صَباح / مَساء أحلى صَيفية
[ ههههههه صَراحة هالسنة الصيف يَروع ، الله يرحمنا بَرحمته ] ..
تذكرون لما قلت لكم بأيام جلسات الليزر وَدي أتنتن ههههههه ، جد مع إني مو من عشاق التان أبداً وَ البركة في العينات المقلية إللي نشوفها بالحياة ، وَ خاصه أنا من النوع إذا شفت الناس هابين وَ معلقين على شي أكرهه وَ أعتزله لا شعورياً .
بس ما أدري لما إمتنعت من الشمس بجلسات الليزر دخل في مزاجي تان الشمس وَ لا طلع من بالي ، قلت مابدهاش وَ الله ما أخليها حسرة بقلبي وَ بجربه من جَديد ، مع إني من الناس إللي يتحسس وجههم من الحر ، وَ بعز الصيف وَ الشموس قررت أسوي تان
وَ بعد ماشاركت البنات صورة التان أعلاه بالأنستآ ، كثير طلب مني أعلمهم الطريقة وَ المنتجات ، وَ البعض طبعاً قالي ما تنتنتي مرة هههههههههه شكلهم يبوني أنحمص
وَ عفكرة هذي مَو أول مَرة أسوي تان شمسي ( آوت دور تان ) ، لَكن أول مرة أحرص إني أكَتسب لون ..
يعني لو كنت طالعة لشاليه وَ بتعرض لَشمس أفضل أتعرض لشَمس حلوة ، وَ كنت أستخدم بنانا بوت جايبته لي صَديقتي من البحرين وَ مع ذلك ما كان يَمسك ، مَن حقه لأن فترة يوم أو يَومين لإكتساب سُمرة ما تَضبط وَ النتيجة إحمرار بالجلد لا أكثر
عموماً حبيت النتيجة إللي وصلت لها خاصة إني أحب هالنوع مِن التان ..
ذوقي بالتان ~
قبل بعرض لكم ذوقي بالتان ، أميل للتان إللي يعطي سَحنة ذهبية على شوية إحمرار ، سواء كان سن لس ( سيلف تان ) تان أو تان شمس أو ماكياج ، كل الطرق تؤدي الى روما بس أهم شي النتيجة .
شَوفوا الصَور بالأسفل مَثل ذَوقي ، وَ عفكرة كلهم مُو بهالبياض ، كلهم لهم عَروق لاتينية فيهم طَخة سمار وَ مع ذلك ما سَوا هالتان المحروق
جيسيكا آلبا | Jessica Alba
شاكيرا | Shakira
جنيفر لوبيز | Jennifer Lopez
ههههه رَكزوا على أظافرها تَجنن هالآدمية وَ الشوز عَظمة على عَظمة يا سِت
وَ بطة الساق وَ كم عَمرها جَميلتي ؟! ٤٥ سَنة وَ ما قالت الكَعب وَ ما الكَعب ، إنها اللياقة يا سادة
أدريانا ليما | Adriana Lima
لَو تسلفني لون عيونها بَكون أسعد لووووووول ( ما شاء الله )
جيزيل بونديشن مَع نيمار |Gisele Bundchen with Neymar
وَ أكره أكره التان المبالغ فيه، إللي يوحي إن البشرة باهته وَ محروقة مثل العَينات بالأسفل
عَفكرة مُش أنا إللي كاتبة Not Hot ، الصَور إللي مُش من تَصويري أجَمعها بالمُدونة بدون تحريف لحفظ الحَقوق
أكيد دار ببالكم ليش هالبنات مهوسات بهالبرونز بالرغم إنه مشوههم ، الدعوة يا طويلات العُمر هو الهياط ، يس الهياط حتى عند الأجانب يمكن البعض إتخذه موضه لكن بداياته كانت لإدعاء إنك من طبقة راقية وَ راعية سفر وَ حركات
تاريخ التان ~
خلونا نشوف تاريخ التان بشكل مختصر
زمان كان البياض هو رقم واحد عند الأوربيين وَ الأمريكيان طبعاً وَ مايحتاج أقول عندنا بعد لووووووووووول
كان كل ما كنت أبيض أو بالأصح أزرق يعني إنت هاي وَ من طبقة راقية وَ إبن عز ، لأن الأغنياء كانوا مايطلعون بالشمس وَ إن طلعوا كانوا يلبسون قبعات وَ مظلات ، حتى بالبيوت كان البعض مايفتح الستاير عشان لا يسمر ، إذا كنت أسمر بهذاك الوقت يعني إنت فقير لأن الفقراء كانوا يشتغلون بالحقول وَ بالخدمه .
وَ لدرجة هوس الغرب بالبياض كان سكان روما القديمة وَ اليونان يستخدمون الرصاص لتفتيح بشرتهم وَ كان الكثير يفطس بسبب التسمم بالرصاص ، وَ بعد فترة إتجة الناس للزرنيخ لدرجة تسمووا حرفياً وَ صابهم الشحوب من هالهوس ، أحس مازال عندنا الهوس إللي عندهم
وَ ظل هالهوس مستمر مئات السنين لين بعهد الملكة إليزابيث صاروا يبالغون بدهن وجيههم بالمساحيق لدرجة كانوا يرسمون خطوط زرقاء رفيعه على وجيههم يعني إن بشرتهم فاتحه جداً وَ شفافه ، طبعاً إزدهر بذيك الفترة سوق القبعات وَ المظلات
لين جاء زمن الثورة الصناعية وَ صار كثير من العمال يشتغلون بمناطق مغلقة يعني ماعادوا سمر مثل أول ، وَ صار فيه شبه توعيه لأهمية الشمس للقضاء على الأمراض إللي إشتهرت بهالفترة وَ إللي عانى منها الكثير ، فإتجه الأثرياء لحمامات الشمس ، فإشتهرت البشرة السمراء عند الأغنياء
وَ ضرب التان أكثر لما عُرضت صورة لكوكو شانيل وَ بشرتها مسمرة بعد قضاء عطلة في جنوب فرنسا
فضرب سوق التان بغير قصد من شانيل ، وَ الله هالكوكو راعية صراعات في أغلب الأمور بذاك الوقت
فتلقائياً القبعات صارت للموضة فقط يعني مو بالضرورة تحمي من الشمس ، وَ الملابس تخشلعت شوي ، هذا بالإضافة صار موضة الرحلات الخارجية وَ إنتشرت موضة التصييف ..
بعام 1940 م صار فيه منتجات للشمس وَ إشتهر المايوه لين وصل البكيني بأواخر الـ أربعينات بَمطلع الخمسينات ، عام 1950م
وَ حتى التان صار دارج بالبرد وَ كانوا يسافرون بالشتاء لمناطق دافئة عشان يسمرون ، أيضاً للهياط يعني يقول أنا أسمر بعز الشتاء يعني أنا سافرت
[ الهياط الظاهر يجري بعروق الناس كلهم مُش مَثل ما نَتوقع إننا أكثر الشعوب هياطاً كل البَشر واحد ]
بعام 1970م موضة التان إكتسحت المَجلات وَ الجرايد وَ الإعلام وَ الإعلانات وَ سوقوا له الفنانين وَ أدمنوه ، وَ من الفنانات إللي إشتهروا ببشرتهم البرونزية فرح فاوست
بعد الفترة هذه بـ ٣٠ سنة زادت التَوعية عن مخاطر الشمس ، وَ بدأ التسويق لأسرة التسمير ( سولاريوم تان ) إدعوا أنه أقل أضرار وَ أكثر سهولة بالتحكم بالطاقات وَ الدرجات بينما على العَكس تماماً ، زادت نسبة سرطان الجلد أكثر من قبل
طريقتي بالتسمير من خلال الشمس | Sun Tan = Outdoor Tanning
نبدأ بطريقتي بالتان ، على فكرة أنا من النوع إللي صرت أخاف من الشمس من كثر التحذيرات إللي أسمع عنها ، زمان يمكن لما كنت بالمتوسط كنت مُدمنة شمس مو لأني أحب البرونز إنما لأني أحب الشمس وَ إحساسها وَ كنت متعودة عليها ، لدرجة إحترقت من الشمس كان أثر الساعه مبين فرق بينه وَ بين باقي جسمي ، وَ الحمد لله إني أدركت بذيك الفترة وَ كنت أستخدم واقي من الشمس ..
وَ مع إن مَوضوعنا هو التان ، لكن أحب أنبهكم إن التان عبر الشمس مو شي صحي أبداً ، وَ يعجل بشيخوخة البشرة وَ يزيد التصبغ ، بس العنيد مافي شي يقنعه بالإبتعاد عن الشمس ، لكن حبيت أنوه عن هالشيء مَن باب الأمانة ، مَو يعني أنا سَويته يَعني هو الأصح لكن شيء بَنفسي وَ ليش لأ ماراح تَقتلني التَجربة وَ توثيقها لَكم
نبذة بَسيطة عن السن بلوك ،’
البنات إللي يتابعوني سواء يداومون بالصباح للمدرسة أو أي دوام بالنهار ، ضروري تحطون واقي من الشمس حتى لو كانت الشمس عبر حجاب مثل قزاز السيارة ، خص نص البنات إللي يسوقون طبعاً هالكلام للبنات خارج السعوديه ، أيضاً البنات إللي يصيفون برى خاصة دول شرق أسيا وَ حتى أوروبا أو حتى بالمنتجعات وَ الشاليهات ، مهم ماتنسون واقي الشمس لكم وَ لأطفالكم
وَ مايهم أي ماركة تاخذون منها الواقي الشمسي أهم شي يكون مكتوب عليه برود سبيكتروم يعني يحمي من الأشعة الفوق بنفسجية UVA \ UVB
باقي التفاضل بيكون شي خاص بذوقكم الريحة إللي تحبونها وَ الململس بعد ، مَرة وحدة قالت لي وَش تستخدمين من واقي لأشعة الشَمس بذيك الفترة ، وصفت لها واقي من أشعة الشمس من شانيل وَ قريب بَسوي ريفيو عنه وَ قلت لها ترى يَمكن ما يَعجبك لأن فيه لون ، راحت وَ أشترته لأنها شافت صَورته بريفيو عَندي مَرصوص بالتسريحة وَ قالت تَورطت خلى وَجهي رمادي أزرق
[ ضَحكتني بالرَغم إني قلت لها لكن ما سَمعت الكلام ، يالله حَبيبتي مَعوضة إن شاء الله وَ أنتبهي دائماً لتفاصيل الكلام ]
الواقي إللي تشوفونه موجود بالصيدليات اخذته من النهدي ريحته على برتقال ، مرطب وَ سريع الامتصاص ، سهل المد ، ماله لون أبداً
وَ أي واقي شمسي للجسم تقدرون تستخدمونه لوجه إذا بشرتكم تستحمل ، أنا بشرتي دهنية ما أقدر أستخدم أي شيء على وجهي .
وَ لازم السن بلوك يكون نسبة الحمايه فيه ١٥٪ وَ طالع ، وكل مازادت نسبة الحماية زادت نسبة الترطيب وَ زادت الوقاية بشكل بسيط
إللي بشرتهم حساسة يستخدمون أنواع مخصصة للبشرة الحساسة ، أو يستخدمون أنواع مخصصة للأطفال .
