مَساء / صباح الخير
أبيكم تفتحون مَعي زين ، زين ..
هالموضوع راح يفيد ناس كثيرة آدري إن فهمه يبيلة شوية تَركيز لكن مَفعوله قد يكون أشبه بالمُعجزة للناس إللي تعبوا وَعجزوا ينزلون وزنهم ، أو إللي عندهم رغبة دائمة بتناول الحلو وَ صعب السيطرة على هذه الرغبة ..
فيه الفَترة الأخيرة إنتشرت حميه يسمونها : Glycemic Index Dite أو يختصرونها تحت مُسمى GI Dite هالحمية جديدة نسبياً
أعتقد بدأت للأشخاص العَاديين بمطلع الثمانينات لكنها مُتبعة مِن زمان للناس إللي يعانون مِن السكري
بغض النظر عن مدى فعالية هالدايت له محاسن وَ مساوئ
لكن النقطة المُهمه في هالدايت إذا طبقت بتوزان وَ مع حميه مُعتدلة راح تعطي نتائج مُمتازة وَ بأخر الموضوع بوضوح لكم سلبيات هالحمية
لكن قبل بقولكم مَن أكثر الناس اللي راح تستفيد من هالحمية
أكثر المُستفيدين من حمية المؤشر الجلاسيمي ~
• اللي يعانون من مرض السكري أو المعرضين للسكري
• اللي يعانون من تكيس المبايض
• اللي عندهم رغبة دائمة بتناول الطعام وَ خاصة الحلو
• اللي معرضين لأمراض القلب ، الضغط ، الكوليسترول وَ السُمنه
– كيف يتم قياس مؤشر نسبة السكر في الدم ؟
تم تصنيف الأطعمه ( الكربوهيدرات ) على مقياس مِن ٠ إلى ١٠٠ بناء على مَدى إرتفاع سكر الدم بعد تناولها
فسكر الجلوكوز يحمل مؤشر ١٠٠ ، وَ بعض الأطعمه تحمل مؤشر عالي وَ البعض منخفض حسب تحللها أثناء عملية الهضم
فالكربوهيدرات سريعة التحلل تطلق الجلوكوز للجسم بشكل سريع بينما الكربوهيدرات بطيئة التحلل تطلق الجلوكوز بشكل تدريجي
فلمعرفة القياس يتم إخضاع مَجموعة من المُتطوعين لا يقل عَددهم عن عشرة أشخاص
يتم خلالها إطعام مجموعة توازي ٥٠ غرام مِن الكربوهيدرات وَ يتم قياس سكر الدم كُل ١٥ إلى ٣٠ دقيقة على مدى ساعتين إلى ٣ ساعات ، مُراقبه الناتج يعطينا المعدل العام للمؤشر الجلايسيمي للأطعمه
مِن هذا الإختبار تم تصنيف الأطعمه لثلاث فئات :
مؤشر جلايسيمي منخفض ٬ متوسط ، مرتفع
– مؤشر جلايسيمي منخفض : ٥٥ أو أقل
– مؤشر جلايسيمي متوسط : ٥٦ الى ٦٩
– مؤشر جلايسيمي مرتفع : ٧٠ أو أكثر
ماذا يحدث عندما يأكل الشخص كربوهيدرات ( النشويات أو السكريات ) ~
الجلوكوز هو المصدر الأساسي للطاقة في عملية الأيض داخل الخلايا
وَ تبلغ نسبته في الدم ٠،١٪ تزيد هذه النسبة بعد تناول الطعام خاصة الكربوهيدرات
يتخلص الجسم مِن الفائض بتحويله إلى الغليكوجين الذي يخزن في الكبد وَ العضلات
عند حاجة الجسم للطاقة يسترجع الجلوكوز مِن هذه المواد
ويتم تحويل الجلوكوز للدهون عندما تمتلئ مخازن الغليكوجين في الجسم وَ تبدأ بالتراكم
[ ما أدري شلون آبسطها بس بحاول ]
فالأطعمه ذات المؤشر الجلايسيمي العالي دائماً تخلي سكر الدم مرتفع ، بالإضافة تخليه مثل لعبه الإفعوانيه بالملاهي مُرتفع جداً مِن ثم يهبط بشدة
وَ هالشيء يُفسر رغبتك دائماً بالحلو بفترة الهبوط ، وَ يخلي الجسم يخزن الطاقه الفائضة كدهون
وَ لذلك فإن تناول أطعمة مُؤشرها الجلايسيمي مُنخفض يساعد على جعل مستوى الجلوكوز في الدم منخفضاً وَ يقلل من تحويل الجلوكوز إلى دهون
إذا حسيتوا إنكم مو فاهمين كل الكلام اللي فوق ، فأقولكم مُو شرط تفهمونه
بس هالمَوضوع نزلته عشان أوضح لكم ليه دائماً مطلوب مِنكم تاكلون الحُبوب الكامله مُو عشان بس الحبوب الكامله مُفيدة للصحة أو تعطيك إحساس بالشبع ، إنما لأن المأكولات المُكررة أو المنزوع عنها القشور راح ترفع السكر عندكم بشكل كبير
كُل إللي عليكم إنكم تفهمون كيف جسكم يستجيب لـ الأطعمه وَ تعرفون كيف نختار الطعام الصح ! في الأوقات الصح !
