوفر اللي يرطب شفايفي تو أخذت من the face shop مرطب على شكل علبة عسل حبيت تعليبه وفيه نفسه ستيك علب العسل بدل ماتستخدمي الإصبع تمديه بالستيك كيوت التعليب بس المنتج يدبق ولا حسيت بترطيب جفف لي شفايفي .
eos قطع شفايفي بس أختي رطبها ، ميبيلين أخذته أختي الوردي ومارطب شفايفها .
بيزلين الوردي ريحتة كيوت بس قشر شفايفي ولونه كأن اللي حاطه مريض .
البرتقالي أو الأصفر أتوقع من بيزلين كان شفاف بس نفس الشي مافيه ترطيب .
من زمان يمكن بسنة ٢٠٠٠ طلع مرطب عبوته شفافه وهو شفاف وسائل وراسه بكرة وداخله زهرة صغيره وورقه هبيت فيه ذيك الفتره كنت بالإبتدائي وثلاثة أرباع المدرسة تستخدمه أتوقع إنه كان جميل ذيك الفتره لأن شفايفي من صغري تجف بسهوله مع تغير الجو ف ماأستخدم شي إلا وأمي عارفه إنه زين ، ليت أشوفه من جديد ودي أرجع أستخدمة .
في شي جميل جربته للشفايف اللي هو: etude house lip mask . يقشر الشفايف بشكل لطيف
موجود في the face shop ماسك نفسه بس ماجربته للحين .
.
شكلي بجرب Dermaglow و Eucerin
* تخيلي ورده هنا*
ياسلام عليك وعلى مواضيعك الي تفتح النفس ياه قد ايش تعجبني مواضيعك ماشاء الله عليك
صباح الخيرات …
وتعيما على التنضيف
حبيت الموضوع كانه موسوعه
احب زبدة الشيا من لوكستيان خصوصا بالشتا قبل النوم للشفا…
شيكي على الانستا…
ومتشوقين للغرفة اكيد مايطلع منك الحلو
صباح الخيرات?
اشتقنا لك ولتدويناتك
مواضيعك دائماً شامله ماشاء الله ربي يحفظك
واهم معلومه عن الحبوب فعلا مو عارفه ايش سببها تطلع فجاه ?
بجرب كلامك ربي يسعدك على المعلومات القيمه❤️❤️
مرحبآ للحلوين
انا جربت مايبلين الوردي وجربت بيزلين الأصفر
واثنينهم ما اعطوني الترطيب الكافي
حاليا أستخدم زبدة الشيا الصغنونه من لوكستيان
احطها بالليل واصحى الصبح شفايفي ممتازة
بس راح اجرب اللي من يوسرين لأنه عملي أكثر حق الإستخدام خلال اليوم والدوام
تسلمين لنا يا جميلة ❤
شفايفي ما سلمت من تجاربي هههههههه فيني تصبغات زادت بفترة من الفترات و جربت اقشرها بتقشيير كيميائي، طبعا ما يحتاج اقولك النتيجة لووووووول !!
حاليا مرة بخاطري اسوي ليز التفتيح .. قرأت عند دكتورة ان التصبغات هذي ما تروح الا بالليزر و بحثت بالموضوع و شفت نتائج جميلة.
اتذكر من زمان كنت حاطة فيديو لشفايفي وانا احط ليب لاينر بموقع من مواقع التواصل الاجتماعي و وحدة هبلة علقت على ان لون شفتي الي فوق غير عن الي تحت !!! وقتها تآثرت و حاولت اثبت لها العكس بس بعدها بديت انتبه لشفايف العارضات و المشاهير و اكتشفت ان هالشي طبيعي و ان فيه ناس جهلا و غايتهم انهم يكتبون تعليق سلبي و السلام … ما يفكرون كيف كلامهم ممكن يآثر على الشخص بس همهم السب و فش الخلق !!
سوري طلعت عن مسار الموضوع هههههه بس جات على بالي هالمعاناة :p
P:
انا مالي بمرطبات الشفايف كثير .. و اتذكر قد دونت عن eos و صراحة دونت عليه لان الكل كان هاب فيه ذيك الفترة ولا هو ما به زود
اللهم مرطب عضوي و طبيعي و بس، ترطيبه مش الافضل !
عندك مرطبات burt’s bees حلوة وفيه كذا نوع مرطب عندهم بس ما احب الكلاسك حقهم احسه يدبق.
مرة جربت ماركة sugar جات كـ هدية من سيفورا .. هالماركة سعرها مبالغ فيه و على قل سنع!
و فيه طبعا كذا مرطب من هنا و هناك و منهم الفازلين الي يجي بعلبة كيوت صغيرة ههههههه الفازلين للي ما يبي يعور راسه و يبي ترطيب و خلاص.
