صَباح الحُب
مَساء الرَحمة وَ النقاء
وَصفتنا اليَوم جداً سهله
وَ متوفرة مَقاديرها بَكل بيت , وَ هي بالأساس وَصفة أمي – الله يَرحمها – بسلطة المكرونه
Macaroni Pasta Salad
سُبحان الله هالأكله ما كَنت أكلها أبداً بيني وَ بينها عداء
لما تَوفت أمي صَرت أشتهيها وَ أكلها وَ تعجبني , بما أني مو مَن مُحبين المايونيز الجاهز
تقدرون تقولون إن المايونيز ما يَدخل بيتنا إلا عَشان هالطبق خَصيصاً
خَلونآ نَشوف المقآدير وَ الخطوات
بَسم الله نبدأ
المقادير ~
المُكونآت دائماً بالسلطات تَقديرية وَ تقدرون تَضيفون لهآ
الشَغلات إللي تَحبونهآ وَ الشغلات إللي مآتحبونهآ تَزيلونها من السَلطه
لكن الأهم ما تَزيلون الأساسيات بالوَصفة
– 180 غرام مكرونه , تقريباً ثلث العبوه
[ بالسلطات أختار 3 أنواع , لأن مُو كل نوع مَكرونه ينفع للسَلطة وَ حتى مَب كل نَوع مكرونه ينفع للصلصه الحَمراء أو الصلصه البيضاء ] ..
أختار أما مكرونة فيونكات – أو مكرونة نوتشيولي حَجم صَغير – أو مكرونة مكروني الصغيرة ( مكرونه آلبو وَهي إللي أخترتهآ اليوم لسلطتي ) لذيذة لأنها صغنونه وَ ماتحوسك بالسلطه وَ تذوب بالفم وَ ماتشرب كل الصوص وَ تخلي السلطه نآشفة إنمآ تتخللهآ
– مايونيز حسب الرَغبة
شخصياً أفضلهآ بالمايونيز صَرف ما أحب أخلطه مَع آي شيء لهآ لذاذة مآ تشابههآ لذاذة غير بقية الصَوصات , لأن مُمكن مع المايونيز تستخدمين أما سور كريم أو رانش صوص , أو جريك يوقرت ( زبادي يوناني ) أو زبادي عادي أو لبنه طَبعاً بالإضافة مع المايونيز مافي بَدون مايونيز لكن أنا ما أحبهآ إلا بالمايونيز لَوحده , المايونيز أساسي بهالسلطة وَ لكن يُخلط مَع إضافات وَ مثل ما قلت أنا ما أحب أخَلطه لأقتنآعي إن نَكهته كذآ الأفَضل
– ملعقة خَل
– عصير ليمونه
– نص حبة فلفل رومي
– نص حبة طماطم وسط
– نص بصله صغيرة
[ مُمكن أستبداله بالبصل الأخضر , لكن الأستغناء عنه كُلياً راح يأثر عالنَكهه جداً جداً فُممكن لو مآ تحبينه تضيفينه بَس تقللين الكَميه شَوي لكنه أساسي ]
– مارتديلا حسب الرَغبة ..
أنا أخترت ديك الحبش المدخن 3 شرحات وَ بالإمكآن أستبدال المارتديلا بالنقانق ..
لكن لا أحبذ
– معلقتين كبار شرحات زيتون أسود
– ملعقتين كبار شرحات زيتون أخضر
– كوب ذرة
– ملح
– بقدونس للتزَيين
خيارات مُمكن أضافتهآ لكن أنا ما أسَتخدمهآ
[ أعشاب إيطاليه – فلفل أسود – ثوم – فاصوليا حمراء ]
الطريقة ~
نقوم بتقطيع الفلفل الرومي وَ الطماطم وَ البصل تقطيع صغير وَ ناعم
وَ المارتديلا يتم تقطعيهآ مُربعات مَثل الصَورة
نسلق الذرة الحلوة وَ المكرونه
وَ خطوة مُهمه جداً جداً جداً إن الذرة وَ المكرونه ما نحطهآ بالسلطة إلا لما تَكون باردة
ليش ؟!
