صَباح / مَساء العَفوية
هالمَوضوع إعادة طَرح تَم طرحه سابقاً بتاريخ ٦ – ٥ – ٢٠١٣ م
بَوقتها كانت الفَكرة حَلوة وَ جديدة , لكن الأن كثير مَاركات وَفرت أشباه له
ما يَعني إنه غَير جيد لكن أقَصد فيه بَديل له وَ أرخص بَكثير مَنه
Dior Addict Lip Glow
color reviver technology
سَعره : 106 ريال سَعودي
وَصف المُنتج ~
المُنتج بتقنية تجديد اللون المُتقدمه = color reviver technology
لما تَحطينه يتفاعل مَع لون شفايفك , يعني علي بيكون بشكل وَ عليك بشكل
وَ على كل وَحده بشكل آخر , هُو يورد الشفايف وَ يعطيهآ لون وردي
وَ يعطيها نظارة , وَ أنتعاش بالأضافة لترطيب وَ نسبة حماية من الشمس بدرجة 10 SPF
شَكله من الداخل ..
كل ما أضفتي أكثر من طبقه كل ما تَغير اللون
بالنسبة لي شَكله طبيعي جداً , كأنك حاطه فازلين من حيث مَظهره
لو أحد شافك بيقول فازلين ما بَيعرف أنك حاطه شيء لأن ما يَغطي الشفايف
, لكن بيحسدك على شَفايفك
بيقول ليش كذا بهاللون الوردي , كأنك وَحده مره مره صَحية
وَ فركتي شفايفك من قَلب وَ أكلتي تفاحه مظهر جداً فريش , أعطاني بينك بينك
عآد رُوحوآ المحل وَ جربوه بأنفسكم موب تَشترونه عالعمياني
ثماً تقولون آرتوس مَدحته , حسب لون شفايفك الأصلي
خاصه لو ماعندك حدود غامقه حول شفايفك بَيطلع بيرفكت
طَبعاً بُمجرد ما تغسلينه يَروح المَفعول لذلك بتلاحظون أني ما عَطيته المَرتبة الأولى
هُو مُجرد مرطب , محداً يعقد الأمال عليه , لكن من المرطبات إللي تَضفي شيء جديد
أكثر من مُجرد مُرطب وَ خاصه للطالبات إللي مَمنوعين من الماكياج مُناسب لَهم
حتى لو المُعلمه قالت لك أمسحيه وَ مسحتيه مآله هلَون , لَونه زي لابيلو على المَنديل
وَ أخيراً ديور مَنزل هالمُرطب من فترة
لكن حالياً بهالصَيف رجع وَ نزله مع مناكير شفاف لميع وَ قلوس
بالأضافة مع المُرطب .. أنا شَريته قبل هالأصَدار
[ ركزوا ترى الكَلام قَديم آآآوي سَنتين يَعني له ]
دُمتم بَحب
يسعدلي صباحك ارتوس
كثير شفت مدح علييه
ههههههه بس دام الي يشوفه علي كأنه فازلين
اجل الفازلين ارخصص
وَ صباحك ..
لا أقَصد بيتوقع أنه مُجرد فازلين .. بينما هُو يضفي لَون ..
وَ فعلاً محداً راح يموت لو ما شَرآه عفكرة
لا انا مت ع ماشريته هههه اخذته من الكويت
ولقيت نازل لون ثاني ليمتد عندهم حتى هو كان ليمتد
بس ياكثر مااشوفه مع انه ليمتد
هالمرطب افضل من روج سحري وفازلين
وبرضو معاه قلوس يقال لنفخ مدري مالاحظت
بس انا معجبه بترطيبه ولونه
دمتي لنا بحب وسعاده ياكل العطاء ❤️
هههههههههههههههههههه ضَحكني رَدك , أجَل ينفع فيك التَسويق إنتِ ..
أقصد لا يَصنع المُعجزات إذا أساسك حَلو يعني الشفه نفسها حَلوة بتظهر وآآو
لكن لو الشفة نَص نص يَمكن مايرضيهم ..
وَ دُوم منورتني ترى خلاص بَدمنك
ارتوس متى بينزل الجزء الثاني من سلسلة التفتيح ؟
..
هههههه وَ الله مدري وَين أروح عند الجزء الثاني من الروتين الجَمالي وَ لا الجزء الأول كإعادة طرح وَ إضافة لسلسلة التَفتيح ..
دنا حَتقطع يا جَدعان
نزلي دعايا شامبوهات على شوية اكل بسس على مسلسلات رمضان لهي فيهم الناس علبال ما تجمعي رباطة جأشك هههه
الله يعطيكم الصحة والعافية كلكم مرة مونسيني في غربتي لا خلا ولاوعدم
ههههههههه ما فَهمت ترى وَش أنَزل ..
