بالله يَمديك تَزينين كذآ وَ حواجبك شَكلهآ غَلط
الآن لما نَتأمل بالفنانات العَربيات نَلقى الحَواجب أشَكال وَ ألوان إلا من رحم ربي
فلازم نَعيد النَظر بطريقة رَسم حَواجبنا وَ ترتيبها وَ تنظيمها
العزاء الوَحيد إن الغَربيات البنات العآديات مَخنبقين بَحواجبهم وَ لا كان إنتحرت
لكن بَمقارنة فنانات عَربوه مَع غَربوه , أكيد مافي أي وَجه مُقارنه
أمَور مُهم كَل وَحده تَلمس حَواجبهآ تَعرفهآ
شعرة الحاجب لو طآحت من الصعب تَرجع
يَعني إللي اليَوم تطير حاجبهآ وَ تخليه فلات أو تشاينيز
وَ إللي بَكره تبي تَخففه بَزود وَ عقب تَبي تَكثفه , لما تَطيح الشَعره صَعب تَرجع
وَش أسباب إن هالشَعره تَطيح ؟
• نتف الحَواجب وَ بالأخص الشَعيرات الرئيسية بتشكيل الحَاجب
( بَغض النَظر عن الحُكم الدَيني …عَشان لَحداً يَنط يَقول أصَلاً حرآم )
• صَبغ الحواجب بَصبغات نسبها غير مُخصصه للحَواجب
وَ هذا 99% يَسوونها , وَ إللي مَريحين نَفسهم ناسيين الحَاجب تَصبغ أشَقر مَخليه حَواجبهآ أسَود
• تَشقير الحواجب ببودرة أوكسجين وَ خرابيط من إرشادات الإسَتخدام إبعادهآ عن العَين
• إستخدام قلم الحَواجب ( إيه قلم الحواجب لا تَستغربون )
يَأثر على البُصيله لما تَجين تَرسمين وَ تمرين على هالبَصيله بَعنف
مابالكم بلي يَستخدمون أقلام الفولمستر بالزَمن الحآلي
( بَكلمكم عن البدائل )
غَير الأسَباب الصَحيه لفقدان الشَعره للأبد, أنا ذَكرت فَقط الأسباب إللي تَكون بَفعل فَاعل
نَجي لأساس تَدوينتي وَهي صَبغة الحَواجب وَ هي أكثر شيء إنسألت عَنهآ ..
بنات ما يَصير تَصبغون شَعر روسكم وَ لون حَواجبكم أسَود لازم من التَخفيف
فيه ناس رُبما بالإمكان يَعيشون بَدون صَبغ لأن حَواجبهم خَفيفه جداً , لكن لابُد مَنهآ حَتى يَكون فيه تَناسق , وَ هالشيء أساسي بإعطاء لوك مُتكامل مَع صَبغة شَعرك
لما أنتِ فرضاً تَصبغين بلوند ( أشقر فاتح ) أو أي صَبغه خارجه عن طبيعتنآ العربيه
ما أتَوقع تَبين تَحتفظين بَملامح شَرقيه بَحته , تبين تَركبين اللوك صَح عليك وَ كأنك خُلقتي هَكذآ
فلذلك لما نَختار لَوك مُعين نَركبه تَركيب كآمل عَلينآ , إبتداءً من لون شعر الرأس , لسَتايل المَلابس وَ المَيك آب
الدَقه بَشغلنآ بَهندمة نَفسنآ يَعطينآ مَظهر مَضبوط وَ أحترافي
وَ شوفتك ما يَنمل مَنهآ , وَ شخصياً من عُشاق تلوين شَعري فلو كان شَعري عَسلي , رآح أخلي حَواجبي بُني فاتح بَحيث تتلائم مَع نَظرتي , فلما أفَتحهآ يَظهر لوك مَرتب وَ بسيط وَ تقل قَساوة النَظره
عآد الآن يا كَثر صَور العَيون المُنتشره سواء بالبيبي وَ التويتر وَ الفيس بوَك
كل وَحده تَصور عَينهآ وَ تحطهآ , فيه عَيون مَدري شَلون لا طآلعتي لهآ تَحسين ذي عيون وَحده مَهب مضبوطه
هذي هي النَظرة الوَسخه ما تَعجبني
وما أتوقع أحد أنخلق عليهآ إنما هي طريقة مَكياج وَ ترتيب حَواجب
مدري تذكرني بالبنات القديمات إللي تلبس روب تحت العبايه وَ تكحل عيونهآ وتتلثم وَ تروح السوق تقزقز بهالشَباب ..
[ أحساسي كذآ وَش أسوي بَه .. المُهم ذاك الشَكل القَديم الغَزلنجي عَرفتوه أكيد ما أبي أشَبه بفنانه وَتطلع لي وَحده تَشبهآ وَتحسبني أقَصدهآ وَ يحز بَخاطرهآ ]
الزَبده أختاري ألوان مُتناسقه بأظهار حُسنك
ولا تَقولين فلانه حَواجبهآ فلات بَسويهآ فلات , كل وَحده وَ محجر عَيونهآ
يعني الآن ترى مَوضه الحواجب المَقوسه ( بشكل دائري ) مَوضه عاد مو ترسمون نَص دائرة
لما يكون مَوضه يَعني يميل للتقوس بَشكل خفيف مَهوب مَلحوظ
مو مَثل لما صارت مَوضة الفلات طآروآ بَحواجبهم ما عمره الفلات يَعني كذآ
الفلات الصَح يَتبع الحآجب مع أستَقامه بَسيطه
المَوضه نَحرف بالحآجب بدون الإبتعاد عن مَحجر العَين
يعني تَصير مايله للمَوضه وَ إللي خلقتهآ كذآ تَزيدهآ وَ إللي ما أنَخلقت كذآ تَنتظر لين تطلع حَواجبهآ مَوضه مَهوب تلبس قآلب مَهوب قآلبهآ
طَبعاً عربوه مَنقسمين قَسمين ,،
إلا مَن رَحم رَبي
قَسم عأساس أنه يَتبع المَوضه مَسوي حَواجب شَنب وَهي عمرهآ ماطلعت مَوضه
المَوضه تَكون بَويش بَس مَوب شَنب وَ لا كأنهم مَركبين قَطيفه ..
