مَساء / صباح الحُب
أخباركم يا حَلوين ؟
طُول عُمرنا نَسوي عَجينة السمبوسة بأنفسنا ما نَشتري الجَاهز
عاد الناس يَقعدون يَطقطقون على راسنا الجاهز أريح ، نَدري إنه أريح بَس للناس فيما يَعشقون مَذاهب
مافي مَثل سمبوسة البيت ، حنا مَتعودين نَسوي رقايق السمبوسة ، السمبوسة البف سَهلة لكن الرقائق مُميزة وَ هشة وَ لذيذة
وَ سبق وَ نزلت طريقة عَمل رقائق السمبوسة ، لَو أسعفني الوَقت برجع أضيفها بالمُدونة
المُهم المُضحك قبل كَم يوم وَصلني مَقطع لأحد المحلات المَشهورة بعمل رقائق السمبوسة وَ كان الوَضع مُزري للغاية وَ مقزز وَ مثير للإشمئزاز
طبعاً كل المطاعم يَصير فيها نَفس هالتَجاوزات ، لكن هالمَرة الحظ ما حالف هالمَطعم وَ كان صَيدة لأحد الكاميرات ، شَكله أحد المُنافسين يَبي يحرق سوقهم قبل رَمضان
[ هآه إللي قالوا أريح وَش رايكم بالمَوضوع !! .. ]
فيه شيء مَحيرني لما أنزل صَورة سمبوسة بالأنستا ، فَيه ناس يَقولون لي أشَويها وَ دخليها بالفَرن
بَتكون صَحية وَ لذيذة ، تَحسبوني ما أعرف إنه مُمكن نَشويها !! عادي زي مافي بطاطس مَقلي
فيه بطاطس مَشوي ، بس الإثنين ما يَشبهون بالطَعم مُمكن لو أحد يعاني من مَرض ما ، أو يَسوي دايت مُمكن
لَكن شَخصياً ما أحبها مَشوية ، يا أكل الشيء على أصَوله أو أتركه ، يَعني هالشيء خَيار شَخصي
فرجاءً لحداً يقولي بهالمَوضوع أشويها تَطلع ألذ .. يعني حَتى التَحكم بذوق الناس عَيب ..
وَ بالنهاية هذي وَصفة مُجرد ما تَغير بتكنيك الوَصفة راح يَكون طبق ثاني ..
بسم الله نبدأ ،’
عجينة السمبوسة ~
[ هالعجينة نفسها أستخدمها بالبف وَ أستخدمها بالرقائق ]
– كوبين طحين أبيض ( أستخدم دقيق فوم حالياً )
– كوب ماء
– ربع كوب سمن كريمي نباتي مهدرج مذاب ( شورتنينق = مثل سمن كريسكو ) بحال بتسوين رقائق
بحال البف يُستخدم بدل السمن النباتي ، زُبدة غير مملحة كخيار ، وَ لو ما عَندك زيت وَ بالنهاية يفرق بالطَعم
– قليل من الملح
طريقة عَمل العجينة ،’
توضع جميع المقادير بالعجانة وَ تضاف السمنة مذابة وَ ليست ساخنة ، حتى تتماسك العَجينة
عجينة بسيطة مافيها هالتكنيك الصعب ، أهم شيء تكون عجينة لينة وَ ناعمة ، الشطارة كلها بتعتمد بالفرد
سؤال : أرتوس السمن المُهدرج غير مُضر إذا بنسوي رقائق ؟
أي شيء مُهدرج مُضر ، السمبوسة كل أبوها مُضرة فكرة المقالي هي بالأساس شيء شنيع يسبب الكوليسترول وَ السمنة وَ أمراض القلب
ميزة السمن النباتي المُهدرج يطول من عُمر العجين وَ يعطيه هشاشة ، اللهم هنا إنتِ بتستخدمينه
بينما موجود بدوناتز كريسبي كريم ، دانكن دوناتز ، البطاطس المقلي بماكدونالدز وَ هارديز … إلخ من مطاعم
كُل الشيبسات إللي ناكلها من السوق : ليز وَ برنغلز وَ أخوانه ، فطيرة لوزين ، وَ الكوكيز وَ البسكويت … إلخ
حشوة سمبوسه البف بالجبن المَدخن ~
هذا هُو مَوضوعنا الأساسي
المقادير ،’
– عجينة سمبوسة سَوا زينتوآ عجينتي أو عَجينتكم لَكم الخَيار
– جبن مدخن من شركة Frico
[ يجيكم بالكَيلو , لا تَخلونه يَقطعه لكم سلايس, آي جبن مَدخن يفي بالغَرض لكن كَتبت لكم الشركه للتسهيل ]
– جبن تشدر يُفضل التشدر الحريف
[ بمآ إنه رَمضآن السَوق مَشبطين عالحَريف فما كان لي إلا أسَتخدام هالنَوع ]
بالإمَكان إضافة آي نَوع جُبن آخر تَفضلونه , لَكن الآهم وَجود التشدر + الجبن المَدخن