وَ الله يَخفف عليك غَربتك وَ يجمعك بأهلك ..
نورتيني
فكرت اقتينه بس انا شفايفي محدده بلون بني ودي لونها يصير موحد ووردي فكرت بالفيلر وكمان تقشير الشفايف بالليزر بس واتوقع البلازما اذا ماخاب ظني بس محتاره تنصحيني بشيء منها او حل غير هذي الطرق انا اقشر شفايفي بالفرشاه بس ماتوحد لونها
وتسلمين ع كل شيء تطرحيه لنا
الفيلر ماراح يَوردها , وَ تقشير الشفايف بالليزر مؤقت ٦ أشهر وَ تعود المُشكلة
لكن الليزر أفضلهم وَ لو ماكانت عندك مُشكلة وراثية قد تَنحل نهائياً وَ ماترجع ..
وَ عفكرة إللي فيك يُسمى لمى وَ بوقت ما كان يُعد علامة من علامات الجَمال
أدري مَتضايقة مَنها بس سَبحان الله مُمكن تكون مُتلائمة مَعك ..
نَورتي
وشرايك بس تاخذيني بيتكم كم شهر و تعدلين مشاكلي و تشوفين وش العيوب اللي عندي و تنزليني قبل و بعد عندك هنا في المدونة pP:
يا لَيت ..
أمنية حياتي إني أقَدر أثبت بالصَور قبل وَ بعد ..
لكن إن شاء الله تتوصلين لحل هالمَشاكل بأقرب فَرصة
صباحك فل
يازينك وزين كلامك
ليش قلتي مااكله تفاحه ماقلتي موز هههههه سوال استعباط العقل مكبس من النوم
الشفايف يبي لها اهتمام دايم مثلها مثل ترطيب اليد والبشره لابيلو والفازلين هذولا مسببين لي عقده مدري ليه
جربت مرطب جاني هديه من صديقتي حبيت ترطيبه من قلب على مااظن مكتوب عليه لونا فك لي ازمه مع الترطيب
والله يعينك
تدوين السلسله يبي لك تفرغ تام حتى تنهيه وترتاحي من الاستفسارات
عندك تدوينات عامه انهيها هالاسبوعين وخذي اجازه مع بداية الاجازه وحاولي لو تخلصي لو كم جزء
واطرحيهم بعد الاجازه
مثل مااانتي تعطينا حقنا بالتدوين لك حق تريحي نفسك ويدك وتتفرغي لنفسك
اقتراح بسيط
الله يفتح عليك
صَباح الخير
هههههههههههههههههه لأن التفاحة أثناء أكلها تضغط عالشفة وَ توردها
وَ الموز مُثير للشُبهات هههههههه ..
تَبغينهم يَقتلونك على ذا الإقتراح , بالشَهر بطرح مَوضوع لموضوعين من السَلسلة بَس مُستعجلين ما أدري على إيش ؟!
بالرُغم كل يَوم أخصص تَدوينة أشرح بها مُنتج , بحيث لو تكلمت عن السلسلة يكون عَندكم أطلاع كافي عَنها ..
وَ تسلمين لي على إهَتمامك بي , الله لا يَحرمني
صَح وَ راح أطرح تَدوينة اليوم الإثنين عَن مُنتج مُتعدد الإستخدامات وَ الأهم للبشرة
ههههههه الله يبعد عنا الشبهات
بنات الي تمر من عند ردي تغمض وتكمل الباقي خفت منهم هههههه
اليوم فيه تدوينه باجيب مخدتي وبطانيتي واسكن بمدونتك تحمست من الحين
والله لا يحرمنا من وجودك معنا
حَبيبتي وَ الله
صباح الجمال جنم ..
ههههههههههههههههه مثل ماقالت ام الجوهره بديل الحمره السحريه يلي تغمق الشفه اكثر من تفتحها .. اقل شي يعطيك حمايه و نظاره …
شوفي سوُس عندي الروتين اهم من تفتيح لو الوحده عرفت كيف تهتم بشرتها راح تنحل المشاكل بالتدريج خلي التفتيح بعد الروتين ..
ههههههههههههه جُونايدن ..
ترى بخلص رَد منك وَ بروح أشوف أتاش , وَ بعدين طَيرآآآن للَدوام [ فاضية صَح !! ] ..
ما هَو هذا هُو إللي ببالي الرَوتين عُقب التفتيح بالرُغم مُرتبطين ببعض فَممكن لا شَعورياً أدمجهم سَوآ ما بَعد قررت
لكن إللي مَتأكده مَنه إني بَطرح شيء ما عَمره إنطرح وَ بالرُغم إنه تَم البحث عَنه بكثرة ..
