صَباح / مَساء الحَقيقة
تَدوينة اليوم بتكون عن أربع مُنتجات لها شعبية لا بأس بها في عالم الميك أب
كَون المُنتج له شَعبية مايعني إنه جَيد ، أيضاً كون المُنتج مِن براند مَشهور وَ فاخر ما يعني إنه مُمتاز وَ المواد إللي فيه مُمتازة
إنما سِعره بالتوقيع إللي يحملة + شَكل التعليب إللي غالباً مايكون فاخر
تذكروا …الشعبيه غالباً مُرتبطة بالتسويق الجَيد
كُل المُنتجات إللي بعرضها اليوم تَقييمها عالي في أغلب مَواقع الشِراء أمثال سيفورا وَ أولتا تقييمها فوق الأربع نجوم مِن أصل خمسة
الشَركات ذَكية تصدر مُنتجات لإستنزف أموالنا مَالها أي قيمة وَ مالها أي فايدة ، مُمكن تبيعك قارورة ماء على إنه مُرطب وَ واقي من الشمس
لا إنتِ إللي تحتاجينة ، وَ لا هو بالمفيد ، وَ لا حتى رخيص وَ ماله مكان بروتين العناية وَ لا هوية يعني لاهو مرطب وَ لا سيروم وَ لا تونر
بَس طبيعتنا كنساء تخلينا نوقع في الفخ دائماً وَ أبداً بحجة الرفاهية
[ على فِكرة النِساء بطبيعتهم يَميلون لتصديق الخُرافات وَ الإشاعات أكثر مِن الرجال ]
راح أذكرلكم اليَوم ٤ مِن المُنتجات إللي عندي ، أغلبها مُو كلها إقتنيتها خلال هالسنة
وَ بما إن المُنتجات ماحبيتها راح أذكر السبب ، وَ عاد أعرف بَعض البنات لما أذم مُنتج يزعلون وَ يهاجمون كأني سبيت أحد مِن أهلهم ، أتفهم تعصبكم لمُنتج تحبونه لكن تذكروا هذا نقدي الشخصي له بناءاً على خبرتي وَ على مُنتجات جربتها أفضل مِنه ، بالإضافة لتركيبة المُنتج وَ المواد إللي فيه
Urban Decay B6 Vitamin-Infused Complexion Prep Spray
بخاخ فيتامين ب ٦ لإعداد البشرة من أوربان ديكاي
هالمنتج شَريته بداية مانزل عندنا بالسعودية مَع مُثبت الماكياج مِن نفس الماركة
صراحة جذبني لونه وَ رقم ٦ المَكتوب باللون الفاقع حَسيت إنه واو كُله فيتامينات وَ صراحة ماكذب عليكم ما عرفت وش هويته وَ لا وش يسوي خذيته مَع المُثبت وَ قلت يالله نجرب وِش وَرانا وَ لا بعادتي إني ما أشتري على العمياني
[ أتَوقع السبب بهالحَماس لأن مَوقع الشراء كان سيفورا التَحلية أول ما فَتحوا كان كل شيء نَظيف وَ مرتب ، إنفتحت نفسي ]
وَعود المُنتج بإختصار ~
– بَخاخ مُهدئ للبشرة يسيطر على الدهون وَ يمتص الفائض منه
– يقلل المسامات وَ يقلل الإحمرار
– غني بمضادات الأكسدة وَ الفيتامينات وَ فيتامين B6 وَ حمض الصفصاف
ينُاسب جَميع أنواع البشرة وَ الأعمار ، ينصح بإستخدامه في الصباح قبل روتين العناية أو قبل الماكياج ، أيضاً أثناء العناية الليليه ، أو كرفريشنق طول اليوم
خالي من : الباربين ، الفثالات ، الكبريتات
طريقة الإستخدام،’
ترج العبوه وَ يبخ من مسافة ١٠ بوصة قبل الماكياج أو قبل المرطب
رأيي عَن المُنتج ~
هالمُنتج إللي راح أطلق عَليه بكُل رَاحة ضَمير مُنتج خابور، يَعني خرطي ماله موقع مِن الإعراب
الشركة نفسها مو قادرة تصنفه، لا هو مرطب وَ لا تونر وَ لا شيء في الحياة مُجرد إنه مُنتج ماله أي قيمة أو فائدة
أول مَره جربته فعلاً حسيت بالإنتعاش وَ البراد وَ الخفة
ثاني مَره جربته مع المَاكياج ماحسيت بأي فَرق وَ لا أي شيء
وَ بما إني ناوية أنزل عنه ريفيو جربته بروتين العناية ، بصراحه ما فادني وَ لا ضرني ماحسيت بأي فايدة .
وَ فيه يوم كان الجو مغبر عندنا وَقتها كانت متحسسه بشرتي بس كنت أتوقع إنه من الغبار ( تعرفون الغبار هالسنة كان إستثنائي )
فلما قريت المُكونات آصابتني صدمة من كمية الكحول بالمنتج ، ثاني عنصر في قائمة المكونات تتخيلون !!
أيضاً مليان بالمنثيل وَ هالمادة تعد من مُهيجات البَشرة
نسبة الفيتامينات مُتواضعة جداً مو قد الوصف
غير إنه مليان بنشاء الذرة أعتقد مَقدرته على إمتصاص الدهون بفعل النشاء مَو فعل التركيبة الخاصة مِن الفيتامنيات مثل ماذكروا بوعود المُنتج
المُهم البَخاخ كمية مِن العَناصر المُهيجة أنصحكم تبعدون عنه خاصة لو بَشرتك جافة لأنه راح يزيد جفافها ، حَتي لو حسسكم بالإنتعاش ، هَالانتعاش وَ البرودة ناجمة عن الكحول زي المسحة الطبيه قبل لايدقون الإبرة دايم تحسون ببرودة بفعل الكحول لأنه يَحفز الدَورة الدموية بهالفترة البسيطة
وَ للعلم بس !! تعرفون إن الكحول يعيق إنتاج الكولاجين بالبشرة ، يعني يعجل مِن شيخوخة البشرة ، لأن كثير أسمع عن بنات يستخدمون المَسحة الطبية بديل للتَونر عأساس يطهر بشرتهم ، ما أساساً التونر المليء بالكَحول مُضر للبشرة ما بالكم بَكحول بنسبة تتخطى الـ ٩٠٪
الحَسنه الوحيدة بالمُنتج هُو شَكل البخاخ وَ سلاسته بالرش
بخاخ ماك أفضل مِنه بَمراحل
Benefit High Brow
قلم بينفت لعظمة الحاجب
هالقلم يمكن الكُل يعرفة لأن بينفت تهتم بشكل كبير بالجانب التسويقي
القلم يوعدك إنه يرفع الحاجب وَ يبرزة يعني هو بالأساس مُصنف كَمُنتج للحاجب
في ناس يستخدمونة بزاوية العين الداخلية أو داخل العين والبعض فوق الشفايف
شخصياً شريته لأني حَسيته عملي وَ قلت قلم ينفع للطَلعات العادية بدل ما أخذ شدو
لكن إكتشفت إني ركنته
ماحبيته آبداً دبق بشكل مُزعج وَ سميك ، لمَعته فيها إزعاج ، ما أدري مِن المُنتجات إللي ماتحسسني بالنظافة لأن إذا ماندمجت زين تبين متكتلة [ غير إني كنت ابي شي عملي واكتشفت ان هالشي يبيلة دايم إنك تبرينه ٫ يَعني ظل لميع وَ أصبعي اسهل منه ]
البعض يستخدمة داخل العين ، أشوف إن البيجمنت مو قوي فيه وَ دهني كثير ماينفع يكون دَاخل العين ، ممكن إذا البشرة سَمراء راح يبين فيها
شخصياً أشوف لا تضيعون فلوسكم فيه أي ظل لميع أو لمعة تفي بالغرض شفتوا ظل نايلون مِن ماك يعطي نتيجة أفضل وَ بعد لمعة بيكا ، وَ بيعيش معكم فترة طويلة
اللي معها وتوهقت فيه تستخدمه كبيس على العظمه بعدها تحط ظل لميع أو حتى عادي عشيان تشيل إحساسه الدبق
Marc Jacobs Beauty
Magic Marc’er Precision Pen Waterproof Liquid Eyeliner
أي لاينر مارك جاكوبز ماجيك ماركر بريسيجن
الآيلانر تدعي الشَركه أنه نَتاج أبحاثها فَي اليابان يعطي حُرية في المد وَ رسم الآيلاينر العريض وَ الدقيق
لونه أسود فاحم وَ لميع وَ يدوم فترة طويلة بدون مايتغير
وَ تدعي الشَركة أن تقنيتها المُستخدمة في اليابان خلقت أكثر المُنتجات سَواد وَلمعة على الإطلاق في السوق
[ أبوك يالخراط ع أساس لا قالوا اليابان يَعطيهم مَيزة واو ]
الحَسنة الوَحيدة إللي فيه أشوف سهولته للمبتدئين خَاصة إللي مايعرفون يرسمون خط رفيع
لكن أشوفه مو مُناسب لرسم خَط ثقيل يبيلة إعادة أكثر
البيجمنت مو قوي كفاية تضطرين تعيدين عليه كثير عشان يعطي نَتيجة مُرضية
قوامه سَهل وَ مائي لكن يجف بسرعة
وَ مو ثابت مثل ما تدعي الشركة
سواد مو شديد لابأس به مو مثل ماقالت الشَركة أنه الأسود عَلى الإطلاق ، أيلاينر تارت أكثر سَواد منه ( للإطلاع إضغطي هُنا )
لكن فيه لمعة بس مو مزعجة وَ لا شمعية مثل ماقالت الشركة يمكن هالشيء يعجب الناس ، بالنسبه لي ما أحب الآي لاينر اللميع مَدري أحس شكلي يطلع قديم فيه أفضل إللي يعطي إحساس مَخملي
يعني الشَركة لما تَقول الأسود على الإطلاق وَ مايكون مِثل وُعودها يَخليك تخسف بالمُنتج الأرض
بالنسبه لي لو بقيمه بعطيه ٢ مِن عشرة لأنه مايوفي بالوعود وَ فيه كثير مُنتجات أرخص مِنه تعطي نتائج أفضل
Marc Jacobs Beauty
O!Mega Lash Volumizing Mascara
ماسكارا مارك جاكوبز أوه ميجا المُكثفه
هالماسكارا وَ بجدارة أخذت لقب أسوأ ماسكارا جَربتها عَلى الإطلاق حتي أسوأ مِن ماسكارا بينفت
أول مافتحت الماسكارا وَ شفت الفرشة قلت أف وَ الله شكلها بتعطي كثافة ، لأن شكل الفرشة مِثالي للتكثيف
لكن من أول ضربة أُصبت بخيبة أمل
وعود المنتج ~
– ماسكارا تعطي مظهر درامتيكي ، وَ تعطي كثافة عالية
– تعطي عيونك بوب ( يعني تفتحها )
– الماسكارا مصممة بطريقة مزدوجة ، بحيث تعطي كثافة وَ من جانب أخر تعطي تفرقة للرموش وَ تحديد
خاليه من :
الباربين ، الكبريتات ، الفثالات
قوامها مائي
بخُلاصة نخالة الآرز ،وَ الخروب …. وَ خرابيط مالها داعي
غنية بفيتامين B5 وَ فيتامين C
رأيي عَن المُنتج ،’
المَيزة إللي حبيتها بالفرشة تَصميمها فعلاً يفرق الرَموش وَ يخلي المُنتج يتوزع بالتَساوي وَ لا يتكتل
لكن قوام الماسكارا نفسه جداً خفيف ، وَ كأن الماسكارا ناشفه مافيها مُنتج
أبداً ماتعطي كثافة وَ لا تحدد الرموش مِثل ماوعدوا
يمكن تعطي طول بس ما تعطي أي إفكت
بالضبط كأنك إستخدمتي ماسكارا شارفت على الإنتهاء
ماتعطي اي تآثير مجرد شوية لون علي الرموش ، وَ على إنك تحسينها ناشفه إلا إنها ماتنشف على طُول
أبداً ماحبيتها ، على فكرة الماسكارا وَ الآيلانير فيهم نِسبة كحول فاللي عيونها حساسه مُمكن تأثر عليها
هَذي خُلاصة تَجاربي ، كُل المُنتجات شَريتهم بفلوسي
ما عادا ماسكارا مارك جاكوبز وَ آي لاينر مارك جاكوبز ، سَيفورا طَلعت لي البطاقة السوداء وَ مرت ٦ أشهر وَ لا بَعد أصدروها بإسمي
وَ نفس الشيء وَصلت للبطاقة الذهبية وَ البطاقة في غَياهب الجب ، لا أعطوني لا هَدايا البيضاء وَ لا هدايا السَوداء وَ الذهبية علمها عَند رب العالمين
اللهم عَطوني هدية عيد ميلاد ٣ شَدو ميني من ماركة سيفورا ( عَينات ) ..