احب استخدمه اذا كانت شفايفي مرة جافة و ابي ترطيب اوفر نايت ..
لش جربت بس اللمتد اديشن حق الكرسمس و صراحة ما ابهرني .. كان لون اكثر من انه مرطب و المقشر الي بالكولا نفس الشي بعد.
اخر واحد حصلت عليه هو مرطب من دورة مكياج هروش بشيكاغو .. حاطينه لنا بالقودي باق – مقشر و مرطب للشفايف من هالماركة:
http://mashkinc.com/lip-balm.html
حبيت ترطيبه كثير .. من المرطبات الي لما احطه قبل النوم، اصحى الاقي شفايفي ناعمة و زاهية.
سوري طولت عليك بس خذتني السوالف ههههههههه و مرة شكرا شكرا شكرا على الموضوع.. حمستيني اجرب الديرما جلو :*
تسلم ايدك
حبيت فكرة الثمان اشهر .. ما اوصيك اذا ودك توزعين الاغراض بعد الشهر الثامن ترا انا موجودة هههههههههههههههههههههههه
انا من النوع الي ما احب اجمع اشيا كثير خاصة اذا كانت لنفس الغرض .. ما احب يكون عندي مليون كريم وجه للحبوب و مليون كريم للهالات … الخ !
يجيني تآنيب ضمير مو طبيعي على الحاجات هذي. خاصة انو استخدامي لهم شخصي مو لزباين ولا لتدوين .. انتي على الاقل لهم غرض و لك عذرك ان عندك هالكميات D:
اعترف اني مهمله هنا في البحث عن منتجات كويسه للشفايف و ترطيبها كنت اول بس الحين اركز ع تقشيرها اول باول من تتخمر بالموية لو بعد وضوء افركها باصبعي وينزل على طول الجلد الميت ..وارطبها بالفازلين??على انه يدبق ويلمع لكن بالنسبه لي مو مشكلة كبيرة من زمان وانتي محمستني ع ديرما قلو قلتي انه يعطيك فوليوم ودائما انسى اشتريه .. ياااه ارتوس مره حمستينا لغرفتك ?? ايش هالغرفة اللي ماتناسب للسعوديين .. ان شاء الله يارب تضبط وتلاقين لك من يرضى يزينها .. بالنسبة للاغراض الكثيرة و تكدسها حاسه بشعورك وفعليا لو جلس عنك الشيء اكثر من سنه ما استخدمتيه ماراح تستخدمينه اكثر شيء تحصل معي مع الملابس اشتري قطعه وحده على اساس انه بكملها وتروح السنة مانسقت عليها و تروح موضتها ..
ممتعه انتي يا ارتوس وممتعه قراءة مدوناتك الله يحفظك يارب?
ههههههههه يا عمري يا توسة ، انتي زيي اشتري و اكدس و في النهاية نص المنتجات ينتهي تاريخ صلاحيتها وانا ما خلصتها و مرات مااكون استخدمتها بشكل منتظم
الله يسسسعدك يا عمري دنيا واخره ويزيدك من واسع فضله ??
كعادتك تدوينة مميزة و ممتعه جدااا لاخر حرف ، سلمت اناملك الجميلة ???
اعتقد تسونامي لازم يمر ع غرفنا قبل اي عزيمة ، بالفترة الاخيرة وقفت مشتريات مالها داعي و صرت استخدم اللي عندي و اشتري ع حاجتي فقط و ارتجت جداً و ارتاحت الميزانية و اللي يخلص ارميه
برضو كل فترة اصلح جرد و الله فيه اشياء سنين ما استحدمتها و مع هذا مثل ما قلتي اتركها ع امل اني بستخدمها الظاهر تملك
هجدت حوستي شوي عقب هالشيين ، بخصوص الشفايف اللي نفع معي سنفرة زيت زيتون و سكر و كريم ليبوبيز من بيزلين
صرفه الدكتور لاختي اظن للجسم او الوجه ، ترطيييبه جداً غني و يستمر ايام و ارتحت عليه و حبيت نتيجته اكثر من الفازلين
جربت مرطبات كثييير و لا لها اي نتيجة تذكر ، فبما اني مرتاحة ع الكريم هذا ما عندي نية شراء اي مرطب جديد
ممتنة لك ارتوس الجميلة
مرحبا ارتوس، انا بتابعك من 4 سنين و رغم انه اهتماماتك متنوعة لكن ما عمري شفتك جبتي سيرة التصميم الداخلي رغم انك ذكرتي ان تغيير اثاث البيت مهمتك لكن هالمرة قلتي انك بتغيرين تصميم غرفة الملابس و غرفتك الشخصية لكي تلبي احتياجاتك.
أنا مهندسة معمارية و بيسعدني اساعدك بهالموضوع لو حبيتي، ايميلي موجود بالمعلومات بتقدري تتواصلي معي بأي وقت.
