صَباح / مَساء الخير
بالفَترة الأخيرة كَثير مِن البنات أبدوا إمتعاضهم مِن طَرحي بقسم المَاكياج ، قالوا مانبي ريفيوز ملينا ( نبي تكنيكات مَكياج )
وَ معهم حَق بهالشيء لكن التَكنيك غالباً أشوفه صَعب بَدون تطبيق عـ فيديو أو بدون وُجود مُوديل
لكن طلع براسي هَالموضوع لأنه شَرح بسيط وَ مايحتاج تَطبيق ، وَ إن شاء الله يجي ببالي مَواضيع مِن هالنوع
خاصة إنه مِن أكثر الأمور إللي أشوفها تَحير البَنات هي الفراشي ، خَاصة مع وُجود تَنوع مُذهل وَ بأسعار تنافسية بمُتناول الجَميع في الفترة الأخيرة
فأكثر سؤال يتكرر علي ،’
– إنصحيني بماركة لأفضل فراشي الماكياج ؟
اللي إعرفه من خلال تَجربتي ، مافي مَاركة كُل فَراشيها مُمتازة ، تلقين بكل مَاركة شيء مُميز فيها عن غيرها
على سبيل المثال : فراشي ميك أب فور ايفر كثير مِن فراشيهم جَيدة لكن فُرشة البلاشر عندهم فاشلة بجدارة ( تجربتي قبل لايتغير شَكل الفراشي للون البُني الحالي )
لذلك أخذ مِن كُل مَاركة الشيء إللي يعجبني ، ما أتعصب لماركة مُعينة
وَ طبعاً فيه أمور فردية تتعلق بالراحة في مسكة الفرشة
وَ بإذن الله بحاول أطرح مَوضوع عن الفراشي يُسهل عليكم إختيارها ، لكن بما إن وعودي أي كَلام وَ دائماً تُلبي بعد إنتهاء صلاحية الوعد ، لذلك لاتعتبرونه وعد
وَ على ما أنزل الموضوع بعطيكم قاعدة بسيطة لإختيار الفراشي ..
قاعدة بسيطة لإختيار فراشي الماكياج ~
الفراشي تجي مَصنوعة مِن نوعين من الشعر
• شعر طبيعي : خشن نسبياً
• شعر صناعي : ناعم جداً وَ متراص
الفرق بينهم ،’
[ إذا حَفظتي أرقام عَفكرة بتكونين رَهينة للرقَم عالفُرشاة غير لما تَكونين فاهمتها ، بتكونين خبيرة مَهماً تنوعت الماركات ]
– الفرش االطبيعية تسمح لك بأخذ لون أكثر ( أحب هالفراشي بالذات لأخذ البلاشر ٫ وَ الظلال خاصة بالسموكي وَ إذا بتحددين طية الجفن ) التفاضل بالمَاركات يجي بنعومة الفُرشة ما تكون الفُرشة قاسية بَحيث ما تخدش الوجه ، بَعضهم مَع الدمج وَ الحركة مِن خشونة الفُرشة يسببون قشور على سَطح الوجه تظهر مَع تكرار الإستخدام
– الفُرش الصناعية تكون ناعمة جداً بالتالي شعيراتها يسهل تكون متصافة جنب بعض وَ مُتماسكة ، هالنوع يناسب المُنتجات الكريمية عشان لما نمده ماتترك خطوط وَ تعطي تغطية ناعمة ، لذلك مناسبه لمد كريم الآساس وَ البلاشر الكريمي وَ الظلال الكريميه وَ المائية ، وَ بحكم إنها ناعمة مِن الصَعب تاخذ المُنتجات الباودر أو تَبرز ألوانها
( وَ هالشيء بتلاحظونه يَمكن بفراشي ريل تكنيك ، لو تسوين فيها ظل رمادي أو ظل موف أو بُني ، غالباً يكون اللون خفيف غير واضح وَ اللون غير مُتوزع بإتقان )
أيضاً الفرشة الصناعية ممكن تُستخدم للدمج
لذلك فراشي الدَمج تختلف عن فَراشي الوضع ، تحطين اللون بفرشة ، وَ تدمجينه بفُرشة ثانية
وَ فيه تفاضل وَ تفصيل بهالأمور بس هذي القاعدة العامة البسيطة ، وَ إللي يَجرب بيفهم هالفَروقات
طبعاً أنا مُتعصبة للمدرسة القَديمة في إختيار الفراشي ، لأن الحين صاروا يصنعون فراشي صناعية بديلة للشعر الطبيعي بنسيج نوعاً ما خشن لكن شخصياً ما أشوفها البديل الأفضل لكن يظل بديل إقتصادي جَيد
بَعد هالمَوضوع بتكتشفون إنه مُو بالسَهولة إعطاء جَواب مُختصر لأي سؤال ، يعني فيه أسئلة مَرات تسألوني عنها
ما أقدر أجاوب إلا بَموضوع مِثل هالمَوضوع ، أما لو إكتفيت وَ قلت خلاص إشتروا فراشي مثلاً : بوبي براون
[ بيكون جَواب أحمَق وَ نابع مِن شَخص جاهل مُتعصب لماركة واحدة دَون النظر للفروقات وَ المَزايا ] ..
اليوم بتكلم عن فُرشة مُتعددة الإستخدامات إشتهرت منذ أزل بماك ، وَ الحين نشوفها بكثير مِن الماركات الإقتصادية أمثال ريل تكنيك وَ زويفا وَ … وَ ….
الفُرشة يطلق عليها The Stippling Brush
The Stippling Brush ~
ستبلينق برش ما أعرف تعريبها عالمضبوط بس الأقرب هُو فرشة التنَقيط أو التنقير بعدين راح تعرفون وِش سَبب هالإسم مع الوصف
أيضاً يطلق عليها Duo Fibre Bush ( ديو فايبر برش ) ، أيضاً بتعرفون سَبب هالتسمية بوصف الفُرشة
مايُميز الفرشة ~
الفرشة تجي بنوعين من الشعر :
– شعر طبيعي قاسي مأخوذ من شعر الماعز غالباً يجي بلون أسود ( يعني شعر طبيعي ) هالشعر تشوفونه يشكل مثل قاعدة لرأس الفُرشة
– شعر صناعي ناعم باللون الأبيض ، وَ تلاحظون الشعيرات البيضاء أطول من السوداء
يعني الفُرشة ثنائية الألياف ( ديو ) خليط بين نوعين من الشعر من هنا جأت التَسمية
أيضاً يميز الفرشة شكلها وَ شعيراتها مُتفرقة وَ متباعدة وَ كأنها تنوره منفوشه (يعني ماتشبه الكابوكي شعرات الكابوكي متراصة بشدة )
– وَش إللي يميز هالفرشة ؟
ميزة هالفرشة إنها تعطي تأثير الأير برش ( تأثير الرَش ) لما راح ناخذ الأساس فيها راح يثبت الأساس في راس الألياف البيضاء فقط ( يشكل مثل النقط الصغيرة )
وَ نفس الشيء لما نحطه علي الوجه راح يتوزع بشكل نقط صغيرة بنفس تأثير الرش
شَوفوا شَلون الأساس مَتركز
هالطَريقة في المَد راح تعطينا مظهر فلولس وَ أقرب للطبيعي ، أيضاً راح تعبي ندب حَب الشباب في حال وجد
بالإضافة راح تخلي الأساس يثبت لفترة أطول
إستخدامات الفرشة ،’
ـ أشهر إستخدام لمد الأساس وَ وضعه، تعطي تغطية أقرب للطبيعية
ـ لمد البودرة لإعطاء مظهر شير غير باودري ( تاخذ كمية تكاد لا تُذكر مِن البودرة)
ـ لأخذ البلاشر الباودر لإعطاء مظهر شير ( يعني لون خفيف) خاصة إذا لون البلاشر قوي
ـ تُستخدم لمد البرونز تعطي مَظهر طبيعي ( لكن يبيلها دقة أو فرشة بحجم صغير )
طريقة الإستخدام ~
نحط الأساس على اليد ، وَ بالفرشة ناخذ اللون فقط بأطراف الشعيرات البيضاء وَ راح يكون شكل الأساس على الفرشة مِثل النقط
ننشر الأساس على كامل الوَجه بالتنقيط أو التنقير ( الطبطبة) على كامل الوَجه
بعدها نحرك الفُرشه على شَكل دوائر صغيرة وَ أهم شيء لاتخلون إلا الشُعيرات البيضاء تتحرك ، السوداء المفترض تَشكل قاعدة للثبات مو للدمج
[ مفترض الشعر القاسي الأسود يسمح بس للشعيرات البيضاء تتحرك ]
أبداً لاتدمجون بقوة وَ لا بحركات كبيرة ، الدمج بخفة وَ بدوائر صغيرة وَ الشعيرات البيضاء تتحرك فقط ، هذا تكنيك الفرشة
في حال المُنتج كان بودرة ، لازم تكون الفرشة نظيفة وَ تاخذون بالنقر مسحوق البودرة وَ نفس الشي تمدون عن طريق الطبطبة مِن ثُم دمج بحركات دائرية صغيرة
أعشق هالطريقة لمد البلَاشر خاصة إذا كُنت بمد البلاشر على تفاحة الخد ، تعطي مظهر جداً طبيعي وَ بريء
أيضاً مرات أحب أرش إستديو فكس على الفُرشة عشان تعطي مظهر آكثر خفة
مُلاحظة ،’
أول ماشَريت هالفُرشة طبقت كل الخَطوات ، اللهم كُنت ما أهتم وَ أنا أدمج بحركات دائرية إن الشعيرات السوداء ما تَلمس وَجهي
مِن المُفترض يكون فقط على راس الشعيرات البيضاء ، بالتالي كُنت أعاني مِن :
١- تساقط الشعيرات السوداء على وَجهي كأنها رموش مَقصصه
٢- مظهر الأساس مَخطط مَهماً كانت إديني خَفيفة
جربتها مَرتين وَ وقفت وَ أعطيت الفُرشة تَقييم سلبي ، وَ بحثت وَ بحثت لقيت كثير بنفس رأيي
وَ كُنت أقول مُش مَعقول ماك مُصرين على إنتاجها وَهي سيئة بهالشَكل ، لين تَعمقت فيها وَ عرفت إن البلاء مِن التَكنيك
شوفوا شلون شغلة صَغيرة قد يغفلها الإنسان وَ تخليه يقيم مُنتج بالكامل ( صفر ) ، وَ إللي خَلاني أوسوس أكثر إني كُنت أشوف الخُبراء حَتى يسوون نَفس غلطي
فقلت خلاص البلاء بالفُرشة وَ لا إكتشفت إن هالفُرشة مِنها أمل ، إلا مِن خبير التَجميل : Wayn Goss
يُعتبر مِن القلة القليلة إللي إستخدموها صَح بعده بدوا الناس ينسبون الفَضل لأنفسهم
وَ ركزوا هِنا الطَريقة الخَطأ
– ما أفضل مَاركة لهالنوع من الفراشي ؟
الأشهر وَ الأعلى تقييماً هي فُرشة ماك خاصة إن فيه نوعين بالحجم الكبير ١٨٧ وَ الصغير ١٨٨
[ الكبيرة فيه صعوبة بإستخدامها حول العَين وَ الثنيات ، فالصَغيرة أتت مُكملة ، شَخصياً وَحدة تكفيني لكن لا ضَير مِن شراء الصَغيرة ]
لكن مايهم الماركة المهم إنكم تركزون بَشغلتين
الشعر القاسي الأسود لازم يكون صلب وَ ماينثني بَسهولة لأن لو انثني ماراح نستفيد شيء
أيضاً الشُعيرات البيضاء لازم ماتكون طويلة بزيادة وَ لا قصيرة بزيادة وَ تكون سَهلة الحركة
وَ أخيراً ،’
مَهماً درست وَ تعلمت دايم إلا ما يَطلع شيء جَديد بعالم المَاكياج
لكن الأهم يَكون أساسك قَوي ، خُبراء العالم كُل سَنة تقريباً وَ كل مَوسم يجَددون هالعِلم مِن أطلقهم واحد لأصغرهم
فتلاقون البَيست كأنهم مَتفقين على خَطوط مُعينة ، وَ أكيد ما نَنسى الجَماعة المَحنطة إللي لليوم ما تَحاول تتعلم شيء جَديد
لليَوم أنبهر بماكياج ريانا ، ماكياج مافيه تَغيير لخلقتها آبداً آبداً ، تَسوي ماكياج وَ مازلنا نَشوف أنفها بَمعالم أفريقية
وَ مازلنا نَشوف لونها الأسمَراني ، لكن مُستحيل ما ننبهر بطريقة هالماكياج وَ ماننبهر بخلقتها ، ما عُمري شفت أجنبية تَسوي بالماكياج فم مزموم
وَ لا تغير رَسمة أنفها بالمُجمل ، تَوجد إنسانة ثانية غير عِن خلقتها الحَقيقية ، ما أحب هالماكياج بستايل إيراني ما يَعجبني آبداً
[ العَرب قادرين على تَشويه أي تَكنيك وَ تشويه أي شيء ، يآخذونه وَ يحولونه لحفلة عَفاشة ]
بَجد ما ألوم البنات إللي يقولون ما نَحب الماكياج ، الوجه صار مليان كَونتور مِن كثرة الكونتور تَحسين الوجه مدقدق أو مَضروب
أو كأنها فَتاة الفحم ، أو إشتغلت بمنجم أو مَدخنة فيه شيء عَجيب
أدري دايم لما أقول كِذا يَزعلون ، لكن بَيجي يوم يتصورون وَ يتفشلون مِن صورهم
وَ لو قلنا الأجانب يقولون يووووه الأنستغرام مَليان ، الأنستغرام مُش مَليان مُحترفين ناس عاديين أذكياء يسوون شَغلات للربَح وَ التهريج
مُش لحياتهم ، هَي عَندها إعلانات بتحط بَوجهها قَد ما تَقدر ، وَ أهم شيء عَندها تؤخذ صورها بحساب فيجاس نآي ( كُل ما أنحطت صَورة لها زاد عَدد الفلورز )
الماكياج الحاصل كثير مِن الخُبراء الأجانب ضِده ، وَ مشهور إنه ماكياج الدرق كوين ( ماكياج المسرح الرجالي )
لو ماكان وَضع الماكياج بهالعُنف الشَديد وَ الكميات المَهولة مُربح ، ماكان الأجانب الشَباب إنتقلوا له ( عَملية تَجارية بَحته )
وَ عندكم 3 أشخاص بعضهم مُش مَثليين وَ رجال سَليمين ، لِكن مَتبنيين دُور المرأة ( المَوضوع مُربح ، فَخلاص لحداً يقلي الأجانب وَ خبير التَجميل الفَلاني ، مُش كُلهم خُبراء ، واحد جالس بالبيت وَ ماكان يربح وَ شاف إن شَخطة الماكياج تَربح فإنضم إلى الشَلة )
زَي الحَاصل عِندنا ، شَافوا وَحدة تربح مِن يوميات الآنستغرام الكُل قلب يَوميات ( يَجرب حَظه ) بالرُغم محداً فيهم مُثير للجَدل إلا إنسانة واحدة فَقط
ما عُمري شَفت كاميرون دياز ، تشارليز ثيرون ، جاسيكا آلبا ، مونيكا بيلوتشي ، شاكيرا حاطين ماكياج آوفر
جنيفر لوبيز عَندهم راعية ماكياج آوفر ( وَ يشتكون مِنها بَعد ) !! يا حَليلها بالنَسبة لنا ..
