صَباح / مَساء الإطلاله البَهيه
من فَتره وصلني الآتي عالأنستغرام وَ إن شاء الله اللي كتبت هالكَلام
تكون تتآبعني هُنا ,, حَتى توصلها المَعلومه بما أنها طَلبت رأيي
غَمشت الإسَم يمكن الآدميه لها خَصوصيتها
لكن فعلاً هالشيء يَتكرر بحياتنآ وَ أشوف كثيرات من نَفس المبدأ
مافي أحد صَح ولا فيه أحد خطأ
كل إنسان حُر , إللي يبي يَسوي فُل ميك آب حُر
وَ إللي مايبي يحُط ذرة مَيك آب حُر ,, لكن حياتنا تَغيرت وَ صار الجَمال الطبيعي مآله دُور
كَثير أقرأ تعليقات لذكور بالأنستغرام :
فلانه جَميله جداً , وَ وش يا سَبحان الله مافيهآ غير لآبيلو
[ هههههههههههههههههههههههه 
وَ الله مَلعوب عَليكم يآ أخي ]
أخوي يَدرس بجامعه بَرا يَقولي وَ الله يالعربيات شَينات
وَ كلهم زَيف بزيف , أما الأجنبيات مافيهم ذرة مَيك آب
[ مره أرسلي صَور حفلهم الجآمعي وَجدت العَكس تماماً ]
حنا نَعتبر عندهم قَمة البسَاطه وَ هُم كفر
بَس الفرق عَندنا بإختيار الألوان , حَنا مانفرق بين مكياج صَباحي وَ مسائي
[ طبعاً مو الأغلبيه , إنمآ جُزء ] ..
وَ دايم نَدعج بهالعَيون , مما يَعطينآ مَظهر مُتكلف
نَختلف بَس بالتنكيك ..
حتى الغربيات إللي أشَوفهم بالأنستغرام , آآآآوفر
متحممين بَسطل الفاونديشن , مُمكن كثير عَندنا يبالغون بوضع الفاونديشن لتصحيح لون البشره
وَ هُم كذلك , حتى ذوات البشره البيضاء منهم يَخبون نَمش , وَ يبالغون بالهايلايتنق وَ الكونتورينق
بالنهايه النَساء بجميع أنحاء العالم يَحبون المَيك آب
مافي شيء أسَمه عربيه أو غَربيه , الفرق مَرات التكنيكات تَوصلنآ متأخر
وَ يمكن زَمان زَمان قبل كَم سنه , كنا ندور باليَوتيوب مآ نلقى مَعلومات باللغه العربيه
بينمآ كان المحتوى الغربي مَليان بخبراء التَجميل الغَرب
شَوفوآ شلون تَوفر المَعلومه يَغير بالمُجتمع كَكل
الآن البنات جَزء كبير منهم هايلايتنق وَ شدينق وَ مكياج خَفي ( يعني ميك آب نو ميك آب )
يحطون مَكياج وَ لا يبين عَليهم , فَيه تَطور وَ عولمه
الزَبده !!
أنتِ حلوه وَ بشرتك حَلوه
تمنعين نفسك من بقية الماكياج ليه !! ترى غَلط
آساساً سالفة عَدم حُب الإستطلاع وَ التجربه وَ البقاء على ما تَعودتي عليه
وَ عدم الرغَبه بالتجديد , تُعتبر دآيم عائق لَدى الكَثير
مُو شرط المَاكياج يكون للي بَشرتهم بَشعه
الماكياج للَكل , مُمكن وحده خدودها حُمر تبي تخفي خدودهآ بالماكياج
يَمكن وحده ملامحهآ بسيطه , تَبي تبرز ملامحهآ
حتى لو وَحده وجههآ مليان بَشكل يبينهآ سمينه مُمكن تنحت وَجههآ
الماكياج مَثل العَطر
هل العطر أنحط فقط للي رَيحتهم كَريهه !! و يتعطرون لأجل يخفون ريحتهم
أكَيد لأ
العطر يعطينآ هويه , يَحسن من ريحتنآ
يغير مُودنا , وَ يعبر عنا وَ يخلي الآخرين يَميزونا
وَ مُمكن حتى يَطرون علينا بسبب رائحتنآ المُميزه
وَ الماكياج كَذلك ..
