مَساء / صباح الأناقة ..
تصدقون هَالماركة لها مَعزة بقلبي مِن زَمان أيام المُراهقة وَ يمكن إللي يتابعني زَمان ببداياتي القَديمة جداً بأحد المُنتديات ..
كِنت دايم أتكلم عن ليب إنجكشن لما ما كان في الماركة غَير هَالمُنتج وَ كانت مُتوفره ببوتس لندن
زاد حبُي لها لما توسعت مُنتجاتها وَ أكيد أكيد لما صَاروا يُهدوني مُنتجاتهم ،وَ مع حبي لكثير مِن مُنتجاتهم وَ خص نَص للباكينج لكن كثير مِن مُنتجاتهم الجليترية ما تِدخل مزاجي ، وَ مهما بلغ حُبي لهالماركة بإذن الله ماراح أحيد عن النَقد المَوضُوعي
بأول إنطلاقة لأساس تو فيسيد بورن ذس واي ( Too Faced Born This Way Foundation ) ، أرسلوا لي هَالشنطة الإكسترا كَيوت لمَجموعة ألوان الأساس ، الشَنطة لحالها أعجبتني بِدون الأساسات
وَ إللي يعجبني أكثر في المَاركات الأمريكية هي الظرافة في إختيار الأسماء وَ حتى التعليب
حَبيت الجُملة المَكتوبه داخل الشنطة
Let them think you were Born This Way
يعني دعيهم يَعتقدون أنك ولدت بهذة الطَريقة
إسم الفاونديشن يَحمل نفس أسم إغنية ليدي قَاقَا بـ ٢٠١١م Born This Way
الأسم بالأسَاس كِناية عن تغطية طَبيعية وَ كأنها بَشرتك الحَقيقية
نَشوف وصف الأساس وَ وعود الشَركة كَما وَرد في مَوقعهم
Too Faced Born This Way Foundation
كريم أساس بورن ذس وي من تو فيسيد
– أساس خالي من الزيت
– يعطي تغطية مُتوسطة إلى كاملة يُخفي العُيوب بدون أن يظهر أثر للماكياج وَ لا يمكن لأحد إكتشافها ، يُعطي إشراقة طبيعبة كما لو أنك ولدت هكذا [ههههههه ما أدري طِلع الكلام بالترجمة ثَقيل دم ]
تَركيبة ثورية تحتوي على كل من :
– ماء جوز الهند اللي يعطي البشرة إشراقة وَ رطوبة
– زهور جبال الألب إللي تضوي البشرة وَ تعطيها مُرونة
– حِمض الهايلورينيك أسيد إللي يعطي مظهر أكثر شباب وَ توازن للبشرة وَ سلاسة
المُنتج خالي من :
– الفثالات
– الباربين
– الكبريتيات
– الجالوتين
– كرولتي فري ( غير مُجربة على الحَيوانات )
طريقة الإستخدام ~
لـ تغطية مُتوسطة : تؤخذ كِمية صَغيرة وَ توزع على مٌنتصف الوجه ثم تمد بالأصابع أو الإسفنجة أو الفُرشة
لـ تغطية كَاملة : تمد أكثر من طَبقة بِنفس الطَريقة السَابقة ..
بَعض البنات إذا تَبي تغطية كبيرة تضغط من هالأساس كثير بَنفس اللحظة ( ما يصَحش ) .. الزَيادة تدريجية
عَشان الوَجه يمتص وَ تحطين طبقة فَوق طبقة وَ بكذا لا يتأكسد وَ لا يصير وَجهك لا مَكتوم أو بَعد وقت يبهت من أماكن وَ أماكن لأ
الدَرجات اللَونية للأساس ،’
بَما إن عَندي كل الألوان سَويت السواتش على يَدي بَوقت ما سَويت التان وَ هذا مَوضوعي للتان ( إضَغطي هُنا )
واضح من الصُورة الدرجة المُناسبة لي وَش وَ هي درجة القولدن وَ درجة الساند ( الأساس يؤخذ نفس لون البَشرة أو أغمق درجة أفضل )
ليه ؟!
طبعاً البعض يخاف يَقول لأ بهالطَريقة راح أسَمر ماراح تَسمرين ..
لنفترض وَحدة لونها درجة البورسلان ، إذا أخذتي هالدرجة شَلون راح تفتحين تَحت عينك وَ تسوين هايلايتنق ( إضاءة للوَجه )
ماراح تَقدرين تلعبين بالهايلايتنق وَ الكونتورينق ، غَير كذا ما عَمرها الدرجة الأفَتح أعطتك مَظهر أفضل ، مُمكن تعطيك طلة رَمادية
طبعاً لما شَفت الألوان ، قلت طيب إللي لون بَشرتها أغَمق من هالدرجة وَش بتسوي ؟!
لا تَغركم تَصنيفات الألوان هنا بَتنسيق تَوفيسيد للألوان ، يَعني الكاراميل للون أوبرا وَينفري ماراح يَنفع وَ ناومي كامبل بَرضو
فطلعوا توفيسيد زَيادة ٦ ألوان ، غير الـ ١٢ لون إللي مَعي تخدم جَميع أنواع البشرة
لَونين فاتحه وَ هم ( Snow وَ Pearl )
وَ ٤ ألوان غامقة وَ هم ( Mocha وَ Maple وَ Chestnut وَ Mahogany )
بكلا الأحوال لو دَخلتوا على صَفحة الأساسات ( أضغطي هُنا ) راح تقرون بجنب كل لَون الأندر تَون الخاص به
لو ركزتوا مَعي بلون البورسلان طالع أغمق من لَون الإيفوري ، لأن الإيفوري الأندر تون مصفر يعطي مَظهر أفتح ، وَ البورسلان أندر تَون بنك يَعطي مَظهر أغمق ، بينما تقريباً هم نفس الدَرجة وَ للبشرات الفاتحة
كَثير بَنات بالحَياة وَ الأنستا أعرف طَبيعة أسألتهم تَقلك وَش درجة الأساس حَقك ، عأساس هَي كذا تبي تَعرف لَونك
درجة الأساس الوَحدة قَد تتحمل ١٠ درجات بشرة لونية وَ تدرجاتها ، مَرات نلاقي دَرجتنا لكن التَون مُش مُناسب لنا أبداً
مُمكن تَشوفينه بالعبوة حلو لونه أو ضَغطة من الدرجة تقولين وآآآو عَطاني نَضارة ، بس بُمجرد ما يندمج مَع الوجه مَع إحمرار الوَجه وَ طبيعة بشرة الوَجه الشَفافه الغير غليظة مثل بقية أجزاء البشرة تبدأ الخَبصة وَ يصير الوَجه رمادي أو ينعفس أو يَعطيك كأن وَجهك مَنفصل عن جَسم
رأيي عَن المُنتج ~
المُنتج أعطيه ١٠ عَلى ١٠ مُنتج مُمتاز
لكن بَقولكم المُميزات وَ العيوب المُحتملة ، لأن أرجع أقول أنا أعتني ببشرتي ، بَعدين يَدي شاطرة بالماكياج ماراح تَواجهني مَشاكل ..
العَناية بالبشرة هي ٧٥ ٪ من جَمال وَ رونق الأساس ، ما يَنفع تغيرين دَيكور الغرفة وَ بدون ما تَطلين البَويه
كذا كَريم الأساس إذا صَلح صلح العَمل كله ، وَ دايم بَتلاحظون بإعلانات كريم الأساس يجيبون بَنت بشرتها رَوعه وَ يمدون عليها الأساس
وَ يادوب نَشوف طبقة من الأساس شيء بَسيط ، طَبعاً ننبهر لكن الفَرق بين المُستخدم العادي وَ المُوديل المُختارة وَ المُستخدم المُحترف
لا تَحاولين تَعتمدين بحياتك آوه خَلاص بَغطيه بكوريكتر ، الكوريكتر وَ الكونسيلر وَ الفُل كَفرج يبين حُلو بالكاميرا
لكن بالطَبيعة وَ عن قُرب يَبين ، فإهتمي ببشرتك قَدر المُستطاع ، أنا أدري إنكم مُغرمين بصور الماكياج إللي تَشوفونها بالأنستغرام ..
