صَباح / مساء السَعادااا
[ هههههههه تَرى أدري تُكتب سعادة ، لَكن حَتى أُداعبكم كتبت سعااااادا ] ..
بما إنا على مَشارف سنة ميلادية جَديدة ، كثير ماتُثير الأرقام الجَديدة مشاعر الحماسة أو البُؤس
فغالباً نشوف ناس يرسمون خطط جَديدة مع بداية السنة الجديدة أو مَع كُل ذكرى مِيلاد أو حتي سَنة دراسية جَديدة
قد يلتزمون بهالخطط في الثَلاث الأشهر الأولى مِن ثُم تخور قوامهم بقية الأشهر وَ يأجلون هالخطط للسنة القادمة ..
هَل هالشيء إيجابي أم سلبي !!
صحي أو غير صحي !! .. ماعندي علم ..
لكن إللي أعرفه إنك إذا خَططت وَ حققت جُزء من مُخططاتك راح تكون سَعيد ، وَ إذا فشلت قد تُصاب بخيبة أمل
[ كل شيء راجع لطريقة التفكير ]
عُموماً أنا مِن الناس إللي أحب أرسم خطط طَويلة المدى وَ آخرى قَصيرة ، هالطَريقة تعطيني الدَافع للإستمرار ..
بحال وَصلت لنصف الهدف المُخطط له ماراح أحبط لأني جزأته وَ راح أكون مَبسوطة بالجُزء إللي حَققته
– أحسك دايم مَبسوطة وَ رايقة ؟
سُؤال دائماً وَ أبداً يُوجه لي ، المُشكله مو بالسؤال ..
المُشكلة بطريقة السؤال !! وَ كأنهم يقولون لي خيررررر وِِش بها الدنيا يُثير الإعجاب .
مَع العِلم كَوني مُبتسمه دائماً مايعني إني في قِمة سَعادتي ، مرات أكون بمود عادي لا زعلانه وَ لا فرحانة لكن مُبتسمه وَ مرحه وَ آكتيف
طبعاً هالشيء ما يعني إني مُختله بس أضحك وَ أهرج وَ لا يعني إني أدعي السَعادة ، بالعكس بطبعي ما أميل للتهريج وَ لا أحب أكون مِثل الأراجوز ( القراقوز ) أو المُهرج إللي حاط الكُوميديا على راسه وَ يلعب فيه دَور البُطولة
سؤال مَوجه لكم ~
– هل تصنفون نفسكم سُعداء ؟ أم أشقياء ( أقصد بها حَزينين أو كئيبين ) ؟ أم بين … بين ؟ وَ ش بيكون جوابكم ؟ وَ ليه ؟
فَضلاً : [ وَ قفوا قراءة وَ أكتبوا جَوابكم ، وَ أنسخوه ، وَ مِن ثُم كملوا قراءة التَدوينة ، وَ بحال تَغير كلامكم أضيفوا رَدكم قبل وَ بعد ]
بَكون مُمتنة مِن قلبي لو طَبقتوا إللي قَلته ..
راح أبدأ بنفسي وَ بجاوب على السؤال ،’
شخصياً أصنف نَفسي إنسانه سَعيدة أو عَشان ما أبالغ رَاح أقول إنسانه أقرب للسعادة
بطبعي وَ أقصد طَبيعتي إللي عَرفت نَفسي فيها مِن أنا صغيرة إنسانه أحب المَرح وَ الحركة
[ أمي – الله يَرحمها – كانت تَقول إني مَشيت بَعمر مُبكر جداً ، قالت حتى كان شكلك غريب وَ مضحك إنك تَمشين بهالحَجم الصَغير ]
وَ بعكس الكثير مِن الناس أقوم من النوم وَ كلي حماس وَ حيويه حَتى لو ما أخذت كفايتي مِن النُوم ..
بالأسَاس علاقتي مَع النُوم غير جيدة مُنذ أزل ، أعبر عَن مَشاعري وَ لا أخبي بَقلبي سَواء مَشاعر فَرح أو غضب
مَع العلم مَشاعر الغضب بكثير مِن الأحيان تَكون بردات فِعل حَادة قد يراها البَعض مُبالغ فيها حَبتين ، وَ مع ذلك مَشاعر الغضب ما تتملكني مُجرد ما تجد مُتنفس تنتهي بلحظتها ، عموماً أميل للتَطرف في إنفعالاتي التَعبير عن الفَرح كبير وَ التعبير عن الغَضب كبير أيضاً
[ وَ كُل النَاس إللي إشتغلوا مَعي يعرفون لو عَصبت جاري وَقت التَنتيف ] ..
لكن عشان تستوعبون إجابتي لازم تَفهمون مَفهومي للسعادة وَ نظرتي لهالحياة
مؤمنة إيمان تام إن الحَياة فيها الزين وَ الشين ، الربح وَ الخسارة ، الحياة وَ الموت ، الحلو وَ المر .. ماراح نذوق الحلو إلا إذا ذقنا المر
مِثل القَهوة المُرة ما تسمتعين بطعم الحَلى الإ إذا كَسرتيه برشفة المُر
هذي هَي الحياة مُتقلبة وَ مُتبدلة ما تستمر بوتيرة وحده ..
الحياة تحتاج الصَبر وَ الأيمان مرات وَ الإمتنان مَرات أُخرى
إذا وَازنا بين هالشغلتين + سعينا لتحقيق أهداف وَاقعية أعتقد رَاح نفهم السَعادة وَ راح نجلبها
مُو كل شيء فَي الحياة راح نَحصل عليه ، فيه أمور بالسَعي وَ الجد وَ الإجتهاد بإذن الله راح ننالها ، وَ فيه أمور رِزق يخلق مَعنا مَالنا يد فيه لا السعي وَ لا الجُهد مُمكن يجيبه لأنه بإختصار هِبه تُعطى لأشخاص دُون عَن غيرهم
بنظري أيضاً إن إحساسك بالسعادة جزء منه يَعود لـ
– الجزء الأكبر يرجع لطريقة التفكير وَ التفكير بإيجابية وَ تفاؤول
– جزء أيضاً يَعود للظروف العامه وَ المحيط العام ، ما راح نُطالب شَخص يعيش في حرب وَ فقد ماله وَ عياله وَ بيته وَ مُمكن فَقد جُزء مِن جسمه يفكر بإيجابية وَ مع ذلك قَد يَجد في الإيمان بالقضاء وَ القدر العَزاء وَ الرِضى
ـ جزء لا يُستهان به يعود للجينات أو الصحة النفسية ، وَ للآسف هالجانب مُهمَل في عالمنا العربي وَ تحديداً الإسلامي ، غالباً ما تُفسر حاَلات الإكتئاب أو الإنتحار بإنها ناجمة عن ضُعف الوَازع الديني أو قِل إيمان أو ضعف في الشخصية أو جبن ..
لكن كثير ناس مَروا علي بالحياة كانوا أكثر قُرب مِن الله وَ مع ذلك يميلون للإكتئاب وَ العُزلة رغم شِدة إيمانهم
بإختصار هالشيء مسؤول عنه الجينات أو خَلل صَحي عصبي مِثله مِثل بقية الأمراض بالجسم تحتاج إلى عِلاج طبي وَ دواء وَ السكوت عنها وَ إهمالها قد يحول حَياة الشخص لجحيم وَ تجعله في لحظة يأس تخليه يُقدم على إنهاء حَياته
من أشهرالإشاعات إللي صَدقها الكَثير بعالمنا العربي هي إن السويد من أكثر بلدان العالم إنتحاراً وَ تعاسة
ما أدري مَن نشر هالإشاعة وَ ليه ؟ وَ على العكس تماماً أوروبا الإسكندنافيه خَاصة مُصنفة مِن أكثر القارات سعادة ، وَ حتى بإحصائيات الإنتحار السويد ما تتصدر هالقائمة ، وَ تقدرون تبحثون وَ تتأكدون بنفسكم
[ أنا أُرشح بدل البَحث بتعاسة غَيرنا مِن الدُول لإبهاج أنفسنا عبثاً ، الأفضَل إصلاح الحال وَ الأحوال وَ العمل على ذلك وَ ليس الإنشغال بالآخرين ] ..
المُبالغة في التفاؤل غباء ~
الحين صار مُوضة جَديدة عند البعض إدعاء المَرح وَ السعادة وَ التفاؤل المُبالغ فيه ، خاصة ألاحظ هالشيء لما أشوف مقاطع الأمريكيات باليوتيوب .
تحسين الوَحدة طالعة بالمَقطع وَدها تتشقق مِن السعادة ، وَ كل شوي تقول إنتم سعادة ، أنتم سَبب سعادتي ، أحبكم ….. أنا سعيدة اليوم …
وَش فيني اليوم مِن كثر السعادة بطير ، وَ تضحك ضَحكة مُبتذلة يعني إني ميته فَرح ، طبعاً ناهيكم عَن النُكت المُبتذله وَ الحركات التَهريجية المُبالغ فيها ، وَ مع كُل مَقطع تتكرر الديباجة بحجة نَشر الفَرح وَ الإيجابية ..
مَا أدري وش الحكمة من إدعاء السَعادة المُبالغ فيه ، هَل لأن المُتابعين بطبيعتهم يحبون النَاس إللي يحسسونهم بالفرح وَ السعادة !!
أو هي حَركة لإغاظة الأعداء ، أو لتطمين الأصدقاء أنه بخير ، أو مُجرد رِسالة نشر الإيجابية المُزيفة
يمكن تقولون طيب يمكن هم سعيدين بهالقدر …. قَد يكون ذلك ؟
لكن إذا الشخص سَعيد ماراح يقول كل شَوي أنا سعيد ( مَرة وَحده تكفيه ) ..
لأن السَعيد يبين إنه سَعيد بدون ما يقول أنا سعيد ، عيونه ، حركاته ، حَماسه …إلخ مِن أمور
أي إنسان مُدعي أو عِنده عُقدة نقص بجانب ما ، يظل يذكره بكثرة عشان يذكر النَاس فيه وَ يقولهم أنا تمام
لنفرض مُحدث النعمه إللي عِندة عُقدة النقص مِن ماضيه ، راح يتكلم بكثرة عَن المال وَ مُشترياته وَ صرفياته ، وَ سفراته ، وَ راح يصنف النَاس بنِاء على ثروتهم ..
بعيداً عن الأمثله نرجع لموضوعنا
التفاؤل وَ التفكير بإيجابية مُو معناه السذاجة ، الإيجابيه الزايدة بتخليك تَطيح علي راسك ، أعتقد سَبب هالمُوضه هَي كُتب تطوير الذات
إللي الكَثير يَعرف رأيي عَنها ، وَ ماهي إلا سَبيل لسرقة أموال اليائسين أو الباحثين عَن السعادة أو عن سبيل لتحقيق أهدافهم ؟
وَ عفكرة كَتبت مَوضوع عَن هالبَوينت ( للإطلاع إضغطي هُنا ) ، وَقتها كَثير عارضوني وَ عدت سَنة
هآآآآآه أنجَزتوا شيء !! وَ لا مُجرد شيء تحبونه تَدافعون عَنه بلا مَنطقية كَونكم تَحبونه بينما لم يُقدم لكم شيئاً !!
مِن الهُراء إللي قَريته بالسنوات الأخيرة ،وَ أعتذر عَن كلمة هراء لأن الكثير قد يؤمن بهالكلام
وَ هو أن : [ كُل إنسان قَادر على جَلب كُل ما يَرغب به بمُجرد التَفكير بإيجابية ]
طبعاً هالشيء مَصنفينه كنظرية وأكيد له أسم ، ما أعرف وَش يسمونه
بس بعطيكم مثال : لو طُموحي مثلاً إني أنحف ، أو أرزق بطفل ، أو أكسب مليون أو أنجح بالدراسة
كل إللي علي أني أؤمن بداخلي إني بجيبه وَ كُل يوم أكرر هَالكلام لنفسي وَ أقول أنا رَشيقه ، أنا مَليونيرة ، أنا الأولى دراسياً
هالشيء مُو كَفيل بتحقيق أحلامي ، زي إللي يقول دُعاء الرزق وَ قاعد لي مَنبطح بالبيت
حبيبي لازم تقوم مِن نومك وَ تسعى للأسباب حتي لو هالسبب إنك تسطوا على بنك ، لا الدعاء وَ لا التَفكير بإيجابيه راح يجيب الفلوس لابُد مِن العَمل مع الدعاء ، إلا عاد لو أحد وَ رثك أو وهبك هالفلوس
عِند الإقدام على كثير مِن الأمور لابُد أن نَدرس الإيجابيات وَ السلبيات ، متى ماكانت الإيجابيات أكثر نقدم على هالأمر وَ لا نخلي الأمور السلبية تعيقنا لكن لابُد نكون مُتنبهين لها عشان نعرف نتعامل مَعها مَتى ما وقعت ، لابد نَتحلى بكثير مِن الواقعية وَ لكن نحفز نفسنا وَ نتمنى حُصول الأفضل
مَرة قريت دراسة مَدري عن مدى صحتها ، يقولون أن الأشخاص المُتشائمين أفضل صحة وَ مقدرتهم على الشفاء أكبر مِن الأشخاص المتفائلين ، لأن هالتشاؤم يخليهم يتوقعون الأسوأ فَيكونون على حذر وَ تأهب يَعني بالعربي يسوون من الحبة قبة ، عاد مو تفهمونها إنها دَعوة للتشاؤم لكن كل شيء زاد عَن حده إنقلب إلى ضده
– هل أنا فِعلاً سعيدة !!
مِن الأمور الغَريبه إللي ما أفهم تفسيرها ، تمر علينا فَترة بالحياة ماكنا نشوفها أسعد لحظات حياتنا ، لكن بَعد فترة مِن الزمن نتذكرها على إنها مِن ضمن أسعد مراحل حياتنا ، هل الذكرى لها دور !!
بس كثير تسمعون المُتقدمين بالسن يكررون كَلام أمثال : هذاك أول كل شيء له طَعم النَاس كانوا طيبين ، الحَياة كانت حُلوة كنا دايما فرحانين رغم الحياة كَانت بسيطة
مَتى أوصف نفسي إني سَعيدة ، لما يكون إحسَاسي بالبَهجه كبير ، طبعاً الإحساس بالبَهجه غَير مُستمر بنفس الوتيرة ، مرات يكون اليوم رتيب نوعاً ما ، أغلبه إلتزامات لابُد عليك تنهيها بوقتها ماراح يكون يوم حزين لكن نقدر نَصنفه مُتعب أو مُمل لكن تَفاصيل صَغيرة ضمن هالرُوتين مُمكن تشيع البهجة ، وَ مضات البَهجة الصغيرة خلال اليوم تخليك تكون سعيد
راح أشاركم بَعض الشغلات إللي أعتقد أنها سبب بإسعادي ،’
الجينات ~
أول سبب أعتقد إنه إما جيني أو مُكتسب بالعشرة مِن أهل أبوي مَيالين للمرح وَ للضحك وَ مو حاملين الدنيا فُوق روسهم ، رُغم إنهم يخافون مِن المُوت وَ الشيخوخة لكن متشبثين بالحياة وَ الشباب الدائم يجدون المُتعه في التأنق وَ السواليف وَ الجمعات وَ حُب الذات هههه ، الحَمدلله إني أخذت جَانب المرح وَ التأنق دُون الباقي
الإمتنان ~
مُمتنه لكُل النَعم إللي أنعمها علي رب العالمين
مُحظوظة إني خلقت بعيلة مُتفهمة مُحبه
مُمتنه لمساحة الحُرية سواء حرية الفكر ، التصرفات وَ إتخاذ القرار
مُمتنه كوني مدللـه فَي عيلتي وَ مع ذلك كلمتي لها ثقل وَمكان ( لي بريستيجي )
مُمتنه لثقة أهلي فيني
مُمتنه لنعم كثيرة لا تعد وَ لا تُحصي
مُمتنه إني مَاذقت طعم الحاجه وَ لا العوز
مُمتنه علي صحة البدن وَ راحة البال
مُمتنه على القوة إللي منحها لي رب العالمين
مُمتنه كوني ما أهتم بكلام الناس وَ لا أهتم لردات أفعالهم تجاهي وَ لا كَلامهم عني
[ إنما كُل ما زَادوا حَكي علمت أني أسعى بَحياتي وَ أنا مُحور حياتهم ، شيء حلو بالنسبة لك تَكون مُحور إهتمام ..]
ما أقارن ~
لما كُنت طفلة وَ أبي أقنع أمي بشيء مو راضيه هي فيه كنت دايماً أقولها : شوفي فلانه … وَ فلانه … وَ فلانه …. تسويه
ردها القَاطع دائماً تقول بكل برود : هذيك فَلانه …. وَ إنت فلانه بن علان ….. إنتِ بنتي غير عَن الناس
مع إن حَجتها كانت تنرفزني وَ ماتقنعني وَقتها لكن وَلد عندي حُب التميز وَصار فعلاً مايعني لي وَش يسوون النَاس
مرات أحس إني أسبح بَفلك لحالي لكن مَبسوطة أسوي كُل شيء مُقتنعه فيه أهم شيء يناسب فكري وَ قناعاتي
[ خُطى الناس وَ المألوف ما عُمره جَاء على مقاسي ]
المُقارنة تولد الحسد ، وَ الحَسد يولد الكره وَ الكُره يولد التَعاسة
التَنافس الشَريف بمجال ما يختلف تماماً عَن المُقارنه بَدون هَدف
بالمُناسبة اليوم الظهر نَزلت صَورة لَعدة الرياضة عَندي ، فيه بَنت لها فَترة غاثتني بالتَمارين الرياضية وَ أكيد هَي مُتابعة لي هُنا
المُضحك إنه اليوم هالبنت كَتبت أنا الحَمدلله رياضية درجة أولى ( صَدقوني هالنَوعية مِن النفسيات مُحزنة جداً وَ المُحزن أكثر إني فاهمه عليهم ) أكثر شيء ما يَعجبني بالحياة لما أشوف هالمُقارنات المُميته بصَورة عابرة مالها أي عَلاقة بتحديات أو مُقارنات مَع الآخرين ، لما شَخص حياته بَس المُقارنة
يوه رجلك زي رجلي ، ظفرك زي ظفري ، صَحنك زي صَحني ، لحافك زَي لحافي ، حياتك زَي حياتي، أحسك نَفسي
ما خَلآ الأقارب عَقارب إلا هالتَنافس ، المُشكلة الآن إنتقل للسوشيال مَيديا
ناس ما تَعرفهم دَم حياتهم المُقارنة ،اليَوم أشوف صورة لميريام فارس ( كُل مَحور الحديث بالصَورة شلون حامل وَ مهب مبقعه زينا )
صراحه وآآآآآه خَزياه ، إللي ما دَرى عَن بقعكم صار يَدري ، ليه أحد يعرف بَفضيحة أحد بدون هو ما يَبربر !!
وَ للأسف لقيت ٣ بنات مِن مُتابعاتي الجيدات بَعد مَعلقين و يمنشنون بعض شوفي شوفي تحت إبطها مافيه سَواد !!
( وَ صورت بَعد الشاشة كذا ، قلت بخليها يَوماً ما بموضوع ) ..
الصراحة وَ الصدق ~
وَ أقصد الصدق الصدق مَع النفس ، يعني أصارح نفسي بَعيوبي أفهم بالضَبط ردات فَعلي وَ أفسرها وَ أفضح نَيتي لنفسي ، أعرف وَش إللي أنا أبيه مَو إللي المُجتمع شَربه لي كَونه مُفترض يَكون رغبتي
كَثير مِن أهلي يَعيبون صَراحتي ، الصَراحه أشوفها مِثل التَمرين كُل مَالي أصير أكثر صَراحة مِن قَبل ، مرات أحس إني أتنافس مَع نفسي بزيادة جُرعة الصراحة ، أحب أفصح عَن مَشاعري وَ لا أكبت شيء بقلبي
المُجامله لها أوقاتها بَس مُش دائماً ، الشيء إللي ما يَعنيني راح أجامل فَيه لَكن إللي يَعنيني بالطَبع لا للمُجاملة
ما أحب الأسرار ، الأسرار تَولد الهم عِندي وَ أحس حِمل ثَقيل ياخذ مَن روحي الكَثير ..
أعرف فَيه ناس بيقولون إنتبهي تَوصلين لمَرحلة الوَقاحة ، الوَقاحة شيء وَ الصَراحة شيء آخر
يَعني أبسط شيء لو وَحدة قالت لي آرتوس وَدي أقابلك بهالإيفنت مِن أحبابي بالإنترنت ، أفَضل أقولها الصَراحة وَ هي : ( حالياً مو حاطة فَكرة مُقابلة أحد ، بس بتكونين مِن أوائل الأشخاص إللي وَدي أقابلهم بَحال قابلت ) ..
أول شيء ههههههه المَوضوع لا يَخلو مِن المُجاملة لأن فيه رَد للطلب لازم يَكون المَوضوع لَبق
وَ ثانياً أقدر أقولها آوكيه نَتقابل هَناك ( وَ آخرتها أجيب لها مَليون عَذر ، قبل لا أطلع صار وَ صار ، أو واجهني ظَرف وَ لا كِنت لابسه وَ مُتحمسه وَ بلا بلا مِن الأكاذيب )
أغلب الناس إللي أعرفهم أو مَعارفي مِن الإنترنت يَعرفون إني إنسانة لي كَلمتي وَ قراراي ، يعني مافي شيء بَيخليني ما أجي إلا رآسي العَنيد
مٌو بالضَرورة الصراحة تَكون وقاحة ، هالشَفافية أنا أقدرها لو الآخرين تعاملوا مَعي بنفس الوقت بدل ما تتعب الوَحده وَ تتكلف عشان بنتقابل آخرتها عالفَاضي إستعدادهآ
زَمان زَمان لما كَنت بالمُتوسط ، فيه زميلاتي بالدَراسه يعزموني على عيد ميلادهم
البعَض ما أحب جَوهم ، فيسألوني بَتجين !!! .. أقولها لا أهلي ما يَرضون لووووول ، تَقولي : خلاص بخلي أمي تَكلم أمك
كُنت أرجع مِن المَدرسة ركض أقول لأمي إنتبهي تقولين إنك تَرضين أنا ما أبي أروح ( أهلي ما عَمرهم مَنعوني مِن زيارة أحد الحمدلله )..
تقولي أمي وَ ليه !!! .. خلاص رَوحي ، أقولها ما تَعجبني جَمعتهم وَ خلاص ما آبي ..
هذا لما كُنت صَغيرة كانت قراراتي على قَدي ، الآن الحَمدلله صَرت أقول إللي بَخاطري وَ بدون جَرح .
حتى البَعض يسوي لي حركات مثلاً خلاص ترى بنتظرك ، أقولها لا لا تنتظرين صَراحة مِنب جاية لا تحاولين تَحطيني أمام الأمر الوَاقع أو تتعمدين أسلوب الإحراج
إما أسامح أو أقاطع ~
هالشيء أشوفه عَيب فيني لأني ما أقدر أمثل مَشاعر مُزيفة
طبعاً السماح دائماً أفضل وَ يمنحك السَلام الداخلي
شخصياً كُنت أسامح كثير لكن تعلمت إنه مُو كل شَخص يستحق المُسامحة
فيه أنفس لئيمة مالك إلا تَبتر علاقتك فيهم
وَ إذا بترت أبتر مِن اللغلوغ ، فعلاً أحسب إن الله ما خلقهم
ماعاد أتقصى أخبارهم ، ما أهتم بهم إطلاقاً سواء صابهم خير أو شر فعلياً ما عاد يَعنون لي
لاأحمل لهم لا مَشاعر كُره وَ لا مشاعر رحمة ، وَ جودهم زي عَدمه في الحياة بإختصار لأكترث بوجودهم
وأهم شيء إني أنزع أي مَشاعر بالضغينه إتجاهم لأن مَشاعر الكراهية ترجع تنرد لك بالنهاية وَ كونك كرهت أحد راح تفكر فيه دايماً وَ التفكير بأشخاص تكرهم راح يولد مشاعر سلبيه بالنهاية أنا بغنى عَنها
البَعض حتى يَقلك لا ليش أقاطع ، عَندي القَطع أفضل مما كَل يوم أشوفه وَ نمثل تمثيلية على بَعض
صراحة نيل جائزة أوسكار مو مِن أولوياتي ، حَياتي أهَم وَ صحتي ، نقابل بَعض وَ نمثل وَ لا إفترقنا سَيل من الذنوب وَ الحش
ليش ؟! نَختصر الطريق أفضل ، لا أجيب سيرتهم وَ لا يجيبون سيرتي وَ صلى الله وَ بارك
أسوي معروف وَ أقطه بحر ~
لما أسوي خِدمه أو مَعروف سَواء لقريب أو غريب ، ما أنتظر منه الرد وَ لا المقابل
إذا كان إنسان يستاهل خير وَ بركة .
وَ إذا مايستاهل فعليه العَوض وَ مِنه العَوض .
العطاء ~
يمكن كثير يعتقد أن السعادة بالأخذ مو بالعطاء ، لكن العطاء له لذة أجمل بكثير من الأخذ خاصة إذا كان العَطاء لشخص أو حتى كائن غَريب لوجه الله
إي نعم أحب أتلقى لهدايا لكن أستمتع أكثر بتجهيز الهدايا لغيري وَ أتفانى بها
العطاء بأمور بسيطة مو بالضرورة شي كبير ترجع لك بسعادة كبيرة ( لا تحقرن مِن المعروف شيء )
من الأمور إللي تسعدني لما أعطي قطوة مُشردة وَجبه مُشبعة وَ أدللها أحياناً
لما أرتب باقي الأكل وَ أضبطه بشكل لأئق وَ أعطيه عامل بمحطة بنزين ، سعادة هالشَخص تحسسك إنت بالسعادة
لأن هالشيء ماخططت له إنما كان وليد اللحظة
حتي إبتسامة لعاملة النظافة في السوق أو دَردشة بسيطة مُمكن تسعدها وَ تسعدك
عيش اللحظة ~
أعيش اليوم وَ اللحظة أستمتع فيها بالواقع مَو بالعالم الإفتراضي ، أعيش ذكريات الماضي الحُلوه وَ أطمح وَ أخطط للمُستقبل
أشطب النَدم مِن قاموسي وَقدر الإمكان أمسح كلمة ( لو )ما أحب أذكر هالكلمة لو إفتراضاً
أوك إذا فشلت بشيء خلاص صار وَ إذا ؟ مو نهاية العالم …. تعلمت منه مو بالضرورة نقعد نبكي على الأطلال
خَسرت فلوس إوك إللي جابها المرة الأولى يجيبها المَرة الثانية
من الأمور اللي صارت تتكرر علي كثير بالفترة الأخيرة بالانستقرام ، ماتخافين إن قطوك يموت ، وَش بتسوين لو مات ؟
ههههههههه مادري ليه الناس يسألون أسئلة من هالنوع أشوف هالشي تشاؤومي حبتين ، أنا مبسوطه الحين ليش أفكر ببكره ، أوكيه هو راح يموت أكيد وَ عُمره البيولوجي قصير ، ليش أفكر بموته ؟
وَ قتها ما أعرف وَش بتكون ردة فعلي لكن أكيد بحزن وَ ببكي ما أحب أفكر بهالأمور ، لأن ممكن أموت قبله !! هالشيء جائز مَحد يعرف عُمره ، أهم شيء إني مَوصية عليه يرعونه واجبي إهتم فيه لين مماته
ممكن البعض يشوفني مجنونه ليون ما أشوفه قطو أشوفه فرد من أفراد العيلة وَ هذي مو نظرتي نظرة العيلة كلها يعني مثل الطفل ..
هل فيه شخص يرمي طفله !! ما أعتقد إلا الشَخص اللئيم وَ المُختل وَ الأناني
لا للتأفف وَ الناس السلبيين ~
طبعاً إللي يعيش بالرياض حالياً يدرك كمية الحفريات وَ الزحام بالشوارع ، أي مَشوار صار ياخذ نَص يومك ، طبعاً زحمة السير قادرة على إخراج أي شَخص عن طوره
بالبداية كان هالشيء يعفس مودي وَ كان الباد مود يستمر عندي ٤ ساعات
لكن قعدت أفكر آوكيه لي متى أتأفف َ؟! ، إنتهينا وش بستفيد يعني هل بيمشي السير … لا
إكتشفت إن إللي يولد عندي هالشعور اللي معي بالسياره المتأففين ، فصرت أقول هوووووووص وَ لا كلمة وَ لا نفس
أشغل إليسا وَ الموسيقى إللي أحبها وَ أستمتع بالطريق مرات مِن المُتعة ماودي أوصل لين أخلص الألبوم ههههههه
جد الناس السلبيين إللي طول وقتهم يشتكون من الوضع العام ، أو الحر … صدقوني خليهم ينثبرون حياتكم بتصير أفضل
طبعاً مو كل إنسان إشتكى عن وضعه أو عن مصيبته تسكتونه لأن الناس للناس ،فيه ناس يحتاجون يفضفضون أسمعهم اليوم ، بيجي يوم إنت تحتاج فيه تفضفض
إللي أقصده بالسلبيين إللي يجرونك لتحت وَ يقلبون كل الأوضاع لدراما وَ يحبطون تفاؤلك السوداويين ، إللي يبربرون بكلام لا يودي وَ لا يجيب
الجنون وَ التجارب الجديدة وَ تعلم أمور جديدة ~
من الأمور اللي تكسر روتين الحياة هي الجنون لما تفصل ساعات وَ تسوي تجربه بعيدة كل البُعد عن إللي تعودت عليه ، هالفصلات تخليك مَبسوط موسم كامل تحس إنك عايش
أيضاً تطوير المهارات وتعلم شغلات بسيطة يسعدني ، حتى لو شَغلة بسيطة أو تافهة بنظر البعض
أحياناً يطلع معي أقول أبي أسوي هالشغلة بنفسي نفترض عمل يدوي ،مُحاكاة لأكله ذقتها بمطعم
ليون ( قَطوي ) ~
هذا الحب حقي ، مع انه صغير الحجم وَ عقله على قده إلا ان الحيوانات يضيفون البهجه للبيت ، حتى إزعاجهم حلو ، مُتطلباتهم حلوه ، شقاوتهم ، لما تقوم تلقى كارثه بالبيت سَببها هالمَخلوق الصغير ، لما تلقى شَاحن جوالك مقطع إرباً إربا
لما تقوم من النوم وَ تلقاه نايم على رجلك وَ من كثر خوفك لا تصحينه ماتنقلب وَ لا تقوم بس تقعد تراقبه وهو نايم ..
لما يقعدك من النوم وَ يصيح فوق راسك يبيك تقوم
لما يقط معك بالسفره يبيك تذوقه مِن اللي تاكله .
لما يحس فيك وَ إنت مريض وَ يلازمك
كل هالتفاصيل تجيب السعادة
الرياضة + الموسيقي ~
رياضه + موسيقه صاخبة خاصة إذا كانت كارديو أو كيك بوكسينق
تفرغ كل الطَاقة السلبية إللي فيني
مفعولها سريع من أول ١٠ دقايق تعطيني دُفعة سعادة جبارة ، أتمنى الكل يجربها مَو لهدف الرشاقة وَ لا النحافة عشان تسوون شي كويس لصحتكم الجسدية وَ النفسية ، روحوا الرياضه كانكم رايحين حفلة رقص
طبعاً المُوسيقى بالنسبه لي غذاء يَخفف طول الطرقات ، لذة الأغاني مرتبطه عندي بالخطوط السريعة مدري ليه !!
صوت فيروز بالصبح قادر على تعديل المزاج
طبعاً أدري كثير بيقولون لي حرام وَ ما أدري وش ؟ كل واحد ينام على الجَنب إللي يريحة ، مِن غير موسيقى يومي يكون مُمل
وَ لا عندي القُدرة على الركض مسافة ٤ متر بدونها
تحدي النفس وَ محاسبة النفس ~
أحب أتحدى نفسي وَ أتنافس مَع نفسي وَ أدفع نفسي للوصول لأماكن ماسبق وصلت لها
هالشيء يولد عندي روح التحدي إللي يحسسني إني عايشة
دائماً الحياة بدون هدف وَ لا حلم مُملة القعده بدون عمل أي شيء أشوفه مُثير للشفقه
أستغرب من وجود أشخاص همهم بالحياة النوم وَ الاكل وَ الشرب بنظري هذي حياة بهيمية لا تَليق ببشري
وَ أهم مسبب لسعادتي عائلتي ~
إحتوائهم لي وَ التفاصيل الصغيرة إللي ممكن نشوفها مُزعجه مِثل لما يكون مَالك نفس تاكل مُستحيل يخلونك لابد تاكل هالتفاصيل الصغيره تسعدني ..
هههه ريحة بخور البيت وَ قرقعة فناجين الشاي مَرات ريحة الذبيحة وَ السلطة تحسسني بالسعادة وَ الأمان
قعدتنا بالصاله حتي في حاله الفَهاوة كل واحد محتل صوفا أو كنبه ، اللي ماسك لاب توبه ،إللي جواله وَ اللي يطالع التلفزيون وَ ليون متربع فوق الطاولة وَ لا منتكس على السجادة ، محد فينا يتكلم بس حاسين ببعض
سواليفنا وَقت الغداء ونَقاشاتنا إللي مرات تَستمر لثلاث ساعات وَ بعده يتبعه مرحلة السكون ..
وَ أهم شي عندي كتكات يوم الجمعه ، أخوي الكبير عنده عادة لازم يجيب لي كتكات أبو أربع أصابع وَ إذا مالقى لازم يجيبيلي ٢ أبو إثنين لأني أحب الأرقام الزوجيه لووووول كل جمعة ما أدري على إنه شيء بسيط بس يسعدني ، يسعدني لأنه يتعنى خصيصاً وَ يجيبه لي …. مدري شلون نشأت هالعادة وَ ليش الكتكات بالذات
وَ الحين بادي أصغر أخواني كل ماراح السوبر ماركت يجيبلي ٢ أيسكرييم ساندويش السعودية
عيلتنا تعبر عن مشاعرها بالأكل الظاهر ..
التدوين ~
التدوين وَ كتابة مكنونات النفس وَ حتى مشاركة التجارب وَ الخبرات [ تشكل متعه بالنسبه لي]
وكثير آشخاص بالعالم الإفتراضي صاروا مصدر سعادة [ أشتاق لهم وَ أحب اقرى ردودهم وَ يحفزوني لتقديم الأفضل ] وَ أفتقدهم إذا غابوا وَ لا أنسى أساميهم وهم يعرفون أنفسهم
أكيد فيه تفاصيل صغيرة بس ماتحضرني هذي أبرزها ، كل إنسان سعادته بشي ما
لكن أهم شيء إذا كنا نعتقد أن السعاده بالمال ، الشهرة ، تولي مَنصب ، شهاده دراسية
أثناء بحثه عن هالأمور وَ بطريقه لاينسي يستمتع أثناء مَسعاه لأن السعاده أحياناً بالتفاصيل أكثر مِن السعادة بـ نيل مُرادك ، لما نتذكر لحظات جميله بحياتنا أو رحله ما ،تلاحظون نتذكر العثرات وَ المصايب بهالرحله على إنها شيء جميل ..
وَ أخيراً ،’
ذكرت لكم الأمور الإيجابيه إللي تحسسني بالسعادة مايمنع أنه عندي أمور سلبية أحاول أتخلص منها لكن الحمد لله أنا من الناس اللي الباد مُود مايستمر فترة طويله ، في أسوأ الحالات أنام وَ أنسي وَ أقوم بمود جديد وَ بالغالب حده ساعه ساعتين وَ أنسي
أشوف الأمر السلبي إللي عندي وَ ماسيطرت عليهم تمام السيطرة شغلتين
الغضب : أنا شخصية سريعة الغضب مُجرد ما أفضض أرتاح بس المشكله أكدر إللي صَبيت غضبي عليه هههههههه
الدورة الشهرية : من أكثر أسباب تعكر مزاجي وَ غضبي الدورة عجزت أسيطر على روقاني خص نص قبل الدورة ، مهما سويت مِن رياضة الهرمونات أقوى مني
بالمُناسبة رَديت على مَوضوع كريم العينين + الأسئلة المُهمة بَموضوع الشعَر وَ بكمل بقية رَدود المَيلكي فَوت للي سألوا يَقدرون يَراجعون المَواضيع ..
دُمتم بَحب
تم
امممممم
مااقدر اصنف نفسي لان الدنيا ماتدوم ع حال واحد لكن قد مااقدر اكون سعيده او رايقه ولو مريت بظروف كئيبه او محزنه احاول اني اتخطاها ساعات اقدر وساعات لا تطول المده
هذا ردي كتبته بالملاحظه ثم كملت قراه
السعاده مفهوم بسيط يقدر كل انسان يسعد نفسه بس يبحث عن الاسباب
قبل سنوات كنت انسانه اميل للكابه والحزن والسبب ان كل ماابيه ماتحقق جلست مع نفسي وسالتها لمتى باظل ع هالحال بيمر العمر وانا حاطه يدي ع خدي وانتظر اموري تتحقق وبعدها صحيت ع نفسي
يمكن الشي الوحيد الي مزعلني مو محزني اني ماكملت دراستي وسبحان الله كل مره يصير شي وتتاجل لكن مازلت متمسكه برائي اكمل دراستي
بس ماخليته عايق لحياتي ابد عايشه حياتي
نظرتي للسعاده قناعه ورضى نفس بعيد عن ماعند الناس
ابسط امور السعاده كلمة حلوه مقابله صديقه خلوة مع نفسي في جو هادي بعيد عن الازعاج استقلالي باشياء كثيره بحياتي كلهم تجيب لي السعاده
من ناحية العطاء فعلا اعيش سعيده اذا اعطيت ومقوله اعمل خير وارمه بالبحر احيانا تمشي معي واحيانا احس هالانسان لو اعطيته كف افضل متوحشه
لكن اعطي واكون بقمه الرضى وفجاءه هالانسان ينقلب وينقطع وبالاخير اعرف انها عزة نفس يتنازل يكلمك هنا اسحب نفسي من حياته للابد
جدتي احد اسباب سعادتي انسانه كبيره بالعمر لكنها صعبه الذوق وانها حبت شغلي بالاكل هذا سعاده بحد ذاته
حبها للمعجنات شي ثاني اسوي لها حتى لو كنت مضغوطه بيومي ويوم اسمع كلامها انها اكلت واكتفت فيها كعشاء وكانت لذيذه اكون سعيده بيومي
الرياضه هذي مفعولها عجيب عجيب عجيب سحر تغير المزاج وتروقك بوقت بسيط
والنوم لازم اخذ كفايتي بالنوم عشان اقدر اكون رايقه طوال اليوم لو كان وقت قصير او لخبطه تلاقيني طوال اليوم مطنقره وسكوت لو تكلميني تكلمت معك بلغة الاشاره
مدونتك احد اسباب سعادتي كلامك احيانا مجرد مااقرا كلامك يتغيري مودي ١٨٠ درجه
بالمقابل فيه امور تجيب لي الكابه غصب تدخل الناس بحياتي المسميات البايخه الي يسموني فيها وكله عشان ماكنت بمزاجهم انا مايهمون لكن ياثرون ع امي وانا ماابي امي تنحرج من كلامهم امي حياويه تجامل ماترد وتسكت الي قدامها
اما نفسيه الدورة الحمدلله اني ماوصلت لهالمرحلة هرموناتي عاقله الحمدلله والا كانت علوم
رد باختصار تام
?
تم
حسافه عبالي بسبق توت ??
الصراحه ..كأنك جالسه تسولفين جبت فنجان قهوه وجلست اقرأ كلامك كيف اقول حميمي صادق لانه للقلب مباشره …
وبدون زعل زي صراحتك تتكلمين عن الناس والحسد وو..بسوداويه شوي ..وغرورررر ..الثقه شئ والغرور والكبر شئ ثاني ..
هلااااا واللله 🙁 3> 3> نووورتي والله لمن شفتك انبسطت،، ماشا الله ياخي ايجابيه ياخي
نظرتي انه القناعة تجلب السعادة
بقراء موضوعك وارجع اذا عندي تعليق جديد
بين و بين سعيده لاني بتزوج الشخص اللي احبه و يحبني و تعيسه لان محد عطاني وجه اكمل اغراض زواجي وللاسف احس ما عندي خطط مستقبلية ابد اعيش اليوم بيومه حلمي بس اجيب بنتين تؤام و خلاص
صباح الخير..
اصنف نفسي بين البين وبصراحه اقرب للتعاسه..هذا ردي قبل ماأكمل تدوينتك مثل ماقلتي وبرجع اعدل عليه لو تغير رأيي?
بين وبين احب حياتي مع اهلي و زوجي بس تغمرني التعاسه والخوف يوم احس بفقد الاطفال والذريه بس ما قول غير ياارب وان شاءالله ربي بيطعمني
حجز ?
وقفت قراءه ? وبجاوبك اني مستحيل أكون بمود واحد يعني احس اني بين بين وسعيده كون ف حياتي الناس اللي ماستغني عنهم وان شاء الله ما أكون تعيسه ،، بس ممكن أكون ساعات متضايقه ومتنكده والحمدلله اني ماطول ع هذا الوضع ❤️
تدوينه ممممممممممتعه جداً ،، حبيت تفاصيل سعادتك وفعلا حسستيني بالنعم اللي عندنا وكيف انها شي كبير جدا ويجلب السعادة مثل لما تكلمتي عن جمعة اهلك ونقاشكم وكمان لما قلتي انهم يلحو عليك تآكلي حتى وانتي ماتبين ❤️ فعلا شغلات بسيطه زي كذا تجيب الراحه والسعاده ،، خليتيني أتأمل كل شي حولي وأقدر النعمه اللي احنا فيها ،، حبيت كلامك عن ليون ❤️❤️ والميوزك والرياضة عشت معاك الجو ? ربي يسعدك ولايحرمني منك انتي سبب ف سعادتي والله ❤️❤️❤️ Love u
استفتاح حلو لاجازتي .. بيسحبون الاجازة مني من كثر ما ازعجت العالم ? .. بقراها وراجعة لك بكومنت ??
ومساك سعادة
اممم احس نفسي سعيدة .. رديت قبل مااكمل قراءة برجع اعدل ردي .
صباح السعاده
احب اصنف نفسي من الي دايم مبتسمين من داخل ومن جوا كيف افسر مبتسمه من جوا مدري … احزن او اكتئب اذا في سبب قوي صراحه لكن بشكل عام الحمدلله اشوف نفسي سعيده بعقلانيه و مرتاحه مع حالي و متصالحه وهذا المهم التصالح مع الذات هو الي رح يجيبلك الراحه و من الراحه تجي السعاده بنظري
كلامي كتبته قبل اكمل
قبل : بين وبين ، لا إفراط ولا تفريط
ي وجه الله ما اسرعكم ماشاء الله
وحشتيني توسه
من السعاده والله نتصفح التايم لاين ونلقى لنا مفاجأه??
كفيتي ووفيتي بنت الاراتيس …
مايخفى عليك معك بكل كلمه وبكل تفصيله تسبب لك سعاده …
انا قلت بالرد اللي قبل السعاده نصنعها لانفسنا وصناعتها منظورنا لها ، الاستمتاع بالاشياء الصغيره يجلب السعاده للكبيرة ?… عيش اللحظه والاتعاظ من الماضي والعمل للغد اسباب للسعاده … العطاء اجمل السعادات … المقارنين اتعس الناس .. الاحباب مسببين للسعاده واذا اعطيناها قدرها راح تتضاعف هالسعاده ،، دائما مااسمع من اولادي كلمة طفش طفشنا حتى الصغيروون لازعل قال اووه طفس هههه … مشكلة اذا كان يومهم مايكمل الا اذا شرو شيء جديد او راحو البقالة او الملاهي او او … تصدقين لقيت متعتهم الالتفات لهم مش تلبية متطلباتهم .. شلون ؟ مثلا لمن افاجئهم بافلاهم الجديده واحطهم بغرفة الجلوس وافرش لهم واشغلهم هالفيديو واطفي اللمبات واستمتع بالمشاهده معهم يالله قد ايش ينبسطون … اول شيء غيرو عن غرفتهم وشافو فيلم جديد وهم يحبون الافلام غير انهم مااحتاجو يطلبوني ويتحيلوني انهم ينامون بغرفة الجلوس انا اللي عرضت عليهم تلقينهم يقولون اوو ماما اذا جات الاجازة فله ههههه ???
كلامك لايمل ابدا واللي تقول الاغاني حرام وليش تتحملين ذنوب غيرك … اقولها الاغاني مختلف في حكمها فما كان مختلف في حمكه مالازم نقول عنه ذنوب ومعاصي يعني انت اعملي بالحكم اللي ترتاحين له واحنا نعمل بالحكم اللي نشوفه … مثلا انا اشوفها حلال مش حرام بس كاافرضها عليها واقولها ترى حلال لاتصجينا وبالمقابل هي لاتصجنا وتقول حرام لانها ماهذه بحكم الحرام كلن ينام ع الجنب اللي يريحه … والكلام الفاصل في هو اللي يخرج عن المله مثل الشركيات وغيره وانت بعيده كل البعد عنها اولها الرياء ماشفت وحده تتكلم ع اللي يحطون سجاده وقراءن وقالت لها اتقي شر الرياء والرياء شرك اصغر ولا من هذا الكلام بشيء لكن يجون عند احكام مانزل بها القران ولا السنه من قول ثابت ويقولون لك الاغاني حرام على الاقل الاغاني ضررها على نفسي لو صدق حرام لكن الرياء اللي يشرون به مناصب ويتسلقون به على كتوف هالمتلقين اللي مااخذو من دينهم غير حرام ونار ونسو ان دينهم دين السماحه والسلام ?
مساء السعادة والنعم اللي تحيط بنا…
أنا أصنف نفسي إني مثلما قلتي أقرب للسعادة صح
فيه أشياء كثيرة ما تحققت لي في حياتي…
بس أنا شاكرة لله على النعم اللي أعطاني إياها
اللي غيري يتمنى لو كان عنده جزء ولو بسيط منها
فليش أكون ساخطة وكئيبة….
الحمد لله دائما وأبدا….
اللي فوق ردي قبل ما اقرأ التدوينة…
وبعد نفس الرد ما تغير ولا راح يتغير….
احس نفسي بين وبين
ولاحظت هالرد نفسه قبل قراءة التدوينه وبعدها
شكرا ارتوسه على هالتدوينه دخلت جو معها لاخر حرف ❤️
هلا بالحب
راجعين
كلامك يرد الروح جرعه سعادااااااا ههههههه
في مقوله اعجبتني وهيا ( نريد ما لا نرى , فنفقد قيمة مانرى , ونصيع في سراب ما لا ترى , كن حريصا ألا نفقد قيمة ماترى )
ببداياتي كنت اخطط اقول يلا بكرا بعدو الاسبوع الجاي السنه الجايه بس حسيت اني ظيعت وقتي الثمين على الايام الجايه ليش ما اعيش كل لحظه بلحظتها هذي حياتي انا اذا ماعشتها صح ودلعت نفسي بأي طريقه كانت كيف راح تكون !!
نظرتي تغيرت كثير بال3 سنين الاخيره
كنت انسانه تعيسه فعلا لاتعرف معنى لكلمه السعاده غيرت طريقه التفكير غيرت طريقه العيش حياتي صارت ايجابي اكثر صرت مرحه فعلا اكتفشت جانب آخر من شخصيتي والاجمل فعلا لمن تكون عندي خطط قصيره وبعيده المدى مثل ماذكرتي وانجزها وكلما انجزت شي حسيت بطاقه ايجابيه اكثر واكافئ نفسي اذا ماعشت ذحين متا راح اعيش
وما انسى انو في بيئه او مجتمع تؤثر على تفكير الشخص مره كنت اربط سعادتي بأشياء فانيه يمكن يجي يوم وافقدها سواء صحبات او اشياء بسيطه ….
بالنسبه للموسيقى اللي زعجت البعض كل شخص وله اسلوبه في حياتو بالنسبه لي الموسيقى ( متنفس لي ) سواء غضب حزن فرح اعشق الموسيقلا بكل انواعها وساعات ترتبط معايا بموافق بأشخاص وتكون شي جميل ليا او حتا ذكري
ليوون اعجز عن وصف جمالو سآحر ماشاءالله
عمتي بنتها عندها بسه تعتبرها فعلا فرد من العائله ساعات تكلمها ها تبي كذا ولا كذا انا اظحك بس فعلا هذي المخلوقات تسوي جو وتأثير قطوتي كانت تجي تصحيني وكانت لمن انام تنام اشياء كثير تسويها هذي المخلوقات الرائعه
دمتي بسعاده أينما كنتي
( تجاهليى اخطائي الاملائيه وكلامي عام على فصحى ههههه )
هل تصنفون نفسكم سُعداء ؟ أم أشقياء ( أقصد بها حَزينين أو كئيبين ) ؟ أم بين … بين ؟ وَ ش بيكون جوابكم ؟ وَ ليه ؟
جوآبي راح يكون نعم أشوف نفسي سعيده الجواب كتبتو فوق
أحبك 🙁
ياحبي لك والله ، تصدقين كنت اتسوق اون لاين من باب البهجه ههه ويوم جاني التنبيه سحبت على التسوق ولقيته موضوع جميل
باديء ذي بدء انا احب فكرك وشخصيتك وقلتها احيان فيه اشياء بين شخصياتنا تتشابه وكثير عشان كذا ماقدر انتقدك ، لا والي يحط تعليق سيء عندك احسه يسيء لانسانه جميله قلبا وقالبا
ودي اقول شي اثر فيني جدا انتي قلتيه يوما ما من بين ردودك ع المتابعات كتبتي ( الله لايجعلنا من المبذرين) اثرت فيني جدا
طبعا ردي كان انا سعيده وراضيه ومطمئنه الحمد لله، واليوم كتبت لصديقتي لما تعرض لي عرسان اني مو زعلانه لاني مارتبطت الى الان وقد يكون رزقي في مال او زوج او ولد او جاه ، المهم اني قنوعه وسعيده وما اشتكي شي.