وَ بما إن هَداياهم نَفسها تتكرر كل ما جَمعتي نَقاط ، قريبتي قالت خُذي هَديتهم التَعبانه إللي تتكرر كُل شَهر
عاد قُلت لها مَيرسي عالهَدية ، بس لا تَزعلين لو كَتبت رأيي بالهَدية !! لأن بَنزلها بالمُدونة .. ضَحكت قالت هذي ما تُعتبر هَدية
[ مَيرسي حَبيبتي ] ..
مارك جاكوبز مِن الماركات إللي أحب ملابسهم وَ شناطهم، لكن ماكياجهم أصابني بخيبة أمل ، كل مرة أوقف عند الستاند أجرب شغلات وَ لا تعجبني ، لا أعلم ما السَبب !!
أفَكر هالويكيند أطرح تَدوينة ثرثرة عن شريك الحياة بشكل عام ، كَتبت نص التَدوينة بس أحسها أفكار مُشتته ما بَعد تبلورت الفكرة بَراسي
فَعلى غير العادة يا بطرحها الخميس أو الجُمعة أو السبت ، حَسب طَلعاتي وَ مشاويري بَقرر وَ يمكن ما تَشوف النُور ( دُعابة ) ..
لكن لأن أبي أكمل ردود على تَدوينة الكونسيلر وَ تدوينة الثرثرة الإسبوع إللي فات ، فَبنظم وَقتي وَ بطرحهآ بإذن الله
دُمتم بَحب
تم
يآ مَليون هَلآ بالطَش وَ الرَش
ياهلا والله بمدونتنا البطله واستمري ربي مايحرمنا منك
وبالنسبه للاغراض سبق ومروا على نظري بس سبحان الله ماجذبوني وعندي للاسف هوس ببعض المنتجات اللي تتسوق وانصدم فيها مو قد المدح ابدا
وشكرا لك قد السماء ???
صبآحك جميل ي جميله ?
آحساسك في البخاخ نفس آحساسي لما شريت تونر من ايف روشيه بناء على مدح لا فآدني ولا ضرني إنما احساس بشرتي بعده ما يعجبني
وغير كذا ريحته عطريه صآبتني خيبت أمل وقتها
فرشه المآسكارا آستفيدي منها اختي كآنت عندها ماسكارا فرشتها جميله وبعدها آنقطعت من السوق صآرت تستخدم الفرشه بماسكارا ثآنيه “هنا اللي يسمونه
تحليل الأشياء هههههههه”
وأن شاء الله تدوينه الثرثرة تشوف النور قريبآ?
تشكرات توسه قبلآتي ?
فَكرة حُلوة ليش لأ ، بس البكتيريا مُمكن تتَجمع بالفَراشي ..
عُموماً هيلينا روبنشتاين الظاهر ما خَلت مَجال لأي ماسكارا مَجال للتَواجد ..
قُبلاتي لك يا جَميلتي وَ ترى إنتبهت للي كَتبتيه بتدوينة نآرس وَ الله يكون مَعك
ترى توت مسلفتني المارد حقها ?ما تشوفون متصدره الاول ههههههههه
إلا لاحظت وَ الله
لها وَحشه هالبَنت
تم .
آآآوه ماشاء الله عليك
صباح النور.
وش ازن من ذا الصباح الجو جميل وتدوينه من حبيبه قلبي ارتوس??.
من جد احيانا تحسين ان الشي جميل عشان تعليبته او ماركته مع انه في كذا شي ماركات قوية وتطلع عاديه وماتستاهل السعر.
بنفت تعجبني اشكال مكياجهم??? بس الحمد لله ماتهور واخذ على طول لازم قبل اخذ شي اكون قاريه عنه واذا لقيته عندش فخير وبركة????.
الايلاينر حبيت حق بنفت سهل وثابت ?.
حبيت التدوينه خاصه انش تكتبي تجاربش بصدق والله نادرا مانلقى حد يكتب بصدق????.
الله ثرثره وبعد عن شريك الحياة عندي كلام واجد عن الموضوع ذا تحمست والله?????.
حبيبتي يعطيش العافيه???????.
هههههههههههه ، أنا من الآن مَتحمسة لكلامك إنتِ عن شريك الحياة
وَ دُوم مَنورتني يا فطوم بطلاتك المَرحه وَ الخفيفة عالقَلب
لك مَني كُل الحُب
احساسي في محله ??
دُوم إحساسك بَمحله ..
ياصباح الحب ??…
هههههههه البركه فيك فتحت عيوني خاصة بقلم بينفت ، اما مارك جاكوبز وش ذا الخدعه خلاص كرهتهم ماظنتي بلتفت لهم بعد اليوم واساسا ماقد لفتوني …
اما اربن ديكاي انا مثلك كنت ادور على هيك شيء اسبراي مثبت ومرطب وقتها كان ماعندي وبنفس الوقت مقبلين على مناسبات فكنت محتاجه اقرب شيء لي سيفورا سألتهم طلعتلي ذا والا بتقنعني فيه والله ماهضمته قلبته يمين شمال وتركته …
????
ياللا فوتك بعافيه ??
هههههههههههههههههههه مَدري ليه ضَحكني كلامك ..
وَ الحمدلله تَركتيه لأن فعلاً مافيه أي قيمة نهائياً ، بخاخ ماك أفضل مَنه بكثير للي حاب يقتني بَخاخ
صباحك سكر…??
تَرى بَعد ما عَرفت إنك مَزاجية بالشآي وَ القهوة لزوم أسوي مُنافسة بالأنستا لأفضل وَش تركش كآفي
ههههههههههه المهم مايكون معك عشان مااطلع خسرانه..
حبيت وصفك للمنتجات وصف معبر باين قد ايش خاب ظنك بس الحمد لله ماجربت شئ منها كنت ناويه على قلم بنفت بس زين تكلمتي عنه فا اكيد بصرف نظر
اكيد فانتظار تدوينه الشريك اتمنى تسترسلين فيها قد ماتقدرين احس انه فعلا موضوع بيكون فيه الكثير من وجهات النظر على فكره تعجبني فلسفتك في الحياه عشان كذا حاسه انه بيطلع موضوع شيق جدا جدا
ليه مَعقولة ما تَضبطين الوٍش !! ترى خلاص تَحمست بَجد أشوف قَهوتك ..
وَ ياحظي ، تَعالي ٥ مَوآآآآآه لك .. بجد إنكم خَوات وَ كلامكم يَعني لي الكثير
مكاااني
صَفصوفتي ..
صباااح الحب ارتوستنا..
ع فكرة بحب اسمي منك ف كيف لما تقوليلي صفصوفتي … يااه ماحدا قدي ?
توقعت انو التدوينة عن اسوأ المنتجات مابعرف بس ولا مرة قلتي عن منتج انو هو التوب دائما نقدك حتى لو شي عاجبك بكون واضح وصريح وبدون أي مبالغة و بدون ماتطيريه للسما
ولو فيه عيوب او محاذير بتقوليها^وهادا الشي ميزة مابنلاقيها عند غيرك من البلوقرز
.. صح معك حق احيانا الاعلان بكون الو دور واحيانا كمان التعليب والوانو المغرية بتخليكي تشتريه >متل منتجات بنفت مثلا.
وجذبني الايلاينر لما قلتي انو حلو للمبتدئين > بس طبعا مارح اشتريه لانو بثق برأيك بالميك اب ثقه كبيررة
وتحمسسست لتدوينة الثرثرة بشكلل ..ياريتك ماقلتي عنها هلأ شو بصبرني
دائما تدويناتك تبع الثرثرة مميزة عن غيرها.. وبتعمل ضجة حتى بشوف الكومنتات اضعاف مضاعفه سواء هون او بالانستا
هههههههههه وَ لو تستآهلي الدَلع وَ النيني ..
بالنسبة للآي لاينر عادي جَربيه بالمَحل شوفي يَمكن يعجبك !! .. بس حرام فيه بدائل بنفس الشكل وَ أرخص
فيه بنت مدحت أرتديكو ( يارب مو غلطانة بالإسم ) ..
وَ حمستيني وَ الله من حَماسكم ، يالله ماعليه صَبر أتوقع تَنزل الجُمعة ( ليك هآآد تَلميح لإلك ) ..
صباحوو
صَباح المَحبة رُوبي
حجزززز مكان ??
هآه كيفك مَع نَظامك !!
اووه نظامي رهيب وحابته الا تعالي نزلي صوره وحده في الخاص خل نفضفض لك هناك وندردش دردشه راقيه *-^
هههههههه عَشان تَقوم القيامة ، خاصة ما كَملت إختيار بَقية البنات
ما أبي أزَعل أحد الآن بَجد ، أخلصكم كُلكم وَ يصير خَير ما تَخفيش .. وَ السناب آحلى أتَوقع
هههههههههههههه لالا والله موقصدي ههههههه كلش الا زعل الحلوات سوي اللي يرحيك وأسفه ع اقتراحي
———-
شي ثاني ,, اطرحي ان لو فرضا مات الزوج اللي انتي بنيتي عليه كل هالاحلام (مسكين هالضعيف خخخ) المهم لو فرضا اخذ الله عمره ,,, انتي مين من بعده ,, بتستمر حياتك من بعد موته ؟ ايش بتسوين بعد موته ؟؟ كيف تعيشين الحياه انتي وهو مو موجود .. مش شي منطقي اني ابكيه عليه سنه كامله ففكري زين قبل تجاوبين
هالسؤال لو تجاوبه كل متزوجه او حتى بنت بعقل ووعي (يعني تخلي المشاعر والدراما ع جنب شوي ) وتجاوبه
بتنحل في عينها كثيييير مشاكل وبتعرف تعيش صح بكل لحظات حياتها ..
وتتذكر ان الزوج اضاااافه للحياه ومش الحياه !!
هههههههههههههههههههههه شَوفي بعض البنات تتقمص شخصية الزوج ، إذا تَزوجت واحد ثقيل طينه تصير مَثله
وَ إذا طلع فله تصير مَثله ..
ما أدري صَح مو مَنطقي إنك تبكينه سَنه ، بس الحُب آقوى بكثير من التَنظير ما أقدر أحَكم ..
حسب المَسؤولية إذا الوخدة عندها عيال مَضطرة تَقوم ، وَ لكن لو هو كل شيء بحياتها أكيد بتنسى نفسها يُمآآآآآآه
أنا بَنفسي ما أقدر أجاوب على سؤالك ، المَوضوع مو بالزواج نفسه ، المَوضوع يتعلق بَمن تَزوجتي !! ..