برضو كثير مِن الخبيرات يبالغون لإبراز أعَمالهم ، وَ ليس لأنه الوَاقع فَهم مُش مَقياس للصَح وَ الخطأ
المَلكة رانية عَربية ، لكن فعلاً ماشية على أصول الإتيكيت
وَ الشيخة موزة كَذلك نَشوف بشرة نَشوف آدمية ، الأميرة أميرة الطويل أيضاً
ما شَفت وحدة فيهم زمزمت فمها وَ لا حددت شفتها خارج حدودها أو سَوت غمازات ، أو عَدلت أنفها بَشكل مُريب وَ طيرت حَواجبها
[ بالرُغم هالـ 3 ما أحب ستايل مَكياجهم مو ذوقي لكنه عالأصَول ، ناس يزورون أمم وَ طبقات مُختلفة وَ حضارات ، فلا بُد مٍن البَساطة ] ..
وَ بالمُقابل هَيفاء وَهبي ماكياجها آوفر طَن وَ كثير
لكنها ما تَخربط بشكلها آبداً ، تَحسن بالماكياج لكن ما شَفت عَجايب زي إللي أشَوفه عِندنا هَوايل
العَين طالع مِنها مَليون شَق وَ فتحه ، وَ الفم المَزموم وَ الأنف المَزكم ، وَ الوجه المدقوق وَ إللي كِن أحد أعطاه مَليون بَكس
وَ الرموش المَراوح مِن كثرها العيون طايحة وَ كسلانه
شَوفوا كليب يارا – أغنية : بيت حبيبي
ستايل الستروبينق ( و إللي ما تَسمع أغاني تَكتم الصُوت )
https://www.youtube.com/watch?v=hT_AShKedWo
المُهم إللي تَحب الستايل العَفش وَ الدفش لا تَشتري فُرشاة الستبلنق ، وَ أنصحها تَشتري فُرشاة بوية لأن هي الوَحيدة إللي بَتضبط لها اللوك
صَراحة البنات إللي أشوفهم بالحَياة عَدد لا بأس بَه ماشيين عالخُطى السَليمة وَ أكثر نُعومة مِن السابق ، لَكن فيه عَينات خاصة المَهووسين بالسوشيال مَيديا الوَزنية إنعفست مَعهم ، وَ للأسف الهَباب إنتقل مَعهم حَتى للمَلابس وَ الأكل .
وَ عُذراً عالإطالة
دُمتم بَحب
مَواضيع ذات صلة ،’
– ( إضغطي هُنا )
– ( إضغطي هُنا )
– ( إضغطي هُنا )
احم احم
احجز مكان ❤️
تم
الخلطة لو سمحتي خخخخخخخخخخخ
مساء الجمال
سبحان الله كل انسان جميل القلب مايطلع منه الا الجمال
اول مره اقرا الفرق والقاعده سهلت علينا الكثير فعلا اختصرتي للي بيشتري واانا اولهم
عند فرش بعضهم حبيتهم وبعضهم غثيث فرشه ماك راح اشتريها بعد كلامك عنها وشرحك لتكنيك
واكيد راح ارجع للتدوينه والله فيها كميه معلومات تفيد القاري بسم الله عليك
ضحكتيني بكلمه فرشه بويه ع ان العلم تطور واليوتيوب مايقصر مثل مايقولون فيه العلم لكن مازال فيه هناك مكياج يفجع القلب ويحزن
انا قاطعت المشاغل والكل حاط في باله اني بخيله وانا شاريه راحه بشرتي من تخبصاتهم وعفنهم
مفهوم المكياج عندنا طن اللوان وتحديد للانف وتصغير لشفايف وضاع الجمال معهم
تمنيت لو طالت التدوينه ماحسيت بالطول وانا اقراء
وترا الاطاله منك لها لذه خاصه
شكرا شكر بحجم السماء
والله يسعدك بحياتك ويكفيك شر الحاسدين ويخليك لنا
مكاني ?
صباح الحُب يالحب انتِ ??
لو نشكر من هنا لبكرا ماراح نوفيك حقك .. الواحد مايدري وش يقدم لك على هالعطاء !! تشرحين لنا من قلب توضحين نقاط ممكن حنا نغفل عنها واحيانا كنك تقرين افكارنا تدونين
الواحد يستحي ياخذ معلومه مايذكرها منك ممكن اقول معلومات اقراها بس ماحدد مين لما تكون لك لا .. حتى مايحتاج خواتي قبل مايسالوني الحين يقولون هـاه هاتي وش افضل شي قالته سوس وعفكره يتابعونك كنزنا انتِ ?
مانقدر نختلف على شي تقولينه ابد ابد على طول نجربه بثقه ..
نجي للفراشي .. اجهل فيها بقوه ماتوقعت فيه فرق بين طبيعي وصناعي وشي لكريمي ..ملمسها خشن او ناعم ..
شفتي صوره اللي فيها اساس ذكرتني بالقنفذ الفرشه هههههههههههه حسيت مثله ، راح اخذ على كلامك وانتبه للفراشي لان مثل زويفا وصلوها السماء كل الفرش ماشفت ذم لبعض الفراشي فيها حلوه ناخد من كل ماركه شي
وصادقه العالم صارت تهبب بوجهها خصوصا الكونتر والشفه حالها صعب ? اهم شي بالميك اب يبن نظيف ويبرز ملامحه بالمعقول مثل ريانا مو تغيرها لدرجه اشك مركبه راس جديد ?
وانتِ الوحيده لاتقولين عُذراً عالإطالة خذي راحتك وبعدين احد يطوف السهر معك ؟!
?? ي شخيه احبك ولاننحرم منك ??
ينفع احط تعليق قبل ما اقراء شي المكان مغري وهوا فاضي
ياحظي
ابدعتي ابدعتي وش اقول وش اخلي من اوكلمه لاخر كلمه وانا اقول اسم الله ويخزي العين الله يحفظك ويحفظ لك علمك … ??
القاعده لحالها درس واهم درس برائي ،انا اشوف اللي تحفظ هالقاعده خلاص ماعاد تواجه صعوبه باختيار الفرش وانا لي نزله للسوق للفرش خاصه ودي اجدد اللي عندي … ??
ودي اسمع لك الدرس من كثر ماشرحك واضح وفهمته ومره مبسوطه تعرفين وش كثر تهمني ذي المواضيع … ??
اما بالنسبه لكلامك عن الهوليله الحاصله بقولك نظرتي لهالشيء احس مجتمعاتنا كعرب نلتفت للالوان مثل الهنود الهنود يحبون البهرجه … يعني هو المفروض نركز ع الاساس وطريقة توزيعه ولونه المناسب غير رسم ابعاد الوجه الاصليه مش العكس ولان المطلوب هو الوجه الصافي النضر المشرق والنظرة الطبيعيه والفم والانف وباقي الملامح الطبيعيه باقيه على ماهي عليه يعني انا مااحب اقابل احد بمناسبه ويقولي ماعرفتك?? …. غيري يحب هالاطراءههههههه…??
المصيبه ان بناتنا ماناقصهم ملامح معروفين بحدة الملامح نروح نزيد الطين بله ليه …..???
انا تعجبني اطلالات صاحبات السمو اللي ذكرتيهم لانها غالبا اطلالات صباحيه وبمكان عملي وكثرة الالوان لاتليق بهم يحصل منه تشتيت …??
بينما ع لو قلنا السموكي جبتيها هيفاء لاقبلها ولابعدها ومع انه مكياجها هو الانسب لي الى اني اتمنى اطبق مكياج صاحبات السمو بكل حذافيره … ??
احس حلو التنوع واحب المكياج واتمنى اتقنه وان شا الله مش شيء بعيد ??
مايحتاج اقول معلومتك ذي بتنحفر وخليني اسمعها من احد ثاني والله لاطير بعينه واقوله رجع الحقوق لاصحابها?? …. ليتهم يتعلمون منك ويحطون المصدر الاساسي مثل ماحطيتي لنا واين قوس … عاد تصدقين ذا يشدني من زمان بركز عليه اكثر واكثر دامه فهيم … ???
دائما مبهره وملهمه وكل شيء جميل يجتمع فيك مااخفيك كل يوم احبك اكثر من اللي قبله ربي لايحرمنا بس ????
???
شوفي ياقلبي انا جيت هنيا عشان اقول لش شي بتضحكين عليه بس عادي انا عندي في البيت فرش كثيررررر اشكال والوان عند بناتي لكن ما اقتنعت الا باصابعي ??? اضحكي اضحكي عاااادي ههههه من جدي ترا جربت وجربت بس مااااش احب اصابعي واضبط فيها مكياجي تمام التمام بس الظل استخدم له فرشاه قدهي مقشره لانها عاجبتني وتعطيني لو الظل صح
والله يعطيش الف عافيه واي قرار تقررينه كيفش انتي حره وتستاهلين كل خير مع اني احبش بس سوي الي يريحش اليوم باروح عمره وبادعي لش ان الله يدلش على الي فيه خير??
تسلم يدينك على هالموضوع احبك ارتوس ولي رجعه ان شالله
من اليوم احدث الصفحة وباخر لحظة علق النت . الله من الحز العقاقة
هههههههههههههههههههههههه واخيرا لحقت ماأخراني الا تعبيري لك في الانستغرام وانا اقول البنات وين اثريهم يحجزون أمكنتهم ,,,
المهم حجز مكان بعد طووووول انتظااار
وااااو واااو ,, يسلمووو لي ارتووسه باطبق بكره واخبرك بالنتيجه .. وصفك عجيب ودقيق مايحتاج موديل ,, شكرا شكرا من القلب المحب لك
ووه بس فديت الي نزل التدوينة بدري بدون تاخير شكل الشتاء هو فصلك المفضل صايره نشيطة اسم الله
تم لحد يتحرك ???