كلامك رائع وماتغير مفهومي عن السعاده لاني الاقيها حتى بابسط الاشياء العود والقهوه ( عاد ذي تخليني ارفرف من السعاده)
اتمنى لك حياه سعيده وتحققين كل ماتتمنين لانك متصالحه مع ذاتك وتستحقين السعاده ?
انت جميلة و تجلبين السعادة بكل بساطة ، تدوينة لك كفيلة انها تسعدني و الله العظيم.
تسلمين على هالكلام الطيب اوافقج ١٠٠٪ ?، والحمدالله ثابته على الي قلته سعيدة وراضية وقنوعه ولله الحمد ،، الله يديم علينا السعاده والرضا ويوفقنا لما يحب ويرضى ??
اشوف نفسي سعيده الحمدلله السعادة لاتربط بظروف ولاتربط بمكانه اجتماعيه ولا تربط بزوج ولا بدراسه … السعاده لاتكتسب السعاده تصنع انا بأمكاني اكون تعيسه وبأمكاني اكون سعيده من منظوري للسعاده صحيح حياتي بها حزن وبها صدمات بالذات هالسنه بس والله احمد ربي الف اقل نعمه اتصبح واتمسى فيها الصحه والعافيه خلاص ملكتهم ملكت السعاده السعاده ماتربط بالماده ابدا ممكن اربط الماده بالمتعه بس مش بالسعاده …
سؤال كم مره كتبت سعادااا ؟؟ هههههه ياللا نروح نكمل قراءه ??
الله يسعد قلبك حلو قناعاتك واسلوبك لكن اذا الشي فيه ذنوب ليه ماتتركينه لمصلحتك أول محد بينفعك غير نفسك الله يسعدك ❤️. طبعاً انتِ مقتنعه لكن لعل الله يغير قناعاتك للأفضل ياجعلك بالجنة ووالديك وكل من تحبين ❤️❤️ وليت ماتتكلمين عن شي فيه اثم لأن فيه ناس تشوفك قدوه ويمكن تتأثر بكلامك بعدين يكون لك اثم انك دليتيهم صدقيني اقول الكلام لأني فعلا ماودي لك إلا كل خير الله يسعدك ويحقق لك كل ماتمنين ❤️❤️❤️❤️ ، وفعلا اشوفك عصيبه من خلال ردودك على بعض المتابعين واستغرب صراحه لأنك تنفعلين احيان بزياده ?اً ، احسك ماتتقبيلن النقد زي وحده قالت عن قطوتك شي عادي نسيت بالضبط ايش وجبتي حاصلك صراحه استغربت احسه مو انتِ ?
تَمنيت لو جاوبتي وَ تركتي عَنك حُبي للمُوسيقى
وَ هذي قَناعات مَحداً راح يَغيرها لي إلا إذا تبيني أكتب ماليس بَي وَ هنا راح ندخل ضمن إطار الكاذبين وَ المُنافقين ، وَ هذي مَن أكثر الشغلات إللي تسبب لي سَعادة هذي هي الحَقيقة لماذا الكَذب
وَجهة نظرك بالذنوب شيء وَ وجهة نظري بالذنوب شيء آخر ، يعني مَثلاً بدل ما تقولين وَجهة نظرك بالمَوضوع إنشغلتي بحلالي وَ حرامي
وَ هذا ما لا أحبذه صراحة بإنشغال الناس بَحياة الآخرين ..ـ وَ هُنا أنا أقول لك رايي بَصراحة طريقة هالتَفكير لا تُعجبني حتى لو إمتلأ الرَد بالقلوب
بالرُغم إنك عَسل بَمعنى عَسل ..
طالما المَوسيقى وَ الفن يُدرس بجميع أنحاء العالم ، فَهو علاج وَ غذاء للروح هذي قَناعاتي
مَن أرادت الدين وَ الطوع وَ التشدد ، ما أعتقد مُدونتي تَوحي بذلك ، وَ من أرادت أن أكون لها قُدوة وَ لا تَزر وازرة وزر آخرى
[ إذا مُصرة تحملني الذنب ، فما عَندي مُشكلة بحمل ذنوبها يعني وَش مطلوب أكثر !! ] ، أنا مُتصالحة مَع المَوضوع ..
هههههههههه وَ بخصوص الأسئلة عَن قطوي نَعم الأسئلة السخيفة اللي ما تَدل إلا عَن ضحالة التَفكير تستفزني
أنا مُش شَخصية هادية أبداً ، دائماً أقول أنا آكتيف ، وَ لا إنسانة حَتى مُتملقة أحاول أجتذب مُتابعيني على حَساب ذاتي
غير الصَراحة مابتلقينها عَندي ، وَ إذا بطلع بتملق الآخرين وَ على قولتهم بتمسيح الجَوخ عَن أهلي لا طَلعت وَ لا وصلت
يعني الشَخص الإنتهازي وَ الوصولي مُش ضَمن قاموسي ..
وَ زي ما تقرين رَدود العَصبية إقري رَدود المُجاملات مَليون مُجاملة ، ما أعتقد لو أحد بَمكاني بيتحمل كَمية هالضَغط
وَ لا أحد ينكر إني مَن القلة القليلة أو مِن النادرين إللي يتواصلون مَع مُتابعينهم ، الوحدة لو بحسابها ٥٠٠ شَخص
وَ يردون عليها ، يووووه تَرد بالعافية وَ لا ردت تنفس عليهم مَليون تَنفسية كأنها زَوجة الوزير
أنا إنسانة مُش بلهاء أعرف ماذا أقدم لمُتابعيني وَ أعرف بماذا أدللهم وَ أعرف مَن من مُتابعيني لا يَستحق الرَد الجيد
يعني مُش كل رد نابع مِن يوم واحد فَقط ( هي تَراكمات ) ..
آتمنى أكون رَديت عليك هالرَد الشافي يآ لمو ❤️
وَ تذكري السَعادة ليس أن يرسم الآخرين خُطاك وَ لا يقولون لك سو وَ ما سو
ما أعتقد شَخص عاقل بيفتح مُدونة عَشان أحد يغير خَطه أو مَساره إلا إذا شَخص أهبل أو يبي يَسمي نفسه بلوقرز وَ يبي تَجيه هَدايا
المَوضوع فَكري بحت وَ ليس نابع مِن يوم ، أو زَعزعه نَفسية تتغير بقرار مِن عدة أشخاص
دُمتي
لو تسمحي بنتي ارتوس اعقب على كلامها فاحب اقول انا زوجي درس شريعه 30 سنه من عمره وكل البيت يحب ويسمع اغاني الا هو فحنا احتراما لرغبته مستحيل نشغلها في وجوده والله مو خوف الا احترام متبادل بينا وهو ما منع اي واحد فينا يسمع اغاني ويدخل وحنا نرقص ونوسع صدورنا يضحك في وجوهنا ويمشي ويشهد علي ربي ماقلت الا الصدق بس من تصعيب الحياه وتعقيدها يا بناتي
ياحياتي يا أستاذة نوال بسميك أستاذتي إحتراماً لمقامك ..
الله يخلي لك زوجك ، وَ صراحة لو كُل مُلتزم وَ طيع شابهه أنا أجزم لكثير إتبعوا نَهجه
الترغيب وَ التحبيب أفضل مليون مَره مِن الإجبار وَ الإكراه ، وَ لك أحقية الرَد يا أستاذتي ..
وَ نطلب مِن الله الهَداية ، مِن ما يبي الأفضل !! ..
الله يعلي مقامش ويهدي الجميع ?
هلا هلا
سعيدة وراضية بس السعادة أحياناً تختلف يعني جلستك مع الأهل لها لذه من السعادة و الحب له طعم ثاني و لذة الصديقات فهمتي ،، استكنيت على التدوينة
ههههههه ع طاري اذا حطيت شي براسك رح يصير بالتفائل
وانك تكون ايجابي هاذا صدق خربووووووطي والشي اللي من جد يخليني أحس بنشاط الرياضة وصدق قبل ٣ سنوات كنت امر بظروف صعبة و كنت العب يوميا و ماكنت أفكر بأي شي كنت مبسوطة رغم اللي حولي منهبلين شلون هي كذا و عندها مشكلة حامت كبدهم هههههههه
تصدقين أمي دايم تقلي شوفي فلانه وعلانه واقلها انا غيررر عكسك تماما أمي ماحب تفكيرها و التعامل معها صعب كأم بس اما اللي حوالينا لا الكل يقول امك عسل ،، والله الجد عندي صحبات أحب اقابلهم جوهم عليل و البعض كله سوالف و امل
أحب الأغاني و الرقص بس مو الخليجي ههههههههههههههههه
الدوره لازم النفسية بس لو عصبت محد بيروح فيها غير جوالي ???
تسجيل حضور ..دآخله صدفه بقراء مآ فاتني ?الا الموضوع طآزه
لمدة ٤ سنوات تقريبا اذا مو اكثر وانا اتابعك لاول مره افكر ارد عليك ، لانك طلبتي الاجابة وهذا اقل شي ممكن اني ارد جميلك فيه ( انتي كنتي مثل اليد ايلي انمدت لي وساعدتني اوقف على رجلي والله يشهد محبتك بقلبي ودعواتي لك ولاامك الله يرحمها ويغفر لها ، ودك تشوفين شكلي وانا اتكلم عنك ترى هاذي ماهي مبالغة او اني امدحك بزيادة او امجدك بس بطبعي اي احد يكون له فضل او ساعدني لو بشي بسيط عمري مانسى فضلة ولشيلة فوق راسي فما بالك باللي ساعدني ونور لي طريقي ويمد يده لي والله يشهد علي قد ايش ادعي لك ، وقد ايش انا فخورة فيك )
اما بسوالك تحسين بسعاده او لا؟
احيانا ايه واحيانا لا
والسبب انه للحين مو عارفة نفسي ؟ ولا حددت لي هدف بالحياة ؟ تستغربين بس صدق انا حاليا قاعده ابحث عن نفسي واكون هويتي الخاصة كل شخص ربي خلق فيه مميزات ومواهب فيه ناس اكتشفوها بدري وفيه ناس ماعرفوها او هم عايشين بشخصيات مختلفة علشان يرضون غيرهم او المجتمع .
يمكن احس بسعاده اكثر او نكون دقيقين اكثر اعيش براحة بال لما اكون عارفة نقاط قوتي وضعفي ، مميزاتي ، مواهبي ، قيمي ، وليه انا عايشة بالحياة ؟ وكيف راح انتج ؟ لانه راح يكون عندي اكتفاء ذاتي واعتماد على نفسي ( اسعد نفسي بنفسي ، اعتمد عليها باي شي وماراح احتاج لاحد ) فبالتالي بكون اقوى وعندي اكتفاء ذاتي يقيني من الصدمات الخارجية واقدر اتجاوز الصعوبات ايلي بتواجهني مستقبلا
السعادة : بالوعي الجمعي للمجتمع ( فلوس طلعات منصب زوج لقطة شهادة)
حاليا : انا في رحلة للبحث عن الذات وتكوين هوية
فجوابي : اقدر اقولك انا مياله للتعاسة اكثر يمكن مو تعاسة ممكن تسمى احباط
ملحوظة: ماكان ودي اكتبها بس عندي احساس اني راح اصادفك يوم من الايام . ( شخصية تستحق كل الاحترام والتقدير ومميزه فعلا فلا تلومني اذا نشبت لك )
الحمد لله انا اعتبر نفسي سعيدة ولأسباب كثير أقلها أهلي واللي حولي واللي انعمه ربي علي رغم أنها تكون هي نفسها سبب زعلي وتعاستي ولكن الحمد لله انا سعيده بنفسي و باللي عندي مقتنعة بما وهبه الله لي لكن اللي انا حددته لنفسي لسا مو راضيه عنه
” مافي حياة وردية ومثالية مها يمر علي بيومي بنهايته اقول حمدلله على السعادة ”
تسجيل دخول ?
مساء البسمات الحلوة .. ?
كلامك تمنيت إنه ما يخلص عفوي وخفيف ع القلب ، بصراحة تعلمت العفوية والكتابة الإرتجاليّة منك تكون أخف وأبلغ وأصدق ?
رأيي عن السعادة قبل وبعد هو نفسه ورديت بإنستقرام بنفس الرد وبرجع أقوله هنا : ” دائماً أحاول أسعد نفسي من بين عثرات الحياة ومرارتها ، هي حياة وحدة بعيشها حرام أعيشها بنكد “.
فعلاً دائماً السعادة تكمن في التفاصيل البسيطة واللي البعض ممكن ما ينتبه لها .. بالنسبة لي قمة السعادة عندي جمعة العائلة كل خميس قلوب نظيفة وعلى بعض نتعشى مع بعض وتصير السعادة أكبر و أكبر لمّا يكون العشا مطبوخ بالبيت نتشارك بطبخه وكل وحدة فينا تحاول تصب أكبر كمية حب ع الطبخة ، وكل جمعة إجتماعنا مع أخواني المتزوجين ع الغدا كمان إهتمامي بنفسي وببشرتي لما أحط ماسك بوجهي وحمام زيت بشعري وأتروش بمجموعة باث أحبها وألبس لبس يختاره مزاجي بذيك اللحظة وشاور ماقبل النوم كمان لمّا أتروش بمجموعة عطرية إسترخائية والبيجامة المريحة اللي أختارها بكل مزاج رايق فطور أخواني الصباح رايحين للمدرسة لمّا أسويه كلها حاجات قد تكون روتينية لكن أنبسط فيها بشكل كبيييييير .. ??
أتمنى يكون تواجدي بالمدونة ضمن مسببات السعادة عندك * دعابة ياقلبي* ? يعطيك العافية ع الطرح طالع من جوات ئلبك يسلّم ألبك ?
دمتي بحب وسعادة ?
يا جمالك و جمال البوستات اللي كذا .. تجيبي السعاداا
هل انا سعيده او تعيسه ؟؟ احس نفسي اميل للسعادة اكثر من كوني تعيسه .. زي ما قلتي التفاصيل الصغيره تونسني .. للأن شغلات كثيره مر عليها زمن اتذكرها و اتذكر تفاصيلها كأنها صارت الان .. حفله اولاد اخوي المتواضعه لي لمن نجحت في التحضيري على الرغم ما تتسمى حفله بمفهومنا لكن انهم فكرو فيني و في معاناتي و اهدوني للآن ما انساها ..
الحمدلله اعتبر نفسي متفأله بس مو لدرجه السذاجه بس مؤمنه انه كل شي قضاء و قدر و غير كذا دائم اقول لنفسي حتى لو فشلتي انتي تعلمتي و اُضيفت هذي التجربه لرصيدي ..
الصحه النفسيه في الاونه الاخيره صرت احاول احرص عليها .. صرت اهتم في نفسي كثير و احاول ابعد عن اي شي ينرفزني او حتى يؤذيني ، حتى لو كانو اشخاص .. صرت ما اقدر اجامل على حساب نفسي .. حتى احاول اسيطر على غضبي و عصبيتي قد ما اقدر .. ومن اهم الاشياء اللي اكتشفت انها تروقني شموع ، اضاءه خفيفه و كتاب او فيلم هنا اوصل قمه الروقان .. كمان صرت ما اتدخل بشي ما يخصني ، ما اناقش بموضوع ما يهمني و اكتشفت اني اثرت على اخواني بالنقطه هذي صارو ما يدخلو بنقاشات كثير مع الناس .. الصراحه و الصدق .. وقفت مع نفسي وقفه جاده كتبت كل عيوبي و كل الاشياء الغلط فيني اللي ابغى اعدلها ( طبعاً هذا الملام صار بعد تدوينتك عن الرضا عن النفس) و جالسه احاول اعدل و مشيت بنسبه كبيره .. في علاقاتي مع الناس صرت ابتعد عن السلبيين ، المملين اللي بس يتكلمو عن مشاكلهم و همومهم مو عشان تلاقي لهم حل لا بس لمجرد النكد .. كمان ابتعدت عن الناس اللي ممكن اساؤ لي في يوم او جرحوني .. الكره ما اعتقد اني اكره احد حتى لو غلط في حقي .. مره كنا نسولف فبنت اختي قالت بعفويه انو انتي تكرهي فلان ( مو بمعنى الكره بس انو طفل ينرفزك ) قبل ما ارد قالت اختي انو هي ما تكره احد كانت هذي و للآن نظرتها لي ..
التحدي بدأت قبل فتره في تحدي لنفسي فيه راح اعرف نفسي و مدى اصراري كويس و إن شاء الله اذا خلصت بجي ابشرك .. و طبعاً جزء كبيره لعيلتي الله لايحرمني متهم .. و من اهم اسباب السعاده اكيد تدويناتك و كمان اني تعرفت على وحده زيك حتى لو افتراضياً و برضو ليون ..
اتوقع هذا اطول رد اكتبه من عرفتك .. يسعدك ربي يا جميله .. و إن ساء الله من سعاده لسعاده
اشوف نفسي سعيده ومرتاحه البال، يمكن لأني ايجابيه وانظر للشي من جوانب كثيره عشان أبسطه في نظري ومايصير هاجسي
بعد : كلامك جميل ويدخل العقل ، ذكرتيني بأشياء موجودة عندي بهالحياة كفيلة بأنها تسعدني طول حياتي ، لكن للأسف انا من النوع الانصفاعي وماقدر اسيطر على نفسي اذا زعلت ازعل بقية اليوم واتنكد وابكي ماقدر انسى الشيء بساعتين ، بحاول اهذب نفسي لاني اعتبر هالشيء عيب مو عيوبي .
عندي كلام وااايد بس ادري اني ماراح اطلعه كله ،، تصدقين يا ارتوس توني كنت اتكلم مع زوجي نفضفض لبعض ،، نكتشف شخصياتنا ،. أسأله عن شخصيتي وايجابياتي وسلبياتي ويجاوبني ،، ونفس الشيء يسألني وأجاوبه وتطلع إجاباتنا صحيحة ،، طبيعي عشرة عمر فاهمين بعض ،، هاللحظات تحسسني بالسعادة فعلا .. خاصة مع شريك حياتي ،، من ضمن كلامي له واللي دايما أردده .. أنا أعتبر نفسي مرآة للشخص اللي قدامي ،، إن عاملني باحترام ومحبة عطيته بالمثل وأكثر ،، وإن صار العكس وريته الجانب القبيح من ويهه ،، يعني أنا أعامل بالمثل بس أقول لريلي هالشي مو عاجبني أبي أكون أحسن ،، أبي أقابل الاساءة بالاحسان .. لكن ماقدر صعب ،، بقص على عمري لو سويتها ،، أنا انسانه أكره المجاملة والله ،، والناس تحب المجاملات وتنجذب للشخص اللي يعطيهم الكلام الزين حتى لو كانوا عارفين انه مجامل ،، هالشيء أنا مافهمته لاني انسانه أتهرب من المجاملين وماأقتنع بكلامهم .. أنا انسانه حذرة مع الناس ،، ماحب كثرة الصديقات ولا أفضل الصداقات الجدد،، أكثر كلمة تنقال عني اني صريحة وصارمة ،، وفعلا هالشيء فيني ،، أنا جادة في أغلب أمور حياتي ،، أنزعج من ضحك الحريم العالي جدام الرياييل ،، أشوف انه هالشي عيب ومخزي فوق انه مكروه أو حرام ،، بس هالشي مايعني اني معقدة ،، بالعكس لمن أجلس مع الحريم يمكن أكثر وحدة تضحكهم أنا ،، أستمتع بالكلام وأحس بالسعادة لو زرعت البسمة والضحكة على ويوههم ،، أحب اللمة والاجتماعات ،، وبالاعراس والمناسبات أحب أستمتع بكل بحظة وأتخبل وأتحمس ،،( عيشوا اللحظة) ،، هذي مختصر الحياة عندي ،، استشعروا النعم اللي انتو فيها وحبوها حتى لو كانت تفاهات ،، وهذا جانب من شخصيتي يا ارتوس حبيت اشاركج فيه?
– هل تصنفون نفسكم سُعداء ؟ أم أشقياء ( أقصد بها حَزينين أو كئيبين ) ؟ أم بين … بين ؟ وَ ش بيكون جوابكم ؟ وَ ليه ؟
سعيدة والحمدلله ،، لا يعني ذلك أن لا تتخلل لحظات الصفو كدر ،، هكذا حال البشر ،، لو لم نحزن لما شعرنا بطعم السعادة وقيمتها ،،
ومثل ما حكيتي ،، السعادة يمكن تكون بأشياء جداً بسيطة
ويمكن تافهة بنظر البعض ،، أو ما تلفت النظر للشعور بها أصلاً
إتمام قراءة رواية ،، قصيدة بدأتها ونسيتها مع الوقت
نقاش يجمعني بمن أحب ،، ذكرى أستعيدها ،،
أو حتى طقس معين وموسم معين ،، يرتبط بذكرى ،، بفرح
وبأشياء كثيرة ،،
وبالنسبة لسالفة الأرقام الزوجية ،، ما أدري ليه تولد فيني
الشعور بالأمان ،، ( ربما لأن فكرة الوحدة مرعبة للنفس البشرية )
بالأخير ( من الضروري أن نحضر السعادة على موائدنا ،،
صباحاتنا ،، وحتى لوحدتنا ،، ذاك شيءٌ نصنعه ،، ولا يحتاج
إلى تكلفة ،، فقط علينا أن نخلق الخامات )
فلسفتك رائعة ،، عميقة ،، متزنة ،، مبهجة ، تماماً كـ الأنثى
التي تسكنك ،،
كوني دوماً معنا ،، ????
لروحكِ البنفسج ( رغم أنه زهرٌ حزين ،، لكن لونه يبعثُ على الفرح ،، فـ لسنا بصدد المعاني حين نستلطفُ الأشياء ،،
والورد روحٌ وإن قُطِفتْ )
رحيل
اول مره اعلق بتدوينه لشخصيه ع الانستقرام ، اول شي التدوينة هذي كانت بمثابة كبسولة ايجابيه لي والله ، مثل مايقولون ” جات بوقتها ” كنت محبطة جداا ، حتى لما صنفت حالي صنفت حالي وانا بوضع جدا صعب والقيت اللوم على نفسي ، تدوينتك فتحت اشياء كثيرة ف بالي انا ماكنت مفكرة فيها ، كنت مضيعّة وقت من عمري وانا اركض ورا شهادة دراسية فقط وناسية ان فيه حياة اعيشها ، الله يسعدكِ ريحتيني على هالكلام ??????.
آهلاً بَك بأول رَد لك بالمُدونة ..
? ، وَ إن شاء الله تَحققين أحلامك وَ طُموحك إللي إنتِ تتمنينه وَ ترضينه لَنفسك
الموضوع جاء بوقته اتوسه، الحين جالسة ارتب و احسم حساب السنة الي راح تنتهي مع السنة الجديدة
من خطط و افكار تطور نفسي للأفضل ، بالنسبة لي السعادة احسها شى ينبع من تفكير وقلب الشخص نفسه
يعني فيه ناس يملكون ملايين ومع ذلك تحصلينهم يوصلون لمرحلة الاكتئاب أو حتى الانتحار الله يكافينا الشر ، فالأشياء المادية موب دائم تجي السعادة دام التفكير نفسه مضروب، طبعا اكيد ما اقصد ان المال ماله قيمة ولا يفرح، بالعكس هو مثل ما قال البعض
( عصب الحياة)
الحمدلله يارب اعتبر نفسي شخص سعيد وبمقياسي الشخصي ما يهمني رأيي الناس فيني ولا أن وحدة تجي عندي تقولي انتي احسك سعيدة أو تعيسة،
طيب ليه؟
قدرت الحمدلله بفضل الله علي اتجاوز أحزان و إحباطات كثيرة وكمان لحالي ، كل يوم افهم نفسي أكثر و أكثر ، والأجمل من هذا كله متصالحة مع اخطائي وعيوبي ،غير عن نظرتي تغيرت لأشياء كثيرة ، ما انسى أن قدرت اضبط علاقاتي ومو أي شخض يدخل مساحاتي الحياتية إلا بعد ما يخضع لمقاييس تتناسب مع تفكيري
بعد فترة اكتشفت ان كل شي سويته في صالح نفسي خلاني أكون سعيدة و مبسوطة من أعماقي .
* كتبت الكلام قبل ما اقرأ باقي التدوينة
يارب أيام الجميع كلها سعادة
كنت سعيده حتى فقدت والدي وحبيب عمري بذات الشهر
عَظم الله أجرك ..
ما عَليك أي مَلام ، وَ لكن أتمنى أن تَجدي رُوحك لأجلهم ?
من زمان ما رديت في المدونة 🙁
امتنان وشكر عظيم لعائلتك في المقام الأول الله يحفظه ويحفظ أحبابك أجمعين ..
ردي الأول موجود في الانستقرام والثاني هذا > نشبه هههههههه
برد شق شق على كلامك عشان اغطي كل الجوانب. . صدقت نفسي الظاهر
المهم ..
فعلا فعلا الكل صار سعيد .. وأتمنى من قلبي أن السعادة تكون حقيقة مش زائفة ..
دايما اقول ان التفاول الزايد والتشاؤم الزايد وجهان لعملة واحدة
اشوف من السذاجة والحماقة أن الشخص يتفائل بشكل كبير على شي متذبذب الحدوث .. وحدة من صديقاتي بيغيرون شقتهم ومتضايقين منها .. والمشكلة انه ولا أحد من اهلها دور على شقة!! تقولي ربي بيجيبها لنا .. أقولها تبينها تطلع السلم وتدق الباب؟؟ ونعم بالله لكن وين الأخذ بالاسباب .. هل راح تهبط الشقة من السماء ولا .. هذي سذاجة بحد ذاتها .. ولا اللي يقولك السعاااااداااا في البساطة .. يوووه ما أحلى العيشة البسيطة .. وهي عكس البساطة بكل الطرق .. انت لأنك تملكين حق الاختيار في الرفاهية أو البساطة تقولين كذا لكن لو جا الجد أو انحطيتي قهرا بتحطين رجلك وتقولين لللللللا ووييين !!
.
.
والجنون .. أحب من قلب أخاطر .. أحس اني انسانة صدق هههههع حتى لو للمخاطرة أثر جانبي
أذكر مرة في أحد الدول وفي احدى الملاهي المشهورة بقطار الموت .. وأنا ما صدقت خبر -فيس يرقص- وفي أثناء اللعبة حسيت بالموت وتذكرت شريط حياتي والأعمال السودة هههههههه بس الحين أحس بالسعادة كل ما أتذكر المخاطرات اللي سويتها سواء مرتفعات أو العاب أو قفز أو أو .. ابغى اتفلسف بس كلامي مو مرتب وحتى انا مافهمت ايش اخربط وخفت اصير زي خويتنا اللي في الانستقرام هههه وأقول انا وانا
*بخصوص البنت ترا ما أنكر رحت البوست ادورها ههههههههههه
قبل . سعيدة وراضية الحمدلله ،.
بعد سعيدة تمامًا ولله الحمد??
نقطة جميييلة جدًا ذكرتيها وهي مسألة التمثيل في الوجة
والغيبة في الظهر ..
حقيقة أمنية بالنسبة لي ان الناس تكون صريحة مع بعض
وماتتعب نفسها على أمور ماتسوى.
تدوينات دائمًا مميزة ،.
شكرًا أرتوس??
تدوينتك رهيبه عيشتني بعالم ثاني خلتني اعيد حسابات اشياء كثيره
سعادتي بين وبين اعيش يومي صح بس مرات ينقلب يومي تعاسه
انا حساساه جدا حاولت اقاوم هالشي ماقدرت
ادور ع وظيفه مو بس احقق ذاتي فيها .. ضيق ذات اليد حدتني
اروح السوق مرات اتمشى لكن من اشوف شي يعجبني ومقدر اخذه ينقلب يومي نكد
ادري ان الواحد لازم يراعي ظروفه ومايطالع بعيد
لكن اتمنى الاقي وظيفه وتكمل سعادتي
يآهلا بَك ..
طيب يا نُون إذا عَندك لغة أنجليزية مُمتازة وَ مسموح لك السفر مِن أجل العَمل وَ سعودية
راسليني ، عَندي وَظيفة لك فَوق ١٠ آلاف ريال سعودي ( بس فعلاً تكونين قَدها ) ..
أميل للسعادة ..
والسبب فيه أشياء بنفسي أتمنى أغيرها وفيه أشياء أبي أطورها .. سواء أشياء داخليه أو أشياء بمظهري الخارجي .. وفي أشياء في نفسي ناقصه كثير وأتمنى أزيد عليها – نفسياً مثل العبادات والتفوق – وفيه أيضاً ماديات .
الحمد لله أشياء بسيطه تسعدني مثل اذا اخذت جوله بالحوش الفجر او حسيت بنسمة هواء هذي قمة السعاده .. وصدقتي يا أرتوس بقولك ان السعاده مب بالماديات .. فعلاً أنا أشوف السعادة إذا عشت اللحظة سواءً مع نفسي أو ومع أهلي وأحبابي
ياصباااااح الرضا والسعاده وكوووول شي جميييل احووووبك يا توسه واتمنى اشوفك بيوم من الايام…وحتى يجي ذاك اليوم رح استمتع بكلامك وكتاباتك اللي تحفزني اني اطمح واغير شي في نفسي واطورها …اشوف نفسي انسانه متفائله مبتسمه احب الحياه يمكن لاني انسى كثيييير والنسيان صاير شي ملازم لي -اخاف من الزهايمر الله يستر – ف أنسى الاسائه ع طول ولايهمني خرابيط الحريم فلانه قالت وفلانه سوت احب اعيش حياتي لنفسي ولحبايبي وبس…نحضر انا وخواتي عزيمه انبسط واتقهوا واسولف ولما نرجع يقولون شفتي فلانه وش سوت وفلانه وش قالت…سبحان الله ابببد ماانتبه ولايهمني …كنت في اول زواجي متاخره ماانجبت وطولنا انا وزوجي وتعبت نفسيتي لين حملت وجبت ولدي والحمد لله كانت صفحه وانطوت…الحين احب اتذكرها علشان اقدر ولدي واحبه واحمد ربي ع النعمه اللي جتني بعد طول فقد… اتمنى في السنه الجديده ان زوجي رفيق دربي صديقي يبقى بجنبي طووول العمر وماافقده لحضه وحده وامي حبيبتي الله لايحرمني وجودها وخواتي الاحضان الحنونه ربي لايفرقنا…وولدي حبيبي يكبر وتشوفه عيوني رجال ينشد في الظهر .. اراجع حفظي من القرآن وازيد جزئين … ادور لي عمل او تجاره احقق فيه نفسي وازيد دخلي …يوووه احس كتبت معلللقه سوري ع الاطاله بس حبيييت الفكره وكان ودي اكتب بعد لكن اعطي المجال لغيري واستمتع بردود البنات
الله الله بس وانا اقرا جتني طاقة ايجابية
الله يديم السعادة عليك انتي ومن تحبين ❤️
الحمد لله انا اصنع السعادة لنفسي رغم ان الظروف ما تكون تساعد
بس استشعر ان كل اللي يصير معي خيره مهما كان فتجدد نفسيتي للاحسن وممكن نتغلب على الطاقه السلبيه اللي تصاحبنا في فترات متباعدة بالذكر والتأمل والقرآن والحمد لله ربي العالمين عادل مايكلف نفس فوق طاقتها .. ردي قبل لا اكمل قرآءه
انا اعتبر نفسي سعيده نوعاً ما و اقدر اكون اكثر سعاده لكن هذا الشي ما متحقق لحد الان بسبب التسويف و التأجيل :/ اذا تخلصت من هذه الصفتين راح اكون بخير تمااااماًD:
السلام
اما بالنسبه لسؤالك فا انا اعتقد أني اقرب لسعاده
مرا سالت نفسي كوني سعيده او لا مع العلم ان في أشياء ماتحققت في حياتي وفي أمور تضايقني كثير
لاكن بالمقابل الله أعطاني أشياء تسعدني كثير اكثر من الي تضايقني
انا في نعمه غيري مو محصلها
فا ليش أزعل واتضايق
الصحه العافيه الأمن العايله والاسلام حواسي كامله اطرافي كامله عقلي كامل المال و الأصدقاء التعليم والخ
هذي الأمور دايم احاول ما أنسا اسجد شكر لربي عليها في كل يوم
بالمقابل شخصيتي تساعدني
يعني انا بسرعه اضحك بسرعه أزعل بسرعه أسامح بسرعه اتقلب
مادري اذا ذَا شي كويس او لا
لاكنه نفعني ماضرني
وامي بعد في كل مرا ادق عليها وانا أصير على حظي المتعثر
القا جوابها انه خير من الله ، لو كان خير لبقا
فا كل شي يصير لي دايم أفكر ان الله يكتب لي الي فيه الخير دايم
ما أقول أني أبد ما أكون تعيسه الا ومرات كثيره بس دايم تكون الأسباب تافهه ?
اما للاشياء الي تسعدني
صوت فيروز ? ولا أغنيه رايقه
لما اتسوق ???
اي شي جميل في الحياه يونسني ، صور ، كلام مكياج ملابس جزم ثم جزم ثم جزم
?
اكل
???ورد ولا حدائق
كل شي جميل بالحياه يسعدني
ولا أنسا تدويناتك ?
في أشياء كثيره تسعدني اكثر من الي تزعلني
فا الحمد لله
الله يسعدك ويسعد الي تُحبين دنيا وآخره
قبل ما اكمل قراءة
جوابي اني اشعر بالسعادة الحمدلله في كل جوانب
حياتي رضيت بما قسم الله لي واسعى للافضل
حتى وان الظروف وقفت لي كثير لكن احاول واسعى
فرحتي وسعادتي الكبيره هم اهلي وبالاخص امي
حتى وانا احاول اعبر عن سعادتي بها ابكي !!
الحمدلله على نعمة اهلي ،،
اذا تعكر مزاجي اخذت كراستي ورسمت لونت شخبطت
زرعت اتصفح النت اي شي احرك به يديني ورجولي
اكره الجلوس صدق يقلب جوي فمجرد اتحرك يتعدل المزاج
احيانا افكر ان اسلوبي غلط !! ان اسعد باشياء بسيطه
لازم انجز شي كبير في حياتي عشان اقتنع
بعد ما قرأت التدوينة
جوابي اني سعيدة برضه الحمدلله باحاول اضاعف جهدي
وانجز اكثر واسرع .. العمر ما ينتظر
لفتني نقطتين
الاولى هي ادعاء السعاده المبالغ فيها
وبنظري السبب هم ( بياعين الكلام ) واسفه ع اللفظ
تطوير الذات كلام كثير وكله كن ايجابي حب ذاتك .. الخ
كلام مكرر ومبتذل شوي ويقلبونها ريكي !!
ما استبعدها بعد فتره من الزمن وينجر وراهم اليائسين
انسان فارغ مستهتر بهلواني صار مشهور وعنده عدد فجأه صار يتكلم
بتطوير الذات ويعطي دورات وينشر كتتببب !!!!
هزُلت
النقطه الثانيه
الاكتئاب والمزاج المتعكر المستمر حالات كثير سببه نقص
فيتامين د او لخبطة بالهرمونات واغلبها عند البنات
وماتدري عن نفسها ولا تلحق تتعالج
ف ياليت كل بنت تسوي فحص دوري شامل كل ٦ اشهر
عشان الصحه الصحه الصحه والعقل والجسد
اغلى مايملكه الانسان
اسفه ع الاطاله
تم لي رجعه باقي ماقريتها ? بس ابي اكون بالصفوف الاول. ? ❤️❤️❤️
ممم الصراحه مااقدر اقول سعيده او تعيسه
عشان كذا رح اقول مابين وبين
المشكله اذا تضايقت او شي كدر خاطري
يبين علي واللي ينرفز اكثر خلاص طنشي
وش تبين ف هالدنيا وانتِ تتضايقين وانا
مااتضايق من شي تافهه ابداً
وبالنفس الوقت اصنع السعاده لنفسي
اغير الروتين واكثر شي احط السماعات
بأذني وارقص وقتها جد احس خرجت
من دوامة الضيقه ?
ماادري وش اقول اكثثرر بس انتِ احد اسباب
سعادتي ارتوس والله??
ايوه انا خريجه لغه انجليزيه وسعوديه .. ايميلي ظاهر عندك ممكن تراسليني
العَمل مُختلط + فيه سَفر ..
لازم تعرفين مِن البداية عقبات الأمور ، وَ إدارة
شكراً على كلامك وتحفيزك بايجابه لي .. بوقت كنت احتاج فيه ارتب افكاري ان شاء الله اكون مثلك بمسألة انو اكون على راحتي بشكلي ولبسي لان انا من الشخصيات مو كثير يعني بس اتأثر برأيي الناس اللي ينقدوني وازعل مره انهم يقلدوني بعديين ف ان شاء الله انمي ثقتي بنفسي من هالناحيه
صباح السعادة
جوابي قبل ما اقرأ وبعد ما قريت نفس الشي
الحمدلله أنا انسانه سعيده عمري 29 وأشوف
أني حققت كثير من الأشياء الي أتمناها
طبعا يكون في أوقات المود مب أوكيه بس بطبعي
انسانه متفائلة أحب الوناسه والفرح
انا ماعندي اي مشكله لو عند اهلي سمحو لي لو في الصين لكن احتاج اشاور زوجي > كوني تدبست في القوازه
إسأليه و الموضوع طبعاً بيكون فيه ترشيح بس الراتب مُغري ..
ويبيله إنسانه مُتحدثه جيدة ، و سعودية وَ تجيد اللغة الإنجليزية ..
وقتها راسليني على إيميل المَوقع ..
كلامك جميل .
لكن اشوف ان السعادة تعتمد على القناعة ‘ الشخص اللي مقتنع بوضعوا حيكون سعيد حتى ىو كان يمر بظروف صعبة .
ب النسبة لي السعادة هي ان الشخص يكون راضي عن نفسوا وحياتوا .
لما مماتكوني راضية ، مافي اي شي حولك حيخليك تحسي ب السعادة لانها شعور يتولد من جوا !
نسيت اشكرك على هذا المجهود
والله طلعت من الواقع ولا حسيت بالوقت
اقل القليل الشكر ولو فيه عمل يوفي مافي قلبي
ماترددت ..
لكن دعواتي لك بدوام سعادتك ولمة عيلتك
ولا يغير عليك حال الا للأفضل والاسعد ❤️
أول مشاركة لي في مدونتك بالرغم من أني قارئة و متابعة لها .. بس حبيت أشاركك زي ما طلبتي مننا
كيف اصنف نفسي سعيدة – تعيسة – ام بين بين
أردت ان اكتفي بالقراءة و لكن مكانتك في قلبي التي خلقتها قصتي أجبرتني ان أشاركك لتعلمي كم أنتي مؤثرة
السنة الحالية و التي لم تقفل أبوابها بعد كانت أصعب سنوات حياتي .. لن أقول تعيسة .. و إنما مؤلمة حد الموت .. و لا أبالغ .. فليس هناك أسوء من اليأس ليقتل الروح داخل الجسد … هذه السنة خدرت مشاعري تجاة الحياه فلم تعد هناك سعادة او تعاسة و إنما اصبح هناك اللاشيء .. و لكن تعلمت ما لم اتعلمة طوال فترة الماضي بالرغم من كثرة التجارب التي عشتها خلال السنون التي مضت .. لا أستطيع وصفها بالتعاسة لأنها علمتني أجمل عاداتي .. و لا بالسعادة فدموع الغصة كحلت عيناي في جل لياليها .. و بالطبع و بلا شك هناك من سخرهم لي الرحيم ليكونو نسمه من رحماته و أنتي عزيزتي أرتوس كنت و مازلت بسلم يخلق الامل و يجمل الحياه بكل قباحتها .. فلم أعد تلك اليائسة وذلك بفضل ربي و بشر جلعهم الله أمامي لأشعر بأنه بالرغم من الالم هناك الامل .. و أن ننتظر الأجمل مهما طال إنتظارة فمن رحم الألم تولد الانجازات و بالدعاء و الاصرار تتحقق المستحيلات 🙂
أعتذر على الاطاله و الفلسفة و العربية الفصحى و لكن فقط بها استطيع أن أتحدث عن نفسي ..
بعد قراءة الموضوع
أنتي بحد ذاتك سعادة .. كل كلمه قلتيها لمست مشاعر جواتي بطريقة او بأخرى .. خلال قرأتي للمدونة مرات ضحكت و مرات دمعت و ما أخفيك مرات خفت .. احساس الخوف شعور غريب واجهني و ماعرفت سببه بس الحين و انا أكتب شعرت انه متوقع و مبرر لأني ما زلت أبني شعوري فبعض الكلام ممكن حسسني بالخوف اني ممكن اكون حاطه طوبه في غير مكانها .. أغلب المحاور اللي ذكرتيها للاسف أتعلمتها او بالاحرى عرفت اطبقها او أفهمها فقط خلال هذي السنة ما اقدر اقول اني ما كنت اعرفها بس يمكن كنت اضعف من اني اطبقها لكن الحمدلله أن تصل خيرا من ان لا تصل ابدا .. اتعلمتها بوقت متأخر اعتبرها لكن افضل من اللاشيء .. أهم نقطتين بدأت اسويها لكن لسا اعتبر نفسي اني احتاج اتمرن عليها كثير هي الصراحة و اسامح او اقاطع .. انا انسانه كنت اضغط على مشاعري و احيان كثير اتجاهلها عشان ارضي الناس اللي احبهم و السبب كان الخوف من اني اخسرهم لكن اكتشفت ان الحياه ابسط بكثير واتعلمت هالشي بالطريقة الصعبة .. و انتي الان علمتيني انا المقاطعة مو شيء غلط لاني قاطعت ناس و أنبني ضميري خفت اني اكون ظلمتهم ..
شكرا من القلب لكل كلمة تشاركينا اياها
أحلى شيء إني عَرفتك بهالسَنة وَ ترى حتى لما قلتي كلامك الحَزين فَوق
قريته وَ العبرة خنقتني لأن صَرت أعرفك زَين وَ إنتِ إنسانة مُمتازة مِن خلال مَعرفتي البسيطة بك
يعني سُبحان الله لاحظت دايم الناس الجَيدين يمرون بلحظات ضعف ، أكيد لأنهم حساسين أو يشعرون بالآخرين أكثر مما يَجب ..
أزيلي العَوائق وَ فكري بلحظاتك السعيدة لا تنجرفين وَ راء الحَزن ..
كُلنا قد تصيبنا هاللحظات ، حتى أنا اليَوم كتبت هالمَوضوع وَ مُمكن بكره أطلع مِن البيت وَ تطير لي يد أو رَجل
كل شيء وارد بهالحَياة ، فالواحد دائماً يحاول ينبسط بحياته لأن مايدري مالقادم !! ..
مُمكن القادم يكون أفضل وَ مُمكن يكون أسوأ .. لكن دائماً نتفائل بالخَير
وَ خذي وقتك وَجوك ، أنا أدري صَعب تفصحين عن إللي بداخلك ..
لكن كُل مُشكلة وَ لها حل ، وَ مافيها شيء لو الواحد فضفض لكن لِمن هو أهلاً للفضفضة
لأن الناس بهالزَمن صاروا يعايرونك حَتى بصدقك وَ ظروفك ..
كُل الحُب لك يا ذَهبه
ردك ❤️ كلمات أعمق من أن أرد عليها بكلمات .. و أعتذر لعبرة خنقت روحا سخرها ربي لتكون بلسم لكثير من المجروحين خلف الشاشة ..
مقآطعه القراءه
جواب سؤالك / الحمد لله آشوف نفسي سعيدهـ بس يختلف احيانا على حسب الوضع وتقتلب الموازين
آما السعادهـ حتى وان ما كنت سعيدهـ آحااول آسيطر على الوضع انا إنسانه سريعه الغضب بس بسرعه يرجع مودي للآفضل ابسط الأشياء الي تسعدني زي مثلآ عندي أخ هو الوحيد اللي يجيب لي الكوكيز اللي أحبه لو جآبه آكون يومها آسعد وحده ولمة العآئله على قهوة المغرب لمآ آشوفهم تجيني سعآده وقراءه تدويناتك من السعآده دآيم آقول بأخواتي تعالوا نخلق جو سعيد لنا ?
آنا عندي صديقه تو محآدثتني تقول انتي كميه سعآده لما تضيق تجي تفضفض لي انا اكون مبسوطه وأكثر لو شلت نص من همها وحآولت اونسها وأخف عليها
دآيم تقديم الهدايا عندي يسعدني بشكل خآصه الأطفال آيام العيد كنت أحط بشنطتي حلاو وجلي الأطفال اذا جلس طفل جمبي بالجمعه أعطيه هنا انا بكآمل سعادتي
الله يجعل السعآده في طريقك ?
حبي لك
اول اشي مسسسساء السسسعادة والحب
وكل سنة وانت بخييير نع احبابك
بشوف انو انا بين وبين لانو بنظري مافي سعادة او تعاسة مطلقة
,, وبسبب مشاكل بمر فيها لها ستة او قريب السنتين وما انحلت ومسببالي احباط للاسف
وحببببببببيت ذكرك للتفاصيل الصغيرة والواحد هو اللي بيبني السعادة حوله او بيهدمها
وع قد ما بقدر بحاول ابنيها سوا بطبخة بحبها او فلم اشوفه
وووووشششششششششششششششكرا كتتتير الك وللمساحة اللي سيباها لنعبر فيها
مع انو اللي فترة ما برد ع تدويناتك<<فيس مكسوف منك كتييير
حمدلله اقرب لسعاده بفضل الله وحده
حلو الواحد يعرف نفسه ويرضاء باللي موجود في حياته
والله يديم السعاده على الجميع ❤️
^_^
قبل بين وبين وبعد ماقريت التدوينه برضو بين وبين
التدوينة سعاده
انا للاسف ابسط شي ممكن يعفس مودي
بس تسعدني الاشياء البسيطه والعفويه اكثر من غيرها
واسعد لما اهدي شخص هديه بدون مناسبه افرح مره وقت مااشوف ردة فعله
لكني افتقد الاستكنان واني اسوي اي شي باستمتاع يعني الاحظ فرق اذا طبخت طبخه على عجل ووقت مايكون لي خلق والعكس اذا سويت اكله بحماس واستمتعت وانا اسويها حتى لو بسيطه
التفاصيل الصغيره في يومنا هي اللي تسعدنا لو تأملنا فيها
واشوف ان الرضى وعدم المقارنه يجلبون السعاده والسلام للشخص
آنا الحين اعاني من اخر الكلمات اللي كتبتيها عدم السيطره على المزاج وقت ماقبل الدورة وحزن شديد واجترار للحزن في آشياء من الماضي
ارد على سؤالك
مرات احس آني سعيده جداً ومرات لا والسبب
طقوس بيتي اهتمامي بنفسي امارس هواياتي اطبخ صنف جديد ومثل ماقلتي اذا اكلت شيء بالمطعم تلاقين ابحث وابحث واروح السوبر ماركات واجرب الى ان اضبطها واسعد
لكن تجيني اوقات حزن مااكتب لي ربي الذريه والوظيفه وبإذن الله الخطه القادمة بدرس بمعهد والسكن بمنطقه بعيده عن اهلي وصديقاتي اكثر شيء يحزني ?
كلامك جميل حلو الواحد يتكلم بصراحه ويحكي عن طفوسه واجوائه من التدوينات اللي احبتتها بشده
ليش تقولي ربي ما كتب لي وتفقدي الامل .. عندك باب الدعاء مفتوح .. نصحيتي لك بالدعاء والصدقة .. اذا شايفة ان الذرية والوظيفة معجزة فانا اقولك انها ممكن تتحقق بالدعاء والصدقة واهم شي حسن الظن بالله واليقين بالاجابة حتى لو طالت المدة
ارتوس حبي الموضوع جميل وخذيت بريك من المبذاكرة اقرأ وترا كتبت شعوري وإجابة اوا سوْال بس حاليا مقدر اكتب ابيك بس تعذريني وترا لي رجعه لان الموضوع حيييل حييل يهمني .
يا شَيخة خليك مَع مُذاكرتك ..
وَ إرجعي مَتى ما حبيتي كُل الرَدود أقراها أصلاً
يا حُبي لك
ثرثره اليوم فيها كميه سعاده ???يخليك لنا ارتوسه ?
صراحه اشوف نفسي انسانه اقرب للسعاده .. علاقتي باهلي وصديقاتي ومحبه الناس والبساطه والشفافيه وغيرها كلها اشياء تجيب السعاده .. وبالنسبه لي اعتبر الانجاز والطموح اهم الاشياء ..
و اظن اي شخص بالحياه عنده اهداف او طموحات وده يحققها بيكون انسان سعيد ومهما مرت عليه اوقات صعبه بيكون لها لِذٓتها لان هو جالس يتعب ويحقق شي لنفسه ويبني سعادته ..
من اكثر اللحظات الي اكون فيها سعيده يوم اشوف امي وابي فخورين بشي حققته احس وقتها كأني رديت لهم شي من تعبهم اللي تعبوه عشاني
و بشكل عام .. كل انسان يقدر يصنع سعاده لنفسه اذا ما جلس يقارن نفسه بغيره بطريقه سلبيه واذا اقنع نفسه ان هو عنده نعم غيره كثييير من الناس يتمناها ..
ولو الانسان حط براسه ان كل شي يمر عليه في هاذي الدنيا هو خير له وان كل بعد عسر يسر بتهون عليه اي مصبيه باذن الله ?
قريت التدوينة ، جميلة جداً ..
انا عند حكيي ماتغير كثير بس بالنهاية حفزتي اشياء كثير عندي ..
