صَباح / مَساء الحُب
أعترف إني غشيمه بالمستحضرات الكورية ، مو بس بالمُستحضرات الكورية حتى بالثَقافة الكورية ، وَ كثير تجيني أسئلة عن منتجات كورية مسويه بوووووم بشرق أسيا وَ حتى بالعالم
وَ للأسف أنا آخر من يعلم بها ، بديت أكتشف المنتجات الأسيويه من اسفنجة الكونجاك ( للإطلاع إضغطي هُنا )
وَ من بعض التكنيكات إللي إنتشرت مُؤخراً مثل تكنيك ٤٢٤ ( للإطلاع إضغطي هُنا )
لكن مازلت أجهل كثير مِن مُنتجاتهم إللي لها خَط خاص بعيد تماماً عن المُنتجات الأوروبية
عالعَموم كوريا بدأ يذيع صيتها بقوة بِمجال التجميل وَ الكوريين مِن الشُعوب إللي يعشقون الكَياته وَ يحبون يكون شكلهم مِثل الدُولز
وَ يمكن يشاركون العَرب بشغلة ألا وَ هي : الهوس ببياض البشرة وَ بالذات يَعشقون البَشرة البُورسلانية
( عفكرة كثير من درجات الأساس الفاتحة مَثل درجة البيج بَيل وَ هي درجة البيج الشاحبة غير مُتوفرة بأوروبا تقريباً أفتح درجة بكريم الأساس ، لكن مَتوفرة بشرق أسيا )
وَ بصراحة كثير تجيني تقدمة لمُنتجات كورية أرفضها لأني ما أفهم فيها وَ لأن أغلب مُنتجاتهم مَكتوبه بالكوري فما أقدر أقرأ المُكونات وَ صعب أقرأ شي ما أفهمه
هالمُنتج ترددت شوي قَبل لا أقبله مو لشيء بس لأني مُو مُهتمه بتفتيح بشرتي وَ مُو عاشقه للستايل الكوري بالماكياج وَ بكشختهم ككل وَ أعتقد متابعايني المُخلصين فاهمين أسلوبي وَ ذوقي ..
لكن حمسني عليه كثرة أسئلة البنات عن شيء يفتح وَ حلول سهلة بَمُتناول الجَميع
وَ تذكرت شغلة قبل سنة تقريباً بحساب أحد أطباء الجلدية ـ مايحضرني إسمه ـ الظاهر طفش من أسئلة البنات له عن شيء يفتح !!
فقال : بما مَعناه ما أذكر الصِيغة إن أكثر مُنتج فاعل وَ يفتح البشرة بأمان هي منتجات تدهن على البشرة وَ تعطيه نتايج فورية وَ مؤقته
وَ ماكان مَذكور أي معلومه عن المنتج ، وَقتها أستغربت المَعلومه لأن ماسبق وَ سمعت عن شيء مِن هالنوع
بعد فترة بمُدونة عجايب كتبت ريفيو عن : سر بياض ممثلات كوريا
وَ هنا فهمت قصد الدكتور وَ قلت ليش لا يمكن أجربه لعل وَ عسى تجربتي تنفع البنات
لأن المُنتج كَفكرة مُميز بالنسبه لي وَ مادة جيدة للتدوين خاصة تعرفون حنا العَرب ما نحب البياض أبد لووووول
المنتجين من شركة سيكرت كي الكورية ( Secret Key )
من مجموعة سنو وايت
سنوايت تضم أكثر مِن مُنتج منها الحليبيه وَ منها لوشن وَ منها كريم وَ أعتقد فيه كريم للمناطق الحَميمه
ماعندي خلفيه كثير عن كل المَجموعة بس لما صلحت بحث طلعت لي مُنتجات كثير من نفس المجموعة وَ كلها بدون معلومات عن المنتج مجرد وصف بسيط بدون تفاصيل
الأكثر شعبية هو إللي جَربته بهالتدونية وَ تقدرون تصلحون بحث باليوتيوب بتلقون تجارب كثيرة له من بنات أغلبهم كوريات
المُنتجين / تَقدمه من MilkydressQ8
( للإطلاع عالحساب إضغطي هُنا )
المنتج الأول : Secret Key Snow White Milky Pack
ما أدري وَش أصنف المُنتج هو قوامه كريمي بس يغسل ، بين الحليب وَ الكريم وَ الماسك بس قوامه كريمي
مميزات المُنتج ~
• يُعطي نتايج فَورية
• يدوم حتى ١٠ ساعات
• يستخدم لجميع مناطق الجسم وَ يمكن إستخدامه على كامل الجسم
• يرطب البشرة
• يحتوي على فيتامين B3
خالي من:
– الملونات الصناعية
– الزيوت المعدنية
– البنزوفينون
– الفينكوسي إيثالون
طريقة الإستخدام ،’
مَكتوبه بالكوري مافهمت منه غير رقم ٢ وَ ٣ ههههه
لكن إطلعت على الريفيوز وَ كان فيه تباين بمُدة بقاء المنتج على البشرة
يوضع الكريم على المناطق المُراد تفتيحها ( على بشرة نظيفة ) وَ يترك من ٣ إلى ١٥ دقيقة
ثم يغسل بالماء بدون فرك وَ ينشف بالطبطبه
وَ هنا نَتيجته على بَشرتي
المنتج الثاني : Secret Key Snow White Milky Lotion
نفس المُنتج الأول لكنه لوشن تدهنيه وَ بس مثل أي مُرطب بدون ما تغسلينه
أسئلة مُهمة ~
– أيهما أفضل إللي ينغسل وَ الا إللي ما ينغسل ؟!