اول شي توته شكرا شكرا معطيتني مكانها اليوم هههههههههه
ثاني شي صباحك سكر يائلبي سهرانه لعيونك ، تصدقين أنا أشوف الفرشه للأساس أحسن حتى الكونسيلر بالفرشه حلو
بس لمن أسافر و أستعمل الفرشه مايضبط معي وجهي مع تغير الجو يجف و لمن أحط الفرشه بوجهي وامد الأساس يتقشر مادري عشان بشرتي تقلب أو مني مع إني أسوي نفس الحركه اللي فوق ترا و أحيانا أسويها بالبيوتي بلندر نفس الشي ،
فراشي ريل تكنيك للعين ماحبيتها يمكن المشطوفه للحواجب حبيتها فقط الباقي لمن أحط الشدو يقلب معي لونه حاولت اعرف ليه مادري
،، ثالث شي مبروك مابقى شي على ٣٠٠ ألف فولورز والله يقدرنا و نوقف معاك و نساندك وعفكره متابعاتك عسل عسل عسل والله يشهد إنهم ناس ذووووق
وو على التدوين معاك حق ترا مجتمعنا يحب الهياط صوري شنط شوزات يدين كذا يشوفونك واو الناس ماصارت تقرأ ري زمان
. وسوي دورات ليش لأ بالعكس والله لو تحطينها ب٣٠٠٠ بيدفعو وهم مغمضين و ترا صدق البنات محتاجين ناس مثلك خبرتهم بالميك اب كثيره و مكثفه
ويكفي انك تشتغلي على نفسك مو معتمده على غيرك
المهم يعطيك الف الف عافيه على كل تعب حطيتيه بهالمدونه و دايم دايم هي مرجعنا والله وكل شي ناخذه منك نحطه حلقه بأذننا 3>
شرحك بسيط وسهل التطبيق صراحه ماعندي هاالفرشه بس بعد تدونتك بقتنيها بإذن الله خاصه اني احب المظهر الطبيعي في المكياج واحب البساطه وان شاء الله اوصل للي اليه خاصه اني الفتره الاخيره اتقنت كثير شغلات في الميك اب واهمها مايخطط الكونسيلر والاساس بس صراحه مااتقنت الا بعد تدويناتك تصححين الاخطاء اللي نرتكبها
يعطيك العافيه يا جميله
الفرش بالنسبه ليا اساس المكياج مرتب .. مهما كانت يدك حلوه لازم ادواتك تكون سليمه
كنت زمان من الناس المتعصبه لفرش ماك عندي كميه لا بأس بها من عندهم .. في كم وحده من افشل ما استخدمت
دي وحده من الي عندي .. احبها لما يكون اساسي ثقيل اوزعو فيها وادمج واخر شي امر فوقو بالبيوتي بلندر .. يطلع الاساس تغطيتو برفكت بدون ما يبان ثقيل
جلست فتره طويله احس في مشكله بمكياجي ومو عارفه السبب لين اكتشفت انو كل المشكله بالفرش .. بدات اخذ من اكثر من ماركه وحسيت بالفرق
في فتره جاتني اتعصبت للفرش الي ادفع فيها مبالغ .. لين مره جاتني فرشه من الف .. يالله قد ايش جميله .. عندي زيها من ماك بس ابدا مو بجمالها
بالنسبه للمكياج الي عندنا الصراحه قلبي مليان من افلام الرعب .. يعني الكونتور دا بكبرو احسو حق تصوير مو شي يتسوي بشكل يومي
المشكله محد يستوعب انو الي نشوفهم يحطو الكميات دي كلها ويطلع مرتب وحده من اسباب ترتيبو انو عن طريق كام التصوير يسحب كثير من المكياج
لو بطبيعه بيطلع الوجه غريب وفي طبقات وطبقات مو زي الصوره .. بس للاسف عندنا ياخدو الشي بدون تفكير ويطبقو بطريقتهم 🙁
سوس بقلك هرجه شطحه مالها شغل بالموضوع
وحده من اسباب عشقي لمدونك ترتيبها .. ممكن تكون نضرتي حبتين مختلفه بسبب طبيعه تخصصي .. انا مهندسه برمجيات .. وعشقي المواقع المرتبه
تصدقي نفسي يوم اشوف شاشتك اكيد مختلفه بس متاكده انها مرتبه الي تطلعي فيها بدا الترتيب .. احيي من سوالك الموقع شغلو يجيب الساعده
جميل جميل ???اكتسبت معلومة فادتني بشكل كبير … الكونتور وماأدراك ماهو للأسف استخدموه بشكل بشع وبزيادة عن اللزوم حتى بالمكياج اليومي صار فيه كونتور ?على طاري الموديل أرفع يدي تستخدميني كموديل ✋??حق ينقال معلومة وحدة منك تفيدنا ألف مرة من ثرثرة الباقي ماأبخسهم حقهم بس أنتِ غيييير تميزتي بطرحك بدرجة كبيرة ومختلفة عنهم من جد محتاجين لكذا معلومات أساسيات ونعرف ليش هالقواعد موجودة … الله يرزقك أضعاف أضعاف أمنياتك ويجعل الناس دايم محبين لك ولتواجدك ???نحبك ي أختي?
أهلين. متكدرة أحسك زعلانة من الانستقرام ومعاك حق بس آش نقول ?
الفرشة اعجبتني بس حسّيت التكنيك صعب شوية. عندي مشاكل مع الطبيبة بالفرش ، جربت اطبطب الكونسيلر أحسه يصير مبقع. احس المشكلة مني أنا ، مدري.
يارا حبيت الهادي في مكياجها لكن حسّيت لو غيرت لون الروج ? طالع كأنها نسيت تحط ، لو كان لحمي شوي مرتوي. فهمتي كيف مرتوي ؟ ج ما اعرف اشرح بس مورّد طبيعي اكثر.
فرشاة البوية ??
صباح الورد والله يسعد قلبك ي عسسل ..
يالله قد ايش فرحت لما جبت طاري فرشاة ماك .. لأني فقدت الأمل وركنتها !
وكان فعلا الخطأ في التكنيك ، كنت أسوي حركات دائريه لكن مش بخفة وكانت الشعيرات السوداء تلمس البشرة كمان وغير كذا يطيح شعر الفرشاة ?
شكرا ي جميلة مررة فرحت بهالمعلومة ?
أنا الحمدلله تحسنت كثير بتكنيك الماكياج رغم إني ماكنت أخبص لأن ملامحي صغيرة فما فيه مساحات أبدع فيها?
لكن بالمجمل الماكياج يعطيني لوك مختلف وأحس وجهي تغير ..
أنا من النوع اللي لو روج يغير فيني كثير ..
كنت على أساس جيرلان الذهبي قديما بعدين استخدمت ديور مع فرشاة ماك ويأست منها لكن أحييت في الأمل من جديد ?
بالمناسبة أول مرة أدري انها تستخدم للبلاشر ومد البودرة ?
شكرا .. ودمتي سعيدة .❤
هههههههههههههه متت ضحك على فرشاه البويه ?
الحمدلله احب الميك اب الخفيف والناعم لان ملامحي حااده مايصلح لها اي تخاريف
ارتوس عندي فرشه البلاشر من ميك اب فوريفر ? ويمكن اكثر وحده ازعجتك بسالفه فرش البلاشر انا ماانلام
تعبت معها قلت شكله البلاء فيني وطلعت هي سيئه اااااه واغير بانواع البلاشر ولافي فايده
يعني لوضع البلاشر استخدم شعر طبيعي ولدمجه صناعي صح كذا !!
والله ماعندي مانع اشتري نوعين اهم شي يطلع شكل البلاشر حلو والا اخذ هذه بس تكفي؟!
??.
اهلين.
الفرشاة ذي مابعد جربتها بس حبيت طريقتها.
ان شاء الله لي تجربه معها.
انا استخدم فرش ريل تكنيك ولاحظت مثل ماقلتي فرشاة البلاشر مابينه كويس وفرش العين ماتحط اللون نفسه ( بعض الالوان ) فصرت ادمج بها بس دمجها حلو.
وفرشاه البلاشر حبيت حق سيفورا تبين اللون مضبوط.
بس حبيت ذي اكثر حسيت انها تنفع للبلاشر?.
بالنسبه للمكياج والله يختي ماحد كرهني في المكياج الا الاشكال الي اشوفها يوم كنت صغيره كنت اقول مستحيل اسوي مكياج اني اكرهه لين المتوسط وعقلت وتعلمت?بس الي يغبني لما رحنا زواج وحده تسلم علي ماعرفها من كثر المكياج ووحده وجهها يلزق من كثر الفازلين والثانيه رمش طايح والثاني مدري كيف قايل وخبصه اقسم بالله بس صدق يوم عرفت له انبسطت.
المهم ضحكتني فرش البويه من جد هي الي يستخدمونها???.
استمتعت والله??.
رغم ان خبرتي قليلة ف الفراشي . وكنت حقتني فرشة سيقما الكابوكي من مدحك لها الا ان هالفرشة بصراحة اول مرة تمر علي كالعادة دايما تبهريننا بالاشياء المميزة والنادرة , حبيت هالفرشة ومن بعد كلامك طبعا اكيد حقتنيها ان شاء الله يهمني بصراحة مظهر الفلوليس عكس الستروبينق زي يارا مرة و ان شاء الله اضبط تكنيك هالفرشة , حبيت التدوينة مرة لان منها تعلمت هالتكنيك واحب تدوينات التكنيك بالمكياج الله يكثر منها يارب , واخيرا حبيت فرشة البوية وانتقادك الحاد يعجبني لول ))
من كثر مانتي متكية بمخي صرت لا تلقائي اعبر بمصطلحاتك شايفة كيف بس
توقعت سيقما اف١٨ تكون من نفس المجموعه :/
امما المكياج بالنسبة لي واللي حواليني مره فرق كبييير عن اول صحيح مو الكل بس نسبة لا بأس بها تطورنا لدرجة صار كثير بنات يعتمدوا ع انفسهم بالميك اب حتى لو المناسبة زواج مثلاً
واحنا والله هذه حالنا كل ما تطورنا ورجعنا لصورنا القديمة تفشلنا منها ونقعد نوعوع شلون كنا نسوي كذا والا ليش حطينا كذا ??
مدري وش بيصير اخرنا هههههه
صباح السعادهه
تدرين ماكنت ادري انو الفرش الصناعيه
تستخدم لشي معين ولا الفرش الطبيعيه
دوبني عرفت منك والله وتسلمين هالمعلومه
اختصرت علي كثير اشياء
والله صآدقه فرشة بويه ههههههههههههههههه
العالم صارت تهبب بوجهاا خصوصاً
الكونتور الخشم يشكي الحال والله
عاد نفسي اتعلم منك الميك اب
احب هذا النوع من المكياج اللي يبين مظهر
طبيعي
عَندي مشوار بَعد ساعة مَضطرة الآن آمشي ، لكن راجعة للردود ..
آآآآسفه تأخرت ، وَ شُكراً لكُل السَهرانين
صَباحكم بَركة
يمال الجنه ويعطيك العافيه ?ً والله يسهل دربك حبيبتي بالتوفيق لك وللجميع ?
Bonjour artos❤️
تدوينة جميييلة وفعلاً فعلاً انا اكثر شيء اجيب العيد فيه فرش الفاونديشن لدرجة جا وقت اقول بس يطلعونها كذا ولا هي مالها فايدة و اعتزلتها من اول ماجت البيوتي بلندر ، بس اللحين راجعة لها بقوة , حبيت كلامك بنهاية التدوينة لانه حسسني اني انسانة طبيعية لاني اعارض اني اظهر بلوك الكوميك بوكس اللي يطلعون فيه في الصور وفعلاً انا احبطت حتى من الاجانب من التهويل اللي طايحين فيه لكن وجهة نظرك هي الصحيحه المجال ربحي فقط وتجارة لدرجة الاوسكار والقولدن و كان وغيراتها مانشوف هالتهاويل ، كيف تسمح لي نفسي امسحها وارسم لي خشم من جديد وخدود والله الله لو طلعتي عيون وشش كبرها تخرش من العدسات والرموش والمسكرة المهم تسوين مهلقا بأي شكل هههه
والله للأسف مفهوم المكياج وتطورة عندنا معدووووم واستثني من ذلك لبنان ومزينينها للأمانة من زمان وللآن يعجبوني حتى اذا شطحو يعرفون كيف يشطحون .
يعطيك الف الف الف عافية ارتوسة على كلامك اللي مايمل وجمالك بكل شيء ظاهر بكلامك بالفاظك بصورك .
Je t’aime ???
احبههههههها جدا هالفرشه واستخدامي لها نفسك للبلشر اكثر شي تعطي نعومه وخفه بالتوزيع ، لفت انتباهي ان الناس اللي قامت تنزل يوميات لعل وعسى يضرب الحظ تدرين صارت لي ٣ مواقف مع ٣ بنات مختلفات بما ان عندي متجر ان ارسل لهم اغراض محاناً ? المشكله اني ما افهمهم الا بعد فوات الاوان المشكله ال٣ شبه مشهورات على بلوشي ليت مقدمين شي مفيد والله ارسلهم مجانا ليش لا باختصار بسبب السوشل ميديا الناس انجنت والله ومكياج الانستقرام هوووووايل مو معقول والله
❤️❤️❤️❤️❤️❤️ اخيراً انحلت مشكلة الرد الله يسعد البنات الي ساعدوني ،، التدوينه مررررره فادتني وعندي فرشه سيقما شبيهه لماك وصراحه ماعرفت استخدمها من قبل بس أكيد بعد هالتدوينه بارجع لها واسوي هالتكنيك ?? الله لايحرمنا منك ودايما تفيدني الف شكر لك حبيبتي سوس ❤️❤️???