مثلا ، الصراحة ! كثير ناس تزعلهم صراحتي وهي ماوصلت لدرجة الوقاحة ولا ربعها بس كذا انا انسانه احب اكون صريحة ! لدرجة نفس الاشخاص اللي يزعلون يجون يشاوروني بحاجة ويقولون عشانك”صريحة” طيب صراحتي مو مزعلتكم تو ؟؟؟ واكره الناس اللي تجامل بشكل مبالغ فيها ! خصوصا المجاملة بالعلاقات تستفزني ! خلاص مو مجبورة تكملين علاقة انتي مو مرتاحة فيها .. دايم امي الله يخليها تقول “الباب اللي يجي لك منه ريح سده واستريح” .. عموما حبيت صراحتك كثير وكويس شفت احد يسميها صراحة مش وقاحة ، اغلب الناس يبونك تجاملينهم مش معترفين بالصراحة لان الصراحة اللي تزعل خلاص يسمونها وقاحة !
النقطة الثانية انا انسانة اشوف نفسي سعيدة الحمدلله لاني انسانه ضغطت ع نفسي لما حاولت اكون راضية بكل شي ! ايام اول ما انكر كان مافي شي يرضيني ! ابي كل شي يكون بصفي ، لما امي وابوي والحياة علموني اني اصير قنوعة مواقف كثير صارت لي لما حسيتني تافهه ع طبعي اول ، للامانه من وجهة نظري غالبا اشوف الرضا والقناعة سبب من اسباب السعادة ..
للاسف اني قدرت اغير كل شي فيني الا العصبية .. انا عصبية لدرجة جدتي تسميني “الكبريت” اذا عصبت شبيت عليهم ??
ونفسية درجة اولى وقت الدورة بس بطبيعتي ياهند احب الرواقة وراحة البال … من ناحية زحمة الرياض اتتتففق معك مليون بالممييية مادري وشلون تجي بس المهم اني اتفق معك بقوة اني اخلي الناس السلبية تنثبر ?
قبل فترة زحمة الجامعة نجلس فيها بالساعات والله ! وكانت صاحبتي تركب معي ، صدق كانت تتأفف وتنشر طاقة سلبية صرت استثقل الطريق وتحوم كبدي وانفففس ! بيوم الاوف حقها والله زحمة نفس دايم بس مافيه احد فوق راسي يتحلطم ويتأفف ! والله حسيت الطريق قصر ورجعت للبيت مروقة ! اكره الناس اللي تتأفف من كل شي خلاص اسكتوا ! لاتخلوني انفس من جوكم ..
التدوينة جميلة الله يسعدك ..?
بكتب لك حكي يحفزني وغالبا كنت اخليه خلفية جوالي عشان اشوفه كثير ،
مثلا لو فيه حاجة فوق طاقتي ابيها تصير وماصارت ، صدق ما انكر يزعلني ليه ماصارت ! بس فيه حكي يجبر هالزعل لو شوي خصوصا انه يرضيني ويخليني اقتنع ..
“لاتدري لعل الله يحدث بعد ذلك أمرا”
“واصبر لحكم ربك فإنك بأعيننا”
وبرضو قول عمر بن الخطاب “لو عرضت الاقدار على الانسان لاختار القدر اللي اختاره الله له” ..
معليش طولت حكي ومارتبت حكيي زين ?❤️
دمتِ بخير حبيبتي سوس ?
“لو عرضت الأقدار على الإنسان لأختار القدر الذي إختاره له الله” ?
رهم الله عمراً ، وشكرا لك هند ?
قبل :/
اعتبر نفسي بين وبين بس للتعاسة أكثر
ولو حصل لي شيء بسيط احس مافي اسعد مني في الدنيا
بعد:/
تفصيلك للموضوع جميل كأنك تشرحين سبب تعاستي وهو عدم وضوح هدفي ما أحقق إنجازات ما أشوف إني حققت شيء يذكر هذا نظرتي أنا لنفسي بس أشوف الناس تنظر لي العكس من ذلك .
أنا بالنسبة لي أنظر لنفسي نظرة دونية وعندي جلد للذات وأمي كمان عندها نفس المشكلة .
تدرين وش اللي قهرني إنه مامرت علي تدوينتك اللي تكلمتي فيها عن كتب تطوير الذات أنا أشوفها ماتطور الذات صديقتي من مدمنات هذا الإتجاه ممكن تتنازل عن أي شيء بالدنيا إلا دورات تطوير الذات لاحظت إنها أسوء من قبل لدرجة إنها قبل كانت تسوي ريجيم عشان تنحف لأن سمنتها مرضية لكن بعد ما أخذت دورات وقابلتها وكنا نتكلم عن الرشاقة كان رأيها إن العمر مره وحده بس ولا تحرمون نفسكم شيء يعني عيشوا كما أنتم !!!
تفصيلك جميييل جميييل جميييل الله يكتب لك السعادة وين مارحتي
كتبت رد وراح
بس وقفت وكتب اني بين وبين واميل للسعاده لاني عندي من الاشياء او التفاصيل مدري اذا صح التسميه بس اللي اعرف انها تجلب لي السعاده
بعد ماكملت /
حبيت من كل كل قلبي السطور اللي كتبتي فيها ممتنه لان فعلا اشوف انها اهم شي بالسعاده وبدونها مااظن اي شي بيسعدك
اتنرفز من الاشخاص اللي يسخرون من كون الشخص ممتن ان عنده اهل وانه ياكل وانه ب امان ويظنون انها ادعاء المثاليه
وحبيت فقرة ليون ذكرتيني ب اطفالي ومجرد اني اراقب ابسط تحركاتهم احس بقمة السعاده ولو كانت تخريب وشقاوه
واكيد ماانسى ان مدونتك تعتبر جرعة انشراح وفرح وسعاده
اما اخر شي الميووزك حبيت كلامك عنها فعلا اشوفها لها القدره بتغير موودي ورفعه فووق
توسه الموضوع يجنن وعلى طاري الايجابية تصدقي صرت اكره الكلمة هذي من كثر مااسمعها بالتي في , يتكلم المذيع عن الايجابية وهو ماد البوز شبرين لووول , وبالنسبة للجينات اذكر امي من لما كنت صغيرة تسميني ( الضحوك ) دايما استقبل ضيوفنا وانا اضحك وكنت شقية وهالشي فيني للان . بصراحة مرات افكر اذا جيت بستقبل احد اقول مابي ابتسم كثير وبسوي فيها برستيج بس الطبع يغلب على التطبع طبعا هههههههه
فيه ناس بعائلتي اثروا فيني وبصراحة اغار منهم واحس اني بمنافسه معهم خصوصا ان عندي اثنين عمام ماشاءلله مهتمين جدا بالرياضه والحمية الصحية و واحد فيهم جدا مهتم بشياكته واناقته احس اني بحالة منافسه دائمة معهم لو انهم رجال لووول وهالشي يفرحني صراحة
اسباب سعادتي خلال يومي احس اني تعلممت من الجامعة اني اخلص كل شغلي بوقته ولا راح اتنكد نكد مابعده فصرت احرص كل يوم قبل اروح اكتب بنوت وش لازم اسوي بالجامعة اليوم وربي صرت اخر اليوم احط راسي عالمخده وانا بقمة راحتي , كمان الاغاني هي الشي الوحيد اللي ممكن يغير لي مودي و مزاجي
قبل …اممممم ما اعتقد اني حزينه او كئيبه .. اصنف نفسي بين البين الى سعيد … لاني من بعد ما جربت الحزن و غرقت فيه الحمدلله بفضل الله هالسنه الله فرجها علي و أحمد ربي كل ما تذكرت فرجه لي و ع أهلي اللي وقفوا معاي .. فأعتبر نفسي سعيييده الحمدلله
بعد …. الحمدلله اقدر اقول الحين اني سعيده لان مثل ما قلتي الدنيا فيها الشين و الزين … مع العسر يسر … اول مره اقرى تدوينه لج و من فتره قصيره ضفتج بالانستا .. بصراحه اسلوبج عجبني حيييل و قبل كنت اخاف من نظرة الناس لي شلون انسى ع طول و ارد اضحك و لا انام زعلانه و اقوم ناسيه … بس عرفت ان مو انا الغلط .. خلو الواحد ينسى و يعيش و ما يوقف عالوحده .. و احسه ميزه لي مو علي.. يعطييج العافيه ع هالموضوع قلتي اللي بخاطري و عساج عالقوه♡
“امم اصنف نفسي من السعداء و احب اكون منهم، اكيد فيه لحظات حزن و كئابه، اعيش اللحظات دي و اخلي نفسي تعيشها عشان خلاص ارتاح و تطلع من نفسي و ارجع التفت لنفسي تاني و لحياتي تاني و اشوف ايش فيه اشياء حلوه جميله لزيزه حواليا.. ما احب اعيش الحزن كتير، احب الحياه و احب الناس الي تحب الحياه.. ”
الحمدلله مصادر السعاده بحياتي كتير، واحد منها دحين و انا بقراء التدوينه قدام بحيره صغيره مليانه بطاطت في جو من البرد ?
افتكر و انا صغيره ابويه الله يرحمو لما كنت اعتقد بالروضه او اول ابتدائي امي كانت تروشني الصباح وكنت ابرردد بشكل كان يقعدني جمبو يحضني يدفيني و يغنيلي و يضحكلي و يحاول يضحكني واحد من الاشياء الي كل ما افتكرها يفرح فيها قلبي ?
الصباح، بدايات الصباح و فطور الصباح و الاشياء الي بعملها لنفسي في الصباح ( و اوقات ما اعمل شي اقعد مقربعه و اتفرج مسلسل ههههه )
الروايات ? احب اقراء و انبسسسط لما اخلص من روايه حلوه مايبقى احد ما احكيلو عن الروايه هههههه
لما ارسم? مبتدئه في الرسم بس يطلع مني اوقات وحتى لو ما طلع انبسط بشخباطاتي
لما اخرج و اكتشف اشياء جديده و اماكن جديده و اجرب اشياء جديده و اختلط بناس جُدد ?
( واحد من الاشياء الي عملتها من فتره تلاته شهور تقريباً كان ال indoor skydiving لحد دحين لما افتكر و اشوف الفيديو وكيف طلع عندي الادرينالين انبسط كان شي ما يتنسى ? )
الحكاوي و الثرثرات الطويله مع ناس احبهم ?
وكتيررر اشياء دي بعضهاا ?
ربي يسعدك على هيك تدوينات حلوه ?
ممممم
فيه شي مهم ذكرتيه وهو المقارنه هذا المرض ايلي لازم نتخلص منه والسبب الاساسي الاهل ، وانا الومهم بالمقام الاول ، اذا هما ماقتنعو وتقبلو الطفل بايجابياته وسلبياته ، كيف ينمو بصحة نفسية سليمه ؟ بدال مايركز على نفسه وتطويرها ويتعب عليها يقعد يطالع في غيرة وايش يملك ويتكون عنده احساس بالنقص .
بديت اضيف عادات جديدة وقيم بحياتي واهمها قيمه الصحة اليوم سجلت في جيم وكم يوم وحبدا فيه باذن الله لي فترة امارس الرياضة بالبيت بس لاني حرفع مستوى اللياقة وازيد من شدتها فاشتركت بتدريب شخصي .
فيه مهارات جديدة ابي اتعلمها ومن ضمنها الرقص، الالقاء والخطابة ، الرسم .
تدوينتك اختصرت كلام كثير ابغى اقولة ، واتوقع اجابتي لمفهوم السعادة مقاربة لمنظورك .
وبالنسبة لللعطاء فيه لذه ويعطني نشوه ويشحن طاقتي لمجرد اني بس ساعدت لو بشي بسيط .
على قولك السعادة ماهي شي دايم ، السعاده انتي من تصنعينها من افكارك ونطرتك للامور وتحليلها . وهذا يعتمد كله على فهمك لنفسك واحتياجاتك ومعرفة نقاط قوتك وضعفك ربي خلقنا علشان نكمل بعض الاختلاف ميزة ماهو عيب ، ركزي باللي عندك ، وابني وعيك .
وثقي تماما انه الرزق بيد الخالق . وربي عو موزع الازراق لحكمة منه
واكيد لازم نتعب ونطلع من منطقة الامان والراحة ، لازم نشتغل على انفسنا مشكلتنا اننا كسولات فكريا .
عن نفسي انا انسانه طموحة جدا واستقلاليه ومبادرة وهل شي بيساعدني برحلتي بتكون رحلة طويلة بس ذاتي تستاهل اني اكافح وادافع عنها وابنيها .
احمد ربي مليون مره لاني قدرت اقول الحمدلله بالاول ماكنت اقدر اقولها .
القناعة مهمه (وان شكرتكم لازيدنكم ) .
مقآطعه القراءه
جواب سؤالك / الحمد لله آشوف نفسي سعيدهـ بس يختلف احيانا على حسب الوضع وتقتلب الموازين
آما السعادهـ حتى وان ما كنت سعيدهـ آحااول آسيطر على الوضع انا إنسانه سريعه الغضب بس بسرعه يرجع مودي للآفضل ابسط الأشياء الي تسعدني زي مثلآ عندي أخ هو الوحيد اللي يجيب لي الكوكيز اللي أحبه لو جآبه آكون يومها آسعد وحده ولمة العآئله على قهوة المغرب لمآ آشوفهم تجيني سعآده وقراءه تدويناتك من السعآده دآيم آقول بأخواتي تعالوا نخلق جو سعيد لنا ?
آنا عندي صديقه تو محآدثتني تقول انتي كميه سعآده لما تضيق تجي تفضفض لي انا اكون مبسوطه وأكثر لو شلت نص من همها وحآولت اونسها وأخف عليها
دآيم تقديم الهدايا عندي يسعدني بشكل خآصه الأطفال آيام العيد كنت أحط بشنطتي حلاو وجلي الأطفال اذا جلس طفل جمبي بالجمعه أعطيه هنا انا بكآمل سعادتي
الله يجعل السعآده في طريقك
الحمدلله سعيده ومرتاحه واغلب صفاتك موجودة فيني
بقولك تجربتي اني تعبت على ماتأقلمت ع زوجي بعد الزواج فطورت من شخصيتي شوي وعشت علئ مبداأ التعايش لانه قديما اذا احد ضايقني مره ومرتين وثلاث اشطب عليه خلاص حتى لوكان من اقرب الناس لي ما احتك فيه ابدالكن مع الزواج مافيه شطب خلاص تدبست فتعلمت التعايش الى ان يتعود على طبعي
مبدأ التعايش بيفيدك مع مديرك زوجك او ابوك الاشخاص الي تدبستي فيهم ??
السعاده ❤️
اجابتي كانت بين وبين
لكن بالحقيقة اشعر بالسعادة لان نعم الله علينا تخلينا نخجل اننا نفكر بالحزن الحمد لله ?
موضوعك اعجبني كلنا بحاجه لتصحيح مسار حياتنا والتفكير بايجابية ?
رعاك الله ياارتوسة السعيدة ?
تراني وقفت قراءة وباجاوب .. عن نفسي أصنف نفسي بين بين بصراحة .. ولو إني هالأيام شبه حزينة ? الله يعدي هالأيام ع خير يارب .. أحس إن سعادتي مرتبطة بإنجازي وبجلسة أو رحلة لطيفة مع اللي أحبهم .. وجبة لذيذة .. مساعدة ناس م أعرفهم ..
نسخت الكلام وهذا ردي بعد القراءة ..
بصراحة شديدة م أحب المقارنات أبدا أبدا أبدا .. بس بالفعل حسيت كأنك تكتبين عني ثلاث أرباع الكلام ينطبق علي << فيس مصدوم .. بس مع هذا أحس إني إنسانة أقرب للتعاسة للأسف الشديد (م ودي أنشر طاقة سلبية هنا بس هذي الصراحة ) وفيه نقطة ودي أعلق عليها وهي عيش اللحظة للأسف نادرا م أعيش اللحظة وأعيش بحدود يومي .. أفكر ف المستقبل كثير وأخاف منه ? .. بس كل هذا م يمنع إني باسعى بكل م أوتيت من قوة جسدية ونفسية إني أكون سعيدة أو ع الأقل أقرب للسعادة .. الله يديم عليك السعادة والحيوية والجمال .. ???
اولا مشكورة تدوينتك جميله وتلامس واقع جت بوقتها لآننا على أبواب سنة جديدة وتغير جديد بحياة عائلتي منها نقل لمنطقه لأحب ان أكون من سكانها رغم جمالها بنظر البعض لمن ذكرتي نقطه بخصوص زحمة الرياض وكيف الناس مستاه وضمنهم انا?راجعت نفسي وقلت ذي النقلة شر لابد منه لازم احاول احبها واتاقلم معاها ومع الزحمة
حتى بتني عمرها١١سنه قرأتها معايه وانبسطت فيها وفيك وانه كيف تكتبين كذا فجاه دون تدوين مسبق
بخصوص السعادة لمن كنت بالمراهقه والعشرينات كنت أشوف نفسي تعيسه بسب الزواج المبكر بالرغم من النعم اللي كنت فيها ولكن كانت نظرتي للحياة مقتصره
لمن وصلت سن ٣٠??بديت أسعى لتغير نفسي وتغيرت وتغيرت حياتي وحياة عائلتي للأفضل
عند كلام كثير بس اش أقول واخلي
مشكوررررة قد ماتبعثين التفاؤل والبسمة والامل بحياتنا??
أيش صاير بالعالم اليوم نزلتي صوره الظهر وتدوينه بدري ?.
أحب الناس الي تقدر التفاصيل الصغيره وتنبسط فيها ، و الرد على تدوينتك والتنافس على الردود الأولى يجيب السعاده حتى لو ما شاركت احيانا بالمنافسه.
سعادتي نص ونص واحيانا السعاده تكون اكثر ما أحب الميالين لتخريب الجو و الناس النكدييه ، فيه ناس ما أحب أطلع معهم لأنهم نكديين ما يتركوني استمتع باللحظات الي قبل الطلعه التجهيز ، ولا بوقت الطلعه تعرفين هذي النوعيه من الناس الي تشيل هم من ولا شي ، ولا تجلس تفكر بشي ثاني و تقول نطلع عشان نغير جو 🙂 .
حزني يكون للأشياء الي ما حققتها و ما يطول أكثر من مره قلت لنفسي الحزن والضيقه والحسره على الاشياء او على الناس ما تفيد الا تضيع علي باقي اليوم ، فخلاص صار الحزن عندي فتره ويروح ، لان وحده من أكبر مخاوفي ما أستمتع باللحظات ممكن أحقق الي ابيه بس ما أكون سعيده بعد ما وصلت له ، اوصل بعد حاله نفسيه تعيسه فماله فايده ، ممكن تكون عندي فوبيا حزن لا سمح الله.
فعلا الموسيقى والرياضيه شي عجيب الرياضيه بدون موسيقى تكون ثقيله وممكن ممله او متعبه ، الموسيقى تمشي الوقت و مرات اخلي لكل اغنيه رياضه شكل ، الوقت يمشي بسرعه و بنفس الوقت حلو خصوصا الفصلات الي تصير اذا جا المقطع الي احبه بالاغنيه ??.
انا مو من الناس الي تحط جدول حق السنه الجديده ، بس اتفاقات بين وبين نفسي اسعى لتحقيقها والحمدلله تصير طبعا مو الاغلب ، مثل الرسم العام كنت اتمنى يتحسن واضبط رسم ونوع معين منه وعلى نهاية السنه هذي حسيت فعلا تحسن و نوع الرسم الي كان عاجبني عندي مزينه فيه غرفتي وحسيت بالسعاده بعد ما تذكرت كلامي العام وحسيت بالانجاز ، مخططه للمستقبلي وكيف ابيه والخطط ما أقولها لأحد لأني احس تفقد لذتها.
انا أصنف نفسي على أني مرتاحه نفسيا ، اذا جلست لحالي احس داخليا براحه ، ممكن لاني مو شخصيه حسوده ، احب اكون ناجحه مميزه شخصيه محد ينساها بس مو بحسد ، بالعكس ما أهتم تكون لحظه عابره ، عندي قناعه الحسد والحقد والتشرهه و مراقبة الناس تأكل الانسان من داخل وتشغله عن نفسه.
أحس أنا الوحيده الي بالسعوديه ما عمرها تضايقت من الزحمه الا مره وحده لأني تأخرت عن الاختبار شكلي شخص يحب المشاوير ? ، على طاري العصبيه الى الان ما فهمت عصبيتي مرات اكون عصبيه ومرات لا واحيانا اشياء المفروض أعصب عليها بس عادي ، مزاجيه.
لتو انتبهت ردي صار اطول من التدوينه الموضوع كان شيق ??.
صباح السعادة .. كتبت نفس الرد بالانستا
انا نص ونص لأني ماحققت الي حابه اوصل له بإذن الله
بس احققه راح اكون سعيدة .. يارب
ونرجع نكمل
كمية سعادة ماشاء الله حسيتها بعد ماكملت التدوينة
حبيت كل كلمة ..
فعلا الحمد لله من قبل ومن بعد فيه أشياء كثيرة ممتنة لوجودها في حياتي
وبالنسبة للباد مود بعد نوم الغير كافي قاعدة اسيطر عليه
والله يعين …
وبإذن الله أسعى لتحقيق الي اطمح له وأكون في قمة سعادتي ..
شكرا توسة ❤
انا سعيده رغم كل شي كذا من ربي عندي مسؤوليات ومشاكل بس دايما احس عندي رضا عن حياتي مالي شغل في حد ولا ايش عند الناس طول عمري اسمع همسات وخرابيط هاذي بارده وهاذي ماتحس بس ماعلي من الناس انا طبعي الهدوء واكره العصبيه وحياتي وبيتي مستقر كيف ما اكون سعيده يااااااربي لك الحمد
ياالله كلامك مفرح ويجيب السعاده غصب والراحه النفسيه ..الحمدلله حياتي تعتبر سعيده وفيها نواق من ناحية الارتباط العائلي كون فيه خلافات مع بعض اخواتي لكن كذا انا مرتاحه…ماني نكديه والحمدلله لكن فقدت جزء من حياتي وهو والدي اللي كان حلقة الوصل بيننا ومن توفى تفككنا وهالشئ يقتلني مرات لكن مدري ليش اقسي قلبي واكمل حياتي …الآن مهتمه بعائلتي الصغيره…..اشياء بسيطه تسعدني زي قعدة الصباح ونفطر سوى احمل فيلم ونتفرجه مع بعض ..نطلع مشوار بسيط..اعلم اطفالي على الترابط اللي افتقده مع اخواني ..ولا انسى من دون رياء الاعمال الخيريه مهما كانت بسيطه بنظرك لكن تعني الكثير لهم …وتجيب لك سعاده فوريه..والميوزك بالرغم من انتقاد الكثيرين …
وهذي ثآني تدوينه تذكرني بطفولتي وشغبي وسنيني اللي رآحت ،مجرد م بديت التدوينه ارتسمت الابتسآمه ف وجهي وحسيت ببهجة جوا قلبي ، احب طفولتي حتى طريقة تفكيري لبعض الامور ف صغري احبها لمن اتذكر كيف كنت اتصرف انبسسسط وافرح ،فيه موقف مر علي ف طفولتي كل م اتذكر ردة فعلي تجآه الموقف يزيد حبي وشكري لربي اني قويه واتحمل واقدر اخرج نفسي من المود اللي يكدرني ،الموقف خلاني ألعب ودآخلي حزن واحس كل شي حولي من دون نكهه م فكرت افضفض لأحد بس كنت اقول ف دآخلي لآ مابي اكون كذآ ولا ابي اخآف وافكر وليش اتأثر !! وخلال فتره صغيره م تتجاوز اسبوعين طلعت نفسي من هالمود ورجعت البهجه ، عمري م يتجآزو ١٠ سنين وقدرت اسعد نفسي ولا اخليها تتأثر بشي هذا بحد ذآته سعآده بالنسبه لي ..
لليوم وانا كذآ اعيش الحزن والفرح بس ماحب الحزن يأثر فيني ويخليني سلبيه ،تفكيري هو الاغلب اللي يخليني ابعد عن الحزن واقلع تأثيره مني ..
احب اتذكر كل شي اسعدني من قلب واعيده كسيناريو بيني وبين نفسي وافرح من قلللللب ،ذكريآتي مع صديقآتي تسعدني وتضبط مودي لسنه قدآم ♡
ايضاً الخيآل والأحلآم تبني سعآده فضيعه دآخلي احب اعآصير الخيآل ..
كل شي جميييل يسعدني ويفرحني جمعة اهل ، سفر ، اغنية ، بطآرية جوالي ١٠٠٪ ، اشوف خيول ، الوطن بخير وبأمن وأمان ، اقآبل اشخآص مثقفين ، اشوف نآس تحب الخير وتسعى له وتقدم كل م عندهآ لتسآعد وتطور وربي احس بفخر تجآهم ، كثير اشياء تسعد وتثلج الصدر .
الحمدلله والششكر دآئماً وابداً ، الصحة والتفكير السليم ونية القلب وإخلآصك لنفسك يخليك تبني سعآده وسلآم دآخلي ♡
ولاننسى انتِ وحبك للخير وعطآئك اللآمحدود يبهج الكثيير ،وألهم الكثير وعآد هنآ انتِ بتعرفين اذا اسعدتينآ او لآ ♡
شكراً شكراً من القلب
فيه شي مهم نسيت اضيفة
السعاده تدخل ضمن الحرية ، لما اكون حره بفكري ورايي وباختيارتي وبقراراتي .
هنا اقولك انا سعيدة تماااما .
أحب هذا النوع من التدوينات جدا خصوصا منك أنت ارتوس
بالنسبة للسؤال عن السعادة
جوابي حول السنة الماضية للأسف ماكانت سنة سعيدة ،، في أغلب أيامها كنت أشعر بتعاسة
أخبي تعاستي وحزني عن اقرب الناس لي وهذا طبعي من صغري
جميلة التدوينة ??? الله يرزقك السعادة في الدارين ولا يفرقك عن أحبابك..
وأقول لك من قلبي أن قراءة مدونتك من أسباب سعادتي ومن اللحظات الجميلة اللي ما أفوتها وأختار لها مكان هادىء وبعيد عن الناس وأنعزل وأقرأ بشغف وأحس بمشاعر جميلة ،،هذا يحصل إلى الآن مع سنوات متابعتك الطويلة من شامواه وتويتر وبهدين الانستغرام والمدونة..
مع ان بعض المواضيع مو ميولي لكن أحرص على قراءة كل كلمة
وعموما أنا أقرأ في المجالات المهمة حتى لو ما طبقت أو استفدت لأني أؤمن أن تراكم المعلومات مع الزمن يصنع فرق ويكون حصيلة تظهر عند الحاجة ولذلك تدويناتك الشاملة المفصلة أحرص عليها..
الشيء الغريب بس اللي اتمنى أكتشف جوابه ليش ما اشعر اني نفسيا في حال افضل ولا أشعر بالسعادة بعد الرياضة
هذا من الأسباب اللي تحبطني عن الاستمرار .. يعني أرجع اتمرن عشان صحتي بس..
دامت لحظاتك جميلة يا جميلة??
الله يزيدك سعادة و لا يحرمك من احبابك ..
والمتابعين كمان ..
طرى في بالي شيء وانا اقرأ الموضوع اللي هو جزئية الأهل نفسهم والبيئة اللي يتربى فيها الواحد وهو صغير ، لها دور كمان لما الواحد يكبر مدري كيف اشرحها و ما أبغى اتفلسف لكن صدق الأهل اذا كانوا واثقين و معطين لك الحريه بيفرق كثير بالذات عندنا و خصوصاً البنات
الحزن والفرح بالنسبالي يعتمد على الموقف ورده فعلي عموما سعيده بشخصيتي وسعيده كوني تعرفت على اشياء كنت أجهلها تماماً وماكانت تستهويني لكن الحزن غالباً يسيطر علي بالأمور الي ما أمتلك فيها زمام الامور او اقدر أغير فيه عموما احب اعيش كل فتره لان بعد الحزن بعرف قيمه الفرح ! لكن عموما اكثر شي يخوف الانسان ويحزنه الوحده لما يكون وحيد بدون اهله او اصحابه او وحيد بأفكاره ماعنده شخص يشاركه الافكار او على الأقل الحكي .. لكن بالرغم من هذا شخصيتي مرحه واحب الحياه والروح ماحب اعيض فتره الحزن لوقت طويل والحمد لله أحب ادعي السعاده افضل من تلقي المواساة من الاخرين وجهه نظر
الحين برد وأقول القسم الثاني اللي طلبتيه منا بعد ما قريت كامل التدوينه. ..
بس قبل حابه اقوبك اني اليوم لمن شيكت على الانستا وعلى حسابك لقيت فيه روح حلوه غير عن البقية لقيت انك تردين على كل بنت وبكل عفوية والله يا ارتوس حسيت بمشاعر غريبه مدري حسيت انك قريبه مننا كلنا وأنك تحترمينا وما تقديم هذا الشيء بمجرد الشهره أو انو شوفوا انا مدونه وأفهم. … وهذا يدل على انسانه جدا جدا متصالحه مع ذاتها وسعيدة والملل ما يدخل قلبها ….
مدري في جزء من سؤالك لمن سألتي عن السعاده راح بالي في مكان انو بس لو الناس تتركني بحالي وتترك عنهم إخباري وايش يصير معي كان يمكن صرت أكثر سعاده لو فيه شيء يتغير بحياتي اللي هو المقارنه بعدين قلت ما ابغا اربط سعادتي بالآخرين ارتوس قصدها احساسي ومشاعري فعشان كذا برد على هذا الأساس. …
انا يمكن اذا تذكرين تكلمت في بداية 2015 عن ألمي وتعاستي وكانت أيام ما ابغا اعيدها لأنها كانت جدا جدا صعبه وقاسية ولكن سبحان الله الحين اتذكرها وأتذكر اني تعلمت منها وخلتني أقوى بمجرد مرور سنه عليها … وكان سببها أشخاص …
يعني في النهايه السعاده مو بس مشاعر السعاده تتجسد بأي شيء يحمل قيمه لنا بشكل إيجابي سواء تصرف من الناس اللي نحبهم او تصرف من جهتنا للناس للي نحبهم. …
انا احب امي وأكثر شخص يقدر يأذيني هي امي والسبب اني أحبها … في بداية مراهقتي وعلى مر سنواتها كنت جدا جدا عصبيه وما كنت أسمع كلام إلا نفسي واي شيء تقوله امي كنت أقول لها لا وما ابغا و أحس اني قاسية عليها ومافيه أي مشاعر اتجاهها. …
لكن هذا الشيء تغير في الفتره الاخيره و بالذات بداية العشرينيات كنت أظن اني بنت عاقه وإنو تعاستي لانو امي مو راضيه عني بس بعدين استوعبت انو امي انسانه تعليمها وثقافتها على قدها ويمكن هي جالسه تربيني بالأسلوب اللي هي تربت عليه على فكره كنت الومها جدا و اعصب من أسلوبها بعدين جلست مع نفسي وشوفت انو هذا الأمر غلط ..
إذا هي ما كملت تعليمها انا كملت .. إذا هي مو عارفه كيف تتعامل معي از ما عندها الاسلوب انة من باب أولى افهمها ايش اللي احتاجه منها … ولديه المح لها رغم أني انسانه جدا جدا عندي عزة نفس وما أحب أبين اني احتاج لأحد (( انا اشوف انه عيب فيني )) لأنه اتعبني بحياتي. .
الحمد لله كل شيء تمام الحين واستمر أسلوبي بهذا الشيء اني ابدا ما أحمل أحد أسباب سعادتي ولا ألوم أحد على تقصيره اذا يهمني أساعده انه يفهم برمجتي وتعريفي للسعادة واذا ما يهمني اقطعه نهائيا من حياتي ….
رغم أني في الفتره الأخيرة لقيت لي أعداء وضحوا في السنه اللي فاتت وقدرت أجمع أعداء و حاقدين علي بقدر ما جمعت في كل سنوات حياتي (( طبعا كان السبب الأول والأخير هو الغيره ))
شكل لي هذا الشيء شيء من التعاسة وحسيت أن الخلل مني ليش كل هذولا الناس أعدائي انا ايش سويت اكيد في غلط فيني ولا ليش هالكم الهائل طبعا كالعاده عقلنا البشري يحب يضخم الأمور مع أنهم في الحقيقه ناس فاضيه ما عندها لا العلم ولا الامكانيات ولا أي شيء يأهلهم انهم ينتقدوني ومن جهه أخرى انا مافيني هي العيوب ولا فيني هذا الانحراف أو التميز الفضيع حتى اشذ واكون تحت مجاهرهم إلا لأنهم يكرهون لمجرد الكره …
ولأني انسانه انفعاليه حزنت وتفاعلت مع الموضوع بعيدين طنشت وصارت كلمه طز هي سيلاحي على كل انسانه تافهه مافيه شغله لها بالحياه إلا تتبع أخبار أناس ودق فيهم والشماته …
أما الاجابيه المزيفة فهي محبطة جدااااا وبرضو عانيت من هذا الشيء حتى لمن وصلتي عند فقرة اليوتيوبيرز ضحكت لانو فعلا نفس ملاحظتي اقول خيييييير ايش بها ذي كل شوي وهي مره طايره كن الفرح أي نوع تتعاطى معقوله هي كذا مبسوطه طيب هي ما تشوفنا اللي قدامها مجرد كاميرا كيف كذا دايما آب على طول وكنت اقول يوووووه اكيد حياتي ناقص فيها شيء ليش ما أحس
وهذا يجيبنا لمحور التعاسة الأكبر اللي هو المقارنه الحمد لله بديت اتغلب على هذا الشيء فيني رغم انو ماصار لي اللي صار لك لانو زي ما قلت لك مشكلتي مع امي أنها كانت تقارني شوفي فلانه شوفي علانه في صغري كنت اطنش كلامها وكا كنت أحقد بالعكس كنت متفوقة في كل شيء بالحياه لكن لمن كبرت وبدت عيون الناس علي وبدأت الحريم من حولي شوفي بنتك كلمي بنتك وبينك ليش كذا بدأ الصراع وبدت المقارنات تحدد. … لاني باختصار كنت غير عنهم وغير عن بناتهم
متفوقة دراسيا متمرده مجتمعيا كنت البس وأقول واسوي اللي ابغاه وكنت دايما أحب اناقش واراردد الناس بس بأدب. … لكن مجتمعنا كان يحبك تسكتي وبس حتى لو رديتي بأدب يعتبر قليلة ادب بس بمجرد انك رديتي وهذا الشيء اللي خلاني ادخل في دوامة التعاسة في مراهقتي إلى وقت قريب بعد ما وعيت وفهمت الحياه ب القراءه والثقافه وكتب تطوير الذات لوووووول
ترى انا مو مناصريها بس معاها في بعض المواضيع وكتاب السر وقانون الجذب اللي تكلمتي عنه وصل لنا بتشوه كبير واساسه كان الغرب الملحد وماراح ادخلك معي في متاهاته لاني اعرف عنادك وتبجيلك لاءاك يوووه فدوة بس
هذا اللي في راسي بدون ترتيب وارجوا اني طلعت كل شيء لاني كل مره اقرأ ردي واشوف يا حروف ناقصه يا أفكار غير ممتلئة. ..
دمتي بود
جميلة انتي وجميل ردك بجد حسيت كأنك تتكلمين عني كنت كذا مع امي وكنت حادة طباع معها مع ان امي اطيب من خلق ربي بس كانت آرائها تستفزني والدتي ملتزمة دينيا لدرجة التشدد كنت في صغري ( مطوعه) تمردت عليها ع البيت ع الاهل ع كل شي صرت عنيدة احب هالشي فيني ولا زلت خصوصا في مسائلي الشخصية زواج اكل لبس طلعات اشياء كذا . بس من ناحية امي تغيرت صرت اهدأ من ناحية نقاشاتي معها صرت استوعبها اكثر احيانا اجيب لها براهين قاطعه على موضوع معين هي مؤمنه فيه جداً واحسها تتغير صارت تتقبل وتحلله في عقلها واحيانا تصدمني وتقول اي والله صادقه ! الله يحفظها
مساء الحب ياحبي انتي ..
والله ياتوسه انتي تامرين امر ، بالنسبه لي
بالنسبه لي اعتبر نفسي انسانه سعيده لكن ع هدوء ا لي طقوسي وتفكيري اللي يسعدني ،زعلي بسيط ولايطول ..
لكن حاليا امر باابشع ايام حياتي
لاني افكر بالانفصال واحس الموضوع جدي ولازم افكر صح
هههههه هوف دمعت عيوني طفشت من هالمود
بحياتي مامريت فيه ولاابي استشير احد لانهم بيقولون اصبري
ومدري ايش ..
من المفارقات العجيبه اني قبل سنه بالضبط كنت اشيد فيه
وباخلاقه واحترامه وحبه للحياه …الخ .
ونرجع لتدوينتك ..
من بعد ماقريت حسيت اني فعلا سعيده لاني تو مشغله اغنيه وارقص عليها قبل لااشوف مدونتك .. اسم انه اقدر ادخل لعالمي الخاص
حتا لو كنت حزينه فهذي سعاده بحد ذاتها ?? ..
واحبك
واحبك
واحب ثرثرتك وقناعاتك وشخصيتك ولطافتك ولباقتك وكل شي ..?
توسه بسالك هل اسمي من الاسماء اللي محفوظه عندك بالذاكره !
نَعم مَحفوظ وَ محفوظ ..
عفكرة أقَدر صراحتك ، بخصوص الإنفصال محداً يدري وَش الشيء إللي تبينه أو تطالبين به
أو وَش الشيء إللي مُزعجك حتى يعني لو صرحتي به ، مدى رضانا وَ ضيقنا وَ قناعاتنا عن الأشياء مُختلفة ..
قد يكون زوجك إنسان جيد لكن الله ما كَتب توافق
وَ ممُكن حتى تنفصلون وَ تتركون بعض وَ بعد فترة تنضجون وَ ترجعون لبعض ، الحياة عَجيبة
لكن أهم شيء ما يكون سبب إنفصالك أو إللي زاد الإنفصال تَوهمات عن الحياة فرضاً
أو بسبب وسائل التواصل الإجتماعي إللي مِن تالي بدل ما تقرب الأُسر فَككتها ( أقصد هالأشياء ) ..
بقولك شيء هُو ماله علاقة بَموضوعك ، بس أعرف وَحدة إنفصلت عن زَوجها بسبب سطحي جداً لدى الآخرين
وَ السبب إن ( طوووط ) صغير جداً به عيب خُلقي ، إنفصلت وَ كُل الناس لاموها لدرجة تكلموا على شَرفها
بينما القاضي يا حليله ، قالها حَقك وَ حقك وَ حقك ، أفضل ما تروحين للحرام ..
وَ الآن متزوجة و عايشة بالإمارات وَ معها أطفال ..
وَ صديقة لي عَسل عَسل ، تزوجت دكتور وَ لأنه دكتور ما سألوا الأهل كَفاية عنه ..ما أدري وَش صار وَقتها
تزوجها وَ لا دخل عليها ، شهر وَ شهرين وَ ثلاثة أخر شيء طَلقها بَعد سنه وَ نص ..
طلقها بعد ما علقها قالها كذا نذالة عشان ما تتزوجين بسرعة طبعاً هي مازالت بَنت
أتمنى لك الأفضل وَ أتمنى تَرجعين بعد فترة تقولين أبي أبدأ روتين أجدد فيه حَياتي وَ كلك تفاؤل وَ فرح
ما تَنلامين ، لكن عُمر الألم وَ لا الزَعل يستمر لازم يجي وَقت يخف هالوَجع
نَورتيني
سعييده بردك وترا صحيت وكنت طالعه العصر مشوار وتذكرت مدونتك وع طول دخلت وقريت ردك لكن مارديت لان الوقت غير مناسب طبعا ..
والله ياتوسه ماحد حيفهم شعورك ويلمسه غيرك
الباقي حيسمعون منك بدون اي شعور فعلي وع هالاساس حيختلف تقييمهم للموقف ..
زوجي انسان جيد وانا انسانه جيده بس للاسف
التوافق والتةاصل بيننا ضعيف ويوصل للصفر بعد.
امس بالضبط كنا بمجلس وقالت وحده عمرها 22 وحامل انها تشوف الوحده تصبر عادي عشان عيالها حتا لو مافي تواصل وجتا لو يضربها اواواو !!
طيب ..
ال20 وال40 سنه اللي بتضيع من عمري عشان طفل او طفلين كانو ممكن يعيشون افضل بدوني مين حيعوضني اياها !!!
وصديقتك يختي اللي تطلقت عشان الطوط من حقها ليه لو رجال قالوله تزوج وطلقها ولا طق الثانيه ويوم انها مره قامو عليها هالضعيفه ،اشكرها وربي من اعماق قلبي لانها حبت نفسها بهالشكل .
واما الانسان الخسيس الثاني حيروح من ربي فيين ? الله يعوضها خير يارب ??
وانا اتمنا لك كل خير ياجميلتي ?
أولاً كان تعليقي على الموضوع ( تعيسه جداً)
وبعد ان اتممت القراءه تعليقي هواني فعلاً تعيسه للغايه، واكره فكرة ان ليس لديك الحق بأن تكون شخصاً تعيساً حقيقة ، ولأني أؤمن بأن العدالة في السماء فقط فلايوجد عداله في الأرض لذالك لابد ان يكون هناك سعداء وبالمقابل هناك تعساء
واعظم مايجعلك تعيس هو اقرب الناس اليك من وثقت بهم وتربيت على يدهم عائلتك والدك ووالدتك
للأسف أن حياتي اصبحت جحيم منذ اللحظه التي تخرجت فيها من الجامعه ووجدت نفسي في الضياع في الفراغ في مواجهة السنين التي تمضي بي واكبر فيها و المصائب المتتاليه في تحمل ان يقلل من شأني الاخرين وان ينعتوني بالضعف وبالفشل ، كنت احلم بالابتعاث او حتى الماجستير هنا و وحرمت منه واردت الوظيفه ومنعت عنها من قبل عائلتي وتقدم لي الكثير من الشباب وتم رفضهم لانهم لايناسبون طموح عائلتي وفي النتيجه حاله ماديه سيئه وحاله عاطفيه سيئه وحاله نفسيه سيئه
شعور انك تعيش كهامش في هذه الحياة موجع ، وموجع اكثر ان كل اقرانك ومن شاركت معهم حياتك واحلامك ذهبوا بعيداً لتحقيقها وتغيرت حياتهم وانت مازلت في نفس المكان ، سجين لرغبات ام او اب في ان يمنعوك من الحياة دون ان تعرف لماذا
في النهايه مجرد فضفضه لا اريد بها تأييداً ولا رفضاً والحمدلله على نعمة الصحه
خالص ودي
لَك كُل الحَق بتعاستك بالطَبع ، لكن لُربما هُناك بوادر نجاح عينك ما شافتها مَثلاً
أنا وَقت الدراسة كُنت مُستهترة بإختيار مَجال يَناسبني ، إنحطيت بَموقف تمنيت وَقتها لو كَنت طبيبة
وَ ليته أي طبيبة تمنيت أكون جراحة بس خلاص فات الأوان ، وَ لو رجع بي الوقت راح أتخصص وَ أخذ شهادة الدُكتواره
بس لو جلست أبي أسير حياتي كوني جراحه ماراح تسير ..
فإنتِ تعايشي مَع وضعك وَ ظرفك ، أهلك أوكيه مايبون تشتغلين فكرتي يكون لك وَظيفة عن بُعد مثلاً
ما أعتقد راح تأذيهم وَظيفتك نهائياً ، مَصدر دخل جَيد وَ مُمتاز ( شوفي وظايف موبايلي وظائف عن بُعد )
صَح أنتِ مُتعلمة وَ طموحك عالي لكن تكيفي مَع وضعك وَ أنجزي مِن وضعك الصَعب مَنفذ لك ..
أو إذا عندك النفس الطويل وَ حاسة راح توصلين لأهدافك إنتفضي ، وَ إعترضي ..
سوي ثورة ببيتكم قَولي أبي حقي .. هذا حق مَشروع لك بهالحياة
نَورتيني ..
اكيد لك الحق تعيشي الحالة اللي ترضيك وتعجبك ، ولكن لا تسمحي لشي يوقف الحياة بعيونك طالما قلبك ينبض ..
قلتي شغلة مهمة .. وهي ” انك تعيش كهامش في هذه الحياة موجع ” .. ليش موجع ؟ لأنك ما انخلقتي عشان تكوني هامش .. أبدا
انتي انسانة بقلب وروح وعقل وجسد ولك رسالة مهمة تأديها في الحياة .. وظيفتك تكتشفيها وتسخري نفسك وامكانياتك لها مهما كانت بسيطة
الحياة مستمرة يا عزيزتي ولو وقف العالم كله ضدك ، محد بيمنعك من شي مكتوب لك .. مهما طال الانتظار مصيرك بتوصلي .. كوني متآكدة
انا مو عارفه انا وين
انا اعتبر نفسي سعيده ??لان نفس الي ذكرتيه استخداموه ??وعالطاري الجنون اليوم قصيت شعري لين اذني وهاذا الشي عند اهلي يعتبر محرم لكن مهمن احد??وان شاء الله اصير احد اسباب سعادتس???
مبروك مبروك مَيمي ، ألف ألف مبروك
نعيماً القصة الجَديدة ، أكيد القالب غالب
كيف تكون السعاده وانت عايش مع ناس ما بتحبهم
سوي مكان خاص بمُخك لك ..
حتى لو ما تحبينهم ، إلا مايكون لك غرفة خاصة فيك أو حتى زاوية بالبيت لك أسعدي نفسك
وَ أنجزي أفضل ما تفكرين فيهم ، وَ إذا فيه أمل تستقلين عنهم بأقل الأضرار لا مانع مِن ذلك
الحمدلله راضيه عن نفسي تمام الرضا ومن رضاي لنفسي انا سعيده ???
لابد ان الانسان يمرّ بظروف يتضايق ويكتئب وانا من النوع اللي دايم تعابير وجهي تفضحني مع ذلك ما احب اعيش جوّ النكد واضيّق صدر اللي حولي
والحمدلله غالبًا يكون لوجودي ولروحي أثر بالمكان اللي انا فيه حتى شغالتنا اللي مابعد تعرف تنطق عربي تضايقك اذا طلعت من بيت اهلي وما جلست اكل من اكلها او العب معها ?
والحمدلله رب العالمين هذا من ربي اولًا وأخيرًا
جاوبتك وماقريت كلامك وكنت في قرارة نفسي مؤمنه ان المحيط اللي تعيشين فيه له دور وأثر على مدى سعادتك ولقيت هالكلام لمّا تكلمتي عن الأهل ❤️❤️❤️
الأهل نعمه ماتُقدر بثمن أول ما انخطبت أخوي الصغير تأثرت نفسيته كثير بالرغم من اني مابعد تزوجت حتى حالته الصحيه تدهورت بس شاف اني باقي عنده مارحت وحتى بعد زواجي ما اتركه خفف هالشي عنّه بس وقت مايفقدني يزعل لاني ماجيته ههههه
حتى انا الصراحه تعبت فتره لحد ماقدرت اروّض نفسي واتأقلم مع الحياه الجديده ?
الحيوانات،، من لمّا كنت صغيره وانا اعشقها ما اخاف منها ابد ?
اقتنيت هامسترز وارنب وحاليًا عندي طيور ومبسوطه فيهم فعلًا يعطونك جوّ
خصوصًا اذا شافك وطار لعندك يجيني احساس انّي امه ههههههه
مررره سعيده بكلامك وسعيده اكثر بأنك اعطيتينا متنفس نتكلم فيه ?
شكرًا ارتوس وقليله بحقك شكرًا ????
قبل
اصنف نفسي سعيده السبب قناعتي ان السعاده تكمن ب الرضا
بعد
اول شي ماشاء الله تبارك الرحمن على عائلتك الداعمه المتفهمه فعلا اهم اسباب كونك سعيد عائلتك ومن حولك.
بالنسبه لعيلتي مصدر لسعادتي حتا لو مو كلهم وحتى لو انهم مو متفهمين ومتشددين هالشي تعودت عليه وتأقلمت اتعايش معاه لين قدرت اوصل للي ابيه ولله الحمد
تمي مصدر كبير ل سعادتي وراحتي. بنظري اشوفها مرتاحه مبسوطه اشوفه اجمل شي صار ب حياتي ،
ماعندي بحياتي تعقيد وتدقيق على كل شي ولا اعرف اتعايش مع الناس الدقيقه اللي تدقق بكل حرف وكل تصرف. الحياه عندي ابسط.
اي شخص يسبب لي النكد فعلا ابتره من حياتي وانتهى بس يكون فعلا يستحق البتر اكثر شي اسامح لاني من الناس اللي انسى تفاصيل المشاكل مباشره ولا احفظها وممكن بعد فتره انسا المشكله نفسها الا اذا احد ذكرني فيها
وهالشي مسبب لي عقده لو اتناقر مع زوجي اليوم بكره اكلمه عادي كنه ماصار شي ???????. احيان اقول من الحب واحيان اقول من العشره واحبان اقول ياحلاتي مافي مثلي.
ولله الحمد على الصحه اولا واخرا وربي يسعدك ارتوس اتمنى بحياتي اشوفك واتعرف عليك
بالنسبه للي سالتك لو مات قطوك اذكر شفت سؤالها تحت الصوره انصدمت من كميه الجرأه بسؤالها ماحب ادخل النكد علا احد حتا لو كان ب الخيال ?.
بالنسبه لي كنت سعيده جدا واكتف ودايم مبتسمه واحيب السعاده دايم الي حولي يقولون لي هالشيء
بس من دخلت العشرين وانا كئيييبه مره واحس اني ضاايعه ودايم ابكي من دون سبب انقطعت عن صديقاتي حتى خواتي مااسولف معهم زي الغريبه يمر ٣ ايام وانا مااسولف مع احد ولا اكلم احد بس اكل واداوم وانام
دايم ناقله هم اني ماسويت شي بحياتي وخايفه من المووت
ياربي مره منقرفه من عمري ابي اضحك واعيش حياتي اشتقت لنفسي القديمه
عُمرك ٢٠ وَ زعلانه !! ..