الكَميات الكَثيفة لا تَظهر إطلاقاً بكاميرا الآنستغرام وَ لا السناب تَشات
( حَطي طن ماكياج وَ صوري وَ شوفي وَشلون بَيطلع ، راح يبين خَفيف مَره )
لكن شَوفوا مَثل صور سامر خُزامي بحسابه بالآنستا ، نَشوف حتى خَشم الموديل من جوا بالشُعيرات هههههه مَدفون باودر لأن الكاميرا دَقيقة تَلقط
حتى حساب خبيرات التَجميل الصور الإحترافية يبين الآساس فُل ، وَ أحياناً كيكي بَس لو صَورته لكم بكاميرا عادية راح يبين طَبيعي
كاميرا HD مَع لقطة قريبة تَبين الأوردة إللي بالمُخ ، نَجمات هَوليود تَعقدوا وَ خسروا أدوار بسبب كاميرات الـ HD
فالأسئلة إللي تَوصل آبي ماكياج يَبين خَفيف ، مافي شيء بالحياة إسمه بحط طَن كريم أساس وَ راح يبين خَفيف
ما يبين خَفيف إلا المَاكياج الخفيف ، اللهم حاطين من كل شيء شَوي ، شَوية أساس ، شوية باودر ، شوية بلاش ، وَ بألوان قريبة من البَشرة كله تَمويه بحيث يَظهر طَبيعي
سالفة ميك آب نَو ميك آب بطبقات كَثيفة تَبين ، وَ النو ميك آب ميك آب يبيله بَشرة مُعتناه
أدري فَيه بنات كثير تَقولك راح أحط بلاش وَ كحل وَ روج وَ الأساس بس بالمُناسبات ، برضو زي سالفة الغَرفة إللي تتغير بَدون بَويه
خاصة لو جدران الغَرفة تَعبانه ، ماراح يَظهر التَغير، أساس يَعني شيء أساسي بالمُناسبات وَ الطلعات المَسائية وَ الصباحية
بَدوامات الجامعة وَ دوامات العَمل مُمكن نآخذ واقي شَمسي مَلون يقوم مقام الأساس لو اللون قريب من لون البَشرة
مُمكن لو البشرة حلوه نَكتفي فَقط بكريم مُرطب وَ بلاش ، لو البشرة نضره بَس فيها بَقع شَوية كونسيلر على مَكان البُقع
وَ الحل بيبي كريم أو سي سي كريم لأن غالباً مُعالجات للبشرة ..
وَ بالتأكيد دَوام إنسانة يَعتمد على مَظهرها الخارجي ، غَير دوام إنسانة عَملها لا يَعتمد على مَظهرها الخارجي
فكل إنسان يَشوف وَش الأنسب له وَ الأريح ، فيه ناس ما يَقدرون يَطلعون بدون طَن كريم أساس بَرضو هُم أحرار البشرة بَشرتهم
عَليك إنتِ ببشرتك وَ مظهرك اللي تَرتاحين له
مَحاسن المُنتج وَ مُميزاته بالنَسبة لي ،’
مَن أول إستخدام لليَوم محاسنه مَثل ما هَي ، جربته بُمختلف أنواع البرايمر وَ البيس وَ بدون باودر وَ باودر ، وَ بمظهر مات وَ بمظهر ديوي
وَ جربت الدرجات الفاتحة وَ الغامقة وَ أشوف هل مُمكن يتغير وَ يعطي مَظهر مُختلف بَإختلاف الألوان ، حَتى جربته بدون بيس أو برايمر أو حتى كريم مُرطب قَبل الأساس
جربته بفرشة سيقما لَمد الأساس ( إضغطي هُنا ) ، وَ جربته بأصابعي ، وَ جربته بالبيوتي بليندر ( إضغطي هُنا ) ..
حَبيته أكثر بالبيوتي بليندر أكثر سلاسه لأن طبيعة الأساس ينشف ، يَعني سلس بالمَد لكن سريع النَشفان
فأحس لما أرش البيوتي بليندر بالفكس ميك آب من كلارنس ( للإطلاع إضغطي هنا) يَعطي مَظهر مُتجانس وَ طبيعي وَ ديوي
طَبيعة بشرتي دهنية ، خالية من الحَبوب وَ المشاكل
إللي لاحظته مَظهر طبيعي لا يَحتمل الشَك ، مَظهره النهائي مَخملي لا هو الديوي الديوي ، وَ لا المَطفي المَطفي
تَقدرين تَعززين الجانب إللي تبينه هُو بالمُنتصف ..
بالنَسبة لسلاسة المَد هو سَلس وَ سريع الإنتشار لكن مُش الأكثر سلاسة ، جربت فاونديشن أكثر سَلاسة منه
يعني يَتجاوب مع الفرشة وَ البيوتي بلندر
بَحكم عندي ألوان كثيرة مَنه ، إستخدمت اللون الفاتح منه ككونيسلر تحت العين وَ هايلايتنق ، أعطى تغطية بدون ما يَخطط
وَ الألوان الغامقة إستخدمتها ككونتور ، المُهم إني لَعبت فيه لَعب وَ عجبني بَجميع الحالات
وَ بالنسبة للثبات أشوفه ثابت بالرَغم بشرتي دَهنية وَ إستخدمته الإسبوع إللي فات أو قبله ، بس وَقتها كان الجو رطب شَوي بالرياض
وَ ما تَزحزح ، ماشَفت فيه أي عَيب ، المُنتج له فَترة عندي أجرب فَيه أحاول أطلع له عَيوب ما لَقيت خاصة إن المُنتج هَدية
فما أبي أَكون مُتحيزة بَقراري ، فَدورت العَيوب دَوارة مالقيت
جلست أقرأ لناس جَربوه أبي أشَوف وَش الإحتمالات المُمكنه ، فيه ناس طَلعوه السَما
وَ فيه ناس خَسفوا فيه ، إللي قال كيكي ، وَ إللي قال إنه تزحزح ، وَ إللي قال طلع له حبوب وَ إللي قال أظهر القَشور بوجهه
[ هذه كانت أراء بَعض المُستخدمين ]
الحل ،’
جيبي عُلبة صَغنونه عَندك ، تنباع ترى عَند سيفورا علب صَغنونه للسفر تَقدرون تستخدمونها ، أو علب ماك برضو عندهم علب للعينات
رَوحي عند ستاند الماركة وَ خذي لك ضَغطتين من الأساس إللي يَكفيك ، وَ أرجعي بيتك وَ جربيه بكذا تعرفين الدرجة المُناسبة لك وَ تعرفين هل فعلاً الأساس حَلو أو لأ ، وَ بكذا لا ظالم وَ لا مَظلوم
التَعليب حلو ، وَ العلبة زُجاجية ضغاط تُعتبر فاخرة على طريقة عَبوات توفيسيد الكيوت
العٌيوب بالمُنتج ،’
هُم مُسوقين للمُنتج إنه كله جَوز هند وَ طبيعي وَ يوحي للقاريء إنه مُنتج طبيعي ١٠٠٪
لا هو مٌش مُنتج طبيعي وَ لا مُغذي للبشرة ، هو أساس زي كل الأساسات بتركيبة جيدة وَ حتى السيلكون إللي فيه غير ضار وَ بنسبة بسيطة
أعرف أغلب البنات يووووه سيلكون ، كل كريمات الأساس أساساً أساسها السيلكون ( ما كأنه صار لغز )
السيلكون المَوجود فيه هو الديميثيكون وَ نسبة بسيطة من السيلكا ، يَعني هالتركيبة بالذات من المُفترض ما تسبب حَبوب
وَ لكن حساسية البشرة من شَخص لشخص مُختلفة ، أيضاً أتوقع التركيبة خالية من العُطور هُم مُش كاتبين بَموقعهم بس كأني قريتها بَكاتالوج أعطوني يآه ، وَ هالشيء يخليه مُلائم للبشرة الحساسة
وَ كون المُنتج يوعدك بمظهر لا تَشوبه شائبه وَ لا يبين أبداً ، هالشيء ما يَعتمد عالمُنتج إنما يَعتمد عالبَشرة
برضو الأندر تون البنك ماحسيته هالبنك البنك ، إنما يَميل للبيج نفس سياسة بوبي براون بينما فيه ماركات مثل ميك آب فورايفر
البنك البنك مَوجود بشكل شَبه صريح ، قَد يكون عيب بالنسبة للبعض لكن بما إن هالأساس مافيه نسبة حماية من الشَمس
بيكون مَثالي للتَصوير بالتَون البيج أو الأصفر تحديداً
خلاص أتوقع أكثر من كذا عَيوب مافيه ، مَفروض أروح لأصحاب الشَركة وَ أطقهم
– أرتوس وَش أفضل أساس ؟!