لأنهآ سلطة باردة أولاً وَ ثانياً لآن المايونيز حَساس لو حطيتوه على شيء ساخن
رآح يسيح وَ يقلب زَيت , فلي خآيفه تَقدر تغسل المكرونه بماء بارد مَنهآ ما تلزق وَ منهآ تبرد بحال كنتِ مستعجله
بوَعاء عميق نضيف المايونيز وَ عصير الليمون وَ الملح وَ الخل وَ نخلط
لين يتكون مَعنآ قوام ناعم
نَضيف ثلاث أرباع الذُره وَ الفلفل الرومي , وَ البصل وَالطمآطم
ثُم نَقوم بخلطهم حَتى يُصبح بهالشَكل
نَضيف المَكرونه كآخر خَطوة
حَتى تَصبح بهالشَكل , إللي تحبهآ كريميه أكثر تَضيف مايونيز آكثر
لكن هالمُعدل مُمتآز , لمآ تَقدمينه للناس مايرفضون أكله وَ جربتهآ مع أطفال صَغار وَ حريم كبار
الكَل ياكلهآ بإطمئنان , تعرفون عاد فيه ناس يوسوسون من الصوصات البيضاء أو إللي فيها مايونيز
نَضعهآ بَصحن التَقديم
وَ نرش عالوَجه المارتديلا , وَ الزيتون وَ الذرة
[ طبعاً أضفت ذره مَع الخليط وَزيادة أضفت عالوَجه , عَشان مآ يطلع شَكلهآ مُقرف وَ حوسه ]
وَ تؤكل بآرده بالهَناء وَ العافيه
مُلاحظة ،’
جَودة السلطات تَعتمد على جَودة المكونات بالمَقام الأول
مَن ثُم عَدم وجود ماء بالسلطة , فيه ناس كثير بقاع السلطة نحصل مَويه مَفروض مايكون هالشيء مَوجود , فلذلك التَنافس بالسلطات دايم تنافس على نشفان السلطة من ماء الغَسل أو ماء الحرارة وَ ذبول المَكونات , وَ مايكون فيه إلا الصَوص فأنتبهوآ لهالنَقطه
هذا هُو الشيء الأساسي يَلي يَخلي الوآحد ما يَمد يَدينه على سَلطة الناس
وَ اخيراً بأغلب السلطات التَتبليه تُضاف وَقت التَقديم ..
عَشان يعطيهآ مَظهر فرش وَ ما يَخلي المَاء يَعصر ..
آتمنى أكَون أفدتكم , السَلطات جداً بسيطة
لكن بنفس الوَقت دَقيقه , مَثلهآ مَثل دقة التركش كوفي
دُمتم بَحب
مُلاحظة / هذه التَدوينه تَم نشرهآ سابقاً بتاريخ 18-07-2013
وياصباح الورد
واو زين وانا توي ماكله سلطه والا كان علوم ههههه
تسلم يدك حبيتها لو باسويها باستثني المرتديلا والنقانق وهالسوالف
سهله وتنفع تفك ازمات
راح اجربها قريب باذن الله
هَو إنتِ صاحية !! ..
صباح الوَرد ، بالعافية عَليك السَلطة
يالله جَربي وَ بلغيني رآح تَحبينها ( وَش رايك بالثَقة بَس !! )
اي بالله صاحيه تلاقيني بكل وقت ناطه لك
فديت الواثقه
اكيد باحبها دام من عندك وهو انتِ تنزلي شي مايعجبني غير تدوينه شحم السيارات ههههههه
هههههههههه حَلوة مَنك ..
ي جمال منظرها
يعطيك الف الف الف عافيه ارتوس.
