سَلام مربع
[ هآه جَهزتوا للعَيد وَ لا بَعدكم تَجهزون ؟! ] ..
نَبي ثرثرة ، نَبي ثرثرة ، وَ كتبت لكم مَوضوع ثَرثرة بناء على طَلبكم بَس هآآآه لو ما شَفت ردود بَعضكم فرداً فردا ( تَوحشت ) ..
لاحظت شَغلة فيما يتعلق بي أو بغيري مِن المُدونين أو أي شَخص عنده فولورز لابأس به في شبكات التواصل الإجتماعي دائماً توصلني رَسائل لطلب النصيحة في أموار حَياتية بعيدة كل البُعد عن توجهي في التدوين أو تَوجه حساباتي بالمُجَمل ..
هالشيء ما أتذمر مِنه بتاتاً البته، على العكس تماماً أعتبره نُوع من الإطراء وَ أحس بالمسوؤلية إتجاه الأشخاص وَ المواضيع إللي سألوني عنها
البَعض يسألني شغلات خبرتي فيها صِفر فأفضل الإعتذار عَن التَفلسف
وَ البعض يسأل عن أمور هُم الوَحيدين إللي يقدرون يفيدون نفسهم ، وَ غالباً جوابي لهم لو تبون نصيحتي من مبدأ لو كنت مكانكم أخاف أجيبلكم العيد لأني مو بمكانكم وَ تركيبتي العقلية وَ النفسية تختلف عنكم جَذرياً
ما السَبب !!
ما أدري سبب هالأريحية وَ الثقة إللى تخلي البنات يفضون لك بأمورهم الخاصة
قَد يكون راجع لتعودهم وَ قربهم منك أو حُب الناس للفضفضة للغريب
[ لأنه ماراح يصدر عليه أحكام مُسبقة ممكن تستمر طُول العلاقة ]
لكن أتمنى مِن البنات مايثقون بكل من هَب وَ دب خاصة البنات إللي يرسلون صُورهم الشخصية
وَ أتمنى حتي لو جاوبت عليكم تاخذون الإجابة من مبدأ دردشة الأصحاب لبعضهم بمشاكل حياتهم مو رد المُحترف المُختص
بالنهاية أنا إنسانة عادية رُدود أفعالي مَرات تكون عَقلانية ، مَرات تكون عشوائية ، وَ لا أحب أبداً أنظّر لأن الشخص سهل ينظّر لكن فعلياً لو المصيبه وقعت عليه ماراح يعرف الصح من الغلط وَ ممكن يتخذ قرارات مبنية على عاطفة محضه
( فاللي إيده بالنار مو زي إللي إيده في الميه )
مُو مَعنى إن واحد عنده حبتين ونص فولورز صار إنسان مهم وَ فاهم بأمور الحياة ، لكن خَلونا نقول إن هَالمَشهور في حال طرح مشكلة بيكون عنده كثير متابعين وَ هالشيء راح يخلي المُتابعين يدلون بأكثر من وَجهة نظر ، مع إن الكثرة مو بالضروره تعطيك حَل دقيق لمشكلتك بالعكس ممكن تشتتك أكثر
عموماً مالكم بالطويلة بس حبيت أذكر هالمقدمة عشان أقولكم أنا مش أهلاً لإسداء النصح ، وَ يمكن الجزء الظاهر لكم يوحي لكم بالعقل وَ الحكمة ، بينما الجانب الأخرق وَ المتهور ماراح تشوفونه فيني
– تدرون وش الجانب الحلو في ثقتكم وَ أسئلتكم ؟
تفتحون مداركي لمناقشة مواضيع من هالنوع ممكن تفيد شريحة كبيرة من البنات
وَ ما أخفيكم بالمقابل فيه جانب سيء وَ هو إحساسك بالعجز أمام البعض خاصة البنات إللي يتعرضون للعنف الجسدي أو النفسي
راح أشارككم فحوى رسالة وصلتني من فَترة وَ قرأتها اليَوم وَ أعتبرها خفيفة ظريفة
ألا وهي : الردود السلبية إللي توصلنا في حياتنا من المُقربين أو حتى الأشخاص العابرين .. كيف نرد عليها ؟
سواء هالتعليقات تتعلق بشكلنا ، بستايلنا ، أو أسلوب حياتنا .. إلخ
الرُدود السِلبية إللي بشبكات التواصل الإجتماعي ماراح نجيب طاريها لأنها مختلة مدري وش مصدرها ..
وَ بما إن العيد ع الأبواب أكيد كثير راح يتعرض لمواقف من هالنوع ، تعرفون عاد العيد غالباً تلتقين بأشخاص مايعنون لك وَ لا تعزينهم وَ يعزونك بس لأنهم أقاربك تضطرين تقابلينهم وَ هاللقاء قد لايخلو من الهمز وَ اللمز وَ الذب ببعض الأحيان ، عاد ماراح ندعي إننا الملائكة المسالمين ، كلنا عندنا نصيب من هالسُوسَة
تصدقون عاد زمان لما كنت صغيرة بعمر الطَعش خاصة بالمرحلة الإنتقالية بين الطفولة وَ البلوغ حول ١٣ وَ ١٤ كانت تعليقات الناس تأثر فيني وَ ممكن تستفزني
فـ أفهم شُعور المراهقات وَ تأثير هالكلمات عليهم ، عاد الحين أضحك على نفسي شلون تعليقات غبية من هالنوع كانت تستفزني أو حتى تشغل بالي لثواني وَ هالشيء راجع لحساسية المُراهق
طبعاً الحين أشوف نفسي تمساح أو عديمة إحساس ماعاد أتأثر إلا بالشديد القوي، ممكن يكون هالشيء نابع من نضج الشخصية مع الوقت وَ التجارب وَ العمر أو من إنشغالنا بالأمور الحياتية إللي تخليك ماتطالع مين قاعد جنبك وَ لا وش لابس وَ إن سمعت كلمة منّا أو من مناك ماعاد عندك وقت تفصل فيها وَ تفسرها ، وَ من إنشغالك تنساها
لذلك هالتأثر الشديد من هالتعليقات السلبيه من وجهة نظري راجعة لعدة عوامل ..
( عاد العوامل من راسي) ~
– صغر العمر وَ قل التجربه وَ الحساسية اللي تتعلق بالتغيرات البيولوجية [ ماتحسون زدت جرعة الفلسفة ]
– الفضاووووة نعم الفضاوة لذلك تلقون النساء الغير عَاملات أكثر حَديثهم شفتي فلانه وَش قالت وَ شفتي علانه ، لأنها فاضية تقلب الحديث براسها وَ تفصل منها قمصان وَ تنانير بعد
– الشَخصيات الحساسة وَ الحالمة إللي يشوفون كل شي وردي وَ لا يدرون عن وجود شخصيات شَيطانية هدفها تنغيص حياة الناس إللي يعتقدون انهم أسعد منهم .
وَ حطوا معاهم الشخصيات إللي عندها تقييم مُتدني لأنفسهم وضعاف شخصية كلمة توديهم وَ كلمة تجيبهم
لو إنسان من بيئة راقية وَ نَظيفة إنصدم بناس من بيئة مُعتلة أو خل نكون عادلين وَ نقول بيئة يغلب عليهم العفوية وَ مافيهم الدهاء الدبلوماسي راح يسمع كلام ماراح يسره وَ يمكن تجيه جلطة
وَ أخيراً الناس إللي مايستحقون وَقتك الثمين وَ إللي يتعمدون أذيتك قد يكون فيهم خلل وَ مشكلة معك كونك تتنتفس بالحياة كأنك ماخذ من أوكسجين أبوهم ، هذول نو كومنت
طيب السؤال هنا ،’
– شلون نرد على التعليقات الوقحة أو السلبية ؟
– نرد ؟
– أو مانرد ؟
– نخلي الكلمة تاكل بقلبنا وَ نتعذب ؟
– وَ لا ننزل لمستوى الناس اللي تواقحو معنا وَ نرد بنفس الإسلوب ؟
عاد أنا قلت لكم أنا مُو خَبيرة إتيكيت وَ لا طبيبة نفسية يعني لا تاخذون رأيي ..
لكن مرة وَ أنا مُراهقة رديت على وحدة بناء على تعليق وقح صدر منها بحقي بنفس أسلوبها ، وَ جرعتها نفس الكاس ، لكن ما كذب عليكم بنفس اليوم ما نمت الليل لأني حسيت بالذنب ٫ لأني أعرف إني أصبتها بمقتل وَ تعمدت إني أجرحها عشان تتأدب وَ تنثبر ، لكن في النهاية إحساس الذنب عذبني أنا، كونها متعايشة مع وَقاحتها بكيفها ، بس شخصياً ماحبيت ردي لها وَ لا كان ملائم لنفسيتي ، وَ صح اني ما ندمت على كلامي لها بس ماحبيت نفسي وقتها حسيت إني مُجرمة وَ سفاحة
لكن الأسلوب إللي أتبعه بحياتي غالباً قبل لا أصير عديمة إحساس
لما يجيني تعليق مُسيء أو يراد مِن وَراءه باطل
أول شيء أخذ نفس عميق وَ بريك ( طبعاً العملية هذي بوصفها بالحركة البطيئة بينما هي في الواقع ماتاخذ جزء من الثانية )
أطالع التعليق صَدر من مين !!
شخص كبير بالعمر ٫ شخص ما أفهم لهجته زين ، شخص يمون ، شخص يعتقد إنه يَمون ، شخص علاقتي فيه على المحك
كبار العمر خط أحمر ما أرد عليهم ، وَ إن رديت أرد بتهذيب أو أخذ السالفة بالمزح وَ التَغاضي
إللي ماأفهم اللهجة اقوله : باردون ؟ ( استهبل ترى )
الشَخص إللي علاقتي فيه ع المحك : أنتقل للنكست ليفل عشان ننهي العلاقة وَ نفتك ههههههههه قلتلكم الدعوة فيها كيد نساء
طبعاً الردود على اللي يمونون أو إللي يعتقدون إنهم يمونون يغلبها رَد فُكاهي أحياناً يكون بالجبهة بس بلطافة وَ ذرابة وَ أحياناً التطنيش بس لا بُد من إعطاء لسعة خفيفة للحفاظ على الحدود الإقليمية
مع مُراعاة بعض الأمور ، مُو كل رد سلبي دائماً يكون منه الغرض التجريح
أحياناً البعض يعتقد إنه يمون وَ يبي يقدملك المساعدة وَ النصيحة سواء إللي يعتقد إنك بحاجتها سواء : النصيحة مادية أو دينية أو … أو …
وَ أحياناً التعليق يكون فَي محلة بس العيب في الأسلوب ثقافة البعض وَ طريقة تربيتهم تخليهم يختارون أسلوب قاسي وَ صلف وَ غير مُحبب للقلب
وَ في النهاية لاتخلون أي تعليق الغرض منه الإذاء يظل بدون رد كله وَ لا سلامتكم العقلية وَ النفسية
المهم تعرفون تردون عليه بلباقة وَ أدب وَ من غير عُنف وَ ببرود أو كما يقتضيه المَوقف
أما الناس الحُقراء إللي دايم يتعمدون أذيتكم ببساطة أقولكم إبتروا علاقتكم فيهم لأن مافي أمل من إصلاحه
وَ أتمني محداً ياخذ بنصيحتي عشان ما أجيب العيد بالنهاية هذا أسلوبي في التعامل مع مالا يُعجبني
الدَفة لَكم ~
– عطوني أسلوبكم وَ طريقة تَعاملكم بَمثل هذه المَواقف ؟
– مَواقف تَعرضتي لها حابة تَشاركينا بَها ، سَواء طلعتي مَنها مُنكسرة 
أو مُنتصره 
؟
– هل للأن تَواجهك مواقف سلبية بَحياتك ؟
دُمتم بَحب
مشكلة الي يتعامل معك بوقاحة يكون أقرب الناس لك .
صح ?
خصوصاً اذا كان من رحمك .. لا دينياً ولا اجتماعياً يسمح لك تبعدين
لأن يَعرف مَواطن ضعفك أكثر من غَيره ..
وَ لأن بكثير من الأحيان يراهن على طَيب أصلك .. فَيسلي نَفسه
استمتعت جدا وانا اقرأ الموضوع لان صار لي فتره فعلا ادور على حل لهذي النوعيه من الناس خصوصامن الاقارب ابتليت بأقارب هم الاحسن وهم الأفضل ولا تناقشينهم ولا تحادلينهم ابد بشي في اي موضوع يفتح لان في النهايه بتطلعين ما تفهمين حتى لو عندج الخلفيه الكافيه والخبره في الموضوع هذا كوم والكوم الاخر الاستعرااض الدائم بأقل القليل والحرب النفسيه والاستنقاص والسخريه من شكلك ولما تكون الأم مؤيده لهالتصرفات وتدعمهم هناتكون الطامه الكبرى
في البدايه كنت اتعب وابكي واصيح خصوصا ايام المدرسه ووقت النتائج ياربي يا ارتوس تلفون بيتنا مايسكت عشان يعرفون الدرجات واللي يتصل امهاتهم
التصرفات ايام المدرسه لو يصير شي يوصل للبيت ..
وهم ايام الجامعه كان عندهم نغس التصرفات يسالون عن معدلي وعن قسمي وعن اي شي يخصني ووقتها ابتعدتةابتعادقويﻻ
حاليامع النضج ووصلت لمرحلة السكوت والبعد عن كل واحد يتعبني نفسيا يعني مستحيل هالاقارب اتواصل معهم الا في السنه مره ..
مو مجبوره اتكلم لهم عن اي شي يخصني ولامجبوره ابرر لهم غيابي ولا مجبوره فيهم ..
ريحت راسي من الاخر
لكن لما اشوفهم يبتدوا مره الثانيه التصرفات ..
حاليا ابي ارد عليهم خصوصا امهاتهم .. بس برد يبرد كبدي وفي نفس الوقت مايكون وقح
كيف ارد على اغلا النلس عندي اذا جرحوني او عاندونيي
صباح الثرثره ،
ياه ياتوسه جيتي عالجرح، الردود السلبيه و الوقاحه شي تتعبين منه اذا ماكنت متعوده عليها و تربيتك ماتسمح فيها.. احتار و اخاف من تأنيب الضمير و هذا الشي اللي متعبني بعلاقاتي بس الان صرت اي علاقه اتعب نفسياً منها اقطعها على طول .. اذا صحبتي و تمون علي و جرحتني قدام احد غريب اديها ذيك النظره و اسكت و خلاص هي بتفهم و لكن لو الموقف صار من احد غريب غالباً غالباً لازم ارد عليه بس بأحسن من اسلوبها. لو اهلي غالباً اسكت و في نهايه اليوم نتناقش فيها و يعرفو غلطهم ..
مواقف ما جاي شي على بالي بس غالباً الوقاحه تكون من بنات في الجامعه او ناس ما اعرفهم .. ترى اُعتبر مسالمه على قولتهم و زمان كنت من الناس الحساسه اي شي يأثر علي الان ما اكذب و اقولك صرت تمساح ؛) بس صرت اعرف اتماسك اكثر و مو اي رد و انتقاد يجرحني و اجلس افصفص كل شي صار و افكر كثير .
اخذتها قاعده اي شي يجرحني و يسبب لي اذى نفسي ابتعد عنها ..!
و شكراً يا جميله على الموضوع
و عيدك مبارك و كل عام و انتي بخير من الان ..
الغُرباء ما يأثرون فَيك صَراحة ، لكن لو صَدر من أحد يَعز عليك تنصدم تقول شلون إنت ما فَهمتني ؟
أو شلون إنت هانت عليك مَشاعري هُنا المُصيبة ..
وَ صراحة أزَين لك ، لو بنَجلس نفصفص كل شيء ماراح نَشتغل أبداً وَ ننطوي على أنفسنآ
وَ كل عام وَ إنتِ بخير يأ بيسو ..
توني استوعب بعد ما قريت كلامك ما اتذكر اني مره رديت على احد…
مع اني اتعرض لكثير من ناس قريبين، دايم اضحك و في بالي مابي اكبر السالفة عشان ما تصير مشاكل لاني اذا طحت في نقاش خلاص اكب العشاء ما اعرف اسكت :(، بس كمستجده في الجامعة للحين الحمدلله ما واجهت ناس وقحين او ثقيلين دم و ما عندي اي فكره كيف راح اتعامل معهم لو جا يوم اضطريت ارد :(!
اجل ايش تقولين عن اللي دايم يعلقون على لبسك؟ الكلام وصل مرحلة مستفزة جداً، مره في عزيمه جت اختي تسلم على خالي قال لها وش هاللبس شكلك لبستي اللي في وجهك و جيتي هخخ :)!!!
هذا غير الذب اللي بين السوالف 🙁 يخلون الواحد يكره شوفتهم الله يهدينا وياهم 🙁
لا تَصرفك أزين من إنك تَكبين العَشا ..
عطاري خالك بَنقول خانه التعبير وَ لا يفهم نفسية المرأة ، لأن تصدقين إكتشفت كثير رجال بريئين بس لا جاو يعبرون يَخربووووونها عالأخر
عبالهم يخففون دَم وَ يمزحون ، هذا لو أفترضنا حُسن النية
لكن المُصيبة لو طلعت من بَنت ..
وَ عقولتك ليش الواحد يخليك تَكره شوفته !! ..
يا اهلاً وحشتنا ثرثرتك ❤️
مع انك ما طولتي بالموضوع مرة .. لكن يسعدنا وجودك لو كان فقط كلمتين ونقطة ❤️
انا للاسف عندي وحدة وقحة جداً و ماخذة مقلب بنفسها
+ اسلوبها نظام اللي تبي تصغرك
تطلع نفسها احسن بأي شكل! وهييييييياط
لكن انا اسكت لان كل يزبد لها.. ارحمها.. قلبي حنون ;p
و دُمتي لنا ❤️
الله يَسعد قلبك ، لأن يَهمني وَجهات نَظركم ..
لو تَكلمت كثير يصير فيه نَوع من التأثير وَ التأثر وَ البعض لا طال المَوضوع خلاص يندمج وَ لا يرد وَ أخلص الكلام عليه
هههههههههههههههههههه خلاص فرض كفاية ، مآخذه حقها
بس من جَد رحمتهآ كيف مو حاسة على نَفسها ..
تووسه اااه ياحبيلك وياحبي لثرثرتك
أنا أكثر شي أطنش أما اذا جاني كلام يؤذي هنا أرد وماأسكت
ياهلآ بَدانة ..
وَ أنا أحب تَواجدكم أكثر ..
بصراحة هالموضوع هام بالنسبه لي يعني اولا انا علاقاتي محدوده جدا اقصد الصداقات العميقه قليله لاني مااحب الميانه الزايده واي احد صار لي موقف معه بغض النظر عن ردي له كيف كان خلاص صح اسامحه بس ماانساه ومستحيل ترجع العلاقه مثل اول عشان كذا صديقاتي اللي علاقتي فيهم قويه عددهم قليل جدا .. اما بالنسبه كيف ارد يعتمد بالدرجه الاولى ع نفسيتي في ذاك الوقت لو عادي ومشاعري عاليه ارد واصيبه في المقتل بكل برود واطير الجبهه مع ضحكة خفيفه تطحن وبعدها يتوب اما اذا نفسيتي مش ولابد ياويله ياسواد ليله اللي يقربني ولا اندم بعدها لاني مااغلط ع احد فمااحب احد يتجرأ ويتجاوز حدوده معي اما اذا مالي خلق ونفس اني ارد او ماجاء على بالي رد جيد اسحب سحبه كبيره لدرجه اني اللي غلط علي يحاول يعتذر بكذا طريقه ،،،،، وسلامتك ياروحي
اهلن بتوسا واحشتنا ? ..
كل عام وانتي بخير مقدماً ❤️
عادةً انا اسلوبي ما اعرف اسكت نهائياً ? وممكن اجيب العيد احياناً والصراحه كثير علاقات في حياتي انتهت بسبب هذا الشيء.
انا لو ما ارد من لحظتها يمكن اموت ? بس قبلها اشوف اذا كان فعلاً موضوع يستاهل الرد او لا فاذا كان لا غالباً اطنش الموضوع وصاحبه مع بعض ايحاءات عدم الاهتمام واني م دريت عنك ??.
اما الحاله الثانيه فلا يمكن شي يمسكني اذا انفلتّ مع العلم اني احاول ارد باسلوب يليق بي وبمستواي بدون اني اقلل من قدري او اسلوبي امام الطرف الاخر ، دمتي بودّ ?.
اهلين ياحبوبه وصباحك احلى من العسسسل وعيدك مبارك وسعيد بلمة احبابك .. سوس ليش كل حرف تكتبينه له وقع بقلبي
ودي احط قلب ووره بس كيبوردي غبي عاد تخيلي انه فيه ورده بيضاء جميله بسس لاتتتخيلين انها اجمل منك *_^
تدوينتك جات ع الجرح قبل فتره تعرضت لموقف ..
قبل ماقول الموقف خليني اعقب ع كلامك بالنسبه للوقاحه الردود ع حسب عمر الشخص الي صدر منه هالشي اذ كان صغير بالعمر راح ابتسم له
لكن لو كان بعمر راشد وعاقل ويصدر منه هالرد مرات يكون رده نابع من مشاعر دفينه ياحقد ياحسد ياغيرره وتعرفين عاد العيره مرض اعلب البنات
الله يكفينا _ماقولك انا ماغار كل انثى له نصيب من الغيره بس بعض ياكافي تنقلب مرض_ صراحه مرات اسكت من اللخمه بس ارد لها بموقف ثاني و
اقصف جبتها عقولتهمم ومرات ارد بوقتها ع حسسب
اقولك الموقف الي صرالي مره كنت لابسه لبس بسيط بحكم اني عند اهلي مع دخلتي بالمجس قالت قريبتي حتى قبل ترد السلاممم خير وش ذا الفلات
والله كنك مصررريه وتضحك ضحك بقوه صراحه انا سكت من هول الصدمه ع الاقل سلمي بعدين علقي بس رديت لها في موقف ثاني
صراحه لين الحين اشوف بنات يسولفون معك وفجاه تعطيك دقهه بالكلامم هالاشخاص مضطره اواجهههم بين فتره وفتتره بس غيرت اسلوبي
لان هالنوعيه معاد تستاهل تعطينهم من وثتك دقايق وصرت احقرهمم احسن اسلوب للهاالنوعيه
وشكرا سوس ع هالفضفضه االلزيزه
يوم سعيد لك يائلبي
مَنوش يالحلوة ما يَحتاج أنا عارفتك وَ عارفة يلي بَقلبك ..
وَ تسلم لي راعية الوَردة وَصلت ..
بَخصوص الغيرة إذا تجاوزت وَ طلعت من لساني أو من يديني أعتقد عار علي ، بيكون مَظهري يفشل
وَ أنا يهمني مَظهري الإجتماعي أكثر بكثير من إني أفكر بموضوع الغيرة ، عقولتك كلنا نغار بس ما أحب أصغر نفسي وَ الناس يضحكون من غيرتي
وَ الغيرة مو بالضرورة تعني الحقد ، إنت تكتفي بالغبطة .. يعني لو شفتي أحد أستلم مَنصب شيء طبيعي يجي بالنفس ليته أنا ، بس ماراح أقولها خيرررر منصب عادي
وَجب أقول مَبروك ، حبيتها أو ما حبيتها ، حسيتها تستحق أو ما تستحق ..
عطاري الفلات ، على إني ما أحب الفَلات بس عُمري ما عبرت لأحد بَوجهه هُو حُر ..
حتى عفكرة فيه بنات مثلاً يعرفون بالأنستا إني ألبس هآي هيلز ، يدقوني بالكلام عبالهم ماعندي فلات أنا ما أحب أروح مُناسباتي بفلات فَقط
لكن كلنا نحتاج فلات وَ نحتاج شوز رياضي وَ صندل فلات ..
مَرات أكون فرحانة بجلستي وَ تجي قريبة لي تمسك شنطتي تقول يووووه شنطتك لقيت مثلها تقليد ، أو لقيت أرخص منها وَ الله أنك هبله
أو توريني شنطتها إللي تشبه شنطتهت التقليد وَ تقولي شوفي بنص السعر وَ مافي فرق ، صَراحة أقولها : وَ الله !! ماشاء الله حلوة ..
خلاص يعني وَش بتضارب مَعهآ ، وَ ٩٠٪ من إللي كذا بصراحة نيتهم بريئة وَ الله ما يَقصدون شيء هذا إللي لاحظته بس هُم بفكرهم إنه مَلعوب عليك
وَ يبي يقنعونك وَ ينصحونك ، يمكن لو زمان كان زَعلت الآن عادي وَ لا حتى أفهمه بطريقة خطأ لأن من جد أحس بعضهم يبون يفتحون عيوني ..
أنا فيه مرة وَحدة حرمة بـ ٥٠ ، دَقتني بكلمة .. ماعرفت دَقتها إلا بعد ٦ أشهر
قلت آآآآوه وَثر ذاك اليوم كانت تَقصد ذا الشيء ، لأن إكتشفت إنها شافتني باردة صَعدت المَوقف من تحت لتحت بَشكوى علي عَند عَماتي
أنا تَوقعتها إنها إنسانة عَفوية ، خاصة إنها ما تَعرفني .. بس الظاهر إن بناتها يتكلمون عندها وَ هي عاشت الدُور
وَ نورتيني
في موقف صغير اتذكره في المدرسة كانت تجلس وراي بنت ودايماً تلعب بشعري لين مره طفشت وقدمت الكرسي عشان تفك وقلت لها بـ لُطف : ليش دايم تلعبين بشعري ؟ قالت اووه شعرك يقهر مو مرتب !!؟ .. انا سكتت من الصدمه اول مره يجيني كلام كذا ههههه (عاد كل شي ولا شعري) قلت لها طيب اذا ماعجبك لاتمسكينه ترا ازعجتيني :\ ! ومن بعدها هالبنت تمشي وتعيب فيني .. وقتها عرفت انها تنتقدني عشان ترضي نفسها .. لأن سبحان الله كل شي تقول انه فيني ينطبق عليها تماماً وقتها صرت ارد عليها بأسلوبها لدرجة انها انصدمت مني وماعاد صارت تحاكيني هههههههه
بالنسبه لمقدمة الموضوع اشوف كل مين قالت انا بلوقر وحطت لها صورة كريم وروج يجونها بنات يسألونها عن الرياضه ونمط الحياة الصحي وبعدها هاتك يافلسفه ؟ تستفزني هالنوعيه سواء اللي يسألون لانهم اغبياء واللي ينسئلون ويردون بشي مو فاهمين فيه وماتقدر تقول مااعرف او مو اختصاصي .. والله يحطون هباب مهبب وطبعاً كل اللي يعرفونه عن الرياضه هو تحدي السكوات وشوفي المنشنات عندهم كيف .. احس بغثيان من كمية الغباء .. ههه والله اليوم مزاجي ماش ودي اهزأ احد
ويازينك انتي وثرثرتك ❤
أنا إللي أعرفه البنات إللي ينلعب بشعورهم هُم إللي شَعورهم حلوة
وَ إللي مو مرتبة ما تشتهين تلمسينهآ ، بس صراحة ردها غير مَنطقي وَ مو حلوة بحقها
وَ واضح إنها إنحرجت وَ صارت تَحاول ترد إعتبارهآ ..