وَ فيه أنواع لازم تستخدمونها قبل التعرض للشمس بـ ٢٠ دقيقة
وَ للمعلوميه لازم تتقيدون بتاريخ الصلاحية المكتوب على العلبه ، لانه يفقد فعاليته بعد إنقضاء الفترة المحددة ، أيضاً لاتعرضونه للشمس يفسده وَ يفقده فعاليته ، يعني لو كنت بالبحر حطيه ببراده لاتعرضينه لشمس مباشرة .
هذي نبذة صغيرة عن السن بلوك ، وعلى فكرة تقدرون تسوون تان فيه مو شرط منتجتات خاصه بالتان ، بس راح يطول معكم وخذوا نسبة 15 % مو أكثر لان كل مازادت الحمايه قل إلتقاط اللون وَ أخذ فترة أطول
مُلاحظة ،’
أدري كثير مَنكم راح ينصدم يقول شلون نَحط سن بلوك وَ نسمر ( واقي شمسي ) ، هذي الفكرة الغلط الكثير يتوقع إنه لو حط سن بلوك ماراح يَسمر
لا راح تَسمرون ، اللهم سمار بدون أضرار ، بدون تصبغات ، بدون حرق ، بدون كلف ، سمار يسهل إزالته مُو سمار يلزق ما يَروح وَ ينمش وَ يبقع ، بالإضافة راح يَعطي بشرتكم لَون حلو ، وَ إللي يسافرون وَ يقولون وَ الله سمرنا وَ للأن ماسك فينا اللون لأن بإختصار إنتم عبالكم شَمس الدول الإسكندنافية باردة تَمشون تحتها وَ ما تخليكم توخرون من تحتها ، بينما الأشعة واصلة وَاصلة ، شمسنا بالوطن العربي وَ السعودية حارقة ، من حرارتها تَخليك تبتعد قبل لا تَحترق يعني فيه إشعار وَ تنبيه بالإحتراق
المُنتجات المُستخدمة بالتان ،’
الأفضل تشربون جزر وَ المأكولات إللي تساعد على إبراز التان ، فيه مكملات لهالشيء ، بس أنا من الناس إللي أشرب عصير جزر دائماً لكن كثرت الكمية بهالفترة ، وَ الأفضل تبدون قبل لا تتشمسون بفترة أقلها إسبوعين .
أحرصوا على ترطيب بشرتكم دائماً وَ خص نص قبل التعرض للشمس بفترة
١- Ocean Potion Dark Tanning OIL زيت تان بخاخ بزيت الجزر وَ جوز الهند
٢- Ocean Potion Dark Tanning Lotion بالصبار وَ فيتامين E
٣- Ocean Potion Aloe Gel جل مبرد بالصبار بعد التعرض للشمس
أماكن التَوفر : صيدلية النهدي وَ أتوقع يتوفر بصيدليات آخرى كذلك
الخطوات ~
قبل بيوم من التان سنفرت جسمي بسكروب القهوة
وَ بيوم التان أخذت شاور وَ قبل الشاور إستخدمت السنفرة الجافه [ الدراي بروشينق ] وَ خذت شاور عادي بالليفه االبف مع صابون خفيف مرطب .
ثم دهنت كريم التان ( اللوشن ) على كامل جسمي ، طبعاً نسبة الحماية 6 في كريم التسمير يعني أقل من الموصى بها ، لأن جسمي ماراح يلقط اللون ، لذلك الأماكن اللي أخاف إنها تجف أو تتأثر بالشمس دهنتها للحماية بسن بلوك بنسبة حماية ٧٠ SPF إللي هو باللون الأصفر أعلى الصورة
دهنته على ركبي وَ أكواعي ، وَ كفوف اليد وَ الثنايا ، والاماكن مثل الاكتاف اللي تلقط الحرارة بسرعه وَ تحترق ، وَ الوجه وَ الرقبه إستخدمت فيهم سن بلوك أيضاً بنسبة حماية ٧٠ SPF
– ليش إستخدمت الوشن مو الزيت ؟
صراحه خفت إن البخاخ مايغطي بالشكل المطلوب ، فخليت الزيت لتجديد الوقاية بس ، بينما ينفع كل شيء يستخدم لوحده
– لبست ملابس صُغننة ( ماراح أحدد يا وَيلي وَ يلاه مَنكم ) لكن حرصت ما يَكون فيه ستراب ( يعني بدون سيور )
عشان ما أبي حدود للستيان تبين وَ تعدم الشكل وَ أصير مخططه مثل حمار الوحش ، وَ عبيت لي مطارة موية باردة
– ما لبست نظارة عشان مايطلع لي مظهر النظارة بس طول الوقت غمضت عيوني وَ أخذت غطى لوجهي شفاف معي وَ غطيت شعري
وَ ماقدر أوصفل كم كمية الطفش إللي حسيت فيه ، ثاني أمل تجربة فحياتي بعد تجربة الليزر ، لأن سويتها بالبيت وَ ما معي أحد يتنتن ، جلست بالحوش مثل اللحم المقدد وَ سويت اجواء ينقال ع الشاطئ بس ماش مافي مثل الشاطئ
فترة التشمس إستمرت معي 45 دقيقة مازدتها أكثر بأول يَوم لاني ما إستحملت الشمس وَ فوق هذا كله هذا هُو الوقت المُحدد للون بَشرتي من المُفترض لجميع البشرات حتى ما يَتجاوز التان ساعة كاملة
المرة الأولى ،’
جَلست تحت الشمس من الساعة 7 وَنص حتى الساعة 8 وَ ربع ، الفتره اللي يكون فيها الجو بارد نوعاً ما وَ الشمس لطيفة .
وَ كل 3 دقايق أتقلب عشان ما أحترق من الشمس بمكان واحد بس ، طبعاً عدت بالأويل تاننق ، عَشان خفت إنه ينمسح مع التَقلب الكثير
بعد ما خلصت أخذت لي دش بارد بالماء بس وَ دهنت جل الصبار ،منعش للغايه وَ نمت ، وَ كنت فرحانة حسيت إني سَمرت لأن بشرتي وَقتها صارت حَمراء قلت بَس مسك
قَمت وَ أقول لأهل البيت هآآه بَشروآ ؟! قالوا نَبشر على وَش !! هههههههآي ما بين شيء
المرة الثانية ،’
جلست تحت الشمس من لساعة 4 وَنص العصر للساعة 5 وَ نص العصر وَ جلست منسدحة برضو بس هالمرة جلست أكلم صديقتي بالمُوبايل
وَ مر الوقت لأن ما أبي أحط نَظارة وَ نفس الشيء أتقلب كل 3 دَقايق وَ أشفط بهالماء شَربت كثير كثير مَدري كَم ، وَ لما رجعت ما تحممت حطيت جل فقط فوقه
لأن قلت يَمكن الشاور يَطفي السمار ( هههههههه ماله عَلاقة ) ، عُموماً ما تَحممت ، النتيجة كأنك راجعة من الدوام مُرهقة مافي سَمار أبداً اللهم إحمرار
المرة الثالثة ،’
تقريباً ما كان مر أكثر من 24 ساعة وَ هالشيء غلط ، مُفترض أباعد شَوي لكن كُنت مَستعجلة عَندي مُشوار مهم بالأيام الجاية وَ أبي ألقط اللون بَسرعة
وَ جلست برضو ساعة الصباح وَ بدأ وقتها اللون يبشر بالخَير وَ سويت نفس الخطوات إللي فَوق
المَرة الرابعة ،’
كررتها العصر لكن 45 دَقيقة وَ نفس الشيء أتقلب بكل الخطوات كل 3 دَقايق عَشان اللون يكون متناسق وَ النتيجة
أنا مُجربة كثير للسلف تان ، السلف تان حَلو وَ خطير وَ صديقي لازم أخليه حَلو
لكن للأمانة فيه شيء مُختلف بالشكل وَ الملامح مع التان الصَدزي، حسيت مَلامحي حادة أكثر ، لا تَجي وَحدة تقولي يَمكنك فَطسه
لأ خشمي طَويل وَ نحيف وَ ملامحي دقيقة ، لكن فيه حدة غريبة وَ فيه لمعة حلوة بالجسم عالأكتاف وَ السيقان وَ اليدين ، حتى أعلى الخشم وَ الوجنات فيها إحمرار
لكن ركزوا بَهالصَورة ، بتلاحظون فيه مثل الطبقة وَ هي إللي تعطي اللمعة وَ سر التان كله ، لكن هي ردة فَعل الجسم الدفاعية ضَد الشمس ..
يعني لما الجسم يتأذى من الشَمس هذي ردة فعله ، يبدأ يصبغ عشان يحمي نفسه من الأشعة الضارة
طبعاً التان ماراح يبين من مُجرد يدين ، راح يبين بلوك مُتكامل من الألوان الفاقعة وَ تصفيفة الشعر المُلائمة وَ لون الشعر المُساعد للوك وَ أكيد الماكياج المُتناسق
وَ بيبرز أكثر بالأكتاف وَ السيقان وَ الوجه وَ ركزوا بالفنانات أعلآه
أسئلة قَد تخطر عالبآل ~
– ما الأوقات المُناسبة للتسمير بالشمس ؟
مابين الساعة 7 و النص صباحاً حتى الساعة 10 وَنص صباحاً
من ثم ما بين الساعة 4 ونص عصراً حتى الغروب لوووول يعني لين تبدأ الشمس تختفي ، بغير هالأوقات الشمس تكون عمودية وَ ضارة ، على أن لا تَزيد نسبة التشمس أكثر من ساعة ، وَ كل ما غمقت البشرة كل ما أستحملت فترة أطول تحت الشمس
– أرتوس متى اللون يروح ؟
حسب نسبة الميلانين بالجَسم ، لكن جل الصبار يحافظ على بقاء اللون أكثر بحيث ما يتقشر التان
لكن أتوقع 14 يوم وَ بيزول اللون ، أنا مو من النوع إللي يمسك فيني التان ، عشان يَمسك بقوة لازم بالإسبوع مرة تجددينه عالأقل
– أقدر أستخدم البيبي أويل ؟
للأسف كثير تقول خير بدل ما أشتري زيت التان بشتري بيبي أويل نفسه نفسه
لا يا قلبي البيبي أويل من مشتقات البترول ، زيت بترولي يحرق ، بينما زيت التان خالي من مُشتقات البترول كله زيوت طبيعية
– هل راح تكررين التَجربة ؟
راح أكررها لو مَعي ونيس ههههههههه ، وَ لو كُنت ببحر عالأقل فيه مُتعة وَ لا مَفر من الشَمس لكن عمداً لأ
بنفس الوقت حلوة وَ تستحق التجربة حتى لو مَرة بالحياة ، لكن ما نَنسى إن سلامة الجلد مُهمة .. لكن لو إنتِ رايحة شاليه طبيعي راح تتعرضين للشمس
اللهم ماراح أرهق نفسي وَ أسويها بمثل طريقتي السريعة وَ المجنونة شَوي ، مَفروض يكون فيه راحة لكن خفت إن اللون ما يَمسك فحاولت أثبته
سألت أخوي الصغير لأنه مَن مُدمنين الشمس ، ضَحك علي قال لو تَحجين ما بيمسك التان يبيلك فترات طويلة جداً جداً عشان التان يثبت بجسمك عالأقل شهر
أما كذا بيزول بسرعة ، عاد بتشوفون إذا مع الأيام إذا راح أو ما راح ، لكن حَبيته جداً
مٌلاحظة ،’
راجعوا موضوع التقشير ( للإطلاع إضغطي هُنا ) راح أعدل بنفس المَوضوع وَ أضيف أسئلتكم مَع الأجوبة بالمَوضوع نفسه ، يعني قبل كلمة دُمتم بَحب بتلاقونها وَ دي أرد عالجَميع بهذاك المَوضوع لكن الوقت ما يَسعفني ، بما أنه صادفتني مُناسبات فما قَدرت ألحق هالمَرة ، فأجاوب أفضل من عَدم الجَواب وَ أسعدت أكيد بَكلماتكم الرائعة ، أحبكم
دُمتم بَحب
ههه كل شوي احدث الصفحه ، متحمسه للتان الارتوسي
لازم الواحد ياخذ اجازه عشان يتابع تدويناتك ويتوافق مع وقتك ، الله يسعدك والتان عليك ينطق جمال الله يحرسك ياجميله
بس قررت انام ولاصحيت اشوف التنتنه على اصولها , ورد من هنا لعندك
ماشاء الله ابدعتي
من زمان ودي اجرب السيلف تان لاني اخاف جسمي يتحسس من الشمس خاصه ان كل اطباء الجلدية يحضرون من شمسنا 🙁
مره جميل كالعاده يليق لك
حددددددددددددددي مممتحمسة لتنتنه .
