صَباح / مَساء الحُب
اليَوم مَوضوعنا خَفيف ظريف وَ هُو بناء على طلبكم
دايم تسألوني وَش أفضل باودر وَ دايم أقَولكم ما أحب أسَتخدم نوع واحد من الباودر ..
وَ يمكن إنفجرت عَلي الأسئلة عن الباودر مَن بعد هالمَوضوع ( هُنا ) ..
هالبودرة أخذتها بناء على رأي خبيرة التَجميل حنان النجاده
وَ كان بَمقطع الفيديو الآتي ~
مَن الدقيقة ٧.٢٧ تتَكلم عن مَوضوعنا لليَوم ..
Diorskin Nude Rose Powder
LUMINOUS ROSE LOOSE POWDER
رَقم ٠٠١
سَعرها : ٢٢٠ ريال سَعودي تقريباً
إن شاء الله ما أكَون غلطانه ..
الألوان : فقط لَون واحد اللون الوردي
وَ العلبة مَفتوحه ،’
يَجي مَعها إسفنجة بف صَغنونه
مَن الداخل ،’
مَن الخلف ،’
مَزاياهآ ~
• تساعد على تثبيت الماكياج
• لونها يعطي نضارة وَ رونق للبشرة وَ تظهره بمظهر أكثر صحه وَ إشراق
• بودرة شفافه ناعمة جَداً بلون وردي طبيعي
طريقة الإستخدام ،’
توضع بالإسفنجة على مَنطقة التي زون وَ المناطق البارزة لإضائتها
لكن شخصياً أبتعد عن منطقة التي زَون وَ أثبتها بنوع آخر من الباودر وَ هالبودرة أنشرها فَقط على المناطق البارزة بالوجه لإضائتها
رأيي عَنهآ ،’
شَخصياً أفضل وَجود الباودر رُبما طبيعة بشرتي الدَهنيه تتطلب ذلك
وَ لكن حتى البشرة الجافة أنصح بالبودرة المُخصصه للبشرة الجافة حتى لو الكَميه قليله جداً , السر بنظري هَي الكَميات
لكن أشوف وَجودها ضروري جداً ما أقصد هالباودر إنما الباودر بشكل عام
بالنسبة لماركة كريستيان دَيور فأول مَجموعة ماكياج إقتنيتها كانت هَدية من أمَي أساس وَ بودرة وَ بلاشر من كريستيان دَيور
فالريَحة للأن عالقة بَذهني , وَ أنا من الأشخاص إللي ذاكرتي العاطفية تقيدني أحياناً
هالباودر هَو من نوعية اللوس باودر , رَيحته فنتاستيك وَ فوق الرَوعة
لونه بَنك لكن عالوَجه مايخوف وَ لا يصير بَنك وَ لا يصير وَجهك أزرق إنما تاخذ لون الأساس وَ تَعطيك مظهر طبيعي
انا عارفة إن شكلها بالصَورة يخوف مُمكن الوحدة تقول إنها راح تَعطيها لون وردي كأنه بلاشر
إنما بالواقع ماراح تشوفين لون وردي أبداً , لكن راح يعطيك وَجه صَحي وَ حلو
البودرة لمَيعه وَ ذراتها لمَيعة وَ لكن ذرات دقيقة جداً جداً , فَعشان كذا ماتحسين فيه لَمعة أبداً أثناء تطبيقها عالوَجه
بس تحسين بوجه مُشرق وَ نظيف وَ يلق وَ ماتحسين بثقل بَوجهك وَ لا تعطيك مَظهر كيكي بالوَجه
هو اللوس باودر بَشكل عام خفيف لكن هذي من أخف اللوس باودر إللي جَربته , نَسبة التغطيه يَمكن ٥٪ بالمَية
يعني مافيش تغطيه , إللي حابه تغطي لو جزئياً عيوب وَ مشاكل راح تختار باودر بلون مُش بودرة شفافه ..
هل راح تعطي مَظهر غير مقبول للبشرة السَمراء ؟!
ماعندي خلفيه لأن ما جربتها على بشرة سَمراء , لكن شَخصياً ما أفضل البشرة السمراء تستخدم باودر على بنك
وَ لا أساس على بَنك إنما يروحون للَون الذهبي أفضل أو الأورنج .
هل وَجودها مُهم ؟!
لا غَير مُهم .. البودرة بشكل عام شيء يُمكن الإستغناء عَنها لأن حالياً صار الأساس مَصنوع بتقنيات مَعينه تحوله بعد ثواني لباودر
فَوجوده غير مُهم
هل راح أشتريه مَن جديد ؟!
طبعاً لو أستمر إنتاج دَيور لها راح أرجع أشتريها لكن الباودر خاصه عَندي من الشغلات إللي تضل لفترة طَويله
هَل تستحق الإقتناء؟!
نَعم تستحق الإقتناء خاصة للناس إللي يَحبون المظهر الديوي وَ بنفس الوقت مَضطرين على إستخدام الباودر
هل سَعرها جَيد مُقارنة بَمفعولها ؟!
نعم سعرها جَيد جداً لأن مَثل ماقلت تضل لفترة طَويله
هل فَيها عَيوب ؟!
العيب مَو بالمُنتج إنما بالتعليب .. شكله حلو لكن عبوته فضيه وَ تطبع وَ الناس إللي يَحبون النظافة بكل عملية ماكياج راح يمسحون الغطاء
وَ النقطة الأخرى العبوة مُربعة وَ الغطى مُربع , فإثناء الإغلاق تَحسون بشوية صَعوبة مرات تكون قفلته مايله وَ ماتتطابق
هذي العَيوب إللي لاحظتها ..
كَم صار لي مَن يوم شريتها ؟!
أتوقع بعيد الحج بعام ٢٠١٤ مَ .. يعني جربتها وَ حكمت عليها بفترة كافية
دُمتم بَحب
ماشاء الله ماشاء الله وش هالزين بغيت انسدح بجنب الصورة جميل التصوير كعادتك مكانك مو بلوقر مكانك مصورة عالميه المرتبه الاولي ماشاء الله الله يحميكك خيتي ..قلوب .. وحبيت ابلغك انوة اليوم فكيت الخياطه ولله الحمد بعد اربع شهور باذن الله ينتهي مشوار التعب باذن الله
ههههههههه إيه الإطراء دَه .
أخجلتم تواضعنا يا حَبيبة قَلبي , وَ أنبسطت بالأخبار عَن صحتك ..