فيه ناس خلاص مُتشبع برآسهم , فلانه حَلوه مَن كثر الميك آب
مُو شرط , ما كل الفنانات يَحطون ميك آب وَ مع ذلك نميز الشَينه و الحَلوه
وَ مُمكن برضو ماكياج مَع صوره أحترافيه وَ إضاءه مدروسه يَعطي شكل آخر
بَس مين وَصل لهدرجه من الأحتراف ؟
بَسم الله على مَصوراتنا , أغلب عرايسنآ مسكينات تَنصدم من شكلهآ بليلة عرسها
وَ بعد شهر العَسل بعد تَنصدم من ألبوم صَورها, وَ لا شافها زَوجهآ قام يَقولهآ : أعوذ بالله لآ تَحطين ميك آب مره ثآنيه [ من التفاجيع إللي شافها ] ..
بهالصَور الثلاث مَيجن فوكس
Megan Fox
جَميله خَلقه أو خَلونا نَقول جذابه وَ مع ذلك تَرى مَهب طالعه حاف للشآرع
مَب وآضح حاطه رَوج كآن شفايفهآ حَلوه رباني
مَب وآضح راسمه حَواجبهآ , مَب واضح مكثره ظَلال طبيعيه ,, وَ الغَبي بيقول
شَف شَف الأجانب مآيحَطون شيء , بَس فيه ذكاء بإختيار الألوان وَ التحديد وَ الدَمج
بالصورحآطه طَبعاً شيء مُوب كذآ بَدون ولآ شيء
بس شَغلات للرَونق , وَ هذا اللي بناتنآ مايعرفونه , يا طَخه يا أكَسر مَخه ماتعرف تَطلع بَمظهر وَسطي ..
خَل نَشوف بنات من مُجتمعنآ ,, ترى كثير ناس تَعقدوآ من المَكياج وَ كرهوه بَسبة التهريج إللي نَشوفه
إطلالات مُختلفه باوقات مُختلفه لهند البلوشي
من اليَسار صَوره آقَدم وَ مكياج مُتكلف خلآهآ كأنهآ طاؤوس
بَصراحه لو أنا طَفل ببكي لو شَفت أحد كذآ وَ ماينلامون بعض الأزواج لآ شاف زوجته بليله عرسه بهالشَكل , شكل ما يَفتح النفس ,, أنتِ بالله لو شَفتي آدميه هالشَكل بتقدرين تفتحين لهآ سالفه وَ موضوع
بينمآ نفسهآ نَفسهآ عاليَمين طالعه شَكلهآ أفضل وَ مرتبه حَتى شَكلهآ يفتح النفس
بالرُغم ضَد رسمة الحاجب المُتكلفه بهالشَكل بَس مازال شَكلهآ طَبيعي ,, لكن بالله ليه هالحَواجب اللي كَنهآ مرسومه بمسطره ,, وش زينهآ مَيجن فَوكس .. يعني مَدري الوحده ليه تنتف حواجبهآ لين يَصير كآنه جاهآ سرطان – الله لا يبلآنا – من جد ما تشوفين الشَعر أبداً محتوت حَت
وَ هذا وحَنا عربيات وَ نتميز بكثافة حَواجبنآ حواجب فنانآتنا مَحتوته مُقارنه بالغَربيات إللي خَلقه مابَهم حواجب أو حَواجبهم مَشهبه
بالصَوره اللي بالوسط مكياج أوفر لكن حَديث , مقبول وَهو اللي ماشيين عليه بهالسنين
وَ بنظري أشوفه مَكتوم وَ مخنوق مو محليها واضح شكلها رطل ماكياج , لكنه أقل تَهريج
[ كثير ماراح يوافقوني الرأي وَ يمكن بالأساس يطمحون يسوون مَكياج نفس هالستايل ] ..