سلبيات وَ إيجابيات حمية المؤشر الجلايسيمي ~
• الإيجابيات ،’
تمت دراسة بهارفرد لمدة خمس أسابيع على ١٦٣ شخص مِن إللي يعانون مِن السمنه و أعطوهم حميه مؤشرها الجلايسيمي منخفض
لاحظوا تحسن بمعدل إرتفاع الضغط وَ تحسن بموشرات السكر بالدم وَ أيضاً لاحظوا أن سعراتهم الحَرارية المُستهلكة مِن الكربوهيدرات إنخفضت بنسبة ٤٠ ٪ – ٥٨٪
• السلبيات ،’
ـ إعتماد هالحمية على إختيار الطعام ذات المؤشر الجلايسيمي المُنخفض فقط ، بغض النظر عن قيمته الغذائية وَ نسبة السعرات إللي فيه أو الدهون
يعني على سبيل المثال : المُكسرات مؤشرها الجلايسيمي مُنخفض لكن بنفس الوقت إذا أكلتي كميات كبيرة راح تسمنين لأنها مليانه دهون حتى وإن كانت صحية
ـ مافي إثبات علمي قاطع يدل إن إختيار الغذاء وفق المؤشر الجلايسيمي فَقط راح يحسن مِن صحة الشخص العادي أو راح يساعد على إنقاص وزنه لكن المُثبت إنه راح يعطي احساس بالشبع لفترة أطول
ـ حساب المؤشر الجلايسيمي عمليه شوي مُشتته لأنها تختلف بعدة عوامل غير إنه صعب نحصر المؤشر الجلايسمي لكل الأطعمه
– ليه حساب المؤشر الجلايسمي مرات يكون مشتت ويبيله شوية خبره وإطلاع ؟
١- المؤشر الجلايسيمي قد يختلف نسبة لنضج الثمرة وَ مدة طهيها
يعني الموز الأخضر مؤشره الجلايسيمي أقل عن الموز إللي بدت تطلع لة نقط سوداء وَ بدأ ينضج
الفواكه المُجففه مؤشرها الجلايسيمي أعلى من الفواكه الفرش
الأطعمه المطهوه مثل الجزر المطبوخ مؤشره الجلايسيمي أعلى من الجزر الطازج
أيضاً الأطعمه المهروسه أو المطحونه مؤشرها الجلايسيمي أعلى من الأطعمه الخشنه أو اللي تحتاج فتره للمضغ وَ الهضم
٢- الكمية الكبيره قَد تؤثر على المؤشر الجلايسمي فملعقة سكر لا توازي ٨ ملاعق سكر في المؤشر الجلايسيمي
٣- المؤشر الجلايسيمي المنخفض لايعني بالضرورة أن الطعام صحي أو قليل الكاربوهيدرات
البطيخ المؤشر الجلاسيمي له عالي مع العلم أنه غذاء صحي وَ مليء بالألياف وَ قليل السعرات الحرارية ، بينما الآيسكريم مؤشره الجلايسيمي أقل من البطيخ بينما هو مليء بالسعرات الحرارية وَ السكريات المكررة
أيضاً البُشار ( الفشار ) مُصنف من ضِمن المؤشر الجلايسيمي العالي بينما هو مليء بالألياف وَ سعراته منخفضه وَ جيد لمن يتبع حمية غذائية
لذلك منعاً للتشتيت طور العلماء قياس يعتمد على نسبه الكربوهيدرات في الطعام وَ سموه الحمل الجلايسيمي وَ يرمز له بـ GL أي Glycemic Load وَ بكذا شتتونا أكثر
فالبطيخ مؤشره الجلايسيمي عالي لكن حمله الجلايسيمي منخفض
وَ صنفوا الحمل الجلايسيمي لثلاث مُستويات ،’
• حمل جلايسمي منخفض : عشرة أو أقل
• حمل جلايسمي متوسط : من ١١ الى ١٩
• جمل جلايسمي مرتفع : ٢٠ أو أكثر
الخُلاصة مِن المَوضوع ~
مُختصر الكلام وَشلون نستفيد من هالكلام للوصول لهدفنا بوزن وَ صحة جيدة وَ نحافظ على مستوى السكر في الدم بشكل طبيعي
– التركيز على الأطعمة منخفضة أو مُتوسطة المؤشر الجلايسيمي + إختيار الأطعمه ذات القيمه الغذائية العالية وَ السعرات الحرارية المنخفضة
– التركيز على الكميات بالوجبة ككل خاصة أثناء إختيار أطعمه مؤشرها الجلايسيمي مرتفع
فلتسهيل المُهمه :
حصة البروتين في الغذاء سواء قطعة سمك أو دجاج أو لحم مفترض تكون مثل مجموعة ورق اللعب
الجبن قطعة بحجم لعبة الدومينو
الفاكهة حصة بحجم كرة التنس
الخضروات كوب أو مايعادل حجم كُرة البيسبول
الحبوب نصف كوب أو مايعادل حجم راحة اليد
أو الإعتماد على الكف وَ راحة اليد على قياس الأطعمة وَ شخصياً أفضلها أكثر
وَ هذا الطبق المِثالي ( وَ بالطبع أطباقنا بعيدة كُلياً عن هذا التَصنيف ) ..
