مَساء / صَباح الحُب
إشتقت للمُدونة ، حَتى بَعد ماخلصت الإجازة مَددت زُود
وَ أحس بَعد أسبوعين راح أغيب أكثر وَ أكثر ، آآآآآوتش بيناير مافي إلا تَدوينتين وَ هذي الثالثة
يارب أكمل عالأقل ٦ تَدوينات ، المَواضيع عندي وَش كثرها بَس يبيلها تَصوير وَ كتابة ( هههههه سلامات !! يبيلها كُل شيء )
لا أقَصد القريحة حاضرة ، لَكن الوقت غير مَوجود ربما بدايات السنة الجَديدة حافلة دَوماً وَ حابيني بشغلي بَزيادة ..
راح نَخش بالمَوضوع على طُول
Nashi Argan |مجموعة الشعر العلاجية من ناشي
مِن شهر وَ نص شفت ستاند لمُنتجات ناشي بالصيدلية ، لفتني طريقة تعليب هالمُنتجات تحسينها صديقة للبيئة ، عاد عندي نقطة ضعف للعبوات من هالنوع
ماكان عندي تصور مُسبق لهالمنتجات لأن ما سبق سَمعت عنها أو مرت علي فأخذتها على العمياني ، وَ الستاند كان مخلص مافيه إلا الشامبو وَ الماسك وَ على ما أذكر كان فيه زيت بس مو كثير صُحبة مَع الزيوت فخترت الماسك وَ الشامبو كتجربه أوليه
لما رجعت البيت سويت بحث وَ إكتشفت إن عندهم مَجموعة كبيرة ذكرني تنوع مَجموعتهم بمُنتجات ماكاديميا
مِن حيث التخصص بِمنتجات مَحدودة بفكرة ما مع مشط وَ شغلات مِن هالأمور
طبعاً طلعت الماركة مشهورة نوعاً ما كونها مُنتجات علاجية حصريه في مَراكز التجميل بس أعتقد ما إندفع للتَسويق لها لذلك مالها هالضجة
الماركة ايطاليه وَ الظاهر تُباع بمراكزهم الخاصة أو بالصَالونات ، موقعهم مافيه ذيك التفاصيل عَن مُنتجاتهم ، بالأساس مُنتجاتهم مَحدودة
المُنتجات مِن تعليبها وَاضح إنه تغليف صَديق للبيئة ( هذا في حال فيه أحد يهتم عندنا بالبيئة )
المواد مُعلبه وَ مُغلفة بمواد مُعاد تدويرها وَ أيضاً قابلة لإعادة التدوير ، تعتمد في مُنتجاتها على المَواد الخام القابلة للتحلل
أيضاً جميع الزيوت المُستخدمة في المُستحضرات عضوية ( Bio certified )
الماركة لها مُنتجات للوقاية من أشعة الشمس وَ مُنتجات للجسم وَ أيضاً منتجات للشعر ، إللي بتكلم اليوم عنه هو مُنتجين للشعر
الشامبو وَ الماسك المُعالج مِن مَجموعة ناشي أرغان
Nashi Argan Shampoo | شامبو ناشي بالأرغان
سعر المُنتج : ٧٠ ريال سعودي
وَ كان فيه تخفيض عالشامبو أخذته بـ ٣٥ ريال سعودي
الشامبو رَيحته حليله فيها شيء شرقي وَ شيء بسيط مِن ريحة اللوز أو المُكسرات جاية على ريحة سويت شوي
الشامبو شفاف قوامه مُتوسط مايل للقوام الخفيف يرغي بشكل جيد لكن ماينشف الشعر ، لكنه غني بالزيوت مِنها زيت بذر الكتان ، الأركان وَ الجلسرين وَ زيت الخروع
للأسف مو حاطين المُكونات بموقعهم ( ألاحظ الماركات الإيطالية وَ الأوروبية مو مهتمين كثير بمواقهم الألكترونية بعكس الأمريكيين )
الشامبو وَصفه شامبو مُرطب مُعالج بالرغم إن قوامه غير حليبي ، لاحظت لمعه بشعري مِن أول إستخدام
يناسب جميع أنوع الشعر حتى الشعر المصبوغ ( عاد بالنسبه لي إذا صبغت أفضل أشتري مُنتجات مُخصصه للشعر المصبوغ ما أحب أغامر بفقدان لون شعري )
طريقة الإستخدام ~
يمد على شَعر رطب وَ يمسج فيه الشعر وَ الفروة لـ ٣ دقائق ، ثم يشطف بالماء لنتائج أفضل أتبعيه بالبلسم من نفس المجموعة
Nashi Argan Deep Infusion | ماسك ناشي بالأرغان
سعر المُنتج : ١١٠ ريال سعودي
ريحته ماحبيتها كثير فيها من ريحة الفانيليا لكن تظل مقبوله ، قوامه غليظ ،شوي منه يكفي
وَظيفته يغذي الشعر وَ يرطبه وَ يعالجه وَ يجعل الشعر سهل التحكم وَ التسريح وَ يحميه مِن التقصف
أيضاً تناسب جَميع أنواع الشعر عاد مكتوب عليه يعالج الشعر التالف
طريقة الإستخدام ~
بعد غسل الشعر ينشف الشعر بالمنشفه ، ثم يوضع بشكل مُتساوي على الشعر وَ يدلك الشعر بلطف مع التركيز على الأطراف ، يترك على الشعر لـ ٣ دقائق
في حالة الشعر التالف يترك لـ ٧ دقائق
مع إن الماسك قَوامه غليظ شوي وَ شعري مو تالف، إلا انه ناسبني وَ لا حسيت بسمك بشعري
أيضاً أعطي شعري لمعة وَ بالرغم أنه غني بالزيوت إلا إنه مادهن شعري وَ لا ثقله ، حبيته وَ راح اشتريه من جديد
عيوب المُنتج ،’
قد يكون سعره غالي حبتين خاصه إن الشامبو يخلص بسرعة ..