وَ إن شاء الله الله يَمدك بالصحه وَ العافيه وَ يخلي لك الوالدة يارب
الف شكر عالتدوينة ارتوس
طيب انا بشرتي حنطية
اشتري بنانا او هذي ؟
علماً بأن عندي اللوس باودر اتش دي من ميك اب فور ايفر
وشكرا
لا يختلفون تَماماً .. البنانا فيها شَحوب وَ أنا أستخدمها بس تحت العَين ..
تحبين المظهر الطبيعي أرشح لك هذي وَ أكيد تليق عالبشرة الحنطيه حتى السمراء لكن أنا ما أفضل السمراء تقتنيها
فيه ألوان أفضل وَ أليق عالبشرة السَمراء منها بس حتى لو البنت سمراء تقدر تستخدمها , لكن كأفضليه لأ
ماشالله تبارك الصور والكلام ينطقون نظافة وذرابه .. توسه رأيك في لوس باودر كلارنس سكن ايلوجن اظن اسمها كذا خصوصا ان لها تغطيه قوية واظن بالاساس فاونديشن بشكل لوس باودر
للأسف ماجَربته 🙁 وَدي كان أفَيدك لكن ما أقدر احكم على شيء بدون ما أجربه
حتى مُمكن أقرأ عنه ريفيو مابكون مقتنعه غير لما أشوف الماده قدام عيني ..
لكن إنتِ جربيها لو حسيتيها حلوه وَ ناسبتك خذيها , وَ بحطها بقائمة مُشترياتي أجربها ليش لأ
تسلم ايدش يارب وانا زي ماقلت اول عندي بنات ثقتهم فيش عميا وانا قبلهم وكل شي تمدحينه نجربه بثقه بس وحده منهم عمرها٢٣ ماناسبها اي شي فديتها مع العلم تغذيتها ممتازه وفيتامينات وموووويه وحركيه بعد بس اي شي وكل شي تحطه يتقشر جربت الغالي والرخيص وجلديه وعنايتها ممتازه والله يابنتي تكسر خاطري حبيبتي من بد خواتها يا ترا فيه حل
هلا بخالتي نَوال , الله يَحفظ لك بناتك الحلوات يارب ..
طيب هل بدون ماكياج بشرتها تتقشر ؟! ووش الصابون إللي تستخدمه ..
أكيد فيه شيء هي مو منتبهه له وَ بنحاول ننتبه له
حبيبتي والله ويحفظش يارب من كل مكروه ويكفيش شر عيال وبنات الحرام…غسولها ومقشرها ومرطبها كلارنس وبشرته من غير مكياج فيها جفاف خفيف بس ترطب يختفي اصلا وضعها بدون مكياج ازين مليون مره بس مستحيل تتركه اصلا قربت افتح محل مكياج من كثر اغراضهم الله يحفظهم هههههههههه
طيب تَحاول تغير كلارنس ؟! مُمكن تحصل ماركة تتناسب مَعها أكثر ..
أو مَثلاً خليها تشتري جهاز لونا , وَ أذكر قلتي عَندك ٧ بنات لونا ميزانيه ..
تبدأ بالكونجاك رخيصه تَجربها وَ تشوف وَش رآيك ؟!
فديت الذكيه الي مانست ماشاء الله عليش خلاص تجرب مجموعه ثانيه والكونجاك وان شاء الله تنفع معها…الله يسعدش حبيبتي
لا وَش دعوة إنتِ وبناتك غاليين عَلي , شَلون أنساكم هآآآه ؟!
مُستحيل إللي ينسى أحبابه هذا شَخص مُهمل ..
نورتيني
صح وَ قريب بتكلم عن روتين العَناية مُمكن مُمكن يفيدكم بَشكل مآ ..
ياتسلملي الاناقه والنعومة والكياته والرقه والذووووووق بالتصوير والكلمات وكل حرف منك
مدونات العالم بكفه ومدونتك بكفه تانية عندي والله
الصور اثرت فيني واخدتني لمكان تاني لووول
ماصرلي فرصهجرب هالبودرة للاسف دورتك ولالقيتها
اصلا ماعنا الا فرع واحد ديور وهو بباريس غاليري
انا عشقتها من ورا نان النجاده واكييييد بعد رايك حبيتها اكتر
طلبي بازبط
متلك بشرتي دهنيه بس بكره استعمل كومباكت باودر غالبا لوز وكمان تعطيني لوك المات وانا بكره المات للبشرة
للان مالقيت بودرة تريحني
وماتعطيني طبقه او كيكي لوك
بالعكس لونها ماخوفني بيعئد
تصدقي مرة كان عندي بلاشر هديه لونو وردي وفي ذرات بنفسجيه
احلى لون بلاشر ناسبني
..بالعكس انا بخافمن الالوان الصفرا ههههه
توضح على وجهي
حاسه ريحه الورد والباودر وصلتني
يسعدلي مساكي
يآآآآآي نَيالي وَ الله , دَخيل عينك وَ قلبك حبيبتي وَ الله
وَ وجودك له طَعم خاص وَ لا يهون الجَميع ..
جَربي مره ثانيه مُمكن يكونون وَفروهآ 🙁
تَصدقين أنا ما أستغنى عن الكَومباكت خاصه لتحت العَين يثبت الظلال وَ يعطي إضاءة تحت العَين ..
طبعاً بالسهرات بالأيام العادية مُمكن أستغنى عَنه , جربتي بودرة بوبي براون ؟! قريب بتكلم عَنها عَجبتني جداً جداً
وَ الأصفر يلي بَيحبوا التَصوير وَ السهره يحبونه , أو إللي حابين يزيدون بياض وَ يتلاعبون بالضَوء مُمكن
وَ يومي صار أحلى بَوجودك ..
يالله يا آرتوس على وصفك لها بوصي عليها بدون ما اجربها لاني دورتها بمكان اقامتي كنت ابغى اجربها قبل اشتريها وعلى وصفك مش محتاجه تجربه .. الله يسعد قلبك مثل ماتسعدينا بهالتدوينات وتفيدينا ❤️❤️❤️
أتمنى يَكون وصفي دَقيق بما فيه الكفاية عَشان لا تتورطين ..
وَ عاد لو وصلتك بَشريني إن شاء الله يناسبك ..
وَ عالبركة مقدماً ..