أنا تَمنيت يَجيني إستفسار أو طلب مُحدد يَعطيني إلهام , أغلب الناس صاروا يسألون عن عَمليات التَجميل , فيلر , بَوتكس ..
الحين سلسلة التفتيح مو اغلبها بتكون حلول مشاكل و سلسلة الروتين المحافظة على النتيجة اللي وصلت لها و تغني عن العيادات و الصالونات او انا فاهمه غلط :/
سلسلة التفتيح بنتكلم عن التفتيح بدون أضرار ..
وَ روتين العَناية شلون تَهتمين بَنفسك مَن الألف لـ الياء وَ كل مرة بَفكرة جَديدة
بحيث ما نَنتهي مَنها إلا وَ كل وَحدة تصير تعرف شلون تهتم بنفسها دُون سؤال أحد ..
هههههههههههه وش احلى من انك تصبحين بدعموس احلى فضاوه والله :$
صح مرتبطين مع بعض وانك تدمجين اريح لك ..
متاكده اصلاً انك راح تطرحين شي مختلف ما احد طرحه مافيه مثلك بتوصيل المعلومات مميزه ياعيني $
ان شـاءالله يجيك الالهـاام .. مع اتاش مثل الهدايـا هههههههههههه <= طحت ياسوُس طيحه قشره 🙁 < انفزحت بتويتر الحب الحب. 🙂
هنا المشكله ذبحهم بوتكس وفيلر ..
إيه وَ الله أحَلى تَصبيحه ..
ههههههههههه بإذن الله , ضَحكتيني وَ الله فَديت قَلبك ..
وَ ترى وَجهك وَجه خير عَلي ..
ارتوسه ياقمر
حدود الشفايف لما تكون غامقة شنو الحل معاها ?
الأكثر نجاحاً التقشير بالليزر ..
الفيلر شفت كذا حساب لعيادات ودكاتره صور وانه يعطي تورد والحمدلله لون شفتي فاتح بس حدود الشفياف ومو وراثيه بس لما كنت بالمتوسط اعض شفايفي واتوقع هو السبب
أنا ما أنَصح بالفَيلر عالَمدى البَعيد ,يعني مو عشان التَورد تقضين على جَمالك
شوفي نوال الزغبي كيف شَفايفها !! .. لو حابه أبدأي بالحَلول الأقل ضرراً وَ خلي الفيلر آخر خيار
Artose u r perfect بصراحه حبيت كل شي تطرحينه وارائك سليمه ١٠٠٪ ،،،،،،ربي يوفقك ،،وياليت تطرحين موضوع عن محاربة السيلوليت في الجسم ،،ودمتي بحب
تَسلمين لَي ..
عَيونك الحَلوة .. , آبَشري بَعزك بَحطها باللسته لكن مَبدئياً الأكل الصَحي وَ شرب الماء وَ الإبتعاد عن المأكولات المُهدرجة وَ الكافيين يُساعد عالتَخلص مَنها
صباح الورد ياجميله
المنتج كثير يمدحونه يناسب الدومات والبيت لدرجه وحده اعرفها ماتخذ منه الاثلاثه وربعه
انا حبيت القلوس منه مره حلو
يجنن شكل السي سي بجنبه جاني احساس مظهر صبحي نظيف ولطيف
على طاري السي سي
قيرلان نزل بي بي كريم مره نبسطت قريت تدوينه عنه تمدح تغطيته مو شي غريب على قيرلان
والاسف منطقتنا مافيها قيرلان اكثر بي بي متحمسه له
صَباح المَحبة , هذي مُدمنة مُخلصه لَه ..
لا تَتحمسين كَثير , أغلب الماركات تَقوم مَقامه اللهم لون جيرلان الأكثر طَبيعية بَينهم ..
تذكري دايم الَجود من المَوجود وَ إذا مره بنفسك تقدرين تَشترينه من مَوقع نورد ستورم
يعطيك العافية أرتووس
جد جد مقدرين جهدك وتعبك عالمدونة الله لا يحرمك الأجر ❤
بس جا في بالي أقولك كذا ^^
واعذريني ودي دايماً أعلق هنا بالمدونة بس كثير أوقات ما يسعفني الوقت
سامحينا عالقصور ❤
طالما تَستفيدين خلاص ما جاء مَنك أي قَصور
هَدفي هُو نَشر المَعلومة وَ ليس مُحاسبتكم , وَ لكل شَخص ظَروفه
حَياك الله بأي وَقت وَ شاكرة لك إهَتمامك على الكَتابة لي بالرُغم مَن ظروفك
انا اساسا احبك .. وبعد ماعلمايني انو الحدود الغامقه بفتره كانت تعتبر من علامات الجمال حبيتك أكثر .. ابدا مو حابتها مع انو منظر شفايفي صحي وكثير ناس من المقربين ماينتبهون انو عندي هالمشكله بس انا مأزمتني
ههههه يا حَظي بَمحبتك ..