إثنينهم يعطون نفس النتيجة ٫ يعني شرائك لأي واحد فيهم يغنيك عَن الثاني
لكن شخصياً شفت إن اللي ينغسل مظهره طبيعي أكثر وَ أكثر نُعومه وَ سلاسه
– شلون هالمنتج قادر على تفتيح البشرة بهالسرعة ؟
بالنسبة لكريم التفتيح الفوري فيه مادة تٌسمى ( ثاني أكسيد التيتانيوم )
هالمادة عباره عن معدن موجود بالطبيعة يتم تنقيته وَ إستخدامه في مستحضرات التجميل ، تعطي المُستحضرات اللون الأبيض وَ القوام الغليظ
وَ هو عُنصر آمن ما تمتصه البشرة إنما يغلف البشرة وَ يعكس الضوء لذلك يستخدم في كريمات الوقاية من الشمس ما يحسس البَشرة حتى للي يعانون مِن الوردية
لذلك دايم تشوفون كريمات الوقاية من الشمس لونها فاتح أما على أبيض أو وردي وَ تُسمى بالسن بلوك الفيزيائي لأنه يكون طبقة عازلة وَ عاكسة لضوء الشمس
أيضاً المُنتج يحتوي على مادة فاعلة أخرى وَ هي :
فيتامين ( يسمى أيضاً النياسين، حمض النيكوتنيك ، النياسيناميد ، نياكيناميدي أو النيكوتينامد)
وَش فايدته للجلد ؟!
• مضاد لنشاط الأورام في الجلد وَ الحد من أضرار الشمس
• يجدد الجلد
• مضاد للشيخوخة وَ يُحسن من مظهر التجاعيد
• يمنع فُقدان الماء في الجلد وَ يزيد من طبقة الدهون الطبيعية في الجلد
• يعزز الدورة الدموية
• يقلل من تصبغات الجلد
• يحسن من مرونة الجلد
• يخفف من حب الشباب
• يحد مِن إلتهاب الجلد وَ الوردية
وَ هالمادة هي إللي تساعد على تفتيح البشرة على المدى البعيد
هالكلام مبني علي دراسة بِعام ٢٠٠٥ م على ٥٠ سيدة
كما يحتوي المُنتج على :
دايميثيكون مِثله مِثل أغلب كريمات الجسم المُرطبه وَ البريمرات إللي تقلل مِن مَظهر المسام وَ تعطي النعومة للجلد ، لكن تراكمها قد يسد المَسام
– كيف رائحة المُنتج وَ هل هو لزج أو ثقيل ؟
إحساسه نفس إحساس السن بلوك بس بدون قوام السن بلوك الدهني ، قوامه سلس وَ ينتشر بسرعة
وَ مُش دبق وَ لا ناشف ، وَ الرائحة بودرية على ريحة نيفيا مافيه أي ريحة مُزعجه
– كيف لونه عالبشرة وَ هل يليق بجميع أنواع البشرة ؟
شخصياً شفت كثير مشاهير مجربينه على بشرتهم وَ منهم الأبيض وَ منهم الأسمر وَ طالع طبيعي لكن عاد تعرفون الكاميرا ما تَنقل مثل الواقع
لكن طلته عالطبيعة نفس المُمثلات الكوريات بالضبط ١٠٠٪ ، نفس الحساب إللي قَدم لي المُنتج لو دخلتوا عليه مَنزل صور لتجارب ناس تقدرون تقيمونه أكثر لأن صَورتي مو كفايه ، كل بشره يعطيها مَظهر مُختلف
– أرتوس نخاف يكون شاحب أو يبقع أو يبين زي الغبار ؟
مايبين مثل الغبار أبداً ، وَ بالنسبة للشحوب أتوقع يعتمد على نوع البشرة وَ طراوة البشرة
شفتوا لو زينتوا سيلف تان على بشرة مو مرطبه وَ لا مسنفرة راح يصير السيلف تان مبقع ، أحس هالمُنتج نفس الشيء بحاجة لبشرة ملساء أو تسنفرت عالأقل وَ ترطبت زيييين ، يعني بشره مٌش حرشوفية بشره شبعانه ترطيب عشان يندمج الكريم صَح مع الجَسم هذا إللي لاحظته
وَ صحيح ما يَلزق وَ لا يبقع بالملابس ، وَ أشوفه فكرة حلوه للي حابه تجرب أو مَحتاجته يعني للمُناسبات
وَ إللي فَرحانه بلون بشرتها الله يَهنيها ، حلو يكون فيه خيارات واسعه بالسُوق محداً مكلوف على شيء
وَ عفكرة أثناء التجربة كنت مُستخدمه غسول بورجوا للجسم ( إللي يتابعني بالأنستا بيفهم قَصدي ) يجفف البشرة هالغسول من قلب
لو غسولكم ناعم وَ بشرتكم مرطبه مو مَجففه ، راح يعطيكم نتيجه أفضل من نيتجتي أو عالأقل نَتيجة مُرضية
– هل المُنتج يغنيك عن إستخدام واقي شمسي ؟
لا ما يَغنيك بالتأكيد
– هل نشتريه مَترددين ؟!
فرفري بالنَت وَ شوفي الصور هل درجة اللون تعجبك !! .. هل تحسينه بيخدمك ببعض المُناسبات هذا الشيء الوَحيد إللي مُمكن يحيرك
لكن من ناحية الضرر المَواد قدامكم مافيه أي شيء مُضر ، وَ لو مُضر المُنتج ماراح أطَرحه ..
عَفكرة مَثل ما تَجيني تَقدمة على هالمُنتجات ، تَوصلني تقدمة لزيوت من عطارة وَ وَ وَ يتم رفضهآ ، أي شيء غير مُصرح لا يتم عرضه بُمدونتي
وَ تبقى الفَروق الفردية بالمُنتجات شخص ما يفضل الريحه ، شخص يحس المُنتج غير مُريح ، لكن المُنتج مافيه لا كورتيزون وَ لا هيدروكينون وَ هالمَواد المُخيفة
الشَفافية ~
دائماً وَ أبداً لما أطرح أي شيء يتعلق بالبياض لازم يصير شَوشرة ، ماتوا إللي يبون البياض ( مافي شيء إسمه مات .. البيضاء ما بَتسمر عشان سَواد عيونك ) ..
وَ إللي تقلك شَخباري ؟! ، وَ مين قال أصلاً حنا نطرح هالمَواضيع عَشان حنا قُدآمى .. الطرح وَ السَوق عآوز كِده وَ إنتم عاوزين كده
الأن حتى رغباتكم تَوارونهآ ؟! خاصة بحسابي لازم المُمتعضات من بياض البشرة يا كَثرهم
مُحرك بحث قوقل يَجاوبكم على عَمليات البحث الصادرة ( كتبت تسمير البشرة وَ سمار وَ برونزاج )
جميع البحوث لم تَظهر لأن نتائج البحث غير كافية للعرض ..