أنا أختي نَصي الثاني ، لو يَصير لها شيء ما آبي الحياة فَعلياً ولا أقدر أكَمل ..
الحياة بتصير عَندي زَيرووووووووووو يَنطح زيرووووووووووووو ..هل كُل الأخوات يكونون مَثل أختي أكيد لأ !!
وَ برضو صَعب التنظير وَ كنت أتخيل لو أمي صار لها شيء بتنتهي حياتي وَ ماتت وَ إستمريت وَ سعيدة
وَ أكيد بكون أسعد لو عايشة لكن القَدر وَ صراع البقاء ، لكن أختي خلتني أصبر على فراق أمي ..
ما أدري لو صار لها شيء بصير إنسان ثاني متأكدة
لوول شكلك شلتي عني الرد كثرت حكي ,,, ايوووه بالضبط الحب احلى واعمق من هيك شغلات خربوطيه انا مقصدي من سؤالي انو تنبسطي بكل ثانيه مع الحبيب بدون ( تعلق مرضي دون وعي ) ,,
يعني مثلا انا متحملته عشان هو يصرف علي وكل يوم حقد صغنون كبر داخلي بسبب موقف ماحليناه شحال الحب بينهم بعد سنه لو الزوجه م عدلت مشاعرها ؟؟
الموضوع زيي م قلتي عميق وكل شي يدخل في شي ثاني
لكن شي أساسي بالححب عرفته وعشته ( الحب حر ) أبدا مو تملك ولاغيره ولاحاجه وولا حتى غصب
الحب حرررر الحب مافيه خوووووف ابدا ابدا ابدا وهنيئا لها اللي قدرت تصنع حنتها في الارض
اما عن الاختيار فاكيد حيكون اختيار بدون مشاعر وهذا شي اشوفه صعب بعاداتنا ( اكشط واربح )
لكن أوصي أي بنت مستعجله ع الزواج انو ترى لازم تخطيط زي المشروع فكره ان الزواج هو العصا السحريه لتحقيق احلامك خاطئه .. لو حقيقي عندك حلم تبينه كان مافي ولاشي منعك تحققيه ,,, سواء متزوجه او لا
ع العموم كثرت حكي ويلا أذن تصيحي ع خير ,, وادري طووولت بكلامي سوووووري اخر مره خخخخخخخ من جنبها اخر مره
بالعَكس كلامك سَليم مافيه أي شيء من الخطأ
وَ الزواج برضو مشروع وَ شراكة لابُد من التَخطيط وَ التوافق ..
آآآآخ تذكرت قصص لبنات حَزنت لما تَذكرت
صباح الورد
لك وحشة يابت ?
مُش آآآدي
حجز مكااان ,, داخله من اللاب والجوال بنفس الوقت لوول
حلووو صراحتك ولاهي تجرح ,, ةجد اللي يزعلون من نقد منتج وهم مو مسوقين أو مندوبين للشركه وش وضعهم؟؟؟؟؟؟؟؟؟؟؟؟؟؟؟ ليه التعصب أو ان قاعده ان لم تكن معي فانت ضدي تجري بدمكم ,, وتراها قاعده غلط في غلط الكووووون وسيييع ومليان خيارات ,, عادي ,, الحياه حلوه
المهم م جربت ولاشي منهم وصراحه انا مو راعيه مكياج ابدا لهيك مااحس في فايده اني اجلس ادور منتجات يهمني شي اجربه وارتاح له وادمنه واذا شفتيني بيوم كئيبه فاعرفي ان منتجي المفضل انقطع من السوق جد جد تقليديه اجرب جميع انواع الاكحال وبالنهايه ارجع لمحمود سعيد حبيب الشعب
يسلمو سوس
وتحمست لتدوينه شريك الحياه وصراه ودي أشارك بقصتي لو يصير يستفيدون البنات ومتحمسه للافكار والاسئله الذكيه اللي حتطرحيها
وصباحك فل يامز =)
ياعَيني عليك دائماً تَقولين حَكم ، عادي من كُل ماركة فيه إللي وآآآآو وَ فيه إللي مُش وااااااو
جيرلان عَندهم مُنتجات ما تَستاهل ريال واحد ( خاصة مُنتجات العناية بالبشرة ) بعضها طبعاً مو كلها
ههههههههههه أجل الله لا يَجيب اليوم إللي يَنقطع فيه مُنتج تحبينه ، كَلش وَ لا زَعلك يا سَكت الكُل ..
أجل خلاص إنتظري بالتَدوينة ، وَ أطرحي رأيك أكيد بننبسط بهالمُشاركة مِنك
هلا هلا نورتي ياعسل ياكثر ماضاعت فلوسي بخرابيط موضوعك عسل مثلك ومتحمسه لموضوع شريك الحياة ?
يالله مُو مَشكلة نَتعلم من تَجآربنا ..
قَلوب لك
يا هلا بالزين ?
الحمدلله ما وقعت بالفخ .. خصوصا كحل مارك جاكوبز!
يا سااااتر اسمع فيه بكل مكان و هذا الشي اصلا يخليني ابعد عنه هههه
ما اعرف .. لكن الشي اللي يكثر طاريه بين الناس تعافه نفسي
( قال زوجي يالله ننام .. قلت لا ويين لسى بدري
قال أكيد في تدوينة اليوم! ههههههههه يختي اضحك لما يجيب طاريك)
بالنسبة للثرثرة : موضوعك خطيييير ?
أتمنى تتطرقي لكل شي يخطر فبالك! لا تبخلي
خصوصا كيف ان البنت مطلوب منها تتنازل و تتعايش و تضحي
لكن بدون ما تخسر هويتها و حريتها ! و تذوب فيه !! في الرجل..
وَ الله أنا إللي ضَحكت الآن ، أجل بَنزل تَدوينة شريك الحياة بَدري
لعيونك ..
مَوضوع شريك الحياة بالنسبة لي أنا مَوضوع جداً مُعقد ، النَديم وَ الصاحب مو بس الزَوج إللي يَحصله
وَ يوافقه فَهو شَخص جداً جداً مَحظوظ
حبيبتي انتي من قال لازم اذا تزوجت اتنازل او هو يتنازل انا صارلي ٢٤ سنه متزوجه ولله الحمد قابلته بكل مافيه ولا اطالبه يتنازل وهو نفس الشي حن مستوعبين ان حنا شخصين مختلفين جدااااا بس نحب بعض كذا ومتقبلين بعض ولا انا كل حياته ولاهو كل حياتي بسلامته احبه واحبه كثير وربي حبه يزيد ماينقص بس عاد لا نديه ولاعبوديه بالزواج فيه شي اسمه خط وسط التقينا عنده ويش زينا والله يسعد كل البنات الحلوات الي هنا??
نَوال تَحية إحترام لَك
لا نَديه وَ لا عبوديه ، سَلمي على زَوجك وَ قوليله البنات يَحترمونك لأنك رَجل وَ نعم الرَجال
صباح الورد يا وردتنا الحلوه?
انا سبق وقلت انا كلاسيكيه في مكياجي وماعندي هوس اجرب واجرب الا نادرا والي يعجبني الزق فيه لزقه وبنفت خدعتني مرتين وتوبه اعيدها بس ايف روشيه ولامره خذلتني سبحان الله ماناسبت بناتي ولا خواتي بس انا?? عشان محد يصادرها ?والله يعطيش الف عافيه والله تشكرين عالمجهود?
هههههههه نَوال كلامك ضَحكني ، لما قلتي ألزق فيه لَزقه مين مايلزق إذا لقى المُنتج الزين
وَ ترى وَحشتيني وَ الله ، إيف روشيه من الماركات إللي عندها بعض المُنتجات المُميزة بس أحس مَظلومة ..
الحين انا اقدر ارد على اي وحده من البنات الي يردون عليش والا مايصير?
إلا أكَيد .. ردي تحت ردها .. كخيار الرد عليهآ
خذي رآحتك
صباح الخير .. ?
توقعت تكون بين وبين وخاب توقعي من هالناحية ، و أصاب من ناحية بخاخ آربن ديكاي توقعت يكون سيء وطلع سيء .. كويّس مافلست من توقعاتي بالمرة
أمّا عن تدوينة الثرثرة ياليت تنزلينها من أول عم أنطر هيك شي يفتّح عيني عشان أقدر أختار شريك الحياة وأصير عارفة ليه إخترته وعلى أي أساس ( أتمنى تتطرقين لهالجانب ) .
دمتي بكل الحب ?
المَوضوع كُله بخصوص ثرثرة نفس الجانب إللي إنتِ تبينه ..
غالباً نحن إللي يَقع علينا الإختيار ، أو طرح المَوجودين وَ متصدرين قائمة الخُطاب وَ نختار مِن بينهم ..
يعني كُله عن سبق إصرار وَ ترصد ، إلا بحالات الحُب يتم الإستثناء
مرحبا اخت امجاد ؛
حبيت اكتب لك رايي بخصوص تساؤلك و لأَنِّي سبقتك بهذي التجربة..
( اعتذر من ارتوس اذا كلامي يعتبر خطا بذا الوقت و بعيد عن موضوع تدوينة اليوم)
بالنسبة لقلقك .. انصحك تبتعدي عن الفنتازيا و الأفكار الخيالية بالنسبة لزوج المستقبل .. و ابتعدي كمان عن آراء اللي حولك و ضغوط المجتمع!
سواء عن عمرك او وضعك ..
خلك عقلانية و قوية و واثقة
انظري للصورة الكبيرة ! خلك من التفاصيل..
هل المميزات تغطي العيوب ؟
هل العيوب أساسية ام شكلية ؟
اختاري شريك حياتك على أساس قوي.. أساس يصمد امام مشاكل الحياة و انهزاماتها ..
وابتعدي عن التنازل في اتخاذ القرار ! لأنك حتعيشي طول عمرك معاه و إنتي تحسي انك تستاهلي الأفضل ! و هذا مو كويس أبدا ..
أعطي نفسك وقت طويل للتعرف عليه
و استخيري ربك و باْذن الله ربي يسعدك و يسر خاطرك و يحقق أحلامك و امانيك
بالعَكس حياك الله .. خُذي راحتك
وَ المُدونة للجَميع وَ لطرح جميع وَجهات النَظر وَ النصائح ، كُلنا هُنا لخدمة بَعض
أسعدت جداً بكلامك وَ عقليتك
ههههههه ماخاب ظني فالسبراي من اربن ديكاي عبالي الوحيده اللي بذمه ..
شريته هو و المثبت مع شدوات بعد من موقعهم اول مانزل وبالموقع لقيت ريفيوات وايد عنه تحمس وشكله يحمس بصراحه قلت فيتامينات وجيه شي حلوو .. بس لما جربته مدري هههههه ماحسيته سوا شي ..
غير انه عقب فتره حسيت ريحته تزعجني بشكل احسها تلزق الريحه بويهي ههههههه مادري ليش .. المهم مادخل مزاجي ورميته?..
اما على ايلاينز مارك جاكوبس ماجربته والله عاجبني الارتديكو سهل فالاستخدام ..
جربتي ارواج مارك جاكوبس ؟ فيه الوان تحمس بس كانو اوت اوف ستوك ومب موجودات فعمان ههههههه فمادري يستاهل اطلبه من النت ولا ..
وننتظر تدويناتج اليايه اوثق ف اختياراتج ..
