صَباح / مَساء الرَحمة
حابه أشكر جَميع جَميع الُمتفاعلات بموضوعي بـ قسم ثرثرة لأنهم أضافوا الكَثير للتَدوينة ، كَتبتوآ من روحكم وَ مِن قلبكم
لا يَسعني الرَد عالجميع بالتأكيد ، لَكن وَ لا كِلمة كتبتوها مَرت مُرور الكرام ، فَتسلم الأيادي إللي كَتبت ..
بَخصوص المُتحدثات باللهجة الحَجازية ، وَ إن كان يَظهر علي تأثير لهجة أهل الرياض
لَكن ما عَندي مُشكلة نهائياً بأي لَهجة كانت ، تقريباً مُتابعين مُدونتي مُتساويين بالعَدد أهل الرياض مَع أهل الحجاز
وَ شخصياً ما تَفرق مَعي لُغة الحَوار ، أهم شيء آداب الحوار
[ عَلقت عَشان وَحدة قالت أعذري لَهجتي الحَجازية ، وَ الله إنكم بَنات عَسولات ] ..
وَ بالفَترة الأخيرة إنبسطت إني تَصدرت أحد قوائم البُلدان العربية غير السعودية وَ من ضمنهم الإمارات وَ مَصر
الإنسان إللي فعلاً يبي ينشر ثَقافة ماراح يَركز مين هالمُتلقي لهالثقافة ، صَحيح إني لا أتحدث باللغة العربية الفَصيحة بالرُغم مِن حُبي لها
لكن أخاف أدخل بمَتاهات النحو وَ الصرف ، وَ نثير حفيظة النَحويين ، فخلونا بالعآمي أحسن
بَخصوص إللي يَزعلون إنهم يَجون متأخر وَ ردهم يَكون آخر رَد ، مَعلومة البلوق ما يَظهر لكم مَثل ما يَظهر لي
فَتفرد لي صَفحة خاصة فقط بالردود سَواء بالمواضيع الجديدة أو القَديمة ، يَعني لو تروحين لموضوع قديم وَ تردين عليه راح يَظهر لي
[ فأتمنى تَعرفون إن لُكم مَكان دائماً حَتى لو جيتوا متأخر ، وَ أحب كُل الرَدود سواء وَحدة أول مَرة ترد عالبلوق ، أو دائماً ]
وَ أخيراً إللي يَقولي مَعقولة تتذكرينا !! ، أكَيد أنا ما أملك ذاكرة كَمبيوتر ..
لكن أتوقع الكثير مِنكم يعرف إني أنتبه له وَ مُمكن نتكلم عَن شيء بالبلوق وَ يلاحظني مَيزت هالشَخص بالأنستغرآم أو تويتر
مَرات شَوي أنسى لما الإنسانة تغير صَورتها ، أو تغير النيك نَيم ، بَس أحاول قَد ما أقدر إني ما أنسى أحد وَ بالنهاية إلا ما أقَصر
ماشاء الله إنتم كَثرة وَ أنا إنسانة وآحدة أملك ١٠ أصابع بَس ، دايم كُنت أقول لو كُنت إخطبوط راح أنجز أكثر ، لكن أخاف يأثر على مَظهري الجَمالي ( دُعابة ) ..
عُذراً أطلت بالمُقدمة وَ نرجع لمَوضوعنا ،’
تارت من الماركات إللي أثبت وجودها بالفَترة الأخيرة وَ بمنتجات بتقييمات عالية مِن المُستخدمين
موضوعنا اليوم بيكون عن بلاشرز تارت الليمتد إديشن لخريف ٢٠١٥م أو الهوليديز
Holidaze Deluxe Amazonian Clay Blush Set
البلاشر يجيك مَجموعة ( سِت ) عِبارة عن ٤ ألوان بحجم صَغير وَ بإلوان جَديدة ليمتد إديشن ( إصدار مَحدود )
مواصفات البلاشر ووعود تارت ~
– يناسب جميع أنواع البشرة
– يعطي التَرطيب للبشرة الجافة
– يعطي مظهر سلس وَ يحسن من الجلد
– أيضاً يمتص الدُهون الفائضة حَول المسام
– غني بالطين المَأخوذ مِن ضفاف نهر الأمازون
– غني بفيتامين A,E,C
– يدوم حتى ١٢ ساعة
– متوفر بعدة ألوان تناسب جيمع ألوان البشرات
أيضاً متوفرة بعدة خامات ( الشير ، المات ، اللميع )
خالي من :
– الباربين
– الفثالات
– الكبريتات
– العطور الصناعية
– البيتروكيماويات
– الكائنات المُعدلة وراثياً
– التريكلوسان
– أيضاً غَير مُجرب على الحيوانات
سعر المُنتج : 35 دَولار بدون الضَريبة
وَ كالعادة أغلب المُنتجات الجَديدة تَكون واصلتني مِن المَتجر الصَديق رونق الجَوري
عَنوان المَتجر عالأنستغرآم : aljorys.luxury ( للإطلاع إضغطي هُنا )
البلاشر زَي ماقلت بحجم مَيني وَ يجي بهالعَبوة ، الصَورة هذي من الإنترنت لأن رَميت الكرتون
طبعاً الألوان إصدار مَحدود ، لكن بالإمكان تشترون بلاشر بألوان مُختلفة لكن بنفس المَزايا بشكل مُستقل وَ بحجمها الطَبيعي
بيكون إسمهآ : Tarte Amazonian clay 12-hour blush
سَوري مُو مَتعودة عالسواتش مَفروض أرتبها بَنفس ترتيب الصَورة أعلآه ، وَ هنا مَظهرهم عالجلد ( مِن تصويري )
لأن صَراحة كُنت بجيب صَورة من الإنترنت ، لكن كُل وَحدة شفتها الصورة ماطابقت طبيعة المُنتج ، فَقلت مالي إلا أصَوره وَ تشوفون اللون
عَفكرة حَتى بتصويري ما أعطى اللون حَقه ١٠٠٪ ، اللون بالطَبيعة أقوى وَ يتضح الفرق بين الدَرجات
– Ecstatic : لون مَطفي
– Entertain : لون لميع
– Epic : لون مطفي
– Embellish : لون لميع
لاحظوا مَثلاً لون Embellish وَ شوفوه برضو بالعَبوة بتلاقون إنه أفتح واحد بالعبوة ، لكن وَقت تطبيقه عالجلد لونه واضح جداً
أوضح بكثير من Epic إللي دَرجته أغمق مَنه بالعبوة ، فدائماً لا تغركم الألوان بالعَبوة وَقت التطبيق اللون مُختلف
وَ الأهم الأهم محداً يحط اللون بَوجهه زي ماحطيته أنا كسواتش ، بالسواتش ضروري ما أدمجه بالبشرة عشان تقدرون تركزون وَ تعرفون درجة اللون
رأيي عَن بلاشر تارت بالطين الأمازوني ~
شخصياً أعشق البلاشرز بشكل جُنوني خاصة مَع الماكياج الخفيف ، أعشق البلاشر بكل وقت ، أحب يكون عندي كل الألوان وَ الأشكال ، مَطفي وَ لميع ، خفيف وَ قوي
حبيته ، حبيت دَرجات الألوان صَح إن كلها بتون دافيء بس أشوف كثير مِن درجاتهم مُميزة
إللي لاحظته إن أغلب ألوانهم تُعطي مَظهر مَات لكن مُش باهت آبداً
أيضاً أغلب الألوان فيها حُبيبات لمعية ( جليتر ) ذراتها ذهبية تتراوح بين الكبيرة وَ المتوسطة وَ كميتها بسيطة جداً يَعني مو مزعجة وَ ماتبين وَ لا هي مِن النًوع إللي مُمكن تبين المسامات ( يختلف تركيزها حَسب كُل لون )
آبداً ماتتفت وَ ناعمة وَ سلسة
يبرز لونها بعد فترة مِن الوقت تبدأ تنسجم مع البشرة وَ تعطي مَظهر ناعم
لكن عندي بعض الملاحظات عليه ، ما أدري هل هي تُعد عيوب أو لا ؟
لذاك بحطة بين المدح وَ الذم
وَصف الألوان في موقهم غير واضح ، يعني مًو كاتبين هاللون تَغطية خفيفة ، مات ، لميع
لذلك بعض الألوان راح تبين مَعك مِن أول ضربة حتي لو كان لونها فاتح ، وَ البعض تحتاجين تاخذينه أكثر مِن مَرة
لكن إللي لاحظته لا تكثرون مِن أول مرة لأن الألوان تبرز بَعد دقائق مِن الدَمج ، وَ زعوا اللون وَ إدمجوا ، وَ اذا إحتجتوا زيدوا
وَ سواء اللون شير أو قوي نِسبة ثباتهم وحدة
عَيوب المُنتج ~
من ناحية وعود تارت إن المُنتج يغذي البشرة وَ يحسنها ،أشوف هالشي مبالغ فيه ، أوك كَون المُنتج خالي مِن المواد الضارة هالشيء جيد وَ ممتاز لأنه ماراح يضرنا لكن بِنفس الوقت ماراح يفيدنا
الطين مادة مُفيدة للبشرة الدهنية تَمتص الدهون الزائدة بالإضافة إنها ممكن تهدي الجلد ، ما أشوفه المُكون السحري ، بالإضافة نسبته مُو ذاك الكثر ، لأن تركيبة المُنتج قائمة بشكل أكبر على بَودرة التلك
اللون مايثبت لـ ١٢ ساعة مِثل ماقالوا ، لكن ثباته مُمتاز راح يدوم ٨ ساعات لكن حسب نوع بشرتك
مُختصر مُفيد ،’
المُنتج جيد كَونه قائم عَلى مُنتجات أغلبها طبيعية أو غير ضارة ، فالمُنتج يعتبر جَبار كونه بهالتركيبة وَ ينافس كثير مِن المُنتجات إللي قائمة على الكيماويات
راح تلقون ألوان تناسب السمر وَ البيض
لكن ركزوا كَثير على كل لون مو كل البلاشر تعطي نفس النتيجة وَ تبين من أول ضربة ( أتمنى يكتبون وصف اللون عَشان مايكون هالشيء مُحير )
يناسب للي يحبون الماكياج إللي يبين طبيعي
إللي إمكانياتها المَادية على القَد وَ مو كثير مُهتمه بالمَواد الطَبيعية أقولها لاترهقين مِيزانيتك فيه كثير مُنتجات تعطي نَفس نتيجة اللون بسعر أقل ، سر المُنتج كَونه مايل للطبيعي ، فإنتِ حددي أهدافك وَ إهتماماتك فَقط
شَخصياً المُنتج عاجبني سَواء كان مِن المَتجر أو لأ راح أجيبه ، وَ سَمعته سابقته
لكن أنا ما أقَدر أحكم بالنَيابة عَنكم وَ كون المُنتج جآي إصدار مَحدود وَ ٤ عُلب بحجم مَيني يتيح خيار التجربة لأشخاص إقتصاديين
خيارات مِن هالنُوع أعتبرها صَفقة رابحة ، حَتى لو عجبنا لونين فقط برضو يُعتبر ربح مابه خَسارة ، إللي ما يَعجبك تقدر تَعطيه صَديق قد يتلائم مَعه اللون
مُلاحظة ~
دائماً لما أنزل تدوينة كونسيلر أو أنزل تدوينة بلاشر أو أنزل شيء يَتعلق بالمَاكياج أستغرب إللي تَقولي مثلاً
سويت بلاشر وَ ماعجبني شكلي وَ بطلت أسويه ( مُش مَعقول هالشيء أبداً وَ غير صَحيح ، إختيارك للون أو المُنتج رُبما يكون خاطيء ) ..