شَوفوآ هَند البلوشي بمكياج بَسيط ( الكاميرا تلقط إن مآبهآ شيء وَ لا واضح من الشفايف مغطيه بروج وَ حتى البشره بأساس ) وَ لو إن الحَواجب تَبكي بَس بالنَسبه لي آحلى بأشوآط
بالرُغم بالصوره اليمينيه صابغه أشقر لكن مَع ذلك نَشوف وَجههآ فيه نَضاره مُقارنه بلونهآ الطَبيعي
الصوره اللي عاليَسآر فيهآ مكياج زي اللي نَشوفه على كثير بنات يخافون من الماكياج فيادوب
شَويه كحله مع أساس نقط نقط أ أي كريم تفتيح , مع رسمه للحاجب وَ روج
بالمُقابل إللي يَقولون مآنبي ماكياج ,, شَوفوآ إيفا لانغوريا
Eva Longoria
بالصورة الأولى وَجههآ حاف بَدون شيء , شكله لو بآلغت فيهآ مُرطب
بصراحه آنا أكتئب لمآ أروح بمناسبه وَ آلقى بَنت بهالشَكل , يَجيني إكتئاب
قريب رَحت مُناسبه وَ لقيت بنت بهالشَكل , بَصراحه هي مَبين عليهآ عُمرهآ 25 آو 27
وَ غبره غَبره غَبره ,, لَدرجه قلت بَقلبي : يمكن البنت مَلامحهآ كبيره بَس هي بالثانوي وَ جآت مَع أمهآ بهالمَناسبه وَ أمهآ ماتسَمح لهآ بالمَيك آب
قَلت لهآ صَف كَم !! .
قالت لا ما أدَرس أنا حامل وَ خلصت درآسه
وَش بقول يَعني , قلت يآحليلك شَكلك صَغير وَ كيوت
وَ لا الصَدق شكلهآ مب صَغير وَ لا شيء , بس توقعت إن أمهآ ماتسمح لهآ بالمَيك آب وَ إن ربي خلقهآ بملامح كبيره , بَصراحه لَيه !!
إنتِ أثنى وَ الزمن أختلف مَنتب جالسه ببيتكم وَ معك رحى وَ لا خضاضة لبن
بَتموتين لو نَورتي وَجهك شَوي
المُهم شَوفوآ التَحول الجَذري اللي مآ يَضر آحد بالصوره الثانية وَ الثالثة لإيفا
أعطاهآ شكل أصَغر الماكياج , أنظف , آحلى
لو أنا مسؤولة تَوظيف بَشركه وَجتني بمَظهرهآ بدون مآكياج مَنب مَوظفتها ..
Amanda Seyfried
وَ إن كان عالبَشره الحَلوه آماندا تُعتبر من الفنانات ذوات البشره الجَميله
وَ إللي مَمدوحه بالأوساط الفَنيه بَذلك وَ هنآ شَكلهآ بدون ماكياج حَلوه وَ بريئه
لكن هالشيء ما مَنعها من وضع الماكياج , صَح حلوه
لكن برضو لو تروح حفله بدون ماكياج أو بنتف مآكياج بتوحي لي بَعدم الأهتمآم وَ كأنهآ رَثه
حاطه كَل شيء آساس وَ ماسكرآ وَ هايلايتنق وَ كنتوريرنق
وروج وَ بلآشر وَ راسمه حَواجبها وَ ظلال , وَ كونسيلر بَس بذكاء
ما بَتطلع زي فنانآتنا الشَعشبونيات بَس تَلق لَق , شَكلهآ أمَيره
وَ الماكياج عالبَشره الحَلوه وَ المُعتنآه ما يَشبه المكياج عالبَشره الغَير مُعتنآه
وَ شوفوآ الفرق بين مَظهر نانسي عَجرم وَ إليسا وَ هيفاء وَهبي
هيفاء كل ما تَكبر بالعُمر بَشرتهآ تَحلى ,, وَ هي وَجهها لازق بتسريحة الماكياج
مَدري وَش إللي يَمنع البعَض من التَجربه
هل هُو خوف من عَدم إتقان الماكياج ,, هل هُو خوف إنها ما تَطلع حَلوه بالمآكياج
أو كانت تَجارب فاشله سببت لَه عُقده ؟!
بَجد لين مَتى بعض البنات يَوفرون جَمالهم !!