بس الماسك يطول يَعني في خلال شهر وَنص ماستخدمت إلا عُشر العلبه بينما الشامبو خلصت ثلاث أرباع القارورة
ماقد يَخطر على البال ~
– وش أضاف لشعرك ؟
صراحة حالياً شعري مُعتنى بشكل مُمتاز سواء مِن فيتامينات أخذتها وَ قريتوا كذا ريفيو عَنها
أو تجربتي مَع الأنفيرجن مَيثد ، تَخلصت مِن الشعر المَصبوغ تماماً بشعري وَ قصيته ( شَعري طَبيعي ١٠٠٪ )
صَحي ١٠٠٪ ، ماعَندي ولا مُشكلة آبداً
لكن مَع الشامبو وَ الماسك حسيت شعري يلمع فيه لَمعه صَحية عجبني جداً جداً
مع إني أشوف شعري مايحتاج مَجموعة مُعالجة ، لكن حلو عالأقل إللي شعرهم صَحي يستخدمونه مره كُل أسبوعين لـ ثلاث أسابيع
– هل يَستحق الشراء ؟!
نَعم يستحق الشَراء للي شعرها خامته مِثل شعري مُمكن تَطيح بغرامه
الشعور الناعمة مَره ما عندي عِلم ، وَ الله فَرحت إني لقيت مُنتج غير مُنتجات لوريال بروفيشنال تَرضيني
– أماكن التَوفر ؟
أنا أخذته مِن النهدي على أيام عروض صَيدليات النَهدي ، وَ يوم عرضته بنات كثير قالوا إنه مَتوفر بالصالونات
بنات الكويت وَ الإمارات أتوقع مَوجود عندكم بَسهولة ، وَ عذراً لبقية الأقطار العربية
– آرتوس ما كتبتي لنا مُكوناته ؟
للأسف المُنتج إللي عندي طبعته وَرق وَ ملزقين فوقه التَعريب للمُنتجات وَ الطبعة فوق المُكونات بالإنلجش فما قَدرت أشوف
وَ لا فيه تَفاصيل بالإنترنت ، لكن لي شهر وَ أسبوع أستخدمه وَ مالاحظت فيه أي عَيب
نَلتقي مُجدداً بإذن الله يوم الثلاثاء بَموضوع راح تَحبونه أيضاً عن العناية بالشعر
دُمتم بَحب
تم
والله لك وحشه من قلب لكلامك وتدوينك وبتغيبي اسبوعين بعد ?? الله يعدي اشغالك ع خير وتتيسر امورك ويبارك ربي بوقتك
بالرغم وجودك بالسناب بس مو مثل الانستا والمدونه احس السناب انتِ بعيده وبالانستا والمدونه كانك جالسه معنا
بس ماعليه اشغالك وحياتك اهم
وتعالي ٦ تدوينات اليوم ٢٥ يعني كل يوم تدوينه وبكذا تكملي ٦ الله يقويك ويسهل لك
حبيت الممجوعه وحمستيني اشتريها
اجربها كعنايه قبل الصبغ
تدرين احسك تكتبي وانتِ بردانه
الله يعطيك العافيه ماقصرتي ?
مكاننييي
أحلى صباح
سهرت مشان شوفك ?
بحب حسّك ?
رحيل
مكاني
مكاني ?
تغيبين اسبوعين الله يصبرنا ? .. الله يعدي اشغالك وتيسر و ترجعين لنا بقوه ??
حسمتيني لها خصوصا الماسك حسيت راح تناسبني هالمجموعه .. بس اخلص من اللي عندي ? اجربها ?
الله يعطيك العافيه ??
آرتوس تهقين يجي يوم نتغلب على توت في اول كومنت؟? على العموم تسلم يدك حلوة لنا عودة بعد القراءة ?
هههههههههههههه نو نو نو انا لو اشوف كلمه تم قبلي يصير قلبي هيك ?
ههههههههههه يا زينك انتِ من المتابعات اللي اظن ثبتي في قلوب كل متابعات آرتوس مو بس ارتوس بروحها وبنفقدك لو ما شفناك اول كومنت ههههههه?
يس انا معاك فطومه ??
عجبتني التدوينة كعادة كل تدويناتك ? بجربها قريباً عل وعسى تفيد شعري الميت? يعطيك العافية جميلتنا ❤️
صباح الخير
عاد من فتره وانا حاطه عيني على منتجاتهم وشكلها من الريفيو تسوى التجربه ?
شكرا على جهدج الرائع
تم
يا صباح التدوين ?
حبيت شكل التعليب ، من شح المعلومات بموقعهم كأنهم مستحين من منتجاتهم ، للأسف صابغه شعري قريب ممكن بعد ما تنزل الصبغه أستخدمه.
مكاني ?
مكاني ?
ايوة سوس غبتي عنا كثير بس مقدرين -فيسات تبكي-
العبوات شكلها حلووو وتفتح النفس وفي نفس الوقت فخمه ههههههه إحساس
الشامبو اشوف سعره ممتاز وأوحت لي الصورة ان حجمه كبير شوي .. الماسك سعره نوعا ما مرتفع بس بما أني مش صحبه معاهم في حال اشتريتها بيجلس عندي طويل .. اللي صدق مايجلس عندي الشامبو اغسل يوم ايه ويوم لا .. مع أن شعري لا دهني ولاشي .. المجموعة تستحق الاقتناء بصراحة وبإذن الله بجيبها .. شكرا سوس على التدوينة بس مافيها قرقر كثييير هههههههههه بوسات للرياض♡
صدق نبي ثرثره كثيره ???????