وَ لا ما بَتطلع لُكم سمبوسه مدخنه
النسبة ~
ثلث جَبن مدخن
وَ ثلثين جُبن تَشدر مَخلوط مَع الجبن إللي تَحبونه
مُمكن تخلطونه مَع جبن أبَيض الخَيار لُكم , بَس الجبن الأبيض مُمكن يفقع بالزيت
لأن بَه سوائل
إللي ما يَحبون نَكهة الجبن المدخن مآراح تَعجبهم من الآن أقَولهآ لَكم
الطريقة ،’
يُبشر الجَبن وَ أنا بَعد بشره بهالشَكل أرجع أفتته شَوي عَشان يندمجون سَوا
وَ يسيحون بالحَراره , أو مُمكن تبشرونه نآعم
تَقسم العَجينه لأقسام مَتساويه تتَناسب مَع حجم فَردك , أنا قَسمتهآ خَمسة أقسام
وَ كل قسم تَقريباً رآح يَطلع لنآ 8 حبات سمبوسة إلى 10 حَبات حسب سماكة العَجين إللي تَحبينها
تفرد بجَهاز مُخصص بالأصل للازانيا وَ الرافيولي
[ عَشان ما تَزيد الأسئله هالقَطعه إضافية بعجانه كينود الإنجليزيه ]
وَ بالإمكان فردها بالنَشابة , لَكن بالعَجانه تَطلع مَرتبه جداً وَ هشه
بَعد المَد تكون رقيقه بالهَشكل
نفرد العَجينه بشكل طَولي , وَ نوزع الحَشوه بالتَساوي على نصف العَجين إللي فردنآه
النَصف الأخر رآح نَغطيهآ فيه
نَرجع نَغطي الحَشوه بالعَجينه
نَقطعهآ بالقطاعه بَحيث تتَسكر مَعنآ من جراء التَقطيع وَ الضغط بالقطآعه
أو بالإمكان تقفيلهآ بالشَوكه الخَيآر لَكم , أو حَتى مُمكن تبرمونهآ بأصباعكم
نَحرص على تَواجد الدَقيق بَحيث ما تَلتصق , وَ هذا شكلهآ بعد التَقطيع جاهزه للقَلي
تُقلى
وَ تُقدم ،’
شَوفوآ شَلون مَليآنه فَقاقيع دَليل إن العَجينه طازه
وَ إن النار ساخنه تَماماً أثناء القلي وَ إن العَجينه رَقيقة
وَ بالعافية
مُلاحظة / هذه التَدوينه تَم نشرهآ سابقاً بتاريخ 29-07-2013
دُمتم بَحب
مبدددددعة في كل أحوالك ياااريت بإيدي أقدر أهديكِ ورود العالم ، إلك محبة خاصة أرتوس بقلبك اللي بيتابعوكِ أمنياتي إلك بعالم النجاح المبهر . انتِ تستحقي الدعم من الجميع. الله يوفقك يا عذبة الروح
إنتِ أحلى وَردة بهالعالم ما نَحتاج وَرود بوجودك ..
دُوم دُوم مَنورتني بَعذب الكلام ، أخجلتم تَواضعنا
ماشاء الله مبدعه وطبخااااتك تضبط معي ع طول
بقلب*
الله يعطيك العافية
كنت مستنية البوست توقعته عن العصبية كل شوي داخلة خارجة المدونة .. يشهد الله اني احب @ ثرثرتك بشكل مو طبيعي obsession زي ما يقولو
تصدقين دايم ودي تتذكرين اسمي مدري ليه يعني اذا علقت تتذكريه … ما عليك لسا مواصلة للحين
All luck and I wish u the best – neel
بتذكرك لو دايم سَجلتي بنفس الإسم
هههههههههه أجل كل بَوست أنزله تتوقعون راح أنَزل عَنه تَدوينة !! يا زَينكم وَ الله مُخلصين من قلب بالمُتابعة
ما شا الله تبارك الله شكلها لزازه” فيس مغمى عليه “”الله يرزقك من فضله ويسعدك يا شيف توسه “وردد وقللب كبييير “”
آمين يارب ، وَ ياك وَ كل من تُحبين ..
نورتيني
سبق وطبقت عائلتي طريقة سمبوستك هذي فعلا فعلا انبهرنا بطعمها وهشاشتها حتى تنوع الحشوات الي ذكرتيه بالموضوع كل سويناه ماعدا البيض ألذ شيء كان الجبن المدخن طعمه يهوس من لذاذته طبعا كلنا بالبداية ماحبينا نجربه بحكم انه جديد وماجربته قبل بس بعدين جاز لنا الطعم وحبيناها كثيرر عاد تصدقين ندمت اني ماصورتها لك مرات ودي تحطين لنا قسم في المدونة نحط فيها صور تطبيقاتنا لطبخاتك الي جربناها او شيء مدحتيه وجاز لنا.