لبَس ما تَلبس ,, مَكياج مآ تَحط
وش تنتظرين !! بعضهم تنتظر تعرس
طيب أعرستي , وَ خلصتي من شهر العَسل
تبدأ تتعذر بَحملهآ , طيب حَملتي وَ خلصتي حَمل
تبدأ تتعذر بالوقت وَ التربيه
فلي من البَدايه ما تَحب تعتني بَنفسها
صَدقوني لو حَولهآ 20 خآدمه وَ 10 مُربيات وَ معهآ بطاقة فيزا مفتوحه
عُمرهآ ما رآح تتحمس تَكشخ لأن هذا سَلوك وَ تعود ، الكَسل مَستوطن بدآخلها
وَ بزمنآ الحآلي كل وَحده شآيفه نَفسهآ شيء وَ شويات
وَ تعامل نَفسهآ مَثل الأميرة وَ تدلل عُمرها ,, مافي شيء إسمه هذيك فَنانه بَعذرها
ترآها فَنانه أنتِ آآآهم مَنهآ وَ أصلح مَنهآ عالأقل بُمحيطك وَ بالنسبه لعائلتك
وَ أخيراً الماكياج مَثله مَثل آي شيء بالحيآه
لو أسَتخدمتيه غَلط شيء طَبيعي رآح يأثر على بَشرتك
لو ما إهتَميتي بنظافة فراشي الماكياج وَ معداتك ممكن بَشرتك تتحسس
لو ما إهتميتي بُمده صلاحية مكياجك , برضو نَفس الشيء
لو ما إهَتميتي بتنظيف وَجهك زَين عقب الماكياج رآح تتأثر بَشرتك
لو نمتي وَ ببشرتك ماكياج نَفس الشيء
و آخيراً الماكياج صآر برستيج إجتماعي
آتمنى أكَون وَفقت
دُمتم بَحب
مُلاحظة / هذه التَدوينه تَم نشرهآ سابقاً بتاريخ 20-11-2013
ي ماشاللللله عليك جد جد جد الله يهني اهلك فيك
انا ودي اتمكيج ودي ودي بس صدق ما بعرف وهالشي مسبب لي ازمه
ياليت تحكين عن طريقة وضعه وبالتفصيل الممل كمان للمبتدئات
وش ازين شي للفاونديشن والشغلات هذي
بليززز
يا حلو كلامك فعلا انا عندي بنت خالتي كذا
بايام السنة العادية ابلع الموضوع شوي لكن بالاعياد والاعراس ابببدا مايجي مع فستان وشعر ووجه احمص!
بس ارتوسه ودي اسالك بالرغم اني حاسة باجابتك لوووول
انا مستجدة جامعية بشرتي الحمدلله حلوه وصافيه ماودي احط فاونديشن او بيبي كريم يوميا بس مستحيل اروح حاف لازم اعبي حواجبي (تعبية خفيفه حواجبي رسمتهم حلوه بس عشان يبرز ملامحي) وكحل وماسكرا وبلاشر وروج
انا منب عجازة ابد بالعكس استمتع بس احس مهما كان بيأثر على بشرتي لو حطيت يوميا بالرغم اني اهتم بالازالة مرره
فوش رايك عادي احط ماسكرا وكحل وروج بدون اساس؟ ولا يطلع شكل طفولي:(
فعلاً كلامك منطقي
انتي شيء مب طبيعي ومدونتك كميه اناقه
من أكثر التدوينات الي أحببببها لكي ❤️
وقرأتها أكثر من مره
أحسها فتحت عيني على أشياء ماكنت أفكر فيها بدي الطريقة
وتفكير صاحبة السؤال يشبه تفكيري والحمد لله اتغير من يومها
اللهــي يسعد قلبگ ..
كمية الاحسان والعَطــاء اللي تبذلية يستحق الاشــادة ..
كلامك واسلوبك وثرثرتك وسردك اكثر من مُميز ،
متابعتگ من وانا في وطنــي اليمن ودخلت السعوديه وحرفيا ومن دون مبالغه كُنتي مرشده بالنسبه لي ..