جاء بوقته لاني افكر اغير الشامبو تبعي ?
بكل مره تكتبين صديق للبيئة لازم تتبعينها ( مع انه شي ما يهمنا ) ??
الله يعطيك العافية حبيبتي ?❤️❤️
صباح النور ..
والله حتى انا فرحت لمن اعجبك قلت غي شيء يحل محل لوريال بروفيشنال واشوفهم نفس الاسعار …
سؤالي يناسب للاطفال ؟؟ … لان احتار مع بنتي ودي اخذ لها ماسكات واشياء واخاف العب بحسبت شعرها فدائما اتردد …
ماننحرم منك والله يبارك لك بوقتك ❤❤
تحمست انزل الصيدلية بكرة اشترية عاد انا كنت استخدم مكاديميا وخلصت و كنت محتارة ايش استخدم بديل لين اطلب المكاديميا .. عاد اني عندي تساقط فضيع بالشعر و من بعد ما استخدمت الريكوتان شعري ما شاف خير و صراحة الزيوت يبغالها طولت بال وماني صاحبتهم كثير رغم اني حاولت استخدمهم بس بعد ما استخدمت ماسك الماكاديميا لاحظت فرق و شعري بدا يرجع لطبيعتة شوي بس ودي يكثف .. شكرا يا سوس على هالتدوينات الجميلة و ننتظر تدوينة الثلاثاء بفارغ الصبر ♥️
تصبحين على حب ?♥️
من اول احدث ابغى اسبق توت ماشاء الله ههههههه
متميزه توسه كعادتك ❤️❤️
تم .. لازم احجز مكاني بدري ^-^
دائماً أقول انتي اجمل اضافة للمحتوئ العربي
وحشتنييي المدددوووننهه ???? يعطيك العافيه على الاهتمام بأدق التفاصييل في الشرح ??
صرت احب مواضيع الشعز من بعد ال inversion method ??
ان شاا الله اخلص المده اللي محدداها لنفسي و ارسلك صور شعري ?????
نحن هنا
أنا عندي مشكلة فشعري الأطراف جافة و الجذور شبه دهنيه .. جربت شامبوهات كثير بس ما نفع معايا .. شعري ويفي بس منفوش يعني ما يحافظ ع شكله الطبيعي رغم اني احاول ارطبه .. المهم طلي علينا و لا تغيبي كثير .. لما اشوفك تنزلي بوست فانستغرام انبسط كل شي تكتبيه فيه كمية جمال و طاقة إيجابية تفتح نفسك تشيلي العالم باصبع ههههه .. لك محبتي و احترامي يا جميلة .. ???
يسعد مسااااكي سوسوو ?
انا شعري ناااعم ?? بس حبيتو ورح جربو وبخبرك كيف مع الشعر الناعم
???
اهلييين ? كلمتك بسناب قبل كل شي بليز نبي سنابات كلام احكي لنا عن اي شي اسهل بكثير من الكتابه بالذات الاستفسارات
المجموعه شكلها حلو ورغم ارتفاع سعرها شويات الا اني بحطها بلستتي شعري تقريبا مثل حالتك من فتره قصيته وتخلصت من الشعر الملعوب فيه ههههههه واللحين مايشكي شي اللهم اني ودي ازيده ترطيب ولمعه زيادة الخير خيرين اتوقع انها بتناسب هدفي
كووني بخير ?
يسعد صباح الحلو
الحمدلله ع العوده ودائما ف انتظارك مهما طولتي
بما انه المنتج اعجبك ف اكيد انه شي جميل
تعودنا ع اختيارات الممتازه
وان شاء الله لي تجربه معاه قريبا
في امان الله
يسعد صباحك..❤
بالنسبة للتدوينة انا شعري دهني واقرب للناعم ، ما استعمل الاشياء الحارة عليه كثير من فير وليس وغيره ، بس استغرب التقصف اللي يجيه ايش سببه ! حاليا جالسه اجرب شامبو لاروش بوساي حلو وحبيت اللمعة اللي اضافها لشعري ، بس مره ودي اعرف حل للتقصف اللي مادري من وين يطلع !
ابي اجرب منتج يحمي من حرارة الشمس ممكن له دخل كون شمسنا قوية ! ايش تنصحيني بمنتج يحمي شعري من الشمس قبل ماطلع للجامعة ؟ .
.
.
وبالنسبة لتدوينة يوم الثلاثاء راح تكون توافق يوم ميلادي ❤️ ، لو سمحتي لازم مباركة من ارتوس و ليون ?❤️ .. بيكون يوم ميلاد غير عن اي يوم من السنوات اللي راحت بمباركتك كونك شخص كبير بالنسبة لي .. وبالاخير ماقصرتي ع التدوينه يعطيك العافية وان شاءالله نجرب الشامبو والماسك وباقي منتجاتهم ??
دائما سباقة بالجديد بس ما شاء الله ايش مصادر معلوماتك انا اعاني بإيجاد مصادر المعلومات الموثوقة
ياربي رباه يبيلي اذبح نفسيي على ايام العروض م اخذته << متحسفه ??..
ذا ان لقيته بصيدليتنا راح اشتريه باذن الله شعري مادراك ما شعري يبيله عنايه من الالف الي الياء قبل لا اصبغ ??..
منتظرين يوم الثلاثاء بكل شغف و حماس ??..
تدوينة كالعاده جمممميله ??""
مساء الخيرات سـوس الحُب
راح تغيبي وبتو حشينا آااااااااااااوي ، وأساسًا كل يوم لـج وحشه لكن الحمدلله أنج تطّلي علينا بسناب :*
بشتري المنتج إن شاء الله ، صبغت شعري من شي شهر تقريبًا لكن شعري صار ملمسه غريب ومُش صحي ، حاولت اعتني فيه والحمد الله تعدل لكن بعد يحتاج لعناية أكثر .. إللي ما أحبه بشعري أنه مُش كثيف بالمره ..