يعني وَ ينكم يا مُحبين السمار وَ لا لازم نثبت لكم بعمليات البحث الحَقيقة ؟!
كُود مَنسوخ من قوقل بالإمكان الإستزادة بالدُخول للمَوقع أسفل الكُود
وَ أكتبوا كلمة بياض ، من ضَمن البحوث كلمة : البياض الصارخ وَ خلطات وَ كريمات للبياض الصارخ نتائج قوقل ما أقدر أعدل عليها شَخصياً هذي نتائج ثابته وَ النَسبة العظمى السعودية ، كتبت تان مُتصدرين القائمة إيران وَ الكويت وَ لا طلع البحث مخلوط مع لعبة تان تان برضو زَيادة نسبة البحوث من عام ٢٠٠٤ م حتى عام ٢٠١٥ م عن كلمة تبييض الجسم
( لكن برشح زيادة مُستخدمين الإنترنت كان له دَوره بزيادة النَسبة )
يا زَين الكوريين يحبون الفم المزموم وَ البياض ما يَنكرون هالشيء ، وَ لا يَوارون رَغباتهم
وَ أنا من هالمُنطلق بعد هالمَوضوع راح أبحث لكم عن مَواضيع لتسمير لون البشرة ..
لأن لاحظت إن الأغلبية يبي السَمار بناءً عالردود إللي وَصلتني بالأنستا
وَ أنا ألبي رَغبات مُتابعيني بالتأكيد وَش يحبون أحاول أكتب عَنه ، للتَسهيل وَ توفير عناء البحث وَ التجربة
أما السنو وايت الحَقيقي فَهو قطوي ( ليون )
صُورة من خلف الكَواليس
دُمتم بَحب
قبل شوية جنت ادور بالمدونة واكول شوكت ارتوس تنزل موضوع جديد
فررررحت حيل اني من اول الناس الي شفته ولو اعتقد لحقوني كثير هههههه
بالتوفيق حبيبتي اني متابعتج من قبل ٣سنين … اقرة الموضوع بتأني لاني قريته ع استعجال حتى ارد
لوف يووو
أنا أنَصدمت يوم شفت ردك .. إسم الله عليك أول وَحده ..
لوووف يو تو وَ أكيد تشرفني مُتابعتك ، نَورتيني يا فَرح إنتِ وَ الآكسنت مالج المُميز
وانا ايضا انصدمت اني اول وحدة هههههه
هالكريمات دتعمل ضجة واكو كريم اتصور ياباني اسمه VOOX اقارب زوجي اشتره لزواجها وقالت انه زين لكن جربته ع زوجها الي هو اسمر ايضاً لكن لونه قلب ع ازرق هههههه
محد يقتنع بنفسه … الابيض يدور سمار والاسمر يدور بياض …
لكن بشكل عام اشوف الي لونها ابيض تكون عدها المناطق الحساسة يمكن اغمق من لون بشرتها لكن مو بدرجة السمرا هالشي نقطة لصالحها
اما السمرة تستفاد من لون بشرتها انه تنخفي العيوب مثلا شعرة في شورابها نست تشيلها او حبة بسيطة
كانت صديقتي المقربة تقولي فرح انتي لان بيضة يبين عليج كولشي راسا .. يعني لو جيت يوم وكان اكو حبة بوجهي واضحة تكون بشكل خصوصا وماكنت استخدم للدوام كونسيلر وفاونديشن اكتفي بالترطيب والواقي ..
حالياً اشتريت كريم التان من باث اند بودي ورك وانتظر وقت اكون فارغة فيه حتى اسوي لنفسي تان ،، قريت انه لازم اقشر جسمي زين ومن ثم استخدمه وابقة فيه فترة من الوقت …
ارتوسة الجميلة ببالي كثير مواضيع اتمنى انك تطرحيها ..
ترهل الثدي خصوصا بعد الرضاعة والرياضات الي تنفع لشده او الافضل اللجوء للعمليات ؟
استخدام الزنجبيل لتصغير حجم الانف هل هو خُزعبلات ام لا
العناية بالشفاه لشفاه وردية جميلة …
وبالنهاية الله يوفقج ع العطاء اكثر واكثر …
باحجز مكاني لو رديت بالاخير احس كاني طالبه جالسه بزاويه الفصل ههههههه
صباحك ومساء نقاء
حمستيني رغم اني مو مهوسه بياض انا مهوسه ترطيب وليونه
عندي مناسبه بالاجازه الجايه دخل بمزاجي اجربه
سؤال صغير العبوه كم تكفي استخدام ؟
المنتجات الكوريه مااهتميت لها رغم ضجتها احساس بالخوف مثل المنتجات الصينيه وبالاخير طلعت ظالمتها يبي لنا ناخذ دوره للغه الكوريه
انا مو ضد التبيض النسبه بالبحث عاليه لكني ضد البلاوي الي يستخدموها والكريمات الي تنخلط وباقل من شهر الوحده تلق وتوزع وبعد فتره تشوفي الماساه حروق وتصبغات وترقق للبشره
يااختي نحف يديك ماشاء الله يجنن وتصويرك يفتن ويغري
ماقصرتي رغم انك مو بحاجته الا انك جربتي عشان متابعيك ربي يجازيك بالجنه في الاخره والسعاده والنعيم بالدنيا
ليون له وحشه المتغلي يخليه لك ربي
ودمتي بسعاده
لسا ماقرات لكن مرا شكرا والله لايحرمك الجنه والاجر واحنا معاك قلبآ وقالبآ
ي حظي اكتب تعليق وارتوس موجوده ❤️❤️.
مثل ما كتبت بالانتستا انا مش محبين المنتجات الحلبيه ..
م يهمني البياض اكثر يهمني توحيد اللون اعاني ببعض المناطق الغامقه ):
تصحبين على خير اردوسه ترااكتب لك التعليق بعين مغمضة وعين مفتوحة كرمالك رديت احين ❤️
واي ترا وحشششتيني والله ❤️
ي حظي اكتب تعليق وارتوس موجوده ❤️❤️.
مثل ما كتبت بالانتستا انا مش محبين المنتجات الحلبيه ..