هالسؤال يتكرر نفس أسئلة كريمات العيون ، كل كريم أساس له طَعمه وَ لا ماكان شَرينا
البَيست عندي حالياً هالأساس للطلعات اليَومية مُش السهرات وَ أساس القَطرة ( إضغطي هُنا ) ، وَ دايم أدور أنا على الدرجة وَ التون ما أدور عالشَركة
فَلا تَعتمدون على شَركة مُعينة ، وَش الشركة إللي تصنع لونك وَ تناسب طبيعة بشرتك !! إحتضنيها إحتضاناً وَ لا يَهمك أطلقهم خبير يَمدح براند بَعينه ، فَكرة مُنتج واحد يليق على كل البَشر فَكرة شَبه خيالية ، فالله الله بالَتجربة
وَبس ..
إنتظروني بَتدوينة جَديدة يوم الأحد
دُمتم بَحب
تم
هلا هَلا
صباح الفل
صَبااااحو للقُمر
والله انا توهقت فيه هههههههههه
هههههههههههههه حَلوك
حججججججز مكااان ياااي وناااسه ?????
نَورتيني يا خَلود وَش رايك وَ أنا مَتذكرة إسمك
للي يتذكر أحبابه أحبابه يتذكرونه >انبسطت وابتسمت > خلاص عيوني دمعت ،، سبحان الله م توقعت اني احب احد من خلف الشاشات كثرك ،، ربي أسعد قلب هالبنيه وافتح لها كككل أبواب الخير ? والف شكر ع التدوينه شرح رائع ومفصل ودقيق يسلمي الانامل ?
لَيش لأ ، أهم شيء أرواحنا تَلاقت ..
وَ بالتأكيد ، وَ عُموماً الشُكر لك على مَواقفك الحَلوة بَحقي ..
حُبي لك
تم
هههههه فازوا عَليك تدرين ليه ؟؟
لأن شكلك جلستي تدورين زر أقرأ المَزيد لوووول وَرطتك
هههههههههههههههه اصلا مااحط اقرا المزيد بس التهيت ثواني عيونهم لازم لازم يغسلون لي
ههههههههههه بَسم الله .. أتوقع حَرقتي جَوالك من التَحديث ..
سلامة عَيونك ، تفوووو تَفووووووو قبل لا أفرش أسناني وَ أنام
ههههههههههههه الا اعدمت الايباد من فيش لفيش انا واللشاحن
وبعدين تفلتك فيها ثوم والا نظيفه يامجرمه
وعساه نوم العافيه يارب
نرجع للاساس انا حبيته من مدحك وحبيت الي اكتشفه وخلطه هههههه هسترت من تفلتك
جد وصفك ومدحك يدخل القلب
حاليا ادور اساس اهم شي عندي ثباته وماياثر عليه الرطوبه عندي مناسبه مهمه وبتكون باستراحه مكشوفه ياويل قلبي باكون وقت طويل برا وكمان انا انسانه احتر بسرعه والله يستر
اسمعي ارسلي لي عينات من اساساتك اجرب لو ناسبني ارسلي اللون المناسب ارسليه لي بدل ينتهي صلاحيته وهو بالدرج
حبيت فكره العلب لان اصلا المحلات انوارهم خايسه جاري تنفيذ التجربه
المهم حبيت الموضوع دخل قلبي من حبك له
الله يسعد قلبك ويفرحه بكل مايرضيه
لا تَعشيت اليوم فَطاير ههههههه وَ ما كَثرت وَ من شَوي أكلت لي كَعك مع حليب
يَعني تفله نَظيفة مُحترمة مافيها ثُوم وَ شاروما ..
وَ شوفي اللون إللي يناسبك من الأساس وَ أبشري بَعزك ، إذا ما أستخدمه أرسلته لَك بَجد أتكلم ..
لأن بالنهاية ما بَستخدم كل الألوان ..
إمَطاخات لك بَعد ما فَرشت أسناني
ع اني كنت امزح الا انك احرجتيني بكرمك
اتواصل معك بعدين ??
هههههه ربي يحميك ايه ماشاء الله دايم اشوفك الاولى ، تعرفين هذيك اللي كسلانه تجلس اخر الصف ولاجا الترم الثاني صارت دافوره ? > هاذي انا استعدي للمنافسه??
هههههههههه اتوقع السر بكلمة تم
ههههههههههههههههههههههه .. شَكله
ياصباح الحب ?…
ياجمالك ام السوس بالفعل مكوناته ثوريه اجل جوز الهند والهالورينك اسيد وقليلا من السيلكا يالا الهول ?…
والله حلاته بكثرة درجاته الواحد يلقى ضالته فيه انا زغللت عيوني ع القولدن والهني اساسا يوم قريت الهني حسيتني نحله مدري ليه اسعبل ع هالدرجه مع انها مش بكل شركة بتكون درجتي اتوقع لو باخذها باخذها ككنتور او القولد ينفع برضو للكونتور وانا والله غالبا اعتمد الكونتور الفاتح عشا لااشخمط نفسي ويكون سهل بالتعامل ….
الاساس معتبر ويستحق التجربه واتوقع درجة الوارم بيج بتنفع لي مع اني مخوفتني كلمة بيج ?…
وويك اند سعيد ننتظرك يوم السبت ياجميلة ???
ههههههههههههههههههه ..
وَ لا الهَوني وَ الجولد تراهم غامقين مَرة أثناء المَد لا يَغرك اللون وَ هو مُركز ..
وَ بالعَكس عفكرة أنا أي شيء بيج يعجبني دايم يَليق بَي ، ما تَخوف شَوفي الأجنبيات إللي جربوا البيج كيف طالع عَليهم
لو حطيتي بيج يمديك تلعبين بالبَلاشر ..
كُل الحُب
كنت بكون الاول بس الشبكه نذله?
شَوفي الأسبقية دائماً لتوتآ
الوَعد يوم السَبت ههههه
يا زين ارتوسة القلب ❤ و يا زين مواضيعك لي رجعه
أقرأها ع رواقه بإذن الله
أحبك ارتوستي ❤❤❤
تَنوريني آنَوار ، يا حُبي لَك
ربي يعطيك العافيه وبإذن الله راح يكون خياري القادم خاصه انه قابل للبناء
حبيت وصفك للمنتج وزادت قناعتي فيه فعلا تدوينه غنيه جدا بالتفاصيل الجميله
بس ان شاءالله تتوفر عندنا كل الدرجات تقريبا نفس المواصفات اللي احتاجها
ممتنه لك بكل حرف كتبتيه
بالرياض سيفورا التَحلية وَ المملكة أتوقع راح يَكون مُتوفر فَيه الـ ١٢ لون عالأقل ، مُستحيل ما يَكون فيه ..