لاحظوا ربع الصحن بروتين ، وَ ربع الآخر للنشويات أو الخضار النشوية ، وَ الجزء الأكبر للخضروات
الأمر جداً بسيط ، وَ سبق صنفت لكم طبيعة الأجسام بهالمَوضوع ( للإطلاع إضغطوا هُنا )
كل إنسان جسمه مُختلف عَن الآخر ، فلو الكل إعتدل فقط إعتدال وَ ليس حَرمان وَ ذاق من كل شيء يحبه لما وصل لأوزان كبيرة ..
فالأجسام مُختلفة بنسبة الأيض لا تاكلين مِثل فلانة وَ علانه كُلي الإحتياج الخاص بك وَ بذوقك ..
– التركيز على الإضافات لخفض المؤشر الجلايسمي لابد من إدخال الألياف وَ البروتين فعند تناول البطاطس مثلاً يجب الحرص على أكل كمية مِن الخضروات وَ البروتين إلي جانب البطاطس
– مُدة الطهي إعتماد الطرق الصحية سلق أو شواء وَ يفضل أن لاتطبخ كثيراً وَ تحافظ على هشاشتها ( ال دينت)
أخيراً ،’
الحياة إعتدال وَ توازن لو كُل إنسان إعتدل بحياته لحافظنا على حياة صَحية وَ سليمة
هالمَوضوع بالرُغم ببدايته قد يستصعب البَعض إكماله ، لكن مُهم جداً جداً .. مو كل شيء نقراه لازم يكون مُمتع مرات المَعرفة تتطلب إنا نقرأ شيء مُمل
وَ دائماً وَ أبداً أنا ضِد الريجيمات مَع تحسين مُستوى الغذاء ، إضافة القليل من الصحة إلى وَجباتنا
أشوف بعض الريجيمات المَطبوعه مِن بعض مراكز التغذية دائماً ما يخطر ببالي هل إللي كتبها إنسان !! ولا روبوت
الأكل رغبة وَ شهية وَ عاده وَ سلوك ، لا بُد من تطوير السلوك وَ تحسين العادات بما يتوافق مَع حياة كل شَخص ..
حتى غالباً الأنظمة الغذائية مُترجمة مِن دراسات غربية ، مثل : شوربة كرفس ، شوربة هيليون ، قطعة مِن لحم العجل ، ديك حبش ، مافن ، بطاطا مهروسه
أغلبها وجبات لا تَخطر ببال الشخص العربي إلا قلة قليلة ، فَطبيعي لو تسوي له نظام بهالشكل
بيكون طوال الليل يحلم بالأكل إللي تَعود عليه مِن طفولته ، فالحَل تحسين جودة الطعام بما يتوافق مَع بيئة الإنسان ..
فالمَعرفة ( لما يعرف الإنسان كل مكون غذائي ماذا يحتوي ) + قليلاً مِن الوقت لصنع وَجبة شهية + فَن بدمج المكونات
بإعتقادي راح نصنع وَجبة صحية أو أقرب إلى الصِحة وَ بنفس الوقت لذيذة ١٠٠٪
وَ لا ضير بقليلاً مِن المُتعة ( خاصة لما يكون الإنسان بصحة جيدة قادر على تصريف المأكولات الغير صِحية + صاحب وزن مثالي ) ..
موقع لمعرفة المؤشر والحمل الجلايسيمي للأغذية ،’
هالمَوقع جداً مُفيد ، مُجرد ماتحطون إسم الفاكهه أو الخضار أو أي نوع من أنواع الأطعمة راح يعطيكم المؤشر الجلايسيمي وَ الحمل الجلايسيمي
بيعطيكم الكمية بالغرامات وَ بحال تم خلط الأطعمه مَع اللبن أو غيره وَش القراءة المُختلفة ، المَوقع أكاديمي
تَمنياتي لكم بحياة صحية
دُمتم بحب
تم
يعطيك العافيًة ارتوس الله ينور عليك ع قولة المصريين
الله يعطيك العافيه ارتوس ،، شي جديد واول مره اسمع فيه .
تم
يا مساء السعادة والجمال
طالعة برا بس بكتب تعليقي وارجع امخمخ ع الموضوع
..
الله يسعدك توسة … خدي ?
ماشاء الله كمية معلومات جميلة و جديدة الله يسعدك
كنت اعرف راجة اليد في اخذ حجم صدر الدجاج او الستيك بس الباقي روعه
و سهل ان شاءالله بستخدمها و امشي عليها
فعلا هذا الي نحتاجه ((تحسين جودة الطعام بما يتوافق مَع بيئة الإنسان))
كلام من ذهب يا ذهب
يخليلنا ياك ياقمري
تم
مساء النور
موضوعك شيق ويحتاج تركيز كأني بحصة كيمياء ?