م يهمني البياض اكثر يهمني توحيد اللون اعاني ببعض المناطق الغامقه ):
تصحبين على خير اردوسه ترااكتب لك التعليق بعين مغمضة وعين مفتوحة كرمالك رديت احين
واي ترا وحشششتيني والله
صادقه توسا خصوصا الاشخاص الي يقولون ماتوا الي يبحثون عن البياض وهم داخلهم هو الميت علشان تبيض بشرتها …عادي وين المشكله تحبين البياض او تحبين السمار البشر ألوانهم متنوعه ..
بالنسبه لي جربت المنتج الي ينغسل حلو ويبان طبيعي اكثر ع قولتك وضروري تكون البشره غنيه بالترطيب حتى يبان شكله اجمل وطبيعي اكثر مره استخدمته بعد ماكنت مسنفره بشرتي صار باين متقشر خطأ كبير هههههههههه
بعدها تعلمت انه ضروري تكون مسنفره ومرطبه حتى تبان نتيجه حلوه وطبيعيه
وشكرا يالزين ..أحبك
اسلوبك بالطرح جدا مقنع انا توى اتابعك قبل سنه تقريبامتحسفه ماعرفتك من اول ولكن بعد كل فتره اعيد اقراءكل مواضيع المدونه تغيرت كثير اقتنعت باشياء كثيره منها لون بشررتي مع اني كنت من مجبي البياض جدا ولكن تغيرت نظرتي للبياض اهم شي البشره تكون نظيفه وصحيه ومظهرها حميل ذا كافي بنطري
استفدت منك كيف اجعل لنفسي روتني بسيط للاهتمام بجمالي بالاشياء المتوفره لدي على حسب امكاناتي
اسفه بالاطاله
جزاك الله خيرا
لك شكر من القلب مايوفيك على عطائك اللا محدود
حبيت المنتج ونتيجته الفوريه هي الي تحمس
وبسألك عن منتج شبيه لمنشفه المكياج اول ماشفته قلت اخبرك عنه
اسمه glov
رابط الموقع http://www.glov.co/home
يعطيك الف عافيه ارتوس .. وصباحك سكر
انا لوني وسط لابيضا ولا سمرا .. جربت اتنتن وتبعت خطواتك وطلع حلو بس احس ملامحي شانت حييل .. وصرت ابي افتح وارجع لوني او ازيد عليه درجتين خصوصا ان عندي مناسبه قريب ..
وبغض النظر عن درجة اللون احس النضاره هي المهمه .. اثق بذوقك جدا فوق ماتتصورين
الله يسعدك ارتوس ويجزاك الجنه يارب
صباح الخير
كنت متحميه للتدوينه والحمدلله لحقت عليها قبل النوم
اي شي تكتبي عنه ارتوسه اثقه فيها ثقه تامه
بالنسبه لمنتج اليوم انا من الناس المتردده ف التجربه ?
صباح الخير
كنت متحمسه للتدوينه والحمدلله لحقت عليها قبل النوم
اي شي تكتبي عنه ارتوسه اثقه فيها ثقه تامه
بالنسبه لمنتج اليوم انا من الناس المتردده ف التجربه ?
تسلم يدك ع التدوينه ، اردوسه انا احب البياض ومتابعتكي من ايام حسابك القديم ومنتظره اليوم اللي تكتبي فيه تدوينه عن البياض والجسم الصافي والموحد بلييز ارتوس مالنا ذنب انك تحرمينا من معلوماتك الثمينه بسبب البنات اللي يحبو السمار 🙁
هلا بالزيييييييييينه والله وفيتي ياعرقوبتنا بوعدك
حبي لك هههههه / بس تاكدي انتِ ثقه اي منتج بدون مانقرا المواد ناخذه على طوووووول ..
وشسمه انا مابي هالكريم ابي السنو وايت الحقيقي ابو اذان ورديه هههههههههههههههه $ حبيبتا
يسعد قلبك ارتوس ، انا اسوي ليزر للشعر تتوقعين لو استخدم هالمنتج راح يتعارض مع الليزر ؟ حابه استخدمه في المناسبات بس ..
صباح البياض
ياشيخه الله يسعدك بجد هالكريم حاجه حلوه كثر مااشفته وﻻ مره لقيت له بال بس بعد تجربتك اكيد بجيبه ب اقرب وقت
البياض احبه ومثلي مثل الكوريين واللي ماتحبه تمزح لووول
اما المعترضين على البياض ﻻنوا بياضك اسم الله ف بيقولوا كذا
لو كنتي سمرا ذموا السمار
ياكثرهم حقين الذبذبات السلبيه نظام ﻻتنبسطين بنفسك ترا مانتي حلوه
هههههههههههههه بجد اكثر فصيله مدري وين بيوصلون
يازينه السنوايت الحقيقي قلوووب لك ولا
دطمتي بيضاء اللون والقلب ♡
لك وله *
ودمتي * تصحيح ^_^
انا اهتم واهتم عشان احصل على نقاء وصفاء لبشرتي احبها تكون رويانه صحة ومجتهده فيها
حبيت فكرة الكريم انا من الناس اللي تؤيد شراء من منتجات سواء صينيه يابانيه كوريه ولي تجارب مع منتجات صينيه اذهلتني بس للاسف مافي توصيل لازم اسافر عشان اشتري من منتجاتهم
توسا ان شاء الله شفتي ردي عن منتجات كوتاج متوفرة بوايتس حبيبتي مو بوتس شوفي فروعها وتلاقيه
وآلف شكر على طرحك ياليت تتكلمي عن منتجعات تعطي نقاء ولمعه للبشره ?