وانا اضم صوتي للحلوات مررة الفكرة روعه … انا طبقت كذا طبخه لك واغلب المنتجات اللي اشرتي لها عندي دايما ودي اصورها لك بس صعبه احطها بانستقرامي وامنشن اقول في نفسي خييير … بس فكرة الجميله رائعه جدا جد
هههههههه تَصدقين هو بالآنستا أكثر سَهولة وَ أفضل
لكن بدرس فَكرتكم شَلون أضيفها ، لأن أخاف أفتح موضوع يتم التفاعل مَعه لمرة واحدة فَقط ، حَلو لو يكون سَهل الوَصول دائماً وَ أبداً
هههههه على طاري المدونة والتفاعل لو تسوين لنا شات مثل قناة بداية بيكون التفاعل خطير ههههههه <<<<<< ترا امزح معك بس جد انا حابه الفكرة لكن مثلك مش عارفه كيف نطبقها
فكرة الشات ضَحكتني بس لو تنفع بَسويها ، خاصة لو بَتسليكم
ههههه يَمكن تتعرفون على بَعض وَ تحبون بعض ..
ياخي فديت الي يعززون لفكرتي ويدعموني (بووووسة لك) انا صراحة مثلك وحسابي في انستقرام ماافضل احط فيه اي شيء من حياتي و فرضا لو حطبت بحسابي فالهدف اني افيد غيري بس اشوف لو بالمدونة بيقرونه ناس اكثر وكلنا بنتشجع نطرح الي عندنا ويزيد التعاون بينا في بعض الامور مثلا كل وحدة تذكر و تقول لنا اكثر من مكان هي اشترت منه المنتج وهكذا .
ههههههه تَرى يوماً ما بتقولين لي مَين أنتِ ؟! ما يَصحش كده ..
وَ الله فكرتك حَلوه ، بس خليني أستشير نَسبة أكبر وَ نشوف إذا المَوضوع يناسبهم أو لأ
وَ بشريني وَش صار على إختباراتك ؟
ياحبيبتي ابشري والله ان شاء الله بيجي يوم وتعرفين من انا عاد ياكثر ماتمنيت يكون بيننا طريقة تواصل اسرع بس اقول خلها بوقتها .
بخصوص اختباراتي الحمددلله خلصت بس عاد دعواتك تطلع النتايج حلووة عاد كل يوم تقرصني يدي ابي ارد كل مانزلت تدوينة جديدة يتقطع قلبي ماصبر بس اقول كلها كم يوم وافضى وهذاني ارتحت وتفرغت للمدونة ياختي احس جزء مني ونجاح مدونتك اعتبره نجاح لي .
يا قلبي ، وَ الله يا حظي بَمشاعرك وَ إهتمامك
وَ ما أنكر الأيام إللي ما أشوفك فيها تَدوينتي تصير ناقصة فيه ٢٠ بَنت أحسهم نَور المُدونة تقريباً
هو فيه كثير ما يقصرون بس فيه ناس من الأوائل بكل شيء
وَ يارب تطلع نَتائجك وَ تفرحين بها
ماشاءالله تبارك الرحمن
ولاا غلطه كالعاده
دايم اسأل نفسي من أي البشر أنتي يا آرتوس؟
ملمة بكل شي يتعلق بالابداع و لك باع في كل مجال أنيق راائعه بيييرفكت
بس سؤال بريء
يعني انا دايما اشوفك دقيقه بكل شي و كل شي عندك بالملي
ما يصادف يعني مره تنحاسين بشي تتوهقين تقومين متأخر و تطيرين ع الدوام من غير ماتسوين الروتين اليومي المعتاد وووو يعني مدري هل فيه فوضى بحياتك و لو جزء بسيط او لا ؟ فقط عشان احس انك انسانه طبيعيه مثلنا ههههههه ماشالله لا اله الله عيني عليك بارده
من جد لما اقرا مدونتك تجيبين لي السعاده واحس ان الحياه حلوه و الامل موجود واني اقدر ابدع و انجز مهما صار..
عندي فضول آخر بس عشان اتخيلك اكثر ، يمكن انسألاي كثير بس بليييز جاوبي ولو تلميح : ماهي وظيفتك؟
حبي واحترامي يا مبدعه
ههههه يا حُبني لك ، صَدقيني إنتِ تشوفيني من زَاويتك
وَ لا أنا أكيد بَشر وَ لي بلاوي وَ مصايب وَ فوضى وَ جنون ، لكن أظهر أفضل جوانبي هُنا
يعني أكيد ما بَكتب لكم إلا الشيء إللي أتقنه ..