عطاري السكوات شفتي ذا الجدول !! ..
غير جيد وَ خبراء التربية البدنية كثير حذروا منه ، لكن بالحسابات الأجنبية هُم يبون الإغراء وَ يكتبون يومي أو شهري
وَ طبعاً هالشيء يجيب فلورز ، حتى إللي حسابه ميت يسرق مَقطع وَ يجيه تقريباً ٥٠ مُتابع إلى أكثر ، وَ كثير حسابات عربية بدو صَفر
وَ سكوات على سكوات الآن نص مليون ، هم يحركون الغرائز بطريقة خفية وَ طبيعي البنات بيقولون هل من مَزيد يبون تمارين ..
عُموماً أنا فَهمتك ، عفكرة حتى بالتَدوين مرات الناس يبونك تكون ملاك ..
أنا إللي يعرفني عن قُرب يعرف إني أحب أستخدم عباراتي العادية ، وَ أحب أكون أنا
لأن لو ماكنت أنا مصيره أنفضح وَ يصير كلامي غير مُتطابق ، وَ التناقض بيفضح إنك إنسان مُدعي ..
خاصة لو ببالك تَكتبت لسنين وَ ترتجل كلام من مواقفك الحياتيه وَ اليومية راح يتضح كذبك
حبل الكذب قصير جداً، عشان كذا الشيء إللي ما أبي أقوله ما أتطرق له عشان ما أكذب ..
انا اسميه جدول الهبال للمهابيل هههههههه بزعمهم بتكبر البتاعه بسرعه لووول ولا النتائج الصاروخيه قريت وحده تقول سويتها ١٢ يوم واحس اوف مره كفايه ههههههههههههه ياارب صبرك بس وانا لي فوق الاربع شهور والنتايج تزحف زحف من بطئها وهذي بثنعشر يوم تقول يكفي .. بصيح من كمية المبالغه عند بناتنا الله يهديهم
وصح والله على فكره احلا مافيك عفويتك وبالذات عصبيتك احس اني اقرا لإنسان يعطي من القلب للقلب .. مااحب المثاليات الزايده
اكون صريحه جدا جدا جدا
مستحيل ارد رد جارح لو كان اسلوبها اوقح مافي الكون لان لو رديت راح اعيش مرحله تانيب الضمير لعشرين سنه ووراء ههههه
اذا شي يخصني اقولهم حياتي انا اعيشها بالطول وبالعرض نقصكم شي زاد منكم شي يكون ردهم لا بس قلت لهم بلاش بس اتركوني بحالي دام اني راضيه عن نفسي
اذا شخص سلبي همه التنقيص التجريح التحقيق وجوده وعدمه واحد سحبت عليه
ع طاري الجانب الايجابي الي نشوفه منك ودي اشوف جانب الجنون هههههههه
محبينك يشوفونك بعين الرضى دايم
رد مختصرا جدا
وَ الله أزين لك ، لكن فيه طبيعة إنسان هاديء وَ فيه طبيعة إنسان إنفعالي
شوفي مرات أسولف لأختي وَ بطريقة مُنفعلة من سلوك واجهني وَ طبعاً أكون أحكي
أختي ببرود تقولي : بحريقة تحرقهم .. وَ بكل برود ، أقولها بس أنا أقولك .. مُجرد فضفضة يعني
لكن شوفي الفرق بيني وَ بينها بالرغم نملك تقريباً ٩٩٪ من نفس وجهات النظر وَ نفس التصرف
لكن هي بكل برود وَ ضحك وَ أنا بشوية إنفعال ، هَي تقولي وَ سوري عالكلمة : طُز .. ليش أشغل نفسي بهم ..
وَ دائماً على لسانها أنا أطَور نفسي مو فاضية للناس ..
إنتِ ذكرتيني بنفس هالهُدوء .. بالنسبة للجَنون غير مُصرح لي إني أطرحه بالتَدوينات أخاف أحد يَقلد هالجانب السيء ..
وَ يسلمون لي إللي قلوبهم دُوم تنبض بالحُب
ردة فعلي في الغالب وجه بدون تعابير مع ابتسامه ما يندرى وش وراها
افضل السكوت وعدم الرد
لسببين،، ان ماعندي سرعة بديهه اولا وثانيا اخاف اتسرع وارد بكلام يأنبني ضميري عليه أو كلام غير مدروس يبين اني مستفزه وما ابي ابين له انه نجح في استفزازي
لاني الاحظ كثير من الي يردون دائما يحرجون انفسهم حتى وان شافوا ان ردهم كان مناسب لكن الي يراقب الموقف يقدر يحكم ولانه مستفز وماخطط لرده يحط نفسه في مواقف بايخه
ما اعتبره قوة شخصيه الرد على كل كلمه وكل تصرف
ولا اعتبره ضعف السكوت بالعكس اعتبره رقي وترفع عنهم
ممكن لو تكرر الموقف اتكلم بكلمتين تقصف الجبهه ووقتها بيرتاع من ردي لانه ماتعود اني ارد وبيتلعثم وبياكل هواء و مارح يسترسل ، وبعد ردي بيكون مدروس لان التصرف مو جديد وكنت متوقعته
فيه ناس على نياتهم ويتخيلون الناس مثلهم فصدور تعليق وقح يفاجئهم
لكن الناس الملكعه هي الي مستعده للردود في كل زمان ومكان لانها تتوقع من الناس الوقاحه
الخلاصه: الابتسامه تحمل معاني كثير تتوهه في تفسيرها في الوقت الي ينتظر يشوفك ترغي وتزبد (تقهر) ههههههه
هذا مايحس؟ والا حاقرني؟ والا مخبيها لي وبيردها لي بعدين؟ والا والا والا
صَراحة أتفق مَعك .. الأهم ما تَحرج نفسك ..
وَ تعرف متى تتكلم وَ متى ترد ، وَ طبعاً الردود مايكون على كل طالع وَ نازل حَتكون سفيه مثله
أنا لاحظت الناس اللكاعين وَ النقادين وَ إللي دايم يبادرون بالتجريح ، لو بيوم من الأيام أنتقدتهم إنتقاد حتى لو عَفوي
وَ طبيعي ، هم أكثر الناس إللي راح يتحسسون وَ بياخذون بخاطرهم وَ يمكن ما ينَسونهآ سَنين ..
أنا أعرف وَحدة وقحة بشكل ، مرة قلت لها كَلمة .. ضلت سنين تسألني أنا كذا !! مَعقولة أنا كذا !! ..
أنصدمت من نفسها ، لكن الحلو فيها إنها تداركت شوي نفسها وَ حسنت ..
وَ تراك ذيبة ، فعلاً الإبتسامة تحمل مَعاني كثير ، وَ تخلي الإنسان يَتقلب .. تعابير الوَجه مرات كفيلة بإيصال أفضل مَسج بدون ما تأذي الحاضرين
اتفق معها ومعك ،، لان فالغالب ذَا أسلوبي أتفاجأ من كبر الكلمه الي جات وأعطيها ذيك الضحكه الملتويه مع نظره فيه شويه سخريه وبكدا انهي السالفه ، اعتبر نفسي احيان افتقد سرعه البديهه فحركتي هذي لآإراديه ، ومعروف عن السرطانيين عيونهم معبره وتحكي حكي وتهزء بعد . لووول هذا اذا كان الموقف من شخص ما يعني لي ، اما اذا كان يهمني الشخص ياويلي تاكل وتشرب معي وادخل دراما ، إن شآء الله اقدر أسيطر ع نفسي فالمواقف وعلى قولتك أنشغل بنفسي وتطويرها اهم من الثرثره ?
ياعمري عليك ياتوسه انا بالنسبه لي كل شيء ينهضم الاإلي شايفه نفسها
وتحتقر الناس الي اقل منها ماديا وتبدأ تجرحهم بكلامها وهي عارفه بهالشيء
لو هي فلوسها مَكملتها ما كان إنتقصت أحد ..
أنا أعرف ناس كثير تقولك شنطتي بقيمة راتب أبوك ، ساعتي أكثر من قيمة مهرك وَ على الرَدود الفاشلة
صراحة الإنسان ما أختار وَضعه المادي وَ لا إختار أمه وَ لا أبوه ، فجأة إنخلق .. تصغيرك للناس دليل إحساسك بالنَقص إللي تَبي تعبيه بإستنقاصك من الآخرين
بهالزمن الله يعين المُراهقين أكيد صاروا يحسون بلحظات قهرية ..
يتنمر عليه مُراهق آخر بشيء صَعب يملكه ، عشان كذا الأهل لازم يراقبون أولادهم حتى لو كانوا أثرياء ..
مممم للاسف هالموضوع حساس عندي كتير ..اكتر من مرة تعرضت لاساءات الي شخصيا وماعرفت رد
الي بيقهر لما تتعرضي لاساءه وماتردي بوقتها..بتضل بقلبك حسرة
والله مرة وحده عم نحكي وهيك ووحدة مو رفيقتي ولاشي زميلة الي بنص الحكي قالتلي .. عاد انتي بياضك يلوع الكبد .. بوقتها من الصدمة مارديت
جد شي بيقهر الموضوع من 3 سنين ولهلأ منقهرة منو
ونفس الشي وحدة من صاحباتي مرة كنا قاعدين وبنص الحكي قالت انو انا مابحب السوريين..بس بوقتها مارديت لان اولا هي حرة بمشاعرها وصح من الوقاحة انها تحكي هيك شي بهالاسلوب وتانيا لاني بعرف حركاتها ع طول حكيها جارح ووقح مع الكل اكتر من موقف شفتها بتحكي حكي لمجرد التجريح لا اكتر
.. وبالنسبه لما يجيكي شي من القرايب خصوصا الي اكبر منك صعب تردي بقلة ادب لازم تردي رد محترم وبنفس الوقت بسكت
..عالعموم شغله الكلام والحكي الجارح شغله مزعجة كتير وانا عن نفسي بتأثر فيهااا خصوصا لو مارديت.. ف بفضل رد بوقتها كرمال ماتحرق اليي
وياريت اقدر صير بدون احساس فعلا متلك…لان انا من برا الي بشوفني بقول قعلا متمسحة بس انا من جوا العكس
كلنا لنا إحساس بس الأهم مايكون عندنا إحساس مع الغرباء أو مع اللئيمين ..
مفروض العقل يدرك أنهم أشخاص غير أسوياء ، أو أشخاص عابرين غير مُهم رأيهم ..
شَوفي برضو لما يَوصلك فرضاً ١٠٠٠ كومنت ناقد بالأنستا وَ مرات أكثر ، خلاص تتعود عالنَقد وَ تصير سليط لسان أكثر بالحياة
أنا صَديقاتي جداً حساسات ، لما ينزل مرات شيء بالأنستا بحسابي ينزعجون لي وَ يتحسسون وَ ممكن يبكون وَ لا ينامون
وَ يسون لي سالفة إنه ليش خليتي الرد ، لهم مَشاعر وَ أحاسيس .. لكن لو الكل صار مثلهم ماراح يَوصل .. ماراح يثبت وَجهة نظره وَ لا فكره
الحياة طريقها وَعر ، واحد من أخواني ما يقدر يخلي حسابه بتويتر عام .. يقول ما أتحمل النَقد
بالرغم حياته غير مَشهورة بس ما يَقدر وَ لا يتحمل وَ يتحسس من أي نَقد ، بالرغم إنه بالحياة مو بهالحساسية
وَ أحد أخواني لما البنات بالأنستا يسبوني يكون يتابع وَ يضحك .. يقولي : وَش سويتي فيهم ليش زَعلانين !!
يعني الناس طَبايع ، بخصوص البياض يلوع الكَبد مُمكن مسبب لها حساسية خاصة ، وَ مُمكن هي فعلياً ما تَعودت عالبياض تَشوفه شيء غير مُستحب
طبعاً وَقاحة بس فيه كثير ناس يقولونها للسمر وَ يقولونها لكل ألوان البشرة ، مُجرد سالفة لطق الحَنك ..
بكلا الأحوال لا تقابل المؤمن بما يَكره ، بالإمكان تسألينها إنه لو أنقلبت الادوار راح ترضى بكلام من نفس هالنَوع ؟! ..
نورتيني سوسو
ب احكي لك عن موقفين الأول مع صديقتي كان عيوني توجعني ودقت تسأل ليه غايبه قلت لها ان عيوني مره توجعني وكان فيها زي الدم المهم البنت قالت الف سلامه عليك وما تشوفين شر داومت وكان فيه مجموعه بنات وكنت أُوصِّف لهم الوجع بعد ما خف المهم البنت هذي الي دقت عليه جلست متقرفه وتقول يع لا تقرفينا حولينا ولا علينا واقحه ما عمري شفت زيها المهم قلت لها خفي علينا أمس مكلمتني وتقولين الف سلامه وذحين متقرفه !! سكتت وبلعت باقي كلامها اهم شي أني احرجتها قدامهم وبأدب . الثاني زميله جابت رقمي وتقول يأكلبه يا حماره يا معفنه وحشتيني وانا وجهي كذا :/ قلت لها انا مو كلبه ولا حماره ولا معفنه واتوقع عندي اسم وعذرا لا تخاطبيني ب الأسلوب ذَا ! قالت امزح ما ينمزح معاك طنشتها و مابين فتره وفتره ترسل لكن تأدبت وصارت زي الناس لو خليتها كان تمادت تعبت وانا اكتب بس حبيت اشاركك ميرسي على التدوينه الجميلة
يا حياتي إنتِ شكلك تطبعين من الأيفون مَقدرة تعبك وَ ردك يا ألاء ..
نجي للي قالت على عَيونك يع لا تقرفينا ، صراحة فيه ناس كثيررر لما توصفين شيء غير مُحبب ما يَخلونك تكملين كلامك
مو لأنهم متقززين تلاقين مر عليهم السبع وَ الذمة بس مُجرد للفت الأنظار لهم ، أنا مرة أحكي لوحدة عن طريقة لتنظيف الجروح
طول الكلام بس وقفي ما آبي أسمع وَ سوت سالفة بالرغم هي مَحتاجة تعرف وَ هي كل شكلها بكتيريا !!! وش أقول سكت بالرغم لو سمعت كان إستفادت
يعني البنات إللي سمعوا كلامها ، قالوا كان قلتي لها خير مين يتكلم ..
أما سالفة كلبة وَ حمارة ، ذكرتيني بنفس الشيء صار لأختي مع وحدة لكن بكلمة من تَحت الحزام
أختي أذكر وقتها الحياة قلبت عندها سوداء ، قالت لها ما أسمح لك تناديني بهالكلمة ، البنت طول الوقت أمزح أمزح
قالت : أبداً ما ينَمزح بهالكلام ، بس أخذتها عَلقة وَ صارت تثمن كلامهآ ..
حبيت مَواقفك وَ حبيت أشاركك بمواقف مُشابهة لموقفك وَ خطاك السوء بخصوص عَينك ..
نورتيني
حبيبه قلبي إنتِ .. عذبني الأيفون 🙁 والتدقيق ضروري يدخل كلمه من عنده زي وقاحه / واقحه :'(
صباح الاشواق
وحشتنا سواليفك ووحشة شوفتك اكثر <انا اشهد
اتوقع باقي تكه وتدخل رغبة شوفتك لستتة امنياتي هههههههههه
متتتت ضحك على النكست ليفل والحدود الاقليميه
اما عن طريقتي للاسف مجتمعي يعج بهالعينات ومن كثر ماتعودت اسمع
زعلت مره وعطيت بالجبهه مره وتاقلمت ووصلت اني اضحك بس اسمعهم
ﻻنها ﻻتعليق على حق وﻻ واقعي مصدره السووسه اللي قلتيها ﻻاكثر
مازلت اتعرض لها؟ اي من تحت لتحت وقامت تضحكني اما لو صار وانقالت صريحه
اكيد بقوم بالواجب هههههههه
وردات من عندي لك
هههههههه حَبيبتي ، ما تَدرين .. لعل وَ عسى أسويها بيوماً ما ..
خلينا نَقول بالمُستقبل القريب ..
وَ دخيل هالسُوسة .. وَ الله ذي السُوسة تسوي مَصايب وَ الله ..
شوفي حتى ما أكذب عليك ، صَرت أحرص على الصداقات المُريحة لي ، طبعاً ما أبي ناس يطبلون لي
أكيد لأ ، بس ودي بناس هَمهم أنفسهم ، لما تجتمع معهم تحس بشيء جديد .. تكتشف شيء جديد
ترجع من جمعتهم مُبتسم ، مُش مغبون أو تجلس طول وقتك تطالع شعرك أو وجهك أو جسمك
تعرفين البعض يسببون للبنات عقدة ، يووووه شعرك صار خفيف ، يووووه سمنتي ، يوه وَجهك قب حبوب
يعني ما أتوقع الناس ما عَندهم مراية مو شايفين أنفسهم
وَ تسلم لي وَرداتك ..
-وش دخلك ؟
-طلبت رايك ؟
مالهم حل??
هههههههههههه أحس هالردود دايم تَلجم ..
تدوينتك بوقتها ..كنت من الاشخاص المسالم حد الاستنعاج و اكلتني بعض الذئاب ..و اختي دايم تقول لي لاتصيرين دجاجه ?
الوقت و العمر و التجربه و الصفعات و الرفسات الكلاميه اللي غالبا تكون من اهل زوجي خلتني اصير اقوى و اعرف كيف ارد رد مايقلل ادبي و بنفس الوقت يسكتهم..كنت الطالبه ال nerd كل همي دراستي تزوجت و انصدمت ان في جراثيم كلاميه ممكن تمرّض الاخرين و تتعب قلوبهم …ممتنه لك جدا على هالمساحه للفضفضه ??
حاشاك من الأستنعاج ، بنقول حَد الطيبة ..
ههههه عليك تَعابير ، صدقتي بكلمة الرفسات الكلامية ..
وَ الطالبة النيرد أهم شيء حالها حال نَفسها وَ دراستهآ أشوف إنتِ الصَح وَ الأهم لما غيرتي نَهجك
أهتميتي تردين بدون ما تقللين أدَبك ، لأن حرام ينزعون لك أخلاقك وَ تربيتك ..
نَورتيني يا زَينب
الحمدلله ماواجهت بحياتي مواقف زي كذا الا نادرا لكن لو صار لي الموقف على حسب مين قدامي مثل ماقلتي لو كبير بالعمر باسكت لو شخص ثاني اتوقع بعطيه نظرة تقزز هذيك النظره اللي مو حلوه يارب فهمتي ههههههههه وممكن ارد بطريقه ثانيه مادري..
حبيت نَظرة التقزز وَ إن شاء الله ما بَحياتك تَصادفين هالعينات ..
قلت لك طيران ع حكيك المعنوي احبببه وماأقدر أأجله ،،، بس ليه مو كثير اهي اهي ? ،، المهم ، جوابي لاخر سؤال ، نهايئا ماأواجه هالمواقف الان ، يمكن لو قريت هالبوست قبل سنتين تقريباً كان حيصير كانه تعليمات لي لان بصراحه اللي كتبتيه منهجي بالضبط الان ومستحيل ارد رد بنفس الوقاحه حأبرد قلبي بطريقه جداً لطيفه لدرجه يُحرج المتلقي ، يعني م أحس إني بأصير قاسية ودايم دااايم أعذر اللي يستوقحون وأقول في نفسي أكيد لها سبب خلاها تقول هالشي ودايركت أنظف قلبي وم أخلي فيه أي تبعات من كلامها ، اما المستوقحات اللي اساسا بعيدين عني بحق وحقيقه واخر نوع فنظرتي لهم هي ( هي صحائفهم فليملؤها بما شاؤو ) مرح أتدخل فيهم ولايدخلوني فيني بيننا خطين احمر مو واحد ،،، وبصراحه هالفتره من حياتي جداً مشغوله بحياتي الشخصيه وتقريباً منعزله شوي عن المجتمع مادري عن اخبارهم ولايدرون عن اخباري حتى الليلة ابوي يعلمني عن العزيمه الكبرى للجماعة وشايله همها ماودي اروح مالي خلق قرقات الحريم ? بس أبوي يقول لي لمتى بتعزلين نفسك ( طبعا بنظره منعزلة عن الجماعه والا انا صحباتي بالاسبوع اقابلهم وجيراني يعني هم مجتمعي الحالي ) قلت الين أكبر اطفالي مالي خلق تعليمات الحريم بحكم عمري الصغير . ! ان شاء الله رديت رد يبرد قلبك ، ع فكره ليه حسيت من كلامك كانك م تبي تكتبين وتبين تكتبين هالبوست? !
ياهلا بارتوس . اخ انا الفتاه اللي عايشه بعالم وردي لين الله اصابني بصاحبات بالجامعة من النوع اللي يدقون بالكلام وكل طلعه والثانيه كلمه منهم ، صراحه اول ما اتعرفت عليهم واسلوبهم كذا بالبدايه اتجاهل واوضح اني مافهمت لانه مرات يتكلمون بكلمات تحتاج توضيح لي لانها مامرت علي ، هم من بيئه اخرى وانا من بيئه اخرى* بس كلنا نفس المدينه * الحين بعد ثلاث سنوات حتى لو دقو بالكلام علي ابتسم ابتساااامه طووووويله واناظرهم واكمل اللي فـ يدي ! مو مستاهله نتهاوش على شغله سخيفه لانها تختلف عن بيئته .
انا الاقارب غالبا ردي دبلوماسي مع ابتسامه تفقع مراره اللي قدامي 🙂 او اسكت 🙂
،
هالفتره زادت الوقاحه تحت مسمى الميانه يعني الشخص يجرح ويمشي ، ولو عطيتيه من نفس الأسلوب قامت القيامه ?
شخصيا أكون لطيفه لكن اذا بدر من شخص اسلوب سئ اتغاضى واعذر له المره الأولى بس اذا تمادى ارد عليه لكن ماتوصل مرحله الجرح ..
موقف قلته بالانستا وبعيده
زوجة اخوي جاها مرض معدي وهي بمدينه غير مدينتنا وطبعا احتاجت تتنوم فالعزل طلب اخوي مساعدتي وبكل حب وبكل طيب لبيت له عشانه وسافرت لهم كان فرمضان قبل العيد بيومين خليت اهلي وهم بحاجتي خليت فرحة العيد وصباح ولمة اهلي والله وبالله ماتندمت وقتها وجلست فشقتهم ١٥ يوم مع طفل رضيع ١٠ شهور وانا ماقد تزوجت ولا لي خبره واجد بالبزران ثم اخذت البيبي ورحت لاهلي وكمل عندي شهريين كاامله والله العظيم انا ااكله وانظفه وانومه لا امي ولا الخدامه ثم ترسلي ع الواتس بدون اي مقدمات مثل ما اخذتيه رجعيه بحكم انا سافرت واخذته وقتها يصير خير ابوي عز عليه اوديه بنفسي وداه اخويه بحكم ابو الولد مرافق مع زوجته ،،، بعد هالموقف بكل ادب او بكل وقاحه مستحيييييل اعني نفسي لها و لا لولدها وعقبها انفصخت من الخدمه الا لاختي فقط هي الي تقدر وتتفهم
ياربي كمية وقاحة بالرسالة صج بعض الناس تستخسرين فيهم الخير هذا وهي مريضة وماسلمتي منها مدري كيف اذا صاحية
بالعاده الكبار ماارد احتراماً للعمر
الباقين صراحه اتجاهل لأني مااحب اتجادل كثير ومااخفي عليك احياناً اندم اقول ياليتني رديت
لكن قبل فتره جاتني كلمه من حرمه كبيره صدمتني صدمة عمري ماتوقعت اني ممكن اسمع من احد كلمه جارحه بهالشناعه من قوة الصدمه تبلمت حتى لما رحت بيتي احاول اتذكر هل الموقف حقيقه او لا
ههههههههههه ودي اكتب لك الكلمه عشان تحسين بإحساسي بس مستحيه من الناس اللي بيقرون ?
وقتها قررت احط حدود لكل علاقاتي بلا كبير بلا صغير
بس التغيير يحتاج وقت لكن راح اتغير ?
اه ي ارتوسه جبتيها ع الجرح م اعرف ارد ابدا ف المواقف ذي .. مرة رديت (عاد مدري كيف جتني الشجاعة) ومت من الندم وتأنيب الضمير ومن وقته اكتفي بالسكوت ):
صبآح ثرثرتك الجمييله
والله يا ليت تزيدين من جرعآت فلسفتك لها نكهه خآصه ودائم آكرر اني آستفيد من هالموآضيع وتفتحين عقلي
آنا بالنسبة لسؤالك عن آسلوبك وطريقه التعامل مع هالمواقف؟
انا من النوع اللي آسفه وأسكت في المرات الاولى لان مآ احب يطلع مني شي آندم عليه لان دايم آتحسف على تصرفات او كلام قلته فآقول آسكت أحسن
الانسان اللي قدامي بكيفه يتكلم يسوي اللي يبي هو حر بس انا لا آحكم عقلي وتصرفي وقتها آما اذا كنت حافظه له آشياء مسبقه آعطيه وقتها عشان خلاص يسكت ويلزم حده لان فيه نوعيات تبدى خلاص تتمادى وتهمش اللي قدامها
أما الناس والشخصيات اتوقع بكل مجتمع موجوده لا يخلو منها بس آحيانا تطلعين من الموقف منتصره وتعلمني شي جديد
المشكله لا صآر الموقف من إنسان اكبر منك مآ تقدري تسوي شي مالك الا الكلام السليم وتقدمين له الاحترام عشان يستحي على وجهه
آه ذكرتيني بموقف حصل لي وقتها ما ادري وش آقول لانها آكبر مني بس بعدها قعدت آصيح من القهر وكل ما تذكرته بس لنا رب يحاسب ((المشكله ما اقدر أفصح عنه هنا))
شي آخير الذكيه اللي تطلع من المواقف ذي متعلمه ولا تطيح فيها مرات ثانيه وتعرف تتصرف بكل الحالات
تشكرات آرتوس القلب
صباح الورد..تصدقين تمنيت التدوينه اطول من كذا استمتع بحكيك خاصه اني في فترة وحام اجتاج اي شي يسليني وينسيني معاناة الوحام..انا بصراحه اكثر وحده القى كلام لاني مثل مايقولو عني قطوه مغمضه سبحان الله مااحب ارد على احد بأسلوب وقح اخاف من تأنيب الضمير ومن انه الموضوع ينقلب بدال ماهو لي يصير ضدي..وغاليا من اللي تربطني فيهم صلة رحم من بعد ماتزوجت وانا مدري احس كأني موضوع يستفزهم ينقدرون حتى على اشياء مافي منطق تستفزهم يوه راحت تصبغ يوه حملت يوه سمت بنتها كذا وبلا بلا بلا اشياء تافهه وتوصل لاشيااء قويه جداا بس مايكون قدامي لا يوصلني الحكي بعدين يمين بالله اصيح وينحرق كبدي واتوعد بس اشوفهم لاوريهم كلهم وبس نتقابل ارجع قطوه مدري ليه تعبت من نفسي بس مرره ماعندي جرأه اخذ حقي من اللي يقربون لي من اهل زوج او قرابة عم او خال وادري هالشي غلط بس عندي أمل اتغير..ودمتي لنا ي عسل❤❤❤
اه ارتوس جبتيها على الجرح انا ابدا ماعرف ارد واجرح بالرد وكان وضعي تمام كان المجتمع حولي حليل ومؤدب هههههه محد يغلط ولا احد يجرح بس لما توظفت استغربت من الناس الهمجيه والاسلوب الوقح مره تعبت نفسيا من وقاحتهم وقلة الذوق والمشكله لين الحين ماتعلمت كيف ارد عليهم
المواقف السلبية كثيرة ودائمًا نتعرض لها والمصيبة إنها من أشخاص قراب جدًا
تعاملي مع هذه المواقف دائمًا السكوت ثمّ السكوت .. أبدًا ما أحب أتعّب نفسي و أوجع راسي بالرد على أشخاص موجودين بهامش حياتي وإجتمعت فيهم لأجل المظاهر الإجتماعيّة لا أكثر .. حتى لو تعدّى الوضع الخظوط الحمراء ما أرد بلساني بس أرفق السكوت بإبتسامة سخرية و نظرة إستخفاف بالشخص .. وصلت لمرحلة إن ثقتي بنفسي ورضاي عن نفسي أمام الناس أقوى من إن أي شخص يهز ثباتي وهدوئي وسلامي ونفسيتي بمجرد كلمات صادرة من شخص فارغ
هذا تعاملي الشخصي مع الأشخاص السيئين ..