دُمتِ
يازين حكيك وكلامك
مرحبا جميلتي
اول شي اشكرك على التدوينه الجميله هذي جاوبتيني على استفهامات كانت تدور ببالي , صراحه انا تعقدت من المكياج لأن وانا صغيره اشوف اشكال في مجتمعي بمكياج بشع .. ولد عندي كره للمكياج كنت اسأل نفسي هذي كيف تمتلك كل هذي الثقه وهيه كذا؟ كيف تقابل زوجها بذا المظهر المبهرج والمخيف ؟ دائما يجيني اكتئاب اذا شفت في مسلسلاتنا وفناناتنا اشكال مبهرجه ومضحكه .. اسأل نفسي لو شافونا اجانب اكيد بيضحكون علينا لأنو في كمية جهل في التجميل عندنا فضيعه .. واتمنى لو اغير طريقتهم واخليها اخف واذوق وارقى مع ذلك احب المكياج الان متابعه لجديده وفضوليه على ماركاته واسمائه وانواعه .. لكن ما اقتنيه كثير حتى مازلت ابحث عن اساس ورسمه تناسبني وذا الشي معطل مشاريعي 🙂
ترا ما زلت اسأل نفسي ليش المرأه دائما متكلفه في كل شي والرجال لا ؟ ليش المرأه تحط مكياج والرجال لا 🙂
ادري طولت لكن جد جد جد شكرا
في البداية .. حبيت اسلم عليش ارتوسة و ابارك لش التدوينة الجديده عسى الله يكتب لش الاجر بها ..
طبعا لابد ان البنت تهتم بنفسها و بمظهرها سواء في البيت او في اي مناسبة ..
و لكن للاسف بعض العوائل المتحفظة (مع اني اعتقد اني اخطأت في الوصف) للحين تشوف ان وضع البنت للمكياج هو عيب
وانا شخصيا أعتقد ان اساس الموضوع كله مرتبط بالأم و ثقافتها
يعني لو الزوج و الاولاد و البنات تعودوا على انهم يشوفون امهم كاشخه و متجملة ( ومو شرط بزيادة) ، اعتقد ان حب الاهتمام لابد ينمو معهم
بالنسبة لي شخصيا ما عرفت المكياج الا أول سنة جامعة والي فيها اسمحت لي امي اني اشتري مع تحفظ منها (مع اني ما كنت احط لأني ما كنت اعرف ولا حتى اختي الكبيرة اهتمت و علمتني ، مع ان هذا ما يشفع لي و لكن جهلي بأنوثتي و حقها علي هو السبب)..
وترى عرفت اهتم بنفسي الا بعد ما تابعتش سواء في شمواه او في تويتر
فعلا والله كلمة حق اقولها ، يمكن الشكر على الي تطرحينه من معلومات ما يكفي
ولكن الاحساس الي احسه و الايمان بأني أنثى لابد اهتم بنفسي سواء كنت متزوجة او لا ، هو أكبر شكر ممكن اقدمه لش
لأني واثقة ان الي مثلش و شرواش ما همهم شكرتيهم او لا كثر ما يهمهم وصلت لش المعلومة او لا ( و ما أنزّه أحد لكن هذا احساسي)
فالله يوفقش و يجزاش عنا كل خير
ابسوي حملة اناشد فيها الازواج يصلون ركعتين شكر عشان مواضيعش تتصفحها حريمهم P:
من افضل وأقرب تدويناتك لي احسها ع الجرح ،، بخصوص الرونق وًالمكياج انا من صغري اعششق الاهتمام والجمال وكبرت معي هالشغلة بس للأسف ومثل ماتعرفين ببعض المجتمعات كل شيء ممنوع وعيب وبالأخص المكياج كنا اتذكر ايام المتوسط اني اعششق المكياج بشكل جننوني ونفسي أتعلَّمه بوقت مبكّر قبل لا اكبر وانشغل بثانوية وجامعة بس للأسف ماعطتني الوالدة الفرصة بالرغم انها مثقفة وتفهم كثير وقريب مننا الزبدة اني كبرت ومازال عندي شغف بالتعلم وخصوصا على طريقة بسام فتوح وحنان النجادة طبعا اروح للدورات وكذا لكن مرات ماحس لي مزاج واطفش من نفسي احس مستحيل اتعلم بس كلامك يشجعني كثيير وتأكدت من بعض المفاهيم الي ببالي احس جاوبتي على أسئلة كثيرة كانت تشغل مخي دايما
من اكثر تدويناتتك قربا لقلبي دايما احب ارجع اقرأها وكانني اقراها لاول مرة خاطري هههههه اطبعا على شكل بروشور واوزعها على بنات الجامعة والمدارس عشان يتعلمون الانتكة والجمال
مره تعجبن التدوينات اللي تعبر عنك وعن رأيك الشخصي
وَ عاجبتني إطلالاتك يالغالية ..