يسلملي الأبيضاني ليون :*
صباح الحب
حمستيني له والله بس أبي أخلص اللي شريته دوبي و أشتريهم لأن مابي أشتري الشامبو مع اللي شريته
ههههههه أحب اي شي للشعر خصوصاً فيه تطقيم الشامبو وبلسمه وماسكه سوا لووووول اي لوف يو وجد جد تدويناتك لها وحشههه ونستنى الثلوث ❤️❤️❤️
صبااحو ياقميل .. حبيت اطلالتك مع انها صوعنننه بسس اشتقت لتدويناااتك ترا مافيه شي يحل محل التدوين لاسناب ولا غيره بالنسبه لي
طبعا اششوغ التدوين الحب الاولي ♥♥
كنت متشوقه اسسمع راايك عنها وسوالي لك نفسس سوال رشو ينفع استخدمها لبنتي شعرها طوويل ماشاءالله بس عيبها
احسس يبيله شويه اهتممام هي تكره الحنا كرره فضيع تتقرف منه بس استخدم لها تونر الفازلين الازرق قبل الاستحممام بنص ساعه
او اقل
ان شاءالله قريب راح اشتريها مرره حبيتهاا وحبيت وصفك لها ودام مامنها عيوب مايحتاج نقرا المكونات / وحدن تواسي نفسها خخخ
لاجد غريب موقعهمم صراحه كنت اتصور ان الغرب مهتمين بهاالناحيه ..
والله يعدي اشغالك ع خير وترجعين لناا ♥
لان جد ادمنتك انا♥♥
راح اشتاقلك كثير ♥♥♥♥
شكراا ع كرمك رغم انشغالك الا مانسيتي التدوين ♥♥
ربي يبارك بوقتك وبحياتك ويوفقك ♥♥♥
جميييل جدا..
تحمست عليه وخاصة أني حسيته يناسب نوعية شعري
شكرا من القلب ??
ارتوسه لك ووحشه آآدد الدنيا
حبيت وصفك للمنتج
تصدقين بديت اهتم. في شعري اكثرر من قبل
طبعاً مستمره بطريقه الانفيرجن ميثد كل شهر من رمضان وطال شعري الحمد لله ووطلع بيبي هير بس على انه شئ حلو يكثر شعري بس الشكل? من كل جه طالع شعر صغير طاير ?
مضايقني مدري كيف اهجدها حطيت بديل الزيت
وسيروم ووماخليت شئ
وووشعري اصلاً كله في نفشه مع انو ناعم نوعيته عادي
ولاناسبني اي شامبو وبلسم للآن
وان شاء الله لي تجربه مع ذي المجموعه واشوف ??
صباح الحب ??
محتاااااااجة منتجات علاجية للترطيب والتغذية شعري باااااهت وينقصه الحيويه واللمعة ? ومع كثرة علاجات الشعر والاعلانات عنها بكل مكان والمدح المبالغ فيهم أتوه بزياده ….وبصراحة اعجبني وصفك عنهم مع ان نوعية شعرك في الشرق وانا في الغرب ??❤️بس بجربهم واحكم بنفسي ??
الله يقويك ويعطيك الصحة والعافية ويبارك لك بوقتك ويرجع لنا حماسك ?
ي صباحك ???
اذا مني غلطانة اول مرة شُفت المجموعة ف رمضان وقتها منجد جذبتني الستاند كان فُلل كان ف اكثر من منتج م عرفت ايش اخد خصوصًا اني نزلت عشان اخد الفوط و الصيدلاني مو داري أصلًا عن ايش بهرج ? المهم قولت اخد الزيت وقتها كُنت استخدم مجموعة لوريال بروفشنال و السيروم هوا الوحيد اللي م لقيتو ف الصالون -وصح المجموعة عجبببتني و حافظت ع شعري و لونو بس م حبيت الشامبو مرة – المهم الزيت ريحتو قوية و ثقيل لساتني استخدمو بقي شوية مرة ههه م عرفت شعوري اتجاهو لسى < دا كلو و لسى ? .. بس احيان م أحط منو و احس شعري كأنو ميت مدري والله يمكن لأَنِّي جربت قبل حاجات عجبتني اكثر مدري المهم دحينا مرة اتحمست اخدهم بس مالي نصيب دوبي اليوم طالبه شامبو و كونديشنر شكلي ح انزل اخد الماسك ?? ابله ارتوس بسألك قد سمعتي عن شامبوات فيلها low ph ! جالسة استخدم شامبو فيلو دا الشيء يعني هل هوا شيء جيد للشعر لأَنِّي لما بحثت طلع انو الأفضل نستخدم شامبو ب لو بي اتش ليفل
و شكككرًا ??✨ حقيقي جربت حاجات ذكرتيها و فادتني ? متحمسة للتدوينة الجاية
شكراً شكراً ??
وانا أشتفت لك أكثر لاااااااااااااااااا مئدريش على كدا انا اسبوعين كمان 🙁 واقلبي انا .. يلا ربي يقويك ويوفقك يارب أهم شي ماتغظي على نفسك يائمرنا.. واليوم كمان جيت متاخره عشان رجعت من سفر ف راح علي المركز الثاني 🙁
.
.
.
