صَباح / مَساء الفَرح
[ بنات تَرى برد عالمَوضوع السَابق ] ..
بقولكم شَغلة صَغيرة ترى زَنقت نفسي أنا وَ وعودي بس خلاص وَعد الحُر دين عليه
كثير يسألوني عَن موضوع الشَعر بينزل يَعني بَينزل قبل العَيد ، وَ أمس كان مِن المُفترض يُطرح مَوضوع فُرش مورفي
لكن إنشغلت شَوي بتصوير الفرش ، الصُور كثيرة وَ تملل شَوي وَ أحاول أصورها بطريقة تقدرون تحفظون الصُورة عندكم
وَ تكون سهلة الوَصول أثناء التَطبيق ، يعني قبل العَيد بعد وَ هو نازل ( ياكثر إللي بَسويه قَبل العيد ) ..
هالموضوع مُفترض ينزل بداية الصيف ، بس أساساً ماتفرق عندنا أغلب السنة حَر ههههه يعني حَتى البرد عندنا صيف
عالعموم مازلنا في مَوسم الإجازة وَ السفر المَوسم إللي يرجع السياح منه وَ متنتنين ، فصار التان مِن برستيج الإجازات
فبطلنا هالموسم تان حاز على جَوائز جمال عالمية بعام ٢٠١١م وَ ٢٠١٢م وَ ٢٠١٣ م
لسعره الإقتصادي وَ سهولة مده
St. Moriz Self Tanning Mousse
التسمير الذاتي مِن سانت موريز ( رغوة = موس )
مكان التوفر : صيدلية النهدي وَ وايتس
سعر الموس : ٦٩ ريال سعودي
سعر القفاز : ٣٥ ريال سعودي
وَ تحمست له بعد ماشفت كثير معطينه تقييم عالي بكثير مِن المواقع
وَ ماكنت أتوقع يكون متوفر بالسعودية لأن كثير كانوا يشدون له الرحال خاصة إن سعره يعتبر رخيص قياساً بمُنتجات شبيهة له
عموماً لي شهر تقريباً مدمنته ، فيه منه درجتين متوسطة وَ دارك ، أخذت اللون المتوسط قوامه ( موس )
إنطباعي عَن المُنتج ~
أول مامديته لفتني لونه مُو محمر أو برتقالي ، لا تحسونه زيتوني على ذهبي على بني يشبه السَمار الحقيقي
طبعاً مديته بالقفاز الخاص بالتان مِن نفس الماركه
(لأني أشوفه يعطي نَتيجة حقيقة وَ مصقولة للتان ، بينما اليد مُمكن تترك خطوط و تغطيتها ماراح تكون بنفس الدقة )
وَ المناطق الصغيرة مِثل الوجه وَ الكفوف وَ الأقدام مديتهم بـ الكابوكي برش
سهل جداً جداً بالمد مِن أسهل الأنواع اللي جربتها وَ غير لزج أبداً خفيف ( يعني المُبتدئة بالتان بيناسبها )
ريحته زي أغلب أنواع التان مَافيه شيء مُميز وَ لا هو عطري بشكل مُزعج
بعد مابدأ يتفاعل بدت تطلع ريحة تشبه لريحة الحِناء وَ بينت أكثر لما نمت بحكم إني أمده وَ أنام وَ أقوم أغسله ( أكثر شيء أكرهه بالسلف تان هالريحة )
عادي مابقع بالفرش تقدرين تنامين بس إذا عَرقتي مُمكن يبقع
بعد ماقمت مِن النوم غسلته بغسول خفيف وَ رطبت جسمي زين وَ ماحسيت إن فيه ريحة الحناء ( تلاشت )
لونه جداً حميل يشبه لونه أثناء الوضع ، مايفقد كثير مِن الصبغة بعد الغسلة الأولى
بعد ٤ أيام يبدأ يتلاشى أحسن مافيه إن تلاشيه سَلس مايبقع أو يبان وسخ
بأحسن الأحوال راح يستمر مَعك اللون أسبوع
محاسنه ،’
– سعره مُمتاز
– لونه جداً طبيعي زيتوني على ذهبي على شوي براون ( مُو برتقالي أو أحمر )
