مَساء / صَباح الحُب
هالمَوضوع طَرحته زَمان بعام 30-07-2012
وَ أعَيد طرحه الآن حتى ما تفوتكم وَ لا مَعلومه ..
L’Occitane
Cuticle & Nail Cream
وَ الله فيه كَثير مُنتجات مُخصصه للأظافر بَس حنا ماعندنا هالإهتمام بالأظافر وَ حسب مَبيعات المَحلات يقولون نبيع عَطور أكثر شيء
وَ عقبه كريمات الأساس وَ الأرواج , مُش مَهتمين أبداً بالأظافر وَ العناية بشكل عام
أنا مَن يوم طَولت أظافري وصلتني تعليقات بالأنستا مَثل شلون تتنظفين بالحَمام مع هالأظافر (وَ كانوا يقصدون وقت قضاء الحاجه )
عرفت ١٠٠٪ إن فيه ناس عايشين بَزمن بدائي مَحض وَ عرفت إن تدويناتي للأن ما أطلع عليها حتى ١٪ بالمَيه من رواد الإنترنت ..
حابه أقول شَغله , بَليز بليز أقروا أكثر عن كيفية قضاء الحاجة وَ كيفية التنظيف عقب قضاء الحاجة
ترى عَيب يصير عَمرك ٢٠ سَنه وَ أنتِ بعدك تنظفين البَتاعه بأظافرك, الزَمن تطور ..
إللي ضَحكني وَشو ؟!
إن هالعينات عأساس يَنصحوني وَ أكتشفت إن هُم عندهم خلل بكيفية النظافة
هذا أكثر شيء يَعجبني لما أطرح مُنتج أو شيء غير مألوف الفلسفه إللي تَنبع من وراء النصيحه ..
لو أظفرك طَوله ملم واحد , ترى لو تجلسين تتنظفين بأظافرك ترررررا هذا اليَع وَ الوع وَ الوعين
شَميها يالنَظيفه عقب , وآآآآه بس ليتني صَورت التعليقات اللي تتفلسف كان أثبتنا عليهم الجَهل المُدقع ..
أو خلاص تَنظفي بالطريقة إللي تَعجبك بس أسكتي لا تتباهين بَغبائك ..
أنا ترى ما دَريت إن فيه ناس لسى يحكحكون هالمَكان بأظافرهم إلا من الأنستا , يعني الله يَكرمكم فيه شيء إسمه مناديل
أوكيه مَره فضلاتك حآآآجه جامده فيه شيء إسمه راحة اليدين لو عَجزتي , أما أظافر
[ لا تَقولون الحين أنتم يَع .. للأسف هذا إللي نَشوفه بحياتنا , من زَمان ودي أتكلم على هالتخلف بَس قلت يمكن فهمتهم غلط لين تحققت من المَوضوع ] ..
المُصيبه الأردى إني الأن مَتخيله إن الأمهات كذا ينظفون أطفالهم , راحوا فيها الأطفال
نَكمل المُهم هَذي ٣ مَواضيع أخرى عن الكيوتيكل
هُون وَ هُون وَ هُون
نَتكلم شَوي عن الظفر وَ حول الظفر وَ اليَدين
أرجع أقَول ما زالت عناية بناتنا بَدائية جداً
العدو الأول لليدين الماء , فأرجع أكرر قَلفز ثُم قَلفز ثُم قَلفز
[ قَفازات ]
ألبسيهآ لا تَقولين الصَحون ما تنغسل زَين , تنغسل لو أنتِ شاطرة بالتَغسيل تنغسل
عُمر أدينك لا يُعوض , الصَحن تَشترين وَ رآه صَحن
لكن البَشرة لما تَنعدم صَعب أرَجاعهآ , الصَحن أرخص من الكَريمات إللي تَحطينهآ بيَدينك
الغَبار أيضاً العَدو الثاني , حتى لما تَجين تَمسحين البَيت ألبسي قَفازات خآصه
إللي يَعانون من الأكزيما القفازات مُشكلتهم فَممكن يلجأون للقفازات المُعقمه الخاصه بالعَمليات وَ يحصلونهآ بَصيدلية النهدي , وَ نفس الشيء رآح تَحسسهم لَكن أهون من غَيرها
بَكلآ الأحوال مُو كل مُنتج أعرضه يَعني لازم تَشترينه أو ما بَتلقين ضالتك إلا بَه
تَذكري الجُود من المَوجود , حتى لو تَرطبين بزيت زَيتون راح تَلقين الفائدة
يَعني لا تعقدون الأمور أهم شيء تَهتمون بَس وَ كلاً يَعتني على قَد أمكانياته وَ قُدراته
مُنتجنا اليَوم من شركة لوكسيتان من مجموعة زبدة الشيا
لحول الأظافر , لمنطقة الكيوتيكل
المُنتج صَغيرون , لا تَحسبونه مَثل كريم اليَد، 15 مَل ، مثل أي كريم لمنطقة الكيوتيكل
مثل حَجم مرطبات الشَفايف
دائماً أي سواد حول الظفر أو الركبة أو … إلخ
سَببه الأول الجَفاف , لذلك أنا وَصفت هالمُنتج أنه لأزالة السواد حولين الظفر
هو مايَزيل السواد بس فيه ناس هالمَنطقه مَقشرة وَ مسودة عَندهم مَع التَرطيب رآح يَخف هاللون
بَس ما فيه مواد مُبيضه أو مُقشره هذآ إللي أقَصده
المُنتج فيه زيت الجزر إللي يساعد على مُكافحة التأكسد وَ العسل للتليين
وُ مضاد للبكتيريا بزيت المر بالأضافة لـ زبدة الشيا إللي نَسبتهآ حول 30 %
شَوفوآ الفرق بالنَسب , بين كريم اليد وَ القدمين وَ كريم حول الظفر وَ الظفر
القَدمين من لوكسيتان نسبته ١٥ ٪
اليدين من لوكسيتان نسبته ٢٠ ٪
هالمُنتج مَن زَمان كان موجود وَ أنقطع وَ رجعوه قبل 6 أشهر تَقريباً
رأيي ،’
ما عَندي مشاكل بالكيوتيكل , بَس ميزته غَير مُزعج مثل بَقية الكريمات تَدبق وَ تلزق
رَيحته مثل بقية ريحة المَجموعة , وَ ترطيبه كثيف جداً وَ عميق
يَستحق الشراء , مو لأنه فَريد من نوعه لأنه ضرورة لسلامة الظفر وَ جمال اليَدين
أنا كنت أستخدمه مع كريم لليدين من لوكسيتان , فلما خَلص كَريم اليَدين من لوكسيتآن
أسَتخدمت كريم لليدين وَ بنفس الوقت للكيوتيكل فما رَجعت أستَخدمه , لكن مُمتآز .