مايصير الوَجه صفحة وحدة مُجرد أساس وَ كحل وَ روج هالشيء يَعطيك مظهر مَكياج مُزيف بالكامل مايجي وَجه مِن الله لونه صفحة وَحدة بلون الأساس
لازم فيه تباين ، هالتباين دائماً بألوان الوَجه هو إللي يَعطينا المَظهر الطبيعي وَ يعطينا حلاوة بأشكالنا
جَربي حَطي لشفايفك كريم أساس بيصير شَكلك مَريض ، برضو أحمر الخدود ( البلاشر ) هُو مُحاكاة للبشرة الطبيعية
فما يَصير نَخلي الوجه صَفحة وَحدة ، وَ الشيء يعتمد على الكَمية ، مو يووووه عندي بلاشر بحط كَل العلبة أكيد لأ ، لمسات
مَرات نحط يادوب تَكه ، وَ يمكن لو أحد مر ماراح ينتبه فيه بلاشر لكن هيئة وَجهك بالكامل تَظهر مُشرقة وَ طبيعية
أما الكونسيلر حَرد عليكم بَموضوع الكونسيلر ،بالرغم رَديت على ٣٠٪ من الرَدود وَ حسيت مازال فيه أخطاء
وَ أخاف أرد وَ صاحبات الرَد أساساً ما يشوفونه وَ يضيع الوَقت عالفاضي ، فمَحتارة وَين أرد ، هل أطرح تَدوينة خاصة !!
المُهم بشرتك ماتحتاج كونسيلر إكتفي بكريم الأساس ، بشرتك تَحتاج كونسيلر حُطي كونسيلر
ما ناسبك الكونسيلر إختاري قَوام مُختلف ، حسيتي العيب بيدينك غيري طَريقة مَدك ، يعني جَربي !!
يَقولك المجنون هو إللي يكرر نَفس الخطوات بكل مَرة ، وَ ينتظر نتائج جَديدة
كثير بَنات لما طَرحت كونسيلر نارس قالوا يوووه خلاص حلو راح نَشتري الكونسيلر
بالرُغم نسبة تَملك كونسيلر غير نارس وَ بمواصفات جَيدة ، وَدي أقول العيب بالطريقة مُو بالمُنتج فمُحاولة بس الشراء
مَعناته تكرار نَفس حركات هالمَجنون ، كُل مرة يشتري يشتري ظناً إن العلة بالمُنتجات ..
وَ سلامتكم ..
اليوم الأربعاء راحه وَ برجع أطل عليكم بإذن الله يَوم الخميس بتدوينة ( أممممم خَلوها سِر )
نفانيفو قال
احم احم احجز مكان
Artos قال
يؤ أول مَرة تَكونين الأولى
Nawal قال
صباح الورد?
والله شكلها يحمس ودام مدحتيها اتوقع بتكون زينه تعليبها مغري صراحه وعجبني يالله نشوف البنوتات اذا محتاجين بلشرات يطلبون ويجربونها والله يسعد لي قلبش?
Artos قال
آهلاً بالغالية نَوال ..
وَ قلبش يا حلوش .. هههههههههههه
لهجة مُميزة جداً
روبي قال
صباح الخير ارتوسه
Artos قال
صَباح المَحبة يا عَيني إنتِ
سهى قال
صباحك ورد
عندي منها لونين ومتحمسة أعرف رأيك عنها
يلا نقرأ ….
خدي ?❤
Artos قال
آحلى قَلب وَ قُبلة ..
سوسيتي ، نَورتيني
صَح لو تَقدرين قوليلي وَش جربتي مِنهم .. يمكن يوماً ما أقتنيهم
سهى قال
الألوان الي عندي اسمهم amazed والثاني برونزر social butterfly بستخدمه اوقات قبل احط البلاش للتمويه عن الاول هههههه هاللونين الي جايين في باليت على شكل شنطة اسمه لايت اوف ذي بارتي
حلوين ومطفية وتعطي مظهر طبيعي وجميل ..
تسلم لي توسة ع التدوينة الجميلة ❤
جواهر قال
اول رد لأول مره
السلام
اما بموضوع البلشر فا جد البلشر يعطي لون حلو للوجه ويصير طبيعي
احبه وأحبه الألوان الي تميل او الوردي الدافئ
اعتقد انها تناسبني
بس ماقد جربت ألوان غيرهم
صحيح الكلام الي قلتيه في الأخير
وراح انتبه اكثر وأجرب طرق ثانيه
شكرًا لك على كل شي
الله يسهل دربك
مع السلامه
جواهر قال
غش
مستانسه على أساس أني اول وحده ????
Artos قال
هههههههههههههه بالقَلب الآولى
Artos قال
حلوه الألوان الدافئة خاصة لو بشرتك تَحبهآ
نفانيفو قال
حبيت المقدمة حنووونة مثلك .. تصدقيت كلامك بالثرثره رهيب وحرك احاسيسي ، المهم حبيت انها مجموعه واكثر لون جازلي epic رايق على اني فقيرة بلاشرات لأنها ماتخلص و اطفش
أحس فيني عيب الا إني أحب البلاشر الكريمي مادري ليه
عموما بعض المنتجات وصفها خربوطي زي شانيل بموقعهم اذكر شريت كريم لليد و احاول اقرا بس كله ترطيب و اللي تبيع كلامها ابد مو زي الوصف فيقهرني أحيانا
تسلم يدك ويخليك لنا طوووول السنين يا رب و بداية لطيفه في 2016 ❤️❤️
Artos قال
تبين بلاشر يخلص البلاشر الموس ، يخلص بسرعة عَندي ..فبطلت حَتى أشتريه
طيب حلو البلاشر الكريمي يَعطي طلة حلوة وَ نظرة وَ طبيعية
شانيل مُنتجاتهم حلوه بس السعر أغلى من الجودة بكثير جداً وَ نسبة العطور فضيعة ..
آآآآآمين يارب وَ أكيد أستفتح بطلتك الجَميلة يآ جَميلة قلباً وَ قالباً
يوووووه ما تَتصورين شكثر مَشتاقة لعام ٢٠١٦ مَ
نفانيفو قال
دايمه الاولى لايسبقوووووني دام توت مختفيه??
Mnosh قال
صباحك ورد ❤❤
اا الي اشكرك ع هاادوينه جدا جدا جميله واضافت لي الكثيير مره اهتم لوجهه نظرك احب توجههك واحب كلامك انتي شخصيه عقلانيه
مبدعه بكل حاجه .. وبالمناسبه انا علقت ع المدونه وانا بمود مش حلو وبمعني اصح كنت حزينه وقتهاا وردي كان مبهم او ناقص صراحه كنت ابي اكتب اشيا كثيرره بس ماحبيت اخررر ردي اكثررر من كذا ..
حبيت الالوان احسسها هاديه مره وتعطيك الوك الطبيعي جد
عاد اني اموت اموت بالبلاشرز واكتر مكياجي بلاشرز احب يكون عندي كل الالوان ?