ارتوس ممكن توضحين الفرق بينها وبين شانيل مسبقة الطرح
لان نفسي اخذ وحده منهم
شكرا
شانيل كومباكت وَ تعطي نص تغطيه وَ تعطي لمعة وَ مظهر هيلثي
وَ هذي لوس باودر وَ تثبت الماكياج بدون مايظهر إن فيك باودر
أنا بشرتي فيها مسامات خفيفة وكمان احمرار وهي مختلطة على جافة بس ماعمري استخدمت باودر أفكر أستخدم هذي تتوقعين تناسبني ؟
جَربيها بالمَحل , لكن البشرة الجافة يفضل تُستخدم الباودر الخاصه بالبشرة الجافة
أكثر شيء يجفف البشرة وَ يبين جفافها هو اللوس باودر أكثر باودر يبين الجفاف ..
ليش ما تَحاولين توازنين بطبيعة بشرتك وَ تعادلين الفرق بين الجفاف وَ الإختلاط , حتى ماتتعبين
حبيلك أرتوس شكراً على ردك علي الله يرضى عليك ويسعدك ..
بس ياعيني تقصدين بأوازنها بالترطيب للمناطق الجافة ( عندي الخدين والجفون وفوق الشفة هذي أكثر المناطق جفاف ) ؟
العَفو حبيبتي ..
بالمَوازنه أقصد إيجاد حلول .. لأن بشرة بنفس مواصفات بشرتك ما تجتمع هذا دليل على إن فيه شيء تسوينه بالعنايه بها
مسبب لها جَفاف من مكان أو دهون من مَكان , إن شاء الله تكونين فهمتيني ..
أرهقتي بشرتك
ياهلا ياهلا … نورتي يالغلا
ذحين انا دخت ياربي اشتري شانيل والا ديور طيب انا عندي من ميك اب فور ايفر اتش دي بس مااعجبتني علي هي شفافه وتعطي منظر كيكي شوي في نفس الوقت لمن وريتها اختي قالتلي ذي للتصوير انفع منها للاستعمال العادي … وانا باخذ حقت شانيل لعامة الوجه مثلا وديور للمنطقه البارزه والبنانا تحت العين كذا علي صح انا اهم شيء اعرف الطريقه الصحيحه وبعدها عادي اقتنيها
ياهلا وَ غلا بَك ..
فعلاً البودرة تحير وَ تخليك طَماعه شانيل تختلف لانها تعطيك مظهر مصقول وُ مختلف .. وَ تعتمد شانيل على لَونها
وَ ديور خاصيه مُختلفه , شوفي لو عندك فلوس زياده خذي شانيل وَ ديور لكن لو الميزانيه ما تسمح أختاري وَحده بينهم
قيسيها تبين مظهر كأن مافيك باودر وَ نضاره ديور وَ تبين مظهر بنصف تغطيه وَ مازال طبيعي مَعه لمعه شانيل
صَعب المقارنه لأنهم بنات عم لو مع بودرات ثانيه كان قلت لك إيه , وَ إذا تبين شيء يغطي شوفي بودرة بوبي براون أنا عشقتها تعطي مظهر حلو مع البي بي كريم
أو السي سي كريم ..
وَ مع ذلك جربي ثُم جربي ثُم جربي , وَ حطي ببالك إن البودرة ما تلعب هالدور الكبير بإبراز الماكياج مثل الأساس
الله حسيت بكميه برودة من الصور
تصويرك عذاب ماشاء الله عليك
استمتعت وانا اقرا حتى الردود
طرحك متتع كالعاده
مو أنتِ اللي قلتِ بترسلين لي بالدايركت يارب ما أكون غلطانه
ترى ما أهَمل أي أحد يرسلي , لكن من قلب عندي مَشكله بالدايركت صار ياكل الرسايل أكل 🙁
فلا تاخذين على خاطرك لو ماوصلت وَ حاولي ترسلين مُجدداً
وَ دوم منورتني بَكلامك الحَلو
ايه انا ارسلت مرتين ولا وصلك
حسيت ان دايركتك زعلان مني ماعاد ارسلت
لا ماشلت بخاطري عارفه ان مايوصلك الا بسبب خارج عن ارادتك
بااحاول بوقت ثاني وان شاء الله يوصل
غَريبه وَ الله , تدرين الآن كم رسالة تنتظرني ؟! فوق ٣٠ رَسالة
المُشكلة هالرسايل تظهر فَوق بعض وَ بعضها تَختفي وَ البعض يرسل رسايل فَعلاً ماتحتاج رساله
مثل : وش نوع الكاميرا ؟! 🙁
يعتفس الدايركت على أشياء تم الرد عليها
اجل سلميني الدايركت اسوي له جرد هههه
الله يكون بعونك
اذا لي نصيب بيوصلك مسجي
الله يعطيك العافيه ماتقصرين
شاكرة لك ذوقك وَ تفهمك ..
نَورتيني ..
يعطيك العافيه يالحب … خلاص بروح اشوف ثلاثتهم واتوقع اني باخذ بوبي براون لاني استخدمت السي سي كريم من شانيل ووقعت بغرامه ناسبني كثيير وادمنته والفضل يعود لك طبعا واتوقع بيظبط مع بودرة بوبي براون … وربي يسلم هالمدونه اللي خلتنا نتواصل معك اكثر واكثر
يَعافي قَلبك وَ الله ..
يالله إن شاء الله يناسبك شيء مَنهم , وَ مُمتاز إن سي سي شانيل ناسبك ..
وَ أنا أسعد بتواصلي بَك وَ معرفتي , ٣ بَنات مَعرفتي بهم زادت وَ أنتِ من ضمنهم
محظوظه بَكم
ربي يخليلي اياك … ماقدر مارد عليك كل رساله من رسايلك اتحببني فيك اكثر واكثر …وانا المحظوظه بهالكلام وبك وبمدونتك وبكل شيء منك ..
ربي مايحرمني منك ولا من وصلك وحبك …
هههههههه يا زَين قلبك ..
صَدقتي المُدونة ما أحسها تضيع تَعبي عالأقل كل وَحده تسأل تلاقي جَواب لسؤالها
بالرغم للأسف مَرات تفوتني كَم أسئله لكن أقول بَعوض بالطرح القادم
سؤال خارج عن موضوع التدوينة “فيس مستحي”
الاقي أظافر تركيب نفس شكل أظافرك يعني مو المربعة؟
لان ودي اشوف شكل يدي بهالاظافر المخالبية النعوميةههههه
هههههه نفس الشكل ما أتوقع فيه تركيب , وَ التركيب يصير شَكلها كبير
عَموماً غيرت شكل أظافري وَ صارت مَربعه بس حاده , قريب تَشوفونها إن شاء الله ..