أتمنى لك حياة سعيدة بعيد عن هالأشخاص .. حبي ?
هلا والله هلا هلا .. 3>
والله ع حسب رغم اني ماانكر كثير تسرعت ورديت لكن احساس الذنب 🙁 وممكن اكتفي بالتشميق و تعبير الوجه الممغوص هههههههههه
اما الي اسكت عنها غالباً اسكت لاني مو فاهمة السالفة لأنو انا اسلك كثيييير واحيانا ماانتبه لو فيه شي لاذع قيل لي من الطرف الاخر تروح وتجي وانا ما دريت عنها هههههههههههه
اهلًا ارتوس ..
فيه ناس افسر ردودهم الجارحة قلة سنع يعني قالوها بدون مايفكرون واطنشهم .. وفيه ناس مستحيل اتقبل منهم فألسعهم على ماتقولين ? واذا مايهموني اقطع علاقتي فيهم وياكثر ماقطعت علاقاتي بناس كثير عشان راحة راسي ..
شكرًا ياجميلة ❤️
وعليكم السلام ورحمة الله …
ياهلا وغلا بالمواضيع الشيقه وراعيتها والله ❤…
بالنسبه لي وللمدونات عمري ماراسلت احد دايركت كأستشارة سواك انت يختي القلوب شواهد وقلبي جرني لك جر ❤❤….
ومع ذالك ماتعمقت معك في العميق لين عرفتكم زين وارتحت لكم ربي لايحرمني والله ❤❤❤…
اما الفلسفه انا اروح فدوة وملاحظه نفسي لي فترة صايرة اتأمل واتفلسف حتى مع نفسي ومبسوووطه عاد كيف لو الفلسفه منك^^❤….
قلتي كلمه رنت براسي المجتمع العفوي انا اشوفه مجتع فوضوي هائج اللي بقلبه على لسانه ويتعذر بالعفويه الانسان لازم يكون متيقظ للسانه وكلماته مو كل شيء يقال امكن تغلط غلى نفسك قبل اللي قدامك ارفع قدر نفسك وبلاش غباء وهبل …
بالنسبه لاسلوبي مثل ماقلتي وتكلمتي احيانا اخذ نفس واحيانا انسى لانها تكون صاروخ ماتدرين وين متوجه وانا من النوع اللي يبين بوجهي على طول كنت مااعرف ارد بس الحياة علمتني …
غالبا تكون اسئلة غبيه وتطلع من كبار بالسن للاسف مثل ولدك كبر ماراح اتجيبن له اخوان طيب واللي اكبر منه ذول من الشارع مثلا !! … ارد عليهم اللي عندي يكفوني وابشرك خلاص مو ناوية بترد بيتزوج ابو عيالك عليك ؟! … ارد اذا قدر ^^ ..او عليه بالعافيه …. جوابي قوي لان السؤال الثاني اوقح من اللي قبله وكأنو متزوجني بس عشان افقص له ناس ماترتاح الا وتشوفك غلبانه بين هالبزران وتعبانه وكرفانه …
اسئله ومواقف تمر علي … اممم كثير اقلها ليه ماعندك شغاله كل اللي حولك عندهم شغالات نحفتي من الخدمه ^^… احيانا تكون من ناس اولردي هم ايرحموني بس الصراحه مافي احد ارحم من نفسي علي وترى الخدمه ببيتي مش مثل الخدمه عندكم انا مسيطرة عالوضع …
للآن للأسف …
ماننحرم والله منك يافيلسوفتنا ❤❤
تذكرت موقف قبل اربع سنيني بالضبط ماادري ليش مااعرفت ارد … وماانتصرت لنفسي به … كنت جالسه بمجلس حريم وكنت اسولف مع وحده تقولي على مناسبه نفسها تحضرها ومتردده قلت للادميه ياشيخه روحي وفليها وغيري جو … انا قلت هالكلمه والا ماقلتها انطلقت علي وحده كنت احترمها بس بعد سهامها علي بترتها من حياتي .. تخيلي انطلقت علي ولا لها خص فيني وباللي اسولف معها تقولي الناس ماعاد تخاف ربها يبون يفلونها وبس.. المناسبات صارت تفضح كل المحرمات فيها والناس تبي تفلها انا سامعه الشيخ الفاالاني يقول اننا بزمن الكاسيات العاريات والدليل لبسك شوفيك يالله تقعدي ويالله تقومين هيا بالله هذا اللبس يرضاه دينك وربك وتطالع بالمرة اللي قدامي وقالت لها لاتسمعين لها خلك منها … كل ذا الكلام وانا مبققه عيوني اقولك حتى تفس مااخذت كلمة ورى الثانيه المجلس كله توتر … المضحك المبكي بناتها عن يمين وشمال لابسين بناطيل مثلي مثلهم بس كلمة كنت بقولها وجهي الكلام لبناتك بس خلاص فات الفوت … وعرفت بالنهايه اننا شوكة عينها ربي فضحها
الموضوع جا ع الجرح الصرااحة
واكثر ماتحصلي من ناس كبيرة بالعمر واقارب بعد ?
وهالشي تعبني …
لاني انسانة بطبيعتي مسالمة وع قولة وحدة من البنات ماعندي سرعة البديهة في الرد ..، واحيانا ارد وانا اضحك عشان ابين لهم تفاهة حكيهم !
في مواااقف كثييير
مره كنا مجتمعين وطلبوا اذا وحدة من البنات تعرف شغلة ما ورديت اني اعرفها ماانسى تعليق وحدة قريبة لي”يوضع سره بأضعف خلقه” ماتتصورون وش كثر صدمني هالكلام ?واكتفيت وقتها بالابتسامة
المهم هالادمية الى يومكم هذا ماادانيها لكن مضطرة اشوفها بحكم قرابتنا القريبة
وفي موقف ثاني
كنا مجتمعين وكان من اللي في المجلس ناس من عمر ماشفناهم يعني تعرفنا ع بعض ذيك الليلة ?
ولما عرفتهم بنفسي ..تدخل عرض “جدتي “وتقول بس اختها فلانة احلى منها !!! تعالوا دوروني كأن احد صفقني كف
انا عارفة ان معاييرهم الخاصة !!!تخليهم يفضلون اختي بكيفكم مع نفسكم
بس مو قدام الاوادم ?
الشاهد في هالمواقف
انه الكلمات احيانا تكون مثل السكاكين فرجاء انتقوا كلماتكم والاهم الاسلوب اللي تقال فيه حتى ماتجرحون احد ..
حاليا..،احاول ارفع ثقتي بنفسي.. لانه الثقةبالنفس تخليك تحترمين ذاتك في الاول وترفعين قيمتها وبالتالي ماتسمحين لاي احد يهينك او يجرحك
ارتوووس يختي احبتس واحب مواضيعك ???
احتاج هالتدوينه عشان افضفض انا الي حولي يقربون لي يعني بنت خالتي اوبنت عمي ولازام كل شهر نشوفهم اقدر ارد عليهن ولكن اخاف على مشاعرهن انه تنجرح يمكن تقولين اني غبيه بس هاذي طبيعتي حتى الناس الي مااعرفهم اخاف على مشاعرهم والمشكله ودي اقطع العلاقه معهم ولكن كيف وهم. كل شهر مقايبلينن لان نضامهم تفشيل عند الناس
حالتي يرثى لها ، عادي جدا أحول دق في الكلام لمضاربه وتكفيخ وشد شعر !
اي دق فيني ولا سب سريع سريع يرتفع الأدرينالين عندي واقلب الدنيا فوق تحت ولا ارتاح لين اضرب متخيلين الوضع !!
في الآونه الاخيره صارت الناس تنفر مني وعلاقتي معهم في الحضيض ويالله من فضلك تو ما حسيت بالراحه
مو معناته ابدا اني سعيده باللي اسويه خاطري اتجاهلهم بس مقدر .. الوضع خارج ارادتي
الورود الجارحة والوقاحة بالنسبة لي تختلف من شخص لشخص يعني مثلاً افراد الاسرة والمقربين يقلب الموضوع نقاش واخذ وعطى بالحكي لين يحس الشخص الي اتواقح معيا على دمه ويعتذر ويتراجع او احينا اطنش في ساعتها وارد بطريقة تانية المهم في النهاية احنا اهل مانخرب علاقتنا بسبب كلمة جارحة او اسلوب اختي او اخوية لو قالو لي كلمة جارحة كلها كم يوم وانسى لكن الكلام كله على المعارف او حتى لو ناس من العائلة الكبيرة هذول غالباً لو غلطو علي ما اعطي الموضوع اهمية اتقبل ان الشخص وقح وجاف في الحكي ولا احاول انصح او اغير منه بس يتحمل ردود افعالي في اني احمي نفسي من سمومه بالطريقة الي تعجبني وتناسب مزاجي في ساعتها وبالاخير الواحد يحاول ينظف قلبه اول باول والله المستعان
ياكثر هالعينات الي شفتهم
وخصوصاً أقاربي للأسف..
أيام طفولتي ومراهقتي كنت مجبورة أزورهم مع أهلي
وبحكم أني قليلة كلام واغلب وقتي ساكته وهاديه مو أجتماعية أبداً
يقالك بيسولفون معي يتريقون علي لبسي او يقولو لامي بنتك بكماء ماتتكلم او هذي دايم تجيبوها تحفه معكم .. هي تقولها بحسن نية بس الاسلوب صفر
أنا وقتها كنت أتحسس وأشيل بقلبي وأكره الي يتكلم علي
حتى لو شفتها ثاني اسلم عليها غصب
ويبين بوجهي ملامحي تتغير
لكن الان ما اقول افضل بس صرت اقدر أحط أكس على هالعينات
لا أشوفهم ولايشوفوني لازيارات ولا مناسبات احضرلهم قطعت علاقتي
بالجميع
الناس الي فاهمتني وعارفة شخصيتي وأسلوبي
عددهم جداً قليل
لكنهم يسوون عن الف من الي شفتهم من قبل
الحمدلله يارب
وكل أضحى وأنت بخير
انا تجيني للحين دقات وماادري شنوو وانحرج
بس مااسكت لوو سكتت احس اني ضعيفه
بس اكيد رد محترم بس يسكتهآاا وماعاد تدخل
نفس مآقلتي توسه بعضهم مااوجع راسي برد
خلاص بداخلي اعرف انوو وقح ومابيتغير ليش اتعب نفسي
مع هالفئه
اتمنى اصير بارده مثل أختي برودهاا لحاله يجلط
ماشاءالله هههههههه
بس اللي يزودهاا معهاا ماتسكت ترد والله
عكس انا حاره شوي بس دايم احاول اسيطر ع نفسي
ومااعصب ابد واحاول اتغاضى اذا كان الشخص موو مهم بالنسبه لي لأن مايستاهل ازعل او اعصب عشانه
تسسلمين ع الموضوع كنت افكر فيه اصلاً
وشوفك نزلتيه فدوووهه
وكل عآمم وانتِ معناا وكل عام وانت بخييير
*قُبله*
هههههه والله تو صار لي مشكله قبل كم يوم وحدة وقحححه وكلامها وسخ وبلشت سب وسب طبعا كان كتابه ببرنامج واتس المهم عاد كتبت لها مو رادة عليك بس كتبت كلمتين بردت قلبي(الله لايسامحك واعتذارك غير مقبوووول) لان الاخت ارسلت اعتذار طويل وندم ومدري ايش،،،، بس للاسف مقدرت اسامحهاااا هففف
ناس ماتستحي ولاعندها مزى ههههه
الا اللسان البذيء والوقح مااسامح عليهم
اكتفي ب(حسبي الله عليك ) ؟؟
او (الله لايسامحك) !!
وبلوووووك طبعا كبر الجبهه من الجوال وكافة التطبيقات اللي هي فيها
وش هالحظ اليوم سهرتي طولت واتفاجا انك منزلة بوست ياحظي فيك
صراحه انا ما اقدر اسكت بالاصح انا ما ابغى? يجيني حرقان بس طبعا مو احد كبير الكبار ادا قالولي شي محرج ارد بجواب لببق جدا احاول مو دايما تزبط معايا بس احاول ? الي في سني او اي احد حسيتو يبغى يجرحني او يحرجني ليش اسمح لاحد يتعدى حدودي حتى ادا جبت العيد اهونها على نفسي واحاول قد ما اقدراخلي الرد فكاهي واقلب الطاوله وبرضي احاول اوزن كلامي وياما جبت العيد? ويا ما انتصرت ✌ والله يسعدك ارتوس احوبك في الله ❤
صباح النور والسرور…
ثرثرتك كالعادة ممتعه..
يخي في وحده بالانستا ضفتها احسها تقلد اسلوووووبك مدري ليش ماتقبلتها رغم ان كلامها جميل ومنطقي بس لما حسيتها تقلدك ماقدرت اهضمها..
يمكن هي تاثرت بك تلقائيا وماقصدها تقلد بس مدري افضل الناس اللي لهم بصمتهم..
باانسبة لموضوعك الكلام سهل والواقع صعب..
لان ماعمري حد قالي كلام وقح مباشر.. ولكن تجريح وانتقادات ..
تضايقني… بس اعرف انها اسلوب كلامهم.. مثلا قلت لهم عن تصرف سويته على طول يقولون
يابقرة…. ياغبيه….
رغم طيبتهم معي الا ان ملافظهم سيئه ومتعودين على الكلام الوسخ حتى لز يبو يمدحو …
ماحب كذا ولا ارد عليهم بس اقولها لاعاد تقولي هالكلمه
فقط موقف صاار وجد وقح وتحسفت مارديت وهي وحده ببيتي هزئتني قدام الضيوف بس بشكل غير مباشر.. يعني تتكلم لهم عن موقف وتتلفظ على وحده بهالموقف.. وانا كنت عارفه انها تقصدني.. واغلب الخضور عارفين.. عاد انا من جد اصنمت اول مررره يمر علي كذا..
طبعا مارديت بشكل مباشر بس بررت لها الموقف اللي سوته ذيك بالموقف-اللي هي انا
عندي احساس انها ندمت على حركتها او مدري ممكن عقلي يموه لي انها ندمت عشان اقدر اعيش.بسلام ?
يسلمو ارتوس على هالفرص الخلوة للثرثرة معك والفضفضفه.
انا عني ارد بنفس الأسلوب و بدم بارد محد يستاهل الاحترام الا شخص فارض هالشي
آرتوس ⛄️
المووضوع جدًا جمميل! وفعلًا إذا اخترنا اننا نرد عليهم بنفس نيّتهم اللي حنّا متخيلينه بيتلوّث الصفاء اللي بداخلنا..
للحين اعاني من هالشي لكني قاعده ادرّب نفسي واتخيلهم زي ماقالت لي مرة دكتورة بالجامعة: هم فقراء اخلاق .. اذا شفتيهم او قابلتيهم تعاطفي معهم مثل ماتتعاطفين مع الفقير .. وصرت احاول اتعاطف معهم على كلامهم اللي اساء لهم بالاول والاخير، لأنه من الناحيه النفسيه ماقالوه الا وهو محرق شي بداخلهم ..
اول مره اعلّق واتحمس ?.. شكرًا ارتُوس?
ع طاري المشاعر بالمراهقه و الحساسيه الزايده ? اه بس وش اقول اكثر موقف اثر فيني كنا جالسين عند خالاتي و خالاتي هاشوا اه يا كمية الصياح اللي صحته و قلبي اللي تجررح ? منهم جلست فترة تقريباً 3شهور ضايق صدري حيييل لاكن هالسالفه زمان اللحين تغيرت الحمد لله و الوقف قواني ?? وصرت ما اتحسس كثير و عرفت ان مو كل الناس طيبه و تراعي عاد انا عندي عقده من اني احش بأم احد احس ع طول بيكرهني لاني اكره اي احد يتكلم عن امي ❤️ ع طاري القلب لما احد يعتذري بالواتس و يحط لي هالقلب ❤️ احس لا شعورياً اتقبل اعتذاره و احسه انسان لطيف ههههههههههه مدري اذا انتم مثلي و اكثر واحد يحط لي قلوب بالمحادثات اخوي يالبى قليبه ❤️
الرد ع حسب الشخص الي قدامي وعمره
وايش علاقتي فيه زي ماقلتي
بعدين اجي للاسلوب
غالبا اذا وقح جدا وادري انه دائما وقح
اعطيه بالجبهه بدون نقاش
اذا ادري انه مايقصد يجرح لا هالنوع ارد بابتسامه
او مزح او اسوي ماسمعت 🙂
اذا الشخص قريب جدا ارد عليه بمزح
او فيه نظره اتميز فيها بين البنات اصرف لها وحده
بس اهم شي انا من الناس الي مااحب ابقي بقلبي
الا اذا كبيره بالعمر
غيره لازم ارد بذرابه واجيبها من ورا
كيد النساء لازم يشتغل هنا او ماارتاح للاسف
صباح الخيرات
اول مره اكتب تعليق واشارك ?
بالنسبه لي بالرد على الثرثارين
على حسب الشخص ارد واغلب شي اطنش واسكت عشان اتجنب الدخول بمشاكل وحزازيات خاصه لو من العايله او مو دايم اشوفهم يعني بالمناسبات اقابلهم بالوجه الزين واتغاضى عن طولة لسانهم بس اكتشفت ان اللي سوي كذا يستمرون يرمون عليه كلام ويضغطون عليه زي مقولة يستفزونك ليخرجون اسواء مافيك …بس والله صرت اطنش لان زي ماقلت بالسنه مره وبالمناسبات اشوفهم …سبحان الله صار لي موقف مع وحده اطنشها دايم لارمت كلام علي وترمي كلام على وحده غيري ولاسكتت الحرمه قومت الدنيا وقعدتها وتهاوشت العايلتين ودخل بالسالفه رجال كل لانها ماترضى بالغلط وردت اعتبار لنفسها وماهمها صلة القرابه وصار يحسبون لها حساب ويخافون منها ? وسلامتك
مرحبا ي حلوه❤️
وكلامك جميل كالعاده وماينمل كالعاده ..حلو انك تطرقتي لهذا الموضوع خاصتن صاير كثير هذي الايام والناس الغثيثه كل مالها تزيد بس من جد نفسي في جواب يصيب في مقتل على قولتك ?والسؤال اللي مايملون منه وانتي باقي ماتزوجتي للحين متى بتتزوجين !!!وكل عام وانتي بألف ي جميله?❤️❤️
لم دخلت الجامعة صار موجود بنات من كل شكل من كل مكان وانا اتعامل بطبيعتي بدون تصنع وكنت انجرح واتضايق لأسلوب البعض منهم الجارح والمؤذي حقيقة ، لكن السمستر اللي بعده على طول صرت قوية اكثر مااسمح احد يقط الميانة معاي بوقاحة من البداية تقط علي كلمة اوقفها عند عندها وارد عليها بالمثل اما في محيط اقاربي ماادري يعني بس اذا لزم الامر ارد ويكون ستوب لاتطلعين فيها انه انت محد قدش لووول واهم شب مااكون اغلط على احد ?
كتبت رد و بالغلط انحذف .. بس بعلق على نقطة الفضاوة ، وحدة تقرب لي كثير” وكبيره بالسن ” دائماً تحرق بنفسها وتراقب غيرها بشكل جنوني وتفكر في كلام فلأنه وفعال علانه !! والله لي فترة احاول اقنعها تشغل نفسها بأي شي او تدخل تحفيظ قران !! والله من خوفي عليها أبغها تغير طبعها … ترا الفضاوه تفتح باب المشاكل .. المضحك بالموضوع انها اذا قعد تحش وتتشكى زي كل مره اقولها انا مو فاضيه هالاشكال اسمع وش سوو وش قالوا .. تقولي خير وش مشغوله فيه !! اقولها اني اعتني بجمالي ولا ببيتي أهم هههههههههه تعصب مايعجبها ردي
هلا والله ارتوستنآ ..
احيًانا لما يجيك تعليق سلبي ماتردين ! لانه جاء من شخص قريب و عزيز عليك يجلس بقلبك كم يوم و تفضفضين لشخص عن الموقف و بعدين تنسين !
والحمدلله على نعمة النسيان .
لكن لما يجيني تعليق من أشخاص عاديين بحياتي : على حسب المزاج ونفسيتي بهذاك الوقت اذا اني رايقة رديت بنفس كمية الوقاحة و بكل برود و ضحكة و اذا المزاج ماش اطلّع عليه الاول والتالي و بالنهاية هوا اللي جابها لنفسه وبكذا يكون تأنيب الضمير اخف علي شوي ?
…
اقولك شي ؟ ?
و أنا اقرا تدويناتك اقراها بصوت يجي في دماغي بكل تدوينة لك ?? عاد مدري هو يطابق صوتك الحقيقي او لا ?.
مسائك / صباحك خير
موضوعك فكرني بفتره مريت فيها في شغلي، كنت اسمع رودود وقحه وما كنت اعرف ارد عليها و كنت اسكت، ماقد واجهت بحياتي قبل شغلي ناس زي كده ما قد واجهت رد او تعليق مسيئ او وقح فكنت اطنش. بعد ما خرجت من شغلي ما حسيت اني نسيت احس لسا باقي في نفسي و نفسي ارجع لوقتها و ارد.
بنفس الوقت احس الي صار خلاني اعرف انو مو كل الناس ذوق و اسلوب و لازم اي احد يتواقح معايا ارد عليه او اقلها اوقفو عند حدو، بإستثناء كبار السن و الاهل سواءً قريب او بعيد ابتسامه و تطنيش يكفي.
ميرسسي آجين آند آجين على هيك مواضيع حلوه 3>
موضوعك على الجرح فعلاً ?
صاحبتي تتمادى في ردودها وكلامها الوقح ?
دايم تتعمد تجرحني بس انا اسكت واذا رديت عليها ماتتوب مستمرة، اللي قاهرني فعلاً انها تفرد عضلاتها علي من بد صحباتي ?!!! والباقين ماتقدر عليهم ? مدري وش تبي توصل له بالضبط وتتدخل في اشياء ماتخصها حتى شعري ماخلته في حاله ? ولو اتكلم من اليوم لين بكره ماخلصت من وقاحتها معاي
صباح ومَسا الفل يافل ..
First of all
شلون اسوي لايك بمدونتك؟ اتوقع الطَريقة واضحة لكن عقلي متنح شوي !
حبيت اسلوبك ، حَسيت قوية وحساسة او انفعالية مرات ومعذورة، وبعدين ممكن تأدبين الشخص بس بينك وبين حالك بتَالي الليول تفكرين اكثر وتشعرين بشوي حزن مو؟ بس يمكن الحزن من الوضع انه ( ليش هالموقف صَار!!) لكن تذكري، انه مو ذنَبك ..
عن نفسي عندي قَاعدة وهي ( اللي يتجرأ علي اَتجرأ عليه) لكن بشروط :
– مايكون ردي يدل اني مو وَاثقة من حالي !
– ردي مايسبب لي نَدم لاحقاً او يحسسني اني تَصرفت عكس تربية اهلي
– اقيس مُستوى اللي توقحوا علي! اذا كان يبيلهم قرصة اقرصهم لكن اذا كانوا من الاَدغال وممكن يتَحولون اكثر لو رديت وتِبئى فضيحه اجل انسحب او الجأ الى الرَسمية البحته
انا مُستوى التواقح بحياتي من بعض البشر يَكاد يكون قليل لان لي محيط حولي يدُافع بشده او خلينا نقول خَلقوا بيئة مُريحة لي نادرا مااشوف قليلين الذوق ! بس جَربتهم
يسلم قلبك على هالثَرثرة الاخوية الجميلة يـ النَشمية
أنا زعلي شين خصوصاً من القريب يكره عمره مني احسسه بالذنب الفضيع ههههه .. لو زعلت من أحد كبير زي أمي أو خالتي ممكن أزعل بس ماكلمهم فتره لين أرضى من نفسي ،، لو كان أبوي شي ثاني ممكن أروح وأكلمه بزعل لأنه فاهمني زين ، الأقارب كلش ما أتفق معهم وع طاري العيد نتغصب عليهم بس لو غلطو علي مايهموني برد ولا بحس بالذنب تجاههم لأنهم عديمين إحساس بس نظراتي لهم تكفي ههههههه ،، مواقف إنتي أدرى بمواقفي ❤️
صباح الهناء. .
أمممممم قريت كل حرف وكنت اطمع بالمزيد ولكن قريحتك أو نشاطك الكتابي لسا في إجازة أو أن شراهتي زادت ههههه
خل اسكت لا يجيني صاروخ منك وتقولي لي أنو لا تسحبي نفسك من اللي يمون. .