ننتظظرررررك
ماشاءالله توووسة بددددعتي الله يعطيك العافية .. واتوقع اللي قالوا مافي فرق ماشفوش لونك الحقيقي ماشاءالله
الله يحفظك ..
من زمااااان براسي اسوي تان , لكن في شي مانعني ومخليني اتردد ومادري وش هذا الشي هههه
ممكن لاني ما احب الشمس وما اتحملها ابببد اد بذات ان شمسنا تحرق حرق ..
وذوقك بالضبط نفس ذوقي فحمستيني جدددددا , وممكن اتنتن عالعييد واسوي نيولوك ..
وحببيت وصفكك المبردد بالأنستاا ههههههه انتعااش ..
واخيراً قلووووب لإلك
يعطيك العافيه متحمسه لها حتى رديت قبل اقرأ
الموضوع هيض شجوني رغم ان وضعي حالياً ما يسمح اتنتن مع أني من عشاقه و اللي محببني فيه اكثر أني حنطية مصوفرة مع التان يحلا لوني و بي نفس الوقت يطول خاصة اذا كان التان أوت دور و خاصة بماي البحر ” اجمل تان اكتسبته كنت برحلة للمالديف ” الله يرزقني ردة لها …
جميلة المدونة بكل ما فيها و الله يزيدج من خيره و نشاطج هالفترة تشكرين عليه
نفسي اسويه وانتي اللي حمستيني عليه قبل كنت اخاف يقلب رمادي هو اللي كرهني في التان بس لونك عجبني ماشاء الله انا لون بشرتي حنطي مصفره بس المشكله مااحب الشمس تخلي جسمي محمر وراسي يصدع بس لو بسويه ان شاء الله راح اتبع خطواتك اول وحده تتكلم عن التان بالتفصيل
مشكوره ياعسل الله يسعدك دنيا واخره
ماشاءالله اللون بيرفكت
وبالنسبه للمقدمه اخيراً عرفت ليه الابيض اللون المفضل للبشره ومن مقاييس الجمال
يااا صباح النشاط
أيوا نحب هالوقت، و نحب نشوف صور لك ..
لي عودة سريعة بعد القراءة، ودنا تتفاعلي معنا يوم كااامل ما تسوي شي إلا نحن ههههه
ما شاء الله تبارك الله، اكثر شي احبه فيك ما تجيك هبه على شي ما تخليك تنعمي و تهملي التفاصي (وهذا واضح من حكاية عصير الجزر) و كثير حلو الصبر على الطريقة، و اللون جميل، انا من النوع اللي تأثر فيني الشمس، و لأني أسوق، حتى الخاتم بايدي ممكن يترك أثر.. ومع ذلك أحب التان، بس ما جربت الشمس، المكياج فقط، وههههه لما أحطه أحصل تعليقات من نوع (هو حلو بس الرجال يحبون البياض) مالي ومال رجالكم انا ههههههههه
عقدة البياض ما تروح و احنا صار معنا حكام من عرق أسود لكن المخ ما يتبدل
تسلمي أرتوس، هالتدوينة لها ابعاد أكثر من كونها تان
أحبك
ياجماال المعلومات تصدقين كل مره اقرا لك تدوينه استفيد من معلومه ثقافيه بغض النظر عن المعلومات الجماليه عن المنتج توي اعرف تاريخ السلف تان والمعلومات الخطنطره هذي والصراحه تحمست جدا للتان خل نتنتن انا وشلة حسب الله ( اولادي ) هههههههههه اقلها نغير جو
حبيتتتتها كثير عليك ماشاءالله ،، مره ف حياتي تشمست وكنت ناويه بس نسيت من عمري و أنا أتسبح وأنشويت و كان بيومها عندي زواج صراحه ماقدرت أحضر هههههههههههه ماكان حلو أسمر مدري كيف أنقلب لوني ،، قبل سنتين كنت أروح الجامعه و كنت أجلس بالشمس كثير و كان وجهي يسمر و يديني بيييضضض كنت أتعب لأن وجهي يمسك أكثر من إيديني كان شكلي تحفه
نعيماً عليك آلتان يَ حلوه
تدري مآ يخطر ببالي آسويه .. بس شفتك سوتيه بسويه ^_^
وان شاء الله آحصلهم بصيدليه بالكويت عندنا ..
ودمتى بحب ❤️
انا نفسك ارتوس احبه الي يكون ع ذهبي احب بعد لون باريس هيلتون
بس الي تسوي تان وهي حارقه بشرتها مااعرف صراحه هم كيف يشوفونه
لايق عليك وجميله بكل حالاتك ..تشكرات
ماشاء الله تبارك الله يجنننن اللون عليك
اشتهييييييييييييته والله قوووه
جاري تطبيقه بعد الليزر
الشمس اه وما آدراك مالشمس احب الششمس بشكل كثير واحب اللون الي تكتسبه البشره منها تخلي لكل شخص لون مميز بس طبعا بـإجراءات السلامه واقي وكدا ههههه مشاء الله تحققت امنيه من امنياتي انو اشوف تان مرتب وجميل ومو محروق كانو هوت دوق تجربه حلوه وحمستني بس خفت اجربها لانو اشتريت اساس للون بشرتي وكدا فخفت يقلب لوني اهبل مع الاساس والتان هههههه بس يبغالها تجربه دامك طرحتي موضوع يحمس انيقه كعادتك شوكرا حبيبتي على الطرح $
ماشاء الله تبارك الله التان جدا جمييييل عليك .. ولا مره حبيت التان على احد لأنهم نفس ماقلتي يقلون نفسهم تحت الشمس .. واكره حركة السيور اللي على اساس
يبين لك فرق لونها والتان !!
مره حبيت اللون والمنتجات جديدة علي .. و اذا فكرت اسوي تان اكيد برجع لهالمدونه جدا مفيدة
وياليت تسوين تدوينة بوقت ثاني عن منتجات السِلف تان اللي جربتيها .. وحلو لو تسوين تدوينة عن منتجات للميك اب التان ..
مره حبيييييت التدوينة و هذي احلى لون بشرة يناسبها المناكير الابيض بنظري .. احلى من البشرة البيضا ، او البشرة شديدة السمار ، او بنات التان المحروق
يعطيك العافيه ارتوس تدوينه مره جميله واستمتعت فيها .. ولا تحرمينا من تدوينات الاكلات الرمضانيه ،، قرب الشهر الكريم والله يبلغك واحبابك رمضان بصحة وعافيه
اللوووون طلع روووووووووعه ماشاءالله جد روعه يعجبني شكل التان البي على وردي حمار شوي مع اني ولا مره جربته ولااتوقع رح اجربه .. بس بما انك جربتي السلف تان حكينا عن تجربتك له التجارب منك فعلا فعلا غير
حبيت وحطيت الفكره براسي !!؟
نفسي بس اخاف من الفصيله الي سمرا و تقلب سودا فحمه
ماعلينا
ارتوس ممكن لو بيوم وكدا تتكلمي عن الصبغات !؟
والالوان المناسبه للون البشره او ع الاقل شرح وتفصيل الالوان ي اني احوي فيها بني ع ذهبي و رمادي ع زيتي و زيتي ع بني مدري العيب فيني ولا بالالوان
الله يعطيك العافيه يارب و كل سنه وانت طيبه سلفا ❤️
تجربتك تحمس ..شكلي بتجرا اسويها انا اعشق السمار بس فكره البياض متاصله بالمجتمع اللي حولي بشكل فضيع ماراح يرحمون بتعليقاتهم لكن عموما احاول ارضي نفسي واتجاهل هالتعليقات ..استمري بعطائك جميلتي
غيرتي نظرتي عن التان ١٨٠ درجه طلعتيه بشكل حلو حلو حلو ماشاء الله قبل اربع سنوات تقريبا اخر سنه لي بالجامعه اغلب البنات بالجامعه متنتنين كان بشع واكره اشوف وحده مسويه تان احسه وصخ اللون غااامق والبلشر لونه اورنج وااضح والروج فاااااقع ويلمع صدق كرهته من ذيك السنه ولا معطيه التان اي اهميه وصلت لمرحله ما اقرا او اشوف عنه ريفيوز لان خلاص رسخ في بالي صوره بشعه عن التان وقت شفت صورة يدك مره اعجبني جا في بالي ع طول سبحان الله القالب غالب وكتبتلك بعد وبعد التدوينه ماشاء الله يجنن يجنن يجنن اعجبني كثيييييير ربي يعطيك العافيه غيرتي مفهومي وفكرتي عن التان طلعتيه بشكل حلو ورااااقي.
ههههههههههههههههه ياحلوك ياسوس ، اجل طفشتي مافيه ونيس كان جايتك متنتنه معك متونسات يلاه الصيف الجاي مع الشله عند سهام نتنتن على البحر ..
صراحه وانا اقرا حسيت بتعب شلون انتِ ههههههههه اهم شي ضبطت سودتك ، ماشاءالله لون يجنن عاد المناكير الابيض مايعجبني بس بعد ماشفته عليك مع تان جاز لي بقوه ، ودي اجرب التان بعد نتيجتك بس ماراح اقدر الجو مايساعدني حاليا .. ان شاءالله يمسك معك شهر
( قلوب لك )
يعطيك العافيه ارتوس
اولزماشفت يدك قلت حمرا مو تان خصوصا حنا متعودين عالحراق
لكن بالجد حلوه وانا حابه التان جدا لكن وجودي بشقه مايسمح ابدا
ان شاء الله نحصل فرصه مناسبه ونسويه
شكرا عالمعلومات القيمه
ماشاء الله اللون مرة جمييل بخاطري بالتان من زمان بس تروعت من نتيجة اللي يسوونه فا دفنت الفكرة براسي ،، جداحمستيني اسويه صراحة اذا سافرت ولا طلعت لمنتجع راح اسويه ان شاء الله .