وَ قسم ثاني تَوه فرحان بالفولمستر وَ يرسم وَ يطير بالحاجب
التَشاينيز بَعد مَستوطن بَقلوبهم وَ لا قَلتي لهآ غلط هذآ مَهوب صَح ولا وَفق معايير سَليمه تَطنش وَ تستمر , يَمكن أنتِ يلي تَسوينهآ تَشوفين نَفسك حَلوه بَس جربي غيرها بَتكتشفين صرتي أحلى وَ أحلى وَ مظهرك طَبيعي , بذيك الحواجب وَ الله الوحده تستحي تَدخل على أطفال وَ لا شَياب بيقولون وَراهآ كذآ أحداً خرعهآ ..
لا تَكابرين ..
أنا كَل ما أجيب طآري الحَواجب كأني أعَصر ليمون عالجَرح
ليش تَزعلون ؟! تحبون الناس يَسوقون لكم المَعلومه الغَلط
وَ يبيعون لكم شَغلات ما يستخدمهآ إلا الجَهله ..مَفروض نكون عالميين بخطواتنآ وَ خبراتنآ
مَوب ننتقد المَاكياج الخَليجي وَ حنآ نطبق نَفس هالخَطوات
ننتقد يَعني نبدأ بأنفسنآ وَ نغير وَ يوماً ما تَكون لنا بَصمه عآلميه مُتفخره
شَفتوآ !! مَحسوبكم الحاجب يَدخلنآ بَمتآهات
العَيون وَ جمالهآ لهآ مَليون فَصل وَ فصل .. ما تَوقف عند حَد ..
رآح أتَكلم عن صبغة الحواجب
Refectocil Eyebrow Bleaching Paste
للنَطق بالعربيه : ريفيكتو سيل أي برو بليشنق بست
صبغه ريفيكتو سيل لتفتيح الحاجب
مُلاحظة ،,
(لون الصَبغه ماله علاقه بلون حواجب المَوديل عالعبوه , كل الألوان حآطين لهآ نَفس المَوديل هي مُجرد صَوره)
السعر ~
أنا ما أشَتري هالعَبوه أشَتري عَبوه أكبر لكن مَخلصه مَن عندي
بـ 15 ريال وَ لكن تَسعيرتهآ الدائمة بين 20 لـ 25 ريال
أماكن تَوفرهآ ,،
بَجميع الصَيدليات مَتوفره لحداً يقولي غير مَتوفره
مُستحيل المَوردين يَوردون فَقط عَشان خآطر عَيوني .. رَوحي أي صَيدليه كَبيرة وَ بنفس الأسم وَ بتحصلينهآ لا مَحآله , وَ هالمآركه مُتخصصه بَشعر الرموش وَ الحواجب عندهم مُنتجات كَثيرة لَصبغ الرَموش وَ تجعيدهآ وَ لكن بعض المُنتجات تَستخدم على أيادي خُبراء بروفيشنال
إلا هالصَبغة إللي حَطيت صَورتهآ بَسيطه جداً وَهي للحاجب فَقط
4 ظروف , بكل ظرف جزء للأوكسجين وَ جزء للصَبغه
تَكفيك 4 أشَهر يعني بكل شَهر تستخدمين ظَرف حسب سرعة تلاشي اللون وَ نمو شَعر حَواجبك
نَسبة الآوكسجين
3 % وَهي النَسبه المُتعارف عليهآ لصَبغ الرموش وَ الحواجب بَشكل عآم
وَ حبايبنآ يَصبغون حواجبهم بَويلا آوكسجين 6 % غير المُجرمات إللي يَشقرون حَواجبهم طَبعاً
وَ غير المَفهيات إللي يَخلون الصالونآت يَشقرون لَهم بَعد وَ بموآد غير مُخصصه لمَنطقة العَين
مَنطقة العين لو طآحت أول شيء يَبين فيه العُمر لو تَمطمطين حَواجبك بعمليات رَفع وَ خيوط ذهب عُمرهآ ما تَعدلت
[ يعني مَحداً يسأل ليه صالونآتنا ما تَحترم أجسامنآ شَوي وَ يستخدمون لنآ مُنتجات مُخصصه !! من الفَهآوه ]
الألوان المُتوفره + طريقة الأسَتخدام
7 ألوآن
رمادي , أسود , كستنائي , بني غامق , بني فاتح , أشقر , بني محمر
( ذكري للألوان غير دَقيق جداً لأن حافظه فَقط الألوان إللي سَبق وَ أخذتهآ وَ مو واضح بالعَبوه درجة الألوان )
الطَريقه ~
مَثل مو مَكتوب تآخذين ظرف وَ تفرغينه وَ تحطينه بحَواجبك
كتب لك بين 5 لـ 10 دقائق , مع تكرار الأسَتخدام وَ التعود عالمُنتج راح تَعرفين الوقت المُناسب لَك حسب غلظ الشَعره
بَكذآ نَكون أنَتهينآ من فَصل صَبغ الحَآجب
وَ أرجع أقول يَعتمد على مَهارتك بأختيار الألوان المُناسبه للون وَجهك تَوافقاً مع لَون شَعر رأسك + ملامحك
النُقطه المٌهمه إللي تَكلمت عنهآ بالبَدآيه وَهي إن فَقدان شعر الحاجب صَعب أرجآعه
فشيء طَبيعي كَلنآ نرسم حَواجبنآ إذاً ما الحَل للمُحافظه عليهآ من أضرار قَلم الحآجب
بدائل لرسم الحاجب بقلم الحاجب ،,
قلم الحاجب يطيح الشعره من البصيله وَ السبب لما تَركين عليه أو تَمرين بطريقه غلط
لذلك فيه تكنيك مُعين فَيفضل يكون عَندك بدائل عَنه
شَخصياً من عُشاق قلم الحَواجب وَ أسَتخدم قلم حواجب ميك أب فورإيفر
فالبديل عن الأقلام
– المواد الكريميه أو العصارات الكريميه عندكم من ميك أب فورإيفر الآكوآ برو
Aqua brow by Makeupforever
– أيضاً الظلال بألوان مُناسبه للحَواجب , بعض الشركات تَسهل المَوضوع وَ تطرح مُنتجات بأسم أي برو باودر , لكن أي ظَل يفي بالغرض ميك أب فور إيفر , ماك , شانيل , ديور …إلخ بَشرط يكون مطفي وَ غير لامع
– أيضاً ماسكرا الحَواجب المَلونه تَساعد بأضفاء لَمسه مُميزه
– وَ أخيراً الآي لاينر السائل الوتر بروف ( مُمكن إستخدامه بجلسات التَصوير )
شخصياً ما أفضله لكن غالباً أثناء التَصوير جزء من الحاجب ينلهط .. فالأي لاينر المُخصص للعيون مُناسب وَ الآكوا برو من ميك أب فورإيفر أفَضل منه بَمرآحل + توفر عَدة ألوآن
تَنبيه ~
تم إضافة هالتنبيه بعَد طرح التَدوينه بعام وَنص
ذَوقي ما يَشبه ذَوقكم ..