لو حابه فيه تركيب شبه دائم بالعجينه هو الأقرب للطبيعي , بس غالي وَ بتسوينه وقت الدورة أبو ٧ أيام وَ بتزيلينه وَ هو مخصص يجلس شهرين
مثله مثل الإكستنشن وَ ممكن يسبب لك إلتهابات إنتِ بغنى عَنها , ما أنصح وَ لا أفضل .
حبيبتي ناطرة ريفيو بوبي براون
وياحسرة مومتوفرة بوبي بران بلمدينه
وصعب اطلب اون لاين لباودر ماجربتها
تسلميلي سوس
🙁 خلاص لازم تجون الرياض بالصيفيه ..
لو حابين طَبعاً , وَ فعلاً الباودر صَعب يكون أون لاين
ياليت ارتوس تنتقلين من الوجه الى بشرة الجسم قليلا 🙁
أوكيه أعطوني طلباتكم وَ أقتراحاتكم وَ أنا لهآ ..
الطرح يتطلب وَقت حتى تكون المُنتجات مُجربة ١٠٠٪
سَهل أجمع لكم شَغلات جربتها أبو أسبوع وَ تتورطون وَ تشترونها .. أخرتها مالها أي فائدة أو نَتيجه 🙁
ما حَيخلص شهر فبراير إلا وَ أنا طارحه شغله لـ شغلتين للجسم
زين كذا ؟
حسيت بالسعادة 🙂 صراحه ابي كيف أزيل الجلد الميت و يصير الجلد ناعم مره و احسن مرطبات للجسم او مقشرات حتى لو كانت مو متوفرة بالسعودية 🙂 و شكراً من قلب والله
آوكيه يا قَمر , تَم بتكلم عن أحد المُرطبات ..
مررررة مبسوطة هالفترة انك مركزة ع الشغلات الجمالية كثير واقول يارب ارتوس تستمر عليهم لاني بصراحة هي اكثر شيئ استمتع فيه بمدونتك بس طبعا استمتع اكثر بقسم الثرثرة مرررة اعشق مواضيعك الي تطرحينها فيه واجلس افكر فيها باختصار اعششق سواليفك سواء من طفولتك او عن والدتك الله يرحمها او حتى النقاش مثل موضوعك حق معايير الجمال الي غير تفكيري 180- درجة بصراحة اتمنى تركزين على القسم ذاك اكثر وماتنسن هذا طبعا وبخصوص شغلات الجسم ودي تتكلمين عن طريقة الصنفرة صح وافضل المنتجات لاني فعلا اعاني من الجلد الميت ولا احب الحمام المغربي اشوفه ضار ومتعب وعن مثلا العناية عقب الشاور من ترطييب وغيره
ياهلا بَك ..
أبشري وَ أنتِ عارفه شَلون رأيك يَهمني , لأن ماشاء الله دائماً وَ أبداً ألقى تفاعل منك وَ إقتراحات
الإقتراحات تساعدني أعرف عن وَش حابين نتكلم , بالنسبة للحمام المَغربي أنا أحبه لكن مُش هُو الملاذ الوَحيد
بالعَكس أصبح هو الضرر الأول , أنا راح أركز أكثر على تنظيف البشرة من الزَهم وَ الروائح وَ الدهون
يعطيك العافية يا ارتوسه
من يوم يومك وانتي مبدعة بطرح كل شيئ
بخصوص البودرة انا فعلا محتاجه مثل هالبودرات الي تعطي مظهر طبيعي مش كيكي
بس بصراحة اعاني من كم شعلة دايما اذا حطيت اساس او سي سي كريم لازم تظهر عيوب بشرتي
مثل الحبوب الي تحت الجلد ماتظهر الا مع الميك اب
وكمان الاساس يتقشر بالرغم اني معتنية في بشرتي واحط برايمر قبل المكياج على بشرة النظيفة طبعا انا ما زلت مبتدئة بس بصراحة احس بالاحباط كل ماشفت بشرتي سيئة مع المكياج اخرها امس حطيت اساس وشكلي كثرت طلعت لي خطوط الابتسامة حقت كبار السن ومررة استغربت بالرغم عمري ماتعدى 20 تتوقعين وش سبب هالخطوط؟؟ وبخصوص مشكلتي مع الاساس تتوقعين مثبت المكياج راح يحسن المشكلة ؟
اعذريني سردت لك المشكلة كاملة بس مالقيت احد اقدر استشره زين غيرك انتي
أنا لاحظت السي سي كريم يسوي مثل تعبيد للبشره , أحسه مَره يخفي العيوب
لكن عيوبهم مانزلوا منه إلا لونين وَ هالشيء ظالم لبقية أنواع البشرة , وَ صعب تلقين درجتك بالضبط
فيبيله شوية حرص أثناء المَد , بالنسبة للخطوط يمكن تبتسمين كثير خطوط تعبيريه
لكن فكرتي تسوين بلازما !! .. مُمكن تخفف كثير من بعض المشاكل وَ الديرما رولر حلوه للخطوط وَ الحفر وَ بلاوي كَثيره ..
ولا مثبت الماكياج ماراح يحسن المُشكلة أفضل حل حليها من الداخل ..
صراحة أنا ما أدري سبب تواجد مثل هالمشكلة وَش ؟! مو أنتِ وبس كثير بنات نفس مُشكلتك ..
أكيد فيه شيء غلط تسوونه أثناء مد الماكياج أو أثناء العناية الروتينيه
أمي الله يرحمها بشرتها عاديه وَ عَمرها فَوق الأربعين يعني بشرة كبيرة مو صغيرة , بس أثناء ما تَسوي مَيك أب ماتظهر هالمَشكله أبداً
فكري زَين وش الغلط إللي تَسوينه وَ صدقيني بتلقين حل للمُشكلة ..