جدا مشكوورة على التدوينة ❤️
اكثر تدوينة انتظرتهآ .. والحمدلله صآرت بين اديني “̮
ع اني م احتاج للتسمير ابدا ف الصيف لان لوني يتغير ف بدايه دخول الصيف (تآن طبيعي خفيف) اللي يشوفني يقول انتي مسمره نفسك !! فجإه اقلب من بيآض الى سمآر برازيلي ههههههه وحتى في الصيف يقلب لوني وارجع طبيعيه (مشكوك ف بشرتي )
والماكياج اللي ع وجهي يغير لون جسمي يعني لو حطيت برونز ف الشتاء يقلب لون جسمي مع وجهي “̯ بس لو حطيت فاونديشن بنفس لون بشرتي يقعد لون جسمي طبيعي
لون شاكيرا شي يدووووخ
وحبيت النتيجه عليك واحمرار اللون عجبني وهذا اللي ابيه “̮
شكراً شكراً من القلب ♡
ماشاءالله تبارك الله جد اللون فضضيع لو مكانك اعتمده طول حياتي هههه لون مميز وبيحلو اكثر مع اللبس وكذا جد هذا النيولوك الصح
متنتني الله خلقه ولو تشوفيني وانا اقرى الموضوع كيف علامة التعجب اللي فوق راسي انو كيف تجلسون بالشمس كم مره عشان اللون يمسك وانا اذا طلعت افتح الباب غمقت درجه ههههه خواتي زيك بس مهووسات بالبياض ومايحبون التان وعقدوني هههه حبيبتي شكرا استفدت معلومة واقي الشمس انه لازم يكون برود سبيكتروم بس ضاق صدري لانه مايمنع التسمير لاني كنت اظن اذا مديت الواقي خلاص بحافظ على لوني مايزيد سمار
كثير عجبني التفصيل بالموضوع بالرغم انا ما تستهويني فكؤة التان وكلش ما افكر اسوي تان <تراني من الشعب اللي مهوس هوس بالبياض جد اعترف اني مهوووسة بياض واحب اسوي كل الطري اللي بتبيضني بالرغم انة لوني حليو كانة وحدة بيضا مسوية تان_ بالضبط لوني نفسج مع التان ويمكن اغمج بتكة …حبيت اشكرج لان بعد موضوعج بديت اتقبل لوني ^_^
ربي يسعدك سوسو♡`
هههههههههههه ضحكتيني موووت يوم قلتي فطس حسيتها جات حق طنازه انه يجري ورى اللون الأبيض .. والله حلووو التقرير أعلاه
تصدقين عمري ما كان لي هاجس بلون البشره يمكن لأن بشرتي معتدله في لونها يعني لا بياض ولا سمار يمكن يقرب من لون التان اللي سويته فديت الكراعين انا .. بس اللي يهمني صفاااااء البشره ونظافتها أحس البنت اللي بشرتها صافيه جذابه حتى لو كانت سوداء.. اعشق جمال الافريقيات مو ك طمووح لا من جهة صفاء البشره مثل هالي بيري وكوين لطيفه بشره نظيفه و مشرفه على الرغم من سمار البشره القوي. .
تجربتك حلوه واستفدت منها بطريقه أو بأخرى حتى لو ما أفكر بس قد أحتاجها في يوما ما …
أحبك
تقبلي مرور
دمتي بسعاااده الدارين ❤
صباااح النور ارتوس ..
من زماااان خاطري اسوي تان ومن شفت صورتج بالتان قلت ان شاء الله اتنزلين الطريقة، حبييت النتيجة الي وصلتي لها .. وفعلا مثل ماقلتي عدنا وااايد بنات يستخدمون التان بطريقة خطا بدال لا يعطيهم رونق ولون حلو يبشعهم ،و من كم يوم افرفر ع التلفزيون شفت وحده من المذيعات امسويه تان لكن موووول مب حلو.. اللون وااايد غامج كأنها مقليه مثل ماقلتي
وان شاء الله قريبااا بجرب طريقتج لانه احسها واايد مناسبة ..
لكن عندي سؤال اذا طلعت برع لازم استخدم واقي لجسمي حتى لو كنت لابسه عباه ؟؟
وشكراااا ع الطرح الجمييل
يختي والله انتي شي مرره جميل مشاءالله وقد عبرتلك عن محبتي في الدايركت >>>يعني اتذكريني
المهم من يدك باين كانو لونك الطبيعي مشاءالله طبعا زي ماقولتي مو من يد يبان التان اذا حلو ولا لا بس واثقة في كل شي تسويه اكيد جميل الله يحميكي قلوب قد الجبل♥♥♥♥♡
بصراحه وبما انك بيضاء،أهنيك عَ اللون انسيابي ومُوحد ولطيف ،وبالعكس درجة تان مميزه،بانت اكثر بالصوره الثانيه ليدك يمكن عشان الاحمرار مَدري،سؤالي ليه ماتنتني الوجه والرقبه !وحطيتي واقي ..وماشاءالله على تجربتك الجريئه التان برايي يبي له موية البحر المالحه+الشمس+الرطوبه اللي بالجو..استغربت انك سويتيه بشمسنا وجونا الجاف والنتيجه روعه يبي لي إعادة نظر ههههه،بشرتي مو بيضاء ابد..ولوني مو تنتوني لكن اذا جلست اسوي تان يمسك بربع ساعه ،عشان كذا اهج بسرعه هههه..لاني خلقه اميل للون الاحمر ويمسك بسرعه اخاف اطلع كبه !!،مواضيعك دايم تجنن ولطيفه وقريبه للقلب مثلك ..شكرا لمشاركتنا هالتجربه اللذيذه.
كأني لحم مقدد ههههههههههههههههههههههههههههههههه
ما شاء الله
روعة اللون ياقلبي ماخد منك حتة مررررة تحمست اشوف صورة تفاصيلها أكثر مو بس اطرافك :$
شكرا على كل شئ و يسعدلي صباحك :*
هلا هلا واخيرا بنرحع نقرأ تدويناتك ، استمتعت بالقراءه عن بدآية ظهور التآن ، عاد توقعت انك هتسوي حركة الاسواره بس بالرجل ، بس طلعتي من كارهينها أجل حمار الوحش ههههههههه تتهني باللون وأكيد القالب غالب ، يعطيك العافيه ..
النتيجة ت ج ن ن ما شاء الله من وصفك لشكلك بعد التان تحمست وبقوه
ماشاءالله اللون جمييييييييييل
مرا حبيت تدوينتك أحب لما يكون فيها صور ممثلات وتقارنين
استمتع 🙂
انا كنت من عشاق التان اول ماعرفته واصلحه لنفسي بالمكياج
لاني اخاف من الشمس وماكنت اعرف الطريقه الصح
لكن بعد الهبه القويه والحروق اللي اشوفها كرهته حتى بالميك اب
وحاليا افكر بعد تجربتك اعمله ولا لا
(احبكم) وحنا نعشقك
ريتا ماتبلى هالطله وريتوا الف نعيما
ماراح اقول جميل ﻻنك كلك على بعضك كتلة جمال
ارتوس انا أتابعك من ايام شمواه بس خلف الكواليس ماشاء الله مو غريب عليك الإبداع والابتكار والله ماحبيت التان الا منك اصلن التان ينطق عليك يقول هاذا مكاني ❤️❤️❤️
ياصباحو ..
ماشا الله القالب غالب .. حبيت الصور اللي حطيتيهم جيسيكا البا جنيفير وشاكيرا حمستيني قلت بس هذول ممكن اطلع مثلهم لمن شفت اصحاب النوت هوت قمطت اجل اخاف احترق واروح محمصه وانا ابي اصير مثلك مقمره ^^…
نعيما ارتوس وان شا الله راح اجرب في اقرب فرصه تحصلي ماكان في راسي ابدن بس انتي حطيتيه ولو مانزلتي التدوينه بعد راح اتردد لان لازم له طريقه سليمه وماابي اخبص يعطيك العافيه على هيك تدوين افود من المفيد …
التان عليك يجنن ماشاء الله، مثلي انتي ما احب التان المشوح شكله يوحي بان البشره مو نظيفه،،
انا كثير اسافر مع زوجي شغل وبشرتي حنطية و تسمر بسرعه اول الايام ماعندي مشكله في السمار يصير لونه حلو على اورنج بعد اسبوع يقلب على رمادي وبشرتي تصير باهته تجيب لي الهم ويمسك اللون فتره طويله خصوصا اليدين الا اذا سويت تقشير احماض فواكه في العياده،، وش الحل؟
ي صباح النور و النوير ،، انا من امس وانا اذكر اسم الله عليج .. لون فزيييع وفوق هذا تحسين بلمعه او نظاره بالجسم .. جد جد انا خاقه ع اللون .. انا لوني خلقه اسمراني بس شنو المشكله مافيه لا لمعه ولا نظاره عشان جذي دايم اتحطلم ع لوني .. وبالنسبه لي اشوف البشره البيضاء تعطي اشراقه .. بس لما شفت درجة التان عندج حسيت انو السمار حلو بس مو اي سمار لا اللي فيه نظاره .. بس صراحه ماافكر اسوي تان لان خلقه ماحب لوني يعني مو ما احبه لا احسه مو عاجبني ( اتوقع عشان جسمي لونه باهت) .. بس فيه شغله عاجبتني وتليق ع اللي يسون تان شفتها بالانستا .. هي اكسسوار ع الساق نفسه مو خلخال ( فهمتي ) حده عجيب اذا مافهمتي ادزلج صوره دايركت وتشوفيها بلكي تعجبج .
الله الله , اهنيك ع النتيجة والله وان شاء الله اجرب التان الآرتوسي بس بعد ما تعدي موجة الحر السالخة في المدن الساحلية الغربية !!
حبيت اللون عليك وحمستيني مره اسوي :$
شكرا ارتوس لاعدمناك
مرحبا ارتوس..
حبيت اللون عليج … حسيته اللون المناسب بالضبط ..
بالنسبة لي أنا لوني بلون العسل يعني اكتفي بشوي برونز عشان أعطي نفسي اللوك الفريش ويبرز لوني بنفس الوقت
تدويناتك تجنن..
صحيح تعليقاتي قليلة لكن وجودي دائم
احبج واااايد
ماشاء الله الون جدا جميل مع اني خفت لما قلتي مرا لبنت بالانستا انك بتجربي التان من كثر الهباب الي شفته بس ماشاء الله عليك حريصه وتعرفي لنفسك تدرين كثير بنات كانو يسوون تان وكنت اشوف بشرتهم مصلخه ومقشره بمعنى مصلخه جلد مدودل واحمرار فضيع وبعد فتره يروح ويببان التان عليهم كثير شفتهم بذا الوضع مدري ليه لدرجه وقتها جا ببالي ان هذا شكل الي تبي تسوي التان لازم التصلخات من قبل وهذا هو الي خوفني عليك بس ماشاء الله اللون بيرفكت وجميل ولميع عليك اخ بس لو تشوفين بعض الناس كيف يسوون التان بالمكياج كان كرهتي الي اخترعه
ماشاء الله يجنن التان عليك
حلو ه مقدمتك للموضوع يعجبني لما ترجعي لتاريخ الشئ لما تتكلمي عن اي موضوع.