طَريقة الإسَتخدآم ~
يَجيك مثل الأنبوب هَو , تنقطين بكرم منطقة حول الظفر وَ تمسجينهآ
من ثُم تدهنين أدينك بأي كريم , المَساج بَحد ذاته راح يَفيد أدينك شَكلاً و تورداً وَ راح يَسرع بتطويل أظافرك
هالكريم تَقدرين تستخدمينه أثناء عملية المونيكير وَ ترطبين منطقة الكيوتيكل من ثُم تدفينهآ بأعواد الخَشب وَ عَقبهآ تقصينهآ بالكليبرز كيوتيكل , لكن للي يَعرف يَزيلهآ لأن العملية سَلاح ذّو حَدين
سعره ،,
يَمكن 90 ريال وَ يمكن 123 ريال
شيء زَي كذآ نآسيه وَ الله لكن مو غآلي مَره
فَيه بَنات قآلوا فيه أطباء يَقولون لا تَزيلونها
صَح إذا ما تَعرفون تَزيلونهآ خَلوهآ أزين ما يصيبهآ بَكتيريا , مثل تَنظيف الوجه بالبَخار
مَنتب قَده خَليه , لَكن مَضخمين سالفة عَدم الإزالة وَ أديني الشآهد
مافَيهآ مَشاكل وَ لا بَكتيريا أو جَروح
مَثل إللي يَخاف من إزالة شَعر وجهه حَماية من التَرهل , أكيد مو مَنطقي الوَحده تَخلي عَمرهآ بَشنب وَ لحيه عَشان التَرهل , فالأزاله هَي الحَل وَ كذلك الكَيوتيكل أزالته ضَرورية مع أتَباع إجراءات السَلآمة ..
تحذير ~
فيه بَنت مره جتني تَقولي جيت أقص الكيوتيكل نزل دَم , جننتني جات تقص الجلد السليم
[ مفروض جلد مَيت ماينزل منك ولا قطرة دَم , بالصالونات ينزلون دم لأن وَ الله مهب فاضيتلك تدقق وَ مع فهاوتها تقص الجلد الحي ]
المهم هالبنت عبالها أي منطقه فيها سواد حول الظفر يعني جلد مَيت , قلت لها أبداً عادي حتى اللي ماعندها مشكلة سواد يصير عندها جلد مَيت
طبعاً زمان زمان سبق وَ صورت لكم هالجلد المَيت وَ برجع قريب أوريكم إياه , ما تستهترون بالقص خَطير جداً ..
وَ لا تستهرون بالقص بالصالونات , خذي عَدتك معك خاصه مو كل الصالونات تعقم ١٠٠٪
فتخيلوا لو قصت لكم هالجلد وَ كانت قاصه قبلكم لوحده فيها إيدز ؟! داء الكبد الوبائي ؟! ترى عَطول عدوى
ما نَقول تعلموا لأنفسكم مَن بُخل , بالعَكس العده لو شريتيها بالبيت بتشترين أفخر نَوع وَ بيكلفك أكثر
بس عالأقل تأمنين نَفسك , أو خذي عدتك معك مثل ما قَلت قبل
دُمتم بَحب
اي والله الصالونات اغلبهم يلعبون بنا لعب مقاطعتهم من فتره شبه طويله ومره رحت اسوي يديني والله حدود ثلاث من اصابعي نزفو دم
وصرت اسويهم بالبيت دايما حتى لو خبرتي موذاك الزود ع الاقل ماراح يكونون حريصين ع ايديني مثلي
تدوينتك جميله زيك
أحييك صَراحه , مافي مَثل الأعتماد على النفس
وَ الأن كثير من بناتنا ماشاء الله تعلموا يعتمدون على نفسهم بشعرهم وَ مكياجهم .. فيه تغير كبير عن قَبل
خاصه إن المواد صارت متوفره لنا ,قبل عدم التوفر هو العائق الأكبر
نورتيني
الله يوفقك ويسعدك يارب
ضحكتيني الله يسعدك ههههههههههه
يازينك ويازين كلامك
استغربت منك تقولين انك تخيلتي الحين الامهات ينظفون اولادهم بذي الطريقه اش قصدك انه ينظفونهم بالاظافر؟
اذا كذا قصدك معاك حق مقررررررررف بس مااتوقع فيه احد يسويها
بس اذا قصدك اانك ماتبغينهم يستخدمون اليد بتنظيف الاطفال مايصير لازم استخدم يدي انا بس البس قلفز بااليد اللي بزين فيها بنتي مع استخدام الشطاف
واذا فيه طريقه ثانيه افيدينا فيها فضلاً لا امراً
يب كَتبت بالأظافر مَش بالأصابع , ووضحت كيف
ههههههههه مقدر أوضح أكثر حتى لا يكون المَوضوع مُخل للأداب ..
حتى إن الطفل بسنته الأولى يضل بالحفاظه ٢٤ ساعه غلط , لازم يتهوى الطَفل أقل شيء ساعه ..
أو يكون له فرصه يترك الحفاظه عالأقل يوم واحد بالأسبوع , الأمهات عندنا ٢٤ ساعة مشرطنين الولد
بالنسبة لبنتك شلون تنظفينها مايحتاج قلفز , بالقطن تتنظف .. أنتِ مجهزه لبنتك مكان للتغيير ؟! ..