لأن ماراح يَرسلون لي شيء غَير مُتوفر حَسب تَوقعي ..
تَنوريني يا عَيني
صح الاساس والميك اب يعتمد عاليد وشطارتك في المد .. اعشق المظهر الطبيعي للميك اب ويستفزوني اللي ياخذون درجه افتح منهم .. وعلى قولتك انا الحمدلله بشرتي معتناه بس يعيبني هالاتي غامقه كثير متعبتني بس اتحكم فيها كوركتر وكونسيلر وكذا ويطلع المنظر خالي من العيوب .. فتجيني وحدة تسالني وش اساسك ودرجتك ولما اعطيها تجيني بعد فترة انا تلومني وتقول موة مو حلو وشكلك تكذبين علينا ما تبين احد احسن منك .. طيب يا حرمه راعي فرق البشرة بيني وبينك وغير كذا مو لازم اللي يناسبني يناسك والله شي يرفع الضغط << هههههه عصبت وانا اتذكر اشكالهم .. عموما باذن الله اقرب فرصة بشتريه بناءا على رايك ?❤️
عادي هالاتك تَنحل زَي ما تَسوين صَح ، ماشاء الله عليك ..
وَ بالضبط راعي الفُروقات هالشيء مَهوب بَيدك إنتِ عَشان تَدلينهم عالصَح رديتي على قَد سؤالك ..
نَورتيني يالفنانه
لاعاد ماني فنانه بس احاول اطلع نفسي باجمل مظهر .. 🙂
هذا الأهم إنك تَعرفين لَنفسك
حبيته قبل كل شي لأنه يعطي مظهر طبيعي
الاساسيات اللي قاعده اشوفهاا حولي تخليني
اكره الفاونديشن الجد ?
احب اللوك الطبيعي انا واحب يبين كأن موو
حاطه شي طبعاً يبغى لهاا بشره معتناه قبل
اول فاونديشن جربته كان من فور ايفر
قلبني حمرا كرهته يمكن الغلط مني مااخترت
النوع الصح بس انتِ وضحتي كيف نختار بلون
البشرهه واخذت هالمعلومه منك فدوهه
بس عندي سؤال بخصوص واقي الشمس
استخدم قبله مرطب لازم وإلا عادي؟
وتسلمين ع كل شي تقدمينه لناا
الله يرزقك من اوسع ابوابه?
الآن كل شيء مَعبأ مَكياج بَشكل مَهوب طبيعي ، الأجانب وَ العرب
بينما الناس الحَقيقيين بالوَاقع أحسهم صاروا أكثر بَساطة من قبل ، يَمكن قرفوهم لووووول .
بالنسبة للواقي الشَمسي حَطي المُرطب وَ لما تَمتصه البشرة شوي الواقي الشَمسي ..
نَورتيني يا قَلبي
مرررررررررره شكراَ سوس …ويعطيك العافيه
العَفو يآ قَميل ..
حبيته وناويه اجربه بإذن الله
بس زي ماقلتي اهم شيء صفاء البشره واليد اللي تمده حاليا عندي شانيل بس يغلبني في المد شوي
أنا مَاجربت من شانيل أساساته بس شانيل دايم يَناسبني لكن فيه شَحوب غالباً هالشحوب يليق بالماكياج الكَثير
وَ إذا يغلبك الأساس حَطي بالفرشة أو الإسفنجة فيكسر بيساعدك لأن فيه نسبة جليسرين
مرحبا..صباحك سكر
وَ صباحك يآ قَمر ..
ارتوس بشرتي مختلطه مايله للجفاف وودي استخدم الباودر عشان مايتأكسد الاساس وش تنصحيني
المَكان الجاف لا تقربين الباودر عليه
وَ المكان الدهني حطي به شوية باودر لين تعرفين الكمية المُناسبة لك ، الباودر المُمتاز خذي نفس ماركة الأساس إذا عندهم لوس باودر
مافي لورا ميرسييه مُمتازين جداً
يسعد لي صباحك يارب..يعطيك العافيه ي طعمه?
وَ صباحك يآ سُكر ..
صباح الخيرات ..
انا مشكلتي الابديه كريم الاساس اذا زان كل شي يزين بعده ، هالسنه اللي فاتت استخدمت سبع كريمات اساس ولا واحد حبيته اللي يبهت وجهي واللي يخلي كان وجهي مفصول عن جسمي وكأن احد خانقني هههههه بصراحه بشرتي فيها عيوب بس اشوف اللي اسوأ مني وتطلع مرايه ماشاءالله مع اني احاول اسوي التكنيك الصح للاساس واكون شايله وجهي قبل ومرطبه ومهتمه فيها قبل المناسبه بس لحد الان ماعرفت السبب !!! ولاااااا احب اطنان المكياج يعجبني الطبيعي
بجرب هالاساس وان شاءالله يضبط ….
مررررررره شكراً ربي يسعدك حبييييييت التدوينه بقراها مره ومرتين …..
تَمنيت لو ذكرتي وَش جربتي ، عَشان عالأقل أقَدر أساعدك ..
وَ عادي بخصوص بَشرتك إللي فيها عَيوب عَقولتك ، أحصري مَشاكلها وَش هالعيوب !!
وَ قتها قبل الأساس ، عَدلي العَيوب إخفيها بالكوريكتر المُناسب ، بَعدها الأساس مُستحيل وَقتها يضل عَندك مُشكلة
وَ فيه عيوب تتخبى بالأساس زي مثلاً مُشكلة إختلاف اللون وَ تبقع ، بس لما تَكون مُشكلة زي حبة شباب مُتقيحه يصعب إخفائها مُمكن كلون تتخبى بس البروز راح يأثر
صَدقيني إلا ما تَلاقين خَطوة من الخَطوات تَسوينها خطأ بدون ما تَحسين ..
يسلم روحك على هالموضوع ،،
كيف اخلي المكياج ديوي ؟
وَياك .. كل خبير له طَريقته بعضهم ما يَحطون باودر وَ طبيعة الأساس تكون قابلة إنه يكون دَيوي
بعضهم يرشون مُثبتات تساعد على هالمَظهر ، وَ البعض يعتمد على بودرات لميعة تظهره ديوي بس هو بالحَقيقة مُش ديوي
وَ الفكس ميك آب بكل طَبقة بين الأساس , وَ بعد الباودر ، وَ بعد اللمعة يساعد يخفف هالمَظهر الكيكي
هو يعتمد على أساسات بالأساس عاكسة للضوء يعني نوع الأساس له دَوره
كمان ارتوسه سؤال ?
بودره لورا بس للبشرة الدهنيه ؟
هذا مَوضوع كتبته عن بودرة لورا ميرسيه راح يَفيدك
http://artoschic.com/?p=2176
تسلم يدك ارتوس على هالتدوينة الحلوه لو تدرين قد ايش متحمسة اشتريه وزي ما قلت قبل شفته عند كم بلوقر قبل واغرمت برأيهم فيه ، يعطيك الف الف الف عاافية لو تدرين بس قد ايش استفيد منك الله يسعدك يارب ويحفظك ??
يَعافي قَلبك ، الآهم فَعلاً تلاقين الدَرجة المُناسبة لك ..
قُبلآتي
صباح الجمال ..?
مَن زَمان عن هالطَلة ، نَورتي
حبيبتي سووسو والله متواجدة ومتابعة
بصمت
وتعليقاتي أخبيها لك دعوة بظهر الغيب
أحبك ❤
تَنوريني يآ ألبي بَكل زَمان وَ حين
جمِيل جميل كالعادة أرتوسة 🙂
عندي مشكلة مع أساس المكياج ما أعرف ليه
ما أحب أستعمله ، حتى لو كان خفيف ورهيب وبروفيشينال
أحس نفسي ما غسلت وجهي :q
أعرف المكياج حيصير أحلى كثير بالأساس أو ع الأقل البشرة تصير وَن تُون
جربت يمكن فوق ١٠ أنواع أساس قلت يمكن ألاقي شي خفيف ما أحس فيه ، بس برضو ..