اول مره عرفت فيها التان لما كانت وحده معانا في الجامعه رجعت بعد الاجازة الصيفيه بلون برونزي مره اعجبني ماشاء الله.
مشكوره ارتوس على الموضوع الله يعطيك العافيه
يا قلبي ما شاء الله ما شاءالله ما شاءالله
أحب تدويناتك لأنك تتكلمين بالتفاصيل
ويكون الموضوع كامل وكذا فكرة فيه
وبصراحة التان يجنن عليج
اذا أباً اتنتن بالميكب صراحه لأَنِّي ما أتحمل
الشمس
الله يسعدج ياجميله الجميلات
ارتوس اللون يجنن عليج حبيته حيييل ..
بس سؤال ياحبي
٢- Ocean Potion Dark Tanning Lotion بالصبار وَ فيتامين E
هذا لوشن يعطي لون ؟ لو بس حماية من الشمس ؟ لاني حابة اشتري لوشن يسمر وشفت بباث اند بدي ورك هذا
http://www.google.iq/url?sa=i&source=imgres&cd=&cad=rja&uact=8&ved=0CAwQjRwwAA&url=http%3A%2F%2Fwww.ebay.com%2Fitm%2FBATH-BODY-WORKS-True-Blue-Spa-Strike-Gold-Bronzing-Self-Tanning-Lotion-Vitamin-E-%2F121300066643&ei=KQVwVczDM8nY7Abov4G4CA&psig=AFQjCNFgCjSdzYo_VJYzpqX6nvSAaxtZRQ&ust=1433491113931465
وشفت ريفيوهات انه يطول كم يوم ويتقشر يعني شي بسيط …
سمالله سمالله سمالله شو هالجمال انتي بتجنني وطالعه احلئ واحلئ بسراحه ماضل حدا مافرجيتو عصوره حتئ بابا هههههههه من بعد ازنك يعني أن شالله ماتكوني زعلتي مني
والكل تجنن علئ لونك خصوصي اختي لأنو كتير بيضا أو بالأصح برصا من كتر البياض هههههههه
انا الوحيده اللي مابحتاجو لاني انا الوحيده الطالعه سمرا بالبيت بس كتير بحب لوني بس بحسو مطفي وجاي عبالي اعمل تان مشان اللمعه الدهبيه بس خايفه مايزبط وخايفه اعمل تان الشمس ويسير عندي تصبغات لاني سمرا وخايفه اعمل تان رش أو سولاريوم واطلع تمتومه ويغمقوني كتير أو سير متل الجزره المشويه محتاره كتير لانو محتاجه هاللمعه بدي اقلب شعري بلوند البلاتين بلوند متل تبع كيم انا لوني متل لون الممثله المكسيكيه لوسيرو لو بتعرفيها أو اغمق نتفه زغيره فشو رايك بالك بلبقلي اللون أو لا وشو رايك بالتان اعمل سن تان أما سلف تان
والله العظيم انتي شغله عظيمة جداً الله لا يحرمنا منك ❤️
جميييييل جداً لونك تتهني يا قمر
بس ارتوسه شفت صور لعدة عارضات أزياء لونهم جميييييل جداً تان او سمار فاتح او حنطي على بينك جاي متورد وفيه لمعة صحية ونضاره مو طبيعية مرا يسحر ):
ماأدري كيف يحصلون على هاللون ؟ ): أشوفه اجمل بكثيييير من التان الي جاي على ذهبي
برايك كيف نحصل على هاللون ؟ ):
ما شاء الله حبيت التان عليك غير عن لمعته بحالها رهيبه 3>
تجربه موفقه اللي يعجبني فيك م ياسئتي حاولت اكثر من مره
عالعموم انا مش من محبين التان من جميع نواحيه مش متخيله نفسي انصلخ بالشمس من قلتي عن اوقات التان حسيت بوجهي حرارة الشمس
مره طق براسي اجرب مره اسوي سلف تان قلت تجربه وحده م تضر لكن فشلت بالتحربه وطلع مش حلو علي ): و من بعدها علاقتي بالتان اكس (:
ماشاء الله عليك كفّيتي وَ وفيتي بكتابة هالتجربة .
عاد أمس لمّا شفتك والله غرت منك ^^
قلت لأختي خلينا نسوّي تان وشكلها ما عجبها الوضع بس أنَا مرّة خش بمزاجي وَ لما شفت أظافرك بالمناكير الأبيض حبّيته أكثر .
أبوي كان دايم ينصح بعصير الجزر لفوائده بس أنَا اعنّد ما أستسيغ طعمه شويتين
وَ للأمانة توني ادري انه من المكمّلات عشان يظهر لون التّان !
من جد حبّيت تجربتك وَ لأني ما أحب التحميس الزّايد عن اللزوم أعجبتني هالدّرجة
وَ على فكرة ؛
اللون لايق عليكِ بالمرّة ^^
عافاك الله .
سويت التجربه مره وابداً ماراح اكررها بعد ماصرت دجاجه مشويه
وكنت استغرب الي يعيدون التجربه
بعد كلامك عرفت حجم الاخطاء الي وقعت فيها وبقوه
ممنونه لك قد الكون
يا صباح التنتنه صورتك تنطق جمال ما شاء الله خطوات مفصله ما شاء الله عليك بعد تدويناتك اللي بطلع سؤال مفيد ماذكرتي جوابه في التدوينه هذي معحزه الله يوفقك لما يحبه ويرضاه تثلجين الصدر بعطائك
الله يا أرتوس ما تتصورين سعادتي لما شفتج نزلتي الموضوع :d
هالسنة جاي براسي موضوع التان بشكل هههههه
وانا من النوع اللي جلدي ما يصبغ بسرعة بس احب السمار أحس السمو جذابين أكثر من اللي بشرتهم بيضا >> كل ممنوع مرغوب هههههههه
بصراحة كنت متوقعته أسهل من جذي p:
أنا بشرتي بيضا وحساسة لما قلتي ان بشرتج حساسة استانست لاني توقعت ما ينفع معاي الا السلف تان بس حلو شكلي بجربه ان شاء الله
يعطيج العافية عالموضوع الروعة
لاعدمناك ❤️
بصراحه انتي ثاني وحدة يعجبني عليها التان ! مظبوط جداً ماشاءالله
زمان صديقتي كانت تسوي تان وتصير حمراء ولمعه حلوة لدرجة في المدرسة يقولون لها امسحي الماكياج ❤
كان يطول عليها يجلس شهر تقريباً حتى البعض يحسبه لونها الحقيقي من زود ماهو يطول ههههههه
وجربت مره اطلع الشموس واتسدح واتقلب احسب من اول مره بيمسك اللون وعجبني الاحمرار بس كلها ساعتين وراح وماعاد عدتها
وحمستيني ارجع اسويها مره ثانيه لاني حبيت هالاحمرار
تصدقين ضحكتني صورة كوكو شانيل وشلون شافوها سمرا والصوره ابيض واسود ههههههههه؟ بس والله يا هي رهيبه غيرت كثير اشياء في زمنها
اذكر كنتي السنه الي راحت في رمضان تقولين انك تشربين عصير جزر عشان يبرز لون التان وكنت متحمسه اشوف النتيجه
وطلعت اجمل مما اتوقع ماشاءالله
شكراً عالتدوينه اللي بوقتها ❤❤❤
والله نتيجتك تحمس الواحد أنا التان شآيلته من بالي ولا أفكر فيه ما أحسه يطلع حلو علي ، استمتعنا بتجربتك الله يسعدك ❤❤❤❤
مممم اشتهيت عصير جزر :*
التان سحر سحر للي يزبطه و يلبق ستيله بشكل كامل، من العربيات احب تان موديل روز و نايا من الاجانب ميرندا كير و ادريانا و جيسيكا البا
جميلة النتيجة، و ان شاء الله تطول زي ماتتمني … تتهني ي حب
الله يحفظك تووووسه دوووووم تبهريني بكل شيء الله يرزقني اتقااااانك بكل شيء تسوية فعلاً انتي انسانة مميزه ومتقنه جداً جداً اللي منبهره منه ان الفنانات العرب بالرغم الظروف المتوفره لهم واكيد في شغلات متاحة لهم اكثر منك بس ما عمري شفت وحده ابهرتني بالتان كثر ماابهرتيني بالرغم مو من محبين التان الا انه اعجبني لوووووونه كثييييييير عليييك تتهني بحيااااتك وجعلك من سعاااده الى سعااااده اكبر
ودي اعرف جل الصبار الاخضر ينفع استخدمة لما احس بالحراره ببشرتي خصوصاً وقت مااطبخ او اطلع برا
انا من المتابعات لك بس لقيت نفسي مش قادرة اشوف الانستقرام زعلت كثير والله ماعرفتش شنو اللي سويته غلط بس من حقي اعرف ليش مااعرف كيف باقوم الصبح من غير ما اشيك على اخبارك وجديدك،، لو تكرمتي تشرحيلي السبب وانا حنحترم قرارك شكرا
ما شاء الله تهبلين ياختي ، التان عليـج غير شكل طالع واااااااااااااااو ، هاللون ولا بلاش ، مُب مثل العينات
إللي أشوفها ، أييبون القتمه ويسدون النفس كأنهم مكتومين كتم : / محروقين حرق لا نظارة ولا ما هم يحزنون ،
اسم الله عليـج تحببين الواحد بالشي غصبًا عنه ، كل شي عليـج حلو :*
أحيانًا احتار وأقول الجمال هي أرتوس ولا أرتوس هي الجمال .!
بس والله وأنا أقرأ تجربتج المره الأولى والمره الثانية ….. لخ حسيت بالتعب وأني منسدحه تحت هالشمس إللي
تشوي شوي ، حسيت بالحر ههههه
لكن النتيجه وايد حلوه عليج و تستاهل هالتعب والطفش : )
رووووووعه روعه روعه روعه
اللون يجنننن
و بالفعل نادرا مايعجبني التان
اغلب اللي يسوونه احس انه وصخ او ع قولتك منحمصين مره هههههههه
بس عندي سؤال دااااايما يخطر ببالي
الحين كل الملامح وكل الوجيه يناسبها التان؟؟
يعني انا مثلا دايم اتردد اسوي تان احس مايصلح لي لان هيئتي و شكلي كذا بشكل عام مثل الكوريات هههههههههه بالرغم والله مو فطسه و عيوني عاديه بس مدري ملامحي مو حاده .. بس مدري عندي اعتقاد ان التان يصلح بس للي ملامحهم حاده وواضحه ..
رايك أرتوس يهمني..
يارب تشوفين تعليقي
لك حبي واحترامي..
السلام عليكم …
صراحه اخر موضوع توقعتك تكتبين عنه التان ..
لان خبري انك تقولين انك تحبين لو بشرتك ..
بسس ياني اشتهيت اسوي ثان من بعد موضوع الاساس البرونزي ..
والحين زاااادت شهوتي ..
بس احس امكن جدتي تذبحني عندنا احنا هوس البياض درجة اولى ..
يب البياض والشعر الطويل == عتبان وش نسوي =)
يعني لو سويت بروح فيها ..
بس انا احس الشمس يمسك لونها في بشرتي ..
عموما عيلتي كلها..