لا تتأزم وَ لا شيء , مَحنا عايشين بأوروبا .. يعني إنتِ مو الوَحيدة ..
فما أتَوقع أحد راح يَستهجنك , طبعاً أنا واثقة إنك تَحبين الزين وَ تبحثين عن الكَمال ..
أبدأي بالتقشير بالليزر لأن كثير دكاترة قالوا هُو الأنجح ..
صَحيح تذكرت سَمعتي عن هالمُنتج ؟! ..
التقشير الاصفر لإزالة سواد الشفايف
Mene and Moy Yellow Peel Balm
صديقتي جربته وَ سبق وَ كتبت عنه تَدوينه بناء على تَجربة صَديقتي
يمكن يمكن يفيدك
ماسمعت عن هالمنتج الاصفر ولكن بإذن الله راح ابحث عنه واجربه قبل اتوجه لجهاز الليزر .. الله يسعدك آرتوس ويرحم أمك ويجعل مثواها الجنه ودي احط لك قلوووب كثير بس اخاف يروح ردي تخيليها قلوب لوول
أنسخي نفس الإسم وَ حطيه باليوتيوب أو بَمحرك بحث قوقل وَ شوفي ناس قبل وَ بعد ..
وَ أبحثي برضو باللغة العربية يَمكن أحد كَتب عَنه ..
وَ قلوبك وَصلت ..
سعر المرطب ارتفع ان ما خاب ظني ١٦٥ شي جذي عموما مثل ماقلتي هو مش سحر ترطيبه جميل ويعطي نضاره للبشره بس في عيب واحد لاحظته يمكن علي بس اذا تركته شفايفي اتصير جااافه من جي شريته مرتين وما افكر ارجعله عجبني فازلين الوردي للاسف ماينباع بالخليج
أكَيد راح يَرتفع لأن هالتَدوينة قَديمة سَنتين ..
الفازلين الوردي تقصدين إللي عَلبته مَعدنية ؟! ..
إذا هُو متوفر وَ عندي لكن مَظهره مُختلف عن ديور , وَ بالنهاية مُش سَحر
ارتوس الله يسعدك دايم اقرا لك
بس اول مره ارد
احبك في الله
فعلا انسانه واثقه مثقفه متعلمه
صرنا نفتقر نشوف اشخاص مثلك يا ارتوس !
اتمنى وبصدق اني اكون صديقة لك
انسانه ماتعطي إلا كل خير
وتعامل الناس على انهم ناس .. بشر !!
الحين الكل ” الا من رحم ربي ”
يقيم الاشخاص حسب جنسه ماديته عرقه
مليناا فعلا
متى الناس تتغير متى !!
ملكة وجوهره ثمينه يا ارتوس
يسعدك ربي ويخليك للحبايب ويخليك لنا
وَ الله كَلامك دَمع بعيوني , أسَعدت جداً بنظرتك عَني بهالنظرة إللي كَلها حُب وَ شفافية
وَ أتمنى أكون دائماً عند حَسن الظَن , لأن دوام الحال من المُحال
وَ الإنسان يُمر مرات بَتغيرات تَخليه يَشطح وَ يطيح من عين الناس ..
فأتمنى الله لا يَغير علي هالمَحبة , لأن مَحبة الناس مو سَهله
وَ صَح أول مَرة تردين لكن رَدك أخترق قلبي ..
أحبك الله اللذي أحببتني لأجَله
يعطيك العافيه ارتوووووووس
مررررره متحمسة للسلسله ومتشوقه لها.
يا زَين حَماسكم ..
بإذن الله لَكم إللي يَرضيكم ..
ماحبيته ، مااحب المظهر الفازليني .
بس حاطه عيني على Jane Iredale Just Kissed Lip and Cheek Stain
انا شفايفي اللي فوق اغمق من الي تحت وعجزت فيها ، شكل السالفه وراثيه امي شفايفها ماشاءالله حلوه ومافيها مشاكل بس ابوي العكس شفايفه سمرا وهو مايدخن وشكلي طالعه على الوالد. مع اني مااتذكر كانت شفايفي كذا بس
مرات احس هذا هو الي يناسبني ولو صارت لون واحد مارح يعجبني بالذات اني اشوف شفايفي بدون روج “شكلها” اجمل ❤
خارج الموضوع : كل مااستعملت اللونا يتحسس وجهي مع ان بشرتي موب حساسه ، ويطلع لي حبوووب 🙁
جداً جداً زعلانه من هالموضوع مدري وش الحل وجربتها كذا مره لفتره متواصله ثم اقطعها فتره ، ثم ارجع اسويها واقطعها فتره وهكذا .