بالنسبة للحوسة وَ التوهق عَطيني مَثال وَ بقولك شَلون أتصرف مَعها ، المَوضوع تَمرس
بس إللي أعرفه إني تَعودت أني أحضر كل المُناسبات وَ العزايم على سَنقة عشرة .. ما عَمري طلعت بنص تَرتيب أو ٣ أرباع التَرتيب
وَ ما أعتذر عن طلعة لأن ما تَرتبت ، وَ جاءت فترة من حياتي عاملت نَفسي كفنانة ما أنَكر بس الآن إلتزاماتي كَثرت وَ أضطريت أخفف يَدي وَ أتعلم شلون أمسك العَصا من النص
بس بحياة أمي كَنت أعامل نَفسي فَنانة بَمعنى فنانة ، لدرجة أمي كانت لما يجي برنامج بالتلفزيون : تقول رَوحي معهم أحسن لك بَدل كل ذا التعب ..
أحس الكل يَقدر يَمسك العصا من النَص ، المَسألة تَمرس
مثلا .. صحيتي متأخر عن موعد الدوام.. ازعجتك بذا الدوام هههههههه .. من جد يعني ماعمره جا يوم كذا راحت عليك نومه.. او مثلا جو ضيوف فجأه او عرفتي بجيتهم متأخر .. اش راح تسوين بالضيافه؟ .. يعني اجمالا بالحالات الطارئة او غير المتوقعه وش هي خططك البديله؟..
نفسي يا آرتوس تكتبين مدونه عن اشياء تسهل عليك حياتك .. وهل انتي من الناس اللي تلتزم بجدول معين وبلانر كل يوم؟ و كل شي لازم يمشي بحذافيره مهما كان مزاجك؟ يمكن تقولين وش تبي ذي ههههههه بس والله ودي استفيد منك انتي من جد قدوه ولاتقولين انا نشوفك بيرفكت من زاويتنا لا لان انتي فعلا بيرفكت ولا كل هالدقه والابداع ماتجي من فراغ ولا تجي من شخص مره يمشي على جدول مره يمشي حاله مره يجبر نفسه.. وهكذا
ودي لو تكتبين تدوينه عن فن التخطيط و تحقيق الاهداف و تنظيم الوقت و تحفيز النفس على الابداع والانجاز.. اعذريني لو طولت عليك او ضايقتك بسؤال ..
لك حبي واحترامي يا مبدعه
لازم نَحط أكل إحتياط ببيتنا ، وَ غالباً التمر وَ القهوة مَوجودة بأي بَيت عربي
أو السوفليه السريع ، عصير فَرش ، وَ الآن المَطاعم ما تَقصر إذا ضيف الفجأة ما يَستحي وَ لا يبي أحد يَوجبه كما يَجب يَتحمل ..
بعدين بحياة أمي ، بيتنا كان دايم مَفتوح فصرنا متأقلمين مع هالمَوضوع ، بس ما أنكر إني ما أحب الناس إللي يَطبون فجأة
فهم صاروا فاهميني لا أنا أطب وَ لا هُم يَطبون ، وَ الضيف الغثيث يتوجب ببيتنا بس يدري النفس ما تَحبه ..
أنا إللي أحبه لو جاء يبين على وَجهي لدرجة مرات من كثر ما أنوع له بالأكل ، أنسى كم طَبق ما أقدمه وَدي ضيفي الحبيب ياكل كل شيء عجبني
أو كل شيء إكتشفته جَديد وَ هذا غالباً يكون لبعض من قريباتي وَ صديقاتي ،، أكتشف فجأة إن نص غرفة نومي إنتقلت للمَجلس من كثر ما أحب يشاركوني الجَديد
وَ إللي ما سَويت معه كذا ما أحبه ، بَكون أجامله بَحكم الإحترام وَ الضيافة وَ الذوق وَ الإتيكيت
ما أحب سالفة الجَدول ، الإنسان مزيج من المشاعر وَ المزاجية صَعب يعامل نفسه كإنسان آلي ..
وَ عندنا أحترام لواجباتنا إتجاه بَعض مافيها تَفريط أبداً ، يعني أنا لو طلبت شيء من أخوي واثقة راح يسويه لي ١٠٠٪ وَ فوقه بوسه عالراس
وَ الحال بالمَثل ، لذلك ما نقصر بواجباتنا مَتعودين على ذا الشيء ..
وَ مانمشي على جَدول أهم شيء ما نَقصر بحقوقنا إتجاه بَعض ، يعني مافي شيء إسمه يووووه ما أبي أنظف البيت !!
مافي شيء إسمه اليوم مافي غداء دبروا نَفسكم ، فيه شيء إسمه اليوم بناكل من برا أو نطلع برا لأن مالي خَلق أطبخ فيه تدبير وَ تخطيط مُسبق ..
ما أقدر أتكلم عن فن التَخطيط ، لأن الإنسان المُخطط هو إنسان عايش لوَحده
مُستحيل أخطط وَ أحط خطط وَ أنا عايشة ضَمن أسره أراعيها وَ تراعيني ، المُخططين ناس مُغرقين بالرَوتين
غير كذا أنا أكنسل كل شيء لو أي أحد من أهلي مَتضايق ، أهلي أولاً وَ أحبابي .. من ثُم تأتي ثانويات الحياة
فيسات بوسات
وَصلت بَوساتك ..
