صَباح / مَساء النقاء

أكثر تعليق يوصلني سواء بالحياه أو بالأنستا هو:
وش تستخدمين لأظافرك ؟
جوابي دائماً وَ أبداً الأكل ، ثم الأكل ، ثم الأكل …. وَ بعدها الروتين وَ العادات اليوميه
صدقوني مافي فيتامين يصنع المعجزات ممكن يفيدكم 30 % بالميه بس ماراح يصنع الفرق

وَ أساساً هالسنتين كنت مُنقطعه عن الفيتامينات بسبب جلسات الليزر يعني مافي سر أخبيه عنكم
وَ لو فَيه كان نَشرته عَشان أكسب الحَصريه وَ التميز , عالأقل بَتحسون أني جَبت لكم شيء سَحري
وَ لو حتى البَعض ظَن إني اخبي شيء مَعقوله يَعني مافي دَكتور أو باحث أو عالم أو مُهتمة بالتَجميل إكتشفت هالسَر
وَمافي إلا أنا بهالعالم اللي إكتشفته وَ خبيته عَنكم ؟!
[ كان أخذت براءة إختراع وَ طلعته لووووووول ] ..

المُهم صرت كل مافتحت رسالة بالدايركت يَوصلني هالسؤال , حَسيت إن هالمَوضوع لرُبما يَجاوب عَن تساؤلاتكم
حتى مَره خلاص تَعبت وَ حده قالت أرجوك قَوليلي وَ ما بَعلم أحد عَن سَرك ؟
قلت لها : سِحر .. لأن خلاص مافي أمل تقتنع

نرجع بعد لشي مهم وَ هو الجينات ، زي مافي ناس شعرهم من رب العالمين ناعم وَ عنده مقدره ع الطول لين الركب بعد فيه أظافر عندها نفس المقدره
بس الله يهدي بعض الناس مصرين يخسرون أنفسهم وَ يدورون حبه سحريه , حتى الأخوات ببيت واحد رَبي يَخلق كل وَحده مُختلفه عن الثانية مَا بالكم بأجناس مُختلفه

وَ بإذن الله راح أفرد تدوينه عن : كيفية العنايه بأظافري بالتفصيل وَ بالصور
[ هُو أنتم طالبين مَني مَواضيع كَثيرة وَ حالياً تَدويناتي تقريباً بالأسبوع ٤ مَرات , فَمصيره بَيجي بَيوم أدون عن الشيء اللي بَبالكم .. وَ لا ضَير من الإقتراح بَكم أرتقي ]

تدوينتنا بتكون خفيفه ظريفه وَ مناسبه خاصه لأجواء الشتاء بهالفتره
نجي لمنتجنا وَ هو عامل مساعد في ترطيب الأظافر وَ الحفاظ عليها من التكسر
Dior
Crème Abricot Fortifying Cream For Nails

…