يوم المِلكة من يوم خلصت الزفّة رحت مسحت المكياج والضيوف لسا موجودين هههههههه ماما شوية وتنصرع لأنو كنت حأروح أطلع مع أبو الشباب ههههههه
هههههههههههههه ضَروري وَ لا تَطلعين شاحبة ، إنتِ تشوفين نَفسك فريش ، بس الناس راح يشوفونك بآهته حَتى لو بشرتك تلمع لمعان
البشرة النَقية حلوه بالبيجاما وَ لبس البَيت ، بس بلبس سَهره وَ شياكه يصير فيه شيء ناقص
فيه أساسات خفيفة دوري على كلمة شير sheer بيعجبك ..
وَ ماتنلام المآما ..
توووووسه يا توسه …
اخبارك يا قمره .. حبيبتي في سوْال دايم في بالي و مو لاقيه له اجابة …
انا مهما احط ميك اب و فاونديشن ثقيل و خفيف يبين في التصوير انه شفاف او مايبين أني حاطة شي غير انه يصفي لي البشرة في الصور .. طبعا تصوير جوال او كاميرا كانون عادية …
هل هالشي كويس و عادي و ميك ابي يعتبر بيرفكاني والا في خطا انا جالسه اسويه و مو عارفه ايش ؟؟؟
بليييز انسر مي ❤️
صح بأسألك أرتوس ، لقيت بعض المدونات الأجانب يستعملوا برايمر ، وفوقه لوس بَودر
ويعطيهم تغطية خفيفة ، هل دا الشي مناسب للبشرة الدهنية في التِي زون ؟
بشكل عام بعض الناس تقول البودرة تزيد البشرة الدهنية سوء مع المسامات والدهون ، وبعضهم يقولوا لا
على فكرة ، في برايمر شي رهههههههيب من Time Balm لونه بنكي
أستعمله قبل الكونسيلر ، البشرة تصير نااااااااعة ، اصباعك يتزحلق عليها 😀
ان تحبي تدوني عنه لأنه جميل وسعره بمتناول اليد ، حوالي شي و 30$
البودر بعض أنواعه مُش كله يغنيك عن الأساس فيه أنواع باودر تنفع للطلعات النهارية
لأنها تَمتص الدَهون ..
وَ الباودر يظهر المسامات لو مساماتك غير مَنظفة ، بس لو تنظفين وَجهك صح بعد الماكياج ماراح يصير لك شيء ..
وَ ليش لأ نَجربوه وَ بكتب مَن سُميه
ارتوس شهالموضوع الحلو ؟؟؟
تسلم هاليد بسسس
❤❤ ❤❤
❤??❤??❤
❤?????❤
❤???❤
❤?❤
❤
نَورتيني .. يا زَينك وَ إنتِ هنا
صباح الفل .. ?
تدرين أوّل ماشفت الصورة قلت على طول درجة الوارم بيج تناسبها .. عارفة إنّه لازم أغمق بدرجة أو درجتين عشان يعطي حياة ودفئ للوجه لكن مابعرف ليه هالمرّة علّقت ع الوارم بيج
وبالنسبة للأساس موجود بالخطّة من فترة * ياكثر خططي مدري متى أنجزهم *
موفقة خير حبيبي .. وعساك ع القوة ??
صباح الخير أرتوس
.
ودي أرد رد يليق بالمعلومات اللي في الموضوع بس أنا أنسانه فاشله بوضع الميك آب أختي اللي تحط لي ولا الكوافير ، بس حبيت أرد ك شكر للتجربه الصادقه
احم احم اول مره ترد بالمدونة ?
نَورتي
يعطيك العافيه يا جميله ❤️ تو فيسد الستاند حقهم بالحاله يفتح النفس و مع تدوينتك هذي صار اجمل افكر اجربه لازم لازم. ???
إن شاء الله يكون مُلائم لك ..
زي ماقلت إختيار الدَرجة وَ التون مُهم ، وَ أكيد لو المادة نَفسها أرتحتي لَها
صباح الخير كالعاده التدوينه متكامله ومتشوقه استخدمه
دمتي سالمه ????
صَبآحو ..
وَ كلي شَوق لرأيك النَهائي عَنه
صباح الورد …
من يوم نزلتي البوست عنها في الأنستقرام وأنا أنتظر متى
تعطينا رأيك في كريم الأساس…
لأن لي فترة أدور كريم أساس يبين طبيعي ويكون خفيف
فكرت في أساس فور ايفر اتش دي بس ما أعرف كأن فيه شي يقولي
انتظري لكن بعد تدوينتك ناوية أجرب هذا الأساس…
شكرا على مجهودك…
جَربي الإثنين بالمَحل خذي عينه من هذا وَ من هذاك وَ قارني
سوي إختبار بالبيت أفضل من رأيي وَ أريح ، عالأقل ما تَحطين فلوسك بشيء ما عَجبك
نَورتيني يآ ألبي ، كُل الحُب
صباحك جميل ياعسل
حقيقه لما اقرأتدويناتك انبسط كثثثير بالضبط كاني جالسه مع اختي لما اجلس واحكي معها كل شي تكتبيه احب اقراه والقى نفسي اروق عليه
?? اهم نقطه قلتيها
السر في المكياج مو بالادوات يعتمد اعتماد اساسي على طريقة التطبيق الصحيحه
وجد احب اقرأ التفاصيل الصغيرةاللي تكتبنها وتحرصين عليها لانها هي اللي تفرق في النتيجه والمظهر النهائي دائما يعتمد على طريقه مد الاساس وكميه الطبقات
وبنظري اهم شي في كريم الاساس او الفاونديش انه
يتناغم مع بشرتي ويعزز لونها ويعطيها رونق صحي
حبيت هالفاونديش ومظهره النهائي المتوسط بين المات والديوي
وبشرتي صافيه الحمد الله ما اعاني من حبوب او تصبغات فهالاساس هو المطلوب بالنسبه لي
مشكووورة على العطاء اللي بدون مقابل واللي نفتقده بهالزمن
❤❤
ربي يسعدك في هالصباح الماطر ?
تحمست للاساس وب اذن الله ناويه اجربه يعجبني الاساس الطبيعي امممم الي نفس وصفك ? ويارب يلبق لبشرتي ..
ونحبك من بيتنا لبيتكم ?
صبااحك حب ابدي ❤❤… ياحلاتك وانتي تفصصصلين المنتج تفصصصيل بذذمه وضمير لبااك ولبى اخلاصصصك يامعطااء احبك بجد
انيقه حتى بحررفك تتقنين هالفن بجدارره ياجميله ❤❤
بكون صريحه معك انا نادرا ماحط مكياج بس اذ حطيت احب اظهر بمظهرر الكمال ماحب يبين ولاعيب وحمدلله دايم اوفق باختيار
الكوافير الفنانه الي تفهم بشرتي .. جربت فور ايفر حلو بالتغطيه وكل شوي بس لمن يعدي كم ساعه احسس بدت تظهر قشور
ماخبيته جربت لانكوم عششق حبيته مرره كان جميل مابين ولاشي من عيوبي(طبعا عيوبي اقصد بعيوبي النمش فقطط)
وجربت برجوا الهيلثثي نفس احساسي مع الفور ايفر مدري شكلي ماوفقت باختياررر اللون صح او ان العيب ببشرتي بس
انا قبل المكياج اتبع عنايه خاصصه قبله بيوم او بنفس اليوم احط ماسك الزبادي والشاهي الاخضر و ارطبها كويس ..