– قَوامه خفيف جداً وَ غير لزج
– سهل المد جداً
– مايترك خُطوط أثناء المد
– يتلاشى بإنسيابيه وَ مايبقع أو يبان كنه وسخ
عيوبه ،’
ريحته فقط
شرح طريقة مد التان المثالية ~
– تقشير الجسم ( سكراب ) وَ إزالة شعر الجسم
– مد كريم مرطب غير زيتي في المفاصل وخلف المفاصل ( الركبة وَ الأكواع ) وَ الكفوف وَ الأقدام وَ الوجه
– لبس قفاز وَ وضع كمية صغيرة مِن الموس
– المد إبتداء مِن الساق بحركات دائرية ، من ثم بخطوط طولية وَ عرضية وَ بالنهاية الطبطبة
– لما تمدون المناطق إللي رطبتوها قبل بخفة وَ ببقايا التان لأن بالأصل هالمناطق مُجعدة وَ عشان ما تترك خطوط
( أحرصوا تكون المفاصل مثنية أثناء المد ) بعد ماتخلصون هاتو منديل وَ أمسحوا الزائد حول المفاصل وَ الثنيات
– خلوا التان ينشف ٥ إلى ١٠ دقايق مِن ثُم ألبسوا مَلابس مُريحة ، وَ تجنبوا البلل أو التعرق أو وضع اأي كريم أو عطور ، وَ أتركوه ٦ ساعات أو ليلة كاملة
– إذا حسيتوا فيه تبقع بعد ساعه من المد ، إمسحوا المناطق الغامقة بالميك أب ريموڤر
فَيديو للخطوآت ،’
النَتيجة
مُلاحظة شخصية ،’
مِن خلال إدماني للتان بالفَترات الأخيرة ، صَرت أقارن بين لوني وَ لون أختي
لاحظت إن أختي اللون مايمسك فيها مثل مايمسك فيني ، وَ أتوقع السبب راجع لطبيعة جسمي الساخنة
دايم جسمي حار وَ أختي شبه مُعتدل يميل للبرودة ، فأحس ينطبق عليه فكرة الحناء
فيه ناس لون الحناء يبين بجسمهم أكثر مِن غيرهم بالرغم لون بشرتهم واحد ، فيرجع لنوع الجلد نفسه ( جاف ، دهني ، عادي )
وَ أيضاً مثل ماقلت حسب حرارة الجَسم ههههههههه مَدري هذا إللي لاحظته
دُمتم بَحب
تم
تم
صباح الجمال ?
حبيت نتيجة التان عليك تحمس ما شاء الله ?? وبالنسبة لتدوينات راضين بكل اسبوع تدوين مو طماعين المهم ما ننقطع عن المدونة ?
تم مشعلل
????? اسمالله على هالجمال هذا وانا لسا ماشفتك ? بس / صرآحه تشكرييين من قلب على اللي تسويه وأقولك شي على انك تتعبي فالتصوير وتتمللي بس تطلعي بتدوينه على مستوى وصرآحه مدونتك ارتاح فيها من ناحيه الصور والألوان وتنسيق الموضوع مدونه ماتملين منها أبدا
محد خلاني احب التان غيرك وحبيت عليكي loving tan أكثر ?
بس تحمست أجرب على خفيف ماراح اخليها بخاطري ?
دمتي بسعاده مالها حدود
روعه وحمستيني عليه حصلته في النهدي قبل يومين وبإذن الله راح اجربه
وحشتيييينا
قهر
ماشاء الله التان حبيته ودخل قلبي بسرعه
وسعره رخيص جدا لو ماناسبني ماراح اندم عليه
بس المشكله مو هنا
انا اشيل جسمي بموس، وشعري يطلع بعد ٣ ايام او ٤ ايام
لو بحطه عليّ وطلع شعر؟ وش بسوي وقتها! لا جيت برجع اشيل الشعر بيروح التان
حبيت رجوعك على مواضيع صغيره بس جدا مفيده
كوني بالقرب
كوني أنتِ
الله عليك والله كان نفسي ابدأ اداوم بتان و سهلتي لي الطريق بهالتدوينه ?