مرات أحس إني أتَكلم بهالعآلم لوحدي صَراحة , مب شَرط ذَوقي حلو
[يعني لا تتأملون فَيني إني أطرح شَغلات تَعجبكم .. أنا وَ ذوقي مَن كوكب آخر ]
بس فيه ناس يَزينون شَغلات وَ الله عَجيبه ما عُمرها كانت لا صَح ولا عالمَوضه
قلبي مَحروق عليكم بهالشَغلات الغَلط , بالرُغم لو ما هميتوني بَكون وآآآآآو
الزَبده برمضان حبيت أذكر البنات بَصبغة الحَواجب , وَ الله صَراحه ما كنت فاهمه عليكم
وَ لا فاهمه هالمَجتمع مَين المُجرمه السفاحه إللي نَشرت عندهم هالجَريمه ..
لَين نبهتني أحد الأخوات الله يَجزاها خَير ,, كان الكل يَشتكي إن صَبغة الحَواجب ما تَصبغ
أو ما تَجلس أسَبوع , إستغربت لأن صَبغة الحَواجب تجلس تقريباً شهر وَ تتلاشى تَدريجياً
وَثر البنات وَش !!
أنا حاطه لهم صَبغة الحواجب لصبغ شعرة الحاجب , وَ هذول يبون صبغه تَصبغ الجَلد
خَير وَش ذا !!
جالسين نضحك علي حَواجبهم كَنهآ مرسومه بأقلام خطاطين تَجون تبهذلون عُمركم كذآ
وش هالإستماته إن شكلك صاحي , وَ نايمه يكون بحواجب نفس حَواجب شَرشبيل
الزَبده أنا مَنب كذآ وَ إللي يَحب ذا المَظهر لا يَنتظر أي تَدوينه لي تَمدح بشيء من هالنَوع
من جد تراها صَبغه لا تخلون هالكوفيرات المُجرمات يَسوقون لكم شغلات خارجه عن عالم التَجميل
تأثر عالجلد عالمَدى البَعيد , ترهل لكم مَنطقة الحاجب
العَيون حساسه لو طاحت وَ الله ما ترجع , لو تَشدينهآ يبين عليهآ تَصير شاخصه
مَن جد بعض البنات عيونهم كَنهآ إبط من كثر هالمواد الغَير مُخصصه لَمنطقة العَين
شيء إسمه عَيون تستخدمون له شيء للعَيون
فإذا مَدحت شيء شَوفوا النَتيجه إللي أحبهآ , لأن الأشياء إللي أحبها ما تَناسب طَموحكم
ما عُمري شَفت بحياتي أحد يَصبغ جلد حواجبه , الناس يَصبغون الشعره مَب الجلده
وَ الله لليَوم مَصدومه ما راحت الصَدمه لأن حَسيت تَدوينتي المُسبقه مآمنهآ فائدة
مدري مَتى بشوف العربيات ما عَندهم شَعوذه وَ يكونون إحترافيين
وَ يستخدمون شَغلات مُخصصه
ما زال عَندي أمل
آتمنى وَ آتمنى تَزيد نسبة الوَعي
دُمتم بَحب
مُلاحظة / هذه التَدوينه تَم نشرهآ سابقاً بتاريخ 31-12-2012
هل هذا المشقر يعطي لون اصفر او شفاف ويعطيكي العافيه
هذي صبغة حواجب لتلوين الحاجب , مو نفس نظام التشقير
نَورتيني
شكرا لك
تسلمين ي حيي كفيتي ووفيتي ي ما نشوف من ناس لحجية الله يهديها :'(
وما أتوقع أحد أنخلق عليهآ إنما هي طريقة مَكياج وَ ترتيب
مدري تذكرني بالبنات القديمات إللي تلبس روب تحت العبايه وَ تكحل عيونهآ وتتلثم وَ تروح السوق تقزقز بهالشَباب ..
هههههههههههههههههههههههه التشبيه
هههههههه أهم شيء التَشبيه جاز لك
دوم لك بَصمتك
حبيبة قلبي الله يجزاك الف الف خير على كل حرف تكتبينه وكل معلومه ونصيحه تفيدينا فيها ..
بجد انتي شيء خيالي ومعطاءه بسردك للمعلومات ..
الف شكر ..