المنتج يوم رحت الصيدليه مالقيت مخلص 🙁 اخذت كريم الجسم و مرطب الشفايف من يوسرين .. انا صايره احب الماسكات وقت الشاور وخصوصا ماسك الشعر من مكديميا حبيتووه حستو مناسب لشعري و حاسه كمان راح احب دا وان شاءالله اذا لقيتو راح اشتريه ونشوف النتايج . . وحبيت التدوينه الخفيفه لليوم
منتظرين يوم الثلثااء .. قلووووووووووب
الوصف ممتاز والتعليب أجمل ، أفرح كثير اذا اخذت منتج عشان شكله وفي النهايه يطلع حلو الآن مكتفيه باللي عندي وان شاء الله يكون عندي قريبا ??
وصباح الجمال ارتووس ?
الله يسهل لك امورك وتنجزين امورك ..
حبيتهم بصراحة واسعارة متوسطة
جميل بصراحة رغم قل المكونات لكن شرحتيه بشكل جميل
يسعدك يارب .. شكراا ?
صيدلية النهدي تطورت كثير الحمدلله ووفرت منتجات تبي تتغلب بوتس وايتس
تذكرت مرة قلتي بالانستا عن نطق اسم قطوك ليون واخيرا بالسناب سمعته
تدوينه حلوه اضفتي لنا خيار غير عن لوريال وكريستاس
شكراً لك ??
حمستيني اجربه بس اخلص منتجاتي يعطيك العافيه ي عسوله
بانتظار مواضيعك الجميله
يا اهلاً ?
وحشتيني بالمدونة
احب اقراك و اقرا كلامك و افكارك و سوالفك و نقدك
تعطيننا جو لذيذ
مدري كيف اشرحه ؟ يعني بعصر السرعه و برامج التواصل الاجتماعي
اصبحنا متلقين فقط! نسمع بالسناب و نتفرج في الانستقرام
بينما هنا ! الجو لذيذ عندك
نقرا و نتناقش و نرد عليك
بالنسبة لي معاد تجذبني المنتديات العربية مثل اول
لكني افتقد جوها.. و انتي تعطيني ذا الجو ..
اقرا لك باستمرار و لمدونة ثانية فكرية لبنت عربية بعد و بطلة
غيره ما جذبني شي ..
احبك و يعجبني حماسك و ذكائك الاجتماعي ❤️
بالنسبة للمنتج ؛ حبيته من وصفك
جديد علي تماما ..
انا شعري ممتاز و صحي لكن احب مثل هالنوعية من الشامبوهات
استخدمها بين فتره و فتره او افصل فيها
و الماسك ! حبييته لاني احب هالنوعية من العناية
شي بسيط و ماياخذ وقت و يعطيني نتيجة ..
لاحظت غلاء الاسعار بالسعودية بالنسبة لمنتجات العناية!
حتى اني افكر افتح محل و اجيب جميع المنتجات العالمية و اسعرها بشكل مناسب
بحيث يكون لي هامش ربح و بنفس الوقت اوسع ع البنات هههههه بدل الشطحة اللي صايره بالاسعار !
في تدوينة لك عن كريم ليراك؛ قلتي انك اشتريتيه ب١١٠ او ٢٢٠
تدرين انا اشتريه هنا ب ٤٥ ريال تقريبا ! و مره حصلته بالتخفيضات ب ١٨ ريال!!! طبعا اخذت كل اللي بالرف هههههه
و منتج ثاني من نفس الماركة ب ١٢ ريال
مع ان المنتج فرنسي مش بريطاني
انبسط بالسوالف بالمدونة
اسعدك الله و عن الشر ابعدك ?
ياهلا ياهلا بالزين وطلته ..
من بعد مدونتك صايره احس كل المدونات يكتبون هوامش خخخ
جد ماعاد يرضيني اي ريفيو ابي شي مفصل يرضيني كقارئ والفضل بعد الله يرجع لك
.. واتوقع السبب الرئيسي اني احبك :$
بالنسبه للمنتج تحمست له من صورتيه وكنت انتظر الريفيو عنه ..
حسيته بطل وبيناسبني وان شاء الله حاشتريه قريب
مع انه اول ماقريت انك حبيتيه قلت لااا (حيخلصوه ) ههههه
ولاتوحشينا كثير ياتوسه وطلي علينا بالسناب اكثر يختي نحبك ولازن نتدلل عليك :p
اعذريني اكتب من اللاب ولاعندي فيسات فجالسه استخدم اختصارات المسن لووول
هالمنتج اذكر فجاه مشاهير ينصحون فيه مثل بلقيس وبثينه الرئيسي فكنت احسبه دعايات ونصب كويس تكلمتي عنه يبغالي اجربه
?
شعري جاف جدا حبيت الفيف اللي بالكيراتين يعطي شعري لمعه شوي لكن ما يمديني افرح الا تروح ويرجع شعري باهت مع نفشه … كثير قالوا لي الشامبو حقك تحطين كثير وبفرك امثال صانسيلك وغيره وبعد انك تغسلين شعرك يوميا … فأشتريت الشامبو الجاف يلي تكلمتي عنه احسه راح يساعد ان شا الله في ايام الدوام وشريت شامبو اعشاب بيوكسين فيمينيا ما اعجبتني ريحته لكن يعالج الشعر الجاف والتالف ماشفت فرق يذكر لكن اهون من الشامبوهات اللي استعملها اعتقد ?غسل الشعر يوميا هوس عندي بالدوام وخصوصا اني احب اسوي رياضه؛وطاري الالتزام بالرياضه التزم اكثر شي في ايام الدوامات الاجازه شوي كسل اكون عند امي وروظيوف اذا كنت ببيتنا لكن حاولت يكون رياضتي تقتصر عالمشي حبيت كلامك في المدونه السابقه ان الاعذار خرطي وسويت نفس قبل خذت جزمتي السبورت معاي ومشيت فوق السطوح ??كان والله شي حلو رجوعي لرياضتي مره يغير كثير اشياء بنفسك ?