جعت ع هالصبح
استفسار
قبل شهرين استخدمت امبولات فيشي التساقط
اقدر استخدم اللحين الامبولات حقت التكثير
ولا انتظر ست أشهر
سؤال ناتج عن فضول
•• ايش •• الاشياء الإيجابية اللي استفدتيها من التدوين ؟
والسلبيات بمنظورك الشخصي ؟!
فكرة مشروع
جميع المنتجات اللي تتكلمي عنها او بتتكلمي عنها
ممكن تفتحي لك محل او… وأي شيء تتكلمي عنه تنزلين بمحلك
ولو من بره تطلبيه وتوفريه
ونبغى فرع بجده.
يَعافي قَلبك ، تَمنيت لو إن السؤال طُرح بَموضوع الإستفسارات
حتى ما يَكون فيه تَداخل للقاريء ..لأن صارت التَدوينات بَمكان وَ الأسئلة ما تَشبه التَدوينة
بالنسبة لسؤالك ليش أمبولات وَرى أمبولات !! ، إذا مازالت مُشكلة التساقط قائمة الأمبولات إذا مالها فايدة
دَوري علاج آخر وَ الأفضل العلاج من الداخل ، الدكاترة الصَح ما يؤمنون بالأمبولات للأسف ..
بالنَسبة للإيجابيات وَ السلبيات سؤال يَبيله مَوضوع بالكامل
لكن كل شيء بالحياة به إيجابيات وَ به سَلبيات ..
بالنَسبة لو بَسوي مَشروع سابق لأوانه وَ حالياً أفكر بَمشروع ماله علاقة بالإنترنت أو شبكات التَواصل الإجتماعي
عبارة عن شراكة بمشروع ما فقط
صباح الورد والياسمين
ماشاءالله تبارك الله شكلها يفتح النفس تسلم يدينك وبإذن الله راح اجربها قريب مع اني مو صحبه مع المايونيز بس لعل الله يجعلها في ميزان حسنات الوالدها الله يفغر لها ويرحمها ويوسع منزلتها حسيت انك كتبتيها من باب الصدقه الجاريه خاصه انها من وصفاتها..
آمَين يآرب ..
صَباح المَحبة ..
معليش ع اللخبطه اللي سويتها
والسبب إنّو. من تدوينة أيهما اكثر اخلاص الرجل او المراءه
وانا احاول اكتب تعليق. يمكن فوق العشر مرات
ويكتب لي(نأسف لعدم اضافت تعليقك حاول في وقت آخر)و اللي بعدها كمان حاولت ولا فاد
والحمد لله المرن دي طلع تعليقي
وشكرا ع ردك
أبداً حياك الله وَ كلامك حَطيته ببالي
وَ زي ما قَلت لك شَوفي سالفة شَعرك مو كل شيء أمبولات ، مرات العلاج يكون أبسط بكثير ..
هلا والله بمبدعتنآ..
وحشتيييني من زمان عن مدونتك ..
الله يعدي هالشهر علی خير واجلس اتابعك اول بأول
…
تسلم ايدياتك علی هالسلطة .. شكلها لذيييذ عاد خصوصا اني من محبين المكرونة ..وحلات هالنوع من السلطات انو تنفع تتأكل كوجبة ..بالنسبة لي عالاقل لوول
الله يَوفقك ..
شكل عَليك إختبارات ، بإذن الله مَنها للإعلى ..
نَورتيني وَ هذا وَ إنتِ مشغولة ما حَرمتينا من شوفتك
ي سلام اخيرا حصلت مكان ف المقدمه
الله يعطيج العافيه بصراحه وصفاتج اغلبهم جربتهم وكل وحده الذ من الثانيه ما شاء الله وهاذي شكلها يممي من قلب خصوصا اني من عشاق الذره والمعكرونه
قواج الله
دُوم أنتِ بالمُقدمة فديت رَوحك ..
وَ ما تَتصورين شَكثر تجاربكم تَشجعني على طَرح المَزيد ..