انتي بالذات لا أشوفك تعتذرين عن الإطالة .. تسجيل حضور .. ولي رجعة ع التدوينة بعد الفطور إن شاء الله ???
ايش رايك بميك اب فوز الفهد؟ بالرغم انها تبالغ بتكبير شفايفها زود ماهي كبيره ماشاء الله الا ان اشوف ماكياجها ذكي جدا بالوان ترابيه وتبرز جمالها بدون لا تعطي مظهر مزعج و تبالغ
ايش رايك بميك اب فوز الفهد؟ بالرغم انها تبالغ بتكبير شفايفها زود ماهي كبيره ماشاء الله الا ان اشوف ماكياجها ذكي جدا بالوان ترابيه وتبرز جمالها بدون لا تعطي مظهر مزعج و تبالغ
اخخخح بس و مين يبرد القلب أكتر من حبيبة الكل ارتوسة .. طبعا ما بتكلم عن الستيبلينغ براش و شرحك لتكنيك استخدامها عشان كفيتي ووفيتي .. الله يعطيكي ألف عافية على جهدك و أمانتك في الشرح . انا الي مسببلي حموضة الجزء الأخير .. تصدقي الكلام عن المكياج أصبح مصدر من مصادر النكد بالنسبة لي من كثر المفاهيم المشوهة .. تحسي ودك تسوي حظر للانستقرام عشان الاذواق و العيون تنظف شوية من التلوث البصري المنتشر . كل اللي نشوفه ماهو الا بيزنس و تجارة و ماركيتينغ و بعيد كل البعد عن الذوق و التراندز . و العرب اللي لسنوااااات طويلة مكياجهم بالأطنان اخيرا لقوا فرصة يطلعوا مواهبهم و يبرروها . واين قوس و ليزا (البريطانية )بالنسبة لي معيار للتعرف علي التراندز زي ماهي بدون تشويه السوشيل ميديا ، ليزا احس لما تحط ميك اب تتخيل نفسها رايحة تشرب شاي مع ملكة بريطانيا، ادري شطحت بس فعلا المكياج لازم يكون راقي و يطلع أجمل مافي البنت مو يعطيها وجه بنت ثاني بملامح ما تشبهها . شكرا شكرا على وجودك يا ارتوس .. يا ريت في منك كتير ♡♡♡♡ برسل لللينك لصاحباتي الي طفشوني باقتراحاتهم لمكياج حفلة زواجي أن شاء الله ( احم احم ههه) ..
صباح الورد ??
والله جايبة العيد بهالفرشة عندي تبع ريل تكنيك وأقول ماش والله مدح خربوطي و ع الفاضي وأثر البلا منّي يلا نتعلم محدش بيتخلئ متعلم ?
مدري ليه الرجال غالباً أنجح من النساء في مجالات النساء ! يعجبني تكنيك بسام فتوح بوضع المكياج أبدا أبدا مايغير شكل الوجه ولا يطمسه وتحسينه فرش
أما الكونتور ياربي حدّث ولاحرج تشوفين الوجه مختنق وملوّن غوامق وفجأة يصير فواتح ولا اللي وجهها صغير مرة و تسوي كونتور صدق أنقهر ليه تهوّل بنفسها كذا إنتي ستروبينق مو كونتور ?
شكراً توسة ع الطرح وسعتي مداركي أكثر بفرش الماكياج .. وي لوف يو , الله يكتب لك أجر زكاة نشر العلم ?
دمتي بحب ?
صباح الخير
أول مرة أعلق على المدونة ، لكن بعد ماشفت طريقتك و الله تجمدت بمكاني نص ساعة تقريباً
أنا دخلت ٣ دورات تجميل وحده بالخبر و حده بالبحرين و الثالثة بالكويت ماراح أسمي خبيرات التجميل لأن أعرفك ما تحبين نغلط على أحد
الأولى جيتها و معي هالفرشة قالت لي هذي فرشه فاشله مين دلك عليها
و اقنعتني انها تخطط و انه لازم اطبطب بعدها بالبيوتي بليندر و الخبيرة الثانية قالت لي من الاخر بيوتي بليندر و بس
أما الكويتيه قالت لي الموضه الماكياج الثقيل هذي ماتسوي لك شيء على الاقل صادقة نفس نصيحتك بفرشة البويه
معقولة كلهم دارسين و لا اعطوني التكنيك و الله من الفرحه رحت اجرب على ايدي و ضبطت ضبطت بدون تخطيط
الويكيند عندي مناسبة واجربهم وبدعيلك لكن مصدومه و اشكرك انك تقدمين لنا كل هالامانه باخلاص الله لا يغير عليك
فطستيني ضحك يوم قلتي فرشة بويه و اللي تقول اصبعها ازين فرشه هههههههههه رهيبه
الصراحه لاقوة الا بالله يختي تبردين القلب تجيبين الشي بإلمام وفهم صح .. تنصحين بذمه.
عاد انا ما استوعبت الكونتور ابدا عكس الستروبينق اللي حبيته مره.. تدرين عاد اكتشفت امس ان عمل الميك اب الناعم صعب مو بذاك السهولة. .
اول مشكله اواجهها كيف اوحد لون وجهي بالاساس.. خصوصا ان عندي هالات قويه بالوراثة.
ثاني مشكله نوع عيوني صعب. . كلوز ست ايز .. اب تيرند. . وفيها غيران لجوا..
ياليت ياليت تتكلمين عن انواع العيون الصعبه مثل عيني
اخذ دروس كثير باليوتيوب وكأن فيه تحسن بس مازلت ?
ماننحرمنش منك يا ارتوستنا الغاليه
كيفك أرتوس
ببكي ببكي انا نفس الشيء جربتها وماعجبتني تخطط و يوم شفتها كدا رميتها 🙁
يعني دحين بروح اشتريها من جديد عشان اجرب مره متحسفه على فلوسي
ليش مش كاتبين دا الشي بموقعهم شي يقهر و الله
شكرا على تعبك الله يجعله بميزان حسناتك ماتقصري دايم لكن مره حسيت اني عبيطه
صباح الخير
ياحلوك تصدقين فرحت يوم شفت تدوينتك غير المكياج لأني مليت صراحه من كثر مااشوف مكياج بكل مكان الناس صارت تتكلم عنه مع هبة الميكب ارتست وكلهم صاروا يعطون رأي ىيسوون سواتش ، ياليت تتكلمين عن العنايه عن الشعر او البشره احب اذا كتبتي عنهم استفيد مره عكس المكياج ?
يؤ وانا اللي ما فاهمه فكرة الشعرات البيضاء
وكنت ناويه اقصقصهم بعد ??
و الحمدلله لحقتي علي
بس فعلا احب تأثيرها .. و احب نتيجتها ف البلشر
فعلا احس تعطي نعومه طبيعيه مو اوفر
صباح الخير والنشاط …حبيت المقدمه وتعبر عن الواقع بجد..البنات بعضهم ستايل موحد الروج غامق.. الحواجب مصبووغه وكلهم بقدرة قادر صارت حواجبهم ثخينه ..وبعضهم تبهرني بجمال مكياجها وكيف ملامحها برزت ..فقدنا المظهر الطبيعي بالماكياج ..عني مستحيل اغير ملامحي بالكونتور احب شكل وجهي المدور ..بالنسبه للفراشي عندي فرشاة ميك اب فور ايڤر 106 حلوه بس تخطط الاساس وبالاخير صرت اوزع الكريم فيها ثم اضبطه بالاسفنجه …من عشر سنوات اشتريت فرش من شانيل ياالله قد ايش جودتهم رووووووعه ويستاهلون كل قرش ..وعاشوا معي لكن اتوفت اخر فرشاه من شهرين هههههههههه شعر طبيعي وتلقط اللون ع طول وفرشاة البلاشر كانت جمييييله تطلع اللون مضبوط وتدمجه …للامانه يهمني اللوغو اللي على الفرشاه لما ارزها على تسريحتي نفسيا ارتاح ..علشان كذا مش صحبه مع ماك اللوغو تبعهم ينرفز من غير تجربتي السيئه مع اساساتهم ..ماانكر الشادو عندهم رووعه ..بس الفرشاة هذي دخلت مزاجي وان شاء الله اقتنيها قريب …تحياتي لك يارااااااااااقيه
صباح الورد
ياجمالك ياسوس والله يالتفاصيل منك عشق لانه فعلا حركه بسيطه تفرق في الحكم بالذات مع الفرش حبيت وصفك كالعاده متميزه…
على طاريwayn شفت له قبل فتره فديو لوضع البلاشر حسب رسمه الوجه حبيت طريقته حسيتها فعلا فيه فرق لاني ما كنت انتبه لشئ زي كذا وكنت بقولك عليه بس ماكنت عارفه اسمه لان كان نفسي اعرف الطريقه الصح لوضع البلاشر
هههههههههههه اليوم وسعتي خيالي بالمدونه وبرضه على طاري فرشه البويه فيه بلوقر كويتيه اسمها مريم كانت تتكلم عن فرشه مد الاساس المسطحه وعن استخدامها الصح انه نوزع فيها الاساس بطريقه الطلاء”عشان كذا تذكرت هههههههه”وبعدها نطبطب بالبيوتي بلندر راح يعطينا تغطيه فل كفر
وجربتها مع فاونديشن تغطيته متوسطه وفعلا عطاني فل كفر بطريقه حلوه
ترى ذكرتها عشان لو احد حاب يستفيد خاصه للي عندها مشاكل في البشره تغني فعلا حتى عن الكونسيلر.
ادري كثرت بربره فالعذر والسموحه…….
حبيت التدوينة جدا .. واستمتعت فيها كباقي التدوينات
فعلا قبل كم سنه كنت اشوف بعض النساء عندنا في العزايم والمناسبات كيف مكياجها شيء مريييع
المهم عندها انها تطلع بيضاء لدرجه وجهها كان اشهب طالع رمادي ..وكنت اسمع تعليقات الناس عليها (انو حاطه ع وجهها بويه )
بس الحين الوضع تحسن شوي .. لان طالما الشخص يقرأ ويتعلم ويطبق التكنيكات الأساسيه فهو في السيف سايد
والأهم طبعا اللي يناسب البشره من فراشي و فاونديشن وبلاشر و و .. كلها تكمل بعضها بالنهايه
حبيبتي ارتوس الله يسعدك ع التدوينه الجميله
دمتي بسعاده
مشكوره حبيبتي توته على جهدك واخلاصك في توصيل المعلومه
انا مثلك اول ما اشتريتها بحلت بها لين شفت فيديو ( واين) و عرفت طريقتها الصحيحه بس طحت بعدها في البيوتي بلندر و سحبت عليها
عندي ملاحظه ما ادري اذا فيه احد ملاحظها معي او وجعي الي فيه البلا ( احس البيوتي بلندر تخلي الوجه نوعا ما رمادي خصوصا اول الوقت !!)
بس ذكرتيني فيها وبرجع لها ان شاء الله
بس عندي مشكله ،، احب المكياج الناعم والي يبين طبيعي لكن عندي هالات وراثيه قويه و تغطيتها قصه طويله عريضه فمهما سويت وجهي ناعم منطقه العيون يكون مبين عليها ان عليها طبقه سميكه وتخرب كل النعومه وش الحل؟!! ?
ملاحظه صغيره للبنات اتمنى ما تزعلون منها،، عجزت افهم تعليقات الحجز بعد كل تدوينه ، الاهم يكون ردك يثري الموضوع ويفيد القاريء من مهم الاولوليه!..
الله يحميلنا اياكي ابدعتي .. شو بفرح فيكي وبتدويناتك
احلى اشي بحبه بكل مواضيعك عدم اغفالك لأي تفصيل
مهما صغر حجمه …
بالنسبة للبنات يلي حكيتي عنهم ما بدي احكي الا الله يعين عيونها صابها تلوث بصيري من هالعجائب
ويسلمووو ع نصائحك بخصوص الفراشي يا جميلة
اشياء الواحد غافل عنها والله
صباح الخير توسه ?