تجي مع عدة التغيير مَكان للقطن وَ مكان للموية , تغمسين القطن بالمويه وَ تمسحين وَ هكذا لأن القطن ناعم على جسم الطفل
وَ بعدين الشاور اليومي يفي بالغرض من ناحية النظافة الأكثر قوة , لكن لو الأم كل شوي بتستخدم أصابعها ممكن تنقل بكتيريا للطفل
يعني تقدرين تنظفين بنتك بدون ماتلمسين شيء , أنا مو خبيرة بالأمومه وَ الطفل لكن أمي كانت تَسوي كذا وَ علمت بنات عماتي على نفس الشيء ..
وَ يوم كبرت وَ شفت الأجانب نفس الشيء , أهم شيء بعد ماتخلصين تجففين المنطقه زَين لأن الرطوبه مو زينه ..
أتمنى أكون أفدتك ..
صباح الجمال
انا من الناس اللي ماكنت اهتم كثير بيديني واظافري الا بعد ماشفت جمال يديك غرت بصراحه
يصير اغار ؟؟ اللهم لاحسد يحفظهم ويحميهم يارب
ان شاء الله للحين متوفر المنتج
لأن انصدمت لما رحت الاسبوع الماضي ابشتري منتج ديور للأظافر قالولي مقطوع
يسلملي صباح عطره من جمالك
صَباح الحُب
ههههه بعتبر كلامك إطراء , وَ أي شخص عفكرة يقلك أنا بَغار أو أغار تراه ما يَغار , إنما يسعى لتطوير نفسه
وَ عنده حُب وَ تقدير لذاته كبير .. فلذلك يصرح بلي بَمخه طبعاً هذا تحليلي مَن خلال اللي صادفتهم بَحياتي
إللي يَغار يطالع مَن تحت وَ يسكت وَ كأنه ماشاف , اللي يتكلم التواجد مَعه مُريح ..
أخجلتم تَواضعنا
بخصوص مُنتج ديور تصدقين كثير بنات قالوا لي هالكلام , بالرغم للأسف متوفر بموقع سيفورا وَ أيضاً موقع ديور وَ لو مقطوع كان أزالوه من القائمة
وَ لكن أكيد مَوضوع الإنقطاع المقصود به غير متوفر لديهم , أنا أنصحك تروحين فرع مغمور راح تلقينه بكل سلاسه ..
جربي باريس جاليري شارع العليا العام لو أنتِ بالرياض , رواده أقل
بنتي كبيره عمرها ثلاث سنوات وانا الحين احاول اعودها على الحمام
بس اذا نامت البسها البامبرز ولو صحت وهي حاطه شي لازم اغسلها باالمويه ولازم البس قلفز لان مااقدر المس الوصخ مباشره بيدي
اكيد افدتيني جزاك الله خير
الله يَخليها لك وَ يحفظها من كل شَر ..
وَدي لو أفهم بأمور الأمومه أكثر كان أفدتك صَح بس كل إللي ببالي مُعتمد على ذاكرتي
وَ للأسف أصغر أخواني الفرق بيني وَ بينه مو هالكثر عَشان أتذكر ١٠٠٪ كيف كانت أمي تتصرف مَعه
بس بجد بجد أهتمي من الأن وَ أطلعي من الأن , المُحتوى العربي للأسف فيما يتعلق بالأمومه وَ الطفل مازالت المعلومات به ناقصه
وَ فيه أمور بسيطه مثل كذا تقريباً محداً يهتم يبحث عنها , بينما المحتوى الغربي كل شيء مَسويين له دليل إرشادي ..
إن شاء الله كيف تأكل السمكه , وَ زين ماسويتي بخصوص القلفز أشوفه فكرة نظيفه لأن هالسوالف بكتيريا شَديده وَ طفل عمره سنه يعتمد عالحليب
يختلف عن طفل عَمره ٣ سنوات أكله متنوع ..
مساء النقاء والجمال كجمالك
اذكر التعليقات ع اظافرك والتنظيف
يومها طلعت لي عصافير فوق راسي من الاسئله
عاد عن نفسي اعتبر هالشي خصوصي تنظفي بيدك باظافرك
بمنديل بماي مفروض مانسال هالسؤال
بس ماقصرتي جوابتي وبينتي وين الوع الي اشوفه في اغلب تعليقات الاظافر الطويله
وياشين شغل الصالونات
الحمد لله عمري ماسلمتهم شي من جسمي للتنظيف
الفضل يعود لربي ثم لك تعلمت من شرحك وتعمقت اكثر باليوتيوب وشريت لي العده كامله وحبه حبه حتى صرت اتقن لنفسي بدون اصابات وجروح
الله يسعدك ويفرح قلبك
مَساء المَحبه ..
عفكرة مو بس بهالمَوضوع بكثير شَغلات توصلني تعليقات تطلع عَصافير فَوق راسي
مره وَحده تقول لوحده وَ تحلف لها , إنها لما تفرك نص ليمونه على ركبتها يقل سواد الركبه وَ ينزل لون أسود
[ فيه أكثر من كذا تخلف !!! .. لأن السواد مُش عبارة عن لون أسود ] .. وَ تحلف وَ اللي بتقرأ لها بتصدقها لأن الحالف مُصدق
وَ هذيك مو كذابة لكن فكرتها غلط تملك تفكير بسيط لا أقل وَ لا أكثر
وَ حَتى فيه حساب كبير بالأنستا وَ مشهور هالحساب أنحط للطقطقه على الناس , الحساب بكبره راعيه عنده مُعتقدات هبله وَ تفشل نفس الشيء
وَ المشكله يطق طق عالناس وَ شايف محداً قده , إنت بنفسك يبيلك إعادة تأهيل ..
وَ بالنسبه لتعلمك إنتِ شخصيه تحبين تطورين من نفسك , يعني لَماحه لو تعلمتي شيء بسيط
راح تبحثين عن تكملة المعلومه , عَشان كذا تعلمتي , وَ عفكرة لو منك كثير أنا متأكده كل بنت راح تطور نفسها بدون ما تَحس ..