انا نفس مشلكتها ارتوس تبان ببشرتي عيوب لما اكون بلاساس ماتبان بدونه مسام وحبوب تحت البشره مع انه يفترض العكس مع انه يكون فيه عنايه
من سنفره وترطيب قبل وقبل الاساس برايمر ..بس عموما انا اخذت الديرما رول استخدمتها مرتين وقفت برجع استمر عليها ويارب تضبط الامور
كثير تحمست لها بجربها ان شاءالله
الله يوفقك ويسعدك يارب
إن شاء الله تناسبك وَ تكون تَجربة ذات منفعه لك
الله عليكي ياارتوستنا وجمال وشمولية تدويناتك ورفع خلقك صراحة غيرك كثير اتغزلو ببودرة ديور والكلام نسخ ولصق من حنان النجادة ولا جابو سيرة
وانتي ماارقاكي حاطة الفديو كمان قلوب قلوب للرياض
بالنسبة للبودرة من لما ذكرتها حنان النجادة اتحمست عليها لكن مالليتها موجودة بديكا الفترة فنسيتها ودحين حمستيني عليها طبعا جربت شانيل على مدحك واعطتني اللي
وصفتيه بالزبط لكن المشكلة بالتخزين بفيسس او ايشمادري ماعدت فترة بسيطة الا اتفتتت وحطيتها بعلبة وسرت استخدمها كلاوس بودر
وحمستيني جدا علي بوبي براون اجربها الفترة الجاية انا حاليا البيست بالكومباكت جيرلان القولد اربعة سنوات تقريبا رلا خذلتني بيوم ماشاء الله
أخجلتم تَواضعنا , وَ ما أعتقد ينقص مَني شيء إني أنسب الفَضل لأهل الفَضل ..
بالعَكس يعزز مَصداقيتي أمام مُتابعيني , وَ بالنهاية الأهم الفائدة سَوا مَني او مَن غيري
وَ أتمنى تحصلين عالبودرة وَ تجربينها بالمَحل وَ تشوفين إذا ناسبتك ١٠٠٪ ..
وَ زعلت صراحه علي حَصلك مع بودرة شانيل , أخاف طاحت عليهم من قبل وَ يوم أستخدمتيها ما تحملت وَ تفتت , سوء بالتخزين أكيد أو سوء بتصفيف البضاعه بَعد الإستلام .
يووووووه مافي مَثل جيرلان الجولد الكَومباكت يعطي فينشينك مَثالي 🙁 لكن للأسف خلاص إنتهت , للأن محتاره شَلون شركة مَثل جيرلان تقطع مُنتج بمثل هالروعة
الله يجزاك خيري الدنيا والاخره
الصراحه باين انك تعطين من كل قلبك
حابه اسألك انا دبه بس اكثر شي يقهرني بجسمي دهون الظهر
وناويه ان شاءالله ابدا اكل صحي ورياضه بس انا اشوف كثير نحفو بس الظهر ماتروح الدهون اللي فيه مره وش رايك؟اسوي لها تجميد الدهون ؟واذا عندك فكره عن التكلفه التقريبيه لها بكون شاكره لك واذا التكلفه ماناسبتني حابه اعرف هل دهون الظهر ممكن انها تختفي كلها باالرياضه والاكل الصحي وبنظرك ليه اللي ينحفون تبقا فيهم المطبات الللي باالظهر ماتختفي كلها
وَ ياك يارب ..
بالنسبة لتجميد الدهون أنا أشوفه حل مثالي جداً وَ مُساعد للي عندها وَزن كبير وَ حابه إنه يَدعمها
لكن الدكتور المُعالج يحدد إذا جسمك يتناسب معه أو لأ , لازم يكون فيه شحم ينمسك عشان تستفيدين من تجميد الدهون
أما الدهون إللي بالظهر إزالتها صَعبة لان المنطقه لو تلاحظين خامله ما تتحرك وَ عضلاتها بسيطه , إذا فيه بنات .. المُجتمع بنظره رشيقات
من الخلف تبين حدود البرا وَ اللحم , وَ فنانات وَ مشاهير .. إلخ
وَ برضو يعتمد على تفصيلة الجسم فيه جسم طبيعته يخزن الدهون بالظهر وَ فيه جسم الظهر جداً خالي من الدهون
وبتلاقين الدهون بالمؤخرة وَ الأفخاذ ..
جَوابي النهائي , تَزول بالرياضة الصحيحه
وَ ليش اللي ينحفون تبقى بهم ؟! لأن هم فرحانين أنهم نحفوا ما يفكرون أكثر الناس يتفاوتون بالطَموح
فيه وحده تبي تكون وَهي لابسه جسمها بيرفكت وَ فيه وحده تبي وهي عريانه أو لابسه بيرفكت وَ فيه ناس يبون أهم شيء وزنهم بالميزان قليل
وَ فيه ناس يهمهم بس يلبسون ميديم أو سمول سوا كان بصحه أو بمرض ما يهم يبون يحصلون مقاسهم بالسَوق
لكن مُجرد مايوصلون للوزن إللي يبونه يبدأ الطَموح
لا تخلين شيء يَوقفك أبداً , خذي حقك الطبيعي بالحياة وَ بالدلع وَ الأناقة وَ حاولي تَوصلين لهدفك
يعطيك العافيه توسه قد ماتحمست لقراءة التدوينة الا ان جهازي خذلني وعلق بسبب الذاكرة وماقدرت اكتب تعليقى
بس كويس استفدت شي وسهرت احذف الأشياء الغير مهمة
شايفه كيف فايدتك بحياتي
حبيت البودرة وحبيت وصفك لها وإن شاء الله راح اشتريها
حقيقه ما سبق وجربت شيء بناء على تجاربك ومانسبني
اثق بذووقك واختياراتك ثقه عمياء
الله يسعدك توسه قد ماتسعدينا دوم
لا حرمنا الله طلتك
دايم تَحرجيني عفكرة وَ دايم تَجدين بَي النافع , الله لا يَحرمَني ..
وَ الحمدلله إن تَجاربي نافعة لُكم وَ عسى الله تناسبك
نورتيني وَ تنوريني دُوم مُش مُجرد نور إنما تبثين بَي السَعادة
جداً حابه تتكلمين عن فرش المكياج ومن وين نشتريها ولو نصحتينا مثلاً بفرش بوبي براون هل نشتريها من عندنا باالسعوديه او نطلبها بيكون ارخص علينا
ولو انا حابه اطلب جهاز لونا وغسول الاكسجين وش الموقع اللي يوفرها لي وكم بتكون تكلفه الشحن تقريباً
وجزاك الله خير
كَلش يعتمد عالمَيزانية , لكن بعض فراشي سيقما مُمكن تأدي الغرض وَ زيادة
بالنسبة لجهاز لونا من موقعهم الرسمي بالنسبة لي أفضل شيء عالأقل السعر زَين , لأن لو توفر بالسعودية راح يتم الإستغلال
أما غسول الأوكسجين دُبي , ماعندي خلفيه عن مَوقع يوفره
أحبكك ارتووس
فرحت. كثيررر لما فتحتي المدونه
لان هي الوحيده اقدر اتواصل فيها معاك فديت قلبك
لان ماعندي حسابات في توتير ولا انستقرام
ومع ذالك اتابعك من خلال قوقل حسابك في الاستقرام
وكل مواضيعك في شمواه قريتها ربي يسعددك كثر مااسعدتيني
ربي يوووفقك
وَ الله أنك مُخلصه من قلب , الله يَسعد قلبك على هالإصرار وَ حُسن المُتابعه
وَ أنا بعد أحبك , بَجد أسعدت جداً بكلماتك ..