أخجلتم تَواضعنا
وَ تسلمين لدعواتك , وَ الله يجزاك بالمَثل
نورتيني
تسلم يدك عالتدوينة
.. يوم قلتي حواجب شرشبيل ذكرتيني بوحده شفتها مره بزواج الله يستر عليها مااعرفها بس لو شفتي وجهي لحظه يوم شفت وجها ووشلون فهيت قسم بالله ودي اروح امسكها واقولها بس حسيتها مستانسة .. اقول لبنت عمتي امسكيني تكفين فعلا شكله اقرب لزومبي بدون مبالغه قسم .. كريم الاساس تقل رمادي يبرق والحواجب والكحل شي عجييييب اقول لبنت عمتي عاد وين ارتوس لو تجي تشوفه ياويلي بتنجلط بعيد الشر .. 
انا من هالنوع اللي يرسم حواجبة كذا وعن جهل مني وبالعكس احنا نستفيد من نصائحك وانتي المرجع لنا بالتجميل ، كثير اشياء
كنت اسويها غلط بدئاً من الحمام المغربي ، حتئ بمزيلات العرق كنت اعاني وبقوة ع ان يوميا اتسبح كنت احسب النظافه ماء وصابون بس
ماكنت اختار المنتج الجيد ولا اعرف النوعيات الزينة ولا اهتم بحمام اسبوعي او شهري ، كنت عايشة بتخبط ، الجمال اللي حنا فيه سببه انتي
وكثير ادعي لك وين كنت وين صرت ، اي شيء تقديمة له اثر وكثير اكون شغوفه لاي شيء تنزليه ، الله لايحرمك الاجر وتكوني بهذا التئلق والجمال
أنا سَعيدة بردات فعلكم الإيجابيه , هذا دليل على مَحبتكم وَ انكم تظنون بي الخَير
تسلمين لي , وَ كلامك مسؤوليه بَعاتقي
ارتووووووس
ارررررتوووووووس
انتي الهامي وقدوتي
هههههههههههههههه حَلوه مَنك
نَورتيني يا زَينب
وش الغرض من صبغ الحواجب ؟
أنا مااشقر ولا اسوي شيء فيها ؟ ينفع أصبغهم ؟
كل الشكر ..
الغرض المطابقه الطبيعيه للتزييف ..
يعني لو أنتِ صابغه شعرك بلوند أشقر فاتح , مستحيل تكون حواجبك سوداء
لذلك التزييف يطلب منك صبغها بالبني الفاتح وَ هكذا , إن شاء الله فهمتيني
اهلين ارتوسه, ان شاءالله تمام اول شي لي تقريبا شي اربع سنين اتابعك بصمت ومن متابعينك اول باول ماتدرين قد ايش غيرتي تفكيري بالكامل
الحمدلله ماتبدلت عندي معتقدات لاني من الاساس ضد كثير من الاشياء المزعوم انها جماليه بين مجتمعنا قد ما انك طورتي وصقلتي هالشي بمعلوماتك و ارائك اللي والله شهيد ع كلامي اعتبرها مثل اعلى وقدوه لي , اثق تماما باللي تقولينه لانك ماتتركينا نتسائل بعد طرحك للموضوع ملمه بكل جزء الله يجزاك الف خير يارب ويحقق لك كل اللي تتمنينه ..
سؤالي هو:
انا شريت هالصبغه لان كنت صابغه شعري بني فاتح وحبيت يكون لوك كامل علما بان لون شعر حاجبي خفيف جدا بس ان رسمة حاجبي عريضه فأعاني من فراغات كثيره لان اللون مومبين كلش
تقيدت بالوقت والكمية ولكن لا اللون طلع وبالعكس احسه صبغ لي الجلد شوي يعني صار جلدي كانو فيه بقايا شدو بني فاتح مع اني شفت الفديو للخبيره نفسها باليوتيوب ولكن مادري ليه مابان معي نتائج , لو فيك تقولين لي كيف تستخديمنها والله بكون ممنونتك لان هالاختراع مره جميل ويريح .. اسفه ع الكومنت الطويل بس مابغيت استفسر قبل مااشكرك لانك بجد تستاهلين اكثر من كذا
فمان الله
أخجلتم تَواضعنا وَ يشرفني تَواجدك الدائم مَعي حتى لو بَصمت ..
آهم شيء قَدرت أقدم شيء يفيدكم بشكل أو بآخر .
بالنَسبة للصبغة جربي تَزيدين الوقت , وَ كل شوي شيكي عاللون .. أنا مرات أخلط بني مَع أشقر
وَ مره صبغت بلوند أشقر فاتح خليت صبغة الحواجب تقريباً ٣٠ دَقيقه صار شعر راسي مَع شعر حواجبي مفروض يكون أغمق شَوي بس زاد علي الوقت تَكات
فصرت أغمقه بقلم الحَواجب , شوفي من شوي أعدت تنزيل تَدوينه سآبقه مُمكن تفيدك بما يَختص بالحواجب ..
الوَقت زيديه لين تَضبط معك , وَ طمنيني عن النتائج ..
مَرات لما أصبغ شعري الكوفيره تقولي خلاص أنا بَصبغ حواجبك , دايم أعارضها لأن فعلاً صبغة الشعر إذا وَهي براسي أحسها تَعور عيوني
مابالك قريب من العين ..
مشكوره ياقمر بالعكس معلوماتك جميله وافادتنا كثير
طيب واللي رسمه حاجبها مو مرتبه ولونت الحاجب كله
وباقي الشعر اللي مو مرتب ايش اسوي فيه لازم اشقره خخخخ
انا فعلا اشقر الزايد بحيث يكون نفس لون بشتري ايش اسوي مااقدر انتف ولااقص
مرحبا..
إن شاءالله تكوني بخير وسعادة ..