إنت بَعمر الزهور ، حَتى جسمك وَ أنوثته ما بَعد إكتملت تَوك صَغنونه
وَ عادي كُلنا يوم كنا بـ عمرك لو أحد يقولنا هآي مُمكن نبكي مِن كثر ما حِنا حساسين ..
تَخافين مِن الموت ليش !! ..
طالما صَحتك سليمة وَ الحمدلله مافيك شيء الخوف الغير مُبرر ماراح يخليك تتهنين بلحظاتك
وَ لنفترض لنفترض لا سمح الله صار شيء وَ خسرتي حياتك !! ترى ما بتفكرين أثناء الموت كيف خسرتي حياتك
بتندمين عالوقت إللي قضيتيه وَ إنتِ خايفة ..
شَوفي هيفاء وهبي وَ لو إنها ليست قُدوة ، لكن عُمرها فوق ٤٥ سنة ماقالت أخاف مِن الموت
طبعاً ما أبيك تصيرين مَثلها ، لكن المَقصد الإنسان ينجز وَ يفرفش وَ يضحك وَ يتهنى قبل مالي حولك يملون مِن أسلوب الحُزن وَ الكآبه
وَ يدورون لهم أصدقاء غيرك ، الإنسان بطبعه يميل للشخص إللي يونسه أكثر مِن إللي يحزنه
بين وبين عَ حسب المزاج والوضع اللي انا في بس ف الغالب اسعد الناس او حزينة شوي اتذكر نِعم الله واشكره وهذا الشي يبعد عني الحزن .
النعم اللي انا فيها كثير ف هذا كمان يبعد الحزن عني.
صباااااااااحك ورد توسه…..
بصراحه الانستقرام ماله طعم من غير بوستاتك مجرد مااشوف صورك تنفتح نفسي و ابتسم من غير شعور واقعد اتمتع بردود ع البنات ….
بالنسبةلسؤالك انا اشوف نفسي بين البين مرات سعيده وأحس السعاده جواتي وبتطيرني للسماء ومرات حزينه أما لسبب ما أو اتذكر شي مريت فيه أو خوف أني أفقد أحد من احبابي وأشياء كثيره…
وبصراحة أكثر شي مااحبه فيني اني مزاجيه مثلا اقوم وأنا مبسوطه ونشيطه وخاطري بشي وانرد ينعفس مزاجي وانا من النوع اللي مااعرف اكذب واجامل يبين علي بس مااصرح باللي ف داخلي أفضل الصمت لاني لو تكلمت ممكن اضايق اللي معي بس الحمدلله بديت اسيطر ع هالشي …وكمان انا الكبيره ف أخواتي ف بحكم هالشي واللي حولي انك انتي الكبيره والعاقله والقدوة فكبرت ع هالشي ف نادرا مااتجنن واكون مرحه إلا استحي وكلي عقل بس أحاول الحين اسوي كل اللي ف خاطري واتجنن مع بنتي….
فيه كلام كثير بخاطري بس أكتفي باللي قلته ….بصراحه اللي يقرأ كلامك يفهم معنى السعاده بجد والله انك مصدر للسعاده والتفاؤل وكل شي قلتيه صح لو الإنسان يعيش حياته وينشغل باللي معه ويترك الناس وامورهم بعيش بسعاده وأخيرا الحمدلله ع كل شي دام الصحه والعافيه والامان موجودين كل شي يجي بعدها ….
مع خالص حبي ….
يا اهلًا ?
اسعد الله صباحك و مساك
هذا جوابي قبل اكمل قراءة ..
الحمدلله اشعر أني سعيده بحياتي .. رغم أنه ما تحقق لي كل مناي
لكن مفهومي للسعادة غير مشروط ..
يمكن لاني اربط السعاده بالرضا ؟ اشعر أني راضية عن شكلي خارجيا
و نفسي من داخل
او يمكن لان ابسط الأمور ممكن تسعدني فلذلك اشعر أني سعيده ؟
وصفة جديده لمشروب ساخن تسعدني
رسمة شدو لعيني تسعدني
اركض بالشارع
مقطع موسيقى حلو
خبز كيك كل صباح تسعدني جدا ، لما تفوح الريحة بالبيت
جلسة قهوة مع زوجي
وجبة عشاء اطبخها
معظم هذي الأشياء اسويها يوميا ؛ لكن ما أبالغ والله لو قلت انها تسعدني!
تنزل صورة او مدونة او تغريدة او سناب لشخص احبه و للعلم من فترة طويلة انتي على رأس القائمة اللي تسعدني مشاركتهم لنا في اي حاجة!
بمجرد ما اشوف لك صوره اسعد و ادعي لك بالسعادة و الراحة
(أمس كان البوكسينق دي ؛ قبل انزل للسوق كنت اجهز قائمة بالحاجات اللي ناقصتني عشان ما انسى
و تصفحت مدونتك -لاني ابغى اجدد عن المنتجات اللي متعوده عليها-و بدأت أسجل .. أخذت غسول ناتورا بيسيه تبع الأوكسجين و ديكلاغيه و ديرمالوجيكا و بودرة بوبي براون و كريم من ليراك… ياااااه ربي يقبل دعائي لك
لاني ممتنة لوجودك.. وجود مصدر اثق فيه و متكامل و مخلص ! عساك موفقه وين ما رحتي)
و كمان سعيده لاني متصالحة مع ذاتي و مبسوطة باللي حققته لحد الان
راضية و مقتنعة باللي معاي
سعيده بشريك حياتي و بأصدقائي..
بعد ما كملت قراءة ؛
ضحكني موقفك مع أمك لما تقولك انتي فلأنه بنت فلان هههههه
امي كذا كنت لما اسألها عن شي و أقولها شوفي هذي و هذي ؛ تقولي انتي مين ؟ مين أمك موين أبوك؟ وشو بيتكم!؟
تستعبط علي بذا الأسئلة هههه لكن فعلا كانت توحي لي بعدم مقارنة نفسي مع الآخرين..
و هذا سبب لسعادتي يمكن ؛ لفتي انتباهي عليه
مره وحده من البنات قالت لي انتي ما تغارين ؟ وإلا قوية و تكتمين ؟
ضحكت لاني موب قوية ابددد بس فعلا انا ما أغار ولا أقارن نفسي بأحد أبدا..
يعجبني كثيييير لما تتكلمين عن نفسك و اهلك
لأنك تثبتين لي صحة تصوري عنك!
من خلال متابعتي لك و لردودك و قراءتي لأفكارك يتبين لي قد ايش انتي مسؤولة و محترمة !
عندك احساس عالي و هذا راجع للبيئة السليمة اللي تربيتي فيها
أصبحتِ صحية نفسيا و متصالحة مع نفسك .. رعاك الله ?
أسعدك ربي و عن الشر أبعدك
Bonjour artos ?
جوابي هذا عند سؤالك
تصنفون نفسكم سُعداء ؟ أم أشقياء ( أقصد بها حَزينين أو كئيبين ) ؟ أم بين … بين ؟ وَ ش بيكون جوابكم ؟ وَ ليه ؟
أنا أصنف نفسي اني سعيدة و الحمد لله واحياناً ليست قليلة اكون بين بين واحياناً كمان اكون حزينة وشقيه .
بس السر في أني اعرف اللي عندي واعرف اكون سعيدة ، تنقصني حاجات كثيييرة بنظر كل الناس هي السعادة وهي جوهرها بس بالنسبة لي ان جت خير وبركة وان ماجت ماراح اموت ،، من اسباب سعادتي القناعة انا انسانة قنوووعة جداً مو يعني هذا اني ارضى بأي شيء وكسوله لاء اشتغل واتعب واطور من نفسي بس ما اجهد نفسي للكمال ،،، للوصل للانهائية ومابعدها >> اللي يعرف هالمقولة من جيل الطيبين
انا سعيدة لأني استمتع بأدق الأمور واصغرها اشياء اللي معاية مايشوفونها
سعيدة لاني عمممري في حياتي ماطمحت اكون زي فلانة او عندي الي عند علانة جزء كبير من سعادتي لأني اقراء وهذا عشقي سعيدة لان اهلي حولي اهلي طيبين وبخير واشياء كثييييير ، عموماً انا انسانة متفاااائلة ولاخر لحظة عندي أمل ، ومبتسمه غالباً وهذي الصفة فيني سهلت لي اشياء كثييييير بحياتي سواء مشاكل او اشياء حصلت عليها .
عموماً السعادة احسها عدوى اجلس مع متشائمين ونفسيات و محبطين ومكسرين مجاديف راح تصير نسخة منهم واجلس مع العكس راح تجيك العدوى
انا اعرف بنات عندهم كللل شيء حرفياً كللل شيء اقصد مادياً فلوس بالهبل واهل وصحه ومع ذلك دااايماً يندبون حظهم وحزينين ليييييش ؟؟؟!!! مادري للآن ماتوصلت للجواب والله ، يمكن يبغون اكثر !!مادري بجد ؟
يسعدلي صباحك ، لافض فوك ، قناعات جميلة وطريقة تفكير رائعه تبعث على لالهام ، جميل سطرك اعجبني وبعث لقلبي السعادة ، أنتي كما عهدتك دائما متميزة كشخص وكحرف ، صحيح أني مقله بتعليق وشبه معدوم هنا ، ولكن يعلم الله أني قارئه لك بأستمرار ، وما لكِ عندي إلا قلوب نبض بالحب ودعاء في ظهر الغيب ، سلمتي ودمتي لا عدمناك ❤️
موضوعك جدا جميل .. وملهم.. في وقت أختلفت فيه مفاهيم السعادة.
وجوابا لسؤالك أصنف نفسي سعيدة.
لأني وضعت فلسفتي الخاصة بالحياة .. وأصبحت أعيشها كما أردتها وخطتت لها.
أنا من الاشخاص المتشائمين قليلا صراحة.
الحياة بالنسبة لي حرب .. لا يجب أن أهدى فيها أو اقف لأتنفس
ومع كونها حرب الا انني اسعد جدا بخوض معاركها.
أحب فيكِ صراحتك عند طرحك للمواضيعك ..التي تجعل مواضعيك حيادية
مواضيع تصل الى القلب مباشرة
تعقيب بخصوص الأغاني
(( أنا استغرب صراحة من الأشخاص الذين يحرمون الأغاني..
فلا توجد أيه أو حديث شريف يحرم سماعها..
فالأغاني من المباحات في الحياة..
ولو عدنا لوقت تحريم الأغاني في الديانة الاسلامية .. نلاحظ أن الحرمة بدأت في عهد الدولة الأمومية..
أي وقت بدء النظام السلطاني والملكي..
شخصيا أفضل سماع التراتيل في القداس المسيحي .. وموسيقى الكنائس عند غضبي
أشعر بهدوء ويذهب غضبي..
لا أعتقد أن هناك شخص عاقل ينكر تأثير الموسيقى واللحن على القلوب والنفس.
لكن مع زحمة النفاق الديني في العالم اصبحو ينكرون لنا هذه الحقيقة..))
دمتي بجمال أرتوس
Belle
صباح السعاداا
قراءت تدوينة تخصج سوس وبهالتوقيت المتأخر من الليل مع فنجان من القهوة و الموسيقى الهادية هي وحده من أسباب السعاده بالنسبة لـي .. ما أقدر أصنف نفسي إذا كنت سعيده أو العكس ، لكنّي غالبًا أتأرجح بينهُم ، أبسط الـأشياء تسعدني حتى لو غيري يعتبرونها شغلات تافهه وما لها أي قيمة ، لكن من جهة ثانية عندي مخاوفي لبعض الأمور إللي ما أقدر أتحكم فيها وأتثير قلقي + مواضيع المفروض أقدر أتحكم فيها لكن ما أحاول أو ما أعرف الطريق الصحيح ..
كتب ومُحاضرات تطوير الذات بنظري أنها مضيعه للوقت + مُمله لتكرارها ، المواضيع العفوية والمنطقية والواقعية إللي مثل طرحج هي إللي للحين قدرت استفيد منها ، خاصةً أنتي كشخص بالنسبة لـي ثقة .. ونادرًا بحياتي أثق بالناس بسهولة ..
إذا أحد أذاني أو غلط علي وما اعتبرني بهالأهمية إللي أنا أتوقعتها أقطع بنفس اللحظة علاقتي فيه ومن دون ما أهتم أو ارجع أفكر ، خلاص بالنسبة لي قُضيّ الأمر .. ما أدري إذا هذا عيب فيني أو لا .! وأحيانًا أكون صريحة بشكل ما تتخيلينه ( طبعًا ما أقصد أكون قليلة أدب ) وأحيانًا ما أقدر أكون بهالصريحه .!
وأنا عصبية عصبية عصبية ، نادرًا ما آخذ المواضيع ببرود أعصاب ، إذا ما طلعت إللي بداخلي بنفجر بأي لحظة .. وأحيانًا إذا بخاطري كلام بقلبي لازم ينقال فمستحيل نفسيتي تكون مرتاحه ، لازم أوصّل كلامي للطرف الثاني ..
عندي إهتمامات كثيرة منها الأعمال اليدويّة ( وهو متفرّع ) + التصميم والرسم ( مرتبط بالعمل اليدوي ) + الميديا بتفاصيله + تغريني الأدوات القديمة + الديكتور الداخلي + …………. ألخ شغلات تشتتني أقول أنا ويني؟ شو هو بالضبط إللي أنا أحبه توب وأحب اتميز فيه وأبني اسمي على أساسه .! أحيانًا أحس وايد شخصيات بداخلي .! أو أنّي ما جلست جلسة صراحه بيني وبين نفسي .! أو ما عرفت حد يوجهني .! ما أعرف ، أدري إذا عرفتني أكثر بكون أكثر سعاده … سعادتي تنبع لأن أهلي حولي بالمقام الأول ، بوجود الأم والأبو والأخوان والأخوات ، الله يديم نعمه ، لكنّي ادري احتاج لشغلات أكثر و أوسع ..
أنا إنسانة أحب أحب الأفلام والمُسلسلات الهوليوودية ، وأميل للأغاني الأمريكيّة ، مع أن أنجليزيتي مُش لذاك الزود ،! أكون سعيده يوم أجهز لي فيلم يتوافق مع مودي وانتظر متى يحين وقت السهر ..
عندي وايد أشياء تسعدني والحمدلله ..
بصراحه كان لازم أعلق على تدوينتج لأني صديقة المدونة ، بالإضافة إلى أنّي أعتقد يحقّلج تعرفين طريقة تفكير مُتابعينج أكثر حتى لو أنّي اختصرت وايد من كلامي ، على فكرة تعيبني علاقتج بـ ليون وايد .. مثل الأم وطفلها ، أنتي تستحقين السعاده لـأنج فاهمه الحياة صح ..
:*
مسااء الخير مدري صباح الخيرر
اترووس انتي من الناس المقدسين عنددي اراقب صفحتك واطير اذا لقيت لك تدوينه لكن ..مو من النوع الي اكتب او اعلق سامحيني?
بس من جدد ماتتخيلين كييف اموت فيكك وازعجت اهلي من كثر ماأقول ارتوس قالت وارتوس قالت…
مادري كيف اعبر عن كمية اعجابي لكك ..
انتي من الناس الي تعطيني طااقه ايجابيه ..خاصه الي اتابعهم بالسوشيل ميديا..
احس بسعااده وانا اقرا تدويناتكك بشكل ماتتخيلينه
واكبر دليل تو وانا اقرا تدوينتك كان مزاجي مش ولاابد متعكر شوي ..ومعصبه ..ماخلصت تدوينتك الا وانا مبتسمه واتذكر الاشياء السعيده والحلوه بحياتي وتغيرر مزااجي تغيرر كاامل حتى الي كانوا عندي قالوا وش الي غير مزاجكك هههههههه
الشي الاكيد انك من اسباب سعادتي ..هذا الي عرفته توو
وبداية سنه جميله وسعيده عليك ياجميييله
تدوينة رائعه يعطيكي العافيه ،، انا اعيش فمجتمع اكثرو سلبي قاطعت الناس السلبين بس اهلي لاني مجبروه فيهم سرت ازورهم في الاسبوع مره لاني متزوجه فحسيت بهاذي الحركة اني اخفف الضغط عليه شوي ، كتبت لك في الانستقرام اني بين وبين ، بعد ماقريت كلامك قلت انا سعيده وراح استمر اسعد نفسي بكل الطرق صح تجيني ايام احزن بسبب ان ربي ماردقني باطفال بس ارجع انا بنفسي اقوي نفسي وابتسم واتفائل خير ، بالنسبه للرياضه والموسيقى انا مستحيل اتريض بدون موسيقى فعلاً احس اني انجز اتمرن من قلب واطلع كل الضغط النفسي خصوصاً لما اشغل موسيقى اجنبيه وانا اركض ع السير ،، احبك ياسوسو وانتي فعلاً انسانه تستحقي كل دعوه وكلمه حلوه الله يسعدك اكثر واكثر ويحقق كل احلامك ????
بين البين، لأن السعادة مالها حد ودايم الواحد يتمنى يكون حاله افضل من الحال اللي هو عليه الآن
بعد؛ كلامك وانتِ مصدر سعادة
ألوڤك?
الحمدالله على كل الأحوال ..بصراحه انا بين وبين يعنى في ظروف تغير مودك والحمدالله انها فتره وتعدي وفيه ايام احس اني بذروه السعاه والنشاط واحب الحياه بكل مافيها …انا طبعي مرحه واحب العفويين بحياتي غير كذا ماعاشرهم كثير لانه يوتروني وانا اهم شي مودي
صباح الخيرات والسعادة لي عوظة بعد قراءة التدوينة …
جيت من تويتر .. وقبل أبدأ حكي تراي حملت الصولاة عجبتني جدا وباحطها خلفية سطح المكتب للاب توب
وقفت عند طلبك لجل أجاوب ع سؤالك من اللاب واقرا ن الايفون خخخخ
حوابي قبل القراءه هو :
أصنف نفسي سعيدة .. وليه ؟ لإني أتقن تحويل مواقفي الحزينة والكئيبة الى التي تحدث لي إلى منفعه وفائده لي وودرس لي وأحولها الى ايجابيه ولو بعد ( حين ) ..
قبل أكمل بأكون مبسوطه لو ماغيرت كلامي لووووول \\ جميلة البوستات التفاعلية منك
أكمل قرايه =========
أجل تأكدت إني سعيدة وجدا سعيدة بعد القراءة ياكثر ماأسوي عطاء يجنن وحلاته إن محد يدري غيرك أحب أنكت على شغالتي أخر الليل وو أخليها تفضفض لي عن شوقها لعيالها تقعد معانا على نفس السفرة اذا ابونا مش موجود ,, أحط عدس للطيور عند شباك الغرفة بما إني في الدور الرابع ووووو أشياء كثيرة هذا غير أطفالي اللي صراحه مأدري شلون بيجيني حزن وهم متعه وسعاده ومستمتعه معاهم بالملي ,, سعيدة لإني وبعد خمس سنين أنا وزوجي صرنا أحلى من اللي في الافلام بالحب ومبسوطه وراضيه جدا واكيد اطمح للافضل اممممممممم ايش بعد اشياء كثيرة كثييرة والله واحس عيوني متعودة تلقط الجميل والحلو ,,, وبالضبط مر حأستمتع بالفرح الين أجرب الحزن بس هاه مو أجلس سنين حزينه بالكثير أسبوع وبعدها خلاص بيكون حزن سامج خخخخخخخ
مثلا اتذكر يوم ولدت تؤامي صغاااار مرة في الاسبوع 34 وجلسو في الحضانة اسبوعين وكل يوم اروح لهم ارضعهم لكي ان تتخيلي دموعي حالتي النفسية شوقي كل ثانية اني اخذهم معي البيت وامي وزوجي يصبروني ويدعموني وقلبي مؤمن وقتها إن بعد العسر يسرااا والحمدلله صارت الحفلة وطلعوهم بالسلامة الان وحده منهم طلعت له سن واحدة من تت توها والثانية تناديني ممه لكي ان تتخيلي كمية الفرح والطرب والسعاداااااا جد الشكرلله
وأيضا إحدى تفاصيل سعادتي تدويناتك بدون مبالغة لك مكانة في قلبي غيرررر عن الكل ممنونة لك أنا وشكرا شكرا لمخترع الانترنت والكمبيوتر والانستغرام والتويتر والسناب لانهم عرفوني على انسانة مثلك عن طريق هالموجات شششكرا من القلب
كتبت رد طويل بس للاسف طاااار :/ امممم شفتي سعادتك بالي تتابعينهم انا كذا سعادتي فيك (f) يختي مررره افرح لاشفت لك بوست على الانستغرام والله لايحرمنا سوالف هنا ؛)
آوك وقفت قرآءة …
أشوف نفسي سعيدة, خصوصاً اني طالعة من مرحلة ارهاق وشبه مرض, قاعدة استشعر العافية وأحمد ربي كل دقيقة
أشعر إني محظوظة, لما اشوف الناس الي حولي بالواقع ومشاكلهم أحمد ربي وأدعيلهم .. مع إني عندي أحلام كل يوم افكر فيها وأحرم نفسي واسعى من أجلها وللآن ما أشوف اني حصدت مازرعت ولا 10% , بس كلها مسألة وقت بإذن الله , وأهمها دراستي والوظيفه وإحدى المشاريع .. من كم سنة حضرت دورة بسيطة , عن الخطط ورسمها , وأن الإنسان الناجح والطموح هو الي يرسم خطة طويلة المدى أقل شيء العشرة السنوات القادمة .. وهالخطة طبعا قابلة للتغيير مع الوقت .. كل فترة تغيري وتعدلي عليها على حسب الظروف أو التغييرات الي تطرؤ على حياتك. أكمل قراءة ….
بآك , بالنسبة للطاقة الأيجابية والسلبية , حاليا أتابع مسلسل Orange is the new Black قصته عن حياة وحدة بالسجن وحياة السجن بشكل عآم .. المسلسل يوصلي طاقة سلبية عالية جداً جداً , لدرجة بين حلقة وحلقة آفتح اليوتيوب أسمع أغنيتين فرفوشة خصوصا أغاني نانسي عجرم القديمة لأن الاغاني القديمة تحسسني بسعادة , فعلا المسلسل يحمل كمية إكتئاب وجوع وتحرشات تسببلي اختناق عارفين يعيشونا الجو معاهم.
أحد الأشخاص بحياتي أحاول أتجنبه بكل ما أوتيت من قوة , طاقتة سلبية بشكل والله العظيم يصيبني إختناق وشعور بنقص بالأكسجين لما اكمل معاه فقط 10 دقايق لدرجة بعض الأحيان أمسك دمعتي .. شخص فيلسوف , يلبس النظارة ويمسك الكتاب ويتفلسف ويغلط الي قدامة ويتكلم عن إنجازاته وهو فاشل حتى كلمة حب او دعم لأطفاله وزوجته مايقدمها .. عندة تجارب زوجية فاشله رآمي أطفاله منتشرين بكل مكان لايصرف ولا يهتم فيهم لايحترم ولايقدر الي قدامة ماعندة أصدقاء ولا محبين يعتبر الجميع أعداءة وحاقدين عليه .. أكثر من خمسة مشاريع تجارية سابقة فاشلة بحياتة , ودايما يرمي اللوم على غيرة ماعمره قال انا أخطأت انا فشلت , عبارة عن أنسان لو أحسنتي له رح يلومك ويقولك إنتي وإنتي وإنتي .. أفضل حل تجنبة وتجنب هالطاقة السلبية .. لدرجة لو شفته حتى لو تكلمنا بموضوع عام جدا بعيدا عن المشاكل مازالت هالطاقة توصلني وتأذيني.. فعلا في ناس طاقتهم السلبية تسببلي اكتئاب .. اكتئاب حقيقي يعني لو استمر معي هالشعور لأسابيع ممكن لاسمح الله أأذي نفسيي لأنه شعور قوي بالضيقة والإختناق وكره الحياة .. هالشعور يجيني مع شخصين بحياتي فقط , وكلهم سبحان الله يتشاركوا بصفات كثيرة.
كلام خارج الموضوع : مو مجاملة , لكن فعلا من وصفك أشوف أسرتك مثالية .. لدرجة أركز أكثر لما تتكلمي عن اسلوب او كلمة قالها أبوك أو أمك لك بالطفولة, مدحك لأمك الله يرحمها .. أتمنى لما يصيىر عندي بنات ويكبروا يشعروا إتجاهي نفس الشعور .. أبغا نفس الثقة والحب بينهم . ماشاءالله تبارك الله .. الله يديم المحبة بينكم ويديمكم لبعض.
أنا رديت ع موضوعك بالانستقرام قبل مااأقراا التدوينه وبعد الرد قريت كلامك….كنت أقراا واخاف يخلص الكلام من كثر إستمتاعي فيه…أنا كان ردي عن السعادة إنها نسبيه مختلفه من شخص لشخص والإنسان هو نفسه اللي يقدر يسعد نفسه أو العكس ..أنا شخصيه أحب التأمل وأحب أكتشف الناس وأخذ منهم الاأشياء الحلوه وإنت ياارتوس الشخصيه الوحيده اللي تعلمت وتأثرت منها في عالم النت ..أنا ممتنه للعالمم الإفتراضي اللي عرفنا عليك ..وسعيده ومحظوظه بمتابعتي لك ..وبعد مااكملت وخلصت التدوينه فهمت السعادة بشكل أعمق خصوصاااا لما قلتي اللحظات السعيده لمما أخوك يجيبلك الكتكات ههههههه جد جد حسيت بإنوه شعور ومفهوم السعاده عمييق وشعور مو أي يشخص يقدره ويفهمه ..
(بين وبين.
مرّات أمون سعيدة وكل الي ببالي يتحقق ببساطه وسهوله، ومرّات تصير أشياء تنكد وتخرب عليّ.
محد يبقى على حال
قال تعالى: وخلقنا الإنسان في كبد.
الدنيا مرّه لك ومرّه عليك
بس الذكي الي يقدر يسيطر على نفسه ويقلب الشيء السيء لشيء حلو
أهم شيء أنا راضيه بالسعادة والشقاء
كلهم تخليني أجرب وأستفيد وأتعلم. )
حبيت التفاصيل الي ذكريتها
لا أراديا بنص التدوينه أكملت قرائتي وأنز مبتسمه هههههه
تأثير السعادة يمكن ههههههههه
فعلاً فيه ناس مبسوطين بشكل مزعج
وكلشوي يكررون عليك: أنا سعيدة أنا مبسوطه أنا فرحانه
بشطح شوي: مشلكتي ما اقرأ تدويناتك إلا قبل النوم ولمن أبي أعلق يكون مخي مقفل ومتنح وش الحل!! هههههه جد مليت ودي أبربر عليك لكن عيوني تحرقني من فرط النوم هههههههههه
يختي والله نحبك
كوني أنتِ.
قبل :
مرات في قمة السعادة ومرات في قمة التعاسة يعني بين وبين جوي يختلف وعلى حسب الشخص اللي قدامي ..أعتقد العالم يشوفوني حزينة لأني ساد فيس ): بس من داخل مبسوطة ?.
لما قلتي السويد فز قلبي هي البلد اللي أتمنى أعيش فيها -شكلي أحب المثالية – أنت قلتي من الهراء إن [ كُل إنسان قَادر على جَلب كُل ما يَرغب به بمُجرد التَفكير بإيجابية ] أنا أعتقد إنه قادر عليه بالإيمان بالشيء والطموح ويفكر بطرقه الإيجابية والسلبية مش جالس بمكانه ويتمنى ويردد او حتى يدعو بالضبط مثل ما قلتي!! آخر مرة قلت لناس أعرفهم يعني بين الحديث إن الدعاء ماراح يسوي شيء وإنت جالس مكانك كادوا يخرجونني من الملة معاذ الله .. أمي بعد زعلت على كلمتي ? أنا واقعية وتفائلية كيف مدري ?? يعني عارفة إن الوضع مخيس بس أقول إن شاءالله يتحسن الوضع .. المقارنة أتعب كلمة أسمعها في وحدة ناشبة لي من أيام المتوسط الله يصلحها تقول لأختي مين أجمل جسم أنا ولا أختك !? أوك سوي مقارنة بس ليش تسألين أختي؟ قلت أوك نعديها كانت أيام المراهقة بعدها صارت ترسل لي سنابات لحالي من حساب بنت عمتي عجزت أفهمها ومب لازم أفهمها الصراحة! وكلمات المقارنة اللي تقرف لما تنقال مثل أنا وإياك نفس الشخصية لا حبيبتي لا نتشابه خلينا كذا حلوين ✋ بالنسبة للمسامحة أنا أسامح كثير أعدي كم مرة و أتمنى أبتر العلاقة من اللغلوغ بس ماقدر لأن تكون علاقة أقرباء أو أصدقاء يعني عائلتي جدا متسامحة تغلطين على أمي وأبوي مثلا يزعلون منك بس يرجعون يسامحونك بنية طيبة ومايبونك تزعلين أحد أو تزعلين منه أنا شخصيتي صايرة أسوء من قبل أسكت على اللي يغلط علي وأحس بتأنيب ضمير إذا رديت جيناتي مخيسة للأسف ?? أما اللي قالت ماتخافين ليون يموت -إسم الله عليه ربي يخليه لك- ? على طاري الموسيقى في حركة نسويها أنا وإخواني وقت الزحمة والفضاوة دايم نشغل موسيقى على أي اغنية على أشكال اللي يمشون بالشارع أو اللي بسياراتهم ونألف لهم قصة ? ونتخيل هذا حزين وهذا مبسوط وهذا متأخر وهذا زوجته مهاوشته لما نوصل هذا حالنا.. الرياضة + الموسيقى .. وقفت الرياضة وإن شاءالله نرجع وبقوة ? الموسيقى مستحيل توقف وأحب لما أحد يعلمني بأغنية جديدة أو ألقاها بالغلط معدل السعادة عندي يرتفع لا إراديا.. خواتي الصغيرات يتعلمون الرقص من اليوتيوب تشوفيني معهم يوميا أشجعهم على الإستمرار ماقدرنا نسوي رياضة نرقص .. شوفي في الدورة الشهرية عادي أصير منفسة ومابي أحد يتنفس جنبي وأصواتهم عالية أحسهم يتكلمون داخل راسي ?? أدري كلامي لحاله تدوينة بس .. هذا بعد :
السعادة تجي في أشياء بسيطة ممكن نعتبرها روتينية بس هي تسبب حزن لو فقدتيها أحب أعيش مشاعري بكل مافيها مبسوطة أوك راح انبسط من كل قلبي حزينة راح أحزن من كل قلبي وزي ماقلت قبل بدقيقة وحدة يتيغير مودي
بوقف قراءة وبجاوبك
انا ما اصنف نفسي سعيدة ولا شقية الانسان الطبيعي تجي فترات الدنيا مش سيعاه واحيانا يتضايق ويحزن من ابسط الاشياء هادي الطبيعة الي ربي خلقنا فيها
برجع اكمل ?
تسلم الايادي الي كتبت حسيت بسعادة وانا اقرا
ارتوس تذكري لمن حطيتي سؤال هل انتي راضية عن نفسك! هذاك اليوم قلت لك اني راضية عن نفسي تمام الرضى بغض النظر عن اي شيء خارجي انا مع نفسي ولنفسي راضية وسعيدة بنفسي اطمح اني اطور واحقق اشياء كثيرة بس في نفس الوقت ماعندي مشكلة في قلبي ونفسي عايشة سلام وحب تجي ايام الواحد يزعل يتضايق ويغضب بس مايصنف نفسو انه تعيس ولا سعيد دائماً انا كدا اطلع وانزل
الناس اللي بداخلها سلام تشوف السعادة في ابسط الاشياء والناس اللي جواتها غل وغضب يتذمرو من ابسط الاشياء الحر وغيره انا ايام ماتخرجت من الثانوية وجلست في البيت الكل ينظر لي نظرة الشفقة ويحرام عاطلة مع اني كنت سعيدة جدا جدا حقيقي اقولك لدرجة وحدة قالت لي انا شايلة همك ? هم ايه ياعمي بجد انا كنت متحمسة وفيني طاقة عجيبة للمستقبل كنت اشوف الصورة الكبيرة والي حولي حولي يشوفون مستقبلي من زاوية وحدة!! خليني اقولك ايش الاشياء الي تسعدني زي ماانتي شركتينا الاشياء اللي تسعدك
هرمون السعادة يرتفع عندي اذا دخلت على ماما وبابا وشوفتهم منهمكين ضحك وسوالف واسرار حقيقي قلبي ينشرح
لمن اصحى من النوم وابدا طقوس العناية بنفسي مع انو البعض ممكن يشوفها روتين لكن بالنسبة لي لحظات سعادة اجدد فيها بين فترا وفترا لمن احاول استعير منتج من دولاب اختي وفجأة تفتح الباب وتكشفني احنا عادي نستعير من بعض بس لازم المشاكسة شوية احس بسعادة لو دخلت المطبخ وسويت حتى لو شي بسيط قوب قهوة انا اعشق القهوة مع الموسيقى وتصفح الميديا يومياً هادي ساعة يومياً طبعاً المواقع الي تفتح النفس زي مدونتك ? والتواصل مع الناس الي بيني وبينهم اميال لكن التقنية قربتنا
احس بسعادة اني اعرف ربي حقيقي احينا اشوف تصرفات من اشخاص اقول في قلبي مستحيل فلان حيسوي كذا لو كان يعرف ربي زي ماانا اعرفه واحبه بجد شعوري تجاه خالقي من اسباب سعادتي هي مشاعر ماتوصف من جمالها الحمدلله غالباً اشوف سعادتي في العمق في اشياء ماتظهر للناس عشان كدا احمد ربي واشكره
الله يديم عليك السعادة ارتوسة ويارب 2016 سنة سعيدة كما تحبين
❤❤❤❤
ارتوس نفسي أشوفك بجد ياخي اكثر وحده ودي اقابلها اكثر مين نجمات هوليود ههههه فيكي سحر عجييب
اصنف نفسي تعيسة ..
السبب ، مدري في اسباب كثيرة
احس اني وحيدة لان ماعندي أخوات
امي جدية جدداً و متحفظة و عندها حدود في كل شي .
نشأت على عيب تتكلمين بكذا و كذا ، و مسكت معاي هالشغله
بالرغم اني دخلت الـ 20 الا اني مااقدر افصح لامي بأشياء كثييرة تصير لي و احتاج افضفض او اقولها لأحد ..
صديقاتي نوعاً ما بعد الثانوي علاقتي معاهم صارت ضعيفة جداً
بحكم دوامهم و الدراسة بالجامعه ، وحده قالت لي مره انتي فاضية تسولفين لانك ماانقبلتي بالجامعه و تحسبين كل الناس مثلك ما وراهم شي !
اضافة الى المشاكل العائلية و مشاكل الاقارب .
‘،
ردي قبل مااكمل قراءة ???
الحمد لله على كل حال اولاً واخراً
طبعاً مستحيل تكون هناك سعاده دائمه وشقاء دائم
بس المشكله في تفكير الناس ومدى تقبلهم وقناعتهم بحياتهم فيه ناس سلبيه مستحيل انها تشوف حياتها حلوه هاذي راح تصنف نفسها انها غير سعيده طبعاً
انا مريت بمواقف تعلمت منها وتأكدت انه السعاده في الصحه والعافيه والقناعه التامه باللي ربي رزقني
راح اكمل قراءة الموضوع وارجع ارد عليك?
اول مره احس اني اخالفك بهالرأي
كثير ناس مَروا علي بالحياة كانوا أكثر قُرب مِن الله وَ مع ذلك يميلون للإكتئاب وَ العُزلة رغم شِدة إيمانهم
هالناس ايمانهم بالله كان مجرد عاده
او لان اهلهم مؤمنين
ماكان ايمانهم حاله خاصه فيهم ،،
وبالنسبه لجوابي قبل ما اقرأ صنفت نفسي سعيده رغم بعض الظروف اللي ماتعجبني وتشغلني الحمدلله
اما بعد ما قريت كلامك صرت اكثر سعاده
ذكرتيني بالتفاصيل الصغيره الحلوه
وخليتيني افكر كيف ممكن اغير جو مو حلو لسعيد مثل ماسويتي بالسياره
صار لي فتره اجمع نكت وكل خميس اقولها لابوي
صار الحين كل مايشوفني يقولي عندك نكته ?
وعندي تعليق عالاغاني
الاغاني اذا شغلتنا عن طاعه او كان كلامها قليل ادب هي الحرام
الله يقول ( والذين هم عن اللغو معرضون )
اللغو كل كلام فاضي
اذا انا الاغاني تعدل مزاجي مو حرام
واذا هي بتصلح بيني وبين زوجي مو حرام
واذا راح تعبر عن مشاعري لطفلي او امي او او اللي ماعرفت اعبرلهم
مو حرام
الدين جاء عشان نكون سعداء خربوا ديننا ?
المهم ان ماشاء الله الردود كثير واضطريت لنزل تحت كثير عشان ارد
رهيبه كيف كلامك حلو ويؤثر علينا وكله تأثير ايجابي وعملي
هل اصنف نفسي سعيده او تعيسه ؟
طبعا سعيده لسبب ان مع كل الاحداث المؤلمه اللي مريت فيها من فقدان ابوي بالمراهقه وامي وانا صغيره وخالي السنه اللي فاتت وجدي قبل اسبوع الا اني اجد نفسي سعيده ! مو السعاده الغباء والسذاجه لا! سعاده السلام الداخلي والرضا بكل شي ، انا وجهي مبتسم خلقة ، صحباتي يصنفوني اني ايجابيه بس انا اقول لا اوكي شوي بس لابد من السلبيه لا تخلوني اعيش شي مو فيني ، لاني اذا تحلطمت او جتني كتله سلبيه يستغربون مره ! طيب مين لاعب عليكم وقال اني ايجابيه كون اني اضحك ومبسوطه ومليانه حياه ودراستي ماشيه زي العسل مايعني ان حياتي خاليه من اي سلبيه .
ممتنه كثييييييييير لاهلي اهتمامهم احبه ، خوفهم علي احبه ، يكفي لما اكون حزينه على طول السؤال وش مضايقك ! تبين تطلعين ! وش اجيب لك معاي ! مشتهيه شي! هذي التفاصيل احبه واقدره
ممتنه لاختي اللي هي بمثابه امي وصديقتي بيننا فارق عمري كبير ،بس ابد ماحسيت ان فيه فارق لدرجه اعجز اني اشاركه افكاري ، ممتنه لكل احفادنا اللي كلهم اكبر مني اهتمامهم فيني يخليني احمد ربي عليهم ، ممتنه لجدتي اللي كل ماشفتها تعطيني حضن دافي ودعوات بحجم السماء ، ممتنه لكل صحباتي اللي لما احتاجهم احصلهم مهما كانت الظروف .
* السنه هذي ماسويت ولا خطط ولا اهداف وطلعت سنه حلوه علي الحمدلله *
* وكدا خلص البريك حق المذاكره ونرجع ندرس^_^*
تصدقي بداية معرفتي فيك كنت بوقتها بقمة حزني وكآبتي اول ماعرفتك عن طريق مدونتك بشمواه الجزء الثاني بوقتها ماكنت مسجله بالموقع وسجلت مخصوص عشان اقدر ادخل اقرأ مواضيعك وانا اقرأ والله العظيم كنت احس بسعاااده وامل بحياتي بعدها اضفتك بالانستا كان ببداية الحساب الثاني بعد مامسحتي حسابك الاول ونزلتي بوست فيديو لما مسحتي الحساااب الاول يا أني تحطممممت لاني مالحقت عليه وحسيت فاتتني معلووووومااااات انا محتاجتها والله لو اقولك وقتها لما ابكي من قللللب ادخل اقرأ بوستاتك ويجيني احسااااس بالسعاده والتفاؤل وكنت استمتع مررره لما انتظرك تنزلي سحورك برمضان الموهم الحمدلله بعد معااااااناااااة اشهر ربي اكرمني بالفرج والسعاده والراحة بيوووم واااحد كل شيء تحقق بحياااتي والحين احمد ربي على كثر المعاااناه اللي عشتها بوقتها الا الحمدلله اللي نساااني احزااني وعوضني ربي حالياً اوقات ارجع اقرأ بوستاتك القديمة اتذكر لحظة الامل اللي كنت اشوفه فيها ويمكن تلاحظي اغلب ردودي علييك ادعي لك بالسعاااده لانك كنتي يوم من الايام سبب لسعادتي بعد رب العالمين اما بفترة مراهقتي وقتها ماكنت سعيده السعااده الفعليه بالرغم كان كل شيء متوفر عندي ومرفهه بس ماادري ليه ماكنت وقتها سعيده اشوف نفسي كل مااكبر بالعمر اتذوق طعم الحياه اكثر واقدر اللحظه اللي اعيشها واحاول اسعد نفسي كثر ماااقدر وخصوصاً لما اسعد اللي حولي يمكن ماتصدقي هالشيء اذا قلت لك انو اوقات اشتري هدايا بغير مناااسبه واهديها امي او اي احد عزيز علي واشعر بالسعااااده ضعف ضعف اللي اهديته
يسعدلي صباحج ،،
ببدي ع طول ( ترى مو شاطره بالمقدمات هع )
تصدقين اول ماقريت السؤال بالانستا سألت نفسي ؟ ومالقيت اجابه ، لان ولا مره طرى عبالي اشوف نفسي سعيده او حزينه ، مع ان اذا مر علي شي يسعدني قد ماقدر اخلي نفسي تستوعب الشغله اللي فرحتني وغالباً اعبر عن سعادتي بالرقص الهبال ههههه ( ان شاء الله فهمتي الرقص اللي ع هبال ) ودائماً مااعطي الحزن وقته ولا اعطيه اهميه ، اتوقع هذا السبب اللي مايخليني اسأل نفسي ، مو لاني سعيده دائماً ولا اني مثاليه وادعي الفرح بس فعلاً الحزن نهائي مااعطيه من وقتي لو ثانيه حتى ان الضيقه و العصبيه بسرعه تروح بنفس الثانيه يمكن لان عودت عقلي مايفكر باشياء تضايقه او اشياء تثير غضبي ، دائما كلمتي لنفسي ان استحق اكثر ونفسي تستحق اكثر مستحيل اتعبها مو لاني اشوف الحياه من زاويه ثانيه او متفائله بالحياه لا نهائي بس مفهومي للحياه والسعاده غير ، يعني لما اسوي شغله احط بالي المساوء قبل المحاسن للشغله هذي بس بنفس الوقت مستحيل اسوي شغله لو 10% فيها سلبيات لان عارفه قدرات نفسي فعشان جذي اغلب اهدافي ماانجزتها ، ماوصلت لمرحلة اللي فعلاً اسميها سعااااداا ، اتوقع راح اوصل لها لما احقق هدف بحياتي واحد بس الى الان مااشوف اني حتى وصلت ربعه بس باعتقادي اني لما احققه راح اكوون سعيده بمعنى الكلمه لدرجة ابجي من قوة الفرحه والسعاده ، بس بنفس الوقت ماشوف نفسي حزينه بس ماحس نفسي سعيده ممكن البعض لما يشوف حياتي واسلوبي وطريقتي بالحياه يقولون انتي اصلاً ماتعرفين الا السعاده ، بس انا مفهومي للسعاده غير ، السعاده عندي انجاز هدف يكون في يوم من الايام كان مستحيل والان انجزته وحققته هذا مفهومي شي يخص التطور الذاتي لان لما انجز شي كان مستحيل هذا دليل ان تطورت ذاتياً هذي سعاده ? ، الحمد لله ع حياتي وعلى كل شي ، حتى لو اشوفه جزء من السعاده مو السعاااداا ، باختصار السعااادا مفهومها كبير ومن شخص لشخص تختلف ، وممكن بالمستقبل يتغير مفهومي ??، ممممم وفيه كلام بعيد عن السعاده كنت بقوله بس بمحور الموضوع اللي طرحتيه بس عيوني سكرت وصار وقت نومي ?? G.N ?
المفروض إني منسدحة بنام وكنت شايفة إنك منزلة تدوينة من الانستقرام بس الصراحة تعيجزت أدخل ??
دخلت تويتر وشفت الرابط ولأن الموضوع شدني على طول دخلت
جوابي على سؤالك :
سعيدة بس ممكن قبل كم سنة أجاوبك بإني سعيدة جدا جدا جدا
ممكن تأثير كل مرحلة عمرية تختلف عن الثانية !
كنت أحب فيني الروح المرحة الاجتماعية ..
مازالت فيني لكن ماهي بنشاط أول
رغم إني ما أزال أعتبر صغيرة سن
لكن الحمدلله لسى في أشياء كثير تسعدني وأحبها
مو حزينة قد ما أنا متمللة من روتيني ..
مو عارفة أحدد أهداف عشان أوصل لها وأشتغل عليها
حاسة إني لسى ما اكتشفت نفسي وقدراتي ..
حزينة لأني ما حسيت إني سويت إنجاز عظيم بحياتي
نفسي أنجز شيء بس مو عارفة أحدده ?
يعني بالعربي : ( أنا ضايعة بالطوشة مو قادرة أعرف إيش أبغى )
بالنسبة لسؤالك..الحمدلله سعيدة الى حدٍ ما ..
الاسباب ..مادري انا حساويه و كثير يقلون الحساويين مريحين ىاسهم من مشاكل الدنيا ههههههه
لا امزح..لكن تفاصيل صغيره تخليني سعيده صباح الخير من ابوي ..بوسة بنتي المفاجئة..سنكرس يجببه زوجي بدون ما اوصيه ..و عايشين زحمة نِعم..من اهمها عيالي ..الحمدلله
وانتِ كعادتك كلماتك تغمرنا باالسعادة وتنور بصرنا ..
وبصيرتنا ، الحياة جهاد .. ابتلأت .. محن .. نعم ..
” لقد خلقنا الأنسان في كبد ” الأنسان لازم يصبر
ويشكر .. ولايستسلم .. يدعم نفسه .. بنفسه .. باالأصرار
والعزيمه يقدر يسعد نفسه .. ويصلح من حاله .. ?
اول مره اكتب + اعلق بمدونتك ?
كنت متردده بس يوم قلتي اقراء كل الردود تحمست شوي
تصدقين اول مابديت اقراء مدونتك قلت اصنف نفسي تعيسه
بعدين دورت الشي اللي اقدر اقول اني تعيسه علشانه مالقيت
الا سبب بسيط اني برتبط بأنسان ماني مقتنعه فيه هو شخص كويس
بس يمكن انا اللي مو كويسه لان سببي يعتبر سطحي وهو( الطول )
هو يصير طولي بالضبط وانا طولي ١٦٥ ماني متخيله كيف بعيش معه
احس حتى انوثتي بتروح والكعب ماراح البسه هههههه اوكي ترى صدق حزينه والسبب يحزن
المهم اتعس ايام امر فيها هي قبل الدوره بيومين كلها نكد ودموع الهرمونات شاده حيلها
وبس بعد ماخلصت التدوينه اعتبر نفسي انسانه سعيده وسعيده جدا بعد
* ثرثره
الحمممدلله اعتبر نفسي الي حد ما سعيدة اكيدد حياه الانسان بين وبين بس قناعتي دايم مافيه عسر الا معاه يسر حتي لو مر علي حزن والم بكون مقتنعه جواتي بيعدي وينتهي وطبعي محب اكون سلبيه واعرف اطلع نفسي من اي مود حزين واصنع سعادتي اكيد فيه ظروف اقوا مني تمر علي زي فقد انسان عزيز وقتها اعطي نفسي فرصه تعيش حزنها مضغط عليها بتمثيل السعادة بس مسمح لها تاخذ اكثر من حقها بالحزن وافرغ حزني دايم بشغل يدي نحت او رسم بعدها ارتاح ،
بعد قراءة التدوينة ،
جميله روحك احب الروح المعطاءة ? والي ماجرب لذه العطاء مذاق طعم السعادة ، وآه الجنون والتجارب الجديدة طلعه مدينه العاب مو مخطط لها تبسطني شهرر مشوار للبحر في الليل وسط الاسبوع يخليني رايقه اسبوع حتي لو خرب كل نظامي ? دايم اهتم بتفاصيل السعاده الصغيره قطعه شوكلت كوب قهوه اغنيه احبها لانها تحلي يومي وسط زحمه مهام اليوم الطويله ? اما حكايه فكر تحقق الي تبيه المضحك مسمينه قانون الجذب ? جات فتره اطلعت عليه من الفضول وطلع هرج فاضي لو قالو خطط ونفذ واكدح تحصل الي تبيه افضل من هرجهم الكثيررر خساره وقتي الي ضاع في كتاب السر حقهم?
المقارنين اكثر ناس تعيسه ونهايه المقارنة بجد قلب اسود مايشوف نعم حياته ? والمشكله كثرت المقارنة مع السوشيال ميديا انفجع من كميه الحسد في التعليقات في الانستا ? الله يطهر قلوبهم ،
والله يديم نعمه الكثيره علي وعليكم ويكتب السعاده وراحه البال لكل انسان ?
يخي قد ايش كلامك شيق ومم ينمل
لو ظليت ساعات أقرأ وأقرأ أحس انو ودي بأكثر
وكل ما بدأت بموضوع من مواضيعك أقرآه ع مهل
وحرف حرف مم ودي انو يخلص
انتي زي الإدمانن والله?.