كلامك ع الجرح …. فعلا الزمن والبيئة والتلوث لها دور على بشرة الوجهه وماعاد نقدر نعيش بدون ميك اب ..
حسيت انك اجبتي على اسئلة من زمان في بالي …
الكوريات والاجانب مايطلعون من البيت الا وهم حاطين ميك اب كااااامل ومع ذلك تشوفين بشرتها طبيعيه وشفايفها طبيعي وحلوة زي القمر …
احنا ماعندنا هذي الثقافه .. عندنا كلمةميك اب يعني اطلع بمكياج ثقييل وواضح ومفحع احيانا …
دائما احزن عالي مكياجهم ثقيل وفي نفس الوقت الي ابد ماتحط ميك اب
وحلو اني احط مكياج يحليني يصفي بشرتي يخليني طبيعيه ماكأني حطيت ميك … هذا هو فائدة الميك اب الي الى الان ماحد فاهمها
لا مو لدرجة ما نَقدر نعيش بدون مَيك أب .. إنما المَظهر الباهت مَلحوظ وَ لكل مقام مَقال فقط
بالعَكس مرات الواحد يستخصر يحط مكياج على وَجهه وَده يقول للناس شَوفوا بشرتي بدون مَكياج وَش كثر تَهبل لكن الماكياج صار مَثل الملابس
مَظهر إجتماعي فقط ..
نَورتيني
يسعد لي أيامك ..
جالسه اقرا مدونتك لان الفتره اللي قبل كنت مشغوله …
وباقي لي كثير لين اخلص كل المواضيع ههههههههههههههههه
أنت انسانه تجيبين السعادة …و انسانه صريحة …
و راضيه عن ذاتك موب حاجه لاحد يرضى عنك دامك راضيه عن نفسك
و لا يهمك راي الاخرين فيك … و هذا قليل تحصلينها مجتمعنا …
لازم النفاق هههههههههههههههه و الهياط .. خاصة الهياط الديني
و انتي مثلي أنا اكره وحده تخلي الدين مجال عشان تنتقد
كلنا نعرف الحلال و الحرام والنصيحة حلوه لكن موب بتقليل من الاخرين
والا كان الجنه بيدينهم ههههههههههههههههه
و كثير ينتقدونك وبعدين يسوون …
ما علينا من هالشيء … يختي انتي انسانه تنحبين بايجابياتك وسلبياتك
وافكاراك المجنونه … رغم اني احب كل شيء غير معقول ههههههههههههههههههههه
الا أحيانا ما اوصل لشطحاتك …
أحب فخامتك وبساطتك … خيرك وشرك .. احب صراحتك و ارائك و نقاشاتك
احب عفويتك .. احب الناس اللي مثلك … احب انسان يحب نفسه كم هي
ويعرف ايجابياته و يعرف سلبياته و الشيء اللي ما يعجبه يغيره هههههههههههههه
ربي يسعدكك … ويارب سنه 2015 تكون خير عليك وسعادة …
شكرا لك ارتوس بكثر ما تعطينا
شكرا لك ارتوس بكثر الناس ما تحاربك
شكرا لكل دقيقه من وقتك صرفتيها لنا
شكرا لتواضعك وانسجامك معنا رغم شهرتك
شكرا لصراحتك و شفافيتك
شكرا لك و شكرا لقلبك الابيض ..
..
بالنسبه لموضوع المكياج …
أنا لما كنت مراهقه كنت ما احب المكياج .. احس المكياج بس لناس اللي موب حلوه
الله وكيلك مجتمع و خرفاته … زي يقلونلك من الخرافات اللي حلوه اخلاقها موب حلوه
مدري كان اللي حلوه غصب يكون فيها عيب او انها شريره او..او
عشان كذا تشوفين انت وش كثر الناس تحاربك ههههههههههههه
لانك جميله و بيضاء و لانك تعرفين كل شيء و برستيج ههههههههههههههه
مجتمع يحب ينقص غيره يحس انه يرفع من شاننه بنقصان الاخرين ..