كفيتي ووفيتي بهالتدوينة وأبدعتي كمان
بس حبيت اسالك حواجبي جداً جداً خفيفة مع ان رسمتها حلوة بس مشكلتها الشعره نفسها خفيفه ومش سوداء فيك تحكي انو متعبتني شوي غالباً لما اصبغ حواجبي يصبغ ع الجلد وبكذا مايطول ٣ ايام اقصى حد مش عارفه كيف اتعامل معها
وشكراً كثير على تعبك وطرحك وكمان أستماعك ومعلوماتك ♡
طيب كيف نشقرررر ﻻزم ﻻن فيه زوائد
صبغتها ٣ مرات ولا مره طلعت اشقر!! خلت حواجبي اسود من قبل بكثييير ليه
ارتوس انت جربتيها وطلعت اشقر؟ اخاف حواجبك فاتحه بني اصلا مو معقوله ليه عيا يطلع اللون مع اني خليتها ٣٠ دقيقه وغمقت حواجبي مررره ؟!!
غريبه , أنا صابغه اللون الأفتح من هالعبوه لأن شعري وَقتها كان بلوند ..
وَ الله طلع زي العجوزه أنا وَ بشرتي واحد , غريبه ليش ما ضبط ؟!
مُمكن تصورين لي العبوه وَ الرقم
غريبه مرره!!
حتى الصيدلاني اعطاني اياه قال هذا افتح لون نفس اللي صورتيه ..
خلصت ظرفين باسبوع مره حطيته ١٠ دقايق ومره قلت لا بزيدها ٣٠ ..
وضاااق صدري مره تغمقت طلع شكلي يضحك ويخوف الحاجب اسوووود وشعري فاتح على زيتي!
عموما شوفي الدايركت بانستقرام ارسلته لك ياعسل
لا يا حبيبتي اللي صَورته لونه بني هذا أسويه لما يصير شعري بني ..
بس لما كان شعري بلوند أستخدمت غير هاللون , وَ بالأحرى أسم اللون أشقر رَقمه صفر أتوقع
وَش هالصيدلاني النصاب !!! .. قال أفتح لون قال لا ماهو أفتح لون فيه أشقر وَ فيه رمادي بعد ..
وَ مرات إذا مالقيت ملائم للون صَبغتي أخلط البني مَع الأشقر وَ يعطيني أحلى نَتيجه , بالنسبه للدايركت ماوَصلني شيء ..
بصراحه يبيلهم ذبح قهرني وَ الله ..
شوفيه الحين بليييز
وش أسمك بالأنستا !! .. عندي رسايل كثيرة مَقدر أفتحها كلها ..
مره نفسي اصبغ حواجبي تحمست و كمان شفت بيوتي اديكت سوزان متكلمه عنها وتمدحها كمان
أقري تَجارب البنات , فيه كثير قالوا مانَجحت مَعهم بس عن نفسي نَجحت وَ نجحت , وَ ما أقدر أستغنى عَنها لما يكون شَعري مَصبوغ
ارتوس والله العظيم انت كنز استفدت منك بشغلات كثييير وصححت مفاهيم عندي
صايرة اترقب كل جديد منك ولو مانزلتي تدوينه ارجع للتدوينات القديمه حتى لو قريتها من قبل
بالنسبة للصبغه ناسبتني كثيير وحبيتها لولا الله ثم انت ماكان عرفتها
الله يعطيك العافيه …
لا عدمناك
يال سَعادتي , تسلمين لي ياقَلبي أخجلتم تَواضعنآ ..
وَ الحمدلله الصبغة ناسبتك كَثير وَ لي الشرف بتتبعك لَي ..
نَورتيني وَ الله
يعطيك العافبه . ويسعدك
الله يسعدك قد ما افدتيني ..
ارتوس حبيبتي ،
انا حواجب أصلا خفيفه اوكي ، ومن اربع سنين اشقرها ببولندر خاص الحواجب يعني يخفي الشعر اللي زايد بالحاجب طبعا جهلاً مني ، الحين صرت لو اخلي الحاجب أسبوع بدون تشفير يبدأ يتغمق الشعر الزايد اللي انا شقرته و يصير شكل الحواجب بشع ومو مرتب !
بليز اعطيني حل اوسط ومناسب لأنو ماعاد ابي أشقر ابدا
قلتي شَعرك خفيف .. إذا برواز العين عندك خلقه حلو
ما تحتاجين تخفينه , وَ مع الماكياج وَ الرسم مايبين.. شوفي بيرين سات ؟! شلون حواجبها نازله وَ مو مرتبه بس مو مأثر فيها آبداً
هالموضوع يبيله ثقه وَ ستايل وَ تعرفين شلون تبرزين مَواطن جَمالك دُون الحاجه للتشقير
إنتِ جربي تضبطين بدون تشقير , لو حسيتي ماضبط مَعك مالك إلا التشقير بالرغم إني ضَده
بس ما أقدر أقولكم أنمصوا حواجبكم
صحيح بئرين سات كذا ،
ان شاءالله اجرَب بدون ..
الله يسعدك يا رب
صباحي اليوم بمدونتك
تدرين مره اتصفح بالاستقرام شفت وحده منزله
الصبغه السودا هذيك ابو ٥ ريال نسيت الاسم
واكسجين وتقول للبنات اصبغوا حواجبكم يدوم اللون شهر
واكثر وهذا بعد التشقير
يعني عيونهم بتروح فيها
جربت هالصبغه ماتقبلتها سببت لي حكه مو طبيعيه
وانا وحده احب اصبغ كيف اغير حواجبي
السوال الاهم
الحمد لله حواجبي مرسومه من الله والشعر مرتب
وشبه عريضه دايم يقولون لي اخفي وارسمي
والله يطلع شكلي مره معفوس كيف اضبطها مع المكياج
اغلب الاوقات امشطها وارتبها
نَورتيني حبيبتي ,
بالنسبة للصبغه البعض متخيلها إنها خلاص تعوضك عن الرسم , الصبغه فقط لأجل تصير حَواجبك مُقاربة للون شعرك
مقاربه وَ ليست مُطابقه , بالنسبه لحواجبك الحمدلله طالما مَرسومه وَ الشعر مرتب ما أتوقع تحتاجين تتعبثين بها
الله عَطاك شيء رَباني , التشقير وَ حتى النمص بغض النظر عن الحكم الديني كلهم يَرهلون منطقة العين ..