مســـا الحب يا سوس ♥
أرتوس لاحظت شغلة فمواضيع تدويناتج وهي أني كل ما أفكر بمنتج لمنطقة معينة ، اليوم الثاني أو نفس اليوم أشوفج كاتبه عنه .!
أنتي تقري أفاكاري ولا شو .! أحبج لأبعد الحدود ياختي :*
أيييه يا أرتوس ، شو نقول وشو نرك ، تدري أن في ناس نص وقتهم يضيع بس لأن همهم ينتقدون أو يبون يوصلون أنهم فهيمين ،
ومناك خرطي … النفس عدوها الجهل يا سوس ، صدقيني لو أشوي يبطلون هالجهل إللي فيهم كنا بخير وما شفنا مواقع التواصل
كل وحده فيهم تنتقد الثانية بغرض التحطيم أو النقص إللي فنفسهم أو الثقافة المنعدمه ، تدري أني أحيانا أقول حق أهلي أن هالعرب
التكنلوجيا حرام عليهم ، في ناس تقلب هالمواقع لشر أعوذ بالله ، المواقع الإجتماعية هي للتواصل الطيب بين الناس ومشاركة المعلومات …
يعني نفيد ونستفيد ، و مش شرط نكون كلنا على وجهة نظر وحده ، المهم نوايانا تكون صافية ، نحب و نحترم بعض ..
المهم يا سوس نرجع أشوي لموضوع الأظافر ، أنا عن نفسي عندي عدتي الخاصة وأسوي لعمري ، جربت من قبل بالصالون لكني
ما كنت راضية عن النتيجه مثل ما أكون راضية يوم أنا أسوي حق عمري ..
شكل ونظافة الأيد وااايد مُهمين ، أنا للأسف عندي حول الظفر اللون أشوي أغمق من لوني وهو سبب وراثي ..
ترطيب الأيدين وايد مُهمين ، أصلا أشوف أهم شي فالحياة هو الترطيب ، الجفاف أساس البلاوي .
أنتي بالنسبالي أجمل الجميلات ♥
جميلة من داخل و من برع ♥
الله لا يحرمنا منج سوس ♥
إحترامي لج أرتوس
♥
♥
♥
مَساء الحُب .. طبعاً مستحيل أشوف رد لك وَ أأجله لأنك غاليه عَلي ..
وَ حلو هالتخاطر بيني وَ بينك ..
وَ كلامك سليم البَشر شاغلين نفسهم بَمطالعة البَشر , وَ ليته يتعلمون من أخطاء الغير وَ يستفيدون من التَجارب الصائبة لأ
إنما مَضيعين حياتهم بَوظيفة الجلاد للأخرين , أنا بَمره فكرت إنه كل ما يَجيني إنتقاد قذر وَ أكتشف إللي مَنتقدني عَنده عَيوب أواجهه بهالعَيب بَوضع منشن له ..
بكذا راح يذوق من كلامه وَ يتأدب , بس عَقب قلت لأ بعطيه أكبر من حَجمه وَ بنفس الوقت بضيع من وقتي وَ أنا أطاردهم بس ياما شَفت ..
فعلاً ليت الكَل بنفس تَفكيرك كانت الحياه حَتكون غير صَدقيني ..
فيه طريقه ممكن تكون خطيره بتنظيف ما حَول الظفر , لكن لو ضبطت راح تقللين كثير من هالمُشكله وَ المشكله لو ماضبطت معك وَ جففت حول الظفر
ممكن تصابين بتكسر بالأظافر مَع زيادة سواد , لو حابه تعرفينها وَ مهتمه أرسلي لي عالدايركت بالأنستا راح أخبرك عنها بإذن الله ..
وَ الله لا يَحرمني من طَلتك ..
تسلميلي سوس على كلامج :*
وليت الناس كلهم مثلج ، كنا صرنا بألف خير
للأسف طرشتلج ع الإنستا لكن للأسف شكله ما وصلج ، إحتمال كبير المشكلة من عندي
لأني حاولت أطرش لأكثر من وحده عندي أجرب لكن نفس المشكلة
وااااااااايد مشكووورة لأنج كنتي حابين تفيديني أرتوس
قُبلاتي :*
♥
تمنيت لو ذكرتي افضل عدة للمنيكور
صَعب بكل مَوضوع وَ أنا أتكلم أقول أفضل عَده من هُنا
بيصير المَوضوع إشارات مَرجعيه مُش مَوضوع .. قد ما أقدر أحاول أطرح مَواضيع مُتنوعه ..
بنفس المَوضوع قلت ألبسوا قفازات , تَخيلي لو أكتب وَ أفضل قفازات أسمَها كذا
وَ أفضل غسالة صَحون من شركة كذا , تَحسينه بيكون مَوضوع منطقي ؟! ..
وَعدة المُونيكير تقصدين المُنتجات وَ لا الأدوات ؟! .. الموضوع مُش بهالبساطه
قصدي أدوات , لا القفازات سبق و كتبتي عنها بإسهاب محد راح يسال الا اللي مايتابع
أوَكيه نتكلم عَنه بالمواضيع القادمه بإذن الله ..
وَ يسلم لي المُتابع ماشاء الله حافظه القفازات .
ماني مستوعبه حكاية اليد والتنظيف والتعليقات الي جاتك
حاولت اتخيل ماش عجزت ، كيف ؟ طب هم مو مسلمين ؟ من أساسيات الإسلام النظافه في هالأمور ؟ اش القرف هذا ؟
ع العموم الف شكر لك وحبة راس فوقها ، لإن الي تسويه مش مجرد رأي عن منتج
تفيدينا مع كل تدوينه وعلى قولتك الحين فيه توجه كبير من البنات انهم يسوون كل شيء بنفسهم
وجودك في هالمرحله يساعد أكثر على التوعيه و على فهم المنتجات بعمق
االمشكله الي اواجهها وأشوف توجه البنات برضو مشابه الي هي : العنايه السطحيه
بما معناه نهتم بالظاهر ونغفل عن الداخل ، في تطور بطيء من هالناحيه لكن ان شاءالله
مع وجود مثل هالتدوينات تتفتح أذهاننا على أمور ونتعمق أكثر
شكراً لك
هههههههه حَبيت تَعليقك حَسيتك مَصدومه , كثير مُسلمين لكن الأخلاق أخلاق عَديمي التربية وَ الذوق ..