هههههه الحَمدلله أحد نفس رأيي بَعد ، تصدقين البلاشر حَقهم طلعوه السما وَ أنا هالبراند أحبه
بس مو مَعقولة بحب كل شيء عَندهم ، إنصدمت اللون مَعدوم مافيه لون لدرجة جربت البلاشر المَحمر وَ ما ظهر اللون
رَيحته زي ريحة الصرصور ، مو الصرصور زي المُبيد الحشري اللايت هههههههههه خبرة بالمُبيدات الحشرية ..
إيه مَمدوح آيلاينر أرتديكو بس فعلاً ما جربته لكن عالأقل سَعره حلو ..
بالنسبة لأرواج مارك جاكوبز جربتها بالمَحل بس ما شَريت كذا قلت بقلبي لو ماركزت أثناء الشراء بتورط فيه وَ بيكون فيه ألوان مَنه عَندي
حتى أرواج توم فورد ما تستاهل عَن تجربة ..إذا بتطلبين كأرواج شوفي ماركة بيت بَصراحة أُغرمت فيها تستاهل صَحية + لون
م ادري ليش التعليب الملون واللي فيه حركآت وخرابيط م اثق فيه !! نفس الحال ف بينفت جربت ثلاث منتجآت منهم ومآش م احسهآ حقيقيه وتبآن مثل م أبي .
وم سبق وجربت اي منتج من مآرك لإن صيت ماكيآجهم م وصلني باستمرآر ، يمكن مره او مرتين سمعت عنه ..
ثآنكيو ارتوسه ♡
شفتي مُنتجات بينفت عندهم أفكار إحترافية بس مَنزلينها للناس العاديين هذي شَطارة منهم
بعض مُنتجات حلوة وَ البعض عادي وَ أقل من عَادي ..
وَ صراحة زين ما تَورطتي بمارك جاكوبز ما يَحمس أبداً أبداً ، لا تشترين شيء مَنه إلا إذا نسبة الروعة فيه وَصلت لـ ٨ من عَشرة ، أقل من كذا ترددي بالشَراء
تدويناتك جمال يختي لاتقطعينا نفسي تدوينة كل يوم ??
شكراً جزيلاً
يا حَظي بهالمُتابعة المُستمرة مَنكم
يسعدلي صباحك وثرثرتك اللذيذه ? احبك ياجيتي تنقدي بقهر من المنتج اسلوبك تحفه ربي يحفظك ، اما المنتجات الحمدلله ولاواحد جربته ? واكيدد تدوينتك بتفيدد كثير من البنات الي كانو حاطين ببالهم يجربوو شي من الي ذكرتيه يعطيك العافيه ياقلبي ، ومتحممممممسه لتدوينه الثرثره ?
الحَمدلله تَقبلتوآ النَقد بَصدر رَحب ، يَمكن لأنك كَيوت فَتشوفين كل شيء بَجانب إيجابي
وَ انا بَعد جداً مرتاحة لتواجدك بالمُدونة ، وَ أميز إسمك
يسعدلي الي تنتبه لمتابعينها?? الفتره ذي متضايقه من شغله وحذفت سناب وتويتر بس انستاا عشان ارتوس وجودها صار شي اساسي بحياتي وطاقه ايجابيه تحسسني دوم الدنياا بخيرر ??
ليش تتَضايقين ما عاش مَن يضايقك ..
أتبعي ناس يعطونك طاقة إيجابية ، أنا أتبع أجانب بالسناب تَشات ناس بَسيطين جداً جداً
ما أدري ليه دايم يَضحكوني ، ما يتكلمون كثير بالسناب تَشات .. وَ صورهم حلوه وَ كلها بسيطة
مو كله أنا حضرت هالإيفنت وَ لا شريت وَ شريت أو صورة مَطعم ، حياة بسيطة جداً ..
صباح الخير ياوجه الخير ??
ههههههههه اول مره اشوفك تذمين منتجات بهالشكل احساسك وصلني بقوووه
حلو خليتني اعيد النظر في منتجات مارك جاَكوبز مع ان مناكيراتهم تعجبني ?
الله يعطيك العافيه ويسلم ايدياتك ولا يضيع لك تعب
لا فَيه قَبل ذميت كم شَغله ، مَسكين بينفت دايم يَتصدر القائمة
بالرُغم مادحه أساسهم وَ البريمر مَنهم ..
مارك جاكوبز مناكيرهم يَضل مَناكير ، يعني مافي هالإبداع بالمَناكير .. حتى تصَدقين ألوان مناكيرهم ما عَجبتني
بالرغم عايشة عبدالله عَجبني لون عندها وَ نصحتني بمارك جاكوبز ..
يَعافي قَلبك يآ حَلو
يا صباحا الورد
عندي اقتراح قبل ما اقرأ الموضوع ?
ليش ما يكون موضوع ثرثرة مره او 2 فالشهر عن مثلا كريمات الأساس ، العطور و طبخ،،،،الخ لان التفاعل مع مواضيعك حلوو والردود كثيره فبنستفيد اكثر
نفس فكره المافيا?
المُشكلة بالمُدونة إنكم ما تَقدرون تضيفون صَور ، وَ لو سوينا هاشتاق يخربونه بعض الحسابات
لكن حَلو لو سوينا دَردشه خاصة عَن العُطور ، وَ تكون بقسم العطور نَشوف أفكار الناس وَ إقتراحاتهم وَ ميولهم ..
أُسعدت جداً بإقتراحك
تم ? ، خسارة لحقت متأخر كنت داخله في نقاش حاد ? ، جاري القراءة ولي رد ?.
ههههههه مَع مين ذا النَقاش الحاد !! ..
السلام عليكم و رحمة الله و بركاته ..
??
بحكيلكم حكاية كيف عرفت المدونه :
” أختي أرسلت لي صوره منتج من هالمدونه و بحكم الفضول دخلت و لقيت إنك ما بالغت بـ مدحه او
و لفتني أكثر شي جمله قلتيها : مو ضروري اللي يناسبني انه يناسبكم او العكس .. أنا حاب أشكرك
و بالامانه أنا أحب أجيب لأختي و قريباتي من اللي يفضلونه من الاشياء التجميليه، عاد اسمحي لي ..
أخذت جوله بمدونتك و عرفت كم معلومه بخصوص المواد اللي مستخدمه بالمكياج نقطه تستدعي الانتباه ، و اعتذر عن التطفل بس كلام بخاطري ودي أقوله ..
فيه طريقه يتبعوها بعض البنات بالانستا و بعض المدونات يتكلمون عنه : هو مثل ” حلاقه شعر الوجه للرجال ” بس للبنات يقولون : يعطي نظاره و يخفف من الشعر الوبري اللي بالوجه و يبين بالمكياج و السر في انه يساعد بتقشير الوجه و ان هذا سر نظارة بشرة الشباب هههه .. و عرفت عنه كمزحه من سعاده الاخت ( ر . ع ) و تقول بتجربها !!انا ابغاك اذا الموضوع لفت انتباهك تكتبين عن صحته لانِ ادري انها تقرى لك
بالعَكس إنتِ ذوق جداً ماشفت بكلامك أي تَطفل ، وَ أهلاً وَ سهلاً نورتيني إنتِ وَ خواتك
وَ بخصوص الحلاقة بَجاوبك الآن ، لو إطلعتي على مَوضوعي بخصوص الليزر بتكتشفين إني من أنصار الحلاقة وَ الحمدلله لو أحد ركز ما عَندي مسامات
أو خلافه بس الآن خلاص سَويت ليزر بس ما أستغنى عن موس الحلاقة ، لأن الموس يزيل الطبقة السطحية من الجلد وَ يزيل شغلات ما نَشوفها
لكن حطي بالحسبان بعض الناس الحلاقة تسبب لهم تهيج وَ حكه ، هالحكه تسبب إسمرار مَع الوقت فلازم إللي بتحلق تكون الحلاقة تناسبها وَ شعرتها غير سميكه
الشعره السميكه طبيعي الشعرة مع الوقت بتحسينها حاده وَ لو أحد سلم عليك بتحسينه يشوك زيه زي الرجال !! .. فيه رجال لما يحلق
تلاقين الشعرة ترجع تغرز بالجلد وَ يصير وجههم مخضر من الحلاقة ، أما الأجانب يناسبهم لأن شعرهم بالأساس فاتح + الشعرة رقيقة
فإذا وحدة توفرت بها هالمُواصفات آوكيه بتكون الحلاقة مُلائمة لها ، غير ذلك عندنا إحنا العرب الخيط بس برضو بعض الناس بشرتهم تتحسس من الخيط
وَ الشمع وَ الحلاوة الإثنين يزيلون الطبقة الميته وَ يعطون البشرة نضارة وَ إحمرار ، بس الحلاوة ترهل
طبعاً عربنا يستنخون من اليوتوبر الأجانب وَ الأجانب معروفين بطبيعتهم مو من النوع المُهتمين بإزالة الشعر من الجسم
ببعض الدول الأوروبية ما أبي أحدد دولة ما يزيلون حتى شعر الأبط وَ لا شعر الساق وَ تلبس قصير وَ شعر ساقها كذا سم
وَ لو إستهجنتني هي راح تستهجنك قبل لا تستهجيننهآ ، أدريانا ليما برازيليه وَ سمراء وَ نادراً ماتزيل شعر يدينها وَ شعر وَجهها كذلك
الساق مَعترفين به .
فما أدري وَش هالضجة على هالثفافة الأجنبية وَ الثقافة العربية فيما يتعلق بالنظافة وَ إزالة الشعر هُم الأفضل ..
بكلا الأحوال شركة جليت نوعية أمواس فينوس من قريب سوت حملة إعلانية وَ وزعوا الأمواس على اليوتيوبرز الأجانب .. فأتوقع هذا السبب المُثير لهالظاهرة
مالي تجربه مع اي منتج من الي ذكرتيها الحمد لله
وحماس موضوع الثرثره??
يالله خُوش .. أزين ما تَتورطين عالفآضي
يسعد صباحك وي حبيلك وحبي لنقدك اللي دائما مايكون بمحله …ماجربت شي من اللي قلتي والحمدلله اني ماجربتهم بينفت احسه من النوع اللي تعطي شكل عبوات المنتجات اكثر وقت دايم الاحظ منتجاتهم الوان وحركات تجذب العين … لاتقطعينا من طلتك وبما اننا دخلنا الشتاء اتمنى تكملين موضوع الرتن أ ..تدرين عاد اي شي منك يوسع صدري ياحظنا فيك
بإذن الله قَد ما أقدر أحاول أخلص من أغلب التَدوينات المُهمة قبل عام ٢٠١٦ م
فيه كَثير مُنتجات تَراكمت علي ، هلآ بَك أمَجاد
صباح الورد من شفت منتج بينفت للحاجب توقعت انها اسوا منتجات رغم اني ماجربته بس عندي خيبات امل من البراند ف كرهت منتجاته
اما بقية المنتجات ماجربتها
ب انتظار تدوينة الثرثره ﻻن ثرثرتك عششششق ماينمل
قبلاتي
وَ أنا سَعيدة بهالعَشق لثرثرتي .. بَجد مَحظوظة فيكم وَ بحفاوتكم
هلااااااااااا بالجمال
توقعت اسوء ليش لان مكياج مارك جيكوب سيئ والله استغرب اذا شفت احد مدح شي منهم حتى الفونديشنز حقهم صدمه وبس والله
هلآ هلآ بالزَين .. نَورتيني
ههههههههههههههه ما أدري يمكن لون بشرتنا حنا فيه خَلل هههههههههه لا بَجد غير مَمدوح من الناس إللي عَندهم نزاهه
الشيء الوَحيد المَمدوح عند مارك إذا مو غلطانة البرونز وَ فعلاً البرونز كان مَوضة ٢٠١٥م وَ ٢٠١٤ م برونز رمادي ( زيتوني )
مو برونز برتقالي
صبآح الجممال
صرت اللحق بالأخير مين اللي حسدني?