كمان القشره في فروة الراس مزعجه غير ان شامبو القشره يلي كتبته لي الدكتوره يجفف شعري زياده ع ماهو جاف ? يبيلي التفت شوي لشعري لكن المشكله الميزانيه م تسمح اني اجرب ?لما اشتري شي لازم استعمله اذا كان مفيهوش ضرر زي ششامبو الاعشاب بتاعي
وحشتنا تدويناتك سوس .. بالنسبة للمنتج عجبني تعليبه بس اغلب تدويناتك للشعر ما تناسب طبيعة شعري فمدري ذا بما انك قلتي لجميع انواع الشعر بحطة في القائمة .. وميرسي على عالادوينة اللطيفة ومنتظرينك الثلاثاء
السلام
والله من زمان ما كتبت رد
عاد موضوع الشعر مئرقتي
شعري تالف ومن النوع الجعد
انا ما ابيه ينعم قد ما ابيه يترطب وتروح النفشه والتقصف
في أشياء جربتها جميله وناسبتني
واعتني فيه من ماسكات وشامبو طبيعي بازيت الارغان
والحين حسّيت مهما اسوي مايفيد
لان الماي الي اتروش فيها مو فأتوه بس ماعليه طلبت فلتر وان شاء الله يجي وأبدا من جديد
فا بس حبيت اسولف عن كشتي الحنونه
?
مرات صج اكرهه من كل قلبي أتمنى بس انه ناعم عشان أقص أمه قَص
ودي بحياتي اشوف شكلي بالبوي بس شعري كلش مايساعد ?
بس الحمد لله على كل حال العرض ولا القطيعه
?
صباح الخير ⛅
حبيت التدوينة مره خاصة انها تتعلق بالشعر
باذن الله راح اقتنيه قريبا
وماقصرتي ياالبي ??
يسعدك ربي الله يبارك لك في وقتك وييسرلك كل امورك يارب ? حبيت الريفيووو ان شاءالله اجرب الماسك لي فتره تركت الماسكات الجاهزه وعلي الطبيعي واكسل اجهزهم احيان حلو يكون فيه منتج جاهز ? واحلاا شي متوفرين في صيدليه النهدي مو زي لوريال بروفيشنال ?
دمتي بخيرر ياقلبي ?
صبآح الجممال
والله مدلعتنا سوس بمواضيع الشعر
الله لايحرمنا منك?
انا جربت كذا شامبو جديد
واخرتها فيتشي مرتاحه عليه شي بسيط
اهون من اللي جربتهم قبله
لوو حصلت هالمجموعه ان شاءالله بآخذهم
وبجربهم ماتمدح شي ام السوس إلا وفعلاً
يطلع قد المدح وبقوه ???
تسلم يدينك الجمميله??
يسعد صباحك ياجميلة
مقدرين انشغالك ويارب تخلصينها على خير وترتاحين ?
كل تدوينه ممكن تتأجل أهم شي توصلين للي تطمحين له
عجبتني المجموعه من لما نزلتي صوره عنها بالانستا وبحثت عنها بالمواقع ( أنا صديقه البحث من المواقع والطلب منها ) لكن نسيت باي سايت موجوده
حبيت المنتجين جداً وانا شعري ابدا مو ناعم ولا خشن لكنه تتلف ومتاكد لو زدت اهتمامي راح يكون شعري ناعم وبه كسرات جميله وحيوي
شكراً أرتوسة عالتدوينه وبوسات لعندك ???
شكرا على التدوينه ???حبيت المنتج ❤️❤️❤️
صباح الورد..وحشتيني ??..حبيت المجموعه وباذن الله بشتريها..وبانتظارك يوم الثلوث ..
صبآاح الخيررر ?
وحشتينآا اكثررر ، كمشت لمن قلتي بتغيبي اسبوعين ?
يسهلهالك يارب ? باالرغم ان شعري دهني حتى باالشتاء
صحيح قل عن الصيف لكن يبقى الدهني دهني ، لكن اعترف
وصفك للمنتج شدني الا مااجربه حبيته والحلو كمان ان لوريال
قرب يخلص ، وجاء الجميل بوقته ، والاحلى ان شعري مومصبوغ .. صار لي فتره تاركته حر ، مالقيت اللي ترضيني
باالصبغه ? .. نظامي هاالاسبوع صاير سيء
تمنيت اكون من المبكرين .. العوض يوم الثلاثاء ان شاءالله ?❤️❤️❤️
صباح الورد
شفت هالمجموعه في اكثر من مكان غالبا ملحق ببعض الصالونات عندنا ف الامارات لكن ما تحمست اقرب منها..حاليا استخدم مجموعه نفس الفكره شامبو وماسك بالارجان وبنشوف نتيجتهم تحمست من بعد تجربتج..بس عندي سؤال اذا ممكن عن الانفيرجن ميثود كيف كنتي تطبقينها وانتي صابغه شعرج؟ الي اذكره في مره ذكرتي ان الزيت مش صديق الشعر المصبوغ وممكن يأثر على اللون؟ برجع اقرأ الموضوع يمكن الاجابه موجوده فيه واذا لا هل ممكن تطرحينها من ضمن الموضوع القادم ?
وصح جربت طريقة الماي لمسامية الشعر وخليت شعري يوم كامل ولا تزحزح من على سطح الماي ?
بانتظار تدوينت الثلاثاء ?