ولازالت الحبوب تطلع لي كل ما استخدمتها .
واذا وقفت تبدا تهدأ وتخف تدريجياً . مع ان الغسولات طبية وللبشره الحساسه وقد قلت لك عن هالشي .
عاد مايقهرني الا ان الكل يمدح بهالجهاز 🙁 مدري وش مشكلته معي ، بس وحده في اليوتيوب لقيتها تقول نفس كلامي بس اللهم كان غسولها نيتروجينا
وانا مااستخدم الا غسول طبي .
أعلاه مجرد فضفضه متحسفه على فلوسي 🙂
يا عَيني عَليك ..
حَبيت المُنتج إللي ذكرتيه بَس فعلياً أنا ما جَربته وَ منكم نَستفيد خبرات وَ تجارب ..
بخصوص شفايفك شَوفي رَدودي عالبنات إن شاء الله تستفيدين وَ مرات الواحد ما يَحب شيء فَيه
بينما هُو حَلو أو مو هالمُشكلة الضَخمة ..
قَوليلي وَش تسوين بالتفصيل وَ إسم غَسولك ؟! .. وَ إن شاء الله أحلها لَك ..
وَ هل بالعادة تطلع لك حُبوب !! .. وَ نوعية بشرتك وَ أي لونا بالضبط جربتيها
لا مو بالعادة تطلع لي حبوب ، استخدمت غسول كيو في وسيتافيل .. ربما هنا المشكله لانها لطيفه وماتنظف؟ بشرتي عاديه والتي زون دهني بس على خفيف . استخدم اللونا ميني
كنت استخدمها مرتين باليوم بعد الدوام عشان اتخلص من بقايا الواقي وبالليل قبل النوم وبعد ماطلعت لي خففت منها صرت استخدمها لما اخذ شور بس .
ان شاءالله نلقى حل يازينك ❤️
ما تَنلامين على هالخُوف وَ الله ..
شَوفي أنا جربت فراشي الكلاريسونيك بسيفورا يوم جربتها على يَدي , قلبي قرصني مَنها حسيت بتطلع لي حُبوب
وَ ربي أشاء إني أشتري اللونا , وَ كُنت مُتخوفة لكن الحَمدلله ..
يَمكن إنتِ ما تقيدتي بالوقت يعني مو فيه توقيت لكل جهه هل تَقيدتي بها ؟! ..
وَ لا تضغطين بقوة مُجرد تمرير خفيف الفايدة بالإهتزازات ..
بالنسبة لغسول سيتافيل أنا أشَوفه مره خفيف , ياليت يوفرون ديرمالوجيكا الغسول إللي مَدحته كان لو إستخدمتيه مره بالإسبوع بيقضي على هالمَشاكل ..
فكرتي تجربين غسول ناتورا بيسيه ؟! أو خلينا نقول غسول ديكلاغيه ..
حالياً خلي الحُبوب كلها تَروح تماماً , وَ أقطعي اللونا ..
وَ لا راحت لازم تغامرين عشان تعرفين السبب , أرجعي إستخدمي اللونا لكن الجهه الناعمة وَ لا تفركين بقوة وَ تقيدي بالوَقت ..
وَ حتى تكونين بالصورة السيتافيل مو كافي لإزالة الواقي الشَمسي للأسف 🙁
فكرت بديكلاغيه بما انه متوفر هنا بس كل مااروح الصيدليه انسى كل شي يتبخر من مخي ههههههه .. وبالنسبه للوقت وكل شي ملتزمه بالظبط انا من النوع الحريص على التعليمات مااحب احوس من راسي.
صح غسول سيتافيل انصدمت فيه من كثر ماهو خفيف وناويه اشتري ثاني لان فعلاً مايكفي لكن حالياً الجود من الموجود ❤️
وان شاءالله ماتطول سالفة الحبوب جدتي تقوللي جايك عنقز؟ ههههههه ياحليلها تحط الملح على الجرح 🙁
ههههههه يا زَين جدتك ..
ما عَليك بيروح بإذن الله , أنتِ الأن لو معك فوسيدين ( كريم أبو أسد ) لكن الكريم مو المرهم ..
لو دهنتي هالحبوب به لمُدة ٣ أيام راح يخففها لك كَثير ..
حَتى لو عندك مُره أصليه وَ نقطتي وجهك بها قبل النُوم راح يعصر لك الحبه عصر .. هذي أحد الحلول الشَعبية لكن فاعلة ١٠٠٪
طبعاً يعتمد على إنها أصلية أو غير أصلية ..