برافو عليك بالطرح الممتع
عن نفسي أفضل راحة اليد بقياس الأطعمه
يعطيك العافيه سوس
اهلين ارتوس ..
احس الموضوع مهم جداً و لازم اراجعه اكثر من مره ..
حبيييييت الاعتماد على راحة اليد في قياس الاطعمه !!
خصوصا انها تتكيف على حسب جسم كل شخص و على حسب يده .. يعني تضمني ان هالكميه موزونه لك انتي بالذات .. ???
يعطيك الف عافيه ..
و شكل الموقع الاكاديمي راح يكون مرجع لي في الايام الجاية ..
جد جد يعطيك الف شكر لك ع المواضيع الغنية
تم
تم ، عنجد اروع سلسلة غذائية قرأتها في حياتي
استمري في تميزك ارتوس ??
الموضووع شكلو يحمس نقراء ونرجع للحلوين
تم
تم
??
رااااااااائعه ياآحلى ارتوس ومافي منك أصلا
?…
..
فهمت الدرس 100% وشرحك كفى ووفى فهمت الان براب وجباتي والاصناف احرص على كونها نصفها خضار غير نشويه والمؤشر الجلايسمي منخفض وقيمتها الغذائيه عالية يبيلنا بحث وحصر لهالخضار …
شيء ثاني عجبني بالموضوع ان هالحمية اعتقد انها مناسبه جدا لي وقبل فترة كنت ابحث عن الاكل المناسب لاهل السكر او المعرضين له لان امي كل ماحاولت تنضبط على حمية ارتفع سكرها بالعلالي سبحان الله اتوقع المؤشر الجلايسمي للاكل عالي خاصة ان الحميات معتاده وممله والحرمان اكثر من المتعه فالواحد يبطل يحمي عمره ?..
بس بعد هالموضوع ماتتخيلين قد ايش هو مفيد فعلا نورني لاششياء كثيره مالها حصر
ماننحرم من هالعطاء الجميل ?
تسلم هاليدين يعطيك العافية
?
والف سلامة على حلقك ماتشوفي شر
يا هلا بهالطلة
الموضوع مشوق وجديد يعطيج العافية عليه
بس اذا الواحد بيطبقه يبيله تدقيق وتفكير
انا وحده من الناس اللي قاعدة اجاهد عشان احول نظامي الغذائي الى صحي والسبب ماحب الطبخ ?
بس اكتشفت شي اكلنا (الشرق) يعتمد بشكل كبييير على الكربوهيدرات وهذا هي المشكلة وايجاد بدائل لها او تخفيف صحتها صعب شوي لأن متعودين عليه من الصغر
قواج الله ارتوس مواضيع الاكل الصحي والفتنس حيل احبها
دمتي بود ?
ي مساء السُكّر ي سوكرا ???
حمدلله م احُب الحلو ذاكا الحد و لا امداني ف حرب طاحنة مع نفسي
عندي زي الشوكلت للمدمنين ف أطعم من البطاطس م اعتقدشششي 
? اجل ٨٥ هذا و هي مي مقلية اشلون شذي !!! و الكسكس ٦٥ كويس معتدل اصلو لزيز اوي ??? اما التمر ١٠٠ ?? م انحط ب العربي لأسباب قومية صح ههههه ?
??? لاف يو .
والله الموضوع اذا واحد يبا يطبقو ح يحتاج اجتهاد عظيم .. انا ماشية ع الكف اقيس آكلي كذا سويت فيها فالحة و استخدمت الميزان فترة بس مشوار مرا ??
قلبي انخرش ع البطاطس ?????
مرررا شكرًا ع الموضوع احسو يحمس مدري ليه و حبيت الموقع الحمدلله ???
استمررررري لأنو هالتمير م يناسبك الا انتِ
التوازن هو سر النجاح???
يعطيك العافيه سوس
واضح المواضيع الجدية بدأت ، حلو مره بس يحتاج تركيز و قراءة مره اخرى حتى يُستوعب. الصراحه انا ما اهتم بطبقي على ايش يُقسم بس تهمني النوعية. اغلب مشاكلي مع الأكل ان مو كل شي احبه زي السمك و العسل نهائياً ما اكلها و هي تعتبر اهم شي ..
مره قانيه يعطيك العافيه ارتوس .. الله يسعدك قد ايش مواضيعك كانت و لا تزال تأثر فيني بشكل ..
اهنيك ع طرح الموضوع الخطير فيه كمية معلومات لا يستهان فيها ومعلومات جديدة اول مرة اسمع فيها الاعتدال في الاكل مشكلة عندي مع ان وزني مناسب لطولي لكن شهيتي للحلويات مفتوحة اكل السكريات بكثرة لدرجة خفت يجيني السكر لاني قريت ان تخزين الدهون حول منطقة البطن معناها ان الجسم يفرز الانسولين بكثرة عشان يقاوم السكر اذا ماني غلطانه قريتها من زمان وانا مشكلتي في بطني تراكم الدهون فيه ماهي كثيرة لدرجة ملفته بس ابي بطن مسطح اعذريني ع الاطالة ويعطيك الف الف عافيه ع مجهودك الجبار
يعطيك ألف عافيه أرتوسه ،، ???