أجل يقولك الاجانب الله عطاهم جنه الدنيا زرع و أجواء حلوه .. عشان حرمهم من جنه الأخره ..
ياربي كان الجنه تحت مسؤليتهم :::((((((((((
<< شطحت بقوه هههههههههههههههههههههههههه
المهموووز
انا كنت ما احب المكياج بس حاليا بالعكس
اعشق المكياج صحيح لاني ما كنت احط وانا صغيره و لا تعلمته
لكن بتعلمه و لتعلمت واتقنت بحط كل شوي .. ليش الوحده تحرم نفسها
و شكثر ننبسط لما نحط مكياج و كثر يعجبنا مكياج الأخرين
بالعكس انا لما احط مكياج واتكشخ اكون مرتاحه نفسيا
عكس لمايكون و جهي حافي
بس اعتقد ان اللي ما تعرف بتقولك فاضيه احط مكياج او أنا كذذا احلى
لكن ..~
المكياج شيء حلوو و هو النقطه الفاصله بين الانثى و الذكر
المكياج فن و يحتاج اتقان …
لما نتقن المكياج ونستخدمه لابراز الايجابي في الوجه و اخفاء العيوب
و مشكوره يا تووسه على موضوعك …
و على فكره باقي ننتظر الاحترافيه في رسم الكحل و انه ما يسيح و الاشياء ذي تفكين ازمه
وجوه البندى (( تقصد لما الكحل يسيح ههههههههههههههههههه))
ثانكس حبيبتي وطولت بالرد بس بكتب كل اللي بقلبي
وجدان
ياااااا صباح الذوق والروعه .. شو بدي احكي لأحكي .. مستحيل افوت حرف .. كمية ابداع
الله يسعدك ويرضى عليك ويبارك بوقتك .
مشكلتي انو اختي ترفض اني اشتري مكياج خاص فيني علي رغم اني بيضاء وهي سمراء هي بشرتها جافه وانا دهنيه
ومكياجي دايم يطلع غلط وتوقفتاني اتمكيج بحجة انو بشرتي صايره حساسه من البودره وكريم الاساس كيف اقنعها اني اشتري شي خاص لي
علي فكره عمري ٢٧ بس اتوقع شخصيتي المهزوزه لها سبب اني ما اشتري شي الا بموافقتها وهي ما عندها مانع انو ترح لدكتورة جلديه
اما انا لا ومآثره بأمي كثيير والحين بصراحه فرحانه انها راح تتزوج
لا حَبيبتي إشتري مَكياج خاص فيك .. إذا إنتم بنفس نَوع البشرة مَحظوظين بيكون شيء إقتصادي رائع
لكن إللي يليق ببشرتك مايليق ببشرتها , مُمكن تشتركون بروج أو ظل .. لكن بالأساس لأ .. هذي أنانية من أختك إسمَحي لي ..
إذا الفلوس مَهوب فلوسها طَنشي المَوضوع وَ سَلكي لها وَ إذا لقيتي شيء يَعجبك قوليلها يوووه نَسيت عجبني وَ أشتريته ..
وَ الله يوفقها وَ يسعدها وَ تقلل هالتسلط عليك ..
ما شاء الله عليك يا آرتوس
كلامك سليم مية بالمئة
ياليت تكتبين عن موضوع الرونق وكيف نعرف لأنفسنا، أنا أحب اهتم كثير وودي أتنشط بس ما أعرف كيف أبدأ بالمكياج.. أشوف فيديوهات اليوتوب وأتحمس وإذا جيت أطبق أتورط وأحوس 🙁
شكراً مجدداً، صارلي سنين أتابعك وأثق في رأيك من أيام المنتدى :)).