بس الجددد وقعت بغرام هالاساس حسيته راح يكون بيرفكت علي
بس لازم اخذ عينه واجررب ع بشرتي . الاحظ بنات يجربون ع يدهمم بالمحل وتخمه وتمشي المفروض التجربه تكون ع يد او الوجهه؟
ويوم سسسعيد ويك اند جميل ومليئ بالمفاجات ?
كوني بخيرررر ❤
صبٱح الخميس..
تتسجيل دخول
ونقراء بعد الاختبار نروق عليها
عٌدنآ.
ههههههههههه والله المنافسه فوق علئ المقعد الاول قويه وحمآسيه.. قلبي عليك ي توت ضيعتي مقعدك اليوم آشك انه من البنات. هههههه
تعالي سوس ابيك تغششيني متئ بتنزل التدوينه يوم الاحد عشان اوقف هنا عند الباب اصير الاولئ واستقبل ?
اما هالماركه واقعه بقلبي خلاص ومتخلله بعد من اول تدوينه عنهم،،
والشنطه من اول ما نزلت في الانستا وانا كذا?بس خليها علئ جنب بمرك آخطفها واتخير منها اللي يناسبني.
عآد هذا الاساس القادم اللي ناويه اشتريه بأذن الله قبل المناسبه اللي عندي بشوف يناسب او لا!
اهمشي عندي انه يناسب بشرتي ويتناغم معها آنا الحمد لله مافي عيوب في بشرتي اللهم اثر بسيطة للحبوب وبس
تشكرات توسه حـــٌبي لك
ما حبيت امر بدون ما اسلم.. يسعد صباحك يا حلو❤️❤️❤️❤️
تدويناتك صايره صديقتي بطريق الجامعه فما ألحق ارد بس لي رجعه بتعليقات و حكي
ما تبلى هالايدين يارب❤️❤️
يسعدك يا تووووسةةة
شرح كافي ووافي
بينتيلنا ميزات وعيوب المنتج بشكل مذهل
الله يرحم الوالدة ويدخلها الفردوس الاعلى
على تربيتها الك وتعبها فيكي
قلوب حب الك من هوووون لللللللل بيتكم
التدوينه المُنتظره ?
شفت ردك قبل فتره على وحده في الإنستقرام بخصوص أساس توفيسد و تمدحينه و من يومها و أنا متحمسه له و أنتظر تدوينتك عنه .. قبل كذا مدحتي أساس تارت و آعجبني و طلبته لامي خصوصاً أنه من مواد عضويّه و ينفع للأستخدام اليومي و جربناه و اعجبنا جداً .. طبيعي و خفيف على البشره اعجبني جداً ❤️
و إن شاءالله بجرب توفيسد و متأكده بيطلع رهيب ??
تشكّرات توسه ?
يسعد صباحك امس كنت اتكلم عن الاساس وامدح فيه عند اخواتي واليوم كتبتي تدوينه قد ايش سعادتي ?
حبيته اكثرر ?ان شاء الله اجربه في اقرب فرصه
من لمن شفت صورته في الانستا حبيته التعليب مرا حلو وفاخر مواصفات حلوة بصراحة يكفي انو حيخليني كاني ولدت هكذا هههههه لا بجد انا لي فترة ما اخذت اساس جديد ومليت من الي عندي ترو ماتش انشالله بقعد قعدة في الليل وطلع لي الدرجة المناسبة ناوية عليه ناوية حبيته من اول نظرة خلاص وانشالله يناسبني
دمتي بود وتشكرات كثيرات ارتوسة ?
صباح الخير .. كريم الاساس وما ادراك ما كريم الاساس اعاني منه بجد انا اهتم ببشرتي جدا من تنظيف وسنفرة وماسكات وو لكن اول ما احط كريم الاساس يصير وجهي كله حبوب يطلع شين حتى لونه سيء على وجهي مهما حطيت لون مناسب لان اساسا وجهي افتح من جسمي بشي بسيط مع ذلك يطلع بشكل سيء حتى النضارة اللي بالوجه تختفي وجهي بدون اساس ازين بكثير وما فيه تصبغات بوجهي انجبر اغطيها كثير مرات احط كريم اساس وقبل الطلعة امسحه جربت انواع كثير واللي عندي الحين ميك اب فر ايفر اتش دي القديم مو الجديد .. بجد مشكلة
تعقيب على كلامي حتى كريم اساس ميك اب فور ايفر ما نفع معاي وانا اختار اللون نفس لون رقبتي وصدري بحكم ان وجهي افتح شوي بس برضو ما نفع يطلع شين وتبين حبوب مو موجودة .. مشكلة كريمات الاساس غالية هي اغلى شي من باكيجات الماكياج واذا جربنا عينه لاول وهله حلو بس مع الوقت لا والف لا .. واضح اني مقهورة ابي شي يضبط علي ههههه
بالحرف والمعنى ،، مدونتك ( م ر ج ع )
يحميكِ ع ه المصداقية ??
دمتي كما تحبين ?
يااه يااه يا ارتوس
موضوعك 10 على 10 مو بس كريم الاساس ..
جد الموضوع شامل ومتنوع وعقلاني ومشوق طرحك كالعاده
حبيت فعلا اخر نقطة ذكرتيها فعلا المفروض نركز شويات مع بشراتنا
واللي يناسبها ..
الاندر تون سبق وذكرتي ان المتداول فاهمه غلط بلون العروق نفسها
كيف اثبت واتاكد من الاندر تون ولا احتار ..!
وصراحه حبيت كثير الاساس وفكرته ،،
والتدوينه هذي برجع اقراها ثاني ولو ما شريت نفس الاساس ..
يسعدك ربي ويرضى عليك ❤❤
والله دخل القلب من كلامك خلاص باذن الله لي تجربة معه
وراح اكتب تجربتي معاه
حبيت وصفك له بصراحة ماتخلين سؤال براسي
اجازة سعيدة وفي انتظاار تدوينة الاحد
تدوينة مثل ما عودتينا ..جمال في جماااال
حبيت درجات الألوان والخيارات المناسبة للجميع تقريبا..
وصادقة.. لو البشرة دمار مافيه أساس أو مكياج بالدنيا ممكن يعطيك الثقة الكاملة.. عكس لو كانت البشرة معتنى فيها وصحية.. بيبين ألقها وجمالها حتى مع أبسط طبقة مكياج?
يسعد قلبك أرتوس ?
صباح الخير و السعادة
اتحمست اجربه <3
شكرا لعطائك الدائم
مساء الخيرات…تسلم ايدينك على هالموضوع الجميل والصراحة اننا بدينا شوي شوي نعرف اخطائنا بكريمات الاساس…. خص نص (بشرة معتنااااااه)واهتمينا اكثر ببالتنظيف التقشير والترطيب.. . قلوووووب من القصيم لبيتكم والله يغفر لتس ووالديتس
وجاااري البحث عن هالاساس والشراء واكييييد بنقولك النتيجه?
صبآح الورد آرتوسه
جميل جدا ، درجتي أن شاء الله راح تكون لايت بيج واعتمدها في كل الاساسات تقريبا
وبالنسبة للاحتضان ، ف انا محتضنة وعاشقه لديوور ، وايد يناسبني ومرتاحة منه بس ما يمنع إني أظل أعتني ببشرتي لحد ما أوصل درجة البشرة مترفة العناية ههههههه الله يقدرني ولايحرمني من نصايحج ي أجمل قدوة
راح أمر سيفورا وأخذ لي عينة واجربه وأكيد ما بعد كلامج كلام
تسلمين لي يآرب وبانتظار تدوينة الأحد ( يارب تكون عن الديرمارولر ) ❤❤
مااتذكر ف يوم لحقت على تدوينه لك من البدايه ?