نورتيني ، إلا بالحَقيقة دُوم مَنورة
ياجمالك
شفتي التفاصيل الصغيرة المهمة مثل كلمة ان الموية بالسلطة هي اللي تخلي الواحد مايمد يده على سلطة الناس، هذي التفاصيل الحساسة هي أحد ميزات مدونتك أحسك تهتمين وتبين اللي يقرا يتطور فعلا مش بس يصفق لك
وهنا أنا أصفق لك، كم من البنات استفادوا منك؟ كم من اللي أمها ماتنتبه وانتبهت من كلامك وطورت نفسها وأهلها بشغلات كثيرة؟
أنا أطَمح بنهاية ٢٠١٥م كثير من المَفاهيم تتصحح وَ تقل نسبة الأسئلة
طالما فيه أسئلة خاصة الأسئلة بالبَديهيات ، مَعناه للأن المَعلومة مَحصورة بين عَدة أفراد
يا بَختي بَكلامك ، شاكرة لك دَعمك المَعنوي لي ..
يالذاذة الطبق شكله يشهي
تسلم يدك ويعطيك الف عافية
الله يَسلم رَوحك ..
هلآ بالزين تصدقين اليوم الفجر نزلتيه و شفته بتويتر
إن شاءالله أول ما أقضي للبيت بسويها و أوريك
بس نمت ببالي من أول أسوي سلطه بالمكرونه
أحسها وجبه ، مثلنا المايونيز محد يحبه بس أنا أحب مايونيز ماك ههههههه لذيذ ، آخر مره أشترينا مايونيز عشان شي و مره أخذنا منه و ليومك ذا م أستخدمناه ، شكلها يفتح النفس مثلك
تصدقين أن بعض الناس ماياكلون ديك الحبش هههههه
تسلم أناملك
هلا بالحُب
إنتِ خلصي إختباراتك بَعدين إنشغلي ، صَح ما أستغنى عن تَواجدك لكن بَفرح أكثر بَتقدمك وَ نجاحك ..
ماشي آكيد مَنتظره بَصمتك يا راعية الزَين ،، وَ عطاري مايونيز ماك مَثلك يعجبني لأن لونه أبيض وَ طعمه مُش مُزعج
بس تصدقين للأسف لو حَطيتيه مثلاً بهالوصفة ماراح يَبين بتاتاً البتة وَ بتحسين نفسك تاكلين زُبدة ( محداً جربها ) ..
ههههههه وَ يوووه فيه ناس كثير ماياكلون لا ديك الحبش وَ لا النقانق ، لذلك قلت لهم إنه إختياري
تسلم إيدينك ياتوسه
اتوقع لو بسويها راح تصير وجبه لأن بالنسبه لي السلطه خضراء وإلا فلا ..
:)
وحشتيني ووحشتني تدوينات العنايه
هههههههه أنا مَرات أكلها وَجبة ، يَعني الحال مَن بعضه
للأسف هالشهر صار لي شَوية مُعوقات وَ إن شاء الله زالت ..
اتمنى من كل قلبي مايطير الرد
بس بقول شغله وحده لاحظتها
دائما لما انوي اقرا تدوينه لك عشان اتعلم شغله معينه اخلصها وانا متعلمتها مع عشرين شغله غيرها
يعني اسم الله عليك كل سطر تكتبينه الا مايكون فيه فكره او نظره مايكون عبث
جدا احب هالشي فيك ماشاء الله تبارك الله
وَ الله كلامك أعتبره شَهادة مُو بس شهادة إلا وَسام ..
الحَمدلله أهم شيء هالشغلات إنتِ حسيتي بها ، مَعناه هَدفي وَصل وَ غايتي
جداً أسعدتيني ، وَ الله لا يَحرمني القَلوب الطَيبة ..
تسلم يدينگ ي فنانه
شكلها مشهي وجميييل
آنا من الناس اللي آحب السلطآت وبكثرة فتلقيني دآيم آنوع في آطباق السلطات وأحب الجديد فيها
دمتي لنا مبدعهـ
يَسلم قلبك ..