نفس كلامك الله يحميها وَ ياك ❤️❤️ ..
Aljamilla فكرتك رووووعه
اضم صوتي لها يا آرتوس✋
الله الله
تسلم يدك
فلسفتك بالقلي ذكرتني بسالفة، أنا من محبين القرصان وأحب أشوح البصل حقه بزبدة وأتوصى فيها، المهم ذاقته وحدة وأعجبها قالت بس أنا أسويه صحي وأقلى البصل بزيت قليييل، قلت معليش يختي أنا آكله عشان اتلذذ فيه ولو سويته صحي ما أعجبك طعمه لهالدرجة ! فيه فرق بين انك تسوين الأكلة على أصولها وبين انك تعدلين فيها عشان تناسب الدايت اوكي حلو لكن مستحيل ترجع النكهة الأصلية
هههههههههههههه جَبتيها صَح
أنا الجريش أحبه بالودك ، وَ جوابك مُقنع فيه فرق بين إنك تسوين الأكلة على أصولها وَ بين إنك تَعدلين فيها عَشان تناسب الصَحة وَ الدايت
تعالي بالأحضان ، حسيت إنك صَديقتي بالأكل ..
وَ ما أنكر شَهيتيني على قرصان .. إذا شفتيني بالأنستا مصورة قرصان وَ لا مرقوق إعرفي إنه إنتِ السبب
فنانه وفنانه وفنانه
طبقتها وكنت لذيذه اطباقك دايم اسويها بكل ثقه
الاله عندي ثنتين ماحبيتها ماادري ليه ودي استخدمها حتى تريحني بالفرد
عندي وحده ذبحتني تلمسني كهرب يمكن هذا سبب كرهي لها
والا ع قولت امي انا احب الشقاء والطريقه الاصعب
ودي لو تتكلمي عن انواع الجبن افضلها البديل لو مالقينا
يا حَظي حَظاه ..
بسم الله على قلبك من الكهرب إنتبهي ..
بالنسبة للجبن تقصدين بشكل عام !! وَ لا الجبن المدخن
أنا أفضل تتذوقين بنفسك بمحلات الجبن ، يعطونك عينات للتذوق
بعض أنواع الجبن تسبب مرارة بالفم مو الكل يتقبلها عشان كذا صعب أعطيك نوع مُعين
لكن إبدأي بالتدرج التشدر وَ الجبن المدخن خفيف النكهة مُقارنة بغيره من أنواع الأجبان أو بالأحرى وَ الأصح تعودنا عليه
يعني تشدر كرافت أخف من التشدر الأصلي هذاك فيه مرارة وَ قوي بس طَعمه لذيذ
نكهة البارميزان تكرمين كثير يصنفون ريحته عفن مثل الشراريب – وَهو بكتيريا فعلاً
لكن يعتمد على طريقة الطبخ وَ الكمية وَ ذوقك بالأجبان ..
أعرف وَحدة كانت تقول للموزاريلا الطازجة يع يع ، الأن صارت تَموت فيها وَ تطلبها من نفسها
ما شاء الله الله يعطيك العافيه ياقمر تسلم ديااتك طبق روعه والتصوير روعه والتدوينه روعه احوووووبك
يعافي قَلبك حبيبتي ..
إنتِ الرَوعة يازينك بس
تسلم يدددددددك *قلوووب*
فعلا انا من اشوف الفقاقيع هذي اعرف ان الطعم خورافي يمي يم تشهي والله *عيون قلوب* اهم شي اوصف الفيسات
احنا والله كذا نعجن بالبيت وحتى الحشوه لو كانت لحم مانشتري لحم مفروم جاهز مانتقبل طعمه تعودنا ع الطازح نجيب اللحم ونغسله عندنا وع الفرامه ونفرزنه وقت مانحتاج نسوي شي نكون متطمين لمصدر هاللحم فتشوفين لما نذوقه عند ناس او من السوق مايجوز لي الطعم .. بس مرات نضطر ناخذ رقائق السمبوسه الجاهزه عايلتنا عددهم كبير شباب مافيه غيري انا وامي فمره صحيين ومره نخبص بس الاهم الحشوه واثقين من محتوياتها لول
ادري سؤالي خايس بس ابي اشتري لامي عجانه صار العجن يعورها بيدها وبيتنا من محبين المعجنات مالك بالطويله وش احسن عجانه
او الي انتي تستخدمينه وحبيت الفراده بعد اذا عادي قولي سعرها مع الماركه وشكرا اثق برأيك واختياراتك
يا عَيني يا عَين ..
بالنسبة لعجانتي كينوود بريطانية ، لأن الآن أتوقع إنتشر الصيني ..