الموضوع جدييييد ومفيد جداً جداً وفهمته الحمدلله ? لأني تخصص أحياء لا كيمياء ولا رياضيات احس فهمته بشكل اسرع ?
كلمه اخيره ارتوسه بقولها لك : أتعبتي البلوقرز من بعدك ?? عن جدددددد
مشكوره بحجم السمااااااء على مجهودك الراااائع ?
الموضوع مميز ومفيد مثلك ارتوس ….. شكرا لك ع الفوائد الي تقدمينها لنا ?
يعطيك العافيه ، جداً استفدت من الموضوع
احب مدونتك لأنها تخليني على إطلّاع باشياء جديدة وغريبه وتطورني بصراحه
مستحيل افوت لك تدوينه
لكني قليلة تعليق :$
الشيء الوحيد اللي مافهمته هو الحمل الجلايسيمي ، هل المقصود به سعراته الحرارية وأليافه ؟ ( هذا اللي فهمته من مثال الجح )
ي صباح النور ،،
مادري ليه اقرأ وانا مستمتعه وفاهمه يمكن لانه يذكرني بـ تخصصي (كيمياء)
عموماً للي مافهم الموضوع وحسب فهمي انه نوعية النظام تقريباً نفس فكرة نظام اتكنز ، الفرق ان نظام اتكنز تمحين منه النشويات في مرحلتينها الاولى واخر مرحله تدخلين الكارب بنسبه لا تتعدى ٢٠-٢٥ كارب ،،
الجسم يعتمد عالنشويات لانها بسرعه تتكسر وتتحول طاقه وخصوصاً السكريات الاحاديه (جلوكوز ويسمى سكر العنب : غالبا يوجد في العنب والتين وهو نفسه الموجود بالنباتات ، اطلاقه للطاقه عالي وامتصاصه سهل ) (الفركتوز او سكر القصب: سكر يوجد غالبا بالفواكه ويحتوي على سكر اعلى و اقل طاقه) (جالاكتوز : اصعب نوع احادي في التكسر وانتاج الطاقه ويوجد بمنتجات الالبان والبروتينات)
جسم الانسان يعتمد عالكاربوهيدات لانها سهله وبسرعه تنتج طاقه ، ف لما انا اكل وجبه او سناك حلو معناته بسرعه باحصل طاقه وبسرعه باجوع ، بس لما جسمك يفقد النشويات او الكاربوهيدرات من وين بيطلع طاقه ؟! بيروح للدهون بالاكل ، واذا ماكفى الجسم لانتاج طاقه فمعناته راح ينتقل لتكسير الدهون المخزنه ، (هذي فكره اتكنز بالحرق )
عموماً كثروا خضار – بروتين وقللوا نشويات بس ? ،، تقريبا احاول لي فتره امشي على هذا النظام وما اكثر دهن بالبروتين يعني مقلي او اكل شيء مشحم ،، افصل النشويات عن البروتين بمده لاتقل عن ٣ ساعات ،،
وعقبال الكل رشيق وجسمه حلو ??
سلامتك سوس وماتشوفي شر حبيبتي.. اسجل حضور النعاس غالبني وماكو تركيز.. بإذن الله ارجع واكتب اذا صحيت
موضوعك مو ينحفظ بالمفضله ينطبع ويعلق بالبورد
كان الكوتش جابر الرشيد يقول افضل وقت للتمرين هو وقت انخفاض الانسولين ويكون اقل شيء بعد الاستيقاظ من النوم , ويفضل ان نأكل وجبه وبعدها بساعتين نمترن. هالفتره اقول لنفسي امسكي حالك وانت بصحتك ولا تصابين بمرض السكري وغصب عنك تتجنبين السكر.
“لأكل رغبة وَ شهية وَ عاده وَ سلوك ، لا بُد من تطوير السلوك وَ تحسين العادات بما يتوافق مَع حياة كل شَخص ..” صحيح 1000000%
اللي معود بحياته على نظام اكل معين وكان سيئ الافضل له التدريج والاستبدال بالمنتجات الصحية, وهذا اللي اسويه بفضل الله ثم فضلك يتشجع الواحد انه مو كلام , هناك شخص مجرب وينشر تجربته, بعد سلسله هالمواضيع أكدلك 2017 عام الانجاز والصحة بإذن الله big kiss 4 u
ياااااه موضوع جمييل جدا .. أنا من الناس اللي عندهم رغبة ف تناول الحلو وجالسة أشتغل ع هالموضوع من فترة مو قصيرة .. بس م أنكر مرات أخربط ويتخربط كل شي وأرجع أعدله وهكذا .. بس بعد موضوعك هذا أتوقع راح ألقى الحل إن شاء الله .. باقرأ التدوينة كذا مرة لأن المعلومات اللي فيها م تتفوت ? يعطيك ألف عافية يارب وتسلم إيدينك الجميلة عسى ربي يحميها من ناره ???