معليش بس في سؤال بما انه يحمي من اضرار الشمس فهل عادي اني احطه وانا طالعه النهار موب دوام بس تعرض للشمس بشكل خفيف
عاد انا رديت اني مو مهووسة بالبياض ♥ :. انا لون بشرتي بيضاء مائلة للحنطي اكثر يعني ممكن اغمق من لونك بدرجه او درجتين يعني راضيه بلوني وعلى اني اموت باللي يحطون تان بس مع الاسف ماناسبني احس تتغير ملامحي معه 🙁 .. غير انه عندي انحراف بسيط بخشمي والتان يزيد هالانحراف ممكن يضبط لو اسوي عمليه .. بالنسبة للبياض الكوري ما حبيته يعني احب البياض اللي ع سنحة شرقيه مو البياض البارد الاوربي و لا البياض الاصفر الاسيوي .. انا حبيت لونك الاول اكثر♥ بس اظن هالمنتج كثير بيحبونه .. يعني انا اشوف مو المشكلة في درجة لونك الاهم منها توحيد لون جسمك لو صار لون واحد بيصير بيرفكت وش ماكانت درجتك .. ماقصرتي ارتوس كفيتي ووفيتي
هالمنتج شفته وعجبني بس ماقكرا أخذه ، منتجات التبييض
مبتعده عنها لما كنت بأول متوسط شريت منتج تبييض ولما شافته أمي
قالت لي إن منتجات التبييض تسبب تصبغات وتلعب بالميلامين بالجسم
من يومها وأنا أتخيل نفسي مبقعه ف رضيت بلوني ماني سمرا بس
مو بيضا عاد عاجبني بياض أمي كأنها لبنانيه كنت أطمح للونها.
لكن بطلت أدور على شي يفتح ، بما إنه آمن وبما إني إني متحرشفه
حالياً بشتريه بعد ماأخلص علاج البشره إن شاء الله .
ينفع لبعض المناسبات وينفع لي لأني أحب الكوريين وأشكالهم .
تسلمي أرتوس ع التدوينه 3<
ياصباح القشطة ?
بالنسبة لي أفضل يكون لون البشرة صحّي ونظر بدون صفار أو بهتان .. ودائما ما أستغني عنه بسبب فقر الدم ونقص بعض الفيتامينات اللّي مسبب شحوب لبشرتي وأتوقع ما رح أستغني عنّه يعطي ورادة صحيّة للجسم
دمتي بحب ?
صباح االجمال والبشره المشرقه النضره طبعا مااقصد بشرة الكوريات لووووول
ياجمالك ياسوس حريصه ع متابعاتك رغم ان الاغلبيه اشوف مازالت تبحث عن البياض البياض هذا الي اشوفه بشمواه حتى
المنتج صدمني طلع خالي من الكورتزون الي كنت متوقعه ان فيه نسبه جد يطلع منهم هالكوريين ان الاحظ بمسلسلاتهم اوقات
تطلع اشكالهم كنها دمى من شده البياض وتحسينهم مايهتمون بالمكياج قد اهتمامهم باللون حده روج بس
يمكن بيوم اشتريه اجربه اشوف كيف شكلي واانا كوريه خخخخخ
بوسيلي ليون دماله السنوايت
حبيت تدوينك مافيه اي مبالفه زي بعض البلوقرز عن هالمنتج
شكرا انتي بكفه والبلوقرز كله بكقه ثانيه
قلووووب من هينا لغرقتك
ويوم ممتع وسعيد ان شاءالله
احسن مافيه للمناسبات والله
افضل من تجي وحدهه كوكتيل الوجه
صارخ من الكريم الاساس والجسم مسمر
هذا يحل المشكله يعطي لون واحد
فوق كذا يرطب وخالي من المواد الضاره
وش نبغى احسن من كذا
افدااااكك * قُبله *
احلى شي صورة من خلف الكواليس
الله يخليه لك
،،
يسعد صباحك يا حبيبتنا …
بالنسبة للمنتج .. صراحة .. آنا ما احب هذا النوع من التغيير ..
احب اهتم بترطيب بشرتي واحاول اوحد لوني قد ما اقدر .. مصررة على ان بشرتي تكون في اجمل صورة .. بلوني الاساسي .. وبنفس الوقت استشعر ان لوني الاساسي جميل ومميز ..
من كثر ما اعزز لنفسي انعكس ذا الشي عاللي حولي وصرت اسمع كلمات الاطراء على لوني (حتى من اللي بشراتهم بيضا) هههههه .. السبب هو اقتناعي بذاتي .. وحتى اهتمامي مو ماثر على نفسيتي او مآزمني الحمدلله .. اطمح للافضل وهذا ما يعني اني غير راضية عن وضعي الحالي ..
ضحكت لما شفت الاحصائيات اللي حطيتيها .. ههههههههه تقتليني لما تسوي كذا ههههههههههه
مساكين والله .. كلنا ضحايا لمقاييس مضروبة ..
من فترة شفت تعليق بالانستقرام لذكر كاتب ان الشباب يبحثوا عن البيضا على اساس المنطقة الحميمية تكون بيضا وكذا على عكس البنت السمرا بتكون سودا
عاد ودي اشوف صدمتهم بعد الزواج .. اعرف كثير بنات بشرتهم بيضا لكن متأزمين من مشكلة السواد
شطحت شطحة جامدة ويمكن حومت كبدك ههههههههههه
اسفة
المهم اني ندمت على اخر نقطة مالها داعي .. اذا انا نفسي حامت كبدي .. هههههه ماقدرت احذف الرد ارتوس بليز اذا مريتي من هنا اعملي معروف واحذفيه ..
يسعد صباحك ارتوس، اشتقنا يا حلو والله اشتقناا ♥ ♥ ♥ ♥ ♥ ♥
اتمنى ان اختباراتك و امورك كلها تمام و اخر الغيبات ان شاء الله ♥ ♥ ♥
حلوه بالحالتين توسه ♥ ♥ القالب غالب عالاكيد ♥ ♥
فقرة الشفافيه لحالها تُدرس! يحبون البياض و لو كابروا لول
لي رجعه برد مطول بس ما حبيت امر بدون ما اعلق
يخلي لنا اياكي
بسم الله عليك ملمة بكل الجوانب وطرحك دائما مميز ?
لابد نحترم اراء واذواق بعض واكيد في كثير محتاجينة
والنقد يكون بحدود الادب ولا يتجاوزة ..
مثل م نفرح بطرح منتج يناسبنا اكيد نفرح لغيرنا
ونقدر اختلاف الاراء والاذواق
والاهم نقدر جهدك وعطاءك
يسعدك ربي ??