وَ يعني أكيد شايفه كثير من هالعَينات بالحياه مو أول مَرة ..
وَ شاكرة لك كلامك بَحقي , بالنسبة للمُحتوى العربي للأسف ناقص جداً جداً وَ مع تواجد المعلومات بالأنستا
صار الكل يسرق معلومات من الثاني , بس لو بحثتي بقوقل ماراح تلاقين أي مَعلومه وَ لو لقيتي بتكون مَجلات إلكترونيه وَ المجلات إلكترونيه أساساً مدفوع لها من قبل الشركات لطرح جَديد السوق
يعني المَوضوع تَجاري بَحت , العرب منجرفين وَراء المُتعه وَ يوم عن يوم نسبة القراء يتناقصون لين ينقرضون وَ هم فرحانين على خيبتهم ..
شاغلين نفسهم بالسب وَ بإنتقاص الأخرين وَ بالضحك وَ السخرية , قبل العناية السطحيه
مَحتاجين كورسات أخلاقية لنظافة النفس وَ إحترام الذات ..
نَورتيني
ارتوس جميلتي < 3 مرت اسبوعين متى تنزل تدوينة المنتج اللي للجسم متحمسه مره pP:
جالسه أجربه على صَديقه لي , عَشان أتأكد إن فَعلاً ملائم لي وَ لها وَ لكثير ..
هو مُنتج واحد فَقط لكن بُوم .. صَعب أحكم على مُنتج إنه حلو لأنه عَجبني بس ..
جربته على أخوي وَ علي وَ على أختي وَ صديقتي أتوقع كافي للحُكم على المُنتج
يعطيك العافية يابعدهم كلهم ياسراجي بينهم على قولة عبد المجيد عبدالله 3>
سبق وجربت المنتج وفعلاً حلو أعطى ليدي نضاره وصار حول الاظافر صافي اكثر مع ان ماعندي سواد قد ماهو لون بني خفيف مايل على اصفر ،. اثق بمنتجات لوكيستيان بقوه
بس مارجعت اخذه لاني اتنطط من منتج لمنتج وحالياً طايحه بمنتجات مافالا من كريمات الى مقويات أظافر رحت قشيت اغراضهم بدون تخطيط وبدون ماابحث بالنت وحاسه انها حلوه معاي بس من قريب قريت انها غنيه بالاسيد بنسب كبيره وحابه لو تتكلمين عنهم
شفت عندك مزيل المناكير حقهم وهو اللي استخدمه حالياً وعلى كلام الموظفه انه مايحتوي على اسيتون الا بكميه قليييله جداً بس انه خفيف مرره زي ماهو مكتوب ع العلبه وبالمرات اللي استخدمته فيها حسّيت انه حلو ماصدع لي الاظافر
بس بحكم استخدامي النادر للمناكير مو قادره احكم عليه زين ان ممكن مع كثرة الاستخدام يأذي الاظافر زي مزيل ابو ريالين وبرجوا ؟
حبي لك
يا زَين يا سَراجي , ترى هالكَلمه كبيرة جداً وَ معناها لَطيف
بالنسبة لمُنتجات مافالا حتى أكون صادقه مَعك ما أحبها أبداً , يمكن عشان قزاز المسؤول عَنها لكن أسعارها مُبالغ بها بالنسبة للنتائج
وَ معي مُزيل المناكير عفكرة مو حلو بس مَره أضطريت له وَ كان عالطريق وَ شريته , لكن opi أفضل مَنه ..
وَ بالنهايه أهم شيء إنه مَريحك , إذا ناسبك وَ مرتاحه عليه خلاص لا تَهتمين برأي الأخرين ..
نورتيني
شلتهم مرة بالصالون وبعدها تأدبت وأخذت درس شوهت لي أظافري .. والحمدلله بحثت عن الطريقة الصحيحة وتعلمتها واخدم نفسي بنفسي ولله الحمد ^_^
ماشاء الله عليك .. أحسن لك ..
أحب البنت الذهينه إللي تَخدم نفسها بَنفسها
السلام عليكم ارتوس قريت لك تدوينه عن كريم لتبييض اليدين من لوكستيان للاسف الكريم وقفوه يوفرونه هل له بديل وشكرا
لا ما وَقفوه للأن ينزل وَ نزل منه إصدار نسبة الحَمايه أعلى .. إنتِ بأي مَدينه ؟
انا في الخبر .. سوري عالرد المتأخر ❤
حاسه فيك نفس الكلام اللي يوصلني عن اظافري
كيف تتنظفين ، يع طولها مقرف ، أظافرك تعكس تربيتك ..
أنا يدي صغيره و نفس الشيء الاظافر
ف لازم اطولها عشان يدي م تصير بطة و قزمه .
بس أرتوس عندي سؤال : طبيعي يكون في فرق واضح بين باطن و ظهر اليد ؟ انا حنطيه لكن باطن يدي فاتتح و شبه وردي !
شكرا من قلب ع مجهودك ، تسلم يدينك حبيبة قلبي و قواك الله .
وَ الله ألفاظهم تَعكس تربيتهم ..
بالنسبه للفرق كل ما غمقت لون البشره كل ما وضح الفرق بشكل أكثر , وَ بتلاحظين هالشيء بالبشرة الأفريقية ..
بَس شيء طَبيعي يعني لا تَخافين مَنه ..