فعلاً السلطات من النَوع إللي تخلي الجَسم يَشع ، وَجودها ضروري
خاصة بَفصل الصيف تَنعنشني ..
يمي اشتهيتها
لذيذه معتمدتها من رمضان قبل الماضي اذا ماكنت غلطانه او الماضي مادري بس الاهم انها لذيذه واعجبت الكل
احب اجرب وصفاتك وانا متطمنه يخليلنا اياك ِ ياقلب والله يجعلها في ميزان حسناتك وحسنات امك
وفعلا انا ماحب اسوي السلطات كثير رغم سهولتها الا انه يبيلها دقه ووقت عشان النتيجه تصير مرضيه
يا حُبني لَك يخَتي ..
فعلاً كلامك صَحيح عُموماً هي من وصفاتي بعام ٢٠١٣ م
آمين يارب ، الله يتقبل مَنا وَ منكم ..
تَصدقين إني يَومياً أكل سَلطة إما كان باليَوم مرتين ، فَقرة التَسلية وَ المُتعة عَندي
إن شاء الله أحببك بَها وَ شوية تفاصيل بَتخلي عَمل السلطة أمر بسيط بالنسبة لك ..
ارتوس تراك واحشتني هالأيام عاد مدري اذا فقدتيني ولا (فيس خجلان ومستحي) امززح معك بس جد مشغولة مررة بالاختبارات وأحاول أطل على انستقرامك كل شوي المهم دعواتك لي وان شاء الله لي رجعه قريب
وعلى فكرة المكرونة تشهيي موت ومتحمسة لأول مرة اجرب مكرونة غير عن المعتاد باردة لأَنِّي اثق بذوقك بالرغم اني عاد ذوقي متعب بالاكل وأميل انه يكون ساخن
لا أكيد فَقدتك وَ نص ..
وَ ترى أول من أشتاق له إنت ، لان شَقاوتك واضحة حتى بالآنستا مَوفقة يارب بإختباراتك ..
إنتِ خلصي إختباراتك عُقب سَويها متأكدة راح تَضبط مَعك ، وَ راح تحبينها بَعد
نورتيني
اشتهيتها بآخر هالليل …مرة قلتيلي عنها جربها لما سألتك عن وصفة مكرونة باردة … جربتها متلك بس ضفت فلفل رومي ملون وبصل اخضر انا حطيتو …..كتير حبيتها والكل بالبيت حبها حتى بابا صار يطلبها
جربت اكتر من وصفة الك الكبسة يلي لونين على طريقة والدتك الله يرحمها كيكة التمر والكريم كراميل واكتر من شغلة
بس اخر شي ويلي بدي عيدها قريبا
باستا المشروم والدجاج ااااه هي لحالها حكاية لذييييييذة لذيييييذة وحبيناها كتييير
كل وصفاتك بجربها وانا مغمضة وواثقة انو رح تطلع لذييييذة ♡♡♡
يعطيك العافيه ي الحٌبببببببب
حبيبتي إنتِ ..
ماقد ذقت ديك الحبش ولا المرتدلا ولا احس اني اتقبلهن
بس احب النقانق
كثير حاجات كنت مااحبه الحين اموت فيها
بجرب اذوق ديك الحبش مع هذي السلطه
الله يوفقك ويسعدك
النقانق أثقلهم تَرى ، وَ المرتدلا مو جيدة زَين ما تَحبينها ، ديك الحبش أفضلهم
ترى لو ذقتيه بتستغربين ليش ما تَحبينه ، وَ أعرف كثير مَثلك ..
لو عرفتي طريقة طبخه بتطمنين يَمكن ..
وانا ذوقي بسلطه المكرونه يكون معاها خيار
عندنا باالكليه ساندوش مرتديلا ديك الحبش بجربها على ضمانتك
وَ الله ما أضمن يلي بالكلية ، ليش ما تآخذين من السوبر ماركت كَم شرحة تجربين !! ..