وَ أي مكان فيه حبه حتى لو تستخدمين اللونا تَجاوزيه بالجهاز من باب الحيطه وَ الحذر
المُهم بشريني عقب وَش يصير وَياك
مرحبا جميلتي
والله ياأرتوس من كثر ماأقرى تدويناتج الفريدة من نوعها والمميزة عن غيرها ،، حبيتج وايد واايد ،، والله خاطري أشوفج من صماميم وخطاطير قلبي بعد ولو إني أدري إنه هالشي مستحيييل ومن سابع المستحيلات ،، عشن جي جمعت فبالي كل الأمور الصغيرة اللي تكلمتي فيها عن شكلج بالذات ،، ومخمختها في راسي ورسمتج في خيالي والنتيجة اللي طلعت فيها إني شبهتج بممثلة قديمة أيام طفولتنا كنا نتابعها هيه ممثلة أظن مكسيكية اسمها أنطونيلا هههههه مادري اذا تعرفينها أو لا ،، هذي نتيجة تخيلاتي بس طبعا بتكونين النسخة العربية الخليجية ،، أحس فيج منها شوي ويمكن أكون غلطانه كثير ،، بس هذا اللي طلع معاي ،، عموما انا ودي تساعديني عندي مشكلة وسألتج بالانستغرام بس أظن ما وصلج سؤالي بسبب زحمة التعليقات ،، فماعرف وين أسألج!
يا هلا بَك يا أُم عَمار ..
ما تَدرين ليش لأ ؟! .. العالم صَغير وَ الله يَكتب لي لقاء مَع أنقياء القُلوب ..
وَ أسعدت جداً بتواصلك وَ يآ] , شَفتي أنطونيلا كان المَسلسل إسمه لُعبة الحُب عالإم بي سي
يالله أيام أنطونيلا وَ نيكولاس .. هالمَسلسل أذكر كِنت أشوفه أنا وَ أمي , عاد ما أدري شَلون أمي سَمحت لي أشَوفه
لكن كانت الإم بي سي تَقوم بالواجب وَ زيادة بالتقطيع , بالنَسبة لشكلي لا ما يَشبه أنطونيلا لَكن الشَعر إيه
إسأليني هَنا وَ إن شاء الله أرد عليك , خاصه لو البوست جَديد أرد فَوراً
يسلموو توسه انا معاك من عالم حواء وكل يوم أستفيد وادعي لك
وَ معاي بالآنستا صَح !!
لباك يا شَيخة .. تَنوريني بكل طلاتك وَ أوقاتك وَ أزمانك
ويـــــَ مساء الجمال .
انا الحمد لله ما أعاني من اي مشاكل بشفافي ولونها واحد يعني لو بشتريهـ متأكد ٰه انه بيناسبني
على أني م احب مظهر ألفازلين على الشفايف يضايقني ههههههههههه
انتظر التدوينه اليوم دائم تطيح عيوني على كلامك انك بتنزلين شي من حظي والله
مسنتره هنا
هههههههههههه يختي تضحكيني كل ماقلتي محد بيموت لو شراه
صايره تقولينها كثير ><
الله يعينك شكل يجونك عينات يلقون اللوم على كل منتج تكتبين رايك فيه ويعجبك
لاهان التعب شكراً على الرغيد الي عايشين فيه هالأيام مع تدويناتك
شعور لايعلى عليه وانا كل يومين أشقر ع البلوق وألقى مواضيع بإنتظاري
احس انها مدونه حيّه تواكب الجديد وتحاول توفي كل متطلباتنا وإحتياجاتنا وتعطينا الوعي المطلوب
شكراً من القلب
ههههههههههه لا عَشان أخاف صَيغة إعجابي تَوهمهم إنه خَيالي أو مُعجزة
فَصرت أقولها خَوفاً من إلتباس الرأي .. وَ تقريباً زَي ماقلتي تَحليلك صَح
وَ الله فَرحت إن المُدونة تَشغل حَيز من أوقاتكم , هالشيء يَشكل سَعادة لي بَشكل أو بآخر
أطَمح لطرح تَدوينتين ببَعض الأيام , مُجرد طُموح بس أخاف الطَرح الكثير لا يَوفي المقالة حَقهآ
ارتوس انا موافقه اصير فار تجارب لك وصوريني عادي
يا حُبي لَك ..
يسلم لي إللي حاب يَساهم ..
يسعد صباحك ومساك ..