ي صبآح الفل
من هذي التدوينه آرسل سلامي للكورين ي زينهم احب بشراتهم واحب اشكالهم اللي توحي بالنظافة
آما هالمنتج خطير والله ما هم هينين ذا الكوريين حلو لللي تبيه ويكون عندها مناسبه حل سريع إن شاءالله يعجب اللي يبون البياض اما انا الحمد للله لوني حابته فما اتوقع بجرب هالمنتج الا اذا جاني هوس البياض هههههههههههه
شفته كثير ها لمنتج لكن ما عندي ثقة بالمنتجات الآسيوية !
آخر وحدة توقعتها تكتب عنه انتي لووووووول
حبك للتنويع و التجديد جذاب
سؤال : ينفع لتحت الإبط و المناطق الحساسة ؟
شكرا ي حب
يسعدك ربي على كل شي تسويه وتتعبي فيه عشاننا ياقلبي ماشاءالله قبل كل شي علم وثقافه وفهم لكل شي انسانه تحترم وتقدر فاهمه فكل شي وتحاولي تفهمي الاشيا الجديده .. قاريه المدونه على عجله بس كل تدوينه ياتوسه والله العظيم اني اطلع فيها بكم هائل من معلومات سواا ثرثره او غيرو وتشرحي شرح مفصل ودقيق آليه العمل مثلا او المكونات محد يشرح غيرك ترا ود احلاا شي يخليني ستمتع بالنسبه للمنتج ممكن اكون تعرفت عليه ويمكن افيد غيري بس برضو لازم الواحج يحب لون لان كل شي يزيد عن حدو يقلب ضدو ماشاءالله لونك وبشرتك ونقاوتها تجنن لآخر شي عطائك ماله حدود ياتوسه .. ربي يسعدك ويحفظك وين ماكنتي قلوووووووووووووووووووووووووب
تحمست اجربه وكيد عذالك حبيبي ههههههههه اما بخصوص ردود البنات والله من الغبن الي بقلوبهم الي تبي تكون هي البيضا المميزه او الي محتفظه بالمناج لنفسها وتتستر عليه احس قلوبهم تنحرق حريم بعيد عنك
السلام عليكم ورحمة الله وبركاته
جزآك الله خير على ذكر تجربتك بخصوص هذا الكريم ، كنت أفكر أشتريه من فترة ..
بس حبيت أستفسر ، هدفي الأساسي من شراءه هو أن عندي مناطق غامقة بجسمي
وَ أبغى يتوحد اللون مع الوقت .. فهل يقدم الكريم هذا الشيء ؟ ولا هو زي الكونسيلر وغيره مجرد تغطيه مؤقته ؟
وحشني التدوين والله ،، تركت كل شي ورحت لأيدينك ههههههه بسم الله عليك كل اللونين تليق بك و أصلاً لونك حلو ، يبيله لو أشتريه و ألبس مايوه عشان أخق ع نفسي لوووول بس حبيته في منتج زيه ماذكر شسمه بس صحبتي أخذت منه وتقول جسمها صار رمادي يمكن لأنها سمرا ؟ المهم ان شاءالله أجربه عاد كل الثقه لك إنتي مخصوص ❤️❤️
واخيييرا قدرت افتح المدونة اشتقت للتدوين وسوالفك ??
هوس التبييض بصراحة مابعرف ليش هالاد بحبو البياض مع انو بحس عادي والسمار الو جمالو …
بصراحة عندي فضول جرب المنتج وكيف اغسل ويبقى مع اني بيضا فاتحة مابعرف كيف ممكن يطلع علي ??
هلا هلا عاد انا اعشق الكوريّين عليهم كياته يدنون ?? ان شاء الله اجربوه ??
يسعد صباحك ..النت عندي مزفت وصايرة ماأشوف تدويناتك الا متأخر?بس شدتني بعض تعليقات البنات اللي امتعضت?واحسن شي جبتي الدليل ان الشعب لازال يهتم بالبياض درجة أولى…. أهل كوريا انصدمت انهم يحبون البياض الشاحب وماعرفت هالشي الا من حنان النجادة قبل شهر اتوقع يحبون الفاتح بدرجة فظيعة حتى بعض شركات المكياج يوفرون لهم الدرجة الأفتح ولاتتواجد هالدرجات الا عندهم ??شفت تدوينة عجايب عن الكريم والنتيجة كانت بيرفكت رغم اني شفت كثير بالإنستا سبوه وقالوا يقلبهن رمادي ? هالمنتج حبيت أجربه جذبتني كلمة حليبي?وش ورانا الكوريين مب أحسن مننا …يعطيك العافية وربي يكتب لك على كل حرف حسنة ويجعله بموازين أعمالك وتذكري دائماً الشخص الناجح الا مايواجه اعداء حقوده هذا رد على كم تعليق شفته بالإنستا
فديت السنووايت الحقيقي ??
بالعكس انا بنظري البياض اجمل عن اللي يحبون السمار والتان ..
والتان حلو بوقته اذا رايحه لمالديف او جزر تعمليه هناك خصًا جو المالديف الاستوائي يساعد ..
وعن الكريم وقوامه فهمت عليك اهم شي ما يدهن وانا بشتري الاثنين كلهم حلوين اعرف موقع كوري يبيعه واسعاره رخيصه ومنتجاته ي كثرها من تخلص ..
عاد ذكرتيني بالسن بلوك فعلا في براندات لما احطها تخليني سنو واايت مره بيضا والاجمل اللون الطبيعي طبعًا لانه كان مبيض بزياده هههه ..
مشكوره ع الطرح الدقيق المفصل ما قصرتي ودايمًا تبهرينا بمنتجات ما جربناها وحمستينا ع تجربتها ..
مشكوره ي الغلا ??
صراحة انصدمت ان فيه أشياء زي كذا .. ممكن سؤال : كم مدته أقصد كم يقعد أثره ويروح ؟
شكراً عالطرح والمفيد جداً..
(نبيب سلسللة الروتين الجمالي تنزل )
دمتي بوّد
الله يسسعدك يا توسة دنيا و اخره ، دائما تبحثين على الافضل وتساعدين الكل
و تجربين كثير شغلات عشان تفيدين الجميع ??
بعد ما قرأت موضوعك استفدت كالعادة اكيييد ، بس في شغلات نبهتيني عليها من خلال موضوعك و طرحك الجمميل ??