سوس يائلبي انا ارجع للمدونه واشيك اشوف رديتي او لا مستحيل ماقرا ردك
انا اقرا ردك لغيري واهتم اني اقراه كلها فما بالك بردي انا ..
شكرا من الاعماق يا جميله ❤
الله يسعدك اضعاف اضعاف هالتعب الي تتعبينه عشان التدوين ❤
احبك ❤
Artos قال
ياصَباح الحَلوين ..
ليش كُنتِ حَزينه !! .. مين يجرؤ يَزعلك أو يحَزنك ؟!
هَونيها وَ تهون يالغالية ..
أجَل خلاص لعيونك بُكره فَضاوة نَرجع لبعض التَدوينات وَ نشيك عليها وَ نشوف إللي يَستلزم الرَد
وَ الباقي راح نَجمعه بإذن الله بإستفسارات الأشهر إللي ما إنرد عليها ، بس تَدوينة الكونسيلر مُهمة جداً ..
وَ أنا بَعد أحبك وَ أحب تَواجدك ..
روبي قال
من جد البلاشر يضيف لمسه جماليه للوجه
حبيت وضوحه في السواتش واحب ذي الالوان مره هاديه وجمييله مره حبيت?
ذي الفتره ارتوستنا حابه شركة تارت ومعلقه عليها?
لاززم تشويقه للتدوينه
اممممم احبك?
Artos قال
تَصدقين فيه ٣ مُنتجات من تارت مِن البست البِست ..
بس بَعدها قَيد الطَلب ، مُجرد ما تَوصلني راح أتكلم عَنها ..
فعلاً ماركة حَلوة خاصة لو تحبين الماكياج وَ تحبين بشرتك ، ماراح تخافين تستخدمينها بالدوام أو الجامعة أو بالبيت
وَ أنا أحبك يا روُبي
ايمي قال
الوانها روووعه حبيتها صراحه اميل لدي الدرجات ..ياعسل كيفك مع العدسات اتحفينا بتجاربك ..صراحه استغربت منزله موضوع بالوكيد بالعاده بالاسبوع هههہہ بس حلو ???
Amjaad.ahmed قال
صباحك شو ما بتتمني .. ?
الألوان دماااااار بمعنى دمااار جداً رايقة وتحسينها فريش وحنونة حيل ?
الكونسيلر فعلاً كرهته بسبب غلطي بإختيار الدرجة الملاءمة لي أوّل مرة بمجرد ما غيّرت الدرجة تغيّرت نظرتي فعلاً ..
تتهني فيها حبيبي .. وبإنتظار التدوينة السر ?
دمتي بحب ?
Artos قال
الحَمدلله خلاص عَرفتي وَين كان غَلطك وَ مشى الحال ..
هِنا الشطارة إنك تجربين بطُرق مُختلفة ..
تَنوريني يا أمجاد ، عاد يالله مُتابعاتي الحَنونات مُتأكدة نهاية السنة راح ينبسطون مِن شيء
Soseabdullah_ قال
يسعد صباحك ??
الالوان تجننننن حبيت انها تبين طبيعي ….
بس بسألك عن فرش البلاشر عندي فور ايفر بس ماتلقط اللون صح وغيرتها لماك صح تلقط اللون بس مادري احس بعد فتره الاحظ يتبقع مكانه وغير انها قوووووووية عالبشره وشعرها يطيح خساره فيها قيمتها بما انك حاطة فرشاة بوبي براون اش رايك فيها اشتريها اذا هي بتعطيني نتيجة حلوه للبلاشر ؟؟ وبس ??
الله يعطيك العافيه وتسلم لنا روحك على التدوينة الخفيفة واللذيذه ???
Artos قال
فرش ميك آب فورايفر القديمة للبلاشر مشهورة إنها الأسوأ عالإطلاق تَخيلي !!!
طبعاً القديمة أما الجَديدة أم خشب بني غامق صَراحة ما جَربتهآ
بتلاحظين بالصورة عَندي فرشتين الفرشاة السوداء للبلاشر لوضعه وَ الفرشاة البيضاء للدمج .. بوبي براون مُمتازين لكن فيه خيارات أتوقع أرخص لكن ماجربتها
وَ صحيح فراشي سامر خزامي كبلاشر عجبتني ، خاصة فراشي الكونتور عنده جداً مُحددة
أما ماك عندهم فراشي سحرية وَ مُميزة ماراح أظلمهم لكن لاحظت إن شعرها يتساقط ..
وَ فيه فرشة برضو كرهتها عند ماك لكن مَع الوقت إكتشفت طريقة إستخدامي لها خاطيء ..
وَدي أقولك خُذي هذا أفضل بس ما أبي أرهقك بشغلات غالية عالفاضي ، لكن لو تبين فرشة حلوه وَ إستثمار والله فرشة سيقما كابوكي إللي كتبت عنها بقمة الروعة ..
تستاهل كُل ريال ، ناعمة هالوجه ، تعيش ، ما تطيح ، سعرها حلو وَ بجودة عالية وَش أقولك ، مفتتها من الإستخدام وَ لليوم كالجَديدة
حتى أستخدمها بمد السيلف تان وَ مثل ماهي ما تَزحزحت .. ( هالنوع طبعاً مو كل سيقما كذا !! ) ..كارفها كَرف
نفانيفو قال
عاد تصدقين متحمسه لهالسنة أحسها غير
مع انه الناس اغلبهم مايلين للهجري بس الميلادي مميز عندي
أحسه حيوي احس الهجري مطوع هههههههههه معليش خانني التعبير
ايه شانيل نسبة العطور شي بس السعر زمان قبل ٦ سنين كان معقوووول كنت أشتري كريم الوجه مرطب بحدود٣٠٠ تقريبا
شطحو حالياً
بس كيفني في اول الطابور ههههههه مأثره عليا المحاسبة
Artos قال
ههههههههههههههههه العَصا يا وَلد
الهجري مُهم وَ له إحتفالاته ، لكن المَيلادي كتنظيم وَ عَمل مُهم
يعني أنا حالياً بشغلي عَندنا جَرد وَ تدقيق وَرى المَلفات وَ الكل بحالة إستنفار بسبب السنة الجديدة
مو لأن زي ما يتخيل البَعض يوووه يهتمون بأعياد الكفار ، بس الأشغال كُلها مُرتبطة ببقية دول العالم
وَ لما نبدأ بسنة جديدة تكون بانظمة جديدة وَ إللي يهتمون بالمَوضة وَ السيارات وَ كُل شيء راح ينتهي بإنتهاء العام الماضي وَ يبدأ بحلول السَنة الجديدة
[ جالسة أرقع مِن ورااااك يا أم المَصايب إنتِ لوووووووول ] ..
أحبك يا فَتاة
On_waad قال
ما لحقت عالانستا ، اشوأ لحقت هنا ، بقرأ التدوينة ، وصباحك خير ?
Artos قال
يا صَباح الهنآ
featured0_ قال
صباح السعادة يارب ارتووس ..
وتستاهلين التصدر واكثر محظوظين فيك اكيد ?
وحبيت درجات الوان البلاشر جدا لطيفه ودافية
وبديت اركز بالبلاشر من بعدك صراحة ..
وفعلا يعطيك طله حلوه .. ما كنت ملاحظتها
وبالنسبة للتعليقات بالكونسيلر او غيره
بيتكرر السؤال لان ولو قرت صاحبة الرد التعليق الباقي ما يقرونه يمكن وطايحين بنفس الخطأ ..
سوي اللي يريحك اكيد سواء تديونة او بوست سريع بحيث ينرجع له ..
كلك بركة ..
ويوم مريح يارب وممتع ، وبانتظارك اكيد الخميس ?
Freesia قال
يسعدلي صباحك ياعسل?
لحد الآن مجربت شي من تارت بس اذا راح جرب اكيدد بيكون هاذي المجموعه من البلاشر ? حبيت مراا الوانهم ويعطيك العافيه ياقلبي علي السواتش وضحت الالوان فرق عن العلبه ، وصح كلامك علي البلاشر مرا محب منظر المكياج بدونه يكون ناقصه حياه وانا مدمنته حتي بالبيت ?
?
naomiy قال
صباح الجمال
والله انه ماخذ عقلي من يوم شفته في احد المتاجر من الصورة بس مابالك لمن عرفت تركيبته حب حب ?
الدرجات تجذب مع انو على قولك وقت التطبيق يفرق اكيد بالفرشاة واساس الوجه وعوامل كثير اكيد
بس قررت اطلبه ان شاء الله تارت فنانين بديت احبهم والله
بالنسبة لردودك خدي راحتك اهم شي الي تطرحيه بجد انتي عندك زحمة ماالومك لو ماتردي حتى لما اشوف بنات يقولون شوفي دايركت وكدا استغرب صراحة عمري ماتجرئت ارسل دايركت بتردي على مين ولا مين يعني اذا ارتوسة عسل لا تلحسوها كلها ? دعابة ✋
بالنسبة لي يكفيني اشارك في عالم وبيئة راقية وجميلة
منتي ملزمة ابدا انك تردي فوق طاقتك
ودمتي بود
Rod.d قال
ياخي انتي كتلة جماال .. تصدقين ما كنت احب البلاشر كثير بس اقنعتيني فيه ..حبيت هالبلشر لان مواده جيدة ، جد جد مجهود تشكرين عليه يا سوس ونحبكك ..