ارتوس التدوينه حلوه وفهمت منها لكن لازم ارجع واقرأها مرره ثانيه
لان حالياً لو تناقشيني فيها راح أتوه بالاجابات
لي رجعه ان شاء الله
الموضوووع مهم جداً لي انا شهيتي مفتوحه واحب الحلو اكثر شي اشتهيه
الحلى
اهلا سوس ماشاااءالله مواضيعك جدا تحمس وغيررر غير
شوي يلخبط الكلام يبيلي اقراه مره ثانيه عشااان افهم اكثرر
اناا المعادلات الكيميائيه والأشياءء هذي مااني انا وياها
اصحاب .. بس برجع اقراه مره ومرتين لين افهمه صصح
مره شكرا ع هالتعب والمجهوود الي تبذلينه كرمال صحتنا
ورشاقتنااا وربي ماتوفيك حقكك كلمه شكرا
الله يسسعدك سعاده الدارين
صراحه حلوه الحياه المعتدله انا من الناتي الي تجيني فجعه
ع الحلى بس اذ خلصت صحني يبدا ضميري يانبني
كُل إللي عليكم إنكم تفهمون كيف جسكم يستجيب لـ الأطعمه وَ تعرفون كيف نختار الطعام الصح ! في الأوقات الصح !
افضل نصيحه للي جسمهم مثل جسمي عملية الأيض عندهم بطيئه ( جسمي مايحرق ) ??
مادري شقايل أشكرج حبيبتي .. فعلا موضوعج ياي بوقته وأحتاجه كثيييير حاليا ..لاني حامل وارتفع عندي السكر وحاليا على نظام غذائي مطبوع من أخصائية تغذية .. والحمدلله على كل حال .. كبشرت كذا جدول من الموضوع وبتم أقراه كذا مرة لين ماتوصل الفكرة صح وأحفظه .. مقتنعة تماما باللي كتبتيه لانه فعلا أغلب اللي ورد فالموضوع حقيقي وصار معاي .. خصوصا البطيخ الأحمر .. عصيره يرفع السكر فالدم بشكل جنوني مع انه مثل ماكتبتي مليء بالماي والألياف .. لكن المفروض نكتفي بشريحة أو شريحتين فقط .. ارتوس اذا قريتي سؤالي هل فعلا فيه فرق بين مثلا الزبادي كامل الدسم وخالي الدسم؟؟ وهل الخالي من الدسم مفيد للنظام الغذائي .. مادري ماحس اني مقتنعة بهالشي .. وهل سكر ستيفيا بديل ممتاز للسكر الأبيض ..
أكتفي بهالسؤالين ويعطيج العافية ويبارك ربي فيج حبي ?
صباح الخير
موضوع دقيق وشرحك واضح وسهل وفعلاً لو الانسان اتبع الاعتدال في غذائه لما اشتكى من صحته او تأرجح وزنه
شكراً وشكراً وشكراً إلى مالانهاية بحجم ابداعك الدائم
الله يعطيك العافية
يعطيك العافية سوس
?
السلام عليكم ورحمة الله وبركاته
يسعد ايامك ارتوس الجميله
ماتتصوري قد ايش موضوعك مهم جدا جدا
انا من الناس اللي عانيت بسبب الوزن الزائد وبصراحه ماكان زائد كثير في البدايه بس رحت لاخصائية تغذيه وللاسف نطلق عليها دا المسمى وادتني ريجيم بدل ما انزل ٣ كيلو بعده زدت يمكن ٢٠ كيلو ? وتعبت من عياده لعياده بعدها قلت لازم انور نفسي قراءت وبحثت واخدت دبلوم عن التغذيه وانزال الوزن وعرفت قد ايش كانت جاهله باشياء كثير وقد ايش يضحكوا علينا بالريجيمات الا القليل منهم
عرفت احتياجي اليومي وعرفت الاكل الصحي الذكي عرفت اني مولازم احرم نفسي بس اختار اكلي بذكاء
وستفدت اكثر واكثر لما قراءت موضوعك عن انواع الاجسام من جد كان كأنه قطعة البزل المفقوده ? عرفت نوع جسمي والتمارين اللي تناسبني
حطيتلي نظام صحي وجدول تمارين مناسب وباذن الله ابلغك بالنتائج المبهره قريب ????
شكرا بحجم السماء على عطائك والله انتي من الناس القليله اللي تطرح المعلومه للعلم والتثقيف
ولانك اديتنا بقلبك الله يجعل حياتك سعاده وراحة بال واي شي يخطر ع بالك وقلبك جميل ربي يحققلك هو في لمح البصر ياارب ??
هلا بصراحه الموضوع حبيته و عجبتني فكرته
و صدقا انا من الناس الي بحب الاكل بس بنفس الوقت بحب ازبط من طريقه اكلي و خلال فتره دراستي بعيد عن اهلي صرت حب الالياف وكل خبز اسمر و اشيا هيك و فاكهه بس من باب هدول اكتر صحي و لما عرفت شوي عن بعض الي كتبتيه صرت حابه راجع شوي طريقه اكلي كمان
بس حابه اسألك شغله !!