الفرشه شفتها عند اختي وجربت استخدمها كرههتها بشكل واستغربت انها ماخذه كل هالشهره تخلي الاساس يطلع مخطط بشكل مقرف بس اكيد طريقتي هي الغلط بجرب التكنيك الي قلتي عليه ، انا توني بعالم المكياج بس حمدلله من يومي ما فكرت احط اساس يوضح اني حاطه او كونتور يطمس ملامح وجهي او حواجب مرسومه بالمسطره وهالشي اخواتي دايما يهاوشوني عليه يقولون انتي ما يبين انك حاطه شي ما الومهم يشوفون الي في الانستا وعلى بالهم انهم هم الصح ? ، دايما احس الفراشي لناس المحترفة الي تحب تتفنن وتبدع فيها ف البيوتي بلندر المنقذه لناس الي توها وتختصر عليك وقت وجهد والنتيجة خيال ، حبيت هالنوعيه من التدوينات وشكرا شكرا ارتوس ???
صباح الخير
صباح التفاؤل و الجو البديييع ..
يا جمال الجو ..
تدوينة اليوم زاخرة
شعرت محتاجة لورقة و قلم و اقول للي حولي ششششش لحد يتكلم أنا أتعلم ، عجبني الدرس و التكنيك، و عجبتني صراحتك ، سبحان الله لاحظي سَوس فيه أشياء نفهمها غلط، بس بالفعل ما يكون معناه نطلق أحكام سريعة و نبدأ ننفر من الشي و مرات ننفر اللي حولنا، أحب هالشي فيك ..
::
الحمد لله احب المكياج السهل و البسيط، يعني انا لكن بذكاء، قد أخيب مرات لأني ما شاطرة كثير، وممكن أعلق في نفس الوجه، و ساعات ماعرف اغير كثيييير بين مكياج عزيمة كبيرة و بين عرس، لكن في الحلقة الاخيرة ما يكون شكلي يفشل و الحمد لله .. عندي فرشة من نارس، اللي تجس مضغوطة بشكل طولي للكونتور عرفتيها؟؟ كنت استخدم ثانية أيضا من ماركة أخرى بس ببداياتي بالتعلم لما صارت ايدي شاطرة، صرت ما أحيها، متراصة كثييير و تاخذ اللون بشكل قوي وقاسة و تعطيني خط ، بالبدايات كنت أدمج و أسهل، لحين لا صرت أعتمد على الفرش العادية ..
::
شكرا جزيلا، حبيت هالدرس، لووووول ايش رايك تجيبين لنا مودل و دروس بالشادو ههههه
و نبذه حتى عن فرش الشدو اللي الواحد لازم تكون عنده، أكيد مو من نفس الماركة، لأني أنا أيضاً ما مع التطقيم، يعني سيقما F80 هذي يا زينها زيناه عندي .. بس ما بالضرورة أشتري كل شي منهم
::
دمتي بود حبيبة قلبي
صباحك ورد
ماشاء الله عليك ربي يحفظ لك علمك ويبارك لك فيه درس قيم وممتع والاكيد انه مفيد للاسف ماابحرت بعالم الفراشي ولا تنوعها حاليا عندي سيت ريل تكنيك للوجه ولا زدت عليهم شي خاصه انه قليل استخدامي لها الفرشاه حبيتها وحبيت تنوع استخداماتها اكيد هالدرس راح ينحفظ وحفظته عندي بالجهاز لحتى لو كنت خارج التغطيه اقدر اقراه ويارب اكون متمرسه واعرف لنفسي واعرف اكون مرتبه ومتالقهزبمكياجي
شكرا لك ارتوس على عطاءك ومحبتك?? اسفه لكوني متلقيه فقط ولا اقدر افيدك بشي
يعطيييك العافيه جمممييييل ❤️❤️❤️❤️ هذي الفرشه كنت راكنتها حتى ما اطل فيها من كثر ما حست و انا استخدمها ☹☹ بس ذحين وضحت ?❤️??
صبآح البرد ? والفل ? والكادي ?
وصفتي فأوجعتي ? هذا الواقع التعيس
اللي يضايقني اللي عاملين خبيرات تجميل
المشكله انهم من كبيراتهم ولهم سمعتهم باالبلد
لكن قل اعوذ برب الفلق .. تتعبين تفهمينها انو هاالنظام
مو قانون يطبق باالبلد .. كل وجه له خط خاص فيه
اتفق معك بحكاية النحت الأيراني المريع .. أما الملكه
رانيا كلااااااااام كبير .. وأفضل الوحده تشتغل على بشرتها
وماتبخل عليها.. تهتم بصفاء عيونها .. بلون اسنانها باالتالي
ماتحتاج اطنان ميك اب لتغطي العيوب .. باالنسبه لي أميل
للهدوء احب وجهي يشرب الميك اب ليكون منو وفيه أميل للألوان
الهاديه .. حبيت وصفك للفرشاه حسيت انهم عاملينها لي ?
واخيراً وليس اخراً يعجز اللسان عن الشكر.. لك فضل كبيرعلي
مُش بس في الأمور الجماليه .. ودعائي لك وصال حبي ❤️
الله يوفقك ويسهل دربك ومن تقدم لتقدم
منصوره بأذن الله ? ?
تدوينه جميله ? جد ياليت تكثري من هالمواضيع الخاصة بالتكنيك لان فعلا هالمواضيع تفيد اكثر … اغلب البلوقر الحين يسوو ريفيو لمنتجات .. قليل مرره اللي يعملوكي كيف التكنيكات ..
بالنسبه للفرشه مررره عجبتني شرحك لها حمسني خلاص اشتريها هههه..
بس ارتوس بسألك قد شفت البلوقر هدى بيوتي تكلمت عن فرشه من ميكب فورايفر رقمها١٤٨ نفس فكره فرشه ماك مدحتها كثير .. ما ادري اذا سمعتي عنها اولا ؟ ايش رأيك فيها ؟
تدوينه مفيده كنت انتظرها من زمان
بخصوص كلامك اليوم عن سرقه مجهودك حاسه فيك واعطيك الحق في كل كلمه قلتيها، ااستفدت واتعلمت منك كثير الصراحه خساره كبيره لنا الله لايسامح اللي كان السبب
شكرا من القلب لعطائك?
صباح الخير ،
حبيتها جداً جداً ، ضروري تكون عندي !
يهمني كثير ان التغطية تكون طبيعية .
أنا أحب المكياج بس ما اشوف نفسي شاطرة فيه
لكن عارفة ايش اللي ما يناسبني
وما يهمني فيه الا البشرة اساس وبلاشر لا كونتور ولا غيرة لان ملامحي طفولية احس ماش ما يحبني المكياج المحترم :p
حتى الايلاينر مش صاحبي رغم اني اضبطه بس يناسبني الخط الرفيع ، ولا احب الارواج الغامقة
مهماً كان اللون حلو ما ارتاح احس اني مش انا بالغامق
ما حبيت من هبات الميك اب غير الستروبينق احس
فيسي يحبه بس ما حبيته على يارا ! ما اعرف في شي مو حلو !
حالياً مغرمة ب مكياج أسراء في متزوجات غاضبات
لو شفتيه نفس اللي احبه .
ردي كله حبيت واحب :p
شكراً شكراً دايم استفيد منك :قلوب: .
صباح الورد ??
فعلاً والله اللي يحيّرنا هو اختيار الأفضل من كل ماركة بس لما نفهم القاعدة الأساسية للفرش بيسهل علينا إختيارها …..
الله يعطيك العافية حبيييييت الفرشاة وشرحك المفصل عنها وكيفية استخدامها?وياكثر ماحكمنا على اشياء بالفشل بسوء استخدامنا لها …
اما على سالفة التخبيص الحاصل بالمكياج احس يبي لنا سنين على بال مانوصل للذكاء بإبراز الجمال ….
سوسو ياحلوتنا شكراً شكراً على كل شي ربي لايحرمنا منك ??
يعطيك العافية 🙂
الفرشة هذي حطيتها مع قائمة المشتريات إن شاالله اجربها .
وعلى طاري المكياج و البنات اللي يخافون منه :$ أنا صراحة أحب و ما أحب المكياج
ما أحب الطخطخة الأوفر و الستايل الخليجي و لا كثرة الكنتور و الزحمة
أحب مكياجي يكون ناعم(ستايل شاكيرا أحبه كثير) بدون ما يغير بملامحي مع أن شفايفي كثير صغيرة و أنفي طويل بزيادة
إلا أن ما بعمري حاولت أكبرها بالمكياج و لا أعيد رسمة أنفي يعني كنتور خفيف جدا يكفي
من يومي و هذا مكياجي صحيح يدي مو مرة شاطرة بالمكياج بس أحط يوميا بالدوام ما عمري رحت الشغل و وجهي ناشف
مع أنو تقريبا نص الموظفات ما يحطون :/ مدري ليه هذا الخوف
حبيت الستروبينق حق يارا لايق عليها مع الشعر الفاتح .
هالفرشه شرتها بنت خالي وفعلاً كانت تشكي من تساقي الشعيرات السوداء
بخبرها على طريقتك لأجل تنتبه وتصحح غلطها
وهالفرشه كل ماروح فرع لماك أحصلها مخلصه 🙁 وااااي 🙁
مرره حابتها.. وشكلي بجرّب حقت سيقما
شوفي حقت ريل تكنيك شعيراتها البيضاء مش طويله مثل ماك وسيقما
وفعلاً هالفرشه تعطي مظهر فلوليس
مره عاجبتني من قبل ماجربها
وسهله وسرعه وتكنينكها بسيط بعد
هههههههههههههههههه أجل جينيفر لوبيز آوفر!!! ماشافو الي نشوفه
مابقول أشكالهم دفشه بس بالزواجات والمناسبات الكبيرة…. لا حتى بالسوق شكلها آوفر وزحمه يادنيا زحمه ههههه
ماكياج يارا بسيط وبرز ملامحها بشكل لطيف وخفيف للعين
هي دائماً ألاحظها كذا
ورده.. تفتح النفس
ويعطيك ألف عافيه
كوني أنتِ
كعادتك تدوينه مفيده مع اني مو متمكنه في استخدام الفرش بالرغم اني احب الميكب كيف عاد مدري ههه يمكن لسى مالقيت جوي من البلوقرز واليوتيوب جربت مع نفسي اسوي ميكب ع احدث تكنيكات الوجوده حاليا فعلا ماتتناسب مع ملامح وجهي ابدا ولا احس بالراحه النفسيه لا بحواجب عريضه او فم مزموم ومحدد ولا الوان قويه ولا كنتور اكون برضى تام اذا حافظت على نفسي ملامحي اعشق اطلالات نجوم هوليوود حتى باحتفالات زي الاوسكار وكان والجوائز الكبيره اطلاله جميله غير متكلفه حتى الشعر لما يكون مرفوع يكون بشكل بسيط شفتي اطلالة الاميره كيت هذا الشكل الجميل المرتب اللي ياسرني تجمل بسيط يبرز الملامح بدون ماتحسي اللي قدامك مهرج ،،
هالفرشه كثر ماكنت متحمسه لها كثر ما تحسفت اني شريتها
عندي منها ثنتين ومركونين على جنب
بقوم اغسلهم واجرب التكنيك اللي قلتي عليه
كانت تعطيني المظهر المخطط غير شعيراتها اللي تطيح و تلزق بوجهي
استخدمتها كذا مره مع البلشر الكريمي حييييل حبيتها
يمكن لاني انا بطبيعتي اخاف من البلشر فما اكثر اللون وامده خفيييف بالفرشه وفعلا يضبط بهالفرشه
وصدقتي والله كرهونا بالميك اب الوحده فيهم دافنه ملامحها فيه
احس الصور كلها ايلاينر رموش وبلشر جنها تقول ترا هني خدي وهني عيني وهني حواجبي
واستخدام الرموش صار اوووفر … لا تشوفين اللي بالدوامات عندنا
يا سااااتر اذكر مره رحت لوزاره مراجعه وحده مركبه رموش تفشل ع الصبح حيل اوفر
والله انا اللي استحيت من شكلها
استغرب ان بعض الاذواق في تراجع رغم الانفتاح والاطلاع
حبيت موضوعج اليوم مثل ماقالت وحده من البنات نفتقد مثل هالمواضيع
دايما الغالب الكل يتكلم عن المنتجات دون التطرق للتكنيك الصحيح
عساج ع القوه حبيبتي ارتوس ❤️
مسسآئج دخوون ،
يآ عيني والله ، معلومات ونصايح وربي قلة اللي يشاركونج أسرار الميك آب والطرق الصحيحة لإستخدام الفرش أو غيرها
ربي لا يحرمنا منج ويجزاج كل خير
انا هالنصيحة خذيتها من حسابج القديم أن ننتقي الفرشة المناسبة لنا واللي تؤدي المطلوب اللي آبي أوصل له ، يعني موب لازم أخذ الست كله من نفس الماركة ولا اتقيد بماركة معينة وخلاص
انا عندي كذا فرشة ومن ماركات مختلفه ، عندي من سيقما ومن ماك ومن مورفي ، وجدا مستانسة لأني إتبعت نصيحتج
بالنسبة لفرشة الستيبليننغ كنت أخاف اشتريها قبل لاني ماعرف استخدمها ، كنت أمد الأساس أما بفرشة سيقما 80 أو البيوتي بلندر
بس من بعد هالمعلومة للطريقه الصحيحة اكيد أن شاء الله راح اشتريها بأقرب فرصه
أحبج واحب اتابعج بكل مكان وإذا صار عندي تويتر بعد بتابعج هناك ههههههه
ترا انا نفسي d5oon_007 اللي اغربلج ب الانستا ?