وَ العفو حبيبتي , نَورتيني
شكرا تووس
انا مهتمة كثير بالعناية باليدين والقدميين احس من يوم انا صغييرة تلفت انتباهي اليد الناعمة والجميلة بس عندي مشكلة ما أعرف ازيل الجلد الميت اللي حول الظفر حاولت اكثر من مرة بس يدي مو دقيقة واخاف اجرح نفسي عشان كدا اضطر اروح الصالون وبالنسبة للعناية مو شرط تكون اشياء غالية اشياء بسيطة معالاستمرار تفرق
تسلم يدك سوس ❤❤ .. صادقه قص الكيوتكل خطير ومايستهان فيه انا قبل كنت اروح للصالونات غير لطعه الانتظار والاسعار والتعامل السئ صح مو الكل بس الاغلب شغل مو مظبوووط ابد ابد ومره رحت للصالون وكانت اخر مره لي عندهم 2 من اصابع رجليني دم وبعدها صديد وحالتي حاله بلبس شراب وجزمه مااقدر يااني دعيت عليهم ياليت بس في رقابه تقش هالاشكال .. عموما صرت اسوي بالبيت صح مااعرف كثير بس احاول اسوي شي مايضرني وزي ماقالت mony *وصرت اسويهم بالبيت دايما حتى لو خبرتي موذاك الزود ع الاقل ماراح يكونون حريصين ع ايديني مثلي* وشكرا سووس على تعبك الله يعطيك الف عاافية ❤❤❤
اهلين ارتوس ..
يسعدلي قلبك يختي.. ماشاء الله عليك ما تتخلين قد ايش كلامك يأثر فيني وكثير من الجوانب الحياة تغيرت وتعلمت منك ، يعجبني تفكيرك ووعيك اللهم بارك .
بغيت أسالك عن أفضل ماركة توفر عدة مونيكير وبوديكير تكون أدواتها حادة وتعمر ؟
وشكراً على ما تقديمينه طرحك مميز دائماً
–
ماتوقعت تجيك تعليقات بهالشكل يعني اللي يشوف أظافرك يطيح بغرامهم
لأن باين نظيفين ما شاء الله !
ع فكرة لما فتحت أيبادي كنت حاطة صورة ليون وشافته خالتي
أول شي قالته ما شاء الله إيش هالنظافة …
أحس نظافتك تبين في صورك هالأسئله مدري كيف كتبوها ؟!
شكراً أرتوس على اللي تقدميه دايم أبي أرد وأخر شي أمسح ردي
مدري ليش أستحي كأني أكلمك وإنتي قدامي …
أنا أظافري أطولها وأهتم بنظافتها زمان بالمدرسه الأستاذة ماطلعتني
علشان أظافري طويلة قالت لي مسامحتك علشان نظافتهم
بس بعد ماقرأت مواضيعك عن الكيوتيكل وجربت ونظفت يدي حسيت بفرق
وما أدري كيف كانو يقولوا لي أظافرك نظيفه منطقة الظفر صارت نظيفة
فرق عن قبل حتى المناكير شكلها غير وتطلع مرتبه …
أول مرة جربت ما كنت متقنته بس كان عاجبني الفرق كل شوي أطالع يدي !
يعطيك العافيه أرتوس ❤
تصدقين ارتوس أنا ما اغير لولدي إلا بقلفز وكثير يستغربون ويقولون حرااااام تتقرفين من ولدك المسألة مو مساله قرف بس مو شي مستحب بالنسبه لي اغسله بأيدي … ولدي عمره سنه ونصف ولامره غسلته بدون قلفز ..
وحبيت اقول لك ع طريقه حلوه عشان أحافظ على ايديني مع شغل البيت أول شي احط كريمي المفضل وبعدها القفلز الطبي وبعدها القلفز الأصفر لأن الطبي بسهوله ينقطع مع المويه واخلص شغلى واشيل القلفز ويديني مرطبه وجميله …
يعطيك العافيه عالمواضيع المفيده
ما شاء الله عليك ارتوس احب تفكيرك وثقافتك
انتي صرتي محل اهتمامي انا واخواتي ننتظر لك
اي شي في الانستقرام
انا قد قريت لك في المدونه الاولى عن كريم اليدين لوكستيان وجربته كان
روعه وتغيرت يديني للافضل الحمد لله
بس المشكله انه انحرق اصبعي وصار خط طولي في الاصبع الاوسط *_*
اذا تعرفين كريم للحروق ممكن تدليني عليه
يسعدك ربي
مرحبا ارتوس
كلامك جدا منطقي انا شخصيا استفيد منه كثييير ومشكوره عليه الله يسعدك قد ماتعطي من جمال .. بس حاليا عندي مشكله برجولي سمررت مره مع شمس الصيف في بريطانيا وكانت مره حارقه الشمس وقوييه وكنت البس فلاتات وهالشي اثر على رجولي واصابيعي جربت اكثر من مقشر ومنتج بس مازال السمار الي من الشمس والي من الفلاتات لما تحك باصابعي لدرجه اني صرت اكره احط متاكير لانها تطلع كارثه ف لازم اهتم فيها اولا بعدين اجملها ): الحل ؟
العَفو حَبيبتي ,
لازم تَغيرين طريقة لبسك للأحذية بشكل عآم , نَوعي بين الفلاتات وَ الشوزات الصَيفيه المُلائمه ..
بالنسبة للمٌقشرات يمكن هي إللي زادت الطين بله , كأنك جَهزتي بشرتك للبرونزاج أو الحَرق المٌباشر
العيب مرات مو من الشَمس بس , العَيب من طريقة تَعاملنا مع الجلد
قلت لك غيري طريقة لبسك للشوز وَ أحرصي وَقت النوم تدهنين قَدمك بُمرطب مَع لبس جوارب مُخصصه للنوم
متأكده ماراح تَعدي شَهرين إلا وَ المُشكله زالت ..
يسععدك ربي ي ارتووس ،، مدونتكك لازم ادخلها و اقرا اكثر من مرهه انا من المهتمين ب الايدين و الاظافر مرره ،، بس بسألك هالمنتج وين ألقاه ؟؟
و يعطييك العافيه يارب ع كل ما تقدميينه ❤️
يعطيك الف عافيه لي فتره محتاره في منتج للكيوتيكل.. بقولك شي انا ماكنت احب الاظافر الطويله والمناكير بس من بعد ما شفت يدك وعنايتك باظافرك فعلا حسيتها قمة الانوثه وبديت اهتم باظافري والمشكله اكتشفت ان زوجي مغرم بالاظافر والمناكير لما شافها علي لاول مره من بعد زواجنا قبل اربع سنوات المهم انه شجعني عاد انا هنا انحرجت واسسستحيت على وجهي وصرت اهتم من قلب.. شفتي كيف غيرتيني واكيد فيه بنات غيري.. ياحبي لك يا آرتوس نادرا نلاقي احد بامانتك واخلاصك وحب الخير للغير..