بالنسبه للمنتجات ولا واحد منهم اخذته
إلا قلم بنفت كنت بأخذه لأنوو عملي وله
عدت استخدام بس الحمدلله كل تأخيره فيهاا
خيرهه احسن من اشتريه ع الفآضي
دايماً ممُيزه ارتوستي كل فتره تنبهين عن منتجات
وتقولين اذا سيئه او جيده
عسآنا مَ ننحرم منك يارب ??
بَوجودكم أتمَيز ، مو كل النَاس عَندهم أشخاص مَثلكم وَ الله أتَكلم من جَد
فأنا مَحظوظة وَ الشكر لله
صح هذا عيب المدونه،،، حتى بدون صور مواضيعك مع المتابعين والنقاشات تكفي عن مليون صوره?
حَبيبتي إنتِ ، إن شاء الله لو لقيت حَل ما بَقصر بهالمَوضوع
صحيح تووسا من زمان طلبتك تدوينه عن منتجات تصفيف الشعر واتممنى من كل قلبي تكون من خططك القريبه اعشق مظهر شعر نوال الزغبي بكل حالته واحسك انتي اللي بتكشفين لي منتجاتها مع العلم يدي شاطره بس احتاج لمنتجات تعطيني هالبروفشنال والتثبيت الصح
حَتى أنا أحب مَظهر شَعر نوال الزَغبي ، لكن صَراحة وَدي أصَور شعري
لأن الكلام أحسه سَخيف بدون صَور ، كأني أقول أنا أقدر وَ أنتوا ما تَشوفون شيء ما يَثبت شيء
فَلازم نَصور وَ نوثق ، بس شَلون !! وَ حنا عايشين بُمجتمع كَله لأ لأ لأ يَنتظرون أجنبيه تَعلمهم !! ..
يَتعلمون من أجنبية وآآآآو خَطيرة ، من عربية حَقيرة وَ بتدخل النار ..
ع طاري تدخل النار ,,, بله وش كان المفروض اسوي بهالموقف اللي صار قبل سويعات ,,, انا حاطه نغمه جوالي اغنيه تمام ,, ودق ورديت الا اشوف ولد عمتي اخت ابوي بخامس يقولي زي اللي قافطني اغاني هاه ,, قلت ايه زياد انا اسمع اغاني خلاص امه انتبهت لكلامنا قامت تكلم ولدها تقول له شوف الله يوم القيماه بيصف في اذانيها صديدي حار والخ من هالكلام ,,, ارتوس تعالي شوفيني ما قدرت اسكت بالرغم للحين مبسوطه داخليا اني رديت وشوي مأننبني ضميري اني حكيت هيك وراددت عمتي اخت ابوي ,,,رديت عليها انو شلون عرفتي ان ربي بيسوي فيني هيك انتي وش اللي تعرفيه عن عبادتي لربي وش دراك باللي انا اسويه لربي لجل تكمين علي كذا هاه كيف تتجرأي وتسوين نفسك تعرفين وش بيصير بيوم القيامه ,, تقول أنصك انا قلت انصحي نفسك اولى تبطلي لعن لاولادك وسب في خلق الله واذا نصحتيني مره خلاص مو كل مره تعيدينها ,, قام ولدها اللي باولى يقول ماما مين اكبر انتي والا هي وليش تكلمك كذا لاني كنت معصبه وصوتي عالي وانا اكلمها قالت انا اكبر بس هي ماتحترمني !!!,, انا سكتت وكملنا ولاكأن شي صار لسا بخاطري افهم ولدها اللي ارعبته اني ربي ارحم من كذا بس اقول مالي دخل !
ياحليلك بَس عاد إنفعَالك طلعك بمَوقف الغلطانة ..
خانتك الدبلوماسية ، مَرات يكون مَعنا الحَق بس عباراتنا وَ إنفعالنا يَخونا وَ تخلي الآخرين هُم إللي مَعهم الحَق
عَفكرة كُلنا نَقع فيها ، لكن ثاني مَرة لا تَخلين الزَلة عليك وَ خذي حقك بس ما تَخلين الخطأ عليك ..
أتوقع هاذي يبي لها تدوينه !
اخذ حقي بدون ماأخلي الخطا علي … صراحه شي ماأتقنه لسا ؛ بس سؤال هل الدبلوماسيه بنت عم النفاق ؟ احس م عاد عندي صبر على اللي ينصحون بالذات وهم ماشافوني الا ب ٣ شهور مره !!! اشوف اللي له حق ينصح اللي عارفني صح لان اصلا بيعرف شلون ينصحني اما النصح الخبيث ذا وكانني انا الكافره ،، لالالا خلاص قررت ماعد اخلي احد يتعدا هالخط عندي اطفال وضروري اعلمهم ان الحياه حلوه مو عذاب ووعيد طوول الوقت ؛؛ اكتب بنص عين بانااام خلاص ؛؛؛؛؛ و ٧ امواه لالا ٦ امواه عطي اختك وحده خخخخخخ
يسعد ايامك ارتووس ..?
يمكن البعض يزعل لان المنتج ناسبه ، وإذا عارضتيه بيقل اعجابهم فيه
رغم انهم مقتنعين فيه .. كردة فعل !
لكن من الجميل صراحه تعلمينا عن نوعية هالمنتجات
ولا احد فينا يطيح وفيها ، وإن شاء الله أنتي بعد ..
والصدمة بينهم بصراحه البخاخ ، مقلب صاير ..
صَح وَجهة نظر ، بس عادي أنا مرات أطرح مُنتج وَ كثير يذمونه بنفس الصَورة ما أزعل
مَرات برضو الإنسان يكون مَخدوع ، لكن لما يركز بوش إنتِ إنتقدتي وَقتها يدرك إنه فعلاً بالغ ..
عفكرة أنا أتعب بَموضوع الحيادية ، بعض الشغلات تكون مَناسبتني لكن فيها مواد غير جَيدة ممكن تهيج بشرة غيري
مَع ذلك مَضطرة أكتب الحقيقة الكاملة ، بدون تَلميع مو سهل إنك تَحكمين بتَجرد ، مَرات لما أحتار أرجع أجرب المُنتج من جديد
يَعني موضوع اليوم مفروض يكون عن بيس للماكياج ، لكن حسيت إني ما راح أنتقده ١٠٠٪ صَح أجلته
قلت بسوي كذا لوك زيادة وَ بحكم
تصدقين دايم اذا جيت اقرأ التدوينه احس لازم اقرأها كلها ما افوت شي احسه اختبار عشان اعرف كيف ارد ? احساسي معوق ادري ? ، الشغلات ذي ما قد جربتها احس اني ما تعمقت في الميك اب كثير احس مكياجي دايم بسيط بس عندي شغف اتعمق فيه اللهم الكسل ذا يعرقل شغفي دايم ? ، بس تحمست لمن قرأت بتنزلين تدوينة ثرثرة نزليها احب الثرثارين انا ?? ، بس موضوعها ملفت وتحمس ?.
هههههه يَسلم لي إحساسك ..وَ حبيت سالفة الإختبار عقدتكم ..
تتوقعين فيه إمرأة غير ثرثارة ؟!
ما قد شفت صراحة كلهم ثرثارين ?? ، بس على حسب الثرثرة بيكون ردك عليها موافقه ولا هجوم عاد اغلب اللي يثرثرون علي اهجم عليهم يقهرون يختي الا غصب اقتنع ???.
هههههههه خَليك تَهجمين لين يَجيك من يَهجم عليك ..
يا زَينك ، المٌشكلة إللي يناقشك عشان تقتنع مو لتوضيح وَجهة النظر
ارتوس صدمتيني بمعلومة الكحول عاد انا كنت احبه عشانه يطهر بشرتي من الحبوب وأحس حل سحري ورخيص
طبعا لي رجعه ع الموضوع لأَنِّي بصراحة اكتب من الجوال وكنت مستعجلة عاد اعذريني يارتوس
خذي رآحتك ..
لا جداً خَطير ..
الكحول عفكرة كذا تركيز ، تدرين فيه تركيز تذيب المُنتجات لو حطيتي علبة مطلية مُمكن يزيل الطلاء
مابالك بالوَجه ، البنات مرات يتكلفون بالمُنتجات بس خطوة زي خطوة الكحول تضيع عليهم .. وَ المشكلة البنات الجاهلات إللي ينشرون مثل هالمَعلومات
والله بلشراتهم مب شي ؟ ماجربتها وشكلي مابجربها من كلامج هههههههه ..
احيانا تحبي ماركه وتتحمسي لكل منتجاتهم وتحاولي تحببي نفسج فبعض منتجاتهم لكن بدون فايده تكون فاشله ?..
ههههههههههه اما جبتيها .. تذكرت موقف لي مع هالسبراي كان الماك فكس بلس مخلص وشفت هاذا قلت ليش مخلتنه جيه كم شهر مل استخدمته يله برجع اجربه ورشيت به ويهي قبل الميك اب وحطيت الميك اب ورحت الدوام .. غير طول الوقت وانا بالكليه اف و اااف حسيت ريحة ويهي مقرفه ?? حلفت ما استخدمه مره ثانيه رجعت البيت ورميته ع طول قلت توبه خلاص حاولت اقنع نفسي لكن منتج خايس
..
اما ع الروج كنت حابه لونين نود على وردي بس ماكانو موجودين قلت اجربهم مادري .. اما ع التوم فورد ترا الوانه فظييييعه خاصه النود بس مادري حسيت للروج طعم قوي هههههههه < كله تشم وتذم .. بس صدق والله من بين اغلب الماركات نكهة ارواج التوم فورد قويه ومب انه الطعم الحلو الفروتي لا .. طعم كانه طبشور او حديد مادري والله بس طعم قوي ومب حلو?..
و يبيلي اجرب ه الماركه
صَح ليش فينا هالطَبع الغريب !! أنا لما صَرت أدون بكثافة صرت مَضطرة أكتب عن شَغلات جَديدة
حتى ألبي طَلبات الأغلبية ، شَوي تحررت من هالقَيد وَ لا زمان كله جيرلان جيرلان جيرلان
ههههههههههههههه ضَحكتيني بمُحاولة التَجربة .. لكن عالأقل ردة الفَعل جباررررة وَ لا رَجعة بهآ ..
وَ تحسين فيه تَلزيق عفكرة فيه شيء غريب ما يَريح ..
ماركزت على طَعم توم فورد أنا جربت الغوامق كُلهااا ، مافيها تَغطية بس السبت أروح وَ أجرب الألوان إللي ذكرتيها وَ خلينا نشم وَ نذم سوآ ههههههههه
بس زي ماقلت لك ماركة بيت تهبل تهبل ، حتى من كم يوم جالسة أتصفح موقع سيفورا ، مَحتارة شنو أطلب من ألوانهم الثانية
حلوه فكرة الموضوع
ماقد شفته من قبل
الا عندك او أني من زمان عن البلوقرز
الصراحه بطلت اتابع البلوق من فتره
بس ما اشيك الا على البلوق حقك
من جد متعوووووب عليه
الله يعطيك العافيه على قد تعبك
مارك جايكوبس من الماركات الي تجذبني التغليف حقها او الباكيج
أحب شكلها احسها فخمه وسهله بالنفس الوقت
انا ماجربت ولا شي من الي كتبتي عنه لاكن من بعد ذَا البوست ما أظن راح اجرب ????