كل الحب عزيزتي ❤
موضوع مهم جدا اننا نعرف الفروق والانواع يساعدنا ع اختيار مناسب لنا ولحاجتنا
وبالنسبه لتعليقك ع المكياج صدقتي والله
نشوف اللطلطه في كل مكان انا اشوف بنات وهم في المتوسط تحط روج كنتور بلاشر ماسكرا كحل وتسوي تشقير حواجب بعد !
استغرب يعني اذا وصلت الجامعه وش بتسوي هذي!
صح لها حريتها وحلو ترتب نفسها وتظهر جمالها لكن مش كدا ?
تعتني ببشرتها تنظفها ترطبها تخلي وجهها يفتح النفس بدل ذي البهذله
اعتبرها زيها زي الي جايه بفستان للمدرسه
وعاد هذولي الصغار فكيف بالكبار والاشكال الخقه الي نشوفها
شكرا ع كل ثانيه تقضينها بنفع الناس واطلاعهم على كل ماهو مفيد وجديد الله يوفقك ويسعدك يارب ، ماتدرين قد ايش اسمك يسعدني فكيف بكلامك ونصايحك ??
جميلة الفرشاة بتاع كلو ? أستخدم البيوتي بليندر وقبلها كان بإيدي لأني ماحب استخدم فرشاة خشنة بوجهي كنت استخدم من فورايفر عذاب والله .. wayne goss أتابعه على اليوتيوب تعجبني تيكتيكاته في توزيع البلشر ومد الأساس وشرحه مختصر ما يتعدى 5 دقائق بس يعطيك الفائدة .. ريانا تعجبني بكل شيء كذا مميزة بماكياجها ولبسها وشعرها كل شيء يليق لها ? بالنسبة للماكياج الإيراني مايعجبني قديم بالذات كخل العين تصير كبيرة والخشم صفنون ماتقدر تتنفس والشفايف صغيرة بس منفوخة .. بس جمالهم الطبيعي يشفع ): إنت إختصرتي النعومة والبساطة بكليب يارا .. واللي يصبرنا عن تدوينات الثرثرة هي لما تكتبين أو حتى تنصحين وإنت تعرضين منتج يمكن ماشتريه أو مب في حاجته بس اقرأ لأني عارفة راح أستفيد من كلام بين السطور?
أشوف زاد التنافس على المركز الاول بالرد ?
بما ان صار عندي وقت راح تشوفيني كثير، اشوف مواضيعك ومتابعتك من سنه ونص او سنتين تقريبا ?
كنت اعتمد على اكثر الفرش مدحا واجربها وفيها الي يضبط وفيها الي يخيب بس القاعده بتسهل علينا الاختيار بشكل عام ،
مقاييس جمال المكياج صار مضروب ، اشكال الوجيه صارت مرعبه وانا من النوع الي ما أحب المكياج الي يغير الملامح و ما يبين جمال الشخص نفسه ، الناس الي يسوون كذا خربوا سمعت المكياج وصديقتي من الناس الي كرهت المكياج من الشي الي تشوفه و ماتنلام
وصاروا ياخذونه كتجاره وربح وكلها فتره وينتقلون لشي جديد ويخربونه ?
يارا من الناس الي تفتح النفس بمكياجها وملامحها تحسسك الورد يتساقط حولها ? و فعلا النساء الي بمناصب عاليه و مرموقه ما يكثرون مكياج لان يعرفون هذا مو الشي المناسب والحلو
بخصوص الكلام الي بالانستا ماتنلامين اذا وقفتي شي يقهر الناس تاخذ مجهودك وتنسبه لنفسها بدون ادنى جهد وتعب ولو توقفين هم ضاعوا ، ناس زي كذا تبين حقيقتها بالأخير ، ومهما كان قرارك حنا معك و أن كان يغبن ما نقرأ لك مواضيع 🙁
مساء الخيرات سوس…. برافو عليكي هذا اللي نبي…..والله ماعرف اعبر عن اللي بقلبي….بس بقول انه هذي التكنيكات اللي نبيها تساعدنا نزين انفسنا بطريقة جميلة مهب بالتشويه…….على كثر ما شفت باليوتيوب الا انه مايعرف يعلمنا الا سوس….كلامك نقراه بقلوبنا قبل عيوننا…واكيد هالموضوع بعيد قرائته كالعادة زي مواضيعك الثانيه اكثر من مره….ولي تعليق قريب ان شاء الله بعد مانزبط التكنيك…وربي يعطيك حتى يرضيك وقلوووووب من القصيم لبيتكم ?
توسه ممكن تتكلمين عن العناية بالجسم ككل
من ماسكات وتقشيرات وكريمات
عندي سؤال ابغى اذا تقدري تكتبي اسباب الخفسه وكيف تجنبها وايش الاكلات اللي تسببها وايش الكلات اللي تقضي عليها وكيف ممكن الشخص يحافض على وزنه وعلى رسمة الجسم المتوازنة وياكل مالذ وطاب….
ان شاء الله ما اكون كثرت عليك …
احس ماشاء الله مدونتك مليانه بكل الاحتياجات لكن الداخلية والتغذيه قليل ماتكون ..
نتمنالك الخير
توي قريت تعليقاتك بالانستقرام…سوس لاالاااا وش اللي توقفين تدوين تكفيييييييين فكري الف مره قبل تاخذين القرار…..والله انك نقطه تحول بحياتنا ولو بكتب لك الاشياءاللي تغيرت بحياتي من عرفتك ماراح تصدقين….صحيح اني عرفتك متأخر بالانستقرام…. بس رجعت لمواضيعك بشامواه واستفدت منها بشكل كثييير….الله يعافيك شوفي اي طريقة تحفظ لك جهودك وحقوقك وتعبك… بس توقفين لاااااا تكفين??
ارتوسه قلبي تدرين وش اللي يميزك عن باقي البلوقرز الصدق وعمق الطرح الاغلبيه مجرد عرض مشتريات
وكل نصايحك سابقه عصرك
ماتدرين وش قد الاضافه اللي ضفتيها لي وخصوصا بالشعر عقدتي برسلك ع الدايركت صوري قبل وبعد بالانفجن مثد
احب اعتني بنفسي ولي أسلوبي المميز ومن اطرف المواقف وانا صغيره كنت احط كريم النيفيا على وجهي كماسك زي مااشوف في المسلسلات المصريه?
كبرت وكنت ابحث كثير اول ماطلع النت ايام ماكنت بالمتوسط وطحت بالاقلاع وبحواء ?
تأثرت باسلوبك الجامح ومن زمان ماجت الفرصه اني أشكرك شكر من القلب وادعي لك ??
وأتمنى يجي اليوم اللي اقابلك فيه وأشكرك وجهه لوجه
الله يسعدك وواصلي واحنا معاكي??
اسعد لحظة هي اللي افتح فيها المدونة والقى شي جديد .. انا بعيدة عن الانستقرام شوي لكن يوميا لازم امر هنا
تصدقي سوس كنت اظن ان المشكلة بالوان الشادو اللي عندي خصوصا نيكد كنت اقول ابدا مايستاهل المدح وشكيت انه تقليد بالرغم جايبته من امريكا والحين فهمت ان المشكلة بالفرش اللي عندي
كمان تطرقتي لموضوع مهم وهو الفجعة اللي صايرة عالاكل بالانستقرام والسناب .. كل وحدة تقول الزود عندي وكانهم طالعين من مجاعة .. اللهم لا تؤاخذنا بما فعل السفهاء منا
شكرا لك سوس لا تستقلي اي موضوع تقدميه لنا .. كلها تهمنا والا مانخرج منها بفايدة ♥
التدوينه اليوم تونسسس ، انا مثل البنات اللي قالو لك مانبي رفيوز خلاص لاني احس المنتجات تمشي مع ناس وناس لا ،يعني ترجع لتجربة الشخص نفسه
عكس هالنوع من التدوينات مفيييده جداا وتفتح عيونا ع اشياء
شششكررا شكررا ارتوس ع عطائك .
وش أقول وش أخلي بس ♡♡ انا قد
سألتك في الانستا عن افضل ماركة للفرش
وهالتدوينه ماتتصورين قد ايش ساعدتني
❤️❤️ الحين بعرف على الاقل وش الانسب
لنوع المكياج اللي بحطه واكيد اكيد بأجرب
هالفرشاه من ماك وفعلاً التكنيك يفررق كثيير
ويارب ألحق عليها قبل مايخلصونها البنات لوول
شكراً من قلب الله لا يحرمنا منك ياتوسه
هههههههههه ضحكتني فرشاة البوية
والله انك صادقة .. بصراحة الميك اب فن وذوق
مو اي حد يتقنه نفسي اتعلم اكثر واكثر مع
ان مكياجي سيمبل جدا جداًواقعد مرات موسوسة
اني حاطة كثير ..تدوينةًحلوة ورايقة
ومهمة ايضا ً.. موفقة يارب ❤️
ياجمال مواضيعك وجمالك ?
الفرشه صار لها عندي سنتين وحاولت بكذا طريقه معها بس مايطلع حلو وعلى قولتك اخلص من المكياج وأجلس اشيل شعر الفرشه اللي طاح على وجهي ..
قريت طريقتك ورحت ركض أجربها .. حبييييييت النتيجه بالفعل ?..
?
يعطيج العآفية يارب ،، شكراً ??
حبيبت قلبي ي سوس صرلي زمان ما أضفت تعليق بس ماستغنى عن تدويناتك اقرأها اول بأول … بالنسبة للفرشة عندي منها المقاس الصغير و والمقاس الأكبر من ماركة كوستال .. بس استعمالي لها نادر يمكن ثلاث أو اربع مرات كنت احس ان لها تكنيك معين ماعرفت له فافضلت اني ماتفلسف فيها .. بس شفت طريقة الفيديو عرفت اني استعملها بطريقتك القديمة … حالينا ارتحت مع اسفنجة رَيل تكنيك … اما كليب يارا جميل رومانسي دخلت معاه جو هههههههه وكلامات الاغنية حلللللوة .. يارب خطيبك يفاجئك بنفس الفكرة الرومانسية ههههههههه << واضح اني تأثرت …….. اما مكياجها عجبني مرا please please علميني علية وعلى منتجات مكياج الستروبينق …..
مساء الجمال..عاد ياكثري اليوم بس من الظهر مروقه ع اخر تدويناتك واستحي والله اقرى بدون ماضيف رد اقل شي نقدمه لك على تعبك ومجهودك انك تفيدينا لاعدمناك يارب?..
حبيت مره شكل الفرشه ونقط الاساس عليها..ومن جد انا وحده خبرتي سيئه في الفرش وعلى قولتك لو فهمنا كل تكنيك كل فرشه وتناسب ايش راح نعرف نختار المناسب لنا مهمها اختلف البراند..
اما فقرة تهولي بالمكياج ياغوله عاد هاذي ياكثرها في قرايبي اتوقع لو شفتيهم بيغط على ألبك الى الان متبعين موضة الحواجب المرفوووعه جدا وكمان يقرنوها ببعض مااعرف وين الجمال بهالشي?
بالنسبه لريانا الحب من جد انا تلفتني جدا جدا جدا برغم ملامحها الافريقيه الا انها تعرف تبرز جمالها لدرجة انه هالشي عطاها ثقه بنفس اكثر من اي وحده ثانيه قد تكون بيضا وملامحها جميله لكن تشوه نفسها بالكونتور والخرابيط الثانيه الاوفر..
يعطيك العافيه يا بيبي يور ار ذا بيست?
صباحك ومسااائك احلي من السكر ..
اول شي قبل اتطرق للموضوع التدوينه بخااطري كلام لو ماقلته بططق:(
مرره حزنت انك وخنقتني العبرره يوم قريت انك بتوقفين تدوين بكون اناننيه لو قلتلك لاتوقفين لان فعلا عندنا مافيه حمايه حقوق بالشبكه
العنكبوتيه .. اتذكر موقف صارلي قبل فتره بعيده كنت اكتب بمدونه خاصه لي وصدف ان احد المنتديات سوت مسابقه ادبيه وشاركت باقرب
قصيده لقلبي ولمن جات الاداره تقيّيم قال واحد منهم هذي مسروقه انصدمت قلت هذي لي ومستعده اجيب المسوده حقتها قالو انتي مُستبعده من المشاركه مره مره انقهرت مو عشاني خرجت من المسابقه لا لان كتاباتي صارت لشخص آخر من بعد ذاك اليوم كرهت الكتابه
مع انو مرات احنّ لها .. بجد موضوع السرقه مره يقهر ويغبن الواحد ، بس وش رايك تطبقين كلامك زمان اتذكرك قلتي بحط حساب خاص
واحط فيها اللانقري والاشياء الخاصه يعني حساب بنات عشان ماتجيك تعليقات متخلفه يعني الي اقصده سويلك تدوينه خاصه برقم سري
كذا احسس يريحك وتضمنين ان محد يشووفها الا الي تعرفينهم .