بس بقول جملة وحدة
قد إيش العالم خاسر جمال و فن و رُقي بسبب الحياة الإجتماعية بالسعودية فيما يخص المرأة.
لمساتك يا أرتوس تفاصيلك البسيطة تصنع كل الفرق و السحر و التألق.
تحمست اسوي تان ?
ان شاء الله اجربه قريب
يعطيك العافية يا رب
صباح الخيرات
ماشاء لله عليك دايما طرحك مميز وقمه في الذوق
لون التان يذبح وسعره جدا مناسب
اتوقع لي تجربه قريبا له
في انتظار تدوينه الشعر
سلس وحلو ، انا افضله عن السن تان مع انو نتيجة الشمس احلى بكثير بس للأسف بشرتي والشمس مو اصحاب ..
السلف تان اللي يعطي لون برتقالي محمر يفضلونه كثير عشان يعطي ايحاء ” تراه تان مو لوني ” بس ما احبه انا يبين فيك
هالتان تحمست له كثير ?
يهبل اللون يا آرتوس وسعره على نتيجته فوق الرائع ?? دايمًا ما ترجعي لنا الا بكل شي جميل
اعجبني هالتان كل شي فيه حلووو
من ناحية سعرهه ولووونه مره جمميل
تسلم دياتك ع الطرح
ولي تجربه له تحمست هالمره جد ?
ماشاءالله تبارك الله ايه القمال ده????
والله محد يشوقني للتان غيرك من كلامك انه يناسب المبتدئات تحمست لانه كنت متخوفه انه يبغاله خطوات كثير حبيت لون التمر?????
ننتظر موضوعاتك بفارغ الصبر وحشتنا المدونه كثير
تسلم ايدك ياعسل
ماشاءالله بيجننن بيعئد سم الله عليك تسسلمين سوس ?
أجمل شي انو نزل قبل العيد. ابي ابكي من الفرحه ياحلوك يأختي ويلموني بحبك
ماشاااا الللله ???? شغغغغلللكك ماشاا الله مو طبيعي يتعببب من الجمااللل و الاتقان ???? طبعاا كالعااااددهه
وٓحشتيني أوي أوي أوي
بسم الله عليك يا حلاتك مازان التان الا عليك ?
سمراء او بيضاء انت ملكة جمال في الحالتين
احبك يا توسة ???
çok güzel توسا
أشكرك لتجربه هالمنتج اولا لأنه سهل وثانيا متوفر وسعره مناسب
حبيت المنتج الي جربتيه قبل عليك أكثر
وبالنسبه للتدوينات اهم شي راحتك يالغاليه بالنسبه لي انتظر تدويناتك حتى لبعد العيد
ممتنه لعطائك ..شكرا??
الله وحشتيني هون ، صرآحه أكثر شي تحمست له يوم صورتيه سناب وانا يدي تحكني حبيته من اول نظرة ههههههه
تصدقين اكره أوعد أحد لإني فاغره و آنسى كثييير و اتكيسل
بس لاتخآفي نحبك ئد الدني مابنزعل لو اشتغل عرقوب
بس التان ماشاءالله هالمره اللون عليك مميز و يسطل سم الله
بس لو ع قولك إنتي حارة أجل إحتمال مايمسك علي اللون لإني باردة و أحيانا اذا طلعت بحر مايكون نيتي تشميس بس مايمسك علي بسرعه المهم لبى الطلة اللي تبرق اليوم
وحشتنا هالطلة
عممممممممممري الزين انا ????? ربي يحرسك
احلى شيء انك جربتيه لأنو اللون طالع عليك احلى بمراحل من لوفنق تان و منو انا اتعلمت الطريقة الصحيحة لوضع التان من فيديوهاتهم ع اليوتيوب
خسارة م لقيتو ف النهدي اخر مرة رحت ان شاء الله القى دحينا ?? اتخبلت ع اللون مر لابقلك الصلاة ع النبي
كان ف بالي كلام كثير بس انخرشت من الكومنتات ف الانستا ?????? يبعدهم عنك ي لطيف بس من كذا ناس
مِمم ايوا طيب كيف وجهك ؟ انا اجرب نوع خاص للوجه و لو ايش م يمسك تقولي ليه ? ع عكس جسمي يمسك بسرعة ساعة ساعتين قيدو مسك م شاء الله لأنو جسمي حار برضو بس وجهي لا يقهرني ?