قبل القراءة
خليني انصف نفسي وأقول بين وبين السعادة وبصراحة وسط هالعالم العاربي اللي مليان خراب صرت أقول سعيدة اني ببيت يضمني انام مرتاحة بصحة وعافية بين أهلي ولاادعي المثالية بس جد هذا اللي اشوف يعني الانسان تتسع نظرته اكثر كل ماتأمل أحوال الكون ومجرياته وبنفس الوقت أحس سعادتي ناقصة أسعى لهدف كبير وباقي لي كثييير على بال مااوصل له بالنسبة للشقاء مستحيل تكون الحياة خالية منها بس يختلف طريقة تعاطي الشخص معه فيه بالنسبة لي ماأحبه ولااواطنه وان كان قوي علي رحت نمت صح اني المفترض اعطيه حقه من الوقت بس نفسيتي تسوء زيادة اذا عشته بكل تفاصيله بعكس السعادة اللي متمثلة لي بأشياء صغيرة تبسطني وتسعدني
بعد القراءة
اول شي الله يديم سعادتك يارب ويبعد عنك الشقاء ويارب تكونين بكرا تقدرين تتحكمين بغضبك عاد الدورة الشهرية بدعي لك وبدعي لنفسي ههههههههه الهرمونات تلعب بالحسبة وبخصوص كتب تطوير الذات كنت مدمنة عليها ومن كتاب لكتاب وكلها تدور حول محور واحد وان اختلف المجتوى ولازيادة ولانقصان الانسان اذا بغى التغيير ينوي داخله ويتحدى وبس.. هاليومين طلعوا لنا حقين علم الطاقة كلن يدلي بدلوه اللي تقول لك اجذبي طاقة المال والا طاقة السفر وهي كلها خرابيط
بالنسبة للتشاؤم تصدقين مرة قريت دراسة ان المتشائمين هم أطول عمر خليني مااقول عنها تشاؤم انما تفاؤل مربوط بالحذر هذي انا ..مافيني اقدم على شيء كبير بدون مااعرف وش بتكون نتايجه بعدين
الرياضة صادقة والله يالها تأثير كبيييير على مزاجي أحيانا أكون زعلانة ولااقدر انام تلقيني اركض عاد كم ساعة على حسب تحمل سيقاني ودايم أقول لأي وحدة تقول لي ملل قومي اركضي ارقصي سبحان الله كانه شي كبير راح من الجسم والروح زي الخزان لاصار اول مليان همن فضى >>>اهم شي التشبيه
أغبطك على ليون ههههههههه لي ثلاث سنوات أحاول اقنع اهلي ب هريرة صغيرونة بس ماش الله يخليه لك يارب ويطول بعمره ويختير قدام عويناتك
نرجع لمحور حديثنا
ممم بعد ماقريت التدوينة تقل صحصحت نتفق بكثير من النقاط ولو اني صايرة هاليومين مراعية لكلام الناس مو عشاني بس لأجل امي ماتتضايق مشكلتي احب اعاكس العادات والتقاليد فيني حماسة مو طبيعية له
بقول لك شغلة اول ماكنت معطاءة ابببد ماكان يهمني بس حبيته منك وربك حتى وان كان شي صغير او معلومة يسعدني احس اني قطعت مشوار طويل خصوصا اني كانت كافة خيري وشري ومن باب من لايشكر الناس لايشكر الله لك اعظم عظيييم الشكر اللي نميتي هالشي وهو كان خامل من جد مافي لذة زي لذة العطاء
احس اني طولت مابي اخذ مساحة واسوي زحمة ومن هذا المنبر أقول لك اني أحبك حبا جما>>>قلوب وفيس مستحي
صباح الورد والحب والجمال والسعاده❤️
هاذي حالتي بعد ماقرأت التدوينه احس اني اسبح في السعاده انتي ياارتوس احد اسباب السعاده في حياتي?
يالله لما قرأت كلامك عن اهلك دمعت عيوني لاني اقدس العلاقات العائليه الله يخليهم لك ويخليلي اهلي ❤️
والله يرحم امي وامك ويسكنهم فسيح جناته
يويلي ويلاه عبالي ان تعليقي من الاوائل.. الحمدلله راضيه بحياتي ومبسوطه.. افرح واحزن وابكي واشيل هم لكن احب حياتي واحب عيلتي .. مافيه سعاده دائمة السعيد الي تجاوز حزنه وهمه بأقل الاضرار والي نظرته للناس متوسطة وللحياة متفائلة .. والحمدلله على كل حال .. مافي سعادة ابدية الا بالجنة ياااالله الجنه ?…
يس سعيدهه
امممم
مااحب الحزن ومااركز فيه وانسى بسرعه
واللي مخليني سعيده
في بيبي ببطني انتظررررره بفارغ الصبر
??????
جوابي المبدئي بين وبين بس احس اني اميل للسعاده والتفاؤل اكثر هذا بشكل عام لحياتي .. بس اذا بتكلم عن هالفتره صراحه احس اني اميل للحزن مش التعاسه انا بطبيعتي مااقدر اجمع بين كذا شي بنفس الوقت .. احب اهتم بنفسي وبأطفالي وببيتي ومطبخي بس واكون رايقه بس العمل المنزلي اليومي ياخذ كل طاقتي واصير معصبه طول الوقت .. طبعاً كتبت هالكلام بشوف انا لوحدي اللي اكره شغل البيت والا في احد مثلي.. أكيد مو هذا سبب حزني بس بعض الأمور اذا جات مع بعضها تفقدك السيطره على زمام الامور..برجع اكمل قراءه وارجع لو حسيت اني ابي اضيف شي..
خلصت وقريت وعشت معاك كل شي .. الله يرحم امك ويخليلك احبابك وعايلتك ويتمم عليكم هالحب والتلاحم الاسري .. بخصوص الغضب عندنا وعندك خير تعبيري عن الغضب مبالغ فيه احياناً وكذلك الدوره تعفس مزاجي لدرجة ودي اقفل علي بغرفتي تجنباً لاني اصرخ على اطفالي بدون مبرر وبعدها اضطر اعتذر لهم لانهم ماغلطو بس انا فاقده التحكم بلساني ????.. الله يسعد قلبك ❤️
يامية هلا باحلى ارتوس..قريت التدوينه وماودي انها تخلص?..حياتي مجملا الحمدالله سعيده وراضيه عن حياتي بس بعض الاحيان لابد يحصل شي ويغير مزاجي يعني اقدر اقلك مابين وبين يعني مثلا اذا حصل قدامي موقف تتأثر فيه نفسيتي على طول ومودي يقلب 180 درجه
صباح النور والسرور .. أصف نفسي مابين وبين لاكن الأقرب إلى التعاسه .لأسباب واتمنى من الله العلي القدير أن اجتازهها وسبب بعدي عن وأحلام دايم ببر هما والقرب منهم
امممم صراحة قريت وماكنت بعلق ع الموضوع حسيت بببرود بداخلي ماعرف وش اصنف نفسي بس اتوقع بين وبين لما افكر بالي اسوأ مني احمد الله ع الصحه والعافيه والامان بس احيانا اكتئب من لاشي وانشاءالله احقق اهدافي ان كان لي خيره فيها واشياء الي تسبب لي سعاده هي سماع الميوزك او مشاهده الافلام تغير مودي تماما واعيش معاهم و شراء الميكب هذا الي يطفرني هههه بس اكره فيني الجمود الي فيني كثيير يقولن نتمنى نشوفك فرحانه انا افرح بس مايبين على شكلي او حتى حزن على حدث اوشي حتى بكاء ماابكي ياخي شي غريب بس انشاءالله اتعافى منه وصراحة يا ارتوس كثثير اهتم بتدويناتك انتي بحدك نعمه علينا صدق انتي سحر كمية التفاعل ماقد شفتها عند غيرك واغبطك ماشاءالله على محبينك ومتابعينك وتعليقاتهم الحلوة لك الله يديم عليك الفرح والسعاة ??
هلا والله ب أرتوس ?
بالنسبه لسؤالك
نعم بفضل من الله أعتبر نفسي سعيده
و السبب
لأن السعاده بالنسبه لي ( ردة فعل ) تُثار بأشياء بسيطه ، أحياناً فنجان قهوه مع حبايب قلبي ، يخليني أسعد وحده?
موسيقة ساكسفون في ليله قمريه ، تخليني سعيده جداً .?
لمن أتذكر إني في وطنّ يَعمّ عليه الأمن و الأمان ، أكون سعيده
و الخ من اللحظات و النِعم اللي أنعمها الله علينا و تستحق منا الشكر
.
.
و طبعاً مافي غِنى عن الماديات اللي تِسعدني مثل السفر و الهدايا ، بس صِدقاً غيابها لايعني إني غير سعيده !
السعاده مثل ما قلت لك هي نتيجه لمفهومنا عن السعاده ، و تعريفنا لمقومات السعاده بالنسبه لنا ؟!
مقومات السعاده بالنسبه لي !
-تتشكل في اللحظات الجميله مع الحبايب
-صحه أتمتع فيها الحمدلله
-نجاح خُطه ل ٣ أشهر قادمه
-هدايا
– تحقيق هدف
في الغالب هي أشياء معنوية تصنع لي السعاده ، فطالما السعاده هي شعور اذاً أقوى غذاء لها هي الأشياء المعنويه !
………………..
بالنسبه لرأيك حول تطوير الذات
هذا عِلْم لا يُستهان به ، و أتفق معاك في كَثرة الدجالين و مُدعيّن المعرفه في هذا المجال ، لكن هذا لا يعني أنه مجال غير حقيقي أو يَصْنَع الوهم !
هو مثل العلوم المُختلفه ، لتحصل على نتيجه لابد أن تكون عندك معرفه فيه ! ?
ف مثلاً بخترع مِصباح لابد ان أعرف كيف تعمل الكهرباء !
عشان أصنع لي حياه أريدها لابد أن أتعرف على جوانب ذاتي ، وكيف يعمل عقلي و ماهي معتقداتي تجاه مفاهيم الحياه !
وهذي عشان أعرفها لابد أن أقرأ و أتعلم من أصحاب الخبره !
الفائده من هذا العلم هو (رفع مستوى الحياه) ، و مُتلقيّ العلم لابد أنه يكون فطين و يعرف جيداً لمين يقرأ ومن مين يتعلم !
أمّا مقولتك اللي ذكرتيها ، هذي لا تمت لعلم التطوير و التغيير في صِله و هي للاسف من القشور اللي إنتشرت عن هالعلم ، طبيعي ان لاشي يحدث بدون سبب!
مريم عليها السلام ، لمن جأتها الآم المُخاض ، قال لها الله ،. ( هُزي بِجِذْع النخله ) وهذا يعني لا تتحقق الأهداف بدون تخطيط و سعيّ ، واللي يقول غير كذا ، هذا ما يمثل علم تطوير الذات
.
و بالنسبه ل ديل كارنيجي صحيح مات مُنتحر ، لكن هذا لا يقلل من أهمية ولمصداقية هذا العلم
و لو كان المكان المُناسب لذكرت لك أكثر عن تطوير الذات الحقيقي وماهيته ، و حقيقة قانون الجذب و علم الطاقه ومدى مصداقيتهم !
و أنا أتكلم من خبرتي في التَعلم و الدراسه من عدة مدارس عربيه و أجنبيه في هالمجال .
و أخيراً .?
اللي بيشوف مجهوداتك وكيف انتي تبذلين من وقتك وجهدك لتدوين ، المفروض مايستغرب ليش انتي سعيده
دائماً المجد و السعاده لا تُمنح إلا للواضحين في أهدافهم و المجتهدين على حياتهم ?
و الله يجعلنا دائماً سُعداء في الدنيا و الآخره ?
و أحبك ?
صباح الخير
اولا اشوف نفسي سعيدة جدا صح ساعات نزعل بس زعلي ما يدوم
اما عن اسباب السعادة
اولها اني ما اقارن حياتي بشخص ثاني
وثانيها قلة اجتماعي بالناس
وثالثها صحباتي اي جد صحباتي احسهم عالم ثاني بالنسبة ليا بس ينعدون على اليد مو اي شخص
رابعها جنوني وعدم اهتمامي باي شي
واهلي ووجودهم اهم شي
اما عن لحظات الغضب والزعل ما تطول بس احيانا تنتهي بزعل شخص مني
ايسكريم ومراية تكفي عشان انبسط ثاني
وبس ♥
يسعد صباحك آرتوس♡
انا اصنف حالي بين وبين
بعد زواجي تغيرت حياتي واحلامي كنت ع وشك اطلع اكمل ماستر والتغت بعثتي كون زوجي عسكري ، بحثت عن وظائف ماحصلت معدلي عالي وتخصصي علوم حاسب لكن الواسطة ضيعت حقي قصر المادة سبب تعاستي حامل بنهاية الشهر الثامن مااشتريت لبنوتي ولا قطعة ولاجهزت انتظر الله يفرجها قصر المادة في مجتمعي زاد همي هم فوق حاجتي تعليقاتهم اللي ماترحم حتى وظائف عن بعد ماحصلت عجز المادة يخنقني واكثر شي اني م اقدر افضفض حتى لخواتي بحاجتي المادية
بالمقابل انا سعيدة لاني بكون ام بعد شهر
سعيدة بزوجي اللي لو معه ريال قسمه بيني وبينه وبمشاعر الحب اللي تملى بيتي وممكن شي غريب يشعرني بالسعادة اللي هو بيتي على انه قديم لكن من ادخله اشعر بالسعادة سعيدة بصدارة الهلال هالموسم
بالأخير الحياة مثل ماقلتي لازم نذوق المر عشان نميز طعم الحلا
شكرا شكرا آرتوس عطيتني جرعة سعادة على هالصباح وخليتي بسمتي تشق وجهي ??????
فَضلاً : [ وَ قفوا قراءة وَ أكتبوا جَوابكم ، وَ أنسخوه ، وَ مِن ثُم كملوا قراءة التَدوينة ، وَ بحال تَغير كلامكم أضيفوا رَدكم قبل وَ بعد ]
بَكون مُمتنة مِن قلبي لو طَبقتوا إللي قَلته .. >> وقفت قراءتي لكلامك عند هذا الحد ورح ارد قبل اكمل الباقي
رأيي قبل قراءه المدونة ..
أنا اشوف ان الانسان يستحق السعادة .. مع ان الانسان عارف وربي وضح في كتابه انه رح يخلق في كبد ..هذا شيء طبيعي وهذي سنة الحياه
لكن قرار السعادة الانسان نفسه هو اللي يتخذه
يقدر يقرر يصحى كل يوم سعيد ويرسم ع وجهه ابتسامه
لما يمر الشخص بأزمه بحياته .. عنده خيارين
اما انه يظل تعيس طول عمره
او يختار ( وهو القرار الأصعب ) أنه يبني نفسه من تحت الركام ويصحى من جديد
انا اصحى كل يوم ممتنه اني عشت لحد الحين ❤️
ممتنه لوجودي بالحياه وومتنه لأهلي ..عائلتي واحبابي ❤️
ممتنه اني استفيد منك وومتنه اني عرفتك ❤️
ممتنه اني اعمل ❤️
وممتنه اني اشوف نفسي سعيده ❤️
ممتنه انو بيوم من الايام كان عندي قطوه (آليس) حبيتها وتعلقت فيها وللحين اتذكر مواقفي معها ❤️❤️❤️
مع انها تمر ايام علي انفس ع العالم ههههههه بس اطلع من مودي بالميوزك والرقص والرياضه والتركش كوفي احيانا ^-^
او بالطريقه اللي تناسب انزعاجي
مع العلم ان صداقاتي مو كثيره يعني الأشخاص المقربين لي قليلين لكن العبرة مش بالعدد اكيد
:
هذا رأيي باختصار (قبل قراءه المدونه)
صباح السعادة
ردي بالانستا كان وقبل القراءة ” في الفترة ديه الحمدلله متصالحة جدا مع نفسي والشي ده معطيني سعادة ربي يديمها نعمة وبالعموم اعتبر حياتي سعيدة وممتعه ”
وردي بعد ماقرأت نفس الشي
لان زي ماقلتي مفهومي للسعادة مو معناه مبسوطة طول وقتي لا بتجي لحظات ويكون مودي مو اوكي بس العموم حياتي حلوة ورايقة الحمدلله
ممتنه اني بنت اهلي
ممتنه بثقة اهلي لي اهلي يثقو في كثير حتى اكثر من اخواني الاولاد
ابويه الله يرحمه كان من ثقته في لو غلطت انا واخوية نفس الغلط مايقبله مني لكن يتقبله من اخوية ويقولي انتي ماتغلطي كده انتي اعقل
بجد مبسوطة اني بنت السعودية واني اتولدت فيها ودايما احمد ربي عالشي ده
ممتنه اني عمري ماحسيت بالحاجة
ممتنه على راحة البال
واشياء كثير مو جاية على بالي دحين الحمدلله عليها دايما وابدا
سعادتي ممكن تكون في
القراءة لو ايش مايكون مودي سيء غالبا القراءة تنسيني وادخل بعالم ثاني معاها مو شرط شي علمي ممكن رواية ممكن حتى المدونات قراءة مواضيع خفيفة القراءة شي له طعم خاص بحياتي
وفي حال قرات رواية ممنوع عندي مهما كانت الرواية حلوة اقرأ رواية مودها حزين لان بتقلب مودي وانا ما احب كده انا اتكلم هنا عن مود الرواية كاملة مااتكلم عن مواقف حزينة لان طبيعي يكون في موقف حزين
ده الشي برضه ينطبق على الافلام ما احب اشوف فيلم مهما كان حلو وموده حزين اش اللي بوجع القلب انا اتفرجت او قرات ابا انبسط
المقارنة موعندي وده شي الحمدلله كسبته من اهلي مافي شي اسمه اش معنى فلان عنده وانا لا واصلا ما احب اراقب الناس صراحة الله يعينهم اللي يراقبو الناس شي جدا متعب نفسيا ويخلي راحة البال تقول باي باي
لسه من كم يوم كان في نقاش انه وحدة ااتخاصمت مع وحدة وقالت حت غيرت صورتها بالواتس وحالتها وقصدها علي قلت الله اكبر من اصله ليش تراقبو من غير صورته واش كتب كل واحد براحته والله مدري عن احد غير صورت او حالته
وصراحة دي من الاشياء اللي تخليني اتجنب اقرا الكومنت في الانستا ياساتر لو تقرأي تجيكي حالة تخليكي تقولي من جدهم يعلقو كده
كمان يدخل بدي النقطة العتب نفسي اعرف من فين الناس تجيب القدرة انها تفتكر في مناسبة كبيرة من جا ومن ماجا لمدة عشر سنين واكثر ولمن يسير عند الشخص مناسبة يقول قبل عشرة سنين ماجاني ياساتر من جد فاكرين حرام عليكم
انا لو عندي مناسبة حزينة او سعيدة واثقة ومتاكده انه اهم ناس عندي بيجو وبيكونو معايا الباقي اللي يجي الله يحييه ويسعده ربي انه جا وتعنى لي واللي ماجاه عذره معاه ولو سار عنده مناسبة وقدرت بروح مابقول ماجاني مستحيل اسوي كده والله ولو احد عاتبني شياطيني تطلع
من سعادتي السوق انبسط لمن اروح السوق حتى لو ماشتريت شي احب جو السوق وده شي اتغير في انا كنت ما اصدق ادخل السوق واخلص منه حاليا ما احس بوقتي فيه
قطعت اغلب الناس المتذمرين وزي ماقلتي الفضفضة شي والمتذمر اللي على طول مافي شي عاجبه في حياته بشي ثانيعدت عنهم حلو نشوف الاشياء الحلوة بحياتنا ونستمتع فيها
والناس اللي اقارب درجة اولى ومالي بد منهم اتجنبتهم ولو انحطيت اني اسمعهم او اجلس معاهم اعمل زي الحاجز حولين عقلي وقلبي واعطيهم راي بس مشاعري ماعاد تتاثر لان عارفة انهم يحبو الحزن
مرةانا و اختي كنا ننظف غرفة وامي تبا التنظيف بطريقة معينة فاختي شايفة انه كده اوفر النظافر فطول مانشتغل وهي تبربر ” تتحلطم” قلت لها انتي ماحليتي شي غير انك تعبتي نفسك زيادة وسار الشغل ثقيل على قلبك
اذكر حتى ايام المدرسة كثير كانو يتضايقو من المدرسسات وصعوبات المواد الحمدلله كنت متفوقة وما كنت اذاكر غير في نفس يوم المادة وما اسهر ابدا العصر واخلص غالبا 10 الليل ولو مادتين ابدا قبل لكن لو انجريت مع البنات واتذمرت قلت المادة صعبة ماعاد اقدر اذاكرهاواخلص بصعوبة طبعا طول السنة مو رامية كتبي اذاكر واحل واجباتي بنفسي احس اللي ينكب خصوصا في الرياضيات انك تنقلي الواجب وماتحليه بنفسك في ثاني وثالث ثانوي كانوا المدرسات يعطونا 30مسألة واجب صح متعب وياخذوقت المواد الثانية لكن اخر السنة ما اتعب في الدراسة وعمري ماذاكرت الرياضيات بورقة وقلم مجرد اقرا طريقة الحل واخلص وانجح بتفوق ماقليت عن 98% الحمدلله
سعادة عندي بمعنى السعادة اني احس الهوا يخبط بوجهي وعشان كده احب الملاهي حتى لو اشوف مقطع فيديو لملاهي خطيرة انبسط كاني راكبتها احب االسكاي ديفينج واتمنى اسويه بيوم وعموما مغامرات الهوا كلها احبها كمان احب لو كنت بالبر افتح تندة السيارة واطلع منها واشيل الطرحة واخلي شعري يطير يختي بس تخيلت حسيت بسعادة
سعيدة بكوني انا وقابليتي اني اغير من نفسي واعالج اخطائي وما اعاند واكابر على غلط عندي
حابة انه سار عندي مرونة في حين ماكنت قبل مرنة
حابة اني لمن اقرر في شي يخصني ما افكر في احد غير نفسي ومايهمني لو كان عكس المتعارف والحمدلله اهلي مايعارضو قرراتي حتى لو اختلفو معايا يتقبلو قراري
من سعادتي اني انظف غرفة واقلبها فوقاني تحتاني رغم انه في تعب بس مرة انبسط في الشغل ده عكس المطبخ ما احب ادخله
من سعادتي اتعلم عشق عندي اني اتعلم
واهم سبب لسعادتي امي ربي يخليها امي مالها بالاجهزة بالمقابل ما امسك جهاز في حظورها الا اذا كانت مشغولة واجلس اتفرج زيها والحمدلله مودنا بالافلاام واحد ممكن اجيب اللاب واشغله على فيلم نتابعه سوا او مسلسل او برنامج بس نكون سوا لاحقة اجلس على اللاب والجووال بوقت ثاني
واكيد في اشياء تانية تخليني سعيدة حتى لو هي صغيرة وموجاية على بالي
اشياء اتمنى تتغير في
مزاجيتي انا شخص مودي بشكل فضيع وعشان كده كثير من كلامي كان اني اتجنب الاشياء اللي تقلب المود ممكن مودي يقلب من غير سبب
الكسل اعتبر شخص كسول للاسف
جدا ممتنة لكي على ديه المدونة احسها عملت لي زي الرفرش وقرقرت كثير
دمتي بسعادة
صباح الجمال والسعااداا ?
الحمدالله انا سعيدة ..
بالنسبة لي السعادة اختيار ?
السعادة تبدأ من داخلك وتؤثر على خارجك ،
الانسان كل ماارتفع عنده الوعي وفهم الحياة أكثر وانها لعبة والشاطر الي يلعبها صح?
السعادة هي حب الله ثم رسوله ثم
حب النفس حب العائلة حب الحياة حب الرياضة حب الاكل حب السفر
حب القراءة واخيرا حب الناس ?
ممتنة???
انا احيانا اشعر بالسعاده وايام اخري اشعر بالحزن والاكتئاب بعد قراءه الموضوع اعتقد ان فكر الانسان وطريقه التفكير هي اللى تجعل الانسان يفكر بالسعاده او الحزن والاكتئاب كذالك هناك دور اخر وهي حياه الانسان العائليه ونظره الوالدين وتربيتهم تؤثر في شخصيه الانسان وطريقه تفكيره اخيرا احب مواضعيك بشكل عام
الحمد لله حياتي سعيده واستشعر النعم اللي حولي والمصايب والمحن ابتلاءات اصبر واحتسب واؤمن بانها قضاء وقدر وممكن وراها خيره قد اعلمها ولا اعلمها والحياه جدا جميله ..
خلصت التدوينه والصقا ردي قبل القراءه وبعدها تنهيده تخرج من بين اضلعي من السعادااااا
تفاصيل صغيره بحياتي تكون مصدر سعادتي واقرب انسان لي وهو زوجي لايعلمها عالمي خاص فيني انا وذاتي اصحاب وحبايب احب احاور نفسي واحاسبها وادلعها صورتي وانا صغيره بخلفيه موبايلي وفيها نظره مليانه كلام ورساله موجهه لي وانا كبيره .احب الهدؤء والاضاءه الخافته استمتع لمن انوووم اولادي واجلس بغرفتي اروووق واكيد عالمدونه او على بوستاتك اللنستقرام ماله طعمبدونك … الناس ومادراك مالناس اشوف الان انهم مزعجييين ومضيعه للوقت ولا ابحث عن علاقات جديده احس اكتفيت طبعا غير الاهل والمقربين .اما شطحاتي الغريبه كثرانه هاليومين اخرتها ناشبه بزوجي اطلع البر ويفتح فتحه السقف واطلع جسمي وافك شعري بعد ولا تحقق لليوم ..فيس متحطم .
االغضب نادر ماغضب بس لاجاء موقف يجيب العصبيه طلع شيطاني واحيانا افقد السيطره على نفسي والكل ينصدم من رده فعلي بس نادره وشي يسوا انا اشوف ممكن غيري عادي عنده ..رساله للجميع الحياه قصيره وجميله فيها المر عقوله توسه بس ملح الحياه ويجعلنا نستطعم الجميل منها .
االتدوينه تستحق النشر لجميع من حولي لكي يتنور فكرهم ويستمتعوا بالحياه ..
احبك ياتوسه بقدر ماسعدتيني من بدايه معرفتي بك ..اخاف احط قلوب ويضيع ردي بس متربعه داخل قلبي
صباحك سعاده ارتوسه ??
قبل ماكمل التدوينه هذي اللي طلع معي /
مفهومي للسعاده هي اني اتجاهل واطنش
واعيش حياتي مايكون بعد احد او قربه محدد سعادتي
وبعد اني اشوف اللي حولي مبسوطين ?
ونصف لسعادتي لما انجز اشياء كتبتها
واعتبر نفسي سعيده والحمدلله ?
بعد ماقريتها مدري ليه احس كلامك كله يمثلني ?
انا شخصيه ايجابيه الحمدلله
وبالمناسبه وانا اقرا التدوينه جات ببالي انسانه كانت من اقرب صديقاتي لي
وكنا ندرس سوا نفس الكلاس وكل شي بس مشكلتها
كثيره التأفف ( اف ليش داومت ، اف متى يخلص الكلاس ، اف الجامعه تجيب الهم )
اسبوع اسبوعين شهر شهرين طفشت واحس انها بدت تاثر فيني
على طول غيرت مواعيد كلاساتي صرت ماشوفها وبالنادر تطلع لي : متى نشوفك ؟
يعني فعلا لما ابعدت صرت اشوف روقانها مو زي اول لان على طول معها تتأفف
بس لما ابعدت لا تقابلني بابتسامه
….. استمتعت بالتدوينه مره ? وفعلا انا مثلك ضد كتب تطوير الذات
ارتوسه ? انا دايما ادخل ايميلي لكن ماتجيني تنبيهات
لما تنزل تدوينه ايش المشكله ؟
اه يارتوس الدوره وما ادراك ما الدورة …
زاد تعبها معاي اسبوعين حلوين واسبوعين ياربي سترك<تنبيييش بكل شي سيء المشكلة بالغالب اكون مو منتبهه
لكن عموما اعتبر نفسي ولله الحمد شخصية تسعد نفسها ولو زعلت وانا على طبيعتي فكتومه لكن الطلعة تغير مزاجي والاختلاط بالبشره تنسيني انزعاجي مو اي احد طبعا…
تعرفي ياليت تكتبي من الاشيء البسيطة اللي تجربينها او تحاولي تعلميها ممكن تلهمينا ببعض الافكار..
ويسلمو ياعسل
نسيت اقولك انتي سبب من اسباب السعادة مدونتك الرائعة…
في بداية سؤالك بالتدوينة كتبت هذا الرد:
(أنا كئيبة
ما في شي في حياتي زي ما أنا أحلم فيه )
و بعد ما خلصت قراءة لازال نفس الرد
ما أعتبر نفسي من الناس السعداء الحياة اللي أنا عايشتها مو نفس الحياة اللي أبي أعيشها و أسباب كثيرة تمنعني من ممارستها و أولها عائلتي 🙁
مرات كثيرة أحس بمزاج متعكر و أجلس طول اليوم متنكدة بس أقعد بغرفتي أشوف أفلام أو أمشي و أسمع أغاني ما أحب أنشر طاقة سلبية من حولي مع أني أحيانا أسويها بدون ما أحس :/
عِرق النكد و العصبية أحسه وراثي عندنا من أبوي لأصغر أخواني
تو من شوي شفت هذا المقطع على اليوتيوب حسيته مكمل لموضوعك 🙂
The Good Life | Robert Waldinger | TEDxBeaconStreet
ردي قبل قراءه المدونة مااختلف بعد قراءتها بالعكس زادني واستفدت من كلامك لكن ذكرتيني ببعض المواقف حابه اشاركها
حبيت تعليق امك الله يرحمها يوم قالت ان شكلك مضحك وانتي تمشين بهالجحم الصغير ههههههههه
قبل يومين كنت انا واختي بالسوق وشفنا طفل جميل ماشاء الله نتفه صغيير صغيير
علقنا انو ماشاء الله هالصغير كيف يمشي ههههه
بالنسبة لي امي تقول لي انك ما كملتي اشهر الحمل ال9 .. طلعتي بالشهر الثامن شكلك مستعجله
تطلعين للحياة ^ – ^
بالنسبة للإفراط بالتفاؤل غباء .. فعلا اتفق معك انه لازم يكون منطقي وواقعي وليست دعوه للتشاؤم
وبالنسبة للصراحة .. ذكرتيني بموقف صار معي من فتره
زميلاتي بالدوام قرروا يطلعون شاليه ع أساس تغييره جو
أقول لهم انا مارح اجي ماتوقع ابدا .. انبسطوا وفلوها واستمتعوا بوقتكم وانا مره ثانيه ان شاء الله
وحده قالت انتي كذا دايما مدري وش عذرك ليش ماتبين تجين عندك أسبوعين رتبي امورك من الحين ( ويوم عرفت سبب عدم حضوري ماعذرتني )
ووحده قالت .. اكيد اهلك صح ؟ اكيد زوجك مارح يرضى صح ؟!!
خييير !!
فجأه حسيت اني مسويه شيء غلط .. اوكي اكيد هذا لانهم حابين وجودي معهم لكن انا بحياتي
ماعاملت احد كذا ( اشوف أسبابها واعذرها .. ومااضغط عليها بهالطريقه ) وحابه اعامل بالمثل
لكن حركات ترى مارح اعذرك او حركات اكيد السبب كذا او كذا او كذا
قلت لهم .. تبوني أقول لكم اني رح اجي وفجاه اكذب وأقول حصل لي ظرف حصل لي وحصل لي و و و و…
وبالنهاية اسحب !!
( مع اني احبهم واحب الجلسه معهم )
والمضحك بالموضوع ان هالكلام من شهرين تقريبا وللحين ماراحوا للشاليه =)
مهما كان حابه الشخص اللي قدامي يكلمني بنضج .. انا حره اجي ولا مااجي
حتى لو كان مودي بهذيك الساعه مايبي يطلع مكان مارح اطلع !!
لان مهما كان محد يشعر بمشاعرك ويحس بإحساسك إلا انتي
(كأني انفعلت شوي بالشرح هههههههه)
..
(متعه العطاء ) فعلا متعه .. عملي يتطلب مني هالشيء وانا فخوره بنفسي ومبسوطة بالدعوات والسعاد ه
اللي تدخل قلوبهم بلحظتها ..
الاكل الحمد لله امي علمتنا هالشيء .. دائم نجمع الاكل الزايد ونعطيه لأي عامل او عامله نشوفهم وفعلا
تنرسم ع وجههم الابتسامه ويحسسونك انك سويتي شيء عظيم جدا جدا ويفرحون من قلب
الموسيقى ..
أصلا ماابدأ شغل بالبيت من رياضه او تنظيف او استبهال او رقص من دونها
أساسا مااحس بالوقت وانبسط واستمع وانشز واغني بصوت عالي هههههههه
لكن عيبي العصبيه .. كثير قالوا لي اني انفعل بسرعه
لكن مرات اسيطر ع نفسي ومرات لأ
مره كنت جالسه بالانتظار بأحد العيادات انتظر ادخل لموعدي عند الاستشاريه
.. وسمعت وحده تقول (معليش فيه احد قد جرب تكميم المعده ؟ )
وبدأ نقاشهم .. وطبعا مادخلت بالنقاش
لين قالت اللي بدت النقاش ( بنتي مراهقه عمرها 18 سنه ووزنها 120 افكر اسوي لها التكميم تعقدت من جلسه البيت ماتروح مناسبات )
مدري قرارها صح ولا خطأ لكن بدى لي بلحظتها خطا !!!
طبعا مامسكت نفسي تكلمت وقلت لها : حرام عليك بنتك لسى صغيره .. ماتخافين هالشيء يأثر ع مستقبلها !!
قدامها حياة تعيشها
طبعا جلست تطالعني مصدومة من انفعالي بهالطريقه بعدين حسيت ع نفسي هههههه
قالت وحده من الجالسين .. لا لا ماعليك أصلا التكميم شيء سهل ومايأثر ع البنت كلها فتره وتنحف بنتك وتنبسط وحده من قريباتي سوتها ونحفت عليها ..
طبعا شفتها تقارن جسم البنت بجسم قريباتها وتتكلم كنها دكتوره وماتهتم بالرسك (المخاطر ) وتنصح بدون علم
سحبت نفسي من النقاش وبعدها حمدت ربي ان النيرس نادتني عشان مااسمع باقي النقاش
عموما االكلام في هالموضوع يطوول
حبيبتي ارتوس تسلم يدك والله يطول بعمر ليون بعيد عن عيون الحاسدين
صباحك راحة بال
بخش دوغري?
اعتبر نفسي أميل لكوني شخص سعيد متفائل لايمنع من التشاؤم احيانا ?
بس غالبا أنا انسانه أحب أكون ايجابيه مااحب أكون سبب لا تشاووم غيري ولا لنفسي
والله يارتوس كنت من كثر مو متصالحة مع نفسي ولا أحب اكدرها موقف وحده ترمي كلام علي خَص نص بسبب غيرتها او حسد او شي بنفسها ماادري
بس كنت أرد بابتسامه والله ارجع للبيت حتى مافي قلبي شي عليها ولا أفكر حتى بقصدها او ليش تسوي كذا
بس الطاهر وانا اختك دخول الثلاثين يخلي هالروح المرحه تتراجع? ترا صغير مو كبيره هههههه عقدة هالحريم الثلاثين ع أني اشوفه اجمل مرحله للمرأه
بس سوْال إنتي من اللي عنده العمر خط احمر والأحد يدري عنه ولا زي حالتي لدرجة كنت كاتبه بحسابي بالانستا سيده ثلاثينيه?بس ضديقاتي البرستيج هزوؤني يقولون في حرمه تعلم بعمرها آيه انا?عمري٣٢❣ عاد كل وحده وتفكيرها
كان طلعت عن سياق الموضوع هههههه بربرة حريم تتشعب هههههه
الزبدة اعتبر نفسي مايله لسعادة لأَنِّي باختصار أحب أمي بتقولين وش دخلها لانها رغم الظروف اللي كانت فيها بس كانت تحب المياه وللآن أمي تعبر عن فرحتها بالشئ البسيط برده فعل لذذذيذه❤️
وهالشي جيني أتوقع مثل ماقلتي العيله لها دور
امّم في أسباب كثير تسبب لي السعادة أمي ريحة بيت اهلي قهوة اختي الحنووونه ولدي وزوجي اخواني بيتي انا?أحب شقتي الصغنونه ريحتها تفاصيلها البسيطه مواعييني اعشششقهم??
أحب نعمة الذريه والأمومة شي بتعبه ومسؤوليته يجلب سعاده وطاااقه
الأشياء اللي توترني وتنزل نفسيتي لما أمي تتضايق لما أكون أتمنى اساعد ومااقدر الحمل? أنا حامل وهرموناتي ضاربه نوم تعب إرهاق الوحام?ًلكن تعدي هالفترة ان شاءالله واستمتع بكرشتتتي الجميلة وهي تكبر?
ويس بربرة واجد لو ماالايباد يحوم الكبد بالكتابة كان كملت فيني شحنه سعاده بنشرها لمتابعاتك ههههههه?
وآخر شي سبب كفيل بان الواحد يكون سعيد الصحه والعافيه وقيامك بأمورك بنفسك بدون ماتحتاج مساعده❤️
انا اعتبر نفسي مابين وبين يعني مستحيل الواحد يكون سعيد طول حياته لازم تمر ايام تكدر عليه حتى روتينه ونومه واكله يتغير
اخوي صار عليه حادث وكانت حالته خططططيره وكنا كلنا نصيح وندعي واسبوعين النوم م نعرفه زين والنفسيه صفر اذا شفنا امه (اخوي من ابوي ) ابتسمت واكلت خلاص كل البيت ينبسط وياكل ويسولف ويضحك مع ان الحزن باقي بس هي كانت تراعي حالتنا لااننا من نصحى من النوم الين نام واحنا عندها ونحاول نواسيها
وحمدلله عدت الشهرين ع خير ونستنى طلوعه من المستشفى بعد اسبوعين وسبحان من يبدل من حال الى حال
الحين رجع وضعنا وضحك وسوالف
انا اذا كنت متضايقه م احب اتكلم لمده ساعتين حولها عشان اذا تكلمت ازعل اللي عندي مو اعصب عليه لا بكلمه اعطيه المطلوب خخخخخ
احط حرتي فالقهووه ع المطبخ واسووي قهووه ريحتها تصك بالراس
م احب افضفض لااحد احاول اتناسى اللي ضايقني مستحيل اخلي يومي يمر بدون م امتع نفسي واضحك لو اشغل شيله (ادماان شيلات ?) واقعد ارقص واستهبل ادخل لقروب اخواتي اقط سالفه تضحك وهاك تعليقات منهم تموت ضحك …كله ولااجلس طول يومي ماده بوزي وانا اللي زعلانه لحد يكلمني وتراني نفسيه وخرووو
وامي اذا شافتني زعلانه م تقولي وشبك تجلس تسولف علي وش صار بيومها من قابلت من كلمت حتى لو اظل ساكته او ارد بكلمه واسكت وتقولي قومي سوي قهوتك وهاتيها برى فالحوش الجو زين يعني غصب توخر عني الضيقه بس غير مباشر
ع طاري الكتكات اخوي اذا راح لسوبر يجيب لي معاه (طبق فراوله+تسالي الكبييير ) ومنتوو مرات ??
ويقولي يلا استانسي
حمدلله الدوره م تنرفزني الا الساعات الاولى تتعبني وبعدها حمدلله احس يزيد هبالي واخذ من اطواق اختي الصغيره دبدوب اي شكل واحطه ع شعري
ياكثر كلامي ???✋?
الحمدلله انا بقمة سعادتي .. راضية عن نفسي وعن اللي ربي رزقني اياه .. واهلي واحبابي بخير .. تنقصني اشياء زي كل الناس واشياء تعتبر اساسية للبعض لكن الحمدلله الموجود اغلى من المفقود .. الصحة والرضا والنظرة الايجابية للحياة وتركيزي على نفسي .. ويكفي اتذكر ان ربي خلقني مسلمة .. حقيقي هذا سبب سعادتي ورضايا
…
بعد قراءة التدوينة ،،
سوس يا جماااالك ..
في مواطن كثيرة كنت احس اللي يتكلم هو صوتي الداخلي ههههههه
نظرتنا للامور هي اللي تحدد مشاعرنا تجاهها …. الشي نفسه ممكن يكون مصدر سعادة لك وعبء على غيرك
والرياضة مثال .. في الوقت اللي تشوفيها سعادة غيرك يشوفها شي ممل لا بد منه .. وغيرك مايشوفها من الاساس
باختصار ” كن جميلا ترى الوجود جميلا ”
…
بالنسبة لكتب تطوير الذات والدورات اتفق معاكي كثييرر .. هي مصدر رزق لناس وتخدير مؤقت لناس ثانية
ومااحب لما يحاولوا يفهموا الناس انهم اغبياء عن طريق بعض التمارين واستخدامهم للايحاء بطريقة غلط
كنت من اللي اعجب فيها بفترة من فترات حياتي يمكن المتوسط لكن الحين صرت اميز الحمدلله
…
حبيت لما قلتي استعدوا للرياضة وكانكم رايحين حفلة رقص هههههههه جات بوقتها لاني امر بمرحلة فتووور
باعتمدها كشعار لفقرة الرياضة بيومي مع حفظ الحقوق لك 🙂
…
التفكير الناقد لو الناس تستخدمه بطريقة صح ما كان انغثينا من كمية المقارنات المقرفة .. عادي عند الوحدة انها تخرب حياتها بسبب مقارنات للاسف
مع اننا مسلمين ومدركين للعدالة الالهية
…
بالاخير.. التدوينة تشع جمال وسعادة وتوقيتها حلووو مع بداية السنة الجديدة واتمنى انها سنة سعيدة للجميع
سووس الله يسعد قلبك دائما وأبدًا داخلك جميل ويستحق الجمال والسعادة
شكرا لان اتحتي لنا فرصة لقاء مع السعادة < واضح اني متاثرة بكمية الجمال اللي هنا ههههههههههه
وقفت وقلت لازم اكتب الحمدالله سعيدة قدرت أتخطى جزء كبير من الدكتوراه وباقي جزء صغنن صح في اشياء تنغص علي بس كم يوم وتعدي وتسير ماضي ❤️❤️
أصف نفسي بأني إنسانة سعيدة و محظوظة جداً ولله الحمد
ليش ؟
لأن كثير من أمنياتي تحققت و لأني بصحة و عافية و لأن كل أهلي حولي و لأن ربي أزال من طريقي
أقدار و وضع مكانها أقدار أخرى يبدولي ان فيها الخير و سعيدة جداً لأني متفائلة =)
برغم اني قبل أقل من سنتين كنت في مرحلة كئيبة و سوداء في حياتي و ما كنت أتخيل وضعي يتغير بس س
بحان الله تمشي الأمور و يدبرها الله من عنده و ينقلب الحال و صرت مؤمنة أكثر بأن بعد الضيق يجي فرج و صرت متفائلة
أكثر و متزنة أكثر
…
كتبت الكلام اللي فوق قبل ما أندمج مع بقية الموضوع
حبيته جدا و حبيت تفاصيل الجو العائلي اللي ذكرتيها , تفاصيل مألوفة في كثير بيوت بس قليل ينتبه لها
ربي يسعدك على قد ما استفدت منك و أكثر
مريم
الانسان هو من يصنع سعادته
كمت اتممى نطلع من الشقه اللي احنا فيها لانها غير مريحه وابي اثاث جديد وجميل بس ذال هالموضوع ووقفت جميع اموري حتى عنايي واهتمامي وحياتي صارت حوسه ومزعجه بشكل الين قررت استمتع بالموجود افضل فصرت شوي شوي اهتم بهالشقه واظبطها بما اقدر واستمتع بتفاصيل عنايتي واظبط لي جو واحس نفسيتي تغيرت تماما.
عندي تعقيب على كلامك بخصوص التفكير الايجابي
علميا وواقعيا اي سلوك بالحياه منشاه فكره بالعقل
زيه زي التربيه يعني الاهل مايجبرونا نقوم بافعال معينه ولكن يقومون بعمل اشياء تزرع بعقولنا افكار وبناء على هذي الافكار نقوم بالافعال. اللي اهلها يسوون اشياء تبين ثقتهم فيها تصير تلقاىيا واثقه من نفسها مع الكل لان الابوين اعطوها فكره الثقه. والعكس صحيح
المقوله اللي تقول اي شي تبيه تحققه بالتفكير الايجابي اؤمن فيها كثيييير. لان الموضوع هنا اعمق من شكل المقوله. الانسان بمجرد ما يؤمن بفكره ويثق فيها تلقائيا راح يسعى ويعمل بناء على هالفكره بدون مايحس وهو يظن ان مجرد التفكير هو اللي حقق له هالشي ولكن واقعيا ان الفكره كانت شراره وووقد للعمل. يعني تفكير ودعاء فقط بدون بذل جهد ماينتج شي. وعمل وشغل بس مع تفكير محبط تاتي النتائج عكسيه. المساله هي ثقه وايمان بقدراتنا وتفكيرنا
تصدقي يارتوس جتني فتره سيئه بحياتي صوت اشوف كل شي حولي ماله قيمه وكل شيء شيء واتوقع الاسوا دائما ومحبطه. وما طلعت من هالحاله الا لما غيرت تفكيري ونظرتي للحياه صرت اشوف حسن الظن بافعال غيري واجبرت نفسي اني اوقف التفكير السلبي والمحبط. صح كان صعب ولكن قدرت النتيجه اللي وصلت لها سلام واطمئنان داخلي وامتنان لكل شيء جميل بالحياه. عشان كذا اؤمن كثير بالعقل وبالتفكير الايجابي. حتى كتب تطوير الذات احب اقراها لانها من مصادر البهجه بالنسبه لي وتعطيني دفعات نشاط وسعاده ومع القرايه اكتشف كل يوم اشياء اكثر. براي ان الانسان يبحث عن سعادته فيما وجدها اذا كانت مع الاهل ومع الاصدقاء او مع الكتب. المهم هو البهجه والسلام الداخلي اللي نوصل له. ويكون حاله مستمره وليس وقتيه الا اذا اعترضها ظرف.
اتفق معك بمساله التفاؤل الزايد انه فعلا عكسي ويعيش الانسان بحاله جلد ذات لمجرد انه حزن. بهالوقت المفروض نتعلم نتقبل احزانا كما نتقبل افراحنا عشان نعيش باطمئنان
شكرا لك ارتوس على هالمساحه وفعلا كلامك وافكارك مميزه وراىعه وربي يخلي لك اهلك واحبابك يارب
تقييمي لنفسي سعيدة والحمدلله
ما شاء الله التدوينة طويلة بس حبيت أعلق على الرأس العنيد
أنا مثلك في هاذي النقطة ( مو مقارنة )
ودي الناس تفهم العناد مو يعني الوقاحة ، لما أكون عنيدة مو يعني اني ما احترم الشخص الآخر
مثل ما هو انخلق بصفات أنا أنخلقت بصفات ومنها العناد
أستغرب من الناس اللي تبغاك ترضي بشيء وعشان تستفزك تقولك ( انت عنيدة ) ( بلا عناد ) ومن ذا الكلام ، خلاص أنا عنيدة وأشوف هالصفة إيجابية ، بس لو الناس تترك اللقافة بشخصيتي أرتاح والله
نصيحة * مو لقافة
جربي تشغلي سورة الكهف ولا سورة الملك ولا أي سورة من القرآن وأنتِ بتعملي أي مجهود وحتى وانتِ جالسة
حـ أكون ممتنة لو جربتي
– هل تصنفون نفسكم سُعداء ؟ أم أشقياء ( أقصد بها حَزينين أو كئيبين ) ؟ أم بين … بين ؟ وَ ش بيكون جوابكم ؟ وَ ليه ؟
انا من الناس اللي دايما سعيده وقليل ما اكون حزينه والحمدلله انا طبعي كذا واذا ابكي ما احب احد يشوفوني بالرغم اني سعيده الا اني ع طول اتاثر بس ما ابين لناس اللي حواليني استحي
– هل تصنفون نفسكم سُعداء ؟ أم أشقياء ( أقصد بها حَزينين أو كئيبين ) ؟ أم بين … بين ؟ وَ ش بيكون جوابكم ؟ وَ ليه ؟
لو قريت هالتدوينه في يوم غير اليوم كان جاوبي تلقائي جا اني سعيده جداً والحمدالله رغم كل شي اليوم مودي مو جيد لسبب لكن رغم كذا اقول اني سعيده والحمدالله
طبيعتي بفضل الله سبحان مو حزينه ولا مكتئبه
مر علي كثير من الاسباب الي تخليني حزينه ومكتئبه مش معنى ان حياتي دائررة احزان لاوالله الحمدالله ع افضال ربي علي بس بشكل عام يمر ع الجيميع امور سعيده وامور حزينه نمط وطريقة تفكير الانسان هي الي توديه لسعاده او الحزن والاكتأب الاحظ الناس الي تحب الله سبحانه تعرف انو الله دائماً يختار الافضل لنا سوا سعاده اوحزن افرح فيهم كلهم مو بس في السعاده امس سمعت عباره تقول للحزن طقوسه زي ماللفرح طقوسه عشان كذا اقول طريقة تعاملنا مع الحياه هي الي تعطينا احساس السعاده الرضا بقدر الله كله السعاده والحزن هي الطريقه الي تبقي الانسان في مود راضي مقتنع بعيد عن الاكتاب حب الله فقط وراح تعيش مرتاح في حياتك اقصد مرتاح نفسياً وبعيد ع مود الاكتئاب هذي نظريتي ناس كثير تقول انتي مو مطوعه وشلون تحبين الله ( ادري كلامهم غبي) حب الله ارتباط روحي اكثر منه افعال واقوال
احب الله بكل حالاتي اتواصل معه بطرقي بروحي اكثر من جسدي
الحياه هبه عظيمه من الله نعيشها بتفكيرنا بتعاملنا بطريقتنا فينا بذاتنا ادري خرجت عن النقطه الي تحكين عنها ارتوس بس عاد شطحت وش اسوى 🙂
ع فكره ممارسة التعبير بدون رتوش نوع من النواع السعاده
شكراً لانك وهبتيتي سعاده ع قالب تعبير
وسرد
———-بعدالقراءه
كتبت رد طويل وطار
تعرفين الحزن السعيد ؟
هذا الي شعرت فيه بعد القراءه
شعور حزين ان احد يكتبك بهالتفاصيل افضل منك بس
بنفس الوقت هو شعور سعيد لذيذ ان التفاصيل الي تنكتب تعبر عنك مع انها تخص شخص اخر انت تحب روحه
❤️
الحمد لله أقدر أقول بأني سعيدة، مع اني ما احصل كللللل شي أريده وبسببي(ما أقصد ماديا) ههههههههه ، بس لما اتمعن بالامر أحس بأنه مقدار و كتله و حجم هذي النعم اللي حواليني حرام أقول مش سعيدة و بالفعل أنا أمارس هالامر و لله الحمد.