حبيت النوع من ذَا المواضيع
اما بالنسبه لموضوع شريك الحياه
أحسه موضوع جد صعب تكتبين عنه
لان الحياه لما تتشاركينها مع شخص اخر ممكن تهضميته او لا صعب بحد ذاته
وممكن احنا يا المو مرتبطان ماتحس بكل التفاصيل
حلو الموضوع لان لكل بنت ايضا وجهة نظر سوا مرتبطه او لا
والصغيرة والكبيرة كل يرا الموضوع من ناحيته
فا اضن راح تجذبين بذا الموضوع واجد من ردود الفعل
زودة حكي
الله يسهل دربك ويكتبلك الي فيه الخير
مع السلامه
يوووه يا حَظي يا جَواهر .. أخجلتم تَواضعنا وَ تنوريني ..
فعلاً التعليب مُميز تحسينه ستايل الطَبق الفَضائي ..، وَ أكيد مو كل مارك جيكوبز سيء عندهم البرونز لونه حَلو ، اللون إللي عالمَوضة
بس من خلال تَجربتي ما شفت هالشيء لحد الآن إللي وآآآآو وَ بالنهاية يضل رأي شَخصي ..
وَ حياك بحَكيك أبداً خفيفة عالقَلب
وَ أكيد مَوضوع شريك الحَياة له عدة جَوانب ، مَخاوف من العازبات وَ تجارب من المُرتبطات وَ كل وَحدة فينا تَكمل الثانية
Bonjour artos
تدوينة جميلة كالعادة بالنسبة للمنتجات اللي انخمينت فيها ياااااكثرها والسبب اعلانات خرطي قديماً وحديثاً اليوتوبرز والبلوقرز والفانشيستا ، من اكثر الماركات اللي دايم اعطيها فرصه وودي اني الاقي حظي معها بنفت للأسف شكلهم اجمل من المضمون مية مرررة مش كل المنتجات ولاكن اغلبها
فطست ضحك على ايلاينر مارك جاكوبز اجل نتاج ابحاثهم في اليابان ؟؟؟!!! ههههههه الله اعلم المنتجات الجاية نتاج ابحاث اي دولة
شكرررراً من القلب ويالله من اللحين ابي اقرأ مدونتك عن الشريك هذي السالفة المثالية والشغل الشاغل ل ٩٠ بالمية من فتياتنا
Je t’aime ??
عاجبني إسَمك .. بونجورين يا عَيني ..
سَلامتك من الخَمه ، وَ عادي تَصير لنا كُلنا ننَخدع وَ بجدارة لأن حتة الفضول فينا وَ حب الإقتناء لا تَنتهي
وَ شريك الحياة هُو إللي قالب مَوازين البنات وَ حياتهم ، طبعاً الآن البنات تَغيروآ وَ صاروا أكثر وَعي وَ حب لأنفسهم وَ كيانهم وَ تخطيط لمُستقبلهم
فعلاً بناتنا صآروا غَير ، مَع تقديرهم للحياة الأُسرية
وَ لآآآف يو ..
من فوائد تدوينه اليوم لي
* المنثيل مادة تعد من مهيجات البشرة
* Magic Marc’er Precision Pen Waterproof Liquid Eyeliner
حبيته لانه سهل لرسم الخط الرفيع لانه شبه معاناة لي ممكن بعده اعيد عليه بمنتج افضل منه
THX?
ماشاء الله عليك حبيت وَعيك ..
وَ عفكرة قريت رَدك بَموضوع ثرثرة حبيت كمية الصَراحة وَ الوضوح
صباح السعاده
نحبك بكل حالاتك ..
لمحت لك رد عن العطور ..
قلبي صار .. يدق .. ?
يدق .. ? 
?
بالعُطور وَدي لو كَلنا نَستفيد ، ضَروري نَدردش فيما يَتعلق بالعَطور + البخور
كُل الحُب يالحُب إنتِ ..
ياحبي لك وياحبي لمصداقيتك ليت لك قناه باليوتيوب اكثر شي احس بتقطع عنده لو سويتي قناه وطلعتي فيها يختي حرام كثير بنات عندهم خبرات ومهاره في كذا مجال مش بس المكياج والعنايه ومدفونين لاهم الي فادوا مجتمعهم ولاهم الي استفادوا من مهاراتهم بشكل احترافي بعض البنات حتى الصوت ممنوع تطلعه باليوتيوب الله المستعان عاد ….المهم انتي حاجه ماحصلتش وبحبك اويي
هههههه وَ الله أنا إللي بَتقطع لووووووول ، ما أحس يَنفع لي .. خلاص البركة بالجَيل القادم ..
، وَ ليته بس كذا فيه بنات مُبدعات وَ أنا شايفتهم بالأنستغرام .. بس لأنها سعودية مالها مَكان ..
لأن أفضل الكِتابة ، تصدقين مرات أفتح مقطع باليوتيوب وَ أسحب الشريط أقول بقلبي كيف الناس ياخذون طبخة من اليوتيوب .. صعب التَخطي ..
وَ صدقتي
طبعاً مو بلوقرز أو فاشنيستا بنات فعلاً عندهم شيء ، مَوهبة أو رسامات أو كاتبات بس العالم كله رايح لإتجاه التفاهه وَ السخافة
وَ هذول حتى إعلانات ما تَجيهم ما بنقول إعلانات وَ بس حتى هَدايا ، أقل شيء يعطونهم أيباد برو يرسمون من خلاله
بس بيجي يَوم وَ المُبدعات فعلاً يكون لهم مَكان ..ماضاع حق مطالب
ع فكره متحمسه لتدوينه الجايه عن الشريك ياهو صراع نفسي ذا الشريك هههههههه احس عندي بيبي كبير ..وع فكره قريت تدوينة الثرثره الي فاتت وتحمست لها بس ابي امخمخ عليها وكمان احترت اذا بكتب بعض الامور لان حسيت لو كتبت بكون دخلت بالعقوق وبعدم الاحترام فبشوف كيف يطلع معي الكلام ..قبلاتي
شَوفي البَعض يتوقع لما يقول لأهله أبي ذوقي الخاص مَعناه عَقوق لا أكيد ..
هو لو كان فيه عقوق ما بتلقين لهم أي إهتمام وَ بتسوين إللي براسك ، حنا ليه نَصيح !! وَ نبكي !! لأن نبي نسوي شيء على كيفنا بَس برضاهم ( كيف تَجي ذي ما أدري ) ..
يالله بإنتظارك أكيد كَل شيء مِنك حلو
صباح الخير
هالبخاخ دايم اروح واتردد اخذه ولا لا
والحمدلله اني مااخذته اساساً ماكنت
مقتنعه بفكرته بس شكله يقول خذيني
هههههههه الاي لاينر جربته على يدي
ولا حبيته مع انه في بداية نزول الماركة
في سيفورا كان من اكثر الاشياء اللي
متحمسه لها ، واما بخصوص بنفت فعلاً
احسهم ماشين بالتسويق مو كلها فعالية
في المنتج انا هالماركه مااحبها ابداً كذا
من الله فما اوقف على ستاندهم اصلاً لووول
ههههههههه إنتِ ماشية بالسَليم إسم الله عليك ..
مَريحة دَماغك من البَداية ، حَلو إللي يَشتري بإدراك مو على عَماهآ يَتحمس زي ما يَصير لنآ مَرات ..
نَورتيني يا نَوف
صباح الورد..بصراحه النتتج الوحيد اللي كان يهمني اشوف رأيك فيه قلم بينفت لانه شفت عليه مدح يقتل وكنت ناويه اشتريه…بس كويس كتبتي عنه لاني اكره الشي اللي يدبق فلذلك لغيته تماما من قائمتي…
متحمسه جدا جدا جدا للتدوينه تبع شريك الحياه قلبي مليان من هالموضوع يارب تنزليها في وقت اكون صاحيه فيه عشان احظى بشرف ردك علي ونتبادل الاراء.. في انتظارك ي جميلتي?
إيه لأن حرام ليش تشترين قَلم ، ظل نايلون يَكفي وَ يوفي وَ ثابت وَ لا يحوسك أبداً وَ يعيش عُمر طويل
ما يَهمك بحاول أرد عالمَوضوع وَقت طرحه أول بأول بَدون ما تتراكم الرَدود ، عشان كذا أنتظر الوقت إللي يَنزل فيه المَوضوع وَ أنا مَروقة زَبن
بَمخمخ على َردودكم
نَورتيني
كالعادة ، تدوينة خفيفة جميلة ?
عاد بخاخات الوجه أحس أغلبها خرط بخرط ، جربت عدة منتجات وحسيت الكل عادية
يعني الوعود بتقليل ظهور المسامات وترتطيب البشرة والتحكم بالدهون أحس كلها تختلف ع حسب الطقس والوقت والجهد وووو
مريحة بالي منها ع الآخر ووقفت أشتري منها ..
لو أبا أنتعش بأحط بأغسل ب موية مثلجة وخلاص ????
صح ، بتدوينة قديمَة كتبت رد مدري إذا شفتيه ولا لأ ، اقترحت فيه ماسك اسمه Secret Indian Healing Clay
منتشر وفي عدة بلوقرز ويوتيوبرز بيتكلموا عنه بشكل عام للبشرة ويعتبر أشهر ماسك وجه بالعالم !
يجي عبارة عن بودرة وانتِ تخلطيها مع شيء سائل، ممكن موية ، حليب جوز الهند، وكثيرين بيستعملوا معاه Apple cider vinegar
متواجد بأمازون وسعره بمتناول الجميع ( حوالي ١٠$)
وشكراً ?
ع هرجة اليويتوب .. صح ممكن ياخذ وقت أكثر ، لكن تعرفي انه ممكن تصيري متوظفة عند اليوتيوب وعلى عدد المشاهدات والسبسكرايبر يصير تكسبي ، منها تفيدي وتستفيدي وتقدري توصلي لناس أكثر..
الآن بسبب وظايف اليوتيوب أحس انه صار موقع تلاقي فيه كل شي ، تشتري منه أفلام ودورات وكل شي ..
أحس لو مثلاً تسوي فيديوهات هناك وتحطيها مترجمة ، بتلاقي مشاهدات كثيرة ،
لأنه البلوقرز العرب بالفاشن قليل جداً مقارنة بالأجانب .. العرب كلهم حبتين وصاروا مشاهير رغم ان أداءهم مو داك الشي :/
يسعد صبااااحك ارتوس??
كنت ناويه اشتري ايلاينر مارك جاكوبز بس زين علمتينا الله يسعدك دائما مواضيعك جميلة واستفيد منها
حبيبتي ماتنلامين انك اوقات ماتردي ماشالله تبارك الله الردود اوقات تكون كثيره من وين تلحقي ل تلحقي..انا كل فتره ارجع اراجع ردود تدوينة الثرثره ماشالله كثيرره فوق ال200 رد..بس لانه النقاش معاك بحد ذاته مفيد.. نقاشك يفتح مدارك في المخ احنا غافلين عنها ..معرف كيف اشرح لك الزبده انه اكون في مطلق السعاده اذا رديتي عليا سواءا هنا او انستا او تويتر..وصح تشوك سيني سفيورم>>شفتها في احد ردودك في التدوينه السابقه?
صبااااااااااح الورد آرتوس…..
الله يسعدك ويكتبلك كل خير وييسرلك أمورك ع قد ماتنورينا وتوضحين لنا أشياء كثيره ….
والحمدلله اني لسى مااشتريت منهم شي مع أن أشكالهم فعلا مغريه…
ألف شكر لك….
احب الصباحات الي تبتدي بك
واحب كلامك جدا جميل حتي لوكان عن المكياج .. مثل عادتك صريحه وصادقه بحرفك مايهمك المنتج ضارب او غيره ?
بالنسبه لبخاخات عاد تصدقين ان عمري ماصدقت هالشي احسها اكذوبه من الشركات دايم اشوف هالمنتجات بس عمرها ماشدتني!