مرا شكرًا ع كل شيء و استمري ف اللي تحبي و حللي و انبسطي ب التان للاخر و لا تلتفتي لأي احد
امتنان .
??
صباحو يامتنتن..
لمعه ذهبيه جميله وساق اجمل ومنتج في محله كل اللي تقدمينه نشكرك عليه من هنا للسما .. وقفو العبارات والله ??..بس اكيد لي تجربه وبتكونين اول من يطلع عليها …
ماننحرم من هالطله ولامن هالمعلومات القيمه ???
بعد آلبي المتنتن ? ذبحتني اللمعة
إنتي الوحيدة اللي حمستيني للتان ??مع أني مهووسة بالبياض للأسف
بالنسبة للتدوينات خذي راحتك أكيد مشغولة بالعيد
يجنن يجنن يجنن ?
درجته اعجبتني اكثر من اللوڤينق تان
احسه كأنه طبيعي فعلاً
الموضوع جذبني وحمسني اجدد اهتمامات
الانوثه ? اللي مااااتخلص ولا ودي تخلص
من بعد ماجاني فتور من القراءة
في المدونة او الانستا
Thank you
صباحككك جمييل..
يجنن التااان عجيييب ?? السن تان يتعبب مرة مش مثل السيلف تان جيت اليوم أبي اتشمس أنا و أختي إلا فجأة الجوو كله غيووم والشمس تطلع وتختفي ? لما استسلمت و جلست على جوالي شفت انستقرامك اي يا وجع قلبي لا للسن تان صح فيه حلاوة كذا بس خلاص ? خذلني اليوم..
ماشاء الله تدوينة حلوة وشرح سهل وبسيط وافي وكافي الله يعطيك العافية يارب
وياشمس اصبغيني مثل لونه خليني ..
الله الله ، والله كلك جمال .. ?????
مره يجننننن اللون عليك ?
وحشتينننا ووحشتنا التدوينات اللذيذه مثلك،، متفرده ومتميزه دائماا ارتوس
ماشاء الله لاقوة الا بالله
النتيجة ولا أحلى ..
حبيت انه يبقى أربع أيام لأسبوع مده جدااا مناسبة
وتسلم لنا توسة ?
ماشاءالله جمال بحق وحقيقي صدق تحمسي للتان رغم
انه مش من اولوياتي
بس الصور تجننن تبارك الله
ربي يحميك ياعيني ويوفقك ع طرحك وفوائدك الدائمه لنا
مرة شكراااا ويعطيك العافية
تحمست اجربه وماشالله جميل اللون عليك
يا جمال التان عليك تبارك الرحمن ?
بحياتي ما سويت تان كان باعتقادي ما يلوق للبيضاء و غيرتي فكرتي و بصراحة كرهته من بعض البنات الله يهديهم يبالغون مررة
من نزلتي بوست لوفينق تان و انا بخاطري اجربه ،، بس بعد هذا نويت باذن الله بس خايفة من التجربة بايام العيد فافضل عقبه
و بصراحة اكثر شيء حمسني سهولة استخدام هالمنتج لاني مبتدئة و سعره الاقتصادي و اايدك و بقوة على فكرة السلسلة بتكون مميزة متاكدة
الله يعطيك حتى يرضيك و يخلي لك من تحبين يا سوس الدميلة ??