ركزي علي يَبالغون بالنمص مَع الوقت يصير شَكلهم كبير بالعمر خاصه العَين , طبعاً كل إنسان يَسوي الشيء إللي يَلائمه وَ يريح ضَميره
لكن إللي مَثلك ما تَحتاج شيء , يمكن شَوية تمشيط لشعر الحاجب مع ماسكارا شفافه للحواجب إذا حواجبك كثيفه
وَ إذا مو كثيفه ماسكارا بلون شعر الحاجب ..
صدقيني الحواجب مو مثل مو متخيلها البعض إنه لازم تنرسم بالمسطره .. وَ ركزي على كثير من المَشاهير بتلاقين حواجبهم عاديه وَ لا مرتبه
وَ مع ذلك المَظهر العام جَذاب
شكرا بحجم السماء
ردك كافي ووافي
ارتوس المفيده جدا :*
سوال ان شا الله تنتبهين له وتجاوبيني -.-
الحين لونت حواجبي على الرسمه واللون المناسب لي اوكيه ، بس كيف اخفي الجزء اللي ماابيه من دون ميك اب يعني بمظهر طبيعي ..
جا على بالي استخدم الرمادي للجزء المخفي ابغى رايك
خَليه الجزء اللي ما تَبينه , لو صبغتيه رمادي بيصير شكلك مُضحك ..
يعني على بَلاطه أحد الحلول النَمص , وَ النمص أمامك نص صريح باللعن صَح هو أفضل الحلول لَكن إنتِ وَ ضميرك ..
الحلول الثانية بدون ميك أب تبين , وَ التشقير شكله شخصياً ما يقنعني إنتِ والكنافة واحد
التمشيط العادي وَ تهذيب الشعر يكفي , شوفي بيرين سات عادي مو نامصه وَ حواجبها حَلوه , وَ توبا … إلخ
كثير كثير , المشكلة إحنا المُسلمين الحريصين على الدَين مُصرين على رسمة الحاجب الحادة بينما غيرنا من الشعوب مٌش مركزين هالكثر عالحاجب
جربي وَ شوفي , عفكرة النمص الكثير حتى مرات يعطي المظهر كبر أكثر وَ الشعره الكثيفه تعطي طفولة وَ براءة
مرره عجبني موضوعك ماشاء الله
كافي ووافي
يعطيكِ العافيه ، حتى اسلوبك مميز
وصريح بشكل حلو وانيق
بس عندي سؤال : دحين انا شعري اسود قاتم جداً
يعني الشعر العربي وما افكر اصبغه في الوقت الحالي
بس حواجبي شكلها قوسي ، حتى أحس حاجب غير
عن الثاني. وفيه شعر زايد غير مرغوب فيه فوق الحاجب
فما اعرف لو اسوي تشقير ولا انمصه ؟ عشان فيه وحده
شفت حسابها في الانستقرام وتشتغل في صالون ومرره
تزبط الحواجب بالتشقير بس اخاف يطلع شكلها زي ماتقولي كنافه
بودرة الحواجب والتاتو طبعا بشكل معقول
تغني عن الصبعة ولا لابد منها الصبغه
مرات البودرة تجي منها الوان فاتحه
انتظر ردك
مو بالضرورة تصبغين , الصبغه للتوافق لون شعرك مَع لون حواجبك
بس لو شعرك لونه مُقارب للون حواجبك ما تَحتاجين ..
دُمتي
يسلمو ارتوس دايم تفيدين

عندي ملاحظة صغيرة ، اذا كانت منتجات التشقير اللي
هي الاوكسجين والميش غير مخصصه لشعر الحاجب و الرموش
ومنطقه العين عموما، ايش استخدم بدالهم اذا كنتِ تشقرين
حواجبك ايش تستخدمين وايش البديل ؟
لاني صُعقت يوم دريت انه فعلًا لاتستخدم للحواجي والرموش .
شُكرًا
مشكووووورة حبيبتي .. بس ممكن تعطيني فكرة اكبر عن اكوا برو من ميك اب فور ايفر….. اراكي مادتهوش حقه في الشرح
.
.
درجه اللون المناسبه .. وهل هو ممتاز ؟؟ انا شعر حواجبي مش تخين رفيع شوي واسود .. اجيب بني غامل وسعره بلييييز ردي
كتبت عنه تَدوينة قديمة ما يَحتاج أجيب سيرته الأن ..
طلع الأفضل منه فلا يَستدعي إعادة الطرح , شوفي جل انستازيا كتبت عنه دوري بالمُدونة ..
شكرا حبيبتي لردك .. بشوفه حاضر .. بس احس الجل ممكن يكون مش ماشي معايا .. لان حواجبي خفيفه شويه ….
بس بشوف موضوعك .. اصلا مشاء الله عليكي وع كلامك وفهمك .. وحضرتك ممكن اسألك عن اي حاجه ؟؟؟ بما انك بتهتمي بنفسك وبالجمال ؟؟؟
مشكورة
هل بيبان طبيعي ؟؟؟؟؟؟ انا اكره رسم الحراجب او اضافه قليم رسم فوق الحواجب … فاسمعت ان اكوا برو طبيعي بتمشي علي الشعره شعره وتملي الفراغات .. وبينصحو مانجبش اللون الاسود لانه قوي علي العين ….. طيب انا هايليق عليا ايه مع ان حواجي سودا … البني الغامق ؟؟ طيب سمعت ان ليه درجااات كتير اختار درجه رقم كام … وهل حضرتك جربتيه ..