يعني على سبيل المثال يوم كنت طفله ما كان يحلا لي اللعب الا الساعه 12 ظهر
مع خوالي ..(مجنونه)
وكانت داايما يدي مكشوفه على العكس سيقاني …
فالان سيقاني بيض ولكن يدي مسمره ..
…..
حبيت وصفك للتان جدا دقيق
وعقبال ما اسويه لوووول
دمتي نقية
في امان الله
يجنن عليك اللون تبارك الرحمن فتنه فتنه :$❤️
من شفت النتيجة ع الانستغرام وانا متحمسة للموضوع
تدوينه رائعه والي ما يحب التان بيحبه بهالطريقه
اسعدك ربي وين ما تكونين
ماشاء الله تبارك الله اللووون جمممييييييل عليك تخلين اللي مايحب التان يحبه ..
انا من زممممان نفسي اسوي تاان بس ماتجرأ اسوي سن تان حدي سيلف تان ..اخاف يمسك اللون وانا عاجبني لون بشرتي ..
والله يساامحك اشتهيت عصير جزر وانا صااايمة هههههههههههههههه
الا علی طاري عصير الجزر ينفع سيزر لووول
دمتي لنا
❤
مساء الخير .. حبيت اكتب عن تجربتي بالتان ولاول مره بحياتي يمسك اللون ويبن واضح وبلمعه ذهبيه ولون يجنن انشويت تحت الشمس 3 ايام لمدة ساعه بين كل يوم راحه يوم استخدمت 4 منتجات بنانا بوت وبيزلين الاصفر وكاروت البرتقالي وما اذكر اسمه خلطتهم مع بعض ودهنته على جسمي وانسدحت نص ساعه لكل جهه وبس ( بسطح بيتنا ) .. ولازم يكون معكم ونيس لانه ملل ملل
جبار اللون ، شيء شيء ماشاء الله .
أنا احب الالوان الفاتحة في الارواج والمناكير والملابس وكله .
وأحس الفواتح للتان مدري ليش !
ولوني حنطي عادي وأحس تان الشمس يبغى له بنت فاتحة
ف اشتري سلف تان افتح درجة يصير لوني كراميل .
طبعا نصيحتك وطبقتها :hug:
بس أرتوس انا كنت استخدم واقي شمس و يوم تكلمتي
عن د.أحمد العيسى شفت كل الفيديوهات ف اليوتيوب
يقول ان الواقي مهم بس للبشرة البيضاء
اما السمرا ما يحتاج لانها محمية جينياً
مع اني اشوف نتيجه الشمس على ظاهر يدي
بس سحبت ع الواقي من كلامه
انبهرت صراحةً باللون ماشاء الله طالع عجييييب
تتهني فيه يارب … أرتوس اعطيني كريم الوردية اللي قلتي عليه وشكككررا .
يَ جمااااله نعيماً نعيماً❤️❤️
استمتعت وانا اقرأ تاريخ التان ✋
على كثر ما اقرا بس انتي غير ما تبخلين بالمعلومه تكتبين من قلب الله يوفقك ويسعدك اضعاف اضعاف ما تفيدين الناس “
عليك بالعافية.. أهم شي سويتي اللي بخاطرك و اللون حلو و جميل و نظييييييف جدا ما شاء الله لأن في ناس يبين التان فيهم كأنه وسخ من كثر ماهو مبقع..، كالعادة شرح وافي و كافي عساك عالقوة
توستي:
الموضوع والشرح حلوين.
اول مرة سويت تان لمن كنت بروما.. شربت بالفعل جزر كثييييير و استخدمت كريم من مكوناته الجزر فطلع رهييييييييب …. بس اخذ وقت لحتى مسك ..
هالمرة راح أسوي ٢ بس حبيت اشاركك لو ف المستقبل حابة تعملي تان … بالاضافة لشرب الماي اشربي عصير بطيخ يخفف من ضرر الشمس40% وكمان يرطب الجسم …
دمتي بحب ❤️
ماشاء الله اللون جمييييل
والله هذا هو التان على اصوله وإلا بلاش
طلع رهيب عليك هيك بحبه لما يجي محمر وخفيف
اما التان المحروق مثل اللي بالصورة not hot مو تان اسميه وساخة مظهر مبرقع.
تعرفي ارتوسة اكثر شي اعشقه بتدويناتك هو الجانب الثقافي ما بتنسيه أبدا انا ما كنت اعرف تاريخ التان ولا قصة الهوس بالبياض ههههه ضكني رسم العروق الزرقاء على الوجه كانهم زومبي .
يعطيك العافية ارتوسة وإنشالله تنزلينا موضوع عن لوكات الشعر المكياج والالوان باللبس اللي تناسب التان
الله يجزاك خير على كل مجهوداتك
عندي نقص فيتامين دال وقالو لي تشمسي أفضل شيء
كيف أتشمس من غير مايتغير لوني كثير ؟
هو 20 دقيقة حد أقصى بس بهذا الوقت بالراحة تلتقط ايديني ورجولي اللون !
بأستخدم واقي الشمس بس أهاف يتغير اللون
ماشاااء الله لااايق علييجج ❤️
من محبيين التاان و بقوووة و ما اتجرا اسويه الا بالمكياج و ما اضبطه بيرفككت ان شااء الله بطبق طريقتج
و ان شاء الله تطلع النتيجة زيج
يختي تحمست مرا اسوي تان ما شاء الله اللون عليك بيرفكت مو البعض كانها كيكة محروقة
جد يا ع رمادي يا باهت يا مبقع نادر ماالقى وحدة مزبطته تخيلته عليك ولون شعرك فاتح
نعيما نعيما ع هاللون الكلاااااسي حلو التغيير وع فكره التان يعطي ايحاء بالضعف وكثير بنات للاسف يحرقون نفسهم بالشمس او الاجهزة السريريه ع بالها ان جذي راح تكتسب السمره للاسف هي تحترق واللون يصير اجلح املح لأنهم يقعدون فتره طويله بالشمس وفي اوقات الذروه لما الشمس اتكون عاموديه كمان كثير اللي يغفلون عن اهمية الترطيب القوي بعد التان عسب جذي وايد نشوف الوان محروقه وليس تان مثير
تسلمي ارتووس وصفكك دقيق وجميل وصح الامريكان والاجانب بصفه عامه يحبوا التان وعندهم مثل مشهور no sun,no fun رابطين فرحهم واستمتاعهم بالشمس بشكل بس ماجربوا شمسنا عشان يسحبون ع مثلهم الجمييل
مساء اجواء الصيف
المقدمه جدا جميله معلومه جدبده بجد استغربت عن موضوع البياض و صلة بمستوى المعيشه هذيك الايام
اللون جدا حلوو يستاهل التعب
مدام الاساس حلو اكيد بيطلع حلو ❤️
اتخيل الميك اب اللي اخترتيه اكيد بيكون جدا جميل
مساء الاناقه والجمال
حبيت حبيت انيقه من يومك يابنت
واهنيك ع صبرك وجلوسك بالشمس هالوقت الحمدلله وانا مو من محبين التان احب اشوفه ع غيري
لكن اتمردغ بالشمس لا والله
لو فيه تان تحت المكيف انا اول وحده بتسويه
والله يعطيك العافيه ع الوصف الدقيق حتى المتنتنين مايختبصوا
ماشاء الله مواضيعك جميله ومفيده…
هل من الممكن التطرق لموضوع العناية بالساقين.. ومشكلة المسام فيها والشعر الي يظهر تحت الجلد…وشكرا
هو ليش هالموضوع بالذات خلاني احس اني شفتك وعشت جوك !! ماشاءالله على شرحك بس .. حسيت بالصيف والانتعاااش وكملت قراءه بالرغم ما ببالي ولا واحد بالميه اتنتن .. جميله واللون جميل وتجربتك جميله .. كم انتي فخمه ❤️
توسة حبيبتي في اشي بتعملبه وما بيطلع حلو ؟
حسيت بكمية حب كبيرة بس شفت هالموضوع
يمكن عشان شفت ايدينك الحلووووين ما شاء الله
احب اسلوبك بالكتابه جدا جميل ، بالذات اول المواضيع كلامك دائما بالصميم ..
وعلى طاري البياض الظاهر هالنقطه بالذات ماراح تندثر ابداااا كل يوم تزيد
،،، ماعندي تجربه مع التان لأن مقتنعه ان اللي يبرز جماله نوع معين من اللبس اصلا الستايل يتغير جذريا معاه بس موضوعك يحمس للتجربه
ماشاءالله تبارك الله والله نتيجه تستاهل التعب والعنا نفسي اجربه بس للاسف مافي مكان متاح وحتى لو فيه احس بتردد
كان يعجبني التان على جيسيكا بقوه بس بعد نتيجتك بديت اغير رأيي ترى راسمه لك في مخيلتي مع التان ان شعرك زيتوني…
نفسي ومنى عيني اشوف لك لوك كامل
دائما وابدا متميزه ياجميله………..
مساء الأنوار أرتوسة…حمـــاس التان يرجعلي ذكريات جميــلة
واوووو التان مبين عليك يجنن …أول مرة بحياتي عملت التان لما سافرنا للساحل لمدة أسبوع حصلت على لمعة ذهبية حلوة كثير حتى أنو التان بيني مختلفة و مسك التان على جسمي وقتها تقريبا شهر و بدأ يزول بالتدريج بعد رجوعنا من السفر
و الله أني ما أشبع من مواضيعك …حتى أني صرت أقرأ المواضيع القديمة في شمواه
موفقة إن شاء الله
السلام عليكم مساءك خير ارتوس،،
انا كنت متابعه صامته
وفي وسائل التواصل كلها صامته ،، ودائما اتهزأ بسبب برودي
لحد ماجيتي انتي واجبرتيني اتفاعل بسبب مواضيعك
استفدت منها كثيييير وكتبت هالكلام بعد ماجربت لسته كامله اكتبها من مدونتك واروح الصيدليه اخذها الله وكيلك
انا بس بغيت اشكرك على مجهودك اللي خلاني انطق واتكلم واعبر
نسيت اقولك انا الحمدلله بشرتي تان من الله فمايحتاج اني اضيف شي للسته القادمه
شكرا لك بحجم حبي لك
طلع اللون عجيب ماشاء الله
فعلا جممميل جمممميل و القالب غالب ماشاء الله
عاد انا مو من ربعه ابداً ابداً ابداً
ولا افكر فيه لا سيلف تان ولا التان الصدزي 🙂
يعطيك العافيه
ابدعتي يامتمييزه ياحبيلگ يارتوس تنحبين من عطائك للمعرفه ومو مثل البعض فيه انانية وحسد استغفر الله ،،، عاااد انا من زماان نفسي فيه وبخاطري اسويه بس خفت اغامر فيمسك فيني ولا يفكني لاني بعد مهوسه ببياضي ومبسوطه عليه فما ابي اخرب ع نفسي بس الحمدلله دام ان الطريقه كذا مابدهاش سالفه حتى بنتي (عمرها سنه) اسوي لها تان بما اني بعد شهرين ان شاء الله بنسافر وهي بتسمر تسمر بنضبط انفسنا هههههه ياحبي لك بتخليني اسوي شي كان نفسي فيه من زمان بس زي ماقلت كنت احسبه يمسك ولا يفكني فما حاولات ابحث عنه والان امامي التطبيق فقط
ابداع مره روعه عجبني اللون جدا خطير واول مره يعجبني لانه الممثلاث الكويتيات اقرفونا من التان اللي يسونه
تحمست اسوي تان من بعد هالتدوينه
احب مواضيعك وطريقة كتابتك واسلوبك واثق برايك جدددداً
ودي انك تتكلمين عن الروكتان
يوووهه ليا تجربتين مع التان وكلها سيئه
اتذكر اخر مرا حطيت زيت تان وسويت طريقتك
بس بعدها ماحطيت شي يبرد ع جلدي الصراحه
وكنت احس جلدي حار ومحمر .