تهئ اهئ يعني مااقدر اسألج وش درجتج مااقصد بنيه سؤالهم بس انا جربت فوريفر و بينفيت نفس درجتج جدااااا مناسبه لي بالعكس ساعدتيني و وفرتي علي كثير بس هذا ماقلتي قبل التان اي درجه ،، حبيت انصافك واحبك اكثر لما تتكلمين عن الميك آب ,, فعلا تو فيسد كيوت ويشوق اكيد الفرق باليد احيان ريفيوهات الفاونديشن مو منصفه لانها تشتكي منه والاساس من بشرتها ،، حبيت الفونديشنات اللي جربتها من مدحك لانو بشرتي عاديه ومااعاني من شي الحمدلله بس وراي لسته باقيه على تجربه هذا ،، مستانسه انو تو فيسد يرسلون لج منتجاتهم لانج اكثر وحده تستاهل تتكلم عن هالمنتجات love you
ماشاء الله من زمان في كل طاري بودره يسألوك عنها لازالت لورا ميرسيه تحتل الصداره ?
يلا حمستيني عليها من بعد ديور
وعلى دا الأساس ?
الايفوري و اللايت بيج شكلهم حلوين ،،بس حبي لكريم اساس بنفت بالاكسجين لسى مبسوطه فيه ،، طولت و انا اجرب حتى لقيت الدرجه فطلعت فرحتها اجمل صحيح الواحد ما ينفع يسأل احد لو حتى خبير عن وش يناسبه من درجه هذا الشي الوحيد الي لازم يسويه بنفسه وشكراً يا عسل على التدوينه الرائعه ❤️❤️
اتمنى تكون بشترتي بيرفكت مثل ما تتكلمين عن بشرتك وصايره اعتني فيها بس ما وصلت للي ف بالي
ارتوس موجود ف سيفورا ولا لا هالاساس ؟
توووووسه يا توسه …
اخبارك يا قمره .. حبيبتي في سوْال دايم في بالي و مو لاقيه له اجابة …
انا مهما احط ميك اب و فاونديشن ثقيل و خفيف يبين في التصوير انه شفاف او مايبين أني حاطة شي غير انه يصفي لي البشرة في الصور .. طبعا تصوير جوال او كاميرا كانون عادية …
هل هالشي كويس و عادي و ميك ابي يعتبر بيرفكت والا في خطا انا جالسه اسويه و مو عارفه ايش ؟؟؟
بليييز انسر مي ❤️
جهد تشكرين علييييييييه ارتوس .. لما اقرا لك ريفيو عن منتج ، وبعدها اشوف بلوقر ثانية كاتبة عنه مستحيل افكر اقراه ، ما اعتقد بعد شرحك شرح .. لا إله إلا الله كافي ووافي ! 🙂
جميل جميل شرحك للمواضيع احبه جداً ?? ، ودايم التدوينات ما الحق عليها الا بعد نزولها بوقت ، ان شاء الله بجربه عجبني انه خفيف لمن شفت كلامك تقولين اللي يستخدمون الاساس بس بالمناسبات انحرجت لأني حطيت كومنت ع صورة الانستا كذا ?? ، بس لي بديل للأساس بالصباح بالجامعه تحديداً اللي هو البيبي كريم يعني اشوا ما طلعت غرفه ما تتجدد بويتها ???.
تو فيسيد حبيتهم من صارو يهدونك على انك انتقدتي مع هذا مو مقصرين معك ??
حبببببببيته وحبيته اكثر من وصفك اجل يمديك تلعبين فيه ككونيسلر و ككونتور ههههه خوش اساس ماخلى لك مجال تنتقدينه .. والاحلى درجات كثيره وتناسب بشرتنا وفعلا البشره المعتناه وطريقة المد لها دور كبير ..
ماننحرمش يالحب ??
الله حبيت اشكالهن كيوت ??طيب شلون اعرف درجتي بالاساس لان دايم اشتري اساس يطلع اغمق مني او افتح مني?????
هلآ هلا بالزين ، اليوم دوامي قاتل من الصباح
للعصرية وتوي صحصحت وبديت آحس بطعم
الويكند لوول ، مآتوقعت ابدآ تنزلين رأيك عنه
قريب ومره آنبسطت لمآ شفت بالانستا إنك
نزلتيه عاد من أول مانزل وأنا حابته مرره مره
وكنت آنتظر رأيك عنه، في أقرب روحه لسيفورآ
بجربه إن شاء الله ، مشكلتي دائماً في التون
تحيرني مرره ولا أعرف اختآر صح لكن هالمره
يأنا يآ ذا التون لووول بآخذ كم درجة وآشوف وش
آنسب ، وشكراً على هالمجهود الجبآر اللي تقدمينه
الله يكتب لك الآجر ويرحم من ربآك يارب ولا يحرمنآ منك
سوسو كيفك انا ساره اللي ارسلت لك بالانستا لاني غيرت حسابي محد تفشل اهىء اهىء حسابي بالانستا hnay and sarah
عندي ثقه ومتاكده انو اي شي تتكلمي عنو مو جيد، الا ممتاز
ثقه،،
انا استخدم اساس شانيل بس ادفي وجهي ب بودر اغمق مدري يمكن لانو بجد يبغالو مكياج
احبك ارتوسته…
والله يحمس مع انه في البدايه حسيت عادي زيه زي غيره
لكن باقي ابغى اجرب coverfx
متى الله اعلم ?
شكراً جزيلا ❤️
باك❤❤
يختي عليك يا ارتوسه! تستاهلي اثمن الهدايا❤ و ليتها توفيك هالمجهود الجبار❤❤ عرفوا مين يختارون الصراحه❤
تعجبني فلسفة الشركات باختيار الاسماء بورن ذس واي و اساس لانجري حق جيرلان، ما جربت ولا واحد منهم لكن معنى الأسم عجبني.. ألا ليت قومي يعلمون لول مع ان الوعي زاد عن قبل كم سنه
مثال الغرفه و البويه جاي بالصمييم! أهنيك عليه❤ شي فيني يتحرك لما تقولين بشره معتناه.. امنية حياتي اوصل هالبشره:( مشكلتي بسيطه لكن مو هنا مكان الاستفسارات..
نرجع لموضوعنا، سعيده ان الأساس اعجبك❤ بحطه فبالي لو احتجت أساس من هالنوع مستقبلاً. لكن تركيزي هالفتره هالبشره لأن لو مافي بشره حلوه ما بطلع بالطله اللي فبالي، زي اللي يشتري كنبه حلوه و يحطها بغرفه مغبره (ملاحظه انا و انتي اليوم نشبه بالغرف ههههه بس التشبيه بليغ)
لوول النقد و باقي اروح اضربهم.. دخيلو المخلص يا ناس❤❤❤ احس طفشتي من كثر ما اكرر لك هالحكي بس انتي تصويرك و اسلوبك و كيف من قلبك حابه توصلنا المعلومه ناادر اذا مو منعدم.. ولا اسهل ما عليك تستلمين من هالهدايا و تكتبين يجنننن اعطيه ١٠/١٠ اشتروه.. ما تبلى هالايدين اللي تتعب لنا يارب❤❤❤
و نستنى طلتك يوم الأحد❤❤ على فكره انتي صدقة الصباحات حقتي! تدويناتك صحبه مع طريق الجامعه❤
يديكِ العافيه ع التدوينه الجميله والكااااامله ،
ربي يسعدك ع قد حُبي لك ويجزاك الجنه ?
شرحك ووصفك يبرد القلب .. ابى اروح في اقرب فرصة وأجرب عينة منه ابشوف وش انسب درجة لي ..