المهم ياقلبي انا كتبت لك في الانستا طريقتي في الرد. . انا ابدا ابدا لا اعتبر مسالمه واميل أن أكون شريره في ردودي وبأدب يعني أصيب في مقتل بدون ما أحد يقدر يتهمني اني قليت أدبي
يمكن هذا الشيء جاء لاني اقدر الوي لساني وعندي براعه في الإقناع واستخدام الكلمات وعندي دكتوراه في قلب الطاولة على قولة الباشا مهندس زوجي هههههه مسكين ياما قلبت عليه الطاولة. . أعترف انا بهذا الشيء انو عندي خبث أو كيد أو ذكاء اللي يسمونه أهم شيء اني أخذ حقي وما اخليه حتى من أقرب الناس لي ..
صحيح اني انسانه حساسه جدددددددا وفيه أوقات حساسيتي تمنعني اني احكي وارد مثلا شخص ما ابغا اخسره شخص كبير يعني لي أو ابوي وأمي. ..
غيرهم تكون ردة فعلي على حسب اخلاقه يعني مثلا كانوا كبار في السن يعني مو طاعنين.. لا أكبر مني وقلوا ادبهم علي وتعمدوا احراجي هنا ارفع رأيه الحرب وأبدأ للدفاع عن نفسي وارد لهم الصاع مراح اقول صاعين لكن يستاهلوا الاحراج ..و أختم كلامي اذا شفت انو رأيي وكلامي ازعجك وتعتبره قلة أدب فأنت سبقتني وانت الكبير واللي مفروض تؤآخذ أكثر مني ..
أما الوقحين زي بعض الناس اللي اصلا معروفين بوقاحتهم طناااااااش بكل دم بارد
وأقول هنا موقف صار لي مع أحد الدخيلين ع العايله في الفتره الأخيرة ما عجبني أسلوبها والإنسانه ما تركب اصلا مع تفكيري أو أي شيء يشبهني و كانت دايما تعلق علي بالسلب وما تترك مناسبه إلا وتستغلها في التغني ب سلبيات شافتها علي … طبعا لأن الغباء ديدنها طنشتها لاني ما رفعت ولا حرف من أرضه في كلامها. .
هنا هي ما تحملت وبدأت بتأليف قصص ورويات عشان تناسب عالمها المريض لاني ما أعطيتها وجهه. . وهنا اقول مو كل أحد ينفع معه التطنيش وأنك تترفع عنه ..
المهم اضطرت اني أتعامل معاها بأسلوب قاسي جدا وهو المقاطعة نهائيا والحمد لله أنها مو رحمي. . قطعتها نهائيا من حياتي بدون توجيه ولا كلمه لها لأنها فعلا ما تستاهل. .
المشكله أنها قالت لي كلمه تنطبق عليها تماااااما ومازالت تقربع في قلبي. . ما ادري وين أوديها. . ولأني اعرف نفسي ممكن اسبب انفجار نووي ههههههه لو تكلمت لأنها زودتها إلى الآن الصمت سيد الموقف. . واختار الترفع عنها إلا عاد اذا زادت القربعه نشوف ايش يصير هههههههه
وهذا اللي عندي ..
ودمتي بحب يا جميله..
قرييت لك رد . . انو أحب الصداقات المتجددة اللي مافيها شعرك وجهتك وجسمك ولبسك. …
انا صار لي موقف قريب خلاني أخذ موقف من شخص لطالما احتررمته وهو أنه علق على شيء فيني هو بنظره انه سيء انا ابدا ابدا ابدا ما تضايقني الكلمه بحد ذاتها قد ما ضايقني أنه ما ذكر غير هذا الشيء فيني لو انه جابته في سياق الحديث ماراح أتكلم وقام هذا الشخص ب مدح انسان ثاني عكس هذي الصفه اللي ما عجبته فيني .. انا فهمت انو تراه احسن منك و و و و و
طبعا انا حسيت انه انشال من القايمه المفضله عندي انا ما احتاج ناس كذا في حياتي يحاولون يحطمون تميزك لأنهم ماوصلوا لنصفه
أكره التعليق على الشخص في كلامه او شكله أو على أي شيء يخصه واستغرب الناس الدفشه اللي تعطي نفسها تصريح ب تجريح العالم بحكم أنها دغري وصريحة يا أمي كوني صريحه مع نفسسسسك مو مع الناس ومين انتي عشان تنتقدين أي شيء
المجاملة جميله للناس ما انتي مضطره تجرحين مشاعر عشان رأيك المهم … وخاصه اذا ما اطلب. .
فاكره واحنا صغار كيف امهاتنا يقولون اذا غلط عليك احد قله شُكراً بدون ما ترد بغلط وسب ، . انا مازلت متبعه هالاسلوب خصوصاً مع الناس اللي تتواقح عبالها بتلجمك بكككل برووود اقولها يسسلمو من ذوقك والله وعادي جداً اعطيها ابتسامه بعرض خدي عشان اكمل الناقص ، << كأني اقولها هذا اللي عندك ؟ هذا اللي قدرتي عليه ؟ انا اسلوبي مو زي اسلوبك ، مرات استغرب من الكلام تطلع استفهامات فوق راسي انتي بايش تفكرين وانتي تقولينه مرات عادي اسالها اتذكر وحده اول مادخلت الجامعه مدري وش سالفتها المشكله تونا جدد متعرفين ع بعض كم مره تقولي انتي عبالك انك حلوه وانا ماعمري قلت لها اني حلوه ولا وهم يحزنون فَمره سألتها قلت لها يافلانه مو الناس حتى لو شافوا قبيحه بيستحون يقولون لها انتي قبيحه او عالاقل بيرحمونها ويمكن يسلكون ليه ما تسلكين لي ؟ هههههههه عاد قالت تحسبيني اغار ههههه << هاو يابنت الناس مابعد جبنا طاري الغيره
اللي علاقتي فيهم ع المحك مثل ماوصفتي
اسحب عليهم وبسسس اريح راسي
بالذات اللي وقح خلقه ما اقدر اجاريه
و عقولتك ما رح ارتاح اذا تويقحت مثله
اما الناس القريبين واقصد هنا اللي مافي مجال اقاطعهم وياكثرهم .. هنا اعطيهم فرصه مرتين ثلاث افترض لهم حسن النية ارد بمزح و كذا لحد مايزودها معاي و يكون واااضح انه القصد التجريح هنا ارد ولكن برضووو بحدود الادب .. يعني بالنهاية لازم اطلع اللي بخاطري عشان ارتاح نفسيا .،
هالموضوع هاد من فترة كنا انا وصحباتي بنحكي فيه.. وحده من البنات سمعت كلمة من قريبتها دايقتها لدرجة انها بكيت بعدها ….. انا ماكتير بهتم لشو بقولو الناس ولاكتير بتأثر بتسميعات الحكي برد عليهن لانو لازم رد حتى مايتمادو ومتل ماقلتي بعضن عمرن بخليني اسكت … يلي بساعدني على هالشي أهلي مانن من النوع يلي بيعطي اهتمام لشو بيحكو الناس عننا او شو بينتقدو وبسمعو حكي … اكتر موضوعين بنسأل عنن ايمتى رح اتزوج وايمتى خلص دراسة خصوصا الاول بوشي الوحدة تقلي وبلئم طبعا بتكون متزوجة بكير وقريبة من عمري وبطريقة مو حلوة انو الله يبعتلك ابن الحلال او الله يستر عليكي ونفرح فيكي او مو ناوية بئى … او يلي بعمرك تخرجو وتزوجو … اكيد مارح اتزوج بس لانو صرت بعمر زواج واكيد هاد الشي مابهمن
بنزعج من تدخلن بامور خاصة لابتهمن ولابتفيدن بشي او كأني قاعدة على قلبن وهنن عم يصرفو علي وحتى لما الوحده بتتزوج بصيرو مافي بيبي عالطريق ازا جابت الاول بصيرو مافي اخ عالطريق ازا سمنت ييييي ليش سمنتي عم تاكلي كتير وازا نحفت اكيييييد مو مبسوطة نفسيتك المومنيحة عم تخليكي تنحفي وازا الوحده توظفت ولا عملت شي لحالها حتى الراتب بيدخلو فيه وبيسألو يعني شو ماعملت الوحده مو راضية حدا وبتلاقي مين يزعجها بالحكي وبشوف اغلب يلي بكونو هيك ياغيرانين او شايفينك عم تعملي شي مو قدرانين يعملوه او من الفضاوة يلي بحياتن .. …
.. انا في ناس بعطيها الرد بوشها دغري وفي ناس بطنشها كانو ماحكت وتطنيشي بيزعجها فخلص هاد البدي ياه ?
مرحبااا أرتوسة والجميع?
إسلوبي أتعامل مع الجميع بالحسنى لإن هذي البيئة والإسلوب اللي تربيت عليه أبد ماتربيت ولا مرة شفت خواتي أو إخواني يردون برد مختلف ،، لگن تزوجت ودرست بالجامعة واحتكيت بطبقات مختلفة وأساليب متنوعة ساعتها لاحظت إن إسلوبي يجبر البعض على الإستمرار في وقاحته معي .
أما الآن أول أشوف الشخصية شوضعها الأخلاقي والثقافي إذا كانت تمام أكلمها بعقلانية ومباشرة هذا الاسلوب يزعجني ومااتوقع شخص بالعقلانية يتصرف كذا ومن هالكلام
أما الشخصية الوقحة ماينفع معها أسلوبي أابد أبد ،، أتذكر وحدة إسلوبها أقل ما يقال بحقها (تربية شوارع) ودايم تأذيني بس مررة إنفجرت وكل كلامها رديته لها الصاع صاعين وقدام ناس وماخليت شي بخاطري بعدها وربي ماترفع عينها بعيني وصارت تحسب ألف حساب قبل تكلمني.
هذا إسلوبي وحبيت أشارككم فيه?
احس ثقافة الرد من التربيه،،انا وحده مااعرف ارد ع الهجوم وعدم ردي يعتبر رد عند بعض الناس.. هههه
الله يرحم امي.. ماترد واحنا مثلها،،يبقى بس ان نتخلص من سلبيتهم بقط العلاقات والشعور تجاه الهجوميين
تسلم ايدك ارتوس
يسعد صباحك
المشكله بالمجتمع اللي من تحت لتحت وما يعطي بالوجه
ولا تنعطيك من النظرات هنا مالك الا تردين النظرات او تغضين النضر وتحاولي تنبسطي قد ما تقدري
عمو ما كل اللي فعلا اتمنى اني اخلق هذا المجتمع النظيف واللي يخليق تطلعي بسعاده وهنا وبشوق انك تلتقينهم والاقي هذا الشي بمدونتك كل ما قريت كل ما طمعت باكثر واكثر فيك
عموما اتمنى لو في اختراع يخليني اكون مجتمع راقي ورائع في حدودي..
اتعامل مع المواقف حسب النفسية والمزاج
احيانا اكون شرسة واحيانا اتغابي
الاااا الاشخاص المستقوين اكره فئة عندي
اللي يفردوا عضلاتهم ع من هم مسالمين
هالنوع نعطيهم ع راسهم من البداية افضل
و تكفيهم اعصاب باردة بردود حاااارقة
كمان فئة احب الصالحين وليست منهم
واللي يشتغلوا بحلال و حرام برغم بعدهم عن تطبيقها
هم من جد يحتاجوا تسكيت من البداية
ي جمال ثرثرتك ربي يسعدك ??
اهم شي بالدنيا راحه بالي اطنش ومادر عليهم اذا خلصت من وصاخه لسانها قلت لها جزاك الله خير واذا تمادت ارد بالامثال يكون ردي محترم
نفسي اسال الناس الوحقين مايتعبون طول اليوم نقد سخريه واستحقار ⁉️
المواقف السلبية تتعب بلحظتها بس مع الأيام تصير قوي وجهه ويطول لسانك ..تعلمت ماكره احد او اقول اني اكرهك لانها كلمة كبيرة وتاخذ مكان بنفسك انت بغنى عنه.. أنا انسانة محترمة ولو غلطت بكلمة حتى لو مب مقصودة اعتذرت فما احب احد يتعرض لي! أوقات الحساسية تكون عندي سوبر فأبكي على كلام تافه ودموعي صامدة في الشديد القوي مدري ليش ؟/: مرات أسكت وانا عارفة المقصود مثلا من صديقاتي اليوم تقولي كلمة تجرح بعد ساعتين تنساها فتشوفيني مارد لأن زعلي شين أبو سنوات ههههههه بس بصراحة اذا كان كلام من كبير بالعمر ماعتبره خط أحمر لان هو ماحترم عمره أنا احترمه ليش ؟ هذي وجهة نظري!! اما قرايبي يمكن ينتقدوني على شيء انا واختي بعد فترة يسوون نفس الشيء فما أخليها بخاطري لزوم الدق بالحكي ((: ومع ذلك يجيني تأنيب الضمير .. بدون اختي مادري كيف كنت بأعيش حزات لما يجيني كلام في الجبهة من الصدمة اسكت وجهي يعلق وهي عاد تاخذ بحقي ههههههههههه المشكلة حنا كعائلة باردين ظاهريا بس الداخل نار تحترق.. لازم تاخذ حقك مهما كانت الظروف لا تخليهم يستلذون بتحطيمك .. كيف الفلسفة بس؟&:
اخخخ يا ارتوس لو تدرين أعز وحده من صديقاتي دائما اسلوبها بهالشكل حتى لو مالها علاقة بالموضوع إلا تعلق عشان فقط لفت النظر والتنقيص، من اول علاقتي فيها ملاحظه هالشي وفكرته مجرد ظرافه لحد ما حطت نقرها من نقري تشوفينها بكل موضوع انا اتكلم فيه الا تتفلسف وغصبا عني لازم تطلع الصح بمنظورها طبعا والا ماتسكت كنت اناقشها بدون ما اجرح لين ما مليت كل مره لو الموضوع بسيط تناقشه اليوم بطوله ؛ المهم بذكر موقف من المواقف لمى كنت بثالث ثانوي اتكلمت الأستاذة عن القراءة وتقول مايهمني المكان ولا الجو أهم شي الكتاب وناقشتها قلت ما اعرف اقرأ كذا القراءة عندي لها طقوس وجو ومكان يعني ما اقرأ بالرحمه وعلى عجل اعطي وقت معين المهم تجيك صديقتي وبكل ظرافه كالعادة تقول هيهي وانت وش فهمك بالكتب اقول لا تتفلسفي ! ? هنا انا من هول الصدمه قلب وجهي لا اراديا ورديت لا تتدخلي بنقاش أعلى منك وكملت كلامي مع الأستاذة. بس جد حاليا اشفق عليها وارحمها مع اني اعزها وربي مو كارهه لها بس تغيظني تصرفاتها وعرفت بعد فترة انها تعاني من مشاكل أسرية عشان كذا ماصرت أدقق وامشي الموضوع .. وأخيرا خلصت معلقتي هههههه
I love u artos. . Kiss kiss
اول شيء وحشتييييييني ووحشتني تدويناتك اهم شيء تكوني مفتكرتني :p
تاني شيء ع الردود صراحة زمان كنت أبلعها بإبتسامة بس دحين أرد بكلمتين مؤدبة وتسكِت أو أحيانا بأطنش ماكأني سمعت
وعاد لو التعليق ع شكلي او فعل مسويته … أرد ع طول ليش متضايقين؟ وابدا بنوع الاسئلة الي مايلاقوا لها اجابة ?
وانهيها اني مرتاحة وعاجبني
والله خلاص صرت ثلج خصوصا في المواضيع اللي كثر الهرج والمرج فيها. احقر وأطنش
لكن اذا ظلمتني بموضوع حساس جدا جدا أطلق صواريخ أرض جو. ههههههههه
غالبا اكون مصدومه من وقاحته وما استوعبتها فما أرد .. لكن ان شفته مره ثانيه بكون متجهزه للرد لان الوقح غالبا يعيد وقاحته
ان صار وماعادها هينا عاد انا اصير الوقحه واعيد دوره .. ايه منب مثاليه بس ما عمري جرحت احد متعمده ولا احب هالشي مرات يزل لساني ما استوعبه الي قلته الا اذا شفت وجه الي قدامي منقلب بعدها يجني تأنيب ضمير ..
اما المواقف .. كان في وحد ه دايما تحطمني بس ما اقدر ارد عليها لانها اكبر مني .. لو اقول مثلا القهصه هذي عاجبتني ودي اسوي مثلها ترد تقول لا ويين موب طالع حلو وتقعد تدور العيوب الي بوجهي لو اختك فلانه سوته بيناسبها اما انتي لا فيك وفيك ولازم تعقد مقارنات عقدتني في حياتي والله العظيم واذا قلت اتمنى اصير مثل الشخص وهذا ودي اتخصص مثل تخصصه لا انتي ماتقدرين تصيرن زيه لو سويتي الي وش ماتقدرين .. مره رديت عليها بس طبعا موب بوقاحه الرد بوقاحه للي بعمري بس :)) بما معناه وقفي الي تسوينه .. بعدها صارت كل ماتشوفني انتي حساسه مره ليش انتي حساسه !!! بس الحمدلله خفت الكلام المحطم الي تقوله يعني م اهون من قبل على العموم هي انسانه طيبه في الحقيقه وكل شي فيها زين بس نقطة التحطيم هذي ..
ثرثرة جميلة واستفدت منها واستفدت من اسلوبك احسه قريب من اسلوبي .. للأمانة ترا ما أواجه ردود سلبية كثير الحمدلله .. جد ما استهبل يعني حاولت اتذكر لو موقف عشان اشوف وقتها ش سويت بس ما اتذكرت .. بس يمكن لأني ما اختلط مع ناس بعيدة كثير واذا اختلطت دايما اسمع ردود وكلام حلو الحمدلله .. بس مرات اسمع تعليقات اممم مو جارحة بس مستفزة شوي ف اما اسكت ك عادتي ولا كأن شي صار بس اكون مطولة بالي ولا تزعلني الكلمة بعدين انساها اصلا .. واذا حسيت انها بتزعلني بعدين ممكن اسوي نفسي ما سمعت واقول نعمم! او هااه! بنبرة حادة شووي احس الحركة ذي تخلي الشخص يتراجع او يهذب اسلوبه معك الا اذا كان وقح م رح يتراجع بس م قد صارت معي دايم تضبط . بس الحركة ذي ما اسويها مع الكبار الكبار احترمهم .. وبس انا مسالمة ترا ههه ولا اشيل بقلبي
مسااء الخيير ? احب كلامك ??
غالبا أطنش الردود السلبيه و الكلام السلبي لدرجة صحباتي يقولوا ليا بارده بس فعليا انا مني بارده الحقيقه انو لمن احد يقولي كلام سلبي ما احس انو يأثر او انو يهم بس فيه بعض الكلام مره يقهر و يبالو رد ،، بس لمن يجي الكلام من اهلي ازعل يعني مثلا اخواتي او ابويا.
موقف حصلي ،، صراحه كثيييرر و مره انقهر لمن اتذكرها انو و انا في المتوسط و الثانوي ماكنت اعرف ارد.
ذحين اتعامل مع المواقف اللي ما ينسكت عليها اني ارد رد مره يأدبهم بس لمن ارد احس بالذنب مرررره حتى احس اني اكلب وحده بس عاد ايش اسوي لو مارديت يتمادوا. وبس والله
ياهلا بتوسة وبثرثرة توسة والصبايا
كثير ردود تجاوزتها عشان اكتب تعليقي .. وراجعة لها ان شاء الله .
الموضوع مهم وللأسف انا مو كثير اهتم بالردود في مواقع التواصل لأنك زي ماقلتي ما اعرف شيء عن الشخص وتربيته وثقافته أرد حسب مايلميه ضميري وكيدي ههههه
لكن الي يهمني الناس الي اعرفهم
و الحمد لله ردودي جاهزة… مرات مغلفة بقالب الكيد والتحطيم لأن الشخص يستاهل خصوصا اذا زودها شوي ..
مرة كنا كل العيلة مجتمعين على طاولة الأكل وكانوا حاطين كراسي زيادة بلاستيك .. وناقصني كرسي .. قالت لي اخت زوجي بكل وقاحة خذي هالكرسي ﻻأنه وسخ لاتاخذين حقي
قلت لها قدام الكل طيب شايفته وسخ ليش مانظفتيه
قمت اخذت منشفة اليد حقتها وفرشتها على الكرسي وجلست بطمأنينة
ههههههههههه وسلامتكم ..
توسة خدي?❤
يارب أملك الشجاعة اني أقطع علاقتي نهائيا بالي ما أحبهم ويؤذوني .. دائماً أفكر وأقول بلاش أصير قليللة أدب مثلهم أنا محترة وماله داعي أقل أدبي أنا ما أقصد أني ما أقدر أرد عليها يعني هي تعل تعليقات ما لأمها داعي وتعتقد أنها تمون أو تعتقد أنها وحدة من صديقاتي فتعطي من هالكلمات وأنا أرد عليها بأسلوب فكاهي أبين أنو ( ما ادري وش أقول صراحة ) .. لكن ما اقدر أقولها من الآخر خلاص شوفي طريقك خصوصا ان هالبنت نشبة وما تنبلع و ..
شكرا على التدوينة خلتني أفرغ الي فيني وألهمتني قليلا قليلا (ففيس يغمز )
الى الحين وانا مبسوطة اوي من رجعتك جعلنا ما ننحرم منك ..
كلامك جاء الجرح ?انا البنت الي كانت عايشه في عالم وردي ولين قابلت ناس في حياتي خلوني اشوف الحياه سودا واول كنت اثق واصدق بسرعه وماحس انو في ناس ممكن تاذيك او تحسدك بدون سبب بس اكتشفت انو العكس ومشكلتي ان اذا احد غلط علي مارد عليه اكتفي بالسكوت لو كان قريب مني اخلي علاقتي رسميه واذا كان شخص غريب اطنشه لدرجة اني ممكن حتى سلام مارد وطبعا الكل يحسب اني ماعندي مشاعر ولا اهتم للسب ولا كلام لاحد ويالتني كذا بس للاسف الكلام ياثر عليا جدا لدرجة ابكي ايام بس اكتفي بالدعاء
آه يتقلبي يازينك وزين ثرثرتك يبيلي اعنزمك عندي فيوك ونيرثر عدل ههههه
وأعذريني ياقلبي على القصور منشغله هاليوكين ما الحق تدوينه ولا بوست
يلا بحكيكي انا انسانه احب الكشخه مررة اخر شي ههه طبعا كل مكان وله حدودو فاللبس المهم ياطويلت العمر رحنا عند وحده تعرفها ماما وكنت جالسه فعرفه وفيها بيبي وكنت العبو وكانو في حرمتين وراي جات تسالني شسمك وعمرك ومدري وش بعد دا كلو قال هاا تبين عريس !! انا عصبت وش عريسه رديت عليها مع انو حسيت ردي قليل ادب شوي قتلها عندك هربس !! خليه ليكي ☺
بالنسبه لي انا بنت حساسه اخر شي دا الكلام اول دحين كبرنا ?? ومع الاختلاط والناس والتجارب تعرضت لمواقف كثر ساعات انقهر اني مارديت وساعات اقول كبري هقلك وش عليكي كنها خليها تحرق فنفسها شاغلها بالها بالمللكككه “بصوت احلام” لو اتكلم من اليوم ماراح اخلص ولازم احس فكل مرحله متهرض لمواقف كدا اول تغير كن فكري اشوف ناس جديده وساعات ممكن يزعلني يجرحتي بس نتأقلم مع الوضع …. ويسعدك ع التدوينه
عجبني موضوعك مراا *قلوب*
انا انسانة غالبًا من حالي فبالي، وما احب أأذي احد ولا اجرح احد بشكل مبالغ فيه وانتظر من الناس ننفس الشي، لكن للاسف مو كل الناس مثل ما أبي! او حيعاملوني مثل ما أنا أعاملهم،
والله ياما تجيني ذبات مالها داعي وانا اعرف ان مصدرها الغيرة، خصوصًا لما تنتقدك ف شي وتشوفينها بعد فترة مسويته نفسه!
للاسف عندي ناس من عائلتي زي كذا وزميلات ف الجامعة برضو نفس الشي.. غالبًا لما يسوون لي شي اسكت واطنش واعتبرهم سفهاء ، وفمحيط عائلتي والاقارب اطنش عشان خاطر امي لانهم غالبًا يربطونها بان امي ماربتنا كويس وانها هي اللي مدلعتنا ومن هالكلام ، اما ف نطاق الجامعة ع حسب المزاج، بس م احب اعدي يوم ولو طال ارجع ارميلها نفس حركتها بس بأدب لاني اكتشفت اني م اقدر انسى الا لما ارجعها ويتوقفون لانهم ينصدمون ع اساس انا الطيبة اللي م ترد، وغالبًا اسويها مرة وحدة مع الشخص بعد مية تطنيشة، لما الاقي اني بديت اكررهه وانا م احب اكره احد اعطيه وحدة ف العظم تنسيني كل شي سواه لي :p وكذا اريح نفسي وارتاح.
شكرًا لمواضيعك واللي بعيدة عن نطاق تدوينك الجميل، وانك فتحتيلنا هالمجال. احبك اردوسِه*قلب*
ياهلا وغلا بضي العين ?
هههههههههههه عجبتني الحدود الاقليميه معببره وبقوه ?
اممم بالنسبه للوقاحه احس مافي مجتمع خالي منها لازم نعاني منها ?
انا ردي يختلف على حسب .. يعني اذا كانت من تحت لتحت طنش تعش تنتعش ?
اما اذا كانت تجلس تتفلسف على راسي وتتدخل بخصوصياتي اما اقولها مااحد طلب رايك او اقولها طيييب المطلوب ؟؟
لكن البلا اذا جات الوقاحه من شخص كبييير بالعمر مثل جدتك هنااا مررره صعب تردين عليها وحتى لو رديتي بادب وزعلت يمكن تسوي مشكله وانتي ابوك مارباكي ومن هالكلام ..
عموما افضل حاجه ان الواحد يمشي ويرمي ورا ظهرك ويستمر بطريقه وتطوره ومايلتفت لناس ممكن تأخره او تأخذ من وقتته ماحدا بيستاااهل
وو بس
?