Malak88y قال
صباح الوفاء ? صباح مايليق الا بك ..
وبمتابعاتك الجميلات ?
ارتوس اناحابه أشكرك من أعماق قلبي
على كل شي تعملينه على كل كلمه وصدقيني
ياقمر احنا عاذرينك ومقدرين لك مجهودك حتى
لو صار ونسيتي حد فينا .. هذا شي طبيعي
لكن تأكدي لمن مرات نسأل من محبه .. اتمنى
مانثقل عليك بكتر الأسئله .. بس صدقيني
لو مالك مكانه .. وقدر .. ومعزه .. ماكان صاير ها الشيء
اعترف انو مدونتك .. انتِ كلك صرتي جزء من حياتي
دخولي مو كلو عشان المنتجات .. صحيح
اني مااستفيد الا منك .. ومالي مرجع الا انتِ لثقتي
فيك .. لكن دخولي الفتره الأخيره .. صار لجلك .. اتعودت
عليك وعلى حكيك .. ادمنتك .. بمعنى ادق حبيتك ..
صرت احب وجودك بحياتي .. من غير ليه في اشياء ماتنوصف
لكن نشعر بها .. واخيراً الله يسعدك ويوفقك ويحقق لك
كل امانيك يآرب .. ويجعل ام جابتك لنا في الفردوس
الأعلى يآرب ❤️
Asil_112 قال
ماجربت من تارت الا ارواج كلر بوب واعجبتني صراحه ومقرره اخذ باليت الشدو بإذن الله والبلاشر الوانه روعه واحس تعطي شكل طبيعي اشوف البلاشر والماسكرا والروج مهمه بأساس او بدون
A7bakartos قال
ي صبآح الورد ع النآس الجمميله
احب البلاشر مآيكتمل الميك إلا به
بعضهم يكتفون بالمرطب وزينون بالبلاشر
يعطيهم منظر مررهه يجنن
حبيت الوانهم
واكثر واحد Eipc لونه جمميل ماشاءالله
عآد كنت افكر بالبلاشر تبع كلر بوب
من المدح له قلت بأجربه وهاذي كمان اعجبتني
مايمنع اخذ واحد منه لتجربه?
تسلم يدينك ،، عاد غششيني وش التدوين يوم
الخميس مآبعلم احد?
F T O O M قال
لاا وش ذا تأخرت بس يالله معليه .
irashooooo قال
يسعدك صباحك ياشيخه ??..
انا احب البلاشرز كثييرر وخاصة ببدايات معرفتي للميك اب وتجيني فهاوه بالالوان كل لون كأنه يناديني ومااخفي عليك الى الان مااحس وصلت النتيجه الصح بوضعه امكن لان علي خدود بس خدودي مسطحه ولو ضحكت برزت مدري شلون افهمك يعني متساوي وجهي تقريبا وعريض نوعا ما … المهم وين بالضبط ينحط البلاشر ومن وين ينمد؟؟.. والى وين يوقف ؟؟..واذا حطيته وبحط برونز وين احط البرونز؟؟.. وكم يبعد عنهم الهايلايتر؟؟.. يعني بالنسبه لي اكثر شيء احوس فيه هو الدمج ووضع كل واحد بمكانه الصح ?? …
وماانحرم والله واهم شيء قريتي قصة البيبسي هههههههههههه مدري وش طرى علي وقلتها بس صراحه تحكي واقع ?
FTOOM. قال
صباح الراحه > جابت لي الراحه والله ذي التصبيحه.
صباح الورد?.
احب مقدماتش?، عاد يالله حتى احنا بنتساوا مع اهل الرياض والحجاز ، اهل الجنوب ?ترى يمكن الي حولي كلهم يعرفونش سوا اقارب او اصحاب دايماً انصحهم يتابعونش لان مافيني اشرح لهم كل شي فحلو انهو يقرون.
حبيت الالوان ?، البلاشرز صدق اعشقها ??، في الايام الي ماحط فيها مكياج ارطب بشرتي واحدد حواجبي واحط من التنت تبع بنفت على شفايفي وخدودي ويطلع شكلها جميل على البشره ، البلاشرز يعطي مظهر جميل والله.
حبيت التدوينه وحبيت البلاشر والوانهم بس فيه شي ليش تقولين ان به تدوينه ثم سر هنا بيشتغل الفضول عندنا? بس يالله نجحتي في انش تحمسيني???????.
تشكلار جنم☺️> حاطه بلاشر ، امزح??.
w3d قال
صباح الخير حبيت المنتج وبقووه ولو سمحت ميزانيتي راح اخذه على طول
حبيت ان مافيه مواد تضر ﻻني على طول بوجهي بﻻشر وﻻ اتخيل فيسي بدون بلاش ههههههههههه
ف ماراح اشيل هم ان على وجهي منتج ضار طول اليوم
فعﻻ صدقتي البﻻش يعطي طله فريش وبدونه الوجه ماصخ
ب انتظار سر الخميس ♡
Fai قال
ياصباح الورد عليك ياجميله .
من امتع المدونات والناس اللي اقرا لها ومن الناس اللي مستحيل افوت لها حرف بس . حتى ردودك بالانستقرام ع البنات اقراها طبعا فما بالك بردود المدونه ?
انتي شيء ثمين وماتحتاجين شهادة احد ?✔️
بالنسبه لبلاشرات تارت جداً احب هالبراند وجربت منهم الايلاينر اللي كتبتي عنه قبل ، كلام كبير وبالنسبه لي احلى من انقلوت بكثير ??
والسنه الجديده انا من اكثر المتحمسين لها ويارب اقدر انجز الاشياء اللي فبالي ، وعساها سنة خير عليك ياجميلتنا ?
turkishcoffee قال
صباح الورد …
ماشاءالله عليك دائما تعطين الشئ حقه وصفك كالعاده في منتهى الجمال تصدقين ماكان جاء على بالي اقتنيها لاني احس الالوان متقاربه بس جد المفروض مانحكم الا بعد التجربه…
يعطيك الف عافيه وعقبال ماتحققين الانتشار اللي يرضك تستاهلين كل خير والله
وصدقيني تعبك ماراح يضيع هدر الا مافي يوم توصلين…..
ام رميشات قال
صباح الخير توسه ?? دايما تعجبني اختياراتك للبلاشر ونفس المواصفات الي ابيها بس بكل مره بجي اطلب اتخاسر اشتري لان زي ما قلتي فيه بدائل ارخص وبنتيجة مقاربة ?
Soso قال
❤️
أمل قال
صباح الخير
حبيت الوانها ولكني حاليا مكتفيه بالموجود عندي أفكر اشتري بالبيت تارت اللي دونتي عنه اول ومحتاره
چوزيتي خيرا❤️
7oo0oor قال
هلا باللي لها الخافق يهلي قديمة صح لوووووووووووووووووووول
يوه يا سوس لمن اقراء كلامك احسك صديقتي مو شخص يدون عن شيء بعيد عني ..
اما بالنسبه للردرد عليك في المواضيع السابقه , انا كان هاجسي والله انو اذا رديت مراح تشوفي وانا يهمني اللام لك يوصل بالمقام الاول بحكم انو رد على كلامك..
اما بخصوص تارت الصراحه ماتحمست اجربه الا منك رغم اني من متابعات البلوقر مايا ميا من زماااان ع اليوتويب واشوف نتايج تجنن عليها بس كنت اشوف انو تسوق اكثر من شرخ للمنتج يخلينا نعرف ليش هذا المنتج بالذات دون غيره ..
وزي ماقلتي فيه في السوق بدائل دائما وابدا فعشان كذا ما اتسرع ..
اصلا انا ما اصنف نفسي من المبدعات بالمكياج ممكن اعرف ارسم عيوني وحواجبي بس ما توصل الدرجه اني اعرف ايش اللي يناسبني (( بذكاء )) زي ما انتي دائما تقولين ونفسي اعرف هذي الطريقه في الشراء
( يليت تدوينه عن كيفه اختيار المنتج لمناسب ) (( وياليت تاخذينا بجوله معك سواء خياليه او حقيقيه في اختيار المنتجات اللي تشترينه لك ))
طول عمري وانا اتابعك او اتابع اي مدونه ما كنت ابحث عن المنتج بقدر ما كنت ابحث عن التكنيك والملعلومات لاني حابه استفيد الى اقصى درجه تخليني اتعلم منك او من غيرك كيفيه الاعتماد الذاتي .. لانو بطبيعة الحال ماراح تجي مدونه وتعلمني ايش اخذ عن طريق الريفيوهات طول عمري .. ف يب اكيد نبغا نتعلم منك بمواضيع اخرى كيفية الاستخدام .. وزي ما انتي ملاحظه الريفيو ما اخذ حيز من كلامي مو لاني ما اعطيته اهتمام بالعكس .. بس لو كان لي الشرف وانتبهتي على ردودي تلقيني مقله بالرد ع مواضيع الريفيوهات لاني اكون ما عندي شيء اضيفه واصلا ابلم ما اعرف ايش اسألك .. كمثال الى الان عجزت القى كريم اساس يوميم يكون التوب ومايخرب بشرتي وصدقيني لو قلت لك مستحيه على نفسي لاني ابغا اعرف اكثر عن الجمال والتجميل ..
واكره مقولة المرأه الجميلة هي اللي ماتعرف عن المكياج .. بالعكس اعتبره عذر للكسل ..