الله يحفظك من اي مكروه يارب
حبيبتي ألاء ..
الأكوا برو جيد بس لو حواجبك كثيفة تراه غامق عليك , وَ بالنسبة يبين طبيعي مش مثل الظلال الظلال تبين طبيعية أكثر
وَ لا تنسين كله يعتمد على لون بشرتك وَ برضو على ذوقك وَ مهارتك أنتِ , فيه ناس يضغطون عالفرشاة وَ يعبون من المادة كثير ..
روحي وَ جربي بالمحل أفضل لك , وَ الأسود ما تاخذينه خذي أغمق لون بالبني
يعني ابحث عن افضل انواع بودرة الحواجب ؟؟؟ فعلا احسها بعد شرحك طبيعيه اكتر لأنها بودرة بلأخر …
..
بصي انا حواجبي رفيعه بش مش اوي .. كويسه بس نفسي تتخن او تزيد اكتر .. ولونها مش اسود غامق .اسود فاتح
بشرتي بيضه .. ومش عارفه اي لون بودر هايليق بحواجبي ..
.
…
…
حبيبتي تعرفي ماسكرا طبيه تعطي كثافه للرموش ؟
حبيبتي ارتوسة..تسلمي ..و الله تطرقتي لاكثر موضوع ملخبطني مند دخلت عالم الانوثة هههه
حياتي انا ودي اصبغ حواجبي نفس لون حواجب اليسا..لكن ماعرفت درجة اللون ممكن تخبريني
http://i.imgur.com/3RL8wSk.jpg
مع العلم انو لون حواجبي الاصلي اسود قاتم..و طبعا الدرجةفي الماركة اللي حكيتي عنها اليوم
موضوع رااائع كالعاده .. الله يسعدك قلبك
عندي سال ان شا الله تقدري تفيديني
حواجبي عريضه شوي وبصراحه ماابغا انمصها
جربت التشقيروشكلي صار مقبول بس تعبت كل خرجه اعيد عليه
هل فيه طريقه لرتبيها من غير نمص أوتشقر .. وشكرا لك
السلام عليكم،عجبتني مدونتك و اثارت فضولي لاستور واقراء حميع تدويناتك وقريتها بس لما وصلت عند تدوينتك عن الحواجب صراحه عجبني افدتيني ، لكن انا حواجبي كثيفه وقريبه من بعضها شوي (مقرونه) وتركت التشقير لي سنه بس جالسه اشيل اللي في الوسط بين منطقه تلحواجب اعلى الانف بالشمع وباقي الحواجب طبيعيه ماسويت فيها شيء لكن اللحين مليت منها ومقبله على زواج وشكلي بحواجبي الطبيعية المثيفه السوداء الطويله مع شعري الاسود مايناسب عروس خصوصا ليلة الزواج ماراح يطلع شكلي جميل بالمياج وحواجبي كثيفه ! فامحتاجه نصيحتك ومساعدتك لي هل اصبغها (بدرجه افتح من شعري )او لا وللعم شعري اسود ومو حابه اغير لونه فابغى حل لحواجبي عزيزتي .
مُمكن تَشقرينه أو تَنمصين هذي هي الحَلول
التشقير مُضر وَ النمص حد شَرعي به وَ الخيار الأخير لك ..
لكن برأيي لو خبيرة تَجميل شاطرة راح تضبطك ، مُمكن هَي بنفسها تعرف تتعامل مَع حواجبك وَ تبرز جَمالها ..
ليش ما تسألين إللي راح تَمكيجك وَ تثقين بها بيوم تَزيينها لك عَن طريقة تعاملها مَع حواجبك ؟
عجبني كلامك كثير Artos says

كلامك صحيح ميه%
بس حابه تجاوبيني علی سؤالي اذا تكرمتي
انا صابغة شعري بلون اشقر فاتح ( كولستن) بس ماصار شعري اشقر صار اغمق لان طبيعة شعري اسود
الصبغة اللي تقولين عنها (Refecto cil )
اذا استخدمت اللون اشقر هل يصبغ اشقر ولا اغمق
مع العلم ان طبيعة لون حواجبي سوده
انتِ عظيييييييمه
قريت كل شيء ، شكراً على كل شيء .
من كلامك تحمست وجربتها، ، جميله ،، اساساً انتي كل شي
في ميزان حسناتك يآرب
منك جميل
السلام عليكم ورحمة الله وبركاتة . كيفك ارتوسة الجميلة .. طحت من فترة على مدونتك لكن بين فترة وفترة اقرأها يعني مودايمن
على حسب فضوتي ..
للعلم مالي بالميك اب . احيانا احط شي بسيط جدا جدا . اللي لاحظته قبل كم يوم ان وحدة من حواجبي من بدايتها المنطقة السفلية للحاجب كانها مقصوصة او محلوقة .. مافيها شعر نهائي .. بالرغم اني ما اشيل حاجبي ولا ارسمه بالقلم حق الحاجب ولا شي .. طبعا طالعت في المراية نووو شكلها مررة غلط كانه احط جايب مسطرة وقاطعه
شكله فالنهاية اخد قلم حاجب واقعد الوّنها ولا اجيب قلم فلومستر لان ما اعتقد ان في طريقة راح تطلع شعر من مكان قرعه
الا اذا مر عليك شي ممكن يفيد
وبس حبيتك من شفافيتك وحبيت اقوللك
تَنوريني يا بَعدي ..
بخصوص مشكلتك جربتي تمشطين شعر حواجبك ؟ ترى زي مافي ماسكارا تطول الرموش أقصد الماسكارا الطبيه
فيه مخصصه للحواجب ، فكرتي بها ؟!!