الحل الثاني انك تسوين دورات بمبلغ مالي معين .. اتمني تاخذين هالحلول بمحمل الجد وتفكرين فيهاا اذ عجبتك بكون اسعد انسانه
لاني مابيي افقدك واذ ماعجبتك صحيح بحزن بس بتمنالك كل التوفيق وادعي ربي اني القي بحياتي انسانه مثلك ❤❤
بالنسبه للموضوع الفراشي كان اول درس درسته بدوره المكياج حمدلله اعرف ان فيه صناعي وطبيعي …عندي طقم فرش من بدي شوب
قديم مرره عندي عحبتني بس ماعجبتني فراشي العيون ماريحتني بالاستخدام
مرره شرحك جميل مع اني كنت اعرف بعض الشي بس تفاجات بمعلومات جديده علي بجد انتي موسوعه الله لايحرمني ❤❤
اما المكياج المهوول قسم بالله معك حق كلن يتغير الا كائنات الفضاء الي عندناا مستحيل تتغير او تغير تكنيك المكياج مصرين ع الاطنان
المطنننه يعجبني لوك هيفا وهبي بس اليساا تعجبني بمكياج عيونها اميل لسموكي اكثر شي انا
ارتوس احبك ❤❤
ويارب مافقذك ❤❤❤
يسعدك ارتوس اعطيتينا تكنيك بسيط انا كنت غافله عنه ونبهتيني عليه وهالتكنيك مصيري بالشكل
وجد ضحكتيني لما قلتي فرشة بويه الله يصلحهم مفكرين المكياج بالكميه مو بالكيفيه
قلووب إلى عندك
ههههههههههههههههههههههههههههه فرشه البويه ??
عندي أزمه فُرش أحط ببالي كذا فرشه بشتريها و إذا رحت أشوف الكم الهائل أشكال و ألوان
وأتشتت و أرجع بدون شي .. التدونيه سهلت لي الموضوع و راح أشتريها و أنا مرتاحه
شريت قبلها فرشه سيقما الكابوكي بصراحه خرافيه و سهله و مريحه
بصراحه ما قد شريت شي أببد على مدح أحد الا الشي اللي تمدحينه، أشتريه و أنا مرتاحه البال
بالمناسبه قريت كلامك بالأنستقرام و تضايقت جداً لكن اشوف من الانانيه اننا ننقد على قرارك
بالنهايه محد يحس باللي تحسين فيه .. تتعبين و تجتهدين و غيرك يآخذ مجهودك و الصيت و السمعه له
يجيني إحباط لما اشوف بلوقر متابعينهم مئااات الآلوف و هي ما تقدم غير التفاهه و الهياط و الاستعراض
و اللي تقدم مضمون و فائده لا تقدير و لا غيره .. أعرف كم وحده تعرف حسابك و تجحده و إذا انسألت
عن مصدر معلومتها تجحد حسابك مو لانها تبغى تنسبه لنفسها بس لأن ما تبغى الفائده لغيرها
تبي الفائده لها لوحدها عشان تتميز ، أكثر من كذا أنانيه ما شفت !!
تأكدي ان لك متابعات مخلصات لك من سنوات و راح يظلون يذكرونك بالخير و يدعون لك
وين ما كنت .. الله يوفقك و يسعدك و يفتح لك أبواب التسهيل و التيسير وين ما تروحين ?
مسااااااااااااء الورد توسه….
الله يعطيك العافيه ويسعد قلبك ع هالمدونه اللي فعلا كلنا محتاجينها
والله العظيم كلامك وشرحك روعه ويدخل المخ ع طول …
بصرااااحه افدتيني بقوووووه لاني دايم اشوف هالفرشه والكل يسبها لكن من بعد شرحك وتوضيحك للتكنيك تبعها راح اشتريها أن شاء الله وتتوقعين الصغيره تنفع للكونسيلر تحت العين لأنه باقي مايضبط معي مثل مااتمنى ….
و ع فكره أنا اتابع خبير المكياج اللي منزله صوره يعطي معلومات ووصف سهل لكثير من الأمور…..
وف الأخير مافيه أحلى واجمل من المكياج الناعم اللي يبرز الملامح مو بغيرها وانا أحب المكياج الطبيعي بس مشكلتي لما اثبت ببودره تبين معي ومااحب مظهرها خصوصا تحت العين …
و سوري ع الإطالة ….
???? عجبتني لا يشترونها.. الفرشه تحمسس ?
و ودي اجربها احسها مو من نوع الفرش اللي تكتم الوجه بالفاونديشن ?
موضوع جميل يعطيك العافيه ?❤️
يااه الموضوع جاي بوقته شكيت بنفسي صدق وانا استخدمها ليش تطلع النتيجه فاشله، مره شكرًا على الأقل باحلل فلوسها واستخدمها ?
عاد ربعنا اهم شيء عندهم اطنان وطبقات اوقات اقول الجو السبب او النقاب لانه ياخذ جزء من الميكاب، بس لما تجي مناسبه وتكييف برضو نفس المنظر بس مثل ماقلتي منظر البويات يعجبهم عاد في فرش من فوريفر كنها فرش بويات من جد ????
جبتيه على الجرح ?????يمكن اقول حقت الانستا يسون دعايه لكن بنات الجامعه??تغير ملمحه بشكل فضيع واذا شالت المكياج تنصدمين??الله يعين وشكرا على طرح ياام الارتس????
ههههههههه ياني كرهت هالفرشاه كره ..
كنت كل ما استخدمها فمد الفاونديشن حسيت الفاونديشن يخطط وماعرفتلها .. لين صرت استخدمها للباودر او البلشر بشكل خفيف ..
بس حبيت انصحج بفرشاة كابوكي من bareminerals فظييييعه ..
يسعد مساك ياجميلة ?
ابدعتي بالشرح بجد مافيه مثل اتقانك بتوصيل المعلومة .. انا مع هالمواضيع احبها تغني عن الف سؤال .. بالنسبة للفرش انا جدا بدائيه فيها ومااعرف استخدمها صح مع اني عندي فرش بوبي براون كلها اخذت من بعد مره مدحتيها وعندي كم فرشة من ماك ويادوب اللي استخدم ماتتعدى ثلاث فرش .. من بعدها حرمت اخذ اي فرشة عشوائي لازم اكون اعرف لوش تستخدم وكيف تستخدم .. الفرشة تبع ماك هاذي من زمان ببالي حابتها بس عبالي استخدامها بسيط مااتوقعتها تستخدم لكذا شي واعتبرها مهمه خاصه اني من الناس الميك اب الخفيف ..
اما فرشة بويه ههههههههههههه جبتيها عالجرح صدقتي فيها تعبنا من الوجيه المكتومه والمرسمه ياربي عجزت اقتنع ان هاللوك بالميك اب يحلي دايم نظرتي له انه يخرب الملامح ويخفيها .. وليتهم على تخطيطهم هذا يكون نظيف الشغل لا تحسين المكياج حوسه وعفش .. بجد نحتاج توعيه بالمكياج وطريقة استخدامه انا مدري ليش حنا العرب ليش لاطبقنا شي خربناه مافيه اي ابداع .. فيه معلومات كثيرة تو ادري عنها مع اني احب الميك اب بس مب متبحره فيه واجرب واجدد معلوماتي الاشياء اللي اعرفها يادوب بسيطة بس اكثر شي يهمني اني افهم لملامحي واعرف كيف ابرزها بس عندي صعوبة بالتجديد دايم لوكي واحد مع انه ضابط علي ويحليني بس مليت منه .. انشالله ببدأ اجرب اشياء جديدة ..
وبالنسبة للي يسرقون معلومات بجد غبنه شي يقهر ويفور الدم ماالوم اي احد يقدم علمه بفلوس لان مافيه احد يقدر هالمجهود بأقل الاشياء ويرجع الفضل لاصحابه .. بس من يطبق هالشي الامانة صارت نادرة جدا ..
طيب سوس فيه سؤال محيرني اللحين اللي يعطون دورات ميك اب بس الخبراء المعروفين وناجحين مثل بسام فتوح وفادي وشلون يعطون سر مهنتهم حتى لو مقابل فلوس مع ان ادري ان السر بالنهاية باليد بس هل هم يعطون الاشياء الاساسيه ومعروفة ولا اشياء جديدة ونفس شغلهم … هههههههه ملخبط سؤالي بس انشالله فهمتيه ..
بوسات من هنا لبيتكم على كل شي تقدمينه لن??? .. الله يديمك لنا ولاحبابك ?????٨
السلام
الفرشه مرا حلوه وزين قريت ذَا البوست عشان اعرف كيف اتصرف معاها لما اشتريها
بس قبل كم يوم إنتي نزلتي عن البيوتي بلندر وثاني يوم رحت سيفورا كان وقتها بلاك فرايدي فا اخذتها
ايتعملتها وتحسف على عمري الي فات من دونها
خاصتا أن ماعندي أبدا شي ل الفونديشن كنت ارتكب اخطاء الله لا يوريك
لاكن الحين قاعده احاول اتعلَّم منك والبنات
اما بالنسبه للمكياج الأوفر
هذا ماعهدنا عليه امهاتنا واجدادنا ?
من زماااان واحنا كذا ماتغير شي
الحين ماقمت افرق بين المكياج اليومي وحق الحفلات او العروس
كلهم سوا
اول تشترين رموش للحفله صديقتك الحين تشترين رموش لدوامك
صار الوضع ثقيل ومزري
بس
احنا كذا نحب كل شي اوفر كل شي خارج عن حده الطبيعي
???
الله يوفقك ويرزقك كل ماتحبين
مع السلامه
اهلًا اهلًا
ابدعتييي ابدعتييي بالشرح بصرآحه آصفق لك بحرارة ??آتضح لي شي مآكنت اعرفه الأهم نوع شعره الفرشه كنت فآهمه المقلوب صرآحه
عندي فرشه المروحة شعرتها قآسيه اول ما استخدمتها آعطيتها تقييم سلبي بس آكيد الغلط مني برجع استخدمها ثآني وبالتكنيك الصح ان شاء الله
لو عرفنا كل فرشه وآستخدآمها كان تفادينا الأخطاء اللي نقع فيهآ
حبيت في هذي انها تعطي المظهر الأقرب للطبيعي …
والله المكيآج للان نشوف الهاويل والاوفر ? ليته بعد بالشكل الصح لا آنا آشوف الأخطاء والعيوب بشكل مقرف صراحه كآنت معنا بنت تدرس وكل يوم ميك اب كامل مكمل يوم جت مو حآطه ولاشي لو آقول مآعرفوها صديقآتي أبدا بدون مبالغه الشكل ١٨٠درجه غيير انا اول ما شفتها احسبها تعبانه الله يسامحني. طلعت مو حاطه مكيآج
بالمنآسبه اللي قلت لك ،سويت المكيآج لنفسي وتصورت المهم شآفته وحده قالت مكياجك جمييل واللي يقول محلوه انتي شو مسويه .. بعد مآ رجعت للصور جميل مكيآجي اول مره اكون رآضيه تمآم الرضى عن مكياجي
من هنآ آشكرك من كل قلبي لان الفضل يعود لك ي سُكره بجد مآ اعرف كيف آوفيك حقك
لگ كُل الدعوآت الصآدقه من القلب ?
محبتي لك ،،
انتي كإنك بتقري افكاري
كنت حابه اشتري فرش جديده وبفرفر علي النت وكل تبقي كلمه السر هي ارتوس ?
سبحان الله قد ايه بحبك في الله يا ارتوس
انا برنامج ال pocket عندي 90% من الموضوعات اللي. محتفظه بيها هي مواضيعك بدون مبالغه
متابعاكي من ايام منتدي شمواه
ربنا يجعل مواضيعك الجميله المتعوب عليها دي في ميزان حسناتك
ويزيدك جمال وجها و روحا ❤❤
يسعد صباحك ..