السلام عليكم
اخبارك توسه
انا في غربه مبتعثه وما احد معاي من اهلي وعندي ولد (حركي ما شاء الله) وارفض كثير عزايم البنات عشان لا يجرحوني بكلامهم انه هو حركي بزياده واني انا بارده ما استخدم اسلوب الضرب معاه ووحده مستقعده لي ??? بدر منها اكثر من موقف ? ومو عارفه ارد عليها بالرغم انه وحده من البنات كلمتني اني ليه ساكته لهذي اللي قاعده لي قعده تدقق في كلامي وتصرفاتي
واحد من المواقف عازمتهم ببيتي ع عيد ميلاد ولدي المهم هذي اللي ما تنبلع في نهاية الجلسة قالت خلينا نتبادل اخذي ولدي واخذ ولدك قلت لها هذا الامير (اسم ولدي امير) ما افرط فيه قالت لي عاد ولدي هاااااادئ ما يحرج قلت لها وانا ولدي عبقري( لان ما شاء الله الكل يتكلم عن عقله انه نظيف) قالت اش تقصدين يعني ولدي غبي قلت لها عذرا ما قصدت كذا قامت وحده من البنات قالت لها ليه زعلتي هي ردت عليك هذا انتي قلتي ولدك هادئ يعني ولدك شيطان ومؤذي؟؟؟
بردت خاطري صراحه البنت اللي ردت عليها
المهم طولت عليك ??
اهلين ارتوس .. منورة برجعتك للتدوين ان شاء الله انبسطتي في الاجازة
مرا حبيت الموضوع اجتماعي بحت ♥ المهم انا صراحة مرا ما احب اهتم في كلام الناس حتى لو كان يجرح حاطة في بالي انو اذا تضايقت من كلام الناس او انفهرت انا الي حتعب و ابكي و امرض و الي قال الكلام مبسوط و عايش حياته ما كانو قال شي بالذات للفئة الي ما بينا شي و الفئة الي بينا ميانه في نوعية منهم يجرحوا و يتواقحوا بمزح زي ما قلتي دول اطنشهم كم مرا بعدين اديهم في الوجه , يمكن انا لسى صغيرة عمري 18 قصدي انو ما شفت الكلام الي مرا قوي او كره مرا قوي بس في موقف سار لي اولى متوسط اول ما دخلت المدرسة تعرفي عاد بنات ثالث و ثاني يسو نفسهم كبار و انا كنت مرا خجولة و مازلت بس اهون من اول فكانوا يجرحوا و يحشوا و من دي الحركات و سرت اكره المدرسة و ما ابغى اروح و سار عندي زي الحالة النفسية بسبب الخوف بس الحمدلله ما طولت و من بعدها اتخذت هالقرار انو اطنش كلام الناس و بس , و بالنسبة للموضوع الي قلتيه في البداية عن الي يفضفضوا لك اعتقد لانو اغلب الناس ما تحب تقول مشاكلها لاحد تعرفوا خصوصا في دا الزمن الي الكل يدور فيه الكمال فعشان كذا يفضضوا و يستفسروا باسماء و همية و ما حد يعرفهم , و بس شكرا ارتوس لانك اطلقتي الفلسوفية الي بداخلي و اتمنى لك حياة سعيدة ♥ ♥ ♥
صباح الرقه❤️
اولا :توقعت ذا ردك مع هالردود السلبيه .. لككن جميل اسلوبك..
ثانيه :انا انسانه بالي طوووويل لبعد درجه ..
الروود السلبيه ع حسب الشي ادر ان ما اعرفو اعطي ابتسامه واتجاهل ولا كانه في شي اخلي ينحرج قبل لا يحرجني!
اما المقربين ع حسب شخصيتو امشي انا ع حسب الشخصيات اذا هوا يتنرفز ويبني ارد ويبي يشبكها مناقره ..اطنشش واضخك وانبسط مع اللي حولى عاد هنا اشوفه نار مولعه ، وكذا تخطت حقي بدون ما اكون وقحه واذا هو شخص لازم ينرد عليه اعديي كم مره وان زاد اعطي ب الوتر الحساس بس ب اسلوب يليق في ! والخ ع حسب الشخص وطريقه الكلام
ب النهايه ما احب هالاساليب ولا اشغل بالي بها لاني متاكده كما تتدين تتدان ليش ابهذل عمرى ويكون شغلي الشغال الناس وش تقول ويصدر منها على !!! محد كامل ولا احد ملاك !
ثرثرت واجد
بس ب النهايه احب اعيش حياتي ب حلاوتها اسمع التعليق الجميل واخذ منه الطاقه الجميل اللي تجي منه والتعليق السلبي وكانه شي ما انقال او فعلن في اعدل من نفسي
وسلامتك ي عسل
..
.
اول شي يسسسعد قلبك قد ماتسعدينا بمواضيعك ..
واول مره اكتب تعليق رغم من اني اتابعك لي ٦ سنين او ٥ من ايام شمواه ❤️❤️
موضوعك جداً جداً جداً جميل وانا عن نفسي ما اتحمل اكل بنفسي ،، الرد يجي بعفويه واللي يجي على لساني اقوله ما استحي ،، ممكن بعض الاحيان اندم او الجمله اللي اقولها ماتكون في محلها بس خلاص قلتها وراحت واتعلم منها ولله الحمد..
وامشي في حياتي على جملة ( عامل الناس كما تُحب ان تعامل)
والله يرزقنا الصبر عالناس البثرين ..
والله لايحرمنا لا منك ولا من مواضيعك ❤️❤️
أحياناً يجيني احساس ان مجتمعي مثالي بزيادة لدرجة اني ماتعرضت لأي موقف معادي وهذا يشملني أنا بالأخص مش كل الاقارب عموماً دائماً أشكر ربي على ذا الشيء وعلى قولتك في وقت المراهقه تكون الثقة مهزوززة وممكن تكون على المحك فَ أي كلمة حتى لو كانت مزحه ممكن تنفهم غلط وبالاضافه للحريم الفاضيات هذول يبيلهم نقاش لوحدهم وعلى مااشوف في اقاربي اكثر النكدين واللي يدورون الزعل منهم لووول وبالنسبة لتعاملي معهم لو كان الشخص كبير في العمر ومن الاقارب غصباً عني اتغاضى واحياناً اقلب الموضوع مزح ونفس الشيء بالنسبة للاشخاص اللي امي وأبوي يعزونهم أحترمهم عشان أهلي لا غير أما اذا كان يمون او مايمون يعتمد بالغالب على حالتي المزاجية احياناً اطنش واحيانا اعطي بالجبهه والحل الثاني ينفع اكثر لان بعدها الواحد بيعرف ان لكل شيء حدود وعموماً احس العلاقة تأثر بمدى تقبل الشخص للكلام مثلاً وحده من خالاتي اعزها مرره ممكن اتقبل منها نفس الكلمة اللي بتقولها لي خالاتي الثانيه اللي علاقتي معاها رسمة وهلمّ جراً وبس احس اني ثرثرت بزيادة ):
ماشاء الله موضوع حافل وتعليقات حافله
الله يبعد عننا هالمواقف ، ندعي بيوم عرفه عشان محد يضيق صدورنا.?
الحساسيه كانت ولا زالت من النقد او الفهم السئ او اي شي غلط من الناس او انا لما اغلط
لكن مشكلة عدم الرد في بداية مرحلة المراهقه، كانت كبيره اوي، ومن الاسباب الي ذكرتيها اني كنت احسب العالم وردي ?
وماحسبت حساب الشياطين، مع اني واجهت كلام قاسي كثير بس نسيت وش سويت وقتها
،،،
اخر موقف صارلي وماعرفت ارد لُجممممت لأني فعلاً ماتوقعت الكلام ولا واحد بالميه، بس وش نسوي كنا رافعين سقف التوقعات لين شلناه من الرفعه، الله يهدينا ونقول الكلمه الطيبه ، ارتوس مدامك فتحتي هالمجال تكلمي عن لغة العيون والابتسامه ابي اشوف وش فكرتك عنها❤️
والسلام عليكم ورحمة الله وبركاته.
من زمان عن موضوع يفش الخلق كذا هههههه ، أنا ردي على حسب اللي قدامي في ناس يحرقهم الصمت أكثر من الرد ، يسيرون يفكرون شنو ردة فعلنا ؟ وهم جرحونا ولا لا ؟ اهتمينا للي قالوه ولا لا ؟ ، ما أقول إن سياستي السفهه ولا أقول إني ما أستمتع و أنا أعلمها قدرها ههههههه ، بس على حسب اللي قدامي مثل ما قلتي ، وفعلاً عمر المراهقة كنت حساسة أدنى شي يجرحني ، أما الحين الموضوع ما ياخذ من يومي ساعات حتى ويطلع برا حياتي ، والكلام الوقح يجرح لو كان من ناس نعزهم والحمدلله ما صارت معاي ، أما الناس اللي مكانتها عادية جداً في حياتنا مهما قالوا راح يظلون بالهامش ، وأدري كثرت الكلام هههه ، بس وحشتيني ❤️
صباح اطيب قلب واجمل انسانه❤️
جاء الموضوع بوقته والله
هالفتره اتعرض لكثير مواقف لكن انا من النوع
اللي مسالمه بزياده امشي كثير امور واكتم في داخلي
نفسي اقول stop بس مااعرف ليش كذا ي توسه?
صباح الخير
so بالنسبة لي لما كنت بالمرحلة المتوسطة كان كثير تعليقات سلبية ممن حولي تواجهني
فكنت مستحيل ارد ومع اني اسمع بس اطنش وامشي لدرجة يفروني ماسمعت بس كانت تدمرني من جوا
سواء من كبير او صغير مرة كنت حساسة في مراهقتي بس مابينت وبرضوا لوحدا واجهني ما بعرف ارد او اني ارد بغضب ويبين اني ببكي
بس هلأ انابكمل الثانوي ان شاء الله وكلوا تمام حتى لو تعرضت لانتقاد او كلام جارح ماعاد اهتم او افكر فيه احس علاقاتي مع البنات غير المقربات مني تكون كأننا بيوم محا نزعل من بعض بس صراحة بعضهم حتى لوبينت مدى سعادتي بشوفتهم من جواتي لكتير عالم بكون علاقتهم معي سطحية كنسمة هوا ما بتضر كثير مواقف سلبية هلأ بتحصل بس اتعامل معها بكتير مرح ونادرا ما اكون حادة مع العالم اللي برا او البعيدين عني برضو انا كتير حبيت اسلوبك في التعامل مع الردود الجارحة وهي المواقف وبرضه ممكن استعمل استراتيجيتك هي في المستقبل لهيك كذا موقف اذا حصل لا سمح الله
شكرا الك ارتوسة الحلوة موضوع اليوم كتير ظريف
الرد !! الرد يكون جاهز على لساني على طول بس ماأتجرأ أجرح اللي قدامي حتى لو جرحني أحس فوق إن كلامه كسر قلبي بعد ردي عليه بيزيد الهم في قلبي إن كيف صدر مني هالفعل
.
مرات أقول كلام بعفويه بس من كثر ماهو عفوي ينفهم بشكل غلط ، هنا أحس بالذنب مع إن مو قصدي بس أزعل من نفسي ولاأنسى هالكلمه كيف لو قلت كلمه بقصد .. جرحت ناس صدق بس مو بقصد 🙁
.
.
بحكم أول ماأمي تزوجت قالت لأبوي إن ماأحد يتدخل في تربيتنا
من أهلها أو أهله ف جنبونا كلام ونغزات ولقافه كثيره من اللي حوالينا
.
المشكله في واحد من قرايبنا مزعج جداً هو الوحيد اللي مأذيني مره كنت بسافر مع صاحباتي وأمي وأبوي موافقين كان عمري وقتها ١٧ وكان معنا كبار والرحله ماكان تسليه عندنا شغل ، جا يهدد ويتوعد ووصفني بوصف قبيح للحين مدري كيف تحملت أبتسم لما كان يتكلم فوق ذا متكلم عني قدام العايله كلها كبير وصغير وماهمه مشاعري !
.
كان حاصل لي أرد بس مسكت نفسي ومشيت من المكان بإبتسامتي
.
عرفت بعدين إن أبوه كان مستصغره ماكان يهتم برأيه ف كيف وحده بسني يحصل لها هالثقه من أهلها وهو للحين أبوه يعتبره إنسان مايفهم بس ماأعرف كيف متحسس من هالشي ويعامل الباقي بنفس الأسلوب اللي كان يعامله فيه أبوه ؟ غير كذا مربي عياله بنفس الطريقه بس على كثر تعليقاته علي مايجرحني بقد مايعلق على أمي وأبوي وأخواني هنا اللي صدق ودي أرد بس علشان علاقتنا العائليه عارفه أول من بيزعل أمي وأبوي أسكت
.
أما حالياً علشان لاأوجع راسي بتعليقاته اللي نابعه من نقص بحياته حطيته في فئة الناس الحمقى اللي ماينأخذ على كلامهم !
والباقي اللي يمروا بحياتي مرور الكرام أسلك لهم أو ألتمس لهم العذر
أكتفيت أسوي اللي ودي به وماأفكر فيهم ولا بكلامهم
مشكلتي عانيت من إكتئاب ف ساعات غصب عني أعطي التعليقات أكبر من حجمها وغصب أفكر بالكلام بس على قد ماتألمت ماودي أخلي حتى عدوي يتألم برد وإساءه مني ، كل ناس لهم عذر عندي وأقنع نفسي أتجاهل .
الحمد لله أحس هالشي نعمه الله يديمها ماودي أفقد إحترامي لنفسي وتربية أهلي في يوم من الأيام !
[ من زمان ودي أرد في المدونه بس جربت قبل وتعليقاتي تنقص ف ماأرد تو أكتشفت إنه بسبب الإيموجي ] ، شكراً ع المواضيع اللي تقدميها لنا خاصه اللي عن ليون *قلوووووب* هالمخلوق يدخل القلب غصب .
جميل
تسلمي ياعسل لفتح الثرثرة الفضفاضية هذي
انا عن نفسي اسوي نفسي ما سمعت وتستمر الحياة
عاد ان كانها انتبهت وتأدبت فجميل
وان كانت ظلت تعوي فخليها هي الخسرانه
طبعا للعلم
الرجال اكثر شراسة وضراوة يمكن طبيعتهم كذا لكني مااتحسس منهم قد الحريم
موضوع جميل
حساس
واقعي
شكرا من القلب ياعسل
صباح /مساء الجمال ارتوس على حسب توقيتك
جد انتي اكثر انسانه احس بالسعاده والحماس مجرد ماتنزلي شيء كما اني كنت متابعه مخلصه ليكي من ايام منتدى شمواه وبالنسبه لي انت افضل بلوقر عربيه على الإطلاق
ومن امنياتي اني اقابلكي وجهاً لوجه
ننتقل الحين للموضوع اللي تكلمتي عنه
للأسف هاذي الطفيلات موجوده بكثره في الحياة وقاعدين يكثرون مثل الوباء وهذا اكثر شيء يخلييني استغرب
اسوأ نوعيه هو الب ينتقدون من باب النقد والتجريح فقط
انا انسانه اتقبل كل انتقاد ان كان يدعوا للأفضل وكان في محله والاهم الأسلوب
من يوم دخلت عالم البلوقر للأسف قابله بعض النوعيات اللي ماكنت اتخيل وجودهم
اللي مختبئين خلف جوالاتهم وينشروا سلبيتهم في العالم بلا اي سبب غااباً اعتبرهم مرضى نفسيين او معقدين نفسياً يحاولوا يعالجوا نفسهم ولكن بالطريقه الغلط اللي تنقص منهم اكثر وتزيد بلاهم اكثر
وصراحه اشفق عليهم كمية الفراغ والسلبيه اللي عايشين فيها تقتل
فتصرفي معهم احدف ردهم ان كان منعدم تماماً من الذوق واسوي بلوك لإني مو مجبره اني اتحمل مرضهم والله يهديهم ويشفيهم
انا الشخصيات اللي اكون على معرفه شخصيا فيهم لما اقابل منهم نقد بإسلوب وضيع انحرج انزل نفسي لمستواهم لان المره اللي سويت فيها كذا حسيت بتأنيب ضمير شديد كيف يطلع مني هالشيء ؟؟
وكيف قبلت كذا على نفسي ؟
اسلوبي اما التجاهل وخاصه لما اكون قدام ناس كبار او غرباءهذا كفيل بتحطيمها ونسف الجبهه تماما
انا لو قدام اشخاص من عمري اما ارد رد ماينزل من قدري ولا اجرحها لكن احسسها بتأنيب الضمير او اطالع فيها وابتسم اقلب وجهي او اسولف مع احد
هنا ماتقدر تبلع ريقها وممكن يخليها تشتط اكثر وتسبني وتنزل مستواها اكثر
بس صراحه اميل لإسلوب الإستفزاز سواء بكلمه او ابتسامه
كفيله بإنها تخلي الشخص يتوب وينحرق من داخل
احس اني مره طولت ??
ولكن صراحه اول تعليق اكتبه وان شاء الله مو الأخير واخيرا احبك ارتوس ❤❤
ياهلآ وَ مرحبا ..
حبيبتي دآندي تَرى تَحمست أعرف إنتِ مين ؟!
وَواصلي إبداعك وَ حماسك ، إللي يكلف نَفسه أساساً يجرح وَ ينتقد بلا وَعي دليل إنك مُهم
إنك شاغلة حيز من تفكيرهم هذا دَليل الأهَمية
نَورتيني
يااااااااه توووسه… اشتقت لك كثييييييييييير واشتقت أشوف تدويناتك طالعة بالفيد ..
سبحان الله الإنسان في شهر تتغير أمور كثيرة تقلب حياته .. مابغى يخلص !
قرأت تدوينتك مرتين .. استحضرت مواقف رديت على ناس ومواقف سلكت فيها و أعطيتهم أذن من طين وأذن من عجين.
كل من يعرفني يعرف أني أكثر إنسانه أسلك وأكثر وحده إذا ردت ترد بالجبهة .. لسبب بسيط أني إنسانة صريحة وبنفس الوقت أحرص على مراعاة الأدب .. فلما أتعامل مع شخص يرسل رسائل مبطنة وكني ما قصدت .. أو شخص فض ماعنده ذرة أدب .. وقتها يستاهل من يعطيه في الجبهة ولا وحده على راسه عشان يتوب ويتأدب… في المقابل أحترم اللي يصارحني بمشكلة عندي ( ويحاول يساعدني أحلها أو يسمع مبرراتي ) ..
أكثر تعليق وذبات أسمعها في حياتي اليومية الإجتماعية ( ليش لبسك كذا وأمك إنسانة ملتزمة ) ( وش كثر صرفياتك وكم مره تنزلين السوق بالأسبوع) .. أما في بخصوص حياتي العملية .. ناس تجي تشيش أبوي أو أخواني أو زوجي ( وشلون ترضون على بنتكم تشتغل لحالها مع رجال ) .. وهاااااتك …
أعمالي لي وأعمال أمي لها ومحد بيشيل ذنب أحد .. والحمد لله ماعندي حب التباهي بمشتريات وممتلكات .. لو أصور مثلهم كل شي يشترونه ولا كل مكان يروحون له في السناب شات ولا الواتس كان وش قالوا … و عملي الحمد لله عندي عزوة تدعمني و غيره محد له كلمة علي …
يمكن أسمع سالفة من هالسوالف مره تنقال علي و أتغاضى.. ثم أروح مجلس ثاني و يعيدها نفس الشخص ..تلتفت على اللي جنبها تقول .. شوفي شوفي هذي اللي قلت لك كيت وكيت … وقتها يبدأ التزبيد عندي .. وممكن أبدأ أعاند حتى أغثهم..
رغم أني إنسانة مشغولة بنفسي وبعايلتي …ماعندي وقت أضيعه أبرر وأرد على كل وحده .. حتى تجمعاتي في المناسبات الرسمية وأداء الواجب فقط .. ما أحب المجالس الكبيرة والحكي الفاضي.. يعني ممكن بالأشهر ما يشوفوني .. ومع هذا محد يسلم من الحكي و التعليقات الوقحة.
يسعد قلبك.. اشتقنا والله اشتقنا يا أرتوس
في الغالب لو الرد جرحني او ازعجني اعطيه نظره ابحلق فيها واحاول اوصل انك تزا تجاوزتي حدودك واحيانا يكون الطريق مسهل عشان افشلها وارد عليهت بالمثل بس استحي اكسر بخاطرها غير تأنيب الضمير ، موقف ما اذكر بصراحه ، لا قليل جدا لقلة اختلاطي بالناس
ياهلابك ارتوسه
موضوعك جميل وجديا لو بحكي من المواقف ماخلصت اساسا جمعات اقرابي تركتها من زمان واشوفهم من عيد لعيد وزواجات بس
المشكله لاصرتي تتاذين فعليا مو بس بالكلام الجارح
والا الكلام الجارح من سنين مات عندي ولا عاد ياذيني
شكرا على موضوعك الرائع
دمت بحب
شوفي ارتوسه ? من الناحيه الدينيه ارد ع السيئه بإحسان بالذات البعض يتفنن بالتجريح لانك ساكته بس ! وبعدين انا كنت اكثر انسانه عصبيه و ارد بجرأه واعطي كلن قد مقامه .. بس حسيت ان ملامحي وجهي بتتغير وبتطلع لي تجاعيد من العصبيه والهم .. ممكن يجيني قولون عصبي .. ممكن انسى انو نفسي لها حق علي من ناحية العلم وانو نتثقف .. فما ابغى انشغل فيهم .. ان شاء الله ربي بيشغلهم ف نفسهم .. اما انا وراي حياتي اعيشها واطورها .. عذراً ع الاطاله .. منورتنا كعادتك يا ورده مزهره .. مزهره ولامثمره ؟ ?
يخاطبني السفيه بكل قبح
وآسف أن أكون له مجيبا
يزيد سفاهة وأزيد حلما
كعود زاده الإحراق طيبا
الشافعي
برأيي زي ماقلتي كل مازادت ثقافة الإنسان وزادت خبرته مرح تفرق كثير معه الردود السلبية
لأنه عارف أنها مرح تجي ألا من شخص جاهل .. فعن نفسي أفضل السكوت لردود مثل كذا لأنها مي حلوة أنزل لمستواه بالوقاحه
لكن أحياناً تكون ذي الكلمات من شخص يقصد التجريح
فأحسن شي ترد برد محترم بس يخليه يسكت ولايقدر يرد ?
عموما كلنا بشر ألا مايطفح معنا الكيل ونرد رد جاارح لأن في ناس يزودونها لاشافوك سكتي
فياأما يجيك شعور بالقوة والشيطنه ولاشعور بتأنيب الضمير ??
صباح الخير.. و كل عام وانتي بخير..
قريت التدوينة متاخر بحكم انشغالي بتجهيزات العيد و الدوام ما علينا…
حبيت التدوينة خفيفة و لما قريتها رجعتني لايامي قبل لما كنت اتحسس من كل كلمة و نظرة… بس الحين تغيرت صرت ما اهتم يمكن لاني كبرت و صرت افرق بين الاشياء المهمة و الغير مهمة و يمكن لاني صرت بليدة احساس ما عاد في اشياء تاثر فيني مثل قبل و يمكن لانه ثقني بنفسي زادت…
انا فيه مرة وحدة قالتلي احب فيك انك ما تهتمي لكلام الناس و عايشة مثل ما انتي تريدي قلتلها انا من 4 او 5 سنوات صار عندي مبدا و ماشية عليه حياتي اعيشها مرة وحدة ما عندي وقت اضيعه على كلام الناس و ارائهم فيني ما دام ما اسوي شي يغضب الله اهم شي راحتي و راحة راسي…
واما عن كيفية الرد على الناس اغلب الوقت اطنشهم حتى لو كانوا قريبين و اشوفهم كل يوم ترى في النهاية هم اللي يتعبوا و بيسكتوا و الشخص اللي يرمي كلام دايما ممكن ارمي عليه كلمة عشان اوقفه عند حد.. و الاشخاص اللي يتواقحوا ارد عليهم رد يسكتهم.. و احيان كثيير ارمي نغزات ما يفهمها الا اللي عارف انه الكلام موجه له فيسكت وما يتكلم عني مرة ثانية…
اما عن الموقف فحدث بلا حرج.. مرة فيه وحدة طلعت علي كلام و تكلمت قدام كل شخص عني وانا ساكتة قلت لما بتواجهني برد عليها… و مرة جات و قامت ترمي نغزات و تتكلم و رميت عليها كم كلمة بالنهاية حست قالت تعالي نتكلم داخل و عطيتها بالشكل المشكلة انها ما تابت صح ما تتتجرا الحين تتكلم قدامي بس بعدها ما خلت عادتها لكنا نا مريحة راسي اللي يريد يتكلم يتكلم..
طبعا هذا غير عن الناس اللي مب عاجبهم اسلوب حياتي ولا نوع سيارتي و لا طبيعة شغلي…
ويينج يا بنت ?
انطرج طول العطلة ولما رجعتي لهيت بالدراسة هههه ??
نورتي نورتي ?❤️
على طاري الموضوع انا اعتبر نفسي من الناس الباردة بردة الفعل
يمكن انفعل من داخلي بس مايبين علي كلللش
كلام الناس ما يأثر فيني بس على العكس تمامًا الناس القريبة حيل مثل الوالدين أو الخوات والصديقات كلامهم حييييل يأثر فيني
ما اذا احد علق تعليق مش لائق او مستفز غالباً اطنش واسفهه بس اذا زاد الموضوع عن حده وتكرر لازم هني نقصف الجبهة شوي عشان يعرفون حدودهم هههههه
وأخيراً كثري من هالمواضيع با آرتوس اشتقنا ❤️
لا عدمناك ❤️
اول شي كل عام وانتي بخير
اي انا وقعت في مواقف وش كثرها لكن للاسف احدهم كان من صديقات ما اسوي ضحيه ? لكن في الاغلب انهم غلبوني ماعرفت سبب تصرفهم الاخير معي المشكلة يحرجوني بشتم واضح من هدفهم تحطيم شخصيتي وانا اضيع ماعاد اعرف ارد او ارد رد ضعيف مو بالعادة بس اعتقد السبب لاني اعدهم صديقات وما اكون في وضع اني اتكلم على احد المهم مصخوها وطولت حركات التجريح وابد سحبت نفسي بكل هدوء ما اخفيك ودي ارجع اسفل فيهم بس خلاص العمر قصير والمسامح كريم
ياسلام سلم ع الموضوع الجميل الشيق الي بديت افهمه بعد عدت صدمات في حياتي
كنت اوطه مغمضه
انا تزوجت وانا صغيره و جبت طفله ابوي قال انا ما اربي عيال الناس و طبعاً
اخذها ابوها عاد كبرت الحين و تدرس صف اول ابتدائي وانا لساتني عمري ٢٤
المهم كل جلست حريم كانو يدقوني بالكلام انو انتي مو ام ولا فيك رحمه كلام جارح كثير
للامانه مره بكيت في وجهه وحده وقلت كلامك يوجعني وانا مابيدي حيله
ماقولك قد ايش كرهت نفسي ليش ابكي و اعلمها اني ضعيفه
بعدها بسنه حضرت جمعه كانت موجوده وعادت نفس السالفه
قلت ارد عليها بقد عقلها عشان افتك
قلت شوفي ياقلبي انا صغيره والرجال المتزوجين حولي واولهم زوجك اسكتي عني لا اقص ظهرك واكسر قلبك
هههههههههههه ما اوقولك قد ايش صارت طرماء و ساكته و تبتسم لي وودوده ماشاءالله
ووحده حرمه كبيره بعد قالت نفس السالفه قلت لها معد فيني اربي تبين تربينها روحي خذيها من ابوها
بس صرت ارد عليهم ردود تافهه وسطحيه من جد الي يده بالمويه مو زي الي يده بالنار
انا ردي ببرود مع ابتسامه استحقار وبس كبار السن ماارد عليهم اذكر موقف صار كنت نايمه عند عمتي ورحت معاها لناس مااعرفهم واول مره ادخل بيتهم دخلت قعدت تقهوينا وكذا جلست جنبي وحده قالتلي انتي طويله مايحتاج تلبسين كعب كذا بدون اي مقدمات طبعاً انا وجهي صار كبر الصحن اخذت نفس عميق تعوذت من الشيطان قلت في نفسي انا في بيتهم وضيفه خليني اطنش طليت فيها وابتسمت ولفيت وجهي عنها
جميل عنوان التدوينة ،
بحياتي أحافظ عالأدب دائماً ، هذا جزء مما تربيت عليه + نابع من شخصيتي
و إذا أحد تلفظ علي بسوء ، أترفع عن الرد ” خصوصاً الأصغر بالسن ” و ممكن أسامح و أرجع أعامله مثل أول و أفضل .