هلا بالنسبه ل الافضل انه الاشياء ناكلها حسب الكف
طيب ! بالنسبه اليي كفيي كبير و اصابعي قصيره
ف لو قلنا بحسب حصتي من البروتين صدقا بتطلع كبيره
ف هل حجم الكف يأثر والا عادي ؟
وحكيت قصيره اصابعي لانه من محبين البينت بتر وهالحصه ما تكفيني هههههههه
مجهود تشكري عليه
موضوع حممميل
فعلاً انا غيرت نظام حياتي و صار اكلي الغالب صحي
سعيده جداً ومن افضل قراراتي اللي اتخذتها بحياتي
صح اخبص احياناً بس اشتاق للأكل الصحي النظيف
شكرا
صباح الخير
.
الأعتدال هو السر فعلا في كل شي بالحياة، أخر ثلاث تدوينات أذا فهمناهم وجمعناهم نقدر نسوي نظام صحي يناسب كل شخص فينا.
مساء الورد والحب يال
الكبير ..
يعطيك ألف عافيه على هالمجهود
واختصار كلامك ياسوسو عن الريجيمات عموما هو ” الأكل رغبة وَ شهية وَ عاده وَ سلوك ، لا بُد من تطوير السلوك وَ تحسين العادات بما يتوافق مَع حياة كل شَخص ”
لاافراط ولا تفريط ? كل شي بااعتدال وتوازن
مشكوره للمره المليون ياروحي
أحبك ⚘
رائع يعطيك العافيه ،، موضوع قيم وشرح الموضوع بطريقة سلسه… ابدعتي
يا هلا وسهلا بأرتوس
موضوع ذهبي فعلا
اختصرتي معنى ونمط التغذية الصحية
قرأت كثير عن مواضيع التغذية والصحة، موضوعك غني بالمعلومات
دائما أفضل المواضيع المبنية على معلومات وحقائق علمية لأن كل شخص يختلف عن الثاني فما ينفع فقط وضع طرق وتجارب ونصائح
يعطيم العافية أرتوس
ودمتي دائما بود
الله يوفقك ويسعدك ارتوس موضوع جميل يستحق القراءه كل مره عشان استوعيب الموضوع ??
سوس ..كل مدوناتك بالنسبة لي كنز /لكن المواضيع الاخيرة اللي تتعلق بالصحة والنظام الصحي والرياضة كللللها ذهبية عندي
بالنسبة لي اعشق الرياضه لكن مشكلتي بالأكل السويت والحين فهمت المعادله اللي تصير بجسمي
بعد شرحك للعلاقة الطرديه بين المؤشر الجلايسيمي والجلوكوز
اسمتعت بقراءه بالرغم انه لازم ارجع اقرأ الموضوع مره ثانيه حتى افهمه اكثر
::
تسلم أناملك على طرح الموضوع بالتفصيل هذا مستواك العالي دائما بحياتي ماطلعت من تدوينه وانا متوقعه شيء اقل من هالمستوى
برافو
يعطيك الف عافيه
هلا والله
قرأت الموضوع بعد التسابق لحجز مقاعد في للمركز للأول ، وشكلوا ماراح اقدر هههههه.
الموضوع حلو وجديد من ناحية الطرح بهذا الأسلوب ، لكن المعلومات قدر مرت علي في أكثر من برنامج ، ولكن على ما اذكر كانوا يركزوا على الألياف في تقليل سرعه الهضم وإبقاء مستوى السكر معتدل أو منخفض، يمكن موضوعك دقيق أكثر في انو نختار الأطعمة على حسب مستوى السكر فيها ، أقصد السكر الجلوكوزي.
انا والحمد لله نا اعاني من زيادة وزن وزني لله الحمد تمام بس فترات ينزل ، وعندي فقر دم يعني بالعربي لازم اهتم بنوع التغذية وليس الغذاء، وهذا شيء صعب بالنسبه لي لأن أغلب اكلنا العربي نشويات سكرها يدق السقف وبكذا اشبع بدون ما أعطي جسمي الغذاء المناسب ، وبسرعة أجوع وعاد تعالي دوري شيء مفيد بعد ما اقتنعتي انك اكلتي وجبه رئيسه ، هنا تبدأ الخرابيط انا اشوف الوجبه الرئيسية هي الحل لي ، ولكن قاتل الله الكسل ، المشكله مو في المعلومات المشكله في التطبيق .
سلمت يداك كالعاده
عطاء مستمر ما شاء الله عليكِ ..
استفدت من الموضوع الكثير..
الله يسعدك يا سوس .. :*
الموضوع مميز وطرحك تحفة ??
الله يسعدك على المواضيع المفيدة و المهمة
كنت اعرف أن بعض الأطعمة ترفع السكر في الجسم اسرع من بعض الأطعمة ولكن لم يكن عندي خلفية عن المؤشر الجلاسيمي بهذا الوضوح.. شكرا ?