بالنسبة لي ما رح أقول كتب السعادة و كن سعيد وأنا سغيد و أنا فرحان و أنا اتشقق من الفرح و السعادة، بس بسمي هالشي اللي يوصفني هو حسن الظن بالله، ما أذكر طلبت شي وما حصلته إلا لأن عندي شعور الرضا و الحكمه من الله …
وبنظري بدال ما نكرر عبارات السعادة عشان نثبت عكس التشاؤم و الحزن الافضل نبحث عن سبب الحزن و نجتثه، نشتغل عليه، هذا أهم من كل التوكيدات الايجابية بالعالم.
::
أرتوس أنا غبت عن 3 تدوينات بسبب مرضي وانشغالي اللي هم الاخيرات قريتهن بس ما علقت، لكني عائدة والحمد لله.
::
اليوم أنا فرحت لما شفتك كاتبة التدوين من أسباب سعادتك، مع اني في البداية جاتني نغزة في القلب سريعة و خفيفة لما شفت كلمة التدوين هههههههه ترا أنا أتأكد قبل ما أبدأ القراءة ان القرقر طويل عشان أفرح… ولييييش نغزة في القلب؟؟ ههههههه لأنك مرة اختفيتي كنتي باجازة قلتي تأكدوا لما أنشغل عن المدونة أنا فرحانة، وعندي شي يبهجني و لما أكتب معناها أريد اطلع شي .. بما معناه يعني واذا غلطانة اعذري لي ذاكرتي هههههه ، بس شوفي كيف سبحان الله كلنا نتطور و نتحسن و أمورنا تتغير محد يبقى على حاله.
::
أنا أسعد بالعطاء، و أسعد لما أطلع مع أخواني… وأكون سعيدة لما أخطط و هالامر تدرجت فيه و اليوم أنا منفذه خطط استراتيجية الحمد لله 🙂
::
على طاري الدراميين، عندي صديقة كثر حبي لها عندها طبع أعوووذ بالله منه (بدأ الحش) وهو أنا من اللي يعملوا رياضة كل يوم … وعلى قد ما أقدر أحاول يعني .. تكاد ترسل لي بشكل دائم عملتي رياضة اليوم؟؟ أقول ايه وما يجيني رد، و ترجع تقول عملتي لك بديكير أقول ايه، وترجع تسأل عملتي رياضة؟ عملتي حمام زيت؟ طليتي أظافرك؟ والرد بالايجاب ما يجي وراه شي منها هههههههه لو سألتني عملتي رياضة أقول لا , تقول الحمد لله أحد معي ما بروحي يعني .. اذا شافت صورة و ظفري مش مطلي تقول حتى أنا مثلك ما ألقى وقت للمنكير .. ههههههههه والله حالياً أنا أعيد النظر في أمر صداقتنا مع ان عمري ما فكرت بها ههههههه
::
ننتظر تدوينة العام الجديد، و تشاركينا جزء من أهدافك؟؟ هو مجرد اقتراح .. 🙂
أحبك ,, دمتي بود و ربي ينزل عليك السعادة
قبل…
اصنف نفسي من الوضع الوسط لاسعيدة ولا حزينة بالرغم ان الجزء السعيد أكبر بالنسبه لي
تمر ايام مرات اكون حزينه او شغلة ماضبطت معي أحزن لاني تعبت فيها
لكن احاول قدر مقدر احفز نفسي وانسى هالشي يعني بالكثير ساعه واغير مودي بشي اتسلى فيه واضيع وقتي فيه وانسى الموضوع واقول لنفسي الحمدلله لعله خير لي وبأذن الله القادم افضل يتغير مودي كذا واعطي نفسي طاقه ايجابيه عشان اقدم شي افضل …
بعد قراءتي للموضوع…
اجمل شي الواحد قنوع بحياته الي ربي كاتبها له
هذا رزق من الله
شغلت اقارن نفسي بفلانه وعلانه واني انا اسوي مثلها وافضل منها واراقب حياتها واقلدها
هذا اشوفه نقص فيها تحاول تبين انها فاهمه وعارفه كل شي وهي مجرد كلام
الوحده تنشغل بنفسها افضلها
والرضى الرضى الرضى
الواحد يقتنع بحياته ومستواه
ويجتهد بنفسه ويتعب عشان يوصل للي يبغاه هذا بحد ذاته لذه.
سعيده بطرح لأجمل المواضيع دوماً متميزه
لكِ كل الحب والدعوات..
سوس أريد صورة جنب اسمي في المدونة تبعك كيف؟؟؟
احياناً حزينة واحياناً سعيدة واحيان كثيرة كئيبة بس في الفترة الاخيرة صرت مستقرة نوعاً ما وصابتني حالة تبلد تجاه الحياة.
❤❤❤
الحمدالله سعيده ومقتنعه بحياتي صح احيان يجيني احباط او زعل مايعدي ساعات او لحظات بس انا انسانه تعودت اكون متصالحه مع نفسي واتكلم مع نفسي كثير ( لا تضحكون عليا لأني ماتعودت اشكي همي لأحد او افضفض فا أنا اكلم نفسي واتشاور معاها واهدي نفسي واكلم نفسي دايم بالعقل والمنطق انه هاذي اقدار ونصيب وكل شي يصير لحكمه ودايم اقول لنفسي في المستقبل قدر افضل بأنتظاري والحمدالله على تمام الصحه والخلقه والعافيه
حلو حلو الكلام والله
من اسباب سعادتي ومن الايجابيات الحلوه الي تكلمتي عنها بالنسبه لي مدونات الثرثره اللي تتكتبيها احس تزيدني شي تحمسني لاشيا وحياه حلوه ممتنه لك ارتوس
ربي يسعدك انتي انسانه عظيمة كبيره دايما اتساءل ورا اخلاقك اهتمامك شخصيتك كيف صرتي كذا فريده من نوعك ايش الشي الي خلاك كذا انسانه متفرده بطبعها اتمنى هالموضوع ينطرح بيوم من الايام بجد اتمنى من كل قلبي اعرف هالشي عشان استفيد منه لنفسي ومستقبلا ?
اقيم سعادتي من ٥/١٠ ليش لأني للحين ما احس اني اكتشفت السعاده بس مؤمنه ان السعاده لما يكون محيطك متفهم حنون ما فيه احباط وسلبيه لما تكوني حرة نفسك مستقله بنفسك الكلام ما ادري كيف طلع بس موضوعك جاء بوقت انا بقمة الاحباط واليأس ربي يسهل ???? يمكن اول مره اقولها بصريح العباره بس بعيده عن المجالات احبك وربي يشهد ما تصدقي حتى احيانا وانا ساجده اقول يارب خليني زي ارتوس ??
اقول الحمد لله على كل حال رغم الشوق والحسرة وكل شي
الناس تشوفني منحوسه اشوف روحي كثيرة الحظ
عندي اب وام يحبونا بشكل
واخوات مثل السكر
ورجّال يبيع الدنيا ويشتريني
وصحتي في قمتها
الحمد لله❤️❤️
كلامك ماودي يخلص انسانه سعيده وتنشرين السعادة الله يزيدك ويهني الناس اللي حولك فيك
اجابة سؤالك وحدة عندي ماراح تتغير أنا بين بين وأميل للتعاسة وأحس طبع فيني من صغري مااذكر أني كنت انسانه فرفوشه وتحب المزح او الهبال ع قولتهم دايم نسويه نفسي ثقيلة ولا اقدر أتأقلم مع الناس بسهوله قد حاولت أغير من نفسي كثير لكن احيان أقول هذي أنا ليش اتعب نفسي وأحاول اغيرها هالسنة احسها اثقل وأتعس سنة مرت عليه كارهته بكل يوم فيها عشت ٣ سنين في الغربه ومن رجعنا عجزت أتأقلم مع الجو هنا رغم أني عارفته وعايشه قبل اطلع لكن للان عجزت أعيش بنتي مرضت واكتشفنا ان عندها السكري رغم ان الله رزقنا بولد هالسنة وضحكته تنسيني الدنيا بوقتها الا انه دايم اتذكر كيف كانت حياتنا هناك وكيف صارت هنا وكيف أني الى الان ماقدرت احصل وظيفة بالشهادة اللي حصلتها او حتى حققت ربع حلم من الأحلام اللي كنت احلم فيها وأكره الدنيا زيادة هذي اول مرة أقول لأحد هالكلام لأَنِّي مو من النوع اللي يحب يفضفض لأحد أشيل بقلبي وخلاص .
لكن على كثر ما كنت اشوف نفسي انسانة كئيبة وسوداوية الا ان كلمة من وحدة من البنات اللي درست معي مازالت عالقة بذهني وتخليني أفكر هل أنا ظالمة نفسي بهالسوادوية اللي عايشه فيها وإلا لا قالت لي ان ابتسامتي مميزة وأنها كانت تنتظر هالابتسامه دائماً الصباح وانا صبح عليها وآخر الدوام وانا أودعها مع ان عمري مانتبهت لها الشي لكن مازلت أفكر في كلامها .
مشكورة أرتوس ع هالتدوينه واعذريني ع جرعة الكآبة اللي فوق لكن صديقيني مدونتك من الأشياء اللي ادخل معاها جو وأنسى هالدنيا وهمومها حتى لو هي تدوينه جمالية او ريفيو عن منتج
دمتي بسعادة
تدوينتك ????
مع إني قرأتها كاملة ماوقفت عند سؤالك وجاوبت ?
وقرأت اغلب الردود بعد ،
نفس عميييق .. أمانهً ماعندي الجواب يمكن أكتبه بعد شهور ويمكن سنه حقيقي الا ماارجع يوم واكتبه ??
دمتي لنا سعادا ?
هل أرى نفسي سعيده؟
ايه الحمدلله سعيده بشكل عام، دامني الحمدلله بصحتي وعافيتي.. بأمن وامان..سبل الراحه والدلع متوفره.. وجود الأهل والصديقات ..والأهم من هذا كللله القناعه الداخليه والوعي.. طبعاً لابد من ايام سيئة تمر علينا بالرغم من هذاالسعاده اننا نتأقلم معاها ونتصرف فيها بايجابيه
ولا نحكم على سعادتنا من خلال هالايام فقط
مابعد قريت باقي التدوينه..قلت أجاوب قبل اتعيجز ?
احس يبغالها كووفي وجلسة راايقه..
فيه شيء ابغى اقوله لك حتى لو ماكان له ذاك التأثير الكبير لان ماشاء الله متابعاتك كثاار.. بس فعللاً شكراً من القلب.. أرتووس تدويناتك تلهمني ❤️ وتحمسني ❤️ ومن الاشياء اللي تجيب السعاداا
مع اني مو متابعه دائمه بس لازم ادخل بين فتره وفتره اقرالي كم تدوينه
الله يسعدك ويجعل حياتك افرااح وهناء ?
بشكل عام انا سعيده
مو لاني امتلك كل شي بس باختصار ما احب الكآبه والناس الكئيبه.. حتى لو كان شي مضايقني احب اتفاءل واحاول افكر بشكل ايجابي ما احب ازيد نفسي هم ..
هذا تعليقي قبل ما اكمل قراءه..
انبسطت كثير بكلامك
اعطيتيني جمل اقدر اقنع بها الناس المتشائمه..لاني من النوع اللي معرف اعبر عن اللي في بالي مضبوط يعني معرف اوصل اللي ابغى بالكلام..
بالنسبة لي أحس أني سعيدة الحمدلله
الحمدلله عندي أهل وزوح وبنت أنا بجد محظوظة فيهم
في مرحلة من حياتي كنت كل ماأكبر أحس المرحلة اللي قبلها كانت أحلى
بعدين قررت أنو أنبسط بكل مرحلة أمر فيها صعبة أو سهلة لأنو ماأحد حيجي كل يوم ويقولي ‘ الله يخليكي انبسطي’
لأنو حتى لو جاني امتحان من الله أنا مؤمنة انو اللي بعدو حيكون أجمل من اللي فات
تصدقي في عائلة أعرفها أفرادها مرة طيبين بس مشكلتهم مايشعروا بالنعمة اللي عندهم وعلى طول يشوفو الجانب السلبي ولو صار شيء خطأ لازم يلوموا أحد
في البداية كنت اتعاطف معاهم بس بعدين خلاص صرت أحاول ماأتكلم معاهم من الأساس
وبالعكس تمام وحدة من صديقاتي علمتني الإيجابية
ماشاءالله حتى لو أنها طالعة من عملية تشوفيها مبسوطة لأنها تنتظر النتائج اللي بعد العملية
إنسانة الله يحفظها تحب الحياة بشكل جميل حتى لو تتكلم عن مشكلة تلاقيها على طول تقول بس الحمدلله في شيء افضل ان شاءالله
وأنا أتفق معاك في موضوع كتب تطوير الذات لأني شفت ناس كثير كيف يتأثروا بيها وتمر السنين ولا يتغيروا ولا يبغوا يتحركوا أصلاً
آرتوس انتي بجد إنسانة مميزة
يعطيكي العافية دايماً مدونتك ممتعمة جدا
تدوينتك جدا رائعة فصفصتها فصفصة لاني اعشق مواضيع التنمية البشرية ،، كل النقاط اللي ذكرتيها منطبقة تماما على اللي اقدمه في دوراتي (دائما انبه اللي يتابعوني انهم مايصدقون خرافات الجذب ) كيف أجذب شي وانا متربعة ببيتي واكل واشرب .. حياتك من صنعك وحركتك مو من خيالات واعتقادات وصرف فلوس وراء بيع الوهم ،، من اسباب السعادة – الامتنان لله على نِعمه علي – وعدم المقارنة_ وسعيك انك تتغيرين للأفضل -وانك تتحملين قرار سعادتك ومايتبعه من نتائج .. لما ذكرتي نقطة انك تتخلصين من العلاقات اذكر لما قدمت سياسة ترتيب الكروت كثير استصعبوا ترتيب الاشخاص والعلاقات في حياتهم لانهم يخافون من ردة فعلهم (فكروا في ردة فعل غيرهم ولا فكروا في حياتهم وسعادتهم ) خلّوا حياتهم مجرد ردات فعل لانطباع الناس عنهم ..سوس موضوعك مرة جميل ?
مساء الخير
انا اخر من يعلم بالتدوينه الجديده
ماكملت قراءه نزلت اكتب هل انا سعيده ام كئيبه
في حياتي ككل اعتبر نفسي سعيده وانا من اصحاب الحظ الحلو بالرغم ما اؤمن بالحظ …ن هالايام تعرضت للخيانه من زميله لي فالعمل سرقت شغلي وتعبي وشفت ان حسن النيه ماالامتنفع. فالزمن هاذ.االمهم بالرغم من الحزن الحالي انا اجتهد ولا يهنا لي نوم إلا لما اخذ حقي منهاواثبت جدارتي وانتصر… حرب صارت هههههه
برجع اقرأ
صباح مساء السعاده
يارب جعل السعادة ماتفارقك ولا تفارق احبابي يارب
قررت من فتره انو بس اتطمن عليك في الانستقرام يعني اتابع جديدك بس ما اقرأ تدويناتك مع العلم اني اكسر هالإتفاق مرات في مواضيع الثرثره غالبا مثل موضوع الصداقه قرأته وقلت لازم ارد عليك وكتبت رد طويل فجأه اختفى انقهرت المهم نرجع لسالفه الي بقولها لك انه كأنو عقاب لي لعدة اسباب اولها
ما كتبت تجربتي في طريقة غسل الوجه 424 ادري ان مر على الموضوع قرابة السنه او اقل مع العلم اني وقتها نفذت التجربه 4 ايام لكن لم اوفق فيها فقلت بطبق التجربة مره ثانيه وبإخلاص وطريقه صحيحه لان في الاربع ايام استخدمت زيوت غلط منها منتهي الصلاحية
في بالي هالشي وان شاء الله انفذه
فحرام استفيد منك ومع ذلك ما اكتب لك ردود
في بداية هالتدوينه قلت بس بقرأها لأن هالموضوع يشغل بالي وحابه اعرف رأيك فيه وبعدين حرد عليها وعلى تدوينات كثيره مو قلت لك مرات اكسر هالاتفاق
بس لمى كتبتي بَكون مُمتنة مِن قلبي لو طَبقتوا إللي قَلته
قلت مابدهاش كلمتك الدائمه ههههههههههههه
لازم ارد فتحت الوورد هالمره عشان مايضيع الكلام
بالنسبه للموضوع
اقدر اختصرها في جمله انو نظرتك للحياه هي الشي الي تفكرين فيه وبيأثر على عقلك الباطن فكرتي انك سعيده فأنتي سعيده وتقدرين تخلقين لك اسباب تسعدك والعكس صحيح هالشي يفسر ليش بعض المرضى نشوفهم في قمة السعاده وبعض الاصحاء وعندهم اسباب كثير عشان يكون سعيدين ومع ذلك تعساء لانهم اختاروا التعاسه هههههههههههههههههههههههههههههههه ماصارت جمله
الاحظ هالشي في نفسي مرات يكون فيه حدث خلاني سعيده واكون جدا مبسوطه وقتها ومرات يكون فيه نفس السبب بس اكون عادي كأن تعودت عليه وما الاحظه فكأن مليت او شي كذا
بشكل عام سعيده ومبسوطه في حياتي هالشي مايعني ان ماقد مريت في لحظات كئيبه لكنها مصيرها تنتهي و تقدرين تتخلصين منها في نهاية المطاف وماتدوم في النهايه هي شي طبيعي
السعاده انو انفذ الي ابي الحريه تقريبا جزء كبير من السعاده يمكن اقول هالكلام لأني افتقدها احيانا وبالنسبه لغيري ممكن تكون الصحه هي السعاده
فدايم ننظر للي نفقده ومكتئبين ننتظر وجوده
ما اقدر احدد سبب معين للسعاده لكل الناس كل شخص له شغلات تبسطه
موضوع شائك عميق ماتقدرين تحددين رايك فيه بالضبط هو ايش هي السعاده واسبابها
ممكن اشياء جدا صغيره تسعدنا كوب قهوه مثلا
ممكن اخلق اسباب تبسطني حمام دافئ كوب قهوه حلى من صنع يدي موسيقى قراءة كتاب الرياضه
ممكن مايكون فيه سبب بس كذا مبسوطه
دايم ابحث عن شغف واجدد حياتي اكره الروتين
شخصيا عرفت الي ابغاه والي يسعدني واسعى له
حال الانسان يضحك يركض وراء هدف يعتقد انو اذا حققه حينبسط طول عمره واذا تحقق انبسط فيه وبعد فتره يخلق هدف ثاني يجري وراه شيئ مو غلط بالعكس اسمتر في عمل أي شي يحسسك بالحياه وانك عايش
في النهايه الي بيكون سعيد حيكون سعيد ترجع لتفكير الشخص وعاداته اليوميه
قبل كنت اعيش في اسلوب حياه غلط وكئيب مدري ليش ممكن نمط حياة مجتمعي الي اثرت على عقلي وجهلي طبعا
وفيه اسباب كثير خلتني الحين اعيش اسلوب حياه صحي وسعيد اصبح عندي قدره لتذوق الاشياء الجميله فالحياه مليئه بها
الثقافه لها دور بعد
نمط حياتنا احنا بالذات مجتمعي كئيب اثر علي زمان عشت في ايام خوف وقلق لأسباب غبيه سببها الجهل سببها الحرمان
بس تخلصت منه ثقفت نفسي عرفت انو ممكن الشخص يكون سعيد مش شي حرام او غلط وتعلمت احب وتعلمت شغلات كثير حسنت كثير في اسلوب حياتي الرياضة منها الموسيقى
لو احد قال لي بوديك جزيرة الاحلام ونجلس فيها اسبوع يمكن اقول له المبلغ ذا استغله بطريقه احسن بطريق مو اصرفه في اسبوع وخلاص لا جيب لي شي مثلا كل ما استخدمته انبسط شوز جميل مثلا ههههههه لبس جميل لبس رياضه يفتح النفس لوحه فنيه ازور معرض اروح لمطعم جميل
كلام مبعثر
رأيي في هالموضوع معقد مدري كيف اوصفه بعد كل ذا الكلام والوصف هههههههههههههههههههههههههههههههه !!
يعني ابسط الموضوع هي شي بيدك وربي رحيم فينا كلنا حياتنا سعيده يتخللها بعض الاحزان شي طبيعي لكن المهم نستمر في العيش بروح الطفله ونشاطها ونقبل على الحياه ونتفائل ونتذوق جمال الحياه انشري الحب والكلام الطيب والابتسامه تمني للكل السعاده والتوفيق
يالا برجع لكلامك الجميل
وقرأت التدوينه واحبك شكرااا لكل حرف تكتبينه وغطيتي الموضوع من جميع الجوانب
مثل نقطة انو شخص عايش في حرب وفقد اولاده مانقدر نقول فكر بإيجابيه
ونحبك مثل ما انتي وانتي شخص مؤاثر فعلا مرات كثير اتحاور معك في مخي هههههههههههههههه
مؤثر ** 🙂
أصنف نفسي من الناس السعيدة ، كوني بصحة وعافية و أهلي معي وبعافيتهم كذا أحمد ربي وأشكره ❤️
كلامك جميل
وكل النقاط اللي ذكرتيها احسها مشتركه بين كل الناس لكن هناك من يلاحضها وهناك ناس بعد ماحسوبها اصلا…
انا من عائله متحفظه متحفظه متحفظه وبنات العايله ممنوع عليهم كل شي ياحرام
حتى المكياج عيب.. لكن محسوبتك تجيب العيد فهالنقطه ..احس اهتمامي بنفسي ومكياجي وكامل اغراضي تجيبلي السعاده خاصه لما نطلع.. ع فكره انا مو سعوديه يعني جونا مختلط فالاعياد كل العايله تجتمع بنات وشباب وعجايز وكل شي هههه عشان كذا ممنوع المكياج للبنات ولازم تكون البنت مغبره ومحتشمه
ومن هالكلام عشان ترضي المجتمع ويفتخرون فيها..
من الاشياء اللي تسعدني غيرة زوجي احس بمتعه خاصه لما اثير غيرته طعم اخر..واخليه يعصب فالطلعه الوحده عشرين مره هههههه بجيبله الضغط صغير..
وايضا مدونتك تسعدني احب اقرأها لما يجيني ملل واعيد القراءه كمين مره
دمتي بحب
واهه وقفنا قرايه عشان نجاوب
اصنف نفسي أقل من سعيده،
مش بين البين (أكثر من كذا )
هههههههه
وكملنا ولقيته بوصفك
فعلا اقرب للسعاده،
بعدين وقفت لنقطة المقارنات
لما وقفت جيت امسح ردي اللي فوق
هههههه
وقفت عند نقطة ” احسك نفسي ”
ياخي شسوي
وربي احيان في شي اعجز عن وصفه
ولما ينزل ثرثره لك القا اجابته بالضبط عندك
اجد فيك ما اجده فيني
مو بكل شي
بس احيان واحيان هههههه
عن نفسي انا اقارن بيني وبين نفسي
اقارن بين مثلا يدي ويدها شعر وحده ما اعرفها وشعري كذا وكذا عشان يطق الحماس فيني واجي من آخري
تذكرين مره كنتِ حاطه صورة لمناكير يدك
قلت بردي حطيتها خلفية جوالي حتى اتحمس لما اشوف الصوره وارطب كثير هههههه
كذا انا مقارناتي
لكن المقارنه المبني على الحسد انجن منه
خص نص اللي فيها مافيك
بس شي واحد تعديتها به
هنا تبي تاكلني بنظراتها
الباقي وانا اقرأ
اذكر ربي عليك
اسأل الله ان يبارك لك في نعمك
التمارين التمارين
مالقيت نتيجه به أهئ
قد حطيت مره اغاني اجنبيه بدون موسيقى كوني ما اسمع الموسيقى بس اتحمس وقته واتعيجز بعده لاني مو عارفه من وين ابتدي وايش الاساسيات
وعلى طاري الموسيقى في ناس كثير تعمل مثل الموسيقى بس بأصوات بشريه
أمثال pentatonix , Mike Tompkins وعلاء وردي بعد وغيره وغيره بزمنا ذا مافي شي تقولين لو في لنا
وعلى قولتك كلن ينام ع الجنب اللي يريحه
استمع لنصائحك كثير واستمتع لما اقرأ
كلامك لحاله طاقه ايجابيه
ممكن يربي ناس.، وكأن أحد والديه ينصحه
فعلاً كلامك له فعاليه اجد أثره فيني وادبني بعض كلامك بأحد تدويناتك
لك التخيل بمدى تغير النفسيه والمزاجيه بعد موضوع ثرثره لك
لاتقطعينا منك أبد أبد
أنا اللي كتبت في الانستقرام اني تعيسة. حسّيت تعبيري كان غلط كان ممكن أقول اني (منهكة). لما قريت تدوينتك حسّيت الغلط في كلامي. يعني أنا سعيدة في التفاصيل لكن عموماً احس اني اتعب كثير وأُقدِّم تنازلات استعداداً لمستقبل أفضل ، وأحياناً احس اني صغيرة على التنازلات والتعب عمري ٢١ سنة. وأحياناً أقول لا (اغتنم شبابك قبل هرمك) متى اقدم لمستقبلي اذا ما قدمت الان ؟
كانت ٢٠١٥ (تفاصيلها) جميلة. لكن قبلها بيوم مات فيها شخص عزيز علينا كلنا ، مات وهو شاب صغير . وصرت اربط الأحداث فيه (يدري عن ذَا لشي ؟ مايدري عن ذَا الشي؟) ماكان بيني وبينه صلة لكن قهرني ما بعد موته اكثر من موته نفسه ، كانت ايام العزا مفاجأة لي وكان وجهي كذا ??. كان الناس شبه محتفلين ، وفيه ناس احتفلوا برأس السنة وكان عذرهم ان الحي أبقى من الميت وان الحزن ليوم الحزن. متى يوم الحزن متى !!!!! واللي يقهر انهم كانوا أصحابه او ناس مقرّبين منه. بعدها فقدت ثقتي بالناس ، يعني احبهم ويحبوني أوكي ونضحك ونلعب لكن ما عاد اثق بان احد ممكن يشيل همي او ينكسر خاطره عشاني (شخصياً) بدون مايكون ضاع له مصلحة كمان.
عدا عن ذلك اكتشفت اني سعيدة. وسعيدة جدا كمان.
احس بهجة العطاء اكبر من بهجة الأخذ ، حتى لو كان عطاء معنوي.
والامتنان كمان ، يعني كمان ممتنة للناس السيئين لأنهم يعلمونك انك في مكان أفضل وان قل. نفسي اسمي بنتي امتنان بس زوجي يقول قديم وبلا بلا بلا ?
يعني كل الناس عندهم منغصات وعندهم احلام ناقصة واشياء ينتظرونها لكن ما رح تكون عائق بوجه السعادة.
نفسيتي تعبت وكنت قررت العب رياضة لكن باهمال يعني يوم آيه ويومين لا وكذا وبعدين صرت حامل وتفاجأت بأكثر من دكتورة قالوا لي لا مايباخ تلعبين. وحدة قالت لا مطلقاً ووحدة قالت على خفيف اذا لازم. قالت لي مع ان وزنك ما يحتاج قلت مو عشان وزني عشان نفسيتي قالت المشي يحسّن النفسية. كمان كان عندي قائمة طويلة باشياء منتعتني منها الرضاعة (زي الرتن اي) ومجرد ما تركت الرضاعة حملت ? يعني زعلت عشان قائمتي بس الحمدلله ما نزعل من اللي كتبه ربي.
وبس يا ستي اكتشفت ان عندي بيانات شوية اظني خلصتها في التدوينة. ومدري يوصل التعليق ولا خلصت. ادعيلي عندي اختبار اخير بكرة ?
يامساء السعادة انتي سؤال سهل ممتنع ردي كتبته بعد طلبك وقررت اكمل بس ماقدرت شتتي تفكيري منه وطول ماانا احاول مو مركزة فقررت البي طلبك وهو احيانا السعادة عندي تكون شي يشوفه البعض تافه او مو شي واو عشان تفرحين وتكونين مبسوطة يعني ممكن يبسطني لما افتش في اغراضي القديمة والاقي مرسام او قلم من ايام الابتدائي او المتوسطة انبسط ماتتخيلين كيف وانا وحده احب احتفظ باشيائي القديمة زي العجايز ومن اسباب سعادتي احيانا اصحى من النوم مبسوطة مدري اي شفت في منامي مين جاني هههههههههه وربي يومي كله مبسوطة اكون سعيدة اذا اكتشفت شي جديد اما بشخصيتي او شي يعزز من ثقتي بنفسي وكانثى السوق والمكياج والمشتريات الجديدة وعندي عشق للكريمات والزيوت لو صابونه جديده بريحة حلوة تسعدني وريحة البخور وخاصة المستكة مريحة بشكل عموما كثرت كاني اكتب قصة حياتي هههههههه اي شي حلو وجميل ومريح لنفسي او لغيري وامي وابويا واخواني سعادتهم او لما اشوفهم منجزين وناجحين احب اهديهم واشوف السعادة بعيونهم اما الشي الي يضايقني افضل وسيلة عشان اتخلص منها هي اني اكتب الي مضايقني في ورقة اكتب فيها كل شي من الى وكل الي في خاطري وبعدين اخليها يوم او اسبوع بالكثير وارجع ارميها فعلا هذا الشي ساعدني كثير والاقي الحل او الخطاء بين السطور واذا كان شي مزعجني من غيرني يصير عااااااادي وطز زي مانقول بالنسبة للتخطيط هذا مااعرفه اذا خططت في دفتر مااسوي شي عكس لما تكزن في راسي اسويه حتى لو بعد فترة طويلة . وسامحينا عالاطالة وشكرا لك ونطلع فوق نكمل قراءة .قبلاتي الحارة
إجابةً على سؤالج: أصنّف نفسي بإني سعيدة ولله الحمد .. أكيد في لحظات ف حياتي يكون شعُور الحزن هو الغالِب وهذي نعمة من الله ولله الحَمد .. لكن بالعُموم أجِد نفسي تميل للسعادة والفَرح بالغالِب..
.
.
والحين عقب ما كمّلت قراية التدوينه راح أقول رأيي:
حبّيت أسلوب التنصيف اللّي من خلاله عرّفتينا على بعض الشغلات اللّي تسعدج .. جد ما شاء الله عليج ? .. أسلوب سليم وصحيح 100% و إذا احتذن البنات فيج واتخذوا نفس هالإجراء هالشي راح يكون له الأثر الطيّب في سعادتهن .. الوضوح في معطيات الحياة لنا يخلق نوع من الإتزان..
والكلام المكتوب تحت (ما أقارن ) وتحديداً الجُزئية الأولى من الكلام أثرّت فيني واااايد وأظن واسمحيلي على ظني، إن لها النصيب الأكبر من تميّز آرتوس اليوم.
وبعد جُزئية (الإمتنان) جممميييلة جداً وياليت يكثر الإمتنان بيننا بمفهُومه الصحيح ونحاول نُمارسه ونَغرسه في نفُوس الناس اللّي حَوَلينا ..له أثر طيّب وجبّار في موضوع السعادَة ومُسبباتها في الحياة ..
.
.
عن نفسي يوم أذكر بعض الذكريات .. أتحسّف على بعض الأحزان والمشاعر السلبية كيف خذت من وقتي .. أقصد فترة هالمشاعر خذت وقت أكثر من اللّازم هههههههههه زعل بلا طعمة وتفكير مال أمه داعي.. وسخافات كنت أحملها على محمَل الجَد بشكل يمرضني .. مُب لأنها تستحق أو ما تستحق .. لا .. بل لأن مفاهيم الحياة عندي ف ذيك الفترة كانت قمّة ف الغباء والغلط والسطحيّة .. أمّا الحين لا وألف لاااااا .. كل شي بقَدَر ولله الحمد .. طبعاً هالشي تولّد عندي من عدّة أُمور مارستها ف حياتي .. ومن أهمها هو التحرّر من فكرَة الوَعي الجَماعي ..
.
.
شكراً كبييييرة لج .. أحب ثَرثرتج وااايد .. تسعدني صراحةً .. ف ما أقول غير ربي يسعدج كثر ما تسعدني ثرثرتج ??
اصنف نفسي بين البين
لحد الان ما عرفت هويه لشخصيتي
و متناقضه كثير و هذا الشي يخلني
بين البين سعيده و كئيبه
تدوينة جميلة تلامس القلب ?
جواب على سؤالك كان: ( الحمدلله اصنف نفسي سعيدة بما اني اعيش مرتاحة البال بصحة جيدة وحولي ناس احبهم و يحبوني و اعتبر حياتي مرفهه عندي ام واب لو طلبت عيونهم عطوني واهم شي مقتنعة لاني اعتبر القناعة هي اللي تخليك سعيدة لان ابن ادم طماع ما يملى عينه الا التراب لو عندك مال قارون بدون قناعة ما عشت سعيد بدون قناعة الواحد بيعيش مقارنات ومهما ارتقى او نجح او حقق انجاز عظيم ما راح يكون سعيد لاني أؤمن بعدم وجود الافضل مهما كان فيه جيد فيه الافضل منه فمجرد ما تكون انسان قنوع بتعيش سعيد)
بعد ما قرأت تدوينتك اقتنعت بوجهة نظري جدا لاني اشوف السعادة بالتفاصيل الجميلة هذي استمتع بروتين يومي اللي يخليني بمود جميل مثل جمعة اهلي الظهر عالقهوة او اشوف المسلسل اللي احبه كلها تفاصيل سعيده واشوف المقارنات قاتلة فعلا دايم اشوف كلام البنات امي تقول صيري زي فلانه او علانه اهلهم يعيشونهم وهم المقارنات وبمجرد ما البنت تبدا تقارن نقسها بحياة غيرها وتتطلع للشي اللي ما تملكه تعيش حالة اكتئاب وكل اللوم عالاهل اللي خلوهم يتبعون الاسلوب هذا .. كلمة امي دايم حنا وش علينا من الناس ما ابيكم تصيرون زي الناس ان شاء الله تصيرون احسن منهم .. وبالنسبة للنظرية اللي تكلمتي عنها اسمها قانون الجذب اقعدوا فكروا بالشيء لين يحصل لكم .. والسعادة مشاعر متذبذبة اكيد يمر علينا يوم حزن ويوم غضب واسبوع كآبة (اختبارات) وضغط نفسي شغل وغيره و شخصيا اشوف الجامعة سقلت شخصيتي جدا كوني عشت مع مجتمع كبير وشخصيات كثيرة وتصادف اسلوب حياتهم او اهلهم احمد الله الف مرة على حياتي للامانة فيه ناس دخلوا حياتي استنى الزلة عليهم عشان اتخلص منهم لو جتني حالة اكتئاب فاكيد منهم المشكلة يعتبروني الصديقة الثقة وانا كارهه هالشي جدا ناس نفسهم شينة حتى نفسهم حاسدينها للاسف وجودهم بحياتي مكرهني المجتمع اللي هم فيه واعتبرهم مثل ادنى احاول ما اوصل مواصليهم .. واحد اسباب سعادتي انتي ومدونتك امانةً كوني بديت اهتم بنفسي بطريقة صح واساليب جميلة وتعجبني بسببك صرت راضية عن نفسي وشكلي لاني تخليت عن مطاردة الجمال الوهمي ومرحلة الرضى عن الذات تهمني شكرا يا حبيبَتي?
I realy feel like I’m a depressed person or Iget depressed quite a lot than I should be. the reason why It’s just I’m not living the life I want I rarely talk freely. I’m scared of being judge and unaccepted. My family also very very restrictive I’m even scared that they wouldn’t allow me to work on the job that I want to.
that will destroy me
I’m not a very social person because of my limits that I can’t visit my frinds or go out with them.
…..
I just finished reading. YOU Are so inspiring. I
I think the reason why I think I’m not happy is due to my family and there culture. I’ll I need is trust and freedom praying for the all my life to be able to change that to be respected vulnerable and trust worthy and loved.
Wishing you a happy night ?
الحمدلله هالسنه اعتبر نفسي سعيدة لما عرفت ان السعادة ماتجي الا بالقناعه وان القناعه مو بس بالرضى بالي ربي عطاه لا .القناعه بان الشي اللي عندي واملكة من حقي استمتع فيه ومن حقي بعد اني اسعى واارفع من مستوى المادي والفكري حقيقه لما تغير تفكير تتغيرحياتك
زمان لماكنت صغيرة مثلا يجي العيد وماشريت الشنطة اللي في بالي اتعقد او لما اصلح شعري ولما اوصل العزيمه والقاه خرب وصار نافش خلاص اصير قاعدة ولا اتحرك من مكاني واعصب بعد ،ضليت كثير على الوضع اسمع لكلام الناس واتحسس من ردة افعالهم واحاسب نفسي كثير
بس الحين الحمدلله اتصالحت مع نفسي وزادت ثقتي بنفسي وواحلى لما عرفت وش اتميز فيه ومعاد يمهمني كلامهم
مرت علي ظرووف كثيرة الحمدلله خلتني اعرف قيمه الصحه والعافيه ونعمه التفكير والتامل افضل نعمه بالنسبه لي
سعادتي في قومة الصبح اقدر اخلص كل اشغالي واتغرغ لعيالي .بيدي اكون موظفه بس افضل اكون متفرغه لهم
لمااسوي لهم ح يحبونها يفرحون لانهم راح يساعدوني ويزنونها
لما اكون حزينه او مزاجي معكر ويجي احد منهم يحاول يبسطني انبسط
سعادتي في التخطيط لما اقسم ميزانتي واعمالي لما احط نقاط احب اتحدى فيها نفسي
مثل لما 2 اسوي رياضه من ثلاث شهور عشان اشد جسمي تحدي اني اشيل اثقال وزنها 6كيلو بيد واحدةواليوم احس بسعادة قدرت اشيله براحه
كثير لما يقلون انتي ربه بيت ماتطفشين وان مافي افضل من الوظيفه امان واستقرار وتغيير جو و.و.و. الصدق احزن عليهم .بيدي اتوظف في احسن الوظايف اذا احتجت لها بس
والامان بالنسبه لي لما احسن الظن بربي في الخير والشر واكتفي به عن الناس
ممتنه لله على كل النعم اللي رزقني فيها صحه وعلم ومال وحريه
ممتنه لك حرف كتبتيه الا ما اقراة واستفيد ودي دايم ارد بس اشغالي كثير اكتفي بالدعاء لك وان شاء الله يجي اليوم اللي افيدك به
دمت في سعاااادا ❤
اهلاً اهلاً
سويت زي ماقلتي وقفت قراءة وبكتب
الحمدلله انا سعيده دامني بصحه وعافيه انا واهلي وبنتي
ماكذب واقول اني سعيده من يوم انولدت لهالحظه اكيد بتجيني مواقف ودي اموت من الكئابه استغفرالله ? بس الاكيد اعتبر نفسي سعيده ٩٠٪
ياحلوهم عايلتك احبهم احسكم كيوت الله يحفظكم ويخليكم لبعض
وياحبي لك بس يارب يصلحك ويكرهك حُب الاغاني يارب ☹???
قبل الفراءة / الحمد لله أشوف أني انسانه سعيدة ومفهوم السعادة
صعب ينوجد له تعريف معين لان يختلف حسب قياس الأفراد ل هالمفهوم
عموماً أنا متصالحة مع ذاتي وحابه نفسي وأحاول دائما أطور نفسي و
وأبنيها وهذي تخليني أبعد عن أشين صفتين في الدنيا الحسد والغيرة
المكروهه وفي نفس الوقت أحب أهلي وأقاربي واستمتع بالأشياء الصغيرة
في يومي أبسطها جلسة صديقاتي و وجبتي المفضلة ومتابعة حلقة مسلسلي
المفضل وترديد الأغنية اللي أحبها و جلسة أهلي وسوالفي مع الناس اللي
أحبهم وبعيدين عني من خلال السوشال ميديا وأبسط أبسط شيء يحسسني
بالسعادة منظر الغيم في السما و كوب من قهوتي اللي أحبها وووو أشياء
يطول ذكرها بس لو تلاحظين كل الأشياء اللي قلتها هي أشياء معنوية يقدر
أي أحد يستمتع فيها سواء فقير أو غني السعادة جزء منها الأشياء المادية
بس مو معناتها أن اللي مو حاصل له يكره الدنيا ويعتبر نفسه تعيس على
أشياء أغلبها تعتبر من الكماليات ، سابقاً في مرحلة من عمري كنت سلبية
لأبعد درجة أتعبت نفسي وأهلي معاي كانو يحاولون يسوون كل اللي يتوقعون
أنه يفرحني عشان يبسطوني وأنا ماكنت أخرج من المود السيء والسلبي هذا أثر
على دراستي وشكلي صار باهت وشاحب ودايم معبسه وأبسط حركة تزعلني
الحمدلله الحمدلله أني تغيرت وتركت هذيك الأطباع الشينة لووول الحين الحمدلله
فرق فرق من جميع النواحي لو مامريت بهذي التجربة وشفت الأثر على نفسي
ما كان ممكن أتصور أن مجرد التفكير ممكن يغير حياة الشخص صح لازم يمر على
الأنسان لحظات ضعف وحزن بس هي كذا الحياة مستحيل تكون على وتيرة وحده
بعد القراءة / ياربي عليك قلوووب لين بيتكم تشبهني بكثير أشياء الامتنان كنت
أبي أكتبه فوق بس ماعرفت أوصل فكرتي بالضبط وأنتي اسم الله على قلبك قلتي
كل اللي ودي أقولها في هذي النقطه ، وكنت أحسب أنا الوحيدة اللي ما أزعج
نفسي وأعصابي بزحمة الطريق أبوي الله يخليه لنا يككككره الزحمة فدائماً في
أي مشوار لازم يرهق أعصابه من الزحمة ودائماً أقوله دامك مو قادر تغير الزحمة
أستمتع بالانتظار ولا تزعل نفسك يقول مااقدر ههههههه أخر شيء صرت أفتح
معاه مواضيع نقاش لا منتهيه عشان يريح نفسه من مراقبة حركة المرور لووول
وأحياناً تنفع وأحيانا لا هههههههه والله يديم لنا ولك الأشياء اللي تسعدنا ولا
يحرمنا منك أرتوس وترا صدق صدق أحب وأستمتع وأنا اقرأ تدويناتك ويعتبر
شيء سعيد في يومي *قلوووب* الله لا يحرمنا أم السوس
اااااااه أرتوس
كتبت رد وانحذف …بصيييييح vv
كتبت قبل وبعد، على إني نسخت جوابي (قبل) لكن لما لصقته ما التصق !!!!!!!!!! ما أعرف ليييش
كنت كل شوي أرجع للموضوع وأعلق على نقطة
الحين ما فيني أرجع أرد .. ااااه اااه
بحاول أكتب باختصار:
دائم أحاول أكون متفاءلة لسبب واحد حتى أكون عند حسن ظني بالله، صحيح تجيني أوقات أتشاءم بس اذا تذكرت أستغفر وأتذكر عاقبة حسن الظن بالله
كلامك رائع وتعجبني مواضيعك الثرثرة
وصحيح حابه أقول : رحم الله أمك ووسع مدخلها وجمعك بها في جنتك
رد أمك لك كان مميز وجدا رائع إن شاء الله أطبقها مع عيالي هههههههه
دمتي دائما بود
أنا انسانه كنت سلبية جداً طوال حياتي لكني قرر اني اكون ايجابية ومتفائلة بإذن الله وقراري اتخذته هذا الأسبوع ، راح أطوي صفحة الماضي بكل آلامها .. اكتشفت ان الحياة قصيرة والأيام سريعة ، وأعرف أنه ماراح يصير لي كل شيء ابغاه لكني سوف أتقبل كل شيء يأتيني وأحاول تغيير ما أستطيع وسأصنع السعادة بإذن الله حتى لو بمقومات صغيرة محدودة . أشكرك لإن موضوعك تزامن مع رغبتي في التغيير .. ولله الحمد والمنه والفضل على كل شيء .
سامحيني تحمست مارديت عليك بنص الموضوع ههههههههه امم اعتبر نفسي نص ونص ماحب اجلس بالمود المعتفس فتره طويله احاول اروق نفسي بنفسي كوفي شموع او مشي كلامك صح وعن تجربه الرياضه أثرت فيني بقوه ماراح ادعي اني اني العب ايروبك كل يوم وو و.. بس مهتمه بالمشي عندي او امشي نص ساعه ازين من لاشي ❤ بالنسبه لكتب التطوير أنا اتفق معك فيها وسبقت وقلت لك اني من عشاقها بس انتي فتحتي عيوني وخليتيني انوع ثقافتي والفضل بعد الله راجع لك ❤ بالنسبه لي احاول قدر ماقدر اضخم حجم النعم بعيني واحمد ربي عليها ? واحاول اقوي جانب الثقه بالله بكل موقف امر فيه ?
يسعد صباحك الحلو
التدوينه شيقه بالنسبه حبيتها
دايما تدويناتك شي خاص واسلوبك شيق
رغم اني قريت التدوينه بهدواء وتمعن لكن اتوقع اني برجع اقراها مره ثانيه من جديد لانها اعطتني طاقه ايجابيه
– هل تصنفون نفسكم سُعداء ؟ أم أشقياء ( أقصد بها حَزينين أو كئيبين ) ؟ أم بين … بين ؟ وَ ش بيكون جوابكم ؟ وَ ليه
الحمدلله اتوقع اني بنسبه كبيره سعيده حتى لو كنت في بعض الاحيان غير مدركه لهذا الشي
لانه والله الحمد املك الصحه لولا وجود الصحه لا ماكان هذا وضعي الحالي
ومن وجهه نظري انه الانسان لو كان قنوع بالى عنده راح يكون سعيد لانه بيكون ابسط شي يمتلكه شي كبير بالنسبه له
…
إما أسامح أو أقاطع
انا في هذا النقطه اتفق معاك اتفاق تام
ويمكن تاثرت فيك وكتسبت هذا الشي منك سابقا
الانسان لزم يبتعد عن اي انسان يبث له اطاقه سلبيه
او هو مو مرتاح له عشان لا يوصل للبغص للحقد والكرهه
بس في مشكله اذا كان هذا الانسان احد الاقارب ف مااتقدر تبعتد لانج بتكوني مجبره لمجاملات وانه الوالد والوالده ماايزعلو لانه حابين تكوني قريبه من هالاشخاص معاني افضل الصراحه والابتعاد عنهم
الصراحه شي جميل وياليتنا نكون صريحين مع انفسنا والاخيرين
بحدود انها مااتوصل للوقاحه
عذرا ع الكلمات الملخبطه 🙂
في امان الله
أهليين وسهليين
الله يديم سعادتك والناس المحبة لك
صحيح الوسط أو البيئة اللي أعيش فيها تحدد سعادتي في كثير أحيان
وهذا الشي عجزت أتغلب عليه مع أن طبعي مسالم وسؤالي الدائم أنه ليه في ناس حالفه تخرب مزاجك
وبشكل عام أنا انسانة سعيدة ومصادر سعادتي كثبر الحمد لله سوااء السعادة الداخلية أو الخارجية
عندي عائلة محبة جداً الحمد لله ، زوج حنون ومتفهم ونقاطنا المشتركة كثير
وربي رزقني بنت مبتسمة وعبيطة ، وعندي قطوي اللي قمة في العبط
الحمد لله على نعمه ، تفضل علي بنعم لا تُعدّ ولا تُحصى
صباح الخيرات .. شكرا .. شكرا ولا تكفي ي مصدر من مصادر السعادة ?
رأيي قبل أكمل قراءة ..
أعتبر السعادة حالة مش دائمة ، تزورني بين فترة والثانية زي مايزورني الحزن أو خلينا نقول القلق والتوتر..
لكن بالنهاية أحس نفسي راضية وقدرت أكيف نفسي على ظروف كثيرة وصعبة وتتجدد كل يوم قدام عيني وتتطور .. لكن إلا ما أدرو على أشياء تبهجني وتخليني ابتسم او اوصل لحالة نفسية مريحة ومرنة.
أحب دائما أشوف الأمل بكل شيء مهما كان الوضع ميئوس منه لا بد يكون فيه تفصيل صغير مبهج ويقلب المعادلة او اقل شي يحسسني انو زي مافيه حزن فيه فرح كمان ?
على فكرة عندي ولد اسمه سعيد وبنت اسمها فرح ودائما معروفة بأم السعادة والفرح ?
صباح الخير يااجمل سوس بهالدنيا ♥♥♥
حبيت كتبتك لسعاده بسعادااااا حسيت جد بشعور حلو وكأنك تداعبين شعور السعاده
انا اشوف نفسي سعيده ومرات اصنع لنفسي السعاده عشان ابعد ذاك الشعور الكئيب
(ترا وقفت قراءه عشان اكتب جوابي ع سؤالك)
صراحه انا اول ماقريتها كنت مبسوطه بس لمن استكملت قرأتي حسيت بسسعاده جد
كلامك مؤثر فيني اساسا انتي من قبل تاثرين فيني ، زمان كنت مزعجه اهلي يطلع ويدخل اخوي وانا ارتوس قالت وارتوس سوت وحاليا زوجي لدرجه قبل كم يوم اخوي جاي وسمعني اسولف فيك قال هذي للحين ماخلصت خخ يقصد سوالفي عنك قلت ولاراح تخلصص ..