وسامجيني اذا طولت عليك .. احبك سوس
صِبا قال
الله ،، أحب البلاشرز كتيييييييير كتيييييير
فعلاً متل ما قلتي ،، يعطي الوجه رونق ،، حياة ،، حيوية ،،
وبحب البلاشرات الكريمية أو السائلة أكتر ،، بحسها هيك طالعة من جوات الخد ،، بالطلات الطبيعية ع الأكيد ،،
هو طبعاً من الأشياء اللي مااستغني عنها أبداً
مع حبيبة القلب والعين ( المسكارا ? ) أستمتع
وأنا أدلل هالرموش فيها ،، مع إنو متل ما قلتي قبل
الرموش العربية مو محتاجة مسكارا قوية ??
عموماً حبيت الألوان تبعك جداً ،، ذوقك مبهر دايماً
حطي السواتش ع خدك تاني مرة ?? راح توصلك بوسات
الكترونية تمسح كل البلاشر ولا يبقى فتفوتة ?
وصباحكِ مطر ي أحلى وأغلى امرأةٍ في الدنيا ?
وأهمُ امرأةٍ في الدنيا ?
دانهe قال
يعطيك العافيه سوس على مجهوداتك وعلى هالتدوينه الجميله انا من عشاق البلاشر لو مأحطه أحس شي ناقصني وإن شاءالله سنة ٢٠١٦ سنة خير وتوفيق لك يارب?
لجيناا قال
من زمان قريت الموضوع يمكن حتى قبل لاأحد يقرأ لكن انشغلت
المهم مره استاء لما تنزلين تدوينات عن المكياج ، مو عشان شي بس لإني صعبة في خياراتي.
مثلاً أقرر اشتري ولما اروح المحل احتار واجلس كذا ما أسوي ولا شي وتضيع مني الأسماء رغم أني أحياناً اكتبها لكن تضيع الاولوية. ومن زمان احس أني لازم اشتري مكياج جديد غير اللي عندي واغيره كله ، ولما تنزلين تدوينه ميك أب تتسع خياراتي وتصير اصعب. غير كذا المدينة اللي أنا فيها سيئة ومافيا محلات ولا فيها كثير خيارات.
المهم كل تدويناتك أقف عندها مطوّلاً وامخمخ عليها دايماً.
المهم نسيت ابارك لك في التدوينة السابقة ، مبروك والله يوفقك دائماً وابداً. ❤️
rzon قال
صباح الخير ? ، اول شي مس يو ? ، ثاني شي حاسه بغبنه لأن تدوينة الثرثرة كتبت رد مطول وعيا يرسله ورجعت كتبت وبرضو عيا لا ينزل انغبنت مره ?? في النهاية يأست وتركته ? مدري وش المشكله ، نرجع لموضوع البلاشر مررره حبيت الوانها الالوان الدافية جميله احبها مره ومع مكياج خفيف ايي ? ، وحبيت مكوناتها وبتصير من قائمة المشتريات ان شاء الله ???.
Meemoom قال
مواصفاته جميله جداً
عني انا يعجبني منتج بلاشر فيه كذا درجه
وانسب لون لبشرتي الوردي الفاتح جداا
اما بخصوص السعر ف اشوفه حلو واقتصادي
بالنسبه لاربع درجات مع بعض
شكراً لك ❤️
Taraf_1992 قال
صباح الخير ياقميلة ، بخصوص تدوينة الثرثرة كانت رهيبة وحبيت صراحتك وبعض افكارك فعلا لكن للاسف قرأتها متاخر ولمن جيت برد جاء ع بالي انو مرة متاخرة وماحتشوفين ردي مع كثرة الردود ماشاء الله كويس نبهتينا ع هالشي عشان ماشيل هم اذا تاخرت لووول ??، اما بخصوص تارت دخلت قلبي هالماركة رغم ماجربت منهم شي لكن ريحيتيني لمن قلتي انها طبيعية اغلب شي باذن الله حجرب منهم الاساس اللي اتكلمتي عنو والايلاينر كمان ?، واخيرا احبك كافي اتعلمت منك اشياء كثير كنت جاهلة فيها ربي يسعدك ولو كل الكلمات ماتعبر اللي بداخلي لك ?،، شطحت رومنسية ????..
aaa_02 قال
صباح الورد..
ماركة تارت عاجبتني وفيه أشياء أفكر اشتريها منهم
من ضمنها الأرواج والأيلاينير وشكلي باضيف البلاشرات هذي
لمشترياتي منهم…
لكن أنا عندي مشكلة في الفرش أبغى فرش تلقط اللون وتوزعه
بشكل صحيح…فياليت تنزلين لنا تدوينة عن الفرش اللي جربتيها وتنصحين باقتنائها…
NaNa قال
اهلين سووس .. صباحك جميل مثلك ..
وألف مبروووك لك التصدر .. تليق فيك الصدارة وتستحقيها بجدارة < لو اشد حيلي شوي باكتب قصيدة هههههههههه
بخصوص اللي تسألك انتي تميزنا أو لا ؟ إذا احنا نميز بعض فما بالك فيك انتي .. كثير بنات اقرا تعليقاتهم هنا واذا قريت تعليقات الانستقرام اميزهم
علاقتك المميزة معانا اثرت في علاقتنا ببعض ..
اما اللي تعتذر عن اللهجة الحجازية ما الومها ههههههههههههه صارت فينا عقدة من كثر ما طقطقوا على لهجتنا
قاتل الله العنصرية هههههههههه
….
البلاشر بالنسبة لي شي اساسي .. اشوف انه يضيف رونق وحياة للوجه وبدونه الوجه باهت .. ومهم انه ما يزيد عن الحد المعقول .. بيصير بشع
حبيت الألوان مرة .. تنفع للاستخدام اليومي (عملية) .. والمنتج اقتصادي ٤ الوان بذي القيمة يا بلاش .. واضح حتى من طريقة التعليب انهم اهتموا بانه يكون اقتصادي
بس كأنهم بالغوا بحكاية الطين هههههههههه .. عاد انا اذا حطيت ماسك طين وجهي يتحسس فوصفهم مو مغري بالنسبة لي لان اتذكر الاحمرار والحرارة
بصرف النظر عن وصفهم .. حقيقي الألوان جميلة وهي الآلوان اللي احبها عموما..
شكرا لك سووس ما قصرتي
وبخصوص الاسئلة المتكررة الخاصة بالتدوينات السابقة ممكن تفردي لها تدوينة .. الاسئلة الاكثر شيوعا < كيف بس ؟ يعني غير تدوينة الاسئلة المعتادة
والله يعينك لاننا شعب يعشق الاسئلة كل شخص يبي اجابة خاصة له برغم كل المعلومات موجودة بس تحتاج شوية بحث واطلاع
نحبك سووس …
ماريا قال
وش هالبلاشرز ياربييي
تنوكل هههههه
ألوانها شهيّه جداً وحبيت قوامهم
تحمّست أجربهم والله
وصح فعلاً فيه كذا ماركه تنتج منتجات نفس هالقوام وقريبه من الدرجات وأرخص.
وكون المنتج مكوناته طبيعيه رايح يكون سعره أغلى طبعاً
البلاشر بالنسبه لي شيء أساسي
مثله مثل الماسكرا
هههههه
بحط ميك اب بدون ماسكرا؟ طبعاً لأ
فعلاً أستغرب من الي ماتحط بلاشر
أحسه يعطي رونق وحياة للبشره
ودرجتين من الي عرضتيهم تناسب بشرتي
ننتظر تدوينتك السريّه
كوني أنتِ.
soso قال
يعطيك ألف عافية توسة
من جد مجهوداتك واضحة ما شاء الله عليك .. عن نفسي أتمنى أكون اخطبوط عشان أنجز كل اللي علي مو عشان أنجز أكثر .. والله يعطينا القوة والعافية
عندي سؤال توسة ..
إذا وحدة عندها عيوب بخدودها من حب شباب، حفر ، مسامات، .. الخ هل البلاشر راح يظهر العيوب أكثر ؟ أو ممكن نقدر نحط بلاشر بدون خوف بس راح يتعبنا شوي بطريقة الحط والتكنيك؟
على فكرة أرتوس إذا سألتك أصير أرجع للتدوينة كثير عشان أشوف إذا رديتي، ممكن يمر أسبوع أو أكثر وأنا أشيك وأحيانا أقعد أقرأ ردودك للبنات فأحس إني أتابعك من خلال المدونة أكثر من الانستقرام
ودمتي دايم بود
miss Reem قال
فعلًا البلاشر يعطي تأثير حلو مررة .. مرات كثير أحطه بدون أساس ويطلع يفتح النفس , يعطيك الف عافية توسة , ما ننحرمش منك .
شيخآآه قال
يعطييج العافية ❤️❤️
nadia قال
تدوينه رائعه كروعتك…
سلمت أناملك..?
Rawan قال
يعطيكي العافية آرتوس مجهودك جبار
اكثر شي يعجبني في تدويناتك
المصداقية
لأنو كثير صاروا يدونو مجرد اعلانات بدون أي شفافية
حبيت البلشرات بالذات انو حجمها صغير وألوانها جميلة
بس المشكلة أنا لازم اقرأ ريفيوز مرة كثير عشان اشتري أي منتج تجميلي وأحاول اشوف اراء الناس اللي بشرتهم قريبة مني
مجهودك جبار وتستاهلي انك تتصدري كل الدول العربية ومنها للعالمية ان شاءالله
بس لازم ترجمة بال English ?