بس أنا مشكلتي مع الشخصيات المُرهقة المتطلبة أو الانفعالية ” انفعالات سلبية ” ، أو المتذمرة بدون بحث عن الحلول
أصبر فترات طويلة ممكن بالشهور و السنوات بس على موقف بسيط أقول كلام صريح جداً يصدم اللي قدامي ? و بعدها أتصرف بطريقة تأديبية
المهم عندي إني ما أتصرف تصرف عشان ” أنتقم ” ، المهم أتصرف بما يؤدب اللي أمامي و يعلمه يستفيد من خطأه
و ما أحب رد الإساءة بالإساءة لأن الله جل جلاله يقول : { ادفع بالتي هي أحسن } و مؤمنة إذا ما صدقت نيتي مع الله راح يوفقني بعلاقاتي و يدلني للصواب فيها ?
من وعيت عالدنيا وانا انسانه ساكته ماعرف ارد او اخذ بحقي متبعه سياسة التطنيش وصح اتعب من جوا واجلس افكر ليه قالت كذا ليه سوت كذا وش سويت لها كنت اتمنى الناس تعاملني بذوق واحترام واتيكيت يعني كنت صغيرة بالعمر يمكن اشوف الناس كلها طيبه زيي السنه الماضيه حصل حدث لي قوي اقدر اقول انه زلزني من جوا هزني كسر شي بقلبي بس تفيرت ١٨٠ درجه كيف ماادري ماصرت ارضا على نفسي ابدا ابدا باي كلمه قويت نفسي وثقتي وصرت دبلوماسيه بالدرجه الاولى اعرف ارد بذكاء وبدون لا احرج نفسي .. ان مرة ماقدرت اقول شي رديت بنظرة تسكت والحمدلله راضيه .. تمنيت اني كذا من زمان لكن الحياة تعلم .. شكرا لك فضفضت شي بداخلي وتراي داااايم متابعه لك اول باول .. عيدك مبارك ?
السلام عليكم
موضوع جمييل ويلامس الواقع بشكل كبير بس عموماً حنا مو ملائكه مُنزليين ولا حنا في مدينه افلاطونيه زي ما ينغلط علينا اكيد في وقت من الاوقات غلطنا على احد ثاني بقصد او من دون قصد الانسان ما يمتلك مشاعره كل الوقت ومشاعر الحب والكره والغيره وغيرها من المشاعر خُلقت مع الانسان بس الاختبار هو كيف ما تخلي شيئ يطغى على الثاني تصير اني اغلط على شخص بقصد او من دون قصد والاغلب احس بتأنيب ضمير قد يكون قاتل لو كان الشخص ما يستحقه او كان فيه سوء فهم و احاول اصحح موقفي بالطرق اللي تناسب اهم شيئ الانسان يكون صريح مع نفسه وما يخلي الذات تطبل له وتمجده ومن ناحية الردود على الوقحين غالباً تكون عندي عفوي يعني اللي يطلع معي ارد او ما ارد على حسب الموقف احس اكثر اللي يتوجه له النقد وحتى الوقاحه شخص يكون عايش بين تحزبات يعني مثلاً له اشخاص بنفس عمره فتصير فيه مقارنات وكذا او يمكن يكون عنده اشخاص بطبيعتهم الحسد والغيره ماخذه اكبر حيز من تفكيرهم !
على العموم الحياة الاجتماعيه ممكن تكون مزعجه اوقات بس مو كل الوقت نقدر ننفصل عنها .
آه ي ارتوس
كلامك بلسم للقلب❤️
اكثر انسانه بالسوشل ميديا صادقه وربي احسك اصدق انسانه بالعالم?☺️
تعرضت للمواقف كثيره جارحه ومولمه جدا سواء من اقارب او صديقات
لاني من النوع المسالم وابرر للانسان بيني وبين نفسي
الين تزوجت وتغيرت اشياء كثيره بحياتي صرت ارد واعطي بالجبهه
بس ع قولتك تانيب الضمير يصير شغال اسبوع
لا واحاول اكون لطيفه مع الشخص اللي رديت عليه مع انه اخذ الدرس
غير كذا عندي اخت من ابوي اكبر خواتي احيانا احسها تغار مني بشكل مو طبيعي وحيانا احسها تحبني مع اني من جيل ولدها الكبير
فما ادري كيف افسر غيرتها
دايما تقط علي كلمات وتحاول تاذيني فيهن وبالذات اذا فيه ناس يحبوني
تحاول تهمشني وتحط فيني عذاريب الدنيا
واذا صرت بس وياها يتغير الاسلوب وتحلفين تتكلم مع وحده بعمره من الاحترام >>فسررو لي الشخصيه هاذي تنحط تحت اي قاموس
انا ما احب الاسلوب الوقح وما اتمنى اكون وقحه بيوم بس ابي حل لبعض البشر المريض كلاميا واخلاقيا
وع فكره ارتوس فيه ناس ذوق وذربين بالكلام ويحطونم ع العين وع الراس
بس ماينداس لهم طرف ويعطونكً الصاع صاعين > يعجبوني بس ما اقدر اكون زيهم
ودمتي بود??
كل عام وانتي معنا ارتوستنا
عيدك مبارك?
بعد زواجي عشت في بيت كل اللي فيه يحبون يعلقون في كل شي ..
يعني تلبسين لبس ‘ لازم يكرهونك فيه
شريتي شنطه ‘ لازم يبدون رأيهم وانهم يشترون من مكان ثاني واحسن من اللي عندي وارخص ..
اي شي. اشتريه ” لازم يسآلون وش تبين فيه وليه اخذتيه وانتي م تحتاجينه
لما اخذ عطر ” لازم اسمع ” تسريحتك مليانه ”
يعلقون حتى ع الكلام اذا تكلمتي ، او سميتي شي ،، وهم عندهم مسمى ثاني له .. يضحكون ويتغامزون
كانوا م في شي اسمو اختلاف لهجات
طبعي بارد وتعاملي معهم بارد
بس مؤخرا بديت اتنكد واخذ في خاطري
طليت ع الموضوع متاخره
بس ياكثر ما انرمى علينا كلام ردي الوحيد الابتسامه الصامته يتوه بعدهاا حكيهم
هل هي انقهرت او انغاضت ولا هبلا ما فهمت ..
وبالنهاية ارتوس احبك جدا جدا غيرتي فيا الكثير تحياتي لشخصك الرائع ?
انا اللي ما امون عليهم وعلاقتي فيهم مو مره يعني صديقات زميلات وغيرهم ما ارد عليهم اسفههم واقطع علاقتي فيهم نهائياً ، يعني ماعاد يشوفوني بحياتهم ? وصلت لمره بالمتوسط وحده اجرحتني من اول ماطلعت مع باب المدرسه سحبت ملفي مع اني مارديت عليها ولو بنص كلمه?، وصراحه احس اني بنعمه وراحه لان ما احب المشاكل?،، اما اقاربي خالاتي وعماتي ارد عليهم بصراحه حتا لو كانوا كبار بس بمزح وانسى على طول بس هم ياخذون مني موقف ? احس اني مشقلبه الدنيا المفروض العكس?? بس الشكوى لله ….
انا انسانة متصالحة لأبعد حد مع نفسي والحمد لله نادرا ما يجيني اللي يؤذيني لاني بصفة عامة انسانه ودودة ، لذا دائما اطنش لو صار وحد غلط علي. اخر موقف قبل أسبوع، جاتني ترقية فالدوام وطلعت الوجوه الحقيقية لبعض الأشخاص لكن عادي ما تحترق الا قلوبهم
فعلا التعليقات الجارحة والردود السلبية نواجهها كتير ف حياتنا
بس لازم نتعلم شغلة وحدة .. ف الاغلب الناس اللي تنتقد شكلك او تصرفك او لبسك ناس يكون وجودك يحسسها بالنقص ..
لانو الشخص اللي بينصحك فعلا يقدر يوصلها بطريقة لطيفة وممكن بينك وبينه ..
بالنسبة لي الحمدلله مااواجة داا الشي في عائلتي او صاحباتي
اواجهه في شغلي ..
و مع الاسف النوعيات اللي عندي ماهي جريئة بما فية الكفاية تقول الكلام قدامك يقولوه غالبا من وراك ..
واذا فكروا يتكلموا قدامك يتكلمو بخوف و كانها مزح ..
اكتر شي انقال عني اني متسلطه و احب الششو اب ..
كلو عشاني جدية ومخلصة ف شغلي و انمدح كتير من الناس و اجتماعية احب الناس اجلس واتكلم مع الكبير والصغير مايفرق عندي كلهم سواسية ومااحب احقر فلانه واحقر علانة
والحل البسيط اللي متبعته مع صغار العقول هدولا
اللي قال الكلام من ورايا ما يستاهلو التفت لهم عندي اشياء اهم ف حياتي التفت لها
واللي يدق بالكلام ف ” اللي دق الباب يستلقى الجواب ”
سامحوني ع الاطاله ..
ي حيا الله هاالطله وحشتينا ارتوس شخبارج وعلومج
والله يختج هالكلام والتعليقات السلبيه ما تخلص كلمة من ذي وكلمة من ذي لي متى
انه والله قبل اي شخص يقولون لي عادي اطوف ولين رجعت البيت اقعد اصيح وآكل في نفسي والاقي نفسي رايحه راده افكر ف الموقف
لين توصلت حق حل امي وابوي بس اهم الناس الي المفروض احترمهم وماارد عليهم لو شنو يقولون اما االباقي اعد لهم مره مرتين وبعدين ايودهم من اليد الي تعورهم لما يعلقون علي تعليق سلبي اقلب الطاوله وانه اضحك وافر ويههي ضحكت ما ضحكت هالسلبيه ما يهمني اهم شي لين ررجعت البيت ما اكون مهمومه وزعلانه عللمتهم محد يدوس لي ع طرف وخل يكرهوني اهم شي ان احبابي محافظه عليهم ويحبوني الباقي عادي ما يهمني اتحصن بالاذكار واتوكل ع ربي
هذرت وسويت قرقر وايد بس وحشتني المدونه نجوفوج ع خير حبيبتي اموواح
ياهلا بارتوس انا من الناس اللي اتابعك بصمت و استمتع بكتاباتك ..
لكن هالموضوع قد فكرت فيه قبل كم شهر انه كيف كنت مؤدبه بزياده لدرجة انه كثير صاروا يتعدو حدودهم معي .
صرت ارد عليهم بمالك دخل وماطلبت رايك ، انا داخلي موب حابه اكون بهالوقحه لكن بعض الناس يجبرونك لدرجة تردين عليهم كذا مثل تكونين تمشين في امان الله بالسوق تعلق عليك وحده وتسبك عند اللي معها وانتي ماتعرفينها وتسمعك بالكلام بعد ، بعدها صرت الاحظ انه هالشيء زاد معي وصرت ارد على الكل ومااترك حقي وتغيرت شخصيتي للأسوء بنظري فقررت بعدها انه ماارد على احد الا اذا تمادى بزياده وارجع لتربيتي واتعامل مع الناس على اساسها.
أنا صراحه حسب المزاج هههههه اذا رايقه و ساليه و مودي مصهلل اطنش وغالبا اضحك و اقول ههههه من جد ايش نقول عاد الشكوى لله بس لو كنت ابغى حرش أ س ت ق ع د بمعنى الكلمه لكن لو كنت رايقه ألف و أحد حاول يستنقص من مجهودات أمي او أبويا بقدرة قادر من فين م يوجعك اعطيك
اي انسان يتنمر علي او يحاول يضايقني عندي قوة قلب عنيفه اني اقطع علاقتي فيه مين ماكان ..الا اهلي طبعا . اي شخص تاني مايهمني وياكثر المواقف والوقاحات اللي ماتحركها الا الغيره والفضاوه ..
فيه ناس خسارة تستنزفين طاقتك الايجابيه بالرد على وقاحتهم ..
تصدقو اتمنى امر بمواقف واسمع كلام وقح كثير عشان امرن اذني واجمد قلبي واسير اعرف اتصرف بالمواقف الجايه انما الحلم بالتحلم والعلم بالتعلم …يسلمووو توسه ?
خسارة والله توني بس شفت الموضوع ،، بس أحس تدوينتج هذي من أحلى تدوينات الثرثرة يا أرتوس ،، ظحكتيني وايد فيها.. باردون ههههههههه حبيتها منج واتخيلت شكلج شقا تقولينها ،، موضوعج مرتب وألفاضج مختارة بعناية أحسها ،، صدق فيه ردود قمة فالوقاحة طفسه فيها ألفاظ فظيعه ،، انا هذي الردود استسلم عندها وأغسل ايدي من أصحابها وأنسحب طوالي لاني مستحيل أنزل لمستواهم الخبيث ،، عموما استمتعت جدا فالقراية وموفقة حبيبتي
أول مره بعلق وبقولك التدوينه جمييييله و أكثر التدوينات اللي تعجبني بعد الرياضه ..
وعلى طاري المواقف أو الكلمات المؤذيه دائماً أحاول أني ما أرد إلا برد ذكي أو أتجنب الرد ..
فيه نوع أبداً ما أتجنب الرد عليه النوع اللي على طول الخط ماسك تريقه فالرايح والجاي ..
ومن المواقف اللي تأذيت منها ولا عرفت أرد ..هي أني قابلت أعمامي أخوان أبوي و أنا من أمكن سنتين ما شفتهم الأول أول ما شافني لسى ماده يدي بسلم قال لي أش خيشة الرز اللي بوجهك هو قاصدها مزحه بس أنا ما تقبلتها وما رديت أحتراماً لأبوي الله يخليه والثاني قال كأنه واحد ناثر بارود بوجهك >> قصدهم على البثور
وقتها سلمت وطلعت وجلست فتره أحس وجهي مو حلو بس حمدلله ذحين تقريبا راحت..وهذا موقفي
والله يسعدك ويمتعك على قد ما أتمتع بالمواضيع و زياده .
موضوع جميل أرتووسة ??
بالغالب أطل بالشخص اللي قدامي , لو كان منزلته أعلى مني يعني ام اب خالة عمة …. ما أرد أبدا وابتسم او اسويها مزحة ..
لو كان شخص اكبر مني بالعمر لكن مو اعلى مني بالمستوى يعني حرمة وبس هذي بالغالب ارد عليها لكن باحترام , لانها المفترض كبيرة وتعرف اش تقول واش ما تقول .. بش برضو اكون محترمة قدر المستطاع ?
اما لو وحدة بمستوايا واحبها او احسها ع نياتها ما تقصد اسلك لها ولو زادت ممكن بيني وبينها ع خفيف اقولها انها بتضايقني
لكن لو ما احبها قسسسسم لساني بينطلق ولا يسكت ???? وغالبا يطلعوا من حياتي ?
بالأخير أحس كل وحدة ع شخيتها , يعني في ناس ما يعرفوا او ما يقدروا يردوا فلمن يردوا بطريقة قوية يلاقوا كلام أقوى وأقوى ?
قبل كم يوم رحت احتفال العيد وبحكم اني بالغربة فاجتماع العيد يجي فيه كل اللي بالمدينة سواء اعرفهم ولا ما اعرفهم فانا مضطرة اكون مع ناس علاقتي فيهم مو داك الشي , المهم .. وفي وحدة من يوم اعرفها تنتقد جسكدمي واني اهتم بالعضلات ?? اعرف في ناس كثييير ما يؤيدوا التعضيل للبنت , لكن انا اعشقه لو كان لسا انثوي , يعني الجسم مشدود ومرتب وفيه عضلات خفيفة, المهم فالبنت تقولي ليه مو حلو , انا سكت , شوية تقابلني ثاني تقولي طب معضلة لا تلبسي كعب مو حلوو !! ووووو طول الوقت انتقاد
انا كنت ناوية ارد عليها انها تهتم بجسمها لانه راااايح فيها او تعرف كيف تلبس او او
لطبس حسيت انه حرام مدري حزنت ومو عادتي احزن ??
يمكن لان في فرق كبير بيني وبينها ومو هية اللي اختارت خلقتها او تربيت اهلها لها ..
وبس سلامتكم
كل عام وانتي بخير ياجميلة ?
انا من الناس اللي يأنبها ضميرها لما ترد ونادرا ما الاقي نفسي اعرف ارد
واذا مارديت تلاقين الموضوع دايم ببالي وانقهر وياليتني قلت كذا وكذا
انفصام شخصيه الله وكيلك ?
من المواقف اللي حصلت لي قبل 6 او 7 سنين وحده من قريباتي اكبر مني بكثير جالسه انا واياها وقريبة ثالثه
قامت تقول بقولك سالفه ورجعت قالت لا مابقولك الحين اخاف تنتشر السالفه والمقصوده انا بالنشر
توحشت فجأه وقلت كلن يرى الناس بعين طبعه!
طبعا تفاجئوا مني انا الساكته اللي ماشيه دائما جنب الحيط ??
للحين يأنبني ضميري ع هالكلمه وللحين كل ماشفتها احسها تذكرها
واقول لو اني سكتت واحترمت فارق العمر اللي بيننا كان ازين بس قدر الله وماشاء فعل
اخيس شي بالحياة لما احد يظلمك
ممكن اتحمل همز ولمز ع لبس ع مكياج ع تسريحة والناس اذواق عموما ومو ضروري اعجبك اهم شي مقتنعه بنفسي
بس الظلم لا ما احب احد يظلمني بتاتا البته
ودم تم بسلام وحب❤
كل شي ولا اللي يتطنز بخلقه الله ويعيب شخص ع شكله اكره هالنوعيه ولاعمري شاركت احد بهالشي اكثر الناس تتعقد وتتحسس من الناس الي تعيب بشكله او حركاته اكبر غلط تكون هالبنت تاخذ موقف منك للابد ..وفئه الي تنصح قدام الناس وتسوي فيها المصلحه
عاد انا ماقرأت الموضوع الا بعد العيد بعد كمية من الطاقة السلبية تشربتها :).. يالله ما أدري هم العالم صاروا قليلين أدب ولا تو الاحظ ..
في الآونه الأخيرة صار الاحتكاك بالناس بشكل كبير مرهق مع اني احب اطلع واحضر مناسبات واكشخ الا اني صرت اشوف بكل اجتماع شحنات كهربية سلبيه بصدور الناس طبعا اقصد الاقارب لأن الصديقات غالبا ماراح تقربين الا اللي تحبينهم و يحبونك .. صاروا الناس يفرغون مشاعرهم السلبيه تجاهك بصوت عالي و بطريقة و قحه وماعاد يقدرون يسيطرون عليها سواء حسد او غيره او كره ..
بالنسبه على كيفية الرد احيانا يحضرني الرد واحيانا اتجاهله خاصة لما يكون من كبيرة سن مثل جدتي مع اني لما ارجع للبيت اعصب وليش قالت كذا و ليش قال كذا ويوم انها وووو .. يعنياعترف اني للحين مابعد روضت نفسي على تجاوز الردود الوقحه حتى انها ما تأثر عليك و تضغط عليك .. مع انه سبق و قال لي بابا انتي مو مسؤوله عن العالم ولا مسؤولة عن أدبهم ان سكتي ولا رديتي بتشوفين هالشيء مردوده عليك بعدين لازم تتعودين على التجاوز عن الناس عشان ماتتراكم قاذوراتهم عليك وتضغط عليك .. اوا متأكده اني بحاول اتغلب على هالصفة فيني واتجاوزها ♥
وكل عام وأنتي رائعة
بصراحه يغلب على طبيعتي الصبر على اذى الناس ( براءه ربما ) وان كنت اتعذب نفسياً من داخلي لفتره لكن عندي قناعة أنو الشخص اللي يحبني مستحيل يغلط علي لذلك اذا جرحني احد احبابي بكلامه اكتفي بالصمت تماماً الين يعتذر مني ويفهم خطأه بنفسه واذا كان غير مقصود اوضح له الخطأ ونتفاهم على الاسلوب او الكلام اللي ازعجني وينتهي
لكن الاشخاص البعيدين والعلاقات السطحيه افوت مرات ومرات في الجبهه ..
لكن جا ع بالي حدث لأحداهن كانت مستمره ف الاذيه من خلف ظهري وتظهر لي الود وتظن أن علي غفله وربما ظنتني ( ساذجه ! ) الى ان وصل الأمر حد لا يطاق وفي لقاء معاها كانت تكلمني بكل بحب وود فطلعت المارد من جواتي ?..
وقلت لها انو انا على علم بكل شي تقوله من ( تحت الطاوله ) مع كم كلمه من العيار الثقيل وختمتها بابتسامه لكم تتخيلوا تعابيرها ووجها ، وابشرك تأدبت تماماً من بعدها ..
نسيت اقول شي انو اذا جرحت احد اجلس له ف حلقه الين يسامحني او اتعذب من تأنيب الضمير مع انو احرص اشد الحرص على كل كلمه اقولها لاحد لانو المشاعر امرها عظيم وجرحها خطير ..
أحبك ارتوسه لكن نادراً اجد الوقت للرد ، وكل عام وانت بخير ?
اعتذر طولت ?
اغلب التعليقات السلبيه اللي تواجهني هي من جهه اطفالي واني مااعرف اتعامل معاهم وكذا واواجهها بالتطنيش لانها ف الاغلب تكون من كبار السن فااطنش واسوي اللي ينابني ويناسب عيالي
فعلاً العمر له دور كبير ، اتذكر اني كنت اتصرف تصرفات سيئه مع ناس اكبر مني في فترة المراهقة لأني ماكنت احب يغلط علي احد ، للأمانه للأن ازعل من نفسي لما اتذكر
دايماً أمي تقول عاملي الناس بأخلاقك وأنا الحمدلله في الغالب مارد على أحد خصوصاُ الي يسب ماقدر أكون مثله اكيد بيأنبني ضميري مثل ماقلتي
وعمي كان دايماً يقول طنشه تحقره من بعدها سرت اتبع هذا الكلام والحمد لربي انه اعطاني قوة التجاهل
عزيزتي ارتوس انا وحده كنت صريحه جدا وثرثاره ومااتحمل الغلط من يوم كنت صغيره وهالشي سبب لي مشاكل مع ثنتين من زوجات عماني كان كل ماشافوني ينتقدوني ملابسي شعري شكلي تصرفاتي واناكنت ارد عليهم واتركهم تجننو مني خاصة اني كنت صغيره وامي ما كانت تقول لي شي
استمر الوضع على هالحال الين وصلت الجامعه وصرت مارد عليهم اتجنبهم واطنشهم وحده منهم حسنت علاقتها معاي والثانيه استمرت معاي في اسلوبها الين تزوجت
الحين صرت أم ومعاي اطفال وصرت الي يستهبل معاي اسحب عليه نهائي واقطع علاقتي فيه وان كان من الاقارب تصيرعلاقتي فيه في حدود
اختي الي اكبرمني كانت هاديه ومودبه منهي صغيره بعكسي وكانت اذاغلطوعليها تقعدتبكي يوم كبرنا قالت لي كان نفسي اني كنت زيك اعرف ارد ولااقعدابكي وتقعد في خاطري مختصرالكلام الي يجرحك بالحكي العن خيره ولااسحب عليه وريح عمرك
ذكرت رايي ف حسابج ف الانستغرام ،، الفئة الفضوليه اللي تدخل نفسها بأمور مايخصها وتنتقد لمجرد الانتقاد اعطيها ع جبهتها لجل يكون في حدود طبعا بأسلوب راقي وبدون تواقح ،، اما الناس اللي تتعمد تأذيني من خلال نشر اشاعات هذولي مثل ماقلت اعتبره نباح كلب وانتوا بكرامه اذا التفت له يزيد واذا طنشت ومشيت راح يتعب ويبلع لسانه هالفئه المريضه وربي حراااام اضيع ثانيه من حياتي عشانهم او ارد عليهم ،، اللي يعزون علي اكثر الناس اللي اتشاد معاهم واتجادل مره واثنين بس الثالثه خلاص اصبحت العلاقه سطحيه اذا الكلام بأسلوب مانفع ف الابتعاد افضل الحلول ،، اللي يعلق ع لبسي شكلي جسمي اذا شي ف محله اخذه بعين الاعتبار اذا النقد بأسلوب جارح هو رد واحد عندي ( عاااادي عااااجبني مرتاحه عليه احبه كيفييي ) ،،، اتفق معاج مليووون بالمئه الفضاوه اخد اسباب الوقاحه والفضول ونشر الاشاعات ع قولة المصريين الفاضي يعمل قاضي تحياااتي لج ياحلوة
الكلام الجارح وم ادراك ما الكلام الجارح
انا عن نفسي لي توجهين الاول وهو : عدم الرد عدم المبالاة بما يقال سواء في وجودي او من خلف الظهر ولا كأنهم قالوا شئ لكن بنفس الوقت ما يأثر فيني ابدا ابدا بالعكس والله حتي ما احقد عليهم او يكون بخاطري شي ((طبعاً مو لأني طيبة و حبوبة لااااا فينا عيوبنا و ندعي الله انه يطهرنا لكن السبب اني اكون فاهمة مين الي يتكلم وهذا النوع يتكلم عن جهل عن حقد باختصار (( الي ما يطول العنب ..الخ ، والله واقع شايفتة اذ وصلتي لشئ هم بأحلامهم ما يقدرون حتى لو كان تافة ،
الثاني : الرد بكل قوة و تركيز و نقاش ولا اقبل ابداً ابداً ان الي بداء بالجملة ينهيها بكيفة لاااا اقف لة لو كنا بوسط اكبر اجتماع و اتناقش ليين اوقفة عند حدة لانة غالباً يكون كلامة غير صحيح او رأي شخصي بحت لا يجوز لة التعميم فية . وسويتها كثير بلا مبالغة اغلبهم يغيرون الموضوع و يتلفتون لاني اسأل و ابغي جواب ؟ مثلاً ليش حكمتي كذا ؟ اعطيني موقف واحد حصل فية اني ؟؟ وهكذا .