عذرا للاطاله بس عندي استفسار انا اصابعي من النوع القصيره نوعا و اظافري مساحتها سعنطوطه يعني اذا قصيتها تجيك نتفه حتى البنات كانو يقولون لي جبيعه
يعني اش استايل الاظافر المناسب و اش الوان المناكير المناسبه للاصابع القصيره والاظافر الصغيره اللي على مربعه
ان شالله فهمتيني
ودمتي بحب
ياسلام عليك. من فتره جلسة مع قروب بنات
كانو يتكلمون با العنايه اللي استغربتته
على قد ماوصلنا لتطور وووو باقي مثل ماقلتي جهل
وعدم اهتمام تعلمت من امي من انا صغيره اي منتج
اكل او عنايه لازم أقراء الكلام اللي وراء واذا معه شرح او وصفه لازم اقرأها
اذا ماتوفر ادور بحث بنت عنه طبعن الوحده ماتعرف تقراء ايش يحتوي ايش المكونات بس تقراء الكلام اللي بالوجه
استغربت ليش كذا. كنا نتكلم عن الترطيب قلت بنسبه لي لما ابحث عن كريم ترطيب لازم تتوفر فيه مميزات مرطب لليد وفيه للاظافر ووو أ كثر من فايده احاول قدر الإمكان اذا مالقيت بنفس الكريم ادور مكملات لوه
قالت طيب انا ماحب أطولها وقرف ووو من ذا الكلام نفسي قمت وضربتها قسم المهم يرطب وبس
مشكلة مجتمعنا تقابل شخصيات تكره اليوم اللي اتكلمت عنده ولا نصحت فيه لكن طرحك جميل وكالعادة اقول انا من تربيتك ههههه من بناتك
ترعرعت
أبله آرتوس
اول تدوينة لك اتنح فيها .. تشككر
بداية تدوينتك أنا منجد بدأت اخبط رأسي بمطرقة – ايدي-
ع بالي والله تنظيف الحمام يعني تنظيف المكان نفسو مو انهم وصلو ل طريقة تنظيفك لنفسك .. ايش اللي ي هوا
أو خلاص تَنظفي بالطريقة إللي تَعجبك بس أسكتي لا تتباهين بَغبائك ..
أنا ترى ما دَريت إن فيه ناس لسى يحكحكون هالمَكان بأظافرهم إلا من الأنستا , يعني الله يَكرمكم فيه شيء إسمه مناديل
أوكيه مَره فضلاتك حآآآجه جامده فيه شيء إسمه راحة اليدين لو عَجزتي , أما أظافر
أنا صراحة ح ارضى بجهلي من ناحية العالم دول .. بس قريت كلمة حكحكة ام لايك وتتت ذا هكك
احح احس لساتني ف صدمة يعني اتوقعت حاجة عن الاظافر و اخق ع كم صورة من تصويرك م شاء لله عليك
كدا تصدميني ابله ارتوس
عموماً خلاص اتقرفت انا بس من ذكرك لكلامهم منجد الله يعينك
هههههههههههههه دحين ح اضحك اللهم لا شماته بس
بالنسبة لأظافر والعناية بها و شكلها أنا خلاص اتعقدت من اللي حولي ف سرت اسفهمم
انا اعتني بالاعتني بيه و مريحني وانتو خليكم ف حالكم .. المشكلة يعلقو ع شكل اظافر لما احط مناكير و كدا بعدين يجلسو يحلفو ع رأسي اني مسوية حاجه فيها مع اني الحمدلله م احس اتعب عليها عشان تبان غير ي دوبك عناية شهرية
اوك كدبت عليك .. انا لساتني مصدومة لول
ابله شكلو لازم تصدمينا كدا ف كل تدوينة لأنو دي أول مرا ارد عليك ف مدونتك دي .. مبروووكك حم
طيب ايش اسوي استحي ارد حتى لو ب شكراً
يسعدكك مو لأنك بتعبي نفسك عشان توصليلنا دا الكلام الحلو .. لأنك لساتك بتسوي الشيء اللي تحبي
مع اني عرفتك اول مرا من لما كنت قريب 13 سنة ههه بزرة ف منتدى شمواه كانت وصفة بلععية لول
و من وقتها دخلتي صميمات آلبي
be your self kitty
أبله kitty lol
طولت طولت و اتكلمت مكاوي زييييادة ع اللزوم ههه
تكلمي عن شلون تهتمين بأظافرك وكيف طريقتك في إزالة الجلد الميت و بتنظيفهم وقصهم وبردهم بجد محتجين موضيع زي كذا لين قليل الي يهتمون في موضوع الاظافر واغلبهم متكير وتركيب اظفار بس اهتمام وعنيه مافيه وشكرآ لك
بإذن الله ..
بيكون من أولوياتي وَ لا ما كان فَتحت قَسم خاص بالأظافر
حياك الله
يسعد صباحك أرتوس
شكراً بحجم الكون ع كل شيء قدمتيه دعيت لك كثير و جد اعجابي فيك يزيد اكثر
ما تتخيلين قد ايش اثرتي ، الحمد لله رجعت اهتم بيديني لي فترة و الحمد لله اظافري شكلها جميل جدا و مع المناكير و التوب كوت و البيس كوت اشتريتهم من بهد تدوينتك ، فالشكل جميل جدا
و اليوم اختي سالتني كيف عنايتك بيدينك !!
مع اني اشتغل بالبي لان حاليا الخدامة مسافرة ،و طول الوقت بالقفازات
امسح البيت و غسيل بالمطبخ و يديني الحمد لله ما تاثرت فالتنظيف و الشغل مو عائق و لا هو شماعة ، لان كثير مروا علي اذا شافوا يديني قالوا ما تشتغلين
احنا بالبيت كله كررف و حكموا اني ما اشتغل من مظهر يديني
نحتاج توعية و ربي
اتمنئ تدعين للوالدة تقوم بالسلامة ، فجاة دخلت المستشفى و العناية القلبية
و مثل المرحومة والدتك متوسطة بتلسن و سليمة و ذكرتك علئ طول
أسأل الله لوالدتك الفردوس الاعلى من الجنة
حَبيت إهتمامك بَنفسك ، الله يَديم عليك نَعمة العقل وَ حسن التَدبير
وَ يخلي لك خَواتك وَ احبابك ..