اممم انا مو صحبه مع المرطبات مااهتم اخر مره شريت لابيلو بأيام الثنوي امكن لان شفايفي رطبه وجونا يساعد بس لمن كنت بالرياض شريت مجموعه مرطبات من باث اند بودي ووركس واعجبتني ولاحظت مع الاستمرار عليها فتحت شفايفي شوي … الفيديو اللي نزلتيهه مرره يجننن واعجبني كم مرره عدته هذا مو شيء جديد عليك انا اذا كتبت كومنت واحد عندك يبلكني الانستا يومين … شكلي بطالبك بسناب شات مثل البنات ولو اني مااحب اخترق خصوصية احد بس اتوقع بنبثرك بصورنا وراح تعرفينا اكثر من مجرد اسماااء …
ياللا فوتك بعافيه وصحة ويكفيك شر العين ..
نفس الحاله قعدت اكرر فيه اعجبني مره 🙁 ❤️
هههههههههههه زَينك
إيه للأن تَخيلي مَصورة ردك لي عأساس أجرب إللي مَدحتيه لي ..
لكن غالباً أنا أتسوق بالمملكة وَ كان بها باث أند بودي وَركس لكن قفلوه وَ حولوه لفيكتيوريا سيكرت مَع براند pink
هههههههههههه وَ يازين إللي مَهتمين يَعلقون علي , يا حُبي لك بَس .. بجد بَجد إنتِ نعمة
بالنَسبة للسناب شات أنا ما أنَزل شيء نادراً جداً يمكن ٣ مَرات نَزلت , لكن عَشان أكون ستيب بآي سَتيب مَع أحبابي ..
ما تَدرين وَش الله كاتب لنا .. يَمكن نَكون أفضل الصَديقات حتى لو أنتِ بغير الرياض
وانتي انعم النعم اللي ربي رزقني فيها … انتي لك تأثير عجيب علي غيرتي فيني الكثير وخليتيني اراجع نفسي… الحمدلله ماني ناقصه تربيه لكن خليني اقول لك تربية من نوعها الخاص …
الله مايخيب رجاي ويحققلي اخر سطرين كتبتيهم …
حاشاك إلا كامله مَكمله وَ يكفي لا ذَكرنا شيء تَفكرين بأمك
سبحان الله مافي شَخص يبر بأهله وَجدت عنده نقص أو نفس دنيئة ..
آمَين يارب ..
صَحيح يا رشا هل يَوصلك تبليغ لما أرد عليكم ؟! لأن لو مايَوصل تبليغ لازم أحسن هالخاصية
ربي يسعدك …
لاء مايوصلني وترا كم مرة بغيت اقولك ياليت في خاصيه اعرف بها انك رديتي
كَويس بَشوف وش سبب هالمُشكلة وَ يارب أقَدر أأمنها ..
بصراحة ماكنت متحمسه اشتريه بس شريته هدية لاختي بالثانوي وحيييل عجبها بس امانة يوم جربته انا ماعجبني حسيته عادي و زي ماقلتي لمعة فازلين عادية وترطيبه عادي بس مش ندمانة اني شريته بالعكس استفدت وخذت فكرة بسيطة عن هالنوع من المنتجات
لبى الكَريمين إللي يَهدون خَواتهم ..
المُنتجات نتائجها تَعتمد على البشرة , لذلك بأغلب وَصفي ما أحب أي وحدة تَعقد الأمال على مُنتج واحد فَقط
اول ما قريت العنوان عبالي نفس الروج يلي ما يروح لمن تحطيه يتم كذا يوم نفس التاتو
ويضهر بشكل طبيعي
اذكرر كل امهاتنا كان معاهم مثله بس الحين ماقمت اشوفه
، لونه اخضر وينحط ع شفايف يصير وردي
تقصدين الروج السحري ؟!
لا مو نفس هالنَظام .. جداً مظهره طبيعي طبيعي وَ مايبين رَوج يبين لون رباني
ارتوس ساعديني
بَخصوص ؟!
لفت نظري السعر ماشاء الله
انا اخذته ب170 من وجوة ونفس السعر في سيفورا
من وين اخذتية ؟
قَلبي إنتِ ..
التَدوينه قديمة من سَنتين يَعني السَعر راح يَكون مُتغير ..
تَمنيت لو سَعره بقى على ما هُو عليه ..
فَقط أعَدت الطرح
حلو الصراحه يبغالي اجربه قبل اشتريه شكرا ارتوس الله يسعدك يارب
العَفو ..
يعطيك العافية ارتوس ،، الله يكتب لك بكل خطوة سعادة
يَعافي قَلبك ..
آمين وَياك
خبرك عيق وزمان ي ارتوس الحين سعره 170 ، عموما م حسيت انه منتج واو او يستحق الاقتناء يمكن لو عروس يناسبها بدل ماتلطخ بالفازلين ، لكن القلوس لما جربته بالنسبه لي افضل لان فيه معالجه للشفاه خصوصاً اذا صارت مبهذله وغير معتنى فيها وللي م يكثرون مويه تظهر النتيجه فوريه
عتيق **
مُش خبري إللي عَتيق التَدوينة قَديَمة مُو مَنتبهه للتاريخ ؟!