جيبي توست مَع جبن سلايس وَ طبقة مارتديلا وَ لازم يدهن التوست بزبدة ، عشان الخبز ما يلزق بالحنك ..
هذا أكثر شيء يقهرني لما أكل ديك الحبش مع التوست
اه يالقهر من اول انتظر رابط المدونه يطلع بصفحة الاستقرام زي قبل وتو تجيني الفكره انو يمكن تكوني حاطته تحت الفيديو اهئ اهئ اهئ كان خاطري اكون من الاوائل عالعموم هذا تسجيل حظور بروح اقرا الجمال اللي فوق
يااااي حبيييت ،،حتى طبخاتك كيووت .. دايم اقول لاهلي بسويلكم اكل او بطبخ لكم واتعيجز يا اما تكون طويلة او مقاديرها كثيرة وحوسة .. لكن يوم شفت هالتدوينة قررت واخيرا افي بوعدي واسويلهم سهلة سهلة سهلة .. تصدقين الحمدالله احنا عايلة مرنة بالمكونات يعني ما ينزعجون من مكون معين لا عادي اي شي هههه .. باجربها باقرب فرصة وودي اضيف اعشاب ايطالية وفلفل اسود . وانا اقرا عن الصوصات اللي ممكن اضيفها مع المايونيز تخيلت طعمهم بعقلي وحسيت مايناسبون مع الوصفة هذي بالذات مع اني احب كل هالصوصات .. بحط نتفففففة ليمون وملح احس احسن . ثانكس ارتوس
السلطة هاي عشقي الأبدي
طريقتي قريبة لطريقة الوالدة الله يرحمها ويجعلها من أهل الجنه
انا بحط فليفلة ألوان وبحكم المايونيز ملعقة لبن مشان اكسر دسامة المايونيز
ما بحط بصل ولا بقدونس
شهيتيني عليهت آخر الليل
يم يميييي تشهي
حبيييت انك ما اضفتي الزبادي
عني ما افصل سلطة المعكرونة يكون فيها زبادي
ربي يسلم هاليدين ليتني من الناس اللي حولك واقدر اكل من يدينك الغاليه
انتي نعمه وربي يا ارتوس
وعاد على سلطات الناس حدث ولا حرج
دايم اقول بنفسي حراااام يتعبون فيها بس مايعتنون بالخطوات كويس
ساعات احسهم يعجنون الخضار تعجين بيدينهم !
او تكون مخلوطه سلطة بالمويه !
امي فنانه بالسلطه ماشاءلله واذا سوتها بعزيمه او بجمعتنا الاسبوعيه مااااايبقى منها شي
دقيقه بالخطوات جداً وتعلمت هالشي منها
وعلى فكره برجها العذراء مثلك ودايم اقولها تذكريني بارتوس سواء بالافكار و بالكاريزما
شكل مواليد برج العذراء اساس خلقتهم كذا ذوق و جمال ولا يهونون مواليد برج الحمل احم احم XD
شكلها لذيذ لذاذه
بجربها إن شاء الله خاصة إني أعشق السلطات وأحب التجديد فيها
الله يسعدك
ويجزاك الجنة يارب
الله يرحم الوالدة ويسكنها فسيح جناته
تسلم يدينك ارتوس
هذي سلطتي المفضله دايم اسويها و جربت طريقتك و طلعت تجنن , شكرا.
هذي السلطة عشق بالنسبة لي جزاك الله خير عليها صرت مدمنة عليها واكلها وانا مبسوطة
رووعه ارتووس
جربتهااا عن جد سهله ولذيذه
سلمت يدينك ?
والله يرحم الوالده وينزلها منزلة الصديقين والشهداء والصالحين ?
رووووعه سويتها اليوم وباعتمدها على طول عجبتني دقتك بالوصف نشفت الخضار من المويه وطلع فرش وألوان روعه الله يسعدك ياتوسه يامبدعه ودي بكمان سلطات اثق بذوقك ورأيك بكل شي ـ
thanks artos i just did it wight now