مره مره حبيت هالتدوينه خلتني ارسم خطط واعيد نظرتي باشياء كنت مستبعده اني اسويهااا بيوم من الاياام .. جد يا سوس انتي جدا جدا مؤثره
انا كنت بفتره من الفترات اشيل هم الي حولي اذ مو سعيدين ازعل واكتئب لين عشان اسعدهمم بسس كنت اشوف السعاده بعيونهم كنت مشغله نفسي فيهم وناسيه انا وش ابي ولا وش يسعدني بس بعدين قلت وانا مني افكر فيهاا وحمدلله حاليا اشوف نفسي افضل من قبل بكثير بس لسي ماوصلت للسعاده الي تغمرني وان شاءالله اوصلها قريب طبعا قلت هالجمله مو من باب جلب الهدف لا ماني مؤمنه بهالكتب الخربوطيه كلش بس مؤمنه ان للكل انسان هدف وبالعمل والجد راح يوصل للي يطمح له
عارفه جتني فتره بعد موت جدتي الله يرحمها واموات المسلمين اني راح اصحي من نومي والقي احد ميت من اهلي بعيد الشر عنهمم كرهت هالشعور وحمدلله باديه اتخلص منه شي مزعج صراحه انك تسمح مثل هالافكار تعكر صفو يومك وتخليك تفكر بشي مستقبلي الله وحده عاالم وش يصيررر
في حاجه بقولها لك انا انسانه متعاطفه وطيوبه واحب الصغير قبل الكبير طبيعيتي ماحب اسلوب الدق واللمز خلاص ماحبك اقطع علاقتي معك صريحه بافعالي مو كلامي مافيه شخصه ماقلت لها بصريح العباره ماحبك بس معادظصرت اكلمها امر من عندها ولاكانها موجوده ..كم مره اسمعها تقول للناس ليش فلان يحبها وانا لا وليش هي حلوه وليش كلام كثير مرات احسها مريضه بانفصام الشخصيه لانها اد شافتني تحاول تبتسم وتسوي حركات اني مره مهتمه لامرك ..بعد فتره اشتطت انا حاقرتها وتبي تفتعل مشكله عجزت بعدين افتعلت خلاف كبير وافترت علي كلام مره مره كبير تخيلي قالت انو انا اهدددها بالسحر تخيلي بشاعه الكلمه طبعا امها وخواتها صدقوا سؤالي لك كيف اتخلص من شعور الكررهه تجاهه لان جد هالشعور الي تكنيننه لهالاشخخاص خليك تفكر فيهم اوقات وتفكر بالجرم الي سوووه
احبك وربي كلامك مررره مثل البلسم خلاني اشوف امور من زوايا اخري
وخلاني اقول ان الدنيا لسى بخير ولسى فيها ناس حلو زيك
انتظري مني قريب ابشرك واقول حققت الي كنت مستبعده اني احقققه
اعذريني مارديت بوقتها بسس مرات انجنب اكتب وانا بمزاج سيئ احس انكد عليك وع الي يقرا المدونه
وحقك علي اني مااسمعك كلام يغثك او يعكر مودك
اتمني لك السسسعاده الابديه
بعد القراءة ..
أسعدتيني .. وفتحتي مخي على أشياء حلوة ❤
الله عادل في سماه .. لا بد كل انسان يآخذ نصيبه من السعادة ..
أسباب سعادتي موجودة .الحمدلله. وأتمنى تكون معاي طول العمر ..
أشكرك ?
أتدري من يزيل الهمـ ان ضآقت بكـ الدنيآ
ومن يرعآكـ لـآ ينسآكـ دومآ كيفمآ تحيآ
فسبحآن الذي يهدي ويشفي حيرة العبد
ويعطي دونمآ حدي جزيل الأجر في الدنيآ
أتدري من يجيب العبد ابدى السوء أو وآرى
ومن يجزي على المعروف جنآت وأنهآرآ
فقل يآرب بلغني لدآر الخلد والأمن
ونفس كربتي عني وجنبني أذى الدنيآ
أتدري من يزيل الهمـ ان ضآقت بكـ الدنيآ
ومن يرعآكـ لـآ ينسآكـ دومآ كيفمآ تحيآ
أتدري من هدى الإنسآن بالإحسآن يوصيه
ولآ يرضى له العصيآن فانظر كيف تعصيه
فمن تبدي له الشكوى ومن ترجوهـ مآ تهوى
ومن في عفوه السلوى على مآ كآن في الدنيآ
ماسبق من ابيات للحبيبه التي في عمر الزهور و مكتئبه..?
بعد اذنك طبعاً ؛؛؛
اما السعاده الحقيقيه تتجلى في مساعدتك للاخت ( نون ) عسى الله ان يكتب لها الرزق الواسع …. كان بجعبتي الكثير لكن تلاشى بمتابعتي لحوارك معهااا .. اسأل الله لها الخير … امين ?
صباح الورد
تصدقين انك تخليني في اغلب الاحيان اجلس مع نفسي اتأمل وافكر في اشياء ماعمري فكرت فيها
احس اني اقرب للسعاده مو معناه اني عايشه فوق الريح واحلامي كلها تحققت بس انه الحمدلله في السراء والضراء نفس الاجابه بعد ماقرات التدوينه وقبلها
لانه بصراحه مااقدر اقاوم الموضوع بصراحه ومارديت من وقتها عشان حابه افكر فعليا بيني وبين نفسي اكثر في اغلب مواضيع النقاش مارد من وقتها احب ارجع لها عشان مايكون ردي متسرع
الحمد لله اشوف نفسي افضل حال من غيري عشان كذا اقول اني اقرب للسعاده طالما انا بخير وصحه وعافيه وكذالك اللي احبهم وكل شئ يجي بعد كذا هين لانه هذه هي الحياه كل يوم وحنا فيها بحال
صح يمر علي اوقات احس اني تعيسه بس لما افكر جديا الا مايكون فيه امل عشان كذا صرت متفائله ومااشيل هم بكره زي زمان احاول اتأمل دائم حكمه ربي وانه الا مايكون فيه الاجمل ينتظرني وان ماحصل لي ماهو الا درس اتعلم منه
مااحب ازعل انسى بسرعه حتى الاساءه ماحب اعيش بنكد اتجنب اي شئ ممكن يسبب لي ذا الاحساس ولو على حساب نفسي اد ي انه عيب فيه ومازلت احاول اتغلب عليه
اجد سعادتي في ابسط الاشياء ومااوقف كثير عند شئ ممكن يعكر مزاجي
ترى وجودك من الاشياء اللي اعتبرها مصدر سعاده لي واكيد للاغلبيه ربي يحميك ويجعلها سنه حلوه علينا جميعا
كنت علقت بالانستا اني سعيدة وراضية بخيرة الله لي والحمدلله ..
وهذا زي ماقلتي مايعني حياتي خالية من الصعوبات ..
لكن والله صدقا مااحسن شخص الظن بالله الا وأعطاه كل خير ..
وماسعى عبد في حاجة أخيه إلا وسعى الله في حاجته ..
.
.
راح اشطح بمثال بسيط مريت فيه ..خاصة لما قريت بعض التعليقات تتكلم عن امنية الذرية او الزواج ..
.
.
أنا بطبعي أي معلومة آخدها او علاج لو أكبر استشاري لازم اسوي سيرش وأبحث وأتعمق .. احب هالشي واحب احساس انه ماانضحك علي وإني فاهمة ..
المهم لما اتزوجت وبعد ست اشهر راجعت طبيبة نساء مراجعة روتينية ليست لغرض الحمل .. وعرفت من خلالها اصابتي بتكيسات وحاجتي للعلاج ..
هنا تبدأ الحكاية صرت ابحث ورا دكتورتي والحمدلله اتأكدت انها امينة بخطة علاجي وكانت تشرحلي ملابسات كثيرة .. وقالت لي سيبك من عالم حواء واي حاقة عايزاها اساليني انا .. وصرت فعلا اسألها حتى لو سالفه ماتخصني وتجاوبني بصدر رحب ..
.
واستشعرت كثيييييير جهل اللي يشاركوا بالمنتديات والتخبيص اللي يصير .. وانا وحدة صح مقدر اغير الكل لكن مقدر اتفرج وبس .. فقررت انه اكون فعالة بقسم تأخر الحمل بمنتدى ما وأفيد غيري لعل الله يكتبلي الخير بدعوة او افادة لغيري ..
.
مرت الايام وصرت مشرفة بسرعة بسبب اهتمامي ومعلوماتي الصحيحة واعتمادي ع النصيحة بمراجعة الطبيب وفهمي لمعلومات التحاليل و غيره مو اختراع تخبيصات .. وانا فرحت لان برضه الاشراف يعطي مصداقية اكثر ..
.
خلالها اكتشفنا سبب قوي ونادر لتأخير الحمل وماكان ببالنا ابد .. وماعرفنا ايش نسوي ووين نروح .. كان وضع حساس مرررة لاسباب عائلية كثيرة منها ان زوجي وحيد اهله اصلا ! واقول له ترا ربنا بكلمة رح يقول كن فيكون .. احسن الظن بالله بتلقى الخير سواء بسرعة او بعد فترة انا راضية بقضاء الله انت زعلان ليه !!
.
والله ياتوسة خلال فترة احلف بايش ان الدنيا كانت تتفتح لي وتتيسرلي المعلومات بشكل غريب .. مثلا سوينا سيرش وطلعلنا نتايج كثيرة وحملنا بي دي اف انجليزي منها وطلع فيه دكتور مصري اول من نجح باطفال انابيب لمثل حالتنا بالضبطططط وان هذه كانت دراسته موثقة بكل تفاصيلها !
.
استخرت و صليت ودعيت وقمت فتحت اللابتوب لقيت الدكتور اللي ابي ابحث عنه جاي من مصر لمدينتنا تحديدا لاستقبال الاستشارات قريب !! متخيلة !!
والله انا نفسي مااصدق .. كله مثل الحلم ..
كنت احس يدي ترجف وماافكر غير انه قد ايش ربي سعى بحاجتي يارب لك الحمد .. سجدت شكر وانا ابكي ..
.
وحجزنا ورحناله .. ثم اتفقنا وبعد اشهر سافرنا لمصر .. ثم اجرينا اطفال انابيب .. ونجحت ماشالله من اول مرة بفضل الله .. رغم ان حالتنا كان متوقع لها احتمالية فشل عالية مجهولة السبب والدكتور رغم تفائله حط هالشي ببالنا ..
.
وحملت ماشالله بتوأم .. وولدتهم وهم ولد وبنت يارب يحفظهم لي ويرزق كل من يتمنى .. وكنت مستمره ادعم بتجربتي ومعلوماتي لكل من تحتاجها وماابي الا ان الله يعطيني احسن من نيتي مابي شي من الناس والله .. ( وكثير كانوا يراسلوني انه العين حق ولازم اختفي واخفي اخباري لحد مااولد مثلا ) !! وتجاهلتهم لاني مؤمنة بربي ومتحصنة وش علي من هالرعب القاتل من العين ! وكملت والحمدلله حملي اتيسر كثيير ..
.
نشرت قصة حملي ونشرت بيانات كل شي سويته واحتجته .. وطبعا انتقلت واتنسخت بمنتديات .. والله يارب يكتب بها النفع ..
.
والحين وبعد ماتفرغت شوي فتحت حساب انستا عن تربيتي لتوأمي .. وللاسف لظروف النظرة الاجتماعية مقدر اقول ان هذاك المعرف الوهمي بالمنتديات هو انا .. ومايهمني بس كنت اتمنى اللي يعرفني انه يوصل لي لأن والله مااخجل من هالشي .. بس مجتمعنا للاسف لاتعليق ..
.
.
انا ذقت جزا ربي عالعطاء ومااطمح الا للمزيد من البركة بحياتي .. باسم صريح او وهمني ماهمني المهم الهدف .. وقريب راح اعمل مدونة ..
.
حاسة فيك ياارتوس وحاسة بحجم السعادة اللي تحسين بها بالعطاء
انا ساهمت بابسط بكثير جدا من مساهمتك ماشالله عليك و
اتخيل نفسي لو صار عندي عدد مثل متابعينك اكيد قد ماراح احس بالأمانة والمسؤولية عن كلامي وغيره لكن اكيد هكون سعيده سعادة كبيييييييييرة وماراح اشوف قدام عيوني الا لذة العطاااء لعدد اكبر وبس ..
.
.
احس اني استفضت مررره بكلامي ..
بس حبيت اوصل انه بالعطاء ممكن نوصل لهدفنا الاساسي بطريقة غير مباشرة
ومن بركة الله ع حياتنا مش بجعلنا الامنية نفسها محور حياتنا ونعيش عالبحث ع الحلول وبتعاسة وحلطمة وبس ..
.
.
احبك في الله ياتوسة ❤
احس مافي اشخاص يكونون دائماً سعداء زي ما قلتي بس انا من النوع اللي بداخلي يبان على وجهي على قد ما احاول ان محد يدري بس بالغالب ان تعابيري تفضحني ?? بس انا اصنف اني سعيده بالاغلب نادر مايجي شي يحزني لاني من النوع اللي احاول اتجاهل ..
^
ما اميل له .. بالنسبه لصراحه بكون صريحه واقول اني من النوع الزعول ? وما ارتاح للي ياخذون راحتهم معي بزياده ? غير اهلي يعني احب احترام الخصوصيه ومبداء الاستئذان .. واما المقارنه حلو لو قارنت نفسي مع احد افضل مني عشان اتحسن يعني ما اشوفه عيب ?
ارتوس احسك جددتي فيني حيويه اني اعيش اللحظه لاني من فتره لفتره انسى او يمكن اتكيسل ولمن قريت احس اني بديت اصحصح ?
يعطيك العافيه تدوينه جميله تفتح النفس حتى ماقد طولت بالتعليق بس تحمست ? ❤️❤️?
مساءَ الفُل .
أنا الحمدلله اشوف نفسي إنسانه سعيدة .
ليش ؟ ما اعرف اسباب كثيرة ، يعني مثلاً :
اشياء بسيطة جداً جداً تسعدني وتصنع يومي !
فيلم ، كتب روايات ، مسلسل ، غرفة نظيفة مرتبة
تخيلي حتى المويا والشاور اليومي والفواكة يسعدوني !
يشحنوني طاقة ايجابية كبيرة كبيرة هذولا الثلاثة بذات
يحسسوني إن في حصان مبسوط يجري داخل جسمي ^^
الميوزك قبل كنت مستحيل اصحى من النوم رايقة خصوصا ايام الدوام ، حالياً اسمعها اول ما اصحى من النوم وانا اتجهز ، تنعشني تشجعني تعطيني طموح !
وغيرهم اشياء كثير كثير .
نظرتي لنفسي ! مبسوطة لأن نظرتي لنفسي
مش سطحية زي زواج اطفال وبس !
ما انتظر المدح و الكلمة حلوة من أحد
مبسوطة لأني اشوف نفسي مميزة بأسمي وتفكيري !
ما أسمح ل نفسي أكون زعلانة أكثر من ساعة !
كذا أحس قلبي حلو ما يستاهل يصير حزين :p
ولا أحب اقارن نفسي ف أي انسان .
هالاشياء أنا اشوفها حب ذآت ،
بس غيري يشوفها أنانية فَ حتى لو كانت أنانية
مبسوطة انها فيني .
أتفق معاك ف سالفة الجينات .
مرات نطلع مشوار أمي وأختي يكونون زعلانين وساكتين مُش عاجبهم ، وأنا و أبويا سوالف وضحك انه
فِ كل مشوار ما يعجبهم أقول ل ابويا شكراً ع الجينات الأيجابيه لول .
وسالفة يا اسامح يا اقاطع انا ادمجهم اذا السالفة كبيرة طبعاً ، اسامحهم عشان نفسي مش عشانهم ، ما ابغى كل ما اشوفهم او اتذكر السالفة انقهر وأتنكد .
و ف نفس الوقت ما اقابلهم ولا اعطيهم خبر اني سامحتهم .
والامور السلبية اللي عندي العصبية و المزاجية .
شككككككراً شككككراً وانا اقرأ البوست
احس اني فوق غيمة من الايجابيه اللي فيه .
مساء الحيوية
مابطول بالهرج ورايا اختبار اذاكرله .
مؤخراً احس إني وعيت ، ونظرتي للأشياء تغيرت كثييير ، فصرت اشوف السعادة من جانب غير عن قبل
اشكر ربي غيرلي نظرتي ووعّاني وانا بهالسن الصغير ، لأني صرت اقدّر الأمور
ايوا الحمد لله اؤمن إني سعيدة ٩٨٪ إذا مو ١٠٠٪ كمان ، وكل ما قرأت الحديث ( من أصبح منكم آمناً في سربه ، معافى في جسده ، عنده قوت يومه ، فكأنما حيزت له الدنيا ) يزيد إيماني إني سعيدة و زيادة الحمد لله .
مانختلف اوقات تمر علينا مواقف تضيّق منظورنا للدنيا وتخلينا نتمنى الخاتمة الحسنة ، لكن مجرد ينتهي الموقف نستصغر عقولنا الي خلتنا نفكر كذا .
لكن لو قسنا حالنا بالحديث الحمد لله نخجل نطلب ربنا حاجات أكثر .
ردي الاول راح الانستغرام واختفى هنا
لكن
بعد مااكملت التدوينه
ايش اقول من اروع الكلام ومن اروع الدرر حكيتي كل شيء تكلمتي عن اللي بقلبي يالله قد ايش كلامك ضرب لي على اوتار حساسه تشبيهيني كثير اشياء احب قوتك وعنفوانك ونظرتك للامور انت ملهمه لي ولكثير من البنات
والله من الفجر وانا اقرا واتمعن ولازلت ابغا اعيد وافهم كلامك
درر والله
من تاثري دموعي نزلت ?❣?
ابدعتي بمعنى الكلمه بالمدونه وردودك على البنات وابدعو الاخوات بكلامهم والله انهم عسل ?احب حتى اللي يحبك ياسوس
منظور السعاده غريب وسهل وصعب ومعقد وكل شيء
مااكذب عليك احاول اشوف كل شيء حلو بحياتي واستنبط السعاده واحاول اكون ممنونه للنعم اللي ربي عطاها لي
احيانا اربطها بالماده واحيانا بصحتي وصحه احبابي واحيانا بعلاقتي بزوجي واحيانا بعلاقه بربي وقربي منه وهي الاهم بالنسبه لي الصراحه
لكن السعاده اعمق واعتبرها بالنهايه حظ ربي يرزقه لمن يشاء وممكن الانسان بذكاءه يحسن من ظروفه ويصنع له سعاده
المهم ماراح اتفلسف كثير لاني احيانا انا نفسي ماافهم نفسي ولا اقدر اعبر عن شعوري
اكيد اتمنى الرضا والقناعه ليسكن قلبي ويستشعر نعم ربي عليه
واخيرا حتى الشكر والامتنان مايكفونك ولا يوفونك حقك ???
اسعدك ربي سعاده ابديه??
ورد على السؤال بإختصار
سعيده بين وبين بس اميل للسعاده اكثر
مدري ليه طلع تعليقي مكتوب
our comment is awaiting moderation
رغم ان في كومنتات بعده معتمده ?
تدوينه جميله
الله يديم عليك السعاده
تدرين بكرا اخر اختبار يوم لقيتك كاتبه تدوينه عن السعاده
جيت جري ههههههه
انتي احد اسباب روقاني
وبرضو المدونه شاي
تبسطوني بشكل مو طبيعي ربي يسعدكم
أعتقد أني بين وبين. حالياً فمرحلة انتقالية إلى حدٍ ما ولكني راضية. ماني أسعد إنسانة بالحياة ، أهلي مو أكثر ناس يفهموني ، عندي صديقات بمكان أخواتي. أنا ماني إنسانة كئيبة بشكل عام ولكني ماني غير واقعية يعني لكن الموقف سيء ما أشوفه أحسن مماهو أشوفه مثل ما هو وأضحك عليه أو علي أنا فيه أتحلطم أو أتطنز أي كان. السعادة بالنسبة لي أعتقد في أماكن معينة ماني سعيدة كل الوقت ولكن ما أعيش نفسي بمزاج الاكتئاب والزعل على ولا شيء. طبيعتي أسعى للي أبيه بشكل عام ولو ماجاني خلاص سهالات يعني ما أضيق صدري. بديت مع التاريخ الهجري أسعى لأهداف معينة خططت عليها وركزت على هدف منها وأشوفني مشيت فيه ولكن للحين مدري قاعدة أحاول أخلص نيتي لوجه الله لأنه شيء ديني خاص فيني بحت ونقول ان شاء الله عملي يكون خالص من الرياء. إضافة لتعديلات بسيطة فيني ولكني هذاني أشوف. أهم شيء الإنسان يكون رقيب على نفسه يعني ماني مثالية ولكني أحاول أكون أحسن. ما أدري أحسني سعيدة بشكل عام. عندي صحتي وعافيتي وقاعدة أحاول أغير من حياتي بشكل عام ، قاعدة أحاول أكتشف نفسي بشكل أفضل وش أحب وش أكره وش الشي اللي أبي أسويه أو التخصص الي أبيه فالجامعة ولكن للحين ما اكتشفت وقبل فترة شفت فيديو ب Tedex خلاني أوقف أفكر بهالطريقة وأني ممكن أشتغل بمجال ما أكرهه ولكني جيدة فيه وتكون هوايتي شيء ثاني. ما أدري يعني هل أجبت عن السؤال بشكل سليم ولكن ما أعتقد فيه انسان سعيد كل الوقت أنا مو سعيدة ولكني راضية. العام صار موقف فحياتي خلاني أمر بحالة اكتئاب تام ونزلت نسبتي نسبة مع أني ماكنت تراكمي ولكن أزعجني هالشيء رغم أنه السبب عائلي ولكن هالأشخاص لو نقصت نسبتي بيقولون محد طقك على يدك أنتِ ما درستِ أو وبينكرون أنه تصرفهم بهالطريقة كانت نتيجته نزولي دراسياً. هالسنة جزء من الكفاح أني أوقف أخلي الناس يأثرون بمزاجي وأوقف أخلي مزاجي يأثر على دراستي وأني أخليه يتعدل بأشياء بسيطة بخور أو قهوة واصبعين كتكات مدري يعني. أنا سعيدة الآن بكوني أسعى لأشياء معينة وأحققها وحولي أشخاص يحبون أفنان لأنها أفنان وليس سوى ذلك. سواءً كانوا من أهلي أو لأ. لأني مؤمنة اني مستحيل أتصنع شخصية مو لي عشان أحد. وبس والله بأكمل التدوينة يارب أنه جوابي سليم بعد ما قرأت التدوينة بس بأعقب على نقطة معينة أنا من الناس اللي تتحلطم بشكل عام مو بطريقة سوداوية ولكني أتحلطم كنت أحسه انه شي غلط ولكن ما قد أخذت محاولة جدية أني وقف ولكن ان شاء الله بحاول. يمكن أنها أشياء كثير تتغير أو كذا حسيت. شكراً آرتوس لوجودك سؤالك خلاني أفكر. ??
هذا جواب سؤالك قبل قراءة الموضوع
الحمدلله سعيدة حتى لو تعكر مزاجي او تضايقت احاول اطنش ??
ينفع اقول سببب سعادتي ؟
لما اساعد احد ويدعي لي
وإذا شميت ريحة القهوة ???
لما انجز أي عمل صعب
وبعد مااخلص من رياضتي جد جد احس سويت إنجاز ?? واحاول اشجع نفسي عليها
وإذا لعبت مع اخواتي الصغار ? يفرحون حيل ??
وإذا رحت السوق ??
وإذا سويت طبخة ونجحت ?
وإذا رديتي علي ??
استمتعت والله وانا اقرا لك هالموضوع
كنت ابي ارد بدري بس عشان اختبارات وكذا تو افضى ?
مساء السعادة والروقان ?
يمكن اقدر اصنف نفسي من السعداء
السعادة مقياسها يختلف من فرد الي اخر منا من يقيس السعادة بالمال والجاه والسلطان
بالنسبه لي احب استمتع بابسط الاشياء قراءة كتاب او قليلا من الهبال
بالنسبة للمدونة مصدر سعادة لنا جميعاً وخاصة قسم الثرثرة
سنة سعيده وانجازات اكثر باذن الله ?
اهلين ارتوس
سؤالج هل انتم من الاشخاص السعداء ؟
الحمدلله سعيده و م انكر توني هاذي السنه او السنه الي فاتت عرفت معنى السعاده .. شكثر طاف من عمري انه مب سعيده لاني م اكنت اعرف نفسي اصلا ف شلون اعرف اسعد نفسي ؟؟
طريقة تربية ابوي لنا اذا الواحد اخطأ يهمله كله ما يسأل فيه ولا يعتبره موجود عنده هاذي طريقة تربيه جيده وتأدب الشخص م يدري اني كنت طول هاذي السنين افتش عن ذاتي بسببه م اعرف شخصيتي سوى اني انسانه غاضبه واتذمر واطفش الي حولي واطنشهم ظنا مني هاذي قوة شخصيه او اني سريعة تعاطف وسريعة البكاء من اول كلمة تنقال لي انسانة متقلبه والوحيدة الي صادقتني ف كل هالفتره صديقه وحده حبيبتي ذي > تراني مب كبيره هههههه لكن ست سبع سنوات من سنين الدراسه هاذي معاملته لي
لكني الحين مب متحسفه ع نفسي لان الي ذقته من معاملته لي ما ابي اكرره لعيالي لاني عرفت تأثيره السلبي عدل<ما ودي تقرين رد سلبي مني ولا ودي احد يقرا شي سلبي ويتكدر لكن لاني اجتزت هالمرحله حابة اذكرها كتجربة لي واعتذر اذا نقلت شعور سليي لاحد
الحمدلله زوجي ساعدني وايد اجتاز هالمرحله حقيقة واختلاطي بالناس والحمدلله سلفتي إنسانة إجتماعيه والناس تحبها قمت اتعلم منها
بحكم اننا عايشين متغربين وتعرفت هي وسهلت لي الدرب من بعد الله اني اتعرف ع الناس واجاملهم واجتمع معاهم
والحمدلله صرت انسانه سعيده تحمد ريها ع تفاصيل حياتها حتا لو اني جربت الانجاب ف سن صغير الحين اقول الحمدلله لان التذمر بيضرني ما بيفيدني خلاص هاذي حياتي لما تصالحت مع ذاتي عرفت ان الحياه حلوة بحلوها و مرها
فلما اجوفج ي ارتوس اقول هاذي نتاج تربية والدين احترمو كيان وعقل الانسانه احترموج ككيان مستقل نفس الشي اعامل نفسي الحين واعامل عيالي والله يقدرني على تربيتهم تربيه صالحه الله يرزقج بر والدينج
واللحظات السلبيه ف الحياه لابد منها بس لما اختلطت بالناس عرفت ان همومي بسيطة ولا تذكر امام همومهم وكل شي بالصبر والتفكسر زين والواحد يتعب عشان يحصل النتيجة الي تسره لان الحياه بدون كفاح ماهي حياه هاذي موت الحياه يدون تنافس مع النفس واحط ع نفسي شوي وشوي اتدرب لين اتقن انه مب اقل من غيري عشان ينجح وانه قاعده مكاني الحمدلله ف كامل صحتي
حبيبتي ارتوس مواضيعج دايما حلوه مثلج
لا عدمناج الله يديم عليج السعادة والصحه والراحة النفسيه
مساء السعاده والحب ?
الصمت في حرم الجمال جمال .. خلص الكلام من عندي هههههههه يأختي انت احد أسباب السعاده لكل من يبحث عليها الله يخليك
لكن رح اجاوب على سؤالك ؟؟
أصنف نفسي سعيده كون اني أعيش بسلام داخلي وخارجي وكون موجوده بين ومع عيلتي وكون اني بصحه وعافيه وكون اني أحب وفيه من يحبني ومدام عندي رب فوقي يحميني ويعلم بكل تحركاتي وسكوني ( هو معكم أينما كُنتُم ) هذه الايه عظيمه لو استشعرنا معناها لوجدنا الهدوء والسكينه والسعاده فيها لكن هذا موش معناه اني على طول وكل يوم أعيشه له نفس المقدار مِن السعاده،، السعاده عندي مثل المد والجزر كل واحد فينا يمر او مر بظروف معيشيه صعبه من فقد احباب غدر شخص قريب فشل في خطوه او إنجاز تحطيم حلم مرض لو يبدأ وخز أبره الخ من منغصات الحياه لكن هاذ موش معناه ان خلاص الحياه مسكره بوجهي وانا انسانه تعيسه وماعندي حظ مجرد السماح لعقلي يفكر كده اكيد رح تبدأ تسيطر عليا السلبيه ويصير مزاجي دايم سيّء والبس لنفسي ثوب الحزن وتصير الكأبه ملازمتني على طول وكذا أصير انسانه مهزوزه وضعيفه اكره ما عندي التشاؤوم والندم والحسره لانه لو الندم والحسره تنفع لغيرنا أشياء كثيره بحياتنا لو بالتمني ما تمنينا انها صارت !! لازم نؤمن إيمان تام بان الحياه يوم ليك ويوم عليك ولازم تعيشيها بكل احداثها ومارح تتلذذين بطعم السعاده والفرح الا بعد الجد والسعي والاجتهاد من وجهة نظري الحلو والمر متممات لبعضهما البعض فلا توجد سعاده من غير حزن لان الحياه ماهيا الا دار عبور فليش اعبس واعيش في قهر مدام بعيش فقط مره على هذه الارض والله مافيه شي يستاهل نتكدر على خاطره ونصنف انفسنا على شي عابر في حياتنا (في جعبتي كلام كثير وثرثره لكن انت كفيتي بشرحك المدقق)
دمتي وكل ارتوسات العالم عايشين بسعاده ??
عزيزتي ارتوس أتمنى تقرأين ردي الحقيقية فيه أشياء ذكرتيها أوافقك فيها و نفس قناعتي مثل العطاء فيه ناس تقول الحياة أخذ و عطاء و هذا صحيح حسب وجهة نظرهم لكن الشخص المعتاد على العطاء بدون مقابل هذا وحده فقط وحده اللي يشعر بسعادة مهما حاول يوصفها لغيره لن يفهموها اشعر بسعادة عظيمة في العطاء تعرفين الوقت اللي تعطين و أنتِ في حاجة كيف يكون شعورك اكثر من لما تعطين و إنتِ مو في حاجة و الله شعور عظيم لانه يولد عندك شعور بكرم الله عليك و بالنسبة لرأيك في مدربي و كتاب تطوير الذات سبحان الله أمس كنت أكلم اختي عنهم و عن سخافاتهم و كذبهم مو وقت التفصيل في هالنقطة لانها طويلة المهم انا دائماً اقول ان السعادة قرار شخصي الظروف ماتصنعها و الحمد لله انا سعيدة جداً رغم كل شيء يمكن لو غيري يشوف حياتي مايتوقع السعادة لانه صاروا يقيسون السعادة بالماديات و الشكليات السعادة عندي لها أشكال كثيرة جداً اغلبها بسيطة جداً و معتادة و على فكرة انا عصبية جداً و جدية لكن سعيدة و من الغباء انهم يعتقدون ان العصبي غير سعيد ماله علاقة لأنهم مايفرقون بين الفرح و السعادة
بجاوب قبل اكمل قراءة التدوينة
الحمد لله اعتبر نفسي سعيدة ؛ يمكن البععض مستغرب مني و بسبب وضعي
لكن من ناحية اشياء اخرى اصنف نفسي سعيدة و قريبة للسعادة صحيح يتخللني حزن و يكون اما للهرمونات وقت البيريود او موقف صار لي لكن وقتيا و يروح
هل تصنفون نفسكم سعداء ؟ أم أشقياء
نعم سعيده والحمدلله دايماً كنت كذا الا فتره سنه ،، قبل ٣ سنوات بس هذى السنه ٢٠١٤-٢٠١٥ بذات سعيده بشكل خاص.. ليه ،، هذى السنه تغيرت اشياء كثير فى حياتى أهمها طبعاً نفسيتى اللى كانت فى الحضيض وأمتد هذا التغيير ليشمل نواحى كثيره ،، اممم بعد ما كنت منغلقه وحياتى محدوده وبس لزوجى وولدينى أضفت شخص مهم اللى هو انا .. وقفت ورديت زى ما قلتى ?
قلتى فى أنفس لئيمه مالك الاتبتر علاقتك فيهم هذا بالضبط اللى صار معاى وللأسف مع أثنين من أخواتى وحده منهم كانت توئم روحى و اولادها قطعه من نفسي بس لما كنت اجاهد لدوام علاقه مسمومه تأذينى وتأذى اقرب الناس لى واتاذى واذها مو بس ضارنى لا واصل لأولادى اللى اكبرهم كان عمره ٨ قطعت ،، بس بعده انا ارتحت بجد ارتحت قطعت تماماً ما أهتم نهائياً ولا تفرق معاى ايش ماصار ما كرهت بس خلاص ماصارو يعنولى
بنسبه لتحدى النفس يصير معاى لما أمارس رياضه المشى فى الشارع بجد أقول رح اوصل الين الشجره اللى هنا بعدين العمود ولما أطل لورا واشوف قد ايش مشيت احس بالسعاده ،،
من اسباب سعادتى علاقتى المميزه مع زوجى ولله الحمد برغم لنا ١٤ سنه زواج وطفلين بس مشاعرنا ماتغيرت ولاصابها الفتور ماشاءالله بل زادت عمق + انه لما أسمع صديقاتى او قريباتى يتكلمو عن ازواجهم أشوف قد ايش ربي رزقنى زوج فيه صفات كثيره جميله سواء بالمشاعر او التعامل معاى وأولادى طبعاً فى شغلات نختلف فيها بس مقابلها فى ايجابيات تطغى ،،
من اسباب سعادتى معرفتك يا أرتوس والله يشهد على بجد الحمدلله اللى يسرلى ربي واتعرفت عليكى ،،
الحمدلله ماعندى باد مود يطلع فجأه وأستغرب من الناس اللى تقوم من النوم بوز ،،
أحمدالله على نعم كثيره ربي مّن فيها على وعلى حبايبى ودايماً اذكرها لأولادى ،، فى ناس يحبو النكد والتشكى ومهما جاهم مو عاجبهم يالله ومهما تحاولى تبينيلهم الاشياء الجميله اللى يمتلكوها ما ينظرو الا للجزء الفاضى من كاسهم يعنى مايعجبهم العجب ودايماً حطهم سىء والناس وحتى سستم الكمبيوتر معند معاهم ??
حاسه ردى ملخبط ? بس ماحبيت أأجل ردى على الموضوع أكثر
الحمد لله يا رب ؛ فعلاً السعادة تكون بتفاصيل
لمة الأهل ووجودهم من كلامك عن ليون ذكرت ولد اختي ؛ مرت بتجربة سيئة اختي بعد الزواج و انقلبنا كلنا معها لكن فرحنا بانفصالها جداً وولدها ماي البيت علينا
كيف نصحى من النوم كلش مب مكانه او اذا جيت انام احصل الملعقة داخل فراشي كل هالاشياء تسعدني
و العطاء يسعد فعلا لما اسوي شيء عشان شخص احبه او قريب مني ؛ اللي ما قدرت افهم اللي حولي اني لما اعطي افرح اكثر من لما يعطوني ؛ لما اتابع فيلم او مسلسل اجنبي بما ان هذا جوي جد يسعدني
برضو انا قد درست انجلش افررح لما احد يفهم اللغة و قواعدها مني ؛ يعتبر مصدر سعادة بالنسبة لي
جالسة بالبيت لي سنتين و لاني بدون مصدر دخل فكرت ادرس خصوصي و فعلا بديت بشوية بنات فرحت كثيير اغنيت نفسي و اهلي و مارست شيء احبه و استمتع فيه و ان شاء الله اتوظف لأني من عشاق الدوام و الشغل
لما افتح مدونتك او انستجرامك و يطييررر الوقت و انا مستمتعة كل هذي الاشياء بسسيطة بس تسعدني
صحيح كثير اشياء ناقصتنا لكن ما يمنع عدم الاستمتاع بالموجود و في سعينا للحصول عليها
الله يديم عليك السعادة و يخلي لك الأهل
بالنسبة للسؤال … أصنف نفسي بشكل عام سعيدة والحمد لله … كنت قبل الزواج دايم يقولون لي انتي دايم تضحكين مع اني ماكنت بذاك الوقت سعيدة بس اتصنع السعادة يمكن علشان اخبي شي بداخلي بس الحين لا حسيت بطعم السعادة الحقيقية من داخل
بالنسبة للهدية انا صح أفرح لما تجيني هدية بس احس بالسعادة أكثر خصوصا اذا انا اعرف ان هالشخص يحب الهدايا لاني بسعده بس في حركات تنرفزني .. أول حركه واللي لازم تصيرلي مثلا انا عندي ظروف ماتسمح لي اني اجهز الهدية لحالي واوديها للشخص بنفسي لازم استعين باهلي بهاذي النقطة والحركه اللي دايم تصير اما من امي او من خواتي … انتي اللي تعطين فلانه هي بتعطيج بعدين ولا بس انتي تعطينها ؟؟ لازم يخلون سعادتي بالهدية تخترب ودايما أقول لهم انا ما اهديها علشان تردها لي انا اهديها علشان انا حابه اهديها او هالانسانه تستاهل اني اهديها ويقتنعون بنفس اللحظة ومايمر شهر الا وينعاد نفس السيناريو
ومرة صارت حركه مو حلوه من اختي حسستني بالاحراج كثير وانقهرت بنفس الوقت رحت لصديقتي والد لما وفي نفس الأسبوع رحت بيت اهلي … ما اشوف الا امي تقول لي أي اختج سالت فلانه كم عطيتيها عاد لازم اذا زارتج بولادتج تجيب لج بعد انقهرت كثير وكتمتها بقلبي مع انها المفروض اوقفها عند حدها بس من القهر ماعرفت وش اسوي وقتها
الموقف الثالث كان من صديقتي لما عطيت وحده من صديقاتي هدية لعيد ميلادها صديقتي هاذي صورت الهديه وحطتها بالانستغرام جات صديقتي الثانيه تمنشني وتقولي أي تعرفين منو تعطين وانا بيتنا قريب من بيتهم كان جبتي لي انا بعد طبعا انا هالاسلوب ما احبه ما احب احد يجبرني اهديه احب اعطي بمزاجي نسيت السالفة قبل يومين جاتني صديقتي الثانيه وحاطه كيكه وكذا تمنشني وتقول لي عيد ميلادي طبعا مفهومة هاذي الحركه انج مثل ماجبتي لفلانه جيبي لي
كلامج عن ليون حسسني كانج تتكلمين عن طفل حسيت بهذا الإحساس مع بنتي صح مرات اعصب بس بعدها اضحك او أقول بنفسي هاذي حلات الأطفال لازم التخريب والشقاوة علشان نحس انه طفل
بالنسبة لعايلتج انا لما تزوجت فقدت كثير جمعتنا عالغداء شي أساسي عندنا الجمعه عالغداء حتى اذا مو كلنا اقل شي اثنين جد تحسين بطعم الغداء غير ….. بالنسبة لاخوانج انا أتذكر اخوي الكبير الله يرحمه من النوع اللي مايقدر ياكل وجنبه احد ماياكل فيه طبع عجيب مره من المرات صارت له مشكله كبيرة عريضة بسبب هذا الطبع هذا الاخو الوحيد اللي حسيت بحنانه والحين اصغر اخواني طلع عليه احسه يشبهه في كثير أشياء خصوصا حنانه وحركاته وكلامه كلها تذكرني باخوي الكبير
انا اذكر اول ماتزوجت واخذت على زوجي لان احنا عندنا فترة خطوبة في هاذي الفترة تعودت عليه بس بعد الزواج من تقرب الدورة خلاص ينقلب مودي فوق تحت وتصير مشاكل بيننا لهذا السبب طبعا هو مايعرف شنو فيني ولأنه عصبي صار يكبر معي بالحكي يحسبني بعانده او ابي افرض شخصيتي عليه بيوم من الأيام بعد ماروقت طلعت معاه الممشى وفهمته قلت له شنو يصير قبل ماتجيني الدورة ووقت الدورة وعطيته حل من الحلول اذا شفتني معصبه لاتكلمني واذا كبرت معاك بالحكي لاتعاندني وترادد اتركني بحالي روح مكان ثاني او لاترد علي لما اهدا وبعدها نتفاهم سبحان الله مع الوقت صار هذا أسلوبه معاي على طول خصوصا لما حملت اذا شافني معصبه يسكت عني لما اروق ويتكلم معاي
واخر شي كلامج عن السعادة اذكر لما كنت صغيرة كان مشهور عني اني بنت عز وكذا بس الكلام هذا كله بالاسم سبحان الله الناس ماخذين هذا المبدأ دام اني من العايلة الفلانية معناها انا بنت عز ومليانة فلوس ومحد كان يعرف عن حقيقتي اللي هي اني انا بنت حالتي المادية اقل من المتوسطة بالرغم ان جدي تاجر كبير ومعروف فكنا لما نطلع نتمشى ونمر جنب بيت كبير ومبين عليه العز أقول ياحضهم كانت امي دايما لما أقول هاذي الكلمه تقولي مو مرتاحين واذا سالتها ليه تقول لي لان عندهم كل شي واي شي يبونه ينوجد عندهم واي وقت يبون يطلعون ويسافرون يطلعون وعلاقتهم مع بعض بالبيت مو حلوة كلا مشاكل وكذا لما خلت الفكره هاذي ترسخ ببالي ان أي بنت عز مو مرتاحة بحياتها ومهما يكون عندها ماتحس بالفرحه واي بنت غنيه تكون مغرورة وماتنزل مستواها لتحت وشفت عينات بالمدرسة معاي مثل كذا خلتني اجزم وأأكد كلام أمي كبرت وانا لازالت هالفكرة ببالي ماغيرتها ولا حاولت اغيرها لما بيوم دخلت شمواه وعرفتك وبعدها حبي اتعرف على شخصيتج اكثر ودخلت بحسابج بالانستغرام وبعدها مدونتج لما عرفتج اكثر وغيرتي كل هاذي الأفكار اللي دخلت ببالي وطلعتها وحاولت اني لما اسمع كلام وما اعرف عنه ما احطه بباليبدون ما اتعمق فيه وافهمه صح وبعدهاا اغرر مو اغرر من الكلام اللي اسمعه
وبالنهاية حبيت اشكرج على هاذي التدوينة لاني حبيتها كثير واستمتعت فيها
هل تصنفون نفسكم سُعداء ؟ أم أشقياء ( أقصد بها حَزينين أو كئيبين ) ؟ أم بين … بين ؟ وَ ش بيكون جوابكم ؟ وَ ليه ؟
شوي من هذا وشوي من ذاك.. طبيعتي أكون متطرفة في ردات فعلي وفي مشاعري .. ممكن اليوم أحس أني أتعس مخلوقة ثاني يوم أسعد الناس.. الحمد لله أشياء بسيطة ممكن تقلب لي مزاجي ولا أحب آخر اليوم أنام ومزاجي متعكر.
المبالغة في التفاؤل ,, بصراحة يستفزوني الناس المتفائلة بدون سبب..
قبل فترة قابلتني وحدة تتابعني مصادفة من سكان الجبيل أيضا ( بحكم أن الجبيل الصناعية صغيرة والناس تتعرف على بعض بسهولة)
ومن وقتها الله وكيلك نشبت بحلقي.. صارت تحس أننا صديقات و أني المفروض أعاملها كصديقة مو شخص قابلته وتوكلت على الله..
هالإنسانة مشكلتها متأثرة بكتب تطوير الذات تماما .. وشي قانون جذب وشي قانون تدفق النعم وما أعرف وش بعد..
وصارت تقيد كلامي وتتدخل .. بالذات في السناب.. لو اتحلطم لأن الانتظار طويل مثلا ولا متهاوشة مع مديري… نقزت لي وبدت نصائحها لا تخلين السلبية تتحكم في حياتك ,,, فكري بالأشياء الجميلة في حياتك وخليك ممتنة لها ..
أذكر مره حطيت بوست لأمطار في الصيف وتكلمت عن التقلبات المناخية وأنها صارت أسلحة في الحروب الآن وهالأمور اللي نسمعها.. علقت قالت أوووف ليش هالتفكير السيء ما أحب أفكر بالشر لأن التفكير بالشر يجلبه وأنا عايشه بأمان وأشكر الله على اللي عندي..
وقتها قلت اللي بقلبي.. أنتي متفائلة بمستقبل العالم لكن لما تدق هالمشاكل البيئية والسياسية على بابك وتوصل لعندك هل راح تعيشين نكران لمحيطك أيضا .. والحرب مهما كنتي متفائلة غيرك لهم زوج أو أخ أو أب على الحدود يتفائلون وقلوبهم مقبوضه..
آخر شي أعطيتها وحده في الصميم وخلاص .. قلت لها الخرابيط هذي أنا شبعانه منها ..
أنا واقعية والفاؤل يكون بسبب معطيات .. حتى الحظ مو مره أؤمن فيه .. كلها أرزاق تأتي حسب اجتهادنا واستحقاقنا لها..
أسامح أو أقاطع… ممكن لكن البعض يظل بيني وبينه حق الله في صلة الرحم ، وقتها راح أؤدي هالحق لكن ماراح أتكلف عناء تقوية العلاقات وإعادة المياه لمجاريها..
لا للتأفف والناس السلبيين ، .. نعم .. ما أحب الناس المتافئلة لدرجة البلاهة ولا أحب النكديين السلبيين .. أمرض منهم ودمي يغلي!
الرياضة والموسيقى و تعلم أشياء جديدة كلها شياء تنتشل نفسيتي و ألقى فيها متنفس يتحسن منها مزاجي ..
للأسف ما أعرف أعيش اللحظة … مو دايما .. بعض الأمور والمواقف تصير وأحسها حلم مر .. أحيانا أندم وأحيانا أقول الحمد لله ما أذر وش صار .. حسب اللحظة والموقف طبعا.
الله يرزقنا وإياك سعادة الدنيا والآخرة
موضوعك صعب ومُخيف، أنتِ إنسان جميل ربي يحميك ويزيدك ❤️، طيب بجاوب وما ادري اذا ردي له أهمية، اعتبر نفسي كئيب للأسف وهالشي ما اقدر اتحكم فيه انا كذا وأتعب منه واكبر خوفي أأثر على اللي أحبهم وازعلهم مني عشان كذا أحب أكون بحالي وقت الأزمات ومو كل مره يفهمون واحاول ارفع من نفسي لان اخاف أفقدهم وبس
فيه شيئين كررتي انهم سبب سعادتك الا وهم عائلتك.. وبرأيي هذا اهم سبب لسعادة الانسان لما يكون عنده عائلة مترابطه محبه يدعمونه ويحترمونه.. اناعكسك عائلتي سر تعاستي.
عارفه لما تحسين ان السنين تمشي وانني واقفه مكانك لا المكان ولا الاهل يناسبونك عارفه لما تحسين انك من كوكب ثاني ماادري ليش دائما عندي احساس انا مو انا وان الشخصيه اللي انا فيها حلم وراح اصحى منه وقفت عند كلمتك زي البهيمه فعلا انا لان بهيمه جالسه ابذل جهدي ان اكون بشر اكون انا الحقيقيه انا اللي احس فيها جواي وراح ابذل كل جهدي الحمدلله على كل نعمة وفضله ولكن يارب وفقني لتحقيق مااصبو إليه
حبيت بس اعلق لك وابين لك كميه البراءه زمان ?انا مناطفال الثمانينات تقريبا ببعد ماقريت سعادات البنات وابتسمت الصراحه ومشت ذاكرتي شوي عن بعض الاشياء من ذاكرتي اللي كانت تسعدني السعاده اللحظيه وانا صغيره بدايه اي مسلسل كرتوني تفرحني جدا واحرن بنهايته?حتى كل الفقره الكرتونيه الصباح او المسا وبقنوات الا ولى والثانيه فتره سعاده ?وكمان اي مشوار بدون تحديد وانا رايحه سعيده وانا راجعه ?مااحب الطريق اللي يودي لبيتنا ??اي قصه من القصص العالميه حقت الاطفال ?افرح من فقلبي فيها و احب المكتبه اجمل مكان ❣والحين بعض النضج يسعدني السفر بصراحه❤️❤️ وبالذات لما ازور دوله جديده ???وبالشتاء كمان اخذ لحظات سعاده كثير واسعد لما انتهي من وقتي الخاص بالرياضه واسعد لما اشوف فيلم وانبسط فيه واسعد لما اسوي اكله وتظبط اليوم سويت كيكه جزر ناجحه جدا بالمناسبه ??اسعد لما اشتري ماكياج اسعد لما احتمع حمعه حلوه من صديقه او قريبه غاليه وننبسط بجلستنا ?افرح لما يكون في جو مرح بيني انا اولادي ويرتفع معدل التفاهم بيننا اكثر??افرح جدا لما يجي تكريم وشكر لبنتي او ولدي من معلمينهم او درجه كامله في احدى المواد افرح لما امي تشكرني وتدعيللي على اي شيء اسويه ويسعدها واشوف بعيونها الحب يتجدد بيننا ??لبى قلبها ?افرح لما احس احد يهمني يسال عني ويتعنا لي ? افرح حدااا بالمفاجات الجميله ??والله قلبي مايتحمل من السعاده ❣واكيد انت ومدونتك وابداعك جزء من سعادتي ?❤️الله لايحرمني بس
بس كان مجرد تعقيب يمكن يكون لي واذكر نفسي فيه ???عشان استشعر اكثر بالسعاده
الحمد لله اشوف نفسي ربي منعم علي بكثيير من النعم
انا ولله الحمد راضيه وسعيده بحياتي
حكيتي عن حاجات ماكنت اعرف كيف اعبر عنها ❤️?