كينود ميجور هذي إللي عَندي وَ بالنسبة للسعر وَ الله معي من أكثر من ١٠ سَنوات ما أذكر السعر وَ مو أنا إللي شَريتها
إنزلي السَوق أفضل شيء
صباح الفل
واااااووو ماشاء الله
الشكل مغري لأقصى حد 🙂
انا ما اعرف طعم الجبن المدخن صراحة بس احس بيطلع
لذيذ
بالذات انو السمبوسه مقليه و الجبن ذايب
ومعها فيمتو بارد
omg
أمممم الجَبن المدخن نكهته طاغية ، تحسين كأنك تاكلين فطير مشلتت هههههه مَدري شلون أوصفه
وَ فيه نكهة حرق وَ شياط ، جربتي ديك الحبش المدخن !! زي كذا بس على جبنة
بس ترى لو إنتِ متعودة على كرافت السائلة يمكن ما تتَقبلينهآ
وَ فيمتو بارد ههههههه ماشاء الله حسستيني بأجواء رَمضان ..
تسلم ايدينك..،
مبدعة في كل مجال..، ما شاء الله.. الله لا يضرك
يسلم قَلبك ، نَورتيني
يعطيكك العافيه مبدعه كعادتك
يَعافيك حبيبتي ..
عافيه ، طيب واللي ماياكل الا مقلي وهو ملزوم بدايت ينتحر ؟ لوووول
سَلامته من الإنتحار
نَعوضه بَوصفات ثانية ..
دامش انتي مسويتهاا اكيدين لذيذه
وان شاء الله ف الويكند بذوقها امي تحب كل شي فالبيت مطبوخ
مساء العافية
مع أني قبل أشوي متغديه لكني اشتهيت
العجينة بروحها شكلها يشهي ، ما شاء الله عليج سوس إن شاء الله تسلم هالأيادي
أكيد إن شاء الله بجهز هالسمبوسه و بطبق كلامج بالحرف الواحد
: *
حَبيبتي وَ الله
وَ بالعافية عليك ما كَليتي ، مَطرح ما يَسري يَمري
وَ إن شاء الله تضبط وَياك وَ تعجبك
نَورتيني
والله رووووعه يعطيج العافيه وتسلم ايدج ،، شغل عدل ماشاءالله عليج ،، أموووت فالجبنة المدخنة ودوم أشتريها وآكلها بروحها بدون أي اضافات أستلذ وأستمتع فيها ،،ودي أسويها بس للأسف ماعندي هالآلة اللي تفرد العجين ،، ونا مب شاطرة بالفرد بتكون العجينة عندي مب متساوية ،، بس شكلي بحاول خاصة انها دشت بخاطري ،، بسألج نبلل الأطراف عشن تلصق العجين ولامايحتاي؟ لاني ماشفتج كتبتي عن هالشي ،،
الله يَعافي رَوحك ..
ماشاء الله إنتِ عاشقة أجبان ..
بالنسبة للأطراف لا يَروحي ما تبللينها بُمجرد أنك تضغطين عليها بالقطاعة راح تتلصق مَع بعض ..
لاحظي لما كتبت إنها راح تلتصق من جراء التَقطيع ..
وَ ياهلا بَك يا أم عَمار
يعطيك العافيه
منظرها يفتح النفس
لو تعملي نظام يومي فطور صحي غدا صحي وعشاء صحي متوازن فيه كل الفيتامينات اللي يحتاجها الجسم طبعا مع السناك وهيك شغلات. بكون شاكره لك كتير كتير
كمان سؤال •• أيـش رأيك بالمشروب الأخضر اللي عباره عن نوعين خضار نوع فاكهه مع عصير ليمون
وبث
يَعافي رَوحك ..
أنا مو صَحية ١٠٠٪ أحب حَياتي تَكون مَكس ما بين وَ مابين ، وَ غير كذا حتى لو حولت حياتي صَحية بتكون مليئة بالسعرات الحرارية
لكن صَحية ، ما أدري إذا يناسبك ؟! ..
وَ سبق تَكلمت عن المشروبات الخضراء !! أتوقع إنك متابعتني من زَمان لو ترجعين مَدونتي القديمة بتلقين كل ما يتعلق بالسموذي الأخضر ..
نورتيني
ماشاء الله عليك
تسلم ايدينك
الله يَسلم رَوحك
ماشاء الله تسلم دياتك باين من الشكل ان الطعم اكسترا لذاذه وقرمشه يميييي يمييي بالهنا والعافيه… قلوووووب لعندك ارتوس
ماشاء الله شكلها اليم ذكرني بسمبوسة جدتي نفس الشكل مقرمشة ولزيزة ، اثق بذوقك وان شاء الله بجرب الحشوة قريب …
وعلى فكرة جربت طريقة كبستك بالبندورة المقشرة مرة لزيزة وسرت اقشر البندورة مع اي كشنة للكبسة شكراً لك.
مَطرح ما يَسري يَمري ، عَليكم بالعافية
وَ تسلمين لي لَثقتك بَي ..
نورتيني
يمممي ..يعطيك العافية ارتوستي ..
وتسلم يدك ع الطبخة اللذيذة ..وصراحه اشتهيت اجرب الجبن المدخن ..اتوقع حيعجبني طعمه ..