اللهم أعَدت الطرح .. هُو بالمُجمل مُش مُنتج دائم إنها مؤقت المَفعول ..
يعطيك العافية ارتوسه
المنتج استخدمته قبل و حبيته مره لان كنت اموت بالاشياء القلوسيه اللي تعطي لمعه ومازلت رغم ان الحين موضة ألمات
قبل اسبوعين كلمت صيدلية ادمه اسألهم عن مرطب ديرماجلو قال مخلص الآن بس فيه اللي احسن منه بالمفعول لو تاخذينه افضل
ارسل لي صورة مرطب من soskin اسمه repulpant lévres
مدري اذا حسبني ابيه عشان احصل على تكبير ونفخ وبناءً عليه وصف هذا !
انا حابه اجرب الديرماجلو لاني مابيه للتكبير ابيه لتمليس مظهر الشفايف وعشان تروح الخطوط اللي مدري من وين طلعت لي 🙁
بس قلت اخبرك بالمنتج اللي نصحني فيه يمكن تعرفينه او عندك فكره عنه وتخبرينا .
ربي يسلم يدك ويدوم عليك الجمال والتألق يارب
الديرما جلو بتلاقينه بحبيب التخصصي ..
وَ للأسف ما جَربت هالمُنتج لكن عادي أجربه ليش لأ ؟! ..
نَورتيني بَعد قلبي , وَ دُوم مَنورتني
ارتوس صار سعره ١٧٠ ههههه والله من جد
مشتريته قريب من وجوه وانصدمت اقولها ماكان سعره كذا
تقولي الا من يومه
بس عاجبني مرة وادمنته عاد انا مجنونة مرطبات اتوقع مابيكمل شهر عندي
اقولك شي مدري ليه احس موضوعك هو اللي رفع سعره هههه
شَف الكذب تَكذب عيني عَينك .. من يومه ماكان تَوظيف النَساء هالكثر
لأن لما وَظفوا النَساء زادت الأسعار بأغلب الماركات وَ قرار بطاقة العَمل أتوقع شيء زَي كذا
نَدفعها من جَيوبنا لَهم 🙁 كل شيء صار غالي ..
وَ لا ما أتوقع مَوضوعي له دَخل , لأن الأسعار عالبَضاعة بَشكل عام
أجل ثاني مَره بوشوشك بالسَر قبل لا ترتفع الأسعار ..
أنا ماخذته من زمااان من أول ما مدحتيه ( عندي ملف في الجوال صور المنتجات اللي تسوين عنها رفيو وتعجبني حتى ما أنساها ههههه) … المنتج ناسبني لأسباب
أولها أنه عملي جدا خاصة للأشخاص اللي يصلحون مكياج صباحي يوميا ..
فمش دائما عندي وقت أفكر أي لون روج بحط
غير اني أصلا مو وحده مدمنة مكياج.. فأحب الاختصار ما أحب أكثر درجات و طبقات وكذا…
أحب لما أعتمد منتج ناسبني أكرفه و أستخدمه على طول لين ألاقي شي يناسبني غيره..
أكثر اثنين أثروا فيني : انتي وعلياء …والله يجزاكم الجنة على جهودكم ..
روحي ربي يسعدك عليك اسلووب م شاء الله تبارك الرحمن يفتحح النفس اظطر اقرى كل الردود
اشتريت هالشي بعد خقتي القويه على تقنية اللون وكمان طقيت كم روج من عندهم بدون ما اجرب ضامنه انها بتناسبني ، بس للأسف كلها ما ناسبتني وكلها عطتني إيحاء بإن وجهي مسود ومريض
وعطيتها امي تجربها وكانت النتيجه معاها العكس … ناسبتها وحبتها
رووووووعه اول شي عجبني شكله وبعدها لما قلتي يسوي الشفايف كانج حاطه فازلين طلعت قلوب احب كثير المظهر الطبيعي اللي يبين ولا كانج حاطه شي وانتي حاطه
شكراااااً ياقمر
جربتو وحبيتو.. باالفعل زي ماوصفتي
باالضبط انو يختلف من شخص لشخص
انا شكل وبنت اختي شكل.. انـا بصراحه
الي مضايقني شوي الشفه العلويه اغمق بشوي
من السفليه افكر بشكل جدي اهبب فيها لين اوصل
لنتيجه مرضيه ❤️
عندي منه القلوس ومن ميزاته انه يرطب وينفخ الشفاه.. ترطيبه رهيب وأول ما احطه احس بلسعة خفيفة بس ما لاحظت ان الشفايف امتلت لكن رطبها