فعلا منتجات ناشي كثيـــــــــــــر صاير عليها مدح وأنها ممتازة للشعر طبعا هذا من صديقاتنا الكويتيات، ولكن بعد هالريفيو احس تحمست اجربها خصوصا ان شعري ويفي مع جذور دهنية واحسه يحتاج لماسكات من هالنوع
صباح الورد … كيفك … ياعمري الله يقويك ويزيد احبابك سوس اتوقع التدوينات بصراحه مميزه وحصريه فقط عند ارتوستنا كل تدوينه فيها ابهار لنا ما شاء الله عليك طريقة حصولك على المعلومه مبين فيها الجهد وطريقة طرحك للتدوينه مميز ولافت للانتبهاه .. احبك
صباح الورد للورد
اخخخ بس ذكرتيني بملصق تعريب المنتجات
صيدلياتنا الموقرة تلصقه على أهم المعلومات: وصف المنتج، طريقة الاستخدام، المكونات، شي يضحك ويبكي، طيب الصقوها على مكان فارغ!
أجلس وقت عند الستاند أدور علبة سليمة وبالآخر أفتح النت من جوالي على موقع الشركة عشان أطلع بسرعة على المعلومة
أمس يوم شفتك تكتبين تدوينة توقعتها جزء خامس من النادي المنزلي وتحديدا medicine ball
يا هلا بارتوسه ?
حبيت وصفك للمنتج جدا عجبني … باذن الله بأشتريه باقرب وقت .. حاليا انا جالسه اعالج فروه راسي لان الفتره الاخيره صارت حساسه مره مره ☹️
صبآااااح الأشواق والله من زمآن احس عن التدوينات اللي كل يوم نترقبها بس مرآآعين ظروفك وإن شاء الله تتيسر آمورك
آطلب منك تغششيني الصيدليه هذي وين هههههههههه كل مآ اروح الصيدليات آخذ الأشياء اللي ابيها بالقطآعي عشان كذا ابي آخاشرك في هذي
المجموعة من كلآمك تستحق اني آجربها آكثر شي تحمست له المآسك
بآنتظارك نحن تغيبي وترجعي بالسلآمه??
Heloo threre,
Few days back i saw Alaa Dhasti talking about nashti products for hair and she recomended them. there were no deatails like u did.
Will look for it in our saloons and pharmacies.
Thanks dear..
Sophie
مساء الحب ? بتوقيتي
الله يسهلك امورك وتخلصيها وترجعين لنا ..
توسه حتى المدونه حسيتها جري تفاصيلها مش طويله ولزيزه كالعاده ?
توسسسه أحووبك
بالنسبه لناشي عندي زيت الارقان وبس واستخدمه
مرتين ثلاثه فالاسبوع ولسسى مو مره استخدمي له منتظم
بس ريحته جناان ونظافه ??
الله يسعدك وين ماكنتي …
مساء الخير آرتوسه ❤
كلامج صح 100 %
انا إستخدمته وحبيته وحبيت شعري أكثر معاه
انا مثلج عندي الشامبو والماسك وكنت ابي الزيت وقتها عشان استخدمه مع الانفيرجن ميثود بس ما كان متوفر
بنات البحرين / صالون سيسترز قلامور في الرفاع يوفرهم
الله لايحرمنا وننتظر تدوينة الثلاثاء ❤❤
يعطيك العافية ?
من فترة شريت منتجات عناية بالشعر والى الان ما جربت الا منتج واحد ومرة وحدة صراحة الاهتمام بشعر بفترة الشتا تتعبني غير عن الجسم اهون بكثير شعري مررة مررة يتساقط وتالف تقريبا وغير كذا اذى الصبغات على الشعر بس انا متاكدة ان التلف بسبب سوء تغذية سواء شعر او بشرة وجسم لازم لازم اعدل تغذيتي ولا ما راح استفيد من المنتجات اللي اكودها عندي واللي خلاني اتاكد اكثر كلام دكتورتي تقولي اهتمي بالتغذية افضل من الف منتج ?
تحمست لها كثير خصوصا اني ادور ع ماسك باهذه وباخذ الزيت الي معاه
شكلها فعلاً تحمس الواحد على تجربتها .. بس أنا عندي سؤال بخصوص الماسك لهالمجموعة أو أي مجموعة عادي نحطه على فروة الراس ولا نكتفي بالاطراف يعني من تحت الاذن ونازل ..
حسيت بحب من أول نظرة للمجموعة وانا اقرأ هههههههه
حبييت حبييت ان شاء الله اشتريه على طول خصوصاً ان شعري تقريباً نفس نوع شعرك غير انه ناعم جداً ان شاء الله
مايهبطه لي (: كلي حماس وشوق للتدوينة الجايه وخذي راحتك حبيبتي بالاجازة لا تضغطين على نفسك لاحقه ع التدوين لووول
يارب يسعدك ياسوس على قد ماتجربين من جد انت نعمه الله لايحرمنا
الله يعين اسبوع وفقدناك كيف اسبوعين???والله انك جزء لايتجزاء من يومي عشان كذا افقدك كثير والله
الله يسر امورك وترجعين باقرب وقت
باذن الله راح اجربها شعري عجزت افهم مشكلته جاف بشكل مع انه ناعم بس فيه جفاف غريب وزياده الطبقه السفلى من ناحيه الرقبه صايره تتشابك بشكل مستفز بس حايه اني ماراح اصبر عليه كثير واقصه
على فكره الطبقه السفلى تساقط جزء كبير منها قبل يمكن ثلاث سنوات وطلع من جديد بس طلع متقصف اكثر وجاف ويتشابك بس الاجزاءاللي تساقطت مع انه ما اشد شعري ولا يعرق كثير
ان شاءالله بشوف ذا الماسك احس متفائله فيه مدري ليه
لك كل الشكر والامتنان……???????
تحمست للماسك خصوصًا اني هالفتره اقرا كثير عن الماسكات للشعر ادور واحد يناسبني !
باشتريه واجرب باذن الله ?
ربي يعافيك ويسعدك على التدوينه ❤️
الله يعطيك العافيه وحمستينا نجربه ???
ونتظر الثلاثاء ومفأجته ?