لكن النتيجه ماعجبتني جلست كم شهر اشيل اثار التان
وصحيح كلامك السن تان فرق شاسع عن السلف تان
تحسي البشره تلمع وفيها رونق غريب
ليت عندنا شاطئ نتسدح فيه لوووول
تسلمي ارتوسا
حبيت التان منك سوسو طالع جممميل عليك ماشاءالله
ودايم مواضعيك تفتح النفس واذا شفتك منزله صوره
افرح لاشعوري واستانس لان اعرف ان هاليوم رح
اتعلم منك شي جديد ،، واستفدت منك وااجد
خصوصا ماسك الزبادي والشاي الاخضر
ايش اقولك الله يسعدك ي شيخه حبيته وبشرتي
صارت روعه بفضل الله ثم طرحك للمواضيع لناا
الله يرزقكك ي اطيب قلب ويخليك لناا
يجنن التان عليك ما شاء الله ، أنا ماني بيضا بس التان حلو يعطي لمحه قمحيه على ذهبي حمستيني أسويه ❤️
اسم الله عليك يجنن ..
حببتيني فيه ياشيخه من بعد ماكرهوني فيه
❤️❤️❤️❤️❤️❤️❤️❤️
فعلاً انتي غيرررر
جممممممميل كجمالك ارتوووس
ماننحرم منكك ومن مواضيعككك
انا من محبييين التان بشكل
احسو زي الملح
يعطي نكهة بس لو زاد …
وعجبني تارريخ التان
وفعلا انا تلقائيا لما اشوف ناس مهووسيين بالبياض احس ان فكرهم قديمم ومتخلف
وحابة اقولك التان عليكي يجنن بالرغم انو بس شفنا يد ما بالي باللوك كامل
كيب اوون ارتوسة
بيجنن عليكي التان ما شاء الله .. وجد حسيت اللون كتييير خفيف يعني لمن حكيتي انو بدك تعملي تان اجا عبالي اغمق من هيك . ويعطيكي العافية
يا سلاااام تدوينه رائعه مع اني قريتها متأخر لظروف حصلت لي صراحة انا زيك ما احبذ التان و احب لون بشرتي الطبيعي لكن مهتمه بقراءة جمييع تدويناتك حبا فيك و احتراماً لمجهوداتك و اخلاصك و امانتك ..بالنسبه لواقي الشمس ترى للاسف ما كنت استعمله و رحت شريت على طول اول ما نزلتي الصورة بالانستقرام و شفت ردود البنات و كلامك عنه عرفت انه مهم و اقتنعت و شريت من فتره كريم لليد من نيفيا انبسطت لانه مكتوب عليه uvaالي هو واقي و كمان مقاوم من التجاعيد حلو و كمان ريحته مقبوله يا رب تجربينه و يعجبك قريب بسوي جلسات ليزر ان شاء الله ههههههه تحسرت على الوقت الي بيضيع من الحين
ارتوس انا شفت صورة بالانستا و انغرمت جد انغرمت بالنتيجة
وششش هالجمال ذا كله يابنت الاراتيسي ؟
جد جد حبييييت اللون وفعلاً هذا ذوقي هذا اللون اللي ادوره وابي منتجاته سواء حيه او ميته ههههههه
بشرتي بيضاء ولا سويت تان بحياتي كلها بسبب الخوف اللي جاني من العينات اللي اشوفها قدامي في المجتمع
اتخيل نفسي زيهم مثل الكباب واشييييل الفكره من بالي على طول
ماعندي استعداد اعيش ولا نص ساعه وانا منتحله شخصية الكباب XD
لاني ادري بيجيني احباط مابعده ولا رح احاول اكرر التجربه
ودائماً اتسائل هالاجانب معقول يستخدمون منتجات مو موجوده على سطح الخليج العربي برمّته ؟
الشي اللي جد يخوف التعرض للشمس وخصوصاً الحييين
شمسنا هالفتره ابد ابد ماتمزح
عشان كذا تكفين طلبتك تكلمي عن منتجات سلف تان
تعطينا نفس النتيجه
اذكر انك مدحتي سلف تان ناتورا بيسيه
ودي تسوين لنا ريفيو عنه
جد ابي هاللون و نفس هالنضاره لكن بسلف تان
ادري ان ممكن السلف تان مااحصل فيه على نضاره بس مدري بحاول اشتري النضاره من السوق
سواء كان بكريم او شمع او زيت او شحم خروف اللي هو هههههههه
بس جد ابي درجة لونك هذي ولا قسم بالله ببكي وبغرق المدونة دموع
وكلمة اخيره حسبي الله على الدوام اللي اكل وقتي وحرمني العيشه في مدونتك 🙂
ارتوس انا من متابعاتك القديمااااات
الصامتات المغرمات المهيمات فيك..
ياشيخه جعلني افداك اقسم باالله ماعمري سجلت بمدونه
وهاالشي مو من اهتماماتي لكن لعيونك سجلنا
وكتبناانـا وكل الصامتات❤️❤️❤️❤️
التآن عليك نظيف و يفتح النفس حمستيني اسوي تآن❤️❤️❤️❤️
جميل مره عليك كل شي فيك ماشاء الله فتنه
مايهمني التان أبداً ولايجذبني حيل من الأشكال اللي فالدوام لونها رمادي واقول مسوية تان! والله ودي أجيب ليفة وأفركها.. مرة قد جربت التان اللي يجي فبخاخ صحيح يغلب فالتوزيع والرش حتى يصير اللون واحد بس حلو كثير قالوا سطعت ملامحك .. يمكن أجرب مرة ثانية حمستيني..
ماشاا الله مره حلو ، من جد انتي غييير ❤️❤️❤️❤️❤️❤️
اللون تبارك الله جميل
الصوره عندي وضحت بين المقمر والمحروق هههههههههههههههههه يعطيكي الف عافية ي جميلة شجعتيني اتنتن كنت في المتوسط اعشق التان بس ما كان يمسك معايا بجرب طريقتك ان شاء الله
عاد انا من عشاق التان بس ولا مره جربت اسويه ولما شفته عليكك ماشاءالله تحمست
يعطيكك العافيهه
انا مش صحبه مع التان ولا أتحمس له صراحه لكن بعد التدوينة هذي كأنك دخلتيه في راسي لووول خصوصاً هالوقت مثالي بالنسبة لي صيف واجازة واكيد بتكثر الطلعه لشاليهات والبحر ان شاء الله تكون لي تجربة له لو بس نجرب شيء جديد ونكتسب خبرة عاد ان شاء الله يضبط معاي اللون وادمنه احسه مرّه بيضبط للوك الصيف ♡ شكراً لك ماشاء الله عليك كل الاسئلة اللي جات في راسي وانا اقرا التدوينة لقيتك كاتبتها تحت لول الله يسعدك ويسعد من رباك يارب .
اللون رَوعه ماشاء الله حمستيني عالسن تان محسوبتك شغاله سيلف تان ونفسي اجرب السن تان بس اخاف مع اني احب الشمس وعادي عندي اجلس فيها ..
دايماً اقول: الوجوه المحترقه زي ( الفطاير اذا انحط على وجهها بيض كيف تصير لونها مو حلو ما يشهي زي اذا تشقرت العجينه من نفسها بهدوء لوول )
من اول مانزلت التدوينه قراتها بس من الجوال احب اذا جيت ارد افتح من اللاب 😀
السلام عليكم ..
ما شاء الله اللون عليك حلووو ، جذاب فعلا
ممثله بفلم footloose ، طبعا هي الممثله الرئيسية بالفلم
عموما امكن البنت مو مسوية تان ، بس سمارها حلوو حسيت انها جذابة
الله يسسعدك توسه احبببكك
حلوة تجربتج .. واسلوبج جميل
وبصراحة انا ما احب التان ولا افكر اجربه
اللون طالع عليج حلو ❤️
ي جماله التان ياجماالو
ما شاء الله لون التان عليج بيرفكت نضاره وتغيير
اتخيلج كل ساعه تطلين ف المنظره تطالعين ومستانسه >شعور كل وحده تسوي تغيير ههههههه
عليج بالعافيه
فعلاً ناس تتمنى البياض
وناس تتمنى السمار
..
المهم جمييل عليك❤️
الزين منك وفيك ماشاءالله تبارك الله اللون يهوووووووووس هذا التان بنظري اللي عالذهبي واتوقع هاللون مايبيّن الا عاللي بشراتهم فاتحه بصراحه انا شلت الفكره من راسي من العينات اللي اشوفهم وبراسي مية سؤال ليش يحرقون انفسهم بهالطريقه !! لدرجة الملامح تختفي مايبين الا السواد الله يصلحهم داااااايم اللي يخليني اتردد ياتطلع مثل النتيجه اللي ابيها او بلاها بس بعدك تحمسسسست خاصه ان بشرتي فاتحه …..
ربي يحفظك ويحفظ لك جمالك
استمتعت بالموضوع ، طريقة طرحك جميلة وتحمس الواحد يقرا
نتيجة التان جميلة جدا ما شاء الله والسحنه الي وصلتي لها رائعة ، فعلا عندنا عينات جعلت التان شي مخيف وما يزيدهم جمال وتألق الله يصلحهم
صححتي بعض المعلومات الخطأ عندي بخصوص الواقي مواضيعك تفيدني بجد ، الله يعطيك العافية
حبيبة قلبي والله
يجنن يجنن ، أول مرة اقرأ عن تاريخ التان والطريقه الصحيحة له والله هالكوكو شانيل طلعت خطيرة ههههههه ، تحمس النتيجة واللون اللي اكتسبتيه صراحة يستاهل التجربة فيه لمعه ذهبية جميلة، الله يهنيج حبوبة
الله يعطيج مآ تتمنين يآرب ويجازيج على قد تعبج معانا ❤ آحبج
ماشاء الله حبيت التان عليك اللون ذهبي على وردي نفسي اسوي تان بس ملامحي مايناسبها الا البياض كذا دواوير ملامحي ههه من نظرتي اللي التان يناسبها ذي ملامحها جدا جميله ماشاء الله . وحبيت اذكر انك جدا رائعه متابعه قديمه لك اذكر ايام شمواه كنت اتتبع ردودك واقراها لو انا بامريكا كان قالوا عني ستوكر هههه استفدت من ماسك الزبادي والشاي الاخضر ورد لي وجهي ونظفه وبعد ماسك الجيلاتين
والان جربت الطريقه الكوريه اللي حطيتيها صار لوني فيه حياة ومشدوده بشرتي وراحت الحكه اللي من الجفاف بس خدودي برزت شوي مادري يمكن اني واهمه وصح ذوقك قريب لذوقي كثير وانا مصروعه ميك اب يقولون ان اللي يتحكم بالذوق والستايل كوكب فينوس يمكن ان فينوس موجود عندك ببرج الاسد مثلي ويارب يستمر عطائك ياجميله
حبيت لونك بصرآحة مره دخل مزااااااجي , انا مو من عشاق التان لكن ماحب البياض ولا احب اللون الحنننطي لونك مره عجبني
.. مشكوره حبيبتي
MashaALlah <3 your skin looks absolutely stunning. I have a dark skin and it get darker quickly in the sun
I am not obsessed about skin lightening but I am trying my best to keep a young looking soft skin. and sometimes I just lighten my skin naturally when it gets darker from the sun
I LOVED your nails and white nail polish with the tan it is sooo beautiful I also loved your taste on the tanned celebrities we share the same taste.
would you please give me your thoughts on dark skin nails colors?