على فكرة، حبيت تدوينتك عن شريك الحياة ومررة اتفق معاكي بس ماأمداني أرد لأنو عندي كلام مايخلص?
?ربي يحققلك مناكي
Rehab قال
حبيت شكل العلبه والبلشر ، بالنسبه لي البلشر من مكملات المكياج يعطي لمحه حلوه للوجه بشكل عام.
فيه حركات تشويقيه ليوم الخميس ?.
حمده قال
الله يعطيك العافيه تدونيه جميله واللي يحمس فيها المصداقيه ووصفك للمنتج
اللوان البلاشر حلووه
??????
Nouf قال
مساء الخيير ، فعلاً زي ماقلتي صفقة
جداً رابحة والأحلى حجمها صغير فأتوقع
ماراح نتوهق فيها قوه لوول هالفتره في
أشياء كثير مغريه للطلب أون لاين لكن
صايبني فتور آخر شهر في السنة مااودي
أسوي شيء إطلاقاً ، وعلى طاري ديسمبر
كنت أول مقتنعة ب(في ديسمبر تنتهي كل
الأحلام) مع إني ماقريت الرواية لكن فعلاً
الاسم لامس قلبي إلا أمس فيه شيء من
أول كنت منتظرته وحصل لي أمس (: حبيت
ديسمبر حالياً لوووول صدق اعطاني تفاءول
لنهاية السنة الحمدلله ، وشكراً لعطائك
اللا منتهي ومن الحين تحمست للتدوينة
السر *قلوب*
Jooda ? قال
تدرين عاد اول مااشوف تارت آشوف. كلمة جمال
جربت الاساس وجربت الكحل وجربت شدو فعلا فعلا جميله ناسبتني مرة
وابي مثل حقتك انا عندي هوس للبلاشرات احب يكون عندي كثير لدرجة احتار وش احط واحب حتى بالبيت احط كذذ احس تعطي للوجه حياة مدري كيف آوصف
وعلى طاري انه محد يرجع ويشوف ردودك لا والله اذا سئلتك ارجع اشوف الين تردين علي
ارتوس لو بتسئلين متابعاتك عن كلمه قلتيها بااحد التدوينات بنجاوبك
لاننا نقرأ بتمعن وبشغف وحب
آلف شكر لك
maryam قال
يسعد مساك ارتوس
ماركة تارت من الماركات الي حبيتها و ان شاء الله اقتني منهم كم منتج في بالي
ونقطة البلاشر اشوفه اهم من اي شي ثاني في المكياج
انا مرات احطه بدون حتى ما احط مكياج يجمل و يحلي الوجه
وفي الاخير قلووب إلى عندك
tanya قال
سوالي شو الفرشاة التي تفضلينها الي حط للبلاشر
شكرآ لك
ساره قال
تستاهلين اكثر من التكريم تعبك معنا و تطوعك في تثقيف بلدك والله يا ارتوس احنا فخورين فيك الله يجازيك خير الجزاء و يوفقك و يبلغك مرادك و يبارك في وقتك ،،بالنسبه للبلشر انا بشرتي جافه و نقطه انه يرطبها شي ممتاز بالنسبه لي و مشكورة يا عسل مرة اخرى?
.... قال
مدري ليش انا ماعندي الا ثلاث الوان بلشر وقديمه بعد يبي لي اجدد وافكر اخذ من ماك حالياا …تدوينتك حلوه وتفتح النفس بالالوان حسيت اني ظالمه خدودي خخخخ ..يسعدك ربنا ومتحمسين ع التدوينه الجديده
meme قال
يالله يارب نفرح معاك ….
تو ماتحمست للسنه الجديدة ..
ارتوس ايش رايك تتكلمي عن ميول لشخص وكيف يتعرف عليه
عندي فضول اعرف وظيفتك احسها ممتعة…
with love…
Bishub قال
مساء النور بما إنه ليل ..
البلاشرات جمييلة وواضحة ألوانها وتارت غني عن التعريف .. تصدقين قبل سنة ماكنت أحط بلشر ولو يصير مايصير ماحطيت ووجهي مثل ما قلتي صفحة ومبسوطة عليه ? لأني كنت استخدم بلشر لون غامق ويطلع شكلي لعبة وماعرف كيف أحطه كنت أحطه على بداية خدودي فيطلع شكلي أستغفرالله فكنت أشوف العيب بالبلاشر أما إيدي إسم الله عليها فنانة !? و زي ما قلتي قبل إن أغلب اللي حطون ماكياج يكونون فنانين أو يعرفون يرسمون هالكلام جد لأن أنا وأختي نعرف نرسم فتشوفينا نتعلم بسرعة ونرسمه بإتقان “بذمة و ضمير” يعني أشوف المقطع على يوتيوب وخلاص أبدأ أقلد صح .. لا تردين على الردود لأنها بتضيعنا وبتضيع وقتك ويمكن مايقرءونها الأحسن تحطين الأسئلة المهمة في مدونة وخلاص كذا تتأكدين الكل راح يقرأها ? ?
مروج قال
ارتوسة ?
طلعيلي ماعليك امر شي من اختراعاتك تطولني
غير النطنطة والتعلق بحديدة لين تتفكك اضلاعي ??
عمري 18 بس يقولون الطول يوقف ف عمر 21 ولا !!
ملاك-سُ قال
أحس دخلت قلبي مُنتجات تارت بس للحين ماجربت شي منها
وانا مثلك مره انصدم من اللي مايحطون بلاشر خيييير فاهمين غلط مايكمل المكياج الا فيه ??
ودمتي بحُب سوس..
Monsh_ قال
صبآحك نقاء..
آولا الشكر لك ولآ يوفيك آنتي أكثر آنسانه فتحتي مداركي وعقلي على أشياء لأنك انسآنه عندك فكر وعقل رآقي ومؤثره..
وآخلآقك وآسلوبك المحبب بصرآحه تنحبين جدآآآ ..فرحت لك بالتصدر فعلآ الانسان اللي يبي يوصل لهدف معين مآيعيقه شي لان له هدف وآضح للوصول ?
المآركه ذي لهآ مكانه بقلبي فعلا عندهم منتجآت تستحق
شكلهآ كيوته وذكرتني ببلآشرات برجوا عندهم لون Rose Mandarine جمييل بس فرشته سيئة قاسيه جدا والبلآشر ما يطلع مع اي فرشه هذا عيبه..
الحجم عجبني عشآن شنطه المآكياج اللي في شنطتي صغيره ..
آكثر لون حبيته Embellish والأحلاء انها مجموعه?
فرشة بودي شوب للبلآشر توي آستخدمهآ حبيتها مره لطيفه
ترى جآني فضول لتدوينة الخميس ودي آعرف??..
تآكدي دايم نهتم بردودك سوا هنا او الانستقرام لان منك نستفيد ?
حبي وآشواقي لك?
aljamilaaa قال
والله يارتوس اني احس الفخر والسعادة الي ماتوصف لا عرفت ان فيه متابعين لك عرب غير اهل السعودية والخليج. ويارب ماننحرم من هالطلة الرائعة.
بخصوص موضوع البلاشر انا وحدة البلاشرات عندي محدودة عشان كذا فرحت بموضوع اليوم وحبيت ماركة تارت لانها طبيعية واسعارها معقولة.
lamees قال
كيفك سوس تصدقي مررة فرحانة بنشاطك ماشاء الله اللهم زد وبارك وبما ان وقت اختبارات دحين مدونتك هيا مصدر الترفيه بالنسبالي في وقت البريك حتى لو مافي تدوينة جديدة ارجع للقديم واعمل تجديد لمعلوماتي طبعا ما اكتفي بالرد القصير دا تستحقي اكثر منو ع الجهد اللي تعطينا هو جزاكي الله الف خير ( ترا جد ودي احضنك بقوووووة ياخي احبك والله ) المهم لي رجعة إن الله
ايوة صح سوس هل لك وقت معين تشوفي فيه الايميلات ابغى ارسلك ايميل في كلام بقلبي نفسي اوصلك هو بوسات بوسات بوسات
دمتي بحب للاسف ما اعرف اعمل الايموجيمن اللاب ولا كان حطيت قلووووب وبوسات.
lamees قال
نسيت اقلك ترا ناوية على المدونة في الاجازة ان شاء الله ربي يقدرني اعلق في كل المواضيع فيس بقلوووب
beautyin_simplicity قال
تعجبني منتجات تآرت ? وطلبت البلاشرات متحمسه اجربهم ،ربي يعطيج العافية ??
noooarh قال
تسلميلي توسه ع المدونه بصراحه كلامك يعجبني بقوووه والألوان تفتح النفس عاد انا مستحيل استغني عن البلاشر….
يعطيك العافيه ي قلبي….
saeedah قال
حبييييته كثيــررر اولا شكله جذاب وكيوووت??
ومواصفاته ممتازه كافي انه خالي م العطور والاحلئ الوانه ناتشورال ..مع اني صرت اتحسس م المنتجات اللي تدّعي انها تساعد وتحسن البشره لان قبل مده انجنيت وشريت بالهبل من منتجات شركه فيزيكان فورميلا وماعجبتني وايد الالوان باهته ماتوضح واضطر ازيد كل شوي.. بس للامانه مسكراتهم كانت مثل ما ابي خفيفه وتصلح للدوام واضائتهم بعد زوينه.