برمضان2014 صبغت شعري ومن بعدها اللله لايوريك الانعدام
شعري خرب ياارتوس بشكل مو طبيعي معدوم معدوم صار نااااااشف بشكل مو طبيعي ومتشابك لدرجة مره يعوزني ماقدر امسطة وطبعا الجفاف والتشابك خلاه يتساقط ويتقطع وقت التمشيط الشعر مات مهما ارطبه مايفيد ، وفوق هذا الفرورة دهنيه .
اخذت كورس بمركز تحسن الحمدلله بس طبعا لمجرد اني اوقف شعري يرجع زي ماهو .
صرت اقص من فتره لفتره لانه هذا الحل واحط حناء الجذور بس منها تغذي الشعر وتنظف الفروة لي ، وشريت جهاز بخار علشان استقيد من الماسك اكثر .
عدلت اكلي ودخلت السالمون كثير تقريبا ٣ مرات بالاسبوع .
ومن ٢٠١٦ بديت بالانفرجن ومره وحده ماسك بالاسبوع وحناء تقريبا مرتين او ٣ بالشهر .
هذا نظامي ايلي بتبعة هالسنه بخصوص الشعر .
حمسني التغليف اني اجربه مع ان احس ما يناسب شعري (الشعور الناعمه الدابله السايحه) ودي اشتري منتج يكش،شعري ويصير فيه ڤوليوم مثل قوام شعر توبا??
وقفت عند كلمة عذرا (لباقي الأقطار ألعربيه) لباااااه قلب اللي مهتمه بكل متابعاتها لاحرمنا من عطائك ليش تعتذرين السبب ليس منك إنما من حكومات هذه الأقطار المضطهده للاسف بعض المنتجات اللي تكلمتي عليها لما دورت عليها في اكبر صيدليات البلد مو موجوده عندهم ولا يجيبوها وإذا تبيها توصيه خاصه تدفعي أضعاف اضعاف السعر الحقيقي (هنا التصدير فقط محتكر لبعض الشركات التركيه يعني اغلب المنتجات اللي عندنا تركي أمريكي اوروبي بس مو كل شي تلاقينه خصوصا المنتجات التجميليه وما يخص العناية بالدرجه الاولى .. كثر خيرهم يوفرون بس وين منتج اكل جديد تلاقينه بكل الاسواق (شعب يفكر بس ببطنه)
حبيته لانه طبيعي ولانطباعك عنه ..
صح غالي لكن بشتريه لبنوتتي السعنونة ) عمرها سنتين (
ودي لها بشي عضوي وطبيعي يحافظ ع شعرها كيرلي وحلو ..
لان رغم اهتمامي الكبير بها لكنه مثل اللي اتقصف او فيه شعرات طايرة ماني عارفه ليه رغم انه مو جاف ..
شكرا ❤
تكلمي عن كريمات حمايه الشمس شنو احسن ماركه جربتيها و جم تكون المفروض نسبه الحمايه فيها
قبل كم يوم شفته عند صالون بجدة كنت متحمسة أجربها وخايفة بنفس الوقت لأن أول مره أسمع فيها لكن بعد ما كتبتي عنها أكيد زاد حماسي و ذهب الخوف مع الريح ?
من وصفك للمنتج يناسب شعري و تحمست اجربه خصوصاً الماسك
سمعت عنها من قبل كثيير و بالأخص بالصوالين و بعض البلوقرز بالسناب يحطونه و منهم دانة الطويرش عرفته منها و قريبتي مدحته لي لكن برضو كانت بمشاغل تستخدمه
مقدرين انشغالك و يكفي تذكرينا لكن بنشتاق لك و لثرثرتك و بوستاتك اكيد لكن اللي فهمته انك بتغيبين بعد اسبوعين و البنات معلقين انك بتغيبين الحين اسبوعين
أي الأصح عشان اذا اجازتك حاليا ما بدخل الانستا لانشغالي
هههههههههههه معترفة اني ادخل عشانك 🙂
رد متأخر ارتوس حرام عليج تعودينا على مدوناتج الجميلة وبعدها تقطعين كذا عنا الصراحة احس اني استفدت منج كثير وكل الأشياء اللي جربتها عن طريقج نفعتني وماشفت منها أي ضرر والكل لاحظ التغير ببشرتي من بديت استخدم 242 لاحظت فرق كبير صايرة بشرتي كأني لي سنين اعتني فيها بس للحين مشكلة السمار حولين الفم
ويسعد مساك يامزة ?
حببتيني بالعناية بالشعر بعد ماكنت معطيه شعري الخامس ? واللحين حاطة لوك براسي وابغى شعري صحي فبديت اهتم فيه .. بالنسبة لمجموعة ناشي اول مره سمعت فيها منك ثم من فوز بس بصراحة اول مانزلتيها بالانستا ماتحمست لها مره مدري حسيتها عادي بس بعد تجربتك انشالله بجربها بس مو اللحين اخلص مشكلة التساقط عندي وابدأ فيها .. اي صح بذكرلك تجربتي لشامبو لاروش تبع القشرة يمكن افيد بعض البنات بذكر تجربتي بصراحة فضيييييع شوي فضيييع عليه القشرة راحت من شعري نهائي راحت تقريبا بعد شهر من الاستخدام حبيته قدا احس ينظف من قلب ويجلس الشعرلثلاث ايام مادهنت الفروة والاحلى ريحته احب هالروايح بالشامبوهات ..
يعطيك العافية ???
احب تدويناتك مرة شكرا لك❤️
بس كيف طبيعة شعرك عشان اشوف هل يناسبني المنتج او لا ؟؟
او هل تتوقعين يناسب الشعر الكيرلي الناشف ?
جميل ما شاء الله
ويني من زمان عنك وعن مدونتك
اخخخيرا لقيت شيء ارسي عليه