وانا اضم صووتي للبنات بخصوص فكررره صور يصير فيه تفاعل بين المتابعين
يسعدك ربي ارتوووسه
بإذن الله ، وَ يسلم رَوحك وَ قلبك
ما شاء الله حبيييت الطريقه وشكلها يمي
التصوير يفتح النفس
تسلم ايدك حبيبتي وجزاك الله ألف خير
الله يَسلم رَوحك ، من ذَوقك ..
مآشاء الله ايش هالجمال والإبداع
أتذكر مره سويت عجينة البف اول مره كانت لذيذه بس كسرت أيدي بالفرد
والمره ثانيه م زبطت بس شكلي بجرب هذي ممكن تزبط معي
صآدقه مافي مثل البيت ألذ
أتذكر وحده منا كنا نسوي خبز الساندوتشات وكل شي نعجنه كانت كل مره نجيب تقول يووه أنتم ناس ي حبكم للعناء ومخلوقين له
ههههههههه ليه ي قلبي عشان نحب تتفنن ونأكل ونحس للأكل طعم
آحس قرقت واجد ههه
سلامة إدينك ، إن شاء الله هالمَرة تضبط مَعك ..
وَ يختي البَعض عليه لقافة حتى بطريقة أكلك ، بالعَكس مفروض الوَحدة تفرح إذا أحد وَجبها من صنع يَدينه
عالأقل بقول بَقلبي جالسة أستمتع بنظافة أكلهم وَ لذاذته بكيفهم يتعبون أو يحبون الشَقى ..
ههههه ناس عجيبة
اي والله انك صادقه لو آقول لگ بالذات ذا الناس لو رحت لهم بآي شي من آكلي آعرف المرهـ الثانيه
ما بيزبط ههههه بصراحهـ صرت أخاف اروح وبعدها مايزبط
بجد بدون مبالغه
حَصني نَفسك وَ بالك بَيرتاح
جميله جدا
خاطري من فتره اجرب انا اسوي ها بالبيت
شهيتيني. ..
ولو اني بالبداية مبسوطه على بالي البف باستيري هههه
ههههههههههه يا زَينك ..
نَورتيني
يسعدلي اياامك تووسه ،، خورافي المنظرر مع الفقاقيع اعشق المقالي الخفيفه النظيفه مو تبع المحلات الي تقوطر زيت 🙁 بااذن الله لي تجربه لهاا قبل رمضان بس ماعندي فراده اتوقع ببتلش بالفرد اام عادي تتفرزن توسه ! بحيث اتعب يوم بكميه كبيره بالفرد واوفر الوقت باقي الايام ،،
وَ أيامك يا قَمرة ..
بالنسبة للتفريز أنا ما أفضل الفرزنة مع البف ، بَس إيه عادي تتفرزن حطيها بصينية بالفريزر لين العجينة تجمد من ثُم أبدأي وزعيها على العلب
وَ قبل القلي نزليها بنص ساعة أو ساعة حسب الجوء عشان يذوب التجلد وَ أبدأي بالقلي ..
وَ ترى ما تتعب ، ما تاخذ أكثر من نص ساعة إذا إنتِ متعودة عليها
انا ما صرت سنيوريتا وسنعه الا عقب هالذوق والسنع
يسلم هالايدين جعل ماتمسها النار
اقدر كل شي اتعب فيه واسويه افضل من الجاهز له طعم
ارتووس ❤️
يا بَعدي ..
أخجلتم تَواضعنا ، وَ آمين الله يجزاك بَمثل ما دَعيتي لي وَ أكثر
نورتيني
هههههه ارتوسه وأنا اقرأ التدوينه حسيتك كاتبتها معصبه لازم كذا حطو كذا احب المقلي الناس اذواق عيب ههههههههه رهيبه ربي يسعدك مثل ماتسعدينا ❤️
بالنسبه لي مااحب الطبخ وخاصه العجائن فاشله فيها بس ماحب اشوف تدوينه ومااقراها سلمت يداك ياأوخيتي وربي يسعدك حبيبتي ❤️
ههههههههه لا مُو مَعصبة ، بس مُخي ينفلق نَصين لما أحد يتشهون بَدل عنك
لو بحط وَصفتك مُش وَصفتي ما كان فتحت مُدونة .. لووووول
وَ ياك يآرب ..
اموت باالبف وان شاءالله بجربها
جربت مكرونه الفطر والدجاج جداً سعيده بنجاحه معاي خاصه ان الباشميل نجحت معاي ولا تكتلت الصراحه وصفك يكفي ويوفي
مدري كيف نوفيك حقك
مااقول الا الله يجزاك الجنه انتي ووالدينك والمسلمين اجمعين
الحمد لله اني اعرفك انتي اضافه جميله بحياتي مدري ليه غورقن عيوني
ياحليلي حساسه ورقيقه بزياده ههههههه
سَعيدة بنجاح التجربة مَعك وَ أكيد السر بيدينك ..