شرح وافي وكافي الله يسعدك ..?❤
السلام عليكم صباح البرد
وي وي ي ارتوس عصرتي ليمونه ع الجرح
والله هالكنتور الي ازعجونا به صار شي مقرف كدمات ف ويههم وين الجمال مب عارفه
اذكر مره رحت مجمع ودخلت دورة المياه عزج الله
والا ثنتين الام وبنتها يحطون من هالكنتور ف خدودهم ويدمجون وصار كدمه الا شوي
انه لو مكان هالشباب ما التفت لهم مهرجين صارو
الوحيده الي اتابع مكياجها هدى قطان و امس اذا ما خاب ظني حطت كونتور هبي هوليدي صورت فيه يبين كانه ظلال التصوير مو كدمه اللهم ي كافي
بدايتي ف المكياج ما كنت اعرف اختار اساس صح رحت حق المحل وقالت ذي حلو عليج وحطته لي و عجبني وتعرفين اضاءة المحلات
بعدين مع القراءه عرفت ان اهو للبشره الدهنيه و انه بشرتي جافه غير ذي قام ويههي يقلب اخضر كانه يتاكسد الفاونديشن لين تعلمنا الحمدلله هههههه
الله يعطيج العافيه ❤
كالعادة رائعة وممتع
اضم صوتي لصوت البنات نبغى تكنيكات
ولاتنسي موضوع الجمام المغربي للعروس بعد مالقيتي شخص يوفر لك المنتجات مالك عذر
وبصراحة حابة اشكرك لي فترة طوييلة خاطري منتجات مغربية اصلية والحمدلله اللي دليتيني عليها…
سلامي
Hello,
Thanks for the lovely post.. i agree we should not be bayess toward a brand when it comes to makeup and it’s tools.
personally i love Bobbi Brown brushes but i don’t see them satisfactory. they don’t have a wide range of brushes.
so I buy from Zoeva, mac , Makeup for ever and real techniche.
I have the duo fiber brush 187 from mac and it’s one of my fav brushes specially for overall powders. As you said it gives a flawless finish. I love the stippling brush from Real Technique. It’s the best brush for cream blushes ever ever. Lots of people hates it but honestly i think cos they don’t know how to use it.
Again i agree with you that sometimes nothing is wrong with the tool or the product but it’s the technique is wrong.
Thanks again and regards
Sophie
تسلمي على الشرح ?
تسلم يدينك حبيييت التدوينة ?
بجد فرش الماكياج كانت مسببة لي ازمة ولما قريت تدوينتك اليوم قلت صدق الانسان يتعلم مع التجربة لان ولا احد من اللي اتابعه من ميك اب ارتيست ذكر هالنقطة عن نوع شعر الفرشة يكون مهم لان عندي كذا طقم فرش واحد ناعم جدا والثاني خشن اكتشفت وانا استعمل الخشن انه ياخذ اللون مرررة عكس الناعم وبعض البلشرات من ماك او ميبيلين او بعض الايشدو ما يطلع اللون بسهولة اذا استخدمت الناعم فصرت استخدم الخشن للالوان الصعبة و وضع الايشدو واستهدم الناعم لالوان البلشر القوية اللي تبان على طول عشان ما يبين كانه احد معطيني كف او الغى لون خفيف وارتحت جدا مع الطريقة هذي مع انه محد ذكرها من قبل بس لما قريت تدوينتك حسيت اني فخورة بنفسي على اكتشافي ??
تسلمين على عطائك فعلا ما اطلع من تدوينتك الا متعلمة وجدا تحمست اجرب الفرشة ??
صباح/ مساء الجمال
يعطيكي العافية ماقصرتي طرحك بيعئد
أنا جديدة تقريبا بس أدخل مدونتك أنط من مكان لمكان 🙂
تسلمي ياجميل و ربنا يسعدك 3>
تدوينة تجنن استفدت منها كثير ربي يعطيك العافية ❤️
واوافقك الرأي بطريقة وضع المكياج عندنا متعبة للنظر وتغيير للملامح
لدرجة وحدها اشوفها كل يوم ومره بزواج والله ماعرفتها اسال من ذي
مع ان خلقتها جميلة ماتحتاج كل هالتهريج
ربِ يسعدك ادمنت تدويناتك افرح اذا شفتك منزلة تدوينة جديدة ??
هههههههههههههههههه حبيت التعصيبه الآخيره،
الفرشة عندي ونفس الشيء عطيتها تقييم سلبي
شكراً لك والله بروح اطلعها واطبق عليها الطريقه الصحيحة.
فيه فرشة ماقدرت استخدمها ابداً وماحبيتها،الفرشة المشطوفة من
بوبي براون اشتريتها زماان،قاسية وشعراتها
مافيها مرونه..
رجعت للمشطوفه تبع ماك.
دايم اتحمس لريل تكنيك خاصةً ان فيه بلوقرز ويوتيوبرز
يستخدمونهابس ماشفت عليها اطراء ف استغني باللي عندي
استمتعت بالمدونه ، ولأول مره اقرأ مدونه لك وانا مسترخيه واقدر ارد
اشتقت لك والله ..
تولين .
تدرين وش احلى شي فييك لما تفصلين احيان هههه والفصله تتحول لثرثره بسييطه اعششق ثرثرتك لو كانت نقطه هههههه..
وانا والله تعقدت من المكياج بسبب زواجين من زواجات خوالي كنت صغيره ونشبت لامي الا ابي مكياج واللي يسوون المكياج الصاله تجيبهم ممنوع تجيبين احد من برا وجابو بنات من جده يسوون المكياج ..ووفستاني الوانه فرايحيه وكنت متخيله مكياج ناعم يناسب عمري شافت الفستان والالوان اللي طلبتها وقالت خلاص غمضي عيونك واببد انفجعت ورب الكعبه يوم فتحت عيوني وحده مدري من هي ههههههه تخيلي حطت لي لون بني واسود قسم مااكذب عليك طلع عمري 40 سنه ع هذاك المكياج وقلت بمسحه ومابي مكياج واقنعتني ماما انو استشيري طيب خالاتك وبنت عمك بناديها وان قالت لك مو حلو امسحيه بنت عمي يوم دخلت قالت الله يهبل ولاتمسحينه ومدري ايش ولليومك متندمه ع اللحظه اللي صدقتها فيه لانو بعدها بكم يوم رحنا لبيتهم عشا قالت يوم شفناك بالزواج انفجعنا قلنا من هذي قلت بنفسي تستاهلين لو مطاوعه عمرك ازين والزواج الثاني نفس الحاله .. فقررت ماعاد احط مكياج ولااتعلم مع ان ماما عجزت وهي تحاول فيني وقالت بدخلك دورات وبشتري لك مكياج ورافضه هههههه … وتوي من سنتين بديت اطقطق واسوي الشي اللي يعجبني انا وبس وماعلي باحد لان اهم شي عيوني وش تشوف ووش مقتنعه فيه …
وبعد هالتحلطم كله اقول لك ماجربت هالفرشه من قبل لكن من بعد كلامك تحمست واكيد بجربها قريب ان شاء الله ???
عوافي
نبي شي يخص الدايت
نبي منك ثرثره لرفع الاراده ضرورري
سؤال محيرني ارتوسه الحين طريقة استعمال الفرشه ليه ما بينتها الشركه المنتجه!! يعني اول واحد يكتشفها الميك اب ارتست هذا غريبه
هههههههههههههههه ارتوس لو تشوفين شكلي وانا اقرا تضحكين علي كاني جالسة اذاكر
فتحتي عيني على شي لم يكن بالحسبان بالنسبة القرشاة عندي من كم شهر واحس مالها معنى بس لما تكلمتي عنها حسيت اني مثل اللي عنده ذهب ويضن انه اكسسوار الصراحة سويتي فيني جميل
الصراحة التدوينة اعطيها 10 على 10 خصوصا ان مافيها صرف فلوس هههههههه هو شي موجود عندج وشوية تكنيك لاني بجد نفسي اتعلم كيف اخفي عيوب بشرتي واظهر جمالها بس حسيت اني فاشلة بهالشي ويبي لي وقت طويل على ما اتعلم وشرحج يجنن سهل يعني اسمحي لي اقولج لو انتي مدرسة كان الطالبات كلهم متفوقات في مادتج هههههههههههههه يعطيج العافية على مجهودج والله يوفقج ويحقق لج اللي ببالج
هالفرشة مُش عندي ع طوول بعد موضوعك رحت طلبتها
أنا مهووسه باللوكات اللي تجي طبيعية و يَ دووب يبيّن إني حاطه ميك آب
و بنفس الوقت يبرز ملامحي
يعني تقولي يخليني مصحصحه و فرررش * لوول
شفت الكليب 🙁
الوجه زُبدة
يفتح النفس الميك آب هذي لو عروس تحطه عندنا
قالوا يؤؤؤ ! من جدك! ما كأنك عروس
–
ع حُبي للميك آب إلا اني أكثر استمتاعاً ب تدويناتك الرياضية
فقدتها والله
يعطيك العافية آرتوس
كلام عين العقل اللي بالآخير .. ما اقدر أعلق لاني مازلت اتعلم … بس ما حبيت اطلع من دون ما اكتب شيء
موضوع جدا مهم واستفدت كثييير من شرحك المدقق كون اني في بداياتي وما افهم شي شي بالفراش ورح اقرأ ان شاء الله باقي المواضيع المتعلقة بالمدونه
احبك موت
هذي الفرشه من ماك عندي اياها من سنيييييين وكل مره اغير التكنيك ساعات كنت استخدمها للفاونديشن ولما طلعت هبّة سيجما الكابوكي تركتها وخليتها للبلشر الكريمي وعقب تركتها وخليتها لتنظيف الميك اب من زوايد الباودر والكونتور والبلاشر بخصوص الفاونديشن اتصدقين كثر ماجربت اللى اني اشوف افضل توزيع للفاونديشن اليد بعد التعقيم ومع حرارة اليد وطريقة التوزيع وبعدها البيوتي بلندر يطلع الفاونديشن مرتب لا طبقات ولا مسام ولا متأكسد كثير يقولولي ماتوا اللي يستخدمون ايدهم عندي كل انواع الفرش حتى الفرشه اللي كأنها بويا تبع الصبغ ف النهايه الفنشينغ اللي احصل عليه من تكنيك اليد انظف والدارج حاليا المكياج الطبيعي مش الطبقات ولا رموش تطلع العين نقطه والغريبه اللي عندنا مصرّين ع التكلف واختيار رموش اكبر واثقل من عينها وارجع دايما اقول أصبح تأثير البلوقرز وبنات السوشيال ميديا اقوى من تأثير الحكومات للأسف صار مافي تميز كلهن نسخ بعض
يااختي كلامك يريح ..
اني اشوف لو تسوين تدوينة عن انتقادك للميكب الي نشوفه بحياتنا تفيدين كثير ناس . يمكن البنات يفهمون الاغلاط الي يسووها بحياتهم ..
قبل اقل من شهر كنت بدبي وتحديدا بسيفورا شفت كثير بنات مع انهم راقيات ورائعات لكن الكونتور بشع في وجوههم يعني اوفر اوفر بحيث من كثرة الي مسوين كونتور وهايلايت رحت اشتريت علبة الكونتور من سيفورا والى الان مفاتحتها ههههه
.. طيب ارتوس مجربة فرشة الريل تكنيك ؟؟ممكن ريفيو عنها ..؟
بحاجه اتثقف بهالتكنيكات . بما اني ع صدد شراءبرش جديده اخترت ماك ودونت ارقام اللي احتاجهم. الكثير يمدحون زويفا لدرجه صرت احس انه مدفعوا لهم الخبير والشخص العادي طيرهم بالمدح. ريل تكنيك نزلت مجموعات جديده وسعرها مناسب . ألف شكر لك .
حبيبي ارتوس عاشت ايدج ع الموضوع الروعة ..
جانت ببالي هاي الفرشة لكن عندي سؤال
http://www.sigmabeauty.com/f15-duo-fibre-powderblush/p/F15PARNT#crl8-gallery
هذي تستخدم للبلاشر والهايلايت تمام ؟؟
تنصحيني اخذها او اخذ هذي
http://www.sigmabeauty.com/f10-powderblush/p/F10PARNT
انا محتاجة وحدةللبلاشر ..
اذا شفتي سؤالي ياريت تردي انتظرك حبيبي
موضوعك المفترض يدررس مع اني مب فاهمة بفرش الميك اب لكن فهمت و توعيت ، تحمست اطلع السوق اتفرج ع الفرش و اطبق ?
و الله يا ارتوس لو تشوفين الهوليلة اللي اشوفها بوجييههم بدون مبالغة كبرت و انا اكره الميك اب و رافضة احطه بالرغم كنت اتفرج ع اجانب و عاجبني لكن اللي عندنا بشع ، لما كبرت و فهمت و عرفت بالرغم اني مو فنانة لكن سيمبل و القاعدة سليمة من بشرة و اساس
بالرغم وصل تفتح و قلنا اختفى الماكياج الخليجي لكن طلع الكونتور و سووا العجب العجاب منه
اتمنى يوصل الوعي للغالبية و تخف هالاطنان من الماكياج ، ربي يعطيك العافية و يحرم يدينك عن النار شكراً بحجم الكون لنقاء روحك احبك يا بنت الاراتيس ??