وَ حلو يكون لي مُتابعين مَثلك وَ شرواك ..
تنوريني دُوم يا رَوبي لا تغيرين إسمك عَشان أعرفك
عن جد مشاء الله تدويناتك شي راااااقي وعلى مستوى قد ماعرفت النت ماعمري كتبت بحياتي لكن انتي اجبرتيني اكتب واتمنى استفيد منك لكن بالمكياج لما اقراء كتباتك اساله كثيييير تجي على بالي انا مبتدئة وحاول اتعلم الدورات الي بتقدماه الصالونات غاسله يدي منها انتي تعرفي الصالونات كيف مستواهم للحظه اتمنيت اعرفك بس حتى اتعلم منك
اتمنى تنزلي تدوينات للمبتدئات خطوة بخطوة
اه سؤالي كثير بسأل البنات بقلهم اش فايدت البودرة بيقولوا مو مهم تحتاجيهم بالافراح حتى اتثبت المكياج
لكن لمافتحت تدوينتكي شفته عكس هي صح حتى اتثبت المكياج
اعذريني على الأطاله
أسَعد أن أنال على إعجابك وَ إجتذابك للكتابة وَ المُشاركة ..
وَ أوكيه لك ما طَلبتي بَحاول قد ما أقدر أفيدكم من هالناحية , لكن حبيت أقول إنه مُمكن تطورين من نفسك بالماكياج كثير
فيه قنوات تعلمك الماكياج صَح مو كل شيء بس حبه على حبه بتتعلمين ..
البودرة حسب قوامها وَ نوعيتها تظهر فوائدها , ممكن لنضاره وَ ممكن للمعة وَ إبراز معالم الوجه , ممكن حتى الوجه مايدهن
مُمكن للتثبيت مُمكن ككنتور , مُمكن كبرونز , مُمكن حتى لتبييض الوجه او تسميره
فوائدها أكثر من مُجرد تثبيت للماكياج بالنسبه لي عالأقل , تعطيك مظهر إحترافي بدون مايكون مزيف خاصه لو أستخدمتيه بهالأمور بَدل الأساس
صباح الخيرات
اول شي باقول لك جزاك الله خير ..
كلام كثير ببالي اكتبه بداية من اول موضوع لك في شمواه الى اخر تدوينه في المدونة ..كل موضوع ترك اثر وبصمه جميلة بداخلي ،،،قمة المتعة وانا اقرألك موضوع او اطبق وصفة مشوقة الى ابعد حد تبارك الرحمن..
لفتني
مدة صلاحية المنتج من اول استخدام الى ٦ او١٢او ايا كان اذا تعدت هالفترة ومازلت استخدم تحسس بشرتي وتتورم جفوني اذا كانت ماسكرا او ظل او حتى روج تتورم شفايفي
هي اسباب بس ظهرت هالمشكلة معي بعد مكياج كوافيرة جاتني واغلب المنتجات حجمها كبير مقارنة باستعمالي وخصوصا اني عندي هوس باقتناء الميك اب
مدة الصلاحية للمنتج تهمك؟
وبعد مواضيعك تركت الصوالين وصرت انا ازين الميك اب لنفسي وبثقة تامة
صَباح الحُب وَ المحبة ..
بجد كلامك أثر بي جداً , فوق ماتتصورين وَ أسعدت لما شفت لك تواجد هنا
يهمني أسمع رأي القُراء , حَسيت إني قَدرت أقدم شيء وَ لله الحمد ..
بالنسبة لإستفسارك أكيد مُهمه لكن مو بالطريقة المَوجوده عالعبوات , مدة الصلاحية هي مُده تقريبيه وَ توقعات
فبتعتمد على عوامل مُعينه مَبنيه على حسن الإستخدام وَ التخزين وَ الأجواء وَ القاعدة تمشي حتى عالمواد الغذائيه
وَ المعنى الصحيح مفروض يكتب يفضل إستخدامه قبل , مُش يمنع إستهلاكه ..
لكن الإنسان عنده مقدره للتمييز وَ الإحساس ممكن شيء قبل إنتهاء المُدة يحس إن ريحته تغيرت , أو قوامه تغير
أو يحسسه ..
بالنسبة للي حصل لك مع ماكياج الكوافيرة ممكن ما تحسستي من المواد نفسها , تحسستي من الفراشي لأن الكوافيرات مو كلهم فاضيات ينظفون فراشيهم للزباين
بتسوي باليوم لـ ٣ زبونات أكيد ماراح تغسل كل الفراشي بتغسل بعض , وَ الماسكارا أيضاً الحذر الحذر تستخدمين ماسكارا لغيرك ..
و الكوفيرات مفروض لو شغلهم صح وَ نظيف تطلب منك تجين مع الماسكارا الخاصه بك أضمن وَ انظف , خاصه أمراض العين علاجها مرات يكون صعب
وَ إنتقال البكتيريا أسرع ..
وَ فرحت إنك مُعتمده على ذاتك برآفو
ارتوس انا قلت لك مره انو شعري يطيح بعد مااصبغ وسألتيني هذي الاسئله
وشوفي أجوبتي
هل يطيح شعرك بسبب الصبغ ؟! ايوه
ولا من قبل الصبغ يطيح وَ هل إنتِ إللي تصبغين لنفسك وَ لا بصالون ؟! اصبغ لنفسي
وَ هل الصبغة تلمس فروة شعرك ؟! ايوه
وَ هل سوا لك أختبار الصبغة أو تحسين عندك تحسس من المادة الصبغية ؟! مااعرف ايش يعني بس مااحس عندي تحسس
جاوبيني حتى أقدر أفيدك
الف شكر ربي لا يحرمني
يآهلا بَك , خلاص عرفت السبب
لا تخلين الصبغه تلمس فروة راسك قدر المُستطاع , وَ أنا ما أرشح الوحده تصبغ شعرها بالبيت
لسبب إن مُمكن تتلف شعرها وَهي ماوصلت للون المطلوب وَ المصيبه إن سعر الصبغ ذباح بالصالونات 🙁
وَ إذا مصره ريحي شعرك عالأقل ٣ أشهر ..