زَعلت وَش صاب أمك ، بس إن شاء الله تقوم منها بالسلامة .. الله يشفيها يارب
وَ أكيد بفرح لو سَمعت أخبار زينه عنها ، يارب يا كَريم
هههه مضحك اول التدوينه جدا كسبتي اجر فيني
المهم الله يسعدك في الدارين نادر مثلك بحرصه ع تزويدنا بهالمعلومات
الله عليك يا آرتوس اللللله
هههههه استغفر الله ضحكت كثير ،، ضحكة الصدمة حقت القرف 🙂 حنا بالقرن الواحد و العشرين معقولة الناس تستخدم اصابعها ؟؟؟؟؟؟؟؟؟؟؟؟؟؟؟؟
فيه مناديل عريضة خاصة بالحمام تنظفي فيها !!
ذكرني حكيك هذا بموقف لي ، بإستراحة مستاجرينها جمعة يعني المهم كنت بروح الحمام وكنت في حالة عسيرة شديدة إثر دردعة كميات وافرة من القهوة xd وجيت للجلسة فيها بعض الحريم و البنات اخذت مناديل كثيرة مافيه وقت كافي اركض لشنطتي 🙁 !
استوقفني رد وحدة يووه جتك العمة ؟ قلت لا ليه وعيوني تلوقط “بعد شوي كنا بنطب بالمسبح”
قلت : لا لي اتنظف بالحمام !
قالت : ليه مناديل ماتستعملين مويه ؟!
قلت : إلا أستعمل موية لاززم !!
قالت: ليه كل هالمناديل ؟
قلت عشان تكفي لجل انظف القذارة
ردت برد عجيب مازلت اذكره من لمن كنت بالثانوي ;O ” ليه مالك أصابع ؟ ” طيرت عيوني وعطيتها مقفاي لاني كنت على وشك اسوي على روحي
وبجلسة التأمل بالمسكارا بعد الحمام جلست أفكر بحكيها يالله وللآن افكر فيه !
تلاحظين تركت الموضوع الأساسي وجيت لتفصيل ماله دخل xD ؟
ياخي احبك في الله تجننين هههههههههههههههههههههههه
احب البنت الي تحب نفسها و تهتم احس انها تقدر ذاتها و تفيد غيرها ,
اما بخصوص طول الاظافر انا اطول اظافري و احبها يا كثر ما اسمع يع ليش تطولينها
واقول مالللللكم دخل يدي اصابعي اظافري مال ام احد دخل يطفشون الواحد بنفسه D:
وموضوعك جميل و اليد شي مرررررره مهم احس هي اول شي يبين على الواحد عمره او تخلي الواحد اكبر من عمره
انا جربت اقص الكيوتيكل مره بمركز تجميل و اااخ الله لايوريك احس سوتها وهي حاقده علي D:
وتبت ولا عاد سويتها لنفسي مره وحده قبل فتره يد وحده بس الي هي اليسار اليمين خفت لان ما عرفت باليسار اقصهم ههههههههههههههه
وما ابي احد يزينهن لي لان اخاف يوجعني ثم الطشه D: , بس فعلاً الي تقصينها حتى لو طلعت مره ثانيه تطلع بشكل مرتب
و الشكل يطلع لطيف .
يعطيك العافيه يارب وربي يسعدك ويحفظك من كل شر 3>
كيفك يا كل الجمال والحلا صباحك جميل مثلك ..
اول شي ابغى اشكرك من صميم صميم قلبي من جد شكككرررراااا ع مجهودك في توعيتنا وافادتنا رغم كل الللي يجيك ترا من جد سرت احسك مرشدتي او زي الابلة حقتي مو عارفة اعبر والله لكني احب ارجعلك دايما معجبة جدا بثقافتك ووعيك وتفكيرك والصراحة اعترف انا كنت انسانة مهملة لاظافري لانها دايما تتكسر بحكم نظام غذائي السيء لكن لمن شفت اظافرك اغرمت فيهم ماشاء الله ولمت نفسي على تقصيري واهمالي وبدات اتعلم كيف اعمل اظافري واهتم فيها لكن الله لايوريكي كمية التعليقات اللي جاتني خصوصا في المناسبات ليش اظافرك طويلة ويع ايش الاظافر دي ليه طويلة اظافرك من نظافتك ومن دا الكلام رغم ان اظافري طولها متوسط مو مرة لكن ابدددا مايرتاحو الا لمن انحت ابوها اغلب الناس ارد عليهم مالكم صلاح خلوكم في حالكم اظافري وانا مرتاحة معاها لكن المشكلة لو جاتني وحدة اكبر مني ولا قريبة ليا استحي اعطيها رد كده وانقهر لمن تعلق علي وتظهر تعابير مدري كيف قدام الناس كاني عاملة حاجة وسخة انا يديني صغيرة واصابعي قصيرة لو ما طولت اظافري شكل يدي يسير خاجة قزمة المهم اسفة طولت عليكي وفضفضت على راسك لكن احب اقلك استمري احنا مقدرين مجهودك ونشكرك بعمق واسفة ترا اذا لقيتيني ارد مرتين لاني احب اتجول في مدونتك وساعات اقرا الموضوع اكثر من مرة من كثر ماعو عاجبني وانسى اني رديت فيه <<<<اللي يقرا يقول تعليقاتي ياسلام هههههه وهيا كما القطارة
اهلينن ارتوس
حبيبتي من فضلك انتي سبق وتكلمتي عن الديرمارولر ؟؟
بليز تكلمي عنها مره قريت لك في تويتر تمدحينها تقولين تخلي الوجهه سراميك
+ اعطينا الموقع الي شتريتها منه