بالنسبة لي كنت الاحظ فرق كبير بعد وجبة الإفطار بين لو أكلت مخبوزات وإفطار تقليدي وبين لو كانت شوفان بالماء مع فواكه وقليل من العسل
طبعا بعد الإفطار التقليدي مهما كانت الكمية قليلة كنت احس بالنعاس واحيانا صداع.. وبعدما جربت الشوفان بالفواكه ارتحت وصار يعطيني طاقة وشبع ممتاز
لكن لازلت أناضل للوصول لأفكار لوجبة الغداء والعشاء تعطيني احتياجي ومتكاملة العناصر وفي نفس الوقت لا اشعر بعدها بالتعب والنعاس
عندي استفسار اذا كان عندك او عند المتابعات خلفية عنه واتمنى أن تطرحيه ضمن تدويناتك وهو:
هل هناك أضرار أو آثار للخضارعموما و الورقية خصوصا لو أخذت بدون طبخ
مثلا الجرين سموذي بأنواعه يشمل أنواع خضار كنا نعرف سابقا أنها لاتؤكل نية وأنها صعبة الهضم وبعضها يؤثر على جدار الجهاز الهضمي مثل السبانخ والكيل… فهل هناك دراسات جديدة أثبتت أنها تؤكل نية دون ضرر أم أن عصرها يفككها فتصبح مناسبة ؟؟؟
شكرا من القلب لك ???
يعطيج العافيه ارتوس ع هيك موضوع جميل
ومثل ما قلتي ان الواحد يعدل ع اكله بما يناسب بيئته انه الحين اطبخ بدون دهن لكني اضيف لجسمي الدهون الصحيه احسب سعراتي من اكلنا الي كلنا مع بعض اخذ احتياجي منه والحمدلله اموري ماشية في السليم وصح عن الموز لكا آكله اظن بيشبعني لكني فتره قصيره بعده اجوع ??فآخذ لي بروتين شيك او اي شي فيه بروتين يشبعني وبكميه محسوبة طبعا ولي حد الحين فاقده تقريبا ٧.٥ كيلو وعقبال الباقي بصحه
يعطيج العافيه ??
hi there,
As usual intensive and unique topics.. very useful. i agree with you what these people who invent theses harsh diets are ridiculous. The target should be a balanced and healthy options.
Thanks again for the efforts.
regards
Sophie
سوس يا قلبي من لما بلشتي تكتبي مواضيع، هذي اول مرة رح أعيد قراءته للفهم هههههههههههه
يعطيك ألف عافية واضح جدا المجهود
اللي احبه انه مواضيعك دايما مالها شبيه
أرتوس الموضوع جدا شيق اول مره قريته ما فهمت ومليت لكن لما رجعت له كم مره صار بالعكس ممتع وسهل ومفيد جدا ؛
حبيت المقياس بالكف وحفظته عندي وترجمته .
وفعلا الصحن المفترض يكون بهالشكل .
سبحان الله نظامنا الغذائي عاده لو عدلنا فيه شوي طلعنا بنتائج جميله جدا . مثلا بدال بيبسي مويه بدال مطعم وجبه بالبيت .
اول مره اعرف عن الحمل الجلاسيمي اذا كان منخفض او متوسط بإختصار انه ما يرفع السكر في الدم ويشبع ?هذا اللي فهمته بغض النظر على ان الموضوع مشتت ويحتاج اطلاع لكن عطيتينا الزبده انه يختلف حسب نضج الثمره وطهيها وغيره .
والله يا ارتوس فعلا لو الإنسان اعتدل في حياته ما رح يعاني كل شي بمقدار واعرف لنفسك لا حرمان ان الإنسان اخرها ينفجع عالأكل ولا الحبل عالغارب ويبدا الإنسان يفقد السيطره على جسمه والصحه تتدهور والنفسيه تسوء !
موضوع يخلي الواحد يفكر لمستقبله الصحي اذا أراد ان يعيش بصحة ويموت وهو بصحته .. الحمد الله الحمد الله شبه اكلنا بالبيت كذا خليني من المؤشر الجلايسيمي لكن تقسيمة الصحن نفس الشي دايم نركز بالبيت انه اكلنا وطريقة طباخنا للاكل يكون بطريقة صحيه حتى الزيوت اللي نستخدمها دايما أولفر اويل لكن لا ضير بقليل من المتعه مشقشقات وملزلزات (على قولتك) الشي الوحيد الغلط هيا مواعيدي بالأكل خربوطيه شوي ??… الله يعطيك العافيه والمعافاة الدائمة ولكل المسلمين ??
فعلا اساس امراض ومشاكل الجسم كلها من السكر وخصوصا المصنع واللي مصدره غير طبيعي هذا المفروض نسميه سم .. حتى السكريات الطبيعيه نقلل منها افضل عشان ماتتحول لدهون
يا جمال الطاقة الحلوة منك..
فعلاً استمتعت بكل كلمه موضوع جميل مثل العادة متميزة
يديكي العافية ارتوس حقيقي اول مرة استمتع بقرأة تدوينة بالطريقة دي اندمجت جدا احييكي كل موضوع احلى من التاني????