ربي يسعدج سوس امووووووت علييييج والله ???
فاطمه مسيفر قال
السلام عليكم
ي حيا الله ارتوس
آه البلشرات. و ما ادراك م البلشرات مكياجي يعتبر عدم اذا ما حطيت
حبيت epic احب التون الدافي للبلششر لانه يناسبني الالوان الصارخه تسوي هوايل ههههه
اما انه غرت بصراحه بس الامارات ومصر من بعد السعوديه انزين و البحرين ??
اما كونسيلر نارس حبيته لكن حاليا عندي كونسيلر ال اي قيرل و حابته وكررت شرائه من حبي له هههههه
وبس والله ننتظر طلتج بكره هذاني رايحه حق مدونة شريك الحياه اسولف دام عيالي راقدين ?❤
دمتي بود
حضرميه .. قال
بلاشر تارت اكثثرر شي يعجبني فيهم انه بعد فتره يندمج مع لون خدودك الطبيعيه فيبين طبيعييي يعجبني جدا مجربتهم قبل سننين ولازلت احبهم اكثر من غيرهم للأمانه للحين ماجربت ماركات عالميه ك جيرلان وديور وشانيل .. لكن لو بجرب منهم بجرب جيرلان الوانهم تدخل القلب ..
تدوينه جميله مثلك يالقلب ???
حضرميه .. قال
قبل سنتين اقصد ?
Reemiia قال
انسانة معطاءة بشكل .. ربي يحفظج
Reemiia قال
ترى متابعينج من قطر بعد
Ara قال
ماشاء الله طرحك جداا جميل و انا جدا معجبه بكلامك..
ميما قال
مراحب توووسه
من زمان ماعلقت على تدويناتك
عموماً قريت التدوينات و معجبة فيها كالعاده
البلاشرز هذي احسها تنوكل
الوانها فتنه احسها تناسبني
موفقه و منتظرين تدوينتك الخميسيه
toomaa قال
اول شيء تستاهلين تكونين الاولى على العالم كله مو بس كم دوله
لانه بجد وبدون مبالغه ماقد استفدت من مدونه كثر مدونتك مع احترامي للبنات ولتعبهم بس ما يقنعني بشرح المنتج الا انتي لانك تشرحي بضميرر
عموما انا من متابعاتك بالانستقرام والمدونه ويمكن علقت كم مره لكن تاكدي مختمه مدونتك من والى ويمكن لو تساليني بجاوبك
تارت جربت عندهم كم شغله بس فعلا اثبتت نفسها بين الماركات الاخرى وخصوصا مالها وقت طويل من طلعت وانتشرت ف يعطيك العافيه على التدوينه اللطيفه …
amal.graphy قال
مسائها حُب يَْا رَبْ?
..
أكثر شيء يغريني لشراء المِكيَاج هو :
*طلته الرقيقة من حيث ألوانه الزاهية
*ريحته البودرية النظيفة الي تخليني أدمنه و أشمشمه كل وقت > مخدرات أنثوية ههههه
..
و إعترافاً مني ، ما كنت أقدّر البلاشرات و كنت أشوفها شي ثانوي يمكن الإستغناء عنه – بالنسبة لي – كنت اهتم اعطي أنفي طلة أنحف اكثر من اهتمامي بإظهار جمال خدودي << كنت وقتها مربربة و متعقدة منهم هههههه
بس متابعتي لتدويناتج البلاشراتية? عطتني قرصة ف خدي
خلتني في أول طريق إدمانهم و التمتع بجمالهم ?
..
أنا من النوع الي أميل للطبيعة في مجمل حياتي
كل شي بسيط و حبوب و مريح للعين أميل له
و المكياج واحد منهم ، و كون ماركة تارت مختصة نوعاً ما في هالأمر
متحمسة أطلب أساسهم الي تكلمتي عنه و هالبلاشرات
تبقى نقطة أتعرف منها على الunder tune تبعي .. لإني ما زلت تحت مرحلة الإكتشاف
..
عوافي يا قلب على هالجهد الأنثوي الجبار
by the way :
إذا حبيت شخصية ، قلبي يبكي ، لإن وجودها في حياتي نعمة لا تستحق إلا الدعاء بإن الله يديمها و يحفطها مو بس عشان أنا أستفيد
لا ، لأنها شخصبة تستحق البقاء بـ خير ??
Areej قال
مساء الخير غاليتي حابه اشكرك من قلب على تفانيك في طرح الفكره اتابعك من ايام منتدى شمواه من ذيك الايام>> ايام ثوره المنتديات وانا خاطري اقولك الله يسعدك قد ماتسعدي العالم وتشرحي وتفصلي في الموضوع لين في نظري توصلي الفكره الصح حتى تستوعبها جميع الفئات بس دايم احس الوقت الضيق وافكاري مي جاهزه اني اشكرك شكر يليق بمجهودك وابشرك اليوم جلست على المدونه وحسيت اني فعلا طولت في الرد >> عمرك شفتي وحده تبغى تشكرك من ٥ سنين ولا يمكن اكثر بس طبعي احب اتابع بصمت واسمع من بعيد خصوصا في مواقع التواصل الاجتماعي بما اننا شعب نحب ننتقد اكثر من اننا نشكر ??
فعلا الف شكر من قلبي لك ماتتوقعين قد ايش افرح لمن اشوفك وانتي تشرحي وتفصلي وتعلمي البنات على كل شي جديد شكرا لانك خليتيني ولاول مره في التاريخ اجلس واكتب رد >> حدث تتريخي ومن قلبي الله يسعدك قد ما افدتي ولو بشي بسيط اي احد يتابعك
Manwella_321 قال
صباح الفل والياسمين ? تسلم ايدينك على هالموضوع الجميل وهالكياته بتصوير هالصغنونات_عجبني حجمهم_وكالعادة جاري وضع المنتج بالوش لست ونحاول نجربهم باقرب فرصه قبل يخلص عرضهم….وعندي طلب ياجميله انه ياليت تعطيننا من وقتك وعلمك وتنزلين مواضيع تتكلم عن تكنيك وضع المنتج..لانه زي ماتشوفين اغلبنا عندنا منتجات توب بس ماعرفنا نستخدمها صح…. يعني لو تكرمتي من فتره وفتره نبي موضوع عن طرق مد الاساس او الكونسيلر او البلاشر وهكذا….. وربي يعطيك حتى يرضيك ? وقلوووووب من القصيم لبيتكم
Rosa قال
أهليين وسهليين
تدوينة جمالية جميلة جداً
أعشق من الشغلات الميني البلشرات لو يكثرون منها أحلى خاصة إنها تطول
وتارت من البراندات اللي متحمسة أجربها
أحب تعليبهم كثير ، ودي أجرب قلوساتهم وبلشراتهم وكريم الأساس
تدوينتك رايقة حبيتها كثير كثير
تتهنين بالبلشرات يا رب
البرنسزز قال
تسلمي الله يسعدك واختي حابه اسالك اش نوع الكاميرا اللي تستخدميها وهل تنصحي فيها للصور العائليه والمناظر الطبيعيه ولا ماجربتي^^
د
نيفيربيتو قال
مرحبا مرحبا لي فتره مادخلت المدونه بسبب الامتحانات حتى بالاوف صرنا نداوم المهم تارت من بعد ماكتبتي عن كريم الاساس حقهم وانا متحمسه اجرب منهم الالوان حلوه عجبتني لو جربتهم برجع اعلق هنا عليهم ، يعطيك الف عافيه ارتوس
اليوم شفت بالانستقرام ردودك ع البنات بخصوص الرياضه جد ضاق صدري كنت جدا متحمسه لتدوينات الرياضه منك لانه واضح انتي فاهمه بهالمجال جد ارتوس نبي نستفيد منك لو تألفين كتاب عشان حقك مايضيع صدقني بيستفيد ناس كثير منه وبنفس الوقت حقوقك موجوده فيني الصيحه لاني كنت متحمسه ع تدويناتك الرياضيه وشششكررااا ششكرراا .
malak قال
حبيت وصفج لها وحبيت انها تعطي مظهر طبيعي للبشرة
الصراحة حسيت براحة لما عرت ان كل الردود توصلج بعض الأوقات أكون متاخرة عالتدوينة وأقول خلاص ماراح ارد ماراح تشوفه
الصراحة فقدنا الأسئلة الخاصة عنج وثاني شي ياليت تتكلمين بمدونة عن خطوات الأساس لأني أنا أحس مابعمري ومهما جربت وبحثت بوصل للطريقة الصحيحة يعني ما اعرف اخفي عيوب بشرتي بالميك اب حتى اذا استخدمت خافي عيوب وحتى الهالات عجزت اخفيها بالميك اب ماعرفت
Sara قال
احسها رح تكون مناسبه للبشرات الفاتحه ? الالوان جذابه صراحه ❤️
بس الى الآن ما اقتنعت بالماركه ??