ماشاء الله ، أنا بقرأ لك كثييييييير وكثيييييييييير بتعجبني طريقة بالكتابة والإقناع إلى حد ما ، عندي مشكة لو فيكي تساعديني بكون ممنونة لك ، عندي شوية بثور بوجهي ، رحت للطبيب شرب الدواء بس بعد فترة رجعت البثور ، مليت ، للعلم بشتري كثيييييييير دهنية
بليز بلقى عندك الحل
ياهلا بَك البثور يبيلها مَشروع عناية مُتكامل وَ فهم سبب تَكونها
من ثُم يتم عَلاجها , بَحاول اتكلم قريب عنها لكن ترى جل ديفرين يساعد بتقليصها
حبيبتي بصراحة ارفعلك القبعة … جذبتني المدونة و قرات اكثر من موضوع .. فما شاء الله عليك اهنيك على اسلوبك السلس و الواصل للقارىء .. و حبيت اعلق على هالموضوع تحديدا لان احنا من جيل اختلفت افكاره و طريقته في الحياة عم اجيال سبقتنا ولكل جيل له اداوته و عصره فما يصير من وجهة نظري المتواضعة ان نحصر نفسنا في افكار قديمة جدا و يمكن اتكون متوارثه عند البعض و للاسف كثير من البنات معششه هالفكره عن المكياج براسهم و حلو انج وضحتي سلبيات و ايجابيات و القيتي ضوء عن هالموضوع … استمري و بالتوفيق من كل قلبي و تحيتي لك
احب ازور مدونتك اذا تكيسلت شوي عن العنايه الميك اب
بالرغم من انني لي سنتين ما استغني عنهم لكن يلعب فيك الكسل مرات
مدونتك تحفزني بصراحه
فيه استفزاز في حديثك و احبه ههههههههه
شكر من القلب
كل كلمة قلتيها ١٠٠٪ صح وانا أوافقك عليها بكل خليك من خلايايا الجميلة
اولا الأساس لازم يكون مرتب قبل المكياج حواجب. شعر وجه. بشرة مستعدة و اهتمام دوري و عدم الاهمال.
صعب نفهم البنات أهمية المكياج و هيا معدومة و لا في بالها
انا اتقهر من نساء وصلوا الأربعين و لساتهم مقتنعين انه الماكياج لليل بس !! و حتى مو اي ليل (اقصد سهرات )
لا!!
لازم تكون مناسبة مهمة لهم شخصيا !!
صراحة انا لمن اشوف وجه ايڤا لانقوريا الباهت داك احس اني جالسة في غرفة نومي !! منظر يغم قلبي و يجبلي كأبة
يابنات استمتعوا بجمالكم و ترا الماكياج له اثر مرة مرة حلو عالنفس ❤️
اتعلموا و خلوكم فنانات و كل وحدة لازم تبين شخصيتها قي وجهها.
يااااا مواضيعك يا ارتوس
انني اعشق جمال ميجان فوكس ❤️❤️❤️
انا عندى 20 سنة جربت المكياج قبل كده بس مش بيليق عليا بحس انه بيكبرنى واتعقدت جدااا منه لذلك انا مش بستخدم المكياج نهاءى ،،بهتم ببشرتى واعتنى بيها وبشعرى ومظهره ،،بما انى مااتمكيج ابدا تعتقدين وجهى هياخد على عدم المكياج ومش هيكون شكلى مقبول بالمكياج ابدا؟؟؟؟
موضوع جميل و متجدد
فعلا المكياج فن و إنت تختاري كيف تلعبين فيه
أنا كمكياج يومي أفضل no make up make up
و للمناسبات أحب الكلاسيك ميك أب
بس ما عندي مانع أجرب انواع ثانية من التكنيكات
و الخدع
أكثر مكياج يعبجني مكياج الكوريات
بسيط و يعطي البشرة مظهر نظيف و جميل ومشرق
أحسه أكثر شيء يطلع علي بما أنه ملامحي أسيوية نوعا ما
التدوينة هذي راااااائعة بمعنى الكلمة
جزاك الله خير يا أرتوسة وجعله في ميزان حسناتك
أنا كنت إلى ما قبل سنتين مستحيل أحط مكياج إلا مرات معدودة في السنة وتحت ضغط من المقربين لي وفي المشاغل بس… ما أحب المكياج سبحان الله…
لين اكتشفت إن السبب هو في نوعية المكياج اللي كانت عندي… الفونديشن ثقيل ويكتم البشرة.. وماعندي فرش لرسم الظلال… ولا أيلاينر… وناقصني أشياء كثير..
حاولت أتعلم وأتدرب بنفسي من اليوتيوبر اللي أتابعهم.. والحمد لله الكل يعجبه مكياجي البسيط والرايق وقالولي صرتي أحلى أول كنتي شينة ههههههههه