ههههههههههههههههه ضَحكتيني وَ الله ، وَ يسلم لي الحساس
أزين خليك دُوم حساسة ، وَش حلاة المرأة بنعومتها
وعلى فكره انا بما اني مو بمقدار سناعتك الله يبارك لك
اشتري عجينه السمبوسه جاهزه عشان كذا مااحبها الا باالفرن
جربت كل الانواع باالزيت مو حلوه ابد تنقط زيت مو الموضوع صحه لا بس الطعم زفت
يمكن كل اللي يحبونها باالفرن يعانون من شرب السمبوسه لزيت وتفقد طعمها
فعشان كذا كرهنا المقليه لكن وبكل صراحه عجينه السمبوسه حقتك كشكل واكيد كطعم ماتشبه الجاهزه عشان كذا حلوه باالقلي
طيب جربتي رقاق سمبوسة حلواني ألفت !!
مليحة بس تشرب زيت ، لكن ألذ مافي السوق وَ تشبه حق البيت بنسبة ٧٠٪
ههههههههههههه ضَحكني ردك شكلك اليوم مَروقة لأن من زمان ما شفت طلتك
وانتي الصادقه علي اختبار والمكان الوحيد اللي يخلين سعيده وبعيده عن هم المذاكره مدونتك الجميله
توسه يالحب تسلم يدينك ولفت نظري سطح الخشب اللي تسوين عليه لاحظت انو مره كبير ايش هو بالضبط ودي فيه هههههههه
السلام عليكم، اش طريقه إش كتابه إش عرض اش تصوير الله يجعلك مباركة أينما كنت و يزيدك من فضله تشكري
ياحظ اللي بياخذج يا ارتوس ماشاء الله فنانه في كل شيء ماشاء الله عليج
الشكل لحاله حكايه كيف الطعم
مساك يا حب
سويت السمبوسه اليوم بس الحشوه حطيت لحم طلعت لاااااذيذه تسلم يدك يا قمر و المره الجايه بجرب الجبن المدخن
رررروعه بصراحه كد سوووويت بف مرات كثيره وحطيت بكنج بودر نقشت بس ما يرضي إيش سر النفش إلى فيها فرد ولا القلي
كنت بدور على طريقة لف السبرينغ رول
اول مرة بحياتي اعمله
لقيت لك موضوع
شو بدي قولك؟آآه
دعيت لك من كل قلبي
فرحت بالنتيجة كونها اول مرة
انو طلعت معي مرتبة .. بيرفكت
اتمنالك كل السعادة والتوفيق حبيبتي
متشوقة اعمل هالوصفة كتير
الصور délicieux
مرحبا ….
اول شي ماشاء الله تبارك الله .. كل ما طاح تحت يدينك اصبح جميل هذا شعوري
ثاني شي كل مادخلت على موضوع من مواضيعك يجيني هذا السؤال الي يحك في راسي حك من سنه
س/ انت سعوديه اكيد طبعا بس مافيك عرق غير سعودي؟؟؟؟ واسفه على اللقافه
تَسلمين لي يآ قَلبي ..
عَيونك الحَلوة ، وَ أبداً السؤال ما يَزعل بس أنا عَربية أصيلة
ما عَندي لا عرق لا إيراني وَ لا شامي وَ لا مغربي وَ لا مصري مَع إحترامي لَجميع الدُول
وَ أمي وَ أبوي الإثنين من قبائل مَعروفة ، اللهم هُم مُش أقارب كل واحد من قبيلة مُختلفة ..
أن شاء الله أكون أفدتك بهالَخصوص ..
دُمتي بَود
ما شاء الله يشهي شكل السمبوسة.. شدني تعليق لك على وحدة “ممكن اكنسل كل شي لو أحد من أهلي متضايق” “أهلي وأحبابي أولًا” أثرت فيني، ومو أول شي اقراه لك وياخذ حيز من تفكيري❤️ شكرًا لك أرتوس وجعل كل الي تكتبينه أجره لك ولوالديك❤️ *متابعة لك من ٤ سنوات*
ارتوس اجرب حظي في التعليق هههههه
اولا شكرااااا من اعماااق القلب
انا ا توني اكتشف مدونتك الذهبية قبل اسبووووع انا وين كنت عايشه ؟؟
كل اللي احبه كتبتيه من كل النواحيوالرياضه ممكن سؤال
ادري مكان اكل بس اجرب هههه
انتانااا ساقي من الاسف نحيييييييفه ودي يسمنون شوووي حتى تطلع قدمي ع الكعب بيرفكت الحمد لله وفوق هذا جهاي مخنترب ومااا اشوف وش اكتببب ههههه
حتى الايميل خربوط الحين راح اسوي ايميل والله انتي روووعه بمعنى روعه القلب من
ابداع جديد من اناملك السحرية ??
جازت لي طريقتك و خصوصا اني من عشاق الجبن المدخن
و ان شاءالله اسويها و اضبطها مثلك
ربي يحرم هاليدين عن النار
و صباحك مشرق و سعيد و جميل كجمال وجهك ??