Dandy قال
صباح /مساء الجمال عليك ارتوسه
تدرين الصدق
احب ثرثرتك اكثر من اي شيء ثاني
احيان ادخل على تدويناتك اقرأ المقدمه واكتفي فيها لو كنت غير مهتمه بالمنتج
وعاد انا قريت عدد كبير جدا من مواضيعك ولكن ماكنت اعلق
عبالي الموضوع يبيله شغله /ههههه
بالنسبه لي حببت لونين جدا ودخلوا قلبي ولكني بالرغم لعشقي بالمكياج
ما احب اصرف عليه كثير واصرف فلوسي في منتجات العنايه
افضل وافيد
واكن الالوان فعلا جميله وممكن اتحمس واقتنيها
gona be crazy قال
مشكورة ي روحي ع هالموضوع ارتوس عندي طلب كل ما ابي اكتب كومنت لازم انزل تحت و ما شاء الله تبارك الرحمن الكومنتات واجد و طويلة و اخذ وقت و انا انزل تحت عشان اكتب الكومنت ي ليت تعدلينه و تخلين كتابة الكومنت فوق .. و عندي اقتراح ليش م تنزلين بالتدوينة الجايه الميك اب كولكشن عشان نشوف و نستفيد بطريقه الترتيب و شلون نخلي اطلالة الميك اب حلوه و نزلي تدوينه عن ازاله الرؤوس السوداء الي حول الانف
nonaa__all قال
صباح الفل والياسمين ، مممم انتي نفسي امووت ع البلاشرز بس مو كل الالوان ، يعني الترابيه والبيبي بينك باختصار الالوان الفاتحه واحب اللميع ، وبلاشرز تارت عجبني منهم هاللون Embellish يمكن عشانه لميع ، صارلي مده احب الشي اللي فيه قليتر هههه مدري شفيني ، نفس مالت كلربوب الشدوات عجيبه
aljuharah قال
صباحك ومساك جوري
حبيت البلاشرزصباحك ومساك ورد
حبيت البلاشرات احب هالدرجات واحسها تناسبني وتبين طبيعيه
لكن مثل ماقلت بالانستا شفتهم بالموقع وعجبووني كثير واضفتهم للسله لكن رجعت وحذفتهم
الأهم فالمهم بس أخذت عاقصه الرموش مدري اذا كذا اسمها او لا هههههه
سلمت يدينك أرتوس
وقلووب حب وشكر وإمتنان لعندك
aljuharah قال
اسفه عالاخطاء لكن اكتب بالاب ولايوضح الكلام اضطريت اكتب بنوت ونسخته وطلع مكرر بالب
Asil_112 قال
معليش ياعسل غلطت لخبطت بين تارت وكلر بوب ونسيت انها ماركتين تختلف عن بعض اعذري فهاوتي
Hafsa قال
ضيعتي فيني الايام لما قلتي الاربعاء و الخميس ترجعي تطلعي ..
حبيت الالوان كثير ^_^ بالعادة ما أخذ شي إلا و رحت و سويت عليه بحث، أكيد تجيني هفوات و يعجبني شكل العلب ههههههه ، لكن صدقاً بديت أعيد الحسابات فيما يخص المكياج و التكديس مؤخر اً، أكيد يعني ما رح أترك شراء المكياج ههه بس صارت لي صحوة اقتصادية وما كانت بتجي إلا لأن ما عااد فيه مكان للتخزين و أكتشف مرات اني أعلق على نفس المنتجات و منتجات ما أوصل لها لأنها مرتبة بالذات الارواح ، لكن هالمنتج عجبني و شكله بالفعل الالوان حلوة..
::
أرتوس أنا معك في كونك لو رديتي على المواضيع ممكن ما نشوفها، مع اني أرجع لمواضيعك القديمة و أقراها و أشوف لو رديتي علي، بس منفهمه انه جداً صعب عليك، و لكن الثقة بكلامك انك تقرأي هذا المهم و هذا اللي مصدقينه ولله الحمد ..
::
قلبي سَوس ضيفيني للعمانيين المهتمين (مواطن واحد بدولة كاملة لووووول) عاد أغار لما تقولي بس الامارات و مصر هههههه ..
::
و عسى نشوف منك تدوينة ترتيب لضيافة، ترتيب لمكياجك، ترتيب لغرفتك (مأثر فيني موضوع الترتيب و التخزين) أحب أنهل منك المعرفة .. يا كبر أجرك عند ربنا 🙂
دمتي بود ✿
mimi قال
يعطيتس العافيه ياملي??شكل المنتج كيوت وينفع للطلعات بس صغر حجموه يددننن?❤️❤️عاد توي ادري عن الية ارد احياننا اصير مشغوله واتاخر اقرى التدوينه واقول ماراح تشوف ردي فما اكتب رد????استه وش احسبوه??
سمية قال
كَ العادة ، تدوينة جميلة جميلة جميلة ❤️
شكراً أرتوس ،
najwa قال
يسلمو
dream_5454 قال
مساء الحب مره ثانيه?..
تصدقين عاد دايما مقدمة التدوينه كلامك فيها عفوي ويجنن خذي راحتك دايم واكتبي شو مابدك
حبيت البلاشرات حسيتها من جد شي دافي وحنون ..عاد تارت ماركة اختي المفضله ران ألفت نظرها لهالتدوينه متاكده بتعجبها..لوف يو?
سعاد الزهراني قال
اول مره ارد على مواضيعك مع اني مستحيل افوت موضوع واحد لك حتى مواضيع الميك اب اللي انا فاشله فيه لازم اقراها احب كلامك واسلوبك وثقافتك وكل شئ ماشاء الله الله يحفضك
صح بيني وبينك فروق كثيره في القناعات بس تفكيرك يعجبني مررره كل افكارك انقلها لاهلي وصحباتي ابدا ماتبخلين بمعلوماتك
واكثر شئ انبسط على مواضيع الثرثره اتمنى مايخلص كلامك ممتعه ممتعه بدرجه فضيعه يابخت اهلك وصحباتك
اتابعك من ايام منتدى شمواه بس ولا عمري رديت دايم اقول ايش فيه شئ بقوله بينفعها
بس مقدمتك حمستني اقولك اللي في قلبي
الله يسعدك دنيا واخره ويدخلك الجنه بلا حساب ولا سابق عذاب
ABRAR قال
السلام عليكم ، صراحه حساباتك جدا مفيده وانا مرا استفدت منك مع اني م أتفاعل كثير و كل م ادخل هنا أكون متاخره و م ارد ، انتي انسانه جدا راقيه و انتقائك للمواضيع تعجبني و اسلوبك بالطرح الله يسعدك و يوفقك ❤️❤️
Umzayed قال
حبيتتتتهم من القلب الوانهم تجذب ومع وصفك صاروا مست هاف
نوال قال
ارتوس ي حبي لك جد انتي مواضيعك غير كل الناس
المصداقيه توقفت عند البعض عشان بس كم قرش ياخذهم من الاعلانات
اتمنى لك التوفيق الدائم ..
عندي شي بقولك مره رديت عليك كلمتيني كانك تعرفيني انا حسيت واو من قدي ارتوس ردت علي لكن طلعتي تحسبيني وحده ثانيه هي نوال الي اول الردود رديتي عليها ^^ ( ودي اني مصدقه نفسي زي اول :'(
Ibtsam قال
السلام عليكم ،اولا احب اشكرك على هالمدونة الرائعة و المميزة و حابة اقولك امي اخذت ماسك الانزيم من كلامك و اعجبني جدا رائعا بس بسألك انا لي تقريبا سنة من لما كنت في امريكا جاتني حساسية على جنب الخد الايمن زي البقعة الصغيرة تتقشر و تحكني و شفايفي تتقشر اطرافها و تلتهب ولما ارطبها تهدأ بس ماتختفي و طبعا لما استخدم المكياج اليوم الثاني تزيد الحساسية وتتقشر من جديد طبعا رحت اول ماطلعت لي لمستشفى في امريكا و قالت شفايفك بسبب البرد والدفايات تطلعين من جو حار لبارد والعكس اما اللي على خدي اعطتني زي الكريم قالت استخدمه ٣ ايام و اوقف لانه بيفتح البقعة ،،و رجعت السعودية و هي مستمرة تهدأ الحساسية واذا استخدمت المكياج تزيد و خصوصا ماركة ذا بالم و ارواج.ماك صرت مااتهنى لما احط مكياج مع ان قبل ماكانت معي هالمشكلة كنت استخدم المكياج مايسبب لي مشاكل و وحت لمستشفى في المملكة و قالت لي الدكتورة اشربي ماء فقط ،،،ماعطتني شي و لا سوت لي تحاليل بس سويتها في امريكا كل شي كويس حتى فيتامين د تمام ، الحين المشكلة مستمرة كل مااحط مكياج ترجع الحساسية و صرت مااتهنى احط ارواج و مانفعني الا فازلين اخر الليل اما باقي المرطبات مانفعتني وانا مااستخدم المكياج بشكل يومي. و اشرب ماء كثير و غذائي متوازن و وزني متوازن مع طولي و عمري ٢٦ و استخدم حبوب الياسمين ووقفتها هالشهر قلت يمكن المشكلة منها وشرايك ؟!
Shosho قال
البلاشرز اساسسسية بالنسبة لي سواء مع بيبي كريم او قاونديشن طلتها غيير و تعطي مظهر حلو
حبيت نصيحتك بخصوص اللي مب حابة تشتريه و فعلاً حسيت اني مب حاجته لان ما يهمني طبيعي او يفيد ،، و عندي ميزانية معينة للميك اب احاول ما اتخطاها
بسس فعلاً الوانها جميلة و مغرية?