يعطيك العافيه حبيبتي انا عندي. نفس الصبغه وجربت صبغات كثير بس مافادتني للاسف لانه شعر حواجبي جدا خفيف وماقد جربت اعالجهه لانه وراثه افكر اسوي زراعه اش رايك بالموضوع
الزراعة بشعة عفكرة ..
لكن مفروض تفرحين أنا أشوف الحواجب الخفيفة سهل حلها ، شَوفي فيديوهات pixiwoo عاليوتيوب
مافيها حَواجب وَ مع ذلك يا جَمال حواجبها لما تَرتبها ، لا تتعقدين صَدقيني المَوضوع سهل
جزاك الله خير,كثير فادتني هالتدوينة
بعض البنات ما تهتم تطلع بمظهر طبيعي اهم شي تصبغ شعرها باللون اللي تبيه وبكيفه شعر الحواجب !
انا لو بختار شي يعجبني بنفسي بقول اني ما اقلد غيري وخصوصا بالاشياء اللي تتعلق بالمظهر لاني من زمان وانا اعرف ان اللي يصلح لغيري ممكن ما يصلح لي , يوم كنت بالمتوسط فجأة صار عندهم ان الكشخه هي اللي يصير حاجبها نص اسود ونص اصفر واللي غير كذا بزر , الحين احمد ربي اني كنت بزر ولا تصير حواجبي اسود واصفر وتسلم على منابت شعري من كثر ماهي طايره كانها حواجب ابليس ! بس والله سويتي فيني خير بالعاده اذا صبغت اصبغ لون غامق قريب للون شعري الطبيعي لكن هالمره حبيت اغير و شطحت شوي .
طيب ارتوس شعري لونه فيه ash عندي احساس اني بصبغ لون قريب للون شعري وبيطلع غريب وفاتح بينما شعري فيه ash
شكرا ارتوس .
والله يا ارتوس انا الحواجب عندي مرا مشكلة يعني حواجبي مو كثيرة خفيفة رسمتها كويسة بس لما تجي تنكسر مافي شعر فلما اعبي المنطقة دي وانا ارسمها يزبط الحاجب بس المشكلة فيني ما احب اشوف شكل الحاجب مو طبيعي بتقولي في كثير ناس يرسمو وشكلها طبيعي صح لان حواجبهم يكون فيها شعر كثير بعض الشي اتعب وانا اسويها تلاقي اكثر اوقاتي ما ارسمها الكل يعصب عليا وكدا بس ما احس يجي الباودر تبع الحواجب يجي كويس على خفيف لكن اذا حددت احس شكلي مرا فضيع ما ادري حل هوا سبب اني ما ارسم ف اتغير شكلي او الي يرسم لي يرسم خطأ … طبعا انا بفضفض اكتر مما اني اطلب حل
يعطيك العافيه مواضيعك رائعة وجذابه .
أما قلم الحواجب
أنا ما اشقر يعني يحتاج استخدم القلم, المهم لي فترة استخدمه وأحس فيه شيء بحواجبي متغير كأنه الشعر صار قليل صار هوَ ساس البلاء. اخ بس على كثر الأشياء اللي ظلمنا فيها أنفسنا 
تصدقي تدوينتك خوفتني

أنا حواجبي نازلة شوية ومدري ايش السبب
مع إني ما اصبغ حواجبي ولا حتى اتعامل معاها
ايش في حلول او ايش هي الاسباب حتى اتجنبها؟
وتسلمي على التدوينات .. باقيلي شوية واختم المدونة
جربتها جمييييلة ماصدقت أحصلها كلماأروح ما ألقى اللون البني
شكراً ياغالية
السلام عليكم ارتوس،الموضوع له سنتين تقريبا وانا دوبي اعلق هههههه بس ابا استفسر انا حواجبي كثيفة وسودا وفي وحده شغاله ف صالون الله يسامحها من سنتين قعدت تصبغلي حواجبي بصبغة الشعر واللون مره مو راضي يثبت:((((( هل حعاني من نفس الشي ف صبغة الحواجب؟وتتوقعي الاقيها ف صيديلة النهدي؟
شكرا مقدما
يا الله يا أرتوس تعالي شوفي الكوراث عندنا

كلما رحت زواج 50% من الحضورالشباب أو أكثرمسويات في نفسهن ذا “الجعث”
مدري إيش اللي يشوفونه جميل في إنها مسوية خط أسود على جلدها فوق حواجبها
ولا الرسمات التعبانة ، شي يقفز وشيء خط و .. آه تعبت -_-
شكرًا، اكتشفت حسابك قبل مدة ماهي قصيرة بس عاد إلا فضيت لها قبل كم يوم
استمري بعطائك 3>
مرحبا سوسو طيب بالنسبه لهالصبغه كيف استخدها مع مقشر للحاجب لان في كمان جزء مننا حواجبه كثيفه لدرجة مزعجه
شكككككككككررررررااااا من اعمااااااق قلبي .. احبك .. الله يسعدك بقد ماتفيدينا يارب .. ماتتصورين قد ايش كنت محتاجه لهذا الموضوع .. حواجبي وما ادراك ما حواجبي مرات الصالون يخلون شكل حواجبي كنه خطر بمسلسل الحياله ??? وزوجي ضحك علي
اوووواه ياقلبي
بالعكس يعجبني ذوقك لاني احب الميكب اللي يبرز الملامح مو يكتمها ،بس الحين بسأل اذا التشقير يدمر الحواجب كيف نخفي الشعر الزايد بطريقة امنه !
هلا والله،
صدقتي ي قلبي التقشير من جد كارثه خصوصا لما تطول الشعره تصير نص اشقر ونص اسود ومنظر يخوف ، حواجبي انا لونها اسود وشعري لونه جاي على اشقر فطالع الشكل شوي غلط فودي اصبغ الحواجب اجرب شلون بتطلع ، لكن ما اتوقع باسويها قريب لاني احس توني صغيره وكذا لكن ان شاء الله اجربها لو بعدين