Much Love
جميل اللون ماشاء الله تبارك الرحمن وكل تفاصيل الصور ♥️♥️♥️ التان هبه جديده ماطاحوا فيها الا من قريب لان هوس البياض مسيطر والى الآن .. بجمعه وتكلمنا عن التان وفرصه لانا بنجتمع ونطلع شاليه ونتنتن 🙂 ردت وحده من الامهات عساه عرس اخوك تطلعين معي (عبده). عذرا على هالوصف بالنسبه لي ولا مره جربته تحمست آسويه هالصيفيه ، لان اريج اختي سوته العام الماضي حتى برمضان واحنا صيام بغت تموت من العطش هههه من سبع ونص الى ٨ ونص استخدمت بنانا وماشاء الله مسك معها اللون من رابع او خامس استخدام والحين اشوفها مجهزه عدتها هههه .. ذكرتي تفاصيل مهمه راح اخليها تطلع عليها الف شكر لك ♥️
عليج بالعافية كان اخذتي ليون يتنتن معاج ههههههههههه
الصراحه جلست افكر اسوي تان خصوصا اني قبل الزواج كنت 24 ساعه تحت الشمس بس بعدها استبعدت الفكرة من بالي خصوصا ان لون جسمي عاجبني ومو حابه اغير بس عجبني كثير لون جسمج بعد التان صار مثل درجة جسم بنتي
الموضوع ينضح بالجمال..
وأنا من عشاق لون شكيرا و جينيفر لوبيز و فيرجي في بعض إطلالاتها..
رغم أن لي تجارب بالسيلف تان لكن ما حسيت ناسبني التان بشكل عام… وأنقهر لما أشوف بنات سمارهم حلو ما يعرفون كيف يبرزونه ويعززونه.. وماااغير تدور وتحوس بوصفات ومنتجات التفتيح والتبييض.
وعكسه التان المتفحم .. ودي أمسك البنت أفتح عليها دش حتى تنظف لأنه يعطيني احساس أن بشرتها مو نظيفة.
أهنيك على النتيجة الجميلة.. ما توقعت العملية تطول بالأيام !
ماشالله رائع اللون جدا جميل اللون ياليت يتعلمون البنات بدال اللون الزيتي والبني اللي نشوفه
مررة موضوع جميل جزاك الله خير*^*
وأخييرًا لقيت موضوع كامل عن التان وبكريمات متوفره بالرياض ،،
انا نفسي بالتان من زمان بس ماادري كيف اسويه وبايش ولما ابحث في قوقل يكتبون كريمات ماالقاها ،
ودي اسويه قبل العيد بس اخاف تأثر ع الجنين ويسود
ودي اعرف هل يضر الجنين اذا لا نبدا بآآكر وش ورانا٨٨
كميه جماااااااااال الله لا يحرمنا
جججميل التآنن عليكك طآلعه بتآخدي العقل
حمستيني أسوي التان عآد هو ببآلي من فتره ومتعيجزه بس بعدك ح أسويه وأنا مغمضه
إلهي و حبيبي احفظ لنا هاليديات اللي مسويه تان ..
جميل لونك بسم الله ماشاءالله ..
فعلاً هذا بـ نَظري التان الصح ، وممكن بعد اللي اغمق منه بدرجة او درجتين ..
يــا سلام عليك ياحلوتنـا ….
يااااااه احب التان جداً ، لكن مو المتفحم ! ومو اي تان يدخل مزاجي ويعجبني ويجذبني ..
وووو اااااه و افغففففف اكره التان الوصخ واللي لونه برتقالي !!
واكره اللي طول السنـة مسوية ( تان) وصابغه شعرها ناري 🙁 !!
ماتتخيلين اني لي ٣ سنوات قاعده انتظر كل صيفية عشان اسوي تان !! ويروح الصيف و تبتدي الشتوية وانا ماسويت !!
ماني قادره اجزم !! وماني محصله المنتج الصح اللي اثق فيه .
مع ان اللي حواليني تانهم جميل ، بدون منتجات تان ، يتدهنوا بـ موية البحر و يتسدحوا بالشمس وماشاءالله الألوان جميلة وهاديـه ، بس ماني عارفـه السبب اني ما اجزم عليه !!
حمستيني ياحلوة اني اسوي تان قبل رمضان ، ويكون لوك جديد لِـ العيد ..
ح اجرب طريقتك ان شاءالله و منتجاتك مع موية البحر برضو ..
شكراً ياحلوه ..
نفس الذوق أحب البرونز المحمر يعطي لون براق أفضل من الرمادي الرمادي أحس يعطي شحوب ،، بس ابد ماأحس ان كل الناس يصلح لها الشمس فيه ناس سمراء خلقه بس الي عليها تبرز لونها وتخليه نظر بالكريمات والفك تان بس ،،
ماشاء الله تجنني ارتوسا حمستيني اعمل تان خفيف كذا
الرضا عن الذات له تقييم مختلف عن تقييم الجمال،، ع الاقل بالنسبه لي
مثلا انا قبل ٥سنوات كانت بشرتي أجمل وأصفى، وشعري كثيف وجميل وصحي، ولون بشرتي أفضل وموحد أكثر، باختصار كنت اجمل.. مع كذا ماكنت راضيه عن نفسي وكنت دائما انتقد نفسي بشده (جلد الذات) مو ع الاشياء الشكليه طبعا على شخصيتي ماكانت تعجبني وهالشي انعكس على شخصيتي بخجل وقله اجتماعيه،
،
الان بعد ولادتي شعري اخف للنصف وبشرتي اقل جمال ولوني تغير صار اسمر حنطي ، ولي على هالحال سنتين بس تغيرت فيني اشياء كثير وصرت احب نفسي وانعكس على شخصيتي بثقه بالنفس و رونق وجاذبيه، حتى الكل يقول لي محلوه محلوه، مع اني لما اوقف قدام المرايه اشوف اني قبل كنت احلى بس الفرق اني كنت غير ملحوظه بالنسبه لهم ، والي كنت مقتنعه فيه تأكد لي ان جمال الروح ينعكس على الشخص برونق وجاذبيه تزيد جماله.
وموضوع الجمال هو فعلا نسبي فيه وحده من معارفنا نعرفها بالاسم من كثر ما خالاتها خاقين على جمالها ويحكون فيه في المجالس وكنت انتظر اليوم الي اشوفها فيه وياليتني ماشفتها، لا مقومات جمال ولا جسم وفوق كذا غرور ! مع ان بنات العائله مملوحات واحلى منها!!
وانا مثلا متوسطه الجمال بس لما رحت لكوريا بغيت ارجع للسعوديه انا في كرسي وراسي في كرسي من كبره خخخخخ حسيت باحساس المشاهير وهم مايعرفون ياكلون ولا ياخذون راحتهم من نظرات الناس والي يعرفون يتكلمون انجليش يعلقون واو بيوتيفل مليت من كثر ما اتبسم مجاملات واضحك مع زوجي اقول ماخذ صاروخ انت وش على بالك وهذا وانا متحجبه لو فكيت الايشارب بيطلعوني في الاخبار خخخخخ، طبعا قاتلهم الخشم الطويل والذقن الدقيق ههههههه
،
واستمتعت بتدوينتك الجميلة توسه
ودي اسوي نسخ من جزئيه ان العربيات جمالهم قليل واعطيها كل وحده ماخذه مقلب في نفسها و٢٤ساعه تصور نفسها سيلفي قدام الناس لا حياء ولا مستحى
اوه سوري كتبت الرد في التدوينه الغلط
ما شاء الله اللون طالع خطيييير
ايوه هذا التان الي يفتح النفس
مو الشوي الي يسوا بنفسهم
صراحة ارتوس شهيتيني اتنتن زيك
عندي 3 من قريباتي
والله من كثر ما يسوا تان بجسمهم
احس اللون لصق فيهم
ومو السمار العادي
لأ السمار الي تحسيه محروق و مايل على الوصاخة
ادري التشبيه غريب بس والله لما اشوفهم احس كذا
وكرهت التان منهم
بس اليوم بعد ما شوفت نتيجة التان عليكي مره حلوة ما شاء الله
حمستيني له
ماشاء الله اللون رائع
واخيرا لقيت احد فاهم فكرة التان اللي ببالي
انا اشتغل بجامعة وكرهت التان
بس يبداء فصل الصيف شوفي الهوايل
اكثر من مرة ودي امسك بنات على جنب افهمهم ان مو كذا التان وانك قاعدة تدمرين بشرتك
هذا التان اللي ببالي التان الصح باللون الصح
بعدين مو كل شي موضة ينفع للكل التان ماينفع للجميع لون بشرتك وطبيعتها وملامحك كلها تاثر
يعطيك العافية على كل المواضيع
من المتابعين لك من زمان
واحب اقولك ان طريقة طرحك جدا تعجبني
ويعجبني وعيك
استمري
وانا من الناس اللي مع طرح كافة المواضيع
انتظر مواضيع العناية بالمناطق الحساسة
مافي شي غلط
لازم نتوعا ونساعد بعض واحب فكرتك بهالشي
موفقة ياجميلة
تجربه شااقه بس النتيجة روعه ما شاء الله ..اعتقد م رح اقدر اسويه الشمس عدوي اللدود ع طول اصدع منها شي مرهق بصراحه..
تحمسي الواحد يعمل تان حتى لو ما يبغا. ما شاء الله جميل عليكِ <3
يعطيكي العافية حبيبتي صراحة انبسطت وانا اقرا بموضوعك حلو مشجع ورح اتبع نفس خطواتك بالتان بس خليه يخلص المطر عنا هاليومين وتطلع الشمس هههههه ، انا من محبين التان بس عندي مشكلة انه كل جسمي بياخد تان الا رجليي بضلو افتح من جسمي مع اني بستخدم تان اويل بس ما في فاييدة 🙁 ، وبالنسبة لمعلومتك عن شمس الدول الاسكندافية مزبوطة انا عايشة بالسويد وصراحة انحرقت الصيف الماضي وماحسيت الا انا قالبه سودا الشمس حلوة وما بتحسي بحمها الا بعد ا تنحرقي وتنشوي هههههه
جمييييييل لونك صدق و بشرتك ما شاءالله
بس ممكن اسالك اظافرك مره جميله ما شاءالله انتي مسويتهم او صالون ؟
جميل جداً .. متحمسة أبي أتنتن هالصيفية يعطيك العافية يَ الحُب ❤️