صراحة كلمات الشكر لن تفيك حقك ، الله يرزقك سعادة الدارين ???
موضوع جميل بس الحق ينقال البياض والتفتيح شي شبه مستحيل وما اعرف هوس العرب والاسيويين فيه اهم شي توحيد لون البشرة مو تفتيحها .. اصلا التبييض الكامل مايصير غير بالبهاق .. مستحيييل شخص اسمر او حنطي يتحول لابيض لو استخدم كل المنتجات بالعالم 🙁 اشوف لو كل شخص اهتم بثقته وحب نفسه ولونه بيرتاح من المشاكل النفسية ..
وبخصوص الاسيويين اصلا هم فاتحين قريبين للبيض منتجاتهم خاصة ببشرتهم مو بشرة الشرق الاوسطيين النشطة
والله شي يحزن اوشف بنت جميلة وبشرة اجمل مع كذا مو عاجبها لازم تبيض وتشحب غصب
تكملة للتعليق وقبل محد يهاجمني انا برضو ما احب التسمير والتان كل واحد مفروض يحب بشرته :))
وبخصوص البنات اللي يرفضون هالتبيض والخلطات اشوفه بداية خيرة لان الحين بعد ماتفهمت الناس كل واحد صار يحب نفسه ومقتنع بخلقته
ارتوس حسيتك و انتي تكتبين معصبه من التعليقات و و مؤمنة إنهم يوارون رغباتهم
الحقيقية ,
يمكن غفلتي عن نقطة إن متابعاتك مختلفات
و هالشيء المفروض يفرحك ,
لإن ما اعتقد يخفى على أحد نوعية الناس الي لقيتي نتايج بحثهم هائلة
و فيهم هوس البياض
نظام حقين عالم حواء هم الفئة الغالبة فيهم
متابعاتك أشيك و أرقى ذوقاً من ذلك ,
حتى الي ذوقها يميل للون الأبيض تلاقين
أسلوبهم بالبحث أكثر منظقية من بياض صارخ ما صارخ
دايم أتخيل المهووسات بهالأمور متزوجات و عندهم خمس
بزران بأعمار متقاربة و مهملات وريحتهم حلبه وفجأة بعد النفاس
الخامس حست إن البياض هو المفتاح السحري الي
بيعلق سي السيد فيها فتجيك تسأل هالنوع من الأسئلة
بصراحة كنت اشوف النتج من زمان بس كنت متخوفة منه واللي يسوون له دعاية من المشاهير كانو يصورون قبل وبعد و اسم المتجر وانه يبيض ! بس !!! اما انتي لا كفيتي ووفيتي وشرحتي كل شي حتى المواد لا إله إلا الله 3> .. بصراحة انا مو مهووسة بالتبييض مثلك وراضية عن لوني الحمدلله .. بس حسيت وجوده حلو خصوصا بالمناسبات احيانا لون الفستان احس ينفع معه بشرة بيضاء .. وبعض الاماكن الغامقة مثل الركب (( المعاناة 🙁 .. )) بس الحمدلله جالسة تححسن الركب والاكواع عندي بس بشكل بطييء .. وما شاء الله ما حمسنا ع التجربة الا صورة يدينك حبيت عليك النتيجة ولو اني احسك من اول بيضاء لوووول .. المنتجات الكورية كثيرة وسعرها بمتناول الكل بس ما تاخذ حقها بالشهرة والتسويق وممكن بعضها خربوطية .. بس بعضها شي خرااافي وتستحق ان الواحد يجربها .. العائق الوحيد ممكن اللغة لووول .. مرررة شكرا ع التدوينة و على وقتك اللي اخذناه منك عشان تجربين لنا هالتجربة الخطيرة 🙂
انا نفسج من ناحية المنتجات الكوريه .. احسها العاب =))
بس تدرين شنو اللي بيصير او بالأصح صار !
الحين كل وحده بشرتها بيضا , قالوا لها اكككككككككيد مستخدمه هذا
اكييييييييييييد حاطه هالمنتج هههههههه والله صارت ><
حلو المنتج لمحبين البياض حتى و ان كان مؤقت …
مشكوره
رائعه ارنوسه يبغالي اشتريه واجربه ربي يسعد قلبك
ياحبيبتي ارتوسةً
يعطيك الف الف عافيه
مساء الخير ارتوس انا من متابعاتك القديمات بدأت متابعتك و انا بسن 18 و حاليا انا 22 و لازلت استفيد منك, اعتبرك قدوة لانك شخصية
تلتزم باقوالها و افعالها تعلمت منها المثابرة و الاهتمام بالتفاصيل و جودة الطرح و اشياء كثير استفدت منها بحياتي اليومية و بمشاريعي القادمة, يكفي شجاعتك و استمرارك بالتدوين كل هالسنين 3> 3>
بالنسبة للمنتجات الكورية حسيت من اغلب التعليقات ان الاغلب ما يعرف منها , اللي يميزها افكارها غير و غريبة يعني توجه الماركات الكورية يختلف تماما عن الماركات الاوربية و الامريكية ,
بالنسبة لحاجز اللغة احس ما عاد يفرق ,حاليا صار في كثير ريفيوهات عن ماركات كورية من مدونات و يوتيوبرز مختلفة بمختلف اللغات,
حتى اليوتيبرز الكوريات صاروا يضيفون خيار الترجمة الإنجليزية لما رأوه من كثرة المتابعين و اللي يبون يعرفون .