النوع الثاني نوع بينشر الكلام و بيخرب بيقهر على بالة حقود بطبعة غيور . غالباً يكرهوني و ما يقولون لي اي شئ بالمستقبل على الاقل بحضوري
ختامها الله يسعدك بالدنيا و الآخرة يا اجمل ارتوس ، لكِ منا كل الشكر استفدنا منك الكثيير الكثيير الله يجعلة بميزان حسناتك
يسعد مساك ارتوس
عن نفسي اشوف الي قدامي غير كذا اول مره اعمل نفسي ماسمعت او مافهمت هالطريقه تحرقهم من الداخل لانهم يبون يشوفون الجانب السيء
بس اذا تكرر اكثر من مره يمكن هنا اعطيها نظره او كلمتين محترمات تسكتها
عاد النظرات ما يكون لها تفسير مثل الكلمات فتحتار ايش تقصد بالنظره
انا ما اعرف ليش هالناس تحب تجرح وتتلذذ بالانتقاد
ولكن لا تدوسين لها على طرف
معليش قرقت واجد بس موضوعك يحمس للكلام
وحشتيني ارتووس
موضوعك جميل وجا على الجرح عندي انا انسانة مررررة حساسة بشهادة الموجودين حوليا واتأثر من اي كلمة اذا الكلام حلو يرفع معنوياتي فوق اما اذا وحش ينكد عليا حياتي واخذ فترة على مااتجاوز الموضوع خاصة اذا كان من ناس يعزو عليا او قريبين مني ….بعد فترة قررت اني اعدل من نفسي واحاول اطنش وصرت اذا الشخص قلي كلمة فوجهي يتعمد يزعجني بيها وينكد عليا اعمل نفسي ماسمعته بعدها ارتحت كثير ……
والله ياتوسة انا زيك استغرب من اللي بعتبر الناس اللي بالانستا ثقة واهل للمشورة بأي شي ..
انا حسابي للتصفح والكومنتات مو حاطة فيه اي صورة يعني 0 .. ورغم كذا بسبب بعض ردود تفاعليه تجيني استشارات .. اللي مرتبطة بردودي واقدر افيد فيها مااقصر لكن جدا استغرب اللي تقول مثلا حبيت عقليتك وحابة اعرف رايك بكذا كذا .. ارد بذوق وانسحب من الرد لان في امور صعب الافتاء فيها .. يمكن لو انا مثلا بموقفها اختار اتصرف تصرف متهور .. مولازم اي واحد ردوده حلوة يعني عقلاني بكل حياته !
المهم نجي لسالفه الردود .. انا صراحة ارد بطريقة دبلوماسية تحرج اللي قدامي دايم وهالموضوع عاجبني ههههههه .. اكثر موضوع يضايقني التعليقات ع تأخر الحمل وانا بعد تأخر عالجت وجبت توأم ربي يحفظهم .. ففي فئة بتموت وتعرف ايش سويت من باب اللقافة وليس الحاجة للمعلومة .. فيجوا يقولولي مثلا والله تعرفي الدكتور الفلاني يمدحوه .. طبعا هم قصدهم يجروني بالحكي وانا اقلهم ممم حلو والله الله يتفع به .. ووحدة طقت روحها قالتلي بالصريح انت وش سويتي ؟! ضحكت قلتلها دعيت وربي استجاب والا بعيده ع ربنا ؟!! وسكتت ماعرفت ترد .. والا قدامي يجيبوا طاري اطفال الانابيب ويقولوا والله الحين كل من قعدت سنة سوت اطفال انابيب جابت توأم .. وانا مااعلق واذا استدرجوني اعلق اقلهم تعتقدوا لو الله مو رايدلهم الخلفة بيحملوا ؟ بالنهاية الامر بيد الله وحده .. مرة وحدة تقول عني بغيابي انه هذه ماكفاها هالعسل خل تحمل يكفي .. تخيلي كمية الوقاحة .. كأنها بتربيلي مثلا والمشكلة ماتمون علي ابدا ابدا ..
للاسف هالناس المؤذية تحتاج من يرد بوجهها عشان تكف اذاها وانا ضد السكوت لهم .. لكن بنفس الوقت والله مااطلع من مجلس الا وخاطري فاضي يعني اللي رمالي كلمة رديت بوقتها وانتهينا ..
في سالقة مضايقتني ان انا ساكنة مع اهل زوجي .. وخالي – ويصير خال زوجي – معتبرنا عايشين وهم يصرفوا علينا .. ودايم يعلق علينا تعليقات من نوع تقدروا تستاجروا لحالكم ؟ الله يعينكم لماتدخلوا عيالكم مدارس وانتوا مو متعودين عالصرف .. او مثلا يقلنا روحوا شرق اسيا اسعارها مناسبة للسياحة تناسبكم اوربا صعبة عليكم .. او مثلا يشور ع زوجي بسيارات رخيصة يقله مافي داعي تخلص فلوسك بسيارة غالية .. وصراحة عجزت عجزت افهم المغزى من التعليقات هذه رغم ان زوجي بوظيفة ممتازة ومرتاحين اللهم لك الحمد ولو ابي اطقها اوربا كل سنة اقدر بس مو ملزومة اكشف لاحد خططي المادية والحياتية ! حمدلله راضية جدا عن طريقتنا بالتخطيط لحياتنا ومستقبلنا .. للعلم هو غير موظف وزوجته متولية حياتهم كاملة ماديامن اكثر من عشرين سنة .. الموضوع صار مؤذي وصرت وزوجي نتجنبه للاسف خربت علاقتنا فيه وعجزنا نفهم ليه يسوي كذا ?..
اخوالي وخالاتي احترمهم وابلعها او اداري بطريقة ما .. لكن غير كذا صراحة اعطي بالوجه بذوق او بدون ذوق بحسب الموضوع والشخص ..
سوري طولت مرة ❤
يسعد اوقاتك ارتوس .. هلا وغلا بالطلة اللي توحشنا
بهالزمن هذا اعتقد الناس صاروا بروفشنال بالحياة الواحد من كثر ما انحك وانصك اصبح فاهم كلش وهالنوع ماينخاف عليه يبي يعرف يتصرف تجاه المواقف يعني بالموقف نفسه يبي يعرف هل الأمر مستاهل وقفة وحد حدود ولا سفهه وموڤ اون .. فيه نوع من البنات مازال في غفلة نسأل الله له الهداية واللي كلمالها تزيد ضعف بدال لا تزيد قوة هذي بتنأكل في مجتمع ما يرحم
انتي كل العوامل اللي من راسك واقعية ١٠٠٪ واشكرك عليها
واحب ازيد .. البنات بالثقافة والقراءة يصبحون اقوى واكثر ثقة ب انفسهم واكثر مرونة مع الحياة
العلم والمعرفة سلاحك .. طول ما انتي ب هالطريق فراح تكسبين بكل امور حياتك
قوي نفسك وسلحيها بالعلم .. العلم اثمن واغلى شي تمنحينه لنفسك
لأن طالما حنا عايشين بهالدنيا ماراح نسلم ابداً ابداً .. معرضين لكل انواع المواقف البشعة والمؤذية ولازم نعرف كيف نتعامل معها حتى ماتتمكن مننا او تترك فينا اثر سلبي
عندي زوجة اخ كانت هادية وماينسمع لها حس .. بعد وفاة والدي اصبح زوجها المسؤول عني وهو وكيلي الشرعي ومن سنتين قررت اكمل ماستر ولازم سفريات واختبارات ووو .. بدت لسانها تطول واشتغلت الغيرة وحركات الحريم قليلات العقل
وانا ودي انها يوم شافتني تشجعت وكملت تعليمها (شهادتها ابتدائي) وانشغلت بنفسها ولكن قلة العقل وما تسوي صرت شغلها الشاغل ولولا ان الله كملنا بعقولنا والحمدلله ولا كان خسرت اخوي من زمان
فهالنوعيات ماينسكت لها ابد لو اسمع منها كلمة اكلتها بقشورها ولا دفنتها محلها
ومثل ماقلت حسب الموقف والمكان والزمان والنفسية حتى اوقات مالي خلق اهزئ ف امشي الموضوع 🙂
البنت لااااااازم تكون قوية بهالمجتمع ولا راح تتعب كثير
اهلين ارتوسه مشتاقين لك $.$
صايره قليل تدخلين فالانستا لاتطولين غيباتك :””
موضوعك جمييل واتوقع كل شخص صار له مواقف سواء من قريب او من بعيد
بصراحه ع الي صار لي لما كنت صغيره كنت ماعرف ارد وتبقى بقلبي واحيان اجلس ابكي بس بعدين لما كبرت ولا يهمني اهم شي واثقه بنفسي وماعلي من احد بس البعض غصب يجبرك خصوصا اذا كان قريب او لك معرفه فيه واحيان يكون اكبر مني ف ماقدر ارد رد قوي عيب بحقي اول شي
اذا مرره ارد بكلمه كلمتين بادب واخليه يسكت اما لو طول احقره اعرف انو مافي فايده اني برادده بس احرق اعصابي ع الفاضي , اهم شي راحة
في كم بيت للشاعر خلف بن هذال جمييله سمعتها ولها معنى كبيير “صرت احتذي فيه
أبـوس خـشـمـه وأنــشــده ويـــش لــونــه … ومـــحـــبـــتـــي لـــه ما وراهـا طـمـايـع
وأقــــدّره وأشـــــاركــــه فــــي حـــزونـــه … وأثــره عـدون لـي خـبـيـث الـطـبـايـع
فـــرقـــا وفـــرقـــا فـــرّق الــلــه طـــعــونــه … الـحـقـد من قـلبه على الـحـقـد مـايـع
إكـحـل عــدوك لــيــن تــعــمــي عـيـونـه … ألـبـس له أغلى اللبس لو كنت جـايـع
لـو عشت عمر شـعـيـب وأنـت بـمـهـونـه … ضـايـع وما تـقـضـي من الـعـمـر ضـايـع
الــعـز يـــوم يـــغــــامـــر الـــرجـــل دونــه … وأعـمـار غـيـرك مـثـل عـــمــرك ودايـع
ولــيــا لـقـيـت أهـل الــدهـر يـشـتـكـونـه … لا تـشـتـكـي دهــرك عـلى كـل صـايـع
بهالكم بيت اختصر كللام كثيير ماشاء الله عليه خصوصا البيت هذا
إكـحـل عــدوك لــيــن تــعــمــي عـيـونـه … ألـبـس له أغلى اللبس لو كنت جـايـع
وشكرا $.$
سؤالي عن اشخاص انتي بحاجتهم بس بنفس الوقت هم يسيئون لك بطريقة او اخرى
مثل في مكان العميل مديرتك او المسؤولة عن تقييمك وبنفس الوقت انتي مو عاجبتها لسبب في نفسها وليس فيك
وهذي الكراهية تبان عليها مثل انها فرق تسد ماتحب احد يختلط فيك او يضحك معك وتحب تلملم الجميع وتطبطب عليهم وانتي تناظرك بنص عين كنك ماخذه رجلها وتسفهك وتطنشك وتمارس عليك حركات رخيصه بحكم انها فوقك يعني كيف تتصرفي معها بدون لا تبعثرين كرامتك وبدون ماتخسرين عملك اللي تحبينه وماشيه فيه
أغلب المواقف اللي أتعرض لها و يكون ردي على طرف لساني أيا كانت طبيعة علاقتي بهذا الشخص
لكن اللي يقف لي حائل هو أمي اللي تكون حاضرة تجبرني بنظراتها و تلميحاتها أتجاوز و أطنش رغم إن أمي شخصيتها قوية و حقانية و إخواني و خواتي الكبار كذلك و حتى اللي أصغر مني
رغم إني شخصية غير انهزامية و لا ضعيفة أبداً لكني أضطر أتراجع بسبة أوامر من الجهات العليا و محاضراتها اللي تنتهي بمقولة ” أجل تبين الناس تقول إني ما عرفت أربي ؟ ”
و هذا سبب من أسباب المشاكل اللي تصير لي مع أمي
آخر موقف و أحدث موقف لما فااض بي الكيل من أمي و دروس التقوية في فنون التطنيش اللي زادت جرعاتها من تالي و اللي جابت لي الكبت
تقدم لي شاب معروف عن أمه و عنه التسلط و عايلته لا تطاق رفضته على طول و لما حاولت أمي تقنعني رديت بقوة رد خلا اللون في وجهها ينقلب ” ماني متزوجته .. بكرة لا نكد علي هو و أمه من بيرد عني أنت ؟؟ أنت ما جبتي حقي اللحين تجيبينه لين طلعت بيت ناس ثانيين “
موضوع جميل للنقاش : بالنسبة لي اشوف ان الامر يعتمد على محيط كل شخصية فينا ،
المحيط الي اعيش فيه غير الي تعيشين فيه غير الي تعيش فيه فلانه ،
ففيه ناس الرقي وعدم الرد يجدي نفعا في محيطهم ، وفي الناس العكس ،
رغم اني اتوقع ان هالاسلوب ينفع في بعض الاحيان مع بعض الشخصيات الي حولي
، بس الي صار غالبا انك كل ماسكتي وكل ماتخذتي اسلوب الصمت زاد الوضع سوءا ،
وانتي لما تردين تخلين الي قدامك يعرف حدوده معك ، ماقول تصعدين الموقف وغيره ولا اقول
ردي بشي وقح وجارح ، فقط اقصد ارد بنفس حدود الي قالته ،
طبعا هالسياسة ليومك ذا ماستعملتها الا سباقا ايام الثانوي وبداية الجامعة وما اخفيك كان لي هيبه
، وماكان احد يقل ادبه معي ولا اقل ادبي معهم ، بس الي اختلف اني بدأت انطوي على نفسي
وبدأت احشم العالم واشفق عليهم واعدي واحسسن النيه في الناس ، وحسن النيه مو شي سيء ،
بس مرات يكون له ضرر ، فلما تتكلم فلانه وسط البنات علي بكلمه شينه ومارد او اعطيها نظره
وهي تضحك !! مايأثر فيها الموضوع بس يأثر فيني انا ، هي تنسى وترجع تكرر الشيء ،
وانا لاني جربت الرد وعدم الرد اعطيك كلامي من نابع تجربه ،
واكيد اعيد واقول المحيط الاجماعي يفرق، فليشش انا يا توسه ياحلوه
اسكت واشيل بقلبي ولا ارد عليها ؟ واصير اتحسس منها واحقد ؟
ليش ماقول الي عندي وانسى الي صار بنفس المكان ، مع العلم ان هالشخصيات ما اوصلها بس انا مضطره اتعامل م
عاهم لاننا نجتمع انا وصديقاتي بين فترة وفترة
رُقيك وَ ترفعك تَجلى بَكلماتك
وَ شخصيتك حُلوه عَفكرة ، العَفو وَ المسامحه وَ حسن الظن شيء إيجابي
ارتوس لمن اقرأ افكارك ارتاح فكريًا إنّه مازال في أشخاص أتوافق مع افكارهم
حتى ردات فعلك تجاهه هالعينات مطبقه فعليًّا في حياتي
آخرتها قبل فتره
صديقه عندي اعتقدت انها نظيفة النوايا
وأقول انه ممكن هي اسلوبها كذا
(دق في الكلام ردود وقحه تقليل من شأن اي شيء حلو )
في الأخير تناقشت معها اكتشفت نجاسه القلب
وكانت فرصه سعيده اسحب عليها ههههههههههههههه
هالعينات سلبيه في حياتنا اصلن
بنسبه للغير عاملات
أضيفي عليها المتزوجات حتى لو موظفه
الا من رحم الله ❤️
كبار السن
انا دايم اقول هم زي الأطفال
نسايرهم
اذا شخص قريب اتواجه معه
صايير لي زماان “فترة طويلة ” ما صارت الاشياء السلبية تأثر فيني يمكن لا صار نقد يلفت نظري ، لكن اذا كان قصدها بس تعكير مزاج و انتقاص لو كان قاصدتني ما ياثر ، مدري ثقة والا تبدل والثانية اقرب ، اخر تاثرتي كانت بثاني متوسط اللي لو يقول لي شعرك مايل بكييت ? ، و الحين صارلي ثالث سنة جامعه ? .
للاسف ليت التعليقات الجارحة تجي على شي ممكن يستاهل (مع انها غلط) لكنها غالبا ما تجي باشياء سخيفة
باليوم الثالث من عيد الاضحى رحنا لبيت عمي نعيد وبنت عمي قامت توزع الضيافة وكالعادة حلويات وشوكلاتات ومن هالخرابيط وكل ما تقدملي صحن اقولها لا شكرا لان اسناني ضعيفة وتخرب بسرعة اخر شي قالت بصوت عالي قدام الضيوف انتي ليه نفسية كذا!!!! ممكن تشوفون هالموقف سخيف لكن انا اثر فيني من متى الواحد يصير نفسية ومكتئب عشان يحافظ على صحته؟ للاسف دايم اللي يحافظون على صحتهم يلاقون تعليقات سخيفة ويطقطقون عليهم الناس كل واحد حر بنفسه وباللي ياكله محد له دخل باحد
وش رايك بطريقه التعامل مع اخت تتكبر على اختها عشان وظيفتها اعلى منها او انها اجمل منها وتحقر بشكل اختها ووظيفتها قدام الاقارب والمعارف لدرجه صاروا هم نفسهم يكررون كلامها علما ان النصح والتطنيش هو الاسلوب الي تعاملت مع اختها فيه لسنوات لكن ما نفع؟
ارتوووس ي ارتووس حبي لك ،،اسلوبك يجنن ماشاءالله يشششد بطريقة فيها سحر الله يزيدك تألق
كلامك صح مية المية واعجبتني اكثر شي انو مانرد ع الكبار وابتر العلاقة اللي يجي منها أذية
تسلم يدك وبؤك وكلك فيس كله قلووووب
موضوع رائع كالعاده تسلم يدينك , و بجد هذا الموضوع مسبب لي عقده شخصيه لاني اخطط رد رائع في راسي و لما يجي وقت الجد يطلع شي ثانيي و المشكله يبان في وجهي يعني حتى ما يمديني اكذب , و حصلي موقف مقارب للي صار لك قابلت كائن حي اذتني كثير في فتره الدراسه و ما كنت متوقعه اشوفها اصلا و كانت واقفه في الممر و ما اقدر اعدي الا من قدامها فانا افكر في هذيك اللحظه اطنشها و امشي و لا اسلم ولا همتني فما انتبهت الا هي مسكتني تسلم طبعا حضرت جنابي باين في وجهي اني مو طايقتها و لا قلت كلمه تسال كيفك اخبارك و انا على وجهي اكثر ابتسامه كذابه قرفانه في الحياه و ما ارد بس هزيت راسي الشي الوحيد الي قلته (اها) و مشيت و طبعا احتقرت نفسي و لا قدرت اركز في محاضراتي و لا شي, حسيت بالذنب بشكل مو طبيعي حسيت اني اهنت نفسي المفروض تصرفت بشكل غير بس المشكله طلع التصرف اتوماتيك من دون تفكير.
يسعد صبآحج , مسآج وكل أوقااتج ..
آرتــوس !
شو أقووول وشو أخلي ؟ من أسبوع تقريبآ طحت ع مدونتج و كأني طحت ع كنـز والله !!
فضيعه آنتي , و قمةة ف الذوق .. رآق لي تفكيرج ( جدآ ) / اسلوبج / حيآتج و حتى ردودج ع النآس , ( مآ شائالله )
من ذآك اليوم ! وانا ما سكرت الصفحه , مريت ع كل موضوع .. سطر سطر , وكل يوم اتشوق زود ,
آبهرني قسم ( ثرثرة ) و حبيته ب كل التفآصيل ,
حبيت كل شي آرتوس , كل شي هنيـه !
آنـآ أطالب ب موآضيع أكثر ف هالزآويـة 🙁 و زآويةة اجمآل , و الهيلث , والفآشـن !
ب دون تحديد :$
آرتوس .. آبهرينـآ , آلهمينآ , شوقينآ .. أكثرر *
و ع فكره still مش قادرة اسكر صفحآت المدونه والله ,
يسلم من ربـآج , و ربي يحفظج من كل شـر ..
ياحياتي إنتِ .. أنا عَندي ضعف إتجاه المُتحدثين بـ ( الجيم )
نَورتيني يالغالية
ارتوسه مساء الخير
وكل متابعينك الاعزاء
للاسف اغلب مجتمعات النساء يكثر فيها الهمز واللمز وياويلك لوكنتي مميزة زاد عليكي الهمز واللمز واغلبهن حاسدات
هالنوعية من النساء اتجنبها قد مااقدر ولو كانت قريبة اسلم عليها فقط لرضا ربي وصلة الرحم التي بيينا ولو كانوا من خارج العايلة اقطع علاقتي بهم اذا كانت سلبيه كثير
الدكتورة ناعمه الهاشمي تنصح من تؤذيك بردها تعيبك او تستنقص منك ردي عليها برد اقوى حتى لاتتمادى في اذيتها وفعلا كلامها صحيح ياما تغضينا عن ناس وتمادوا في اذيتهم
في مقطع في اليوتيوب للشيخ المغامسي امراة سالته عن الهمز واللمز من الاقارب وهو اجاب اجابه جميلة جدا وذكر حديث (ان المؤمن القوي احب الى الله من المومن الضعيف )
فيه نوعية من النساء تكون جاهلة او من غير قصد او طبعها همجي او كملة ممكن تمشيها او كبيرة بالسن الافضل ان نتغضى ونمشيها
طيب اذا مريتي بوحدة زايد اذاها تردي عليها او ماتردي مامنها فكة خلاص اقتنعي انها مريضة نفسيا مع نفسها وياجبل مايهزك ريح
انااربع مرات حصل معاي موقف نفس الحركه اسلم ع راس عمتي واقول لها كيفك وماترد علي وتطنشني وانا عادي اكمل سلامي ع الباقين ماكان شي صار بس الى متى احس باسلوب الاستحقار هذا علما اني مو قليله شر وش الحل معاها بالرات الجايه طبعا السبب مشكله صارت وعدت وهي سببها بس للحين متمسكه بتعاملها اللي يجيب الطراش
المشكله لو كانوا من العائله وكانوا يغارون منك على أشياء ربي وحده أوجدها فيك عن غيرك من بنات العايله .
عن نفسي دائما الشخص اللي يعاديني أدعي له بأن الله يُسخر له مايريد ،
وكل دعوه أدعيها لنفسي أحاول قد ما أقدر أذكرهم فيها وأدعي لهم ،
هنآ يرتاح قلبي !
قليل اتعرض لمثل هالمواقف
انا تغلب علي الجديه وماعندي اشكال اناقشك قدام الكل على اسلوب ماراعيتي فيه مشاعري
لذلك الاغلب مايتجرأون ماابي اقول خوف قد ماهو حذر
خالاتي من هالنوع الجارح بس لقاءتنا قليله بحكم البعد وانا اتعمد الرسميه معهم في التواصل
الرد احس ضروري لاتصيرين جماد اي احد يستبيح مشاعرك ويجرحك !
انا يوه تصير لي مواقف كثيره وصار عندي تبلد ياختي
مره كنت في الجامعه واجري ابغى الحق على كلاسي وكان ذاك اليوم لابسه جاكت او كاردقان وعلق في الباب حق المبنى واحاول افكه واسحب فيه وانقطع ماهتميت لانه قطع محد راح يلاحظ وفعلا محد لاحظ الا وحده مااعرفها قالت احنا في جامعه تجي بملابس مقطعه وتضحك بصوت عالي قلت لها طيب ارقص لك ولا ازغرط لك ولا اقولك اجيب لك مكبر صوت عشان يسمعوك كويس وشمقت فيها ومشيت اتوقع انها بلعت العافيه·
الي يجرحوا او يسئوا للناس عندهم حاله من الحالتين
1-نقص داخلي
2-حب لفت الانتباه ·
واخيرا
ياحبي لك ارتوس ثرثرتك عسل على قلبي وياليتك تثرثري وماتسكتي بعد ههههههه ♡♡
السلام عليكم
فتحتي اكثر موضوع كنت انا و اخواتي نعاني منه
احنا الحمدلله مسالمين و نحاول ما نزعل احد منا =_=
بس هالشي فعلا خلا اللي يسوا و اللي ما يسوا يطرح رايه فينا
و بطريقه مزعجه
فيه ناس اعرف ما قصدهم شي بس برضو تعليقهم يبقى بقلبك
مو ملائكه احنا بالنهايه
و في ناس اعرف انه قصدها تبين انها اختياراتها هي الافضل و انها هي تعرف و احنا ما نعرف
وحده من العائله دايما تعلق عالميك اب تبعنا ليه ما نثقل ليه الروج ناعم و ليه و ليه وليه
يا بنت الحلال انا هذا الشي يعجبني =_=
عموما اتمنى كل واحد ينشغل بنفسه
وكل واحد يلبس و يسوي اللي يعجبه
اللي يعجبك مو شرط يعجبني
ومافي داعي تقولي رايك فيني امام الناس
رايك فيني احتفظي فيه لنفسك
لاني انا اعيش زي ما انا ابغى
لانه حياتي انا
ومو حياتك
شكرا ارتوس
انا الحمد لله اتمييز بتبلد نادرا ازعل واعصب
السبب انه عائلتي من النوع دايم يقولون كلام سيء واهانات وتجريح وحتى اذية لدرجة اذا مر يوم ومحد تكلم علي احس بشيء غلط وهذا من غير اقاربنا السيئين ماخلوو كلمة ولا اذية الا سووها من كنت طفلة الايومنا هذا وشرهم واصل لي ( حاليا ماصاروا يهموني فعلوا خيرا او شر بس للامانة كانوا يتعاملون معاي لما كنت طفلة كأني منبوذة اللي في عمري يقاطعوني والعائلة كلهم تشرد مني كأني جربانة واذا مشطت بمشط او استعملت بكلة أي وحدة تغسلها وكانو يدسون اكلهم عني و…و… هذا كله صار في طفولتي وانا مالي ذنب بس هذا الشيء الوحيد اللي سبب لي عقدة وللآن اعاني منها واحيانا توصل لدرجة ابكي اذا جماعة من الناس تركوني وخلوني وحدي )
ماعلينا من الماضي هذا وانا ماجيت اطرح معاناتي هههههههه فيه بلاوي وماخفي كان اعظم بس عشان اشارك شوية مواقف وابين انه مااتكلم من فراغ والحمد لله فيه ناس تعرضوا لمواقف اسوء مني. اكثر شيء فادني في المعاملة السيئة اللي اتعرضت لها انه صرت كيف اتعامل بحكمة مع الناس ربي ابتلاني بذولا الناس واعطاني اشياء ثانية وانفتحت لي ابواب خير كثيرر
اول شيء انا ماازعل الا نادرا ههههههههه يعني متعودة ع الشتم والاذية يوميا زمان كنت اعصب واعصب ولااستفدت ذحين اول مرة لمية مرة امشيها بعض الاحيان توصل لسنيين بس اذا وصلت الاذية للخطوط الحمرااء عاد هنا انفجر اتقي شر الحليم اذا غضب عاد هنا ارد بالمثل ومن نفس الكاس كم تدين تدان ( اعترف انه غلط بس فيه ناس يجبرون الواحد يسوي كذا عشان يفكونه من اذيتهم) ههههه ماني زينة اذا زعلت.. حتى البنات اللي ازعل عليهم يتوبون يدعسون لي ع طرف مرة ثانية بس هاذي الحالة حقين الخطوط الحمرااء وفيه حاجة ثانية انا ماافكر بالمشاكل ولااحب احد ينكد علي يعني لو جاتني وحدة من الخطوط الحمراء وانا رايقة ولامافيني اتنكد اطنشها ماابغاها تخرب جوي
والشيء الثاني بفضل الله صرت حكيمة ومستشارة لكيف التعامل مع الناس المزعجة واي وحدة عندها مشكلة من اقاربي تاخذ شوري نيهاهاهاها
واخر شيء بقوله الى أي وحدة تعاني من كلام الناس تخيليهم زي الريموت حطيه سايلنت وشوفي حركاتهم وهم معصبين <<شيء يفطس ضحك وربي واعتبريهم زي الاشياء المزعجة حطيه سايلنت وامشي وكملي حياتك ع احسن مايكون الرازق يرزق والحاسد يحسد بالعكس فرحكك يفرحك واللي ينقهر يزيده قهر في النهاية هم الخسرانين يقهرون وينحرقون في الدنيا ويوم القيامة يتحاسبون ع افعالهم
صح الرد يكون على حسب الشخص بالذات اذا كان كبير سن يكون بالغالب يقصد النصيحه بس الأسلوب يكون جاف شوي فالافضل السكوت لكن بالنسبه للأشخاص الي يتعمدون أذيتك اتوقع لازم نحط لهم حد وبالنسبه لي الحمدلله الي زي هالناس قليلين في حياتي وبمعنى أصح ماأحب أجلس معاهم ولا أقابلهم لأن طاقتهم سلبيه ويجيبون لي الضيقه وإذا صار وقابلتهم اسلم عليهم ومااجلس معهم عاد انا سبحان الله احس عندي فراسه اعرف الشخص من نظراته وأسلوبه وش هو من طينه
اولاً مررره شكراً على كلامك الجميل و اسلوبك الاجمل
حبيتك اكتر ” لانك جبتي الموضوع زي ما يقولو عالجرح ?