اسم الله علئ الجمآااااااال اللون يجنننن عليك
حبيت التآن منك والمنتج هذا يساعد احسه سريع مرره
توني راجعه من سفرتي واحس اني سمرت شؤي بس دآم السالفه باقي موضته خلاص رضيت علئ اللون ههههههههه
بجربه ان شاء الله وبوريك النتائج
سبحان الله كنك تدرين اني خاطري اسوي تان هالفترة مررة . ماتدرين قد ايييش عجبتني التدوينة على بساطتها الا انها وااافية وشاملة ماشاء الله . انا ماني بيضا يعني قمحية بس جلدي شفاف يعني دايم احس جلدي مافيه لون زي بعض الاجانب تحسينه شفاف ويبين نقط حمراء والعروق . ف مرة احس التان يناسبني والحين هذا التان لونه خرافي ورخيص ياسلااام! بس كم تجلس معي العلبة كم استخدام يعني ؟ وشكرا ع وقتك وجهدك
ماشاء الله جميل اللون ??
ان شاء الله راح اسويه ???
اهلن اهلن اهلن .. يسعجلي مسسساك يااروح وعطر المسسساء انتي
ياختي ع التان واهل التان انتي عشق وربي والتان حتى لو نوعيته رديئه
صدقيني عليك بيطلع خورافي .
مره حبيته من اول مانزلتي بوست عنه بالانسستا وانا حااطته براسي
قلت شاريته شاريته
الصوره اسسم الله عليك تجنننن تجننن
الله يحميك ويحفظك لجمالك وشبابك ياارب
وكيدي العذال اكثر واكثر خلي الكومنتز يولع خخخخخخخخخ
زمان عن هالعقليات خخخخخخ
يسعدلي يومك يااقميله
وكل عام وانتي بصحه سلامه
كنت من اعداء الفيك تان بس من حبي لك ولتدويناتك ولاني اقراها حتى لو الموضوع ما يستهويني حبيته بس للامانه ما تجرأت اسويه باقي
ما شاء الله الصورة ولا غلطه الله يحفظك …3>
جمييييييييل اللون صراحه والاجمل ان المنتج متوفر في الصيدليات بسهولة
وشرحك كافي ووافي الله يسعدك
يجنن اسم الله :*
طيب توس والتباين اللوني بالحسم يفرق بطريقة توزيع آلتان ؟
يعني انا عندي بطني و رقبتي أغمق من باقي جسمي مايفرق بالتوزيع؟
لون التان عليج ما شاء الله يهبل ?
من سنة جدي وأنا أبي أسوي تان بس يا أخاف يبقع يا أتكيسل ??
عجبتني سهولة استخدامه وكذلك فترة بقائه عالجسم
بس بسأل العبوة لاستخدام واحد ولا كذا استخدام ؟
يعطيج العافية
وناطرين نشاطات البلوق ماقبل العيد ?
الله وش هاللون والله خورافي ?
تحمست اجرب التان وان شاءالله اجربه
مره حمسيتيني والله
الله يعطيك العافيه ….
??النتيجه خياااال تجننن اسم الله عليك
انا يوم اسمع طاري التان قلبي يطربق يطربق وانتي حببتيني فيه اكثر واكثر
ماشاء الله القالب غالب
انا بعد ماتوقعته متوفر بالسعودية
دام انه متوفر بالنهدي بجربه الليله ان شاء الله
شكرا ياجميلة
يعطيك العافيه
لونه مررره حلو ? ان شاء الله اجربه عقب ما تروح الحبوب من جسمي اخاف أحطه ويصير شكله شين ?
لا قبلك ولا بعدك حكي ، تسلم يدّك ياشيخه الله يسعدك ، ابداً ما اتنازل عن التدوينات
ادعي ربي انه يكون معك ويعينك ،
في القمّه دائماً ان شاء الله
????
ك عادتك أبدعتي فتميزتي …..heart
ولا مره سويت تان مدري ليييه يمكن لاني ما احب اطلع بالشمس اببد او لان ما شفت نتيجه تقنعني !
بس ياخي ربع ساقك غيرت نظرتي ماشاءالله ???
ان شاءالله بججربه و الحلو انه يروح بعد ٤ ايام يعني ما يخوف ك اول مره ??
أغيب أغيب وارجع بحماس لدرجه اقرأ اربع مواضيع فرط مره ههههههههه يارب ليه بس تجيني هالنوبات صايرلي مثل المد والجزر يمكن لان في موسم عطلات .. عموما كالعاده موضوع حماسي ويستاهل التجربه ??