ياهلا باارتوس وهالمواضيع الي تجنننن…
انا حاليا مكتفيه من البودره عندي اورقلاس ونارس كريستال…
سوالي ارتوس/
انا بشرتي مختلطه هل جربتي التقشير بالاكراتين؟؟؟او الريتي اي؟؟؟
هالفتره استخدم غسول بايوديرما وارطب باورنج دايلي …الي لاحظته ان المناطق الجافه طلع بعا حبوب وروووي سوداء..علما اني لستخدم نظام كامل من غسول ومقشر وترطيب
ومرتين اغسل بالاسبوع بكلارسونيك….
فيديني وربي يسعدك دنيا وآخره ياقمر…
نعم جربت الرتن أ وَ مُمتاز وَ الأكراتين إبن عم الرتن أ
غيري المُنتجات أو وقفيها وَ شوفي وش إللي محسس بشرتك ..
يمكن الأورانج دايلي حسس بشرتك ترى , كل مره وقفي شيء عشان تعرفين وَش هو المُسبب
موضوع يفتح النفس من أول نقطة فيه لآخر نقطة وهي كلمتك المميزة دمتم بحب
أنا من الناس اللي أحب الباودر خاصة الأنواع الناعمة الخفيفة وتعجبني الباودرز اللي فيهم ذرات لمعة تحسي انه الوجه يشع ضوء معها ، الباودر هذا أعجبني جدا وعلبته أنيقة جدا وتدوينتك لا تعقيب عليها لأنك كتبت كل شاردة وواردة ومنك الاستزادة والفائدة…. عملتها مقامات ههههه
أرتوس … الوردات ولونهم ينموا عن ذوووق رقيق ومرهف… تحياتي ومودتي
حبيت المنتج ، راح اقتنيه قريب إن شاء الله ..
بس وين تدويناتك الطويله ؟اشتقت للحكي الكثييير ..
دمتي سعيده..
طرح جممميل حسيت بالانتعاش لما شوفت الورد و الدنيا وردي ،
بالنسبه للبودره لما احطهااحسها تجفف وجهي مدري كيف احس كل العيوب الي بوجهي تطلع مدري ليه 🙁
رغم اني من حبي لكي كل شي تقولي عنو اشتريه وانا مغمضه ،
وكل شي يناسبني من الي تقوليه الا البودره مافي شي يناسبني مدري ليه 🙁
و احبك والله ،
تصدقين زعلت لما قريت انك غيرتي شكل اظافرك هههههههه مدري وش دخلني 🙁
انا حاليا اعمل رياضه وعدلت بأكلي كثير واشرب مويه بس احس وجهي ميت وباهت حتى لون بشرتي مااقدر احدده زي السحليه كل يوم لون 🙁
وحتى المكملات الغذائيه ماسوت شي لبشرتي ، والسنفره مفعولها بنفس اليوم احس وجهي فريش وبعدين يذبل مره اخرى
وش الحل يا ترى؟
والحبوب الصغيره الي على الأنف بنفس لون البشره كيف نزيلها؟ حتى لما اسوي ماسك الجيلاتين كل شي يطلع الا هي
ابغى انفي يصير ناعم واملس زي الرخام هههههههه
مرحبا انيقتنا
انا اعاني من الهالات الغامقه جدا حتى بالجفن العلوي وعيوني صغيرة وغايرة بعد ولك ان تتخيلي الشكل طبعا حيل مضايقني هالشي ويتعبني بالميكب جربت اعتني فيها وشريت اكثر من كريم حتى بوبي براون شريته على مدحك واستمريت عليه لكن بدون فايدة اللي ابي اعرفه هل هالاتي وراثيه لانه انا الوحيدة بالبيت اللي اعاني منها ومهما اعتنيت ماتروح وياليت حل جذري للمشكله
مرحبا آرتوس ..
تدوينة خفيفة مثل ما قلتي و رائعة..أحبج و أحب تدويناتج..
جميلة التدوينة بخفتها و دقة الوصف و الخلاصة الجميلة..
هالتدوينة ذكرتني بكلامج عن بودرة شانيل..اللي أول ما قريت الوصف و كلامج عنه طحت في غرام البودرة و السي سي كريم و بعدها شديت العزم ل شانيل و جربت المنتجين و اشتريتهم و بعد خواتي بالمثل..ما انسى دقة وصفج للمنتج، لدرجة أنه من أول استخدام و فالمحل لاحظت ملاحظاتج اللي ذكرتيها ..
كلامج عن هالبودرة شجعني أجربها و اقتنيها..أصلا أنا واثقة أني راح انعجب فيها خصوصا أني اتشابه معاج فطبيعة البشرة..
فيه سطر جميل جميل ف التدوينة ألا و هو أنه أول مجموعة مكياج اقتنيتيها كانت من ديور، و أنا مثلج بالضبط..
انبسطت بتدوينتج، بس تدوينت الفاشن انعصر فؤادي عليها،زين ما بكيت، هي طبعا جميلة و كالعادة تعطين الشي حقه..بس بس أنا مقصررررة من هالناحية و كلام كثير في حق نفسي..بس عن جد شكرا
و ربي يجزيك خير..
ما شاء الله ما شاء الله مبدعه مبدعه داايم في طرحك البودره شكلها يشووق وكيوووت
لبى قلبك ياورديكا انتا ..
ترى سبحان الله صرتي مقترنه بالورد بالنسبه لي اول ماتطيح عيوني على ورد اذكرك وبصراحه فعلاً يعبر عنك كثير رقه وترف وجمال وش
اخلي بس .