عطوني أسلوبكم وَ طريقة تَعاملكم بَمثل هذه المَواقف؟
بحياتي العمليه انا جديه بحكم عملي كلو مع رجال فأي ضرر من موظف بطريقه مباشره او عن طريق ايميل او خلافه ارد في نفس الوقت تماماً سواء بإيميل او غيره حتى لو كنت بإجتماع فيه كبار المدارء فأرد دون تردد لانو العمل مع مجتمع رجولي يحتاج له كفاح و ثقه في النفس جداً عاليه و طبعاً رزي دايماً بإحترام دون تجريح
اما في حياتي الخاصه فأعتبر البنت المسلكه? الي ما ارد و لا كأني سمعت حاطه براسي ثلج و عايشه حياتي
بس بالأخير قبل انام الوم نفسي و تطلع شخصيتي الشريره و اقول لازم ارد حتى لو بكلام جارح المهم ابرد الي جواتي من قهر و ابكي و انام و بلاخير انسى و لا ارد لو صادفني الموقف مره تانيه ?
– مَواقف تَعرضتي لها حابة تَشاركينا بَها ، سَواء طلعتي مَنها مُنكسرة أو مُنتصره ؟
طبعاً المواقف كانت تصادفني زمان نادراً لاني إنسانه مٌسالمه جداً و اخالط الناس المٌسالمين مثلي
بس المواقف دي سارت تتكرر معاي لما اتزوجت مع اهل زوجي 🙁
لان حياتهم غير حياتي و طريقة تفكيرهم غير طريقة تفكيري 🙂
ناس شريرين 🙁
يعني مره حصل موقف كٌنت صابغه شعري بعد ملكتي لون بني فاتح و الفتره بين ملكتي و زواجي كنت اروح كوفيرا اربط شعري و نصحتي ما اصبغ تاني اخلي الصبغه تٌنزل و الين يتعالج الشعر نقص التالف و نعدل اللون مع الزواج
فمره من المرات اخدني زوجي رحنا عند اهلو
فقامت اخته قالت لي غيري لون شعرك ساير كنه لون ( خٌرائي ) ” سوري عالكلمه ”
طبعاً دا الكلام قدام ام زوجي وخواته و زوجي ?
طبعاً ما رديت ولا اديت موقف انصدمت 🙁
بس بعد ما طلعنا بكيت فجأه و زوجي مره سار حزنان عليا
طبعاً دا اضعف المواقف بجد
فيه مواقف سارت معاهم لدرجه انو وصل فيها رفع ايادي بس انا بعيده
طبعاً اخو زوجي ضرب وحده من اخواتو قدامي عشان غلطت عليا و هوا عارف اني انسانه ما اغلط
المهم دحين انا متعقده جداً ابات الليالي اغلبها ابكي
زوجي حاس فيني و قبل ما نتزوج قال ترا اهلي كدا و كدا
تزوجنا عن حب و هوا مسالم زيي و عارف اهلو
حقون شردحه و مردحه على قولة اهل الحجاز
متحمله عشان زوجي
و احاول قد ما اقدر ما اتأثر من شخصيتهم و انتقادتهم و حبهم لذاتهم و شوفتهم ان كل الناس شي ما يسوا 🙁
و خوفي الاكبر كيف احاول اربي عيالي مستقبلاً في جتمع زي كدا
غيرنا تماماً
واخاف بيوم اتأثر و تتغير شخصيتي امانه حزعل مني كتير 🙁
خصوصاً ان زوجي اختارني لاني انت كدا افرق عنهم كتير و شاف فيا حلمه الي اتمناه
و عفكره انا ما ارد عليهم مو عشان شخصيتي ضعيفه
لا عشان عقلي كبير
و اخاف مره على مره اقعد ارد حسير من داخلي مو نظيفه اتعود على رفع الصوت و قول الكلام الي مو كويس و تتغير نظرتي لنفسي و نظرة غيري ليا
حالياً ممشيه حياتي تسليك اسمع من هنا و اطلع من هنا
بتعب من داخلي بس بصحى كل يوم على شخصية حلا الي بنيتها و ربوها اهلي و حبها زوجي و كل الي حولي 🙂
– هل للأن تَواجهك مواقف سلبية بَحياتك ؟
طبعاً للأسف 🙁
المهم كتبت لك و بكيت حسيت فضفضت و اتكلمت كتير
اسفه و احوبك ❤️
أرتوسَ وحشتيني :*
يا أنّي كسوله .! من فترة قريبـه بس انتبهت أنّي مُش مال مواقع تواصل ، حدّي أقلب علـى المواقـع و أشوف أفلام ومسلسلاتَ وأقرأ أشوي من هني وهناك .. أنـا ما توصلني ردود وقحـة من ناس غُرب عنّي لـأني أساسًا منعدمه التواصل بين الناس عبر مواقع التواصل ، حتى الإنستا لغيته لـو انتبهتي ، ما عندي حيل لهالشغلات ( مريحه نفسي ) .. لكن إذا أحد تواقح عندي برد لهُم الصاع ما بسكت ولا بطنش ، تراني إنسانه شريرة استوي أحيانًا هههه .. أما بحياتي الواقعية إذا أحد تواقح عندي إحتمال أطنش حسب الشخص أو الكلام وأحيانًا أقيسه بعقليية الإنسان وتصرفاته عمومًا ، في ناس ما تقصد الإساءه لكن سبحان الله يخونهُم التعبير فالفكرة توصل غلط ..
أما في ناس يمكن يكونوا معسولين معاي لكن ما أقدر أبلعهم ولا أبلع كلامهم حتى لو كان مدح ، يمكن لمواقف قديمة مترسخه فبالي وأنّي أعرف هالناس مال مُجاملات بس ..
أما بخصوص شخصيتي فأنـا كنت أتأثر بكلام الناس و بعدي ما تغير هالشي ، يمكن خف بشكل بسيط ، لكنّي حساسه بزيادة ، عمومًا أنا أحط خط أحمر ما أسمح لأحد يتجاوزه ..
دايمًا منورتنا يا سوس الحُب ، بتم بالقرب
: )
اهلا. أول مره اعلق ?
بس شدني الموضوع بقوووه
المهم
انا اكتشفت انه بيئتي غير عن بيئة غيري
عشان كذا انا ماادري وش يقصد ابدا
وأحلل من عندي واحتمال كبير جداً يكون خطأ
طبعا أحلل ردود أفعالهم
انا قبل احس اني بريئة وبقوووه واطنش ولا احب ارد ع احد
اخاف أجرح مشاعرهم او اذيهم
وزيك تماماً لو حصل وقلت شي يأنبني ضميري فترره طويله
مع انه شخص مايستاهل بس غصب عني هذي طبيعتي
وانا احسب اول كل الناس تهتم لي وقلبها علي طلع غيييير
اول حنا وبعدنا الطوفان.
ماتدرين شقد انجرحت لما عرفت هذا الشي يعني كُنْتُمْ تكذبون
عاد احس أني بديت افهم لما كبرت وادركت انه مو كل احد ينقعد معه او يتكلم معه. فيه ناس تتجنبينهم عشان مايجيك كلام وتردين عليهم مجبورة وبعدها ينقلب ضدك
احس اني مشتته >> لاتشرهين اول مره ارد
المهم اانه لما تزوجت طبعا خذيت واحد مالنا علاقه بهم نهائي
يالطيف وشقد انصدمت. تفكييير غير تماماً بغض النظر انهم ناس طيبين وكافين خيرهم وشرهم بس من جد تفكير وأسلوب وطريقه غير. لدرجة اول ما تزوجت ماكنت ارد. الصد مااعرف ارد مااتعودت ع كذا هم من بينهم عادي الوضع ويتكلمون وكل وحده ترد ع الثانيه بس انا احس لاامااقدر خاف تنقلب علي السالفه. فتره صار زوجي هو يرد عليهم. وأتوقع ع قولتك ماحطيتها ميانه بس انا مااتعودت ابدا. مثلا يسألون عن شي انا ماابغى ارد زوجي يقول وش دخلك ? يعني احس اهم شي ماتطلع مني. بعدين عاد خذيت كورسات منه
صار اذا احد انتقدني بشي تافه مثل جزمه شنطه كذا اقول وبعدين وسويت اللي تبون ماراح ارتاح انا اسوي اللي ابي أبغى راحتي وتسكت
بعدين صرت لاعبه ع نفسي واقول انه جماعتي كلهم يهتمون لي طلع عكس تماماً. مدري لاني شفت ناس غير وصار فيه مقارنه ماادري عشاني توني مفتحه.
المهم صار تعاملي واحد شي يخصني ماارد لو مدري ايش مثل حمل سفر حفلات. شي خاص فيني مااحب اقول عنه
مره وحده قريبه مني مره تكلمت من وراي وانا سمعتها من عند الباب ودخلت عليهم بعد سالفتها ع طول قالت اهلين تو حنا نتكلم عنك وقلت بعض اللي قالته عني. ورديت عليها بمزحه عشان فيه بنات كثير رجعت للبيت ارسلت لها انه كلامك كله خطأ وماله داعي تتكلمين من وراي وما اسمح لك تكلمين علي وقلت هالكلام هنا عشان مااحبيت افشلك قدام البنات والله واعتذرت وانه انا غلطانه وكلامك ع راسي
عاد اللحين احس حتى لو الكلمه من قريب لازم اخذها بجد اول وانا اطنش اللحين لااا
واللحين ردودي
امم ع كيفي
وبعدين
مثلك
واذا سألني شخص عن شي قلت وانت
احس كلامي مرره مشتت. ومو عارفه اجمع كلمتين ?? بس ماعلي اول مره ارد.
ونتعلم ان شاء الله ❤️
انبسط اذا شفتك منزله شي ?
شايفه هالموضوع من فترة ومتحمسه له ..بس توني افضى واقرأه
بالنسبه لي اكثر حاجه متادوله حولي اسلوب الذم والتجريح بالمزح والضحك
يعني تقول كلام او تعليق واهي قاصده ١٠٠٪ بس بإسلوب ..اوووه ترى انا امزح موقصدي
هذا الاسلوب يقتل ..لان تحت اسم المزح ..تتطاول وتسئ اكثر من لو كان تعليق او نقد او حتى نقاش
حصل لي موقف مع وحده اعرفها ويعتبر انها تمون علي وكان اول مره اتشجع وارد ..وحسيت براحه صراحه ..
قبل فتره هذه الانسانه كانت مسافره ومن كثر ماترسل لي سنابات علق حسابها عندي وطلبت من زوجها يضيفني ..وقالت لي قبلي
انا عادي قبلت واستمرت ترسل صور من سناب زوجها
لما رجعت من السفر ..وبعد فتره كنت مصوره يدي سناب لمنتج اجربه ع يدي
وانا ناااااااسيه تماماً انه زوجها للحين عندي ..لان ابدا ماينزل حاجه حييل نسيته
ارسلت لي في قرووووووب في الواتساب
ليه للحين ماحذفتي زوجي من عندك ..يقولي صديقتك حاطه يدها بالسناب ..عاد من زين يدك الملحه هههههه ….وكلام كثير تتمسخر ..ونهايته كاتبه ترى امزح بس لا تنسين تحذفينه
وهذا انا متزوجه ..وحتى لو كنت مش متزوجه ..
طبعاً انا ماقصرت رديت عليها بكلام قووي وقاسي وفي النهايه بعد كتبت لها ترى انا امزح ههههه
من بعدها بطلت هالاسلوب الزفت معاي
وصرت اتعمد اللي يكلمني بهالاسبوب ارد عليه بنفسه واقسى بعد
عشان مايعيدها معاي
الكلام المبطن بحقد وغيره واساءه وظاهره مزح وضحك
اكثر حاجه تستفزني
وكنت اول عادي امشيها واضحك معاهم بعد
لان لااا
المشكله انه الشجاعه كتابياً تطلع
لو كان وجهاً لوجه ابدا مااعرف اتصرف
صادقه كتابيا يكون اسهل بكثير
ي زينك ارتوس حبيت مدوناتك طبعا انا من فلورز غاده الجميله شفتها تتكلم عن بوست الصديقات ودخلت وبعدها ع مدونتك ع طول حبيت حلطمتك وصيغة للكلام وصل قلبي كل حرف كتبتيه عندي تعليقات كثيره اتمنى اقدر اعلق ع كل مداونه نزلتيها لاكن اعرف نفسي احب اقراء اكثر من ماكتب بخصوص موضوع المداونه الناس الوقحه طول عمري ادعي الله لايجعلني اختلط بناس وقحه ولسانها لاذع ماحب النوعيه هاذا احب الانسان البق في كلامه الي ينتقي احرفه وحتى لو مزح معك يمزح بلطف انا انسانه عشت بين مكتبتي ودار التحفيظ والناس الطيفه هناك وبين عائلتي الي الكلمات البذيئه مالها مجال بينا من كم شهر امي بدت تفرض علي اطلع واضيف الضيوف واستقبلهم طبعا الضيوف اغلبهم من اقاربنا فلازم اقوم بالواجب امي الله يخليها لي مو متسلطه لاكن عذرها اني لازم اقوم بواجب اقاربي وبيوم بتزوج وبفتح بيت فلازم اتعلم من الان ? طبعا اكتشفت اقاربي اسلوبهم بذئي جدا ماتخذين بحياتهم مقوله هه مزحه بردحه اتخذت اسلوب الرسميه معهم عشان اتفادى ادخل معهم في مهاترات مالها تالي والله يعيني اقدر اتحمل اسلوبهم ومزحهم الثقيل?
موضوع جدا مهم و كثير يواجهنا و أحيانا ما تعرفين وش تسوين
تردين
تسكتين و تأكلينها
طريقة تعاملك تقريبا قريبة مني
انا أسلوبي مع الأشخاص إلي يمونون أو يعتقدون أنهم يمونون
غالبا أتجاهلهم و ما أرد عليهم و هذا يعتمد على حسب الموقف
فإذا كان تدخل في وجهة نظري أو أسلوبي أرد رد واضح يبين لها انه هذا الشيء خط أحمر
مع إبتسامة خفيفة
أما في مواقف ثانيةمثلا
ليش تلبسين– كذا ؟؟
ليش ما درستي في المكان الفلاني
و غيره من الأسئلة في حياتي الشخصية
ما أعيرها إهتمام و ما أرد غليها لسببين
– الأول غالبا هؤلاء الأشخاص يحسبون حالهم ينصحوني و يقدمون لي الإفادة
و أحيانا يكون هدفهم التحطيم و كسر الجناح .
– الثاني هي حياتي الشخصية و انا حسوي إلي ريحني و إلي أبيه فما في داعي
أوجع رأسي و اناقشهم بشيء أنا حاسمة امره لإنهم يعتقدون انه رأيهم هو الأنسب لك
طبعا إلى الأن تواجهني و غالبا تكون من الأقارب بس
ما أحطها في بالي إذا كانت تضايقني
ياكثر الردود الجارحة والسلبيه .. نفس ماقلتي لما كنت بالمتوسط أي كلمة تزعلني وارجع اصيح عمخدتي وحالتي حالة الحين لما كبرت شوي وصرت ب17 صار عندي برود انسانه ماتهمني وعارفه انها قاصدة ترمي علي هالكلمة عشان أزعل أسوي نفسي ماسمعت والناس اللي حولنا يكونون منتظرين ردة فعلي فلما أسكت رح يناظرونها وتحس هي بالاحراج وهذا غالبا اذا ماكنت فاضيية لها أما اذا كنت رايقه ومشتهية مشاكل أدور نقطة ضعفها واقلب الموضوع عليها او أدخل طرف ثالث بالنقاش وانسحب بهدوء
لا فض فوك ارتوستنا ؛ لا اخفيك كنت اول عقلي متحجر وعندي افكار واراء وعنصريه متأثره باللي حولي والله التعرف عليك نعمه تفتحت مداركي صراحه شخصيتك وشخصية الشقيري اضافت لي الكثير علمتوني اني ما اكون عنصريه ضد اشخاص غير عنا علمتوني استفيد من الشخص اللي قدامي ولا احقره ولا اهمشه ولا اهينه مهما كانت جنسيته او ديانته او لغته او لهجته ؛ علمتوني اني اخذ اراء الناس واستفيد منهم وما يكون كلامي الصح وهم غلط في كل شي ؛؛ شكرا شكرا شكرا لكل من افادني في حياتي وقدم لي اشياء ما قدمت لي من اهلي او من اللي حولي او حتى يمكن قدمت لكن ما لاحظتها او ما اهتميت بها بالنهايه اشو اهلي ناس رائعين وابن ادم خطاء لكن المؤمن يتعلم من خطأه والاغلب الطفل والمراهق يتأثر بأهله اكثر شي ويتبعهم لكن كلما يكبر كل ما يستقل برايه ويستقر ويحدد له مباديء اما يكمل مباديء اهله الزينه ويحاول يترك المباديء اللي،مو كويسه وهذا العاقل او انه يستمر ع عماه مثل بعض الناس ؛ اخيرا لا ندري من انت او من اين انت لكن انت اخت نعتز بصحبتها فأستمري ورب الكون يرعاك ؛ الله يرحم امك ويسكنها عليين ويجمعنا ويجمعك بها و يجمعني بجدي لأمي؛ واخ جدتي لأبي” خال ابي ” الأعزاء .. اللي قلبي تمزق برحيلهم واتذكرهم كل حين لكن ربي اكرم وارحم منا ؛ ادعي لي يا ارتوس يمكن انتي افضل مني عند الله ادعيلي ان الله يحقق طموحاتي اتمنى احفظ القرآن ويرزقني الله التدبر والتفكر والتفقه ?؛ واتعلم اللغه الانجليزيه ❤❤واكون معلمه مؤثره في المجتمع ومؤثره في طالباتها ” لو بدرس قسمي ديني فأتمنى اكون مفيده رغم ذنوبي وكثرة عيوبي لكن قدر الإمكان اللي اقدر عليه لو أحل مشاكل طالباتي المراهقات وتيسير امورهم وامرهم باللي انا حقا افعله في حياتي فلا امرهم بمعروف وانهاهم عن منكر وآتيه وايضا اريد ان اكون رمز في الخلق والإحترام ويرتاح الانسان عندما يراني ? سولفت وطلعت كل اللي بخاطري لأن هالمدونه والبنات اللي فيها يعتبرون كنز اخلاقهم الطيبه غالبه وتعاونهم واحترامهم لا غبار عليه دمتم وطبتم حيين وميتين .. اختكم نوره عبدالرحمن ” انستازيا “
تدوينتج بالصميم فديت التدوينة وراعيتها اول شي انا لما كنت كذا بمتوسط كنت خجولة اسمع كلام من ناس اصغر مني وما اقدر ارد مو ضعف شخصية بس ماعندي ثقافة الرد بس لما تزوجت عرفت عدل شنو يقصدون فيه طبعا الحين انا مافي احسن مني في قصف الجبهات بس بحدود الأدب يعني اخذ حقي واحرج اللي قدامي ولا كاني مسوية شي بس في ناس أوقف عندهم بريك ما اقدر ارد مهم اجرحوني وماراعوا لمشاعري بس تبقى بقلبي معزه لهم مثل امي وخواتي مو لاني ما اعرف ارد بس لاني مابي اخسر علاقتنا او ميانتنا الحلوة بسبب موقف انا اقدر اتغاضى عنه بس عندي إحساس اني بيوم بنفجر هههههههههههه الله يستر
الوقاحة وما ادراك ما الوقاحة
انا اهلي يقولولي ام لسان باردة وهادية بس ردودك تجرح
ما اجرح احد اذا ما تعرض لي بس في شخصيات تستاهل الرد والتجريح عشان تفتكي منها ومن اذاها
الغرباء ما يهموني يقولوا اللي يقولوه
صديقاتي مختارتهم بعناية رغم انه مرات تطلع كلمات من اخواتهم او من قريباتهم اذا كانوا موجودين
واعرف ارد عليها بدون ما احرج نفسي او صديقتي .
ما اتذكر موقف بحد ذاته لاني اذا رديت واخذت حقي انسى ههههههههه
اختي الكبيرة تعاني من الوقحين والمتطفلين كثير لانها معطيتهم وجه وماتبغى تزعل احد وتقولي ياليت اقدر ارد زيك
وهذا مؤثر على نفسيتها حتى تفرغ غضبها علينا .
افتكر موقف لصديقة اختي كانت ماشاء الله زي القمر في زواج اختي ووقفت معانا وقفة اخت واكثر فكانت معانا طول السهرة
وتتابع معانا التجهيزات والخ
وحدة جرحتها قالت لها متعبة نفسك وعاملة ولابسة على بالك حلوة ترى شكلك بايخ وهي حساااسة جدا قعدت متنكدة طول السهرة
ووحدة تانية قالت لها ليش حاشرة نفسك معاهم باقي تروحي مع العرسان بيتهم والتانية تقولها يا ملقوفة .
انا ما دريت انه قالولها كذا الا بعد الزواج بفترة ومرررررة زعلت عليها ولو كنت عرفت كنت وقفتهم عند حدهم
ممكن ما اهتم لو تعرضولي شخصيا بس ضيفتنا وصديقتنا ووقفت معانا وعملت اللي ما ينعمل ويجرحوها ويهينوها بمناسبتنا ما ارضاها لها ابدا .
حاولت كثير اعلمها انه ما تسكت عن حقها لانها تكتفي بالبكاء والانطواء .
اكثر شيء للحين عالق ببالي مرة بزواج وقفت اسلم على ام وبناتها وسفهتني الام قلت ماانتبهت والبنت الكبيرة كمان برضو اخذتها بحسن نية والبنت الثالثة والرابعة جيت جلست وانا مكسورة ?
ماهمني سلامهم همني تقديري لهم شلون احترم ناس ماتستاهل
علي كثر ما قريت موضوعك هذا لكن ما رديت ،، الناس المستفزة و الوقحة موجودين بكل مكان و كل مجتمعاتنا للاسف يعني للان ما فهمت ايش بستفيد لما انغص علي شخص ما سواء بتعليق او فعل و هو ماضرني
موجودين هالاشخاص حولي لكن اجتماعاتي معهم قليلة جدا و يدقون بالحكي احياناً و بعض الاوقات يكون كلامهم مبطن حسب الموقف يكون ردي اما بنظرة و ابتسامة مدري كيف اشرحها او لو تعدي حدوده نظرة ترويعية ? و بعض الاوقات ارد رد يتوب يتعرض لها عقبي
غالباً ما اتعرض للمواقف هذي الحمد لله شخصيتي ما تسمح لاحد يتعرض لي مع ان يكون فيه كلام وراء طهري ، لكن مرت فترة علي مرضت و كان فيني شوية تشوهات و هالشيء اثر علي بشكل كبير و ضعفت شخصيتي انصدمت من تصرفات البعض كيف استغلوا ضعفي و طلعت الوقاحة و اعترف وقتها استسلمت و لا رديت لان التعب النفسي كان اقوا من الجسدي و اخذت وقت علي ما استرجعت شخصيتي و قوتها اللي قبل و بيني و بينك ندمانة اني سكت لهم بوقتها و لو يرجع فيني الوقت برد لهم الصاع صاعين
مرة وحدة تحكي فيني و باصابتي و كيف تكسرت و تهشمت اسناني مع ان وقتها ما شافتني ابد و لما جيت مكملة الموضوع ما حبيت اسلوبها و شبه السخرية و كيف خلتني سالفة للموجودين مع ان علاقتي فيهم جداً رسمية رديت انو علي الاقل لما خربت اسناني عدلتها علي طول احسسن من غيري حتي تقويم ما ركبوا !!!
يمكن البعض يشوف ردي مش و لابد لكن متعمدة و لا ندمت لان ذيك الفترة تجرح اهلي قبل تجرحني فما عاد ابي طاريها يرجع و فعلاً ليومك ما عاد جابوا طاري هالشيء نهائي و لا كانه صار
اشتقت لمواضيع الثرثرة سوس الدميلة ??