حبيت الاسم نقدر نقول انه بالسعودي يقصدون ( كذا خلقه) ههههه بشرتك وش تحطين عليها؟ بشرتي كذا خلقة ههههه
يعطيك العافية اشعر بثقل المسؤولية على عاتقك و الله يعين الشركات انت جدا دقيقة بس المهم انك حقانية حتى باللي يخصهم حرام يظلم منتج من شركة لأن الناس تقول الا لازم يكون فيه عيوب
يعطيك ألف عافية سوس
يعطيك العافيه تدوينه جميلله جداا .. فعلا ماركه توفيسيد يفتنك شكل المنتج قبل كل شي كلها كيوت ? بالنسبه للكريم الاساس اتحمست اجربه وحأكتبه بالقائمه عندي باذن الله ?
شكرا لك من الاعماق ياجميله❥ ࿐
ارتوس حبيبة الشعب كل خصالك في التدوين تخليني اثق فيك ولا احط نسبة شك حتى١٪ ، تعجبني مصداقيتك وادري فيه بلوقرز يحاولوا يكونوا صادقين بس اشوفك النمبر ون اقدر امدحك وامدح غيرك بس جد التمس فيك المصداقية حتى لو كان المنتج جاي لك هدية واذكر مرة تكلمتي بعد بمصداقية عن منتج بسام فتوح رغم انه كان مصلح لك فولو وكان ممكن تراعيه وكذا بس استمريتي على ما انتِ عليه من خدمة متابعاتك بكل حب ومصداقية فمن هنا لك كل الحب والتقدير سوس ❤️
يعطيك العافية حبيبتي جميل جدا موضوعك،واجمل مافيه تتبعك للتفاصيل وموضوعيتك الرائعة … بس مسوقة ذكية بنفس الوقت❤️??
اتعبتي البنات ارتوس قمة في القمة?
❤??
مساء العسل ع عيونج حبيبتي
يعني افرح من كل قلبي بروفيوهاتك , شكد اتابع بيوتي بلوكرز مااحس يطون حق المنتج مثلج بالوصف …
ارتوسة بعيدا عن الموضوع : كيف تحصلين ع هدايا السامبلات وغيرها من الشركة ؟؟
🙂 🙂
سرق لي قلبي هالأساس
حبييييته مع تقييمك حسّيت فيه مشاعر بيني وبينه ههههههههههههه
لازم لااازم أجربه
بذات أن أغلب طلعاتي يوميه وأحب أكون حاطه ميك اب بسيط وديوي
وهذا أتوقع بيناسبني ويناسب الجامعة
درجاتهم حبيتها بعد
هالماركه تعليب منتاجتهم كيوت فعلاً إلا هالمنتج فخم
وتصويرك خلاه أجمل أكثر
تسلم لي إيدك يختي
كوني أنتِ
آآآه ياجمالك وجمال وصفك وشرحك حبييته من قلب
احب كريم اساس ميك اب فوريفر جدا ولما احطه احسه سلس وسهل توزيعه وفرحت كثير لما سويتي ريفيو عنه من قبل لانه عندي شي انت حبيتيه وتحمست لهذا جدا لاني ابي شي لونه طبيعي وللمناسبات المشكلة في الدرجة المضبووطه محتاره بكم درجه ويبيلي ابحث ويارب يكون سعره مناسب ، اما للتغطيه اليوميه حاطه عيني على سي سي شانيل
حبي لك ولرفيوهاتك الجميلة ولاتزعلي نفسك وخلي المؤذيين بعيد عن بالك
بوساتي لك ??
اووه صح انشغلت من مساء الاربعاء بين مواعيد وجمعات الويكند والاختبارات من كذا تاخرت بالرد والا التدوينه ببالي من نزلتيها قريتها عالسريع قبل ما اطلع الخميس ولا كان ودي اكون اخر من يرد ?
??
يا حلوك يا ارتوس ويا زينك والله
ياهلا بالزين❤️
عودا حميدا
اول مارجعتِ كنت مشغولة ولاامداني ارد
وكنت اقرا مواضيعك عالسريع *حتى بعز الشغل مااقدرافوت لك شي*
جد جد حامت كبدي من الهجوم، العرب خص نص السعوديات يكرهون يشوفون احد عايش حياته طول عرض.
سبحان الله يوم خذوا فايدتهم وشبعوا تهجموا عليك عشان شعر حواجبك!!
حال العرب عمره مايتغير دام للآن فيه عقليات تدقق على التوافه، على اساس اذا حاربوك بتتغيرين!
الحياة اكبر كذا.. بس خلاص الناس كبروا على مبدا النصيحة اللي تحولت الان الى هجوم شرس.
حبيت قرارك بشأن التدوينات السرية، هذا اللي ينفع معهم!
بتلقينهم بعدين يصيحون عشان يشوفون وش كاتبه،
ماعقب يوم شافوا رجلينك ماشاءالله بالانستاقرام ضاعت علومهم.. شر البلية مايضحك
طلعت اللي بخاطري لأن الحق لازم ينقال 🙂
نرجع لتدويناتك،
حبيتهم جدًا جدًا، أنا بشرتي جافة حساسة وأغلب المنتجات اللي تطرحينها للعناية ماتناسبني..
بس صدق استفيد من كلامك والكومنتات والمقدمة اللي بكل تدوينة، تفتحين عيني على اشياء كثير.❤️
أدعيلك من كل قلبي..
استمري والله يخلي البلوك وهيئة الاتصالات 🙂
كيپ ات اب.
مره اتحمست للاساس لاني في رحلت بحث انا أستخدم فوريفر ولاحظت انو يسببلي حساسية. يعطيكي العافيه
حبيت من ووصفك والاحلى حاولتي تدورين عيوب ولا لقيته
باذن الله اذا لقيته بسيفورا راح اشتريه فرعنا م يوفر اول باول ??.
رغم انو انتقدتيهم بموضوع ظلو يهدونك حليلهم خلاص انا حبيتهم من حبك لهم ??.
يبي اجرب منهم اكثر من منتج ??.
ياي تحمست أجربه أصلا صارلي فترة بدور على فاونديشن جديد أجربه.. حاولت أخلي البنات في سيفورا يساعدوني أخدوا ال Color IQ لبشرتي واعتمدوا عالنتايج اللي طلعت يعني بس المنتجات اللي طلعت من النتيجة انها تتطابق لون بشرتي وبصراحة كلهم كم منتج اللي طلعوا ما كان في خيارات كتير وما عجبني الموضوع وما قدرت أختار شي.. حسيتهم فعليا ما ساعدوني واعتمدوا عالجهاز 🙁 بروح أشوف السواتشز تبعت هالفاونديشن قريب وان شاء الله ألاقي اللي يناسب لون بشرتي لأني بصراحة بحب اللي بكون نفففس لون بشرتي لا أفتح ولا أغمق وكمان ما بحب أخلط درجتين أفضّل انو استخدم علبة وحدة.. عموما يعطيك العافية عالموضوع
عين الله عليكي في الشرح .. بكل صراحه بعيييده كل البعد عن المكياج وخرابيطه وما افهم فيه الا القليل القليل هاذ مو معناته ما احبه لا اتفرج على صيحات الموضه في مجال المية أب بس مو من المهتمين ودي أصير مهمته يبلي دورات مكثفة ومدونتك خير مفيد وتدرين عاد ما أحط ميك أب بتاتا في الوضع العام اما في المناسبات أحط نتفه كريم أساس وماسكارا وكحل باخر زاوية العين بلاشر ولب ستك وفي العاده قلوس وصلي وارفع صباتك وحتى ما اكذب ما اشتري منتجات تجميليه وألوان وفرش رسم ونحت افتقر لهذه الأشياء الأساسيه اللي عند كل بنت
وصفك بطل .. بس تدرين عاد .. والله جد جد
ودي اقابلك وتختارين لي تهولين فيني ?
ادري انك تحبين انو نعتمد عـ حالنا ونجرب
و و و .. لكن عاد قلت لك اللي بخاطري ?
مع العلم اني صعب اسلم نفسي لحد .. اوسوس فيهم
? .. لكن الأكيد انتِ غير ❤️
شكلي باالنهايه مالي الا أرسلك صورتي ? ❤️