و يوووه ارتوسه ماتتخيلين كيف اموت باللمسه الورديه خصوصاً وان بشرتي مثل لون بشرتك بالضبببببط احس هالدرجه من الدرجات يلبق عليها الزهر خصوصاً البلاشر والباودر باستثناء الاساس لكن جد يبي لها تكنيك معين وخفة يد مع تركيز احس مره ماينفع نحاول نضفي لمسة ورديه بشكل عشوائي
ربي يخليك يا ارتوس ويرحم والدتك ويسكنها بأعلى درجات الجنان
جد لها فضل كبييييير علينا
♡♡♡♡♡♡♡♡♡♡♡♡♡ قلوب من بيتنا لباب غرفتك وتشطف ليون بطريقها ♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ياجممممال تصويرك يختي ماشاء الله
لك بصمة مميزه
استفسار صغنون ممكن !
انا عندي مسامات شوي
وشريت هايلايتر بينفت واتس اب
ولما حطيته طلع شكله بشع مره ماعجبني
طلع المسام واضح مع انو كنت حاطه برايمر بورفيشنال
وكلش اوكي ! خسارة فلوسها اش اعمل فيها ؟!
واللي يناسبني تتوقعي الهايلايتر الباودر زي سوفت اند جنتل وكذا ؟!
آرتووووس اشتريت وحده رقمها 012 ورديه برضو شكلي لخبطت 🙁 ، وش الفرق بينهم ؟؟؟
التصوييير فيه كمية جمال مو طبيعييية بس كنت حابة أسألك هل تناسب البشرة الحنطية
يعني بالبداية حبيتها من التصووير والالوان يلي بياخدوو العئل متلك … وبعد ماقرأت حبيتهاا اكتررر وقررت جربها انشاء الله بأقرب طلعة للمول بدي جيبها ♡♡♡♡
ارتوس الجميله ، ايش افضل مقشر للوجه اشتريتيه بس يكون موجود هنا بسعوديه مو برا
سوسوو دخيييل آلبببك انت وحكياتك وتدويناتك ونصايحك وكلل شي منك ♡♡ ناطرة ومتحمسة لباقي الاجزاااء كتيييييييير
معك حق بكللل كلمة قلتيهااا للأسف هالاخطاء كتييير موجودة وبكل مكان واغلب البنات بتبدا بالعناية فترة وبعديين اهمااال وايمتى بتتزكر هالشي لما بكون عندها مناسبة كبيرة او قبل زواجها خصوصا مشاكل تصبغات الجسم والركب والمنطقة الحساسة … بعرف دكتورة جلدية مرة خلال حديث عن بعض منتجات البشرة وهيك سألتها شو اكتر الحالات يلي بتجيكي غير الامراض الجلدية قالتلي مشاكل شعر و سواد الركب والاكواع والمناطق الحساسة واغلب البنات بدها كريم سحرررري وبتستعملو فترة وبتملل وبتجي تقول يادكتورة مانفع … الى الان بتزكر لما ماما دخلت معي الحمام وعلمتني كيف نظف شعر جسمي حتى البكيني بالاول استحيت وانو كيف بدي خليها هي تعملن بس بعدين لما دخلت وشفت كيف تعاملت ماما مع الموضوع راح الخجل وصرت ركز هي كيف عم تعملها صح وكيف لازم اهتم بهالشغلات لوحدي بعدين لانها اساسية بحياة كل بنت بعد فترة البلووغ واغلب مشاكل البنات انن ماتعلمو هالاساسيات من لما كانو زغار وهالشغلة مهمة كل ام تعلم بنتها وتهتم وتنتبه على تغيرات جسمها وبشرتها… سوسوو كتتتبت جرييييدة هههههههههههههه
صباحك ورد يا وردة
ارتوس .. بوبي براون مع السي السي كريم من شانيل عجييب من جد .. ما احب غيره فالصباحات
عندي سؤال .. نفترض عندي الاثنين .. وين ابدا .. من احطها اول وحدة و من الثانية ؟
كيف تنحط ديور .. ع كل الوش ؟
قصدي بالاثمنين .. شانيل و ديور =D
ماجمل التدوينه والتصوير ماشالله ❤️❤️❤️
هالبودره كثير عليها مدح حتى من الاجانب
ارتوس جربتي بودرا لورا مرسييه. نفس طريقتها مالها اون تعطي اشراقه جميله
سامر خزامي علمني كيف اخفي مساماتي فيها ويقول انها اول براند انتجت هالنوع من البودره مالها لون وتعطي اشراقه
عن نفسي احباحطها تحت عيني تعطي اشراقه وماتخلي الكونسيلر يخطط ابدا
مريت شريتها من سيفورا وصراحه حلوه جدااا
وكان معها فرشه غير الاسفنجه
بس سعرها 315
معقوله رفعوه فهالفتره:(
مشكووووره حبيبتي وماقصرتي
يعطيك العافيه
اكثر شي بخوفني البودره من بعد ايف سان لوران
طلع وجهي كنه مشهب
بس بما انك مدحيتيها راح تكون من القائمه الاغراض عندي بس
هل تناسب المختلطه – تطلعلي خطوط تحت العين بعد فتره من المكياج – يمكن تساعدني – ؟
حابه اسالك عن كريم الاساس الكريمي من استي لودر
RE-nutriv uitra Radiance creme makeup
حابه اجربه بس هل افضل من السائل للبشره المختلطه ام الكريمي ؟
ويعطيك العافيه –
يعطيك العافيه يا جميلتي
شكلها تشوّق !
وفروها من بعد انقطاع بسيفورا ..
كنت عندهم اليوم و شفتها بس مطلعينها بشكل جديد ,
و طبعا السعر أعلى . . .
يعطيج العافيه أرتوسه يا كثر ما استفيد منج 3>
حبيت أشكرك يا ارتوس من الأعماق قبل كم يوم كنت اشكي لك أقول ان المكياج يظهر عيوب بشرتي ويتقشر ويسيح المهم شريت البودرة حقت ديور قبل كم يوم من مطار هيثرو ولقيت ٤ درجات الاولى وردية والباقي درجات البيج
الزبدة انها جدا جميلة ونفس وصفك تعطي مظهر طبيعي جدا وطلة مشرقة وصحية والتغطية مش عالية يعني حتى البائعة وهي خبير مكياج انبهرت منها وعجبتها بالرغم انها كانت مصره ان اللون الوردي موب مناسب لي بس اصريت عليها تحط منها لي لأَنِّي جربت البيج وماعجبتني وزي ماقلتي هي لونها وردي بس ابدا مايوضح انه وردي يتغير مع لون البشرة
أشوفها ضرورية وتساعد بتثبيت المكياج بشكل أفضل ومثالية جدا للبشرة المختلطة حق طلة صباحية مثلا