وحقيقه زدتيني اصرار وحماس احقق الاهداف اللي راسمتها
اصنف نفسي مابين وبين
الفتره الاخيره غالبا يسيطر على تفكير في مصادر سعاده غير مستغله او مو منتبه لهااو مو مركزه عليها او اصلا ماحس فيها لان تعودت عليها
لو كنت منتبه قبل كم سنه او احد نبهني عليهااتوقع بكون اسعد
+ حاليا السعاده عندي = التوازن
اهدف و اسعى ان اكون متوازنه في تطويري لنفسي في ترفيها في كل شي يخصني ويوصلني للرضاء عن نفسي ولتحقيق اهدافي
مرحبا ارتوس
تصنيفي لنفسي بين البين بس الغالب الحمد لله السعادة بالنسبه للسعادة انا سعيدة بكوني مسلمة مؤمنه برب ألتجأ اليه وعايشه بين امي وأبوي والناس اللي أحبهم أما الضيقه تمر علي بفترة ضغوطات الدوام (هذا تعليقي قبل اقرا التدوينه )
كانت التدوينه ممتعه وممتنه لك بذكرك كل هاذي التفاصيل اللي يكون الواحد غافل عنها بعض الاحيان
أنا سعيدة جدًا ولله الحمد.
والسبب يرجع لأن عندي كل شي أبيه
والله اختار لي عائله افضل مما كنت بختاره.
و توفقت بدخول تخصص تصرقعت خوف يوم انقبلت فيه بس اكتشفت انه يناسبني جدًا. حياتي مش كامله صحيح بس احسني محظوظة الصراحه.
الشيء اللي اعرف انه راح يخرب كل شي بحياتي
هو لو انخرطت مع احد شايله بخاطري عليه، مشاعر الكره اتجاهه راح تكلفني اكثر من طاقتي.
و لو احد عين نفسه مدير تنفيذي لحياتي اختم حقد ابليس على ادم.
اعتقد اني سعيدة الحمدلله لسبب عميق و هو الرضا , كل بؤس وراه سخط و كل ( سعاااداا ) وراها رضا , رضا عن الحياة بشكل عام .
( هالكلام قبل ما اقرأ كلامك , نكمل و نشوف 🙂 )
بعد ما قرينا , بدايةً فيك طعامة يختي تهبلين , الله يديم عليك هالحب اللي جواتك , جوابي ما تغير بس كان عام ووسيع عرفتي ؟ و لو بقول اش يسعدني في الحياة محا اخلص , الكلام يطول بس ع طاري الميوزك و الرياضة و الرقص انا مثلك و اضيف عليهم اليوغا ( هالاسترخاء العجيب اللي مستحيل استغني عنه ) مثلك اسمع كثير ميوزك تحسسني بالحياة اشياء قديمة ام كلثوم و عبدالحليم و الخ , اعتقد كمان من اسباب سعادتي نفوري من الناس العدميين كارهو الحياة محبين الكآبة ههههههه و مدري كيف ممكن انسان يجلد ذاته بمثل هالشي , عموماً حقيقي كلامك تنبع منه سعاداا و حب و حياةة و فررح عارفة ؟ تهبلين كلك ع بعضك , اعتقد في سبب يمكن هوا اساس سعادتك و هذا السبب اشوفه فيني و في كل انسان سعيد ( حب الحياة و حب الفرح و حب النفس و تقديرها و معرفتها ) و شكراً .
صباح الخير ارتوس❤
الله يديم عليك هالشعور ويجعل كل أيامك سعيدة
فعلا انتي اكثر وحدة تختار المواضيع الصح اللي دائماً تدور بذهن المعظم مننا، وبدون مبالغة الأفضل في الأسلوب وسرداً للكلام بطريقة تلامس القلب والمشاعر.
بالعادة انا ما اكتب او ارد على مواضيع تلامسني خصوصا لو كنت بحكي فيها عن شيء ما احبه يمكن عشان ما أقرّ فيها وأحاول اكون مسلمة او متعايشه لكن لا شعوريا بديت اكتب هنا
ماكتبت الرد وقت ما طلبتي لكن الكلام اللي كان ببالي ما تغير بعد ما أنهيت قراءة التدوينية
انا الحمدلله اشوف نفسي سعيدة الى حدٍ ما والأشخاص اللي مانحيني هذه السعادة هم نفسهم اللي موقفينها عند الحد الما
اهلي طبعا كفرد أسرة بينهم لي مكانتي دائما رأيي مهم ومطلوب وأكون الملجأ عند حاجة اي شخص فيهم وهذا الشي جداً يحسسني بسعادة انا ممتنة لها،
لكن بنفس الوقت احس اني فاقده استقلاليتي ما اقدر أتصرف اي تصرف حتى لو كان صح اذا ماكان موافق تفكيرهم او آراءهم وهذا الشي أثر على علاقاتي الاجتماعية اللي انحرمت من الاستمتاع فيها.. يعني مثلا امي تمنعني من زيارة صديقاتي رغم انها واثقه فيني لكن تتعذر بخوفها علي وفي حالات قلة معدودة قدرت أقنعها مع صديقة مقربة، احيانا اقول لنفسي عادي فيه غيري كثير اذا جت على زيارة الصديقات مو مشكلة ليش أتضايق، لكن مرة من المرات صار ظرف صحي لوحدة من صديقاتي وهي أصغر مني بالعمر ما قدرت اروح أزورها بحجة “وش دلع البنات هذا” ما اقتنعت امي بزيارتي لصديقتي لانها مو معي بنفس دوامي تشوف انها ماهي صداقه حقيقية اذا ماكتا بنفس المكان ولا حتى قدرت ارسل لها هدية بدون اي عذر مقنع، طبعا ما احكيلك عن موقف صديقتي مني بعد هذا الموقف الكل زارها ووقف معاها وانا المفروض اكون منهم بحكم قربي منها، بغض النظر عن موقفها هي انا مو راضيه عن نفسي اني بالظروف الصعبة لصاحباتي اللي أحبهم ما اقدر أوقف معهم فيها. مفهوم امي عن الصداقه سوالف وضحك ع الجوال او بمكان الدوام غيره لا، حاولت أناقش حاولت اقنع بشتى الطرق لكن بدون فايدة، اشوف مكانتي تتغير عند بعضهم بسبب المواقف اللي مثل كذا وهو غصب عني وما الومهم ابدا..
اتوقع اول رد بيكون للي مثلي فهمي صديقاتك وضعك، ما اقدر. فعليا ما اقدر ما احب يُنظر لي بنظرة مسكينة أهلها ما يخلونها او مين باقي ما يخلي بناته يزورون صحباتهم، وبغض النظر عن هذي النقطة منطقيا انا ايش ابغا في وحدة بأصعب أوقاتي ما بتكون معي، صرت اذا تعبت او صار لي اي موقف ما احكي لاحد عنه تجنبا لموقف بايخ راح انحط فيه اذا صار لهم موقف مماثل وما قدرت اكون معهم فيه.
ما اعرف كيف أتصرف مهما كانت فيه اشياء ثانية كثير تسعدني جداً الا ان هالجانب يأثر علي مره وتتلاشى سعادتي بعد كل موقف أخسر فيه ناس بشيء مالي يد ولا حيلة فيه
جربت بمرة اني أزعل بخصوص هذا الموضوع طبعا ما كان فيه اي ردة فعل بخلاف لو كان الزعل بسبب شيء ثاني .
تقريبا هذا الجانب الوحيد اللي ما احس اني سعيدة فيه بعكس كل شي اخر بحياتي سعيده ومستمتعه فيه ولله الحمد
بعد ما انتهيت قرأت كلامي لاحظت انه يفتقد للترتيب اكثر لكن ما عدلت عليه هو مجرد كلام بقلبي وقررت أطلعه بدون تكلف
يسعد ايامك ارتوس .. و تلبية لطلبك .. جوابي ..
ايوا انا غالباً سعيدة .. حتى احيانا لما امرض احاول اخفف الالم و اتذكر كيف كنت محظوظة بالصحة ، و اقول كلها كم يوم و ارجع زي ما كنت
و فعلا .. نص التعب يروح مني .. ( قبل )
بعد اكمالي للتدوينة ..
تنفست بعمممممق ..
انا طول عمري اخاف من الندم .. لاني ادري الندم يقلل من سعادتي .. لحد ما قررت اواجهه هالخوف .. و قصيت شعري ! رغم انه قرار صغير لكن كنت دايما احب شعري و عمري ما فكرت اقصه .. لكن حبيت اعلم نفسي ان الندم ما يفيد و انه ما فيه شي يسوى نندم عليه .. ( كل شي يتعوض )
و بعد قرأتي لتدوينتك .. الهمتيني لأكسير السعادة بنظري ..
اللي هن الإنغماس بالتفاصيل الصغيرة اللي فيه مشاعر و عواطف انسانية ..
تذكرت قد ايش انا محظوظه بحضن امي لي بحفلة تخرجي ..
كيف انا محظوظة بزوج يخاف علي و يسهر عشاني اذا مرضت و يضبط المنبه عشان مواعيد علاجي ..
قد ايش انا محظوظة .. لان ابوي يفتخر فيني ..
الإحساس بالسعادة نعمة .. محروم منها كثير من اهل النعم اللي ما يقدرون هم ايش عندهم .. و يحسدون غيرهم على صور و اشياء مادية .. يمكن لو حصلوا عليها .. كان قالوا بس ؟ و هذا هو الشي الفلاااااني اللي صجونا فيه ..
و بس يا عزيزتي ..
اتمنى لك السعادة من كل قلبي .. لان الله وحده يعلم قد ايش احبك .. ❤️❤️❤️
يالبى قلبج يا أرتوس حلو الواحد يقرا موضوع فيه كمية حب وافكار ايجابيه قبل نهاية السنه عشان تكون له أساس يقدر الواحد يمشي عليها ف الايام القادمه شكرا من القلب ،، طبعا ف الانستا رديت ع سؤالج ان تمر علي ايام سعيده وايام حزينه وايام بين البينين اهم شي الرضا والقناعه .
حابه اضيف نقطه ع كلامج العمر ايضا ساعات يلعب دور انا عليا اليوم غير عن قبل ٥ سنين غير عن قبل سنه حتى زمان كانت فيه امور كثيرة تضايقني وتنرفزني كنت تقريبا اعشق الدراما واسوي من الحبه أوبه حاليا لا زاد الوعي عندي وصرت اتعامل مع اي صعوبات ع انها تجارب وتحدي يا نجحت واللا فشلت في امور اصبحت سطحيه كلام الناس عني صار مااايهمني الناس السلبيه بعدتها عن حياتي وللاسف كثير افتكروني انانيه ف هالشي بس انا اشوفه حب لذاتي لاني فعلا مليت من السلبيه مليت من الشكاوي اللي ع الفاضي في امور واولويات في حياتي اهم زياده الوعي هو السبب الرئيسي ف سعادتي ثقتي بربي بتضحكين لو قلتلج اني ساعات اقعد اتكلم مع ربي وكأن شخص عزيز علي سعادتي اشوفها بكوب قهوة من ستاربكس ف اغاني فيروز ف مسلسل حابته ف هديه غير متوقعه بكلمه من شخص بمساعدتي لاي انسان ماعرفه بسفره بشوبينغ بنيو لوك بعنايتي اليوميه وطبعا وجود عيالي حولي بصحه وعافيه يخليني ما افتكر بشي اسمه هم ،، وأكيد في امور تزعلني ولكن صارت تأثيرها وقتي مش نفس قبل اقعد بالايام والاسابيع ، واخيرا لما الشخص يحط اهداف طويلة المدى وقصيرة المدى مثل ما تفضلتي وذكرتي ويجي اخر السنه يراجع ويكتشف ان حقق منها الكثير هني فعلا تطلع السعاااده من عيوني هممممم سعادتي لما اقرى مدونتج الراااائعه واستفيد منها هذي سعاده
اشوف نفسي اميل للسعادة اكثر ، يعني الحمد لله مستقرة في اشياء كثيره بس بالمقابل في اشياء كنت اتمناها لين الحين ما تحققت غصباً عني واخاف يروح الوقت ماوصلت لها
وبعد ما قريت كلامك نفس ودي ماتغير اللهم تفشلت من ردي بعد ماشفت ردود البنات ماشاء الله ??
هل اصنف نفسي سعيدة ام تعيسة ؟
اعتبر نفسي سعيدة و محظوظة ايضا , و في نفس الوقت واقعية جدا و لا ادعو للتفاؤل , لكن احمد ربي على ما رزقني
و اعرف ان ما حرمت منه فهو خيرة لي و لله حكمة في ذلك,
رغم ذلك مؤخرا اصبت بالقولون العصبي بسبب انغماسي في شغلي و محاولة تناسي الاحداث السيئة التي مررت بها ,\مع العلم انا من الناس الذي توجه له
“دائما أحسك دايم مَبسوطة وَ رايقة ؟”
هذا كان ردي قبل لا اكمل قراءة التدوينة , بعدها تفكرت بكلامك و قد ايش في تشابه بيننا خصوصا من ناحية اسامح او اقاطع ,
شي قد قراته من زمان و قعد ببالي عن صديقة تحكي انها قطعت صديقتها وقت ازماتهم او الفترات الصعبة اللي كانت تمر فيهم
و كان عذرها انه اخيرا مرت بفترة حلوة بعد فترة عصيبة مرت عليها ( هالكلام قرته قبل 5 سنين) كنت وقتها بالثانوي و ما فهمت كيف ممكن احد يتخلى عن اصحابه بوقت حاجتهم له , حاليا صرت اتفهمها و كلامها ما راح عن بالي , هالكلام لا يعني اني او هي قاسيات لكن اوقات يكون نمر بلحظات صعبة و نحتاج نتفرغ لمشاعرنا الخاصة , و صرت اعتذر لصديقاتي انه حاليا ما اقدر استمع لهم ,
المقصد من الموضوع لما نتفرغ لانفسنا وقت حزننا نقدر نتعالج و نصير اقوى و بكذا نقدر نوقف مع غيرنا, بنفس الوقت نحتاج اوقات نكون سعيدين فيها و لا نجعل مشاكل غيرنا تؤثر علينا و كل شيء بنسبة و تناسب .
شييء ثاني يحقق لنا السعادة هو الانجازات الشخصية كلما انجزت اكثر تصبح اسعد و اكثر ثقة , و غالبا الانجازات الشخصية ما تكون بين يوم و ليلة تحتاج فترة و تحتاج للكتمان حتى لا يؤثر اراء الناس على حماسك .
شكرا ارتوس عطيتيني الفرصة اتفلسف و احكي عما بخاطري , كنتي و ما زلتي قدوة لي في الاستمرار بالعطاء
تمنى لك السعادة في الدارين .
(قبل )اممم اصنف نفسي بين وبين يعني اكون سعيده لما افكر بوجود اهلي حولي ونعم كثير حولي وانا مو حاسه بس الكآبة اعتقد اني من جهه كثييير امور ماانجزتها واطمح لها لكن امور تعيقني اما اذا قصدك كوني اضحك دائماً مو ع طول الناس اللي طقطقه وضحك ع طول مااميل لهم خصوصاً انو اغلب البنات صاروا استخفاف دم وهما مش حولها يعني يجيك دمها ثقيل او طقطقتها ع الخلق وهي مو شايفه عمرها ?انفعلت ممكن عشان توه صاير موقف قدامي من هالنوع ( ثرثرة كثير اكمل واكتب لك باقي التعليق??)
ههههههههههههه ذكرتيني بالغضب ??انا عصبييية مااقدر مااااقدر اسيطر على نفسي لاعصبت ، ع فكرة ارتوس انتي شخصية تحمسسسين مدري شلون لاشفت اسمك وكلامك دفعهة نشاط تجيني .وبس والله ?حبيت موضوع التدوينة دائماً متفردة >>> دائماً تعليقاتي تطلع عن الموضوع الرسمي ?
ماادري شنو اكتبلك كومنت لكن الله يديم لك كل النعم ويسعدك . سعادتي تتلخص بسعاده من احبهم, أي شي بيدي اقدر اسويه لامي وخواتي يبقيهم سعيدين ماراح اتاخر فيه في يوم وعدت نفسي ما انام في ليله واحد منهم ماخذ بخاطره مني, وخاصه ان سلسه الفقد ووفاه اكثر اشخاص بحياتي ورى بعض من ابوي بعدها جدي وبعدها بنت خالتي قريبتي الوحيده في العائله كلها وكنت اعتبرها اختي الكبيره وبعدها جدتي والمؤلم وفاتهم جت فجأة بدون مقدمات بستثناء جدي اللي كان مريض. الله يسكنهم فسيح جناته
بين وبين هذا جوابي فالبداية وكمان الحين
لانو اكتشفت انا عايشه ف كذب ع نفسي اجامل و اراعي ع حساب نفسي .. واحيان اعصب من نفسي لاني مو فاهمتني كثير ..
شكرا ارتوس ح اجلس اليوم مع نفسي و حاكون صادقة مع نفسي ..
وع الاغاني جدا ما احب اسوي شغلة ف هدوء ازم اغاني ميوزيك شوفيني اقراء تتدوينتك واسمع ميوزيك واكتب واسمع ..
حتي لما ارسم اطبخ اكوي اوي ميك اب لاااازم اغاني او ميوزيك ..
شكرا جدا ع موضوعك جدا ملهم وغير جد جد ممتنه لك زممتنه لانسانه قالتلي عليك ” هارت ”
ما اخفي عليك يا ارتوس احيان اخف ارد عالتدوينه عندك او اي شي يخصك .. لانك ماشاءالله تفهمين الاشخاص حتي من خلف الشاشه !!!!!
وخصوصا انا كتاب مفضوح الكل عرفني من يشوفني ..
لاتنسيني من دعواتك للاتغير للافضل
احببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببك ومتابعتك كثير احببببببببببببببببببك بجد
ارتوستي الجميلة ..
انا انسانة ابدا ما أميل للقراء .. بسرعة أمل من الكتب .. الا مدوناتك رااائعة احسها تدخلني جو ثاني
طول ما أقرأ كلامك لا شعوريا تعابيري تتغير مرات ابتسم مرات اضحك مرات ابكي
دايما تدخليني بجو من السعادة وشكلي بحب القراءة بسببك ههههههه
تصدقي ارتوس تغير مفهومي للسعادة وللحياة عموما بعد دخولي سن الثلاثين .. بديت افكر بشكل اكثر عقلانية
كنت احس بالغبنه مثلا ليه مااقدر اشتري ماركات هاي اند .. ليه ما اقدر اشتري مكياج كل شهر .. ليه مايكون مصروفي عالي ؟؟ كنت اشوف هالناس اللي تشتري هالامور اكثرهم سعادة
لين بديت اقنع نفسي ان هذي ارزاق يقسمها الله لمن يشاء ..ه والله يزيدهم من نعمه يارب ولا يغير عليهم
صرت احس بالسعادة باكثر الامور ويمكن الواحد يعتبرها تافهه ..
جلست سنين طويلة مارزقك باطفال والحمد لله على كل حال .. وتعالجت وحملت بتؤام كنت احس خلاص هناا السعادة
لكن شاءت ارادة الله سبحانه واجهضت .. حزنت وقتها اكييد ..بس سبحان الله جاني بعدها شعور عجيب رضا تام ولله الحمد وسعادة اني قدمتهم للآخرة .. وانه قدامي العمر بحول الله اجيب اخوانهم في الدنيا
هالموقف على صعوبته الشديدة الا انه خلاني اعيد النظر في امور كثيرة .. اكثر شي تمنيته بس انه اكون بنفس هالمود واناا بالعشرينييات لووول
واكييد كتاباتك هي مصدر سعادتي ربي يجزاك الجنة
وسامحيني كلامي خربوطي مشاعري مختلطة
“بين … بين ” و مرات أحسن إني Bipolar من شدة تقلب مزاجي ..
يعني ممكن أتحمس لكتاب و في قمة الحماس للقراءتة و النشوة و المتعة اللي أحسها ما أنام و أكمل يومين مواصلة مشان أخلصه به ..
و تمر أيام ما ودي أترك السرير 😀 ..
.
.
آرتوس ..
بالنسبة ليي القراءة لك لها مفعول قراءة كتاب أو مشاهدة فلم ملهم ..
أحس نفسي بعدها مشحونة بطاقة إيجابية ..
أحبك لما تتكلمين عن الفاشن و مستحضرات التجميل .. أحبك لما تنتقدين .. لما تعبرين .. لما تتكلمين عن نفسك ..
أول مرة طحت على موضوع لك كان موضوع طبخة و تحديدًا ” الصيادية ” ..
و كانت منسوخة و ضاعت مني بعدين ..
و قبل تقريبًا 4 سنوات مدونة شاركت موضوع لك على منتداك ..
كل مرة أتذكر هاللحظة أحس بسعادة أن كنت محضوضة و وصلت لك ..
و صدقًا تعلمت منك ما أكتم العلم لو حسيت إني ممكن أفيد اللي قدامي ..
.
.
وتعقيبًا على حكيك () ..
كان عندي دكتورة بمعنى كلامها ” أن اللي تخاف تعمله قدام الناس لاتعمله بالخفاء و أن إذا غلطت أتكلم و أعترف بغلطك ”
أحس كل ماكثرت الأشياء اللي نخجل منها في حياتنا كل مازادت تعاسنا .. و تصير هالأشياء قيود -شفاشة ربما و غير مرئية- لكن قوية و أصلب مما نظن ..
و نقطة الأمراض النفسية .. أحيانًا نقص أشياء بسيطة مثل الفيتامينات تتسب في ضيقة – كآبة – لكن أحينًا لأسباب ربما دينية أو اجتماعية ما نبحث عن الأسياب ..
دمتِ بسعادة ياجميلة () ..
ياحلو كلامك يارتوس كنت محتاجه اقرا تدوينتك ذا الوقت لاني كنت افكر بيني وبين نفسي انا طول الوقت ماشاء الله متفاءلة ومبتسمه ممكن لاني ممتنه حق شغلات كثيرة بحياتي واحس محظوظه جدا حتى بابسط المواقف ممتنة لاهلي ولعايلتي وولدراستي ابسط التفاصيل اليومية تسعدني مرات اشك بنفسي اقول معقولة انا بس بروحي افكر كذا ومتفاءلة ولا الناس واقعية اكثر مني وانا ساذجة وبعالم ثاني لكن عشان ارتاح صرت امشيء على قاعدة اني اتفاءل واعمل بنفس الوقت لان مرات التفاول وحدة سذاجة ويجرني للتسويف فتلاقيني انتظر شغلات تصير وبنفس الوقت انششغل بانجاز اهداف ثانية بذات هالسنة سعادتي صارت اضعاف ولله الحمد دراستي وتخرجي من اهم اولوياتي ثم موضوع الجمال والرياضة دايما يارتوس من الصغر بيني وبين نفسي احس اني بكون حاجة عظيمة كيف مدري يمكن لان الوالد زرع فيني هالشيء من الصغر ابسطها موضوع دراستي كان من اهم احلامي ادرس برا وماكنت ادري كيف بيتحقق وبنفس الوقت كان عندي ثقة كبيرة اني راج ابتعث وفعلا تيسرت اموري بشكل رهيب عشان كذا بالرغم من كثر الاحباطات والواقع كلما اتذكر هالمواقف تزيدني تفاول,
انقطعت عن النت فترة شهر عن كل وسائل التواصل الاجتماعي وكل مواقع النت ،شوي ابي احس بالحياه حسيت انها اخذتني من حياتي وحسيت اني اسوي اشياء بس عشان اصورها وبسببها حسيت اني بديت ما احس بسعاده حياه رتيبه ممله ادور تفاعل ناس في عالم افتراضي في هالشهر حسيت بسعاده جمييييله وبهجه الطلعه لها طعم الاكل التلفزيون جلستي مع اطفالي مع زوجي مع اهلي احس اني عايشه اللحظه وحسيت انه هذا اعظم سر من اسرار السعاده اني اعيش اللحظه واكون حاضره واصلا من اول ابسط الاشياء تسعدني الحمد الله واذا زعلت وتكدرت ما اطول واحيانا اقول لنفسي امس كنت زعلانه اش ذنب اليوم اكون زعلانه فيه والسر الثاني للسعاده الامتنان ، الامتنان لكل شخص ولكل شي جميل بحياتنا
ممتنه اني بصحتي وعافتي
ممتنه لوجود اهلي واخواني وزوجي واطفالي
ممتنه لصديقاتي
ممتنه لكل النعم الموجوده والي تعودنا على وجودها وماصرنا نحمد الله عليها
انا ممتنه اني اعرفك واتابعك من زمااااااان من ايام شمواه
في مقوله قرأتها مره ورسخت في ذهني تقول ” متى اخر مره سويت شي لأول مره” لما اتذكرها احاول اسوي شي جديد لأول مره اي شي بسيط، كبير بس ماقد جربت شعوره من قبل واحس بسعاده جميييله وبهجه
ومثل كل العالم عندي اشياء تنغص علي وتحزني بس من باب اني استحق اعيش بسعاده مااركز عليها
شكرا ارتوس الله يسعدك
والحين بروح اقرا التدوينات الي ماقد شفتها ❤️
.
ياهلا والله?.
اقسم بالله فاقده تدويناتش الشبكة حقنا لازم نشحنها المهم جربت يومين بدون شبكة واعجبتني ذي اليومين ? يختي يمديش تسوين كل شي نظامي تغير كله صرت اقوم من بدري وانام بدري اقوم ارتب واتكشخ وانا كنت اقوم على الجوال المهم حبيت الفكرة وقلت خلاص لا نشحنها اذا رحت بيتنا تجيني شبكة تكفي بس والله فقدت تدويناتش فرحت بيتنا وحفظت التدوينات ( صورت الشاشه ) وقريتها في بيتي وارد الحين في الملاحظات عشان اذا رحت بيتنا انسخها وارد بها كيف بس الحركة ذي كلها عشان مارجع الشبكة????? ما علينا نرجع للموضوع ،،
هل انا سعيده ؟ نعم الحمد لله.
كلامش عظيم وعميق جداً احب ذكرش لادق التفاصيل احسش جزئتي كلمة سعاده مفهومش للسعادة جميل جداً.
بالنسبه لي اشياء بسيطه تسعدني جداً ولمدة طويلة يعني ، من اسباب سعادتي //
– كلمة حلوه تنقال لي يسعدني ذا الشي?.
– اذا صارت صلاتي افضل من قبل.
– اذا ختمت القران في الفترة الي انا محددتها هنا اعتبره انجاز بعد.
– اي انجاز مهما كان بسيط يسعدني اني حققته.
– جمعه اهلي ومثل ماقلتي حتى لو كل واحد على جهازه.
– اذا تذكروني اهلي بشي بسيط بس ذا الشي احبه مثلا كانو جالسين في الحوش وحلا وقهوة وشاهي ( انا احب ذا الجو قعده الحوش ) وانا ماني عندهم يدقون علي تعالي او يجون لي.
– اذا راحت امي السوق وجابت لها بلوزه وجابت لي انا واختي مثلها نطقم يعني ??مع اني ماحب البس مثل حد ومستحيل البس بس احب ذا الشي لانها فكرت فيني طبعا البسه عندها في البيت ?.
– العطاء مثل ماقلتي والله فرحته احلى من الاخذ من جد تسعدني ابتسامه عامل النظافه او حتى الخدامات في العيد مثلا بجهز عيديات الاطفال وعيديات للخدامات وعيديات للي احبهم جد فرحة الخدامات غير.
– خرجت السوق تغير لي نفسيتي حتى???.
– اذا جلست اتعلم مكياج وفي الاخير ضبطته???.
– لما شفت اختي الصغيرة ماسكه شنطه المكياج وجايه توي وتقول ميكو ميكو وتخليني اجلس وهي تسوي لي ( عمرها سنتين ونص ) بس من كثر ماتشوفني على المكياج صارت تعرف البلاشر وين والروج وين والحواجب وين وامي تقول خربتي بنتي من بدري???.
– اذا اتقنت وصفه وصارو الناس يربطونها بي مثل المكرونه والتشيز كيك ، يعني التشيز كيك كانت محاولاتي له فاشله وكان عددها ١٠ مرات فاشله على مدار سنه بس طبعا الفاشله احيانا اقول حرام ارميها فارسلها للمسجد وماشاء الله ياكلو الاخضر واليابس يعجبهم ثم يقولو سوي لنا مثله بكره وهو والله طعمه يجيب المغص?، عموما كنت ابغا اوصل لتشيز كيك بيتزا هت وبعد ١٠ محاولات فاشله اخيراً ضبطت التشيز كيك ???????? موب نفس طعمه بس حسيته مقارب واكثر شي اسعدني وقفه ابوي معي?كان يساعدني من كثر ماشاف ذا الشي شاغلني لدرجة اخر محاوله الي نجحت جلس يجمع الاغراض اسبوع كامل من اكثر من مكان عشان ماينقص ولا غرض ? ويوم قدمته كيف كانت ضحكته وفرحت اهلي من جد فرحتني يعني شي بسيط جدا بس انا احب ذا الشي فكلهم وقفو معي الله يسعدهم صورتهم ماتروح من بالي وكل واحد مجهز الشوكة والابتسامة شاقه وجهه ??????.
– الموسيقى والرياضه جدا فعاله معي?? احيانا افصل واجلس على شيلات ? واحيانا اغاني سبيس تون جد جد تعجبني??.
– اذا كان فيني نوم وهو وقت غداء ونمت بدل ماسوي غداء واصحى القى زوجي مسوي غداء او جايب ومرسل لي انا تغديت وخرجت بتلقين الغداء على الفرن والباقي في الثلاجة صدق شي بسيط بس يكفيني انه ماصحاني وخلاني انام اقدس الشخص الي مايصحيني من نومي?.
عموما كثرت بس ذا شي بسيط من الاشياء الي تسعدني مع ان عندي اشياء تجيب لي اكتئاب او تقلب مودي بس احاول مافكر فيها كثير هي تقريبا ٤ اشياء.
اول شي اسناني انا من وانا صغيره اعاني من اسناني على اني محافظه عليها بس تتسوس بسرعه واخر فتره رحت طبيب اسنان سحب العصب من سني الامامي وانا ماعندي علم ان السن بيسود سالته قلت بيصير سني رمادي قال لا قلت اكيد قال ايه وعمي الي مدحه لي ( عمي في الصحة ) المهم الحين السن كل ماله يتحول لونه رمادي ورحت طبيب ثاني الي اعرفهم يشتغلون عنده حلو شغله قال الي سواه غبي ولازم تلبيس مع اني رافضه فكرت التلبيس مدري خوف ولا حرام باقي صغيره والبس من الحين عمري ٢٠ بس سلامات ابتسامتي اهم فقررت اني البس السن والله يعين.
ثاني شي الناس مع ان كلامهم مايهمني والله بس موضوع دايما يطفشني انا شخصيتي موب هاديه ابدا يعني بين اهلي مزعجه وحركتي كثير ومشاغبه وماسكت وبالمثل مع زوجي ومع البنات واذا في مجلس حريم بس تعالي لمجلس وفيه احد من قرايبي الرجال ماني اصير هاديه بس ماتكلم كثير بسمع بعلق بس ماقول سوالف يعني ،، وزوجي شخصيته هادي ومايتكلم كثير بس معي لا عادي المهم دايما يعلقون يعني كذا حد يقولو انتو كيف مع بعض تتكلمون ولا لا؟ ودايم ردي مالكم دخل بس مصخوها والله مدري كيف ذولا عايشين انتو شكلكم تنسون وش اللغه ومن ذا الكلام الي يطفشني انه ممكن يقطعون علي سالفتي عشان ذا الكلام والي يطفش زياده اني ماني كذا يعني دايم اسولف وموب هاديه وشخصيتي حابتها جداً ومع ذلك يطفشني كلامهم بس اطنشهم لاني عايشه مع زوجي حياه كل الي يتكلمون متاكده انهم يتمنونها يعني يتقول مثلا يوه مدري كيف عليشين ذولا ومن امس شافتتي في الحوش انا وهو نتسابق ولا نلعب كوره يعني شي غريب،
بس الي ودهم والمشكلة بعد كل الي ينتقدون دايم اعرف نظارتهم لي وكيف ان شكلي وشخصيتي تعجبهم عموماً ممدري وش تفسير ذولا ??.
شي ثالث بعد بشرتي? للاسف سويت تقشير وقلت لش نتايجة جميله بس اسحب كلامي?? اول شهرين جات بشرتي تهبل وكلن سالني وش استخدم بس ثالث شهر الله لايرويش قلبت بشرتي اعوذ بالله حب كل وجهي وقبل كان بس خد واحد فيه اثار بسيطه وقلب وجهي مسام كبيره وصار شكله مزعج ?? لما اقرب من المرايه يجيني بكوة ??تخيلي من كثر ماشانت مستحيل اجلس بالبيت بدون مكياج اول ماصحى بقوم والبس وكل شي كنت بالعاده ارطب وازين حواجبي وروج وبس ااحين لازم بيبي كريم ولا فاونديشن بس ان شاء الله اوقف شوي ترتاح بشرتي ثم بدور لي دكتور جلديه.
اخيراً الدورة الشهرية هنا انقلب نفسيه بشكل?.
وبس والله ٤ اشياء جايبه لي هم بس هم موقت يعني بتمكيج بيروح هم بشرتي وكذا يعني?.
المهم السعاده حتى في اشياء ممكن تكون متعبه بس بعدين نتذكرها تكون حلوه اشياء كثير.
شي اخير اعرف وحده حامل وهي ماكانت تبغا ثم هم الدنيا فيها وكارهه نفسها وبلا تعوم وتتحسر وان الحمل تعب ومدري وشو المهم اني اشوف الحمل على الرغم من انه تعب الا انه لحظات جميله جداً والله احساس جميل فالمفروض الوحده تعيشه بكل لحضاته ( مابعد جربته ترى ).
المهم طولت والله المفروض تفتحين قسم في مدونتش اسمه ردود فاطمه ??? بس اني اتحمس وانت ارد ?? حبيت حبيت حبيت التدوينه، ومع كل شي ذكرته رجعت اتذكر اللحظات وجاتني فرحه والله.
شكراً من القلب ??.
صباحك فَيروزي
انا مُقتنعه ان السعاده شعور داخلي وينبع من الداخل ، ما لأي احد صلاح بإني اكون سَعيده او تَعيسه ، ولا فلوس ولا منصب
فعلاً زيك اتضايق أول ايام الدوره الشهريه اصير تعبانه وطايحه عالسرير مقدر اسوي شي اكره الانسداح عالسرير الاوقت النوم ، انسدح بغير وقت النوم شي يحسسني بالمرض حقيقه
مرات الناس اذا شافوا شخص دايم فالّها على قولتهم وعايش حياته يحسون انه غبي وعديم الاحساس بمسؤوليات الحياه معليش بس ترا بعد الأغبى والأغبي اني اتلف اعصابي عشان دنيا ممكن تنتهي خلال هذي الساعه
ايام الاختبارات ماكنت احتاج وقت طويل للمذاكره لان كل السمستر وانا بذاكر واراجع ايام الاختبارات كان عندي وقت اذاكر زين و اشوف فيلم واتمرن واتقهوى مع امي ونسولف ساعه او ساعه ونصف صديقاتي اللي عندي بسناب تشات يقولون عايشه حياتك ماكأن عندك اختبارات .. يعني صار مُرتبط التعب النفسي والجسدي بايام الاختبارات !! بالنسبه لي تعديت هالمرحله
احاول قد ما اقدر ان اخلي يومي سعيد باي ظرف وباي حال ، اكره انام متضايقه او زعلانه اروح اتفرج اي شي ممتع ممُضحك او اكلم شخص احبه بعدين انام
– هل تصنفون نفسكم سُعداء ؟ أم أشقياء ( أقصد بها حَزينين أو كئيبين ) ؟ أم بين … بين ؟ وَ ش بيكون جوابكم ؟ وَ ليه ؟
انا اصنف نفسي مابين وبين احاول قد مااقدر اكون سعيده وابسط نفسي باابسط الاشياء حياتي هادئه نوعا واصدقائي قليل واخر همي وتفكيري الناس وارائهم علشان كذا الحمدلله اغلب الاوقات اقدر اسعد نفسي
مرحباً واهلا وسهلا
ياحلو لمااغيب فتره وارجع القى لي مجموعه من التدوينات الجميله??
صراحه تدويناتك تتعب يعني يبغى لها ورقه وقلم او يصير المربع اللي نكتب فيه هاذا يمشي معنا لما نقرا عشان اذا فكرت بشي اكتبه واكمل لان مو معقوله وانا اقرا الف رد ببالي بعدين اذا خلصت يطيرون كلهم?
عموماً قبل كتبت:سعيده
والحمدلله دائماً وابدا انا من الناس الممتنه جداً مثل مااسلفتي ودائماً مااتفكر بالنعم اللي انا فيها واعدد الاشياء الكثييير اللي الناس تعاني منها بينما انا نجوت منها بفضل الله اياً كانت ودائما مااحمدالله ع النعم اللي صارت وتصير وهالشي يعطيني سعاده كبيره ولله الحمد
تعليق بسيط بخصوص الموسيقى وانه(كل واحد ينام ع الجنب اللي يريحه)
اخاف هالجنب اللي يريحك اليوم مايريحك بكرا انا مااقول لك لاتسمعين موسيقى لان ممكن تكونين ماتقدرين تخلينها بسهوله او او لاكن ايش السبب المقنع اللي يخليك تدعين اشخاص اخرين يسمعونها يعني صراحه مدري شقول لاكن اتمنى انك فهمتيني والله حرام اذا قابلتي رب العالمين تلقين كم هائل من الناس ادمنو ع سماع الموسيقى بسبب كلمه منك وانتي مو داريه عنهم ولاجايبه خبرهم حتى كلامك ممكن يدوم لسنوات وممكن تموتين بعيد الشر ويبقى سنوات بعدك وانتي بقبرك تجي ناس تطبق والذنوب جاريه! ،يعني ذنوبك ممكن تختلط مع حسناتك وهاذي بهاذي ورحمه رب العالمين عسى ماننحرم منها لاكن وش لك بذنب غيرك يعني مو مجبوره نهائياً ولافي اي سبب مقنع انك تاخذين ذنب غيرك ويكفينا من هالجانب قوله صلى الله عليه وسلم(كل امتي معافا الا المجاهرون) يعني انتي لما تسمعين الموسيقى مازلتي داخله تحت لفظ (كل امتي معافا) لاكن لما تدعين غيرك يسمعها انتي خرجتي منه والله المستعان
لاتتوقعين اني كتبت هالكلام ابي اتهجم عليك او اقيد من حريتك او انزه نفسي عن الذنوب والمعاصي لاوالله لاكن والله من حبي لك وظني فيك انك باذن الله بتستفيدين من هالكلام لان يوضح عليك الذكاء وقياس الأمور بعقلانيه ماشاءالله
ختاماً?
عسى الله ان يجمعنا في دار السعاده والخلود بلاحساب ولاسابق عذاب مع اول زمره بصحبه نبيه صلى الله عليه وسلم
جميلة بكل تفاصيلك ..
متابعه للمدونة بقووة للامانه بس مااكتب تعليق..
موضوع اليوم اثارني جدا ..لامس كل حرفك تفاصيل الحياه ..
وشعور السعادة يقووطر من كل حرف تكتبينه ..
للامانه ملهمة جدا وانتي من الناس الي احب اقراء لها لانها تغير مزاجك بحروف
رقي فكرك يشبة لجين عمران مرة
الله يسعدك ع قد السعادة الي اسعدتيني فيها ..
وصباحك ورد
غالبا مااميل للسلبية للاسف .. مع اني ادري غلط علي ..
بس الاهداف والتجديد و ممارسة اي شي احبه بالنسبة لي تسعدني ..
القناعة سعادة
?ما ابي اصنف نفسي السنه هذي اتعبتني حيل مشاكل في البيت وعصبيتي زايده حيل حيل ??صرت لما نجلس هاديا حنا واهلي واكون اضحك معهم تدمع عيوني لاني فاقدتها هذي اللحظات وما انجزت فيها شيء يذكر غير صداقه قديمه رجعتها ،،اكثر شيء مو حابته علاقتي مع ماما حاليا دائما على خلاف على اتفه شيء ?بسبب نفسيتي صايره خوافه خوافه اخاف اجلس لحالي اخاف من الناس اخاف من الصوت العالي اخاف من الموت واذا سمعت اغنيه احس بالخوف مدري وارجف كمان حالتي السنه هذي متعبه ? ان شاءلله السنه هذي احلى يارب وربي يختار لي الخير يارب ويخليلي اهلي ❤️
الله يديم عليك السعادة ارتوس
بالنسبة لي انا شخصية سريعة الانفعال بصراحه بسرعه اعصب ولا افضفض اكتم حتى مااقول للشخص اللي زعلانه منه السبب ادري شي غلط واحاول اغير هالشي فيني بس بالمقابل انا شخص افرح بابسط الاشياء افرح بقهوة (الضحى) مع امي واخواني وبنات اختي انبسط وانا اطبخ لزوجي طبخه جديده انبسط بجلستنا ع فيلم او برنامج تبسطني المشوار لمكان استمتع بالطريق خصوصا اذا كان بين العصر والمغرب استمتع بالطريق اكثر من المدينة اللي رايحة لها . تسعدني البساطة بكل اشكالها وبس
السلام عَليكم ~
دائماً تعجبني تَدويناتك و تِشدني ..
بالنسبة لي السعادة رِضا و قَناعةو عمل لتحسين ظروف الحياة إن أمكن , بالرغم من أن الظروف أحياناً صعب التحكم فيها لذا يَكون التكيف معها هو حل و مثل ما يقولون الوقت يُشفي الجَميع , بالنسبة لي الوقت هو جداً مهم أعتبره إن مر و راح و إعتدت ع حاجة غثيثه بحياتي أقدر أتعلم و منها أتعامل و اتكيف مع الاشياء الغثيثه الجديدة ,
وأتفق معك بعدم تصديق نظرية “قانون الجذب” أعتقد إسمه كذا اللي هو أكرر حاجة ع نفسي لين تتحقق أو يعني “تنزل من السماء” لا أؤمن مُطلقاً بهذا القانون حتى الشَرع أخبرنا بالعمل بالاسباب مع الدعاء !
أيضاً السعادة لها اسباب كِثير , بالنسبة لي تمثيل السعادة “أحياناً” يعود على الشخص بنتائج جيدة إن مثل إنه سعيد و بدأ يسوي الأسباب اللي فعلاً تدفعه للسعادة بيوصلها يوماً ما .. , عُمر السعادة ما كانت بفلوس أو شيء مادي مُعرض للاختفاء و الفُقدان لكن السعادة تَكون براحة البال عن تجربة .. راحة الباال مهمة لدرجة كبيرة في سعادتك بنظري ~
خلصت فلسفتي الغير مرتبة , شُكرا لك ع كلامك عن موضوع جميل كذا 3>
أنا شخصية مرحة و مجنونة و مغامرة و أقرب للسعادة في الفترة الماضية .. لكن حاليا كل هذا اندثر زي ما تقولي سرت شخص آخر تماما الإنسان ما يتغير بدون أسباب لكن للأسف أقدر اقول فقدت نفسي خلال الفترة الماضية و حاولت لكن محاولات تنتهي دائما بأني أرجع لنقطة الصفر .. ثقافتنا ما تفهم إن مش عيب تلجأ لطبيب نفسي يساعدك تتخطى اللخبطة اللي انت فيها و إن ردات فعل الناس تجاه المواقف تختلف ناس تتحمل ناس لا و ناس تحتاج بس وقت حتى ترجع حياتها من جديد .. المهم من هذا كله .. أقدر أقولك أن كل حرف تكتبيه بدون أدنى مجاملة مليان حياة مليان تفاؤل مليان أمل .. يجبر الشخص يفتح عيونه على الأشياء الحلوة اللي فحياته و يحاول يغض الطرف عن الأمور السيئة و يعمل لها مسح لو فيه من ذاكرته .. كنت مستاءة كثير و قلت ايش بيفيد لو كتبت لها شعوري الآن رغم اني قد قرأت هالتدوينة من قبل بس رجعت لها ثاني مرة بس بدون كذب أحس بتحسن ما توقعته حتى لو مو كبير بس ملموس .. يمكن تقرأي و يمكن لا .. بس شكرا لك من أعماق القلب هي ماراح تكفيك و لا توفيك يا جميلة .. لك دعوات بيضاء بأن الله يعطيك من السعادة ما يفيض به قلبك و ينطق فيه وجهك فرح و يكفي روحك كل حزن و كدر .. ???
كئيبة
انا طبقت كلامك واصنف نفسي بين… بين
بس بعد م قريت كلامك جاني شعور غريب م ادري كيف اشرح لك بس اقرب شي لوصف شعوري مقطع من اغنية اصالة .. وهي تقول: في حاجات بينقص معناها لو بالشفايف قلناها … جد مدري وش اقول مو عارفة اعطيك الوصف بدقة احترت>> اقول لا تقرين كلامي واضح اني خبصت بالرد بس م حبيت اقرا التدوينة من غير لا ارد وللاسف م عرفت اوضح لك وش الشعور اللي خالجني. حسيتك جالسة قدامي وتسولفين معي انا شخصيا ولا كأن هذي تدوينة بموقع اتصفحة انا وغيري صراحة اهنيك كلامك يلامسني ويوصلني بسرعة استمرري والله انك بطلة ماشاءالله عليك.
الله قد ايش الموضوع مثري.. ناهيك عن اضافات الناس و مواقفهم اضافوا خبراتهم ايضا ، جدا محظوظة كوني بيوم دخلت شمواة صدفة و مشاء الله الى الآن العطآء مستمر تعجبيني يا ارتوس …
الحمد الله على كل شيء…
كنت ناوية اكتب تعليق طويل واعبر عن نفسي فية بس من بديت اكتب امسح و ارجع اكتب شكل بلاغتي خذلتني هاذي المرة >
وانتي تتكلمي احس اسمع صوتك احساسك وصلني فعلًا اشرب قهوتي وكأني اسولف معك
أشياء كثيرة متأكدة أني اكتسبتها من موضعك وخاصة أني قريته للمره الثانية بما إنا بداية سنة هجرية حبيت أجدد الإحساس ثاني
يسلمووووووو
ارتوس تدوينة مميزة كالعادة وخصوصا اني عاشقة ل ثرثرتك او كما تسمينها انتي
حقيقي جوابي من قبل تكملة التدوينة اني انسانة سعيدة جدا ب حياتي او ع الاقل واصلة ل اقصى مراحل الرضا
طبعا الحياة لاتخلو من المشاكل والكركبة شوي وبكل صراحة لو الحياة مافيها الا سعادة م راح تكون ب الشكل المطلوب وماراح يكون فيه حافز لتكلمة الحياة لذلك ماراح اطالع ب جزء الكوب الممتلىء ونص الصحن الفاضي وكلام الامثال انا بكل ببساطة بشوف الجزء والاشياء الحلوة الكثير ب حياتي وبواجه مشاكلي وصعوباتي وبحاول اتخلص منها
دمتي بحب .. تقبلي مروري
هذا ردي قبل :-
السلام عليكم :-
عبالي رديت ع هالموضوع قبل وبحثت في الردود ما لقيت لي رد شكلي حذفته !
عالعموم رجعت أقرا من جديد الآن يعني قريت الموضوع اول ما نزل ولحاجتي الآن له للمره الثانيه أقراه ، وبسبب عدم وجود رد أرد الآن لإختلاف ظروفي في الآونه الأخيره ..
بالنسبه لسؤالك:-
هل تصنفون نفسكم سُعداء ؟ أم أشقياء ( أقصد بها حَزينين أو كئيبين ) ؟ أم بين … بين ؟ وَ ش بيكون جوابكم ؟ وَ ليه ؟
جوابي هو ؛-
أنا أصنف نفسي بين بين ، أنا مصابه بالأضطراب الوجداني ثنائي القطب ، وتقول أخصائيتي ان مرضك كذا يمر مودك بإرتفاع وإنخفاض سعاده وكآبه والمفترض إنك تطلعين من كآبتك وتخلينه وقت قصير وما تنعزلين وما تجهدين نفسك ، أتابع مع أخصائيه نفسيه وأسريه بالإضافه الى دكتورتي النفسيه ..
أثر علي المرض بشكل ايجابي فأنا أحمد الله وأقول أنها خيره وفضل من الله لأنه غيرني للأفضل وتعلمت دروس كثير ..
فيه شيء شاغل بالي ومخليني أتوتر ، هو إني عملت بنظام صحي هو نظام أستطيع أن أجعلك نحيفا لدكتور بول مكنا ، أحببته جدا وكنت في وزن مفرط111 ولما وصلت لوزن ممتاز 68 جاني خوف غير طبيعي وقلق من السمنه وخلاني أرجع كيلوات الى 86 ، كتاب بول مكنا فيه أساليب لبرمجه العقل وقواعد أربعه أسويها بحيث أحاكي طريقة الرشيقين في الأكل وهي أصلا فطرة الإنسان .. مختصر خالكلام كله إني في خوف طيلة سنه كامله من أفكار سلبيه لا أجد لها مفر لذلك تابعت عند اخصائيه نفسيه واسريه ساعدتني الحمدلله لكن القلق يأتيني بين فتره وأخرى شديد وخفيف وأحيان ما أحس به ..
لذلك أصنف نفسي بين بين فبينما أنا سعيده أجد نفسي بعد فتره قد تغيرت نظرتي وهكذا ، تعبت وأنا أتكلم مع نفسي اني بتبع النظام اللي نجح معي واتبع اساليبه لكن لا جدوى فيه قوه خارقه تسحبني للقاع ..
هذا ردي بعد :-
قلتي إن ؛-
السعاده أحياناً بالتفاصيل أكثر مِن السعادة بـ نيل مُرادك ،
في طريقي نحو هدفي المفترض أعيش اللحظه ، وقريت كلامك عن كتب تطوير الذات أنا تأثرت بها فتره لكن ما سوت لي ولا شي لابد من العمل ، قبل شوي كاتبه ع لوحة غرفتي مع العمل تفاؤل ، يعني أعمل ثم تفائل وتمنى الخير ، تقولي الأخصائيه حولي كل فكره سلبيه الى ايجابيه لأن الفكره تتحول لشعور ومن ثم الى سلوك ..