مرحبا مشكورة عالموضوع الشيق بخصوص dermaglow انا من دبي وما لقيته ممكن لينك اطلبه اون لاين ؟؟
بفضل من الله ثم منك كنتِ سبب في توجيهي لأمور كنت غافله وسبب شفائي.
اشكرك من القلب…ولكِ مني دعاء في ظهر الغيب يارقيقه…❄️
__________________
عن المرطبات، الافضل لي من تجربتي هو carmex
جداً رائع …وكنت اعتقد انه من ضمن مجموعتك !
بالبدايه كنت اطلبه من موقع asos
ولكن لقيته بالصدفه في التميمي
صار لي يمكن اربع سنوات وانا ادور مرطب الشفايف اللي يعجبني. يا من البدايه اكرهه او بعد كم شهر من استخدامه اصير اشوف مساوءه. الكل يقول انتي دلع ومدري ايش بس فعليا نادر القى المرطب اللي يلبي مطالبي
مساء النظام انا شخصيا اكثر مواضيع تشدني هي مواضيع الترتيب والتنظيم بس مااحب ارمي اغراضي احس في علاقه تنشأ بيني وبينها
المهم بليززز ابي اشوف الروم تور
ومرطبات الشفايف مازلت حايسه لانه شفايفي جافه
آخ ارتوس كل ما اشوف شي عن مرطبات الشفايف انقهر -_-،، تخيلي شفايفي ما شاء الله ما تحتاج ترطيب دوري كانت ندية وجميلة المهم صاحباتي وزميلاتي ايام المدرسة اشغلوني بالمرطب وليه ما استخدمه بشكل يومي وليه!! طبعاً بحكم ان المدرسة ما ترضى بأرواج كانوا فرحانين بلابيلو علشانه مرطب بلون وطعمه يعتبر حلو المهم قلت يا بنت مالك بالهذرة واشتريه شريته وتخيلي تقريباً بعد اسبوع من شراءه تغير لون شفايفي الى لون قريب من الأسود!? مع انها ما شاء الله كانت وردية بشكل جميل جداً الحمدلله! وكنت قبلها مستخدمة مرطب eos ونفسك صارت شفايفي بيض فبس صرت ما احبهم لأنه احس خربت نعمة ربي بهم? صحيح الحين رجع لونهم بعد ما قطعتهم واعتنيت فيهم بس ما عجبني تغير اللون وصرت لما اجلس احس شفايفي جافة ومحتاجة ترطيب عميق بس الحمدلله الحين رجعوا لطبيعتهم❤️.
بس بما اني شاريتهم وما استخدمهم ممكن استخدمهم لحلمات الصدر مثل ما قلتي? > يا كثر هذرتك ELAINENA
ياني فضوول ابغي اشوف التصميم ان شاء الله يضبط
واايد تهمني ال dressing room ع اني مفصلة ومتعنية
بعده ماشي فايده ما وصلت للي ابغيه كل ما ياه يزيد قشي هههه
ما جربت من هذيل غير مال فازلين وما حبيتهم احس الفازلين العادي احسن عنهم
و تحمست ل يوسرين بس الله عايبني هالفتره من لا روشيه بوزيه
مرطب يوسرين قبل فتره شريتو سعرو صار ارخص تقريبا وصل ل40 ريال
.
.
.
حبيت ترطيبو مو خفيف ولا ثقيل وسهل المد وبدون لون زي ماقلتي اقدر استعملوا اي وقت ..
انا شفافي صارو كارثة الكوارث بعد ما اخدت دوا لمنع ظهور الحبوب
يعني نشفوا بزيادة وقشروا لحالن ومن ورا هالشي تعودت قشرن بايدي واكيد بس قشر بايدي بينزل دم وهيك
فكنت جيب اشيا للشفاف متل اصبع الحمرة بس للترطيب مثلا بيزلاين والباقي بس للاسف ما كانوا ينفعوا معي
وصارو ينشفوا شفافي بزيادة
بالنهاية امي جابتلي شي من نيتروجينا قوامو كريمي وبينزل من انبوب ما عارفة اشرح كتير
بس كتير استفدت منو، اول شي صرت حس كأنو طبقة وهيك صار لون شفافي ابيض
لكن عالاستمرار تعلمت اديش لازم حط عشفافي وهكذا وبالفعل انحلت مع مشكلة شفافي حتى ايدي ما عاد تلمس شفافي ابدا
جربت مرطب نيتروجينا التاني اللي متل اصبع الحمرة بس ما نفع معي متلو متل الباقيين
وان شاء الله يا رب لاقي نرطب ديرماغلو لان بعد الريفيو تحمست اشتريه وجربو
ومرطب يوسيرين كمان
يعطيم العافية ارتوس