اقترح عليك عدد من القنوات باليوتيوب متميزة و صادقة بطرح المعلومة:
wishtrendTV قناة تابعة لشركة ميك اب و منتجات عناية مثل سيفورا , تقدم اعلانات عن منتجاتها بشكل دوري غير عن مواضيعها الاجتماعية و الخاصة بطرح الثقافة الكورية ( تقدم باللغة الانجليزية )
insiteTV قناة حسب علمي تابعة لقناة بالتلفزيون تعرض برامج عن الرياضة و العناية بالجسد و البشرة حسب الثقافة الكورية
beautifymeeh يوتيوبر كورية اهتماماتها عن الميك اب و العناية بالبشرة تتكلم باللغة الانجليزية
ChoNunMigookSaram (ذا ما لهو علاقة بالميك اب ) بنت امريكية حسب ظني عايشة بكوريا و تصور فيديوهات عن اراءها بكوريا و
عن مواقفها هناك, ممتعة شخصيتها و مضحكة
Daddoa 다또아 بيوتي يوتيوبر كوية تتكلم بالكورية و مترجمة فيديوهاتها بالانقلش
lamuqe برضو بيوتي يوتيوبر كوية تتكلم بالكورية و مترجمة بعض فيديوهاتها بالانقلش
PONY Makeup ميك اب ارتيست مترجمة اغلبية فيديوهاتها بالانقلش
oiseau88 قناة منوعة ميك اب ريفيوهات و فلوقات
تقريبا هذول افضل القنوات الكورية اللي اعرفها ,اتمنى تستفيدين منها لو مهتمة فيها , لكن انصحك تعطينها فرصة و جربي تتعرفين على ثقافتهم و شخصياتهم و توجههم قبل تجربين منتجاتهم ,
شكرا ارتوس اتحتيلي الفرصة اعبر عن رأيي و شكرا لمصداقيتك و حبك لمتابعاتك 3>
حَبيبتي إيمان ..
يعطيك ألف ألف ألف عافية ، ماقصرتي يالغالية بهالإضافة الثَمينة راح تَفيديني بالتأكيد بحال إحتجت أدون عن شيء كُوري ..
وَ إن شاء الله تكون أيامك مَليئة بالإنجازات ، وَكلامك على صَغر سنك بقمة الإتزان وَ الرُقي ..
نَورتيني
عوداً حميداً أرتوس ، اشتقنا والله
سمعت قبل فترة من وحده نتائج إستخدامها لموية الورد ، تحط منه شويه على قارورة مويه وتشرب كل يوم قارورة موية مخلوطة بموية الورد
تقول انو لاحظت تحسن في بشرتها وشعرها ورائحة جسمها وحتى انو هالاتها السوداء اختفت ، حاولت ابحث في الموضوع أكثر قبل ما أجرب ، بس حصلت ناس تنصح من شربه لانه في الأخير مادة عطرية وناس تنصح فيه بشدة
وكالعادة أنا انتظر رأيك وأتمنى تتكلمين عنه قريب ، لانه فعلاً انت متميزة في البحث وأمينه في النقل
وبالتوفيق يارب 3>
???
انا من عشاق البياض و لوني فاتح تقريبا بس بالصور ابان ابيض بكثير ف هالشي يرضي غروري هههههه ..
التان احبه على غيري بس ما اعتقد اني راح اجربه ..
و يعطيك الف عافية ارتوس ع التجربة و الطرح الثري .. حبيت الكريم و فكرته !
منتنة ❤️
ممتنة * ??
شكرا ارتوسه على الموضوع الجميل عندي استفسار هل استخدامه اليومي صحيح يبيض البشرة او فقط مثله مثل المكياج مؤقت
وعندي كمان سؤال بشرتي شاحبه والحمد لله خاليه من الحبوب بس فيه بالانف بثور وحبوب صغيرة بيضا على شكل فراشه واستفدت من الدفرين جل ربي يسعدك من يوم قلتي عليه جربته بس تركته من فترة عشان المكياج
سؤالي هل لو استخدمت كريم مبيض خطر على البشرة وبعد فترة يغمق لوني اكثر زي مابسمع او لا وكم اقصى مدة لاستخدام الكريمات المبيضه وايش تنصحي من كريم بشرتي جافه بس الانف فيه بثورربي يسعدك
يعطيك العافيه توسا يبقى هالمنتج خيار جميل وحلو للباحثين عن البياض والحلو فيه انو مو مضرر .. ودي وحبي لك ارتوس .
يوم كنت اشوفه قبل كنت اقول اكييد مكوناته شي فيها ولا كيف بيبيض جيه … وااو عيبتني الترجمة 1-2 هههههه
صدق هالسبب اللي كان مخوفني ما اعرف المكونات لانها بالكوري طبعا…لكن يوم انتي كتبتي عنه خلاص اكيد انه
زين … ودي اجربه بس انا حkطيه ما اعرف كيف بيطلع عليه ان شاء الله يظبط
صباح الجمال /
المنتج خفيف و جميل كمكياج مؤقت..و راح يظهر على البشرة المعتناة بشكل جذاب (المرطبة) ..حسيت أنو ما راح يناسب البشرة السمرا (مجرد تخمين)..إذا توفر المنتج في بلدي أكيد راح جربو
أنا من عشاق النظارة..حتى لو البشرة بيضاء و كانت مهملة ماراح تكون جذابة
فكرني الكريم بعروس حضرت حفل زواجها ..العروس كانت سمراء و يوم طلت علينا شفنا واحدة ثانية..قلت لقريبتي “مين هذي”..قالت ” العروس” ..و أنا قلت بس العروس سمرا مو بيضا زي الأشباح…ههههههههه..كان الكل يبحلق مو مصدق
طلعت العروس طالية جسمها بفونديشن من الراس للقدم ما تركت مكان..و المصيبة لون الفونديشن أفتح منها بملايييين المرات”مجاز” اللون كان يناسب الأروبيات و ماناسبها بالمرة و مع الوقت لاحظت أنو لونها بدأ يصير رمادي ..المهم كانت الطلة مطنعة جــــــــــدا ..رغم أنو العروس حلوة و جميلة بس هي الحركة خربت طلتها..و الله العروس انشهرت و صارت تظرب بها الأمثال ههههه”شر البلية ما يضحك”
حبي لك
يسلمو اعجبني الطرح
بس تعرفي ممكن البعض يكون الوضع ملخبط عندهم فهم يبغوا يوحدوا لون بشرتهم فيبحثون عن طريقة للتبييض حتى يوصلون لدرجة بشرتهم.
غريبه ارتوس تطرقتي لهالمنتج☺️
سبق وجربته لاول مره اخذ شي كوري
بشرتي بيضاء لكن بذاك الوقت كانت
تميل للصفار?فقلت خليني اجرب وفعلا
طلع مو كويس
حسيته معطي لون فيك مو حقيقي ابداً
رغم ان بشرتي بيضاء لكن يمكن لانها حرشوفيه على قولتك ههههه?عجبني المصطلح