مع احترامي للكل بخاخ تستخدمينه للآن?
اما باقي المنتجات اسمحيلي يالغرام مابعد تعرفت علييهم شخصيا ?
وشكرا ائد الدونيا ع هالقلب المُعطا
عساه دوم نابض بالحب
ونسيت اقولك ترا متحمسه من الحين ع الثرثره الجايه لان كلامك يعنيييني وفلسفتك بالحياه اعتبرها مدرسه بالنسبه لي
بانتظظظارك وانتظار كلامك الشيق
كل هذي المنتجات قامت شهرتها على التسويق ، حسيت كأنهم بياعين هواء ?
متحمسه لتدوينة الثرثره ان شاء الله ما نفوتها ، وأحس بيصير كلام ما يرضي البعض ???
صباح الخير.
خِلص الحكي عنك ي ( أحلى نعمة بهالحياة )
حبيت نقطة ( إنك ما تحبين الايلاينر اللماع )
مثلك تماماً ?? بحس إنو شكلو قدييييييم ،، أحب المطفي
الأسود من قلب ،، يعطي انعكاس فضيع مع لون عيوني ?
( صباحكِ عصفورٌ نديّ ،، زادهُ هُتنِ الفجرِ بللاْ )
صباح الانتعاش والاجواء الممتعه
ارتوسه اول ما قريت اسوء منتجات على طول حطيتها بالبلاك ليست هههههه ياختي وش اسوي اثق فيكي بلس ماحب اضيع قريشاتي على ما يسوى موب اني ما اسويها لا ابشرك دايم اتمقلب بس اتحسف
بس تبي الجد هالبخاخات المنعشه مالقيت شي يبرد القبي حتى حق ماك ما جاز لي مدري وش القصه انا الفكره بزاتها تناسبني خاصه بشرتي حساسه بس مالقيت مرادي<< متعوبه على كلمه مرادي هههه
ع فكره انا اتابعك من حواء واعجابي فيكي برغم كل الزخم اليوتيوبي وانستقرامي بس تظلين ثابته عندي
ممكن تعتبريني من الجيش الارتوسي لوول<< تقلدك
لذالك شهادتي فيكي مجروحه يعطيكي العافيه على كل هالعطايا الي تمدينا فيها
ومنتظره تدوينه الشريك دا انا عندي حكاوي كثيره خبره يا ابوي هههه
بانتظار جديدك
كويس الحمدلله كنت ناوية اشتري قلم بنيفت .. تعجبيني يوم تذمين منتج احسك تذمينه من قلب واشرك على صراحتك يا سوس ..
صباح الورد…
دائما تعجبني حياديتك في الطرح تذكرين رأيك بكل صراحةما تتحيزين
لماركة معينة…وأنا ما اطلع من تدويناتك إلا وأنا مقررة إذا
راح أقتني هذا المنتج وإلا لا…
أما تدوينة الثرثرة أنا كلي شوق لها …متحمسة أشوف رأيك وآراء
البنات حول هذا الموضوع…
يسعدلي صباحك سوسوو .. منيح حكيتي عن قلم بنفيت كنت ناوية جيبو اكتر شي بكرهوو شعور الدبق
وتدوينة الثرثرة ناطرتها اكييييييد ???
صبااح الخيرات ،.
من نظمت نومي صرتي من الأشياء اللي افتقدها ،
وبنتي صارت تقلدني ف ما اقدر أمسك الفون وايد نقعد نلعب او نرسم ادمان التلفونات صعب للأطفال فأحاول اتجنبه من البدايه ،.
نرجع لموضوعنا
مره كنت سايره دبي فوحده حطت سر حواجبها المرتبين قلم بنفت اذا حابه حواجبها للامانه فيوم دخلت سيفورا طاح عيني ع القلم بدون ما اجرب للاسف ،
وأول ما جربته انصدمت ما حبيت اللمعه اللي فيه خاصه انه مخصص للحاجب فتحت الحاجب بطوله لمعه وأيد اوفر بالنسبه لي حاولت اموه بصبعي بس بعد مش مرضي فتوبه أخذ على عماي ،.
بس بنفس اليوم اخذت اضائه واتس أب من عندهم مع انها مش محبوبه وايد لكني حبيتها لبعض اللوكات ,.
وانا اقرى فوق شفت خاص وسناب ، شكله فاتني وايد وانا ما ادري شو السالفة ..؟ اسفه ع التطفل
موضوع الدردشة يحمس ،. بالانتظار .
ودمت بود ،،
ياسلام مع ان استفدت وماكان ودي كلامك يخلص
الا ان فرحت بموضعك الجديد احب افكارك
واحس اني اتأثر بدون علم مني
بس اكيد اتأثر عن قناعه
لاتنسين تطرحين لنا اسأله بالموضوع ? احس حلوه نكتشف نفسنا
سَوَسي .. أحبك
رسلت لك ايميل من قديم الزمان على ايميل المدونة ..
مادري والله اليوم احساسي بالجمال زايد… و تجي انتي في بالي ..
نبغى موضوع يخص الانوثة ، من برايك الانثى؟؟ ايش هي ايقونة الانثى .. نبغى قرقر و فلسفة ونبغى تبثي رأيك في الامر ..
أحبك جدا
ربي يعطيكي العافيه ياقلبي ومتحمسه للموضوع الجديد
صباحوو?
الوحيد اللي جربته منهم هو قلم بينفت
وكل مره يكتل معي وكنت اظن السبب اني ماعرفت اوزعه صح?
يعطيك العافية ارتوس على التدوينة عجبني انك تكتبين تدوينة للجيد والسئ بعد
خيال التدوينه
واهم شي انتس تفصفصين المنتج بذمه وضمير??ومتحمسه لتدوينة الثرثره ياخي تدوينه الثرثره دايم تحمس ??
?????
مصداقيتك وأمانتك فظيعين تفتف ماشاء الله علييييك لوول . كنت كاتبة بالانستا توقع انها افضل منتجات .. اكثر واحد صدمنتني تجربتك فيه الهاي براو .. كنت دايم امر من عنده وودي اخذه الحمدلله لك ي ربي لووول عاد يوم تتكلمين عن ان الشركات لو تبيع قارورة ماء حسيتك تتكلمين عني
تذكرت لما شريت بخاخ ايفيان واهلي يضحكون علي يقولون مويا وش فيها زود والصدمة اني ما قدرت ارد ! هنا حسيت اني ملعوب علي مرة بالتسويق لوووول يا كثر ما ينلعب علي والله بس عقب تدويناتك احس اني بديت اعقل 
والله جد .. بانتظار جديدك بكل شغف
هاي ارتوس؛؛صراحه معاك ميه بالميه بقلم بينفت ومارك جكوبز ماجربت الايلينر والمسكره بس اخت الكنتور من عندهم ومره حلووو عجبني لون الكنتور مو بني لونه على رمادي شوي فاحبيته ..وبخاخ اربن دكاي مايشجع من شكله انك تاخذينه مدري احس يفلحون بالميكياج اكثر ولو تبغى عنايه روحي للماركات الطبيعه ..وشكرا عالمدونه الجميييله وياعسل طلب صغنوون ياريت تتكلمي عن فساتيين الافراح مش للعرايس لا للمعزيم وكذا ..فاشن بلييييز بدنا ?
آه. . .آه. .
متحمسسة للتدوينة الثرثرية هههه. . .
آرتوس . . . أنتي شيء خطير على المجتمع . .هههه. .??
يازينك. .?
ووه لك كل الحب مواااه . .?
مراحب سوس?تسلم ايدينك على هالطرح وبالعكس حنا نتحمس للمواضيع هذي زي نتحمس للمنتجات اللي تعجبك لانه تفتح مداركنا للاسباب وطريقه نقد المنتج….ياليت ياجميله تتكلمين عن اقنعة قلام قلو ونعرف رايك فيها…وقلوووووب من القصيم لبيتكم والله يعطيك حتى يرضيك ?
كويس قبل مانقع في الفخ واحد من المنتجات كانت ضمن خطة الشراء وتكنسل تمممم
يامساء الورد والاراتيس كلهم ..
ياليت يكثرون هالريفيوات عن هالمنتجات السيئه عشان مانتوهق فيهم
انا كنت افكر اشتري الايلاينر لاني شفت كم بلوقر تمدحه
انا استغرب والله من بعض البلوقرز استخدم مسكرا واعرف انها سيئه وهي تمدحها ومطيرتها السما وكثير من حولي جربوها ولاعجبتهم وتطيح رموش بعد وهذي تمدح .. معقوله هذي كلها دعايه !!
بصراحه احس هالدعايه حرام لانها كذب … < شطحت?
المهم ماعليك من حلطمتي خخخ الحمدلله مااقتنعت ولابشيمن
هالمنتجات غير الايلاينر كنت ابي اجربه هو والظلال اغراني تعليبهم
بس من كلامك صرفت النظر تماما هههههه
وبانتظار ثرثرتك الحب ??
الحمد لله ماجربت ولا شيء منها
حبيت نقدك ع المنتج. بس مو كأن مافي مقدمه. طبعا انا من عشاق مقدمتك الجميله احسها موضوع في موضوع
سيلااام ..
منتجات بينفت جذابة للأمانة ممكن عشان تعليبهم يجذبني ? حتى لو ما تنفع بأقول إلا من حبي له أنا جربت الكونتور منه ماعجبني بس مصرة أجربه كل مرة أسوي ماكياج ويخيب ظني ? ممكن يناسب اللي مسوية تان أكثر من ناحية الخرافات والله أصدق كلمة قرأتها اليوم ? ? وتحمست لتدوينة الثرثرة يووه عاد عن شريك الحياة أعتقد بيصير يوم مهول ننتظرها بفارغ الصبر ??
حبيت تقييمج للبخاخ ووصفج له يعني الحين الوحده من تشوفه على طول تفر وجهها عنه ههههههههههههه
بأنتظار التدزينة القادمة على احر من الجمر
ويكند سعيد
وهي وش همها طاحت رموشج ولا قامت اهم شي تقبض فلوس وشهرة
أحيي في روح الأمانة بسم الله على قلبك
وعلى طاري التسويق أحيانا تنجبرين تشرين هالشيء من كثر التسويق كذا تحسين علقك تبرمج لازم أشريه !
وبالنسبة لتدوينة شريك الحياة أقولك شيء
أرتوسه أنا لي يومين أهذري بقهوتك مع إني حتى ماشميت ريحته بس أقوم وأقعد قهوة أرتوس قهوة أرتوس
يمكن الحين جو كشتات وخرمة القهوة زايدة () بالله عاد مارحمتيني ؟
شرايك تنزلين لو بوست بالانستقرام عن قهوتك :$ خل نشبع ذاتنا المحبه للقهوه
ما قد جربت ولا منتج من اللي فوق ? انا بطبعى ما أغامر الا فى ماندر ( زى شرائى لمسكارا جيرلان ) وما ينضغط على مهما البياعه وصلت المنتج لسماء ولازم أجرب المنتج الا لو أنتى مادحته أشتريه وأنا على ثقه زى بلاشر جيرلان المخملى وCC شانيل
وخافى الهالات من بيبى براون وفراشى مكياجهم والمقشر الرائع من بيبى براون أتعب وانا امدحه بجد رائع وغيره ،، حبيت كلامك وشرحك أستمتع جداً وأنا أقرء لك أحس أنك تسولفى معانا قلوب الييييين بيتك ???
وفى انتظار ثرثرتك الأسبشل دايماً
يسلمو على التدوينه اعجبني منتج بينفيت للحواجب رغم الذم ههههههههه يمكن اشتريه و اطبق طريقتك كأساس وبعده شدو او لمعه فاتحه
اجمل شي فيك انك تكتبين من قلب .. مدري ليه احيانا احسك تكتبين وانتي معصبه ههههههه بالذات لما تتكلمين عن ردود بعض البنات ع تدويناتك ? ما ادري هو انا من الحماس يمكن احسه كذا
المهم بالنسبه لمنتجات اليوم انا بشكل عام ماني مهوسه بشكل كبير بالمكياج يعني ما اشتري منتج الا اذا قريت عنه كثييير كثيير حتى لو شي بسيط ما احب اغامر اشتريه … بانتظار ثرثرتك الجميله ?
اسعد الله مساك ارتوس
الصراحه ما توقعت قلت ادخل و اشوف ردت فعلك عليهم
وكان بخاطري اشتري السبري تبع اربنديكاي و الحمد لله ما اشتريته
وبنفت سبحان الله كل ما اجي كورنرها اشوف الخيارات الموجوده و اروح
تعليبهم يقهرني خصوصا الكرتوني ابدا ما يدخل مزاجي.. هههه ايش دخلني بتعليبهم اصلا..
وعلى طاري الموظفه المفروض ما تقول هذي مو هديه اقلها تسكت
و اخيرا مشكووره ارتوس لانك بجد تساعدينا وتخلينا نحدد خياراتنا اكثر قلووب إلى عندك
يعطيك العافيه على المعلومات ،،انتي اكثر وحده في السوشيال ميديا تنقد المنتجات صح من جميع النواحي بذمه وظمير حتى لو جايك هديه او دعايه موب زي الباقين يرفعون بالشيء..
بس الاغلب مواضيعك دايم متاخره ولا الومك بس مع هبال البنات في المكياج او شيء مشهور بيشترونه يعني يبيلنا كثير على مانصير واعين وفاهمين ومااتوقع هالشي يصير ..
قبل كنت من هالنوع اذا حد تكلم عن شيء كانه هو الشيء السحري بعدين اذا تجمعت الاشياء بدرجك تلاحظين فيه كثير مااستخدمتيه بس هو شي نفسي ،،المكياج والعنايه والله شغلتها شغله كل شوي طالع لنا شيء
و شكرا ارتوس على جمالك وجمال كلامك
الشَركات ذَكية تصدر مُنتجات لإستنزف أموالنا مَالها أي قيمة وَ مالها أي فايدة ، مُمكن تبيعك قارورة ماء على إنه مُرطب وَ واقي من الشمس
لا إنتِ إللي تحتاجينة ، وَ لا هو بالمفيد ، وَ لا حتى رخيص وَ ماله مكان بروتين العناية وَ لا هوية يعني لاهو مرطب وَ لا سيروم وَ لا تونر
بَس طبيعتنا كنساء تخلينا نوقع في الفخ دائماً وَ أبداً بحجة الرفاهية
السطرين ذي اصابتني بمقتل …… عاد ليتها موياا الا يمكن المويا تهون عندها ههههههههه
بالنسبة للماسكرا سبحان الله عندي ماسكرا من مكياجي الف الف وارجع لها .. فعلا البراند مو كل شي
شكرا لك سوس افرح كثير بتدوينك ♥
يعطيك العافية آرتوس ماقصرتي ي ئمر ..
قلم بنفت عندي ومسكه ولدي بلحضة تهور وطمس الراس كامل ?
وكنت فعلا من داخلي حاسه إنه غير عملي بإستخدامه ويدبق كثير بس سمعته معميتني وقلت ممكن أنا استخدمه بشكل خطأ ، الزبدة احتفظت فيه عندي ع بال ما اجيب له مبراه للرؤوس الكبيرة بس اللحين أقدر أرميه بضمير مرتاح ?
شكرا ي عسسل ومتحمسة كثير لتدوينتك عن شريك الحياة ?
يسعد صباحك
ماحبيت اخرج من التدوينه بدون ماارد رغم اني اكتب وعين مفتوحه وعين مقفله هاالايام ماالحق على تدويناتك انشغلت اعذريني ياعسل
دوم تتحفينا بجديدك وصراحتك ومتحمسه لثرثرتك لاتخلين شي بخاطرك ماقلتيه
بانتظارك ياجميله
كنت عبالي الاي لاينر كونسيلر صراحه احب مارك جيكوبز بس فعلا نفس احساسك ماجذبني مكياجهم ماعدا باليت اظن اسمه لوليتا الباقي لا واللي يمدحونه منهم الفونديشن و الاي لاينر القلم الاسود والبنفسجي ،، سبحان الله هاي بارو كذا مره مو مره وحده اوقف عنده واخذه بعدين ارجعه مدري وش السبب يمكن يجني احساس انو مبالغ فيه وفي اشياء بديله او الفكره مادشت مخي مدري ،،، تحمست للتدوينه بقوووووه ننتظرج ارتووسه ايه صح شفت صور فيها ارواج ماك كبرتها ههههههه حاولت اعرف اسمائهم ياليت تعطيني اسمائهم ويسلموووو
ويسعد مساك يامزة ?
توقعتهم انهم اسوأ منتجات بالنسبة لمارك جاكوبز مادخل مزاجي بالميك اب ابدا شفت له باليت شادو عند بنت عمتي بس مااقنعني واربان دي كي دايم اشوفه بصورك توقعته بيكون شي واو طلع خربوطي .. بنفت على انهم يحطون اشياء كيوت بالتعليب بس مايقنعوني .. استفدت من معلومة المنثيل والكحول لان دايم فيه منتجات تهيج بشرتي وتو اعرف السبب فيه شي توسة وشلون تعرفين ان هالمكون كذا مضارة وفوائدة مثل نشا الذرة والكحول تو ادري عن هالمعلومات ..
يسلمو دياتك عهالتدوينة بجد فرحت انك بتطلين علينا اليوم لان الايام اللي راحوا يادوب اقرا تدوينتك من ضغط الا متحانات اليوم باخذ راحتي .. ??
الله يعطيك العافيه يااتروس ماقصرتي ?
ومتحمسه للتدوينه
اليوم غريبه
مافتحت تدوينتك من بدري ولا شيّكت عليها
كنت مشغوله الأيام الي راحت
المهم
كل هالمنتجات فعلاً سييييئه في مثلها أرخص وأفضل بكثير بعد
ومارك جايكوب هالماركاه كلها ماحبها هههههههههههه
شريت منهم شغله بمبلغ شوي عالي ولا أستفدت منها أبببدد هههه وحسّيتها قاعده على قلبي ومن يومهم كرهت منتجاتهم ككل
ممكن بس مناكيرهم إلي أحبها فقط
وعشان بعد تعليبهم للمناكير كيييوت ههههههه
ولا ك ميك اب وملابس وجزم وشنط أبداً مو ذوقي
فعلاً المنتجات الي فوق تعليبهم كلهم تجنن ومرتبين
لكن مو فعّالين أبداً
وأنتظ تدوينة الشريك
يااااه متحمسه لحكيك كثير
وبثرثر
عاد بخاطري حكي يخص هالموضوع هههه
كونتي أنتِ.
هلوووو
ضحكتيني ويم قلتي جني سبيت حد من اهلهم ههههه .. تصدقين ككنت ناويه اشتري الاي لاينر
والهايلايتر ..كل ما اطوف ع بنفت اقول باخذه وعقب اتعايز والايلاينر من كثر ما كنت اشوف ميك اب ارتست
تستخدمه خلاص بشتريه لكن الحمدلله ما شريت احس صدق في منهم يعرضون ويمدحون اشياء ما تسوى
هيه ارتوس بسالج هل ضروري استخدم تونر ولا لان بشرتي مختلطة بس اخاف ينشفها
وثانكس يا حوبي
هالبخاخ زين ماطاحت عيني عليه والا كان شريته اكييييد لان شكله يحمس
ومارك جيكوبس خلاص عقدتيني منه ماراح اشتري من هالماركه الا بعد تفكير هههههه
بارعه في النقد .. شكراً
وكلي حماس للثرثره القادمه .. احسها بتكون ناااار
يعطيك العافيه ارتوستنا فعلا بخاخ اربن ديكاي سي جدا جربته وحرقني بوجهي وماتحملته وغسلت وجهي ورجعت استخدمته بعد فتره قلت امكن بشرتي متهيجه من المقشر بس نفس الشي فعلا منتج فاشل والماركه بكبرها ماحبيتها
ارتوس تدرين والله ما اهتم كثير بشغلات الريفيوز وعن المكياج الا كزيادة ثقافه..
بس انتي تدويناتك ما ابي افوت ولاحررف بدون مبالغه
واذا حشيتي عاد اطلق شي واستمتع بحشك ونقدك …??
لوووف يوو ياعسسسل والله انك عسسل
ياااارب انه يسعدك ويرزقك ويعطيك اضعاف ماتتمنين
وبانتظار ثرثرتك عن شريك الحياة
احب ثرثراتك وبالذات عن شريك الحياة يااااسلاااام..
??
? انا متابعه فاشله بصراحه كل هاليومين بادخل اتاكد نزل شي ماالومك مادخلتيني بحسابك البرايفت مع اني اتمنىىى ( قلبي يتراقص من اقرا ردودك للبنات عنه هههههه) لانهالانستا ماعطاني تنبيه بس انشغل بمشروعي البسيييط سووري ياقلبي دايما انا اعذار وتوهان حتى قبل ماابدا مشروعي دائما تأجيل بس كسرت اعذاري وبديت والحمدلله ?
نرجع لموضوعنا تصدقين علبه اربن ماعجبتني لوووول كأنها للشعر مو للوجه
الان تاكدت اني مالي بالمكياج الا خفييف لانه هالمنتجات ماسمعت عنها وكثيير غيرها
وحماااس لموضوع الثرثره يارب ينزل مبكر عندي موعد لولدي وبتاخر للعصريه وابي اتسلى بالردوود ??
بوساتي لك ارتوس اشتاق لك كثر ما اشتاق لصديقاتي اللي اعرفهم من عمممر ?
الله يخليكم لبعض ويسعدكم…
ياليت خاطري اكون معاك بالسناب او الانستقرام وتكوني على طبيعتك
قبل فتره تفلسفت شوي عن شريك الحياة ومتحمسة لرايك اللي كثير يكون مشابه لفكري
منتزرينك ياقميل
و انا اضيف عليهم ايلاينر وماسكرا بينفيت they’re real!
يعني مو بس خسارة فلوس،، الا وخسارة رموش بعد.. يعععع اخص عليهم وعلى منتجهم زي الباتكس يلصق وما يطلع بأي شي
هم استعمالين وعالزبالة باي باي
الحمدلله ماقتنيت ولا واحد منهم
يعطيك العافيه توسة الموضوع جميل
Salam,
I have only tried two of these products which are UD spray and Marc Jacob eyeliner. I can’t comment on the rest.
regard the UD spray,I started to think that I’m the only one who hated it until I saw ur review.
It had no benifial use for my skin although all the reviews i read were complementing it for a wired reason whaich i don’t understand!!
But the eyeliner, one of my fav! to me all the negative points are positive points..hehehe
I like my eyeliner and mascara to dry quickly cos I’m a clumpsy person. I mess things when my eyes are wet..
I like it to be easy and thin to draw cos i like thin lines..
i like it to be shiny.. don’t knw why!!
I like it not to be very dark. it gives me a harsh look if i use very black color so i like the grey or greyish black or brown more than black.
the only downside to it as you said it’s expensive.
but thanks for the post.
regards
Sophie
ما جربت ولا منتج من هذيل، الوحيد اللي كنت ناويه اشتريه كان بخاخ اربن ديكاي بس زين نبهتينا عن…